وسيم : ماتحمقيني الله يرحم باك انت كلتي ليا نعاود ليك شنو كاين اش داني انا كنت مجمع مع باباك مزيان حتى تفكرتك نرجع حسن ليا...خلاها ومشا..رجعات عند وردة..
وردة : اش كنتي كتكولي انت وياه؟
ماريا : والو كاليك راه عمت جواد اتبقى هنا هيا وراجلها..
وردة : عندك تكون مامات شادية الى بقات حتى بنتها اتبقى...ضارت ماريا كتشوف فيها مصدومة..
ماريا : ناري مافكرتش فيها هادي خرجات ليا من بالي كااااع
وردة : صباح الخير...نوضي نوضي نشطحو شوية
ماريا : انا فشطيح دابا الله يهديك
وردة : ونوضي طرطقي المرارة لبنادم نوضي...ناضت ماريا وجرات تورية ولبنات يشطحو بلعاني كتلوز او وردة كتفيلمي فيها بردات غدايدها مزياااان حتى حسات براسها سخفااات وعركااات...بنات عم هاجر قتلوها بتخنزير وحدة محاملاها ماقبلاها هوما كانو يضاضو بيناتهم خلي معاها هيا لي برانية..رجعات تكلس بدا تيليفونها كيسوني...نمرة بريفي..ناضت وبعدات عليهم مع موسيقى خرجات من دار لجردة دارت مع دورة ديال دار او وقفات تما...فتحات الخط :
ماريا : عرس صاحبتي مغاديش نخليها على قبلك انت باش تكون فرحان انا مكيهمني لا جواد لا غيرو فهمتيني كيهمني صاحبتي نفرح معاها ونحضر ليها ديرها فبالك هادي
ذياب : خاصنا نتلاقاو
ماريا : ولاش؟
ذياب : نبانو انا وياااك قدام جواد باش يعرف بلي بدلتيه ويقطع الياس منك فهمتي
ماريا : انت راه مريض شوية او والديا خربتيها عليا مع سيد لي كنبغي وباغي تخربها عليا مع دارنا نشزف نكوليك هادشي ديالك بدا كيطلع ليا فراسي والى مشيتي حتى زدتي فيه قسما بالله ندير شيحاجة فيك وفراسي ونتهناو حنا كاع من هاد القصة...(قطعات عليه تيليفون كلها كترعد وتغلي)..
- كاليك نخرجو انا وياه هذا مريض مرة يبان معايا ومرة مع صاحبتو زوينة هادي ياربي واش انا سعدي فيه نطيح فواحد مخلخل فعقلو..اوووف...يلاه اتمد رجليها كتسمع هضرة جواد رجعات دغية لور...مدات راسها يشوية بنص راسها كطل كيبان ليها خارج واقف طولتو وتجريدتو وهيبتو...ولكن معامن مع شادية...حسات بقلبها ايخرج من بلاصتو صغرات عينيها ومدات ودنيها كتسمع ليهم..
شادية : ربي يخليك حتى انت عقلتي فاش كانو كيكولز جواد ايتزوج شادية وكنا كنضحكو عليهم كون غير ترجع دوك ليام..
جواد : حتى حاجة مكترجع كولشي كيتبدل مع الوقت ولكن انت زدتي زيانيني على كيف كنتي...ماريا حلات فمها بصدمة فمها بدا يعواج بالأعصاب..رجعات بلور كتهضر مع راسها :
- كاليها زيانيتي والله حتى كاليها زيانيتي وانا عمرو مكالها ليا فحياتي ناري على الكنس لغدار جاتو باردة على قلبو..رجعات طلات كتبان ليها شادية كتقاد ليه فالقب ديال جلابة هنا صافي طلعو فيها حمادشة او ولاد حمر...تمات غادية من ورا الدار ودخلات من الباب ديال لكوزينة..شافتها هنية جات عندها :
- ختي ماريا كلشي واجد بغيتي شيحاجة؟
ماريا : فين سرباية؟
هنية : لهيه اختي عند لباب...خلاتها وخرجات من الكوزينة بان ليها واحد سرباي شيرات ليه جا عندها :
- وي لالة
ماريا : أجي معايا عفااك...سبقاتو او هو تبعها من لور..
إختر شخصا حين تنظر لوجهه يجتاحك شعور الرغبة بأن يمضي عمرُك كله بجانبه
أن تشيخوا معا ، أن تضحكوا وتبكوا معا ، ومهما كبُرت بينكما العثرات تجتازونها
بحبكما العظيم .. إختر شخصا يبكي معك لا يُبكيك .. 💙
****
شادية : جواد بغيت نسولك سي فغي ديك البنت خطيبتك؟
جواد : مافهمتش علامن كتهضري..
شادية : كنهضر على شنو سميتها نسيت ديك لبنت لابسة لغوز صراحة الناس لي ماشي مهمين مكنتفكرش سمياتهم...وقف عليهم سرباي هاز صينية فيها كيسان ديال أتاي...
- (بصوت غليض) :
- لالة سيدي تفضلو..جواد هز كاسو هز عينو فسرباي لي داير كاسكيط ستغرب شوية كاع سرباية معريين راسهم حتى لهذا...شم واحد الريحة مميزة بزااف وهاد الريحة مكايشمها فحتى واحد من غير ماريا بوحدها...لاح عينو ليدين سرباي إيدين بيضين رقاق باين غير نصهم اما صباع مع مديورين تحت صينية مباينينش...
شادية : نونو انا مابغيتش
- أيعجبك الالة منسم بالأعشاب بالعكس ايعجبك
شادية : كتليك لا واش بزز
- انا غير كلت حشومة هادي مناسبة خ...قاطعاتو شادية :
شادية : نو ماشي هكاك غير جاتني زعمة ماشي من مستوى ديالك عارف انت شكون والمكانة ديال الإجتماعية من خلال هضرتي معاها جاتني ممتحضراش ومامتقفاش فرضا اتبغي غير شي نهار تحضر لشي إيفينمو ولا شي حفلة ولا شيحاجة ايخص مراتك تليق بيك وبمكانتك فالبلاد انت راه جواد الابراهيمي والعائلة معروفة لا على صعيد الوطني ولا الأوروبي ولالا جواد
جواد(شرب من كاسو وشاف فيها) :
- اياااه الالة وشكون ترشحي تكون زوجة الستقبل فنظرك ؟
شادية(كتعوج فمها وتبسم) :
- شي وحدة تليق بيك وبالمكانة ديالك تكون متقفة وخدامة خدمة مزيانة وتكون من المستوى ديال المادي ولفكري تقدر تعاونك حتى الى كنتو فشي حفلة او عشاء عمل تحمر ليك وجهك تعرف تجاوب وتهضر وتزيد بيك القدام ولالا؟
جواد : بحالك انت مثلا؟
شادية(ضحكات) :
- انا مكنكولش هادشي كنمعني على راسي نو غير عطيتك مثال ولكن منكرش بلي الحمد لله هاد صفات مجموعين فيا..
جواد : إيوا دكرتي كلشي وفين هو لاموغ من هادشي ولعلاقة بين هاد جوج
شادية : جواد خلاص الحب مكاينش الواحد يفكر بعقلو كاينة الرغبة والاعجاب مدام انت عاجبني وانا عاجباك كلشي ساهل من بعد مدام عجباك اذا المعاشرة اتكون ساهلة وانا كذلك انا كنعطيك غير مثال والاحترام طبعا اما الحب كنفضل نخليه لطبقة لي صغيرة فهاد المجتمع مكايلقاو مايدار كيدوزو الوقت بالحب وداك تخربيق صراحة هيا هادي الواحد يكون واقعي ويفكر بالعقل سي تو...وقف عليها سرباي من جديد حتى قفزات من بلاصتها... :
- تايبان ليا خاصك أتاي من صباح وانت كتهضري خاصك تبلي ريقك..
ماريا : ايكونو اتعطلو دابا يجيو...دازت شي ربوع ساعة دخلو لبنات لي مع ماريا ستقبلاتهم نيت هيا باركو لهاجر..وكلسو بجناب بعضياتهم...جا وقت لعشا...ناضو لعيالات يتعشاو أما رجال أيبداو عندهم الموسميعين والأمداح...طبلة لي جات فيها ماريا جات مع وردة وثورية..
وثورية وأورى ختها وباقي لبنات كلسو فنفس طبلة..
وردة : بقات فيا هاجر كاتليك اتخليوني وتاكلو بلا بيا..
ماريا : وهيا ناقشة يديها ورجليها وبغات تاكول..
سومية : سمعت بلي لعروسة ماخصهاش تاكول واش بصح..؟
ماريا : اويلي من نيتك هاديك أهضرة انا والله مانتفاك مزال كاعما حطو لناس يحطو ليا يوكلوني العروسة هيا لولة..
وردة : انت اصلا مامعاكش مناقشة كرشك مسبقاها على كلشي..
ماريا : واشنو اختي كرشي هيا الوحيدة لي عمرها كالت ليا لا واخا تشبع ونزيدها كتسكت...بداو لبنات كيضحكو من غير فرح لي ساكتة وساهية...لاحظاتها ماريا مابغاتش تسولها ولكن فمها كياكلها :
- فرح مالك ياك لاباس شفتك غير ساهية وساكتة عندك شي مشكيل؟
فرح(علات فيها عينيها) :
- نعام اختي كلتي ليا شيحاجة؟
ماريا : لالا البنت مشات فيها شي حب هذا ياااك هو لي داير ليك هكا؟
فرح : انا كنت كنعرف واحد السيد فاش كنا فرباط تعرفت عليه فاش كانت عندي 18 عام صراحة تعلقت بيه بزااف او وليت كنبغيه كندوزو الوقت فتيليفون نهضرو بسوايع واحد المرة كونا تانهضرو فتيليفون كاليا بلي كيبغيني ومايقدش يصبر بلا بيا وعيا من كترت زناقي ولقهاوي..
ماريا : وهذا ولد الناس مزيان بغا يقصد الباب..
فرح : ولا انكمليك...طلب مني نجي عندو لدار كاليا انكليو عادي مغادي يوقع حتى حاجة غير مل من اكلاس مع الناس مكايقدش يهضر معايا بخاطرو..
فرح : بطبيعة الحال انا مابغيتش ورفضت حيت هادشي ضد مبادئي وأخلاقي...مكال والو كملنا وكلت مزيان راه تفهمني رجع تاني تيكولي سيفطيلي تصاورك كنكولو انت شفتيني مكاين لاش كيكولي لا بغيت تصاور لي عمر شي حد شافهم وبحوايج عمر شي حد شافك بيهم كتليه بحالاش كاليا بشي شوميز او كسيوة قصيرة صافي تما تعصبت ديال بصح ضرت فيه كاليا واش بغيتيني نشوف على برا انت مراتي وغادي نتزوجو وانشوفك انشوفك بيهم واش بغيتيني نمشي نفسد ماتقبلتهاش ضرت فيه من تم هضرتو نقصات بزااف يطلع ليا لفي يكون داخل مايهضرنيش يدوز من حدايا فشارع يدير راسو ماعرفنيش...صافي حتى سد فمرة وبلوكاني من جميع وسائل الاتصال ونمرتو بدلها صراحة بقا فيا الحال بزااف وبكيت ودازت عليا كنت اندخل فكتئاب حيت فعلا بغيتو...بقيت شوية بشوية حتى نسيت...قاطعم سرباي لي دخل الماكلة دجاج محمر هو الاول...
- داخلت عليكم بوجه الله واش هاد البنت بغات تشللني دار فيها هادشي كامل وكتفكر(شافت فرح) الالة هذا راه مالقى لي تقبل عليه ورجع ليك انت المديليلة كيغبر 6 سنين ملي يشبع و ميلقاش بحالك إجي بكل روح رياضية:
السلام حبيبة ديالي سمحيليا كنت غابر مع الخدمة واليديا ماتو و خالتي توضرات و عمي غتاصبوه واحد العصابة و صاحبي دخل الحبس، ختي حاملة مع صاحبها و أنا درباتني كسيدة مت و عشت كنت غارق مشاكيل ، وفاش تصالحي معاه يكوليك حبيبة توحشتك صيفطيلي تصويرك واقفة🙂داخلت عليك بوجه الله واش ماحشمتي..
وردة : فرح ختي سمعيني مزيان نكوليك كاع لي يكوليك جي عندي لدار عرفيه راه بغا غير يتفلى عليك حيت لي كيبغيك ايبغيك فشمس ماشي ظلام ها وحدة كون يعاملك ويخاف عليك كيفما كيخاف على ختو او بنتو كون حنا عايشين بيخير ولاد ناس كيضقو من الباب وقدام الناس ومايقدر يحط عليك حتى إيدو ماشي واحد يفرغ فيك نزواتو وفالأخر يا يشوهك يا يكوليك كيما درتي معايا درتي مع غيري واخا انت راه هذاك اول واحد ليك وبغيتيه من قلبك لا الالة بغيتيني اجي لدارنا الى مشا بحالو بسلامة اه اتقصحي شوية ولكن اللهم فترة ودوز ولا تبقاي مقصحة عمرك كامل فهمتيني اختي..
ماريا : شوفي لمرة شرفها وكرامتها وسمعتها هوما أغلة حاجة عندها ندوز براسي مرفوع مانخليش ولد لمرة ينعت فيا ويكول هاديك ضحكت عليه ماتنسايش بلي كاينين جوج ديال الناس سهرو وكبرو وقراو باش انت تجي وتجازيهم وتهبطي كرامتهم مساكن وتحشمي بيهم لا خاصك تخليهم مفتاخرين بيك بقرايتك وخدمتك وعاد زواجك ونوصيك واحد الوصية نصيحة من عند اخت كبيرة منك ودوزات فالحياة بزااف ديما خلي والديك هوما صحابك اي حاجة عاوديها ليهم منخبيهاش حيت راه عمرك مغادي تلقاي لي يخاف عليك قدهم ومزال ايجيك ولد الناس لي يصونك ويقدرك ويديرك فعينيه...
حيدي داكشي من بالك فهمتي ودابا ندوزو ناكلو جوعتوني..
وردة(كضحك) :
- هالي كلنا
(الكل)😂😂😂...
- تعشاو وسلاو من بعد الاطباق اللولة وتانية وتالتة سلاو...العروسة حتى هيا كلات...من بعد دخلو لعريس عندها مع لحباب والعائلة خداو تصيورات هشام رجع لعند الرجال ولعروسة طلعوها لفوق...لبيتها زولات الحنة وبدلات عليها...لبنات مشاو فحالهم اما ثورية وأروى وسومية وماريا ولوخرين كل وحدة شدات قنت بالعيا..
وردة : ليليا مسيكينة طاحت دودة عيات بجري..
ماريا : عيات هيا صغيرة خلي حنا لكبار غير نسكتو انا صافي رجليا ضروني مع هاد طالون...سومية نوضي احبيبتي جمعي حوايجك باش نمشيو..
هاجر : اويلي مغاتباتوش معايا؟
ماريا : انت هبيلة لا دار كلها كتنغل تكولي امهرجان موازين هذا ونباتو لا اختي نمشي نرتاح فدارنا فنموسيتي..
هاجر : اهاه وشكون ايكون معايا غدا ويمشي معايا لصالون؟..
ماريا : ربي سمعي ليك هاد البوحاطية اشمن صالون وانت صالون عندك هنا النكافة اتجي تلبسك وكاينة لي اتقاد ليك وجهك ولي ايصورك وشنو بغيتي احبيبتي مزال متسالينا انكونو هنا فاش يكونو غاديين بيك لقاعة الأفراح..نوضي اسومية
وردة : تسناو نكول لأمين يوصلكم
ماريا : لا اويلي سيد مع رجال يجي يوصلنا حنا لا انشد طاكسي بابا ايبقى حتى يجي هو وماما وماما ملسكة وعمي محمد خليهم مع خالتي زينب يعاونوها حتا انسبقوهم مع زايدون يلاه 8 هادي مزال لحال...يلاه لبنات تصبحو على خير حتى لغدا إن شاء الله..
سومية : ختي نسولك كبيلة كلتي لفرح بلي ماتيقش ومدام يكوليك شي واحد الدار راه ايتفلى عليك وعلاش فاروبا البنت كتمشي عند دري عادي
ماريا : هانتي كلتيها أوروبا النصارة عادي البنت تجي لعند دري تحفظ معاه تغدا معاه صديقتو عادي عقلهم عامر متقفين فيه بزااف ديال الحوايج من غير النعاس وداك الكبث لي عندنا حنا ماشي المغرب العرب كامل قليل لي كتلقايه تبارك الله بعقلو مايقرب ليك مايحاديك الما بغيتيش انت كتلقايه كيتناقش معاك فبزااف ديال الحوايج يعني عقلو عامر فهمتيني
- لقا ليك اهداك حتى هو لا الالة مشارف والو باقي صغير وزوين صراحة كون غير مكان ولد لحرام من فعايلو ايكون واعر قلبا وقالبا..ويلاه نعسي راه غدا تابعنا العرس الالة لحادكة..
سومية : تصبحي على خير
ماريا : وانت من أهلو..طفات ماريا الضو هزات تيليفونها قلباتو مالقات والو وحطات غمضات عينيها جاتها صورت جواد فبالها...كيفاش كان كيبان عوجات فمها طاح عليها ضيم كيفاش عطاها نخال وماعبرهاش بقى فيها الحال بزااف...تنهدات تنهيدة طويلة ضارت على جنبها ليمن دارت يدها تحت راسها ونعسات..
****
أتمنى أن تكون بجواري هكذا دون مسافات دون موعد دون تخطيط مُسبق ، أجدني أنظُر إليك من مسافة قريبه لا يفصل بيننا أي شيء يمنعني من النظر إلى عينيك وإبتسامتك"
أحبك...
- فيقات مليكة لبنات مع العيا ديال نهار الحنة ماقدوش يفيقو مافاقو ليها غير بالكشايف...عاونوها فجميع الدار...وسبقوها لعند هاجر اما هيا بقات حتى تجي هيا وأحمد...خرجات هيا وسومية يشدو طاكسي مع غادي يركبو بان ليها ذياب واقف وكيشوف فيها دارت راسها مشافتوش...شدات تيليفونها وطفاتو بحالة الى تحداتو...وصلهم طاكسي لدار خلصاتو ودخلو الدار مقلوبة سفاها على علاها لي عندو رونديفو فصالون لي خاصو يصايب شعرو ويغسلو ويقادو ولي خاص يمشي ياخود تكشيطة ديالو كاي عرس مغربي الدار مقلوبة...اول وحدة شافتها ماريا هيا شادية لي واقفة هيا وجواد كيهضرو...محساتش حتى وقفات عليهم..
ماريا : صباح الخير...شادية ماحملاتهاش
شادية(بنفخة) :
- صباح النور..
ماريا : حبيبي واخا تجي معايا(شافت فشادية) فالفترة ديال الخطوبة كيوكونو شي حوايج خاص الراجل ومراتو يهضرو فيهم انت مغاتعرفيش لهادشي حتى تجربي..جرات جواد كن يدو وخلات شادية اطرطق بالأعصاب...مع خرجو على برا نجر جواد يدو منها..
جواد(بصوت رجولي قاصح) :
- اش هاد تبرهيش كديري فيه؟
ماريا : انت عاجبك الحال لي واقف معاها غير لاصقة فيك شنو ايكولو الناس لي كانو حاضرين لينا خاطب وكيدور بنت عمتو
وسيم : علاش مالك ابسم الله عليك ابنتي انت مالك اكتسيفي كتكوني فجيه حتى تصدقي فجيه..
- عاودات ليه ماريا على مدار فيها جواد :
وسيم : قسما بالله حتى اطيحي ليا نقطة انت الما شاللتيني وجاني بوفالج عندي زهر انت اشمن ماركة ولا مجلة ونبك اترجعي ليه واش انت طار ليك الفرح ولا مال طاسيلتك مافهمتش انا
ماريا : وسيم لي فيا كافيني خاصني امعامن من بعد ونكوليك علاش درت هكا دابا مغانقد نكوليك والو دابا شنو اندير قسما بالله الى هادشي صعيب بزااف
وسيم : اختي انت حرة ديري لي عجبك لي دارها بيديه يفكها بسنيه السيد ماخلا مدار معاك وعلى ودك عاوناه وشلا حوايج انا هزيت يديا لفوق السلامو عليكم...خلاها ورجع عند هاجر...عوجات فمها ورجعات كتفكر...(بغيت لذياب موصيبة تصيبو خرج عليا وعلى حياتي)...شدات راسها بين يديها كتفكر حتى حسات بشقيقة جاتها...الى بقات اكتفكر والله حتى تمرض...سلمات امرها لله وخلات هادشي حتى يسالي هاد نهار وديك ساع تشوف شنو دير...
وقفات قدام لمرايا كتشوف كيجات وكتقاد آخر اللمسات ديال المكياج ديالها زاد بعض الخصلا لشعرها وجمعاتو على شكل ديل حصان المكياج خفيف ولكن العكر أحمر فاقع أما لبسة لي ختارت كانت قفطان على شكل سروال كلو مشبك من الإيدين ومنبت بالحجر عازلها ومبين ليها فورمتها لونو أخضر جا مع لون البشرة ديالها هزات صاح فذهبي منبت بحجيرات خضرين بحال شكل ديال مضمة وصباط عالي فذهبي...داكشي لي بغات وصلات ليه جات كتهبل..
وردة(لي لابسة تكشيطة فالموطارد منبتة) :
- اليوم جواد والله مايحسد عينيه عليك وهانا فين كلتها ليك
ماريا : فين كاين جواد ايكون هو ويلاه خلاص...البنات انطل على هاجر ونرجع اروى تسنايني اوك...(خرجات وردة او سومية لي لابسة قفطان خفيف فبلو ماغين اما ثورية تكشيطة فلوغونج...اروى حتى هيا تكشيطة ولكن لونهت كحل مخدومة بدهبي ومنبتة بحجيرات خفاف)...
دخلات ماريا على هاجر كانت معاها إقبال او زينب..
أقبال : هي هاي ياختي على زيونات اليوم تفقسي ليا لعدو..
ماريا : شفتيها دارت راسها فيها زهايمر وريني طواليط حتى انا عطيتها علاش كتقلب
إقبال : انا وياها راه مكنتحملوش عمرنا تلاقينا ومنوضناهاش كلها مركبة الله يستر فينما تخلصت تلقايها عند طبيب انافخة كل مرة بلاصة يخخ تريكة كيدايرة...خرجات هاجر كتنفخ وتفش :
- ناااري عييت جهدي تقادة
ماريا : شادة فيها هادشي وغير تابعك ليلة طويلة علم الله أش اديري
هاجر(كتخنزر فيها) :
- مالقيتي مدكري دابا واش بغيتيني نبات فطواليط لي خلاتو هادي كمليه انت كضحكو عليا وحدة كتكوليا راه بحال الى شديتي جنوي باش كيدبحو الحولي ودبحتي ليه راسك بقا ليا انهرب ولا مامزوجينش حنا كاع
إقبال : ودابا عجبتيني..هكاك نبغيك بردي ليا لغدايد..هاجر مافهامات والو وماريا وإقبال ميتين بضحك...هبطات ماريا ستغلات الفرصة كلشي مشغول خرجات لبرة بانت ليها طوموبيلة جواد محلولين بيبانها طلعات لقدام وسدات عليها الباب كضحك بحال الى حققات شي إنجاز كبير وهيا غير ضد مابغات تخلي لشادية الفرصة فين تكون هيا وجواد الراس فراس...
تحل الباب وخرج بطولتو المعهودة وقفتو طلعاتو ماريا من صباطو لكحل كيبري مصنوع من اجود انواع الجلد الفاخر حتى لكوستار لي لابس فلون كحل شوميز بيضة مفتوحة من جيهت الصدر اما لافيست كيدلا من جيب ديالها جوج سنسلات فيضيات...شعرو رادو لور نظارات فالكحل وساعة كلاسيكية فلون الأسود ريحتو وصلات حتى لعندها...سدات عينيها كتستنشق من العطر ديالو ماحساتش بيه إيمتا تحرك او وصل عندها...حتى قفزها منين ضرب فزاجة ديال طوموبيل...هزات عينها فيه لقاتو كيشوف فيها شوفات ديال الاستغراب بمعنى اشكديري هنا..
ماريا(دايرة فيها مكلخة) :
- عرفتي شحال كنتسنى هاجر ايجيبوها دابا مغاديش تعطل غير طلع على شمس..
جواد(برود) :
- انت شنو كديري هنا؟
ماريا : كيفاش اش كندير هنا انا صاحبت العروسة ومن العائلة وخاصني نكون هنا وخاصني نمشي معاها اتحتاجني
جواد : وفاش بسلامة؟
ماريا : اتحتاجني وصافي..
جواد(كيحك بصبعو لحيتو) :
- أهاه مزيان واخا...سد الباب وبقى واقف...كتبان ليها شادية نازلة بواحد القفطان ماعرفاتو قفطان ولا كسوة ولا شنو هداك بلون شيبي كولو كيبري الفتحة ديالو حتى لفخاض طالقة شعرها...وهازة ساك سواري ورجليها صباط عالي بزاااف..
ماريا(كتجنن) :
- انا بغيتك تكركبي من دوك دروج...سلام شادية على جواد يلاه ادور باش تركب حتى بانت ليها ماريا كالسة...تبسمات ليها ودارت ليها بصباع يديها باي باي...شادية مارضاتش هزات خنافرها لسما ومشات لطوموبيل لوخرا...
أروى : والله حتى برافو عليك طرتي ماعرفتك فين مشيتي وانت راكبة هنا وانا نسيتيني؟
ماريا : سمحيليا والله حتى نسيت ركبي مع جلال اصاحبتي
أروى : من نيتك نركب مع السيد مكنعرفو مكيعرفني بوحديتنا ماشي فعايل هادو أماريا كون كلتيها ليا نمشي مع خويا ومانبقاش كنتسنى
ماريا : علاش وسيم مشا ماشفتوش؟
أروى : يلاه خرج غير دابا دابا شنو..؟
ماريا : اوصي جلال وزايدون ماشي بوحدكم راه ايمشي معاكم حتى عمي عبد الرحمان أصاحبتي...هانتي هاطوموبيلت جلال طلعي وراه عمي ايكون تم انت عارفاني علاش ركبت هنا اختي راه حاضية رزقي لا يطيرو بيه
- أه اروى..قاطعم الحاج لي فتح الباب وطلع لور هو وعصام خوه..
الحاج : جلال ولدي أروى بنتي أهلا مشاو لوخرين؟
أروى : أه اعمي مشاو
عبد الرحمان : يلاه اولدي على بركة الله...ديمارا جلال وخرج من لفيلا دار يشوف واش مجاية حتى طوموبيل دارها سبة باش يشوف فأروى لي كتبان زوينة ومهدنة ومتبتة...شاف فالمرايا بان ليه الحاج حاضيه حدر راسو وكملو على طريقو...
- من بعد ما وصل أمين بالفوج الاول دخلو للقاعة...وصل وسيم هو ونكافة طلعو خداو بلاصتهم بقاو البنات لي ايتكلفو بهاجر تسناوها حتى وصلات...خرجوها من طوموبيل بزغاريت وطلعوها لفين اتبدل مع خرجات ماريا من طوموبيل هيا وجواد قد قد خنزر فيها الغدايد اياكلوه مع راسو أش هاد لبسة لابسة مزيرة عليها وعازلاها كلها كتبري مكرهش يشدها يغززها بسنانو...أما هيا دارت ساكها على كتفها وماتسوقاتش ليه شدات فإقبال وتبعو هاجر...يتسناوها حتى تسالي...
- بدا العرس وبداو الناس كيوصلو واحد بواحد ملقيين ليهم بتمر ولحليب بحال جميع الأعراس...سلاو لهاجر ولبسات أول لبسة البيج باش غادي دخل...وصل لعريس بطوموبيلتو لمزينة كلها ورد مع باه ومو...دخلوهم عيساوة وقفو عند الباب حتى هبطات النكافة هاجر لي صلاة على نبي عليها كتبان بحال الأميرة والفرحة فعينيها علاش لا وهيا اتاخود الراجل لي كتبغي صبرات ونالت ماخلاتش لول يتفلى عليها وربي جزاها بهشام لي بغاها من قلبو وقصد بابها...شد ليها فيديها باسها ودخلاتهم النكافة وبناتها بصلاة على النبي...القاعة كلها عامرة كلها كتضوي وتبري كولشي وقف كيصور دخلة ديالها وردة وماريا ولبنات تابعينها من لور وحتى هوما لسانهم ماوقفش بصلاة على النبي وزغاريت والفرحة فعينيهم كبيرة بزاااف حيت العروسة ماشي غير صاحبتهم بالعكس راها ختهم مدام عيا فرحانة حتى هوما فرحانين كثر منها...
الأغلبية ديال ضيوف كلشي وصل بقى غير لقليل كلسو هاجر وهشام لي تبارك الله عليه كيبان غزال فالكوستار ديال لي بلبلو ماغين...مو وباه حداه سكت الاوركيسترا وبداو عيساوة كيغنيو مدخلين دهاز ديال هاجر لي متقون ومن نوع الرفيع يليق بيها وبمكانتها عند راجلها...كولشي كيصور والناس كيهضرو بيناتهم بحال اي ناس فشي عراسية واخا تكون طبقة راقية او متوسطة ضروري من الهضرة شنو جاب اشمن نوع هاد الكوليي واش ريحة دوريجين ولالا الهضرة لي كتكون فأي عرس مغربي...خوت العروسة واقفين بحال جبال تبارك الله علاش لا وختهم الصغيرة صافي تزوجات وغادي تخوي دار وتغرب عليهم واخا كانو حاكمينها ولكن خوفا عليها نور عينيهم...دخل نزار داير يظيه فجيابو واحد الضحكة على وجهو..شافو جواد خنزر وهبط براسو عند جلال :
- هاد خونا اش جاي كيدير هنا؟
جلال : انا لي كلت ليه يجي حشومة اصاحبي
جواد : ماتبقاش تصرف من دماغك تعلم تشاور شكون كاليك انا بغيتو يجي يخ على بلان كيداير...
جلال : صافي أصاحبي ليلة وغادي دوز...سكت جواد ودار بحال الى حتى حاجة ماوقعات....سلم عليه نزار وعلى لوخرين او وقف مع جلال...من بعد ما دخلو دهاز طلعوه لفوق...وبدات الاوركسترا كتغني ناصو لبنات كيشطحو مع بعضياتهم...معاهم ماريا لي ماتفلتش شعبي وبلعاني ضد فجواد لي حاضيها بنص عين...نوضو وسيم شدو فيه كيشطحو معاهم...ماشافتش العافية لي واقفة وشاعلة فسيد لي وراها ماهمهاش...كتشطح ناشطة مع راساتها...حتى كتبان ليا شادية وقفات غادية عند جواد ولا غير جسدها لي كيتحرك اما عينيها تابعين شادية حتى وقفات على جواد كتهضر معاه بان ليها شد ليها فدراعها وتمو خارجين...جمعات غوباشتها...ومشات تبعاتهم...جلال شافها تبعها حتى هو...جرها
جلال : فين غادية واش عارفة اش كديري ولا
ماريا : جلال مافيا لي يوقف يهضر معاك دابا انشوف هاد اللفعة لي مابغاتش تحشم فينما تلقى الفرصة تبعو..
جلال : واش انت بعقلك تابعاه والى كان شي واحد مراقبك يلاه يمشي يوصلها لذياب بغيتي تجبظي علينا العافية وحنا مزال حتى مابدينا ديري عقلك اماريا
ماريا : وحس بيا جلال وراه ماشي بغرضي كيغادي ندير نخلي ليها الفرصة فين ضور بيه وهو عاجبو الحال
جلال : واش بغيتيه يدير ليك شكون لي دار فيه وشكون لي ختار مايكوليه والو ياك انت حتى هو كيرد ليك الصرف ياك تافقنا وبلاما تروني كولشي وسيري رجعي...بقات واقفة كلها كترعد حتى تم جواد وشادية داخلين...شافت فيها شادية شوفة ديال الاستهزاء وكملات طريقها...اما هو وقف عندهم كيشوف فيهم بجوج..
- اش كاين هنا؟
جلال : والو غير كنهضرو انا وماريا
ماريا : يكما حرام علينا وحلال عليكم
جواد(خنزر فيها) :
- سوقك هداك هضري معامن مابغيتي زايد ناقص عندي...ضرب فيهم ومشا..ماريا شداتها البكية صافي وقفات ليها عند حلقها..
ماريا : براكة عليا من ديري عقلك ديري عقلك واش انا مسطية ولا هبيلة هادشي راه طلع ليا فراسي وحق الله مقادرة نكوليه والو وكنلعب هاد اللعبة لي ماعرفت راسي واش انا كدها ولالا حتى ليمتا اجلال حتى ليمتى صافي براكة عليا...انا انخرج يضربني البرد شوية...خلات جلال واقف مابقا عارف مايدير وخرجات قدام لباب بانت ليها واحد جردة صغيرة مشات وكلسات فيها...جمعات يديها كتشوف فسما تنهدات تنهيدة طويلة وسرحات فسما لي مغيمة بحالها بحال قلبها ونفسية ديالها...
***
#فبلاصة_خرى
سونا ليه تيليفون بانت ليه النمرة فتح الخط..
ذياب : شنو كاين؟....بقا شحال وهو ساكت كيتسنط لطرف الثاني لي على الخط حتى كمل كلامو....مع سالة...قطع عليه غوبش وبقا شحال كيفكر هز تيليفون ديالو دوز نمرة وهضر بنبرة صوت باردة :
- ادير لي كلت ليك بالحرف ولكن ماشي دابا خلي حتى لغدا مع 7 ديال لعشية يكون كولشي واجد...مانبغيش غلط واحد الى مشيتي حتى غلطي راسك انحيدو ليك فهمتي...
واحد من اكبر اخطائي في الحياة، هو اعتقادي انّ الاشخاص سيمنحون لي نفس الحب الذي منحتهم اياه..
****
#فطريق
سومية : ماريا حالتك مكتعجبش العرس كامل وانت ساكتة وساهية مالك اختي؟
ماريا : إن شاء الله...ماريا فاش رجعات مابغات تهضر مع حتى واحد تبدل عليها الجو خدات كرسي فطبلة حدا وردة ولبنات ومواتها بجوج وقررات تفرج وهيا ساكتة لبسات هاجر لبيسات جاوها فنين فالاخير ختموها بالكسوة البيضة...وقطعو طارت العرسان مشاو لوطيل والعائلة كل واحد رجع فحالو ماريا مابغاتش تمشي مع وردة خترت ترجع مع باها او سومية ومليكة...وصلو لدار نزلات ماريا هيا لولة فتحات لباب ومشات نيشان لبيتها حيدات قفطانها وبدلات حوايجها غسلات وجها وتكات فبلاصتها...سومية غير حاضياها وساكتة..دخلات مليكة فيديها كاس ديال لويزة...حطاتو ليها...تمنات ليهم ليلة سعيدة وخرجات...هزات ماريا لكاس شرباتو ودارت لجهة لوخرا دموعها نازلين سخونين بقات هكاك حتى داها نعاس...
****
جلال : مبانش ليك راسك بلي زدتي فيه شوية
جواد(ضار عندو كيخنزر فيه) :
- وليتي حنين اصاحبي ولا عندك قلب وليتي تهضااار زعامة خايبة هادشي
جلال : جواد مكنضحكش كنهضر بصح ماشفتيش حالتها كي كانت مبانتش ليك كاع فاش خرجات وبقات على برا او وجها فاش رجعات كيف كان
جواد(بصرامة) :
- جلال دخل سوق جواك واحد شوية وليتي كطرطر بحال لعيالات أعذى حاجة عندي شي واحد يبقى يتريكل عليا ويكدب عليا وكلتها ليها نهار لول ابنت الناس لي كاين جي كوليه ليا ماتبقايش تخططي وتلعبي ورا ظهري دايرة فيها رافت الهجان
جلال : البنت راه خايفة عليك خافت توقع ليك شيحاجة وزايدون انا لي كتليها على لكدبة لي تكوليك لومني انا..
جواد : انت اصلا انخلي دار عشتك غير بلاتي حسابك معايا مزال مسالاش اكون هاني...ولكن حتى نسالي مع داك لبوكيمون ديال ذياب وتكون هضرة خرا..
جلال : فكرتيني شكيت فهاشم اتكون عندو يد فداكشي بحال والو هو لي علمهم نهار كنتي غادي لفيرما هو لي كان فجردة نهار كنت انا وياك عقلتي..
جواد : كنت عارفهها اتجي منو بلاما تفكر بزاااف لا لي فلفيرما لا هو مشاركين فهادشي ماتعدبش راسك ولكن شكون الثالت؟ مافكرتيش فهادي كاع؟
جلال : فكرت حتى عييت او والو ماعرفتش شكون لي كيدير معانا هاد الفعايل ديال ولاد لحرام..
جواد : وايلي حتى انت عطاهم الله كثااار...غدا فصباح انشد طريق...شاف فيه جلال بستغراب :
- لفين؟
جواد(شاف فسرجم) :
- كازا
جلال : وعلاش؟
جواد : وا شحال فيك ديال تسوال اصاحبي ناااري وليتي بحال لعيالات علاش كيفاش فين جيتي فين مشيتي رخف شوية على راسك أمعلم باش ترتاح انشوف عز الدين..
جلال : عز الدين لانسبيكتور؟
جواد : هو هداك...انت بقا هنا وخلي عينيك عليها عارفها هبيلة هادشي راه صعيب عليها خاص لبوليس يدخل فيه ماشي هيا
جلال : سبحان من خلقك وباااز وا وجهك صحيح هذا انت لي كتهضر كونماشي انا لي شديتك داك نهار فاش عاودت ليك كون مشيتي خليتي دار عشتو ودابا وليتي كتكول لبوليس..
جواد : داك نهار كنت كاعي مكنشوفش كدامي ولكن دورتها فدماغي وخفت عليها توقع ليها شيحاجة وديك ساع انحيد ليه لعصب ديال رجليه ونحرق مو وهو حي..
جواد(دار ليه بيديه باي باي)..خرج حتى هو من لبيرو ديالو طالع لبيتو...كايحس براسو عيان نفسيا ومعنويا..مع وصل لبيتو خرجات شادية من بيتها لابسة واحد البينوار ديال ستان طويل شوية ومشبك من التحت وجيهت صدرها شوية عريان...
شادية : جواد مزال مانعستيش؟
جواد(طلعها وهبطها) :
- لا مزال علاش كاين شيحاجة؟..قربات ليه كضحك :
- لا غير بغيت نهضر معاك شوية
جواد(برودة) :
- مكاين فاش نهضرو فنصاصات الليل
شادية : نهضرو عليك عليا علينا
جواد(هز حاحب وهبط التاني وضحك بستهزاء) :
- علينا مالنا حنا واش ضارب بيك الكاغط ومافخباريش ولا حاطينك معايا فالحالة لمدنية سمعي اشادية ودخليها راسك مزياااان شفتي كاع داكشي لي كتفكري فيه مامنو والو شفتي انا مرة وحدة لي كنموت عليها وعمري فحياتي مغانشوف فقمقوم شي وحدة من غيرها هيا ماريا دخليها لراسك هاديك حبيبتي ومراتي والى كتخططي لشيحاجة انت ومك ودوك رباعة ديالكم احيدوها من بالكم وزيد عليها العرس سالة تقدرو تجمعو حوايجكم من غدا وشيفور كيتسناكم...فتح الباب وخبطو فوجهو خلاها كلها كتغلي وترعد بوحدها كرامتها طاحت الأرض دوزات يديها فشعرها ورجعات للبيتها تجمع حوايجها وتمشي بحالها..
دخلات ماريا مع صباح بكري لقهوة جامعة شعرها سفنجة دايرة ليه نايفية فالحمر مع ديباردور منمر تجاكيط دجين وسروال دجين مع سمطة فالحمر حطات السكادو من إيدها ودخلات لكوزينة...ودجات لراسها قهوة تفيقها ويدوزها حتى راسها لي كيضرها...سمعات خطوات ديال رجلين علات راسها بان ليها جلال داخل :
- صباح الخير
ماريا : صباح النور واش عارف بلي ممنوع الرجال يدخلو هنايا جاب الله لقيتيني حالة بكري..
جلال : كنت دايز لخدمة كلت ندوز عندك نهضر معاك عقلتي على هاشم؟
ماريا : قبل ماتهضر نصايب ليك قهوة معايا؟
جلال : هيا لي بغات الوقت يرضي على مك..
ماريا(ضحكات) :
- انتوما رجال عندكم شي ألفاظ فشي شكل
جلال : ماشي غير الرجال راه حتى لعيالات ولاو يهضرو بحال الرجال...صايبات ماريا القهوة حطات ليه طاس ديالو وديالها وكلسات مقابلة معاه..
جلال(شرب من قهوتو حطها وشاف فماريا)..
ماريا : كيفاش كلتي هاشم واش العساس لي كان شحال هذا؟
جلال : هو هذاك الالة عندك هو ومينة لي فالفيرما عندهم يد فهادشي انا مزال متأكدتش من مينة ولكن انتأكد هاد نهار انسالي واحد شغل عندي فشركة وانشد طريق لفيرما
ماريا : ابشوية عليها اجلال كتبقى مرة كبيرة
جلال : اجاتني مرة اما والله وكون كانت راجل انغبر مها ورا شمس
ماريا : جواد مكاليك والو؟
جلال : أش بغا يكول ايكون فكازا دابا؟
ماريا(حطات فهوتو وشافت فيه بستغراب) :
- شنو مشا يدير تم؟
جلال : من نيتك انسلو انت عارفاه كيداير مكيبغي حتى واحد يدخل فيه...المهم انا دزت انكوليك هادشي ونمشي والى داز عندك داك امريض ولا هضر معاك علميني
ماريا : واخا كون هاني...خرج جلال من عند ماريا...مشا نيشان لشركة...سنا على شي وراق خاصو يسنيهم خدا سوارتو وتيليفونو وخرج من البيرو ديال..
- شفتك زربان اخويا مابقيتيش تجمع معانا أش تما شي حب هذا ولا؟😉..
جلال : الحب خليتو ليك انت لي مسالي لقبك اما انا عندي مايدار..
نزار : عيبنا واحد أصاحبي كاع رجال وخاصنا لونيس ودفا البرد بدا بدخل...
جلال : انت عقلك خامج عامر اللخوا لخاوي أنور متفرق معاك حتى دك فيك فيس خاسر...حيد من كدامي مامساليش ليك
نزار : افين زربان انت بلاتي..
جلال : نزار دوك وبدل ساعة بخرا...
نزار(على يديه) :
- هاهو غادي مابقى حد يضحك معاك..
جلال(دار شاف فيه) :
- فبلاصة ماضحك معايا قابل خدمتك حضيني...خرج وخلاه كيضحك بستهزاء...
****
القهوة صبحات عامرة مع كانت مسدودة يوماين...لبنات خدامات مرتاحات عاجلهم الحال ماريا لي كالسة فواحد القنة شادة كتاب وعقلها كاعما حاضر...تيليفونها كيسوني عاد نتابهات هزاتو طلع عندها نمرة انكوني...عرفاتو ايكون هو...
ماريا : كاين مانقضيو
ذياب : توحشتك وشحال هادي ماشتك
ماريا(مع خاطرها يتوحشك بوبي يعضك مايطلقك) :
- فرحان وعاجبك الحال
ذياب : وعلاش مايعجبنيش الحال اليوم كبير عندي كيف كتعرفي انا كنصبر بزااف ولكن صبري كيتقادة والى مشا صبري حتى تقادة وعرفت ولا حصلت شي وا كيضحك عليا ويلعب من ورا ظهري واهليييي اشنو ميوقع ليه..
ماريا(تقادات فالكلسة) :
- وانا مالي لاش كتعاود ليا؟
ذياب : الما عاودت ليك لمن غادي نعاود مالقيت علامن نفش قلبي وانت كتعاوني الناس تبارك الله عليك كلت يمكن ليك تعاونيني..
ماريا : انت مسالي راسك وانا مامسالياش..
ذياب : دابا نشوفو أحب قلبي دابا نشوفو...(قطع عليها)...جمعات غوباشتها كتفكر فالهضرة لي كاليها يكما كيمعني ليها على راسها زعمة يكون عاق ليها ولا جاب شي خبار عليها...سهات كتفكر حتى جات عندها سارة كتجري.. :
- ختي ماريا فرح منوضة قربالة قداب باب القهوة
ماريا(وقفات) :
- كيفاش معامن؟
سارة : واحد السيد كان باغي يدخل رضاتو من عند الباب ودابا منوضينها صباط قدام المحال عييت منفك والو مابغاتش تسكت لا هو لا هيا
ماريا : واخا اسارة انا جايا...مشات سارة وتبعاتها ماريا من لور كتسربي فالخطوات ديالها وطل براسها حتى بانت ليها فرح كشاكشها خارجين وصلات عليهم كتلقى ياسين...
ياسين : سيفطاتني خالتي حورية لعندك اما انا مانجيش مخلي خدمتي وجاي فالاخر باش نسمع الهضرة ديال لعيالات
فرح(شافت فماريا) :
- سمعتيه ياااك متكوليش بلي كنجبدو..
ماريا : سمحليا بزااف مسحها فيا الله يعطيك الستر فرح دخلي انت...خنزرات فيه فرح ودخلات
ماريا : مديش عليها راه ظريفة وقلبها بيض غير سوء تفاهم وصافي نسا نجيب ليك قهوة كيكة؟
ياسين : بلاما تعدبي راسك خاصني نكون فالكلينيك..
فالكلينيك دابا المهم خالتي حورية مشاو هاد صباح هيا والواليد لبلاد على قبل ليزيكستري سلات ليها لاكارط وخاصها تصايبها كاتليك رضي لبال لسومية راكي عارفاها الما لقات حد السيبة..
ماريا : مكالت ليا والو
ياسين : غير نسات مع عرس هاجر غدا ويجيو فالعشية مغاديش يتعطلو تماك ألي تهلاي فراسك انا مشيت
ماريا : واخا الله يعاونك...دخلات ماريا...مشات عند فرح نيشان..
ماريا : أختي عوشارية مع راسك الدري كليتيه
فرح : هو لي عاجبو راسو وعاجباه طولتو اش كيجيك؟
ماريا : ههههه هذاك الالة ولد راجل ماما ياسين دكتور ديال ترويض فالكلينيك لي حدانا هنا..
فرح : سبحان الله دكتور وكالس كيتغاوت معايا
ماريا : الله يهديك راه انت لي دخلتي فسيد مابقيتيش بغيتي تسكتي سيري وكان كملي خدمتك سيري...
****
فقاعة كبيرة كالسين 6 ديال الناس على طبلة طويلة حاطين قدامهم وراه وقراعي ديال الما وقدامهم تلفازة...واقف عليهم واحد الشاب فأواسط الثلاتينات طويل عامر شوية داير حسانة عسكرية عينيه كبار مشفرين داير خاتم ديال زواج فيديه تجاكيط كحلة كوير مع سروال دجين كحل وكاط فالقهوي هاز حاجب ومهبط التاني هاز وراق فيديه وشي تصاور كيشوف فيهم..
- كيفاش دخل وإيمتا انا مابقيت فاهم والو فهاد لافير قسما بالله ولي زاد مكعيني مجات غير فالكونجي ديالي زهر زين هذا...أسي عز الدين افين هاد صاحبك خوك جاي بلا فطور فاتلني جوع..
عز الدين : من نيتك أصاحبي حنا دابا فالماكلة كنكولبك الثعلب لي سينين وهو مدوخنا كاين هنا قريب لينا خاصك تكون دماغ شوية ماعرفت كيفاش دخلتي لهاد لبوليس..
عز الدين : ألخوت العمالة المعلمين وحضرو عقلكم معايا شوية السيد لي كنهضرو عليه خطير وزيد عليه عارف كاع الريوس لكبار لي كاينين وسط البلاد وبرات لبلاد الى مشينا حتى شديناه وشديناهم راه حققنا إنجاز كبير فهمتو ولالا وحضرو معايا عقلكم الله يرضي عليكم..تدق الباب ودخل بوليسي عطاهم السلام فتح الباب على تيساع ودخل جواد لابس سروال دجين تجاكيط كويرة قهوية نظامر فعينيه ساعة رياضية فيديه أشافو عز الدين تبسم وعنقو..
عز الدين : وغبورات هادو اصاحبي توحشناك..
جواد : أمع الوقت راك عارف..
عز الدين : مرحبا بيك واخا البلاصة ماشي ديال ترحاب نعرفك على يونس سيمو رفيق رضوان نبيل من ضباط الممتازين عندنا فالمديرية الخوت صاحبي وعشيري جواد الإبراهيمي..
يونس : شكون لي مايعرفو الله أودي..
عز الدين : يلاه لقيتيني كنهضرو على صاحب دعوتك اشمن خبار جايب ليا اتيني بيها
جواد : خليني انكلس بعدا مافيكش الصواب أصاحبي...
عز الدين : هيا لولة(مد ليه كرسي)..
عز الدين : كيف كتعرف الثعلب كيما كيعيطو ليه من بين التجار ديال الممنوع ماشي سلاح ولا المخدرات كثااار الدوا كيدخل ويخرج فالبلاد او برات لبلاد كيف بغا الى جينو نشوفو هو من بين التجار أصغار كلمتو مسموعة ودغية دار بلاصتو ولكن مطور حيت عارف كاع سميات ديال تجار لكبار عندو عليهم كاع المعلومات والملفات لي تغرق لبوهم الشقف من ساس هاد السيد طبنا وعيينا نقلبو عليه ولكن دوماج ماعمرنا وصلنا ليه ولا شفنا حتى كمارتو... لي نكد نكوليك هو جديد فهاد الحرفة ماشي قديييم دابا خاصنا راس ديال الخيط لي وصلنا ليه فهمتيني اجواد ياك؟؟
جواد(رجع باللور كيحك فلحيتو ويخمم) :
- هاد خونا كاين هنا وبضبط فإفران
عز الدين : وايلي
جواد : واسمعني اصاحبي سميتو ذياب انعطيك كاع المعلومات عليه ولكن قبل بغيتك تخليه ليا أنا
عز الدين : جواد هادشي ماشي ديال الواحد يزير فيها بطل السيد راه واعر خلي عليك هادشي القانون كاين فالبلاد انت اورينا بلاصتو وخرجك السوق
- راجلي عبد السلام سونا ليه داك نهار هاشم لي فالقصر العساس كاليه بلي شي ناس ايجيو لفيرما ايركبو كاميرا فالفيلا حيت شاكين بلي سي جواد خدام فديك اسميتها الغبرة وباش يعرفوه بلي مداير والو يراقبوه وراه ايشد فلوس كثيرة انا مكان فراسي والو اسي جلال حرمت عليا عيشتي او وليداتي(كتبكي) مافراسي والو عبد السلام دار هكا حيت كان مخصوص من دوا ديال سكر وطانسيو هو لي هز ليا سوارت وفتح ليهم الباب مايقت لخبار حتى شفتهم غاديين ماقدرت نكول والو اوليدي انا والله منأدي سي جواد ولا نبغي ليه شيحاجة خايبة نترزا فصحيحتي..
جلال(تنهد) :
- الله بنجيك أمي مينة فين هو عبد السلام؟
مينة : فالكوري اولدي
جلال(وقف) :
- مديري فراسك والو ومتكولي ليه حتى حاجة صافي خليت ليك الراحة ولكن هادي آخر مرة والى حتاجيتو شيحاجة سوني ليا راه نمرتك عندي لي حتاجيتوها دوا اي حاجة ومتخليوناش ضحكة لبراني راه مشاركين طعام زعمة
- مكاين لاش طلبسي سماحة ماشي انت لي درتيها يلاه خليت ليك الراحة...خرج من عندها وهيا كداعة معاه...ركب فطوموبيلتو ومشا...جبد تيليفون ديالو مشا ميشان لي زابيل سونا على نمرة شاكيب :
- وي شاكيب انسيفط ليك واحد لادريس سيفط شي ناس يكونو تقة يركبو كاميرات بغيت لفيرما كلها كاميرات وخصوصا الفيلا اوك ويكونو صغار مايبانوش يلاه الله يعاون...
****
عز الدين(حاط يديه على جناب الكرسي وكيشوف فجواد) :
- حريرة هادي أمعلم هادشي صعيب هذا مريض هذا
جواد : قسما بالله اعز الدين ويطيح فيديا قسما بالله لارحمتو ولكن ولد لكلبة شادني من ليد لي كضرني حاكر على سيدة حيت مرا وعارف نقطة ضعف ديالها خاصني نعرف الحمار لي كيوصل ليه الهضرة وتشوف
عز الدين : جواد مديرش شيحاجة تندم عليها حياتك كلها واخا هو فيه لافوت ترجع ليك لومة انت عارف القانون بلاكا نكوليك..
جواد : وانت عارف راسي قاصح والى مشاةشي واحد حتى أداني فلي عزيز عليا نشرب من دمو...ولكن الكلب الى مشيت ليه ماعندي حتى حجة باي هو الثعلب أينكر ويرجع كولشي ليا ونصدق خويت الما فرملة وخليت لمو الفرصة فين يلعب كيف بغا داكشي باش مخليه يلعب على هواه..
عز الدين : بلاما دخل فالمشاكل حنى انحلو كولشي...وقف جواد دار تيليفونو فجيبو وهز سوارتو...
جواد : الله يعاون
عز الدين : كيعيط ليه) جواد جواد تسنا أصاحبي جواد...ناااري هاد السيد راسو قصح من الحجر يونس انت وسيمو اتمشيو دابا تبعوه غادي يخسر لينا كولشي يضربو لينا فزيرو
سيمو : وانت؟
عز الدين : خاصني نهضر مع العميد ضروري غير سيرو انتوما سربيو قبل مايمشي عنداك يحس بيكم سيمو نعول عليك
سيمو : كون هاني اشاف...هزو سوارت ديالهم وخرجو بجرا اما عز الدين هز واحد الملف زرق فيديه وخرج من القاعة فتجاه غرفة العميد..
- اوووف هادشي باش خاصني ناخود سكوتر صغير لا حسن طوموبيل مدام جواد تخاصم معايا ناخودها راسي بلا شيفور بلا والو ونتهنا من هاد طرونسبور وهاد لادريس زينة تكول جات فحد الدنيا...شريلت لطاكسي جاي وقف ليها :
- ختي بعيدة بزااف الى ديتك مغاديش نلقى شي واحد لي نجيبو معايا
ماريا : ماشي مشكيل انرجع معاك انوصل غير هاد دوموند ونرجع انخلص ليك دوبل ودابا نيت(جبدات 100درهم وعطاتها ليه...شاف بلي خلصة نص نهار خداها فدقيقة دارها فجيبو وكاليها طلع...طلعات سدات الباب وراها هازة دوموند فوق رجليها باش ماتكبش ليها..
ماريا : واش هاد لادريسة بعيدة بزاافف؟
-(شاف فيها مول طاكسي فالمرايا) :
- هيا انت ماشي من هنا؟
ماريا : صراحة ماشي بنت هنا او واخا هكاك مامخالطاش بزااف غير بلايص قليلة..
- اه الالة بعيدة شوية ماشي بزااف ولكن تما قليل فين كنمشيو ليه حتى الى مشينا مكنلقاوش شي واحد لي نهزوه من تم داكشي باش
ماريا : اه هكاك ماشي مشكيل...رحعات بالور كتشوف من سرجم باش تعقل وتحفظ الطرقان...مول طاكسي كان غادي فطريق ديال القصر...شوية كيبان ليها القصر..ولكن الطاكسي ماوقفش حداه بعاااد عليه ولاو غاديين غير فوسط الشجر...حتى وقف بيها عند واحد الدار كبيرة بزاااف فيها جوج كراجات...
- لالة احنا وصلنا..
ماريا : شكرا بزاااف تسناني عفااك غير نوصل هادشي ونجي..هزات ساشيات ديال دوموند دارت سكادو ديالها على كتفها وخرجات سدات الباب اوقفات كتشوف فهاد الدار متميزة على ديور ديال إفران كبيرة بجوج كراجات التحت باينة فيها 3 إيجاج قدامها كانو جوج طوموبيلات فالكحل واقفين من نوع جيب او رونج...شافت ليمن وليسر ديالها مابانت ليها حتى طوموبيل...وهيا تقطع الشانطي...ماوقفات حتى لعند لباب...سونات جوج سونيات وبقات واقفة كتسنى...تهز الانتير فون وجاوبها صوت نسائي.. :
- وي
ماريا : انا ماريا من بالوما كافي عندي واحد دوموند بس...قبل ماتسالي هضرتها تحل الباب...ستغربات بقات واقفة ماعرفات دخل ولا تبقى حطات ايدها على لباب دفعاتو بشوية كطل براسها رمات الخطوة ودخلات...فاتت الباب بشوية وهيا يتسد بجهد قفزات وضارت بلور...مافهمات والو..
ماريا : لالة فينك؟؟...سمعات صوت ديال طالون...جاي من الداخل بقات واقفة كتسنى حتى بانت ليها خطيبة دياب حنان...قلبها تقبض عليها وشداتها تبوريشة من شعرها لرجليها..
جواد : شوف أنت داير ليا فيها بطااال تلاح البراج فطريق...قطع مع جلال...وهوما يوقفوه البوليس...وقف...طلبو منو الوراق مافهم والو أول مرة توقع مالف كيدوز عادي كولشي كيعرفو..ضار عندو بوليسي من جهة لوخرا مد ايدو لداخل دا ليه تيليفون...هنا صافي صعر زول سمطة فتح الباب وخرج..
جواد(بصرامة) :
- ياك لاباس؟؟
خرجو 4 من طوموبيل لولة و4 من الثانية...جا عندو لي شد من عندو لوراق قرب منو وهمس ليه فودنيه :
- سي جواد اتمشي معانا بلا صداع الثعلب بغا يشوفك وبلاما دير فيها مطور وعايق اتجيبها غير فراسك وفخطيبتك...جواد ولا كلو كيترعد بقبضة من يديه شنق عليه نزل عليه بدماغ لنيفو خلاه كولو دمايات...مجا فين يعاودو حتى تجمعو عليه ب8 بيهم شدوه...كيحاول يتملص منهم ويدفعهم ولكن حتى هوما كانو صحاح...ناض دراع ليمن لذياب كيمسح فنيفو وكيخنزر فيه.. :
- كتليك بلاما دير فيها مطور معارفش راسك معامن حسن ليك تجي معانا بالخاطر...طلعو وهبطو كيخنزر فيه نطر يديه منهم طلقوه...
كالسة فوق الكرسي على أعصابها كتشوف فيها حتى كلس دار رجل على رجل جبد من جيبو فردي كحل مطراسي بنقري غير شافتو قلبها ولا كيضرب وجاتها الرعدة مراقبة حركاتو من رجليه لراسو...
ذياب : إيوا الغزالة ديالنا مكلتيش بيا شنو بغيتي تشربي عصير أتاي ولا قهوة حسن حيت عزيزة عليك بزاااف...ولا عرفتي شنو بلاتي نتسناو مسيو يجي ونشربو جميع شنو بان ليك..
ماريا(شعر راسها وقف) :
- علامن كتهضر ؟
ذياب : دغية نسيتي حبيبك خطيبك
ماريا(وقفات) :
- ياك انا وياه تفارقنا اشنو بغيتي مزال ؟
ذياب(ملامحو ولاو بحال الثلج كيخلعو) :
- ريحي لأرض واش غير اجي وضحكي على الثعلب...وجهك صحيح عند بالك اديريها بيا خبارك أشريفة كيوصلني كل شوية بنت ليك كنرضع صبعي متافقة ليا انت وداك جلال هههههه تاخدو الوقت باش تعرفو شكون كيوصل ليا خباركم ساهلة كون غير ماعدبتي راسك انا نكوليك شكون...شاف فواحد لقرع واقف فالباب أشر ليه بيدو حدر راسو ودخل لدار لداخل...ماريا بقات مقابلة مع الباب كتسنى شنو ايوقع حتى كيتم داخل نزار داير يديها فجيابو ومبسم...ماريا رجعات وقفات...مصدومة حلات عينيها على تيساعهم...
ذياب : شفتك تصدمتي مكنتيش متوقعاها ودابا كولشي ولا تتبع لفلوس فينما تلقاي لفلوس كثيرة عرفي كولشي ايجي كيجري...مزال كاين واحد السيد بيني وبينك كايجيني خواف ومعندوش شخصية كنت داير فيه مابغيت...دابا مكيهمنيش وعمرو مكان كيهمني ولكن بغيت نوريه ليك باش تعرفي لي ضايرين بيك😉...مشا لقرع لداخل تاني ورجع وهاد المرة صدمة ديالها كانت كبر وكبر...مايمكنش واخا مكانتش حاملاه عمرها رتاحت ليه ولكن توصل بيه درجة يدير هادشي مامتيقاش عينيها وشنو كتشوف..
ماريا : ربيع أياااه اولد عمي تبارك الله عليه حكلهم كيكولو بعد من دمك لا يطليك...
ربيع : البيزنيس ابنت عمي ماعندي مندير ليك وبيناتنا حساب قديم هاحنا كنصفيو فيه..
ماريا : واش انت مريض ولا كتبوهل عليا حكل خطيبتك سمحات فيك...ذياب وقف وعينيه زلاو حمرين بجوج خطوة كان حداها شدها من الفك ديالها زدحها مع الحيط..
ذياب(كيغزز سنانو) :
- آخر مرة تجبديها على فمك بحالك بحالها مكتسواوش تابعين المادة
ماريا(كتعافر معاه) :
- طلق مني وبعد مني...طلقها بجهد حتى طاحت على لكرسي...
ذياب : حضيوها انا جاي...خرج وخلا رجالو معاها...حدرات راسها كتخمم ماعرفات شنو ندير فين تمشي كتحس براسها نفسيتها تأزمات لهاد الدرجة كتوصل بناس على قبل لفلوس واحد يقتل واحد وتاني يبيع بلاخور مجاتش لبالها نزار وربيع يديرو هاد لفعايل ربيع عمرها رتاحت ليه ولكن باش يحط يدو فيد ذياب عليها وعلى جواد هنا راسها حبس اش غادي يظير عمها الى عرف والله حتى يمشي فيها مافيهاش شك هادي...رجعات براسها على لكرسي..وتكمشات كتسنى شنو غادي يوقع مشات عينها لفين كان كالس دياب بان ليها الفردي مزال محطوط...شافت فدوك الرجال لي واقفين لقاتهم مقابلين معاها حاضيينها هزات رجليها عندها وتكمشات كتفكر فشي حاجة لي تخليها تخرج من هنا...
بقات غير مليكة وسومية واحمد لي جا يوصلها فالقهوة لبنات سلاو شغالهم وكل وحدة مشات بحالها لدارها...
مليكة : اويلي حي على البوليس ياربي ياربي تحفظ ليا بنتي ياربي ماولدتهاش من كرشي ولكن ربي عالم بمعزتها عندي كثر من ولدي(كتبكي)...
أحمد : صافي أمليكة واش انا ماشي باها الله يرحم باك لاتزيدي عليا
وردة : عمي يلاهو معانا امين عندو الصح اللهم نكونو مجموعين حسن يلاه يلاه اخالتي يلاه مايكون الخير إن شاء الله...خرجو كاملين من القهوة سدها أمين ركبو فطوموبيلتو واحمد من وراهم...وصلو لقصر...فتح ليهم العساس دخلو...نزل امين تبعاتو وردة مع دخلو لدار لقاو العربي وعبد الرحمان عصام وزينب وإقبال وسيم ثورية وأروى كالسين على أعصابهم غير شافهم وقفو..
العربي : خويا امضرا كاين شي خبار..؟
أحمد (كلس) :
- والو أخويا مكاين خبار..
العربي : تكون مع جواد؟
أحمد : ماريا الى غادية لشي بلاصة كتعلم هيا مشات توصل غير كوموند لناس وترجع وأمين كالينا بلي جواد سافر مع صباح مايمكنش
وردة : عمي انجيب ليك تشرب لونك مخطوف..
مليكة : البنت عندها شيحاجة ولا واقعة شيحاجة
عبد الرحمان : استغفر الله العظيم متكوليش هكاك جلال جاي فطريق يقدر يكون عارف شيحاجة هو صاحب جواد
وسيم : ماريا كانت مخاصمة مع جواد زعمة يكون دار سفر حجة وجد ليها شيحاجة انا تبلوكيت
أحمد : نكولو عندك الصح ولكن اتكولها عارفة بلي 9 كتسد القهوة وانطونو مشوشين عليها اتعيط فتيليفون...ماشي اتخلينا هكا معارفين راسنا من رجلينا...دخل جلال بخطوات واسعة والقلق باين على وجهو..
جلال : كاين شي خبار؟
عبد الرحمان : نسولوك انت لي صاحبو عارفو فين كاين يكون جواد داها معاه..؟
جلال : لالا انا دزت عندها صباح لقهوة طان هو واا مشا وراه حتى هو مكايجاوبش على تيليفون عييت نسوني فالأخر طفا...
سومية : انا شداتني لخلعة وحق الله عنداك ايكون ذياب دار ليها شيحاجة؟؟...😷...شاف فيها جلال خرج فيها عينيه...ماحسات براسها إيمتا هضرات...كولشي شاف فيها...
أحمد : شكون ذياب أبنتي؟...سومية ماعرفات اشنو تجاوب سكتات
مليكة : هضري ابنتي الله يرضي عليك راه ختك هاديك شكون ذياب..
سومية : ذياب خو فرح لي خدامة فالكافي
مليكة : شفتو داك نهار فاش وصلها مالو ابنتي؟
سومية(مابغاتش تشوف فجلال) :
- هو ديجا داها عندو وهددها الما تفرقات على جواد وعطاتو بتيساع غادي يقتل جواد وفعلا دار شيحاجة ليه فطوموبيل حتى دار كسيدة صغيرة السيد بحال الى مريض مرة مزيان مرة لا كيكولو ليه الثعلب...غوبش العربي كيفكر شوية شاف فعبد الرحمان :
- وانا كنكول فين شفتو فاش كنا فرنسا كان كيهضر مع ربيع سولتو شكون هداك كاليا خدام معايا...وداك نهار كنت كنتينا فماريا حتى وصلها هيا وختو ولكن معقلتش فين شفتو كلت بوغ كوابا يكون تغالط ليا..
سومية : انا شاكة يكون هو حيت كان تابعها وعارف عليها الشادة ولفادة..
وسيم : وانا كتكول ليا من بعد ونكوليك هاديك البنت راسها قاصح..
سومية : فخباري انا وماما او جلال...
عبد الرحمان(شاف فجلال) :
- اياااه اسي جلال ومخلينا عقولنا خارجين علاش هادشي متكولوه هادشي ماشي لعب مكايتخباش الله يرضي عليك
عبد الرحمان : باشما كان سونيو لينا ماتخليوناش مشوشين..
جلال : كون هاني أعمي...
****
شعل الضو فصالون لي كانت كالسة فيه يديها تنملو عليها ورجليها...تم داخل وهاز معاه بلاطو فيه طبسيل ديال ليباط..
ذياب : ايكون فيك الجوع ياااك...هاكي كولي
ماريا : كولو انت زيدو فيك مابغيتوش وجلقني ابنادم طلقني خليني نمشي بحالي..تفتح الباب وتم داخل الصلع تحنا عليه كاليه شيحاجة فودنيه تبسم ذياب وكاليه :
- دخلو مرحبا بيه...مشا الصلع وذياب شاف فماريا...كلس فالكرسي داير رجل على رجل كيشوف فيها...رجع الباب تفتح ولكن هاد المرة جواد لي كان داخل غير شافت ماريا وقفات مشات كتجري عندو تلاحت بين يديه..
- سمحوليا انقاطع هاد الفيلم تركي مرحبا بيك عندنا اسي جواد...هز جواد راسو فيه عينيه شاعلة فيهم العافية عروقو خارجين..
جواد : انت هو الشماتة مول هاد المعماعة كلها وشحاال كنت باغي نشوفك كنت موحشك موحشك بزااف بكثرت ماعودوليا عليك تشهيت نرجع انشوف كمارتك...
ذياب : عارف راسي مشهور بزااف عرفتي شحال من واحد مدوخو بزاااف إيوا مناش نبداو انت شفتي حبيبتك وهيا شافتك نبداو بيك انت ولا بيها هيا اممم؟..
جواد(دار ماريا وراه واقف عليها بطولتو وهيبتو) :
- قسما بالله لي خلق الدنيا ودين وتمشي حتى تحط صبعك عليها قسما بالله حتى نحر مك ومانعقلش عليك جرب غير تقيسها الما حيدت ليك روحك من بلاصتها مانتسماش انا جواد يلاه جرب أش كتسنى...
ذياب : ههههههه برافو البطل فلانتينو روكي داير فيها قافز مع راسك بيدرة واش عارف معامن كتهضر ولا معارفش...؟
جواد : مع شماتة ماشي راجل حمار وعيفت الرجال ماريخيتا(مخنث) كون اكنتي راجل اصاحبي نهضرو معاك انت مخبي وسط هاد الرجال بحال شي مريوة وباغي ضاد مع رجال مع سيادك اشماتة كون راجل وخرج عليا هاد البكر يسرحو برا واجيني فاص بيني او وبينك...
ذياب(كيفكر) :
- ايااااااه واخا سيدي منرضوهاش فوجهك..(طرطق صباعو بجوج...خرجو دوك الرجال عند الباب وبقا غير هو وجواد وماريا)...
ذياب(أشر ليه بيديه بمعنة اجي)...
ماريا(كتزاوك فيه) :
- الله يرحم بيها الوالدين ماديرش فيه راسك راه مريض الله يرحم بيها الوالدين عفاااك😢😢
جواد(بصرامة) :
- سيري تكلسي أماريا سيري...قفزات من بلاصتهت ورجعات بلور...مع غادي يدور جواد جاتو البونية لجيهت فمو..ضار بالخف عاودو بيها ضربة فذياب وضربة فجواد...ينزل لاخور يطيح ويرجع لاخور يطيح...حتى واحد فيهم ماعيا ولا رجع اللور غير مزادو جعرو على بعضياتهم...
جواد(حاكمو بيديه) :
- لي يقرب ليا من عائلتي نفني مو من هاد الدنيا مالقيتي معامن تلعب ارعواني غير مع سيادك مالقيتي غير ماريا واش عارف شكون ماريا عااارف(كيغوت على حر جهدو) حياااتي روحيييي عينيا باش كنشوف عارفها ولا معارفهاش لا مزال ماعرفهاش انا انوريها لجدك(كيعطيه...)
ذياب(كيضحك) :
- ماقديتيش تقبلها ياااك هههههه اخرتها اتخليك وتهرب مع اول واحد عندو الفلوس كثر منك بغيت ندير فيك خير اصاحبي ماصدقتيش أمعلم...
- مزال مزال مافقدت الامال مافقدت الامااال مزاااال🎵...ماريا وحلات ماعرفات مدير لفين اتعطي الراس عيات تغوت حتى بحات جواد قدامها ولا كياكول لعصا من عند 4 يكدب عليك الكداب يكوليك واحد يتغلب على 4 ديال لحلالف واخا يكون بطل الافلام كيبينو ليك البطل هلك 20 واحد عصا ولكن كيبقى غير تمتيل...ماريا فشلات فمها يبس وجاتها سخفة..شافت فذياب لي مستمتع مشات عينيها نيشان لفردي لي بعيد عليها غير بشوية... بلاما تفكر ولا تردد حتى دقيقة بزربة مشات ليه قبل مايوصل ليها ذياب وهزاتو ....يلاه وقف جاي قاصدها طلقات الرصاصة اللولة تبعاتها الثانية....جواد واخا كلا العصا مزال واعي ماتيقش راسو وشنو سمع وشنو كيشوف قدامو ...الزمان وقف بنسبة ليه كتبان ليه غير ماريا هازة الفردي كترعد ودموعها هابطين وذياب لي كان واقف دماياتو هابطة من جنبو شوية حتى طاح....
جلال : الحمد لله المدكرة لي مقيد فيها لي زادريس ديال الناس عندها حيتاش اي دوموند جاهم كيخليو لادريس مقيدة عندهم وسارة دات معاها لاجوندا اليوم ماعرفت كيفاش نساتها فساكها..
وسيم : راه مزيانة هادي الحمد لله ويلاه سربيو دغيا..
أمين : لادريس قريبة ولا بعيدة؟
جلال(كيدور يشوف ياكما شي طوموبيل جايا وراه) :
- بعيدة قريبة من القصر ولاكن ماشي حداه...ديمارا بجهد وشد الطريق
وسيم : زعمة يكون داك خينا عندو يد فهادشي؟
جلال : الله اعلم كولشي توقعو حتى لراس بنادم ماتعرف شنو فيه امين جرب سوني لجواد...
أمين : يلاه دورت ليه فاش كنتي مع البنت تيليفون طافي
جلال : بلان ديال زبل تفووو
وسيم : ابشوية مايكون الاخير
جلال : اودي اشمن خير ايجي من داك شماتة اشمن خير انا وليت نتوقع اي حاجة نكدب عليك..
أمين : جلال طريق خاوية اصاحبي عفط عفطة وحدة...زاد جلال فسرعة وهمو واحد هو يلقى ماريا وجواد هاد الغطسة مكتبشرش بالخير...
****
لاحت الفردي من يديها كترعد تخلطات عليها البكية مع الضحكة مع الرعدة...ماعرفاتش كيفاش وقع حتى هزات الفردي وتيرات فيه الانسان بعد المرات كيدير شيحاجة حتى يديرها عاد كيعيق بيها بحال الى دماغها تلحس فديك اللحظة...فنفس اللحظة تفرع الباب...دخل سيمو ويونس...ومعاهم عناصر ديال الشرطة...مجاو فين يهربو رجال ذياب حتى شدوهوم خرجو ربيع او نزار دايرين ليهم إيديهم وراهم الدنيا عمرات بالبوليس وضو سطافيط داخل لداخل..جواد...ناض بجري عند ماريا..عنقها..
وسيم : بعد المرات الضروف كتحكم عليك دير شي حوايج عمرك درتيهم ماتبقايش تفكري فهادشي فكري فراسك دابا صافي...طلعات هيا وجواد اللور مع وسيم او امين وجلال لقدام...عفطة وحدة لكلينيك...بدا تيليفون جلال طيسوني هز لقى الحاج :
- وي الحاج لقيناهم الحاج حنا غاديين لكلينيك دابا لا..
لا ماشي شيحاجة واعرة واخا صافي نتلاقاو تم...قطع مع الحاج وحط تيليفون
جواد : مكانش كاع خاصك تخلعو
جلال : كولشي دار مخلوعين من حقو يعرف هادشي ماشي قليل...ماريا امكونة وكتبكي مخلوعة كاتحس براسها كانت كتحلم عاشة ساعة فالجحيم مايعلم بيها غير الله كلها كترعد..
جواد : ششش صافي احبيبي ماوقع والو صافي
ماريا(كترعد) :
- ماوقع والو انا تيريت فيه جوج مرات والى مات اش ايوقع اش اتكول مو وختو وباه هوما ماعندهم حتى دنب مابقاوش ايحملوني
جواد : ايعرفو ولدهم اش كيسوا انت مادرتي والو
ماريا(كتمسح نيفها وكتشهق) :
- اشمن اجواد الام أم واخا ولدها يكون ماعرفت كيداير اش درت ياربي اش درت😭😭😭
جواد(عنقها ودخلها وسط صدرو).. :
- صافي صافي شششش براكة من البكا الله يهديك مغادي يوقع والو انا معاك صافي...سبقات لومبيلونص وصلات ذياب لكلينيك هبطو الفراملية بلباياص دخلوه نيشان لعمليات باش يزولو ليها رصاصات ويوقفو نزيف ديال الدم حيت كان كينزف بزاااف خداو معلومات عليه من الهوية ديالو وعيطو على عائلتو باش تجي...وصل جلال لكلينيك خرج هو الاول تبعو جواد معنق ماريا...مع دخلة ديال لكلينيك شافهم ياسين لابس طبلية ديالو كيشوف فواحد الملف...جا عندهم كيجري..
ياسين : ماريا ياك لاباس جواد اش هاد الحالة؟
جلال : جواد واكل قتلة يقدر يكون مهرس ولا شيحاجة
ياسين(بهتمام) :
- واخا اجي معايا اجواد(عيط على الفرملية) حياة دي ماريا عبري ليها طونسيو وعطيها مهدئ وخليها ترتاح
وسيم : بنادم اخويا مريض فراسو وهادي أخرتو جابها فراسو هاهو دابا ماعرفناه ميت ولا حي
جلال : بحال هادو كيبقاو حيين مكايموتوش انا نكوليك دازو عى راسي أشكال بحالهم...وصل الحاج ولوخرين معاه الدار كاملها جات كولشي جاي كيجري الفراملية كيوشوشو بيناتهم عائلة الابراهيمي اش جات دير فالكلينيك وديك الحالة لي جا فيها جواد تكول بنادم مكيمرض..
الحاج(بالهفة) :
- فين ولدي أجلال فين ماريا واش وقعات ليهم شيحاجة؟
مليكة : ماريا بيخير اولدي متكدبش عليا
أحمد : هضرو خلاص راه ركابي مابقاو عندنا..
جلال : ماوقع والو ماريا بيخير ايعطيو غير مهدئ وجواد مضروب غير شوية..(الحاج جاتو دوخة وهو كان عيان)
أمين : الواليد كلس الرتاح
وردة : اش وقع واش هداك نيت كان خاطفهم..
امين : اه حنى جينا لقينا البوليس والومبيلونص ماشفنا والو غير جواد كان مضروب وماريا كانت مخلوعة..
مليكة : ولاش لومبيلونص؟😨
جلال : ذياب كان مضروب بالقرطاس ماريا م منين شافت جواد مضروب تيرات فذياب...أحمد رجع بلور طاح على لكرسي...كلشي شد راسو وشهقو..
العربي : ماعندو مايصور منها دفاع على النفس هذاك والله لا خليت بنت خويا دخل لمحاكيم ولا لحبس واخا يبقى فيا عرق واحد
جلال : كلنها ليها غير هيا مخلوعة ومصدومة وراه مزال حي بحال المش الله يستر
الحاج(تنهد) :
- هادشي عمري شفتو ياااربي وفين كان مخبع لينا هادشي...صوت لغوات ولبكا جاي من قدام الكلينيك...صوت مرا كتبكي وتسول فالفراملية على ولدها..
جلال : هادوك هوما والديه يمكن كيديروها صغار ويوحلو فيها لكبار ربي دابا مساكن اش دنبهم ولدهم ولد لحرام مقطر وهوما جاو فرجلين...خرجات الفرملية ماريا غير شافتها مليكة جات كتجري عندها عنقاتها باها عمها كلشي جا عندها كل واحد كيكوليها على سلامتك...هزات فرح راسها شافتها طلقات من مها ومشات لعندها شافتها مها تبعاتها...ماحسات بيها ماريا حتى وقفات عليها..
فرح(كتنخصص) :
- حشومة عليك اختي اش درنا ليك تشوينا فكبدتنا خويا لي عندي الى ال مشا ليا انبقى بلا صدر حنين حرام عليك أختي..
ماريا : خوك خوك هو لي بدا هادشي خوك لي خطفني وكالس يهدد فيا الما تفرقتش على جواد يقتلني ويقتلو لا انت لا داركم معارفينش خوك على حقيقتو..
رشيدة : واخا يكون ولدي كيما بغا يكون كيبقى ولدي وكبدتي لي شويتيني فيها تشويت فلول وهو غير لحمة ودابا انتشوى فتاني الله ياربي اش هاد المكتوب اش بغيتي عندنا اش درنا ليك...نباتهم مليكة من اللور..
انت ام عارفين هادشي ولكن مجاتش تهجمي على البنت عارفين شكون ولدكم وشنو دار؟...
ولدك راه خطف بنتي وكان كيهددها بلي الما تفرقاتش على خطيبها ايقتلو عارفة هادشي ولا غير كتهضري واش عارفة بلي ولدك مع العصابات ولالا وكيتاجر فالممنوع ولالا ولدك مريض وخاصو يداوا وقبل ماتحاسبو الناس حاسبو ولدكم هو لول...رشيدة حدرات راسها ورجعات بلور كتنخصص مسكينة حاسة براسها صافي اطيح فاي دقيقة...خرج جواد هو وياسين غير شافو باه وقف ومشا عندو...
الحاج : ولدي كيبقيتي ؟
جواد : ماشي شيحاجة الوليد ماوقع والو
ياسين : الحمد لله مكاين لا هرس لا والو غير نيفو مقصح فيه شوية مع دوا ايولي بيخير وعلى خير والبانضة لي درنا ليك لصدرك خليها ديما حتى يدوزك الحال وديك ساع يمكن ليك تحيدها..
جواد : شكرا اياسين على كلشي
ياسين : العفو هذا واجب...شد جواد فالحاج وتلحق بالوخرين لي كانو جايين عندو يسولو عليه...هو مابانت ليه غير ماريا...لي مشا لعندها عنقها قدام كولشي
ماريا : كيبقيتي؟
جواد : مدام انت معايا انا بيخير وعلى خير(عنقها كيدوز على شعرها)...جات الفرملية فيدها واحد الورقة
- موسيو الإبراهيمي عفاك ممكن تسني على هاد الورقة...رشيدة هزات راسها بشوية كتسمع غير صداع فودنيها عينيها عامرين بموع مخنوقة هزات راسها جيهت الفرملية...كتحس براسها فاي لحظة يمكن ليها طيح صدمة ورا صدمة بزااف عليها طاح صاك من يديها طلقات من يد بنتها وتمات غادية بشوية لجيهتو هو حس بشي واحد قدامو دور راسو بانت ليه واقفة بحال شي ورقة مقطعة واخا طوال زمان وفات بزاف ملامحها عمرهم تبدلو هوما هوما ماتخفاش عليه واخا تكون بين بزااف ديال الناس يعرف سكت ماعرف مايكول لوخرين كيشوفو فيها ويشوفو فيه...
رشيدة(كتهضر بلا عقل) :
- كاع لبلاصة لي كتكون فيها كتوقع شي مصيبة بحالك بحال باك ماكتبدلوش..جواد دار عندهم كيشوف هادي لي كالسة كتعير باه...خلى ماريا وجا لجيهتها..
جواد(بصرامة) :
- عارفينك مصدومة ومقهورة على ولدك ولكن لزمي حدك وعرفي معامن كتهضري
رشيدة : معامن معامن كوليا انت معامن مع واحد خلاني نهز قشي ونمشي من دارنا ونهز راسي ...مع واحد باه ماخلا مكال فيا سينين وانا مقاداش نرجع لدارنا ونشوف ميمتي ونسمع هضرت الناس لي كاتنعت فيا ...اكوليا معامن كنهضر مع واحد باه لي كالها ليه يحدر راس ويكوليه واخا واحد هو سبابي حتى مات ليا ولدي وهو لحيمة ماشفتش حتى وجهو كيداير...عبد الرحمان كيشوف فيها ومصدوم كيحس بلسانو تقال عليه...كيحس براسو كيحلم ماعرف مايكول ولكن لي عارف بلي هاد الهضرة لي كتكول فيها مامنها والو...
الحاج(كيبلع ريقو) :
- اش كتخربقي واش كتروني دايراها كدها كد راسك وجايا كتهضري شكون لي خلا ولدو لحيمة صغيرة وزاد خلفة مع طريق ختار يعيش فالمدينة وختار يمشي مع رجال وباعت ولدها بجوج فرانك كتحاسبي معايا؟
رشيدة : كضرب فخاضها) أشمن ولد واش انت خرج ليك لعقل ياااك بااااك ماخلاني حتى نكمل نفاسي مضرورة فكرشي وفحالتي ماحيلتي لراسي ولا ولدي لي مات جاي كيتفنطز علينا وعاطي لبا لفلوس وكايل ليه بلا حشمة الما غبرتو كمامركم من هنا انلصق لبنتك مونتيف كحل عمرها تخرج منو خليت حبابي ودواري وخليت ميمتي مسكينة وهزيت راسي كونماشي هاد ولد الناس لي لقاني وسترني حسبي الله ونعم الوكيل فيكم واحد دفنتو فتراب وتاني هاهو مرمي ماعرفتو عايش ولا ميت حسبي الله ونعم الوكيل الله ياخود الحق فظالم...(كتشهق بالبكا)..عبد الرحمان رجع بلور مابقا كيبان ليه والو كيسمع غير الصداع فودنيه مابقاش كيسمع شنو كيكولو ولا كولو عرقان كيكطر العرق باارد بزاااف كاان واقف حتى طاح...
جواد(مخلوع) :
- الوليد الوليد(الفراملية جاو كيتجراو هزوه داروه فكرسي دخلوه نيشان لإنعاش...كولشي لي تم مصدوم مابقاو فاهمين والو لا فرح لا ماريا كولشي كانو فحالة حتى صدقو فحالة خرا...
فرح(بهمس) :
- ماما فين كتعرفي هاد الراجل؟
رشيدة(ساهية ومصدومة) :
- من بعد أفرح واش حنا فيه دابا نشوف اخوك بعدا الله يرضي عليك ابنتي لي فيا كافيني..يحيى غير ساكت وكيشوف ماهضر ماتكلم...شي كيشوف فشي...تم راجل جواد بحال شي تور هايج...شدو جلال من إيدو دفعو..وقف اونفاص معاه هاز صبعو عليها..
جواد(كشاكشو خارجة) :
- قسما بالله وطرا شيحاجة لوليد ماتلومي غير راسك انا علمتك جيتيني مرا كبيرة اما انولي هضرة خرااا معاك..مجاوباتوش حدها كتشوووف فيه وجامعة غوباشتها كتحقق فيه وفملامحو عينيه فمو رموشو سموريتو طولتو شعرو ...طلعها وهبطها...ورجع لعند باه..خرج عندو ياسين ...
جواد : كيبقى الواليد؟
ياسين : طونسيو طلع ليه الحمد لله دكينا ليه واحد لبرا من الأحسن يبقى هاد الليلة هنا نراقبو ليه لاطونسيو وغدا الى هبط وتقاد ليه تقدر تخرجو
جواد : واخا نشوفو؟
ياسين : دخل غير متكترش معاه الهضرة باش مايرجعش يطلع من جديد مايكون عندو باس..
سيدها الجزء 23
محتوى القصة
التنقل بين الأجزاء