ماريا : أيااه مشرفين شنو حب الخاطر...ماريا فاش كتمون فيها ليغيكل كتحول مكتبقاش ديك البنت المأدبة المصوابة لا كتلون بحال اللبويا
المحامي : مدموزيل ماريا عرفنا بلي عندك فدار فرد من أفراد عائلة الإبراهيمي...ماريا جاتها ضحكة طرطقات ليه فوجهو بضحك
ماريا : سمحليا ولكن واش كتهضر عليا وقيلة غلطي فالعنوان حيت انا غير بوبرية على باب الله ماشي معا المافيا ديال الميكسيك
المحامي : انا مكنضحكش حفيدة ديال عائلة الإبراهيمي عندنا دلائل بلي هيا عندك هنا
ماريا : يكما خاطفاها؟
المحامي : حنا مكيهمناش طريقة لي خليتيها عندك ولكن دابا البنت خاصها تكون وسط عائلتها الحقيقية
ماريا : هازة حاجب) شكون سيفطك؟
المحامي : سي جواد الإبراهيمي
ماريا : قرب عندي شوية اموسيو مصطفى...قرب عندها دارت إيدها على كتفو وغير بالهمس كالت ليه
ماريا : أتمشي تكول لسيدك وسيدنا وسيدك رسول الله يمشي يعاود لجيهة ضاراه وأنا معندي حتى واحد كيخص عائلة الإبراهيمي وإلى معطاني تيساع انوريه من المنقي خيارو سير كولها ليه واخا ومنبقاش نشوفك كدور عندي هنا
المحامي : سمحيليا هدا ماشي أسلوب ديال التعامل وانا منقدش نمشي من هنا إلا وبنت الإبراهيمي معايا هنا هاد المدة كلها وحنا مراقبينك..
ماريا : راه سمعتيني أخالتي...مشات حليمة لحمام هزات لكراطة وجابتها ليها وبقات واقفة كتشوف فيها
ماريا : هازة الكراطة) دابا انت مباغيش تمشي ياك واخا إيوا خود هادي نزلات عليه بالكراط لور كضرب فيه ولضهرو
المحامي : ايي واش انت حمقة أي راه معارفاش أي شنو أيي كديري أيي راه ايي انت معارفاش ااي عائلة أهه الابراهيمي وسي جواد أيي
ماريا : راه انتوما عند بالكم امشينا لديك سبانيا أنساو أصلنا ولا راه هادي لي قدامك عبدية بنت أسفي واجرك على الله ومتخلي لي يعفط عليها برجليه وديني وما أعبد ياو متعطيوني تيساع لا أنت لا داك هتلر ديالك ميعجبكم حال قسما بالله...كتعطيه حتى وصلاتو لباب دار ودفعاتو
المحامي : كيحك فجنابو) انت لي بغيتي هادشي لراسك وبغيتي الحرب تنوض معرفاش راسك معامن كتعاملي سي جواد ممعاهش لعب
ماريا : وسير سير اتخلعني لا أنت ولا هو ولكن الهضرة ماشي معاك مع لي سيفطك...ردخات عليه الباب تعصبات ولات كلها كترعد لاحت الكراطة من إيديها ومشات لبيتها هزات تيليفون لقات هاجر مسونية عليه بزااف ديال المرات ديك ساعات دورات ليها
هاجر : ألو من صباح وانا كنعيط فين كنتي؟
ماريا : واش كلتي لخوك على ليليا؟
هاجر : واش انا برهوشة كنرضع صبعي ماما الله يرحمها كالت ليه كولشي هو وبابا قبل متموت
ماريا : كيفاش؟؟
#فلاش_باك
فرنسا فوسط بيت كبير منعسينها ودارين ليها شي تيوات وسيروم دخل جواد باش يطل عليها كيتسمع غير صوت العكاز ديالو وقف عند راسها كيشوف فيها بنظراتو الغامضة غير عظمة الفك ديالو لي كتحرك بوحدها فمو لاصق على بعضو معلي حاجب ومهبط تاني هركات راسها بشوية دارت وحلات عينيها عليه تبسمات وصرطات ريقها ونطقات
الحاجة : كتهضر بشوية)ولدي كيبقيتي كاليا باباك بلي حيدتي الحديد لي ركبتك
الحاجة : مزال قلبك قاصح من جيهتي ياك عندك الحق أولدي انا أنا نستاهل مجاري ليا شتت ولادي وخرجت عليهم ودمرتهم أمين(بدات تبكي) بسبابي أنا علم الله ماجاري ليه...شاف فيها جواد وعقد غوباشتو
جواد : شنو باغية تكولي؟
الحاجة : خوك عندو بنت أولدي
جواد : كيفاش بنت ومنين جبتي هاد تخربيق تاني
الحاجة : هادي شي 8 شهور جات عندي واحد البنت(كتصرط ريقها بصعوبة) كالت ليا بلي بنت..خالتك..وردة دارت كسيدة وبلي عندها بنت من خوك أمين أنت عارف خوك كان كيبغي وردة من صغر وأنا لي كنت حاجز بيناتهم
جواد : برودة ) ومن بعد
الحاجة : جريت عليها وعايرتها وكتليها تمشي تلوح باطلها على شي واحد أخور
جواد : وامين؟
الحاجة : أمين كدبت عليه وكتليه بلي وردة دارت كسيدة فسبانيا وماتت كان أيحماق..او او...
جواد :او شنو؟
الحاجة : او من تم مابقاش بان لحد دابا أولدي...جواد بدا نيفو كيترعد وقف ورجع بالكرسي لور حتى طاح
زرعتي فينا ظلام هنا(أشر لقلبو) خليتي كل واحد فينا بعيد على لاخور واحد فشرق او واحد فالغرب لي كيهمك هو سميت الإبراهيمي اما ولادك يموتو كاع مكايهموكش... بقا كيشوف فيها وفحالتها كتبكي عشرة لدم
جواد : حمدي الله وشكريه حيت مي اما كون كان شي واحد أخور مغانخليهش عايش.... جا يخرج من البيت بان ليه باه عند الباب واقف ضرب فيه وخرج دخل الحاج كيتمشى بشوية قلبو متحملش لي سمع كيحاول يبقى شاد راسو شافت فيه السعدية وعينيها حمرين بدموع
السعدية : الحاج..
الحاج : ششش مابغيت نسمع والو الحاجة والو سمعت لي بغيت كفيت او وفيت براكة لي أنكوليك الله يسمح ليك الله يسمح ليك....
#الحاضر
هاجر : خويا ناوي يرجع ليليا لدار اماريا باغي يجيبها بأي طريق بالقانون ولا بلا قانون
ماريا لبسات بانتوفة ديالها فرجليها وخرجات بلا تيليفون بلا والو الأرض فازكة وهيا غادية حاسة بواحد العافية شاعلة ليها فقلبها معاش لي يحيد ليها ليليا واخا يحطو جنوي على عنقها والله لاداو ليها ليليا واخا تعرف تموت عليها لاداوها غادية والبصيرة ديالها معمية مكتشوفش قدامها البرد لي كيضرب فيها وشتا لي كضرب فيها محاساش بيها نهائيا من الداخل سخونة كتعاير وتسب ضربات الطريق ومحساتش بيها حتى لقات راسها قدام باب القصر قطعات شانطي اشافها نفس العساس لي كان وقف كيشوف فيها
هاشم : هادي أنت تاني شنو باغية
ماريا :حل ليا الباب بغيت نهضر مع مول دار
هاشم : غير أجي وهضر مع مول أسيري فحالك من.... مجا فين يكملها شنقات عليه من تريكوه
ماريا :كدي فيه وتجيبو) شوف أهاد الصلع قسما بالله وماتحليا الباب حتى نجفف بيك هاد شانطي ونشف بيك الركاني المرة لي فات سكت ليك ودابا ولله ومتحل ليا حتى نفصل راسك على كنازتك
هاشم : تقج) وطلقيني طلقي...شوية تفتح الباب وخرجات هاجر غير شافت ماريا جات كتفك
هاجر :ماريا ماريا طلقي اتقتليه طلقي...مطلقاتو غير بزز
هاجر : هاشم رجع لخدمتك انت...جات تهضر مع ماريا مالقاتهاش كتقلب بعينيها دارت جيهت القصر لقاتها دخلات كتمشا بخطوات واسعة كمايم القبية تهرولو بشتا شعرها فزك ولات حالة دخلات مع الباب لي عمرها دخلات ليه المرة لي فات حدها الجردة... تم واقف الحاج لي كان كالس وداير رجل على رجل معاه عصام خوه
الحاج : اش هاد الصداع شكون أنت واش هاد الحالة؟
ماريا : شوف أنا مكنعرفك لا أنت لاغيرك اه واجبنا نحتارمو لي كبر منا ولكن باش واحد يحكر تاني فحتى لهنا وسطوب وسطووب كبيرة سطر تحت هاد سطووب مزيااان شوف اسي جواد ولا سي معرفت سميتك...
الحاج : انا ماشي جواد...دخلات هاجر كتجري
هاجر : بابا
مارريا :شافت فهاجر وفالحاج
ماريا : إلى كنت انت هو الحاج الإبراهيمي وكيما كيعاودو عليك كول لولدك يعطيني بتيساع ولا والله ميعجبو الحال والله حتى ندخلو الحبس قسما بالله
الحاج : أشكون انت بعدا لي مهجمة عليا فداري وكتهدي فيا بلا موجب الشرع
ماريا : وشكون هو ولدك لي كاري لي يتبعني ورا ظهري ويخبط عليا بلا موجب شرع حتى أنا
الحاج : الهضرة مكتكونش هكا أبنتي الواحد خاصو يكلس ويتفاهم بلاتي هيا أحسن
ماريا : كتغوت ) ولدك مخلى فيها لا هيا أحسن ولا هيا أخيب فين هو مغانتحرك من هنا حتى نسمعو لي بغيت ونمشي بحالي....تسمع صوت جرا ديال العود وصوت صهيل ديالو الرنان لي غير شوية وتوقف
الحاج : واخا تشرحي ليا شنو واقع
ماريا : ولدك مسيفط ليا محامي ياخود ليا بنتي بنتي أنا وممنحق حتى واحد ياخد مني بنتي فهمتي
" ولكن لي كنعرف أنا ليليا ماشي بنتك" كولشي لي كان فصالون سقل منين تسمع الصوت ديالو الرجولي الحازم لي كيزلزل الأرض غير بكلمة منو دارت كتشزف فيه كطلع فيه وتهبطو ماهضراتش ومانطقات لحتى حرف عينيهم كيشوفو فبعضياتهم قرب عندها بخطوات تقيلة وقف فوق راسها لي كانت كاتبان قدامو صغيرة بزاااف شاف فعينيها نيشان بلاما يرمش ونطق تحت سنانو وبعجرفة وتقة فنفس
جواد : ليليا بنت هاد الدار عندها عائلة جد عمة وعم وبينما رجع باها ومها خاصها تكون فبلاصتها الحقيقية ماشي مع ناس مكيجيوها والو ممعروف لا أصلهم لا فصلهم منين جاو...ماريا عرق فراسها بدا كيضرب والبرودة بدات كتشدها هرمون الأعصاب طلع والمطارق كيضربو فودنيها قربات خطوة حتى ولات تحتو نيشان وعينها فعينيه ونطقات
ماريا :أش كتعرف أنت على ليليا أصلا نهار تزادت فين كنتي لا انت لا عائلتك أ؟؟ خرقتيها غسلتي ليها داويتيها سهرتي فاش كانت مريضة شهدتي نهار نوضات أول سنة جلبتي ليها فين كنتي عائلة غير بالفم موك اسي هتلر جرات عليا ومابغاتش تشوف حفيدتها عرفتي شنو كالت ليا سيرو رميو بلاكم على واحد أخور وردة دارت بسبانيا كلها علم الله بنت من هاديك ودابا جاي دير ليا فيها العم الحنون وباغي بنت خوك سمعني مزياااان وحل معايا ودنيك الى كانو ناس كامل كيخافو منك أنا لااااا..
وإلى كنت سيد هاد اناس فأنا ماشي سيدي انت سيد راسك أه ونزيدك حاجة وحدة خرا ليليا خلاتهاا ليا مها أمانة عندي حيت تايقة فيا وكون كانت تايقة فيكم انتوما لي دمها ولحمها كون خداتها مني وجابتها ليكم ولكن عارفاكم شنو كتسواو...جواد صغر عينيه وسكتها بصبعو
جواد : ولات سيفتو فيها الشر) حححححدك تما..
ماريا : مزال مساليت هضرتي قسما بالله ويقرب شي واحد لجيهت بنتي حتى نقتلو ونشرب من دمو هاديك بنتي انا انا لي ربيتها وكبرتها وسهرت على راحتها وكنت معاها حتى ولات عندها عام دابا تجي انت اسي جواد الإبراهيمي تحيدها ليا والله حتى نزطم عليك وندوز... دارت جوج صباع على عينيها نيشاتهم عليه...شافت فيهم وخرجات...بقاو ساكتين هاجر بغات تبول فحوايجها حيت عمر شي واحد تجرأ وهضر مع خوها هكا وعارفة الحرب أتنوض بيناتهم دابا...جواد مدار حتى رضت فعل طلع نيشان لبيتو قدام سرجم متبعها بالعين *الشراسة العناد الجرأة هاد الحوايج عندها هيا وعندو هو والعافية مع العافية كتولد الإنفجار هز تيليفون ديالو دور نمرة ودارو على ودنو
المحامي : والو لي تشوفو أسيدي....قطع عليه الخط كيفكر سها معلي الحاحب ديالو وكيفكر وياويلك من تفكير ديالو...
هاجر دخلات لبيت غادية جايا وكضرب فوجها وتولول
هاجر : مشات فيها مشات مشات فيها مشات قفراتها قفراتها مشاات مشات زغبية مشاات...رجعات ماريا لدار دخلات كولها فازكة اشافتها مليكة وقفات
مليكة : اويلي مالك أبنتي فين كنتي؟
ماريا : حتى بلاصة غير عجباتني شتا وكلت نخرج نلعب فيها مرة مرة كيطلع عندي هبال صغر....خرجات حليمة كتشوف فيها عمرهم شافوها هكا خلاتهم ومشات لبيتها طلات على ليليا لقاتها كاتلعب هزاتها وعنقاتها كتبوس فيها
ماريا : والله لاخليتك ليهم بالله)بدات ليليا كتضحك وتلاغي
ماريا : نعام بلاما تكولي ليا أشنو درت حيت داكشي لي خاصو يدار وزايدون خالعاني خويا خويا مالو خوك مدار والو شفتيه كيف سكت
هاجر : وااقفرتيها وامشيتي فيها وراه هو كينطابق عليه داك المثال ديال هدوء ما قبل العاصفة راه إلى شفتيه سكت عرفي شي عاصفة جايا أشداك تجي وانت كثر منو
ماريا : أعلى مافخيلو يركبو مكيهمنيش أنا راه غير كيغوت عليكم شوية كتخافة منو مديرش متخافش
هاجر : واخا اختي واخا دابا تكولي هاجر كالت انا مكلت والو دابا....
****
#فبلاصة_أخرى
- سومية سومية...
وي ماما أنا جايا...تمت جايا بنت شعرها كاري قصيرة شوية رطب عند جدر مصبوغ بالكحل ولكن النص مصبوغ بصفر فاتح كدخل الخاطر يكون عندها ديك 20 سنة هكاك
- أنا أنخرج دابا أندوز عند باباك لمحال راه كولشي موجود عندك فكوزينة داكوغ ومنين تبغي تخرجي سوني ليا وعلمني واخا
سمية : ماما أتدي معاك طوموبيل؟
- وي أندي معايا طوموبيل لمرة لي فاتت خليتها ليك ومدخلتي لدار حتى كنتي باغية تحمقيني غير ديري فبالك اخر مرة انخلي ليك سوارت أه متنسايش ليكوغ ديالك داكوغ
سمية : بخيبة أمل) داكوغ ماما...
****
فاقت ماريا وهيا ماسخياش بالمانطة واخا كانت دار سخونة ولكن قدام ديور مسدود بثلج الجبال ماكيبانوش بضبابة والبيوضة... ناضت دخلات لطواليط عادة يومية عندها كدخل تكلس عام عاد تخرج واقفة كتشوف فالمرايا راسها وتقلب فوجها
ماريا :مالك مالك ربي مالك وليتي بحال لي عندها 60 عام دابلة ومطزمة بحال مي لالة انت فين مشا ضحك ديالك ولعبك وتفرويحك راه يلاه عندك 26 عام ماشي 100 عام توكضي شوية وديها فراسك شوية وانت وليتي بحال جداوات لي كيعطيو الخبير...مشات جيهت كوافوزة ديالها دارت كريم لوجها دوزات ريسيل على شفارها وعاد مرطب شفاه بنكهة الكرز على فمها بقاتوزاقفة كتشوف فشعرها بالين فيه البلان ولكن أجلاتو حتى من بعد لبسات حوايجها سروال دجيت وتريكو صوف طالع بالكول ديالو فيقات ليليا بدلات ليها حوايجها باش تفطرها...
خرجات على برا هازة ليليا سونا عليها تيليفون جاوبات حيت كانت غير هاجر
هاجر :صباح النور كيف صبحتي؟
ماريا : حسن من البارح بيني وبينك معرفتش كيفاش حتى خرجت لبارح وجيت ودرت ديك الحيحة وحق الله كنتفكر كنبقى غير نضحك
هاجر : انا لبارح خلعتيني معرفتكش كتباني متبتة ومرزنة أصاحبتي
ماريا : متبتة ومرزنة اه ولكن حتى انا الى طلعات ليا نقشة بحالي بحال ناس كنتعصب وحتى انا كنضحك وكنلعب وكنقولب بنادم راه غير مزال معرفتينيش راه من نهار
نهار وردة طرات ليها لي طرا تبدلت وحق الله ولكن أصاحبتي خوك جبدني مسمعتيش كيفاش كان كيهضر معايا وكملها وجملها بغا يحيد ليا البنت زوينة هادي
هاجر : ماشفتوش هاد الصباح يمكن مزال مفاقش من نعاسو يلاه انا خاثني نمشي لافاك اتوت..
ماريا :بسلامة...قطعات معاها الخط هازة ليليا ومقابلة مع سرجم كتلعب معاها رجعات هزات تيليفون دورات نمرة وردة
ماريا : ياختي الى ماهضرت انا انت الله ينجيك تيليفون أيعضك
وردة : هههه والله حتى يلاه كنت انسوني ليك
ماريا : أحيانة كديري ليا بحال دوك لي كيعرفوها فراسهم حق المهم أمضرا فين أنت
وردة : أنا دابا فطنجة
ماريا : أنضرا لقيتي شيحاجة ولا والو
وردة : حتى لدابا مزال كنقلب لغد انهبك لتطوان ومن تم انبقى هابطة كيدايرة خنيفيستي توحشتها لي مصبرني غير الألبوم لي عطيتيني ديالها فينما نتوحشها ندخل نشوف تصاورها ولا لفيديوات ديالها
ماريا : خنفوستك هاهيا معايا لبيسلة
وردة : اححح ياختي هاديك راه شكلاطة ديالي يلاه أنا مشيت نرتاح شوية عييت
ماريا : واخا سيري وباشما كان شي جديد علميني...قطعات الإتصال مع وردة تحل الباب ودخلات حليمة
حليمة : الله ابنتي تسطيتي فين اتخرجي البنت فهاد الجو غير اتمرض خليها عليك...تم هابط أحمد
ماريا : صباح نور بابا فين نايض على صبيحي
أحمد : أنمشي لبني ملال ابنتي
ماريا : اويلي علاش؟
أحمد : خاص نمشي على قبل شي وراق ديال لانتريت الخلصة كيعطلوها عليا ودابا ايجمعو كاع ناس لي كانو خدامين يلاه سوما عليا واحد السيد صاحبي خاصني نمسي ابنتي لاه نشد طريق
ماريا : واخا أبابا طريق سلامة...خرج أحمد يشد طريق ودخلات ماريا عند حليمة
ماريا : خالتي كون درتي لينا غير البيصارة البرد غير تسخنا وكتري تومة بزااف كتعجبني
حليمة : والله إلى هيا لي لقيتيني كنفكر ندير
ماريا : أنا ندي ليليا لبيت تلعب ونجي عندك...فكريق لبيت سونا الباب رجعت نحل ونابيت حليمة غير تكمل انا أنحل الحلة لي حليت كتجي عيني فعين الحاج شاف فيا ومشات عينو ليليا معرفتش علاس تزيرات إيديا على ليليا بحال إلى أيديها ليا
الحاج : أحم واخا ندخل أبنتي؟
ماريا : اه اه دخل سمحليا...خلاتو يدخل وسدات الباب سبقاتو لصالون وتبعها
ماريا : كلس تشرب شيحاجة؟
الحاج : لا مابغيت والو بغيت غير نهضر معاك على البارح
ماريا : شوف الحاج انا عارفة راسي لبارح دخلت هاجمة ودرت حاجة خايبة وكنطلب سماحة على ماوقع انا ماسي هكاك وحق الله ولكن راه ولدك طلع ليا جنية لسطح وااه واش هداك الولد عندكم شوية لباس فعقلو ولا مالو أحم سمحليا انا لي فقلبي على لساني ومكنعرفش نخبي وانت كنتي حاضر وسمعتيه كيفاش كان كيهضر
الحاج : فخبارك عجبتيني؟؟علات حجبانها وطرطقات فيه عينيها
ماريا : واشتي دااابا شتييي هالي قلنا
الحاج : كيضحك) هههه فهمتي غلط زعمة عجباتني شخصيتك فخبارك عمر شي واحد تجرأ وهضر مع جواد بديك طريقة انا لي باه كنخاف منو وكيدور فيا
ماريا : كلسات حداه) بيني وبينك عاجبو راسو وكيشوف ناس من الفوق وانتوما لي ربيتوه على هكا
الحاج : جواد واخا واااعر بزااف ولكن ماشي كيف كتخيليه داكشي باش جيت نطلب سماحة على مدار هو متسرع شوية وحتى انت مخلينيش من حقك ولكن عندك صح ومن حقك وكثر...شاف فليليا
الحاج : واش واش هادي هيا....؟؟
ماريا : مداتها ليه) أه بنت وردة او أمين...هزها الحاج بلاما يحس عينيه نزلو بدموع معرف كيفاش يدير خصوصا منين هزات إيديها صغيورين وكتجبد ليه فموسطاجو عجبو الحال وجاتو ضحكة
الحاج : كتشبه لماما ولكن كتدي لأمين فتصرفات والحركات هكا كان كيدير ليا فاش كان صغير
ماريا : الحاج انا منقدش نتفرق على ليليا واخا تحاولو او واخا ولدك يعيا ميدير مغانسمحش فيها هيا قطعة من روحي راه من سابع المستحيلات نعطيها ليه انت جدها على راس والعين اجي تشوفها ولكن باش تديوها مني غير بلاما يحلم بيها...حيد الحاج عينو على ليبيا وشاف فماريا وطول فيها شوفودة وتبسم بتسامة خفيفة...
الحاج :على حساب ماكالو ليا بلي انت بنت خت مرات سي عبد الله
ماريا : اه علاش كتعرفو؟
الحاج : كيلعب مع حفيدتو) اه مشاركين فأرض ديال الرمان لي جات فبني ملال
ماريا : اه مكنتش عارفة صراحة بابا لي مكلف بالارض من نهار جينا
الحاج : غير بشوية كولشي غادي تعرفيه انت ممزوجاش ياك على حد العلم ديالي
ماريا : لا ممزوجاش
الحاج : العجب زعنة بنت زوينة بحالك وكتحمل المسؤولية جاتني عجب
ماريا : هههه لا مكاين لاش تعجب الحاج انا لي مابغيتش باركة عليا غير ليليا وعائلتي
الحاج :شاف فيها) ولكن أش جاب زواج ليليا والعائلة
ماريا : شوف اصلا الراجل بحال دري صغير خاصك توكلو وتشربو وبعد المرات حتى دوش ليه وتصبر على صداعو وعصبيتو بحالو بحال دري صغير مزال الولد صغير الى دار بسالة راه اتعصيه ماشي بحال الراجل يقدر هو يعصيك بغيت نربي نربي نيت وليد ولا بنيتة وهاني هانية مع راسي
الحاج : هادي غير هضرة مكاينش منها ليليا ايجي نهار اترجع لماماها وباباها مغاتبقاش معاك اه انت بحال ماماها ونكولو كاع خالتها ولكن الحق حق العائلة مكدومش ايدوم ليك راجلك او وليداتك فكري فهاد الهضرة فاش اتوصلي لواحد العمر اتفكري هضرتي هاني انا قدامك ورت هاد المجموعة كلها من جد جدي عندي لي يتحرك ميتم كيف كيكولو كولشي كيعرف عائلة الإبراهيمي ومجموعة الإبراهيمي ولكن منين وصلت لواحد السن بديت كنكبر ومرضت ودرت عملية على القلب شكون لقيت من غير جواد هو لي قايم بالخدمة كلها دابا حيت انا صافي عييت ايخصني راحة المهم أما أنمشي دابا مرة مرة جيبي ليا ليليا نشوفها انا شرفت صعيب كل مرة نبقا غادي جاي
هاجر : نقزات من بلاصتها) اووف خلعتيني يوسف حيد منك هاد القاعيدة هادي شفتك جاي تديني انت العجب شي حمار مات اليوم...يوسف كيضور عينيه فلافاك ويتبع بعينيه البنات لي خارجات من لافاك وحتى هوما مخلاوش من حقهم بسيف يوسف غزال بحال خوتو وارت منهم طول ولكن ملامحو كيشبهو لامين زعر ومبشور فوجهو ضحكة ديما على وجهو متشوفوش مغوبش هو فايت هاجر بعمين عندو 23 سنة
هاجر : صافي صافي بلاما تحتاج تجاوبني الجواب باين امن عينيك لي كيلوبو وكيدورو كيف طرومبية يلاه خلاص دوزني لمكتبة ناخود شي كتوبة
يوسف : الصمت) ساهي
هاجر : بالغوات) ويااااالااااه
يوسف : بشوية هاهو غادي....دار جيهة لقدامية طلع دار سمطة طلعات هي حداها دارت السمطة بدورها ديمارا وزاد...
****
فالكافي كالسة ماريا شادة تيليفون ديالها كدور فأنستغرام حتى كتحسش بشي واحد جر الكورسي وكلس علات راسها بان ليها ياسين لابس سروال دجين وكاط وداير تجاكيج وكشكول
ماريا : لا هادي لا ديك ولكن ناوية إن شاء ندير دروس خصوصية فالموسيقى
ياسين : اووه قريتي على الموسيقى؟
ماريا : ماشي بضرورة الواحد يقرا فشي مدرسة عطا الله الكتوب ممكن تقرا فيهم وفاش كنت فسبانيا واحد سيد كنت خدامة عندهم فدار كان كيعطيني دروس فالكيتار داكشي باش انعلم الوليدات صغار الكيتار ومنها نعمر وقتي
ياسين : بغافو والله كنحييك على هاد الخطوة إيوا شنو تاكلي
جواد : حاط عينيه على شي تقارير ديال المحاصيل ديال هاد العام) وي دخل....تفتح الباب ودخل واحد الراجل طويل لابس مونطو كحل وبيرية كحلة هاز واحد المغلف فيديه
- سيدي درت لي طلبتي مني هادو معلومات زايدة على المعلومات لي عندك وكاينين حتى تصاور تخادو لبارح واليوم...بلاما يشوف فيه جواد نطق
جواد : حطهم وسير حسابك أتلقاه وصل
- واخا أسيدي...حط ليه المغلف وخرج غير سد الباب سد جواد البيسي لي كان قدامو مد إيديه للمغلف هزو فتح واحد المجر جبد منو موس صغير بحال شكل مبرد دور الكرسي جيهت سرجم وبدا كيفتح فداك المغلف لاح داك الموس وجبد واحد الورقة طويلة كيقرا فيها كلما قرا سطر كيهز حجبانو علامة تعجب حتى سالة الورقة كلها حطها وهز تصاور كيدور وحدة بوحدها حتى وقف فأخر صور لي كانو جداد وموخودين غير هاد صباح جمع تصاور ورجع براسو لور كيضرب بدوك تصاور إيديه شوية بحال إلى جاتو فكرة على بالو هز حاجبو وتبسم إبتسمة ديال الخبث وقف ورجع كرسي لور رجع تصاور او لورقة لداك المغلف جبد واحد المجر صغير حط فيه جوا سدو وقفلو يدبساروت صغير مدهب ودار فجيبو هز ايليفون وسوارت وخرج من المكتب تلقى ليه بوبكر لي كان حادر راسو وكيسول فيه :
بوبكر :سيدي شنو تبغيو تاكلو على الغدا
جواد : كيهضر وهو غادي) أنتغدا على برا....
****
#cafe
ماريا : أحم دكتور ما...
ياسين : أول حاجة حنا ماشي فسبيطار دابا حنا كنتغداو ومدام كنتغداو إلا ولينا صحاب وصحاب مكيخضروش بالألقاب انا كنكوليك ماريا وانت كولي ليا ياسين واخا؟؟
ماريا : هههه واخا شوف متفهمنيش غلط عفاك ولكن انا عزيز عليا الواحد يجيني نيشان داكشي باش ممكن نعرف علاش عرضتيني لغدا خصوصا انا وياك مكنعرفوش بعضياتنا مزيان داكشي باش جاتني عجب شوية؟؟..
ياسين : كيضحك) أنا عرفتك اتجيك عجب كيف كلتي مكنعرفوش بعضياتنا شوفي ماريا حتى انا صريح وكنجي لبنادم نيشان من نهار اول مرة جيتي لسبيطار صراحة فيك شيحاجة مميزة بزااف كتخليك تبصمي فعقل الواحد نهار على نهار كتباني ليا بنت ضريفة سولت عليك وردة فاش كنت كنفارد بيعا فالحصص..
ماريا : قاطعاتو) وبطبيعة الحال هيا خوات ليك المزيودة كاملها
ياسين : هيا باغية ليك غير الخير ومكالت فيك حتى كلمة خايبة بالعكس شكراتك بزااف انا علاقات ديالي قلال بزاااف نقدر نكوليك انت البنت الوحيدة لي رتاح ليها قلبي
ماريا : كضحك) انت البنت لي رتاح ليها قلبي وهاد الهضرة أول مرة نكولها لشي بنت اغير كوليا اخويا منين كتجيبو هاد الهضرة حسن ليكم متبقاوش تقداو نفس الكتاب ههههه
ياسين : ههههه لالا والله حتى صريح معاك شنو كلتي؟
ماريا : فاش بضبط ياسين انا منكرش بلي انت ظريف او باينة فيك ولد الناس صراحة وألف وحدة تمناك انا شفت غير الفرمليات شنو دايرين عليك ولكن انا معرفتش كيفاش نكوليك بحال إلى كلتي مزال ممستعداش لشي علاقة والله كنحس براسي مزاال
ياسين : بحالاش واش فايت شي واحد لعب ليك بمشاعرك فايت دزتي فشي علاقة أداتك؟
ماريا : لالا والله مكاين لا علاقة لا علاااااااقة ههههه ماشي بضرورة ندوز من تجربة خايبة باش ناخود هاد القرار ولكن غير مزاال مجاش الوقت وصافي كتحسي براسك بلي مزاال ممستعدة ترتابطي بشي واحد فهمتيني بغيت مشوفك خرجي الى كان داك الوقت لي طلبتي تشوفني انا مخشية تحت المانطة ومبغياش نخرج بزااف ديال الحوايج والله من الأحسن تنسى هاد الفكرة نكونو صحاب مرحبا على راس والعين أما قضية ديال العلاقات وكدا أنا مزال الحال عليا شوية وسمحليا والله
ياسين : ماشي مشكيل الالة اللهم لعمش ولا العما اللهم صحاب ولا والو هههه... بقاو على الهضرة مني منك حتى سونا عليه ايليفون طالبينو فلوبيتال
ياسين : والله ماسخيت بيك ولكن الواجب ينادي هههه
ماريا : الخدمة هيا اللولة...ناضو بجوج دقة وحدة وخرجو دقة وحدة
ياسين : نوصلك عاد نمشي لخدمة
ماريا : الالاااا غيير سي انت انا انمشي على رجليا كيعجبني هاد الجو بزااف
ماريا : وانا ديحا كتليك تقدر تكون سيد على الناس وعلى راسك اما أنا كنحكم راسي براسي ونزيدك واحد الحاجة تقدر متكونش عارفها توقع أي حاجة أي حاجة من وحدة غامرات وهيا عندها 18 رعام وسافرات وركبات فلوكة مع 40 راجل وغير هيا او بنت خرا لي بنات تلاحت من الفلوكة لما غير باش توصل مخافت لا من موت لا من حوت هادي متوقعش منها تخاف منك أسي جواد انا كنخاف غير من الله لي خلقني ومن با لي ولدني شي واحد أخور لا وراه كولنا سواسية فوق هاد الأرض وقيلة كتليك لي عندي وانت تعرف..جات غادية حتى جراتها إيدو لي دارت كلها على المعصم ديالها وخلات حركتها تشلل إيديه ي كانت قاسحة على إيديها بالخف دورها عندو هزات فيه عينيها مغوبشة.
جواد : بصرامة) مزال مساليتش هضرتي حتى نساليها وديك ساعات سيري
ماريا : راه كتليك معندنا علاياش نهضرو...جرها عندو بجهد حتى تخبطات مع صدرو نزل بفمو لجيهت ودنها ونطق بهمس ومن تحت سنانو :
جواد : شنو باليك نهضرو على حكم المحكمة منين يعرفو بلي الكفيلة ديال ليليا لي هيا بنت خويا كدوز وقتها فدوران فالقهاوي مع الرجال أممم ديك ساعة ساهل عليا نحيدها ليك اممممم.....
بعد على ماريا كيشوف فيها شنو أتكول علات فيه عينيها كتشوف فيه وهيا تنطق :
ماريا : وقيلة كتليك بلي أنا مكنخافش وداك تهديد ديالك معندو ميدير معايا ويلى مكدوك دوك تصاور بي عندك نزيدك 100 والى بغيتي تبعني نعطيك شهادة سكنا وجي سكن معايا حسن ليك...جات تخطاه جرها جرا وحدة من دراعها غادي بيها لجيهت طوموبيلتو
ماريا : طلق مني طلق ولا اندير ليك شوهة طلق...مداهاش فيها جارها بحال شي درية صغيرة فيديه حتى لباب طوموبيل فتحو دفعة وحدة دخلها وسد الباب وراها عيات تحاول تفتحو مابغاش يتحل بالخف طلع حداها سد الباب دار سمطة ديمارا بزربة وزاد
جواد : ضرب الفولون بيديه) وديني وما أعبد ومتسكتي انهرس ليك فمك أنا ماشي من نوع لي عندو المرة انثى مخاصش تمس درتي علاش تاكليها فجلدك ودابا اتسكتي فمك ومتبقايش ترطاي....شافت فيه بكره جمعات إيديها وشافت قدامها مرة مرة كتمشي عينيها ليدو لي كان سايك بيها ولخاتم لي كان داير خاتم مميز ديال نقرة منقوش ومزوق بألوان لي كيكونو فذيل ديال طوس ومحفور بذهبي حرف الواو حرف من سميتو شاف فيها بنص عين مخنزر دورات وجها لجيهت زاج كتغلي من الداخل شنو أيكون باغي منها عندك يخطفها بصح ولا يقتلها ويكرضها طراف استغفر الله أش كنكول أنا كتبات ليا طوموبيل غادية وكتبعد غير شجر محاوطنا وتلوجات طريق كلها عامرة ثلج شافت فيه ماريا وهيا تكول ليه :
ماريا : فين غاديين؟
جواد : متخافيش بلاصة ميقد يعرفك فيها حتى واحد
ماريا : كيفاش زعمة ؟
جواد : مكيشوفش فيها) بلاصة لي نقد نسكتها بيها بطريقتي وحتى واحد ميجيب ليك خبار
ماريا : حسات بالخوف شوية تسلل لأطراف ديالها) إلى عند بالك اتخلعني بهاد الهضرة فراك غالط اشوف غيرها
ماريا : بغيت غير معرف مناش مصنوع أنت مناش واش عند بالك مزال عايشين مع ءهل الكهف ولاشنو وراه زمان العبودية مشا دابا راه ولات المساواة فهمتي ولالا
جواد : الأنسة معارفاش علاش كتهضر يمكن اه بغيت نكول الأستاذة ولكن مغانجاوبكش كنبغي نسوك وانا ساكت ولي معايا ساكت
ماريا : واش....سكتها
جواد : ششش كتليك سدي فمك حين ليا وليك...مزادتش كملات هضرتها رجعات سكتات كتشوف لائحة مكتوب فيها إفران إيموزار رجعات ليها الراحة شوية بعدا إيموزار كتعرف فيه الناس
جواد : شفتي شحال ظريف أنا غادي بيك لبلاصة معروفة بعدا بعدا تلقاي لي يعرفك ويعاون فدفين ديالك
ماريا :ضحكك باسل وحامض بحالك سبحان الله....خنزر فيها تخنزيرة وحدة خلاتها تدور وجها
جواد : انا كنتغاضا بعد المرات ولكن بنادم منين كيعيق كثر من القياس مكنعقلش عليك داكشي باش الله يرضي عليك كلسي متبتة ومنسمعش حسك حيت كنضمن ليك لي غادي ندير موحال واش يعجبك...من هنا مارجعاتش نطقات بحتى كلمة حتى وصلو قدام واحد الباب كبير من حديد وقف واحد الراجل عطاه التحية وحل الباب مع حل الباب دخل بطوموبيلتو هادي ماشي فيرمة هادي راه مدينة بحد داتها واخا كانت خاوية حيت شتا وثلج ولكن باينة واعرة فربيع والمواسم لوخرة دارت طوموبيل من واحد دورة وقفات قدام واحد الدار كبيرة بزاااف حل جواد سمطة فتح الباب ونزل بقيت كالسة فبلاصتي كنشوف فيه مسا حتى لجيهت الباب دور راسو ورجع لعندي
جواد : ناوية تباتي هنا؟
ماريا : منزلاش انبقى هنا حتى ترجعني بحالي
جواد : بلامبالاة) خليك تما سوارت عندي وهنا خاوي مكاين لي يعاونك وحتى طريق لي جيت منها مكيدوزش منها الحديد كل ساعة يلاه كادوز طوموبيل وحدة وشوف وشوف يوكفو ليك وعلاما دوز اتكوني جمدتي بثلج وبالبرد الإختيار كيبقى ليك....خلاها فتح باب الدار ودخل بقات كتشوف حتى عيات نزلات من طوموبيل خبطات الباب وتبعاتو دايرة إيديها فجياب المونطو ضربات الباب وراها حتى دار شاف فيه هاز حاجبو
جواد : أخر مرة ديري يحال هكا زدتي فيه بزااف متخلينيش نوريك وجه مغايعجبكش أ أستاذة
ماريا : شوف الله يرحم باك شتي هادشي ديال الأفلام تركية معنديش معاه جيني نيشان وكول شنو بغيتي مكنحملش هاد تخربيق هذا
جواد : شاف فيها) وحتى انا معنديش مع اللف ودوران جوج كلمات انكولهم ليك اتمشي وتجمعي لبنت حوايجها وغادي نجي انا بنفسي نديها
ماريا : وراه مليون مرة إلى كتفهم العربية راه كتليك البنت والله لاديتيها اتبقى عندي بنتي أنا حتى تجي مها وباها
جواد : تعصب) متعصبيش ملتي البنت خاصها تكون مع عائلتها
ماريا : أشمم عائلة علامن كتهضر على الجدة لي دارت خطة باش بنت ختها تفرق على ولدها؟ شاف فيه وهو مغوبش
ماريا : وراني عارفة كولشي اسي جواد حتى حاجة مكتخبى...
عمرها ماتنسى ليا نهار جيت لعندها نكوليها بلي عندها حفيدة وبلي وردة كانت مركية فسبيطار بين الحياة والموت كيفاش تعاملات معايا واعيباد الله مقدات تكوليا حتى جيبيها ليا نشوفها ومحناتش فبنت ختها لي معندها لاحنين لارحيم وكتكول ليا انت ليليا خاصها تكونومع عائلتها ربي وريني هاد العائلة شكون انت لي عندك كولشي بتهديد بقى ليك اخويا غير تهز سلاح وتيري فينا حسن عمرك شفتيها ولا هزيتيها بين إيديك لي كيهمك هو خاص بنت ولد الإبراهيمي وسط عائلتها سير شوف ليك شيحاجة خرا أما أنا راه منصلاحش ليك ونزيدك كون وردة بغات بنتها تبقى معاكم كوراه وا جابتها ليكم ولكن كاتليا بنتي امانة عندك تبقى عندك ماشي عندكم
جواد : ضحاك) ومساهلاش مع راسك وعلاش نهار لول كاتليك ديها لعائلتها أ أستاذة أم يلاه جاوبي الى على العام لي كانت عندك نخلصو ليك الى كنتي باغية غير الفلوس وعند بالي وحدة بحالك اتبغي غير الفلوس صغيرة شنو اتبغي دير وتربط راسها بنت مكتجيها معندها بيها علاقة....قربات ليه ماريا واخا هو طويل تعلات وشافت فيه
ماريا : تحت سنانها) دوك الفلوس سير بخر بيهم زايدين فيك تمشي تعالج عند شي طبيب انا ممحتاجاش فلوسك كون كانت عندك الكبدة مغاتهضرش هكا انت معارفش اش بيني وبين وردة فاش كنتو لايحينها كنت أنا معاها ربي دابا علاش كنشرح ليك شوف نكوليك باش نهني راسي ونهنيك والله لاديتي بنتي طير تنزل والله لا شفتي شعرة وحدة منها...جمع ليها وجها بيد وحدا وقربها عندو
جواد : زدتي فيه بزاااف متخلينيش ندير إيدي فيك بغيتي بزز ولا بالخاطر....نزلات بسنانها على إيدو عضاتو غوت ورجع اللور كيعاير
ماريا : إلى وصلتي ودنك عضها...بالخف مشات كتجري لباب حلاتو وطلقات رجليها لهوى كتجري وتكول ماجرات واخا الثلج عكلها ولكن كتحاول ما أمكن تجري على قد جهدها سمعات حس طوموبيل وراها دارت لقاتو وراها عطات جهد ولكن كان واوصل عليها وقف طوموبيل وتم تابعها دارت كيبان ليها عينيه حمرين والى وصل ليها غير تقرا الفاتحة على راسها بدات كتغوت على خر جهدها باش شي واحد يعاونها
ماريا : واكواااااك عتقو الروح شي واحد يعاوني عفاكم عاونونيييي....مقداتش تكمل حيت كان سد ليها فمها بيد وإيد هزها من كرشها ومرجعها لطوموبيل وهيا كتركل وضرب برجليها وقفها عند طوموبيل رجعات كتحل فمها كتغوت مع أول غوته هز إبدو حتى لسما وصرفقها تصرفيقة خلاتها دوخ وطيح هزها ورجعها لطوموبيل ورجع بيها للفيرما...
****
حليمة : وفات العصر ومزال مارجعات ممالفاش ليها
مليكة : كتوكل فليليا) تلقايها تلاقات مع هاجر وبقات معاها غير خليها وهيا أمحبوسة فدار خليها تخرج وتفوج بحال كراناتها شكون شافها وهيا أفدار إلى بقات هكا مغايشوفها حد
حليمة : أحيانة أيامنا يشوفك واحد أمرة ويجي لداركم نيشان
مليكة : شافت فيها ) يامك ويامي هاديك أحليمة نعلي شيطان دابا راه زمان خور مابقاش داكشي حيدي عليا زمان مشا مع ماليه احبيبتي
جواد : وي الحاج واش كتفلى عليا ولا شنو راه هضرنا فهادشي من قبل وكتليك كوليهم يعاودو رااسهم واقيلة مابغاوش يتعلمو من المرة لاخرة
الحاج : الله يهديك أولدي راه محتاجهم فالإنتخابات إلى بغيتي تكون العامل ديال الإقليم خدم عقلك شوية وزايدون من حقهم
جواد : الحاج هادوك انا لي عارفهم مزيااان وعارف شنو تحت راسهم وديك البلاصة أنديها بغاو ولا كرهو
الحاج : جواد متقسحش راسك ميمكمش لناس يصوتو على واحد مراسيش فبلاصة وحدة كل مرة فبلاد ميقدوش يأمنو ليه ويأمنوه على بلادهم ويطمعو منو يصلاح حال البلاد وحال الناس فكر فيها شوية...تنه جواد تعصب ديال بصح بغا غير إيمتا يقطع دور راسو طاحت عينو على ماريا ناعسة على فوتوي وجيهت وجها حمر بتصرفيقة لي عطاها صغر عينيه بحال إلى كيفكر فشيحاجة ماوكضو غير صوت باه
الحاج : شنو كلتي شنو أنديرو دابا؟
جواد : واخا مكنحملش شي واحد يملي عليا رايو واخا يكون با لي ولدني ولكن مصلحتي فوق كولسي وحاديك البلاصة شحال وانا باغي نوصل ليها
الحاج : هيا نبدا نقلب ليك؟
جواد : ميحتاجش صافي لقيت
الحاج : لقيتي كيفاش بهاد زربة شكون بنت من وفين؟
جواد : بحزم) الحاج مكنبغيش لي يبقى يسولني بزااف حتى لوقتها وتعرف.....قطع عليه تيليفون ورجع بداكرتو ليومين قبل
#فلاش_باك...
تفتح باب المكتب ودخل الحاج كيبان ليه جواد حال صدايف قميجتو حاط حداها طفاية ديال الكارو محطوطة فيها شي بانت قلال ونص كارو مزال مشعول
الحاج : إمتى اتحيد عليك هاد الويل
جواد : خدام على بيسي مشافش فيه) نهار لي يكولها ليا راسي وميفرضها عليا حد...رجع شاف فباه ونطق وهو مغوبش....
مخاصكش تبقى هنا عارف طبيب منع عليك تشم ريحت دخان
الحاج : اشر ليه بيديه بمعنى معليش)واش ناوي تقدم للانتخابات هاد العام؟
جواد : رجع بلكرسي لور) أه علاش؟
الحاج : والو غير سولت وصافي حيت مجبدتيش معايا هاد الموضوع كلت واش نسيتيه
جواد : غادي ندخل ضد فهادوك لي على بالي وبالك وديك البلاصة والله لا حلم بيها شي واحد فيهم
الحاج : الناس لي كتحكم أولدي
جواد : الناس كتعرف لي يصلاح ليها ماشي لي أيضحك عليها بجوج كلمات مشا زمان ديال كدب عليا ونكدب عليك الحاج شفوي مبقاش كياكل الخبز
الحاج : ولكن ميمكنش اولدي ناس يأمنو لواحد لي ممعاهمش فالمنطقة وأغلبية ديال الوقات غايب عليهم ومعايش معاهم معارفش مناش كيعانيو شنو خاصهم وشنو لي لا ومميتقرش هنا باغيين واحد لي منهم وعايش معاهم بصفة دائمة ماشي كيخطف ويهرب...قرب جواد الحاج كيشوف ليه فعبنيه نيشان
جواد : الحاج بلاما نكدبو على راسنا كاينين وجوه البلا وبلاما ندكر سمياتهم حيت انت وأنا عارفينهم مزيان ولاد هنا وممن هنا ومن نهار دخلو البرلمان ونجحو عمر ناس هنا مشافو وجهم ولي جا يحل عليك فمو انخلي دارو من لاخار
الحاج : جواد نقس شوية من عصبيتك أولدي راه عيا لي أتخرج عليك الناس ايطمنو كثر لواحد لي منهم وايستقر هنا وأهم حاجة لي تخليهم يرتاحو الى كان هاد المترشح مزوج...مع هاد الكلمة على فيه جواد عينو وتبسم
جواد : الحاج لاش هاد دوران كامل جيني نيشان راك عارفني مكنحملش ديك خيطي بيطي فالهضرة
الحاج : سي تهامي وسي شمسي كالو ليا إلى مكانش ولدك مستر مكاينش لي يقدر يصوت ليه أيخافو وانت معروف أولدي بعصبيتك وكولشي ناس كيعرفوك من حقهم يخافو
جواد : أنا غول كنخلع داك سي تهامي الما دخل سوق جواه وعطاني تيساع قسما بالله لا عقلت عليه وضوسيه لي عندي ايخليه يدوز فشارع حادر راسو
الحاج : ولدي الله يخليك...
جواد : الحاج بلاما دخل فهادشي وخليك بعيد عفاك ديها غير فصحتك انت انا شغلي قاد بيه وفايتو لهيه....
#الحاضر
خلى ماريا ناعسة ودخل لكوزينة حل ثلاجة خدام وهو هاز حاجب ومهبط تاني جبد قرعة فيها الحليب دارو فكاسرونة شعل البوطة ودارو عليها جبد قرعة فيها قهوة حطها حل واحد البلاكار هز من غراف وحطو...
بدات ماريا كتفيق كتحل فعينيها حسات براسها كيضرها كلسات وهيا تفكر طرشة لي عطاها عمر شي واحد حط إيدو عليها باها لي ولدها عمرو مسها يجي هو يطرشها ولكن الهضرة ماشي دابا الى كان باغي يعصبها ودير شيحاجة ماشي فصالح ديالها والله لاكانت ليه شوبة بان ليها خارج وهاز غراف فيديه حطو قدامها وكلس مقابل معاها
جواد : شفتك فقتي
ماريا : لا غير كنكلس وانا ناعسة
جواد : شربي قهوتك تخفف عليك شوية
ماريا : شربها انت الى بغيت لقهوة انشربعا فدارنا ودابا بغيتك ترجعني فحالاتي...رجع جواد بلور ودار رجل على رجل
جواد : مزال الحال شوية مالك زربانة خودي قهوتك الجو بارد متخافيش مدايرش فيها سم
ماريا : انت راك سم براسك يلاه ادير فيها سم
جواد : فمك ماضي
ماريا : فمي ودراعي بجوج بيهم ماضيين
جواد : أستاذة حسن ليك تبتي وتبردي راه ماشي فصالح ديالك تعافري معايا اخرتها أتخسري
ماريا : جمعات فمها على شكل وردة ونطقات تحت سنانها) ما تبقااااش تكووول ليااااا استاذة
جواد : علاش كلت شيحاجة لي مكيناش ياك ناوية تولي أستاذة...وقفات ماريا غادية جيهت لباب جرها من إيدها وكلسها
جواد : خرج فيها عينيه) براكة عليا من هاد طيران شوفي اتكلسي تم شربي قهوتك واتسنطي ليا شنو انكول ولا هاد المرة انهزك ونديك لكوري دالبهايم نربطك ونخليك تكلاصاي تما...بقات كتشوف فيه
جواد : بالغوات وصوت زلزل دار)(بالأمر) شربي..مدات إيدها لكاس هزاتو وجغمات منو جغمة كبيرة عينيها دمعو ماشي جاتها البكية ولكن القهوة كانت سخونة بزااف ومارضاتش تكول ليه جاتها سخونة هو داير إيدو على فمو وحاضيها عرفها جاتها لقهوة سخونة ومارضاتش تكولها ليه حتى لدابا مدازتش من حياتو وحدة بحالها أه دازت دازت تفكر الماضي ومحاه من ديك ساع من عقلو حيت الماضي مات وماتلاش ايرجع مزال
جواد : الحل هو تولي مدام الإبراهيمي...دورات وجها عندو بصدمة
ماريا : أشنو كلتي كيفاش مفهمتش
جواد : حل واحد عندك هو تزوجي بيا..
قد أكون ملجأ لشخصٍ ما , ودهشة في قلب أحدهم , دواء لجرح آخر , وخيبة لقلب أحدهم أيضًا , كل هذا يعتمد عليك أنت , أنا الصواب والخطأ , أنا الداء والدواء , القُرب والبُعد أجمع الأضداد في آنٍ واحد ولستُ شيئًا تستطيع حصره..
بقات كتشوف فيه ماريا وهيا تنطق..
ماريا : واش كتهضر من نيتك؟
جواد : لا من كفايا راه سمعتيني شنو كلت ليك
ماريا : واش انت شوية لاباس لا سلم عليه زرب عليه هادشي راه لهبال هذا عطيني بيضة ولا نطيح يا تزوجي بيا يانحيد ليك ليليا
ماريا : على اساس أنا انموت عليك مساعرنا بحال بحال غير تهنا
جواد : هاد القضية هادي اتنفعنا انا وياك انت اتبقاي مع بنت خويا وأنا اناخد المنصب ديالي خدمي شوية عقلك أ استاذة ليليا راه انديها انديها سوا بغيتي ولا كرهتي واخا ترفعي ميات دعوة انديها حيت لي قريب ليها بدم هو لي عندو الحق خصوصا الى عندك المعرفة وسلطة فيديك وغير كنية ديال العائلة قاضية الغراض اما انت كيفاش اتربيها بنت بوحدك شنو عندك اه أراضي ورتيهم على عمتك هادشي كافي لا زيد عليها تصاور لي عندي ليك مع سي دكتور هادشي كيبين بلي تربيتك تقدر تأتر على بنية صغيرة لحالها...وقفات كتخنزر فيه
ماريا : مدامك جايب هاد المعلومات كلها ايكون فراسك بلي ليليا مربياها من صغر ومكنتش كنخرج الا وهيا معايا دابا انت عند بالك صافي غير أتهددني انكوليك بسملاه واش انت شوية لباس لا؟ عندك الحل هو نتزوج بيك
جواد : شكون كاليك حنا انتزوجو أصلا
ماريا : كيفاش مافهمتش؟
جواد : انا وياك بوحديتنا لي عارفين ريوسنا ممزوجينش ولكن باقي ناس اه انخليو الخبر ينتاشر بين الناس بلي جواد الابراهيمي خطب وغادي يتزوج انطلبك من داركم بحال كاع الناس على قبل الاب ديالك وعائلتك وحتى عائلتي ايكونو عند بالهم بلي حنى انتزوجو ديال بصح انت اتبقاي مع ليليا وانا انضمن بلاصتي فالانتخابات نهار نجح وناخد بلاصتي ويرجع خويا او وردة ديك ساعات كل واحد عارف طريق خناقو..
جواد : الى كان هكاك اتسهلي علينا المأمورية حتى انا معنديش مشكل غير المهم حتى واحد برات دار مايعرف بهادشي مابغيتش لخبار توصل لناس وهكا نكونو تفاهمنا
ماريا : شكون كالها ليك راه نكولها ونعاودها انا مخداماش عندك ولا بورتكلي فيدك تحركني كيفما بغيتي ونكوليك مرحبا أسيدي الى كنت انت من الأسياد انا ماشي عبدة عندك...شدها من عنقها وجبدها عندو
جواد : تحت سنانو) انخليك عبدة اماريا غادي نخليك وغادي تقبلي بغيتي ولا كرهتي حيت انت لي بغيتي هادشي وجبدتي لوحش لي ساكن فيا تحملي العواقب جايا...دفعها....خنزرات فيه ضربات الباب وخرجات قرب المغرب وظلام بدا كيطيح متسناتوش يوصلها مشات مسافة طويلة على رجليها وحتى هو محاولش يوقفها سمعات صوت طوموبيل وراه ضارت بان ليها لي خسر عليها هو الما ديال الشتا لي رش عليها وكمل طريقو مخليها وراه
ماريا : غير بلاتي عليك أنعامة تفو على عقروش ديال الخلا عمري فحياتي محسيت براسي كنكره شي واحد لهاد درجة حتى حسيتها دابا...كدور حداها مبان ليها حتى واحد
ماريا : الله ياربي الله فين انمشي قرب يظلام الحال...سمعات حس تراكتور جاي دارت بان ليها تراكتور جاي من بعيد وقفات فشانطي كتنقز وتشير بيديها شوية بشوية بدا كيقرب حتى كيبان ليها سالم
سالم : اويلي بنيتي مريم تي اش سايرة كديري هن؟
ماريا : والو أعمي سالم كنت جايا انشوف الفريما ومول طاكسي تلفني داكشي باش
سالم : طلعي طلعي يابنيتي نوصلك طلعي...طلعات حداها مشا بيها حتى لدار عندو حط تراكتور وهز بيكوب ديالو شد بيها طريق وصلو مع ظلام...
ماريا : نزلات) الله يرحم بيخا الوالدين اعمي سمحليا عدبتك
سالم : هاويلي على عدبتيني واسلمي على سي حمد
ماريا : مبلغ اعمي سلم على خالتي بديعة...مشا سالم دخلات ماريا لدار مسحات رجليها فطابية عاد فتحات باب دار ودخلات مع سدات الباب وقفات عليها مليكة
مليكة : الله أبنتي الله أش هاد تعطيلة خلعتيني تيليفونك طافي خالتك حليمة مشات لدار وكلت ليليا ونعستها وكنتيناك دروك تجي مجا حد
ماريا : بلاتي غير نحيد عليا هاد الحوايج ونلبس حاجة سخونة ونجي نعاود ليك
مليكة : واخا هاني كنتسنى....
****
#فالقصر
واقفين بجوج كيتناقشو
الحاج : اولدي الله يهديك واش انت بعقلك انا مكنتيش هكا توصل حتى لتهديد لا حتى لهنا وسطوب كيبان ليا مقديتش نربيك مزيان
جواد : مخنزر) انا غير علمتك بلي كاين باش تكون على بال مكاينش شي واحد يحكمني ويلوي ليا دراعي والى عند بالهم بهاد طريقة غايفشلوني معارفينيش انا شكون ومعاش لي يلوي دراعي وانا انلعبها عليهم مزيااان والى كان على الاستاذة حنى انشوفو حتى فين جهدها
الحاج : جواد..
.....قاطعو جواد
جواد : الحاج انا عارف اشنو كندير مكاين لاش دخل انت هادي حياتي وانا حر فيها...خلى الحاج واقف كيشوف فولدو لي مابقاش عارفو نزلات هاجر كتجري عند باها
هاجر : بابا واش بصح هادشي لي بغا يدير خويا؟
الحاج :كلس) راه سمعتي كولشي بودنيك
هاجر : (كلسات حداه)
- واش اتخليه يدير هادشي راه راه الحماق هذا عمري شفت هادشي راه حشومة عليه
الحاج : معندي مندير ابنتي خوك وانت عارفاه الى مشا حتى دار شيحاجة فراسو حتى واحد مايقدر يرجعو على قرارو حار انا لي باه ومكنقدش نتناقش معاه فبحال هادشي
هاجر : خوياا زاد فيه بزااف ابابا والله
الحاج : انا خرجت عليه تربا فواحد الجو لي كولشي كيخاف منو وكيدير ليه ألف حساب أبنتي هاد البنت هادي فكراتني غير فليلى عقلتي عليها...كلسات حداه هاجر شادة فدراعو
هاجر : أه عندك صح كنت ديك ساعات مزال صغيرة انا غير دادا رحمة الله يرحمها كانت عاودات ليا عليها
الحاج : كنا كنمشيو كل عطلة للفيرما وكانت هيا بنت العساس عمري شفت شي بنت بحالها كولشي منها تسكي تحلب ترعى الغنم كان خوك ديك ساعات كيفرا على برا وكيجي فداك صيف لي كندوزوه حنا تم إيوا وشافها وعجباتو بزااف وبغاها وانت عارفة ماماك الله يرحمها بلاما نكوليك نوضات روينة جرات على العساس وعلى بنتو
هاجر :(شافت فيه)
- وهيا كانت كتبغيه؟
الحاج : الله علم ولكن كانت هيا وياه بحال المش مع الفار واخا كون هو ولد الباطرون كتحسبو بحالو بحال أي واحد داكشي باش كان باغيها واش بصح كان كيبغيها ولا كان حاسبها بحال شي لعبة ولا واخدها ضد الله أعلم لمهم هو منين رجع أخر مرة مالقاهمش ومن بعدها ساق لخبار بلي يمكن تزوجات هاديك عيا مشيتو
هاجر : ماما الله يسمح ليها وخلاص كونما هيا كاعما نكونو فهادشي دابا وخويا امين علم الله أش بيه
الحاج : قلبت دنيا سفاها على علاها او والو سميتو فرحلات الجوية والبحرية مكيناش على الله يرجع فلقريب ياربي ونتهناو من هاد صداع الراس
هاجر : ودابا شنو انديرو فهادشي ديال ماريا ؟ نباهم صوت من وراهم
-شكون هاد ماريا؟ دارت هاجر بانت ليها بنت عمها إقبال
هاجر : انت مغاتحيديش ديك القاعدة ديال تسناط ورا البيبان واسيري ديها شوية فخطيبك راه ايمل ومايبقاش يشوف جيهتك...ناضت من حدا باها وطلعات لبيتها
مليكة : اويلي حاي ستغفر الله خاصك تكوليها لباك يوقفو عند حدو واش يحسابليه ممعاك رجال ولا بزااف هادشي مكاين مخزن فالبلاد من غدا عيطي على داك المحامي ورفعي عليه دعوة ديال الإختطاف ودوزي طاسيلتو من عين لبرة
ماريا : (مربعة رجليها وهازة كاس فيه حليب وشكلاط) :
- ماما مليكة واش يحسابك هنا كنمتلو فيلم اشمن ختطاف الخطف هو الواحد يسد عليك ويعدبك ويربطك ماشي مشيتي قبل العصر ورجعتي لداركم مع المغرب وهانتي كالسة كتشربي فشكلاك والحليب سخون
مليكة : بنتي الى جيتي لصراحة راه من حقو يدي بنت خوه والى بغا راه يديها ومتقدي ديري والو
ماريا : حتى انت كتزيدي عليا باش عرفتيها راه انا لي مربياها
مليكة : واخا تربيها ولكن معندك حتى صلة ديال الدم بيها عائلتها أولى بيها راه الى مشا هو المحكمة راه يجيب عليك الحق وانت كلتي عندو وراق وتصاور يخخ كون غير ماتلاكيتي بداك طبيب عندك ايكون صورك فاش سلم عليك بالوجه هادي بعدا حجة تحيد ليك البنت فرمشة عين...خنزرات فيها ماريا وهيا تكمل :
- بلاما تبقاي تشوفي فيا انا فايتاك فزمان ولي فاتك بليلة فاتك بحيلة كنكوليك لي كاين راه مالين الفلوس الى مشاو خدمو درهم كولشي يكون تحت منهم انا نكوليك أبنتي
ماريا : دابا أشنو ندير نكوليه يابسم الله مرحبا ونتشاركو فهاد زواج لي معندو لاساس لاراس
مليكة : اويلي وتصدقي مشوهة بلا والو تشنعات عليا ماغطات ودنيا يبغي ايخطبك شي حد يكولو ليه راه فايتة مزوجة لا ابنتي مانبغيهاش ليك
ماريا : (كتشير بيديها وتهضر) :
- يحسابليك انا خايفة على هادشي والله مهامني بالله
مليكة : وشنو فاش كتفكري؟
ماريا : واحد الراس كيكوليا نكوليه واخا وندمو على نهار فاش تزاد باش يعرف يتعامل مع الناس نوريه راه حنى سواسية بحال بحال او واحد الراس كيكوليا نهز ليليا ونهرب وميعرفني فين زدت ولكن خفت ولد الهم من فعلو لا يبلغ بيا ونتسمى خاطفة البنت واخا انا عارفة وردة اتكوليهم بلي خلاتها عندي ومابغيتش نكوليها والو خليها غير فلي هيا فيه نزيدها بهادشي متكافى لا مع هكا لا هكا المهم معرفتش والله يجي بابا وغادي نعاود ليه كولشي وديك ساعات نشوفو هاد جرة كيفاش اتفك...
كالس فلبيرو ديالو ظلام غير ضو ديال لكمرة لي كيبان ورا ضبابة كيدخل شعا هو وضو ديال شارع كيبانو غير عينيه ورموشو طوال ورى دخان ديال لكارو كيفكر وداكرتو كترجع بيه لور هادي 10سنين كان فعمرو 24 فاش تعرف على ليلى زوينة بحال بياض ثلج كولشي فيها طبيعي بغاها من نهار لول لزين ديالها وتربيتها وعنادها كيفاش مهمهاش هو ولد من معمرها حنات ليه اراس ولكن حتى هيا بغاتو من قلبها من اول نهار شافتو حب من أول نظرة واخا كانت كدور فيه وتبغي ترجع ليه عقلو ولكن صعيب حاجة تربيتي عليها تبدلها مو زرعات فيه قيم ومبادئ فاشلة خاصك ديما تكون انت سيد انت تأمر وهوما ينفدو خاصك كولشي يحتارمك متخليش شي حد يطلع ليك فوق راسك انت ولد اريفي هادي هيا هضرتها علماتو بلي ناس كاملين تحت رجليه وهو فوقهم كونما هرب من تحكم ديالها وهاجر لهولندا فين كمل قرايتو مو لي موقفاتش غير هنا منين عرفات ولدها باغي بنت العساس جرات عليه وعلى بنتو وكدبات عليه بلي بنت العساس حصلوها مع شي فلاح فالكوري داكشي باش باها خوا البلاد وهرب باش يغطي وجهو من شوهة خلاتو يحقد عليها حقدت العما كونما داداه رحمة لي عاودات ليه كولشي قبل متموت تما حقد كثر ماهو حاقد...مكيبغيش يرجع بداكرتو اللور طفا الكارو فطفاية بالغدايد علاش ماريا كتفكرو باليلى وبالعناد ديالها واش عرض عليها هاد الخطة فعلا لمصلحتو راه بيمكانو يحيد ليها البنت بسهولة وساهل عليه يجيب اي وحدة يتزوجها حتى ينجح ويطلقها ويعطيها شوية دالفلوس وهاهو هاني ولكن هو دار هكا ضد فماريا حاس بلي باغي يهرس نيفها وداك تكبر لي هيا فيه ولا يمكن مرضاش حيت تحداتو او وقفات فوجهو دوز بزاااف ديال البنات كيموتو على تسخسيخة لي كيدير ليهم وتجرجير هوما كيتبعوها ولي كالها واخا سيدي جواد بحال مونيكات بلا شخصية واخا كان كيعجبو الحال وكيحس بالقوة ولكن دغية كيمل ومكيحملهمش وكيقلب لفيستة كيفما كيكولو....وقف وتم غادي بخطوات واسعة فتح الباب مع الفتحة لقا إقبال واقفة عند الباب إقبال نسخة طبق الأصل على زينب لي فأمير غير كتلصق..
إقبال : داير ليا فيها صعب المنال غير انا ولا انت اسي جواد...
****
فبلاصة أخرى وبضبط أنقرا بتركيا غادي فطريق وشتا كتصب عليه شادة ليه فيديه كيضحكو نقز وهو يكول :
- انعيط على جواد دابا عارفو مكيحملش لي يسوني ليه فهاد الوقت
هي : ههههه ناري يا خويا أشبغيتي عندو ؟ عنداك تكوليه بلي حنا جايين؟
هو : مالي تسطيت لا غير تهناي مغادي نكوليه والو بغيت انشد فيه شوية وصافي يلاه ششش....هز تيليفون دور نمرة وبقى شحال كيتسنا
جواد لي كان ناعس غير بشورط عريان واخا ثلج والبرد ولكن البيت كان عندو سخون بزاااف....بدا تيليفونو كيسوني مد إيدو لاباجور شعلها شعرو مخربق مخسر سيفة ديالو هز تيليفون ضرب على ساعة هيا لولة عاد شاف نمرة تعصب فتح الخط وبدا كيعاير
جواد : يلاه تلاح خليني نعس عرفتي غير جيتيني صاحبي وعزيز كون شي واحد لي فيقني فهاد ليل والله حتى نقسم جدو
وديع : هههه كالم توا صاحبي يلاه حتى لمن بعد
جواد : سلم على سليمة
وديع : حتى هيا كتسلم عليك يلاه كمل نعاسك...قطع وديع مع جواد الإتصال وديع صاحب جواد روح بروح ولكن هو نقيض ديالو ظريف فيه ضحك مسالم ماشي وحش بحال جواد...
****
صباح عند ماريا
مع دخل باها عاودات ليه كولشي من اللول لأخير
ماريا :شنو باليك ابابا؟
مليكة :أحمد انا كتليها ترفع عليه دعوة وتهاجمو قبل ميهجم عليها
أحمد : (شاف فمراتو ونطق) :
- يهاد المرة واش عندك بالك كتفرجي فمسلسل سامحيني واش عارفة عائلة الإبراهيمي راه هوما مالين اوزين ليمون لي كنت خدام فيه راه ناس واصلين تجي هيا تجرجر معاها فالمحاكم تبقى طالعة هابطة فالخر هاديك راه كبدتهم ايديوها كيت بنتي لي اتخسر فلوسها هكاك
ماريا : وشنو الحل أبابا؟؟...
أحمد : ماشي انا لي غادي نكوليك ابنتي على الحل اجي كلسي حدايا...قربات حداه وكلسات
أحمد : انا وياك من صغر علاياش تافقنا؟
ماريا : نكونو بحال صحاب قبل منكونو اب وبنتو
أحمد : هانتي كنت اب وام ليك وتشاركنا بزااف ديال الحوايج وكلنا منخافو غير من لي خلقنا أما لعبد بحالنا بحالو وخاصنا نكونو شجيعين واي مشكل قدامنا نتغلبو عليه كيفما بغا يكون نوعو والحيلة حسن من العار والى كان صاحبك عايق كون انت فايق وغير بالمهل كيتكال بودنجال انت فيك بنتي وختي وصديقة ديالي حاجة وحدة ديريها فبالك انا ديما معاك وفجنبك القرار لي اتاخديه انا معاك فيه اه منكروش البنت خلاتها عندك صاحبتك أمانة وكون كانت كتيق فيهم اتديها بنفسها ليهم ولكن ختارتك انت تكفلي بيها حيت تايقة فيك حشومة وعيب انو تخدلي تقة ديالها
ماريا : أنا عارفة هادشي ابابا والبنت راه مغايديوهاش قبل متكون بنت وردة راه لنتي نهار لي توليت امر ديالها راه عطيتها روحي وهبتها ليها راه صعيييب عارفة ايجي مهار وتفرق عليا ولكن ولكن راه راه صعيييب...تحجرو دموع فعينيها حيت بصح قلبها ولا متعلق بليليا لدرجة كبيرة كتحس بيها روحها وطرف منها...كملات ماريا هضرتها
ماريا : وفنفس الوقت مابغيتش نبين ليه بلي صافي غلبني انت عارفني ابابا كيف دايرة
أحمد : عارفك راك بنتي وتربيت إيدي ولكن فين مشات ماريا شويطينة أ؟ غير كولي ليا فين مشات ماريا لي كانت محمقاني فصغرها ديرها وتهرب وتكوليك والله ما انا ابابي لي درتها وتزيديها بالبكا حتى كنتيق بيك لا انا لاعمتك خديجة الله يرحمها ديري ميات زبلة وتسببها فولاد جيران هههه عقلتي؟؟
ماريا : هههههه اه عقلت عقلتي على أيمن ولد بهيجة ههههه هرست ليهم تلفازة وهزيت كاسي ديال أتاي ومشيت عند ماماه كتليها خالتي راه أيمن هرس تلفازة وراه تخبا تحت طبلة لي فكوزينة.
أحمد( كيضحك) :
- هو راه انت لي مشيتي كلتي ليه تخبا تحت طبلة انجيب ليك الحلوة وجيتي وكدبتي على مو كنعقل داك نهار مسكين كلى سلخة ديال العصا...نقزات مليكة لي كانت ساكتة وكتشوف فيهم معجبة فيهم
مليكة : اخويا بغيت انفهم انا دابا انت كتحرض بنتك باش تناتف مع هاد جواد ولا أش كيكولو ليه...شاف فيها أحمد وكال
أحمد : انا مكنحرضهاش انا علمتها من صغر تاخود حقها بدراعها وسط دياب ومترضاش بدل والحكرة وظلم ومتخليش شي واحد يبغي يستغلها راه بنتي هادي سهرت عليها وكبرتها وخدمت عليها والله ويقيسها شي واحد حتى نمشي عليه الحبس شفتي هاد ليدين هادو.... مد ليها إيديه كانو قاسحين
أحمد : مسيهم شفتي شحال قاسحين هادشي على قبل بنتي لي كنكساب يجي واحد والداه مو فتوب بيض يبغي يستغلها ويبقى يتحكم فيها والله حتى نوريه عند بالك واعر عليا نمشي ليه نشنق عليه راه ماواعر نمشي ليه دروك نوريه ولكن بيا بنتي حيت هيا لي اتضرر ساهلة ماهلة يبغيها فيا يعيط ليهم يديوني وهيا يجي يدي ليها البنت..
أحمد (شاف فيها وتبسم ودار بيديه علامة القوة علامة لي كان كيدير ليها ديما فاش كانت صغيرة وكيضحكها بيها) :
- إلى كانو هوما عائلة الإبراهيمي هنا راه عائلة المنصوري(ضحك) تعلات وباست ليه راسو
أحمد : الله يرضي عليك أبنتي...
"رغم كل هذا الثبات الذي أظهره"ما كنت بحاجة لشيء أكثر من كلمة واحدة مطمئنة"تهزم خوفي وتزيل عن كتفي ثقل هذا العالم💙
****
دازت 4يام على لي شافت فيه جواد عندها جوج بلايص كتلجأ ليهم يا حدا لبحيرة فين جا لقصر ياقدام دفاية لي عندها فدار كتهز كاسها ديال الحليب بشكلاط وتقابل مع لخشب وهو كيطرطق ولا كتكون حدا البحيرة لي اغلبية كتكون خاوية كيعجبها تمشى تحت شتا وثلج كيطيح عليها فكرة تديها وفكرة تجيبها بلعاني باغية طول فلجواب ماريا وهيا كتهضر مع راسها كانت محتاجة تهضر مع شي واحد وتفرغ لي كتفكر بيه تستاشر مع شي واحد لي يقدر يفيدها صاحبتها وردة متقدرش تكوليها والو هزات تيليفون ديالها ودورات لهاجر بالخف جاوباتها
ماريا : ألو بغيت نشوفك ضروري
هاجر : أنا فلافاك هانتي جي عندي وسولي على المكتبة ديال لافاك نتلاقاو تما صافي؟
ماريا : جامعة الأخوين عفاك...وصلها طاكسي حتى لقدام باب لافاك لقات طلبة داخلين خارجين دخلات حتى هيا كتشوف فجنابها وهي توقف واحد البنت
ماريا : عفاك أختي الى ممكن المكتبة ديال الجامعة؟
هي : شفتي داك الباب لي تم (نعتات ليها واحد الباب كبير)هديك هيا المكتبة
ماريا : واخا شكرا...مشات نيشان لفين نعتات ليها البنت كتبان ماريا بحال شي طالبة بسكادو لي هازة فظهرها دخلات كطل ودور فراسها المكتبة كانت كبيرة بزاااف فيها الفوق والتحت وعدد كبير ديال الكتب وطاولات طوال وكراسة طلبة شي كالس كيقرا شي واقف كيقلب بين المراجع والكتب
ماريا (مع راسها)
- فين انقلب على هادي أنا...
محسيت بهاجر حتى وقفات عليا هازة شي كتوبة حطات ليا جوج فيدي وهمسات لي فودني
هاجر : تبعيني....
تبعاتها ماريا من اللور لأخر الرواق كاينة طبلة خاوية تما كلسات هاجر فكورسي حدا سرجم وماريا تقابلات معاها حطات هاجر الكتب قدامها بحال إلى كتقرا ومرة مرة كتشوف فجنابها قربات ليها ماريا مافاهمة والو
ماريا : انت مالكي دايرة بحال دوك لي خدامين فلاديستي اويلي خلعتيني واش شي واحد تابعك؟؟
هاجر : شش هضري بشوية ازبلة راه مدير المكتبة كيبغي لي يدخل يهز كتابو ويسقل وحتى الى بغا يتناقش على شي كتاب يتناقش بشوية فهمتي والى حصلنا دودودو ايبلغ بينا مدير الجامعة وهاحنا ولينا فطلوع والهبوط فهمتي دابا
ماريا :بالهمس)
- شنو انديرو دابا ؟
هاجر : كتوريها)
- هزي الكتاب وديري راسك كتقراي وعاوديلي وحتى انا هكاك فهمتي لخطة ؟
ماريا : جيمس بوند ومدارهاش فخبارك مدار خوك؟
هاجر (مخبية وجها ورا الكتاب):
- خبي وجهك ورا الكتاب وهضري اه فخباري وكنسزني ليك هاد الأيام تيليفونك طافي
ماريا : شنو بان ليك ؟
هاجر : خويا خاصو طبيب نفساني لي يداويه راه جيتيه على كانتو من صغرو عزيز عليه يشد ضد وداكشي لي بغا فاش لقاك وزيد عليها يديرها حجة وزيارة ويضرب عصفورين بحجر واحد بغا يشد بلاصتو فالانتخابات على ظهرك انت
ماريا (شداتها ضحكة) :
-أول مرا كنشوف اخت محامية على خوها
هاجر(طلات عليها ورا الكتاب) :
- ماشي question ديال محامية عليه اه منكرش خويا وعزيز عليا وبزااف ولكن مكنحملش طريقة ديال الأسياد لي كيتعامل بيها مع ناس اااااع كيعصبني انتف شعكوكي زغبة زغبة
ماريا (ماتت بضحك):
نتفيه باش تولي قرعة ومحسن ياخد ضاوية بنت جيلالي وانت تبقاي تقلبي فكوكل على كيفية زراعة الشعر عرفتي كنتخيلك دابا وانت قرعة ههههههه😂😂😂
هاجر(جمعات ضحكة ودورات الهضرة):
الانسان عندو أكثر من عضلة هادشي لي ختار الكاتب يوضحو فالكتاب ديالو...ماريا خرجات فيها عينيها
ماريا : تي أش جاب شعر ولقروعية لعضلة....تسمع صوت بلكنة فاسية أصيلة وراها:
- أنسة هااجر بحال إلى سمعت الضحكة نتاعك فآخر الرواق أش كتعمل كتضحك ولا كتقرا
هاجر : لا أستاذ ماشي أنا انا كناقش انا وزميلتي هاد المرجع يمكن الضحك جاي من طبلة لاخرة....شاف فماريا وطول فيها شوفة
-هو : هاد الطالبة جديدة على جامعتنا اول مرة نشوفها؟!!!
هاجر(خرجات عينيها):
- اه راه بنت جديدة داكشي باش جيت نعرفها على المكتبة وقوانينها
هو : اه إيوا مزيان مزيان....دار إيديه وراه ومشا
هاجر : بقاي هضري بشوية كنتي اتفضحينا دابا شنو اديري
ماريا : خوك بغا يلعب وانا كتااار منو فين يبان هو ولكن خليه يتشوى هو وهو يجي عندي ويسولني اشنو قررت
هاجر : ولكن راه دابا هو عند بالو انت لي اتجي لعندو وتكوليه انا موافقة
ماريا : خليه يحلم والله لاجيت عندو خليه يضرو راسو بغيت القوق ينوض ليه فراسو ومينعسش يبقى ايفكر اشنو قررت ويجي هو لعندي ويسولني وفرضا مثلا الى قبلت انقبل بشروطي أنا ونشوفو فين بغا يوصل انا راه كتااار منو قسما بالله حتى يندم على نهار فاش بغا يدخلني فحياتو انا نكوليك راه معندي ميدار نيت..
هاجر (هزات حجباتها كتشوف فيها) :
- واش عرفتيه أشنو باغي يدير باغي يكول لناس بلي راه تزوج ويعرض على الناس ياكي يعني بحال الى أيدير خطوبة باش ناس يكونو شاهدين ياكي ويجيب عدلان مزورين بحال الى راكم تزوجتو وانتوما راه ممزوجين ماوالو وتسكني معانا فدار منها تكوني مع لولو ومنها زعماكين راه مراتو....شافت ماريا بعيييد كتفكر وهيا كتبسم وعينيها كيبريو
هاجر : فس فس واديك شريرة فاش كتفكري شتي انا راه نعاونك والله راه مزال منسيت ليه كان كيدير ليا عقوبة ويسد عليا فبيت لخزين مع الفيران دابا انا ولفيران صحاب مابقيتش كنخاف منهم مكرهتش نردها ليه كيجي ينوض فيا وفدار الرعب..
ماريا : أنا غانمشي دابا
هاجر : مكلتيش ليا اشنو اديري؟؟؟
ماريا (غمزاتها) :
- خلي حتى تسمعي الخبار من عند هتلر...خلات هاجر كتحك فراسها وتخمم وهيا خرجات ضرباتها برجل حتى لدار كتحس براسها فرحانة وناشطة....بغا يخليني نضعف ونخاف ونتحنى ونجي كنبكي عليه وغابلاتي ابو شلاغم انعامة العين بالعين وسن بسن والبادي أظلم...
****
مع دخلة ديال الجردة كانو واقفين شي رجال دايرين صف واحد شادين إيديهم وحانيين راسهم تفتح باب القصر وخرج منو لابس تريكو كول V مع شوميز بيضة وسروال توب كلاص لاصق على عضلات ديال رجليه وصباك كحل كيبري ريحتو رجولية كتسبقو ومشية ديالو لي كلها هيبة إضافة للعكاز لي مزال كيستعملو واخا حيد لحديد من رجليه نزل دروج أو وقف قدامهم كيشوف ويدوز لافيزين غير بعينيه بعينيه يقدر يقرا أفكار كل واحد وفاش كيفكر زمان قراه او عرفو شلا حوايج....من بعد شحال عاد نطق
جواد : أيكون هاشم قراكم وكاليكم على قانون القصر كنبغي الخدمة تكون مضبوطة ولي كيوقع فالقصر مايخرجش ورا الحيوط ديالو ولي حصل كيودي ويتقطع لسانو مكنحملش الهضرة بزاااف كنبغي تطبيق ونشوف بعينيا وحاجة خرى....
لي داخلة تكون فخباري ولخارجة فخباري وإلى مشيت حتى عرفت لما كيدوز من تحتي منكولش ليكم شنو ممكن ندير...جا هاشم كيجري حاني راسو
هاشم : سيدي كون هاني هاد الرجال على ضمانتي مكيشوفو مكيسمعو مكيهضرو
جواد : العائلة معندها حتى دخل فحياتي الخاصة اعمي الى انتزوج انتزوج راسي ماشي لعائلة ولالا؟
عصام : ولكن حنا من حقنا نفرحو معاك ولالا؟
جواد : وحتى يجي نهار العرس وتفرحو معايا اعمي...نقزات إقبال من وراهم وهيا عاقدة غوباشتها ومتوترة
إقبال : شكون أيتزوج؟
دار جواد وشاف فيها
جواد : وها لالة فخيتة مولات تسناط ورا البيبان جات
إقبال : متبقاش تكول ليا هكا بابا هضر معاه
عصام : ولد عمك غير كيضحك معاك
إقبال : شكون كلتي ابابا أيتزوج؟؟
عصام : جواد قريب نفرحو بيه إن شاء الله...إقبال وحلات ليها شاف فيها جواد وهو عايق بيها طلعات ليه فصحتو كونما جاتو بنت عمو كون شدها قسمها على جوج وتهنى منها
جواد : مغاديش تكولب لولد عمك وخوك مبروك؟؟
إقبال : وحتى نشوفو بعدا هاد العروسة كيف دايرة ونكولو مبروك
جواد : مكيهمك زينها فوالو انا لي أنديها ماشي انت بقاي دخلي سوق راسك شوية ابنت عمي واخا وديها شوية فخطيبك قبل لايطيرو ليك بيه....خلاهم واقفين ودخل لمكتب ديالو..
عصام : إقبال الله يرضي عليك خليني بعيد على المشاكل وصداع الراس ومدامك فهاد دار واكلة شاربة ناعسة مكسية مصبطة حتى تمشي لدار راجلك بقاي دخلي سوق راسك وبعدي من طريق جواد انت عارفاه كيداير وطبعو خايب ماشي بحال خوتو هنيني من المشاكل لي بغا يتزوج ولي بغا يطلق شغلو هداك ديها افراسك وديري شيحاجة تلهاي بيها وراه عندو الصح حيدي منك داك تسناط ورا لبيبان راه حشونة على قاعدة مافيا لا أنا لا مك انا غادي لخدمتي الله يعاون...
بقات واقفة كتغزز فدفارها وتسمم غير بوحدها
إقبال : دابا نشوفو هادي لي اتقبل عليك باش حسن مني أسيهم جواد....
جواد دخل لمكتب ديالو معصب دازت 4يام ومزال مبانش ليها الأثر مكالت لا أه لا لا بغات تخرجو على طوعو عطاها مدة ديال تفكير ومزال مرداتش عليه ناوية تعصبو ولا شنو كاليها راسها هادي مينفعش معاها الحيلة هادي خاص لي يخرج فيها طول وعرض...هز سوارت طوموبيلتو وخرج ضارب بالباب حتى بغا يتحيد من راسو...تلكات ليه رابحة بالفطور ديالو
ماريا خرج باها لفيرما واخا كان الجو ممعاونش ولكن ضطر يمشي وهيا مكمشة كتلعب مع ليليا ممسوقاس ومعلابلهاش كاااع بلبركان لي أيدق بابها فهاد ساعة...دقة وحدة من إيدو خلاتها تقفز من لعبة ديالها
حليمة : انا جايا بلاتي...خلات حليمة تحل الباب وكملات اللعب ديالها مع ليليا بان ليها الضل ديالو لي خطا الضو داخل من سرجم علات فيه عينيها وتبسمات بتسامة عريضة عكسو عو لي عاقد غوباشتو وكيخنزر فيها وقفات هازة ليليا فيديها وهيا تكول :
- راجلي العزيز مرحبا بيك فدار خطيبتك كون غير علمتيني نكول لخالتي حليمة توجد لحليب بما زهر وتمر حشومة دخل لدار خطيبتك ومراتك المستقبلية بلا زغاريت راه فال خايب هداك شتك داخل بيديك خاويين فين الورد ؟وفين الشكلاط؟حشومة على الأقل دخل غير دانون لبنت خوك هادي أقل حاجة..مجاوبهاش ولكن جوابو باين فعينيه لي كانو حمرين ولعافية شاعلة فيهم وعرق دلأعصاب كيضرب بجهد وعروق إيديه لي كانو باينين بكترت مكان مورك عليهم،عاق بيها وبلعب ديالها معامن أنت هدا جواد وأجرك على الله...وكاع لي باين فعينيها قرى ليه حساب...برد أعصابو وقرر يلعب اللب ديالها
جواد (كلس على لفوتوي ودار الرجل على رجل وتبسم) :
- وهيا نكولو مبروك أمراتي لعزيزة؟؟...
وقفات هازة ليليا فيديها قربات ليه وحطات ليه على رجليه معرف باش تبلى عمرو هز شي بيبي صغير معرفش كيفاش يتعامل معاها
ماريا : أقل حاجة شوف بنت خوك بوسها ولعب معاها انا جايا
- وغير ولف...خلاتو معاها ومشات لكوزينة عند حليمة...أما هووماعارف منين يشدها خايف يدير شي حركة ويطيحها من إيديه شوية بشوية بدا كيزعم خصوصا منين كضحك ليه فوجهو وتشوف بعويناتها تفكر أمين خوه لي كيموت عليه هو كيموت على خوتو كاملين واخا كيبان شديد عليهم ولكن هوما روحو ويقدر يدير عليهم اي حاجة خصوصا امين لي من نهار عرفو مشا مارجع وهو مكلف رجال وتحري خاص يقلب عليه فينما كان ويلقاه وهاهو مزال كيتسنى شي خبار لو بيديه يمشي يقلب عليه بيديه ولكن كيف كاليه الحاج:
#فلاش_باك
الحاج : خوك مكاين لي ايعرف بلاصتو من غير وردة واخا انت قريب ليه اولدي ولكن هيا راه ساكنة قلبو انت ادير لي عليك ولكن لي أترجعو لدارو هيا وردة
جواد : لي نطولوه نقصروه معنديش مع الهضرة بزااف الليلة انعرض عليك انت وعائلتك لدار تعرفو على باقي العائلة ونتفاهمو
ماريا(هزات حجبانها مستغربة منو) :
- دغية كتحل أمورك وبلاتي بعدا الناس كيحطو شروطهم عند العدول وانا انحط شروطي هنا مدامنا مغانوصلوش لعدول كيف كيكولو شرح ملح مايخنز
جواد (شاف فيها وعلى حاجبو) :
- أياااه الالة وكتشرطي كولي نسمع وختاصري
ماريا (دارت رجل على رجل) :
- دابا الى قبلت ايخصني نسكن معاك فدار وحدة
جواد : حاجة باينة غير فكرة ديال يكون عند بيت بوحدك حيديها من بالك امراتي لعزيزة حشومة تخلي راجلك وحيد والبرد هذا مجاتش
ماريا : هيهيهي راه كتليك ضحكك باسل
جواد : قضية ديال البيت انحلها انا كملي خلاص
ماريا : ليليا مايكابلها حتى واحد من غيري ومايقرب ليها حتى واحد غيري انا انا لي مسؤولة على ماكلتها ونعاسها ولباسها وكولشي
جواد(خنزر فيها) :
- هاديك بنت خويا مجايانيش من زنقة ومغانخلي حتى حاجة تأديها
ماريا : انا كتليك لي عندي طريقة لباسي ولا خروجي ولا شكون جا عندي ولا فين غادية وداك حكام هتلر معندي مـــــــا ندير بيه متفاهمو من هنا
جواد : مسألة ديال المظهر ديالك يكون مستور مرات جواد الإبراهيمي ديما خاصها تهز راس راجلها ماشي طيحو الارض راقبي تصرفاتك وصافي كترت الخروج ودخول تنقصي منها اي واحد من عائلتك مرحبا بيه داري مفتوحة فوجهو شنو أخور
ماريا : تحكم فيا انا كنتحكم فراسي ونعاودها الى انت سيد على ناس انا ماشي من ناس
جواد : قدام ناس اتحتارميني بغيتي ولا كرهتي وأغلبية انتلاقاو غير قدام الناس اما فاش نكونو بوحدنا كنظن لا انا ولا انت انبغيو نشوفو كمامر بعضياتنا
ماريا (مع إبتسامة) :
- الرضى والحلوة مكرضة هكا مزيان شفتي انا وياك كنفهمو بعضياتنا وهاد اللعبة اتوقف حدها حد نهار ترجع وردة وامين وانت تنجح فالإنتخابات ديك ساعات مكتعرفني مكنعرفك تفاهمنا؟
جواد وقف كيشوف فيها :
- كيبان ليا انت لي وليتي كتعطي الأوامر!!
ماريا حتى هيا وقفات وتبسمات ليه :
- مافيها باس نستراحك شوية اراجلي لعزيز
جواد : لعشية مع 8 انتسناوكم...جا غادي لجيهت الباب وهو يرجع عندها
جواد (كيطلعها من راسها لرجليها) :
- مزيان منين خليتي شعرك يطوال شفت تصاورك لقدام هكا حسن يجي معاك تكوني مرات سي الإبراهيمي أما شعرك لقصير نخليوه لمراهقات نتشاوفو لعشية....خلاها وخرج سمعات صوت طوموبيلتو وهيا تمشي عند مليكة لبيتها....دقات وهيا دخل
مليكة : شكون كان لتحت
ماريا : عريس الغفلة عارضنا لعشا مع 8 عندهم فدار
مليكة : وغادي تمشي؟
ماريا (كلسات على نموسية) :
- بطبيعة الحال غادي نمشيو وكولنا كولي لبابا يوجد راسو واخا هانتي خلي بالك مع ليليا انا انخرج ونرجع
فواحد المحل كيبيع طرابش شمالية دخلات وردة كتقلب على مول المحل حتى نباها من اللور راجل كبير فالعمر
وردة : سلامو عليكم
هو : وعليكم السلام اش حب الخاطر ابنتي؟
وردة : معقلتيش عليا يمكن أعمي؟
هو : إيوا أشماشي نقولك أبنتي العتب على نظر بلاتي نعمل نظارات نتاوعي صباار...هز نظاظر ديالو وبقا كيحقق فيها
هو : انتينا لي كونتي جيتي عندي شحال هادي انت او واحد العايل زعيعر شويش ياااك وخديتو بزاااياف ديال طرابش انتينا وااردة ياك
وردة : أه أعمي انا وردة
هو : انتينا لاباس شفتكم هاد المرة جيتو مفارقين
وردة (ولحماس فعينيها) :
- عمي واش جا عندك أمين قبل مني؟تفكر الله يرحم ليك الوالدين
هو : اه انا راه واخا كبرت ولكن العقل عندي كومبياتر خدام أه جا عندي نقولك دابا شي 9شهور هكاك باش عندي وقف قدام المحال مشبر واحد الساك وبقا واقف وكيشوف شويش دخل....
جواد : فطبق الرئيسي بغيت يكون اللحم مبخر يتنسم مزيان مع زعتر ويتدهن بزبدة فاش يتحمر أه ويتقدم مع الخضرة صوتي الفلفلة حلوة تقطع طرونشات وتصهد حتى هيا بنسبة لخيزو ولوبيا خضرا يتصلقو ويتصوتاو مع زبدة وملح وبزار وتعمر بيهم طروناش ديال لفلفلة مفهوم
هنية : اه أسيدي
جواد : أما بنسبة لديسير اديرو طاغت كلاص ويكونو فرديين وصغار مكبارش داكوغ؟
هنية : اه أسيدي
جواد : المقبلة اتكون دي تاغت صغار بمعمرين بالفغوماج وطون وكاشيغ وصوص بيشاميل مع مودزاريلا هادشي كولشي قبل ميتحط يجيني عينة منو ودابا كل وحدة تمشي تشوف شغالها...رجعات هنية ورابحة لكوزينة مع دخلو نفزات رابحة
رابحة : اختي كون غير جا طيب فبلاصتنا وهنا الوقت
هنية : انت كتقلبي عليه شي نهار يجري عليك واش عارفة سي جواد ابنتي راه واخد جائزة ف فن الطبخ فهولندا وادوزي لبسي طابليتك وبداي راه حل عينك سدها ها ضياف جاو
جواد : لا واكن هاد الليلة أتعرفو عليهم خطيبتي وعائلتها ايجيو يتعشاو معانا منها يتعرفو عليكم وتعرفو عليهم
هاجر (مع راسها) اويلي لا ماريا لاتكوليهاش
إقبال : وعلى هاد الحساب خاصك تكولينا منبن هوما واش من مستوانا ولالا باش نعرفو شنو نلبسو
جواد (شاف فيها) :
- لوليدات صغار غير كتوصل 8 خاصهم يكونو فبلايصهم مزال محقش عليك تكلسي مع لي كبر منك...سكتات وسرطات لسانها
جواد : المهم انا علمتكم باش تكونو على بال 8 تكونو واجدين باش تستقبلوهم
زينب : مبروك عليك أجواد (مع إبتسامة)...
جواد (حرك.ليها راسو وتبسم ليها بتسامة خفيفة)...خلاهم وطلع للبيت ديالو...غير هو طلع طارت هاجر لبيتها هزات تيليفونها جبدات نمرت ماريا وسونات ليها كتسناها تجاوب غادية جايا حتى جاوباتها :
هاجر : درتيها ابنت لحرام من فعلك؟
ماريا (كضحك) :
وناس كيكولو سلام لمرت خوهم هو لول ولالا ألوستي
هاجر : ماريا براكة من ضحك الباسل واش انت متيقنة من هادشي لي بغيتي ديري؟
ماريا : كونما متيقنة مغانديروش انا راه مكاينش لي كيفرض عليا قرارو كندير لي مسلكني ومقبلت حتى عرفت هادشي لي أندير مسلكني المهم قطعي دابا حتى نتلاقاو لعشية سي يو لوستي(كتضحك)
هاجر : فرنسي الله يحضر سلامة وصافي....
****
كل واحد باش ملهي الخدامات ملهيين كيصيبو فالعشا ومتبعين تعاليم ديال جواد لي هو بدورو عطا أوامر لهاشم بلي الى جاو شي ناس مع 8 يدخلهم بلا هضرة بلا كلام اما الحاج لي كان كالس فبيتو هاز ألبوم العائلة كيتفرج فيه كيف كان وكيف ولا فين مشا جباروتو وقوتو وكيطلب الله يسمح ليه على مدوز وهاهو ولدو خرج نسخة طبق الأصل عليه مع تغيير بسيط كيدوز إيديه على تصاور ولدو أمين لي توحشو بزاااف اما عصام خوه ومراتو لي فبيتهم كيهضرو على شكون اتكون خطيبة جواد منين كيف دايرة شكون عائلتها؟؟....
وحدا بيتهم كاين بيت بنتهم إقبال لي كان تيليفون فيديها كتهضر مع خطيبها لي مسكين كيخطط لأحلامو معاها وهيا عقلها مع جواد والعشا ديال اليوم..
دخل يوسف لدار مكيبان ليه حتى واحد كيتسكل غادي لبيتو حتى نباه جواد
جواد : على سلامتك يلاه طلقوك...
يوسف (غمض عينيه وعض على شفايفو ودار عند خوه وتبسم ليه) :
- خويا والله إلى كنت طالع عندك لبيت
جواد (هز حاجبو علامة ديال مالك على لكدوب) دار وعطاه بظهر
جواد : بحزم)تبعتي لكوزينة يلاه..يوسف هبط إيديه وتبع جواد لكوزينة تانية دخل وتبعو يوسف
جواد : انت معندك ميدار غير داخل خارج
يوسف : من نهار رجعت من فرنسا وانا داير بحال داك طير لي بلا جناوح...جواد كيعلي فكمايم قميجتو إيديه شعرهم رطب وكحل فاتح صدايف القميجة وكيبان صدرو وسنسلة غليضة فعنقو لونها فضي
جواد : معرفتيش علاش حيت تما عندك صحابك ماشي بحال هنا حاول تكون صداقات وتعرف بناس جداد ماشي انت مقابل غير الكولفازور راه جابو ليا خبارك
يوسف (بدل الموضوع) :
- شفتك داخل الكوزينة مكدخل غير إلى كان أيجي شي واحد؟
جواد (كيقشر فرمان) :
- كون جيتي قبل كون سمعتي لخبار ليلة جايين عندنا ضياف
يوسف (هز تفاحة من السلة) :
- وايلي شكون؟
جواد : خطيبتي وعائلتها...يوسف جا يعض تفاحة بقا هكاك فمو على تفاحة وعينيه على جواد
يوسف : كتهضر من نيتك؟
جواد : شنو باليك؟
يوسف : سي امبوسيبل
جواد : سي بوسيبل بوغكوا سي أمبوسيبل؟
يوسف : مو ولكن معرفتش جاتني فشكل حيت عمرك كلتيها لينا جاتني بيزااغ
جواد (بصرامة) :
- فين عمر خوك خدا شي قرار وكالها ليكم انا كندير لي فراسي غير درت معاكم صواب وعلمتكم
يوسف : ناري أخويا متبقاش دير معايا الوجه ديال سيد المزرعة عفااك خليك خويا الحنين...
جواد كيميلونجي عصير الرمان مع عصير الليمون وقطرات من الحامض مع تنسيمة خفيفة من سيرو ديال النعناع باش يعطي لافغيشوغ
يوسف : متكولش ليا كتصايب عصير ديالك الخاص
جواد :اممم
يوسف : بغيت ندوق
جواد : لا حتى يبرد يلاه سير مابقى والو وضيوف يوصلة بغيت العائلة تكون كلها هنا فالوقت
يوسف : واخاا خويا هيا لولة..
****
واقفة مليكة وحليمة دايرين نفس الحركة جمعين إيديهم عندهم وحالين فمهم...ماريا قدامهم كتشوف فيهم
ماريا : مالكم بحال إلى جاكم بوتليس ياك لاباس؟
مليكة : الله اكبر أبنتي حتى كلنا رجعتي بحالك بحال البنات مشيني كرجتي داك شعر لي على مزيناتو رطب بحال شينويات
جواد : كنتي تبدلي مجهود شوية وانت لي شافك يكول خارجة تلعبي الكورة فراس شارع
إقبال (كتنفخ) :
- مكنتش غادي نحضر لهاد العشا أصلا غير حيت كلتي خاص لعائلة كلها تحضر كلنا حشومة نحشمو بيك
جواد (ضحك) :
- لولاد صغار مكيحشموش بعائلتهم سوا كنتي ولالا مغايزيد ولا غاينقص...هضرتو سماتها جات تجاوبو قرصاتها مها وغمزاتها باش تسكت...خرج الحاج من بيتو وهبطات هاجر ويوسف كيتناكرو من الفوق
جواد : بصرامة) هاد تصرفات منبغيهاش قدام الناس
هاجر حدرات راسها وكتكول مع راسها( اودي غير انا وماريا مالفين كتر من هاد تصرفات...شاف جواد فساعتو 8 بيل ومزال ماجات شنو زعمة تكون مغاتجيش وتحشم بيه ناري وديرها صبرو معاها غادي يتقادة وغادي يوريها وجه عمرها مشافتو من عندو...دازت 3 دقايق وكولشي كيتسنى ومترقب أما إقبال واقفة كتلعب بظفارها وكتبسم أبوحدها شوية تسمع صوت حس طوموبيل دخل لدار نقز يوسف
يوسف : وقيلة ضيوف وصلو... كانت واقفة رابحة أمرها جواد أنها تفتح الباب حدرات راسها وبالخف مشات تفتح الباب شوية حتى كيتم داخل أحمد بالكومبلي ديالو ومعاه لالة مليكة حتى هيا بمونطو كحل طويل وليبوت وفولارا حريرية فالحمر
الحاج : مرحبا بيكم(سلم عليهم بليد)
أحمد : ربي يخليك...سلام داز عليهم كامل سلم عليهم حتى وصل عند جواد لي زرب عليه حيت الى بان انووأول مرة يشوفو اتفرش القضية
مليكة : راه وقيلة أه هاهيا...تاجهات الأنظار كلها على الباب وعلى ماريا لي كانت مابيناش عليها 26سنة لي شافها يكول عندها 17سنة بسالوبيت وتريكو وحنيكاتها لموردين وهازة ليليا فدراعها..جواد مشات عينيه نيشان لشعرها ولبسة لي لابسة ناس ايكولو غير ايتزوج بوحدة قاصر هادي حالة ديال وحدة اتزوج هدا لباس يلبسوه ناس وزعمة كيفاش قطعات شعرها ضد فيه بدات فالفعايل من دابا إقبال هزات حجبانها وشافت فجواد وتبسمات
ماريا : سمحوليا كان خاصني نجيب صاك ليليا
الحاج : مرحبا بيك أبنتي فدارك(ورك على كلمة دارك) ومرحبا بحفيدتي اري ليا هاد نونوسة ديال جدها توحشتها...عطاتو ليليا وكطلع وتهبط فلحاضرين نفزات فريفرة ديال إقبال
إقبال : مفهمتش كيفاش حفيدتك أعمي علاش ولاو ناس كيسبقو دراري قبل العرس والعجب هذا...خنزر فيها جواد ونطق
جواد : هادشي ماشي قدك أ إقبال كبير عليك حتى توصلي لسن القانوني وتعرفيه دابا غير شوفي وسكتي
الحاج (شاف فيهم) :
- هادي ليليا حفيدتي بنت ولدي أمين وبنت أخت المرحومة الحاجة وردة
عصام : أه عندك الصح أولدي زيدو مرحبا بيكم ... ماريا تفادات تشوف فجواد ولا تعطيه وقت مشات جنبها جنب الحاج كيجيها على كانتها سبحان الله حتى منين كلسو فصالون كلسات حداه إقبال كلسات حدا مها وباها اما جواد خدا كرسي بوحدو وتقابل مع ماريا نيشان أحمد ومليكة وهاجر ويوسف كلسو فبلاصة وحدة..هضرة كتجبد هضرة كلها عادية وديال تعارف الحاج لي تولى مهمة ديال تعارف أما جواد داير رجل على رجل وبتخنزيرتو حاضي ماريا باغي غير منين يدوز ليها...دخلو الخدامات حليوات صغار مع العصير لي وجد جواد فرقو على ضياف نطق أحمد
أحمد : ممم عمري دقت بحال هاد العصير الله يعطي الصحة لي صايبو....نقز يوسف
يوسف : خويا جواد لي صايبو
جواد (بصرامة) : يووسف
ماريا : علاش عادي مافيهش عيب الراجل يدخل لكوزينة وزايدون احسن طباخين فالعالم الرجال
يوسف : هانتا شفتي..شاف فماريا وكمل
- جاب ليك الله راجل كيعرف يطيب نهار تكوني مريضو ولا الخدامات ممساليات هو يطيب ليك
- واخا يكونو الخدامات كاينين شي حوايج الى مصايبتيهم بيديك ميكونوش بنان نعطيك مثال انا منخليش شي واحد يصايب ليبول من غيري فاش كنت فأسفي كان واحد مول باتسري كيصابهم اسميتو محند كنحماق عليهم وبقيت حتى وراتهم لي واحد صاحبتي عرفتي كيجيو بنان ومنخلي حد يصايبهم غيري.
ماريا : لا بالعكس كيلو كاوكاو محمر ومطحون وكرواصة لبايتة والى كانت شي حلوة أخرى بايتة كولشي يدار فالفران ويتطحن ويتجمع بشكلاط ومن بعد تغمسيهم فشكلاط وديريهم.
ماريا : لا حبيبة خدمة فسناك ديال بيتزا كنفرق بيتزات وفنفس الوقت كنقرا فلافاك لوقت لي شي بنات مساكنات إلما جابت ليهم الخدامة مياكلو كيموتو بجوع....هاد الوقت كان أحمد والحاج مشغولين مجمعين كيهضرو على الفيرمات وصداعم
جواد : بصرامة )هاد الموضوع خدا كثر من حدو وانت ابنت عمي الى بغيتي لي يوجد ليك شيحاجة عري على كتافك ودخلي صايبيها ولا طلبيها من الخدامات مراتي مجايبهاش تخدم عليك ولا على غغيرك مفهوم....وقف وشاف فماريا
جواد : قبل من العشا بغيت نهضر معاك شوية....مد ليها إيديه كتمثيل قدام عمو ومرتو وإقبال اما الماباقي عارف كولشي من غيرو خوه يوسف لي مزال مافراسو ميتعاود ماريا حتى هيا لي عاقت بشوفات إقبال ليهم عطاتو إيديها وضحيكة خجولة على وجها فتح باب دار لي كيدي لجردة غير حدهم مابقاوش كيبانو نطر من إيدها وبالخف زدحها مع واحد شاجرة وشدها من عنقها
جواد (كيخنزر فيها عينيه حمرين وكيهضر من تحت سنانو) :
- واش بغيتي تعصبي ملتي ولا أش كاليك مخك حتى لادابا صابر وكنعل شيطان لي لداخل ديالي مندير فيك والو ولكن انت مكتنعليش شيطان وديري عقلك.
ماريا (تقجات وعينيها حمارو) :
- طلق مني ولا انجمع عليك الخلق ونكوليهم بغا يغتاصبني قبل زواج قسما بالله وماتبعد حتى نغوت....طلق منها حتى تزدح راسها مع الشجرة كيلهت وعروقو خارجة بعد عليها شاد جنابو وكيتنفس ويشوف فسما شوية ورجع ليها
جواد : شنو كتليك أ؟؟ انا شنو كتليك وزايدة مكملاها بهاد الباس ديال الحضانة واش واش واش بغيتيني نقتلك تقاي شري اماريا تقاي شري حسن ليك راه العافية لي كتلعبي بيها اتحرقي انت لولة ماشي أنا الحبيبة ديالي
ماريا (ردات أنفاسها وعلات عينيها فيه) :
- قبل متخرج من دار أشنو كتليك كتابك متحاولش تحكم فيا لافلباسي لا فشعري لا فحياتي وانا كندير داكشي لي كنرتاح فيه ماشي لي كيرح الناس وزايدون شعري لقيت فيه واحد الكملة صغيرة هابطة ليا مع وجهي... دور وجهو بشوية لجيهتها معلي حاجب ومهبط تاني كيشوف فيها بشوفات ديال عدم تصديق..
ماريا (دارت فيها البراءة) :
- يحسابليك كنكدب هانتا سول ماما مليكة وتعاود ليك كنا كنتغداو وتمات واحد الكملة هابطة إيوا حيت خايفة عليك من شوهة قطعتو حتى انت يجي شعر ويمشي شعر غير سمعة راجلي العزيز متمشيش ويكولو خطيبة سي جواد فيها الكمل حشومة حتى لمعاودة
جواد :شتي داك جامع فاش قريتي انا لي بانيه ودوك تحريميات دوزتهم فاش انت كنتي مزااال كتلعبي بيسو ولاستيك جوج كلمات مغانعاودهم يتكودي معايا وتشدي طريق يغانوريك جواد ديال شحال هادي وحسن ليك متعرفيه حيت الى عرفتيه غير اتنمدي على نهار لي بغيتي تحدايني فيه ودابا ضحكي أحبيبة ديالي وشدي فيديا حيت إقبال مقابلانا من سرجم
ماريا : لا رد
جواد (من تحت سنانو ونفس الوقت كيضحك وبصرامة) كتليك ضحكي وشدي فيدي....بلهلى يكزيه ليها ضحكات ودارت إيديها فيديه...تبسم علامة إمتصار وقرب لودنيها وبهمس كال :
- شفتي شحال كتكوتي زوينة فاش كتسنطي الهضرة كنكوليك متحداينيش...بعد راسو عليها طلق من إيديها عطا بظهر وتم داخل دارت جيهت سرجم مبان ليها حتى واحد
ماريا (مغددة) : راس الطارو ضحك عليا مكانت لا إقبال لا زفت....نباها
جواد : منصحكش تبقاي بزاااف على برا وبداك لباس....خلاها ودخل تبعاتو كتمشى بشوية عليها وبتباتة وهيا الداخل كون صابت تنتف حوايجها..
مع اتدخل لباب لقاتو واقف قدامها
ماريا : شنو نسيتي تاني؟؟
جواد(من تحت سنانو) :
- قسما بالله وتجبدي شي كرواصة بايتة ولا خبز قاسح داك لسان انقطعو ليك طراف ونحطو كتشوفي فيه قدامك...شوية تبسم وخلاها تدخل غير شافهم لاخرين وهوما يوقفو
الحاج : العشا واجد بلاما نعطلو ضيافنا
مليكة : لا اسي الحاج هانية
جواد : الحاج مابقاوش ضياف راه مالين دار
أحمد : الله يكبر بيك أولدي...كولشي مشا لصالة لكبيرة فين كاينة صالة مونجي فين كتاكل العائلة الى كانو ضياف صالة كتخطف الأنفاس تريات كبار مدليين وجنابهم بولات صغار مستفين حدا حدا سراجم كبار رواقات مصريين صنع بالبيج والموف أما طبلة كانت طويلة تكول مصنوعة من الرخام منقوشة وبجوج لوان البيج والقهوي عاد الكراسة مبطنين اما الحيط منقوش وكل جهة لاصقة مرايا كبيرة...ماريا مافيقها غير صوت جواد لي همس ليها :
- أتبقاي واقفة بزاااف...نتابهات ليه ومشات كلسات حدا الحاج لي كان مترأس الطبلة
ماريا : الحاج عطيني ليليا اتعدبك
الحاج : مغاتعدبني والو غير تعشاي على خاطرك هاد نهار انا لي انوكل حفيدتي...بداو الخدامات كيحطو المقبلة عاد الطبق الرئيسي فالوسط كانت ليليا كالسة حدا جواد لي على ليمن ديالها وحداه كانت هاجر او يوسف اما جيهة لوخرا كان عصام وزينب حدا الحاج وحداهم إقبال واحمد ومليكة
الحاج : زيدو يابسملاه...وهوما كياكلو نطقات إقبال
إقبال : ااممم الله يعطيك الصحة أولد عمي إختيارك لعشا هو هداك....هز فيها عينيه وتبسم بتسامة خفيفة...
إقبال : ولكن معرفتيش واش ماريا كيعجبها هادشي ولالا زعمة بغيت نكول واش مالفة بيه؟هزات ماريا فيها راسها ونطقات
ماريا : أي حاجة يختارها جواد كتعجبني كنتيق فدوق ديالو...هز جواد حاجبو وشاف فيها بنص عين وكمل ماكلتو
هاجر : أجي معايا ديها لبيتي بينما تمشيو...وقف عليهم جواد
جواد : فين غاديين؟؟
هاجر : خويا غ غير ماريا بغات فين تحط ليليا وكتليها تحطها فبيتي....كتشوف فيه بخوف
جواد : واخا...تخطاوه وطلعو لبيت هاجر ماريا هازة ليليا وكتسرح عويناتها فالقصر من الفوق معلمة تاريخية وقليلة فحقو لي بناه فنان والله حتى فنان من تريات من نقش من صباغة من كولشي...فتحات هاجر الباب دخلات ماريا حطات ليليا على نموسية هاجر قداتها وقفات وشافت فهاجر وهوما يتلاحو على بعضياتهم كينقزو معانقين..
-بس بنات مسألة الجراد راه واقعة ليا شخصيا هادشي لي عاودت واقع ليا فسادس وفعلا بنييين متكولوش يييع هههههههه 🦗🍗🍕
سيدها الجزء الثالث
محتوى القصة
التنقل بين الأجزاء