وردة : درت طنجة كلها شفشاون حتى هيا أصيلة وصلت لتطوان مشيت لعند واحد السيد(عاودات ليها شنو طاليها مول المحال)
ماريا : إيوا منين شافو مول المحال يمكن ايكون باقي فتطوان
وردة : راه شافو هادا شحال أصاحبتي دازت عليها يمكن شي 6شهور ولا 7
ماريا : ودابا فين اتمشي؟
وردة : أنمشي لسعيدية كان كيكوليا شهر العسل ندوزوه تم وكنا مشينا واحد المرة ليها دوزنا فيها نهار واحد يقدر يكون تم إلماكانش تما اناخد تران لفاس من فاس رباط ومن رباط لمراكش
ماريا : إن شاء الله تلقايه تهلاي فراسك والإتصال بيناتنا
وردة : حتى انت بالوما وبوسي ليا بنتي
ماريا : يوصل...قطعات معاها الإتصال تنهدات وشافت فسما من سرجم
- أمضرا؟..قفزها صوتو دارت لقاتو واقف وراها
ماريا : خلعتيني أمضرا فاش؟
جواد : لقات أمين لقات راس الخيط يوصلها ليه؟
ماريا : باش عرفتيها وردة؟ معرفتي نكون كنهضر مع حبيبي
أحمد : الله يجعل البراكة يلاه يلاه...وقف الحاج ومليكة ومعاهم ماريا لي كالت :
- أنطلع نجيب ليليا ونرجع
جواد : انا جاي معاك...مابغاتش تماقشو حيت كلامو كان أمر طلعو هيا وياه هيا سابقاه وهو وراها حسات بيديه شداتها ودورها عندو
جواد : عندي منوريك أجي معايا....مخلاش ليها الوقت فين تهضر جرها وراه وطلعها مع دروج أخرين لطابق التالث
ماريا : فين غادي بيا راه كيتسناوني لتحت
جواد : مفيها باس الى تعطلتي جوج دقايق...فتح الباب بيديه ودخلها لبيتو...وقفات كتشوف فيه بشك...شوية ضحك ضحكة رنانة تسمعات فالبيت
جواد : تفكيرك زوين بحالك ولكن بلاما يمشي بالك بعيد بغيت غير نوريك فين ايكون بيتك...مشا لواحد الباب كاين فبيتو وفتحو كان عبارة على بيت كبير بالحمام بكولشي ليه مجهز لونو بين صفر بارد وأزرق سموي
جواد : بنسبة لي فدار فاحنا مساركين بيت واحد بيتك معندو حتى باب من غير هاد الباب لي كيفصل بين بيتي وبيتك بمعنى خاصك دخلي لبيتي عاد دخلي ليه هكا باش حتى واحد مايشك بلي مكنعسوش مع بعضياتنا حوايجك النص ايكون فبيتك ونص فبيتي واخا حتى واحد مكيقدر يتجرأ يدخل المملكة ديالي ولكن الإحتياط واجب هذا مكان دابا يمكن ليك تمشي إلى بغيتي...خرجات من البيت لي أيكون ديالها جات غادية باش تخرج شوية وهيا ترجع صغرات عينيها وغوبشات كتشوف فطابلو لي معلق تمات غادية جيهتو بخطوات تقيلة حتى وصلات تحتو دوزات إيديها عليه وقرات الإسم لي منحوت تحتو إيييفااان كتحاول تدكر فين شافت هاد سمية
ماريا (مع راسها) :
- القرعة لي لقيت فالبحر.....
تفكرات القرعة لي مزال محتافضة بيها فوسط الماريو ديالها غير كتحل الماريو كتبان ليها القرعة والورقة لي وسط منها مابغاتش تفرط فيها حيت كتفكرها بواحد المرحلة لي دازت من حياتها وهي نهار حركات فيقها صوت جواد
جواد : مالك علاش رجعتي؟؟
ماريا : واش هاد العود ديالك؟
جواد : أه علاش؟
ماريا : واش سميتو نيفان؟
جواد : أه الالة علاش؟
ماريا : لا والو ولكن علاش سميتيه نيفان واش انت لي سميتيه ولا شريتيه مسمي
جواد : نيفان ماشريتوش نيفان تعطاني كادو فعيد ميلادي لول ولي عطاه ليا صاحب الواليد نيفان
ماريا (كتبلع ريقها) :
- واش مراتو كان سميتها ماريا؟
جواد : لا ك...بلاتي وانت علاش كتسولي مكنحملش لي يدير ليا تحقيق ومن هادشي كولشي ماشي شغلك ودابا إلى بغيتي تمشي زيدي ولا يكما عجباتك البلاصة...خنزرات فيه ماريا ضربات فيه وخرجات هبطات لبيت هاجر خدات ليليا لي كانت مزال ناعسة جات خارجة من بيت هاجر لقاتو وراها جا واقف قدامها
جواد : ديري بحساب من هنا لسيمانة اتكون الخطوبة والعقد ديك ساعات اتوجدي راسك باش تسكني رسميا فالقصر ومن وراها نوجدو لعرسنا على خاطرنا امراتي لعزيزة
ماريا : كتهضر بحال إلى هادشي بصح وانت غير كتضحك وتنصب على ناس
جواد : هادشي كبير عليك مكتفهميش ليه خليك بعيدة على سياسة حسن وديها أفراسك وفبنت خويا ونعاودها لباس بنت 15لرعام بلاش منو بلاما تخليني ندير شي حوايج ماشي فصالحك...طلعاتو وهبطاتو ودارت وراه وهبطات شافت فيها إقبال وهيا تكول :
- هادشي كولشي غير باش تجيبي ليليا يكما تجلا عليك البيت...نقز جواد ورا ماريا
جواد : كنت كنوريها دارها جديدة وفين اتكون ولا بنت عمي صغيورة عندها شي مانع
إقبال : لا هادي دارها
جواد : إيوا مزيان منين عرفتيها
أحمد : المهم شكرا على العشا خلينا ليكم الراحة...تسالمو فيما بيناتهم خرجو معاهم حتى لبرا حتى ركبو فطوموبيلتهم وفتح ليهم العساس باب القصر غير هوما خرجو جر جواد إقبال من إيديها غادي بيها دخلها لمكاب وسد الباب
إقبال : ياك...مخلاهاش تكمل كلامها زدحها مع الحيط وقجها حتى دمعو عينيها
جواد(بحزم ومن تحت سنونو) :
-شوفي أديك البرهوشة قوالبك انا حافظهم وديني وما أملك ومدخلي سوق راسك وتجمعي راسك ومتبقايش دخلي فشبوقات بعاد عليك حتى نسيفطك لتلت الخالي لي ميعرفو ليك فيه طريق وراكي عارفاني أش كنسوى حسن ليك تقاي شري حسن ليك اتكلسي واكلة شاربة ساكتة حتى يجي داك ميخي دخطيبك ويظيك من هنا غير هادشي اتجمعي وطوي ودوك تحريميات ديالك مديريهومش عليا...دفعها شدات على عنقها كتحك وتحاول تنفس دموعها هبطات كتشوف فيه
- من بعد نهار ديال العشا مشافت ماريا وجه جواد عمرو تاصل بيها ولا دق بابها اما هيا راسها بقا ضارها على العود ديال جواد شنو علاقة سميتو بسمية لي لقات زعمة يكون تشابه أسماء ولا يمكن صدفة قررات هيا تمشي لقصر ولكن ماسي باش تشوفو هو باش تشوف الحاج...لبسات تريكو زرق كول مونطي بلا إيدين مع سروال بيض ومونكو وكشكول على البرد مع ضكية وبوط طالعين هزات ليليا لبساتها مزيااان ودارتها فبوسيت ديالها وشدات طاكسي لقصر مع وصلات خلصات مول طاكسي وهبطات غير شافها هاشم العساس حدر راسو وفتح ليها الباب شافت فيه وهيا تكول
رابحة : أه واخا كلسي انا دابا نكولها ليه...مشات رابحة علمات الحاج بلي ماريا جات ماكملاش 5 دقايق حتى هبط
الحاج : اوووه شكون جا عندي مرات ولدي وحفيدتي
ماريا : هههههه عمي كول اماريا بلاش مرات ولدي راك عارف لي كاين
الحاج : ششت الحيوط عندها ودنين
ماريا : ههههه معقولة...هز حفيدتو دارها فوق رجليه كيلعب معاها وفنفس الوقت عاطي إنتباهو لماريا
ماريا : عمي بغيت نهضر معاك فواحد الحاجة
الحاج : أجي نخرجو على برا ونهضرو...ناض شاد ل ليليا فيدياتها كدردش برجيلاتها صغيورين خرجو لبرا كانت واحد الكلسة فوقها باش كبير كلسو تم وليليا كتلعب حدا رجليهم تشد فطببة وتهز لي فوقها تقلب فيه وتعض فيه..
الحاج :أياااه كان عطاه ليه كادو فاش دار عامو لول هو فاللول عطا ليه مو يعني عودة وكانت حاملة ربيناها وبقات خاصة ديال جواد حتى نهار ولدات منين ولادات سمى جواد العود نيفان ومن تم وسميت نيفان مرتابطة بجواد مكيبغيش تقيسو شيحاجة صغيرة بحال ولدو وهو عود عربي أصيل.
ماريا : وهاد نيفان اعمي صاحبك واش نصراني؟
الحاج : لا مكانش نصراني كان مغربي عربي ريفي أبا عند جد كانت سميتو العربي ولكن كان هاجر لفرنسا بكري خدم فمخبازة من مخبازة فتح باتيسري ديال الحلويات وكبرو واول حلوة صاوبها بمقاديرو الخاصة سماها حلوة نيفان إيوا تعرف بديك الحلوة والمحل ديالو ولا معروف واسماه محل نيفان ودابا راهو من أكبر الحلويين فرنسا لبااااس عليه وصافي هادشي لي كاين داكشي باش جواد سما العود نيفان وراه هو لي عطاه داك تسبيح لي كتشوفي جواد هازو لا هو ولا الخاتم لي فيدو بجوج بيهم من اللؤلؤ الكحل كتسمعي باللؤلؤ الأسود وراه مصنوعين منو كان عزيز عليه جوااد بزاااف كيموت عليه حيت تزاد على إيديه وحتى جواد عزيز عليه ولكن ابنتي علاش كتسولي؟
الحاج : شنو انكوليك أبنتي يقدر هادشي غير صدفة ولكن العربي نهار لي مشا لفرنسا مع هو كان زين كيف العود بوقفتو وطولتو ورجولتو عرفتي غير صوتو كيخليك تجمدي اه ابنتي كانت عندو الهيبة مهم نهار لي مشا لفرنسا فاللول خدم فمخبازة بحالو بحال ناس كانت معاه واحد سبليونية كيعاود ليا منكدبش عليك كنا زهوانيين وكان صاحبي من روح روح نشربو بجوج نكميو بجوج ماخلينا مادرنا الله يسمح لينا المهم كان تعرف على هاد البنت كاليا كان سميتها ماريا غير هوما كينطقوها فشكل مريا وحنا لا حنا بهاد شكل ماريا المهم ماعلينا بغاها وحتى هيا كانت كتبغيه بزاف إيوا و حملات منو وكان بغا يتزوج بيها ولكن باه وقف ليه كاليه لا حنا ريافة اتجيب لينا العار واتزوج بنت عمك المهم خيرو ياسخط يارضى وخدا بنت عمو
ماريا : وسبليونية؟
الحاج : الله علم ابنتي كال بلي هزات راسها ورجعات لسبانيا يقدر هادشي يكون غير صدفة متعمريش راسك بهادشي..
- وقف عليهم جواد بحال قباط الأرواح
جواد : كالو ليا كاينة هنا معلمتينيش..نقز الحاج
الحاج : انا عيط ليها بغيت نشوف حفيدتي توحشتها
جواد : كون كلتيها ليا كون مشيت جبتها ليك تشوفها مابقا والو وتولي معاك ليل ونهار...وقفات ماريا
ماريا : عمي خليت ليك راحة خاصني نمشي
جواد : مالك على هاد الزربة؟!
ماريا : مكاين لاش نديرو فيها عمر شريف وفاتن حمامة عمي عارف كولشي ونجيك لصراحة يلاه نتهنى منك واحد شوية باش نوجد لحبس بولمهارز لي ايجمع بيناتنا
جواد (بحزم)شفت داك لسان عندك طوال جمعي راسك معايا ولا انقطعو ليك
ماريا : وحربوش حط إيديك عليا ياك انت ماشي من نوع لي كيكول المرا الى دارت علاش تاكل عزاها وحتى انا ماشي من نوع ديال العيالات لي تزرك ليها عينيها وتبقى شادة حناكها تبكي وتشوف
الحاج : انتوما بجوج ديرو عقلكم شوية راه حشومة وعيب هادشي لي كديرو فيه
جواد : الحاج خليك بعيد بلاما دخل(تحت سنانو) بيني وبينها
ماريا : مكاين مابيني وبينك حتى نتشاركو لولاد وكول بيني وبينها وهداك نهار عمرو يكون
جواد : ليك شرف تشاركي معايا لولاد
ماريا : انطونيو بانديراس مثلا ولا خوليو إكليسياس فياماتو..يلاه أيجاوبها حتى خرج عمو ومراتو
زينب : ماريا هنا مرحبا بيك ابنتي
ماريا : ربي يخليك اخالتي لقيتينا انمشيو
زينب : اويلي كلسي تغداي..جاوبها جواد
جواد : ماريا عندها بزااف ميدار مابقى والو لخطبة يلاه انوصلكم قصة منسوخة من 9isas modareb..
ماريا : مكا....
جواد : انا سبقتك...شافت حتى عيات دارت عند الحاج باستو من الوجه طبطب على ظهرها وبالهمس كاليها :
-ساعفي أبنتي وصبري الحديد محدك كضربي فوق منو وتسخنيه كيلين ويرجع على شكل لي بغيتي انت غير بالمهل كيتكال بودنجال
ماريا : معنديش أعمي مع بودنجال(ضحكات)سلمات على البقية هزات ليليا دارتها فبوسيت ومشات خرجات من الباب قاطعة شانطي حتى حسات براسها مهزوزة هيا فيد وليليا وبوسيت فيد دخلها لطوموبيل دار البنت لور سد الباب وركب حداها شاف فيها
- ماما عفاااك يعطيك ستر غير 4 يام ونرجعو بغيت نشوف ثلج عفااااك وزايدون خويا تماك عفاااك حرام عليك بابا باغي انت معكسة...شافت فيها مها حتى عيات وهيا تكول
- ديما غالباني واخا الالة تافقتو انت وباك عليا
سومية (كتنقز وتعنق فيها ) :
- لهلا يخطيك عليا يا أحسن واليدة فدنيا..
خنزرات فيها مها
سومية : هههههه بغيت نكول يا أحسن ماما ماما ههههه راه اكنبغي نضحك معاك...نقزات مها وكالت راجلها :
- واش هضرتي معاه بعدا خاصك تعلمو باش يعرف يقدر ميكونش مسالي ماشي انمشيو ندرمو عليه بلا موجب شرع...جاوبها راجلها
- هضااارت معاه وكلتها ليه وزايدون راه غير بوحدو بحال لغول فديك إفران وشحال هادي مزرناه
-هي : وسومية وليكوغ ديال الفرنسية أش انديرو فيهم...نقزات سومية
- ماما غير طتبغي ديري لينا العصا فرويضة ليكوغ يتسناو عادي ماشي مدرسة لي نخاف نتغيب عليها عطا الله اساتذة كيعطيو سوايع فلغات ولكن انا بغيت نشوف ثلج والله وماديوني حتى نعواج ليكم وانا فين علمتكم لا تكولو سومية معلماتكم.. شافت فيها مها بستسلام...
- هاد البنت معرفت لمن شبهات...نباها راجلها
هو: وراه غير ليك انت قسوحيت راسك ومترتاحي حتى كديري لي فراسك راه باين كفي البرمة على فمها طلع البنت لمها...
- إفران كلها ولات كتهضر على الريفي أيتزوج وايستقر فيفران من لكبير لصغير مالين لحوانت مالين طاكسيات معندهمش شي سيرة من غير هاد سيرة كولشي باغي يعرف شكون هادي لي خدات ليه قلبو وكيفاش حتى فازت بيه هو لي معروف بجبروتو والقسوة ديالو كونو من الأسياد حتى واحد مكيرفض ليه طلب باينة حتى هاد البنت معندها حيلة غير تحدر راس وتكول واخا...
"فالقصر"
جايا رابحة كتمسح فجلايلها شوية تم غادية شوية ترجع هز فيها عينيه كيشوف فيها رجع كينقب من طبسيل لي قدامو حتى وقفها صوتو
جواد : واش دايرة ليوم رياضة المشي ولاشنو قضيتك
رابحة : مممم أنا انا اسيدي لا والو والو صافي والو...عجاتو بظهر راجعة وهو يرجعها وقفها
رابحة : مكنعرفوش اسيدي هادشي لي كاليا ومنين كتليه سيدي مكيبغيش هاد ضحك كاليا نكوليك...سكتات
جواد : شنو تكولي ليا؟
رابحة : عع...
جواد : بصرامة)طلقينا خلاص شنو كاليك
رابحة : سير عاود راسك اسيدي
جواد : كييفاش(غوبش)
رابحة : هو لي كالها ماشي انا انا مدرت والو مدرت والو...هربات رابحة كتجري لكوزينة عند هنية لي غير شافتها جات تسولها
هنية : مالك وجهك صفر أش درتي؟
رابحة : أنا مدرت والو انا هاد سي جواد ايسكت ليا قلبي والله مالي على هادشي كامل ياربي فين كان عقلي حتى خدمت فهاد القصر أش داني لاش مشيت
هنية : لخلصة لي كيعطيوك هنا والله لا حلمتي تاخديها فشي بلاصة خرى كملي خدمتك وانت فيك اكترت الهضرة باااز...
- جواد حط سربييتة من إيديه وناض غادي خارج ابرا يشوف شكون هذا لي تجرأ يتعامل معاه بهكا وصل لجردة كيشوف فجنابو مكاين حتى واحد تم غادي عند هاشم مع فتح الباب طل عليه براسو ونطق :
- كنكوليك جواد بجلالة قدرو وقامتو مكاين لي ايخليه يحل الباب غيري أنا ومكاين لي أيعصبو من غيري أنا
جواد : وديما كنكوليك مكاين لي أيهرس ليك راسك من غيري أنا(تبسم بتسامة عريضة) جرو لعندو عنقو بجهد وكيطبط على ظهرو
جواد : ناري ياصاحبي مابغيتيش توب من هاد الفعايل؟؟
- لا أبدا الى تبت مغانكونش سميتي وديع ههههه كيجاتك المفاجأة
جواد :خايبة بحال مولاها فين هيا سليمة
-هاني...طلات بنت شعرها عند كتافها ضعيفة شوية ملامحها زوينين
جواد : اوووه(عنقها وعنقاتو) شوية رجع شاف فيها وكال :
هاجر : أختي ماقديت نكوليه والو بغيتيه يقسمني على جوج وانت مالك يلاه نخرجو نفوجو نسقيو عويناتنا وزيد عليها ضروري من هادشي فدام عمي ومرتو وديك لفعة زلمومية ولا نسيتي؟
ماريا : يااااخ نسييت خارجة ليا فعودي هاديك خيتي حتى هيا ولكن بلاتي نفطرو بعدا
هاجر : نفطرو على برا غير يلاه لوحي عليك مونطوك ويلاه
وديع : هذا راه ماشي حترام هذا راه زراعة الرعب فناس
جواد : واش تحولتي من مغني لطبيب نفساني ولا شنو
وديع (سد على فمو) :
- هاك أفمي مابقيتش انهضر مزال أبدا
جواد : درتي خير فراسك وفيا...
****
عند ماريا..غادية شادة فهاجر وكيدورو فسوق
ماريا : إيوا مكلتيش ليا أش درتي مع سيهم محسن
هاجر : والو كنهضرو مرة مرة فالفيس او لواتساب كالس عليا ختي ختي مرصني فصحتي اووف ولكن انقس حتى انا كنتحل ليه بزااف خاصني نجمع ونطوي نعزز راسي
ماريا : على سلامتك منين فهمتيها دري كلما وريتيه شحال عاجبك كينفخ ريشو ديريه بحالو بحال اي امي معاك فلافاك وياك تصنعي تكولي لا خاصني نوريه انا دماغ وبعقلي باش تعجبيه لي يبغيني يبغيني كيما أنا بهبالي بضحكي بعقلي منتسناش انا نتبدل باش يبغيوني ناس كاعلى يبغيوني الالة لي يبغيك يبغيك بخنونتك كيف كيكولو ناس زماان...شافت فيها هاجر.
هاجر : بصح زعمة؟
ماريا : وحق الله أنا معاك بصح تيقي فراسك شوية متكوليش لا يكما انا خايبة انتي زوينة سفتي فاس اتبغي راسك ايبغيوك ناس مدام انت متايقاش فراسك عمر شي واحد مايبغيك وحق الله نكون خارجة ندوز تايقة براسي انا زوينة نبغي راسي كاعلى يبغيني شي بوراس كاع المهم انا راسي باغياه فهمتيني شغلي راسك ديري شيحاجة كتبغيها عمري وقتك وديك ساعة أتشوفي كيفاش هو أيقلب عليك.
هاجر :بصح والله خاصني ندير قيمة راسي الما درتها انا مكاين لي يديرها ليا المهم دابا شنو بقا لينا؟
ماريا : دوزي عند العطار بغيت ناخود شي تخربيق
هاجر : ديالاش ؟
ماريا : وغير يلاه وصافي ومتدينيش عندك داك قليل العفة دمبارك انمشيو عند البشير عندو حاجة زوينة ونقية...مشينا عند العطار وقفنا حتى وصلات نوبتنا
البشير : أهلا استاذة وغبةر هادي المئات من القصص على قصة بالدارجة..
ماريا : أمع الوقت وصافي انت لاباس؟
البشير : الحمد لله أش حب الخاطر؟
ماريا : هانتا عفاك دير لي 10 دراهم روز مطحون ونيلو مزيان ياك وعطيني اوراق السدر مطحونين والعرعار مطحون حتى هو إيوا ياسيدي والفول والحمص حتى هوما مطحونين....العطار لي فالت ليه كيدير ويعبر ويدير فالميكات
ماريا ( جبدات شي عواد ومداتهم ليه) :
- هاك هاهو الخرقوم بلدي عواد لي ديت عندك طحنو ليا
البشير : اربي اش كديري ليه؟
ماريا : كندوزو فزيت بلدية حتى كيشربها ونجيبو ليك طحنو باش يكون صالح لوجه ولجسم فهمتي دابا
ماريا : عزيز عفاك أخويا واحد كريم كليسيلود وقرعة ديال زيت كليسيرين او واحد القرعة ديال زيت جونسون وحليب جونسون الغوز
عزيز : واخا هيا لولة...عطاها لي بغات خلصاتو وخرجو من عندو
هاجر : عييت أختي وحق الله من صباح وحنا كنجربو وقت لغدا هءا نتغداو ونكملو
ماريا : حتى انا ضرني جوع
هاجر : اجي بعدا دغية عرفتي العطار ومول مكياج انا سنين وانا هنا مكنعرف حد
ماريا : إيوا انت باينة يا كتشىي من برا يطيجيبو ليك
هاجر : وصراحة أه مكدبتيش ولكن دابا حتى انا نولي نتقدا عندهم بحالي بحالك هدا إلما خرجنا خويا فجورنال
ماريا : يتقب سقف براسو إلى بغى بقا ليه غير العطار ومول مكياج يدخل فيهم وزوينة هادي تاني...دخلو لواحد سناك تغداو على خاطرهم ورجعو كملو تقدية لوخرا مارجعو حتى لمغرب وظلام الحال اب الله داك نهار مكياناش الشتا وثلج واقف.
غير دخلات ماريا لاحت البوت ديالها وتلاحت على لفوطوي نباتها مليكة.
مليكة : ولي يشوفك يكول هاد زواج ديال بصح!
ماريا : وهانتي تشوفي تسخسيخ بلا فايدة ولكن لمن تكوليها لواحد كيهمو المظهر اودي خليها على الله وصافي..
مليكة : ونوضي بدلي عليك باش متعشاو
ماريا : ليليا نعسات؟
مليكة : وكلتها لحبيبة ديالي بقات كتلعب حتى داها نعاس
ماريا : انا ندخل نلبس حوايجي ونجي....دخلت لبيت طليت على ليليا لقيتها مغمضة عويناتها وناعسة بستها ورجعت حيدت حوايجي لبست واحد الكولون دصوف وتقاشر واحد تريكو فيه تيمون وبومبا دارت عليه بينوار قصير وبانتوفا..(ماريا واخت دخلوها الفلوس ولكن ماشي من نوع لي خاص بيجامات ماركة وحوايج ماركة الي كان تلبسو المهم تحس بيه براحة ويعجبها راسها فيه والبشار معندها سوق فيه)...خرجات لقات باها هبط وكالسين على طبلة جابت مليكة طاجين حطاتو عاوناتها ماريا جايبة الخبز والمونادا واخا الجو بارد ماريا كتموت عليها خصوصا ديال الحامض كلسو على طبلة وسولها باها :
أحمد : فين وصلتو أبنتي؟ كاتليا ماماك مليكة خرجتي انت وهاجر على قبل دهاز
ماريا : أه خرجنا تقدينا شي حوايج راهم فصالون حتى نتعساو ونوريهم ليكم أما القفطان بقى عند الخياط مزال بغا يدير ليه شي روتوشات
احمد : عجب هدا غير زواج ماسي زواج وداير هاد الحالة
ماريا : إيوا البيان باش يبان حقيقي قدام ناس الما درنا هكا اتبان القضية فيها إن يكوليك سي الريفي بجلالة قدرو ومكانتو ومجاب دهاز يحمر الوجه ميمكنش ابابا يتيقو ناس
مليكة : ماريا عندها صح فهادشي
أحمد : أيوا لهلا يحاشم اليوم نيت تلاقيت بالحاج فالفيرمة حيت كان عندو شركة مع راجل عمتك شحال وحنى مجمعين قضينا شي أمورات ورجع هو قبل مني صراحة لي شافو ميكولش والد هذاك الولد
ماريا (كتاكول) :
- وحتى هو مكانش ساهل فياماتو راه غير كبر وترودا علاش منين جاب ولدو ديك القسوحية والهيبة ولكن صراحة تكال باينة مو لي ظرعات فيه داك تكبر وداير فيها سي سيد
أحمد : ناس كولشي كيحتارموه عرفتو منين دخل لفيرما كولشي سلام سي الحاج الحاج فسما والارض مكانتهم كبيرة أبنتي داكشي باش كتليك ردي بالك وكوني على بال
ماريا : كون هاني ابابا من ديك نحية بلاما ترفد الهم عارفة أشنو كندير...
****
"فالقصر"
فبيت جواد وديع واقف وجامع إيديه كيشوف فجواد
وديع : واش كتهضر بصح ولا كتفلى؟
جواد (شاف فيه وحز حاجبو ) :
- شنو باليك؟
وديع : ميمكنش ولكن علاش راه يمكنليك تزوج زواج ديال بصح بلى هاد تخربيق كاملو مالك عليها
جواد : انا مزال مداخلش ليا زواج لراسي كل واحد حر فحياتو
وديع : ولكن حتى ليمتا تبارك الله راه عندك 33 سنة غمض عينيك حلها هانتا دخلتي ف 34
جواد : ونوصل حتى 40 كاع وشنو العمر عمرو مكان معيار نهار نكون انا باغي نتزوج انتزوج وزيدون وديع انت عارفني أعدى حاجة عندي شي واحد يفرض عليا رأيو بغاو يديرو ليا خاوية فعامرة ولكن انا أنوريهم لقوالب ديال بصح
وديع : والبنت قبلات بسهولة زعمة؟
جواد : ههه ماريا بحالي بحالها نفس كاراكطير العافية مع العافية عمر شفت شي بنت بحالها دايرة بحال المنشار دخل فيك ومكيهمهاش فالول مابغاتش ويبسات راسها ولكن منين عرفات ماشي من مصلاحتها تضاد معايا قبلات.
وديع : خفت غير لا يوقع شي مشكيل
جواد : كاع داك تفرعين ايسالي دابا تشوف
وديع : وكاين شي زين بعدا ولا والو
جواد : انت عارفني مكنردش البال ومكيهمنيش تكون زوين ولا خايبة مصلحة اتقضى والله يعاون العونات براكة من هاد الهضرة وكوليا فين وصلو معجباتك
وديع : ممم شنو انكوليك تضحك عليا إلى كتليك مليت...شاف فيه جواد بعدم تصديق
وديع : وحق الله إلى مليت نفس سيناريو كيتكرر مكايناش شيحاجة مميزة مكرهتش شي وحدة ندوز حداها ومتعرفنيش ولا تنقز وتغوت ولا تلوح راسها بين إيديك بغيت شي حاجة مميزة مغاديش تفهمني ولكن يمكن هادشي لي بغيت صعيب
جواد : كولشي ممكن فهاد الوقت يقدر تلقى مع الوقت شكون عرف مهم ايكون العشا تحط يلاه نتعشاو يلاه ترتاح
وديع (وقف) :
- هيا لولة عرفتي توحشت ماكلة ديال دار وشهيوات سليمة فاتلانة غير بالبيتزا والبانيني صافي
جواد (كيضحك) :
- لباس عليك منين عرفات دير ليك هاد جوج حوايج...جواد لي يشوفو مع وديع ميكولش هذا هو لي كيكون مع ناس ومع ماريا كيكون مطلوق وكيضحك كيتجرد من شخصية سلطوية وحتى مع سليمة كيحسها بريئة وصغيرة وعزيزة عليه كيما ختو هاجر واخا هاجر كيقصح معاها ولكن حبت ختو من لحمو ودمو كيبغي يشدد عليها باش دير ليه ألف حساب ومتخرجش من تحت جناحو...
****
فبيت أحمد طلع من بعد ما تعشاو فتح واحد المجر ديال الكوفوز وجبد واحد الصندوق فتحو وجبد واحد تصويرة فيها جوج رجال واحد طويل ولاخور قصر منو شوية بقا شحال هازها كيشوف فيها حتى دخلات عليه مليكة محسش بيها حتى وقفات حداه كطل على شاد فيديه
احمد : أه اليام كانت عندي هنا 26 سنة اليام ديال سراول بارا وشعر طويل وليباط طوال طانت ايام زوبنة والله
مليكة : شكون هداك لي حداك؟؟ كلس على نموسية وبقى شحال وهو ساكت تنهد تنهيدة طويلة وشاف فمليكة :
أحمد : هداك خويا خويا الكبير
مليكة : خوك ولكن انا كنعرف عندك اختك خديجة صافي
أحمد : هدا خويا من با..
با الله يرحمو كان مزوج بالمرا لولة ولد معاها ولد وطلقها راكي عارفة ناس ديال بكري إيوا يلالة المرا غير طلقها مشات لناظور تما بقات إيوا با تزوج بمي او ولد ختي خديجة الله يرحمها او أنا إيوا وخويا حتى ولا عندو 15 رعام عاد كاتليه مو راه عندك خوتك إيوا ومسكين قلب علينا باش يحيي صلة الرحم واخا كان راجل مو كيمنعو حيت كان ريفي ولكن كان يهرب ويجي يشوفنا وكنت عزيز عليه بزاااف وحتى انا مع خويا الكبير وكيتهلى فيا إيوا بقى هكاك حتى واحد الفترة غبر مابقاش بان وتقطع الإتصال عيينا نقلبو والو مات الواليدة الواليد هي فاش تزوجت بحورية نهار تزادت ماريا فسبيطار مكنحس بيه غير وهو داخل عرفتي مكداتني فرحة ديك الفرحة مخلاتنيش نسولو فين كان وفين مشا زرر حورية وعطاني واحد البركة وكاليا نطلبك طليبة تسمي بنتك ماريا وسميتها ماريا كيفما بغا حيت كان عزيز بزاااف وبحكم خويا الكبير إيوا من نهار جا لسبيطار ليومنا هذا معارف عليه خبار كاين لي كيكول مات كول واحد واش كيكول مخليت فين سول وفين قلبت أو والو..
مليكة : ماريا فخبارها؟
أحمد : لا عمري كلتها ليها عند بالها غير خديجة لي عمتها المشاكل لي وقعو مع مها وفراقها معاها مابغيتش نزيد عليها اتكوليك كاع حبابنا كيهجرونا وتلهيت بتربية ديالها راه بوحدي ماشي ساهل ومجابتهاش الوقت هادا مكان
مليكة : حاول تقلب عليه دابا راه طورات الوقت لات تكنولوجيا تقدر تجبد اي حاجة من الأنترنت
أحمد : واهلي فين أنلقاه وانا معارف عليه حتى معلومة ..
مليكة : شنو سميتو؟
أحمد : سميتو العربي العربي المنصوري...
مليكة : إلى مكتاب ليكم تلاقاو غادي تلاقاو متعرفو فين كاين دابا ولا يمكن حتى هو كيقلب عليك كولشي ممكن يلاه نوض ترتاح مابقى والو لنص ليل...تخشا أحمد فبلاصتو وبين عينيه غير خوه هضرة مليكة حيات فيه وزرعات فيه الأمل زعمة يكون مزال عايش ؟ويلى عايش فين يقدر يكون؟..
🍃صباح الخير لـ شتاء يطرق الأبواب ، لغيوم تحمل الأمطار
لكوب القهوة ،لـضوء الشمس ،لـ انغام فيروز
صباح الخير لبداية يوم جديد.
صباح الخير للأحلام الغريبة التي تتعاودنا عند كل مساء بشكل دائم ونفقد تفاصيلها عند الصباح🍃.
بحال كل صباح تعودات عليه ماريا تفيق تغسل تبدل ليليا وتفطرها عاد طيفطرو مجموعين وهيا كالسة على طبلة وصلها ميساج " وجدي راسك من هنا ل10 دقايق انجي نديك ناخدو الخواتم " قرات الميساج وحطات تيليفون برودة كملات فطورها
أحمد : مالك شفت وجهك تبدل؟
ماريا : لا والو أبابا غير غادي يجي باش كاليك نشريو الخواتم
أحمد : ساعفي وديري عقلك تبتي واي حاجة حليها بالعقل
ماريا : أبابا راه ندير عقلي حتى نعيا غير الهضرة معاه كتعصب
أحمد : دابا يدوز هادشي ويبقى غير تعاويد بحال إلى عمرو مكان...سلات ماريا فطورها وناضت على طبلة
ماريا : أنا نمشي نلبس حوايجي...دخلات لبيتها لبسات سروال دجين مع بوت تريكو بيج ومونطو كحل هزات ساك كحل دارتو على كرشها مجات فين تكمل سمعات دقان فالباب.
ماريا (تحنات على ليليا باستها) :
- كتكوتي انا انمشي مع داك بلارج لي على برا دغية ونرجع عندك مديريش بسالات واخا
ليليا : ماه ماه....عينين ماريا كيبريو حاسة بدموع حيت ليليا مرة مرة كتكول كلمات بحال ماه باه شي كلمات خفافين بزاااف ومكتعرفش تنطقهم مزيان كتمدغهمش رجعات جبدات ليها حنيكاتها بوسان وخرجات فتحات الباب لقاتو قدامها كاط كحل فرجليه سروال كحل مع تريكو كرونة ومونطو فالكحل
جواد :(بحزم) مشينا؟
ماريا : (مع إبتسامة):
-حتى انا توحشتك والله العظيم...مجاوبهاش دار وخلاها وطلع لطوموبيلتو تبعاتو وهيا شاداها ضحكة من الداخل طلعات حداه ودارت السمطة حرك طوموبيل ديمارا وزاد طريق كلها وهوما ساكتين حتى هضرات هيا
ماريا : المهم باش نعلمك بغيت خاتم كبير كدو كداش وحجرتو تبان من تاونات اه وبراسلي ودبالج ديال الفراكة وسنسلة تكون طويلة توصل لعند البوط باش نتفايش بيها قدام الناس
جواد (بلاما يشوف فيها ) :
- مجاش معاك دور ديال طماعة غير رجعي كيف كنتي حيت مغانتيقش بيك.رجعات سكتات حتى وصلو لباب لقصر
ماريا : ياك كلتي انختارو الخواتم
جواد : ولكن مكلتش ليك فين
ماريا : ديك ساعات كوليا نجي لقصر ناخد طاكسي ونجي
جواد (كيفتح الحزام) :
- باش يكولو ناس الريفي مسيفط لخطيبتو تجي فطاكسي دابا هبطي براكة من الفهامات...هبط تسناها هاد المرة حتى هبطات ودخل هو وياها كخلو لقاو واحد السيد هاز باليزة غير شاف جواد وقف وتبسم مد ليه إيديه
-هو: سي جواد
جواد : سي جمال ورينا أحسن حاجة عندك...يلاه ايفتح الباليزة حتى تسمعو خطوات هابطة بزربة مع الدروج كان وديع جاي قاصد جواد
وديع : خرجتي صباح اصاحبي ماشفتكش...علات ماريا راسها شافت فيه هازة حاجب ومهبطة تاني كتخنزر فيه ومادة شفايفها لقدام...وديع شاف فماريا ورجع شاف فجواد شوية بزربة رجع عينيه لماريا كيطلعها ويهبطها من راسها رجليها
ماريا : يااك لاباس؟
جواد : بصرامة) ودييييع
وديع : واش؟
جواد : هممم
وديع : بلاما يشعر)متميزة....
جواد خنزر فيه) :
- وديع براكة من البسالة...رجع وديع خطوات اللور هاز إيديه
وديع : سمحليا مقصدتش انا انكلس مغاتسمع صوتي...ماريا مداتهاش فيه سي جمال الذهيبي جبد واحد البوشيط زرق حلو كانو فيه بزااف ديال الخواتم ديال الذهب لي فيه تلاتة ولي جوج ولي واحد لكبير صغير موايان لي حبات خاطرك عندو...نقز جواد
جواد : أنشوف هذا...خدا واحد الحجم ديالو كبير بزااف وعاطي العين
- شوفي هذا جاني زوين وعاطي العين
ماريا : غير الحجرة لي فيه اطيح ليا كتافي لا اناخود واحد يكون بسيط كترت الحجر بزااف والعمورة مكتعجبنيش...نقز جمال
جمال : اهاه عرفت علاش كتقلبي انا انعطيك واحد غير لناس دواقة الالة...جبد بوشيط وحدة خرا وجبد منها خاتم فيه جوج واحد فيه حجيرة صغيرة وتاني منبت بحجيرات صغار وخفاف
ماريا : هذا اه عجبني
القصة برعاية موقع قصة بالدارجة.. جواد : وانا لا ميمكنش مرت الريفي تلبس بحال هاد الخاتم بسيط
ماريا : خنزرات فيه)
- ماشي الناس لي أيلبوس انا لي غادي نلبسو وانا مكنلبس غير فاش كنرتاح اسيدي الى بغيتي انت خود حجرة على قدها وعلقها فصبعك اما انا عجبني هذا وهو لي بغيت
جواد : أجي معايا....جرها من إيديها حتى بعد وخنزر فيها
جواد (تحت سنانو) :
- وقيلة هضرنا فهاد تخربيق ديالك وكتليك هاد المضادة بلاش منها بلاما تعصبيني فهاد النهار وخليه يدوز حسن ليك
ماريا : كلتي ادير خطبة وسكتنا دهاز جايبو وسكتنا كلنا اه بصح خاص تبان خطبة ديال بصح قدام الناس وسكتنا اتشري خاتم وسكتنا ولكن باش تركب ليا خاتم فيدي كبر مني الا الا اسيدي انا بغيت واحد بسيط مابغيتش داك العرام دالحجر بحال الشيخة تسونامي مزرزرة كلها دهوبات عامرين حجر
جواد : بحزم) ماريااا
ماريا : مكاسن لا ماريا لا لبنى صافي هذاك لي بغيت وسدات مدام
جواد : واخا الالة نتفاهمو من بعد...رجعات حدا ذهيبي وكاتليه يجمع ليها داك لي ختارت هيا...دارو ليها فبواطة ديالو ومدو ليها وقف وكال :
جمال : بصحة وراحة لالة صباحكم مبروك
جواد : الله يبارك فيك اسي جمال الحساب يوصلك المحال
جمال : الله أودي مرحبا...مشا جمال خرج نقزات ماريا
ماريا : وانت وخاتمك؟
جواد : ديجا كاين...وقف عليهم وديع مبسم..وهيا تهمس ماريا لجواد
ماريا : أجي واش فتحتي شي سبيطار ديال الحمقين
جواد (خنزر فيها) :
- علاش؟
ماريا : حيت هذا من صباح و هو كالس وكيفرنس بحال الراس المشوط
وديع : سمعتك غير هضري بجهد مكنشدش فخاطري
جواد : وديع صاحبي
مارياا : اااه وانا كنكول
جواد (غوبش فيها) شنو؟
ماريا : والو والو
وديع : انت ماريا ياك؟
ماريا : أه ماريا
وديع : فخبارك كتشبهي لحمامة ديال السلام فإسبانيا كيسميوها بالوما
ماريا : أه فخباري حيت هذاك هو لقب باش كيعيطوليا فاش كنت تم أغلبية مكيعطوش ليا بسميتي
وديع : صراحة جايا عليك وسمحيليا إلى تجاوزت حدودي ولكن أنا لي فقلبي على لساني
ماريا : شرف ليا أختي(سبحان الله رجال مادة ليهم حناكها وانا مادة ليا إيديها )..
سليمة : فطرتو ولا مزال انت اجواد باين كتفكر على صباااح تاخود تفاحك لمحمض وعصيرك ياك؟ودنون مع الخوخ مقطعين؟
جواد : مناسياش براافو عليك
سليمة : باينة أماريا حتى انت عندك عادة بحالك بحالو ضروري حتى انت يكون عندك فطور خاص تبغي كل صباح تفطري بيه
ماريا (كضحك) :
ههههه والله إلى بحال إلى علمك الله
جواد (كيشوف فيه هاز حجبانو) :
- بصح مكلتيهاش ليا شنو هو فطورك باش نوصي الخدامات يوجدوه ليك كل صباح
ماريا (شاف فيه) :
- الخليع كنموت على البيض بالخليع ويكون ميدم مزيااان مع بطبوطة سخونة وبراد أتاي مشحر...جواد قلب عينيه
جواد (مع راسو : هاد البنت اتخرج ليا عقلي)
سليمة : واش واش كتهضري بصح؟
ماريا : علاش كاع الناس كيفطرو بيه عادي جدا فطور صحي خلينا من الحامض وداك تخربيق كيديرو غير مرض القلب
وديع ( ميت بضحك) :
- أنت واعرة والله واعرة بزااف
جواد : وديييييييييع
وديع : أحم سمحليا.
⭐قبل أن توشك أعصابك على الاحتراق تذكر أنك لن تستطيع اصلاح العالم و لا عقول الناس ولست ملزما بالخوض في كل حديث ولا إبداء رأيك في الأمور ولن تكون وصيا على أحد
مثلما ان ترضى أن يكون أحدا وصيا عليك⭐
ماريا : المهم نخليكم أما دابا عندي مزاال بززاف ميدار
جواد : أتغداي معانا اليوم
ماريا : أحم غدا خطبتنا ومزال خاصني نوجد
سليمة : ناري حنى لبنات غير الى معروضات كيخصني شلا منوجدو خلي انت خطبتك غدا
جواد (مداهاش فيها ):
- كولشي واجد معندك متوجدي
ماريا : غير كيبان ليك كيف كالت سليمة لبنات كيخصهم بزاااف مايوجدو
جواد : واخا يلااه انا أنوصلك
ماريا( مدات إيديها لوديع) :
بسلامة وتشرفت بالمعرفة ديالكم
وديع : حتى حنا فرحانين تعرفنا عليك نشوفوك من بعد
سليمة ( مع إبتسامة بريئة) :
- الله يكمل عليكم بالخير ياربي مبروك
ماريا : الله يبارك فيك العكوبة ليك بشي سعد حسن منا انا وجواد
سليمة : موحال واش كاين شي واحد بحال جواد (ضحكات)بغيت نكول زعمة قليل لي تلقاي شي واحد بحالو الله يتاويكم ياربي
ماريا : هههه أكايبان ليك اتلقاي لي يستاهلك باينة فيك ضريفة كيف كتليك تستاهلي حسن
جواد : واش واكفين كدام باب جامع بحال الى بغيتو طلبو انت وياها يلاه كنت زربانة تمشي
ماريا : يلاه خليت ليكم الراحة...تبعاتو من اللور غير حدهم ركبو فطوموبيل تسد الباب وهو يدور عندها حتى خلعها تزدحات مع سرجم
ماريا : ياك لاباس؟
جواد (كيسوط من نيفو) :
- كنجمع ليك غير زيدي حسابك كتر المرة لفاتت كرواسة يابسة ولا معرفت ليها اليوم الخليع قسما بالله اماريا حتى غادي نخنقك بيديا انا كنعلمك
ماريا : علاه انت دروج يطلعو فيك تبت شوية راه الأعصاب خايبين او واعرين خصوصا انت عريس غدا يصبح وجهك زرك والله...جواد شداتو ضحكة جمع فمو حيت مابغاش يضحك ويضسرها سرط ريقو خدا نفس عميق ديمارا طوموبيل وزاد...
****
مع دخلة ديال إفران سومية مخرجة راسها من سرجم الشتا كتنش عليها الدنيا بيضا بثلج واحد الجو زوين...نقزات ماماها :
- أبنتي يهديك الله سدي داك السرجم راه اتمرضي
سومية : لا أماما عفاك اخليني مغنمرض والو وراه مكبطة متخافيش...سومية كان لون بشرتها بيض شعرها كحل من جدر أما لباقي مصفراه حتى رجع مابين صفورة ولبيوضة لباسها عادي مرة رجولي مرة بنوتي كلها طوانك وخواتم وتويشيات كل مرة محمقة مها وكتكول ليها ...
- ناري أبنتي معرفتك لمن شبهتي...
هادي هيا الجملة الشهيرة لي كتكول ليها
محمد : خلي بنتي عليك خليها فرحانة وناشطة علاش عندي غلا منها
سومية : وخويا؟
محمد : هداك قصة وانت حتيت أبنتي انت صغيرة وهو الكبير
سومية : هممم أح عليك ابابا ههههه...كملو طريقهم فطريق دازو على الغابات لي معروفة بالقرودة ونمر الأطلس حتى دخلو لإفران المدينة وقفو فدام واحد العمارة ستاسيوناو الطوموبيل نزلو هزو شوانط ودخلو ركبو فلاسنسور طباو نمرة جوج طلع بيهم مع خرجو سونا محمد على شقة رقم 4...تفتح الباب تبسمات سومية وكالت :
- إن شاء الله غدا بغيت كولشي يكون متول وعلى حقو وطريقو انتوما أتكلفو بتريتور فين يجي وفين يمشي وشنو يسبق وشنو يوخر الله يرضي عليكم هنية نعول عليك راكي عارفة جواد غير غلط صغير يقلب علينا دار ولي فيها.
رابحة : الحمد لله لي ماشي حنا لي أنطيبو وجاي تريتور كون حنا كوراه غير الى زدنا نغزة فالملحة يبيتنا سي جواد فالكاب فهاد البرد نتكزو
هنية : واخا مغانطيبوش ولكن راه سمعتي لالة زينب خاصنا حنى نوقفو على تريتور وعلى سرباية
رابحة : لمهم بعدا العجب لي سي جواد أيتزوج معرفت شكون هاد الصكعة مسكينة لي قبلات بيه؟
واخا هو منكرش الزين زيــن ياختي الطولة وتجريدة ونخوة والمشية كيف العود إلى غادي ورجولة ياختي أعينيه إلى شاف فيك وايلي وايلي ولكن أختي كيزرع فيا الرعب اغير كنشوفو كنموت فبلاصتي..نباها بوبكر من اللور:
-أباركة من نميمة ادخلي سوق راسك إلى زين زين لماليه لخوتو وباه ومرتو ادخلي سوق راسك انت انت كتقلبي يجريو عليك اودني منك نكولها ونعاودها ديها فخدمتك حسن ليك..
هنية(كتضحك) :
- مكاين لي كيعبر عليك قد بوبكر عندو صح أشبغيتيه انت مالك كطلعي فين تكرضي ديها فخدمتك أااا رابحة اودني منك...
رابحة : والله لا بقيت هضرت معاكم انتوما بجوج امحاميين عليا كاتبان ليكم ارابحة لقيتوني حيط قصير لي جا ينقزو.. ضربات فيهم وخرجات..
- هنية خدامة فالقصر هادي 20 عام منين كانت عندها 18رعام...مزوجة بوبكر..نهار جات لقصر كانت عندو 24 عام كان يلاه خدم عند الحاج بشي عماين هكاك غير شافها عجباتو وقصد الحاح باش يزوجها ليه عندهم جوج وليدات عاطيهم الحاج طابق لوراني داير القصر فيه جوج بيوت وصالون حمام وكوزينة كدها كداش منها مهنيين من الكرا ومنها باش يبقاو قراب من القصر ناس الله يعمرها دار وافيين لسي الحاج أما رابحة رويبحة دويحة كيف كتكول عليها هنية جابتها هنية من البلاد باش تخدم بنت زوينة ونية لي فقلبها على لسانها لي طويل هذا هو ديفو لي فيها تخاف ومتحشم عندها 24عام وحتى هيا عندها بيتها بوحدها فالقصر كل نهار كتسنى غير إمتا تزوج حتى هيا ودير دارها وكانونها...
****
نُشرت القصة على 9esa.com.. قد تُسعدنا أشياءَ ﻻ قيمةَ لها
وقد يكونُ هُناكَ شيءٌ ثمين لا يعني لنا شيء
غالباً ما تكونُ البساطةُ طريقَ السّعادة”
"يوم" الخطوبة
- سومية لي كانت كالسة مقابلة سرجم وتصاور سمعات سونيط فالباب حطات تيليفونها ومشات كتجري فتحات مالقات حتى واحد يلاه اتسد الباب وهيا يبان ليها جوا بيض مكتوب بزرق فاتح...بدات كتعيط على خوها
سومية : ياسيــن واا ياسين...خرج خوها من البيت كيقاد فتريكوه
ياسين : أديك البعلوكة مالكي مبرزطة الوقت..
(سومية مدات ليه جوا وشافت فماماها لي مخرجة صينية ديال الفطور من الكوزينة وجايباها) :
- سمعتيه ياك؟ جاوباتها :
- بينك وبين خوك دوز أولدي تفطر قبل لاتمشي لخدمتك...
ياسين واقف وكيشوف فداك جوا لي بين إيديه
سومية : خويا ياك لاباس؟
ياسين (تنهد) :
- البنت لي كانت عاجباني وبغيت لي عاودت ليكم عليها البارح فاش كنا كنهضرو على زواج مات زواج اليوم الخطبة ديالها والعقد ديالها وهادا كارط ديال دعوة
سومية : أخويا متقلقش ممكتابش ليك حتى انت بوكوص وايجيب ليك ربي لي تمناك شحال من صاحبتي شافتك حماقت عليك...بقا ساكت شافت سومية فمها :
- ماما كولي شيحاجة.. قربات منو ودارت إيدها على كتافو
ياسين : خالتي حورية خالتي حورية(كيضرب ليها فوجها)..جا محمد راجلها كيجري هزوها حطوها على سداري
محمد : سومية جيبي دوا ديال ماماك راه فساكها الكحل...مشات سومية كتجري جابت ليها دوا وهيا خايفة كترعد
ياسين : طونسيو طاح ليها...حط ليها حبة تحت اللسانها دوا ديالها وشربها الماء فتح سرجم باش يدخل البرد..
سومية : معرفتش علاش طاح ليها طانسيو كانت مزيانة؟؟
محمد : حتى تفيق أبنتي ونعرفو مالها..
****
غابت شمسك عن سمائي يا بنتي، فأصبح الكون كلّه ظلامٌ دامس، أصبح الكون كلّه من دون أيّ ألوان، وملامح، وأصوات، لم يعد سوى صدى صوتك يرنّ في أذني، لم أعد أرى سوى صورة وجهكي الحبيب، لم أعد أتذكّر إلّا صورة وجهكي، ونظرات عينيك عند الوداع.
ما أصعب أن تبكي بلا دموع، وما أصعب أن تذهب بلا رجوع، وما أصعب أن تشعر بضيق، وكأنّ المكان من حولك يضيق. بعد الفراق لا تنتظر بزوغ القمر لتشكوا له ألم البُعاد؛ لأنّه سيغيب ليرمي ما حمله،ويعود لنا قمراً جديداً، ولا تقف أمام البحر لتهيج أمواجه، وتزيد على مائه من دموعك؛ لأنّه سيرمي بهمّك في قاع ليس له قرار،ويعود لنا بحراً هادئاً من جديد، وهذه هي سنّة الكون، يوم يحملك ويوم تحمله...
"فالقصر"
دنيا مقلوبة سفاها على علاها هاجر وإقبال خرجو بكري باش يلاه يجيبو قفاطنهم من عند الخياط ويدوزو عند الكوافورة تريتورات وصلو واقفة عليهم هنية وبوبكر ريحة البخور والمسكة الحرة عطرها فايح فدار كلها الحاج فجلابة حريرية فالبيض والبلغة الملحون خدام تكول غير نهار العيد...
فبيت جواد حاط اللبسة ديال لي أيلبس وقف قدام المرايا شعرو فازك عضلات صدر ديالو كيبانو من البينوار هز المكينة كيقاد بيها لحية فوجهو يرازيها ويقلل منها تدق الباب وتفتح دخلو عندو وديع كيضحك :
جواد : ماريا مكتهمني مكنهمها جامع بيناتنا صفقة نهار تسالي وترجع لدارها وتخرج من هاد القصر دير مابغات مكيهمنيش ولكن محدها تحت سقف داري منبغيش هاد البسالة تكون بلاما نعاود هضرتي معاك أوديع راك عارفني
وديع : فهمتك فهمتك دير راسك ماسمعتي مني والو
جواد : مزيان..رجع جواد لشنو كان كيدير قاد راسو لبس كومبلي فزرق داكن قميجة فأزرق سموي مع كرافاط فزرق داكن رجع شعرو لور ورش من ريحتو دار ساعتو فإيدو وهز تسبيح لي مكيخطاهش ولف ديما يهزو جر المجر جبد منو بواطة لي كانو فيها خاتمو وخاتم ماريا...نباه وديع
وديع : كيبان لي وجدتي صافي نهبطو؟؟
جواد (هز البواطة دارها فجيبو ) :
- واخا يلاه...
****
عند ماريا لي مخشية فبيتها كتقاد راسها عيات معاها هاجر تمشي كوافورة مابغاتش صممات تصايب فدار وراسها..وداكشي لي دارت مكياج خفيف صايبات شعرها نفخاتو صبغات ظفارها فزرق بارد دارت طوينكات فودنيها لبسات القفطان لي حتى هو كان مابين شيبي والخضيصر فاتح بزاف ايميل لبيوضة مفتوح من اليدين صمطة رقيقة منبتة وطرز جيهت رها جاها غزااال كيحمق...دخلات عليها مليكة بجلالة ديالها فالحمر غزالة هازة فيديها ليليا بالكسيوة فالخضيضر وبانضة بيضة..
مليكة : غزالة صلاة على نبي مكرهتش كون كانت هاد الخطبة بصح
ماريا : الله أكبر أماما مليكة لبرد وشتياني والقفطان عمرك شفتيها انا بعدا خاصكم يوني فمانطة يلاه يلاه منحس بالبرد
مليكة (كضحك) :
- ههههه ياختي باز ليك ومكلتيش حنا كيجيناك؟
ماريا : ياختي على الوريدات ديالي بجوج فنات فنات
مليكة : ويلاه سربي راسك خلاص راه باك على برا كيتسنى
ماريا : عمي سالم وبديعة ولوخرين جاو؟
مليكة : جاااو وراه كيتسناو حتى هوما وحليمة وسماعيل حتى هوما كيتسناو بقيتي انت
ماريا : واخا انا جايا 5 دقايق...خرجات مليكة وخلات ماريا دير لمسات الأخيرة ديالها...ماريا عيطات على ماس لي كتعرف واخا هادشي تزوير فتزوير ولكن هوما معارفين والو الى ساقو الخبار بلي تزوجات ومعرضاتهم واخا هادي غير خطبة وعقد ايبقاو فيهم الحال ويكولو غير مارضاتش بيهم وهيا مابغاتش تخسر ناس بحال عائلتها الثانية....
سومية : شنو وقع ليك أماما كنت مابيك ماعليك أش واقع
حورية : والو أبنتي غير نسيت ماخديت دوا ديال طونسيو هادشي لي كاين
محمد : كنكوليك قبل الفطور خودي دواك متبقايش تنسايه
حورية : سبحان لي كاينسى ويسهى...شافت فياسين وسولاتو :
- مزال اتمشي لخطبة ديال ديك البنت؟
ياسين : لا أخالتي مغاديش نمشي وزيد عليها مشغول بزااف فالكلينيك يلاه خليت ليكم الراحة...خرج ياسين وهو حاس براسو مخنوق مابغاتش دخل ليه فكرة ماريا تزوج لعقل من نهار لخبار وصلاتو وهو فحيرة ميمكنش هادشي يوقع مستحيل ياك هيا بفمها كانت كالت ليه بلي معندها حد فحياتها كيفاش زعمة تكون طماعة داكشي باش تزوجات بجواد لمكانتو الإجتماعية ولكن حتى هيا بخيرها مابقى عارف ولا فاهم والو....
****
فالقضر الضياف بداو كيوصلو كل وحدة داخلة شادة راجلها حاتية عليه وكاع دهوبات لي مخبية ولا لي شرات شي جلوقة جاية مورو بيها باش تفايش بيها زينب وعصام والحاج كانو عند الباب كيستقبلو الضياف لي دخل :
- مبارك ومسعود اسي الحاج...الحاج مسكين طاب ليه فمو بمرحبا بيكم والله يبارك فيكم مكرهش كون عندو شي كاسيط تعاود الهضرة فبلاصتو ولكن صابر على قبل ولدو وعلى المظاهر أغلبية ديال الضياف وصلو....
جا دور ماريا لي وصلات طوموبيلتهم ولكن من لور ديال القصر باش تهبط هيا وجواد بصلاة على النبي تلكات ليها زينب وهاجر لي كانت فقفطانها لون حليب بشكلاط مطروز ومنبت دايرة مشيطة خفيفة كتحمق وإقبال حداها دايرة الضحكة الصفرا بواحد القفطان صفر بحال وجها طلعوها لبيت لفوق باش ميشزفها حتى واحد بقات تم مع البنات اما مليكة وأحمد هبطو لتحت يلحكو على حليمة وسماعيل وسالم ومرتو وحتى محسن لي مزال مشافتو هاجر..
"فالبيت"
هاجر : جيتي فنة فنة إلى شافك جواد يدوخ
ماريا : وا...(شوية تفكرات إقبال لي حداهم كان لسانها ايزلق) وا حتى هو ايكون كيفتن حبيبي وانا عارفاه فلكلاص كيف كيجي...إقبال باغية تحماق بالفقسة تدق الباب تفتح ودخل جواد طلعاتو ماريا من صباطو لي كيبري حتى لراسو ونظرة ديالو لي متعرفيه مغوبش ولا فرحان
جواد : صراحة مقدرتش نتسناك حتى تهبطي...حدرات ماريا راسها متصنعة الحشمة وهيا كون عندها شي حجرة خبطاتو على كدوبو
إقبال : إيوا وقيلة مغاتباتوش هنا العودلات كيتسناو...شاف فيها جواد
جواد : أه إقبال انت هنا كاعما شفتك
هاجر (كتضحك) :
- وبسيف اخويا متشوفناش مكاينش لي كيبان من غير ماريا...خنزر فيها خوها
جواد : حتى انت البعلوكة تحليك الفم وليتي تهضري...هاجر نسات راسها هربات من البيت بقات غير إقبال لي واقفة حداهم طلعها جواد وهبطها :
- بنت عمي كتسناي شيحاجة لتحت كيفرقو عصير زوين غادي يعجبك....طلعاتو إقبال وهبطاتو وضربات الباب...غير سدات الباب شافت فيه ماريا
ماريا : زعمة برافو عليك ممثل واعر
جواد : منكونش قدك أمراتي العزيزة اه فكرتيني كلمة حبيبي خارجة من فمك بحال العسل
ماريا (خنزرات فيه) :
- كنتي كتسنط علينا بحال البركاكات ديال الحومة
جواد : انت لي صوت بحال البوق ديال البلدية كون هضرتي بشوية مكان غايسمعك حد ودابا براكة من نكير ديال طيابات الحمام الناس وصلو والعدولات حتى هوما بقا غير أنا وأنت
ماريا : كيفاش عدولات؟
جواد : فنظر الناس عدولات فهمتي دابا ويلاه...
****
فدار عند ياسين..
كالية حورية معزولة بوحدها فالبيت مقابلة مع سرجم وكتفكر الخصة فحلقها ودموعها هابطين بحال الواد تنهدات تنهيدة طويلة ورجع بيها راسها لشحال هادي منين كانت عندها 22 سنة والديها ناس على قد الحال باها بحري ومها ربت بيت عادية بحالها بحال أي بنت تعرفات بواحد السيد فاش كانت كتقرا كانت كتبغيه كتموت عليه واخا هو عائلتو ميسورة باه دهايبي ولكن بغاتو وحتى بغاها حتى نهار ساق باه الخبار خيرو يا يعطيها تيساع حيت باها بحري ولا يخرج من الدار وينسا عندو أهل وينسا شي ورت ولا شي محال فلبو ضعف وقرر يبعد ودار لي كاليه باه تزوج...اما حورية عطاتها غير البكا ومع مها واعرة فيها كل نهار عاطية قتلة دالعصا وكل نهار تحشي ليها الهضرة :
- شوفي لالياتك كلهم تزوجو وجابو سعد الزين وانت أش جبتي لاش ولدتك أنا لاش غير متقلة عليا تاكلي وتشربي وتنعسي بحال شي بهيمة ياربي ياربي تهنيني منك ياربي ولكن انا نكولها ليك اول واحد بدق هاد الباب انلوحك عليك وديك القراية الفرحانة بيها غير نسايها فهمتي ولالا ديريها فبالك يلاه ضرقي عليا زلافتك....كلسات من القرايا ولات اشقا تكول هاد الأم مرات باها حتى نهار جا باها جايب ليها عريس لي كان أحمد تزوجات بزز منها مكنتش كتحملو الغدايد كتبردهم فيه عمرها نسات حبها لأول لي كان هو (محمد) راجلها دابا...حملات من أحمد من بعد عام ديال زواج مكانتش كتشرب الفنيد حيت مكانش كيخليها تشربو نعار ساقت الخبار مخلات مدارت باش طيحو او والو تشبت بيها وبكرشها كان عندها أمل اطلق من أحمد شي نهار تزادت بنتها لي حتى شوفة مشافتش فيها وحتى سميتها مسماتهاش خلات كولشي لأحمد كانت كتخليها فدار وتخرج غير باش متعلقش بيها رضعاتها مرة وحدة من صدرها اما الباقي كانت كترضعها اغير بلبيبرون صافي كانت عارفة أيجي مهار وغادي تمشي من هنا ومغاديش تقد تديها معاها أحمد كان زوج مزيان أه وأب مزيان ولكن قلبها هيا شخص واحد لي مالكو هو محمد بصدفة تلاقات بمحمد وكان معاه ولد صغير وقفها وشرح ليها كولشي :
حورية : فات الفوت امحمد انت مزوج وعندك ولد وأنا مزوجة وعندي بنت فات الفوت
محمد : انت فرحانة مع راجلك؟ تنهدات حورية وحدرات راسها
حورية : نرتاح ولا لا معندو باش يفيدك..
محمد : مراتي ماتت احورية
حورية : البراكة فراسك خليت ليك الراحة...خلاتو ومشات ولكن قلبها رجع دق من الأول نهار على نهار فكرة ديال طلاق لصقات ليها فبالها حتى نهار خرجات من دار وخلات أحمد وبنتها عندها عامين مشافتش وراها نهائيا...وصلاتها براتها وبدات حياتها فمعمل ديال الخياطة من ورا عام على طلاقها تزوجات بمحمد لي عمرها نساتو ولا نساها ستاقرو فاس وتزادت عندها بنية واخا عيشتها زوينة ميسورة بدارها بطوموبيلتها بكولشي ليها ولكن كانت ديما كتفكر بنتها ماريا ولكن لوجه باش تقلب عليها وتشوفها...
معندهاش حتى نهار لي داها محمد هادي 9 سنين لأسفي مشات لدارها لقديمة كدق والو سولات جيران كالو ليها :
- سي أحمد وبنتك فسبانيا وانت حتى لدابا عاد جايا إيوا الله يستر لي يسمح فكبدتو مامعاه هضرة... سولات مول الحانوت عليهم كاليها نفس شي
حورية : معندك حتى نمرة لا والو؟
- لا والو مخلاو وراهم حتى حاجة...مشات لدار خديجة عمت ماريا سولات كالو ليها تزوجااات ومعرفوها فين مشات فقدات الأمل ورجعات فحالها لدارها ولا فيها طونسيو وسكر غير من كثرت تخمام قدام دارها راه كتضحك تكون بوحدها كتسد على راسها...تفتح باب البيت ودخل محمد احسات بيه مسحات دموعها
محمد : مالك أحورية حالك معاجبنيش..شافت فيه وهيا ساكتة تنهدات وكالت ليه :
حورية : معندنا حد فاس وياسين بوحدو هنا إفران زوينة والهوى زوين وناس نقية نبيعو دار لي فاس ونشريو هنا وتفتح المحال ديالك هنا وحتى سومية كتحماق على إفران...بقى محمد ساكت كيفكر
محمد : والله معرفت وسوايع دسومية؟
حورية : أي مدينة فيها ليكوغ ديال اللغة امحمد يهديك الله شنو كلتي؟
محمد : أشنو أنكوليك الله يدير لي فيها الخير يكون خير يكون خير....
****
"فالقصر"
قصة من موقع قصص مدرب.. تكتب كتاب ماريا وجواد هادشي فدام الناس أما العدلان من رجال ديال جواد خدامين معاه وتحت الإمرة ديالو كل واحدة شادة بلاصة وطلع وتهبط فالعروسة وتبركك كل وحدة وشنو كتكول
نجاة : حبيبة هادو الحاج جابهم ليا مكنسولش على ثمن انا غير كنشد( كتضحك)...هكا كانت الأجواء ديال الخطوبة بداو كيخدو تصاور عائلة العريس بداو جايبين دهاز حطوه فدام العروسة والعريس باش كزلشي يتصور...ماريا بدات كضحك
جواد : علاش كضحكي؟
ماريا : أيوا اليوم خطوبتي منضحكش
جواد (بحزم) :
-مارياااااا
ماريا : وراه بسيف منضحك كولشي هادشي مزور ومنضحكش
جواد : بصرامة) صافي سكتي أيسمعك شي واحد
ماريا : ههههه واخا هاهيا ساكتة...الحاج هاز ليليا محاطهاش من إيديه سليمة لي كانت لابسة كسوة طويلة فالغوز أما وديع هو مول الكاميرا غير هازها وكيصور ولكن أغلبية كانت الكاميرا كاتشد غير ماريا ضحكتها عينيها مينكرش بلي هاد البنت لصقات ليه فدماغو..
العشا ايتحط وناس تفرقات كل 9 فطبلة تحطو المقبلات لولين عاد البسيطلة عاد اللحم مشوي من بعد ديسير بطبيعة الحال طابلة ديال العربس وعائلتو بوحديتها ماريا طاحت فالمكلة عمية قتلها جوع سلى العشا والأغلبية ديال الناس بداو كيمشيو على برا فجردة واقفة هاجر ومحسن
هاجر : ميحسابليش أتجي؟
محسن : علاش مافرحتيش فاش جيت هيا نمشي؟
هاجر : الالا هههه اغير كتليك وصافي
محسن : إيوا لعقبة ليك حتى انت
هاجر : إن شاء الله
محسن : جيتي غزالة اليوم وتاك القفطان
هاجر (ضحكات) :
- ربي يخليك أخويا محسن..محسن ضحك :
- انا عندي جوج خواتات براكة عليا مافيا لي يزيد التالثة
هاجر (مافهماتش قصدو) :
كيفاش زعمة؟؟
محسن : زعمة...قاطعهم يوسف لي وقف عليهم
يوسف(هاز حاجبو) :
-هاي هاي على لالة هاجر أشنو كديري هنا؟
هاجر : لا أنا غير خرجت تخنقت برا وهاد الدري جا سولني على طواليط فين هيا
يوسف : ممم الطواليط (شاف فمحسن ) واخا أجي معايا نوريها ليك...تبعو محسن دار شاف فهاجر ودار ليها بيدو معنى(ناري)
هاجر : اووووف الحمد لله...
- على برا كانت شتا بدات كتصب الجوا بارد وضبابة جايا طوموبيل جيب فالكحل سايكها راجل كيبان الحجم ديالو أما وجهو مكيبانش إيديه غلاض بيضين فيهم خاتم ديال الزواج اما وجهو مغطي مع الظلام وقفات طوموبيلتو عند باب القصر جا عندو هاشم سلم عليه وفتح ليه الباب...
جواد : انمشي معاك تجيبي حوايجك
ماريا : حتى لغدا ماشي دابا الليل هذا وأنا عييت...مشاو الضياف بقاو غير العائلة ليليا نعسات حطوها فبيت الحاج
الحاج : عيينا كلنا صراحة غير خليها أولدي عندها الصح يلاه ترتاح والغد سير جيب مراتك...نباهم صوت من اللور
- كملتو الفرح بلا بيا يا زريعة القنب...دار الحاج وجواد لي بزربة وقف...أحمد لي بقا كيشوف فيه معرف يوقف ولا يكلس حس بلبرودة طالعة معاه ودنيه سخانو شداتو الرعدة والبكية وقف كيحقق فيها هو ماهو هو هو
أحمد : خويا العربي العربي هذا أنت ياااك؟؟
العربي(نيفان) كيشوف فأحمد ممتيقش عينيه :
- خويا أحمد حميدو هذا أنت واش كنحلم ولا فايق...
بداة كيقربو من بعضياتهم سكات فصالة شي كيشوف فشي ماريا مافهمات حتى حاجة أما مليكة مع قلبها حنين عينيها غير هابطين بدموع أحمد كيشوف فالعربي من راسو رجليه وحتى لعربي هكاك كيشوف فيه خوه أه خوه أحمد حميدةو هكا كان كيعيط عليه أحمد لي محسش بعينيه لي هابطين بدموع 😢ماشي عيب الراجل يبكي البكا ماشي غير العيالات حاجة عادية الراجل إلى بكا راه الداخل ديالو حنين خصوصا فبلاصة أحمد بي سينين والمنين مشاف خوه والديه ماتو ختو ماتت مابقى عندو لا حنين لا رحيم منين شاف العربي حس بشيحاجة تزرعات فيه معرف ميقدم ولا يوخر
العربي (تبسم وحط إيدو على كتف أحمد متأثر) :
- أنت هو انت حميدو قلبك هشيش أخويا...مع هاد الكلمة جرو عندو معنقو😢
- تبارك الله على بنت خويا كبرات وزيانت ماشاء الله وكول دابا بنت خويا تزوجات بولد أعز صحابي...شاف فجواد تبسم ليه وخداه فالحضن ديالو
جواد : على سلامتك عمي نيفان نورتي.(جواد مكايعيط لحتى واحد بكلمة عمي من غير نيفان كيحتارمو إحترام كبير وكيقدرو)...مع كال كلمة نيفان ماريا تفكرات القصة لي عاود ليها الحاج
ماريا : وفهموني راه مافهمت والو..
أحمد : أنا غادي نفهمك أبنتي كولشي غير كلسي...كولشي كلس وبدا أحمد كيعاود نفس القصة لي عاود لمليكة عاودها ليهم
الحاج : صدفة غريبة هادي هدا هو خوك العربي لي كنتي كتعاود ليا عليه
العربي : هو هذا بشحمه ولحمه
ماريا : دابا انت لي سميتيني اعمي سمحليا راه هاد الكلمة جديدة عليا
العربي : عارف أبنتي الحمد لله ربي كبيير وشانو عظيم لي لاقى الحباب من بعد غياب طويل الحمد لله كنت خايف لانموت وميتجمع الشمل
جواد : بطولت عمرك إن شاء الله متكولش هكاك مزال الصحة هيا هاديك...ضرب ليه العربي على إيديه
العربي : الله يكبرنا على طاعة الله ورسوله
الحاج : أمين ياربي إيمتا جيتي؟
العربي : البارح وصلت لإفران
أحمد : علاش سكنتي هنا؟
العربي : أه عندي داري هنا منين كنجي كنجي ليها ومستقر فرنسا
الحاج : جيتي بحدك تاني؟
العربي : لا جا معايا هشام أو ربيع واحد 4يام أيكون هنا يسالي شي خدمة عندو وغادي يجي انت عارفو مكايفلتش إفران فهاد الجو
ماريا : حاجة زوينة تلقى راسك عندك عائلة خرى
العربي : عندك عائلة أبنتي ولاد عمك وبنت عمك غير خصارة راجلها مكيشدش كونجي فهاد الوقت اما تجي حتى هيا إن شاء الله تعرفي عليهم ويتعرفو عليك
ماريا : إن شاء الله
العربي : إيوا تهلى راه العزيزة هادي راه انا لي مسميها وهازها بهاد جوج إيدين أودني نسمع درتي ليها شيحاجة
ماريا : ههههه لالا أعمي متخافش شفتيني انا غير ساهلة
جواد : ها الأستاذة جاوباتك....بداو كيضحكو جميع من غير إقبال لي تسلتات من حداهم وطلعات البيتها جاتها هضرتهم كضر فراس
أحمد : إيوا الحاصور خاصنا نمشيو عيينا هاد النهار
ماريا : حتى أنا عييت انجيب ليليا ونمشيو
العربي : شكون هاد ليليا
جواد : القصة طويلة من بعد ونعاود ليك
العربي أهاه حتى هذا نظر حتى أنا خاصني نمشي نرتاح مزال مرتاحيتش والله العذاب ديال السفر راكم عارفين
الحاج : المهم غدا الغدا عندنا اتجيو كاملين إن شاء الله وجيب معاك هشام
العربي ضروري...ناضو كاملين عند الباب ماريا مشات تهز ليليا فاش كانت راجعة وقف ليها جواد كيخنزر فيها
جواد : حسبيها كيف بغيتي انا كتليك لي كاين وانت وضميرك وعقلك...تنحى على طريقها خرجات عندهم واخا بتكشيطتها هازة ليليا غير وصلات عندهم عطات البنت لباها
الحاج : متنساوش غدا
العربي : إن شاء الله...وديع وختو دخلو وجواد بقى واقف متبعهم بالعين طلعو لطوموبيل ديمارا أجمد وتبعو خوه من اللور أما حليمة وراجلها مشاو قبيلات هوما وسالم وعائلتو...تسد باب القصر كل واحد مشا لبيتو يرتاح فيه أما جواد حط راسو على المخدة إيد كيلعب بواحد الكرة وإيد تحت راسو وكيفكر...العربي وصل مع خوه حتى الباب دار عيا فيه أحمد يدخل مابغاش تبادلو نوامر....
تيليفون العربي مشا وأحمد دخل ماريا أدخلات حطات ليليا فالكامة ديالها بدلات عليها داك القفطان لبسات بيجامتها ودخلات تحت المانطة مخداش معاها بزاااف حتى كانت وا نعسات...
🌼 إبتسامتكِ جميلة
لطفاً لا تحزني
صباح الإبتسامة🌼
****
عند حورية فاقت صلاة صلاتها وكطلب الله يغفر ليها فلي داز ويعاونها على لي جاي إلى كان بصح لي قرات حقيقي والى كانت هاديك بنتها أدير المستحيل باش تسمح ليها واخا صعيب تسمح لمرا خلاتها الحيوان ومكيفرطش فكبدتو الكلبة وكتهز جرو ديالها فمها المشا كتهز وليداتها بسنانها ومتخليهمش وهيا الطيش والعقل لي مكاين كون حسابها وعندها عقل دابا متخليهاش تهزها وتديها وتعطيها الحب ديالها وحنانها الحاصول فات الفوت والبكا مورا الميت غير خسارة...وجدات الفطور حطاتو وكتسنا فياسين يفيق باش تسولو قبل ميفيق محمد وسومية...دخل ياسين لصالة لقاها موجدة الفطور
ماريا : لا والو كنسوني عليها تيليفون طافي بحال والو كاينة فشي بلاصة مافيهاش الريزو متكلسش هيا متهضر وحتى الواتساب ديالها شحال هادي محلاتو. القصة منشورة على قصة بالدارجة..
مليكة : إيوا يكون خير إن شاء الله...سونا تيليفون ماريا وصلها ميساج من عند جواد 5 دقايق ويكون عندها دخلات البيتها شافت يكما نسات شيحاجة مهمة مالقات والو هزات باليزتها خرجاتها وساك ليليا وخرجات لصالون
ماريا : كون هاني أبابا...سونا جواد وقطع زعمة خرجي فتحات الباب لقاتو واقف بطوموبيلتو بقات حتى هيا واقفة كتشوف فيه...عصباتو فتح السمطة وجا لعندها
جواد : شنو كتسناي مزال؟
ماريا : مالك مافيكش صواب مالك زعمة حاس براسك معرفت شنو دخل كول السلام تكول اتاكل منك النص وانت مجنن ابوحدك وزايدون داك ساك والباليزة انهزهم انا راه هازة البنت فيدي...مخلاتش ليه الفرصة فين يهضر ضربات فيه ومشات لطوموبيل فتحاتها وطلعات...بقا شوية لداخل تم جاي هاز الباليزة وساك ليليا وبوسيت ديالها دارهم اللور سد الكوفر بجهد وطلع حداها شاف فيها مغوبش
جواد : بصرامة)هاد المرة تهضري معايا بديك طريقة انهرس ليك فمك مضصريش وطلعي ليا فوق راسي وتبعري جمعي راسك وجمعي لسانك الى كان شايط عليك قطعيه... مجاوباتوش طريقة باش هضر خلاتها متجاوب معاهم البنت اتزيد كلمة يصدقو منوضينها وخالعين البنت اللهم تسكت فمها حسن ليها...وهو كيديماري فطوموبيل دار الحزام وسد طريق لدار... مع وصلو لدار تلكاز ليهم زينب وهاجر بالحليب وتمر وصلاة على النبي وزغاريت سبقها جواد طلع الحوايج لبيتها راسو ضرو بهاد الصداعات لي مافيهم فايدة...وديع وسليمة مكانوش خرجو بكري يدورو شوية فإفران وفثلج..
الحاج : مرحبا بيك أبنتي
ماريا : ربي يخليك أعمي
زينب : مرحبا أبنتي الدار دارك
ماريا : لهلا يخطيك..
ماريا لاحظات عينين هاجر لي كانو حمرييين قربات ليها :
- مالك شفت عينيك حمرين؟
هاجر : من بعد ونكوليك...شافت فيهم إقبال وتبسمات
إقبال : سبحان الله لي شافكم يكول كتعرفو بعضياتكم شحال هادي
ماريا : لي قلبو بيض دغية كيدخل ليك الخاطر وكترتاح ليه بحال إلى أنت وياه معارفين هادشي عوام..
زينب : بصح أبنتي كاينة
الحاج : أري لي خنفوسة جدها لهنا أري...ات ليه ماريا ليليا لي ولات فينما تشوف الحاج تفرح وتنقز...تم هابط جواد عيط على ماريا لي ناضت عندو
جواد : تبعيني...تبعاتو من اللور طلعو لفوق نيشان لبيتو من بيتو لبيتها..دخلات لقات ديكور مبدل ديال البيت بزاااف ولا زوين على اللول واخا زرق وشيبي كيعطي الراحة ولكن حتى الإكسيسوارات ولوان ديال دابا زوينين بزااف أنموسية بالبيج بالغطا فرمادي والغوز مع مخيدات فيهم علامة ديال شانيل البيت غزال ومتيول..
وفجنب دالبيت محطوطة ناموسية صغيرة فالغوز وعليها تاج ومكتوب فيها بغانسيس وجنبها بزاااف ديال الألعاب وديال دببة
جواد : كلت ديكور البيت أيجيك هكا مزيان وترتاحي فيه كتر ألى بغيتي ليليا تحول لبيت حداك باش تاخدي راحتك انعلمهم يحولو نموسيتها
ماريا : الا بغيتها تبقا معايا
جواد : بدون مبالاة ) انت تعرف حوايجك اتكلف بيهم رابحة ديرهم ليك فماريوك ولا انت المهم لي عجبك خودي راحتك حاجة وحدة دوك الحوايح ديال الهيب بلاش منهم خرجي انت وهاجر وخودي ليك حوايج جداد...خنزرات فيه ماريا
ماريا : عندي فلوسي وعندي حوايجي ومرتاحة فيهم وهادشي هضرنا فيه من قبل مغانبقاوش غير نجبدو فيه...يلاه أيجاوبها سونا ليه تيليفون جبدو من جيبو شاف شكون رجع شاف فيها
جواد : من بعد ونكملو هضرتنا عندي ميدار...خرج وخلاها
-mohcin : nn 3afak khlik m3aya chwya machb3tch mnk
-hajar : mohcin ach had lhdra?
-mohcin : 3adi ahajar chno fiha ana 3ajbk wnti 3ajbani xhno fiha ila drna relation ana wyak
-hajar : min nytk bach khoya ydfni hya
-mohcin : wchkon aygolha lkhok?
-hajar : ifran kolha kat3rfo
-mohcin : ma3ndk mnach tkhafi ti9i fya wmnin nbghiw ntla9aw kayna blasa li maychofna had wnsdo 3lina
-hajar : la rak mchiti b3id awld nas ana bnt 3a2ila machi dyal tflia amohcine knti 3ajbni ah wbaghyak wlakin tkon haja m39ola binatna ama had dkhol wlkhroj khatini mno
-mohcin : hajar kadwi min nytk nti kat9ray wana mazal kan9ra wbghit ndir chihaja fhyati mazal mawsl m39ol fhyati wmadamk alala bnt darkom 3lach knti dli tchofi fya dok chofat wnhar lfirma tsarof li drti bach nchof fik wkathawli ma amkn nhdr m3ak wntbadlo nwamr db jaya diri fiha 3izt nafsi fi9i chwya lah yrdi 3lik bnt darhom maktbghich tloh rasha 3la dri hadchi likan3rf...
هاجر حسات بالغصة فحلقها دموعها ساحو عطاتها البكا مجاوباتوش ديك ساع دارت ليه بلوك فالواتساب وفنمرة وفالفيسبوك طفات ايليفون وحطاتو وعطاتها غير البكا ونواااح حتى داتها عينها....
"العودة للحاضر"
هاجر : شفتي شفتي درويش لي كنا نشكرو فيه شفتي
ماريا(كلسات هازة تريكو فيديها كتشوف فهاجر) :
- بغيتي الصراحة ولا ختها؟
هاجر : أنا معاودت ليك حتى بغيت الصراحة..
ماريا : عندو الصح اهاجر نكونو منطقيين شوية انت لي تلاحيتي عليه عقلتي نهار الفيرمة كنكوليك تقلي راسك مسمعتيش ليا دري اتاكليه بعينيك عند بالك معاقش بيك واخا يكون حمار ايعيق بيك وبتصرافاتك وشوفاتك اشنو أيكول هادي ساهلة ولي جات تلاح عليه انت بينتي ليه بلي ميتة فيه الالة عزيها تعزك وديري قيمة راسك باش يديروها ليك الناس كون جمعتي وطويتي وتعاملتي عادي ودرتي العز الراسك ايدير ليك...
هو العز أما انت ذليتي راسك هاهو دلك بنتي ليه ساهلة حتى خليتيه يتجرأ ويقلل عليك الأداب جمعي وطوي ونهار يبغيك شي واحد أيبغيك هو لنفسك ولروحك فهمتي ايجي قاصدك ومغاديش يبغي تلاقا بيك فظلام ايتلقا بيك فدام الناس او بوجهو حمر ويقصد الباب ماشي سرجم فهمتي هادي دير ليك العقل أه كلنا عندنا مشاعر وكلنا كيعجبنا شي واحد ولكن مكنبينوش ونتحلو حتى لديك الدرجة الا لواحد هو يدير قيمة وعتبار لراسو ماشي يبقى غادي حال فمو بحال جرو فهمتي ولالا
هاجر (تنهدات) :
- فهمتك عندك الصح والله من هاد النهار انديها فقرايتي معندي مندير بشي بوراس صافي نديها فراسي وفحالتي وقرايتي
ماريا : ومنين يكون عندك وقت خاوي شغلي فيه راسك ديري شيحاجة انت كتبغيها الرسم الخياطة القراءة الطبخ المهم أي حاجة كتلقاي فيها راحتك وكتكوني فرحانة فاش كديريها شغلي بيها راسك اتلقاي وقتك عامر معندك وقت لخوى الخاوي
هاجر : أودي لهلا يخطيك عليا وخلاص كترضي ليا عقلي..
ماريا : وعلى الله اديري عقلك ومتجيني تاني بشي فركوس أخور
هاجر : لالا عمر داود مايعاود هادي وتوبة...سلاو تستاف ديال الحوايج...من بعد بدلات حوايجها لبسات كسوة فأزرق سموي مع تجاكيط كويرة كحلة وكشكول فعنقها وسبرديلة فرجليها وجها 0 مكياج ومع سهير البارح تحت عينيها منفوخين
هاجر : تحت عينيك منفوخين
ماريا : أه مع سهير حتى ليل وندوز عليها مورسيوت ديال الثلج بما ورد
ماريا : كتخوي عليه الما الطايب ويبات ليلة كاملة والغد تكبيه فديك بوشيط ديال الثلج لي فيها مكعبات وديريه فالفيركو يجمد كل ليلة دوزي مكعب على عينيك..
هاجر (جارة ماريا مخرجاها من البيت) :
- عندك فداك الراس موسوعة
ماريا(كضحك) :
- مزال ماشفتي والو..
****
فدار ياسين
محمد كان على برا دخل حيد تجاكيط ديالو وجا عند حورية لكوزينة
محمد : لقينا شاري
حورية ( دارت شافت فيه فرحانة) :
- وايلي بصح وإمتا اتفيريفيي معاه؟
محمد : غدا انمشي لفاس باش نضي معاه الأمور ونجي باش تشوفي واحد الدار لقيتها اهنا قريبة لياسين
حورية : فخبارك نسيت انا بلي خاص نقلبو على الدار
محمد : اه دار نسيتيها والبيع حادكة فيه باز ليك الالة والله مفهمت فيك والو
حورية : بنادم راه كبر امحمد راه مابقيناش صغار تبارك الله راه 49 سنة قربنا ندخلو فالخميس
محمد : ولكن انت هيا انت بحال الوردة
حورية :أيه بحال الوردة حتى شاط عليا...دخلات عليهم سومية
سومية : ماما سمعتكم كتهضرو على البيع أشمن بيع؟
حورية : غير طالقة رادارات ديالك الله يحفظ منم
محمد : الالة انبيعو دار لي فاس ونشريو هنا مك يلالة كاتليك عجبها إفران وبغاتنا نسكنو هنا...سومية خرجات عينيها وطارت على حورية كتعنق فيها وتبوس
سومية : احح الله يخليك ليلي أحسن حاجة اديروها والله
حورية : وبراكة من لبوسان قهرتيني صافي،حيدات منها ودازت لباها تعنق وتبوس فيه طيباتهم عاد خرجات من لكوزينة غادية تنقز فرحانة مقادها فرحة أمنيتها تحققات أخيرا..
****
"القصر" :
كولشي كالسين مجمعين هاجر مخشية فماريا أما جواد مزال مدخل منين مشا سونا باب دار فتحات رابحة دخل أحمد ومليكة
الحاج : ومعندي منسالك الوقت هو الوقت
أحمد : واشنو بنادم هو لي يحتارم وقتو
الحاج : بحالك بحال خوك شفتو تعطل
أحمد : سونيت ليه هاهو جاي فطريق...تفتح الباب ودخل جواد ريحتو كتعطي قبل منو
الحاج : فين كنتي أولدي؟
جواد (كيشوف فماريا) :
-كنت كنقضي واحد الغراض مكانش خاصو يتسنى
الحاج : أه إيوا مزيان..هبطات زينب ومعاها إقبال بقا غير عصام ويوسف لي مكاينين...طلع جواد لبيتو يبدل عليه حوايجو حيت فزكو بشتا...تفتح الباب ودخل يوسف وعصام دقة وحدا يوسف كيقطر
الحاج : ديما انت معطل سير لبيتك بدل ديك الحالة وانت دغية كيشد فيك المرض
يوسف : واخا الواليد انا طالع...تجمعات العائلة وقدامهم ليليا لي كتعكل فمشيتها كل مرة فين غادية..سونا الباب تاني رابحة جايا وكاتبغم
رابحة : كون ادرت كرسي بحال البواب حسن...فتحات الباب دخل العربي وهي بقات مبنجة قدام الباب دخل لي دخل وهيا مزال مصدومة...الحاج تبسم او وقف:
- وعلى سلامة
العربي : الله يسلمك...هاجر مكونسية وماريا حتى هيا مخرجة عينيها
هاجر : شفتي لي شفت؟
ماريا : شاافت شفتي ضحكة
هاجر : شاافت وانت شفتي اللحية والعينين؟
ماااريا : شاافت أختي شااافت واش واش يكون زعمة أنا عندي ولد عمي بحال هكا هذا كاع زهر
هاجر : سعدااتك بيه عطيه ليا عفاك...مع العربي دخل ولد طول بعرض غير ضحكو ديالو كتخلي البكية تجيك سنان مستفين بويض كولشي فيه زوين كيخليك تجمدي..شاف فالعربي وكال
- هذا عمي ياك؟؟
أحمد : هو هذا انت هشام
-(ضحك) هو هذا...عنقو ومع أحمد قصير شوية وهشام طوييل...شاف فماريا وكال :
- ماريا بنت عمي ياك؟ماريا أشرات أبراسها خداها بين إيديه وعنقها مع هبطة جواد من دروج مع تعنيقة..
سيدها الجزء الرابع
محتوى القصة
التنقل بين الأجزاء