جواد : هشام على السلامة...شاف فيه هشام وتم جاي عندو
هشام : الله يسلمك جواد(بلكنة مخلطة داريجة وفرونسي)انت صافا شحال هادي متلينا تلاقينا من أخر مرة شفتك في فرنسا
جواد : مرحبا بيك
هشام : ربي يخليك...كلس هشام حدا ماريا أو هاجر لي حوالت مسكينة
هشام : صراحة انا فرحان بيزااف والله كونت ديما كنكول لبابا كون غير عندنا حتى حنا عائلة فالموغريب ودابا تحققات أومنيتي
العربي : ربي كبير أولدي
هشام : عرفتي أجواد سعداتك والله
جواد : علاش؟
هشام : حيت خديتي une belle femme والله عرفتي كون عرفت عندي بنت عمي زوييينة هكا والله انهرب ليك بيها ههههه
جواد : sûr?
هشام : oui je suis sûr
جواد : إيوا معندك زهر جيتي معطل حيت دابا ماريا مراتي...ماريا مكيناش فهاد العالم حالة فمها غير فهشام هادشي لي لاحظو جواد...وقف وجا قدامها
جواد (بحنية) : واخا تجي معايا عفااك بغيتك
ماريا : ااه واخا...وقفات وتبعاتو دخلو لمكتب سدات الباب مع سداتو ضرب إيدو مع البيرو حتى تهوات من بلاصتها..دار كيشوف فيها معصب وعينيه حمرين
جواد : لا دابا من نيتك واش بغيتي تجعري ملتي ولا شنو كاليك مخك اش هادوك تصرفات ديال زبل لي كديري على برا أ
ماريا : يااك لاباس مالي شنو درت شنو كاين؟
جواد : لا مدرتي والو غير حالة ليا فمك بحال إلى عمرك شفتي الرجال
ماريا : ولد عمي عادي شنو فيها
جواد : ولد عمك عاد بان داليك العقل مراعيتي لعمي لي كالس ولا مرتو ولا لختي ولا لبنت عمي أ شنو أيكولو مدي خانزة عينيه كيطلاوطو
ماريا : أيوا أيوا حدك تما راه زدتي فيه...بالخف وصل عندها شدها من إيديه وزير عليها حتى ضرها
جواد (تحت سنانو) : مباغيش نأديك مباغيش ندير شيحاجة لي أتندمي عليها خلينا مزيانين وغاديين فهاد تمتيلية ديال الزبل قدام الناس راكي مرت الراجل الالة نهار لي نفضيو هاد زبل كامل ديري مابغيتي ولكن محدك قدام الناس على دمتي حتارميني وحتارمي سميتي فهمتي
ماريا : راه ضريتيني
جواد : متخلينيش نزيد نضرك كثر راه مزاال الوجه الثاني مبينتوش ليك خلينا مزيانين...جرها لبين إيديه وعنقها ماريا معرفات باش تبلات لأول مرة فحياتها أيعنقها شي واحد حسات بسحونية طلعات معاها أو وجها ولا حمررر...بعدها عليه وشاف فيها وضحك بحال الى دار شيحاجة
جواد : هكا مزيان تزنيكة لي على وجهك اتبين ليهم بلي كنا كنديرو شيحاجة دابا تقدري تخرجي...مشا جيهت الباب فتحو وقف كيتسناها غادية حانية راسها وقلبها كيضرب 180درجة إقبال قشعاتهم معجبهاش الحال رجعو كلسو مع العائلة هبط يوسف نضم ليهم كالسين هضرة تجبد هضرة على عمر هشام لي طلع صغر من ماريا عندو 24 سنة وعاد هاد العام لي تعين أستاذة الإنجليزية في فرنسا...قربات هاجر لماريا
هاجر : هذا ديالي انت صغير عليك
ماريا : ياك عاد كنا كنهضرو ولا صافي هضرتي مشات من واد لواد
هاجر : غير كنضحك اندير بهضرتك ولكن من الداخل عجبني والله ولكن مغانبينش عادي عادي صافي نساي
ماريا : الله يجعلني نتيق...العربي نبا ماريا
العربي : إيوا بنتي خدامة كديري شيحاجة؟
ماريا : لا اعمي هاد ساعة دار ولكن إن شاء الله اندفع لواحد المدرسة نقري الموسيقى الكيتار....نقز هشام
هشام : واو بغافو عرفتي جيم بوكو لا كيتاغ والله خاصك تعلميني انا أول واحد نجي ندير عندك ليكوغ دالموسيقى
ماريا (كضحك)مرحبا بيك...وقف جواد وشاف فيهم
جواد : سيادنا الغدا وجد نمشيو لصالة مونجي...وقفو كاملين مشاو لصالون فين كياكلو تجمعووعلى طبلة وحدة جو عائلي ديال الضحك هشام إنسان ضحوكي ممتكبرش دغية كيخلق جو وكيخلي راسو هو مصدر الإهتمام..
إقبال : سبحان الله أهشام ماريا نساجمات معاك أنت كثر من راجلها..جواد كان غادي ينوض يهرس ليها فمها ضبك أعصابو...شافت فيها ماريا تبسمات ليها وكالت :
- باش عرفتي أحبيبة بلي أنا وراجلي ممنساجمين كنتي معانا ولا كتكوني معانا عاد جيت لدار نصحك نصيحة حسن ليك والله متبقايش دخلي فشي شبوق بعاد عليك وبين راجل ومراتو مكيعلم عليهم حتى واحد...شافت فيها إقبال جامعة فمها كتسمم...نغزاتها مها وقربات لودنها
زينب : واش مكتسديش داك الفم عندك واش باغة تجري علينا من هاد الدار داكشي علاش كتقلبي جمعي راسك براكة من الضحك
الحاج : إيوا العربي شحال ناوي تدوز هنا؟
العربي : كنت عوال على شهر ولكن فاش تلاقيت خويا بغيت ندوز معاها أكبر وقت
أحمد : حتى أنا هكاك والله العظيم...جواد محدور على طبسيلو وجهو ممعروفش متعرفو ناشط ولا كاعي...سلاو الغدا ورجعو لصالون ليليا نعسااات داتها لبيتها إقبال طلعات حتى هيا لبيتها يلاه اتسد الباب وهو يرجع عليها دخل عليها جواد عينيه بحال جمرة عروقة إيديه باينين شدها من عنقها داها لحيط وزدحها معاك
إقبال : أي أي جواد كتوعتني
جواد ( بعصبية ومن تحت سنانو) :
- مزال ماشتي والو وديني حتى نربيك والله حتى نعاود ليك ترابي لحمار لي كالها ليك....
شوفي انكوليك جوج كلمات قسما بالله منرجع فيهم انسا راك بنت عمي وصلة دم لي بيناتنا وغادي نلوحك ورا هاد الباب مغايهمني لا عمي لازبل انت عارفاني اش كنسوى منسوى بصلة خامجة إلى مشيت حتى نضت وإلى بغيت نفكرك...على كم تريكوها وعرى على واحد الضربة طويلة بحال شي موس بقات غير سيكاطريس بيضة..
جواد : نفكرك ولا نسيتي بلاما دوري بيا أ إقبال ديها فراسك وحيدي من ساحتي وقيلي ماريا ولا قسما بعزت جلالة الله منعقل عليك(دفعها)ودابا تسنطي لعظامك...خرج وخلاها كتنهجر وكترعد حطات إيدها على ضربة عراتها وبقات كتشوف فيها..علات راسها وتفكرات هادي 3سنين فاش جا المغرب كانت ديما لاصقة فيه جابت باليزتها وقرقات فدار عندهم لدرجة دخلات ليه لبيتو وهو عدوه لي يدخل لبيتو بلا خبارو كان هاز فيديه كاس ضرب بيه تهرس شدها مرمقها ودفعها جات إيديها على نص كاس مهرس...رجعات داكرتها للحاضر صرطات ريقها ونزلات الكم ديال تريكوها بدا تيليفونها كيسوني طلات طلعات ليها سميت (مروان)..قلبات سيفتها وساطت :
- أوووف نوبتك حتى أنت...
دخل جواد على ماريا لقاها حطات ليليا فبلاصتها وبغات تخرج..
جواد : متخرجيش دابا؟
شافت فيه ماريا بستغراب :
- علاش منخرجش من هنا كولشي لتحت نبقى أنا هنا؟
جواد : خاص قدام الناس نبينو بلي حنى كندوزو أغلبية ديال الوقت مع بعضياتنا ماسمعتيش إقبال شنو كالت عند الغدا ولا أنت عجباتك هضرتها
ماريا : جواد متبقاش تهضر معايا بهاد الطريقة الله يرحم باك راه ماشي شاريني ولا جايبني خدامة عندك إلى والفتي الخدم يحنيو ليك الراس انا ماشي وحدة منهم...دور راسو شاف فيها من راسها لرجليها أول مرة تكول ليه جواد..
جواد : تقدم ملحوظ اول مرة كتعيكي ليا بسميتي
ماريا : معندك شي سمية من غيرها دابا حيد من جيهت الباب وخليني نهبط
جواد : أمم زربانة تهبطي عند ولد عمك ميحسابليش انت من داك النوع
ماريا : وعلى سلامتك منين عرفتيها...ضربات فيه بغات تفتح الباب الباب مسدود سمعات حس السوارت دورات راسها بان ليها كيلعب بسوارت فيديه وكيصفر
ماريا : قسما بالله ومتفتح ليا هاد الباب حتى ندير صباعي فودنيا ونغوت...شاف فيها وتبسم حج حاجب وعبط تاني بستهزاء منها وبستفزاز :
جواد : واخا ضلي تغوتي الحيوط دهاد البيت عازلين لصوت معندك مديري غير تكلسي واحد روبوع ساعة وتخرجي مناويش نشدك بزاااف هنا...رجعات لبيتها مازادتش هضرة كتهضر غير مع راسها..(عند بالو أيغلبني بغاني نجاوبو ونغوت ونبح معاه والله داكشي لي فبالك لا وصلتي ليه)..بقات كالسة فبيتها كتحسب دقايق دازت 15 دقيقة وهيا تخرج من بيتها لقاتو مكاينش مشات تفتح الباب تفتح ليها خرجات تلاقات مع هاجر فالكولوار جايا تقلب عليها
هاجر : فين كنتي تسنيناكم حتى عيينا هشام ولد عمك وا مشا هو وعمك
ماريا : اواااه اوووف ياربي تصبرني ياربي هذا غير نهار الأول وشوف أشنو طرا عرفتي ونزيد دقيقة مع خوك يا نسيفطو لقبر يا نمشي أنا الحبس ولكن السمطة كدور والبزيم كيحرد
هاجر : علاش أشنو دار تاني؟
ماريا : يلاه نهبطو ومن بعد نعاود ليك قبل لا يمشي بابا وماما مليكة حتى هيا...هبطو لتحت لقاو مليكة وأحمد واقفين
ماريا : بابا فين غادي؟
أحمد : ابنتي يلاه نمشيو بحالنا الثلج بدا كيهبط بجهد يلاه نمشيو قبل لا تسد طريق ولا شيحاجة
ماريا : خليكم غير شوية بعدا
أحمد : لا أبنتي مرة خرى إن شاء الله
ماريا : واخا أبابا لي بان ليك...مشا أحمد وملسكة حتى هوما الحاج دخل لبيتو قيلولة زينب وعصام فبيتهم ويوسف حتى هو خرج على برا هاز تيليفونو كيلعب فيه أما جواد مبانش
ماريا : ماشفتش ديك البنت سليمة او صاحب جواد
هاجر : منين خرجو صباح مابقاوش رجعو...تفتح الباب ودخل وديع كيمسح شعرو ومعاه سليمة
هاجر : على سلامتكم يلاه سولاتني ماريا عليكم
وديع : هيا ماريا توحشاتنا داكشي باش سولات علينا
ماريا : غير حيت ماشفتكمش على طبلة ديال الغدا داكشي باش
سليمة : مشينا درنا فإفران كلها تلهبنا ماحسيناش بالوقت صافي وتغدينا على برا
ماريا : أه إيوا بصحتكم
سليمة : جواد مكاينش؟؟..تفتح الباب ديال المكتب وخرج جواد منو خرجات ريحة دخان ديال الكارو من المكتب
جواد : شكون بغاني؟
سليمة : أنا لي سولت عليك حيت ماشفتكش
وديع : انت مسولتيش فينا وماريا لي عاد جديدة توحشاتنا وسولات فينا
جواد : ماريا عندها فائض فالحنان داكشي باش...شافت فيه ماريا بنص عين تبسمات ليه فوجهو ونطقات :
- كنسول أدغير على لي يستاهل وكنحن غير فلي كيستاهل اما لي مكيستاهل معندي مندير بيه(شافت فوديع) أولا وديع؟
وديع : عندك الحق فهادي غلباتك اجواد
جواد (بشوفات ممفهومينش) :
- جواد إلى بغا شي واحد يغلبو كيخليه يلعب كيف بغا حسن ليكم طلعو تبدلو عليكم ايضربكم البرد.
ماريا : بغيت نعلمك باش منين نكون خارجة متسولنيش فين غادية ولا جايا
جواد : شغلك هداك دخلي خرجي غير متفوتيش 9 ديال الليل وانت على برا وتحافظي على التصرفات ديالك فهمتيني
ماريا : ألى كان انت عقلك ولا تصرفاتك كيمشيو لشي حوايج ماهوماش أنا ماشي بحالك ديرها فبالك هادي اسي جواد
جواد : جمعي فمك حسن ليك
ماريا : انت لي خاصك تجمع فمك وتعرف اش كتخرج منو راه مجايبنيش من زنقة والى كانو البنات لي تعرفتي عليكم موسخات أنا ماشي بحالهم وبزااف عليك لا انت لا غيرك يوصل لصبع صغير ديالي...
جواد : بالغوااات)سكتتيييي أماريا وطلعي لبيتك حسن
ماريا : وإلى مابغيتش؟
جواد (بصوت زلزل القصر كولو) :
- طلللعيييييي..صوتو خلعها عطاتو بظهر وطلعات لبيتها كتجري دخلات وسدات عليها بساروت قلبها كيضرب وكلها كترعد...أما هو رجع لمكتب ساد شرجم عليه وكالس فظلام ودخان ديال الكارو ديالو طالع...دازت ديك العشية مشافتش وجهو تجمعو على العشا كان على الطبلة حفاظا على المظهر ديالو قدام عمو ومرت عمو غير وصل وقت النعاس طفات ماريا الضو ديال البيت وحطات راسها على المخدة لي كانت باردة عكس بيتها لي كان كيكون دافي بقات عاطية ودنيها واش أيدخل ولالا حتى داها نعاس ماحساتش بيه نهائيا..
- صبح صباح جديد فاقت ماريا على صوت ليليا ناضت بدلات ليها الكوش وعطاتها الرضاعة ديالها ترضع عاد لبسات حوايجها حيت معولة تخرج وتدي معاها ليليا حيت هاجر قارية ومكاين لي تخلي ليه البنت وتيق فيه مزال عندها شك فإقبال ومها واخا تتبان ضريفها ولكن مزال معاشراتهاش باش تعرف...لبسات عليها تريكو قهوي مع جيب فالخزي ليبا وبوط طاع فالكحل وتجاكيط كحلة مع بيرية فالكحل وساك فالقهوي هزات ليليا وهبطات التحت لقاتهم عاد تجمعو على طبلة ديال الفطول...طلع فيها جواد الشوفة ورجع حدر عينيه
ماريا : صباح الخير عليكم
الحاج : صباح النور أبنتي كلسي تفطري...كلسات ماريا تفطر وليلي حطاتها كتمشى بين رجليهم إقبال مهزاتش عينيها فيهم حادرة عينيها وساكتة فطرات ماريا وشافت فالحاج وكالت :
- عمي غادي نمشي نشوف واحد الإيكول هنا بغاو أستاذة ديال الموسيقى انشوف معاهم وغاندي معايا ليليا..نقزات زينب
زينب : علاش أبنتي غير خليها انا نقابلها بلاما تخرجي البنت فهاد البرد...نقز جواد وهو مشايفش فيها
جواد : عندها الصح البرد هذا اتخرجي البنت غادي تمرض اللهم خليها مع مرت عمي هيا اترض ليها البال
ماريا (بدورها مشافت فيه) :
- خفتها غير تعدبك ولا شيحاجة؟
زينب : لالا مغادي تعدبني والو تبارك الله مكديرش البسالة وصغيرة حبيبتي غير سيري قضي غراضك أنت..وقفات ماريا
ماريا : أنا يلاه نمشي...حتى هاجر وقفات وكالت :
- تسناي يدينا شيفور بجوج بينا حتى انا غادية لافاك
ماريا : أهاه يلاه
زينب : أنا جايا تسنايني...طلعات هاجر جابت سكادو ديالها خرجو بجوج ركبو فطوموبيل داهم شيفور وصل هاجر هيا اللولة عاد ماريا...
- فالقصر غير سلاو الفطور عيط الحاج لجواد..
جواد : نعام الواليد شنو واقع؟
الحاج : شفتك ماوصلتي ماريا ما زالو وكتعامل معاها فشكل قدام عمك ومراتو ياك لاباس شو كاين؟
جواد : الواليد هاد السوق بعييد عليك عفااك شغلي وانا عارف ليه...بهاد الكلام سد مع الحاج الهضرة..خلاه وطلع لبيتو لبس مونكوه وخرج...
****
#فدار ياسين جايا سومية كتجري عند مها..
سومية : ماما الحب الفنون ديالي انت
حورية : معنديش فلوس..
سومية : ناري وعقلك فين مشا أماما مابغيتش الفلوس
حورية : هضري خلاص شنو بغيتي؟
سومية : ماما دابا هو واحد المدرسة هنايا ياك كدير الموسيقى بغيت ندخل نتعلم عفاااك الله يعطيك الستر متكوليش لا...شافت فيها حورية
حورية : وااخا دابا نشوفو شكون أيتعطل أنا ولا أنت....
~ عثرات الحياة ليست ضدك
بل هي لأجلك لتعي ما هي الحياة ،
لتفهم "مواقف" لم تكن تفهمها
لترى أشياء لم تكن تراها ،
نتألم لِنتعلم..
انهض مهما اوجعك التعثر..
****
دخلات ماريا لمدرسة تلاقات مع المدير عطاتو شي وراق كيبينو على خبرة ديالها من طرف الناس لي كانت خدامة عندهم شافهم وقراهم تافق معاها على صالير لي مكانش كيهمها قدما كيهمها تعمر وقتها ودير حاجة هيا كاتبغيها نضات معاه الأمور عطاها دول زمني ديالها ولاد صغار من 9 🕘حتى 🕚11 وناس لي كبار من 🕑2 حتى ل🕠4:30 سلمات عليه وخرجات بحالها خرجات هيا من الباب ودخلات سومية هيا وحورية لمدرسة باش تقيد فليكور ديال الموسيقى عطات معلوماتها وكاع لي كيخص بتسجيل إستعمال زمن ديالها وخرجات فرحانة من المدرسة شادة فحورية...
- واخا كتكون الشتا كتبغي ماريا تمشا تحتها واخا وصاها إلى كانت أترجع تكولها ليه مغادي دير غير لي فراسها بقات غادية ساهية فديك الطبيعة وداك الثلج لي طايح حتى حسات برجلها تلوات وصوت الفران وقف ضربة خلاتها تكلس لأرض...تجمعو شي ناس كيقلبوها وكل واحد يسول من جيه مالكي ياكما توعتي خرج مول طاكسي كشاكشو خارجين..
- واش عورة واش صمكة عييت نكلاكسوني او والو وفالخر تكولو حنا سباب...ماريا عصبها فبلاصة ميسول يكما بيها شيحاجة كيغوت وقفات غير بالمشقة على وجل وحدة او وحدة هازاها..
ماريا (خرجات فيه عينيها) :
- وأنت مالك مكنتيش كتشوف باينة جاي سايك بحال تران مكديروش حساب غير مدرمين بحال البهايم
- هو : دابا أنا لي غالط ضربني وبكا وسبقني وشكا
ماريا : أااااه انت لي غالط كون كنتي جاي يشوية وبالقانون مغاديش دخل فيا كاااع وكون كانت شي مرة شارفة مسكينة بعكازها كون دخلتي فيها طول وعرض نكولو انا كنتمشى بزربة وهيا مسكينة كي أدير وحتارمو راجلين وزايدون انا غادية فممر راجلين ومن القانون توقف فهمتي ولالا وراه نقدر ندعيك وندخلك الحبس
- هو : الالة لي شارف يكلس فدارو ميخرجش يتلاوط فزناقي
ماريا (شعلات) :
- وراه انت لي خاص تكلس فداركم لي معارف حتى تسوك وجاي كتهضر وتحل فمك...القضية بدات تكبر وصداع كيعلى
* أسيدي أشنو واقع هنا؟شنو المشكل ؟ السيدة عندها الحق انت عندك لافوت واش هكا كتسوكو فهاد البلاد وبهاد تصرفات كاساهمو فسياحة وتقدم بلادكم زعمة لا حترام لا عتذار لا والو..شافت ماريا فسيد لي كان كيهضر سكتات حيت كلامو بصح
- مول طاكسي : هيا لي غالطة ماشي أنا وهيا لي خاص طلب سماحة
*- علاش اطلب سماحة انا شاهد على كولشي سيدة غادية فممر راجلين والأسبقية ليها هيا الى كنت نيت شاد هاد البيرمي وعارف القوانين وإلى مشات حتى دعاتك اتخلص زبالة ديال الفلوس وحتى هاد البيرمي لي كتاكل بيه طرف ديال الخبز ايتحيد ليك وهادشي انت عارفو بلاما دير راسك مكلخ أصاحبي..مول طاكسي توتر وحدر راسو سكت ورجع هضر مع ماريا :
- ماشي مشكيل المسامحة غير الواحد بكلمة زوينة راه ادير العجب أما العيب راه حالو ساهل الله يعاونك أخويا...رجع مول طاكسي ركب فطاكسيه جقلة تفرقات وكل واحد مشا فحالو..ماريا حسات برجلها ضراتها الحمد لله منين الخدمة مغاتبداها حتى نهار الثنين بعدا اتكون ولات شوية وقدات تمشي عليها...فيقها نفس صوت شخص لي كان كيهضر
- كايبان لي رجلك موعة بزااف يكما نديك لوبيتال؟ شافت فيه ماريا تبسمات وكالت :
- لا ماشي مشكيل انشد طاكسي ونمشي لدار
- هو : كيبان ليا هنا قليل فين كيدوزو طاكسيات وشتا اتبدا تجهد او قرب ظهر دابا كولشي يمشي لدارو خليني نةصلك مافيها باس
ماريا : لالا أخويا بلاما نعدبك
- هو: مكين حتى عذاب الالة على الراس والعين وانتوما فالمغرب كتكولو مزيان الواحد يعاون الناس ولالا
ماريا (ضحكات) :
- أياااه كنكولوها
- هو : إيوا شفتي هالي كلت ليك خلاص الكلام
ماريا : واش الأخ خليجي؟
- هو (ضحك) :
- نص نص هههه يلاه عطيني إيدك هاهيا طوموبيلتي غير هنا
ماريا : انت مكتعرفش شنو هو الرفض؟
- هو : ماشي هكاك ولكن الواحد فاش يكون محتاج لمساعدة ويكون ميبس راسو كنكول علاش لا نيبس راسي ميثلو تماما...شد فيديها غادي بيها حتى لقدام طوموبيلتو لي كانت من نوع رانج فالكرونة كتبري فتح ليها الباب حتى طلعات قدات سمطة عاد سد الباب ودار ركب حداها...
(#وهوما_فطريق)
ماريا : شكرا بعدا حيت عاونتيني..شاف فيها بعينيه لي كان لونهم بحال سما
- على الراس والعين..رجعات سكتات وستغربات كون شي واحد فبلاصتو كون سولها شنو سماها الله ويبغي يتعرف يديرها حجة وزيارة
ماريا : انت من هنا؟؟شاف فيها تاني وتبسم بين على سنان بحال لؤلؤ فمو لي كان مخبي بموسطاج زعر وطويل من جناب مرورا بأسف دقن ديالو..
لي كان مغطيه لحية خفيفة شوية ونفس الوقت طويلة باينة فيه لابلس عليه غير من سنسلة ديال ذهب لي داير فعنقو وهاد طوموبيل لي راكب فيها...جاوبها :
- الالة انا أصلي ماشي من إفران ولكن دار كاينين هنا
هو : عندك تكوني مقسحة بزااف وخاص طبيب يشوفك مهم انت تعرفي...وراتو طريق منين يدوز حتى وصلو لقصر لي تفتح الباب ديالو منين العساس بانت ليه...شوية سولها :
- ساكنة هنا؟
ماريا : أه علاش؟
هو : لا والو غير مجرد سؤال وبس
ماريا : يلاه شكرااا بزاااف وسمحليا عذبتك
- هو : يكما ندخل معاك
ماريا : لالا اندخل بوحدي متخافش كاين لي يعاوني...خرج من طوموبيل يعاونها تخرج عاد ردات البال لطول ديالو وشنو لابس لي شافو يكول هذا غير لبناني وكيفاش قضية الخليج مافهمات فيه والو ومبغاتش تزيد تسول حيت هو مسولهاش كاع على راسها هيا لي لسانها طويل..من بعد ما خرجها شكراتو غير هي تمات داخلة كتعكو برجل وحدة سمعات سوط ديال روايض دارت لقاتو خرج من الباب دالقصر رجعات دورات راسها وغادية بشوية مع الحيط حتى وصلات عند الباب سونات وحطات راسها على الحيط حيت كتحس برجلها كتزدح تفتح الباب وهيا تم داخلة غير شافتها زينب وقفات وجات عندها كتجري مخلوعة
الحاج : من نينك ابنتي ماشي ديال دليك راه الله يحفض يكون العظم مقسح...مداهاش فيها وتاصل بطبيب...تكاوها على لفوتوي دارو ليها مخدة تحت راسها الحاج كيسوني على جواد تيليفونو مشغول..هبط وديع شافها تخلع جا كيجري عند راسها
وديع : شنو واقع مالك؟
ماريا : غير كسيدة خفيفة مكاين لاش كدتمبرو الموضوع...شوية سونا الباب كان طبيب علات ماريا عينيها متجي غير فعينين ياسين
ماريا : ياسين!!
ياسين (كيسرط فريقو) :
- مكاينش طبيب المختص وجيت بلاصتو
ماريا : ولكن انت طبيب ديال ترويض
ياسين : ماشي بضبط طبيب ديال ترويض غير بينما جا طبيب لي خاصو يكون ديال ترويض انا طبيب عام غير شديت البوسط ديال ترويض كيف كتليك بينما جا طبيب المختص وحيت عندي تجربة فترويض
الحاج(كيشوف فيهم) :
- واش كتعرفو بعضياتكم؟
ماريا : أه أعمي ياسين هو دكتور لي كان كيدير ترويض لوردة فاش كانت فغيبوبة وفاقت
الحاج : أاااه مرحبا أولدي
ياسين (كيتصنع لا مبالاة واخا هو من الداخل ديالو كيغلي)شنو واقع؟
ياسين : لا متهرساتش الحمد لله ولكن تلوات ليها انخرج ليها دوا يكالمي الصداع او واحد بوماد تدلك بيها غير من الفوق ورشاش وباندة طبية تربط بيها رجلها وخاصها الراحة هاد الأيام...قيد هادشي فورقة ومدو لحاج...نقز وديع
وديع : انا نجيب ليها دوا...نباه صوت جواد من اللور
جواد (بصوت رجولي) :
- بلاما تعدب راسك اوديع ديها غير فالعطلة ديالك انا لي أنجيب لمرتي الدوا...على فيه ياسين عينيه لقاه كيشوف فيه بشوفات فشكل...هز شانطة ديالو أو وقف
ياسين : ميكون عندم باس اماريا
ماريا : شكرا..عطاها بظهر وتم غادي حتى وقفو صوت جواد :
- شفتك مباركتيش لصديقة ديالك لعجب صحبة زينة هادي...خنزر فيه ياسين او وقف كيشوف فيه رجع دار عند ماريا تبسم ليها وكال :
- مبروك عليك
ماريا : الله يبارك فيك أياسين..خرج ياسين وشد جواد الورقة من عند باه خنزر فوديع حيت تصرفاتو مابقاتش عاجباه فهاد الأخر... سيفط الورقة مع بوبكر يجيب دوا رجع عندها وتحنا بلاما يهضر بالخف كانت بين إيديه
ماريا(غوبشات كتشوف فيه) :
- حطني واش هبلتي؟
جواد : مالك اتبقاي مشبحة هنا طلعي لبياك ترتاحي
ماريا : وشكون كالها ليك أخويا معامن تشاورتي انا بغيت نبقى هنا..مجاوبهاش عطاها نخال وطلع بيها لفوق تحت نظرات باه لي شاداه الضحكة وشمرات عمو لي شداها الحشمة وشوفات وديع لي واخا هكاك معجبوش الحال...طلع جواد لبيت حطها لاح عليها الغطا وخرج وسد الباب فطريقو لتحت داز من حدا بيت سليمة كيسمعها كتبكي وتهضر فتيليفون..
سليمة : عرفتي شنو أخديجة تشوفيه ليل ونهار وانت مقادة ديري والو كنحس بقلبي كيتقطع والله كيفاش غادي ندير نبقى صابرة وزوينة عيا نهار انعرف بلي تزوج اخديجة ناري عرفتي جواد حليت فيه عيني أخديجة(كتنخصص)...جواد جمع غوباشتو صدماتو هضرتها وهو لي كان معتابرها بحال هاجر...حدر راسو وكمل طريقو لدار لتحت دخل نيشان للبيرو سد عليه جبد بكية دالكارو هز واحد وشعلو وقف قدام سرجم حاط رايو على إيدو وكيفكر مابغاش يكول لوديع حسن ليه يشوف شي أوطيل وديع صاحبو من زمان وتقاسمو شحال من حاجة زوينة ولكن سليمة وهاد الحب...
لي يمكن غير ولف ولا مراهقة خصوصا سليمة عاد قافلة 19 سنة يعني فتحات عينيها عليه هو ولا خوها مابغاش يكوليها شي كلمة تجرحها ومخاصهاش تعرف بلي زواجو من ماريا غير كدوب خاصو يوصي وديع واخا راه وصاه ولكن كولشي ممكن يقدر ينسى والله أعلم...سمع دقان فالباب دار فتح وديع الباب وطل براسو
وديع : واخا ندخل؟
جواد(رجع شاف فسرجم خدا نفس من الكارو وساط دخان لي مابينش ليه وجهو) :
- راه دخلتي ولي كان كان.
وديع : شنو واقع شفتك ماشي حتى لتمى..دار جواد عندو طفى الكارو فطفاية وعلى فيه راسو عاقد غوباشتو تقاد فالوقفة وكيشوف فصاحبو عاد نطق :
- سمع اوديع أنت صاحبي من شحال هادي على العين والراس ولكن إلى وصلات حتى لشرفي والعرض ديالي مغاديش نقبل بيها تفاهمنا
وديع (بستغراب) :
- كيفاش ما...قاطعو جواد
جواد : خليني نكمل هضرتي مارسا منين طاحت اللهفة لي بينتي فعينيك مكيبينها غير شي واحد كيبغي شي وحدة وزيد كملتيها باغي انت تجيب الدوا ليها ولخوف فعينيك وقدام مرات عمي والحاج وكنضن راه هضرنا على هادشي اه ماريا انا وياها بيناتنا صفقة وغادي تسالي ونكولها ونعاودها نهار تسالي وتمشي لدارها وتبعد من هنا منك ليها ولكن مدامها تحت سقف داري وناس عارفينها مراتي متخلينيش نخسرك اوديع حتارم حدودك عفاااك...وديع حدر راسو حيت هضرت جواد كلها بصح هو كينسى راسو فاش كيشوف ماريا..كمل جواد هضرتو :
- أنت عايش عيشة فشكل فتركيا وهادشي حنا عارفينو كل مرة سهرات وبنات فشكل وعندك كولشي عادي ولكن هنا لا هادي راه المغرب اوديع تقاليد والعادات تابتة علينا والإحترام واجب عفااك انا مكنتش غادي نوصل معاك لهادشي ولكن انت عارفني صريح وعندي نيشان..هز وديع راسو حيت كلام جواد فهمو ومابغاش يخسر جواد صاحبو وخوه لي عاونو فبزااف دالحوايج...على راسو وديع فجواد وكال :
- سمحليا مقصدتش مغاديش تعاود مرة خرى.
جواد : كنتمنى أصاحبي..دار وديع وخرج بحالو...تنهد جواد حدر راسو رجع تدق الباب وتفتح طل بوبكر براسو شاف فيه جواد أدن ليه باش يدخل
بوبكر : سي جواد هاهو دوا
جواد : حطو تم...حطو فوق البيرو وخرجو هزو جواد وخرج من المكتب طلع لبيت ماريا دخل عندها ماريا شافت خنيشة فيديه
جواد : حسن ليك سكتينا بغيت نعرف غير فين كانو عينيك غير كدوري فعينيك حتى خبطك طاكسي ومزال كتحلي عليه فمك
ماريا (هزات حجبانها صدمها فين عرف هادشي) :
- شكون كالها ليك؟
جواد (كلس كيفتح بومادا باش يدلك ليها رجليها) :
- حتى حاجة مكتخفى عليا كولشي كيوصلني دبانة إلى زنزنات كنسمعها دابا غير سكتي بلاما نهضر حسن من بعد ونهضرو على خونا لي وصلك حتى لدار
ماريا : هاء هاشم وصلها ليك البريكيك ديالك(شوية غوتت)أااااي بشوية..زايدون شكون انت لي تحاسب معايا سيد عاوني مسكين وجابني لدار شتا ولبرد وثلج أيبدا يطيح نبقا مشوجرة تم ورجلي كضرني
جواد (خنزر فيها) :
- ياك كتليك تبغي تجي سوني ليا ولا لشيفور يجيبك ولكن لا الأستاذة ماريا كدير غير لي فراسها
ماريا (بصرامة) :
- متبقاش تكوليا الأستاذة...سلى دليك دار ليها البانضة وناض شافت رجليها مقادة ومحزومة دغية دغية شافت فيه لقاتو خرج من البيت وخلاها..حطات راسها على المخدة وشافت جيهت ليليا لي ناعسة فنموسيتها.
ماريا : إمتا ترجع ماماك وباباك إيمتا؟؟!!!...
لو أنني أكثر تحرراً من قيودي، لو أن الندوب القديمة تلتئم أسرع، لو أن الأصوات بداخلي أكثر سكوناً..أكثر هدوئاً وأكثر تقبلاً للواقع، لو أن الواقع أجمل..لو أن أحلامي أكبر من مخاوفي، لو أن هواجسي تتركني وحالي، لو أنني أدركت ذلك مبكراً، لو أن العالم يصبح مكاناً أقل قسوة،لو أن البحر قريب، لو أن الشمس لا تغيب، لو أن الليل لا يستوحش بنا..وحدنا، لو أننا معاً، لو أن المسافات تدنو والدروب تلتقي..لو أننا لا نبتعد، لو أن الأحلام الجميلة جميلة فعلاً، لو أن القلب يطمئن، لو أنك هُنا..
لو أني أحلق بعيداً..بعيداً جداً ف فضاءات من دون إحتمالات الوجود والعدم..من دون توقعات..من دون جيد وأفضل، لو أنني أتخلص من ثِقل الخوف، لو أمضي من دون خوف، لو أن عقلي يكُف، لو أن الزجاج المنثور في روحي يجتمع لينير الروح ويضيئها، لو أنني أتوقف عن الإنتظار..عن الترقب، لو أن الأشياء أبسط، لو أن يقيني أعمق، لو أن عقيدتي أمتن، لو أني أتوقف عن السلسلة المتواصله من "لو أن" لكان كل شئ ربما أجمل..
****
-وصل الكار لمحاميد الغزلان هبطات وردة كتشوف فجنابها وكتفكر هاد البلاصة لي جات ليها هيا وياه المرة لي فاتت شحال هادي..تمشات شوية ومشات نيشان كدور بين المحالات لي كانت كتجي ليهم مع أمين جبدات تصويرتو وكدور على محال بمحال واش شافو هاد السيد لي كيشوف صورة كيدور ليها راسو بمعنى لا مع ذلك مخابش الأمل ديالها وماستسلماتش رجعات تصويرة لساك ديالها ومشات لأوطيل لي كانت كتنزل فيه معاه واخا كل واحد فشومبر ديالو شدات نفس شومبر لي شد أمين دخلات وحطات الساك ديالها تنهدات او وقفات عند سرجم كتشوف وسارحة بخيال ديالها كتفكر أيامها مع أمين وشنو دوزو مع بعضياتهم جبدات تيليفونها كتشوف فليكرون تصويرتو وتصويرة بنتها ملاصقاهم مع بعضياتهم باست لي كرون وحطات تيليفونها دخلات لدوش دوشات عليها خرجات تكات فبلاصتها ترتاح من العيا ديال السفر وصلات ديك ل5 ديال العشية فاقت لبسات حوايجها وخرجات تكمل تقلاب ديالها أو والو ضطرات تدخل لصحاري كون دوك ناس رحال تسولهم دازت على شحال من واحد كتسولو أو والو بدا الحال كيظلام شوية بان ليها واحد الضو جاي من بعيد قرات تقصدو...
فخيمة كبيرة لعيالات كيصايبو العشا ورجالهم على برا كيشربو فأتاي وشاعلين العافية باش يدفاو واحد فيهم شاد واحد الكنبري وكيدندن فيه كلهام لابسين الفاقة ودايرين لاحايا من غير واحد فيهم ليكانت لحيتو طويلة وشعرو طويل زعر كيبان بحال شي بوهالي هاز كاسو داتاي وكيدي وجيب فراسو غادي مع الموسيقى..نقز واحد فيهم وكال :
وردة : سلامو عليكم سمحوليا إلى برزطكم...جاوبها مول الكنبر
- لاواه ابنيتي ماعندك مشكيلة يكما توضرتي
وردة : لا أسيدي غير أنا جيت كنقلب على واحد السيد راجلي توضل شحال هادي وكنقلب عليه كلت نسول على وعسى يكون بان لشي واحد...جاوبها مول لكنبر :
- تبارك الله وماشاء الله ونعمة زوجة عيني صورتو نشوف لك واش راتو عيني ولالا...مدات ليه صورتو كيشوف فيها ويحقق :
- واش لاهي نكولك هاد الوجه ماريتو ابنتي صبري نشوف خويا...مدها لخوه شافها حتى هو معرفهاش
وردة : صافي ماشي مشكيل سمحوليا
-هو : هاد السيد لي راك تشوفيه حتى هو لقيناه مجلي ولكن ماشي هو...علات وردة عينيها فيه لحية والموسطاج مغطيين ليه وجهو بزااف وحتى حالتو كانت موسخة متعرفيه بيض ولا كحل حسات بواحد البرودة طلعات ليها مع صباع رجليها منين شاف فيها بعينيه لي حمريييين بحال إلى باكيين قلبها كيضرب وبحال إلى شداتها الخنقة طولاااات فيه شوفة وعينيها مابغاتش تحيدهم عليه شوية وعات راسها حيدات عينها عليه ورجعاتهم لمول الخيمة :
- الله يردو لعائلتو خليتكم على خير أسيدي
هو : سيدي وسيدك رسول الله أبنتي حاني تعشاي معانا
وردة : لا غير بصحة يلاه نوصل الحال بدا كيظلام سمحوليا الله يرحم الوالدين...عطاتهم بظهر تمات غادية وصوت الكنبري رجع كيدندن بلا هواها تلفتات بان ليها الغريب كيشوف فيها ومتبعها بالعين معرفاتش علاش قلبها ضرب بجهد منين عينيها جات فعينيه لحظة وقفات وبقات كتشوف فيه غير دور وجهو حدرات راسها وكملات طريقها لأوطيل بحال كل مرة معندها حتى جديد ولا خيط يوصلها لأمين...
كوني قوية بأفكارك... بشخصيتك وطموحك
تخلي عن الضعف الذي ارضعه لك المجتمع .💜
****
ساق أحمد ومليكة لخبار لي طرا لماريا ديك ساعات ركبو وجابو معاهم حتى حليمة محسات بيهم ماريا حتى دخلو عليها..
أحمد : ياك لاباس أبنتي؟؟
ماريا : والو أبابا راه عاودت ليك فتيليفون شنو واقع بلاما تخلع..
ماريا : الله يسلمك أخالتي...شوية بدا تيليفون أحمد كيسوني جبد تيليفون طلعات ليه نمرة العربي فتح الخط وخرج على برا..بقات مليكة وماريا كيهضرو مع بعضياتهم
مليكة : كيدايرة مع جواد أمضرا؟
ماريا : والو حنا هوما حنا مكابن حتى جديد المناكرة وكيتحكم بحال إلى مرتو اليوم وصلني واحد السيد فاش تضربت فرجلي وساق الخبار إيوا بلاما نكوليك راه كيتحلف..مليكة خبطات جنابها :
- أويلي ستغفرت الله واش انت مسطية ولا مالك لي مخلية راجل يوصلك جتى لدار
ماريا : مافيها باس سيد مسكين عن حسن نية وصلني وكانت شتا ومكاينين تاكسيات نبقى تما؟
مليكة : عيطي على راجلك ولا شيفور يجي يديك...شافت فيها ماريا هازة حاجبها :
- أويلي على راجلي وزايدون هو كاليا الى بغيت نجي نعيط على شيفور أنا مابغيتش
مليكة : ماريا أنا بحال ماماك ياك انوصيك وصية انت عندك 26عام دابا راه بعقلك تبارك الله أه فعلا هادشي لي انت فيه مابغياه وتفرض عليك ودرتيه على قبل صاحبتك ولكن مدامك قبلتي بيه ودخلتي فهاد تمتيلية هادي إلا وخاصك تقدي بيه أبنتي جواد راجلك قدام الناس كلها راه انت لي ايبقاو الناس يشوفو فيك شوفة خايبة وناقصة ويكولو مرات فلان مكتحشمش وممربياش ويكولو الله ينعل لي رباها تبغي لي يعاير باك؟...شافت فيها ماريا وبقات ساكتة..كملات مليكة هضرتها وحليمة كالسة وكتسمع ليهم وساكتة
مليكة : منين تكوني انت وياه الراس فراس ضبر راسك ديك ساعات تناتفو انتوما كاع ولكن قدام الناس وقدام العائلة ديالو وباه حتارميه واخا باه عارف القصة كلها ولكن هداك راه ولدو او ولدو لكبير راعي لتصرافتك أبنتي وعرفي شنو كديري وكوني انت مولات العقل متخليش قلبك يتحكم فيك حتى نهار كل واحد يشد طريقو تفاهمنا؟؟ماريا حركات راسها بمعنى واخا..دخل أحمد مرجع تيليفون لجيبو شاف فبنتو
أحمد : عمك جاي باش يشوفك كتليه شنو وقع.
ماريا : بلاما يطلع حتى لهنا أنا نيت طلع ليا البيت فراسي بغيت نهبط التحت..نباها صوت جواد من ورا باها
جواد (بصوت رجولي) :
- غادي نكول لرابحة توجد ليك بلاصة لتحت باش تكلسي وانت مرتاحة فيها
ماريا : واخا.
مليكة :مبسمة) الله يرضي عليك أولدي...جاةبها بشبه إبتسامة وخرج...خرج أحمد من البيت وهبط لتحت بقات مليكة وحليمة بدلو لماريا حوايجها لبسوها قميجة ديال دار سخونة مقطنة مع سروالها مشطات ليها مليكة شعرها بحال شي بنية صغيرة دارت ليها واحد بانضة فيها لاصو فجنب شعرها ماريا سرحات حتى فيقاتها مليكة من سهوتها :
مليكة : أمين أبنتي وعيشني أنا وباك حتى نشوفوك فرحانة وبوليداتك إن شاء الله
ماريا : وحتى نلقا باهم بعدا ههههه...نقزات حليمة
حليمة : وهاد العود لي قدامك ولي كان يلاه هنا مقدكش يابنيتي والله إلى على مزيناتو..خنزرات فيها ماريا وكالت :
- عيطو على بابا يعاوني نهبط وكان خالتي حليمة غاتشللني...بدات حليمة ومليكة كيضحكو عليها حتى قاطعهم جواد لي دخل وتحنى على ماريا هزها قدامهم بقات هيا غير كتشوف متكلماتش هبطها لتحت حطها فوق الفوطوي الطويل لقاتو مفرش بمانطة ديال الكشمير هز غطا من حدا رجليها غطاها ودار ليها جوج مخاد ورا ظهرها ومخدة أخرى هز رجليها وحطها عليها مفهمات فيه والو وفتصرف ديالو ولكن فاش بان ليها الحاج كالس ومعاه عمو ومرات عمو وبنت عمو عرفات بتمثيلية ديال زوج المثالي لي داير قدامهم..
- الحاج : بنتي كي كتحسي دابا؟
ماريا : الحمد لله أعمي شوية..
إقبال(برودة) :
- مايكون عندك باس
ماريا : لهلا يوريك باس..هبطات مليكة وحليمة نضمو ليهم العائلة كلها كلسات أما جواد كان كالس مقابل مع ماريا داير رجل على رجل إيد حاطها على إيد الكرسي وإيد مدرق بيها فمو...سونا الباب جات رابحة كتجري فتحات الباب دخلات هاجر وتبعها العربي من اللور..تمات هاجر جايا كتجري عند ماريا مخلوعة
هاجر : أش وقع ليك تلاقيت مع عمي نيفان فالطريق هنا وكاليا أش وقع
ماريا : من بعد ونعاود ليك...قربات منها هاجر وكالت ليها :
الحاج : ولدي ربيع مرحبا وألف مرحبا...كلشي وقف يسلم حتى لجواد لي بقى كالس متحركش..ماريا نتابهات لهاد ربيع وساعو عينيها من صدمة والله حتى هو هو ميمكنش زعمة يكون هذا هو ولد عمها ربيع..جواد شاف دهشة على وجها وعرفها فاش كتفكر ستغل فرصة ديال لوخرين كيسلمو وكاليها :
- تصدمتي مكنتيش عارفة بلي لي وصلك صباح هو ولد عمك؟
ماريا : فاش طرات ليك لكسيدة ربيع هو لي عاوني ومع كانت شتا وطاكسيات مقطوعين وصلني لدار...علات فيها إقبال راسها وشافت فجواد لي تفسير وجهو ممفهومش وتبسمات بضحك كالت مع نفسها(هممم ودابا ايبداو لمشاكيل بين لعرسان جداد وإقبال ادير رجل على رجل وتفرج ههههه)...
ربيع : كيبقيتي بعدا؟
ماريا : الحمد لله
ربيع : صدفة كبيرة هادي ابنت عمي
ماريا : تبسمات) ههههه كبيرة وسكتي...دار عند جواد كيشوف فيها قرب منو العربي وكال
العربي : وهدا جواد لي كنت من ديما كنعاود ليكم عليه...جواد وقف إحتراما لنيفان ومد إيديه لولدو
جواد : مشرفين..
ربيع : الواليد معندوش شي سيرة من غيرك فدار لدرجة كنكولو ليه واش هداك ولدك او ولدتيه بلا خبارنا..تبسم جواد لعربي وكال لربيع :
- عمي العربي إنسان عزيز وبزاااف بمتابة الواليد ديالي...طبطب العربي على كتف جواد وتبسم...كولشي كلس أما هاجر طلعات لبيتها تبدل حوايجها...بقاو كالسين مجمعين ضاحكين باها كيسول فربيع شنو كيدير وفين مستاقر من خلال هضرتو عرفات ماريا بلي ربيع مستاقر فالإمارات داكشي باش هضرتو فيها بعض الكلمات خليجية عندو تماك أوطيل مسيرو ومستاقر تما قليل فين كيمشي لفرنسا..
أحمد : إيوا مزيان أولدي الله يعاونك...ماريا كانت كتبان بحال شي بنية صغيرة هادشي لي لاحظو جواد لي كالس مقابل معاها وكيلاحظ تصرفاتها واش أتعامل مع ولد عمها بحال هشام نهار جا ولا أتحتارم راسها هاد المرة كانت كتصرف بعفوية وفنس الوقت محافضة على بعد المسافة بينها وبين ربيع كانو حنيكاتها حمرين بوحدهم بحالهم بحال فمها وديك البانضة فشعرها جادتها جمالية كتبان ممتصنعاش وكضحك من قلبها...هادشي لاحظاتو إقبال وقلبها كيغلي معجبهاش الحال كيفاش كيشوف فيها هيا مكيهمها حتى واحد من غير جواد دخل يوسف رما عليهم السلام كلهم شاف ماريا ونفس سؤال كيتعاود " ياك لاباس أشنو واقع؟؟ " من بعد مكالو ليه طلع يبدل حوايجو وياخود دوش ويرجع باش يتغداو هبطات هاجر لعندهم وكلسات معاهم...
****
عند حورية لي قررات تعاود لمحمد على ماريا عيطات عليه من المراح دخلو لبيت وسدو عليهم..شاف فيها محمد وكال ليها :
- ياااك لاباس؟
حورية : غير كلس بعدا ونهضرو
محمد : وكولي راه خلعتيني ياكما سومية بيها شيحاجة؟
حورية : ولا كلس بعدا أمحمد انا وترتيني قبل مانعاود ليك..
محمد (سلم أمرو لله وكلس) :
- يلاه هاهو كلس شنو كاين؟
حورية : محمد عقلتي على بنتي بنتي ماريا من راجلي لول أحمد؟
محمد : أهاه فاش 9 سنين مشيتي قلبتي وكالو ليك راه مشاو لسبانيا؟
جواد : أجي معايا...تمشات معاه وردها لصالةن فين كانو كالسين كولشي شاف فيه باه عرفو شنو بغا يدير ولا يبيض بيضة هنا وبيضة فالعش ...وقف جواد رابحة قدام إقبال لي كتشزف فيه حسات براسها قفراتها..
جواد(بصرامة) :
- طلبي سماحة
إقبال : ككيفاش؟؟
جواد : كتليك طلبي منها سماحة
إقبال : واش من نيتك بقا غير نطلب سماحة من الخدامة
جواد (كيغوت) :
- هي بعدا فيها الفايدة كتوكلك وتشربك وتجمع ليك بيتك وحوايجك فالوقت انت لي معندك لا شغل لا مشغلة هيا بعدا حسن منك هيا منها لكاينة وانت شنو غير زايدة فهاد دنيا ومصدعة لوقت شنو عند بالك داك نهار هضرت معاك ومسمعتيش لكلامي الالة هاد الدار راها داري أنا لي نأمر ونهضر فيها انت غير سكتي..نقز عصام..
عصام : جواد...وقفو جواد بيديه وهو عينيه على إقبال :
- عمي عفااك بلاما دخل خلينا مزيانين...كتليك طلبي سماحة
إقبال : ويلى مابغيت؟
جواد : انحسب 2 دقايق نلقاك جمعتي حوايجك وخرجتي برات هاد الباب...إقبال قلبها بدا كيضرب معرفات شنو دير إلى خرجات من هنا فين أتمشي ترجع لدارهم فاس تاني شافت حتى عياات سرطات ريقها وبصوت خافت كالت :
جواد : شفتي مسمعاتكش إلى قدرتي تعلي صوتك حسن..هنا تدخل الحاج
الحاج : صافي أولدي...شافيه جواد وفعينيه بركان شاعل
جواد : الواليد زمان العبودية مشاااا وزمان نردو الخدم بحال جفاف نمسحو فيه رجلينا مشا قرون هادي عفااك حسن متدخلش...رجع شاف فإقبال
جواد (بالغوات) :
- يلاااه مغانباتوش هنا
إقبال (كلها كترعد وبصوت عالي) :
- سمحيليا...مس جواد ظهر رابحة بمعنى تمشي..أما إقبال وقفات حدرات راسها وطلعات للبيتها كتجري...رجع جواد كلس مهموش لا عمو لا مرت عمو حيت كون رباو بنتهم مزيااان مغايكونش هادشي كاع.. ماريا بقات فير كتشوف فهاد جواد لي قدامها واش هو نيت لي كتعرف ولا فيزيبلات عقلها تحرقو مع ضربة لي كلات ولا هادشي نيت بصح...الحاج حاول يلطف الأجواء..
الحاج : سيادنا الغدا تحط يابسم الله..
جواد : بحزم) انا وماريا مديروش بحسابنا..
ماريا(مع نفسها : أويلي اخويا الى مافيك انت جوع انا راه مبتة بجوع)
- واخا أبابا...ناضو كاملين لطبلة دالغدا من غير ربيع لي طول فيهم شوفة بجوج جواد حس بيه واقف وكيشوف فيهم دور وجهو غير شوية بنص عين حاضيه ولكن دغية ربيع تبع لوخرين على طابلة ديال الغدا...تبسم جواد ودور وجهو كيشوف فماريا على حاجبو كيشوف ليها ميشان فعينيها وكال :
- أخيرا بقيت أنا وياك أمراتي لعزيزة....
ماريا : شنو واقع عاوتاني يااك لاباس؟
جواد : علاش انت معارفاش شنو واقع ولا كيعجبك ضحكي عليا الهضرة ماشي هنا أمدام الإبراهيمي..وقف وبلخف هزها حتى عكرها فرجلها
- كون درتي لي كتليك مغاديش يطرا ليك لي طرا ومغاديش نقيسك ولا نبقى غير هازك
ماريا : ماكتليكش هزني كاين لي غادي يعاوني.
جواد (تبسم وهز حاجبو) :
- بحال ولد عمك مثلا؟؟ يلاه أتجاوبو بان ليها ربيع واقف عند باب الصالون..حس جواد بلي كاين شي واحد لور مضار ومدار حتى ردة فعل من غير أنو هبط بشوية مابين حنكها وعنقها وباسها...ماريا ولات بحال شي تيليفون دارين ليه لفيبرور كلها كترعد من الصدمة ومن تصرف جواد معرفات تغوت ولا تسكت ولا شنو دير وجها ولا لونو بحال مطيشة حمراااا وسخوووون ...بعد عليها جواد وتبسم ليها:
- هادي باش تبراي دغية سمحيليا حبيبي الى عكرتك مقصدتش مرتاحة دابا...ماريا مكتهضرش حدها ساكتة...على جواد حاجبو ودار بشوية وراه بان ليه جواد
جواد (تبسم وعلى حجبانو بحال إلى متفاجئ) :
- أه ربيع ساليتو الغدا؟
ربيع (متوتر) :
- لا غير أنا نسيت تيليفوني ورجعت باش نجيبو
جواد : اه واخا...دار جواد عند ماريا وبلاما يزيد كلما قادها فالهزة وخرج من صالون طالع بيها لبيت وربيع متبعهم بالعين..
ربيع(مع راسو) :
- علاش أنا حاس بلي منين دخلت كانو كيدابزو وبلي شيحاجة واقعة بين هاد جوج جاني هادشي فشكل والله..
#فالبيت
دخل جواد وحط ماريا على نموسيتها..صافي هنا شعلات ورجع ليها عقلها
ماريا : شوف الله يرحم جدك ماشي غير انا مكوسحة من هاد الرجل دير فيا مابغيتي نهار تافقنا انا وانت على هاد زبل ديال هاد زواج كلنا انديرو راسنا مزوجين قدام الناس ولكن باش تفوت حدودك وتحط عليا شلاقمك حتى لهنا وحبااااس انا راه ماشي جابني من زنقة باش دير فيا مابغيتي مالي على هاد زبل كامل كاع عيقتي وشيطتي وزدتي فيه انت كاااع
جواد (غوت عليها حتى فاقت ليليا من نعاسها) :
- سكاااات منسمعش حسك مزاال
ماريا : عجبك الحال دابا هاهيا فيقتيها واش انت قلبك ميت معارفش البنت ناعسة ومخاصكش تغوت ولكن معامن كنهضر مع واحد معندو حتى لكبدة ياااخ منك ومن نهار لي عرفتك فيه بحالك بحال المرحومة ماماك سبحان الله نسخة طبق الأصل...تلاح عليها فوق نموسية وشد ليها الفك ديالها بسد وحدة زير عليه وخبط ليها راسها مع نموسية..
جواد(نيفو كيترعد وعروقو باينين):
- متبقايش تجبدي مي على فمك ومتفوتيش حدك وتنساي راسك....بدات ليليا كتزيد فالغوات ديالها وكتبكي مسيكينة مخلوعة...شوية جواد سكت ودفع ماريا حتى تردخ راسها مع نموسية واخا توعتات ولكن مابيناتش ليه حدها بدات كتزحف حتى وقفات على واحد الرجل غادية مع لحيط لكونة ديال ليليا هزاتها فيد ورجعات كتعكز على رجل وحدة حتى لنموسية وكلسات كتسكت فليليا...أما جواد خرج سد الباب خرج لبالكون لي فبيتو شعل كارو يهدن بيه أعصابو...
ماريا : صافي صافي أكبيدة ديالي صافي أحبيبتي ششش صافي هاني هنا هاني هنا...هزات رضاعة لي محطوطة حداها وعطاتها ليها وهيا كتسكتها عاد سكتات ودميعات فعينيها...ماريا حسات يشيحاجة واحلة ليها فالحلق ديالها كرهات جواد لأقصى دراجة حسات براسها كاينة فجحيم واش هاد دنيا مكفاتهاش حرماتها من حنان مها مزال كتختابر فيها طلع ليها هادشي كاملو فراسها حاولات تهدن على قبل ليليا ولا فيها إحساس فشكل تعجبات فراسها واخا معطوبة فرجلها كيفاش وصلات لكونة وهزات ليليا بحال شي أم العاطفة القوية حركاتها تنهدات وسرحات وتفكرات أيامها واخا هكاك معاشتش شي طفولة زوينة تحرمات من بزاااف ديال الحوايج كون كانت عندها مها موحال واش تحرم منهم باها مسكين لي كان سند وظهر ليها كان الاب والأم والأخ وكولشي فحياتها واخا هو مكايبغيش يدوي على مها ولكن عمتها خديجة عاودات ليها كلشي كيفاش مها سمحات فيها وكيفاش باها كان كيعامل مها بكل طيبة كولشي كولشي نكولو مها مكتبغيش باها إيوا وهيا شنو دنبها شنو دنب بنت عندها عامين تحرم من مها الأم لي كتدلل وتمشط ليها شعرها فاش كانت صغيرة وتقاسم معاها لكبيرة وصغيرة هادشي كامل تحرمات منو ماريا...هبطات دمعة سخونة من عينها بلاما تحس دغية مسحاتها هبطات عينيها لوجه ليليا لمديور وعويناتها لي كيبريو ودوك جوج سنينات لتحتانيين الحارين فالعضة كاتخليها ضحك بلهلا يطريه ليها..
ماريا : مغانخليش لحبيبة ديالي يطرا ليها كيما طرا ليا انتسناو ماماك حتى تجي إن شاء الله وباباك نصبرو على هاد الوحش لي كاين على برا معندنا منديرو ياك ابيبيتي...ضحكات ليليا ليها
ماريا : كضحكي كضحكي حيت كلت لعمك وحش ميستاهلش يكون عمك داك بوراس...تدق الباب تفتح ودخلات رابحة هازة صينية فيها الماكلة.
رابحة : لالة الغدا ديالك
ماريا : مافيا لي ياكول غير رجعيه الرابحة والله يرحم جدك انا ماشي بحال إقبال عفاك عيطي ليا ابسميتي الله يرحم باك..
رابحة كتفتفت مسكينة :
- ولكن راه سيدي لي كاليا ندخل ليك الماكلة وكاليا ضروري تاكلي باش تشربي دواك عفااك الله يعطيك الستر راه انا لي انكلها فجلدي الما كليتيش راه ايسمعني تاني من قاع الخابية
ماريا : عارفة الرابحة عارفة لي كاين عفاك خرجي وسدي معاك الباب..خرجات رابحة وسدات الباب وراها...تكات ماريا وتغطات دازت نص ساعة طلعات عندها مليكة وحليمة وباها سلمو عليها قبل مايمشيو وراها طلع عمها حتى هو أما ربيع ماتلاش بان ليها...ماريا غير كتغمض عينيها كتفكر البوسة ديال كبيلة كون صابت جيكس تحك بيه عنقها...غمضات عينيها مرابانة تنعس واحد شوية وتريح راسها...
#فالمكتب
كان جواد كيراجع شي وراق مغوبش ومفيكسي عينيه على شي حسابات فالبيسي ديالو مرة مرة كينطر من الكارو نطرة ويحطو فصوندرية صغر عينيه وهز تيليفون ديالو طلع واحد النمرة ودور ليها :
جواد (بعصبية) :
- خليل بغيت الحسابات ديال هاد الشهر كاملة عندي ومتكون ناقصة حتى ورقة والعقد لي كاين بينا وبين شركة لوكس يكون عندي حتى هو 8 يكون عندي تعطل 5ديال دقايق غير حسب راسك مطرود...قطع تيليفون وركب نمرة خرى
جواد : جلال بغيت معلومات كاملة على شركة بوم شكون مولاها شكون المدير حتى لخدامة لي فيها شكون هوما شكون المسؤول على المبيعات وحتى شكون لي مسؤول عندهم على عقد الصفقات هادشي كامل بغيتو عندي...مع قطع الإتصال تدق الباب وطل وديع براسو تبسم ليه...
- إلى كنت مسالي بغيت نهضر معاك..
جواد : دخل..دخل وديع وكلس قدامو على الكرسي
جواد : مابنتيش على الغدا فين كنتي؟
وديع : كنت خارج شوية مهم كنت بغيت نكوليك بلي غادي نمشي لفرنسا...على فيه جواد عينو حط ستيلو وتقاد فالكلسة ودار رجل على رجل :
جواد : علاش شنو واقع؟؟
وديع : والو منها ندور شوية ومنها عندي حفلة تما
جواد : أممم واش باغي دور شوية ولا شيحاجة خرى
وديع : بحالاش مافهمتش؟
جواد : انا لي كنسولك
وديع : صباح عيطو عليا المندجير ديالي سنا عقد ديال حفلة فرنسا انمشي عندي واحد سيمانة تما وغانرجع
جواد : أو سليمة ؟
وديع : أنا بغيتها تبقى هنا ولكن هيا نصرة باش تجي معايا داكشي باش غادي نديها
جواد( كيلعب بستيلو) :
- أهاه مزيااان حتى هدا نظر طريق السلامة وبون شونص
وديع : سمحليا بزااف على داكشي ديال صباح
جواد : مديرش فبالك سير وستمتع وأجي داري مفتوحة فوجهك...وقف وديع عنقو وخرج باش يلاه يجمع حوايجو ومنها نيت يهرب من هنا قبل ما قلبو يتعلق بماريا كتر ومايبقاش مسيطر على راسو ويخسر صاحبو وهو ممستاعدش يخسرو حيت صعيب فهاد الوقت تلقى شي صاحب بحال جواد..
دازت على الحادثة لي تعرضات ليها ماريا يوماين ولات بيخير وعلى خير واخا رجلها مزال دايرة ليها باندا باج تجمع مزيان ولكن على الأقل ولات كتمشى وصل نهار ثنين نهار لي غادي تبدا فيها الخدمة جديدة وهوما مجموعين على طبلة ديال الفطور... نباها جواد :
- وجدي راسك غادي نوصلك وفاش تكوني جايا سوني ليا باش نجيبك مقادين على مشاكل عاوتاني
الحاج : ياربي تحفظ..
ماريا : واخا...شاف فيها بتعجب حيت مجادلاتوش هاد يوماين كلها لي فاتت كتحاول تفاداه ومتهضرش معاه غير كتسمعو دهل لبيت كتغطى وتنعس فاش كينوض صباح بكري كتكون عيا مزال ناعسة أما بنهار كولو كيدوزو يافالمكتب ياعلى برا مابقاش كيبان ليها كااع..
الحاج : ولي أمضرا شنو درتي مع شركة لوكس
جواد (برودة) :
- هاد العشية انتلاقا مع قاسم وغادي نشوف شنو واقع مديرش فبالك...وقفات ماريا وشافت فجواد :
- أنا واجدة إلى بغيتينا نمشيو...مسح فمو او وقف
جواد : واخا تسنايني على برا أنا جاي...هزات واحد الساك ديالها وخرجات كتسناه..متعطلش بزاااف حتى كان جا ركب وركبات حداه ديمارا طوموبيل وزاد...فطؤيق كدلك مهضرهاش ومحاولش يهضر معاها هكا حسن منين حس بيها توطات شوية وماشداش زكير حسن يخلي الأمور بحال هكا...وصل بطوموبيلتو قدام باب المدرسة وقف وتسناها حتى خرجات وسدات الباب مع حطات رجليها سمعات حس طوموبيلتو مشات تنهدات سمات الله ودخلات...
****
خُذ ما شِئتَ من ضوءِ عَيني ..
و ارتَشِف ما شِئتَ من قهوۃِ الرُّوح
خُذ ما شِئتَ ..
من غَيمِ الحكاياتِ ..
و من بَرقِ الجُروح
و اقطِف ما شِئتَ ..
من أقحُوانِ الأماني ..
و من نَجماتِ لَيلٍ ..
صَموتٍ لا يَبوح
و احمِل ..
كُلَّ أفراحيَ الباكيات ..
كُلَّ أحلاميَ الثَّكلَی ..
في سفينةٍ كسفينةِ نوح
فهذا كلُّ ما تَبَقَّی مِن رَمادِ الذكريات ..
ضِلۡعٌ يَنزِفُ ..
و ضِلۡعٌ يَنُوح
- وردة لي كانت كالسة فأوطيل بمدينة مراكش جامعة رجليها عندها وكتفكر حتى جات فبالها صورة الراجل لي شافت فمحاميد الغزلان علاش حسات داك الإحساس علاش؟غمضات عينيها وجا فبالها عينيه شوية كمزات من بلاصتها او وقفات قلبها كيضرب وكلها كارعد والبكية شداها وكدور بحال الحمقة فشومبر وتهضر مع راسها :
- هو هو حبيبي أمين هو علاش أنا مكلخة علاش علاش مخدمتش عقلي نفس العينين ونفس شوفة أمين نفسها أه والله حتى هو هو ياااك الراجل كاليا حتى هو لقاوه مجلي كولشي ممكن اه ويمكن كاع يكون من صدمتو فاش كالو ليه مت طرات ليه هكا اه كولشي ممكن أنا هاصني نمشي خاصني نرجع ضروري...هزات ساكها ولبسات بوت ديالها كتعكل فيه زربانة باش تمشي لمحطة وتقطع عبطات مع دروج كتجري وقلبها كيضرب وكلها أمل بلي أتلقى أمين وايرجعو مع بعضياتهم لبنتهم ليليا...
****
دازت الخصة ديال صباح مع الوليدات زوينة بزاااف خصوصا الوليدات ضريفين ومحبوبين بزاااف سلات الحصة وفعلا عيطات على جواد لي كان قدام المدرسة ديك ساعات وصلها لدار طلات على ليليا وعطاتها تاكول تغدات أو وصل وقت الحصة ديال العشية نفس الشي وصلها حتى لعند الباب احدها كتسد الباب كيكسيري ويمشي..
****
- سومية لي كانت قالبة البيت سفاه على علاه كاع حوايجها شتتاتهم دخلات عليها حورية لقاتها تالفة
حورية : اويلي انت مالك رادة هاد البيت بحال عشا الكلاب؟
سومية : ماما حصة الموسيقى اليوم قوبييتي زرقة فين هيا؟
حورية : حتى ليمتا اندوم ليك أنا أ راه قوبيتك فطاج تاني على إيدك ليمن...فعلا لقاتها تما لابساتها دغية ولبسات سروال دجين وكاط قهوي ودارت سكادو على ظهرها جات عند مها وعنقاتها :
- لهلا يخطيك عليا وخلاص يلاه أنا مشيت راه تعطلت
حورية : وهاد الروينة نجمعها أنا عاوتاني؟..نباتها سومية من حدا الباب :
- اخليها نجي ونجمعها
حورية : فالمنام ابنتي أتجمعيها فالمنام...ولكن سومية ماسمعاتهاش سدات الباب ومشات كتجري حيت تعطلات على الحصة ديال الموسيقى..
****
- فالمدرسة يلاه اتبدا ماريا الحصة الأغلبية كانو بنات ودراري ولكن البنات كانو كتر يلاه اتبدا تعطي درس حتى سمعات الدقان فالباب..
ماريا : مرحبا بيكم فحصة الموسيقى أول حاجة انديرو كرسي معرفة صغير كل واحد فيكم يعرفني براسو نبدا أنا لولة انا الأستاذة جديدة ديال الموسيقى سميتي ماريا المنصوري وأنتوما؟؟...
كل واحد بدا كيعرف براسو وصلات عند سومية وقفات وعرفات براسها :
سومية شهلي زاوي السن 21 سنة من مدينة فاس وعاد سكنت هنا جديد..تبسمات ماريا ليهم كاملين
-مشرفة بمعرفتكم وكنتمنى إن شاء الله نكونو صحاب ماشي غير أستاذة وتلاميدها كيف كتشوفو حنى ممفاوتينش فسن يلاه دابا غادي نبداو بدرس الأول...بدات معاهم ماريا بدرس الأول الحصة دازت ساعلة وزوينة سومية كان عقلها خفيف بزااف أي حاجة مافهماتهاش كتهز إيديها وتسول ماريا عليها...دغية وصلا 4:30 سلات الحصة كولشي خرج بقات سومية لي هزات سكادو ديالها وجات عند ماريا..
سومية : صراحة الحصة دازت دغية محسيناش بيها..
ماريا(شافت فيا وهيا كتجمع الكتاب ديالها دالموسيقى) :
- حتى انت بنتي ليا متحمسة بزااف كتعجبك الموسيقى؟
سومية : أه بزااف خصوصا الكيتار
ماريا : شفتي على صدفة حتى انا كيعجبني الكيتار بزاااف داكشي باش هو الالة لي انقراو عليها وإن شاء الله مغاتخرجو من هنا حتى تكونو معلمين ومن أحسن لكيتاريست
سومية : شكرا بززاف أ أستاذة ماريا
ماريا : حسن تكولي ليا غير ماريا ديك أستاذة مكتعجبنيش..
سومية (بتعجب) :
- علاش؟
ماريا(كضحك) :
- عندي عقدة من عاد الكلمة هههه
سومية : إيوا صافي إلى كان بحال هكا ماريا حسن هههه...خرجو بجوج من الكلاص كيضحكو ماريا دازت لإدارة وسومية مشات فحالاتها لدار...مع خرجات ماريا بانت ليها طوموبيل جواد واقفة عند الباب ولبنت لي خارجة من المدرسة كتشوف فيه بعينيها قليل فين كيبان ليهم الريفي ولد الإبراهيمي فالمدينة طلعات حداه دارت سمطة معطلهاش حتى كان واديمارا طوموبيل..
ماريا (كتشوف قدامها) :
- درت ليك خدمة ليوم تديني وتجيبني كون أسيفطي شيفور حسن.
جواد (بلاما يشوف فيها وبرود تام) :
- كانت هاديك هيا طريقي لخدمة جاي جاي اللهم نجيبك..من بعد هاد القمعة سقلات حتى وصلو لدار دخلات سلمات على الحاج وعصام وطلعات لبيتها..شافت ليليا لي كانت كالسة كتلعب باستها ومشات بدلات عليها حوايجها هزات واحد البواطة وخرجات مشات عند هاجر دقات ودخلات...
ماريا : مابنتيش ليا هاد نهار فين كنتي؟
هاجر(ناعسة على كرشها وكتلعب برجليها وحاجة كتاب قدامها) :
- ربي فين انكون غير فلافاك ولا لمكتبة صافي عيييت والله
ماريا : وحطي داك الكتاب واجي معايا
هاجر : شنو داكشي لي هازة فيديك؟
ماريا : وغير نوضي بعدا معايا هو الأول مالك معكازة..ناضت هاجر كتعكل فسروالها خشات رجليها فبانكوفة وتبعات ماريا خرجو من البيت وهبطو لتحت مكانش جواد فالمراح بعدا دخلو ميسان لكوزينة...شافتهم هنية وتبسمات ليهم :
- بغيتو شيحاجة الالة نوجدها ليكم؟؟
ماريا : لا غير خليك حسبونا مكاينينش فالكوزينة كاع غير عفاك فين كديرو البطاطا بغيت وحدة؟
ماريا : واش فيك طيكوك غير كولي ليا أختي انت مالك كطيري من سبع مقالي سكتي وهداي وشوفي بعينيك
هاجر : واخااا هاهيا ساكتة...قشرات ماريا البطاطا وشلاتها وحكاتها فالحكاكة الرقيقة وصفاتها مزيااان من داك الما دارت فزلافة صغيرة فتحات ديك البواطة لي هبطات معاها كانو فيها خنيشات صغار كموسات هزات كموسة خضرا كان فيها واحد البودر بحال الحنا هزات فيه معلقة كبيرة معامراش ودارتو على داك الما ديال البطاطا وخلطاتو مزيان حتى ولا بحال شكل كريمي وحطاتو على جنب...رجعات تاني هزات الغلاي ديال ضو دارت فيه الما ودارتو يسخن الدورة لي دارت لقات رابحة او هاجر وهنية بتلاتة واقفين عليها بحال لقتالة لي كيتسناو فالفريسة ديالهم شافت فيهم هازة حجبانها 🤨
رابحة : الله ألالة ماريا يعطيك ستر...خنزرات فيها ماريا..
رابحة : ههه بغيت نكول ختي ماريا
ماريا : هكاك...رجعات دارت وهزات داك الما من بعدما طلق سبولتو...
شدات واحد الزلافة دارت فيها الورد وكبات عليها داك الما الطايب وخلاتها رجعات دارت عندهم وهوما بتلاتة دايرين كيشوفو فيها..
ماريا : دابا الالياتي هادا الورد انبيتو فهاد الما الطايب ونخليه يبات ليلة كاملة ولغد انديرو فمكعبات ديال الثلج ونخليه فالفريكو كل ليلة اندوز واحد على وجهي وصباح واحد تحت عيني..
هاجر : أوو لاش يصلاح هذا أغزلان مكوار؟
ماريا : فصباح كيحيد نفاخ تحت العين أما بليل كيخلي بشرتنا منتاعشة بحال دابا حنا فاش كنشربو الما كنحسو براسنا روينا عطشنا هكاك وجهنا تفاهمنا دابا؟؟
ماريا : واحد 20 دقيقة وممنوع وحدة فيكم تهضر ايتكمش ليكم وجاهكم...حجو لكراسة وكلسو بربعة بيهم فكوزينة مكيهضرو مكيتكلمو...بدا للماسك كيشد وينشف هنية مسكينة وزغب لي فوجها والموسجاش كتحس بالماسك قسااح وكينتك ليها زغب من بلاصتو
هنية(كتهضر غير بنص فشفايفها) :
- هشي كيدك وجهي ايطير من بلاصتو
رابحة : هش هش راه اتكمشي(كتهضر من تحت لسانها)...ميدخل غير جواد هاز كمايم قميجتو وكيعيط على رابحة مع تكلب وقف فبلاصتو هاز حجبانو ومخرج عينيه فيهم بربعة بيهم...هنية أشافتو جمعات نوضة ومشات هاربة كتجري أما رابحة ماعرفات تخرج من الباب ولا دخل تحت البوطاجي مشات كتجري خرجات على برا بقات غير ماريا وهاجر كيدورو عينيهم فيه.
جواد : أشنو هاد الحالة دايرين فريوسكم؟
هاجر : أااامممم اااا مممم
جواد (بالغوات) :
- هضري مقاد...غير غوت عليها زهقات من تحت إيدو وهربات...شاف فماريا وجمع إيديه
ماريا : عاد داك نهار كدافع على رابحة وكتكول زمن العبودية مشا ولا هاديك غير خضرة فوق طعام باغي تبين راسك واعر يااك
جواد (بحزم) :
- ماريا راه بديتي كتعصبيني
ماريا : مدرت حتى حاجة خايبة واش الخدامات ماشي بشر ماشي من خقهم يدورو بحالتهم ربي ديك هنية شحال هادي متكادات لراجلها اكوليا من صباح وهيا فالكوزينة وزايدون مالك على هادشي كامل تشغلو 20 دقيقة فنات فيها دنيا ولا
ياسين : ماشي لديك درجة غير شوية وصاف كيف كتليك انا تعرفت عليها غير على طريق صاحبتها صراحة والله إلى ديك البنت جوهرة غالية والله..
تنهدات حورية وكالت مع راسها :
- جوهرة وضيعاتها ميمتها من إيديها..
****
ركبات وردة بكري داك نهار من مراكش شدات طريق لمحاميد الغزلان مدات معاه لا حوايج لا والة مشات هكاك معندهاش وقت وصل الكار مع شي 2 ديال النهار هكاك مع نزلات من الكار مشات نيشان لفين لقات دوك الرجال وصلات كيبان ليها غير لخلا والقيفار مكاين لاكيطون لا والو عياات تقلب او والو بقا ليها حل واحد هو تسول شدات طوالة ورجعات فين كاينين لوطيلات سولات واحد الكيد تماك..
- وردة : سلامو عليكم عفاك اخويا ممكن نسولك؟
-هو : اه الالة مرحبا
وردة : عفااك واحد الكيطون كبير كان المرة لي فات غير شي يوماين هادي كان فصحرا رجعت مالقيتو وحتى ماليه مكاينين
- هو : أااه هادوك الرحال الالة كل مرة كيكلسو فبلاصة مدة وكيمشيو من تم هادوك راه 15 يوم وهوما هنا البارح لي شدو رحيل
وردة : زعمة فين أيكونو مشاو؟
- هو : والله معرفت ولكن البرد دابا أيكونو هابطين مطالعينش بحال والو إلى ماخفت نكدب اتكون ورزازات هيا المحطة ديالهم تانية ولا زاكورة واحد فهاد جوج دالمدون..
وردة : واخا أخويا الله يعطيك الستر...دارت وردة راجعة منين جات حادرة راسها حتى قربات تلقاه وهاهيا تاني رجعات من 0 منين اتبدا دابا ورزازات ولا زاكورة حتى ليمتا أتبقى تجلوق من مدينة لمدينة...
****
خُذ ما شِئتَ من ضوءِ عَيني ..
و ارتَشِف ما شِئتَ من قهوۃِ الرُّوح
خُذ ما شِئتَ ..
من غَيمِ الحكاياتِ ..
و من بَرقِ الجُروح
و اقطِف ما شِئتَ ..
من أقحُوانِ الأماني ..
و من نَجماتِ لَيلٍ ..
صَموتٍ لا يَبوح
و احمِل ..
كُلَّ أفراحيَ الباكيات ..
كُلَّ أحلاميَ الثَّكلَی ..
في سفينةٍ كسفينةِ نوح
فهذا كلُّ ما تَبَقَّی مِن رَمادِ الذكريات ..
ضِلۡعٌ يَنزِفُ ..
و ضِلۡعٌ يَنُوح..💙
فالعشية على طابلة ديال العشا كالسين كيتعشاو حتى نطق جواد
- غدا فصباح إن شاء الله مغانكونش...شافت فيه ماريا كتسناه يكمل
الحاج : علاش مسافر؟
جواد : اممم عندي شي خدمة ضرورية نقضيها
الحاج : او لفين؟
جواد : سبانيا اندوز يوماين وغادي نجي
الحاج : ولدي شنو درتي فقضية خوك عرفتي عليه شيحاجة؟
جواد : أمين تكول بلعاتو الأرض خاصني أنا بيدي لي نقلب عليه ولكن انت يالحاج لي مانعني وانا داير بكلامك ومزال شاد إيديا فنضارك انت مرا غادي تلقاه من نيتك..علات فيه ماريا عينيها وحطات الخبز لي فيديها وشافت فيه.
ماريا : كون كمتي كتعرف وردة علاش قادة نغاديش تكول هاد الهضرة وردة حسن من ألف واحد اتخليه انت يقلب عليه المرا لي كتبغي حسن من ألف بوليسي ونزيدك شي بلايص عارفاهم هيا كتر ما عارفهم أنت ولا غيرك..
جواد(خنزر فيها) :
- انا وخوتي والعلاقة لي كتربط بيناتنا لا أنت ولا غيرك كيعرفها ورابط لي بيناتنا قوى من هاد الهضرة كلها وأنا الى بغيت نلقى خويا أنلقاه من غدا ولكن انا لي مخلي لحبل مطلوق ماباغيش ندخل بين جوج كيبغيو بعضياتهم براكة شحال وهوما مبعدين باغي وردة هيا لي تلقاه ماشي أنا مرابانا هاد الفراق يزييد يقوي رابط لي بيناتهم...إقبال كانت كاسمع وعاجبها الحال على هاد المنوشات صغار لي كيوقعو كتهضر بينها وبين راسها وحالة والله لا خلاتهم على راحتهم إلما دوزات على ماريا الجحيم مكتسماش إقبال... من بعد ما سلاو العشا كل واحد طلع لبيتو ماريا طلعات لبيتها بدلات حوايجها سروال قطني سخون باش يخلي لحمها يتنفس لأنو أي حاجة فيها نيلو كتكحل لحم وكتزمت القطن هو أحسن حاجة تريكو حتى هو قطني زولات كاع الحوايج تحتانية وحتى الإكسيسوارات خواتم وأي حاجة دهنات إيديها بكريم ديالها المفضل فازلين وتكات فبلاصتها...كيبان ليها ضو فبيت جواد شاعل باين كيجمع فحوايجو.. ولكن شوية سمعات صوتو كيهضر فتيليفون الفضول كلاها ماضت من بلاصتها كتمشى على ريوس صباعها حطات راسها على الباب كتسنط ليه..
- وي جلال غدا غادي نكون تم بغيتك توجد ليا كاع لوراق(سكت) هممم برافو معندي منسالك ودابا انشوفو سي براهيم شنو غادي يدير باش هاد المرة يعرف راسو معامن كيتعامل(سكت) لالا انا كنلعب على الصح غدا انشوفو الصدمة لي غادي تبان على وجهو منين يعرف بلي الريفي خدا الأرض لي كان حاط عليها عينيه ويعرف بلي أي واحد كيلعب من ورا ضهري شنو ممكن يوقع ليه...ماريا خرجات عينيها حسات براسها كتسنط لشي مجرم خطير قاطع إيديه من الرحمة..وهيا ساهية تفتح الباب على غفلة حتى جات طايحة وسط صدرو لي كانو صدايف قاميجتو محلولين حسات بالبرودة ديال سلسلة لي هابطة من عنقو وجها ولا حمر دغية جمعات راسها وبعدات على راسها فيه هاز حاجب ومهبط تاني علامة تعجب فيها..
جواد : اليوم عرفة واحد صفة خرى لصفات لي عندك بريكيكة وقبلة فحومتكم انت لي كنتي كتجيبي لخبارات لجيران ياك؟؟
ماريا : أنا أنا غير كنت غادية نجيب شيحاجة من الكوزينة مع جيت نحل الباب دخلتي أنت
جواد : أه العجب هي من كبيلة وانت واقفة ورا الباب كتكولي نخرج لكوزينة ولا بلاش ياك حيت خيالك من صباح اوهو ورا الباب
ماريا : واش انت داير عليا بوليسي كتستجوبني هنا ولاشنو
جواد : بقاي دخلي سوق راسك شوية واخا وديها فراسك
ماريا(شافت فيه بتحدي) :
- علاش خايفني نسمع شي حاجة ماباغيش يسيق ليها الخبار شي واحد
جواد : هانتي حيت مغاديش يعجبك الحال أخر مرة واحد السيدة كانت معايا كانت فيها هاد العادة بحالك كتسنط معجبنيش الحال وقتلتها وكرطها طراف طراف وقليتها
ماريا : هيهيهي نكتة حامضة
جواد (خنزر فيها) :
- واش بنت ليك كنضحك...بدات كترمش بعينيها وكتشوف فيه
جواد (غوت) :
- هاااااااوووو...نقزاات من بلاصتها غوتات...المنظر ديالها خلاه يطرطق بضحك...صغرات عينيها وجمعات فمها كتشوف فيه حيت بلعاني بغى يخلعها دفعاتو من على طريقها ورجعات لبيتها سدات عليها بساروت ومزال كتسمع الضحك ديالو عليها
ماريا : بلارج ولاهو يييخ...تباها جواد من برا :
- راه سمعتك...تخشات تحت المانطة وغطات راسها مخداتش وقت بزااف حتى حسات بعينيها تقالو او نعسااات..
❄ نحتاج أحيانا
لبداية جديدة..
لنقطة ... ومن اول السطر
نحتاج لأن نتوقف عن كل مافعلناه بقلوبنا ..
نريد ترتيب أوراقنا..
نحلم بأن نحكم على الأشياء بعقولنا..
نريد فتح صفحة لم يكتب فيها حرف..
لم تتلوث بخيبة ..
ولم تشهد على كسرة خاطر..
ووجع قلب ...❄
- فاقت ماريا باش تمشي لخدمة بحال كل صباح روتين ديالها مع ليليا لي قبل ماتمشي كتخليها أمانة عند زينب لي ولات كتيق فيها لبسات حوايجها وهزات صاك ديالها قبل متخرج لقات ورقة محطوطة على الكوافوز مشافتهاش كاااع مكتوب فيها وبخط إيد واضح :
- أنا مشيت مايحسابليكش غادي وأديري ماعجبك عندي عينيا هنا وأي حاجة اتوصلني بتفصيل ردي لبال لتصرفاتك أمراتي لعزيزة عارفك أتوحشيني حيت حتى أنا أنتوحشك...شدات ماريا ديك الورقة قجاتها ودارتها فمها ندغاتها بالغدايد ولاحتها من شرجم ماطيح...
ماطيح غير على صلعت هاشم العساس مع هو راسو مابانليه حد كانت وادخلات خارجة وكاتبغم
ماريا : بحال إلى أنا درية صغيرة عندي 10 سنين...تلاقات مع هاجر فطريق
هاجر : صباح النور مالك على صباح عاقدة غوباشتك؟
ماريا : لا ماماليش مديريش فبالك غادية لافاك؟
هاجر : اه وعلاه عندي فين نمشي من غير لافاك اختي قنطت كون غير بغاو يديونا لفيرما وحق الله
ماريا : ماشي دابا انا يلاه بديت الخدمة بلاتي بعدا مابقاو والو لعكلة ديال سيمانا وديك ساعات نكولو لعمي يدينا ولا حنى كاع نمشيو لفيرما عندنا وخليوهم هوما...نباهم صوت إقبال من اللور..
هاجر : وانت اختي أش حرق شطاطك بعدا واش دخلك سيري ديها فخطيبك شتي داك راجل عندك والله مراجل بالله لي صابر عليك وحضينا حضينا معندك ميدار
إقبال : هاي هاي على بنت عمي تحل ليها الفم شفتك كدافعي عليها تكول كتعرفو بعضياتكم من زمان...جات هاجر تجاوب وسكاتتها ماريا ودارت شافت فإقبال :
- أنا بعدا عندي راجل أما انت راه عندك راجل وحاطة عينك على غيرو منرضهاش لراسي أنا بعدا نتلاح على واحد ماباغيني وممعبرني ومزوج عاد الفعايل مكيديروهم غير البنات لي ممربين حتى بنات الزنقة عندهم الشرف عليهم هوما عرفتي أختي إقبال كتبقاي فيا بعض المرات كنشوف راجلي حبيبي تاج راسي جواد كايبهدل فيك ويعايرك ومايخلي ميدير فيك وانت والو مدلولة بلا قياس ديري اختي لقيمة راسك شوية راه حشومة هادشي لي أنت فيه والله...شافت ماريا فهاجر وكالت :
- هجورتي يلاه احبيبة راه حنى عندنا مايدار ماشي مقابلين نميمة ولحتيت لخاوي ودق من التحت بحال اللفاعي...هبطو مع دروج وخلاو إقبال كون صابت الأرض طحنا...
إقبال : يحسابليك غلبتيني غير بيا ولا بيك حتى نعرف شنو تحتك وعلاش دايرة...
طلعات ماريا وهاجر فطوموبيل وهوما كيهضرو على إقبال
ماريا : واش هاديك بنت عمك شوية لاباس شفتها فينما نهضرو كتنقز واش عينها فجواد ولا شنو؟
هاجر : عينها فيه من زمان ماخلات مادارت او والو مخلا مدار هضر غوت حتى ضرب ضربها ولكن معامن تهضري مريضة شوية أخرتها سبيطار ديال الحمقين مافيهاش
هاجر : راه قاطعة عليه لمشي ولمجي مسكين ولكن ديري بالك منها أودني أودني منها راه واحد اللفعة كضرب هنا وهنا وانا متيقنة أتكون كتخطط لشيحاجة ماهياش هاديك راه بنت عمي وأنا عارفاها
ماريا : غير خليها أرا ماتخطط تسحابيني أنا غير ساهلة ليها وغير كوليها تجبدني وتشوف...وصلات هاجر لافاك وماريا لمدرسة ديالها دازت الحصة لولة بسلام مع خرجات من الحصة كتبان ليها طوموبيلت ربيع واقفة..
ماريا : هذا شنو كيدير هنا؟؟..خرجات من باب المدرسة دارت راسها غادية حتى وقفها بيدو
ربيع : bonjour الأستاذة ديالنا..
ماريا : أهلا ربيع صافا كيداير عمي او هشام؟
ربيع : هيا الى جيتي شي نهار وشفتيهم انت عمرك مزرتينا
ماريا : ههههه إن شاء الله الله أودي فاش يرجع جواد من سفر انجيو
ماريا : لالا شيفور كيتسناني يلاه تهلا فراسك وسلم على عمي...خلاتو غادية حادرة راسها وكتعجب فراسها كيفاش هضرات معاه هكا واش خوفا من جواد ولا من كلام الناس عليها ولا تطبيق لكلام مليكة ولكن لا هادشي كامل ماشي هو سبب السبب هو إحساسها تجاه ربيع معرفاتش علاش غير كتشوفو كيشدها خوف ومداخلش لخاطرها نهائيا واخا ولد عمها عكس هشام كيجيها ضريف ولي فقلبو على لسانو عادا لا مطور وتطوار ديالو فشيشكل وأحسن حاحة تبعد على طريقو بلاكا تجرح عمها ولا تجرحو...هو بقى واقف بلاصتو حتى طلعات فطوموبيل ومشات عاد ركب فطوموبيلتو ومشى...
****
#إسبانيا
فواحد المكتب الصداع نايض مخلي الموظفين كلهم كيطلو الباب مفتوح كيخلي لي لداخل بيان واحد السيد واقف كشاكشو خارجين شادينو جوج رجال :
- غضرتيني أجواد غضرتيني عارف بزااف ديك الأرض شحال كتسوى عندي انت بفمك كلتي بلي معندك سوق فيها ودابا شاريها(كيغوت)...جواد لي كان كالس داير رجل على رجل وكيدور بالكورسي وبرودة كيشوف فيه..
جواد : براهيم بلاما تغوت ايطلع ليك طونسيو وانت راجل كبير حشومة(رجع غوبش او وقف وضرب البيرو بيديه)
- نهار درنا انا وانت هاد البيعة وشريا شنو كتليك مكنعقلش على لي كيلعب ورا ظهري كلتها ولالا وانت شنو درتي مشيتي كطير بحال الفار عند بالك مغاديش نسيق الخبار سمع احبيبي مزيان السوق راه كولو تحت عيني وداخلة والخارجة كنسيق ليها الخبار غير انت الله يهديك وصاف شفتي فلش طيحتي راسك مالك على هادشي كامل كون راك كالس بعزك فدارك مخاصك خير ولكن كيكولوها مول الفز كيقفز
براهيم : جوااااد
جواد (بحزم) :
- سي جواد ودابا الباب وسع من كتافك وعمري نشوف كمارتك مرة خرا معنديش مع المخلوضين...خرجوه دوك جوج رجال وهو كيغوت...دخل جلال الإيد اليمنى لجواد حط ليه واحد الملف على طبلة
جواد (مغوبش) :
- شنو هذا؟
جلال : سيدي هاد الملف كلو فيه الخدامي لي كان شاد براهيم داخل فيهم أعمال نصب وحتيال على بزااف ديال شركات إلى بغيتي أسيدي هاد الملف يتدفع لبوليس ويتشد...وقفو جواد بيدو
- لا مكاين لاش غير خليه هادشي لي هو فيه كافيه..
جلال : شيحاجة خرى أسيدي؟
جواد : لا مكاين والو قطع ليا فأول طيارة غادية المغرب مابقى عندي ميدار هنا.
جلال : واخا سي جواد...
****
ماريا : وهكا أنكونو عرفنا انوطات لولين لي كيتعتامد عليهم فالعزف على ألة الكيتار الى عندكم شي ستفسار مرحبا...شافت فكولشي لي محني كيقيد شنو قالت تبسمات وبدات كتجمع فالكتب ديالها
ماريا : ميعادنا بعد غدا إن شاء الله...بداو تلاميذ كيخرجو حتى وقفات عليها سومية...علات فيها ماريا عينيها
ماريا : اهاه ماشي مشكيل مرحبا قيدي 06...ملات عليها ماريا نمرتها وكل وحدة فيهم رجعات لدار....مع رجعات ماريا دخلات نفس روتين لي دارت البارح دارتو اليوم بدلات حوايجها وطلات على ليليا وكلاتها وبدلات ليها مكتخليش شي واحد يقيسها ولا يبدل ليها من غيرها كلسات فوق نموسيتها هازاها طاحت ليها وردة فبالها شحال هادي متاصلات بيها ماوالو هزات تيليفونها دوزات نمرة كيسوني تيليفون ولكن والو مرة لولة تانية او والو حطات تيليفون وهيا مشوشة معارفاش شنو ندير شنو زعمة تكون واقع ليها شيحاجة ياربي سلامة مالي على هاد الفال الخايب أعود بالله من شيطان الرجيم...تفتح باب بيتها ودخلات هاجر فرحانة كتجري
ماريا : غير بشوية عليك امالك اهيا ناري
هاجر : وااااع فرحانة فرحانة هضرت مع بابا على المشية لفيرما وكاليا هاد سيمانة جايا نمشيو
ماريا : وعلاش إيمتا العطلة الالة هاجر؟
هاجر : هاد التنين جاي واش انت حاضرة ولا محاضراش
ماريا : اهه والله إلى نسيت ياختي مشوشاني وردة كنسوني ليها او والو
هاجر : شنو زعمة تكون لقات خويا؟
ماريا : كون لقاتو كون واتصلات وكالتها ماشي مغاتجاوبش على تيليفون
هاجر(تبسمات وغمزاتها) :
- والله أعلم يكونو تلقاو ونساونا راه منين كيتلقاو الحيبان بلاما نكوليك😉
هاجر : مهم سمعي الحاجة زوينة فهاد العطلة هو بابا كاليك أيعرض حتى على عمي نيفان او ولادو وعلى عمي أحمد وخالتي مليكة كاين ماحسن من هكا الواحد يسقي عوينات بالبيوضة ديال الثلج وبزين ضاير حداه...صغرات ماريا عينيها كتشوف فيها بنص عين
ماريا : ولي فيه شي راه فيه عمرو مايتبدل واخا معرفت باش تحلفي ليا مابقيت نتيقك
هاجر : عارفاك علاش كتهضري انا كتليك مابقيتش نتلاح على شي واحد ونبغي راسي ولكن مكتليكش ندير نظاظر لعيني ومنشوف فحد نشوف اختي نشوف وشوف مكايبرد الجوف أجي مكاينش شي ماسك اليوم؟
ماريا : الماسك مكايدارش كل نهار نهار إيه نهار لا باش ترتاح البشرة
هاجر : شنو بان ليك تخلي عليك ديك المدرسة وتحلي شي صالون؟
ماريا : داكشي لي خاصني غير صالون نوضي نوضي جيبي ليا شي تفاحة ولا شيحاجة شدني غير جوع والملل بجوج
هاجر : هيا الولة الله أودي...
****
#سبيطار
فالبيرو ديالو كالس على لكورسي وشاد فيديه واحد تصويرة ديالها شعرها رطيطب على عويناتها وضحكة على وجها هاد تصويرة لي هزها من الفيس ديالها وخرجها ومن تم وهيا عندو مقادش يخرجها من بالو ولا عقلو..
ياسين(تنهد تنهيدة طويلة) :
- أه أماريا وشنو درتي فيا علاش مقادش نحيدك من بالي علاش مبغاتش تدخل ليا لعقلي بلي تزوجتي كيفاااش وانت مجبدتيش جواد على فمك حتى نهار لي عتارفت ليك بالإعجاب ديالي صارحتيني بلي معندك حد فحياتك مقادش ندخلها لدماغي بلي خسرتك ميمكنش أماريا نخسرك عقلي ولا قلبي مقادش يتقبلها شنو غادي ندير غير كولي ليا شنو هو الحل أنا مستاعد نديرو...هز تصويرة وحطها على قلبو وعنقها بكل قوة وهو بين عينيه غير صورة ماريا...
****
-على طبلة ديال العشا مجموعين من غير كرسي ديال جواد لي خاوي ماريا ماوقفاتش من الحتيت وضحك والحاج عاجبو الحال..
ماريا : إيوا هبطنا البحر كانت عندنا ساعة خاوية كلنا نتمشاو زعمة إيوا صاحبتي جميلة كاتليك والو نكلسو على رملة شوية كلسنا إيوا جاونا واحد جوج بغاو يتبسلو علينا نضت أنا زعنة بغيت ندير فيها واعرة إيوا بقيت معاهم شد ليا نقطع ليك إيوا جاني صحيح فيهم كاليا جوج كلمات يا تحيدو من هنا حايين يانحرش عليكم هذا يقطعكم طراف جيت ندور كانلقى واحد مولاي كلب غير شفتو انا وجميلة عيطنا جبد طلعنا من واحد جبل خرجنا جيهت الفيلات بكترة العيا والخلعة(كتهضر بحماس وتضحك) كلسنا نرتاحو عند باب واحد الدار شوية حتى دانا نعاس هههههه حتى حاو ماليها كيفيقونا شفنا ساعة لقينا 6 بيل ويلي ويلي خاصنا نص ساعة نوصلو لدار هذاك النهار عمرو يتنسا ليا فحياتي كلها..
الحاج : عرفتي باش كتعجبيني كتفكريني فشبابي ولادي مخرجوش ليا كون اكنتي بنتي بعدا نكول شبهتي ليا...نقزات إقبال كتلعب فطبسيلها :
- أنا بعدا كيجيني هاد تصرفات ماشي ديال البنات لي بعقلهم وبنات ديورهم
هاجر : علاش أشنو فيها الواحد يدوز مراهقتو وطفولة ديالو فضحك واللعب
إقبال : هذاك ماشي ضحك هاداك بسالة
ماريا : أنا عندي ندوز وقتي فضحك ولعب وفالبسالة كيفما كتكولي حسن ليا مندوزها تابعة دراري ونلبس ونماكي ونتقاد باش نرضيهم ونتلاح عند رجليهم البنت هيا لي دير قيمة لراسها شوية ودوز حياتها فحدود بعدا اتوصل واحد لاج اتكول ضحكت وخرجتو ولعبت ماشي دوز حياتها وهيا تابعة هذا وهذا...علات فيها إقبال راسها :
- شكون كتقصدي بهضرتك زعمة؟
ماريا : علاش انت عند بالك كنقصد شي واحد كل واحد موسوس غير راسو اما انا كنهضر على العموم هذا مكان
زينب : إقبال كولي وسكتي
إقبال : علاش مالي شنو كلت؟
ديما كنكول ليك منين يكونو كيهضرو لكبار الصغار كيسكتو ولكن أنت فمك كيبان ليا خاصو الخياطة...دروهم صوت جواد لي فتحات ليه رابحة الباب وشدات من عندو مونطوه او لباليزة ديالو
الحاج : على سلامتك أولدي
جواد : الله يسلمك..باس ليه على راسو باس ختو فراسها وباس ماريا فحنكها بوستو الثانية ليها وهاد المرة بنجاتها كتر حيت قدام كولشي أما الباقية هز راسو ليهم وكلس إقبال العافية شاعلة فقلبها وغادي تحرقها منين معبرها حتى بسلام بليد
الحاج : كيداز السفر كولشي مزيان
جواد : مزيان
ماريا (فخاطرها : ضروري يدوز مزيان هو مكاين غير هدد هدد)..على جواد فيها راسو حيت سمعها واخا تهضر فخاطر خاطرها
الحاج : سيمانة جايا كلنا نمشيو لفيرما شنو بان ليك
جواد : اممم مزياان فكرة مزيانة ونيت انا وماريا مخديناش شهر العسل(شاف فيها) انا عارف راسي داير غلطة كبيرة معااك غير سمحيليا وصافي ولكن عندي ليك مفاجأة غادي تعجبك
ماريا (بضحكة صفرا) :
- وايلي بصح شوقتيني نعرفها
جواد : قريب تعرفيها غير صبري شوية...وقفات إقبال
إقبال : تصبحو على خير
جواد : متنسايش تشربي الحليب مع لويزة قبل ماتنعسي وزيدي عليه شوية ديال البابونج راه كيهدن الأعصاب...مجاوباتوش طلعات وصوت رجليها كيضرب فدروج..نقز عصام
عصام : جواد قجرتي عليها بزااف راه بنتي ماشي جايا من زنقة...على فيه جواد راسو هاز حاجبو وكيضهر برودة :
- الى بغيتي تحاسب أعمي حاسب بنتك هو لول وربيها مزيان عاد حاسبني أنا بنتك لي كضل نهار ومطال وهيا كدخل فشي حوايج بعااد عليها ومكتحتارم لا كبير لا صغير وفبلاصة مامقابلة لقيل ولقال وتسناط ورا البيبان دير شيحاجة لي تنفعها حسن ليها تعمر بيها وقتها وانت عارفني معنديش مع نفاق الهضرة كنكولها نيشان
الحاج : جوااد
جواد : أنا كنكول لي كاين الى كان كيدرق شمس بالغربال أنا لا منين تولي تحتارم ديك ساع الناس يحتارموها وفبلاصة مايلومني يقرص بنتو شوية...وقف عصام
عصام : ممعاك هضرة أولد خويا تصبحو على خير تبعاتو مرتو من بعد ماسدو عليهم باب بيتهم
عصام : عاجبك هاد الذل لي حنا فيه
زينب : عصام كول علينا وجي علينا جزاد عندو الصح راه بنتك لي عيقات وسيقات هيا كاع كدخل فالكبيرة وصغيرة ومن نهار تزوج جواد ومقايلاش مرتو لكلمة لي كالتها تجاوبها...شاف فيها عصام
عصام : أااه أنا عارف ولكن حتى جواد عيق عليها
زينب : وراه من حقو راه مرتو هاديك اعصام اويلي معل شيطان شوية الى بغيتي تلوم لوم بنتنا ماتلومش جواد حنى راه واكلين واشربين من خيرو وكالسين فدارو هضر مع بنتك وكوليها تجمع شوية راه زادت فيه وحنا لي ضسرناها
عصام : اووف أستغفر الله العظيم حتى لغدا إن شاء الله ونهضر معاها..
****
فدار كبيرة البني ديالها بحال أي دار فإفران كالس العربي قدام شوميني وهاز واحد الكتاب ديالو لي صدر أخر العام ديال الحلويات تم جاي ربيع وكلس حداه
ربيع : هذا الكتاب الخامس ياك؟
العربي : أه الخامس فسلسلة الحلويات
ربيع : هضرت مع الواليدة وكاتليا بلي نهار السبت أتكون هنا
العربي : أه فخباري مزيان نيت باش تمشي معانا لفيرما مع عبد الرحمان
ربيع : أهاه مكلتيهاش ليا؟!
العربي : غير كبيلة لي تاصل بيا وكالها ليا
ربيع : اممم مزيان او ماريا غادية؟
العربي : كولشي غادي وعرضو علينا اه وحتى انت وهشام راكم معروضين
ربيع(تبسم) :
- وانا مغاديش نفوت هاد العراضة كوليا الواليد بغيت نسولك واش انت كتعرف جواد من صغر...حط العربي الكتاب وشاف فربيع
العربي : كنعرفو منين تزاد علاش؟
ربيع : لا غير سولتك وصافي كيجيني فشكل بحال الى متحكم بزااف
العربي : جوااد راجل بكل معنى الكلمة انا لي كنعرفو مزياان وصعيب تعامل معاه وصعيب تواجه معاه وإلى مشا حتى دار الحاجة فبالو كيديرها وربي كبير ومكيبغيش لي يعصى أمرو شديد وبزااف وكولشي كيحتارمو جوااد بحال ولدي وكثر وقليل لي كيعرف شنو كاين الداخل ديالو
ربيع : مكيبانش ليك زمان ديك سيدي والأسياد مشى معرفتش حيت كيجيني كيبغي كولشي يكون تحت الإمرة ديالو
العربي : لا ممشى والو مزال كاين مدام بحال جواد كاين مزاال مامشى كاين لي كيكول سيدي من باب الخوف وكاين لي كيكول من باب الإحترام ولكن أجي انت لهنا شتك كتسول بزااف ياك لاباس؟؟
ربيع : غير حب ستطلاع وصافي يلاه نخليك دابا الله يصبحك على خير وسير ترتاح حتى أنت
سيدها الجزء الخامس
محتوى القصة
التنقل بين الأجزاء