- نهار باقي الأسبوع داز عادي بحال كيف كيكولو هدوء ما قبل العاصفة نهار السبت وماريا كتجمع الكتب ديالها من بعد ماخرجو تلاميذ ديالها جات عندها سومية حانية راسها علات فيها ماريا راسها بستفسار :
- سمسومة مالكي؟(هكا ولات كتعيط عليها ماريا خارج القسم)
سومية : صراحة والله حتى أنتوحشك فهاد العطلة عرفتي أنا معنديش صحابات من غير الفيسبوك صافي انت ولياي قريبة ليا والله
ماريا : من نيتك حماقيتي لا راك بحال ختي صفيرة بحال إلى ختي صغيورة اتمشي معايا عادي الهبيلة
سومية(كتنقز وتبوس فيها) :
- ااخخخ لهلا يخطيك عليا وصافي
ماريا : وهانتي نديرو قضية سيري لدار وتشاوري معاهم وحتى إلى بغيتي نهضر مع ماماك فتيليفون نهضر معاها منها تفوجي نيت وتبدلي الجو
سومية (كتحنقز) :
- هي لي متعاودش...غادية كتجري
ماريا : افين غادية غير بشوية.
سومية (من بعيد) :
- خير البر عاجله مخاصنيش نضيع الوقت...مشات كتجري هلات ماريا غير كضحك...خرجات من المدرسة لقات شيفور كيتسناها ركبات وداها نيشان لدار مع دقات فتحات ليها رابحة الباب مع هيا طالعة فتح جواد الباب رجعات بخطوة لور وشافت فيه
ماريا : بغيت نهضر معاك فواحد الموضوع..
جواد : تبعيني لبيرو...دخل وتبعاتو من لور سدات الباب وراها
جواد(كيدور فراسو) :
- ياك لاباس شنو واقع؟
ماريا : بغيت نسولك واش مافيها باس إلى عرضت على تلميذة ديالي تمشي معانا فهاد العطلة
جواد : كالو ليك فاتحها روض للأطفال؟
ماريا : واش مبمكنش ليك تجاوب بلاما تبقى طنز شوية البنت عزيزة عليا ولات قريبة مني مافيها باس وزايدون البيوت أمشتين وكاع الى كان ضيق نعس معاها فبيت واحد
جواد : انت درتي لي فراسك ولي كان كان لاش جايا كتكوليها ليا
ماريا : كيفما درنا معاك وحلنا..جات بغات تخرج وهو يوقفها بكلامو :
- عند ماريا لي عاد بدلات حوايجها بدا تيليفونها كيسوني طلعات عندها نمرة سومية..
ماريا : وي سمسوم
سومية : ماري هاكي ماما هضري معاها راه خافت عليا كاتليك...لصقات سومية تيليفون فودن حورية وهيا قلبها ربي عالم بيه ايخرج من بلاصتو
ماريا : ألو سلامو عليكم...كيفاش نوصف أول مرة نسمع صوتك كيفاش نوصف اخر مرة سمعتك كنتي غير كتلاغي فالهضرة ودابا صوتك الحلو بحال الكروان قلبي تقبض ودمعتي على خدي أنا لي سمحت فيك حتى صوتك مقدرتش نجاوب عليه خلي لو كنتي قدامي..
ماريا : الحمد لله هانتي أخالتي سومية راه أمانة فرقبتي معندك مناش تخافي اتمشي معايا وتجي معايا انهز من باب دار ونجيبها حتى لباب دار راه بحال إلى مع ختها.. ماريا مع كالت هاد الكلمة حورية غلبوها دموعها مالقات ماتكول غير :
-من السهل التسامح ، لكن النسيان وعودة الثقة مرة أخرى هو الجزء الصعب..!!
- جمعات ماريا حوايجها ولي غادي تحتاج تم ليها وليليا حتى هيا سونات على باباها باش توصيه غدا يكون عندهم مع صباح باش يتغداو فالفيرما وتوصيه يجيب مايلبس حيت عارفاه سهواك وكينسى كونما مليكة لي مخرج ليها حلقها مكيبغيش يلبس خصوصا أيكلسو فالفيرما سيمانة ولبرد وشتا وثلج.. هزات ليليا فيديها وخرجات من لبيت لبيت هاجر..دورات لبوانيي ودخلات وقفات من بشاعة...
المنظر لي قدامها بقات واقفة كتشوف مبهوضة علات راسها فهاجر لي واقفة على نموسية وكتشوف فيها
هاجر : مالك؟
ماريا : ختي واش غلطت واش أنا داخلة لبيت ولا لجوطيا ديال البال؟
هاجر : وراه تلفت شنو ندي
ماريا : واش يحسابليك حنى غاديين لأسبوع الموضا فلندن راه غاديين غير لفيرما راه غير البكر والعجولة ودجاج والغنم والخيولة صافي والبرد وشتا وثلج بنادم خاصو غير فين يتكمش ويسخن دي تريكويات ومونطواتك المهم شيحاجة سخونة وصافي..
هاجر : والله إلى عندك الصح مالي عليها حتى انا أحمقة وكالو ليها زغرتي وشدات تزغريتا مابغات طلقها
ماريا : وعلى سلامتك أحنينتي منين عرفتيها فراسك حق عرفتي شنو هاد العطلة مكاين لي أينغصها قد كولي انت شكون؟
هاجر : خويا؟؟
ماريا : لا جواد ليه دوا قد ديك أم سيسي ديال ديك إقبال معرفت منين جاها القبول معرفت شكون لي غلط وسماها هاد السمية
هاجر : وحق الله حتى انا محاملاهاش تمشي معانا ياااخ إيمتا تزوج وضرق خنشوشها خلاص..
ماريا (كتلعب مع ليليا ونفس الوقت كتهضؤ مع هاجر) :
- حتى سومية غادية معانا
هاجر (كتجمع حوايجها) :
- ديك البنت لي كتقري لي كلتي ليا عليها؟
ماريا : أه ياختي ضريفة وكدخل الخاطر وعرضت عليها
هاجر : مزيان بعدا منبقاوش راس فراس مع ديك سميمو دإقبال
ماريا : ههههه صاف براكة من نميمة
هاجر : والله مكنمنم فيها ولكن كل واحد كيجبدوه فعالو وعمالو بنت عمي أه ولكن راه لفعة متسواش مكلت غير الحق
ماريا : ويلاه جمعي هاد الروينة باش نهبطو نتعشاو ونطلعو نعسو بكري راه غدا 8 خاص نكونو وا فقنا.
هاجر : واخا انا دغية نجمع هادشي ونهبطو..
ماريا(كتضحك مع ليليا وتهضر معاها) :
- يلاه يلاه نمشيو ونتسناو عميتو تخلط علينا صافي..نقزات هاجر من نموسية طارت على ليليا لحنيكاتها كتبوس فيها
ماريا : وبراكة راه طيبتيها بالبوسان..
هاجر : كنحماق أنا على هاد المشة هادي..هبطات ماريا هازة ليليا فيديها فير شافها الحاج وقف شدها من عندها الحاج ولات روحو هيا ليليا غير تخليها ماريا لزينب يحيدها ليها ويجيبها عندو يبدل ليها يوكلها وحتى هيا ولفاتو..هبطو البقية دخل يوسف فوقت ديال العشا خرج جواد من المكتب وتجمعو كولشي على العشا لي داز فسكات وهضرة عادية...
****
قدام واحد لوبيرج فورزازات كان البرد بعيد على لوبيرج بواحد الشوية كان واحد الكبطون كبيير خارج منو دخان ديال الماكلة وبرات الكيطون كالسين شي رجال هضر واحد فيهم :
- إيوا أش بان لك نزوجك وحدة من مناتي؟ الغريب لي كان معاهم حادر راسو مجاوبش رجع نطق نفس الشخص :
- ايكولك خطب لبنتك ولا تخطب لولدك ومنتي مانشكرهالك حداكة وزين بحال الوردة فجنان..الغريب مع أخر كلمة كالها الراجل هز راسو فيه جامع غوباشتو ورجع ليه الصداع ديال الراس لي كايشدو هز إيديه وشد فراسو بدا كيأن شوية بدا كيغوت صوتو كيعلى وغواتو كيعلى
- أااااااه لاااا للااا لاااا أااااااه...رجال لي معاه معرفو باش تبلاو فاش شافوه فديك الحالة نفس صور كيجيو فبالو نفس الوجه لي كيحلم بيه جاه نفس العينين...واحد الراجل معاهم شدو وعنقو وبدا كيقرا عليه القرآن حتى بدا كيتهدن شوية بشوية هزوه ودخلوه لخيمة ينعس خرجو من وراه واحد كال لتاني..
- انت هبيل باغي تزوجو لمنتك السيد ماعرفاي أصلو وفصلو ومعندو حتى وراق تبوتية وعلم الله بحالو واش بعقلو ولا بلا عقل
- إيه والله عندك الحق علم الله بحالو مسكين..
**
وردة : صافي أخويا الله يعطيك الستر
- الخدام : العشا كيكون مع 9 والفطور 8 ديال صباح والى بغيتي أي حاجة عيطي غير فايليفون ومرحبا بيك فلوبيرج ديالنا
وردة (تبسمات ليه) :
- شكرا بزاف..سد الباب كان نهار طويل على وردة من مراكش لزاكورة لي مخلات فين قلبات فيها ومن زاكورة هاهيا دابا فورزازات بغات غير دوش وتنعس حطات ساك ديالها على نموسيتها كان ضو ديال الكمرة داخل من سرجم ومضوي البيت مشات جيهت سرجم ربعات إيديها وكتشوف فداك ضو ديال الكمرة وشكل ديالها كيبان ليها دخان طالع او كيطون كبير قلبها تنفض من بلاصتو وبدا كيدق 100 درجة وسخونية طلعات مع رجليها قلبها قرب يخرج من فمها.
وردة : زعمة يكون هادو هوما رحال لي كانو فمحاميد الغزلان؟؟ زعمة يكون أمين كاين هنا؟؟
بغات تهبط تشوف واش فعلا هوما ولالا ولكن شافت فساعتها بان ليها مشا الحال..
وردة : هاد ناس كينعسو بكري حشومة نتم هاجمة عليهم فهاد الليل وإلى مكانوش هوما نصدق محاشمة معاهم اللهم نخلي حتى لصباح بمري ونوض ياربي ياربي يكون أمين ياربي راه شفتي حالتي عييت بتقلاب وأنا غير بنت من هنا لهنا ياربي أنا مستعدة ندور المغرب كاملو غير المهم نلقاه ونرجعو لبنتنا ياربي..
****
▪▪لا أحد يملك حياة وردية..
ولا قلبآ خاليآ ولا راس خفيفه من أﻷعباء ..
ولكن هنالك من يدعو الله ويبتسم .!
الحمد لله دائمآ وأبدآ ..▪
- الغد الحد صبح شميسة خفيفة بزاز واخا ضبابة كثيرة باين شي شتا مجهدة جايا ماريا لي ماسخاتش بسخونية ديال المانكة ولكن ضروري خاصها تنوض هبطات من نموسية دارت رجليها فبانطوفة ومشات جيهت الكونة ديال ليليا لقاتها كدور فعويناتها وكتوقف مع نموسيتها وترجع طيح..
ماريا : صباح النور كتكوتي صباح العسل الفنون ديالي أنا نمشي نغسل وجهي ونحك سناني ونجي نبدل لحبيبة ديالي واخا..دخلات ماريا لحمام غسلات حالتها وخرجات حتى كتخرج فجواد واقف وهاز ليليا لأول مرة اتشوفو هاز ليليا هو مشافهاش عاكيها بظهر وكيضحك مع ليليا ياسبحان الله شوف وجهو دابا او وجهو معاها هيا..
جواد : أممم شنو شنو أحبيبة عمها شنو أتمشي تشوفي الخيل أاا عاجبك الحال حتى انت قنطي وطلعات ليك الدار فراسك بحالي..شوية عبس وجهو
جواد : اممم درتيها أش هاد الريحة...نباتو ماريا من لور
ماريا : خاصها تبدل...دار شاف فيها ورجع لوجه ديالو البارد من جديد حط ليليا فنموسيتها وخرج..
ماريا(كتهضر مع ليليا) :
- الله يستر والله حتى هاد عمك هبيل وخاصو شي طبيب نفساني..مع كالتها طل عليها براسو
جواد : منين تلقايه انت عطيني نمرتو..خلاها ساكتة منطقاتش بحرف واحد مزال..لبسات ليليا سروال ديال دجين كحل مع صباط وتريكو كول مونطي مع كبيبيط وطاكية وصباعيات صغار فيديها أما هيا لبسات سروال كحل مع كاط فالقهوي وتجاكيط بالكاروبات فالقهوي ولكحل هزات ساك ديالها وساك ديال ليليا وجرات باليزتها خرجاتها سدات البيت ديالها حتى كتلقى راسها فاص أفاص مع جواد لابس غير سروال دجين بوحدو اما من الفوق عرياااان دورات وجها بالخف وخدودها حمارو..
ماريا ( مع راسها) :
- أنت مالك فينما طرات شيحاجة وجهك كيحمار أيكول غير عمري شفت شي راجل عريان لالا ايكول بلي أنا معنديش تجربة ويعرف راسو بلي ديك الهضرة لي كال عليا داك نهار كاعما كاينة أه بصح..زعزعها صوتو :
- أتبقاي واقفة كتشاوري مع راسك بزااف؟؟ طلعات فيه راسها لقاتو لبس حوايجو تيشورت بلو سييل ومونطو فالكحل
ماريا : أنا انسبقك لتحت
جواد : تسناي نهبطو بجوج...الصرامة فصوتو كتكوليها منعاودش هضرتي جوح مرات وحدة كافية..بقات واقفة كتسنى فيه بحال شي وحدة كتسنى العقوبة ديالها حتى سالة على خاطرو رش بارفان ديالو وجر باليزتو فتح الباب ودار كيشوف فيها
جواد : كتسناي شي واحد؟جرات ماريا الباليزة ديال ضربات فيه وخرجات هبطات التحت هاجر والحاج كانو واجدين لوخرين بداو كيهبطو واحد بواحد
الحاج : صباح النور العربي ايتبعنا هو وربيع وهشام
جواد : أنسبقكم أنا وماريا نمشيو نهزو تلميذة ديالها ونتلاقاو فطريق متعطلوش بحال كل مرة
هاجر : خويا نمشي معاكم؟
جواد : مكايناش بلاصة يلاه طوموبيل تقدنا حنى بربعة...خرج وتبعاتو ماريا عند بالها أيمشيو فطوموبيلتو لكبيرة صدق مشا لوحدة كانت وراها جاكوار فالكحل دخل البالز اللور وركب حلات ماريا الباب لور حطات ليليا فبلاصتها ورجعات طلعات حداه...
****
سومية لي وقيلة فايقة قبل منهم كاملين مقاداها فرحة جمعات حوايجها لبسات وتكبطات وكلسات تسنى فيهم مرة توقف مرة تكلس مرة طل..
حورية : إلى جاو راه اتسوني ليك
سومية : راني عارفة غير مافيا لي يصبر
حورية : عرفاك أبنتي..دازت قرابة 5 دقايق سمعات لكلاكصون حتات على باليزتها بيد وإيد لوخرا شدات وجها مها كتوبس فيها
- عراافت أماما عرفت هاني مشيت بسلامة...غير سدات سومية الباب مشات حورية بزربة لسرجم كطل كتحاول تشوف وجها بنتها ولكن والو كاتبان ليها غير إيديها سومية دارت باليزتها فلكوفر وركبات اللور كتشوف طوموبيل حتى ديمارات ومشات تنهدات تنهيدة طويلة من الغصة لي فقلبها حيت مقدرات تشوف ولاو غير جزء بسيط من وجها بنتها..
لا يشعر بك إلا " أنت" ..
أنت من تعيش حالتك ..
تعيش ظروفك ..
تخضع لأوجاعك وحدك .. " وحدك "
حتى و إن اجتهد الآخرون في محاولة محو آلامك ..
" فرفقاً بنفسك "
****
شدو طريق لفيرما مكاملات جوج دقايق حتى كتبان ليها طوموبيلة باباها وديال الحاج وعمها وراهم ملحقين بيهم شافت فالمرايا جيهت سومية كتبان ليها حاطة راسها على زاج طوموبيل وكتشوف فلمناظر لي فطريق عاجبها الحال شوية شافت فيها وفليليا
سومية : واش هادي بنتك؟
ماريا : لا بنت صاحبتي ولكن كولي بنتي نيت
سومية : زوينة تبارك الله الله يخليها ليكم
ماريا : ماماك كانت مخلوعة عليك
سومية : ماما هاديك هيا قاعدتها ديما هههه
ماريا : سعداتك بيها الله يخليها ليك
سومية : أمين ياربي وحتى انت الله يخلي ليك ماماك كاع الأمهات هكا دايرات...ماريا حسات بواحد الغصة فحلقها وقلبها ضرها حسات بالبكية أتجيها شافت فسومية وتبسمات ليها
ماريا : ماشي كاع ناس عندهم زهر تكون عندهم أم بحال ماماك اسومية كاين لي ماتت وكاين لي تخلات عليها مها منبن كانت صغيرة
سومية : الله يرحمها...ماريا مجاوباتش تنهدات تنهيدة وطويلة وشافت فزاج مقابلة الثلج لي كان مغطي شجر وطريق بنسبة ليها مها فعلا ماتت ماتت نهار سمحات فيها ماتت فاش فضلات تحلى عليها وعلى باها لسبب هيا لحد دابا معارفاهش ومابغياش تعرفو لي فات فات والبكا ورا الميت خسارة كيف كيكولو...
- من بعد نص ساعة وصلو لإيموزار نفس الدار لي جابها جواد المرة لي فاتت علات فيه عينيها وهو بدورو شاف فيها فك الحزام وهبط جا العساس لي مقابل تم ماشي نفسو لي كان المرة لي فاتت نباه جواد :
- بوشعيب..جا كيجري عندو
بوشعيب : نعام أسيدي مرحبا بيكم
جواد : هبط البالز دخلهم لدار واش كولشي هو هداك؟
بوشعيب : كلشي كيف أمرتي بيه أسيدي
جواد : مزيان...تلحقو بيهم البقية هبطو هاجر فرحانة مقادتها فرحة الحاج كانت معاه هاجر او يوسف أما عصام وزينب وإقبال فطوموبيل بوحدهم
ماريا : هاجر هادي سومية سومية هادي هاجر
هاجر وسومية : مشرفين...فتح جواد الدار ودخلو كاملين دار كانت زوينة من الداخل ديور ديال الفيرمات كيكونو زوينين شوميني كانت شاعلة فيها العافية خلات دار سخونة باينة بلي يلاه مسيقة حيت ريحة نقا عاطية فيها يلاه كلسو حتى خرجات واحد المرا دايرة طابلية مبسمة ليهم..
- مرحبا بيكم سيدي شنو تبغيو لغدا..
جواد : سلام فتيحة لي كان المهم انت عينك ميزانك
فتيحة : واخا سيدي والبيوت ديالكم واجدين كيف كلتي ليا سيدي
جواد : مزياان..خلاتهم ودخلات
جواد : البيوت كلهم واجدين لي عجبو شي بيت ياخدو من غير البيت الرئيسي هاداك ديالي أنا وماريا..شاف فيه ربيع لي كان غير مقنت ومقابلو لا هو لا إقبال لي هاد العطلة عليها زبل زبل ومنوياش تخليها دوز على خير..
جواد : منحتاج نعرض عليكم دار داركم(شاف فماريا)أجي معايا نوريك بيتنا باش ترتاحي وتبدلي ليليا
ماريا : واخا...تبعاتو وبقاو لوخرين لتحت..دار كانت غزالة بزاااف كون تصيب تسكن فيها على دوام تبعات ماريا جواد لأخر بيت فالكولوار فتحو كان بيت كبييير وفيه نموسية قدها قداش واسعة وكبيرة ماريا غوبشات وشافت فجواد لي كان كيشوف فيها
جواد : معندك مديري غير تصبري سيمانة ولكن تهناي انا مكنشخر ومكنتقلبش بزااف فبلاصتي.
- أحمد : والله الحاج مكاين بحال الطبيعة حسن من المدينة وصداعها
الحاج : والله ماكدبتي أسي حمد لي بغا يرتاح يجي لطبيعة ويرتاح وهاهو بالو هاني..زينب ومليكة كانو مجمعات بوحدهم او رجال بوحدهم أما هاجر وسومية كانو على برا ومعاهم يوسف وهشام أما ربيع كانت مقنت فوحد القنت وساهي وبحالو فجهة لوخرا إقبال لي جامعة إيديها وساهية كتخمم..
#ورزازات
- فاقت وردة بكري أصلا منعساتش بعدا باش تفيق من غير داتها عينيها واحد ساعتين ناضت من بعد ماغسلات وطرفات راسها لبسات حوايجها وهزات ساك دارتووعلى جنب وهبطات لتحت غير شافها الخدام ديال تم جا لعندها :
وردة : لا والو..بقات واقفة كتفكر قرات تفطر هو لول حيت ناس ايكونو يلاه فاقو تعطيهم وقت بعدا تبعات الخدام وكلسات على واحد الطبلة حط ليها القهوة وكرواصة فرماج كوفيتير والخبز وكاس ديال عصير ليمون...كتفطر وعقلها غايب كيفاش أتعامل معاه إلى كان هو وإلى فعلا هو علاش داك نهار متعرفش عليها بزااف ديال الأسئلة كيجيو لبالها ومالقات ليها جواب سلات فطورها مسحات إيديها وناضت والوجهة ديالها هوما دوك الرحال شميشة باينة ولكن باردة ماسخوناش تمات غادية مسافة كلما قربات قلبها كيضرب والخلعة شاداها قطعات مسافة صغيرة ولقات راسها قدام الكيطون بقات واقفة كتكول نزيد منزيد تعلات الخامية ديال الكيطون وخرجات منو مرا كلها ملوية فلحاف وقفات وشاف فيها قربات منها وسولاتها :
- سلامو عليكم كتفتشي على شي حد؟
وردة : صباح الخير الالة أه كنقلب على واحد السيد بغيت نكول راجلي غبر شحال هذا وكالو ليا كان فمحاميد الغزلان مع شي ناس ومشيت مالقيتو وكالو ليا بحال والو يكون هنا داكشي باش كنسول..
- أااه واش لاهي نكول لك ابنتي صبري يجي الراجل هاهو مشا غير لهنا ويرجع وهضري معاه
وردة : واخا أنا أنتسناه هنا
- لاواه ابنتي دهلي من البرد دخلي أجي معايا مرحبا..تبعاتها وردة ودخلات لكيطون لداخل كان مفرش بسدادر بحال شي صالون ولكن صالون بلدي حر مساكن عايشين عيشة مكرفسة كيطيبو فالكيطون ويغسلو الماعن تم وجناب الكيطون متبتيون بالحجر الكبير وتقيل على البرد إيديهم كاملين مجروحين..
وردة : سمحيليا عدبتك معايا
- لاواه ماعندك موشكيلة أش سماك الله؟
وردة : وردة
- مشارفين انا يامنة
وردة : مشرفين اخالتي يامنة...المرا لي كان وجها مغبر وباينة عليها شحال مدوشات مشات لصينية وكبات ليها كاس ديال أتاي مداتو ليها شداتو من عندها وردة وكدور فعينيها كانت يامنة ومعاها جوج بنات يكونو صغر من وردة كيشوفو فيها بعينيهوم بحال إلى هابطة من شي كوكب غريب عليهم
يامنة : هادو مناتي فضيلة ونجاة
وردة : الله يخليهم ليك
يامنة : أمين ياربي هاد الراجل عندك من إيمتا وهو خارج من خيمتو؟
وردة : وا شي عام دابا
يامنة : هممم مسيكين الله يرضو ليكم سالم غانم واحد السيد لقيناه تالف فصحرا ماواكل ماشارب مسكين معارف إسمو ولا هو منين ولكن حنا لقيناه هادي شي 5شهور ولا 4 والله ماني مدكرة بضبط ولكن والله منعطيك عليه خبار حدو ساكت مايدوي مايتكلم ماوالو مسكين
وردة : كنتمناو خير ياربي...بقات كالسة على نار وكتشوف فجنابها وفدوك لبنات..
- لاواه أبنتي حنا دارنا هيا هاد الخيمة لي لاهي تشوفي فيها
وردة : وكيفاش كتغسلو وتعيشو؟
يامنة : مرات منغسلو على شهورة هوما خصوصا الى كانت الريح منقدرو نغسلو العافية كطفا لينا كنبقاو هكاك عايشين مستورين مع بهايمنا معندنا منديرو عيشتنا هيا ترحال من مدينة لمدينة معندنا حل شكون كره أبنيتي دار تغكيه من شتا والبرد فاش كتكون شتا مجهدة مرات كيموتو لينا بهايمنا وفاش يكون الريح نعودو ناعسين كنفيقو وتراب وسط فمنا والحمد لله على كل حال معندنا منكولو من غير الله يجعل أخرنا حسن من أولنا ويكتب علينا مكاتيب دالخير..
وردة : أمين ياربي..تسمع صوت ديال رجال جاين من بعيد ناضت يامنة طلات ورجعات عند وردة
يامنة : مول خيمتي وخويا وداك الراجل هاهوما جيين...خرجات عندهم يامنة او وردة حطات لكاس من إيديها او وقفات كتفتف...شوية دخلات يامنة ودخل نفس الراجل لي كانت سولاتو المرة لي فاتت
وردة : سلام
- هو : السلامو عليكم أبنتي فايت شايفك فشي موطع(بلاصة) ولكن معقلتش
- هو : أيواا تدكرت..عاودات ليه وردة نفس الهضرة لي كالت لمرتو
- هو : فهمتك أبنتي ولكن المشكيل هو انو السيد لي وريتيني فتصويرة ماشي هو
وردة : ولكن هذا داير اللحية معرفتي الى حسن وبدل الحالة يكون هو خصوصا الحالة ديالو اتخليه ممعروفش
- هو : وفهادي عندك الحق ولكن شنو المعمول؟
وردة : تعاوني الله يرحم بيها الولدين نغسلو ليه ونحسنو ليه ديك اللحية وديك الحالة الله يحفظك عفااك راه مابقا عندي حتى حل عييت والله..
- هو : شوفي انا أندير معاك هاد المعروف حيت بحالك ابنيتي قليل والله لي تقلب على راجلها وتسارا لمدون معندي منسالك وحتى انا هاد السيد عز عليا مسكين وكيبقا فيا مرة مرة كيبقى يغوت ويشد على راسو ونتمناو خير..
وردة : نمشيو دابا؟
- هو : إيه على بركة الله...خرجات مع السيد كيبان ليها واقف مع خو يامنة طولو وعينيه لي شاحبين هز راسو فيها.
كيشوف فيها شوفات فشكل شوفات هزو قلبها من بلاصتو حيت نفس شوفات لي كان أمين كيشوف فيها فاش كتكوليه نتفارقو راه خالتي مغاتخليناش هانيين...كانت اتكول لدوك ناس هذا هو أمين حبيبي من غير مايحسن أنا حاسة هو هو حبيبي أمين ولكن مابغاتش تاني أمالها يخيب كالت تقكع شك باليقين مشا راجل يامنة لعندو هضر معاه مهضرش ولا نطق بحرف من غير حدر راسو ومشا معاهم قطعو مسافة لوطيل فين كاينة وردة مشات عند الخدام وطلبات منو :
الخدام : واخا الالة دابا نيت...مشا الخدام بقات كتسنى فيه حتى رجع عطاها تريكو فالكحل وسروال دجين
وردة : شكرا بزااف..
الخدام : هذا واجب الالة مرحبا...طلعات لبيتها حطات الحوايج والمقص جبدات باليزتها وجبدات منها مشطة حطاتها وكلسات كاتسنى على أعصابها واش أيخرج أمين وتسالي هاد المعاناة ديالها ولا أيخرج شخص أخور وترجع من زيرو تاني؟؟..
****
نقول لهم أننا نحب الكلام الجميل بقدر مابتنا لا نؤمن به وأننا نميل نحو الإهتمام بالقدر الذي بتنا نخاف ان نفقده بعد حين كيف يمكن أن نعلمهم أننا حتى الآن نفرح بالخطوات المفاجئة و المبادرات الجنونية لكننا نقابلهم بالتجاهل لأننا نخاف الخذلان اللحظات الجميلة نخاف النهايات بالقدر الذي نحب فيه النهايات وحرارتها نخاف على انفسنا بالقدر الذي نتمنى لو نجد من نسلمه إياها بكل ما أثقلت من مخاوف وهواجس ليبادرها بكل ما أوتي من احتواء وحب..
- ربعة ديال الأشخاص لي كانو مجمعين على برا وكيضحكو
- يوسف : أنا بعدا مكتعجبنيش البنت لي يكون شعرها قصير وزعر مكنحملش هاد شكل وخصوصا هاد زعورية ديال دابا لي كترد شعرها بحال الهيضورة..شافت فيه سومية وخنزرات فيه مع هيا مكتسكت جاوباتو :
- علاش مالهم لي شعرهم قصير وزعر بالعكس هداك كيتسمى تمرد وجرأة وكل واحد وحريتو الشخصية بقات فالعقل شنو فيه ماشي المظهر وانتو ناس ديال أوروبا كيهمكم المظهر بزااف وكتبقاو دورو دورو حتى كتجيبوها دايرة بحال طيرا بكر..ضحكات هاجر بجهد حتى دمعو عينيها
يوسف (خنزر فختو) : علاش كضحكي؟
هاجر : حيت كالت غير صراحة تنكر بلي عينيك طويلة وكيهمك المظهر بزااف وراه مكدباتش..قاطعها هشام :
- نونو انا ممتافقش على واحد القضية بلي ناس اوروب يهمهم المظاهر انا نبغي المرا يكون هنا le coeur ديالها زوين وبيض ويكون عقلها نقي وأهم حاجة أنو تبغيني دبصح أما زواق ديال برا دغية يمشي والله
سومية(ليوسف) :
- سمعتي ناس لي كتعرف تهضر..نباتهم ماريا من لور
ماريا : مالكم كتناكرو
سومية : والو غير كاليك بلي مكيحملش زعرات ولي شعرهم قصير
يوسف : ساهل جواد يوريك كيفاش خاصك غير تعرفي تشدي اللجام وتحكمي فيه وتكلسي بتقة إلى كنتي خايفة ومتوترة حتى العود كيحس بيك خايفة وكيخاف حتى هو
سومية : أنا فايتة ركبت كان دانا بابا لجديدة عند صاحبو وتعلمت ليه تم
هشام : aussi كنعرف ليهم
ماريا : غير انا لكوليخة فيكم؟
هاجر : متخافيش معاك الرجال انعلموك هههه.. إقبال طلعو ليها فراس هبطات درجات وسرحات رجليها فالفيرما غادية كتمشا بوحدها داتها رجليها لإسطبل ديال الخيل كانو رجال واقفين ومعاهم واحد الطبيب لي مقابل الخيل وكيجي يدير ليهم كونطرول كل مرة ويطمن عليهم خدا واحد البرا وعطاها لسايس لي تم..
- هاد البرة تعطيها ليه فصباح فاش تخرجو مع باقي الخيل أتخليه يتحرك ويجري واخا ولكن وياك تغلط وتعطيها لمرجانة ولا نيفان حيت فصيلة ديال دمهم عربي أصيل ماشي بحال أشهب تفاهمنا؟؟..
يقدرو يهيجو وتفقد سيطرة عليهم وهكا ايشكلو خطر تفاهمنا يااك؟
السايس : أه مفهوم أسي طبيب..تدرقات إقبال حتى مشا الطبيب وتمات غادية كتنشوا ودور بين الخيل لي كان كل واحد فبلاصتو من غير نيفان لي كانت بلاصتو معزولة وخاصة أما مرجانة عودة بيضة وشعرها رطب كيف الحرير وزوينة مخرجة راسها ومرة مرة تاكول وعاجبها الحال وعاجبها حتى راسها كتحسها بحال شي أنثى بشرية مفتاخرة براسها وبزين ديالها..إقبال عقلها مشا بعييد ضحكات ومشات جيهت سايس لي كان كيكمل شغالو غير شافها او وقف كان شاب فتلاتين من عمرو..
- لالة إقبال الفيرما نورات مفراسيش بلي جيتو واش معاكم حتى سيدي جواد؟
إقبال (كدير ضحكة صفرا وتسبل فعويناتها) :
- أه جينا كلنا كوليا صلاح ديالاش ديك البرة لي عطاك طبيب؟
صلاح : أه دابا كيشتي أشهب مكيقدرش يتحرك فاش كنخرجو لخيل يتمشى هو كيبقى فبلاصتو داكشي باش طبيب عطاني هاد البرة غدا فاش نخرجو لخيل خاص ندكها ليه هيا أتخليه يوقف ويجري بحالو بحال الخيل لوخرين..
صلاح : حيتاش دمهم ماشي بحال دم أشهب دمهم هوما عربي أصيل ومافيهم والو صحاح فصاح وإلى مشات حتى تعطاتهم هاد البرة أيجعرو ويوليو خطار علي لي أيركبهم..تبسمات إقبال ودماغها مشا بعيد رجعات الضحكة على وجها وسبلات بعوينتها.
إقبال : عرفتي شنو أنا اندكها لأشهب غدا وانت ايكون عندك بزااف مايدار خصوصا جواد ايبغيك فبزااف دالحوايج
صلاح (شاف فيها بشك) :
- ولكن الالة إقبال راه خدمتي هاديك😕
إقبال : صلااح وقيلة راه هضرت معاك واش أتعرف حسن مني أنا ولا شنو شفتك وليتي تجاوب معايا؟؟
صلاح : لا الالة حاشا واخا ميكون أخاطرك...هز البرة من جيبو مديورة فبوشيط بيضة وعطاها ليها شداتها فيديها تبسمات ليه ودارت..
إقبال (مع راسها) :
- دابا أيخصني نعرف غير أشمن عود اتركبي عليه ونتفرج فيك من بعيد وانت كتكركبي ههههههه أااح عليا وخلاص شحال مطورة أنا..
****
🍃شكرا لأولئك السيئين الذين أخطأوا بحقنا يوماً ، لقد أعطُونا دروساً بالمجان
وجعلوا منا أشخاصاً أكثر قوة ،
وجعلونا ننظر إلى الحياة بشكل مختلف
شكراً لهم ..
فحماقة قوم عند قوم عبر ودروس
وبأخطائهم تلك أنقذونا من شر من هم أسوأ منهم ... !
#أمابعد
"البعض غلطة ..
و البعض درس ..
والبعض ذكرى جميلة وانتهت ."🍃
****
- خرج راجل يامنة لابس نفس حةايجو غير هو مسكين رجع فيه ضو أما لي معاه حتى هو رجع فيه ضو ولانت زعوريتو وعينيها لخضرين وردة شافتو وقفات وقلبها كيضرب فتسعين هوات دوك الحوايج ومداتهم ليه
وردة(كتفتف) :
- عفااك لبس هاد الحوايج..شاف فيه مكايهضرش حدو غير كيشوف فيها وفوجها...شدهم راجل يامنة خلاتهم وخرجات بقات كتسنى على برا وتعض ضفارها حتى عيط عليها راجل يامنة دخلات سروال جا هو هداك تريكو لي قصير شوية ولكن معليش..هزات داك المقص والمشطة
- واخا ابنتي مزيان..بدات وردة كتحسن ليه شعرو نقصاتو ليه وهو كالس جامد مكيتحرك كلما قربات وردة وهيا كترعد نزلات من شعرو لحية وبدات كتنقص فيها وملامحو بدات كتبان مزيان على الأول وهيا خدامة طاح المقص من إيديها لي بردو عليها ورجليها كيترعدو بغات طيح عينيها تحجرو بدموع وبداو نازلين على وجها بكا ديالها لي رجع تنخصيص وأنين وسمية أمين خارجة من فمها محساتش براسها قدام السيد حتى عنقاتو تعنق وتبوس ليه فراسو وفيديه وترجع تعنق فيه بحال شي أم غاب عليها ولدها سنين وسنين ورجعات لقاتو تغوت وتبكي على حر جهدها دموعها بحال شتا هابطين😭 وتكول وهيا كتنخصص :
- والله حتى هو هو.. راجل يامنة كيهدنها ويصبرها وكيحاول يسكتها مسكينة بقات فيه :
- على سلامتك أبنتي ربي مكيضيع حتى واحد ربي كبير أبنتي مسحي دموعك متبكيش خاصك تفرحي منين راجل لقيتيه وهاهو أيرجع لك ويرجع لعايلتو ولخيمتو
وردة (وسط دموعها محتاجة تبكي وتفرغ) :
- الحمد لله أعمي الحمد لله شحال قلبت أعمي حتى عييت مخليت فين مشيت كنت انحماق كونما لقيتو وحق الله😢😢..
-ربي كبيير ابنتي ومكاينسى عبادو وهءا غير متحان من عندو...أمين غير كيشوف فيها بحال إلى مصدوم منطقش بحتى كلمة..
وردة : أمين واش عرفتيني هضر مالك ساكت انا راه حية مامتش راه خالتي كدبات عليك انا راه مزال حية هضر أأمين
- من نهار لقيناه وهو هكا قليل فين يعود يكول كلمة ولا زوج...
وردة : أمين هادي أنا وردة أويلي واش معرفتينيش؟أمين وعفااك كول اشيحاجة هضر أمين هادي أنا وردة وردة صغر عينيه كيشوف فيها بقا شي 2 دقايق وهو معلي فيها عينيه حرك شفايفو ونطق :
- (بنفتد صبر)شكون انت واش كتعرفيني أنا معرفتكش؟؟ ومكنعرفكش أنا معارف حتى راسي شكون انا بعدا باش أنعرفك أنت شكون؟؟
لم تكن الكلمة الطيبة صدقة من عبث ..
بعض الكلمات تعيد روحك من حافة السقوط .. ♥.
تغدات العائلة فجو عائلي زوين من غير ماريا لي كانت واخا هكاك ممرتاحاش من شوفات ربيع لي جا أونفاص معاها بلاما ترد البال لراسها كانت كتقرب الكرسي ديالها لجواد...هادشي لي كان دايز قدام عينيه وداير راسو مكلخ عارف شنو كيدور وباش حاسة ماريا وملاحض شوفات ربيع ليها تجربة ديالو خلاتو يعرف كل واحد وشنو بغا من تاني..
- هاجر : ورا الغدا انخرجو ندورو بالخيل شوية شنو بان ليك أخويا...جواد وهو كياكول :
- الى بغيتو تخرجو ماشي مشكيل من غير أشهب فوتوه عليكم
هاجر : ولكن ماريا مكتعرفش تركب على الخيل
جواد : ماريا تركب مرجانة تقيلة فالخطوات ديالها ومزيانة ليها حيت أول مرة ليها..إقبال طالقة ودنيها وكضحك فخاطرها..
ماريا : ماشي مشكيل إلى ماركبتش معاكم اليوم..نقزات إقبال :
- علاش هادي فرصة تعلمي ركوب الخيل أيعجبك الحال بزااف..وقف جواد على الماكلة وهز حاجب وهبط تاني وشاف بنص عين فإقبال لي مرداتش ليه البال ولشوفاتو فيها..رجع كيكمل ماكلتو وكيهضر فنفس الوقت
جواد : المشكيل هو كاينين 6 ديال الخيل ونيفان مكنخلي حتى واحد يركبو من غيري شنو غادي ديرو وانتوما كتار؟
ربيع : أنا مديروش بحسابي
جواد (شاف فيه وضحك) :
- مزيان أنا نيت بغيت نهضر معاك فشي حوايج
ربيع : أهاه مرحبا..
إقبال : حتى انا معنديش مع الخيل انتفرج أمن بعيد
هاجر : إيوا هكا القضية محلولة دابا اشنو نوضو دابا...وقف جواد على ماكلتو وشاف فيها بواحد تخنزيرة بردات الما فركابي رجعات كلسات فبلاصتها وكملات ماكلتها حتى سلاو عاد ناضو..
جواد (موجه هضرتو لربيع) :
- ربيع أجي نكلسو على برا الجو زوين نشربو كاس ديال القهوة ونهضرو شوية شنو بان ليك؟
وردة لي كانت كالسة وكتشوف ساهية وأمين كالس حداها هزات راسها ودارت بشوية عندو.
وردة(كتهضر بشوية) :
- هانتا غير بشوية عليك واخا واش معقلتي على والو انت سميتك أمين الإبراهيمي اصلكم ريفي وداركم فإفران باباك الحاج وخوتك جواد ويوسف وهاجر وحنا كنبغيو بعضياتنا وعندنا بنية عفاك حاول تفكر الله يعطيك الستر..أمين مكيجاوبهاش ساكت وكيشوف فالفراغ ولقطات كيجيو ويمشيو ماوضحينش تبدلات سيفتو ورجع ليه صداع لراسو تاني
وردة : هانتا انا انبقى معاك بشوية حتى تفكر واخا انوريك تصاورك وتصاورنا بجوج أتعقل على كولشي..شد أمين على راسو وبدا كيغوت ربي لي خلقو تاني
أمين : بعدوو مني أش بغيتو عندي معاقل على والو شكون انت ولا شكون أنا خليوني فتيقار وبعدو منييي راسي راسي أينفاجر عليا انموت أعباد الله...وردة عطاتها البكا معرفات مدير شداتو جراتو عندها وخشاتو فوسط صدرها وعنقاتو بجهد كتحاول تهدن فيه بحال شي بيبي صغير
وردة(كتبكي) :
- شششت صافي أحبيبي صافي ماوقع والو صافي😢😢كولشي أيولي مزيان صافي مابقيتش انعاود نهضر صافي ششش ششش..أمين شوية شوية بدا كيرتاح دور عليها إيديه وسكت وبقا معنقها وهو ساهي لي حاس بيها دابا هو الأمان لي كيحسو البيبي فالحضن ديال مو هادشي لي حاس بيه وخلاه يسكت ويرتاح....
مهما كنّا أقوياء .. فلن نستطيع حمل حقائب الحياة وحدنا ؛
نحن بحاجة دائماً لمن يحمل عنّا شيئاً من أيامها .. !! لا بأس بحياة الإنفراد إن لم تجد نصفاً أخر يقاسمك تفاصيل حياتك يحترم كلامك ويفعل المستحيل من اجلك فكثيراً ما يكون الكمال في كونك وحيداً فكن لنفسك نجمةً صغيرة تنير عتمتك كل ما شعرت بالإنطفاء أرسلها لسمائك🍃
- خرج صلاح مرجانة وبقا يوسف هو وهشام كيعلمو فماريا كيفاش تركب وفعلا كيفما كال جواد العودة كانت مهدنة مكتحركش كتحسي بيها مغرورة براسها المرة لولة مقداتش تركب ولكن مرة تانية وتالتة تشجعات حتى رتاجت فوق منها..
يوسف : هانتي ترخاي متبينيش راسك خايفة ومتعصبيش حيت حتى هيا أتحس بيك ممرتاحاش الى حسات بيك مرتاحة وتايقة فيها اتعامل معاك بحال صاحبتها
ماريا : هههه واخا كون اوليتي تعطي دروس فالخيل حسن
يوسف (بغرور) :
- أودي المواهب عندي كتاار خاص أمعامن هههه...شاف فسومية لي مقابلة العود لي اتركب كان فالقهوي وكتدوز على ظهرو
يوسف : الى كنتي حتى انت مكتعرفيش معاونك
سومية : وقيلة كبيلات كلت راه فايتة راكبة على العود وكنعرف ليه غير رتاح...نباتهم هاجر :
- واش اتبقاو تحتو يلاه خلاص
يوسف : ماريا ياك صافي تعرفي دوريها وإلى زربات وريتك كيفاش تعرفي تشدي اللجام وتخليها تخفف من سرعة ديالها او وريتك كيفاش توقفيها وأهم حاجة خليك تابتة فوق منها صافي؟
ماريا : أه أ أستاذ كولشي دخل لدماغ وتفيكسة غير كون هاني ههههه..كول واحد ركب على العود ديالو وتمو كيتمشاو بشوية عليهم واحد المنظر زوين بزااف الثلج طايح وخضورية ربيع غامقة والخيل منظر زوين بزااف
هاجر (نبات إقبال كتحك ليها سم) :
- هاد الدورة خاصها غير انت أ إقبال..جاةباتها إقبال لي كانت غادية وراهم
إقبال : غير بصحة احبيبة بحال بحال منين انت فرحانة حتى انا هكاك(مع راسها : دابا تبدا الفراجة غير بلاتي)...دار كانت بعيدة شوية عليهم غاديين كيضحكو فرحانين ومجمعين ماريا تطلقات بحال الى ماشي لمرة لولة ليها..
ماريا : ناري على فاندام ورومبو معانا هههه باز ليك..
إقبال(هادي هيا لفرصة دابا محدهم مجمعين حتى واحد مغاظي يلاحض)..جبدات البرا من جيب المونطو ديالها دارتها ورا ظهرها وتمات كتقرب ليهم وتحاول متلفتش الإنتباه جات نيشان ورا ماريا..
ماريا : صراحة مكنتش كنعرف بلي الخيل زوين بحال هكا او ساا وااااااااااااااااع..غوتات ماريا من ردة الفعل ديال مرجانة لي ولاو رجليها كيسبقو الريح كتجري جرا مطابيعيش..هاجر ولوخرين معرفو باش تبلاو زادو فسرعة وتبعو ماريا كيعيطو..أما إقبال وقفات كتفرج وكتضحك..مرجانة لي كتجري على خر جهدها كطلع وتهبط وشعرها كيطير معاها ماريا ولا فمها بيض وكتحاول دير لي كاليها يوسف ولكن والو غير مكتزبد مرجانة تصعر وتجري بحال إلى وكلتيها الفلفلة الحارة..
****
جواد : ممم مزيان هاد القضية لي كلتي عجباتني ولكن المسألة ديال شراكة مكتعجبنيش أربيع كنبغي ندير خدمتي بوحدي شريك فيه غير صداع الراس.
ربيع : ولكن انت يلاه كلتي عجباتك شنو المانع زعمة؟
جواد(شرب جغمة من كاسو دالقهوة) :
- تقدر تكول أنا...قاطع صوت ديالو صوت الغوات وصداع وقف عاقد غوباشتو نزل من دروج بطول ديالو وقفتو وهيبتو شوية حتى كاتبان ليه مرجانة هاجمة او فوق منها ماريا وتابعينها لوخرين كيغوتو
جواد : كانت عارف شيحاجة غادي توقع مشا كيجري مخلي ربيع مصدوم ومفاهم والو..تلقا ليه صلاح جاي يسلم عليه..غوت عليه بجهد
جواد : خرج نيفان دابا..مشا صلاح كيجري مخلوع فتح على نيفان وخرجو شدو جواد من عندو وركب عليه ضرب على جنبو برجليه بجهد نيفان معطلوش كيجري كان طولو وعرضو بحالو بحال مولاه جواد كان كيبان فوق منو بحال شي فلرس فشي معركة غير بان لهاجر خوها خففات سرعة سبقهم هو وهوما ولاو وراه تابعينو..كيزيد فسرعة ومرجانة مزال سابقاه ماريا كاتبان ليها من بعيد غير يالموت قدامها يا غاتزحف من رجليها الى طاحت من فوق منها قلبها كيضرب وكترعد حتى جاها صوتو من وراها
جواد (كيغوت) : ماريا شوفي فيا أنا وراك حاولي تخفي سرعة جري لجام عندك
- تيقي بيا وديري لي كلت ليك ماريا تيقي بيا واش أنا غادي نخليك طيحي...هضرتو عطاتها بحال الأمان..دارت لي كاليها بحرف باش تحاول تخفف سرعة مرجانة وفعلا واخا مرجانة كانت هايجة ولكن خفات سرعة ديالها شوية شي لي خلى جواد مقابل معاها
جواد (مد إيدو لماريا) : مد ليا الحبل لهنا
ماريا : كيفاش؟
جواد( بحزم) : لوحيه لهنا سربي...بالخوف لي فيها لاحت ليه لحبل..جر مرجانة لعندو او ولا لاصق معاها
جواد : نحسب تلاتة عطيني إيدك ونقزي عندي
ماريا : واش تسطيتي راه انطيح
جواد(بصرامة
واش أنا أنخليك طيحي كتليك عطيني آيدك..1/2/3 يلاه ءماريا نقزي
ماريا : منقدش
جواد : بالغوات ) نقزي...غواتو خلاها تنقز بلا هواها شدها قدامو حازها لعندو وعنقها..قلبها كيضرب بجهد ولكن إحساس الأمان بدا كيتسلل لقلب ديالها ورجعات فيها الروح..تولى مهمة ديال مرجانة غادي بنيفان وبيها فدقة وحدة..
جواد : شدي نيفان مطلقيهش
ماريا : والى لاحني؟
جواد : نيفان مكيلوحش الواحد العود ديالي وانا عارفو شديه مزيان ومطاقيهش وغير نقز فوق مرجانة خفي سرعة ديالو بلاما نوريك
ماريا : ووواخا..نفدات تعاليمو بالحرف غير نفز فوق مرجانة خفات سرعة ديال نيفان بان ليها جواد سبقها..
خلاها وراه ودا مرجانة لبلاصتها دخل بيها دخلة وحدة نزل فوق منها وسد عليها غير سد عليها كتعلي رجليها وتصهل بصوتها وكتحاول ضرب راسها مع الحيط جواد تعصب وبدا كيغوت على صلاح
جواد : بالغوات ) صلاح صلاح..جا صلاح كيجري
صلاح : معام أسيدي
جواد : عيط دابا لدكتور أسامة دابا يجي عندي
صلاح : واخا أسيدي...مشا صلاح كيجري يعيط على طبيب...فهاد الساعة رجع جواد على رجليها لفين خلى ماريا وهو غادي زطم على شيحاجة برجليها شيحاجة لي حس بيها واخا لابس صباط غليض حس بيها رجع خطوة لور بانت ليها برا طايحة..هزها كيشوف فيها خصوصا هيا برة ماشي عادية وماشي كأي برة كدك لبنادم هادي مخصوصة لحيوانات بوحدهم
أحمد : أش داها لشي عود ولا شي خيل مكتعرف لحاجة أش قربها ليه
الحاج : مدير فبالك شاي أسي حمد راه هادشي ضروري كيوقع الحمد لله لي مطرا والو راه غير مخلوعة دابا ترتاح..
هاجر : نطلع نشوفها
الحاج (بحزم) :
- كلسي لأرض راجلها معاها لاش طالعة تنقزي كولشي منك الخيل الخيل جايين نرتاحو ونبدلو الجو ولا يوقع هادشي
زينب : الحاج هادشي راه مكتاب هاجر ماعليها والو سيري ابنتي تكلسي..
تمات داخلة إقبال كتسلت واقفة ماهضرات ماتكلمات ماسولات بحال إلى كتكول ليهم انا هيا مولات الفعلة ولكن فهاد الوقت حتى واحد مكان راد بالو ولا عقلو معاه..
- دخل جواد ماريا لبيت كلسها على نموسية حيد ليها صباطها وتكاها وغطاها... كلس جنبها بلاما ينطق بحرف بالو ممعاهش مع البرة لي لقا مليوحة فالأرض ومع تصرف مرجانة فهاد نهار عمر وقع ليها هادشي سنين وهيا عندو أول مرة هادشي يوقع...قاطع تفكيرو دقان فالباب
- كنا كنتمشاو عادي مجمعين حتى فواحد اللحظة معرفت شنو وقع بدات كتجري بزربة وبجهد مقدرتش نوقفها كاع لي علمني يوسف درتو ولكن والو مابغاتش توقف كاع عييت معاها او والو.
جواد : متأكدة مدرتي حتى حاجة تخليها تهيج؟
ماريا : والله مدرت ليها شيحاجة كانت كتمشى بشوية وعادي حتى طارت..
أسامة : مرجانة واخدة كيمية من المهيج هادشي لي خلاها فهاد الحالة
جواد : كيفاش وضح كلامك
أسامة : هاد المادة كتعطى فحالة ديال الحيوان إلى كان عندو خمول تام ومقادش يتحرك كاتجي مع حيوان وحيوان لا كل واحد وفصيلة ديال دم ديالو وفصيلة مرجانة ولا نيفان مكتجيش معاهم هاد المادة وكتخليهم فواحد الحالة ديال الهيجان جاب الله دابا سيطرنا عليها..
جواد : ولكن شكون أيعطي لمرجانة هاد المادة هادي
أسامة : صراحة أنا عطيت لصلاح هاد المادة باش يعطيها لأشهب حيت عندو ركود فالمشي ديالو صراحة معرفتش ولكن ممكن يكون عطاها لمرجانة بالغلط
جواد : هاد المادة واش كتبان ديك ساع ولا على شحال؟
أسامة : لا كتبان ديك ساعات
جواد : كون صلاح عطاها لمرجانة ايبان الهيجان ديالها ديك ساعات ولكن مرجانة خرجات من هنا صحة سلام..
صلاح : لا أسيدي أنا مدكيتهاش لمرجانة ومدكيتهاش لأشهب كانت هنا لالة إقبال وكالت ليا بلي هيا لي أدك لأشهب لبرة...جمع جواد القبضة ديال إيديه حتى مفاصلها رجعو بايضين جمع فمو وتعصب
جواد (كيتمتم) :
- كنت عارفها...
جواد : أسي وقيلة انا كنخلصك باش دير خدمتك ماشي تعطي لماس يديروها
صلاح : أسيدي راه كلتهت ليها ولكن بدات كتغوت عليا وأنا خفت داكشي باش عطيتها ليها سي جواد عفااك راه هاد الخدمة مناش كناكل طرف ديال الخبز متجريش عليا
جواد : شكون هضر معاك دابا أخر مرة يوقع بحال هادشي وإلى كان شي حد كيحكم هو أنا ماشي هيا ولا غيرها مفهوم؟
صلاح : واخا سي جواد الله يكتر خيرك.
جواد : سير كمل شغالك..مشا صلاح وبقى جواد بوحدو جبد كارو من جيبو سعلو يبرد فيه الغدايد ديالو
جواد : طلعتي فراس وعيقتي بزااف..رمى داك الكارو عفط عليه ومشا نيشان لدار بحال شي ثور هايج وطلقتيه وبغا غير فيمن يدخل..مع وصل فتح الباب بجهد حتى تخبط كولشي شاف جيهتو
الحاج : ياك لباس اولدي..مجاوبوش جواد حدو كيقلب بعينيه
جواد(كيسوط من نيفو) :
- فين..هيا...إقبال..؟
عصام : فاش بغيتي بنتي عاوتاني؟..قرب ليه جواد بخطوات واسعة وقف اونفاص مع وجهو
جواد(بحزم وكلو كيترعد) :
- عمي ديما كنكوليك ربي بنتك وكترد لومة ليا أنا لي غالط يااك كنحتارمك حيت عمي وحيت خو الواليد واخا لي طرا شحال هادي محيناه وكلنا هانية حنا عائلة وحدة ولكن باش بنتك تجاوز الحدود ديالها تالهنا وبراكة...تمات خرجة إقبال من الكوزينة دافعة جبهة
إقبال : ممم مالي شنو درت تاني...غير سمع صوتها عقد غوباشتو ولا فمو كولو كيترعد دار عندها كيشوف فيها بخطوة كان حداها هز إيديه حتى لسما ونزل عليها بطرشة لوجها خلاها طيح على الفازة لي كانت محطوطة..حطات إيديها على حناكها وعينيها جاو بدموع..جا باها ومها كيجريو لعندها
الحاج : جواد أش هادشي كدير؟..وقفو جواد بيديه وبدا كيغوت
جواد : حتى واحد مايدخل ولا يهضر..
عصام : زدتي فيه بزااف
جواد : بنتك لي زادت فيه بنتك ربيها اسيدي عرف بنتك بعدا شنو دارت أسي عصام عاد حل فمك بنتك حاولات تقتل ماريا مراتي أنا..كولشي تبهض وشي كيشوف فشي
زينب : ولدي أش كتكول؟
جواد : كيف كنكوليك لالاهم شدات برا ودكاتها لمرجانة برا فيها مادة كتهيج باش ماريا طيح من فوق العود ويطرا ليها شيحاجة
إقبال : كتنخصص) هادشي مكاينش كدوب..جبد جواد البرة من جيبو
جواد : وهادشي شنو هيا(كيغوت) هضري شنو هادي مسطرة ولا ستيلو يمكن؟ هذا الالة لقيتو فلبلاصة لي كنتي واقف فيها وزيد عليها انت أش قربك لشي خيل لي كلتي لصلاح يعطيك انت دكي لأشهب لبرا داكشي باش مابغيتيش تمشي معاهم وفضلتي تفرجي انت زيغ خطتي مع راسك برااافو بغيت غير نعرف السم والحقد لي فيك فين أيديوك شوفي نكوليك جوج كلمات شتي أنا عمري مغادي نشوف فيك واخا تبقاي غير انت فهاد دنيا فهمتي ولالا..وقف عصام ورجع كيشوف فالأرض ساكت
جواد : شفتك سكتي أعمي
عصام : دير لي عجبك معنديش بنات مزال😔..شاف فيه جواد ورجع شاف فيها مشا عندها وهزها من كتفها وقفها شدها من شعرها مجرجرها قدام اللباب ولاحها كركبها
جواد : مزال توريني وجهك مغاديش يعجبك الحال تاقيت فيك وجه الله كون شي واحد انقتلو بعينيا مغمضين ولكن جيتيني دمي ولحمي أخر مرة توريني كمارتك ولا هاد المرة قسما برب الكعبة حتى ندفنك حية وبيديا بجوح.
إقبال : كتبكي عفاااك أجواد غير نشرح ليك..نقز عليها وهزها شدها من عنقها قجها حتى عينيها بغاو يخرجو من بلاصتهم ودم هابط ليها من جبهتها
جواد (بصرامة) :
- أش عند ملتك ماتكولي شوفي حالتك كيدايرة مابغيتش نسمع حسك مزال كتعيفيني كتجيبي ليا الردان نعاودها منبغيش نشوف وجهك مزال هنا(دفل عليها ودفعها) وتم راجع لدار
زينب : عصام كول شيحاجة..
عصام : معندي منكول خليها تربا شوية انا مربيتهاش مزيان طيحات لقيمتي وبوجهي وشوهاتني مع صغير ولكبير جواد عندو الصح أنا مربيتش بنتي مزيان خليها مرابانة دير عقلها..إقبال وقفات وتمات جايا عند جواد تلاحت عند رجليه
إقبال : هادي وتوبة أولد عمي عمري نعاود معندي فين نمشي عفاااك راه غير قلت عقلي دارتها ليا معرفت شنو وقع ليا عفااك خليني معاكم ندير لي بغيتي لي بغيتي نديرو باش تسمحو ليا عفااك أجواد الله يرحم ليك الوالدين هادي وتوبة والله عمري منعاود أنا حمارة منسواش دير فيا مابغيتي غير متجريش عليا..بقا جواد واقف عاطيها بظهر اما لوخرين ماهضروش ومخرجوش كولشي كلس وسكت خافو منو حيت ولا وحش فبلاصة إنسان..الغضب والأعصاب سيطرو عليها دار عندها هزها من كتفها غادي بيها حتى ردخها مع الحيط قاجها...
عينيه ولاو حمرين بحال الدم كشاكسو خارجين
جواد : شنو مزال عندك مايتكال واش انت لجدك مكتعلميش مكتمليش عييت منهضر معاك ونكوليك دخلي سوق راسك وصلات بيك لهاد الدرجة هادي أ غير كولي ليا انت منين ملتك منين مك وباك مدايرينش هكا لمن طلعتي لمن والله حتى نقتلك ومنعقلش عليك وتعرفيني نديرها..
إقبال : (قاطعاتو)نبوس ليك إيديك ورجليك منعاود وحق الله منعاود أنا أنا كنت أبغيت نضحك معاها صافي مكلتش هادشي غادي يوقع وحق الله مدرتها بلعاني غير متجري عليا ندير لي بغيتي وحق الله حتى ندير مابغيتي...بقا ساكت وكيشوف فيها طلقها وشعل كارو وبعد منها كيكمي وساكت أما هيا كترعد مها كطل من سرجم كتشوف فيهم مقاداش تخطوي خطوة لقدام حيت فعلا عارفة بنتها دارت غلاط كبير ميتغفرش مقداتش تهز راسها وتشوف فأحمد ولا مليكة ولا فعم ماريا كولشي كالس حادر راسو وساقلين..
- كمل جواد الكارو ديالو خدا نفس طويل وشاف فيها
جواد : انعطيك آخر فرصة ولكن قسما بالله ودوري بيا ولا بماريا ولا بشي واحد فالعائلة غير وجدي لكنازتك.
إقبال : والله أولد عمتي حتى ندير لي بغيتي كون هاني..
جواد : واخا الالة حنا أنشوفو انعطيك فرصة كيف كتليك ولكن بشرط..
مليكة : نمشي نشوف ليليا تقدر تكون فاقت..طلعو وبقا الحاج والعربي او ولادو
العربي : صراحة معرفت منكول والله
هشام : حشومة هادشي والله الإنسان توصل بيه السم يعمي ليه قلبو حرام والله
العربي : ششش(شير ليه جيهت زينب لي واقفة كطل براسها)..
الحاج : أنمشي ناخد دوا ديالي
أحمد : نمشي نطل على بنتي...كل واحد طلع لبيتو وفين بغا يمشي بقات غير زينب لي واقفة..
****
🍃الأمر لا يتعلق فقط بوجود شخص يمكنك أن تتحدث اليه حين يتراكم الكلام في صدرك وتختنق لأن بعض الكلام يأبى علينا بل بوجود شخص الذي يلمح الزفرات المحتبسة خلف شفاه و الكلمات المتمردة وراء اللسان فيلقي إليك بمرساته محررا كلماتك و نازعا عنك ثقلها و للقلب اختياره و سلطانه هنا.🍃
جواد (بحزم وصوت رجولي) أنباتو هنا راه هضرنا مغاديش نبقى واقف على قبلك..حدرات راسها وبلعات ريقها..
إقبال : واخا ميكون غير خاطرك..
جواد : مزياان ودابا يمكن ليك دخلي..
يتجدد الإنسان كلما مر بتجربة لم يكن قاصدا الذهاب إليها تظل تطحنه أيامها حتى تنتزع منه قدرة عجيبة على المقاومة فمازال يتخبط حتى يتخطاها بالفهم لا بالقوة بالصبر لا بالعجلة.☺
- دخلات إقبال حادرة راسها غير شافتها زينب جات عندها مشافتش فيها بنتها طلعات نيشان لبيتها تبعاتها مها وسدات الباب وراها..
زينب : دابا عجبك الحال مرتاحة ياك فرحانة خاصك غير شي وسام على هاد الإنجازات ديالك عرفتي كون غير تولي تبيعي الإبداعات ديالك بعدا تصوري وراهم الفلوس..
إقبال : ماما عفااا...قاطعاتها مها وخرجات فيها عينيها..
زينب : شوفي أديك لفعة لكرطيطة طلقت ليك لحبل ومخلياك ديري لي بغيتي ومكنهضرش كنكول دابا دير عقلها وانت غير مزايدة فيه مابغيتيش تحشمي كاع حشمتي بينا الناس يولدو لولاد زينين وانا والدة عقربة من كرشي كون غير كنت عاكرة ونربيه من لخيرية ويطلع حسن منك ولا نولدك ياااخ تفوو عليك بااك مسكين ولا حشمان قدام ناس شوهتينا مع لبعيد ولقريب مع لكبير وصغير لا قراية تحمر لوجه لا خدمة زينة لا ديبلوم زين لا تربية ولكن كولشي مني اش بقا بنتي ولات قتالة على تواخر زمان هادشي لي كان ناقصني من اليوم انا غسلت إيدي عليك موتي طرطقي متعرفيني منعرفك منك لولد عمك واخا يشويك قدامي خرجت سوقك من اليوم معندي بنات انا بالله وبشراع معاك..خرجات من البيت وزدحات الباب حتى قفزات إقبال من بلاصتها..ربعات على نموسيتها وعطاتها غير لبكا ولنواح ماحيلتها لداكشي لي أمرها بيه جواد ماحيلتها لهضرت مها لي كانت بحال لماس فقلبها..
- دازت ديك العشية الجو فيها مكهرب وصل الليل بدات شتا خيط من سما شعل جواد العافية فشوميني دفي دار كان واحد الجو زوين بزااف البنات عند ماريا فالبيت والباقي هبط لتحت.. شافيهم جواد
جواد : من الأحسن نساو لي وقع صباح جينا لهنا باش نرتاحو واخا؟
الحاج : عندك الصح أولدي لي فات فات دابا..
#عند_ماريا
هاجر : ناري وتشوفي شنو دار ليها جواد منكولش ليك على شوية كان غادي يقتلها والله
ماريا : ناري على لفعة غير خفت من صداع تاني أما انوريها خيزو ماحلاه نتفها واحد نتفة عالمية ولكن والله لا بقات فيها بغات الفعايل غير بلات عرفتو كنت انموت بالخلعة وحق الله هاد النهار عمرو يتنسى ليا من بالي..
سومية : ولكن أختي سعداتك براجلك باين كايبغيك عرفتي كيف دار عليك بحال الأبطال ديال الأفلام وحق الله والغسلة لي دار لديك إقبال أنا وتخلعت فبلاصتها وحق الله بقا غير لقتيل لي مقتلهاش..ماريا شافت فهاجر وغمزاتها حيت بوحدهم عارفين بلي لي كتكول سومية مسكينة مكاينش غير ردة فعل منو وصافي قدام الناس..(ولكن واش بصح هادشي ردة فعل قدام الناس ولا بداية إعجاب ولا تصرفات إقبال طلعو ليه فراسو)..
هاجر : حتى أنا..هبطو البنات ومعاهم ماريا بقبية وسروال سورفيت مع بانضة على شعرها فالغوز كتبان كتكوتة مع البرد والعافية حنيكاتها حمرين طابيعيين وفمها مورد بلا حتى حاجة كتبان واحد البرائة على وجها زوينة. بزااف..الهبطة لي هابطة مع دروج تلقى ليها جواد :
- كيف بقيتي شوية دابا؟(حاوطها بيديه من كتافها وباس ليها راسها)..هاجر بقات واقفة كتشوف فيه وترمش أما ماريا الهضرة مابغاتش تخرج ليها كاع بغات غير تسرط ريقها ناشف..
- ولد عمك عينيه مابغاوش يتحيدو علينا وبحال والو مغايمشي من هنا حتى نحيدهم ليه ضحكي..تبسمات ليه ودخلو لعند لبقية لصالون
أحمد : بنتي لباس عليك؟
ماريا(عنقاتو) :
- أنا الحمد لله أبابا بيخير.
- الكل : على سلامتك..
العربي : أجي ابنت خويا حدايا أجي..جات ماريا حداه خشاها فيه وعنقها
العربي : متعرفيش راسك شحال عزيزة عندي وغالية
ماريا : لهلا يخطيك عليا أعمي..
هشام : اووه انغير دابا شفتك سرقتي لي لواليد؟
ماريا : هههه صافي انت قداميتي أنا لي جديدة..
- يوسف (كيهمس فودن سومية) :
- عرفتي جيتي خايبة فهاد تريكو ربي أش هاد اللون ليموني كاتباني بحال شي مندالينة هاربة من سوق..جمعات فمها وشافت فيه مخنزرة :
- أنت سوقك أش حرق شطاطك هيا واحد نلبس حتى لفجلي كاع نولي نبان بحال شي فجلة وها دخول صحة شوف أراسك أنت بعدا بديك سبرديلة داير بحال دوك لعروبية لي حركو لطاليان ومكيعرفو يلبسو😡
يوسف : تكسابي أنت بحالها حتى تعرفيها بشحال مشرية
سومية : بزعطة سولك شي واحد بحالهم كيتباعو فجوطية غير ب20 درهم
يوسف : سيري سيري انت نيت وجهك غير وجه جوطية
سومية : وقيلة كتقلب على شي دكة هاد نهار؟
يوسف : شكون أيدكني انت البعلوكة..دور راسو يشوف واش شيحد كيشوف فيهم جات عينيه نيشان فعينين جواد كيخنزر فيه تخنزيرة ديال جمع وطوي ديك ساعات دار خمسة على فمو وسكت
سومية(كضحك) :
- يودي يودي على لخويويف😂😂
يوسف : الهضرة ماشي دابا حتى لمن بعد..
جات فتيحة نوضاتهم يتعشاو تجمعو على طبلة كلهم....
الحاج : ولدي كون غير عيطي على عمك يتعشا هو ومرتو
جواد : الواليد انا مدرت لحتى واحد شيحاجة لي بغا يهبط يتعشا مرحبا بيه الماكلة مافيها فكيع وزايدون مكلت ليه حتى كلمة لي تقلقو ولا تقلق مرتو انا مكلت غير الحق.
الحاج : أنا عارف هادشي ولكن هو راه حشمان منا على لي وقع..
جواد : هيا لي خاصها تحشم ماشي هوما..دفعات ماريا لكرسي أو وقفات
الحاج : الله يكملك بعقلك أبنتي..طلعات ماريا عندهم كتجري..
العربي : بعد المرات ولادنا كيحطونا فشي مواقف مكيعلم بيها غير الله
جواد : عمي الواحد خاصو يزير باش يلقى مايرخي ماشي يطلق اللعب ويخلي لولاد يضسرو ويديرو مابغاو..إلما غادي نربي ولادي مزيان مكاين لاش نولدهم..هبطات ماريا ورجعات لبلاصتها
الحاج : أمضرا؟؟
ماريا : هاهوما هابطين..
الحاج : وكلسنا ربوع ساعة هادي ومزال فتيحة ماحطات لعشا..
جواد (برودة) :
- فتيحة دخلات تنعس مسكينة من صباح وهيا واقفة..
شاف فيه الحاج بتعجب :
- إيوا هيا مكاين عشا؟
جواد : علاش مكاين عشا لخدامة جديدة غادي تجيب لعشا
الحاج : علاش إيمتا جبتي خدامة جديدة؟
جواد : اليوم فتيحة كبرات وعيات وخاص لي يعاونها شوية..شوية دخلات الخدامة هازة لعشا حطاتو على طبلة كولشي شاف فيها مبهوض ومصدوم..
الحاج : جواد أش هاد اللعب؟
جواد (بحزم وصوت رجولي تقييل) :
- حتى واحد ميدخل..
الحاج : ولكن..شاف فيه جواد
جواد : الحاااااج..حدر راسو الحاج بستسلام
جواد (على عينو فإقبال ) :
- أتبقاي واقفة كملي شغالك..كانت إقبال لابسة واحد السروال ديال البيجامة ودايرة طابلية جامعة شعرها سفنجة وجها مافيه نقطة ديال المكياج..بدات كتفرق عليهم العشا او والديها هابطين مع دروج شي لي خلاهم واقفين فدروج.
عصام : أتبقاي واقفة الما بغيتي تاكلي انا فيا جوع..هبط وخلا مرتو لي حتى هيا تبعاتو ونضمو ليهم على طبلة..سلات إقبال ورجعات لكوزينة..هاجر غمزات ماريا لي خرجات فيها عينيها بمعنى سكتي غير كيكون جواد على طبلة ممنوع تفنفين وتزنزين وضحك..
هنا هضر عصام..
- انا وزينب أنرجعو غدا لدار..
الحاج : علاش أخويا يلاه ليوم لي جينا؟
عصام : خويا راك عارف عندي حساسية من البرد وزيد عليها عندي خدمة ضروري نمشي(عصام أستاذ ديال الفلسفة ونفس الوقت كيعطي حصص ديال المسرح فدار الشباب)..
الحاج : والقرايا راه العطلة.
عصام : الدراري عندهم مسرحية وخاصني نكون باش نراجع معاهم الأدوار ونوجد معاهم داكشي باش خاصني نمشي..جواد منطقش كياكول حيت عارف عمو أول حاجة مقادش يشوف وجهو بنتو ومادارت ليه وتاني حاجة مابغاش يشوف هاد تبهديل لي جابتو لراسها اللهم يبعد..زينب شافت فيه وحدرات راسها حيتاش عارفة راجلها علاش مابغاش يبقى ومتفهماه وعادراه أي حاجة كتصدر منو كتفهمها عشرت سينين وسينين..
ماريا : أنا عارفة مدارتش زينة وتستاهل ماكثر غير كلت زعمة بلاش قدامنا..بقا جواد كيشوووف فيها ومصغر عينيه شاف فسقف خدا نفس طويل ورجع شاف فيها.
جواد : أنا مكندير لحاجة حتى نحسب ليها ألف حساب بلاما ديري فبالك ودخلي لشبوقات بعاد عليك بنت عمي ومربية على إيدي وعارفها شنو كتسوى مغاديش تجي انت وتكولي ليا شنو لي ندير..هبط عينيه بشوية لي ديه شافت فين كيشوف لقات راسها مزال شادة فيه فهمات راسها ونطرات إيديها من إيديه..خلاها ومشا لصالون..جات عندها هاجر كتجري
هاجر : شفتي أشنو دار ليها غزا فيها صراحة.
ماريا : واخا هكاك بقات فيا هيا تستاهل ماطرا ليها حيت كانت أتقتلني ولكن يردها خدامة جاتني بيزاغ.
خنزرات فيها هاجر :
-وحق الله إلى خويا خاص يعطيك شي قتلة شفتي هاديك اللفعة خاصها كتر وجواد مدار ليها هكا غير باش تربا شفتي لفعة وحسن منها زادت فيه بزااف مقالتني أنا شحال وهيا كتبغي تزدي ليا سلوكة مع خوتي وكانت كتزدي ليا سلوكة حتى مع ماما الله يرحمها تكول لي كاين ولي مكاين وتوصل ليها الهضرة كلمة بكلمة لدرجة ماما واحد المرة حبساتني فلاكاب..
وحق الله حيت كدبات عليها باش تبان عيا حسن مني مقالت خويا يوسف فاش كيجي عطلة كيجيو ديك ساعات هيا وعمي ومرتو وتكلس تعاود لماما على يوسف ومشات كدبات على بابا كاتليه يوسف كيكمي ويشرب حتى عطاه بابا قتلة ديال العصا وزيد وزيد هادشي غير لي نسيت أما خطيبها طارق مسكين وحق الله أماريا مشطحاه وهو كيبغيها كيحماق عليها ظل نهار ومطال تبهدل فيه وطفي عليه تيليفون وكتكولي ليا مسكينة هاديك راه هادشي وقليل فحقها عقلتي شنو دارت لرابحة مسكينة نحيا جواد خويا علاش دار هكا باش يربيها خليها مزياان..
ماريا : والله حتى خاصني شي دكة هادشي لي كلتي خاصها كتر من هكا
هاجر : وكوليها لراسك يلاه نيت نبرد فيها جنوني ونخلص فيها لقديم وجديد
ماريا (كضحك) :
- شريرة انت..
هاجر : لا والله ماهكاك ولكن بسباب دقت لويل من ماما منساش مدارت فيه بلعاني.
ماريا : ويلاه خوك يكوليك علم الله فاش كنهضرو..شدات هاحر فماريا ودخلو ماريا جات عينيها نيشان فعينين ربيع
ماريا(مع راسها) :
- اووف ياربي علاش خاطري كتهرب من هاد سيد علاش كيبقى يشوف فيا هاد شوفات هادو غير كنشوفو قلبي كيضرب ومكنرتاحش ليه عينيه اديال الغدر..
أحمد : إيوا وهكا بقات غادية الأمور..
الحاج : واحد السيد صاحبي كان حتى هو بحال هكا ولكن خرجوه هوما عيا يطلع فالمحاكيم والو حتى انت
العربي : أودي هاد الوقت كولشي على جيب تحركو كولشي ديالك محركتيه تما بقيتي وهادشي غير هنا أما أوروبا هادشي مكاينش..جواد عقلو مكانش معاهم كان حاضي غير ربيع وماريا لي من شوفات ديالها حاس بيها ممرتاحاش وبينو وبين راسو حالف حتى يعرف هاد ربيع أشنو كيدور فعقلو بحالو دازو عليه بزااف شوفات ديال الغدر لي فعينيه شاف بحالهم حيت دوز كثر من لي دوز ربيع وحتى واحد ميديرها بيه واخا يطير ولا ينزل..وهوما كيهضرو شي كيهضر مع شي كل واحد جابد موضوع فشكل مع لاخور نقز ربيع..
- لي بغيت نعرف هو جواد فين تعرف على بنت عمي؟..سؤال ديالو خلاهم يسكتو جواد دار رجل على رجل وتبسم ماريا كتشوف فجواد وفربيع لي هاز حاجب ومهبط التاني..
جواد : كيما كيتعرفو كاع الناس..
ربيع : ماشي هكاك زعمة ضروري تكون شي قصة ورا زواجكم ميمكنش يكون زواج تقليدي ولا زواج مصلحة(ورك على كلمة مصلحة)..ماريا عصبها ومكرهاتش تنوض تنتفو وتمحي ضحكة ديال الإستفزاز على وجهو ربيع من نوع لي كيضرب غير بالبارد ومن تحت لتحت..
ماريا : وقيلة فخبارك بلي صاحبتي الأنتيم بنت خالت جواد او جواد عم بنتها هكا كان تعارف..
جواد (كيحاول يستفزو) :
- تقدر تكول حب من أول نظرة..
ربيع : كيجيني عجب شي مغربي يعتارف بالحب ديالو قدام عائلة مراتو
جواد : هانتا كلتيها مراتي ماشي شي وحدة جايبها من زنقة ونعتارف بحبي ليها قدام الناس ماشي غير عائلتي..هزات ماريا راسها فجواد لي بدورو شاف فيها مدة محيدش عينيه عليها..
”قد تُسعدنا أشياءَ ﻻ قيمةَ لها
وقد يكونُ هُناكَ شيءٌ ثمين لا يعني لنا شيء
غالباً ما تكونُ البساطةُ طريقَ السّعادة”
- ربيع : سعداتكم بعضياتكم..شاف فيه جواد
جواد : العقبة ليك حتى انت
ربيع : هههه شفتي كون جيت قبل منك بشوية كون خطفتها ليك(كيضحك)
جواد : غير تهنا لحاجة ديال جواد كتبقى ليه عمر شي واحد مايقدر يحط عليها إيديه ولا عينيه..
ربيع : ممم مزيان الواحد يشد فالحاجة ديالو بيديه وبسنانو
جواد : خصوصا إلى كانت هاد الحاجة إنسانة كتبغيها كثر من راسك تقدر تقتل وتدفن على قبلها وبدم بارد(مع إبتسامة صفرا)
ربيع (بلع ريقو وتبسم) :
- أشنو جاب لقتيل لهضرة ههههه
جواد : متخافش غير هضرة كتجبد هضرة وصافي
ربيع : أنخليكم نمشي لبيتي نرتاح
جواد : مزال ماشربتي قهوتك
ربيع(وقف ) : لا غير بصحة وراحة وصل وقت نعاسي..
جواد : إيوا تصبح على خير...العربي الواحيد لي كان مخنزر فولدو حيت عارفو وحافضو مزياان وعارف ولدو شنو كيسوا وشنو كيدور ليه فدماغو ولكن حسابو معاه هو الآخر..أما البقية كان كيسمع ليهم ومافهمين والو النص فرحان لي هو يوسف وسومية العربي عاجبهم الحب ديال جواد لماريا ونص لي هو هاجر وماريا والحاج وأحمد ومليكة لي عارفين هادشي غير تمثيل فتمثيل..تمات داخلة إقبال بالقهوة وحطاتها ليهم..
جواد : ساعة باش توجديها واخا تكوني كديري قهوة إيطاليا أتوجد
إقبال : سسمحوليا..
جواد : وفرقيها شفتك واقفة؟. هزات صينية وبدات كتفرق على كل واحد كاسو ديال القهوة سخونة تدفيهم فهاد البرد..جواد شرب جغمة من كاسو بدل سيفتو وحطها
جواد : ختاري ياتنعسي مع فتيحة يا تنعسي على برا أش بان ليك؟
إقبال (سرطات ريقها) :
- واخا..رجعات ودخلات لكوزينة نيشان لبيت فتيحة شعلات ضو بانو ليها جوج نوامس نموسية فيها فتيحة مغطية وناعسة ونموسية خاوية ومحطوطة مانطة تخشات تحت المانطة وتغطات وطفات الضو نعسات ديك ساع بكثرة الشقا عيات محساتس على راسها إيمتا غمضات..أما البقية كل واحد طلع لبيتو ينعس..دخلات ماريا لبيت وتبعها جواد سد الباب لقاها واقفة كضرب برجليها وتشوف فيه..
جواد : كولي شنو عندك فيا نعاس
ماريا : هضر غير بشوية البنت ناعسة..زعمة شنو كاليك راسك تعنق وقت ما بغيتي وتبوس وقت مابغيتي راه بابا هذاك لي كالس ماشي جايني من زنقة بلاما تفوت حدودك معايا الله يرحم باك خلينا مزيانين
جواد (كيحيد فتريكو ديالو) :
- كولشي من ولد عمك
ماريا : واشنو أندير ليه أنا؟
جواد : إلى درتي راسك مراتي ديال بصح يمكن ليه يجمع راسو انت كتبيني لناس كامل بلي جايك من زنقة تجابهي معايا وتعلي فصوتك هاد المرة اتجيبيها فعظامك..وزايدون عادي راجلك وباسك باسك البراني؟
ماريا (اتاكل جنابها) :
- واش واش بغيتي تحمقني أعباد الله ولا تسيفطني لبرشيد راجلي راه غير قدام عمي اما بابا راه عارف شنو كاين لا هو لا الحاج واش بغيتي تحشمني معاهم يحسابلك هادي أوروبا(شافت فيه كيحيد حوايجو) وأشنو كدير دابا أشنو هادشي لي كدير فيه؟(كتشير ليه لراسو)دور راسو عندها هاز حجبانو :
- جواد : كنحيد حوايجي منحيدهمش؟
ماريا : تستر الله يرحم باك راك ماشي بوحدك.
جواد( وقف بكامل رجولتو قدامها الجسم ديالو المنحوت طول ديالو العالي لي كيخليها تبقى معليا راسها فيه بحكم قصر القامة ديالها البشرة ديالو البرونزية وعضلاتو لي مستفين وحدة تحت الثانية وسنسلة طويلة لي فعنقو لي زايداه جادبية) :
- انا حر فبيتي ندير مابغيت.
ماريا : أنت ماشي بوحدك فالبيت راه كاينة أنا...
جواد : أنا مالف كانعس بحال هكا بيك ولا بلا بيك غير ولفي..
ماريا : كيفاش ولفي كيفاش ولفي راه انتف راسي انت مالك كتقسح راسك معايا واش ميمكنش نكونو بحال الناس الحضريين؟؟
جواد (تعصب غوبش فيها وخنزر) (بحزم) :
- ماريا حيدي من قدامي ودوزي تنعسي إلى بغيتي تنعسي..
ماريا : دابا فرضنا مثلا نضتي لحمام وبابا خارج من البيت وشافك هكا ايكول غير درنا شيحاجة..جواد هز حجبانو وجاتو الضحكة دغية جمعها وبدلها بتغوبيشة..
ماريا : غير نعس أنت.. مداهاش فيها عطاها بظهر وتلاح فوق نموسية رجل طالقها ورجل طاويها داير إيد على جبهتو ولوخرا على كرشو وغمض عينيه..خرجات ماريا لحمام حكات سنانها ورجعات طلات على ليليا مغمضة عويناتها ومادة شواربها وناعسة باستها او وقفات شافت جيهتو مركزة فيه شوفة شوية دورات راسها ومشات جيهت سرجم كطل بعينيها وتنفخ شوية جات كطل عليه واش ناعس ولالا..كلسات على واحد الكرسي جامعة إيديها وكتخمم شوية وقفات تمات غادية من قنت البيت لباب لبيت غادية جاية بحال إلى بغات تولد كتاخد نفس طويل وتنهد تنهيدة طويلة ترجع تكلس على لكرسي وتلعب برجليها متوترة هزات تيليفون فتحات الكونيكسيون واخا ريزو ثقيل حاولات معاه ولو مابغاش يشد سداتو وخبطاتو معا طبلة وقفات طاوية إيديها كاتنفخ..ناضت وقفات غير بشوية غادية وكتسكل على ريوس صباعها حتى قربات ليه كطل عليه تحاول تشوف عينيه واش نعس قربات ودنها عند نيفو تسمع تنفس ديالو واش ديال واحد ناعس...مع هبطات راسها حسات بيديه شداتها وجراتها لاحتها على نموسية طلع فوق منها شد إيدها من ليمن ومن ليسر عينيها مكيتحركوش مصدومة..
جواد : بلاما تبقاي غادية جاية خايفة مني ديجا كتليك حتى حاجة مكتكون بزز خصوصا فهاد المواقف بلاما تبقاي كتنقزي فوق راسي..
ماريا : راه غير..دار إيديه على فمها كيضغط عليه حتى راسها دخل وسط المخدة
جواد (بصرامة) :
- غادي تغمضي عينيك وتنعسي نحس بيك نضتي ولا تحركتي أنوض نلوحك من سرجم تفاهمنا؟
ماريا : (الصمت)
جواد (بحزم خرج فيها عينيه) :
- واش تفاهمنا؟..حركات ليه راسها بأه..حيد إيديه عليها ورجع تكركب لبلاصتو طفا ضو لي حداه ونعس..بقات ماريا كترمش فظلام..
جواد (بحزم) نعسي..
ماريا : (غمضات عينيها) هانا..😪
الحياة سفر طويل طريقنا فيه مقصود غير أن منتهاه مجهول هناك مسارات تعثرنا فيها كثيرا و مازلنا نتعثر ونقوم لنكمل سيرنا من جديد فيها و ماسارات حل الخريف علينا وأسقط أخر أوراق أحلامنا و أخرى أنتهت بانتهاء حياة أحباب رافقونا فيها وهناك من مشينا فيها طويلا وتركتنا رغم أننا أحببنا السير فيها و أخرى مازلنا نقاتل من أجل البقاء فيها و ماسارات اكتملت بما تمنينا و حلمت به قلوبنا و أخرى رغم نهايتها مازلنا نستمتع بمنظرها من بعيد دون أن نقربها و نتألم لاكتمالها بدون وجودنا فيها هي الحياة سفر الأمل معطفنا الصبر حقيبتنا والمجهول وجهتنا🍃
- مع صبح الحال حلات ماريا عينيها دوراتهم جيهت جواد بانت ليها بلاصتو خاوية حسات براحة ناضت من بلاصتها بانت ليها ليليا مزال ناعسة دخلات لحمام هو لول رجعات لبسات تريكو دصوف طويل مع شورط وتريكو من لتحت لبسات تقاشر فرجليها ولبسات صندالة ديال الميكا مخطة بالكحل ولبيض..مع بدلات دخل جواد هاز كاس فيديه فيه عصير الحامض زلافة فيها دنون ولخوخ..مع دخل هز فيها عينيه من رجليها لراسها مستغرب فحالتها
جواد : غادية لسوق؟
ماريا : صباح الخير أشمن سوق؟
جواد : يا غادية لسوق يا غاتسيقي دار هاد الحالة لي لابسة ديال هاد جوج حوايج
ماريا : رجعنا تاني لباسي واش انت مكترتاحش من نكير
جواد : وانت كتقلبي على خلا ظار عشتك إلما بدلتي هاد الحالة راه رجال معانا فدار الالة يحسابلك راسك فسبانيا ولا
ماريا : أول حاجة لباسي عادي غير ديال دار تاني حاجة يوسف بحال خويا صغير لا هو لا هشام أما ربيع ايكون عينيه شابعين بنات بقات ليه غير وحدة بصندالت الميكة وزايدون انت وقفتيه عند حدو لبارح..
جواد(بحزم) : مارياااا
ماريا : عرفتي شنو أنا هاد نكير طلع ليا فراسي وحق الله واش كاعما عييتي براكة خلاص عليا..ضربات فيه وهبطات توجد ليليا ماتاكول..دخلات لكوزينة بانت ليها فتيحة او إقبال فايقات فالكوزينة إقبال غير علات فيها عينيها ودغية هبطاتهم.
فتيحة : بغيتي شيحاجة الالة؟
ماريا : لا انوجد الحليب ليليا..وجدات القرعة ديال الحليب وطلعاتها لبيت كان مزال حتى واحد مافاق فطريقها لبيت خرج ربيع من البيت ديالو شافها وتبسم ليها
ربيع : صباح النور..
ماريا : صباح الخير
ربيع : كي صبحتي مزيان؟
ماريا : أنا الحمد لله..بغات تخطاه تكمل طريقها وقفها
ربيع : بحال إلى جيتيني كتهربي مني؟!
ماريا : أنا كنتهرب علاش زعمة
ربيع : معرفتش هكا حسيت
ماريا : غير جاب ليك الله وزايدون انا وحدة مزوجة خاص نحتارم راسي ونحتارم راجلي
ربيع : وايلي واخا انا راه ولد عمك
ماريا : ههههه لي دايز ليك فزواج خاص تكون بينك وبينو مسافة وانا كنتعامل معاك عادي غير انت يمكن جاب ليك الله.
ربيع (بجدية ) : ماريا انت بصح فرحانة فزواجك؟
ماريا ( شافت فيه بستغراب) :
- علاش كتسولني هاد سؤال؟
ربيع(هز كتافو) :
- عادي سولتك جاوبيني انا ولد عمك وكبر منك ونقد نفعك حسبيني صديق حسبيني اي حاجة عاودي ليا حيت بعد المرات كنحس بلي جواد بحال الى كيحكم فيك وكيأمرك بحال الى ممزوجكش بحال إلى كيهددك..
ماريا : ربيع سمعني مزيان وحل ودنيك معايا هداك راجلي يحكني يأمرني يدبحني هو كاع كايبقى راجلي واخا تاني حاجة انت يلاه جيتي اول بارح درتي فيها محلل نفساني شوف عفاك مصلحتي وانا عارفاها وآخر مرة تبقى دخل فيا وفحياتي انا عليك بتيقار وحتى انت عليا بتيقار بيني وبينك شبر ديال تيساع بغيتي تقابل شيحد قابل راسك وخدمتك بلاما تجي تقابلني انا ودير فيها ابو بكر حركات..خلاتو واقف وكملات طريقها لبيت دخلات وخبطاتو بجهد..ربيع بقا واقف شحال وكمل طريقو..
دخلات ماريا لقات ليليا فاقت.
ماريا : أجي أحبيبتي نبدل ليك اووف بنادم كيعصبك على صبيحي الله يستر..نباها جواد من اللور
جواد : واييه مكيديهاش فراسو ولكن معندي منسالك أمراتي اعزيزة عرفتي كيف كتجاوبيه..هدارت كتشوف فيه مخنزرة..
ماريا : يخليها قاعيدة فيكم سلعة وحدة بحالك بحال بنت عمك كتسنطو ورا لبيبان..
جواد : توتوتو كاين فرق بين كنتسنطو وكاين فرق بين لي كيهضر صوتو مجهد بقاي تفرقي أحبيبة كضلميني..
ماريا(صدرها كيطلع ويهبط بالأعصاب) :
- شوف الله يرحم بوك انا معصبة بلاما تزيدني حتى انت الخل فوق الخلول يكفي غير لي خلاه فيا داك فار دكيك ديال ربيع..حنى جواد مقدش يصبر طرطق بضحك كيضحك كيضحك وهيا واقفة كتغلي من الداخل..حطات البيبرون هزات واحد المخدة عطاتها ليه لظهر..وقف جمد شوية ضحكة تحولات لتغوبيشة وتخنزيرة ديال القتيل..
جواد : شفتك زعمتي البعلوكة طوالو يديك وخاص لي يكردهم ليك ولا شنو..جرها من دراعها لصقها معاه ويديها دارهم ورا ظهرها..
جواد : ودابا شنو تقداو ليك(ضربها بروسية)
ماريا : أي بعد مني راسك بحال المهراز بعد
جواد : مزال كتهضري(ضربها بروسية تاني)
ماريا : وجواد واش حماقيتي راه ضريتيني اويلي..
جواد : مزال تعاودي(كيورك على إيديها ويعطيها بروسية)
ماريا : وصافي والله لا عاودت مزال..شدها ولاحها بجهد ..
على نموسية..
جواد : عندك زهر لقيتيني ناشط هاد الصباح أما نعكيك حسابك النقي نوريك تطوال ليدين..هز كاس من على لكوافوز وخرج..وقفات كتقاد فشعرها كتلهت..
ماريا : سير ياجواد انا أش بغيت ليك..طل عليها
جواد (بحزم) : كلتي شيحاجة؟؟
ماريا : كتليك اغير الله يخليك ديما ناشط..
جواد : متعطليش على الفطور..(ومشا)..
ماريا : اوووف..هبط جواد لتحت من بعدما خلى ماريا تشرب لحليب ليليا وتبدل ليها منين كيجي لفيرما أول حاجة كيدير فصباح كيفطر فطورو الأول المعتاد ويخرج يشم الهوى سوا يكون برد أو صيف عادتو هيا عادتو..دار إيديه فجياب تجاكيك ديالو وتم غادي كيتمشى سارح بعينيه حتى كيبان ليه جوج جوج وجوه كيعرفهم او مزيااان...
إقبال : شنو باغي ياك لاباس منين خرجت من دار وانت تابعني..
ربيع : نجيك من الآخر معنديش مع دخول ولخروج فالهضرة أنا عارفك شحال كتبغي جزاد وميتة فيه ودليل أنك حاولتي تقتلي ماريا ..
إقبال : انا ماشي قتالة اه كنعتارف كنت بغيتها طيح ولكن لقتيل لا ودابا سنو كاين طلق شنو عندك..
ربيع : بغيتك تعاونيني مكايجيكش زواج ماريا او جواد فشكل دغية وبزربة مابغياش تعرفي شنو كاين وشنو سر لي مخبيين..
إقبال : وانا شنو انستافد من هادشي؟
ربيع : كل واحد فينا عندو فايدة أنا بغيت ماريا وانت بغيتي جواد..خرجات إقبال عينيها فيه مصدومة من هضرتو
ربيع (دار إيديه فجيابو وشاف فسما ورجع شاف فيها ):
- شنو كلتي؟
إقبال : واش انت لاباس شوية راهم مزوجين مزوجين وانت شنو بغيتي ماريا متكولش ليا حب حيت عاد تعارفتو وعرفتيها بنت عمك..
ربيع (ضحك) ودار عطاها بظهر:
- ربيع المنصوري مكيبغي حد كيبغي غير راسو وصافي ولكن كنبغي تحدي ولي كيوقف فطريقي ويعاندني خاص نهبط مناخرو لأرض.
إقبال : كتهضر على ماريا؟
ربيع : مكايناش شي بنت مأشرت عليها ولا حطيت عيني عليها ومطاحت حتى ليها عجباتني عجبني كبريائها شموخها وتعالي ديالها العناد فعينيها وإصرارها..
إقبال : معرفتش شنو عاجبكم فيها؟
ربيع : شي حوايج كنعرفوهم غير حنا رجال ماريا تحدي بنسبة ليا وخاصني نربح هاد تحدي..
إقبال : حسن ليك بعد انت مكتعرفش معامن كتعامل معارفش شكون هو جواد الإبراهيمي معارفش سكون هو الريفي لي لكبير وصغير كيخاف منو خاصو غير يهضر..
ربيع : تبسم ) انت ماشي شغلك واش أتعاونيني ولالا..
إقبال(تبسمات) :
- قيلني عليك وعطيني بتيساع كون جيتيني قبل كون قبلت بالخف ولكن عمري فحياتي شفت شوفة ديال الحقارة ليا فعينين والديا يلاه طلعت من فعلة اترجعني لوحدة كفس منها بغيتي تلعب لعب بوحدك أما أنا منصلاحش ليك بلاما دور بيا مزال..ضربات فيه ورجعات لدار..
ربيع : بيك ولا بلا بيك قاد بشغلي...فلبلاصة لي كان واقف فيها جواد وسمع كاع الهضرة ضحك على سداجة ديال ربيع حيت كيف كالت ليه إقبال هو مزاال مكايعرف جواد وحسن ليه ميتعاملش معاه...
****
حتى إبليس يرتدي ثياب النصح
فقال لآدم :
"هل أدلك على شجرة الخلد "
فكن حذراً حتى مع الناصحين
ولا تعطِ ثقتك لأحدهم
فليست كل القلوب تنبض بطهر...
#عند_حورية..
كانت كالسة فصالون حطات لفطور وكلسات كتشوف فيه وساهية حتى دخل عليها محمد...
محمد : ناري على برد صابح هاد الصباح والله مقدرت النوض..
حورية : (لاجواب)..شاف فيها محمد :
- حورية مالك حالك مابقاش عاجبني..
حورية : الصمت
محمد : واحورية رجوع لله.
حورية (قفزات من سهوتها وشافت فيه) :
- مالك شنو كلتي؟
محمد : راه انت لي مالك صحتك لور لور غير ساهية مكتهضري متكلمي ياك لباس؟
حورية : هادشي كاع لي أنا فيه كيبغيتيني نكون اغير كوليا بنتي حدايا اعباد الله ومعارفة وجها حتى كيداير مقاداش نعنقها ولا نكوليها انا مك أشمن وجه انشوف فيها تاعط الله أمحمد جاوبني نموليها انا هيا مك لي خلاتك عندك عماين ومشات مع راجل أخور ولا أش غادي نكول كنموت امحمد ألف مرة فنهار سكر ولا غير طالع ليا طانسيو حتى هو كون غير مت ومخليت بنتي...بداو دموعها هابطين أما محمد كيشوف غير فياسين ليكان واقف مصدوم كيشوف فيهم..
ياسين : على أشمن بنت كتهضرو أنتوما..؟؟ علات حورية راسها فيه معندها سوق لي بغا يسمع يسمع عيات وملات..
حورية : بنتي بنتي ماريا بنتي
ياسين : شكون ماريا؟ علاش عندك شي بنت غير سومية؟
محمد : كلس أولدي انعاود ليك كولشي ونفهمك بالخاطر..
****
#فالفيرما..
كانو كالسين على طبلة ديال الفطور كيفطرو..
الحاج : عصام وزينب مشاو مع 6
جواد : أه عرفت حسيت بيهم فاش مشاو..
هاجر : خويا واخا نخرجو ورا الفطور نتمشاو شوية..على جواد فيها راسو
جواد (بصرامة) :
- خيل ممنوع ديريها فبالك براكة غير لي وقع بغيتو تخرجو معندي مانع ولكن رجلي برجلكم..
ربيع : بلاما تخاف عليهم أنا نخرج معاهم. شاف فيه جواد :
- بلاما تعدب راسك انت غير خليك مع الخطط ديالك تفكر كيف دير ليهم...ربيع تقرص وضحك ضحكة صفرا :
- أشمن خطط اجواد؟
جواد : كيفاش توسع خدمتك وتكبر مشروع ديال الأوطيل ديالك ولا نسيتي ولا عندك شي خطط وحدين خرين..
ربيع : اااه هههه لالا هوما..
لالا هوما نيت بلا زيادة بلا نقصان ولكن أنا جاي نبدل الجو ماشي نفكر فالخدمة.
جواد : حتى أنا داكشي لي كلت نيت..سد جواد الهضرة وكملو الفطور..ماريا كانت كتفطر وغارقة فتفكير فوردة حتى جات فبالها القرعة لي لقات دارت ليها طران فدماغها دورات وجها عند عمها..
ماريا : عمي كنت بغيت نهضر معاك ورا لفطور فشيحاجة..
شاف فيها العربي وتبسم ليها:
- أنكون فرحان نهضر انا وبنت خويا راس فراس..مع سلاو الفطور جات إقبال تهز الماعن هز ربيع فيها عينيه رمقاتو ودغية جمعات غوباشتها خنزرات فيه ورجعات لكوزينة..ناضت ماريا كتسنى فعمها ينوض وهوما يخرجو على برا دارت إيديها فدراعو وهبطو كيتمشاو..
ماريا : عرفتي شحال فرحانة حيت عندي عمي بقا فيا الحال فاش ماتت عمتي خديجة كانت عزيزة عليا بزااف
العربي : خديجة كانت عزيزة على كولشي تصدمت فاش كاليا أحمد بلي ماتت تمنيت كون غير شفتها قبل لا تموت..
ماريا : حتى أنا وحق الله الله يرحمها فهاد النهار.
العربي : أمين عاود ليا أحمد كيفاش حركتي(بدا كيضحك) كيفاش تصدم فاش دقيتي وحليك الباب خرجتي كتشبهي ليا عندك جبهة ومكتخافيش..
ماريا : الحاج كاليا بلي كنتي كتبغي شي بنت أسمها ماريا بصح؟
العربي : اياااه الحاج علم الله أش معاود ليك
ماريا (ضحكات) :
- ههههه لالا والله غير هادشي لي عاود ليا
العربي : أه ابنتي كنت كانبغي واحد البنت شحال هادي فصغر أشميتها ماريا ولكن الواليد الله يواليه برحمة الله مابغاش كان ريفي كاليا هاسخط هالرضى منديش نصرانية إيوا زوجني بمت دراري راه كانت اتجي معانا ولكن سبقات لعند دارهم تشوفهم بقات عندها غير مها داكشي باش مجاتش معانا ولكن علاش كاسولي؟
ماريا : واش داكشي باش سميتيني على سميتها؟
العربي : هههه اه داكشي باش سميتك ماريا..
ماريا : عرفتي اعمي وقعات ليا واحد الحاجة فشيشكل فاش وصلت لجزر فاش تلاحينا من لفلوكة وكنت كنعوم حسيت بشيحاجة تضربات مع راسي فاش جيت نشوف بانت ليا قرعة مفكرتش وهزيتها فاش وصلت لعند بابا لدار ودخلت ورتاحيت فتحتها كانت بحال دوك القراعي لي كيكونو فيهم البريات ويلوحوهم فالبحر وكانت فيها ورقة وهاد الورقة كان مكتوب عليها جوج سميات ماريا او نيفان وهداهم كلمة حب...العربي شاف فيها بستغراب شاف فسما وتنهااااد..
العربي : فاش كنت مع ماريا كنا خدامين بجوج فمخبزة ففرنسا كانت عندنا عطلة ومشينا لسبانيا ليلة لي كنا انرجعو فيها كتبنا سمياتنا على ورقة خدينا قرعة من محال متخصص فهاد القراعي ولحناها فالبحر
ماريا (مستغربة) :
- ولكن فين لحتوها مزال عاقل وكيفاش اتبقى من ديك المدة؟
العربي : لحناها فبارشلونة أما قضية كيفاش بقات اي ورقة طتبقى فشي قرعة ومسدود عليها كابقى مدة طويلة واخا تكون وسط لما حيت القرعة كاتكون مصنوعة من واحد الزاج خاص..
ماريا : ايكونو الماج لي جابوها لبلاصة فين لقيتها
العربي : كلشي ممكن وصدف جابتها حتى لبين إيديك باش تعرفي بلي قدرك مكتوب انت وجواد..شافت فيه ماريا بستغراب
ماريا : كيفاش مافهمتش شنو جاب لجاب..
العربي : انت لقيتي قرعة فيها سميتي وسميت ماريا وانت دابا مزوجة بجواد وجواد عندو عود بسميت نيفان نقدر نكوليك بلي العود نيفان هو حياة جواد داكشي باش أقداركم مع بعضياتكم وزواجكم مكتاب ومقدر..بلعات ماريا ريقها محملاتش تكدب على عمها ولكن مضطرة معندها مدير..
العربي : يلاه نرجعو..دارو باش يرجعو بانو ليهم لوخرين خارجين..
العربي (وقف) :
- خليك مع راجلك هاهو جاي انا انرجع بوحدي..
تلاقاو جواد والعربي فطريق تبسمو لبعضياتهم وصل عندها كيشوف فيها مبدلة
جواد : مالك شنو واقع؟
ماريا : والو مافيا لي يتمشى بحال والو نرجع لدار..شد فيها جواد فيديها وخرج عينيه
جواد : مغاترجعيش ربيع ورانا وغادي يشك راه سمعتي كاع لي كاليك صباح..شافت وراه بان ليها ربيع كيشوف فيهم حدرات راسها ودارت حسات بيديه شدات فيديها نزلات راسها شافت فيديه لي مشادة معاها وطلعات راسها شافت فيه ملامح وجهو ممقرياش..
جواد (وهو كيشوف قدامو ) :
- بلاما تحاولي تحيدي يدك حسن ليك..سكتات وكملو طريق كيتمشاو ولوخرين وراهم كيضحكو..
سيدها الجزء السادس
محتوى القصة
التنقل بين الأجزاء