- حدك تما انت نسيتي راسك ولا شنو لي تحكم على الناس بلاما تعرفهم شكون انت لي تجي تحاسبني با خويا يكما تيقتي راسك راه فعلا راجلي انت أش كتعرف على حياتي بعدا اش كتعرف غير هضر أ أه ولا انت حيت كان كولشي موفر ليك واخا ماماك كانت ماحنيناش المهم متخلاتش عليك وانت فأمس الحاجة ليها مخلاتك ولد عامين وهربات مكتخليكش بلا حليب وتعنقك وإلى بكيتي تهزك وطبطب عليك(دموع ماريا بداو هابطين بحال شلال)..
ماريا : شنو كتعرف عليا انت باش تحكم غير كوليا شكون كان يسرولني غير بابا شكون ينعس حدايا غير بابا إلى مرضت شكون يسهر حدايا غير بابا وبديت نكبر كانت كانت عمتي تديني لحمام ونشوف كاع لعيالات جايبين بناتهم ويمشطو ليهم هالي دايرة لحنة لبنتها هالي كتلعب حداها هالي كتكوليها بنتها أي ماما ضريتيني فشعري أي ماما راه هاديك ودني وانا عمري حسيت بداك الإحساس نهائيا كنت نشوف وانا ساكتة(بدات كتهدن شوية بشوية ودموعها ماوقفوش)..
ماريا : دخلت المدرسة وكنشوف لبنات معايا جايبن الخبز والفرماج كل واحد مفتاخر بماماه شنو دارت ليه وانا كنحدر راسي ونمشي نكلس فواحد القنت بعيد غير باش منشوفش داك الإحساس بعد المرات فاش كنكون جايا وكيبغي بابا يمشط ليا شعري كانت كتعجبني ضفيرة ولكن بابا مسكين كيديرها عوجة(ضحكات وسط دموعها) ومنين كندخل لقسم كيكولو ليا البنات :
ماريا : كان كيبقا فيا الحال حتى كرهت شعري ومكرهتش نقطعو ونخليه بحال دري..ومع دلك كنت كندير عين ميكة وبديت فالكبر وجات المراهقة شكون لقيت غير بابا الحنين يخرج معايا ويضحك معايا وينصحني حتى فاش بلغت وحتاجيت نعاود تغييرات لي فيا لماما مالقيتهاش ضطريت معاود لبابا كنت فينما نسولو عليها كيهضر عليها غير بزوين عمرو هضر خايب حتى عاودات لي عمتي خديجة كولشي من الأول كيفاش خلات بابا ومشات مدارتش وراها(رجعات شافت فيه) وكتكوليا نهضر عليها زوين انا بنسبة ليا ميتة ميتة مكنعرفهاش ماما ماتت ماتت عرفتي شنو ماتت..
جواد مجاوبهاش جرها من دراعها وخشاها وسط صدرو عنقها بجهد..
جواد : ششش صاف ماوقع والو صاف..ترخات وسط إيديه حسات براحة الحياة غريبة فالوقت لي خاصها تحس بالخوف وهيا بين إيدين العدو ديالها بنسبة ليها كتحس بالأمان وبراحة شوية بشوية بدات كترجع لطبيعة ديالها..بعدات عليه شوية كتمسح وجها..
جواد : حسيتي براحة..
ماريا : مافهمتش؟!
جواد : بعد المرات كيخصنا نخرجو شنو عندنا الداخل باش نحسو براحة كنكونو هازين بزااف على ظهرنا غير كنعاودو كنخففو الحمل وهادشي لي وقع ليك دابا..
ماريا : وصاااااااافي واكواك الحق صافي واش انتوما حيين تفوجو ولا تنوضوها الالة مابقيتيش تحاديه وانت مابقيتيش تحاديها ولبلاصة لي فيها هيا متكونش فيها وحتى انت حتى نرجعو ديك ساع حد ميشوف حد.
سومية : بصح عندك الصح..سمعو صوت جواد جاي من وراهم..
- حادثة اسيدي وعندو فقدان ذاكرة كان غادي وسارح السيد لي كان بغا يشد ليه طاكسي هكا كال..
جواد (معصب) :
- كمل خلاص شكون هذا؟
- خدام فأوطيل كان كالس فيه كان باغي يشد ليه طاكسي لمحطة حيت شاف حالتو ماشي حتى لتم كان فحالة صدمة وكان كال بلي مريض بحال الى ماشي فالوعي ديالو فاش دار عندو مالقاهش كان قاطع شانطي وضرباتو طوموبيل وكالو لافوت كان منو حيت مشافش الإشارة..
جواد : مكيهمنيش شكون الغالط شحال وهو تم؟
- تقريبا شي شهر ونص وهو فسبيطار.
جواد : خليك تم أنا جاي..من بعد هاد الخبر جواد شد طريق لكازا نيشان لسبيطار فين ناعس أمين دخل عندو بلاما ياخود إدن شي حد بان ليه أمين فواحد الحالة ميعلم بيها غير الله بوحدو...نفس لي تعرضات ليه وردة مع ءمين تعرض ليه جواد
- أمين : بعدو مني شكون انت سير فحالك بعد مني خليوني عليكم
جواد : خويا انا جواد خوك احبيبي واش معرفتينيش؟
أمين : انا مكنعرف حتى واحد حتى واحد سير بحالك سير...خرج جواد عند طبيب باش يسلو على صحة أمين..
طبيب : كنا انعلمو سلطات حيت شحال وهو هنا ومامعاه حتى اوراق تبوتية وزيد عليها...
وزيد عليها المستحقات مامخلصينش..
جواد ( القردة طالعة ليه ماعاقلش على راسو) :
- شوف الله يرحم جدك انا كنسول على خويا المستحقات ولا داك زبل انخلصو ليك بضوبل طلقني وزيد عليها هاد سبيطار زين ديالكم لي مخاصش يتسمى حتى سبيطار منرضاش خويا يكون فيه ودابا طلقني خلاص كوليا مال خويا..
طبيب : أحم عندو فقدان داكرة معاقلش على حتى حاجة من الماضي ديالو
جواد : هادشي عارفينو من بعد؟
طبيب : مخاصش يتعرض لحتى إنتكاسة خليزه على خاجرو ولكن المريض من الفحوصات باين بلي عقلو قبل من الحادثة معرض لشي صدمة لي خلاتو يفقد التركيز ديالو هادشي لي كيخليه كل مرة يجيه صداع لراسو داكشي باش خاصو معاينة طبية شديدة ويبعد على أي حاجة تقلقو..وقف جواد وخرج من بيرو ديال الطبيب خلاه غير كيشوف داز لاكيس خلص كاع المستحقات ورجع لشومبر فين كان أمين ولكن كيتصدم بلاصتو خاوية..بدا كيقلب ويدور فسبيطار بحال شي ثور هايج مخلى فين قلب فسبيطار وبرات سبيطار ولكن غبر ليه الأثر...
🔙#رجوع_إلى_الحاضر
ماريا (غير كتسنط وتشوف) :
- وشنو درتي من بعد؟
جواد : رجعت لهنا وكلفت من أول وجديد لي يقلب عليه على شحال فاش ماتت الواليدة وعرفت بلي وردة فاقت نا دخل الحاج وكاليا واحدة الحاجة لي فعلا عندو فيها الصح وردة هيا الوحيدة لي اتعاونو واخا انا خوه وعندي نفود نداويه ونرجعو بحال اللول ولكن قلبو عمرو مايرجع بحال اللول الما كانتش وردة..
" جميع العلاقات تصاب بفترة خلاف هذا لا يعني أنها نهاية العلاقة .. بل هذا يعتبر من أبسط اختبار العلاقات ..
من يوفي ، من يتحمل ، من يتفهم ، ومن سيرحل "
- فداك النهار بضبط وفديك العشية من بعد ما غربات الشمس وتشعلو الضواو وشموع فالأوطيل لي فيه أمين او وردة كانو بجوج كالسين جنب الحطب لي كانت شاعلة فيه العافية وراهم كيطون كبير ماليه كيدندنو أغاني غيوانية وحداهم طويبلات مجمعين عليهم النصارة لي جاي يدوز عطلة ولي جاي هو وحبيبتو كل طبلة عليها شمعة وكل واحد وهمو وردة كانت كالسة مربعة رجليها وكاشوف فديك العافية وداك الخشب كيطرطق أمين حداها هاز رجليه عندو وموسد ركابيه حاط عليهم إيديه وسارح..
أمين : بعد المرات كنحس براسي غير زايد فهاد الدنيا صعيب تكون عايش ومعارفش لا انت شكون لا سميتك لي عندك ولي كتكساب هوما شي لقطات بحال شي فيلم كيدوز فراسك وشوية ترجع صفحة كحلة وغير الظلام..شافت فيه وردة وجرات إيدو دارتها فيديها وتبسمات ليه بتسامة حنينة :
- غير بشوية أتفكر كولشي أهم حاجة دابا هو لقيتك حتى عائلتك أتكون فرحانة فاش تشوفك وتعرفك راه حي انا متأكدة فاش اتهز بنتنا اتحس بشيحاجة..
أمين : نهار أول مرة شفتك فمحاميد الغزلان حسيت بشيحاجة لحال الراحة عينيك كانت فيهم شيحاجة يمكن هاد الإحساس يكون طبيعي
وردة : حتى انا هكاك ربي الى بغا لجوج يكونو لبعضياتهم واخا يتافق البشار ديال دنيا كلها يفرقهم مغايتفرقوش انت غير عطي الخاطر لراسك حتى حاجة ماصعيبة الوقت لي بغيتي نرجعو لدار وتشوف عائلتك نمشيو من هنا..
أمين : خلي ليا شوية ديال الوقت يلاه دخلتي انت فحياتي وكنتعود عليك عفاااك عطيني من وقتك غير شويةويدير الله خير..
وردة : انا وقتي وحياتي كلها ديالك حاجة وحدة ديرها فبالك عمري فحياتي مغادي نخليك انا ديما معاك وفجنبك حتى برا وترجع حسن من الأول...تبسم ليها ورجع شاف قدامو أما هيا حطات راسها على كتفو تنهدات تنهيدة طويلة ورجعات طالقة ودنيها لنغمات الغيوانية لي كتسمع من الداخل ديال الكيطون وساهية فالمنظر ديال العافية لي طالعة من الخشب لي كيتحرق...
****
-تحط العشا مع 8 من بعد العشا ناض جواد لبيرو لي عندو فالبيت باغي يسيفط إيميل لواحد السيد شريك معاه فالخدمة غير هو دخل سمع الدقان..
جواد : دخول..كان عاكي بظهر فاش دخلات إقبال دار براسو شافيه ورجع شاف فواحد الورقة كانت فيديه
إقبال (كتلعب بصباعها) :
- أحم جواد سي جواد بغيت غير نهضر معاك فشيحاجة
جواد : امم كنسمع..
إقبال : صباح جا جا عندي ربيع ولد عم ماريا او او
جواد : هضري خلاص تابعاني لخدمة..
إقبال : طلب مني نعاونو باش يعرف شنو ورا زواج انت وماريا عو كيكول بلي شاك شيحاجة بيناتكم وبلي زواجكم ماشي عادي..
جواد (بلاما يتلفت جيهتها) :
- ومن بعد..
إقبال : أنا سولتو واش زعمة كيبغي ماريا داكشي باش باغي يعرف ولكن ولكن هو كاليا بلي مكايبغي حد وبلي واخد ماريا غير تحدي بنسبة ليه.. جواد وقف قراية فالورقة لي هاز ربط غوباشتو وشاف جيهت سرجم حط الورقة فوق البيرو ودار عندها تكا بظهرو على الحاشية ديال المكتب دار رجل على رجل وطوا إيديه..
إقبال : أنا عارفة راسي غلطت ولكن تيقني شوفة لي شافو فيا والديا قتلاتني ألف مرة من هاد العقاب لي عطيتيني..
جواد : وعلى وجهم خليتك بيناتنا وعطيتك هاد العقاب صغير مقارنة مع شي واحد أخور والله المعبود مكنت رحمتو حمدي الله وشكريه ألف مرة حيت جيتيني بنت عمي ومك مرة كنحتارمها وكنقدرها أما تشوفي مني لويل أ إقبال دابا سيري لبيتك ولكن متفرحيش غير بيتك أما خدمتك اتخدميها بحال لول.
إقبال : اوو او ربيع؟؟
جواد : خرجي داك سوق وهاد الهضرة متعرفهاش ماريا ولا غيرها مفهوم ؟
جواد : سمعني مزيااان شنو أنكوليك من هنا لغدا فصباح بغيت جميع المعلومات على ربيع المنصوري من نهار تزاد حتى لدابا شادة والفادة خطيني من دوك المعلومات ديال كوكل بغيت معلومات صحيحة شفتي لماكلة لي كياكل نعرفها كولشي خدمتو علاقاتو البنات لي كان معاهم كولشي أجلال مينقص حرف وكون راجل وبين ليا بلي نعول عليك..
جلال : كون هاني سي جواد عول عليا..قطع معاه جواد كيلعب بتيليفون وكيفكر فهاد الربيع وقصتو وعلاش ناوي وشنو بغا من زواجو هو وماريا..
#على_برا
واقفة سومية كتهضر فتيليفون..
سومية : والله أماما حتى كنلبس مزيان انت دايما مخلوعة
حورية : راكي عارفاني كنخاف عاجبك الحال مع ختك
سومية (تعجبات من كلمة ديال ختك لي خرجات من فم مها) :
- بغيتي تكولي ماريا ياك وياااه راه بحال ختي نيت عاجبني الحال وفرحانة ومرتاحة اتهناي عليا وديها فصحتك وفدوا ديالك
حورية : سلمي عليها
سومية : بلغ الله سلامك أماما يلاه سلمي على ياسين وعلى بابا...قطعات حورية الهضرة مع بنتها وتنهدات تنهيدة طويلة كانو كالسين فصالون..
ياسين : والله مزال ممتيق بلي ماريا بنتك وحق الله مصدوم من صباح سمحيليا أخالتي حورية ولكن قضيتك صعيبة والله..شاف فيه محمد خرج فيه عينيه
ياسين : شنو كنكول صراحة راه أصعب حاجة هيا مك لي ولادتك تخلى عليك والى عرفاتها كاع تزوجات وعندها بنت وكاع الحب والحنان لي تحركات منو عطاتهم لبنتها راه ايبقى فيها الحال وشوف زشوف واش تقدر تسمح ليها ولالت وانا عادر ماريا حيت لي دازت منو ماشي قليل واش فخبارك ماريا كان عندها 18رعام فاش حركات لسبانيا؟؟ هزات فيه حورية راسها مخرجة فيه عينيها :
- حركات !!!😲
ياسين : ااااه حركات باش تخلط على باباها لسبانيا حيت بقات بوحدها فأسفي وديما كانت بوحدها فاش تزوجات عمتها ومشات وباباها كان فبني ملال ديما كتبقى بوحدها لوقت لي كانت محتاجة فيه لحنين يكون معاها كانت بوحدها دارت لي ميديروهش الرجال وحركات فالفلوكة وسط المواج وبين الرجال كانت ممكن تموت فيها ولكن ربي لطف بيها نهار لي عرفت هادشي من صاحبتها زادت كبرات فعيني حيت قليل لي تلقاه يضحي بحال هكا وزيد عليها تحملات مسؤولية صاحبتها لي كانت فالفراش وربات ليها بنتها شفتي شنو داز عليها..حورية عينيها غرغرو بدموع وهبطو على وجها حيات بالحرقة فقلبها ولداخل ديالها كيغلي تخنقات ناضت من حداهم ومشات لبيت سدات عليها..
محمد : داكشي لي بغيتي رتاحيتي دابا دابا يطلع ليها طونسيو وسكر..
ياسين : كلت غير لي كاين طانت اتعرف ليوم ولا غدا وخاصها تعرف مداز على بنتها وكانت هيا سباب فيه..هز تيليفونو وخلا باه فالمراح دخل لبيتو وسد عليه..
هاجر : أيوا يوا جمع لسانك وعرف كيف تهضر انتوما راه فتو طيابات ديال الحمام وعيالات لي فسوق نكير لي ولا فيكم فين نبانو حنا ادورو دورة وتمسحو فينا يديكم زوينة هادي
هشام : دابا انت شكون هضر معاك وشكون دخلك
هاجر : دخلاتني قشابتي هيا لي دخلاتني صاحبتي كندافع عليها وانت مالك شغلك همك سوقك😡
هشام : شوفي انا راه ماشي بحال خاك يوسف تيتوا وجمعي معايا راسك راه نضربك نقلبك
هاجر : نموسية انا سداري باش تقلبني ياكما عجبوك بيدراتك ولحيتك
هشام : أش دخل لحيتي فالهضرة انت لي من نهار جينا لهنا وانت مكتسكتيش غير كطيري تقلي شوية راه كانت كتقول جدة الحجلة الخفيفة من السعد الصياد وتبتي شوية...ماريا داخت معرفات تسكت هادو ولا هادو حسات براسها بحال فوسط شي سوق والبراحة حداها
ماريا : (بالغوات)وسكااااااااااااات واكوااااااك الحق واش مكتقاداوش نسكت هادو ينقزو هادو واش فعمركم 4سنين صحاب الروض ومدارو هاد الحالة الحمد لله لي حنا بوحدنا ومكان جواد هنا اووووف صافي انا انطلع نجيب كيتار ديالي ونجي غير هنيونا يااااخ اريكة ناقصة زريعة القنب متحشمو مترمشو كدكم سايكين طيارة وانتوما بقات ليكم المناتفة ياااخ على نهار لي بغيت نجمع فيه معاكم كون انعست...طلعات ماريا كتبغم فدروج وهوما سكتو كيشوفو فبعضياتهم
هاجر : مالها؟😕
يوسف : معرفتش كانت صحة سلام..هبطات بالكيتار ديالها من بعد ما طمنات على ليليا نعسات سبقاتهم لبرا وناضو تبعوها شعلو واحد لامبات ديال الشمع كانت واحد الكليسة زوينة طبلة ديال الخشب وكراسة ديالها مفرشين خدات ماريا بلاصتها اما هوما كل واحد فين كلس وجر الكرسي ديالو حداها مقربين ليه..بدات كتريكلي فالكيتار تكاد نوطات ديالو مهبطة راسها وكتقاد وهوما كيساينو فيها تبدا..
- جواد كان كالس فالبيرو كيراجع شي وراق حتى بدا كيسمع نغمات جايا من برا هز راسو حط الوراق من إيدي وناض حل سرجم وطل براسو بان ليه ضو ديال شمع جاي من قدام باب الدار وصوت نغمات من إيدين ماريا دار إيد على جبهتو وإيد فجيبو وبقا واقف كيتسنط ليها..
- ماريا إيديها كانو على الكيتار بحال الريشة بقات غادية مع نغمات لي كتطلق إيديها غمضات عينيها ومشات لعالم أخور عالم كتلقى فيه راسها مع هاد الجو الزوين وعلى ضو الشمع وصوتها رقيق والحنين طلق أغنية دافية وحنينة..
- داويني جرح لي عماني وخلاني نشوف حياتي خلاتي نشوف حياتي ولا دور مشات
- طريق سلامة والعافية وسماح في بالي السماح في بالي وشي لي فات مات..
- هادي مدة وسنين وانا مرمي في وادي صابر عليك ياودي صابر عاليييك..
هادي مدة وسنين وانا مرمي في وادي صابر عاليك أهيا صابر عليك...🍃
“ويحدث أن يلمسك أحدهُم بعينيه يحتضنك بعينيه ، ويقتحمك بعينيه ، بعينيه فقط "
- مع أخر نوطات سالات ماريا الأغنية وفاقت من سهوة ديالها بتصفيق ديال لكليكة
هشام : واو مانيفيك..
يوسف : انا ايخصني ندوز عندك سوايع انتقيد عندك فالمدرسة مغانتفاكش..شتفت فيه سومية وغوبشات رجعات تبسمات وهيا كتصفق لماريا..
ماريا : ههههه ماسي حتى لديك درااااجة زعمة..
هاجر : ويلي بالعكس فن فن فن والله..
ماريا : إيوا دابا لي عندها شي بيت تمشي ليه ولي عندو شي نموسية يمشي ينعس يلاه..
هاجر : والله ماسخيت ولكن بصح فيا الموت ديال النعاس..وقفو كولشي حتى لماريا بقات كالسة شافت فيها هاجر..
هاجر : وانت مغاديش تنوضي تنعسي؟؟
ماريا : بغيت نكلس شوية بوحدي شوية وانطلع حتى أنا..
هاجر : متبقايش بزااف على برا راه البرد قاسح..
ماريا : واخا أماما كوني هانية..تمناو ليها ليلة سعيدة دخلو وبقات هيا كالسة تكات بظهرها على لكرسي معنقة لكيتار وكتشوف فسما وتلعب بظفارها فالأوتار ديال لكيتار تنهدات تنهيدة طويلة تفكرات هاد النهار كيف داز فعلا جواد عندو الصح منين هضرات حسات بواحد الراحة فالقلب ديالها حيت شحال مدة مافرغات هادشي لي كتحس بيه..
- البرد عليك حسن ليك دخلي..نتابهات لصوتو تقادات فالكلسة وشافت فيه واقف القمر هو لي مضوي على وجهو..
ماريا : مافياش لي يدخل دابا بغيت نكلس شوية
جواد : صوتك زوين..شافت فيه متفاجئة..
ماريا : شكرا..جر جواد الكرسي وكلس بقاو مدة وهوما كالسين..
جواد : بعد المرات كنستغرب ليك كيفاش بنت فالعمر ديالك ختارت تربي بنت ماشي من دمها ولحمها وقبلات بهاد الشرط وهاد اللعبة هادي ومتخلاش على هاد البنت عطاتها حياتها وروحها بحال إلى بنتها من كرشها فالوقت لي ممكن تخدمي ودوزي وقت زوين على برا تعرفي على شي واحد يبغيك وتبغيه وزيد وزيد..ضحكات ماريا ورسمات على وجها ضحكة بريئة..
ماريا : كون بغيت هادشي لي كتكول كون درتو قبل ما وردة تحمل انا كنت عايشة فبلاد الحرية بلاد أوروبية وحتى واحد مكيعرفني فيها وفيها غير نصارى يعني لي درتو جا عليا ولكن لا داكسي مكايجدبنيش نهائيا كندوز وقت زوين مع وردة ومع لي كانو خدامين معانا أه كندوز وقت حسن من الوقت لي اندوزو مع شي راجل..
جواد (بنظرات ممفهومينش) :
- هممم كيفاش تعرفتي على وردة؟
ماريا : فاش حركت لسبانيا قلبت على خدمة خدمت فواحد الصالون وكانت وردة خدامة فيه تعرفنا او ولينا كثر من صحابات حيت فالمغرب مكانش عندي صحابات كنت بوحدي ديما داكشي باش عيا فيها ختي وصاحبتي وماما فالحمالة انا كنت معاها وفالولادة كنت معاها كيفاش بغيتيني نتخلى على صاحبتي وعلى البنت لي شهدت على ولادتها وشديتها بين إيديا قبل ماماها نعطيها حتى روحي منترددش..
جواد : وياسين؟
ماريا : ياسين طبيب ديال وردة هو لي دار ليها ترويض..شوية سكتات وشافت فيه وغوبشات وقفات هازة كيتارها :
ماريا : دابا انت واش ملط طبيعي زعمة مافيك زغبة وحدة حيت كاينين لي كيلعبو الحديد كيحيدوه والى كنتي كتحيدو واش بلاصيغ ولا الخيط ولا لايزر...جوج خطوات كان حداها نزل عندها وحط يدو على فمها..
جواد (خرج عينيه فيها) :
- نحسب 3 نلقاك خمدتي تزيدي كلمة وحدة نخرجك على برا ونخليك تكلاصاي منسمعش حسك مزاال..بدات كترمش وتشير ليه براصو بأه..زول إيديه جرات عليها الغطا ودارت لجيهة لوخرا أما هو..
طفا الضو لي حداه وتكا فبلاصتو..كيحاول بغمض عينيه وينعس..
ماريا (بصوت خافت) :
- هو يسولني ونجاوبو وأنا لا زعمة كلنا راه ولا ضريف ومزيان نخليو العلاقة زينة بيناتنا محدنا تحت سقف واحد ولكن بنادم مايخليكش تبني صداقات عاجبينو بيدراتو زعمة انا نيت هبيلة كبرت ليه شان كانسول فيها نديها فراسي وندير 5 على فمي حسن..
جواد : هيا إلى درتيها دابا ونعستي..تجمع دم فوجها حيت سمعها مجاوباتوش..رجع قاد راسو كيشوف فسقف الضو قليل لي داخل من سرجم ولكن كايبين كيغمض عينيه كتجيه صورتها وهيا كتنقز وتضحك كيدور لجيهة لوخرا ويرجع على ضهرو ويرجع لجبهة تانية ويرجع على ظهرو لاهو نعس لاخلاها هيا تنعس..
الحياة سفر طويل طريقنا فيه مقصود غير أن منتهاه مجهول هناك مسارات تعثرنا فيها كثيرا و مازلنا نتعثر ونقوم لنكمل سيرنا من جديد فيها و ماسارات حل الخريف علينا وأسقط أخر أوراق أحلامنا و أخرى أنتهت بانتهاء حياة أحباب رافقونا فيها وهناك من مشينا فيها طويلا وتركتنا رغم أننا أحببنا السير فيها و أخرى مازلنا نقاتل من أجل البقاء فيها و ماسارات اكتملت بما تمنينا و حلمت به قلوبنا و أخرى رغم نهايتها مازلنا نستمتع بمنظرها من بعيد دون أن نقربها و نتألم لاكتمالها بدون وجودنا فيها هي الحياة سفر الأمل معطفنا الصبر حقيبتنا والمجهول وجهتنا🍃❄
- كانت ماريا ناعسة مزال وفغرق النعاس حتى سونا تيليفون ديالها مرة جوج مدات إيديها لتحت المخدة هزاتو عينيها معسلين بنعاس كتحاول تشوف نمرت من هادي بانت ليها نمرة وردة دغية جمعات النوضة وكلسات..
ماريا : ألو وردة..
وردة : صباح النور سمحيليا فيقتك
ماريا : من نيتك حماقيتي لا كيدايرة صافا شوشتيني أصاحبتي غابرة من شحال هادي فينك؟؟
وردة : انا فورزازات دابا بغيت نكوليك راه لقيت أمين..
وردة : واحد شوية مزاال المهم انت طمني العائلة عليه كيدايرة ليليا؟
ماريا : لاباس عليها راها ناعسة
وردة : توحستها بزاااف بوسيها ليا بجهد وسلمي عليهم كاملين..
ماريا : مرحبا بسلامك تهلاي فراسك بززاف
وردة : لهلا يخطيك عليا بسلامة.
ماريا : بسلامة..قطعات ماريا الخط شافت فبلاصة جواد مكاينش تاني غير يصبح صباح كيفيق هو لول..ناضت لبسات بانطوفتها كتسع صوت هضرة كثيرة على برا وهيا طل كان الجو زوين وشميسة باينة هاد النهار...بانو ليها شي رجال واقفين مع جواد كان لابس بروطكان تريكو لاصق معاه شوميز محلولة وتارازة على راسو..
جواد : خاص يكون راسك خفيف انت غير شوف الخدامة شنو كيديرو دير بحالهم صالح يوريك كيفاش دير تفاهمنا..؟
المتعلم : واخا سيدي كون هاني
جواد (شد عندو الفاس) :
- الفاس عمرك تشدو هكا خاصك تشدو هكا من راس باش تقل كامل يهبط عليه المهم الخلاص ديالك راه ديما تشدو عند صالح..وجه العضرة لصالح :
- إلى كانت شيحاجة مهمة علمني.
صالح : واخا أسيدي الله يخليك لينا ويطولينا فعمرك الله ينصرك ويفتحها فوجهك وينصرك على من عاداك ياربي سمح لنا أسي جواد..
الحاج : أودي اش غادي نكول ليك لي كات سباب راها فدار الحق وحنا فدار الباطل الله يسمح ليها ويغفر ليها هدا منكولو أبنتي غير يجي انديه عند أحسن طبيب يتبع معاه إن شاء الله باش يرجعو لبنتو ودارو ويتزوج بوردة وينجمعو خلاص براكة عليهم لي داز مساكن ميستاهلوش..
ماريا : الحمد لله على كل حال..
هبط أحمد هاز تيليفون فيديه..
أحمد : سبقتوني صباح الخير
ماريا والحاج : صباح النور...ناضت ماريا باست بااها ورجعت كلست..
أحمد : لبارح تاصل بيا سالم راه عارض علينا هاد الليلة لسبوع ديال نزهة
ماريا (هازة حجبانها) :
- وايلي إيمتا ولدات؟
أحمد : سيمانة لي فاتت كان بغا يكولها لينا ولكن مع جاتها لولادة صعيبة شوية تدعق ونسى مسكين كتليه راه حنا قراب نيت وراه عرض علينا كاملين دار كلها معروضة..
ماريا : أنا بعدا غادي نمشي الما بغيتو انتوما أنا غادية..
- لفين؟؟ كان جواد دخل وسمعها كتهضر وتكول أنا غادية..
ماريا : عمي سالم لي مقابل الفيرما عارض علينا كاملين لسبوع بنتو الليلة الما كنتو اتمشيو انا غادية
جواد : الى بغاو يمشيو سيري مغايمشي حد كلسي لأرض
ماريا : واخا مايبغيو انمشي ماشي راجل مسكين مكبر بينا وعارض علينا ومنمشيو راه أيحس بنقص لواحد هو لي يكون جتماعي شوية..تدخل الحاج :
- عارفك شنو غادي تكول مزال مسالاتش العقوبة ديالها هادشي مكنديروش من فراغ...دفع الكرسي ديالو وناض من على طبلة جبد تيليفون ديالو دخل لمكتب وسد عليه..هنا نطق ربيع
ربيع : كيجيني جواد بحال إلى زاد فيه شوية هادشي كامل ميستاهلش يديرو..ماريا عصبها بهضرتو حطات لخبز من إيديها وشافت فيه..
ماريا : انت جاك عادي حيت ماشي مراتك لي تأدات وكانت اتموت يااك كايجيني اولد عمي بحال الى عاجبك داكشي لي دارتو وجاي من جيهتها..
ربيع : متاخديهاش بحساسية ماشي كيستيو جاي عليها ولكن لي فات مات..
ماريا : بنسبة ليك انت مات ولكن راه زادت فيه وكاين شي حوايج مكتعرفهمش انت داكشي باش متبقاش غير تهضر..
العربي : جواد مدام تاخد قرار إلا واعارف علاش خداه وبلاما يدخل شي حد فشبوقات بعاد عليه وكون انا فبلاصتو اندير كثر منو داكشي باش مكاين لاش دخل اربيع هادشي بعيد عليك..
ربيع : انا غير كلت وصافي غير بقات فيا..
ماريا : ياسبحان الله وفاش وقع ليا لي وقع مابقاش فيك الحال!!
أحمد : ماريا براكة..
ماريا : كيفاش براكة مالي شنو كلت كنشوف البراني واقف معايا او ولد عمي ياحسرة كيدافع على وحدة لي كانت سباب فموتي زوينة هادي لا سمح ليا بزربة مغانسكتش وسكت بخال الى كتكوليا موتي وانت ابابا معلمتينيش نسكت..
ربيع : الالة انا غالط صافي سمحيليا غير هضرت وصافي...ناض وقف
ربيع : خليت ليكم الراحة..
ماريا : أنا انطلع لبيتي عني ليليا تبقى معاك ولا نديها؟
الحاج : لا غير خليها معايا..طلعات ماريا لبيتها تبعاتها هاجر وسومية...دخلات تلاحت على نموسية شادة فراسها تعصبات.
سومية : غير بشوية عليك بلاما تعصبي..
ماريا : ياااخ يعصب لي مايتعصب كيدخل فشبوقات بزاااف يسول على لعرس شوية بقات فيه إقبال ولاواه ظاد فيه تاني مال هشام ساكت مكيدخلش غير كيضحك ويلعب وناشط ومهامو والو..
هاجر : سمحيليا ولكن اختي نكولها ونعاودها هداك ربيع واقف لي هنا(أشرات لحلقها) والله شاهد عليا مكيدخل لخاطري..
ماريا : زيديني عليك هشام قلبو بيض هذاك من غينيه باين فيه مسموم وكيضرب غير من تحت الدف بحالو بحال إقبال نيت خلاوها المصريين" فولة ونقسمت نوصين"
سومية : وراه جواد عطاه نيت علاش كيقلب مكنحملش بنادم لفضولي لي غير كيتلاح فين يتكرض..
هاجر : دابا خليونا من هادشي شنو انلبسو البنات لعشية فسبوع واخا صراحة فرحانة نمشي ونفس لوقت محاملاش؟؟
هاجر : والو غير هاد الناس لي غاديين عندهم كنت كنبغي ولدهم ماشي حب ولكن كنت كيحسابلي حب وصدق بحالو بحال ولاد اليوم بغا زهو ونشاط ويكركبني..
سومية : ويلى كان بحال هكاك كيف كالت ماريا سيري وضحكي ولعبي وبيني ليه بلي عايشة بيه ولا بيه..
هاجر : مكلتوش ليا شنو انلبسو؟
ماريا : حوايج عاديين هنا راه مكاين لا قفاطن لا والو اغير تلوجات هههههه اتلبسي الي عندك وصافي..
هاجر : خسارة والله كون كنا فمدينة كون كريت شي قفيطين
ماريا : واش يحسابلك معروضة عند الوزير راه غير ناس بسااط مساكن ناس دالعروبية فشكال كيطون قدام دار وسدادر وناقوس صافي..
سومية : وراه الى جيتي تشزفي حسن هكاك من داك تخربيق لي ولا دابا داكشي كان بحلاوتو..
هاجر : المهم هو نبدلو الجو هدا هو المهم..
ماريا : ويلاه يلاه لي عندها بيت تمشي ليه يلاه توجدو ماتلبسو وتكادو كمامركم..
هاجر : انا اندوز اقلم على عيني والله ونماكي حتى جواد يدير علامي فوك جامع ويدفني وانا حيا..
ماريا : هههه عبر عليك يلاه سيرو راه الوقت دغيا كيطير وعرفتوه هو مكيحمل لي يتعطل نبداو نسمعو الهضرة تاني..
سومية : اه اختي بصح يلاه اهاجر تختاري معايا...مشاو البنات كيتحتو على شنو يلبسو وماريا حتى هيا ناضت باش تختار ماتلبس لعشية..
****
#فالمكتب
جواد : وي جلال برافو عليك داكوغ انا نتسنا ليميل دابا...قطع معاه الخط فتح البيسي ديالو وفتح الإيميل مع فتحو جاه ميساج من إيميل دجلال فيه كاع المعلومات على ربيع من حط رجليه فالإمارات...كيقرا ومصغر عينيه وهاز حاجب ومهبط التانيشوية تبسم بتسامة خفيفة..
جواد : اباباباباب ومحيح مع راساتك أسي ربيع...بقا كيقرا حتى وصل عند واحد المعلومات هز حجبانو بصدمة وضحااااك...
- إيوا دابا نشوفو كيفاش اتقد تفنفن قدامي من ورا هاد الخبار...ركب لكلي وهز ديك المعلومات دارهم فالكلي لي كانت على شكل كرة كحلة غير سالة منها حيدها من بيسي ورجع لتسبيح لي كايهز ديما معاه..
****
خلف كل نافذة قصة ، وخلف كل قصة ،
قلوب مختلفة منها من ، تنبض بـ الحب ، بـ الحنين ،
بـ الألم ، بـ الوجع ، بـ الفقد ،
و منها من تنبض بما لا يحكى !💔
- غربات الشمس وبدا الحال يظلام صوت الغنا وشطيح ورديح كيتسمع من كل جيهة كيطون كبير قدو قد الخلا واقف قدام دار سي سالم سدار مستفين بمخادهم وزرابي وطوابل ورجال كالسين بجلالبهم هالي يهضر على افلاحة الي يهضر على شتا كل واحد وحالو ولغاه دنيا كلها ضواو ريحة طياب كتعطي وناس داخلين خارجين اما العيالات فالكيطون لاخور لي ملاصق مع كيطون الرجال حتى هو بنفس الفراش العيالات كل وحدة واش لابسة اتكشيطة اقفطان اتحتية كلهم مزرات دهوبات وبديعة دايرة زيف لابسة واحد تكشيطة قديمة حريرية ومعليا كمامها لابسة سروال مطروز قندريسي وخاشية جلايلها فالحزام وكترحب بالعيالات..خرجات من عندهم تلكا ليها سالم بجلابتو البيضة..
سالم : واتي واش جاو الناس ولا مزال؟
بديعة : واش سي أحمد وماليه.؟
سالم : وايه هوما
بديعة : مزال ماشفت حد داكشي باش صبتيني واكفة نتسنى مرابانا يبانو
سالم : ياو عداك دخلي وماتشوفيهم بقاي هن..
بديعة : واخويي راني مكابلة طيابة لا دير هوك ولا هوك..
سالم : خلي معاها ختك زهرة وانت بقاي هن انا كتليك..مشا وخلاها ودخل عند الرجال وهيا بقات واقفة دايرة إيديها فطبلية صغيرة فين كاجمع زرورة ديال العيالات نص ليها ونص لبنتها😂...
وصل أحمد والحاج والعربي ودراري مليكة حتى هيا هازة ليليا عندها..غير شافتهم بديعة جات كتجري
بديعة : ومرحبا مرحبا بسي أحمد وعايلتو زارتنا البراكة..
أحمد : الله يبارك فيك سمحولينا هجمنا عليكم..نباه سالم من ورا مراتو غير شافهم وتم جاي داير إيديه ورا ضهرو كيجري..
سالم : وكولشي ديالك أااااا سي حمد هاويلي تا مالك براني لاتكولش هاد الهضرة وزايدون مالك جايب لبراني تارا جايب معاك يي الحاج عبد الرحمان ومن لا يعرفه تارا نهار كبير هادا عندنا..
الحاج (كيضحك) :
- الله يكبر بيك أسي سالم..
بديعة : ياو مرحبا بلالة مليكة وبليلى
مليكة : هههه مبارك ومسعود متزاد عند نزهة الله يكبرو فحضانها
هاجر : ضحك فينا حنا نيت... مع خرجو من باب دار قاعة الرجال أونفاص مع الباب كاعدين جواد وهشام والكل اونفاص مع الخرجة مع قشعوهم جواد فتح عينيه على جهد مصدوم اما هشام تمرغ بضحك يوسف جبد تيليفون وصورهم..غير شافوهم البنات تمو يجري و دخلو لقاعة جنب مليكة..
مليكة : اويلي شكون عطاكم هاد تكاشط؟😲
ماريا : غاسكتي بديعة متفاكات معانا حتى لبساتنا هاد جلايل وها ضرتي قصار او واسعين عرفتيها هيا قصيرة وعامرة..
مليكة(حابسة الضحكة) :
- وتهلات فيكم نيت😁
ماريا : ماما مليكة اغير طلقيها وضحكي درنا ضحك فراسنا ولي كان كان..
مليكة : حتى انت ساعة وتفوت..
هاجر : ماريا اري داك الصاك لي حداك اختي نرش ربحتي راه ريحة هاد الكافور خنقاتني
سومية : رشيني معاك حتى انا..الكيطون عمر بالعيالات واللعابات مقنتات فواحد القنت كيسخنو فطعارج وفالغرابل..فرقو الحلوة وأتاي هيا لولة على الناس باش يسدو جوع شوية عاد يبدا النشاط..
****
- عطاك الله الزين ويسوا ريح الي حاسدين
- عطاك الله الوين ويسوا ريح الي حاسدين
- والبهجويات بنات البهجة ديما ناشطين
- عطاك الله زين والفاسيات بالأناقة راهم كاينين...بداو العيالات وحدة تابعة لوخرا يشطحو ويهزو فالبوط..
- هاااا ويبغي ساهارات لبركة مع البنات ويخسر زرقات على سمرات وشهبات ويخسر مايعقل مايفيق حتى يحصل ونا لي قاتلني معدبني في كلبي انتيا واعر واعر انتايا ضونجي هاد نمرة لي كتعرف وراه شونجي...
- مليكة : تي نوضي شطحي مع البنات وانت لاصقة فيا...
ماريا : والله حتى هاوشوني..ناضت ماريا حيدات الحزام وتحزمات بيه وكلسات ستك ستك ستك وتمشا على ريوس صباعها غير شيخة صافي..
- وسحري لا بغيتي تسحري سحري لا بغيتي تسحري راني حالف منولي واخا تشعلي ناري فيا
- نتفاهمو بشوية بلاما تجيبي لبوليس وجادارمية.
- نتفاهمو بشوية بلاما تخلي خوتك يعسو عليا
- ضربتيني وبكيتي
- ضربتيني وبكيتي
- سبقتيني وشكيتي وشفيتي العديان فيا..
- واهواه واهواه ركادة مولا بوشعيب ايه هنا ايه هنا اه هو اه هو اه هو اه هو ومراكش واهيا سبعاتو ريجال الصحة يالعيالات....
ماريا : اوووف بردت غدايدي ياختي..
هاجر : ختي مساهلاش عندك متكولي..
ماريا : ومالنا حنا ساهلين..
سومية : أنا بعدا ضروني كدامي
هاجر : دغية عييتي ياختي باااز...
- مليكة : هانتوما هاديك لي مشات عند اللعابات اتكوليهم كل وحدة وبيمن مزوجة وشكيدير راجلها وغاينوضو يغنيو على لعيالات وعلى رجالاتهم وينوضو يعلقو ليهم ويشطحو..
هاجر : الحمد لله معندي راجل..
سومية : حتى أنا هههه ماريا قفرتيها..
ماريا : علاه مالني.؟؟
سومية : ايخصك تعلقي عليهم وتشطحي..
ماريا : ايوصلوني نهرب 😂😂..فعلا بداو اللعابات كيغنيو على كل وحدة فالحاضرات ولي غناو ليها على راجلها تعلق ليهم وتشطح كاين لي علقات وكاتليهم يغنيو على ولدها..ماريا أغير قربو ليها وقانيين عليها عارفينها مرات من حاصراتها وحدة لابسة قميص ومحزمة بحزام بالموزون وهازة صينية فيديها وبدات...
نجاة : الله الله على لبيوض أفاتن حمامة صافي اشفتك بيت نموت..
ماريا أكاتشوف فيهم هاجر وسومية كيتغامزو بيناتهم..
نجاة : أش سماك الله أزين؟؟
ماريا : ماريا..
نجاة : ماريا لوبيز(بداو يضحكو لاعابات بيناتهم).
نجاة : وسميت راجلك ازوينة..
ماريا : جواد...
نجاة : ويلي ويلي على سي جواد وتهلاي فيه..شافت فالعيلات لوخرين وهيا تبدا ضرب فالغربال ولوخرا صينية..
- وهادي علامن هادي على ماريا وهادي علامن هادي على لمسفيوية وماريا شكووون هيا ماريا زينت سميا وهادي على من هادي على جوااد وهادي علامن هادي رجالة اه هو أه هو اه هو واااا وهالاباس...وتهلاي فيه زين رجال وتهلاي فيه وتهلاي فيه زين لعزارة وتهلاي فيه وتهلاي فيه لحبيب لغالي وتهلاي فيه وتهلاي فيه تاع الجودة وتهلاي فيه وتهلاي فيه يا ماريا وتهلاي فيه وتهلاي فيه اماريا وتهلاي فيه وتهلاي فيه عاري عليك وتهلاي فيه...(ماريا محزمة وكتشطح وسط منهم وهاجر كتصورها بتيفون ديالها)...وينا حمالة تحملو وينا ركابة تنكبو واوعنك عنك لاتعنكشي من ولا يوعنك وبوس فسما حتى لصباح الحال ياوعطيه العصير ياوفكاس كبير ياعطيه العصير ياوفكاس كبير اااه هو اااه هو اااه هو ااااااااه واها لاباس..
-جبدات ماريا 50 درهم علاقاتهم ليهم..
هاجر : جبدي ا20 درهم راه كيديو معاهم الضوبل
ماريا : لي عطا الله عطاه دابا صافي...الوقت غادي زوين البنات خالقين السعادة أما رجال فجهة لوخرا كيسمعو للعابات ونفس الوقت كالس واحد السيد كيعاود ليهم النكات وحاط حداه اتاي هو لي متخصص فتعمارو...
- وصل وقت الماكلة..جات بديعة لعندهم..
بديعة : ومرحبا بيكم العيالات نهار كبير هذا عفاكم تجمعو 10 على طبلة أيتحط العشا يلاه الله يعطيكم الخير كل وحدة تشد ولدها عدها...بداو العيالات كيتجمعو 10 على طبلة ماريا وهاجر ومليكة وسومية تجمعو مع شي عيالات هوما هوما نيت..همسات هاجر فودن ماريا :
- زعمة يكونو أيديرو 5 دجاجات فطبسيل؟
ماريا : لاواه ايديرو بيبي على قدو ماشي 5 دجاجات تسطيتي راه يا 3 يا جوج مايفوتوهاش..
هاجر : انا بعدا انزرب على نص دجاجة اختي هاد خياتي لي معانا منجيو فين مقطعو الخبز حتى نلقاو غير إيدينا ورحمة..هاحر قتلات ماريا بضحك..تجمعو العيالات شي شدات ولدها عندها شي تخشا ليها تحت طبلة..كل وحدة وشنو كتكول كاين لي كتكول..
- تا أجي لهنا يا هاد العفريت واخا لطسيلتك حتى لدار فينما مشيت داير ليا تيحشيمين(مع ملامح ديال ليكزورسيست) او وحدة خرى..
- ختي بديعة فين الكابينة بغيت ندي حمزة..واش وقت ماكلة ولا طواليط...وكاين لي
- ختي بديعة جيبي كرسي لمينة عفاك..كل وحدة والهيت ديالها حتى بدا العشا كيتحك لي مكلفين بالحطان بنات العائلة تحطو طباسل فيهم 3 ديال دجاجات...بدا الهجوم الشامل ميبانو ليك سيكان كيتجبدو من تحت طبلة والميكات خبزة كتكال وخبزة كدخل لساك بداجاجها أما دجاج الإفتراس..هاجر شمرات على إيديها جرات دجاجة لعندها كتقطع وتحط لماريا وسومية..نقزات وحدة
- ياويلي دجاج طيرتوه..نباتها هاجر
هاجر : بانت ليك اهاد جاجة اما دجاجة لي ضربتي نصها فالخبز ودرتيها فساكك هاديك مسكينة كنتي مغيبة وزايدون لاش تحط اباش يتكال وزوينة هادي(نبات ماريا) هاكي الفخض انت عزيز عليك راه فيه جلدة مكرملة هاكي الهريسة كولي كولي...كونما هاجر كون بقاو بلاش..تهزو الهياكل العضمية وتحط طبسيل اللحم مع تحط مع تهزو الخبازات تاني اتحط طبسيل فطبلة ديال ماريا نقزات هاجر تاني على لحيمات لمخيرين ولبريقيقات وكلسات تحط لماريا وسومية أما مليكة كدافع على راسها...إيوا جاو وقت ديسير حتى هو ماسلكش..
ماريا طلعات ليها دم واحد خيتي حداها إيديها عامرين إيدام وكالسة وتمص فسنانها من لحم هزات ليمونة كدها كداش عضاتها بسنانها وكلسات تقشر بصباعها مع اتقشر أخر قشرة ترش منها الما مايجي غير فعين ماريا..
ماريا : الله الالة الله مالك عورة مكتشوفيش عامياني والغوال ومدايرين هادشي لي دايرة أنت.
سومية : أنا جايا معاكم تسناوني...تبعاتهم سومية دخلو لدار الداخل دنيا عامرة بان ليهم لافابو لي كان وسط الدار ومحطوط الصابون ديال ليدين غسلو إيديهم ومسحو بالفوطة..
هاجر : لبنات غادي نطرطق كترت الموناضة والما كرشي اتنفاجر
ماريا : وطواليط وحدة كاينة راه شفتي كيف عامرة والأكثرية رجال داخلين ليها
هاجر : مندخلش اختي وراهم شي رجال مكايكبو حتى لما كيخليو الما ديالهم هكاك صفر..
سومية : ماما كانت كتكول ليا الى دخل شي راجل لطواليط منين ندخل وراه نغسل طاسة بتيد حيت نقدر نحمل..
هاجر : اويلي حااي على تحملي😲
سومية : وحق الله العظيم
ماريا : هداي عليا عمري ماسمعت هاد القضية..
هاجر : وشنو دابا انا نطرطق ولا شنو عرفتي أجيو معايا انمشي ورا شي شجرة
ماريا (خنزرات فيها) :
- اويلي واش من نيتك البرد هدا وشتياني باغة تمشي لورا شجرة يلاه يطلع معاك البرد تولي فيك البرودة فنبولة
هاجر : اللهم اختي لبرودة فنبولة ولا نحمل منعرف حتى شكون باه واش المعطي ولا بوجمعة بغيتي تبقاي هنا بقاي اتمشي معايا سومية...خلاو ماريا ومشات هاجر وسومية فاتو كيطون الرجال بواحد شوية بعدو على الصداع..
هاجر : سومية وقفي هنا انا انمشي لورا ديك شجرة..
سومية (كتحك فيديها تسخنهم وتسوط فيهم) :
- سربي على البرد..مشات هاجر ورا شجرة قضات الغراض ديالها ورجعات عند سومية حتى سومية تحصرات ودارت مدارت هاجر وهيا كتسنى فسومية حسات بيد على كتفها قفزات من بلاصتها وضارت جات عينها فعين محسن نيشان..
هاجر : محسن شنو كدير هنا؟؟
محسن : شفتك منين جيتي وكنت بغيت نهضر معاك
هاجر : دورات وجها)
- مكاينش فاش نهضرو
محسن : كاين علاش مكاينش آخر مرة بلوكيتيني وبلوكيتي نمرتي اش دوك الفعايل زعمة؟😡
هاجر : حسبهم كيف بغيتي انت كلتي لي عندك وانا كلت لي عندي أخويا ومابقا عندنا مايتكال كل واحد يشد طريق..تمات جايا سومية كتشوف فيه بستغراب.
هاجر : سومية يلاه نمشيو..شدها محسن من إيديها
محسن (خرج عينيه فيها) :
- متبقايش ديري فيها صعبة المنال كون كدبت عليك او وهمتك بلي كنبغيك كون تحليتي وطحتي ليا فليد ياك ولكن فاش جيتك نيشان كترطاي عليا دابا..
هاجر (دفعاتو) :
- أنا بزاااف عليك متوصلش ليا كنت غالطة فيك يحسابلي راك راجل طلعتي غير شماتة...
محسن(كيشوف فيها بكره) :
- عجبك راسك البرهوشة يحسابليك راسك شان..
سومية : إيييه انت بعد منها كاتليك بعد منها بعد منها
محسن : انت دخلي سوق راسك مكاينش لي دواك(شاف فهاجر ) أما أنت..نباه صوت من لور..
هشام : شنو مالها هيا أش فجهدك مدير أاا
محسن : وانت مالك شغلك؟
هشام : أه شعلي وإلما بعدتي من هنا انخلي دار عشتك
محسن : انت تخلي دار عشتي وزعامة خايبة هادي
هشام : كنهضر بصح الما عطيتيها تيساع انخلي دار عشتك وبدل ساعة بخرا وسير فحالك
محسن : وإلى مابغيتش يلاه...شوية وقفات عليهم ماريا كتشوف فيهم مفاهمة والو
ماريا : أشنو واقع هنا؟؟
هاجر (عاودات ليها كولشي)..ماريا عقدات غوباشتها وجات قدام محسن..
ماريا : شوف أنكوليك جوج كلمات ماشي غير كانحتارم مك وباك طلع فوق راس راه قسما بالله المعبود حتى توصل ليهم خبارك لا خبار كلامك لهاجر وهضرتك ليها فتيليفون نوريها ليهم قسما بالله ولا هادشي لي كدير فيه عند بالنا راك راجل صدقتي برهوش شوف اتعطي لهاجر بتيساع ولا قسما بالله المعبود حتى دوك الفلوس لي مزال لحد دابا كيتخلصو عليك من فلوس راجل عمتي ديال لافاك أيتقطعو عليك ونزيدك خوها راه معروف شكون وحق الله حتى يدفنك حي اتعطي لهاجر بتيساع نعاودها وخليني محتارماك حسن ليك أمحسن ولا والله مايعجبك حال ودابا سير فحالك حسن ليك...بقا محسن واقف كيطلع فيهم ويهبط وهو يمشي فحالو..
تمو غاديين بتلاتة وهشام وراهم ماهضرش ماتكلم..حتى وصلو لبنات دخلو لكيطون لعيالات وهشام رجع مع باه ولوخرين وجه ماريا لمغوبش مدازش مرور الكرام على عينين جواد لي كان حاضيها فاش دخلات لكيطون ماحيلتو لشوهة لي لابسة ماحيلتو لشوفة لي على وجها..
ولا اللبسة لي لابسة..دخلات هيا كلسات مع العيالات ولعابات غير عمرو الكرش وعمرو سيكان وهوما يعطيوها لغنا وناشاط ماريا تكول غير دارو ليها البريز ناضت تشتف هاك بالاك
- نجاة(الاعابة) :
- حزميها حزميها..حزمو ماريا وبديعة دخلت تجري جايبة جفنة حطاتها لماريا طلعات فوقها وكلسات هادي تنفع هادي الضر هاجر مقابلاها وكتفيلمي فيها حتى بردات هوايشها مزيان عاد هبطت..
نجاة : الله يعطيك الصحة..رجعات ماريا لبلاصتها نباتها سومية :
- وهادي شطحة ديال الغدايد
ماريا : الى عمرات الكرش كتكول لراس غني(كضحك)...فجهة لوخرا جواد عيا ميسوني عليها والو شكون سمعك راه ماريا كاشتف سيفط ميساج ليها او والو..حط تيليفون ونابة لوخرين..
جواد : سيادنا نخليوكم وقيلة خاصنا نمشيو..وقف سالم وخرج عينيه.
سالم : تا أش ساير تكول أسي جواد فين اتمشيو؟
أحمد : جواد عندو الصح براكة هذا هو جهدها نخليوكم حتى انتوما يلاه ترتاحو.
سالم (كيشالي بيديه) :
- أوا عليا بليمين وباش كيحلفو الرجال لا مشيتو من هنا الليلة أتباتو هنا..جواد مهضرش خلى أحمد يتكلف
أحمد : الا اسي سالم منصيبوش حنا كتار تبارك الله أخلينا يلاه نوصلو
سالم : سي حمد صلي على النبي
أحمد : اللهم صلي عليك يارسول الله..
سالم : ورا ديك الخمسة(شد ليه فيديه) اوالله لا تحركتو من هنا صافي حلفت وزايدون شتاوات وطريق خايبة وظلام وماشي لمدينة هادي فيها ضواو صافي هضرت الليلة تباتو هنا..شاف أحمد فجواد..
جواد (كيحاول يتمالك أعصابو) :
- سي سالم حنا عارفين لي كاين ولكن حتى حنا خاص نمشيو
سالم : سي جواد مجيتك عدنا بدنيا ومافيها ولكن راه انا هضرت ولا زعمة حنا ماشي قد لمقام ولا😐
جواد : حاشا ولكن..
سالم : مكاين ما ولكن صافي إنتهى لكلام..جواد لأول مرة فحياتو يتزنزل يمكن حيت هاد ناس ضايفوه اخر ضيافة وكبرو بيه ناس بسطاء ولي فقلوبهم على لسانهم داكشي باش مقدش يكول شيحاجة مايقدش يأدي واحد يمكن يكون فعمر باه مهما كان الإحترام واجب لا على صغير ولا على لكبير وخصوصا هو معروف..
- انا من نهار عرفتك مابقاش عندي عقل كابقيتش كنكسابو انت راه بغيتي تشليني لي نكوليك كديري العكس ديالو واش محرشك شي واحد ولكن الهضرة ماشي دابا من بعد أماريا من بعد حسابك راه عماااار وهاد البياتة هادي واش عجبك الحال نبات فكيطون على أخر يامي نبات فكيطون..
جواد : قسما بالله حتى نخرج روحك بيديا كنحلف ليك انديرها شي نهار ومنتلفتش ورايا...ما طلقها حتى جيفها كتكح وعينيها غرغرو بدموع...قرب عندهم ربيع كيشوف فيهم بعلامة إستفهام..
ربيع : شنو واقع مالكم ياك لباس؟؟شاف فيه جواد وعينيه كيتطلق منهم القرطاس والشر..
جواد : شوف انت انكوليك جوج كلمات اتعطي لمرتي بتيساع ولا ميعجبك حال واخا وادخل سوق جواك كنبوس فمرتي انت شغلك سير قبل منخصر كمارتك..
ربيع : كيفاش تخسر كمارتي جمع راسك ومن حقي نسول على بنت عمي
جواد : حنيييين بنت عمك عاد عرفتيها بنت عمك مرتي ودابا اتمشي ت...فحالك ولا نجبد ليك ضواساك الخانزين..ربيع بقا أكيشوف فيه حدر راسو وعطاهم بضهر مزادش كلمة وحدة..
جواد : من بعد ونهضرو دخلي دابا...خنزرات فيه ورجعات لداخل لقات الكيطون خوا وناس كامل مشاو بقاو غير أهل الدار كلسات ماريا شادة إيديها رجع معاها العيا وجاها نعاااس جات بديعة عندهم
مليكة : والله مكدبتي مع عاهدنا مع الفروحة شحال هادي داكشي باش ماولفناش السهير..
بديعة : وها سمحو لينا أخويتي عطلناكم..
مليكة : متكوليش هكاك الله أودي مرحبا وألف مرحبا..دخلنا لدار لواحد البيت صغير شوية فيه جوج سدادر فوقهم المانط وعاد الارض مفرشة بزربية وكترت المانط وعاد مانط لغطا..
ماريا : انا بعدا انعس فالأرض..خديت بلاصتي بحال الى ناعسة فوق نموسية بكترت الفراش والبيت مع جا مطرف على الباب سخون تلاحيت وتغكيت حسيت بالعيا ورجليا كيضروني تخشات حدايا هاجر ودرنا ليليا وسطنا او ماما مليكة نعسات فوق سداري هيا وسومية..
ماريا : عنداك دوري وتنعسي على البنت
هاجر : مالي تسطيت وزايدون شوفي شحال ديال تيساع تبارك الله بيناتنا..جات عندنا بديعة..
بديعة : وتصبحو على خير..
ماريا : خالتي رجال اينعسو على برا؟؟
بديعة : وايه راه وا فرشنا ليهم وعطيناهم لغطا لا تخافيش راه داك الكيطون بسدة ديالو بحال الى مسدود عليهم فبيت ميدخل ليهم لا برد لا شتا.
هاجر : وا لفروحة هوما هادو المهم تصبحو على خير أنا ديشارجيت..
سومية : حتى انا وحق الله تصبحو على خير..
مليكة : تلقاو الخير
ماريا : معرفت اش جاكم حتى خمدتو بكري
هاجر : انا بعدا حواليت بنعاس بازز ليك انت من صباح دردكي ومجاك نعاس😞
ماريا : انا غانعس اتهناي..بقا كيتسمع لمشي ولمجي فدار والهضرة وصوت الماعن كيتغسلو وضو داخل من تحت الباب شي لي خلى ماريا ميجيهاش النعاس بقات غير ساهية وكتسمع لهضرة لعيالات شي يغسل وشي يستف الماعن شي مشا ينعس كل واحد هو شي ساعة هكاك عاد بدا صداع كيقلال سومية وهاجر نعسووو مليكة حتى هيا من غير ماريا لي قابة عينيها حيت مكتقدش تنعس فصداع سلاو ناس وكتسمع فسالم كيخرج فالغطا ويهضر مع بديعة شوية تقطع الحس وتطفا ضو تقلبات ماريا لجيهة ليمن ديالها وتغطات مزياان وغمضات عينيها تنعس..
#بعد_مرور_ساعة_ونصف..
- فعز نعاسها لي جاها حلو وحسات بدفا وسخونية تسللات لضلوعها ومع نعاسها لي واخا هكاك خفيف حسات بحال شي حس ديال المشية راس كيكوليها تحل عينيها وتفيق وراس كيكوليها راه غير مالين دار نعسي داكشي لي دارت ولكن حس باب البيت لي سمعاتو بحال إلى تحل خلاو عينيها يتحلو وميرمشوس مع ظلام كتسنا شنو غادي يوقع يكما شي سراق ولا بديعة نسات شيحاجة فهاد البيت زعمة..قطعات الحس ونفس وكتسنا أش أيوقع حتى من سرجم لي ايدخل منو ضو ديال لكمرة مكاينش..كمشات إيديها على المانطة وكدور فعينيها يمين وشمال فلحظة مكانت ضانة ولا عالمة عليها حسات بشي جسم ديال شي حد طاح عليها غوتت نص غوتة بالخف هزات تيليفونها شعلاتو وفيكساتو على لمخلوق لي تلاح عليها جات عينها فعينيه...مليكة كمزات من بلاصتها
مليكة : شنو واقع ياك لاباس؟؟
ماريا (بصوت شبه مسموع) :
- والو أماما مليكة غير شدني كلاكاج مع البرد
مليكة : قراي عليه وتغطاي مزياان
ماريا : واخا غير نعسي..رجعات مليكة تنعس وبدات ماريا كتنغز فجواد لي ناض من فوقها وناضت حتى هيا خرجات وجاراه..خرجاتو على برا وتقابلات معاه مغوبشة فيه
ماريا : واش هبلتي فعقلك ولا مالك اويلي داخل مدرم ومليوح عليا جابلاه ناس ناعسين واش بعقلك ولا شنو كاليك مخك..خرج فيها عينيه وحط يدو على فمها
جواد (بالهمس) :
- واخا تسكتي شوية عند بالك موحش فيك جاي نشوفك الغلط ديال داك سالم ماشي ديالي طلبتو يوريني طواليط فين وهو مدوخ بنعاس مخلانيش نعس بشخيرو كاليا ندخل لدار راه محلولة نبقى غادي الباب لي قدامي ومقابل مع الباب هو طواليط دخلت بغيت نشعل ضو مقطوع ولا قاطعينو ولا الله وعلم وغلط فالباب صدقت داخل عليكم..بقات ساكتة وكتشوف فيه شوية وهي تبدا كتضحك كتضحك مينة بضحك حيد إيديه عليها كيشوف فيها بتعجب😞
جواد : ياك لاباس ؟
ماريا : لا دابا كنتخيلك كون غلطتي ودخلتي على مرت سالم ولا خواتاتها وطحتي على وحدة فيهم 😂😂😂جاب الله طحتي أعليا أنا..بقا واقف وكيشوف فيها سكتات من ضحك وعلات فيه عينيها كتشوف فيه...شوية جاهم صوت سالم من برا
ماريا : سير سير أنا مشيت تصبح على خير..مجاوبهاش بقا واقف حتى دخلات ردات الباب ونعسات فبلاصتها كتسمعو كيهضر مع سالم..
جواد : مابغاش ضو يتشعل وبقيت حاصل
سالم : اسمح لينا اسي جواد وخلاص أجي معايا..تقطع الحس ديالهم من بعد شوية تسمع الباب تسد عفات بلي راه خرجو صافي غير كتفكر المنظر لي وقع كاتجيها ضحكة تحت المانطة غلب عليها نعاس وعينيها تقالو ورجعات غمضات عينيها ولكن هاد المرة مافيقها لاصوت لا والو نعسات نعسة وحدة...
****
" لكنك لم تفهمين بعد ، أنني حين أكون معك ..
لا ألتفت لهزائمي في مواجهتك ، لا ألتفت لحالة ضعفي الشديد أمامك ،
حين أكون معك كنت أشعـر أنني أملك القوّة لمواجهة كل هذا العالم ،
أنتِ لم تفهمين بعد أنني كنت أحتمي بكِ من هذا الخراب .. من هذا الحزن "
- صبح صباح جديد خاص خصوصا فالعروبية كيفيقو بكري واخت يكون عندهم شي فرح كيفيقو هوما لولين ريحة المسمن والبطبوط كيطيب والقهوة كتعطي وأتاي بتخليطة مع البرد مليكة أول وحدة فاقت :
مليكة (كتجمع شعرها وكتقاد زيفها) :
- ماريا ماريا ويلاه فيقي خلاص راه ناس فاقو نوضي هاجر وا هاجر
هاجر (كتشبح) :
- ممم شحال ساعة؟
مليكة : نوضو جمعو الفراش راه ناس فاقو..هاجر كتحرك فسومية كتفيق فيها فاقت ماريا كلسات كتستوعب فين هيا وتحك فراسها شافت فليليا لي مزااال ناعسة شابعة نعاس رجل فشرق ورجل فالغرب
ماريا : لاواه بالعكس خاصنا نيت نوضو باش يلاه نمشيو
بديعة : اويلي على تمشيو والله لا تحركتو حتى تفطرو راه جماعة درجال فاقو وكيفطرو دابا سيرو غسلو وجاهكم واجيو بسم الله..
ماريا : واخا خالتي ربي يخليك..دخلنا وحدة تابعة تانية لحمام عاد دخلنا لليت ديال لكلاس كانو كالسين شي عيالات سلمنا وكلسنا محطوطين جوج طوابل كبار دخلات ماما مليكة هازة ليليا كتشوف بعينيها..
مليكة : هاكي راه من صباح كتبكي بغاتك راه بدلت ليها ليكوش..
ماريا : ياختي ياختي وشكون توحشني أجي عندي أجي..هزات ماريا ليليا حطاتها على رجليها بدات بديعة كتحط الفطور هالبطبوط مغطوس فالعسل وزبدة بلدية المسمن وسفنج سخون زيت بلدية وجبن برارد أتاي والقهوة وزلايف ديال الحريرة ديال سميدة بزيت البلدية عاد الخبز ديال أفارنو
بديعة : وابسم الله مرحبا بيكم دار داركم..كولشي كيرد على بديعة بصواب والأداب وحنا راه الهيمري شادنا..بدينا الماكلة كلينا وشبعنا وعركناها..شوية جا واحد الولد صغير حنيكاتو حمرين بالبرد كيطل علينا ويشوف فينا حشمان بقا شحال حتى جات عندو بديعة..
بديعة : أيمن أشنو بغيتي سير تلعب سير...
أيمن (كيهضر ويلعب برجليه ويندغ الهضرة) :
- خالتي واحد الرازل كاليا نعيط على واحد المرة سميتها(كيطلع خنونتو) مانيا..
بديعة : واش ماريا ؟ أشر ليها براسو بأه
بديعة : واخا يلاه هاك خود كول وسير لعب(عطاتو سفنجة غير شدها ومشا كيجري..)
بديعة (نبات ماريا) :
- بنتي ماريا راجلك يمكن كيغوت عليك(كيعيط عليك)..
ماريا : أه واخا ماما مليكة شدي ليليا أنا جايا..مدات ماريا ليليا لمليكة ناضت تخطات هاجر وسومية لبسات واحد صندالة فرجليها وخرجات بان ليها واقف شاد كارو فرجليه كيكمي..غير على راسو بانت ليه لاح الكارو من ايدو وعسف عليه برجليه كيتسناها حتى وقفات حداه..
جواد : مغانمشيوش؟؟
ماريا : يلاه فطرنا الى بغيتي نمشيو دابا يلاه
جواد : انا انتسناكم بينما ساليتو متعطليش عليا..
ماريا : واخا انا ندخل نعلمهم..عطاتو بظهر ودخلات كالتها لبنات ولمليكة ناضو من على طبلة علمو بديعة واخا عيات تشد فيهم ولكن صافي صممو يمشيو لبسو مونطياتهم وصبابطهم قبل لخروج من دار سالم جات بديعة كتجري هازة صندوق فيه زبدة حليب بيض جبن باش يديوه معاهم بقا واقف معاهم سالم حتى ركبو شكروهم على حسن ضيافة وهوما يشدو طريق لدار..
#وهوما_فطريق
جواد : غدا أنشدو طريق لإفران
ماريا (شافت فيه) :
- وعلاش يلاه 3يام هادي باش جينا مزال مسالات لعطلة؟!
جواد : الى رجعت اترجعو كاملين حتى واحد مغادي يبقى...مجاوباتوش ماريا مافيهاش لي تناقش معاه والبنات معاها ربعات إيديها وشافت فسرجم..
ماريا : لي بان ليك..
ﻟﻢ ﻳﻜﻦ ﻫﻨﺎك ﻣﻦ ﻳﻘﺒﻠﻨﻲ ﻛﻤﺎ أنا ، وﻟﻢ ﻳﻜﻦ ﻫﻨﺎك ﻣﻦ ﻳﺤﺒّﻨﻲ بقدر ما أريد ولكنني ﻋﺰﻣﺖ ﻋﻠﻰ أن أﺣﺐ ﻧﻔﺴﻲ ﻷﻋﻮض ﻫﺬا اﻟﺘﺮك.. 💙..
- رجعو لدار غير وقفو فدام الباب وهو يتفتح خرجات منو إقبال مبسمة ليهم على جواد فيها عينو بلا هتمام خرجو شانطات ديالهم وتمو داخلين..
إقبال : على سلامتكم..الأغلبية جاوبةها من غير ماريا وهاجر وجواد..دخلو لظار لداخل كل واحد طلع لبيتو ماريا طلعات لبيتها وجمعات باقي حوايجها فالباليزة كتوجد فيهم...دخل عليها جواد كيطلع فيها ويهبط..
جواد : شفتك كتوجدي فباليزتك..!! علات فيه عينيها بتساؤل :
ماريا : مابغيت والو بغيت نمشي بحالي واش نكلس بزز...كلاها السرجم لي وراها داخلة منو أشعة ديال شمس لي ضرقها هو بطول ديالو..
جواد (بحزم كيخنزر فيها) أنكول ليك واحد جوج كلمات مشي ليوم مكاينش ولي كلتها هيا لي أتكون وكلامي فهاد الدار هيا لي أتمشي فهمتي ولا نفهمك بشي طريقة خرى😡..حط سوارت طوموبيل بجهد فوق طبلة لي فجنبها دار وعطاها بظهرو ودخل لحمام..تعصبات ماريا حيت مكتحملش لي يتحكم فيها هزات تيليفونها وخرجات من البيت خرج من الحمام مبانتش ليه غوبش وبقا غير كيفكر...
- هبطات ماريا لتحت كلسات بوحدها وهو يهبط ربيع..علات فيه عينيها ورجعات هبطاتهم..كلس قبالتها دار رجل على رجل وكيشوف فيها..
ربيع : ماريا واخا نهضرو شوية؟
ماريا : انا كنسمعك
ربيع : معجبنيش طريقة باش هضر معاك جواد البارح
ماريا (علات عينها فيه) :
- ربيع وقيلة كتليك هداك راجلي وهاديك.حياتي وانا حرة فيها راجلي ويهضر معايا كيفما بغا مشغل حتى واحد فيا الى كنتي اتهضر على هادشي غير بلاش حسن...
ربيع : دوماج والله كون شفتك قبل كون..
ماريا : كون أش؟؟ربيع الله يعطيك الستر خلينا مزيانين
ربيع : علاش أنا شنو كلت انا كنكول غير لي كاين المشكلة ديالك اماريا مكتبغيش تناقشي فهاد الموضوع حيت عارفة كلامي بصح..وقفات ماريا كتخنزر فيه عصبها..
ماريا : انكول ليك واحد جوج كلمات انا مكنخاف من ختى واحد هالولة تاني حاجة اتعطيني تيساع ونزيدك انت بدات مكنرتاحش ليك وانا مزوجة وكنبغي راجلي وراجلي كيبغيني وآخر مرة تجبد معايا هاد الهضرة هادي..يلاه اتخطاه حسات بيديه تحطات على دراعها وزيرات عليها رجعها لعندو وعينيه حمرين..
علات عينها فيه كيفاش كيشوف فيها..
ربيع : عمرك تهضري معايا بهاد الطريقة ديري فبالك انعرف اش ورا هاد زواج غير تهناي أنا الى مشيت حتى درت الحاجة فراسي كنديرها ونهار الآخر أنخليك ليا أماريا..مع طلق إيدها هزاتها حتى لسما وصوراتها ليه فوجهو قربات لوجهو وعينيه لي ولاو كيف جمر شاد فحنكو..
ماريا (بهمس) :
- هادي باش عمرك تحط إيديك على مرات راجل وانا راه عمري نكون ليك انت مريض وخاصك تمشي داوا حسن ليك وعطيني شبر ديال تيساع ولا انوصلها لعمي...ضربات فيه فتحات باب دار وخرجات على برا..
خرجات ماريا قدام الباب معرفتتش علاش جاتها واحد الغمة على قلبها غريبة حاسة براسها بغات تبقى بوحدها وتبعد من هنا عنقات إيديها وخدات نفس عميق جرات الكرسي لي كان حداها وكلسات كتشوف بعيييد علاش كتحس بلي معاشتش شحال من حاحة فحياتها وطفولتها ناقصة معاشتش الحب معاشتش بزاااف ديال الحوايج لي كانو ناقصين ومها سبابهم كون كانت مها دابا جنبها كون خوات عليها قلبها وعاودات ليها شحال من حاجة ولكن فين هيا هاد الأم حتى وجها معرفاه كيف داير..
***
🌱عابرون و الدنيا ليست لنا
سنمضي يوماً تاركين خلفنا كل شيء
اللهم اجعل تواصلنا بر وكلامنا ذكر
ومحبتنا في الله طول العمر
ربي اختم حياتنا بعمل صالح نلقاك به وأنت راضٍ عنا يارب العالمين🌱
دازت العشية عادية ماريا بقات على برا مابغاتش تدخل وفضلات تبقى بوحدها ماتهضر مع حتى واحد حتى ظلام الحال عاد ناضت ودخلات...شافها باها وشاف ملامح ممفهوماش على وجها وقف وجا عندها..
أحمد (شاد فكتفها) :
- بنتي ياك لاباس مالك شفت لون وجهك مخطوف😕
ماريا : لا أبابا والو غير وقيلة كترت الماكلة لي فسبوع ضراتني ومجاتش معايا داكشي باش بغيت غير نعس
أحمد : زعمة أنا مكنعرفكش ماشي أنا لي مربيك كتخبي على باباك ياك😐
ماريا : لا ابابا والله ما هكاك..علات فيه عينيها وبدون سابق إنذار عنقاتو وزيرات عليه
- بابا عفاك واخا تجي حدايا حتى نعس كيف كنتي كدير معايا فصغر...بعدها عليها شوية تبسم ليها ودوز إيدو على راسها عنقها وطلع هو وياها لفوق تحت أنظار الجميع فتحات باب بيتها مكان حتى واحد حتى ليليا كانت مع مليكة أغلب الأوقات ولات كتعمر معاها تكات ماريا على نموسيتها وتكا حداها باباها عنقها وبدا كيدوز إيديه على راسها..
أحمد : بنتي شنو واقع ياك لاباس عاودي ليا عمرك خبيتي عليا...
- جواد كان جاي طالع وصل حدا البيت وسمع صوتها لي كان متأتر وهيا كتعاود لباها..
ماريا : معرفتش ابابا مالي يكدب عليك الكداب يكوليك أنا عارفة حاسة براسي مضيعة بزاااف من حياتي والله معرفتش يمكن الفترة لي كنت محتاجة فيها الأم لي ولداتني عيا لي ناقصاني ولا يمكن حيت معنديش خوتي(ضحكات) ههههه معرفت شي أحاسيس فشكل مخلطين عليا..
أحمد : سمعيني أبنتي مزيان انت مزال راه لقيتيني أنا بجنبك ومعاك كاين لي معندو لا حنين لا رحيم كاين لي مرمي فشارع وكاين لي معارف حتى والديه شكون هوما وزيد وزيد أما انت راه تحمدي الله وتشكريه على هاد نعمة معاك انا ومعاك مليكة وصاحبتك وردة كتبغيك وهاد ناس حتى هوما كيبغيوك واخا يلاه تعرفتي عليهم..
ماريا : أه بابا بصح هادشي كاملو عندك فيه الصح غير ساعتو لله وصافي بعد المرات كتجيك شي وقات مكتبقاش حامل راسك وكتوحش شي تفاصيل صغار بزاااف هادشي علاش..(علات عينها فيه تبسمات وتمخشات فيه) ..
- ماريا : أنا فرحانة حيت انت معايا الله يطوليا فعمرك
أحمد : أمين أبنتي الله يحفظك ويسترك ياربي...بقاو شحال وهوما ساكتين ورجعات هضرات
ماريا : بابا انا فخباري كاع لي كرا شحال هادي
أحمد : شنو طرا مافهمتش؟
ماريا : فخباري ماما خلاتنا وهربات وتزوجات بشي واحد أخور..
أحمد (شاف فيها مصدوم) :
- شكون كاليك هاد العضرة هادي😲
ماريا (كلسات وشافا فيه) :
- عمتي خديجة قبل متزوج عاودات ليا كولشي..
أحمد : لاحول ولا قوة إلا بالله هاد خديجة لي فيها مايهنيها الله يرحمها..
ماريا : علاش خبيتي عليا وبقيتي غير ساكت؟
أحمد : أشنو انكوليك حسن نبقى ساكت وتبقى صورة ماماك بعدا مزيانة واخا انا راه عاضرها ومحاقدش عليها وحق الله محاقد عليها حيت سبب فهادشي هوما الوالدين الوالدين لي كيبغيو الخير لولادهم وكيصدقو خارجين عليهم..
ماريا : بحالاش؟؟
أحمد (كيضرب على إيديها) :
- ماماك كانت كتبغي واحد السيد بزااااف وهاد السيد والديه مابغاوهاش حيت كانت على فد الحال او زوجوه هوما بشي مرا وماماك مها كانت واعرة بزاااف فيها أول واحد ايطرق بابهم زوجوها ليه وهاد سيد كان أنا مكانتش كتبغيني وعمرها مانسات الحب ديالها الأول داكشي باش أول فرصة مشات فحالها..
ماريا : بابا هذا ماشي مبرر باش تسمح فكبدتها وانا شنو دنبي أ؟؟ لي تلوحني بنت عماين حتى حليبها مرضعاتوش ليا ديك ساعات متولدنيش كاع تهنا وتهنيني أنا من هادشي.
شاف فيها أحمد بشوفة فشكل
أحمد : هيا دابا معجباتكش تربيتي ليك؟؟
ماريا : أويلي ابا عمرك تكول هكاك انت هو تاج راسي أنا بلا بيك مكنسوى والو أنت أحسن حاجة فحياتي والله..تلاحت عليه عنقاتو بجهد كتبوس ليه فكتافو وفراسو وفيدو...
أحمد : الله يخليك ليا أبنتي يلاه رتاحي شوية دابا واخا وانا انوصي يطلعو ليك العشا..
ماريا : لا أبابا والله مافيا لي ياكول انا انعس شوية واخا..
أحمد : واخا يلاه رتاحي..جواد لي سمع كولشي رجع بخطوات لور ودخل لواحد البيت بينما سمع باب بيتو تسد وصوت خطوات أحمد فالكولوار عرفو هبط عاد فتح الباب وخرج..
كبرت ما عدت طفلة أقولها وكم تحرقني هاته الجملة نعم لم تكن سهلة كبرت عندما بدأت أفضل العزلة صرت أنام متأخرة استيقظ في الليل مئة مرة عندما استبدلت الحليب بالقهوة السوداء المرة كبرت صار الزحام يخنقني الكلام الكثير يرهقني الوحدة تسرقني الذكريات تمزقني صرت أحب الهدوء إلى الأماكن الهادئة أفضل اللجوء عندما أشعر بأن حالتي تسوء ماعدت أحب الموسيقى الصاخبة اصبحت مثل العجوز الشاحبة من الضوضاء هاربة كبرت والجميع من حولي نفر خسرت و مازلت أخسر لم يعد يهمني الأمر أشتهي فقط جلسة أمام البحر لأخبره عن الغدر عن الوحوش بهئية بشر من جعلوا حياتي يسودها الضجر كبرت لم أعد أحلم بذلك الفستان الأبيض ولا حتى بالفارس الذي سيأتيني على الحصان احلم فقط أن أعود طفلة👧
****
ديك ليلة نعساات بحال الى مانعساتش عام لغد ليه فصباح فاقت بكري مبانش ليها جواد حداها شافت جيهت بلاصة ليليا مالقاتهاش تفكرات بلي لبارح خلاتها عند مليكة ناضت من بلاصتها كتجر فرجليها دخلات لطواليط علات راسها فلمرايا بان ليها تحت عينيها كحل غسلات وجها وحكات سنانها خرجات لبسات حوايجها دارت مرطب لوجها وخافي لعيوب لتحت عينيها يضرق ليها شوية لكحال...دخل جواد شافت فيه من لمرايا..
جواد : صباح الخير
ماريا : صباح النور..
جواد : من بعد الفطور انشدو طريق..أشرات ليه براسها بمعنى واخا..رشات من ريحتها جمعات باقي حوايجها وهبطات لتحت خلاتو فالبيت بوحديتو..
ماريا :صباح لخير عليكم..ردو عليها كلشي بصباح النور كلسات تفطر مشافتش جيهت ربيع نهائيا هبط جواد نضم ليهم لفطور كان الجو عادي بين لوخرين من غيرها هيا لي كانت ساكتة وكتاكول حتى سلاو الفطور كولشي ناض باش يجمع شنو خاص يجمع..
هاجر (وقفات ماريا) :
- ماريا مالك حالك معاجبنيش؟
ماريا : لا مامالي والو غير وقيلة قربات لوقت داكشي باش المورال تقلب..جاوباتها سومية :
ماريا : ويلاه جمعو شنو خاصكم يتجمع باش منتعطلوش عارفاكم رحيلكم تقيل..طلعو البنات يجمعو حوايجهم قبل مطلع ماريا عيط عليها عمها..
ماريا : نعام أعمي!
العربي : بنتي بغيت نهضر معاك..جات عندو..
ماريا : أه اعمي كنسمعك😊
العربي : أنا عارف ربيع كيقلقك وهادشي ملاحظو ميحتاج حد يكولو ليا وعارف ولدي مزيااان شنو كيسوا داكشي باش الى دار ليك أي حاجة تجي تكوليها ليا وحسابي معاه ايكون هو لاخر..
ماريا (تبسمات ليه) :
- لا أعمي مكاين والو من داكشي..
العربي : بنتي راه هدا العربي لي دوزت مدوزو حد وحتى واحد مغايوريني ربيع أش كيسوا راه ولدي وعجينة إيدي هشام واخا تباتي معاه فبيت واحد كpابل ولكن ربيع معرفت لمن خرج واش ديك البلاد خرجات عليه ولا لفشوش خرج عليه واخا كيكولو لولد لكبير كيكون هو مول لعقل صدق صغير لي بعقلو..
العربي : الله يرضي عليك..خلات ماريا عمها وطلعات لبيت جرات باليزتها خرجاتها على برا خدات ليليا من عند مليكة لبساتها حوايجها وبوت ديالها وصباعيات على البرد...خرج جواد من بيت أخور ريحتو ممزوجة بين ريحة بارفان ديالو وريحة الكارو..
جواد : انت واجدة؟؟
ماريا : أه واجدة..شد الباليزة من عندها هبطها تبعاتو هيا وليليا سبقهم فتح باب طوموبيل طلعات ليليا لور قداتها فبلاصتها وعاد طلعات هيا لقدام دارت كيت فودنيها وحطات راسها على زاج كتسنط بانو ليها لوخرين خارجين كل واحد طلع من تاني فطوموبيل جا جواد عطا ساروت لفتيحة وعطاها واحد البركة عاد ركب فطوموبيل شيرات ليهم فتيحة بيديها وحتى هوما هكاك وهوما يديماريو طوموبيل راجعين لإفران...
****
"لا داعي للتذمر الأمور لا تجري كما نشتهي الظروف المحيطة دائما ليست في صالحنا لكننا نتقبلها و ندعي اللامبالاة تعرف يقينا أن الحل الأمثل لإيقاف هذا الكم الهائل من الصفعات المتتالية لا يستحق سوى دقائق لاتخاذ القرار ألا وهو الهروب الهروب دون التفات إلى الوراء قرار ينفي أن يكون للقلب أي رأي فيه قرار يتطلب من صاحبه تضحيات و تأجيله هو المزيد من بشاعة الواقع إذن لا داعي لكل هذا التذمر أليس من الأفضل أن نواجه هذه الأمور بتركها".
****
من بعد ما وصلنا سومية هيا لولة لدارها شدينا طريق لدار فتح لينا العساس الباب كتبان لينا طوموبيلة غريبة واقفة هبطنا وخلينا لبالز يدخلهم بوبكر...تفتح الباب وخرج عصام وزينب يرحبو بيهم...وضحكة على وجهم كيف كانو وكي ولاو..مع دخلنا لدار كيبان لينا شخص غريب واقف عاطينا بظهر سروال دجين وتيشورت بيضة وتجاكيط تجين دار وتبسم لينا شعر كحل ملامح كوحل ولحية كحلة تسمع صوت شيحاجة طاحت دارت ماريا كتبان ليها إقبال كاترمش وحالة فمها..
إقبال : طااارق😲؟؟
طارق (ضاحك ليهم) :
- على سلامتكم...تقدم جواد فاتح ليه إيديه
جواد : مرحبا بيك اطارق نهار كبير هذا..
طارق (عنقو) الله يبارك فيك سمحوليا إلى جيت فشي وقت ماشي هو هذاك
جواد : الله أكبر أصاحبي بالعكس هذا هو الوقت المناسب الله أودي كلس امتا جيتي؟؟..نباتو زينب :
- جا غير صباح فطر معانا وبقينا شادينو بينما وصلتو..إقبال غير واقفة مكتهضرش هاجر شافت فماريا وبدورها حتى هيا شافت فيها..جواد شاف فماريا
- طارق أجي معايا واحد الشوية بغيتك..مشا جواد سبقو لمكتب وتبعو جواد من اللور...قربات هاجر لماريا همسات ليها فودنيها :
- فهمتي شيحاجة؟
ماريا : واخا مدة قصيرة هادي ولكن مكاين لي كيفهم خوك قدي أنا
هاجر : مافهمتش والله.
ماريا : أجي معايا...تبسمو لزينب وطلعو خلاوها مع بنتها أما الحاج مشا دخل لبيتو..بقات إقبال مع باها ومها..
****
#فالبيت عند ماريا حطات ليليا فبلاصتها وبدات كتحيد فالمونطو ديالها
هاجر : مافهمت والو من لي وقع التحت..
ماريا : راسك مجلج مافهمتيش بلي جواد عيط على طارق باش يزوجو لإقبال بزربة باش تخوي من ساحة وماتبقاش مصدعة ليه راسو
هاجر (علات حجبانها) :
- هااااكااااااك دابا عااااد فهمت..
ماريا : اياا فهمتي دابا على سلامتك..
هاجر : والله أحسن حاجة دارها هيا هاد القضية هادي يلاه نتهناو ويبردو ودنينا..شفتي صدمة على وجه إقبال غرقات بيها دنيا..
ماريا : خليها باسها تديه لتيساع الله يسهل عليها..
هاجر : واييه بصح يلاه انا نمشي لبيتي حتى لمن بعد
ماريا : سدي معاك الباب أندخل ندوش..
هاجر : بصحة مسبقا..
****
إقبال : ماما راه أنا ممعولاش ومزال ممستعدة لهاد زواج والعرس
زينب : ملامحها باردين) علاش بسلامة شنو مزال كتسناي حتى دخلي ف3 سنين ولا 4 وتولي سيرتنا على كل لسان براكة عام ونص فيه الكفاية راه عرفتيه وزايدون سيد ماشفنا منو حتى عيب ولد ناس وعارفين عائلتو من بكري دوك الحجج الخاويين معندنا منديرو بيهم حسن تزوجي وتمشي لدارك بلاما تبقاي لا شغل لا مشغلة معمرة راسك غير بناس..
إقبال : ماما عفاك أنا عارفة راسي غلط ولكن هذا ماشي الحل زواج ماشي هو العقاب..
زينب : عقاب اشمن عقاب طارق انت لي ختاريتيه وبغيتيه نهار لول وجيتي كتكولي لينا راه باغية تزوجي بيه دابا ولا لا حقا ولا عقاب شوفي أبنتي انت لي كتعاقبي راسك براسك ودابا سدي هاد الموضوع معندي مندير بيه..خلاتها ومشات..
سيدها الجزء السابع
محتوى القصة
التنقل بين الأجزاء