ياسين : سولناك عليها هيا ماشي واش راجلها كيبغيها ولالا
سومية : وحتى انا غير كتليك مالك اخويا باغي تاكلني..
محمد : شششت سكتو شوية
حورية : تصورتو بعدا ماوريتينيش تصاور كيفما مالفة
سومية : راه تيليفوني طافي أماما غير صبري يتشارجا وراه غادي نوريك تصاور ضروري
حورية : زعمة متقديش توريني وهو مبرونشي مالك كتبقاي خدامة بيه واخا هوا فشارج؟
سومية(دخلها العجب فماماها) :
- ماما مالك هاد نهار جيتيني فشكل زربانة صبري راه انا براسي بغيت نشعلو مابغاش يشعل حيت فيه 0 فالمية غير صبري..محمد غمز حورية باش متعيقش هو عارفها كداش هيا مشوقة تشوف وجها بنتها بحالاش داير ولكن غير بالمهل كولشي أيكون مزيان بنسبة ليه..
****
خرجات ماريا من الحمام شعرها فازك وحنيكاتها حمرين لابسة بينوار ورجليها حفيانين هازة فوطة صغيرة وكاتمسح فشعرها حتى دخل جواد بلا موجب شرع غوتات ونقزات من بلاصتها واقف كتشوف فيها رموشها فازكين مفرقين وعينيها خارجين مصدومة فيه وحتى هو بدورو واقف كيشوف فيها ممنزلش عينيه عليها شوفاتو ليها حرجوها زادو خلاو دم الأحمر يطلع ليها لحناكها لسانها نشف مالقات متسرط هو عينيها كيتساراو على جسمها لي كايبان صغير وسط البينوار رجليها بايضين بحال بياض الثلج شعرها طايح على عينيها رموشها لفازكين ليزادوها برائة شفايفها لي بلون الكرز لحظة تم متقدم بخطوات جيهتها وقف قدامها بقات غير كتشوف فيه مترقبة حركاتو عقل كيكول ليها هربي رجليها تحجرو مابقاوش قادين يتمشاو بخطوة وحدة..جواد هز إيدو جيهت شعرها مزال ماوصلش لراسها رجع هبط إيدو بزربة جمع غوباشتو وهضر بورود :
- هاد المرة منين تكوني خارجة من دوش سدي عليك الباب يقدر شي حد يدخل عليك على غفلة
ماريا (سترجعات أنفاسها) :
- مكاينش لي كيدخل بلا إستئدان من غيرك أنت أما كولشي كيدق الباب ومامعانا حتى غريب ربيع راه مشا لدارهم..
جواد (هز صبعو حطو ليها على راسها) :
- هاد الراس قسما بالله مغانمشي حتى نهرسو ليك شينهار حيت كديري غير لي كاليك راسك... لبسي حوايجك دغية على البرد...خلاها وخرج وقف على برا حاط إيد على جنبو وكيدوز إيدو فشعرو وكيصوت غوبش وحدر راسو وتم غادي راجع هابط مع دروج كيجري هز سوارت ديالو خرج على برا ركب فطوموبيلتو وخرج معارفش لفين المهم هو يبعد على دار فهاد اللحظة هادي..
ماريا : أويلي مالي أنا وعلاش وجهي سخون مالي سكت مهضرتش كاع مابقيتش كندوي على حقي لالا بيا شيحاجة مافيهاش اوووف ياربي أستغفر الله العظيم...تدق الباب فتحات هاجر وطلات عليها..
- هاجر : انت مزال فبينوارك كلت انلقاك والبستي وساليني
ماريا : أ لا راه يلاه خرجت من دوش
هاجر : ماشفتيش خويا؟؟
ماريا (بلا وعي) :
- معرفتش كان هنا ولكن ماعرفتش فين هو يمكن خرج
هاجر : أاااه إيوا صافي بغيتو غير على قبل شي وراق وصافي يلاه لبسي دغية مايضربكش البرد..ماريا اتوماتيكيا تفكرات كلام جواد حتى هو نفس الهضرة كالها ليها
ماريا : واخا انا غادي نلبس دابا..
****
لكنك لم تفهمين بعد ، أنني حين أكون معك ..
لا ألتفت لهزائمي في مواجهتك ، لا ألتفت لحالة ضعفي الشديد أمامك ،
حين أكون معك كنت أشعـر أنني أملك القوّة لمواجهة كل هذا العالم ،
أنتِ لم تفهمين بعد أنني كنت أحتمي بكِ من هذا الخراب .. من هذا الحزن "
قد تجد في الوحدة ارتياح،
وفي العزلة اكتفاء،
وفي الإبتعاد عن الآخرين شيء من السعادة ..
ليس بالضرورة ان نسمي هذا اكتئاب ..
بل هو تصالح مع النفس 🌸💙
****
- وقف قدام واحد العمارة بلاصة طوموبيل نزل منها بكامل هيبتو المشية ديالو بحال مشية ديال شي عود فوق الأرض ديما عاقد غوباشتو داز من حدا العساس لي بقا كيشوف فيه طلع فلاسنسور دور التاني وقف بيه لاسنسور خرج ومشا نيشان قدام باب رقم 4 سونة سمع صوت أنثوي..
- وي أنا جايا..تفتح الباب وطلات منو بنت عينيها صغار شوية خضرين شعرها رطب واصل نص فظهرها شوية فالعسلي لون البشرة ديال بيض دايرة بانضة حمرا على شعرها علات حجبانها من المفاجأة ديالو ليها بقات واقفة مستغربة..
حورية : بنتي زوينة بزاااف أمحمد شوف كيدايرة بنتي كتشبهليا فاش كنت صغيرة شوف ضحكتها أش درت أنا أمحمد أشنو درت😢😢😢بغيت بنتي أمحمد بغيت بنتي بغيت كبدتي كيفاس غادي ندير..عنقها محمد كيسكت فيها :
- شش دروك تجي سومية وتسمعك وتكوليك مالك كتبكي وعرفتي بنتك راسها قاصح الى أصرات على الحاجة ضروري خاصها تعرفها.
حورية : بغيت نشوف بنتي أمحمد كيفاش غادي ندير؟؟
محمد : شوفي مابقا لينا والو ونتحولو دار شريناها انا دوز غير هاد يوماين انبدا نجيب فرحيل ونعرضو عليها لغدا تعرفي عليها وتقربي منها بشوية بشوية حتى إلى بعدا جا نهار تعرفك مها يكون داك الكره شوية خفاف ماشي بحال دابا..
حورية (كتمسح فعينيها والأمل باين فوجها) :
- أه بصح هادي فكرة زوينة والله غير بالي عفاك زرب فهادشي خلاص طاب عليا إيمتا نشوفها والله..وقفات عليهم سومية جامعة إيديها وكاشوف فيهم بشك شافوها وسكتو حورية توترات خافتها تكون سمعاتها..
اكتب الإساءة على "الرمل" لتمحوها رياح الغفران واكتب الاحسان على "الصخر" لكي لا يمحيه مرور الزمان🍃🍂
- كالس جواد على الفوطوي خرجات نفس البنت لي فتحات ليه الباب من الكوزينة هازة صينية فيها جوج طاس فيهم القهوة حطاتهم قدامو فوق الطبلة مدات ليه كاس شدو من عندها بلاكا يشوف فيها هزات واحد هيا وهيا تكلس شربات جغمة وشافت فيه..
جواد (بلاما يشوف فيها ) :
- عارفك دابا كتكولي شنو جابني ياك؟؟
هي : الصراحة فاجئتيني حيت هادي عامين باش ماشفتكش اه البركة فراسك من جيهت الواليدة..
جواد (رسم بسمة على جنب فمو وهز فيها عينو) :
- بحال إلى زعمة بقات فيك كنتعجبك لشخصيتك أ ليلى😞
ليلى : الموت هادي أجواد حتى واحد مكيشمت فيها أنا عارفة بلي لواليدة ديالك مدارتش فيا زينة ولكن الله غفور رحيم الله لي شانو عظيم وكيسامح خلي حنا البشار ودكرو أمواتكم بالخير ودابا هيا عند الله المهم من هادشي هو علاش جيتي هنا أنا عارفة بلي هاد الدار أنت لي عاونتيني حتى شريتها وبلي أنا دافعة فيها غير النص ومن حقك تجي ولكن..
جواد (وقفها بيديه) :
- أنا مجايش هنا باش نكلس معاك ولا نشوفك حيت توحشتك جاي على خدمة اتسديها ليا حيت كنتسالها ليك ولا نسيتي؟
ليلى : عاقلة وعمري فحياتي مغاديش نسى لي درتيه معايا..
#فلاش_بك
- من بعد الغياب ديالو على المغرب لمدة 5 سنين قرر يرجع يشوف العائلة وهو فالمطار جار البكاج ديالو حتى كاتبان ليه كالسة وجها شاحب جامعة شعرها سفنجة وحاطة حداها جوج بالبيزات وشادة ساكها كارزة عليها وساهية تحت عينيها زرق علات راسها بدون انتباه جيهتو رجعات حدرات راسها شوية بقا راسها واقف رجعات علاتو بشوية لجيهتو كتشوف فيه وهيا مصدومة هذا جواد أه هو مايخفاش عليها واخا سنين بدلاتو وغير مزاد زيان ولكن عمرها متنسى ملاميحو بقات كتشوف فيه بملامح جامدة وحتى هو بدورو كيشوف فيها المنظر ديالها كان كيبين بلي حالتها مازويناش..وقفات بدون سابق إنذار وتمات جايا لعندو بخطوات تقيلة حتى وقفات قدامو متردة واش تهضر ولالا واخيرا قررات تكلم..
ليلى : لهاد الدرجة باين؟متبدلتيش دغية كتعرف بشنو كيحس الواحد وباش كيدوز
جواد : عمر الواحد مكيتبدل ولكن المشاعر ديال الإنسان هيا لي كتبدل
ليلى : بصح عندك الحق إيوا تزوجتي عندك شي وليدات؟
جواد : لا أنا مدرتش بحالك(شاف جيهت الخاتم لي فيديها)
ليلى (توترات) :
- أه حسن ليك زواج فيه غير المشاكل وصداع الراس
جواد : مغاديش نخوضو فمواضيع بحال هادي كل إنسان وشنو مخبي ليه الله والقدر ديالو يلاه نخليك دابا تعطلت..
ليلى : جواد عفااك بغيت نهضر معاك واحد الشوية الله يخليك غير على وجه الملح وطعام لي تشاركنا...هز حاجبو كيشوف فيها
جواد : انتسناك فالقهوة ديال لمطار..خلاها وراه سبقها دخل لقهوة كلس حتى تمت داخلة مع بالزها..كلسات فالكرسي لي مقابل معاه أما هو هاز حجبانو ملامح وجهو ممقرياش كيتسناها شنو أتكول
جواد : كنسمعك
ليلى : من بعد ما الحاجة سعدية حطات عليا الباطل وخوينا الفيرما أنا وبا جا خطب فيا واحد السيد هو عايش فرنسا طلبني من با وكيف كتعرف با الله يرحمو..شاف فيها
جواد : باك مات؟
ليلى : أه العام لي فات مات
جواد : البركة فراسك
ليلى : مامشى معاك باس با الله يرحمو حيت كبر ومع الفضيحة لي كانت دارت لينا الحاجة قبل وعطاني ليه حيت واعدو بلي أيتهلى فيا ويديرني فعينيه فاش تزوجنا ومشيت معاه لفرنسا لقيت إنسان أخور ضرب وديما كيتكرفص عليا لا جسديا لا معنويا..
جواد : كان عليك طلقي منو وترجعي بحالك..
ليلى : فين أنرجع با كيكوليا صبري معندك فين ترجعي نرجع لزنقة تما قررت نقلب على خدمة باش نجمع رزاياق نخبيه لدواير زمان فعلا خدمة نص الخلصة كنغبرها وشوية كنعاونو بيها حتى مات با صراحة تصدمت حيت صدر لحنين لي كان عندي مشا قررت نرجع وجمعت بعدا واحد شوبة دالفلوس أقل حاجة ندفع غير فدار..
جواد : مزيان وراجلك؟
ليلى : رافض يطلقني كاليا مغايطلقني حتى نعطيه أنا 3 ديال المليون عاد يطلقني ودابا مغانقدش نرجع لفرنسا نخاف يقتلني ولا شيحاجة..بقا كيشوف فالفراغ وساكت رجع شاف فيها
جواد : وأنا علاش كتعاودي ليا هادشي كولشي مافهمتش؟
ليلى : عفااك أجواد وليام لي دوزنا تعاوني مابقا عندي لا حنين لا رحيم ولا علامن نحط الراس ولا لي يوقف معايا خيرك عمرني فحياتي مغادي نساه عاوني نتفك منو يلاه نديها فصحتي وراسي شوية راه تقهرت 5 سنين وانا صابرة على الذل والقهرة مليت وحق الله(كتبكي)😢😢
جواد : من نحية راجلك غير تهناي وحتى دار تهناي انلقا ليك فين تسكني..عينيه لمغو بالفرحة شدات إيديه بين إيديها
ليلى : ☺ شكرا بزاااف أجواد...بعد إيديه من إيديها او وقف
جواد : هادشي غير على الواليد ديالك الله يرحمو وحيت مزال كنحس بذنب من داكشي لي دارت مي أما لي فات مات وعمرو يحيى دابا شدي لوطيل ومن هنا ليوماين انعيط ليك..
ليلى : أنت وقفتي معايا وطلقتيني من راجل لي دوز عليا القهرة وانا أنرض ليك الخير لي درتي معايا..
جواد : مزياان منين عاقلة ودابا ندوزو للمعقول.
****
#القصر
كالس الحاج هاز واحد جورنال وداير رجل على رجل جات عندو رابحة
رابحة : الحاج واش أنديرو بحساب سي طارق لغدا ؟؟
الحاج : أه أبنتي وجيبي ليا معاك كاس ديال الما
رابحة : واخا سي الحاج مشات زربانة وهيا تم هابطة ماريا لابسة سروال بيض صندالة بيج او تريكو بحا شوميز فالبيض ورادة شعرها لور مبسمة للحاج
ماريا : عمي شفتك كالس بوحدك
الحاج : بعد المرات الوحدة كتكون راحة أبنتي
ماريا : هيا نخليك بوحدك؟
الحاج : بالعكس انت لي كنبغي نبقى معاها كتجيني على كانتي وكنلقى معاك راحتي هههه
ماريا : الله يطول لينا فعمرك أعمي بغيت غير نعرف علاش جواد ماخرجش سكر بحالك ههه
الحاج : إيوا أبنتي الضروف وكل وقت او وقتها تاني واخا هكاك جواد راه قلبو كبييير راه فير مكتعرفيهش مزيااان
ماريا : معرفتش أعمي انا عارفاه ولدك ولكن معرفت والله
الحاج (كيضحك) :
- وخليك حتى تعرفي😂😂
ماريا : 😂😂😂😂
الحاج : فين ديك الخنفوسة؟
ماريا : راه يلاه وكلتها بدلت ليها وهيا تنعس
الحاج : إيمتا يرجع باها ومها مساكن يتجمعو مع بنتهم
ماريا : كولشي قريب أعمي حل عينك سدها تلقاهم حداك غير خاصهم وقت بينما تعود عليها وتاق فيها باش يقدر يجي معاها
الحاج : بصح أبنتي عندك الصح..شوية هبطات هاجر حتى هيا تخشات حدا باها
هاجر : انتوما هنا مجمعين وانا بوحدي فالبيت
الحاج : وانت لي غير سادة عليك فداك البيت حتى واحد مامنعك علينا
هبطات زينب ومعاها عصام..
ماريا : أجيو فين يوسف منين جينا مبانش؟
هاجر : علاش يوسف يكلس فدار ولا يرتاح خو أبدا راه غير كيجري...نباتها زينب
زينب : هههه يوسف موالف بدوران متحيديهش ليه..
هاجر : خالتي زينب أمضرا اتبداو توجدو لعرس إقبال ؟
زينب : أه أبنتي إن شاء الله عقبال نوجدو لعرسك إن شاء الله
هاجر : إن شاء الله واخا مزااال الوقت تابعاني قرايتي ومستقبلي وزيييييد..
زينب : زواج كيجي فواحد الوقت غير الإنسان يعرف معامن أيكمل حياتو
هاجر : أه بصح..سونا الباب وناضت هاجر نقزات من حدا باها كانت جاية رابحة وقفاتها وهي ترجع فتحات هاجر وكان طارق هاز واحد الشنطة فيديه..
طارق : سلامو عليكم
الكل : وعليكم السلام
عصام : ولدي طارق مرحبا
طارق : ترحب بيك الجنة أعمي..دخل سلم وهو يكلس
طارق : جواد طلب مني نكلس معاكم شوية المدة لي انهضرو فيها على تفاصيل ديال العرس كتليه نكلس فأوطيل ولكن أصر عليا نجيب حوايجي ونجي..نباه الحاج :
- عندو الصح أولدي الدار واسعة وعريضة مكاين لاش تبقى منشور فلوطيلات والحمد لله راه داركم هادي
طارق : ربي يخليك أعمي..شاف جنابو
طارق : مبانتش ليا إقبال فين هيا؟؟
زينب (توترات حيت عرفات بنتها سادة عليها ومحملاش المنظر) :
- مع سفر وكانو معروضين ضراتها المعدة ديالها خدات شي دوا وراه نعسات
طارق : ااااه إيوا الله يشافيها
زينب : أمييين...كملو جماعة ديالهم هادي تجبد هادي وضحك ولعب على الجهد جات رابحة طلعات الباليزة لطارق او وراتو البيت فين غادي يولي ينعس عاد هبطات هي لولة وتبعها هو رجع كلس معاهم كالسين على لقرنابي ويتفكرو أيم ديال القرايا ماريا هيا زعيمة كتعاود وهوما ميتين بضحك عليها...شوية تسمعو سوارت فالباب مع تفتح مع دارو علات ماريا راسها فجواد لي داخل ومسدش الباب شوية تبعاتو واحد خيتي لابسة قبية وسروال وسبرديلة وهازة باليزة صغيرة فيديها كولشي دار كيشوف فيها شي ملامحو مصدومة شي كيتساءل شكون هاد خيتي صغرات ماريا عينيها فيها كتساءل شكون هاد البنت لي داخلة مع جواد وهازة باليزتها تسمعات شهقة من عند هاجر خلات ماريا دور تشوف فيها بانت ليها الصدمة على وجها قربات عند هاجر حدا ودنيها باش تسولها :
- مال عينيك خارجين بحال بوعبولة مالك شهقتي ؟
هاجر (مجاوبتهاش).
ماريا : واش كتعرفيها؟..هاجر حركات راسها بأه
ماريا : شكون هيا؟
هاجر (بدون وعي) 😲:
- هادي ليلى البنت لي كان كيبغي خويا شحال هادي...
علات ماريا حجبانها متعجبة علاش جايبها لدار شنو زعمة يرجع حبو لقديم يرجع يحييه وهيا مالها أصلا يجيب حتى 10 ولكن علاش هي كيحاسبها على تصرافاتها وهو مكايحاسبش راسو..الحاج بقا غير كالس وكيشوف معرف واش يوقف ولا يبقى كالس داخ منين شاف ليلى..
جواد : تلاقيت بليلى وعرضت عليها تبقى معانا شي يامات مهما كان دوزنا عشرة معاها ومع باها ولالا الحاج..
الحاج(توتر) :
- أه بصح مرحبا بيك أبنتي كيدايرة وكيداير الواليد؟
ليلى : الواليد الله يرحمو الحاج
الحاج : أاااه البركة فراسك أبنتي مكنتش عارف سمحيليا
ليلى : ماشي مشكيل
جواد : هادا عمي عصام راه كتعرفيه ومرت عمي زينب
زينب : مرحبا بيك ابنتي
ليلى : ربي يخليك هاديك هاجر شحاااال هادي ماشفتك منين كنتي صغيرة
هاجر (كتفات غير بضحكة)
جواد : طارق خطيب إقبال بنت عمي..شاف فماريا لي كتشوف فيه هز حاجبو ومشا جيهت ماريا حط يديه ورا ظهرها..
جواد : وهادي ماريا مراتي...كلمة مراتي كتردد صدى ديالها فودن ليلى لي نزلات عليها الكلمة بحال البرق ماعرفاتش باش تبلات بحكم أنو كتعمر بزااف مكناس اما إفران غير سكنة وحدودية معندهاش علاقة مع ناس مجابتش لدنيا خبار..بلعات ريقها وتبسمات وهيا فحلقها ألف غصة ودمعة أتنزل من عينها..
ليلى : مافخباريش بلي تزوجتي مبروك ومشرفين
ماريا : مرحبا بيك الدار دارك
ليلى : ربي يخليك...
جواد : انا نوريك بيتك أجي معايا..طلعات معاه فدروج لدار لفوق تحت أنظار الجميع قربات ماريا لدن هاجر..
ماريا : خوك مالف يسيفط رابحة توري لبيوت لضياف شفتو هو لي تولى لمهمة مسكيين محن بقى فيا تأترت والله شوية غانبكي..😢😂
هاجر : باااز ليك أختي يكما غرتي؟
ماريا😲 : أنا نغير علامن على رجلين نعامة ديال خوك زوينة هادي
هاجر : كتعايري فخويا عاين باين وزايدون واش انت حجر ربي واش مكتحسي بوالو من جيهتو واخا غير إعجاب غير شوية والو...ماريا سكتات ورجعات بيها داكرتها لنهار خوات عليه قلبها وحساتو قريب منها ونهار كانت أطيح من العود كيفاش تعامل معاها وعاقب إقبال على ودها ووفاش كينعس معاها فبيت واحد وفوق فراش واحد وعمرو قربها تفكرات ضحكتو لي بينها أول مرة وغوباشتو وفاش دخل عليها اليوم سهات شوية شيحاجة فيقاتها فيقها الإتفاق لي بيناتهم وبلي هادي غير تمثيل وغايجي نهار ويسالي اللهم تخرج منو بأقل الأضرار وأولهم تخرج بقلبها سالم غانم..
ماريا : لا خوك مافيها ميتعجب ماشي على وجهو او او لا انا نوع شخصيتو مكتيرنيش متسلط ومتحكم وعاجبو راسو بزاااف انا اختي بين هاد نوع غير لخير والإحسان قلبي ساداه دايرة ليه شم ولم اتهناي..
هاجر : لعجب ليك اختي لعجب هاد ليلى واخا كانت قويفزة ودور فيه شخصيتها بحالك تقريبا ولكن راه كانت كتحماق عليه عرفتي شحال من وحدة كانت حاطة عينها عليه واي واي دابا يبداو يبانو ليك وحدة بوحدة غير صبري اغلبية ديالهم خرجو برات المغرب ولا من العائلة وصحاب العائلة كيتجمعو فالمناسبات بلاتي يبداو الإنتخابات وتشوفي وشحال تعطي بلي هاد ليلى واخا كاليها راه مزوج مغاتعطيهش تيساع وأديرو فبالها..ماريا شافت فيها ودارت راسها ممسوقاش كضحك ولكن عقلها كان عند هاد خيتي وكلام هاجر ليها...
****
ليلى واقفة كتشوف فيه..
ليلى : ماكلتيش ليا بلي راه تزوجتي؟
جواد : علاش أنا فين عمري كنت كانتشاور معاك
ليلى : أنا مكلتش هكاك انا غ...
جواد (قاطعها كيخنزر فيها) :
- علاش كون عرقتيني مزوج مغاتقبليش العرض ديالي ولا شنو ليلى متنسايش راسك علاش جايا هنا واخا ومراتي أحمر بالخط العريض متفوتيش حدودك ولا راه عارفاني أش كنسوى.
ليلى : أنا مكلت والو غير كلت ليك مكنتش عارفة وصافي
جواد : هذا بيتك الفطور كيكون مع 8:30 أما الغدا 1:30 أما العشا كيكون مع 8:30 الحمام عندك وسط البيت علاش وصيتك تقدري تبدايه من هاد الليلة..عطاها بظهر وتم خارج حتى نباتو :
- واش كتبغيها..وقف ودار عندها طلعها من رجليها لراسها مخنزر فيها
جواد : كتكولي بلي راه كتعرفيني وكنت كتعرفي بلي كنت ضد زواج ياك
ليلى : ولكن كنتي كتكول البنت لي اتملك قلبي وعقلي وروحي هيا لي أتكون شريكة حياتي.
جواد (تبسم إبتسامة جانبية) :
- هانتي جاوبتي على سؤال ديالك..خلاها وخرج..بقات واقفة متبعة خيالو حتى غبر..
بقات واقفة ليلى كتشوف فالبيت تنهدات تنهيدة طويلة وهيا تكلس على نموسية مشا بالتها وتفكيرها لبعيد نهار كانت لجنب جواد وقريبة ليه نهار كانت كتبغيه ودخل لقلبها بجبروتو والغرور ديال صدمة ديال زواجو قجاتها وخنقاتها كيفاش تزوج كان عندها أمال انو أيرجع ليها شي نهار ولكن أمالها خاب نهار دق بابها دقو على غراضو هو معندها مدير غير تسلم أمرها لله وتسكت..
****
سومية : ماما يهديك الله غير صبري أنا انعيط ليها دابا ونكولها ليها واخا
حورية : دابا هيا دابا
سومية : لا حول لي شافك يكول غير بنتك موضرة ليك..حورية تقرصات من هضرت بنتها حيت فعلا بنتها لي وضراتها بيديها..هزات سومية تيليفون طلعات نمرة ماريا وسومات ليها من بعد شوية جاوباتها ماريا..
سومية : ألو ماري لاباس عليك
ماريا : الحمد لله وانت كولشي مزيان؟
سومية : الحمد لله هانتي ماري هاد سيمانة إن شاء الله انتحولو لدارنا جديدة وماما عارضة عليك نهار لأربعا تغداي معانا
ماريا : وبلاما تعدبو راسكم الله يدخلها عليكم بصحة وسلامة
سومية : أمين ياربي مكاين لا عداب لا والو مرحبا بيك وألف مرحبا صافي نعول عليك ياك؟
ماريا : صافي إن شاء الله كوني هانية..قدات معاها الوقت وقطعات الإتصال شافت فمها..
سومية : صافي الالة تهنيتي دابا...مجاوباتهاش مها مشات نيشان لكوزينة فرحانة ومخلوعة وخايفة كولشي تخلط عليها جملة وحدة المهم عندها هو تشوف بنتها وتشم ريحتها وتكلس معاها واخا معارفهاش مكايهمش هيا عارفة راسها كتستاهل هادشي لي كيطرا ليها حيت سمحات فكبدتها وتستاهل ماكثر ولكن فقرارات نفسها عندها أمل ربي كبير وكيسامح عبادو خلي حنا لعباد منسمحوش لبعضياتنا مهما كان هزاتها 9شهور فكرشها وتوجعات زحمات توحمات وداز عليها الويل فحمالتها اما لولادة حاجة أخرى بحال الى كتحرق وانت حي فوسط دوامة دالعافية هادشي لي كتمناه يشفع ايها قدام بنتها واخا لي سمح فكبدتو وهيا صغيرة بنت عماين متحنش فيه ولا تشوف فيه نهائيا وهادشي هو لي خايفة منو...
- هبط جواد كان الكل كالسين مجمعين كيهضرو حتى وقف عليهم شاف فيه الحاج وهو يوقف..
الحاج : جواد بغيت نهضر معاك واحد شوية انسبقك لمكتب..شاف فيه جواد عارفو علاش باغي يهضر تبعو من لور ودخل لبيرو سد جواد الباب وشاف فباه لي كان كيشوف فيه بشوفات فشكل..
الحاج : أنا هارف بلي هادشي لي غادي نكوليك مغادي يدي منك لا حق لا باطل وعارف بلي كدير غير لي كاليك راسك ولكن ماكتشوفش راسك بلي كدير فيه غلط كبير..
جواد : بحالاش علاش انا شنو درت؟
الحاج : جواد واش عارف بلي الإنتخابات بقات ليهم شهر واحد عرفتي شنو هو شهر راه مابقى والو فهاد الوقت خاصك تكون شاد زمام الأمور مزيان ومتخلي حتى حاجة تأثر على سمعة ديالك شنو أيكولو ناس منين يشوفوك جايب وحدة لدار مكتجيك مكتجيها وعلى مرتك غير كوليا واش فكرتي فيها ولالا؟
جواد (بصرامة) :
- الحاج انا عارف شنو كندير ماشي دري صغير لي توريه شنو يدير ولي لا أنا مقدر خوفك عليا وبلي باغي ليا الخير ولكن أي حاجة كنبغي نديرها حتى كنفكر فيها وندير ليها ألف حساب عاد كنديرها بلاما دير فبالك.
الحاج : وانت جاتك عادي دخل وحدة كنتي معاها على مراتك واخا هاد زواج غير على ورقة مزورة ولكن..
- قاطعو جواد :
- زواجي من ماريا ماشي مزور...تسمع سكات فالبيرو الحاج واقف وعينيه مكيرمشوش من غير صوت أنفاسهم لي كيتسمع..
الحاج : كيفاااش ماشي مزور مافهمتش؟😲
جواد : كيف كتسمع ممزورش زواجي من ماريا حقيقي وبشهود حقيقيين
الحاج : ولكن واش هيا عارفة هادشي؟
جواد : حتى واحد معارف واش انت عند بالك انغامر انا بسمعة ديالي ومكانتي وندير هاد الفعلة لي يقدر أي واحد يعيق بيها خصوصا بنسبة للإنتخابات كيتطلبو جميع الوثائق يكونو حقيقيين وأي ورقة مزورة اتديني ورى الشمس وتخليني إيد لور وإيد القدام وانا حتى لسمعتي وكرامتي منغامرش بيهم واخا يوقع لي وقع..
الحاج : وماريا مافكرتيش فيها إلى عرفات شنو أيوقع؟
جواد : حتى واحد مغادي يكولها ليها ونهار يسالي هادشي كل واحد ايمشي فطريق ويرجع لحياتو لقديمة مغاتخسر حتى حاجة ويمكن ليها تبدا حياتها فأي بلاصة بغات..
الحاج : ولدي الراجل هو الكلمة وانت عطيتي كلمة لماريا مخاصكش دير هاد تصرف مع البنت..شاف فيه جواد وطول فيه شوفة
الحاج : ديك البنت كبابل بنت او نص عزيزة عليا مكاين شي واحد لي يقدر يدير بحالها ويضحي لي ضحات كون شي وحدة في بلاصتها وفسن ديالها تلقاها عايشة حياتها ماشي قابلة بهاد الوضع وكتربي فبنت غيرها داكشي باش عزيزة وغالية على قلبي..
جواد(برودة) :
- حتى واحد مغادي يأديها وحتى انا راه ديجا كتليك عارف شنو كندير وماجبت ليلى لهنا حتى عرفت علاش جبتها انت غير خرج من هاد الموضوع وريح بالك..تنهد الحاج وشاف فولدو بستسلام.
الحاج : الله يهديك اولدي هادشي لي أنكول..تخطاه وخرج خلاه بوحدو..جواد تفكر نهار جاب جوج ديال العدلان من مدينة أخرى باش ماريا ماتعيقش عارف بلي خلف بالوعد ديالو ولكن كولشي حتى لسمعتو او مكانتو بين ناس ميقدش يخسرها بسهولة داكشي باش قرر يخلي هاد زواج حقيقي وهادشي عارفو غير هو ودابا باه حتى هو كيعرف هاد الموضوع..تقاد فالوقفة هز راسو وخرج لعندهم..وصل وقت ديال الغدا تجمعو كاملين على طبلة ديال الغدا شوية هبطات ليلى او تبعاتها إقبال لي ساكتة وحادرة راسها..
طارق : أهاه مرحبا..هزات إقبال راسها شافت فيه ورجعات كتاكول..
هاجر(همسات فودن ماريا) :
- شفت سيدة بدات بغات تلوح صناير ديالها
ماريا(ممسوقاش) :
- تلوح حتى لقصبة وتصيد لبوري وكبايلة ودير لينا بيها شي شواية فاعلة تاركة مع البصلة ومطيشة..😂😂
خنزرات فيها هاجر :
- واش انت لي ضاربك ضاربك على كرشك؟
ماريا (كضحك) :
-علاش كاين شيحاجة حسن من الكرش فنظرك..خنزر فيهم جواد
جواد : وقت الماكلة مكتكونش الهضرة وتوشويش قلت أداب هاديك..علات فيه ماريا عينيها لقاتو مفيكسي شوفة فيها بلا إرادتها دورات وجها لجيهت ليلى لقاتها حاضية جواد..ماريا تبسمات
ماريا(فخاطرها) :
- أنا مانعني نهضر مع ولاد عمي وهو جايب صاحبتو حتى لقلب الدار وزوينة هادي..
جواد : حبيبي مدي ليا ديك القرعة ديال الما..ماريا حادرة راسها فطبسيلها سمعات ديك كلمة حبيبي بقات دور عينيها بحال طرومبية وسط طبسيلها علات راسها كاتشوف فيهم شكون لي هضر وهوما بدورهم كيشوفو فيها عصام وزينب حادرين راسهم شكون ايكون كال حبيبي يكما الحاج ولا طارق العجب ودنيها خاصهم لغسيل..رجعات لطبسيلها شوية سمعات صوتو أه هذا صوتو هو شكون غيرو..
جواد : حبيبي سمعتيني؟..علات راسها فيه كيبان ليها هاز حجبانو كيشوف فيها
ماريا : هم؟
جواد : قرعة ديال الما واش سمعتيني؟
ماريا : أااه لا كنت ساهية واخا..ماريا تلفات ماعرفات اش دير جات تهز لقرعة مدات ليه طبسيلها..
جواد : اووه حبيبي من كترت حبك ليا عاطياني طبسيلك لا حبيبي انا بغيت اغير لما..ماريا تحرجات والحمورة طلعات لخدودها طاح عليها السر هزات قرعة ديال الما وعطاتها ليه..ورجعات حدرات راسها كتاكول بلا وعي ماعرفات باش تبلات معرفاتش بلي جواد دارها إكسبري فليلى باش تجمع راسها وتحدر راسها وتبعد من طريقو ولا هو عارف راسو الى حطها فراسو مغايعجبهاش شنو أيخرج منها..
****
وردة واقفة مع أمين قدام البالكون ديال لوطيل حاطة إيديها على ظهرو كطبطب عليه..
وردة : حبيبي خاصك تفرح مابقا والو وداكرتك ترجع ومع المتابعة ديال طبيب ايرجع كولشي هو هداك..
أمين شاف فيها وتنهد وتبسم ليها..
أمين : معرفتش اوردة كنحس براسي فدوامة كبيرة والله أصعب حاجة هو تكون معارف راسك من رجليك معاقل لا على والديك لا خوتك لا والو..
وردة : هادي محنة وغادي دوز إن شاء الله..
أمين : عيطي على زعمة دار كلتي ليهم بلي هاد سيمانة أنجيو؟
وردة : صراحة لا بغيت نخليها مفاجأة ليهم ايكونو توحشوك داكشي باش بغيت نديروها ليهم على غفلة..
أمين : بصح عندك الحق من أحسن مادرتي لهلا يحاشم.
وردة : أمين ياربي مغايكون الخير دابا تشوف..
من يحبني إذا اقتربت منه خطوة اقترب مني خطوتين وإذا ابتعدت عنه غاضبا دنى مني مسترضيا و إذا غبت عنه رغما عني بحث عني حتى يجدني و إذا أخطأت يعاتبني ولا يفارقني و إذا أخطأت يواجهني و لا يهرب و يقبل عذري مبتسما☺
****
دازت ديك ليلة عادية زينب وعصام مشغولين بإقبال لي بدورها سدات عليها فالبيت مابغيا تشوف حتى واحد أما ماريا من ورا العشا تمنات ليهم ليلة سعيدة وطلعات لبيتها غير دخل جواد سمع الحس مقطوع مشا جيهت الباب لي فاصل بين بيتها وبيتو فتحو بشوية بانت ليه ناعسة وفعلا كانت ناعسة جاها واحد نعاس غريب قرب منها غير بالمهل طل عليها مغمضة عينيها ويديها حطاها تحت خدها صباعها رقاق والبيضين رموشها طوال وريحتها لي كتعطي بريحت الكرز غمض عينيه بشوية كيستنشق عبير الريحة ديالها حركة منها فيقاتو من النشوة ديالو وخلاتو يتراجع بخطوات لور ويسد الباب لي كان فتح وقف وسط بيتو عاقد غوباشتو من هاد التجادب المغناطيسي لي بيناتهم ولي مخاصوش يكون بنسبة ليه خاصو يبقى بعيد وتبقى العلاقة مجرد صفقة لا غير هادشي لي كيقنع بيه راسو..
``````
~الأمر لا يتعلق فقط بوجود شخص يمكنك أن تتحدث اليه حين يتراكم الكلام في صدرك وتختنق لأن بعض الكلام يأبى علينا بل بوجود شخص الذي يلمح الزفرات المحتبسة خلف شفاه و الكلمات المتمردة وراء اللسان فيلقي إليك بمرساته محررا كلماتك و نازعا عنك ثقلها و للقلب اختياره و سلطانه هنا.
- صبح نهار جديد فاقت فيه ماريا ناشطة على غير عادتها بدات بليليا هيا لولة بظلات ليها ولبساتها وفطراتها عاد لبسات هيا حوايجها حيت ناوية تخرج هيا وهاجر شوية يدورو ومنها تسخر تجيب شحال من حاجة سلات ليها..وهيا فالبيت كتقلب فشي كارطونات وكتقرا سمياتهم باش تعقل عليهم بلاما تديهم معاها دخل جواد عليها..دارت شافت فيه وضحكات ليه ضحكة بريئة وززينة..
ماريا : صباح الخير كيف صبحتي مزيان.؟
جواد(بستغراب) :
- شفتك ناشطة هاد الصباح ياك لاباس؟
ماريا(هزات كتافها) :
- عمتي جاتني فالمنام وكاتليا من حقي نفرح وندير الهم ورايا اشنو اناخدو من هاد دنيا اللهم نعيشو كل نهار بنهارو هذا مكان
جواد : هاد ماريا معجباتنيش بغيت ماريا لي راسها قصح من الياجور
ماريا(ضحكات) :
- هاديك ماريا مزال كاينة وعمرها تحيد غير هو ديك شد ليا نقطع ليك معندي مندير بيها نبقى نحرق فدمي حتى يطرطق ليا شي عرق فراسي مكاين لاش علاش زعمة بغيتيني نبقا انا هيا أنا يكما خايف مني؟
جواد (على حاجب وهبط التاني) :
- عمري شفت شي واحد تايق فراسو بزااف بحالك انت بلاما تغري انا مكنخاف غير من لي خلقني أما الباقي مكايهمنيش هوما لي كيخافو مني.
ماريا : إيوا معرفت غير كلت وصاف المهم انخرج أمنا وهاجر شوية بلاما تسيفط معانا شيفور بغينا نتمشاو واحد شوية..
جواد(هاد المرة هز حجبانو بجوج) :
- لالا هادشي بزااف وكتشاوري من الفوق عمرها وقعات
ماريا : راه كتليك وقيلة بلي مابغيتش مزال نجبد الصداع..قطع هضرتهم الباب لي تحل او وقفة ليلى عليهم وهيا فالبينوار ديال الحمام شي لي خلى لا ماريا لاجواد مصدومين فيها ملامح جواد لي تحولات من صدمة لبركان هايج على وجهو..
ليلى : أوبس سمحوليا والله مقصدت عند بالي بيتي غلط فالبيبان
جواد(بصرامة) :
- هاد المرة ديري نظاظر ولا علمي بيتك حسن باش تفاداي شي موقف محرج بحال هذا جاب الله لقيتينا لبسنا حوايجنا أما كنتي اتشوفي شيحاحة مغاديش تعجبك..ماريا دورات راسها شافت فيه كترمش فعينيها..
ليلى(حدرات راسها) :
- سمحوليا راه غير غلط
جواد : انا ممقبولش عندي الغلط وزايدون البيبان مختالفين راه غير لي حول لي أيتزاكلو ليه لبيبان..ليلى قطعات الحس مانطقاتش..
ليلى : هادشي لي بغيتي هانتا طيحتيني فأخيب موقف فحياتي موقع ليا هكا
- هو : بشوية ومتهزيش عليا صوتك شنو واقع عاودي ليا غير بشوية وبتفصيل..
****
- من بعد ساعة ونص خرجات ماريا هيا وهاجر اليد فليد دايرة ماريا ليليا فالكروصة وغادية بيها كيدورو من محل لمحل يقيسو يشريو لي شراو ويخرجو مني لي معجبهم والو..وقفات ماريا تاخود البيبوش وهيا واقفة كتسنى بالهفة الزلافة ديالها حسات بيد تحطات على كتفها وصوت راجل نطق سميتها..دارت وبانت ملامح الفجأة على وجها والفرحة وصدمة وضحكة كولشي تخلط عليها حطات إيديها على فمها وغوتات غوتة وحدة مع تعنيقة بريئة..
ماريا (بصوت عالي) :
- كرييييييييييم هذا أنت والله ممتيقة عينيا هذا أنت بصح
كريم(معنقها وكيضحك) :
- كريم هذا بشحمه ولحمه 😁
بعدات عليه شادة فمها وكتشوف فيه بصدمة
ماريا : والله ممتيقة بلي هذا انت وحق الله إيمتا جيتي وفين كنتي وشنو كدير هنا عاود ليا؟
كريم(كيضحك) :
- غير بشوية عليك واش انبقاو نهضرو فشارع.؟
ماريا : والله ماعقت لراسي هههه أجي اجي واحد الكافي قريبة نكلسو شوية والله حتى توحشتك
كريم :حتى أنا والله أجي واش تزوجتي او ولدتي؟
ماريا : قصة طويلة هادي حتى نكلسو ونعاود ليك..هاجر بقات غير واقفة وكتشوف فيهم بجوج..من بعد 5ديال دقايق دخلو لواحد الكافي خداو طبلة فالقنة بعيدة حطات ماريا كروسة جنبها جا سرباي خداو كلهم حليب بشكلاط من غير كريم لي خدا قهوة بالحليب..
كريم : الالة انا جاي كونجي حرام ناس ياخدو كونجي مالف كناخدو فصيف ولكن هاد المرة كلت ناخدو فالبرد كلست مع دار وكلت نجي نزور إفران ونشوف الأجواء راه أول مرة نجي ليها..
ماريا : خبار واحد رشيد؟
كريم : هههه الالة رشيد كان تشد ورجعوه لمغرب ورجع حرك تاني وشدوه ورجع ورجع تاني حرك تالت مرة وفهاد المرة تعرف بواحد الكاورية بغاتو وبغاها باها لاباس عليه إيوا تزوج بيها ودارت ليه الوراق ودابا راه هو لي شاد الشركة ديال باها.
ماريا(خرجات عينيها) :
- أواااه رشيد رشيد ولا مدير شركة وزيدك هههه.
كريم : أياااه الالة ودابا راه عندو جوج ديال الوليدات..
ماريا : أهاه مزياان والله وأنت؟
كريم : أنا فديك لوقت ماتشديتش تشد غير رشيد إيو تعرفت بواحد الصديق جزائري كانت عندو ريسطو خدمني واخا بلا وراق وعاطيني بيت فين كانعس الله يعمرها دار مسكين وقف معايا صراحة وبقيت خدام حتى درت ريسطو ديالي ودابا الحمدلله بطوموبيلتي وبداري وبخدمتي.
ماريا : شفتي ربي كبير الحمد لله والله.
كريم : انت من صباح كتسولي فيا وأنت شنو درتي من بعد ماتفرقنا؟
ماريا : وقصة طويلة..(بدات كتعاود ليه من طاق طاق لسلامو عليكم من غير الإتفاق لي مدكراتش)
كريم : أااه عند بالي هادي بنتك والله معندي منسالك راكي مرة ونص هههه
ماريا : أه نسيت هههه هادي لوستي هاجر(شافت فهاجر لي كتشرب فشكلاط ديالها وكتشوف فيهم) هاجر هذا كريم فيه خويا وصاحبي وكولشي قرا معايا وكنا اونسوبل انا وهو ورشيد فلافاك وحركت معاهم لسبانيا.
هاجر : ااااااه ديجا عاودتي ليا عليهم مشرفين أخويا
كريم : شرف ليا أختي..دوزو وقت زوين خداهم الوقت هضرة كتجبد هضرة وهيا تسولو ماريا..
ماريا : واش جيتي بوحدك لهنا؟
كريم : غير بوحدي راكب عارفاني معنديش صحاب هنا ورشيد راه جا عام من بعد مدار الوراق مابقاش جا كيسيفط لدارهم هوما يجيو عندو.
ماريا : وعرفتي شنو غادي دير انمشيو معاك تجمع حوايجك ياك وتمشي معانا.
كريم : واش تسطيتي فين غادي نمشي معاكم؟
ماريا : أنا هنا وانت تبقى فالوطيل خايبة حتى لتعاويدة اتبقى معانا فدار حتى تبغي تمشي إن شاء الله وسير ديك ساعات الدار كدها قد الخلا والبيوت عطاهم الله.
كريم : ولكن راجلك..مخلاتو كاع يكمل هضرتو.
ماريا(كضحك) راجلب معندوش مشكيل يلاه لبارح جاب صديقتو لقديمة حتى هو حنا عندنا عادي ههههه(كتكولها وكطنز).
هاجر شافت فيها معجبة من جبهة ديالها عارضة على راجل لدار بلاما تشاور.
كريم : أنا خفت غير نسبب شي مشكيل نصدقو واحلين.
ماريا : أشمن مشكيل حنا عائلة متفتحة بزاااف متخممش عندنا عادي هو مسكين لبارح لقاها حتى هيا سياحة فإفران سبحان الله وجابها مابغاهاش تشد لوطيل عادي والله وتاكل ماكلة ديال دار ماشي داكشي مسلوق.
كريم : إيوا الى كان بحال هكا واخا مغانكولش ليك لا..هاجر ماهضراتش سلاو خرجو من القهوة مسافة قليلة وكانو قدام لوطيل دخل هو يجيب حوايجو ويخلص ويرجع لعندهم..
هاجر(كضرب فخاضها وفحناكها) :
-اويلي حاي واش خرج ليك لعقل علرضة على سيد لدار واش بغيتي طيحي روح واش عارفة أش درتي؟😲
ماريا(بعدم مبالاة) :
- مالي شنو درت عادي بحال خويا حشومة ومدارش معايا قليل كون تشوفي أش دار فاش حركت معاهم حاضيني وممخلي دبانة تقرب ليا.
هاجر : وجواد راه عرفتيه كيف داير؟
ماريا : مالو جواد هو حلال عليه يجيب صاحبتو حتى لقلب دار بلاحشمة بلا حيا فالح غير يفتي عليا انا فالفتاوي وهو ميديرش بيهم يااك بحالي بحالو المساواة.
هاجر : أختي بااز ليك وراه هو راجل.
ماريا : هاد تفكير لي خارج علينا لا هو راجل حلال عليه وانت مرا حرام عليك داك العهد ولا ومشا احبيبتي دري بحال خويا وكون كنت فداري أنعرض عليه أنا بابا تايق فيا تقة عاميا وعنرو كال ليا شيحاجة يجي هو يكول سمحيليا بزربة ودابا غير سكتي دري جاي..هاجر جمعات وطوات الهضرة عارفة ماريا راسها قاسح وكدير غير لي فراسها معندها مدير غير تسكت وتشوف بعينيها شنو غادي وقع...
🍃إنما الناس بحار
فلا تحكم على أعماقهم
وأنت لاترى منهم إلا شواطئهم ...
أبحر في أعماقهم لتدرك جمالهم الحقيقي 🍃
- وقفات رونج بيضة قدام واحد الجردة كتبان ليه جايا بسروال دجين مونطو وساك على كتفها غير شافها فتح سمطة ونزل كيتسناها وقفات قدامو عاقدة غوباشتها.
ليلى : شنو كاين لاش باغي تشوفني مكفاتكش ديك شوهة ديال صباح لي تشوهت بسبابك ندمت حتى كتليك بلي كنعرف جواد أنا مكنتش هكا كاع وليت نسايرك فشي حوايج ميتقبلهمش العقل ونزيدك جواد وماريا مزوجين زواج حقيقي وكينعسو فبيت واحد غير تهنى ربيع حيدهم من بالك حسن.
ربيع(حيد نظاظرو) :
- ماشي انت لي تكولي ليا شنو ندير ولالا وزايدون أجي عمرك مدكرتي ليا بلي كتعرفي جواد مدة هتدي باش كنعرفو بعضياتنا حتى لبارح كتكوليها بوجهك حمر انا فدار الإبراهيمي..
ليلى (ربعات إيديها) :
- بصفتك شنو انعاود ليك غير كوليا متنساش تعارفنا راه كان غير فالأنترنت ميمكنش نتيق بيك بسهولة ونعاود ليك شادة ولفادة ولالا؟
ليلى : عادي كلت زعمة حنا ولينا صحاب مدرت فيها والو وحتى انت معطيتيهاش ليا كاملة راه خديت منها غير النص وانا طلبتك حيت مكان عندي حتى حل ولمن نعطي راس.
ربيع : معليناش دابا انا مكنتحاسبش معاك ومكتليكش عطيتك غير انت لي جبدتي هاد الموضوع دابا وأنا مكانش فراسي بلي كتعرفي جواد حتى لبارح فاش سولتك واش انت فدارك كلتي بلي كالسة فدار الإبراهيمي.
ليلى : المهم من هادشي كامل خوي دماغ ناس مزوجين بصح.
ربيع : باش عرفتيها غير شفتيهم فبيت نعاس راه صافي باش عرفتيهم كينعسو على نموسية وحدة يلاه متبقايش تيقي بزااف وزايدون المستافد لول هو انت الى عرفتي بلي هداك زواج ممنو والو مغاديش تفرحي وبلاما تشوفي فيا هاد شوفات أ ليلى حيت عارفك مزال منسيتي حبك لقديم وكان عندك أمال ترجعي ليه ولالا
ليلى : عاودت ليك وندمت وحق الله.
ربيع : واخا عاوداي ليا وخبيتي عليا شكون هو حبيب القلب ولكن معليش الحاجة وقت ما جات كتكون مزيانة شوفي وحلي ودنيك معايا مزيان أنا وأنت هدف ديالنا واحد أنت بغيتي جواد وأنا بغيت بنت عمي ماريا ساهلة ماهلة أنحطو يدينا فإيدين بعضياتنا ونتعاونو.
ليلى : أنا ماشي خرابت البيوت ومكنفرقش الناس أه أنا معاك عمري مابغيت شي واحد بحال جواد وعمري مغانبغي بحالو وعمري منسيتو ومغانساه كان هو أول حب فحياتي وفتحت عيني عليه من الصغر ولكن هو ختار حياتو وتزوج مغانجيش نخرب حياتو..
ربيع : واش انسيتي مدارت ليك أمو فرقاتكم وبسبابها رحلتو وناس نعتو فيكم نسيتي ولالا بسبابها باك قرر يزوجك لواحد مكتعرفيه وبسباب داك زواج راجلك دوز عليك العداب ورجعتي وحدة مطلقة ولا نسيتي هادشي كولو..
ليلى(شافت فيه خشات إيديها فجيابها وتنهدات تنهيدة طويلة) :
- منسيتش وعمري مغادي نسى داز عليا العذاب الأليم.
ربيع : إيوا كوليها لراسك هادي هيا الفرصة ترجعي حقك جواد كان ليك وأيبقى ليك وانا متأكد بلي زواجو من ماريا ممنوش انا لي كنت وشفت الكره فعينين بعضياتهم وكيفاش كيتصرفو انت مغاديش تفرقيهم انت غير أتحاولي تكسبيه وترجعيه فصفك والمرا اللحلاحة غلبات سحارة أو لا فكري فليام لي فاتت بيناتكم ديري لي كيعجبو وبعدي على لي مكيبغيش حاولي تقربي منو ومزيان وهو ضروري مغادي يميل ليك فكري مزيان فالأخير أيرجع ليك حبك الأول وتولي ليلى جواد الإبراهيمي..ليلى سهات فكلامو وكتفكر حبها ليه كيف كان كلام ربيع بدا كيدخل ليها لدماغها ويدير بلاصتو..
ليلى(شافت فيه) :
- معرفتش والله.
ربيع : فكري مزيان فهضرتي هذا هو لوقت لي خاصك ترجعي فيه حقك لي ضاع كونماشي أم جواد كون انت وياه مزوجين او والدين ولكن هيا سبابكم ويقدر يكون زواج جواد غير ردة فعل وصاف ويقد يكون منساكش يااك عاونك كان بيدو يخليك وميعاونك بصفة نهائية هو بالعكس وقف جنبك وبعدك على راجلك كونما كان كيحس بشيحاجة مزال جيهتك مغايشوف فيك حتى شوفة..ربيع كيشوف فليلى وشوفاتها لي كلهم أمل ضحك فخاطرو حيت عرف يلعبها صح ويلعب على الوتر الحساس عند ليلى لي هو جواد
- شافت فيه ليلى وتبسمات.
ليلى : عندك الصح جا الوقت لي نرجع فيه لي داز وضاع مني انا موافقة وغادي ندير لي فجهدي باش نرجع جواد ليا حيت هو من حقي أنا ممنحق حتى وحدة أخرى..
ليلى : واخا يلاه بسلامة هاني مشيت..مشات ليلى فحالها وربيع ركب فطوموبيلتو ومشى...فبلاصة حداهم ورا الشجر كانت طوموبيل كحلة صغيرة راكب فيها واحد السمر شوية وداير لحية مقابل معاهم هز تيليفون ديالو دوز نمرة وكيتسنى غير تفتح الخط وهو يهضر :
- سدي أنا تبعتها وكيف كنتي متوقع تلاقات مع واحد السيد كان راكب طوموبيل رانج فالبيض طويل وزعر عينيه خضرين شحال وهوما كيهضرو من بعد سلم عليها هيا مسات وهو ركب طوموبيلتو وزاد واخا سيدي كون هاني..قطع معاه الإتصال ديمارا طوموبيل وتبع طوموبيلت ربيع بلاما يشوفو...
لا أحد يملك حياة وردية..
ولا قلبآ خاليآ ولا راس خفيفه من أﻷعباء ..
ولكن هنالك من يدعو الله ويبتسم .!
الحمد لله دائمآ وأبدآ ..
****
- خرج جواد من الليرو ديالو شاف فساعتو بانت ليه 4 ديال 1ونص هذا الظهر ومزال ماريا او هاجر مارجعوش جمع غوباشتو هز تيليفون ديالو باش يسوني عليها يلاه أيدوز النمرة حتى تفتح باب الدار وتسمع صوتها هز راسو لجيهت الباب بانت ليه داخلة والفرحة كبيرة على وجها تبعاتها هاجر شوية دخل شخص تالث دار إيظيه فجيابو كيشوف فيه مافهم والو..هاجر وقفات كتشوف فخوها ولقفقافة شداها عارفة وحاسة بلي الحرب غادي تنوض غير الله يستر مع الله يحفظ...سكت كريم من الضحك وشاف فجواد لي بدورو كيشوف فيه ومستغرب من الباليزة لي هاز ماريا نتابهات ليه تبسمات وشافت فكريم..
ماريا : كريم هذا راجلي جواد..مشات جبهت جواد شافت فيه بحب متصنع وشدات ليه فدراعو
ماريا : حبيبي هذا كريم قرا معايا فلافاك وهو لي حركت معاه راه عاودت ليك عزيز عليا فيه خويا وصاحبي
ماريا : ويلي عرفتي شنو دابا هو جا عطلة كونجي يدوزو هنا وسيد كالس فأوطيل تصور انت خايبة حتى لتعاويدة..
جواد (الأعصاب وصلو معاه لأخر وكيتصنع البرود) :
- وايلي لااا حشومة عيب سي كريم دار ختك مفتوحة الله أودي..
ماريا : كضحك)شفتي شنو كتليك راه حنا عائلة متفتحة جدا جدا(شافت فجواد) كريم كان خايف منك كتليه راه حتى انت جبتي صاحبتك لقدبمة زعمة لي بحال ختك مسكينة كتليه راه عادي ياك؟
جواد(فهم القوالب مزيااان ولكن الحساب من بعد) :
- أه اسي كريم ماريا عندها الحق أصلا أنا هاد دار ديالي كنت ناوي شحال هادي نديرها أوطيل ولا نديرها دار للاجئين ولكن مكتابش بالعكس كنرحبو بضيف مرحبا بيك قدما بغيتي تبقا بقا دارك هادي..
كريم(مسكين مفاهم والو غير كيضحك) :
- شكرا اسي جواد الله يكبر بيك..
جواد (هاز حاجب ومهبط تاني كيشوف فماريا) :
- حبيبة توريه انت بيتو ولا توريه ليه رابحة؟
ماريا : لالا بلاما تعدبها مالين دار هوما لي خاصهم يوريو لضيوفهم فين يباتو بحالك أنت وليلى ولالا..؟
جواد : أه بصح هادي عندك مهم منين توريه بيتو أجي عندي بغيتك(ورك على كلمتك بغيتك)..ماريا من توراكو لآخر كلمة عرفات راسها هاد المرة ياأتبات فلاكاف يا غادي تاكولها فجلدها مافيهاش شك..هاجر سبقاتهم كتجري لبيتها تبعاتها ماريا او وراها كريم..خلات جواد كيغلي لتحت بالأعصاب صاف وصلات معاه لطوب مابقاش قاد يزيد حتى كيكول الأمور تقادت وترجع من صفر ماحيلتو ليها ماحيلتو للمنافقين لي دايرين بيه ولي كيتاحدو عليه..
- من بعد ماريا ماورات كريم البيت فين غادي يكون دخلات لبيتها حطات ليليا فبلاصتها يلاه حطات ساكها بغات تحيد مونطوها حتى حسات بيديها غادي تحيد من بلاصتها تجرات من وسط بيتها ركل الباب برجلو وبقات هبا وياه راس فراس فبيتو..علات عينيها لوجها شوفاتو مكانوش كيبشرو بالخير عروق عنقو كينبضو لجهد وعروق إيديه خارجين..
جواد(من تحت سنانو كارز عليهم): ممكن تفهميني أش كتروني واشنو هاد زبل لي كديري فيه واش بغيتي ت**دي معايا سوايع ولا شنو واش بغيتي ندير فمك شي أمارة ولا شنو بغيتي بضبط واش بغيتي نرد لملتك حياتك جحيم ولا شنو بغيتي؟؟
ماريا(عصباتها هضرتو وخصوصا فاش دكر مها محملاتوش يفكرها فيها نطرات إيديها منو وكتشوف فيه بتحدي):
-علاش شنو درت باش ترد حياتي جحيم علاس هاد العيشة لي أنا عايشاها ماشي جحيم فنظرك العيشة معاك تحت سقف واحد ماشي جحيم شوفة فوجهك ماشي جحيم غير كوليا..
- جواد ماشعرش براسو حتى هز إيديه لسما وجمع وجها كامل..تاني مرة لتاني مرة كيحط إيديه عليها عينيها بداو كيترعدو كلها كترعد...هزات إيديها لسما باش تعاودو بنفس طرشة ولكن كان سبقها وشد ليها فيديها..حسات واحد الإحساس فشكل بلي بوحدها ومكاينش لي يدافع عليها بغات تنطر إيديها منو مخلاهاش..
ماريا : عمرك تحط عليا إيديك مكتسواش شتي انت مكتسواش لي تحط إيديك على مرا ولكن قسما بالله أجواد حتى غادي تندم أتندم على حياتك كلها وشفتي هاد الجحيم لي معيشني فيه اتعيش فيه أنت مضوبل وهاد الطرشة اترجع ليك بضوبل وغادي تكول ماريا كالت عند بالك غادي تغلبني غير حيدها من بالك أنا ماشي هيا ليلى أما بنسبة لكريم مدامنا قدام ناس مزوجين حتى هادي راها داري وندخل ليها شكون مابغيت حلال عليكم وحرام علينا انت دير مابغيتي وأنا لا حشومة كنت ناوية نبدا معاك صفحة بيضا ولكن انت سرك بنادم يبقى معاك كيما هو مايتصالحش معاك..
جواد : أه القضية فيها ليلى علاش كنحس بيك كتغيري؟!
ماريا(ضحكات): أنا نغير من هاديك عليك فيق شوية عفاك وآخر مرة تحط إيدك عليا أنا مشيطاش ليك ولا لغيرك ديرها فبالك هادي...خلاتو واقف ورجعات لبيتها..
دخلات ماريا لبيتها معصبة غادية جايا طار عليها نعاس عمر شي واحد تجرأ حط إيدو عليها حتى ليه هو ولكن هاد المرة زاد فيه ومغاديش دوزها ليه هاد المرة حتى تاخود حقها منو..
- جواد فجهة لوخرا شاعل معرفش كيفاش حتى تصرف بحال هكاك معاها ولكن هضرتها لي ستفزاتو محملهاش تهضر معاه بديك طريقة ولا بالأحرى محملهاش تجيب راجل معاها لدار علاش الله أعلم هو براسو مشاعيرو تخلطو عليه مابقا عارف لا شنو كيدير او شنو كيتصرف حيد خوايجو ودخل لحمام دخل تحت دوش وطلق عليه الما على وعسا يقدر الدهن ديالو يصفى شوية..
****
✏أكتب أحزاني ولا أتحدث عنها لأحد.
ربما سألتني : ما الفرق ؟! .
الفرق يا صديقي أن صوت الحلق يفضح
وصوت لوحة المفاتيح لا يتغير 🍃
- فاقت ماريا بكري لبسات سورفيت ديالها دارت عليها مونطو سبرديلة كاسك فودنيها خدمات الموسيقى خلات ليليا ناعسة مزال عرفاتها مزال مغاديش تنوض هبطات لدار لتحت فتحات لباب وخرجات خدات طريق البحيرة صباح مبرد ومغيم دنيا بيضة بتلج بظات كتجري وكتفكر مكرهاتش تغزت غوتة وحدة مدة وهيا كتجري حتى حسات برجليها مابقاوش هازينها وقفات تاخود إستراحة دازت لواحيد لكيوسك خدات منو قرعة ديال الما وبدات كتمشى بشوية قربات شوية من دار وقفات مقابلة مع البحيرة كلسات على واحد الكرسي كتشوف فالما كتشوف حياتها كيفاش غادية كتحس براسها مستغلة من دنيا كلها لي جاي كيستغل فيها أولهم مها ستغلتها وهيا صغيرة وهربات تاني واحد ستغلها وردة صاحبتها أه هيا صاحبتها وختها وعزيزة وغالية تبغي روحها تعطيها ليها ولكن نهار لي فاقت من غيبوبة علاش مقالتش ندير بنتي معايا فعلا ليليا ولات كتقكر لماريا من عينيها وكتهبال عليها ولكن وردة مافكراتش فماريا وفحياتها وشنو يقدر يسبب لوحدة شابة تكون عندها بنية من أقاويل ناس مافكراتش تاخد حتى موافقة ديالها دغية حطاتها أمام الأمر الواقع ومشات متلفتاتش وراها حتى تيليفون مرة مرة كتسول وقليل إلما سونات ليها ماريا وتاني واحد مستغلها هو جواد بأنانيتو وأسلوبو داير فيها سيد وبغا يمارس سيادة ديالو عليها..
ماريا(كتخاطب راسها) :
- صافي براكة حتى لهنا وحبس مابقيتش انولي جفاف يتمسحو فيه رجلين براكة ميستغلوني ناس لي جا تبان ليه ماريا حيط قصير يبغي ينقز فوق منو عييت من هادشي وطلع ليا فراسي..وقفات خدات نفس عميييق ورجعات من طريق لي جات منها وفراسها فكرة وحدة مغاتخليش شي وحدة مزال يستغلها ولا يتفلى عليها عييات دير فيها ظريفة وتسكت ولكن بنادم عند بالو سكاتك ضعف منك وهيا عمرها مكانت ضعيفة..
- فاق جواد من نعاس دخل لحمام خدا دوش خفيف لبس حوايجو مع أيفتح باب البيت بانت ليه يلاه بغات تدخل طلعات فيه عينيها ماهضراتوش ضربات فيه ودخلات لبيتها خدات حمام سخوون..خرجات نشفات شعرها جبدات شوميز بيضة هابطة شوية من الكتاف وصايا طويلة مخطة فالكحل والحمر مشطات شعرها دارت مكياج خفيف لوجها مع ليلونتي حلقات طوال فودنيها..بدلات ليليا حوايجها شدات ليها فيديها وتمات هابطة.
- كانو مجموعين على طبلة ديال الفطور كلهم لي فدار بقات غير هيا جواد مع هز عينيه بانت ليه هابطة وقفات لقمة فمو كيشوف فيها هابطة كتمختر وبهاد اللباس واش هادي باغية تهبلو ولا مالها..كاع رجال سيليباطير منزلوش عينيهم عليها من طارق وكريم ليلى علات عينها شافت فيها ورمات شوفة لجواد بان ليها كيشوف فماريا تقرسات..
- ماريا(مع ضحيكة) :
- صباح النور..
الكل : صباح الخير..حطات ماريا ليليا فحضن جدها حيت ولفات تاكول من إيديه وكلسات بجنبو قربات ليه..
ماريا : كيصبحتي أعمي مزيان؟
الحاج : أنا غير كنشوفك ونشوف حفيدتي كنكون مزيان.
ماريا : الله يخليك ليا أعمي انت الوحيد لي كنحس بيك كتبغيني من قلبك
الحاج : أنا شحال عندي من ماريا غير وحدة كانت عندي هاجر ودابا تزدتي نتي(ربت على يدها)..هزات طرف ديال الخبز دارت فيه فرماج والكوفيتير وخدات كاس ديال القهوة..
ماريا(كتاكول) :
- مممم هاد الخبز بنين هنية الله يعطيها الصحة..جواد هاز فيها حاجبو مافهمش شنو تحت راسها كيف كانت لبارح واليوم كيف كتعامل شي خطة من خططها تاني غير الله يستر..
وهوما كياكلو هضرات ماريا مع جواد..
ماريا : نهار لربعا معروضة عند سومية لغدا باش توصلني معاك..
جواد : إن شاء الله(برودة).
كريم : صراحة هنا كولشي عندكم زوين عجباتني إفران..
ماريا : إفران كولشي فيها زوين صراحة بلادنا كلها زينا خاصك تشوف إيموزار والفيرما غزالين إلى طولتي هنا نمشيو شي ويكاند مجموعين..
- جواد بالع صوتو كياكول فصمت عارفها باغية غير تفقسو..
ليلى : حتى أنا توحشت إيموزار دوزت فيها أحسن أيام حياتي خسارة ياك أجواد؟؟ هز راسو فيها هاز حاجب ومهبك تاني..
جواد : حتى حاجة مكترجع كيف كانت كولشي كيتبدل مع الوقت.
ليلى : غير كيبان ليك إلى بغينا نرجعو لي فات غادي نرجعوه خاصنا غير نحاولو..ماريا هزات راسها شافت فيها عرفاتها علاش كضرب وعايقة بيها..
ماريا : الماضي كيسميوه ماضي حيت كيتنسى وكيموت أما الحاضر هو لي كيعيشو الواحد..
طارق : أه عندك الصح الله نعم علينا بنعمة نسيان باش نساو..شوية سكت وشاف فليلى
طارق : ليلى انا غريب شوية على إفران شنو بان ليك نخرجو شوية تساريني؟ إقبال هزات حجبانها كتشوف فكاس القهوة لي فيديها..
ليلى : اهاه الله أودي مرحبا منين نساليو فطورنا نمشيو..عصام معجبوش لحال لا هو لا زينب حسو بهادشي إهانة لبنتهم..قربات هاجر لودن إقبال :
- غير تعفري حتى تعياي ودفعي كبير حتى تلقاي الراجل باااح مشا في عداد المفقودين..شافت فيها إقبال.
إقبال (بهمس) :
- كيفاش مافهمتش؟
هاجر : خطيبك طالب من وحدة غريبة تخرج معاه وانت مبلقة عينيك أختي الله يعطينا وجهك عاطيك الله راجل زين وخدمة زينة وكيبغيك كترفسي نعمة بيديك خليك وتفرجي وانت عارفة ليلى شخصيتها كيدايرة وكع دابا كاع مطلقة يا حلاوة..إقبال بلعات ريقها وسكتات مجاوباتهاش..سلاو الفطور ديالهم وقف جواد..
جواد : متسناونيش على الغدا عندي شغل أنقضيه..شاف فماريا) :
- ماريا بغيتك..
ماريا : انسالي دغمتي ونتبعك..خنزر فيها شوفاتو مدازوش على ليلى لي ضحكات فخاطرها..خرج على برا كيتسنا فماريا حتى سلات فطورها على خاطرها وجايا كتكسول عليه وتنشوى وقفات وراه ربعات إيديها ونباتو.
ماريا(بصوت رقيق) :
- وي بغيتيني فشيحاجة؟
جواد(دار عندها) :
- اول حاجة أنتفاهمو على هاد الاباس لي لابسة ليا ومخليا لي يسوى ولي ميسوى يشوف فيك راكي مرات راجل
ماريا : حبس حبس هاد الكاسيطة حفضتها والله وحتى انت طلعات ليك فراسك ديك ماشي شغلك فلباسي ونلبس لي بغيت إذا غير ندوزو لدوزيا إيطا
جواد(شدها من دراعها) :
- واش انت ماتك مكتعلميش ولا؟مناش مصنوعة أنت مناش..تبسمات ليه وعلات عينيها فيه عضات على شفايفها وشافت فيه بإغراء شي لي خلاه يعوم فبحر عينيها..نطرات إيديها منو وشافت فيه بتحدي..
ماريا : سمع نكوليك واحد جوج كلمات ديرهم فودنيك انت ماحكمني ما مالكني وعمرك تفكر تحط إيديك عليا قسما بالله حتى توقع مني شيحاحة عمرك شفتيها مني أنا كنكوليك مايحسابليكش بلي معندي حتى واحد..
جواد (ضحك) :
- لالا من نحية عندك عنداااك ها كريم ها ربيع ها دكتور ياسين ولا هذا صافي نسيتيه مسكين..
ماريا : لا هذاك كنخليه سكور فاش كنكون مريضة..وجه لوجه عين فعين نظرات ديال تحدي وكبرياء العافية مع العافية يكول كلمة تعطيه جوج بقا ساهي كيشوف فيها فتانية كانت بين إيديه هازها..
جواد (بحزم) أتقطعي الحس منبغيش نسمع صوتك مزاال..دورها من الباب الوراني من غير مايشوفهم حد لجردة لورانية كاين شبه كوخ تماك فيه فوطوي واحد وطبلة وشي محابق ديال الورد جبد سوارت ديالو فتح بساروت صغير ودخل بيها حطها بجهد حتى حسات براسها توعتات فكعوب رجليها..
ماريا : واش انت مريض ولا مالك لاش جايبني لهنا راك مشارينيش أسي..جواد قرب ليها وشدها من الفك ديالها وراجع بيها بالور بزربة حتى كانت غادي تعكل طيح..لصقها مع الحيط وحط نيفو على نيفها وعينيه بحال صقر كيشوفو فيها..
جواد(من تحت سنانو مكرز عليهم وكيهضر بعصبية) :
- غادي تكلسي هنا حتى نرجع أنا ونفتح عليك أنا مغاديش تخرجي ولا تشوفي العتبة ديال دار قسما بالله نلقاك درتي هاه ولا هاه حتى العظام ديال رجليك أنهرسهم..ونخليك طول عمرك كتمشاي بالعكاز..كلسها بجهد على الفطوي وبزربة كان حدا الباب..وقفات دغية كتغوت غادية كتجري عطرات جات مع سدة ديال الباب عليها
ماريا(كتغوت ودق فالباب) :
- فتاااح فتاااح الهمجي فتاااح عليااا جواااد وفتاااح اععععع(كتغوت وضرب فالباب برجليها ويديها ولكن بدون فائدة حتى واحد ماسمعها..
- أنا انمشي دابا ماريا حتى هيا غادي تمشي معايا...خنزرات فيه ليلى معاجبهاش الحال..رجع خرج تسمعات صوت طوموبيل ديالو..
هاجر : كريم ماريا مكايناش الى بغيتي اخويا تخرج نخرجو شوية؟
كريم : أهاه واخا..
الحاج : وانا اتبقى معايا هاد الكتكوتة لغزالة..طلعات هاجر لبيتها دازت من حدا بيت ماريا كان مفتوح بصدفة عينيها مشات ليه بان ليها ساكها وتيليفونها دخلات هزات تيليفون كتشوف فيه.
هاجر(بستغراب) :
- لعجب ماريا مسات مدات لا تيليفون لا ساك مادخلات حتى تبوس ليليا مافهمت والو..حطات تيليفون بلاصتو خرجات وسدات الباب وراها دخلات لبيتها هزات ساكها وهبطات لقات كريم واقف
هاجر : يلاه مشينا؟
كريم : أهاه يلاه...خرجو من بعدها وقف طارق مسا جاب تجاكيط ديالو تسنى ليلى حتى هزات ساكها وخرجو بجوج غير هوما خرجو شافت زينب فإقبال
زينب : بغيت غير نعرف مناش مصنوعة أنت غير كولي ليا خطيبك خارج مع وحدة قدام عينيك وانت متحركات فيك حتى شعرة..شافت فيها بنتها
إقبال : شنو بغيتيني ندير هو بغا يخرج معاها نمنعو أنا فاش كنكول ليكم راه انزربو فزواج كتردوني أنا لي غالطة
زينب : وحتى دابا أنت لي غالطة كون قابلتيه وكنت مزيانة معاه وعاطياه قيمة او وقت مهتمة بيه مغاديش يطلب من وحدة تخرج معاه أديري عقلك أهاد البنت ديري عقلك راه مرضيتيني وخرجتي عليا معرفتك لمن شبهتي ندمت على نهار لي طحتي فيه فكرشي ناس يهزو راسهم مفتاخرين بيبناتهم وأنا حشمانة من بنتي مشوهاني بتصرفاتك وفعايلك كون غير طرات ليا شيحاجة وماولدتك..ناضت زينب من على طبلة طلعات لبيتها عصام ضرب المنديل مع طبلة وخرج بقات غير هيا والحاج حادرة راسها الدموع تحجرو ليها فقراجتها حسات براسها موسخة تمنات الموت ومتسمع بحال هاد الهضرة فعلا هيا ماشي شي بنت لي يفتاخرو بيها والديها حشمات بيهم..
الحاج : إقبال بنتي مديش على ماماك راه غير بغات ليك مصلاحتك وكتبغيك داكشي باش...علات فيه إقبال راسها دموعها هابطين
إقبال : أنا عارفة أعمي بلي ماما عندها الصح وبلي انا ممزياناش ولكن انا ماشي خايبة حتى لديك درجة أنا معتارفة بلي درت شحال من حاجة خايبة كنت انطيح ماريا على العود وكنت بغيت جواد من صغري حيت حليت عيني عليه خالتي سعدية الله يرحمها كانت كتحط أفكار خايبة فراسي بلي خاص نكون حنا حسن من ناس ونشوفوهم من الفوق وبلي ندافعو على لي كنبغيو وبلي فهاد زمان الما كنتي سبع وشيطان ماتنجح وانا تبعت هضرتها حتى نسيت والظيا وعائلتي زديت سلوكة وصلت هضرة وخالطت بين شحال من واحد علاياش أيفتاخرو بيا هاد الوالدين أعمي علاش😢😢
الحاج : المهم أبنتي هو أنك ندمتي أنا عارفك مخايباش حيت تزاديتي على إيدي كنتي بنت مهدنة ولكن فالفترة ديال مراهقتك تبدلتي..
إقبال : تحطمت أعمي وحق الله حتى ندمت قسما بالله إلى ندمت وباغية نصلح راسي مابغيتش نخسر عائلتي او والديا😭😭
الحاج : كولشي غادي يتصلح إن شاء الله ماهما كان انت من دمنا ولحمنا ولحم إلى خناز كيهزوه ماليه والديك غادي يتصالحو معاك مهما كان انت راه بنتهم..
إقبال(تنهدات) :
- إن شاء الله أعمي انا أنطلع لبيتي سمحليا عمي..وقفات وطلعات لبيتها كتجري دخلات وسدات عليها لبيت كلسات على نموسيتها وعطاتها غير لبكا حتى تنفخو عينيها...هزات راسها ومسحات دموعها وقفات ومشات جيهت الماريو ديالها هزات واحد الصندوق ديال الحديد رجعات باب الماريو ورجعات فوق ناموسيتها هزات داك صندوق فتحاتو وجبدات من واحد الألبوم او صورة كانت على الغلاف باقي صغيرة عندها شي عام ضاحكة وسنيناتها ممدودين بدات كدور فتصاور مع كل صورة كتضحك وسط دموعها كل مكتزيد فصور كتبان غادة وكتكبر حتى وصلات ل18 سنة تصاور خطوبتها مع طارق وتصاورها معاه عينيه باينين عليهم الحب وعينيها باين فيهم البرود فيكسات على آخر صورة كيفاش كان كيشوف فيها وشاد فخصلات ديال شعرها تحت واحد الشجرة..تنهدات تنهيدة طويلة ورجعات الألبوم لبلاصتو رجعات براسها لور وتكات كتفكر فحياتها كيف غادية خاصها تبدل من راسها وأول حاجة هيا طلب سماحة من ناس لي أداتهم وأولهم ماريا وهاجر.
حين نكتب عن الحزن أو عن الفرح .. أو عن أي شيء . والحروف أيضًا لا يتغير حجمها ولا شكلها لكن الحنجرة تتمدد وتتقلص وتختنق وتتصلّب..
لذا أنا أكتب ولا أتكلم😊
****
ماريا حلقها نشف من تعياط مكاين شكون لي سمعها والو إيديها ولاو حمرين بدقان ولاو كيعكروها..
ماريا(كدور فدار) :
- ماريا متبكيش انت قوية سنو كلنا لبارح غير صبري انت دكية زعما ضروري أتلقاي شي طرقة لي غادي تخرجي بيها يلاه قلبي قلبي اووف ياربي على برد واخا عليك الكلبوشي يا جواد ولد سعدية متي انت الحاجة وخليتي ليا أنا الخطية واااااع ابلاتي غير نخرج من هنا ونتفاهمو الهضرة من بعد انسلك راسي بعدا..بدات كتقلب على شي مخرج تخرج منو كوخ صغير كان مجهز بكلشي تلفازة كوزينة كولشي كان مرة مرة كيجي جواد ويبات فيه فاش كيبغي يبعد على صداع هو لي بناه بيديه أدق تفصيل فيه هو لي قادو..
كريم : برافو عليك صراحة خاصك تكملي فهادشي ويااك تقطعي قرايتك واخا أنا خديت الباك بممتاز او وصلت لافاك ولكن واخا هكاك كنت كنتمنى منتكرفسش فبلادي وندير ديبلومات ونخدم فلي بغيت..
هاجر : علاش أنت ماراضيش على حياتك دابا؟؟
كريم : لا بالعكس الحمد لله راضي على خدمتي وكولشي غير هضرة جبدات هضرة وصاف..
هاجر : شحال وانت كتعرف ماريا؟
كريم : هههه من سابعة قرينا فلكوليج ومن تما بدات صحبتنا ضروري منكونو بتلاتة بينا فأي بلاصة أي مدابزة اي تنوعيرة حتى فاش كيجري عليها الأستاذ كيجري علينا كيجري علينا جملة ههههه..
ماريا : هيا فعايل ماريا جاي من عندكم انتوما ههههه.
كريم(كيضحك) :
- واشنو هههههه.
- بقاو غاديين بجوج كيضحكو..دورات وجها هاجر بان ليها وجه حاضيها من بعيد كيخنزر فيها شكون من غيرو هشام مالو هذا كيشوف فيا بهاد الشوفات(هاجر كتهضر مع راسها)..على حاجبو بستهزاء وتبسم تم جاي جيهتهم حتى وقف قدامهم..
هاجر : أهلا هشام صافا؟
هشام : حسن منك المشعكة..شاف جيهة كريم لي حتى هو كيشوف فيه مداير فبالو والو
هاجر : كريم هذا ولد عم ماريا هشام(شافت فهشام) هشام هذا كريم صديق ماريا روح بروح
هشام : امممم مشرفين..
كريم : شرف ليا أخويا..
هشام : إيوا بلاما نعطلكم خليتكم على خير..طلعهم وهبطهم وكمل طريقو..دار كريم كيشوف فيه ورجع شاف فهاجر
كريم : مالو هذا؟
هاجر (تصنعات الامبالاة) :
- ماملوش علاش؟
- واش عندك معاه شي علاقة؟
هاجر(خرجات فيه عينيها) :
- شكون أنا وهشام انا وياه بحال المش مع الفار مكنتلاقاوش كااع..
كريم(ضحاااك) :
- وانا نفهم
هاجر : كيفاش؟؟
كريم : حيت ضربت عليه منين كان جاي جيهتنا كان كيشوف فيك يشوفات ديال القتيلة بحال إلا خنتيه وحصلك بحال والو يكون كيحس بشيحاجة من جيهتك.
هاجر : لااا متكولهاش حتى بضحك عرفتي راه فاش كنتلاقاو كنوليو بحال طيابات ديال الحمام بالمدابزة فير كيبان ليك وصاف
كريم : إيوا معرفت أنا كلت غير لي بان ليا وصافي حيت انا راجل وكنعرف دوك شوفات لي دار
هاجر : مهم ماعلينا علاش كنا كنهضرو..هاحر بدلات الموضوع مابغاتش تعمق فيه حيت مدايراهش فبالها والى حطاتو فبالها أجا ميخرجو وتصدق مصدومة بحال اللول اللهم بلاش..
ناضت من بلاصتها من بعد ما نعسات شافت ساعة فيديها بانت ليها 4 غيبات وقفات كدور شدها جوع وبغات تمشي لطواليط دخلات قضات حاجتها علات راسها فسرجم الصغير بقات كتشوف فيه..سدات طاسة ديال طواليط وطلعات فوق منها فتحات سرجم وطلات براسها كيبان ليها الغيس وكولشي فازك
ماريا : الي ليها ليها المهم غير نخرج..
- وهيا كتهضر مع راسها تفتح الباب لكبير ودخلات طوموبيل ديال جواد..بلاصة طوموبيل ديالو نزل يلاه أيدخل وهو يرجع لفين سد عليها غادي بخطواتو تقيلة الممشوقة رافع راسو لسما فتح بساروت دخل مبانتش ليه غوبش..
- هيا كانت دلات بقا غير رجليها لي واحلين كتعافر وكاع لحمها ضرها حيت سرجم صغير..
جواد : كنت عارفها مغاديش ترصى..خرج بزربة من طواليط ومن الكوخ دار وراه بانت ليه مشبحة فوق الأرض كتوجع.
ماريا : أميمتي عضامي أميمتي كرشي اميمتي ضلوعي تهرست صافي أنا تهرست أخرتي فكرسي بالعجلات مافيهاش..بان ليها ظل فوق راسها علات راسها فيه بان ليها كيشوف فيها بشر
ماريا : واقف كتفرج فيا دايرة الحلقة أنا عاوني نوقف الله ياخود فيك الحق..هزها من دراعها وقفها
جواد(بصرامة) :
-واش انت مكتعلميش ياك كتليك بقاي الداخل كون تهرستي دابا
ماريا : اللهم نتهرس ولا نبقى فالحبس واش انت بعقلك لي حابسني والله حتى خاصك تعالج بالله بعد مني حيد يديك..دفعات إيديه شدات فضلوعها وتمات غادية جيهت دار كتعرج مخلياه وراها حتى حسات براسها تهزات وكانت بيديه..
ماريا : حطني راني ماشي مشلولة اتحن وقت مابغيتي وشوية ترجع داير بحال شارشابيل لي فسنافر
جواد : سدي فمك وبراكة من الهضور راه هوما لي خارجين عليك كنكوليك تقاي شري ولكن عند بالك بلي غير كنضحك..وهوما داخلين جا بوبكر كيجري عندو
بوبكر : سي جواد سمحليا عفاااك بغيتك فحاجة مهمة
جواد(هاز حاجب ومهبط تاني) :
- مكتشوفش ماشي وقتها دابا سبقني لبيرو أنا جاي..دخل جواد بماريا جاب الله مكاين حد مافيه لي يبقا يعاود ويبرر أفعالو لشي حد طلعها نيشان لبيتها حطها على نموسية وخرج منطقش بكلمة..هبط كيجري فدروج دخل على بوبكر وقف قدامو
جواد : كنسمعك
بوبكر : سيدي عبد الجليل بغا ياخود الفيرمة صغيرة ديال علال ومسكين كيتسناك على برا..
جواد (غوبش) :
- سير دخلو..مشا بوبكر عيط على سي علال راجل على قد الحال عندو فيرما صغيرة فإيموزار جنب الفيرما ديال جواد وخدام عند جواد فلاح..دخل علال عند جواد حاني راسو تحنى على إيديه سلم عليه..
جواد(بحزم) :
- مالك أعلال أش واقع وهز عينك شوف فيا متبقاش تشوف فالأرض
علال : سيدي عبد الجليل بغاني نبيع ليه الأرض ديالي كاليك يعطيني الفلوس ونمشي لمدينة وأنا منقدش نبيع الأرض الى خرجت منها نموت وهيا مناش كنوكل ولادي ومنين مابغيتش ولا غير حاضيني انا او ولادي فينما نخرج يتبعني ولا يحرش عليا شي حد وبليل كنسمع لحجر فباب داري وليداتي ولاو عايشين فرعب مساكن مايقدو يخرجو ولا يضرجو وبفمو كاليا إلما بغيتي تخوي بالخاطر انخويك بزز عفاك أسي جواد(بغا يبوس ليه إيديه خطفها جواد)عفاك اسي جواد لاما عاوني راه معندي غيرك انت والله فين أنمشي وندي وليداتي..
جواد دم جمد فعروقو هاد عبد الجليل واحد الكلب باغي يدير راسو من راسو..
جواد : يلاه معايا أعلال..هز سوارت طوموبيل خرج جاعر بغا غير فيمن يبرد جنونو ركب فكوموبيل طلع حداها علال وديمارا بجهد خدا طريق الفيرما..
- ماريا حيدات حوايجها ودخلات من جديد خدات دوش سخون لبسات تريكو كول طاع مع سروال دجين وبوت بلا وتريكو أخور مفتوح نشفات شعرها وهبطات لتحت حسات بجوع دخلات لكوزينة خدات ليها خبز دارت فيه الكاشير وكاس ديال العصير ومشات فوق طبلة كتاكول..سمعات صوت المشية دارت بانت ليها إقبال هابطة رجعات راسها كتاكول حتى وقفات عليها إقبال جرات لكرسي وكلسات علات فيها ماريا نص عين معجبة فيها وكملات ماكلتها..
- لا غير بصحة..رجعات سكتات شوية تنهدات وشافت فماريا
إقبال : ماريا بغيت نهضر معاك واحد شوية ممكن؟..
ماريا : أه انا كانسمعك😕
إقبال : بغيت بغيت نطلب منك سماحة على كاع لي درت ليك أنا عارفة راسي غلطت وكنعتارف بيها ولكن وحق الله حتى ندمت وبزاااف بغيت نتصالح مع داتي ولكن قبل بغيت نتصالح مع ناس لي أديتهم يمكن كلامي مغاديش تيقي بيه ولكن والله حتى من قلبي شنو بقا منين تسمعي والديك مبريين منك ومحاملين يشوفو فيك حتى شوفة طيحتي بيهم قدام الناس الولاد كيرفعو ريوس والديهم وانا هبطت قيمتهم اشمن وجه بقا عندي مزال موتي حسن من حياتي كيف كاليا بابا نيت عندو الصح..قاطعاتها ماريا :
- مخاصكش تكولي هكاك مزيان من تصالحتي مع راسك أما حنا راه كنبقاو غير بشر ماشي ملائكة كلما غلطنا ضروري غير هو كاين لغلط لي ممكن الإنسان يسامحك عليه وكاين لي لا الله لي شانو عظيم وكيسامح خلي حنا البشار أنا مسامحاك والله مكنشد فقلبي بالله ياك شتي كاع لي درتي ليا ونهار جواد عاقبك كتليك لا حشومة انا مافياش سم ومافياش الحقد ولا الغل على شي حد كل إنسان كنخليه لي خلقو هو لي غادي يحاسبو حنا غير زايدين فهاد دنيا شي نهار حتى يكوليك كان فلان مزيان إيوا علاش ندوزوها فحروبات وشي مكيحمل شي الله ضحك وصفي تشرب كيف كيكولو(بدات كتضحك)
إقبال(حطات إيديها على إيد ماريا) :
- وحق الله إلى كلامك ريحني شكرا بزااف وحاجة تانية بغيت نكولها ليك غير نصيحة مني بعدي على ربيع ولد عمك والله أختي ممزيانش وباغي يفرقك على جواد وراه كيقرب من وراكم عند بالو بلي زواجكم ماشي حقيقي وكان جا عندي وطلبني نعاونو وأنا مابغيتش وكلتها لجواد راه فخبارو كولشي
ماريا(خرجات عينيها) :
- ربيع ربيع أصلا عينيه ماشي خواتات باين فيهم الغدر إلى وصل ودنيه يعضها
إقبال : المهم ديري منك بالو وصافي..سونا الباب خرجات رابحة من الكوزينة بزربة باش تفتح قبل لا تفتح كيتسمع صوت ضحك أنثوي جاي من برا دورات إقبال راسها بانت ليها ليلى وطارق داخلين كيضحكو شادة فيه..
ليلى : ناري والله إلى انت علام أطارق فوجتي عليا الحمد لله جابك الله تونسني فهاد الدار
طارق : الله أودي على عيني وراسي وقتما بغيتي أنا موجود
ليلى : ههههه صافي أسيدي غير وجد راسك أنصدعك بزاااف(غمزاتو)..
إقبال(مصدومة) :
- واش غمزاتو ولا غير تخايل ليا؟😲
ماريا : والله أختي حتى غمزاتو غمزة ديال الغدايد شفتها بعينيا راجلك طار أصكعة مشيتي فيها..مجاوباتهاش إقبال غير حاضياهم وساكتة..
إقبال : حنا تصالحنا دابا وإلى اتبيني ليا بلي فعلا سامحتيني وبدينا صفحة جديدة جيني نيشان..
ماريا(لقاها فرصة تخرج لي فقلبها) :
- وأختي بسيف سيدك خاطبك مدة وسنين هادي كتهصري معاه بحال راجل كرام ديال الحنان مكاينش إلما هضر معاك هو متهضريش انت حتى ميساج متسيفطيه الويلة الراجل كيبغي الإهتمام تم الإهتمام ها واحد تاني حاحة شوفي راسك نفس اللوك تريكوات شعر مطلوق على وجهك وملامح تكول فكنازة كيبغيتي هاد الراجل يشوف فيك واش شفتي ديك بطاطا قصبية ديال ليلى كيدايرة ولالا؟
إقبال : أه شفتها
ماريا : إيوا على سلامتك الالة تهلاي فراسك بلماسكات ونلبس ونتقاد حتى أنا ومرة مرة نسيفط ميساج نتفكرو داخلت عليك بوجه الله زعمة مكتحسي بوالو جيهتو؟
إقبال : هو صراحة قبل مكنتش كان اغير عاجبني ولكن اغير شفتو مع هاد طيطفيت حسيت بسخونية فقلبي.
ماريا : وبدلي شوية وديها فراجل راه زعمة أيولي راجلك شوفي راه والله متلقاي راجل لي يبغيك ويصبر على هبالك واخا تكوني معرفت كيفاش ومع ذلك هو بقا صابر ولكن راه كيجي نهر وصبر كيتقادا وسيد من حقو منين شاف ردة فعل ديالك حيت مابغيتي تزوجي بيه
إقبال والله حتى حرت شنو ندير أنا دابا(شدات فراسها جاتها البكية).
بقات ماريا كتحنزز فيها تنهدات وحركات راسها وشاف فإقبال.
ماريا : واخا كياكلني فمي وكنكول والله لا عاونت شي حد مزال حيت كنجيبها غير فعضامي ولكن كوني هانية أنا غادي نعاونك
لأنهـا ترفضُ الإنتقام .. يقولونَ عنهـا ;خبيثَة ; وصفوا ذكائهـا بالكَيد , ورقتُهـا بالحَساسيَة , وصدقُهـا بالتَمثيـل ! لأنهـا ;أنثـى. لَن يُنصفُهـا مجتمعُنـا أبداً ! للأسَّـف...لذا يا عزيزتي...استمتعي بانوثتك وامومتك التي انعم الله لك بها...لانك وببساطه...تتحكمين بمزاج المجتمع ككل..اما واختا وحبيبة..وصديقة....وزوجة وبنتا..... 💙
****
دخلات هاجر هيا وكريم بانت ليها ماريا وإقبال كالسين كيضحكو مجمعين وقفات مشلولة مكترمش مكتحرك لي شافها يكول غير ماتت واقفة..طلعات ماريا راسها بانت ليها..
ماريا : ها هاجر جات..دارت إقبال شافت فيها عرفاتها مصدومة وقفات مشات عندها وكريم جا عند ماريا مجمع معاها..
إقبال : هاجر واخا نهضرو شوية عفااك؟؟..شافت فيها هاجر هازة حجبانها كتشوف فيها
هاجر : كنسمعك..
إقبال : بغيت نطلب منك سماحة على أي حاجة درت ليك غلطت فحقك بزااف عارفة ونقدر نكون انا لي كنسبب ليك مشاكيل مع الحاجة الله يرحمها ولكن وحق الله الى طيش والعقل مكانش عندي انا مكنتش هكا يقدر تأتير خالتي سعدية عليا خلاني نولي نسخة طبق الأصل عليها مابغيتش نخسر عائلتي بغيت بنت عمي ديال بصح لي نتسار معاها ونضحك معاها بحالي بحال جميع الناس صافي براكة خسرت حياتي وخسرت والديا لي مابقاوش حاملين يشوفو فيا حتى شوفة مابغيتش نزيد نخسر حيت مابقا ليا والو الى مشات ليا عائلتي شنو انكسب فهاد دنيا وبنادم راه خطاء وضروري لواحد يغلط ولكن المسامح كريم انا طلبت سماحة من ماريا وراه قبلات الإعتذار ديالي ودابا أبنت عمي أنا كنطلب منك سماحة بغيتي نسمحي ليا داكشي لي بغيت ماقديتيش أنا عاضراك.
هاجر(بقات ساكتة وكتشوف فيها تنهدات وتبسمات ليها) :
- أنا قلبي بيض مكنشدش فخاطري الله يسامح وعمر ظفر مكيطلع من اللحم..
إقبال (غرحات وحسات براسها شحال كانت مقصرة جيهت عائلتها لي دغية سمحو ليها) :
رجعات ماريا لخدمتها تلاقات مع سومية لي أكدات ليها على نهار الأربعاء باش تجي عطاتها العنوان تقيدو باش ماتلفش...من بعد الحصة ديال الصباح دازت ماريا لصالون..
ماريا : عفاك أختي بغيت نبدل لون ديال شعري المهم انت ديري لون لي يوالمني
الكوافورة : أصلا انت بشرتك زوينة يجي معاها أي حاجة
ماريا : ههههه تهلاي فيا
الكوافورة : هههه كوني هانية..
****
من بعد الحلاقة رجعات ماريا لدار دخلات سقيل من غير همهمة جايا من جيخة المكتب ستغربات شكون أيكون مع جواد فالمكتب..حطات ساكها فوق الفوطوي ومع لابسة بوت هابك بلا طالون مكيتسمعش الحس ديالها بدات كتقرب لبيرو شوية بشوية وكتسمع الهضرة حطات راسها على الباب كتحاول تسمع شنو كيتكال..
ليلى : أنا مزال كنبغيك أجواد والله حتى كنبغيك عمري منسيتك
جواد(بحزم) :
- خرجي فحالك لي كان مات شحال هذا متخلينيش نغلط فيك
جواد : ضربي الباب كتليك خرجي فحالك وتعلمي دخلي سوق راسك شوية
ليلى : انت مزال كاتبغيني غير كتكابر خلينا نحاولو بجوج غير جرب..قربات منو تقابلات مع عينيه وحطات إيديها على صدرو..
ليلى(كتشوف فيه بحب وهو عينيه فيهم كره) :
- جواد عقلتي فاش كنا بجوج ولالا حبيبي عفاااك غير سمعني مزيان..شد فيديها وزير عليهم حتى كان أيهرسهم ليها..ماريا مابقاتش كتسمع والو من لهضرة لي سمعات من كترت الفضول حطات إيدها على البوانيي دوراتو وخلات الباب وقفات كتشوف فيهم بجوج وصدمة باينة على عينيها لسانها تعقد فبلاصتو من غير عينيها لي كانو كيتحركو بوحدهم..😲
بعدات جواد بقا واقف كيشوف فماريا وملامح الصدمة باينين على وجها طلق من إيدين ليلى لي كانت كتشوف فماريا عاجبها الحال...ماريا من ظاهر ديالها كتبان مسالمة وممسوقاش هادشي بنسبة ليلى وشنو كتشوف ولكن لي مكتعرفوش ليلى هو لي غادي يطرا..
ماريا : أتبارك الله تبارك الله على هند رستم مسكينة جاية تحيي الحب لقديم.
جواد : ماريا.. وقفاتو بيديها
ماريا : انت مكنهضرش معاك كنهضر مع هاد شريفة العفيفة لي دايرة ليا فيها رابعة العدوية وكتمسكن مسكينة كل نهار واحد تشكيلة دايرة صلاد جاغدان مسكينة..
ليلى(كتمسكن) :
- مدام ماريا ماتفهمينيش غلط أنا غير بغيت جواد يعاوني فواحد الموضوع صافي..
ماريا : هاهايو الخبز ومسكت فلايو بلايو كتليك مسكينة بغاتو يعاونها شوفي اديك فورمة الفرماجة دوك تحريميات ديريهم على شي وحدة جايا ورا جبل أما انا راه سابقاك ليهم وداك جامع فاش قريتي أنا لي بانياه ماشي غير كالسة دوري بخطيب إقبال جايا تحيي الحب القديم راه نقسمك على جوج ونزطم عليك بصباطي وهانياتون..
ليلى : شوفي الالة ماشي غير انت لي كتعرفي تخاصمي حتى انا راه كنت كنطير مع طيور لزمي حدك حسن ليك..
ماريا(بدات كتغوت وغواتها وصل لدار لي سمع صداع كيفتح بابو ويتسنط منين جاي صداع) :
- ضربني وبكا وسلقني وشكا هيا هادي ذابا جايا تحلوني ليا على راجل ودابا كتبعوقي وراه نيت كنتي طيري مع طيور كونما كنتي خفيفة ميجريوش عليك...ليلى بدات إيديها كتاكولها تمات جايا لماريا تحط فيها إيديها ساعة ماريا سبقاتها شداتها من شعرها لواتو على إيديها وطيحاتها..
ماريا : بغيتي تسرقي راجل يا خطافت رجال يا عود سبسي..جواد جا كيجري يجر ماريا والو كنزات على ليلى تكنزيزة وحدة ماتلات بغات تنوض لوخرا كتبغي دافع على راسها كتشد ليها إيديها بجوج وتعض
ماريا(كتعضها) :
- اعععع نوري طاسيلتك انا اليوم ابيا ولا بيك يالخانزة لمطوطة لعكربة خطافت رجال يامسيسي شيخو لكلبوشية أنا نوريك ضسارة وتلاوحي على رجال لي بعيالاتهم
جواد : ماريا براكة غادي تقتليها واش تسطيتي
ماريا(ولات كي لبخر الهايج) :
- انت أدخل سوق راسك..دخل طارق تابعاه إقبال ولبقية كولشي وقف مصدوم جواد شاف فطارق
جواد : كتفرج أصاحبي فك..حيدو ماريا بزز فوق منها جواد هزها وطارق هاز ليلى لي شعرها ولا طاير وجها مقموش
ماريا(معلقة بين يدين جواد) :
- طلقوني عليها كتليكم طلقوني وكوااااااك طلقوني...متبان ليها غير إيد جواد نزلات عليها بعضة حتى غوت طلقها بجهد مشات كتجري لجيهت ليلى طارق دور ليلى باش يخرجها نقزات ليها على ظهرو طيحاتو لا هو لا ليلى جبداتها من تحتو كملات عليها رجع جواد هزها من فوق منهم طلعها جرية وحدة لبيتهم وهيا كتغوت وتركل..
ماريا : واطلق طلق مني طلااااااق...ماحطها حتى لبيت رماها على نموسية..بقات كتشوف فيه وكتلهت وحتى هو كيلهت
-بقات فيك حبيبة القلب اه قطعت عليكم لقطة أشاروخان وكاجول مسااكن كون غير تعطلت شوية..
جواد (بحزم) :
- أنا وليلى كنا غير كنهضرو انت لي عقلك فيه الخماج بلاتي وزايدون انت مالك ياك هاد زواج غير تمتيل فتمتيل أش دخلك الالة سوقك فحياتي؟! ماريا كتلهت وكتشوف فيه وتسول راسها نفس سؤال علاش دارت هاد ردة الفعل واش حماقت ومالها هيا مالها..رجعات شاف فيه
ماريا : انت نهار ربيع وصلني درتي حالة وفاش جبت كريم سديتي عليا بحال شي معزة وانت لا معليك حرج ياك سد ليا على راسك انت والمدام وديرو لمسخ ومايحاسبك حد وانا لا انا حرااام عليا وناس أيكولو مرات جواد كدير وكتفعل كيفما انت باغي نحافض على سمعتك حتى انت كدلك وشوف اسي جواد القوانين كيطبقو عليك حتى انت ماشي غير أنا بغيتي تعيش حر حتى انا نعيش حرة تفاهمنا...وكنظن من بعد هاد شوهة مغاتخليش ديك عود شطابة فدار مزال حيت هاد الوحشة ديال مراتك اتاكلها بسنانها..قرب ليها جواد عاقد غوباشتو موجه ليها صبع..
جواد : ليلى غادي تبقى هنا فهاد الدار حتى نقرر أنا إيمتا أتمشي بغيتي ولا كرهتي..
ماريا(وقفات) :
- وحتى أنا كريم أيبقى هنا حتى يكول ليا طانطو ديال مخي إيمتا غايمشي العين بالعين وسن بسن والبادي أظلم أسي ريفي واش بغيتي غير الحرب يا بسم الله قسما بالله عمرك مغادي تقد نزل مناخري لأرض حيت لي ولدتي راجل وسيد رجال كلهم ورباني ناخد حقي بيدي ومنخليش شي حد يمسح رجليه فيا...ضربات فيه ودخلات لبيتها سدات عليها..سمعات باب بيتو ترضخ عرفاتو هو لي خرج تنهدات تنهيدة طويلة وكلسات على نموسية شدات راسها بين إيديها حسات راسها كلها كترعد تعصبات علاش الله أعلم علاش هاد ردة الفعل كلها ديجا هيا معصبة من العادة الشهرية لي قربات تجيها الهرمونات كلهم مخربقين ليها وزيد عليها ماحملاتش كيفاش كتقرب من طارق وتحلون عليه ودابا نوبة جواد ولايني بنت لحرام مقطرة...
لا تنتظر الوقت المناسب فقد لا يأتي أبدا
ولكن افعل كما يفعل النجار
فهو لا يبحث عن المكان الفارغ ليضع فيه المسمار
ولكنه يحدد المكان الذي يريد أن يضعه فيه ويطرق عليه ليشق طريقه
اعرف ما تريد واطرق عليه بعزمك
واعلم أن المتردد لا يفعل شيء....
- #لتحت
طارق(كيواسي ليلى) :
- انت شوية مطرا ليك والو؟
ليلى : لا مطرا ليا والو بغيت غير نطلع لبيتي نرتاح سمحوليا..
إقبال : الما وشطابة حتى لقاع البحر..ماسمعاتهاش ليلى حيت طلعات بزربة دار طارق شاف فإقبال :
- راه سمعتك حشومة تكولي هكاك
إقبال : حشومة هيا مرات شيطان شفتك انت بقا ليك غير رجليها تبوسهم ليها داكشي لي خاص داكشي لي دارت ليها ماريا قليل فحقها غزاات فيها بسيف محصلاها مع ولد عمي وانت كدافع عليها ولكن انتوما رجال راكم مسكيين بمغرفة وحدة تاع غير لي يهزو حوايجو ويمشي لشي جزيرة فتلت لخالي مافيها راجل واحد يلاه يتهنى منكم..خلاتو واقف معجب منها وطلعات لبيتها..
طارق : هادي مالها؟ نباتو هاجر
هاجر : شوف انت مالها وراه عندها صح انتوما رجال استغفر الله العظيم وأتوب إليه..هزات ساك ماريا وطلعات حتى هيا بدورها لبيتها..هبط جواد من بعد ما كما وهدن أعصابو..شاف فيه الحاج لي مكانش راضي على هادشي..
الحاج : الى كان بحال صداع ايتعاود من الأحسن ديك البنت تمشي فحالها من هنا مانقصناش شوهة وفهاد الأيام بضبط..
جواد : الحاج لا تزبدش عليا عفاك لي فيا كافيني وليلى مغادي تمشي فين وزاسدون مطرا والو ماريا دارة من الحبة قبة وصافي..
الحاج : أنكوليك جوج كلمات ديك البنت بنتي وعزيزة وغالبة ومنبغي حتى واحد يأديها واخا يكون ولدي..خنزر فيه ومشا لبيتو...شد جواد فراسو
جواد : اووووف(ضرب رجليه مع الكرسي)
طارق : غير بشوية تكالمة شنو وقع لداخل بعدا مافهمت والو؟
رابحة : ياختي من نهار شفت ديك ليلى وأنا مرتاحيتش ليها ماشتيش لالة ماريا حصلاتها مع سي جواد فالبيرو شداتها نتفاتها دارت ليها شوهة كون أنا منها انحشم ومايبقى ليا الوجه لي نشوف فيهم مزال..
هنية : منديو غير شبر سي جواد ميديرهاش هو انسان معقول والى مشا حتى تزوج ميشوف هكا ولا هكا تلقاي ديك خيتي لي تلاحت عليه
رابحة : انا علاما جابولي وديناتي بلي هاديك ليلى كانت كتعرف سي جواد شحااال هادي بحال والو بانت ليها فيه تاني ولكن لالة ماريا عجباتني فيها غزااات فيها..دخل بوبكر لقاهم حوت حوت..
هاجر : علاش فين بغيتيها تمشي غير كولي ليا محصلة ديك لفعة ديال ليلى مع خويا فالبيرو وبغيتيها تبقى كالسة ليه فالبيت من نيتك بطيسعة الحال اتعزل فراشها عليه باش تربيه شوية ولالا أماريا
ماريا(حسات براحة حيت نقداتها هاجر) :
- بطبيعة الحال ومالي انلقى كالسة نضحك ليه..
إقبال : والله إلى بصح حتى انا مسطية مهم دابا شنو اندير مع هاد اللفعة واش شفتو كيفاش كضرب هنا وهنا وماضرني غير طارق كالس يدافع عليها وسيد هازها وغادي بيها بقا ليه ايديها لفراشها ينعسها فيه..
- شافت هاجر فماريا وضحكو
إقبال : مالكم كضحكو عليا؟😕
ماريا : حيت قبل كنتي محاملة فيه شوفة ودابا نار الغيرة كتاكول فيك
هاجر : عيني فيه وإيخ منو هيا هادي ديالك.
إقبال(كلسات شدات وسادة) :
- صراحة طارق هو كان كيعجبني ولكن عقل ديالي صغير خلاني نضيعو من إيدي كنت غالطة فبزااف ديال الحوايج كنتفكر شحال من حاجة دار عليا كنبغي نتسطا والله(رجعات شافت فيهم) دابا واش اتعاونوني نرجعو ليا ولا اتكلسو تفرجو فيا وتلوموني راه لي فات مات دابا شنو كلتو..
ماريا : أما عليا أنا معاك ماضربي حسبة لوالو يكفي غير نتفة لي عطيتها صباح
هاجر : وحتى انا معاكم شحال كتعجبني المدابزة والخطط الجهنمية😂😈
ماريا : حاجة وحدة لي محيراني نهار عاودتو على هاد ليلى عند بالي شي وحدة بريئة وظريفة طلعات كثر من العافية
هاجر : واش تقارني بين العروبية ودابا كانت دابا راه سيدة طلقات وتمدنات وقرات او وعات وبانت ليها فخويا تاني المشكيل بانت ليها فطارق وفجواد بغات تلعب بيهم بجوج..
إقبال : والله لا كانت ليها خطافت رجال حكل راجلها فيها يمكن كانت محرة عليه العيشة داكشي باش طلعات ليه فراس ودابا عينيها كيلوبو على لي ماشي ديالها..
ماريا(هازة حجبانها) :
- وحنا انوريوها #إتحاد_النسوة شنو كيسوى..مدات إيديها لقدام حطات هاجر إيدها على إيد ماريا وإقبال بدورها حتى هيا حطات إيدها على إيدهم...وضحكو مع بعضياتهم وتحت راسهم ألف خطة وخطة...
****
أنتِي جميلة جدًا، عليكِ أن تدركي أنك مهدّدة بأن تتحولي إلى وردة في أيّ لحظة..🌷
- فشوبر فواحد الأوتيل واقفة وردة كتجمع فحوايجها فالباليزة كالس أمين مقابل معاها فواحد الكرسي وبالو غايب على الوعي ردات ليه البال وردة حطات لي فيديها وجا عندو حطات إيدها على كتفو فاق من سهوة ديالو وعلى فيها عينو..
وردة : هوما توحشوك وباغيين غير إيمتا يشوفوك اتجيك صعيبة حيت مغاتفكرهمش ولكن كولشي مع الوقت ايكون مزيان دابا تشوف راه سمعتي طبيب شنو كاليك حتى الجو العائلي غادي يعاونك باش ترجع تفكر..
ماريا : علاش شنو عندي باش منعسش معاها..شافت فهاجر) غير نعس ليليا وغادي نجي لعندك..شاف فيها جواد معجبوش الحال حرجاتو قدامهم..
إقبال : ناري خلعتوني على هاد الحساب حتى انا نجي معاكم..
هاجر : اه اختي غير أجي عرفتي مع البرد وثلج مرة مرة كيتقطع الضو اللهم تكوني معانا..جواد لي كان كيشرب فالحريرة وحلات ليه كيكحب(كح كح كح كح)..مد ليه الحاج كاس ديال الما نزل عليه دقة وحدة وحلات ليه من هاد الحب لي طاح عليهم فجأة ياك مكانوش كيشمو بعضياتهم كيفاش طرا وجرا زينب وعصام مستغربين كيفاش هاجر وإقبال كيهضرو بطلاقة بحال الى مواقع والو..
ماريا : هكا مزيان شحال هادي ماكلسنا كلسة بنوتية هادي هيا لوجيبة..جواد هز راسو كيشوف فهاد تلاتي لي دغية نساجمو البارح كانو كيكرهو بعضياتهم وكيشوفو فبعضياتهم شوفة العما فظلمة دابا منين جا هاد الحب أكيد شي تنوعيرة هادي مافيهاش شك..زينب بلعات ريقها ممتيقاش كيفاش ماريا وبنتها وهاجر كيهضرو بضحك منساجمين لي كالس كولشي مستغرب من غير كريم وليلى لي جاهم هادشي عادي حيت محضروش من لول..سلاو العشا طلعات ماريا لبيتها لقات ليليا نعسات خلاتها فبلاصتها وهزاتها وسادة ديالها ومانطتها وخارجة بيها كتجرجر هيا وياها..هيا خارجة وجواد داخل كيشوف فيها شوفات ديال شك..
جواد : انا دابا ماشي فالحاولي ولا عجل اشنو تحت راسك غير هضري حيت انعرف انعرف
ماريا(بعدم فهم) :
- شنو تحت راسي مافهمتكش علاياش كتهضر!؟
جواد(بنفاد صبر) :
- ماريا بلاما تعصبيني أشنو واقع شفتك انت وإقبال وليتو محابين فين مشات العداوة راه كولشي كيدوز تحت عيني
ماريا : بغيتي تعرف اسيدي إقبال جات عندي طلبات سماحة عرفات الغلط ديالها عادي بنادم كيغلط وحنا كنسامحو مافيها باس وطلبات سماحة حتى من هاجر عرفات راسها شنو دارت بغات ترجع الأمور لمجاريها كاين شي سؤال أخور؟..قرب منها جواد حتى خلعها بقرب المسافة لي بيناتهم كطلع فيه عينيها وتهبطهم وصل عند وجها وهمس.
جواد : قسما بالله ونعرف بلي كتخطو لشيحاجة نهارك اماريا ميطلع عليه شمس وانا علمتك ولمباتة برات بيتك مرة خرى منبغيهاش آخر مرة وأول مرة..
ماريا : كنخططو نطلعو لقمر نشوفو ناس لي لفوق كي شتي دابا حنا طلعو لينا البشر فراس كلنا نشوفو لمخلوقات الفضائية كيدايرين باازز كاليك نخطو..تمات خارجة وكتبغم..
جواد بلا هواه خلاتو يتبسم واخا كتعصبو وطلع ليه القردة لسطح ولكن تصرفاتها العفوية كيجيبو ليه الضحك الضحك لي شحال هادي مطرق بابو...
- فتحات ماريا الباب على هاجر لي كانت مربعة فوق نموسية هيا وإقبال فاتحين واحد الورقة كبيرة وهازين ستيلوات فيديهم..
هاجر : وتعطلتي أصاحبتي
ماريا(كتحط فوسادتها ومانطتها) :
- بحال الى مكتعرفيش خوك مخلاني نخرج من البيت حتى دار معايا تحقيق تكول عايق بينا شنو أنديرو فديك اللفعة..
إقبال : هههه كون عرف شنو كيدور فهاد لبيت كون بيتنا فتلج وشتا حتى نكرمو..
ماريا : سمعوني دابا هوما يلاه أيدخلو ينعسو بينما فرقنا المهام وخططنا ايكونو بداو فنعاس باش نقدو نتحركو كيف بغينا..شكون حنا؟
ماريا : ودابا راكم واجدات إيوا ندوزو لأول خطة قربو عندي هنا.
- ليلى لبسات واحد الكسوة قصيرة شوية عريانة من ليدين رشات من ريحتها طلقات شعرها لبسات بانطوفة وخرجات كتمشى على ريوس صباعها وصلات عند باب بيت جواد دورات البوانيي ودخلات كتسمع فدوش خدام تبسمات بخبت حطات البانطوفة ديالها فتحات باب الدوش ودخلات..كان جواد سالة دوش ديال جبد الفوطة لواها على نص ديالو يلاه مد رجلو باش يهبط بانت ليه واقفة كتعوج فالوقفة ديالها وتبسم ليه شعرو فازك كيقطر على صدر ديالو لي كايبان مبرونزي ومنحوت كيبري دغية جمع غوباشتو ونهض فيها:
جواد(بصرامة) :شنو جابك لهنا؟
ليلى(كتحلون) :
- صراحة خفت بزااف بوحدي قلت نجي نتوانسو ونهضرو شوية باش يقدر يجيني نعاس...تبسم جواد ودوز لسانو على فمو..
جواد : مخفتيش ماريا تشوفك؟
ليلى : عرفتها اتكون مشات عند هاحر تبات معاها داكشي باش قلت علاش منجيش ونونسك
جواد (ضحك بإغراء ودوز إيديه على شعرو) :
- فكرة زوينة هادي علاش لا..قرب لعندها حط صباعو على وجها وبقا هابط مع خط الفك ديالها بإغراء خلى قلبها يضرب ولات كلها كترعد تحت لمسات ديالو..قرب من ودنيها وهمس بشوية :
- جيتي فوقتك متعرفيش قداش توحشتك
ليلى(بصوت شبه مسموع) :
- الى كان حلم مابغيتش نفيق منو حتى انا توحشتك أحبيبي كنت عارفة بلي عمرك مغادي تنساني وبلي مزال كتبغيني كيما كنبغيك..دخل إيديه تحت شعرها وقابل وجها مع وجهو كيتأمل فيها شدة ديالو لي كانت حنينة سرعان متوحلت لقبضة ديال وحش زير عليها حتى لملغيغة ديال راسها كانت اتحيد..
ليلى : أيي جواد حبيبي قصحتيني..
جواد : ومزال ماشفتي والو هادشي غير لقليل وليتي رخيصة حتى لهاد درجة وجهك صحيح جايا لبيتي داخلة بهاد لباس بحال بنات زنقة كتخلي لواحد يشمأز منك..
ليلى : ايي شعري ولكن ..
جواد (كيدي فيها ويجيب) ولكن شنو عند بالك انشوف فواحدة بحال واش عند بالك مجايبش خبارك ولا يحسابليك كنرضع فصبعي شوفي نكوليك انت فهاد دار حيت انا لي بغيت وجايا على غرص واحد وغير تهناي اتخلصي عليه حاجة خرى حيديها من دماغك مابقيتش باغي نشوف ملتك كدوري قدامي ولا قسما بالله وديني وما أعبد أيكون آخر نهار فحياتك ودوبا دوري ت**** من قدامي قبل منسا بلي راك مرا وندير فيك شرع يدي وحدة موسخة تفو(دفل عليها)..طلقها حتى زلقات وطاحت تخطاها وخرج من الحمام دموعها نازلة كتحاول توقف شدات فالحديدة ظيال الفوطة وقفات خارجة حادرة راسها لبسات بانطوفة وخرجات من البيت حسات بواحد الإساس بلي رخيصة بزااف ولكن لي داز عليه مساهلش أكيد مزال مقلق منها داكشي باش دار هكا هدا هو تبرير لي كتعطي لراسها ممتيقاش بلي جواد حيدها من بالو مابقاتش شيحاجة سميتها ليلى فحياتو..
#فبيت_هاجر
هاجر : أنا عندي شي بيروك من أيام الثانوية كانو عندي فاش كنت كندير المسرح..
ماريا : مزيان خرجيهم..مشات هاجر هزات واحد الكرسي وقفات عليه وجبدات واحد الكرطونة كبيرة فوق الماريو هزاتها هبطات من الكرسي ورجعات عندهم فتحاتها كانو فيها شي بيروكات وماسكات بزااف وشي حوايج بحال كساوي فالكحل ولبيض..
ماريا : بيل راه فتيليفوناتنا..يلاه ماحد ديك زلمومية مزال ماشد فيها نعاس..فتحات ماريا الباب تلفتات يمين وشمال مكاين حد صقيل وظلام أشرات ليهم بيدها باش يتبعوها..خرجو من لبيت غاديين على ريوس صباعهم هبطو مع دروج وحدة ورا تانية دخلو نيشان لكوزينة..
ماريا(بهمس) :
- وحدة فيكم تشوف فين هو الفاخر وأنا أنجيب الثومة واخا..فرقو المهام شي يقلب على ثومة شي على الفاخر لقاو مورادهم وخرجو كيتسكلو كيف جاو طلعو لبيت جرية وحدة متلفتوش وراهم دخلو لبيت سدو الباب وهوما كيلهتو..
هاجر : اووف عييت كان قلبي أيسكت
ماريا : شش هضري بشوية وطفي داك ضو خلي اديال الفيوز لايدوز شي حد يكول راه فايقين ويعيقو بينا..
إقبال : ويلاه خلاص بداو بيا أنا لولة..قربات ماريا من إقبال هزات داك الفاخر حكاتو مع بعضياتو حتى ولا كيدردر هزات داك الحموم طلاتو كاملو لإقبال حتى ولات كلها كحلة شدات جوج فصوص توم حيدات ليهم القشرة وركباتهم لإقبال في فمها بحال شكل نياب ولات متشوف فيها لا موحمة لا لي شادة فحبل..
ماريا : هاجر اري ليا داك لبيلوك لكحل وداك ليزار لبيض..مدات ليها هاجر ليزار ولبيروك لبساتهم لإقبال ولات كتبان بحال عيشة بسم الله الرحمان الرحيم دكرنا سمن والعسل..
هاجر(كضحك😂) :
- صراحة انا وتخرجي ليا اتجيني سكتة قلبية مافيهاش
إقبال : وانا داكشي لي بغيت ليها شلل تولي تشوف متهضر متكلم خطافة الرجال
ماريا : سمعيني مزيان اتباني ليها مدة ديال دقيقة وحدة وتحت منك تيليفون باش تخدمي صوت لي سجلنا تبان ليك بدات تغوت ولا تهضر دغية خرجي
إقبال : وإلى شعلات الضو؟
ماريا : متخافيش حنا انتكلفو بضو ديال بيتها انقطعوه بيما خرجتي وغير تخرجي اتلقاي هاجر كتسنى فيك اتمسح ليك كاع لي على وجهك وتخشاي فالمانطة انا وانت وهيا بحال الى شيئا لم يكن وديك ساعات ندوزو لبلان لاخور..
إقبال : مشات..
#عند_ليلى
- صرطات الخصة لي فقلبها بدلات ديك لكسوة بالبيجامة ديال نعاس جمعات شعرها وتخشات تحت المانطة طفات الفيوز لي حداها وستسلمات لنعاس..
سيدها الجزء الثامن
محتوى القصة
التنقل بين الأجزاء