ليلى : بهمس)بسم الله الرحمان الرحيم..مدات إيدها لفيوز تشعلو مابغاش يتشعل هزات لمانطة وغطات بيها راسها غير عينيها لي خلاتهم كيطلو حس البرد داز من حداها من غير ضو ديال القمرة لي مضوي وخلاها تشوف المنظر لي كيبورش اللحم مرة طول بعرض لابسة بيض وشعرها مطلوق كحل وكلها كحلة..صدمة والخلعة خلاتها متنطقش لون تخطف من وجها..
- هـــــــــــا أنا جيت جيــــــــــــــــت نديك ليلى لولاتي أنشويك ونقليك ونديرك فزيت حتى يطيرو عينيييك أهاهاهاها ماماك عيشة جات تديييييك..
ليلى : ممم مممم مممم واااااااااااااااااااااااااااع(ليلى حماتها لغوت مغمضة عينيها وكتغوت ربي لي خلقها)...خرجات إقبال كتجري حتى شداتها هاجر غادية بيها لبيت سدات عليها دخلاتها لحمام بالخف حيدات ليها داكشي لي لابسة وغسلات ليها رجعات بحال لول
ماريا : سربي سربي ايكونو فاقو دابا سربي..تخشات إقبال معاهم تحت المانطة تغطاو ودارو راسهم ناعسين..تشعل ضو فالقصر لي نعاسو خفيف بحال طارق وكريم وجواد فاقو أما البقية بقاو ناعسين..كل واحد فيهم خرج من البيت يعرف مصدر الصوت منين جا.
كريم : شكون كيغوت؟؟
جواد : الصوت جاي من بيت ليلى..مشاو كيجريو شعلو ضو بانت ليهم مكمشة وجها صفر..غير شافتو طارت عندو
جواد : شنو واقع ياك لاباس؟
ليلى : ممم كك كانت هه هنا بب بغات تت تقتلني
جواد : بشوية وفهميني شكون هادي لي كانت اتقتلك
طارق : باينة كانت غير كتحلم
ليلى(حركات صبعها بمعنى لا) :
- لا لا مكنتش ناعسة والله يلاه(كتبلع ريقها)يلاه غمضت عيني نعس او او سمعت شي صوت ماشي هو هداك منين منين جيت نشعل ضو مابغاش يتشعل و وهيا تبان ليا واقفة😢لابسة لبيض و وكلها كحلة وشعرها طويل وكحل جواد والله مكنكدب تيقوني والله مكنت كانحلم بالله..
جواد : ومالنا حنا شعلنا ضو وتشعل ليلى آخر مرة نبغي بحال هاد الحركات
ليلى(كتبكي) :
- قسما بالله مكنكدب وحق الله الى شيحاجة ماشي حتى لتم فهاد الدار ياك كالتها هاجر قبيلات ومتيقتوهاش وانا شفت هادشي بعينيا..جواد كيهضر مع راسو :
- معرفتش علاش حاس بلي هادشي من تحت راس ماريا..شاف فليلى
جواد : مكاين والو غير نعسي واخا
ليلى : ولكن..
جواد(حمر فيها عينيه) :
- ليلى نعسي...جبدات عليها الغطا وتخشات تحتو ناض جواد من حداها خرج تبعو كريم وطارق..
زينب : العجب هادشي عمرو كان سنين وحتا فهاد الدار عمر شيحاجة طرات بحال هكا..جات هاجر تابعاها إقبال كيسولو شنو واقع
هاجر : ياربي سلامة باينة أختي جوادك خايبين داكشي باش مالين لمكان محملوكش..خنزر فيها جواد بشوفة كتبرد دم فركابي خلاتها تجمع وطوي..
جواد : هادشي تخربيق لي باغي يلعب يلعب بتيساع هاد تبرهيش معندي مندير بيه..كيشوف فماريا..
ماريا : تبرهيش هو لي دايراه هيا شكون كال تكون هيا مولات هاد الفعلة غير باش تكسب تعاطف لي هنا ولا باش تلفت الإنتباه ليها..
ليلى : كك كيفاش زعمة أنا لي كندير هادشي؟!
ماريا : ايوا لحر بالغمزة ولعبد بدبزة غير لي مابغا يفهم فهاد دار حتى وحدة فينا معندها عكر فالحمر انا عندي غير لوان ترابية ولباردين هاجر مكدير ميكاب بصفة عامة..
ماريا : كنعرف لي بغا يدير شيحاجة مكيخليش دليل كدو كداش وراه بلاك الله وبغيتي تكتبي بالعكر ديالك غبريه متخليهش محطوط لا حول ولا قوة إلا بالله..مدات لعكر اجواد لي كان نص ديالو ممحي من الكتابة لي تكتب بيه..زينب شافت فيها ممتيقاش لي دارت نزلات راسها وخرجات خرج كريم وراه ماريا وإقبال وهاجر بقات غير ليلى وجواد
ليلى : جواد والله ما..سكتها بيديه
جواد : قسما بالله ويتعاود هادشي ديال هاد الصباح ولا ديال لبارح مغايعجبك حال وهاد تحرميات والفعايل معندي مندير بيهم راه مغاتصوري منهم والو عطي قيمة شوية لراسك راه دليتيها كتر من القياس..لاح عليها داك العكر خرج وخلاها دموعها نازلين..رجع جواد لبيت دخل نيشان على ماريا..لي غير دخل دارت كتشوف فيه..
جواد(داير إيديه على جنابو وكيشوف فيها بشك) :
- زعمة انت معندك إيد فهادشي؟
ماريا : مافهمتكش علاش كتهضر؟
جواد(بحزم) :
- ماريا قسما بالله ونعرفك انت هيا مولات هاد الفعايل انت ودوك جوجات لي معاك غادي نربطكم فشجرة ونخليكم تكلاصاو فهاد البرد أنا علمتك..يلاه ايخرج وهو يرجع يطلع فيها ويهبط
جواد : أش هاد زواق لب مزوقة بيه وجهك غادية لعرس؟
ماريا : لا غادية لختانة مالي كيف جيتك راه وقيلة كتليك متبقاش دخل ليا فلباسي لبسنا زوين وحلنا لبسنا خايب وحلنا معرفت فين نشدك..قرب منها جواد كيشوف فيها شوفاتو ليها وتروها مخلاوهاش تنفس مزيان..هبط وجهو لمستوى ديال عنقها غمض عينيها وستنشق العطر لي دايرة..ماريا وجها ولا حمر كتر من فراجو لي دايرة قلبها كيضرب فتسعين معرفات واش توقف او تكلس او تبعد بقات جامدة بلاصتها..عاق براسو شنو كيدير دغية جمع الوقفة ورجع لور كيشوف فيها عطاها بظهر ورجع لبرودة لي فصوتو..
جواد : متعطليش ودي معاك شيفور..خرج بلاما يزيد يهضر بقات واقفة وكتشوف فالفراغ لي خلاه كلسات على نموسية غير كترمش وتسول راسها..علاش فاش كيكون قريب منها كتوتر سلاح ديالها هو كلامها القاصح ليه والمدابزة لي بيناتهم مابغاتش تستسلم لهاد المشاعر لي بداو كيتسللو لقلبها علاش كريم مكيحرك فيها والو علاش نهار شافت ربيع محرك فيها والو وياسين محرك فيها والو حتى من وديع مكان كيحرك فيها والو وهادو كاملهم بينو ليها لطافة ديالهم وهو لي من نهار عقلات على وجهو وهيا وياه فشد ليا نقطع ليك..
ماريا : لالا ميمكنش انا وياه كنضحك على راسي أنا أصلا انا مكنحملش الرجال سلطويين لي كيبغيو يديرو لمرا تحت سباط..(شافت فليليا لي كتلعب وتضحك)خلاتك بدات كتحماق وتدخل وتخرج فالهضرة منعستش مزيان باين بدلت لبلاصة خاص انعس شي ساعة ديال المكانة وغادي نرجع كيف كنت يلاه اكبيدة ديالي نفطرو باش نمشيو..هزات ليليا حطاتها على رجليها دارت تيليفونها فساكها شدات ليليا فيديها وخرجو من البيت.
- دخل جواد لبيرو هز بكية ديال الكارو خدا منها كارو واحد شعلو خدا منو نفس طوييل وساط دخان ديالو على سرجم واقف كيشوف على برا الجو مغيم ودنيا كلها بيضة..تفكيرو مشا نيشان عندها كيتفكر شوفات ديالها ليه ضحكتها وعنادها كيتغكر كل لحظة ليه معاها..شاد راسو وضرب إيديه..
وضرب إيديه مع الحيط محاملش هادشي لي كيحس بيه كارهو عمرو فحياتو ماضعف قدام المشاعر ديالو عمر هادشي حس بيه ولا شي بنت المرا سيطرات على تفكير ديالو فعمرو 34 سنة دوز الأولوفات ديال البنات من كل جنس ولكن هاد الإحساس هذا غريب وكارهو ومالغاهش يأتر عليه ولا يسيطر عليه ومابغاش يعرف حتى شنو هو..
****
كيف لنظرة عينيك .....أن تختصر كل الكلام؟؟!..كيف لها أن تخلق بي حبّاً..وحرباً..وسلاماً💙؟؟!!
- من بعد الفطور لي داز كولو غير شوفات فليلى كولشي مقابلها هزات ماريا ليليا دارتها فطوموبيل لور لبسات مونطو ديالها مع كشكول ركبات حدا ليليا لور..جواد لي كان مقابلها من بعيد حتى خرجات من الباب لكبير هز سوارت طوموبيلتو وخرج عندو خدمة خاصو يقضيها..
****
خرجات سومية من بيتها دخلات لكوزينة وقفات عند الباب كتشوف فمها بدات كتصفر ونشوف فيها بإعجاب..
سومية : هاي هاي هاي على تفاحة ديالي والغوووزز جيتي فنة اماما معرفت كيف طرا وجرا حتى لبستي هاد العباية ليوم؟
حورية : لبسناها ويك ويك مالبسناها واكواك
سومية : لالا غير مع من نهار جابها ليك بابا كنكوليك لبسيها وكتكولي ليا من بعد
سومية : كوني هانية كولشي قاديتو..تفتح الباب ودخل محمد هاز فيديه الموناضة والخبز وشي كراطن فيهم الحلوة وبتي بان..
محمد : شدو من عندي هادشي
سومية : أرا ابابا انا انشد من عندك..
حورية : أمضرا عيطي على ياسين يجي يتغدا معانا؟
محمد : كلتها ليه كاليا الى سالة بكري راه غادي يجي مسالاش بكري راه ايدوز بليل عندنا فاش يكون راجع
حورية : أه إيوا صافي نخلي ليه حقو جا هو هداك ماجاش راه حقو يبقا ليه حتى يديه معاه سومية شوفي شحال ساعة وسوني على ماريا سوليها في وصلات لا تلف ولا شيحاجة
سومية : راه يلاه 10 ونص اماما مزال الحال..
حورية : راني هضرت وقيلة😤
سومية : واخا هاهيا غادية..خلاتهم سومية ومشات تسوني على ماريا..
محمد : حورية تبتي عفااك مابغيناش البنت تعيق
دارت حورية شافت فيه :
- والله معرفت كيفاش غادي ندير معرفتش الى شفتها واش غادي نقد نتحكم فراسي ومنبكيش بنتي قدامي امحمد ومنقدش نعنقها كيف بغيت غير الله يدوز هاد نهار على خير..
محمد : غير حاولي زطمي على راسك وحاولي راه لا سومية اتحس لا ماريا حتى هيا الله يرضي عليك..
حورية (حركات راسها بالإيجاب) :
- يكون خير يكون خير..رجعات سومية كتنقز
سومية : بقاتوليها شي 15 دقيقة وغاتكون هنا..حورية حسات بالخلعة ركباتها من رجليها لراسها وقلبها كيضرب..
وردة : غير كنفكر فبنتي او ماريا توحشتهم بزااف كنتسنى غير إيمتا نشوفهم..
أمين : حتى انا متشوق نشوف بنتنا ونشوف دار واخا معاقلش ولكن كوميم بعدا اتحس براسك وسط عائلتك..
وردة(ضحكات ليه) :
- غادي تشوفهم وتفكر كولشي وتفكر زبايلك هههه غير كون هاني..
أمين : وراه هادوك زبايل لي بغات نتفكر ههههه
وردة : الحمد لله لي رجعتي كضحك بحال لول هذا راه بحد داتو حاجة زوينة
أمين : إيوا الله يخليك ليا..
وردة : أمين ياربي ويخليك ليا..رجعات حطات راسها على كتف أمين كتسنى غير إيمتا توصل لفاس ومن فاس لإفران تشد بنتها بين إيديها وتشم ريحتها لي توحشات ماشماتها هادي شحال...
****
وصلات ماريا قدام باب دار هبطات من طوموبيل ونزلات ليليا هبط شيفور حط ليها الحلوة لي خدات باش مدخلش بيديها خاويين..
حورية : بالعكس أبنتي نهار كبير هذا منين جيتي عندنا..تم داخل محمد لابس جلابة فالكرونة..
محمد : سلاااامو عليكم
الكل : وعليكم السلام..
سومية : ماريا هذا بابا محمد..مد ليها محمد إيديه نزلات عليها باستها ليه إحتراما لسن ديالو
محمد : الله يرضي عليك أبنتي مرحبا ونهار كبير هذا
ماريا : الله يكبر بيك أعمي سمحوليا على دخلة
محمد : لاتكوليش هكاك أبنتي حسبي دار دارك مرحبا بيك فأي وقت..حورية لي كانت واقفة ومقابلة ماريا كتحفظ ملامح ديالها كيفاش كتضحك وكيفاش كتهضر فيقاتها غير شنيولة ديال سومية لي مكتسكتش..
سومية : أماما اسبحان الله افين سهيتي كوراه لغدا تحرك..
حورية(وعات لراسها) :
- اويلي والله إلى عندك صح سمحوليا..مشات كتجري لكوزينة وقلبها كيضرب بجهد..
ماريا : ماماك زوينة تبارك الله كدخل لخاطر.
سومية : هههههه صافي نسلفها ليك واحد شوية ولكن ترضيها ليا هههههه
ماريا : ههههه باز أختي مكتحشميش..بقاو مجمعين مع بعضهم محمد معاهم كيلعب مع ليليا ويضحك معاها..رجعات حورية لعندهم كلسات حدا ماريا مابغاتش تنوض من حداها غير ساكتة ومقابلاها..هضرة كتجبد هضرة دغية طلقات ونساجمات معاهم..
حورية : انا العكس ديال محمد وسومية هوما كيعجبهم الحوت الحمر انا لا كنبغي البيض..
ماريا(ضحكات) :
- ههه انت بحالي حتى انا بابا كيبغي الحمر وانا كنبغي البيض..وكيعجبني اللحم على دجاج من غير الى كان دجاج محمر هذاك اه..
حورية(كضحك) :
- حتى انا بحالك وحق الله خصوصا اللحم بالبرقوق ويكون ديك جيهة لي معلكة..
ماريا(خرجات عينيها) :
- وحق الله الى انا بحالك بلاتي كتعجبك لوبيا؟
حورية : كنموت عليها
ماريا : مممم روز بالحليب؟؟
حورية : لا من غير الى كان فيه سكر
ماريا : سفة؟؟
حورية : كنعشقها
ماريا : هممم شعرية بمطيشة
حورية : مكنبغيهاش
ماريا : لالا بلاتي التقلية
حورية : هيا عينيا..
ماريا : لالا بزاااف هادشي هههههه انا وانت واحد كاع لي كتاكليه كناكلو ولي مكتبغيه حتى هو مكنبغيه..
حورية : محمد ياسين كيبان ليا موحال واش غيجي غير نخلي ليه حقو
محمد : لي بان ليك الما بان من هنا 10 دقايق حطي ليه...قربات ماريا من سومية تسولها..
ماريا : شكون ياسين؟؟
سومية : اويلي نسيت مكتليك عليه هذا خويا من بابا طبيب راه يمكن كتعرفيه راه كالينا كيعرفك..
ماريا : واش ياسين ياسين ياسين شاهلي
سومية : هداااااك..
ماريا : اوااااه واش خوك عمرك كلتيها ليا وحتى هو عمرو كالها واخا كلسنا امرة وحدة فكافب صافي
سومية : غير مجابتهاش الوقت وصافي عرضات عليه ماما يتغدا معانا ولكن موحال واش غادي يجي عندو خدمة بزااف هاد الأيام.
ماريا : اااه إيوا مزيان..بقا محمد كيسول فماريا على حياتها وهيا كتعاود ليه بطلاقة معندها أصلا متخبي من غير لي خاصو يتخبا خلاتو مطوي ومكتوم...
****
حينما نفقد من نحب تصغر الدنيا بأعيننا لم تعد كما كانت نبدأ بعرض شريط ذكرياتنا تجاها من فقدناهم نبحر في تفاصيل أيامنا معهم هل أخطأنا في حقهم يوما؟ بمجرد التفكير بالماضي الذي كانوا معنا فيه ونسمع صوت ضحكاتهم ونتذكر أماكن جلوسهم ونتخيل أشكالهم كيف كانوا وكيف أصبحوا🍃
واقف بطوموبيل ديالو فطريق حاضي لي غادي ولي جاي حتى وقفات واحد طوموبيل bmفالكحل كتبري...خرج منها رجل فتلاتين من عمرو ولكن شعرو غالب عليه شيب هاز واح الملف كبير فيديه سد باب طوموبيل وتم جاي جيهتو فتح باب طوموبيل لي فليسر ديالو طلع ومد ليه الملف..
-- سيدي هاذ الملف فيه كاع المعلومات على ربيع شي معلومات جديدة مؤاخران غير شي 4شهور هادي تعرف بواحد البنت عبر مواقع تواصل الإجتماعي هاد البنت سميتها ليلى وتحول من رصيد ديالو مبلغ 2000درهم لحساب ديالها ومؤخران شي 3يام هادي باش تلاقات معاه راه عندك تما كاع المعلومات عليها أما بنسبة للبنت لي ضحك عليها فاهيا من مدينة بني ملال خدامة طبيبة ديال الأسنان فالإمارات وهمها بإسم الحب وخدا ليها كاع الفلوس لي عندها..
جواد(كيتسنط ليه وكيفكر) :
- هممم وإلى بغيت نوصل لهاد البنت فين يمكن ليا نلقاها هادسي بلاما نسافر لعندها أنا؟
-- من بعد سيمانة غادي تكون هنا فالمغرب معروف كتجي فهاد الفترة طل على والديها يعني كدوز كونجي..
جواد : بطبيعة الحال العنوان هنا؟؟
-- كاع معلومات ديالها فهاد الملف عنوانها وسيرتها داتية كلها بالإضافة كاينين معلومات على لبنات لي تعرضو لنصب من طرف ربيع كاع لي بغيتي تعرف عليهم كاين فالملف مع صور ليهم كاين شيحاحة تأمرني بيها أسيدي؟
جواد : شكرا أجلال عارف مكاينش لي نقدر نعتامد عليه فهاد الخدمة من غيرك..
جلال : انا ديما تحت الأمر ديال أسيدي..خرج جلال من طوموبيلت جواد رجع لطوموبيلتو ديمارا ومشا أما جواد بقا حال الملف وكيحقق فكاع لمعلومات لي جاب ليه جلال
جواد : دابا عرفت علاش مطوي اسي ربيع..جواد كان حاس بشيحاجة ماشي حتى لهيه ودابا شكوك ديالو تأكدات ربيع مهاموش ماريا هامو الورث لي ورتات ماريا بغا يدوزها من شي لي دازو منو غيرها وغيرها وهاد المعماعة باغي يدخل فيها حتى ليلى ويلعب لصالح ديالو...حل جواد المجر حط فيه الملف سدو دور سوارت ديال طوموبيلتو ديمارا بجهد خلى غير تشاش ديال الما وراه..
****
حورية(كتقطع فالبيطيلة وتحط لماريا) :
- كولي أبنتي ماكليتي والو؟؟
ماريا : لا أخالتي والله حتى كليت الحمد لله..
سومية : ماريا راه كتسنى فاللحم بالبرقوق راني عايقة بيها😂😂
محمد : بسم الله عليك خودي الما شربي..مد ليها كاس ديال الما شربات وضحكات لماريا بتوتر :
- م ماماك سميتها مليكة الله يخليها ليك
ماريا : لا هيا مرات بابا تعرفو فاش كنا فسبانيا عندها ولد واحد آدم بحال خويا هههه بمعزتها عندي كنكوليها ماما مكتحملنيش نكوليها خالتي..
حورية(ولات كدخل وتخرج فالهضرة ماعرفات متكول) :
- أه مزياان ع علاه في فين هيا ماماك؟؟زعمة لي ولداتك..سكتات ماريا حيت سؤال بحد داتو كيوترها..
سومية : ماماها ماتت أماما ناري شحال كتسولي
ماريا(تبسمات) :
- لا هانية سومية ماما ولا نكولو لمرة لي ولداتني مماتتش..شافت فيها سومية
سومية : ولكن انت كلتي ليا ماتت؟؟!!
ماريا : انا بطبعي صريحة مع ناس لي كنبغي وانا كليت ماكلتكم يعني شركنا طعام لمرة لي ولداتني مميتاش ولكن بنسبة ليا أنا ميتة(كلام ماريا نزل بحال سم على حورية حسات براسها عرقات وبردات..
ماريا : المرة لي تسمح فبنتها بنت عامين وتخليها صغيرة ومتلفتش وراها بنسبة ليا ميتة مرا لي مهمهاش بكا ديال بنتها صغيرة وسمحات فراجلها على قبل راجل أخور مكتعتابرش أم..حورية وقفات ليها فالحلق كتحس بغصة فحلقها كضرها بزاااف مابقاتش قادرة تحمل هضرتها بنتها ليها..
محمد : ولكن أبنتي يمكن كان عندها سبب ميمكنش ام تخلي بنتها
ماريا : انا مي دارتها وعطاها قلبها وسمحات فيا..
حورية(كلها كترعد وضبابة مغشية عينيها) :
- واش واش هادشي كالو ليك باباك؟؟
ماريا : لا بابا مسكين كان كيدكرها بالخير واخا هيا مدارت فيه حتى خير ولكن عمتي الله يرحمها عاودات ليا فاش كبرت...هنا صدمة ولات جوج صدمات بنسبة لحورية فاش عرفات خديجة ماتت..
محمد : أبنتي بعض الحوايج مكنفهموهومش حنا غير كنجيو ونحكمو كل واحد مامطالع عليه غير الله وحدو وانت ماماك الله بوحدو لي عالم بحالها كوراه رجعات وقلبات عليك..قاطعاتو سومية :
- سمحليا أبابا مكاين حتى سبب لي يخلي أم تسمح فكبدتها المشة وكتهز ولادها فسنانها خلي بنادم أنا بعدا مي دير فيا هكا منشوفش وراها..
محمد(بصرامة) :
- أنت سكتي معارفة والو متبقايش طيري(شاف فماريا) بنتي كيف كتليك شي حوايج كيطراو كنديروهوم بلا منفكرو واخا حنا مكنكونوش باغيينهم يوقعو ولكن كنديروهوم بزز منا...
ويمكن هادشي لي وقع لماماك ماشي أي حاجة كنسمعوها كتكون صحيحة وبنادم خطاء ربي لي خلقنا فهاد دنيا كنعصاوه وكيسمح لينا شحال من واحد مكيصليش الصلاة لي واجبة علينا ومفروضة غير كنتوضاو ونصليو ربي كيسمح لينا كاع على أغلاطنا وسنين لي مصلينا فيهم ربي كبييير وشانو عظييم خلي حنا البشار منسامحوش شنو أنديو فهاد دنيا غير شبر خاص قلبنا يكون كبير خصوصا الأم لي هزاتك فكرشها وتعدبات فوحم ديالك وحبالتك وتعصرات عليك حتى جابتك لهاد دنيا يكفي غير ديك تشريكة لي تشركات عليك تغفر ليها أغلاطها عندك وانت باين قلبك كبير أبنتي..
ماريا : كلامك كلو صحيح ولكن الكية لي فقلبي كبيرة حيت معرفتيش شحال عانيت لبنات غاديين لحمام مع مواتهم وانا عمري حسيت بداك الإحساس بابا هو لي كان كولشي بنسبة ليا وكلني يشربني يسهر عليا الى مرضت يخرجني يلعب معايا فالوقت لي بغيت ماما تكون جنبي وحتى انا نتسار معاها ونعاود ليها مالقيتهاش الأم راه حاجة صعيبة بزاااف وكبيرة صعيب أعمي تكبر بلا أم ركبة لي توسد وتحط عليها راسك تبكي عليها وتشكي همك عليها الأم راه عظيمة بزااف وانا معرفتش معنى تكون مي معايا حيت خلاتني سمحات فيا صغيرة بزاااف معندي حتى دنب فهاد دنيا من غير أني بنتها...دفعات حورية الكرسي وناضت كتجري لكوزينة تلاحت على البوطاجي كتهجهج بالبكا مقدراتش تحمل مزاال صافي عيات حسات بدوخة كونما كرسي وراها لي كلاها وكلسات كانت غادي طيح وجها صفر وصفارة خدامة فودنيها طانسيو طلع ليها..
محمد : سمحوليا أنا جاي..ناض محمد من على طبلة مشا خلط على حورية..
ماريا : مال ماماك؟؟
سومية : ماما قلبها حنين بزااف أي حاحة كتبكيها بقيتي فيها داكشي باش مقدراتش تحمل..
#فالكوزينة
محمد : حورية حورية واش لاباس ؟؟هزات عينها فيه
حورية(😭😭) :
- ملاباس والو كيفاش أنكون لاباس أمحمد وبنتي محاملة فيا شعرة غير كوليا كيفاش😭😭الله يربي مابقيتش قادة واش سمعتي أش كتكول صافي خرجت على بنتي انا خاصني دبيحة انا حاشة نكون أم حاشة..
محمد : صافي الله يرضي عليك بردي دابا لبنت راه اتعيق بيك كولشي ايتصلح واخا هكاك باين قلبها بيض وكتسامح شوفي كيفاش ضحات وربات بنت صاحبتها وتحملات المسؤولية وشفتي فاش كنت كنصحها كيفاش سكتات وبدات كترطاب راه غير جرح لي مجروحة من جيهتك مخليها تكول هكاك ولكن فاش اتعرفك وتقرب منك كتر إن شاء الله اتسمح ليك..شافت فيه وسط دموعها..
حورية : واش متأكد بنتي اتسمح ليا؟
محمد : هانتي وهانا وغادي تكولي محمد كال ويلاه مسحي دموعك وجيبي لينا المونادا..
حورية(تنهدات) :
- استغفر الله العظيم وأتوب إليه عدد خلقة ورضى نفسه وزنة عرشه ومداد كلماته... ياربي تخفف عليا ياربي..(شافت فمحمد) :
ماريا : لالا بالعكس هيا تسمح ليا والله...تمات جايا حورية هازة بلاطو فيه المونادا وكيسان وراسمة بتسامة على وجها..
حورية : واخا البرد وشتا وثلج مكنقدوش نتخلاو على المونادا ضروري تكون حاضرة😄
ماريا : انا واخا يكون تبروري كيطيح ضروري نشربها..فتحات حورية القراعي وكتكب لكل واحد شنو بغا ماريا بغات هاواي اما سومية بغات بومس محمد كوكا وحورية بحال ماريا..سلاو الغدا ونساو الموضوع ديال أم ماريا هضرو فشلا حوايج ناضت سومية او حورية كيجمعو طبلة وقفات حتى ماريا بغات تعاونهم..
حورية : لالا أبنتي غير كلسي رتاحي
ماريا : لالا خالتي هانية..مداتهاش فيها هزات معاهم الماعن داتهم سولات على الحمام مشات ليه غسلات إيديها وشلات فمها ورجعات لصالون..تمات جايا سومية هازة طباسل صغار مع فراشط حطاتهم تبعاتها حورية هازة بلاطو داير فيه طارتة ديال ديسير حطاتها وبدات تقطع وتحط فطباسل مدات كل واحد فيهم طبسيلة عاد كلسات..
ماريا : الله يعطيك الصحة أخالتي بنينة
حورية : بصحة والراحة أبنتي بقاي حي عندي دايما نديرها ليك...شافت فيها سومية بتعجب😕
سومية : ياسبحان الله شفتي أبابا ماما ولا ماشتيهاش وحنا كنشحفو تصايبها لينا كتكول لينا ماشي دابا ولا تكولينا عيانة..
ماريا(كضحك) :
- وعلاه انا هيا انت بااز المغيارة
حورية : تاعنداك أبنتي كنديرها كيبقا نص فتلاجة مكيبغيه حد حتى كنضطر يانلوحو يانعطيه لواحد جارتي كانت ساكنة قبالتي..ماريا حطات طبسيلها وشافت فياعة بانت ليها 3
ماريا : صراحة ماسخيتش بيكم ولكن خاصني نوض نمشي..
حورية : اويلي على تمشي لا حتى ديري معانا كسكروط مكاين بو مشي سومية سيري سدي الباب بساروت
ماريا(كضحك) :
- وراه هادشي الخير والبركة اخالتي مرة آخرى إن شاء الله
حورية : الا راه هضرت اتبقاي هيا أتبقاي ديري كسكروط وديك ساعات الى بغيتي تمشي الله يعرضك سلامة أما دابا مكاين مشي اغير هني راسك وحتى ليليا شوفي كيف نعسات مسكينة حرام تفيقيها تهرسي نعاسها..
سومية : راه غير كتهرسي راسك اغير كلسي ماما راسها يابس بحالك بحالها والله لا خلاتك تمشي اتهناي..
ماريا : إيوا شنو انكول هاني كالسة😄...
وأخيرا وصلو وبرد المدينة ضرب فوجهم شافت وردة فأمين لي كان كيشوف فالمدينة وفداك ثلج لي مزين شجر ديالها وشوارعها..
وردة : باش كتحس؟؟
أمين : سبحان الله كنحس بواحد الراحة غريبة والله محسيتش بيها فاش كنا فكازا ولا فاش كنت فصحرا حسيت بيها دابا شيحاجة فقلبي والله منقدرش نوصفها معرفتش شنو هيا ولكن مقادش نوصفها فرحة راحة كنحس بواحد الآمان غريب..شدات فيديه
وردة : بطبيعة الحال حاجة طبيعية حيت انت فمدينة لي تزاديتي فيها وتربيتي فيها مخليتي شارع من شوارع ديالها ولا زناقيها شحال تلاقينا هنا وشحال خرجنا كل قهوة فقهاويها كتشهد على الحب ديالنا هادي غير البدية دقة دقة اتفكر يلاه دابا بلاما نتعطلو..وقفات على جنب شارع كتشير لطاكسي فاللول قليل لي بغا يوقف حتى لطاكسي تالي هو لي وقف..
وردة تحنات عندو لسرجم سولاتو :
- عفاك قصر الإبراهيمي
--- طلعو..دارت باليزتها صغيرة فالكوفر وطلعات هيا وأمين شادة ليه فيديه كدفيها من البرد..
مول طاكسي كيشوف فيهم من المرايا) :
- هاد السيد لي معاك بحال الى فايت شايفو فشي بلاصة كيجي لعائلة الحاج ياك؟؟
- أيااااه هذا سي أمين كيداير أولدي غيبة هادي كانو كالو ناس الله يحفظك بلي راه متي حيت حتى واحد مشافك فزواج خوك
أمين(واخا معارفو علاش كيهضر) :
- لا أسيدي الحمد لله انا عايش غير كنت مسافر مع شي ظروف وصافي..نقزات وردة
وردة : على اشمن زواج اسيدي كتهضر مافراسي والو؟!!
مول طاكسي : إيوا زواج سي جواد راه تزوج ماباطيش الحال..
وردة : ااااه مافراسيش إيوا مزياان..مابغاتش طول الهضرة بزااف حيت مالين طاكسيات مكيتقداوش الله يستر من جماعة خاصك تعاودي ليهم قصة حياتك كلها عاد يرتاحو..
مول طاكسي : إيوا على سلامتك اسي أمين
أمين : الله يسلمك أسيدي..ورجع عطا وجهو لزاج مقابل طريق وكيتمنضر فالمدينة وفلي غادي ولي جاي..
****
دخل جواد لدار تلاقا برابحة هازة بلاطو فيه وا الحاج وكاس ديال العصير
جواد : ماريا جات ولا مزال؟
رابحة(الخوف بان عليها حيت باينة فيه طالع ليه دم) :
هنية : راه انت لي كتبقاي تفافاي فالهضرة جاوبيه نيسان راني كنعرفك كيكون طالع ليه دم وكتزيدي تكملي عليه بديك لمفافية ديالك..
رابحة : ياربي مابقيت نجي فطريقو ياربي..
- دخل جواد بدل عليه هز داك الملف فيديه وتم هابط جا هو والحاج قد قد خارج من بيتو..
الحاج : جواد بغيت نهضر معاك
جواد : الحاج ماشي دابا عندي ميدار
الحاج : دابا بغيت نهضر معاك سي رحيمي تاصل بيا غير هاد الصباح كاليك خا...قاطع هضرتهم بوبكر لي داخل لون مخطوف من وجهو..
بوبكر : سي جواد الحاج ممم..
جواد : هضر خلاص مالكم فهاد دار كلكم كترعدو دوي
بوبكر : رجع
جواد : شكون لي رجع..تفتح الباب وتمات داخلة وردة ومعاها أمين...دار الحاج كيشوف فةلدو داخل سكت ماعرف باش تبلى رجع خطوة لور شد غير فالكرسي لي حداه..جواد حط الملف من إيديه ومشا لخطوات واسعة جيهت أمين شدو من إيدو وجرو عنقو..
جواد : خويا حبيبي على سلامتك نورتي دارك..بعدو عليه كيشوف فيه أمين ضحك معاه واخا معرفوش
أمين : سمحليا ما معرفتكش
جواد : أنا عارف معاقل على والو كولشي ايولي مزيان أخويا دخل..شاف فوردة عنقها شير ليها براسو باش تدخل..
جواد : أمين هادا الواليد الحاج..على الحاج راسو فولدو لي كيشوف فيه مبسم وبحال الى موتر وخايف نزلو دموع الحاج منين شاف ولدو العزيز ولغالي على قلبو لي كان مكيخصرش ليه خاطرو وأي حاجة بغاها كيديرها ليه...وقف أمين قدامو كيشوف فيه..
الحاج : ولدي😢على سلامتك أولدي على سلامتك(عنقو بجهد)..بعدو عليه شاد وجهو بين إيديه كيشوف فيه ورجعو من جديد لصدرو معنقو كانو لحظات مؤترة بزاااف..بوبكر لي وصل لخبار لهنية ورابحة خرجو كيجريو واقفين حاضرين لهاد اللقاء كولشي كان كيبكي وردة دموعها هابطين فرحانة حيت حبيبها رجع لدارو وعائلتو وأخيرا...
"طير ليل هاجر عاد لوكارو تاني"
"طير ليل هاجر عاد لوكارو تاني"
" وكل مسافر عاد لديارو"
"وكل مسافر عاد لديارو"
" وضوء الربيع كيف العيد"
"وضوء الربيع كيف العيد"
" طل على بابي طل على بابي من جديد"
****
ماريا(حطات كاسها الأخير ديال القهوة من إيديها) :
- والله ماسخيت بيكم حسيت براسي بحال إلى وسط عائلتي وحق الله
حورية(شدات ليها إيديها) :
- وقتما بغيتي أجي أبنتي بابنا مفتوح ليك وحق الله حتى حسيتك بحال سومية بنتي(جراتها وعنقاتها)..
ماريا : ربي يخليك أخالتي وحتى انا انبقى نجي عندكم حتى نطلع ليكم فراس ههه
- حتى انت تهلاي فراسك بزااف اخالتي..سلمات على سومية وخرجات...مشات ودات قلب حورية وعقلها معاها ماسخاتش بيها كون صابت تبقى حداها ومتغفلش عليها ولاو غير دقيقة ولكن معندها مدير غير تصبر حتى يوصل الوقت لي تقدر تهضر فيه وتخرج كاع لي فقلبها وتعاود ليها بتفصيل على وعسى تسمح ليها على مافات..
****
مليكة لي سمعات الباب تفتح نبات حليمة لي كانت فالكوزينة كتوجد باش تمشي لدارها.. :
- حليمة شكون دخل..
حليمة (خارجة من الكوزينة)ومرحبا ونهار كبير هذا وشكون جا..
- مامي اوا..دارت ماريا حسات بقلبها ترفع من بلاصتو على كلمة ماما لي خرجات من فم ليليا..
حليمة : سمعتيها كاتليك ماما..وقفات عليهم مليكة..
مليكة : مالكم ماريا بنتي مرحبا..
حليمة : ليليا عيطات لماريا بماما
مليكة : وايلي واش نطقاتها
ماريا : اه اماما نطقاتها مشكيلة هادي هادشي مناش كنت خايفة غير ترجع وردة وتسمع بنتها كتكول لغيرها ماما😕😣
مليكة : واش انت بعقلك وإلى كالت ليك ماما راه بسيف راه من شهرها تالت وهيا فيديك حتى دارت العام لمن اتكول ماما لحيط راه مها غايبة عليها
ماريا : ماشفتيش الى وردة بقى فيها الحال
مليكة : الى بقا فيها الحال كتعتابر أنانية هاديك حيت انت لي ربيتيها خرقتيها ونعستي حداها فاش كانو سخاينها يدكدكو وفاش نبتات سنيناتها حرهم برد فيك أنت داكشي لي مدارتوش مها راه درتيه أنت..
حليمة : ختي مليكة عندها الحق فكاع لي كالتو انا بعدا كتجيني ليليا بنتك انت ولا علاقة عندها بوردة..
ماريا : مهم خليونا من هادشي فين بابا كاعما شفتو؟؟
مليكة : راه مشا لفيرما اليوم اتخلصو لخدامة مشا كبيلة تسناك حتى عيا ومشا
مليكة : شداتني مامات البنت لي كنقري لكسكروط مقديتش نخسر ليها الخاطر المهم منين شفتكم على خير انا انمشي
مليكة : كلسي تعشاي معانا
ماريا : لالا غير خليني راه تعطلت يلاه نوصل أجيو نهار سبت تغداو معانا..
مليكة : حتى يجي باك ونكولها ليه..
ماريا : يلاه أنا مشيت(باستهم) الى جا بابا كوليه راه جيت سلمي عليه
مليكة : بلغ الله سلامك
حليمة : وصليني معاك أنا غادية غادية
ماريا : يلاه أنا سبقتك..خرجات ماريا ركبات فكوموبيل خلطات عليها حليمة وصلها شيفور لدارها عاد شد طريق لدار..
****
الكل كانو كالسين دايرين بأمين ممتيقينش عينيهم..
وردة : غير يفوت اليوم ونمشيو لعند ماريا لدار نديروها ليها مفاجأة تشوف بنتنا ونشزف صاحبتي توحشتها..
إقبال : علاش مافراسكش؟؟..شاف فيها جواد وخنزر فيها حتى برد فيها الما فركابي..
وردة(شافت فيها) :
- شنو لي مافخباريش؟..دار ساروت فالباب وتحل صوت بنيتة صغيرة وصوت ماريا خلى وردة توقف مصدومة شكون كال لماريا بلي وردة جات..
ماريا : هاحنا جي...علات عينها فصاحبتها وحدة كتشوف فتانية
ماريا : ووردة😍..مشات عندها كتجري عنقاتها..
وردة : توحشتك توحشتك متصوريش قداش توحشتك
ماريا : حتى انا وحق الله على سلامتك..بعدات عليها شوية وشافت فأمين..
ماريا : أمينو(هكا كانت كتعيط عليه)..هو غير شافها ضحك وبلاما يحس كال
أمين : بالوما توحشناك(عنقها)..وردة لي كانت غادية عند بنتها وقفات ودارت كتشوف فأمين مصدومة..رحعات عندو..
وردة : أمين واش عقلتي على ماريا؟؟
أمين : معرفتش ولكن نطقت هاد سمية بلاما نحس حيت وجها مغريبش عليا غير شفت وجها جاني سميت بالوما فمي
وردة : حيت ماريا كنا كنعيطو عليها بالوما وحتى انت كنتي كتعيط عليها بزااف بهاد السمية..رجعات كتحري عند بنتها هزاتها كتعنق فيها وتبوس وتشم فريحتها وتحقق فالملامح ديالها جات عند أمين مداتها ليه
وردة : أمين هادي ليليا بنتنا..بقا أمين كيشوف فليليا متردد يهزها تخلطو عليه المشاعر معرف باش تبلى فالأخير ستسلم وهز بنتو لي مدات إيدها وصبيعاتها صغار كطرش فيه وتلعب فلحيتو..واحد المنظر مؤتر كولشي ساقل وكيراقبو بصمت جواد لي كالس داير رجل على رجل وحاضي ماريا وتعابير وجها..
وردة(شافت فماريا) :
- كنت بغيت نجي عندك ونجيب أمين ونديرها ليك مفاجأة ساعة سبقتيني شكون كاليك بلي جيت عرفتي تصدمت فاش شفتك دخلتي كيفاش كان عندك ساروت واش كنتي كتجي لهنا؟؟قاطعها جواد :
(ببرودة) : ماريا ساكنة هنا..شافت فيه وردة بتعجب
وردة : ماريا ساكنة هنا وايلي..دارت عند ماريا لي كانت كتشوف فجواد وتحلف عليه ديما مخصر ليها الخطط ديالها علاش ميسكت حتى تفهم صاحبتها على كولشي وهوما بجوج حتى واحد ممعاهم باش تفهمها بالخاطر..
وردة : واش بصح ساكنة هنا مكلتيهاش ليا واش على قبل ليليا باش تبقى قريبة لعائلتها غامرتي تسكني هنا باش متخليش بنتي بوحدها معرفت منكوليك أختي وحق الله😢
ماريا(توترات) :
- علاش كتبكي الحمقة ليليا راها بنتي حتى أنا ماشي غير بنتك ولا نسيتي؟؟
ماريا : وراه هيا هادي أنا كنهضر بصح وانت كتكولي كنطنز راه كتليك انا وجواد ممزوجينش غير تفاق بيني وبينو
وردة : أويلي وعلاش؟
ماريا : منين أنبدا ليك نبدا الالة من نهار فاش عرف بلي ليليا بنت خوه وجا بغا يديها ليا وأنا مابغيتش وقفت ليه حسكة فطريقو كتليه ياواخا دوز عليا برموك لاديتيها واخا معرفت شنو يطرا وراه بقا لينا انا وياه غير نضاربو بجناوة والله
وردة : جواد يديرها ويفوتها لهيه كملي
ماريا : إيوا سي سيد كان خاصو شي وحدة لي بتزوج بيها على قبل الإنتخابات دار معايا تفاق نقبل ندير راسي مزوجة بيه وهو يخلي ليا ليليا حيت بشرع والقانون كون بغا كون حيدها ليا حيت عمها وهو أولى بيها مني أنا ومكنت غادي نصور منو والو وانا ليليا منسمحش فيها وصيايني منعطيها لحتى واحد وانا وفيت بوعد ديالي إيوا وانا مقبل انا وهو مزوجين قدام ناس لي حضرو وقدام عمو ومرات عمو وإقبال أما الحاج وهاجر او بابا وماما مليكة فخبارهم اما الباقي مافخبارو والو..
- وقفات وردة وشدات لماربا فيديها..
وردة : معرفتش أختي خيرك فين أنديه والله غامرتي وضحيتي وقبلتي بهادشي كولشي غير باش تحافضي على الوعد وتخليك قريبة من بنتي صراحة قليل صحبة بحالك وحق الله انت ماشي صاحبتي انت ختي وجزء من روح ديالي وقلبي لهلا يخطيك عليا..(عنقاتها)..
ماريا : متكوليش هكاك بالعكس ليليا راه بنتي والله ربي لي عالم واخا مجربتش الأمومة ولكن كنحس براسي معاها طايرة والله بحال انا لي ولدتها هههه😄
وردة : ودابا شنو غادي ديري؟
ماريا : الله وأعلم ولكن دابا ترخا ليا الحبل خاصني نهضر معاه يلقى ليا حل شحال قدي وأنا مربوطة غير هو واخا كاع نمشي من هنا ليليا راه انولي نجي ليها كل نهار اكوني هانية
وردة : هههه بالفرحات عليا والله..كملوها هضرة وجموع شي ساعتين ديال المكانة عاد سلاو..دخل جواد عليهم شافتو وردة مع كتحتارمو وقفات وهزات ليليا فيديها..
جواد : وردة بيتك واجد إن شاء الله أول حاحة غادي نديرو هيا غادي نزوجوكم انت وأمين باش ليليا تقاد ليها الحالة المدنية والوراق ديالها..
وردة : ولكن أمين مزال مرجعات ليه داكرتو
جواد : كاين طبيب صاحبي أيشرف على الحالة ديالو وهذا ماشي سبب يخليكم تبقاو هكا براكة لي داز من حقكم تفرحو شوية..
وردة : شكرا أخويا يلاه نخليكم نمشي نشوف بيتي ونكلس شوية مع بنتي..خلاتهم وهيا تخرج تبعها جواد حتى خرجات وسدات الباب دار عند ماريا تكا على الحيط ربع إيديه ودار رجل على رجل كيشوف فيها..
جواد : كنسمعك
ماريا : بغيت غير نفهم مالك أخويا كطير من المقلة بحال كاراما غير كوليا زعمة زعنة جاي حدايا ومعنقني كيف دازت العراضة فين عمرك سولتيني..
جواد (برودة)عادي كنسول مراتي فيها شي عيب؟
ماريا(هازة إيديها لسما) :
- ياربي ياربي تصبرني ياربي واش انت باغي تخورج ليا عقلي ولا باغي طرطق ليا مرارتي متبقاش تلعب معايا داك اللعب الباسل ديالك أنا نكوليك هاه..
ماريا : سير يا جواد يا ولد سي عبد الرحمان أنا بغيت شعرك يطيح غبار غبار وتقراع وتولي بحال لفار او ودنيك يدلاو بحال لحمار أنا...هبطات راسها بان ليها واقف قبالتها كيخنزر فيها هبطات إيديها لي كانت كتدعي بيهم وطارت كتجري سدات عليها الحمام كتلهت تخاف متحشم يلاه كانت كدعي عليه غير خنزر فيها طارت ماسمات تكول احكو ليها الفلفة مسكينة..
بقات مدة وسط الحمام حتى سمعات الباب تسد عاد تنفسات الصعداء مسكينة فتحات باب الحمام بشوية طلات بنص راسها تلفتات يمين وشمال مدات رجلها ليمنية غادية على ريوس صباعها فهاد اللحظة كاشبه لتوم وجيري مدات راسها طلات فبيتو تأكدات بلي مكاينش عاد حطات إيديها على صدرها..
ماريا : أووووف..
****
أشياء ليتها تُشترى ...
گ أصوات الغائبين ، أحاديث الأجداد ،
حلو الحظ ، صديق الأبد ، راحة البال ،
صباحات العيد ، رائحة المطر ،
الماضي السعيد ؛
هي أشياء لآ تُقدَّر بثمن🍃
- من ورا العشا لي داز فجو عائلي 100/100 كيحاولو ما أمكن ينسيو أمين ويدكروه ليهم وبلحظاتهم مع بعضياتهم..نقزات ليلى :
- أمسن تعقل على ليام لي كنا كنتجمعو فيهم انا وانت وجواد ورا العرصة ديال الكرموس..شاف فيها أمين :
- لا صراحة معقلتش سمحيليا..شافت فيها ماريا لي كون صابت تشدها تغطس ليها وجها فديك الحريرة لي محطوطة تم
ماريا : أمين تفكر حتى شخوشة بقاو أدحوشة..شافت فوردة
ماريا : نوصيك وصية بليل قبل متنعسي ربطي أمين مع نموسية وسدي الباب عليه بدوك القفولة ديال سادات راه بليل كتخرج واحد نعامة مسكينة لي لقاتو كتسرطو مكتعقل لا على لي مزوج ولا هاضرين فيه الله يحفظك وينجيك وصافي..
إقبال : تاكول ولا تكعد وانت مالك أش حرق قفتك كول وسكت كول(حطات ليه الخبز قدامو)..ليلى سافت حتى واحد ماعبرها نساحبات وطلعات..
ماريا(بهمس) :
- الما وشطابة حتى لقاع لبحر..
وردة : شنو دارت ليك حشومة عليك
ماريا : منين تعرفي شنو دارت اتشري حبل باش كيشدو لفلايك ويربكوهم اتربطي بيهم أمين واتكولي ماريا كالت..
جواد(بحزم وبالغوات) :
- راه كنتعشاو زعمة واش حتى هاد اللقمة اتحروها علينا..ماريا سكتات او وردة خشات وجها فجبانيتها..
ماريا (بالهمس) :
- حتى لهضرة ممنوع نهضرو بصباعنا هنا ولا بالإشارات حسن الي بغا يتعشا معاك كون اهزيت جبانيتي وتعشيت مع رابحة فكوزينة كوراه شابعة ضحك وتكركير..حركاتها وردة من إيديها باش تسكت عاد سكتات..
الحاج : مزياان فكرة مزيانة شوفو أنتوما نهار لي غادي يناسبكم باش توجدو على تيساع..
جواد : أنا كنكول من هنا لشهر الإنتخابات على الأبواب من وراهم يكون عرس أمين او وردة شنو بان ليك أأمين؟
أمين(لي معضم الأوقات ساكت ولا كيشوف فيه ومبسم) :
- لي بان ليكم أخويا ديروه معنديش إشكال
جواد : وانت أوردة؟
وردة : سولو ماريا..ماريا لي كانت حادرة راسها علاتو شافت فيهم..
ماريا : مم أنا ومالي أختي أنا انت لي أتزوجي..
جواد : انت لي أتقري ماشي ماريا
وردة : بالعكس ماريا ولية أمري واخا انا لي كبر منها ولكن فيها مي وبا وختي وكولشي الى بغيتي تشاور تشاور معاها هيا..
جواد : أهاه(شاف فماريا مخنزر بحال الى كيكوليها تكولي شي حاجة قفرتيها) شنو بان ليك..
ماريا : شهر مزيان هو هذاك أصلا دايا كولشي ولا كيتشرا جاهز مابقات حتى حاجة كتخيط على تيساع..
جواد : مزيان دابا تفاهمنا أيكونو عندنا جوج عراس متالين ديال إقبال وديال وردة كيبان ليا هذا موسم الأعراس..نقزات زينب..
زينب : أتبقى نوبتك أنت او ماريا..
جواد(وقف) :
- هذا خاصو حدث خاص يحضر ليه لكبير وصغير بصحة وراحة تصبحو على خير..نساحب من طبلة ديال العشا وخلاهم كيتشاورو ويتوشوشو فيما بيناتهم..
****
طلعات ماريا لبيتها من بعد ماتمنات ليهم ليلة سعيدة دخلات مشات لبلاصة ليليا طل عليها مالقاتهاش ولات عندها عادة حتى نسات بلي ليليا داتها وردة باش تبات معاها..تبسمات وفتبسيمتها حزن ولا يمكن خيبة أمل تنهدات ورجعات لبلاصتها يلاه تكات جرات الغطا حتى تحل الباب دارت بظربة بان ليها واقف كيشوف فيها..
ماريا : لاش دارو البيبان غير باش يدق الواحد ماشي يجي مدرم واش هدا كوري
جواد : داري هادي وندخل لبيت لي بغيت او وقت ما بغيت..
ماريا : أه دارك ولكن هذا بيتي مدام انا فيه كيتسمى بيتي وقبل مدخل دق متعرف الواحد عريان ولا كيهضر مع راسو ولا الله أعلم..وقفها جواد بيديه
جواد : مافيا لي يتناقش معاك هاد الليلة غدا بغيتك تلبسي شيحاجة بلدية ويااك اماريا تلبسي ليا شي كسوة ولا لبسة من حوايجك وبلاما تكولي ليا أنا حرة نلبس مابغيت السيد لي عارضنا عندهم تقاليد هيا تقاليد وفأي مناسبة كيلبسو تقليدي خصوصا مراتو مدام برادة مصممة تقليدية معروفة وقيلة كلامي مفهوم؟😑
ماريا(تقابلات معاه) :
- وأنا منين غادي نجيب هاد التقليدي معنديش عندي غير العصري عمري ماخيطت حتى جلابة ديال تسخار..هز راسو لسقف ورجع شاف فيها بنفاد صبر
جواد : باش بنت انت باش بالكساوي منين معندك حتى لبسة تقليدية وحدة وجدي راسك غدا انمشيو عند شي خياط ناخدو ليك شيحاجة تلبسيها..
ماريا : إن شاء الله حتى يصبح ويفتح..تخشات فالمانطة وعطاتو بظهر عصباتو جهلاتو كون صاب يغزها مابانت ليه غير واحد المخدة محطوطة هزها حتى لسما وخبطها بيها..حيدات لغطا من على وجها ودارت لقاتو خرج وردخ الباب..
ماريا : والله حتى برهوش هاد السيد ومعندو عقل(ضحكات بوحدها وحركات راسها يمين وشمال) رجعات تكات وغطات راسها بالمانطة ونعسااات...نعاسها لي مدامش بزااف جاها شي صوت بعيد كيفيقها مقداتش تفيق نعاس غالب فيها كتسمع غير سميتها كيتردد..
" صباح الخير لفاقدي الحُب ، لقليلي الأصدقاء ، للمُغتربين ، لكل من حُرم من شيءٍ ومازال يُقدمه لغيره " .. 💙
****
بحال كل صباح خرج جواد يدير لامارش واخا يكون الجو كيطيح بتبروري العادة هيا العادة..كيرجع كيلقا الفطور لول الخاص ديالو موجداه رابحة كاس ما فيه طرونشات حامض او وريقات نعناع دانون مقطع فيه طروف ديال الخوخ وطرزنشات تفاح عليهم قطرات الحامض..هدا سيستيم ديالو اليومي..
- من بعد ما فطرات ماريا وسلات طلعات لبيتها باش تجيب ساك ديالها دخلات لبيتها هزات ساكها وتمات راجعة تلاقات مع وردة..
وردة : فين غادية؟
ماريا : لعشية جواد معروض لعشا وضروري كاليك مراتو تكون معاه حيت عارض عليه العامل الإقليمي داكسي باش خاصني ناخود شي حاجة بلدية نلبسها راكي عارفاني عندي اكترت سراول صافي..
وردة : هههه وسيري راه من صباح هو كيحوم فدار ويطل واش جايا ولالا وانت عارفة جواد..
جواد : راه كتليك لكلاخ عندك معشش فداك الراس على أساس انا مكابرش هنا مغاديش نعرف قهاوي لمدينة..
ماريا(رجعات كتاكول) :
- اممم بصح نسيت..
جواد حاضيها وساكت فاش كتكون قدامو مكيقدرش يحيد عينيه عليها علاش هادشي لي محتار فيه ومزال معارفوش..
جواد : شنو كنتي كتكولي فطوموبيل؟
ماريا : اااه كتليك خاصك تشكرني حيت انمشي معاك راه الى بغيت نسالي هاد الإتفاق انساليه بسهولة..
جواد : تايقة فراسك بزااف..
ماريا (كتندغ وتهضر) :
- وعلاش لا علاش لي منتيقش فراسي..
جواد : متقدريش
ماريا : وشنو أيمنعني؟
جواد : عرس صاحبتك متلا ليليا لي مزال متعوداتش على مها هادو من بين المسائل لي متقديش تخرجي من القصر وترجعي لحياتك
ماريا : وشنو هوما الأسباب لوخرين..
جواد : فيك بزااف ديال الأسئلة وانا معنديش الوقت نجاوب عليهم..الى ساليتي أنا كنتسناك فطوموبيل..وقف وخلاها هيا وطاجينها وفدماغها ألف سؤال علاش غامض ومكيكول والو كيخليك فحيرة..مناضت من طبلة حتى سلات البرقوقات ولحيمات كاملين خلات ليهم أجلافط وليدام.. دخلات لطواليط غسلات إيديها ومسحاتهم تبسمات لسيد لي سرباهم وخرجات بان ليها مخرج إيديه من سرجم وكيكمي..طلعات حداه كتشير بيديها على دخان باش يمشي..
ماريا : كتقتل راسك براسك بهاد السم..مداهاش فيها حتى كمل كاروه على خاطرو عاد ديمارا..
جواد : حين تاخدي حمام تركي وتصايبي عند شي كوافورة هكا مزيان..
ماريا : مكاين لا حمام تركي لا سويدي 10دريال ديال صابون لبلدي مع الحامض والحنة قاضي الغراض ولي لمسة سحرية القهوة فالأخيرة بحال الى مشيت لحمام تركي وجيت وحسن كاااع.
جواد (بنفاد صبر) :
- بغيت أنفهم مالك كتشدي لعكس كنكوليك شا كتكولي را..
ماريا : ولينا سايكين لحمير هنا لي ولينا نكولو شا را
جواد(بحزم) :
- انكلب طاسيلتك فهاد طريق الما هضرتي نيشان..
ماريا : وشتي دابا شتي أجاب طاسيلتي لهضرة شتي أما راه غير مكنبغي ندير فيك راسي أما راه انوصلو أنا وأنت لمعرفت فين والله..
جواد : واش انت شوية لاباس..؟
ماريا : دابا هانتا انت حدد واششوية ولا لاباس؟؟هيا حالفة حتى طيرليه العقل وهو إلى زادت شوية أيقلبها فهاد طريق..
جواد : مابقيتش باغي نسمع حسك صافي سكتي(بالغوات) سكتي..شافت فيه بحال الى كتشوف فشي هبيل دورات راسها لجيهت زاج كدندن غير بةحدها بلا موسيقى حتى وصلو لدار هزات داكشي لي شرات وطلعات بيه نيشان لبيتها حطاتو على نموسيتها ودخلات لحمام توجد لحمام تركي لي كالت ليه عليه..
****
- أستاذ عفاك الدرس ديال اليوم لي قلتي لينا بغيتي تلخيص مبسط عليه واش ممكن نفتيوه عليك le lundi؟
الأستاذ : وي هاجر ماشي إشكال غير يكون تلخيص مضبوط ماشي بحال المرة لي فاتت
هاجر : واخا أستاذ شكرا بزااف
الأستاذ : العفو مع سلامة..من بعد ماخدات جواب لسؤال ديالها قدات كشكول على عنقها وتمات خارجة من لافاك...غادية حانية راسها حتى حسات بيد قوية جراتها من دراعها دارت بجهد حات عينها فعينو غوبشات وصدمة على وجها..
هاجر : هشام شنو كدير هنا؟؟
هشام بغيت نهضر معاك شوية
هاجر(حيدات إيدها منو كتشوف فيه بستغراب) :
- ناس راه كيهضرو بفمهم ماشي بيديهم أشنو يكولو ناس الى شافوك شاد فيا راه المغرب هذا ماشي أوروبا..
هشام(بزعاف) :
- راه عرفناه مغرب ماشي أوروبا دابا واش انهضرو ولا اتبقاي تحلي عليا فمك هنا؟
هاجر : شتك أخويا باغي تسوطني هادشي لي بقا نيت..
هشام : عندك جوج دالحلول يانهضرو بحال ناس يانهضرو بزز قدام ناس ولي غادي ولي جاي يشوف فينا ختاري؟؟..هاجر أول مرة تشوفو بحال هكا عنقات كتوبها وبعدات عليه
هاجر : واخا كاينة واحد جردة ورا لافاك نمشيو ليها ولكن 5 دقايق حيت خاصني نرجع..
هاجر : بلاتي بلاتي وانا لي كنعاود ليك أنت أخويا بعدا شغلك همك أش دخلك نخرج مع من بغيت خويا وبا لي يحكموني وانت مالك دخول صحة هادا اخويا حكم أراسك اما انا حاكمة راسي براسي..وقفات تمات غادية شدها من إيديها..
هشام : أنكوليك جوج كلمات ديريهم حلقات فودنيك قسما بالله ونشوفك مزال مع شي واحد وحق الله القسام حتى نقسم ليك رجليك على جوج ونخليك كتمشاي بالعكاكز أنا هضرت دابا مرة خرا مغاديش نعاود هضرتي ودابا سيري لداركم وراه انتبعك ونحصلك كتهضري مع شي واحد ونتفاهمو ديك ساعات..بقات واقفة مصدومة كتشوف فيه حتى خلعها صوتو..
- إيه أهاجر وكون تعرفي شحال كنبغيك وشكون كال يا هشام يتخطف ليك قلبك وحتى انت تبغي ولكن كولشي زين خايب أبلاش..ضحك وتبعها من لور بانت ليه غادية وكل دقيقة دور غير يبان ليها تزيد تزرب فخطواتها حتى عيات شيرات لطاكسي وطلعات..ضحك على منظر ديالها تخاف ماتحشم😂😂..
****
🍃 أود لو أنني أمتلك قوة خارقة لتنتشلني للسماء اسبح بين الغيوم و أضع لي قلادة من النجوم أبحر في كوكب بعيد عن الارض أداعب قطرات المطر في يوم جميل ماذا لو نترك البشر بعيدا جدا فالصداقة البشرية غالبا ما تنتهي بخذلان أو فراق انا صديقتي النجمة اللامعة في ليلة مظلمة والغيمة التي تلامس فؤادي رغم أنها في السماء و قوس قزح الذي اشاهده في مخيلتي تذهب بي لي ألعب على ألوان جميع تلك الأشياء لن تتركني أو تخذلني أو تتقمص قناع يحمل وراءه بشاعة العالم أعدك يا نجمتي و يا غيمتي سأبقى مخلصة إلى أن تذهب روحي للسماء💙
- خرجات ماريا من الحمام لابسة دوني او سروال بيجاما مسحات شعرها بالفةكة ودارت عليه طاقية فالغوز مشات جيهت الكوافوز ديالها جبدات واحد القرعة شيبية مع واحد بلاستيكة فنفس اللون حلات ديك ساشية جبدات منها ورقة على شكل وجه فتحات القرعة وكبات منها ما فوق ديك الورقة ودارتها على وجها وتكات فبلاصتها سترخات(الإسترخاء هو غيبوبة عند ماريا)..مافيقها غير إيدو وصوتو لي كيزعزها..
جواد : الالة ولالة وا ميستر ماسك وفيقي..
ماريا : همم همم..بدات كتفيق وعات على راسها
جواد : واش انباتو هنا يلاه اتوجدي راسك كنكول فينك وانت مخشية هنا واش وقت نعاس هذا ماريا وتش باغية طرطقي ليا مرارتي ولا شنو؟
ماريا(صوتها معسل بنعاس) :
- وغير بشوية عليك مالك ياك كلتي معروضين لعشا ماشي كسكروط
جواد : يلاه اتوجدي راسك ويلاه نشدو طريق ماشي أنمشي مع العشا نيشان بحال إلى غادية بينا كرشنا
ماريا(ناضت كتحيد الماسك) :
- أنا بعدا غادية بيا كرشي نكولها ليك من هنا ديك قضية الفرشيط وناكول راس الموس كيف كيديرو دوك لي فماستر شاف راه معنديش معاها أصلا أنا مامغدية غير باش نتعشا مزيان..
ماريا : هداك غير حيتاش مافطرتش مزيان وصافي..يلاه خرج خليني نكمل شغالي
جواد(بصرامة) :
- عندك نص ساعة اماريا نلقاك واجدة
ماريا : وي شاف...تنهد تنهيدة طويلة وخرج..معرفش علاش مقادرش يوقفها عند حدها مامالفش شي واحد يهضر معاه بهاد طريقة ويسكت ليه داكشي باش كولشي كيخاف منو حيت مكان كيرحم حد لا نسا لا رجال لي جا فطريقو وعارضو ولا كاليه نص كلمة حسابو كيكون عسير معاه..
ماريا كايمشي حتى كيبغي يوقفها عند حدها شيحاجة كتمنعو هو براسو مباغيش لا يسول راسو علاش ولا كيفاش لأنو لأول مرة فحياتو خايف من الإيجابة ألا وهيا إعجابو لكبير لي ولا تجاه ماريا ومشاعرو الخاصة لي تبدلات من جيهتها وهادشي رافضو لأنو ضدد قيم ديالو بنسبة ليه الحب كيضعف من شخصية الواحد وكيخليه ديما كيتنازل على بزااف ديال الحوايج ممستاعدش يتنازل عليهم لا دابا لا من بعد..
ماريا : معروضة مع جواد..شافت جيهتها ماريا بانت ليها معبسة..
ماريا : مالك شنو واقع؟
إقبال : طارق الالة خرج هو وديك صفريطة من صباح مزال لدابا مرجعوش معرفت شنو ندير اوووف دماغي أطرطق
ماريا(دارت عندها بالكرسي) :
- هانتي الالة هاديك شيخة خليها ليا غير حتى نرجع ليها راه كتحوم حتى على جواد
إقبال : اووف بغيت نعرف علاش جواد مخليها هنا والمشكيل حتى واحد ميقدر يهضر معاه الأعصاب والله..
ماريا(كتقاد فوجها) :
- الما هضرش هو معاها حنا أننخليوها طج من هاد دار يابزز يابلخاطر مغادي نخرج من هاد دار حتى نكلعها منها..
شافت فيها إقبال بستغراب :
- كيفاش تخرجي من هاد دار..؟؟
ماريا : وراه انا كنماكي وانت كتهضري وجواد عاكيني نص ساعة نوجد فيها تلفتوني على لقبلة..إقبال وقفات كتضحك
إقبال : هههه صافي أنا أنمشي حتى ترجعي ونكملو هضرتنا...خرجات إقبال وكملات ماريا المكياج ديالها كتفات بكريم أساس مع شوية من لون دهبي على وكحل على عينيها ليلونتي او شفار وعكر فالقهوي باارد..مشطات شعرها ونشفاتو لبسات حلقات مدهبين مع الخاتم دالها وساعة فيديها..وهيا كتلبس تدق الباب ودخلات وردة هازة ليليا..
وردة : هاي هاي على زيونات ياختي جيتي فنة..
ماريا : ومعلوم أنا ديما فنة وغزالة خمسة ولخمامس ولحرمل فالكمامس ياختي😂
وردة : هههههه باااز لوجهك معاش غادي تجيو؟؟
ماريا : الله أعلم علمي علمك..
وردة : إيوا صافي نخليك حتى ترجعي نشطي مع راسك بغيت نكوليك كولي مزيان ولكن بلاما نوصيك عارفة كرشك سبقاك
ماريا : ومزيان منين عرفتيها..خرجات وردة وكملات ماريا تبدال تدق الباب من جديد ودخلات هاجر..
ماريا : وها لبسالات واش أنتوما مابنت ليكم حتى خارجة أنا دايرين نوبة..
هاجر : عفاك دغية نعاود ليك..شداتها ماريا من ظهرها مخرجاها
ماريا : ولا لا حتى نرجع..
هاجر : وغير نكوليك...
ماريا(دافعاها) :
- ولا حتى نجي..خرجاتها وسدات الباب بساروت..
ماريا : ونهاار هذا..كملات لباس ديالها جاتها جلابة مفصلة عليها دارت فولارا فعنقها مع ساك لي خدا ليها جواد فزرق او كاب لي فنفس لون جات فنة بزااف وراقية..رشات من الريحة ديالها لي كدير ديما خليط بين ريحة وردة الليلاك مع زهرة الياسمين وبدور الفواكه..ريحة لي كتعكيها ميزة خاصة ديال البساطة ورقي..هزات ساك ديالها مع دارتو وصلها ميساج من عند جواد.. " أنا فطوموبيل كنتسناك متعطليش نص ساعة راها سلات "
ماريا : الله يستر داير معايا طوب كرونو..فتحات الباب وخرجات هبطة مع دروج بشوية مع فتحات الباب الكبير عينها فعينين ليلى لي داخلة مع طارق..نقز طارق..
طارق : شي خرجة هادي؟
ماريا(كتعلي صوتها) :
- أه معروضين انا وجواد وبحال والو أنباتو على برة..
طارق : مزيان الالة بصحة وراحة..
ماريا : الله يعطيك الصحة يلاه بسلامة..خرجات وهيا مخلية بركان كيغلي فقلب ليلى..جواد لي كان لا يقل أناقة على ماريا فكومبلي بالكحل وشوميز بيضة ريحتو لي غير طلعات ماريا لطوموبيل كدوخ دنيا..جواد لي محيدش عينيه عليها منين يلاه فتحات لباب وهو ممنزلش عينيه لداخل ديالو كيكول بلي مكرهش كون غير يعنقها على وعسا هاد شوق وهاد المشاعر يبردو ويتمحاو ولكن عقلو لي كيتحكم فكل مرة هو لي كيسيرو لطريق البرود ولامبالاة..
جواد(بملامح جامدة) :
- على سلامة..ديمارا طوموبيل تحت أنظار ماريا لي حتى هيا بدورها شيحاجة فيه كتخليها ماشي هيا لي كانت نهار اللول ولكن بجوجهم العناد والعقل مسيرهم..
#عند_ليلى
من بعد مامشات ماريا خلات طارق وطلعات لبيتها دخلات مجنة خبطات ساكها مع نموسية غادية جاية وسط بيتها كضرب بزنطرات شادة راسها وجها حمر بالأعصاب..رجعات لساك هزاتو فتحاتو وجبدات تيليفونها رمات ساك وطلعات نمرة ربيع..
من بعد فترة :
ليلى (بعصبية) :
- بلاناتك والو زيرو كل مرة كتكوليا ماريا وجواد مابينهم والو كتبت ليا العكس السيد وسيدة عاد خرجو معروضين سيدة خارجة وكتقلي ليا سم شوف نكوليك من اليوم سمع متبقاش تغوت عليا وسمعني مزيان من اليوم....
من اليوم متعرفني منعرفك وشغلي وسواقي أنعرف ليهم بوحدي ممحتجاش ليك تسيرني كيف بغيتي بغيتي ماريا ولا كوريطة سير ليها راسك أنا عطيني تيساع وجواد انعرف كيفاش نرجعو ليا بيك ولا بلا بيك وهاد نمرة دير عليها كروة يلاه الله يعاونك..قطعات عليه كلها كترعد رمات تيليفون وكلسات على نموسية شادة راسها..
ليلى(كتجنن وتغوت) :
- اععععععع😠😠😡😡
****
شادين طريق بسكات حتى واحد مكيهضر مع تاني..دارت ماريا جيهت راديو وخدماتو على الأقل يهرس هاد سكات لي هوما فيه..تصادفات مع أغنية لموسيقار محمد فوزي ومصطفى قمر :
- فين قلبي فين قلبي ياناس
- ديلوني ديلوني ديلوني عليه
- تاه مني تاه مني خلاص
- إزاي إزاي إزاي الإيه
- فين قلبي ياناس ديلوني عليه
- من يوم ماعيونها سحرتني
- وجفونها نايمة أسرتني
- حسيت بالقلبي لي فايتني
- خاد عقلي معاه وخرج مني
- دورت مابين سحر جفونها
- أبوم هاربان وعيونها
- وعيزنها دي بحر اتوه أنا فيه فين قلبي ياناس ديلوني عليه
- فين قلبي فين قلبي ياناس
- ديلوني دسلوني ديلوني عليه
- تاه مني تاه مني خلاص
- إيزاي إزاي إزاي الإيه
- فين قلبي ياناس ديلوني عليه...
- هزات ماريا راسها بشوية فجواد جات عينها فعينيه شوفاتو لي هاد المرة كانت فشيشكل ماشي كيف موالف يشوف فيها شوفات خلاو قلبها يضرب بجهد خلاوها توتر شوفات مكيشوفهمش أي راجل لمرة لا هاد شوفات عمر شي واحد شافيها بيهم خلاوها متقدرش تشوف فيه خلاو الحمورية طلع لوجها الحشمة شداتها بطبعها والحياة لي عاشت خلاتها متكونش حشومية إجتماعية وتهضر مع كبير وصغير ولكن دابا عرفات راسها بلي حشومية بلا قياس..دغية حدرات راسها ورجعات كتشوف فسرجم..حاول جواد يبدل الجو ويرجعها لحالة لي كتكون عليها دايما..
- حلقي دارني ومافيا لي يبقا يهضر ويتجادل وانا من صباح كنقاد راسي الى بقيت مني منك مغانساليوش وهادشي لي فوجهي كاملو غادي يخسر..
جواد : هممم هيا نسميها هدنة ما قبل العاصة ياك؟؟
ماريا : سميها كيف بغيتي المهم دير فبالك بلي مغاديش تجنني مابغيتش نسالي من هاد الضحكة وانا وجهي مكمش ومريضة بالأعصاب(دارت شافت فيه) مغاديش تنجح باش تعصبني أسي جواد الإبراهيمي غير كون هاني..
جواد(عوج فمو) :
- مممم مزيان مزيان...خنزرات فيه وعينيها مشاو نيشان لعنقو لي كان كيشبه لعنق ديال العود وزاد زيناتو سنسلة العريضة لي داير هبطات عينيها ليديه بان ليها هاز تسبيح لؤلؤي من جديد شحال هذا مشافتو هازو..
ماريا : وكول عمي العربي راه كنسى اللقب ديالو ناري شحال عصبي غير بشوبة حنى أكنهضرو وانت ياربي سلامة...
جواد : صافي صافي بلاما تقلبيها كنازة تاني..
ماريا : أحم وعلاش عمي جاب ليك هاد تسبيح؟؟
جواد : كان فعمري شي 18 سنة نهار عيد ميلادي عمي نيفان جاب ليا هاد تسبيح مصنوع خصيصا ليا من اللؤلؤ الأسود إلى لاحضتي مزياان فالأخر ديال تسبيح منقوشة سميتي داكشي باش عزيز عليا هاد تسبيح مقادش نفرط فيه وديما معايا حتى لهاد الوقت أما على الخاتم عادة عندي ..
ماريا : هممم بغيتي تكول بروتوكول عندك ياك
جواد : يقدر المهم ولفت نديرو فصبعي وحرف واو هو جزء من سميتي عندك شي سؤال أخور تاني؟؟
ماريا : أه مدام طالق ليا اللعب طالقو عمري مغادي نلقى فرصة بحال هادي..دارت كليا عندو هبطات شوية لكرسي باش تقاد فالكلسة وتقابلات معاه..
جواد : الالة منين كنت عايش فهولاندا كان معايا واحد صديق هو كان شاف كويزين معروف تماك كان كل صباح كيفطر بهاد الفطور كايجي من لامارش كيدخل يدوش ويفطر بهاد الفطور كيفوت ديك نص ساعة عاد كيفطر فطور عادي كانت هادي عادتو فالأول أنا جاتني فشكل ولكن منين كاليا علاش متجربش حتى انت نفس شي وتولي تفكر بحالي قلت علاش لا نجرب حتى انا نفس شي فالأول جاتني صعيبة شوية كولشي حامض فحامض ولكن فتالي ولفت وحتى انا ولات عندي عادة..هذا مكان
ماريا : ممم خاصني نجرب هاد القضية حتى أنا..أجي وقضية ديال العصير لي وجدتي نهار فاش عرضتو علينا؟؟
جواد : هممم لي تقدري تكوني معارفاش بلي انا واخد جائزة أحسن مبتدأ فطبخ..
ماريا : بحال ماستر شاف زعمة؟
جواد : voila بحال هكاك خديتها فهولاندا وكسبت الخبرة من هاد صاحبي لي عاودت ليك عليك من تما وليت انا لي مشرف على الأكلات حتى فدار دابا الى لاحضتي واحد الةرقة لاصقة فتلاجة هاديك أنا لي كاتبها فيها كل نهار وشنو ايتوجد أما نهار كيكون جاي شي ضيف انا لي كنختار الأطباق لي ايتوجدو وخاصني حتى ندوق ونعطي رأي ديالي فلحاجة عاد تحط ولمسة الأخيرة كتكون من إختاري يا عصير يا ديسير..
ماريا(معجبة منو) :
- واوو هادشي واعر عندك معندي منكول والله
جواد (تبسم ليها بتسامة عريضة بينات سنانو الجوهرية)..أول مرة يضحك ليها غرقات فضحكة ديالو لي كانت جدابة وكتسلب العقل كتمشي مع ضحكة لي كتخليك أنت فرحان..فيقاتها من سهيان ديالها هضرتو..
جواد : كنظن سلاو الأسئلة ديالك ولا مزال؟
ماريا : أه مزال سؤال واحد بغيت نسولو وصافي
جواد : واخا الالة سولي؟
ماريا : أحم دابا انت تبارك الله عندك إمبراطورية قدها بقامتها ياك واخا انا معارفاش بضبط فاش كتبيع ولا كتشري ولكن الأغلبية ديال الوقت كتكون فدار يعني مكنشوفك غادي لا لخدمة لا والو كيفاش زعمة..
جواد شاف فيها وتفركع بضحك😂
ماريا : واش كلت شيحاجة كضحك ولا شنو؟
جواد : لا ماشي هكاك غير ضحكتيني وصافي مهم الالة اول حاجة انا خدام فالإستراد وتصدير كنصدر كاع لفواكه لأوروبا تفاح ليمون رمان كولشي كاع لفواكه لي يطيحو على بالك وكدلك حتى لخضرة لأوروبا وأفريقيا حيت أفريقيا عندهم نقص فالخضر عكس الفواكه عندهم فائض فالمنتوج ديالو انا كنصدر ليهم الخضر وهو كيصدرو ليا لفواكه لي مكاينينش فالمغرب ها واحد كنصدر زيت زيتون والألبان والأجبان والحليب داك حليب الجودة لي كتشربي انا مساهم رسمي فيه..
ماريا : مممم وكتصدر غير لبرا؟
جواد : لا كنصدر لبرا وحتى هنا فالمغرب يعني بلادي كتستنفع قبل من بلدان ناس عاد كنشوف ناس لاخرين عندي جيش من الخدامة هنا فإفران وفإموزار وفصفرو او فيني ملال عندي بزااف ديال الفيرمات فلبلدان الفلاحية لي هنا فالمغرب ناس لي كنصدر ليهم كاين لي كيصنع من هاد الفواكه كوفيتير عواصر حتى مشروبات الكحولية كيصنعوها منهم...أتسوليني واش عندي منافسين اه عندي قد زغب ديال الشعر عندي علاش حيت عارفيني جدي فخدمتي وغادي نيشان ومكنحملش اللف ودوران..عندي شركة فسبانيا تما المقر ديال وخدام فيها بزااف ديال ماس كلهم تقة وإيدي ليمنى جلال هو لي مقابلها..اما بنسبة ليا أنا فالبيسي فيه كل خدمتي يعني ديك الإمبراطورية كاملها لي هضرتي عليها كنسيرها غير من البيسي وتيليفون ديالي اما إلى كانت شيحاجة محتاجة لحضور ديالي كنمشي كنقضيها ونرجع..
ماريا : مكيحسابليش بلي هاز هادشي على ظهرك كلو نهار لي كنا فالفيرما شفتك هاز الفاس وكتوري لواحد سيد شيحاجة..
جواد : العادة لي فيا هيا أي خدام جديد مكايشد البوسط ديالو حتى كنوريه أنا كيفاش يخدم مكنخليش شيواحد من غيري يوريه أنا بيظي كنوريه دقة دقة أصول ديال الخدمة المتقونة واخا يكون معارفش وأول مرة ليه فالخدمة مكنكولش لا هذا معندوش خبرة لا مدام جا عندي وطلب الخدمة إلا راه باغي يخدم علاش منشدش بيديه ونعلمو أصول الحرفة ديال الفلاحة نوريه فير لقليل من داكشي لي تعلمت ليه أنا أعوام هادي ومشاركها معاه باش حتى هو يجي نهار ويعلمها لسلالة ديالو هكا كيشد الخدمة فدماغو وكيخدم بدراعو ومكتبقاش عندو ديك الفكرة ديال السيد راه فوق ناس لا الخوف لي كتقولي انت ناس كيخافو مني هءاك ماشي خوف هذاك إحترام ليا حاجة وحدة خاصك تفهميها شنو معنى ديال كلمة سيدي كاين ناس كيستخدموها لأغراضهم الشخصية وكاين لي كيكولها على أساس الإحترام حيت كيحتارمك ويقدرك منين كيكون شي مشكيل كيلجئو ليك أنت حيت عارفينك مغاديش تردهم...
تردهم كيفما بغا يكون هاد المشكيل غادي تحلو أنت بطريقتك حتى من مشاكلهم العائلية كتحلها ليهم داكشي باش كااااع دوك الناس لي كتشوفيهم كيحنيو راسهم ويقولو سيدي ماشي خوفا مني لا إحتراما ليا واخا هوما كبار فسن عليا ولكن أنا بمتابة الأب ديالهم فهمتي دابا؟؟..دور راسو شاف فيها لقاها ساهية فيه منطقاتش بحتى كلمة وحدة حتى حسات براسها مشات وجات عاد توكضات شافت فسرجم لقاتهم واقفين قدام واحد للفيلا كبيرة..
جواد : يلاه هاحنا وصلنا..
ماريا : ماحسيتش بالوقت..
جواد(رجع لحزم ديالو) :
- منبغيش حتى غلط هاد العشا مهم بنسبة ليا حيت هاد العامل إلى كان فصفي انربح الإنتخابات مفهوم(خرج فيها عينيه)..
ماريا : أخويا كتلون بحال لبةيا عاد كنتي ظريف مالك تسيفتي؟؟
جواد(بصرامة) :
- ماااريااااا 🤨
ماريا : صافي واخا واخا..خرجو من طوموبيل من بعد مابلاصاها وقفات تسناتو لحق عليها وشد ليها فيديها..
ماريا(مع راسها) :
- على أساس كان ناقصني بقا لي غير شدان ليدين ياربي تصبرني..بلعات ريقها وقدات فالقوة وتمو غاديين جيهت الباب سونا جواد من بعد دقيقة فتحات لخدامة تبسمات ليهم وخلاتهم يدخلو تلقا ليهم واحد السيد بجلابة بيضة فالأوائل الأربعينات من عمرو..
جواد : سي مصطفى..
مصطفى : مرحبا مرحبا بسي ريفي نهار كبير هذا أهلا وسهلا ومرحبا(سلم عليه من الحنك)..
جواد : ربي خليك الله يكبر بيك..نغزاتو ماريا..
ماريا : مدخلنا حتى الحليب ودانون فيدينا حشومة كاع..
جواد(بنفاد صبر) :
- واش عند بالك غادية لسبيطار تزوري سكتي..
مصطفى : بلا شك هادي مراتك أ سي جواد
جواد : أه اسي مصطفى مراتي ماريا
مصطفى(سلم عليها) :
- مرحبا مرحبا نهار كبير هذا شوية وغادي تجي عزيزة..تسمع طالون دار شافها جايا..
مصطفى : هاهيا جايا..تمات داخلة مرة فأوساط تلاتينات لابسة جلابة فلبيج مطروزة ومنبتة مع صباط مدهب ديال طالون عليا بيضة بحال البيضة شعرها مطلوق رطب وفيه خصلات من ليميش...
سيدها الجزء التاسع
محتوى القصة
التنقل بين الأجزاء