ناض من فوقها وكايشوف فيها بستغراب قدرات تفهم دوك نظرات شنو وراهم عتدلت فالجلسة وجرت المانطة دالكاشمير تغطات بيها...
جوليا. .هاد المشكل عندي من ست سنين ولا يمكن قبل العيب ماشي فيك العيب فيا أ كريم
كريم . .~جلس جنبها كايشوف فيها ~ شنو هو هاد المشكل ؟
جوليا. . ~شافت ف عينيه ~ البرود الجنسي هو سبب طلاقي وخراب علاقتي براجلي اللول ~ضغطت على يدها وتحولو نظراتها من نظرات هادئة لنظرات كلهم غضب تنهدت ورجعت ستأنفت كلامها ~ تقدر تمشي وتخليني كيف دار هو ما غانلومكش وما غانعاتبكش ~قلبت وجها لجهة لخرا وزادت زيرت على يدها ~
كريم . . ~دور ليها وجها وشاف فيها ~ عمري نخليك اجوليا الى هو خلاك انا لااا ~طبع قبلة على شفاها وكمل كلامو ~ مابغيتش نسمعك شي نهار كاتهضري عليه حياتك القديمة غاترميها ورا ظهرك واخا
قلبت وجها وكاتشوف ناحية السرجم وكاتقول مع نفسها من المستحيل نخلي حياتي القديمة ورا ظهري حتى ننتاقم ونطفي نار لي شاعلة فقلبي رجع شد وجها بين يدو وتكلم ....
كريم. . واخا ؟
جوليا. . ~بغات دير ليه خاطرو ~ واخا
#مكان_اخ___________________ر
بعد ماشافو ولدهم رجعو لغرفة فين كاتجلس توجهت لسرير جلست فوقو وكاتشوف فيه بنص عين رفع حاجبو وتكلم ....
هارون. .~بصوت رجولي ~ مالك ؟
ليلى . . كيفاش ماكنتش كاتشوف ولدي هاااا ؟؟
هارون . .مافهمش كلامها ~ كيفاش مافهمتش
ليلى. . انت بنفسك قلتي ليا شفتيه غير مرة وحدة ومادققتيش فوجهو مزيان هممم على اساس ماشي ولدك من صلبك
هارون. . حط يدو على حجبانو كايحك فيهم وتكلم بصوت خشين ~ اكيد ولدي من صلبي وقطعة من قلبي لكن فديك الوقت كان دماغي مبلوكي تفكير كلو معاك هو حالتو كانت مستقرة وكنت مطمن عليه لكن انت لا أ ليلى والى ماكنتش كانشوفو بشكل يومي ماشي معناه ماشي ولدي بليييز ليلى
ليلى . .ولو
هارون. .~تنهد وتمشى ناحيتها ~ ليلى يا ليلى واش كاتشكي فحبي لولدي همم واش انت واعية شنو كاتقولي واش ء ليلى كاين كي اب مايبغيش ولدو. من نيتك
ليلى. . ~كاتشوف فيه ببراءة ~ لا ماعنديش شك ولكن كان خاصك تشوفو كل نهار وطمن عليه هو اكيد غايحس بوجودك
هارون. . غايبقا غير شي ايام قليلة على مانطمنو عليك كتر هو دابا بخير غير خاصة يبقى شي يومين اخرى من بعد غانجيبوه عندنا ~طبع قبلة فجبينها ~ غانبقاو نجيو عندو كل نهاى حتى نهار لي نجيبوه معانا لدار يالا نعسي باش ترتاحي
ليلى. .~تسطحت فوق السرير وجرات الغطا ~ ماتعطلش بزاف ~
رجع طبع قبلة اخرى وخرج من الغرفة بخطوات تابتة طفات ضوو وتقلبت لجهة الثانية كاتخمم....
اول ماخرج من المصحة طلع فلوطو وتاصل ب قيس
هارون . .~بصوت رجولي ~ واش مزال ما قدرتي تعرف فين مخبية ؟
قيس. .مزال حتى من مها غبر ليها الأتر بحال الى الأرض نشقت وبلعتهم بزوج
هارون. .~بعصبية ~ بففففف فين غاتكون مشات فيييييين ~ضرب يدو بعصبية ~ بغيتك توݣض معايا ا قيس انت لي نقدر نتيق فيه ماغانرتاح حتى طيح بين يدي
قيس . .كن هاني ء هارون تهرب حتى تعيا وفالأخر غاطيح بين يديك
هارون . .~كرز على يدو ~ كانتمنى....
#مكان_اخ________________ر
مكمشة فبلاصتها ومغطية بالمانطا كاتشوف فالسقف وتخمم حتى قفزت على صوت سارة . .
سارة . .مالك حالك ماعاجبنيش هاد نهار
جيداء. .~عتدلت فالجلسة ~ و والو غير عيانة شوية
سارة. .~كاتبرض ظفارها ~امممم ايوا لي بان ليك على راحتك
سارة . .غانزيدك مهلة اسبوع لا غير نهار قبلت تشركي معايا سكنة تافقنا نتقاسمو الكرا ماشي تكلي عليا
جيداء . .انا ماكانتكلش عليك اسارة غير ضروف مام__ قاطعتها__
سارة. .عفاك ماتبخيش ليا راسي ضروفي كفس من ضروفك عشرة لاف مرة ~قلبت عينيها ورجعت كملت كلامها~ سبق ليا وقلت ليك خدمي فالبار لي خدامة فيه وغاتشدي اضعاف لي كاتشدي من ورا الجفاف عاد البروڤوار صحيح
جيداء . .لا لا م مابغيتش دابا نشوف خدمة حسن
سارة. .~عوجت فمها ~ انت تعرفي
#مكان_اخ______ر
أول ما مشى كريم بحالو جمعت الوقفة وتوجهات لحمام باش دوش كاتشوف فيه بقرف حمام صغير وحيطانو مقشرين زفرت بعصبية وتخشات تحت رشاشة بعد ما خدات دوش خرجت لاوية عليها الفوطة وتوجهت لبيت فين كاتنعس نشفت لحمها وهزت سروال جينز طاي اوط مع بيل نواغ ومونطو فالنواغ وݣاط فالموطارد جمعت شعرها وهزت شعر مستعار فالصفر طويل فايت لكتاف بشوية قاداتو مزيان ولا بحال الى ديالها من بعد هزت تيلي وتاصلت ....
جوليا. ..شنو درتي فشي لي قلت ليك ؟
~تلفتت يمين وشمال وتكلمت بصوت خافت~ اجي دابا ووقفي وفالباب لوراني لي وريتك من قبل
جوليا. .اوك اوك انا غانشد طريق دابا ردي لبال التلفون
~بلعت ريقها~ واخا واخا..
أول ماقطعت الإتصال هزت صاكها وخرجت كاتسلت دازت من قدام عزيزة كانت حالة فمها وناعسة حلت الباب بشوية وتوجهات لوطو ديالها بخطوات متسارعة...
جوزيف. . واخا أ لالة مي غدا غاتهضري مع باك وغانزيد نأجل حتى نهار كاتسمعي
مروى. .~طارت عليه كاتعنق~ الله لا يحرمني منك
وقفت وجمعت شانطة صغيرة دارت فيها لي تحتاج من بعد وجلست كاتسنى ياسين يتاصل بعد دقائق سمعت الفون ديالها كايصوني هزاتو بالخف وردت...
مروى . .وي
ياسين. .فينك ؟
مروى. .انا جمعت حوايجي وكانتسناك
ياسين. .عطيني العنوان
مسافة طريق كانت وسط الرباط وقفت لوطو حدا محطة طاكسيات ونزلت خدات طاكسي صغير وعطاتو عنوان المصحة حسبتها مزيان وفكرت ماتديش لوطو ديال لا تشدها الكاميرا ولا يشوفها هارون تواني وكانت قدام الباب نزلت من طاكسي وتوجهت لباب لوراني كانت فنتظارها مرا فالأربعين من عمرها تقريبا مربوعة القد ولابسة زي الممرضة وفيدها كارطونة متوسطة مداتها ليها بالخف ومدت يدها تاخد الفلوس كانت جوليا موجداهم فواحد البرا مداتهم ليها وقلبت دورة كاتمشى بخطوات متسارعة وخايفة يشوفها شي حد اول مافاتت باب المصحة فتحت الكارطونة وجات عينيها على عصمان مݣمط ف ليزار وناعس كيف الملاك شافت فيه بغلل وتكلمت ....
جوليا. . غانحرق قلب مك كيف ما حرقات ليا قلبي
هزاتو بين دراعها ولاحت الكارطونة بعيد عليها ووقفت كاتشير على طاكسي ....
بعد دقائق قليلة رجع بأدراجو للمصحة كان فطريقو لغرفتها لكن وقف قبل مايوصل الباب وقلب دورة للحضانة باش يشوف ولدو ماكانش وقت زيارة لكن حتى حد مايقدر يمعنو من شوفتو هذا هارون فجر بجلالة قدرو وقف قدام الجدار زجاجي مسرح عينيه كايشوف فالرضع كل واحد ف سريرو فيهم لي ناس وفيهم لي فاتح عويناتو سرير عثمان كان مقنت ماقدرش يشوفو هذا علاش قرر يدخل
مسافة طريق كانو قدام باب العمارة انسطالا لوطو فالبارك وتوجه لكوفر فتحو خدا منو شنطتها هزها وتوجه لداخل بخطوات تابتة وهي وراه غاتاكل جمابها ثواني وكانو داخل الشقة تلفت ناحيتها وتكلم ....
ياسين . .~اشار للغرفة ~ هداك غايكون بيتك
مروى . .اوك
ياسين . .~اشار للكوزينة~ الكوزينة لهيه ادا جاك جوع ~خربق ليها شعرها بيدو وقلب دورة ~ تصبحي على خير
مروى . . تلقا الخير
أول مادخل لغرفتو وسد الباب قلبت عينيها بنرفزة وتحنات جرات شانطة غادية فتجاه الغرفة وكاتبرݣم ما عاجبها حال ولفات تخشا ف جوزيف عاد تنعس جا ياسين وخربق ليها نظام حياتها اول مادخلت لبيتها سدت الباب ودفعات شانطة برجليها .
تسناتو حتى عيات لكن نعاس غلبها وخلاها تغفا بعد خمس دقائق فتحت عينيها سرحاتهم مع ارجاء الغرفة هزات راسها من المخدة بشوية وعتادلت فالجلسة حاسة بالضيق ف صدرها والخنقة حطات يداها على رقبتها كاتحاول تاخد نفسها ورجعت حطتها على صدرها ....
ليلى . . أستغفر الله العظيم اش هاد شي
كلشي كايتفتف ودنيا تقلبات سفاها على علاها شنق على واحد من سيكيرطي كايديه ويجيبو وكشاكشو خارجين .....
هارون . .~بصوت عالي ~ فين هو ولدي أااا فين هو ولدي
~ (كايتفتف ) س س سي__ قاطعو ~
هارون . .(كايغوت بصوت عالي ) برب العالي ومايبان ولدي دابا قدامي حتى نحرق هاد لقلا** كامل بلي فيه
~بلع ريقو وتكلم ~ انا غانديك لمكتب الخاصة بالمراقبة
سبقو كايتفتف ورهارون وراه كايرمي خطوة هنا وخطوة وملصق تيلي مع ودنو كايهضر مع قيس
على مقروبة منهم كانت واقفة الممرضة لي سلمات عصمان ل جوليا مبرقة عينيها وطالقة ودنيها غير سمعات الكاميرات ما الكاميرات ريقها نشف والسخفة شداتها من صبعها صغير طمع عما عينيها وخلاها تكلخ وتسنى بلي المصحة كلها كاميرات حتى من الشارع لي قدامهم ولي جنبهم كولو مراقب ستجمعات قواها وطلقت رجليها لريح ما عاوداتش تلفتت وراها .
#فالجهة _الثانية_
مسافة طريق كانت قدام باب الدار بلاصاات لوطو ونزلت فتجاه الباب الخلفي دلوطو فتحاتو وهزات البيبي بين يديها مخنزرة فيه تمشات ناحية الباب فتحاتو ودخلت لداخل كاتقرقب بطالونها كانت عزيزة ناعسة فالصالة لي انفاص لباب غير سمعات تقرقيب د طالو فتحت عينيها وشنقتهم ناحية جوليا مرة تشوف فيها مرة تشوف ف البيبي لي بين يديها ناضت قافزة كااتحك ف عينيها وترجع تشوف فيها مبهوضة....
عزيزة . . ش شكون هذا ؟
جوليا. . ~بغلل ~ ولد هارون
عزيزة . .~بالغواات~ ش شنووووووووووو
المصحة وقفت على قدم وساق والسكريتي كايجريو من قنت القنت كلشي تالف وكلشي خايف لي تخطف ولد راجل ماشي ساهل قادر يحرق االمصحة بلي فيها ويكمل بالمدينة جا المدير كايجري بلا عقل ما مصدقش شنو سمع سمعة المصحة مشات فالهاوية زائد لي تخطف ماشي اي بيبي وماشي ولد عائلة على قدها لي يقدرو يزربو عليهم ويسدو الملف هذا هارون والأجر على والله دخلت لمكتب الخاص بالمراقبة كايتفتف وفيدو منديل كايمسح بيه العرق لي نازل مع جبينو قال سلام لكن حتى حد ما رد عليه كانو مركزين مع تسجيلات جالس فالكرسي عاقد حجبانو حتى تلاقاو كارز على يدو والدخان غايخرج من ودنو من كترت الغضب بالو وتركيزو كلو مع تسجيل فلحظة بانت قدام عينيه الممرضة داخلة الحضانة وكانت ماشي على بعضها كل شوية تلفت وراها صغر عينيه وزاد قرب وجهو كايشوف بتركيز كبير حتى لمحها هزاتو من سرير وخرجات من الحضانة كاتخلف طارت كي طيجيڤي ناض صاعر ضرب الكرسي برجلو حتى تهز وصدرو مايطلع وينزل بعصبية بركان وعلى شك الإنفجار قبل مايسب ليهم العروق تفتح الباب ودخل منو قيس كايجري....
هارون ..~بصوت عالي ~ ولدي تخطف الق**** ~شنق على واحد من سيكيرطي وعينيه خارجين ~ فين كنتو أااا فين كنتو من تخطف ولدي
قجو حتى عينيه تقلبو وروحو غاتزهق تلاح عليه قيس كايجر فيه بكل جهدو مابعدو عليه غير بستة وستين كشيفة طاح الشاب الأرض كايشهق ووجهو نقطة دم حمراااا تلفت ناحية المدير كايهضر بصوت عالي وعينيه حمرين كيف جمر والعرق لي ف جبينو تطراسةةةةةة
هارون . .بربي ومايرجع ولدي دابا وفهاد دقيقة حتى نخليكم تتمناو الموت وماتلقاوهاش...
~كايرجف ~ ك ك كن هاني اسي فجر البيبي دابا غايكون
جبد قيس تيلي وتاصل بوالي الأمن درباط بحكم واحد من صحابو خبرو بشنو وقع واعدو الوالي بلي ماغايجي فين يطلع نهار حتى يكون البيبي عند ولديه دنيا تقلبات رأسا على عقب لا فالمصحة ولا ف ولاية الأمن كلشي كايجري وكلشي كايخدم بلا عقل قلبو على الممرضة الأرض نشقت وبلعتها جمعو كاع االممرضاات كايسولوهم عليها نطقت وحدة وتكلمت .....
عزيزة . .~غادية ف تجاه البيبي~ انا بنفسي لي غانرضو مستحيل نتبعك ف هبالك مستحييييييييل...
جوليا . .~دفعتها مبعداها عليه ووقفت بينها وبينو ~ يمكن ليه تديه لكن على الجتة ديالي والله مايحلمو يشوفوه مزال واخا يبقا فيا عرق واحد كايخبط....
قل من ربع ساعة وقفت سيارة الشرطة فحي الملاح فالرباط ووراها لوطو دهارون ومعاه قيس نزل بسرعة كايتمشى ناحية البوليس بخطوات متسارعة نزلت البنت معاهم وأشارت لباب الدار بسبابة ديالها
~هادي هي دار اشاف
قبل مايتقدم الشرطي سبقو هارون طاير كيف البرق جمع يدو على شكل لكمة وضرب الباب بقوة كاز على سنانو...
هارون ...حليييي حلييييييييييييي....
~ ميسيو فجر عفاك خلينا نديرو خدماتنا
رجع لور كايمرر يدو على شعرو بعصبية ويصوط كيف التور مد قيس يدو حطها على كتف هارون وهمس ...
#كانت كاتجمع حوايجها فواحد الصاك وكلها كاترعد على قفزت على صوت الخبيط فالباب بلعت ريقها وتمشات ناحية السرجم كاتجر ف رجليها الخلعة شاداها اول ماطلت جات عينها على سطافيط قدام الباب والدنيا عامرة بوليس وبعض الرجال من بينهم هارون اما جيران بلا مانهضر عليهم الزنقة لي فالملاح تبلوكات شي كايطل من سراجم شي من سطح وشي لاخر مبندر فالزنقة وكايتهامسو ضربات حناكها كاتولول....
قبل مايوصل ليهم جاه اتصال من علي جبد الفون من جيبو ورد عليه معصب....
ياسين. .شنو بغيتي
علي . .فينك اصاحبي
ياسين. .طلق راسك شنو بغيتي
علي . .البوص ك___ قاطعو بنرفزة___
ياسين . .اجل هاد الموضوع لمن بعد ماعنديش الوقت ليك
علي. . ولكن ر....
قبل كايكمل قطع الخط فوجهو ورفع راسو لقاهم فص ملح وداب كرز على يدو وتوجه لداخل بخطوات متسارعة وعينيه كايقلبو عليها بين الناس شاف يمين وشمال ولا بان ليهم الأتر كمل طريقو وتوجه لأحد الممرات كايقلب عليها بعينيه حتى جات عينو عليها ف احد الغرف بما انا الباب كان مفتوح قدر يشوفها جالسة فوق البياص ومادة رجليها قدامها كاتألم وقيس واقف حد راسها كايتكلم مع الدكتور لي كايفحصها حتى درم ودخل عندهم كايشوف فيهاا..
ياسين . .~ بصوت خشين ~ جيداء مالك
كانت حانية راسها حتى جا صوتو فودنها الصوت لي ماشي من ساهل تنساه بعد ما هانها رفعات عينيها بشوية وجات عينيها ف عينيه زادت وسعاتهم ملي تأكدات بلي هو بشحمو ولحمو ولكن شنو كايدير هنا وكيفاش عرف سميتها
جمعات الغوباشة وخزرت فيه بدون ماتنطق رجع قرب منها وتكلم من جديد وعينيه ف رجليها فين مضروبة....
ياسين. .جيداء شكون ضربك (رفع عينو وخزر ف قيس تخنزيرة كن كانت قرطاس كن الله يرحمو )
قيس . .~كايشوف فيه ~ كان حادت و... قبل كايكمل كلمت جاتو لكمة لوجه خلات وجهو يعواج خرجات عينيها وحلت فمها للأخر....
ياسين . .~بعصبية ~ وفين كانو عينيك ازام* أااااا
رفع راسو كايشوف فيه ومد يدو كايمسح الدم لي شق طريقو جنب فمو جمع يدو ونزل عليه لوجه رد ليه ضربة لكن ماقدرش يزعزعو من بلاصتو ولا يحرك فيه شعرة
يالا غايهجمو على بعضهم وقف الدكتور وسطهم كايغوت ..
~بلييييييز بلا غوات ادا عندكم شي مشكل حلوه على برا ماشي ف قلب االمصحة
قيس . .~ كايحرك راسو كارز على سنانو ~ عقل على هاد الوجه مزيان
ياسين. .اووووه خفت بزاف بصح خفت ~مد يدو ونزل عليه من جديد خلاه يمشي ويجي
~ ناضت كاتجر فرجليها وقفت وسطهم وغوتت ~
جيداء. . ~بصوت عالي نوعا ما ~ باركة اش هاد الحالة ~تلفتت ناحية ياسين مخنزرة فيه ~ وانت باشمن حق دخل فيا أااا ؟ فين كانعرفك
ياسين . .~من بين سنانو ~ ماتستفزنيش حسن ليك
قيس . .~نهض فيه ~ راك سمعتي البنت ماكاتعرفكش جمع قلوعك وضور ب 100
قبل ما يتلاح عليه وقف الدكتور وسطهم كايدفع ف ياسين وكاينادي على وحدة من الممرضات جات كاتجري خبرها تعلم سيكيرطي باش يفرقو االمجمع ثواني وكانو داخل الغرفة زوج شبان طول بعرض قبل مايحط واحد فيهم يدو على ياسين دفعو حتى ترضخ مع الحيط وتهزو ضلوعو أشار بسبابة ديالو فوجو وتكلم بصوت خشين ممزوج ببجة رجولية....
ياسين ..تحط يدك نهرسها ليك
~شاف ف جيداء شوفة مطولة ماكاتفسرش وخرج من الغرفة بخطوات متسارعة صاعر وماكايشوفش قدامو كان جاي للمصحة باش يشوف ختو ويطمن عليها لكن مزاجو خسر وما بقاش عندو لخاطر خرج من المصحة وطلع فلوطو ديالو مكسيري ودمو كايغلي بين ما جيداء رجعت جلست وكلها كاترعد من الأعصاب وماستحملاتش تشوفو من جديد ولا تسمع صوتو شاف فيها قيس وتكلم
قيس . .انت صاڤا ؟
جيداء . .~رفعات فيه عينيها ~ ص صاڤا..
#مكان_اخ_____________________ر
أول ما خدا ولدو مشى ديريكت للمصحة ومابطا عليه امتى يوصل ويحط عصمان ف حضنها مسافة طريق كان داخل المصحة وديريكت لغرفتها الخاصة بلا مايطرق الباب دخل وابتسامة عريضة على شفاهو غير شافتو وسعات عينيها وناضت من سرير فتجاهو مامصدقاش شنو كاتشوف قدامهاا...
ليلى . . و ولدي هئ ..هئ... ولدي حبيبي
~خداتو منو كاضمو وتشم ريحتو ودموعها على خدها نزلت دمعة على خد مروى وتوجهات ناحيتها كاتبسم من بين دموعها قرب منها وضمها بصدرو وولدهم بين دراعها طبع قبلة ف جبينها وتكلم ....
هارون . .~بصوت رجولي ~ حتى حد ما غايقدر ياخدو منا مرة أخرى
غادي شاد طريق البحر وما عارفش راسو مالو وعلاش كانت ردت فعلو بداك شكل دقائق وكان جنب البحر انسطالا لوطو ونزل منها كايمرر يدو على شعرو بعصبية ويسوط جبد الݣارو من جيبو شعلو وحطو بين شفاهو كاينتر منو ودماغو كايدي ويجيب وكايحاول يلقا تفسير للحالة لي فيها وصلو مساج من عند علي قراه ورد تيلي لجيبو بدون مايسوق ثواني ورجع كايتاصل بيه فتح لخط وتكلم بصوت خشين....
ياسين ..انا ف **** (طييييييييييط) ....
دقائق وكانوا ف ولاية الأمن وبدا ف ستنطاقهم كانت كلها كاترجف عمرها تخيلت توصل شي نهار لهنا وتحط ف هاد الموقف بس كلو من بنتها الغبية على قولتها فوسط استجوابهم وصلهم اتصال رد الضابط وخبروه بلي جوليا الإدريسي لي كايبحتو عليها تعرضات لحادت سير وتوفاات قطع الخط وملامحو تغيرات شوية شاف فيها شوفة مطولة وتكلم بصوت غليض ....
~اجرك لله بنتك توفات
خرجات عينيها وكلها كاترعد ماقدراتش تستوعب شنو قال وقفت ورجعت جلست وركابيها فاشلين عليها شافت فيه ونطقت بصوت كايرجف ....
رجعو حطوه فالحضانة بعد ما فحصوه كانت غادية جاية فالممر وما ساخياش ترجع تخليه خافت يتخطف منها من جديد شد فيدها وتكلم ...
هارون . .ماتخافيش عمرها تقدر تاخدو مرة أخرى لا هي ولا غيرها
ليلى .. ~الغصة فحلقها ~ كنت غانفقد ولدي فمرة ا هارون ما قادراش نجلس بعيدة عليه خايفة نفيق ونلقاه مشى مرة أخرى
هارون . .~باس جبينها وتكلم ~ ماعندكش مناش تخافي غانحط واحد من رجالي يبقا ف باب الحضانة ليل ونهار حتى لنهار لي ناخدوه فيه معانا وغاتكون الحراسة المشددة فالمصحة طول ما عصمان هنا يعني من االمستحيل يقدر شي حد يطوف بساحتو مرة اخرى تيقي بيا
ليلى . .~بصوت مخنوق بالبكى ~ واعدني
هارون ..~باس يدها بزوج ~ وعدددددد...
#مكان_اخ_____________________ر
علي . .طولتي فالمغرب والبوص مابقاش عاجبو الوضع خصوصا من عرف بوجود ماركوس هنا
ياسين ...~ضاغط على يدو ~ فهاد الساعة ما كايهمني لا البوص ولا ماركوس
علي . .~شاف فيه ~ ماك حالك ما عاجبنبش شنو عندك ؟!
ياسين. .~خرج الدخان من بين شفاهو ~ ما ماليش
علي . .~حط يدو على كتفو ~ حاس بلي مخبي عليا شي حاجة قول ليا شنو عندك
#بعد ماوصلها خدا رقمها باش يرجع يطمن عليها واخا كانت مترددة فالأول مي فالتالي عطاتو وتوجهات لباب الدار كاتعرج برجليها اول مادخلت ديمارا ف تجاه المصحة وكايهضر مع هارون فنفس الوقت....
اول ماقطع معاه هارون جاه اتصال من الضابط وخبرو بلي جوليا ماتت تسمر فبلاصتو حال فمو بعد ثواني من صدمة حرك شفاهو وتكلم بصوت شبه مسموع
هارون. . إن لله وإن إليه راجعون
واخا خطفت ولدو وادات مراتو الى انو مابغاش نهايتها تكون بهاد الشكل كاتبقى ام ليليا وغاتأتر بموت مها خصوصا كانت موحشاها او ماشافتهاش مسح وجهو بيدو وتنهد كايخمم كيفاش غايقدر يقولها ليليا يوصل ليها بلي مها ماتت بلا ما يأدي مشاعرها ويخليها تأزم وصلت لست سنوات وولات كاتعرف وتميز شافتو ليلى شارد وملامح وجهو تبدلو توجهات ناحيتو وتكلمت.....
ليلى . .~خرجت عينيها وحطت يدها على فمها ~كيفااااااش...
#اول مافقدت الوعي نقولها لسويسي ومعاه رجال الشرطة باش ماتهربش بعد دقائق طويلة من الإنتظار خرج الدكتور وخبرهم بلي جاها شلل نصفي تنهد الضابط وتاصل بهارون يخبرو بشنو وقع كاتبقى نسيبتو السابقة وجدات بنتو اول ماخبروه توجه لسويسي بدون تردد باش يطمن عليها واخا كاع داك شي لي دارت .....
#مكان_اخ____________________ر
#اليوم_الموال_________ي ..
مسطح فوق السرير وحاطة المخدة على راسو بعد دقائق بدا كايفتح عينيه لاح المخدة وحيد عليه الغطا من فوقو وتوجه لحمام كايجر فرجليه بعد ما خدا دوش خرج لاوي الفوطة على نصو قبل مايتوجه لدرسينغ وصلو اتصال غير شاف رقم غمض عينيه بنرفزة ورجع فتحهم...
(الحوار_بالإطالية)
~ اش هاد الغيبة الوحش ماشي هاكا تافقنا
ياسين. . غانجي مي ماشي دابا مزال ماحليت شي مشاكل
~( بصوت غليض) كيف ما كان المشكل لي عندك ماكايهمش قد ماكايهم هاد المشاكل لي غارقين فيها غدا تكون ف روما وما غانقبل حتى نقاش
ياسين . .مايكمكنش غدا عن__ قاطعو_
~ياسو (ياسين ) ما غانقبل حتى عتراض غدا تكون عندي ( طيييييييييييييبيييييييط)
لاح تيلي فوق السرير بنرفزة وتوجه لدرسينغ كاعي وساخط على الوضعية كتر ما هو ساخط نشف لحمو بالخف ولبس سروال جينز كحل مع طوب كحل وجاكيط الجلد فالمارو مع ݣاط مارو هز الكونطاك والتيلي وخرج بلا حتى كاينشف شعرو طلع فالوطو وديمارا فتجاه الوكالة ومصمم ياخد عنوان دارها مسافة طريق كان قدام باب الوكالة انسطالا للوطو ودخل لداخل بخطوات مرجلة ورزينة توجه ديريكت لمكتب منصور طرق زوج طرقات ودخل لداخل بعد ماسمع الإدن بعد دقائق من الكلام قدر يخليه يتاصل بيها ويطلب منها العنوان بحجة البنات بغاو يشوفوها ويطمنو عليها بعد ماعطاتو عنوانها قطع الإتصال وشافه فيه بملامح جدية....
منصور. .فالحقيقة شي لي درت ما خاصوش يدار مي مابغيتش نوقف فوجهكم ونكون العصا لي تحبس الرويدة (حنا راسو كتب ليه العنوان فالورقة ومدو ليه قبل مايشدها تكلم )
منصور . .نتمنى ماندمش
ياسين. .(خداه منو ووقف كايشوف فالورقة ) شكراا
اول ما خدا العنوان توجه للوطو ديالو وعفط عفطة وحدة ماوقف حتى لباب دارها انسطالا للوطو فالحي وتوجه بخطوات رزينة كايقلب على الباب ثواني وجات عينو عليه خشا الورقة فجيبو ومد يدو لصونيط ...
لابسة بيجامة كولون مع بيل ديالو فالݣري وبانطوفة فالكحل واقفة فالكوزينة كاتوجد القهوة ديالها حتى سمعت الصونيط دلباب حطات شي لي فيدها وتوجهات للباب كاتعرج برجلها اول ما فتحاتو جات عينها فعينو واقف بهيبتو المعتادة والتخنزيرة لي ما كاتخطاهش يالا جات تسد الباب فوجهو وهو يحبسها بيدو وعينيه ف عينيها....
ياسين . .~ببحة رجولية ~ خلينا نهضرو
جيداء . .~كاتدفع الباب بيدها باش تسدو ~ ماعندنا فاش نهضرو عطيني بتساع
~شدها من دراعها بقوة ودفعها لداخل دخل وراها وسد الباب وراه وتلفت ناحيتها كايشوف فيها بنظرات حادة بعدت عليه ببضع خطوات كادور عينيها يمين وشمال خايفة ومرعوبة رفعت سبابة ديالها فوجهو وتكلمت بصوت عالب عليه الخوف . ....
جيداء . .و و والله وتقرب مني حتى نجمع عليك الناس
~عض على شفتو التحتية وكايشوف فيها بستفزاز ~
ياسين ...~بصوت خشين ~ الى بغيت نقرب منك حتى حد ما غايقدر يمنعني ~بصغية الأمر ~ جلسي خلينا نهضرو
جيداء . .ب برا برااااااااااااا
ياسين . . ~ضغط على يدو كايحاول يضبط اعصابو ~ عارف بلي غلطت مي ماشي لدرجة ترفعي صوتك فوجهي مرة وزوج جيت باش نعتذر ماع__ قاطعاتو ___
جيداء . .~بصرامة ~عتذارك ماغايزيدني ما غاينقصني بليييييز خرج من داري
قرب منها بضع خطوات وجدبها لعندو ملصقها عليه ومزير علي دراعها نظراتو الحادة مفكسين ف عينيها وشفاهو قراب لشفاها لدرجة انفاسو تمزجو مع انفاسها تزادو دقات قلبها وخوفها زاد حطت يد على صدرو وكاتحاول تبعدو عليها ....
ياسين .. مزال ما تزادت لي ترفع صوتها فوجهي وتأمرني ~كايشوف فشفاها كايترعدو ~ مايكونش لسانك سليط وتخليني نقباح معاك
~حط سبابة ديالو على شفاها كايمررهم برفق وعينيه ف عينيها يالا فتح شفاهو باش يكمل كلامو تفتح لباب ودخلت منو سارة موسعة عينيها وكاتشوف فيهم ملاصقين مع بعضهم وصباعو على شفاها غير شافتها جيداء ستجمعات قواها ودفعاتو بعيد عليها ....
خرجات عينيها ف جيداء كاتشوف فيها بغضب مي ماقدراتش تشوف وجه ياسين كان عاطيها بالظهر طلعتها ونزلتها وتكلمت ....
سارة. .تبارك الله على لالة جيداء ولا عندي هنا بورديل ولا دار القو***
جيداء . .~كاتمتم ~ ف ف همتي غلط هذ__ قاطعتها __
سارة . .الالة الى باغية تقح*** سيري لشي اوطيل ماتجبيش ليا الشبوهات لداري و ___ قاطعها____
اول ما جات عينو ف عينيها حلت فمها وبلعت ريقها كان عاطي العين بشكل كبير لا طولتو ولا بنيتو الرياضية ولا شوفات ديالو لي تخرس لسان اي وحدة وتخليها غارقة فيه خلاتها ضرب طمم وتشوف فيه بإعجاب حنجنت كاتنضف حلقها وتكلمت بصوت رقيق عكس الصوت العالي واالمزعج لي تكلمت بيه من دابا شوية ....
سارة . .د ديزولي نفاعلت شوية
جيداء. الله يخليك سير من هنا وادا على الإعتذار انا مسامحة ~اشارت للباب ~ بلييز سير من هنا
شاف ف جيداء شوفة مطولة من بعد قلب دورة وتوجه للباب وكايهضر فنفس الوقت....
ياسين . .مزال غانشوفك ~تلفتت ناحيتها غمزها وخرج من عندهم ف تجاه اللوطو ديالو تبعاتو سارة كاتجري وتقرقب بطالون ديالها حتى شافتو ركب فلوطو وديمارا حطت يدها على قلبها وتنهدت....
سارة . .الله اش هاد العسل على الصباح ~عضت شفتها التحتية ودخلت عند جيداء لي ولون وجها تخطف واالخلعة مزال شاداها غير شافتها جلست تمتم محرجة....
جيداء .. والله ما درت شي حاجة هذا واحد مريض ودخل لدار بززز م__ قاطعاتها
سارة. .شكون هذا ؟....
#المساااااا___ء
واقفة قدام المرايا كاتوضع المسات الأخيرة وابتسامة عريضة على شفاها تطرق الباب ودخلت سمر لابسة فستان فلون الزهري فوق الركبة جا كلوش وشعر راداه جنب مصفف بعناية مع ميك اب خفيف جات كيوت تمشات ناحية مروى وضماتها من لور
سمر. .واخيرا جا هاد النهار اخخخ ماتصوريش فرحتي قداش
لابسة بيجامة فالݣري ب سروالها كلون مع دبلدوغ ديالو وفوق منو بينوار طويل ومخلية شعرها على راحتو خرجات من بيتها بخطوات تقيلة ف تجاه بيت ليليا فتحات الباب ودخلت كانت مخشية ف فراشها وغارقة ف سبات عميق جلست ف حافة السرير ومررت يدها على خصلات شعرها وتنهدت....
ليلى . . غاتجيك صعيبة فالأول مي غاتأقلمي واخا غايكون صعيب غاتوحشيها كيف ما انا توحشت ماما وغاتبكي وتمناي ترجعي تشوفيها ولكن غايكون صعيب حيت بصح مشات وصعيب ترجع بسسس كوني أكيدة غانكون مك وكلشي ف حياتك وغانحاول نملأ الفراغ لي خلات ~تحنات طبعت قبلة فخدها ووقفت باش تخرج من الغرفة قبل ماترمي الخطوة للولة جات عينها عليه واقف جنب الباب وكايشوف فيها وابتسامة خفيفه على شفاهو تقدم ناحيتها بخطوات رزينة وطبع قبلة ف جبينها ....
هارون . .~ببحة رجولية ~ روحي وعمري واحسن حاجة فحياتي
هارون . .~تبسم ~ اييييه غدا ان شاء الله غانخرجو من المصحة
حطت يدها بزوج على فمها من الفرحة وتلاحت عليه ضماتو....
#مكان_اخ_____________________ر
نازلة مع الدروج بفستانها البيج جاي مسانطري على طايتها وبارز مفاتنها مفتوح من جبهة الصدر شوية ومرصع بالأحجار وشعرها مجموع بمشيطة سامبل مع ميك اب مناسب كاتقدم خطوة وتوخر لخرا والدعوة مخلطة عليها بين الخوف والحشمة وسمر جنبها كاتبسم اول ما دخلت لصالة لي كانت بتصميم اوروبي كلاسيكي فخم جات عينها عليه جالس بهيبتو المعتادة ونظراتو لي سحروها من اول يوم شافتو واخا فوقتها كان غالب عليها طمع مي ماتنكرش بلي شوفاتو القاصحة وملامحو المرجلة خلاوها مسحورة بيه طلع فيها عينو وابتسامة خفيفه على شفاهو جلست جنب باها جامعة يدها عندها وحانية راسها ولي يشوفها يقول لا لا هادي ماشي مروى الجريئة مو لسان سليط مرر فادي يدو على ظهرها وتبسم
طلعتها ياقوت ونزلتها وقلبت عينيه منرفزة وما طايقاهاش يالا بدا حديتهم نزل قصي كايقاد ازرار الڤيست قال مسا الخير وجلس على يمين فادي ....
فادي . .~قهقه ~هاها يامحاسن الصدف شكون قال ولد ريكاردو غايطلب يد بنتي مني بصح الدنيا صغيرة صغيرة بزاااف
جوزيف . .~ببحة رجولية ~ كاتعرفو؟
فادي . .عز االمعرفةةةةة
كان كايدور ب للوطو ديالو وسط المدينة وشارع كايلوحو لشارع راسو مخربق الخدمة لي خدام ما بقاتش عاجباه وما بقاش لاقي راحتو فيها زيد عليها جيداء لي ولات معشة فراسو وما عرفش سر هاد الإحساس لي طفل عليه فجأة وكيفاش يتخلص منو لا خدمتو ولا ضروفو كاتسمح ليه يدخل وحدة لحياتو وقف جنب البحر سند راسو على المقعد وغمض عينيه كايخمم بعد دقائق ديمارا وشد طريق دارهم القديمة حاس براسو ماشي اليز ومحتاج يرتاح ف دارهم ويرتب وراقو ويعيد حساباتو مسافة طريق كان فالحومة بلاصة اللوطو جنب البيسري ونزل فتجاه دارهم بخطوات تيقلة ....
كانت واقفة فالبيسري كاتقدا حتى جات عينها عليه نازل من للوطو قلبها ولا يضرب ف تسعين وكلها كاتڤيبري الفرحة خلاتها ماشي على بعضها حطات داك شي لي فيدها وتمشات وراه كاترمي خطوة هنا وخطوة لهيه...
~ (مول الحانوت ) صفاااء نسيتي البيض ديالك
صفاء. .من بعد من بعددددد
#مكان_اخ____________________ر
فادي . .الأب ديالك معرفة قديمة كانتمنى تكون خديتي منو خصالو وجديتو بصح فالأول كنت متردد مي دابا انا موافق مية فالمية باك كان نعمة الرجل وعندي احساس بلي ولدو بحالو وغانكون مرتاح على بنتي وهي معاك
سارة . .بزااف وما غانرتاح حتى نطيحو فيا بسس انت غاتعاونيني معلوم
جيداء. .~وقفت ~ الله يسخر وعفاك خليني بعيدة
سارة . .~جرتها جلستها جنبها ~ الى بغيتي تبقاي فهاد الدار غاتعاونيني سووو جمعي حوايجك وقلبي فين تسكني
جيداء . .~حلت فمها مصدومة ~ ك كيفااااش
سارة . . كيف سمعتي
جيداء . .م مايمكنش ت تم شنو علاقتي انا باش غانفيدك الى عجبك ؟
سارة. .~عضت شفتها ~ غاتفديني او بزاف بيك غانوصل ليه وسارة من كاتبغي توصل لشي حاجة كاتوصل ليها ~رجعت شافت فيها ~ انت اكيد غاتشوفي مصلحتك ومصلحتك تبقاي هنا ببساطة ماعندك فين تمشي لا فلوس لا دار ادا ماعندك حتى حل من غير تعاونيني سو لباب يفوت جمل ~اشارت للبااب
دنيا مشات وجات بيها ماقدراتش تتخيل شنو كاتسمع وكيفاش كاتهددها تجري عليا ماعمرها تخيلت تتحط فهاد الموقف وتتهان بهاد الشكل وهي لي عاشت ف بدل شقة قصر رفعت راسها والغصة كاتطلع وتنزل فيها ماعندها باش تفيدها وعارفة راسها ما غاتقدرش تنفعها اللهم تخرج بكرامتها قبل ماترميها برا وتخرج بلا كرامة شافت فيها شوفة مطولة وقلبت الدورة للبيت دنعاس جبدات شانطتها فتحاتها وحطت فيها حوايجها يديها كايترعدو والدموع ف طرف عينيها بعد ما جمعت حوايجها حيدات البيجامة ولبست كلون كحل مع بيل كحل ولاحت عليها كاب ݣري هزات صاكها خدات منو بزطامها فتحاتو كاتشوف فالفلوس لي عندها كانو قلال بزاف فين غاتلقا شي اوطيل رخيص على ما تشوف حل ليها تنهدت تنهيدة حارة خدات الأوݣ خشات فيه رجليها خرجت من البيت جارة شانطتها وراها وكاتعرج برجليها طلعتها سارة ونزلتها وتكلمت ....
سارة . .بليدة وغاتبقاي طول عمرك بليدة
خرجات فداك اليل كاتعرج بديك الرجل وشانطة مجرورة وراها حانية راسها والخوف واكل منها النص غامرات وخرجات فهاد اليل لكن كرامتها فوق كلشي وقفات فراس شارع كاتسنى شي طاكسي بدوز وكل شوية تلفت وراها خايفة لا يوقف عليها شي حد بعد انتظار دام لدقائق وقف قدامها بتي طاكسي فتحت الباب وركبت الور بعد ما حطات الشانطة ف الكوفر ......
#مكان_اخ______________________ر
بعد ما وافق فادي على ارتباطهم ركبو الخواتم ديجا كان مفاهم معاها بلي ماباغيش العرس بعد دقائق من الكلام تافق معاهم الأسبوع الماجي غايكون عقد النكاح وحفل صغير فيه غير العائلة فقط لا غير ستأدن وخرج من الڤيلا بخطوات رزينة ومروى وراه الفرحة ما سايعاهاش واخيرا غاتكون حلالو ويتقال ليها مدام ستيڤن بدل ما كانت مجرد عشيقة اول ما رمات الخطوة جدبها لعندو ملصقها عليه وعينيه ف عينيها
جوزيف. .~بصوت خشين ~ ماتوحشتنيش
مروى. . ~عضت على شفتها التحتية وتكلمت ناعم ~ توحشتك
يالا غاينقد على شفاها ويروي عطشو قاطعو صوت قصي شاف فيهم وتكلم ....
قصي . .مروى دخلي البرد عليك
مروى. .~بصوت شبه مسموع ~ ماشي وقتك هذا الهم انت لي بقيتي ناقص ~ تلفتت ناحيتو وتبسمت ابتسامة صفرا~ اوك ~ رجعت شافت ف جوزيف وتكلمت بصوت حنين ~ من توصل تاصل بيا
جوزيف . .~ماحاملش هاد الوضع جديد ~اوك ~باس جبينها وتوجه للوطو ديالو اول ما ديمارا قلبت دورة ودخلت لداخل ساخطة على الوضع كااتݣمݣم قبل ما دخل لبيت وقفها صوت فادي . .
مروى . .كانضن ماشي دابا خليها لمن بعد ياسين طبعو حاد وصعيب ينسى
فادي . .انا باه ومن واجبو يسمعني ويحس بيا
مروى . .وانت فين هو واجبك واحساسك نهار خلتينا هااا ؟ فين كان احساسك وواجبك تجاهنا ~ تنهدت ~ بابا بلييز ماتخليناش نجبدو هاد سيرة وادا باغي تمشي لعندو سير انا ما غانمعنكش بسسس ماتشكيش ادا كان قاسي عليك وادا قال كلام جرحك تصبح على خير
دخلت لبيت وخلاتو وراها واقف وحاس براسو مهدود وهاز حمل جبال هو سبب هو لي تخلا وعطاهم بالظهر تمشى ناحية بيتو بخطوات تقيلة جامع يدو على شكل لكمة كايعصر فيها فالجهة الثانية كان داخل دارهم مسطح فوق فراش مو وكايشوف فالسقف ودماغو كايدي ويجيب فكل ما كايغمض عينو كاتجي قبالتو شوفاتها وكلامها وكل حركة منها خلاتو طايح فيها بلا مايفطن وفكل مرة كايزيد يغرق كتر من قبل زفر بنرفزة ووقف محيد البيل لي كان لابس بقا غير بسروال مرر يدو على شعرو بعصبية وتكلم بصوت خشين ....
ياسين. . اش هاد شي مستحيل يرجع هاد القلب يبغي ~ضرب على قلبو بقوة وتكلم من بين سنانو~ ماباغيش تتعلم هاااا خليك قاسي كيف قبل
بين ما هو كايتكلم مع راسو وغادي جاي فالبيت على برا كانت صفاء كل مرة دير سبة بشي حاجة باش تخرج من دار ودوز من قدام باب دارو على امل تشوفو حتى غوت عليها خوها عاد دخلت والغصة ف قلبها كاتحرقها مالقاتش شي سبة باش دق عليه فهاد اليل شنو غاتقول ليه وكيفاش دير مع شمكار دخوها لي لاصق فالدار هاد اليلة وماباغيش يخرج ويخليها تملي عينها من شوفة حبيبها تكمشات فبلاصتها كاتغزز ظفارها حتى سمعت صوت خوها كايهضر ف االتيلي غير سمعت اسم ياسين جمعت الوقفة وطنشت ودنيها كاتسمع وتحسس ....
~ (بصوت غليض) هي قصارين هاد اليلة اه عرفت لبلاصة (سكت شوية ورجع تكلم ) زعمة غايبغي انت عارف كيف داير عاد تبدل على لي كان ولا نافخ ريشو اصاحبي صافي صافي انا غانقولها ليه بغى مرحبا ما بغاش يعاودها لكر*
قطع الخط هز جاكيط ديالو وخرج من دارهم فتجاه دار ياسين ناضت طايرة وراه كاتمشى على صباعها خرجت راسها كاطل جيهت باب ياسين وكاتشوف خوها غادي قاصد دارو ....
#روسيا___
واقفة ف شرفة كاتشوف ناحية البوابة ودمها كايغلي مابقاتش عارفة واش تركز مع الوريتة لي طلعت ليها من الجنب ولا مع ولدها لي غير ما كايزيد ف طيشو بعد دقائق تفتح الباب دالقصر ودخلت منو سيارة من نوع لمبرجيني كحلة ماط مكسيرية دار على النافورة ووقف بيها ثواني وتفتح الباب ونزل منو شاب طول وكتاف عراض لابس سروال جينز كحل مع بيل باج اول ما شافتو قلبت دورة وخرجت من بيتها بخطوات متسارعة ناحية الطابق السفلي اول ما نزلت جات عينيها عليه داخل كايتمختر وهاز راسو لسما سابعة ...
جيهان. . ~بحدة ~ اش هاد الوقت ؟
~ الصمت
جيهان . .راه معاك كانهدر واش لي نقولو نعيدو امتى غادير عقلك أااا كل ليلة داخل حتى لفجر شكون يݣبل الشركة يوقف وقفة راجل على فلوسنا ولا باغي حتى تجي لملقطة وتلهف كلشي هاد شي لي بغيتي ؟
~(بصوت غليض ) ماتبقايش كل ليلة تحرقي ليا دمي وتحاسبيني معاش دخلت ومعاش خرجت انا راجل ماشي ولية باش تحسبي ليا دقايق وشغلي انا قاد بيه ( عطاها بالظهر وتوجه لدروج )
جيهان . .~بعصبية ~ غالييييي وقف مزال ما كملت كلامي واش ماباغيش تكبر أاا ما باغيش دير عقلك وتفرق عليك دوك رباعة السكايرية انا خايفة عليك خايفة بطيشك تدي راسك وتدينا الهاوية معاك انت ما واعيش بحجم المشكل زيد عليها ديك الملقطة لي ولد باك ماتعرف امتى توقف علينا وتقسم معاك رزقك ولي من حقك بحدك كاتسمعععع بحدككككك (تنهدت وحطت يدها على كتفو ) غالي ولدي الحبيب سمع كلامي ولو مرة وحدة فحياتك تقرب من جداتك خليها تشوف بلي وليتي راجل قد المسؤوليه خليها تنسى ديك الملقطة وتخرجها من حياتنا
غالي . .ماتخافيش حتى حد ما غايشركني ف حقي يكون لي بغى يكون ~_باس جبينها وكمل طريقو لبيتو تحت انظارها ~
#مكان__اخ_____________________ر
بعد ما دق عليه وخبرو بلي دراري دالحومة مقصرين ف نفس البلاصة فين كانو كايقصرو وبلي طلبو مني يجي ويشاركهم ماكانش باغي مي فالتالي قال حسن مايبقى بوحدو ويفكر فيها لبس جاكيط ديالو وخرج من دار ورا الولد لي جا عندو توجهو ناحية اللوطو تحت انظار صفاء لي كانت كاتشوفو بلا مايحسو بيها وحاطة يدها على قلبها كاتنهد واخيرا رجعت شافتو ولو من بعيد طلع فالوطو وعفط عفطة وحدة فتجاه المكان لي ما ماخافيش عليه ....
#مكان_اخ_______________________ر
حطها طاكسي قدام اوطيل شعبي بعد ما سولتو نصحها بيه وهذا ارخص اوطيل تقدر عليه على حسب امكانياتها البسيطة نزلت كاتشوف فيه جا فموقع شعبي وجنبو كافي عامرة بصحاب الشيشة هزات شانطة ديالها وتوجهات لإستقباال بعد ماكملت الإجراءات الروتينية عطاوها الساروت وواحد من العاملين تما عاونها طلع شانطة وقفت قدام الباب فتحاتو ودخلت لداخل كادور ف عينيها كان بيت صغير فيه سرير دشخص واحد وبلاكار صغير وسرجم كايطل على الشارع جلست ف حافة السرير كاتشوف هنا ولهيه مدت يدها لبزطام فتحاتو كاتحسب فالفلوس لي باقين ليها طلعت تنهيدة من اعماق قلبها وتكلمت ..
جيداء . .اخخ ما غايكفيونيش شنو غاندير ياربي (كمشتهم ضاغطة على يدها وكاتعض ف شفاها )
#مكان_اخ______________________ر
وقف ب للوطو جنب البحر ونزل منها فتجاه الولاد لي كانو جالسين على شكل مجموعة والعافية شاعلة وسطهم حاطين فوقها شواية كبيرة كايشويو فيها الحوت والقارعي دشراب حداهم وكل واحد فيهم شاد جوان ولاݣارو كايتنشوا عليه قال سلام عليكم وجلس فالقنت
~ 1 . .افين الكلب تجليتي على عشرانك
ياسين. . ~خدا منو الݣارو نتر منو وتكلم بصوت خشين ~ الوقت لي كاتجلي
1~. .اشمن زواج طايح مع واحد خيتي ساست ليه جيابو بنات القاف حتى قل** ما كاتهمهم من غير الحبة الله ينعل بو الحب ولي يجي منو انا بعد ما كاين لا حب لا ق*** ماكين غاكو* وهرب ( شاف فيه ) وانت ماكايناش شي وحدة ( غمزو )
فتح القرعة ( المشروب )ومدها ليه شرب منها ورفع راسو كايشوف فالݣمرة ومخلي صحابو كايهضرو بينهم بدون ما يشاركهم حديتهم ....
#اليوم_المول___ي
طول اليل وهو فالبحر جالس فواحد القنت مكوسونطري كايخمم حتى بدا يطلع النهار عاد طلع فلوطو وديمارا فتجاه دارو خدا دوش ولبس سروال كيطما وتلاح فالسرير كاياخد قسط من الراحة فالجهة الثانية كانت فايقة مبكرة لبست حوايجها عبارة عن ݣينز نواغ وبيل نواغ ولاحت عليها مونطو ولبست لي بوط قصير وخرجت من الأوطيل فتجاه الوكالة الجلاس ماعندو باش ينفعها خصوصا فهاد الوقت لي طرشة دايزة فيها مسافة طريق كانت قدام باب الوكالة خلصت الطاكسي ودخلت لداخل كاتعرج برجليها توجهات ديريكت لمكتب منصور طرقت زوج طرقات خفاف ودخلت بعد ما سمعت الإدن....
#مكان_اخ_______________________ر
وقفت ب سيارتها من نوع ميني كوبر قدام باب المستشفى نزلت منها وتوجهات لداخل بخطوات تقيلة مزال ما قدرت تستوعب بلي ختها صافي ماتت وما غاترجعش تشوفها ما كانوش حنان على بعضهم شي محنة كبيرة مي كاتبقى ختها الوحيدة ولي حتى شي حد مايقدر يعوض بلاصتها كيف ماكان نوعو بعد ما عرفت رقم الغرفة لي فيها مها توجهات ناحيتها بوجه ظاهر عليه الحزن والتعب حطت يدها على البواني وفتحاتو بالمهل ودخلت لداخل كاتقلب عليها ب عينيها اول ما جات عينها عليها جمدت ف مكانها مستحيل شي لي كاتشوف حطت يدها على فمها وكاتشوف ف عزيزة مسطحة فوق السرير كيف الجتة والضعف بان عليها وجه صفر وملامح شاحبة ولي خلا قلبها يتعصر فمها لي عوج مشى لجيهة خدها بصح هارون ما كدبش عليها تشلاات رݣد عليها نصها من الصدمة تمشات تجاها بخطوات تقيلة ودموع تجمعو ف عينيها جلست فحافة السرير وشدت يدها كاتكلم بصوت كايرجف
صونيا. .م م ماما هئ...هئ...
#مكان_اخ_____________________ر
طلبت منو يخليها تخدم لكن رفض مستحيل شي حد يقبل يخدمها وهي فهاد الحالة لازمها الراحة حتى تقدر توقف على رجليها وتشافا تماما عاد تقدر تباشر عملها خرجت من عندو مكسورة الخاطر بصح رجليها مقصحة فيها وما ماتقدرش تفورصي عليها مي خاصها الفلوس المبلغ لي عندها غايقدر يخلص ليها فقط يومين لاغير فين غاتمشي من بعد جلست على الرصيف كاتخمم فهاد المشكل لي ماضربت ليه حساب بعد دقائق خدات طاكسي ورجعت لأوطيل فالجهة الثانية بعد ما نعس ساعة فاق وجد ليه القهوة قاصحة باش يصحصح وخدا الݣارو بين شفاهو كاينتر منو بعد ما كمل قهوتو لبس حوايحو وخرج من الشقة فتجاه دار فين شافها مسافة طريق كان مقابل مع الباب انسطالا للوطو وتوجه للباب بخطوات رزينة مد يدو وطرق طرقات خفاف وكايتسنى الباب يتفتح كانت مكرشخة فوق السرير بشوميز دونوي ديما مقزبة كي صيف كي شتا زيرت على عينيها منزاعجة من صوت دقان فتحت عينيها مخسرة سيفتها خشات رجليها فالمشاية وتوجهات للباب ناوية على خزيت مع هذا لي خسر نعاسها اول ما فتحت الباب وجات عينها عليه بلقتهم اخر حاجة كانت متوقعاها يرجع ويدق بابها مدت يدها كاتقاد شعرها وتالفة ومدهشرة وفوق من هاد شي فرحانة شاف فيه بنفس التخنزيرة لي عمرها خطاتو وتكلم بصوتو الخشين
ياسين . . سلام عليكم
كاتقاد شعرها وتالفة ومدهشرة وفوق من هاد شي فرحانة شاف فيها بنفس التخنزيرة لي عمرها خطاتو وتكلم بصوتو الخشين
ياسين . . سلام عليكم
سارة . .~بصوت ناعم ~ وعليكم السلام
ياسين . .قولي لجيداء تخرج عندي
سارة . .جيداء مابقاتش هناا
ياسين. .~زاد زير على حجبانو ~ كيفاش مابقاتش هنا فين مشات ؟
سارة. . ماعنديش فكرة جمعات حوايجها ومشات عيت فيها تقولي فين غادية مابغاتش تعطيني راس الخيط بس اكيد غاتكون مشات عند حبيبها تسكن معاه
حس بنخاسي ف قلبو زير على يدو حتى عروق رقبتو برزو بشكل واظح ونظراتو تقلبو لغضب كبير....
ياسين. . ش شنووو
سارة. .~عضت شفتها ~ اوبسس يمكن ما كانش خاصني نقولها واش بينكم شي حاجة ~حطت يدها على جبينها ~ اخخخ مابغاتش تحيد منها هاد القاعدة كادير علاقات بزاف مع اني شحال من مرة تكلمت معاها ونص__ ( قبل ما تكلم كلامها عطاها بالظهر وتوجه للوطو بخطوات متسارعة والغضب كاينهش قلبو طلع فيها وكسيرا حتى روايد تحكو مع الأرض تبعاتو بالعين حتى غبر وتكلمت ....
سارة . . مدام صعيب تكون ليا مستحيل تكون ليها واغايجي لوقت لي نشوفك فيه مرة أخرى
#مكان_اخ______________________ر
غادية جاية كاتسناه بفارغ الصبر متشوقة ومتلهفة لشوفة ولدها بعد دقائق من الإنتظار تفتح الباب ودخل منو هارون وهاز فيدو عصمان غير شافتهم توجهات ليهم بخطوات متسارعة وعينيها كايلمعو بالفرحة خداتو منو كاضم فيه وتشم ريحتو ....
ليلى . .حبيب ماما توحشتك
رفعات عينيها ف هارون لي كان كايشوف فيها كيفاش فرحانة وتكلمت..
غادي مكسيري ودمو كايغلي طلعت عندها حبيب وما ساهلاش كيف ضن كل مرة مع واحد زير على يدو وضرب فالڤولو بقوة كاز على سنانو ماموقف حتى وصل لدارو وقف ب للوطو فالبارك وتوجه االمصعد كاره وساخط على الوضعية.
#بعد_يومين___
الساعة كاتشير لسادسة مساءا خرجات من الأوطيل جارة شنطتها وراها ومكمشة فالكاب من البرد وما عارفاش فين تمشي ولا فين تعطي الراس الفلوس لي كانو عندها خلصت بيهم هاد اليومين لي جلست فالأوطيل وكلات منهم مابقا ف جيبها حتى سانتيم توجهت لأحد المقاعد ف الجردة جات انفاص للأوطيل وجلست كاتخمم فين غاتنعس وفين غاتعطي راس مستحيل ترجع عند سارة كرامتها فوق كلشي زائد ماغاتقبلش دخلها هاكا قالت بقات جالسة فديك الجردة حتى وصلت التمنية داليل ليل ليل ولي داز كايشوف فيها الجردة خوات من ناس وبدا الخطر كايحوم عليها خصوصا من شافت زوج ولاد باين فيهم مشرملين كل شوية يشوفو فيها جمعات الوقفة تحنات على شانطتها جراتها وراها وعطاتهم بالظهر غادية ف تجاه الشارع وقفو بزوج وتبعوها قبل ماتخرج من الجردة وقفو قدامها ...
1. . ازين بوحدو ياكما خاص لي يونسو
بعدت عليهم ببضع خطوات كادور ف عينيها والخوف لعب عليها تقدم تجاها الشاب الثاني يالا بغى يهضر وهو يشوفو االصقور ( البوليس لي كايكونو فالماطر ) وقفو حدا باب الجدرة غمز صاحبو وطلقو رجليهم لريح
2. . علق علق الحناش هنا
طارو من حداها كيف البرق اول ما غبرو تنفست الصعداء لولا البوليس لي جاو فجأة كانو دارو فيها شي موصيبة اكيد روشيرش والى ما كانوش يهربو جراات شانطتها وتوحهت لمحطة طاكسيات بعد تفكير طويل خشات يدها ف جيب سروال خدات منو 10 دراهم لي تكساب وطلعت فالطاكسي...
لابس سروال كيطما فالݣري مع تيشورط بيضة وواقف فالكوزينة كايوجد الكافي اول ما وجدت هز الفنجان وتوجه لصالة جلس فالكانابي كايرتشف من الفنجان وعينيه فالتلفازة كايشوف ف الماتش وكايحاول ينسى مايرجعش يفكر فيها بعد عشر دقائق تقريبا سمع صونيط دالباب جمع الوقفة وتوجه ناحيتو بخطوات تقيلة.....
#فالجهة_الثانية________
#روسيا ...
جالسة فالكانابي برقي وعينيها ف عينيه
فيروز. .شنو الجديد ؟
اكرم . .وي مدام قدرت نعرف فين هي غدا ان شاء الله بنفسي غانمشي لدار فين ساكنة
فيروز. .~حست بفرحة كبيرة غمرت قلبها تبسمت ابتسامة خفيفة وتكلمت~ بصح قدرتي تعرف حفيدتي فين كاينا ؟
اكرم. .تبسم ~ عرفت بلي مستقرة ف حي شعبي ف مدينة الرباط مع واحد الشابة الإسم ديالها سارة
فيروز. .ما غانقبل حتى عتراض بغيت تحجز ليا فشي اوطيل يكون قريب من مقر سكنها
اكرم . .~تنهد بعدم حيلة ~ اوك
#مكان_اخ____________________ر
داخل ملهى ليلي جا وسط الرباط فيه غير ولاد لفشوش مخشي وسط رباعة ديال البنات المعري فيهم كتر ما مغطي وكايشطحو وكل مرة يتلمس فوحدة وعلى مقروبة منو زوج ولاد جالسين فالكانابي كايشربو وعينيهم عليه....
1..اليلة غانصفيها لمو
2. .ماتهورش لاتصدق نادم
1. .مستحيل ندوزها ليه حك عليها وخلاني نحطو هنا ~ أشار لراسو ~
.ماتخافش عليا دقتي ما كاتبانش ~غمزو~
#مكان_اخ______________________ر
اول ما فتح لباب جات عينو عليها حانية راسها وشادة شانطة بيدها شاف فيها شوفة مطولة من غير مايتكلم رفعت راسها وشافت ف عينيه ورجعت حنات راسها تالفة وما عارفاش شنو تقول بدون مايتكلم خدا شانطة من يدها ودخل لدار تبعاتو بخطوات تقيلة كاتقدم خطوة وتوخر لخرا حط شانطة وتلفت ناحيتها رجعت رفعت عينها فيه وتكلمت بصوت متقطع
جيداء . . س سمح ليا جيت فهاد الوقت م ماعندي فين نمشي ~حنات راسها ماراضياش ودموع تجمعو ف عينيها
ياسين . .~اشار لواحد البيت ~ سيري رتاحي من بعد ونهضرو
بلا ماضيف شي كلمة توجهات للبيت وهو سابقها هاز الشانطة حطها لداخل وخرج سااد الباب وراه اول ما خرج جلست ف طرف السرير كادور ف عينيها وتفرك ف صباعها من توتر ما كان حتى حل من غير تجي لعندو والى غاتبات فالشارع والدياب ينهشو لحمها خارج الغرفة غادي جاي منرفز فكل ما كايدكر كلام سارة كايجن جنونو اكيد تخاصمات مع حبيب القلب والى شنو لي غايجيبها لعندو توجه لبالكو حط الݣارو بين شفاهو كاينتر فيه ودمو كايغلي بعد نص ساعة هز تيلي وطلب العشا ....
خرج من الملهى ومعاه شابة ف نفس سنو تقريبا بملامح أوروبية شادة فدراعو كااتمختر قبل مايوصل للوطو ديالو وقفو صوت شخص كاينادي بإسمو يالا تلفت جاتو طعنة لجيهة الكلاوي خلاتو غارق ف دمو ماقدرش يحقق فملامح الشخص لي طعنو طاح الأرض شاد جنبو كايتألم والبنت لي معاه كاتغوت وتبكي
#مكان_اخ_____________________ر
#بعد_دقائق___
جالسين ف غرفة الأكل كايتعشاو ف صمت حتى جات الخدامة كاتسرع ف خطواتها وقفت جنب فادي وتكلمت ..
~ميسيو
فادي . .~رفع عينو فيها ~ وي
~ واصلنا تصال بلي سي مروان نقلوه لمشفى
فادي. .~ناض قافز ~ شنووووو...
مروى . .~ بخوف ~ الله ياربي
كلشي ناض كايتمشاو ورا فادي مفزوعين ما عادة ياقوت لي ما كانتش مهتمة او خايفة كل واحد طلع فلوطو ديالو ودماراو ف تجاه السويسي مسافة طريق كانو قدام باب المشفى نزلو دقة وحدة وتوجهو لإستقباال كايسولو عليه من بعد توجهو لمستعجلات دنيا عامرة ومرونة شي داير كسيدة وشي وشي جاي على قبل تسمم وشي مضروب جو اخر غير جو المصحات الغالية لي متعودين عليها ياقوت واقفة كاتشوف بشمئزاز وتعالي بين ما فادي ربي لي عالم بيه ما عارفش شنو وقع لولدو وشنو كايدير هنا دورت سمر عينيها وهي تقشع البنت لي كانت مع مرون بحكم شحال من مرة شافتها معاه أشارت ليها وتكلمت
سمر . .بابا راه هي ماريا
فادي . .شكون ماريا
سمر. .صديقة ديال مروان
#فالجهة الثانية __
اول ما وصل العشا حطو فالطبلة وتوجه لباب بيتها طرق زوج طرقات عاد دخل كانت بدلت حوايجها ولابسة بيجامة بسروالها وجامعة شعرها بشكل مهمل طول فيها شوفة عاد تكلم
ياسين. .اجي تعشاي
ياسين . . احم العشا جاهز
جيداء . .~طلعات فيه عينيها~ بصحة انا مافياش جوع
ياسين . . ~~بصوت خشين ~ ضعافيتي على اخر مرة شفتك اكيد من قلة الماكلة ~عطاها بالظهر وكمل كلامو ~انا غانتسناك
خرج من الغرفة بخطوات رزينة تجاه صالة مونجي ومخلي وراه جيداء متبعاه بالعين رجعت جمعت شعرها ومتبتاه بالمقبط عاد خرجت كاتقدم خطوة وتوخر لخرا حشمانة مع انها شافتو بزاف دالمرات حتى انهم سبو بعضهم لكن اليوم غير هي ضيفة عندو والوحيد لي دقت بابو معلوم كن كان عندها حل اخر ما تفكرش تجي لعندو او تشوفو مرة أخرى جرت الكرسي بشوية وجلست حانية راسها حط قدامها البيتزا والكولا بدون مايتكلم يالا عض العضة للولة جاه تصال من مروى بدو تردد رد عليها ...
~ جمع الوقفة فتجاه بيت نعاسو لبس جاكيط ديالو وخشا رجليه فالݣاط وخرج تحت انظارها ما فاهمة والو وما قدراتش تسولو اول ما خرجت رجعت هزت كتافها بمعنى وانا مالي وبدات كاتاكل دافعة كبير فالأول وهي مسارنها كايغنيو العلوة كملت ديالها وجلست تشوف ف ديالو وكاتعض شفايفها واحد الراس كايقول ليها هو غايتعطل غير كوليها وراس لاخر كايقول ليها وياك تقربي من البيتزا ديالو اكيد غايجي وغا تحطي راسك ف موقف بايخ بعد اخد ورد مدت يدها وخدات من ديالو طرف على اساس ما غايعيقش خشاتو فمها ومشات لكوزينة كاتقلب ما تاكل.....
#مكان_اخ______________________ر
مسافة طريق كان قدام السويسي انسطالا للوطو ودخل لداخل كايهضر مع مروى ف تيلي نعتات ليه فين هما بحكم سويسي كبير ما غايلقاهمش بسهولة ثواني وكان فالممر فين كانو واقفين مروى وقصي وفادي ومعاهم سمر وياقوت جات عينو ف عينيه نفس نظرات ونفس الملامح االزمن ما غير فيه والو من غير قليل من تجاعيد لي كساو وجهو وبعض خصلات الشيب ف شعرو كرز على يدو وكاز على سنانو ما طايقش يشوفو او يسمع صوتو بشوفتو تفتح الجرح القديم الجرح لي صعيب يتداوا ولو يدوزو سنين وسنين قلب عينيه تجاه مروى وسمر ومتجاهل تماما شكون معاهم او كايحاول يتجاهل ....
ياسين . .~مزير عليها ~ ششششت ماتفوليش على خوك اكيد غاينوض انت عارفة مروان راسو قاصح ومتشبت بالحياة ~شد وجها بين يدو ~ عقلتي فاش كان صغير كان جاه تسمم كانت خالتو حرجة والدكتور قال صعيب يتخطى مرحلة الخطر لكن تخطاها ورجع الدكتور قال بلي قوي ومتشبت بالحياة حتى دابا غايكون نفس الشيء
بين ماهو كايهضر مع مروى كانو عيون فادي مفيكسين عليه كايشوفو من التحت لفوق مامصدقش بلي رجع شافو من جديد وكايسمع صوتو لي ماسمعوش اعوام ولا صوتو خشين اكيد راه كبر وولا راجل لكن نظراتو ماتبدلوش نفس النظرات الحادة من صغرو وهو مخنزر تمشى ناحيتو بخطوات تقيلة ودموع على طرف شفارو حط يدو على كتف ياسين وتكلم بصوت متقطع ....
فادي . . و ول دي
اول ماحس بيه حط عليه يدو ميل راسو شاف فيه بطرف عينو وهز يدو مبعدها على كتفو كأنو مشمئز وتكلم بصوتو الخشين بكلام قاسي وكيف السمممم
ياسين . .ماتحطش يدك عليا ولا غاتشوف شي حاجة ما تعجبكش
جمع فادي يدو مبعدها عليه ونزلت دمعة على خدو مع انو حاول يحبسها الحركة لي دار ستفزاات قصي بشكل كبير وخلاتو يمشي ديريكت ليه ويشنق عليه
قصي . .~شانق عليها ~ اش حاسب كر* شي حاجة كبيرة ولا شنوو هذا راه باك الكلب
بلا مايعطلو دفعو بكل قوتو ودخل فيه براسو حتى دم نقز من نيف قصي غوتات ياقوت ومشات كاتجري ناحية ولدها لي حاني راسو وشاد نيفو كايبرد الدقة وعينيه حمرين كيف جمر رفع راسو وتوجه ناحيتو طاير كيف البرق نزل عليه بلكمة لوجه ورجع شنق عليه يالا غايرد ليه ياسين ضربة طاحت سمر على ركابيها سادة عينيها ودنيها وكاتبكي ...
سمر. . باركة باركة وقفووو هئ..هئ....
دفعو ومشى كايجري عندها تحنا على ركابيه وشد وجها بين يدو
ياسين . .سمر مالك
سمر . .~كاتشهق ~ ما بغيتش الغوات هئ..هئ...مابغيتكمش تتخاصمو
قصي . .~شد يدها ~ شششت ما تخافيش ~خزر ف ياسين ~ ما غايتكررش شي لي شفتي
ياسين . .~ دفع يد قصي مبعدها على سمر ~ هز يدك على ختي
قصي . .~رجع خزر فيه ~ هادي راه ختي حتى انا
ياسين . .~بصوت خشين ~ ختك هي لي وداتها ليك مك كاتسمعععع
ياقوت . .~بنفعال ~ معلوم ختو هي لي ولداتها ليه مو وعندو اخت وحدة هي شموخ
فادي . .~بالغوات ~ ياقووووووووووت....
ياقوت. .ماسمعتيهش هو بنت ليك غير انا
ياسين. .~وجه كلامو ل قصي ~ كانضن سمعتي مك اش قالت
قصي . .~وقف ~ انت واحد مريض مافيهاش
فادي . .~شد دراع قصي وهمس ~ الله رضي عليك اولدي تندهن كيف ما كان الحال راه خوك
قصي. .~كايقاد الڤيست ديالو ~ انا غادي نبدل الساعة بخرا الى كان شي جديد علموني
ياقوت. .~كاتشوف ف ياسين بشمئزاز~ خودني معاك اولدي
خرج قصي ووراه ياقوت كاتميل بخصرها وصوت كعبها العالي كايتسمع هز سمر من الأرض مجلسها فوق الكرسي وضامها لعندو حتى تهدنات بين ما فادي رجع بضع خطوات لوراء كايشوف فيهم بدون مايتكلم جلست مروى جنبهم وتكلم ....
مروى . . واش نعلم ليلى ؟
ياسين . .لا ويااك ليلى صحتها عيانة وصعيب عليها تجي فهاد الوقت على الأقل حتى لغدا
مروى . .حتى انا هاد شي لي قلت...
#مكان_اخ______________________ر
بعد مارضعاتو حطاتو فالكونا ولبست بينوارها وخشات رجليها فالبانطوفة وتوجهات لجردة فين جالس هارون جلست جنبو وحطات راسها على كتفو..
ليلى . .مزال ما مصدقة بلي انا وليت ام وولا عندي بيبي صغير ومن راجل لي كانبغي بصح مابقيت باغية من دنيا الو من غير نشوفكم ديما جنبي
هارون . .~باس جبينها ~ ان شاء الله غايكبر وغاتربيه كيف بغيتي وتشوفي فيه كاع لي تمنيتي واكيد ما غايكونش غير هو غايجيو خوتو وتكبر عائلتنا ومعاهم ليليا
ليلى . .~رفعات راسها وشافت فيه ~ واش غاتقول ليليا على ماماها ؟
هارون. .~مرر يدو على شعرو وتنهد ~ مازال مالقيت الوقت المناسب مابغيتهاش تصدم غدا غانشوف وصال وناخد رئيها
ليلى . .شكون وصال ؟
هارون. .واحد صديقة من ايام طفولة هي أخصائية نفسانية وهي لي غاتقدر تعاوني فهاد الموضوع
ليلى. .وي غايكون احسن باش توصل ليها شنو بغيتي بلا ماتصدم
هارون. . تماماا
#مكان_اخ______________________ر
بعد انتظار دام لدقائق خرج الدكتور لعندهم وتكلم
فادي . .كيف بقا ولدي ؟
~الطعنة كانت قوية وتقاست الكلوة المريض لازماه الكلوة فأقرب وقت والى غانفقدوه
~مزيان بزاف تفضلو معايا غانديرو تحاليل ولي منطابقة معاه غاناخدوها
#بعد_ساعتين___
وصلت 12 دليل ومزال ما جا مالقاتش فالكوزينة ما تاكل من غير المشروبات الغازية وشي حاجة من ديسير دورات عينيها ومشات قاصدة البيتزا ديالو جرت الكرسي جلست وقربت الكارطونة منها
جيداء. . مدام ما جاش دابا اكيد غايبات برا
العضة للولة والثانية يالا غاتزيد الثالتة وهو يتفتح لباب ودخل منو كايتمشى بخطوات تقيلة غير شافتو دفعت البيتزا بعيد عليها وخرجت عينها كاتكح وحلت ليها ...
كح....كح......
تمشى بخطوات متسارعة لكوزينة جاب الما ورجع ليها خطفاات القرعة من يدو كاتشرب وعينيها خارجين ودموع نازلين بقوة ما جافت بعد ثواني رجعت فيها الروح مسحت فمها بكف يدها ووقفت مفافية
جيداء. . س سمح ليا كليت حقك
كايشوف فيها ما فاهمش شاف فين كاتشير بصبعها عاد فطن بلي كاتكلم على البيتزا تبسم ابتسامة خفيفة وتكلم
ياسين. .انا تعشيت برا تصبحي على خير
عطاها بالظهر ومشى لبيتو كايجر فرجليه حاس بتعب وبهم كبير حيد الݣاط لاح كل فردة فجيه وحيد جاكيط متبعها السروال ولبيل بقى غير بالبوكسور تلاح فوق السرير على كرشو وكايحاول يغمض عينيه يرتاح لكن بدون جدوى دماغو كلو مع مروان ونتيجة التحليل كلشي جا دفعة وحدة من جهة البوص لي ما غايسكتش على هاد التأخير ومن جهة مروان ومن جهة خرى جيداء لي ما عارفش يفسر هاد الإحساس لي كايحس تجاها ونهاية هاد الإحساس شنو هز المخدة حاطة فوق راسو وزفر بعصبية كأنو كايقول لعقلو حبس باركة من تفكير خارجة الغرفة كانت جيداء كاتكمل البيتزا لي بدات بعد ما كملت عشاها جمعت الطبلة وتوجهت لبيت فين كاتنعس سداات عليها الباب بالمفتاح ما تايقاش فيه عاد ترمات فوق السرير بعد نصف ساعة حس بالجوع ناض من فراشو وتوجه لكوزينة فتح الثلاجة وخسر سيفتو خاوية عامرة غير بالقراعي دالما والمشروبات الغازية وشي تفاحات والليمون سد الثلاجة وتوجه لواحد البلاكار جا عالي شوية فتحو وخدا منو واحد البيسكوي حطو فوق الطبلة وصايب ليه قهوة كحلة سمعات تقرقيب ناضت كاتسلت على طراف صباعها بان ليها ضو شاعل فالكوزينة تمشات بشوية وميلت راسها كاتشوف فيه قبل مايهز راسو فيها تخبات ورجعات لبيتها بالخف سدات الباب وتكات عليه حاطة يدها على فمها
جيداء. . ويلي كليتي عشاه هو غير كدب اكيد ما تعشاش ~حطت يدها على جبينها ~ اخخ منك اجيداء اخخ
البوم_الموالي__ 🌤️
شرقات شمس جديدة معلنة على يوم جديد تسللت اشعتها من وراء ستار فتحت عينيها على صوت عصمان كايبكي فايق مبكر وباغي يرضع ناضت من فراشها خشات رجليها فالبانطوفة وتوجهات للكونة ديالو هزاتو بين دراعها ورجعت لسرير جلست على الحافة ديالو قبل كاتجبد صدرها وترضعو طبعت قبلة على جبينو وابتسامة خفيفة على شفاها
ليلى . .صباح الخير حبيب ماما
#مكان_اخ_____________________ر
اول ما برقت شمس فتح عينيه وتوجه لحمام خدا دوش وديريكت لدرسينغ لبس بيل ݣري كول غولو مع سروال كحل ودودون فالكحل خشا رجليه فالݣاط وهز الكونطاك وخرج من الشقة ف تجاه للوطو
بعد نصف ساعة تقريبا جا محمل بالأكياس عامرين بكراطن دالحليب والياغورت والبتي بان شوكولا مع شنيك وكاب كيك والميل فاي باريزيان والفرماج الحمر والعادي والمربى زبدة زيتون ونوتيلا حط كلشي فالكوزينة ورجع خرج فتجاه للوطو ديالو وهاد المرة كانت الوجهة المصحة مسافة طريق كان قدام الباب انسطالا لوطو وتوجه لداخل بخطوات رزينة كان فادي جاي مبكر وجنبو ياقوت هازة نيفها لسما وكاتشوف غير بقمقوم عينها وانفاص معاها مروى واقفة مسندة على الحيط وباين عليها تعب وصل ياسين وقصي فنفس اللحظة واحد ما حامل يشوف فلاخر توجه قصي لعند فادي بين ما ياسين توجه لمروى....
ياسين . .صباح الخير
مروى . .صباح النور
ياسين . .هاا كاين شي جديد ؟
مروى . .نو مزال
شاف فيها ورجع تكلم.....
ياسين. .شنو سميت الدكتور لي متبع حالتو؟
مروى . . دكتور ***
اول ما سمع الإسم قلب دورة وتوجه الإستقبال كايسول على المكتب ديالو تبعو فادي بالعين وتكلم بصوت خافت مع تنهدية طالعة من القلب ....
فادي . .امتى يحن قلبك عليا اولدي
قصي . .~كان شارد ~ هاااه قلتي شي حاجة ا بابا ؟.
فادي . .شافت فيه ~ ولدي عندي طلب وكانتمنى ما تردوش فوجهي
ياقوت. .~قاطعاتو قبل كايكمل كلمتو~ انت غير كاتمجد ف داك شمكار ماشي على حساب ولدي تكسب ولدك
فادي . .~من بين سنانو~ للمرة الألف غانقول ليك ا ياقوت لزمي حدككككك
قصي . .~شاف ف ياقوت~ ماما بليييز ~رجع شاف ف فادي ~ انا ماعندي حتى حاجة ضدو بالعكس هو لي نافخ ريشو وحاسب بلي راه شي حاجة كبيرة
فادي . .انت اولدي ما عشتيش لي عاش علاش تقبلتي ليلى ومروى هااا حتى هو خوك كيفهم وعاش نفس شي لي عاشوه ~حط يدو على كتفو ~ غلطت اولدي بزاف وندمت فوق ماتصور بس الندم ماعندو فاش يفيد ~رجع تنهد ~ تقرب من خوك اولدي وخليك ديما جنبو مهما عاند اليوم انا معاكم ولكن غدا ياعا*
قصي . .~قاطعو ~ بعد شررر ~باس يدو ~ كن هاني مايكون غير خاطرك
فادي. . الله يرضي عليك اولدي
#مكان_اخ_____________________ر
بعد مارضعاتو رجعاتو لبلاصتو ونزلت تشوف الفطور واش واجد لقات الخدامة كملت وكاتسناهم ينزلو بين ماهارون كان خدا دوش ولبس حوايجو ونزل بدورو لطابق السفلي شافت فيه وتبسمت....
ليلى . .~صباح الخير
هارون. .~طبع قبلة على شفاها~ صباح النور
ليلى . .تلفتت ناحية الخدامة لي كانت ملهية كاتوجد الأومليط بالفرماج كيف كاتبغيه ليليا... ~ عفاك طلعي نزلي ليليا
~تحت امرك مدام
طلعت لطابق الثاني فيقت ليليا بالكشايف بحال كل صباح كاتنوض غير بزز
توجه للوطو بخطوات رزينة جلس ليليا فالمقعد الخلفي وديمارا فتجاه الإيكول حط ليليا وقلب دورة ف تجاه عيادة صديقة طفولتو مسافة طريق كان قدام باب العمارة انسطالا للوطو وتوجه لداخل بخطوات مخملية دخل المصعد وديريكت لطابق السادس....
#مكان_اخ______________________ر
اول ما عرف المكتب ديالو توجه ليه ديريكت طرق الباب زوج طرقات خفاف
~ . . دخلللل
ياسين . .~بصوت خشين ~ بونجوغ
~. .بونجوغ
قبل مايتكلم تفتح الباب من جديد ودخل منو قصي وفادي غير شاافهم جمع تخنزيرة كتر من للول وقلب وجهو لجهة الثانية
فادي . .سلام عليكم
~وعليكم السلام ~خدا التحليل كايشوف فيه ~ النتيجة خرجت
فادي . .~بلهفة ~ ولي هي ؟
~ ( شاف فيه شوفة مطولة وتكلم ~ غاناخدو الكلية ديالك
فادي . .امتى العملية ؟
~ غانديرو شي تحاليل ومن بعد غانباشرو بالعملية كل دقيقة زايدة فينا
قصي. .واش ماشي خطر على بابا ؟ نقدر حتى انا ندير تحليل ون*
فادي . .~قاطعو~ ما غانضيعوش الوقت ولدي غايضيع مني اقصي ~شاف فالدكتور ~ انا مستعد من دابا
~مزيان بزاف ~وقف ~ تفضل معايا....
#مكان_اخ________________________ر
فتحت عينيها بالمهل وكاتشوف ف منحا واحد مزال ما صحصحت بعد ثواني ناضت كاتكلس حيدات عليها الغطا وخرجت من الغرفة فتجاه الحمام كاتعرج ب رجليهاا قضات روتينها وغسلت وجها وتوجهات لكوزينة جات عينيها على الأكياس فوق طبلة مشات ليهم ديريكت كاتقلب فيهم بعد ما شافت كاع شي لي جاب بدات كاتوجد القهوة ....
#مكان___اخ_____________________ر
ثواني كان داخل العيادة كايتمشى بخطوات مخملية ونظراتو حادة كيف المعتاد فالإستقبال جالسة شابة عشرينية قامة طويلة وقوام ممشوق لابسة شوميز غوج مع ميني جيب نواغ فوق الركبة جامعة شعرها ديل الحصان مع ميك اب هادي وظفار طوال مبرودين بعناية شاف فيها وتكلم ...
وصال. .شنو تشرب ~ضحكت بغنج ~ اكيد قهوة كحلة بلا سكر كيف ديما ؟
هارون. .~قهقه برجولة ~ تمامااا...
هزات الفيكس وطلبت من السكرتيرة تجيب ليهم القهوة وكيف كايبغيها هارون ثواني وكان فنجان القهوة قدامو رتشف منو وتكلم ...
هارون. . جيت اليوم بخصوص بنتي
وصال . .~كاتحاول دكر اسمها ~ اممم ليليا ياك ؟ اخر مرة شفتها كان عندها عام تقريبا
هارون. .واليوم عندها ست سنين
وصال. .اخخ العمر كايجري خمس سنين ما شفتها تقول يالا البارح ~ضغطت على يدها ` بسس كلو من مراتك وغيرتها
هارون. . جوليا ماتت
وصال. .~حطت يدها على فمها ~ سي باڤغي...
#مكام_اخ_ر ~
طلعت لغرفتها تشوف عصمان كان ناعس كيف الملاك طبعت قبلة ف جبينو وتوجهت الفون ديالها ودوزت رقم مروى بعد انتظار دام لثواني ردت عليها ومن خلال صوتها عرفتها متوترةة..
سرسبات ليها كلشي من طقطق لسلام عليكم قطعت الإتصال ومشات طايرة لدرسينغ لبست كلون فالكحل مع طوب فاالباج لاحت عليها مونطو كحل ولبست لي بوط قصير فالكحل خشات تيلي فالجيب ونزلت لطابق السفلي بخطوات متسارعة وصات الخدامة على عصمان ومشات طايرة للوطو ديالهاا
#مكان_اخ_ر ~
بعد ما عطاتو عنوان دارهم لي عرفاتو من سمر ومواصفاتها مشى ديريكت لحي ديالهم حي الرياض بلاصة الڤيلات وناس دالفلوس انسطالا للوطو بعيد على بابهم بشوية وجلس مفيكسي عينيه على بابهم كايتسناها تبان بعد دقائق من الإنتظار خرجت من الڤيلا شابة عشرينية طويلة ورقيقة بملامح أوروبية شعر اشقر مموج وعيون زرقاء كاتبان بحال شي باغبي لابسة لباس راقي كايعبر على مستواها وغادية ناحية للوطو ديالها وهازة خنافرها لسما سابعة اول ما ديمارات تبعها وعينيه عليها
بعد عشرين دقيقة تقريبا وقفت باللوطو ديالها قدام كافي راقي بشكل كبير نزلت من للوطو ومدت الكونطاك للحارس وتمشات لداخل كاتميل بخصرها هازة راسها لسابع سما قرم بعينيه تجاها ووقف للوطو جنب الكافي بعدما بلاصاها وتوجه لداخل بخطوات مرجلة ونظرات حادة ف طاولة جات فمكان مميز كاطل على شط البحر جالسين زوج بنات عاطين لعين ومعاهم شاب بلباس انيق ومن نفس مستواهم جرت الكرسي وجلست بعد ما قالت هااي...
بعد ما جلست بدقائق قليلة وقف عليها بطولتو وتجريدتو وتخنزيرتو لي عمرها خطاتو طلعوه ونزلوه لبنات بين ما صديقة مروان ميلت راسها كاتشوف فين كايشوفو جات عينيها ف عينيه طلعااتو ونزلاتو وطلعت حاجبها لفوق وكاتشوف فيه بمعنى شكون انت وشنو بغيتي ....
ياسين. .~بصوت خشين ~ ماياا
مايا. .~بستغراب ~ وي شكون انت ؟
ياسين. . مرر يدو على دقنو وتكلم بنفس الصوت الخشين ~ نتكلمو على انفراد يكون حسن
(الشاب ). . شكون انت بعدا ؟
ياسين. .~تجاهلو ووجه كلامو ل مايا ~ شنو قلتي ؟
طولت فيه شوفة ما تنكرش انو ثار اعجابها بعد تفكير ما فاتش تواني هزات حقيبتها اليدوية من شانيل وتمشات قدامو كاتميل بخصرها المنحوت تحت انظارو مشات لطاولة اخرى بعيدة على اصدقائها وجلست حاطة رجل فوق رجل جر الكرسي لي قدامها وجلس كايشوف فيها شابك صباعو وطول فيها شوفة قبل مايتكلم
ياسين. .غاندخل ف صلب الموضوع نيشان وبدون مقدمات
مايا. . كانسمع
ياسين. . شنو لي خلاك تتراجعي وترفضي تشهدي ضد لي ضرب مروان ؟
طاح عليها كلامو كيف ساعقة اخر حاجة توقعاتها هي يكون من طرف مروان عند بالها واحد من معجابينها بلعت ريقها ووقفت بالخف شادة صاكها بقوة ومخنزرة فيه قبل ماترمي الخطوة وتمشي بعيد عليه شدها من المعصم ديالها بقوة وتكلم من بين سنانو ...
ياسين. .~بصوت خشين ~ مزال ما كملت كلامي...
مايا. . ~بألم ~ اااااه طلق يديييييي.....
#مكان_اخ_ر ~
مسافة طريق كانت قدام باب المشفى نزلت من للوطو بعد ما بلاصااتها وتمشات لداخل بخطوات متسارعة وكاتهضر مع مروى فنفس الوقت باش تقول ليها فين هما بضبط ثواني وكانت فالممر فين كانت مروى وقصي بين ما فادي كان كايخضع لبعض تحاليل على قبل العملية
تمشات ناحيتهم شدت فيد مروى وتكلمت
ليلى. . فين هو أااا فين هو مروان ؟
مروى. . فالإنعاش
ليلى . .~حطت يدها على فمها ~الله ياربي
قصي . .~حط يدو على كتفها~ ماتخافيش مروان غايرجع لينا
ليلى . .~دموع مجموعين ف عينيها ~ شكون هذا لي ضربو
قصي. . ~تنهد ~ شي واحد كان بينهم حساب بسس ماتخافيش غاينال عقابو
ليلى. .~جلست ف احد الكراسي ~ الله ياربي فين كان مخبي لينا هاد شي
قبل ما تكلم مروى جات عينها على جوزيف جاي ناحيتهم بخطوات تابتة نسات ليلى وقصي وتمشات ناحيتو كاتشوف فيه بحب طبع قبلة جنب فمها وتكلم بصوت رجولي ....
جوزيف. .كيف بقا خوك ؟
مروى . . مزال ماقدرنا نشوفوه
جوزيف. .ان شاء الله غايكون بخير
مروى . .ان شاء الله....
#مكان_اخ_______ر ~
وصال. . اااه صعيبة بسس اكيد غاتقبل الأمر
هارون. .~بصوت رجولي ~ ان شاء الله
وصال. . بقيتي دابا غير انت وهي اااخ غايكون صعيب عليها ~حطت يدها على يدو ~ بسس ماتخافش غانكون جنبها وغاتقبل الوضع الجديد يعني موت جوليا
هارون. .~ بعد يدو وكايشوف ف خاتم زواجو وتكلم ~ لا ماشي بوحدنا كاينا مراتي وولدنا ~تبسم ليليا ولا عندها خوها
حلت فمها من هول صدمة وكلمة مراتي كااتردد ف مسامعها للمرة الألف بلعت ريقها وتكلمت....
عطاها بالظهر وخرج من الكافي بخطوات رزينة مخليها وراه مرتابكة زريت على صاكها وخرجات من الكافي بخطوات متسارعة طلعت ف للوطو ديالها وكسيراات...
#المكان_مطار_سلا_الدولي 🛫
خرجت من المطار لابسة لباس انيق كيف ديما وكاتمشى بخطوات مخملية ووراها اكرم جار الشانطة ديالها بيد وهاز المظل باليد الثانية انفاص لباب المطار كانت سيارة من نوع رونج روڤر فالأسود قاتم ف نتظارهم فتح ليها السائق الباب الخلفي وحط الشانطة فالكوفر من بعد ديمارا ف تجاه اوطيل الفرح...
فيروز. . واخيرا غانشوف حفيدتي
اكرم . .~تبسم ~ ان شاء الله أ لالة فيروز...
#مكان_اخ__ر ~
أول ماخرج من الكافي طلع ف للوطو يالو وديمارا ف تجاه مرجان مسافة طريقة كان تما انسطالا للوطو ودخل لداخل جر الشاريو كايتقدا كاع لي غايحتاج ف الكوزينة من قبل ما كانش مسوق يتقدا غالبا كا ياكل برا ولا كايطلب يجيبو ليه حتى لقلب دارو لكن دابا الوضع غير مع جيداء بعد دقائق توجه لاكيس وشاريو مطرطق بالخضر ولحوم واسماك البيض وفواكه وشوكولا انواع واشكال البسكوي الحليب الفرماج بجميع انواعو لي شيبس الماء المعدني المكسرات....الخ بعد ما دفع لحساب توجه للوطو حط التقدية ف الكوفر وديمارا فتجاه دارو
جالسة فوق الكانابي مغطية بمانطة دالكاشمير وكاتشوف ف التلفازة وعايشة مع الفلم الرومانسي خرجها من جو الرومانسية صوت الباب لي تفتح تلفتت بالخف وجات عينها عليه هاز بعض الأكياس حطهم ورجع جاب لي باقي تمشات كاتعرج ب رجليها هزات زوج اكياس حطاتهم فالكوزينة ورجعت تهز لخرين حتى وقفها صوتو
ياسين. .انا غانهزهم
جيداء. . م معليش نعاونك
ياسين. . قلت ليك حطي من يدك
حطاتهم من يدها بزعف ورجعت لبلاصتها كاتعوج فمها وتݣمݣم
جيداء. .همم كلشي عندو بالأمر 😒
ياسين. .سمعتك شنو قلتي
تلفتت ليه بلعت ريقها وولت جلست فمكانها كادور ف عينيها يمين وشمال تبسم ابتسامة خفيفة ورجع كايهز الأكياس وكايحط كل حاجة بلاصتها بعد ما سالا توجه لغرفتو حيد حوايجو خدا دوش وخرج لاوي الفوطة على نصو هز تيلي وتاصل ب مروى كايطمن على مروان بعد ما خبراتو بلي مزال ما كاين حتى جديد قطع الإتصال وتوجهه لدرسينغ كايلبس حوايجو من بعد خرج من الغرفة شاف فيها مركزة مع الفلم طول فيها شوفة بدون مايتكلم من بعد خرج كايخمم ف مايا وكيفاش غايخليها تشهد طلع ف للوطو وديمارا ف تجاه المشفى ...
بعد ماخضع للتحاليل قررو العملية تكون فالصباح كانت ياقوت واقفة كاتغلي ورافضة رفض قاطع فادي يتبرع ليه بالكلية عيات تهضر ولكل مرة كايقمعهاا وترجع تسكت مروى غير كاتجمعهم ليها وحدة ورا وحدة نهار تنوض ليها غايكون نهارها بوحدو ماليه متيل شاف فيهم قصي وتكلم ...
فادي . .~خزر فيها ~ قصي خود مك معاك ظاهر ليا خاصها ترتاح
ياقوت. .ماعندي فين نمشي غانجلس على سعدي وعدي معاك
قصي . .بابا خليها معاك غايكون حسن وهاكا غانكون مرتاح من جيهتك
خزر فيها وتوجه الغرفة لي عطاوه تبعاتو من لور كاتقرقب بطالونها وتقلب ف عينيها من الفقصة بين ما قصي خرج مع البنات وتوجهو لڤيلا....
#مكان_اخ______ر ~
بعد مارضعت عصمان توجهات لدرسينغ لبست غوب دصوف تحت الركبة فالباج خلات شعرها على راحتو واصل لخصرها جبدات عينيها بالكحل لي عطا بريق خاص لزمردتين وحطت ݣلوس مارو بارد على شفاها مع فاغاجو لخدودها رشت بارفانها من بعد توجهت لغرفة ليليا كانت كاتلعب بالدمية ديالها طبعت قبلة على خدها وتوجهات لبلاكار كاتشوف شنو غاتلبسها هاد العراضة المفاجأة ما باغياهاش بالها كلو مع مروان تنهدت وخدات غوب فالبلو نوي لبساتها ليها مع ليبا فالݣري وصباط بلا فنفس لون الغوب خلات ليها شعرها على راحتو ونزلو بزوج لطابق السفلي مشات ليليا عند هارون كان جالس فالصالة وبين ما ليلى مشات المطبخ تشوف العشا فين وصل...
#مكان_اخ__ر ~
جالس فاللوطو ديالو وحاط الݣارو بين صباعو كاينتر فيه بعد دقائق خرجت من الڤيلا لابسة غوب فوق الركبة فالبلو غوا مع مونطو فالنواغ ومخلية شعرها على راحتو توجهات للوطو ديالها وديمارات خرج الدخان من بين شفاهو بشوية وديمارا وراها بعد نصف ساعة وقفت حد نايت كلو فحي راقي وقفت بللوطو ورمات الكونطاك للحارس تمشات لداخل كاتميل بخصرها نزل وراه بالخف بعد ما بلاصة للوطو ودخل لداخل خدات مكان معزول حيدات المونطو مداتو لوحدة من العاملين لي تما وجلست حاطة رجل فوق رجل ثواني وكان االمشروب لي كاطلب ديما محطوط فوق الطبلة زجاجية ومعاه المكسرات هزات الكاس بين اناملها رتشفت منو وكاتميل براسها مع الموسيقى الغربية بعد دقائق وقفت وتمشات وسط الشباب لي كايرقصو وبدأت كاتميل مع انغام الموسيقى شوية حسات بيد تحطات على خصرها يالا غاتسب وتشوف شكون هذا لي تجرأ ولمسها جات عينها عليه واقف بهيبتو ونظراتو الحادة لي اسروها من اول ماشافتو زاد قربها منو حتى لصق جسدها المنحوت على جسدو وهمس بصوت خافت بورشهااا
وصل للحي ووقف ب للوطو جنب باب دارها نزل من اللوطو مكمش فالمونطو من البرد قرب من الباب ووقف مصغر عينيه كايتأكد من العنوان...
اكرام. . اييه هو هذا
مد يدو لصونيط وبرك عليه زوج مرات لداخل كانت سارة لابسة بيجامة كولون مع البيل ديالها فالبوسيل وجامعة شعرها بشكل مهمل اول ماسمعت صونيط خشات رجليها فالبانطوفة وتمشات ناحية الباب كاتهز فنص لي عندها وتحط فيه حلت الباب ووقفت كاتشوف فيه من التحت لفوق ؟
جيداء. .كان موفر ليا كلشي دار الحوايج سيارة وكل مرة ف بلاد لكن مع ذلك قاسي عمرو حسسني بحنان الأب وبلي كايخاف عليا وعطيني قيمة ~تنهدت~ عكس سمارة كان مهتم بيها بزاف وعمرو نزل كلمتها لأرض ~تجمعو دموع ف عينيها ~ كانت ديما هي المفضلة والعزيزة
ياسين . .شكون سمارة؟
جيداء. . ختي بنتو وبنت سعاد ~تبسمت بحرقة ~ شكون انا حتى يبغيني بحالها انا بنت ايمان ماشي بنت سعاد باش يبغيني ~تنهدت ~ اصلا تعودت نكون بحدي ماقادراش نعيش هنا ماقدرتش نتأقلم مع الوضع الجديد يمكن ولفت رفاهية والحاجة ساهلة
ياسين. .فين كنتي قبل ؟
جيداء . . ف روسيا تزدت وكبرت تما حياتي كاملة تما عرفتي شنو يمكن حسن ليا هنا حيت تما عندي دكريات خايبين خايبين بزاف بابا سمارة وسعاد ورياض وعدنان كل واحد فيهم تفنن وعرف كيف يجرحني الحاجة الوحيدة لي كانت زوينة تما هي كنزة
ياسين. . كنزة ؟
جيداء . .بنت دادا فطومة ~
ياسين. .ورياض وعدنان ؟
جيداء . ~وقفت كاتمسح دموعها~ عفاك سمح ليا مابقيتش قادرة نهضر عليهم ~شافت فيه ~ تصبح على خير
عطاتو بالظهر ومشات طايرة لبيتها دخلت وسدت الباب وراها كاتمة شهقتها وكاتبكي بين ما ياسين جمع الوقفة وتوجه لكوزينة كايوجد ليه القهوة ودماغو خدام كايفكر شكون هذا لي نزلو دموعها على قبلهم ومشات كااتجري هاربة من سيرتو اول ما وجدت الكافي كبها فالفنجان وتوجه لبالكو...
عند جيداء ترمات فوق السرير على كرشها ودفنت وجها فالمخدة كاتبكي فصمت ..
#فلاش_باك
تفتح باب الغرفة ودخلت منو كنزة هازة بلاطو فيدها فيه الغدا حطاتو ف طبلة وتوجهات لسرير كاتفيق فيها...
كنزة. .جيداء جوجو فيقي
جيداء. .~فتحت عينيها ~ امم
كنزة . .~حيدات عليها الغطا ~ واش غاتبقاي غير سادة عليك وناعسة شوفي حالتك كيف ولات
جيداء. .~جلست رادا شعرها وراها ~ النعاس هو الحاجة الوحيدة لي كاتخليني نهرب من الواقع المرر
كنزة. . كاتمرر يدها على شعرها ~ رحمي روحك شوف كيف وليتي
جيداء . .مستحيل مستحيل نكون ليه هئ..هئ...
كنزة . .~تنهدت ~ كلشي دابا يتحل ان شاء الله بسس كولي شوية رحمي روحك
بعد ماشبعها كلام معسول وقبولاات ناضت كاتميل بخصرها لبست الغوب لي جات بيها ووقفت قدام المرايا كاتقاد شعرها بين ما ياسين توجه لحمام قدا روتينو صباحي توجه لدرسينغ لبس سروال جينز كحل مع بيل ݣري رد شعرو لور ولبست ساعتو اليدوية من بعد هز جاكيط ديالو لبسها ورش زوج رشات من برفانو وتوجه ليها جدبها من خصرها ملصقها عليه وريحة برفانو رجولي تغلغلت ف نفاسها
ياسين. . واش مزال عند وعدك
مايا. .~لاحت يدها ورا رقبتو ~انا عند وعدي خاص غير انت تبقى عند وعدك ~عضت شفتها مقربة من شفاهو حتى تمزجو انفاسهم ~ فيك شي حاجة كاتجدب وتخليني مسحورة وهايمة
~قبل مايرد تسمع صوت شي حاجة تهرسات زير حجبانو وخرج من الغرفة بخطوات متسارعة خايف على لي سالبة قلبو وعقلو كانت كاتوجد الفطور وزلق الطبسيل من يدها جا مشتت فالأرض يالا نزلت كاتجمع زاج حتى وقف عليها مخرج عينو ...
ياسين. .شنو وقع ~تحنا شد يدها كايشوف فيها ~واش تجرحتي؟
جيداء . .~مستغربة من انفعالو ~ ل لا
ياسين. . نوضي انا غانجمع زاج
جيداء . .انا غان*
ياسين. ~قاطعها~ قلت ليك نوضي
اول ما وقفت جات عينها على مايا كاطلعها وتنزلها بغللللل...
مايا. .اش هاد الخدمة الغبية ماتعرفيش تشقاي بلا مشاكيلللل
زير على يدو حتى تجرح من زاج لي هاز ما حملش اسلوبها وفضولها كن ما كانش محتاج لشهادتها كان غاجمعها معاها ويلوحها برا ضغط على نفسو كايحاول يضبط اعصابو ومايفسدش خطتو بين ما جيداء تجمعو دموع ف عينيها والغصة كاطلع وتنزل ف حلقها تسناتو يقول شي كلمة لكن ما تكلمش شافت فيه شوفة مطولة وخرجت من الكوزينة بخطوات متسارعة حابسة دموعها اول ما خرجت وقف بالخف وتلفت ناحية ماياا
ياسين. .ماكانش خاص وتهضري معااها ماشي بقصدها
مايا. . كاتبان ليا مدسرها انا هاد الخدامة ما حملتهاش بغيتك تجري عليها
ياسين . .~زير على يدو ~ نفطرو برا غايكون حسن من تما نمشيو فين تافقنا
مايا . .خاص نمشي لدار نبدل حوايجي
ياسين. .اوك
رجع لبيتو خدا ورقة صغير كتب فيها رسالة قصيرة ل جيداء وخلا ليها الفلوس هز الورقة لصقها فالتلاجة وحط الفلوس فوق الطبلة من بعد خرج مع مايا اول ما طلع ف للوطو رجعت تكلمت...
مايا . .هاد الخدامة ما بغيتش نشوف وجها مرة أخرى
ياسين. . اوك ....
اول ماحسات بيهم خرجو خرجت من بيتها وتوجهات لكوزينة جات عينها على الورقة خداتها كاتقرا فيها كان كاتب ليها بلي خلا ليها الفلوس تقدر تخرج تقدا شي لي غاتحتاج كمشاتها بزعف ورماتها بعيد عليها وجدت ليها الفطور فطرت وبداات كاتجمع الدار بعد ساعة رجعت لبيتها لبست حوايجها وهزات الفلوس لي خلا ليها وخرجت فتجات سوبر ماركت...
#مكان_اخ___ر ~
وصلها لڤيلا ديال عائلتها نزلت كاتمختر بعد ما طبعت قبلة على شفاهو اول ما عطاتو بالظهر مسح قبلتها بكف يدو بزعف عايفها وما طايقهاش
ياسين . .~بصوت خشين~ غير صبري عليا الق*بة غاندمك على الكلام لي قلتي ليها
بعد 15 دقيقة تقريبا خرجت لعندو كاتقرقب بطالونها بعد ما غيرت ملابسها اول ما ركبت ديمارا ف تجاه احد المقاهي الراقية بالرباط...
#مكان_اخ__ر ~
بعد ماتقدات كاع لي تحتاج رجعت بأدراحها لشقة واعين شخص مراقبيها من بعيد بدون ماتحس دخلت لداخل سدت الباب عليها وبدأت كاتستف شي لي شرات وكاتحط كل حاجة بلاصتها...
#بعد_ساعة__
جالس بمخملية فوق الكانابي حاط رجل فوق رجل وسيجار فيدو كاينتر منو ويخرج الدخان من بين شفاهو تفتح الباب بعد ما تطرق ودخل منو شخص طول بعرض لابس كوسطار فالكحل مزير على كتافو حط ظرف فوق طبلة زجاجية وتكلم بصوت غليض ...
~ البنت لي مستقرة معاه اسمها جيداء وهادو صورها
ماركوس . .~خدا الظرف بين يدو كايشوف صورها وكايتبسم بشرر~ هممم قلتي جيداء اوووه الوحش عندو الذوق ~شاف فيه وتكلم بصوت خشين ~ بغيتك تحط عينك عليها فين كاتمشي. شنو كادير وتعرف شنو كااتعني ليه واش مجرد نزوة عابرة ولا كايبغيها
~تحت امرك سيدي
ماركوس ~بصيغة الأمر ~ ماتغفل عليها حتى ثانية
~. .( حرك راسو بالإجاب ) تحت امرك سيدي
بعد مافطرو بزوج خرجو من الكافي وتوحهو لمركز الشرطة قبل مايوصل شدات فيدو تكلمت...
فتح باب اللوطو ونزل فتح ليها الباب شاد بيدها كااتمختر ومن داخلها ما قادرش تيق فيه لكن ما قادراش ترفض طلبو شي حاجة فيه خلاتها طايحة لشوشتها واخا يالا عرفاتو كملت طريقها وكاتكلم ف نفسهاااا
مايا . .كانقسم ليك الى ضحكتي عليا غاندمك على حياتك انت ما ماكانعرفش ماياا
المكان_ المصحة___ 🚑
اول ما شهدت رجع وصلها لدارهم بعد ما واعدها يشوفها باليل ومشى طاير للمصحة يطمن على مروان عندو اليوم العملية مسافة طريق كان قدام باب المصحة انسطالا للوطو وتوجه لداخل بخطوات متسارعة نوعا مااا اول ماوصل جات عينو على قصي وياقوت واقفين جنب بعض بين ما مروى غادية جاية وكل شوية تشوف ف ساعة سمر كانت شادة واحد القنت وحاسة بالخوف تمشى ديريكت لجيهة مروى وتكلم بدون مايشوف ف قصي او يعطيه اعتبار.
ياسين. .بدات العملية؟
مروى . .~غير شافتو حست بالراحة كايبقى ياسين اقرب ليها من قصي بأضعافت المرات~ خويا جيتي ~رجعت شافت فيه ~ ايييه بدات العملية بشي نص ساعة تقريبااا....
#مكان_اخ___ر ~
اول ما فاقت خدات دوش وتوجهت لدرسينغ وجبدت شنو تلبس سروال دجلد فالكحل مع بيل دصوف فالبيض نازل على لور وجاكيط دجلد قصيرة فالكحل خشات رجليها ف ليبوط كحل قصير ونشفت شعرها بسوشوار مخليها على راحتو من بعد توجهت ل عصمان طلت عليه كان ناعس طبعت قبلة ف جبينو وخرجت من غرفتها لغرفة ليليا فيقتها ووجداتها باش توصلها معاها هارون خرج مبكر بسبب الخدمة نزلو لطابق السفلي الفطور كان محطوط ف صالة مونجي فطرتها بزربة وقبل ما تخرج وصات الخدامة على عصمان ....
اول ما حطاتها ف ليكول ديالها ديمارات ف تجاه المشفى مسافة طريق كانت قدام باب المشفى انسطالات للوطو وتمشات لداخل بخطوات متسارعة جات عينيها على خوتها وياقوت واقفة مخنزرة وماطايقاهمش واقفين ف زورها وحلفو لا نزلو أنانية بشكل كبير نفسها وولادها من بعد حتى حددد جات عينها على ليلى جاية ميقت فيها وقلبت وجها لجهة الثانية كاتݣمݣم...
ياقوت . .انت لي بقيتي ناقصة
ليلى . .سلمت على قصي بلابيز وتوجهت ل ياسين ... كاين شي جديد ؟
قصي . .~شد مو مبعدها عليهم وكايهضر بصوت شبه مسموع ~ ما لاحظتيش بلي زدتي فيه راعي شوية لمشاعر الناس لي كايصارع الموت خوهم وخويا حتى انا وما غاتقدريش تنكري هاد شي
ياقوت. .شفتك كادافع عليهم ماشفتيهمش كيف كايعاملوني هئ..هئ ...اصلا انت ديما ضدي تقول ماشي ماماك لي حملت بيك تسعة شهر (جيدت المشوار كاتمسح نيفها ودموعها دتماسيح مرر يدو على شعرو بنرفزة ورجع تكلم ....
قصي. . ماما بلييييزززز
#بعد_ساعاات___
بعد انتظار دام لساعات نقلو فادي لغرفة الإنعاش وقعو ليه مضاعفات فالعملية ورجعو مروان لمكان لي كان فيه تحت العناية الكل كان على اعصابو هارون اول ما كمل الإجتماع مشى ديريكت لعند ليلى نفس الشيئ بنسبة جوزيف بعد دقائق جات شموخ اخر وحدة وصلت توجهات ديريكت لعند ياقوت وكاتشوف فيهم عارفة فقط ليلى ومروى وسمر والباقي ما عارفة فيهم حتى حد ونيت ما هتمتش تعرف....
شموخ ...ماماااا
ياقوت. .بنتي الحبيبة جيتي
شموخ. .~جلست جنبها ~ كيف بقا بابا ؟
ياقوت. .نقلوه لغرفة الإنعاش اخخخخ شي لي خفت منو طحنا فيه ~خزرت ف مروى لي كانت كاتشوف فيهم من لتحت لفوق ~
مروى. .~همست ل ليلى ~ لفعى وبنتها
ليلى . .بليييز مروى بلا صداع لي فينا كافينا
ياسين. .~شاف جيهت شموخ ~ شكون هاديك ؟
مروى . .~كاتميق فيها ~ ختك المصون بنت لفعى
شاف جيهتها بنص عين وتلفت ناحية سمر جرها لعندو خاشيها ف حضنو وكايلعب ف شعرها ...
ياسين. .مال سمورتي
سمر . .خايفة هئ..هئ...مابغيتش نفقد شي حد ثاني
ياسين. .ششششت حتى حاجة من هادشي ما غاتوقع
مروى . .~دقت فالخشب ~ برا والباس
طلق من سمر ووقف مع هارون وجوزيف لي يالا تعرف عليه فعز كلامو وصلو اتصال بعد عليهم ببضع خطوات وتكلم بالإطالية ملامح وجهو تبدلو نوعا ماا واخا ما كانش باغي يبين بعد ثواني قطع الإتصال ورجع وقف جنبهم وهاد المرة بالو مشغول
#بعد_ساعاات___
بعد ساعات قليلة من العملية قاف ياسين لكن حتى حد مادخل عندو الدكتور منع عليه زيارة حتى يرتاح شوية شافوه غير من زاج كان فاتح عينيه وكايتبسم ابتسامة خفيفة والتعب ظاهر عليه نفس الشيئ بنسبة ل فادي ياسين اول ما طمن على ياسين ولو ما تكلمش معاه خرج من المشفى وتوجه لدارو غير دخل مشى ديريكت لغرفتو خدا شانطة متوسطة الحجم جمع فيها شي حوايج ديالو ولي غايحتاج هز الباسبور ديالو كانت جالسة ف صالة فجأة جات عينها عليه هاز شانطة الما طاح ليها فركابي والف سؤال وسؤال تطرح ف دماغها واش صافي غايمشي بحالو ؟ يعني غايجري عليا ؟ فين غانمشي ؟ وشنو غاندير؟ بين ما هي واقفة جامدة كيف تمتال توجه ناحيتها كان هاز ظرف فيدو مدو ليها وتكلم بصوت الخشين ولي تعودات تسمعو...
ياسين ..انا مسافر شي ايام وغانرجع خليك هنا وهادو الفلوس الى حتاجيتي شي حاجة ~هذا راتب ديالك
هو كايهضر الإبتسامة ف تغرها كاتوساع وعينيها كايلمعو شافت فيه وتكلمت ببضع كلمات متقطعة..
جيداء . .ي يعني ان انا غانبقى هنا ؟
ياسين . .وي معلوم
ماحساتش براسها حتى طارت عليه عنقاتو والفرحة غامرة قلبها ماعرف راسو باش تبلا لكن ماينكرش بلي عحبو الحال اول ماحست براسها بعدت عليه محرجة
جيداء. . س سمح ليا
ياسين. .~تبسم ابتسامة خفيفة ~يالا نشوفك من بعد باااي
جيداء. . ب باي
هز شانطة وخرج من الشقة بخطوات رزينة اول ماخرج سدات الباب وراه ورجعت جلست عاد رجعت فيها الروح كان عند بالها غايجري عليه حيت مسافر شافت ناحية الظرف لي خلا ليها وتوجهات ليه تشوف...
فطريقو للمطار تاصلت بيه مايا لكن طنششش وماردش عليها رجعت تاصلت مرة وزوج ولا رد اصلا ما كانش عندو لݣانة ليها واخر همو مسافة طريق كان ف مطار سلا الدولي كمل الإجراءات الروتينية وتوجه لطائرة ....
عند مايا لبست المونطو ديالها وخرجات من الڤيلا بخطوات متسارعة والغضب كاينهش قلبها طلعت ف لوطو وديمارات ف تجاه دارو...
مايا..كاتتجاهلني انا غانوريك اسي ياسين
#مكان_اخ___ر ~
دكرت اكرم وعرضو ليها هزات تيلي وتاصلت بيها باش تعرف فين هي كانت جيداء جالسة مكسونطرية مع فلم اكشن حتى كاتسمع الفون ديالها مدت يدها تشوف ومستغربة ف نفس الوقت شكون غايكون كايتاصل حتى كاتجي عينها على رقم سارة شافت فيه شوفة مطولة من بعد دوزت الخط ...
سارة . .بليييز بلا دراما فعلا انا غالطة وانا كاختك الكبيرة خاص تسمحي ليا
جيداء. .المسامح كريم
سارة . . فين انت ؟
جيداء. .انا عند واحد سيد
سارة. .~صغرت عينيها ~ سيد ؟ شكون هاد سيد كانعرفو ؟
جيداء. .انا عند ياسين
سارة . .~خرجت عينيها ~ ياسيييبييين..
جيداء. .وي
سارة. .~ضاغطة على يدها ~ عطيني العنوان.
جيداء. .م***
قبل ما تكمل الكلمة سمعت الباب كايتطرق ميلت راسها ورجعت تكلمت...
جيداء. .يالا نخليك بااااي
قبل ماترد سارة قطعت الإتصال فوجهة وتوجهات لباب بخطوات رزينة خلات سارة غاتاكل جنابها ومامصدقاش لي سمعات
سارة ...الكلبة طلعت ما ساهلاش هادي هي لي ما كاطيقش تسمع سيرتو اخخخخ منك الفعى الى خليتو ليك راني ماشي سااارة ( رمات تيلي بعيد عليها بزعف ونزلت على فخاضها كاضرب بالفقصة وتكلم نفسهااا)
اول مافتحت لباب جات عينها على مايا طلعتها مايا ونزلتها بحتقار وتكلمت....
مايا . .غاتبقاي مسمرة قدامي .؟
جيداء. .الى كنتي جاية على قبل ياسين ف م**
ماايا. .~قاطعتها ~ ياسين حاااف اش هاد قلة الحيا
جيداء . .~غمضت عينيها بنرفزة ورجعت فتحتهم ~ قلة الحيا هي لي كانشوف قدامي لزمي حدك حسن ليك
فاقت مبكرة كيف العادة توجهت لحمام قدات روتينها وجمعت شعرها على شكل كعكة وتوجهت لمطبخ توجد فطورها رجليها ولات احسن من الأول وولت كاتقدر تمشى عليها واخا مزال ما قادراش تزرب فالمشية ولا تفورصي عليها مي احسن من الأول بكتيير وجدت قهوتها بالحليب وحطت الكعك مع طرف دالكيك وبداات فطورها بشوية عليها وكل دغمة كااتعطيها حقها فهاد اليومين سارة كل شوية تصوني مرة تجاوبها وغير من فوق قلبها بعد الفلاش لي دارت معاها خرجت من خاطرها فمرةةة ومرة طنشها كأنها ماسمعتش وسارة فراسها الف سيف تعرف عنوان ياسين بعد الحاح علي اساس بغات تشوفها عطاتو ليها ودارت معاها اليوم دوز عندها أول ما فطرت غسلت الماعن لي ستعملت توجهت لغرفة ياسين اليوم قررت دير تنضيف شامل لشقة ولإنطلاقة غاتكون من بيتو اليوم الشمس طالعة والجو من صباحو باين غايكون مشمس وزوين وغير ديال تخمال شمرات على دراعها وبدات..
#مكان_اخ___ر ~
فاقت بقبلة على شفاها فتحت عينيها وتبسمت ابتسامة خفيفة....
هارون. . وقف كايقاد الكرڤاط ~ عصمان ولا كايدير شغب وكايسهر ليا حبيبتي
ليلى . .~توجهات ناحية سرير عصمان~ حبيب ماماه كايبغي يرضع
شاف فيها وميل فمو كا نوع من الإنزعاج (لكن مصطنع وبدون ماتحس ) ركزت فيه شوفة وتكلمت ....
ليلى . .حياتي مالك ؟
هارون . . شفت سي عصمان مزال ما كمل ايام باش جا لدنيا وخداك مني
ليلى . . ~شدت وجهو بين يدها وتكلمت حنين دق فقلبو ~ هو ولد كرشي وانت ولد قلبي ~تبسمت بحب وطبعت قبلة خفيفة على شفاهو وقبل ماتبعد عليه شدها من خصرها مقربها منو كتر من الأول ونقد على شفاها
#مكان_اخ__ر ~
بين ما هي كاترتب حوايجو جات عينها على خاتم دزواج رجالي مخشي بين حوايجو شداتو بين يدها كاتشوف فيه وركزت نظرها على الإسم لي محفور فيه ...
جيداء . . نتاليااا...
رجعت شافت فيه وتكلمت ___
جيداء. . نتالياا نتالياا اوبسسس مزوج بسس فين هي علاش ما كايناش معاه
سكتت شوية ورجعت ستأنفت كلامها....
جيداء . . ~بلا مبالاة~ هااااء انا مالي
حطاتو فمكان اخر غير لي كان فيه ورجعت كملت ترتيب الحوايج من بعد بدلات الفراش دسرير ومسحت الغبرة وقادات كل حاجة فبلاصتها جفات الأرض وخلات السرجم والبالكو مفتوحين باش يتشمس البيت من بعد نتاقلت لبلاصة اخرى....
هارون. . دازو زوج اسابيع تقريبا وتعطلنا على سبوع عصمان
ليلى. .اخخخ مسكين من تزاد وحنا من مشكل لمشكل~تنهدت ~ الحمد لله على كل حال ~شافت فيه ~ بصح تدهينا فالحقيقة ماكرهتش يكون سبوع غير بينا
هارون . . الحفل غايكون كيف بغيتي ~سكت شوية ورجع تكلم ~ الحفل غايكون الحد ان شاء الله
ليلى . .شنو اليوم ~حطت يدها على جبينها ~ هاااء الثلات ~ جلست كاتحسب بصباعها ~ ثلات ..لاربع..الخميس...الجمعة... السبت ** قبل ماتقول الحد شافت فيه
ليلى . .زعمة غايقدنا الوقت
هارون..اكيد
ليلى ...عموما ما غاتكونش حفلة كبيرة
هارون . .~وقف وباس جبينها ~ اوك حياتي ~ شاف ف ليليا ~ بابا وصل الوقت
هزات الكاخطابل ديالها وتوجهات ليه شادة فيدو
#مكان_اخ__ر ~
اول ما فتحت عينيها خدات تيلي ودوزت الرقم لي خلا ليها ثواني وتفتح الخط...
~ (بصوت غليض ) وي الو
سارة. .ميسيو اكرم ؟
اكرم ..وي
سارة. .قدرت نعرف بلاصة جيداء فين
اول ماسمع اسم جيداء ناض قافز من السرير ومبلق عينيه ...
اكرم ..ش شنووو واش كاتهضري بصح
سارة . .انا مامسالياش باش نتفلا على صباح..
اكرم . .فين هي ؟
سارة ...ناخد لي تافقنا عليه وديك ساع نقول ليك
اكرم. .~توجه لبلاكار ~ اوك انا جاي دابااا
#مكان_اخ___ر ~
~البارح كان ف روما واليوم توجه ل البرتغال والسبب المهمة لي قلت ليك
ماركوس . .واش هادي خبار موتوقة ؟
~ ايه اسيدي
ماركوس. . هممم داك النمس بدا كايضيق علينا ويمحينا خاص نتحرك قبل ماطيح سمعتي فالسوق ~كرز على يدو ~ الى كان راسك قاسح أ سي ياسين انا غانعرف كيف نرطبو ليك ~شاف فيه ~ بغيت عشيقتو دابا تكون عندي كاتسمعععع
~تحت امرك سيدي
ماركوس . .ماتجبوهاش لهنا غاتديوها لبلاصة لمعلومة
~(حرك راسو بالإجاب ) تحت امرك سيدي
#مكان_اخ___ر ~
حطات كاع لي غاتحتاج ف الماشين باش تصبنهم...
جيداء . .اخخخ اجيداء المكلخة تقديتي كلشي ونسيتي التيد لي مهم
حطات شي لي فيدها وتوجهت لبيتها خدات المونطو ديالها لبساتو وخشات رجليها ف الأوݣ وخرجات من الشقة فتجاه اقرب سوبر ماركت خدات التيد وخرجت من سوبر فتجاه الشقة وقبل ماتقطع شانطي وقفت عليها للوطو فالكحل زاج فيمي نزل منها شخص طول بعرض غادي قاصدها مافهمت والو قبل ماتغوت فوجهو حيت كان غايخرج فيها طار عليها سد فمها وجرها لعندو بعنف...
#مكان_اخ____ر ~
مسافة الطريق كان فالحي انسطالا للوطو وتوجه لباب دارها بخطوات متسارعة قبل مايطرق الباب تفتح وخرجت منو لايحة عليها الكاب وشعرها مطلوق على راحتو...
اكرم ... ( مد ليها ظرف فيه مبلغ مالي ) يالا طلقني قولي فين هي ؟
سارة ...اخخخ اخيرا غاتحيدي من طريقي لا وربحت وراك فلوس (ضحكت )
#مكان_اخ___ر ~
بعد ساعة تقريبا وقفت اللوطو ف مكان خالي جا خارج المدينة غير الخلا وجلا لا طائر يطير ولا سائر يسير تفتح باب للوطو ونزل منها العظمة هاز جيداء فيدو كيف الريشة وفاقدة الوعي تمشى بخطوات تابتة ناحية البوابة كانت فيرمة مساحتها شاسعة باب كبير من الحديد كايتفتح بشكل اطوماتيكي واسوار عالية والشجر على اليمن وليسر تمشى مسافة طويلة بين شجر عاد وصل للباب الثاني لي كان من زاج وقدامو نافوره كبيرة تفتح لباب ودخل مكمل طريقو وقف وسط الڤيلا بتصميم اوروبي محض تماتيل رومانية واريكات من الجلد الخالص طلع فدروج وتوجه لغرفة جات ف اخر الممر فتحو ليه الباب ودخل لداخل غرفة متوسطة الحجم كاتكون من سرير بشكل دائري وبلاكار فنفس لون السرير ونافدة كبيرة كاطل على الجردة حطها فوق السرير وبعد عليها ببضع خطوات كايلتقط انفاسو ...
~ اووف لي يشوفك مايقولش تقيلة هاكا
رجع قرب منها مبعد شعرها على وجها وكايدقق ف ملامحها ....
~اووووه اش هاد زين كامل أكيد غاتكوني حلوة ~عض شفتو ~قبل كايقرب من شفاها قاطعو صوت زعزعو من مكانو وخلاه يجمع الوقفة ويبعد عليها حاني راسو ومفافي...
ماركوس . .( بصوت غليض ) إييييه اش كادير
~ و والو اسيدي غير بغيت ناقد ليها المخدة
ماركوس . .~كايشوف فيها ~ هممم هاد القطة هي عشيقتو
~ايه اسيدي هي لي ساكنة معاه
ماركوس . .~كايتفحص جسدها بإعجاب~ من ديما ذوقو ف نسا رفيع نتاليا ودابا هادي ~شاف فيه وتكلم بحزم ~ ياويل شي حد فيكم يفكر ولو مجرد تفكير يمس شعرة منها هادي المرا ديال ياسين وحنا باغين نكسبوه ماشي نكسبو عداوتو مفهوم
~ م مفهوم سيدي
ماركوس . .من تفيق علموني....
#مكان_اخ______ر ~
دازت كتر من ساعة وهو تحت العمارة عيا يدق فالباب بدون رد ورجع ب أدراجو لسيارتو كايتسناها تبان بين ما هو مركز ومتمني تبان قدامو رن تلفون ديالو غير شاف رقمها عض شفايفو بخوف وتنهد...
فيروز ...ماشي مهم انا غانجي اكيد غانوصل انا وياها قد قد اخخخ ماتصورش شحال فرحتيني
قطعت الخط وتوجهت لبلاكار تلبس عليها باش تمشي لعندو والفرحة ماقداهااش اول ماجهزت نفسها هزات صاكها وخرجات من الأوتيل بخطوات راقية قفت طاكسي صغير وقالت ليه الوجهة ديالها..
زواج المتعة الجزء 11
محتوى القصة
التنقل بين الأجزاء