علي. . مشيت لريسطو فين خدامة وسولت ناس لي تما حتى هما نفس الهضرة من البارح ما شافوها
ياسين. .ماسولتيش واش كاينا تما شي وحدة قريبة منها لي تقدر تعرف فين مشات ؟
علي . .وي فكرت فهادي وسولت بنت حومتك اعشيري كايقولو حدودية وما كانتش خالقة الجو بين صحابها ولا دايرا شي وحدة تما صاحبتها اخخ صعيب نعرفو مي ماشي مستحيل غانبقى نبش حتى نجبدها
ياسين . . نعول عليك ا علي ماتغمض عينك حتى تلقاها اليلة قبل غدا
علي . .كن هاني العشير ليلة نجيب ليك فين هي ( غمزو ) علاش مهول عليها ياكمااا ؟ أااا
ياسين. .~نتر من الكارو ~ بنت الحومة ومها عشرة قديمة مع مي الله يرحمها
علي . .~وقف ولبس الجاكيط ديالو ~ ماتخممش انا غاندير ما فجهدي يالا نتقاشعو باليل ~ضرب على كتفو وتوجه للوطو ديالو ... بعد ما كمل ياسين الكارو ديالو لاحو فالأرض زطم عليه وتوجه الوجهة لي كان معول يمشي ليها
#روسيااا_____
وسط صالة فيها بعض الناس من نخبة المجتمع الروسي وفيهم بعض المغاربة جالسة لالة فيروز فوق الكانابي برقي كيف ديما حتى ف اسوء حالاتها كاتحرس تكون راقية وانيقة لابسة لباس كلاسيكي اسود غوب نازلة على الركبة شوية وكمامها طخوا كاغ مع صباط طالو من مانولو بلانيك فالأسود ولايحة على راسها شال نواغ دالحرير مغطية غير شوية ومخلية نص فشعرها باين شادة فيدها منديل حريري فالبيض كاتمسح بيه دموعها وحنبها كنتها جيهان ولي ما كاتقلش عنها أناقة واخا واصلة فيها العظم ومشوية ف طرف من كبدتها ....
اكرم . .~جلس جنبها وتكلم بصوت شبه مسموع ~ لالة فيروز الله يرزقكم الصبر
فيروز . .~مسحت دموعها~ امين
اكرم . .لالة فيروز عندي ليك خبار كاتفرح
فيروز. .~شافت فيه ~ فين هي
اكرم. .كيف قلت ليك كنت فرقت صورها وكلفت ربعة دالأشخاص موتوق منهم يقلبو عليها ف غيابي وواحد منهم شافها فواحد الحفل ومن خرجات تبعها وقدر يعرف فين هي دابا وحاليا جالس فالحي لي هي فيه وغايبقى مراقب تحركاتها حتى نمشيو لعندها
قلبت عينيها ودور وجها للجهة الثانية والغضب كاينهش قلبها ما قادراش تيق بلي حتى فالعزو ديال ولدها كاتقلب على لي ما تتسماش كيف كاتقول ليها هي عطاتها فيروز بالظهر وتوجهات لدروج و اكرم وراها ....
#مكان_اخ____ر
تقادة فالجلسة وحطت رجها فوق طبلة دزاج وهزات الفون مشات ديريكت لواتساب جات عينها على البروفيل ديالو بدل الفوطو وداير صورتو ومعاه ليلى ضغطت على يدها حتى خلات اتر ظفار ولوات فمها بغيض ....
وصال. . هم محبوبة القلب ~ عوجات الفك ديالها ورجعت شافت فاالفوطو زفرت بنرفزة وبدات كاتكتب ليه مساج يالا كتبت سطر وهي تمسحو بالخف وخرجت من الواتس ودوزت لابيل عادية صونت لمرة للولة ورجعت صونت للمرة الثانية وقبل ما تقطع رد عليها ...
هارون . .~بصوت رجولي ~ وي الو
وصال . .~بصوت محلون~ هاورن صاڤا
هارون. .وي انت كيف بقيتي
وصال . .ماشي صاڤا رجلي ما كانقدرش نوقف عليها وقنطت بزاف
هارون . .رتاحي شوية وماتفورصيش عليها وان شاء الله غاتقولي لاباس
غير قطع عليها هزات التيلي شيرات بيه بعيد عليها وكلها كاترعد بالأعصاب
قيس. .شاف فيه ~ احسن مادرتي
هارون . .~سند ظهرو على الكرسي~ مابغيتش ندير هاكا مي كايبقى حسن
قيس . .احسن مادرتي ا هارون تيق بيا
هارون. . خليك مني قول ليا واش غاتبقى هاكا فرداي لا حبيبة ما مرات الدار
قيس . .~شاف فيه ~ قلتي ليا داك خينا نسيبك
هارون. .~ تقاد فالجلسة ~ شوف ليك جيهة اخرى اقيس ردت الفعل ديالو كاتبين بلي غار عليها وبينهم شي حاجة هذا علاش شوف جيهة اخرى
قيس . .ولكن هي بفمها قالت ليا ما بينهم والو
هارون. .يمكن كانت مقلقة منو وقالتها اكس بخي باش تعصبو المهم حنا ما شغلناش شنو بينهم انت خليك بعيد عليها ما ناقصناش المشاكيل انت صاحبي وهو نسيبي وخاال ولدي مابغيتش نجي وسطكم
قيس . .~زفر ~ اوك اوك ...
#مكان_اخ____ر
وقف ب للوطو ديالو قدام مجمع سكني راقي جا ف قلب حي الرياض انسطالا للوطو وتوجه لداخل بخطوات مرجلة فتح ليه واحد الباب ودخل معاه كايسرح عينيه ف أرجاء الشقة الفخمة قرر ياخدها وهنا فين يستاقر مع محبوبتو ويأسس حياتو حياة بعيدة من عالم المافيا وصداع حياة فيها جيداء وخوتاتو وخوه لا غير رفع راسو كايشوف فالسقف فتح شفاهو وتكلم بصوتو الخشين
ياسين. .بقات ليا ضربة وحدة ولي غاتكون ضربت العمر ~تنهد برتياح وتوجه لداخل كايشوف فالغرف وكايبلاني كل غرفة وشنو غايكون فيها خرجو من تفكير رنين الفون جيدو من جيبو وشاف رقم فادي قطع عليه ورجع كايشوف شنو يدر ومتجاهل تصالاتو المتكررة طلع ليه دم واخا كايبغي يهدن راسو وفنفس الوقت كايتحلف على مروى لي عطات رقمو لفادي وبلا حتى ماتشاور معاه من بعد ما دار جولتو خرج من تم وتوجه لحومة توحش لي اسرت قلبو قل من ربع ساعة كان عندها انسطالا للوطو وتوجه لدارهم بخطوات مرزنة كان باب الدار مفتوح دايرة الخامية للباب بحال ناس الحومة هز الخامية ودخل لداخل الدار كاتشعل وريحة الخزامة معطرة المكان الصالة مجبدة والأرض مسيقة ومجفة كمل المشي جيهت الكوزينة ريحة طياب عاطية منها واحد مولاي طاجين كايشهي زاد دخل لعندها وجات عينو عليها لابسة بيجامة خفيفة ديال مو الله يرحمها نص كم الربيع دخل والحال بدا يدفا جات مسانطيرة عليها ومبينة ليها لي هونج والمأتر التاريخية هازة شعرها لفوق بشكل مهمل ومخلية رقبتها باينة تحت من خصلات شعرها بشكل مثير كانت مشغولة مع طاجين وما على بالهاش ب العاشق الولهان لي وراها مسرح عينيه عليها تمشا جيهتها ووقف وراها وانفاسو الحارة كاضرب فرقبتها بلا ما تلفت عرفاتو وشكون من غيرو لي غايتجرأ يقرب منها حتى لديك الدرجة وفقلب دارو حتى من ريحتو زادت أكدت ليها بلي هو ياسين ترسمات ابتسامة خفيفة على شفاها وتكلمت...
جيداء. .طاجين شوية ويوجد
~تلفتت ناحيتو~ بلا شك حتى انت كاتعجبك تكتوكة ~مصمصت شفاها~ اممم كاتجي لذيدة ~يالا غاتخطاه باش تاخد الفلفة تشويها حتى حسات براسها تجرات ولصقت عليه وشنايفو على شنايفنا تبلوكات وما عرفاتش شنو دير واش دفعو كيف ديما وتغوت فوجهو ولا تعطي لراسها الفرصة وتعيش للحظة معاها بين ما هي فأخد. ورد مع نفسها لقات لسانو وسط تغرها وكايمص لسانها حسات بركابيها بداو يخواو ليها والعصافير كااترفرفر فكرشها تبسم بين شفاها من شافها تابتة وما كاتحركش مدام مزال ما دفعاتو الى وباغية وعندو امل معاها زاد فالوتيرة حتى قطع فيها النفس للحظة نسات راسها وبدأت تتجاوب معاها وتسابق معاها فجر شنايف خرجهم من حربهم شرسة صوت مي فاطنة واخا الباب محلول ما قدرتش تدخل جلست غير كاتعيط بسميتو بعد عليها كاينهج ومرر يدو على شعرو بعصبية
ياسين. . ماشي وقتك امي فاطنة ماشي وقتك.
خرج من الكوزينة مخلي وراه جيداء كاتلتاقط انفاسها وحناكها غايطرطقو بالحشمة...
ياسين. .وقف قدامها. ~نعام امي فاطنة
فاطنة . .امدرا اولدي شي خبار على بنتي
ياسين . .مزال ما قدرت نعرف عليها والو داير لي فجهدي ووصيت بزاف دناس منهم صاحبي روح بروحو وهو بنفسو كايقلب عليها وما غايرتاح حتى يلقاها
فاطنة . .~بداو ينزلو دموعها~ معولة على الله وعليك اولدي انا فعارك الى ما لقا ليا بنتي هئ...هئ...
ياسين. .~ مد يدو كايطبطب عليها ~ كوني هانية امي فاطنة ان شاء الله غانلقاوها...
لبست غوب فالغوج وحطت ميك اب خفيف مخلية شعرها على راحتو لبست ل ليليا حوايجها وكلفت الخدامة ب عصمان وخرجات من الڤيلا ف تجاه للوطو برفقت ليليا اول ما طلعو ديمارات جيهت حسان تماما فين نعتت ليها مروى كاين اكبر اختصاصي هو لي غايوصل ل ليليا بلي مها ماتت ويشرح ل ليلى كيفاش يتعاملو معاه من اليوم ما كاين لا وصال ولا هم يحزنون ما غاتخليش شي وحدة تدخل بينهم هي بنفسها غاتكلف ب ليليا وبحالتها النفسية مسافة طريق كانت قدام العمارة فين كاينا العيادة...
#مكان_اخ___ر
فواحد الخلا فالخر دعين عودة واقف علي برفقة بعض رجال الشرطة واحد منهم معرفة قديمة وهو لي تاصل بيه من شاف الضحية لي لقاو وهي نفسها لي فالصورة لي عطاه علي كانت ملفوفة فليزار بيض ومحطوطة جنب واحد الواد وجه شاحب ودم سايح قرب بضع خطوات من الجتة كايشوف ف ملامحها حس بوخز فقلبو مع انو ما كاتربطو بالمقتولة حتى صلة حتى انو عمرو عرفها لكن حزات فقلبو وبقات فيه بزاف وحدة ف مقتبل العمر وزوينة ما تستاهلش هاد النهاية وحتى حد ما يستاهل نهاية بحال هادي مع انو نفس البنت هي لي فالصورة لكن كان الداخل ديالو كايقول ياربي نكون غالط ويكون غير شبه رجع ببضع خطوات لوراء قلبو مزير جبد التيلي من جيبو وتاصل ب ياسين باش يطلب منو يلتحق بيه وهو بنفسو يتأكد واش هي ولا فقط شبه كيف كايتمنى
#مكان_اخ__ر ...
بعد دقائق خرجت من العيادة وليليا معاها وهاد المرة غير ساكتة طلعو ف للوطو وديمارات ف تجاه الدار وكل شوية تشوف ف ليليا وتحاول تجبد معاها مواضيع مسافة طريق كانو داخل الڤيلا بلاصات للوطو ودخلو الدخل جلست ف اول كانابي جا قدامها وتكلمت. ..
ليليا. .دابا ماما كاينا فالسما بحال لي قال ليا عمو
ليلى . .~جلست جنبها ~ اه بحال لي قال ليك
ليليا. .~حنات راسها بحزن ~ يعني ما غانبقاش نشوفها حتى مامات عمران ( معاها فالإيكول ) كاينا فالسما وما بقاش كايشوفها
ليلى . .~شداات يدها صغار ~ انت ما غاتشوفيهاش ولكن هي غاتشوفك وغاتدعي ديما معاك باش تكوني بخير وعلى خير وفين ما تفرحي وضحكي حتى هي غاتفرح ولكن الى كنت مقلقة وكاتبكي حتى هي غاتقلق هذا علاش خاصك ديما تكوني فرحانة وتقراي وتكبري وتحققي كاع لي تمنات
ليليا. .~غانكبر وغانكون بحال ماما زوينة بزاف ~رجعت شافت فيها ~ غانكون طبيبة باش نعالج الأمهات وما نخليهمش يمشيو لسما ويبعدو على ولادهم
ليلى . .~تجمعو دموع ف عينيها ~ ان شاء الله وغاتكوني احسن طيبية
~مررات يدها على خصلات شعرها الحريري ~ غاطلعي لبيتك تبدلي حويجاتك وانا غاتوجد ليك البيتزا كيف كاتبغيها ومن بعد نشوفو شي فلم كرتون من ختيارك
ليليا. .~ بوجه حزين ~ واخا
ليلى . .شنو قلنا دابا
ليليا . .~ببراءة ~ شنو قلنا
ليلى . .قلنا خاص ديما نضحكو ونكونو فرحانين باش ماما تفرح
ليليا. .~بعيون دامعة ~ ولكن انا توحشتها بغيتها تشوفني بغيتها ترجع تسكن معانا
ليلى. .~ضماتها~ حبيبتي هي فبلاصة زوينة زوينة بزاف وكاتشوف فيك فين ما كانت
ليليا . .علاش مشات واش ما بغاتش تكون معانا
ليلى. .هي وصل الوقت دياالها وكان خاص تمشي ربي سبحان وتعالى بغاها وهو لي خلاها تجي عندو عرفتي البلاصة لي كاينا فيها حسن من هنا وواخا انت ما كاتشوفيهاش هي كاتشوفك
ليليا . .بصحح
ليلى . .~تبسمت من بين دموعها ~ اييه بصح ~طبعت قبلة ف جبينها ورجعت تكلمت ~يالا سيري بدلي حوايجك
ليليا . .اوك...
بعد_دقائق__
دقائق ماكانتش قليلة لكن كان داير كل ما فجهدو باش يوصل دغية ويشوف الجتة لي قال ليه علي طريق كلها وهو كايطلب الله ما تكونش هي ويكون غير الشبه مسافة طريق كان ف عين المكان الدنيا مسطوكية بالبوليس ها ضابط ها الشرطة العلمية روينة الكحلة زيد عليها شي ناس من السكان لي تما دايرين مجموعات بينهم وكل واحد فيهم شنو كايقول وشنو كايستنتج نعاطف بللوطو على اليمين ونزل منها ف تجاهم بخطوات مرجلة وقف جنب علي كايشوف فيه ويرجع يشوف الجتة كايبان غير ليزار بيض فيها بقع من دم حط علي يدو على كتف ياسين وتكلم...
علي . .انت الوحيد لي غاتقدر تحدد واش هي ولا لا
ياسين. .~بصوت خشين ~ ان شاء الله ماشي هي
فسحو ليه الطريق وواحد من رجال الشرطة تقدم باش يكشف ليه وجها قلب ياسين كايضرب ف المليون واخا كان كايبان واقف تابت لكن فالداخل ديال حاجة اخرى بدا كايتهز ليزار على وجها وقلبو كايتهز معاه حتى ركز الشوفة فوجها الشاحب حس بالماس فقلبو والدموع تجمعو ف عينو اخر حاجة كان متوقعها هي يشوف صفاء ميتة وبهاد الشكل صفاء البنت المرحة والزوينة وكيف مسمينها فالحومة غزال الريم بلع الغصة كاطلع وتنزل ورما زوج خطوات تقال جيهتها جلس جلسة القرفصاء كايشوف فيها وبلا شوارو نزلت دمعة سخونة على خدو جمع الوقفة بالخف ما بقاش قادر يزيد يشوف فيها قلبو ضرو ميل راسو جيهت علي لي فهم بلي هي هادي
#مكان_اخ__ر
كاتهز يديها لفوق وتنزل على فخاضها وترجع تضرب خدودها كاتندب وتقول ما ندبت والبنات لي معاها مجموعين عليها ومعاهم ماري هاد الأخيرة لي ما كانتش قل منها خوف ورهبة حتى هي فالمعماعة وندمت عشرة آلاف مرة علاش دخلت راسها وسط هاد المشكل الكبير القضية ما بقاش فيها غير الإختطاف هادي راه روح تزهقت وغايتحصدو كاملين فمكينة وحدة...
شهيناز. .مشيت فيها اسيدي ربي مشيت فيها
ماري. . ~وقفت ~ انا ما داخلاش فهاد الروينة ديالكم
شهيناز . .~وقفت مطرطقة فيها عينيها ~ من كانت الفلوس ضايرة كنتي داخلة بيديك ورجليك ومن القضية ولات فيها روح مزهوقة وليتي ما داخلاش ايوا الالة راك داخلة ونص والى تجريت غانجر لخرا كامل معايا كاتسمعي
#مكان_اخ__ر
انسطالا للوطو قدام باب الڤيلا ودخل لداخل بخطوات رزينة هاز فيدو علبة دشوكولا من اميدي توسكانو وعلبة أخرى فيها عقد د الذهب جا خفيف سامبل ومزيناه حجرة صغيرة دالألماس طلع ديريكت لبيت النعاس حط يدو على البواني فتحو بشوية ودخل لداخل كايقلب عليها بعينيه جالسة فوق الكانابي بهدوء وشادها عصمان بين دراعها كاترضع فيه غير شافتو قلبت وجهة للجهة الثانية تبسم ابتسامة خفيفة وكمل المشي ديالو تجاها
هارون. .~بصوت رجولي ~ حياتي
ليلى . .الصمت
جلس جنبها ومد يدو لشعرها ردو ورا ظهرها وزاد قرب منها وانفاسو كاتضرب ف رقبتها قرب شفاهو من ودنها وهمس بصوت خافت ...
ليلى. .~شافت فيه وكارزة على فمها ~ همم راه ولات عندي شريكة ماشي عاد غاتولي
هارون. .~تنهد ~ هاد شي لي فباالك ما كاينش أ ليلى وعمرو يكون ومدام وصال غاتخلق بينا المشاكيل ما عندي ما ندير بيها غانقطع صلتي بيها وما غانرجعش نشوفها المهم تكون مرتي مرتاحة
~ناضت بالخف حطت عصمان ف سريرو ورجعت عندو كاتشوف فيه وابتسامة عريضة ترسمات على شفاها ~
ليلى. .واش كاتهضر بصح
هارون. .معلوم
ليلى . .ماغاترجعش تخرج معاها ولا تدي وتجيب معاها بالكلام
مصمصت شفاها ومدت يدها خداتها منو كاتفتح فيها وعينيها كايلمعو بالفرحة فتحت العلبة خدات منها قطعة خشاتها فمها وكاتلذذ بيها ...
ليلى . .اممم زوين بزاف
يالا غاتزيد القطعة الثانية جدبها لعندو وحط شفاهو على شفاها وكايمصمص فيهم ....
#مكان_اخ____ر
بعد دقائق رجع بأدراجو للحومة برفقت علي بين ما صفاء نقلوها باش يديرو ليها تشريح لابد من التشريح ومنو غايبدا تحقيق مسافة طريق كان وسط الحومة بلاصة للوطو وتوجه لدار مي فاطنة كايقدم خطوة ويوخر لخرا وقف قدام باب دارهم مد يدو وطرق لباب زوج طرقات ووقف كايتسناها تخرج وعلي واقف وراه متأتر من شي لي شاف مع انو ما كايعرفش هاد ناس مي القضية قاصحة وياعالم بحالت مها من تعرف ثواني قليلة وتفتح الباب خرجت منو فاطنة لابسة بيجامتها وحازمة زيف حياتي على راسها ووجها شاحب غير شافت ياسين تسرسبات عليه بالأسئلة
فاطنة . .ولدي من قبيلة وانا نتسناك شي خبار على صفاء هااا واش مزال ما عرفتي فين هي
فاطنة. .~جلست وكاتشوف فيه مخلوعة ~ هانا اولدي الله يسمعنا خبار الخير
ياسين ~جلس جلسة القرفصاء وشد يدها بزوج بين يدو حنحن كاينظف صوتو من بعد تكلم بصوت خشين ومرجل~ مي فاطنة فهاد الدنيا حنا غير ضياف من ديما وانا كانسمع هاد الكلمة منك مزال كانعقل على واحد الحكاية كنتي حكتيها لينا شحال هذا مزال لدابا عاقل عليها ديال ديك االمر لي جا عندها واحد السيد وقال ليها الى شي حد عطاك أمانة وقال ليك خبيها ليا خباتها ليه ودازو عوام وسنين ورجع نفس الشخص قال ليها فلانة ديك الأمانة لي عطيتك بغيتها اليوم واش غاتعطيها ليا قالت ليه ايه معلوم شنو قال ليها هو
ياسين. .~ غرغرو عينيه وتكلم بصوت مخنوق بالبكا ~ حتى انت امي فاطنة ربي عطاك أمانة وحافظتي عليها كتر مت عشرين عام واليوم ربي خدا امانتو لعندو ولا عتراض على قضاء الله ~ ~شد وجها بين يدو ~ الله يعظم اجرك ويرزقك الصبر صفاء عطاتك عمرها
يالا غاينقض على شفاها حطت سبابة ديالها على شفاهو وتكلمت...
ليلى . .حياتي بلاتي
هارون. . هم شنو تما
ليلى . .اليوم ديت ليليا عند واحد الدكتور كاين ف حسان
هارون. .~بهتمام ~ اها وشنو قال
#بعد_مرور_اسبوع...
مر اسبوع على موت صفاء ومزال التحقيق مفتوح وبفضل تسجيل الكاميرا د واحد المزرعة كانت جنب التل فين ترمات الجتة قدرو يشوفو نوع السياره لي كانت فيها صفاء وحتى وجه الشخص لي رماها تما بان بوضوح مسافة طريق كانو سيارات شرطة قدام باب الڤيلا د ميسيو العايدي وعتقلو السائق لي كان وهو نفسو لي رما صفاء وبعد تحقيق والإستنطاق عتارف بلي العايدي لي عطاه الأمر باش يتخلص منها بعد ما قطعت شراينها وحاولت تنتحر وفاش كان غادي بيها كانت مزال حية لكن قبل مايوصل لمكان المعلوم لفظات انفاسها تم عتقال العايدي قبل ما يفلت بجلدو وجبد حتى شاهيناز لي غير سمعت بلي راس الكبير تشد جمعات شوانطها وقصدات المطار وقبل ما تكمل الإجراءات تم عتقالها وتحقيق معاها وفتحقيق جبدت حتى ماري بعد ما طرق ياسين الموضوع ديال صفاء قرر يسافر لإطاليا تحت طلب البوص او نقول امر خدا قرار بينو وبين نفسو بلي غايكون هذا اخر امر غاينفدو غايضرب ضربة العمر كيف سماها منها غايدخل اضعاف لي ربح فهاد زوج دالأعوام انسطالا للوطو قدام العمارة فين ستقر مع جيداء هاد الأخيرة لي قررت تنسى ما داز عليها مع رياض عدنان وحتى سعاد وسمارة وقررت تفتح قلبها من جديد تتقرب من ياسين وتعطي فرصة ليه وليها فاقت مبكرة بحال كل صباح خدات دوش خفيف لبست غوب مع صنديلة وجمعت شعرها على شكل كعكة كتفت فقط بمرطب الشفاه وبدات ف ترتيب البيت ديالها وترد كل حاجة بلاصتها من بعد نتاقلت لبيت ياسين طرفاتو وتوجهت لكوزينة تشوف شنو توجد واخا ستقرو فدار وحدة وحاليا كوبل مي كل واحد ف بيتو حتى لنهار يتزوجو بين ما هي كاتوجد شنو تاكل تفتح الباب ودخل منو بخطوات مرجلة مشى ديريكت لعندها طبع قبلة جنب فمها وتكلم بصوت خشين ....
هاد السيمانة ما غانكونش معاك خاص ضروري نسافر وفنفس الوقت ما غانقدرش نخليك بوحدك هنا هذا علاش غانديك عندي ختي غاتجلسي معاها حتى نجي تما ما غانخافش عليك وحتى حد ما غايقدر يأديك فغيابي
جيداء . .~ بستفسار ~ ف فين غاتمشي
ياسين . .عندي شي خدمة برا المغرب غانغيب تقريبا اسبوع ونرجع
جيداء . .غير خليني هنا يمكن ختك ما غاتبغيش لي يصدعها
ياسين. .~شد وجها بين يدو ~ غانتوحشك ~طبع قبلة بين عينيها ~ ليلى ما عندهاش مشكل بالعكس
بسم .. يالا جمعي الحوايج لي غاتحتاجي فهاد الأسبوع باش نمشيو
جيداء. .و واخا .
#مكان_اخ____ر
جالسة فوق سرير هازة عصمان بين ديها وليليا جالسة جنبها كاتلعب بالباغبي ديالها وكاتهضر مع مروى ابيل ڤيديو مروى لي هادي ربع ايام تقريبا باش دارت العقد وعشا مع العائلة ومن بعد حلقات ل روسيا برفقت جوزيف....
حاطة قدامها كتر من عشرة الكساوي باقين بالتيكي ديالهم وكاتوريهم ل ليلى
مروى. .~مصغرة عينيها ف التيكي ~ هادي من DIOR عرفتي الكوب ديالها خطيرة عجباتني بزاف ~هزات كسوة أخرى فالبلوغوا وهادي من PRADA عجبني لونها كتر ~هزات وحدة أخرى ~ وهادي هي اكتر وحدة عجباتني لا فالكوب ديالها ولا ف لاماتيغ خديتها من
GIORGIO ARMANI
هزاتها كاتوريها ليها....
مروى. .اكيد حتى انت غاتكون عجباتك هادي كتر
ليلى . .هادي عجباتني بزاف من تلبسيها صيفطي ليا الفوطو
مروى. .اوك
~هزات تربكو صغير ووراتو ليها ~ هذا خلاني بلا عقل غير شفتو تفكرت عصومي
مروى . .~جلست فوق السرير مربعة رجليها ~ اوووف هادي سيمانة باش جينا وحسيت بلي جيت عامين هادي توحشتكم وتوحشت بابا اخر مرة بان ليا ماشي على برجو تصوري حتى من ديك السامة د ياقوت توحشت نصبح على خليقتها ونعصبها بهضرتي
ليلى. .~ضحكت حتى تغمضو عينيها ~ حمقة والله انت راك تزوجتي ا مروى وروسيا ماشي اول مرة تمشي ليها ديجا كنتي فيها زيدي عليها راك مع راجلك راجل لي كاتبغيه ويبغيك دابا ترجعي تولفي
مروى . .لا لاا وتقول انت عارفة بيني وبين الخدمة غير الخير الإحسان خليني جالسة مكمشة فريشي وادا على الوقت شاغلاه ونص مع جوزيف ~ضحكت بغنج ~ ~رجعت شافت فيها ~ الى غانشغلو غانفكر نقرا اللغة الإسبانية من ديما كانت كاتعجبني
ليلى. .اه علاش لا فكرة زوينةجالسة جالسة تعلمي للغة جديدة المهم تشغلي راسك
مروى. .ان شاء الله غير يجي جوزيف نقول ليه يشوف ليا شي سونطخ يكون زوين باش نبدا معاهم
ليلى. .هارون بدا ينقص منها واخا كل شوية مساج وكل شوية خارجة بحجة عرفتي طلعت ليا فراسي قالت ليك حقا ما حقا علاش دا ليليا لمختص اخر وخلاها هي
مروى. . علاه ليليا اش فيها ياك صحة سلام بسم الله عليها اش بغات بشي مختص عادي غاتأقلم وغاتعود على غياب مها وياها حداها مهلي فيها وانت كتر قولي ليها سيري تكمشي فريشك وياك تغفلي عليه لا ترجع تلوط بيه ثاني
ليلى. .لا ماتخافيش
دق.______دق______
ليلى . . دخلللل
~مدام ميسيو ياسين لتحت
ليلى . .اوك انا نازلة ~ شافت ف مروى ~ منوشا غانقطع معاك نهضرو من بعد ياسين جا
مروى. .اوك سلمي عليه
ليلى . .مرحبا بسلامك
قطعات معاها وحطت عصمان ف سريرو بعد ما نعس ونزلت هي وليليا كانو جالسين فالصالون كايتسناوها غير جات عينها عليهم مشات نيشان ناحيتهم طبعت قبلة فخد ياسين وشافت ف جيداء كاتبسم
ليلى. .مرحبا بيك
جيداء. . شكرا ربي يخليك
ليلى . .اخر مرة ما تعرفناش على بعضنا
جيداء. .~تبسمت ~ انا جيداء
ليلى . .متشرفة وانا ليلى ~شافت ف ياسين وتبسمت ~ ياسين هضر ليا عليك وبصح كنت متشوقة نعرفك عن قرب اخر مرة ما شفتكش مزيان وما كتابش نهضرو
ياسين. .ها هيا معاك دابا وغاتهضرو شحال ما بغيتو ~شاف فيها ~ بلا ما نوصيك عليها
ليلى. .~اشارت ل عينيها ~ فهاد العين قبل هاد العين ~ ضحكت حتى بانو الغمازات ديالها ~ واخيرا جا نهار لي نشوف فيه مدامت خويا ويوصيني عليها من الفوق ههه
ياسين. . ~شاف فجيداء حانية راسها حشمانة ورجع شاف ف ليلى ~ ماتفرقيهاش ا ليلى ما بغيتش نتأدا فيها
ليلى. .~بخوف اكتر ~ واخا اخويا ماتخافش جيداء بين عينيا
اول ما طلع فللوطو رجعت دخلت عندها وبالها مشوش شافت فيها وتبمست كاتحاول تخبي قلقها...
ليلى. . مرحبا بيك
جيداء . .شكراا
#مكان_اخ__ر
بعد ما حط ليه الشخص لي كلفو بالبحت ملف فوق المكتب مد يدو فتحو وكايدقق فالمعلومات لي فيه جات عينو على رجل ف عقدو السادس تقريبا ملامح غربية ونظرات ثاقبة دقق فكل تفصيل فوجهو ونزل كايشوف ف اسمو سيرجيو *** برلماني ووزير سابق وصاحب شركات *** بعيد على الإعلام وقليل فين كايبان او كاترصدو كاميرات الباباراتزي
قصي . .~شاف فيه ~ وشنو لي أكد ليك بلي هذا هو البوص ؟
~ . .تبسم ~ من تسللت لشقة خوك ف أكدال فتشت بين حوايجو مالقيت والو حتى بديت نفقد الأمل وقبل ما نخرج جات عيني على واحد الفوطو ديال واحد الشابة اطالية عارضة أزياء مشهورة وخوك مصور معاها دخلت عندها الأنستغرام لقيتها حاطة فوطو اخرى هي وياه وكتابة تحتها (اكتر حاجة مفتاقداها ويارت لو كان فراقنا غير كابوس ) بعد يومين تافقت مع هاكرز وهكرنا الحساب ديال ياسين وبيه تواصلت معاها ورسلت ليها مساج
قصي . .شنو كتبتي ليها ؟
~ توحشتك
قصي. .وشنو قالت ؟
~ ماكاملاش دقيقةحتى ردت عليا وكان ردها ( توحشتك بزاااف كتر ما تخيل تيق بيا ندمت بزاف بس وجه الكلب د سيرجيو هو السبب من ديما كنت كانقول ليك خلينا نخرجو من اطاليا ونستقرو فأي بلاصة تختارها انت بس عمرك سمعتي ليا ( سكتت شوية وتكلمت ) خلي سيرجيو وعالم الإجرام ديالو وخلينا نبداو من جديد خلينا نعطيو لحبنا فرصة أخرى وحياة اخرى بعيد من سيرجو. عالم المافيا ومن اطاليا كلها
قصي . .ومن بعد ؟
~رديت عليها وقلت ليها وانا مستعد نخلي سيرجيو واطاليا وكاع الدنيا على قبل حبنا بس ماشي بهاد السهولة البوص عمرو ما غايخليني نعيش حر اكيد غايبغي يتخلص مني الى بغيت نتفرق عليه
قصي. .شنو قالت هي ؟
~ قالت ليا عندها أدلة ومستندات قادرين يخليو سيرجيو ورا الشمس وبيهم غاتخلص ياسين بس ادا رضا يعطي لعلاقتهم فرصة الثانية وهاكا قدرت نعرف شكون هو البوص وحتى الحاجة لي غاتحليه ياسين ف امان
قصي . .~تبسم ابتسامة عريضة ~مزيان كنت عارف بلي قادر نعول عليك ~ جمع الضحكة وشاف فيه ~ والمساجات اكيد غايشوفهم ياسين
~نوو اول ما كانسالي معاها كانمسح كاع المساجاات حتى اني وصيتها باش ما ترسل ليا حتى مساج حتى نرسل ليها انا ووهمتها بلي يقدر التيلي يطيح ف يد سيرجيو ويتكشفو هذا علاش قالت ليا ما غاترسل والو وغاتبقى تسنى رسائلي على احر من الجمر
قصي . .مزيان بزاف ماعندي مايتسالك
~شاف فيه ~ شنو هي الخطوة الثانية ؟
ماخاصش نضيعو الوقت
~الخطوة الثانية غاتكون صعيبة بس ماشي مستحيلة وبيها غانضربو ضربتنا ونخرجو ياسين من المونتيف كيف الشعرة من العجينة
قصي. .~ضرب على كتفو ~ وانا تايق فيك
~تبسم ~ غير هو خاص 💰دراهم صحيحة غانخدم معايا ناس اخرين وغايتزادو مصارف اخرى
قصي. .شحال ما كان انا مستاعد المهم خويا يخرج من المشكل بلا اضرار
~وهو كذلك
#بعد_يومين__
حطت الطائرة ف مطار محمد الخامس اول ما خرجت من المطار برفقة اكرم شدو بتي طاكسي وديريكت لعنوان لي تعطاهم مسافة طريق كانو قدام باب الڤيلا نزل اكرم هو للول وفتح ليها باب السيارة نزلت مزولة نظارات الشمسية وكاتشوف فالڤيلا لي قدامها بنظرات كلها امل شافت ف اكرم وتكلمت ...
فيروز. .واش متأكد بلي هي هنا
اكرم . .ايييه الالة فيروز
~تمشات ناحية الباب بخطوات تابتة وقلبها كايضرب كأنو كايسابق الزمن وقفت قدام الباب كاتشوف فيه شوفات مطولة وكلها امل تفتح ليها الباب وتشوف ملاكها لي تحرمات منها سنين وسنين كانت كاتشوفها فقط من بعيد بدون ماتقرب او تقول ليها انا جداك لي كاتبغيك كتر من نفسها مدات يدها المليئة بتجاعيد وبركت على الزر جوج مرات ثواني من الإنتظار وتفتح الباب وقفت قدامها وحدة من الخدم كاتشوف فيها ...
~نعام لالة
فيروز. . جيداء بغيت نشوف جيداء
~ (بستغراب ) ماكاينا حتى وحدة هنا سميتها جيداء
~بلعت ريقها وقلبها زير عليها قبل ماترد دخل اكرم وتكلم...
اكرم. .سي كاينا هنا الأنسة جيداء وهي ضيفة عند ميسيو هارون فجر كانظن هادي سميتو
~تماما اسيدي هادي ڤيلات ميسيو هارون فجر تسنى شوية ونتأكد من اسم الضيفة
ليلى . .لأم حاجة كبيرة فحياة ولادها فاش كاتخطانا كاتلف بينا ~شافت فيها ~ ربي يرحم باباك ويغفر ليه كيف ما كان وشنو ما دار كايبقا باك هو دابا فدار الحق وانت اكيد ربي غايعوضك على لي فات وهداك لي كسر قلبك على قبل صفقة ولا زوج اكيد ربي غايحطو فنفس الموقف وغاتجي لي تكسر قلبو ~شافت فيها ~ واضح بلي ياسين كايبغيك عمري ما شفت خويا مهتم بشي وحدة وخايف عليها ما عارفاش حاليا باش كاتحسي مي ماتكسريش قلب خويا مات..~قاطعتها ~
~ . .مدام ليلى
ليلى . .تلفتت ناحيتها ~ وي
قربات منها وهمس فودنها ....
ليلى . .~شافت فيها وولت شافت ف جيداء ~ سمحي ليا واحد الدقيقة ونرجع
جيداء. . اوك
وقفات بالخف وتوجهات ناحية الباب بخطوات تابتة وكا تقول مع راسها شكون هاد الناس لي كايسولو على جيداء فلحظة جا فبالها ياسين ووصيتو ليها زاد خوفها وتساؤلها ثواني وكانت واقفة قدام فيروز ...
ليلى. . وي لالة علامن كاتسولي ؟
فيروز. .على الأنسة جيداء
ليلى . .نقدر نعرف شكون انت
اكرم . .هادي لالة فيروز جدات الأنسة جيداء
ليلى . .~ بشك~ جداتها
فيروز. .~غرغرو عينيها ~ اييه جداتها الله يخليك ابنتي الى كاينا جيداء بصح كاينا هنا بغيت نشوفها
ليلى . .~بعد تفكير ~ واخا تفضلي معايا
#المكان_اطاليا__
فأحد شوارع روما ف افخم الإقامة وبضبط ف شقة حبيبة ياسين السابقة كايتواجد قصي والشخص لي بحت عليها مكبلين يديها وسادين ليها فمها بالسكوتش بسبب الضجيج لي دارت الخوف كان كبير ف عينيها حاجة وحدة لي كانت كادور ف راسها ياسين خدعها وكشف اوراقها ل سيرجيو تقدم ناحيتها قصي ببضع خطوات جلس قدامها جلسة القرفصاء وتكلم بالإنجليزية بحكم ما كايعرفش للإطالية
#المكان_Roma__
فأحد شوارع روما ف افخم الإقامات وبضبط ف شقة حبيبة ياسين السابقة كايتواجد قصي والشخص لي بحت عليها مكبلين يديها وسادين ليها فمها بالسكوتش بسبب الضجيج لي دارت الخوف كان كبير ف عينيها حاجة وحدة لي كانت كادور ف راسها ياسين خدعها وكشف اوراقها ل سيرجيو تقدم ناحيتها قصي ببضع خطوات جلس قدامها جلسة القرفصاء وتكلم بالإنجليزية بحكم ما كايعرفش للإطالية
قصي . .ماعندك مناش تخافي ادا تعاونتي معانا حتى حاجة ما غاتأديك وادا بصح كاتبغي ياسين كيف كاتقولي غا تعاوني معانا وغاتسهلي علينا
~. . امممم امممم
مد يدو الخشنة ناحية فمها وزول ليها سكوتش لي كان كاتم صوتها اول ما زال خرجات عينها وغوتات فوجهو بصوت كايرجف...
~. .ش شكون نتما شنو بغيتو منيييي
خرج فيها عينه وتكلم بصوت خشين ممزوج بنبرة قاسية خلاتها ترجع تخرص
قصي . . شششششت ادا رفعتي صوتك مرة أخرى مانضمنش ليك شنو غايوقع
بعد ما تكلمت مع ليلى على انفراد وحكات ليها بإختصار شدت فيدها وتكلمت بصوت غالب عليه البكا
فيروز . .مابغيتش نرجع نتحرم من حفيدتي يكفي هاد سنين كاملة لي تحرمت منها هئ..هئ.. عارفة وحاسة بلي غاترفض وجودي بغيتك تعاونيني بغيت حفيديتي تتقبلني وتقبل وجودي
ليلى . .مدات يدها مسحت دموعها وتكلمت بصوت خافت نوعاً ما ~ ان شاء الله خير وان شاء الله غاتقبلك كيف ما انت محتاجاها حتى هيا نفس الشيئ ويمكن كتر كاع يمكن غاتفاجئ ويمكن ترفض لي عاشتو ماشي قليل تيقي بيا ماشي قليل ~سكتت لثواني ورجعت ستأنفت كلامها
ليلى . . ان شاء الله الأمور غاتصلح ~شافت فيها مع ابتسامة خفيفة كاتريح النفس وأشارت ليها ناحية أحد الممرات لي كايديو لصالة فين جالسة جيداء هاد الأخيرة لي كانت جالسة فالكانابي وكاتشوف ناحية الجردة ساهية كاتخمم خرجها من سهوتها صوت ليلى تلفتت ناحيتها بالخف وتلاقاو عينيها مع عينين فيروز....
#Roma___
~بلعت ريقها كادور عينيها يمين وشمال هزات عينيها شافت فيه وتكلمت بصوت غالب عليه الخوف ~
~. . ش شنو كاتقول اش كاتخربق انا ماعندي والو
قصي . .سي سي عندك وبيدك قادرة تنقدي نفسك ولا انت عارفة مصيرك شنو ~سكت شوية ورجع تكلم ~ ادا بصح كاتبغي ياسين كيف كاتقولي غاتبغي ليه الخير وغاتنقديه من المستنقع لي هو فيه تيقي بيا حتى حاجة ما غاتمسك ادا درتي يدك فيدي
.~. . (نزلو دموعها ) سيرجيو غايقتلني هئ..هئ... غايقتلني كيف ما قتل ماكارينا هئ...هئ... غايقتلني
قصي. . ششششت ماتخافيش تيقي فيا كانقسم ليك حتى حاجة ما غاتمسك سيرجيو ما غايمس منك حتى شعرة الى درتي يدك فيدي
~. . (خرجات عينها فيه وتكلمت بهستيرية) انا ماعندي والو ماعندي والو خرج عليااااا هئ...هئ.. ماعندي والووووو
قصي. .~شاف فالشخص لي معاه~ دير شغلك ظاهر هادي ما غاتسمعش الهضرة
~. .حرك راسو بالإجاب ) تحت امرك
تمشات ناحيتها بخطوات تقيلة وعينيها ف عينين جيداء جيداء لي جاها وجه فيروز ماشي غريب بصح عمرها شافتها مباشرة مي الصورة لي كان وراها باها فاش كانت صغيرة مزال محفورة فدماغها بصح السنين غيرو فوجها بزاف دالحوايج بحال تجاعيد لي ولاو كتار لكن الملامح حتى حاجة ما تغيرات فيهم نفس العينين ونفس الشفاه ونفس قصت الشعر وقفت ورجعت ببضع خطوات الوراء وعينيها مزال ف عينين فيروز هاد الأخيرة لي نزلو دموعها وحدة ورا لخرا وقفات قدامها وحطت يدها بزوج على خدود جيداء وتكلمت بصوت غالب عليه البكا...
بعد دقائق من البحت جات يدو على واحد الملف مخبي بين البلاكار والحيط شدو بين يدو وفتحو كايدقق فيه ترسمات ابتسامة عريضة على شفاهو سد الملف وخرج من الغرفة بخطوات متسارعة...
~واخيرا لقينا لي بغينا
قصي. .~خطف منو الملف كايشوف فيه ~ واخيراااا
مكان_اخ___ر
خارج المدار الحضاري وسط الخلا والقفار وبضبط فأحد المستودعات مركونين سيارات من نوع رونج روڤر اسود قاتم وجنبهم رجال طول بعرض لابسين نفس اللباس كوسطار فالكحل والسماعاات فودنيهم بعيد على البودي كارد ببضع خطوات وبضبط داخل المستودع كاينين ست اشخاص وياسين واحد منهم واقف وقفة مرجلة والتخنزيرة ما مفارقاهش وعلى يمينو سيرجيو جالس فأحد الكراسي حاط رجل فوق رجل وسيجار من النوع الفخم بين اناملو انفاص معاه رجل من نفس سنو تقريبا غير هاد الأخير زايد عليه فالوزن وكرشو سابقاه القدام والبقية البودي كارد دالشخص المدعو ادولفو
سيرجيو . . غانسلمكم 600 كيلو غرام وهادي غاتكون اكبر كمية كانهرب فالتاريخ واكبر مغامرة ليا بس قبل مايقلع الأسطول بغيت رزقي كامل مكمول وماناقص فيه حتى سانتيم
ادولفو. . من امتا البارون بابلو إسكوبار كاياكل شي حد فرزقو انت عارف مزيان شكون هو بابلو إسكوبار وشحال من واحد كايتمنى يتعامل معاه
سيرجيو. . انا ما كايهمني لا بابلو إسكوبار ولا غيرو لي كايهمني اليرو 💰ادولفو . .كن هاني المبلغ لي حددتي غاتسلمو قبل مايقلع الباطو
داخل غرفة فأحد الفنادق بروما كايتواجد ياسين بعد ما كمل الإجتماع مع سيرجيو وادولفو رجع بأدراجو لفندق خدا دوش حيد بيه العيا ديال النهار ولبس سروال كيطما فالكحل مع بيل فالكحل رد شعرو لور بعد ما نشفو وتلاح فوق السرير يالا غايتاصل ب جيداء يطمن عليها حتى كايقاطعو اتصال من رقم غريب ثوان وفتح الخط ...
ياسين . .~بصوت خشين ~ الو
قصي . .الو ياسين انا قصي خوك
ياسين. . ~ عتدل فالجلسة وزير على حجبانو ~ منين جاك رقمي واش ب... ~قاطعو~
العشية كلها وهي جالسة فالجردة فوق واحد الكرسي وكاتشوف فأبعد نقطة
#فلاش_باك__
هازة صورة بين يديها صغار وكاتجري ناحية الصالة...
جيداء. .جداتي جداتي...
ناض من فوق الكانابي وتمشا ناحيتها بخطوات متسارعة نتر منها الصورة وتكلم بصوت خشين ...
~علاش كاتهزي الحاجة لي ماشي ديالك هاا كنتي غاتهرسي الكادر ياهاد البنت
جيداء . .~دمعو عينيها ~ هادي جداتي
حس بتأنيب الضمير ونزل لمستواها بعد ما تنهد ~
~. .اييه ابنتي جداتك ~هزها بين دراعو وتمشا ناحية الصالة جلسها فوق رجليه وشاف فيها ~ عرفتي اجيداء بنتي كاتشبهي ليها
جيداء. . ~ببراءة ~ولكن انا كانشبه لماما
~. .(ضحك من بين دموعو) كاتشبهي ليهم بزوج كل وحدة وشنو خديتي منها
جيداء. .~بملامح حزينة~فين هي جداتي واش حتى هي فالسما بحال ماما
~. .لا ابنتي جداتك هنا فهاد البلاد معانا
جيداء . .~وعلاش ماكاتجيش عندنا أا واش ماكاتبغيناش
~. .(تنهد والغصة فحلقو ) لا ابنتي كاتبغينا معلوم كاتبغينا ~شاف فيها ~ماعرفتش امتى غانشوفوها ولكن غانشوفوها وغاتفرح بيك ابنتي
#نهاية_الفلاش___
مدت يدها ومسحت دمعة شقت طريقها على خدها على سهوة منها تحط كاب دالصوف فوق كتافها كانت ليلى شكون من غيرها جلست جنبها وتكلمت ...
ليلى. . عارفة بلي صعيب عليك حتى انا دزت من نفس التجربة غير الشخص كان بابا ماكرهتش كن كانت جداتي مزال عايشة واخا دير شنو ما دارت كنت غانسمح ليها ونستغل كل دقيقة معاها انت ماعارفاش ظروفها وشنو لي خلاها بعيدة هاد الوقت كامل عطي لنفسك فرصة قبل ما تعطيها وتيقي بيا غاتفرحي بزاف
جيداء . .عمرها سولاات فيا
ليلى . .وهاهي سولات سمعي منها ستغلي كل دقيقة معاها وتيقي بيا غاتلقاي السلام الداخلي وغاتفرحي بوجودها..
بعد انتظار دام لأكثر من نصف ساعة وقف بدراجة نارية من نوع .... حيد الكاس وشاف ناحيتو بنظرات حادة...
قصي. .تعطلتي لأزيد من نصف ساعة
ياسين . .~بصوت خشين ~ نقدر نعرف علاش جايبني هنا
قصي . .مد ليه الملف وتكلم~ قبل ماطالع على الملف بغيتك تعرف اي حاجة درتها ولا غانديرها على قبلك على قبلك انت اولد با
شاف فيه شوفة مطولة ما كاتفسرش من بعد فتح الملف لي بين يديه كايطلع عليه قلب وراقو بسرعة مخرج عينيه وشاف فيه بشك وغضب كبير
قصي . . تهدن وكيف قلت ليك كاع لي درت ولي غاندير على قبلك اياسين
~رما لملف نايحة المطور وشنق عليه حتى روحو كانت غاتزهق...
ياسين . .~من تحت سنانو~ قلت ليك شنو باغي مني ومنين جاك هاد الملف هممم ~صغر فيه عينيه ~ هممم انت مع ماركوس ~دفعو حتى جا منشور ~معلوم واحد بحالك اكيد غايدير يدو فيد العدو ديالي
قصي . .~وقف كاينفظ التراب من على حوايجو ~ انت غالطة سمعني قبل ما تحكم
ياسين. .~بنفعال وصوت عالي ~ نطق يالااا اش كاترون من ورا ظهري أااا اش كاترون..
#مكان_اخ____ر
بعد ما تأكدت بلي جيداء دخلت لبيتها توجهات لغرفة نومها كان هارون مزال فايق وكايتسناها تجي اول ما دخلت حيدت البينوار لي كانت لابسة بقات غير بالغوب دشومبغ وتوجهات ناحيتو
هارون . هو السمع كانسمعها مي بغيت نشوف اتر سحرها ~عض على شفتو~
ليلى. .توردو خدودها ~هاارون
هارون. .عيون هارون
ليلى. . ت... *قبل ماتكمل كلمتها تسمع صوت عصمان كايبكي خسر سيفتو وناض من فوقها ساخط..
هارون. .~بنزعاج~ اوووف اعصمان اوووف هذا ماشي وقتك..
ناضت بالخف ناحية سرير عصمان وكاضحك فنفس الوقت على منظر هارون
بعد ما حكا ليه كلشي وبعد مجهود قدر يقنعو اصلا من ديما امنيتو يتحرر من عالم المافيا واخر حاجة كان متوقعها هي خوه من باه ولي معتابرو عدوه يعاونو بعد صمت دام لثواني تكلم بنفس الخشونة
ياسين . .وشنو المقابل ؟
قصي . . ماباغي حتى مقابل من غير نشوفك فأمان وبعيد من هاد المستنقع
ياسين . .~بشك ~ اهااا دابا ولد سي فادي غايدير فيا معروف بلا حتى مقابل
قصي . . خلينا ننساو خلافاتنا وشكون حنا ونركزو فالمهمة لي عندنا انا عندي معارف وغايعاونونا بزاف غاطلع من القضية كيف الشعرة من العجين ولي غايسهل علينا ماعندكش سوابق وعمرك بنتي فشي عمل مشبوه
ياسين. . مرر يدو على شعرو بنرفزة وتكلم~ غدا مع 2:30 دالصبح غايتم تهريب كمية كبيرة من الكوكايين الإنطلاقة غاتكون من ميناء ***
قصي. .مزيان بزاف ~شاف فيه ~ بغيتك تعطيني كاع المعلومات من الأول للأخر شكون شركاء ديالو وحتى من الأعداء ديالو
ياسين. . ماركوس ماركوس ميندوزا العدو الاول ديالو...
#مكان_اخ______ر
وصال . .مابقاش كايبغي يرد على تصالات حتى من المساجات ديالي قليل فين كايتكرم ويرد عليهم انا مابقيتش قادرة ندل نفسي كتر من هاكا
~وصال الف واحد يتمناك هارون من ديما ماشي ديالك بلا ماضيعي شبابك وانت كاتسناي يعطف عليك برسالة ولا جوج
وصال . .شنو فيها ما فياش هاااا شنو فيها هي ~ضغطت على يدها~
وصال . .قلبي كايحرقني ا مريم انت ما قادراش تتخيل حجم الألم لي كانحس بيه الراجل لي ديما بغاه قلبي جوج مرات كايضيع من يدي
مريم. .هذا معناه مامكتابش ليك تيقي بيا اول ماترمي الماضي وراك غايجي قدام عينيك شخص لي يستهلك انت عطي لراسك فرصة ونساي هارون وحبو جاب ليك غير وجع الراس
وصال. .~مسحت دموعها~ غانحاول
مريم. .وصال القوية حاجة بحال هادي ما غاتكسرهاش عرفتي شنو خودي كونجي وسافري لشي بلاصة عمري وقتك واكيد غاتنسايه
وصال . .~تنهدت ~ ان شاء الله
ثاني_يوم__
#المسااااااااااا____ء
جلسات فحافة السرير شادة يدو بين يدها وكاتشوف فيه بنظرات حزينة ونكسار كبير بصح عمرها بينات حبها ليه وديما صورة المرا المتسلطة حاضرة لكن اليوم غير حنات راسها على يدو طبعت قبلة خفيفة ورجعت شافت فيه مكسورة وبالها ما هانيش
صخب السكوت مخيم على الغرفة كايتسمع غير صوت انفاسو كايطلعو وينزلو بصعوبة وصفير صدرو مع صوت الألات الطبية لي دايرين بيه الضيقة شداتو هاد المرة شدات الكافر وحلفت لاخلاتو تنهدت ياقوت تنهيدة طويلة وطلقت من يدو قبل ماتوقف وتوجه لحقيبتها اليدوية خدات تلفون وتوجهات لنافدة مبعدة عليه ببضع خطوات بعد مادوزت الخط وسمعت صوت بنتها تكلمت..
#روما__
#المكان_#ميناء_سيفيتافيتشيا
واقف وقفتو المعهودة ونظرات تاقبة حاط يد ورا ظهرو ويد شاد بيه السيجار كايراقب تحميل السلعة فواحد الباطو وعلى يمينو ياسين عينيه كايمشيو يمين وشمال وكايتسنى قدوم قصي والشرطة على اعصابو لدرجة. بدا يدخلو شك ويقول ياكما ولد فادي ضحك عليا نتابه سيرجيو لقلقو وتكلم معاه..
سيرجيو. .ياسو شنو تما
ياسين . .~شاف فيه شوفة مرجلة وتكلم بصوتو الخشين ~ حتى حاجة غير متوتر شوية هادي اكبر كمية غانهربو
سيرجيو . .~قهقه والسيجار بين شفاهو~ ماتخافش السبع عمرنا فشلنا واليوم نفس الشيئ ما غانفشلوش انت خ... *قبل مايكمل جملتو وقفو سيارات الشرطة والبولسي كل واحد من نقز من جيه هازين سلاحهم مصوبينو ناحية المافياا لي بيدورهم هو سلاحهم وما عارفين باش تبلاو خرج سيرجيو عينيه لي ولاو حمرين كيف الجمر ودقات قلبو كاتسارع الزمن بين ما ياسين ترسمات ابتسامة خفيفة على شفاهو وهو كايشوف ف قصي واقف مع وحد من رجال شرطة ومراقبو بعينيه بعد على سيرجيو ببضع خطوات هاد الأخير لي جات عينيه على ياسين وبلا مجهود عرف بلي خانو بين ما البوليس كايغوتو باش ينزلو سلاحهم جبد سلاهو وصوبو تجاه ياسين وتكلم بصوت عالي ممزوج بغضب كبير
سيرجيو . .غدااااااااااااااار
تلفتت بالخف ناحية الصوت وعينيه مفيكسين على سلاح لي بين يدين سيرجيو الجو تكهرب وصوت رجال الشرطة زاد علا مع انا السلاح موجه نيشان لجيهة صدرو ما هز فيه حتى شعرة بقى محافظ الهدوء ديالو ونظرات ما كانوش كايتفسرو عكس قصي لي قلبو ولا كايضرب فالتسعين مرة كايشوف ف سيرجيو ومرة ف خوه ياسين لي واقف بطول وعرض تهديدات الشرطة وصراخهم ماقدروش يردعو سيرجيو لي كانت واصلة فيه العظم واخر حاجة كان متوقعها هي ياسين يغدر بيه حط يدو على الزناد وبرك عليه بدون مايرف ليه جفن وضارب كلام الشرطة بعرض الحائط قبل ماتخرج الرصاصة من المسدس كان قصي قدام ياسين دافعو بعيد بكل جهدو خرجات الرصاصة من سلاح سيرجيو وختارقات صدر قصي على الأرض كان مرمي ياسين وعينيه خارجين مزال ماقدر يستوعب شنو وقع ف هاد الثواني امتا خرجات الرصاصة وامتا وقف قصي قدامو نفض بسرعة الأسئلة لي خربقت دماغو وناض كايجري ناحيت خوه طاير بلا عقل وكلمة خويا خرجات من بين ضلوعو قبل ماتوصل لشفاهو حط راسو فوق ركبتو ويدو على صدرو ضاغط على الجرح باش مايزيدش ينزف والعرق نازل من جبينو...
ياسين. . ق قصي خويا
قصي. .الصمت
ياسين. .~بصوت عالي ~ عيطو لإسعاف خويا كايموت....
بين ماهو كايغوت كان سيرجيو كايستاعد يزيد الطلقة الثانية باش ينهيه لكن الشرطة دخلو فأخر لحظة ولقاو القبض عليه
#يوم_جديد___ 🌅
#المستشفى__ 🏥
اليل بطولو وهي فالمشفى بعد ما خرجوها من غرفتو خدات غرفة خاصة جنب الغرفة فين راقد وكل شوية طل عليه لعلى وعسى يكون فاق لكن بحال كل شوية ظنها كايخيب وكاتيأس من جديد تحت عينيها كحال ووجها ولا شاحب من كترت السهر والتعب بين ما هي واقفة فالممر لاحظت وحدة من الممرضات خارجة من غرفة فادي وكاتجري نتابها الخوف تواني قليلة ومشات ناحية الغرفة بخطوات متسارعة وصوت كعبها العالي مالي المكان قبل مادخل الغرفة حضر الطبيب دخل وخلا وراه الممرضة كاتمنعها من الدخول..
ياقوت. .~ بخوف ~ شنو واقع خليني ندخل
~ تهدني امدام الله يخليك
ياقوت. . شنو واقع لداخل الله يخليك شنو وقع لراجلي
~ تهدني ان شاء الله غايكون غير الخير
بين ماهي كاتهدن فيها كان فادي لداخل كايصارع الموت والدكتور كايدير ما فجهدو باش ينقدو الاكسجين مابقاش كايوصل ليه لدماغ بعد بعد عدة ثواني لفض انفاسو الأخيرة حرك الدكتور راسو بأسف وزير على يدو بدل كل ما فجهدو باش ينقدو لكن مشيئة كانت قوة من اصرار الدكتور برا الغرفة كانت ياقوت كاتحاول تدخل قلبها مزير وخاطرها ما هانيش....
#فالجهة_الثانية
واقفة فالمطبخ كاتوجد الفطور وحاسة بقلبها مزير وخاطرها كتر على غير العادة تنهدت تنهيدة خفيفة رادة خصلة من خصلات شعرها ورا ودنها ورددت استغفر الله العظيم عدة مرات
بعد ما سالات بدات كاتحط الفطور فوق الطبلة لي فالجردة ودماغها مرفوع لاحظ هارون ملامح وجها لي تغيرو حط الجريدة من يدو وتكلم بصوت رجولي...
هارون. .ليلى مالك
ليلى . .الصمت
هارون . .~بقلق شد يدها ورجع تكلم~ ليلى شنو واقع واش مريضة ؟
ليلى . .~خرجت من سهوتها~ هاااه ~حطت يدها على قلبها وتكلمت ~ حاسة بقلبي مزير ماعرفتش مالي
ناض من بلاصتو جلسها فالكرسي وحط يدو على جبينها وتكلم بصوت خشين مرجل..
هارون. .رددي ورايا هاد الدعاء
« يا خالقي إني وكلتك أمري، واستودعتك همي، فبشرني بما يفتح مداخل السعادة في قلبي»
بين ماهي كاتردد الدعاء جات جيداء وجايبة معاها ليليا قالت صباح الخير وهي كاتشوف ف ليلى وهارون. .
جيداء . .صباح الخير
ليلى/هارون. .صباح الخير
جيداء. . واش مريضة ؟
ليلى . .عتادلت فالجلسة ~بلا ماتخافو ~ غير تزير خاطري شوية ~هزات طيرموس دالقهوة ~ يالا نفطرو ما حد الرغايف سخان
جيداء. . ااه ~سكتت شوية وتكلمت~ عندك الحق ما كاين لاش نعيشو على الماضي والاوجاع ديالو
ليلى . .يعني..
جيداء . . كيف ما هي محتاجاني حتى انا نفس الشيئ واخا صعيب عليا ولك...
ليلى. . تيقي بيا حتى حاجة ما صعيبة وغاتفرحي كتر من لي تفرح هي
هارون. . صاحب الحياة السعيدة ماكايكتبهاش مي كايحيها الحياة قصيرة ما خاصش نضيعوها فالهم والغم
ليلى. .بصح ما خاصش نضيعوها ف الحزن
جيداء. . بصح عندكم الحق...
#فالجهة_الثانية
وسط مستشفى كبير بروما كاين قصي تحت العناية المركزة بعد ما ختارقت الرصاصة صدرو قدرو يزولوها له بأعجوبة الجسم ديالو ماستحملش داك الألم هذا علاش حطوه فالعناية ياسين كان فالتحقيق بعض المعارف د قصي دارو بوجهو وعطاو ل ياسين بعض الإمتيازات فالتحقيق بحال يربط لإتصال وتحط ف مكتب المحقق عكس سيرجيو لي تحط ف الجيور سيرجيو لي كان غاياكل جنابة وكايغلي من الداخل مزال ما قدر يعرف كيفاش طاح ف الفخ اكتر واحد كان كايتيق فيه غدر بيه صرخ بصوت عالي وضرب يدو مع القضبان دالزنزانةةةة...
بعد ما فطرات رجعات لغرفتها وتمشات نيشان لطيراس بخطوات ناعمة رفعات رقبتها وغمضات عينيها كاتستنشق الهوا بعد دقائق تمشات ناحية لبلاكار وواخدة قرار فنفسها بلي اليوم غاتستمتع بهاد الجو لمشمس وترمي وراها اي حاجة تقدر تزعجها لبسات تيشور فالبيض مع جينز بويفراند خشاتها فيه لبست بالغين فالبيض طلقت شعرها كاتمشط فيه خلاتو على راحتو وكتفت بواقي الشمس ومرطب الشفاه من بعد رشت بارفانها وهزات صاك كحل صغير خشات فيه مرطب الشفاه تلفون وشي فلوس خرجات من الغرفة ونزلت لتحت كاتقلب على ليلى بعينيها سرحت عينيها مع الصالة لي انفاص معاها وتلفتت للباب لي كايدي لجردة حتى كانت غاتمشي وهي تقول بلاش اكيد ليلى مع هارون بلا ما تقاطعهم توجهات بخطوات تابتة ناحية الباب فتحاتو وخرجات من الڤيلاا..
#فالجهة_الثانية...
طاحت لأرض شادة راسها بيدها ودموعها نازلين مع خدها ماقادراش تيق بلي صافي فادي مشى بين ما هي كاتكلم نفسها بصوت شبه مسموع قفزات على صوت سمر جاية كاتجري وكاتغوت تقول ماشي ف سبيطار ووراها مروان خوها وشموخ بنت ياقوت ...
الممرضة . .عفاك امدام ياقوت صوتكم واصل للمرضى بلييييز البكى ماعندو باش ينفعو الله يرحمو
مروان . .~تكا على الحيط وشد راسو ~ الله ياربي بابا مشا بصح مشا هئ.هئ.
بعدات سمر على ياقوت دموعها نازلين على خدها وحدة ورا وحدة جبداات تيلي من جيبها وبركت على رقم ليلى ويدها كايرجفو ثواني وتفتح الخط وسمعت صوت ختها...
ليلى . .وي سمر
سمر . .~كاتنخصص~ هئ..هئ...
ليلى . .~بخوف~ سمر مالك
سمر . .ليلى هئ..هئ..ليلى بابا مات بابا مات هئ..هئ..
حلت فمها للأخر والتلفون طاح من يدها
سمر. .ليلى ليلى
ليلى . .الصمت....
كان نازل من الطابق العلوي كاينادي بإسمها قبل مايسكت جات عينو عليها طايحة على ركابيها وكاتشوف ف تجاه واحد ولون وجها مخطوف مشا كايجري عندها هزها مجلسها فالكانابي وكايهضر معاه والخوف ظاهر عليه...
هارون. .ليلى مالك ~شد وجها بين يدو~ حياتي شنو واقع ماتخلعينيش عليك
ليلى . . ~ترمات فحضنو كاتنخصص وكاتردد كلمة بابا بصوت كايقطع فالقلب شد وجها بين يدو كايمسح دموعها ويرجع يسول مالها والخوف سيطر عليه رجعت تخشات ف حضنو وتكلمت بحرقة
ليلى . .بابا ماات هئ..هئ...بابا ماات اهارون 😭
بعد مرور ثلات ايام..
وسط صالة كبيرة مفروشة بفراش مغربي محض على حقو وطريقو جالسة ياقوت بلبس حق الله جلابة مخزانية فالبيض مع شال دالحرير فالبيض مغطية بيه غير نص ومخلية نص شعرها عريان مسبسب مع بلغة فالبيض وزوج دماعات نازلين مع خدها وجنبها شموخ بنتها كاتطبطب عليها وهي بنفسها محتاجة لي يطبطب عليها الدار خوات من العزاية بقات غير ياقوت وبنتها مع سمر ومروان ومروى لي جات نهار موت باه ليلى حتى هي ما خواتش المجمع جابت ولدها وليليا معاها وجلست تما مع خوتها حتى من جيداء جات معاها وبقات جنبها كاتواسيها هارون لي وقف على الجنازة بحكم قصي ما كاينش ومروان مزال ما عارف أصول الجنائز وما قادرش على المسؤولية ياقوت كل شوية تجبد ولدها اخر مرة سمعت صوتو قبل ربعيام فين ما يتاصلو بيه يلقاو تيلي ديالو طافي وهذا لي زاد شعل النار ف قلبها واش تلقاها من راجلها لي مات ولا من ولدها لي ما عارفاش خبارو صباح بالها ما هانيش على راجلها غير شادة واحد القنت وتبكي وكل شوية تهدن فيها سمر كل وحدة فيهم محتاجة صدر حنين ويد دافية طبطب عليها على مقروبة منهم جالسة ليلى فواحد القنت كاتشوف ف تجاه واحد بدون ما تكلم تنهدت تنهيدة حارة طلعات من صدرها المكلوم واخا حياتها كاملة عاشتها هي وخوتها بلا بيه وكانت هازة ف قلبها بزاف من جيهتو لكن كايبقى باها سبب وجودها فهاد الدنيا هاد المدة القصيرة لي ظهر فيها فحياتهم خلات أتر كبير عندها وكية كبيرة ف قلبها مها باها بزوج ماشو تيتمات من جوج جوايه وهاهما خوتها بجوج غابرين وما عليهم حتى خبار ياسين روحها وحياتها وقصي والريحة لي بقات ليها من باها تشوات ف ميمتها وباها وما قادراش تشوا ف خوتها قلبها ما بقاش قادر هاد ثلت ايام كاملة كانت كاتبين لخوتها ولهارون بلي قوية لكن اليوم تسالا الجهد ما بقاتش قادرة تكتم المها وخوفها حطات راسها على زاوية دالحيط وخلات دموعها نازلين وحدة ورا وحدة غير قشعاتها سمر مشات طايرة لعندها جلست جنبها وجدباتها لعندها حاطة ليها راسها على صدرها..
مروى . .بكي بكي وخوي قلبك اختي ما بقا عندنا حد من غير بعضنا
مروى . .~زيرات عليها ونزلو دموعها~ وقلبي كتر ا ليلى قلبي كتر هئ..هئ.. تحرمت من ميمتي وما حضرت لجنازتها وهانا للمرة الثانية كانتحرم من با وما حضرت لأخر لحظة ليه فحياتو اااااااخ أ ياسين فينك قلبي كايتشوا عليك هئ..هئ..
ليلى. .~بعدات عليها كاتمسح ف دموعها وفنفس الوقت كاتقلب على تلفونها~ ياسين ياسين اوووف فين هوو تلفوني
مروى. .~كاتمسح دموعها وكاتقلب معاها ~ بشو ية غايكون غير هنا
جات عينيها عليه مخشية فالقنت دلكانابي دوزت الخط بزربة وكلها امل تسمع صوتو ومروى كاتشوف فيها بلهفة وكاتدعي فسرها يرد من خلال تعابير ليلى العابسة والحزينة عرفات بلي الخط مزال مقفول تنهدت تنهدية طلعت من بين ضلوعها وتكلمت...
مروى . .ان شاء الله خير غاتكون غير شي خدمة لي لهاتو
مروى . .هشششش بعد الشر ~شافت جيهت الباب ~ هاهو راجلك جا
#Roma
بعد ما تحسنت حالتو نقلوه لغرفة اخرى بين ما ياسين كان فواحد الفندق وسط روما بعد حقو معاه وعطاهم شي معلومات خرج كأنو عمرو كان معاه وهذا كلو بفضل المعارف د قصي لي وقفو معاه نهار حتاجهم ياما وقف معاهم وحل مشاكلهم هاهما اليوم كايردو الجميل حتى من ماركوس لي كان خطف جيداء تشد بعد ما عطاهم ياسين معلومات عليه اول ما خرج من المركز مشا ديريكت لاوتيل خدا دوش حيد بيه العيا رتاح شوية اول ما ناض شعل تيلي وجات عينو على تصالات ليلى كان كتر من عشرين ابيل تسلل الخوف لقلبو ستة وستين سيناريو جا فبالو بدون تردد دوز الخط وتاصل بيها ثواني قليلة وسمع صوتها...
ياسين. .~بخوف كتر ~ ليلى مالك كاتبكي ختي شنو واقعععع
ليلى . .ياسين بابا هئ...هئ...بابا ماات
كلمت مات حسها بحال سكين وختارق ضلوعو عمرو تكلم معاه بحال ولد وباه ولا حس بحنانو لكن الموت اصعب احساس يقدر يحس بيه الإنسان مهما كان وشنو ما دار فادي فحياتو كايبقى باه دمو ولحمو خبر موتو خلا دمعة سخونة تنزل على خدو بلع ريقو والغصة كاتطلع وتنزل فزورو ....
ياسين . .بصوت خشين ~ لا إله إلا الله امتى وشنو وقع ليه..
ليلى . .ثلت ايام هادي مات بسبب الأزماتيك فين كنتي هااا شحال تاصلت انت غبرتي وحتى قصي ياعالم فين هو
ياسين . .قصي معايا ~جمع الوقفة وتكلم ~انا غانسالي شي شغل وغانجي ف اول طيارة
ليلى. .~بستغراب ~ قصي معاك ك..*
~قاطعها ~
ياسين . .نجي ان شاء ونعاود ليك تهلاي فراسك
ليلى. . واخا اخويا لا إله إلا الله
ياسين. .محمد رسول الله...
اول ما قطع الإتصال خرج من الغرفة ومشا ديريكت لمصحة.
#فالجهة_الثانية...
اول ما قطعت معاه طمنت خوتاتها ومشات عند ياقوت ريحت قلبها وخبراتها بلي قصي مع ياسين ولو ما تسمعش صوتو على الاقل عرفت ولدها عايش واخيراا قدرت ترتاح من جيهة كبدتها لكن فادي مزال كيتو ما براتش كلشي تصدم فيها ياقوت القوية والمتسلطة اليوم حزينة بلباس البيض ومهدودة تكلمت معاها شوية وهزات ولدها وليليا ورجعات لدارها معاها ليليا وجيداء وحتى مروى بين ما سمر ومروان بقاو مع ياقوت وختهم شموخ معمرين عليهم حطات ولدها فسريرو ونزلت عند ختها وجيداء..
دقائق وصل لمصحة بعد مارتب كلامو دخل لعند قصي هاد الأخير لي غير شافو ترسمات ابتسامة خفيفة على شفاهو بعد ثواني من صمت وبعد مقدمة لابأس بيها خبرو بوفات باه نتر سيروم من يدو وحاول ينوض وزوج دمعات حارين نازلين مع خدو وقف ياسين بالخف شد ليه يدو وبعد مجهود رجعو لسرير ضمو لعندو بقوة وكانت هادي اول ضمة ليه لخوه
ياسين . .~الغصة ف حلقو ~ غير تولي بخير غانزل انا وياك المغرب ~حط يدو على كتافو ~ فهاد الوقت كايخص تكون قوي مك وختك محتاجينك محتاجين تواسيهم وتصبرهم
يوقف وحاس بألم كبير الم الجرح دالعملية والم موت باه كايعصر قلبو عصير
شد فيه ياسين كايحاول يرجعو لسريرو برك على الزر لي جنبو ثواني قليلة وكانت الممرضة عندهم فالغرفة ملبية النداء.
#فالجهة_الثانية...
#المسااا___ء
بعد ما تعشاو كل واحد دخل لبيتو جلسات ف لاطيراس وكاتشوف ف ابعد نقطة بعقل شارد خرجها من سهوتها هارون لي جلست جنبها وشاد يدها بعد ما حط الكاب على كتافهاا حطات راسها على كتفو وتكلمت...
ليلى . . عمري ضنيت بلي غانبكي ونتشوا من جيهت بابا
هارون . .~مرر يدو على شعرها ~ اكيد ما ساهلش هداك باك الله يرحمو يارب ~شد وجها بين يدو وشاف ف عينيها ~ من نهار عرفتك وانت قوية وان شاء الله غاتجاوزي هاد المحنة انت دعي معاه بالرحمة والمغفرة تيقي بيا حسن بزاف من أنك تحزني عليه اكيد ما غايبغيش يشوف بنتو حزين مي الى وصلوه دعاوتك غايفرح
رجعات تكات على كتفو كاتسمع ليه كايهضر حتى داتها عينها غير حس بنفسها نتاضم عرفها غفات تحرك بشوية وهزها بين دراعو ف تجاه السرير...
#بعد_يومين
بعد ما تحسنت حالتو وقدر يوقف على رجلو خرج من المصحة وتوجه هو وياسين لمطار بعد ما كان ياسين مقطع التيكي بعد دقائق من الإنتظار طلعو لطيارة ونيشان للمغرب.
#فالجهة_الثانية
بعد _ساعات
بعد مافطرو ودردش مع جيداء ومروى اطلعت لبيتها دوشت نشفت شعرها ولبست جلابة فالكحل مخزانية مع شال خفيف كحل لاحتو على راسها لبست صنديلة وخرجت من بيتها كلفت الخدامة ب عصمان وتوجهات للوطو د هارون كان كايتسناها مع مروى اول ما طلعت ديمارا ف تجاه مقبرة الشهداء باش تزور قبر مها وباها
بعد ساعات قليلة نزلت الطيارة ف مطار سلا كان خداو طاكسي ونيشان للڤيلا اول ما فتحت شموخ الباب وشافتو تكلمت بصوت عالي وطارت عليه كاتعنق
شموخ. .ماماااا ماماااا قصي جا خويا جاا
~ضمها بالخف ونهال عليها بالأسئلة بين ما هو كايسول نزلت ياقوت كاتجري ودموعها نازلين طارت عليه كاتعنق وتبكي
ياقوت. . ولدي الحبيب هئ..هئ...ولدي رجع ليا
بين ما هي كاتعنق فيه وتبعتر قبولاتها على خدودو وجبينو كان مركز مع للبس لابسة ولي قطع الشك بالقين وخلاه يدخل لدماغو بلي باه صافي مات .
قصي . .~بصوت مبحوح~ كيفاش مات
#فالجهة_الثانية..
كانت فالصالة كاتهضر مع ليليا حتى وقفت عليهم الخدمة ووجهت ليها لكلام
~. .مدام فيروز بغات نشوفك
غير سمعات اسمها حسات بالإرتباك وقفت كاترد خصلات شعرها ورا ودنها وتكلمت ...
جيداء. .و واخا قولها دخل
~تحت امرك مادموزيل
ثواني قليلة. كانت فيروز لداخا دات الخدامة ليليا لبيتها وخلاتهم على انفراد
أشارت ليها وجلست وجلست حتى هي كاتفرك ف صباعها من توتر ودور عينيها يمين وشمال..
فيروز. .بنتي حفيدتي العزيزة انا ماباغية من هاد الدنيا حتى حاجة من غيرك بصح قصرت ف حقك هاد سنين كاملة لكن تيقي بيا ماكانش بيدي هئ..هئ.. كنت كانشوفك من بعيد وقلبي كايتشوا تيقي بيا ما باغية حتى حاجة من هاد الدنيا من غيرك انت م*
جيداء. .~بصوت مخنوق بالبكا~ حتى انا ما باغية من هاد الدنيا والو من غيرك هئ..هئ...
فيروز . .~زيرت عليها وطلقت تنهيدة كانت كاتمة على قلبها وابتسامة خفيفة مع دموع نازلين من الفرحة.~ حفيدتي والنوراة ديالي غانكرس وقتي وايامي لي بقاو ليا فالدنيا ليك بغيت نشبع منك قبل مانمشي بغيت نعوضك على لي فات ولو غير شو**
جيداء . .~حطات السبابة ديالها على شفاه فيروز وتكلمت~ شششششت بعد الشر ان شاء الله غانعوضك وتعوضيني على كاع لي فات قدامنا العمر كلو
فيروز. .~وقفت والفرحة غامرة قلبها~ يالا خلينا نمشيو ~ضمتها ~ اخخ كأني تولدت من جديد
جيداء. .~بعدت عليها وتكلمت.. ما غانقدرش نمشي معاك حتى يجي ياسين
بعد ماجلسو حكات ليه من نهار تزير وداتو لمصحة حتى لنهار لي مات فيه كل كلمة كانت كاتخرج من فما كانت بحال السكين كايتغرس ف ضلوعو من ديما كان قريب ليه ونهار موتو كان بعيد شد راسو بيدو ونزولت دمعة شقت طريقها على خدو ضماتو لحضنها وكاتبوس جبينو وكاتصبرو مع انها محتاجة كتر منو لي يصبرها ياسين كان مراقبهم من غير كايتكلم بعد ثواني من الصمت تكلم بصوتو الخشين..
ياسين . . البركة فراسك والله يصبرك
ياقوت. .~شافت فيه ~ الله يصبرنا كاملين ~مررت ديها على ظهر قصي وشافت ف ياسين ~ الصدر الحنين لي غايجمعكم ويحميكم مشا ماعندكمش شي حد اخر من غيركم حن فخوك ويحن فيك
~شاف فيه وحسن بشي حاجة تحركات فيه مد يدو حطها على ركبت قصي وتكلمت ~
ياسين. .~خويا ف عينيا
ياقوت. . ~الله يرضي عليك
قصي. .وقف ~ بغيت نشوف قبرو
ياقوت. . رتاح شوية بعدا
قصي. .حتى نشوفو
ياقوت . .~وقفت ~ واخا يالااا...
#مكان_اخ____ر
بعد ما زارو قبر مها توجهو لقبر فادي رشوه بالما والزهر وجلس هارون كايقرا بعض الايات القرآنية بخشوع ومروى وليلى كايسمعو بملامح حزينة بعد دقائق كانت ياقوت برفقة قصي وياسين واقفين عليهم غير شافتو ليلى ناضت قافزة طارت عليه كاتعنق ومروى كاتسنى نوبتها ف خوها بين ما هارون وقف سلم على قصي سلام رجولي وعزاه
ليلى . .خويا الحمد لله على سلامتك
ياسين . .الله يسلمك
مروى. .~ضماتو ~على سلامتك
ياسين .~طبع قبلة ف جبينها~ الله يسلمك
هارون. .~سلم عليه~ البركة فراسك
ياسين. .~مامشى معاك باس
ضمات قصي بقوة وهمست فودنو ~
ليلى . .الحمد لله سلامتك الله يصبرك ويصبرنا
قصي. .~بصوت مبحوح~امين
مروى . . على سلامتك والله يصبرك
قصي. .~مرر يدو على شعرها~ امين
واقف وقفة مرجلة كيف ديما وعينيه مفيكسين فالقبر ومغرغرين بالدموع عمرو ضن يوقف قدام قبر باه يتأتر لموتو تمشى ناحية القبر بخطوات رزينة وعينيه على السمية دباه مكتوبة بخط واضح جلس جلست القرفصاء كايشوف سمية عيا يكبح دمعتو لكن خانتو وشقت طريقها على خدو نفس الشيئ بنسبة ل قصي هاد الأخير لي بكا بصوت مسموع وتكلم بصوت مبحوح ممزوج بدموع خلا دموع مو وخوتاتو يسيلو ...
قصي. .علاش ابابا علاش علاش ميشيت بهاد السرعة وبلا مانشوفك
ياقوت. . ~جلست جنبو ~ اخخخ افادي خليتي نار شاعلة فقلبي ما بغاتش تطفا هئ..هئ.. كي غاندير وانت بعيد عليا
مروى. .الله يهديكم بلا بكا ماتعدبوهش بدموعكم
هارون. .~حط يدو على قصي ~ قصي انت الراجل زعمة خليك قوي ودعي معاه بالرحمة
بين ما هما كايهضرو ناض ياسين نساحب بهدوء وتمشا ناحية قبر مو تحت انظار ليلى ومروى بين ما قصي مسح الدموع لي نزلو من عينو وطبطب على مو كايسكت فيها...
#بعد_مرور_شهر
مر شهر على موت فادي النفوس هدات وتأقلمو نوعا ما مع رحيلو ورجعو لحياتهم العادية رجعت ليلى لشركة وستأنفت عملها رفقت هارون بعد ما توقفت عليه مدة بين ما جيداء سافرت فهاد الشهر لألمانيا بعد ما عرفت ياسين على فيروز كانت محتاجة ترجع ترتب امورها وترتاح شوية من الضغوط كل نهار كاتهضر مع ياسين وبلا ماتشعر ولات متعلقة بيه لدرجة كبيرة وحبها ليه يوم على يوم كايقوى ويزيد يكبر مروى رجعات ل لروسيا ورجعت لحياتها مع راجلها بين ما سمر ومروان بقاو ف دار داباهم وحتى حاجة ما تبدلت من غير ياقوت لي موت فادي خلاها تغير وتحن فولادو قالت هادي احسن حاجة باش يكون مرتاح ف قبرو ياسين طيلت هاد الشهر كان كايخمم فالمشروع لي هادي مدة طويلة وهو كايدور ف دماغو وقرر يخرجو لأرض لواقع بعد ما تكلم مع قصي عليه قررو ينفدوه ويكونو شركاء بزوج فيه المشروع غاينطالق من الدور فين كبر ياسين وخوتو غايتحيدو لبرارك ويكونو بلاصتهم اقامات مرافق عمومية وسوبير ماركت بعد ما درس المشروع مع قصي ختار الإسم لي غايطلق على المشروع وقرر يكون اسم اقامات جميلة على اسم المرحومة مو الإقامات غايكونو فيهم نيت جيرانو وبلا مايخلصو حتى سنتيم كاع الأموال لي جنا من خدمتو فالمافيا قرر يوهبهم لسكان الحي ديالو وبلا ما يخلي حتى سنتيم ف جيبو ولي غايبقى من الشقق غايستتمر فيهم قصي قرر ياسين ما يفرطش فدار مو لكن غاتكون بحلة جديدة نفس البقعة الارضية ونفس المكان غايتبدل غير البلان من نهار سمعت ليلى شنو قرر ياسين والفرحة ما سايعاهاش كل شوية تقول لهارون قداش فخورة بخوها بعد ما سالاو خدمتهم توجهو لأحد المطاعم باش يتغداو...
ليلى . .~عضت شفتها التحتية ~ ب انطاليا شحال هذا كنت متبعة انا وماما واحد المسلسل تركي كانو مصورينو ف انطاليا عجباتني بزاف كنت قلت ماما ان شاء الله الى خدمت ومسك علينا الله نمشيو ليه ~جمعت ابتسامتها وتكلمت بحزن~ساعة ما كتابش
هارون. .~شد يدها باسها وتكلم~ ان شاء الله غايكتاب تمشي ليها معايا ومع ولادنا
ليلى. .~تبسمت ابتسامة خفيفة~ ان شاء الله....
#بعد_مرور_اسبوع.
بعد ساعات كانو ف مدينة انطاليا ومعاهم المربية ديال ليليا باش تعاونهم ف ليليا
وعصمان اول ما وصلت ل انطاليا طلقات يديها ورفعت راسها كاتستنشق الهوا والفرحة غامرة قلبها تلفتت ناحيتو كاتضحك وتكلمت فنفس الوقت...
ليلى. .الله على جو شحال زوين مزال يالا وصلنا وتغرمت بيها
هارون. .يخلي لي الخجول ~شدها من يدها وكمل المشي ~يالا لأوطيل غاتكوني عيتي
ليلى. .يالاا
بعد ما خداو طاكسي توجهو لأحد الفنادق وسط انطاليا خداو جناح خاص كايتكون من جوج غرف نوم كل غرفة بحمام مع صالة فقلب صالة كوزينة كاتشوف فالصالات وطيراس كبير خدا هارون دوش خفيف لبس سروال كيطما كحل مع تيشورط كحلة توجه لفيكس وتاصل طلب الغدا بين ما ليلى دخلت بدورها لحمام خدات دوش من بعد نشفت لحمها لبست كسوة قصيرة حد الركبة فالموطارد بصميطات خلات شعرها على راحتو وشرت زوج رشات دالبارفان فرقبتها توجهات لغرفة دراري كانت المربية كادوش ل ليليا هزات عصمان رضعاتو وخداتو لدوش دوشت ليه لبساتو حويجاتو وهزات الرولاكس ديالو حطاتو فالصالة انفاص لمطبخ وتوجه لعند هارون كاتعاون فيه كان كايحط الغدا لي وصلهم فوق الطبلة
#فالجهة_الثانية
مسطح فوق السرير على ظهرو حاط يد تحت رقبتو ويد شاد بيها التيلي ...
ياسين ...كايبان ليا غير انا لي توحشتك
جيداء. . ~بخجل~ حتى انا
ياسين . .~بصوت مرجل ~ حتى انت شنو
جيداء. .~عضت شفتها التحتية ~ حتى انا توحشتك
ياسين. .~تنهد ~ شهر بزاف اجيداء امتا غايهديك الله وتجي
جيداء . فهاد الأسبوع إن شاء
ياسين . .جيبي معاك وراقك كاملين باش نبداو فالإجراءات
ياسين . .الله يخليك ان شاء الله غاندير كل ما فجهدي باش تكوني مرتاحة وفرحانة وانت معايا
جيداء. .وانا نفس الشي غانكرس كل وقتي ليك ولراحتك
ياسين . .الله يخليك ليا
حيداء. .تبسمت . ويخليك ليا__
#فالجهة_الثانية..
تجمعو على الطبلة وبداو غداهم من بعد توجهت لمربية لبيت مع ليليا وعصمان ليلى وهارون خرجو من الجناح وخرجو من الاوتيل بعد ما كرا للوطو باش يبدا يتحرك بيهاا نزلو لشوارع انطاليا ولأزقة ديالها فكل شوية كاتزيد تنباهر فرحتها كانت كبيرة من ديما وهي كاتحلم تشوف المدينة ساحرة على قولتها مباشرة واخا كاينة حزة ف قلبها تمنات كن كانت مهاا معاهم باش تكمل فرحتها هارون كان داير ما فجهدو باش يخليها فرحانة دازو عليها اوقات عصيبة وهاد السفر كان احسن حاجة باش تنسى بقاو كايدور حتى طاح الظلام خداو العشا اكل شعبية والشوكولا والنوكا والمكسرات ورجعو بأدراجهم لأوتيل تعشاو مجموعين رضعات عصمان وتوجهت لغرفتهم بين ما ليليا نعست مع المربية ديالها حطات عصمان فالسرير وتوجهت لحقيبتها اليدوية فتحاتها خدات منها واحد الشيك ورجعت عند هارون جلست جنبو كان كايبخشش فالبيسي حنحنت كاتنضف صوتها وتكلمت
ليلى . .احم هارون
حيد النظارات الطبية من على عينيه وبعد البيسي قبل مايرد عليها
هارون. . وي
ليلى . .~مدت ليه الشيك ~كنت بغيت نعطيه ليه شحال هدا اليوم جا وقتو
هارون. .~شاف فالشيك ورجع شاف فيها ~ شنو هذا
ليلى. .انت عارف شنو هذا هذا الشيك ديالك
هارون . .من نهار عطيتو ليك ولا ديالك
ليلى. .وانا ما بغيتوش مابغيتش نحس بحبيبي وراجلي شاريني
ليلى . .عارف بلي كاتبغيني كيف ما أنا كانبغيك عفاك دير ليا خاطري
هارون. . هذا المهر ديالك
ليلى . .~بإصرار ~ هارون بلييز
هارون. .~تنهد ~ واخا ما يكون غير خاطر احياتي ولكن مزال ما خديتي المهر ديالك ادا غ**
ليلى. .وانا مابغيتش المهر ديالي يكونو فلوس
هارون . .كيفاش
ليلى . .~بسمت ~ حبيبي غايخمم فالمهر ديالي
قبل ما يهضر شداتو من يدو وتكلمت ....
ليلى . .مشا الحال خاص نعسو باش نرتاحو
هارون. .~وقف عاض على شفتو التحتية وتكلم ~ ابيه علاش لا نرتاحو
هزها على غفلة منها حطها فوق السرير وجا فوق منها كايلتهم شفاهااا..
* زوج دالأسابع *
هذا اسبوع باش جات جيداء المغرب ومعاها فيروز تكلف ياسين بالإجراءات باش يديرو العقد وبزوج بيهم قررو تكون حفلة صغيرة زواجهم يكون بلا هرج وغير هما مباشرة بعد العقد والعشاء العائلي غايسافرو لمكان لي ختارو يكون فيه شهر العسل كان من ختيارهم بزوج قررو يدوزو اسبوع ف جزيرة المالديف ومن بعد يرجعو المغرب باش يبدا المشروع فنفس الاسبوع لي جات فيه جيداء جات فيه ليلى وهارون من تركيا بعد ما جلسو ثلت ايام ف انطاليا دازو ل اسطنبول وبعد المدن المجاورو شافو كاع البلايص لي كانت كانتمنى تشوفهم وخدات هدايا لخوتها وشي حوايج يبقاو عندها دكرى ورجعو لمغرب اول ما رتاحت داك نهار خبرها ياسين بزواجو لي بقات ليه ايام ماعرفت باش تبلات ولا منين تبدا توجاد واخا ما كاين لا عرس لا هم يحزنون و لكن كايبقاو شي حوايج ما خاصش يتهملو بحال ياخدو ليها الجهاز وتوجد شي حوايج لو بساط ديك ساع تاصلت ب مروى باش تخبرها هاد الأخيرة لي حتى هي كانت مخبية ليها مفاجأة ولي هي حملها ف اسبوعها الثاني زوج فرحات دقة وحدة زواج خوها وحمل ختها بصح بعد كل عسر يسر...
بعد ما شافت ياسين وجيداء وباركت ليهم بدات كاتوجد جهاز جيداء فكل نهار كايخرجو هي وياها وسمر ختها يتقداو خداو كل ما تحتاج العروس ليشوميز دونوي دوبياس فالألوان لي غوب العطور الميك اب كريمات مرطبة صنادل أحدية بكعب عالي صيكان ثواب حوايج دالخروج...الخ خدات لخوها شنو يحتاج ولبسة تقليدية لنهار العقد وكلشي من جيب ياسين من بعد تاصلت بالتريتور لي تكلف ب سبوع عصمان كلفاتو يوجد لهاد المناسبة وبلا خبار ياسين ما بغاش روينة ولكن النسا ضروري الى ما رونوش يحماقو ....
بعد ماحطو الحوايج فالبيت جلسو فالصالة كايرتاحو...
سمر . .~كاتحيد الصندالة من رجليها ~اخخ رجلي طابو
جيداء . .هاد شي فيه تامارة
ليلى . . هاد شي وماخديتش كاع لي بغينا ما كفاناش الوقت
جيداء . .او هوو هاد شي كامل وما قنعكش
ليلى . .مزال باقي شلا
جيداء. .والله كن سعفتيني بلاش من هاد الحوايج كاملين غير تضياع الوقت والفلوس
ليلى. .خلااص حتى انت راك عروسة زعمة ~شافت ف سمر ورجعت غمزت جيداء بالخف فهمت قصدها وبلا عجز لواتها مع سمر بقرصة حتى قفزت....
سمر . .ايييييييي
جيداء. . العقبة ليك ~تبسمت ابتسامة عريضة
سمر . .~كاتبرد القرصة~ احح كنتي تقرصي غير بشوية ولا تعلميني ندير بالي هه
ليلى. .غدا ولا بعدو نلقاك حتى انت جايبة شي بوركابي وتقولي ليا ختي وجدي معايا شنو خصني ههه
سمر . .فين هو هاد بوركابي لقيتو حتى نتصور حداه
جيداء . .~صغرات فيها عينيها ~ امم بغيتي تقولي لينا زعمة ما كاين حتى واحد همم ههه
ليلى . .كايتسحابها ناعسين على ودنينا ~رفعت حاجب ونزلت لاخر ~ شكون هداك لي تاصل بيك لبارح باليل ~دارت صبعها على فمها ~ امم كانت سميتو خليل شفتو سميتو
فيروز . .كانديرو ابنتي ولكن مرة مرة كانضعف قدام شوكولا واي حاجة حلوة
ليلى. .السكر ما معاهش للعب صحتك اهم من شوكولا
فيروز. .عندك الحق ابنتي
اليوم اليوم الموعود بعد اصرار من قصي تقرر عقد قرانهم يكون فالڤيلا ديال باه بحكم ياقوت مازال لابسة حق الله ما كانت لا موسيقى ولا ناس غراب غير هما ومعاهم هارون جوزيف راجل مروى كان لابس لبسة بلدية جابادور فالبيض مع جلابة بيضة دسوسدي وبليغة فرجلو وجيداء قفطان خفيف فالغوز بارد ومشيطة سامبل مع ميكاب خفيفة بين ما ليلى وخوتاتها لابسين لية غوب سامبل وانيقين فنفس الوقت من جات مروى وهي مجمعة مع ليلى كاتعاود ليها من نهار حملت حتى لنهار لي قالتها ليها والفرحة ما سايعاهاش بعد انتظار وصل لعدول دار الإجراءات الروتينية وبعد ما سألهم ووقعو علنهم زوج وزوجة فيروز ما قدرتش تكتم فرحتها وبلا شعور طلقت زغروتة كسرات السكات لي كان ليلى ومروى غير كايبيضو عينيهم وحاضين ياقوت شنو غاتقول ستة وستين حاجة جات فبالهم مزال لابسة حق الله على راجلي وهي كاتزغرب ولا شي حاجة بحال هاكا لكن صدمتهم بردت فعل مغايرة سلمت على فيروز وباركت ليها...
ناض كلشي كايبارك ليهم ابتداء بهارون وقصي جوزيف مرورا ب ليلى ومروى والبقية بعد عقد القران حطو الخدامة العشا لي جا جاهز من عند الترتور لي كلفت ليلى طبلة عامرة بكل ما لذ وطاب تعشاو فجو عائلي والفرحة غامرة الكل من بعد تودعو معاهم العرسان ونيشان للمطار بعد ما مشا ياسين وجيداء رجعات ليلى لدارها هي وهارون ومروى بقات فدار باها مع جوزيف حتى يمشيو من بعد حتى من فيروز بقات معاهم وقررت ترجع لألمانيا فالصباح وهي مرتاحة بعد ماطمنت على حفيدتها مع الراجل لي يستاحقها على قولتها...
#بعد_مرور_اشهر
بعد شهور من العمل اليوم الإفتتاح ديال المشروع الدوار الكبير ولي كان مهمش اليوم ولا مكان راقي كايضم شقق وبتي ڤيلات مع سوبر ماركت وبعض المرافق العمومية الكل فرحان بهاد الإنجاز واولهم ياسين بعد تعب لعدة أشهر كايشوف حلمو تحقق وقدام عينبه والفضل كايرجع ل قصي لي وقف مع خوه وقفت رجال الجيران وناس دالحومة فرحتهم كبيرة وما سايعاش الدنيا بعد ما كانو مقهروين مع القطرة دالشتا وقلة الما وكل شوية ضو مقطوع زيد نظرة دبعض الأشكال بالإحتقار وينعتوهم بولاد الكاريان اليوم ولاو عندهم شقق بحال الناس وحي حسن من بزاف دالأحياء بفضل الله وياسين اليوم يوم جديد وحياة جديد تقام حفل كبير وسط المجمع بعد ما فتاتحو المشروع والكل كان حاضر بدون استثناء حتى من مروى جات تشاركهم فرحتهم واخا تقلت وكرشها وصلت لفمها بعد الحفل مشاو لدار دمهم لي بقات فنفس البلاصة مي تعاودات تبان من جديد على شكل بتي ڤيلا تجمعو فيها كاملين ومعاهم قصي وجوزيف دار كيف كانو من ديما كايتمناو فيها كل وسائل العيش الكريم دار كاملة مكولة ناقصاها غير الحنانة على قولت ياسين ....
جيداء . .كيف ما ماما جميلة غاتكون فرحانة بيك حتى انا فرحانة وفخورة بيك كانحمد لله لي جمعني بيك
ياسين . . دمعو عينيه ~كن كانت معانا كانت فرحتي غاتكون كبر
ليلى. . فين ما كانت هي معانا وفرحانة بيك وبشي لي درتي ~حطات راسها على صدور وضماتو ~ عندي احساس بلي ماما فرحانة وفخورة بيك
ضمها لعندو وضم معاه جيداء فنفس الوقت وتكلم ...
ياسين. .وهاد شي لي كانتمنى تكون فرحانة بيا وتكون ديما معايا ~طبع قبلة ف جبين ليلى وقبلة ف جبين جيداء
مروى. .دافعة كرشها وكاتمشى كي البطريق ... اهاا غير هما لي يكونو معاك
ياسين . .~ضحك على مشيتها وهبالك بعد عليه جيداء وليلى وفتح دراعو ليها ~ المشاغبة مو لسان طويل شكون ينساها
سمر . .مشات طايرة لعندهم ~ وانا وانا
مروان. .ههه جنس مغيار يالطيف
الكل. . هههه
#بعد_ايام
جالسة كاتوجد بعض التصاميم حتى تحطو قدام عينيها زوج تداكر شافت فيهم ورجعت شافت ف هارون كاتسولو بغباء.
لمعو عينيها وابتسامة عريضة على شفاها حطات شي لي فيدها وناضت طايرة لعندو ترمات عليه كاتعنق وتبوس هزها لعندو وجر شفاها بسنانو على شكل عضة خفيفة ورجع طبع قبلة عليهم
هارون. .كن كنت عارف المفاجأة غاتفرحك قد هاكا كنت نديرها شحال هذا
ليلى. .الله يخليك ليا
هارون . .ويخليك لياة ~طبع قبلة ف جبينها ~
#بعد_ثلات_ايام
بعد ما خدات شنو غايخصهم لسفر هزات عصمان وليليا وداتهم لعند جيداء باش تقابلهم ف غيابهم ودات معاها المربية باش تعاونها فيهم من بعد توجهو لمطار بعد ساعات حطات الطائرة فالديار السعودية اول ما نزلو من طيارة مشاو ديريكت لأوتيل حجز جناح خاص والفاجأة الكبيرة لي خلات قلبها يخفق من الفرحة نافدة غرفة نومهم كاتشوف مباشرة فالكعبة المنظر خلا لحمها يشوك ودموعها ينزلو ...
ليلى . .هادي احسن مفاجأة دارت ليا فحياتي ~نزلو دموعها ~شكرا هارون شكرا بزاااف الله لا يحرمني منك
هارون . .~ حط نيفو على نيفها وشفاهو كايتحركو على شفاها وتكلم
هارون . .ولا يحرمني منك طول ما حيت
~رفعات عينيها كاتشوف ف عينيه بحب كبير وتكلمت..
ليلى . . « اللهم أجعل زوجي ماء عيني لمحتي الأولى في الجنه »
زواج المتعة الجزء 13 والأخير
محتوى القصة
التنقل بين الأجزاء