عذراء ساقطة الجزء 11

_ثوبة (بعصبية وهي كارزة على سنانها) :متحطش علي ايدك 

وجهو هابط الارض وهو كيشووووف منكاسر لهاد الشمتة سرعان ملتافت عندها ولكن العكس بابتسامة ونطق بشبه همس فوجهها 

_إياد: كارلا 

شافت فيه ببروودة

_ثوبة :سميتي ثوبة ثوبة.. وحتا كون كنت هاد كارلا مغنشوفش فك حتا الشوفة واخا للأجر لأنك كتجيب الردة..ساليتي الاستجواب ديالك كنضن

ضربات فيه وخرجت بقوة.. وهي كتورك على رجل وحدة.. مخلياه مشوكي من سم جملتها.. كيفاش مراعاتش تالهاد الدرجة.. كيفاش تانزل للأرض بعد مدة وهي عفطات عليه ودازت كانه مكينش. او ماشي راجل قدامها..جملتها ليبقات كتردد استحقراتو بما فيه الكفاية

"وحتا لاكنت هاد كارلا مفنشوفش فك حتا الشوفة لأنك كتجيب الردة".

دار وعاود هز داك الطبلة الطيحة وقلبها مرة خرى

_إياد : كيفاش قدرات تنطقها القحبببببببببببببة.. كيفاش

مرة خرى رجع نفس الوحش لي تخلق هادي سيمانة.. نفس الحيوان الادمي ليكان هاجم هادي سيمانة. نفسو هاجت مرة خرى.. خرج من بيروه وهو جاااعر.. بانت ليه غادا وشي رجل شاد فيها متكية عليه.. عرفو غيكون نفس الشخص اي باها.. غووت تاتزعزو الشرطيين لي واقفين حداه

_إياد : شدوووهم وهبطو زامل بوهم لتحت

تلافتو وتلاقاو الأعين مرة خرى.. غاهاد المرة ماكين لا مودة لا والو زادت حموريت عينيه وهو كيشوف عينيها

_أياد :متحيدوش ليها خمارها هبطوها لغرفة البيضة

بقاو كيشوفو فيه.. لانه طلقها فاللول يعني معندو تادليل عليها كيفاش دابا غيديوها لديك الغرفة بالضبط.. وهو اخر واحد كيستعملها

_إياد (تلافت ببطء) :نعرض على زامل بوك باش دير خدمتك

مشاو كيجريو يطبقو خدمتهم.. فرقوهم وداوها هي لغرفة البيضاء.. غرفة حيوطها كلهم بالابيض.. كيتوسطها كرسي خشبي كبير.. وفيه شلااااا الات وخيوط.. شافتو قلبها تهز.. جلسوها وحتا من ايدها لمهرسة حطوها وهي كتغوووت.. دخل مخنننزر وهو كيسمع غواتها وابتاسم ليه.. دار ليهم اشارة براسو باش يمشيو

خرجو سدو لباب من وراهم باش يخليهم كيلاقيو فمصير معذب لكليهما..تحني كيكمل فلخيوط على ايديها وهبط لرجليها أكثر واخا نفسو للحضة تراجعت ولكن كمل.. اصلا الدم من رجلها دايز وهو متسوقش ليه. عينيه معميين دابا.. جر كرسي آخر وتقابل معاها متكي عليه

_ثوبة (ماباغاش تبين دموعها) :عند بالك هاكا اتربح.. هاه.. عرفتي أشنو أكثر فكرة عفتها..هي فاش نطقتي بالشهادة غااطيحتي بالاسلام.. والمسخين بحالك حاشا ولله واش مسلمين(ابتاسمت باحتقار) وحتا هاد كارلا لكتقلب عليها فرحت ليها حيكاش خلاتك

زاد بجسمو كثر ومع اخر كلمة نطقات.. كليكا على جهاز التحكم لفيدو.. حتا جسمها طللللع لفووق وهو كيتهزهز بسبب الكهرباء

تهزت بغوووتة انثوية سمعوها اخر الحيوط فداك الغرفة.. لانها عازلة للصوت.. وعاود صدى غواتها تردد.. مكتافاش وهو مزال مخرج عينيه.. زادت الخل على الخلول وزادت الجرح ملح

وقف مبتاسم وشد كفها بلا ميحيد خمارها

_إياد : فرحتي.. بيني ليا فرحتك دابا

عاود كيهز واحد المركبات ديال الرأس وكيلصقهم فراسها..وهو من فوق هادشي مضروب.. وهادشي ليمعارفش هو.. قبل متشوف فيه وتنطق.. واخا مكانتش اتنطق بترجي لان نفسها تفضل تموت ومتنحناش

_إياد (عاود كليكا بابتسامة على الجهاز) :سمعيني غواتك

رجعات كتغووووووووت ربي لخلقها من حس الالم.. حتا تقطعت غوتتها قبل ماتقطع الموجة الكهربائية

قطع ورجع تاشافهم نفدو كلامهم ولاح الهاتف ديالو وهو شاد على شعرو مرة خرى مقدرش يكمل اش باغي.. رغم أنه بهاد الحركة معرفش اشنو دار فيها دابا وكيفاش خلاها من بعد مطفا هاتفو 

في لفيلا

غير خرجو طاحت شادة من راسها وهزات راسها

_مريم (بصرخة تسمعات لماج لمضاربة) :ااااااااااااااااااااه

بدا صدرها كيطلع وينزل وهي كتحس بالخوف وبالوجع والدنيا مخلطة..وقفات وشافت فالزاج قدامها بعينين حومر

_مريم :كلشي بسباابك كلشي.. كلشي(بشبه همس) كنقسم لك حتا كل دمعة غتخرج منك بالدوبل

هزات نفسها وشدات تحت بطنها ومشات متكية على الدروج طالعة.. حتا دخلت لدوش كيبانو ليها نقيطات دم.. طاحت على ركابيها كتنخصص.. كتنخصص بقوة وجسمها كيتنفض معاها.. فالاخير تنهدات ودخلت لدوش وهي كتمسح دموعها

_مريم :ميستاهلش

كرزات على راسها كثر.. دخلات لفاسكا.. ترخات وهي منزلة راسها كتفكر وتعاود تفكر.. فالاتي.. كتفكر فعقل مغربية كتحاول تشدد فالخيط لخر وتطلع من الدل.. تشد وتطلع من عذاب صنعاتو لذاتها سماتو الحب.. مرة خرى غاتهرس ولكن ماشي غاهي هاد المرة.. لا لا.. غتهرس معاها كلشي.. وغتقلب گاع الموازين

بقات لمدة ساعة ونصف.. نشفات وخرجات.. هبطت لكوزينة كلات شربت دواها وقررت انها تنعس وتعي الراحة لجسمها هاد المدة بعدا علاشما قدرات وتاهو خلاها فراحتها ديك الليلة.. وخلا رقية بحدها كتشوحط وهو بات برا موانس بقرعة الفودكا ديالو وصوت غواتو ليمالي الجزيرة الخاوية.. وكل واحد من الجهتين كيفكر كيفاش يرد الاعتبار لداتو ولكن شكون الرابح فيهم.. الله وعلم

🖤🖤🖤🖤

يلك شعل لبيسي وبدا كيدوز المكالمة بينهم وبين عائلاتهم.. وهي حداه كطرطق صباعها وصدرها طالع نازل..حتا هبطات ليه ليكغو سادا لبيسي ووقفات

_سايرا : لا بلاش انا مبقيتش باغا

_اويس (هز راسو ببطء) : كنضن جلسي شربي لك الما وخلينا نكملو هادشي 

_سايرا (تتنهج من الثوثر) :لا صافي مبقيتش باغا

_اويس (وقف) :متأكدة

_سايرا (بقات كتشوف فيه بتردد بينما هو كيشوف بحدة هاد المرة) :الصمت 

_أويس : متأكدة.. ولكن بلاتي اجي نفتح عاودي ليهم علاش 

جلس كيفتح لبيسي هاادئ رغم أنه لداخل عالم بيه غااالله.. وعاود معاهم الاتصاال.. بقاو كيسولوه علاش تقطع وكيسولوه على احوالو وهو غير كييتاسم وكيجاوب

_كوثر:وفينهي بنتي

_أويس (شاف فيها) : اه سايرا هاهي عندها متقول ليكم 

سرطات ريقها وهي كتسمع صوت مها.. دمعتها نزلت ومسحتها فالحين.. جرها جلسها جنبو

_خديجة (مت أويس) :تباااارك الله كبرات وزيانت.. بلفرحاات عليا تولي عندي بنت بحالها 

أويس شاف فسايرا مطولا وحتا هي تلافتت فيه كتشوف.. الخوف ليفيها باش تدخل لشي علاقة مسيطر عليها..فالاخير ابتاسم ليها وتلافت

_اويس : فالحقيقة ألواليدة سايرا مبقاتش مواف.. 

_سايرا(قاطعاتو) : اه اه تانا بلفرحات عليا تكوني ماما الثانية 

شاف فيها وهز حاجبو وعوج فمو لتحت زعما (اييييه).. فرح لان داكشي ليبغا داز هو هاداك.. بداو العائلات هاضرين والشروط كيتلاوحو فالاخير قالو على بركة الله راضيين عليهم.. هز العقد سناه قدامهم ومدو ليها تسنيه تاهي بللا متقراااااااه للأسف.. جبد بواط من جيبو كان فيها خواتم رااااقيين.. خاتم كلو نرصع وساامبل راقي.. شد ايدها ركبو ليها وباسها ليها قدامهم.. ومد ايدو وهي غير كتسرط فريقها بينما العائلة فرحانة وزغاريتها تيتسمع.. ركبات ليه الخاتم وهي مزال تترعد وتتنهج

أويس (جرها عنقها عندو تاخرجات عينيها) : نخليوكم دابا انرتاحو باش نشدو الطيارة

غير هبط ليكخو دفعات ليه ايديه 

_سايرا :هيييه شتك تيقتي الفيلم 

_أويس (شاف فيها مصغر عينيه) : فخبارك امرتي دابا نقدر نطلب حقوقي منك(هز راسو لفوق كيفكر وهبطو ضغيا) اه وعلاش لا هاد ليلة نيت 

🖤🖤🖤🖤🖤🖤

دازت ليلتهم ولا نقول بداية اكفس لياليهم او اكفس اسبوعهم لغيدوزوه فحياتهم

هز هاتفو قبل مينعس على الرملة وهدر بصوت مخدر

_يحيى : عنداك تنسى اش عليكم غدا.. منبغي تااا غلط 

قطع ولاح الهاتف حداه مبتاسم

_يحيى :غندمك

صبح الصباح عليهم..كل واحد فقنت ومباعدين بكيلومترات.. ديك الاشعة كااافية انها تنوضو من نعاسو.. بدا كيورك على عينيه كيحلهم ويسدهم بفعل قوة الشمس.. دار دراعو كحاجب ليه.. وتنهد كيحاول يصحصح..فالاخير ناض شاد من راسو.. لان هاديك كاملة ملكية خاصة فمكان تاحد يصدعو..ناض هز سباطو وهز هاتفو ومشا داخل.. يالله غيحل لباب حتا تفكر اش عليه عاود هز هاتفو مدوز المكالمة

_يحيى : بداو من دابا

فالجهة الثانية مزال ناااعسة كترد الايام ليبقات فيهم فيقة.. حتا فااقت على خاااطر خاطرها..هزات الخميات على الزاج وهبطات تتفطر.. الدار الخاوية والملل كيقتلها مقادرة تخرج وحتا باش تلاها شي حاجة قليلة.. فطرات وهزات فايدها گلاص ومشات مقابلة مع التلفازة كتحاول تشعلها واالو

_مريم :اش واقع

مشات كتشعل الضو كتجرب كتلقاه تاهو مكينش.. قلبات فكلشي مكينش الضو

_مريم (بخوف لانها تاتوصل تالظلمة وعقلها تيحبس من الخوف.. بسبب لفوبيا ليعندها) :اويلي قطعو الضو لا لا ميمكنش لا لا (بدات كضحك تاقلبتها لبكا) لا هاالعار رجع

كذور لاي قنت كتشعل ووالو.. دابا بما انه النهار ماشي مشكل ولكن فليل؟

_مريم (جلسات مهدودة فواحد لفوطوي شادة من راسها شي ساعة ونص.. عاودت هزات نفسها مببتاسمة كطمأن نفسها)؛ صافي غنعس بكري قبل ميطيح الليل.. شششش تهدني دابا يرجع

مشات هزات كتاب وتكات كتقرا فيه كتحاول غير تنسي وكتاكل وتشرب فوقتو.. هادشي كامل قدام عينيه.. لكيتسنى غير الليل يطيح باش يبدا الرعب الحقيقي

ابتاسم باستهزاء ولاح هاتفو فسريرو.. دخل لدوش يبرد عليه بينما جا ليل.. دوش وكمل خرج لاوي عليه فوطة كلو كيتقطر لقاها فانتظارو متكية على لباب ورجلها هازاها على لباب لور.. وقفة مثيرة ولباس فاضح.. هازا ايدها مبتاسمة ليه.. لابسة دوبياس فالصفر المشعشع باش يتيرو العين ولايحة عليها شبكة من الخيط فنفس اللون... جسمها كيبري بليبرودوي

_رقية (همست) :يحيى

بدات كتقرب ليه.. وهي كدور شعرها لجنب وكتشوف فجسمو بعينين نااااعسين.. صدرها طالع نازل.. قربات ليه وهو غير كيشوف فيها.. حطات ايدها على صدرو السارد.. وتحنات لحملة صدرو طلعات ونزلات راس لسانها معاه.. يلك لطلع راسها لعنقو تاشد ليها شعرها

_يحيى (ببرودة) :مدويتش مع الزامل بوك.. مقلتش لك دوك فعايل القحبات اتخليهم عليا

_رقية (باستعطاب وإثارة) :اححح يحيى غير توحشتك

قرب ليها وجهها

_يحيى :مرة خرى مغنعاودش هضرتي اصلا 

لاحها تا رجعات لور قريبة تطيح ودخل هو لدريسينغ معصب.. رغم ان شهوتو حيات وباغي يقيصها وفنفس الوقت مانعاها شي حاجة.. فالاخير شد من شعرو واقف مقابل المراية

_يحيى (ميل راسو للجنب مبتاسم من بعدما طاحت عليه فكرة أخرى للتعذيب كثر) : علاش لا 

بعد ساعاات جا ليل وبدا كيطيح الظلام..خرج لبالكو شاد هاتفو كأنه كيتفرج ففيلم.. بينما هي طلعات بسرعة لبيتها سدات عليها وتغطاات فعز الحر مغمية باش متشوف ظلمة لا والو.. بعد مدة.. شاف فمگانتو وابتاسم

ناضت قاافزة وهي كتسمع داكشي... أصوات غراب وتهاليل يهودية.. نفسها مبقاتش قادرة ترجعها.. خصوصا كتشوف داك الزاج ديالها لي مدخل شوية ضو.. مدخل معاه شكل غريب فالحيط.. غمضات عينيها الباكيين وغوتات لربي ليخلقها

_مريم : لا لااااا لااااا اعوذوو بالله من الشيطان الرجيم اعووذووو بالله من الشيطان الرجيم.. كتقرا القرآن على جهد وهي كتهززززز بلبكا قريبة تحماق... للحضة شعل الضو فالغرفة على وجه واحد.. وجه كلوون ملون ضاحك.. وعينيه شاعلين خارجين.. خلاها تحط ايدهل على وجهها وتغووووووووووووووت تاطاحت مغيبة 

عاود طفا هاتفو وخلا الضو يشعل ودخل ساااعر.. معارف يكمل ولا يحبس ليعارف دابا بلي رغم هادشي لكيدير نشوتو مكتكملش بغواتها

أما هي فكان عالم بيها غاالله هي وداك الولد لفكرشها.. واش مزال حي ولا مات الله وعلم

منقدرش نحبس نفسي كثر باش نقولك گاع الحوايج لكنبغي فك ولكن.. ولكن گاع الحوايج فك كنبغيهم.. وكنبغيهم كل نهار زيادة.. واش تقبلي تزوجي بيا

بقات كتشوف فالورقة كتقراها.. وعينيها مغرغرين.. وكتشوف فشكل الخاتم تحت الما.. كان المنظر أكثر من رائع.. ملقات راسها الا وأنها تهزهزو بايجاب موافقة.. ابتاسم ليها وجرها عندو معنقها

بعدات منو ودارت ليه إشارة باش يطلعو.. شد ايدها ركب ليها الخاتم تحت الما وضرب صور بلكاميرا لمائية لي عندو... وطلعو بحال شي جوج حوريات كملو مراسمهم للتو.. طلع هو لول وعاونها..شاف فيها هبطي لتحت اتلقاي شي حويج لبسيهم واجي عندي لور واخا 

اكتافات انها تحرك راسها باه.. عطاها قبلة خفيفة ومشا تاهو يبدل... هبطات لغرفة لي لتحت.. لقات علبة فانتظارها حلاتها لقاتها غوب فالذهبي مرصع على شكل حوتة.. وسماطي رقااق مبينينش...عريانة من الضهر.. مع سندالة طالون خيوط... دارت ميكاب خفيف ليعندها وسرحت شعرها

خرجات بثاثقل عندو.. لقاتو واقف حدا طبلة فاليخت من جيهة الخلفية.. عامرة.. وبشموع والورد.. وصوت البحر وريحتو.. كان واقف مبتاسم بلباسو الرسمي ليزادو هيبة على هيبة.. شد ايدها وهو غير كيشوف فيها كأنها حورية وخارجة بداك لبسة.. شد ايدها وباسها.. جر لكرسي ليها ودار جلس مقابل معاها.. كياكلو وكيضحكو كيحاول يخرجها من توترها رغم أنها كتبين الهدوووء كيف عادتها.. سالاو الاكل وناض وقف ماد ايدو. 

_جاد :اجي 

ابتاسماات ليه بكل حب ومدات ايدها ليه.. جرها عندو بانسيابية وبداو كيتمايلو على صوت الاغنية الهادئة ليتطلقت من لداخل

All of me

كيف كطلع الاغنية بكلمة i love you 

كيطلع معاها فودنها. فالاخير همس 

_جاد : مغنقدرش نصبر كثر.. غدا غنديرو لاكط

_جيلان (خرجات راسها) :ولكن مغنزربوش

_جاد؛ مقادرش نبعد كثر صافي براكة 

_جيلان (بابتسامة) :ليبغيتي 

عاودت حطات راسها فكتفو وابتاسمت ابتسامة جانبية 

_جيلان (بشبه همس) :عنداك تندم

جا الصباح عاد قدرات تفيق... الالم لتتحس بيه والخوف لا يضاها.. شدات من راسها وناضت كتجري تستفرغ.. بقات طيحة فطواليط مدة وهي شادة من كرشها.. ليوم 3 يام باش خلاها.. ونهار على نهار كابوسها كيتزاد.. والخوف فيها كيتربي هادشي لكدوز منو. ماشي طبيعي.. وبدات كتحس بالخلل.. بدات كتحس بالرعب.. بالانكسار.. لاهي بقلب بغا لا هي بحياة ادمية.. وتالولد هو لخر كتحس بيه كيضيع من بين ايدها

هزات نفسها كارزة عليها.. وناضت كتعافر.. كلات بزز على خاطرها وشربات الدوا ومشات لفيكس.. دوزات نمرتو ليكينة اصلا.. باش تطلب وترغب.. ولكن الواقع حاجة خرا والقدر لااعب ولا نقولو يحيى لي لاعب. غير شاف اتصالها هز هاتفو مبتاسم ومشا دخل لبيت رقية بلا دقان..لقاها مدخلة ايدها لتحت.. عض على شفايف طالعة ليه.. غير شاافتو قفزات وخرجات ايدها

_رقية :يحيى انا

جرها من السرير لصقها مع الحيط.. ودوز الخط لايح الهاتف على السرير

_مريم (بلهفة) :يحيى يحيى عفاك سمعني عفاك رجع (دموعها دازو)

حتا حبست البكا وركزات مع الصوت لكتسمع

فالجهة الأخرى

_يحيى (كارز على دراع رقية بجهد) :الصمت.

_رقية :اححح يحيى احح كتوعتني

ابتاسم ابتسامة شر

_رقية :احح يحيى طلق..

_يحيى (قاطعها قبل متكمل) :خليك بلاتي

دار راسو هز الفيكس

_يحيى ؛قرعة شامبانيا لعنوان ******

قطع ومشا خدا تاهاتفو قطع.. وتاصوتها تقطع من غير اخر شهقة ليخرجات ليها وهي طيحة منكاسرة.. كلشي مشا من بين ايدها داباا..كلشي.. صافي التأكيد ليكانت باغا هاهو.. بقات مدة كانها اصابها الشلل.. وفالأخير قررات انها تشوف بعينيها باش ثيق.. وهادا هدفو من الأول.. طلعات وحقدها كيتزاد وكتقول يااريت ميكونش صوتو.. لبسات عليها وهزات حويجها وهبطات ممسوقاش لكلامو.. غير حاولت تفتح لباب لقاتو مفتوح لانه من داك لمرة لفتحوه الشفارة مادارت والو.. خدات طاكسي لمطار باش توصل ضغيا.. معارفاش انها غادا لواحد الطريق لغتقلب حياتها

بعد ساعتين

واقفة قدام داك الدار لي وسط الرملة تاهي.. حلات لباب ليكان ديجا مفتوح.. ودخلات وهي صدرها طالع نازل راس كيقوليها طلعي راس كيقوليها لا.. حتا سمعات صوت وحوحات انثى.. رجليها كيرجفو وهي كطلع فداك الدروج.. تاوصلات لبيت دفعاتو بزز وهي كترعد.. صاكها طاح مع دموعها.. متكي عريان من لفوق وهي قدامو ببنوارها ولباسها المفضوح كترقص.. هز حاجبو شافها مبتاسم.. اما رقية غير كطلع وتهبط

_رقية :اش كديري هنا

بقات كتشوف فيها مدة ودموعها ديزين حسات بالحگرة.. بينما هي كتعذب لهيه هوما كيضحكو هنا.. تلاحت عليها بلا سلام بلا كلام

_مريم :انا انوريك ألخاااااااانزة ألقحيببببة

بعصبية بدات كتنتف.. عينيها خارجين والوحم زايد عليها.. عذاب هاد الايام تتحاول تخرجهم ورقية غير حامياها لغوات.. وقف هو وجرهها عليها 

_يحيى (ببرودة) :براكة 

_رقية (وقفت كترعد معصبة ومشات لكوافوز جبدات وراق زواجها ولاحتهم عليها) : المسخة لخرة بزاف علك تاقحبة

بدات كتقرا..وكتشوف فالعقد ليلمدة ديالو اسبوع يعني باقا 3 يام باش يسالي 

_مريم (بدموعها وغضبها) :هادشي علاش خليتيني فداك العذاب هاه.. باش سيادتكم يتمتع مع هاد القحبة هنا ياك (كتهز حواجبها بعفوية ودموعها حجر وهي كتزيد تحمار) 

شافت فيها بابتسامة جانبية وهي كتسد فبينوارها وتتجمع شعرها

_رقية : قحبة.. بزاف علك راه تزوجني

_مريم (يلك اتلاح عليها عاود شدها من ايدها كارز) : ياكما ابنت القحبة مقداتكش داك النتفة.. اصلا اشمن زواج..(ضحكات واخا غابزز ولا نقول ضحكة الشمتة والحرقة) هاه ولا زواج متعة سالات المدة ديالو دابا ولا بيريمي

#زواج_المتعة: هو زواج بموجب المتعة والزنا وعندو وقت بداية ووقت انتهاء

واخا هو قادر يدير حريتو وياخدها ضد ولكن هو لي عارف علاش دار هاكا

_رقية (عضات على شفايفها بتحلوين) وكون لقا فك لي بغا ميخليكش احبيبة

عاودت تنترات منو ومدات ايدها باغا ترجع تجرها من شعرها تاعاود شدها بقوة.. هو ليكان غير واقف وسطهم كيسمع ويتمتع

_يحيى(بهدوء) :ششش ممزيانش لك تعصبي أمرتي

_مريم (شافت فيه بحقد.. بانكسار نطقت) : طلقني طلقني.. عطيني طلاقي

_يحيي(جرها رادخها معاه وابتاسم فوجهها لأنه عارف جوابها وأنها اتشلل) :واقلة امرتي مكملتيش قرايا ديال العقد.. الا كنتي باغا طلاق راه خاصك تحطي ولدي وبلا متقولي اه ومن بعد اتهربي وديري فيها قويفزة (ابتاسم ابتسامتو الجانبية) لا اتحطيه تادابا لابغيتي الطلاق.. يعني اتحطيه فرحم رقية واتمشي فحالك.. ولا بغيتي تسناي اتبقاي تاتولدي وتحطيه وسيري فحالك.. فكلتا الحالتين الطلاق يعني اتحطي ولدي

هي كتسمع وقلبها كتزير.. دموعها كينزلو وحركتها كتجمد... ولدها ليحاملة بيه لازم تحطو مقابل حريتها.. ياتحطو من كرشها دابا فكرش مرة أخرى ياتخليه تتحطو بين ايديه هو.. يااااا تعيش الجحيم بفم من العسل.. حقا مكينش العدل فالخيارات.. وقبل متختار هي اختار المكتوب وخلاها تطيح مهدودة مابين ايديه ليداز عليها هاد المدة متبغيهش لعدوك ولغيددوزش متبغيهش ليهودي الكافر

يتبع🖤