عذراء ساقطة الجزء 14

كيقلب من هنا لهنا وكيدور ونفسو كتزاد وهو كيترعد حتا نتابه لديك الورقة الملونة الملصقة على المراية

"عمرك اتلقاني غير بلا متقلب"

وقف وغمض عينيه لمدة..كمشها وهز هاتفو بضجر كان عارفها غاتهرب ولكن ماشي فهاد المدة القصيرة.. حقا مبقاتش كارلا لكيعرف هادي ممسوقاااش گاع لا ليه لا لخدمتو..شاف لجيبيئس فين محركة وهبط كيجري شد سيارتو ومشا.. كانت كتحرك تازگات فنقطة وحدة.. وهو كيقرب وهو كيسمع الاذان فمسجد قريب واخا ممجهدش لأن المساجد كيكونو قلال اصلا تما وصوتهم ناااقص...اصلا فنيويورك كينين 4 لمساجد فقط.. تنهد دخل وبنادم تاهو كيدخل كانت صلاة العصر.. اتاجه لطواليطات توضا ودخل تاهو يصلي من الجنة والناس وكانت أول مرة ليه يدخل لشي جامع فنيويورك من نهار جات وسببو نصرانية سلمت مؤخرا (ثوبة)

كملو الصلاة وبدا الدعاء.. كلشي هز كفوفو لله عز وجل بينما كان يوم للدعاء.. كلشي متخشع وكين ليعينو دامعة مدام القلب طيب

"اللهم إنا نسألك زيادة في الأيمان. وبركة في العمر .. وصحة في الجسد .. وسعة في الرزق .. وتوبة قبل الموت .. وشهادة عند الموت .. ومغفرة بعد الموت .. وعفواً عند الحساب ... وأماناً من العذاب .. ونصيباً من الجنة .. وارزقنا النظر إلى وجهك الكريم .. اللهم ارحم موتانا وموتى المسلمين .. واشفي مرضانا ومرضا المسلمين .. اللهم اغفر للمسلمين والمسلمات .. والمؤمنين والمؤمنات ... الأحياء منهم والأموات .. اللهم من اعتز بك فلن يذل .. ومن اهتدى بك فلن يضل .. ومن استكثر بك فلن يقل .. ومن استقوى بك فلن يضعف .. ومن استغنى بك فلن يفتقر .. ومن استنصر بك فلن يخذل .. ومن استعان بك فلن يغلب .. ومن توكل عليك فلن يخيب .. ومن جعلك ملاذه فلن يضيع .. ومن اعتصم بك فقد هدي إلى صراط مستقيم .. اللهم فكن لنا وليا ونصيرا ً... وكن لنا معينا ومجيرا .. إنك كنت بنا بصيرا .. ربي عبدك قد ضاقت به الأسباب .. وأغلقت دونه الأبواب .. وبعد عن جادة الصواب .. وزاد به الهم والغم والاكتئاب .. وانقضى عمره ولم يفتح له إلى فسيح مناهل الصفو والقربات باب .. وانت المرجوّ سبحانك لكشف هذا المصاب .. يا من إذا دعي أجاب .. يا سريع الحساب .. يا رب الأرباب .. يا عظيم الجناب .. يا كريم يا وهّاب .. رب لا تحجب دعوتي .. ولا ترد مسألتي .. ولا تدعني بحسرتي .. ولا تكلني إلى حولي وقوّتي .. وارحم عجزي .. فقد ضاق صدري .. وتاه فكري .. وتحيّرت في أمري .. وأنت العالم سبحانك بسري وجهري .. المالك لنفعي وضري ... القادر على تفريج كربي .. وتيسير عسري " (الله يتقبل ليكم) 🖤

مكانتش كتفهم لأن هاد المرة كان الدعاء عربي مع ذلك غير حلات عينيها لقات كفها عامر بدموعها.. وكفى بالله عارف اش فالقلوب.. المصلين بداو كيخرجو.. وحتا هو هز راسو لقاها كتمسح فدموعها..من ورا الشباك لمحها لأنها كانت ليبقا فالقنت.. ولباسها فشكل مخلطة صاية مع تريكو ديالو هو طويل مع تيشورط مقطعاه توب رطب ديراه على شكل نقاب.. بقا مطلع راسو كيشوووف فيها وفداك الحالة لديرا فراسها

بانت ليه غادا خرج وهو يسبق يتلقا ليها فالباب ديال النسا ليكان خاوي

خارجة حادرة راسها.. مع الهزة مالقاتو واقف عليها بحال قباط العمر مربع ايديه الكباار.. خرجات عينيها وبغات تهرب وهي كتعرج حتا شدها من ايدها واقف قدامها

_إياد :وقفيي

_ثوبة (نترات ايدها معصبة) :متحطش ايدك

_إياد (هز ايدو لفوق) :واخا نقدرو نهضرو

_ثوبة :سمح ليا اخويا معندي فاش نهضر معاك. مكنعرفكش ومحمرم عليا ندوي معاك

_إياد : كنضن نتي معاقلة على والو لأنك مضروبة فراسك وخاصنا نجلسو نهضرو بالعقل وديري ليبغيتي

_ثوبة (صغرات عينيها) :واخا كيف قلتي نكون فاقدة الذاكرة مغنمشيش معاك

_إياد (بنفاد صبر خنزر) :غتمشي ألالة بالسيف ولا بالخاطر (قرب عندها تالوجهها) أمرتي

من هول الصدمة لسانها تشلل.. فقط خرجات عينيها فيه و حلات فمها من تحت نقابها

_إياد :ويالله خلينا نهضرو

مد ايدو وشد معصمها وعاودت بلا ادراك نثرات ايدها معصبة

_ثوبة :متقيصنيش..علاش خاصني نتيقك؟

_إياد :زعما انا مسااالي تالهاد الدرجة وملاقي ميدار 

تنهد وهز هاتفو وراها ليكخو فيها صورتها بشعرها مطلوق ولباسها القديم مبتاسمة..شاف فيها لقاها كتشوووف فالصورة

_ثوبة :عادي تقدر تج.. 

قاطع كلامها فاش هز هاتفو قدام وجهها لمرة ثانية ولكن هاد المرة الصورة فيها هوما بزوج كيضحكو وفالدار ليكانت فيها..يعني طفا ليها الشك الأخير ديالها.. قبل متدخل فشي صدمة جرها من ايدها وزاد.. ممنعاتوش هاد المرة وهي عارفا معندهاش الحق.. طلعها لسيارتو ودار ركب وهو مخطط لكلشي 

_ثوبة :بغيت نمشي لدار

_إياد :واخا غندوز لمديرية نعطي افادتي وندفع واحد الملف ونمشيو ونشوفو دوك الناس ليكنتي معاهم شكون 

هبطاات راسها ساكتة وهي كتفكر بلي راه عندها حياة آخرة ولقاتها بهاد السرعة..هي مزوجة واش تقدر تكون والدة.. اهاه وواليديها.. اشنو وقع.. كلشي مخلط عليها وراسها كيحرقها.. فالطريق صامتة نطقت

_ثوبة :واش سميتي كارلا.. يعني انا ممسلماش وكيفاش نت مسلم وتزوجنا

سرد على شفايفو وشاف فيها 

_إياد :اه نتي سلمتي قبل منتزوجو ولكن الاسم ديالك مبدلتيهش قلتي تاتفكري فشي اسم لأن كين الأسماء الغربية.. تاواحد النبي راه نسيت اسمو كان سميتو بحال أسماء الغرب 

_ثوبة :واش واش غير مزوجين 

_إياد :اه حنا يلك مزوجين مدازش على زواجنا بزاف.. تقريبا يلك شي جوج أسابيع ووقع مشكل.. المهم دابا رتاحي متفكريش 

وقف قدام لميديرية وشاف فيها 

_إياد :يالله هبطي معايا خاصك تعطي افادتك 

هزهزات راسها وهبطات معاه.. وصلها عند وحدة من الشرطيات ديال كتابة الافادات خلاها معاها فالمكتب تتعاود ليها كيفاش كان دخل كيتعدى عليها وهو مشا لمكتبو.. عيط لأحد الرجال لففرقتو كيكون معاه ديما 

_إياد :فقل من نص ساعة بغيت وراق زواج يكونو حاضرين بهاد السميات (مد ليه ليكارط ديالهم بزوج وديال كارلا القديم) بغيتو يكون فهاد التوقيت (قبل من اسبوعين من اختفاءها) شوف كيفاش تحضرهم مسوقيش دابا 

خرج وخلاه يمشي يتكلف.. ومشا تاهو كيقدم افادتو معاها وكيتعطل بينما جا لاخر يعطيه الورق.. سالا وقال بلي كان دفاع عن النفس والآخر بصفتو الرائد وهو لمهتم بالقضية والضحية (كارلا) 

_الشرطية: اك مون شاف راه سجلت الافادات ديالكم سنيو عليهم فقط

هز راسو شاف مخننزر وطلع نفسو كيشوف كذبتو اتبدا تفضح قدام عينيه دابا.. بدات كتسني هي مهبطة راسها وساهية كتفكر 

_......(من وراه قاطعهم كيلهث) :الرائد إياد 

تلافت فيه عرفو.. خنزر وناض مقرب ليه شد من عندو لوراق

_إياد (همس ليه) :من بعد 

خداهم وجلس جر من ايدها الوراق

_ثوبة (هزات راسها) :مالك 

_إياد :والو غير كنت بغيت نتأكد من الافادة ديالك وصافي 

عاود رجع ليها وراقها والعقد فالاخير

_ثوبة (كتسني) :واش هاد الوراق كاملة غير اجراءات

بدات كتقلب حتا شد ايدها مقفزها

_إياد :يالله أمرتي ضغيا مخاصناش نتعطلو

ديك مرتي كانت كافية تخلي الشرطية تخرج عينيها وتهز خبار جديدة فالمديرية.. وخلات ثوبة ترجع لسهوتها

كملات بلا متحقق وهي معارفاش راها تتسني على ارتباطهم.. ارتباطها بشخص ناسياه ومن الفوق محاملاش فيه الشعرة.. وقع هو كذلك مبتاسم وشاف فيها 

_إياد : يالله نمشيو لداركم

تو تو تو رتاااااح.. رتااااح لان داكشي لكيتسناك اراجلي (همسات فودنو) فين يبان موتها

دور وجهو كيشوف فيها وعينيه كيتقطر منهم الدم.. كيشوف كيفاش تغيرات من ديك مريم الخوافة لهاد مريم لعينيها معمين وقادرة تقتل گاع

مشات بخطواث ثابثة عند رقية وهي الضحكة شادا ليها من لقنت للقنت.. غادا في اتجاهها كتمختر

_مريم (شدات خصلاتها كتلعب بيهم وكدورهم على صبعها.. بينما رقية كتبكيي وتنخصص متتحسش بأطرافها وكتحس بيهم كيزنزنوووو بحالا كيتمشى عليهم النمل) :عرفتي نتي اشمن دوا درت لك هممم عرفتي ولا مزال (شدات شعرها بين صباعها مكنزة عليها وجراتها لوراء مغوتة) وااااااااش عرفتي ألقحبة ولاااا لاااا

رقية كتشوف فيها باستنجاد وهي كتنخصصص وكتحس بآخرتها هادي

_رقية (بكلمات متقطعين.. لسانها ثقيل وريوگها ديزين.. كتلاوط فلسانها من هنا لهنا) :صا ص ا فف ي سم سمحي ليا

مريم جرتها من شعرها تاغمضات عينيها مقصحة وقربت ودنها حدا فمها هازا حاجبها

_مريم :نعام اش قلتي مسمعتكش

رقية هازا راسها مغمضة عينيها وشفايفها تيترعدو من لبكا وهي كتشهق موعتة وتتبكي.. وجسمها كيتشلل بطريقة سريعة وكتحس بداك التوزويز.. بحالا ملي كتنعس علك رجلك وداك التوزويز لمكتقدريش مزال تحركيها.. كانت كتحسو فجسمها كلو

_مريم (زادت كرزات على شعرها مهبطا عنقها قربات تفلعصو.. غوتت) :مسمععععععتكش ألقحبة مسممممعتكش

_رقية :سمح سم سمح ي

وقفات طلقاتها وحنات عندها وجهها حطات سبابتها فوق فمها بعطف مصطنع

_مريم :هششش متعذبيش أحبيبة هشش.. اه نسيت ضرتي ياك.. باقا مسالاش النهار.. شتك كتقدري تحركي لسانك تسناي

مشات كتمشي لكوزينة وهي هازا حواجبها ومعلية راسها لعااالي.. كتمختر وتتوزن فالخطواي ونفسها حمرة شااعلة ومشعلة معاها العافية فجوج الناس.. ذيبة متعطشة لدمهم كانت.. لفعة من تحت الرماد مثلثمة هي.. إبليس فصورة مريم مصورة

خدات القرعة ليكانت مخبية وجات كضحك وهي كتلعب بيها.. يحيى غير كيتفرج وهو كذلك مشلل وهي مقادراش حتا تحرك راسها

_مريم (وقفات عليها) :هاااء هانا أحبيبة جيت ياكما تعطلت (هبطات تعابيرها بحزن) غاسمحي ليا وخلاص. هاااانا (هزات قدامها القرعة)

إفادة جديدة : كانت عبارة على قرعة صغيرة زجاجية ديال دواء كيتسمى بالريزيربين هاد الدواء كلما كثرتيه كيتسبب بشلل رعاشي 🤗 (تعلمو ماطبقو لرجالاتكم😅)

_مريم (بداات كتحل فيها) :انتهلا فضرتي هاد المرة.. شتك مزال تتحركي لسانك

رقية كدور راسها من ليمن للشمال تتبكي وتسنتجد بيها

_رقية : ل ل ا لا ل ا ع ف عف ا عفا ك

يلك حلات القرعة هي مبتاسمة لأنها ممسوقاش لبكاها بثاثا وانما تتستمتع بيه.. كتحس بيه وراها

يحيى ليكان من قبيلا وهو كيحاول ينوض يطيح ليها القرعة ومستغل انها عاطياه بالضهر.. معارفش انها كتشوفو من حلقات رقية الزجاجين.. خلااتو تاااقرب يوصل وتلافتت عطاتو بهزازة الشمع الحديدية لراس خلاتو طيح

_مريم (تلافتت ليه مبتاسمة كتشوفو طيح مغيب. بهدوووء) :متقاطعنيش أراجلي

تلافتت فيها بهدوووء قاتل كتشوفها مخرجة عينيها ليقراب يطيحو وحمريييين وهي كتعرق وقلبها كييضرب ومقادرة لاتحرك لاتعتق راسها من الموت

_مريم (هزات ليها راسها من ذقنها) :حبيبة خودي هادو

مدات ليها جوج حبات ماشي حبة ماشي نص.. باغا تسالي معاها ضغيا..وهي هازا حجبانها كتسناها تاكلهم.. فحين رقية سدات على فمها ملاصقة السن بالسن باش متموتش بيدها

رقية (كدور فعينيها الدامغين والحوومر بلا) :هممم همممم

_مريم (مادا ليها دوا) :شربي أحبيبة شربي ايعجبوك.. واش غتشربي لا ولا ندوز على زامل بوك ونتهنى

رقية غير تتحرك عينيها بلا وهي كتنحصص بالبكا كتقطع فلقلب

_مريم (هزات نفسها بضجر) :واخا نشربوهم ليك بالسيف

خشات ضفارها مابين الضرس ليمن والضرس ليسر من كلتا الجهتين كتحاول تحل ليها فمها.. وهي كااارزا على سنانها بكل ماتبقا فقوتها

_مريم :باغا تذكاي معايا أقحبة ميريكان اهاه واخا

مشات لكوزينة قلبات فواحد البلاكار لتحت جبدات واحد صندوق ديال المعدات وجات كضحك وهي كتشوف فيها ضاااحكة عاجبها راسها ومفتاخرة

_مريم (جرات كرسي ووجلست قدامها) :الله يالعالي عيت بالوقفة (شافت فيها) اجي شتك وليتي مقادا معايا.. تانتي جالسة قبالتي.. هبطي شوي ألقحبة

دفعتها برجلها تاتكركبت بكرسيها طيحة وهي كترعد مقادراش تحرك غير تتنخصص وكطلب الله يعتقها منها. وتوب وتكون آخر مرة ليها.. كانت حاگراها وهي معارفاش الله ينجيك من الساكت لادوى

_مريم (عاودت جراتها من شعرها مجلساها حدا رجلها) :يالله أحبيبة دابا جلسي مقادة باش نبدا

تماطات لطبلة وجبدات دلك لبانس (البانس هو هاداك اللقاط لكيشدو بيه أو الشداد اتلقاو صورتو لتحت) غير شافتو بدأت كتحس بالنخصة وبالسخفة والضباابة بدات ضبب عليها. عينيها بداو يتقلبو وهي تتفكر فالأسوء

_مريم :هيه بقاي فيقة معايا(همست)الليلة اتكون طوييييلة وزاهية.. ليلة وحدة كافية تشد هاد سبعيام ليدوزتو عليا

رشات عليها لما بارد وبقات هازا القرعة من فوق راسها كضحك وعي كتكبو عليها مسمتعة كتشوفها تحت الما ضعييفة هاكاك.. هزات ليها ايدها المشلة ليمقادراش تحركها

_مريم :ومتحليش فمك دابا

هزات داك لبانس وشدات سبابتها من العظم ديال صبعها وحطاتو وسط داك لبانس وبدات كتووووورك تدريييجي وهي غادا وكتزيد

_رقية (عينيها كيدمعو دم وتترجا) :همممممممممم هممممممم هنن اهيئ هممم

صغرات عينيها وبدات كتكرز بيديها بزوج كتشوفها كتألم

_مريم؛ افف انا عيانة شوي

وقفات وهي هازا ليها صبعها وسط لبانس حطاتو فوق الطبلة مبقاتش كارزة بايدها وإنما بحركة سريعة هزات واحد اللعيبة تزينية ديال لحديد ثقيلة محطوط عليها واحد لفاز لوسط الطبلة وضربات بيها على لبانس من الجهة لخرة تااقرم على عضمها ضقة وحدة وتسمعات طراااق ديال العظم ليتهرس

رقية هزات راسها مغوتة لربي لييخلقها.. شافت فيها مريم بضحكة عاجبها لحال ولاحت ليها دوك جوج حبات دقة وحدة ففمها وكبات عليهم لما.. بدات كضرب ليها على عنقها من القدام بالحاشية ديال ايدها باش اسرط الدوا بززز منها

_مريم (شافت فيها) :اجي ترتاحي نتي شوي ونجي نشوف راجلي العزيز شوي

ربطات ليها رجلها مزيان وربطاتها مع واحد ألالة منزلية كتخدم بالضو.. فقط شدات الالة من قبضتها كتمشي فيها لبيت وهي جارا من وراها رقية مجرجرة وهي سخفانة. دخلاتها لبيتها لاحتها فالازض مغيبة.. دازت ليها على كرشها وهبطت كتسوس فيدها لعند سيهم يحيى الشرايبي باش تبدا فالعد العكسي

هبطات عندو وهو باقي طيح مرمي فالارض مغيب.. حتا الدم منزلش من راسو يعني بقا مكبد لداخل وهاشذي اخطر من أنه يخرج اصلا

تحنات على ركابيها مقربة ليه وكتشووف فيه مطاااولة الشوفة وقلبها كيزيد يتحرق.. نطقت فقط

_مريم :علاش

تنهدات بقوة ومشات جابت ديك الجرارة ربطاتو هو التابي مزيااان وخلات ديك الالة تجرو وهي مسيراها لأحد الغرف الخاويين.. تاعفرات معاه تاحطاتو فوق واحد كرسي خشبي وناضت هازا نفسها

_مريم (كتسوس فيدها) :اوووف ثقيل أزبل

ميقات معوجة فمها وزادت مخلياه مشات لبيتها تجيب داكشي ليمقدية.. قادات سيتيرنة ديال لما (قرعة كبييرة ديال لما فيها روبيني) فوق كرسي عالي من وراه حطاتها وحطات داكشي لاخر فجنبها.. جابت كرسي هزاز ليها وخدمات الموسيقى

See red

كانو كلمات الأغنية مناسبة لوضع أصلا.. هزات كاس ما مثلج ورشاتو عليه بقوة تافاق شااهق

_مريم (ميلة راسها مبتاسمة) :صباحو

شاف فيها مخنزر وهو مصغر عينيه قريب يبخ الدم من الشمتة

_يحيى :واش متأكدة بلي مغتندميش ملي غنحل ايدي

شافت فيه وهبطاات شفايفها بحزن

_مريم :أوبس شفت لسانك تحرك إزين. ت(هزات حواجبها) اووبس بغيت نقول أ شماتة (وركات عليها وهي مبدلة نظرتها)

_يحيى (ابتاسم) :واخا

ابتسامتو استفزاتها ناضت شافت فيه مخنزرة وقربات وجهها عندو تانفسها ضربات فيه

_مريم :عنداك تبدا تطلب

دفلات جنبها وتمات خارجة..قبل متكمل طريقها لباب وقفات وتلافتت عندو مبتاسمة

_مريم :دابا بغيت نرتاح شوي انعس واحد الساعتين ونرجع لحبيبي ولكن مجاتش ننعس ونخليك هاكا

قربات ليه مبتاسمة ومشات من وراه كتظبط فروبيني فوق راسو عالي عليه غاشوي

_مريم :مجاتش قحبتك تعذب وتقدر تكون ماتت گاع ونت تبقا مرتاح ليا هنا.. كيقولو لك إملأ ساعاات فراغك بالاستغفار.. دابا عمرهم بالصبر أحبيبي

خدماات روبيني وخلاتو كيقطر قطرة قطرة على راسو فجهة مستقرة وصرفقات ليه على وجهو ببطء ومشات من قدامو كتعوج.. وهو غيير مصغر عينيه كيشوف فيها كيفاش ولات كأنها وحش كتمشى على الارض.. فاتتو بأضعاااف

وصلات لباب وتلافتت عندو متكية عليه وهي كتشوف فيه بجمود وهو كذلك مرمشش

_مريم :واش عارف هاديك لاش ولا نفيد راجلي.. أمم هادي واحد الطريقة كتسمى بالتعذيب الصيني.. كانو كيديروها دوك الجنود الصينين فلقديم.. قطرة بقطرة تتنزل فوق عروقك الدموية ديال داك المخ المحيمر عندك حتا غيوقف لك الدم أن شاء الله وغتموت فراحة الله..(هزات كتافها) هادشي الا خليتك طبعا احبيبي

خرجات وسذات لباب مخلياه كيتعذب ببطء وهو مزال مصدوم فيها ومتحررركش بتاتا..

دخلت عندها لقاتها مزال طيحة مغيبة... مشات جابت واحد سطل عمراتو وحطات فيه مااتيسر من الثلج وجات كتزيد فالخل على الخلول.. نزلاتو عليها كامل ضقة وحدة تاحلات عينيها تاهي شاهقة

_مريم :لا والو أحبيبة غابغيت نقولك تصبحي على خير وقبل منمشي بغيت نخلي لك كادو بينما نعست هاد ساعتين.. مع نتي كيعجبك هادشي

خرجات وجابت معاها واحد الالة وردية غاشافتها رقية عرفتها خلتها تشهق بلهلا يطريه ليها.. كانت عبارة عن آلة جنسية.. كتخدم بالضو ولاصق فيها واحد لعيبة على شكل قضيب نتي كتحددي السرعة ديال لمد والجزر

_مريم :هااانتي شوفي لوين باش تعرفي معزتك

برونشاتو وطلعات ليها كسوتها خشاتو وهي مكتشوفش فيها تاغوتااات.. وظبطاتو على الأخير خلاتها كتهزهز كااااملة كان قوي

_مريم (بابتسامة) :تمتعي ليا مع راسك

خرجات وخلاتها تما كتموت.. مشات لبيتها هازا نفسها غير سداتو تكات عليه ودازت دمعة حااارة من عينها ومسحتها بدراعها

_مريم : غير البدية هادي أمريم غير البدية 

هبط بشوي ميل راسو كثر وكثر وهو مزال كينهج.. حتا وصل لشفايفها وقاسهم.. بزوج حسو بالكهرباء ضربت فأجسامهم.. حط ايدو ورا خصرها وجرها عندو كثر.. داخل معاها فأول قبل ليهم الحلال.. خلاها كتهز وسط جسمو كتقفز.. كانت فاشلة فلول حتا بدا كيدخل معاها لسخون.. كيدخل لسانو المبلل ففمها وكيجرو مع شفاها ويرجع يدخل شفاه ولسانو.. وايديه ورا خصرها كتلعب.. حطات ايدها على صدرو كرزات عليه قامشاه وهي كتحرك تاهي شفافها شوي بدات تفاعل بلا متحس.. حتا حسات بيه حط ايدو على مؤخرتها وقفزات وسط فمو مبعدة

_أويس(جرها كثر كينهج) :هششش ترخاي

تهزات بين ايديه شاهقة وهي مخرجة عينيها فيه حمرة وكترعد... بقا ليها شوي وغتسخف تما.. ابتاسم ليها كيطمأنها

_أويس :تهدني.. انا غندخل

مشا كيعوم داخل فحالو وهو كارز على ايدو مبغاش يبزز عليها راسو دابا واصلا مكانش ناوي يقرب ليها بتااتا ولكن كيبقا راجل وعندو غريزتو تاهو وكتبقا حلال ليه

سايرا شدات جيهة قلبها ليقرب يهبط عند رجلها من للخبيط ومعدتها المقلوبة.. كتحس بلتحت ديالها فشل من الصدمة

_سايرا :اويلي اش وقع (خرجات عينيها)واش باسني اويلي... وتانا بحال الحمارة بستو (حطات ايدها على شفايفها كتلمسهم للحظة سهاات كتفكرو كيفاش كان كيبوسها ابتاسمت تلقائيا) أفيقي ابنت الناس

هزات نفسها وغمضت عينيها داخلة تحت الما كتحاول تهدي من نفسها وهي مزال ف صدمة.. أما هو فكيف دخل مشا كيمسح عليه بفلوطة وكيتنهد حاس بالصهد

_أويس (كارز على ايدو) :نت ليدرتيها لراسك

مشا دخل لدوش مرة خرى كيسرد فراسو.. بقا غادي جاي بينما رتاح شوي ومولاي السلطان قرب يطل من الشورط ويسلم عليه.. بقا على داك الحال حتا رتاح شوي وخرج ولكن ليتابعو العكس تابعو

كانت داخلة كتسلت باش متلاقاهاش ومشات كتجبد فحويجها من لافاليز.. غير خرج لقاها مكووزة ليه نييييشان وترمتها فرجهو كتجبد فحويجها

_أويس (كارز على سنانو) :سايرااا

قفزات تلافتت عندو مخلوعة وهازا حويجها قدام صدرها المنفوووخ وهي كتشوف فيه حشمانة

_سايرا :هاه

_اويس (معصب) :رااني راااجل اسايرا راااجل راعي

سرطات ريقها ومشات كتجري خارجة وهو مشا متكي على الحيط حاط راسو كينهج وكيحاول يمسح الصور السيكسي ديالها من بالو

_أويس :تهدن اصاحبي تهدن

ضرب لحيط بايدو ومشا كيبدل عليه.. لبس وخرج كيشوفها فين كينة.. حتا تساطح معاها وهي كتسلت كطل عليه تاهو فين كين حشمانة

_اويس (شادها من خصرها) :علاش كطلي امرتي كتقلبي على شي حاجة

_سايرا (شهقات مع صدمها) :هاه.. لا اه لا بغيت نقول اه.. ولا عرفتي لا لا مكنقلبش

_اويس (مبتاسم وهاز حجبانو) :غازگي..انا انسبقك لتحت لبسي وهبطي نخرجو

_سايرا (بعدات منوو وشافت فراسها) :راني لابسة

أويس كيطلعها وينزلها كيشوفها لابسة ميني شورط فالصفر توب طالع فنص فخضها.. مع ميني فونطر لاااصق ومبين جزء من كرشها ولايحة عليهم فقط واحد لفيست ديال الشورط فنفس لونو وشكلو

_اويس (ربع ايديه) :لابسة؟

_سايرا :علاش بنت لك عريانة

_اويس :لااا حاشا غانص فلحمك بين

_سايرا :اشنو زعما اتبدا دير ليا فيها الحكام

جرها من خصرها تالصقها عندو مبتاسم

_أويس : مكنحكمش علك ولكن مرتي كنغير عليها.. تاحد مبغيتو يشوفها

كيعرف يتصرف وكيعرف اش كينفع معاها.. خلاها تحمر خجل وهبطت راسها ساكتة ملقات فين تزيد شي كلمة

_أويس :يالله انا هبطت لتحت نتسناك لبسي وهبطي نتعشاو على برا واخا

هزات ليه براسها وهبط هو مخليها تبدل.. جلس فديك الوسعة لتحت حدا ريسيبسيو مهبط راسو كيلعب فهاتفو.. حتا سمع صوتعا واقفة عليه

_سايرا: يالله نمشيو

طلع عينيه معاها ومع لبستها ليعماتها بيها... جات تقادها عورتها.. لابسة واحد لغوب اوغونج حد الركبة ناااحتااها مزيااان.. واصلا لونها اتيغو.. سماطي رقاق.. مبينة اردافها وصدرها تاهو بين لأنها مفتوحة من جيهة الصدر

أويس وقف وخنزر وهو كيطلع وينزل فيها

_سايرا (هازا راسها فيه كتخلل فشوفاتو) :مالك؟

_اويس (شاف فيها وابتاسم) :اهاه واخا يالله ولكن متلومونيش من بعد أمرتي

شدها من ايدها وخارجها ماشي بيها غير لمطعم تما فنفس الخليج.. لأرقى المطاعم واكبرها مطعم" كت باي وولفغانغ بك" دخلو عطا اسمو فريسبسيو لأنه كان حاجز عبر الارتنت.. عطاوه رقم مائدتو ووراه الطريق وخلاه يمشي يطلع ليه فسانسور كان لفوق

Vip

_سايرا : اووه واش غيكون مفتوح مهوي

_أويس (تحت نيفو) :واخا يكون تافألاسكا انبقا فالصهد انا

_سايرا :قلتي شي حاجة

_اويس(شاف فيها وعاود طلعها ونزلها) :مفهمتش زعما انا قلت لك بدلي لبسي المستور نتي قاديتيها ياك

_سايرا (كتشوف فحويجها) :مالها راه طويلة

_أويس :لااا طويلة علاش هي مطويلاش

_سايرا :أ..

قاطعها وهو دافعها مع لقنت ديال المصعد وحط ايديه على فخضها كيشوف فعينيها لغير كيبرقو وخدودها ليبداو كيحماارو بوهجاان.. صدرها كذلك كيطلع وينزل بسرعة..عالم بيها غالله

_أويس (كيطلع ايدو مع فخضها غادي طالغ ليهونج وهو عينيه فيكس عليها.. همس) :علاش كتقلبي.. واش نقتل شي حد مثلا

لجيهة خصرها وقرم بيدو قارصها مخليها تكرز على صدرو بضفارعا وتطلع علي راس رجلها وهي مزال كطلع فالنفس غابزز

_أويس : ولا كتقلبي نحبسو هاد الخرجة حنا ونبقاو فالدار ومنصبرش كثر على راسي

_سايرا (كتنهج) :أويس أنا..

_أويس (زعزعاتو حط صبعو على شفايفها) :هشش كنقسم لك حتا مغنزيدش نصبر

جرها ملاصق عليها وهبط راسو شوي قاصد شفايفها ليمن قبيلا وهو عينيه فيهم... اصلا غير تذوقهم المرة لولة ولاو دابا بحال لادروغ وندم على البدية.. بحال لگارو ملي كدوقو لمرة لولة وكتجهل عليه فالايام لوالا.. هاكا كانو شفايفها بالنسبة ليه..يلك وصل حتا من زهرها تحل داك سانسو ووصل لطابق ديالهم

_سايرا(بعداتو مخرجة عينيها) :هااء وصلنا

زادت قدامو ورجليها مهازيينهاش قريب غطيح فالارض.. غير غادا حتا طبلتهم داز عليها وهو كيشوف فيها من لور مبتاسم.. عاود مشا جرها من ايدها وجلسها فالطبلة

_أويس :هنا

جلسات حادرة راسها وهي كتزعزع فرجليها حشمانة.. طلب هو الاكل وشاف فيها بدا كيهضر معاها كيخفف عليها.. حتا تطلقات معاه

_سايرا :شحال غنبقاو هنا

_أويس :سبعيام ومن بعد انسافرو

_سايرا(بفرحة) :اواه انزيدو نسافرو

_اويس (شاف فيها وضحك) :اه ل7 بلايص.. دابا زرنا 2 بقاو خمسة

شافت فيها باستغراب كانه كيضحك عليها 

_سايرا :واش كتهضر منيتك ؟

_اويس (هز راسو باه) :والبلايص ليباقين غيعجبوك ومتسوليش على سمياتهم.. يالله نمشيو دابا 

شدها من ايدها وخرج كيدور فيها فأنحاء المدينة ليكانو فيها... كتشوف لب ديال سنغافورة وغير ضاحكة وناااشطة وهو فقط مقابلها وكيزيد يطيح.. شوي بشوي بدأت كتخرج من عقدتها وكتحسن

دازو ساعات وهي كدورو من قنت لقنت تاعيات 

_أويس :3 ديال ليل هادي واش مزال معيتي

_سايرا (عينيها بداو يتغمضو) :لا صافي يالله نمشيو

شاف فيها وضحك وقرب هزها بين ايديه وسط الزنقة ممسوق لحد مرة خرى 

_سايرا : لا لا غاحطني

_اويس :هشش خليك 

وصلها هاكاك لسيارتو وخلاها تنعس على راحتها.. حتا وصلو لأوطيل عاود هزها بين ايديه شاد لكسوة وطلع مخلي دوك الموظفات كيبتاسمو ليهم عاجبهم للمنظر وعاحبهم هو أكثر 

حطها فسريرهم.. حيد ليها سندالتها.. غطاها وجلس كيشوف فيها وكيلعب بشعرها

_أويس (همس) :أش كديري فيا 

بقا هاكاك لمدة وهي ناعسة مغيبة.. بدل عليه وتخشا حداها هاد المرة معنقها من لور

دازو ساعات وهي ماوعياش على راسها مغيبة من العيا خصوصا أنها بعد مدة طويلة ضحكت وفرحت وحمدت الله على هاد التعويض الأحسن "عسى أن تكرهوا شيئا وهو خير لكم وعسى أن تحبو شيئا وهو شر لكم" 

فاقت كتشباااح لقات راسها فبيت نعاس كبييير وغريب.. ناضت قافزة وخيفة.. كطل من داك الزاج الكبير كيبان ليها غير الاشجار والدنيا خضرة ديرا بيها والشمص واصلة لنص.. هبطات حفيانة كتجري وترعد.. بان ليها داخل من واحد لبيسين عريان متسوقاتش مشات كتجري تلاحت عليه 

_أويس:شش مالك.. تهدني انا هنا معاك 

_سايرا :عند بالي مشيتي وخطفوني

_اويس (شد وجهها وسط ايديه) :مقدرتش نفيقك الصباح.. واصلا عمري غنمشي.. علاش باقي نقدر

بدات كطلعو وتنزلو وجسمو الكبير العاري السارد ودرك العضلات ليمنديين بالما.. بلا متحس وبحركة مفاجئة ليه هزات ايدها حطاتهم على عضلات صدرو.. خلاتو حال فمو وحمر.. بدات كدوز ايدها وهو غير هاز حواجبو وكيزيد فحموريتو.. حتا بدات تتحس بصدرو وقلبو لكينبض وديك النفس ليبدات تتهز.. عاد وعات وخرجات عينيها غادا هاربة.. شدها من ايدها وجرها ملصقها فيه 

_أويس : مغنقدرش نصبر كثر

يتبع...