حفيد لالة منانة الجزء الثالث

من تأليف SãNdy
2020

محتوى القصة

رواية حفيد لالة منانة

مروة:(كاتكركر)شوفليك الكلبة طارت عند المرا ماتشوفش فييك حتا ضحك بديك الفراكة لي عندك
اميمة:(طاحت للارض كاتضحك)وييييلي حشوووومة غاتعقدي البنت
بسمة:(كاتحك و ضحك)قولي لسارة دوقك شوية 
كوتر ناضت طافجة من هضرتهم و تبعاتها بسمة كانت غاتزلق مشات و جات و طلقوها لبنات بضحكة حتا بقا كلشي كايشوفيهم
سارة:(شادة الضحكة)والله حتا حرام عليكم اش دارو ليكم دابا لي شادين فيهم هاكا غاتندموهم 
سالاو من الحكان وحدة حكات لاخرا ضهرها و دازو لشعرهم دارو ليه الغاسول كاااملات و دهنو حتا لحمهم عاد شللو و تلواو فالفوطات خارجين بحال الشميعات و سارة من عند الله كايطيخ عليها السر
كوتر:(كاتلبس معصبة)طلقووو يديكم نتوما تعطلنا
مروة:(كاتلبس بالشوية ضد فيها)بالشويييية علييينا اختي 
خنزرات فيها كوتر و زادت خارجة ولاخرات تابعينها
سارة:(كاتعيط)واش عارفين طريق هادو
اميمة:صافي خليهم سربيو ا لبنات باقي عندنا مايداار(ضحكات بخفة)يالاااه يالاه
كملو لبنات لباسهم جاو يهزو السطولة و دوات اميمة
اميمة:غير خليوهم و زيييدو(هزو فيها عينيهم)واا تبعوووني فكلااامي
زادو تابعينها دايرين كلشي فيد الله شدو طاكسي صغير رغبوه حتا هزهم بربعة شاف الزين وهو يحوال
اميمة:(كالسة لقدام)صااافي غير هنا ا شريف الله يرحم الوالدين
نزلو عند اكبر صالون فالمنطقة Beauty Break خاص بالعناية بالعرايسات و الصپا 
اميمة:زيدو ونتوما حليتو فامكم
دخلو لبنات و بسمة غير حالة فمها كاتكركر 
موضفة الاستقبال:مرحبا انسة اش حب الخاطر 
اميمة:بون انا لي ديجا درت الحجز لبارح باسم اميمة صربي 
الموضفة:attend(كاتقلب)ويي مرحبا نتي لعروسة
اميمة:نووو(شارت لسارة)هاهيا ريزيرفيت على حصة الصبا و العناية بالبشرة و الاظافر و ازالة الشعر ليها و لينا حنا ريزيرف عناية عادي
الموضفة:مرحبا تفضلو
زادت كاتهضر معا البنات لي تما وصاتهم و رجعات بلاصتها 
مروة:ويييلي يا لكلبة ماصدقتيش ساااهلة
اميمة:(بتفاخر)وعلى شنو تسخا عليا بنت خالي
سارة باقا ماستوعباتش حتا جراتها واحد لبنت حيدو ليها حوايجها وضورو عليها فوطة بخروها مزيااااان وحدة دلك الظهر وحدة كاتحك الرجلين لي حمرين بلا حكان وحدة فوجهها كاطلي ليها شي عجب و تبرك رضات ليها وجهها حمر ماسالاو ليها حتا قرب يديها النعاس دهنو ليها لحمها بزيت الورد خلاو ريحتها كاتحمق خلاوها بنفس الفوطة و طلعوها لغرفة حطوها متكية وهي مافهماتش حتا بانت ليها بنت كاتخلط الحلاوة بيديها 
سارة:(سرطات ريقها)خ ختي 
البنت:وي الزين
سارة:(كاترعد)غاتنتفوني كلي
البنت:(كاتخلط)ويي
تكاتها و دهنات لي رجليها ونتفات حتا قفزات كملات ليها ريشاتها كاااملة حتا من كرشها حيت مشعرة و وصلات للمنطقة الحساسة و شافت سارة تزيرات بركات على زر وهي طلع بنت اخرا تعاونها 
ضارو بيها وحدة كاتخلط و وحدة تنتف وهي ربي لي عالم بيها عينيها غرغرو

البنت:(كاتحاول تلاهيها وهي كاطلي)عمرك حيدتيه بالحلاوة
سارة:لا عمري كاندير غير الماكينة(غوتات)اااااي بالشوية اختي كاضريني(قربات تبكي)صافي بلاش غير حبسي حبسي
البنت:مابقا والو
سالات ليها ومسحات ليها لحمها بكريم باش مايتحقنش فيها الدم لبسات حوايجها و هبطات لقات لبنات مادين يديهم كايقادو ليهم كلسات حتا هي فكرسي و جات حداها بنت تصاوب ليها
سارة:(شادة فوطة على راسها)الله ياخد فيكم الحق 
بسمة:(مكسلة فوق الكرسي)بصحتوووو نورتي ا لبيييضة ديالي
سارة:(مدات يديها)ماعرفتيش اش داز عليا
اميمة:(ضحكات حتا بانو غمازاتها)كلووو فسبيل بااا المهيييدييي
سارة:را هادشي لي فاقصني مايستاهلش المعقد لاخر
البنت:(كاتصوب ليها ضفرانها وتهضر)اودي كلنا قلنااها منين طيحي على زنافرك و يعجبك(غمزاتها)نتي تجي تنتفيه على قبلو هههههه
كملو لبنات و صاوبو حتا شعرهم خرجو فرحانين براسهم كايتغامزو مشاو على رجليهم فالرجعة وصلو معا وقيتة الغدا لقاو البنات فير كايخنزرو فيهم
خديجة:(باعجاب)على السلامة ا تفيفيحات
بهيجة:(جابا شاعلة)علاااش ماديتوش معاكم لبنات 
كوتر:(بغيظ)خافونا نبانو حسن منهم
مروة:(فنفسها)لاواه لبعاااابع(دازت فيهم غادا للطبلة)
سارة:(كاتبرد السوق)خالتي قلنا ليهم يتسناو مابغاوش خرجو مزروبين عييت مانعيط
سمية:ماكنااااش عااارفين قاالااك ماقالو لينا وااالو بالعااني خلاااو كلشي بيناتهم
سارة:(بهدوء)غير بالشوية نتفاهمو را حتا حنا ماكناش عارفين 
مليكة شافت فبنتها كاتحلف فيها وسارة عيات ماتبرر وتشرح فاللخر خلاتهم ومشات تزادت على لاخرين تاكل 
اذنات المغرب كانو رتاحو ناضو كايوجدو عاود البنات لبسو قفاطن فالباج و سارة وخواتاتها لبسو قفاطن فالخضر وتقادو جاو كايحمقو هبطو يجلسو معا الناس
لقاو الصالة عمرات حيت عرضو حتا الجارات دايرين ليلة للعيالات دخلات منانة وناسها كاسلمو على الضياف ويتعانقو معا عائلة العروسة حطو الحوايج لي جابو فاسط الصالة ماكاين غير التوابات المخيرة جلسات سارة فوسط الصالة بين خواتاتها وحبابها طلقات يدها للحناية كاتنقش ليها و الخاتم مزين صبعانها هزات عينيها كاتشوف كلشي فرحان وناشط وكايشيرو ليها بيديهم و حتا بنات خوالاتها لي ديما مقروصين منها كايبتاسمو ليها 
حسات بالموقف لي فيه و بانها غاتفرق حبابها و عائلتها و غاتولي فذمة رجل اخر غاتخرج من كنف باها و غاتعيش معا راجل ماكاتعرفوش وغاتشاركو فراشها و حياتها ودير معاه وليدات الى كتاب 

تغرغرو عينيها منين تفكرات ان الليلة ماغاتباتش فدارهم بين خواتاتها دارت كاتشوفهم فرحانين لفرحتها دوزات عينيها لمها لي جالسة بين العيالات و ضحكتها كاتسمع من باب الدار شافت خوها كايجري فالكلوار و جات فبالها ليلة العقد وشوفاتو فيها لي كايفشلو هبطات دمعة ومسحاتها بالخف منين سمعات صوت النقاشة
النقاشة:(كتوريها)جاتك فنننة معا يديداتك تبارك الله
سارة:الله يبارك فيك
تفرقو الطعارج و البنادر و مينة طالقات حلووووقهااا
مينة:(هزات بندير كاتدوز عليه يديها)ا ليل يااا ليييل اااا يااا عمررري لييييل اااااااه
ردو عليها العيالات و ناضت خديجة كاتركز و تلوز كاتبان غير كرشها لي كاضور و البنات اول مرة يشوفو مهم كاتشطح دارت فيهم الهوايش حما الطرح وناضو الجارات كايدردكو و يرضو على مينة
مينة:(كاطبل)وااا حااايداواااااااه ااا حيداوااااه من لباااااب(كايردو عليها)ااا حايدااااواا هااادي سااارة فالبااااب احااااايداوااا هاديك سااارة مووولات الصوااااب و حايداااواااه(زادت فوتيرة التطبال)واااتاااتوو هواااا واتاااتووو هوووو اااا والمهيييديي هووااااا
العيالات:واااتاااتو هواااا
ناضت الزمورية محزمة وبدات تلواااا
الزمورية:واسووووط ارييييح واااا خدييجة وااالداا المليييح وااا سوووط ا ريييح وااا سنااا والدة لمليييح وا سوط ا ريح واامنااانة عندها المليح
بدات تجدب و العيالات دايرين بيها كايردو عليها و يشطحو حتا سخفو و شدو االارض
لالة منانة:الله يعطيكم الصحة 
كملات النقاشة لسارة و دارت ليها نقيشة فرجليها على شكل خلخال و بدات تدور على البنات كادير ليهم بزيقة و دوز.. صفاء و سكينة قالك ماخاصهمش تحطات الحلوة واتاي وتبعوها بالبسطيلة و سارة غير كاتبرقق بعينيها فيها جوع و ماعندو منين يدوز هزو البسطيلة وحطو اللحم بالبرقوق و البنات كايتسخرو على الصالات بجوج عامرين حتا كملو عشاهم
طلعات سارة فرتات الحنة لي خرجات ليها حمرة كاتحمق و لبسات جوهرة معا قفيطن خيطاتو ليها منانة جاها عبااار كايهبل هبطات جلسات حداهم وهوما قلبوها نشاط و ضحك و حيحو عاوتاني حتا تناصص ليل تفرقو الجارات كل وحدة لدارها و دخلو الرجال يتعشاو المهدي و خوه و عمو و ولد عمت سارة و رجالات خوالاتها وعاد رجال من الجيران دارو جوج مرابع حتا هوما
سارة طلعات معا مها و خواتاتها يستفو حوايجها فالباليزات 
مروة:(كاتجمع ليها الشامبوان وجيل دوش)ماتخليهمش ليا زعما 
خديجة:داكشي ديال العيالات حطي الارض 
ضارو كلهم لعند بسمة لي كاتنخصص
سارة:(ناضت كاتجري لعندها)بسمة مااالكي
بسمة:(عنقاتها)غانتوحش حسك ا لحمااارة 
سارة:(بدات تنخصص)صافي راني على سبة 

بداو كايبكيو كلهم حتا مروة كادمع تزادو عليهم 
خوالاتها و بنت عمتها حتا ولات كنازة
مروة:(كاتسكت مها)صافي اماما الله يهديك راك باقا غاتشوفيها
حياة:(كاتمسح دموعها)فراق الكبدة صعيب
خديجة:ايوا لا اله الا الله نوضو خلينا الناس بوحدهم(ضارت عند بناتها)كملو هادشي باش ماتعطلوش الله يرضي عليك ا سارة
كملو البنات جميع الحوايج و عاوناتهم حتا اميمة هبطو كايتسالمو لقاو غير منانة وعرايساتها بجوح لي باقين يالاه غايركبو معا ابراهيم حطو لباليزات عند الباب و بداو يتباكاو
خديجة:(واقفة فلباب كاتعنق بنتها)ديري عقلك وكوني مراة وقااادا الله يكملك بعقلك ابنتي(عنقاتها و لاخرا كاتشهق)الله يرضي عليك
دازت عند خواتاتها لي عنقوها بجوج غايحماقو بالبكا حتا قربو يطيحو باست خوها و عنقاتو و وقفات كاتبوس لباها يديه حتا جرها معنقها
الطاهر:(بتأثر)الله يرضي عليك ابنتي انا راضي عليك عمرك حنيتي ليا راسي الله يسهل عليك معا هاد ولد الناس
جا المهدي حتا هو سلم عليهم وهوما كايوصيوه على بنتهم هز الباليزات حطهم فالكوفر و حل ليها لباب جلسات و عينيها معا خواتاتها لي كايودعوها ديمارا وزاد خدا معاه طرف من قلوب الجميع 
المهدي كايشوف فيها بنص عين كاتشهق مد ليها كلينيكس ماينكرش بقات فيه ولكن باقي مقروص من لموقف لي حطاتو فيه 
سارة:(شداتو)ش شكرا 
المهدي ديرونجا و تلف ماعرف مايقول فضل السكات
سارة مسحات دموعها كاتمة شهقاتها حبس لوطو فباب الاوطيل لي ريزيرفا فيه بتأكيد منانة نزل هاز الباليزات حتا خداوهم من عندو هز السوارت من الاستقبال و طلع هوا ومرتو لغرفتهم
المهدي:(كايشتت نظرو فالغرفة)خودي راحتك انا(كايشير فالحمام)
سارة:(حادرا عينيها)و واخا شكرا 
دخل كايدوش و عقلو مشوش كايقول شنو المطلوب مني حاليا واش نتبع غريزتي ولا نسمع عقلي اش كايملي عليا
سارة وصلو ليها الباليزات ومعاهم حتا حوايج المهدي حطاتها على جنب و جبدات حوايجها طاحت عينيها على الشوميز كاتتفكر هضرة خواتاتها خلاتها وهزات غير الدوبياس و بيجامتها و مسائلها د الدوش
سمعات باب الحمام تحل خرج المهدي لابس بينوار هز عينو فيها لقاها باقا كيفما خلاها و فيديها الحوايج عرفها باغا دوش
المهدي:(دار ليها طريق)را الدوش 
تمشات بالشوية جيهة الحمام دخلات و سدات عليها مزيرة اما هو لبس حوايجو و خرج للبالكو كايتنفس 
خدات راحتها ودوشات على خاطرها فضلات تلبس لداخل واخا معدبة و بقات هازا درتها فيديها فاللخر حطات فوطة على راسها وخرجات بحال الشميعة و رجيلاتها حمرين و ضفيرات كايشعلو بالنقاوة ويديها صغيورين حاطاهم على الفوطة لي كاتزلق ليها على جبهتها و كاترمش بعينيها بزربة متوترة

المهدي دار تبلونطا كاع الشجاعة لي جمع ضيعاتها ليه فجوج دقايق كايشوفها حادرا عينيها فازكين بالما تأمل ملاميحها لاول مرة حمقوه حركاتها كلما طاحت ليها الفوطة كاتطلعها على عينيها
المهدي:(بلع ريقو كايجمع الكلمات)رتاحي الى كنتي عيانة
رجع لتأملاتو فالسما كايفكر فهاد المخلوقة لي معاه فغرفة وحدة وغير كايتنهد اما هي نعسات بفوطتها تخشات فبلاصتها وجرات عليها الغطا عاطياه بالضهر وكاتفكر فداكشي لي وصاوها عليه واش ماكاين والو ماغايوقع والو بيناتهم؟
فيقاتها الشمس ناضت مخطوفة ماعرفات كيدارت حتا نعسات ضارت كاتلقا بلاصتو مخربقة يعني نعس حداها ولكن فين هو ناضت غسلات وجهها وحكات سنيناتها بقات كاتسناه يبان ولا يدخل من لباب حتا ملات وهزات تيليفونها باش تصوني مي ماكايجاوبش دخلاتها الخلعة و بدات كاتقشر فشنايفها حتا صونا ليها تيلي بسميتو هزاتو بزربة وحطاتو على ودنها
المهدي:سارة هانا قريب دابا جاي(قطع)
حيدات تيلي من ودنها مستغربة لهاد السيد لي كايزيد يصدمها فيه ناضت تلبس عليها لبسات جلابتها فالغوز بااارد ودارت شال فنفس لون تحسبا لكاع الاحتمالات
المهدي:(حل لباب لقاها مقابلة معا المراية)احم الى كنتي واجدا يالاه نهبطو نفطرو 
سارة:(ضارت هزات تيليفونها)هانا 
زادت قدامو كاتمشى بالشوية حتا وصلو لقهوة على حساب الاوطيل طلبو الفطور ليهم ولا بالاحرى غير ليها اما هو اكتفى بقهوة صافي
سارة:احم(هزات عينيها فيه لقاتو ساهي برا تأملاتو لفترة و بتاسمات بلا شعور)
المهدي:(ضار عندها)الى ساليتي باش مانتعطلوش عليهم 
سارة:شكون؟
المهدي:خصنا نمشيو للرياض(كايشوف فساعتو)
سارة:(مسحات يديها)صافي ساليت الحمد لله 
خرج هو وياها لقاو الباليزات عند الباب هبطهم حامل الحقائب هزهم لاحهم فلوطو لي لقاها مركونة 
وقفات حداه كاتشوفو باعجاب كايهز الباليزات و يلوحهم 
هبطات عسنيها منين شاف فيها
المهدي:(حل ليها الباب)تفضلي
طلعات وطلع حتا هو حداها ديمارا عينيه فالطريق و يدو خارجة من الشرجم 
وصلو لبلاصة فيها اكتظاظ و حبسو كايتسناو الطريق تتسرح طولات المدة حتا بداو الناس كايخرجو من طونوبيلاتهم و الكلاكسون على الجهد كايفرع الودنين ضورات سارة عينيها لقاتو كايحرك يديه على المقود(الفولااااا ا لبناااات😑)بطريقة كاتبين انه توتر و ديرونجا حيد نظاظرو بعصبية ولاحهم حتا قفزات طلع الزاج ديال الشراجم خلعها بقات غير كاتبلع ريقها
كملو طريقهم فالسكات بعدما تسرحات الطريق 
سارة حدها كاتنفس و طل عليه بنص عين خلعها منين شافتو تفاعل معا زحام لديك الدرجة 
وصلو و مولاي السلطان باقي طالع ليه الدم حلات لباب وحطات رجليها قدام باب رياض هزات عينيها فاتحاهم على جهد 
كاع لي خلاتهم لبارح صبحو دايرين الصف معا منانة محيحين قدام الرياض معا الدقايقية هازين الطبولة والمزامر كايرحبو بالعروسة 
لالة منانة:(كاترش الزهر عليهم)مرحبااا مرحبااا بعروووستي 
المهدي ماعرف يزيد ولا يهرب ولا يرجع للوطو و يسد عليه بقا غير مخرج عينيه مصدوم فهاد القوم 
حيحو و دارو بالعروسة كايشطحو معاها و هي فرحانة بخواتاتها ومها لي جاو عندها

سالاو الدقايقية و دخلو عرايسات منانة سابقينهم كايمدو ليهم الحليب و تمر مستقبلينهم كعرسان جداد
جلسو مجمعين معا سارة فالصالة وهي كاع التقليقة لي كانت فيها مشات منين شافت حبابها فجنبها و منانة لي معنقاها تقول غاتهرب ليها اما المهدي طلع لبيتو لي لقاه مخمل و مفرش بفراش جديد قلب على حوايجو بدل عليه ونزل كايرحب بيهم و يدير الصواب بضحكة الصفرا وسارة كاطل عليه بنص عين و تبتاسم حتا قشعاتها بسمة 
لالة منانة:ياسمين نوضي ابنتي معا مرت خوك ديها للبيت تاخد راحتها معا خواتاتها
ياسمين بنت ابراهيم قصيورة و مبشورة غير كتضحك قريبة من سارة فالعمر عندها 20 عام ناضت وسارة تبعاتها
ياسمين:(حلات ليها لباب بلا مادخل)دخلي ا زوينة هادا بيت المهدي منين كايجي عند لعزيزة 
سارة:(بامتنان)شكرا ا حبيبتي
دخلات كاتأمل لغرفة لي شمات فيها ريحتو اول مادخلات وخواتاتها جلسو معلقين عينيهم فيها
مروة:(مزيرة على عينيها)انا غانتحدا مبادئي و اخلاقي و غانسولك(حلات عينيها)اش درتو لبارح
سارة:(تزنگات)م مادرنا والو وصلنا عيانين و نعسنا
بسمة:(كاتندب)وااالو واالو واش نتوما شنو ملائكة مادرتو وااالو ا سارة وااااالو
سارة:(جات كاتسد ليها فمها)اويييلي على شوهتي سكتي شوهتينا 
مروة:هادشي ماشي عادي اناري انا كانعرف واخا يكون العريس جارينو بالسناسل ليلتو اللولة كايي(لاصقات يديها بجهد)
سارة:وااا قلنا ليكم وصلنا عيانين صافي بدلو الموضوع ياااء
مروة:قوليليا اش درتو منين ركبتو فطونوبيل باش انا نفهم را ماقشبلت معاك والو 
سارة:ركبنا و صلنا للاوطيل نزلنا طلعنا لشومبر دوشنا(شافتهم حلو عينيهم)دوش هو وبعدو انا و نعست صافي 
بسمة:(ناضت مغددة)باقا كاتقووول صااافي(غوتاات)باااقا كاتقوووووول صااافي
معا الغوتة معا تحل لباب دخل المهدي لقاهم كل وحدة فبوزيسيون كايشوفو فيه مصدومين كان غايعتاذر و يخرج حتا تفكر را بيتو هادا و زاد دار خطوة لداخل
ناضو لبنات خارجين حانيين ريوسهم قربو يذوبو بالحشمة وصلو عند لباب يسدوه لقاو سارة حتا هي غادا معاهم حمرو فيها ودفعوها للداخل و هي عطية وجهها للباب حلفات مادور
المهدي:(كايعبط ريدو)سارة انا غانعس غاتبقاي هنا ولا غاتخرجي 
سارة:(ضارت عندو)غ غان غان غانمشي ما م تصبح على خير 
خرجات و زدحات لباب لقات لبنات كانو كايتسناوها
بسمة:(بالحس)علاش خرجتي 
سارة:(كاتدفع فيهم)زيدو باغي يرتاح
هبطو جلسو حدا مهم قارمين كايطلو غير من التحت وسارة كاتقاد زيفها حتا تحط لغذا و سيفطوها تفيق المهدي
حلات لباب بالشوية و دار داك الصوت المزعج ديالو حتا غبنات سيفتها و دخلات على طرف صبعانها كاتقول منين نبداه

جات من جيهتو مدات يديها تزعزو و بقات كاتشوفو على خاطرها ماحدو ناعس حجبانو عاقدهم بحالا كايدابز حتا فاحلامو و عرقان جبهتو كاتبري و كايخرج النفس من نيفو تقول كايتسابق تفاءلات ان علاقتهم غاتطور كاي زوجيم بقات كاتشوف حتا حسات براسها عيقات
سارة:(بلعات ريقها)المهدي ا المهدي(جاتها الضحكة على راسها)المهدي(بدات كادخل فالجو وكاتكلم بالحس)احم احم المهديييي راجلي زوييين(سدات فمها كاتضحك مصدومة فراسها)المهدي(غلضات صوتها)المهدي نوض تغذا(شافت فيه بحب ومدات ييديها قاست كتافو العراض)المهدي نوض باش مايتغداوش عليك 
حل عينيه نيشان فعينيها وهي قلبها غاينقز كاع الزعامة لي كاتكون عندها غاتمشي معا ريح منين كايشوف فعينيها 
سارة:(بدات كاطلع حتا وقفات مستاقمة)ن نوض تتغذا
خرجات مخلياه كايتوگض و يتكسل و يراجع معا راسو اش سمع واش غير كان كايحلم ولا سارة لي كانت كاتهضر نعل الشيطان وناض غسل وجهو وهبط يتغذا واخا ماموالفالوش ولكن قالتعالو سارة دابا 
فالعشية ودعات سارة امها و اخواتها و بقات وسط منهم مطمأنينها غير نظرات البعض منهم ياسمين لي دخلات ليها لخاطرها و منانة
لالة منانة:(شادة ليه فيدو)الله يرضي عليك اولدي خلي حتا للصباح وسيرو بحال بحال
المهدي:(صافي گنف)بحال بحال بالنسبة ليك بغيت نمشي نتكالما معا راسي مافيا لي يزيد الدقيقة هنا
لالة منانة:(ربعات يديها ناوية تبدا تدمع)صافي ولات دار جداتك كاتجيب ليك الصداع اولد ولدي اش غانقول ليك(هزات عينيها فسارة لي عايشة معاها الدور)دير لي بغيتي اما انا مابقا حد يبغي هضرتي
مسح وجهو بعصبية هضرة جداتو حفضها و طلعات ليه فراسو فينما تبغي تلزم عليه شي حاحة تقوليه هاد جوج كلمات طلع بحالو يهبط حوايجو و منانة خلاها كاتنخصص وحتا لي كانو معاهم عارفينها كاتزيد.فيه خلاوها معا سارة و صفاء لي بقات معاهم هازا تيليفونها
سارة:(جات عندها)صافي ا لعزيزة ماديريش فبالك 
لالة منانة:(كاتبوحط عليها)انا كانتوحشهم مجموعين حدايا اهئ خفت نموووت وانا ماشابعاش منهم
سارة:(قربات تبكي معاها)ماتقوليش هكك الله يطول ليك فالعمر(زعمات)ا انا نم نمشي نهضر معاه
لالة منانة:(فرنسات حتا تسدو عينيها)الله يرضي عليك سيري ا المرضية 
ناضت سارة و عينين صفاء تابعينها بحسد وفمها كايبركم"خصها غير سبة تفووو"هبطات عينيها على تيليفونها وسارة حلات لباب بلا دقان لقاتو مشغول كايخربق فشي وراق
سارة:(هزات عينيها ناوية تتقرب منو)المهدي(شافتو ماجاوبهاش زادت قربات ليه)المهدي
المهدي:(باقين عينيه فالوراق)وي هضري كانسمعك
سارة:(حكات حجبانها بتوتر)لعزيزة مقلقة بزااف(بتودد)لو كان نباتو هاد ليلة مادات ماجابت اولا
المهدي:(طوا لوراق و هز عينو كايشوف فيها)مامسلكانيش غذا صابح خدام و عيان ا سارة باغي غير نحط راسي و نسمع السكات(دعق عينيه)حتا دابا را مافيا لي يتناقش جمعي حوايجك باش مانتعطلوش(زاد غادي)
سارة:(شدات ليه فدراعو بيديها بجوج)عافاك والله حتا غانخليوها بلا خاطر غير هاد ليلة وغذا نمشيو بكري والله(جمعات حجبانها)حشومة تبات بالها معانا
المهدي:(توتر من قربها و زعامتها لي حات على غفلة)سارة(هز يدو كايشرح)كانقولك ماكانرتاااحش وانا وسط الناااس زيد عليها عندي مايدار 
زاد خرج من البيت وسارة جلسات على طرف الناموسية مغبنة

زعمات عليه بلا قياس و هو فالمقابل عاملها بجفاء بحالا متقلة عليه بدات تجمع فالبكية و تنخصص غابوحدها على سبة حتا رجعات تلوم فراسها علاش قبلات نعلات الشيطان و هبطات بدموعها فعينيها جمعات معا منانة لي ماعاوداتش حكرات و جلسات معاهم حتا سناء غير كاطلع و تهبط فيها ماحاملاهاش وسكينة وصفاء كالسين بحال لحلاقم دخل الياس يدير ليهم شوية لومبيونص 
الياس:(كايدور عليهم)وانا كانقول مال داار منورة(مد يدو)مرحبا يك اختي سارة
سكينة:(ميقات فيه)عناااب
الياس:(نيش فيها)ديها فراسك اا انا علمتك الى صمكت والديك ماتلومينيش 
سكينة:(كاتعيبو)نينينيني سكت يا لعنيبة لاخر
دار راسو ماسمعهاش و دار كايمدح فساة و يزيد فيخرات من عندو وهي حاطة يدها على فمها كاضحك طولات المدة و هوما جالسين حتا ملات سارة و ناضت كاتقلب على فاش تلاها 
سارة:(دخلات للكوزينة)السلام الله يعاونكم
نجية:الله يحفظك(عطاتها كرسي)جلسي
سارة:(جلسات باستحياء)شكراا(كاتشمشم)شنو كاطيبو
نجية:(كاتحرك)غير مريقة بالدجاج والفريت 
سارة:(بلطف)اممم الله يعطيكم الصحة(ناضت كاتنقب الفريت لي محطوط)
لكبيرة:(كاضحك معاها)را غاتگهمي وماتعشايش
سارة:هههه (هزات اخر وحدة)قنطت كاين مايدار
نجية:غير رتاحي ا لالة لبنات كلشي قايمين بيه
لكبيرة:مبروك مادرتي تزوجتي بسيد الرجال مايخصك معاه حتا خير
سارة:(تنهدات)الله يبارك فيك
نجية:(جات فاهماها وشدات فيديها)صبري الايام اللولة كاتكون هاكا باقا المحبة تقوى بيناتكم(سرحات)وحتا هو مادازش عليه قليل 
حطو لعشا بكري و جلسو مجموعين على الطبلة الا المهدي لي دخل معطل وانضم ليهم 
كلاو و شبعو وكالعادة ناض هو اللول
المهدي:تصبحو على خير 
سارة فرحات حيت غايبقاو كيفما كان الحال واخا تقرصات منو المهم دار بوجهها و بقا لحقات عليه من بعد ما عاونات فجميع الطبلة 
لقاتو باقي فايق معا كتوباتو حيد نضاضرو تقاد فبلاصتو كايعول ينعس انا هي جبدات حوايج النعاس و مسائلها كادير روتينها مشاطات شعرها لي اول مرة طلقو قدام المهدي و جات تلاحت حداه بهدوء حطات يدها على عينيها كاتقلب فالفراش مامولفاش تنعس بكري سمعاتو كايتنهد و سقرات عاطياه بوجهها كاتشوف فلحيوتو و فمو مخبي بين الزغب عيات على نفس الوضعية هزات يدها من تحت راسها بالشوية باش ترتاح فنعستها حتا قاستو فكتفو بلاماتحس غمضات عينيها كايتفتفو زعما مادارت والو و زيرات على الغطا 
سارة:(حلاتهم بالشوية لقاتو كايشوف فيها)انا يدي ضراتني وهزيتها و ح حيت عييت و ضراتني عليها م دابا انا ه انا هو هزيتها و و قصتك غ غير حي ت عيات ل ليا يدي
سد عينيه راجع ينعس وهي زيرات على عينيها كاتلعن النهار لي قبلات تدخل لهاد الدار سدات عينيها ناعاوداتش كاع حلاتهم حتا صيح الحال فاقت على صوت زقزقة العصافير😶 لقاتو قدامها عاطيها بالضهر ناضت بلاما دير اي حركة تزبلها عاود دخلات للحمام طرفات حالتها توضات و صلات على زيفها و لبسات حوايجها مستورة هبطاات فالدروج كاتكتاشف الرياض دخلات للصالونات كاتطل و البيوت ماقرباتش جيهتهم دخلات للكوزينة لقاتهم كاوجدو الفطور و ريحة القهوة عاطية 
لكبيرة:صباح الخير زينة البنات فقتي بكري
سارة:صباح النوور(بصوت نازل)مارتاحيتش فالنعسة
نجية:(ضحكات)حتا تمشي لدارك و شوفي النعسة كيغاتجيك نكب لك قهيوة
سارة:لا بلاش ماكاينش اتاي
نجية:(كاتكب ليها)هاهوا لبنتي
سارة:(كاتشرب مستحلياه)واش كاتباتو هنا ولا كاتجيو بكري
لكبيرة:نجية كاتبات هنا وانا داري غير قريبة كانمشي عند ولادي وراجلي فليل وكانجي فالصباح(هزات الصينية)يالاه للصالة
سارة:(كاتهز الطبسيل د المسمن)ارو نعاونكم

ستفو الفطور فوق الطبلة جات منانة مصبحة على سارة بالكلام الحلو ماكاين غا بنيتي عروستي حبيبتي گلسات حداها كايفطرو مجموعين هي وياها حتا تزادو عليهم البقية و المهدي هابط مبوق عينيه منفوخين لابس سورفيتتو هز كاس دالقهوة هبط عليه ودار كايهضر معا سارة
المهدي:(عينيه فالكاس)سارة منين تسالي طلعي حوايجك انا خارج نص ساعة ونجي نلقاك واجدة
سارة كاتهز غير راسها وصفاء قربات تنقز عليها
كملات فطورها و طلعات كاتجمع البيت و ترجع حوايجها للفاليز جبدات الحوايج لي غاتلبس كسوة فالخضر باااااارد و البيج و درة باج وقفات قدام المراية كاتشاور معا راسها واش تحط شوية دالماكياج ولا بلاش طلعات شفرانها بلماسكارا عجبها راسها و هزات العكر كاديرو وتمسح و تعاود يتنادم معاها لحال و تمسحو حتا طيبات فمها ولا حمر بلا عكر جمعات كلشي فسامسونيط صغيرة دارت اخر اللمسات و هبطات لقاتو يالاه دخل عرقان عليه السيفة ترينا طلع كاينقز جوج درجات فخطوة تبعاتو غادة كتزرب 
سارة:(حلات الباب لقاتو كايقلب على الحوايج)غير دخل انا نجبدهم لك
دار بكلامها واخا ماعندوش معا لي يبقشش ليه فحوايجو ربع ساعة ماكاملاش خرج ملوي عليه فوطة كايقطر و ريحة الجيل عاطية لقاها كاتهضر فتيليفونها عطات وجهها لشرجم مخلياه يبدل فراحتو هزات عينيها لقات صورتو معكوسة فالشرجم لابس شورط وكايلبس فالكيطما بلعات ريقها باحراج و ضارت شادة تيلي فيدها
سارة:انا غانزل لتحت نتسناك حتا تسالي(رجعات شافت فصيكان)نهبط معايا شي حاجة
المهدي:(ملاهي كايسد قاميجتو)نووو غير خليهم انا نزل كلشي
هبطات هازا غير صاكها صغير و تيليفونها فيدها مبتاسمة كلها تفاؤل گلسات حدا منانة لي باقا كانتنگر خصا كلشي يقابلها غير هي ماعندهم شغل سلمات عليهم و عنقات سناء وهي ماحاملاهاش منين جات كاتهضر معاها غير بالقياس و مامعبراهاش
وتبعات المهدي لي غير هز يدو مودعهم وزاد
ركبات حداه هاد دارت السمطة و فرحانة حيت غاتمشي تشوف دارها لي غاتعيش فيها معا زوجها وحبيبها المستقبلي 
الشقة جات فالسونطر دالمدينة دايرين بيها المحلات الكبار و العمارات جات فشارع هادئ نوعا ما 
سارة هزات تيليفونها تتلاها بيه حتا وصلو 
هبط المهدي و حل ليها الباب هز جوج دليفاليز و تمشا قدامها بلا كلمة بلا زوج طلعو فالدروج لي مفينيين بلاموزيگ باج كايبري والحيوط بصباغة كاتلمع شدات فجنب الدروج طلعة كاتكتاشف وصلو للطابق الثاني وقفو قدام باب كحل كبير جبد سوارتو دورهم فالباب ودفعو كايحط الحوايج 
تحل لباب و تحل معاه بؤبؤ سارة لي خصها غير فوقاش تدخل وتبدا تكتاشف
المهدي:(حط تيليفونو فوق فيترين عند الباب)مرحبا بيك انا غانهبط نطلع لي باقيين

اومأت ليه براسها ودخلات هزات عينيها فالسقف فيه جبص عصري و بولات عند الجناب و وسط الدار مفرش بفوتويات فالزرق غامق و طابي صغيرة فال blanc cassé
زادت جوج خطوات بانت ليها الصالة مفرشة بلدية مخاد فالكحل مطرزين و زربية بلدية فنفس اللون كاتهبل و قبالتها صالة اخرا مفرشة فراش عادي فالموف غامق تلفات على الكوزينة بقات كاضور و تحل فالبيبان هادا بيت هادا حمام حتا دخل المهدي 
المهدي:(شير ليها جيهة بيت بابو كوليس)ها البيت الى بغيتي تستفي حوايجك انا غاندوش 
سارة:(جات كاتهز الصيكان)ااه واخا
دخلات لبيت كاتسرق شوفات صغيورين و ضحك فرحاانة بدارها الناموسية كبيرة و عريضة فالرمادي والماطلة مفرشة الكوفرلي فالزرق غامق بمخاد فالرمادي و فالقنت ماريو متوسط القد فنفس لون الناموسية جبدات غير لي خصها و بدلات عليها ماحد المهدي فالدوش ضفرات شعرها على جنب تقابلات معا مراية طويلة موقفها حدا باب البالكو كاتشوف راسها كيجات ضحكات حتا تغمضو عينيها و تهزو حنيكاتها ماعرفاتش ديك الفرحة منين جاتها جمعات كسوتها وطواتها حطاتها حدا الحوايج لاخرين طلات فالساعة لقاتها لوحدا لاربع خلات الحوايج حتا لمنبعد و خرجات كاتكمل استكشافاتها لقات حمام غير هذاك لي عندهم فالغرفة و جوج بيوت مفرشين بالبيض دخلات للكوزينة كاتنقز بحال الفراشة لقاتها نقية غير شي كيسان ومعالق لي ماشي فبلاصتهم حطاتهم فالبلاكارات و المعالق لاحتهم فالشبكة بقات من هنا للهنا تحل بيبان البلاكار بحماس لي بعد ما حلات الثلاجة تلاشى لانها لقاتها خاوية باط ديال بيتزا و خس و جوج ماطيشات و بواط د الطون و وحدة ديال الماييس رجعات كاتقلب فالمجورة لقات جوج حبات دالبطاطة بحالا شافت ماماها هزاتها وغسلاتها و بدات كاتنقي 
خرج المهدي من دوش شم ريحة جديدة فغرفتو ريحة الجنس اللطيف جاتو غريبة فاللول ولكن الريحة تغلغلاات معاه لبس عليه مستمتع ولقا حوايج سارة محطوطين بنظام على جنب هز زيفها حطو على نيفو كايشم ريحتها ديال ذاتها ديال روحها لاح الشال و خرج كايسمع التقرقيب فالكوزينة و صوت سارة كادندن
سارة:(حاطة الروز يتصلق وكاتقلب فبطاطا لي كاتقلى)
"مكتوبة ليك إني أنا اللي تعيش لها
مكتوبة على إسمك حياتي كلها
أول ما قلت بحب كانت ليّ أنا
مين تستاهلها غيري أو تتقال لها
مكتوبة ليك وأهي كل حاجة في وقتها
تكمل حياتك بيّ لما دخلتها"
كاتتحرك هنا وهنا حفيانة وشعرها كايتحرك معاها و المهدي ربي لي عالم بيه كون ماكانش الحيط لي متكي عليه كون راه اغمى عليه كايتساءل واش كاع لبنات هاكا ولا غير هادي وگض راسو و حنحن حتا قفزات
سارة:(شادة على قلبها)نااري ا المهدي دييير الحس(بلعات ريقها)ب بالصحة 

المهدي:(متمر)الله يعطيك الصحة(كايطل)شنو تما
سارة:(كاتوريه)بطاطا كاتقلى و حكيت ماطيشة(ضارت كاتسولو)كاتاكل بيض وماطيشة ياك(شاف فيها زعما من نيتك)احم المهم البيض وماطيشة وغاندير شلاضة ديال الطون و الروز و الماييس
المهدي:(كايشوف فيها)سالاد
سارة:(تحرجات)ه هي هاديك(كان غادي و كلماتو)المهدي نقدرو نخرجو هاد العشية نتقضاو(كاتلعب بيديها)حي حيت دابا بزاف دالحوايج ناقصين و حتا التقضية
المهدي: اوووكي لي بانلك 
ضارت كاتكمل شغالها فرحانة حيت وافق
حطات الغذا على الطبلة متول و مقاد واخا غير ملبقاه عيطات ليه و عادات حتا جا انضم ليها جلسو مقابلين كايكلو فصمت حتا سالاو و هزات عينيها فيه
سارة:(بطفولية و براءة)كيجاك بنين
المهدي:(مدعوق)بيض وماطيشة؟ز زعما هادشي اه بنين بنين الله ي(ماعارفش اش كايتقال)الله يقوي الخير
سارة:(عيات حابسة الضحة و طلقاتها)ههه امين بصحتك 
هزات الماعن حطاتهم مغسولين فبلاصتهم و مشات لبيتها لقاتو متكي على كرشو شاد كتاب جلسات كاترتب حوايجها و طل عليه بنص عين دخلات مسائلها دالحمام ستفاتهم فالدوش و جمعات الاحذية ديالها حطاتهم فبلاصتهم بقا ليها غير المكياج و كريماتها حطاتهم فوق كومود صغيرة 
المهدي:(كايطل فالساعة)لبسي عليك باش مانجيوش معطلين
دارت داكشي لي قاليها لبسات عليها عبايتها باج و شالها فالبلو تسناتو حتا لبس و هبطو فالدروج كايهضرو
المهدي:خصك بزاف دالحوايج نديو لوطو ولا بلاش
سترة:(عينيها فالدروج)من الاحسن
طلباتو يمشيو لمرجان باش تتقضا كلشي فخطرة و مابغاش يخصر ليها واخا ماعندوش معا البلايص لي فيهم البشر 
وصلو دخلو مع الباب جرات عربة و زادت دافعاها هازا تيليفونها مقيدة اش خاص مشات لبلاصة اللحوم هزات الدجاج واللحم وحتا طريفات بيبي 
خدات الفرماج و دارت على بلاصة المعجنات هزات لي باط و حتا كسكسو مرة مرة كاضور تشوف المهدي واش متضايق من الكم لي هزات تبعات هادشي بالخضرة ... الكروسة عمرات و تقلات عليها ...المهدي لاحظ بانها بدات تعيا وجر السلة من عندها تصرف بعفوية اما هي بدات تقشر فشنايفها بانت ليها عربة صغيرة هزاتها حشمانة حطات فيها شي طاسات و علب ديال الكوزينة عجبوها شي طباسل زادتهم لي بانت ليها خاصا و عجباتها كاتلوحها فالسلة ماحد المهدي ماكايقولش لا وقفات كاتفكر هزات سائل غسيل الماعن وحتا التيد .. دازت للاغراض النسا لاحت باكية دالفوط الصحية بالزربة و هزات شامبوان و جيل و دارت كاتشوف فالمهدي بحنية
سارة:(بلطف)كترت واقيلة
المهدي:(مخنزر ماحاملش الناس يتحاكو معاه)غير سربي ا سااارة سربي

دارت بالنقاص من سؤالو و زادت قدامو للاكيس لي من حسن حضهم لقاوها خاوية
وقف كايحط التقضية وساة مقابلة معا الشاشة دالحساب من 75 درهم ل 1050 درهم خرجات عينيها مصدومة وكاطل فالمياكي لي محطوطين فالسلة تقول غاديين بالهدية
دفعو السلات بزوج متاجهين للباب وسارة كاتفوه دخلات للسيارة مهدودة خلاتو كايستف التقضية....دخل ديمارا بعد مافرغ من التستاف و شد الطريق وزاد عينيه على الطريق...دخل و سد الباب بعدما طلع وهبط جوج مرات لقا سارة كاتزول زيفها داخلة للكوزينة
المهدي:(متاجه للغرفة)انا ماغانتعشاش ديري شي حاجة ليك غير نتي 
بقات كاضور هضرتو فراسها و هزات غير طوسط دهناتو بالشكلاط و جلسات معا تيليفونها مجمعة معا خواتاتها كاتسيفط لهم تصاور دارها و تعاود ليهم اش دارو وفين مشاو هاد النهار
ناضت كاتكسل متاجهة لبيتها دخلات بعدما طفات الضواو لقاتو متكي على وضو الفيوز خااافت فالاحمر دخلات للحمام كاتغسل وجهها حلات شعرها تمشطو الى ماسرحاتوش مايديهاش النعاس
هزات عينيها فالمراية لقات المهدي متكي على الباب عينيه شبه مسدودين ساهي فشعرها الطويل
قلبها ضرب وحسات ببرودة فاطرافها 
زاد المهدي بخطوات واثقة وعينيه فعينيها بقاو كايفصلوهم سنتيمترات قلال هز يدو كايقيس شعرها لي اسرو من اول ماشافو سارة صافي الله يرحمها هزات يديها و حطاتها على صدرو بارتباك بعدما حسات بلمساتو على خصرها توجهو بزوج خارج الحمام مركزين على عينين بعضياتهم وخلااااونا حنا تماااا ليوم نباتو معا الجنوون
بعد ليلة كلها مشاعر لي عبرو بيهم ابطالنا بطريقتهم 
صباح جديد فاقت بطلتنا معطلة مدكدكة دورات عينيها فالغرفة كاتسترجع اش وقع لبارح هزات الغطا عاضاه باستحياء منين تفكرات ناضت كاتكسل وتحتها كايحرقها لقات بلاصة المهدي خاوية جرات الفوقاني ديال البيجامة لبساتو على اللحم مغطي النص ففخاضها 
شعرها مسرح فوق كتافها باهمال توجهات للحمام دوشات و غسلات مزيااان عاد جات كاتهز الحوايج لي مرميين فاركان البيت هزات الغطا كاطويه وبانت ليها البقعة ديال الدم على السرير جراتو طواتو وخشاتو معا حوايجها حتا تسول ماماها اش دير بيه جبدات كوفرلي اخر من لي وصلوهم من منانة وفرشاتو لبسات عليها بيجامة خفيفة قصيرة فايتة الركبة فالغوز بيبي جمعات شعرها باهمال وحطات الحوايج فالماكينة و مشات كاتقلب على المهدي مالقاتوش قالت غايكون خرج جلسات كاتفطر بوحدها و جمعات الطبلة منين سالات 
بدات كاتستف التقضية فالتلاجة و شي حوايج فالبلاكارات 

خلات لي محتاجة على جنب و بدات كاترد الغدا يطيب 
سدات على الطنجرة و دازت للماعن باش مايتجمعوش عليها 
طارت للبيت حلات الشراجم كاتنفسو و جبدات الحوايج من الصبانة خشات الحوايج لي كانو باقيين برا فالماريو و خرجات كاتمشي من هنا لهيه برشاقة 
طلات فالساعة لقاتها 12 و ربع ساعة دازت طايرة و المهدي باقي مابانش جبدات الفخاض ديال الدجاج من الطنخرة حطاتهم يتحمرو فالفران و دازت لشلاضة(سلااااد زعما😑) 
قادات كلشي فالطباسل و حطاتهم على الطبلة هزات تيليفونها كاتصوني عليه وتعاود حتى حسات براسها عيقات و هي تلوحو فوق الطبلة و غطات داكشي لبسات زيفها و خرجات للبالكو كاطل على الشاريع خاوي من الناس غير الطونوبيلات لي كايدوزو وغير صوت الكلاكسون لي كايتسمع رجعات گلسات كاتسناه يعيط ولا يدخل مع الباب جاها جوع بدات كاتنقب من شلاضة و هزات تيليفونها دوز بيه الوقت دخلات للواتس لقات مسج ديالو فيه -انا فالخدمة ماتسناينيش للغذا-
شافت فداكشي لي محطوط بانكسار و جابت طبسيل حطات لراسها و الباقي رداتو للكوزينة مغطي
كلات وعمرات كريشتها و جلسات كاتفرج فالتلفازة حتا ملات وناضت كاتقلب على مادير
5 ديال العشية عاد داخل سي المهدي هاز فيست ديالو فيد وسوارت فيد لاخرا جات سارة متاجهة لعندو منين سمعات الساروت دار فالباب شدات من عندو الفيست و سلمات عليه بلابيز وهو غير مسايرها حال عينيه
سارة:(بابتسامة)نسخن لك لغدا
كمية اللطافة لي تلاحت عليه ديك الساعة خلاتو غير ساهي ماعرفش يقول لا ولا اه
المهدي:و واخا نبدل عليا بعدا
سبقاتو علقات الفيست وسط الماريو ورجعات كاتمشا بخفة لقاتو كايحد سباطو دخلات للكوزينة كاتسخن الماكلة و ستفاتها على الطبلة و جلسات تتسناه
انضم ليها بعدما بدل حوايجو و لبس شورط و كيطما ديال الدار 
قطع الخبز وبدا كاياكل تحت انظار سارة لي وتروه هز عينيه فيها و الدغمة ففمو 
سارة:(تزنكات)بالصحة
كان غايدير بالناقص من شي ماكلة وقفاتها ليه بنظراتها 
نعل الشيطان و ناض غسل يديه و دخل للبيت مخليها كاتجمع الطبلة.. خرج هاز شي وراق فيدو جلس فالصالون خدام كايكتب فالبيسي لابس نضارتو الطبية وهي كاتغسل الماعن ومرة مرة ضرب طليلة عليه حيت كايبان ليها من الكوزينة 
دازو ايام ونفس الروتين كايتعاود جاو عندهم خديجة و الطاهر دارو معاهم كاسكروط واحد النهار شافو بنتهم فين عايشة وطمنو عليها 20 يوم على زواجهم داغي دازت 

المهدي ايامو كاملة فالخدمة وهي معا شغال دار ملهية بدات كاتعلم وصفات جداد كل مرة مفاجئاه بشهيوة وهو غير مسايرها كايدير ليها خاطرها ماباغيش يكسرها
فاقت سارة وكالعادة المهدي خارج بكري وقفات شادة على كرشها دخلات للحمام بدلات حوايجها ودارت اولويز قلبات على لكينة لقات راسها ماهازاهاش معاها عينيها دمعو حيت عارفة لي تابعها خرجات كاتمشا محنية دارت الما يسخن و حطات فيه قرفة و لويزة شرباتهم مخصرة سيفتها و رجعات لبلاصتها مقاداش تتحرك 
كثر عليها الحريق بقات غير كاتقلب هزات تيلي تصوني على المهدي و ماكايجاوبهاش حتا تقهرات بالبكا كاتنخصص عيطات لختها هي لي تعتقها
سارة:(كاتشهق)الوووو بسمة اهئ اهئ
بسمة:(مبوقة بالنعاس)الو شكون(ناضت منين سمعات لبكا)سااارة مااالكي 
سارة:كاانمووت ابسمة بالحرييق عتقييني ماقادراش نصبر(كاتوقف ترد النفس وتكمل)ماعنديش الكينة خليتها فالدار
بسمة:(ناضت مخلوعة)فين راجلك 
سارة:(زادت فوتيرة البكاء)خدااام ماكايجاوبنييش طافي تيلي واقيلة
بسمة:وااش هادا حماااار تفو على گنس(بردات)سارة صااافي احبيبة بردي انا جايا دااابا
سارة:(عاضة على فمها)سربي الله يخليك 
لاحت تيلي كاضور فالناموسية بالحريق و الدموع شلال من عينيها حريق العادة ماعارفو غير لي مجربو كايجهل
سمعات الصونيط فالباب ناضت كاتمشا على صبعانها حلاتو وتلاحت على الفوتوي لقات بسمة واقفة معا الياس مخلوع مافاهم والو
بسمة:(گلسات حداها)سارة كيبقيتي اختي شوية 
سارة:(حطات راسها على حجر بسمة)باااقي فيااا الحرييق عطيني الكينة
جبداتها حطاتها ليها فمها و شرباتها الما عليها
بسمة:على الله تولي بيخير
سارة:(لي فيها ماهناها)قولي لالياس يدخل ونتي كلامي معاك هو اللخر 
دخل الياس گلس فالصالون محنسر و بسمة دخلات معا ختها لبيتها كاتبرد عليها حتا خرجات عند الياس
بسمة:(عينيها مدمعين)نووض غانديوها للسبيطار هادشي ماشي عادي
الياس:ياك لاباس واش شي حاجة گراف بزااف
بسمة:(ضارت عندو)ماتسولش بزاااف ا الياااس 
مشات عند ختها لبساتها بالزربة و هبطو فالدروج متاجهين للاكلينيك
دخلو حطوها على سرير كايتسناو الطبيبة تجي تكشف عليها 
الدكتورة:(كاتكلم معا سارة)الحمد لله جيتي بكري علا شوية كانت غاتفتق ليك فكرشك

سارة:(كاتحاول تنوض)كيفاش شنو 
بسمة:(كلها كاترعد)شنو لي كان غايتفرگع اويييلي(ضربات على حنكها بالشوية)واش شي حاجة عندها علاقة بالعادة
الدكتورة:نووو پا دي تووو غير صدفة هاد الوجع جا معا لاغيكل اما هو ديال التهاب الزائدة الدودية(بتفسير)المصرانة الزايدة
بسمة:اويييلي على المصرانة الزااايدة(دارت عند ختها مغبنة) كنتي غاتمشي فيها مايجيبلك حد الخبار ا ساااارة الله ياااخد فيك الحق ا الحگاار الله يحرق لك قلبك كيفما حرقتي ليا قلبي على ختي
جرها الياس كايهدنها وقفو برا كايتسناو الدكتورة تسالي معاها
بسمة:(بغيظ)كلووو بسباااب داك خوووك الله ياخد فيه الحق كنت غانترزا فختي 
الدكتورة:(ضارت كاتسول سارة)ماكنتيش كاتحسي بحتا شي اعراض مثلا التقيا و لا ماجاكش القبط مافقدتيش الشهية فجأة
سارة:(عيانة بسيروم فيدهة)نوو حتا الوجع اول مرة يجيني
الدكتورة:(كاتكتب فالورقة)بووون انا كتبت لك هنا شي دوايات مهم تاخديهم(مدات ليها الورقة)يوماين وعاودي رجعي لعندي نشوف حالتك(ابتاسمات ليها)الله يجيب الشفاء(شافتها كاتحاول تنوض)خليك حتا يكمل السيروم فيه مهدئ باش مايقواش لحريق
رجعات لبلاصتها عينيها فالسقف كاتبلع ريقها مر فحلقها هبطو جوج دمعات ليوم شافت الموت بعينيها 
جات عندها بسمة كاتعاونها توقف وهي شادة على جنبها خرجو من لاكلينيك بعدما خداو الاذن 
گلسات لور هي و ختها و الياس كايصوگ
سارة:(بامتنان)الياس عافاك ا خويا الى بنت ليك شي صيدلية فطريق هبط جيب ليا هادشي الله يعطيك الستر
شد من عندها الورقة غادي و كايقلب بعينيه و بسمة ماسكتاتش غادا و كتسب
الياس:(رجع لبلاصتو كايشرح ليها)هانتي قالتلك هادي جوج حبات قبل الماكلة تلاتة ظ المرات فالنهار و هادا منين تبغي تنعسي 
سارة:شكرا ا خوويا بزااف حتا للدار و فكرني نعطيك
الياس:(حشمان)اش غاتعطيني الله يهديك را بحالا شريتهم للمهدي 
بسمة:(مربعة يديها)الياس دينا للدار عند ماما(شافت فيها سارة)ماتشوفيش فيا نتي عيانة غاتمشي معايا باش تقابلك ماما ماراكيش شايطة
سارة:(بعياء)صافي ا بسمة زدتي فيه غير غانخلعهم عليا و صافي انا بغيت نمشي للداري نرتاح عييت هاد النهار
بسمة:(شعلات) ليووم المصرانة الزايدة كانت غاطرطق وغدا شي عرق فراسك ماغاتمشيش عند داك الكلب لحماااار عديييم المسؤووولية شماااتة الله يعطيه الجاااايحة الكحلة تشتتو فهاااد النهاااار 
سارة:(شادا فيها كاتسكتها)سكتي دري معانا حشوووومة
صونا ليها التيلي لقات المهدي صونا 6 د لمرات
بسمة:(قشعاتها)تجااااوبييييه نفرع ليك كرشك بلا مصراااانة بلااا زايدة
سارة:(سكتات تيلي)ماكنتش غانجاوبو اصلا(تكات على الزاج)عييت بزاااف
الياس:(كايطل عليهم من المراية)سارة ختي غاتكوني جاك الجوع 
بسمة:اااه بالسييف الصباح كاامل و هي تتوجع 
ماعاودش هضر زاد نيشان لماكدو حبس و حل ليهم لباب غاديين بالشوية على حساب سارة جلسو و طلبو ليهم الماكلة 
بعد ما سالاو الياس دفع الحساب و لحق عليهم متاجهين للدار 
هبطات عينيها كايتسدو بالعيا طلعات فدوك الدروج بزز و مدات لالياس السوارت يحل لباب 
خرجو فالمهدي واقف مخنزر و تصدم منين شاف الياس
المهدي:(معصب)فين كنتو(دازت فيه بسمة معا ختها جلساتها فوق الفوتوي)فييين كنتي اسااااارة(غوووت حتا قفزاات)كاااانهضر معاااكم فييين كنتي علاش ماكاتجااااوبييش

بغات بسمة تجاوبو و سارة شاداها كاترغبها بعينيها
الياس:(بالشوية)المهدي هضر بالشوية گلس نفهمووك بالعقل بحال الناس
المهدي:(كاينهج)كيفاااش بالعققل خلااات ليا هادي شي عقل(جا عندها)ساارة كانهضر معاااك جاوبيني فين خرجتي بلاما تقوليها لياااا
بسمة:(ناضت كاتهز قدامو بحال الذبانة)هضررر بالشوية اولاااا البنت عيااانة حتاااا تجاااوبها نتا و تعطييها قييمة و تعرف را هادي لي مخلي فالدار مرتك ماشي جماد ولا خدامتك كاتسليك و تعطيك تاكل و تجمع لك زبلك عاد.اجي تهز عليييها وعلي صوووتك(عينيها غرغرو)ختي كانت غاتموووت ليووم بسبااب طييشك ا سي المهدي مخليها فالدار ساد عليها وحتااا تيليفون ماكاتجاوبهاش كون ماعيطاتش ليااا اش كان غايصراااا فيها(كاضحك مغددة)قالك قوليها ليااا فين عمرك سمعتييي ليهااااا اش بييها باش تقولك
المهدي بقا غير كايشوف مصدوم من هضرتها و كتر من الطريقة لي كادوي بيها
المهدي:(بارتبااك)بالشوية فهمووني كيفاش غاتموت(شاف فسارة)سارة اش وقع
سارة:(هزات فيه عينيها مابقا عندها ماتقول)بسمة بغيت نرتاح
شدات فيها ختها داتها للبيت غطاتها كاتبوس فيها وتبرد عليها ولاخر بقا فحال لحنش مقطع ليه راسو 
المهدي:اليااااس قول اش وقع
الياس:(بانكسار)اليوم البنت كانت غاتمشي فيها كانت غاتفرگع ليها المصرانة الزايدة فكرشها ربي دار خير و ماوقع والو ونتا لي اول واحد خص تكون راد ليها لبال ماكاتجاوب حتا على تيليفونك(ضرب على كتفو)ماشي فعايل هادو ا المهدي رد الباب لمرتك را غاتدي فيها الاثم
هضرت خوه وگضاتو بغا يمشي يطل عليها و بانتلو بسمة خارجة من عندها 
الياس:بسمة نمشيو
بسمة:(بتردد)انا باغا نبات معا ختي ماغانخليهاش بوحدها(شافت فالمهدي باحتقار)خايفة توقع ليها حاجة كفس
الياس:يالاه ا بسمة نعلي الشيطان وباراك من هاد الهضرة ديال والو كبري عقلك
بسمة:كون ماخفتش بابا وماما يشكو مانخليهاش بوووحدها هنا لاااحنين لا رحيييم
المهدي:(عيا صابر وهضر)را ماشي لخاطري كنت مشغوول
بسمة:(شوفاتها زعزعوه)شفتي الاشغااال ديالك فين كانو غايوصلونا 
المهدي:(مسح وجهو منرفز)بسمة ولا ماعرت اش سميتك ماغانطولش معاك الهضرة بزاف موقفي را باين كانو عندي ضروف عليها ماجاوبتش وحتا انا تخلعت بحاالك
بسمة:(معوجة فمها كاتشوف فالياس)باااينة نييت
الياس:(جرها من يدها)صااااافي ا بسمة ماتزيديش فييه
بسمة:زييدو تحااماو علييااا نيييت ضربووني(شافت فيه)انااااا خفت على ختي ليوووم كثر من اي وقت خففت على ختي ضيييع وباقا خااايفة عليها 
المهدي:(بقلة صبر)بغيت نمشي نشوف مرتي كيبقات ممكن

مازادتش معاه الهضرة هي كاتشرق وهو كايغرب هبطات معا الياس للوطو غير وصلات طلقات البكية وجا هو عنقها كايسكت فيها
عند المهدي
دخل للغرفة لقاها ناعسة باينة عليها مهدودة جر عليها لغطا وخرج دوموندا على عشا ليهم 
فاقت معا 12 دليل فيقها جوع.. لقات المهدي ناعس حداها على كرشو ضورات عينيها بملل وناضت للكوزينة تقلب على ماتاكل 
تفكرات دوا هزاتو معاها شربات حبة دالكينة معا الما و دازت شعلات الضو لقات اومبالاج دالشاوارما فوق البوطاجي تفكرات نهار خرجو يشريو لخواتم عينيها دمعو وهي كاتفكر انها كان يمكن ليها تتراجع ديك الساعة
كلات لي قدات عليه و دخلات للبيت كاتمشي على طرف صباعها بدلات اولويز وغسلات سنانها مشطات شعرها و نعسات عاطياه بالظهر فاقت على صوت المهدي كايخربش فحوايجو و يهضر معاها
المهدي:سارة انا خارج(ضار شافها يالاه كاتفيق)هانا مشيت(بتردد)الى حتاجيتي شي حاجة عيطي علياا
ناضت مامعبراهش شربات دواها و فطرات باغا ترتاح هاد النهار
جمعات بيتها و جلسات كاتهضر معا بسمة كاطمنها على حالتها
سارة-الله يعطيك الستر ماتقوليلهم والو حتا نقولها لماما انا-
بسمة-والى سولاتني مروة-
سارة-ماتقوليلها وااالو حتاااا هي-
حسات بوجع خفيف فجنبها وناضت تكات فبلاصتها ولات عندها فوبيا من الوجيعات دالكرش 
هزات تيليفونها لي كايصوني لقاتو المهدي شافت فيه مافيها لي يجاوب حتا قطع وعاود صونا جاوباتو بصوت رقيق
سارة:الوووو
المهدي:سارة انا جااي ماتديري والو غانجيب معايا شي حاجة من برا
تسناها تجاوبو و تلقى غير الصمت كجواب قطع كايحك راسو و صاحبو قدامو 
ايوب:(ناض)هذا لله معاك الله يصبرها
المهدي:اش بغيتيني نقووليها
ايوب:هضر معاها غيير بصيييفتك رااجلها ماشي حاطها فالدار و عرف تتواصل شوية را مرتك هاااديك مرتك ا المهدي
المهدي:(وقف زاعف)واااش انا لخاااطري 
ايوب:نتا خاااشي راااسك فهاد القوقة ديال الافكار تصرف على سجيتك(طبيعتك)خلي هضرتك طبيعية ماصطانعاش ماتبقاش كاتفكر بزاااف و تدخل فدوامة الوسواس ا المهدي
المهدي:(مسح وجهو)جيب ليا العرض لي جا من "ابرا"
ايوب:(نفخ)فففففف گلس هانا نسيفطولك معا لمياء(رجع خنزر فيه)وبقا دااافن راسك هنا حتا تخليها بجووع عاوتاني
تكا على البيرو كايفكر اش هادشي خشا فيه رااسو 
لعن النهااار لي فكر يشد فيه كوونجي و يمشي عند منانة 
جات فبالو سارة بمنظرها و هي مخشية فالغطا بغا يحط عليها الراس و يعاود ليها اش بيه...متأكد انها غاتشد بيدو و تحتاويه ولكن.....
فاق من سهوتو بعدما دخلات السكرتيرة ديالو هازا ضوسيات فيدها و ريحتها سابقاها
خسر سيفتو بانزعاج منين شم ريحتها بحاال دالعود ولا المسك ولا معرت 
حطاتليه الوراق وخرجات حانية راسها عاد تنفس مرتاح 

كلشي عارفو ماكايدوي معا حد ماكايدير اجتماع مع الخدامين اب عندو حتا ااشوفة ماكايكملهاش فيهم صاحبو هو لي كاينوب عليه فبحال هاد الامور و تقريبا هو الوساطة بين المدير و الموظفين بدا كايراجع وراقو و حط قدامو الساعة باش مايغرقش فالخدمة و ينسا راسو
لاح الوراق بالزعاف بعدما قرا الصفقة وعاود ناض هز مسائلو و داز عند ايوب مالقاهش فبلاصتو دار بالناقص و هبط راجع فحالو داز خدا لغدا اومبورطي وشد الطريق لدارو 
عقلو غايطرطق بالتفكير لي ولا كايأرقو هاد الايام وكايطير ليه النعاس 
وصل هز الغذا فيديه و طلع كايحل لباب بالساروت لقاها عاطياه بالضهر فالكوزينة 
المهدي:(غوبش)ياك قلتليك غانجيب معايا لغذا
سارة:(بنظرات فارغة)خفتك تنسا و نبقا بلاش 
ساط الريح بعصبية وحط داكشي فوق البوطاجي مخليها كاتسخنو و دخل يبدل عليه 
حط رجلو فالبيت و استنشق ريحت سارة لي ولات كاتحقق ليه السلام الداخلي واخا غير لثواني 
بدل عليه و خرج لقاها جلسات و الاطباق مقادة فوق الطبلة گلس حداها و الصمت سيد الموقف الى ماجبداتوش بالهضرة والله لا دوا هزات دواها كاتشربو بعد ما سالات و بدات كاتنقل من الطبلة للكوزينة باش طرف الماعن 
كلس كايهضر معا ايوب و عينيه فالوراق و هي كاتخربش حداه كاتسناه يسالي باش تهضر 
سارة:(شافتو حط تيلي)المهدي(هز عينيه)قالت لي الطبيبة نرجع عندها غذا باش تشوف واش الالتهاب خف مابقاش كي كان
المهدي:قلتي غدا
سارة:اه حيت قالتلي يوماين و رجعي 
المهدي:(كايجمع وراقيه)صافي غذا فكريني نمشيو عندها
ناضت بعدما قالت لي عندها دخلات لبيتها مقلقة و اعصابها على الحافة حسات براسها عالة عليه موفر ليها الماكلة و الراحة و واجباتها كزوجة من كلام حلو و معاشرة طيبة ماكاين منها والو هاد الظرف الطارئ لي وقعليها بحالا وگضها رجعات كاتشوف الحياة معا المهدي بلا حوار و تفاهم مستحيلة كاتشوف الامور مستعصية تزير عليها خاطرها و الهرمونات زايدينها
المهدي:(دخل)سارة واش عيانة بزاف
سارة:(جرات عليها الغطا)لا غير باغا نرتاح
المهدي:اووكي(سكت و عاود تكلم)واش قنطتي باغا تخرجي
سارة:لا مابغيت والو بغيت غير نرتاح قلتلك
المهدي:(تنهد)انا خارج عندي شي غرض
خرج و سد الباب وراه ندم علاش سول فيها شاف فالساعة لي معلقة فالحيط و هز سوارتو و تيليفونو 
وخرج لوجهتو

#متكي على فوتوي فغرفة بيضة فيها لوحات فنية ب الوان باااردة و هادئة كاتبعت الراحة فالنفس
د.المراني:(هازا كتاب فيديها كاتقاد نظارتها)تقدر تبدا منين ما بغيتي ولا(استأنفات حديثها)تكلم على ابرز المحطات ليدازو فحياتك
هز فيها عينيه بملل 
د.المراني:يالاه يالاه كانتسنا(ضحكات)انا غانسهل عليك نسولك ونتا جاوبني تفاهمنا(ماجاوبهاش)نعتابرو قبول
بدات فطرح اسئلتها وكاتشوف كيفاش كايتفاعل معاها واش مضغوط ولا مرتاح حتا حركات يديه درساتهم و كيفاش كايرمش بتوتر منين كاتسجبد لو مواضيع عائلية
د.المراني:(بتردد)كيفاش تلقيتي صدمة موت الاب ديالك

المهدي:(كايحاول يبقى مهدن ماينفاعلش)بحاال اي واحد توفا ليه باه
د.المراني:بعاقل على تفاصيل الوفاة ديالة
المهدي:(مزير على سنانو)شوية ماشي بزاف
د.المراني:(ناضت)كايجيو فبالك لقطات من طفولتك معاه حاول تجعل منهم نقط قوتك للعلاج ماشي كضعف هادشي غايساعدك كلنا عارفين شحال كان كايعني ليك سي عبد العالي
المهدي:(قلب عينيه)كانضن سالات الحصة ادكتورة
د.المراني:(تنهدات)واخا تفضل معايا للبيرو
ناض تابعها كايحس براسو مرهق باغي يغوت و ينقز من شي هاوية 
د.المراني:المهدي غانرجع نكتب ليك الدوا لي كنتي كاتاخد شحال هادي و غانكثفو الحصص تولي اجي عندي جوج مرات ولا تلاتة فالسيمانة 
سمعات السكات من طرف المهدي و هزات عينيها حايرا فامر هاد المريض 
د.المراني:المهدي نتا اكثر واحد عارف حالتك كيف دايرا ماغانطولش فالكلام بزاف علاجك بيديك خرج راسك من التفكير النمطي لي عشش لك فرااسك عمر حياتك بالاجابيات انا عارفة صعيب عليك ولكن اولدي راك كولما تزيد خطوة ترجع عشرة واخا تحس بالاحباط فاللول حاول و عاود العلاج دائما كايكون صعيب فبداياتو(ابتاسمات)و واجه عائلتك را المرض النفسي ماشي عيب و اول ناس غايوقفو معاك فضعفك هما لي كايبغيوك كون اكيد
المهدي:(بقوة ماسمع هضرتها مابقاتش كاتأثر فيه)يكون خير ادكتورة
ناض كايسلم عليها
د.المراني:خود المبادرة 
خرج من العيادة معطل تفكر سارة لي خلاها فالدار هز تيليفونو كايقلب لاتكون عيطاتلو تنفس بارتياح منين مالقا والو ركب فلوطو وهو مرتاح واخا نصائح الدكتورة طالعين ليه فراسو ولكن كايرتاح منين كايهضر ويلقا لي يسمع ليه 
دخل لقا الهدوء طاغي على المكان دخل كايقرقب لا على وعسى تسمعو و تطي تلاقاه كيفما موالفة 
دق فلباب و دخل لقاها شادة الكتاب لي كان كايقرا فيه و كاضور فالصفحات بتركيز
جات فبالو هضرة الدكتورة"واجه عائلتك حيت المرض النفسي ماشي عيب و اول ناس غايوقفو معاك فضغفك هما لي كايبغيوك كون اكيد"
المهدي:(كايعلق حوايجو)كي بقيتي
سارة:(ماهزاتش عينيها فيه)الحمد لله
مازادوش هضرو هاد اليوماين البرود مكتاسح علاقتهم هي واخدة منو موقف و هضرة ختها زادت شارجاتها عليه وهو فوقاش عمرو هضر باش يهضر دابا 
بقا مستغرب من حالتها واش عيانة ولا مريضة ولا مقلقة 
شعل تلفازة كايقلب فيها على شي حاجة يتفج فيها لقا فيلم اكشن نقص للصوت حيت كايوترو و كلس كايتفرج 
سارة ناضت للكوزينة توجد ماتاكل فالكوتي. اللمجة. كاسكرووووط 
لقات خنيشة فيخا الذرة دارتها طيب مشهياها و عمرات قهوة ريحتها عاطية كاتشهي
حطات الماكلة فوق الطبلة فوسط الدار وبقات غادا جايا كاتنقل قدام المهدي 
كلسات وفمعا كاياكلها بغات تهضر معاه فينما كاتبغي تاخد منو شي موقف كاتجي هضرة منانة قدامها بقات واقفة مترددة حتا شار ليها بعينيه تجلس

سارة:(بالشوية)شنو هادا
المهدي:(كايشوف داكشي لي حطات)فيلم 🎬
سارة:اممم مزيان(سكتات شوية)شنو الموضوع(شافتو ماجاوبش)علاش كايهضر ا المهدي
المهدي:(كايشرب قهوة)هممم اه على واحد البنت كاتموت و ضديقها كايبغي ينتاقم ليها
سارة:مزيان(بغات تجبد معاه موضوع)فين مشيتي ليوم
المهدي:غير قضيت شي غرض وصافي
سارة:مزيان
بقات متبعة معاه وكاتخشي فوجهها حتا ملات كاتسولو كايجاوبها بجوج كلمات و يسكت
ضارت كاتشوفيه لقاتو مخشع مع التلفازة عصبها ببرودو ناضت كاتجمع ااطبلة ودارت بناقص من شي فيلم دازت كاتوجد العشا واخا ماعندها شهية 
حطات داكشي لي فيدها و مشات تجاوب على تيليفون لي كايصوني 
سارة:الوو ماما
خديجة:الو بنتي لاباس عليييك 
طولات الهضرة بينها و بين مها حتا كانو غايقلبوها بكا عاود حطات تيليفونها و ناضت تكمل شغالها و حطات العشا فالفران داز من حداها المهدي غادي للبيت و هي قربات تاكل حوايجها علاش مامعبرهاش واش الزواج كامل كايكون هاكا فاللول تبعاتو عوالة تهضر معاه يالاه جات تحل الباب بان ليها هاز كارطونة ديال الدوا فيدو و كايشرب الما باليد لاخرا رجعات لكوزينتها كاتسلت بعدما شافتو فين حطو 
سارة:(كاترد النفس)المهدي ااا المهدي اجي تتعشا را غايبرد 
گلسو مقابلين و هي فيها الدودة خصها غير فوقاش تنوض كملات طبسيلها بزربة و ناضت بزربة كاتفوق بحجة عيانة 
سارة:(متاجهة للبيت)منين تسالي حط الطبسيل فالكوزينة
دخلات كاترعد و جبدات الدوا من المجر
سارة:(كاتقلب فيه)ناااري عنداك يمون كاياخد دوا دمنع الحمل حتا هو وييلي عنداك يكون عندو البروسطاط ولا شي برود جنسي(جبدات تيليفونها صوراات السمية بالزربة و رداتو كاتقفقف)
دخلات للحمام و سدات عليها و سيفطات مسج لاميمة
سارة-السلام الزين لاباس-
شافتها غاتعطل عليها و هي تصوني
اميمة:الووو الشيخة لابااااس غبرتي غير تزوجتي مابقيتي تعرفينا
سارة:لاباس لاباس دخلي للواتس بغيتك ضروووري
امية:واخا وا قو
قطعات عليها منين سمعات الباب ديال البيت تحل بقات غادا جايا عبطات سروالها و جلسات على لاشاس طالقة الما
اميمة-شنو هادا-
سارة-نتي لي غاتعتقيييني ا اميمة عندك شي صاحبتك طبيبة ولا خدامة فالصيدلية-
اميمة-صبري بعدا اش بغيتيها-
سارة-باغا نشوف هادا لاش كايصلاح باراكا من الاسئلة حتا نعرف اش بغيت و ديك الساعة نهضرو-
اميمة-صبري نشوف لك صاحبتي خدامة فشركة كاتفرق الدوايات وبعدا واش تكون فايقة-

سارة-فففف و هاديك.اش غاتعرف واخا سوليها-
بقات كاتسنا مدة حتا جاها سكرين من عند اميمة
اميمة-خلصيني عاد نقوليك-
سارة-اميمة بلا تفلية داكشي ضرووري-
اميمة-هانتي را سولات ليك واحد البنت خدامة فالصيدلية وها اش قالتلك... "هادا لي عندو ارق فالنعاس ولا عندو شي مشكل كاياخدو و غالبا كاياخدوه لي كايطير ليهم النعاس حيت كايهدن و كايرخي"...وادابا علاش كاتسوليه ياكما المهدي كايكرفصك باغا ديريه ليه تتهناي منو واااياك ا الصكعة تمشي تندمي-
سارة-بسلامة ا اميمة حتا لمن بعد و نهضرو وخلي هادشي بيناتنا-
شدات تيلي بسنانها كاتطلع فسروالها و خرجات لقاتو باقي فايق كايتقلب فالناموسية
غسلات سنانها و دارت روتينها و نعسات حداه حشمات تعطيه بالضهر مزيرة على عينيها حشمانة حلاتهم كاطل لقاتو دار لجيهة لخرا 
بلعاتها بجغيمة دالما وبقات كاتفكر فشنو يكون مطير ليه النعاس بقا فيها لوهلة حسات براسها ضلماتو بتعاملها معاه ماكرهاتش تعنقو زاد حفر ليها فقلبها وتعهدات راسها تخليه يعاود ليها و تخرجو من انعازالو على الناس
داتها عينيها و صورتو قدامها وعاودات فاقت منين
سمعاتو كايحنحن و حلات عينيها فضهرو العريض شافتو بدا كايتحرك و غمضات عينيها را ناعسة زعما سمعات الباب تخل و تسد و ناضت كاتأكد واش خرج طلات فالساعة لقاتها الوحدة و نص بالنسبة ليها مشااا لحال بزاف ناضت تابعاه على طرف صبعانهامتبعة قلبها اش كايملي عليها طلات من مور الحيط عليه لقاتو فالكوزينة حاط يديه بجوج على البوطاجي و راسو نازل بين كتافو
سارة:(بالحس)المهدي 
المهدي:(هز عينيه مستغرب)علاش فقتي 
سارة:(قربات ليه)طار ليك النعاس
ماجاوبهاش كتافا يخرج تنهيدة حارة طلع راسو كايشوف لفوق
شفقات على حالو و زادت حطات يدها على كتافو
سارة:مالك ا المهدي
تبكم مالقاش جواب لسؤالها اش غايقوليها عييت من الحال لي انا فيها حرب غير معا نفسي و افكاري ولا عييت من الوحدة لي انا عايش فيها و صانعها لراسي مارغمها عليا حد 
المهدي:(اصطنع التفويهة)يالاه ننعسو را مشا الحل
تبعاتو فرأيو تكات حداه وهو عاطيها بالضهر زعمات ولاحت يدها على كتفو و غفات حتا فيقها صوت زقزقة العصافير ضارت كاطل فالساعة لقاتها الستة د الصباح اول مرة منين تزوجو تفيق قبل المهدي 
رجعات نظرها لعند المهدي كاتحقق فيه مزيان اول مرة تشوف الهالات لي ولاو عندو تساءلات معا راسها فوقاش بانو هادو ناضت للحمام ديريكت تحسنات حالتها بالدوا لي كانت كاتاخد والحريق ولا كايجيها مرة مرة الى تمشات بالزربة ولا كحبات
دارت فوطة صحية صغيرة عوالة فالعشية دوش جمعات شعرها كعكة و خرجات قصيصتها 
بدلات خوايجها لبسات بيجامة صيفية بحكم بدا يسخن لحال فوقاني نص كم معا سروال مجموع شوية فالحمر جات فننة
خرجات كاتكسل حلات شراجم د الصالون و دازت للكوزينة حطات الما يطيب قاليها واحد الراس ديري كيكة هاد الصباح 
جبدات المكونات و گلسات تخلط و تبدع تزيد من هنا و تنقص من هنا(بحالي كانكون متبعة شي وصفة حتا كانبدا نبدل)حطاتها فالمول د الفران و خشاتها طيب

شافت الطحين والحليب نحطوطين جاوها الهوايش على لكريب صاوباتو حتا هوا وجلسات كاتشوف فيه
عصرات الليمون و جبدات الفرماج وكوفيتير و الشكلاط من الثلاجة بغات تعمر الطبلة هاد النهار 
ستفات كيكة فالطبسيل بعدما سقاتها و زيناتها بالفيرميسال و حطات كولشي على الطبلة و گلسات شادة على جنبها و تنهج بحالا كانت فالماراطون 
ناض المهدي شاف فبلاصة سارة خاوية مستغرب لبس حوايجو د العمل و خرج كايشمشم
سارة:(بضحيكة)صباح النووور گلس تفطر نكب لك قهوة اش بغيتي
المهدي:(كايدور عينه فالطابلة)كبي لي غير قهوة
شرب قهوتو و بغا ينوض
سارة:هاء ماغاتفطرش(مدات لو طرف دالكيك)دوق غاتعجبك
گلس بلهلا يطريه ليه كايعمر معدتو لي قهرها بالقهوة بسيف مايطيرليييه النعاااس😒😒😒
خرج بعدما تافق معا سارة يدوز عليها معا العشرة يمشيو عند الطبيبة 
معا التوقيت لي دارو صونا ليها فالتيلي كايعلمها بقدومو انتظرها مدة فسيارتو حتا هبطات و زاد عفطة وحدة حتا لاكلينيك 
فغرفة الدكتورة متكية على باياص و اادكتورة حاطة يدها على موضع الالم
الدكتوة:(كاتورك)هاد الايام حسيتي بالوجع
سارة:لا غير شي مرات وجع خفيف وصافي
الدكتورة:بووون الحمد لله الامور تحسنات مامحتاجاش للعملية تبعي غير الطريطمون لي عطيتك غانزيدك شي ايباري ضروريين خوديهم والى كانو شي مضاعفااات اجي عندي ديغيكت
سارة:اوكي شكراا ا دكتورة
الدكتورة:(مدات ليها ورقة)هاكي بالشفاء ان شاء الله
خرجات كاتقلب على المهدي بعينيها حتا قشعاتو 
سارة:المهدي فين مشيتي
المهدي:(ضار عندها)كنت غير هنا(شاف الورقة فيدها)ساليتي معاهاةشنو قالتلك
سارة:الحمد لله مزيان دابا(خيبات سيفتها)عطاتني شي يباري ندقهم ليوم
المهدي:(شد الورقة)اري نشوف منسن نكونو راجعين ناخدوهم فالطريق
سارة:(كاضور فعينيها)باقي غاترجع للخدمة
المهدي:وي نوصلك للدار و نرجع(زاد قدامها)يالاه باش مانتعطلوش
#عند بسمة
متكية على كرشها فوق ناموسيتها وشادة فيدها تيلي كاتفرنس و تعض فشفايفها حتا دخلات ختها على فلة
بسمة:(لاحت تيلي)مالك ماكاتعرفيش دخلي بالشوية
مروة:(معصبة)بسمة نهااار كااامل ونتي معا داك المشقوف مابقيتي كاتعاوني فشغل ماكاتزمري تگعدي ونتي لصقتي على ديك الناموسية-
بسمة:(كاتشوف فتيليفونها)وااا صافي دااابا نوووض خليني عليك
مروة:(كاطوي حوايجها)الله يعميها ليك
شدات تيليفونها فيديها كاتكتب
بسمة-واش مشغول شفتك كاتعطل باش تجاوب-
الياس-شوية-
بسمة-اووكي مانصدعكش بسلامة-
الياس-ياكما تقلقتي ا لخايبة-
بسمة(كاتقشر ففمها طالقة عليه فشوشها)-نووو علاش غانتقلق بسلامة مانزيدش نعطلك-
الياس-باي🔥- 
هبطات كاتعاون مها ولاخرا كاتنكر حتا صونا ليها تيلي طلات على السمية بنص عين و هربات طالعة لبيتها
بسمة:(شادة تيلي)غيير سااارة اماااما(زدحات عليها لباب و شدات الخط)الوووو(كاتحلون)ويي اليااس....نووو....علاش غانتقلق..ويلي اش كاتقووول....اوك انا نشوف كيندير
قطعات كاضور هضرتو فراسها كيغادير حتا تخرج عندو بلاش ماتعكس ليها مها 
دوزات التصاحيب كاي مراهقة ولكن المشاعر لي فقلبها تجاه الياس مختااالفة حاطاه فبلاااصة زوجها المستقبلي كاتقيل تبني فالاحلام وباقي مابيناتهم حتا شي علاقة ولكن هي كاتقول حاسة بيه كايبغيها و حشمان
خرجات بعدما كدبات على مها بجوج كلمات لابسة سروال و كابيتشو واسع لقاتو فاللوطو حدا زنقة الحمام حلات الباب و طلعات حداه دايرا فيها مقلقة
الياس:(بضحكة)الفسرة مالك دافعة علينا كبير

بسمة:(كاتفشش)مامالييش نتا قلقتيني
الياس:(كايطنز)انااا اش درت(ديمارا)واللهيلا كنت مشغول داير معا شي صحابي 
بسمة:(ضارت للشرجم)حتا دابا انا ماقلتلك والو سير عند هاد صحابك
الياس:داكشي لي لقيتين غاندير سبحاان الله
بسمة:(ضارت)اليااس فين غاديين اويلي على صحابك 
الياس:كاين حتا لبنات غير تهناي بغيت نعرفك عليهم 
بسمة:(تحلاااات ليها)اااه ايوا واخا غير حنا مانتعطلوش قلت لماما غادية عند صاحبتي
الياس:(ضحك بالجهد)ههههههه مالك باقا صغيرة ا بسمة تخافي من مك
بسمة:(تقرصات)هه لا ماشي هكك غير باش ماتهولش عليا
وصلو لوجهتهم هبط و تسناها حتا نزلات و دخلو لمقهى معروف بالشيشة كايجيو ليه غير شكون و شكون
الياس:(شير بيدو لواحد الجماعة جالسة فالكوان)هاهما زيدي ا بسمة(شافها ساهية و خايفة وجرها ملصقها معاه)زييدي انا معاااك
بسمة واخا الخوف لي فيها قربها من الياس ماخلاهاش تفكر فشي حاحة اخرا 
جلسو و الياس كايعرف بسمة على لي جالسين والبنات كايشوفو فيها باستهزاء
الياس:(كايشير)هادا مروان وهادي صاحبتو سامية و سعد و اشرف و هادي خطيبتو هدى و هادي ختها اسراء
بسمة:(كاتسلم وكاتشوفهم اش لابسين حشمات فبلاصتها جايا بحالا مصخرة)متشرفين
جلسات وسط منهم و هوما كايهضرو شي تفهمو شي لا و الياس ماهواش هنا نسا واش معاه شي بسمة 
جا النادل كاياخد طلباتهم
النادل:(شاف فبسمة)والانسة اش بغات
بسمة:(بارتباك)م بغ بغيت جي دوغونج
طلقو لبنات ضحكة ديال الشيخات و الدراري غير كايبتاسمو باستهزاء
الياس:(حرجاتو)جيب ليها اش بغات
بقات كاتفرك يديها بحالا جالسة على المسامر گاع عياقتها تحدات ليها قدامهم حتا حط الياس يدو على كتافها ماحملاتش الوضع فاللول ولكن منين شافت كل وحدة مخشية فصاحبها قربات منو وهو يزعم وحط مرفقو على فخضها و شد ركبتها حتا قفزات 
هاد المرة لبنات حبسو ضحكتهم والياس ناض معتاذر باش يمشي فحالو 
الياس:(مد ليها يدو)يالاه ا بسمة
زادت معاه تحرجات بالمزيان ندمات علاااش جات معاه و علاش هضراتو اصلا ولكن جوج كلمات طيروها فالسماء"يالاه ا زين"
گلسات فالمقعد الامامي حداه كاتفكر كيفاش لابسين دوك خيلتي و متحررين و جات فبالها هدى كانت بحال الشيخة بماكياجها و لباسها مقزب بحالا جاية تعوم و هاهيا مخطوبة لاشرف خوات راسها من الافكار و دارت كاتشوف الطريق حتا وصلات و نزلات حزات تيليفونها كاتصوني على صاحبتها تافقات معاها وعاد دخلات للدار
عند سارة 
جمعات حوايجها عوالة دخل تدوش و المهدي فخدمتو مشغول
حكات لحمها لي باقي رطب يالاه بدا ينوض الزغب و هبطات شعرها غسلاتو تلاتة دالمرات كايعfدبها حيت طويل جمعاتو و دازت كاتشلل و توضات باش تصلي و خرجات كاتشعل لبسات عليها و حلات شعرها نشفاتو بالفوطة دهناتو بالسيروم و خلاتو مطلوق يزيد ينشف على خاطرو 
بقوة ماگلسات فالدار كنفات الشغل بغات تتلاهى فشي حاجة قنطات و بغات تبدل الروتين 

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.