....كما العادة خرج من لابريكاد مر للسوق جاب الحوت و دخل الدار حطو لها فثلاجة و دخل ينعس على ماتجي من لاجونس و ررؤيا من مدرسة ...ظلم البيت و بدل حوايجوو وتخبط نعس ...يلاه بدا يغمض عينيه هو يرن تلفون مصغر عينيه فرقم ..جاوب بفتور
جدرامي : اشاااف واحد معرفة وصل ليا شي اخبار على خودري داك سكاودرا !!
فاروق: ( نبرتو تغيرت) مطايف !؟
ج: معاه جوج عيالات راهم فسونطرال ..
فاروق: صافي اقطع !! ( تم خارج تيسب ) دلمو هاد برهوش تاكلنا بنى العش و تبث رجع تاني يخور
خديجة: فاروق !؟ شنو واقع تاني !؟
فاروق: ( تيبدل حوايجو) نتي غير حضيني !! ( حمر فيها مخرج عينيه) اااش وااااقع !؟ ديها فكوزينتك ..
خديجة: باسم الله عليييك !! ويلي راجل حماق يبرد فيا جنونو
فاروق: ( تيدوز نمرة صاحبو كومسير ) اخوناا !!
كومسير : ههههه سي القباج !
فاروق: ( هز سوارت طموبيل خارج ) راك فبيرو !؟
كومسير : ( مطولها ) لالا راني خااارج ..
فاروق : برجوولة و شراب لي مشاركين و نطلبو العفو فهاد سيدنا رمضان ، الا ماشوف ليا خوادري راه تما غير على مانجي ..
كومسير: ( طلقها بضحكة ) ههههه واااقيد ..
فاروق : بستيلو و كناااش( قطع عليه ) دبا تجيبك صمطة اولدي سير عالله ..
...طريق كلها هو تيكلاكصوني و يسب و عاير ، ساعتين قبل الادان فذروة السير ، الكل راجع البيت من العمل و الكل خارج للمشتريات ، بلاصة قدام كوميسارية داير نظاظرو طالع فدريجات داخل ..لي عرفو تيحرك ليه غير راسو مع دورة كلوار تيضرب فنوصير واقف وزاينة معاهم شي وحدة ...
فاروق: ( طلعهم وهبطهم..هو تيقرب غير شافو نوصير كحل بالاعمى ) آتبارك الله على ولد الواازنة !
نوصير: ( مربع يديه دور وجهو تيعض فشنايفو ) ها المااا طاب ..
....مازال ماكملو على وقفتهم حتى دقيقة وقف كومسير تايتسالم مع فاروق و فتح المكتب و دخل هو وياااه ..
كومسير: ( واقف تيقرا ملف ) انااناا نااا تيتيتيي ..( شاف ف فاروق) خوادري هزاتو صطافيط مع هاد جوج من سكتور *** بسبب إخبار من جيران على الشجار علني و السب و قذف التي تؤدي للقتل للخطر ، بسبب الخيانة زوجية وناناانااا
فاروق: ( دور لسانو فموو) تحرر محظر !؟
كومسير: مزال ما تمضى !! ( غوت بوليسي ودخلهم ) نوصير شكون فيهم مراتك !؟
كومسير: ( قاطعها بحدة) سيدنا و سيدك رسول الله ..هضري مقاد راه كومسير هدا لي قدامك ..
حفصة: (خوفها) كنت طالعة داري و شداتني ريشاتني وهجمت عليا و رمات ليا حوايجي باغة نقدم فيها شكاية
نوصير: ( نزل راسو شادو )
فاروق : ( جالس مسرح يد على بيرو و تيهندس) ...
كومسير: ( اشار لزاينة) اش تتقولي فهادشي !؟
زاينة : ( حاطة يد على خصرها و مطلعة حواجبها فيها) اياه اسي كومسير ! وزيد قيد عندك لقيتها فدااااري ومع رااااجلي و انا دبا لي واقفة قدامك راني تنزف و حتمال نخسر لاني هازة روح و تنتهم ( تتشير لها بصبعها ) هااااد الموووسخة
.....حفصة قربت تسخف ، كومسير و فاروق و نوصير نزلو عينيهم لكرشهاا ..
نوصير : ( بخوف قرب لها ) واااش تضرك شي حاااجة !؟
زاينة : ( طارت عليه تقمشو) والله طرا شي حاجة لولدي تنتابعك
فاروق: ( ضرب على طبلة) زاااينة !!
زاينة : ( بدموع ...تتعرفو بالوجه مرات قليلة شافتو ..) والله اخويا تاسمح فيا فطبيب و تابع ليا هااادي ..
كومسير : ( قرب حدا فاروق) شوووف عندي جوج حلول هيا تصيفط طبيب واخرين يتشدو ولا فك عليا الحريرة...
فاروق عرفها تكبتث مسح وجهوو و هضر مع كومسير وخرج خوه و زاينة و خلا اخرى تما تعيط لتريكتها لانه الا خرجها روح طيح ...خارجين من كوميسارية و تيدوز الخط مغيث ..
مغيث: الاجودان صافا !؟
فاروق: ( تيشوف زاينة تتجار مع نوصير ) اوت يلعدلمك نت لي جات معاك !! هضر مع خرا نسيبتك تجي تخرج ديك هاربة لي كانت عندك راها فكوميسارية طايحة مع خوك
...الدار الوازنة، الدار الكبيرة و ام العزارة الصغير و الكبير يعرفها فالحومة و فالعائلة ماكاين غير لالة الوازنة و امي الوازنة و خالتي الوازنة ...جلستها مع فطوش كانت نوستالجيا تفكرو الايام و الجيل ذهبي هما عند اسماء فوق تيعكلو لها الدوا من بعد ما دخلت فطوش دوشت لها و بدموع نتفاتها فشعرها لي ناض فيه بشويكة ..خرجوها تترعد سخانة فيها و نشفوها وبداو يحطو الدوا على حبوب وخلاوها اتشف علد تلبس حوايجها ...
فطوش : ( نازلة تحت مع الوازنة) اودي هاد الحرام بوشويكة صعيب ..
..حاشي يديه فجيبو و خلا ميكا فدروج هزها فيها مجموعة لاغوش بوزاي للجسم و الجسد نصحوه بيها فصيدلية لاسماء ..دخل الدار واتجه بيت نعاس لقاها جالسة تتمسح ذاتها ..
نبيل: شوية !؟ ( مد لها ساشي) هادو ليك قراي ختصاصهم و ماتحكيش ..
نبيل: ( طلع حواجبو مامصدقش جوابها) لسانك طوال اهيا !؟
اسماء: (وصلت برودوي بفرنسية كلو و رسمت بتسامة استغلال ..) قراي ليا هاد و نقصرو
نبيل: ( شكلها حمقوو و ضحكتها ولو ماشي من قلب تتنعش نظرو) صبري تبراي وتكون هضرة اخرى !
..هو تيقرا لها بردوي وهيا تتشوف فاخرين ..تا سمع الهضرة لان الباب برطمة مفتوح ..خرج رامي الوذن هو تيقرب الباب و اسمع صوت طموبيلات ، طب من شرجم كوزينة تتبان ليه طموبيلة مغيث و فاروق ...بقى واقف تاطلع فاروق موراه نوصير و زاينة تتبكي عندو برطمة ..
...نبيل شاف حالتها بقات فيه ولو ماعندو حتى فكرة عليها فقط مرات خوه لكن بقات فيه، اقرب الباب وقف حاشي يديه فجيابو و تيراسل هو نوصير نظرات ..
فاروق: يلاه اسيااادنا طلقوني ! اش فالبلان !؟
نوصير: ( واقف مربع يديه ايطرطق) دبااا !!
زاينة: ( لمحت بنظرات قرطاس ) مكااينش شي حاجة سميتها دبا !! ( تتشير الكبير وراء) قول قبل ! شوف اخويا فاروق نهار لي رجعت من دارنا لقيت تلفونو تيصوني و يعاود هزيتو نشوف عادي حتى تنتصدم بتصويرة بنت فبروفيل
فاروق: ( بتساؤل) كدايرة هاد قضية بروفيل !؟
زاينة: ( تتمسح فمها و تتسرط ريق ) تتصوني عليه فواتساب ، ماجاوبت ماقربت حتى ادخل و سولتو ..
نوصير: ماااابغيتش نشغلك وصااافي
زاينة: ( قاطعاتو تتحج فمكانها بدموع) كذااااب !! قاال ليا راها معجبة من داك زمر الرجا ، ونوضتها انا وياه و بلوكاها قدامي و دوزتها ليه
فاروق: معجبة !؟ عدنا طوب موديل هنا مافخبارناش !! ( رجع زاينة) كدرتي نتي تبعتيهم الدار !؟
مغيث دخل بيناتهم و فاروق جر نوصي لي كان باغي يشعل معاها ..نبيل تيحس بالعرق تينزل مع ظهرو ماقدر يتقدم ولا يتاخر ...فجأة تسمع اذان المغرب و دقان فالباب ..
...اسماء لي كانت تتدق فالباب تتخبرهم ينزلز يفطرو ..لكن مع الجو متشاحن طلعو لهم الفطور الفوق و النسا فطرة تحت ، الجلسة كانت تيسودها توتر وزاينة جالسة دموع فعينيها و نفس حابسة لها ..شي فطور مافطراتو و ليالي ماشي احسن منها حالتها حالة ، الوازنة و فطوش فطرو وناضو للجامع و بقاو البنات هنا نوعا ما الجو خلا لهم لانه واضح ان الوازنة ماجايبة اخبار ..
زاينة: ( عيات صابرة و هيا تهضر) شوفي الياالي انا ماااعندي معاك حتى مشكل ! ولكن انسولك وتجاوبيني !؟
ليالي: ( رمشت بعينها) انا مستعدة نجاوبك على لي عارفة ، ( نزلو دموع شادة فعينيها حابساااهم) نذمممت ! نذمت على النهاار لي جلستها معايااا
خديجة: ها العار غير فهمونا !اش وااقع !؟ لياالي !؟
ليالي: ( نهارت بالبكاء ) مااعرفتش و مااكنتش عاارفة !؟ تاصدمني اليوم مغيث ، قالي حافصة فالكوميسارية مع نوصير
اسماء: ( كانت طيح زلافة) ياااو يلي !! حفصة ديك بنت خالتك لي جات داك نهار هنا معاكم !؟
زاينة: ( بحال ضربتيها بضو) كفاااش !؟ جات هنا الدار !؟ وفين كنت انا !؟
اسماء : ( خلعاتها) غضبانة عند امك فخميسات ..براكة من غوات اصاحبتي خلعتينا ااو ..
خديجة : دبا حفصة تتعرف نوصير !؟
ليالي: ( تتمسح دموعها ) ماااعرفتش ..
زاينة: ( تتضحك بالفقصة) سيدة دااخلة دار و مشاركة طعام او مبلانية من بعييد ..او الله لا بقاات فيهاا ..
خديجة: زاينة حبيبة ! راه الغوات و المعيور لا فائدة منو اولا و تانيا راك حاملة وطونسيون مامعاهش للعب حاولي على صحتك ..هانتي بالعقل عاودي لنا ..
زاينة : ( غير تتنفح فنفس و تحط يدها على خصرها ) الالة هاد الويلة هااد شيااطة شدات فراجلى شدة العمى فظلمة ، لقيتها تتصوني عليه و بلوكيتها واليوم و نية ديالي لقيتنا فدار لي كنا شادينها انا و نوصير اوا فاش سولو فاروق كالك حقل ماحقا !؟ نهار جرا عليها مغيث فليل دخلها هو ( ميقت ) جمعية حقوق نساء ..
اسماء : اوا عاونها مسكين نيتو حسنة !
زاينة: ( ردخت بيدها فطبلة) اسماااء زمي عليا !!
ليالي: وووي هادشي لي وقع! نهار رمضان قبل الفطور ولدي هز واحد كوليي ديالها جوكخوا قطعو لها و تحشى عقيقة فنيفو ، وجا مغيث هزو و سمح فيا انا برااسي فدار و هيا معايا ماجرااش عليها مغيث !! انااا لي قلت لها الخير لي دير فراسها تمشي دارهم ..
خديجة: الالة تمشي عند ماماك ولا ترجع عند امها ، ويلا داخت بيها ارض تشد اوطيل ، ياك راها خدامة و بصالير ديالها !؟ علاش تعيط نوصير !؟
زاينة: بحالي بحالك !! انا باغة نفهم حاجة وحدة الا رااجلي فعلا عاطيها وجه وعاجباه نعرف كفاش نتصرف ويلا العكس هيا رامية عليه العين تاني نعرف كفاش نتصرف ..
اسماء: ( تتكلم وخايفة من زاينة) انا نقول الحقيقة ! و الله خويا نوصير ما يخونك راه قبل مايزوجك كان داخل سوق راسو و عمرنا شفنا عليه شي حاجة ..طلي على درب تينغل بالبنات عمررك يااانوصير شفناه واقف مع شي وحدة ..غير هو مسكين تيساعد الناس تيبقاو فيه او حنين
زاينة : ( بغيرة و جنون) مااايعاااونهاااش !! توريني نتي فالمعاونة نوصير !؟ نهار طلاقيتو كانت تشد فيه وحدة تردو محملها فطبيب ..
اسماء: البااطل هداك ..شتي الا باغة راجلك تبقايش تغضبي ! راه عاطي عين وضحوكي
خديجة: هههههه الله شحال مافوجت ، زاينة سمعي احبيبة انا اكبر منك و شفت لي مزال ماشفتيه ! من حقك ( تتاكد براسها) تراقبيه و تغيري عليه والا جبرتي شي حاجة راه نقاش على طبلة هو لي تيحل مشكل ..
زاينة : نكذب عليك !؟ ماااصبرتش اختي خديجة ، تشوفي راجلك فدارك معاه وحدة ، ( تاضحك بجنون تتشير راسها ) هههه راه قمة اعصاب راه كن ماجيران كن قتلتها
ليالي: ( حطت يدها على فمها) ضاربتو !؟ ضرباتك
زاينة: ضربني !؟ اوا ماولدت فيا الشلحة غير الخلا ، عطيتها سلخة حياتها كلها ماتنساها
اسماء: هههههه الله ييارك فعمر لالة زاينة ..
زاينة: ربي منين تتخرج لك هاد ضحكة !؟
اسماء: ( وقفت تتحيد ملاية) لا تحسدنيش راني طالياه اخضر مع المرض و النحس
خديجة: اوا لواه الزين !! ( ناضت تجمع معاها طبلة) الله يبعد عليك شي نحس ..
...جمعو طبلة و زاينة دخلت بيتها غيرت حوايجها خرجت كوزينة تشوف اش تعاون وهيا تشوف ليالي تتمسح دموعها
زاينة: ليالي تقلقتي مني !؟
ليالي: انا لي بغيت نسولك هاد سؤال !؟ راه ماعنديش اليد فهادي ، انا خالتي الوازنة او اخوت مغيث ماشفت منهم غير الخير ..
زاينة: عذريني اختي و الله ، راه نهار رجعت داري و هازة ولدي ولا بنتي فكرشي لقيت الما دايز من تحتي فنظرك كفاش نتصرف !؟
ليالي: كن جيتي قلتيها ليا انا نتصرف ..
زاينة: انا بلاصتك براجلي و بداري ! مانشدش هاديك نوعية بنت خالتك حتى العشا الا درت معاه صواب مانفوتش لها كويس اتاي ، لانما من لاخر قحبة و بنت الحرام فعايلها ..براكة غير رمات الباطل على راجلك
ليالي: ولو تتبقى عائلتي ! غلطها تحاسب عليه ..
زاينة: نتي تعرفي اختي ...
....طبلة مزال بفطورها ...يلاه هزوها دخلوها كوزينة بعدوها على امير لي كان مرون دنيا حتى نعس ..نبيل جالس شاد تلفون و حداه نوصير ، من صغرهم ولو ديما مناكريش الا عند كوارث واحد تيحط الراس على لاخر ..
نبيل: ( شد راسو) خاصني دولييران راسي ضارني
نوصير: ( منزل راسو تيهضر ) ماشي دبا ! خلي ينزل داك صعصع لي تتيكيف فسطح ..
نبيل: ياك فكيتو مشكل !؟
نوصير: فكو المغرب لي وذن ..
نبيل: ديمااا تنكووليك دخل سوووق كررك ، وماتعااون احد
نوصير: ( سرح بيه نظروو تيعض شنايفوو) عرفتي الا هزت راسها ومشات وتحرمني من ولدي بررررب ..
مغيث: ( خرج من بيت فين حط امير) ماغاديش دير عقلك !؟ علامن تتربب على مات ولادك
نوصير: ديك خيتنا ماابيني و بينها والوو ..واش بزز تحسب عليا !؟
مغيث: نقص من غواات اصاحبي ولدي نااعس ! دباا غير اجيني كووود بلا بلانات والو ( دخل عليهم فاروق ..تادخل جلس مكسل حداهم ) فوقاش هاد بنت طيط هضرتي معاها !؟
نوصير: نهار جيتو عدنا !!
مغيث: شوووف تشوووف !!
فاروق: ( هز بيديه تيهدوو بنبرة قاصحة) راه كالك بلا بلاناات واش نوضو نحضرو من اول !؟
نوصير: نهار مشيت خذيت لصاحبي حوايج امير لولد خليفة !
فاروق: ( قاطعو ) لا تدير الخير !
نبيل: ها تالية خليفة وداك ابرااهيم ، طال نهار نتوما تحفرو على هوتات
مغيث : اها زيد !
نوصير: هزيت حوايج وهيا كانت خارجة كالك وصلوني ما وصلوني !،وصلناها اسيدي فاش كانت نازلة كالك الله يرحم والدين نمرتك الا حتاجيت شي حاجة ..
فاروق: ( منغم مع كارو) كن جينا نديرو بحالك البرهوش كن سكنت فاوطيل مع عطايا ..كالك الله يرحم والدين ، هاديك ديال الله يرحم والدين، يلعنطبنمك بجوج
مغيث: ( مزال مبرد ) انت عطيتيها نمرة ، ومساج من هنا و ابيل من لهيه وها طريق تقدات
مغيث: هنونا من تبرهيش !! راكم رجال زعما !؟ سمع انوصير !! ترجل اصااحبي راه مور خطوة الزواج تايجي القاصح و الصح و الا عندك شي معقول تتبينو ( حط كفو على صدرو ) مانبغيش ليك تجربتي ولا تجربة خوك الكبير ..
فاروق: ( فكرو بديعة لي تتصوني حالا ) خليه !! تزويجة الحبس و ابنتي جوج مرات تتدوز من الموت و امراتي جديدة كن ماصدقت بنت الناس كن سمحت من زماان
نوصير: ( حاني راسو تيفكر ) دبا تابتة عليا تهمة !؟
فاروق: واانووض دير حل مع مرااتك ، راه تيكول ليك كن رااجل واجي آمر !! حنا راه لقاوك تتحوي و نستروك لكن فاش تيدخلو العيلات على خط عوم بحرك ، برررب ونعااود نسمع اخبارك مع شي قحبة تنتسيف عليك ..هاهيا داازت على وجه داكشي لي فكرش مراتك ..
مغيث: ( طبطب عليه ) عاجبك وقتك ضيعو اخويا فالسوق خاوي !؟ عمرو فخدمتك و المشاورة مع مراتك تتطول العشرة
...خير الكلام ماقل وذل ، هضرو وتكلمو و جمعو وطواو، هدفهم الخبر مايوصلش الوازنة؛ او حتى الى وصل يكون متأخر و بنتائج قليلة ...فاروق جاوب بديعة لي طالبة تشوف بنتها ، موضوع الوحيد لي ماتيلقاش ليه الحل هو رؤيا و بديعة ، تيحكم عقلو وتيطبق قانون الانساني ..
فاروق: ( وقف فالباب تحت تناديها) خدييييجة
اسماء: ( كانت جالسة تاطارت تحشات فزاينة) نوضي اختي نوضي
خديجة: ( قربت وجهو تتكلم بهمس) عربييية راه تنهضر بيها !! ماباغاش نتعاامل مع ديك السيدة اسي فااروق
فاروق: ( جرها من خصرها خرجو دروج و طار عليها بوووسة برد فيها جنون) احح على مك ! تهزي بنت معاااك و تجي تشوفها تماا ..يلاه البلارة ساعتك سعيدة سورات طموبيل راهم فوق باش تحركي
..ليالي حشمت نزلت و قلبها تيتقطع على اسماء نذمت فمرة علاش طرحت فكرة ، كفاش هما يخرجو وهيا الا !! نزلت تحت حطت امير فكرسيخ جلست قدام و زاينة للور و خديجة ديمارات طموبيلتها تتنتظر اسماء ..
زاينة: ( تتحك غير بوحدها) واش ديك بنت عايشة فحبس ..
مغيث: ( هز تلفووون ..) جالس جالس !! اما هزها تبعنا ولا خليها تنزل
نبيل: الا تمشي سير ..ماخارجش ماغادي تخرج ..
مغيث: ( قطع عليه خط وعطا كلاكصون خديجة ) مررريض هداا وحق الرب
ليالي: اش داااني نقولها ليها ولا نذكر شي خروج !! سي طخوب فينا وماتايقش !؟
مغيث: ليس طومبي !! هداك فراسو ماتيتيقش ..
زاينة: ( شافت رقم نوصير تيتصل نطقت فنفسها) قطييعة تهنيت من كمارتك ..
....طريق كانت مزدحمة ، الناس ورا الفطور تتخرج ، اتجهو قهوة العائلية فيها مطعم و قاعة العاب و مطعم نفس الوقت ..دخلو مجموعين و حديثهم الوحيد هو اسماء، جلسو و طلبو مشروبات و دراري ناضو يلعبو و خديجة رسلت عنوان فاروق ....و بعد دقايق تمت داخلة لمحتها خديجة من بعيد ماكملاتش فيها شوفة و اخبرت مغيث لهز رؤيا و خرج عندها ...و جلست مع رؤيا فجهة اخر و عنقاتها بحب وعطاتها هدايا
....خديجة جالسة وكل مرة عينيها تاتديها جهة فين جالسة رؤيا و تطمن ، فوبيا ركبت فيها من جهة لي فات ، ليالي شادة امير عندها تيشرب عصير و زاينة طالقة عينيها تاتشوف الناس؛ نفسها تتحكها و هيا تتشوف شي وحدة لابسة و مقادة و فيديها سورات طموبيل ولا جالسة هيا امها ..
خديجة: جاوبتي راجلك !؟
زاينة: ماعندي مانقوليه هاد الساعة !!
ليالي: نصيحة خوذيها مني ، تا انا مادازش عليا القليل ، جلسووو و هضرو و حلو الامور
خديجة: ( تتشرب عصير تتبرد و تهضر) تبقاي شادة ضد تجبيها فصحتك !!
زاينة: شتي !؟ كوولشي ندوزو ليه الا هااديك مخليني فطبيب وغادي عند موسخة ما تسرطش ليا ( تتدوز صبعها على حلقها ) هنااا تبقى ليا واقفة
خديجة: متاافقة معااك !! ولكن ازاينة راه تنمشيو بوصاية الوالدين و نراعيو للداك العقد لي مضيناه ونتي راكي حاملة راك اتششتي عائلة
زاينة: الا بغات تشتت لهلا يقلب ! ( تتفور باعصاب) هداا عاد نمرض و نولد و نتوجع و يهزني !؟ هداا راه مايعقلش عليااا
ليالي: كاظلميهش ازاينة !! تنوااعدك غدا الصباح نشوف حفصة و نوصلها حتى لامها و نتبرا فيهاا !!
ليالي : جو سي باا ! من داري عندكم !! راكي عارفة مغيث كلامو ماينزلش ارض
خديجة: ( تنهدت تتلعب فشعرها) حتى نتي اصااحبتي بحال تنخويو معاك الما فرملة !! اش تفاهمنا !؟ نهار رجعتي من فرنسا جلسنا و هضرنا !؟
ليالي: ( تتحس بقلبها يتقطع من داخل ..دورات وجها مخبية دموعها) اوا الله يعطيني عقل جديد
زاينة : ( بقات فيها و توشاتها لكن مافهماش موضوع) شوفي اليالي راه دبا شركنا الدم و للحم ! و العواشر هادي ما مقلقة منك ، هو فيا لافونس لكن عندي عقل تنميز بيه
ليالي: اوا ربي راه شايف ، انا مشكلتي نقصاح حتى نقصاح مشكل واحد تيهدني ، مااابقيتش تنقد على مشااكل ولا مصايب ..
خديجة: العام كاملين داز علينا مبارك مسعود !! لكن بنات خالاااتك بعدي منهم !! هانا كنت بقوة صحابات ها لي من ايام ليكول ها لي من ايام دوران و تسركيل اوا تزوجنا دوزنا واحد غربال خفيف، اصلا مايصلحش ليا لا صحبة لا عائلة ، انا راه راجل اختي جرا عليه من قعر الدار
زاينة: ( غوبشات فيها) اختي راجلك واعر شوية
ليالي: ( عذبها امير) كلهم واعرين كلهم ظريفين ، انا لي عندي راه دخل عليا ضرة
زاينة: احاااااي !! اوا هادي الا
خديجة: ههههه اوا ياه ، خاصنا جلسة بوحدها ونعادو لك المغامرات ..شكون كال انا و ليالي نديو الخوت
ليالي: ( تتضحك عاضة على شنايفها ) المكتاب ..
زاينة: ( شيرت بعينيها جهة بديعة) هاديك طليقتو !؟
خديجة: هااديك و مادوزات عليا !! وهو نيت الشارف نهار قلت ليه ماكاين زواج طلق عليا جدرامية يهزوني
زاينة: اش عندي ماندير !؟ تنتدافع على كرامتي و حقي معاه ، وخ حرايمي جلسني من لافاك
ليالي: سي يا لوجيك !! بلعكس قراية تعاونك فمستقبلك ..
خديجة: ياك عندك الباك !؟
زاينة : وي اقتصاد ..
خديجة: ( دورات راسها بمحنة) شحال قدك ابنتي تقراي و تعاودي باش يلاه تشدي شي بوسط !!
ليالي: سي نوغمال ..
خديجة : وعلاش ماتختصرش الطريق!؟ تفكر فشي بخوجي لي تسيرو و تكون مولات الشي !؟
زاينة: بحالاش زعما ! مانكذبش عليك حتى انا بغيت الطريق لي ادخل ليا الفلوس
خديجة: بون انا غير نطرح عليك ونتي تعرفي ! فلاجونس جاونا بزاف نخدمو لهم اعلانات للسونطر اللغات و المواد الدعم ، كما شفتي دولة مابقات تتقري والو !
زاينة: انا ماشي سي نيفو لي نشد للغات و نقري ! راه انا قراوني ناس عندهم اجازات ..
ليالي: كاين بخوجي اخر !! علاش مديريش مكان مخصص اطفال ، يلعبو يرسمو كما شفت فرنسا فالمسابقة لي قدمت
زاينة: ( حببت فكرة) اوا تجي وافتح مشروع !؟
خديجة: اولا قبل قبل كل شيء هو تأطير ..تقراي على تخصص لي ناوية تخدمي فيه ، على اقل هنا تقراي بمنفعة و عارفة راسك فين متجهة
ليالي: وي نشوف ليك انا وخديجة مع معارفنا فدومين فين يمكن تقراي ، والا كتاب و عجبك بخوجي حنا نساعدوك
خديجة: ( باسف ) نفس الهضرة قلنا اسماء ، مي واضح نبيل ماخلاهاش ، وتتموت على خياطة
زاينة: وي ظريفة و غير تتضحك ، الله يدير الخير
ليالي: ( هزت امير ) نشوف مغيث فين مشى
خديجة: سيري !!
..جلستهم مع نسيم عليل كانت طويلة ..زاينة تحمست و تتسول و تعاود ،و خديجة عاطياها الخاطر ..تاوصل عندهم مغيث و ليالي ورؤيا خلص و خرجو متجهين ديورهم ..
...الوحدة !! الوحدة ، بعض الاحيان بقائنا وحدنا تيكون راحة لينا ، او متنفس للافكارنا ، لكن الله في خلقه شؤون خلق وفرق، فكيف اسماء لى تتعشق التجمعات و العائلة و الصداقة تفكر تجلس وحدها، يكفي لي جلساتو بوحدها فبيتهم لا اخ ولا اخت .. جمعت طبلة غسلت ماعن و الماكلة لي بقات قداتها دخلت نيشات بيتها شدات بلاصتها وتغطت كلهاا ، منعو للخروجها شيء اعتادت عليه ، كلمة الا ! رجعت تسمعها اكثر من اسمها ..نعست و خلاتو فالخاريج مع تلفونو اخر همها ...
نبيل: ( من نهاية فيلم لي تفرج فيه ..هز عينيه لبيت ) ولفتي !!
..شاف ساعة لقاها الاحداش ليل ، ناض نزل تحت لقى الوازنة وفطوش مفرشين فالصالون ناعسين و نوصير جالس شاعل تلفزة ..
نوصير: ( شاف فيه جلس حداه تيشرب ) شوية راسك
نبيل: ( غمض عينيه محرك راسو ) تبعت واحد فيلم حتى كمل ليا لي خاصني ، جاو من برا !؟
نوصير: ( اشار بيتو ) جاو !!
نبيل: ( وقف ) بلا ماتفيقني سحور راه مزال الماكلة فوق ! تصبح على خير ..
اسماء: ( جن جنونها فاش تيوقف فوق راسهاا...ناضت جلست ) هانا فقت اوا فاوتني
نبيل: ( دار جهتو طلع تكي) هاهو مفاوتك ..
..خرجت تتجر رجليها كوزينة كلت تمرة و شربت الما و رجعت الصالون تنعس ، ماتتبغيش تفيق من نعاس لانه تيتهرس فيها، شدت تلفونها و دخلت انسطا بدات تقلب هنا و لهيه ..
نبيل: ( بصوت عالي) اسماااااء
اسماء: ( تتجاوب من بلاصتها) نعااام
نبيل: ( شد بصبعو بين عينيه عرفها مابغاتش تنعس حداه ..رجع تقاد فبلاصتو ) صمت ..
...تقطع الحس و هيا تترقبو لكن للصمت ساد، جرت الغطا و بقات طالعة نازلة فانسطا تتشوف الازياء التقليدية و طالقة ورجعت دخلت صفحة لي مودل هو يطلع لها واحد داير لايف ، واضع انه موديل فرنسي عينين خوضر و طولة و تجريدة ..هو تيهضر و يضحك و هيا تتضحك ..تا قفزها
اسماء: ( طلعت بلاصتها تغطت تترعد و قاطعة نفس ) ....
نبيل: ( جلس حداها تحت فارض طالق رجل و جامع تيمسح وجهو و نطق بصوت هامس) حيااتي عذاب ..
..ليل يزيد سواده و الهموم و الاحزان تزيد تقلا من رعبها منو و تغيرات مزاجو نعست بدموع بعينيها ، هو مزال على حالو ؛ جننو تفكير ..وقف بصعوبة و راسو تقيل عليه دار جهتو من الناموسية تكي وجهو مع وجهاا ..
...ثالث اليوم من الشهر الكريم ، طموبيلة نبيل وقفت امام الدار ..قبل وقت هزها هيا فطوش رجعو عند العدول مضات اوراق الملكية والديها مشاو و هيا رجعها، الجو بيناتهم متوتر لا هو تيتلكم ولا هيا تتشوف فيه ..
نبيل: ( قبل ماتنزل) ماخاص والو ؟
اسماء: الا خاص شي حاجة انعيط ليك ..
حرك راسو تيشوف قدامو تانزلت عاد رجع تبعهاا ، عقلو قرب يتبلوكا عن تفكير، حرك طموبيل و رجع خدمتو ....طريق كلها هو افكار تاخده و اخرى ترجعه ..وصل لافيراي وقف تيشوف فسلعة تتدخل و نوصير واقف عليها
نبيل: سلام
نوصير: ( هز كاسكيطة تيحك راسو) عليكم سلام ! عاد ولا !؟
نبيل: ( مصغر عينيه من شمس) عااد ! هدا سلعة غير تبقى فكراج نامور رمضان
نوصير: بزاااف اصاحبي ! سيمانا اخيرة فرمضان خاص كاميرو يخرج
نبيل: ( حرك راسو بلا ) حاجة خفيفة هديك ! من هنا للعيد الكبير السوق يبدا ينعس ،و لوكال راه عدنا صغير
نوصير: هيا نبقاو نشدو غير من البوعارة !؟
نبيل: داكشي لي كاين ! الفلوس دور و مانقطعوش رزق الخدامة ، انا طالع بيرو و دوز ليا فاكتورات لي خرجو هاد شهر ديالك
نوصير: ( مد ليه سورات بيرو) راه جبتهم صباح ، ( شاف ساعة) انا راجع الدار الا مارجعتش وقف عليهم تيسدو
نبيل: ( شد من سوارت ) الله يعاونك ..
...نوصير ركب سيارتو و قاصد الدار و طريق كلها تيعض فشنايفو ، البارح دخلت بيتها سدات عليها ومع الدار عامرة مابغا غوات طلع نعس فوق ، وصل الدار وطلع فوق تيبحث عليهاا
نوصير : زااااينة !! زاااااينة ..
اسماء: ( من فوق) نوووصير هاهيا معايا
نوصير: ( رجع وقف فدروج ) كولها تهبط ..
اسماء: ( رجعت دخلت عندها ) تكلمي ليه !
زاينة: ( زفرت بقوة) اااش بغااني
اسماء: ( مزيرة زيف على راسها ) راه الا مانزلتيش راه يطلع ..وخالتي لي توقف ليه ماكايناش
زاينة: ( لبست كلاكيطتها نازلة عندو بشوية عليها تاوقفت عندو) علاش معيط لي !؟
نوصير: لبسي جلابتك !
زاينة: فين بسلامة !؟
نوصير: الطبيب !! مادوزيش !
زاينة: سبحان مبدل احوال !! بعد مني ماغداش
نوصير: ( تيحك لحيتو ) نوضي نعلي شيطان ! نوضي نمشيو طبيب و نرجعو و نهضرو
زاينة: ( جلست دايرة رجل على رجل) سمعني مزيان ا ل ك ا بو !! نهار نبغي طبيب عندي رجلللياا !عوض مادخلني دخلة عيساوة و دير بحال ماطرا والو !؟ مامسلكانيش
زاينة: عااوني اخووياا انااا !! المسااعدة فالمقربين ، انا لي مراااتك مخليني فطبيب بوحدي و تابع ليا ديك شارفة
نوصير: ماااتبعاتهاااش !! فطريقي لافيراي صاحبي عيط ليا ندخل لمعلم الدار يقاد شي لعيبات تما ..والله لي شانو عظيم مامشيت على ودها وتيقي بالله
زاينة: ( طرطقت تاتبكي ) هيااا دنيا ديما هكااا !! معكسسسة معااياا ! عجبك شعر و العصري و ناس كلاص !! الا خويا مابقيتش عاجباك راه انت سبب ! زوجتني بالغذر و جلستني فالدار و من قرايتي اما بحال هاديك ماتوصلنيش حتى صفري صغير
نوصير: انا مزوجك بالغذر !؟
زاينة: اااه ! نفكرك !؟ اش دوزتي عليا ، بغيتي تردني خدامة وضرب و معيور ولا نسيتي !؟
نوصير: على فعايلك زينين ! جيتك غير هكاك و ضربتك !؟ نفكرك نهار الفوطة !؟
زاينة: شتي اخويا نبقاو انت ! نتي ! بلاصة مانمشيو طبيب زيد يلاااه المحكمة و لي جمعنا يفرقناا
نوصير: باغة المحكمة !؟ زيدي لهاد المكحمة ....
....انفعال يؤدي للشجار، لبست جلابتها و هوو نزل تيغلي للطموبيل منتظرها ، هزت بزطامها و نزلت الغضب عاميهم بجوج ، وهيا اكثرر....مسح روايض مقلع ..وانفاسو ساخطة تاتسمع ..
زاينة: ( بغضب ) نقصص اشريف من سرعة !!
نوصير: غير باش مانتعطلوش وصافي ..
....لابسة حوايجها و ملبسة امير و عاطياه للعبتو جالس حداها على مايخرجو...تاتجمع مسائلها و تتفكر ليلة البارح ، من بعد مادخلو من الخرجة و اتجمعو هيا و مغيث فالبلاصلاتهم ..
🔙🔙🔙
مغيث: ( هاز تلفونو متلف) الوغ شنو فاتني !؟
ليالي: ( دايرة نظاظرها طبيه و طالقة شعرها لا بسة شوميج دونوي نواغ بشورط و ديباغدوغ قصير و شادة بيسي) فاتك فاش !؟
مغيث: ( تبث فيها شووفة بعينيه عسلين نايمين ) رجعتي تخبيي عليا !؟ شنو هضرتو مع مرات نوصير
ليالي: ( بتباث) نوغمال ! تكلمنا و نصحناها انها طوي الصفحة لانها بساطة ماتستاهلش !
مغيث: ( متبعها و تتحمقو و هيا تتكلم بطريق راقية) ماوجهت ليك حتى كلام ناقص ! عارفك اتخبعيها مني !
ليالي : ( قلبت عينيها من تأثرها بموضوع) كونطخيخ ! تاهيا معذوروة ، تتوحم واضح ان نوصير معصبها من حوايج اخرى من غير هاد شي لي وقع !
مغيث: ( حط تلفون و قرب لها ميل راسو بتساؤل) بحالاش !؟
ليالي: ( هزت كتافها ) جوسي با ! مي انتكلم عن نية حسنة ماشي تنتكلم مورا ظهرها !
مغيث : ( هز راسو مطول هضرة) عااارف ابب
ليالي: هو حبسها من لافاك او هيا كان عندها دي بخوجي لحياتها ، او انا و خديجة نصحناها تقرا شي حاجة استفذ منها ، مْيُو من لافاك
مغيث: بياان !! ( تيشوف بيسي) هادي لاكريش !؟
ليالي: فيها كولشي ! هدا هو بخوجي لي نصحناها بيه ( دورت بيسي عندو هو معنقها من للور ) شفتي فيه عدة مزايا للطفل حتى من لاكوزين
رشيد: صدقيني غيثة لابسة قناع ! غيثة رغم انانيتها عليكم من خوفها كام لان طريقة لي تفارقنا بيها ازماتنا بجوج ! واصحاب حسنات ابنتي لي فرقونا كثار، غيثة قلبها طيب و معقولة ...
ليالي: انا موافقة ابابا ، بالفرحاة عليا ..
رشيد: ( هز امير لي طاح ..وعنقها) الله يخليكم ليااا ..
...مدة عشر دقايق كان امام محكمة قضاء الاسرة ، وقف بسيارتو و هيا تتبلق فعويناتها ...
نوصير: ( حط يدو على كاسكيطة تيشوف جهة باب المحكمة) الاا ! لانتي تتخلعي ..
زاينة فتحت الباب نازلة ، راكبة عقلها و وعينيها تتشوف بيهم غير شي احد توقف تشكي عليه و تبكي و تعاود مالقات ..يلاه تقطع طريق ودارت شافت فيه لقات واقف متكي على طموبيل بطولتو وكاسكيطة ووتوني مزير عليه ..وهيا ترجع ليه
زاينة: مااادخلس معايا !؟
نوصير: ( برود ) اانا !؟
زاينة: لا خيالك ! تتفلى عليا !؟ طنيز ديالك ماتيساليش !؟ زيد معايا نحطو طلب ..
نوصير: ( حرك راسو ببطى شديد بلا ) انا ماقادش على محاكم سيري ضبري راسك
زاينة: ( وجها رجع احمر و شنايفها يبسو) ياك اسيدي !؟ اوا دير الحل !
نوصير: الحل لي بغيتيه انا معاك ! ( هز كاسكيطة بصبعو فوق مقرب لها ) بااغة طلقي !؟
زاينة: باغة نعرف القانون باش يحكم ليا !؟
نوصير: ( رجع كاسكيطة منزلة ) سيري سوليهم !!
..زاينة : ( فقصها ..رجعت داخلة المحكمة تاوقفها مخزني و بوليسي واقفين ) ...
م ، ب: شنو عندك الالة !؟
زاينة: باغة رفع الدعوة طلاق
م : الله يهديك ابنتي العواشر هادي !! مهم دخلي سولي الداخل ( اشار لها مكتب مساعدة ) هداك بي اونفاص تما سيري
م: شووفي ! نصيحة من اختك الكبيرة ! سيري تاتولدي واجي نطلقك ..
زاينة: ومال دبا !؟
م" : ( قربت عندها تتكلم بشوية ) تيضربك !؟ مجوعك !؟ تهديد بالقتل ! الاغتصاب ! مدخل عليك الحرام ! الا عندك وحدة فهادو نشوف المسطرة يوقفوه البوليس
زاينة: ( بصدمة) البووليس !! علاه احنا اش دار !؟ انا بغيت غير نربيه
م: اها جات معاك ! آنكووليك الوحم لعب عليك !؟ اتكولي ليا ، دااار ليا و فعل ليااا و جمع ليااا ..لهدا اخيتي فاش تفكي على خير او مزاالة على رايك نطلقوك ...
زاينة : ( ماعجبتهاش ) شكرااا ..
..ماخرجاتش ، مشات تتدور فالمحكمة و تشوف و تسمع ...تا راسها ضرها و تمات خارجة لقاتو فالباب واقف مع داك مخزني
...ركبو سيارة من جديد ، مسافة طريق رجعو نفس العيادة و اعتذرت على ذهابها البارح ، و قيدتها من جديد و لحسن حظ كانت دنيا خاوية دخلاتهم ....بعد السلام و تعرف مع طبيبة، سألتها اسئلة روتينية ..و طلعت مكان فحص عملت لها جيل ازرق و بذات صونار ..
طبيبة: ( عينيها فشاشة و نوصير واقف حداهم) هااد حبة فولة هناا ( تتشير ليها) هو بيبي !!
زاينة: ( تتشوف ) صمت
نوصير: ( مبتسم فرحان) صحتهم بجوج بخير !؟
طبيبة: حمد الله ، و تنشوف الجنس ديالو خمسين فالمية يكون الذكر انشاء الله
نوصير: ( قرب شاشة تيشوف) ولد !؟ وولدد !؟
طبيبة غالبااا
...كملت لها الفحص و عطاتها التحاليل و خلص لافزيط و خرجو من تما هيا صقرت هو فمو ماتيتجمعش بالضحكة ..
نوصير: خويا فاروق لي ايسميه انشااء الله
زاينة: ( شافت فيه تاشاافت ) كماارة
نوصير: ( تيعض شنايفو شاد ضحكة و مدور وجهو يديه على كوسانها تيدير مشاريار) هيا يخرج فطوكوبي ديالي !؟
نوصير: ( ضرب دورة وقف فلاكوط ) زااينة !! ( تيحيد لها يديها على عينيها) وااسمعيني !! سمعي و حكمي !
...جاتها على بكا و نخيص و دمووع، بكااات وبردات ، زاينة دموعها مايطيحوش هباء ، لكن هرمونات للعبو عليها، زاينة نفخة تتمشى بيها من انفها وردة فعلها سريعة ضد الناس ، و عدم اعطائها نيتها و مصلحتها تتحطها اولا قبل كل شيء ماجاش من فراغ، زاينة نص فقرايتها ، قراتها عند العائلة ...الوقت لي تحفظ و تاكل و تنعس مثل ما هو شاسع عند طلاب ، زاينة كانو العائلة لي تتجلس عندهم تيعطيوها جفاف و تسياق و تسخار عاد تجلس تحفظ و تاكل ونعاس هيا ودموعها واش يخليوها تنعس، زاينة من صغر تحكت و كبرت معاها شخصية طموحة وطامعة للاحسن ...هدا الشريط كلو مر فدماغها و بكات بحرقة عليه ورافضة تعاودو ليه لانها شكواها تتحسب ضعف ليها او شفقة من الاخرين
زاينة: ( فتحت الباب غسلت يدها وجها و مد لها زيف تمسح) انااا لي عارفة علاش تنبكي ..
..مدة قصيرة ساد الصمت فيهاا ، ارتحت نسبيا هو كدالك ..تاحس بيها تهدنت و استأنف الكلام
نوصير: زاااينة !! نبداو من اول ولا من هاد الفيلم لي بغى يشتت حياتنا !؟
زاينة: نبداو من اول اسيدي ! كاع مشاكنا بادين من اول .
نوصير: ( زعزع راسو بنعم) ياك ازاينة وقفت معاك !؟
زاينة: وقفتي ! الله يكثر خير ! لكن رجعتي تقلبتي عليا ..
نوصير: ( تبث فيها شوفة بجدية) هااد نوصير لي قدامك دوز مع بنات تا شبع !! ( طلعت فيه حاجبها) هداك ماضي ماتحاسبينيش ! عندك هادي واحد عامين ( مخيب ملامحو) بحال تگولي شببعتت ، كنفت بنات ، الواليدة من جهة تتجر و خوتي من لهيه وداز عليا عاام نعاودو حفار قبري ، حبس و صداع و مشاكل ..مهم انا عمرني عقلت على راسي ( حط يدو على قلبو ) هذاا دق لشي وحدة! تا شفتك ، فنظرك ازاينة كن قصدتك وطلبتك الحلال تقبلي !؟
زاينة: الا ! لحقاش نت كنتي عاارف فاش عيني ! نقرا ونخدم ! مع ذالك تبعتك و كنت حاسة لكن كذبت راسي ..او وقع لي وقع ، ماوقرتنيش عطتني زرابي و طلامط نصبنهم و كليت العصا منك
نوصير : ( حك للحيتو) زاينة ! راني باغيك المراة الدار و تحمري ليا وجهي مع عائلتي ! من للآخر انا ماتمشينيش المرأة
زاينة: اها !! كداير هاد الحب عندك !
نوصير: نخرج الصباح نخدم و نجيبها من فم السبع و نفق عليك و نعيشو فالحلوة و المرة ..هدا هو طلبي ...
نوصير: رااني صايم ! هادشي لي نكولو ربي شاهد عليا و نحلف بحياة ولدي لي فكرشك الا ماكذبت عليك ..
زاينة: ( شافت فيه تتفحصو فوجهوو ..) ونعم بالله
نوصير: حطييتك فطبيب وكنت راجع الافيراي وصلني اوديو من صااحبي هاهو شوفي تاريخ !! وسمعي اوديو ..
اوديو : ( بصوت رجولي) اخاا الكاابو ! واانوصير كي داير اصااحبي ! مهم الله يحفظك الا ماسير وقف ليا مع لمعلم يطلع يصاوب ليا داك الشراجم لي تما او شوف كول لهاديك بنت غير تسمح ليا ؛ وتخرج ضبر على راسها، منين انت رجعتي مع الواليدة انسدها اخويا ، هانت اخاا الا سمعتي اوديو جاوبني ..
نوصير: فهمتي !؟ غير باش تحيدي من فمك ديك قضية حصلتكم ، للحظة لي انا تما سانديك فتح ليا الباب بضوبل و هيا اتصلت بيها تجي تهز حوايجا ونشد سوارت الولد
نوصير: ( تيشوف قدامو تيدورها) فين تقراي على هاادشي !؟
زاينة: ختي خديجة اتشوف معارفها و تقولي
نوصير: بشرط !! الا تبداي دبا ، اديري زيف و تلبسي طويل
زاينة: راه مابقاتش فزيف وطويل راه بقات فالعقلية !
نوصير: خوك قديم !! ديري الالة خاطري تا الا عقلك وسوس ليك يكولو بعدا راجلها كان ساترها هيا لي ماتسواش ..
زاينة: الله يستر
نوصير: السترة انا لي باغي !!
زاينة: بعدا باش تبين ليا حسن نيتك ، هداك تلفون تعطيني كود
نوصير: حتي نتي ! حطي ليا كود ..
زاينة: هيا دباا ..
نوصير: سيري عالله ..
..جبدو تلفوناتهم و كلها دار كودو ..وشدوهم واحد تيشوف فلاخر وتبادلو تلفونات ..متتردين
زاينة: اوا شنو كود !؟
نوصير: كولي نتي ..
زاينة: ( بنظرة شك ) قووول !
نوصير: وكولي نتي !! ( خنزت فيه) نكولو دقة وحدة ..يلاه واحد ..جوج .تلااتة ..
ونطقو بجوج دقة وحدة
زاينة : N / نوصير : Z
...مع اذان المغرب ، كل البيوت المغربية متجمعة على الطبلة، القيل لي غايب مع العمل او الغربة او من ذهبو من الدنيا لاآخرة رحمة الله عليهم ..وكاين لي ماناقصو حتى الخير لكن ناقصو عقل ...
...بعد الإفطار الوازنة مشات الجامع كما مولفة ، و نوصير اخرج عند اصحابو ، زاينة تعاونات مع اسماء و غسلو ماعن و جمعو دنيا و هبطت عند اختها نجمة تحت ....بقات اسماء الفوق و نبيل فبيت ، الكلام فجأة تقطع ، الجو بيناتهم بارد ...روتينها بعد الافطار هو دوش بعد الافطارر و تعمل دواها للحبوب لي بدا يطفا شوية ..جالسة فصالون تتعاود شي رشمات عندها تاسمعت صوتو ..
..تتقشر ديك بصلة و دموع نازلين ، اتخالطو مع دموع البصلة ...زاينة تتشوف فيها تتبكي و قلبها ضارها، متاكدة ان ماشي دموع بصل ، تتراجع حوارهم تاعضت شنايفها بقوة ..
زاينة: حتى نولد عااد نقراا !! اما دبا غير الدار
اسماء: ( تتمسح بكمها) واضحة لهاد درجة على وجهى !؟
زاينة: سامحااس ! ماقصدتش ..
نبيل: ( دخل فجأة عليهم ) مالك تتبكي !؟
اسماء: ( تتخبع وجها ) بصلة ..
زاينة: ( قلبها حكهاا و نفس ضرباتها) لا ماشي بصلة !! اسماء مقلقة اخويا وسمحلي الا دخلت ...
اسماء: ( صدماتها و تتشوف فيه خافت عليها منو لا يدور فيها) غييير ..م..
نبيل: اتبعيني !!
زاينة: ( شافتو خرج ) مالك تترعدي منو !؟ راه راجلك !
اسماء: ( بصرامة) ماااتتنبغيش شكون يدخل بيناا !!كن دار فيك و سمعو نوصير !؟ فين نصدقو
زاينة: تجاوزت حدودي اسمحيلي ! ولكن راه تتفقصي راسك و الله لاحس بيك شي احد ، شتي اليوم وقفت انا و نوصير فالمحكمة و ربي حلها ، الا هضرتي على حقك اش يوقع فملك الله !؟
اسماء: ( مسحت يديها تتحسر) مايوقع والو !! كن نبيل هو نوصير يمكن انكون احسن !! نبيل معصب خلوق و عايش غير بدوليبران تنخاف لا يطيح مصائبي عاد نزيد بالمشاكل شد ليا نقطع ليك، زايدون كل واحد ماحس بيه غير لي خلقو
زاينة: ( تنهدت تاتسمعا) عندك الحق !! كل واحد ما حاس بيه غير لي الخلقو
...طلعت فدروج تتجري تتمسح بكمها وجها !! دخلت برطمة سدات الباب و تجهت بيت نعاس !!
اسماء: بغيتني !؟
نبيل : ( حمر فيها ) دخلي غسلي وجهك ..
اسماء: ( تنهدت بقوة ودخلت غسلت وجها و يديها و مسحت ..خرجت عندو) هانا ..
نبيل: علاش تمشي تشكي على مرات نوصير !!
اسماء: انا ماشكيت على احد !! وزايدون مرات خوك هاديك !
نبيل: بقاي ضحكي معاياااا ( دوز صبعو على فمها ) فين ماكاين شي مرض لاصق فيك ..
...من الدار الوازنة دائما ، تجمعو على السحور و نوعاما النفوس هادئة ، كلها دخل بيتو و زاينة كما العادة مع كريمات تدهن و تعااود ..جلست فناموسية و نوصير جالس بجنبها مرفوع مع اغاني الرجا و تيعاود فالماتشات ..
زاينة: ( تتدهن يديها و تتطق صبعانها) نوووصير !!
نوصير: ( ماتيشوفش فيها ) اااه
زاينة: حط داك تلفون و هضر معايا !؟
: ( حطو و دار تيتكسل و يتفوه و عظامو ضارينو) هاهو الالة !
زاينة: قبيلات كنا انا و اسماء تنهضرو ، وزلقت فالهضرة قلت لها راني انرجع نقرا و بذات تبكي ، انا و الله ماقصدت ، حتى بعث علينا نبيل و سولها و جاوبتو انا ..
نوصير: ( تيحدر عينيه) اش كلتي ليه !؟
زاينة: هو سولها ! وقالت ليه غير البصلة ونا نكذبها ، هيا مسكينة مقصحة ..
نوصير: اودي !! اولا هو ماغاديش يتسنى حتى نتي تفرشيها، اسماء راها مشات لنبيل فالدم ، راه قليلة فشهر تتطيح لنا بالمرض و تيهزها روحو تتبعي تزهق بالخلعة! آااخر مرة تهضري معاه الا ماهو هضرك !
زاينة: انا ماااقصدتش ندخل بينهم !
نوصير: فااهمك و عاارفك فيك لافونس ! مي نبيل و فاروق عليك بالوقار ! انا ولا مغيث عادي هضري ولا ضحكي
زاينة: ( بنذم) هادي دير ليا العقل !! انا قررت مانقراش دبا حتة تبرد القضية ، قطعت ليا فقلبي و الله
نوصير: ( دار عندها تيتلمس كرشها) طلعتي حنينة !!
زاينة: ( ضرباتو فيدو ) براكة من طنز ، علاش نبيل شخصيتو هكا معصبة !؟ تا فاول ماكانش ياكل الا كنت انا فالطبلة ..
نوصير: ( تيسد عينيه و يغمضهم) تواحد ماتزاد معصب !! كلها وشنو دوز فهاد دنياا ..
زاينة: يعني كان عادي !!
نوصير: ( سرح بنظرو ) كان اكثر من عادي ! حتى مات صاحبو ولا كما تيكول هو اقتلوه ولاد قحاب بسبب الغيرة ..
زاينة: مسكين ..
نوصير: تنعقل !!!!! واحد صيف داراري غادين لابسين والواليدة ماكيناش ، كانت عندي انا شي عشر سنين هو شي تلتطاش العام ..
🔙🔙🔙🔙
نبيل: ( لابس توني وداد وشورط وشعرو كحل رطب نازل عليه ) مشاو دراري لابسين اصاحبي وجلسنا هنا منشورين !
نوصير: ( لابس توني رجا و زعيعر شابه لاجودان ) الواليدة مسافرة ! مغيث راه ناعس فوق عيا من الحفاظة يلاه نضبرو فالفلوس ونمشيو
نبيل: نمشي نهزوها من مول حانوت !؟
نوصير: الا جا فاروق يتحاسب معاه ويلقانا هزيناها !؟
نبيل: نهزو داك صندوق موناضا او واحد القزدير نبيعهم !؟
نوصير: نزل انت هبطهم انا نطلع نجيب فوطات من بيت الواليدة ..
نبيل: صافي مشات ..
..نفذو الخطة واحد جاب فوطات و داز تلاجة هز فرماج ووالخبز و هبط لقا نبيل فراس الدرب تيضحك ، زادو المحطة طوبيس ركبو و متعانقين ! وغادين تيهضرو على عومان كل واحد تيكول انا فولي طياب ..وصلو لابسين خلصو الورقة ودخلو لقاو صحابهم ..دارو عصابة فداك لابسين..
نوصير: ( تيشد توني و تيجابد) وغررقني وااغير غرقني ..
نبيل: هههههه (تاتيغوتو عليه دراري ودار يشوف بانت ليه بنت داخلة تعوم ) اااه واش نعلمها تعوم !؟
دراري: هااديك انبيل هاااديك ..
🔙🔙🔙
نوصير: ( بتنهيدة) كان تيضحك و ديما انا وياه خارجين ضاحكين تا تقلب بين ليلة و نهار ...
زاينة: ( بكاها) الله يدير تاويل الخير !!
نوصير: ولكن داك نهار كلينا قتلة العصا من فاروق، جات الواليدة ماقتناش و نوضت مغيث يقلب علينا مالقاوناش ؛ تاطاح ليل وجاين مبرونزين بشمس مهلوكين بالعومان ، من دروج الدخلة حتى دروج السطح وحنا تناكلو دق
زاينة: نااري شحال واعر !!
نوصير: كن مازيرش تاني كن واهلي فين وصلنا ، نعسي امي كوراصون نعسي و هضرتنا تبقى هنا
زاينة: ( مبتسمة ) تصبح على خير ..
نوصير: ( قربها ليه حاضنا و غمض عينيه ...) ....
..بعد مرور اسبوع ، ايام رمضان تمر بسرعة بنفس روتين و طبايع، من غير ان اسماء تعافات من بوشويكة وتعداو احفاذ الوازمة امير و رؤيا وفطريقهم للشفاء ..اليوم !! يوم المعهود ...اول اليوم للدراسة ، فاقت الصباح متحمسة و متوترة توضات و صلات صلاتها لي رجعت استأنفتها و بقات دور فالدار حتى وصلت تسعود و نزلت تحت ، دخلت لقات الوازنة تتصلي الصبح و نوصير ناعس فالصالون واضح انه اسهر مع تلفزة..قربت ليه تتفيق فيه
..تراجعت تتشوف فيه و دخلت كوزينة دور هنا و لهيه و رجعت طلعت فوق و باغة تفيقوو و خايفة منوو ..جلست حداه تاشافتو تيتحرك و هز تلفونو ..
اسماء: وافيق راها تسعود و نص
نبيل: ( ماتيهضرش فايق خاسر ) صمت
...مراقباه طرف و خرج تيلبس حوايجو و هيا طارت لبست جلابتها و دارت زيفها هزات صاك و خرجت صالون تاتنتظرو تاخرج عندها عاقدهم
نبيل: تلفونك !؟
اسماء: عندي فصاك ..
نبيل: تسمعي كلاكصون نزلي ..
..نزل سبقها ينوض طموبيل و يراقب زيت و هيا غادة جاية ، غاادة جاية، الفرحة و توتر و اول مرة تمشي مدرسة، تمشي المرايا تشوف راسها و ترجع شرجم طل حتى سمعات كلاكصون و نزلت تتجري ...ركبت حداه هو داير نظاظر شمس و قلعو فصمت ..
اسماء: ( من فرحتها تتكلم) قريبة المدرسة !؟
نبيل: فسونطر قريبة ! وصايتي ماتمشيش مع البرد ..
اسماء: فهمت
نبيل: عارفك تتفهمي لكن تطبيق الخيلفة عالله، ماتصاحبيش مع بنات ، نتهبي لشرح و خرجي بحالك
اسماء: اتجيبني
نبيل: ديما تلقايني خمسة دقايق قبل خروجك .ديري عقاك
نبيل: تقاود فهاد صباح لي ماعندو تالي نت وهاد مخزن ! ( قرب طموبيلتو و ضربها بركلة)
ولد مارضاش و هو يدفعو ، ناضت كومبااا ، طموبيلات وقفو شي تيتفرج شي نزل يفك ، نبيل صعر ماتيقشعش الولد كدالك ، ما نقذهم غير البوليس لي جاو اسجلو كوسطا و فرقو المجمع ، تاركب تيسخط و ينخط .
نبيل: تربية السير فهاد البلاد والووو ! ( شافها تتبكي و يقفزها) مااالكي !؟
اسماء: علاش تدابز معاه !
نبيل: يحمد الله فكونا اما نهرس لمو سنانو؛ لي ناض يدوز بيرمي و يهز طموبيلة اباه بسباب هاد براهش كثرو كسايد ..
..اسماء: ( خلعة لعبت عليها و تتشوفو ضارب دورة ) تتاتكذب عليا !! بلعااني منوض صداااع باش ماتدنيش للمدرسة و فايق معطل !!،اصلااا انا عااارفة زهري ..
نبيل: ( عينيه مع عامل غير كمل قلع ..وشد طريق تا وقف امام المدرسة ) نزلي !!
اسماء هبطت مرايا تامسح دموعها ..نزلت تابعها ، تتشوف المدرسة، جات فالعمارة اول طابق معلقين بوسطات بصور ملابس عصرية و تقليدية دخلو اتجاه المكتب المديرة ولقاو السلام و برر غيابها الايام لي مرت و خدا منها توقيت و خلاها معها و مشى ..المديرة خدات اسماء و دخلاتها للقسم ديالها ..و استقبلتها معلمة بابتسامة بشوشة و عطاتها مكان و اسماء غير تتشوف و فالقاعة و ديكورها و معلمة و بنات لي تما كلها بطاولتها و كرسيها...
معلمة: نعاود الشرح عل حسب اسماء لي التحقت بينا ...( دقت بستيلو على بيرو) نتباه رجاء و تبعو معايا
اسماء: ( نشقت باتسامة فوجها و نطقت بهمس بحال بنت سبع سنين) نعم يا استاذتي
..حواسها و كيانها كامل كان مع شرح المعلمة ، تتسمع همسات البنات و ضحكهم لكن ابدا ماشتت انتبهاها ..الدرس كان عندها ساهل و من اول بدات تستافد لكن كان عندها بعد عراقيل فالكلمات بالفرنسية ....مرو ساعتين بسرعة و فالخروج عطاتها المعلمة ورقة لوازم الخياطي لي تحتاج و طولت معاها الحديث و فهمت ان اسماء ناقصها فقط االاحتراف ..خارجة من مدرسة حناكها حممرين ضربت فالبنات مجمعين حنات راسها مكملة طريقها تا سمعت كلاكصون وتمشات عندو ركبت ..
نبيل: صافا !؟
اسماء: تتهضرو بالفرونسي بلعاني !؟
نبيل: ( حاضي مع طريق) لا بصح !! شرحو ليك درس بالفرونسي !؟
اسماء: شي كلمات !
نبيل: ياك وصلتي حتى ليسي !؟
اسماء: زعما طفرتو ! راه استاذة تهضر وحنا حالين فمنا فيها !
..نزلت تتجري فرحانة طالعة دخلت الدار الوازنة لقاتها بجلستها الهمية و تتسبح طارت عليها تتعنقها و تبوس اطير بالفرحة
اسماء : قريت اخالتي قريت ..
الوازنة: ( بحب ) بنجاح الحبيبة بنت العزيزة الله ينقي طريقكم من شووك !!
اسماء: عرفتي اخالتي نخيط ليك فهاد العيد نشاء الله شي قفطان الراندة من داكشي رفيع !!
الوازنة: اياه الحبيبة ! راه عندي واحد ثوب مخبع خيطيه منها تعلام منها استفادة ..
اسماء: ( تتحيد زيف ) فين زاينة !؟
الوازنة: راها تتنشر حوايج فالسطح وراها صابحة تتنكر هيا داك سلوم جيارة مايكول مراتي حاملة !؟ ولا يكول رمضان أ العرق واحد فيهم منين ينوضو غير هربي
اسماء: تيشبهو عمي الله يرحمو !!
الوازنة: الله يجدد عليه الرحمات ابنتي ! اوا تاهو كان بخبيزتو ..
اسماء: شكون اخالتي فاولادك لي كان صعيب من صغرو
الوازنة: ( سهات بنظرها) وشكون يعقل على الصغرهم ابنتي ! غير هو كي تتشوفي رؤيا فصغرها مهدنة هكااااك كان الحبيب الفاروق يرضي عليه اما المغيث طال نهار مع الحفاظة و ديما مدابز مع نوصير و نبيل يهزو ليه حوايجو
اسماء: ههههه اوا غير الشراوط
الوازنة: اوا واخة كالاك ! شحال هدا ماكانش هاد قوة حوايج و محالات ، كان صباط تشريه بعشرالاف الا بغيتي تبان سيدي مولاي ..
اسماء: ( عينيها للمعو بشدة) و نبيل اخالتي !؟
الوازنة: ( بحسرة ) الحبيب لمونسني ! كانت ضحكتو تتسمع من دروج هو طالع ، يموت تاهو على كرة بحال نوصير ، تاطلع هداك حرام لافاك و هزيتي واحد حطيتي بلاصتو واحد آخر ..
اسماء: ( نغزها قلبها) ماتيعاود ليا والو اخالتي !
الوازنة: اوا لحلاحة غلبت سحارة و الحذيث الوسادة ماخلا راجل حزين ...فكي البشرة الله يرضي عليك
..طالعة فدروج تاضحك مع زليج مع دروج مع صاكها، قمة الحماس تتمشي فعروقها ، بعض الاحيان تنكونو تنمتعو بحرية مطلقة لكن تنفقدو اهميتها مع روتين .. وصلت الباب و تاتسمع هضرتهم مجهدة ..دخلت بحالها تبدل ، دائما اسماء تتبعد من مشاكل غير هما مساكن لاصقين فيها
...صباح منين فيقاتو اسماء خسرات عليه نعاس !! ناض طرف و طل عليها لقاها ناعسة وخرج خدمتو حل كراج كما العادة سلعة داخلة خارجة، مهم حركة دايرة، تاصونات عليه فكراتو بتحاليل وجا هزها مشاو المختبر خداو منها دم التحاليل ورجعها الدار ..ضرو راسو دخل كمل نعاسو و هيا ناضت دور بالدار مدام اسماء فالمدرسة ..طلعات حوايجها للتصبين فوق السطح ونزلت تكمل شغلها ..
زاينة: نوووصير نوض ادخل للبيت !
نوصير: وااا ماانااايضش !! او صافي شفتني ناعس قلبي دورة ..
زاينة: ياك كنتي خدام !؟
نوصير: متقل عليك اختي ( ناض جالس دخل البيت) صباااح الله
زاينة: السلاامة ! باقي شي النعااس ..
الوازنة: ( خرجت عندها من كوزينة) الله يرضي الا ماساعفي ! خليه ينعس ..
زاينة: نشطب غير الصالون اخاالتي الغبرة ! هو ماتيعجبو نعاس غير فالصالون ..
الوازنة: ( دخلت عندو ) راك اتشرك العصر مع المغرب !؟ انووض انوووصير
نوصير: الواااليدة !! واش نطيب لكم الفطور !؟
الوازنة: انوض اوليدي نوض الله يرضي عليك
...ناض بتقاتل تيتفوه هز فوطة و حوايجو طالع السطح يدوش و هيا كانت سابقاه للسطح تنشر طالعين تيتناكرو و اصواتهم تتسمع عند الوازنة ..دخل هو يدوش و هيا تتنشر الحوايج ..تاخرج ضربها بالفوطة زعما نشريها
زاينة: ( بعصبية) جمع رااسك هاد طويل
نوصير: (وقف على صور تيطل و تيتفوه داري الحومة مجموعين حدا الحانوت ) هاد طويل ايطوي مك ، ( دار عندها مخنزر) شحال من مرة تنكوليك نكون ناعس ماتقربيش مني
زاينة: نعاس فالبيت نعاس !!
نوصير: اعطيني السبب علاش نعس حداك !؟ الا تعناق و بسيف
زاينة: ( تتنشر و توقف تجاوبو) راااك صااايم ابناادم ..
..هزت صاكها فيه الفلوس و حطات تلفون ماتعاودش ليها مرة اخرى يتسرق ولا تنساه و نازلة فدروج تتقاد زيف لقاتهم واقفين تينتظروها ..
اسماء: ( بفرحة) صافي يلااه
نوصير: ( طل عليها تيشوف فيها ) ماشااا خاارجة !؟
اسماء: ( ماتتشوفش فيه) الخياطة اسماء الله يخليك ..
..نزلو متابعين و نوصير جلس حاضي رؤيا حتى تجي الوازنة ، ركبو طموبيل و اقلعووو ..دارت اسماء لي جالسة للور تتشوف من وراها و نطقت فنفسها ..
: تحضيني !؟ الملائكة و شياطين حارو معاياا ..
...طريق النسا كلها حديث و تخطيط و افكار و ضحك ...وصلو السونطر عند المكتبة خدات اسماء لي خاصها ، وبداو يدرو مكازات للملابس النساء ؛ زاينة عينيها خرجو مع ازيااء و مع ذوق خديجة اختارت احسن ملابس ، قيسات على خاطرها و اسماء لي سولها تتكولهم
زوينة ..
فنةةةة
الغزاالة ..
....خداو لي بغاو و داز محلات تجميل و خديجة اختارت ماكياج لي باغة و الروايح و تتشارك البنات مع اختيارتها و اسماء مثل الردار تتلقط كل ماهو جديد ؛ اما تلفونان طفاوهم ..باش ياخدو راحتهم ..
زاينة: اوا نسيت الزيف للشعري
خديجة: نويتي !؟
زاينة: الاحكاام ..
اسماء: ( بتشجيع) ايجيك زوين اصاحبتي
خديجة: يلاه نشوفو واحد محل لهيه فشاريع القدس ..
زاينة: تيغليو !؟
خديجة: اوا نتي وجيبك ..مهم نصيحتي خودي ها لي شال لاماغك بحال إيغميس ولا لويس فيتون لبسيه مع كولشي ..
أولاد الوازنة الجزء 26
محتوى القصة
التنقل بين الأجزاء