..تتسب و تلعن فداخلها، و تتحمد الله لي جات فقرصو وذن و وشدة فذراع وماتحلف لها لا بالمدرسة لا بوالو ...دخلت حمام تتحيد حوايجها و طلقت الما و البكية شداها ، طرفت حالتها مزيان و مسحت بالفوطو ومشطت شعرها لي مزاد اقوى و طوال ، رشت ريحتها لي تما خاصة بالجسم ولقات غير نيفيا دهنت وجها و هزت ماسكارا طلعت دوك رومش تاجات بحاال قطة و لبست سترينغ مشبك و فوقو شوميز نص توب نص شبكة و شافت فتصويرة مانكان جاها فشكل و هيا جاها شكلين ..
..يلاه رمت خطوة اولى و تراجعت و بقات غادة جاية ، فاخير تشجعت و فتحت الباب خرجت عندو كان عاطيها بظهر واقف حاني تيشوف فتلفونو تاحس بيهاا و دار ببطئ ...
نبيل: ( تشوكا من المنظر و انتباهو كلو خداه عيونها ...حط تلفون و قرب ليهاا تيتمشى بخطوات تقال و هيا حايرو بنظراتها) شووفي فيا
اسماء: ( بتوتر هزت عيونها فيه تترمش وقلبها تيضرب) اممم
نبيل: ( هز صبعو صغير مشط لها رموش احدى عيناها) عينيييك
اسماء: ( حلقها شحف و هيا تتنفذ وصية ..هزت يديها و بصبعانو صغيورات ذاعبت وجهوو و على اصابع رجليها تتعلى هو ملاحظ تحركاتها ...تعلات و تعلات حتى طبعت قبلة على فمو ) ماتعاودش ضربني عفاااك
نبيل: ( ماقدرش يرمش ، و عقلو بين اليقظة و الحلم ..حط صبعو على فمو تيتحسس قبلة) شكون علمك هادشي !؟
اسماء: ( سرطت ريق ) تواحد ..
نبيل: ( هز يدو دوزها على شعرها و حول يديه لخصرهاا مقربها ليه ) كملي !
اسماء: عاجبك هادشي !؟
نبيل: ( بعينين آسرين و شبح ابتسامة ) عاجبني ..
..حطت يديها على ذراعو و تتعلى هو قلبة تيضرب ورجولتو فخبرك كان ..باستو البوسة تانية و تالثة و غريب انها انجرفت فالقبلة قلبها تيضرب و قرب نبيل ليها و الشدة لي متملكها بيها خلاتها تحس بالحنين و حب ، غمضت عينيها متبعها صوت قلبها فتحت فمها صغير ببطى و ذاعبت فمو بمصة خفيفة ، زوجك ! حبيبك ! حلالك هو تملك قلبك و ربح ودك و قربك قبلاتو تتكون سقي للروح و الجسد ، اسماء كأنه تكتشف الامر لأول مرة ، رجعت بوجها شوية فتحت عينيها تتشوف فيه...
اسماء: ( تتشوف فمو و فعينيه لي هايمين بيها ) انت عزيز عليا بزاف و يخليك ليا
نبيل: ( من قوى فتنة الحب لي فتناتو و كمية الحب لي حس بيها من جهتها قلبو تيطير فرحااا ..هزها عندو معنقها و رجليها محاوطين خصرووو) موعوينات ديالي كبرت
اسماء: ( عنقاتو بكل جهد و دموع فعينيها بالفرح...تتحس بيه قريب ليها لاول مرة ولا حاجر بينهم ..حاسة براسها باغاه بزاااف) انا فهمتك
نبيل : ( تكاها عليه ونعسو على ناموسية ) شنو فهمتي !؟
اسماء: ( مسحت دموعها مع صدرو و تتهضر وعينيها فمو ) نبقى انا نبوسك
نبيل: ( تيمشط لها شعرها) عاودي نشوف !!
..مثل الصغير لي تيظن ان الجزر مزعج المذاق و فجأة تيذوقو فأكلة اخرى و يكتشف حلاوتو، تيتبادلو القبل بجوج ، لكن سرعان مارجع نبيل المسيطر و تيتمتع بجسمها الصغير، موحشها بزااف ، الزوج عندما يبوح للزوجته انه مشتاق ليها ولو يكون لقائهم كان قبل ساعات لازم تصدقو ! لازم تصدق الاحساس لي جعلو يبوح بكلمة الاشتياق ، بحب الجسد لي آشتاق محبوبتو
...أيام رمضان تمر بسرعة، الاجواء تتمتاز بالهدوؤ ، العرايسات الوازنة كلها مع شغالها ، خديجة يوميا حكايتها مع الحوت و ليالي رجعت خدمتها و زاينة غير الدار تتحاول تعلم لان دراستها وراء العيد مباشرة اما صغيرة العريسات من ليلة حمراء للمست جانب آخر من الحب ، متبعة دراستها و تتجنب ما يمكن من المشاكل ...باقي ايام قليلة على العيد الصغير ، الوازنة اجتهدت فعبادتها مثل معظم مسلمين فكل السجدة تتدعي بالهداية لأولادها ، دارها لي كانت غير ملونة و ناقصة للمسة انثوية رجعت ملونة و بللمسات نسائية ..وراء الفطور جالسة تتلكم فالهاتف مع ابيها و صديقها منسجمة تتسمع حديثو ..
الاب: اوا هدا آخر ما استقريت عليه ابنتي ! سكنة المدينة تتعب النفس ، صبرنا على ودكم ، نقربكم للمدارس و الجامعات ومع ماماك الحساسية قضت عليها ، ختارينا نرجعو لمدينة الام تازة
خديجة: ماعندي مانقول ليكم ابابا ! راحتكم و صحتكم هيا اولى، ولو تبعدو عليا شوية ..
الاب: اوا زرونا مرة نزروكم ولا لا ابنتي !؟
خديجة: اكيد ابابا ! الله يخليك لينا و يطول فعمرك ..
خديجة: هاد موضوع ابابا مزال ماكتاب نفتحو ! راه اخر مرة قالي فاروق يمشي مراكش و فاخر للحظة تراجع !! نت عارفة تشري هنا و تحول تاني صعيبة ونا عزاز عليا فراشي
الاب: حقا ابنتي ! غير هو الا شريتو ارض راها مفيدة ليكم مع وقت تتزاد فالفلوس !على مااا تستقرو تكونو على اقل عندك اساس !
خديجة: ( تتسمعو تيغوت من دخلة الباب ) انشاء الله ابابا
الاب: ( سمع صوتو ) اوا نخليك ابنتي و سلم على راجلك ..
خديجة: ( بنبرة هادئة انثوية و هزت يدها للشعرو تتمشطو ليه و تتشوف فيه ) الا رزقنا الله بولدنا تاني ! الدار ترجع صغيرة علينا ، خاص بيت ليه و صالون عدنا غير واحد ، الا عملنا اسبوع !؟
فاروق: ( هاد هضرة نفسها تعاودات مع بديعة) امممم ! هادشي فاش هضرتي مع اباك !؟
خديجة: ( تتذوبو بحركاتها) الا !! اصلا بابا و ماما مساكن يرجعو للتازة طلعت لهم مدينة الكبيرة فراس و ماما فيها الحساسية
فاروق: ( حرك لها راسو تيدو ) اياااه ترضع صبعي انا !! هاد موضوع ماتنبغيش نمرضي راسي بيه ! خمس سنين اخرى نقدر نقطع الشك بالبيقين واش نشري فهاد مدينة ولا مدينة اخرى
خديجة: ولو افاروق ! تيبقى خاصنا حاجة ملكنا مانبقاوش نضيهو الفلوس فالكرا !!
فاروق: شكون شكى عليك !؟ دولة تاتخلص ليا الكرا و الا ضضريت نكري ليك مااغلى راه نخلص الفارق
فاروق: ( طلع فيها حاجبو ) بحالي بحال اباك ! تنكره شي هاد قلاوي المدينة و دنيا عامرة انا راه قهوتي تنشربها فلوتورت، باغي نشري فالعروبية ولا فيلاج شي فيلا صغيرة الراحة و الهوا نقي
خديجة: ( صدمها) على اساس انا انسمح فخدمتي !؟ اولادي و مدارسهم !؟
فاروق: ( تقاد فالجلسة مخنزر) خديييجة !! بلا تمرضين ! حتى لتما و عدنا كلام اخر ..
خديجة: وقتاش سيادتكم كان ناوي يشاركنا افكارو !؟ حتى توقف عليا كي قباض الرواح !؟
فاروق: برااااكة من قرناابي !! هادشي لي كلت هو لي كااين !
خديجة: ( ناضت خارجة ) اخرتك تعيش الفيلا احلام بوحدك !! يدور يدور و يجبد بابا ! توصلو بعدا حتى وصلنا لديورنا عاد شاف حياتو
فاروق: تتقلبي عليا !؟ باااغة الدار كبيرة !؟ من غدا الالة اختاري نكريها ليك و نفرشها
خديجة: ( خنزرت فيه) هاد الفكرة غير زولها ! انا ضدها
فاروق: برررب تنحرك و ماتزيدي قدامي ! بقاي حاضية ليا اولاد راه يكبرو ويزيدو و يخليوك ( عنقهة تيبوسها) ماندوم ليك غير انا ..
خديجة: ( تتفك منو) طلللق مني !
فاروق: فين غادين البلارة !؟
خديجة: امير نهار العيد عندو عيد ميلاد خاصني نشري ليه كاضو و كسوة لرؤيا وانا اوسي ..
فاروق: اياه الالة ! لبسو ليا و تقادو معا راسكم ! ( دورها بجغ لها فمها بوسان ) احشيشة القلب ..
...من العشهم الدافئ ، ايام رمضان دوزوها هانية و مع رجوعها الخدمة رجعت تشغل عليه شوية هو هادشي تيزيرو من داخلو ، ايام قليلة تفرقهم على العيد الصغير و نفس الوقت عيد الميلاد اول لأميرهم ، جالسين فالصالون مع عائلتها لي اخير رجعت عائلة و رشيد نجح انه يرجع غيثة وطيحو العقد لكن احترمو شهر رمضان و الولدهم لي معاهم و اجلو رجوع بيت زوجية ..
ليالي : ( بارح صبغت شعرها باسود و عملت تنقية للبشرة و عناية للجمال ، لابسة شورط دجين و بيل ابيض واقفة مع غيثة تيوضعو اخر للمسات فصالون ديكورات امير ) شوفي اماما زوين !؟
غيثة: مافهمتش رفضتي فكرة قاعة العاب و لا شي كافي ! اتكرفسي راسك و صافي
ليالي: نو صحاب لانيماسيون وصيتهم يجيبو فام دميناج ، وعلى نديرو عيد ميلاد برا بالنسبة خديجة ماعندماش مشكل مي مرات نبيل نخاف مايخليهاش ، اون بليس بغينا نكونو بيناتنا يلبسو على خاطرهم
غيثة: اااه اوك ! ( تنهدت) اوا ابنتي دبا هادوك هما عائلتك ، ماشي بحال لي طعناتني فوجهي
ليالي: ماما سياتوبلي نساااي ! على وجه الجدة ! اون بليس نتي و بابا لي ربحتو
غيثة : ( عينيها عمرو بدموع) كنت ناوية نزوج ابنتها لولدي و نرزيه فحياتوو وهيا ابنتها ولدي جابها من بوليس ..
ليالي: ماما يعطيونا غير اتساااع منهم فشر اعمالهم ! قولي ليا شنو تلبسي لعيد ميلاد !؟
غيثة: الله يرضي عليك اولدي ! من ناحية امير كن هاني و مرتاح ، تانا عندي غير هاد عوينة تونسني و تحضر لخوها
مغيث: ( غفلوه) الله يسخر !
.....تسالمو مودعين و بقى امير يبكي بي شافو خارج تيبغي يخرج معاه ، ليالي مشات دارت مخاد فدخلة صالون لامير باش مايدخلش ، و رجعت جلست حدا مغيث لي تيتفرج فتلفزة و ماعجبو حال ..
ليالي: مغيث تشرب شي الحاجة !؟
مغيث: فخبارك كنت غير تنضحك فكلمة سيري !؟
ليالي : ( بتوتر ) كفاش !؟
مغيث: كما سمعتي ! ( وقف معصب) اسبووووع كلووو ! مانقدرش بلا بيكم ، يسبقوك هما تنخلطو عليهم تما ممكن نجلسو معاهم من بعد ..
....جلست تاتسوط بلاصتها و هزت تلفونها، تتقبل كلشي الا ديك الغيرة جنونية لي مرة مرة تتطل عليها ، عارفاه مابيهش اسبوع ولا شهر ، بيه انها غادة مع لافامي وهو خاصو يكون الوحيد داير بيها ..
ليالي: ( رسلت مساج خديجة) : 📨 انطرطق
خديجة: 📨 : من زماان طرطقت
...يوم اخر و يمكن ان يكون الاخير من شهر رمضان بتتمة 29يوم او 30 اليوم للعيد الصغير، على طبلة الفطور فالدار الوازنة على مشاارف نهاية الاكل ..
رؤيا: ( جالسة حدا اسماء ) ماسا غدا العيد !؟
اسماء: ( تتشرب حريرة و ساهية مع تلفزة و تتجاوبها) الا داز الغياط راه غدا العيد
رؤيا: شنو هو الغياط
اسماء: الزمار
رؤيا: فهمت اولى باس نفهم تانية !؟
الوازنة: اوا على مولانا و سيدي ربي الحبيب نكملو تلاتين
نبيل : ( وقف طالع ) الا توضح هلال الواليدة ! راه نصومو غير 29
نوصير: ( مكسل تلفون فوجهو) نهار زايد ناقص ..
..الوازنة تنتظر ثبوت و البنات تيجمعو طبلة و رؤيا غير تابعة اسماء تيفرقهن غير النعاس، تتعشق الجلسة معاها او اسماء متهلية فيها خيطت لها جلابة لي بغات و زاينة عباية لي بغات و هيا جلابة و الوازنة قفطان ، مدة دراسة كلها تتسول معلمتها و توريها اشغالها ، شغف جديد دخلها حياتها ...الوقت لي هما فالكوزينة تسمع صوت الناي فالتلفزة مع عبارة عيدكم مبارك سعيد ..
الوازنة : ( بفرحة) الله يدخلو علينا بصحة و السلامة ( مدت نوصير تلفون ) قرا ليا اولدي هاد دعاء
نوصير: ( شافهم جايين و نزل راسو تيقرا لها) اللهم لك الحمد على أن بلغتنا شهر رمضان، اللهم تقبل منا الصيام والقيام، وأحسن لنا الختام، اللهم اجبر كسرنا على فراق شهرنا، وأعده علينا أعواماً عديدة وأزمنة مديدة، واجعله شاهداً لنا لا علينا، اللهم اجعلنا فيه من عتقائك من النار، واجعلنا فيه من المقبولين الفائزين
خليفة: راه امو فرعت ليا راسي ! واحد فالخروق اش يلبس
ابراهيم: السنة اصاحبي ! ااباك ...
خليفة: ( قاطعو) انا بابا ( مرققة بجبلية) كان يشر ليا جلابة طويلة ويطويها و يطويها ووكل عام نطوال يطلقها
نوصير: هههههه زدتي فيه اصاحبي ! فين عمرك كنتي طويل ..
ابراهيم: لا هو تا عرفنا عاد احبس من طول ..
خليفة: يهوود اصاااحبي يهوود ..
..دخلو المدينة ، ليلة العيد ! شحال من العائلة حتى ليلة ليلتها عاد تشري حوايج ، المخبزة للحلويات الحلاق و كوافورة و المصبنة و الخياط و الحمام و الجزار و الخضار و محلات ملابس و مول ماكياج ، القبول عليهم تيكون تريبل نسبة العادية ....فرحة للعيد للكبير و الصغير فهو خاتم شهر الحرام و بداية بين العياد و كما تنقولو الزلافة الاخيرة يبان لك فيها كرون الحولي ..
خليفة: شحال هاد جبادور
بائع: ميات درهم !!
خليفة: بيزاااف اصاااحبي ! ماتكريهش لينا
نوصير: ( تيضحك وابراهيم ) شري اصاحبي براكة من شوهة
خليفة: ( تيحك فراسو ) جمعو لنا ب ستين درهم و مبروك عيدك
بائع: مافيهش اصااحبي ! راه من بلاصتهم اكثي من تمن لي عاطي فيه
خليفة: شكون يسول فيك الحريرة نهار العيد ! قضي الغرض سير تا عيد كبير عاد تبيعهم ..
بائع: جلاخة اصاحبي !! ( جمعو ليه ) بصحة ..
خليفة: وارا شي طربوش اندلسي
نوصير: ههههه عطيه اخويا وشي بلغة اصغر طاي ...
خليفة : الله يفكرك فشهاادة ..
..تقضاو محسن حوايج العيد و غادين طالقينها بضحد و تلوصلو الحومة مشاو القهوى جالسين ،الرجال فهاد عواشر يتقضى ليك باقي عليك ..
ابراهيم: تشهيت اصااحبي شي تسافيرة
خليفة: نساافروو
نوصير: هضر على كررك !، انا راه عندي المراة قاصها حماق شوية
ابراهيم: ولا لْوَا اصااحبي ! تزوجتي جمع راسك ، عيالات ماتينساوش فلاشات قدام
..زاينة: ( دخلت كوزينة عند اسماء ) اسماء !!
اسماء: تعطلت عليك !؟ عايني غير يخرج نبيل
زاينة: لا ماعليش ! ليل كلو ديالنا ، ختي نجمة غادة هيا وراجلها لخميسات عند يّْما و بغيت نهز شوية كاطو
اسماء: ( تتشوف فيها ) آختي !! ههه اش نقوليك بحالي بحالك ، شاوري خالتي ولا هزي عادي مانظنش تقول !
زاينة: بصح !! حشمت نسولها و زايد خفت نهز وتقلق !
اسماء: ( هزن بواطة بلاستيك و مداتها ليها ) الخير موجود و الله مانظنش تقول راه مولفة تنصايب الحلوى غير نوصير تيهزو و يخرجو اصحابو
زاينة: ( بتسمت ) واخة ندير شغل يدي !!
..اسماء تتحط لها شكلات لي صاوبت و زاينة تتهز شوية شوية ، دارتها فساشي و نزلت عندو ختها و تتلمس صدرها تتاكد فلوس راها تما ..دخلت عند نجمة سلمت عليها و باركات لها عواشر هيا ورتجلها و دخلو الكوزينة
....مرو ساعات و النعاس مازارها ، نزلت تحت لقت زاينة تتحني رؤيا لي سبق و وجداتها ليها ، دارت لها الفال و بقاو معها حتى نشفت و دارو لها قطن و كمدوها لها فزيوفة و دخلت نعست مع الوازنة و زاينة كذلك دخلت تنعس ...اسماء هزت جلابتها طلعت فوق ، قيساتها جاتها زوينة، فرحتها ماشي بجلابة لكن بخدمتها و فصالتها لي تعلمت ، حيداتها و لبست بيجامتها و مشات طل من شرجم كوزينة الحومة مزالة عامرة تقول عاد العشرة ليل ، بقات تلف من هنا لهيه، هزت الكحل و ضرباتها بتكحيلة لعينيها و هزت ماسكارا و ضربت دوك رومش حتى تقلبو ..و طلت على ساعة لقاتها تلاتة دليل غلبها النعاس و مشات تكمش حدا نبيل لي نعس قبل منها ...
🌄🌄🌄 صباح العيد
....مع الهْلال العيد فالصباح الباكر الناس تحج للمصلى لاداء صلاة العيد ، الاعياد الدينية نزلت لترسم الفرحة على وجوه المسلمين ، وكل العائلات المغربية بلباس جديد و التقليدي ، كلشي صابح مدوش نقي و معطر بفرحة العيد ، الا لي كتب عليه المكتاب ! كاين لي ربي لي عالم بيه و كاين لي الظروف تتحتم عليه مايتمتعش بفرحة العيد ..بعد انتهاء الصلاة تأتي المباركات و تهاني كما تنقولو حنا المغاربة العداوة ثابتة و الصواب ضروري ...تترمش بعويناتها تتحاول تفيق تاتسمع قهقهتو معاها بصوتة الرجولي الباح
....كان نبيل مدوش لابس حوايجو رجع جلس بلاصتو مع تلفون و اسماء دخلت حمام طرفت قدات وجهاا و لبست قفطانها و رمات شال عليها لان عارفة جيران و العائلة يزورهم ..
اسماء: يلاه تفطر !
نبيل: صبحت على الواليدة قبيلة !،غير نزلي تايجيو خوتي ونزل ..
...دار الوازنة ! وازنة بمولاتها و سمعتها الطيبة و كلامها الموزون و خيرها سابق و حسن معاملتها مع الصغير و الكبير ..الوازنة عيدها غير ! اليوم صبحو عليها جوج بنات من خيرة البنات ، كانت تمنى تولدهم ...باحسن مباركة و تقبيل الراس عايدوها ..
اسماء: خالتي مبروك عيدك تعيدي و تعاودي بشي حجة ان شاء الله
الوازنة: ( بقفطانها الأبيض و شالها الحرير زادها نور على نور) آمين الحبيبة
الوازنة: ( عنقاتها بحب ) الحاجة ديال باباها سمحت فيه و اليوم جاي ياخدها وتخلا عليا دنيا ..
....البنات ماقصروش من جهدهم ، سرباو الحلويات و الفطائر و الصينيات آتاي و القهوة و بداو فاستقبال الجيران العائلات طبعا....تيقولو عار الجار على جارو و جيران الوازنة عايدوها كلهم و استقبلتهم احر اسقبال ..
زاينة: ( دخلت تتفيق نوصير) نووووصير نوووض
نوصير: ( سهر مع كسوة اسماء) خررجي و سدي الباب
زاينة: نوووض خوتك جايين ! نوووض
نوصير: ياااغاا تسدي الباب يا غانوض نبقى نحيح ..
زاينة: ( لابسة عبايتها و طالقة الشعر و الماكياج في الوجه) نووض تعيد على ولدك !
نوصير: تاتوولديه !!
......🏠
..من داخل بيتها لمتول ..فايقة صباح بدون منبه و ريحة القهوة معطرة على انغام الطرب الأندلسي ! موجدة طبلة مكونة من اشهى الحلويات، لابسة جلابتها الجديدة و طالقة شعرها فلون العسل مزينة بمكياج ناعم و صبيعات مصبغوين و كذلك مزينين بخواتم ذهبية ..هازة تلفون تتبارك العيد لعائلتها اولا ..ابيها الحبيب و امها الحنونة و اختها في بلاد المهجر ...ناعس عريان من ليلة كلها حب ! فتح عينيه على نغمات صوتها و هيا تتكلم بالقياس و الصواب ..عمرو ظن انه ممكن يعشق او قلبه يضرب لإمرأة واحدة والعين تخلص ليها، هز يديه تيحك اسفل راسه و ناداها بصوتو الباح الجوهري
فاروق: خديييجة
خديجة: ( سمعاتو و قطعت الخط و هزت حلوة الكوك ناضت بغنج عندو و ريحتها سابقاها) عيدك مبارك سعيد مسيو لاجودااان
خديجة : ( جلست حداه مقابلة و حشات ليه حلوة فمو موراها بوسة) يلاه فيق و صحصح ليا
فاروق: ( شدها بقوة وهو تيبلع) مسكتاني بحلوة! بغيتك انت ..
خديجة: ههههه نوض تهز نوووض ...تخسر ليا حوايجي و ماكياجي
فاروق: ( شدها من خصرها و كلا لها شنايفها بوسان ) بصحتووو ..
....كانت موجدة ليه حوايجو عبارة عن قميجة وسروال دجين لانه ماتيلبسش البلدي، طرف حالتو و تريح ولبس و جلس في الصالون تيفطر و تيشوف فالتلفزة مرتاح راحة عالمية ..
خديجة: مشينا
فاروق: ( تيكمل قهوته) منين انسبقو !؟
خديجة: من دارنا ! لان فالعشية نتجمعو عند خوك مغيث ..
..هزت بلاطو حلويات لي تعيد بيه على واليديها و الوازنة و الكاضو د امير و حوايجها هيا و رؤيا ، نزل فاروق كلشي لطموبيل و تبعاتو هيا عيدات على لكونسيغج و عطاتو حقو فالحلوة و فلوس العيد صدقة ...ركبت مبتسمة فرحانة فرحة العيد ، تحركو بطموبيل و اجواء العيد فكل مكان ، الكل تيبارك و يهنأ ، وصلو عند واليديها و هزت لبلاطو..من دخلة العمارة و هيا تتلاقى جيران وتتسلم هو تعمد يتأخر مافيه لي يسلم ..دخلت على واليديها لي كان بابهم مفتوح و جالسين في الصالون مع صينية العيد و الحلويات ..عنقاتهم بقوة تتبارك لهم العيد و فاروق كيسلم عليهم بالصواب و كيهنأهم ..
الاب: ( تيمد ليه حلوة) زيد اولدي افاروق تفضل !!
فاروق: الله يزيد فضلك العموم ! الحلاوة تتطلع ليا طونسيون
الام: فين رؤيا !؟
خديجة: غير شدت العطلة مشات عند خالتي الوازنة ! يلاه اليوم نشوفوها توحشناها
الام: اوا ماعليش ! دار الجدود تتكون عامرة و البنات عزيز عليهم الجماعة
فاروق: داكشي لي كاين ! مع عيالات خوتي راها تما مجمعة ..
....عطاوهم صوابهم وبمجرد عائلة امها بدات ادخل، هو يحرك لها راسه ، ماصعبتش الامور ودعاتهم و خرجو بحالهم فااتجاه دار الوازنة ...
خديجة: مزرووب !
فاروق: ( مركز مع طريق) نتي عارفااني ماعنديش مع البشر ! عاد دوك ولاد خالتك ما تايتسرطوش ليا
خديجة: اما انت تتسرط لهم ! (طلقت موسيقى الطرب الأندلسي تدندن و تحرك فشعرها) يا لالا يلااا لا بشرى لنااا ! نلنى المنى...
فاروق: (نظرة في الطريق نظرة فيها) ابطى عليا فوقاش نشد ولدي بين يدي ااخديجة
خديجة: ( دوزت يديها على بطنها) الله يفكني على
خير ..
فاروق: آاامين
...الابن و الحفيد المدلل ، خارج تيجري من بيت للصالون بضحكتو متعالية و هاز فيده فوقاني جبادور ..مثل اي العائلة محتفلين بالعيد و العيد عيدين بعيد ميلاد الأمير ..
ليالي: ( لابسة جلابتها قصيرة عصرية و خلخال فرجليها وطالقة شعرها ) أميررر ! ااجي
قطع تلفون مبتسم ، هو الوحيد فولاد الوازنة لي محافظ على للباسو تقليدي لابس جبادو ابيض من فوقو جلابو سوسدي طخونسباغون فالبرودو مع تقاشر بيوض وبلغة نفس للون؛ معطر باغلى العطور و شكلو جد مرتب
مغيث: ( شد امير) شكوون هاد باااسل لي ماباغيش يلبس حوايجو !؟
امير: داادي هههه ( تيجبد باغي يلعب) نوووو
مغيث: ( جلس مجلسو على حجرو ) شووف ادادي ! نلبسو نونو و نمشيو عند الميمة
ليالي: ( هازة بلغتة فيديها و مشطة) هداا غير الصباح مزال اما العشية يحمقني
مغيث: ( باسو تيلبس ليه بشوية) خليه البطل باباه !
...مغيث انتباه الكامل لامير ، هازو و يقاد ليه و ليالي خارجة موراهم نازلين لطموبيل ، شدو طريق اولا عند غيثة عيدو عليها و افطرو معاهم و بارك لهم تهاني و خرجو بحالهم عند الوازنة على ميعاد يتلاقاو العشية عند ليالي على حسب عيد ميلاد ..طريق كلها و امير تيغني فرحان تاوصلو الحومة لي كانت عامرة ..وقف بيها امام الباب ..
مغيث: بيبي ! هزي أمير طلعي فوق انا نسلم على الناس حومة ..
مغيث ..نزل من السيارة لي اعرفو من اولاد الحومة سلم عليهم و دور مع دراري الصغار و طلعو مجموعين ...تقريبا فاروق و خديجة سبقوهم بدقائق ، مثل الشعور الزوج لأهلها هو نفس للشعور الزوج لأهله خصوصا أمه ، الام ! الرضاة الواليدة، قبلوها و عايدوها ! دايرين بيها فرحانين للفرحتها و مجمعين عليها، عاد تسالمو الاخوة بيناتهم ..
الوازنة: على يمينها مغيث معنقها جنب و نبيل يسارها حاني راسو و نوصير عاد تيفطر و فاروق هاز رؤيا فوق كرشو مكسل تيضحك معاها ) الله يدوم ايامنا اعياد اولادي جماعتكم عندي بالدنيا كلها ..
امير: ( تيقرب عند نوصير يضحك معاه) أمووو
نوصير: ( فمو عامر ) عمووو مبروك العيد
خديجة: قوليه عيد ميلاد سعيد
نوصير: ( باسو فمو) ياك اعموو ناشط اليوم
مغيث: ( مبتسم تيشوف فالعائلة مجموعة ) هدااك زين العالم هداك
فاروق: حنا والدين زبل ! اولدك لي زوين ( باسها فيديها) الحاجة اش تيكول هاد عمك !؟
رؤيا: هههههه انا زوينة بحال ماسا
نوصير: نتي احسن من ماشا ههه
....الجلسة تتحلى و الجماعة بدات تكبر ! البنات تجمعو فالصالون على صينية اتاي و الحديث النسوي ! و الوازنة مع اولادها اربع جوهرات فعينيها مبادلين اطراف الحديث حتى تسمع صونيت فالباب و طل نوصير..
خديجة: ( شافت ساعة لقاتها جوج) اوا راه الوقت هدا ..
....تكلمت معاهم ليالي اخبرتهم مع تلاتة يجيو ! و اصوات رجولية تتوصلهم و زاينة و اسماء حاضيم للقطة لي يبانو فيها ، الوقت يمر و فعلا اولاد عمامهم خداو الوازنة معاهم مع خروجهم البنات جمعو الوقفة باش يرافقو ليالي، زاينة هزت مسائلها و خديجة هبطت هيا رؤيا طموبيل و ليالي ركبت معاهم و اسماء طلعت فوق تهز حوايجها حتى اخلط عليها نبيل ...
..نازلة تتزرب هو ورائها بالوصاية ...تاخرجت ركبت مع خديجة و مغيث سابقهم معاه ليالي و امير موصلهم عاد يرجع ..
فاروق: ( بصوت عيان ) مشاو !؟
نبيل : مشاو ...
فاروق: ( ضرب نوصير بمخدة ) تهز كتب تحت فالباب الوازنة ماكيناش !
نوصير: ( شاد ضحكة ) نعس اصاحبي !
نبيل: نقطع ضو !؟ مايلقاو فين يصونيو !
فاروق: ( دار وجهو حيط ) مهم انا نعست
...على انغااام باااايبي شارك 🐳
...بااايبي دووووودووووودوو شارك دوودو
دااادي شارك دوووودوووو
مااامي شارك دوودووو
...لانماسيون كانت بنت لابسة كلون تتضحك مع أمير و رؤيا و الخدامة اولاد ركبو لهم الموسيقى و بوفي العيد ميلاد ومشاو كان مغيث مكلف بيهم ..البرطمة محجوزة من طرف النسااء ، عرايسات الوازنة فابهى حلة ، اسماء لبست كسوتها و طلقت شعر و دارت كحل و تتمايل مع موسيقى ماقادها الحال ، و زاينة لبست عبايتها فقط و عاودات ماكياج ، اما خديجة و ليالي لبسو دي غوب سيني ..غيثة كانت معاهم و الابتسامة على وجهاا ..كل مرة طالقين موسيقى فشكل ، و البنات ناشطين اي موسيقى خدمت تيشطحو عليهاا ..
اسماء: : ( جلست سخفت ) اححح بردت جنوني
زاينة: ( تتمسح عرق من وجها ) بصحتك (تاتصوني على نوصير ماتيجاوبش ) ولد حرام ! هدا مية فالمية خارج مع البنات
اسماء: ( تتضحك مع امير و رؤيا تيشطحو ) هكاكا شطحوو شطحوو
.....تسجلو فيدو تيضحكو و موسيقى مطلوقة نظمت ليهم ليالي و التقطو عدة صور ! حتى دخلت كلون الكاطو فيه مفرقعات و اضوار ..تجمعو عليه و طالقين اغنية عيد ميلاد و كلهم تيغنيو و يصفقوو و امير تيشوف فيهم ودور عينيه و نطق
....استقبلتهم فالصالون تاني مفرش و مرتب ؛ الضيافة كانت فانتظارهم المملحات و مكسرات و القهوة و العصير ، جلسو مرتاحين حتى دخل مغيث معاه امير و اذيب و رشيد لقاو السلام و المعيادة للعيد ، و تبادلو اطراف الحوار لي كان مشارك فيه رشيد و مغيث و فاروق اما نبيل و نوصير شادين تليفوناتهم و اذيب كدالك ..
ليالي: ( دخلت تتهز طبلة ) مرحبااا بيكم و الف مرحباا
الكل: الله يبارك فيك ..
مغيث: ( وقف يساعدها) تحطو العشا !؟
ليالي : ( متجهين الكوزينة) ووي ! شوف سي بون !؟
مغيث: ( تيشوف طباسل بسطيلة حوت و مقبلات سوشي و طباسل ديسير مشكل) سي بون ! انا نتكلف بيهم حطي نتي البنات
ليالي: اوك ..
..حطو لهم ولعشا و كبرو بيهم ، مغيث هو مول الصواب و الخير ، الا كنتي من اعز الناس ليه وقصدتيه او قصدتي الدارو راك قصدتي الدار الكبيرة، ضحكات البنات تتسمع فارجاء و رؤيا وامير نعسو ، مر النهار بفرحة كبيرة كانو متمنين الوازنة تكون معاهم لكن معروف كل العام تتمشي دار اخ زوجها للصدقة ....حان وقت الرحيل اسماء لبست جلابتها و خديجة كدالك و زاينة رمات الشال و خرجو تيسلمو على العائلة نبيل شد فاليد اسماء نزلو و نوصير مع زاينة من خرجة تتنكر عليه و فاروق هاز بنتو نازل وخديجة معاه ركبو فسيارتهم ..و اخرين كدالك تاوصلو دارهم ..
زاينة : ( دخلة البيت تتغوت ) عشرين ابيل ماتتجاوبش فين كنتي !؟
نوصير: ( ببرود ) كنت ناعس !
زاينة: خوتك كلهم تيعيطو لهم عيالاتهم تلفوناتهم فيديهم الا سي نوصير لي مامسوقش
...دخلو لبيتهم، تتحس براسها فوق السحاب ، قلة النعاس و نهار طويل ووكملاتها بشطيح ، صدا الاصوات مزال فاذنيها ، عكسه هو صورتها بين عينيه و بالو كلو معاها ، مدت يديداتها تهز جلابة زولاتها و هيا تبان كسوة تحت ، رمقها بنظرة اعجاب ثم حب ثم عشق ، لكن ولا واحد قيهم منتبه نظراتهم ولا ردات فعلهم من غير شاهد عيان ...
نبيل: ( قرب لها جمع طلع لها شعرها) علاش ماجوبتنيش قبيلة !؟
اسماء: ( تترمش فيه ) صداع مانسمعكش مزيان !
نبيل : ( قرب لها و قبل خذها ) داز كلشي مزيان !؟
اسماء: ( تتهرب ) ااه
نبيل: ( لاحظ يديها على مجدول باغة تفتحتو باش تبدل) حليه !!
...بروية ، اطبق على شفايفها تيقبلهم دقة دقة حتى تحولت القبلة حماسية ملتهبة ، بدون سابق انذار نزل لها للكسوة هما واقفين ، بخجل منها احتضنتو بجسمها كانها تتستر بيه ، هز يديه حطهم على صدايف قميجتو و همس فادنها
نبيل: حليهاا
اسماء: ( بصبيعاتها صغار تتفتحهم وحدة وحدة و نفس وقت تتمايل و تتطوي عنقها من قبلاتو و لمساتو، الليلة ماكانش معاشرة تقليدية ، ليس بسرير و فوقهم غطاء ، الليلة اجسامهم مكشوفة لبعضياتهم و قبلاتهم ملتهبة بحبهم.....صطاتو و هبلاتو و هيا تتجاوب معاه ، زوجتو لي تيلقبها بالصغيرة تتذاعبه بحب ...هزها فحضنو جلسة فالفوطي بلاصة وحدة لي عندهم تما مكمل مداعباتو
اسماء : (معتقاه بقوة خايفة لاطيح) نبيييل !يلاه ناموسية
نبيل: ( يد فظهرها و يد فثذيها و جاوبها بنفس نبرتها) علاش !! انا عاجبني هنااا ..
....لم تضيف كلام آخر ، لان الوضع وترها ، هز بجسو تيتجرد من ملابسوو و اول مرة تتلاحد عضو الجنسي و شداتها سخانة و السخفة ...
....احترم خجلها و توترها ، فضل يسكت ! تجنب يفوت معاها نيفو لا تنفرو من جديد ولا تكرهو؛ تتبقى صغيرة و المعاشرة كلها بيديه ، ببطى و حب و رومانسية انهو علاقتهم ...هزها للناموسية مغطيها مخليها تنعس فخنوو ..
نبيل: نعستي !؟
اسماء : اممم !! عييت
نبيل: ( قبللها فراسها) شكرااااا
اسماء: ( بنظرات بريئة ) هههه
نبيل: تتضحكي !؟ ( باسها ففمها) نعسي راكي عيانة
....الصباح تاني العيد ، تعب عجيب تتحس فيه فكامل اجسامك ، كانك مريتي بامتحان ..فاقت هيا اولى خدات دوش و بقات فالحمام تتوجد راسها، نشفت و لبست دوبياس و دجين مع تيشورط ابيض ، و بدات تنشف شعرها و دوز عليه بلاك، وضعت ماكياج ناعم و خفيف و رشت ريحتها و خرجت لقاتو جالس عاطيها بظهر تيحك شعرو و تيشوف فالباليزتها ..
ليالي: ( تنهدت ) بونجوغ !
مغيث: ( ماجاوبهاش...خرج اتجاه غرفة امير لقاه تيفيق هزو تيعنقو و يبوسو)دااادي اتمشي علياا !؟ ( امير معنقو ) نتووحشك اباباا
ليالي وقفت تتسمعو و قصحت قلبها لان ليل كلو هو تيتحايل عليها ماتمشيش ..🔚🔚🔚
مغيث: ( معنقها تيبوسها فكتفها و هيا تتوريه صور و فيديو عيد ميلاد) هههه حيحتوو
ليالي: ووي !! ( تتمسد عنقها ) عيييت !
مغيث: ( بود تيميسد عنقها ) ندير العمر ديالي مساج !؟
ليالي: ( بأدب تجرت منو باستو فمو) سي باكغاف بيبي ! نعسو غدا تابعني الطريق
مغيث: ( قرب عندها بحب محتويها) ليالي اتجلس مع مغييث ياك !؟
ليالي: ( بصوت ناعس )نووو
مغيث: (ساط بنفس طويل) باغة تمشي !؟ ( لاجواب من عندها) داااكوغ سيري الالة ! توقع شي حاجة ليك ولا الولدي ولا نتصل بيك و تجاهليني ماتلوميش مغيث الخايب لي تتخرجيه
مغيث: ( حط امير فكرسيه متجاهلها و عطاه فطورو ..تاحطت ليه الشاي سريع ليبتون و ردو لها )نووو ! اتاي البلاد
ليالي : ( جلست ..جاوبات بهدوء ) مااتنعرفش
مغيث: ( هز فيها حواجبو ) اتعلمي !!
ليالي ...بردت الطرح و كملت فطورهاا و دخلت بيت امير تتاكد من حوايجو و غير شافها مخرجة الباكاج بقى يحرك فرجليه بتوتر و غضب ، هزت امير لبست ليه و نظفاتو و رجع هو هزو عندو تيهضر معاه ..
مغيث: اتمشي و تخلي دادي !؟
امير : هههه دادي
مغيث: وقتاش تسرح الهضرة !؟ شكون يبقى يلعب معاك !؟
امير : مينيون دااد
مغيث: ووي ! ليمينيوون ( جرو عندو تيشم ريحتوو و يبوسو و يلعب فشعروو ..تاتسمع صوت لاتنرفون و ناض جاوب ) شكون
رشيد: انا رشيد اولدي ! واجدة ليالي !؟
مغيث: ( دور وجهة لقاها موراه تتشوف فيه ) وي ! اوا اطلعو اسي رشيد
رشيد: الوقت اولدي راك عارف ..
مغيث : وي عارف ! (حط لانترفون و تيعنق امير ) داكشي لي عندك باكاج !؟
ليالي: ( بخوف من ردة فعلو )ووي
مغيث: ( بقا هاز امير ...جرهم الخارج وهز ساروت طموبيا )بقاي هنا انا جاي ..
...ماعطاهاش وقت تجاوب ، نزل فالسانسور مع باكاج ، شافو رشيد وعانو حطو بالز فالكوفر عاد اسلم عليهم و هز كرسي امير من طموبيل و حطوه فطموبيلة رشيد و بقى يعنق فيه و يبوس ..
غيثة: فين ليالي !؟
مغيث: ( ماشافش فيها ) هانا انجيبها ..
...طلع الفوق عندها و خلاهم تيتهامسو واضع انه ماشي مرتاح ، دخل لقاها تتقاد فصاكها و هازة نظاظرها ..قرب عندها بخطوات تقال تاوقف امامها تيتنهد مجرد للمح عينيها جرها عندو معنقها بقووة
..تبادلو القبلة جامحة ، قبلة تشفي شوقو الي بدا اقبل ما تمشي ....نزلها تحت و توادع معاهم وطلع رجع بوحدو...جلس فالصالون لمح العاب امير و نغزو قلبوو
مغيث: مينيون
....التاني يوم العيد من الدار الوازنة ، الكل فايق حتى فاتت العشرة ، ناضو البنات وجدو القهوة للفطور و اكتفو بحلويات العيد ..اسماء غير جالسة و تتفوه درجة عينيها تيدمعوو ..و زاينة تتفطر قدامها ..
زاينة: خالتي اتزيد تجلس عند العم دراري !؟
اسماء: ( تتفوه ) اخخخخ ! شوية تشوفيها جات ..
زاينة: ( ضربها نوصير بفوطة ) المررررض ! قاعدة كدايرة
نوصير: ( جلس تيدخل فالكاطو) وانتي لي مفيقاني مع الصباح !؟ هاد الخميسات اتهرب !
زاينة: بغيت نمشي نجلس مع يّْما راه قربت ندخل نقرا ! مايبقاش ليا الوقت
اسماء: ( تتمسح عينيها) اتمشي الخميسات !؟
زاينة: ااه ! نمشي نعيد على يما و نجمة نيت تما
اسماء: سلمي عليهم ..
...هما تيفطرو دخل نبيل عليهم شعرو مزال فازك ..القى السلام بالقول وجلس يفطر و اسماء مسهوتة غير تتفوه و نظرها مشتت مع زاينة داخلة خارجة ، حتى سلمت عليها و مشاات و نوصير وراها ريحتو بقات فدار ..
....الحديث طوال ، و الطريق تتقرب ، بعد مسافة الوقت وصلو الخميسات مع نوصير احفظ الطريق ، وصلو امام المنزل وقبل ما ينزلو عطاها الفلوس و دخلو بابتسامة لقاوهم فانتظارهم ، رحبو بيهم...
نوصير: ( وقف ) الله يكبر بيك اخالتي ! ها زاينة معاكم تهلاو تارجع لها ..
الام: لهلا يخطيك اوليدي !ها هيا معانا فالامان ..
...نوصير: ( سلم عليهم و خرج الباب و هيا معاه) هانا مشيت ! شنو ماخاصك اتصلي بيا
زاينة: الله يوصلك على خيرك ..
نوصير: ( قرب باس لها راسها ) تهلاي فراسك ..نقصي الخريج للزنقة !!
زاينة: (ميقت فيه ) سيرر سير ..
....هزت الطبلة الفطور و غسلت المااعن هو شعل تلفزة وشاد تلفون جالس ..هدوء يسود المنزل...الغدا ماطيبوش لان الدجاج مزال من البارح ، وقفت تتفوه و تشرب الما ، تتحس براسها رجعت روتين من النهارها ...فطوش لي تمشي عندها ولا تجي هيا عندها اعيدو فالعروبية ...مشات الحمام و هزت السطل عامر بالما وشطابة و تيد و جافيل و الكراطة حطاتهم فالباب و تتطوي سروالها خوات تيد و جافيل و شيتة و طلعت من دروج برطمتها و هيا نازلة تتحد
..اسماء : (رجعت بيت و مسحت كحل و خرجت عندو) صافي !؟
نبيل : ( قرب تيشوفها) لبسي صباط ماشي صندلة
اسماء: اه واخة ..
..نزلو فدروج خارجين ، ركبو فطموبيل و قلع فطريق؛ و اسماء غير تتشوف فشاريع فناس هو حاضيها بنص العين تا صونا عليه فاروق اخبرو بالمكان ، لي كان خارج عن المجال الحضري ، كان قريب بالنسبة طريق لي سالك .....اخيرا وقف امام مركب السياحي ونزلو ..
نبيل: ( شد فيديها ) راه نشوف عينيك تيدورو فراسك انتفاهم معاك ! هانا حداك ماعجبتكش !؟
اسماء: ( بابتسامة اجبار ) زوينة هاد البلاصة !!
نبيل : ( داخلين ) امممم !
للمح فاروق و خديجة جالسين جهة مقابلة مع العاب للاطفال ، سلمو عليهم و جلسو البنات بجنب بعض و نبيل جنب خوه ، اطلبو المشروبات ..
فاروق: ماكاين لا مشاكل لا سلاوي ! مول مشروع نسيب مول حزب **** ريال فضريبة ماتيتحط
.....الجلسة انضم ليها مغيث و حوار الخوت طوال ! و بنات مستمتعين تاحان الوقت رجوع البيت ..
بعد مرور ايام قليلة، اخر ايام الاسبوع على بداية اسبوع الجديد، اليوم للسبت صباحا يصادف زفاف اذيب و ريم ، الايام لي مرو على ليالي مع عائلتها كانت بالنسبة لها عطلة لاراحة نفسها ، تلاقات العائلة و الكل ارحب بيهم ، و برجوع لالة غيثة لرشيد ، يوميا كانو تيخرجو و يدرو ...أمير كان اما معاها او مع غيثة، الحاجة الوحيدة لي قلقت جلستها هيا اتصالات مغيث لي تيوصلو لبعض الاحيان حتى عشر مكالمات فاليوم اغلبهم عبر واتساب بالكاميرا ..
عمة: ( بابتسامة) صباح الخير عليكم ههه ومرحبا بيكم اهيااوين
رشيد: نتي مولات الخير و حنا مالين الدار ! ههه او للاا لالة غيثة
غيثة: ( مزال جو متوتر مع لوستها) الضياف تيبقاو ضياف ..
عمة: لواه ! اللااا غيثة حنا العاااائلة !
رشيد: ( وقف تيقلب على سوارت) اشنو اسيادنا !؟ اش مزال ناقص !؟
عمة: ( تتشوف اذيب داخل بامير ) اصباح الخير امولاي السلطان المسرار !
اذيب : ( مد امير لغيثة تفطرو) صباح الخير اعميتو ( تيبحث بعينو على ريم و ليالي) اوااا
رشيد: ( عاق بيه) انت غاادي تزيد معايا نقضيو واحد الغرض ..
عمة: ( تتضحك مع امير ) ااش هاد الغزال الله يحفظو لكم
غيثة: ( بحنان ) الكبدة المعاودة هدا ! ولد العوينة لي نكساب
عمة: الله يحجبو ! ( بتساؤول ) اقفل العام هاد الغزال من الولد !؟
رشيد: ( جلس حداهم ) اقفلوو بشي شهر دبا ..
عمة: تبارك الله ، غير هيا الا بيتو ديروها معتبرة و نفرحو بحفيدنا المسرار تاحنا ! نختنوه و ندوزه مور العرس بشي للااتي الحفلة بهجااوية دايزها الكلاام اهيااا.
غيثة: ( حبت الفكرة) ماكرهناش لكن ضروري طوخيزازيون ديال باباه
عمة: بمزاااح ! اوا الله يهديه بنقتلوه !؟ ولديدات العائلة كلهم ختنهم الحاج تاعنا
اذيب: ( تيتراسل هو ليالي فمساجات) الله يرحم الوالدين ! خليو عرسي يفوت وختنوه ولا ديرو لي بغيتو
غيثة: اوا ضروري نخبرو مغيث ( خاطبت رشيد) خود رؤيو
رشيد: ناخد رأيو !؟ فين ليالي ابعدا !؟
اذيب : راهم فوق تيوجدو يمشيو الحمام !
رشيد: اوا ناخدو راي ليالي ابعدا !
عمة: اش بات تكول ليالي ! تختنو تحيدو عليها من طررريق
.....رشيد قواو عليه اراء و هو تلفون تيتصل بمغيث لي كان فسطاسيون ليصانص تيراقب السيارة لانه يشد طريق ترن هاتفو وجاوب
مغيث: سي رشيد كيف احوال !؟
رشيد: ( وقف بجلابتو خارج تيتكلم معاه ) و لله الحمد اولدي ! واش راك شديتي طريق !؟
مغيث: على مولانا ! جوج نكون تما !
رشيد: الله يوصلك اولدي على خير ! بغينا ناخدو رأيك فواحد المسألة بخصوص امير !
مغيث: ( عقد حاجبو مركز معاه ) امير !! وقعت ليه شي الحاجة !؟
رشيد: لالا ! هو اتفقو العائلة هنا بغاو يختنوه ...
مغيث: ( قاطعو ) تختنوه !؟ الله اسي رشيد الختانة دقة الوحدة ! فين ليالي !؟
رشيد: وهو اولدي مازال تنتشاورو ! ليالي راها مع العروس
مغيث: ( بغضب غير واضح) سي رشيد أمير مايقرب ليه احد الله يجازيك بخير ، الولدي انا نتكلف بيه كما باغي عائلتكم تفرح بيه ؟ تانا عندي العائلة ! و السلام عليكم
...وصلت طموبيلتهم للرياض لي فيه السكنة ، مدخلين العروس #ريم الجمال و العقولات ، داخلين معاهم فقط بنات لافامي وكانو فاستقبالهم بتمر و الحليب و زغاريت ، الناس مراكش معروفين بالنشاط و البهجة ...ادخلو البنات للصالون الصغير يفطرو و ليالي الطريق كلها وهيا تتغلي من داخلها بسبب المكالمة مغيث ..
🔙🔙🔙
ليالي: ( انتهت من مساج وخدات دوش ..كملت لبست حوايجها تارن هاتفها) الو !
...ناضت غيثة خارجة تتوجد معاهم ، الوقت يمر ...و العرس ايتقام فرياض مراكشي كبير و اسع البنية ، طريطور تيوجد فطبالي و للموسيقى و الاضواء تتركب و جلسة العروس ..طلعت بيتها من بعد ماارتاحت، لابسة قفطان سون مونش وطالقة شعرها يلاه تفتح الباب وهيا ضرب تاتحس بامير تيتهز و يغوت
ليالي : ( اشارت ليه بصبعها تحت ) انا مع العروسة مابقى والو و يبدا للعرس
مغيث: ( تنهد تيحس بنفسو تضرو ) انا عاد جيت من طريق و خمسيام ماشفتكم اتخليني !؟
ليالي : ( غير تتشوف فيه هبلها ) شوية و نرجع !!
...حلت الباب هازة صاكها خااارجة ، نفسيا هاد العطلة لي جربت حست براسها تنفست و لقت نوعا ما من الحرية ، لقات عالم آخر الناس فمراكش عايشين الحياة بليلها و نهارها و االكل لديه اصدقاء ..زفرت نفسها دخلت عندو عروسة لقاتها تتصور مع اذيب و تيضحكو ، ريم كانت محتجبة وهاد ميزة اولى لي سلبت بيها اولد غيثة
ليالي: اخرج اهياا
اذيب: ياكا اباا !؟ رجعتي دوي مراكشية
ليالي: بيتي نهضر تافرنساوية ..
......العروس زينت باجمل زينة و محافظة على حجابها ، وهاد الميزة اولى لي ابهرت اذيب ، ولد غيثة اخيرا القدر جمعو بعشيقة القلبو بعد حرووب العائلات ، العرس بدأ مراسمو و الكل متأنق لابس ، اولهم ليالي لي لبست تكشيطة نواغ كلها تتبري مع تاج على راسها و ماكياج خطير ...خرجت هيا اولى لقات مغيث بدل حوايجو و للبس لامير ..
مغيث : ( كان تيتكلم مع رشيد لي هدأو و اعتذر منو ..تا لمح لي مطيرة ليه عقل تتقرب جهتو و تتضحك مع ولدها..) بصحتك
ليالي: ( بابتسامة و خجل ) ميغسي
رشيد: ابنتي الغزالة تحرمت نشوفك عروسة ( باسها فراسها) و اليوم جيتي بحال العروس
ليالي: ( اكتفت تبتسم ) صمت
مغيث: ( حط يدو على خصرها مقرب ثغرو اذنها ) جاتني الغيرة ( عرفها تعبس و غمزها )
....جلسها بجنبو ولدهم فحجرو ، نشطو بجوج تصورو بجوج ، اي نشاط فالعرس داروه بجوج ! بالنسبة مغيث هدا هو الحب و الزواج و العلاقة مثالية ، انه يكون كوبل مع شريكة حياتو فاي نشاط ، لكن هل ليالي ليها نفس الرأي !؟ ها العطلة غيرت فيها شيء ما !؟ هل نظرتها تغيرت شيئا ما !؟ ام هاد الحب متملك بدأ يطبق على انفاااسها...
..الجواب ! و اجوبة كثيرة لكل كوبل فأولاد الوازنة لي تيطرحو على انفسهم نفس اسئلة، كلها كيف جاتو و كلها و العقدة حياتو وكلها الهم لي شااغل بالو ، بعد الويكاند الحياة رجعت روتينها ! لي عندو شي الخدمة مقابلها و لي عندو شي الدراسة مثابر عليها ..#الايام و #الشهور تمر ، الانسان بطبعو كل خلوة بنفسو تيطرح سؤال على نفسو !
_ شنو ايطرا الغدا !؟
_ حياتي اتبقى بهاد روتين !؟
_ياترى انحظى بنقطة التحول فحياتي !؟
..اسئلة كثيرة تتخطر ببالنا لكن الله وحدة يعلم الغيب و ونيسنا هو يومياتنا فالحياة، افيق ، انعس ، كول ، خرج ، .....
✍✍✍#بعد_مرور_خمس_شهور
...نوصير : ( من فوق السطيحة تيحرط برابول) صااااافي
اسماء: ( تتمص صبعها تكاتها الابرة ) اححح ! هاديك راها دخلت فالعاشر الولد دار سنان ..
...الساعة تشير الى الخامسة مساءاا، تيقولو تبدال العتبة تيدخل بالربح و الرزق ، لكن ليس دائما ، شحال من واحد كان يتمنى فدارو ! بناها و علاها ومشى وخلاها ...من الشاريع فسونطر و بعمارة جديد كراو برطمة جديدة هادي تلث شهور فرشتها و اثثتها بذوقها و عملت العشا العائلة و الاياام تمر ..من داخل بيت مستلقية ناعسة مغطية راسها و رجليها ...بغرفة المجاورة رؤيا جالسة مع العابها فهدوء مرة مرة نظرها تيمشي للغرفة امها بتربية ...
رؤيا: ( قربت غرفة داخلة ...) ماامااا
خديجة : ( غززت سنانها ) رؤيا نعام !
خديجة: فيا جووع اماما
...ناضت جالسة تتمسح وجها ، ملامح شاحبة و عيون تحتها زرقاء ، وقفت بملامح ازعاج من ثقل حملهاا...دخلت كوزينة غسلت يديها و جدت لها الاكل بين حركة و حركة تتغسل يديها، و تتلتزم على رؤيا تغسل يديها ..
رؤيا: غسلتهم اماما ! راهم نقين
خديجة: ( عمرت بانبو قطرت فيه ديتول ) لا ميكروب كاين ! تقيسني و نقيس خوك فالكريشة
..وقفت عليها تاكلات ؛ و جمعت دنيا غسلاتها و دور دور و تمسح و تغسل و تعقم، الزليج تشوف فيه وجهك ، ريحة منزل شبيه بالعيادة طبية كثرة مواد تنظيف ..تادخل من خدمتو عياان و مستعد للمحاضرة لي بدات من بعد مارحلو الدار الجديدة ..
خديجة: فااروق ! غسل يديك ورجليك وحيد حوايجك فدوش
فاروق: ( حرك لها راسو ) وخ اشااف
خديجة: ( دخلت بيتها كارهة نفسها ..تتمر من امام مرآة كارهة تشوف نفسها) خاصني نشوف طبيبة ..
فاروق: ( مسلم امرة لله دخل حمام خارجي اغسل و نظف ) شربتي دواك !؟
خديجة : ( بردة فعل قوية) انااااا الدوااا !؟ ماااغاادي نشرررب حتى الدوواا ! باغين تقتلو ليا الولدي (تتحط يدها على كرشها) اليوم كاامل ماتحركش بسبب دوا ! خااصني نشوف طبيبة
فاروق: ( حيد حوايجو تيرمي و تيسوط ) مااكاااين لاطبيبة لا قلاااوي ! رااه نتي لي تضري ولدك بقوة طبيب ، ااااخر مرة طبيبة حذراتك بقوة سونار
خديجة: ( تتبكي ) الدار كلها موووسخة !! خاص فراش يتبدل ! ( تاتشير كمود و تمسح بصبعها) هاااد الغبرة مرضااتني ، باغيني نولد ولدي نمرضو بحساسية
فاروق: ( هز كارو و تلفونو هز تيشورطو خارج بالكو ) نبدلووه
( جا يقرب لها حسات بيه تا غوتات ) : ماتاااا تقصنيش
فاروق: ( حنى راسو خارج ) اللهم لا نسألك رد للقضاء ..
....خرج على غواتها ، وقلب مألمو على اللبلارة ديالو ، شعل كارو و طلع وجهو فوق تيزفر دخااان، تيذكر للامر بدا شوية بشوية ...كثرة الغسل اليدين، الملابس يتصبنو مرارا ، طواليط تتغسل كل مرة ، الغوووات ، كل مرة مبدلة طبيبة ، تانهااار الكارثة لي اقلب موازينها و نفسيتها و قلب العائلة كلهاا ..
🔙🔙🔙🔙🔙
....بعد رحيلهم للدار الجديدة و بعد ايام قليلة بدات درجة النقا قليلة ، كانت خارجة من لاجونس و متجهة للدارها ...كان الجو حاار فعز الصيف ...حتى اتصل بيها فاروق دوز عندو مكازا إيكيا....
خديجة: ( لابسة كسوتها بيضة مشبكة و كريشها يلاه تتوضح طالعة شعرها و عاملة نظاظر ..بابتسامتها لقاتو فالباب باستو فحنكو) ما علمتنيش !
فاروق: ( بلبساس الخدمة حط يدو على ظهرها حركتو مفضلة ) اتصلو بيا و صلني واحد صاحبي !
المسؤول: مرحباا !! لالة القباج طلبكم وصل
خديجة: بارك الله فيك ! الله يخليك نشوف ليكويط و لي اوس ( افرشة)
م: ( مد يديه فهواء ..فاتح طريق) اتفضلي الالة !!
...فاروق تابعها مخليها علة خارطها تختار ، تيتق فذوقها ..بكل عناية و حب اختارت افرشة للمولدوها فاللون ازرق ، حتى من الاسم اختارتو و هيا فقمة سعادتها..كل احلامها تتحقق امامها ، زوج رفيق الحياة و المنزل الجديد لي ختارت و مولدوها قريب يشرف عائلتهم الصغيرة ..
خديجة: تبارك الله عليكم ! كاليطي سوبير
م: غدا انشاء الله تكون ليفغازيون !؟
خديجة: ووي ! اتصلو بيا قبل للتاكيد وصافي !!
م: مرحبا الالة !
..خرجت فرحانة مع فاروق هو نازل عليها بالغزل وكلامو المعتااد ..يلاه خارجين من الباب المتجر هو المسؤول ينادي فاروق
م : مسيووو فاروق واحد دقيقة !!
فاروق: ووي ( طبطب على ظهرها ) وقيلا على شيك
خديجة: غير سير ! انا هنا ..
...دارت نظاظرها واقفة امام المتجر لي كان فاسفل عمارة عالية وسط الشاريع ..نسيم عليل تيضربها بسبب الظل لي واقفة فيه
..فللحظة تاتشوف المارة تيوقفو تيوقفو و يشيرو بيديهم ولي مخرج تلفونوو تيصور ..بالفضول و التعجب هزت نظرها للعمارة تا للمحت شخص فالصور العمارة ...مزال مااستدركت الامر تابان لها لاوح راااسووو و تسمع صوت قوى
زداااااااااف !!! و البركة من الدمااااء تكونت فالارض بفارق تلاتة امتار عليهااااا
..خديجة : ( زيرت على يديها و قلبها تيضرب وحلقها ششحف تتنطق بصوت خافت و شبه مغيب ) لااالااا لاااا
..#الانتحار! #المنتحر! ...من المسؤول !؟ انا حالة وصلت للشخص يرمي نفسو من اعلى مكان و يهلك روحو و يررزي نفسو ..واقفة صنمة تتشوف فالدم و فاروق خارج تيجري عندها معنقهاا ، الشااريع فالثانية تقلب ، البوليس و المطافى و الاسعاف و المارة متأسفين ..
فاروق: ( عطاوه الما تيؤشها) خدييييجة خدييييجة
خديجة: ( جماد ) ...
فاروق: ( هزز يدو و نزل عليها وجها ...حتى شهقت) اتنفسسسي
خديجة: الولللدي !! ( تتحط يدها على كرشها ) ولدددددي
فاروق: ماطرااا والووو !! ( تتيحركها و يقيس وجها و يغسل وجهاا ) شووفي فياا خدييييجة
...دخلت مابين الواقع و العقل الباطن ، هزها على اوجه السرعة للطبيب !! وصلو للقاعة الاسعاف ، كارثة طاحت عليه من العدم !! دخلوها و اسعفوها تاقلباتها طبيبة نسائية و خرجت طمن فاروق ..
طبيبة: الحالة ماعندها حتى الضرر العضوي !! شنو وقع !؟ غير تتبكي و تتقول كلام غير واضح
فاروق: شاهدت حالة نتحار !
طبيبة" : (بأسف) الله يدير الخير ! نفسية الحامل ماتتسحملش العنف بكل انواعو ! ممكن تخرجها ! لكن عينك عليها غادي تعاني لااسف
🔚🔚🔚🔚
_ برك على كارو بعصبية ! حالهم مايتعجبش من داك النهار المشؤوم ! الاطباء نفسين و زارهم ! الرقية و عملوها لها ! العائلة كلها حاولت تنصحها و تفهمها ! لكن الوضع تيتفاقم و تتشوف الدم فكل مكان !! و الواسواس القهري ركبها و الخوف زادها على جنينها و من الموت .. خرج تيجر رجليه دخل عليها لقاها تتغسل يديها و تتهضر رااسها ...طأطأ راسو و خرج جلس فالصالون ! تايه ! خاااائف ! الا خطاتو غير يدير نفس مادار منتحر !
...الاشخاص انواع و طبقات، الطبقة المرموقة حاليا مابقاتش منحصرة باصحاب الاموال فقط ، كاين لي عندو المال و الجاه وفقط متعايش مع الوقت ! كاين انواع الناس جامعين المال و الجاه و العلم ..اشخاص كل الوقت تيتعرضو من السخرية من طرف الناس ذات طبقة الشعب ..
_ويلي كي تتهضر ! بقات فرونسي !
_بنت ماما غطيني ! النخوا على الخوا !
_راجلها تيحسب كرو شي للعبة ! انا بعدا كن مايكون و يكون و يكون ماناخدش بحالو ..
...السخرية لا تنتهي و انتقااذات ممزوجة بالغيرة او سطحية الانسان او جهل تعاملو مع ديك الطبقة !!
_ تتهضر فرونسي ! قارية قدها !
_بنت ماما غطيني ونخوا على خوا !؟ عشتي حياتها و كبرتي فخناثها !؟
_راجلها و يكون يكون و يكون ! جا اخطبك !؟ رغبك !؟ خدا رايك !؟
...فاقت الصباح بكري وجدت والفطور للعائلتها و رجعت غيرت ملابسها ، رجعت تتختار بعناية ! رجعت اجمل من اي وقت...بآخر للمسات تجميل سمعت صوتهم على طبلة الفطور ..وخرجت تناولو معاهم ...
ليالي: ( عقدت حاجبها فيه..ونطقت برود ) جو سي باااا
..خلاتو موراها !! بعض الاحيان تلمسو التغير فالاقرب الناس لينا و تنكذبو نفسنا ، الوقت لي انتظر الكل ليالي تغير ! كانت فقط تتعايش مع مشاكلها ، بساطة ولا احد يهز عليك الدقة ولا ضربة ..وهيا ليست بآلة تبرك على زر التغير ...هزت صاكها و باست امير و نزلت فسانسور تتقاد عكرها مع مرايا ...ركبت فسيارتها الي خداها لها مغيث فالصيف كهدية عيد ميلادها لكن كدالك تلقات منو هدية اخرى لي خلاتها تعاود حسابتها ...
ليالي: جيم بااا دكيسكوز ! كاين غومبلاصمون ! الله يخليك تكرار الكلام لافائدة منه ..
مساعدة: ( تتشوف طابليط) اجتماع مع كليون جديد من هنا نص ساعة !
ليالي: سي بيان !
...مابين عملها و جتماعتها تتيمر انهارها !! دائما كانت مجتهدة فعملها و المبتكرة فمجالها ، بمعنويات بسيطة مزجت بين شخصية عملها و شخصيها ، محافظة على طيبوبتها و تعاملها الراقي ! لكن رجعت تتعيد النظر فكل طلب تقدم لها ...على رنة هاتفها جاوبت باتسامة
ليالي: بونجوغ لاورا
لاورا: ( بالفرنسية) مابيل صافا !؟
ليالي: ووي حمد الله ! اش تتعاودي !؟
لاورا: بوكو ! سي بون لقيت لوكال فين نعرض لوحاتي
ليالي: مبرووك ! انا اولى تتخبريني !؟
لاورا: وووي ماشيغي ! الوغ ندوز عندك !؟
ليالي: جوسوي موطيغيزي ! انا ندوز عندك ..
لاورا: بيزو ..
....جمعت مسائلها و دارت نظاراتها شمسية وخرجت من لاجونس بساعة قبل من وقتها معتاد ...مجرد ماتحركت بسيارتها و شادة طريق !، للمحت نفس السيارة لي هادي اسبوع تتراقبها و مصت شنايفها ..ونطقت بهدوء بارد
ليالي: كاضو جديد هدا امسيو مغيث ! ولا كاضو ثالت !؟
🔙🔙🔙🔙🔙
....فيوم عيد ميلادها ! على صباح لقات اجمل باقة الورد باجمل الكلام الحب و الغرام ...طلع مفكر عيد ميلادها قبل من اي واحد ! و قبل بنهار ، غيور من شي اخد يسبقو للمباركتها معاه ، افعال جميلة و تجس نبض العشق !! لكن حياتهم مابين المد و الجزر ! ليالي اكتشفت نفسها و تتغير من نفسها لكن دائما محاصرة من مغيث بطريقة او بأخرى ! بصدفة ربطت علاقة صداقة بالسيدة فرنسية مقيمة فالمغرب مهنتها فنانة تشكيلية ! من نهار اعرف بالامر وهو تينتقذ كل تحركااتها ..مر لليوم و قام حفل عيد ميلاد بمنزلهم فقط ، لان غيثة لي تحضن امير غادرت المغرب هيا رشيد و استقرو فرنسا وهدا الامر آخر خلا ليالي تربط علاقات جداد ...من داخل صالون فليل محتفلين و قدم لها هديتها قبل ..
ليالي: كنت تنظن اليوم سبييال !؟ مي انت ماتتاخرش تبين انانيتك
مغيث : ( بعدم تصديق ) انا انااااني ! شكرااا
..كما الايام الماضية، عتاااب فعتااب ..جلست حاطة يدها على فمها تتشوف كاطو باسف ! هزت بيسي ديالها تلف وقتها لان النوم مستحيل يزور جفونها ..تتحاول تشعلو لكن كان فارغ البطارية ! بغات تشوف ايميلاتها ، هزت حاسوب مغيث ....شعلاتو و دخلت على صفحة جمايل تفتح حسابها هو يطلع لها رسالة جديدة علة حسابو يموضوع مدام ...بفضووول كبير ، فتحت ميساج وهما يطلعو لها صورها واضع انهم بكاميرة محترفة
...هاهيا خارجة من خدمة !! او فالكافي مع صاحبتها ...او مع امير فالبارك ...تتسرط ريق تتستوعب الامر و النشاط اليوم كلو تيتوصل بيه عبر جمايل ديالو ...سدات بيسي فاشد اعصابهاا ..
أولاد الوازنة الجزء 27
محتوى القصة
التنقل بين الأجزاء