.....الاخبار الولادة شاعت فالعائلة ؛ ليالي اخبرت والديها لي صبحو تما و مغيث اخبر نبيل لي بنفسو هز الوازنة اتجهو طبيب لان اخبار مثل هادي ما تتخبعش !! الكل ينتظر ...امها بكاات او ويلاااات غير ليالي لي شداها و تتصير فيها ، خوفها على ابنتها كان كبير ، الوازنة و مغيث تيصبروها و الاب بنفسو مصدوم مربع يديه و عيونو على الغرفة الانعاش لي واقف فيها حدا بابها فاروق مربع و متكي على الحيط ..
الوازنة: دعي معاها ! ربي تيفك نصرانية بقى غير المسلمة
ليالي: ( حلت قرعة تتفزك لها يديها) طاطا اقتلتي رااسك و خديجة محتاجاك اطاطا
الام: ( تتشوف فليالي تتفكر خديجة و كلامها تتذبذب راسها بحرقة) غير تنووض ليا ابنتي اليالي غير تنوووض ..
الوازنة: ( تتحسر) رجانا فمولانا الله يشافيها الله يخرجها منها..
الام: ( تتمسح دموعها) شفتو الوليد !؟
مغيث: ( جايب لهم الما و مدو ليهم ) خالتي شوية !؟
الام: نشوفها اوليدي و نسمع صوتها عاد ارتاااح
مغيث: انشاء الله اخالتي !!
الوازنة: اوليدي و تربية فالقرعة !؟
مغيث: اياه الواليدة
الام: انا تبقى ليا غير ابنتي ! اولاد الثامن صعاب للعيش
ليالي : ( تتمسح دموعها ) علاش اطاطا امير ولد السابع وعاش ! و ولدت بين الحياة و الموت بطانسيون و ربي تيسهلها
الام: ( تتبكي ) ايه تنعقل ابنتي خديجة بكات عليك
مغيث: ( حد يدو على كثف ليالي لي جالسة على ركابيها و شد عليها كانه تيقولها برا و باس عليك ) خالتي !! واش رجعو احسن من الاطبة ؟ الطب تيطور راه ولاد خمس شهور و تيعيشو ! كلام اولاد الثامن ماتيعيشوش كان زماااان ! زمان القرعة ماخرجت اما دبا طب تقدم !،خليونا من كلام خاوي
الوازنة: كاينة الحبيب طب تقدم و داكشي لي بغينا تنوض تشد وليدها بين يديها ..
.....الوقت تيمر وشي داخل شي خارج !! فاروق اقتلو الانتظاار و الاب ربي لي عالم بيه !! الام خديجة غير تتبكي و تدعي معاها و ليالي كل مرة تتجاوب فتلفون على بنات لي جلسو فدار يشدو دراري اما نبيل و نوصير فالجردو طبيب واقفين مع خوهم مستعدين لاي مستاعدة ..بعد أذان الظهر ..
طبيبة: ( وجه متعب ) سي القباج !! على سلامة مدام !
فاروق: ( تيميح وجهو) معنى !؟
طبيبة: تجاوزت مرحلة الخطر ! نزيف احبس و خدات الكافي من دم !! شوية تخرج من انعاش
فاروق: و ولدي !؟
طبيبة: يلاه اتصل بيا طبيب اطفال طالب ملف الحمل
مغيث: و تحاليل !؟
طبيبة: عندو ...
..اخبروهم اخر للاخبار و فاروق و مغيث طلعو مع طبيبة للمكتب طبيب ....لي داخل فالصلب موضوع مباشرة
طبيب: ( مد طبيبة تحاليل) بون ! بوغ اوليد تحاليل خرجو مزيانين حمد الله
فاروق: حمدو لله
مغيث: حمدو الله !! دكتور بالنسبة ليه ...زعما قضية ولادة الثامن !؟
طبيب: ( بجدية ) قد مااتقدم العلم اسيدي تاتبقى شي الحاجة اسمها القدرة إلاهية هادي اولا ! عاد نقدرو نطرقو قضية الحاضنة و تطور اساليب انعاش و تنفس و محافظة على حرارة الجسم للعيش جنين !! ( تيشوف فملف ) واضح من عدد اشهر الحمل مدام خديجة لمليح بقى لها الايام قليلة ادخل فالتاسع ! كما تنعرفو الولادة ممكن الحامل تولد فاول نهار من شهر تاسع او مثلما شاسع حاليا تخرجو بسبب قلة دورة دموية و الحركة ..
فاروق : الله يجازيك بخير ادكتور عندي كامل تقى فيك بعد لله
طبيبة: ( سدت ملف )مسيو القباج نعس على جنب الراحة تحاليل كما بغينا ! مسألة وقت سي تو
مغيث: يعني بيبي مايكونش عندو مضاعفات او نقص فالمناعة
طبيب: لالا سيدي ! احسبو راه فكرش امو ! قضية وقت يستوعب عالم خارجي و يعرف يتنفس بوحدو اتاخدو ولدكم
فاروق: ( تحيس بذاتو تتحرق ) شكرا الدكتور ..
...خرجو من مكتب و فاروق غير تيحط فيهم صحاح ! هادي فلوس تحاليل هادي لافزيت طبيب ها فلوس قرعة !!،نزلو تحت و الاجواء بدات تلوح بالفرج !! الغيمة سوداء تتبخر فالهواء بانتظار بعد مرور 6ساعات مع حلول المساء ...دراري كل مرو يدخلو يطلو و يخرجو ...تا دازو من حداهم فرمليات داخلين الانعاش و فاروق متبث شوفة فيهم تا للون تحطف فوجهو هو تيشوفهم مخرجينها فوق بيااص ....وخرجوها من جهة اخرة طلعوها فسانسور
فاروق: ( جبد تلفون تيصوني عليها تاوقف عليهم فرملية) ماتتجاوبش هاد خيتنا
فرملية : مسيو القباج المدام راها فغرفة 11طابق اول ..
فاروق: اوك شكرا ..( طلع تيجري فدروج هو الباب و طبيبة الباب ) فاقت !؟
طبيبة: لا مزال ناعسة ( شافت ساعة ) احسن حل اسي قباج خليوها اترتاح و طلب من العائلة تتمشي ترتاح
فاروق: ( باصرار) ندخل نشوفها !
طبيبة : ( هزت يدها باستلام) آمري لله معاك
مغيث: ( تيرطب جو) صبري معانا الدكتورة الله يجازيك بخير
طبيبة: عملي هدا !! الانسان لازم يقدر نصائح الاطبة
فاروق: ( قلب وجهو دخل ..لقاها ناعسة و فرمليات على شرف انتهاء تاخرجوو ...قرب لها قبل راسها ) على سلامتك عمرني نموت منين دازت هادي
...بعد مشاروات جلس فاروق فكلينيك مخلص ليلتو و قنعهم يمشيو ..غادرو بسياراتهم راجعين للمنزل الوازنة ؛ الدار الوازنة لي ول البارح كان فيها فرح السابع ريحة دجاج و للحم مزالة فقناث الكوزينة و الدار مزالة عامرة ! نسيبات الوازنة مزالين مع هاد الشدة جلسو يآزرهم ...جلسو الرجال فصالون و الوازنة و الام خديجة فصالون لاخر ، استقلبوها البنات اسماء و زاينة بدموع ! و شكون لي مايبغيش زينة البنات مولات العقل و تاويل ، حطو لهم العشا و كلاو لي اقسم الله و ناضو يتوضاو يصليو مع تعب و عقل مشغول كلها فيم اشد سداري !
مغيث: ( هاز امير تيبوسو لقاه ناعس ) بيبي نمشيو !؟
ليالي: ( تتحك فعينيها) يلاه ..
.. اسلم عليهم و خلاهم بخير ! و ركب هو مراتو و ولدهم غادين دارهم ، لانه بساطة تيبحث على راحتهم الحال قريب بلا ماينعسو معذبين ، بعد طريق وصلو للعشهم مثلما تيلقبو مغيث حط ولدو بلاصتو و دخل خدا دوش هو تيفكر أحداث اليوم ، تأسف لخوه و نفس الوقت حمد الله انه نقز منها ..خارج من دوش بعضلاتو قوية و شعرو اسود تيقطر ..نشف و للبس شورط وجلس عريان تيحس بحرارة و تعب..
مغيث: ( حط يدو على صدرو) شفتي ديك للهفة الخوف لي عندي على امير سببابها اني ماحضرتش للولادتو ! ضرني خاطري بزاف
ليالي: ( طبطبات على صدرو) لي فات فات
مغيث: ( عنقها عندو بقوة) ووي ! نعسو ياك !؟
لياالي: غدا الصباح نمشيو عندهم ابونوغ !!
مغيث: انشاء الله ! ( عنقها مخليها تنعس عندو )
..كلام كثير باقي فحلقو !! عتااب كثير لليوم ولادة امير ! لكنه واعدها انهم يطويو صفحة و يرميو الكتاب ، ظروف لي مرو منها بعد زواجم ! كانت الاصعب ! ردة فعلو لي ندم عليها ! و حياتهم لي تقلبت راسا عل عقب بسبب غيثة ! كان لازم قدر قليل من الصبر و تريث ، لكن هو كان اسرع بردة فعلو و غيثة قالت ليه ماتعرفش ! مرت الايام و المياه رجعت للمجاريها و غيثة لي كانت بوؤرة مشاكل رجعت مكانها صحيح ، لكن بصمة ندم مزالة تتاكل فيه ...
🌄🌄🌄 السادسة صباحا
مغيث: ( تيهضر فتلفون ) كي صبحتي !؟
فاروق: ( صوتو بحاح) راسي يتفركع
مغيث: هضرت معاك ماتتسمعش اصاحبي ! اتصل بطبيب لي متبع معاه يخرج لك شي كالمون ! واش باغي خديجة تنوض وانت طيح
فاروق: ( بنفس حارقة) مغيث ! جيب انسابي و رؤيا تشوف خوها ! ( تيحك عينيه) توحشت الحاجة ديالي
مغيث: غير تبدا الزيارة انا معاك ! فطرتي !؟
فاروق: اممم ..
مغيث: ارتاح اصاحبي ماتعطيهش جهد تاطيح
فاروق: يكون خير ...
مغيث: يلاه تهلا (اقطع ..و قبل ليالي ) ليالي !
ليالي: ووي ! بونجوغ
مغيث: بونجوغ بيبي ! انا غادي عند فاروق ! تيفيق امير فطرو و تبعيني لكلينيك اوك !؟
ليالي: داكوغ ..
...كي تحرك فالفياق تحركت معاه تتحك فعينيها !! خرج من حمام مطرف و فاهم عليها شنو باغة ، ليل كلو و هيا تتطلب فيه
نبيل: ( عاقدهم على صباح) رجعي تنعسي مزال الحال !!
اسماء: ( بتوسل) عفااك ديني نشوف اختي خديجة !
نبيل : ( تيلبيس حوايجو) مزال مافاقت ! انديك تبقاي جالسة تما ، هنا بعدا مرتاحة فدار و عينيك على دراري
اسماء: راه أمي تحظي رؤيا !! ( تقرب عندو عل ركابيها فوق ناموسية) عفاك عفاك نشوف اختي خديجة عزيزة عليا
زياد ..تتيبرقق فعينيه ، شوفة الكرش مضببة لكن صوت نوصير تيميزو خصوصا اصوات اغاني ، خرجت زاينة شداه و اتجمعو على الفطور ، تادخل غليهم مغيث هز انساب فاروق و رؤيا جات مع اسماء و نبيل بعدما لبساتها ..والباقي بقى فدار ..
فاروق: ( باسها فراسها ..ضربت فكرة فدماغو ) غادي تكونو اختو لي بعقلها الحاجة ياك !؟
نبيل: ( غاب بنظرو للقاعة اطفال) صمت
فاروق: مشينا !؟
نبيل: زيد ! الواليدة تتسول وتعاود ..
فاروق: الله يسمح لنا منهم ! بلا بيهم مانسواو والو ..
...نزلو القاعة تحت الكل فانتظار تفيق خديجة ! اسماء بقات فيها ، والام كبدتها تتشوا، التحقت عليهم ليالي و زاينة لي سرقت الوقت تعمل الواجب ..جالسين مثل اي عائلة مغربية تتجمع فالسراء و الضراء ..رؤيا غير تتلعب و دور دور ترجع عند اسماء، صغيرة على احساسها بخطر البيبي وخديجة ..فاروق غادي جاي و مغيث سامح فكلشي مونسو و منتبه لأي ردة فعل ! خوه تيعرفو يقدر فاي للحظة يبان فاروق الخاسر..
فاروق تيحس بعرق بارد على ظهرو و مؤخرة راسو ..دخل بسرعة عندها ..توحشها و توحش صوتها و عينيها ..شحال جنن هاد العيون و خلا هاد الصوت يرتفع من افعايلو ....قرب ليها وشد فيديها الدافئة مثل العادة ..فتحت عينيها ببطئ و بصوت خافت مجروح وودموع صامتة
خديجة: ولدي !؟
فاروق: ( باس كف يديها و جبد تلفون طلق لها فيديو ) هاهوو
خديجة: ( متبعة شريط تتحس فعيونها أبر تتكها مع ذالك تتشوف قطعة قلبها تتحرك ..مع كل حركة دموعها تتفيض و قلبها تيوخزها) شنو طرا ليا !؟ ولدي مكاملش !؟
فاروق: كامل حمد لله ! كامل ( تيقبل راسها ) كامل بام بحالك البلارة
...خرج تيحس براحة نسبية و تارك للمجال اقرب الناس ليها ! امها و اباها !! بعد دالك دخلو البنات و مغيث لي هاز رؤيا ، رؤيا لي شافت خديجة فحالتها بكات عليها و ضرب انذار احساس خطر فخاطرها و واساتها بكلمات
_ماما انا شفت خويا صغيور
_ماما الله يشافيك اماما
_ماما اطير ليا هاد حنة و ندير حنة اسبوع لخويا ..
البراءة رؤيا و براءة #براء كانو بلسم للجروح لخديجة لي ابتلاها الله بمرض نفسي و بولادة العسيرة ، لكن كل مؤمن مصاب ...نالت فاخير هاد المحنة حب زوجها و أولادها و عائلة تحطها على الجرح يبرا ..
...بعد مرور الاياام ، الدار الوازنة خوات ، النسيبات رجعات لديورهم و رؤيا رجعات الدارهم لي فرحة مادقداها بالبيبي ، رجعت الحياة العادية ، من داخل بيتهم مقرد على ركاابية تيقاد ناموسية لزياد و زاينة واقفة تتلبس حوايجها ولدهم فوق ناموسية تيلعب برجيلاتو راضع شبعان ..
زاينة: ( تتدهن يديها بالكريم ) سمعتني !؟
نوصير: ( مركز مع شغلو ) آش كلتي !؟
زاينة: خرج جيب ليا الكينة غدا نكمل الربعين
نوصير: ( عقد حاجبو مع رجليه ضروه) اااح اامي امي !! على سلامة اختي ! عاااد تكملي ربعين خليتي صعر يركب فيا
زاينة: ماالي لخاطري ؟ مهم راه صيفطت لك تصويرة كينة
نوصير: ( وقف تيتكسل و نزل على ولد بالبوسان) علاش هاد الكينة !؟
زاينة: ماراشقاش ليا لطنزك و الله
نوصير: نتي فين عمر رشقات ليك !؟ ( هو ولدو طالق ليه اغاني ) بااا اباااباااا
زاينة: ابعد على الولد تلفون ! كينة للمنع الحمل
نوصير: ( خرج فيها عينيه) كينة منع النم !! شكوون كاليك اصلا ماباغي اولاد !؟ انا لالة باغي نشبه ابَّا الله يرحمو نولد ونفرخ ..
نوصير: زيدي خمسة صبعان على فمك و هنينا !! نتي ماشي ديال المفاهمة
زاينة: ( اشارت ناموسية زياد) حططط الولد
نوصير: انا فالصالون مع الواليدة مامخرجوش !
زاينة: اوا !؟
نوصير: لبسي ! لبسي ااانخرجوو ...
..قلبت عينيها بغضب ..لبست رمات شالها على عبايتها قدات وجها رشات ريحتها و جدات صاك زياد ! مدة ماخرجت زنقة من غير طييب عند خديجة ولا تلقيح ، خارجة من البيت هازة صاكها و صاك ولدها و سلمت على الوازنة و خرجو ...
نوصير: ( تيحك راسو و عينيه فتلفون ) فين نجرو !؟
زاينة: ( خنزرت فيه) معامن شاد الخط
نوصير: ( جمع تلفون ) والو اصحاب الكرة ! فين نديك فين !؟
زاينة: ( جبدات ضحكة) ههههه سير ضحك مع قرانك نهار اول راك عرفتني ! ماتياكلش معايا كلام معسول ، انا بغيتني برعني و لبسني و كبطني و هز بيا !
نوصير: ( وصل البلاصة ) ديري زيفك ديري ! ( دار هز ولدو فكرسيه ) زيااادو
زاينة: ( طولة ولاطاي و مشية مع عباية غير خليجية) نجلسو فجهة جردة
نوصير: لي بغيتي !
...ختارو طبلة جلسو فيها ، طلبت لي بغات و لي تشهات اما هو اكتفى بقهوى كحلة ، عيونهم بجوج على زياد حوارهم كان مثل العادة شد ليا نقطع ليك تادار لها وجبد موضوع دراري و عصبها من جديد
زاينة: باغي تحمقني !؟ راه عاد عندي عشرين عام ابنادم ! عندي مشروع فراسي انفذو ونت واعدتني
نوصير: زيديني غير هاد العام !! ولدي فيه ولدنا تاني ولا بنية ؟ تلقايني جمعت راس المال صحيح !
زاينة: تتفلى عليا !؟ كولها !
نوصير : ( هز قطعة كاطو يوكلها) حللي انا مزاوك
زاينة : ( برفض ) واللهما تحيد عليا يديك تا نشوهك قدام الناس !!
نوصير: ههههههه بردي غير تنهضرو حنا
زاينة: كفاش غير تنهضرو !؟ واش انا ماتنعرفكش ؟
نوصير: انا باغي اولاد ! ماتكولي ليا لاكينة لا نم ، مشروع صبري شوية
زاينة: انا عندي مشروع واعدتني بيه ! هاد مشروع فصالحي وفصالح اولادي فاش يكبرو
نوصير: دبا هضرتي والو ؟ تنطبل !؟
زاينة: و انا هضرتي !؟ ماعندها قيمة ؟
...#الولد_ثمن_شهور عاش !! براء خرج من القرعة و تتم تسع تشهور فيها ، تنفسه طبيعي الوزن طلع لثلاثة كيلو، اكتاب ليه العمر جديد ولخديجة كدالك ، ولادتها كانت عسيرة و لايموغاجي كان ممكن لا قدر الله تفقدها حياتها ....الدار نورت بمجيئهم ! الكل فرحان برجوعها ولدها بين يديها، ثلااتة ايام باش رجعت الدار ..الكل فرعايتها امها و اباها و الوازنة لي تاتجي يوميا ورؤيا تتساعد بكل حب الا فاروق لي يومين هو شاد قنت فصالون عاطيها نعاس فقط ..
..جلساتها حداها و حطاتو لها تتشوف فيه بحب و تبوسو ! خديجة تترجع صحتها دقة دقة ، نفسيتها مرتاحة و تتحاول تنسى لي فات جالسة تتجمع حوايج براء و مراعية لجرحة تادخلت امها
االام: ابتني نحط لكم العشا دبا !؟
خديجة: فاروق مزال ناعس !؟
الام: مزال ناعس ! وباباك راه خرج يصلي العشا شوية ويجي
خديجة: ماما غدا شهوتي نمشي حمام و بغيت ديك حنة بالعشوب ديك السيدة
االام: ( بود و بروية) نوضي الله يرضي عليك ! انشاء الله ربي يحفو مايكون والو
...رؤيا خافت على خوها و غير تتبلق بعويناتها ، فاروق حتى تيكول نقزت و يرجع خطوة الوراء !! نزل ديمارا طموبيل و قف حدا سانسور تينتظر خديجة تنزل ..ركبو فالسيارة قاصدين نفس كلينيك لان الحال معطل ..
..الخوف لي تيحس بيه فاروق مضاعف ، لان لي داز عليه معاهم ماشي قليل ! مدة هو تينتظر طبيب يوصل ، هاز براء بين يديه و خديجة جالسة شادة فراسها تتدعي وتقرا القران ..
خديجة: ( تابعاه) مليون مرة تنقول ليك البنت صغيرة ! وصل فكرتك بشوية
فاروق: ( جبد كارو ) على سلامتك امدام ! الى توكضتي قابلي اولادك راه مابقات عندي فين تكيل ليا لا مع ابنتك لامع ولدك
خديجة: رجعت حليمة عادتها القديمة
فاروق: ( تيحك راسو ) حمقتوووني وهبلتووووني ...
...الحياة تستمر ! خديجة دخلت عند رؤيا و تتوجد لها شنو تلبس و رجعت تحببها فالمدرسة و تفكرها باهميتها ، عارفة ان فترة مرضها ردات الراس على اسماء، و تتشد منها الهضرة و الحركات ..نعساتها و دخلت بيتها دير الدوا للجرحة و تبدل حوايجها و غسلت صدرها و رضعت براء و حطاتو حداها مزال ماتتنعسو فبيتو ..تادخل لاجودان البيت
نبيل: مانعرفت ! انا كالي دوز عندي وصافي ، احقا وصل الواليدة ومعاها اسماء عند خديجة !
نوصير: ( رمى ملاية ) كون هاني
نبيل: طوي ملايتك اصاحبي !
نوصير: تاهيا كن هاني ..
..الخوت انواع !! كرش وحدة حطات لكن طباع تختلف ، كاين نوع لي تتلقايه منظم فحياتو و خدمتو وكاين لي عكس منظم ! يقضي الغرض ساعة بساعتو ويأجل الساعة بساعتها ، ديمارا طموبيلتو و اتجه عند فاروق هز من امام العمارة و متجهين الدوار للي نعث ليه فاروق ، طريق كلها و فاروق تيتكلم فتلفون تاوصلو ..
نبيل: واش شريتي !؟
فاروق: ( دار نظاظرو ) وصيت واحد الكساب تنعرفو هنا ! شوية يوصلو
نبيل وقف تيشوف منطقة كان دوار صغير نوعا ما من ناحية السكان ، كل دار مبنية فطين مبنية فجهة و فدخلة الدوار كان جامع صغير بصومعة ..وصل الكساب مع جزار و معاهم الحوالة ، ذبحو الحوالة جهة الساحة الجامع و الامام جامع واقف معاهم قرا لي تيسر الله من القرآن و قف على السمية #براء ..كملو شغلهم و خلا فاروق الامام جامع يفرق دوك الحوالة على سكان الدوار فسبيل الله ؛ صدقة علة مراتو لي نجات من الموت و زيادة مولود براء ....هما مقلعين هو الفقي كان تيوذن نداء صلاة الظهو هو نبيل يشد الفران تيسمع
نبيل: ( صوتو حس بيه تخلل فقلبو) الله يعفو علينا ! ماشاء الله صوت عندو
فاروق: ( تيصيفط خديجة صور حوالة) الله يعمرها سلعة هاد الامام ! خطبات عندو و نشر الوعي بين الناس عندو مايكول ! لكن دولة مضيعاهم
نبيل: راه خرجو لهم التأمين !!
فاروق: حتى ماتو االفقهة و لي لقى ماياكل ! الفقهة لي فالشمال ولا الريف راهم مبرعين مع الناس تيعطيو القيمة للفقهة و لي فالداخل راهم تابعين دولة اما لي فدواور بحال هاد شكل عايشين بالبركة !
نبيل: ( على اثر انتهاء الاذان ) الله يصاوب ! تاحاجة مابقات تعجب
فاروق: ( تلفونو تيرن طلعت نمرتها ) من زمان مابقى..الوو
فاروق: لا اختي نوصيك ونعاود ! ابنتي مانحمل حتى القواااااد الشوفة يشوف فيها ..بقى غير راجل امها ( اقطع)
نبيل: صمت
فاروق: دلمها على وجه ابنتي صابر لها ! غير تكبر نقطعها عليها !،
نبيل : وراها امها اصاحبي
فاروق: ابنتي شخصيتها لي طالعة بيها دبا ساهلة ! تتأثر باي حاجة ! غدا تكوليك بغيت اماما ؟ تما غير نتعزا فتربية ابنتي
...الايام لي مرت عليهم مثل اي عائلة عاملة ، منين يصبح الصباح حتى العشية هما مع الخدمة و الشغالات، خارج من الوزارة بكري ، الوقت عندهم غير محدد فالخروج ..راكب سيارتو حاضي مع طريق متجه الحضانة امير ، مسافة الطريق وصل و نزل داخل يطمن عليه، الحضانة من احسن الحضانات فالمدينة ! صاحبها من بلجيكا و الحضانة تتمشى بالاطر تربوية كاورية ..
مغيث: ( استقبلو المدير ودخل قاعة الرسم ) بابيتوو
امير : ( كان لابس طابلية خاصة برسم و طربيش تيرسم رسومو المفضلة ) داااااد
...حطو فكرسيه دار ليه سمطة و ركب بلاصتو صايك ،شد طريق لاجونس لعند ليالي ..لان لي سبق ياخد أمير من الحضانة تيتاصل بلاخر يخبرو ، مدام ماتصلتش بيه واضح انها فلاجونس ...حبس بطموبيل قدام لاجونس اول حاجة لاحظ ان سيارتها مكايناش ، خلا امير فطموبيل و نزل بسرعة يسول فلاستقبال
مغيث: بونجوغ ! مدام ليالي مشات !؟
مساعدة: بونجوغ مسيو القباج ! مدام خرجت هادي ساعة
مغيث: ( غزز سنانو ) اوك ميغسيى
..خرج تيشوف يمين و يسار تاركب هو تيسوط و صدرو تيطلع و ينزل ، جبد تلفون مهبط راسو تيشوف رقمها و امير موراه تيلعب ..ظن انهم اغلقو موضوع الخروج ! ظن انها تفهمت موضوع صاحبتها ! حول الاتصال ليها هو تيغلي من الداخل !
....حرك روايض مع طريق كلو معصب تيغلي من داخلو ! تيقنع فراسو يبرد و يقول من حقها تخرج و تشوف ! لكن هاد الاقتناع فوق طاقتو تيحس بقلبو تيتزير ..وصل ريسطو و لمحها واقفة تتنتظرو ، نزل هاز امير توقف قدامها بنظرات نار..
ليالي: ( ابتسمت ) اميرووو
مغيث: شفتي غير امير !؟ ( تعلات سلمات عليه ) صافا !؟
ليالي: ( هزات امير تتبوسو) وي صافا ! نمشيو !؟
مغيث: ( هز عينيه مثل نظرات صقر تيلمح لاورا مع جوج رجال من زجاج ...دور يدو على خصرها ) ندخلو نتغداو
ليالي: ( تتسرط ريقها ، خايفة من ردة فعلو) مغيييث
مغيث: ( ابتسم لها و جلسو فطبلة مقابلة لاورا) ووي ! هاديك هيا صاحبتك !؟
ليالي: وي ! تبغي تعرف عليها !؟
مغيث: ( هز يدو لسرباي لي وصاه على كرسي اطفال لامير و موني) نتعرف عليها !؟ وهادوك لي معاها !؟
ليالي: غير ديزامي ! خدامين فنفس دومين ديالنا
.. طلعهم و هبطهم واضح انهم دراري محترمين واضح انه جامعهم العمل من طريقة الحوار، طلب ليهم الغدا ، وطول الوقت عينين مغيث على لاورا ، ماحملاهاش ! ماقبلهاش ! اما ليالي مقابلة امير كل مرة يطيح و يهز ..تاناضت لاورا خارجة و مرت بطبلتهم توقفت بابتسامة حوار اكيد كان بالفرنسية
...وقف متجه لاكيس ، جبد لاكارط باش يخلص هو يلمح دراري مزال جالسين واضح نقاشهم طويل ؛
مغيث: عفاك خلص حتى ديك لاطابل
سرباي: ( دار شاف فيهم و جبد فاكتورة ديالهم ) 670 درهم
مغيث: ( مد ليه لاكارط ) خلص كولشي ( دخل كود و
خلص ) ميغسي
سرباي: مرحبا اسيدي
.....الوازنة فرحانة بحفيدها ، يوميا تجي طل على عروستها ، خصوصا فحضور امها، مابغاتش تقصر ولا تسمع انهم مخلينها وحدها ، على طبلة الغدا اسماء شمرت على دراعها و مخلات ماحطات و رؤيا خرجت من مدرسة ولقاتها عندهم ماقداتها فرحة ، اما خديجة يلاه دخلت من الحمام هيا ومها ..
الوازنة: ااوا ظرفات لاتسالي ! ولكن ذراع لاتسالي ، طيري ولا نزلي ماكاين كاع هو فهاد البلاد ! انا مباركة عليا اجمع راسو و تزوج ، ماوليت نعرفو فين مشى حتى جاب المراة ، كان يغبر الحبيبة بسيمانات
اسماء: مالو مسكين راه منو من جيلو !
خديجة: ( تتضحك ) اسماء عزيز عليها نوصير
الوازنة: وراها بحال اختو ! من صغرها يخرجها تلعب فزنقة و خوت فالكوارث
اسماء: (غلباتها ضحكة ) شوهتينا اخاالتي ..
..الجلسة حلات ! و خديجة كانها تترجع شيئا فشيئا ، دخل نبيل و فاروق سلمو و اجلسو عاود احطو لهم الغدا ..
فاروق: فين اباك !؟
خديجة: عند عمتي ! ماتعطلتوش !
فاروق: ذبحنا و جينا ! ( طل على براء باسو ) مابكاش !؟
فاروق: هاهو غااادي ! بنادم عقلو مبرهش ( خرج من بيت صاعر) رؤؤؤؤياااااا
رؤيا: ( خرجت تتجري عندو) نعام اباابا
فاروق: زيدي يلاه !،
نبيل: ( خرج عندو) مالك اصاحبي !؟
فاروق: مايلى ليا ! زيد جر معايا زيد
...الكل تيشوف فهاد الفاروق لي تيتقلب بحال زمان ، خديجة خرجت بالكو تتطل عليه هو خارج مع نبيل و رؤيا، تادخلت عليها امها ..
ام: هدا عندك زاااد فيه ! اويلي من نهارو تيغوت
خديجة: ( ابتسمت تتمص غضب امها) هههه خلعك ! راه غير غوت عليه تيعاير ليا ولدي
ام: شويني فيه ! لقى جوهرة بحالك و زايدها بالغوات
خديجة: ههههه تاهو سيد الرجال ! وحتى زين ماخطاتو لولة
....طريق كلها هو معها على الخط وتينعث لها فين تلاقاه، وصلو القهوة العائلة فيا الخارج العاب و الداخل قهوة ..نزل هو اول عاقدهم شاد فاليد رؤيا لي لمحاتها بديعة من بعيد قلبها تهز لرؤيتها ، بسبب طول الغيبة لاحظت الفرق ! طوالت و شعرها، زادت بياضا وعويناتها صافين ...
بديعة: ( لابسة جلابة و زيف على راسها ضعافت شوية ) الحبيييبة الكبيدة ماماها ( هزاتها نتتبوسها) توحشتك اماما
رؤيا: ( لاحظت قوة الكاضوات ) ماما هادو دياولي !؟
بديعة: ( مدات يدها فاروق سلمت) سلام فاروق
فاروق: ( تيطلعها و بيهبطها ) سلام
...جلسو فالنفس طبلة بي لقاوها ، هازة رؤيا فالحجرها ، تقيس فشعرها و تتلمس جسدها و تشوف فعوينانها ، تتبقى الام و تتبقى امها البيولوجية لي سهرت ليالي و رضعت و ربات ..طلب مشروبات و رؤيا تتفتح كاضوات بفرحة، جابت لها كاخطابل و كسوة و سبرديلة و لاتخوز خاصة بالفليللات و بنضات
رؤيا: ( باست مها بحب) شكرااا اماما الحبيبة
بديعة رمشت بدموع و قلبها ضرها و كلام يخالج خاطرها ! شحال زوينة ابنتها ! شحال مأدبة و مصوابة ! تتفكر فالقديم امتى علماتها كلمة شكرا !؟ امتى علماتها تبادل القبل ، زفرت نفس طويل و تفكرت كلامها كلو غوات و معيور وسبان ، قاطع خياالها صوت فاروق شجي هو تيتكلم مع رؤيا
فاروق: الحاجة تمشي تلعبي شوية !؟
رؤيا: ( هزت مقبط و قربت عندو) بابا دير ليا هدا فشعري !
فاروق قادو لها و ابتسمت ليه و مشات تتجري جهة اللعاب و تقاد فالجلسة تيرشف قهوتو الكحلة ..
بديعة: ( طرقت صوابعها) الله يحفظها ..
فاروق: آمييين !! اش ديك الهضرة قلتي ليا فتلفون !؟
بديعة: انا صارحتك وصافي !! تزوجت هادي تلث شهور ، الواليدة لي تتجمع مشات و اختي لي نكساب فالدنيا ماعقلاتش عليا !
فاروق: ( قهقه بخفت) اختك !! ماعلينا ، تنكولها و نعاودها الرزق ماكتابش لينا ! هادشي تيعني ماشي حنا خايبين...تزوجتي الله يسهل عليك ديري غير عقلك
..حسب خطواتو هو عاطيها بظهر تتشوف فالراجل لي عشقت بجنون ولكن ماتنكرش فنفسها خرجت على زواجها بيديها !! هيا انسانة اليوم تصالحت مع نفسها و تزوجت شيفور طاكسي لي دائم كان معرفتهم و صديقها ، عارف صغيرة وكبيرة عليها ، بنفسو تاهو مطلق عندو وليدات ، بداو بجوج الحياة جديدة هيا خدامة فشركة بمراكش للخياطة هو شيفور ..متعاونين و رجعت فاي مجمع نسائي تعطي قصتها عبرة و تنصح اي وحدة تتشوف فيها الهضرة بلا ذراع ...دوزت العشية مع ابنتها بضحك و للعب ! تا وقف عليها فاروق خداها للعائلتها الصغيرة ولاول مرة لا بديعة ولا فاروق تيحسو بنفسهم جانب لي كانو هازين من بعضياتهم فرغ من العتاب ...الاهو ايرجع لها ولا هيا اتعاود تفكر فاطلال ...
...الساعات باش دخلو الدار !! لكن عاود هز صاكو لاصال و خرج ، طريق كلها هو مضارب مع عقلو ! سؤال واحد تيضرب فدماغو
_واش ماغاديش ارتاح !؟
_فين مشكل بالضبظ فيييين !!'
..خدا دوش و لبس حوايجو و خرج ركب سيارتو مبرد نوعا ما !! مع اول خطوة لبرطمة هدوء يسود ، واضح ان أمير ناعس ...كانت فالكوزينة لابسة بيجاما شورط وجامعة شعرها و ريحتها مشتقة من الياسمين فواحة فالمكان ، عاطياه بالظهر شادة تلفون تتقرا فميساج تا سمعات صوتو
مغيث: بونسواغ !!
ليالي: بونسواغ ! بغيت نسولك !؟
مغيث: ( حل تلاجة عمر كاس عصير و اخرج جالس فسيجور ) ووي
مغيث: نهار ختاريتك بين الاف البنات !؟ ماختاريتكش سويرتي ! شفتك و عشقتك و اعجبتني شحال من حاجة فيك ! اولا مربية و بنت فاميلا و تانيا مثقفة و تفهميني ونفهمك ! ماحارفتش ليا نمشي ناخدها ماقارية ما خدامة و نجلسها فالدار طيب و تعجن و نعيشو انا وياها فالملل ونصدق تنشوف شوفة اخرى !! انا فخر ليا نشوف مراتي تتخدم اعلى مناصب و غادة فخدمتها ، ياك نهار المسابقة خليت خدمتي و مشيت معاك لفرنسا و ديما تنقول ليك اي حاجة احتاجتيها انا بجنبك ! انا تايق فيك اكثر ماتتيقي فراسك مي خاااايف عليك
مغيث: انزيد نوضح ليك !! انا اوسي عندي ليزامي نتلاقاو و نذاكرو لكن فحدود الاحترام و فاوقات الفراااغ او بالاجتماعات العمل !
لياالي: ( تتاكد بيديها) انا شرحت ليك اليوم كان بصدفة وحشمت نرد صوابهم
مغيث: انااا كن بلاصتك ماغاديش نحشم ! انكولها بالفيريتي : سمحولي مراتي و اولدي تيتسناوني ! حرافت ليا نعمر وقتي باصحابي !؟ وقتي كلو ليكم لا نتي لا عائلتي ، كولشي على عينيك الفرح قرح انا معاكم الله يجعلكم تبغيو تمشيو غير الحمام نسمح فكلشي ونكون خدامكم ! انا هكااا عائلتي احسن ليا الف درجة من اصحابي
لياالي: دااكوغ غلطت !! مي هادوك فقد معرفة العمل
مغيث: كلامي على الكاااورية !! انغطيو الشمس بالغربال !؟ اليوم ريسطو غدا ديسكو غدا صاحبها غدا حفلة ، ولو نوصلو لانازا و نزورو العالم تنبقاو مسلمين انا مراااتي ماتعاشرش مع هاديك نوعية
لياالي: ميااات مرة تنقول ليك ممقرباش منها بداك القرب !! معرفة فقط
مغيث: ماااسووووقيش !! هاديك السيدة اتقطعي علاقتك معاها ( بغل) شتي تكون هاديك هيا ام تريزا !؟ ماتيهمنيش !
مغيث: بغيتي صحابات !؟ راه خديجة راه عيالات خوتي ! شفتي نقطع لك طيارة تمشي عند امك و ترجعي و مانحملش نشوفك مع ديك خيتنا !! ( هز تلفون ديالو) هاديك نوعية تنعرفها مزيان ، مسااااج مني ليها تنكرك
ليالي: ( قلبها مشا وجا) كفاش !؟
مغيث: ماشي جميع الناس نيتهم بحالك ! تنكولها وتنكررها ، خايف عليك وعلى ولدنا ماغاديش نتشمت مرة اخرى ! ماتوصلينيش مواصل مقودين و عليك ماعندي الفراق ...
..دخل البيت تيسوط ! رجع مستغرب فنفسو من تحكمو فاعصابو ، كن فايامو يقلب و يشقلب و يهز العكس ، لكن وجود أمير حل ليه عينيه ماقادرش يشتت العائلة ، ليالي لي كانت تتقول غير نعم نعم ! شخصيتها اضظربت و تمردها تيلوح فالعلو ! لكن قاد بيها وقاد بالذياب لي تيدورو بيها ..خلاها تترمش و تحلل ، هزت تلفونو و فتاحتو دخلت انسطا لاورا من انسطا مغيث ، رسلت لها مساج على اساس انها مغيث فيه كالتالي بالفرنسية
📨: بونسواغ ، نتمنى ماتاخديش موقف من خلاصي للغدا ، هاديك فقط اشارة للدعوتك مجددا 🍷
...مسحت مساج و حطت تلفون ، ممكن يكون هو فعلا شاف لي ماشافتوش هيا !! صداقتها مع لاورا فكراتها فامها ، تتكلم بحالها و مبدعة فالرسم بحالها ، قالت تخليها علاقة مفتوحة، قهوة مرة مرة للقاء مرة مرة ..انتظرت و نتظرت هيا هازة تلفونها تخبرها ان مغيث راسلها لكن ماتوصلت بوالو حتى رن هاتف مغيث بمساج فتحاتو و قلبها تيضرب و ظنها كان فمحلو ..
📨 : دعوة صداقة او دعوة كأس بنكهة تفاحة ادم🍷
....منين ركبت معاه فطموبيل وصمت سائد ، وصلو دارهم من الباب صوت زياد حامي جوقة بالبكا طلعت سابقاه تتجري فدروج هز راسو فيها تيدور فراسو بلاحول ، راسو مهرس طلع نيشان الفوق دخل يدوش ..نهار كلو داز مع فاروق فاشغال خرج لابس حوايجو و تينشف فشعرو جبد تلفون و تكى فبلاصتو تيرتاح ....رمش ببطى هو متفكرها انها تكون تحت مرونها مع نوصير لي اصوات موسيقى الرجاء تيتسابقو مع بكاء زيااد ، على ذكر اطفال قلبو تزير فكل دعاء تيطلب الله يرزقو الا فيهم الخير ! تناول الادوية و تبع نصائح الطبيب لكن دائما مقولة الطبيب تيسمعها منو
_كلشي طبيعي اولدي ! مسألة الوقت و القدر
نبيل : ( دخل واتساب طلعت ليه اون لاين وتكلم مع نفسو) امعاامن تتهضري البنت !؟
....دخل سيت افلام اكشجن نوعو المفضل ، دقائق مرو وهو تيتفرج تاحس بيها دخلت و تتهضر فتلفون و كمل فيلمو
سكينة: مانعرفت لبوها ! شوفي عندك جيمايل باش دخلي سيت تفرجي فيه !؟
اسماء: هاي هاي على جوعااينة عارفة جيمايل ! راه عندي غير صيفطي و الله تكون شي كاميرا خفية وتخويلي عليها روشارج تنوريك
...تيليشارجات الفيلم وقطعت الخط مع صاحبتها حتى بدا الفيلم ببنت تتعمل حركات غير عادية عيات تقرب فعينيها و تشوف و تعاود ، كالها عقلها زيدي فالفيلم هيا ضرب فامسخ مشهد ودخلت راسها فتلفون كانت تتسمع انفاس فالفيلم حتى رجعت تتحس بانفاس بقربها ماجات تستوعب الامر حتى شدها من قرفادتها
نبيل: فااااش تتفرجي دلمك !؟
اسماء" : ( تتموت بخلعة) ماشي انا مااااشي انا
نبيل : ( مزال حاكمها وشد تفلون) صاااافي خرجتي لها !؟ انا لي حمااار شاري لك تلفون و تنشارجي ليك
..هز تلفون تيشوف ويقلب ، الفيلم داير بوم فالموقع تواصل ! جامي ظن ان مراتو تفرج فهادشي ! هز تلفون مسح منو كولشي و حطو فالماريو و دار تيشوف فيها مخنزر
نبيل: فين صلاتك فين !؟ هادي هيا اسماء مزيانة !؟
اسماء: ( قاطعة الحس غير تتنخصص ) ....
نبيل: ( قرب وجها ووهيا خايفة) تبريت فيييك ! ديري عقلك ديري عقلك ! تتفرجي فالكوا ؟ نفكرك ولا بلاش ! تاتشحفي دلمي على راس معاك ! باغة غير هزان الرجلين ؟ طلبتي غير الواجد
اسماء: ( عاد طلعت معاها و فهمت فيلم ، بغات تموت رجعت حمراا حمرا قاطعة نفس) اننننن
نبيل: اقطعييي حسسسسك مانسمعوش !!
....خرج صالون جبد تلفونو تيبحث علة فكرة الفيلم ! فاش عرفو تيبدا بالعادة سرية ماكرهش ينوض يكمل عليها ! فنظرو بعض المسائل تيفضل ماتعرفهمش ماعندهم باش ينفعوها ، اش تفهم فهاد افلام سكس ! شحال من عازبة يتخيل لها ان الحياة كلها سكس و بطل مافيوزي ! الجنس موجود من الازل لكن كمسلمين السترة احسن ..ضرب فالصور فالبطل و تعمن فيه
نبيل: قحيبة !
...ناض طل عليها لقاها تتبرقق فعينيها و ساهية ..تكى حداها تيطلق يديه و تيشوف فيهم ! ماحسش راسو وقتاش شعل معاها بالصمطة !!
نبيل: اتكعععدي طلقينا نديرو فيلمنا
اسماء: ( حشات راسها فالمخدة تتبخ دم) اننننن
نبيل: بررررب ماتنوووضي تنبيت مك فالدوش
اسماء: ( بسرعة الرد ) نبات فدوش نبات
نبيل: ( صاعر شدها من وذنها) داك القحيبة تفرجي فيه وانا الا ! ( جرها توقفها قدامو) حيييدي حواااايجك
اسماء: ( تتبكي ) عمرررني نعاااود انا متاايبة الله
...ماتفاكش معها ولا ارحمها ! قالها ! و فعلها ! حشمها تحشيمة العداو و مارس معاها لايف على اضواء زهر ماعندوش باطو بحال #قحيبة
....تيقول المثل لولا اخطاء لما خترعو الممحاة !! أيام قليلة مرت ، و الموضوع شاغل هو السابع لولد لاجودان لي ايتقام الغدا !! فالدار الوازنة على طبلة الفطور صوت لي رجع مالأ المكان هو بكاء محمد زياد ..جالس شاد تلفون و ناسي العالم ..
زاينة: ربي واش ماحشمتي !؟ اما راك فالخدمة ولا دخلتي للدار راك مع تلفون !؟
نوصير: عطيه يرضع و هنينا من نكيرك !! ( خوا ليه اتاي )
زاينة: فنظرك انا واكلة الربيع !؟ راه عندي دماغ تنحلل و عينين تيشوفو ! شفتي داك تلفون لي ديما معلقو فيك راه نعرف نعرف اش فيه
نوصير: ( مبرد ) تتمرضي راسك
زاينة : مااكااين لي يمرضني قدك !!
..هزت زياد حطاتو فبلاصتو و تتنهد تنهيدات حارين ! الوازنة مع اسماء من البارح تيساعدو للسبوع و زاينة جلست فدار مايصلاحش لها مع زياد تبات !! تتغلي من داخلها وقفت تتشوف فالمرايا شعر جعت تتجمعو ببانضة مخبل الوجه لي كان مرايا رجع حالتو ؛ التربية قتلاتها زياد غير تيبكي لا ليل لا النهار و معاملة نوصير معاها تتحس بيها بردت ! تلفون تلفون تلفون ...قرب يرجع عندها هوس ! شحال من مرة لاحظت انه تيضحد مع شاشة او معصب كدالك
نوصير: ( وقف عليها فالبيت ) انا خارج ماخاصك والو !؟
زاينة : الا مريضة !؟ رااااك مرضتني انت ! هاد حركات ديالوك والله لا دازو عليا
نوصير: ( بنبرة عالية و عصبية ) اشمن القلاوي !؟ تخليني نفرتت فالهضرة !؟
زاينة: ( محمرة فيه ) تتخبع عليا ! وتتهضر مع البناات ، قوالبك حفضتهم
نوصير: نهار كلووو فتماارة ! ها الحديد ها الحرارة رجليا قربو ينعسو عليا ! فين لقى وقت لهاد البنات !؟
زاينة ...وقفت تاتعاتبو بنظراتها و تتفكر البلان لي فراااسها ...مدة وهيا تتلاحظ عليه تغيرات مع تلفون ، ماتيطلقوش من يدو ! غير تقرب حداه يجمعو ، قررت تلعب لعبتها
🔙🔙🔙
...اسبوع فتحت فيس بوك جديد بصورة بنت اخرى و غيرت جميع المعلومات و بحثث على الفيس بوك ديالو و رسلت ليه انفيطاسيون و بعد يومين قبلها و بدت رحلة الميساجات ..
...شرف ليا نهضر مع الكابو! نهار كبير هدا
كابو: الله يعزك
...قولي بصح كابو مزوج و عندو بنية !؟
كابو: اشاعات ! نقدرش نجيب ضرة على الرجا
....شفتي تصويرتي كي جيتك !؟
كابو: دخلتي مي كوراسون نيشان ..توووتة
...اوا الا جيت كازا نشوفك !؟
كابو:مرحبا بيك ! نساريك كازا و مانخلي بيك حتى قنث نتي تآمري ونا نغامر
...محادثة كانت مدة اسبوع وكلما يطلب منها رقم واتساب تتعتذر ! مساجات قلبو لها حياتها و طلعو لها سخانة
نوصير: ( شد داك تلفون ضربو مع الحيط مواجه ليه بقوة حتى تفرتت ) سيري هزيه دبا
تيقول مثل الثاني لولا كان ظهرك منحيا لا صعدت الحياة على ظهرك !! فبرطمة خديجة لي ملأت بالعائلة اختها لي فالخاريج وصلت و خالتها و عماتها كدالك ، فرحانين بنوارة العائلة، الوازنة كدالك جالسة بعزها تتمثل عائلة القباج معاها اسماء لي تتعاون فالكوزينة واردة البال لرؤيا منها تهرب من نبيل ..من داخل بيت نعاس خديجة جالسة تترضع براء تتعصر بالوجع لان ريوس بزازلها مزال ماشفاو و امامها ليالي ..
خديجة : ( باستعجاب) سي باااافغي !؟
ليالي: ( تتدوز صبعها على براء) وي سي فغي ! عرفتي ندمني ،
خديجة: (حطت براء بلاصتو ناعس) بغيتي لوجيك ولا خوه !؟
ليالي: وخاصك تعرفي راه منفوخ دبا و هضرتو قليلة !
خديجة: ( جالسة بحب مع صديقتها ) ليالي !! لوجيست لي وقع معاك ممكن يوقع مع اي وحدة ! انا وياه راه منفخين على ود طليقتو
ليالي: اونكوغ !!؟
خديجة : ( تتجبد جلابتها تتلبس ) دائما احبيبتي ! راه ام بنتو ! ماعلينا دبا هاد لاورا فين صفيتيها معاها !؟
لياالي: ( قلبت عينيها بعدم هتمام ) جات بلا بلا ....الالة
🔙🔙🔙
دخلت عندها بيرو لابسة نظاظر و كسوة قصيرة ! سلمت عليها ليالي سلام بارد ..لان ليالي حطات لها كلشي فوجهاا مانتظرتش دقيقو وحدة
ليالي: ( بعدم اهتمام ) تنظن تنكون مقلقة ولا العكس اخر همك
لاورا : ( مدت يدها ترغبها) بغيتك غير تفهميني ! الليلة لي وصلني مساج كنت تنحس بالوحدة و تقلت فالشراب و طلع ليا مساج طون ماغي ! مي صدقيني تا الصباح عاد عقت بشنو درت ! السكرة غيباتني
ليالي: متفهماك ! كنتي صديقة خفيفة ظل و لاسف تا لراجلي سوا بقصد او غير قصد ماتنتقبلهاش
ليالي: ( بحدة) جامي قلت هاد الكلام على راجلي ( ردات لها صرف ) وقيلا كنتي سكرانة ! نوضح لك راجلي صعيب عليك تفهميه
🔚🔚🔚🔚
خديجة: عبرتي عليها ! وخ انا ضد الفكرة لي ترسخت لك علليها ! ماشي كاع صحابات لاورا ! ولا كاع كاوريات خبيثاث
ليالي: ( براحة ) جووسي !! انا ماعندي زهر
خديجة: نوضي نمشيو باش ارجعو دغيا !!
ليالي: براء اتخليه !؟
خديجة: ( قبلاتو فوجهو ) وي !!
..خرجو تيضحكو مع فاميلا و اشربو اتاي و اخبرهم انهم يخرجو يستسخرو ، خرجت معاهم اخت خديجة و تتجهو للمحلات ملابس تقليدية ! السابع ليم الغد كلشي واجد و مرتب بيدين خديجة بقى لها تختار للبسة لي تللبس ، كملو اختياراتهم و ليالي بالها كان حد مشغول تا رن هاتفها برقم زاينة وجاوباتها
ليالي: وي زاينة
زاينة: ( بصوت باكي ) ليالي !! غير اسمحيلي ماعرفت فين نرد الراس و ختي خديجة مريضة ماقدرتش نتصل بيها ..عفاك الا مسالية سمعي ليا نهضر معاك
ليالي: ( بخوف ) وي ماشيغي !! راه خديجة معايا
زاينة: ( تتمسح دموعها ) عفاك دوزيها ليا ...
..خاطرها و قلبها و حدسها طالبها تكلم مع اي احد يقدر يسمعها ، بعض للاحيان تنحتاجو غير لمن شكون يسمع لنا و نفرغو خاطرنا عليه ..بصوت خديجة دافئ تكملت معاها
زاينة: ( منهاارة لاآخر) مليت اختي و عييييت !! تضرب ليا كووولشي فزيرو ، نوصير لي دار مستحيل وتزوجني و الحب لي كان تيهضر عليه كلو طاار ! جلسني فدار و جلس يلعب من مورايا
...خديجة و ليالي تيسمعو لها بكل اهتمام و ملامح الآلم ظاهرة على وجهم ! الخيانة ولو فسماع قصصها تتقيس المرأة ولو ماتكونيش نتي المعنية بالأمر شعوريا تتألمي
خديجة: ( شدات يديها تتطبطب عليها و تتهبط راسها لمستواها) زاااينة ؟ براكا احبيبة من البكا و عاودي لينا !
زاينة: من انبدا و فين انحبس !! من اول كولشي غالط ، اهتمامو اقل بيا و حاضي غير تلفون تلفون ! مدخلو معاه الحمام تياكل هو فيدو ! داك نهار طلبت منو غير يخرجني نشم الهوا ! طريق كلها هو مع تلفون السيد مرفوووع ! درت فكونط فالفيس ولقيتو شاد معايا الهضرة !
لياالي: ( بتأتأة اسف) نوووو !! حشومة عليه
خديجة: شاد معاك الهضرة !؟ متاكدة راه هو !؟
زاينة: هووووا !! شي كلمات تيقولهم غير هو ( مي كوراصون / الله يعزك) شفتي انا غير يفكني الله
خديجة: ( شدات راسها ) اها زيدي !؟
زاينة: عيت نسكت و نصبر ! الصباح زياد تيبكي حداه والله ماداها فيه هاز تلفون ! واجهتو و هرس تلفون
خديجة: واجهتيه بفكونط !؟
زاينة: (غير تاتبكي) الا ! تزايدنا فالهضرة ! قالي تتمرضي راسك و ماكاين والو من هادشي
خديجة: ( وقفاتها ) نوضي اغسلي وجهك و جمعي صاك ولدك و يحلها ربي ..
زاينة...دخلت حمام غسلت وجها وكارهة تشوفو ! فين زاينة لي تتفيق على مرايا و تنعس على كريمات ، لبست جلابتها و ليالي هازة بيبي ومسائلهم و نزلو ركبو فطموبيل !! تارن هاتف خديجة
خديجة: وي فاروق
فاروق: ولدك فاق ! فين راك
خديجة: قسمين نكون عندك ( اقطعت عليه )
ليالي: ( شافت فمرايا فزاينة) صافا زاينة !؟
زاينة: ( بابتسامة الم ) حمدو الله !!
...وصلو برطمة خديجة!! الدار عامرة بالفاميلا ، دخلو البنات وسلمو على الحضور ، الوازنة شدات زياد تتفرح بيه ، اقسمو الرجال فصالون و النسا فصالون آخر ، قرب الوقت الغدا ، الام خديجة واقفة فالكوزينة مع اختها و اسماء دير ادير بلاصتها ، حطو للرجال اولين تغداو و ناضو اخرجو و لاجودان دخل البيت ينعس وغير عاقدهم و النساء حطو الغدا بيناتهم ضاحكين ، ليالي ضربت جوج مشات حضانة هزات أمير و رجعت عندهم...دوزو العشية وهضرتهم على الاسبوع الغد ، مر العصر فالمغرب و ناضو تاني يوجدو العشا ..
فاروق: ( فايق خاسر) خديييجة !!
خديجة: ( ناضت عندو) نعام !
فاروق : فين اباك وراجل اختك !؟
خديجة: مشاو عند عمتي !
فاروق: يباتو هنا !؟
خديجة: اوا ضروري !؟ علاش
فاروق: ( تحتى تيلبس سباطو) باش خوتي لي عندو شي امراة يجي هزها ! الدار مخلطة
خديجة: اوا بعدا زاينة خليها راها مقلقة مع نوصير !
فاروق: يضبر راسو !بغى يخليها تجلس ! اتجلس
خديجة: ( بصوت هامس) ماتسولش علاش مدابزين !؟
فاروق: راه مزوجين نوصير ماشي نوصيرة ! لي نبقى تابعها ، هداك جمعنا و طوينا معاه الهضرة من خصلة بنت خالت الفاسية ( هز يدو دافعها بشوية) حيدي من قدامي
خديجة: الله يهديك !
فاروق: ( خارج تيجاوب) ايه الله يهديني ! انا لي تنشك فيك
خديجة ..رجعات عند البنات لي تيهضرو و يعاودو فنفس الموضوع بهمس لا تسمعهم الوازنة ..ماكملت الساعة تادخل فاروق معاه مغيث و نبيل دخلو نيشان الصالون ، اسماء سمعت انه وصل ، كحلت بالعمى ودارت راسها مريضة ..اصوات بكاء الحفايد ينعس براء ينوض زياد هاد أمير تاهو ركباتو الغيرة و رؤيا خايفة على خوها ،احطو العشا و الام خديجة طيابها متول وباغة تكبر بابنتها ، جمعو وطواو و تبداو البنات يسمعو سمياتهم
...اسمااااء
لياااالي
..اسماء: ( تتسول) خالتي غدا اسبوع ! خليني نبات
الوازنة: نوووضي آمي ! سيري الغدا صباح ناكد عليه يجيبك الصباح
اسماء: ( نفس تحبست لها و هيا تتلبس جلابتها ) يديه تران ياربي ..
...نزلت اسماء خلات زاينة تتلبس جلابتها واضح ان ليالي طلبت منها تمشي معاهم ، شي منفخ على شي ! وشي تيقطر الكلام لشي ! وشي ناوي على خزيت لشي
..طريق كلها هما ساكتين تاوصلو الدار ؛ طلعت نيشان بيتها تتحيد جلابتها ..
نبيل: ( صوت انفاسو تتسمع ) صمت
اسماء: ( تتشوف فين بنص عين ) صمت
نبيل: بايتة البارح وتزيدي هاد نهار !؟ ماعندك الدار ولا !؟
نبيل: زيدي غوتي ! دايراها قد راسك و مزال تتخرجي فعينيك
..عصبها مرضها ! سخن دمهاا ! دائما نقطة لي تكون تواصل بينهم تتقلب لنقطة سوء تفاهم ! هو باغي يجبد معاها الموضوع ربما ! ربما يعتذر لكن االانسة الصغيرة دموعها نزلو و جابت حدها ...
نوصير: ( عينيه حمارو وقف صاعر ) الا كان ديالي الله يعطيني فهاد ليلة كسيدة و شي رموك يجمعني ! لهلا يصبحني لغد ليه
..رمى هاد الكلام لي حش لها ركابي وخرج تيمسح فعينيه ....
...تبلوكات تاتغوت باسمو !! تاخرج مغيث تيزرب تااابعووو...الشك ! الغيرة ! لهلا يورعهم فالقلب اي انسان ، ليس بضرورة فالعلاقات زواج !! الا خانك الزوج تتفقدي تقة فراسك ! الا خانتك صديقتك تتظلام دنيا فعينيك ! الا خانك والديك و خوتك تيتهرس عمودك فقري بالمعنى المجازي ! الا خانتك صحتك اتجمعي كل ماسبق من خيانات ماتاجيش نقطة فالبحر صحتك .....من بيتهم من بعد كريز الاعصاب لي شداتها..خارت قواتها جالسة فارض جامعة ركابيها
نبيل: مانعاودش نضربك ! ( قرب لها باسها فراسها) نوضي
اسماء ، صغيرة الطابع و الخاطر ..ناضت شربت الدوا و رجعت نعست هو ناض خرج الصالون تيرد انفاسو ! تاتنسيه فنوبات غضبها و ترجع لهم ! مابقاش قادر على بعدها ، تغوت تعصب ، يضربها و يصالحها و تجلس حداه ، رجع تصاور للقطع اراضي لمدة هو متبع موضوع الشراء ، حلمو انه يبني الفيلا صغيرة تهزو مع الوازنة و مراتو ، تكون بجردة و متسعة ! باغي يخرج من الحي شعبي و الوازنة تاخد راحتها فدار واسعة ...
اسماء: ( بصوت ناعس ) نبييييل
نبيل: ( سمعها ناض عندها ) نعام !
اسماء: فيا جوع ! راه ماتعشيتش
نبيل: ( شاف تلفون ساعة لقاها الحداش ) نخرج نجيب ليك طاكوس لي تيعجبك !؟
اسماء: واخة
نبيل: تمشي معايا !؟
اسماء: ( جمعت جلسة ) اه نشم الهوا !
...ماحكرش عليها ، خلاها تلبس و خرج سابقها حتة تبعاتو نازلة تتمسح فنيفها و تعاود ! ركبت حداه فطموبيل تتشم الهوا من شرجم و تتشوف فالناس ...وقف حدا ريسطو طلب لها اومبوغطي ..
اسماء: ( تتشوف ساهية ) الله على هواء
نبيل: ( ركب و مد لها ساشي) صافي !؟ ماخاصك والو !؟
اسماء: ( شداتو تتفتح ساشي ) شوكرااا ..
نبيل: الله اودي ..
...بعض الاحيان تتكون مشاكلنا اعمق ! و اكبر ! لكن بخاطرنا و قلبنا الكبير تتنخلقو فجوات للترفيه ، ابسط شيء هو نجلسو نخمو و نحطو يدينا على خدنا و نفكرو و نفكروو ..لا تفكير تيحل المشكل ولا الجلاس تيطير الهم ! اللهم بنادم يفوج و مولاها ربي .....
نبيل : زاينة بقات مع الواليدة !؟
اسماء: مع ليالي !
نبيل: مالها مع نوصير
اسماء: بسباب تلفون ! ( خنزرت فيه)
نبيل: تلفون غير على الرجال !؟ نتوما اكفس منا ! تتنساو راسكم اما انا نوصير تمارة لي تنضربو راسك ماتحكوش بقا لنا غير تلفون
اسماء: اوا لله يهدي ماخلق ! بنادم يدخل الدار يحطو
نبيل: الا بنادم مايلقاش راحتو فدار راه تيهز تلفون يغطس فيه
اسماء: ( عرفاتو تيمعني عليها ) ونااا ماالي !؟
نبيل: ششششش ! تغوتيش لا نحسب لمك سنانك ..
....من بعد مالحقو مغيث ! حيد ليه كونطاكط و بقى معاه تيبرد الطرح ! نوصير الا شعل صعيب يطفى ، داير يديه مور ظهرو غادي جاي و تيسي و يلعن و مغيث مربع يديه ساكت
مغيث: زيد نجرو اصاااحبي نزيد
نوصير: كون غير خليتني اخاي مغيث نمشي !
مغيث: فين اتمشي اصاحبي !؟ مراتك لي خليتيها فوق تتبكي !؟
نوصير: ( هبط كاسكيطة و رجع يديه جيابو تبعض شنايفو ) انا راه تنبكي الدم
...شاريع كان طويل و الراجلين قلال !! سيارات غادين جاين و اضواء المقاهي و محلات مضوية الشوارع ، انفاسو نتظمت و مغيث معاه تيراسل ليالي تيطمنها ...
مغيث: ( رجع تلفون بلاصتو) فيك مايعاود !؟
نوصير: اودي الهضرة بلا فايدة ! النكير نكيير مليت حياتي
مغيث: شوف القضية من جانب الايجابي هاد المراة علاش تتنكر !؟ واش عينيك فشي حاجة !؟
نوصير: ( هز يديه باستسلام) مااعندي شوفة ولا نظرة ! زاينة العجب مابقى يعجبها ، نموت نعرف غير منين تاتجيب هاد افكار الكيلو ! واش اصاااحبي انا نهار كلو فتمارة ندخل الدار نبداه معاها من الباب ! و هضرة طجج !، انت ماشي مسؤول ! انت تتخبع عليا ! انت تطنز عليا ! انت انت انت ! واش انا كرهت تانا نبرك على كيشي و نخرجهم صحاح !؟
مغيث: وكلنا بدينا درجة درجة ! فين مشكل نقادوه !؟ خاصك فلوس
نوصير: خاصني لي تفهمني و تصبر عليا !! الخدمة راه امور زاهية حمدو الله ، بغات دير مشروع فضاء طفل ! راه ليل و نهار تنفكر لها فين هاد لوكال !؟
مغيث: شوف الكراج تحت الدار قسمو و اصلحو !
نوصير: راه الدار الوازنة اصاحبي ! مادياليش ، لي نفرض الوازنة ماهضراتش !؟ واش لي ربحتو نجي ونحطو لها !؟ راه خدمة بيع و شرا خاصها الفلوس ، راه رجعت نحشم من نبيل ، شاد الحسابات ليا و ليه عينيه معايا فالصغيرة و كبيرة ! و ناقشتو فموضوع المشروع !؟ كالي اصبر نشري ارض و نبدا البني تما الدار تخوا وشد طبقتي رجعها مشروع
مغيث: وي فخباري على ارض !
نوصير: راك عارف نبيل فاش تيوصيك على الحاجة ماخاسهاش تخرج !
مغيث: تانت تتخلط بين الضحك و معقول ! خويا تنعرفك !!
نوصير: ( سكت تيشوف قدامو) واش فينا شي واحد كامل !؟ انا هداك ماعطاني الله ؟ طالقها تسرح
مغيث: متافق معاك ! مهم قضية وقت وصافي ، غدا اسبوع خوك ماتكبروش الامور و تخليو الواليدة تفقص ..
نوصير: اودي انا راه تنكره هاد مشاكل ! انا راه ديما ! ديمااااااا تنقلبها معاها ضحك و نميك ، راه المنطق الهضرة معاها مفقود
مغيث: ياك عرفتيها !؟ عرفتي تركيبتها و اسير مع كانتها ، مهم المعقول و حفظ العشرة
نوصير: ( حرك راسو بنفي) كن كان للعكس مانمرضش راسي معاها ! باغة تخدم و توصل و تعاون..ولكن ذرة الصبر ماعندهاش
مغيث: ( واقف الباب عمارة ) ورطب !! رططططب مراتك عاد والدة و دري صغير راه تمارة سهير و تربية تتمرض نفسية !
نوصير: غير اطلع ! تصبح على خير
مغيث: (بإصرار ) طلع ماتجهلنيش اصااحبي !
نوصير: ( ضرو خاطرو ) لا اصاحبي كن هاني ! من هنا للدار غدا نتشاوفو عند فاروق ( جبد بزطامو طلع 500 درهم ) عطيهم ليالي تعطيهم لها !!
مغيث: ( شدهم ) اوك ! طريق سلامة
نوصير: الله يحفظك ....
..مغيث طلع و نوصير بنفس تقيل طالع طموبيل ركب تيهض شنايفو و تيتفكر هضرتها جبد تلفونو دوز الخط ابراهيم ..
براهيم : الكااابو
نوصير: راك فالقهوة !؟
براهيم : كوالفازور مقصر ! شي للعبة !؟
نوصير: الفيس بوك لي فيه تصاوري و سميتي شكون مخدمو !؟
ابراهيم: ااه !! وقيلا كوافور عمر ! تينصب بيه على قاصرات
نوصير: يلعن زمل بوك على بوه على اصلمكم كاملين اولاد الهاربة !
أولاد الوازنة الجزء 29
محتوى القصة
التنقل بين الأجزاء