...من داخل الحومة حوالي نصف الليل و مزالة تتغلي بالناس ، بلاصة طموبيل و نزل بطولتو مميزة و اكتاف العريضة قاصد الصالون مع الباب لقى ابراهيم تيضحك مع شي احد خارج من صالون
نوصير: ( تيعض فشنايفو مغصب) عمممر داخل !؟
ابراهيم : الكابو ! عاش من شافك اصاحبي !؟ راه قاصر داخل تنتسناوك
نوصير : (حرك راسو ودخل عليهم ! خليفة شاد واحد كريم تيذهن فيه و عمر تيحسن واحد ولد ) ادوي ابنااادم
خليفة: كنا بايتين معاك القواد !؟
نوصير: ( شد من قرفادتو حاكمو) انت دلمك انتتت السبب
ابراهيم: ياك حالو بنمرتك !؟ دير مود باس ضاع بيك و يرسلو ليك واحد جديد
خليفة: ديرووو عقلكم ! ديرو عقلكم اصاحبي
نوصير: ( تيتحلف فيه براسو) اسكت الكيضار ! ( وصلو مود باس و اراك الكوارث) وهياا ناري
_تصاور عريانين
_صور اباحية
_كلام جنسي
_محادثات طوالطية ..و صور بنات ماتوقعش منهم هاد حركات ..
نوصير: ( دخل باغاميطخ و مسحو من الوجود) عيقو القلاوي ! تتضحكو على بنات الناس
عمر: و الله ماتسالني حلوف اخاي نوصير ! ماا انا ؟ خدمت بيه شي ايام ضحكنا و صافي
خليفة: تا كي القحاب كي زوامل لي بغى شي تيلقاه !! فلاخر تكوليك خطب بنت عمو
ابراهيم : اممم بنت عمو قديسة مريم ! لي ضحك على شي ولية ربي يحاسبو
نوصير: ( رجع تلفون جيبو) اودي القحاب بلايصهم معروفة ! تيمشيو بنات الناس يمثلو عليهم ! ولكن هضرو علينا و اجيو علينا ! واش لي تعرا ليا فالفيس بوك ولا واتساب و طلق ليا زينها ؟ اندخلها داري !؟
ابراهيم : اودي الله يعفو علينا !
خليفة: اسكت الفكونط ! اسكت
ابراهيم: ( طل عليه براسو ) ياكما قطعتي الواد و نشفو رجليك !؟ تهزززز تقاود
....الجلسة تقلبت جلسة معطرة بالمارخيوانا ، جوان تيدرو عليهم كاملين و كوكا تتسقي الافواهم ، حوارهم كامل على احوال العالم و العمل !! قضية الفيس بوك تغلقت فمكانها لان الجنس الرجال عندهم مسائل سوشيل مديا كماليات وليس اساسيات ؛ شحال من عشران مشاركين كونط الفيس و انسطا و يصيدو بيه الفتيات لي ناشرين زينهم وصورهم شبه اباحية !! الكل تيقول لك حرية شخصية لا الانسان تقدم و الكونطي نحط فيه لي بغيت ! النهار يكون تفكير المجتمع ذكوري تقدم ! و فعلا هناك حرية شخصية نشري تا لي بغيتي !
نوصير: ( قاد دماغ ) تهلاو الخوووت
خليفة: جرني معاك اخا نوصير
..بخطوات تقيلة طالع فدروج ! ادخل بيتو و تتضربو ريحة زياد تلاح فناموسية بحوايجو و سبرديلتو و جر غطا زياد معنقو تيشم ريحتوو ...
...🌄🌄🌄
حل الصباح وحلت الافراح و اجمل تيمنات باليمن و البركات لزيادة الفراش للآل القباج بسيدي براء ! الكل فانتظار بداية العقيقة اولهم الزعرة صغيورة رؤيا لي هازة قفطانها و تتدورن البيوت وصالونات، العائلة تناولة فطور عائلي من تما الرجال خرجو و النساء لي عندو شي شغل ناض ليه ! طريطور بعد دقايق و خديجو لابسة قفطان خفيف الجوهرة فأخضر ملكي واقفة علة شغلها كما تمنات لاسبوع ولدها ، الصغيرة و الكبيرة تتدوز على عينيها ترتيب المائدة للضيوف كانت ملكية ، طبسيل تحت طبسيل تحت طبسيل و الفرشيطو و الموس و كؤوس عملاقة شكل و الشراشف المطرزة البيضاء ..كملت من تنظيم وقفت على بوفي او ما يسمى بترحيب الطفل ، طاولة كانت طويلة باللون الازرق و اسم براء فاعلى و مزينة بليدغلجي و الصابلي حتى من قراعي الما مكتوب باسم براء اما الاكل حذث ولا حرج ، كطبق اولي اتقدم المحنشة المراكشية و موراها البسطيلة للحوت عاد جيكو فالفران ...
الام: ( بنظرة فخر ) تبارك لله عليك ابنتي الله يحفظك من العين كووولشي متول
خديجة: ( حطت يدها على فمها تضحك) غير نشوووف ديك اسمااء نوريها هضورات
رؤيا: ( تتقيس سنسلة و تاتضحك ) و لبسيني قفطان !
خديجة: وتانمشيو الصالون ( هزت تلفون دوزت خط ليالي) الوو
لياالي: صباح الخير الالة نافسة ! كي صبحتي !؟
خديجة: حمد الله ! و تعطلتو !؟
ليالي: حنا فالباب عمارة ديالك ! نزلي
خديجة : معاك زاينة !؟
لياالي: وي راها معايا ! بقات اسماء
خديجة : داها راجلها ! يعلم الله وقتاش يجيبها ! انا نازلة ..
..لبست جلابتها فوق قفطان و بليغة وهازة صاكها و رؤيا معاها خلات الوصاية على ولدها و نزلت فسانسور خرجت عندهم ركبو فطموبيل متجهين الصالون و نفس وقت نكافة ....
...امير بوحدو منوض روينة فدار ! ماتهنى تا ناض فاروق شم ريحة قهوة و نهض فيه من تما ماتزعزع
مغيث: ( معنق ولدو) شهاد المبدأ عندك اصاحبي ! راه وقت للعب ديالو ونت تتغوت عليه
فاروق: ( جر قميجتو تيلبسها) ولد ملك و ماداروهاش معاه !!، راك اتفششو و توحل فيه
نبيل: ( دفع ليه كاس قهوة ) قاد دماااغ !
فاروق: ( مخسر) آشمن دماغ ! النسيبة مرضاتني فمخي !
مغيث: ( دور وجهو تيضحك) واش انت صافا !؟ كول من لاخر مقنطينك
فاروق: ( شاف فيه بنص عين ) شتي العلاقة نسيبة و راجل البنت ، منذ الازل الا الابد ! شفتي الصحراوة ؟ صحراااوة ! نسيبة عيب و حشومة تمشي دق على دار النسيب ! هادي بحال بي تناذم معاها الحال
مغيث: راه ابنتها دازت من موت !
فاروق: ( تنهذ بحرقة ) دااازت ! ولي عندو شي الدار يمشي لها ! واحد الصفر سيفة ولدي تيسكت غير فيديها !!
مغيث: رخي النفس اصاحبي ! خلي السيدة مع عيالات خوتها ...
***
..العيالات خووتها ، مثل السحر جمالهم ، كل إمرأة على الكرة ارضية فقط للمسة من جمال و حلي و لباس مخملي تتغير كليا كيف الا المرأة المغربية بلباس التقليدي ، النفيسة طلعت عروووس !! بتاج الفاسي و حلي الجوهر اما ليالي لبست للونها مفضل الاسود و قفطان عصري و اسماء لبست تكشيطة زرقا و زاينة تكشيطة مع ماكيااج خرافي زادها جمالا .....وصلو العمارة مع كلاكصون ليالي لي طالقين الماسق و رؤيا تتشطح و تعاود ..من الباب تللافات لهم العائلة بتمر و الحليب و اغاني الطرب اندلسي اباجذوب ..
فاروق: ( داخل مرتاح فملامحو لمح البلارة تترقص بتقال مع امها و الوازنة ) اياااه
مغيث: ( هاز امير داخل ناشط سلم على مرتو ) بصحة اعمري
ليالي: ( فرحانة تتقاد فكول هو معاونها )ميغسي ..
خديجة: ( تتشوف فولدها فرحانة) حبيبي
فاروق: ( هبط قبل راسو ) حبيبنا ( لمح رؤيا حداه ) الحاجة ديالي
فاروق: ( بنظرات حب تلمس سنسلة ) بصحة ! ( دار قبل راس خديجة) لهلا يحرمنا منك
الام: ( جاية تتضحك ) الكبيدة عمتك جات
فاروق: ( قلب وجهو) مرحبا بيها
الام: الله يبارك فيك ..
بقاوو جوج عرايسات وحدة ماعرفات راجلها فين زاد و اخرى متأكدة انه مايقدرش يدخل شدات رؤيا تتشطح و معكرة مكحلة ...العائلة تلمت و خديجة فولدها حضنها بجانبها فاروق تيتصورو رؤيا اطير بالفرحة ....اقدمو الاكل والكل مبهور من تاويل خديجة ..ارقصو و اضحكو و تصورو تاادخل نوصير وجهو اصفر عينيه تالفين تالمح نبيل لي تيبحث عليه اشار ليه براسو و ناض عندو خارج ...تاخرجو جهة دروج
نبيل: مالك !؟
نوصير: ( بصوت باح ) بَّاين أسماء مات !
🔙🔙🔙
...صبح ناعس معطل ، فاق ضربها بتدويشة و خرج يلبس حوايجو و ضرب دورة فالدار موجد قهوة !! جالس تيفكر و يعاود فمشاكلهم تا رن هاتفو و قلب عنيه بملل
نوصير: اخااا سيمو !
سيمو: الكابو !! الله يحفظ ليك لميمة ماعتق الشعب بواحد للبياسة لوطو راخده حنا محنسرين
نوصير: تاصاحبي مارتاحوش معاكم ! ( بعكز ) هانا جاي
سيمو: فانتظار الكابو ..
...لبس سبرديلتو دار الكاسكيطة منزلها على عينيه ، ركب فالسيارتو قصد الكراج و تلاقى دراري عطاهم سخرة و عينيه مع الساعة اعرف راسو تعطل !! يلاه تيسد هو يبان ليه واحد دري صغير جاي تيجري عندو
ولد : ( تيلهث) خويااا نوصير جا واحد راجل تيسول فيكم ! كالك تيصونيو على خالتي الوازنة ما تتجاوبش
نوصير: ( تيسد ) هنا بقينا معاكم !! فينا هو !؟
ولد : ( اشار ليه راجل جاي موراه) هاهو !
نوصير: ( دار سوارت فجيب وقف منتظرو اول مرة تيشوفو ولاحظ ملامحو ماتماش ) السلام الشريف !!
نوصير: انا ولد الوازنة ! خويا لي نسيب خالتي فطوش !! ( سكت ) والو اباس اشريف !؟
الرجل: ساعة اولدي والناس الدوار يسردو لكم ماتتجاوبوش ! اوليدي أجركم الله فالنسيبكم راه توفى فطريق للجامع العصر
🔚🔚🔚🔚🔚
نبيل : ( تصدم حط يدو على فمو ) الله اكبر !! الله اكبر
نوصير: ( تيحك عينيه) شنو دبا !؟
نبيل : ( تيحس بالعرق نازل مع ظهرو و طعم صدأ فحلقو ....آش يكولها و منين يبداها ) نغوت الواليدة
..دخل صفر وجهو اكثر من نوصير كأنه كان فعالم و ادخل العالم ، صوت الموسيقى و ضحكات ...غوت الوازنة مخرجها و مغيث و فاروق طيروه فالسما ..شي تابع شي ..نزلو فالسانسور خرجو من العمارة جلسة الوازنة فطموبيل نبيل للور وهيا تتسول وتعاود
الوازنة: ( ضربت ضرية فخادها ) آمييييمتي على ابنيتي ! آمييمتي على صاااحبتي وجارتي واختي
مغيث : ( تيمسح وجهو ) انا لله وانا اليه راجعون..
فاروق: ( هز يديه تيمسح راسو ) لاحول ولا قوة الا بالله...انا نطلع نحبس هاد هرج !
الوازنة: آااااوليدي ! اااااحبيبي ! هبطو ليا اسماء! انا فعااارك اوليدي الا ماسكت ، شحال بقات ساعة ساعتين و يجمعو !؟ خلي ديك المغبونة تكمل فرحتها
نبيل: ( دور وجهو تيمسح العرق ) اطلقونا !
فاروق: هيا هيا ! الواليدة ! خاصنا نوقفو فالجنازة ، راه الموت هادي
الوازنة: ( نزات راسها تاتبكي ) الله يرحمك اسيدي ! الله يرحمك النسوبية زينة ...
...الموت حق !! طلع فاروق و نبيل وجوهم لا تبشر بالخير !! فاروق خرج اسماء عند نبيل تاتاكل الحلوة ، رمقها بنظرات عميقة حزينة ! كي يدير لها و كي يقولها لها !؟ اخبرها تبدل حوايجها ....للحظات الموسيقى حبسات و ليالي و زاينة ملامحهم ذبلت لان الخبر وصلهم ...الكل ناض مبدل حوايجو نازلين بولادهم الا خديجة لي اخرو عليها الخبار...
اسماء: نبيل !! فين غادين !؟ مزال اسبوع !
نبيل: ( شد فيديها مذرعها و تيقبل راسها هما خارجين من عمارة ) الا عطاك الله شي امانة ورجع ياخدها اتعطيها ليه !؟
...موكب السيارات تحرك من الفرح للقرح !! طريق كلها وهيا ساكتة !! ظنت فطوش لي داها الله !! مسافة الطريق كانو فمدخل الدرب !! الخزانة مبنية و الجيران واقفين ...بضيق درب كولشي نازل على رجليه الوازنة معنقة اسمااء و نبيل جنبها ...طالعة دروج و الصوت القرآن على مسامع أذنيهااا ..درجة خطاتها دخلت لقاع الدار ! هيا تلمح فطوش تتبكي على زمانها و رفيق الدرب ..
فطوش : ( عنقاتها ) مات اباك آبنتي ! و مااات ابااااك آسمااااء
اسماء: ( مطيحة شنايفها و تتشوف فقط ) ...
...فطوش عزاتها الوازنة او #اولاد_الوازنة و عرايساتها ..جلسو اسماء حدا امها و كل مرة دخل وحدة تتبكي و تعزيها ..نظرات الصدمة على ملامحها ..تتشوف لي تيبكي و لي حزين لحالتها و لي تفكر ليه ميت واحس بيها ..
اسماء: ( غمضت عينيها تتفكر صورتو و صوتو و ضحكتو ..قلبها تيبكي لكن عيونها جافين ...نطقت بصوت خافت كانها تكلم نفسها) مشى ليا ابويا ! مشى لي كان يفكرني مرة مرة مشى لي كنت تنقول ليه آبَّا هانا جيت وخ مابغتنيش ..مشى أبَّا
...الجنازة قامت !! مع اذان المغرب صلاو عليه فالمغرب ! الكل تيحذث فيه بالخير ،
_كان موضي غادي يصلي
_الله يعمرها للسلعة ! مات قاصد بيت الله ، مزوج ابنتو
_ لا حمدو الله عندو بنت وحدة و انسابو وقفو ليه ، اربببعة الرجال ..
..سعدات لي مات على البر و تقوى! اولاد الوازنة وقفو وقفة الوحدة ، الريال مابغاوش يشدوه من الجيران، نبيل رد السيد لي اخلص الخيمة و نوصير مشى يتقضى كل مايلزم اكتبو ليه فالورقة ! العسل زبدة الدجاج اللحم الطعام خضرا ....قبل الغسيل دخلو اسماء توادع مع اباها و فطوش ! الوازنة و نبيل !! اغسلوه كفنوه و خرجوه بالدعاء من دارو لآخر مرة ! داوه للجامع صلاو بيه من تما للروضة يتذفن ! الحال سخون و احبابو تيختصرو فالمراتو او ابنتو ..انا خوه البعد يوصل حتى ليل ...فطوش لبست الابيض و اسماء جالسة حداها على حالها ، عشاو الناس و تعازي فازدياد
...مر اليوم اول و ثاني و ثالث !! اسماء على حالها ماتتبكي ما تتهضر !! الصباح بكري مشاو روضة ! الجيران و عريسات الوازنة حتى من خديجة ...هما فرجوعهم نبيل و نوصير موصلينهم
اسماء: ماعاش معايا بزااف ! كن غير مازوجنيش كن بقيت مع امي مونساها ذفني ولا نذفنها
زاينة: هانا قدامك ! ابا مات الله يرحمو انا فامس الحاجة ليه و زدت بحياتي
ليالي: ( تتطبطب على فخدها) حمد الله ماماك قريبة ليك ! انا راه بابا كان عايش و محرومة منو
اسماء: ( غير تتشوف و تسمع ) ...
خديجة: ( بدموع تتهضر ) جرحك جديد احبيبة و ربي كفيل بعبادو ! اصلي و ادعي و صدقي هدا باش تنفعيه و راكي مرضية والديك
...تتسمع الدقان فالباب تاادخل نبيل ! صامت كي عادتو ! تحت جفونو سود من سهر ة تفكير !! خرجو البنات و خلاوه معاها ! ثلتيام لي مرت كان مشغول بالجنازة باها فوق ما يسول يكولو ليه ناعسة ولا مع الناس !! جالسة حانية راسها هو متبعها و قلبو تيتعصر بألم !
نبيل: اسماء ! خاصك تآمني بالله
اسماء: ( تتحرك راسها ) اممم
نبيل: ( سد الباب ورجع جالس حداها قربها حضنو تيقبل فراسها) الله يرحمو و يوسع عليه !
اسماء: ( تتزير عليه بيديها ) الله يرحمو أبَّا لمن نقول هاد الكلمة
نبيل: كاين الله ! وانا معاك و والواليدة معاك وخوتي معاك راكي اختهم الصغيرة
اسماء: ( بحرقة ) و أمِّي !؟
نبيل: ( باسها فحنكها ) امك هيا أمي !! اتجي تعيش معانا الا قبلت
اسماء: ماااتبغيييش ! انت مانتعرفش امي
نبيل: هانتي جلسي تا ارتاحي معاها ! غير ماتشديش فخاطرك و ماطيحيش ليا بشي المرض ! ( باسها فعينيها ) علاش مابكتيش !؟
اسماء: ( شافت فيه براءة و شدات قلبها ) قلبي تيضرني ! تصدمت
نبيل: ( تيسرط فريق بألم ) الله يخفف عليك ...
...فالقرح ! فالعزاء ! فالمرض ! فالضرااء ..تنحتاجو الوناسة الحقيقة و اسماء ربي ماخيبهاش ! الكل وقف معاها ، لكن الجرح مايعلم بيه غير الله !! مرت تلثيام المرحوم و فليلتها تفرق المجمع ! مر اليوم الرابع و الاسبوع و أسااابيع و أسماء مع امها تحت الشعار الحياة تستمر
فطوش : اسمااااء !!
اسماء: ( جاية من كوزينة) نعام آمي ؟
فطوش : تلفونك ابنتي حلقو خرج !
اسماء: ( طلت عليه ) غير البنات وصافي ! أمي غدا تحيدي الابيض !؟
فطوش : ( تنهدت) لابساه ابنتي طول الحياة ! لابساه على المرحوم و يجدد عليه الرحمات ..
....بعد الفراق ! يسود الصمت و هدوء فحياتنا ، او بالاحرى تنقولو بالعامية : اش يوقع اكثر من هادشي لي وقع ! تتسمع بالموت ! تتسمع على الناس ودعو الدنيا، تتعرف الناس بدون والديهم ، تتالم ليهم بالموقف و تستمر حياة ، كان سندها فالحياة و مانحها النسب الدقة قديمة، ما يقرب و لا يبعد تيخدم فالتربية الاصول ، غلطت ينبه ، نجحت ينبه كدالك ..فوقت ما كانت تتحمل تترمي للوم على والديها
_خانقيني ! سدو عليا
_مزقرمين ! المشاكل المشاكل ديما المشاكل
..تأسفت ! نذمت ! قلبها تيضرها على لي فات !! لسانها تبرى من كلامها و الفضل بدون قصد تيرجع للدقة الموت ! اربع شهور و عشريام وهيا تتخبط فالافكارها ، همها الوحيد هو فطوش ! واش تخليها بوحدها !؟ واش تيعططو لها تاني بحال ابِّاها !؟ ....هاد شهور كلها و هيا مابين الدار الوانة و الدار فطوش ! لكن اغلبية عند فطوش ، نبيل اسلم امرو الله معاه و توصية الوازنة و اخوتو انه يكبر دماغو و يتفهمها ! لكن نبيل ماكانش ضارو البعد ، كان مألمو حالتها الصامتة و صحتها لي تراجعت ، كل مرة يدوز لها و بشري لها فالفيتامينات و قايم بالتقضية فدارهم حتى من فاكتورات الضو و الما تيوصيها تخليهم ليه يخلصهم ..
اسماء: ( فتحت الباب ) سلام
نبيل: ( بهدوء ) اسماء كي صبحتي !؟ ( طالع فدروج تادخلو على فطوش ) سلام خالتي !
فطوش : ( جلست بإعتدال ) السلام اولدي ! جلس اولدي
نبيل: ( جلس حاني راسو ) صمت
فطوش : لهلا يخطيك اوليدي او الغالية الحبيبة ! و شديت لك اسماء اوليدي ها عشريام مع المرض ! نوضي آمي روحي محالك
نبيل: هانية اخالتي ! مهم صحتك مزيانة ( وقف ) اسماء نمشيو
اسماء: ( شافت فامها بألم) يلاه آمي معايا !
فطوش : راحتي فمحالي ابنتي ! سيري انا راضية عليك ، راني ماشي بوحدي انا مع جيراني و احبابي
اسماء تزيرت ناضت بيت هزات صاكها لي واجد اصلا لانه البارح اخبرها يدوز يهزها ! خلات لها الدار نقية مسبقة ! و الخبز فالفريكو و ثلاجة معمرة ..لبست جلابتها و توادعاات معاها و نبيل هز صاك نازلين تاركبو فطموبيل و كل مرة قلبها ضارها على امها ..
نبيل: ياك ماخاص والو !؟
اسماء: لاء !
نبيل: ( شاد طريق ) مزيان ! كولي فيك ماتمشي نشوفو الارض لي خديت لينا !؟
اسماء: ( تتدور فعينيها) علاش نسكنو بوحدنا !؟
نبيل: ( شد طريق لاارض ) ضروري الواليدة معايا ! و امك الا كتاب !
اسماء: ( بحسرة ) ياريت كن تبغي ، ارتاح عليها و الله
نبيل: ( شاف فيها بنظرات حب) انشاء لله ! ( وقف فالبلاصة الواضح انه مطلع الساس ) نولي
اسماء: ( سكتات ...) كنت تنظن حياتي هيا داك ديبلوم و الحانوت !؟ مابقى عاجبني والو
نبيل : ( شدها من يديها مقربها ليه ) الله يصاوب ! ( ركبها و ركب بلاصتو) فين نمشيو !؟
اسماء: فين نمشيو فالصباح !؟ ديني الدار نشوفهم توحشتهم
نبيل: عطا الله فين نمشيو ! الدار ملحوقة ..
اسماء: ( براحة ) واخة ! لي بغيتي
....شاد طريق و عقلو كلو معاها ! حس بيها كبرت اعوام ! كان مراقبها فالصغيرة و كبيرة ، و بالغوات و بالعصى و العقاب و ماتغيرتش ولا تهزت لها شعرة للحس مسؤولية ! لكن بعض ضربات الحياة تتكبرنا بالغصب !! كان باغي اسماء و بغى اكثر هاد اسماء الهادئة مثل النسيم !! شادين طريق للمدينة سياحية و طريق كلها و هيا تسولو و تعاود ! تاوقف فالمنتجع
نبيل: فيك جوع !؟
اسماء: ( تتنفس براحة و ريحة البحر عاجباها لاحظت مكازات الحوايج و ماكدونالد ) فين حنا !؟
نبيل: المحمدية !
.....و بشعار الحياة تستمر ! خارجة من لاصال لابسة كيطمة بسبرديلة رامية كاب عليها ، رجعت لاطاي ديالها اولى ، الشهور لي رجعت حاولت تفرغ راسها ! لان المرأة فينا الا ماهتماتش براسها و دارت بحالتها ؟ ماكاين لي يقوم بيها ....طردت افكار الشك لي تنتج من الفراغ و عمرت وقتها ، ها لاصال ها البيرمي تتقراه ، و تنتظر فالله يحن و تبدا مشروعها ، اما علاقتها مع نوصير راها فالاستقرار! لانه تأكدت من برائتو وفقط ..وصلت تتدق حتى فتحت لها نجمة
زاينة: ( مع فتحة الباب سمعات صوت تيبكي ) اجي اماما اجي
نجمة: وناري ماتيبكي ! واكل مبدل اش خاصو مانعرفت
زاينة: حار ا وااعر ! راه معاه يلاه تنعجن و نطيب مابقيت لحق تسياق ولا تخمال !
نجمة: اوا ترينيتي !؟ عنداك زيدي ضعافي
زاينة: اش ندير بالغلض !؟ طال نهار و نوصير تينكر ، لبسي طويل ! لبسي طويل
نجمة: اوا الصبر ! امضرا ماعاودتوش هضرتو !؟
زاينة : ( تنهدت تتشوف فزياد ) حنا مع صابرين ! رجع غير معصب الخدمة هداتو ، مابغيتش نزيدو
..خرجت هازاه تتبوسو و طلعت الدار حطاتو فنامسيتو و عطاتو العابو و يلاه جات خارجة هو بدا يبكي ! يبكي يبكي ..
زاينة: ( هزاتو تتبوسو ) ندير ليك رسوم !؟
زياد : ( تتهزو تيسكت و مجرد فتحت تلفزة فالبيت فيها رسوم هو يسكت ) ...
...خرجت زاينة تنصب الغدا ، لان الوازنة مشات دير تحاليل داز عليها مغيث فالصباح ، نصبت طاجين و وجدات شلايض و نشرت حوايج لاصال ونزلت حوايج من السطح و هاد الوقت كلو زياد مع تلفزة تتطل عليه تتلقاه ساكت ...تا ادخلت الوازنة و مغيث و سلمات عليهم
الوازنة: الله اوليدي مابقيت نقد على خروج !
مغيث: ( مذرعها بحب) ضروري شي مرات الواليدة ! ( حطت لهم زاينة الما ) فين داك رجاوي !؟
زاينة: راه فالبيت تيلعب
..مغيث: ( وقف متجه عندو ) نسلمو عليه قبل مانمشي !
دخل مغيث دور عينيه فالبيت لقاه جالس مطاكياه بالمخاد و معلق عينيه فتلفزة و ماد صبعو لفمو تيرضعو ..غوت ليه المرة و جوج و تلاثة ..
زيااااد !، زيااااد ! زياااد
زاينة : ( دخلت عليهم قلبها يسكت ) ماشافش فيك !؟ ياك
مغيث : بلا ماتعيق الواليدة راه سكر طالع ! انا تحت انتصل بنوصير لبسي ولدك ونزلي تحت نشوفو واحد طبيب اطفال
..زاينة شكوكها مرضوها تتجلس و تتنوض بالخلعة ! ماعرفت لا تلبس حوايجها ولا تلبسو ؟ تتشوف فولدها طبيعي جالس تيتفرج بعويناتو سود و تقبة زين لي وارتها منها ! دموع تيهبطو لها ! بصعوبة غيرت ليه و بقات هيا بحوايجها تادخل عليها نوصير بحوايج الخدمة ..
..خرجو بسرعة و قلب الوالدين تيتحرق ! ولو يكون ولدك مريض غير بالسخانة تتمرضي معاه ! فما بالك يكون عندك الشك يكون فيه نقص من احدى الحواس ..كي طلعو طموبيل مغيث و بدا يبكي من جديد ! وهما معاه تاعطاوه تلفون ...
...طريق كلها و مغيث تيتكلم مع طبيب اطفال لي متبع عندو لامير ! و عاود ليه على الواقعة و انصحو باحسن الدكتور المختص لأطفال فالرباط و نفس الوقت اخير ليالي بالمشوار و شدو الطريق، طريق كلها و زياد غير تيبكي ، تعبت معاه و هيا تتهزو و تعطيه يشرب و الحبيب لكن غير تيدور عينيه فطموبيل و يبكي يبكي ...ماوصلو حتى قرب يسخف لهم ! فالدخلة الرباط خدم مغيث خريطة لي وجهاتو العيادة مباشرة..نزلو و زاينة الخلعة راكباها دخلو مجموعين و مغيث و نوصير اتوجهو للاستقبال و اخبرها بالطبيب لي ارسلهم و فتحات ليه ملف و طلبت منهم ينتظرو
نوصير: ( وجهو تزير ) بابا ! اجي عندي
زياد : ( تيرضع صبعو و غير تينين مشا عندو ) اننن
نوصير: ( تيبوسو و يعنقو ) مال البطل ديالي مالو !؟
مغيث: ( جلس حداه تيرتاح ) نتمناو الخير ! انتما الولد عندو ردة فعل غير طبيعية و جالسين اصاحبي !؟
نوصير: ( تيحك ليه فراسو ) مولف تيبكي من نهار تزاد ! انا مع الخدمة و تمارة تايجيني نورمال ، من غير هاد القضية تكون هازو و بوحدو تعيط ليه مايجاوبكش
مغيث: متاكد غير السمية !؟
نوصير: ( تيحرك راسو ) متاااكد ! زياد تيسمع ..
....قرب نص انتظار عاد وصلت نوبتهم دخلو بتلاثة و القاو السلام على طبيب لي كان فخريف العمر ...سولهم بعض المعلومات على زياد و نفس الوقت وزنو و قلب ليه كرشو و حلقو و عينيه ..
طبيب: ( مدو لزاينة) شنو اسيدي الملاحظة لي قلتي !؟؛
مغيث: تتناديه باسمو ماتيجاوبكش ..
طبيب: ( بإبتسامة ) داكوغ ! ( ناداه باسمو هو عاطيه ظهر) محمد زياد ! محمد زيااااااد !زياااد ! مدام دوريه عندي
طبيب: ( عوج فمو ) مية فالمية ! لكن غادي نديرو واحد طيسط ونزيد نأكد ليكم لي متأكد منو !!
_هزو حطو فالبياص و دار ليه سمعات فوذنيه و خدم كاميرا تتسجل ! السماعات متصلين بآلة السمع ، اول رنة رسل ليه بدا زياد يطلق اصوات ضحك
زياد : اغغغغ غغغغغ منغمغ
...طبيب: ( زادو رنة مجهدة ) ...
زياد : ( نقز من بلاصتو بدا يبكي ) ......
طبيب: ( طلق ليه رنة بصوت سيشوار و خلاه مدة دقائق حتى بدا ينعس ...و طلق الطبيب ننهيدة حارة ) اااااه ! اذا !
مغيث: ( بتوتر ) الوغ دكتور !؟
الطبيب: ( مد زياد لي نعس لزاينة و جلس تيطلع فحواجبو ) كود نيوز ( خبر جيد ) زياد تيسمع ( طلق فيديو لي سجلو امامهم فشاشة ) هنا ! اصوات ضحك و كما تنقولو بداريجة صوت لامامون لي تيولفوه لي نوغيسون راه تجاوب معاه ! او مايسمى بالغمغمة وهنا ! فرنة ثانية تتيعني ان رنة مجهدة وهدا طبيعي بالنسبة لي تيسمعو ( الخوف ) غالبا ماتيسمعوش ماتعطيوش ردة فعل الخوف ، هنا رنة ثالثة هو صوت سيشوار ! الجنين فكرش اش تيسمع !؟ تيسمع صوت مصارن و المعدة و زيد وزيد لهدا تيكون شبيه بصوت سيشوار مما تيحس بآلامان و تينعس ..
مغيث: ( تيحك للحيتو ) يعني نوغمال !؟
الطبيب: (تبث نظر فيهم ) نوغمال بالنسبة لحالة السمع ! لكن قضية انه تيسمع و وتنادي عليه و مايجاوبكش هنا ( تيضرب بصبعو فبيرو ) مااااشي نورماال دي تووو
طبيب: ( حط يدو على حنكو و تيشوف فزياد بشفقة و حسرة ) الجنين فاش تيزاد من كرش امو ؟ ( حط لهم صور ادمغة جنين ) غادي نتكلمو على حالة زياد فقط !
مغيث: زيد وضح الدكتور الله يخليك
طبيب: طبعا نوضح ! كاين اطفال تيتزادو بتشوهات دماغية او وراثية او اضطرابات خلال الحمل مثل ناقص حاد فالحمض الفوليك هنا تيكون تشخيص الطفل بلأوتيسم ( autism ) توحد !!
..طبيب مد لنوصير يشرب و انتظر للحظات على مايلقطو انفلسهم !
طبيب: ماقلتش العكس امدام ! انا شرحت الفئة توحد لي ولدكم ماتينتاميش ليها ! يعني ولدكم لله الحمد رضيع طبيعي ! تيسمع ! لكن ولدكم نتما خرجتو عليه ، ( تيشر راسو ) دماغ طفل فاش تيتزاد تيكون بحال ارض خصبة للزراعة و نتي تتزرعي فيها ! ( بعصبية تيرسم داوئر بالحواس ) حاسة السمع و طبيعي امدام ؟ هو يسمع صوتك و يسمع صوت اباه و العائلة و يتعود على كلامكم لي تتنمى للغة الام راه فهاد لاج تهضري ليه بالروسية يشدها و عنددك حاسة بصر يشوف وجهك و جه اباه ، يضحك ونتي تتضحكي ليه و يبكي و نتي تتغيبي عليه ! ونقطة مهمة هيا خلايا دماغ ! دماغ لي تروضوه ! بيبي تنعطيوه لعب طيح و نهزوها ليه اول مكتسب تيشد هيا ديك طيحة و للمسة المجسمات ( تيحرك صبعانو ) يتحسس و يكتشف ..نتوما اش درتو !؟
نوصير: ( شد فراسو ايحماق )
طبيب: ( تيشر تلفون ) يبكي هاك تلفون ! مابغاش يسكت ؟ هااك تلفون ! مابغاش ينعس ؟ هااك تلفون ...ولد حرقتو ليه لاكارط ميرد ديالو و جمعتي ليه اهم الحواس و سلوكيات فتلفون ! علاش يسمع ليك ونتي تتغوتي ليه !؟ علاش يسكت و نتي تهضري ليه !؟ راه تْوحْد فعالمو لي اختصرهم فالوان و رسومات تيطيرو مع طيور ! الولد رااكم تتمرضوه بيديكم و تتوجدوه يكون طفل متوحد ! يرجع يعرف ياكل و يقضي حاجتو و يعرف الرسوم و تلفون لي هو عالمو الوحيد ! لان دماغ ديالو تزرع فيه هاد العالم متحرك خيالي
مغيث: ( تعصب ما عجبوش الحال ) فنظرك الدكتور الحل !؟
طبيب: ( تيشرب الما ) استغفر الله ! شفتي امسيو عندي ليد و بنية وكنت فعطلة فالمانيا ! مثلي مثل أي أب تنبغي نبرع وليداتي مانحرمهم من حتى حاجة ! شريت لهم لي طابليط يلاه اخرجو داك الوقت !! ( تيحسب بصبعانو ) سااعتين !ساااعتين خدمهم ، تنغوت : افلان افلانة ! ولا من مجيب (تيشرح بيديه معصب ) شديتهم بيدي و شتفت عليهم برجلي تاهرسو
مغيث: الفتن هاد التكنولوجيا
طبيب: ( تيهز يديه و صاعر) حنا لي تنفتنو اولادنا ! و ولااادي لي كبار و ماجابوش على سميااتهم ! كي بغيتي رضيع لي يلاه تيكتسب سلوك الحياة !؟
زاينة: ( تتبوس ولدها كانها تتعتذر ) ....
طبيب: ارتاحي امدام ارتاحي !! كن تشوفي حالات أسوء من ولدك ؟ تحمدي الله و تشكريه لان العلاج فالبداية للامر ! راه متابع حالات اطفال لاهما لا والديهم مساكن لي مرضو بتنمر بعض الناس الله يهديهم !!
مغيث : الله يهدي ماخلق
طبيب : ( شد ورقة تيسطر ) التلفون ! التلفزة ! طالبليط ! اي حاجة دخيلة على دماغ اتحببببس !! واكل شارب ونقي و بغى يبكي !؟ خليه يبكي ! ندير لولدي برنامج ، ساعة فياق وساعة نعاس ( تيشير لفمو) نهضرو نهضروو ! نغني ليه ، نحطو فبوسيط و ندور بيه جردة نخليه يكتشف الطيور و السماء و الوان طبيعيه ! ندير ليه مساج و ريحو ! ولدددك الالة هو حياااتك !
طبيب : ( تراجع وراء ) التوحد !! او مايعرف ب اضطراب طيف التوحّد، أو مرض الذاتوية، أو اضطراب التوحّد الكلاسيكي بأنّه اضطراب عصبيّ ...لي الاحد آن كما ذكرت اسبابو غير معروفة ! ابحاث فالاستمرار و الطفل لي تيعاني للأسف! لانه تيأثر على المكتسبات فحياتو ، تأخر فالدماغ مثلا !تعثلم فالنطق ، النظر غير ثابث فوبيا من بعض الاشياء وبعض حالات ناذرة للطفل متوحد تيكون جيني ( عبقري ) لكن لاسف حياتهم كلها مايمكنش يكونو طبيعين و اجتماعين !
مغيث: زياد يقدر يعاني من هد المؤثرات !؟
طبيب: بففففف ! زياد عندك من هنا عامين او ثلت سنين عاد يمكن ليا نشخص حالتو ! للحد الان زياد رضيع طبيعي جداا ! فقط نغيرو برنامج حياتو و انا نتبع معاه نشاء الله ( تيكتب ) هنا بعض الادوية فيتامين و ( عطاهم طابلو فيه انواع العاب ) هنا كل ما يخص رضيع ! نتما و ميزانيتكم ، شريو ليه العاب حتى من اغطية و افرشة تتعطي دور ! لانه دبا كل مايتحرك بسرعة و شديد الالوان هو عالمو ! بألعاب نحاولو نزرعو مكتسبات جديدة ...
...بعد جلسة طويلة خرجو من العيادة خلص نوصير و ركبو راجعين و طريق كلها تاني زياد بدا بالبكا ، وقفو فالباحة الاستراحة عطاتو يرضع و غيرت ليه و كملو طريقهم ..
مغيث: حاولو على الولد ! عندي أمير تيطير مع طيور ؟ مع دالك صابرين ليه ، جمعنا اي حاجة فدار تآذيه و خليناه يلعب كي بغا ! واش حرافت ليا كما قال طبيب نشري ليه طابليط !؟ من صغرو هو مع العاب يهرس و يرمي و يزواط ، تلفزة قليل فين تنحطوه يتفرج فشي رسوم
زاينة: ( غير تتبكي ) مااكنتش عااارفة ! خرجت على ولدي
مغيث: لي دازت على راس مزيانة ! مهم تبعي نصائح طبيب و فرغي وقتك ليه
نوصير: كنت نتصدم صدمة حياااتي اصااحبي !
مغيث: (مركز مع طريق) الساعة اصاحبي من وقتك فنهار ! هز ولدك خرجو ، دوش ليه هضرو مرمدو ، راه تندم على هاد للحظات !
...من داخل بيتهم ! واقفة فالكوزينة تتوجد كوتي ، لابسة كيطمة سبور قصيرة و جاياها مع طايتها، كانها عمرها حملت ولا ولدت، كرش تمصت ..يديها مع الشغل و بالها مع اولادها فالصالون و تتسمع اصواتهم
رؤيا: ( بيجامتها هازة مونيكة تتلبسها و تتشوف فبراء لي فرولاكس تيشوف فيها) شووفتي لبنية
خديجة: ( مع هضرتو وقفت ليه يديها علة خصرها) ماعندكش القلب ! ( هزاتو تتبوسو ) مال حبيبي !؟
فاروق: ( طوا رجل ) امممم اننك اننك
رؤيا: ( هازة راسها تتشوف فخديجة) فيا جووع !
خديجة: واجد احبيبة ! سيري غسلي يديك ( حطت ليه براء على كرشو ) شد ولدك
فاروق: ( شدو مطاكيه ماحدو تيخنزر فيه براء تيضحك ) انت ! تخرج واحد نمرة !
..تجمعو على طبلة كعائلة ، خديجة هاد الاشهر فرغاتهم تربية اولادها ، و رجعت نفسيتها مثل اول ..معاناة الوحيدة لي عندها هو فاروق ، غواتو و عصبيتو تتخاف تأثر عللى تربية ولادها ، ولي محمقها هو براء ، تيموت عليه ، ماحد فاروق تيغوت و يخنزر براء تيضحك ...خدمت مع رؤيا تمارينها و دخلت بيتها تلعب و براء شرب حليبو و بدلت ليه و نعس ! دخلت بيت ترتاح
...خرج بالكو تيكمي و تيسب و يلعن ! ضرب فيه الهواء تبرد ودخل عند رؤيا لقاها نعست غطاها و خرج غادي بيتهم ! طل على براء لي معشش ليه فالقلب و باغي يعلمو قصوحية من صغر ..قرب عندها حس بيها تتوجع ونطق بصوت بارد
فاروق: خدييييجة ! نزيدك الغطا !؟
خديجة: فرقننننيييي !
فاروق: ( تيحك راسو تيتفوه ) وايلي على فرقني ! كلت ليك زيدي ولدي ! نتي تهناي من هاد الدم و نا نكون مرتاح ..
خديجة: انننننن
فاروق: اودي ! حمدو الله تاكبرتو و جاتكم مرة فشهر هاد العادة تتقدرو تصبرو لوجعها ! اما حنا راه قطعو لنا النص فزبنا بلا بنج !
خديجة: ( مع وجه شداتها ضحكة ) ....
فاروق: اطلقيها ! نهار نشدك مك و اااضحكي مزيااان ..( وقف ) انا خارج
خديجة: سد الباب بساروت
فاروق: ماغاديش تسوليني فين غادي !؟ ولا صافي ربطتيني !؟
خديجة: يااااربي
فاروق: وخ على مك البلارة
بعد ليلة عسيرة بسبب بكاء زياد ،بقات سهرانة ،الصباح تيطلع و عيونها خيط شلال من بكا ، تتشوف فزياد ناعس وحداه نوصير لي واضح عليه التعب شديد ...بعد ماجاو من الرباط اتجمعو فوق طبلة العشاء ،و تذاكرو موضوع زياد ، الخوف كان واضح على نوصير و زاينة ..
نوصير : ( بصوت ناعس ) زاااينة ! فقتي ?
زاينة : مانعستش باش نفيق
نوصير: فاق ولا ?
زاينة : لا ! مافاقش
نوصير: ( جلس جر قرعة الما شربها ) لي دارها لله هيا لي كاينة ! هاهو گاع ربي حكم فيه المرض ? الاوحوه ?
زاينة : ( نزلت تتبوسو ) ماغاديش رميه ! غادي نقابل ولدي و نعرف كولشي على مرضو
نوصير : انا اكثر منك ! حمد الله على كلشي ، شفتي شحال بعدتي عليا ?
زاينة : ( حنات راسها تتفكر ) بعدت عليك ? كاين شي وحدة تبغي تكون بعيدة على راجلها هو قريب لها نفس الوقت ?
نوصير: ( عض شنايفو بقوة ) عمررك ازااينة گلتي ليا الكلمة زينة ? ولا گلتي هاد راجل جاي مكرفس من تمارة مانزيدوش ? راه تانا عندي قلب و تنحس ، غير النعاس شحال خاصني نتبعك عليه ? قربت رغبك !, واحدا اخر بلاصتي مايعقلش عليك , لكن انا تنشبع غير معاك
زاينة : ( غير تترمش ) انا تنعترف بيها معصبة ! لكن من فعايلك، ماتتعطنيش نيتك ، تتديني حتى البحر و ترجعني عطشانة ! كي بغيتي نبقى مبردة انا اصلا على والو تنشعل !
نوصير: وخ هاد الجلسة تعطلت شهور ( حك للحيتو ) راه بداية جديدة الخير فيما اختاره الله , ماشي كيستيون ماتنعطيكش نيتي ? كيستيون ماتنبغيش نشغلك بالك وصافي
زاينة : شكون شكا عليك ? انا من النوع لي تنبغى نعرف صغيرة و كبيرة على راجلي ! ياك تقول شركنا الولاد ? نبغي نعرف كلشي
نوصير: ( تيحك عينيه بنعاس ) اصلا ازاينة ماكاين مانخبي ! موضوع الفلوس لي نشدها و نحكها ليك فالمشروع راه تنخدم بيها ! فخذمتنا حرك الفلوس تجيب لك فلوس اخرى..
زاينة : ( جات تنوض رجعها ) مرضة الولدي خربقت ليا الافكار كلها ! تنظن اخيرا اقتنعت و رصيت على شنو بغيت
نوصير: ( هز راسو تيطل عليها) شنو بغيتي بالسلامة !
زاينة : نتخصص فالتربية اطفال التوحد
نوصير : مااعنديش مشكل ! القراية , مستعد نخلص حتى تلتلاف درهم فالشهر , غير هو وازني وقتك مع ولدك ! وتاني حاجة الطبيب اخبرنا بلي زياد بيبي نوغمال ! تا يكمل ثلت سنين عاد تشخص حالتو
زاينة : ولو ! للا زياد طلع طبيعي هداك من فضل ربي ! لكن كاين وليدات اخرين غير زياد والديهم كبدتهم تتشوا , غير لافزيت لي خلصنا زياد ! الناس وحدا اخرين راه مايكسابوش ! سولني انا على قلة الشي ! راه دفتر ميات ورقة كنت ماتنقدر نشريه ...الا قدرني الله و تخصصت ? الفضاء طفل لي نفتحو نزيد فيه القسم للاطفال توحد البسيط
نوصير: انشاء الله ! نتابعو حالة زياد مع هاد طبيب ! غير نشوفو تحسن توكلي عالله
زاينة: ( بتنهيدة حارة ) انشاء الله ...
..كان مشتاق لها ! هيا كذالك ! بعض الاحيان المشاكل او مكاتيب الله ! ممكن تقربنا او ممكن تبعدنا ! شحال من مرضة رفعت غطاء الستر على شريكنا سوا الرجل او إمرأة و تنكر لنا , و شحال من مرضة قربت لنا شريكنا و بينت معدنو الاصيل
نوصير: ( تيستقي قبلات من شفتيها ) توحشتك بزاااااف
زاينة : ( بهمس ) راه الصباح صبح ! شوية زياد يفيق
نوصير: ( قلبها تحتو ) مزال مافاق ! اجي غير نكوليك
زاينة : ( تتهرب ) وتنسمعك
نوصير: فأخبارك نتي لي كاينة فالقلب ? اممممم
زاينة : آمممم ! واش تالقلب المشاكل عاد تيجيكم هادشي
...كان صباح مفعم بالمشاعر و الحب ! كانت علاقة لي اختزلت البعد و قربت الانفس , بالحب الصافي تنتغلبو على مطباات الحياة , زاينة لي ديما تتقول ان نوصير ناقص مسؤولية و حبو ماصافيش ليها و عتاب كثير فقلبها , الازمة وضحت لها انها هيا ايضا غير معصومة من الخطأ ! و جملو لي تتكرها نهز ولدي و نمشي ! ماهيا الا ردة فعل فقط ! ولو ان فعلا نوصير ليس مثالي ! لكن وقت الشدة تاتلقاه و تمنى تلقاه دائما ...
نوصير: ( بجسد عاري حاضنها ) مي كوراصون
زاينة: تفكرنيش فهاد كلمة شلاهبي
نوصير : تتشدي الهضرة تانتي
زاينة : ( ضرباتو صدرو ) من خصاايلك
نوصير: ( تيتكسل ) الرياضة على الصباح كنتي حارماني
زاينة : انا ندخل ندوش ! عنداك زياد
نوصير : ( رجع نعس ) كوني هانية
صباحا من داخل لاجونس ، المساعدات فالاستقبال تيناقشو العمل , بعد رجوع خديجة بعد ماكانت تتعمل عن بعد ...كل مساعدة تتعمل على حدا مع ليالي و خديجة ...
مساعدة: مدام ليالي عندها جتماع ! نوجد لي بواسون !
مساعدة 2 : خاصني نهبط لديبو
م : ( تتوجد مذكرة ) يلاه رولي انا مشيت
...تتمشى ناحية مكتب ليالي و فطريقها تتسمع قهقهاات براء ..دقت و دخلت
...ادخلو الاجتماع و رحبو بالسيدة , بعد الحوار العملي لاغلب عاملين , اخبروها بالواقعة و خلاو لها الاختيار للتصرف !
لاكليونط : سي بيزاغ ! نفس الحاجة تتنصادفها فدومين ديالي !
ليالي: صدقيني !, اول مرة تنوقعو فهاد موقف ! كما اخبراتك مدام خديجة ? اي تصرف من عندك متقبلينو !
لاكليونط : ( سكتت تاتفكر ) نكون صريحة معاكم ! قصدتكم لانني سمعت بالابتكار و خدمتكم مميزة ! هادشي لي وقع ماغادي ينقص والو من تقتي بيكم ! تنتظر لوكو جديد ولو ان الافتتاح عندي من هنا طخوا جوغ !
ليالي: الله يكبر بيك الالة ! من هنا طخوا جوغ ! يكون لوكو واجد
...تقفل الاجتماع بالاتفاقية بروح جديدة ! كملو نهارهم فالعمل الى حين الخروج , ليالي هزت سيارتها و مرت تهز أمير من لاكريش و خديجة و براء مرو على رؤيا المدرسة ...
خديجة : ( شافتها تتاكل كاطو ) عوتاني كاطو ?
رؤيا : جاني جوع اماما ( تتقربو فم براء) ذوق
خديجة : رؤيا خوووك مزال صغير
...مع اولادها داخلة برطمة , اول ماتتعمل هو الغسيل , تغسل رؤيا و تكمل براء و توكلهم عاد تكمل شغلها ! ولو رجعت حالتها طبيعة الا عادة تعقيم بقات مرافقها ...رن هاتفها
ليالي: جوسي با تنتصل بيه ماتيجاوبش ! انا هزيت ولدي و غادة
..حست بالشمتة و ماتسرطاتش ليها ! دخلت الدار عيات ما تلف و تعاود ! لكن الفكرة ضراتها فخاطرها , رجعت خرجت هازة ضوسي فيه هوية السطاجير و تاريخ للوكو و شدات طريق تاوصلت ...سولت فين مكتب تقديم الشكاية و دخلوها قدمت شكايتها و امضت و خرجت و تلفون تيرن
ليالي: الووو
خديجة : الوغ !
ليالي: سي بون ! ديكلاريت
خديجة : كن تسنيتي يوصل غير فاروق ولا مغيث
ليالي: ماقدرتش ! الي نخليك ابب
خديجة: بفففف ! ياختي كاع لي كان فيك خوف رجع زعامة !
رؤيا : ماما فيا جوع !
خديجة: ( شافتها تتحك فمنطقتها ) ياك عاد غسلت لك !? تيضرك سليب?
رؤيا : مابقاتش حكة !
خديجة : هانا نحط لك كوتي !
رؤيا : عطيني كاطو اماما
خديجة : ( ماتتبغيش ترفض لها طلب) هاكي يلاه
...خرجت فرحانة بالكاطو و غير تتجري و طيح و تنوض و لي دارتو فالمدرسة تتعاودو مع المخاذ و براء غير متبعها بعينيه ..تاسمعو سورات فالباب بدات تنقز باابا بااباااا
فاروق : اهلا اهلا ( هزها عنقها ) الحاجة ديالي ( نزل مستوى براء باسو ) صفريط
...دخل دوش و بدل حوايجو و احسن اصوات رجع تيسمع فلبيت هو اصوات ولادو ! و قهقهات براء...ماكانش طالب من الله اكثر من العائلة بجو دافئ ...على اصواتهم نعس , قاعدة عندو يدخل من الخدمة ينعس ....عكس خديجة لي توجد العشا و تخمل و تقري و تقابل و شوف واش تهنى بنوم طويل ..
...شربوها ! عطاوها مخفص الحرارة و الآم ولا ديك بنت واش سكتت من البكا ولا نعست ! خديجة تفرقت على جوج ! ها براء ها رؤيا ! تنعس هدا و تكالمي هدا ..تا وذن الفجر عاد نعسوو
فاروق: انا غادي خدمة ! الصباح دي رؤيا الطبيب
خديجة : ( شادة راسها ) ضروري
فاروق : ( باس ولادو و باس خديجة ) نعسي شوية البلارة على مايفيقو تاني
خديجة : ربي عوينك !
صباح يوم الجمعة ، كما العادة تتفيق كان منبه فراسها , اغلبية تتفيق تتنهد و دائما تتحس ان ناقصاها شي حاجة ! بعد يوم لي خرجت فيها و شافت دنيا و شمت الهوا جديد و اختموها بليلة حمراء , بجوجهم موحشين بعضياتهم رجعت تاتلقى فيه الحضن دافئ و تتحمد لله من كل قلبها انها ربي عطاها راجل لي واقف معها فالشدة قبل الرخفة ! بخطواتها رجليها حافين تمشات جهة دوش تا سمعت صوتو رجولي جشي
نبيل : لبسي فرجليك
اسماء: واخة ...
رجعت لبست بانطوفتها, خدات دوش و توضات و خرجت لبست حوايجها و اقامت صلاة للصبح , هزت تلفونها و تزلت توجد الفطور ....
..وجدت الفطور و حطاتو و الوازنة صبحت عليهم و هزت تسبيحها فانتظارهم يتجمعو على طبلة , كما العادة نوصير هو آخرهم !
نبيل: اسماء شنو خاص !?
اسماء: خاص الهضرة الطعام !
نبيل: ( هز سوارتو ) و للحم !?
اسماء: كاين ! وجيب اللبن معاك
نبيل: نجيب السخرة و ندوز نجيب امك !?
اسماء: ( تحسرت) بلا ماتعذب ! راها ماغاديش تبغي
نبيل: نتي تعرفي ! خلي تلفون خداك لا نسى شي حاجة
..كلها توكل لشغلو ! الا زاينة لي معاناتها تتبدا مع زياد ! تتيقرب يشدها الحماق و تنعل شيطان ! اخر مطاف هزاتو الوازنة جلست بيه امام الدار و منظر الناس غادين جايين لفت تتباهو ...
زاينة : ( تتسرح ذرعانها) اري نعاونك !
اسماء : ولدك نعس !?
زاينة : خرجت بيه خالتي مسكينة !
اسماء: ( تتسمع صوت خديجة ) ختي خديجة هادي !?
مسحو يديهم و خرجو جهة دروج تالمحوها طالعة و براء ناعس فكرسيه , اسلمو عليها و بدات تحكي لهم على رؤيا
زاينة : احاي ! مال اولادنا مع الوذنين !?
خديجة : غير سكتي مانعساااتش مسكينة ! مهم ها براء معاكم راه مايفيق حتى الظهر ! الا فاق ها ديسير ديالو , اسمحولي نزيدكم بتمارة ,, رؤيا خاصني نديها لابوراطوار دير تحاليل
اسماء: ياك غير وذنيها !?
خديجة : لقات عندها الحلاقم و مزيرين عليها ! گالك خاصها عملية تحيدهم !
زاينة : مسيكينة ! الله يشافيها
....نزلو معاها تحت سلمو على رؤيا لي واضح عليها المرض و غير شافت اسماء بذات تبكي و اسماء تتعنقها و تسكتها
اسماء: دبا تبراي احبيبة !
رؤيا : فيا حلاكم
اسماء : دبا تبراي ! الكبيدة
خديجة : اسماء عنداكي معاك براء غير نسالي نرجع
اسماء: غير ارتاااحي
الوازنة : بالشفاء ابنتي ! مايكون غير الخير
خديجة : آمين اخالتي الوازنة
*****
شدات طريق المختبر و طريق كلها و هيا تاتشجع فرؤيا , و همها الوحيد هو عملية حلاقم ! لي توقف لها دراستها و تعبها حتى فصحتها لان حلاقم تيحمي القلب , رن هااتفها وجاوبات
فاروق : مشيتو طبيب !?
خديجة : وي ! رؤيا فيها الحلاقم و طبيبة عطاتني تحاليل ديرهم
فاروق : ضروري تحيدهم !?
خديجة : وي ! قالك قضية تتيطاكيو على القلب و فحاالتها غير يزيدو يمرضوها ( حبست طموبيل نازلة ) انا وصلت
فاروق : فين براء معاكم !?
خديجة : مع اسماء ! خطر عليه نجيبو معايا يهز ليا شي مرض
فاروق : شوية و نخرج !
خديجة : سير عندو عفاك ..نخليك..
..طلعت هيا رؤيا مختبر و خاطرها مقلقها, ادلت بورقة طبيبة و خلصتهم و جلست تنتظر اسمها و هازة رؤيا فحجرها تطمنها !! دقائق تا ناداو باسمها و جات عندها بنت مبتسمة شداتها فيديها دخلاتها و خديجة معاها ..
...جلست ترتاح و تفطر رؤيا و نفس الوقت تنتظر تحاليل ! مقابلاها وتمد لها و تتشوف فيها بحب ! تتمنى خير فتحاليل ...مرت الساعة و اتصلت بمختبر اكدو لها ان تحاليل واجدين , خلصت الفطور و تجهت عندهم خذاتهم و قصدت طبيبة مباشرة لي دخلاتها و فتحت لونفلوب و شرعت فقراءة تحاليل ..
طبيبة : ( حيدت نظاظر و هزت حواجبها الحركة لي تتعلن على خبر غير مرحب ) مدام البنيتة عندك واقفة ( عملت حركة بصبعها ) وااففة على السكر
من البارح هو معصب و بالو مشغول ! فضل يسكت حتى الصباح لان حالتها كانت ماتماش مابغاش يزيدها و يصدقو فلا يحمد عقباه ! فاق قبل منها وجد الفطور و أمير تيدور بين رجليه !
....يلاه يفتح الباب يدخل هو يسمع كلامها تتهضر فتلفون ، وقف يسمع لكن أمير فرش قضية حتى دارت تاتشوف فيهم ..
ليالي: وي. Papa
رشيد : دوزيه ليا آبنتي الله يرضي عليك
ليالي : اوووك ( مدت ليه تلفون و شدت امير ) بابا !
مغيث : ( لمحها بنظرات قاسية ) اسي رشيد ! كي عامل و كي دايرة صحيحة وكي دايرة لالة غيثة ?
رشيد : حمدوو لله اولدي ! الله يكبر بيك ! نتمنى تكون امور العائلة على خير
مغيث: و لله الحمد الله اسي رشيد ! يسول فيك الخير
رشيد : قولي اولدي ? بغيت نفهم القضية من عندك
مغيث : القضية مافيها اسي رشيد ! ان فلاجونس تسرق لهم شي لوكو و السيدة لي شفراتهم سيمانا باش خرجت من لاجونس
رشيد : وي تماما هادشي لي قالت ليا ليالي ! وتنظن من حقها تقدم بيها شكاية ?
مغيث : ماكلتش العكس ! لكن تسناني تانجي ? ماشي تهز راسها بوحدها و تمشي كوميسارية ! نكونو واقعين اسي رشيد كون كانت القضية محسوبة راه انا نحرك اتصالاتي و نوصلو مع هاد خيتي فين بغات ! لكن ضوسي ضعيف من اصل
رشيد : تقولبو وصافي !
مغيث : فوالا ! السيدة خذمتهم ! الا جاو يتبعو القضية ? تبقى ليالي طالعة نازلة فالكوميسارية , انا تنخاف عليها لا طيح فشي حاجة ماتعجبش ! الوقت لي ضيعو فهادشي تستغلو فخذمتها و هذا الدرس و تعلمات منو
رشيد : داكشي لي كاين ! حتى دروس الحياة رجعت بالأداء
مغيث : هاد خيتنا غادي نسخسخها بطلوع و الهبوط ! وغادي تسمع هضيرات على وذنها ! لكن راه من ناحية قانونية ما عندهم حتى دليل ! سيدة اسبوع باش شدات حسابها و لوكو خرج موراها بأيام , يحمدو الله لقاو لاكليونط معنية بالآمر متفهمة
رشيد : ربي ما تيسد الباب حتى يفتح بيبان ! على اي حال الله يرضي عليكم تحاورو و تفهم موقفها
مغيث : الله شاهد على لي كاين ! وكون مرتاح انشاء الله تمر بسلام ..
....تقطع االخط , و تقطع الكلام من غير صوت أمير لي هاز لاكاغطابل و تيوصل لهم انها يمشي لاكريش
ليالي: ( بصوت باكي ) نو مامي ! نمشيو عند الميمة
أمير : عمووو ?
ليالي : وووي
مغيث : ( بقات فيه ناض عندها عنقها ) يلعن بوو هدا لي يبكي ليا بوعوينات ديالي
ليالي: اااه سي بووون لاش موااا
مغيث : ( شد وجها بين يديه تيبوسها ) واا سمعي ! مايكونش راسك قاصح
ليالي: ماشي راسي قاصح ! تنشوف ماعنديش زهر والو
مغيث : الزهر فالله تتقولها الواليدة ! مزيان هادي دير لك العقل نتي و خديجة ! تزيدو تزيرو الامور تنظمو خذمتكم !
مغيث : شتي اصاحبي ! هرقتي زيت ( شاف ليالي ) صبري من نهار مابقاش يبغي يجلس فكرسيه ولا لي لقاها يهرقها
ليالي: ( هزاتو تتحيد ليه فالحوايج ) راه رجع تيفهم كولشي ! خاصو مرة مرة العقوبة
مغيث : ( تيكمل كايسو ) اممم عطيه يصبن حوايجو
ليالي: ههههه مادارتها تا امو
مغيث : اعتراف فضيلة ...انا تحت فطومبيل نوجدها نزلو دغيا
...غيرت لامير حوايجو و لبست هيا جلابة ستايل دارت نظاظرها طبية و هزات لوازمهم و نزلو عندو , ركبو ناشطين و تيذاكرو حتى وقف مغيث فسوبير مارشي تقضى المؤونة للوازنة كما مولف و داز عند جزار و العطار شرا الفواكه مجففة و مكسرات و كملو طريقهم حتى وصلو ...الدار الوازنة رجعت كل جمعة تيتجمعو على الغدا، الاجواء تغيرت , اصوات الاطفال تتعالى
ليالي: ( هزت براء تاتقبلو),فين خديجة !?
اسماء: مشات دير لرؤيا تحاليل راها مريضة بالحلاقم
ليالي: مسكينة ! ماقالت ليا والو ? اليوم فقنا معطلين
اسماء: دبا تشوفيها جاية ! عطيني براء نوكلو
ليالي: غير عطيني نوكلو ! ارتاحي شوية
اسماء: ( مشات جابت لها ديسير ديالو ) ناري راسي تقلب مع براهش ! و شحال تيبكيو
خديجة من االصباح خاطرها مامهنيهاش و حدسها اصاب ، تتشوف فرؤيا لي غير تتدور فعويناتها ...شربت كاس الما لي مدات لها طبيبة و استهدت بالله و هيا كلها اذان صاغية لطبيبة
طبيبة: ماغاديش نضخم لك الموضوع اولا ! لان الامر فبدايتو ! نقدرو نتغلبو عليه ، كما تتشوفي كنا فالحلاقم صدقنا فالاعراض اخرى و هدا راه فقط اشارة من الله سبحانه و تعالى داركي الموقف قبل حدوت الاسوء ! نرجعو موضوعنا ، شنو هما اعراض لي ظهرو على رؤيا مؤخرا !؟
خديجة : ( حطت يدها على فمها تتفكر ) الجوع ! ولو تاكل بساعة ترجع تقول لك فيا جوع ! طواليط بيبي كلما داخلة ! اممممم بعض مرات تنشم فمها فيه بحال ريحة شي حلوى وهيا ماكلات والو ، هاد اليومين تتحك منطقتها الحساسة
طبيبة : (تتسمع لها بإبتسامة تريحها) بالفعل امدام هادو كلهم اعراض السكر ! ( رجعت تتشوف فتحاليل ) بين يدي هنا تحاليل خزان الدم ، يعني الفاصل فالارقام السكر التراكمي طبيعي عدنا تيبدا من اربعة الي الستة ، هنا رؤيا عندها فتحليلة الستة فاصلة
خديجة : يعني فيها سكر !؟
طبيبة : مرحلة ماقبل السكري ! الا عملت لها حاليا تحليل بالاصبع للدم انلقى غرام او زيادة ، يعني مهددة بالسكر ! ( شافتها تايهة ) انزيد نشرح لك على السكر ، بدرجة الاولى داء السكري هو نتيجة لعدم غدة بنكرياس على انتاج قدر كافي من انسولين ! لان انسولين هو الهرمون الوحيد بالجسم لي تيقوم يتنظيم معدل السكر فالدم هنا تيكون المريض واجب عليه أخذ انسولين و تيتشخص بالمرض مزمن ، اما فحالة رؤيا ؟ فجسمها عگزاان على استخدام الانسولين بطريقة الفعالة
خديجة : فهمت ادكتورة ! لكن انا ابنتي تتحرك و ماتتعانيش البدانة ...
طبيبة : هنا العقدة المرض ! ( فتحت تحليلة اخيرة ) السبب هو فقر الدم لي تتعاني منو رؤيا و بعض الفيتامينات عندها زايدين و اخرين نازلين
خدبجة : يعني الفقر الدم سبب لها السكر
طبيبة : مرحلة ماقبل السكر ! خاصك تفهميها و تقتنعي بيها امدام باش تشرحي لبنتك و تعرفي طريقة الصحيحة للعلاج
خديجة : ( ضبابة جاتها على عينيها) تنشوفها تتحرك و تتاكل مزيان !
طبيبة : بساطة مشكل المناعة ! جسمها ماتيستفذش من المواد مهمة و رجع عندها خلل ! اول حاجة تزوليها هيا : عادة الحلوى كل ماهو سكر كروا حمراااا المقليات ديك شيبس لي كاطو ! ، عطيها الخضروات الخضراء نفس وقت تتوازني السكر و تعالجي فقر الدم ، عطيها زيت زيتون البقولة ليزبيناغ ، ديسير ضربي على بنان و مشماش كثري لها التفاح و توت بانواعو تيطيحو سكر نفس وقت تتيغذيو فقر الدم ! نتي مدام امام معركة حمية غذائية للحماية بنتك من جوج امراض ( هزت صبعها تتاكد ) الله يجلعكم ماتعملو كلكم ريجيم فالدار
خديجة : ( تتحس بسخفة و توتر ) انشاء لله ادكتورة
طبيبة : هو امدام فالاصل كون تبعنا ماكلة الجدود فيها الدوا و الصحة ! للاسف هاد العصر فيها ملذات و شهوات حنا لي اكبار تنهزمو امام رائحتها ! جلسي مع بنتك فهميها ! وصي المدرسة ، تجنبو الغوات عليها ! لان فعلا بنية مهددة بالسكر تهديد كبير
خديجة : ( تتستعد ذهاب شادة رؤيا ) شكرا الدكتورة
طبيبة : فامان الله ! و راه الكرة كلها فمطبخك ، ريجيم صحي و اكل صحي انشاء لله نتيحة حسنة ( تتكتب لها الدواء) هادو قريعات خاصين بفقر الدم ممنوع اتاي ولا قهوة ولا حليب كحلة ولا مشروب غازي مفعولو تيتبخر ، تشربهم مع عصير فقط تاتمر ساعتين عاد يمكن لها تشرب حليب و مع علاج هاد محلول يقدر يحكل سنانها
بعض للاحيان حربنا او معركتنا تتكون ضد اشياء غير مرئية او مرئية غير قابلة للنقاش ! اما انهزام او النصر , المرض هو اشرس مع معركة ممكن يقابلها الانسان فحياتو فكيف هاد الانسان هو طفلة ذو ست سنوات ..
خديجة : لا احبيبة ! الا بقيتي تاكلي حلوى و لي كاطو و شيبس و عصير زنقة و لموناضا اتمرضي اماما وا ديري شوكة
رؤيا : ( خرجت عويناتها بخوف ) لا شوكة اماما الا
....كتفت بهاد القدر من الحوار ! لانها صغيرة ممكن توصيها اليوم و غدا تنسى , الدور هو دور الوالدين , وصلو الدار طالعين فدروج هازة ميكة الدوا و تحاليل وجها اصفر , لقات السلام و اول ما رؤيا شافت أمير هاز شكولا تياكل فيها و مشات تتجري عندو يذوقها , المنظر قهرها و دموعها نزلو و الكل لاخظ اولهم فاروق لي هاز براء منعسو عندو
فاروق : ( مخنزر ) مالك تتدمعي !?
خديجة هزت يديها تتمسح دموع و جلست تتعاود ليه ......تتعاود و مخلوعة و تتشوف فرؤيا لي تاتكل شكلاط و نسات فللحظة اولى ! الخبر ضرهم فخاطرهم كلهم , نظراتهم كلها آلم و حسرة
مغيث : ( تيقرا الدوا و تيشوف فاوق تيقرا تحاليل ) فقر الدم لي لعب لها على السكر ?
خديجة : ( بقهرة ) هادشي لي شديتي ? راه خزان الدم تيتعمل مرة وحدة فثلت شهور ! و رؤيا عندها اعراض سكر و شكيت و كذبت , كن ماوذنها كانت طيح كومة
فاروق : ( تيسرط مذاق مر فحلقو هو تيسمعها) بغييت نفهم علاش تتبكي !?
خديجة : ( وقفت تترعد فحالة عصبية تتغوت و تشير رؤيا لي تتاكل شكلاط) هااا علاااش تنبكي ! كي غادي نفهمها راه مهددة بالسكر
الوازنة : ( بحرقة ) برااا و الباااس على ابنتي !,
ليالي : ( عنقاتها تتسكتها ) رولاااكس احبيبة ( غمزت مغيث لي حيد لهم شكلاط )
خديجة : ( تتشهق و تبكي ) مرررضت قبللل منها و خاايفة ( تتشير راسها ) خاااايفة
...البنات غير تيبكيو معاها ذخلوها البيت ترتاح و نبيل و نوصير دخلو لقاو الجو مكهرب ، خبراتهم الوازنة بالواقعة , تأسفو لحالتها , الغدا كان ناقص شي كلا و توكل الخدمتو و مغيث هز ولدو و مراتو. و رجعو الدار و فاروق نفس شي ...
فاروق هز راسو تيبحث عليها و عرفها مدام اولاد حداها راها فبيت ناعسة ! حاس بيها و عارف الضغظ عليها , عمرو احس انها تتفرق بين رؤيا و براء ! قبل مايتولد براء كانت تتعامل رؤيا بطيبة و حنان , حيد نظاظر بقى شادهم حط يديه على فمو مكلوم فكبدتو , بنتو مزال ماعاشت والو و تحرم من شهوات الاكل, قرا و عارف اضرار السكر, ضعف النظر و سخفة و الكلاوي و ضغظ و اضرار كثيرة ..ماهيا قفلت اربعين وقاصها ما دوزت ايامها و تقصات ..خرجاتو تاني من افكارو تتجرو من سروالو
..باااباااا
فاروق : اباباا ! ( وقف غادي كوزينة ) شنو بغيتي !
رؤيا : خبز و نوتيلا
فاروق: ها الما طاب ! الشريفة سكر الا
رؤيا: مابغيتش الما طايب ! و السكر و نوتيلا و خبيزة
فاروق : نعطيك خبيزة و زيت و تفاحة
رؤيا : ( حركت راسها تتفكر ) واخة
فاروق : ( صاوب لها وعطاها تاكل و خرج غادي صالون طل عليه لقاه مزال ناعس ) انت نعس بنهار و بليل بات تغني شاليني
خديجة : ( خرجت عندو ) فين رؤيا ?
فاروق : فكوزينة تتاكل !
خديجة : مخليها بوحدها ?
فاروق : ( مسح راسو )خديييجة ! شوية بشوية تفهم و رخفي على راسك , اش نكجذر بهاد دراري بلا بيك
خديجة : ( زفرت دخلت كوزينة و شكها كان فمحلو هزات كاطو دار تتاكل ) ياك الخانزة تتاكلي كاطو
رؤيا : هدا ديال الدار ?
خديجة : وفيه السكر !
رؤيا : صافي مانعاودش ناكلو ( هزت تفاحة و خرجات )
..خديجة هزات نظرها فالكوزينة و بنفس طويل جبدت ميكات و بدات من طرف تحط : نوتيلا / كوفتير / حلوى /بنان / كاطو / مقرونية بانواعها ..... كانت اول خطوة انها تخلا على سكريات و تاني خطوة غدا تقضى كل ماهو صحي و تراقب لها السكر فالصباح و تبع لها الدوا و الباقي عالله
فاروق: ها ولدك فاق !
خديجة : فارووووق ! شنو بغيتي ?
فاروق : توحشتك !
خديجة : ( ماعرفاتش منين خرجت لها ضحكة ) هههه اربي ! انا فين و انت فين
فاروق : ( عنقها تيبوسها بعنق مغتصب شفتيها ) مايكون غير الخير ! تنخاف عليك اكثر من دراري مادازش عليك قليل البلارة
خديجة : خاصك تعاوني
فاروق : ( تيلعب لها فصدايف ) شوفو دوزو ليا نتي ولادك وقت نعاس انا معاكم
خديجة : ( بإغراء) شمن نعاس ?
فاروق : ( بحنكو تيحك عنقها ) هداااك نعاااس
...جرها معنقها مدوخها قبل تاسمعت البلب تسد و هيا تفيق
خديجة : صافاباا نو ! حل الباب
فاروق : ( شد لها يديها تيمص عنقها ) بربي لا تعتبتي ! باغييك و دباااا و هنااااا
خديجة : ودراري
فاروق : ( بصوت رجولي جذاب ) ماعندي ولاد ! عندي ولد واحد خاصني نفرحو ولا طيح رووح
خديجة : ( هزت راسها تتضحك ) عمرك تبدل
فاروق : والووو ! لكوا هو لكوا
...بعذ اذان المغرب , جالسة فبيتها مكسلة تتقلب فتلفون , النهار داز عامر بالاحداث , تحسرت لأمر رؤيا و بقات فيها , طالعة نازلة فانستغرام و شوية دخلت للفيس ! علامن تاتقلب الله واعلم , موضوع لي لصق فراسها لو بالاحرى كلام لي لصق فراسها هو كلام زاينة و رجعت تتفكر
**Back
اسماء: كفاش هادشي تاني
زاينة : سامحاس آيلي ! و الله ماقصدت , راه نوصير واحد ليلة عاود ليا عليهم و حلفني مانعاود
ليالي: اشمن مناسبة عاود لك ?
زاينة : كنت دخلت وجاوبت نبيل و ماعجبوش الحال
اسماء : ( قلبت شفايفها تتفكر داك نهار ) امممم
ليالي: شوفي اأسماء بعض مرات ماشي ساهل نعاودو حياتنا ولا شي حاجة ماضي من حياتنا !
اسماء : ( بتسمت خافية توترها ) يهضر ولا يسكت مهم يسكتني
زاينة : لواه ! سوليه و تقربي منو
ليالي: ( تتوكل براء) ووي سي فغي ! ديدي شي سواغي ولا خرجو شي عشيوة و تعاودو
اسماء : ( تتيضحكوها افكارها ) اممم ! ولا شي تسافيرة مالديف ولا تحميمة فمولاي يعقوب
زاينة : احححح تنموت على مولاي يعقوب !
اسماء : بعيدة غير طنجة راه نوصير تيموت علئ دليع من صغرو و طال نهار مع صحابو مسافرين
زاينة : ( هزات فيها نظرها ) صمت
اسماء : ( بادلتها بنظرة فارغة ) صمت
ليالي: هيهووو ! ( خاطبت اسماء) طريقة باش تتواصلي مع نوصير جربيها مع راجلك
اسماء عنقاتها تاني و شكراتها و خلاتها تتضحك و طلعت دوشت و نشفت بذات تذهن و لبست كلون سخون و تريكو و جلست تتفكر منين تبدا هاد الحريرة
اسماء: ( تتحرك فراسها ) ايكول ليا نتي باك يلاه مات و جالسة دوري بالحالة ( تتجمع شعرها ) نمشي نكون سوايع ! اش داني الالة لشي تقرب ولا تبعد , السيد عندي مقيوس
نبيل: ( تابعث معاها ) أسماااء
اسماء: ( يديها فوق معلقين فشعرها و تريكو مهزوز و روايح تتعطي منها ) علاش جاي ?
نبيل : ( حرك راسو بلا حول ) شنو مرونك تاني
اسماء: هههه والو
نبيل: ( طلعها و هبطها و دخل حمام غسل يديه وجهو وخرج ) شوفي شنو جبت برا !
اسماء: ( بفضول ) واخة ( بخطوات ماشا غادة تتزرب لمحت بواطة فوق طبلة بيضا واضح انه للاكل , فتحت سينتا و حلت بواطة و هيا تلقى حلوة عيد ميلاد باسم nabil) نبيييل !
نبيل: ( عنقها من للور باسها فعنقها ) اليوم عيد ميلادي
نبيل: ( نزل عينيه بإعجاب فيها ) نتي كافية ! لكن بلا اسئلة !
اسماء: ( بحزن ) انبقى نسولك تنعرف عليك كولشي
نبيل: السبب ?
اسماء: ( بعفوية ) تنبغيك
الحب ! العشق ! الغرام ! كلمات تنسمعوها مثل للحن الحب على مسامعنا , كيف وحنا تنحسو بيها ! الحب هو لي تيخليك ضحك و انت تتفكر ممحبوبك و يطير النوم من عينيك من اشتياقو ! فكيف إذا لسانها نطق كلام الحب هو متفق مع القلب ...قالتها ! فوجهو و هيا تتشوف فعينيه السود مليئين برموش ! قالت ليه
تنبغيك !
نبيل: ( زير على خصرها و فتح فمو بشبر من الصدمة ) صمت
اسماء : ( حمورية كتست وجها و قلبها تتسمع دقاتو بقات تتشوف فيها مصدومة كثر منو ) مممم اااء
نبيل : ( ببطئ عض على شنافتو و قرب منها حط يدو على قلبها لقاه تيضرب ) تنفسي
اسماء : ( شهقات واخدة نفسها ) انااا ! انت عزيز عليا ( بتأكيد ) و الله
نبيل : ( بعيون نايمة من قربها ريحتها و كلمة لي ضخت دم فعروقو ) عاودي نسمعها
اسماء : ديني على قد عقلي ! انت اول راجل تنعرفو و نتزوج بيه
نبيل : ( زير عليها من شعرها ) و آااااخر واااحد ! ( هز يديه باستسلام ) ماعنديش من غيرك و ميمتي
اسماء : ( بحزن عفوي ) تا انا عندي انت و فطوش ! انا عارفة معذباك معايا لكن تنحمد لله لي ماتفارقناش , انت لي لقيتك فجنبي
نبيل: ( نعسها فحضنو ) عمرنا كنا نتفارقو !
اسماء : شنو لي مخليك معصب هكا و تتجنب الناس !
نبيل: ( تنهذ بحرارة ) الناس نفسهم ! ماشفت منهم غير الغذر و الحسد , ليلة عرسنا غذرني شريكي مدوز على ظهري ملايين
اسماء : اويلي ! كفاش تفكيتي !?
نبيل: اخوتي عاونوني ! من تما حلفت لا تشاركت مع اكحل الراس
اسماء : اودي ! حسد خاايب، اوا قبل شنو وقع ليك
نبيل: ( هز صبعو بتحذير ) نسووولك و تجااوبيني بصراحة !? ( حركت ليه راسها ) شنو سمعتي ولا شكون عمر لك راسك !? ومااااتكذبيش !
اسماء : ( تتسرط فريق ) هوو دبا !! كنا جالسين اوا زاينة جبدت تصاور نوصير و نت معاه تتضحك
نبيل: ( بنظرة ماكرة ) انااا و نوصير مصورييين !! حياتنا كلها انا نوصير هاربين من الدار ولا مقاتلين بقى لينا غير تصاور نتصورو
اسماء: وصاافي تانت ! راه زاينة لي كالتها ليا
نبيل: ( هز حواجبو فيها بمعنى : ااه ) ونتي ضرك رااسك حيتاش تتبغيني ?
اسماء : هههه لاء غير عزيز عليا
نبيل: ( نعس معاها فاحضان بعض ) عررفتي شحال تعطلتي عليا بهاد كلمة !? بزاااااف
اسماء : انت كنتي تاتضربني ! و غير تتغوت عليا
نبيل: ( بشوفة من نيتك ) شكون لي خالعني بالكوارث و المصائب ? شهر مخير نوصلو صبيطار مرة وحدة
اسماء: ماشي انا ! النحس هداك
نبيل: الله يبعدو علينا ! ساليتي تسوالك ?
اسماء: كولي شنو مخليك معصب !?
نبيل: ( قبل رااسها بقوة و حضنا و خدا نفس طويل للكلام ) لي وقع معايا ممكن يوقع مع اي واحد ! لكن انا كنت فالوقت لي غير ضاحك دنيا و تنظن اصحاب هما اصحاب ! كان عندي صاحبي عزيز عليا و كان تيقرا مزيان , طعنوه فظهرو و لي وقع ليه كنا مقصودين بيه بجوج ! هو هز ضربة و حمقوه و هبلوه و شواو قلب امو علىيه ! هو لي عندها ، حتى مات مغذرو
اسماء : ( تتسمع متأسفة ) باش حمقوه ?
نبيل: برمو ليه ظفر فالحشيش ! الظفر راه اصلو السم
اسماء : كفاش مات مسكين ?
نبيل: عيت حاضي معاه ! نجيبو من زنقة و نقيه و نعاونو و يعاود يهرب كل مرة فيه تيشد طريق ! تاواحد الصباح جاني اخبارو دار كسيدة مات
اسماء: الله يرحمو ! صعيبة بزاف
نبيل: جاوني ضرباات بزاااف ! و شفت غذر بعيني فعيون الناس ! تا بعتهم و تقيت شرهم
مثل قطرات الندى بالصباح الباكر تسقي ارواحهم ! ممكن المرأة تعبر بكلمات حب و تخدم حبيبها بأفضل طعام و تبتسم بوجهو و تتعتبرو الحب ! لكن الرجل بتوحيد الجسد يعبر عن حبو , نية القلب تحكم ليس جنس الحب ! تيعشق تفاصيلها و بتسامتها و احيان يشتاق للكوارثها ..شحال من مرة افتعل مشكل للتقرب منها ! شحال من مرة يبكيها و يسكتها ! شحال من مرة قلبو ارتعب من كلامها لي كان معظمه الفراق و كره !! ايام لا يعلمها الا الله ..هو #الرجل_الصامت لكن احاسيسها ليس بالصامتة فاهيا أكثر شيء يصرخ بداااخله
اسماء: (متآلمة من ممارسة ) برااكي عفااك
نبيل: ( قبل جبهتهااا ) غدا نشوفو طبيبة ! مابقيتش قادر كل مرة نسمعك تتبكي
اسماء: طبيبة قالت ليا غير تولدي ......( عيونها تزلزلو من مكانها ) ممم
نبيل: ( بملامح حزينة جرها حضنها تيغطيها ) هداك هو الخبر لي باغي نسمعو لليوم قبل غدا ! الله يرزقنا من عندو
اسماء: آمين ! الله يرزقنا من عندو
نبيل: ( بكلمات متقطعة غالب عليها حزن ) الا !! الاااا ... ( مسح وجهو من عرق متصبب ) براكة عليا غير نتي ! ونتي !?
اسماء: ( بنظرات حائرة ) انا راضية بحكم الله ! اولاد رزق هكا كان تيقول أبا لله يرحمو
نبيل: ( شد يديها بقوة مشابك اصابعها هزها قدامو ) عرفتي شنو هدا !?
اسماء: ( تتشوف فيديه تتساءل بعيونها)....
نبيل: هدا العهد ( زاد زير عليها ) واعديني و نواعدك نبقاو تذفنيني و تنطلب من الله يسبق نهاري على نهارك
اسماء: ( بدموع و تتنفي براسها رافضة فكرة الموت) تنواااعدك غير ماتبقاش تقول بحال هاد هضرة
نبيل: ( ابتسم لها مقبلها فعنقها) الالة نبقى لاصق فيك حتى نشرفو انا وياك
...خرج من البيت و بقات ملوية فالفراش ! هزت يديها صغيوة تتغطي مصباح ضوء بكف يديها و تتضحك , #مثل_الحلم خاطرها منشرح و قلبها فرحان , هيا ممكن نضجت ? ممكن الحب لي تتشوفو فالاغاني و مسلسلات زارها ? عبست و كشرت و رجعت للدور ماشا
اسماء: ( بهمس ) انا يوكلني يشربني يدير ليا حانوت براكا عليا ! حب غير خيانة , مافيا لي يسمع الشاب حسني و نبكي فالسطح بحال جعينة على صحيبها ...
نبيل: ( داخل هاز بلاطو ) تاكلي !?
اسماء: قلت لك لاء ! انا ندوش
نبيل: (حط بلاطو و قرب لها ) مالك تاني ?
اسماء: ( تتغبن ) والووو
نبيل: ( رجع حافظها تتقلب ذغيا ) توحشتني ?
اسماء: ( تتشد ضحكة ) هههه نت راك معايا
نبيل: ( حيد تريكو تبعو سروال و دخل عندهل تحت غطا ) دبا انا معاك
...تتركل و تتضحك و طالقة عليه شبابها بعفوية , لحظتهم كانت رومانسية , دائما مراعي ليها و خايف عليها , لكن مشكل ضيق رحم معذبهم بجوج ! بقبلو و مذاعباتو ختتمو مشهد ..
اسماء: سخفت !
نبيل: ( مد لها تشرب ) بصحتك
...دخلت دوش و توضات و خرجت لابسة حوايجها و تبعها هو دوش و لبس حوايجو , خرجو صالون هيا شادة تلفون هو كذالك
نبيل: اش تاتشوفي تما ?
اسماء: جلالب
نبيل: قريب نبدا البني فالفيلا
اسماء: منسخاش بهاد بحومة ! تنحماق عليها من كنت صغيرة و تتجيبني فطوش , كنت تنقولها غير خليني لخالتي الوازنة
نبيل: ( بعيون مبتسمة و تيشوف فيها ) عااااقل عليك
اسماء: بصح ? قول و الله
نبيل: ( تيحرك راسو ) اخر مرة تنعقل ! جابتك مك هههه عضاتك نحلة
اسماء: هو غير نحلة ! غير حمار ! اوا ?
نبيل: ( جرها عندو مشبعها بوسان ) اناااكلك
اسماء: وكمل لياا
***back
بكسيوة القطن و ليبة و من فوقها كلون و شعرها رطيطيب نازل على عينيها و حنيكات مشكين بالشرقي , نازلة فدروج و تتغوت بصوتها ضعيف
نوووصيرر نوووصير
نوصير: ( محيحة كرة قدام الباب ) سيري طلعي العب كرة بعيد
اسماء: ( تتنقز تشد فيه ) مشي معاك
نوصير: ( ملهي مع دراري تيشير لها دار ) سيري طلعي , ماتمشيش معايا
اسماء: نتفرج فيكم ! ( تتبكي )
نوصير: ( شدها فيديها و يد معنق بيها كرة ) ماتنوضيش من بلاصتك
اسماء: ( تتمسح دموع ) ناء
..نبيل : ( كان على بيكالة متبعهم بجوج من تاتجي و هيا تتقلب على نوصير و بليزير ديالو يبكيها ...تبيضالي تاقرب لهم ) ديك ليمونة سيري راه مك غادة
نوصير: يلاه يلاه سيري
اسماء: ( رجعت تبكي ) انا ماشي نيمونة
نبيل: ( صرخ خالعها ) تحررركي نوريك يلاه
**** End
اسماء: بزااااف عليك ليمونة ! راه فطوش تتدير ليا حنة
نبيل: ( تيجر لها شعرها ) شعرك تيعجبني البرهوشة
اسماء: وعلاش ماعقلتش عليك انت ?
نبيل: لانتي كنتي تحمليني ! نهضرك تبكي
اسماء: ( وزتاتها و طلقاتها) راه نهار اول قلت لفطوش جاتني استدعا ماشي راجل
نبيل: ( تيبوسها فراسها ) الايام و اعوام نساتني فيك ! غير شفتك فدارنا حلفت تانديك
اسماء: ( تتفك منو ) صافي طلق
نبيل: ماطالقش ( زاد خنقها ) جاياني ليلة عرس معرية ( تيبوسها فكرشها ) اممممم من نهارك حارة و بكاية
أولاد الوازنة الجزء 30
محتوى القصة
التنقل بين الأجزاء