...فتح الباب داخل و هالة من الغضب تتحوم بيه ! عطاها وصف بيعة و شرية ناقصة ، ادخل مخنزر لا سلام لا كلام !
الاخ : ( خاطب الزوجة اولى ) فين ريحانة ؟
ز أ: السلام عليكم ورحمة الله وبركاته! مالك ماشي على برجك ؟
اخ : من بعد من بعد !
ز أ: راها فبيتها ! انا نادي عليها
..دخل الصالون وجلس تيقاد فحوايجو و تينثر الاعصاب ، تدخلت عليه محتشمة و بتسامة على وجها
ريحانة : ابي ؟
اخ : ااياااه ابيك ! ابيك لي دار عقلو فيك و ركبك فهبالك ! ادوي ؟ السيد ماحاس تابيك واش كاينة ولا ماكيناش ونتي تترمي راسك عليه ؟
ريحانة : ( ملامحها جامدين ) ارفض ؟
اخ : كن قبل تلقاي حالتي معصب ! ارررفض ارررفض ز رفض خدماتك و رفض كلامك و احلامك الوردية لي تتحلميهم بوحدك
ريحانة : انااا ! اناااا متاكدة من كلامي لي قلت
اخ : ومزااالة زايدة فيه ؟ اتقي الله فنفسك ! السيد شاري مراتو و مبعد راسو على صداع ونتي باغة تلصقي
ريحانة : ( تتغدد ) صمت
اخ : كلامي الاخير ما يتكررش ! دوزت ليك بزاااف و بزااااف ، تتنقول اختى الحرمة تعيش تحت جناحي ، جبتك من البلاد و قريتك و علمتك و معارفي خدمتك الخدمة محترمة ونتي متبعة ليا الخوا الخاوي
ريحانة : ( تتبكي ) انا ماعملت تاحاجة الحرام ! شقت هادوك الناس محتاجيني و عرضت نفسي عليه بالحلال
اخ : كولي نيشتي الصنارة وطلعت ليك خاوية ! راه اخطائك اكثرو ، بقى ليا الحاجة الوحدة ؟ نشري ليك الراجل
ريحانة : هما الخاسرين ! كنت نعمة للرفقة ليهم ولكن الانسان رجع تيتكبر على النعمة و ييتشبه بالغرب ، اش فيها الا شاركني زوجة ليه فالحلال ؟
اخ : نمشي ندعيه ؟ نجرو من عنقو و نكوليه نووون اكحل العيون زوج اختي لي تموت و تزوج ؟
ريحانة: ايه واجبك هداك ! كما وقفت معاك حتى تزوجتي التانية و حافظتي على اولى ؟ واجبك اتدخل ندير الداري و نعيش فيما يرضي الله
اخ : (تيطوي كمامو ) وقفتي معايا ؟ كووولي طمعتي فالزوجتي تانية اخوها يتزوجك ولكن كما العادة تتطلعي بوحدك تتحلمي
ريحانة: ماااتنحلمش ! واااعدااتني زوجتك الثانية بيه ! كن كنتي بصح آبي قلبك عليا ؟ الوقت لي خوها تزوج ؟ طلقها...
..الدار المشروكة عمرها تتغسل باليدة الوحدة ! ماداخل ليها غير الزوجة تانية لي لابسة بيجامة و طالقة شعر نص نص فبيتها من حقها ، حطت يديها على خصرها و جاوباتها
زوجة 2: لهلاااا ينزل عليناااا شي باااطل ! مالقيت شكون نزوج اخويا غير انتي ؟ ( تتشير لها باتهام ) انتتتتي لي كل نهار فالدار القرآن تهضريني و تقنعيني و شلاااا ما قلتي ليا باش نتزوج اخوك ! ونتي تما راك رامية العين على اخويا لي كل مرة يوصلني
اخ : اسدي فمك انتي!
ز 2: مااانسكتش ! مااانسدش فمي ! ضسارتك ليها و فشووشك لي وصلوها لهادشي ! راه ضحاياها اكثرو و زادت فيه ! الدار القرآن دسناتها بتشطينها و تاا الوحدة فالاخوات ما تتكلمها لانها بسبابها الناس تياخدو النظرة الخايبة على منقبات
ريحانة : انا افضللل منننك ! هادوك مالقاونيش غادة مع افكارهم الغير الائقة ! راقبي غير الفاظك و نتي تتكلمي بحال بنات الشاريع
....ماحسات غير بتصرفيقة طلعات مع حنكها ! ضربها اخوها ...
اخ : ضسرررتتك بزااااف ! لازمني اعاادة النظر ، وصلت بيك الوقاحة تنزلي من القيمة مراتي ؟ هادي هيا التربية لي ربيتك ؟ والدين لي لقنتك ؟ ياخسارة ياريحانة بقوة معزتي ليك حجبت النظر على اخطائك ! اقسم بذي العزة و نسمع منك حرف من الموضوع العائلة القباج ؟ يكون عندي التصرف آخر
...خرج معصب ! اختو الاقرب لقلبو ، عزيزة عليه ، ماكرهش يكمل الاجرو فتربيتها و يزوجها و يسترها و تزول عليه المسؤولية لكن ماتتساعدوش بفعايلها ، مجرد تغلق الباب هيا تنوض لها الزوجة الثانية بالمعيور
_ياااا البااايرة يا الكذااابة ! يااا لي قلبك اكحل ...ياااا المكروهة ..
ريحانة : كن ماكنتش تنخاف الله كن طلاقك على يدي
ز 2 : لا اختي نتي عندك مشكلة الثقة مع نفسك ! منين نتي الفهايمية تتزوجي و طلقي لي بغيتي؟ حرتي فرااجل
ريحانة : لاني لست متبرجة و انتظر رزق الله
ز 2 : المتبرجات يقدر يجي النهار و يتوبو و يلتزمو بالشرع اما نتي بنفاقك تلزمك جوج توبات و الله اعلم ..
....الموضوع انغلق !! لكن الى متى ....مرت تلاثة ايام الامور العادية، اسماء تتضرب شوكة للوازنة و هاد تلثيام وحدة فالعرايسات تتمر يوميا مع المساء يطمنو عليها يوجدو شهيوة ..على طبلة الفطور
اسماء : خالتي مادوزيش عندهم الدار ! راه زاينة جاية فالطريق باش لعشية ديرلك الخواض شعرك و تديك الحمام
الوازنة : يرضي عليها ! راها فبالي نكمل ورجع
....خرجو بحالهم و هيا موراهم تا سدت الباب ، و غير تتجلس بوحدها تتكره الفيلا لي ساكنة فيها ، خوف غريب تيجيها و السكون تتنفرو ..ناضت تتقلب على تلفونها لقاتو الفوق جلست تاتسوط دوزت نمرتها
اسماء : الو
زاينة : مالكي طالعة جبل ؟
اسماء : هزاه فكرشي ! فين راكي ؟
زاينة : تنطيب الغدا لنوصير !
اسماء : ماخداماش ؟
زاينة : لاء ! ديت غير زياد روض و خديجة تيجيبو مع اولادها و دوز عندي لعندكم
اسماء : وصافي ختي ! طفي على داك الغدا و اجي نطيبوه هنا ! تاترجع خالتي و خديجة من بعد ! راه طجة جاتني بوحدي
زاينة : ( تاتبقى فيها ) صافي انا نطفي عليه و نخرج نشد طاكسيى
...فعلا ، طفات على الغداة لبست عبايتها هزت صاكها و رسلت مساج نوصير ! اصلا ماتيعارضش ...شدت طاكسي حتى حطها فالباب خلصت و نزلت تتدق تادخلت ..
اسماء : ( بفرحة ) زين ديالي على سلامة
زاينة : ( حيدت شال تتشيش بصهد ) الله ياختي الدخلة عند باردة
اسماء : ( جرت جلابتها تما تتلبسها و تتقاد زيف ) فين تمشي لها ؟ ماعارفهاش فين ساكنة
زاينة : لي عندو فموو مايتلف ! تبعيني ولا عليك ...هاي هاي على حجابي عفتي ! مالقات غير راجلك ؟ ولكن سررررك سررررك ! ويلي السيدة تتدور فدارك بحال بناها لها اباها ؟ ولكن اليوم قلباات على خلا عشتها ..شدي ليا صاكي وتلفوني لا نلاوحهم بلا مانحس
..تتزرب زاينة وتكول شي ما زربت و اسماء مورها ، غير بان لها فرمسيان زادت كعطة و اسماء تترغبها من للور
زاينة : السلام عليكم اسيدي ! ريحانة كاينة ؟
***: لا ختي ملاضي !
زاينة : مسكينة الله يشافيها ! عندي واحد كموند زيوت وصاتني عليهم ! ممكن تعطيني عنوانها ؟ رقمها تنتصل بيها ما تتجاوبش
*** : اها ! زيد معايا نعث ليك ..هانتي تالي الشاريع الاقامة اولى مقابل معاها الدار فيها كراجات وجردة راها هيا دارهم
زاينة : الله يجازيك بخير اسيدي ..
...جراتها طوالة و اسماء معاها! تبعو نعث تاضربة فلاقامة و امامها الدار نفس النعث !! وقفوت تتسول و تزيد تاكد شي دراري و اكدو لها ...اوا وقفت فالباب تتدق بيديها و برجليهااا
زاينة : اااانزلي عندددي ! لي سميتها ريحااانة فهاد الدار تنزل عندي
اسماء : ( غير تتشوف و تتزيد تاكد ان موضوع ماساهلش ) راهم طلوو
زاينة : ( رجعت تاتشوف فالشراجم ) اااانزلي ياااااخطاافة الرجاااال ! انزلييي !! مااابن ليك غير راجل مزوج ؟ تقضاااو رجاال ؟ اوا الالة راجلها بووحدها يبقى معها تتلبس عليه ابييض
...شلحة دارت سكوندار ! جيران تيطلوو ! تفتح الباب خرجت عندهم الزوجة اولى منقبة نور تيعطي منها ! تحشم تهز صوتك عليهااا ، حطات يديها على صدرها و تتكلم بهداوة
ز 1: اابنتي !! الله يرضي عليك بلا شوهة !
زاينة : ( تتزيد تشعل ) الشووووهة ديك بنتك ولا ختك ولا مانعرفت آش تتجيك مولاتها ! ويلي رجعتو تخطبو الرجال ؟
ز : الله يكرمك ابنتي ! دخلي غير الباب نتفاهمو ! مسحيييها فيااا ( تتشوف اسماء تتبكي و مخلوعة ) زيدي ابنتي زيدي
زاينة : ( نترات لها اسماء دارتها موراها ) طللقي منها ! باغين ديرو لينا قضية الهاجم يموت شرع ؟ عيطي ليا لي ماتسمى ! وخليني محتارمك وجهك مابانش ليا ديال المزاح
ز : عطيني ابنتي غير دقيقة و نطلع نزلها !
زاينة : خووودي وقتك ! مهم خرجيييهاا لياااا
..طلعت الزوجة اولى ! وبقات زاينة تتغزف و تقول اسماء بعينيها ها ريحانة صحيبتك ..
ز 1: هادشي علامن تتقلبي ؟ نزلي عندهم تحت !
ز 2 : جات ابنتي لي تقادك ! يعلم الله اشمن اللعبة موسخة درتي
ريحانة: نزلي عندهم انا جاية ..
ز 1: رجلي برجلك !!
ريحانة : قلت لك نزليى!! انا نازلة
..نزلت زوجة اولى و تانية دخلت بيتها كرهات فعايلها ، ريحانة هزت تلفونها و حولت رقم الشرطة و قدمت شكاية تتبكي و تنوح وعطاتهم عنوان و نزلت تحت عندهم
ريحانة : ( وقفت امامهم ) اش حب الخاطر ؟
اسماء : هادي نتي ؟ آشمن عيب صرفت فيك ؟ امنتك اسراري وداري ودرتك فمتابة عالية لكن خسارة
ريحانة : كن بصح تتعزيني ! كن شاركتي معايا رزقك و حلالك ربي عطاك وعطي حتى نتي
...فعز كلامها طارت عليهاا زاينة منزلة لها وجهها و طيحاتها تتشتف عليها بجنووون ! خمار طيارتو لها و تتجر شعرها من جذرووو ! ماقد ا يفكها ، اسماء تراجعت تتبكي بحال زاينة بردت لها قلبها و مرات خوها تتحاول تفك لكن زاينة ركبوها عشرة تاوقفت صطافيط البولييس ...مع غوات ريحانة لي كلاتها زاينة وقفو البوليس
بوليس : الالة اشريييفة طلقي منهاا
زاينة : ( تتلهث ) معيطة بوووليس ؟ تتخلعينا
ريحانة : ( دارت موتة حمار ) عتقوووني عتتقووني
..الشوهة فيها فيها !! ديك صطافيك هزت زعيمة زاينة و اسماء و ريحانة و مرات خوها للكوميسارية ...
أولاد الوازنة الجزء 41
محتوى القصة
التنقل بين الأجزاء