خديجة : لاحول ولا قوة الا بالله! اوا اش وصلكم كوميسارية ؟
..اسماء تاتعاود و تكمل لها زاينة ! عاودو لها من اول تا لفين وصلهم فاروق !!
خديجة : ماابقاتات تقة حصول بيه ! تراعي غير نفسيتك و لكرشك فمك ! ولكن راكم غالطين اش داكم واش خلاكم تهجمو عليها
زاينة : ( تترعد ) راه عاد فكوها مني اما ناكلها ! ( تتحط يدها على قلبها ) قلبي يسكت
خديجة : الموضوع فعلا كبير و تيمرض فالخاطر ! ولكن ازاينة توصلو كوميسارية ؟
زاينة : را هيا بنت حرام لي عيطت لهم نازلة تلعب لينا فيلم ! جاب الله مساجاتها زيروها
خديجة : بزاااف على هاد الجرأة ! شي حاجة تما لي خلاتها تزيد فافكارها !
اسماء : ( تتدمع ) قبل مايمشي نبيل العمرة ! كنا تزايدنا فالهضرة وسمعاتنا ! دخلت تتهدنني و تنصحني ( زيرت يديها ) و جمعت ليه حوايجو ووو
خديجة: ( حطت يدها على حنكها ) تغااابيتي لهاد درجة؟ ماشي امو ولا اختو ولا عمتوو ولا خالتو باش دخل فحوايجو
...بمجرد ما كملت هضرتها وهيا تبان لهم شادة فحلقها و عينيها اخرجو تتحس براسها تتجيف ! تاطاحت ارض تتركل و تترعد..ماعرفو باش تبلاو ! بصدمة ناضو تيغوتو و يرشوها باالما و دراري فاقو تيبكيو بالخلعة ! تا توكضت خديجة اتصلت بإسعاف
🔚🔚🔚🔚
طالعين تيجيرو واحد مور واحد ! قلبهم يسكت !! دراري الغوووات الغووووات
فاروق : ( شافها هازة زياد لي عقلو يخرج ) خديجة مالكم ؟
خديجةة: زااااينة طااحت لنا تتجيف
نوصير وذنيه تصمكو ولدو تيتجبد ليه هو مرفوع ...هما الباب المسعفين مخرجينها بلا عقل تبعهم و نبيل و مغيث غير تيشوفو ..
مغيث : ( قرب مسعف اول ) الله يحفظكم دريكت للكلينيك ****
مسعف : شكون يمشي معها ؟
نوصير : ( مصدم ) مراتي !
فاروق شد زياد مدو لمغيث ! نبيل دخل الداخل لقاها تتبكي يلاه بان لها هيا تقفز
اسماء : مااشي انا و الله مادرت لها شي حااجة
نبيل : ( تيحاول غير يقرب منها هيا تتبعد و رؤيا حداها تتبكي ) ششش اسماء
اسماء : والله منعااااود و الله ماعصبتها و الله ماانا
فاروق : ( نهض فيها من اللور ) اسماااااااء ! رؤيا سكتي
مغيث : زياد شكون يشدو؟
فاروق : خليه هنا مع دراري و اسماء ! حنا خديجة نمشيو نتبعو زاينة
خديجة : ( تتمسح دموعها ) يلاه
نبيل : ( شد زياد عرفو و سكت )سيرو انا نشد دراري !!
...فالدقائق الحال تيتقلب ! شي بقى على ود اولاد ومراتو لي تيشوفها اتبع زاينة و اخرين تبعو الاسعاف ! شنو وقع ؟ كيف طرا ؟ الله واعلم حتى لي كانو معاها مافهمو والو ...مسافة طريق وصلو نوصير تيجري تابع بياص ! تادخلوها ليغجونس و للحقو عليه اخوتو
..دام الصمت ! حتى اخرج الطبيب تيخاطبهم بعد ما عرفهم انهم من العائلة !
طبيب : حاليا راها فاقت ناقصها شوية تنفس ، الحالة راه فحالة يرثى لها مع الغدد درقية او بما يسمة بليكواطخ ، راه الموت بعينيها
....داخلين الدار و عيون جيران عليهم !! لقى ولد الكبير جالس معصب وشاد خوتو الصغار و الزوجة ثانية جالسة فبيتها تارضع ولدها !! اما صاحبة البلا فحدث ولا حرج ! كاين واحد النوع ديال الناس ولو تسايس معاها ! تقريه ! تعلمو ! تنهيه ! تنصحو ! لكن يحسب نفسه فرعون ولا احد يهزمه !! دخلو جالسين والزوجة الثانية دموع فعينيها
ز 1: سااا عمري ماتعديييت على شي احد ؟ عمررني كليت رززق احد ؟ عمرررني لساني نطق بالتعدي او ظلم او الحكرة ! كما دخلني خوووك العروسة دخلتي معايا الداري ونتي الشابة اليام و ولدت ولادي قدامك و الله شااااهد بلي فقلبي اني عاملتك بحال ابنتي ! ظلمتييني ؟ و الدعوة المظلوم مقبولة عند الله عز وجل ولو يكون المظلوم فاجر فكيف انااا العبدة لربها و اعمالي صالحة بشهادة الجميع ! صبرت للسمك ! صبررررت الكلام السووء لي تتقولي ورا ظهري ! صبررررت للصداع لي تتنوضي فالاولادي مع ابيك !! صبررررت لي عمر لي المرأة صبراااتو هو شجعتي ابيييك يدخل عليا الضرة مع العلم اني كنت نعم الزوجة ( اشارت الاخ ) هوووا يشهد فيا ؟ مع ذلك قلت واش نحرم لي حلل الله ؟ ونتي عااارفة داك العام ولدددس هو ولدك ابيك ! دممك و اللحمك عندو سنة البكالوريا ونتي فرحانة و ناشطة مع الضرة حتى ولدي تعقد واسقط
الابن : ( عنقها ) دموووعك غاليين اماما
ز 1 : ( طبطبت على ولدها ) و الذنب ووولدي عليييك ! كنت من الخيرة الاساتذة فالدار القرأن و تنعطي الدين فسبيل الله بفرحة العامرة و بسباب تشطينك خويا لك الساااحة ! تنشوف عليك مسائل لي العاااار و عيييب وحدة بحالك تتلبس داك للباس الشرعي و تتدسنيه بفعايلك و تخلي الناس تشير لنا باصبع باسباب امثالك ! عوض الفتيات تسارع للتقرب من الله وتستر امثاااالك نفروهم
ريحانة : ( مثل العمود جامد ) صمت
ز1: ( تتخاطب الاخ ) ذنوووبي اليوم نحملهم ليييك يا زوجي و اب اولادي ! يااا لي صبرت معاك و كافحت معاك و من خوفي اني نتسبب فك العلاقة الاخوة ؟ جنيييت على نفسي ولكن حسبيا الله و نعم الوكيل فيك لا انت ولا اختك ! اليوم وجها حقيقي ظهر ليا ، بسبابك ركبت فالسيارة بوليس والناس تمنظرت فيا ! بافعالك ...شيطانك زين لك افكارك شيطانية و تتبلاي على بنات الناس ، ولي عاملوك بكل احسان ، لكن انا تندعيييك فلاخرة ماشي الدنيا ، ندعيك للخلقني وخقلك و يكون لينا حساب ! الا ظلمتك خودي حسناتي و هنيئا لك والا ظلمتني ناخد حسناتك وفوقهم نعطيك سيئاتي
زوجة ثانية : ( دموع نزلو لها ) الله ياخد فيك الحق ! ضيعتني وضيعتي العائلة
الاخ : ( شد راسو مهلوك ) صمت
زوجة اولى : الا صبرت وكملت فهاد زيجة ؟ على وجه اولادي و كل سيئة تلقيتها فهاد الدار بادرتها بالحسنة و آجري على الله ! ولكن لليوم فاص الكاس انهز ولادي ونخرج
اخ : ( بنظرة عاتبة ) طلعت ناكر الخير و مذنب بسبابك ! هزي حوايجك و رجعي البلاد و من اليوم ملقانا الى اليوم الدين
ريحانة : ( بتوسل ) آااابي !
اخ : ياريت كن ولدتك؟ كنت ندير شرع يدي ! اليوم وجهي تغطس فالثراب و رفيقة حياتي الاا ماسمحت ليا ماعندي فين انعس
زوجة ثانية : ذنبي حتى انا عليك
.....كانت نهايتها! لي سمعاتو ركب فيها الهم وغم و إسود قلبها و كحلت دنيا فوجها ! حصدت شر اعمالها !! تتشوفهم كلهم ضدها ، تتشوف ابيها تخلى عليها بل جرى عليها ، طمعت و تجبرت و خدات دين ستار لحسدها ، نست ان الارزاق بيد الله ! نست انها لي تتعبدو و تصلي ليه و تصوم ليه و تتستر ما اجلو ؟ انه عليم بالقلوب ..وقلب ريحانة لم يكن مثل للباسها النقي و المستور ! اللباس لي تتقنع بيه احدى النساء تتكون عندها العيد ان هيا عازبة و العروس ان هيا زوجة و الحاجة ان هيا ام ...
...أمراض لم نسمع عنها قط ! لم نعلم بوجودها ! كل انش في جسمنا هو كنز ! صحتك كنزك ، لكن هذا الكنز ايلا تقسم لك و تسرق تينقص ! مع الوقت و العيش نسمع و نستكشف مثل ما نوصير ومعاه عائلتو تيسمعو الطبيب لي تيطلعهم على مرض زاينة ..
طبيب : انا نعطيكم التشخيص الاولي فانتظار الدكتورة المختصة بالغدد الصماء لي كاتنتمي لها الغدة الدرقية
مغيث : وي اتفضل
طبيب : ( اشار العنقو فراس رقبة مع راس ) هناااا فوسط الرقبة ! تتكون عدنا لي كواطخ شكلهم مثل الفراشة تتعتبر سيدة الايض و تتلعب دور مهم فاداء العديد من اجهزة بحال القلب و دماغ و الكبدة و الكلاوي و الجسم بشكل عام ، هنا عرفنا انه لي كواطخ مهمين بزاف...وكذلك كيأترو على الصحة النفسية للإنسان...
خديجة: دبا هيا عندها ولا عاد بداوها الدكتور ؟
طبيب : شوف امدام ! اي انسان ربي خلقو عندو لكواطخ ! غير كاين لي عندو غير نشيطين وكاين لي عندو نشيطين بوتيرة عالية لي تيجعلهم يلتهبو او يتكون ولسيس او سرطان
نوصير : ( الدم طار من وجهو ) انا مراتي ! تتعصب بزاف ولكن سرطان ؟
طبيب : لا حمد الله مدام عندها التهاب جهة اليمن و ولسيسة في الجهة اليسرى حسب مابان لينا في الفحص المبدأي! وكما قلتي جاي من الاعصاب لان دقات قلب عندها سريعين
مغيث: ادكتور شنو عوارضهم ؟
طبيب : الاعصاب اولا و تيتبعهم ! فقدان الوزن بشكل سريع(في حالة نشاط الغدة الدرقية) ولو المريض تكون عندو شهية...كذلك الشعور بالحرارة ولو الجو بارد و تعرق ، ( هز يديه تيشرح لهم ) الرعشة اوسي ، للقلب يكون تيضرب فقمة اعصاب تتحس بحال يخرج من بلاصتو ( اشار كرشو ) مصارن غير تيغوتو
..طمنو عليها جزئيا ! نوصير تابع طبيب تا دخلو الغرفة الفحص لاحظها بللباس طبي و الطبيبة تتلبس قفازات و تتهضر مع فرملية ، ضرو قلبووو بزاااف ، ولو يقول انغوت و نضرب و نفعل و نترك ! لكن تتبقى هيا كما نطقها بهمس هو تيشوف فيها
نوصير : مي كوراصون ..
....قرب لها شد فيديها هيا مشوكية ! فاقت بين ايدي فريق طبي وتتحس بقلبها تيضرب ، دكتورة درات مادة لزجة فعنقها و بدات تتدوز بسونار و تتشوف و تعاود ..
دكتورة : مدام تعصبتي ولا دوزتي شي مشكل ؟
زاينة : (شافت فنوصير جاوبات) تعصبت مع شي احد
دكتورة : واضح ! ليغيكل ديالك منتظمة ؟
زاينة : شوية وصافي
..دكتورة تتكلم مع طبيب بالفرنسية و كلمات طبية ! تادخلت فرملية هازة ضوسي و شداتو طبيبة تتقرا رجعت جلست فبيرو و فرملية عاونات زاينة تنوض جلساتها فكرسي متحرك لانها منهارة
دكتورة: انت زوج السيدة ؟
نوصير : نعم
دكتورة: ( تتنهدت ) مدام تحاليل خرجو ! كنا مرتاحين ان الكواطخ نعالجوهم بالدواء لكن تحاليل خرجو حاجة اخرى
زاينة : ( فرملية قبل شرحت لها مرضها ) نحتاج عملية؟
دكتورة: مدام نتي حاملة !!
نوصير : ( تكعد قرب لبيرو طبيبة ) حاملة ؟ وما عليش بهاد كواطخ
زاينة : ( تعصبت تتبكي ) تنشرب كينة ادكتوورة !
دكتورة : مشيئة الله ! تهدني امدام الله يخليك! ( شافت نوصير ) مسيو قاد على مصاريف العلاج ؟ لازم تبقى تحت المراقبة على الأقل تلتيام
....نوصير فرحان و لكن متخوف انه يظرها لانه مخرجينها تتبكي ! خايف عليها و على صحتها ! متعود عليها قوية و زعيمة ، لكن هاد مرض ضرو فخاطرو وندم على ضحكو الباسل معاها و طنزو ...
خديجة : اتخرج ؟
نوصير : ( خرجت ليه بتسامة ) لا راها حاملة
خديجة: اويلي ! كواطخ و حاملة ؟
نوصير : ( تنهد ) اتبقى عندهم حتى يشوفو مع طبيبة العيالات
فاروق : هيا بخير ؟
نوصير : (طولها ) بخييييييير انا لي ترونت
فاروق : فين عمرك كنتي مكاد ؟ مهم وقف مع مراتك انا مشيت ها خديجة معاكم
أولاد الوازنة الجزء 43
محتوى القصة
التنقل بين الأجزاء