....هداك الصباح فوقت ما يقارب الظهيرة ، تقريبا الكل كان عندها فكلينيك تامن نجمة جات لكن ماسيقوش الاخبار لمها لانها مريضة و خافت زاينة عليها ..دخلت عليها اسماء بزياد لي غير شافها قلب شفايفو تيبكي بحال تيشكي من بعدها، خداتو فحضنها معنقاه و تتبكي هو مزير عليها
الوازنة : اوا بطول عمرك ابنتي و بصحيحة و العافية ! ماتبكيش الحبيبة
اسماء : ( دموعها على السبة ) مسكينة توحشت ولدها
زاينة : ( تتمسح دموعها ) توحشتو و بالي تشطن عليه عارفاه ماتيهداش
اسماء : بسلامتو باغي غير يلعب
نجمة: اجي عندي اطاطا ؟
زياد : نااااء ..
الوازنة : اوا ابنتي ماقالو ليك خروج ؟
زاينة : مزال ! طبيبة قالت ليا بقات ليا تحليلة وحدة تخرج و مع الحمالة تاهيا خرجت ليا
الوازنة : زيادة الخير خيرين ! الله يشافي الحبيبة
اسماء : مبروك عليك ازين
زاينة : ( بدون نفس ) الله يدير الخير !
..جلسو مونسينها و تيتناولو اطراف الحديث و زياد ماتتسمع عليه ! غير هدا ! رصى حتى تسمع الدقان و دخل نوصير موراه فاروق بلبسة المخزن اسماء شافتو تحشت فالوازنة ..لقاو السلام و استانف الكلام بجدية وصوت جوهري قوي
فاروق : ( قبل راس الوازنة ) وعليه ! هاد مسمار طرقناه ( هز صبعو بتحذير ) اااااخر مرة لا نتي ولا مرات نبيل تبقاو تخدمو من عقلكم ! راه تتبدا غوات و تسالي طلوع هبوط فالكوميسارية
الوازنة : الا اوليدي آش بينا وبين شي صداع ! صافي اوليدي عمرهم يعاودو ولكن تاكحل الراس صعيب اوليدي ، انا تا البارح عاد سقت الخبار من نوصير
نوصير : اوا الله يهديها على صحتها
فاروق : يلاه السلام !
..خرج الخارج كان نبيل تينتظر جواب زاينة كدالك باش يتحرك من جهتو ! بقاو مدة تيتذاكرو و فاخير نبيل هز اسماء و الوازنة وزياد و بقى فالكلينيك نوصير مع زاينة لا نجمة كدالك مشات ..
نوصير : ضروري تحاليل ! شفتي هضرتي لي تنكول ليك بردي و ميكي ؟ هانتي طحتي طيحة مقودة
زاينة : مكتاب الله ! و ماتنشعرش براسي
نوصير : مكتاب الله ماختالفناش ولكن بردي السوق ! راه تتحرقي اعصابك وصافي ، ربي مكتب ليك الحاجة و مقسمها حنا تنبقاو نتقاتلو
زاينة : انا كرهت ؟ تانا ماكرهتش تكون نفسي باردة و مانتسوقش
نوصير : ( ناض من كرسي مقرب عندها حط يديه على كرشها ) شي بامينو هنا ؟
زاينة : راه والله حتى تنشرب الكينة
قرب وجها تيشوفها شاحبة و شنيفاتها بيوض ! دير لي دارت و تغوت و تحيح ، تتبقى الشلحة لي خطفت قلبو و عزت عليه فهاد المرض ، خلا الخدمة و جالس معاها و حداها ، ماباغيش يخليها تزيد تفكر و تفقص ، صحتها اهم ..قبلها فراسها
نوصير : مرحبا بيه ! برب حتى فرحت
زاينة : ( غير تتخمم ) صمت
نوصير : انا خارج جردة على مايخرجو تحاليل
زاينة : نعس شوية
...جالس فالجردة شوية ناض خرج الخارج بان ليه كارديان شرا كارو منو و كماه يركل بيه دماغ و يحيد ليه توتر ، ماتيحملش الجو صبيطارات ، واقف مكانو تيضرب برجليه حجرة لي جات قدامو و تيحس بخاطرو تيزتزير ..حط يدو على صدرو تيطبطب ورجع داخل لعندها تجه الحمام غسل وجهو ويديه بصابون تيحيد ريحة تاخرج ضرب فرملية داخلة وزاينة فاقت و لقات تحية
فرملية : اوا مدام زاينة مرتاحة ؟
زاينة : ارتاح فداري !
فرملية : اوا الله يشافي ! تمشي على رجليك ولا نجيب كرسي ؟
نوصير : مزال شي تحاليل ؟
فرملية : الا سيدي الدكتورة التوليد تينتظركم فمكتبها
..حركت لها راسها و ناضت جالسة و نوصير قرب لها صندلتها و تيشوف فيها حاسها متوترة و نفس احساس عندو ! جلسوها فالكرسي و خارجين بيها للمكتب ، كل خطوة تيخطوها نفسهل تيضياق و مصارنها تيغوتو ! رجعت تعرف اعراض الاعصاب و نفسهم تتحسهم مدة ولكن تتميك ..دخلو المكتب و القاو تحية على
الطبيبة: كيف ابنتي كاتعرفي الغدة الدرقية كاتلعب دور مهم في مرحلة الحمل بإعتبار أنها هي لي كاتنظم لينا مجموعة من الأمور في الجسم البشري بحال درجة الحرارة، التمثيل الغدائي وضربات القلب... واضطراب عمل هذه الغدة كيسبب خلل في نشاط الجسم فمابالك ايلا كانت المرأة حامل هاد الخلل للأسف كايشكل خطورة على الأم والطفل.
زينة: مافهمتش أدكتورة شنو بغيتي تقولي لينا بالضبط؟ واش أنا والجنين غاتوقع لينا شي حاجة مع هاد المشكل لي عندي ؟
الطبيبة: شوفي أنا مهمتي كطبيبة هي أنني نشرح لك خطورة الوضع ديالك ومخاطر الحمل مع النشاط المفرط للغدة وهنا انتِ والأب خصكم تاخدو القرار وتحطي نصب عينيك مصلاحتك ومصلاحة صحتك بالدرجة الأولى.
نوصير: مرحبا أدكتورة هاحنا كانسمعوك وانا معاك في كل حاجة كاتهم صحة مراتي...
الطبية: إذن لي بغيت نقولو لكم هو أننا فاش كانتكلمو على نشاط الغدة الدرقية فحنا كانتكلمو على نشاط هرمون التيروكسين هاد الهرمون هو الهرمون الرئيسي لي كتفرزو الغدة الدرقية في مجرى الدم، وكيلعب دورًا حيوي في عملية الهضم ووظيفة القلب والعضلات وتطور الدماغ وصيانة العظام إذن بامكانكم تخيلو معايا اشنو ممكن يوقع لطفل في مرحلة التكوين مع خلل في هرمون بهذه الأهمية.
نوصير وزاينة في حالة صدمة وغير كايسمعو لكلام الطبيبة لأنهم عمرهم فكرو بلي المشكل ممكن يكون بهاد الخطورة...
الطبيبة مستمرة في كلامها وكاتعدد ليهم بصباعها المشاكل والمخاطر لي غاتعاني منهم زاينة طيلة فترة الحمل... أولا الجنين كايعاني من تسارع ضربات القلب بشكل غير طبيعي كايولي عندو تورم في الغدة الدرقية وانت كأم غاتعاني من الغثيان والقيئ المستمر ويقدر الجسد ديالك مايتحملش وتولي في مشاكل أخرى انت في غنى عنها حرارة جسمك غاتولي ترتافع بشكل كبير وخصوصا الأطراف ديالك، ارتفاع مستوى السكر في الدم وكيف كاتعرفو راه سكر الحمل هو مسألة لي ماخصناش نستاهنو بها أبدا...
طبيبة : انا ماباغاش نخلعكم ولكن من الواجب عليا نحطكم في الصورة وللاسف مع هاد الخلل كايكون خطر الاجهاض كبير أو أن المدام ممكن تصاب بما يسمى "تسمم الحمل"وحتى ايلا قدرات تكمل مدة الحمل فغالبا الجنين كايزاد ميت وفي حالات أخرى كايتزاد وهو ضعيف بزاف وكانوليو معاه في مشاكل المناعة هذا ايلا قدر يصبر على مشكل "فشل القلب الاحتقاني" اي أن القلب ماكاتوليش عندو القدرة على ضخ كمية كافية من الدم لأنسجة الجسم...
زاينة: ولكن ادكتورة مايمكنش مايكونش شي علاج لي يقدر اساعدني باش نتجاوز هاد المرحلة مدام المشكل كاين يعني الحل غايكون ؟
الطبيبة: أبنتي علاج فرط نشاط الغدة الدرقية خلال الحمل محدود مراعاة لسلامة الجنين، أي دواء غيوصل للجنين عبر المشيمة ولي غيأثر ليه سلبا على صحته ونمو دياله، وفي الحالة ديالك راه كاتعطيو أدوية لإبطاء معدل ضربات القلب والتريتمون قاسح شوية وكايشكل خطورة على الطفل...
وكذلك كاين العلاج الإشعاعي وهو غير امن للجنين أثناء الحمل، وكاين لي كايدير الجراحة ولكن كذلك ماكانصحوش بها في فترة الحمل حيث غانبنجوك بشكل كامل والجرعة غاتكون زايدة وقاسحة على الجنين ، لهدا تنقترح الاجهاض مبكر وتبعي العلاج للغدد لان اي تأخير فعلاج تيأدي خطورة للحياتك
....قرار يدب رعب فقلوبهم ! زاينة تترعد للدرجة صوت اسنانها تاسمعهم ! مد يديه شدها تيحاول يواسيها ، ولو هو لازمو لي يواسيه ، اليوم تبثت عندو ان القلب تيعلم و الكبدة تتحرك على ضنى ! قبل ساعة وخاطرو مزير و قلبو مقبوط ..دموعها سالو و طبيية مدت لها زيف تمسح
طبيبة : ( غلقت ملف ) شوف ابنتي نتكلم معاك بصفتي شخص قريب ليك وليس دكتورة ! انا المراة و أم وحاسة بيك وحق القسم اللزم الا حاسة بيك ابنتي لكن قدر الله ماشاء فعل
نوصير : (خاطرو مزير و قلبو تيتعصر ) داكشي لي كاين مكتاب الله تيتصرف
زاينة : ( تتمسح دموعها وتبكي ) ماكنتش عوالة على هاد الحمل ولكن طاح فكرشي بغيتو ! ولكن ادكتورة كاين لي حمل بيه
نوصير : ( نزل راسو دم تحقن فوجهو ) الرزاق الله
طبيبة : كن ابنتي كان عندك نسبة قليلة للنجاة راه نغامر معاك! ياك عندك وليد ؟ عمرك تقارني حالتك بحالة اخرى ! الغدد درقية انواع و فعلاجها كدالك...
زاينة : اااه
طبيبة : فكري ابنتي فيه اولا ، و فصحتك و مزال ربي يخلفكم
طبيبة : انا ك الدكتورة راني مأذية القسم و حاشا لله واش جعضت لي شي امراة الا فحالة القاهرة ؛ انتي ابنتي معرضة للهلاك و لك للعذر امام الله و دينيا الشريعة الاسلامية تحطت للتسير ودفع الضرر و الرفع الحرج فاحكامها ومن هنا العلماء جازو حلات خاصة و استثنائية مثل حالتك ، الحمل لي تيهدد حياة الام و الجنين او حمل زنا المحارم و الاغتصاب ناتج بوحشية
زاينة : ( حطت يديها على كرشها ) شحال عندي ؟
طبيبة : مزال بويضة ! هدا يسهل علينا اجهاض و الله يخلفك خير و يجعلها اخر امراض !
نوصير : آمين
...زاينة : ( تتبكي بشدة ) ماااقدرتش
طبيبة : امدام زاينة ! اجهاضك راه مقرر من لجنة طبية لي داخلة فيها الدكتورة الاعصاب و انا بصفتي دكتورة توليد تنشوف ان استمرار الحمل راه هلاك ليك والجنين وهنا دينيا يجوز الاسقاط و دالك من باب ظفع اعظم الضررين ...فحياة الام و هي الاصل آولى من حياة الجنين وهو الفرع ! هنا الا قدمنا اعظم للمصلحتين راه مانقدروش طبيا ! ادا مصلحتك مقدمة على مصلحة جنين
زاينة : ( تتمسح وجها ) ماعندي تا الحل ! الله يتجاوز علينا
طبيبة : سي القباج اتمضي ليا هاد اوراق ! و لازم تآدي الواجب اولا ! من هنا ساعة نزلوها البلوك
نوصير ...وقف تيمضي هو مزير فوجهو ! شاف ثمن و جبد حسبهم لهااا وشكرهاا و رجع زاينة الغرفة حتى ترجع فرملية ...حالتهم مأزمة ، نوصير تيحس بجسمو تيتحرق و حلقو نشف ..
زاينة : ( هزت تلفون تتبكي تاعينيها ضببو ) اففف
نوصير : ( قرب لها ) شنو بغيتي ؟
زاينة: بغيت نقولها لاختي و البنات يجيو يوقفو معايا
زاينة : آمين ! هادي دير ليا راس ! نتحكم فراسي انا عيت من اعصاب
نوصير : ( تيقبل يديها ) بركة من البكا انا مزاوك فيك راه قلبي ايتحرق ! هانا كنت ميت على اولاد و فرحت وولكن حكمة الله
...واسها و طمنها !! اتصل بنجمة و اتصل لنبيل و مغيث و اخبر خديجة ! شوية دخلو فرمليات يخروجها ..ضاع الامل و ضاع الفرحة لي ماكملت حتى 48ساعة ..تابعها خطوة بخطوة تا وقفو فالباب بلوك قبل راسها و همس فوذنها
...ماتخافيش انا معاك
..فتحو الباب مدخلينها ..و نزل مع حيط جالس فارض تيسوط بقوة و الم ..
نوصير : لا حول ولا قوة الا بالله! ياربي ماترجعها ليا و لولدنا ..
يتبع...
قضية اجهاض فزنا محارم نقدر نكون هضرت بعذر واحد من حالات عدة ! فالاجهاض فالدين كلها اش تيفتي ! لان تيقول من اكرهت من زنا المحارم ! لا تعتبر زانية ( للتي اكرهت ) ولا يقام عليها الحد ( العقاب ) ولا اثم عليها و يعتبر الجاني هو الزاني و له عقوبة عظيمة يوم القيامة لانه الاثم و الجرم ايضاعف ، لان زنى محارم الاشد جرما من الزنى بحد ذاتو ! واالا نتج حمل يقال انه يحرم اجهاضه ...
فلا يجوز إجهاض الجنين، ولا يلحق بوالده من الزنا، بل يلحق بأمه .
أولاد الوازنة الجزء 46
محتوى القصة
التنقل بين الأجزاء