لطيفة مصغرة عينيها وتشوف فالباب القدامي محلول بلاصت الكيدون وحتى شي حد مافيها
إلهام دور فعينيها: والله الا ديال ياسين فين مشا خلاها فنص طريق
لطيفة عوجات فمها,: خلاااااتو احبيبة خلاااااتو اما هوا ميخليهاش
كوثر دور بيها : لطيفة عندك تيليفونك
لطيفة: خليتو فدار
كوثر بزعفا : بففف بغيت نتصور قبل مايجي
ياسين وقف عليهم هاز بيدو ديال الما : هاهوا جااا (شاف فكوثر وهز تيليفونو ) طلعي نصورك
لطيفة جرات كوثر ووقفات قدامو: والد رقوووش مبقيييتي تحشم ولا تستحياء بوجهك حمر باغي تصورها
ياسين مطلع حاجبو : ونت معاااك (شاف فكوثر) بغيتي تصوري طلعي تصوري حتى نصيفطهم لك
إلهام نقزات : حتى أنا بغيت نتصور
ياسين شاف فلطيفة ببتسامة: هما ليبغاو اوى نقصي من الخفا لي فيك.
لطيفة خنزرات فيه وقلبات وجها اما هوا حط لبوديزة وهز تيليفونو وأشار الكوثر وهيا بالفرحات عليها طلعات بلاصتو وضحك وبقات كصور وتوريه كيفاش أدير اما لطيفة غير منفخة وتشوف فيهم اما هوا مبتاسم مرة مرة كيشوف فيها
كمل الكوثر وعطاها تيلي تشوف وفنفس الوقت عطاتو إلهام إصورها بنفس البوز ولطيفة كتشوف
ياسين هز البوديزا ديال الما وضرب بيها مع الأرض حتى تفركعات وغوت : غدييييييي تغبروووووووووووو ولا برررررررب نهااااااركم مطلع عليييييه شمس
كوثر قفزها ولصقات فلطيفة لي دافعة جبها وشافت فيها
لطيفة شافت فيها : منننننننييييييتك قفزززززك ابنت مصطفى
أناس شد فلطيفة ودوا معاها بالهداوا: ختي الله إحفظك ويخلي لك باك وموك إلا ما فرتكي هد جوقة (شاف فياسين لي وجهو حمر بالأعصاب ) الله إحفظك مقادين على صداع
لطيفة شافت فيه ميقا: معندك درااااعوووو اولد خليييفة (عوجات فمها وتشوفيه بجنب عاقدهم ) مي على وجه الوليدين غدييي نمشي (شافت فياسين ) ولاكين بشرط
كلشي شافو فيها اما أناس بتاسم
أناس : مرحبا شنو
لطيفة شافت فيه مربعة إديها : تيليفون هداك خونا غيبقا عندي حتى نهز منو تصاوري وتصاور ختي
دخلات لطيفة تسلت الدارهم مع ستا ديال صباح ودور فعينيها وهزا سطل حتى تساطحات مع باها فالمرح
لطيفة شهقات : هااااااء بااا ص صباح الخير صباح نور احم كيف صبحتي ابا لابباس مزيان هوا هدااااك اوى الحمدو الله (بتسمات ودخلات راسها بين كتافها ومشات مكملة طريقها دور فعينيها وهوا مستغرب فيها)
مصطفى شاف فيها : وووووقفييي
لطيفة وقفات بلعات ريقها وشافت فيه مبتسما بزز: نعام ابا
مصطفى شاف فسطل : أش بغيييتي سطل وفين كنتيييي مع صباح
لطيفة حطات سطل وشافت فيه بتوثر: والو ابا غييير غير مشييت كيف تعرف
مصطفى مخنزر : هدددددري مقااااد فين كنتييي فهااااد الوقت
أناس كيشوف وشاد على فمو : شكون غيكون دار فيها هاكا
ياسين ضحك بالغدايد وشاف فيه كيهدر بغضب ويشير الراسو : أناااااا لي درتهاااا أنااااا (أضحك ويهدر بإديه ) كووووووونت ناااااعس ابااا أناااااس قووووولت شنووو نديييير ماندير نوووووض نخررررط طوموبيييل (خنزر فيه ) وااااش داااااوي من نييييتك هاااا
أناس دوز على شعرو وصات : أووووووف صافي صافي شنو غدييي دير دابا غدي ديكلاري ولا شنو
ياسين : حتى نعرف شكون عاد نديكلاري والا غنديكلاري خصنا شحال حيت (شاف نقاط فالارض ) شنو هدشي
أناس شاف فالأرض : الما لا
ياسين بقا كيشوف فنقاطي لي ديرين بطوموبيل بحالا تسقطرو منها شاف فأناس بصدمة: أش كنشوووووف اش كيعنييي هدشييي
أناس كيشوف : هدشي كيعني شي حد دار هدشي وهوا قاصد (شاف فيه ) تخسمتي مع شي حد من دورار ولا شي حد تخاسر معاك
ياسين : لا انا مكنعرف حتى شي حد وزيد عليها شكون غدي يزعم إدير هد الفعلة
أناس حط إدو على كتفو : شنو غدي دير دابا
ياسين هز تيليفونو: شنووو غندير نعيط لديباناج إهزها عليا من هنا نبقا نشوف فيها انا
أناس ميق فيه: ونت مهرس زيد ندوها الورشة صباغة ونوقفو عليها حتى تصلح
ياسين ضحك: ههه لالا صافي كملات نسوقها هاكا
أناس : وشوف لي يناسبك
ياسين شاف فيه ودوز الخط هدر معاهم دارو معاه ساعة ويكونو عندو قطع ماهم وبقا كيشوف فطوموبيل لي صباغة تقلعات بحال صباغة ديال زيت لي تكون فالحيط والحيط مدخل الما من شي صرب وتقلع ههه تكرفسات عليها مسكينة
عند لطيفة مبقا بغا اجيها نعاس شدا تيليفونها وضحك غير بوحدها ومرة مرة تشوف فكوثر لي ناعسة وتهدر فحلمها
لطيفة ببتسامة : والبادي أظلم هه (سمعات الباب تحل وهزات راسها فمها لي دخلات عليها وهازة شطابة محروقة )
كوثر حيدات تاني الغطا وشافت فيها بعين وحدة: مااااال هديييك كيف جاتك وش دوري دوري نبان لك أنااا(شافت فمها) وبلا متشوفي فيا راه مفخباري والو فين عمري قربت انا الشطابات باش نبدا
لطيفة تفك إدهامن إد مها لي غرسات فيها ضفارها: ومييييي راك قصحتيييييني طلقي
لطيفة كارزا على سنانها: قووووولييييها فالبووووق نت حسن وااش غتسكتييي ولااا لااا
كوثر : صافي صافي هانا سكت
لطيفة شافت فيها: أش بان لك نمشيو عند مرات عمي
كوثر عوجات فمها: هيا لي بقات لينا نت كاع معرفة فين غتمشي وتهدري
لطيفة بتسمات : أه أجيي نمشيو الجنان عمييي أش بان لك فيه كلشي تحضي داخل والخارج
كوثر شدات فيها وضحكات : مممم هههه قولي غدي تشوفي ولد رقول واش راجع ولا لا
لطيفة شافت فيها وضحكات : زيدي زيدي
عند زهور وجدات القهوة وأتاي وحطات الحلوى وكاع دكشي لي موجدة الفطورها حتى قطعها صوت الباب مسحات إديها عاد مشات حلات
زهور بستغراب : سلام عليكم تقلبو على شي حد
سعيد ببتسامة وهاز جوج قوالب دسكر : وعليكم سلام دار سي مصطفى هدي
زهور شافت فمو : اه هيا هدي شكون نتما
أم سعيد: حنا جاين ليوم أنا ولدي على قبل بنتكم
زهور بستغراب : بنتنا
سعيد ببتسامة: لطيفة
زهور بصدمة: لطييييييفة
سعيد ببتسامة: إلا قبلتو علينا
زهور حيدات ليهم من الباب: دخلو دخلو
أم سعيد بتسمات عاد دخلات تبعا زهور عاد تبعها سعيد
زهور دخلاتهم لصالة عاد جلسو : ايه قلتو جين على قبل لطيفة
ام سعيد ببتسامة: اش غنقولك الالة حتى انا مكان فخباري والو حتى جا عندي ولدي البارح قالك كان عند صحبو هنا فالعطاوية وشاف شي بنت عجباتو وبغاها الزواج,وانا معليا غير نتبعو فين ما قال ليا وليوم جيناالا قبلتو علينا غير ندويو والخطبا من بعد ما نشوفو شنو تقولو
زهور ربعات إديها : وشنو نقوليكم دابا معندي ما نعطي أب البنت مكاينش والبنت حتى هيا مكيناش كيف تشوفو
أم سعيد ببتسامة: عارفة ألالة جينا مجيا مزروبة كيف قولت لك ليوم عتبروها غير جينا نحطو كلامنا على البنت وإلا بغاتو معليا غير ندعي معاهم بالله إكمل عليهم ويسر ليهم
زهور ببتسامة: وصارحة تقال البنت عندي شويا معكسا حتى تجي ونشوفو شنو غدي تقول (ناضت ) بركو مرحبا بيكم صبرو نجيب كاس ديال أتاي باش إحلا الكلام
ياسين واقف حدا باب دار لي كان محلول يالله جا يدخول حتى شدو أناس
أناس : فيييين غدييي واش حماقييييتي
ياسين نتر إدو: لاااااش تبعني ها
أناس : واااش منيتك غدي دخل على ناش هاكا
ياسين دفعو وتم داخل: مشغلكش
أناس دوز على وجهو وتبعو داخل حتى زعزعهم الغوات لي فدار وشافو فبعضياتهم مصدومين ومشاو كيجرو منين جاي صوت
كوثر غير شافتهم واقفين حدة الباب صفارت وشافت فختها لي تدفع فمها لي تنتف فيها
كوثر بصوت مقجوج : ممم (غوتات) مييييييي
زهور شافت فيها وشافت فدراري لي واقفين مصدومين
زهور : نتمااا
لطيفة مسحات خنونتها وبلعات ريقها حيت شافتهم اما كوثر مشات طارت شدات فيها
لطيفة بصوت باكي : مشييييت فييييها
كوثر ثبكي معاها: صااااافييي لخرااا لك مي ريشاتك على الخطاب وبا يريشك على طوموبيل
لطيفة شافت فيها: المووووووسااامييييحااا اختي
كوثر عنقاتها: ربيي يسامح ربي يسامح
زهور ناضت حلات زيفها ورجعات ربطاتو عاد مشات العند دراري وقفات عليهم : ولدي أناس ولدي ياسين أش هد المجيا
ياسين كيشوف فلطيفة
أناس ببتسامة: لا والو غير كونا ديزين من هنا و سمعنا صوت الغوات سحاب لينا واقع شي حاجة شفنا الباب محلول ودخلنا
ياسين شاف فيها وبتاسم
زهور : سمحو ليا اولادي والله حتي طجييييت مع هد البنات (شافت فيهم وغوتات حتى قفزاتهم) يااااااالله غبرووووو عليا كمااااااارتكم ولاااا نجيييي نكمل لي بديت
كوثر همسات : هد مييي شوهاتناااا وكملاااات لي بديتي
زهور ضحكات بفقصة : علاه لي والد عزري دواااار استاهل الخطااااب (تنهدات) اشطباتو وسمعاتو خل ودنيه مسكين هوا ولا مووو وبلا حشمة بلا حيا جرات عليهم من دار
ياسين بتاسم : عبرات على جدو
أناس وزهور شاف فيه : أش
ياسين تجمع وتقاد فالجلسة وحمحم; احم, زعما حرام عليها مدارت فيها ميصلاح الولد صحبنا والله اعمرها سلعة مفيه حتى حاجة دلعيب
زهورربعات إديها: وراااااه انا بناتي مسخووووطاااات ومنزيد عليها حرف والله حتى عز فيا داك الولد غير الله اسمح ليها منو
أناس شاف فياسين : اوى ممكتابش الله اسهل عليها
زهور : لهلاااااااا يسهل عليهاااااا خطيااا عطاها لي الله ومقدا على دعاوي ناس فيها اللهم نشوفها حدايا تفقصني ونكمدها ولا تفقص شي وحدا تشهرها قدام لي سوا ولي ميسواش
ياسين شافيها: أوى الله إهدي الحاجة هدشي لي غدي نقولو
كوثر حبسات وشدات فيها : أجييي نجلسو وعودي ليا كاااع لي سمعتييي داااابا منتفاكش معاك
لطيفة جالسة مربعة رجليها : اش غنقول ليك مهم سمعت أناس قال ليه علاش فاش سمعتي جاو فيها الخطاب مشيتي تجري كيف شي حمق (كوثر طلعات حاجبها) يعني فاش جاو العندنا ماشي كيف ضنينا حنا
كوثر : أول حاجة غدي ديري هيا غدي تعودي ليه مم فوقاش ونت كتبغيه باش اعرف شكون لي عطياه قيمة بلا متشوف كمارتو وتانيااا غدي تعتارفي بطوموبيل وخليو علاقتكم تطون مبنية على صراحة بلا من دوك تحراميات ديول والو
لطيفة شدات فيه : ياسيييين خليييييني غير نشرح لييييك غير نشرح
ياسين شاف فيها: شنووو بغييتي تشرحييي هاا شنووو اش عندك ماتشرحييي ااااا هناااا وصلاااات بك ابنت مصطفى ياااااااااك هناااااا وصلاااااات بك (شد إدها وحيدها من دراعو ) لييييي رخيييييييص رخييييييييييص عمرووووووو يغلاااااا ونت بدااااااااااااات عمرررررك تغلااااااي فعيييييينييييي وحدة مدااااارت الخييير حتى فدييييك لي ولدااااااتهااااا ملقات معاااااهاااا رااااحة كيييييييييفاش غيلقاها معاك شي حد ااااااخوووووور (بعد عليها وشاف فيها بإشمئزاز ) صراااحة سعيييييد نجااااه ربييي منك رضاااااات ميمتووو لي بعداتو منك امااااا كوووووون تزوجك غيكون دار اكبر غلطة فحياتو
لطيفة مزال كتستوعب كلامو مصدومة من الموقف ومن شخص ومن البلاصة لي هيا فيها : و ولاكيييين نت نت قووووولتي كتبغييييينييي ايااااسيييين
ياسين ضحك بسخرية : هااااء وقتااااش قوووولتهااا هااا قووووولتهااا لييييييك اااا (شاف فيها مخنزر ) وااااش قولتها لك
لطيفة جمعات نفسها وشافت فيه بتحدي : اه اه عااااااارفة كتبغييييييييينيي ومباااااغييييييش تقوووولها اولد ,رقوووووش وبودنيااااا سمعتك قولتيهاااا الأنااااااااس بودنيييييي سمعتهااااااا غير بلا متحاول تكدب
ياسين حبسها : شنووو سمعتيييي
لطيفة : مكيهمش
ياسين شاف فيها مطول وربع إديه : ليييييسمعتييييه سمعتيييه غااااالط (شاف فيها مخنزر وطلعها وهبطها ) عمررررري بغييييتك ولا غنبغيك وحدااااا بحاااااالك متستااااااهل حتى تشوف فيهااا وحدة بحاااالك الكلبب غدي اشمأز من وحدة بحاااالك مكتسوى ظفر قطة معاااد نبغييييهاااا (هز إدو فوجها ) سمعييييييني مزيااااان ابنت مصطفى وكنتأسف حيت بنتووووو (خسر سيفتو) شتييي اناااااا واخا تبقاااااي بوووووووحدك فسطح الكرة الأرضية منشوفش فييييييك جييييييت متستاااااااهليييييييييش ابنت مصطفى حيت وحدة موسخااااا بحاااااالك متستاااااهلش تكووووون معااااياااا ولا ندخلها الداااارييييي ولا حتىىىىىى نتخيلها تكووووون مت ولاديييي أمثاااالك مووووتهم أحسن لييييييييهم مغديييييييش نطول معاك كلامي مييي لي غنقوووووليك الوليييييييدة عطيييها تساااااااع قداااااام داااار منشوووووووفكش فييييييه بررررررررب ونسيييق لك الخباااااار دووووري بالوليييييييدة ابنت مصطفى خبااااارك غدييي تعلم بيييها القبيلة كاملة امااا قديت طوووووموبييييل علاش تكرفستييي على وجه مووووك وباااااك وطعاااام لي كليناه معاهم غمضت عيني عليها اما الا جااااا علييييييك نتي نغرق بوك فالحباسات حيييييت تمااااا بلاصتك على الأقل نهني منك البشرية ولو غير ربع من عمرهم وداااااباااا ابنت نااااااس نسااااااااينيييي وداك الحب ولا زبل ديال البرااااااهش دوزيه بكاس داتااااااااي مع البرهوشاااات بحاااااالك حيييت ميشرفنيييش وحدة بحالك تبغييييينيييي (ضحك بجنب وشاف فيها بإشمئزاز وشفقة اما هيا واقفة كيف صنم وهدرتو دور فراسها بكلمة بكلمة حرف بحرف هزات فيه عينيها لي كانو حمريييين كيف جمر اما ملاميح وجها باقين قاصحين شافت فيه وعينيه فعينيها بتسمات إبتسامة كتحمل كاع الأحاسيس معاد سعادة اما هوا غير شاف نضرتها لي كيشوفو فيه وفيهم لمعة عمرو شافها ولا تخيل اشوفها نظرات كون كانو سهم كون صابوه فعينيه حس بقلبو تهز من بلاصتو ولاكين تجاهل الأمر)
*فلاش باك*
ياسين شاف فيه ببتسامة: كنبغيييييها
أناس شاف فيه مطلع حاجبو (فهد الوقت لطيفة مشات تجري )
ياسين عوج فمو: من نيييييتك كنبغييييهاااا هههههه زوييييينة هدييي ههههههههه (هز سلسلة من جيبو ومدها ليه ) ديااالمن هدييي اولد عمييي
أناس شاف فيها وشدها وبقا كيشوف فيها حتى تفكر وشاف فيه : ديال لطيفة
ياسين ببتسامة: هااااا اوى المعنى,
أناس حل عينيه من صدمة: لاااااا لاااا ميمكنش متقوووولييييييش هياااا لي داااارتهااااا فين لقييييتيها
ياسين عقد غوباشتو: لقيتها البارح فالبلاصة فين كانت طوموبيل وزيييد عليها محروووقة يعنيي نقط عليها دكشي لي دارت الطوووومووووبييييل وميكون غير لما القاطع هوا لي كيحرق
أناس شاف فيه: شنو غدي دير دابا
ياسين شد من عندو سلسلة : انا لي عارف شغالي معاها حييييت زادت فيه بزااااف كثر من القياااااس
اناس حط ادو على كتف ياسين : غير بالعقل اولد عمي
ياسين شافيه وهز كاس داتاي شرب منو وبقا كيشوف بعيد
*نهاية فلاش بك*
كوثر بقات واقفة تهضر مع أناس ومقابلين البهايم حتى لمحات لطيفة من بعيد وهي تبتاسم
كوثر ببتسامة: أناااس احم نخليك دابا خصني نمشي
أناس بستغراب: باقي الوقت
كوثر ضحكات : هه لالا خاصني نمشي من بعد (شافت فيه ومشات تجري بلا حتى متسمع كلامو اما هوا شاف لطيفة وهز تليفونو صونا الياسين )
أما لطيفة بقات مبتاسمة وقلبها كينزف دم بغات تمحي الإبتسامة ولاكين مقدراتش شافت فيه مطولة بنفس نظرة عاد ضارت بدون أي كلمة مشات تبعا رجليها وروحها اما جسدها فهاد لحضة مات
ياسين بقا واقف كيشوف فيها وقلبو مقبوط عليه ونظراتها مبغاوش افارقو عينيه بقات صورتهم قدامو
شاف فيها حتى غبرات دوز على شعرو وصات شد عنقو من لور عاد مشي فحالو
كوثر شدا فلطيفة وضحك : ههه صاااافيييي فركعتوو رمااانااا هاااا (تشوف فيها مبتاسمة وكتشوف فإتجاه واحد وعينيها حمرين بدون دموع )هييييه واش مكتسمعيييش لطييييفة (كتحرك فيها) هيييييه وبناااادمة جوبييييي هيييييه
لطيفة صوت ختها مختارق سمعها مي مقدراتش تشوف فيها ولا تجاوب صوت ياسين كيتردد فمساميعها كاع كلامو كيتعاود حسات بجسمها غادي وكيتقال وقلبها كيتزير وصوت ختها زايد على صوت ياسين بدات نفسها كتحبس وصدرها كيطلع وينزل بقات دقائق حتى مبقات تسمع حتى صوت ولات كتشوف ظلام قدام عينيها بتسمات وغابت
كوثر غير طاحت ختها بين إديها شداتها دغيا سرحاتها حطات راسها على رجليها وبقات تصرفق فوجها
زهور : م ممالهااا شنو وااااقع شنو دااااارت (شنقات على كوثر ليتبكي وسخفانا) دويييي هدريييي شنو واقع هااا
كوثر : لطيييييفة طاااااحت طااااحت كانت وقفاااا وطااااحت امييي بين ادياااا بين اديا امييي طاحت
زهور غوتات: فييييين طااااحت فييييين هاا
كوثر نعتات ليها لجنان: لهيييييه امييي
زهور دفعات كوثر ومشات تجري وقلبها غيسكوت اما كوثر تبعاتها موقفوها حتى لعند لطيفة لي مجبدة فالأرض غايبة على العالم وعلى لي يدور حداها زهور غير شافتها وطارت ليها شداتها فحظنها وضرب على وجها
ياسين شد فأناس وكيهدر بزربا وقلبو غيخرج من بلاصتو: جيييب طوموبيل دغيا نشوف شنو واقع دغيااا (طلق منو وتبع كوثر كيجري اما اناس حتى هوا مشا كيجري الدار باش اجيب طوموبيل )
من بعد ما تبع كوثر وموقفوها حتى العندهم غير شاف لطيفة فحظن مها ومها تبكي وتحرك فيها
زهور شافت فيه جاي العندهم اما ياسين ناض وهز لطيفة ومشا كيجري بيها حطها لور ركبات حداها كوثر ومها عاد هوا ركب فبلاصت أناس واناس جلس حداه وكسيرة مخلي غير العجاجة من وراه نص ساعة بالحساب وصلو المستعجلات نزل اناس مشا كيجري جاب لبياص مع ممرضة وتلقاو الياسين لي كان داخل بيها غير حطها ومشا العند طبيب دور معاه فرمشة عين دارو بيها اما زهور جلسات الأرض هيا وكوثر معانقين وكيبكو
أناس واقف حدة ياسين وكيشوف فيهم : تهنيييتي دابا
ياسين شاف فيه كارز على سنيه : مكانتش نيتي هاكااا
أناس شاف فيه : شنو لي مكانش شنووووو وصلها الهاااكا اناااا (شدو من كتفو) شنووو قولتي البنت حتى وصلات الهد الحالة
ياسين تنهد وشاف فسقف وبقا كيتفكر كلامو ليها كامل داز على,ودنيه جمع أدو بلكمة ودار عطاها الحيط وغوت حتى قفز زهور وكوثر وشافو فيه اما أناس طار عليه شادو
أناس : شنوووو كديييير وااااش حماقيتيييي
ياسين دفعو بجهد حتى جا طايح وشد فراسو
ياسين بهمس: لطييييييفة لطييييييفة (ضرب إدو تاني مع الحيط حتى تجرحات )
زهور غير تشوف فيه اما كوثر ناضت بغات تفهم شنو كاين حتى شاف طبيب جاي العندهم
طبيب وقف عليهم وكيشوف فيهم بأسف : المريضة خاصها ضرووووري تحول الكلينيك حيت ضغظ نزل ليها بزااااف تقدر وحنا منقدرو نديرو والو لي علينا درناه مي الا بقا ضغظ نازل ومطلعش (شاف فزهور لتشوف فيه بدموع) تقدر دخل كومة ولا
زهور قطعاتو بغوتا وتبكي: ولاااااا شنووووووو هااا ولااا شنووووووو مال بنتييييي قولييييييا علاااااااش نزل ليهاااا ضغط عمرهااا وقع ليها هاكاا
كوثر معنقا مها وتشوف فيه : شنو نديييرو دابا
أناس : واش غتحولوها دابا
ياسين غير واقف وكيسمع
طبيب شاف فأناس : من دابا الساعة غدي نعرفو الا مكاين حتى امل لي خليها هنا غدي نحولها المراكش
زهور طاحت فشلانا : مرااااكش (شافت فيه )
ياسين بصوت مخنوق : ضروري تحول من هنا
طبيب : اه مهم خليت ليكم راحة
كوثر شدا فمها وتشوف وتفكر فختها وشنو وصلها الهداك الحال اما أناس وياسين تبعو طبيب البيرو ديالو
دازت ساعتين لي كانت اطول سعات دازت فحياتهم مدخلينها الكلينيك ديال مراكش من بعد ما تواصلو معاهم قبل ووجدو ليها الغرفة وكاع دكشي على ود الحالة ديالها ياسين ولا كيمشي ويجي ويطلب الله ميوقع ليها والو أما كوثر معنقا مها وسكتين حتى شتت إنتباه ديالهم صوت باها الجاي كيجري عندهم بحوايجو ديول الخدمة ومن وراه أناس لي لحقو عليهم حالتو ميعلم بيها غير الله على بنتو مشا ديريكت العند زهور لي جالسا وتشوف
مصطفى بخوف وصدمة : زهوووور ش شنو واقع شنو كااااين (شاف فكوثر) شنو وقع الختك
كوثر شافت فيه وتهدر وتشهق بالبكا: طاح ليها طوووونسيوو
مصطفى شاف فيها بصدمة : طووونسيوووو وقتااش فيييها طونسيوووو شنوو طيحو ليها
زهور شافت فيه ودوات بصوت مبحوح : معرفناااااااش
ياسين غير كيشوف فيهم بلا ميشعر طاحو دموعو على ناس لي كيشوف قدام عينيه على ناس لي حالتهم تشفي العدو على بنتهم بقا كيشوف فيهم بلا ميرمش ونظرات لطيفة الأخيرة والإبتسامة لي دايرا زادت أزماتو أحاسيسو تخربقو فلحظة ولا كيتمنا كون غير سكت ومهدرش كون غير نخلها وميمشيش عندها مي كوون تم كون .
عند لطيفة
بدات كتحرك فعينيها وصوت الألة ديال نبضات القلب كيتردد فودنيها هدشي لي خلاها تحاول تحل عينيها ولاكين مقدراتش تحس بجسمها تقيل عليها بحالا محطوط عليه شي حاجة بقات مدة طويلة بنسبة ليها وهيا مضاربة مع راسها باش تحل عينيها
دازت 5 دقائق بالحساب عاد حلاتهم بشويا ومخسرة سيفتها من الإضاءة ديا الغرفة واخا إضاءة خفيفة مي هيا ضرباتها فعينيها بحال شعة بقاد بضع ثواني حتى حلاتهم دورات عينيها فالغرفة وبقات كتشوف فنقطة وحدة والفيلم كامل لي وقع ليها بدا كيتلاح فذاكيرة ديالها صورة ياسين وهوا كيضحك كلامو لي كان كيف سهم كلشي رجع ليها حتى الحظة فاش طاحت ومبقات عقلات فيه سمعات الباب تحل مي مهزات ش راسها بقات كتشوف فسقف وعقلها كلو مع كلام ياسين كيكمل ويعاود تاني من جديد ومع لا بالهاش الممرضة لي تفحص فيها وتسول فيها ولاكين لا موجيب كون الحيوط,كيهدرو اجاوبو فبلاصتها شافت نبضات القلب لي لقاتهم مرتافعين عاد عودات قاست ليها ضغط لقاتو كيف صباح متزاد مانقص عاد خرجات وكيف العادة وقفات عليها كوثر وزهور لي حالتهم حالة اما مصطفى غير جالس وكيشوف
مصطفى بحزن : سيمانا اولدييي سيماااانااا مشفتهاااش كيفاش بغيتي نصبر
ممريضة شافت فيهم ببتسامة: مهم على سلامتها (دارت إديها فجيابها ومشات )
بقاو وقفين كل واحد فبلاصة كيف العادة المنرضة وطبيب جاو ودخللو عندها وهيا على نفس الحال طبيب كيدوي معاها وهيا غايبة مكتسمع مكترمش حتى خلعاتو من حالتها وشاف فالممرضة
طبيب :من فوقاش وهيا على هد الحالة
الممريضة : انا دخلت لقيتها فايقة وعلى هد الحال
طبيب حك دقنو : كنضن دخلات فصدمة نفسية حيت ميمكنش تكون فهد الحالة بدون سبب أكيد تعرضات الصدمة لي خلاتها هاكا
ممرضة شافت فيه بستغراب: وشنو المعمول
طبيب :خصنا نعيطو ليها على طبيب الأمراض نفسية هوا لي غيعرف ليها
طبيب اشار الممرضة باش تمشي عاد شاف فلطيفة: واخا غدي نخليك ولاكين اهلك لي برا شنو نقول ليهم
لطيفة تفكرات كوثر ومها وباها وشفت فيه بصدمة: شحال وانا هنا شحال من ساعة ها
طبيب بتاسم : 168 ساعة (لطيفة وسعات عينيها) ما يعادل سبعة أيام
لطيفة شافت فيه وسكتات شحال عاد دوات : قوليهم ناعسة (حسات بالخنقة طلعة ليها وغوتات بصوت مبحوح) خرج عليييااااا خنقتييييييينييي متبقاااش دخووول العنديي متبقااااش دخل العندييي خرجح
طبيب شاف فيها تنهد وخرج أما هيا نعسات على جنبها وجمعات رجليها عندها وبقات تردد كلمة خنقتيني وهيا كلها كترعد وكتحس بداتها باردة بقات على داك الحال حتى نعسات
برا غير شافوه خارج ومشاو تلاحو عليه كاملين وكيهدرو مجموعين حتى واحد ميسمع التاني
ياسين بحزن شد فمصطفى ; عمي دابا عرفناها فاقت يالله الدار رتاحو غدا ورجعو
مصطفى شاف فيه : غير خلينا اوليدي هنا مرتاحين
كوثر مسحات دموعها وشدات فباها: با عندو صح دي مي معاك(شافت فمها) راها ضعافت لاماكلا لاشراب لا نعاس لي عطا الله عطاه والحمد الله على قد هاكا
مصطفى جرها العندو معنقها وباسها فراسها: غير خلينا ابنتي مرتاحش فبلاصة لي فيها نتما
كوثر دورات إديها عليه وطاحو دموعها: صحتكم ابا هيا الأولى (هزات راسها فيه ) دير ليا خطري وسيرو انا نبقا هنا منتحركش من هنا وغدي نصوني لكم كل دقيقة ابا غير رتاحو
ياسين مشا عند زهور شدها: نوضي الحاجة براكا عليك واش سحاب لك غدي تفرح الا شافتك هاكا (زهور شافت فيه ) اكيد لا متبغيش تشوف مها بهد الحالة (وقفها ) يالاه خصكم ترتاحو غدا ونرجعكم هنا
زهور شدات فيه : لا اوليدي غير خليني هنا حسن مبغيت نمشي حتى بلاصة غير خليني حدة بنتي وقريبا ليها
مصطفى جا العندهم : عندو صح يالاه ازهور نمشو غدا ونرجعو (شاف فكوثر) كوثر غتبقا هنا
كوثر تحرك راسها بأه: انا نبقا امي غير سيرو باش ما كان غدي نعلمكم والله غير سيرو بدلو هد الحالة ورتاحو
ياسين باس زهور فراسها : يالله الحاجة يكفي سيمانا ونت هنا يالله
زهور شافت فكوثر : عنداك ما تعلميني الله اجعلها غير تضحك ولا تسمعي صوتها عيطي ليا واخا تكون فنص ليل غدي نجي
كوثر شدات فيها : واخا امي كوني هانيا
ياسين بتاسم الكوثر : نوصلهم ونرجع
كوثر شافت فيه ودوات بنفخة : مكين لاش اخويا غير سير رتاح
ياسين شاف فيها وسكت عاد شد فزهور ومشاو اما كوثر بقات تشوف فيهم مخنزرة : بربيييي وتكوووون نت سبااااابها اولد رقووووش حتى تشوف مني لي ميعجبك (تنهدات وحكات إديها مع بعض عاد مشات تسلت ودخلات على ختها لي كانت ناعسة وضعيفة كثر من الأول غير شافتها وقلبها تقبط عليها ومشات وقفات عليها ودموع فعينيها )
كوثر دوز على شعرها وتهدر : لطييييفة ختييي شنو وصلك الهد الحال شنو وقع ليك (تحرك فيها) لطيفة فيييقييي توحشتك توحشت غواتك مجاتش معاك نعاس (بتسمات فاش شفتها بدات تخسر سيفتها باش تفيق ) هه نوضي راك نعستي بزاااااااف بغيت نعود ليك شنو وقع نوضي (لطيفة حلات عينيها وبقات تشوف فكوثر بلا رد اما كوثر طلقات ضحكة وتلاحات تبوس فيها وشدات وجها بين إديها) لطييييفة هه على سلامتك تعرفي مييي مي غدي تفرح فاش تشوفك مييي غدي تفرح
لطيفة شافت فيها ببتسامة ودوات بصوت مخنوق: كوثر
كوثر شدات وجها بين إديها وتهدر ودموعها ديزين : روووح كوووثر حبيييبت كوثر هدررري شنو وقع ليك هممم شنو (ميلات راسها فيها وصغرات عينيها بترجي اما لطيفة شافت فيها مطولة وطلعات تنهيدة ودوات فنفس الوقت)
لطيفة : خلييينييي بوووحدي (صغرات فيها عينيها وحيدات اديها من عليها وكدوي) خلوووني بوحدييي (شافت فيها بعينين حمرين وكوثر تشوف فيها مصدومة) خرجييي وسورتي علييااا مبغيييت نسمع ولا نشوف حتى شي حد بغيت نبقا بووووحدي بوووحدي (شدات فكوثر ) سيييريييي
كوثر شفت فيها ومشات خرجات كتجري وسدات عليها لباب وتكات عليه وبقات تبكي اما لطيفة بقات تشوف غير فالباب جمعات رجليها عندها وحضناتهم بإديها وبقات تشوف
أناس كان جاي العند كوثر وجايب معاه كسكروط مي غير شافها تبكي عند الباب لاح الميكا ومشا كيجري عندها
اناس شد فيها بخوف : كوثر ماااالك شنوو وااااقع هااا هدرييي لطيفة وقعة ليها شي حاجة هممم (كيحرك فيها ) كووثر
كوثر شافت فيه وشهيق ديال البكا مخلاها تهدر : ل لطيف فة لطيييفة بيها شييي حاجة لطييييفة عمرها كاااانت هااااكااا (شدات فيه) لطييييفة مبيييخيييرش ا أناااس من نهااار خلييينهم هيا وياااسين وقع ليها هاكا (شداتو بترجي) قوووول ليا عفاااك شنو وقع هاا شنوو قالللييييها واش عارف ا أناااس قوليا شنو كاين
أناس شد وجها بين إديه : كوووثر تهدني عفاااك وفهميني شنو وقع مال لطيييفة ياك قالكم طبيب فاقت هاا
كوثر شافت فيه : فاقت فاقت ولاكييين مبغات تشوف حتى شي حد لا انا ولا مي ولا باا حتى شيحد مبقات بغات تشوف حتى شي حد (شدات فإديه ) عفاااك عود ليا الا عارف شي حاجة قول ليا شنو كاين
أناس شاف فيها : أنا براسي معرفش شنو قالو ولا شنو دار بيناتهم مي لي عرف هوا ياسين كان عارف لطيفة لي خسرات ليه, طوموبيل
كوثر شداتو عند الباب : فيييين غااادييي هااا فيييين فيييين
ياسين شاف فيها وهدر كارز على سنيه : كووووثر طلقيييي من إدييييييي ولييي وقع بييييينيي وبيينها مكيهمكش نت كتفهميييييي
كوثر شنقات عليييه : كييييييييهمنييييي اولد رقووووش كيهمنيييي (كرزات على سنيها) مغدييييش دخول عندهاااا مغديييش نخلييييك دخول عندهاااا واش,عندك الوجه باش دخوول هااا منيييين نت منيييين وشنوو كتكووون كاااع هااااا شنوووو
ياسين شد فإديها بجوج وزير عليهم : غدييي طلقييي لااا
أناس شد فيه : ياسين بدل ساعة بخرا
ياسين شاف فيه : نت مسوووووقكش ولي غيبدل ساعة بخرااا هوااا نت
أناس دور وجهو وطار شنق عليه : ياااااسيييين خليييني معاك مزييييااااان وبدل ساااعة بخرا
ياسين دفع أناس بنفاد صبر ومشا فحالو وكوثر بقات كتشوف فيه
أناس حط إدو على كتف كوثر: بغيتك تعودي ليا كاع لي وقع وكيفاش كتبغيه
كوثر شافت فيه: شنو غنقولك هاا غنقولك حدعشر عااام وهيا حازنااا على هدااا لي مكيتسمااش حتى من قرايتها فشلات فيها وخلاتها شنو غنقولك بلي كتسطا على شي حاجة سميتها ولد رقوش واخا عمرها شافت كمارتو (ضحكات ) هههه شنو غنقوليك فاش سمعاتو قال كيبغيها كانت غدي تسطااا بالفرحا وكانت غتسطيني معاها حيت وأخيرا بعد هد سينين لي تمناتها تحققات
أناس قطعها: كيفاش كيبغيها وقتاش قالها
كوثر شافت فيه : سمعاتها فاش كانت كدوي نت وياه
أناس شرد بتفكيرو عاد شاف فيها : كملي
كوثر ضحكات وتبكي: هههه اناااا لي حمااارة شجعتهااا وقلت ليها تعتاااارف بلي كتبغيييه بلي سينين وهيا كتستناه وقلت ليها تعتارف بلي هيا لي دارت ليه الطوموبيل هاكاك (مسحات دموعها) انا لي قولت ليها متخليهش اهدر حتى تهدر انا لي شجعتها (جمعات شعرها وشافت فأناس) وهوااا شنووو داااار عللللم الله إناااا دقااا عطاااااهااا حتى طاحت طيحة بلا نووواض ربيي لي عالم شنو دار حتى وصلها الهد الحالة (عقدات ملاميحها) مييي والله متبقاااا فيييييه من عنديييي
أناس شدها من كتافها: صافييي انا غدي نعرف شنو قال (شاف جيهت الماكلة القاها مشتتا فالأرض ورجع شاف فيها) يالاه معايا نخد ليك شي حاجة تاكليها
كوثر حيدات إديه: لالا بلاش معندي منين ادوز ولا نفس الماكلة
أناس شد فيها : ميكونش راسك قاسح راك كتمرضي راسك بهاكا
كوثر شافت فيه بتعب : غير خليني ا أناس معنديش نفس الماكلة غير سير
اناس تنهد بتاسم ليها ومشا فحالو اما هيا رجليها كيدوها حتى الباب باش دخل تشوفها مي كترجع بلور فاش تفكر حالت ختها وبلي مبغات حتى شي حد اما لطيفة باقا جالسة وجمعة رجليها العندها وتشوف فالباب بإبتسامة وعينيها حمرين
أناس شاف ياسين فجردة ومشا عندو وقف عليه : شنو قولتي ليها
ياسين شافيه وبتاسم بجنب وفجأة دازو عينيه الطوموبيل لي وقفات حدة الكلينيك عاد رجع شاف فأناس وهدر : مضربتهاااش
أناس شد فيه : سع شنووو درتي الا مضربتيهاش
ياسين شافيه وشاف قدامو وطلع تنهيدة من أعماق قلبو: مكيهمكش
عند كوثر بقات واقفة حتى حسات بشي حد وقف عليها دورات وجها وشافت فيه بستغراب
كوثر ميلة راسها: سمح ليا معرفتكش
كريم : نت أخت لطيفة
كوثر بستغراب : اه علاش
كريم ببتسامة ومد ليها إدو,: يالله معايا بغيتك فشي موضوع
كوثر طلعات حجبانها عاد سبقاتو
دخلو البيرو ديال طبيب ديالها القاوه جالس غير شافهم وبتاسم
طبيب ببتسامة: ددخلو (شاف فكوثر لي واقفة تفرك فإديها ) اجي ابنتي بغينا نسولوك على شي حاجة
كوثر,شافت فيه: تسولوني
كريم اشار ليها تجلس : جلسي
كوثر شافت فيه وجلسات مقابلة معاه
كريم شاف فيها: سي أحمد (اشار الطبيب) عود ليا على الحالة ديال ختك لي بغيت نعرف منك وتش تعرضات لشي صدمة شافت شي حاجة خلاتها تصدم (اشار بإدو) ولا معقدة من شي حاجة فهمينا شنو واقع
كوثر شافت فيه: ختي معندها حتى حاجة ديما ضحكا ضاربة دنيا معندها سوق فحتى شي حد (كريم قطعها)
كريم : هد الكلمة بضبط تقدر دير إشكال كبير فحالتها شنو وقع ليها قبل ما طيح
كوثر هزات كتافها : معرفتش قبل ما طيح كانت مبتاسمة
أحمد,: متأكدة
كوثر شافت فيه: أه
كريم شبك إديه : قاليا سي أحمد بلي مبغات تشوف حتى شي حد وبالأخص هوا (أشار الأحمد ) علاش فنظرك
كوثر : معرفتش
كريم نقر على لبيرو وشاف فيها: زعما معندها حتى ماضي حتى شي حاجة
كوثر قطعاتو بستغراب: يمكن ليا نعرف علاش هد الأسئلة
كريم حل إديه وشاف فيها: بدكشي لي سمعت ختك تعرضات الصدمة نفسية لي تقدر تأزم حالتها وتقدر دخلها فحالة إكتأب منعرفوش المدة زمانية ديالو هدا علاش بغيتك تعودي ليا كولشي كبيرة صغيرة زوينة خايبة
كوثر ناضت بنفاد صبر : معندي منقوووول ختي لاباس عليها ومعندها حتى شي حاجة وهدشي كامل ككديرو باش تعصبنا (شافت فيهم ) إمكن ليا نمشي دابا
أحمد اشار ليها : مشي مشكل وسمحي لينا
كوثر شفت فيه : هانية مرحبا (شافت فكريم لي وقف ) خليت ليكم راحة
كريم شاف فيها مطول : الا عارفة شي حاجة قوليها حيت هدشي كامل فصالح ختك
كوثر بتسمات ليه : شكرا بزاف كنقدر كلامك مي مكين حتى شي حاجة لي تصدمها (شافت فيهم وخرجات )
3ديال صباح كلشي ناعس كاين لي ناعس باش انعس ويفيق غدا وكاين لي ناعس باش انعس من كابوس الواقع المر لي كنعيشوه كوثر ناعسة حدة شومبر على كتف أناس لي مفرقهاش حتى غفا معاها أما ياسين غير شافهم نعسو ودخل العند لطيفة لي كانت ناعسة كيف الجثة بقا كيشوف فيها من حدة الباب عاد مشا قرب العندها وقلبو محروق عليها عمرو تخيل اشوف شي واحد بحال هاكا ولا يعيش هدشي لي عيشو بقا واقف قريب منها ودوا بصوت شبه مسموع
ياسين : الهد درجة الهاد درجة كنت قاسي معاااك الهد دراجة كونت قاسي ومحسيتشش (عينيه حمارو بدموع ) لهد درجة كلامي أداك أداااك وانا مكنتش مسوق ليك ولا باش غدي تحسي (مسح دموعو لي طاحو) مكنتش ناوي اوقع هاكا كنت بغيتك تفهمي بلي ناس ماشي نت لي غدي تسيريهم على كيفك بغيتك تفهمي بلي هداكشي لي كديري مغدي اوصلك الحتى شي بلاصة (قرب العندها جلس على ركابيه وكيشوف فوجها ) بصح كتعصبيني وتخليني كنغلي الدرجة منكرهش نقتلك ونتهنا من كلامك (ضحك بحزن) ولاكين فاش شفتك هااااكا مقدرتش مقدرتش نشوفك هاااكا الطيفة مقدرتش نشوفك ناعسا بلا كلام بلا غوات بلا تعير بلا قميع توحشت نسمع صوتك نسمع ولد رقوش من فمك (بتاسم ) مكرهتش نشوفك تاني تاكلي فتفاح وتعيطي عليا ههه شحال كانت زوينة سميتي ونت كتنطقيها (عقد غوباشتو وسد عينيه شاف فيها مطول عاد ناض خرج بحالة فيق راسو من الكلام لي كان كيقول)
صباح الحال دخل كريم هز بلا ديال الماكلة من بعد ما هدر مع كوثر لقا لطيفة حالة عينيها وتشوف فسقف
كريم سد الباب ووقف بقا مفرج فيها شحال هيا محولاتش تشوف ولا تكلمات اما هوا بقا واقف اشوف شنو غتقول حتى شافهاباقا هيا هيا عاد زاد القدام
كريم ببتسامة: صبح الخير (حط البلا وشاف فيها ) جبت لك معايا الفطور (سكت وشاف فيها عاد تنهد ووقف قدامها) لطيفة ياك
لطيفة شافت فيه : بغيت نخرج من هنا بغيت نمشي الدار (ناضت وشافت فيه ) والا كنتي طبيب امراض نفسية قلها المرضة ديالك ماشي ليا (جمعات إدها بترجي ) ممكن تخرج (شافت فالماكلة) وهز معاك حتى الماكلة لي جبتي
كريم شاف فيها:شنو ضارك شنو واقع لك واش نت هاكا منعازلة ولا لا
لطيفة شافت فيه ببتسامة : عرفت رااااسييي عرفت كيفاش كيشوفوني,ناااس عرفت كيفاش كنبان ليهم (بتسمات ) عرفت شي حوايج مكنتش عرفاهم على راسي (شافت فيه وكدوي بخنقة )خرج علياااا نت بحااالك بحااالو كيفك كيييييفووو كلكم بحال بحال كلكم كيعجبكم الحال فاش كتشفونا هاكا
كريم وقف : لطيفة انا هنا باش نعاونك
لطيفة شافت فيه ببتسامة: بغيتي تعونييي
كريم : اه
لطيفة : هزز بلا ديالك وخرج والا غدير معايا زوين متخلي حتى شي خلق إدخل مع هد الباب مبغيت حتى شي حد بغيت نبقا بوحدي راسي براسي وهد الألات
كريم ربع إديه : خدمتي هيا نبقا معاك هنا
لطيفة شافت فيه مطولة وتمات خارجة حتى شدها ودارت شافت فإديه هزات عينيها فيه حسات بداتها كاملة سخونة حسات بالغوتة وقفا ليها فحلقها وهيا كتشوف فيه وجه ياسين حسات بالحمها شوك ودموع وقفو فعينيها ولاكين حبساهم ومقصحة وجها ونطقات بصوت مقجوج بالبكية: طلللق منييي قلبييييي كيضرنييييي (طاحت على ركبيها اما كريم دغيا شد فيها وهيا عاد مزادت كتخنق عاد مزات حالتها ترجعةكيف كانت )
كريم شد فيها: لطيييفة مالك لطيفة
لطيفة عينيها بداو كيتقالو ونطقات بصوت خافت وهيا كتشوف غير صورت ياسين وتسمع فضحكتو: ح حرقتيني حرقتي يني الله إحر رقك حر ق ...(فقدات وعيها بين إدين كريم لي كان مركز مع كلامها غير شافها غيبات دغيا هزها رجعها البلاصتها وخرج كيجري من قدام عائلتها لي خلعهم وخلاهم غير إشوفو فبعضياتهم بستفهام )
زهور بخوف: ش وااا قع ش شنو كاين
كوثر شافت فيهم ودخلات تجري العند لطيفة وحتى باها ومها وياسين وأناس تبعوها
بنت العروبية الجزء الثالث
محتوى القصة
التنقل بين الأجزاء