في كل بيت كتكون بنت معكازة وبنت حدكة في كل بيت تكون بنت نية وقاصحة في كل بيت كتكون بنت بحال عزري دوار متجيب خبار مدي خبار بحال حليب الحمارة متنفع ماتضر ... مييي حبااااس حباااس
بطالتنا غير البطلاااات مكتشبه البنات حتى فشي حاجة تسنطيحة كون كانت تهدر غتقوليها عطيني تساااع شرشمتيني مهم بلا منطول عليكم نبداو على بركة الله
🍁🍁🍁🍁
كولشي مجموعين على طابلة ديال العشا مكاين لك غير دخل بهاد اليد وبلع بلا مضيغ صوت تقرقيب لكيسان لي كيتسمع وصوت تلفازة لي معمر عليهم الجلسة قلبات كوثر الأخبار لي كانت فالأخر ديالها حتى كسر صمت العشا غوتا زعزعاتهم كاملين من بعد ما سمعات شنو قال ناضت تضرب فحناكها
الأم شدة على راسها: الله ابنتييييي مالك نزلتييي لييي المااا فركابي ياااااك لااااابااااااس هااا
(نشرة الإخبارية 📺📺📺📺.....
ضمن أخر عرض إخباري لي نهار اليوم مباشرة من قناتكم الثانية رمضان يبداء في المغرب بعد الغد السبت وفق ما أعلنته هدا المساء وزارة الاوقاف وشؤون الإسلامية بينما اغلب الدول العربية أعلنت الأمس بداية الشهر الكريم ستكون يوم غد الجمعة أعاده الله عليكم بكل خير أستودعكم الله كان معكم في نشرة اليوم جاد ابردان إلى لقاء )
كوثر شدا على قلبها: الله أختي مالك من إنا زماااان كنتي تصوقييي الرمضااان هاااا
الأم : هدكشيييي فاش حادكة نعاس والماكلة بحاااالك إحشم حتى اقول نحلم نتزوج مييي لافوت ديالييي اناااا اناااا لي ضسرتك حتى مبقيتي تسواي بصلة
كوثر خرجات السانها لطيفة: عندك صح امييي
الأم شافت فكوثر: ونت قلتي ليها مكتعرفي واااالو راه بحاااالك بحااااالها صلب واحد
لطيفة بتسمات : كون البصل مكيسواش كاع متحتاجوه تشحرو بيه الحم (ضحكات ومشات تمخطر وتدور فضفيرة لي ديرا الشعرها)
الأم : وااااخا سييييرييي تعوجييي مي مااااشي دابا لي غدي نهدر غيييير حتى تمشي العند ناااااس وتجي تشكي ونفكرك
كوثر ناضت باست راس مها: صافييي امي متعصبيش راااسك معاها راه ليفيه شي فيه
الأم سدات طجين: نوووضي جمعي عليا هد الماعن بناقص من شي عشا
كوثر ناضت بالخف هزات الماعن داتهم الكوزينة وحطاتهم حتى الصباح عاد مشات لحقات على ختها
نعرفكم ب بطلتنا لطيفة إسم على عكس المسمى ما بينها وبين لاطافة غير الخبز والماء
مطويلة ما قصيرة هيا الكبيرة عند مها وباها 24سنة قرات حتى الباك كررات فيه وخرجات
البشرة قمحية العينين زورق شعر أحمر القلدة على قد الحال مهم مقبولة شكليا وزين رباني العكز مبري منها قالت ليه مكتعرف والو بيضة مكتعرفش تقليها بلا متحرقها بينها مع الكوزينة غير الا بغات ماتاكل صلاة مكتركعها غير من رمضان الرمضان الله اهدي مخلق وصافي
كوثر البنت صغيرة مابينها وبين ختها حتى قاسيم مشترك هيا فشرق وتانيا فالغرب ميتلاقاوش ونهار اتلاقاو اوقع عطب تيقني فشي وحدة فيهم حتى هيا زوينة بشرة قمحية عينين كحلين شعر كحل قصيرة على لطيفة منقولوش حدكة مي فعائلتها هيا المرضية واخا تهز غير قرعة دلما تسما حادكة عندها 19 سنة كتقرا فلافاك
الأم زهور 45 سنة ربت بيت بمتياز مرأة قروية كيف كاع العيالات عندها البهايم ودجاج قدة على شغالها هدا علاش متحكرش على بناتها تبعهم حتى ميبغوش وتخليهم فراحتهم عرفة لي فعقلهم مغدي تبدلو ليهم واخا كيعصبوها وتمشي حتى تسخط وترجع ترضا كيف ما كان الحال كيبقاو بناتها ياما خدمات معاهم العصا مي فاش كبرو خلاتهم اعومو بحرهم هزات إدها منهم خلاتهم منهم الباهم سي مصطفى راجل خمسيني خدام فلاح مرة بليل ومرة بنهار جوج عوينات لي عندو هما بناتو قيصو فعينيه ومتقيصوش فيهم واخا ضروري ما يكعا عليهم كيف كاع الأباء كيبقاو بناتو وعزازين عليه
💐💐💐💐💐💐
صباح الحال كيف الأجواء لي كتكون فالعروبية 6تلقا العيالات دوار كل وحدة سلات شقاها وجدو الفطور الرجلاتهم لي كيمشيو الخدمة من بعد ما زهور خبزات فالخباز وحطات الفطور الرجلها خرجات الكوري لي من ورا دار وكلات البهايم ودجاج وحلبات البقرة عاد دخلات الدار
كوثر مفقوصة: واااااش بعقلك ها واااش فخباار جدك واخا نبييييعوو البهايم والبقرة وبنتها والله متشري حتى جوج لبسات كملين من هنااا واش من نيتك عشريييين الكلبة عشريييين راه بحال درهم ويييلي على غدايدي
لطيفة شافت فيها ببتسامة: وشكون قالك اصلا غدي نشريو حنااا هااا (تلوي فخصلة من شعرها ) اصلا حنا غير غنقيسو ونتسيلفاو مالنا منعيشوش رفاهية واخا غير دقيقة
كوثر طولات فيها شوفة :ولييييني ميقد علك غير لي خلقك (شافت من وراها بان ليها أناس باقي واقف وكيشوف فتيلي ديالو وبتسمات) والله الا ليوم طلعة لينا حتى تيتيز باقي مامشاش و أكيد غيكونو شافو الحديدة مناش هبطنا (ضحكات ضحكة شريرة )
لطيفة شافت فيها ببتسامة:كيفاش غنعرف لي مواتياني بلا منقيسها صافا با حبيبة
البنت ببتسامة: خودي راحتك
لطيفة ببتسامة : ربي يخليك زيدي حتى هدوك جوج لي حدا الحمرة
البنت اشرات المساعدة عطاتها شنو بغات عاد دخلات تقيسهم ببتسامة
البنت شافت فكوثر : حبات خاطرك شيحاجة
كوثر بتسمات بزز: لالا انا غير جيت معاها
البنت ببتسامة : مرحبا
إوى اسيادنا ختكم لي لبساتها تصور بيها ميات صورة عاد تلبس لبسا لي تبعاها دازت ساعة وكوثر تسيفط ليها فالمسجات حلفات لاجوبت بقات تمشي وتجي الا شافت البنت تبتاسم ليها
كوثر فنفسها: بيناااا لييييوم تشهد علينا كيليز كاملة على الإحتيال والخداع الله ياربي الله غدي دينا العكاشة مفييييهاااااش مي تموت بجلطة والوليد بالفقصة (عضات فتيلي) سيييري الطيفة بغيييييت الك تااااابعة تبعك وماتخليييييك مينفعك معاها لا راقي ولا فقيه ولا شريفة
بقات كتمشي وتجي حتى شافتها خرجة بالحوايج لي هزاهم فوق كتافها بحال العطار لي يتجول من دار الدار
كوثر بصدمة: أترقييييتي وتقفتيييي وتبعككتي حتى عيييييتييي والهزا لي تهزي الحوايج الا مهبطاهم من سطاح 🤦♀️ تبعاااااتك أختيييي وييييلي على شووووهتيييي
مشاو البلاك ديال طوبيس ستناوه حتى جا عاد ركبو ديركت المسيرة الأحباس من بعد ما وصلو كملو على رجليهم القصرية لي بغاو من بعد ما خداو شنو بغاو من الحوايج لي على قد جيبهم خرجو وتوجهو العند مول المحلابة لي كاين فشاريع لي هما فيه خداو كسكروطات سكتو بيهم جعهم عاد قبطو تاني طوبيس حتى المحطة طاكسيات لي كيديو من مراكش العطاوية مسافة طريق حتى وصلو البلاصة فين كانو واقفين صباح خلصو وهزو شنو بغاو عاد كملو على رجليهم
كوثر تجر فرجليها ,: تهنيييتي داااابااا الكلاب ولاو حسن منا الله ياربي على رجليا وكلت فيييييك الله ابنت ميييي الا باقي خرجت معاك هاااا وجهييي
لطيفة ناضت الكوثر لي هربات : واخاااا على مك وللله متبقاااا فييييك تحرضييي عليا ميييي هاا (شافت فمها) ومال صداقة حراااام نتصدق مانلقة اصلا كلشي ديرها ومتصدقتها فحتى شي حد غير تلوحو عليا فالباطل
الأم :وداااابااا نشوفوووو (مشات داخلة تكمل شقاها اما لطيفة تبعات كوثر لبيت )
لطيفة دفع فالباب : حوووولييي هد الباب حووولييي والله حتى نفطرك رمضان جملة
كوثر مجبدة فوق ناموسية: مممم إوى والله حتى نشرييييها لك من عند مي يالله رانيييي شفتك بهد العوينات لي غيكلهم دووود تهزي بواطا من سيمانا لسيمانا تعمريها بشباكية وتخرجي تسلتي
هزات كتافها وبقات تمسح فالحيط حتى نقاتو عاد دازت البوطاجي والحيط ديالو حتى هما وباب تلاجة والفران عاد جابت جفاف حيدات بيه داكشي فالأرض حتى دخلات عليها مها القاتها مزال كتجفف
لطيفة هزات فيها راسها : صباح الخير
الأم شافت فسقف مخنزرة : وسقف غدي إنقوه جيرااان
لطيفة شافت فسقف وتهدر: والله أمي جات بحال ديك طبعة لي كيورو فإشهار ديال تيد (شافت فمها) هليها دكرة مطبوعة باش حفادك إعرفوني رسامة
الأم دوت بزعاف: غدييييي تكمليييي أبنتيييي هدشيييي ولا لييييلتك إسيقو ليها الخبار ناس دوار كاملييين
لطيفة ناضت قافزة: لاواه أمييي شوهة لا (شافت فسقف) دابا كيف غدي ندير أنا لتما
الأم هزات البراد عمراتو ودارت فيه الحب ديال أتاي : كيييف درتي الأرض ديريه التما
لطيفة ضحكات: ههه اكتشاف جديد أمي والله نعودها الك بحال الخرافة حطيتها فسطل زدت جفيل والما وتيد طلعات بهداك شكل هه والله
الأم بشك : فوطة حمرة ياك
لطيفة : اه أمي
الأم ضحكات بفقصة وضرب ففخادها: ويييييلييي على غدااااايديييي ويليييي على تريييييكتييي لي خرجت من كرشي (شافت فيها وتهدر بإديها) واااش عمرك شفتييييها فالكوزييييينة عندنا غير قوووولي ليا هاااا دااااابااا منين نجيب فوطة المرة منيييين نسلها
لطيفة بستغراب: والله حتى سحاب ليا ديالنا والله اجي ديالمن 🙄
الأم إد شدا بيها جنبها وتانيا تشير بيها: لااااطييييفة بييييتك
لطيفة شافت فيها: وااااغير قولي ليا
الأم شافت فسقف ورجعات شافت فيها : بيييييتك
لطيفة دلات شفيفها وشافت فيها بجنب عين : نعاااونك☻
الأم هزات صندالتها وتبعاتها وهيا تهرب : بييييتك بييييتك بييييتك
لطيفة تشوف من وراها: هأنا هاااانا (دخلات وسدات بزربا عاد شافت فكوثر معوجة فمها)
دازو ثلاث أيام على ليلة المشؤومة لي دازت على الأم حيت نهار تاني دطرات تخرج الكوزينة كاملة باش تغسل سقف من هديك حلفاتها فلاطيفة كلما دخلات عندها الكوزينة وتقوليها بغيت نتعلم تجري عليها بصندالة ليوم تالت فرمضان الأب خدام والأم مقابلة دار لطيفة قتلها الملال بغات غير تعلم طياب وملقاتش ليه حال فاقت ليوم مع الطناش خرجات غسلات وجها وطرفات حالتها عاد دخلات العند مها الكوزينة
الأم:أششش قولت ليك
لطيفة وقفا حدة الباب : وعفااااك أميييي وعفاااك واش قدي قد هااااكا بيضة منعرفش ليها أمييي وبزاااف
الأم دارت إدها على جنبها: وقولييييها الراااااسك ماشي لياااا إلا كنتي نييييت بنت وكدااا متجييييش تسوليني قراناتك إتعلمووو غير من لايت بوك
لطيفة قطعاتها بنفخة: فايس بوك امي
الأم : كتقطعييييني دابا لا صافيييي جي ضربيييني نت حسن أجييي دخلي
لطيفة دور فعينيها: ولا حشا غير صححت ليك
الأم تشير بإديها: غبررررري عليا كمااارتك يالله منشووووفكش
الأم خرجات اما لطيفة طاحو عينها على طبسيل ديال الملوي وهيا تبتاسم مشات هزات طبسيلة وبقات تحسب غير نقصات شنو بغات وخرجات تسلت بطبسيل ديالها حتى وصلات الدار رقوش وبقات كدق فالباب شحال عاد حلات ليها
لطيفة ضحكات: ههه هانا دخلت أخالتي كيف ديرا مع صيام مزيان ياك ما محنك
رقوش دخلات الصالة فين جلسات: لالا ابنتي حمد الله مكاين لا جوع ولا عطش
لطيفة ضحكات وعطاتها طبسيل: خودي أخالتي جبت لك مليويات لقيتيني عاد درتهم وقلت ندوق خالتي رقوش هيا الأولى☻
رقوش خداتو من عندها ببتسامة : الله إرضي عليك أبنتي كيف حالك وأحول أهلك مع هد رمضان....
فالواد
دير إديه بحال شكل بوق ويغوت ويحس بحلقو نشف : وااااااا الأخت واااااش بااااقااا هناااا هييييييييي شيييي حد هنااااا (غوت حتى عيا وضرب حجرة برجلة وشد فراسو) بفففففف أش هد الحااااااال بغيييينا نديييرو خييير ملقينا لي يدييييرو فينا عععع (كيدور عينيه فالواد وكيتمشا ) هدشي غامق بزاااااف على اخير مرة شفتو بقييييت هنا
أناس كان إدور فحنانات حدا الواد حتى سمع صوت الغوات ودار رجع كيتمشا فإتجاه منين جاي صوت حتى قرب الواد ومشا ليه كيشوف وهوا يلمحو جاي ودوا بستغراب: ياسين هدا (بقا كيشوف حتى عرفو )والله الا هوا (دار إدو على فمو ودا بصوت مرتافع) يااااااااااسييييييين
ياسين دور راسو وشافو وضحك ودوا بنفس صوت: هدا نت عطق اصحبي عتق منين نخرجو من هنا
لطيفة شداتهم : شكرااا اخالتي غير نقدي بيهم الغراض ان شاء الله ونرجعهم ليك
رقوش جات تهدر وسمعات الباب كيدق
لطيفة بتسمات: غير خليك انا غادي نحول
رقوش : واخا ابنتي يالله سلمي على موك
لطيفة ببتسامة : مبلغ
مشات حلات الباب وتصدمات وهما تصدمو ونطقو بتلاتا بيهم
أناس وياسين: نتييييييي
لطيفة: نتووووووومااااا
رقوش من صالة: أشكوووون أبنتيييي
لطيفة زربات وسدات عليهم الباب وتكات عليه بضهرها : هاااء لااا والو حتى شي حد أخاااالتي غير جوج سعاية هما لي دقووو هانا مشيييت (تدوي فنفسها) صاااافييي حطووو علييييك وتبعووووك ويليييي وتبعوووونييي الدار عكوووزتييي هااااناااارييي وأنا حازنة على القرد ديال والدها حداعشر عام بلا حتى نشوف كمااااارتوووو إجيو هدووو إضربو لي كلشييي فزيييرو ولا منقبلهااااش الا كانت من جيهتي ماشي مشكل مي فسبييييل مسيمنات وشبكيات وملويات وبغريرات وكيكات مييييي الاااا منسمحش أبداا ثم أبدااااا
أناس شاف فياسين: كتعرفهاااا
ياسين بستغراب: أه هيا لي خلاتني فالواد ونت كتعرفها
أناس : هدييي لي عودت ليك عليها هيا وختهااا
لطيفة حلات عليهم الباب : مااااالنا منخافووووش هاه رمضاااان هدااااا وكتبعووو بنات ناس حتى الدارهم بلا حشمة بلا حيااا
ياسين قطعها مطلع حاجبو: داااااااركووووووم
لطيفة شافت فيه بجنب عين :مااااشي دارنا ولاكين كنعرفهاااا
لطيفة خرجات وسدات الباب وشافت فيهم كتجري عليهم بإديها : يالاااااه ياااالااااه بالاااااك من هنا منشوووووفكووومش معتبين فييييه
أناس وياسين كيشوفو فيها
لطيفة شفتهوم وقفين : جييييتووووني فرمضاااان ولقيتووووني داخلا سوق راسي اما لييييوم نجمع عليكم ناس القبيلة بشيشهم وبريشهم (شافت فيهم بجنب عين ومشات اما هما شافو فبعضياتهم)
ياسين : هديييي منيييين
أناس كيشوف فيها: والله معرفت اولد عمي
ياسين بقا كيشوف فيها حتى غبرات عاد رجع دق فالباب وحلات ليهم رقوش
رقوش طلعهم وتهبطهم وكتشوف فتراب لي فحوايجهم : ولدييي ياسين أناس أش هد الحالة
ياسين باس راسها: والو الوليدة غير نزلنا الواد ضربنا فيه دويرة
رقوش حيدات ليهم من الباب: دخلو دخلو وسيرو بدلو عليكم هد الحالة المغرب مبقاليه والو
أناس : واخا امرات عمي هيا الأ ولى
لطيفة دخلات الدارهم ومشات عند مها الكوزينة : هااااااانااا جييييت
الأم شدا ففجنبها وتشوف فساعة لي فالحيط: معاااااش خرجتيييي
لطيفة عوجات فمها:: ونت غير حضيييني عنداك تديك شي حاجة عليا
الأم عطاتها صينية : ديييي هدي البيت الجلاس وبراكا عليا من الهدرة
لطيفة شداتها: مييي نفطورو عند الباب مشهيا جليسا تما
كوثر ضحكات ومشات : ههههه الله إصبرنييي ياربي
الأم دارت فيها: صافيييي حتى حدااا الباب افطرووو فيييه نااااس (تشير بإدها) غبرررييي عليااا كمااااتك قبل متلقطيييي منييي شييي دعواااا ندم عليها حياتي كاملة غبرييي (لطيفة تشوف فيها) أش كتشووووووفييي
كوثر هربات سدات عليها البيت وتهدر : ياااك امييي دااابا ديييرها الكبيرة توحل فيها صغيييرة وحق الله حتى ضووولم هداا
الأم لاحت صندالتها وشدات على صدرها : نشفتوووني ابنااااتيييي نشفتوووونيييي الله إطير منكم هد القعيييدة لالالا انا فاش ولدتكم تخطيت شي حاجة مفيهاااش ويلي وحدة حطااا على الخرا مكتشبهو لا ليا ولا البااااكم شتو انا فزماني ميييي منهز فيها العين نهار نهزهم تقب لي عينيييا اما نتمااااا مكااااتحشمو ماتستحياااو شينهار تالقاوني محبدة فشي روكنا
كوثر حلات الباب على مها مصدومة: حلفييي امي بلي جداتي كانت تقب ليكم عينييييكم الا هزيتو فيها العيييين😳
الأم : نتما بناتي ياكو
كوثر هزات إديها توريهم المها: إدييينا بحال إديك امي (شافت فيها ببتسامة) بلا شك امييي حنا بنااااتك والله
مصطفى اهدر مع الطيفة: جيبي ابنتي ورقة وستيلو وسولي موك على كاع دكشي لي غدي تحتاجو غدا ان شاء الله العشا ديال اهل دوار وجيران غدي اكون عندنا على روح جدك الله ارحمو
لطيفة دور فعينيها : واخا ابا
🍁🍁🍁🍁🍁🍁🍁
اوى اسيادنا من بعد ليلة الأمس لي الجدة مطلقات من كوثر غير بستا وستين كشيفا ومن بعد ما لطيفة سجلات كاع شنو غيحتاجو وعطات الورقة الباها
ليوم الأجواء غير العادة ناس داخلا خارجة فدار زهور دراري رجالا عيالات بنات وخزانة قدام الباب قدها قداش هزا كاع رجالا ديول دوار مع الفقها لي صوتهم داخل حتى الدار بتلاوة القرأن من غير واحد تولاتي مجموعين فبيت واحد حالفة فيهم زهور من ليلة البارح
كوثر بزعاف : واااااااجداااااا واااااا بنت جداااات ميييي الله اوسع قبرها وراك مخرجااااش غير اجي تبركي حدااانا
لطيفة ضحكات : هههه اوييييلييي هديي راه مراااات العيييييوش اجدة
كوثر تحرك إدها بلا وتشوف فجداها علات عكازها: لاااا اجدة انا كووووثر حق البزيزيييلا ديال مييي حتى انا كووووثر
الجدة مخنزرة فيها:نتييي هيا لي هرستي ليا فاااروووووووجييييي
لطيفة : وااااهياااا هديييي بشحمها والحمهاااا اجدة
كوثر ناضت وقفات فوق ناموسية وتحرك من قنط القنط وتنقز باش ميجي فيها عكاز جداها لي تبعاها وتشير
عند رقوش
حاطا كرطون ديال سكار مع كرطونا اخرة زيت والكيكس وكوكاو ولوز والكركاع ... والقائمة طويلة
ياسين عاد جا من تراويح هوا وأناس وشاف فمو لي لابسا ومقادا باسو ليها عاد هدر
ياسين بستغراب: الوليدة فين ماشيا
رقوش تقاد فزيفها: اليوم عارض علينا سي مصطفى العشا دير صدقة فحياة نسيبو الله ارحمو
أناس وياسين : الله ارحمو ويرحم جميع المسليمين
رقوش هزا إدها بدعاء : أمين يارب (دوزات بإديها على وجها وباست صباعها)
ياسين : واخا يالله نوصلك واش وجدتي لينا عشانا
رقوش هزات صاكها: لا أولدي العشا فدار سي مصطفى رجلي برجلكم (شافت فأناس) هز اولدي هديك الكرطونا ديال سكر (شافت فياسين ) ونت هداك يالله وقدامي (ياسين جا يهدر وحبساتو) واااش كنهدر على الحيط انااا يااللاه تحركو
عند البنات
لطيفة غير شافت القديا حماضت وناضت طارت على جداها من الور وهيا دور معاها ويتمايلو : صااااافييي اجدة صافي خلييييها
كوثر مجبدة فالأرض حيت عطرات فالحصيرة لي مفرشة فالأرض وشادة على قلبها: الله أجداااااااااا كووووونتيييي ضرييييفة عمرييي عرفتك عيشورية وليت كنشك فجدي لي مات غير نتي ليقتلتيه
لطيفة مشات المارية هزات صاك فيه مكياج عاد رجعات عند جداها: جدة لييييوم لجييين العاشق والولهان والمغروم احبوووك مي عندك زهر لقاوك فرمضان
الجدة تشوف فصاك وحركاتو بعصاتها: اشاوا هدشييي
كوثر شداتها : المكياج اجدا باش تباني زوييينة الا جلستي فالبرزة
لطيفة حيدات العكاز الجداها لي مكتفارقش معاه بحال ظلها وبدات ترون ليها فوجها غير باش تسكتها
الجدة تشوف فيها دير فوندوتا : بنتي شكلاااط جديد هداك
كوثر : هداك شكلاط ديال الوجه اجدة
الجدة شافت فكوثر : نت نكافا
كوثر : ايه فيها شي شك
الجدة عوجات فمها: نسولك تبقا بيناتنا ابنتييي
لطيفة ضحكت : جدة وصواب ههه
كوثر ربعات إديها : سووولي
الجدة : دابا العربي لي غيتزوجني ليوووم كيبغيي الحنيكات
لطيفة فلتات ليها ضحكة : هه هيا كان كيجبدهم ليك
الجدة هزات عينيها فلطيفة: سووووكتييي خليني نهدر
كوثر : هدر هدري
الجدة غمزاتها ودوي بصوت مهموس بنسبة ليها اما هوا راه هاز البيت كامل وفشك سمعوها حتى لي برا : غير بييينا أش من نووووع فدردك لي تاكلي
لطيفة لاحد بوتي بلاندر باش تقاد فوندوتا وتسرحات بضحك
كوثر عوجات فمها : نعااااااام
الجدة ببتسامة وتغمز: غيييير قوووولي قوووولي
عند رقوش وصلات الدار عند زهور لي كانت بينهم غير دورة ديال طريق يعني دار من ورا دار وبيناتهم المساحة ديال الأرض لي مفرقاهم واقفة عند الباب تهدر مع مصطفى ودراري من وراها
رقوش عيطات على مصطفى من بعد ماشفتو : واااسي مصطفى
مصطفى عطا صينية الولد خوه من حدة باب الخزانة ومشا عند رقوش : مرحبا بلالة رقوش دخولي الدار مالك واقفة عند الباب
رقوش ببتسامة: هانا غندخول غير بغيت نعطيك شي براكة تعاون بيها والله اقبل صدقتكم ويرحم المرحوم وجميع المسليمين
مصطفى : امين ياربي مالك عدبتي راسك (شاف فدراري ) نتما هدوو
ياسين حرك راسو ببتسامة
رقوش شافت فيهم وفيه : كتعرفهم اسي مصطفى
مصطفى بتاسم : اه لقيتهم مساكن تالفين فالواد وخرجتهم
رقوش ضحكات : ورااه ولدي هدا اسي مصطفى ياسييين ههه (اشرات الأناس) وهدا ولد سي خليفة
مصطفى ببتسامة بشوشة: مرحاااابااااان اولاااادييي هدو نتوما (ياسين حط الكرطون وعنق مصطفى لي حال إديه ويضرب فدهرو بفرح ) كبرتوووو تبااااركالله
ياسين بعد عليه : ربي يحفظك الحاج
أناس عنقو حتى هوا عاد شاف فيه
مصطفى موجه هدرتو: نت هوااا داك شيطااان لي كان ديما إدخل الجامع ويصيفط فالبلاغي الناس لي كيصلو
أناس ضحك : هههه هوااا هداا هههه
مصطفى اشار ليهم الخزانة : مرحبااا بولادي يالله زيدو تبركو مع الفقها وناس دوار
رقوش حبساتو: لااا أسي مصطفى هماااا لي غيسربيييو ناس شفتك قبايلة مدخل صينية حشومة اسي مصطفى ناس فدارك ونت تسربي عليهم خاصك تبرك معاهم اسي مصطفى
مصطفى ببتسامة بشوشة: وضروري من تسربي راه مسؤليتي هدي نبغييي كولشي اكون على حقو وطريييقو
ياسين شاف فأناس : الوليدة بقا ليها تقوليه هما لي غيدخلو الكوزينة اسي مصطفى
أناس عوج فمو: فين عمري هزيت حتى براد دأتاي أنا بقا لي نسربي
رقوش,شافت فيهم : يالله اولادي هزو هديك البراكة وزيدو تبعوني الدار
لطيفة صيفطات مسكارة الكوثر: سووووكتيييي راه ديييرها
الجدة شافت فكوتر بشك لي تحك راسها من ضربا ديال المسكارة : زعمااا ميطيحش عليا الكرش فليلتي
كوثر هزات إديها الفوق ودعي: ياااااربي ياااارب الملللللوك يااااا خالق سبع سمااااواااات مبغيييييت واااالو من هااااد دنياااا اسيدي ربي منغييير تشافي لينا جداااتي من زهييييمر وحق الله حتى نولييي نصوم الثنييين والخميييس ونصلي نوافل ونصلي فأي وقت جالسا غير شفيييها قبل متصيفطنا الستا وتلاتييين
لطيفة قطعاتها: نهااار تصلي نوافيل وتصومي لاجر قوليها ليا باش نصارح مي بالحلاوي وشبكيات لي نشفر ليها حيت أكييييد غدي إتبعك يوم القيامة
الجدة هزا إديها : أمييين ياربي حااااسة بيكم أنكافات وحق سيدي ربي راه واحد بنتي فيها زهييييمر الله إشافيها كل نهار تقوليا راها مزوجة وبولادها الله اشافيها يارب الا كان ليوم جمعة
ياسين مبتاسم ليها : الحاجة لاباس الله اقبل ليكم هد صداقة
زهور شدا فيه : امين اولديي (شافت فأناس ) ونتاااا العنطييييز أجييي سلممم على خالتك ولا نسييييييني نساتكم المدييينة فبلادكم
أناس حط كرصون وباس ليها راسها : حااااشة اخالتي غير الوقت والخدمة لي داتنا
زهور ضحكات :عااارفة اوليدي (حيدات ليهم من الباب ) دخلووو دخلوو زيدو الصالة متبقاوش وقفين (تغوت على مرات لوسها) وووووومباااااركةةة وحطييي معااااك دجاج ودغميرة جيبيها الصالة
رقوش حبساتها : لالا حنااا مبرااانيييينش ا زهووور ولدي ولد عمووو ان شاء الله لي غيهزو ناس لي فالخزااانة (شافت فيهم ) يالله تبعو زهور توريكم فين تحطو الكراطن ومن بعد شوفو رجالا ياك ماخاصهم شي حاجة
ياسين شاف من وراه واشار لحيط: لا الحييييط عمرك متبدلييي فصغر تجري عليا بالحجر حتى تغبريني بين جنانات تمشي الدار تقولي الباك انا لي ضاربك يااااك المرضية
أناس واقف دير إديه فجيابو: عيييت اصحبييي بمشي وجي على تلتميات واحد
ياسين شاف فيه : صبر صبر اصحبي فخبارك تلاقيتها تاني الداخل كيييف زلط مكتلفش الله استر
أناس ضحك: هههه والله الا حراقية الله استر اكون فعوان داك لي غيتصيد فيها نمرة واش من نمرة يوماااين تصيفطو التلاتات الإقتراحات أمااا دار العجزة ولا سبيطار ولا الحبس
ياسين ضحك : ههه غيبقا فيا داك مسخوط
مصطفى وقف عليهم هاز صينيا : ولادي سمحو لينا عدبناكم معانا
ياسين ببتسامة : لا أسي مصطفى عدابكم راحة هدا واجب
مصطفى ببتسامة : الله ارضي عليكم (شاف فأناس ) ولدي الله ارضي عليك دخول عاون علي كيعطي الناس إغسلو وقت العشا هدا
أناس بتاسم بصواب : واخا الحاج على العين وراس
مشا أناس دخل الخزانة اما ياسين شد صينية من مصطفى
ياسين : انا نديها اسي مصطفى غير, رتاح
مصطفى بتاسم : الله انقي طريق من شوك اولدي
ياسين ببتسامة: أمين اسي مصطفى
اوى اسيادنا ياسين دخل الدار بهيبتو لي مخليا بنات دوار شدين صف على سرجم ديال سطاح وكيطلو عليهم ويتهامسو اما واحد الحرباية شدا رادار من طقبة ديال الباب ديال لبيت غير شافتو داخل ودارت بزربة العند جداها
ياسين جر إطو وتبع لطيفة على الغنا ديال الجدة لي سعراتو بصروفاتها بحال شي مراهيقة دخلها لبيت وسد الباب
الجدة مخبيا وجها: ويييييلييي اسيييديي العربيييي مزال العرس حتى ما بدااا وبغيتي تختمووو
لطيفة هزات الكنات دارتهم فكاس ديال الما وستغلات الوقت لي مخبيا جداها وعطاتو الياسيين ودوات بهمس : هاااالعااار الا ما شربها هد الكااااس كاااامل
ياسين كيشوف فيها: ونت مهرسة ولا خاصينك صباااع
لطيفة دورات وجها تعودات بالله عاد شافت فيه مخنزرة : نت غدييي تشربو من عندكككك لي هدااا يا إماا تشربوووو ليييها ولا نقفل عليك نت وياها هنا وتبقا منك ليها ومتسولنيييش على العواقيب
ياسين نتر منها كاس تاع الما مخنزر دفعها ومشا العند إطو لي تراري وعطياه بضهر وغارقة فحشمتها
ياسين وقف من وراها وهدر : الحاجة
الجدة همهمات بخجل ومبتاسمة ودور فعينيها اشوييييني فيها 🤣🤣: همممم
ياسين دوز على وجهو بنفد صبر : هاكي كاس ديال الما
الجدة دارت تشوف تشوف فالأرض ومدات إدها لي كلها عروق وتجعيد ورقيقة كعلامات كبر سن شداتو من عندو ودوات : يااااك ما فيه الكينة ديال منع الحبالة اسيدي العربي
لطيفة تحكمات وقصحات ملاميحها حتى عيات جات هدي سلات معها طاحت تضرب فالاأرض وضحك ودموع
قصة بنت العروبية
محتوى القصة
التنقل بين الأجزاء