جالسة وسط الطموبيل كاتسنى فيه يخرج من واحد المحل .. دخل ليه يجيب شي سخرة على حسب كلامه اللي قالولها و لكن ماعرفاتش شمن سخرة..!!
حطات يدها على خذها كاتنهد و تدور فعينيها بملل حتى بانلها خارج من تما و واحد الدري هاز كارطونة كبيرة شوية ولكن ملوية بميكة كحلة مباينش شنو تما جاو للطموبيل حليه صفوان الكوفر حط داكشي و مشا الدري..!!
علات حاجبها فيهم و هو ركب جنبها و تبسملها
صفاء تحنحنات:شنو داكشي..!!
صفوان غمزها:نحليو السهرة هاد الليلة
ديمارا و هي تتعوج فيه فمها، تحنحنات كاتحلون و عضات شفتها السفلية كاتمتم بخفوت:قولي بشحال كايديرو الپيرمي؟؟
صفوان:ماشي بزاف..!!
صفاء تبسماتله كاترمش فعويناتها و تتمسكن:همممم صراحة خاصني نديرو
صفوان بجدية:انشاء الله لا تيسرلنا هاد المشروع نقيدك فليكول
وسعات ابتسامتها بحماااس و قرباتله عنقاته من الجنب:امممم صدقتي حنين وانا كنتي تتجيني خااايب متتفهمش!!
صفوان علا فيها عينيه:توريني الخايب منك نوريك أخيب ما فيا..!!
صفاء ميلات معاه وجهها تتركز فتقاسيم وجهه، سهااات فيه بنظراتها و تبسمات ابتسامة خفيفة .. تلمسات خذوذه و لحيته الخفيفة .. وصلات لشعره بدات تتلعب بيه بأصابعها بشوووية عليها و حنية هو علا فيها عينيه و جرلها يدها الثانية من غيير اللي كاتلعبله بيها فشعره .. قبلها قبلات خفييفة متتالية و حطها على قلبه
حسات بدات الصوت المستمر "تك تك تك" تبسمات ابتسامة هاادئة و تكات براسها على كتفه
همساتله بخفوت:ماما تليفونها طول عندي، خاصني تليفون ديالي..!!
زير عليها بيده خشاها وسط عنقه و همسلها بخفوت عند وذنيها:واخا
تنهدات تنهيدة ثقيييلة و ترخات عليه كثر حتى استقرات بوذنيها عند قلبه، غمضات عينيها بشوووية كاتسنط لداك الصوت الخفيييف و تحسسات نبضها حتى هي فعروق يديها..!!
كان نبضهم متشابه..!!
نفس الخفقات..!!
نفس الوثيرة التنفسية..!!
تبسمات ابتسامة خفيفة على استكشافها هذا و همساتلها بحنية:دقات قلبك و قلبي فحال فحال (علات فيه عينيها و هو يهبط فيها عينيه، تبسمو لبعضياتهم ابتسامة خفيفة)
نفس الابتسامة..!!
نفس النظرات..!!
بزوجهم كايتشابهو فتفاصيلهم حتى الصغيرة منها..!!
رجعات تحسسات لحيته بأصابعها و غمضات عينيها ببطئ، قربات ناحية رقبته باسته بوسة خفييفة، حنووونة و تعلقات فكتافه بزوج معنقاه مثل ديك الطفلة الصغيرة ذات الثمان سنوات بين يديه
ابتسامته الخفيفة توسعات أكثر و خشا يديه تحت الخرصي اللي لابسة، تحسس زبطتها بأنامله الحرشين حتى تلواات بخصرها و قهقهاات قهقهة خفييفة
-كاتقاوقشنيي هههه
عقد حواجبه و تمتم باستغراب:نقاوقشك؟؟
حبسات ضحكتها بالزز و شافت فيه:زعما كاتهرني هههه
تنهد بعمق معلي فيها حاجبه و تمتم بجدية مصغر عينيه فالطريق
-كبرتي و نتي تصغاري كثر يا بنتي..!!!
.
.
.
دارو بالطموبيل حتى شبعو .. دازو لجيهت البحر، تصورو و شراو بعد الحلويات و الزريعة و ليشيپس شبعو سقاطة .. حتى عيات مابقاتش قادة على الوقوف عاد رجعو للطموبيل و شاف فيها مبتاسم
عماد:احسن اوقاتي هوما اللي تندوزهم معاك نتي و الصغيورة ديالنا
تبسماتله ابتسامة خفيفة و شعلات موسيقى فتليفونها ملصقاها مع الباف دالتليفون و زاادت الصوووت
اميمة:هاد الأغنية تتحمقني هههههه
عماد:زويونة
اميمة تتشطح معاها و تضحك:ههههههه (هزات تليفونها تتدير ڤيديوهات ليهم .. حطاتهم فالسطوري د الواتساب و يديها شادين فيديه .. تلفات شوية كاتشوف الميساجات اللي وصلوها و تجاوب البنات اللي عندها حتى وصلها ميساج من طرف منال اللي دخلات عليها قبايلة باش تسجل نمرتها عندها)
-قراته غير من فوق و علات حواجبها
"الناس نااشطين هههه سعداتك براجلك ضحوكي"
عقدات حواجبها و مجاوباتهاش ديك الساعة، هرباتلها من خاطرها بسباب شنو قالتلها الصباح
شافت فعماد و هي تتمتم بنرفزة:عماد فخبارك ديك جارتنا جاتني فحالا مريضة نفسية؟
عماد حل باب السيارة من جيهته أول ماوصلو:براكة من الحماق و ردي عقلك لبلاصته (قرب باسها من فمها و نزل هو اللول)
تبعاته بعينيها مبتاسمة، نزلات من الطموبيل و هو يتلقالها و عنقها بالجنب
اميمة بابتسامة:غدا بغيت نخرجو مجموعين مع صفوان و صفاء و واليديا و واليديك شبانليك؟؟ نديرو پيكنيك!!
عماد ومألها براسه:اه فكرة زوينة، النيت غدا الحد و تانا ماخدامش
اميمة:اذن ندخلو للدار نصيفطلهم ميساجات
دخلو للسانسور و من النافذة كانت واقفة كاتطل لتحت و تشوف فسيارته اللي وصلات، تمشات بشووية ناحية الباب كاتطل عليهم من العين السحرية كاتسناهم يطلعو..!!
بانولها جايين تايضحكو و هو معنقها فحالا غاتهرب ليه..!!
اغتاااضت بشددة و عصبية من علاقتهم العمييقة و ثقتها هي العميااء فيه لدرجة ماعياتش نفسها تشك فيه غي شووووووية هاد الصباح..!!
عضات على شفتها السفلية ب بطئ و تمتمات بخفووت
-عندي ليكم مفاجآت بزاف، غاتفارقو غي كونو هانيين .. طال الزمان و لا قصار غاتفارقو، يا تكون ليا يا لتاوحدة فينا...
بعدما دخلو للدار .. مشات مباشرة حطات لمينو تاكل حيت النهار كوله بقات مسكينة بوحدها وماكلتها تقاضات من الطاسة الليخلاتهالها فيها، جمعات واحد الزربية و سخاتلها فيها خذاتها للحمام حتى تدوزها و بدات تصاوب العشا
بشوية عليها تدندن بخفوت و شوية معبسة حيت مانفذلهاش مطلبها الاخير.!!
كانت باغا تمشي لشي بار و تشطح فيه و تشوف دوك الأجواء تما..!!
وجد العشا و خرجات للطبلة برا حطاته .. تمشات ناحية بيته حلاته بلا دقان، طلات عليه مستغربة شنو كايدير مللي دخلو ماخرج .. غا دخلات حلات عينيها بتفاااجئ..!!
شاف فيها هو بنظرة هااادئة و غمزها:باغا بار؟؟
قهقهات قهقهة خفيفة و دخلات كاتدور فعينيها
أضوية فحال دالبيران..!!
مع طفا الضو كايبان داكشي مخلط، موسيقى خفيفة طالقها و شيشة محطوطة فالوسط..!!
وسعات ابتسامتها كثر و تمتماتله:اذن غانشطحلك ههههه
تبسملها بدوره و قربلها، عنقها من خصرها و حط جبهته على جبهتها:انا زويين أصفاء نديرلك خاطرك فاللي بغيتي، و لكن نشوف عليك شي حاجة هاه ولا هاه، غاتخسري معايا .. الكذوب متنبغيهمش، اللهما تقوليلي الصراااحة ولا تبقاي تكذبي كذبة جارة ختها
تبسماتله بثوثر حسسها بأنها كاذبة عليه و خذلاته بطريقة خايبة..!!
صفاء:دابا متنكذبش عليك!!
صفوان بجدية:كانقولك و صافي، بغيتينا نبقاو هاكا مزيانين .. و نكونو عائلة نجيبو وليدات و نكبروهم بيناتنا بلا صداع اذن بلا من كثرة الطيران و ديري شوية عقلك، لا شفتيني معصب شي نهار ماتبقايش تجابهي معايا و تعصبيني كثر، ديري الخاطر و خليي الما منين يدوز، تانا مللي تنضربك تيبقى فيا الحال حيت انا ماشي هاكاك..!!
عضات على شفتها السفلية بقووة كاترمش فيه بعويناتها، شداته من خذوذه و تبسمات:ماتخافش طولما انا لاقية راحتي و رجعت لقرايتي و مابقيتي دايرلي ديك الطريقة اللولة، حرمتيني من كولشي، فأنا معاك بنيتي و عمرك تشوف مني اللي يقلقك
صفوان قرب باسها بوسة خفييفة من شفايفها حتى غمضات عينيها بقووة وهمسلها فوذنيها:نتمنى
بداك البيبي فايس اللي دارته و النبرة اللي دوات بيها، مسيطرش على نفسه .. قربلها حاوط وجهها بيديه و هجم على فمها بقبلة فرنسية ساااخنة .. لاصقها مع الحيط وراااهم و مميل وجهه معاها .. تيجر لسانها و شنايفها و يزيييرهم بين شفايفه فحالا باغي يقطر منهم العسسسل
و هي محاوطااه بيديها و كاتحاول تجاريه فقبلاته و لكن قبلاتها المبتدأة بالنسبة ليه فحالا تيهرووه، زااادو حلااوة مذااق ثغرها الشهي .. عنقهااا لصدره بقووة تينتعش بديك التعنيييقة اللي دااارلها و هي معارفاش باش حاسة..!!
اللي عرفاته أن خفقات قلبها تيتجاراو بجنووون و رغبتها فقربه منها تتزايد كل نهار على النهار اللي قبله!!
"خلتني أخاف على حبي ليك أكثر ماخاف على نفسي منك، خلتني أرتاح للعذاب وانا بين ايديك، عشان بخاف من عذاب البعد عنك"
على أنغام هاد الاغنية الرومانسية كانو تيتشاوفو بعينيهم..!!
حسات بالأغنية فحالا دوات عليها رغم انها بعيدة عليها كل البعد..!!
عجبها لحنها و كلماتها رغم أنها سمعاتها و عاودات سمعاتها و مكانتش كاتنغمها..!!
تبعها ملكك برجليه تا خرجو لبرا .. جلسو تياكلو حتى جات عندهم مينو .. دوزات يدها على فروها و شافت فيه مبتاسمة
-مينو الخايبة ولات كل نهار توسخلي الزربية
شاف فيها معلي حواجبه:شبانلك نجيبولها شي قط يونسها؟؟
صفاء:اويلي ههههه البنت باقا صغيرة لا لا، اصلا مصاب نتكافاو معاها
ميل شفته للجنب تيشوف فالقطة تدور بيناتهم، كلاو مزيان و هي مشات بمينو عطاتها الحليب باش تنعس ولفاتها قبل النعاس تتشربو و دازت لبيتها .. حلات الأكياس اللي جابت معاها وهزات الكسوة القصيرة اللي عجباته عليها
هزات كريم للجسم برائحة الفراولة، ذهناته و لبسات الكسوة فوق لحمها مباشرة بلا ملابس داخلية..!!
تقابلات مع المراية مبتاسمة و طلات فماريوها تتقلب، لقات واحد الحزام خاص بالرقص الشرقي فيه تشنتشانات .. لواته على خصرها .. وقفات قبالت الكوافوز تتجمع شعرها لفوق باش مايصهدهاش .. دوزات على شفايفها عكر فالبوووردو و كثراااته .. خرجات من بيتها و دازت مباشرة لبيتو و الحزام اللي فخصرها كايدير أصوات بدوك التشنتشانات فكل خطوة ليها
تكات على الباب تتشوف فيه يديها عند خصرها..!!
هو كان تايقاد فالشيشة بصدره العاري لابس شورط قصير و شعره مخربق بطريقة عجبااتها..!!
تبسمات ابتسامة حانبية و همساتله بخفوت:أداك الزويين
علا فيها عينيه و هو يتكا على الحيط وراه فحالا فشل و عض شنايفه باستمتاع تايطلع فيها و ينزل بعينيه:صافي بهادي قضيتي عليا
دخلات بخطواتها كاتحلون و تعوج فخصرها .. شافت فالتليفون اللي مبرونشي مع البيفان، دخلات لليوتيوب و دازت مباشرة للأغاني الشعبية .. طلقات اللولة و قرباتله، دفعاته بصباعها بشوووية حتى جلس و حاضيها بعينيه .. صيفطاتله بوسة فالهوى و بدات رقصها و هو حاضيها بعينيه اللي تنشواااو و جر الشيشة تيشيش و الذخاخن ماليين البيت و دوك الأضوية زايديين جو .. و هي تتشطح و تدور و تعوج فخصرها و تلعب بصدرها و مؤخرتها
حتى بدات واحد الاغنية على غفلة
-بوم تام تام
عطاته بصدرها و بدات تلوز بمؤخرتها و هو تيشيش و داك الذخان تيخلييه ففمه شحااال عاد يسوطه بقوة ماسوطاته هي .. دارت عنده مقرباله .. تحناات عليه كاتشطح بصدرها "بوم بوم بوم بوم بوم تام تام ، بوم بوم بوم بوم تام تام" نظرات الجرئة من عينيها منباعثين لعينيه .. خدات من عنده الشيشة اللي بين صباعه .. جرااات نفسها الأول و زفراات الذخاان على وجهه
تراجعات كاتكمل فشطيحها مبتاسمة و هو دوخاته فضااات معاه .. بقات تشطح حتى عراقت و عيااات فكل اغنية تتزيد تحمقه و تحمقلو معاه ديالو هه .. قربات جلسات جنبه كاتضحك دايرة رجل على رجل .. حيداتله الشيشة ثاني و جرات نفس آخر طويييييل تا بدات تكككح و تحك على صدرها و هو حاضيها عاض على شنايفه بقوة
تكا على فمها ببوسة حااارة و تمتم بصوت مبحوح من شهوته:بنت الحراااام هبلتيني
قربات لوذنه بشووية و همساتله بنبرة مثييرة:و مزااال نتغلغلك مع العرووق .. (دوزات سبابتها مع عروق عنقه اللي بارزييين بخضوريتهم و همساتله فوذنيه) كيفما نتا زوين و ظريف تانا زوينة و ظريفة و نعجباااك لا عجبتيني ، كولشي بالخاطر
جمعها بيديه من صدرها مقربهاله:لا من ناحية الإعجاب راك عاجباااني .. (خدات من عنده الشيشة ثاني كاتجر نفس صغييور و ياخذهالها ماباغيهاش تكثر غا دايرلها الخاطر هاد النهار)
صفاء بنبرة خفيفة:من ديما كنت باغا نشيش هههه و نكمي الحشييييش و الجوانات
صفوان علا فيها حاجبه:الجوانات!!
صفاء:اه من ديما
قربهاله كثر:براكة عليك غي الشيشة واخا تا هي مضرة و لكن ليلة وحدة ماشي مشكل نديرو الخاطر (غمزها و هي تبسملها)
صفوان طلق منها و وقف:غانمشي للطواليط و نجي ماتحركيش من بلاصتك
ومآتله براسها، هو مشا خرج من البيت ناحية الحمام .. بقات جالسة كاتشوف فالفراغ حواليها و مرة مرة تجر نفس من الشيشة و حاسة بالعيااااا .. راسها حساته ضرها شوية بسباب داك الذخان اللي تتنفسو
تكات فوق الفراش كاتماصي راسها بشوووية و مرررخية، حتى ماحساتش براسها كي طرا تلصقو عينيييها بقوووة و ترخات
هو خرج من الحمام جاي للبيت، طل عليها و هو يعقد حواجبه .. بانتليه مغمضة عينيها و ناااعسة .. قربلها كايحرك فيها بشوووية و هي تقلب لجنبها كوزاات عليييه و تمتمات بنبرة خافتة
-تالصباح و نفطرو بيها دابا غانعس
شاف فيها معلي حاجبه و حس بالضحكة غلباته، تحنى عليها بشوية و همسلها:صافي ولفتي تهزيه على الريق؟
صفاء بخفوت:هنننن
خشا وجهه وسط عنقها و همسلها بخفوت:الحمقة ديالي، هبلتيني
صباح يوم جديد
على صوت الدقان فالباب ناضت بشووية عليها كاتعثر فخطواتها .. العكر ملطخ مع جوانب فمها و شعرها مشعكك و الكسوة مخسرة فوق منها باينة فورمتها منها سييكسي و صدرها قريب ينقز يخرج منها..!!
وقفات عند باب الدار و حلاته مع الحلة مع عماد دور وجهه و أميمة خرجات فيها عينيها كاتحنحن .. تزنگااات بلاصتها..!!
صفاء تسمراات مكانها:ا ا اهلا، ص صباح الخير
اميمة تبسمات بثوثر:هههه صباح النور واخا مابقا صباح دابا تقريبا الجوج هههه
صفاء عضات على شفتها السفلية كاتقاد فكسوتها و شعرها حشمانة من خوها:هههه صبحنا ناعسين اليوما ماعرفتش الساعة، د دخلو بعدا ماتبقاوش فالباب ههه
دخلات حشمانة و هوما تابعينها .. عماد تيحمر فأميمة اللي تضحك بالحس و صفاء مشات نييشان للبيت عند صفوان .. قربات كاتحركه و تفيقه بالزربة
-صفواان فيق، فييق أصاااحبي براكة من النعااس أويلي تشوهت انا على الصباح (شافت فالحزام اللي باقي عند نصها) ويلي ويلي كولهم عرفوني بايتة نلوز ليه .. الشيخة طراكس و صافي
قلعات الحزام و عاودات جمعات شعرها .. كاتحرك فيه و تنگر حتى حل عينيه فيها تيتكسل
عقد فيها حواجبه باستغراب:مالك فايقة دابا؟
صفاء مخنزرة:دااابا!! راه الجوووج هادي أشريف، تگعد نوض
بغات تخرج و هو يجرها من يدها تا جابها فوقو:شششش فين غادة، ياكما نسيتي الفعلة دالبارح، ناعسة و مخلياني معول عليك
صفاء ناضت وقفاات كاتدفعه من يده:تگعد راه أميمة و عماد برا
حل فيها عينيه على آخرهم:ياااكما حليتي الباب عليهم بهاد الحالة؟؟
صفاء:و باش باغيني نحل، نوووض تگعد يلاه
ناض جالس كايمسح على وجهه و يصوط:واش من نيتك تتحلي الباب بهاد الزبللل؟؟
صفوان:لا لا مكاينش ديرونجمون بالعكس غا لقيتونا دايخين و صافي
عماد تحنحن:اياااه حنا صراحة عيينا نصونيو فالتليفونات و حد مجاوب
اميمة:بغينا نقولولكم نخرجو اليوما، قلتها لماما و قالتلي عيانة هي و واليدين عماد
صفوان ومألهم براسهم:اييه فين نمشيو؟؟
اميمة:انا كنت قلت لعماد نمشيو نديرو پيك نيك و لكن هاد الصباح هذا و الشميسة ديالو غي تاع البحر ماكرهتش نمشيو
صفوان عقد حواجبه و صغر عينيه فعماد:البحر!! العومان لا
اميمة:بغيت غي نشم الهوى ديالو
صفاء خارجة من البيت مبتاسمة ابتسامة خفيييفة بعدما تصنطاتلهم و عجبها الاقتراح:اااه اصلا الصيف كولو مبحرناش واخا غي ندوزو رجلينا مع الما المالح
عماد حك بيديه على فخضو و شاف فصفوان:ايوا شنو قلتي اخاي!!
صفوان بجدية;نمشيو ولكن نشوفو شي واحد نقي و خاوي شوية
صفاء وسعات ابتسامتها:نمشي نوجد ليسندويتش!!
اميمة وقفات:تانا نجي معاك
تبسمو بزوج غاديين الكوزينة، بينما صفوان شاف فعماد تيدورو فعينيهم
عماد:ختك حصلاتنا
صفوان:ختك دخلات فينا طول و عرض
عماد:شمن بحر متيكونش عامر بزاف
صفوان:انا نسول و نرد عليك
ومأله عماد براسه و ناض صفوان للبيت هز تليفونه و دار رقم اسماعيل
.
.
.
جايين فالموطور من العيادة د واحد الطبيبة نسائية، هي وراه مدورة يديها على خصره معبسة و هو مغلغل كثر .. وصلو لواحد المحلبة قريبة للدرب و نزلو بزوج داخلين، جلسو فطبلة و طلبو يفطرو و هو غي تيسوط و يشوف فيها مخنزر
سلوى سرطات ريقها ببطئ تادور فعينيها:هادشي د الله ماشي انا اللي درتو، ربي خلقني هاكا گووول سبحانك يا رب
اسماعيل بعصبية:مالقات هاد المطاطية تصدق غا عندك نتي، قالك شنوو ماتشنو صعييييييبة تتفض و لا بغينا نحلوها خاص الطبيب يبداك، تااا بربييييي لاماكانش زبي لا تحليتي يا بنتي مالني زامل نخلي الطبيب يبداهالك .. و زايداهالي ديك الطبيبة القحبة تتقولي الاغلبية دالبنات اللي مبداوهمش الاطباء .. حتى يولدو الولدة اللولة عاد تتسرح الطريق!! علاااش هو بغا يدخل باش تحملي منو و تولدي؟؟
قلبات عينيها من عليه، تحطاتلهم طلبيتهم، بداو يفطرو و هي تتاكل و تبسم فخاطرها و تتشفى فيه
اسماعيل:غانمشيو نبحرو، صفوان و عماد غايجيبو مراواتهم و نتي غاناخذك معايا
غا سمعات شنو قالت وسعات فيه عينيها:بصااااح، اه اه بغيييت
علا فيها حاجبه:كولي و سكتي غانبرد فيك غدااايديييي
ضربات الطم كاتشوف فيه و هو طالعالو النقشة للسطح، باغي غي اللي يجبدو، حتى الگارو ماسفوش هاد الصباح تسالالو و ماشراهش و مع الخبر اللي سمع حس بالقطعة ديال الصح
غي سالاو ناضو خرجو، مباشرة للدار باش يوجدو راسهم..!!
وقف عليها يختارلها شنو غاتلبس حل الڤاليز ديالها بحوايجها و بدا يجبد و يحط و يعوج فسيفته..!!
هز واحد الكسوة طويييلة صيفية فيها الوريدات ديال البحر النيت .. هز معاها ريبيكا بالكمام و مدهوملها..!!
اسماعيل:هادو مستورين، ااااه وعنداك يقولك مخك راك غاتعووومي هاد الفكرة غي مسحيها من ذماغك
سلوى خدات منه الكسوة بصمت، مباغاش كثرة الهضرة و عارفة لا تزايدات معاه يدير فيها شي شفى، هبيل مصطي و مقطع الوراق ماصعيباش عليه..!!
خذات الكسوة و البوليرو، دخلات للحمام تتبدل عليها .. لبساتهم الكسوة و الحاجة الطويلة تتجي مع فورمتها و تتقتلها
تبسمات و طلقات شعرها .. خرجات لعنده كان بتيشرت و شورط دالعومان و هاز فوطات فيديه
غا شافها بديك الكسيوة و داك الزين اللي عنده عقد حواجبه و حرك راسه بالنفي..!!
اسماعيل:شعرك جمعيه
تأفأفات و جمعاته بلاستيك اللي بقات فيديها، غا تجمع عاود خنزر و تمتم بعصبية بااانت فصووته الحااااد
-طلقييي الزااااامل بووووووه
قفزها، طلقاته و تطلب غا السلامة .. هو بقى مخنزر فيها و تحنى تيعقد سيور سبرديلته و ينگر فخاطره
-عاود يشوف فيها شي زامل نگرضو، الخرااا (علا فيها عينيه) عرفتي شنو نتي مخااارجاااااش
عقد دوك السيور و شارلها بسبابته:لا بغيتي تمشي غطي شعرك
ومآتله براسها:اه اه نغطيه (قربات للڤاليز و حلاتها تتقلب حتى هزات واحد الطربوش مدور و مداتوليه شافو) هذا زوين (حطاته فراسها غطالها نص شعرها و نص وجهها) حتى وجهي مغايبانش كامل
خنزر فيها عاقد ذرعانه بزوج و تمتم بحدة:مابياش وجهك، بيا زكك اللي مقلوب وراك كي الپلابور
بعدما عجباتهم الفكرة و رحبو بيها بحراارة، ناضو وجدو مياكلو .. حطو داكشي فطويسات و علب و خرجو .. مشات صفاء لبيتها تختار شنو غاتلبس .. هزات واحد الصاية جاية تحت الركابي بشوية و تيشرت نص كم .. لبساتهم و جمعات شعرها ذيل حصان مع صنيديلة .. جات فحال شي بريهيشة صغيورة غي خرجات لبرا لقاته جالس حاضي مع بيتها غا شافها قلب عينيه و تمتم بحدة نوعا ما و نبرة حادة
عقدات فيه حواجبها بغضب و رجعات للبيت ثاني غاتفرگع، بدلات داكشي فعوض الصايا لبسات سروال ثوب واااسع من لتحت و خلات داك التيشرت زادت فوقه كاپ طويل شوية مع شال غي حطاته فوق شعرها و صافي
خاجات لعنده و هي تسمع عماد
-وجدتو؟؟ يلاه
صفاء:انا وجدت
صفوان غزز شفايفه بسنانه مخنزر فيها .. شاف ميساج وصله فتليفونه وقف لابس حوايج البحر تا هر:زيدو، ها اسماعيل جا
عماد هز سليلة دالماكلة و صفوان الفوطات مع الما .. نزلو لتحت مجموعين و تفرقو فالطموبيلات
ماتسالموش مع اسماعيل و سلوى تا يوصلو
تبعوه غا هو فموطورو و غاديين ورا بعضهم فالطريق
اميمة تبسمات و صورات يديها مع يدين عماد حطاتها فالسطوري
اميمة:هاد الايامات زوينين بزاف ههههههه
عماد تبسملها:مرتاحة؟؟ خاصنا نديرو شي نهار مع الطبيبة!!
اميمة:اه راني دايرة معاها .. نهار لاربع غانمشي
عماد:نشوف كي ندير نسلت من الخدمة و نمشي معاك
تبسماتله و هزات التليفون:لامادرتيهاش نتقلقو منك هههههه
شافت فالطريق تتصورها و طالقة الموسيقى .. بدات تتغني مع الأغنية اللي مطلوقة و شافت فعماد اللي بدا يغني معاها تا هو ضاحكيين ناشطين و حطات الڤيديو فالسطوري كذلك
الحاجة اللي حطاتها اول وحدة تتشوفها هي مناال .. أميمة من الميساج دالبارح مادواتش معاها و ماعياتش نفسها حتى تجاوبها
طول الطريق و هوما ناشطين مع بعض عكس البقية، سلوى طالبة غي السلامة مع اسماعيل اللي غادي و ينگر و هي غي ساكتة أما صفوان فغادي ساااكت فجو مشحوون بعض الشيء بيناتهم ماشي فحال البارح..!!
ماعرفاتش ماله و تا هي قلبات عليه وجهها..!!
ماشي فوقما يبغي يدوي يدوي و فاش يغوبش خاصها تحزرو..!!
تأفأف بنبرة مسمووعة و تمتم بحدة:الححاب متايديروهش الناس هكاك!!
صفاء شافت فيه، عااد فهمات مالو مطنش .. عوجات فمها للجنب و تمتمات بهداوة:اصلا انا مدايراش الحجاب و ممقتانعاش بيه!! الحاجة د بالزز كي بغيتيها تكون؟
عض على شفته السفلية غززها و سكت مجاوبهاش..!!
صمته بعض المرات تيخليها تبغي تتلاح عليه تقجووو و تاكلو..!!
سكتات تا هي حاضية الطريق حتى وصلو للبحر المزعوم و نزلو تيدورو فعينيهم
أميمة تبسمات:واخا هكاك عامر شوية
عماد:أصلا دابا هاد الوقت و الحرارة اللي كاينة غا دالبحر، ماتلقاي تا واحد خاوي تيصفر
اسماعيل دار يديه على جنابه و شاف فيها:هالبحر شفتيه، وازيدي نردك حيت لا دخلتي لداخل غاندير شي مجزرة
سلوى قربات شداتله فيديه كاتسبل فرمووشها و تمتم بنبرة خااافتة ملوية:و يااااك، لاكان عندي ليك خاطر .. راني فتون ديالك
علا فيها حاجبه مخنزر و قلب عينيه:كتردي راسك فتون غا على قبل حاجتك!!
زمات شنايفها تتشوف فيه بدوك النظرات البريييئة و البيبي فيس .. خلاته بلا خاطره شدلها فيديها و قربهاله تيهمسلها مغزز سنانه
صفاء شافت ناحيتهم حتى هي:ولاد الحرام تيطرينيو عندهم العضلات مبرونزيين
اميمة تبسمات تتطلع و تنزل فيهم:احييييه علاش رجالاتنا ماشي فحالهم؟؟
عماد كان قريبلهم، طل عليها براسه معلي حاجبه:شنو قلتي؟؟
علات فيه اميمة عينيها:هااا!! لا لا والو والو (شافت فالبنات و هزات تليفونها) غانتصورو انا و البنات
عماد صغر فيها عينيه:هااا وذني منك نتي و دوك الشنيولات
دلات فيه اميمة شفتها السفلية و هو يدور عند صفوان و اسماعيل اللي عاد شد گاروه تايتكيف و يرد المزاج..!!
صفوان: غانمشي ندير شي عومة و نجي (وقف تيجبد فيديه)
اسماعيل وقف:صبااار نجي معاك
ناضو الدراري يعومو بغاو يخليو البنات على خاطرهم و النيت حتى هوما خذاو خاااطرهم و بداو تيتصورو و يضحكو، ناضو ناحية الجيهة دالحجر قريبالهم تايتپوزاو و يعوجو فامهم ..
شافو البنات فالجيهة اللي شارتلهم عليها و وافقوها الرأي، مشاو لتما و ديك الجيهة كانت مغطية على الدراري ميبانولهمش .. بقاو تيتصورو مجايبين للدنيا خبار بينما..!!!
اسماعيل تيقلب بعينيه عليهم و هو وسط الما:فين ديك المافيا؟؟
علا صفوان عينيه تايدورهم:آفين هااادو!!!
عماد عقد حواجبه و مشا خارج من البحر لبرا كايدور فعينيه ..
عماد:فين غبرو؟؟
تبعوه الدراري تيدورو فعينيهم:ماعرفتش؟؟
صفوان:زيدو نقلبو
اسماعيل كرز على قبضة يدو بغضب:بالرررب و نلقاها، سروااالها نهبطووولها
توزعو .. شي مشا لليمن و شي الشمال و شي طلع لفوووق تايقلب..!!
غي مشاو هوما البنات خرجو من داك القنيت تيضحكو و جلسو بلايصهم، هزات سلوى الما تتشرب .. يلاه هزات عينيها و هي تحبس الجغمة ففمها..!!!
نغزات البنات و شيراتلهم لفين تتشوف، تا هوما علاو عينيهم و شافو فواحد التيتيز جلس مقابل معاهم .. العضلات و مع لومبر زيتهم و الشعر كحل توووتة و الطولة و العرض مرة مرة تيغلي فيهم عينيه
صفاء عضات على شفتها السفلية:احيييه اناااري عندو الشكلاااااط
سلوى:ناري ناري دوخني دوخنييي (تتشوش على وجهها بيديها) جاتني الحرااارة و الشحفة
اميمة كاتقلب على عماد و تسرق طليلات:لو مكنتش براجلي و بنتي كنت نتعنب تانا
صفااء:اختي تعنبي شكون منعك، ان الله جميل يحب الجمااال
سلوى:اححححح اناري اح
ماحسووو غا بواحد الكرسي طاااار من جنبهم و اسماعيل تلاااح على ديك الطبلة ضربها برجليييه .. خنزر فسلوى كايتمتم بحدة:فيييين كنتييييييي؟؟
صفاء علات فيه حاجيها:و علااااش بالسلامة نسكت؟؟ ماااالك غاتحاسبنيييي؟؟
اسماعيل:ماعنديش مع التسنطيح و الضسااارة
سلوى:ووو
قاطعها اسماعيل:قطعييي الحس و زيدي معااايا (قرب شد فيها، يلاه غايوقفها و مع غواته و البنات ترادو معاه، منظرهم مكانش كايدل على أنهم كايتعارفو .. وقف عليهم داك اللي كان مقابل معاهم و جر اسماعيل عنده)
-اخويا شتادير حشم شوية..!!
اسماعيل خنزر فيه:و شكون نتا ألقلاااوي
-حاشااااك
اسماعيل دفعه من صدره:اسير تقاود ممساليلكش
مع دفعه و دار ناوي يرجع عند سلوى، مع داك خينا هز يده و عطاااه بكروووشي غفلو بيه، شاف فيه اسماعيل مخنزر كايزمجررر بغضب و علا يدوو اللي حيدلها ضمادتها فالصباح مجرووحة شوية عطااااه كروووشي تا هو .. قرب داك خينا كايضربو بدوره و البنات وقفو تخشاو فبعضياتهم
يلاه ردله اسماعيل الدقة ثاني وقفو عليهم عماد و صفوان
صفوان:اشطااري هنااا
التيتيز:كان تيتحرش بديك البنت مسكيينة اصلا انا حطيت عليها العين اللول
صفاء تكمشات اول ماعلا صفوان فيها عينيه، شداات فالبنات بقووة و هوما يقفزو من صووت اسماعيل العاالي
-مرررتي اولد الهااارربة مرتييييي هاديييييك .. (زاادو بوووكس تا دماااتلو يدييييه و تفلحاتلو الجرررحة) حااااط العييين على حلاااالييييي هاااا
شاف فيهم داك خينا بثلاااثة كايرمش بعينيه بقوووة و طاااح على الرملة من قوة اللكمات اللي تلقاهم، حناكه مابقاش حاس بيهم .. و غي طاااح ولا تيتلقى ركلااات قاااصحييين مع اسماعيل مغلغل .. ماخلاهش يحسبهم تلاح عليه بوكلة لكرشه كايمرغض فيه..!!
كايضرب و يعاود بلا حباااسات..!!
تحنى صفوان كايجر فيه و عماد تيبعد فالناس باش مايتجمعوش .. البنات شافو فجنابهم خايفااات من هاد الشوهة اللي طرات و الروييينة .. غييي لقاااو الغفلة نغزو بعضياتهم و وقفو دارو هربانات من تما .. خلاو الروييييينة نااايضة و فرووو هاربااات قبل مايدورولهم تا هوما و يوريوهم القردة منين تتبول
نزلو من الطاكسي االي شدوه من البحر و غاديات كلا وحدة و فين تتويل و يفكرو فدوك اللي خلاوهم مشابكين مع بعضهم
سلوى كاتصوط و تنش على راسها:اليوم يخرااا عليا داك الزبل
صفاء:غاااا سكتي، عاد بدا لحمي يولف الهدنة غا يرجع يعطيني ثاني بديك الصمطة
صفواان صاااط انفاسه بعصبية:هااا آخرت الخروج مع البراهش!!
عماد:دابا ديك اللي عندي اللي فينها!! زيدو عليها حاااملة!!
صفوان صااااط انفاسه بغضب: اففففففف نهار كحل هذا اللي وافقت على هاد التبحيرة
اسماعيل تيصيفط ميساجات لسلوى:بنت الحرام غاتقتلني
عماد:لا راني دابا كعيييييت ديال الصح
دخل للواتساب باغي يصيفطلها ميساج مع دخلته مع طلعوله تصاور عاد تحطو من طرف صفاء فالسطوري .. دخل يطل عليهم و هو يشوف فالدراري
عماد:راهم عندي فالدار..!!
صفوان:كيفاش عندك؟؟
وراهم السطوري:هادي كوزينتي
اسماعيل:وازيدو نوقفو عليهم
عماد:زيدو يلاه
تفرقو فوسائل نقلهم و سطمو على الڤيتاس سطمة وحدة، صفوان غادي و يعض على شنايفه بالفقصة أما اسماعيل فغادي و يسب و يتحلف بينما عماد غي مخنزر و تايصوني على اميمة فرقمها ولكن متتجاوبش..!!
.
.
.
واقفة حاضية فالپيتزا برات الفران و مبتاسمة بهداااوة، البنات برا كاتسمع ضحكهم و تيتهاودو كلا وحدة فين خاشية تليفونها مهازينهمش، إلا هي جبداته و تتصور و تحط فليسطوري متجااااهلة اتصالاته اللي اتاااصل بيها
شافت ديك البيتزا وجدات، جبداتها و خشات وحدة أخرى حيت دارو زوج .. حطاتها تبرد و خرجات عند البنات
صفاء:ها اللولة وجدات
اميمة:اوووووف هاد خيتي قتلاتني بالضحك (شافت فسلوى اللي مرخية فوق الفوطوي) ويلي ويلي راجلهاااا راه بزااااف
صفاء جلسات جنبهم:ماشفتيش انا كنت صونيت عليه فواحد الخطرة اناااري و شنو دارلي و مشا قالها لصفوان، بسبابه سلخني خوك اول مرة
اميمة حطات يدها على فمها:ويلي ويلي ههههه هبيل طحتي فيه اسلوى
سلوى بعبوس:فووووتووون الله يخليك
صفاء غلباتها الضحكة:السيد سماها على هواه ههههه
اميمة:زعما هاد الرجااال، غي الله يستر منهم و صافي..!!
صفاء ناضت راجعة للكوزينة تخرج البيتزا الثانية و أميمة ناضت تقلب على تليفونها، بينما سلوى سمعات الدقان فباب الدار .. ناضت تحل يلاه دورات الساقطة فالباااب تحل الپوانيي و تدفع الباب من طرف اسماعيل
خرج من الكوزينة .. بانله اسماعيل جر سلوى بالزز منها خرجو لبرا فحالهم ماهمو تاحد، غا خرجو هوما خرجات هي من الكوزينة معبسة
-ومادرنا واااالو
صفوان بحدة:تبعيييني
مشا خارج خلا عماد و أميمة كايتشاوفو .. تأفأفات بصوت مسموع و خرجات وراه، من هادشي كووولو بقات فيها غالپيتزا اللي حضاتها بنيتها فاللخر مذاقت منها تاطرف
غا خرجو هوما شاف عماد فأميمة:شنو هاد الفيلم درتولنا؟؟
اميمة بعبوس:و والله حتى تخلعت
عماد ناض من جنبها:و على داك البيبي و الخلعة غانبقى نجمعليك تا تولدي و نوريك
مشا ناحية الكوزينة خلاها زامة شفايفها و تتدور فعينيها و تمتم بخفوت
-تبعتكم خرجنا فثلاثة دالحيوطة اوووووف
،
،
،
بعد طووول الطريق وصلو اخيييرا للدار، حل الباب و دخل جارها من يدها بقوووة و هي تتزرب معاه فخطواااتها
خداااها نيييشان لجيييهت الفوطوي ضربها معاه تا توجعاات بصوووت مسموووع و تحنى شدها من شعرها تيدوي مغلغل
-وااااش باغا تهبلييي عدو ربيييييي
سلوى بوجع:اييي تضرنييييي
اسماعيل عطاها بتصرفييقة لخذها بقوووة حتى حسات بحنكها تنمل:كاتمرنگنووو عجبكم التسلگيييط ولا عجبك الزاااامل اللي حط عليك العين فالبحرررر دوييييي
سلوى بوجع كاتهرنن:وا هئ اااااي، حراااام عليك والله تا حرااااام
اسماعيل بغضب:ماتقوليلييييش حرااام عليييك متنحگرررركش داااايراااها قددد راااسك و عاجبببك كررررك (جبد معااااها لفخضها بيدو حتى تسمعااات صلااااااي)
قفزااات تتحك فيه بيديها و تدمع:وااااي اييييي لا لا صااافي منعاااودش
اسماعيل:لااا عاااودي للزااامل بوووك (خشااا قبضته وسط جذووور شعرررها و قربهاااله بقوووة ماعرفاات باش تبلات تا خشااا فمها وسط فمممه عضهااا تا بدات تضرب فصدره و تفركل و تأنن بصوووت مكتووووم .. تا حس بطعم الصدى ففمه عاد بعد من عليها شوية تيشوف فملامحها المتوجعة) انا بلا والو شاااعل عليك و تتزيدي تشعليييني، واااش عارفة شحال من حاجة جامعليييك قبل منتزوجوو؟؟ الزااامل اللي كنتي مصاحبة معااه خطوووبتك معااه .. و الطريقة اللي تفرعنتي بيها علياااا
قاد وقفته كايحيد فحوايجه و هي تتشوف فيه حاسة بالخوووف تكمشااات على بعضها
اسماعيل بحدة:زيدي عليها هادو داليوووم و ديك البكارة بتلحرااام اللي شادة معايا الضد ولكن ماتخااافيش .. اليوما يا بيا ولا بييييها
اسماعيل تحنى هزها فوق كتفه بعدما بقا غي بالبوكسر:ماتزوجتكش باش نسمع منك هاد زوج كليمات، نتي مرتي و هادشي هذااا (لاحها فوق الفراش بعدما دخل بيها للبيت و طلع فوقها تيشوف فعويناتها بشررر) هذا حقي و نتي ديالي و گااااع دوك الايام اللي تحلفت فيهم عليك غاتخلصيييهم اليوووم
سلوى دلاتت شفتها السفلية، يلاه غاتبدا تغبن طااار على شفتها السفلية .. تيبوووس و يجر فشنايفها و يخربقلها شعرها بيديه .. هي بدات تتحرك بالجهد و تفركل و تضرب فيه مباغاااهش ناافراااه لأقصى درجة .. ولكن هو مصر عليها باااغيها متشوق ليها، صبره مقادرش يتحكم فيه
مع البحر اللي مشاوله و النص عومة اللي دار، مذاق شنايفه كان مااالح و حتى لحمه .. دفعاته عليها بالجهد كاتنهج و تمتمات بصوت خافت كتنفس بقوة
-سير تدوش بعدا راه البحر..
قاطعها ببوسات كايفرقهم على رقبتها و يديه تيفسخولها حوايجها:نساليو و غاندوشو انا وياك .. ترخاايلي دابا، عطيني راسك و تنوااعدك منقصحكش .. غي اليوم، غي دابا متعكسيش
باسها ففمها قبلات خفييفة تيسيحها بيهم:فتون ديالي (مواح) غزالي (تقابل مع عينيها الخائفتين بعينيه العاشقتين المتلهفتين، عاود تحنى و باسها ففمها بحنااااان و بطئ، تيدوز فيديه مع صدرها و جنابها) تنبغيك أعمري، ماتخايليش شحال موحشك
قلعلها البوليرو و تبعلو الكسوة، تيحيد و يلاوح متيعرفش تافين .. هي جمداات بلاصتها، عرفات كثرة الدفييع و العكس تيجيبلها الدق و الوجع غا هي أما هو فقوي عليها و ماشي بقوتها الضئيلة غاتقدر تبعدو عليها
نزل لصدرها كايفكلها السوتيانات و يطل على ثدييها بعينيه، كانو عندها كبيبرين بويوضين و الرويسات صغيورين مكبارش .. محاوطينهم عدة نمشات .. تبسم بحلاااوة و بدا تيبوس فيهم و يمص و يجر و يرضع، تيتسنى منها شي ردة فعل..!!
لكن هي كانت جااامدة، ساااكتة، متحركات ولا قالت حتى حرف
ناض بشووية تايطل على وجهها، بانوليه الدموع مغرقييين عويناتها و مغمضااااهم بقوة تتبكي بالحس ..!!
سلوى تدوي بصوت مبحوح:عطيني فرصة ا انا مباغاكش محاملاااكش هاد الطريقة اللي تتصرف بيها تتزييد تعيفني فيييك اهئ م ماعرفتش مباااغاكش نتاااا مباغاكش
اسماعيل علا فيها حاحبه:مباغانيييش انااااا؟؟؟ .. شكوووون باغا صحيبك يااااك؟؟ مباغاااانييييش انااااااااااا (ضرب بيديييه جنببب السرييير جنبها و هي تكمشات فبعضها كثر تتبكي و تحرك راسها بالنفي)
سلوى:فهمتيني غلط ا ان
قاطعها بتصرفيييقة قاااسية من يده، دوخاااتها يلاااه بغات تدوي زااادها تصرفيييقة اخرررى حتى سالها الدم من نيييفها .. جرلها وجهها لعنده و باسها فشفااايفها بغضببب .. تيعض فيهم و هي تتبكي، رجعات لتفركييلها و التعنتيييت، تتدفعووووو و تغوت بصوووت مكتوووووم بأسنانه و هو تايدااافع معااها و يثبتها .. دورها نعسها على كرشها و هي تتغووت و باغا ترجع تدووور تتنهج و تحررك فرجليييها بقوووة
قفزااات من صباعه اللي تطراساااو فمؤخرتها بقوووة من ديك الشحطة اللي نزلها عليها .. جاب مخدة دارها تحت كرشها .. علاها من نصها حتى كوزها و وقف على ركابيه مهبط البوكسر دياله، بغات تتحرك و هو يزيييدها بشحطة من يدييه لضهرها حتى تزنگااات بالحرريييق .. متايشوووفش قبالته .. وصل للحد دالصبر دياله و الغضب كذلك، تايدوي لينو و بين نفسه مخرج عينيه
-مباغانيش انااا!! باغاه هووو؟؟ انا شنووو هنا زاااامل..؟؟؟ شنوووو خاص يدار و مادرتووووش آاااا!!
هبطلها السلييب ديالها و دوز عضوه مع عضوها بشوووية
حسات بقلبها غايسكت بالبكاااا و الشهيييق و هو مدايرلهاش حساب..!!
بنت بنوت..!
بكارتها صعيبة..!!
نفسيتها مامتقبلاهش..!!
طالبة منه غا مدة باش تتقبله و تولف عليه و يحببها فيه ولكن هو مداهاش فييها..!!
دخله دااااخل فتحة عضوووها دخلة قوية حتى غوتااااات بكلللللل جهدها مكمشششة على المخددددة تحتها .. خرج عضوه تايطل لتتحت مبانلوش الدم عرف الطرييق صعيييبة باش يختارق بكارتها و واخا هكاك ماحبسش مراعاش لألمها و غوااااتها و عاود دخله مرااااااااات عديدة و فكل مرة تايستخدم القووووة بدوووون رحمةةةةة تيدفعو بجهدووو كاااامل حتى ترخااات و فشلات مابقاتش قادة تتحرك ولا تغوت، حاساه كايقتللللها قربات زوحها تطلع عند الله .. غا ترخاتله هو خرج عضوه مع خرجه شافو ملطخ بشووووية د الدم، غا شافهم رجع تيطل كثر و عاااود دخله مرةةةة أخرى، هاد الدخلة كانت فحال ضربة قاااضية ليها
مع دفعوووو مع شهقااااات شهقةةةة طويييييلة كاترجف و هو مع خرج دياله مع شاف الدم تايسيل بغزااارة خارج منها ماحبسش، .. ليزار تحتها كان بين اللونين الابيض و الرمادي ولكن رجع مطبع طبعة كبيييييرة من الدم الاحمر، مثل دم الغزااال و جسدها اللي كان تيترعد تهد و عينيها بداو تايتقلبو .. ترخااات كليا المسكينة بدون ادنى حركة...!!
من أول ما دخلو للدار و هو قالب وجهه، ماشافش فيها .. عطاها النخااال و سكتتتتت..!!
جالس قبالت التلفزة تيتفرج و هي بعيدة عليه جالسة تا هي تتلعب مع مينو و تكسل فيها..!!
صمته و تجاهله ليها خسرلها الخاااطر..!!
نرفزها و ركب فيها الأعصاب ككل مرة مللي تيختار هاد الطريقة باش يعاقبها..!!
عضات على شفتها السفلية كاتصوط أنفاااس قوية .. طلقات من مينو و ناضت ناحيته..!!
باغا تكون مبادرة زوينة منها..!!
تقربله..!!
تعطي لراسها فرصة أكبر معاه و مايبقاوش غي فشد ليا نقطع ليك..!!
جلسات جنبه كاتصرط فريقها، قرباتله بشوووية و تعلات عنده باسته من عنقه قبلة خفيفة و عنقاااته مخشية فيه و همسات بنبرة حنووونة:مقلق مني..!!
شاف فيها بنص عين و هي متربصاه بعينيها .. عقد حواجبه كثر و نتر يديها من عليييه .. ناض وقف غادي ناحية بيته..!!
تجاهلها..!!
قمعها..!!
خلاها غي كاترمش فيه بعويناتها بعدم تصدييق..!!
مافاقت غي على صوت الزدحة دالباب د غرفته..!!
غا زدحها ناضت كاتمتم بصوت مغنغن:النيييت انا الحماااارة اللي عطيتك المجاااال تتصرف هاكا اما نخليك كي الكلب، واللهيلا كبرنا للخرااااا قيمة سحابلو راااسو شكلاااط أسيما
دخلات لبيتها تاااا هي و زدحات الباب و لكن زدحتها مدارتش صوت مسموووع فحال ديالته .. رجعات حلات الباااااب على جهدها و سدااااااتها بقووووووووة تا قرباات تطييييح
شافت فيها تتنهج و تلاحت فوق فراشها تتمرغض فوقه مرااااضيااااش بالقمعة اللي دارلها..!!
هو جالس فوق فراشه معلي حاجبه، شاف گاع الطرق متينفعوش و هي من ديما تدير غي اللي فراسها .. متتشوفش و متتفكرش فردة فعله..!!
فخووفه علييه..!!
مللي غبرات فالبحر گاع الافكار الخايبين جاو لذماغه و حس بخوف رهيييب على قبلها..!!
كان باغي غي يلقاااها و غي دخل طل على سطورياتها كانت تضحك ماعلابالهاش و تيصوني عليها فالوقت اللي تيشوفها تتميساجا مع البنات فالواتس و ضحك و مجاوباتوش..!!
تما زاد شعل و كيفما مدارتلوش اعتبار هي، بغا هو يردلها الصرف و يوريها..!!
تأفأف بصوت مسموووع كيمسح على وجهه بيديه حتى شاف فميساج وصله من طرف واحد الرقم
-و سميتي متذكرش .. انا بفلوسي نقدر نعيش تا عائلاتكم و لكن لا جبدتوني و سليتوني للحبس .. عائلاتكم حسبوهم مشاو للهاوية
-ماتخافيش أمدام كولشي غايوقع كيفما باغاه نتي
قطعات الخط مبتاسمة ابتسامة جانبية .. حطات التليفون و ناضت تتكسل تتطل على الزنقة:هاحنا غانبداو اللعب .. هانا غانوريك الحيطة اللي غتديري معايا، واخا تسدي البيبان و السراجم غانطل عليك من الثقبة دالحيط اللي عمرك ماشفتيييها
.
.
.
المشفى 📍
فالكولوار الطويييل واااقف اللون مخطوف من وجهه كايتسنى خبر علييها..!!
أول ماشاف منظر الدم و كي ترخات بديك الطريقة وعى على راسه و خرج من حالة العصبية الكبييييرة اللي دخلها..!!
قدر يستوعب شنو طاري بصعوبة و هزها طاااير جيهت السبيطار..!!
عصبيته ديما خارجة عليه، تنرفيزته و تسرعه من ديييما مخرجينه فطرقان فحال هاكا .. أصلا بسباب عصبيته هو سبقليه دخل للحبس و دوز فيه مدة كبييييرة..!!
عصبي بزيادة و إذا طلعاتله النقشة متيقشعش قدامه تينفذ اللي فذماغه فقط بعدم وعييي حتى تتوقع الكارثة عاد كايوعى و يحس براسو شنو دار..!!
ضرب قبضته بققوة مع الحييط كايتغدد ... خرجات واحد الطبيبة من الغرفة اللي دخلوهالها .. شافته فديك الحالة عينيه خارجين و شنايفه زراقو بالخلعة عليها..!!
قرباتله و تكلمات بصرامة و حدة:هاد الحيوااان اللي دار فيها هاد الحالة خاصو الحببس..!! البنت تعرضات لإغتصاااب عنيييف بزاف و عاد كانت مزالة بنت بكارتها تفضااات بقوووة و هادشي خلاها تتعرض لإيموغاجي حاادة بالسيف باش حبسنا النزيف
اسماعيل تزييير كثرر ضغط بسنانه على فكه و حنا راسه للأرض حس بغلطه شحال كبيير و عصبيته ديما خارجة عليه و على الناس القرابين ليه..!!
قاطعها بحدة و صوووت مبحوووح، بنفسه حشم انه ينطقها و يقولها انا مول الفعلة ولكن ماعندوش مهرب من داك الجواب حيت فعلا هو مول الفعلة..!! مول الغلط اللي متايتغفرش..!!!
اسماعيل:السيدة مرتي و اللي طرا كان فلحضة غضب، دابا بغيت نشوفها
اسماعيل خنزر فيها بغضب:براااكة من كثرة الهضرة ديااالك، بغيت نشوف مرتيييي
الطبيبة تأفأفات كاتحرك راسها بلا حول ولا قوة الا بالله:تا تفيق بعدا و نشوفو نفسيتها عاد نقولك واش تشوفها ولا لا..!!
خلاته و مشات بغا يتبعها يزدحلها راااسها مع شي حيييط و يوريييها تاتفيق شنو هييي، شد راسه بين يديييه مغدد منرفز معصب
جلس فالارض مرضوووووخ و شاف فالفراااغ عاقد حواجبه بقوة:تفوووو عليك ألمريييض، نتاااا مريييض مرييييض حيوااااان آذيتيها ، مريييض و متستاهلهااااش
،
،
،
بعدما تعشاو بزوج بالپيتزات الي صايبو البنات، جلسو تيتفرجو بزوجهم و هو منفخ شوية و لكن ماشي لدرجة كبييرة، الستون ماعجبوش باغي يندمها شوية و صافي
هي مرة مرة تهز التليفون تجاوب صحاباتها فالواتس و تتبسم .. حتى وصلها واحد الميساج كان فيه ڤيديو و تحته مكتوب ميساج آخر، غي دخلاتله تشوكااات و عينيها خرجو و تمتمات بصوت عااالي
اميمة:اويييلييييي
شاف فيها عماد مستغرب:شنو طاري
شافت فيه عينيها عامرين دموع:اوييييلي وحديييي اوييييييلي
عماد شد فيها:أشطرااالك؟؟
اميمة شدات على قلبها اللي تيخبط و يعاود و الدمووووع الدموع الدموع تيسيلو من عينيييها
-م م مشا كولشي، ك كووولشيييي
عماد شد فيها مستغرب:اميمة دوي راك خلعتيني اش كاااين؟؟
عماد تشوووكا، مزااال ماستوعبش هاد الصدمة والخبر اللي نزل عليه كي الصاااعقة، وقفات هي باغا تمشي تشوف هاد الموصيبة، مع وقفتها مع راسها فتلل بيها و طاااحت على طووولتها قدام عينين عماد اللي باقي دااايخ مامستوعبش الخبر..!!
غا طاااحت ناااض طاااير عندهاااا باغي يفيقها، و قلبه تيزدح بالجهههههد على قبلها...
هزها مخلوووع لا من الخبر اللي سمع و لا منها هي اللي طاحت على طولتها فالأرض .. حطها فوق المطربة و مشا للحمام، عمر واحد الطاسة بالما و رجع تيرش عليها ، قلبو تيزدح و يعاااود و دااااخ بقوة ماخاف عليها .. شافها كاتخسر ملامحها و تجبد فجبهتها .. ناض للبيت هز واحد الريحة و رجع عندها ساطها فيديه تيشممهالها .. ريحتها طلعات مع نيفها مزيااان عاد بدات تتحرك فراسها و تعقد حواجبها كثر..!!
حلات عينيها الرجفة شاداااها فقلبها، شافت فيه تتبكي بالحس و تمتمات بصوت خااافت
-ن نمشي اهئ، نمشييي نشوووف
بغات تنوض و هو يرجعها تيحرك راسو بالنفي:لا لا نتي بقاي هنا لا مشيتي غاتزيدي تأزمي، انا نمشي نشوف هادشي و نرجع ماتخلعيش تهدني و ماتضغطيش على راسك، مانسايش أن حملك مزال ممستقر مزيان
اميمة بصوت ضعييف:مشااا كولشييي اهئ هنننن مشاااا
قرب عندها عنقها تيبوس فراسها و جبهتها و يهمسلها:ماتخافيش كولشي غايرجع حسن من اللول، نوضي معايا دابا غناخذك لداركم متبقايش بوحدك هنا
اميمة بصوت باكي:باغا نمسي نشوووفو
عماد نوضها تيبوس فجبهتها باغي يهدنها:شششش غي تهدني دابا، فكري فبنتنااا ماتزيريش على نفسك راه تطرالك شي حاجة خايبة
أميمة حركاتله راسها بالإيجاب بالزز منها، هو مشا لبيت النعاس جابلها عبايتها و شالها لبسهوملها و هي غي تتبكي حاسة بقلبها غايخرج من بلاصته
ناضت وقفات بشوووية مسندة عليه و هو باغي يهدنها .. خرجو من الدار لجيهت الأسانسور .. خروجتهم كانت تحت نظرات المسمومة اللي مقابلة معاهم..!!
مبتاسمة بشر و كاتشوف فأثر خطتها الشرييييرة اللي دارتها ضد فيها..!!
علاش يديرلها محل خاص بيها..!!
علاش تفرح و هي كاتطعن باش تكون بلاصتها..!!
اكيييد مغاتخليهاش هكاك و الفرح بغات تردولها قرح، توريها تتباهى قدامها بمحلها و براجلها اللي طامعة فيهم هي..!!
وصلو لتحت و ركبها فالطموبيل .. ديمارا ناحية الدرب ديالهم خداها مباشرة لدارهم هو
دق فالباب و حلوليه الجيران اللي ساكنين لتحت .. وصلها لفوق مدها لمو و بلا مايشرحلها خرج عقله طاااير تا هو حس بالذخااان تيسوووطلو فوذنيييه...!!
المحل اللي تسلف و تكلف باش يجهزو و يوجدو و يفرحها بيه مادوزلهمش تا جوج سيمانات مقادين و مشا..!!
راسو بغا يتفرگع بشنو طرا..!!
ثورية جلسات أميمة فوق المطربة مخلوعة:اش طرا يا بنتي راكم خلعتوني؟؟ واش تخاصمتو ولا شنو كاين!!
أميمة بصوت خاافت، تتبغي تدوي ولكن تيقاطعوها الشهقات:اننننن هئ هئ م مشاااا هننننن مشاااا كووولشييييي هئنننن، كووولشيييي م مشاااا
ثورية بخوف:ويييل الشيطان ابنتي، خلعتيني اشنو واقع
اميمة تترعد و حلقها شحف:ا المحل ديالي أخااالتي تحرررق هئ هئ صوراتولي واحد الكلياانة العاافية شاعلة فيييه و قالتلي جريييي عتقي لا لقيتي ماتعتقي
ثورية تشوكات تتشوف فيها ماعرفات شنو تقول باش تواسيها..!!
تتشوف حرقتها و حزنها اللي تيقطعو فالقلب..!!
اميمة من دوك الناس اللي مشاعرهم تيبانو من ملامح وجههم، من الشوفة فيهم تيبانولك باش حاسين..!! واش فرحانين واش معصبين ولا حزنانين..!!
عرفاتها تعلقات فداك المحل واخا مزال مافرحاتش بيه مزيان، ديجا كانت كتتبانلها طاافية من مللها و جلاسها فالدار بوحدها و بهاد المحل و فيوم الإفتتاحية، رغم الضغوطات و كثرة الطلبيات و لكن حساتها تدير داكشي من قلبها و فرحات و شعلات كي الشميعة اللي تضوي الضلمة..!!
ضماتها لحضنها بقووة تتنهد و تمتماتلها بكلماتت حنااان تتواسيها:ماتخافيش الموهيم مجاتش فيكم لاا نتي ولا عماد ولا الوليد اللي فكرشك، ماتعصبيش راسك ابنيتي ماتعصبيش، المحل لا طراتلو شي حاجة غايتعوض ماتخافيش أبنيتي
اميمة كاتشهق و تبكي:عماااد تسلف على قبلو، الكريديات أخااالتي و زيدي عليها راه غي مكري يجي مول المحل يقولنا عطيوني تعويض اش يدير هو؟؟ اش نديرو انا وياه، راه صعيييبة بزاااف صعيبة
ثورية تنهدات بحرقة:الله يدير اللي فيها الخير يالحبيبة، متخافيش ربي معانا و كولشي بين يديه، مكاتسد باب تا يتفتحو بيبان
اميمة سكتات شوية من البكا تتفكر فهادشي .. قلبها تزييير كثر و راسها عطاااها الحريييق، أما نفسيتها فطاااحت للحضيييض، عصرااات عينيها بققوة تتكمل بكاها بالحس و صورة المحل تيتحرق بديك الطريقة، شاوياها فقلبها...!!!
صوت تليفونها اللي مخشي تحت راسها فيقها من نووومتها الطويييلة
ناضت تتمسح فعينيها و جناب فمها و مدات يدها تحت المخدة، جبدات التليفون تتشوف فرقم باباها و تتفوه
الشعى دالشمس ضارب فعينيييها حساته عاميها، ناضت كاتحك فشعرها خارجة من البيت ناحية الحمام و جاوبات بصوت مبحووح
غا فتحات الخط و تلقات ديك الخبرية الصااادمة شهقااات
صفاء:اويييلي اماما و هي كي بقات دابا؟؟
ثورية تنهدات بحرقة:كي غاتبقى يا بنيتي تتقطع فالقلب، و تاخوك مزال مجاش مصيبة هادي موصيبة
صفاء:عرفتيي شنو، انا جايا دابا نشوفها
قطعات مع ماماها و رجعات لبيتها .. كاتبدل عليها و راسها دااايخ .. لبسات دوك الحوايج من الطرف .. جمعات شعرها و مشات تاطير عنده لبيتووو .. حلات الباب و دخلاات تتفعفعو و تدوي بصوت عاالي
-صفوااان نوووض، نوض أزمر موووصيييبة واااقعةةةة
حل عينيه فيها معمشين:اشنو؟؟
صفاء:نوض وصلني لدارنا، راه موصييبة وقعات
شاف فيها مستغرب:اش طرا؟؟
صفاء:المحل د اميمة تحرق البارح و راها دابا فدارنا
ناض طااافج مخرج فيها عينيها:اميمة، هي بخير؟؟ ياكما طراتلها شي حاجة!!!
صفاء:ماعرفتش سربي لبس عليك وصلنييي
ومألها غي براسه و داز للماريو تيجبد مايلبس .. هز حوايجو و معاهم جبد واحد السروال، غا جبدو طاااح الظرف اللي عندو فيه الفلوس مخبيين ..!!
شافتو و هي تبدا تدور فعينيها كي النمسة أما هو تحنى هزو بين يديه .. طلع سرواله و التيشرت .. خشا الظرف فجيبو بلا مايحسب الفلوس و هز سوارت الطموبيل و التليفون
شاف فيها عينيه مجبدين بالنعاس ..
صفوان:يلاه سربي
ومآتله براسها ر خرجو طاايرين من الدار بقوة التلفة تا وجاههم ماغسلوهمش .. ركبو فالطموبيل و هو انطااالق ناحية الدرب ذماغه مع ختووو خايف عليها..!!!
.
.
.
مزال مكانه فداك الكولوار دالمشفى .. طاااافي، عينيه مركزيين فالفراااغ قبالته، جالس فالأرض و مرخييييي تيفكر فغواااتها و بكاها قبل مايدير ديك الفعلة و فالفشلة اللي فشلات و كي ترخات اول مسالا..!!
كايتمنى لو يرجع بالزمن اللور مكانش يديرها..!!
يحاول يتحكم فنفسه و ينوض يخرج يبدل الساعة بأخرى..!!
لكن هو دايما هاكا و الندم متيحس بيه تا كايوقع اللي وقع..!!
شاف رجلين وقفو جنبه، علا عينيه فصاحبتهم و هو يغمض عينيه بقوووة
ناض وقف تيشوف فيها و يتنفس بقوة:فاقت؟؟
الطبيبة بحزم و حدة:قبايلة و لكن حالتها متدهورة بزاف، ناضت تتبكييي و تغوت نفسيتها زيرو ندمرةةة، عطيناها غي مهدئات باش ترجع تنعس
اسماعيل شدو راسو بين يديه بقووة:بغيت نشوفها!!
شافت فيه الطبيبة معلية حاجبها يلاه غاتدوي قاطعها بحدة و ملامحه تبدلو فرمشة عييين للشراااسة و الغضب
-غانشوووفهاااا، بغيييتي ولا كرهتيييي بغيييت نشووووف مرتيي
تحنحنات كاتشوف فجنابها فالناس اللي شافو فيهم من صوته العالي، شارتله بيدها لغرفتها:دخل و لكن ماتضغطش عليها، راه حالتها صعيبة
ومألها غي براسه و دخل للبيت عندها مخنزر بحدة عاقد حواجبه..!!
غي خطى أول خطواته داخل ديك الغرفة حس بالندم تينهش فلحمه أكثر من قبللل..!!
عينيييه حماااارو و عروقهم برزو مثبتهم فجسمها الصغييير..!!
كانت بريئة، مرخية، ناعسة بلا حول ولا قوة..!!
زييير على قبضاااات يديييه بقوووة .. فتون ديالو هو وصلها لهاد الحالة..!!
تيشوفها ممددة فوق الفراااش بديك الطريييقة حس بنفسه حمااار ديال بصح..!!
حيوااان و قليلة فحقه..!!
كيفاش قدر يديرها و تعدى عليها بديك الطريقة الوحشية. !!
واخا يعيا يبغي يبرر لنفسه فداخله و فأعماااقه و لكن دييييك الفعلة ماليهاش مبررات..!!
كانت دناااائة كبيييرة منه .. بغا يخرج فيها عصبيته بطريقة قتلااتها و قتلاتتته..!!
تراجع خطوات للوراء تيحرك راسو بالنفي، حس بالعاااار على نفسه .. هو اه كان تيهددها قبل الزواااج و لكن كان مجرد تهديد..!!
عمره فكر غايديرها ديال بصح معااها هي بالضبطط حتى فليلتهم اللولة و فالخطرة اللولة اللي تقرب منها مكانش ناوي يغتاصبها بوحشية و بداك العنف هداك..!!
بالعكس كان باغي يديرها معاها بكل حنية باش يحببها فيه و فتقربه منها .. بغا يبدل معاها تصرفاته و لكن قبل من كولشي خاصوووو يبدل كراكطيرو هو و ذماغه و تفكيره و كولشي فيه..!!
ولكن هادشي صعيب..!! مايمكن الانسان يبدل فنفسه فرمشة عين..!!
عارف راسو خاصو يتحكم فعصبيته و يحكم راسه قلل مايتصرف اي تصرف مزال..!! ولكن وقت الغضب ديالو تيدخل لعالم اللاوعي و متيحس بتاحاجة تا كايكمل اش بدا
راسو تزيير كثر و حل الباب دالغرفة خارج من عندها، ماقدرش يقرب عندها و يزيد يشوووف شحال هو وحش من نظراتها ليييه..!!
عرفها غاتكون نفسيتها مدمرررة و مابغاش يزيييد يدمرهااالهاااا بشوفته ليها..!! رجع لداك الكولوار، ضرب يده مع الحيييط بقووة حتى تفعفع و تمتم بحدة و عصبية
علاا راااسه فالسقووووف مزيييير على عييينيييه و عض على شفته السفلية بقووووة و غضب
-مكانش خاصك تدير هادشي مكانش خاصك تديييرو
جالسين مجموعين كاملين فالصالون، تا عماد و واليديها جاو
صفاء معنقاها كاتطبطب عليها و هي تتبكي بصمت من الخبر اللي وصلها عماد..!!
المحل تفحم و بتحقيق الشرطة قالو ان سلك من السلوكة ديال الضو تخربق مع شي واحد آخر و شعلات العافية بديك الطريقة..!!
يعني مكاينش دليل انها فعلة من شي حد..!!
تا حاجة مابقات نافعة فداك المحل تا الآلات اللي تشراو جداد .. كولشي مشا و مابقا والو صالح و حتى مول المحل ماعجبو حال من شنو طرا و بغا تعويضات باش يصلح محاله
صاط صفوان أنفاااسه بحدة و نطق بنرفزة:بالنسبة للتعويض انا نعاونك كنت غاندخل شريك مع اسماعيل فواحد المشروع ولكن ليكم نتوما أهم..!!
صفوان علا فيه حواجبه:راه اميمة ختي و واجب مني نعاونكم .. (حك على جبهته بصباعه) التعويضات و لا الإصلاحات حنا نتكلفو بيهم و نشوفو مع مول المحل واش يخليهلنا ثاني ولا يبيعولنا گاع و نعاودو نشريو الماطيريال من جديد!!
عماد:لا مباغيكش تكلف راسك و نتا مشروعك اهم!!
صفوان:اسيدي حسبهم سلف و مللي يتقادو الأمور و يرجع المحل يتروج تردولي الفلوس!!
اميمة بنبرة حزيينة خافتة:من الاحسن بلاش، راه اللوالة و كان علينا الدين خاص نخلصوه يعني..
قاطعها صفوان بجدية:صافي انا دويت، براكة من كثرة العكوسات و متفشلوش، المحل غايرجع حسن من اللي كان ماتخافوش
عماد تنهد تيحك على شعره:انشاء الله
صفوان:دابا غناخذ شي سخرة لواحد السيد تيتسناني و غانرجع و نشوفو مع هادشي كثر .. نبداو اليوم الاجراءات مع مول المحل..!!
اميمة:شكرااا بزاااف أخووويا
صفوان تبسملها بهداااوة، ناض وقف و مشا خارج لبرا .. ناضت صفاء كاتحنحن تبعاته .. يلاه غايخرج وقفاته بصوتها
-صفواااان
علا فيها عينيه عاقد حواجبه:نعام؟؟
صفاء تحنحنات بصوت خااافت:شكون هذا اللي غاتمشي عندو؟
علا فيها حاجبه بصمت، مجاوبهاش .. دار خارج فحالو، حل الباب و سدو خلاها غي كاترمش فيه
تبسمات ابتسامة مستهزئة بالغدااايد راجعة فحالها لداخل:هههه ولاهيلا قمعني من جديد (دخلات جلسات جنب عماد، كان كل شوية تيتحسر و يتنهد قرباتله كثر عنقاته و همساتله بخفوت) حبيبي ماديرش فبالك، انشاء الله كولشي يتصلح و يرجع حسن من اللول
عماد تنهد بحرقة:انشاء الله نشاااء الله
تبسماتله بحنية و شدات فيدين اميمة تا هي:حنا كولنا معاكم ونتعاونو باش يرجع حسن من قبل
اميمة بابتسامة ذابلة:نشاء الله
،
،
،
داخل لواحد الكافي تيقلب بعينيه، بانلو السيد اللي داير معاه .. جلس مقابل معاه و غي جلس مدليه الظرف دالفلوس
-ها هوما عطيتيهوملي خبيتهم ماتجبدو حتى لليوما ماقصتهمش
-هذا المضنون فيك اخا، انا لا كنت خليتهم عندي كنت غانكون طبييتهم ههه دابا محتاجهم ضروري .. (طل على الظرف تيشوف فيه و جبد الفلوس قبالتو تيحسبهم خلا صفوان يعلي فيه حواجبه، حسب داك المبلغ كااامل تا شاف فيه مستغرب و تمتم باستغراب) ياك كنت مخلي عندك عشرالاف درهم؟؟
صفوان:اه علاش!!
-وا هنا غي 8000..!!!
صفوان:لا مايمكنش رجع حسب
-لا لا حسبت بلاتي نعاود ها نتا .. ها الف، الفين، ثلاثة، ربعة، خمسة، ستة، سبعة، ثمنية .. ثمنالاف ناقصة ألفين درهم..!! (علا فيه حاجبه) هادي الأمانة دابا؟؟ فين البقية دالفلوس ياكما ضنيتي غتاكلي ذماغي بديك حطيتهم و متقاصوش تا جبتهومليك!!! سحابلك انا مطرنن مغانحسبهومش قدامك ولا كيفاش؟
صفوان عقد فيه حواجبه بعصبية و حس بالبرووودية نزلات معاه من كلااامه:شهادشي تتگول، انا ماقصتش فلوسك الحمد لله برزقي
-ايوا و هاد ألفين درهم شكون اللي هزهااا!! باغي تدوخني بزوج كلمات زعما!! واللهما تكون ليك فلوووسي كااامليين اليوم يحضروووو (ضرب على الطااابلة بغضب خلا صفوااان يشعللل كثرررر و عينيه تضلمووو من عصبيتووووو فييييه و تايشوفلو فعينيه اللي حاضيينو كأنه متهم و هو فجلسة محكمة...)
داخل للدار دااايخ و مراضيش من الموقف اللي تحط فيه، عمرو حس بالإهانة لهاد الدرجة هادي و من طرف داك الشخص بالضبط، شاف فيه كأنه بغا يبيدقو و يسرقلو فلوسو..!! كأنه حمااار بالوذنين غايدير عملة مفرووشة فحال هاديك..!!لاحلو الفلوس اللي نقصولو من جيييبه و ناض خرج من الكافي نيييشان للدار باغي يقلب و يشوف..!!
ياكما خرجو من الظرف و بقاو فالماريو..!! ولا فاش طاح فالصباح يكونو طاحو منو و ترشو و مشافهمش..!! زعما هو عور لهاد الدرجة..!! 2000 درهم تطيح قدام عينيه و مايردلهاش البال..!!
تمشى ناحية بيتو عاقد حواجبه، تيقلب و يعاااود حاااس بالسخووونية تدور فذمااغه .. طيح پلاكااارو كاااامل لاوح حوايجو فاللرض و صعررر بالمعقووول .. مابغاش يحكم عليها فحال ديييما..!!
مبغاش يديرها بلا مايقلب و يشوف و يستفسر .. حس بالعرق هااابط مع ضهره بقوووة العصبية اللي تعصب و الفلووس مالقاااهومش ..!! بقا غادي جاي فالبيت تيفكر و يعاود النهار اللي عطاه السيد الفلوس باش يخبيهوملو حيت تايثيييق فيه هو من دووون الناااااس .. خذاهم من عندو و خباااهوم بأمانة و صدددق تا لليووم شاف فيه كأنه نصااااب..!!
بغا يسرقو و يلعب عليييه..!!
خلا دوك الحوايج طايحين فالأرض و هز تليفونه .. دار رقمها تيصوني عليييها و يتغدد .. صونا شحاااال مجاوباااتوش فاللول
تقطع الخط زاااد صعر .. عااااود دوز نمرتها كايتغدد و يتمتم بحدة:جاااوبي أنم جاااوبييييي
تفتح الخط أخييرا غي وصله صوتها نطق بسرعة و حدة
-قصتي شي فلوس كانو عندي فالماريو مخبيين؟؟؟
غا سمعات شنو قال عينيها تجبدووو:ا انااا؟؟
صفوان بحدة:و معاامن داوي انا!! قولي قصتيهم ولا لا.. لا كنتي هزيتي منهم غا قوليها مغانديرلك وااالو بغيت غانعرف راسي واش حماقيت ولا فقدت الذاكرة ولا شنوووو طرااا..!!!
صفاء صرطاات ريقها بصعوووبة تتمتم بخفوووت و ثوثر:و واش ماكفااكش شنو كادير معايا ناقص تقول عليا سراااقة!! م ماهزييتش و ماشفتششش
قطعات عليه حاسة بقلبها تيخبط خبيييط .. ثوثرات و تخلعات و عراااقت .. من نبرة صوته و عصبيته عرفات راسها لا عتارفاتلو و قالتلو شنو كايننن يقدر يحرقها و هي حية ترزق
جلسات فوق الفراش فبيتها اللي فدارهم تتصرط فريقها و تعض على شفتها السفلية بقوووة و بثوثر
أما هو غي قطعات علييه، زدح داك التليفون مع اللرض و رجع للبيت تيقلب و يعاااود..!!
راسو داااخ و عقله طااار و نظرة داك السيد اللي شاف فيه بييها ترسخااتله فذمااغه .. بغا غي يلقى ديك الألفين درهم و يحرقهم ورقة بورقة و يوريه دوك الشوفات اللي شاف فيه بيهم
بغااا يحماااق عليهم و مالقاااهمش .. عاود جلس فوق الفراش تيتمتم بحيرة
:شنو دابا!! هزيتهم شي نهار و ماعقلتش؟؟ فوقاش!! (تيفرك فجناب ذماغه و يزييير حواجبه) اشنو وقع شنو؟؟ فين مشاو؟؟ دارو رجلين و طارو! ها هي قالت ماهزاتهمش ايوا فيييييناهوما فيييين
تكا على الفراش تيشوف فالسقوووف بنظرة حاااارة:بزاف هادشي بزااااف
بدون قيود الجزء 12
محتوى القصة
التنقل بين الأجزاء