بدون قيود الجزء 13

من تأليف هناء المنصوري
2020

محتوى القصة

رواية بدون قيود

بعد مرور يومين
اليومين اللي فاتو دوزاتهم فالكلينيك جالسة فداك البيت و الطبيبة تطل عليها مرة مرة .. هي مللي فاقت و هي غي سااااهية بدون ردة فعل منها مزال..!! أول نهار كانو أعصابها تالفين فاقت تتغوووت و تبكييي و تعيط على ماماها بغااتها و لكن من بعد مللي هدنوها و نعسات، اول مفاقت من جديد و عرفات انها بوحدها و مكاين اللي يجي عندها تا منو هو مجاش..!!

ماعياش نفسه يجي يعتاذرلها على فعلته..!! ولكن علاش غايعتاذر اكيد غايكون فرحااان برجولتو حيت قدر يقضي عليها بهاد الطريقة..!! هادشي فاش فكرات بعينيها اللي ساااهيين بالفراغ قبالتها

مشافتوش طووول هاد اليوماين رغم انه كاين غي برات الغرفة و لكن ماتجرأش يوريها وجهه، متأكد انه غي غايشوفها غاتبدا تغوت و تبكي و هو داك المنظر اللي مباغيش يشوفها فيه..!!

مابغاش يشوف نفسه شحال أذااها و خربها عليها، كانت عايشة بخير تا تسلط عليها من الجنب بالزز عليها كوووولشي مللي شافها، حتى من سميتها ختارلها سمية هو على هواه و مزالو مناويش يخليها و يمشي..!!

وقفات الطبيبة قدامه كاتنهد، منظرهم هو وياها بقاو فيها!! واخا عرفاته هو اللي دار فيها ديك العملة الشنييعة ولكن بقاااو فيها بزوجهم..!! شافته تيتعذب ديال بصح ماشي تيتفرعن و مفتاخر بعملته..!! بااين ندمه فملامح وجهه و هادشي اللي خلاها تتعاطف معاه واخا هو الطرف السيء فالقضية..!!

الطبيبة:راها تقدر تخرج اليوم من لاكلينيك غا هاد الدوا خاصها تشريه فيه ڤيتامينات، جسمها ضعيف بزااف و الدم اللي خسراتو خاصها تعوضو و الپوماد تا هي ضرورية

شد من عندها الروشيتا دالدوا و ومألها براسو:واخا
الطبيبة:مغاتدخلش عندها؟؟ البنت بوحدها و تاحد من عائلتها ماجا يشوفها!! تا نفسيتها مدمرة!!

اسماعيل شاف فيها بنظرات مطفية:لا شافتني غتتزيد تتدمر!!
الطبيبة تنهدات بحرقة ماعرفات ماتقول، اما هو فزعم نفسه بالزز .. و دار ناحية غرفتها .. تمشى بخطوات مبعثرة .. حل الباب و دخل غا شافها كانت متكية تتشوف لجيهة الباب النييت..!!

تلاقاو عينيهم و تسمر مكااانه .. ماقدرش يتزحزح حاضي نظراتها اللي كانو فااارغة، مدارت تا ردة فعل مللي شافته..!!

مابكات ماغوتاات ماهربات .. وااالو..!!

الطبيبة تبعاته مبتاسمة و تقدمات ناحيتها تتحنحن:احممم، سلوى اليوم غاتخرجي من لاكلينيك واجدة..!!

شافت فيها بنظرة فااارغة و حنات راسها لتحت، مادوات و لا تكلمات صمتها هداك، حرقو .. هو عض على شفته السفلية بقووة و نطق بنبرة خاافتة لينة
-بعدا نجيبلها ماتلبس..!!
الطبيبة:اه خاصها الحوايج ضروري..!!
ومألها براسو و رجع خرج من الغرفة بسرعة .. ردة الفعل اللي شاف منها خنقاااته حسسااته بقلبهههه تزييير!!

عمرو ماضن انه غايحس بهاد الأحاسيس و غايندم على فعلة دارها بقدر ندمه دابا على هاد الفعلة هادي..!!
،
،
،
اليوماين اللي فاتو دوزاتها فدار واليديها مابغاتش ترجع للدار عنده و وصاته يجيبلها قطتها لعندها و داكشي اللي كان .. حتى هو ذماغه مشوش و مشغول مع عماد بالمحل و إصلاحاته .. حتى مول المحل تفاهمو معاه و تافقو باش يبيعولهم ولكن بالتقسيط، تكتب بسمية أميمة و عماد و بداو يعطيوه بالتقسيط .. دفعولو الربع دالثمن و مزالهم البقية..!!

هاد النهار هذا شراو الصباغات و الكااوتشو و كل اللي يحتاجو و جابو الصباغ يتكلف بالحيوط المفحمين غايحتاجو كثر من وجه باش يتلونو مزيان .. تعاونو معاه حتى هوما و صفوان تفاهم مع مول المحل اللي خدام معاه هو باش يعطيه سلف و النيت تا داك السيد عشرة معاه تعاون معاه و تا عماد ضبر شوية دالفلوس عاونو بيهم واخا عليه كريديات فوق ذماغه ولكن مابغاش يخليه غي هو اللي يخلص و مايدير هو والو...

لبقو كل واحد من جيه و لحد الآن صفوان راسو ضرو على ديك الالفين درهم فين مشات .. يمكن تا صفاء ثيقها بأنها ماهزاتهاش..!! "يمكن"
،
،
،
خارجة من الكوزينة مبتاسمة .. بگصعة د سكسو طيباتو بيديداتها .. نزلات الگصعة و شافت فالعائلة المتجمعة

كولشي جا باش يتغداو مع بعض فهاد المحنة تجمعو كاملين و ولاو الأغلبية تيتجمعو عند واليدين صفاء و عماد حيت تا أميمة بقات معاهم مارجعاتش لدارها
،
،
،
تياكلو و هي تتبسم و تشوف فيه، تياكل مغوبش و باينة فيه مضغوووط .. حواجبو معقودين و غي مخنزر متيشوفش تا فيها و هادشي ماعجبهاش..!!
بغاتو يشوف فيها، يقولها كي جاه سكسو اللي طيباتو بيديها..!!

بغاتو غي يتصرف معاها تصرف زوين لمرة وحدة فحياته..!!

تأفأفات بنبرة صوت مسمووعة و هزات كاس داللبن جنبها نزلااات عليه شرباته

اميمة بابتسامة خفيفة:سكسو جا زوين اصفاء
صفاء بادلاتها الابتسامة:بالصحة احبيبتي
عماد قرصها من خذها:لا مانخافش عليك مكاتموتيش بالجوع فدارك هههه

تبسماتله ابتسامة خفييفة
خديجة بتسائل:و شنو اليوم غاتباتو هنا؟ (شافت فأميمة و صفاء)

صفوان بهداوة و جمود:صفاء غاتمشي لدارها



شافت فيه معبسة مساخياااش:ول...

قاطعاتها ثورية مبتاسمة:اييه اوليدي، المرا ماعندها غي دارها (حمراات فيها بعينيها بانتلها كانت باغا ترفض فحال الأيام اللي فاتو)

اميمة:تانا نمشي لداري توحشتلها
عماد:راني جامعها .. مغاتعذبيش غا ماتكعايليش هه

تبسماتله ابتسامة خفيفة مكملين غدائهم فجو حميمي عائلي

بعد ماتغداو ناضت صفاء جمعات الطبلة و غسلات الگصعة .. خرجات لبرا لقاتو كايتسناها مشافتش فيه تا هيا رجعات لبيتها .. لبسات حوايجها اللي جات بيهم و خرجات عندو، سلمات على الجميع و خرجو هو و ياها و هي هازة مينو

ركبو فالطموبيل، تادير الصمطة و تشوف فيه بنص عين و هو ساكت ضاارب الطم .. الجو المشحون بيناتهم ديما تيخليها تحس بطاقة سلبية و متتحملش تا هي تعلي فيه تا عينيها

تأفأفات بنبرة صوت مسموووعة حاضية الطريق تا وصلو

طلعو للدار مع الدخلة تشوكات من الروينة و الحوايج مترشييين فگاع الدار
شافت فيه مصدومة:اويلي شهادشي؟؟
صفوان تحنى كايهز فالحوايج و يجمعهم، مادواش معاها .. حس بأنها هي مولات الفعلة ولكن حاااول يثيق انها ماكذباتش و مسرقاتوش..!! مباغيش يرجعو لنفس المواااال اللول، هي تدير موصيبة هو يضربها و يسلخها و يزيييدو فالعكوسات مع بعضهم .. باغي يعرف الطريقة اللي غاتربيها و باغي يجرب معاها جميع الطرق حتى تعتارف بأخطااائها .. تا هي شافتو تيجمع، حطات مينو فوق الطبلة حلات عليها فصنيديقتها و تحنات تتجمع معاه و تمدلو فالحوايج

قبطهم من عندها و دخلات ناحية البيت ديالها .. واخا رتاحت فدار واليديها و لكن غي دخلات لهاد الدار هادي، معاه تحت سقف واااحد حسات بواحد الراحة غريييبة..!!

راحة منعشة لأطرافها و خلاياها و ذماغها..!!

جلسات فوق الفراش تتحيد حوايجها و تفكر فشنو معصبو لهاد الدرجة و تگمگم بخفوت
-واش على قبل دوك الفلوس داير هاكا!! هو أصلا منفخ من نهار البحر و ااااصلا غي الفين درهم ماشي شي حاجة و ماقلتلوش انا اللي هزيتهم!!

ناضت بالدوبياس تتجبد ماتلبس و تدوي مع نفسها .. لبسات بيجامة منزلية عبارة عن شورط لااااصق مع مؤخرتها عازلهالها مع لابسة واحد السليب صغيييور عليها .. قصملها المؤخرة على جوج كاتبان فيها ربعة الطروفة ماشي جوج هه .. مع ديباردور مزييير على صدرها و مبينو كااامل تقريبا


جلسات فوق فراشها مربعة رجليها شادة تليفونها، غا شداتو طبعاتلها آپيل من النمرة د سلوى، جاوباااتها فالبلاصة النيت كان بالها مشغول عليييها

صفاء:اش هاد الغيبة أصاحبتي تخلعت عليك؟؟
سلوى بصوت خاافت:والو، غي كنت مريضة شوية و الكونيكسيون تا هي مكانتش عندي
صفااء:اااه و راني صونيت عليك تا ديريكت مجاوبتيش!!

سلوى بنبرة مقهووورة:عفاك ماتسولينيش على هادشي مباغااش نتفكر واخا انا مانسييييتش اصلاااا

صفاء باستغراب:اش واقع اويلي خلعتيني؟؟
سلوى صوتها كايترعد و كاتشهق:هئ اننننن و والو، م مابغيتش ندوي فهاد الموضوع صافييي

صفاء:و واخا غي تهدني .. صافي ماندويوش فيه
سلوى بنبرة خافتة:بغيت ماما، بغيت نرجع لحياتي القديمة..!!
صفاء:لا والله ماعاجبني حالك، قوليلي داك الحماااار شنو دار معاك؟؟

سلوى بخفوت تدوي صوتها تيتقطع:والو، ا انا تئ هنننن غانقطع دابا هئ هيييئ م مقاداش ندويييي مقاداااش

قطعااات عليها خلاتها غاتهبل، عيات تصوني عليها و سلوى مجاوباتهااش .. أول ماوصلو للدار بعدما جاو فالطاكسي خرج خلاها بوحدها تتبكيي و تشهق..!!

تفكرات صديقة عمرها بغات تدوي و تفضفضلها ولكن ماقدااتش تقولها شنو كاين..!!
ماقداتش تنطق بدديك الكلمة ، كملاات بكاااها اللي تيقطع فالقلب بعدما قطعات معاها .. شدات وجهها بين يديها تتمسح عليه و تنهج و تحاول تتهدن

دخلات تشوف الميساجات اللي واصلينها متابعين من عند صفاء ميساج مور خوه مخلوعة عليها، تتصيفط و تصوني عليها واتساب

-انا بخير أصفاء بخييير
صفاء:واشنووو طراا أعباد الله راني تخلعت
سلوى:واللهيما شي حاجة غي معصبة شوية و صافي، التليفون كان خاسر
صفاء:حاسة بشي حاجة كبر من هادي كاينة!!
سلوى:غاتزيدي عليا بهاد الهضرة غانغبر عليك ثاني شي يوماين اخرين
صفاء:اووووف راني تخلعت عليك ديال بصح

سلوى:عارفة اللي كاين احبيبتي عااارفة
صفاء:اي حاجة تتخصك باغا نعرفها ماتخبيش فقلبك!!
سلوى:واخا ماتخافيش
صفاء:غبرتي عليا خليتيني مقطعة الراس و تاهاد الزبل اللي عندي غي منفخ و عاجبو راسو
سلوى:شنو طرا ثاني؟؟
صفاء:غااا سكتي من داك النهار دالبحر و هو منفخ و زااااد مللي مالقاش واحد 2000 درهم عندو

سلوى:كيفاش مالقاهاش؟؟
صفاء:اووووف دابا انا هزيتهالو و لكن راه كانو عندو فلوس كثااار و مكانش كايعطيني تا فلوس الطاكسي .. هزيييتها و شريت حوايج و ماكياج و ديك الريحة اللي عجباتك، داك النهار اللي صبغت شعري فيه خذيتلو الفلوس

سلوى:اويلي يالمسخوطة!! و شنو دار مللي مالقاهاش؟؟
صفاء:قلتلو ماهزيتش، سبقت الميييم و رتاحيت خليه يضرب راسو مع ستين ألف حييييط..!!!

غا كتبااات داك الميساااااج، قفزااات من باب البيييت تحل عليييها بالجهههد و دخل عليها هو مخرج فيييها عينيه و تليييفوونه بين يديه
بنظام التجسس اللي داير فتليفونها قرااا گاااع شنو قالت و عرفهاااا هي مولات الفعلة..!!


تقدم ناااحيتها مغلغل، هي شافت فيه مخلوووعة و قبل ماتستوعب اي حاجة طلع فوووقها فوق الفراااش و زييير بقبضة يده بقوووة على فكها مخرج فيها عينيه و غووووت بحدة بصوت خلللعها و زلزل اعمااااقها

-علااااش كاديري فيا هاكا علااااااااش


كاتصرط فريقها و تشوف فيه مشوووكية مصدددوووومة .. هو طااالع فوقها مخرج فيها عينيه قرييب يدخل فيييها بشي رااااس

صرطات ريقها بالزز كاتنفس بصعووبة بسباب خوفها منه، تمتمات بخفووت و نبرة راجفة:ش شنو د درت؟؟

عقد فيها حواجبه بقوة، كايطلعها و ينزلها بنظرة مصغغغرة .. قلبه حسو تزيير عليه..!!

علاش ديما مصرة تدير معاه الكحلة على ختها..!!
واش لهاد الدرجة زواجه منها كان غااالط..!!
لهاد الدرجة معارفش يتصرف معاها و حاااير فيها و فتصرفاتها..!!
كاتدير الفعلة و ترجع اللور .. الكذوب و التشيطين و ردان الهضرة و التحرميات و تا الخيانة..!!

كولشي شافو منها ..! ولا حاس بهاد العيشة كاتخنقه و مابقاش مستحمل هادشي منها كثر..! بقلة العقل و عدم المسؤولية ديالها بدات تخيخو منها..!!

ناض من فووقها مقادرش تا يعاود يضربها، أصلا مانفعش معاها و كولما كلاتها فلحمها كولما كاتزيد فتشيطينها..!! تالشوفة فيها مابغاش يشوف .. خرج مخنزر عاقد حواجبه خلاها حاضية ضهرو و عاقدة حواجبها باستغراب..!!

مافهماتش شنو طرا و مالو ..!!
عضات على شفتها السفلية بقووة تتفكر فهادشي حتى قفزاات مخلوعة..!!
صوت الباب تشعط خلاها تقفز .. ناضت تطل عليه .. كان الباب دالفصيل مزال تيتزعزع من الزدحة اللي دارله .. رجعات جلسات مكانها فوق الفراش مخنزرة و تمتمات بخفوت
-مايكون غا هبيل شي نهار يقتلني..!!!
.
.
.
جلسات فوق ديك المطربة شادة على بطنها كاتلمسها بشوووية و بحناان .. تنهدات بصوت خااافت و ميلات راسها للجنب حاضياه هو جاي من الكوزينة لعندها

جلس جنبها عنقها و باسها فرقبتها بحنااان و هداوة
تبسماتله ابتسامة خفيفة تتشوف فيه بنظرة هادية
عماد بتسائل:كي حاسة براسك دابا؟؟
اميمة بابتسامة هادئة:مزيانة!! الحمد لله

قرب باسها من فمها و داز لخذوذها تيبوس فيهم و يدوز يدو مع خصلات شعرها القصير، مللي قطعاته مزال ماطوالش بزاااف و لكن واخا هاكاك جا معاها و التقطيعة صغراتها .. مصلها شفتها السفلية بعمممق و همسلها بخفوت
-دارك توحشاتك!!

تبسمات بخجل مكمشة فبعضها:تانا توحشت داري و مولاها 
شافت فيه بخجل و خذوذها مزنگين .. هو تبسم ابتسامة خفييفة بشوق ليها و قرب تيجر فشنايفها و يبوس فيهم بلذة و حب كبيير .. ضم جسدها بين يديه بحنااان و تيبوس فيها بكل سلاااسة و بطئ و يديه تيتلمسو ففخاضها و صدرها


موحشها من زمان و هو قاطع معاها العلاقة الجنسية بسباب كلام الطبيبة ليهم و حملها اللي مكانش مستقر و لكن ببعدها منه هاد اليوماين و المشكلة اللي طرات .. توحشها و تيعبر عن شوقه ليها بهاد الطرييقة

جر لسانها من وسط فمها تيلحسو و يزييرلها على فخاضها .. هي ترخااات فوق داك الفوطوي و دورات يديها علييه سااايحة .. تبسم تيشوف فعويناتها و همسلها بنبرة ساخنة
-نتي ديالي
تبسماتله ابتسامة خفيفة كاتصرط فريقها:و نتا ديالي

تبسمو لبعضياتهم بحراااارة و عاود هجم على شفايفها مرة أخرى تيبوس و يتلمس و يبعز فلحمها و هي تتلوى تحته، حاسة بيه كايجردها من ملابسها و حتى هي تتحيدلو حوايجو و تشوف فعينيه بنظرات تيشعو بالحب

عنقااته تتنهد بحرااارة تتحس بأنفاسه عند عنقها و احتكاكااتهم خداامين من لتحت .. عضاات على شفتها السفلية بقووة و همساتله فوذنييه:انننن تنبغيك

علا راسه فيها مبتاسم بنشوة، فحالا كان محتاج غا ديك الكلمة باش يجيب نشوته داااخلها و زاااد عنقها ليه كثر تيرتااح و هي كذلك تترتاح معاه

حط يده على بطنها تيتلمسهالها و نزل بشووية من عنقها لصدرها تيبوسها قبلات ثقاااال و يطولهم، حتى وصل لبطنها .. باسهالها بوسة خفيييفة و تبعلها قبلات أخرين ثقااال، معاانق خصرها و مبتاسم ابتسامة لطييفة

علا فيها عينيه شافها تتبسم و حشمااانة وجهها مزنگ هو تحنى براسه تحتها، شاف فعضوها الصغييير و رجع شاف فوجهها .. لقاها غطااات وجهها بيديها من الخجل .. حركاتها تيساااليو معاه .. قهقه قهقهة خفييفة رجووولية و تخشى بين رجلييها تيبووس فعضوها و يمصو بطرييقة جنوونية خلاتها تتأوه و تنااادي بسميته، بصوتها الخاافت و تنهيييداااتها عااليين تيتسمعو فالأرجاء..
.
.
.
داخل للملهى الليلي اللي دار فيه مع صديق عمره .. مهموووم بدوره و كتاافه حاسهم طايحين بيه من خيبة أمله فيها .. كانت غي تقولو انا هزيتهم و ماتحشموش ديك التحشيمة مع السيد..!!
ولا من داكك الرجل الأمين الصادق لنصاب باغي يشفره بديك الطريقة الغبية..!!

جلس جنب اسماعيل تيتأفأف و يمسح على وجهه .. دور راسه فالأرجاء و تحنحن حاني عينيه للطبلة كانت عامرة بالقراعي و الكيسان دالشراب و اسماعيل غي كايگرگر و مرخييييي، تنهد بنبرة صوت مسموعة و تمتم بجدية

صفوان:تهديت معاها..!! عييت، تقاضاولي..!!


اسماعيل علا فيه عينيه مبتسم ابتسامة جانبية و الشراب واخد من عقله نسبة 50% .. يعني صاحي شوية
كركب واحد الكويس و زييير عينيه بقوة تيتفكر ملامحها الجااامدة و عدم معاتبتها ليه، سكاتها قتله و حسسه بالذنب كثرررر من اللول..!!
لو كانت غوتات و ضربااات و بكااات كانت تفش شنو حاسة فأعماقها و لكن..!!

بسكاتها هداوتها حس بالفشلة ديال بصح..!!

كب جوج كيسان و مد لصفوان واحد:شرب، على الله تنسى شوية

قلب صفوان عينيه بنرفزة و تمتم بحدة:هاد الحرام خمس سنين ماجا ففمي (هز الكاس تيدورو بين يديه مركز فيه الشوفة بغضب) رداتني شفار فآخر أيامي..!! (زگف داك الكاااس فزگفةة وحدة حتى زييير عينيه اللي دمعولو بالحر د داك الكويس)

اسماعيل غزز شفته السفلية بقوة:نتا بعدا من اللي عقلت عليك و نتا تتفكر فيها غير هي هه، حتى مللي غبرات و مشات للشمال ماكنتيش تترضى تتصاحب مع تا وحدة على قبلها..!! فاللخر تبيدقتي

صفوان كب كاس آخر ساااخط، تيتفكر الايام الخوالي:كنت حاسب راسي مزوج بيها قبل حتى منتزوجو هه

اسماعيل:ايوا بصحتك بيها
صفوان بحرقة و صوت مبحوح:ماعرفتش نخليها تبغيني..!! قلبي شاعلة فيه العاافية على قبلها و هي متتشوفش هادشي..!!

اسماعيل شعل گارو تيكمي و يفكااار:نتا بعدا مدايرش مصيبة قد راسك فحالي (شاف فصفوان بنص عين و صفوان شاف فيه بمعنى شنو) تكرفصت عليها و ندمان.. ندمت اللي قربت منها من اللول خربت حياتها..!!

زفر صفواان أنفاس ساااخنة قوية:آوودي اللي تبع النسا راه غايهبل (هبط على كاس آخر) و لكن واخا كولشي مكانش خاصك تدير ديك الفعلة .. متسمحلكش عليها و غاتبقى نقطة كحلة فعلاقتكم

اسماعيل ناض وقف من جنبه بالگارو بين صباعه:عارف شنو كاين .. عاااارف راسي درت فعايل الشمايت عااارف متحتاجش تقولي..!!

خلا صفوان تيشوف فيه و مشا خارج من داك البار .. المكان اللي جاله بغا يبرد فيه و ينسى واخا غي شوية بشي كويسات ولكن مع هو تيشرب مع أحاسيسه تتزيييد تذبحلو القلللبب .. ركب فموطوووره حاس براسو دااايخ، عينيه معسلييين بداك الشراب و صورتها بين عينيه

انطالق فالطريييق بلا كاااسك، غادي طااااير تيفكر فيها و السهوة مسفراااااه لبعييييد .. الموطور مااال بيه لواحد الجنب بلا مايرد البال و غي ماااال ضربلو فعينيييه ضوووووو قوويييييي خلا عينيييه يتوسعووو بقووووة، قلب اتجاهه بالموطور لمساااره اللوول بالجههههد .. و مع داك الجهد و الخفة غي دار بيه تقققققلب بقوووووة و طااااح من فووووقووو جاااا مرضوووووخ على كرشه يديه منشورين يمين و شمال و عينيه تيشوفو فالفراااااااااغ، ساكت، هادئ مكانه و تيشوف غي صورتها المضببة قبالت عينيه..!!!
.
.
.
بعدما خرج من البار تا هو، ركب فسيارته نيييشان للدار .. شرب ستة دالكيسان بالحساااب و مع من زماان ماحطه ففمه، غا شرب شوية أثر عليه و ثقلللوو .. واقف عند الباب هااز الساروت باغي يخشيه فبلاصته ولكن تيبانولو جوج، زير عييينيه بقووووة تيتكلم مع نفسه و ييسب و يخربق فداك الباب

-تحللل تا نتا معكس فحالها، كوووووولكم معكسين فحاااالها (شاف فجنابه فالحيييط و هو يخنزر فيه و تيدوي لسانه ملويي) تا نتا معكسسس فحاالها كووولشي تعكس تاحاجة مابقات كيفما خاصها تكوووون

رجع تيحاول يحل الباب و مع يديه فشلانين بييه طيح الساااروت، حل فيه عينيه بالزز و تحنى باش يهزو .. مع تحنى مع تحل الباب فجأة .. علا عينيه بشووووية مع رجيلاتها العريانين .. بويوضين و بلقين .. شاف فلاطاي اللي عنده و الوقفة و تا الپيجامة المنزلية اللي لبسات من قبل مثييرة كاشفالها على كولشي .. وقف بشووووية عليه تيرمش فيها بعينيه و هي تتشوف فيه عاقدة حواجبها بقووووة .. تبسم ابتساااامة وااااسعة و قبل ماتدرك تسولو ولا تدوي ولا تدير أي حركة .. هجم عليها ببوسة قوووية فشفااايفها اللي كانت دايراالهم عكر حمييييمر .. زيرررر على مؤخرتها بيديه بزوووج و دخلها لداخل، سد الباب برجليه تيحل صدايف قاميجته و فمو تياااكل ففمها برغبة مجنووونة خلاها بلا هواها بادلاته قبلته و تا هي عنقااته بقوة..!!

يمكن توحشاته بهاد القوة و كانت باغا غي الفرصة اللي يتقرب فيها منها بهاد القوة و الرغبة..!!

بادلاته بدون تفكير، بدون ماتحس، بدون ماتسيطر على نفسها .. غي بادلاته و تتضمو ليها كثر و كثر


غادي بيها مباشرة لغرفته بعدما نتر قاميجته حيدها و لاوحها معارفش لفين، بقا غي بالسروااال و يييييه تيعجنو فمؤخرتها و يمص و يسف فشفايفها بقووة، زدحها مع الحييط وراها حتى شهقااات من وجع خفيف حساته فسلسولها عضها فقنوفتها السفلللية حتى زيرااات عليه بضفااارها فضهره و بعدات فمها من فمه بصعوووبة حاسة بالنفس تقطع منها، لحسات داك المذاق اللي تمذقاته من فمه بلسانها و تتشم فريحته الغريبة!!

تمتمات باستغراب تتنهج وترد أنفاسها:سكرااان؟؟

تبسم ابتسامة جانبية و دخل يده من تحت الطوپ اللي لابسة تيطلعولها و يتمتم بخفوووت:اه سكران!! عندك مشكل فهادشي أزين ديالي؟؟

صفاء عقدات فيه حواجبها باغا تدفعه:سير تدوش بعدا حيد هاد الريحة منك تتخنق (بغات تبعد من قبالته و هو يجرها بقوووة، حيدلها الديباردور اللي لابساه بالجهد طلعووولها و دور يده ورا ضهرها نترلها السوتيانات لاوحهم وراه تا هوما و زدح صدره العريان مع صدرها)

كانت مثيييرة بديك الپيجامة المنزلية المكشوووفة..!! تلامس أجسادهم بديك الطريقة السااخنة خلاها تحس بشرااارة لذيييذة ذبت فخلاياها، عضات على شفتها السفلية ببطئ تتشوف فعينيه اللي حاضيين شفايفها

هبطات عينيها لشنايفه تا هي تتسنا مبادرته بتقبيلها، مللي تعطل همساتله بنبرة خافتة:غاتبقى غي تشوف فيهم؟؟
تبسم ابتسامة جانبية خفييفة و همس بحدة:لااا

قبل ماتستوعب فاجئها بيديه اللي هزوها من فخااااضها .. حاوطهم على خصره و بدا تيفسخ سروالو و شفايفها تياكلهم فوسط شفايفه..!!

البنة ديااالها حمقاته .. و رغبته المجنونة فيها غادة و تتزاد خصوصا مللي هبطلها رجليها من حوالين خصره قلعلها شووورطها مع السليييب و رجع الرجيلات مكانهم متكي على صدرها بصدره تيتحاك معاااها و حسات بدياله واااقف عند بطنها تيتكها .. تزييرات مغمضة عينيها بقوة بعدات بفمها من فمه بشووية تتشوف فعينيه و همساتله بخفوت

-واش نتا سكران باغي تسكرني معاك!! هاد الزمر مخاصوش يطرا انا وياك مخاصمين واقيلا؟؟

تبسم ابتسامة خفيفة و قبل مايدوي تراجع بجسده شوية اللور، يلاه بغات تقول غايطلقها و هي تشهق حااالة فيه فمها .. كان غي تيقلب على مركزها غي لقاه طلعو معاااها دقةة وحدة حتى وسعااات رجليييها كثررر و عضااات على شفتها السفلية
غمضات عينيها بقووة عاصراهم:ااااااح صفواااان
تبسم تيشوف فملامحها و همس بخفوت:عجبك؟؟


زيرات على ضهره بيديها بزوووج:اننننننن اييييي

ضرها بتحركاته…!! ولكن جاها بنيين داك الألم...!!

زفرااات زفييير مسموووع و تبسمات ابتسامة خفيفة 
، قربات لوذنيه و همساتله بخفوت:دابا نتصالحو تالصباح و نعاودو نتخاصمو؟؟

إجابته كانت هي تحركااته الخفييفة دااخلها، فكل حركة تأوهاااتها تيتزااايدو، آااهاااتها و قهقهتها الخفيييفة .. زيييراااات على ضهررره بقووة و همساتله بخفوت

-عنداك طيحني مللي تسالي!!

زمجر بخفففة تيوسسسع بين فخاضها بصباعه و تيعليها لفوووق و يتحرررك داخلها بسرعة:ششششش دابا متدويييش، حسي باللحضة (مصها من عنقها بقوووة) توحشتك ألخانزة (داز لفمها تيبوووس و هي زيراااتله على راسو بين يديها تتبادله قبلته بجموووح) نتي بنتي الخايبةةة، بنتييي

علات راسها لفوووق عينيها تيتقلبو بالنشوة:اووووو حوووبيييي (خرجات لسانها حتى قرب مصولها) هممممممم السبع ديالي

تمشى بيها ناحية الناموسية و هوما مزالين فنفس الوضية، تكاها على ضهرها و طلع فوقها .. و عاود ركب فوقها تيشوف فعينيها و هي تتشوف فيه، نظراتهم كانو عميييقة .. فداخله تيعاتبها واخا هوما فأوج عطااائهم ولكن خذلانه فيها كل مرة تيتزاد، هي كذلك تتشوف فيه و مشاعر جداد عليها حاساهم داخلها .. عضات على شفتها السفللية بققوة كاتأوه حاسة بأنها قريبة توصل و تا هو كذلك بدا كايسرع يسرع حتى وصلو دقة وحدة .. خلاه داخلها وبقا بنفس وضعيته فوقها تايشوف فعينيها .. يلاه جات تدوي و تدفعه من عليييها شحطها لفخضها بقووووة تا غوتااات بالوجع و قرصها من خصرها قرصة مسمووومة .. زييير على شعرها وسط قبضته حتى توجعاااات و تحنى لوذنها، عضها بقووووة حتى قفزات و همسلها بخفوت بأنفاسه لاهثة
-انا مجنون بيك

شاف فعينيها بحدة تيطلع و ينزل فملامحها:هادشي غفرلك عندي بزاف دالحاجات

صرطات ريقها ببطئ تتشوف فيه و ترمش برموشها .. تبسمات ابتسامة خفيفة و همساتله بخفوت:كاتجنني معاك كاتحمقني و مكانفهمكش!!

حط جبهته على جبهتها بشووية:لا درتي عقلك معايا (باسها ففمها قبلة خاطفة) غاتفهميني..!!


حل عينيه تيدورهم فجنابه شاف فالناس مجوقين عليه و موطوره طايح فالأرض قريب ليه .. حط يدو على راسه تيتحسسه ، قابل أصابعه مع عينيه كانو تيرجفو .. لقا قطرات من الدم .. ناض بشوووية حاس بالفشلة و فأي لحضة غايطيح

قربله واحد الراجل شد فيه:ولدي، صبر تجي لومبيلونص عيطنالها

دفعلو يده مبعدو عليه و همس بصوت خشن:بخير، ا نا بخير

تحنى هز موطوره بتعب تيتعكل فخطواته .. وقفو و ركب فوقه .. حس بسائل سخووون نزل مع جبهته تالعينيه .. كان الدم اللي سايل من راسو .. زيير على شفايفه بسنانو مكمل طريقه ناحية الدار .. بغا يمشي و يشوفها دابا..!!

صورتها مفارقاتوش، عينيها و نظراتها و صمممممتها اللي ماتقبلوش..!!

وصل أخيييرا بعد طووول طريييق للدرب ديالهم .. الموطور تيفلت بيها كان قريييب يطيح منه مرة ثانية و ثالثة ولكن ماستسلمش .. نزل من فوقو غادي تيضارب بين الحيوووط .. طالع للدار حل الباب و دخل لوسط الضلااام .. مكان تيبان والو .. شعل الضو بصعوبة تيشوف فجنابه بعينيه تيتغمضو .. تمشى بخطواته مرخييي تيقلب فالصالون مكانتش .. داز لبيت النعاس غي فتح الباب قفزات .. كانت جاالسة وطالقة وذنيها تتسنط حيت سمعات الحس من على برا..!!

ولكن غييي شافته دخل عليها تخلعات و تفزعات مخرجةةة فيه عينيييها

قرب ناحيتها بخطواات ثقااال الدم نازل حتى لخذه و خطوااته تالفين بيه

تراجعات شوية اللور فوق الفراش تتسرط فريقها و الدموع تجمعو فعينيها..!!

هو قرب لعندها معبس بملامحه .. قرب لعندها و هي غي موسعة فيه عينيها تتنفس بالجهد .. تكا فوق الفراش فشلااان و توسد على رجليها..!!

بلا مايدوي ولا يتكلم .. غي توسد عليها و غمض عينيه بعممممق و بشوووية، خلاها غي تتشوف فيه مخرجة عينيها

بغات تهرب من بين يديه و تسلت و لكن هو ماخلاهاش .. حبسها بيديه اللي زيرهم على رجلها وهمسلها بخفوت
-غي دابا، غي هاد الليلة .. غي اليوم خليني ننعس هاكا، عفاك

طولات الشوووفة فيه و الدموع معمرييين عينيها، عملته معااها حااارقاااها فأعماقها..!!
لاكان صبر عليها غي ليييلة وحدة كانت توجدله راسها و تعطيه حقه بإرادتها ولكن بديك الطريييقة و بداك العنف اللي نهش لحمها و قططططع فأعماااقها..!!

شهقااااات بخوووف و صوووت عااالي و دفعاااتله راسه من فوووق رجليييها .. جمعات رجليها عندها بقووووة و سداات وذنيييها مغمضة عينيها تتبكي و تغووووووت
-بعد منيييي، بعددد متقربليييش، بعااااااد

بغا يقرب يشد فيها يهدنها و هي تدفعو بقوووة تتبكيي:بعددد ماتعااودهااش، ماتعاااودهاااش مباغاكش و مغانبغيييكش، ماتحلمشششش انني غانبغيك تقرب مني شي نهااار مزااال (عاودااات دفعاااته بقوووة مخرجة فيه عينيها) بعععععد منيي تفرق عليااااا

صرط ريقه ببطئ و همس:ف فتون ا ان

غي سمعات السمية الللي نطق بيييها تلاااحت علييييه زيييرااات على عنقه بيديييها بزووووج تتغووت:سللللللوى اناااااا سلوى سلللللوى سلوى ماشي فتوووون انا سلووووووووووى اعععععععع (زيرات عليه كثر و كثررررر تتشوووف فعييينيييه حمرييين و الدم معمر وجهه .. دفعااااته بقوووووة من صدره و عطااااتو بررررركلةةةة حتى ترضخ مع واحد الكواااافوز، مع الرضخة مع طااااحو هو وياااه فالأرض بقوووووة و ديييك الطييييحة من قووووتها ضرب معاه حتى الزاجة المهرسة دالمراية الطوييييلة اللي كانت فالصالون، حطها فالبيت حتى يلوحها .. غي ضربهااا طاااااحت علييييه بقووووة و ديك البقية ديالها تشخشخاااات عليييه و أصدرت صووووت عاااالي، داك الصوووت تصااادف مع صوت شهقتها هيييي)

شهقاااات بقوووة تتشوف فيه بديك الحااالة و ديك الزاجة طايحة عليه مشتتة حواليه..!!!
صرطات ريقها بصعووبة تتهمس:غ غاتموت غاتموت و نتهنى


على صوت خبطة فالپلاكار حلات عينيها اللي كانو مغمضين بعمق، بالزز باش علات راسها .. شافت فجنابها و هي تتنهد بنبرة صوت مسموووعة

تكسلااات بيديها و رجلييها تتفوه و شافت ناحيته كان جبد فوطة من وسط الپلاكار و خارج للحمام يدوش .. ولكن الطريقة اللي سدو بيها فيقاتها..!!

شافت فيه بهداوة تطلعو و تنزلو بعينيها، لابس غي كالصونو و شعره مخربق وعينيه مجبدين، تتشوف فيه و تتسنى شنو غايقول.!!

مزال مافهماتوش و معارفاش نظراته و تعابيره شنو معناهم..!!

تا هو مللي شافها علات فيه عينيها وقف بلاصته شحااال حاضيها..!!

تيشوف فيها و يفكر فشنو غايدير معاها..!!
الليلة دالبارح واخا كان سكران فيها و تقريبا مصاحيييش و لكن مللي فاق و صحى حسها من أحلى الليالي اللي دوزهم.!!

تقدم ناحيتها .. حاس بذماغه مشوش معارفش شنو غايدير معاها .. جلس جنبها و هي حاطة ليزار على صدرها مغطية بيه و شعرها مشربك مع بعضو .. قرب بيدو بشووية قاصها فخصلات شعرها .. تلمسو ببطئ كايدوز يديه بالهدااوة معاه و بحنية تا غمضات عينيها بشوووية .. قرب ناحيتها بالمهل و حط شفايفه على جبهتها

بقبلة خفييفة حنووونة زيرااات على عينيها كثر..!!

بعد شوووية تيشوف فتعابيرها المرخييية، داز لوذنيها و همسلها بخفوت:صباح الورد..!!
تحنحنات بخفة تتشوف فعويناته و كل شوية تتلف و تشوف فشي قنت بعيد:صباح النور
صفوان:نمشي ندوش و نجي باش ندويو نوضحو شي أمور أنا وياك

حركاتله راسها بالإيجاب و بثوثر فآن واحد، تحنحنات بخفوت تتشوف فيه و هو وقف خارج لبرا .. خلاها غي حاضية أكثافه و طولته و داك الشعر الأسود الكثيف .. ناضت بشووية عليها وقفات تتقلب فالأرض، هزات پيجامتها القصيرة لبساتها و مشات خرجات من البيت ناحية بيتها هي، تقابلاات مع المراية تتشوف كيفاش صبحات و هي تحل فمهااا مندهشة

الكحل فعينيها سااايح و شعرها طاالع فالسما أما عكرها فمشفووووط مم فمها .. تنفخولها ولاو حمرييين بوحدهم .. حالتها حاالة .. جمعات شعرها دغيا مامشطاتوش، دارت ماكياج خفيف تخبي هاد الشوهة و جبدات كاتوجد شنو غاتلبس من مور الدوش .. حوايجها باش تمشي نلافاك عندها محاضرة مع الثلاثة و دابا الطناش، ولات تتصبح ناااعسة مؤخرا .. دارت عند مينو اللي كانت تدور فجنابها .. هزاتها تتبوسها و حطاتلها فطورها .. 

مشات كتوجد حتى فطورهم هي وياه، حتى توقفات مكانها مصغرة عينيها من صوت الدقان فالباب

خرجات بالمريول دالكوزينة فيه فريزات و نقيطات حمرين و بيضين .. شكلها كيوووت مع واحد الصندالة وردية فيها قرينات و وجه دالقنية كبيبرين .. طلات من العين السحرية تشوف شكووون .. غا فرزااات ديك اللي جات تدق عليهم عقدات حواجبها بقوة و شافت ناحية الحمام

صفاء باستغراب:شنو جايا دير عندي هاد العوجة!!

حلات الباب بشوية بدوك الحواجب معقودين و طلعاتها و نزلاتها بنظرة حادة:نعام أختي؟؟

خولة تحنحنات كاتدور عينيها و تقلب فجنابها:احممم، ص صفوان كاين؟؟


دخلات للبيت عينيها تيدورو، قربات عندو بشوووية تتطل عليه، حطات يدها قريبة لأنفه تتشوفو واش تيتنفس ولا لا

كان صدره تيطلع و ينزل بالهداوة من البارح ماحل عينيييه مللي هزاتو بصعوووبة بسباب ثقله و حطاتو فوق الفراش، مسحاتلو علىك جرحو اللي عندو فراسو و حتى بعض الخدوش فوجهو بسباب الزاج اللي طاح عليه و كاين كمادة بالما باردين عند جبهته حيت حرارته طلعات

خايفة لا يموتلها و تتسمى هي اللي قتلاته تحمل ذنبه فرقبتها حياتها كاملة على داكشي داواتو، مابقات عارفة ماتدير واش تزيد تصبر و تشوف فوقاش يفيق ولا تعيطلو للومبيلونص يهزوه و لا تشوف مع صفاء تجيب راجلها يطمنو عليه..!!

رغم أنه عمرو مدارها فيها زوينة و لكن من باب الإنسانية بغات تعتقو .. خرجات كاتأفأف لبرا و ترد غرتها ورا وذنيها و تعض ضفارها و تسوط

حسات بصدرها تيتزير عليها فهاد الدار و بهاد العيشة هادي معاه
جلسات فوق الفوطووي تتمسح على وجهها و تفكر فشنو دير..!!
خاصها تتهنى منو..!!
هي ماشي ديال هاد العذاب و هاد العيشة هادي..!!

شخص بمزاج اسماعيل صعيب تتعامل معاه و تطول معاه فهاد العيشة و هاد القهرة .. تكات براسها فوق الفوطوي وراها و بدات تماصي جوانب ذماغها و تتنهد..!!
بأسى و ملامح جامدة و عيون حزينة..!!

سمعات شي حس جاي من بيت النعاس .. ناضت بشوووية غادة بخطوات متيتسمعوووش .. طلات عليه من مكانها بانلها فاق، جالس و متكي براسه على اللوحة دالفراش وراه كايكح خطرة خطرة و يحل عينيه بالثقاالة

عضات على سبابتها تتشوف فيه بخوف من ردة فعله .. حتى علا فيها عينيه على غفلة

تقابلو نظراتهم، بغات تهرب لبرا و هو يعيطلها بصوت خااافت مبحوح
-أجي نقولك
رجعات براسها تطل عليه و هو يشيرلها بيدو تقرب ناحيته .. قربات بضع خطوات عنده بقات واقفة تتشوف فيه عاقدة حواجبها و ساكتة

تأفأف بصوت عااالي و تبسملها ابتسامة خفيفة:شكرا حيت داويتيني..!!
قلبات عينيها للقنت مشافتش فيه مخنزرة: (الصمت)

اسماعيل بخفوت:مباغاش تدوي معايا؟؟ (شافت فيه بمعنى من نيتك) انا عارف راسي غلطت غلطة متتغفرش ولكن كانحلفليك مغاتعاودش (بغا يقيص فيدها و هي تتراجع للوراء مبعدة منو) شوفي عمرييي غانتخلا عليك و لو شنو مكان .. هادشي اللي طرا خلاني نزيد نتمسك بيك .. انا اللي درتو كان فلحضة عصبية و كانوااعدك لا عطيتيني الفرصة غانصلح من نفسي و غانكونو أسعد زوجين فهاد الدنيا، عطيني غي فرررصة وحدة..!!

عقدات حواجبها بقوة تتشوف لبعيييد، ولات عايفة تاتشوف فوجهه و هو تيطلب منها فرصة..!!
تتقلبه فحياتها و تسلمه كولشي فيها بإرادتها..!!

تبسمات ابتسامة جانبية تتحرك راسها بالنفي و دارت عطاتو بالظهر .. مشات ناحية باب الغرفة ساااكتة، حتى وصلات للعتبة توقفات لثواااني تتفكر و همسات بصوت خافت

-الزاج اللي تهرس عمرو يتصلح (شافت فيه بنص عين) بغيت فأقرب فرصة تعطيني حريتي منك (رجعات شافت قبالتها و نطقات بجمود) حياتي مشايطاش عليا باش نخليها لمغتصب فحالك يتحكم فيها كيفما بغا، هاد الزواج من اللول كان غلط و لكن انا وياك غانصلحوه و كولها يشد طريقه أولد الناس

خلاتو حاضيها بعينيه مقادرش يعقد حواجبه بقوة ولا يدير شي حركة بجبهته كايتقصح، دوز يدو ببطئ مع ذقنه تيشذب لحيته و همس بخفوت و نبرة رجولية خافتة:ندير المستحيل على قبلك .. مستحييل نخلي هادشي يطرا، انا وياك طريقنا وحدة أبنت الناس...


بعدما شبعاااات نعاس هاد النهار و بعد ليلة كولها حب دوزاتها مع حبيب قلبها .. ناضت نشطااانة هاد الصباح و متفااائلة ان القادم غايكون حسن .. جمعات الدار و فطرات و بدات تصاوب الغدا .. عماد مشا بكريي للخدمة و خبرها انه هاد الايام غايولي يزيد السوايع باش يتزادلو الصالير كثر علاما ترجع تا هي المحل و يعاودو يروجوه..!!

خارجة من الكوزينة كاتنهد .. يلاه شدات تليفونها و جلسات فوق الفوطوي دخلات للواتس لقات ميساجات كثار واصلينها من عند منال

📩📩 دخلات جاوباتها مستغربة:نعام اختي!!
منال:واش نتي بوحدك فالدار؟؟
اميمة باستغراب:اه، علاش؟؟
منال:محتاجة فيك ضروري تقدي تجي عندي!!
اميمة:عندي الغدا فوق البوطة اختي
منال:غي شوية و رجعي متخافيش مغنعطلكش
اميمة شافت حواليها بحيرة معارفة متدير .. ناضت تدور فالدار و تشوف فميساجها معارفة باش تجاوبها، مادخلاتلوش و ماطلعاتش vu .. تنرفزات اول ماصيفطاتلها ميساج آخر
-مباغاش تجي قوليهالي عادي!!
-عارفة راسي ماعندي زهر مع تاحد
-انا بوحدي محتاجة لمن نعاود و نفضفض و نتي كاديريلي هادشي..!!
-والله تا حرام عليكم كاملين، نهايتي غاتكون الانتحار مع هاد القهرة اللي عايشاها

عقدات حواجبها بقوة و دخلات صيفطاتلها:اشتتقولي نتي من نيتك، واخا صافي صبري نص ساعة نجي 📩📩

غي صيفطات داك المييساج بدات منال تصيفطلها فشكرا و ليزيموتيكون دالقلوبة .. مشات لبسات عبايتها و شالها .. تسنات الغدا تا طاب عاد خرجات من دارها و مشات لعندها، وقفات تدق عليها و من اول دقة حلاتلها منال مبتاسمة ابتسامة خفيفة

منال قرباتلها باستها من خذوذها:شكرااا بزاااف حيت قبلتي تجي عندي، دخلي دخلي

جراتها معاها لداخل و أميمة داخلة حشمانة كاتدور عينيها فجنابها، جلسو فالصالون بزوووج و منال مبتاسمالها

اميمة بثوثر و خفوت:الدار عندك زوينة
منال تبسماتلها:شكرا بزاف هههه
عضات اميمة على شفتها السفلية و شافت فمنال:بعدا فاش حتاجيتيني؟؟

منال:بعدا نشربو شي عصير و نگولك مامزروباتش ههههه

ناضت ناحية الكوزينة:آحقا قوليلي شنو طرالك فالمحل!! راني كنت دزت عليك داك النهار و لقيتو مسدود فيه شي إصلاحات!!

اميمة عبسات بملامحها:تحرق
منال كاتصنع الثأثر بنبرتها:اووووو ناري خايبة بزاااف (طلات عليها من الكوزينة عاقدة حواجبها بانتلها جالسة مكانها، تبسمات ابتسامة جانبية و رجعات شافت قبالتها فوق الپوطاجي .. كبات عصير ليمون فزوج كيسان طوااال كانت موجداه من قبل و هزات من واحد المجر واحد الصاشي فيه مسحوق أبيض اللون، شافت فيه بشر و خبث و تمتمات بنبرة فحيح خافتة) هممممم بانتلي ديك الكرش مثقلة عليك، بانلي خاصني نهنيك منها!!!


تبسمات ابتسامة جانبية تتشوف فداك المحلول اللي فداك الصاشي .. كباتو كاااااامل فوسط الكاس .. حركاته و خرجات لعندها مبتاسمة ابتسامة جانبية كولها شر

منال:انشاء الله يتعوضلك بما حسن!!
اميمة تبسماتلها:شكرا
منال مداتلها كويس:عصير طبيعي عصرته بيدي

اميمة شافت فالكاس، شداته من عندها و حطاته فوق الطبلة قدامها:سمحيلي مغانشربوش مع الوحم الليمون وليت غي تنقربليه قلبي تيطلع..!!

منال علات فيها حاجبها:ا ااه احممم ماكنتش عارفة!! نصاوبلك واحد آخور؟ ديالاش مشهية
اميمة بابتسامة:شكرا بلا ماتعذبي راسك هههه

تبسماتلها منال ابتسامة صفراء بدات كاتزگف من كاسها تالعصير تبرد بيه هاد الكعية و الشمتة هذه..!!

أميمة تحنحنات بثوثر:فاش دويتي معايا بغيتي تقوليلي شي حاجة ضرورية؟؟
منال تنهدات:غي بغيت لمن نشكي و نفضفض حاسة براسي غانطرطق افففففف، داك السيد اللي تندوي معاه غايقتلني بالعصاب

شافت فيها اميمة معلي حاجبها:اللي مزوج
منال:ااااه ياختي مراتو يوماين كانت فدار واليديها دوزهم معايا كاملين كي العسل، البارح غير جات سد التليفون عييت نصوني عليه و والو تالصباح عاد دوا ولكن كان فالخدمة

عقدات فيها حواجبها بقوة:ولايني هاد الراجل متيحشمش (بدات تتزير على صباعها بيدها عاقدة حواجبها) مراتو مكايناش فالدار وووو (سكتات شوية تتشوف فالفراغ قبالتها و كلامها بدا يدور و يجول و يتضارب فذماغها .. حطات يدها على كرشها ببطئ و شافت فيها معلية حاجبها) ج جا عندك للدار هنا؟؟

منال شربات من كاسها و ابتسامة ساااامة مرسومة فثغرها .. تحنحنات حنحنة خفيفة كتتمسكن و خطتها حاساها غادة و تنجح:اااه يوماين ياختي برعنا بعضياتنا ههههه (غمزاتها) دوزناهم فحال المزوجين

شهقات أميمة كاتصرط فريقها ببطئ، حسات بقطرات من العرق نازلين مع ضهرها باردييين كي الثلجة و رعشة خوووف سرااات مع ذاااتها بعنف .. كلامها تيجيب الشك .. واش هادشي كولو صدف ..!!

بدات تتربط الأحداث بشوووية من نهار اللي كانت سكرانة و عنقاته لإعترافها ليها فالمحل و المرا اللي عنده حاملة، لليوماين اللي مكانتش فالدار .. و حتى نهار جا عندها بالعكر معايقش براسو انه موسخ بيه..!! يعني كان غي قريب اما راه لاكان فالزنقة يدخل غي للأسنسور غا يشوف راسو فالمرايات ديالو و غايلاحظ داك العكر اللي كان باين و مفروووش..!! 


حركات راسها بالنفي تتنفس بقوة مباغاش تثيق هاد الهواجس و ناضت واقفة تتهمس:م ميمكنش، لا لا مستحيل

منال وقفات تتشوف فيها مصطنعة الإستغراب:حبيبة ديالي أميمة مالك؟؟
اميمة دفعاااتها من جنبها و تمشات خارجة من عندها تتحرك راسها بالنفي و تقول مايمكنش، نص منها مثيق هاد الكلام هذا و النص لاخور لا .. عقلها تخربق و ولا غي كايدور فهادشي اللي طاري معاها من كلا جيه تتربط الأحداث ببعضيها و الرجفة حساتها طالعة معاها، أول ماسدات عليها باب دارها .. زيرات على خصلات شعرها بيديها من تحت الشال و غمضات عينيها بقوووة تتنفي هاد الشكوووك من أعماااقها، مباغاش تثيقهم و تدخل فهاد الحااالة هادي و هي ممتأكداااش، مباغاش تضلمو بلا ماتتيقن أنه دارها ديال بصح..!!

جلسات فوق الفوطوي دايرة رجل على رجل بعدما كبات كاس ويسكي، شربات منو و عاودات زوج كيسان اخربن .. تتشرب و تضحك و تقلب فعينيها باستمتاع لخطتها اللي نجحات هاد الخطرة .. ولات تتخايل منظرهم مفارقين و عماد مأزم و هي مشات عندو تواسيه .. على هاد الخيالات هادو هزات القرعة تتشرب منها ديرييكت، نزلات على نصها و حطاتها كاضحك .. ناضت شعلات موسيقى هاادية كلاسيكية و بدات تتشطح و تدور و تغني مع الاغنية منتاااعشة بهاد الشعور اللي حاساه فداخلها و مبتاسمة ابتسامة انتصاااار .. 

قهقهات قهقهة عاااالية بخبث و تمتمات بنبرة خافتة

-غشيمة، دغيا كاثيق (توقفات فجأة مكانها و عضات على شفتها السفلية حاسة بمغص غرييب فكرشها .. زيرااات عليها بيدها) ا اييي ش شه شهادشي

زيرااات بيديها على حوضها تتعصررر من داك الألم القوييي اللي حسات بيه .. تكمشااات على بعضها، ولات حمرااااا و عروق وجهها و رقبتها برزو خووووضر .. تمشات بصعوبة ناحية الپلاكار هزات صاكها فيه الفلوس و الساروت، دازت تا لتليفونها .. هزاته و خرجات من الدار غادة للأسانسووور السكرة كاتميلها و الضباابة تتشوفها قبالتها، مقاداش تتمشى مشية مستقيييمة .. الحرييق حساته كايقطع فكرشهااا و فگرون الوالدة دياالها شافت لتحت .. بين رجلييها حسات بالسخووونية نازلة منها .. غي شافت شنو داكشي و هي تشهق كاتقيص فديك الحمورية القوية بيديها تيرجفو....
كان الدم تيسيل منها بغزااارة و الحريق غادي و تيتزاااد بطرييقة غير معقوولة..!!


جالسة كاتعض فضفارها و قلبها حاساه تيتعصرررر و تيتحرق بواحد النار غريييبة..!!
أول مرة تتحس بيها داخلها تتنهش فيها بهاد القسسسوة هذه..!!

هو جالس مبتاسم ليها جنبه تيدوي معاها بطلااقة و يسولها على الأخبار، و لوخرى تتجاوبه و تحلون فكلامها و إيحاءاتها بطرييقة مااايعة عيفاتها..!!

🔙🔙
عينيها خارجين فخولة بنت عمته اللي جات تتسول عليه و بكل جرأة و عينيها تيشوفو فعينيها هي

صفاء بحدة:شنو باغا براجلي ألغزالة...!!

خولة بابتسامة:عندنا مناسبة فالعائلة و جايا نعرض (بانلها جاي من الحمام بديك الفوطة ملوية على خصره .. تيمسح على شعره بفوطة صغيرة كانت فالحمام .. شافها واقفة عند الباب بداك اللباس ، عقد حواجبه و تمتم بحدة)

صفوان:شكاديري تما (علات فيه عينيها مخنزرة و شافت فخولة اللي عاد انتابهلها هو) اووه، خولة هادي نتي مرحبا

صفاء بحدة كارزة على سنانها:كيفاش مرحبا!!

خولة شافت فيها معلية حواجبها:احمم واقيلا مامرحبش بيا؟
صفوان بجدية:لا داري عمرني منرحبش فيها بعائلتي و اي واحد دق بابي مرحب بيه (خنزر فصفاء)

صفاء بحدة:و نتا سير بدل لبس حوايجك ياكمااا عاجبينك جوج جوج تنفيخات اللي نافخ فصدرك!!
خرج فيها عينيه بحدة و هي تتشوف فيه غاتفرگع

خولة تبسماتله تدوي بشووية و السيااسة:بصحتك الدوش

صفوان:الله يعطيك الصحة (رجع خنزر فصفاء و تكلم بجدية) دخليها غانمشي نبدل و نجي، خولة مرحبا حسبي الدار دارك

تبسماتله خولة دخلات و صفاء زدحات الباااب بقوة، خلاتها مشات جلسات فالصالون و طااارت للبيت عنده دخلات و سدات وراها الباب بالزديح ثاني

خولة عقدات حواجبها:ناري على مسمومة بفففف بيمن مزوج يا صفوان، راك محتاج اللي تكون بيك و الكلام الحلو و الرزين فحالي .. هادي دايرة فحال عمي عبقادر واخا لابسة القصير مبايناش عليها الأنوثة يييييخ

صفوان شاف فيها مخنزر:شهاد قلة الأدااااب!!

صفااء قربات عنده بقوة دفعاتو للماااريو وراه زدحاتو معاه و لصقات فيه تتمتم بخفوت:هشششش متعليش صوتك معانا ضياف

صفوان بصوت خافت حاد:مالك باغا طيييري!! عارفاها ضيفة اذن تأدبي و ديري عقلك!! شهاد الخفة فيك مالك مع الدرية؟؟

صفاء:حليتلها الباب فعوض ماتقولي سلام لاباس و تسول فيا تتسول عليك نتا عينيها تيدورو فحال شي زرمومة و مللي شافتك خارج بهاد الحااالة (ضرباته لعضلاته حتى شد عليه عاقد فيها حواجبه) قربااات تحوااال عليييييك السيدة عجبوها بزازلك


صفوان:البنت جايا تشوفني ضروري تسول عليا!!
صفاء:بعدا تقول غي السلااام عاد تسول عليييك!! و زايدون واش كاينة غي هي اللي تعرض!! عائلتك مامصوااابااااش غا شانتيو منهم خنز التريككة تفو (تراجعات للوراء تتشيرلو بسبابتها) نشوفها تمادات معاااك غانجرييي علييييها وانا جاراها من شعرررها وهاانا فين قلتهاليك

خلاته تيشوف فيها بجدية و خرجات، غي مشات هو تنهد تنهييدة عميقة و تبسم ابتسامة جانبية
-نحمق والديك شوية نخرج منك هادشي اللي تاديري فيا غا نخرج منك فقصتي غا صبري

جبد حوايجه يبدل عليه، بينما هي خرجات عند ضيفتها .. جلسات جنبها كي العسكري نسات تا الدوش اللي كانت ناوية تدوش بعدما يخرج هو .. جلسات جنبها باقيا بجنابتها
🔚🔚

حاضياهم تيدويييو و يضحكو و يجبدو الطفووولة ديالهم و الذكريات الوردية

شافت فيها تضحك:هههههه والله حتى الحماااق مع دوك الايام، مسكين صفوان كان تيغطي عليا ههههه و كلا الدق بلاصتي

تبسماتلها ابتسامة مغزفة و شافت فيه تدوي بتهكم:مزيااان براااڤو علييك أصفواان

شافت فيها مبتاسمة:و نتي أصفاء مكانش عندك صديق فحال هاكا فطفولتك؟؟

صرطات ريقها ببطئ و هداااوة .. عقدات حواجبها تتفكر فهاد السؤال تحركاتها كولهم دازو تحت عينيه متربصها..!!
ملامحها تغيرو و وجهها بانو فيه أطياف و ألوان عدييدة..!!
صرطااات ريقها بصعووبة و وقفات متجاهلة السؤال:غانمشي نوجد شي حاجة

خولة:لا لا مايحتاجش غي جلسي حشومة نعذبك
صفاء شافت فيها بهدااوة و برود:مغانصاوبش ليك انا اللي فيا الجوع مفاطرااش، كي شفتي فاش جيتي كنا عاد فقنا و دوشنا، البارح قصرنااااااااا و فقنا معطلين اليوم

قالت كلامها و عطاتها بالضهر، من فقصتها غي تدوي معارفاش شنو تتخرج من فمها واش عسل ولا قطران، غادة تتلوز بمؤخرتها و هو متبعها بعينيه .. كولما تحركات يمين و لا شمال تيلولب عينيه معاها، تا دخلات للكوزينة رجع شاف فخولة اللي حطات يدها عند فخضه مبتاسمة

خولة:اذن شنو غاتجي؟؟

شاف فيها بجدية و هرب فخضه من بين يديها:مزال العرس باقيلو مدة طويييلة من هنا لتما نشوف ظروفي..!!

سمع صوت الخلاط فالكوزينة، عرفها غاتكون تطحن العصير

خولة دورات عينيها تتشوف واش جايا ولا غي تستغل الفرصة و تبدا خطتها:انشاء الله غانتسناوك مكاينش أعذار
ومألها براسه بجدية:اممممم

خولة قرباتله شوية كاتقيص فكتفه:زربتي على راسك تزوجتي دغيا ههه بعدا مرتاح مع مرتك؟؟ 


خولة قرباتله شوية كاتقيص فكتفه:زربتي على راسك تزوجتي دغيا ههه بعدا مرتاح مع مرتك؟؟ (قرباتله كثر بوجهها أنفاسها كايضاربو مع أنفاسه .. خلاته يعقد فيها حواجبه بقوة و جدية) عارفني انا شحال راك عزيييز عليا وووو...

قبل ماتكمل كلاامها شهقااات مخلووووعة و علات عينيها فيها و فالغراااف دالعصير اللي بين يديها، عاد كي طحناته غي طلات عليهم من باب الإحتياط تشوف فين وصلو، لقاتهم فديك الوضعية و هي كاتقربلو و هو كايكحز عليها تجننات مبانتلها غي تخوي عليهاااا هاد الغراف دالعصير .. النيت غي كباته عليها قفزااات خولة و وقفات

خولة:و واااش حماقيييتي!!!
تبسمات صفاء ابتسامة خفيفة:لا عاد رديت عقلي (شافت خولة فنظراتها ليها و صفوان وقف موجد راسو باش يجرها و لكن قبل مايدرك يديرها كانت هي جرااااتها من داك الشعر اللي عااامر عصييير و دافعاااها جيهت الباااب فنفس الوقت كاتعطيييها شحطات بيديها لضهرها و راسها مهبطاهلها لتحتتت)

صفاء:راااااجلي هدااااك يالترييييكة المااارجة، رااااجل لاااالاااااتك .. مهلللية فيه يالشاااارفة، كاتقوووولي زرب على راااسو و نتي بقيتي حتى شرفتي و برتيييي (حلاات البااب و لاحتها برااات الشقة، غا لاحتها جا صفوان تايدوي بعصبية)

-واش هترتيييي تخلخلتيي؟؟ (بغا يمشي يعاونها و هي تدفعو صفاء بقوووة معلية فيه سبابتها)

صفاء:لا عااد تنرد عقلي لراااسي ولا قربتيييلها غانغززككككك (خنزرات فيها) نتي قودي عليااا نعاود نشوفك قريبة لداااري نقطعلك بزاااازلك و طرمتك و نحطهم قدام عيينيك تحصري عليييهم

زدحااتلها الباب على وجهها خلاتها تاشهق و تقيص فشعرها و حالتها اللي مرمداتها

صفاء شافت فيه بنرفزة و جرااته عنده من كوول حوايجه لعندها:عجباتك؟ توحشتيييها!! أياماتك معاها مانسيتييهمش ياك؟؟ القضية فيها حب الطفووولة واقيلا

صفوان عقد فيها حواجبه:شهاد القلاااوي تديري، مالك مباغاش تكبري و مبرهشة!! مجرية على السيدة (بغا ينترلها يديها و يحل الباب يخرج لعندها و هي تجره كثر، قنتاتو مع واحد الحييط وراااه و تعلااات عنده باسته بشرااااسة ففمه و تراجعات اللور تتشوف فعينيه بحدة)

صفاء: دياااالي نتاااا ، ديالي بوحدي و تا خانزة الكارصون متاخذك مني (حطات أنفها على عنقه و همساتله بحدة) أي حمارة حطات عليك عينيها ولا حسيتها باغاااك نعدمها

تبسمات ابتسامة خفيفة و شافت فيه بنظرات لأول مرة يشوفهم فعينيها:حاجتي مكانقبلش اللي يحطلي عليها العين

بقا مطووول فيها الشوفة باستمتاع لدوك الملامج الشرسة فوجهها، و داك حب التملك اللي تيشوفو منها حمقوو .. عض على شفته السفلية و همسلها:نسمي هادشي غيرة؟؟ كاتغيري على راجلك أصفاء!!

صفاء تبسمات ابتسامة جانبية و رخفات عليه بيديها ، عطاته بضهرها تتعوج فكتافها و تكلمات بثقة:ماشي مجرد غيرة (شافت فيه بحدة) تنموووت بالغييرة و نموت على حاجتي .. نتا راجلي اذن راك ديالي و اللي بغات تقيصلي ديالي .. نجبدلها عينيها و نشويييلها يديها و قلبهااا هداك غايكون كادو منييي (قرباتله و همسات بخفوت) نقطعو طراف طراف باش مايعاودش يضربلها مللي تشوفك

تبسم باستمتاع من غيرتها الوحشية ناحيته و عينيها اللي تايشوفو فعينيه بديك الطريقة المهووسة و المجنونة .. هزها بين يديه مزيرها معاه و همسلها

-بنتيلي مزال مادوشتي، أجي نعاونك و نحكليك ضهرك و نفركلك هاد الجناب اللي تياكلوووك (زيرلها على خاصرها بيديه غادي بيها للحمام و غرق مع فمها بقبل ثقيييلة .. خلاو مينو تطل عليهم من برا و تشوف فجنابها)

بدات تتنقز و تلحس فيدها ليمنى و تلعب بذيلها:مياااااااو


جالسة فالصالون د دراها تتشوف قبالتها فالفراغ، سااااهية بدون حراك و كلام منال غي تيدور فذماغها باستمرار .. تيتردد كل شوية فحال شي صدى مزعج .. قلبها حساتو تيتعصررر بالخوووف من شكوكها لا يكونو بصح..!!
قاصت فبطنها كاتدوز عليها بصباعها بفزع حلقها شاحف و عيونها مدمعين..!!


"اااااه كانبغيه و تاااهو كايبغييييني ديما كايقولهالي، و مللي حصلتو و عرفته مزوج قالي راه باغيني و مستني غي مرته تولد غياخذلها الدري و يطلقها .. الدري غايرجع ولدي اناااا.."

"مراتو يوماين كانت فدار واليديها دوزهم معايا كاملين كي العسل، البارح غير جات سد التليفون عييت نصوني عليه و والو تالصباح عاد دوا معايا ولكن كان فالخدمة"

صدى هاد الكلمات ترددو فعقلها بقوة و عنفففف .. ناضت كاتمشي و تجي فداك الصالون و تعض على ضفارها بقوة تتغززهم..!!

خايفة..!!
خايفة لا يكون هادشي بصح و خايفة من هاد الحقيقة المرعبة هادي، قتلاااتها من داااخلها و هي غي شاااكة فيها عاد لا تحققات بصح..!!

حركات راسها بالنفي باستمرااار عينيييها مدمعييين .. رجعات جلسات فوق الفوطوي تتقيص فكرشها و تتشهق شهقات خفيفة

زفرات بأنفاس سخاان حاسة بالدموع غي متايزيييدو فعينييها و واحد الوجع مرررعب حساته تيضرب فكرشها .. شدات عليها بشوووية تتزير و تعض على شفتها السفلية بالجهههد..!!

زفرااات أنفاااس سخااان و شافت فالسقوف تترمش ببطئ و صعوبة بدات تتمسح على دموعها و تكات على جنبها .. تتعض على شفتها السفلية و تستعيذ بالله، كاتطرد دوك الأفكار المجنونة من ذماغها..!!
"لا عماد مايديرش فيا هادشي، عماد ماشيمن ديك النوعية، لا لا لا غاتون قاصدة واحد آخر، اااه واحد آخر"
هاد الكلمات باش واسات نفسها غير باش تدوز بقية هاد النهار هذا .. حاسة براسها دايخ بيها و الفشلة شاداها
.
.
.
خارجة من غرفتها بعدما لبسات حويجاتها و زادت شال فوق شعرها و لكن ولفات متتغطيهش كامل .. بلبيسة محترمة و صويك فيديها

وقفات قبالته هو كان وجد تيتسناها .. بملابس أنيقة و شعره ممشوط و لحيته مرتبة .. شد فيها مشابك صباعه مع صباعها و جرهاله ضمها بالجنب تيتمتم بجدية

-نتغداو برا و غاندويو فهادشي هذا اللي بيناتنا

تحنحنات بثوثر تتومأليه براسها .. خرجو مقابطين و الصاك اللي هازاه فيه دفاترها و كتوبتها


نزلو لتحت للطموبيل، ركبو و تيتبسمو لبعضياتهم بالهداوة .. هو تيشوف فيها و يدور أفكاره فراسه و هي مثوثرة شوية حيت معارفاش المواضيع اللي غايجبدهم معاها و معارفا تا ردة فعلها كي غاتكون من كلامه معاها..!!

تا هي باغا تكون ليهم بداية جديدة و زوينة .. يكونو كأي زوجين و يتخلصو من العناد و داك الكبرياء الزايد..!!
بغات يتقربو لبعضياتهم بدون قيود أو حواجز..!!
باغا تعيش معاه بلا تنوغيش و هادشي اللي معولة ليه لا بقا معاها على هاد الحال حتى هو..!!

نطالق بالطموبيل و هي بعيدة عليه شوية، مبغاتش تضسر ثاني فحال اللي دارت فالمرة السابقة و فاللخر طرا مشكل بسيط فالبحر قلبلهم كولشي و ولا قالب عليها وجهه..!!

مباغاش تكون دائما هي اللي لايحة راسها عليه و تتعامل بتلقائية..!!
ثبتات نفسها و تنفساات مزيااان تتوجد باش تتعامل برزانة و تكون ديك المرا اللي بعقلها ماشي صفاء المبرهشة اللي تادير اللي قالها عقلها..!!

وصلو لواحد الريسطو، نزلو بجوج .. دخلو لداخل و شدو طبلتهم، جا السيرڤور طلبو شنو بغاو عاد بداو تيدورو فعينيهم و يشوفو فجنابهم

صفوان قاص خاتم زواجه فصبعه تيدورو شوية بشوية و يشوف فيها مصغر عينيه:فوقاش عندك محاضرة؟؟
صفاء: فالثلاثة

شافت فساعة يده كانت الجوج تقريبا:هممممم مبقاش بزاف .. نتغداو و ندويو و نوصلك وتانا ندوز للمحل دأميمة نشوف فين وصلو

صفاء ومآتله براسها تتفرك يديها مع بعضهم:واخا

حك على رقبته من الوراء و شابك أصابعه مع بعضهم:صفاء راك علاقتنا انا وياك من اللول بدات بمنحى خايب، شدينا الضد مع بعضنا و الغنان نتي تتطلعي وانا تنطلع كثر منك .. بغيت نربيك و حسيت براسي مسؤول عليك ولكن شفت گاع الطرق اللي درت ماعطاوش نتيجة ..!! دابا بغيت نجرب هاد الطريقة هادي .. الحوار و نحطو كووولشي اللي عندنا فوق الطبلة، نستفو فعايلنا و انا باش مانتسماش ممزيانش، عارفك تتساليني اعتذار .. نهار دخلت عليك قلت كلام مكانش خاصني نقولو و فواحد الفترة تعاملت معاك بقسوة كثر من اللازم كولو من غضبي عليك حيت تانتي ماكنتيش كاديريهم زينين، كنت واخذ عليك نظرة فشكل تا صدقتي شكل آاااخور و داكشي اللي مكانش مصروطلي انا .. الموهيم تانعتاذر و نتمنى متكونيش هازة فخاطرك مني..!!


عضات على شفتها السفلية ببطئ و هداااوة تتشوف فيه وترمش و هو حاضيها بنظراته هااادية و رزينة .. نبرة صوته حسساتها بالإطمئنان نوعا ما و حتى نظراته..!!

تبسماتله ابتسامة خفيفة تتعض على حنكها من لداخل، يلاه بغات تدوي قاطعها السيرڤور اللي جا حطلهم طلبيتهم..!!

شافو فالأطباق قبالتهم و يلاه حلات فمها غاتدوي شارلها بيديه

-كولي بعدا راك مواكلة والو
صفاء:تانا بغيت نگولك شنو عندي
صفوان بجدية و نظرة جابتلها الهيبة:كولي بعدا

ومأتله براسها و بدات تتاكل و تشوف فيه، تا هو بدا ياكل معاها و يدور فعينيه و مرة مرة يشوف فيها .. بغا يهدن معاها السوق يعطي فرصة ليهم بزوج حيت لا بقى شاعل يسمح فيها و يطج لشي قرينة ولا يساليو كولشي بيناتهم..!!
يخليها و يبعد وهو هادشي اللي مباغيش..!!

مباغيش يطيح فهاد الموقف، و يضطر يتخلى على حلم صاحبه من المراهقة ديالو..!!
حلم انها تكون ليه و معاه .. مرتو شرعا و قانونا و تاحد مايقدر يحاسبه عليها..!!

بغا يصغر عقله معاها هاد الخطرة و يشوف واش يلقى نتيجة و لا غاتبقى تعذبو مزال بفعايلها اللي متيتغفروش..!!

كملو ماكلتهم دقة وحدة، عيط للسيرڤور جابلهم تحلية يدوزو بيها الهضرة و هو تيتسناها تقول شنو عندها تا هي

تتاكل و تشوف فيه بنص عين بثوثر و خوف نوعا ما، تحنحنات بخفة و تمتمات بخفوت:انا سامحتك واخا كلامك جرحني بزاف و طعني فشرفي ولكن واخا هكاك سمحتلك (شابكات أصابعها مع بعضهم تتشوف فعينيه بجدية) انا باش نكون معاك صريحة و أصلا انا من اللول كنت صريحة معاك، زواجنا أنا وياك عارفينو كيفاش بدا و قبل مانديرو تا عقد الزواج عرفتي موقفي منه، يعني بديت معاك بصراحة ماخبيت عليك والو، نتا اللي أصريتي تكمل واخا شفتي اللي شفتي (ومألها براسه عاقد حواجبه او اتفكر النهار اللي حصلها مع خاله .. ملامحه ازدادت صرامة اكثر و اكثر ، نظراته زادتها هيبة بدات تتلف نظراتها و تتشوف فجنابها و تتحنحن) مللي تزوجنا و بداو دوك النزاعات و المشاكيل، نتا ماكنتيش تتسمعلي و هذا الغلط اللي كديرو من ديما .. لا شفتي شي حاجة عليا خاصك تعطيني فرصة، سولني و استفسر مني باش نكونو واضحين انا وياك .. يعني ماشي تفهم غي من جيهتك .. لا سولتيني غانجاوبك بصراحة انا ماعزازش عليا الكذوب

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.