بداية هذا الصباح من غرفته و فوق سريره، عينيه محلولين فيها بشوووي حاضي تقاسيم وجهها، بشرتها البيضاء، رموشها الكثيفة، شفايفها اللي مذاقهم مزاله وسط فمه مثل العسل!!
غي شاف فيهم تشهاااهم .. تشهى قبلة صباحية من ثغرها و يتنفس نفسها، يشم رائحتها و يحس بنعومتها!!
ليلته جنبها مرت عليه وحشية، مضلمة، بشعة!!
واش حيت مامولفش بنعاسهم جنب بعضهم؟؟ ولا حيت نعسات و هي هازة فخاطرها منه و ماقبلاتش حتى تسمعه حرف من صوتها!!
تنهد تنهييدة عميقة، كبرياءه و غروره كايغلبوه ديما، حتى مللي عرف أنها بريئة من شكوكه كبرياءه اللعين خلاه يتفوه بكلام جارح أكثر!!
ماعتاذرش و ماعتارفش بخطئه .. عرف هادشي اللي نرفزها و غددها بهاد الطريقة و عندها الحق..!!
عض على شفته السفلية بقوووة و عنف .. قرب ناحيتها بشوووية و بدون مايحس كأنه كايتدفع من طرف شي واحد .. وصل بوجهه عند وجهها .. رمووشه مابقاولو وااالو و يقيصو بشرتها .. عينييه مصغرين فتقاسيم وجهها و ابتسامة خفييفة ترسمات فثغره أول مازارته ذكرى لذماغه
🔙🔙🔙
جاي من القاعة دالباسكيط اللي كانو كايتدربو فيها هو و صحابه، معاه حتى اسماعيل صديق الطفولة .. لابس شورط قصير و صوفيطمة دالباسكيط مع شاپو فراسه .. جاي مع أصدقائه كايضحكو و يتدااافعو حتى توقف مكانه فجأة .. بانتلو خارجة من مدرستها الابتدائية هي و صديقة ليها مقابطين .. كايدويو و يضحكو و شعرها المجعد معليااه لفوووق جبد عوييناتها .. دايرة فيليلات ملونين فشعرها مزينيينها .. كايتمشااو مع بعض حتى جا واحد الدري صغير فعمرهم داااز فيها بقوووة لدرجة طااحت على ركابيها و بدات تتبكي من وجعها .. عقد حواجبه بحدددة باغي يقرب ناحيتها و لكن اسماعيل اللي كان معاه شدو كايشير بصبعو لواحد الجييه
-داك الكلب د مصطفى راه فين واقف مع جماعته، لا قربنا لتما غايحرضهم علينا وانا صحتي مقادة على عصا
صفوان بغضب:غانمشي ماشي هو اللي غايحبسني (علا عينيه يشوف فيها حتى بانتله كاتبكي فحضن أخوها اللي جا موراها .. عقد حواجبه كثر كايشوف فيه كايمسحلها دموعها و تحنى كاينفض حوايجها و هي من ديك البراائة و الجماال تشهى يقرب يخشييها وسطع و يخبيها .. تأفأف بعدم رضى و قبل مايتصرف شي تصرف جرو اسماعيل من يده و جراا بيه ناحيةة الطريق المعاكسة للمدرسة كايتمتم بصوت عالي)
-واجريي راهم جاااييين
دار براسه كايقلب عليها مدايهاش فمصطفى و جماعته اللي جايين وراهم .. بانتله تبسمات بخفة مع عماد شادة فيه، شاف ابتسامتها عاد قدر يرتاح و سرع فجريته معارفش شنو صابه..!!
جاتو النفس عليها و ولا ديما حاضيها بنية يحميها و يربيها على يده واخا غي من بعيييد ولكن جا داك النهار اللي مابقاش تيشوفها مزال .. تما حس بأنه تقطع و الشوق ليها كان تايتزادله نهار على نهار...
🔚🔚🔚
تبسم ابتسامة جانبية خفييفة و حط إبهامه على شفايفها بحنان:من مراهقتي وانا حاضيك من بعيد كنتي بريئة و زوينة و لكن مللي كبرتي بغيتي طييري يا بنتي (نقرها بشفايفه فأنفها) باغي ننسى اللي فات ولكن للي شفته منك صعيييب يتنسى، أفعالك ماشي دالنسيان
قرب بفمه باغي يبوسها من فمها حتى جفل منها ناااضت طااايرة من جنبه .. غي علا عينييه فيها و هو يستقبل كفففف من يديها فخذه!!
كفها كان قاااسي و لكنه ماحسش بقوته هاديك بقدر ماحس بوجع و تأنيب لنفسه داخله..!!
عرف أنه بتصرفاته خلاها تنفره أكثر و أكثر .. عض على شفته السفلية ببطئ و عقد فيها حواجبه..!!
شافت فيه مخرجة فيه عينيها بحدددة، تسناته يدويي ولا يضربها بدوره و لكنه مدار تا ردة فعل .. بقا غي عاقد فيها حوااجبه كايشوف فعينيييها بنظرة هاادية و ناض من فوق الفراش خارج من البيت، خلاها متبعاه بعينيها بحددة و غي خرج تمتمات بغضب
-حيوااان همو فتحتو و لكن انا مانخليييكش مزااال تقرب مني .. انا ماشي لعبة عندك و عمرك تحلم بأنني نكون من داك النوع اللي كاينسى و يسامح بسهووولة
داز داك النهار عادي، هو مشا لخدمته بعدما فطرو مجموعين .. أما هي فكيفما طرا الباارح بقات متجاهلاه محاملاش تشوف فيه ..!!
كملو فطورهم و ناضت جمعاات الدار كاتدوي مع اميمة اللي بقات معاها و لكن ماخلاتهاش تدير والو .. مينو كاتدور فجنابهم و هي كاتلعب معاها و مرة مرة تعطيها حليوات خاصين بيها .. دوزو نص النهار مع بعض و تغداو كذلك حتى جا عماد خدا معاه اميمة بعدما قاد الأمور فدارهم ..
توادعو مع صفاء اللي ماسخاتش بيهم و جاتها البكية من اللي مشاو واخا دوزو غي ليلة و لكن ونسووها و ماحساتش بهاد الوحدة القاااتلة اللي حساتها اول ماتسد عليها باب الدار وحدها من جديد!!
جلسات شادة هاتفها الجديد، دخلات صونات لماماها فالواتساب من نمرة باها، دوات معاها داك النهار كااامل اللي بقا تونسات معاها شوية و تناسات معاها وحدتها .. تا ماماها كانت موجدالها شلاا خبييرات حطاتهوملها كاملات گاع الناس دالدرب ديالهم خدات خبارهم .. داز عليها داك اليوم روتيني عادي هو و يومين اخرين..!!
علاقتها مع صفوان واقفة فمكان واحد، ماسمعش منها صوووت مزال من داك النهااار حتي هو مدايرش مجهود كبيير باش يخليها تسمحله و تدوي معاه ..!!
واخا باغي يجبدها و يكونو عاديين كأي زوجين و لكن حاس بشي حاجة حابساااه .. مثل جدااار طوييييييل و سمييييك واقف بيناتهم مامخليهش يتقرب منها، ردة فعلها بحذ ذاتها بالنسبة ليه جدار و مراضيش .. مباغيش يدوي معاها و تنخله مرة اخرى و يرجع هو الطرف الضعيف فالقضية..!!
فنهار يوم جديد
خارجة من لافاك بعد محاضراات طويييلة عرييضة .. غادة كاتمختر ناحية البلاكة دالطوبيس مشافتش فداك اللي خارج تابعها .. خطواته تابعين خطواااتها حتى وقفات فالبلاكة دالطوبيس .. غي دارت كاتشوف واش جاي و هي تشهق منه وقف قبالتها..!!
شدات على قلبها و تمتمات بخفوت:اويلي خلعتيني
فراس علا فيها حاجبه:علاش كاتصوني عليا بالپريڤي كاتصدعيني فالليااالي!! انا نمرتك محيتها و نتي باقا مابغيتي تفهمي كرك و تبعدييي مني؟؟
سلوى باستغراب:شنو؟؟ واش مضروب فراسك ولا كيفاش هه (ضحكات باستهزاء مصغرة فيه عينيها، ردات قصتها للحنب و طلعاته و نزلاته باستصغار) نتا اللي فهم راسك و شوفلك لعبة اخرى تلعبها
فراس شارلها بسبابته كايدوي بحدة:براكة ماتمثليي عليا هنا، عااارفك نتي مولاااتها، اصلا مكاينش المذلولة قدددك .. شكوون اللي تلاوحات عليا من اللول كاتغريينيي بجسمها باش نشوف فيها و ندير معاها علاقة؟؟ شكووون اللي تدور تدور و تعيطلي واخا انا مامسوقلهاااش و ديما مطلعلها vu!! دابا مللي لحتك و سستك و تقييييتك كاتصوني عليا فالليالي باغاني نرجع معاااك؟؟
سلوى تنرفزااات من كلاامه .. ماحملااتش رااسها حيت فعلا قال الصرااحة هي اللي جرات موراه من اللول باش يتلفتلها و يدوي معاها و يدير معاها علاقة ..!!
دفعاااته من صدره بغضب و تمتمات بصوووت عااالي:بزاااف علييييك و لهلاااا يحييييك. .. انااااا اصلااا تخطبت و قريبة نتزوووج نتا وليييتي آاااخررر همييي، تبرهشت معاك واحد اليوماين و لكن دابا درت عقلي و غاندييير داااري كيتك نتا اللي مزال تابعلي البنات دالليسيااات و تاخذهم للجرادي باش تقضي حاااجتك
علا فيها حاجبه بغضب و علا يده فالسما ناوي ينزل عليها:كاتعرفي يا بنت ال....
شاف فيده اللي تشدااات بقوووة و خرج عينيه فديك اليد اللي عاامرة وشام .. شاف ناحية هذا اللي شدو و هو يبغي يجر يدو من عندو مخنزر حتى .. ماحسش بشنو طرا و لا كيييف طرااا .. كان طااايح فالأرض و يدو مررررخية و صوووت ديك الطقطيييييقة قاااااصحة كاتعاوودلو فوذنيييييه..!!
تفكات .. تعطبات .. تهرسااات..!!
ماعرفش .. اللي عرفه هو انه كايتقطع بالوجع منهاا و زااااد توجع كثثثثر ملللي عطاااااه اسماااعيل بركلة نااااحية عضوووه و زاااادو الثااانية فكرررشه و هو كايزمجر بغضب
-مرتيييي ماتقربلهاااااش يا ولد القحببببة (نزل عليييه نزززلة قوووية ليده حتى غوووووت بقوووة) ماتقربلهااااااااش
الناس تجمعو حوااليييهم و سلوى كاتغوووت وتجره خااايفة و هو كايضرررب ففراااس مامسوووق لحد همه غي يشفييي منه غلللله و يورييها كيفاش يبغي يمد يديه عليييها..!!
هو كايضربها كايغوت عليها مكرهها حياااتها، ولكن مايسمحش لشي حد غيييره يدير هاد الخصاااايل معاااها..!!
هييي دياااله، ملكه، يضربها و مايخليييي اللي يضربها..!!
سلوى شافت ناحية واحد الجماعة جايين كاايجريو من معاارف فراااس سمعتهم مكاتعجبش فالجاامعة، تزاااد معاااها الزااايد كاتتجررر فاسمااااعيل اللي تحنى كايخشييي لفرااس بوونيااات قاااصحييين فعييينيييه و الذخااان خااارج من نيوووفو بقوة الغضببب، بقااا يعطيييه يعطيييه يعطيييه حتى سخفلو بين يدييه
اسمااعيل علا راسو فداك اللي ضربه، يلااه بغاا يتحرررك عاودلووو بخببببطة اخرررى اقسى من اللولة فكتفو و زااادو خبطاااات اخرييييين .. كايضررررب و يعاااود ماخلالوووش المجااال فين يعلي راااسه..!!
سلوي ولات كاترجفف و تغوووت بأعلي صوووت عندهااا:اويييلي، حيدووو منووو .. (شافت فالناس مجنعيين عليهم) عااونووه عاونوووه .. ماضربوووهش بعدووو منوووووو بعدوووو (بغات تقرب ناحيته و هو يجرها واحد من دوك الجماااعة و دفعهااا بقوووة حتى طاااحت فالأرض ملقية بكوعها حتى حسات فحالا الضووو ضربها تما .. شاف فيها اسماااعيل كااايعصر عينيييه من وجعععع كبييير فكتفه اللي بقا كايخبطو فيييه و يعاااود و يعاااود و تجمعو علييها البقييية بالرررركاااالي و الخبييييييط .. حتى ترخى مابقاش قااادر يتحرك..!!
عاد طلقو منه و قربو لفراس هزوووه و خلااو الناس مجمعيين كايتفرجو فسلوى كاتبكييي و تشهق و اسمااااعيل كايتنفسسس بصعوووبة شاد على كتفه، اما راسه فهو دااايخ بيييه من الضربة القاااسية اللي نزلاات عليييه .. قربات عنده كاتشهق و تدوز يدها علي ضهره .. شاف فيها مزيير و تمتم بحددة
ناض بصعوووبة من الأرض كايمييل و شد راسه مزييير عينيه:سكتييينيييي داباااا
شدات فيه مسنداااه عليها و تمتمات بخفوت:نمشيو السبيطار!!
شاف فيها بغضب و تمتم بين قضبان اسنانه:مامهرسش و مامعطوووبش .. ميخي ديالك هو اللي تهرساتلو ديك اليد اللي كان غايضربك بيها (نتررر يديها اللي كانو شادين فيييه و طلع فوق موطورو ركب كااايسووورط عينيه ولاو حمريييين و شاف فيها بحدة) تا نصحصح مزياان و غانوريك توقفي معاااه
بقات حاضية الطريق منين مشاا مضهشرررة .. تأفأفااات بنبرة صوووت مسموووعة و رجعات للبلاكة دالطوبيس، الناس بقاو كايشوفو فيها و هي كاتاكل فضفااارها و تغززهم من ثوثرهاااا الكبييير، دوخولها راسها و هجومهم كان مباغث و سريييع ماعرفات باش تبلات..!!
،
،
،
شادة التليفون كاتسارى بين المجموعات الفيسبوكية بملل قاااهر و عبوووس، من نهار رجعو للدار مكاتعتبش لبرا، حتى الشرجم مكاتطلش منوووو من خوووفها، الدار مزكرماها من عندها و الساروت تبدل و تدارت باب اخرى للسيكوريتي و واخا هكاك مامطمناااش على نفسها و خااايفة..!!
تأفأفات بصوووت عاااالي حتى سمعات صوت الدقان فالباب .. شافت ناحيته باستغراب و ناضت تشوف شكون، وقفات كاتطل من العين السحرية و الريق شاحف فحلقها ..!!
بانتلها جارتها واقفة تحنحنات كاتقاد حوايجها و شعرها اللي طالع فالسما عاودات جمعاته .. و حلات الباب الأصلية كاطل عليها من شباك الباب الثانية
اميمة باستغراب:سلام ختي
منال تبسماتلها:سلام الغزالة كي بقيتي!! كنت شفت ديك النهار لومبيلونص جات و هزوك واش طراتلك شي حاجة خايبة؟؟ ماكنتش حاسباك فالدار سحابلي راك مع ماماك علي داكشي ماجيتش نطل عليك من قبل
اميمة بابتسامة هادئة:لا راني بخير الحمد لله، غي وقعاتلي مشكلة بسيطة مع الحمل و صافي
اميمة تحنحنات بحرج كاتشوف فيها و تمتمات بنبرة خافتة:صراحة غانتحشم معاك ولكن، احمممم راجلي حذرني مانفتح لحد هاد الباب من غير المقربين واللي من العائلة
منال: اوووه امممم سمحيلي علي الازعاج انا كنت جاية غي نطمن عليك مافنيتيش شي حاجة خايبة
مشات ناحية الشقة ديالها، خلاتها حاضياها معبسة و سدات عليها الباب بالزكروم كاتمتم بعبوس:اووووف أعماد حشمتيني مع الجارة .. ماعرفتش علاش ركز معاها بالضبط ماتدخلش عندنا تت اوفففف
رجعات جلسات شادة تليفونها و ملامح وجهها مامفسرينش بقوة الملل اللي حاساه من داخلها
خارجة من الحمام هازة مينو مكمشاها وسط واحد الپينوار بويوض
دوشاتلها بالكشاااايف باش رصاتلها ، خذاتها لغرفتها حطاتها فوق الفراش و بدات كاتمسحلها ففروها، شدات مجفف الشعر و نشفااتها مزياان حتى ولات مينو كاتباان غليييضة بقوة مافروها تنفش و تنفخ ..!!
هزات واحد الخلالة دارتهالها فراسها و جرات واحد الكمسيطة صغيورة شراتهالها خصيييصا لبساتهالها .. بانت فحال البنيتة الصغيييورة .. هزاتها كاتبوسها و تدور بيها فأرجاء الدار و مينو كاتموووء بصوت عاالي و تحنحن معاها بفروها..!!
شافت فغرفته الخاوية حاليا، صغرات فيها عينيها و غي مقااالها عقلها دخلاتلها .. حطات مينو فالارض كاتتسارى وسط البيت و تشوف فجنابها دازت للپلاكار دياله طلات وسطه كاتقلب فحوايجه ..!!
تقلب و تهز و تلاااوح، ماعارفاش علاياش كاتقلب ولكن جاها الفضول تبقشش فحوايجه وتشوفهم
شافت ناحية واحد الصنيديقة غريييبة شافتها مخشية لداااخل فالماريو، جراتها باغا تحلها ولكن كانت مسدودة بالقفل و الساروت .. علات فيها حواجبها باستغراب و رداتها مكانها..!!
دازت لجيهة اخرى كاتقلب فيها حتى طاحت فواحد الظرف .. جبداته و حلاته و هي توسع عينيييها فالفلوووس اللي فيه..!!
كان مبلغ كبيير ماحسباتوش و لكن مانوااتش تخليه هو هو..!!
هزات منه 1000 درهم دقة وحدة دارتها فجيبها الخلفي و ردات الظرف مكانه .. غي قاداته سمعات صوته جاي من وراها نطق بجمووود
صفوان:شكاديري؟
قفزاااات من هلعها مثوثررة شافت فيه كاتصرط فريقها و يديها كايرجفو:ا ان انا و والو غ غيير (صغرااات فيه عينيها) واش نتا باغي تخليني ندوي معاك بأي طريييقة، مباغاش اووووف
دفعاته و هزات مينو .. خرجات من البيت كاتزفررر بصوووت عااالي، هو عقد حواجبه بغضب و فنفس الوقت مستغرب شنو كانت كادير عنده فالبيت..!!
دار خارج موراها هي مشات مباااشرة للكوزينة، طلقات مينو تتسارى على خااااطرها و مشات جبدات السميدة و مقادير الحرشة تشهاتها و بغات تطيبها و هو وقف وراها عاقد حواجبه حاضيها مادار حتى صوت اللي يخليها تنتابه ليه ضناااته بقا فبيته، يلاه بغات تبدا تخلط المواد .. تفكرات أنها ناسية الخميرة دالحلوة..!!
دارت تقلب عليها مع دورتها مع كان قريبلها لدرجة كبيييييرة ماحساتش كي طرا..!!
شفايفها تلاصقو مع شفايفه بنعوووومة، بغات تتراجع للوراء و هو يجرها من مؤخرة عنقها ماخلاهاش تزعزع رااسها، حاوطها و ميل راسه معاها .. تيبوسها باشتياااق و يتعمق فقبلته ليها باغي يخشيها وسطه..!! وسط قلبه..!!
لا علّى و عسى تحس بشنو حاس من داااخله و أعماقه، احاسيسه اللي مقادرش يتفوه بيهم بسباب كبرياءه اللعين بغاها تحس بيهم من خلال هاد القبلة هذه..!!
سف شفتها السفلييية بالهدااااوة و ببطئ هااايم معععاها، فحالا بغا يعتاذرلها بديك القبلة اللي كانت حلللوة على قلبه .. ولكن..!!
-ماتبقاااش تقرب لياااا ازبللللل، ماتمسنيييش انا ماشي لعبة هنا
شاف فعينيها معلي حاجبه بحدة و هي مقابلاه بنفس النظرات، الحدة و الغضب!!
دار غادي غايمشي من قبالتها بصمت بلا مايجاوبها حتى فجأة فاااجئها و ضهشرهااا..!!
هجمممم عليييها بقبلة مجنووونة شدلها يديها و دارهم ورا ضهرها و حاااصرها بقوة مع الپوطاجي، ماخلالها كي داير تهز ركابيها تضربه مزااال و زييير بيدو على خذ من خذووووذها، كايبووسلها فداك الفممم بشهوة كبيييرة و هي كاتحرررك بعنف باغااا تدفعه من علييها محاملاااش لمساااته ليها، متقززة منه و نااافرااااه .. عيااات ماتحاااول تتفك من بييين يدييه ماقداااتش، حتى تراجع هو براسه للورااااء مخلف وراااه صوت القبلة عاااالي، شدات فمها كاتمسحو بعنف و ترمقووو بعصبية .. بغات تعلي يدها تصليييها معااه و هو يشدلها يديها بزوووج زيرلها علييييهم و لصققق شفااايفه مع شفايفهاااا من جديييد، عضلللها الشفة العلويةةة بشوووويش و بعد للوراء كايهمسلها بخفوت
-كولما شاغبتي و بغيتي تدير الصلابة، غانبوسك
صفاء بقات كاتشوووف فيييه بصمتتت، مادوااتش و ماتحركاتش اما هو فخلاها على وقفتها و طلق منها مربع يديه، تكا على الحيط وراه حاضيها باستمتاع و ابتسامة مستفزة..!!
تأفأفات بغيض و جبدات الخميرة بدات تعجن ديك السميييدة، متضااايقة من نظراته اللي تابعينها فأي حررركة .. محاملاش الوضع بيناتهم و هاد المشاااحنة .. جبدات المقلة اللي كاطيب فيها و گرصات ديك الحرشة حطاتها فوقها و دارتها فالبوووطة، مع حطااتها مع قرب عندها هو لوااا معاها بقرررصة لمؤخرتها حتى قفزااات و كمشها بين قبضة يده مبتاسم ابتسامة هادئة و حط ذقنه على كتفها
-درتيلنا حريشة اليوما
صفاء بحدة و عصبية:درتها لراااسي ماتحلمش تذووقها
دوز يده ببطئ مع خصلات شعرها و تمتم مصطنع العبوس:ياكي!! ماحشوماش عليك؟؟ مسمومة نتي
هو لصق فيها و حاوطاها بيدييه من خصرها بقووة، عقدات حواجبها بعدم رضى محاملاش قربه ليها .. جراتلو يد من يديه اللي محاوطييينها و دفعااات المقلة من مكانها و حطاتله يده فوق المجمرر دالبوووطة حتى تشووووط و تمتم بصوت عالي
-أللللل... سسسسسس واش هبلتيييي!!
صفاء شافت فيه بحدة:طلق منييي (خاااشيالو يده وسط ديك العااافية، حتى ماحساات غي بيده الثانية زيرااات على خصلاات شعرها بقققوة و جر ديك اليدد اللي شوطااتهااالو و حنااالها وجهها هي ناااحية العااافية كايتمتم بغضببب)
-انا نوريك لعب البراااهش كي داااير (حنالها وجهها للعافية حتى حسااات بلهييبها كايحرررقها، زيييرااات عينيييها بدموووعهم و غوتااات)
صفاء:اي اي اااااي كايحرقننننييي
صفوااان زاد قربلها وجههها كثررر حتى حسات برمووش واحد العييين تحرررقو:نتي كاتقلبي على شرييي، كانكوون مزيااان معاك تا كاتجبدي شيييطاااني وا شدييي دااابا
صوووتها كاتوجع و أنين بكااائها خلاه يرخف عليها بقبضته حتى تراجعات للوراء كتتمسح بيدها عينيها اللي ضرااتها و تمتمات بنبرة صوت طفوولية مخنوووقة
-تفووو عليييك نتا ماعندكش قلببب تفوووو
دفعاته من قبالتها و مشاات كاااطير خارجة من الكوزينة .. عينها بدات كاضرها و دوك الرموش اللي تحرقووولها تا هوما ضروووها .. صفقااات باب البييت ورااائها و تكات عليه كاتبكي و تتحسررر على حيااتها القديمة..!!
عمرها كانت ضعيفة هكا..!!
عمر شي حد حگر عليها بهاد الطريقة هذه..!!
عمرها تعاندات مع شي حد لهاد الدرجة..!!
هي اللي جبداته اللولة و حطاتله يده وسط العاافية و لكن هو اللي بداها كذلك و مد يده عليها بطرييقة جنناتها..!!
مابقاتش حاملة لمساته و قربه منها..!!
مابقاتش حاملة وجودها معاه فنفس هاد الدااار..!!
مابقاتش حااملاه هو كوووله..!!
غوووتاااتتت بصوووت عاالي كاتضرب بيدها على البااب ورااائها و تشهق
-نتاااا حيوااان، هئننننن خاصك تتربى فالحباااسااات مكاتسواااش، والله حتى نقووولها لعماااااد هئ هنننن هئ تفووو عليك وعلى حياااتي معااااااك
خارج من المطبخ كايسمع فصوتها اللي مالئ أركان المنزل كامل، جلس فوق السداري دالصاالون كايعض على فكه و يزيرره حتى بانو عروووق ذمااغه كايتحركو بسبب غضبه..!!
شاف فيده اللي ولاات حمرااااء بسباب العااافية..!!
واش شافت غي نفسها و شنو دارلها مشافتش نفسها شنو دارت ليه..!!
كايقولو لكل فعل رد فعل و هو هادي كانت ردة فعله..!!
ماشي ديما غايتغاضى على تبرهيشها و عدم مسؤوليتها و يدير عليها عين ميكة و يسكت ..!!
علا عينييه بغضب ناحية باب غرفتها أول ماسمعها قالت
صفاء:بغيييت نرجع لدارنا عند واليديا هوما غايحمييوني منك نتااا
تبسم ابتسامة جاانبية على فكرتها المجنونة هذه ..!!
قرب ناحية باب غرفتها حط يده عليه و جبهته كذلك .. غمض عينيه بهداااوة و بطئ و تمتم بنبرة هادئة
-هاد الدار مغاتخرجيش منها غير و نتي فالكفن، هادي دارك و واليديك مغاينفعوكش فهاد الأمور حيت هادو كايبقاو مشاكيلنا انا وياك و نتي اللي بديتي
صفاء وقفات كاتمسح عينيها بعنف من الدموووع و ضربااات فالباااب بقوووة مخرجاااتش عنده مابغاتش تشوف وجهه ولا تقاسيم وجهه و بروده اللي كاينطق بييه حسسها بالشلل و العجززز..!!
حسسها بأن كلامها كووولو تيتكبببب و يتضرب فالزيرو..!!
صفاء بغضب و عنف:نتا مكااتحسسسش (ضربااات مرة أخرى فالبااب كاتغوووت بقووة) حيوااان، شماااتة كاتستقوى علياااا، حارمني من أبسط حقووقي، قرااايتي و الخروووج حتى تليفوني اللخر هرستييهلي كون ماعطاتنيش ماما تليفونها كنت نبقى بللااااش .. وااااش ماكفاااكش هادشيييي ماكفاااكش زايدني بالدق و الحگرة (ركلاتتت داك البااب حتى تزعزع) تفووو على عيييشة نتاااا راك مريييييض
عقد حواجبه محاملش كلامها اللي دخل و تغلغل دااخل أعمااقه بعنففف، مثل سكييين حااادة غرساااتها وسطه ..!!
هي كاتشوف فيه بهاد النظرة!! متيسواش فنظرها لهاد الدرجة هذه..!! ياك هي اللي كاتجبده..!! ياك هي اللي كاتعامل بطريقة غير مسؤولة..!! فنظره عيا معاها بجميع الطرق .. تا حاجة مانفعات معاها، متبعة الخايبة للي خيب منها..!! علاااش هي هاكا متتحسش بيه و مباغاش تحس..!!
مباغاش تولي ديك الانسانة اللي بعقلها..!! لو مكانتش هي كاتبدا و تدوي و تجرح و تنبش فيه مكانتش غاتشوف منه هاد التصرفات..!!
كانت غاتكون امييرة عنده و عمرها تشوف النهار الكحل..!!
تراجع خلفاات للوراء ماجاوبهاش .. مقال والو .. خلاها كاتغوووت و تضرب فالباااب ضانة انه مزال تما و خرج من الداار بكل هدوووء..!!
زفراااات بصوووت عاالي كاتنهج، شافت لجنبها بانتلها مينو حاضياها .. خصراات فيها ملاامحها مدلية شفتها السفلية و تمتمات بعبوس
-عييت، عيييت منو و من هاد الزبل ماكملتش شهرررر و عييت .. طلعلي الزعااف بغيت نخرج بغيت نقرا بغييت نتساارى .. بغيت ندير اللي بغيت بلا حسابات واش طلبت شي حاجة مستحيييلة؟؟ (جلسات فالأرض معنقة مينو تتبكي و تشكي عليها و تنفسااات بعمق حاسة براسها ولا كايضرها بقوة هاد القهرة اللي تجمعاات داخلها)
.
.
.
جاالسة فدارها .. دايرة لايڤ فغروب مخلط، هازة كويس ويسكي بين يديها و گارو و موسيقى راي مطلووقة بصوت عالي شوية، كاتقرا فالتعاليق وشي كاتجاوبو شي لا .. خالقة جو لنفسها
حاسة نوعا ما بالقهرة!!
خبر أنها حاااملة خلاها تتأزم شوية!!
هي باغاه و طاامعة فيه يرجعلها واخا شنو مكان .. مستحييل تخليه يبقى بعيد عليها!!
طبعها هكا، لا كانت فاش شافته من بعد سنيين لصقها و بغا رضااها و يرجعو لبعضهم كانت غاتبعده منها بأي طرييقة ممكنة..!!
ولكن مللي شافته تزوج، دار داره و عائلته و مرته زويينة واخا تعيا تنكر ولكن فداخلها كاتطععن حيت لقاتها أحسن منها، قلبا و قاالبا!!
تأفأفات بصوت مسموع كاتمتم برخوة:نتوما معارفينش القهرة اللي حاساها مللي لقيتو تزوج و بنى داره، كان زمان باغينييي بزاااف كان كايعاملني فحال الاميرة ولكن انا ضيعته و هنته بزااااف .. ماكنتش كانرضى بيه مع صحابي و ناسي هانا دابا وليت طاامعة غيي فإشارة صغيييرة منه
سمعات باب الدار كايتدق، حطات الكاس و ناضت وقفات ب پيجامة منزلية مغرية، قطعات اللايڤ و مشات حلات الباب .. شعرها مطلوق، الطوپ المنزلي اللي لابساه معلي من جيهت الكرش و الشورط المثيير جاامع مؤخرتها بطرييقة مثييرة بانت مشدوودة
غا حلات الباب و لقاته هووووو اللي قبالتها تصدماات..!!
عينيها خرجو فيه مامثيقاش انه جاي عندها..!!
حكات عينييها بقووة و تمتمات بنبرة عاالية:واش سكرت بزااف ولا شنو ها..
قبل ماتكمل كلامها ولا تزيد تستفسر منه، دفعها لداخل و دخل وراااها خرج فيها عينيه و شارلها بسباابته مخنزر فيها
-نتيييي مولات ديك الفعلةةةة أبنت الكلب ياااك؟؟ مصيييفطة زاامل من زواملك يتعدا على مرتيييي؟؟ باغااني نقتل طبوون مك
منال كاترمش فيه بعينيها و الكويسات اللي زگفاتهم لاعبين فيها:ههههه اواااه، عمودي حبوبي جاي عندييي انااا (شدااات فيدييه و تكات على صدره مغمضة عينيها) حبييبي انا توحشتتتك
رائحة الخمر اللي فايحة منها حسساته بالاشمئزاااز..!!
مامحملهااش تقربله بهاد الطريقة و تقييصههه و تتكا على حضنه..!!
هي مااشي الانسانة اللي تستاهل هاد المرتبة عنده..!!
بعدها من عليييه بالجهدد و عطاااها تصرفيييقة فعفعاااتها .. جرها من شعرهاااا بقوووة غادي بيها للدار لدااخل كايجرجرها و يضررررب فكتاااافها و راسها و هي تتشهق و تضحك فاااشلة ذبلانة .. تيحللل فالبيبان حتى لقا الحمااام .. دخلها ليييه و حطلها راسها تحت الروبيني .. بدات كاتشهق وتحرك فيديها باغا تحيده من عليها و لكن ماخلالهاش مجااال، خلاها حتى شربات المااا مزيااان و طارت منها السكرة عاد بعد عليييها و خنزر فيها بحدة
شافت فيه كاتنفس بقوة شادة على صدرها و تمتمات بأنفاس لاهثة:غ غاتندم على تصرفاااتك معااايا (تجننات و قرباات دفعااته بقووة) علاااش هي علااش انا شنو ناقصني باش مابقيتيش حااملني .. ياك انا كنت الدنياااا كاملة بالنسبة لييك، كنتي كاتبكييي على قبليي .. فاااش قلتليييك غانتفااارقوو كنتي غاتحمااااق، علااش دابا نسيتييينييي علاااش كاتبغييها هي علاااش
خسر سيفته باسمئزاز من كلامها، حركااتها، قربها منه مابقى حامل منها حتى حركة..!!
دفعها من عليييه بقوووة و تمتم بغضب:مرتيييي اميييرتي هي نوااارة حيااتي، هي اللي حسساتني بأنني عندي قيييمة، هي اللي تستااهل تكوون و تبقى مرتي .. نتيي شنو مادرتي مغاتقدريييش تفرقيينا فهمتييي .. هادشي دخلييه لذمااغك الموووسخ و حسنليييك بدلي هاااد السكنة حيت انا مغانتشدلييكش ولو شنو مادرتيييي، قووووودي من هنااااا ولا نقتل الزااااملبوووووك و الزوااامل ديالك بعدييهم منها هاللول دخل للحبس بلاصتك، مابغاش يعتااارف عليك ولكن تتعاود هاد الخصلللة انا اللي غاندخل للحبس على قبلك
خلاها كاتشوف فيه الكحل مجخمط فعينيها و شعرها لااصق علييها، الدموووع كايسيلو بغزااارة من عييينيها، مشا خارج ناحية الباب و هي تبعه كاتجري قبل مايخرررج من عندهاا و جراااته بققوة .. دورااته عندها ماخلاتلوش فين يستوعب ولا يدفعها قبلاااته بجرررأة و شرااااسة ففمه و نازلة لعنققه و حوايجهه .. كاتبوس فيه بهستييرية و الدموووع نازلين كي الحجر من عينيها .. ماخلاتلووش المجااال فين يتزحزح فاااجآاااته .. ماضنهاش بهاد الوقاااحة هادي و هاد قلة النفس كاااملة..!!
دفعهااا بقوووة و عطاااها جووج كفوووف قااسيين و دفعها للأرض حتى طاااحت، تحنى عليييها و خنقها بيديه بزووج كايتمتم بحدة
عماد:ماتوسخييينيييش ألحمااارة، الوسخ دياالك خليييه عندددك (زااادها تصرفيييقة أخرى فشلاااتها كثثثر و رجلييها تيفركلو من الخنقة اللي دارلها لعنقها .. ولات حمرااااا تتعلي يديها باغاا تقمشووو .. هو ناض من فوقها خارج لبرات الدار من عندها .. خلاها كاتنفس بقووة و الدموووع نازليين من عينيها بزوووج خطوووط طوااال .. كاتبكييي بصمتتت و تفكر فكلاامه .. فشلتها خلاتها تحبس التفكييير فأي حااجة .. بقات تفكر فيه غااا هو و تصرفااته و دفاعه على مرته معاها)
.
.
.
حل الباب الثاانية اللي جاب و دق عليها كايمسح علي وجهه بغضب و قوة .. هي حلات الزكروم من الباب بعدما شافته من العيين السحرية .. غي حلاات الباااب بغات تنقز عليه تعنقه و هي تتكوانسا فيه
هو قرب بغا يبوسها و هي تبعد جوج خطوات للوراء كاطلعو و تنزلو بعيونها و سبابتها و تمتمات بحدة و استفسااار:ش شنو هاد العكر هذااا؟ ف فين كنتي و معامن؟؟
شاف فيها كايرمش بعينيه بعدم استيعاب، قاص ذقنه عاقد حواجبه بقوة و تمتم بنرفزة و ثوثر فنفس الوقت:ه هادي ب بنت جارنا الصغيورة شفتها فالزنقة كانت هازة واحد العكر فيديها، بستها و واقيلا عكرها بقا لاصق فيا
بقات عاقدة فيه حواجبها و هاد الكلام مداخلش لعقلها:باغيني نثيقك؟؟ شو حوايجك و وجهك و عنقك هادو ماشي بوسات بنت صغيرة!!
عماد عقد فيها حواجبه بدوره و تمتم بحدة دافعها لداخل:لهلااا لا ثيقي مغانبقاااش نحلف لييييك (دخل مثوثر كايمسح على وجهه و هي تبعاته بعينيها) واش نبقى نفسرلييك، نتي عارفااني انا كي داااير .. بيناتنا الثقة و نتي دابا كاتشكي فياااا؟
اميمة قربات عنده مخنزرة:شكون جبد شي شككك؟؟ انا مادخلاتليش لذمااغي هاد بنت بستيها و لصقات فيك هاد العكر، شوف حوايجك راه طابع ديال البوووسات
عماد خرج فيها عينيه:لا قوووليها و هنييني، قوولييها بصوووت عااالي .. قولييلي نتا كاتخوووني غا قولييي
اميمة خرجات فيه عينيها بدووورها قلبها كيااكلها و غييرتهااا صعرااتها:غاانقووولها ماالنيي نخااف منك، سحابلك انا مومو صغيير كانرضع صبعييي؟؟ جيبلي كذبة اخرى من غير بنت صغيييرة كنت نثيقك..!!
سلوى دفعاته بنرفزة من ذرااعه:مالني انا مشتاااقة فييك، راك غا بقيتي فيا و بدافع الشفققققة جيت نشوفك كي بقيتي ولكن نتا ماتستاهلش حتى الشفقة ديااالي
خلاته غادية ناحية البااب دالدااار
ماحسات بييه غير جرها بقوووة من ذرااعها و لااوجها فوق المطررربة، شافت فيه مخلوعة بغات تنوض و هو يجي فوووقها كاينفث انفاااس ملتهببة نااارية غااضبة، نظرااتو سوداااوية حااارقة خلععها .. الرعبب دخلها مع العظاام..!!!
جرررها من كووول ترييكوووها بالجهههد حتى تسمعات (تراااق) تشرگلها شوية من تم و عطاااها براسه لرااسهاااا
روسييية دوخاااتها و فعفعااتها، دفعاته بيديها من صدره و تمتمات بنبرة باااكية
-شكادييير واش حماقييتيييي!!
اسماعيل بعصبية:كاتقلبي على عدو ربييي .. كانعيااا ندير معاك عين مييكة، كانعيااا نمييك .. كانعياا نتجااهل ولكن نتي لدينمك طيينة غي دالدددقققق (زير عليها من ذقنها) شنووو باغا منييي ها!! باغا تحمقيييني؟؟ رااك حمقتييني و فتيييها لهيييه .. باغا تجعريييينيييييي هااانتييي درتييييها (كمش بيدو على وجهها و هي كاتشهق بوجععع و الدمووع فعينيها كي الشلااال) اششش باااغااا منيييييي
سلوى كاتدفعو و تهرنن و تمتم بندم:واااش فحاالك الناس تبقى فيهم و يجيييو يطللو عليييك، ندمت علااش جااايا عندك ندمت .. بعد منييي اخويا طلق يدددك بعددد
اسماعيل:مامبعدش، مطااالقش .. هانا نوريييك الاهانات ديالك!! عييت نمييك عييت نعطيك اعذاااار عييت نرطببب و نتيييي باغا غا هاد الطريقة
سلوى مخرجة فيه عينيها و تدفعو:مباااغا والو، مباااغاااا والو لا نتا لا طريقتك لا زبلك، بغيت نمشي لداارنا و نتهنى منكككك .. الزبببل بعاااااد
كادفع فيه و هو مزييير علييها .. بدات كاتبكي و تفركل برجلييها حتى غلباااته..!!
مع مرييض و مهدووود، و كثرة حركتتها و شرااستها الكبييرة دفعاااته بقووة حتى جا طااايح فالارض و ناضت جالسة كاتسترجع أنفاااسها .. مارتاحتش بزاف ناضت بسررعة و مشااات كاتجري نااحية البااب .. خلاته طااايح فالأرض فاااشل ماتحركش تكوااانساااا .. كايتنفس بقوووة و يزير بيدييه على صدره .. جاتو الكحة على غفلة بدا كايسسسعل و يعاااود و أنفاسه مخنوووقة .. علا راسه فالسقوووف حاس بالمرض كايتمكن منه و دور راسه شاف ناحيتها هي حلات الباااب و شعطاااتها بقوووة وراها، خلاته تبسم ابتسامة جانبية خفييفة و همس بوهن و تعب
خارجة من غرفتها بعد ليلة كلها بكااا .. دازت للحمام تغسل وجهها و مينو تابعاها كاتموء بصوت عالي جاها الجوووع
غسلات وجهها و سنانها و قضات حاجتها .. خرجات ناحية الكوزينة و هي تصغر عينيها فديك الحرشة اللي موجدة محطوطة فوق الپوطاجي مشرية من الزنقة .. قرباتلها كاتشوف فيها معبسة .. قطعات منها ذاقت طريف و دازت كبات شوية دالحليب مداته لمينو مع الفروماج .. قلبات فالفريگو فالثلاجة كان عندها شوية دالحوت .. دارته يترخى شوية و بدات تجمع الكوزينة مغوبشة .. كل شوية تذوق من ديك الحرشة حتى كملاتها .. سالات و شافت فمينو اللي سالات ماكلتها، مداتها شوية دالحوتات خلاتها تاكل و خرجات للدار جمعااتها و سيقاااتها مزيااان بسانيكروا و جاڤيل
جاتها على الحداگة هاد النهاار .. جمعات مزياان ، هزات مينو غسلاتلها وجهها تحيدلها ريحة الحوت و نظفات البلاصة اللي كلات فيها عاد دازت للبيت ديالها، جبدات ماكياجها و بدات تصاوب وجهها .. صاوباته بالمهل و بالخاااطر بشوووية عليها .. طلعات مكياااج خطييير .. دالعينييين و العكر و الخذووذ .. تكايسات على رموشها اللي تضررولها بالحرقة دالبارح عوضاتهم برموش اصطناعيين كثفوووهوملها .. خلات شعرها على حاله مطلوق و جبدات سروال جلد كانت مولفة تلبسه قبل الزواج مع تيشرت و جاكيط جلدية .. لبسات سبرديلة فرجليها و هزات موتشيلا فضهرها .. خرجات للكوزينة مدات لمينو عدة كرات تلعب بيهم و تضيع الوقت معاهم .. خلاتها فالدار السراجم مسدودين و كولشي هو هداك، كانت خااارجة حتى تفكرات الفلوس اللي هزات البارح، رجعات للبيت وراهم .. عاودات حسباتهم و غادة للباب و تأفأف
صفاء:1000 درهم شغاتديرليي اوووف نهز كثر واقيلا (مشات لغرفته الخالية، جبدات الظرف اللي لقاته فنفس مكانه و حيدات ألف درهم اخرى و تتشاور مع راسها تزيد ولا براكة، ردات البقية مكانها بالزز ماكرهاتش تهز گاااع دوك الفلوس .. خرجات من الدار مبتاسمة بانتعاش)
طووول الليلة الماضية و هي كاتبلاااني..!!
تخرج تدير اللي بغات و تتمرد كيفما حبات خاطرها..!!
شكوناهو اللي يحبسها ولا تسمع كلامه..!!
لا بغا يضربها غاتوقف فوجهه هاد الخطرة، غاتتحداااه غاتخلييه يندم..!!
هي ماشي بالسهولة اللي كايضنها هو..!!
هي ماشي من نوعية النساء اللي كايبكيو و يشكيو و يحبسو نفسهم و يخاااافو من رجالاتهم حيت ضربوهم و منعوهم من شنو كايبغيييو..!!
هي كايعجبها تتمرد و تتصرف على هواها ماشي تتقيد بقواعد خاااصة
شدات طاكسي من باب دارهم حتى لباب دار أميمة .. خرجات منه بعدما خلصاته مسخنة جيبها بداك المبلغ اللي هزاتله!!
شحال و هي مزوجة بيه مشافتش منو السانتييم و عنده مدكسين فالپلاكار!!
ماتكونش صفاء لا ماهزاتلوش هي منهم
طلعات لفوق و صونات عليها، حلاتلها اميمة الباب و بعد السلام جلسو بزوج فالسيجور تايضحكو
اميمة:نهاار كبيير هذا اللي جيتي عندي
صفاء:ههههه واللهيلا توحشت الخروج و جيت نشوفك نتي اولى بيك تانتي راك قنطانة فحالي عاد حسيت بيك
اميمة تبسماتلها:ههههه ايوا الله يجيب اللي يقول الحق، توحشت الخروج و الزهو اللي كان قبل الزواج دابا لا تحركت لأي بلاصة يتقلق و هو ضاارب الدنيا بركلة، فقصني البارح و غددني نعست فالبيت سادة عليا
صفاء باستغراب:علاش شنو طرا!! عاد داك النهار كنتو مزيانين؟؟
اميمة بنرفزة:دخل البارح عندي عامر عكر، سولتو شكون قالي بنت جارنا صغيورة كانت تتلعب بيه و وسخاته، و داك العكر اللي شفته راه بووووسات اختي بوسات ماشي وسخ
صفاء علات حاجبها بحدة:اواااه زعما عماد يديرها!! لا لا لا مكانضنش!! تت و تااا لا دارها نتي غاتبقاي منونخة كاتبكي و تسنااايه شنو يدييير ولا كيفاش؟؟
اميمة بعبوس:انا تخاصمت معاه و نعستو فالصالون
صفاء صغرات فيها عينيها:من نيتك؟؟ عرفتي شنو هااااااااك (قلزاتلها بجوج صبوعة فعييينيها) لا خانك راه عنده الحق
اميمة:علااش شنو درت راني حقي الطبييعي هذا
صفاء:انا مغاندويلكش هاكا حيت انا ختو ولكن غانجي من جيهتك كا امرأة، مرااا حصلات راجلها داخل بعكر فحوايجو!! شنو غانديير؟؟ نخلييها تكحشووو ليها كااامل وانا نببعد علييييه و نخليه يزهى كي بغا؟؟ تت تت تت (حركاتلها سبابتها بلا) لا احبيبة ديالي، انا باش نحافظ علي زواجي و رااجلي نضمنو تحت باطي، نوووضلك و نتشيك .. نلبس و نتقاد و ندور قبالته نخليه يتشهاااني و مايلقاانيش، نعذبه و نمحنه مزيااان، ننعس جنبه و نعطيه بطرمتي لجد باباه نخليه ليلة كااااملة كايتعذب، هو باغيني انا اذن غايبغيي رضايا انا، انا اللي نحركوو و نجرووو لياا ماشي نبعددووو مني حتى يطج و يمشي عند خانزة دالخلا عاااد نجلس كانبكي و نشكي
اميمة صرطات ريقها كاتشوف فيها:ش شنو دابا ندير (سكتااات شوية كاتفكر) انا باغا نبدل اللوك و يشوفني بحلة جديدة، حسيتو مل مني بنفس اللباس و نفس كولشي
صفاء وقفات و شافت فيها:تانا جيت عندك باش نخرجو شوية و نتساراو منها نشريو شي لبيسات نبرعو راسنا و ندوزو للصالون ولا شنو بانلك؟؟
اميمة:اه ماكرهتس راني غانطرطق بالقنطة فالددار
صفاء:وادوزي لبسي عليك انا كانتسناك
ناضت اميمة لبيت النعاس تبدل عليها خلات صفاء جبدات تليفونها كاتسارى فالإنستا و الصفحات تا خرجات عندها اميمة بلبيسة حجابية متولة، صويكها و صباطها و شالها .. عجباتها بهاد اللباس و تناسقها
صفاء:احححح كايحمقني هاد الستيل
اميمة:خويا مقالكش تديري الحجاب؟
صفاء عوجات فمها للجنب:يقولها ولا لا، طوووز فيييه
شدات فيها و خرجو من الدار، أميمة سدات بالسوارت و مشاو ناحية الأسانسور .. ركبو كايدويو و يخططو فين يمشيو حتى لتحت هوما خارجين و منال داخلة، شافت اميمة و هي تعقد حواجبها ماعلاتش فيها عينيها مزال تا أميمة شافت فيها من بعيد كاتأفأف و بقا فيها الحال علي قبلها حيت قمعاتها البارح..!!
خرجو لبرا و شدو طاكسي مباشرة للمووول، مشاو كايدورو فيه و يهزو و يحطو .. صفاء قيسات خمسة دالپياسات و خدات جوج شراتهم مع ماكياج و واحد الريحة .. تا اميمة هزات معاها فاش كانت خارجة مبلغ بسيط و لكن عماد عاطيها الاذن تهز اللي بغات فوقما حتاجت .. شرات شوية ماكياج مع شوميز دونوي عجبااتها
غي شافتها صفاء شراتها صغرات فيها عينيها و هزات حتى هي شوميز حريري قصيور فالحمر .. تبسمات ابتسامة جانبية خفيفة و شراتو
دارو فداك المول مزياان و تغداو تما بالطاكوس .. خرجو كايضحكو و يدويو كايتمشاو حتى وقفو قدام واحد الصالون مولفة صفاء تقاد عندو .. يلاه غايدخلو صونا لأميمة التليفون جاوبات معوجة فمها
اميمة:الو
عماد من الطرف لاخر:العمير ديالي، انا جاي للدار باغا شي حاجة نجيبهاليك؟ (طييييييط) بعدا فين نتي؟؟
صوت الكلاكسون اللي سمعو حااول يكذبه، عقد حواجبه باستغراب و سولها على مكانها حتى سمع صوت صفاء قالت
-ها هي معايا اخويا، حنا جينا للصالون اللي مولفة نصايب فيه اميمة قنطات شوية و جينا ندوزو وقيت بسلامة
قطعات عليه بلا ماتخليلو مجاال ينطق ولا يقول وااالو .. بقا حاال فمووو بقووة حتى شاف فالتليفون و دار رقم صفواان على وجه السرعة
واقف فگراج لتصليح السيارات، طموبيلتو مخسرة و معاه واحد صاحبو ميكانيكي كايدويو و يضحكو حتى سمع التليفون تايصوني .. غي جاوب عينيه خرجوووو من كلام عماد
-ديك مرتك مخرجالي مرتي باغا تفلسها واخداها لصالون ولا ماعرفت شنو!! هي خرجات بخبارك وانا واخدالي مرتي بلا خباري
جالسين فوسط الصالون تايضحكو .. صفاء بطريبش فوق راسها صبغات جزء من شعرها و كاتسناه يسخن و يطلق اللون .. جنبها أميمة كاتقطع شوية من شعرها و تيشربو عصير وصاو عليه من برا جابوهلهم البنات
صفاء بابتسامة:والله حتى كنت غانطرطق فالداار، حتاجيت خرجة فحال هادي
أميمة:هههه وي حتى أنا .. مللي كانجيو حنا النسا للصالونات كانفوجو
صفاء زگفات من عصيرها و مادة يدها لوخرى لواحد البنت كاتصبغلها ضفارها:مرة مرة نديروها راه نفس الروتين ديما تيخنق و يدخلنا فاكتئاب .. بعدا نتي كنتي غاتديري شي مشروع و كنتي متافقة مع عماد!! اش درتو فيه!!
اميمة تنهدات بحرقة:دوينا و قالي حتى نولد خايف على البيبي و اصلا راه الطبيبة نبهاتنا ديك الخطرة، الحالة مامستقراش
صفاء:اوووف حبيبتي الله يفك وحايلك على خييير
اميمة:آااامييين
بقاو شحال تيدويو و يجبدو مواضيع متعددة، كل مرة و فاش تيدويو حتى جات البنت اللي تكلفات بشعر صفاء بغات تغسلولها و أميمة كذلك عطات لبنت اخرى تصاوبلها الشعر و دارتلها شوية مكياج..!!
دوزو وقت خاص بيهم يرفهو على بعضهم شوية، النساء دييما باش يطلعو الموود كايحتاجو وقيت فحال هذا
يبدلو شوية اللوك..!!
يخرجو يتحررو يضحكو ينشطو يديرو شوپينغ..!!
ماشي الدار الدار الدار و الملل القاااتل...
وقفات صفاء قبالت المراية كاتشوف فشعرها اللي غي نشفوهلها و دارولها مثبت باش مايتنفخش .. الصبغة اللي دارت من فوق أسود و من تحت فالموڤ .. خلاته على طولته جاها غزاالل و بينها نوعا ما .. جريئة و مثيييرة..!!
قربات هزات واحد العكر منزل تما دوزاته على شفايفها .. غي عكرات بيه تمذقاته و هي تبسم .. مذاقه مثل الفريز و رائحته كذلك غزالة، عاودات عكرات بيه و حاولات قدر المستطاع باش ماتاكلووش من جديد .. جرات الجاكيط ديالها لبساتها و شافت ناحية أميمة اللي وقفات كاتشوف فيها .. بانتلها فحال بنوتة صغيورة مع بحجمها ماغليضاش و قليولة و التقطيعة اللي دارت صغراتها اكثر خصوصا مللي قطعات قصتها .. تبسماتلها و قربات ناحيتها
-هههههه جيتي غزااالة
أميمة:حتى نتي و جاك هاد اللون زوين، والله عندك الجرأة على الألوان
صفاء غمزاتها:انا ضروري مانخدم عنصر الجرأة فحياتي راه بلا بيها مكاينش اثارة و جديد فالحياة ههههه ساعتها نبقى ندور فحلقة وحدة .. و هادشي متنحملوش
شدو فبعضياتهم أميمة قادات شالها و هزو ميكاتهم اللي تقضاو .. خلصو فلاكيس و خارجين لبرا كايضحو وجههم مبشوور و منووور حتى توقفو بزوجهم دقة وحدة مخرجين عينيهم فعماد و صفوان اللي كانو واقفين عند باب الصالون كايتسناو فيهم جنب الباب..!!
شافو فبعضياتهم دقة وحدة كايتحنحنو و يدورو فعينيهم..!!
ثوثرو و لكن صفاء ثوثرها كان أكبر..!!
عينيها حاضيين صفوان اللي كايطلعها و ينزلها بنظرااته السوداااوية الحااادة و النااارية .. عضات على شفتها السفلية بقووة و شافت ناحية عماد اللي قال بحدة
-لا تبارك الله عليك ألالة، علاش خارجة بلا ماتقوليهالي؟؟ ولا رجعت انا للدار بلا مانصوني عليك و مالقيتكش و قلت راها واقعالها شي موووصيبة؟؟
أميمة دلات شفتها السفلية و شافت فصفوان حشمانة .. مبغاتوش يدور فيها فحضور خوها:ا انا خرجت غي مع صفاء و جينا غي للصالون ماشي...
قاطعها صفوان بهداوة:بانتلك هاد صفاء مطفراه؟؟ بنفسها خرجات بلا خباري (شاف فيها مخنزر) شهاد الحااالة خارجة بيها و شكون أصصلا خلاك تعتبي برااات ديك الدااار؟؟
صفاء بعبوس:شمن حالة خارجة بيها..!! (قلبات عليه عينيها) ديك الدار خنقاااتني و حتاجيت نخرج شوية ماشي فحبس انااا
صفوان تنهد بقلة صببر و شاف فعماد:الله يرزقني الصبر مع هاد المرااا
عماد:حلوها بيناتكم ولكن بلا عصااا (علا فيه حاجبو بتحذييير و قرب جر اميمة من يدها) انا غادي دابا
خلاهم واقفين و مشا بأميمة ناحية سيارته ركبو و انطالق ديك اللحضة ..
بقاو مقابلين بزوجهم مع بعض، طلعها و نزلها بعينيه .. شاف دوك الميكات فيديها و هو يعقد فيها حواجبه
صفوان:منين جاوك فلوس هاد الصالون و دوك الحوايج..!!
صفاء عوجات فمها و تكلمات بشموخ و كبرياااء و أنفة:واش سحابلك لا تزقرمتييي معايا مغانلقاش فلوس ولا شنو!! انا ماشي جالسة بلا حتى درهم راني جااامعة لدواير الزمان
صفوان:ايييه جامعة، مزيااان الله يباركلك فالخير
عوجات فمها تدوي و تتعوج و تقلب فعينيها معفرة:اميييين و لهلا يخليني نحتاج شي واحد يصرف عليا
عض على شفته السفلية بقوووة تيتغدد عليها و يزير على قبضة يده، تيحاااول يضبط نفسه و يتكلم بهداوة و يثبت نفسه و لكن شكووون خلاك..!!
بانله واحد الواحد دايز من وراها غادي و كايطلع و ينزل فييها و عينيها على مؤخرتها..!!
زير على شفتها السفلية بقوووة و شرااسة اكثر من اللول عاقد حوااجبه و جرها عنده من كوووعها لصقها مع جسده بغضب حتى شهقات مخرجة فيه عينيها و حالة فمها بداك احمر الشفاه الأحمر المثير..!!
صفاء دفعاتله يده مخرجة فيه عينيها:شوووف اخويا براكة ماتدير عليا دور صعصع .. هادو حوايجي و هذا لبااسي، تحكمتي فيا كثر من القياااس براكة ماتزيييد فييييه
تنترات منه غادة سابقاه مخنزرة، هو تحكمممم فنفسه كايبزز على راسو، تبعها وراها مباااشرة مخبي خيييرو بجسده .. دفعها بيديه ضهشرها حتى وقفها جنب واحد الموووطور .. شافت فيه مستغربة و هو يتمتم ببرود و نبرة خااافتة عكس عصبيته الجاامحة اللي كاتحرق فصدره من الداخل
صفوان:طلعي
صفاء موسعة فيه عينيها:موطوورر؟
صفوان:اه موطور مالك مارضيتييش بيه؟؟
غا سمعاته شنو قال وسعاات ابتسااامتها و قهقهات قهقهة مسموووعة عااالية .. طلعات فوق الموطور و هو يجي لقبالتها طلع .. مجايبش معاه كاسك مامدولهاش .. ديماارا غادي فالطريييق و هيييي كاتضحححك و تزير على خصره بيديها معانقااااه بقوووة و كتغووووت مع صوت محرك الموطووور المسموووع
صوت قهقهتها الخفييف أطرب مسامعه..!!
خلا ملامحه تستبشر و عينيه بغاو يتسدو من ديك الابتسامة الخفيفة اللي تبسمها..!!
رغم أنه معصب منها و منرفز و الشياااطين كايحفرو داخللله إلا ان هاد الضحكة الرنانة منها خلاته يضحك بدوره بدون مايحس..!!
عض على شفته السفلية مكمل طريييقه و دورتهم الطويييلة و يديها اللي معنقييينه كاتخلي راحته تزيييد و ابتسامته توساااع .. حتى حس بيها كاضربه فضهره باستمرااار و تمتمااات بصوت عاااالي باش يسمعها
-وقف وقف وقف وقفففف
توقف شوية و شاف ناحيتها مستغرب .. هي شافت فيه بعويناتها مليناااهم و صنعات نظرات عيووون القطةةة مدلية شفتها و تمتمات بصوت خااافت حنوون مدورة يديها على خذوذه بلمسة رقيييقة خلاته يغمض عينيه ببطئ و تفاحة آدم تحركات بالمحل فحلقه..!!
صفاء:عفااك خليني نصوگ أنا شوية عفاااااك
طول طريقهم فالسيارة و هوما ساكتين، هي معبسة بملامحها مكاتنطق مكاتكلم و هو كايصوگ و يشوف فيها مرة مرة و يحك على شعره بيديه
مللي طال الصمت توقف بالسيارة جنب الطريق و شاف فيها
-مالك، باقا مقلقة مني؟ ماثقتيش فيا!!
علات فيه عينيها معبسة و تمتمات بنبرة خافتة:علاش ضرتي فيا قدام صفوان؟؟
عماد علا فيها حاجبه:هادشي اللي عصبك دابا؟
اميمة بعبوس:و داكشي دالبارح حتى هو مانسيتوش و مغانساهش حتى تعتارف بشنو درتي و معامن كنتي
عماد تنهد و شاف قبالته:و دابا انا بغيت نتصالح معاك و جايبك تشوفي المفاجئة اللي كنت كانوجدهالك من زمااان و نتي مزال مقلقة!!
علات عينيها كاتشوف فين كايشوف و هي توسع عيينييها و شهقااات حاطة يدها على فمها!!
شاف فيها مبسم ابتسامة خفييفة و هي نزلات من السيارة كاتقهقه و تشوف فجنابها بنظرات مبهووورة .. شافت فيه مامثيقاش و هو نزل ورائها عنقها من جنبها و شيرلها لواحد المحل بصبعه:ياك هكا كنتي كاتقولي باغا تكون خلفية المحل ديالك!!
عماد غمزها:وانا نفذتلك شنو باغا، المحل تكرا و شريت شنو غايتحتاج، غا هو نتي مغاتخدميش بوحدك حيت هادشي خطر عليك و على البيبي، عرفتك كاتقنطي بزاف و مابغيتش نبقى نشوفك كاذبلي هكاك قدامي .. المحل مابعيدش على الدار أصلا
وسعاات ابتساامتها بفررحة عااارمة و بدون ماتحسس نقزاات عليه عنقاااته بقوووة كاتزززير علييه و بالزز باش حبساات صرختها اللي حسات بيها فأعماااقهااا:كانبغيييك بزاااف احبييبييي شكرا شكرا شكرااااا
تبسم ابتسامة حنوونة كايطبطب على ضهرها و هي تتراجع للوراء كاتشوف فالمحل من جديد و جراته من يده ناحيته كايتمتم بحمااس:حل الباب نشوفو من لداخل و نبلانيلو كثررر .. ههههه عاد هاد المنطقة راها فيها الراواج و غاتعجب الناس الحلوة اللي كانصاوب
عماد وقف كايحل المحل و هي كاتسنى فيه .. حلو و دخلو لداخل بزوج .. كانت ريحة الصباغة باقة طرية فيه و گاع الادوات باينين فيه جداد .. كاين كثر من فران واحد كبار و ليطان و أدوات كثاار لصنع الحلوى بجميع الأشكال و كاين حتى بعض القوام .. عضات على شفتها السفلية بقوة و تمتمات بنبرة حنونة
دلات شفتها السفلية لتحت و هو يجرهالها بأصابعه حتى لواهالها:القررردة .. نتي راك قردة و فيك الفعااايل
اميمة عنقااته كاتضحك:ولكن هاد المفاجئة هادي غاتخليني ندير عين ميكة و نحاااول نثيق بنية صغيرة اللي دارتها
تبسم ابتسامة خفيييفة و حاوطها بيديه، همسلها بخفوت فوذنيها:لاماكانتش الطبيبة عاطياني الحظر كنت نتكي مك فوق داك الپوطاجي ندشنو هاد المحل
تبسماتله بخجل مخشية فيه:هنننننن
تبسم بدوره و باسها بقوة من عنقها .. براااحة كبيييرة تيحسها غي معاها هي، بوحدها..!!
.
.
.
شادة فيدين الموووطوور بيديها بزووج و يديه فوق يديها، قلبو البلايص جات هي القدااام و هو ورااها .. معاونها كايصوگو بزوووج و هي كاتحل عينيها بالزز مع ديك الريح القوية اللي كاتضرب فعينييها
صفاء بابتسامة وااسعة:يااااي كانحمااااااق على المااااطر ههههههه
صفوان تبسم بهدااوة معاونها، مدواش غي حاضي بعينيه و ابتسامته و نظراته فيهم الكفاية يقولو شحال هو معجب بيها فهاد اللحضة..!!
كايقولو و يعاودو شحال من حاجة حاسها فداخله..!!
خاصها غي تحس بيه حتى هي و تفهمه و تقرا عيونه..!!
ساعتها غاتعرف شحال هي حمقاااء اللي مضيعة شخص بطييبته و حنانه..!!
شخص مغايتعوضلهاش..!!
جبسات بالموطووور فجأة فواحد البلاااصة حتى تهز و تحط بيييهم بطرريييقة كاتخللع و هي غوتاات بالجهدد مغمضة عييينيييها
حسات بيديييه حاوطوووها من خصرها شااادها فحالا باغي يحميييها..!!
زفرااات بارتياااح مللي مطاحش بيهم داك الموطور .. شافت فيه مبتاسمة و شافت ناحية واحد الكروسة كاتنتعتليه بصباعها:تشهيت الفرييييسة
صفوان بتسائل:شناهو؟؟ كيفاش فريسة ثاني؟
صفاء بعبوس:الفريييسة أزمر شعاااااندك
صفوان:صافي مرة مرة تتقلبي و تشقلبي وليت نفهمك، عفاك ديريلي الترجمة..!!
عبسات فيه مخنزرة:زمررر نتا زمررر، فرييسة هي الفريييز
صفوان ميل شفايفه مستغرب:و علاش فريييسة كاتلويييها هكا، كاتدلعيها زعما؟
رمقاته بنظرة غاااضبة و هو طول الشوفة فعويناتها و نظراتها الغاضبة، تبسم ابتسامة خفيفة .. غمزها و قرصها قرصة خفييفة من خذها
نزل من الموطور و مشا .. حركاته الأخيرة دارهم بالزربة ورا بعضهم خلاها مخرجة عينيها فيه شادة على خذها و خفقة فشكككل حساتها فقلبها..!!
خفقة و زدحة خلات تنفسها يتساارع
بقات متبعاه بعينيها كاترمش فيه ببطئ مميلة راسها للجنب .. حتى وقف على مول الكروسة دالفواكه .. كان عامر تسنى نوبته شوية بشوية حتى بقاو زوج تما..!!
هو و واحد البنت .. حاضياه من بعييد متكية على المقدمة دالموطور حتى عقداات حواجبها بقووة و قادات جلستها مزياان مخرجة عينيها فيه..!!
واش ديك البنت اللي واقفة جنبه عاد دابا قاصته..!! ضحكات معاااه..!! تبسملهاااا....!!! (خرجات عينييها كثرر بحدددة) كاتدوي معاه بطلاقة و هو كايشوف فيها .. عينيه فعينيها و ابتسامته الخفيفة اللعييينة حسساتها بالغضببب و خفقات قلبها تزااايدو بعنففف..!!
شتماااته فدااخلها بوااابل من الكلمات اللي مكايتسمعوووش و نزلات من فوق داك الموطوور بلا خاطرها .. يلاه بغات تمشي ناحيته و مع الشااانطييي هو اللي بييناااتهم .. غا تقدماات ببضع خطوااااات مشافتش فالطموووبيييل اللي جاااية قبااالتهاا..!!
"طييييييييييط"
-ااااااااي (طااااق)
صوت وقعة قوووية تسمع بصوووت عااالي و تكحاط روايض ديك الطموووبيل كان مزعج فوذنيها و واذنين كل الناس اللي فداك الشاارع و وذنيه حتى هو..!!
شاف نااحيتها مخرج عينيييه .. بانتله ناضت وقفااات و شافت فمولات الطموبيل اللي كان غاتخبطها و هي من خوووفها و الخلعة اللي تخلعاات تعكلات و طاااحت كانت غاتجي على فمهااا..!!
شافت فمولات الطموبيل مخنزرة و ضرباات بيدها على سيارتها:نتي حماااارة غي مددرمة بهاد الزبل دياالك
البنت طلات عليها من لداخل:اسبحان الله اشريفة، شكون اللي قاطعة و الإشارة خضرا؟؟
مولات الطموبيل حلات الباب نازلة عندها و هي مخرجة فيها عينيها .. قربات عندها تا هي مقندشة و طاالعة فالسما!!
مولات الطموبيل:شنو قلتي !! تنتفيني أنا هههه
صفاء كاتعلا و ترطا مكانها:اااااه ننتفك و نخسرلك داك الوجه اللي فرحانة بييييه
مولات الطموبيل علات فيها حاجبها، تبسمات ابتسامة جانبية و بسرعة غفلاتها تلااحت عليييها عطااتها بتصرفييقة .. غا حسات بيدها تحطات على خذها طاااااارت عليها صفاااء نقزااتلها على شعرها و هبطاتلها راسها لتحت .. كاتنتتف و تشتف و تزييير علييها و تغدد
البنت كاتغووت بااغاا تضربها كاتقرصها غي من الفخاض هوما اللي تشدوولها و صفاء كاتهرب فخاضها و تعطيها للراس و الوجه و تنتفها:اليووم نشرملك، اليوووم نگددك اليوووم نخرج فيك غداايدييي
هو شاف شنو طاااري من عنده قرب عندها طاااير بعدما خلص بالزربة مول الكروسة، خلا ديك البنت اللي كانت واقفة معاه بلاكة و قرب ناحيتها على وجه السرعة شد فيها كايجرها عنددو و هي مغددة كاتنف فالبنت
صفوان بحدة:صفاااء برااكة، واش حمااقييتيي
صفاء كاتبكي و تنتفها:اهئ هنننن ضرباااتني صرفقاااتتنييي تستااهللل ماكثررر (عطاااتها صقللة دوخااتها و هو يجرررهالو كثررر دااافعها معاه حتى وقفو جنب الموطور بقات ديك البنت سخفاانة فالارض تتنهج و الناس تجمعو عليها كايرشو عليها الما)
علات فيه عينيها و هي تقندش كثثثر و علات حواجبها بحددة .. نتراااتلو يديه من عليها كاتمتم بغضب:الغداااار نتاااا عاااد جاااي تا كنت غانقتلها عجباااتك ديك الكلبة لوخرى ياك عجبااتك!!
صفاء شافت ناحية ديك خيتي حاضياهم من مكانها:شكوون هااديك؟؟ داير حراام عليا و حلال عليك ولا شنو؟؟
صفوان:شكاااتخربقي!! البنت سولاتني و صااافي (جرها من ذراعها ناحية الموطور) زيدي ركبي و نتي عقلك ماعرفت فين سافر بيك و زااايدووون (شحطها لمؤخرتها بيدو حتى قفزااات و شافت فيه مخلووعة) متنزليييش من الموووطووور دابا و برااكة من البسااالةةة مشيت دقييقة و نتي تبداي فالمطايفاات ديالك مكاترصاايش
طلع هو اللول و شاف فيها عاقد حواجبه:طلعيي
طلعات وراه معبسة و هو مخنزر كثر منها بغات تسكتلو القلب بطييرانها..!!
ضن الطموبيل دازت فيها مللي سمع داك الصووت و لكن غا دور عينيه و شافها كاتنااتف و تتغاوت بديك الطريييقة طاار لعندها يفكها..!!
زيرااات عليه من خصره كاتنگر:الزبلة بنت الحرام بغيت نقتلللها نوريها تصرفقني، و نتااااا (عطااتو لكتفو بقوووة) عاوددد وقف مع شي كلبة و شرعلها داك الفمممم، عاود ديرها و شوف شنو ندييير فطواااسلك اععععع (عاوداات عطاته لكتفه مغددة حتى انطااالق بسرررعة خلااها تزييير عليييه و تخشات بوجهها وسط ضهررره بقوووة وسكتااات)
تبسم ابتسامة مستهزئة من كلامها و عصبيتها و عنادها الخارجين عليها داز من جيهت البحر و هو يحبس فواحد المنطقة شوية خاوية و لكن كتطل على الناس كايعومو .. نزل من الموووطور كايجبد فيدييه و يتكسل و هي تبعاته كاتقيص فواحد الخبشة فعنقها
صفاء بعبوس:بنت الحرام خبشاتني
علا فيها عينيه و ركز فالخبشة:همممم نتي كاطيري عبرات عليك
صفاء معوجة فمها:كانت غاضربني بالطموبيل و زادتها بالتسنطييح، اصلا عبرت على طوااسلها .. الحشرة صرفقاتني انااا (ماتصرطاتلهاش ديك التصرفيقة تدور تدور و تعاودها)
صفوان شاف ناحية البحر و الناس فيه كايتشمشو و يعومو:اممممم مزياان
خرجات فيه عينييها و جرااته من يده حتى شاف فيها:واااش نتااا مكاتحسش لهاد الدرجة!! شنو هاد برودة الدم اللي فييك؟؟
صفوان بتسائل:شنو باغاني ندير؟
دفعااته عاطياه بضهرها مربعة يديها:ماتدير والو، اصلا شنو كانتسنا منك نتااا (خنزرات فيه) و متبقااش تدوي مع البنات
شاف فيها معلي حاجبه باستغراب و كلامها و حركاتها جاوه فشكل:شهاد الحركات ثاني، التبرهيش عندك بجميع الاشكال؟
بغا يهز يده فوق راااسه و يغوووت بأعلى صوته من كلامها المتضاااد بوحده، كل خطرة و شمن وجه عاطياااه..!!
هي شافت فجنابهم كانت الدنيا خاوية نوعا ما فالبلاصة اللي وقفو فيها .. رجعات شافت فيه و نغزاته من ذراعه
شاف فيها معلي حاجبه و هي تغمزه:شنو جايين نديرو هنا؟
صفوان ببرود:شمي الهوى دالبحر على الله تتنقاي شوية..!!
صفاء بعصبية:بنتليك موسخة ولا شنو قضيتك اخويا؟؟
صفوان بقا كايشوف قبالته بصمت مجاوبهاش: (الصمت)
صفاء:اسبحاان الله اشريييف؟؟
صفوان: (الصمت)
صفاء:ياااربي عفوك و رضاك و شي دااار فشي جزييرة بعيدة على هاد الزبل (جراته من يده مخنزررة) اااااا ننننننتت... (قبل ماتكمل كلامها و مع الجرة الي جراته بقووووة و كانت قريبالو، غي دار فمه جا لاااصق ففمها و أنفاسه تخالطو مع أنفاااسها و عينيها تغمضووو مع عينيه دقة وحدة بدون مايحركو شفايفهم)
غي ديك التلصيقة بقات و مذاق داك العكر بنكهة الفرييز خلاه ببغي يزيد يجرهاله حتى قفزو من صووت سمعوه من قدامهم
-لا زييدو خوذو راحتكم زيدو!!
شافو بزوج ناحية هذا اللي دوا .. كان بوليسي بكسوته و صطافيط واقفة جنبهم .. خرجو عينيهم بزووج فيهم و تمتمو دقة وحدة
صفاء/صفوان:راجلي/مرتي
البوليسي ضحك ضحكة مستهزئة:كذبة قدييييمة هادي (شاف فواحد البوليسي معاهم) اري داك المينوط نتا لهنا و طلعلي هادو (شاف فيهم مبسم ابتسامة جانبية) غياخذو راحتهم كثر فالسيلول واقيلا و لا شنو بانليكم!!
بدون قيود الجزء التاسع
محتوى القصة
التنقل بين الأجزاء