تبنيت زوجتي الجزء الثالث

روح وجهاا ولا حمر...
تترعد...شافت فالزربيةة و كمشات يديهااا...بعصبيةة
وقفات وشافت
فالفيروز لي كتمسح حالتهااا
و نونو هي الاخرى..تتمسح
وجها...
شارف راسها كتقطر..بلوبيااا
تمشاات كتجري...طالعة لبيتها
وبزز باش حابسة البكيةة
دخلات و سدات الباب...
"هييييئ هييئ هييئ الله ياخد فيك الحق...كيفما كدير ليا هكا بغيت ربي يعطيك الشلال "...
تتنهج و تنخصص....وقفات
وتمشات لدوش...دوشات
و خرجات شافت راسهاا
فالمراية ورجعات تتبكي...

"والله لبقيت صابرة ليك
ياك غير هد الفيلا لي جامعانا انا غادي نمشي و نخليهاا ربح بيهااا هيييئ هيييئ هييئ"

تبكي وتنخصص و تمسح بطرف الكابيتشو ديالها....
وقفات و تمشات لبلاصةة
ديال حوايجها حطات باليزتهاا
وعمراتها بحوايجهااا.....
وميكاب ديالهاا وشي
تخربيق نونوسات و مونيكات
و شي تصاور ديالها مع فيروز...




واسمهان...هزات تصويرة
ديال ماماها و باباهاا حطاتها
فحوايجهاا و سدات ديك
الفاليزا....
و بدات ثاني كتشوف فحيوطة ديال بيتهااا

روح تتنخصص..
"هء هء هء هء علاش تتبكيو دابا؟؟؟ وصاافي راه غنمشي و لكن متخافوش علياا راني غنكون بيخير تهلاو فراسكم
باينة غيرد بيتي كوري ولا طواليط فش غادي نمشي هء هء هء...وصافي (كتشوف فسرجم) علاش تتبكي تا نت؟؟ ايييه خاصك تكون فرحان حيت غادي تهنى مني مغنبقاش نديرك باب و نقز منك (حنات راسهاا و بدات تتمسح دموعهااا))) راه واخا نتوما جامادات ولكن راه كنحسبكم بحال خوتي ياك (كتشوف فالمراية ديالها)...ديما كنصبح عليك كل صباح...و عمرك قلتي ليا كتخلعي خخخخ " ......
سكتات و رجعات تتنخصص
"ههييييييي هييييي لالالالا منقدرش نمشي و نخليك بيتيييييييي "

تكمشات فوق سريرها تتبكي..

🌼داز الوقت ....وحل الليل

مزال فنفس وضعيتهااا....
مكمشةةة و نااعسةةة...
تتلعب بصبعهاا فوق سرير...
وتتفكر...سمعات الباب...
كيتحل و هزات راسهاا
"ماما"
فيروز دخلات و سدات الباب
"روح بنتي صافي مديش على فهد راه تا نتي مدرتي فيها ميصلاح ابنتي راك كبر منك بحال خوك الكبير و نتي راه ختارقتي ليه خصوصيااتوو حشومة ابنتي "

روح خرجات عينيهااا وتتبكي
"اه اه اه كدافعي عليه؟ حيت هو ولدك و انا غير متبياني حيت هو من دمك و لحمك و انا واليديااا ميتيينن يااك"

فيروز تنهدات...
"استغفر الله ابنتي قولي اعود بالله من شيطان رجيم
راكي بحالك بحالو بجوجكم بحال بحال نتي بنتي و هو ولدي"

روح ربعات رجليهااا
"هد الهدرة مكثأترش فيا
الحقيقة باااينة
كون كان بصح متخليهش يدير ليا هد الحالة..."

فيروز يلاه اتقرب منهاا و هي تحبسها بيدهااا

"متقربيش مني سيري عند ولدك حبيبك "

فيروز غمضات عينيها و ستغفرات الله فخاطرها

"الله يهديك ابنتي راكي بحالك بحالو...ماكاينش الفرق بيناتكم...مهم اجي تعشاي"

روح هزات كتافها بلا مبالات
"مبغيتوش عشاكم خليه عندكم"
فيروز
"الله يهديك ابنتي "
تمشات خرجات وسدات الباب موراهاا...

روح شافت الباب تسد
ورجعات تتبكي....
"كدوووب كدوووب انا انا انا لييي كانو كيبغيوني ماتو هء هء هء هء هء اصلا مغنبقاش هنا"...
وقفات ومسحات دموعهاا
هزات فاليزتهاا و ربطاتهاا بليزار طويل و هبطاتها من سرجم...!

رجعات تتشوف فالبيت شحاال
وعاد رجعات..تا هي هبطات

وصلات للارض و هزات فاليزتهاا و تمات غادةة..
تتبكي و تمشى....

نقزات صور...وضورات راسها تتشوف فالفيلا...
دوزات حياتها هنا لدرجةة
دوزات الحلاوة و المرة فهاد دااار صعيبةة و قاااصحةة
تخرج منها!...
جرات فاليزتهاا و غادة حانية راسهاا....


تتمشى و فيما تبان ليها شي حجرة ضربها برجلها تا تكركب..

مرة مرة تتوقف و تنهد وتشوف موراهاا💔

روح
"صااافي اروح نساااي غادي تبداي حياتك من صفر و تنسااي هدشي هء هء هء واخاا صعيب"
رجعات جرات الفاليزاا...
و تتمشى و تلعب برجلهاا...
تاوصلات لبلاصة الخااصةة
بالطاكسياات...
خدات طاكسي...لحي ديال
منصف...

ساعةة و حطهاا الطاكسي..
فحي...
مول طاكسي ضرب بعينو بانو ليه شي كلوشااراا
شاف فروح هابطةةة
"تسنااي ابنتي ردي بالك اش جابك فهاد ليل لهاد بلاصةة؟ راه خاايبة شوفي دوك بزنازة"
روح هزات كتافها بلا مبالات
"متخافش عليا الحاج شكرا ليك"
مول طاكسي وقف ومراقبها
تاا هبطات و خدات فاليزتهاا
عاد تحرك!...
روح كتجر فاليزتهاا
وتمتم غا بوحدهااا...

شخص 1
"وينووو فين غادي زين زربان؟؟ تشااا حشوومة هد زين غادي بوحدو نونسكك الغزالة؟؟"
روح خنزرات فيه و تمشات
شخص2:
"مممم دافعا علينا زينك كبير اساطة ممممم مي من حقك راه رووسيااا اصاحبي ممممم واش كولشي زعر وولا غير شعر؟؟"

روح صبرهاا تقااداا وقفات و شافت فيهم...
"كولشي طويل و لا غير لسان؟؟"
شخص1:
كيدوي و يتماايل
"هههههههههههه وهدددددف وااعععععع اعشيري بنت كتهينك فكرااامتكششش"
شخص2:
"سكت انا غادي نتفاهم معاها نوريهاا كيفاش تهيني"..
تمشاا و كيطوي فكمام يديه
"والله تااا ندمك"
خشا يديه فجيبو و جبد زيزواراا
"ديك الكمارة لي فرحانة بيها ليوم نرسم ليك فيهاا خط غرنيتش"...
روح سدات عينيهااا و بدات تترفج ....
رجليها خواو عليهااا
كتمتم...
"نننتتتت ببعدددد منننييي"

الشمكار خنزر...
"غادي نوريك البعلوكا نتي ضحكي على شااقور ولد مينة ههههههه انا نوريك "
جبد زيزوارا و كيشالي بيهااا
ويضحك....
روح
"عععفاااكككك بعددد مننيي"

كترجع بلور و قلبهااا
كيضرب بمئات..💔...والالاف
و بزز بااش واقفةة على
رجليها
تترعد و كدير برااسهاا لا
خاايفةة ليخصر ليهاا وجهاا
اما هو مهااموش الحاال عندو زايد نااقص...
مهم يخصر ليها وجهاا ويخلي ليها سيكاطريس
مزوق وجهاا تقول هو واش يرضااهاا لراسو ولا لختو و لا لمو!...

روح شافتو غير مزاد كيقرب..

بزربااا طلقات ديك فاليزاا..
وضرباتها بجريةة
شمكاار بزرباا تبعهاا تا هو علق
تابعهاا...
روح تتجري...و تقول واش كتلفت..!
كتجري و عاطيااا رجليها لريح
خاصها غير...تبعد منوو
تتجري بلا عقل لدرجةة
معرفات تا فين كتحط رجلهاا

محسات غير براسهااا
كطيح و كتجي على فمهااا
بغات تنوض وهي تحس
برجلهاا كضرهااا
"ايييييييييييييييي"
غوتات بجهددد و ضورات
راسها تتشوف رجلها واحلة فقاادوس ديال زنقةة مهرس
بدات تتجبدهاا و والو

كتسمع خطواتو قرااااب
وعلى بعد مساافةة قليلةةة

بزااف روح تتنهجج...وتنخصص
حسات بيه قرب...وبعيد
عليها غير بشووياااا...هزات
راسها و هي تشوفو جااياا
نيشان تحولو عينيهااا
لمعان الزيزواراا....لي كان
ناصع...
سدات عينيهاااا و كمشاات يديهااا
كدعي فنفسهاا ربي يعاونهااا


اما هو غير مزاايد...كيقرب

كيبتاسم...
"اوى ليوومةةة نخلي كمارتك عبرة لمتكبرات..عههههه"

قرب حداها يلاه هز يدو...

يضربهاا تا حس برااسو..
طار من بلاصتو....
شمكار طااح مبقااش قادر
ينوض...
روح حلات عينيهااا و هي
تشهق...."نتتتتتتت!؟"
شاف فيهاا و طلع حاجبو
"كان عندي فضول فين غتمشي "
روح تتحاول تجبد رجلها
من داك قادوس..
"ماااشي سوقك اسيدي دخل سوق راسك مالك تابعني اش باغي عندي ياك خليت ليك الفيلا ديالك علاش تابعني"

فهد ربع يديه و متبع دوك الملامح الفاتنةةة ديالهاا

"عند من جاايا؟؟"
روح ممسوقااش ليه غير
مدابزة مع رجلهاا ...
فهد تنهد وتحنى هز ديك حديدة بيد وحدة
وجبد ليهاا رجلها و هي توقف
شافت سروال من جيهت
ركبتهاا كولو مقشر...
و دم خاارج..منو
بدات تتبكي و تنخصص
عاطيها الحريق..
"هيييئ هييئ هييئ علاش انا تابعني هد نحس علاش"

فهد غير كيشوف فيهااا
جاتو بحالا دخلات فشي
هستيريةة..
فهد تنهد و مشاا يهز فاليزتهاا
وهي تغوت خلعاتو
"واااععععععع حيد حيد حيد
يدك الله يعطيك الگرض بعد من باليزتي يااا شلاهبي"
فهد هز فيها حااجبو بمعنى
واش منيتك!؟
روح لي فيهاا ممهنيهاا...
تمشات تتعرج خدات فاليزتهاا
و تمات غادة تتعرج و تجر
فاليزتهاا
فهد مسح على رااسو.....
و شاف تيليفونو كيصوني
"وي الو"
فيروز صوتهاا كلو كيترعدد
خاايفةة و تتدوي و تقطع هدرتهاا من اثر اعصاابهااا

"ولدي واش لقيتيهاا عفاك اولدي جيبهااا"

فهد مسح على وجهوو
"اه هي معاياا كوني هانية"

قطع عليهاا ورد تيليفونو
لجيبو من نهار جاا وهو غير
تابعهااا فمصايبهااا....
تمشاا تابعهاا...وهي تتعرج
و تجر فالباليزاا فنصاصات
ليل فزنقةةة و دنيااا مضلمةة
وغير هي و يااه لي كيضورو
فهد تابعهاا و يديه فجيبوو
كينسنااهاا فين غادي توصل
بهاد قصوحيةة رااس ...
دقاائق...كانت...واقفةة عيات
ورجلهاا كضرهااا
وقف و شااف فيهاا مطول شوفةة

"اوى؟؟ عوالة تنعسي فزنقة؟"
روح شافت فيه وتنهداات
"غادي نرجع ولكن بشروط"

فهد بتاسم ابتساامة جانبيةة
"وانا شكون قااليك بسلامة باغي نرجعك؟؟؟ باش نقبل بشروططكك؟؟؟"


روح وسعات فيه عينيهااا

"وعلاش بسلامة تابعني لمكنتيش باغي تردني؟؟؟"

فهد خرج يد من جيبو و قاد بيهااا شعرو بغرور...

"جا على بالي نستكشف هد الاحياااء فليل "

روح كاتمةة غيضهاا و غضبها
"اييععععععع سير بعد مني حقييييير"

فهد بتااسم و ضور وجهو كيضحك عزيز عليه يعصبهااا
فهد:
"مممم عرفتي شنو بقيتي فياا يلاه نرضك "
روح شافت فيه...ودارت براسهاا اه
"وشروطي؟؟"
فهد جبد فيها عينيه
"ومزال شروط؟؟ "
روح بتاسمات و هزات راسها باه
"ضروري من شرووط"
فهد بتاسم..."قولي نسمع"

روح بتاسمات.
"اولا حيت نت سبابي بش خرجت غادي تعوضني على الالم لي سببتي لياا"
فهد شاف فيهاا ديك شوفة دياال ربي ربي..
فهد كيدوي و كيضحك
"لحد الساعة مسببت ليك حتى ألم! لي هلا يطيح علينا شي بااطل"
روح خخخ فهماتهاا وهي
ضربوو
"ايييييه عقلك موسخ زعما جرحتيني فكراامتي"
فهد ربع يديه ويد دايرها تحت ذقنوو
"يلاه كنسمع زيدي"

روح...
"مهم غادي ترجع تعطيني كود ويفي ...و ترد ليا تيليفوني ووو (كتفكر)"
فهد..
"اوى جمعي وطوي...وبركةة"

روح هزات راسها بواخاا
"صافي صافي هدشي بركة"
فهد خدا ليهاا الفاليزاا...
و جرهاا و هي تابعااه..وكتعرج
وقف و شاف فيهااا....
وقف قبالتهاا و ركع على ركابيه
"طلعي فوق ظهري"
روح تصدمات فيه...."واش نركبك؟؟"
فهد ضار شاف فيهااا و خنزر
"بلا متندميني طلعي "
روح جاتها من الجنة و النااس

فرقات رجليهاا و ركباتو من ظهروو و حاطة يديهاا
على كتافو العرااض و الواسعين...من ناحية العرض
كتلعب برجليهاا وراكبااه
تقولو راكبة حمار خخخخ
فهد جار فاليزتهاا بيد و هي لصقة فضهرو كي جراانةة
فهد عصباتو برجليهاا
"وهدااي وااش راكبة حمار؟ بقا ليك غير تغني اركب الحنطور"
روح سكتات و بدات كضحك فصمت..
"سمحلياا"
فهد
"ماشي مشكل"
روح .
"اجي بااش عرفتيني خرجت من دار و تبعتيني؟؟"
فهد...
"راه كنت فلوطو فش كنتي خارجةة"
روح وسعات عينيهااا
"دابا نت كنتي من الاول هناا
من اللول تبعتيني وشفتيهم كيتبسلو علياا وبقيتي ساك؟؟"
فهد بتاسم..
"مممم ومن بعد انا قلت ليك هزي فاليزتك و خرجي فنصاصات ليل؟؟؟"

روح تتهز رااسها بلا...
فهد...
"اوى حمدي الله حيت عتقلتك"

روح حطات رااسها على ظهرو
و شادة فيه مزيان...
"شكرا"

فهد:
"علاياش؟؟"
روح:
"حيت تبعتيني كون مجيتيش كان ايخصر ليا وجهي"
فهد بتاسم .
"مممم اصلا كتكسابي الوجه لي يتخصر"
روح محسات تا شحطاتو لضهرو..
فهد عقد غوبااشتوو
"ايييه زيدي زيدي شحطي "

روح بدات كضحك...


وصل جنب لوطو ديالو...
وحطها...حل الباب و طلعات
گلسات...تتلعب بصباعهاا...
حط فاليزتهاا فكوفر....ورجع
طلع وشاف فيها مطول..
"عند من كنتي جايا؟؟"
روح
"عند بيست فرند ديالي"
فهد صغر فيها عويناتوو
"مممم بيست فرند ديالك"
روح تتهز راسها باه...
فهد..
"هد بيست فرند دياالك كتقولي ليه بب مون شيغي زيدي هدشي غير بست فرند؟؟"

روح وسعات عينيهااا
"شششنوووو متقولش ليا قريتي مساجاتي معاه حرام عليك"
فهد بتاسم...
روح..
"بلاتي بلاتي بلاتي واش نت لي بلوكيتيه؟؟؟"
فهد مجاوبهااش كسيرا...و تم خارج من داك الحي...
روح طريق كاملة سااكت...
تتشوف وساكت..شوياا
بانت ليها طريقة مغايرةة
ماشي طريق ديال الفيلا...

روح شداتها الخلعةة مبقاتش
كثيق فيه ياكما ثاني ايديها
لشي جاايحةة
روح كدوي و ترعد!..
"بلاتي بلاتي...واش مغاديينش لفيلا؟؟"
فهد هز رااسو بلا
روح صاافي طاح ليها ماء فركاابي...
"ككيفااششش فين غاديين؟"
فهد
"نوصلو و تعرفي.."
روح صافي..غير مزايد كيلعب ليها على الوتر
الحساس ..
فهد شاف فيهاا و رجع كيشوف فطريق
"رجعي لور بدلي.."
روح خرجات فيه عينيهاا
"علاش غادي نبدل؟؟"
فهد...
"غادي تسمعي الهدرة حسن؟"
سكتات روح تتفكر لاش كيخطط ثاني...
وقف لوطو فجنب طريق...
وهبط شلع گارو وبدا كيكمي
روح هبطات ورجعات لور..
هزات فاليزتهاا و جبدات
سروال اسود جلد..لاصق
كتشوفو متكي على لطو...
و عاطيهاا بظهرو..!
تنهدات و بدات كتبدل
لبسات سروال بزز حيت
ركبتها مضررة...
هبطات كتعرج...سمع صوت
الباب ديال لوطو تحل ضاار
عندها شاافها مزيان حقق
فيهاا مطول و رجع..كيشوف
قدامو..وكينثر من ديك سيجارة
ويرجع..يبخ الدخان فسمااا
روح واقفة حداه وتتلعب
بيديهااا وطوموبيلات كيدوز
من حداهم بجهدد لدرجةة
ريح كيطير شعر..ديال روح..!
و تتبدا ثاني تردو لور...
فهد شاف فيها وبتاسم...
لاح الگارو و دعس عليه...
و رجع عندهاا وقف خلفهاا
وشد شعرها بين يديه...
بدا كيضفرو..ليهاا ...وهي
غير حالة فمها خخخخ...
روح
"احححح بشويا قسحتيني"
فهد بدا كيضحك
"ممم بصح قسحتك؟؟"
روح عااضة على شفايفهاا
"مممم قصحتيني"
فهد خرا بضحك
روح عاد طلعات معاها خخخ
عندها ويفي ثقيل!...
روح ..ومصغرة عينيهاا
"يااااا باااسل يااا وسخ "
فهد خدا ربطة الشعر .
و شد ليها ضفيرة جاتهاا
زوينة خصوصاا💕
مخلياا خصلات شعرهاا
الامامية مليوحةة على
وجهها!...الابيض
شيء لي زادهاا جمال
ضورهاا عندو وشد وجهاا
بين يديه .."ممم دابا مزيان"
روح خنزرات فيه
"فين غاديين عاود ثاني؟؟"
فهد "غير زيدي وسكتي"
هزات راسهاا بواخااا
ركبات ثاني ..وحرك لوطو
شاد طريق...
روح بانو ليها بلاصت الاغاني
وهي تبداا تقلب فالاغاني
حتى طلعات ليهاا اغنيةة
Love your Voice
(بس كنصحكم بيها البنات واااعرة💓)...

غير خدماتهاا روح و هي...
تبدا تغنيهاا بشوياا....
روح كدندن...
My baby i love
my baby i love your voice🎶🎶🎶🎶🎶
oh my baby i love
oh my lady 🎶🎶🎶
روح عجباتها الاغنية غير
مزادت ولات تغنيهاا بجهد
ملاحظاتش تعبير وجه
فهد كي كانو...


روح حسات بالسياارة توقفات
و فهد ضرب المسجل
تا زعزعو ..وتوقفات الاغنيةة
روح ستغرباات بقات غير
كتشوف فيه...!
فهد حل باب اللوطو و هبط
كيتنفس بزز...و كيمسح
على رااسو جبد گارو و شعلو
كيكمي ...!
روح شافت فيه ورجعات
تكمشات...

🌸قبل 10 سنوات🌸
My baby i love
my baby i love your
voice
oh my baby i love
oh my laaadyyy

كيستمع صوت الاغنيةة
مجهد فالصالة
مخلط بصوت ضحكات....💞
كيرقصو بجوج..و يديه
على خصرهاا تتمايل مرة مرة
ولكن كيحكمهاا فش تتجي...
طيح كيطير بيهاا لسمااء...
كيلعب بيهااا كيف ريشةة
بين يديه...
رشيقةةة و جمال ...و طريقةة
رقصهال تخطف الانفاس..
شيء لي غير مزاد مخليه
حال فمو فيهاا💞🔥

سالات الاغنيةة مع اخر حركاتهم...هي بين درااعو و نيفو على رقبتهاا....
تسمعو صوت تصفيقات...
مخلط مع تصفاار...

خرج من وسط المشاهدين
مقدم المساابقةة
هاز بين يديه ميكرو و مبتاسم
"وكيييف كل سنةة الثنائي المثالي فهد و غزلان الفائزين"
غزلان تنثرات من بين يديه
وبدات تتنقزز عكس فهد
لي غير مربع يديه و كيشوف
فيهم ...غزلان طارت خدات
الجائزة..💞
و رجعات كطير عند...فهد
طاحت عليه تتبوسوو امام
الملاء .....شيء جدا عادي
بنسبةة ليهم .
فهد هزهاا و بدا كيضوور بيهاا
غزلان فرحتهاا مكتوصفش
بدات تتضحك...و تتكرر...كلمة وحدة
"كنبغييييييييييييييك"...

شيء لي مزادو غير...فرحةة

🌸بالعودة للحاضر🌸

نثر اخر نثرة و لاح الگارو
وعفس عليه و رجع طلع لوطو...لقا روح
متبثةة و شادة الارض...
كتشوف فيه غير من تحت
ل تحت ...بنص عين
كتشوف الغضب
مثنااتر من عينيه لي كيف
صقر..بلعات ريقهااا و لتزمات
الصمت!...

ساعة كانت كافيةة يوصلو
قدام أحد افخر المطاعم ..
فالوقت الحالي .فمدينة
طنجة...💞
هبط و هبطات تا هي....
مد ليها دراعو بش تشد
فيه..لحقااش مقصحة...
شدات فيه و بدات تتعرج...
ومرة مرة كتوقف ..
تا عياا وتحنى هزهااا
دخل ريسطوو...كان ليل
و دنياا زاهيةة....
عامر و على المنصةة
مغنية تتغني بلبااس فاخرر
فستان اسود...مخملي...و
مكياج سااارخ....
ناس كاملين هزو عينيهم فيهم
فاش يلاه دخلو
اغلبية لي فالمطعم كانو اجانب قليل لي مغاربة
فالمطعم!...

االاجانب عجبهم الحاال
يشوف بحال هد الاشكال
شي خرج تيليفون كيصورهم
شي بقاا غير مبهور فيهم
خصوصا فهد لي كان بااين
عليه شديد 💞 و رجولتو
الباارزة تنخزيرتو ...لي تتزيدو
جمال .💞


هازهاا بين يديه...و تم
داخل بيهاا تحت انظار
الجميع...و الابتساامة
والخجل بايينين على وجهاا
حطها فالكرسي...ديالهاا
وعدل فالملابس ديالو
ورجع گلس قدامهاا....دار
اشاارة للنادل...
وجا عندو فبلاصة همس ليه
فودنيه...ومشاا نادل...
روح تضور عينيهاا على
الريسطو كان زوين اول مرة
تجي ليه
روح بتاسمات
"صرحة هدشي زوين اول مرة
نشوفو "
فهد بتاسم ابتساامة جانبية
"بيان سوغ مغاديش تشوفيه
حيت مولفا غير البيران و شيشاا"
بتاسم بستهزاء....
يلاه بغات روح دوي..

"مسيو فهد!"

فهد حول عينيه ليهاا و بتاسم
"اوزليم"
أوزليم بتاسمات و هي تحط
يدهاا مور رقبةة ديال راسو
وتبادلو التحية بالكيس...
على خدود!...
روح عينيهاا خرجوو وتتشوف
فيهم...
أوزليم بعدات شوياا وحولات
عينيها لروح بتاسمات وقربات
جبدات ليها حنيكاتهااا
"ويينووو لذيذة هد البنت
ختك صغيرة ؟؟"
فهد شاف فيها وبتاسم
"بحال دكشي"
أوزليم بدات كضحك و جرات
كرسي گلسات....
"صرحةة مكنتش متوقعة
نشوفك اليوم صدفةة غزاالة"
فهد بتاسم ليهاا
"وي سي فغي شكديري هنا؟"
أوزليم..."مم هذا غيستوغو دياالي و ليوم العشااء على حساابي يكفي انك جيتي هذا شرف كبير لينااا صرحة زمان مشفتك"
فهد بتاسم "وي سي كنت خارج البلاد "
أوزليم بدات كضحك معاه
ويتعاودو على خدمة
أوزليم كانت صديقتو فأيام
الثانوية ديالو...
كانو كيدويو و نااسيبن روح
لي كانت فالهامش و تتلعب
بالمالعقة بين يديهاا وشوياا
تهز فخوشيت تا هياا تبقاا
تزنزن بيهاا فطبسيلهاا
شوياا بان ليهاا واحد الصلع
شاارف كيشوف فيهاا و يضحك
تا روح جاها على الگانة ديالها
بتاسمات ليه وبدات تتميق
ليها بعينيهاا و دير ليهاا حركات
بعينيهاا و حجبانهاا
الشارف متيقش رااسو
هز كنينيكس و كتب فيه نمرتو
وعيط لنادل مدو ليه و قاليه يعطيه لروح...
روح شافت نادل غيضور يشوف و هي طيح الملعقة
وتحنات تهزهاا السربااي شاف
ظهر أوزليم وسحاب ليها داوي عليهاا
نادل على نيتو غادي بيه
لروح...
روح شافتو جااي لجيهتهاا
وهي تبداا ضحك...
النادل مد الورقة لأوزليم
و مشاا بحالو...
اوزليم شداتها و هي تحماار
وتزرااق
ضارت بان ليها الشاارف
كيفرنس ..وهي تقندش
وناضت...فهد كيشوف وساكت
اوزليم دارت حركة لحرااس
و جاو دواو معاه و خرجوه
روح كتكرشخ بضحك....
كتشوف فشارف و تخرج
ليه لساانهاا....
اوزليم رجعات گلسات
"اوووه يااربي ديزولي مسيو فهد حيت خليتك بوحدك
هانت كتشوف ليفااانزز بزااف و ديما كيوصلوني مساجات بزااف قهروني"
فهد بتااسم
"That's is good my lady"
أوزليم بتاسمات...
"نونونو ممزيانش انا مكنحملش هد نوعيةة راجل لي بغيتو مزال مبغاا يلاحظني"
روح خرجات عينيهاا على
جهدهم
"ومكتحششششميششش"

ضارو بجوج كيشوفو فيها
اوزليم ."شنو قلتي احبيبة؟"
روح عاد عاقت على رااسهاا
"حم حم لالا والو غير كنت بغيت نقول مكيحشمووش مخليينا منشورين هناا
ومزال مجابو لينا الماكلة هذا ماشي عشااء هذاا سحور السرفيس فهاد ريسطو عندكم ماشي فالمستوى"
أوزليم تزيراات .ومرضاتش
"نونونو حبيبة (ضورات راسها بان ليها سربااي جااي) هههه هانتي هاهوما جايين"

روح هزات راسها باه و خنزرات
حط سربااي الاطبااق
وهي تجبد روح عينيهااا
"أكل صيني؟؟"
فهد بتاسم..."غادي يعجبك"

روح بلعات ريقهاا و دوات فخاطرهاا
"هييئ هييئ فينك امنصيف نت و اللوبيا ديالك شو هد صعصع جاايبني يوكلي دود القز اعباد الله وروز مسلوق دجاجة انا "
اوزليم بدات كضحك
"اوووف سوو كيووت هد الطبق هو المفضل عندي صرحةة ذوقنا واحد"

روح خنزرات فيهاا و بزز بااش شادة راسها


فهد كتافات يدير ليهااا اه
وكياكل...
اما اوزليم ممحيدااش عينيهاا
عليه...تتشوف فيه بإعجااب
وعينيهاا كيلمعوو ...
روح رمقااتهم بنظرات كلهاا
بغض و رجعات تتشوف
فطبسيلهاا...
خدات دوك العويدات وبدات
تتحاول تهز ديك رزمة دياال
روز تاا تحلات ليها كاملا
وتخلطات مع ديدان القز
خخخخ خلاتها روح
فحقيقة كان القيمرون مع
كروفيت ..
روح بدات تتخربق فداك
طبسيل و تتشوف فأوزليم
لي شويا و تنوض تغتاصب
فهد...لي كان كياكل عادي...
روح تنهدات و يلاه تبغي تنوض
طاح ليهاا واحد من دوك عويدات
هبطات تهزو و هي تجبد عينها
تتشوف رجلين أوزليم..
كيلعبو فسااق ديال فهد
ويدها على فخدو...
تتلمسهاا...روح خرجو عينيهاا

هزات داك العود...و صغرات عينيهااا
محسات تا خشاتو ليهاا فيدها
كانت شويا و ثقبهاا ليها
اوزليم معرفات باش تبلات
بدات تتغوت و تقول ليهم
"يدي يدي يدي يدي يدي.."
فهد تصدم خرج عينيه فروح
لي كتشوف فيهاا و لا
تعابير على محياها

بالعس فرحانة غزات فيهاا
أوزليم...ضارت عندهاا
وبدات تتبكي
"نتي حمممممقة مريضضضة"
روح تتشوف فيها وضحك
"نتي لي مريضةة ياا الموسخة مكتحشميششش"
اوزليم هزات يديهاا بغات
ضربهاا
روح شافتها و هي تسد عينيها
محسات تا شد ليها فهد يدهاا
"وياااااك ويااااك تحطي عليها يدك"

اوزليم..."كيفااشش افهد مشفتيهااش اش دارت لياا؟ "
دفعهاا تا كانت اطيح...
جبد من جيبو الفلوس و لاحهم فوق طاابلةة
وخرج...!
روح حلات عينيهاا وشافت
فيها و بتاسمات و خرجات ليها لسانهاا ..
شافت فهد مشاا خارج و هي طير كتعرج تابعاه...
مخليين اوزليم طايحة للارض ووتتشوف مصدومةة

🔥على برى...
تتجري و تجر رجلهاا و تعرج
تابعهاا اماا هو غير مزايد
كيتمشاا بزرباا مخليها موراه

وقف قبالت لوطو ديالو
و روح غادة جيهتوو

غير شاافهاا و هو يصعر
"شهااااد الويل شهاااد تربية؟؟ فين مربية نتي فين كاابرة زريبةة؟؟؟ واش محشمتيش؟"
روح بقاات غير كتشوف فيه
مخرجاا عينيهاا
اما هو مسكتش گاع انواع سب وشتم قالهم فوجهاا
ضور رااسو و بداا كيشعل گارو
روح شافت فالارض و حسات
بدموعها كيهبطوو..
"عندك الحق كابرة فزريبة
ممربياااش مزيان نت مربي و تولدي و فافمك ملعقة من ذهب تولدتي و نت بين حضن الاب و الام ديالك و هد المرأة لي كداافع عليهاا حيت هي من نفس طبقة ديالك ماشي بحاالي علاش اصلا شكون انا؟ يااك انا غير روح المتبنية رووح بنت العساس و الخدامة لي ماتو و درتو فيها خير وربيتوها و دابا كتجي تفش فيهاا غضبك فش مكتلقاا ميداار ولا شنو كان عاجبك الحال و هي كتلمس فيك اصلا نتوما رجال كاملييين بحال بحاااال كلااااااب و حميييييير"

روح مكملاتهاا تا حسات بتصرفيقةة كانت شوياا
وتهرس ليهاا خدها...
شدات فحنكهاا و شافت فيه
ونطقات و نبرة صوتها باكية

"المرة الثاانيةة هادي "
فهد خنزر فيهاا و تمشاا وهو صااعر حل الباب ديال لوطو
وجبد فاليزتها و لاحها ليهاا
للارض...و تمشاا غادي لوطو
دياالو ركب و كسيراا
مخليهاا واقفة وغير كتشوف
فيه...مخليهاا
فبلاصة خاويةة فنصااصات
ليل و بوحدها...

روح غير كتشوف فيه
ممصدقااش عينيهااا تتبكي
في صمت و تتمسح عينيهااا

و تنخصص...تحنات هزات
فاليزتهاا...و هي تشوف
لوطو وقفات قدامهاا
شافت فيه و رجعات شاافت
لوطو ديال فهد مشااات
"شنوو بغيتي "
كان نفسو الشاارف ديال قبيلات
فريستو .
"طلعي نوصلك فينما بغيتي"
روح شافت تا عياات تتفكر راسها بوحدها هناا
وهي تهز
راسها بواخاا و طلعات معاه
شاارف هبط و هز فاليزتهاا
حطها فخلف و ركب ..
"فين بغيتي نديك؟؟"

روح شافت فسماء...ونطقات
"اي بلاصة"
الشاارف بدا كيضحك
متيقش...دجاجة بكامونتهااا

بدا كيضحك...و كسيرى
"هي اللولة"...
اما روح تسندات على النافدة
وبدات تتبكي فصمت...
شارف شاف فيهاا وبتاسم
"داري قريبة من هناا غنمشيو ليها"
روح مجاوباتوش اصلا مسمعاتوش هي اللخرة...
💛عند فهد
توقف فوسط طريق شد راسو وبدا كيفكر...
"شهااد المرض "
بدا كيتفكر هدرتهاا و كيفاش ضربهاا
ضرو خاطرو و فنفس الوقت..
حس براسو بحالا قسى عليها
مسح على وجهو و ضور
لوطو..
راجع عندها...
مستغرقش بزاف بش يرجع
وقف لوطو وهبط ضور راسو
فالبلاصة دنيا خاوية...
مسح على رااسو و تنهدد
"فين غتكون هد مصيبةة"
حس بتأنيب ضمير...
بان ليه العساس ديال
ريسطو و عيط ليه
جا كيجري عندو!..
"نعام اسيدي!"
فهد...
"مبانتش ليك شي بنت هنا؟"
العساس ضور راسو هو الاخر
"والله اسيدي معرفت يلاه جيت كندير نوبة مع واحد اخر"
فهد عاد مزاد تعصب
"صافي شكرا"...

رجع طلع فلوطو كيفكر فين
غادي تكون مشات...
شاف تيليفون كيصوني
"وي ممم اه صافي انا جاي"
قطع وتنهد
"شغادي نقول ليها داابا مووصيبة كحلة"

كسيراا راجل للفيلا....
🍒عند روح...

توقفات لوطو و هبط شاارف..
شاف فيهاا وبدا كيضحك
"مرحبا بيك فداري "
روح طلعات عينيهاا تتبان
ليها دار من الخشب...
مصبغة بالذهبي...
تنهدات و تمشاات غاديةة داخلة
بتاسم شاارف وبدا كيضحك
"مرحبا مرحبا انا عزيز عليا البنات بحال قطيوطات ومشيشات كنتهلا فيهم"
روح شافت فيه و بدات تتضور راسهاا فالانحااء
دنياا خاويةة و البلاصة جات
معزولة على الناس....
شيء لي زادهاا جمال...
تحل الباب و هي تشوف
روح فدار من داخل غزالة
دخلات و شارف شعل ضوء
وهي تشوف روح تصاور
شلا تصااور مع عائلتو
وصورة خرى مع ثلاتة
ديال بنات بعمر روح و كبر منها
بقات غير كتشوف ...
هزات وحدة من صور و كانت
فيها مرأة كبيراا و معاها بناتها
شارف شاف فيها وبدا كيضحك..

"مممم هادي مراتي "
روح بتاسمات..
"وهادو بناتك؟؟ ياك؟؟"
شارف هز راسو باه
"اه بناتي"
روح شافت فيه "فيناهوما؟"
شارف جاوبهاا
"كيقرااو برات البلاد "
روح هزات راسها باه وبدات كضحك بشمئزاز
"مكدبتش فش قلت الرجال كاملين حمير"
شاارف مسمعهااش..
"شنو قلتي؟"
روح هزات فيه راسهاا
"والو"

شارف بدا كيضحك و كيحيد فحوايجو
روح شافت فيه و ميلات راسها
"شكدير؟"
شارف بدا كيخوي المشروب
"اييييه مالنا جايين نقييو زعبول؟ راه ناويين نشطو الغزالة (غمزها)"....


روح شافت فيه وبلعاات ريقهاا

"ششششتتخربق"
الشاارف حيد الصمطةة
ولاحها على جنب هبط سروال و بقا بشورط حد
الركبةة
"اجي الغزالة گلسي فوق ركابياا"
روح بقات غير كتشوف
كتمتم بينها وبين راسهاا
"اششدااني اششهااد الموصيبة طحت فيها ياربي"
مسحات على رااسهاا تتشوف
فوق ركبتو
"واخا و لكن فالاول بغيت الحمام"
الشارف تنهد
"واخا و لكن متعطليش"
روح بتاسمات
"الليل كولو قدامناا"
وراهاا الحمام منين جاا و هي
تمشي ...دخلات وسداتو
بان ليها الحمام عامر....
بجميع انواع الشمبوانات...
و صاابون و تقريباا مجهز
بكولشي ...
كتشوف مكاين تا مخرج....
مسحات على وجهاا وشاف
قريعة صغيرةة ديال صابون
سائل!..
هزاتهاا و بتاسمات
غسلات وجهاا و خرجات...
الشارف شاافها بدا كيضحكك
"ااجي ااجي"
روح بتاسمات...
"مممم اجي نت لعبو الغميضة
شوياا"
الشارف بدا كيضحك...
وقف و هو يضرو ضهروو
"ااييييي "
روح شافت فيه
"ماالك؟؟"
الشارف شد فجنابوو
"غير روماتيز"
روح تنهداات...ودوات فخاطرها
"الشارف تفوو عليك فيك روماتيز و ناوي تنكحني ونت كولو ملبق كل بيااسة من بلاد"
الشارف وقف و سد عينيه
"يلاه هربي المشيشةة انا غنشدك"
روح بتاسمات....
"اجي اجي انا هنااا"
الشاارف متيقش راسو مشا كيفرنس...وغادي تجاه صوتهاا
روح جبدات الصابون
وخواتو فالارض...
الشارف مجاا يوقف تا تقلب
راسا على عقب خخخخ
و بدا كيغوت
"اااعععععععع ضهري ضهري ايييييي يااربي ضهري تقسم"
روح بدات كضحك
"ياااشاارف بقا ليك شويا تمشي القبر و طامع فيا"
وقفات وطارت هزات فاليزتها و مشات خدات ليه الفلوس
وخرجات تتجري..
مخلياا الشارف كيولول....
دقاائق ..
كانت برات الدار ضورات راسها
الضلمة و تا واحد مكاين....
روح شافت بيكاالا و هي تنهد
"معندي مندير "
تمشاات لصقات الفاليزاا
مور البيكاالا جاب الله فاليزتها صغيوراا....
ركبات ديك البيكااالا وبدات
كتمشى..و خاايفة تتسمع
غير صوت الضبع و الكلاب
و دنياا مضلمة و شجر...على جهد جنب الطريق...
شيء لي زاد زرع فيها رعب
بان ليهاا شوياا ديال ضوء
وهي تبدا تنفرنس....
وصلات و هي تلقااي حانوت
ديال سيكليس....بان ليها
كيسدو...وهي تهبط تتجري
"عمي عمي عمي عمي"
الراجل هز راسو وشااف فيها
"نعام ابنتي "
روح تتنهج..."فين غادي؟"
الراجل ضور راسو و رجع شاف فيهاا
"لداري ابنتي شكديري فهاد نصاصات ليل هنا بوحدك؟"
روح
"غير كنت مع شي صحاباتي و خصرات لينا طوموبيل...ودابا خاصني نمشي لدارنا
نجيب شي حد يديبانيناا واخا توصلي؟"
الراجل هز راسو بواخاا
"يلاه ابنتي طلعي نوصلك"
بزرباا طلعات روح و حطات فاليزتهااا
وراتو الحي..وعنوان

راجل تنهد
"ابنتي مغاديش تال تماك حدي ديك طريق لي كدي لحي"
روح..بتاسمات
"ماشي مشكل غنصوني لخويا يجي يديني واخا تعطيني تيليفونك"
مد ليها تيليفونو و ركبات رقم وبدات تتصوني
"الو وي الكلب هادي انا شوف خرج لديك البلاصة لقريبة من حي ديالكم هاني غنكون تماك"
منصف كان مقلوب بنعااس
"اوووف واش متتشدكش داركم؟ اووف واخا واخا انا جااي"
وقف و لاح من عليه ليزاار....
"هاناا ناايض يخخ متخلونيش نعس"

دقائق حطها رااجل...
و وقفاات بان ليها منصف
واقف مسكين مكبط بكويرة
ديالو وكيتسناهاا
شافها وجاا كيطير...هز الفاليزاا عليهاا
"شنو فيهاا شي كنز؟؟"
روح خنزرات فيه
"لواه الالمااس متبقااش تحلم بزاف"
منصف خنزر فيهاا
"باااينة فيك نتي معصبة عاودي عاودي شكون عصبك؟"
روح حلات شعرهاا من ديك ضفيرااا و طلقاتو يسخن ليها كتافهاا

"داك صعصع عرفتي مسح بيا الارض بسباب واحد عود الودنين"
منصف شاف فيها و حط يدو على كتافهاا
"وصافي اعشيرتي راكي عارفاه كي داير اوى صافي ميكي "
روح هزات راسهاا باه
منصف شاف فيهاا وتنهد
"فراسك الكلبة كنت كنحلم واحد الحلمةة وااااعرة جيتي خصرتيها لياا"
روح خنزرات فيه
"اشمن حلمة هادي؟؟"
منصف
"اوى يااا ختي كنت نااعس كنحلم بجدي لي مات فكسيدة عرفتي كاااان قبرو منوووور و نووور ساااطع خارج منو"
روح شهقات
"بصح؟ مسكين غيكون دار بزااف ديال الخير فحياتو"
منصف شاف فيها وبدا كيضحك
"ولا مكانش منور حيت كيدير الخير لا البولة ديال طوموبيل لي ضرباتو لصقات فطرمتوو هي لي شااعلة"

روح تكرشخاااات بضحك...
"الله يعطينا وجهك اناا منيتي
متيقاااك"
منصف هز راسو باه..
"زيدي زيدي شوفي غادي ندير معاك زوين غادي نخليك تنعسي فبيتي و انا نعس فصالون عقلي على الخير"

روح هزات راسها باه
"ياك بعدا ماماك معندهاش مشكل؟"
منصف..
"هناك الله الواليدة مشات لبلاد تجيب زيت زيتون"
روح شافت فيه
"يااااه عمري سولتك منين اصلك؟"
منصف..."ماما جبلية و بابا دكاالي"
(تحية لناس جبالة و دكالة)
روح هزات راسها باه
"انا ماما من شمال و بابا من مراكش"
منصف ضرب فكتفهاا
"وجاابو زين تبرك الله"

💓فبلاصة خرى 💓

سطااسيوونا لوطو و هبط
مع دخلة كيلقى فيروز طالعة ليها القردة لسطح...!
"فهههددددد فين كنتي فين خليتيهااا والله ياا فهد تا انا سااااخطة عليك الا درتي ليها شي حاجة فيناهي بنتي فيناهي؟؟؟؟"
فهد واحل مسح على رااسو
"هرباات"..
فيروز جبدات عينيهااا
وخواو بيها رجليها كانت اتجي طاايحة كون مشدها
كيغوت...لنونو
" جيييبيييي قياس ضغط بزربااا"
الخدامة مشات كطير جاابتو ليه...
وهو هازهاا مطلعهاا لبيتهاا
حطها فوق سريرهااا
وبدا كيقيس ليها ضغط كان مرتافع
تنهد و خلاها ناعسةة
ووقف...غادي لبيتوو

معصب و محاملش راسو عارف مو مربية عليها الكبدة
لام راسو علاش دار هكاك
تعصب...دخل لبيتو...
ويلاه ايزيد و هو يشوف
شي اسوارة....تحنى هزهاا
كيقلب فيهاا شاف لداخل
قراها و كانت سميتها منقوشة فالاسوارة
نطق مصغر عينيه
"روح"
💛فلاش باك 💛
روح فش دخلات لبيتو..
نهار صوراتو طاحت ليها الاسوارة و هي خاارجةة"
💛نهاية الفلاش باك💛
خشااه فجيبو وبداا كيدوز يدو على رااسو...
"فين غادي تكون فيييين"

دوز ابيل و بدا كيدوي شحال و رجع قطع گلس كيتسنى
وكيحس بحالا العافيةة شااعلةة فيه....

💓فدار ديال منصف💓

حل الباب و هوما يدخلو....
دار هادية بسيف كانت نصاصات ليل...
حط منصف الفاليزاا و روح
طلعات لفوق لبيت منصف
اما هو فرش فالارض و تجبد نعس .!
💓مر الليل وكأنه غيمة سودااء💓...

اصبحنا و اصبح الملك...لله
كان فبيتو وعلى نفس وضعيتو....ليل كامل كيتسنى الإتصال منعسش نهائيا....

حس بتيليفونو كيصوني
"وي الو مممم اك سيفطو ليا فمساج"
قطع و تنهدد
"انا لقيتك البرهووشةة"

تمشاا لدوش يدوش
يحيد عليه تسخسيخةةة...

💛فدار منصف...
فاقت وناضت لبسةة غير شورط
ديال دار ...و تيشورط ديالو
شعرها مطلوق على طولتو!...
كتفوه و تكسل...
هابطة يلاه اتحل باب الطواليط
وهي تغوت وسدات عينيهاا
"ااعععععععععع منصف والله مشفت والو مشفت والو"
منصف مغطي قشاوشو بيديه و كيغوت
"ياااا حقيرة محشمتيش باغا تغتاصبيني دااخلة عليا لحمام بلا مدقي تااا الباب"

روح سادة عينيهاا و كتموت بضحك
"والله اخويا منويت راه شفت مكثر منك كون شفتيه كون فهميتيني علاش دااويةة"


هزو سطولاتهم...و تمشااو لحمام...
مخليين منصف يعدل الغذاء
💛فالحمام...
مع دخلة تتشوف نسمية الكسالة تتعيط ليها خداو
دكشي لي غادي يحتاجو وروح غير كضور راسها
فالحمام تتشوف فالعيالات
روح جبدات عينيهاا
"ويلي ويلي ويلي شوفي شوفي هاديك كرشها قد رويضة ديال تراكتور"
نسيمة شافت وهي تصغر عينيها
"زيدي زيدي هاديك راه مرات العطار رجلها مغرقهاا بالعدس و الفول حزقتها كي البوق طلبي الله متحزقش فحماام نخرجو عمييات الصگعة"
روح شهقاات و حطات يدها على فمهاا
"ياااختي يااربي سلامة الله يحفضناا"
حيدو حوايجهم و هزو سطولاتهم و دخلو مع دخلة
كيبان ليهم غير سگيطات خخخ روح مخرجاا عينيهااا
"ياااختي صهددد بزاف"
نسمية
"اجي اجي نگلسو هناا"
تكمشو بجوج فواحد قنيت وبداو يدهنو صاابون البلدي
لحمهم...وروح مبلقاا عينيها فالعيالات ..
تتشوف فيهم خلعوهاا
نسمية مرة مرة تنغز فيهاا
شوياا جات قااصداهم ديك مرات العطار..

"سلامعليكم واخا البنات تحكو ليا ضهري؟"
روح شافت فيها و هي تخرج عينيهاا
السيدة قد الغوريلا...خاص يتحاماو عليها ثلاثةةة
باش يلاه يتكاافاو معاهاا
روح هزات رااسها بلا
"لا اختي "
نسمية حشمات
المرأة معجبهااش الحال طلعاتهاا و هبطاتهاا كتشوف فروح لحمها نقي و كيلمعع
بااينة فيهاا من طبقة مخمليةة
حطات يدها على جنبهااا
"ايييواااااااا جمعي رااسك
متشوفينيش هكااا و تحتاقريني رااجلي ميلووود راه كيوكلني غيرررر كرووفيت "
روح وقفات و خنزرات فيهااا
"وانا مالي ؟ سولتك اختي وسيري بركة من المعاطيةة"
المرأة عاد مزادت جعراات
جات دوي و هي تبووع...
تا ردات شي حبات العدس
روح خنزرات فيهااا
"ممممم شنو هدشي ياكما عوينات الكروفيت؟؟؟"
خخخخخ

المرأة مرضاتش ضارت و مشات ساااخطةةة
العيالات تيمووتوو بضحك..!
روح رجعات هي ونسيمة كيحكو .
شويا دخلات واحد المرأة قدها قدااش
غير شووفة فيهاا تخلعك ..
شاادة كيس فيدهاا
غير بانت لنسمية ولات ترعد
"ناااري رووح هاهي جايا"
روح شافت فيها و الوان وجها تخطفوو
"اويلي شكون هااادي؟؟؟"
نسميةةة "هيييء هيييء طياااااابةةةةة"
مكملاتها نسميةة
تا جبداتهم بجوجات تتكسل فيهم
خاشيةة كل كيس فيد و تحك تا طيباات ليهم جنابهم
روح تتحس بلحمهاا بدا كيدوب و تقول هي واش عيات
نسيمة خلاص ولات كيف ماطيشةة اماا روح ولات كي جغمة دم...
مع بيضةة رجعات حمرااا
كسلاتهممم مزيااان
تا سخفاتهم وقفات و خلاتهم
كيلهثوو
ناضو بزز وبدااو كيمشطو شعرهم....
سالاو ودارو الصابون...
وخرجو دارو باندوش و نشفو لحمهم و لبسوو حوايجهم

روح لبسات دراا ماتت عليها نسمية بضحك ...

قادو حالتهم و خرجو ..
طريق كامل و لي شافهم يلوح ليهم الهضرةة
مكاين غير لالة زينة و زادها نور الحمام خخخخخ
دقائق....
وصلو لداار روح غير شاافتو و هي تشهق...

"شكدير نت هنااا بش عرفتيني هنااا؟؟؟"
فهد وقف و يديه فجيبوو
"جمعي حوايجك ويلاه"
روح حطات سطولا وبدات كضحك
"ههههههههههه اهاه ضربني سبني خليني فنص طريق فنصاصات ليل و سير و فش ترشق ليك اجي عندي قول ليا هزي حوايجك و يلاه"
فهد مسح على رااسو
"موافق على اي شرط غير يلاه"

نسيمة شافت فيه وبتاسمات
"يهديك الله اروح راه جا يرجعك مسكين"
روح خنزرات فيهااا
"سكتي نتي مالو يرجعني مالو ضارب بياا الكااغيط؟"
نسيمة ضربات طم و سكتات!
روح شافت فيه وربعات يديها
"نساااونيييييي مغاديش نرجع فين نتهااان"
فهد صغر فيها عينيه و تنهد
"اخر هدرتك؟"
روح تتهز رااسها باه
فهد هز رااسو بوااخاا و تمشاا جيهتهاا محسات تا قلبها
و هزها فوق كتافو كيف العتروس خخخخخ
روح تتغوت
"ااعععععععع حطني منصصصصصيف عتق عتق عتق "
منصف واقف كيشوف فيها
"ورروووححح و نكملو فالواتساب"
روح تتضرب فالفهد و تفركل
"ومنصف وخلي لياا حقي فالغذااء غذاا نجي ناكلو"
منصف كيهز رااسو بواخا و كيلوح ليها با باي باي
"وااخا واخااا انخلي ليك شويا من اللحيمةة و زيتون"

خرجهاا فهد و حطها فاللوطو و طلع كسيراا
غادي بيهاا بجلابتها لي خداتها من حوايج موت منصف
و درتهاا تتبان كيف الهجالة خخخخ
كسيرااا وهي تقول واش سكتات
تشكي و تنيني و تغبن عليه تا عصبااااتو...

فهد فراناا تا كان ايتخشااا وجها مع اللوطو
"وسكتتتي ها العار واش مكتسكتيش "
روح شافت فيه وبدات تتبكي
"ههيييييء هييييء هييييء شفتي شفتي مزال تا موصلنا تتغوت عليااا والله لبقيت ليك فالفيلا ديالكم غاادي نعاود نهرب..."

فهد كسيراا ثاني و خلاهاا
اخيرا سكتات طريق كاملة و هي سااكت...

نصف سااعة وصلو
غير هبطات بزربباااا تتجري..
فهد وقف لوطو وهبط
تابعهاا ...
دخلات وهو موراهاا غادة طالعة لبيتهاا

غير شاافتها فيروز...
قلبها رجع كيضرب وبداات كضحك...
مشات عندهاا كطير
بغات تبوسها وتعنقهاا
روح خلاتهاا وطلعات فدروج
غادة لبيتهااا
فيروز تبعااتهاا تتغوت ليهاا
"بنتي بنتي روح روح تسنااي بنتي اجي عند ماماك بنتي "

لحقااا عليهاا وشداتها من يدها
روح غمضات عينيهاا و نثرات يدها بقوة...
محيداا يد فيروز من يدهاا
فيروز محسات تا رجليها زلقوو
وجاات طاايحةة على ظهرهاا من دروج....
كولشي مصدوم....
فهد خرج عينيه معرف بااش تبلاا
غوت على حر جهدوو
"فيروووووووووووووز"
روح تصدمات حطات ديها على فمهاا وتتشوف فيها كيف طاايحة فالارض
ودم خارج من رااسهااا
روح مصدومة غير مخرجاا عينيهاا وكتشوف ممتيقاااش.
شافت فيديهاا ورجعات شافت فالفيروز لي مليوحة فالارض...
و جنبهاا فهد كيقيس ليها نبضات قلبهاا هزهاا و غادي كيجري بيها تابعاه نونو...

روح تصدمات طاحت للارض و بدات تتبكي..
"هئ هئ هئ والله مكنت قااصدة والله مبغيت ندفعها ياااربي الله يعطيناا الهرس ليدي لكنت قاصدة ندفعهاا يااربي عاااونهاا يااربي سمح ليااا هيييئ هييئ هيييئ يااربي شنو درت شنو درت انا شنوووو درت (بدات تتبكي و تشهق..تا قلبها بغا يوقف)....
بدات تتشوف فجنابهاا
سمعاتهم كسيرااو و مشاو...
خرجات تتجري تابعةةة لوطو
تتجري وطيح و ترجع توقف وتجري تابعاا لوطو كيف مسطيةة

"فهدددددد تسناني دوييييوني معاكم فهدددد راها ماما تا انا فهدددددددد"
قلبها غادي يوقف و غير مكتزيد تشهق...💔
العافيةة شااعلةة فقلبها و على فمهاا غير كلمة وحدة
"ماما .."
طاايحةة وسط طريق و وجهاا بين يديهااا غادي تموت فبلاصتهاا💔..
بدات تتبكي و تنيني...
وقفات بزز "خااصني نشوفها ماما ماما كتسناني فيروووز متخلينيش عفاك معندي تا حد من غيرك عافاك متخلينيش مقااادرااش شكوون غاادي يحميني و يغوت علياا و يقلب علياا لخرجت فيروز عفاك متخلينيش".

روح غير كدوي و تشهق ودموعها مكحبسوووش...
طلعات بزرباا جابت لفلوس و خرجات تتجري....
تتقلب على شي طاكسي
"طاااااااااكسي"
وقف طاكسي و طلعات..
"عفاك ديني لكلينيك لي قريب من هناا"
مول طاكسي هز رااسو بواخاا
وكسراا اما هي غير تتبكي
مول طاكسي بقات فيه
"متخافيش ابنتي ربي كبير و غير أمني بالله"
روح شافت فيه وبدات تتبكي غير مزادو دموعها💔...
مول طاكسي ..تنهد
"واش شي حد عزيز عليك ابنتي؟؟"
روح كدوي و صوتها مخنوق بالبكاا
"ماما"
مول طاكسي حس بالحزن من جيهتهااا
"ميبقاااش فيك الحال ابنتي الله يشاافيهاا "
روح هزات راسهاا باه وسكتات...
شوياا وصلو...هبطات روح بغات تخلصو مشدش من عندهاا
"غير سيري ابنتي الله يشافيها"
روح هزات راسها باه ورجعات الفلوس لجيبهاا ومشات كتجري دخلات لكلينيك ..
مع دخلةةة تتبان ليها لوطو ديال فهد حداا
بوابة الدخول...
بدات تتضحك
"الحمد لله هوماا هناا"..
دخلات تتجري ..مع دخلة
لقات البنت لي فالاستقبال
"ختي عفاك يلاه جابو واحد المرأة هنا فين نقدر لقاها؟؟"
البنت شافت فيهاا
"واش داويةة على مدام الفارسي؟؟"
روح تتهزز راسهاا باه
البنت أشرات ليهاا
"الطابق الثالت الغرفة لي على اليمين رقمها 1178"
روح تتهز رااسها باه...ومشات كطير ..
دخلات لاسنسور و طلعات لطابق الثالت..
مع طلعة تحل الباب خرجات...
وهي تمشاا كتقلب على البيت
تا لقاتها بدات كضحك...
يلاه اتحل الباب حبسات فش بدات تتسمع الهدرةة

🖤لداخل كان فهد مع نونو
كيدوي و صوتو كيف الرعد
كيدوي بحال شي طاغيةة
ولا شي داعشي ..
"غتمشي لدار غتجمعي ليها حوايجهااا مبغيتش لقاها مزال درت غلاط كبير فش تبنيتي نهار لول "
نونو تترعد و تتهز رااسهاا
"لعن الشيطان اولدي رااه بحال ختك صغيرة و حشومة راك عارف فيروز منها تخلاق كتحسبها كثر من بنتها"
فهد غير مزادت شعلاتوو
"هاديك مااااشي بنتها عمرها كانت من عائلتناا دادا نونو منزيدش نعاود لهدرة غادي تمشي لداار جمعي ليها شراوطها منجيش ولقاها حسن ليك و ليهاا لالقيتهاا
نوريها ثمن فعلتهااا "

نونو تنهدات...
"متأكد اولدي ؟"
فهد خنزر فيهاا "منعاودش هدرتي"

💕على براا....
روح سمعات كولشي رجعات خطوات للخلف...بشويااا
ورجعات تتمشاا راجعة بلور
وتتبكي....و دموعهاا محبسووش غير مزادت فالبكاا ..💔
قلبها كيضرب و الهدرة ديال
فهد بحال شي مزيكاا
فودنيهااا...تتعاود بزز منهاا
خاصها تسمعهااا هزات راسها
وشافت فالسماء ...دنياا
مضلمة بحال حياتهاا
فهاد اللحظةة حسات بالخنقة
فين غادي تمشي ؟
وقتما كانت تتخرج من دار
كتكون متأكدة فيروز غادي ترجعهاا...
واخا كانت تتخرج كتعرف راسها عندها دار و عائلة ترجع عندهم
داباا اكيد عمرها تعتبهااا عمرهاا ترجع...
بيديهاا خسرات كولشي
بعندااهااا وقسووحيةة راسها
طاحت على ركابيهاا وشدات راسها بين يديهاا
وبدات تتبكي...
"فيييين غنمشي دااباا فين"
حسات بالقهرة و البيبان تسدو عليهاا💔
حسات براسهاا فقدات كولشي

سؤال صعيب...
تخيلي راسك جرا و عليك عائلتك و معندك فين تمشي
لا عائلة لا تا شي حاجةة
لا اصدقااء لا والو....
روح گلسات تتبكي تا عيات..
ورجعات خدات طاكسي لفيلا
مع دخلة بدات تتبكي تتشوف فهاد الحيوطة...
من نهار عقلات على رااسهااا
وهي عايشة هنا كتاب ليها تكون عندها مكانة فهاد الفيلا
وبين هد ناس....
كتاب ليهاا تكون بنت مولات دار غير بتبني....
ليوم هي خسرات كولشي....
تمشاات طلعات مع دروج و تتشوف دم ديال فيروز
فالارض بقعةة كبيرة....
مشكلة بركة ديال دم لي غادي
يولي اسود...
بدات تتبكي و طالعةة دخلات لبيت فيروز تتشوف يامات
منعسات هنا و يامات مكانت تتخبى تحت نموسيةة ديال فيروز فش كيلعبو الغميضةة
بدات تتبكي...ثاني احساس صعيب بزااف💔
خرجات...ورجعات دخلات لبيتهاا هزات مونطو ديالهاا
وجمعات شي شرااوط...
لي بقاو ليهاا... غير فصاكادو
وخرجات..من بيتهاا ضورات
عينيها مزيان فالفيلا...توديعا ليهاا
حيت حاليا متأكدة عمرها ترجع..ولا تعتبهاا
هاد المرة ماشي بحال المراة لي فاتو هي بيديهاا ضمرات عائلتهاا
خدات ورقة و ستيلو...
بدات تتشوف فديك الورقة و تتبكي...
هزات ستيلووو وبدات تتكتب
"ماما بصح نتي ماما هادي اول مرة كنقولها من قلبي
شكرا حيت كنتي ماما و سمحيلي ليا حيت مكنتش بنتك انا مكنستحقكش
شكرا حيت عطيتيني كولشي
وسمحيلي ليا حيت مقدرت نعطيك والو من غير الالم و الصداع شكرا حيت لقيتك معايا سند ليا وسمحي ليا حيت عمري حسيت بيك...
ليوم عرفت راسي معمري نقدر نوفيك حقك بركة منأديك بركة منخليك ديما
فمشاكل بسبابي سمحي لياا عفاك مكنتش قاصدة ندفع والله مكنت قااصدة سمحي ليااا
بنتك روح💔"

طوات رسالةةة و حطات عليها ستيلو
وخرجات والبكاا مبغااش يحبس...💔

قلبها غادي يوقف...غادة تتمشاا جنب سور ديال الفيلا لي كانت ديما تتنقزو...شافت فالشجر....لي مزروع فجريدة
ديال الفيلا هد شجر عمرو 7 سنين .....هي بيديهاا غرسااتو

وقفات تتشوف فيه و مرجعاا ذاكترها للخلف....

🧡فلاش باگ....🧡
كانت گالسة و رجليلاتها صغيورين كيلعبو فالماء لي فلابيسين....ساااهيةةة
ونظرت عيونهاات تاييهةةة
تشووفها تقول هازة هموم دنيااا ماشي بنت 7 سنوات
في ريعان شبابهااا
فيروز موراهاا مربعاا يديهاا
نونو واقفة مور فايروز وتتشطب...
"لالة الانسة روح من نهار مشا سي فهد و هي هكاا مكضنيش خاصنا نديوها لشي طبيب؟؟"
فيروز مربعةة يديهاا و عينيهاا منخوفين بالبكاا
"ايييه انونو باش غينفعهاا طبيب؟؟ كون كان طبيب ينفعها كون مشيت عندو انا اللولة راه ولدي هذاا وكبدتي تحرقات عليه مشا بلا ميودعني وخباارو تقطعات"
تنهدات فيروز و شافت فواحد جزء من جريدة خااوي
فيه غير العشب و التربة ديالو زوينة و صاالحة للزرااعةة
بتاسمات وعويناتها ضحكو
"عرفتي شنو انونو بصح انا منقدرش نصبر راسي ولكن فيدي منصبر هد صغيوراا
سيري جيبي من محل بيع الزهور شي زريعة ديال الاشجار و لا شي غرسات ديال شجر صغيورين و جيبي شي سطيلات مزوقين "
نونو تعجبات "علاش الالة؟"
فيروز تمشات غادة جيهت روح
"ديري لي قلت ليك"...
نونو حطات شطابةة و مشات تتجري تجيب دكشي...!

عند روح صغيرةة شعووراتها
الزعرين مطلوقيت على رقبتهاا صغيوراا و يديداتها مجموعين فحجرهاا غير رجيلاتهاا لي كيلعبو فالماء...

وقفات عليهاا فيروز و هي الاخرى گلسات بفنس الطريقةة
حيدات الكعب العالي ديالهاا
وخشات رجيلاتها فالماء ..
"اووووبس الماء باارد روح واش مجاكش بارد؟؟"
روح هزات راسها فيها ودارت برااسها لا...
فيروز هزات راسها باه ورجعات تتشوف فين تتشوف روح....
(البوابةة ديال الفيلا )...
فيروز بتاسمات....
"قبل 14 سنة راجلي مشا
لرحلة عمر عرفتي كنت حاملة بالبنتي لي ماتت من بعد ما ولدتهاا ساعتها كان فهد كيقراا فالباك على معقلت
مهم كنت كنتوحشوو بزاف
وفيما كنت نطلبو يجي كيقولي الخدمة وميقدرش
عرفتي شنو درت؟؟؟"
روح هزات راسهاا
"سنو درتي ؟ (بغات تقول شنو)"...
فيروز بتاسمات
"خديت زرع ديال دوك الوريدات لي تتشوفيهم دااباا كبرو ياك كيعجبوك بزاف؟"
رروح تتهز راسها باه
فيروز كملات هدرتهاا
"ممم هو قال لياا زرعي وريدات ووقتماا كبرو الوريدات غادي تلقاايني حداك "
روح خرجات عينيهااا
"وهو واش بصح زاا (بغات تقول جاا) ؟؟؟ فش كبرو الوريدات؟؟"
فيروز بتاسمات
"ممم وي بصح جاا فش كبرو الوريدات"
روح بتاسمات "واااو "
فيروز تحنات وبااستهااا
"وتخيلي شنو؟"
روح شافت فيها بعويناتهاا
البريئين..."سنووو؟؟"
فيروز..."حتى فهد قال ليا نفس شيء قال ليا قولي لروح تزرع شجيرات نهار يكبرو غادي نجي "..
روح وسعات عويناتهاا
"وااااو واس بصح؟"
فيروز بتاسمات
"اه بصح عمر ماميك كدبات عليك؟؟"
روح تتهز راسها بلا ...
فيروز وقفات ومدات ليهاا يدهاا
"يلاه نوضي نزرعوهم انا وياك بلا منضيعو الوقت"
روح بدات تتضحك ووقفات بزرباا....
شدات فيدهاا و غاديين كيجريو جيهت التربةة"
نونو حطات ليهم الغرس
ديال شجيرات و الالات لي غيحتاجو بش يغرسوهاا

🧡نهاية فلاش باك🧡

غمضات عينيهااا و كملات طريق
غادي يبقااو ليها غير هد ذكريات فحياتها💔....
الكئيبةة....تتبكي وتبوريشة طالعة معاهاا صعيبة بزاف
شافت فيديهاا بااردين بزاف
والبرد فهاد شهر...كيكون قارس
فكرات فين غادي تمشي...
طاح ليها فبالها منصيف..
ولكن كيفاش غادي ترجع ثاني...
عيقات عليه ومجاتش
هو من طبقة شعبيةةة
ودوك ناس ماشي عادي عندهم
بنت تجي عند ولد لدارهم و تبقا عندهم بلا تاشي سبب !
من قلات الحياء هادي . متقدرش
تجبد ليه صداع و مو لي فدار
حشومةة گاع هوما على قد
الحال تمشي تقل عليهم تا هي
سكتات شحال تتفكر....
تتحس بدنياا كحاالت فعينيها
معندها فين تمشي و لا فين
تصد الدنياا صعيبة و ديااب
كثااار تفكرات داك شارف
قدو قداش فعمرهاا جدها و طمع فيهاا
بقا غير صغار ينهشو لحمها
بدون رحمة..!
تنهدات وتتشوف فجنابها
"فين غنمشي داباا؟؟"
تفكرات اسمهان اكيد كون كانت عايشة كون دابا مشات عندهاا ولكن تا هي ماتت..!
تنهدات و مرة اخرى دموعها
طاحوو
"تا نتي ا اسمهان مشيتي فين غنصد دابا ياربي ؟ فين غنمشي !"
جاتها الحگرة تفكرات هدرة ديال منصف...
البلاد معاطيااش والحگرة طاغيةة لمكانش باك صاحب باك عمرك طفرو ...
وهي تا باها معندهااش فيروز هي لي كانت كتكالي عليها صهد و دابا هاهي بقات وحيدة ...

روح تتفكر.....
"نمشي نخدم؟ مكنعرف ندير والو ! هه نطيب اللوبيا ؟ اوووف "
" نخرج ليها تا انا و نولي ندير دعارة؟؟ اكيد لا ماشي تال هد درجة"
سكتات شوياا و كملات
"نبيع كنينيكسات؟"
تنهدات مرة اخرى
"منقدر نفسي متسمحش ليا "
هنا تا النفس تتلعب دور كبير
ميمكنش بنت مفششة و تربات بين يدين عائلة فارس تنوض نبيع كنينيكس...بصح روح ماشي من نوع المبعكك و المعيااق واخا هكاك راه تا وحدة مترضى ضور فزناقي و القهاوي...

بدات تتفكر شنو تقدر دير...
معاها مبلغ صغير شاداه بين يديهاا تتشوف فيه 200 درهم
شنو غادي دير بيها؟؟
فكرات تا عياات طنجة عروس الشمال ماشي مدينة اقتصاديةة مافيهاش الخدمة!
سكتات تفكيرها ووقفات عند هد نقطة مدينة اقتصادية
طاحت فبالها كازا ....
بتاسمات وسط هد شعور الموميت ...و نطقات
"كازا"....تمشات تا بانت ليها واحد
طاكسي وشداتها لمحطة.....
ساعة كانت قدام المحطةة
ريحة ديال الكيران كان مجهدة
وريحت المازوط لي كتروع...
ناس أشكال وانواع ...
كيتجاراو تابعين الكيران...
هبطات و خلصات مول طاكسي
رد ليها صرف تفكرات تحرميات لي دازو على فم منصف....عارفا شفارة مغاديش يزگلوها محدها بنت صغيرة فغتكون فريسةة
ساهلة لشفارة ...خدات 100 درهم و صريف لي بقا
رداتو لتقيشراا ديال سبرديلا
ورجعات تتمشا مكمشاا على يديهاا...
تمشات لفين كيقطعو الوراق
وقطعات لكازا...الكار غادي يتحرك مور ساعةة...
خدات ورقةة و تمشات گلسات فواحد القنت....كتسناه يعمر...
ولا يبدا الگريصون يغوت للمسافرين يطلعو......
مهازة معاها لا تيليفون لا والو
جوج بياسات فضهرها و تصاور تيجمعوها مع فيروز
وتصاور د بااباها و ماماها...

حسات بصوت شي واحد حداهاا

"مال زين غادي بوحدو؟"
روح شافت فيه و خافت..
ولكن جبهةة حااضرةة
"ماشي بوحدي معايا خويا"
الشمكار بدا كيضحك
"مممم خوك و فينو مشفتوش؟ فين مشاا؟"
روح بلعات ريقهاا
"لا هو غير هناا مشا يجيب ليا غير نشرب ويجي"
شمكار
"وخليني نونسك على ميجي خوك ازين"
روح بلعات ريقها و كتشوفو كيقرب ....بدات تتعرق...معرفات مدير....

🌸فبلاصةة خرى 🌸
تحل الباب و دخل طبيب....
"على سلامتهاا"
فهد وقف و تمشاا عندو
"شنو خرج فتحاليل؟؟؟"
طبيب قرب جنب فيروز
وحقن ليها ابرة فالسيروم
"متخافش مجرد طيحة و ضربااات فراسها حمد لله ...
على سلامتهاا غادي غير تاخد شي فيتاميناات و راه سكاار عندها طالع و ضغط كذلك حاولو تعطوهاا شويا دياال راحة و متعصبش و تاخد دواها فالوقت...والله يجيب شيفاء..."

فهد هز رااسو بوااخااا
"متخافش ادكتور توتر لي كان عندنا فدار حيدنااه غتكون بيخير" ..
دكتور بتاسم ليه و خرج...
"تقدر تخرجها غذاا"
رجع فهد گلس حداها كيدوز
يدو على شعرهاا و مرة مرة كيبوس ليهااا راسهاا
"نتي لي بغيتي الواليدة
مفهمتش علاش عزيزة عليك لهاد درجة تتخافي عليها كثر مني!...الله يهديك على صحتك انا صرحة لي غالط مكانش خاصني نتبناهاا"...

رجع كيبوس ليها فيدهاا
للحظةة وقف عند هد نقطةة
حيت بلا ميكدب ...و براسو
عزات عليه قبل 10 سنوات
مقدرش يخليها تمشي لخيريةة
مقدرش يشوف بكاهاا و هي تتجر فيه و فالفيوز و مديرة الميتم كتجر فيهاا...

🧡قبل 10 سنوات 🧡...

كان مگلسهاا فوق فخضووو
بشعرها الاشقر مضور يديهاا
على عنقو...
همسات ليه فودنوو
"مال مامي تتبكي؟"
فهد شاف فالفيروز لي عااطياها لبكاوات....
"مديش عليها غير دموع سعادة هادوك"
روح تتهز راسها باه....
"علاس اسمن سعادة؟ "
فهد تنهد...."حيت غادي تولي
عندك عائلة حتى نتي "
روح نتافضات من فوقو
"ولكن نتوما عائلتي"
فهد شدها من يدها و جرهاا عندو...
"روح غادي يولي عندك اب و أم يهتمو بيك كوني اكيدة "
روح تتهز رااسها بلا
"عفاك متخليهاس ديني"
غزلان واقفة ومربعا يديهاا
قرباات عندها تشدهااا
"حبيبي روح خليني نشرح ليك "....
دفعاتها روح و مشات تتجري لحضن فيروز تخشات فحضنهاا
"نتي سريرة (بغات تقول شريرة)....نتي اكبر سريرة باغا تاخديه ليا هو واعدني وعد الله عمرو يخليني وغيتزوز
(بغات تقول ايتزوج) بيا انا نتي سفاااارة (بغات تقول شفارة)..."
فيروز تتعنق فيها و تبوس فيها
"صافي ابنتي صاافي متبكيش غير كضحك معاك غير سكتي ابنتي متبكيش"
فهد منكرش بقات فيه روح و فنفس الوقت بقات فيه مو كثر كان عارف مو موجوعة على خساارة ختو لي ماتت و هد البنت رجعات ليها الوجع وربات عليها الكبدة خلال هد الفترة القصيرة لي بقات هناا

تنهد ووقف... "غزلان صافي غير سيري "
غزلان تنهدات وقربات حداه
وهمسات ليه جنب ودنو
"البنت صغيرة متخليهاش تعلق بيك متعرف تكبر و تولي تبغيك ديرها بصح "
فهد خنزر فيها "ماشي وقت الغيرة دابا ا غزلان"...
غزلان خرجات عينيهاا
"هه نووو بليز ميمكنش نغار من بنت 7 سنين وصافي غير قلت ليك صافي هاني غادة اووف "...
هزات صااكها و خرجات تحت انظار روح لي ولات عويناتها حمرين و مدمعين...غير خرجات غزلان وسدات الباب حولاتهم عند فيروز
"متخليهاس ديني امامي عفاك"
فيروز تتبكي وتتهز راسها بلا
"متخاافيش ابنتي عفاك متبقايش تبكي"
روح معنقااها وتتهز راسهاا بلا
"بغات ديني امامي زري (بغات تقول جري ) عليها امامي عفاك"
فيروز تتشوف فالفهد وتتهز راسها بلا
"عفاك اولدي عفااك عفاكك اولدي كنترجاااك"...

المديرة ديال الميتم تتشوف فيهم على وشك يبدلو رأيهم
وهي داايرا مع عائلة كبيرة تعطيهم البنت مقابل مبلغ كبير ميمكنش ضيع الوقت

وقفات و شافت فروح...ودغياا تمشات عندهاا
شداتهاا من يدها بجهد و تتجر فيهاا
المديرة
"غير كوني هانية الالة فيروز غتكون فأمان غير تهنااي يلاه ابنتي غادي يعجبك الحال كاينين بزاف ديال البنات تلعبي معاهم"..
روح تتبكي و غواتها مسمووع فأرجاء..القصر...
غواتهاا كيدوب الصخر.
.والبكا لي بكاتو يخليك تبكي
دم...!
فهد غير سااكت كيشوف فمو لي كترجااه بعينيهااا
فيروز متحملاتش تشوفهاا
هكاك بنت صغيرة شادة فالصااية ديالها وتتبكي
وتشهق
"مااااامي عفاااك متخليهااااس ديني عفااااك"

فيروز شادة فيد روح وتتشوف فالفهد و تتبكي وترجع تشوف فروح...
فهد جااامد لا تعابير على وجهو!...
المديرة نثرات يد روح من يدها فيروز...
بزز بعدما خشات ليها ضفارها فلحم روح....من جيهت دراعهاا و هزاتهاا
روح كتنثر وتغوت لربي لي خلقهاا وتتفركل فيديهااا

المديرة تتجر فيهاا و هي تتمرمد فالارض...
روح شافت راسها قريبة
تخرجها من الباب و هي ضور
عضااتها من يدها تا غوتات

وطلقات منهااا
روح طاارت من بلاصتهااا تتجري...
غادياا بتجااه فهد...لي كان
واقف ..وكيشوف...تلاحت عليه روح وشدات ليه فرجليه معنقااهوومم

"عفاك متخليهااااس ديني "
المديرة تعصبات شافت
سنان روح مطبعين فيديها
عوجات فمهااا بغيض
"هد الكلبة صغيرة شحال تتعصب ."
تمشات بجهاالةة غادةة جيهتهااا
هد المرة شداتها من شعرها باغا تجرهااا....روح غوتات باابكا حيت قصحاتهاا
محسات غير بتسرفيقة من فيروز
"طلقي من شعرهااا"
المديرة تصدمات
"مدام فيروز راه عضاتني هادي ماشي تربيةة خاصها تعاود ترباا من جديد"
فيروز هزات صبعهااا
"ويااااك تعاودي تقيسيهااا تربية لكانت بضرب هي نعاودها ليك نتي نيت حشومة تكوني مديرة ميتم و تعاملي وليدات صغار هكاا"
المديرة يلاه بغات دوي
تا قاطعهاا فهد
"تقدري تمشي "
المديرة ضحكات..."واخاا"
رجعات بغات تشد من يد روح
فهد خنزر فيها ودواا بنبرة حاادة
"قققققلت ليك تقدري تمشي ماشي ديها معاك البنت غادي تبقا و انا غادي نتبناهاا تقدري تخرجي دابااا"
المديرة تصدمات طلقات من يد روح...ورجعات تتشوف فيهم
اما روح مزال شادة فالفهد وكتبكي فصمت مزيراا عليه
المديرة حسات بالاهانةةة
"واخا سمحو ليا انا غنمشي"..
فيروز خنزرات فيهاا
"مشياا بلا رجعةة "
روح حسات بيهاا خرجات و عاد رخفات على فهد....
ورجعات طلعات راسها عندو
"اتزوز بيا (بغات تقول اتجوج)
فهد بتاسم و نزل مستواهاا
"لبغيتي نتي لكنتي قابلة انا موافق ههههه"
روح بدات تتضحك وتمسح عينيهاا و عنقااتو..
فيروز تتشوف فيها و كتبكي
"شكرا اولدي..."
فهد دار ليها بعينيه لا بأس..
🧡نهاية فلاش باك 🧡

روح بلعات ريقها و كتشوفو كيقرب بدات تتعرق و معرفات مدير...
يلاه بغات دوي و هو يشدهاا شمكار من يدهاا
"اجي معاياا نحيدو من هناا"
روح تتهز راسها بلا
"خويا غيجي داباا"
الشمكار ضحك بستهزاء
"فش يجي نح**ويك نتي و ياه غير يلاه معاياا"
روح قلبها غادي يسكت....
تتشوف فجنابهاا المحطة
عامرة بالمتشردين...
ناس كبار و عيالات كباار
ناعسين على دوك الحافات
ديال المحطة...
و كولشي غادي زربان تا حد
متسوق ..شداتها البكيةة
تتشوف فيه كيجرهاا و
مقادراا دير والو....
"عفاك خليني نمشي خويا ايجي دابا"
الشمكار بدا كيضحك شوياا
جمع ضحكة و جبد واحد
جنويةة صغيوراا و زرعهااا
فدراعهاا "نوضي وقفي
وتحركي معاياا غادي تقصحي
شويا ولكن متخافيش ايعجبك الحال"

روح صافي الماء جمد ليها فركاابي...
كتلعثم فهدرتهااا
"ككيفاااشش غادي نتقصح؟"
بدا كيضحكك
"وينو على الكتكوت واش خايفة ممممم هي مزال بميكتك؟؟ متخافيش غير زيدي عندي واحد الحنش فهاد الغار ايعجبك"

روح حسات بدم هابط مع دراعها و ديك جنويةة ثقبات ليها لحمهاا تتبكي فصمت
وساكت ....حسات بيه قرب
يثقب ليها دراعهااا
"عفااككك خليني نمشي "
الشمكار صافي طلع ليه زعف
"شوفي غادي تقودي تحركي قدامي ولا نشتف عليك"
روح وقفات تتحس بالبولة غادي تهبط ليهااا...
كطلب توقع شي معجزة و لا يجي دابا فهد و يعتقها
بحال ديك ليلة فالدرب ديال منصف و لا يجي منصف يدفعو و يهربو بجوج
بزاف ديال ليسيناريو خرجو ليها قدام عينيهااا
ولكن لا احد....
تتشوف جنابهاا دنياا خاوية
و تا حد ممسوق..
دفعهاا تا كانت اتجي على
فمهاا..."زيدي كاين واحد الكار لهيه مهرس مخدامش نقديو فيه الغراض وسيري"

روح طايحة فالارض و تتشوف راسهاا صافي
يمكن هادي هي نهاايةةة....
بدات تتبكي ووقفات غادة
قدامو..ووالموس على جنبهاا
تتحس بيه ايثقب ليها جنبهاا
وصلو قدام الكاار و طلعهااا

زيدي طلعي ....
طلعات روح وتتحس بقلبها غادي يوقف ...
الشمكاار شافها طلعات و هو
يشوف يضور راسو على برا
يمين ويساار شاف دنيا خاوية
رد باب الكار المهرس و طلع
شاف روح رجعات لووووور
وتكمشات تتبكي ....
بدا كيضحك و حيد الصمطةة
ديال سروال ..

"ليوم نزهااو الغزالة"...
حيد صمطةة و هبط سروال
مخلي شورط فيه كاروات
فالاسود مفضفض....وغادي
جيهت روح...و سروالو
كيشطب بيه الارضيةة

غادي جيهتهاا و كيغني....
ياااا بسبوووسةةة تعالي
ياا بسبوووسةة بووسي الواوا
خلي الوااوااا يصح...
(كيغنيها ويأشر على حجرو)
روح تتهز رااسها بلا
وتتبكي وترعد...
"بعددد مني عفااك عفاااك "
هو كيقرب ويزيد يقرب
روح كتردد هدرة ممفهوماش
"ماما بابا عتقوني عفاكم عتقوني كيف ديما عافاكم عتقوني ماااامااا بااابااا
عفاكم عتقوني عتقوني "
مكمشةة عندها وتتهزز
رااسها بلا و تردد نفس الهدرة
تتفكر فش كانت صغيرةةةة
🍒فلاش باك 🍒
قبل 10 سنوات....
كانت روح گالسة تتنقز بالحبل
تتلعب بيه و وكدور و كدير بحال راقصاات البالي....
بلا متحس ضربات
واحد المزهريةة و هي عارفاها
عزيزة على فيروز حيت ارث
عائلي...
روح خافت و سمعات صوت
الخطوات جااي تجاههااا
بزرباا تخشات تحت الكرسي
و مخلوعاا.....
ضاامةة رجيلاتهاا وتتوسل
وتمتم بوحدهاا
"بابا ماما عفاكم عاونوني
عفاك عاونوني... بااباا ماما عفاكم"...
حلات عينيهااا وبانت ليها فيروز هابطة جيهت دروج
لتحت ومشافتش الفاز....
وقفات وهي يبان ليهاا الفاز
مهرس منو غير طريف صغير
جات نونو تتجري غير شافتو
وشافت روح عرفاتها مولات
الفعلةةة
روح تتشوف فيها و شاداها
البكيةة نونو عزات عليهاا
"صافي ابنتي غير سكتي غادي لصقوه ونرضوه لبلاصتو مدام فيرروز گاع مكدقق فدكشي"...
روح ضحكات تا بانو سراجمهاا خخخ (كانت محيداا سنيناتها القداميين)
"بثح (بغات تقول بصح) انونو"
نونو تتهز رااسها باه....
روح ضمات يديداتهااا بطريقة شكر
"شكرا ليكم ابابي و مامي"..
🍒نهاية الفلاش باك 🍒
روح مخشياا فالقنت...وتتشوفو فوقهااا
كيحاول يحيد ليهاا سروالهاا
وكضربو برجليهاا بزز...
وضامة يديهاا تتطلب المساعدة
من ربي لي خلقهاا💔
هي على وشك تعرض لإغتصااب....
الشمكاار خنزر فيهااا و هو يجمعها معاها بواحد صقلةة
لحنكهااا تا دوخهاا و حكم
رجليهااا
وبداا كيحل ليهاا صدفةة ديال سروال ..

روح ستسلمات.....
معمرها فكرات تقدر...تخسر
بكارتهاا عن طريق الاغتصااب
دموعهاا كينزلو على خدودهاا
بطريقة سلسةة بحال شي
سيلان ديال شي نهر....
تتبكي فصمت و تتشوف
فواحد الفرااشةة واحلةة
فشبكة من نسيج خيوط العنكبوت....
الفراشة كانت كتمثل روح
و الشبكةة كانت هي الدنياا
لي مرحماتش هد البنت صغيرة
هد الطفلة لي ولات عندها 17 سنة
ولكن مزال عايشة بقلب
مضمر و مكسر بقلب
بنت 7 سنين..لي كانت واقفة
فطريق تتبكي فصمت وتتشوف وليديهااا ميتين
قدامهاا بسباب طيش
سائق الحافلةة لي افرط فسرعةة...وكانت نتيجة
حادث سير ماتو فيه واليديهاا
روح هد سمية بدات كانت
ندير شؤم عليهاا
روح لي روحها عياااات
وروحهاا مااتت قدامها
داك نهااار و دفناتهااا مع واليديها اليوم الدنيا
مكتافاتش بهدشي انمااا بغات
تزيد تعاقبهاا بشرفهااا....
كتحس بسروال كيهبطو.....
و كتحس برجليهاا كيتحلو
سدات عينيهااا و طاحت
اخر دمعةة من عويناتها الخوضر ...
و استسلمت ..مكرهتش متفيقش و تلقا راسها ميت
بشي سكتةة قلبيةةة

🌼فبلاصة خرى 🌼

خرج و هو كيأفأف.....
دوز ابيل لنونو...وتنهدد
"جيبي شي حوايج لواليدةة"
نونو
"واخا اسيدي انا يلاه وصلت لدار و دابا غنصاايب ليها شي سووباا وونجيب ليها حوايجها"
فهد
"لا بلاش الماكلا غتخرجي غذا فصباح جيبي غير حوايج"
نونو
"واخا اسيدي كون هاني"
فهد سكت شوياا و رجع كمل
"شكدير؟؟"
نونو
"شكوناهي اسيدي؟؟"
فهد تنهد بغضب
"روح شكون من غيرهاا ؟"
نونو مع دخلات تتبان ليها الفيلا مضلمةة شعلات ضوء
وضورات راسها فالفيلا
وصالون....
"بلاتي اسيدي نقلب عليها خليك معايا فالخط"
فهد
"بزرباا"
نونو دخلات بدات تتقلب وتشوق فين تلقاهاا....
طلعات بزرباا الفوق لبيتهااا
لقاتها خاويةة
نونو تمتمات بشوياا
"فين غتكون مشات هادي؟؟ يااربي هد البنت شحال كطير"
خرجات نونو هبطات ثاني
شويا لاحضات شي ورقة
جنب المزهريةة هزاتهاا
وبدات تتقرا بشوياا فنفسها
فهد
"نونو فينك مكايناش فدار؟"
نونو
"لا اسيدي روح مشات"
فهد هز حاجبو
"فين عندها متمشي؟؟"
نونو
"سيدي خلات رسالة بلي هي مشات"
فهد عقد حجبانو
"قراي ليا ديك رسالة"
نونو
"واخا اسيدي"

يتبع...