يوري عقد حجبانو ودوا برزانة وصوة حرش : اش تتدير هنا
صقر ناض من بلاصتو ومشا لعندو درعوو : جيت نشوف صاحبي زعما ممنحقيش ودار عند سيكريتيرة غمزها 😜
يوري شير للسكرتيرة خرجات و بقا مدة واقف تايشوف فصقر .. حرك راسو بلا حول ولا قوة الى بالله وتوجه لبيروه تايحيد لافيست ... حيدها وعلقها على كرسيه عاد كلس وهو ضام يديه وتايشوف مباشرة فصقر لي ملامحو باينين ملامح سخرية
صقر. مبتاسم : مبارك ومسعود مادرتي عقبال للعرس وبالرفاه والبنين
يوري شاف فيه بتمعن ورد عليه بكل خدة : الله يبارك فيك. اش بغيتي ابوجناح
يوري خنزر فيه : واش تتضحك عليا هنا اسي هادي بلاصت الخدمة الى جاي تلعب خرج برا حيت هنا. ناس هنا خدامين
صقر رجع تكى على الكرسي ودار رجل على رجل وتايشوف في يوري مبين البسمة والبرود من برا وهو من الداخل شاعلا فيه العافية .. العافية ديال الشمتة لي تشمت فختو وهو مزال مربوط اليدين لدابا وماقادر يدير والو لهاد الكائن لي اجرم فختو ولي عيب واش يتسمى تا انسان ... دوا وهو مغزز على سنانو : دغيا نسيتيها صافي.
يوري فهمو بقا مدة ساكت دوز صبعو علي جنب فمو تا زبلها : شبعتها
صقر ناض من مكانو شاف فيه مخرج عينيه. وتوجه ليه يوري قبل ماينوض من كورسيه نزل عليه صقر باحسن بونية خلات وجهو يعواج : هادي يالحمار حيت عدبتيها *بونية اخرى* وهادي حيت غتاصبتيها *بونية* وهادي حيت ضربتيها... وهادي حيت خليتيها الحمار ..
يوري غير تايشوف فيه مالاقي مايدير ومايقول يالله بغا ينوض وهو يعاودها معاه صقر لي عينو خارجين وعروقاتو باينين : فاش هاد المرة تبغي تبين رجولتك. جيت. عند للي قدك الشماتة. ماشي تمشي تقاوا على لوليات .. تفووووووو على شماتة .. تفووو عليك
عطاه اخر ركلة لكرششو تا كحب يوري وخرج الفوار خارج من ودنيه بقوة الاعصاب كون صاب كون قتلو عل وعسى تبرد هاد الشمتة لي تايحس بيها لدااابا
عند يوري كان طايح فالارض وعقلو سارح لبعيد.. كل تفكيرو فيها اصلا هي ولات مخيما فعقلو من نهار خلاها .. ندم علاش طاع اوامرها ومشا كون خلاها تبرا وعاود خرجها ومشاو لشي مدينة اخرى وبقا معاها تا قنعها .. كون راها دابا بين يدو وفخضنو .. وتا ولدو ايكون حداااه
ناض بعدما تقلب على ضهرو قاس الجرحة لي حدا فمو وتحسس الدم سايل .. مكانش باغي يقيس صقر ولا يتجابه معاه حيت عارف راسو يستاهل الضرب 1000 مرة وماتبردليهش على نفسو
كلس على كرسيه ورجع باللور غمض عينيه. وسرح فاااافكارو
-------------------
واقفة قدام باب الطموبيل تتضور عينيها يمين وشمال تتشوف فكاع الجهات واش كاين شي حد .. مالقات حد .. مدات يديها للباب يالله غادي تحلو باش طلع وهي تحس بدقة وراها ....
دارت مخنزرة وتتكمد ديك الدفة لي جاتها تا خرجااات عينيها فشيماااء لي واقفة فاص معاها
مشاو يتجاراو كي عادتهم كيشي بزاوز صغار الله يحضر السلامة ... طلعو بدلات جاسمين. لبسات لبسة خريفية بامتيااز دارت طريبيش علي شعرها مع كلوووز خفيف وخرجاات .. تشادو هي وشيماء بالييدين وهبطووو نيشان للطوموبيل .. كانت. سليمة وصفية ماين سمية كالسين لقدام وشيماء وسمية وجاسمين كالسين لور
بعد لحضات ...
خرجو من السيارة وحدا حدا وحدا تايشوفو فالمول لي قدو قد الخلا جاسمين لقلوبة تايخرجو من عييننيها اما شيماء فعقلها كلو غير مع الماكلة لي اياكلو هاد النهار .. وسمية مسكينة حانية الراس وفينما كودتيها تمشي
دازو من حدا بوتيكات دالحوايج والسبابط ووقفو حدا بوتيك التكاشط لي كان تايبيع احسن موديلات التكاشط فالمول كلو .. دخلو وتصافولك لبنات. يا لالة مع سليمة ههه ومشات سمية مع صفية تايختارو التكيشطات لي عوالين يلبسو فالعرس تا خرجاتليهم ب 12 لتكشيطة هنا عينين. جاسمين حوالو وشافت فيهم مخلوعة
خرجو فيها عينيهم وسمية حنات راسها اما سليمة فعطاتها باحسن قرفادة تتخنزر. فيها تزم. فمها .. . وهكدا مرت الدقايق فبوتيك التكاشط لي ماخرجو منو تاخرجو محزمات كلهم كل وحدا ختارت تكشيطتها اما لالة لعروسة فختارت 5 دلبيسات هوما هادوك تقليدين ومماشيين مع العصر ..
بقاو غادين تادازو من حدا بوتيك لي شوميز هنا صافي جاسمين بقات حالا فمها غير فيه وفالحوايج لي فيه ماحسات براسها غير تا نطقات بصوة عالي : سميةوسمية يالله نمشيو نشريولك لي شومييييز. خويااا تايعجبو هادشي
سمية مسكينها فينها راهيا غارقة فحوايجها ووجهها حمر الناس كلهم سمعو جاسمين ودارو تايشوفو فسمية مسكينة .. لي كون لقات الارض تبلعها وماتتحطش فهاد الموقف الدي لا يحسد عليه
دارت عندها سليمة خنزرات فيها وحلفات فيها بعينيها تا لبداتها عاوتاني ومابقا حسها يطلع
بقاو فديك البوتيك تا عياو ختارو لي بغاو وجاسمين دور دور وتقول لسليمة شريلي. تا تتقرصها وتتسكت .. تبعوها بمحل لممايكااب والسبابط .... عاد تفرقو سليمة وصفية وسمية مشاو عند التريتور لي كاين تما وجاسمين وشيماء مشاو للكافي. حيت قالك عياو من الضوران
حطو لي ساشي فوق الكراسا لي جنبهوم وكلسووو مقابلين بعضياتهم .. تا دوات. جاسمين : ناري يا ختي طبت طبت رجلي طابو بالضورااان ومزال ماشرينا والو
شيماء خرجات فيها عينيها : من نيتك اويلي على ماشريتي والو ودوك الخناشي لي من صباح ونتي هازا ديالمن دباك
جاسمين تجاهلات سؤالو : زيد يالله معايا نكلسو شي شوية. ونيت معايا صاحبتي ومالين الدار نعرفك بيهم
عماد بامتناع : لا لا والله مزالين تابعني الشغل والله منقد مرا خرا
جاسمين : ماكاين لا مرا خرا لا مرا جايا ... بربي تتزيد قدامي هععع والاهيلغا زوينة هادي قالك مرا اخرى
عماد بنفاذ صبر : والله تا راتااابعني شغل الله يهديك
جاسمين خنزرات فيه : 2 دقايق اعماد نكلسو شوية اويلي
عماد تنهد بقلة حيلة : واخا الالة زيدي يالله ...
تمشاو بجوج حدا بعضياتهم يديهم فيدين بعض .. مشاو جيهت الكافي دخلو وشيماء كانت عاطياهم بالضهر بقاو غاديين جيهتها تايقربولها تا وقفو عليها تسلطو عليها كي الجنون
شيماء علات عينيها وخرجاتهم فعماااد وتا عماد كان بنفس صدمتها ودواو. فدقة : عماد .... شيماء
جاسمين موسطهم غير تتشوف : واش تتعرفو بعضياتكم ؟
عماد دار عندها وتمالك نفسو وحرك راسو باه وعاود دار عند شيماء : سافا شيماء لاباس عليك
عماد بامتناع : لا لا والله مافيا مانقدش نكلس تابعيني الشغال سمحوليا ماقلتولياش اش تتديرو هنا
شيماء : جينا نتقداو للعرس
عماد. ودنيه حمارو وقلبو. تايضرب بالجهد ماسمعهاش تا اش قالت مي ابتاسم. : يالله خليتكم علي خير
شيماء اختفت ابتسامتها : الله يعاون .....
جاسمين شافت فيهم بجوج وفتعابيرهم دخلها شك .. ناضت ودعاتو هو لي كان غادي ويدور يدور ويشوف فشيماء ... غير خرج. برا لكافي وهي تنهد شيماء. تنهيييييدة طويلة ودارت يديها على صدرها في محاولة ترجع النفس .. جاسمين علاة حاجب وهبطات لاخر : همممممم اش بيناتكن نتوما. زوج اممممم
شيماء علاة فيها عينيها ببطء: والو مابيناتنا والو
جاسمين خنزرات : واش تنبانلك انا برهوشة هنا تنرضع صبعي .. وادوي ازمر اش بيناتكم قولييلي راه انموتلك هنا .. اش ديك الشوفات كنتو تتديرو فبعضكم ..
شيماء شافت فيها مطولا : والو راه غير تعارفنا فامريكا ومن تما معاودت شفتو. ودابا. غير تصدمت حيت بان قدامي هادشي وكان
جاسمين : واش كان كايعجبك
شيماء اومات ليها باه وكملات كلامها : وهو كنتي تتعجبيه
شيماء : ماعرفتش مي اخر مرة تلاقيتو طلب مني نمرتي ومن تم معاودت شفتو ..
جاسمين ابتاسمات : هادشي ولا فيه النمرة كاع هههههه وييييييع وانا يالحمارية مافخباري والو
طلعات سليمة لبيتها وشيماء مع جاسمين لبيتها وسمية شدات فمها ومشاو لبيت صقر لي تايتعد تاهو بيتها
كالسة تتقادليها فالماريو وكل حاجة تتديرها فبلاصتها فرحانة بزاف وفرحتها ماعاطياها لحد .. دارت و البسمة باينة من البعيد شافت فسمية لي حانية راسها وباينا شاداها الغمة. علاة ليها راسها بثباعها وشافت فيها بتمعن
صفية : مالكي ابنيتي
سمية بعد تردد كبير : مي واش سمحتولياااا ياك
صفية شافت فيها. لقات عينيها مغرغرين كفضات جلابيتها وكلسات جنبها بقات ساكتا لمدة : شتي الواليدين ابنيتي عمرهم يغضبو على ولادهم واخا شنو مادارو حيت نتوما تتبقاو كبدتنا وولادنا يعني قطعة منا ... حنا ابنتي سامحناااااك شحال هادي وقلتها ونعاودها. راه حنا تنبغيوك ومنقدروش نبقاو غضبانين عليك تتبقا غير لحضة غضب ولي تايخرج من الفم ديك الساعات حاولي ماتبقايش ديريه فبالك وهانتي يالالة اتولديهم واتحسي. بهادشي لي تنقولك ههههه
سمية. حنيكاتها حمارو وتخشات فحضن مها لي كتربثليها على راسها : انااا بعدا عجبتيني ديتيه لاباس عليه وايعيشك بيخير يالالة وزيدي عليها باين تايبغيك ويحماق عليك ههههه هادشي ليي بغينالك ابنيتي ... كون تزوجتي بداك ولد عمك كنتي تعيشي تكرفيس على اصولو
سمية تنهدات وزادت تمخششات فيها وصفية كملات كلامها : واخا كانت اتكون عكوزتك ضريفة ولكن تا ماماين صقر ضريفة وباينة تتبغيك وعاجباها وتاهي تتدخل لخاطر .. شتي شحال كنتو قبيلة تتفاهمو فالافكار ... انا بعدا من هادشي كامل هو انبقا ندور فالحومة وانا هازا راصي ونقوووول بنتيي تزوجات كوميسيير فالميريكان وعائلتو عندها شركااات هنا ههههه
سمية علاة عينيها شافت فيها وضحكات : وبابا عاجبو لحال
صفية تغرغرو غينيها : وعلاش لي مايعجبوش لحال ههعع شتي نهار ضربتو لعقد ومشيتو ... شحال بكا ديك اليلة ولكن كان يصبر راسو ويقول داها راجل لي ماهايتكرفسش عليها .. كون زوجك لداك ولد عمك كان ايندم اكبر ندامة لحمد لله لي جا صقر فديك الوقيتة هههه بنتي دات كوميمسير فالميريكان يا حليلي وهايديرلك عرس من الفوق عرفتي داكشي باين ايكون مطرطق ههه غير من التكاشط لي ديتي ههههه
سمية ضحكات واخيرا رتاحت من الداخل فاش سامحوها واليديها فخطرة دابا هاتعيش مزيان اتعيش مرتاحة كاي امرأة متزوجة فدار راجلها مواعدا راسها انها هتكون نعمة الزوجة لصقر وماهاتخليهش شي نهار يندم علي قرار زواجو منها ..
حلات الباب. دورات عينيها فالغرفة مكاين حد دخلات وهي تتشوف فالقنات سمعات صوة الحمام عرفاتها تتدوش مشات كلسات فناموسيتها غير حطات زكها وهي تخرج ملوية عليها فوطة ساترة تحتها وشعرها فازك مطلوق ..
شافت فيها مخنزرة : واش نتي ديما اتبقاي هاكا راك هاتمرضي تنقولك ابنتي لاتبقاشاي تخرجي من دوش ونتي مملوياش عليك فوطة علي راسك ابنتي الله يهديك
جاسمين شافت فيها : ماما اش تتديري هنايا
سليمة مشات للبلاكار هزات فوطة وجات دارتهالها على راسها وداتها ل سرير كلسات وتتمسحليها راسها : جيت نشوف بنتي مامنحقيش
جاسمين عاجبها الحال : لا لا لا انا صحابني نسيتي بنتك. حيت شتك وليتي. داياها غير فمرات ولدك
سليمة شافت فيها : انقول مي متقوليها لحد راه فخباري غير انا واخا
جاسمين قربات ليها : غير عاوديلي كوني هانية غير قوليلي اش واقع
سليمة : سمية حاملة من خوك( جاسمين شهقات) شووووووو سكتي مديريليناش الشوهة راه فاش قالهالي ماخليت فيه غير لي نسيت. راه حرام يدير فالبنت بحال هاكاك وهي شوفي كيدايرا وتا واليديها كي دايرين والله تا ضريفين شتي صقر كون مكنتش مربياه انقول تفلا على البنت وخاف على راصو وتزوجها. ولكن فعينيه كان باين بلي تايبغيها عرفتي راه فاش قالهالي. والله تا تصدمت ...
جاسمين دارت يديها علي فمها : ويلي ويلي على فضيحة داير هدا ......وواليديها فخبارهم
سليمة : باينة ايكون فخبارهم غير من التزويجة لي تزوجو والزربة لي دارليها واليديها ايكونو زوجوهم بالسيف وهو جابها .. والصبر. راه صعيبة بحال هاكا واليديها اتجيهم صعيبة بنتهم تحمل ويزوجوها للي حملها .. راه مني انا وجبد امبوسيبل نتقبلها والله ما. دوزليا ..
جاسمين سمعاتها وكملات على لباس سروالها ومشات كلسات حدا مها : ماما .. عافاكي عاوديلي علي طفولتي راه تمحاتلي كلها من بالي عافاكي عاوديليا
سليمة تنهداتت : من بعد الحادث لي درتي فاش كنتي عندك 10 سنين تمحالك كولشي من بالك ابنيتي ...فقدتي الذاكرة
جاسمين : وي هادشي عارفاه مي لي بغيت نعرف هو حياتي قبل الحادث ولي مابغيتوش تعاودولي عليها عافاك. اماما. عاوديليا قوليليا وقوليلي اش قصة تا هاد الوشام لي فرجلي
سليمة شافت فيها مطولا وسرحات للماضي وبدات تتعاود : نتي فاش كنتي صغيرة درتليك هاد الوشام نتي وولد صاحبتي ... كنتو قراب بزاااف مكنتيش تتفارقي عليه فاش. تايجي عندنا متتفارقوش وفاش تايمشي تتفارقو غير بالدموع والبكاوات .... كنتي تتحسبيه كولشي فحياتك الصغيورة من نهار تولدتي هو اول واحد هزك بعدي انا واخا كان صغير مي كان عارف وكان كل نهار تايجي لعندك لهنا يلعب معاك تا لنهار المشؤوم
جاسمين باستفهام : اشمن نهار. اماما ..
سليمة غمضات عينيها بالم وداك المنضر لي شافتو داك النهار تتحاول تناساه ولكن كل ماهو تابعها : داك النهار. كنا خرجنا انا وباباك وخوك وخليناك هنا حيث كنتي مريضة مشينا وجات صاحبتي وولدها ... ولي وقع ماعرفتش لي شفنا هو فاش جينا باليل. لقينا صاحبتي وعمك لي كان. ساكن معانا ديك الوقيتة غارقين فدمهم وعريااااانين ابشع منضر تشوفو فحياتك ..
جاسمين شهقات وحطات يديها علي فمها : اويلي ..
يليمة حركات راسها : اه. هادشي لي وقع وماكناش بغينا نعاودوليك مي دابا كبرتي وخاصكي تعرفي كولشي .. صاحبتي خانت راجلها مع عمك .. ولي شفنا فالكاميرات هو ولدها طلع وكان هازك معاه ومشا لداك لبيت وفاش شاف داك المنضر هو لي قتلهم (جاسمين خرجات عينيها) هو لي قتلهم. كان اسوأ نهار ... علينا كلنا .. تفرقات الصداقة وخسرت صاحبتي لي خانتنا كلنا. 😫
واش هو اه هو بشحمه ولحمه وعضامه .. شافت فيه بتمعن واخا بعيد عليها بمترات بعاد ولكن لمحاتو .. لمحات لحيتو لي كبرااات ووجهو لي بياض وتغوبيشتو لي زادت ... ماقدراتش تلمح عينيه لي مخبين ورا النضاضر ولي هو كان مستاغلهم باش يشوف فيها على راحتو وكيف بغا
جاسمين بقات مدة تتشوف فيه تا شوية لمحات لبنت لي حداه .. بقات تتحقق فيها تا طلعات معاها .. اه هادي خطيبتو .. لي تصويرتو معاها فكاع الجرائد والقنوات الالكترونية
سرطات ريقها وحطات يديها على. قلبها لي ولاو ضرباتو تايتسمعو من بعيد شكات هو واش سمعهوم .. غمضات عينيها بالم .. وبعدات نضراتها من عليهم لكن كل ما هي تترجع ليهم .. عطاوها بالضهر غاديين لجيهة السيارة البورش السوداء لي كانت فاص معاهم وهنا لمحاات يديهم لي متشااابكين ..
حليها لباب بكل جلتمانية ورقي شي لي خلا جاسمين غير ساهيا وقلب الضورة حل الباب اللور حط فاليز صغيورة وطلع تاهو من جيهت الشيفوور وفنننننن ديمارا .. ولم يعد كانه لم يكن في الاصل
وعات على راسها فاش بدا ليو تايحنحن .. طلعات وبقات كالسة وتتاتشوف فبلاصة وحدا تا دوزليها ليو يدو على ضهرها عاد هزات عينيها فيه مفزوعة .. هو شافها هاكاك مخلوعة كمش حجبانو ويدو بدا كايدوزهاليها على حنيكاتها وهي تتشوف فيه
جاسمين شدات من عندو القرعة ونزلات على نصها .. شافت فيها وابتاسمات تتطمنو عاد ديمااارات .. وعقلها تايفكر فحاجة وحدا غير فيوري وصورة وحدا لي تتجي قدامها هي صورت. يديهم بجوج .. حسات غير من ديك الشدة بلي كايبغيو بعضياتهم وبلي هيا مابقات تتعنيلووو والوو فحياااتو
بعد لحضات ...
فرانات قدام الباب الدخلاني للفيلة كان الهرج والصداع فالفيلة كلها شي داخل شي خارج والبزاوز والعائلة والبنات والدراري غير غاديين جايين وتا من العمال لي ضاعفو على قبل ..
ابتاسمات وهي مزالا كالسة وشادا فالكيدو فاش شافت خوها جاي .. وقف عليهم ودار جيهتها وتكا على الباب وشاف فيها
ليو ابتاسم ببلاهة : وراني ماقستهاش غير بستها وصافي ..
صقر. : لا ماقتلوهش غير ذبحوه شوف اسيدي هادا المغرب وفعايل التابراويت ديالك تا لاميريك وديرها هنا الاحترام واخا
ليو : صافي اساط غا طلق صافي مهنعاودش
صقر ابتاسم ونفضلو على كتافو : واهاكاك يالله زيد دخل مرحبا مرحبا نهار كبير اسي ليو ..
ليو: شكرا شكرا ..اطط بعدا ندوي مع جاسمين ونجي.
.. يالله جا يدور لقاها ضربات الضوورة بالطموبيل وغادا بقا متبعليها العين حاس بيها ماهياااش وقلبو تاهو كيضرو خصوصا انه لمح الحزن فعينيها ومافهمش علاش وكيفاش ..
تنهد ويالله جا يدور وهو يتفزع من شيماء لي كانت دايرا حركة تتخلع حط يدو على راسو ومسحو ساخط : واش نتي مشا لبوك لعقل اويلي .. وا استقبال زوين هذا ..
شيماء شداتو وعنقاتو وبعدات : توحشتك اليو سافا امم
صقر شدقا من قرفادتها : تانتي لمك وليتي تعانقي لا لا بوسيه حسن هادشي لي بقالك توكضي معايا الالة سيري دخلي حدا لعيالات مزيان تبارك الله قالك توحشتك السيبة عندنا السيبة
شيماء ميقات فيه وضربات وخلاتهم بجوج تايشوفو فبعض تا جرو صقر مطلعو .. وليو ماهواش هنا.... كل تفكيرو فالبنت لي دق قلبو ليها اول مرة ..
تسد. عليه الباب ودار شاف فالغرفة لي كانت متوسطة نوعا ما مشا كلس وتكا على ضهرو وابتسامتو ضهرات .. طول هاد الايام توحشها واخا تايهدرو فالسكايب والتيلي واتصالاتهم مانقاطعوش ولكن توحشها وفاش شافها حس بقلبو ايطير ايطير
ليو : غدا انعتارفليك بحبي فوسط العرس احبي
....... كالسة فوق حجرة ضخمة تايضرب فيها الماء ومرا مرا تايترش على وجهها لي كان صافي وخالي من المايكاب ابتاسمات وشعرها كايطير فالسما حسات بالريح تايلامس وجهها الرطيطب .. عجبها الجو وطلعات النفس وعاودات هبطاتها بارتياح وحطات يديها على قلبها وعلات عينيها لي مغرغرين بالدموع
جاسمين : اكيد ايكون نساني اكيد
.. عجبها الجو وطلعات النفس وعاودات هبطاتها بارتياح وحطات يديها على قلبها وعلات عينيها لي مغرغرين بالدموع
ناضت من مكانها بعد مدة لا تتجاوز الساعة مشات ديريكت لطموبيلتها ركبات وبعد مدة كسيرات تحت نضرات يوري لي من الصباح وهو مترقبها .. منين جات تا مشات .. ..
مشا تاهو لسياارتو كسيرا ومشا ديريكت للفيلة دخل ومشا للصالون كانت كالسة داداه. ابتاسمليها وباسها علي راسها وعاد كلس بقا مدة ساكت تا بدات تتدوي دادا
دادا : ولدي الله يرضي عليك بغيت نسولك وجاوبني عرفتي راسي ايطرطق عليا بقوة التفكير دخت
يوري عرفها لاش اتسولو حرك ليها راسو بواخا وبقا تايشوف فيها وهي تتهدر وتتعبر بيديها : ديك البنت جاسمين. . مافهمتش قصتها بين ليلة وضحاها لقيتها فداري قلتيلي مراتي قلنا ماعليش من بعد اختافات فاش جينا لهنا بلا كلمة بلا جوج بغيت شي تفسير فهمني الله يرضي عليك فينهيا ديك البنت
دادا ناضت وكلسات جنبو وحطات يديها علي قلبو : انا تهنيت انا رتاحيت ولكن نتا رتاحيتي فاش مشات قلبك رتاح فاش مشات .. كنت عارفك تتكذب وملبقليا بيلا مرتك وماكان رابطك بيها لا عقد لا هم يحزنون... عارفا هادشي وعارفا كل حاجة .. ولكن لي ماعارفاش هو نتا لاش ممرتاحش .. نتا لي وليت نشوفك مهموم .. دخل مغوبش وتخرج مغوبش .. وبلاصت بيتك وليتي تنعس فبيتها وتتخايلها وتتشم ريحتها لي مابقاتش فديك الغرفة. اساسا .. واش هاكا هتبقا اولدي .. امم واش هاكا هتبقا ديما ..
يوري حط راسو على كتافها وطلع النفس وهبطو بعدم راحة... : انا هانبقا ديما هاكا .. انا الى بقيت معاها غير هنعدبها وهانمرضها .. هانعاديها بمرضي لي ركباتو فيا مي ولي خلاتني نولي نكره جنس لعيالات وفوقما نشوف شي وحدا نقتلها ولكن .. هاد البنت كانت غير .. كانت شي حاجة فيها مختالفة .. كانت صديقة طفولتي ولا نقول حبيبة طفولتي لي كنت تنعشق وكنت تنقول اتكبر انتزوجها .. ( شدليها فيديها وسها مع ابتساامة علي محياه) فخبارك بلي فاش كنت صغير انا ثاني واحد هزيتها بين يدي كانت صغيورة بزاف وزويونة وبيضة ... كلشي كانت تتبكي فحضنو الي انا فاش تنهزها تتسكت وتتبدا تضحك.... فاش كبرات شوية ولفاتني وولات تتقولي حبيبي وفوقما نمشيو عندهم تتبقا معايا .. كنت تنبغيها بزاف .. وانا صغير كنت تنقول انكبرو انتزوجو وكولشي بيخير حيت حنا صحاب وعائلاتنا كذلك صحاب يعني ماهايكون تا اعتراض ولكن شاءت الاقدار ان حذث ما حدث .. .... حبي ليها فالصغر مايساويش تا ربع الحب لي تنحس بيه دابا من جيهت ديك البنت .. كانت اول وحدة دقليها قلبي فصصغري وثاني وحدة دقليها قلبي فكبري .. ( مع كلمتو اللخرة مع طاحت دمعة من عينيه وسهااااا ودادا غير تتشوف قلبها ضارها من جيهتو وماعارفا مادير .. )
دخلات لدارهم كان مزال نايض فيها الهرج شافت فالساعة كانت 21:00 ابتاسمات فاش شافت مها كالسة حداها سمية ومن الجنب لاخر شيماء
جاسمين : ياااكو الخائنات مجمعات بلا بيا .. واخا شكرا وانا لي كنت دايرا فيكم الثيقة وتنقول هادو مايخونونيش .. (دارت شافت فمها ) ونتي الواليدة يا مولات العقل يا لي قلنا عندها الدراري .. ماتقوليلهمش نتسناو بنتي تتجي ونتجمعو على هريد الناب
شيماء : نتي في عار الله ونبي يا رسول الله يا صحيبتي هادشي غير كلسنا وسميتيه خيانة اما كون خرجنا ماعرت اش تسميها
سليمة : ومع هو مايخسرليهاش الخاطر راه يدخلنا بلهلا يكزيهلينا وديك الساعات اش جا ماعتقنا ولدي هداك وانا عارفاه
جاسمين مشات كلسات حدا سمية ودرعاتها : لا لا دابا انا كلمتي ماهاتبقاش ساوية عند خويا صافي مشيت فيها ولات لالة سمية هي الآمر والناهي والمتحكم فخويا رسميا
سليمة : اوا لا ماكانتش هي الامر والناهي فنضرك شكون هايكون هههه ما هي مراتو زينة البنات اودي ولدي ختار وعرف اش يختار الزين والحشمة .. شتي ولدي صقر تنقولها ونعاودو طلع لباه تايعرف يختار الزين
جاسمين ميقات فيها : لا لا الواليدة سمحيلي نقاطعك لواليد دوقو مازوينش ماتخصريش فالهدرة ويلي نقولو صقر تايعرف يختار ولكن بابا والو .واش عندو شي دوق
سليمة خنزرات فيها : ياكي لمك تتعايري فيا بالعلالي. مالي كيجيتك زينة وباقا جون وشباب هههه ومزال. نتعزل ويختاروني ونتزوج ماخير من باك
بوجناح من وراهم : اهياااتا اديك. المرا شتك كبرتي وهترتي هممم ياكما باغا تبدليني راه واخا دوري العالم كامل وزحل والزمردة والله لا لقيتي بحالي
سليمة ناضت من حداهم ومشات جيهت بوجناح حشات يديه فدراعو وشافت فيه بحب كبير : وشكون قالك انا نقدر نشوف فغيرك همممم راني عارفا بلي ماكاينش بحالك امحمد ديالي
جاسمين بقات تدور عينيها فالمكان : فينهوواا ليو بعدا ماشتوش
سليمة ميقات فيها : اويلي على ليو اويلي وحدي واش مدخلالينا شي قط للدار الموصيبة ونتي عارفاني منحملش لقطوط
شيماء شدات كرشها لي تتضرها بالضحك لمحلت ليو هابط هو وصقر مشات جيهتو شداتو وداتو فين واقفة سليمة وجاسمين : هاهو ليوو اخالتي القط لي جابتو. جاسمين للدار هههههه
سليمة ضارت بالعرض البطيء خايفة هبطات عينيها للارض تا شافت صباط وبقات طالعا مع رجليه كرشو صدرو عاد وصلات لوجهو لي بيبض وشعرو الزعععر بايين كيووت بالزاف .. تنهدات ورتاحت وابتاسماتلو ببلهاة عاد دارت عند جاسمين
سليمة : ويلي يالموصيبة طيرتيها مني كان يسحابلي غير شي قط ومدخلاهليا للدار كنت انبقا ندعي فيك تا ليوم الدين ..
بقاو يضحكو كلهم. وليو موسطهم مفاهم والو جابليه الله تايضحكو عليها .. وهادشي لي لمحاتو جاسمين ومشات خداه بقات تتشرحليه باللونغلي تافهم وعاد دار شافيها بقا ساهي فعينيها وتاهي ساااااهيا فيه شحال .. عاد وعات على راسها ودارت
بقاو مدة تايهدرو ويضحكو مع بعض هدرة تجبد هدرة تاناضو تجمعو وتعشاااو كلهم عاد طلعات جاسمين لبيتها هي وشيماء وسمية لي تحرماتت علي صقر تالنهار العرس
طلعو ب3. تايضحكو ومقشبين طالقينها تسرح حلاتليهم الباب ودخلات كل من سمية وشيماء اما جاسمين غير جات تخطي خطوة وهي تتجر رجعات بشهقة تا سدليها فمها ..
ابتاسماتليها جاسمين وخرجات تتقاد الكاب طلعات مع الدروج ديريكت للسطيحة حلاتها وقادات الزكروم من برا باش مايسدش عليهم الباب عاد دارت ومشات لواحد الجيهة كان فيها السلوم .. دورات وجهها على المكان مالقات حد بدات طالعا تا وصلات للفوق شافتو كان كالس ومدلي رجلي وجنبو جوج قراعي ديال كولا ..
مشات جيهتو وكلسات هو غير حس بيها ودار. عندها تايتمعن فيها تا كلسات وتنهدات براحة : فخبارك بلي يحصلنا صقر هنا يقطعنا طراف طراف
ليو شدليها فيديها وباسها فيها بكل جنتلنانية : الى كنت انموت وانا معاك فماعليش
جاسمين ابتاسمات وبدات تتطلع معاها الضحكة شوية بشوية ..عاد حنات راسها وشافت فيه هزات ديك كولا وشربات منها جغيمة ودارت عندو : فخبارك بلي المرأة الحامل خايبة ليها كوكا امم
جاسمين : ههههههههه ختاريتي تكون طبيب نسائي باش تبقا تزلل على لعيالات هممممم عقت بيك عقت .. حسن عوان هاد المرا لي عوالا تعيش مع واحد. هايبقا يشوف فالعيالات ويتلمس فيهم كل نهار
ليو : هاد المرا لي هنديها غادي تكون ملكة علي عرش قلبي وعمر شي حد مايوصلها
جاسمين ميقات فيه : ماجاتني والو انا راه البرد.لي جاني و دخل لعضامي وعشعش ... انا هنهبط ونيت فيا نعاس ..
ليو شدها من يديها وكلسها : مالك اجاسمين اش بيك. واش واقعليك شي حاجة شفتك قبيلة مهمومة اش بيك عاوديلي ياك انا صديقك ولا متتيقيش بيا هممم
جاسمين ابتاسمات وشداتليه فيديه ووقفات تا ولا واقف معاها تا هو : نتا اعز صديق عندي تتفهمني بلاما نهدر وغير من عيني .. لهلا يخطيك عليا ولكن ...م.م... مابيا والو غير قبيلة تفكرت شي حوايج وتغبنت وصافي يعني ماشي شي حاجة بلاما دير في بالك واخا
ليو : ولكن ..
جاسمين قاطعاتو وحطات صبعها على شفايفو : شووووو مافيا مايهدر من بعد وندويو دابا عييت واخا نمشي
ليو تمعن فيها للحضة. وجرها لعندو ضمها ليه وباسها على راسها : سيري ترتاحي
... ابتاسمات ليه وتمناتو لليلة سعيدة وهبطاات في حالاتها بينما خلات وراها قلب ينزف الما لالم محبوبته والتي لم تفش له باي شيء .. حاول يخفف من حزنها ولكن هي صداتو مابغاش يقلقها وفنفس الوقت مباغيهاش. تبقا مقلقة ..
مشا رجع بلاصتو وهز كوكا وهبط عليها. مبتاسم. عاد رجع تكا على ضهرو تايسبح بعينيه ف السماء المبهجة بنجووومها
لمهم اسيااادنا الشميشة بزغااات والعصافير زقزقااات والكل فدار بوجناح فيقات ... كالسة وسطهم كي الامانة وجنبها صقر. لي محاملش راسو من هاد اليامات لي مابقاتش نعساات جنبو واخا هي مرتو .. مو حرماتها عليه ..
حرك يدو وحطها على فخادها تا قفزات مخلوعة شاف فيها الكل ومنهم تا صقر لي داير براسو مفاهم والو .. : حبيبة مالكي
سمية تتدور فعينيها ليهم كلهم تايتسناوها تجاوبهم ابتاسمات ليهم وشافت فصقر : لا والو غير كرشي ضراتني شوية وصافي
سليمة ناضت من مكانها ومشات جيهتها حيداتليها كاس الليمون من حداها : هذا ابنتي خايب ليك ماتبقايش تشربي اليمون وهو باااارد واخا
سمية حركات راسها بواخا اما واحد جاسمين غير شافت عصير اليمون ناضت تتطير شداتو من عند مها يالله هاتكركبو وهو يجي صقر حيدوليها : خايب اجاسمين خايب
.سليمة بقات تتشوف فيهم وابتاسمات ماباغاش تقوليها شربيه راه خايب غير على الحوامل الحاجة الباردة : اه ابنتي راه خايب تشربو داكشي بارد .. راه مهتفهمو هادشي تاتكبرو يالله سيري من قدامي. فطرو باش توجدو راسكم. راه ليلة لحنة
صقر خسر كمارتو : وضروري من الحنة.
سمية ناضت وخسرات سيفتها : لا لا مابغيتش انا ندير الحنة تتعيفني وريحتها تتخنقني منقدرش اخالتي والله
شيماء ميقات فيها : عافاكي عافاكي راه ضروري خاصنا لحنة اصاحبتي متحرميناش بليز ..
صقر شاف فيهم : لا لا صافي مرتي مابغاتش صافي
جاسمين:تانا مابغيتهاش بلاما نديرووهااا أماما عفاك بلاش منها
سليما :نتوما فين عمركوم شفتو ليلة الحنة بلا حنا وزايدون لامبغيتوهاش بنتي شيماء بغاها... حنا غنديرو مراسم الحنا كما يجب... ولي مابغاش ميحنيش كاينة ولا لا هممم
سمية تتضحك : صافي ليبغيتو لمهم غير انا ماهانديرهاش راني والله ماطايقا شي ريحة دلحنا
سليمة : هاااه شوفو سيرو. لحمام. لي فالحوومة لي لتحت ديال. فاطنة وياويل شيوحدة فيكم ترجعلي شعرها عامر بالقشرة ولا ماحاكاش مزيان. ها ودني
جاسمين : كوني هانية الواليييدة ماضربيش لحسبة
ناضو طلعو لبيت جمعو حويجاتهوم وجاسمين وشيماء شدين فسمية. ما هي ليلة الحنة وغدا لعرس. .. بقاو كالسين يخلعو فيها .....هبطو لقاو صقر صبقهوم لطونوبيل ركبات سمية حداه وجاسمين وشيماء لور وصلهوم للحمام لي واخا تقليدي مي زوين راقي ونضيييف .... دخلو وسمية غير حالة فمها وكتشوف هادشي جديد عليها. موالفا بالحمامات لموسخين لي فحومتها ههههه
دخلو و زادت قدامهم واحد الطيابة. اشمنك يا طول ويا تجريدة ويا قلدة. دخلاتهم وجداتلهم لبلاصة فين ايكلسوو جابتلهم سطولا. وبقاو. تايتحممو .. دوزو. على لحمهم بالصابوون البلدي وشللو وبقاو كالسين مدة باش يسخنو عاد باش تجي عندهم طيابة تحكلهم
سمية :هادشي زوين عندهوم والله ماتقولي حمام كون تشوفي دوك الحمامات لي عندنا سراق زيت طالع فالحيط وليكوش ددراري صغار مرمي فالارض اععععع اش غانقوولكم. داكشي تايعيف
شيماء :باقي مشتي والو. الزينة هي فاش هاتجي طيابة تحكلك ويلي. يا ختي. تتديرلك مساج وحكان ولكن متتحيد منك تا تتخرج لوسخ كلو واخا تقوليلها نتي حبسي والله متاتحبس تاتبقى تحفر فيك تتقلب. عليه 😉
جاسمين: ويلي ماتفكرينيش. فحكانهم انا بعدا فاش جيت بلا سليمة راني بيخير اويلي تتديرلي كثر من الطيابة تقولي مغوددة على لوسخ هههه
بقاو مني منك وهدرة تجبد لوخرا تا جات طيابة دوزاتليهم وحدااا وحداا نقاتهم. مزيان .. عاد بداو تايغسلو شعوراتهم والاعين كلها عليهم مع هوما. تباركالله كل وحدا فيهم قلدتها تهبل وشعوراتهم ماشاء الله.
خرجو بعدها مسخسخات. لبسو جليلبات دلبنيات الغزبات. دارو زيف حياتي ودريرات جاو سوو كيوت مع حنيكاتهم حميمرين هاااح غير دلبووسان .. هزو سيكانهم ومع تا واحد ماهايجي عندهم خرجو وخداو طاكسي وراجعين للدار بعد 6 دسوايع دلحمام .....
سليما: الله يرضي عليك اولدي ويكمل عليك بالخير سير تانتا بدا توجد راسك راه قربو يبداو يجيو الناس
صقر عقد حواجبو : على مالي انا لي هانبرز راه عروستي غير هاتكلس ماهتحني ماهاتدني. ماعندي لاش نكلس. تانا هنايا انمشي نخرج انا وليو ونتوما فرحو بيناتكم. راه غير لعيالات
سليمة ضربات على حناكها : من نيتك دوز قدامي. واش هاتخلي عروستك فليلة الحنة
صقر : من ريتي لواه الله يهديك الواليدة انا غادي ماتضرينيش في راسي غدا عاد لابرزت حداها ماشي مشكيل واخا ماباغيش وممسروطاليش مي غير باش نديرو لخاطر شوية وصافي .. يالله بسلامة هاني غادي ..
مشا صقر وبقات سليمة غير تتشوف فهاد الدري لي راسو قصح من الحجر فداخلها مغووددة قربات تاكل راسها بالفقصة ..
بقات كالسة لمدة عاد قشعات البنات داخلين وكل وحدا يا وحدااا جاو تيتيزات واخا بلا مايكاب بلا تا وزا مي جاو قرطاااسات خرجات عينيها ومشات تتتطير عندهم شداتهم ب 3 وطلعاتهم لبيت جاسمين ديريكت. سدات لباب وعاد دارت عندهم
سليمة:ايه نتوما ليجا معاكوم تكسويل كون غير زدتو بقيتو شوية راه جيتو بكريي
جاسمين ببرائة : والاهيلا قلتهالهم قلتلهم خلينا نزيدو شوبة راه سليمة ماهاتقول والو. قالولي والو يالله نمشبو. هايتخلعو علينا ( دارت عند لبنات ) هانتوما شتو قلتلكم كون غير بقينا شوية والله ونتوما مزروبات
سليمة قرفداتها : سيري تكلسي يالموصيبة لي عطاني. ربي. مابقا والو والناس ايبداو يدخلو وجدو راسكم هالكوافورة مابقالها والو وتوصل اه وماتخليو تاحد يدخل عندكم واخا. غير نتوما ب 3 مع النكافة والكوافورة مفاهمين
حركوليها راسهم بواخا وبداو كيحيدو فحوايجهم اما هي هبطات سدات الباب عليهم. شافت النكافة والكوافورة جايات مع الحنايا . طلعات غير الكوافورة والنكافة للبيت. ودخلاتهم على لبنات
سليمة مشات عند سمية عنقاتها وبدات تتهضر مع الكوافورة : هاهي عروستي لغزالة تهلايلي فيها نبغيها تخطف الاضواء هاد النهار. واخا
لكوافورة كتشوف فسمية كيف حشمانة: غزالة تبارك الله متحتاجناش باش تخطف الاضواء. راه هي وهاكا خاطفة الاضواء
جاسمين خنزرات فمها ونغزاتها : وحنا الواليدة نسيتينا ولا اش
سليمة تحت سنانها : الله يعطيك غبارة يا بنت كرشي خلي تانهار عرسك ونديرولك كثر من هاكا ... ( دارت عند لكوافورة) وتا هاد جوج بخوشات متنسايهمش هادي بنتي وهادي صاحبتها بغيتهوم تاهوما يكونو متميزات ليلة
جاسمين وشيماء : لا تا حنا بغينا نخطفو الاضواء
الكوافورة ابتاسمات : الله يا ودي انخليوكم تيتيزات كثر من هاكا واخا نتوما زينكم طبيعي مي اكيد لمستي هاتخليكم تزيدو تزيانو
شدات لكوافورة سمية وداتها جيهت الدريسينك عطاتها واحد الشوميز خفيفا ببينوارها كالتلها لبسيها باش نبداو
خرجات لالة سمية ومشات جيهت المرايا. كلسات وبدات لكوافوورة فلمساتها وخدمتها وتقنيتها باش تخليها تبان هي نجمة هاد اليلة واكيد تا جاسمين وشيماء
بعد لحضات ...
وقفو وحدا تتشوف فلوخرا منباهرات فبعضياتهم شافو فراسهم فلمرايا. زادو خرجو عينيهم بانو شي حاجة اكثر من تيتيزات. يالات الكوافورة جمعات دوزانها ودردبات بعدما. تمنات الافضل ليهم ب 3 بقات معاهم غير النكافة لي بدات فتلبيسهم ..
ختارت جاسمين. تكشيطة سوداء مرصعة بالاحجار فكل قنت جاياها واعرة وملبوووسة عليها اما شيماء فختارت تكشيطة فالاحمر لي جاتها قوووووقة .. وخلاص سمية لبسات لبسة دلحنة واخا ماهادير لا حنا لاهم يحزنون لبساات تكشيطة بالاخضر ملكي ..
سالاو والنكافة عيطات لمليكة لي طلعات تتجري غير دخلات عليهم انباهرات بقمة الجمال والانوثة لي اكتاسحااتهم ب 3 بداو عينيها تايدمعو .. مشات وقفات عليهم وضرباتلهم تعنيقة دايزها الكلام. عاد بعداتهم عليها وبدات تتقرا عليهم الادعية والمعودتين ..
هبطو والنكاافة وراهم مع مساعداتها لي طلعو اما شيماء وجاسمين فشادين فسمية لي دايرينها وسططهم ووراهم تتعالى الهتافات الزغروتات لي خلات الكل تايشوف جيهة الدروج مستني العروسة تنزل
كانت اول من استقبلهم فالدروج صفية لي عينيها تغرغرو وهي تتشوف فبنتها عروسة وهاذا حلم كل ام .. عنقااتها وزيداتها مع البنات دخلوها للصالون لي كانت فيه كلستها وكلسوها. وسط الناس الكل تايشوف فيها وفجمالها الاخاد وصفية وسليمة غير تايقراو ويقولو تبارك الله من عينين بنادم
كلشي تايغني ويشطح ويصلي على النبي .. كاين لي فرحان من قلبو وكاين لي جابو لهاد الحفلة غير النميمة وكاين لي الحسد والغيرة قربو يفجرو قلبو وهدا حال كل عراسياااا
سالاو الزعاريت ودخلو اللعابات لي بداو. فغناهم. خلاو كولشي ناشط وماشط .. كلشي تايغني معاهم ولاعب .. شيماء مشات وقفات على الحنايا .. لي حناتلها هي اول وحدا عاد دازت على لبنات لي بغاو يحنيو اما سمية وجاسمين فغير مخسرين سيفتهم ماحاملينش لا لحنة لا لي جي منها ..
شيماء سالات حنتها بدات تتشوف فيها فرحانة مشات كلسات ومدات تيليفونها لجاسمين لي التاقطاتلها صورة جايا فيها سووو كيوت ديريكت لاحتها فالانسطااااا وحطاتها فصطوري واتس
بقاو لالياتي كالسين هاكاك ناشطات وفرحانات تا فرقو لعشااا وكولشي فرحان وصحاب النميمة والتبركيك مالقاو مايديو معاهم كولشي كان على اصولو وعلى حقو وطريقو
سالات الحفيلة وناض كولشي تفرق بقاو غير العائلة لبعيدة ومالين دار .. دخل سي صقر وليو ضاحكين. غير وقفو فباب الصالون وهوما يخرجو عينيهم
كانو قدامهم اجمل ياقوتات .. صقر لي خرج عينو فسمية كانت حانية راسها وتتضحك بلباقة هي وجاسمين وتايتسيلفااو .. اما ليو فسها فجاسمين لي كانت لابسالك التقليدي وجايا فيه كيوت انباهر من جمالها الخلاب او الجمال لي ضفات عليها التكشيطة
صقر بلاما يتسوق لحد مشا شد سمية من يديها وجارها اما هي فتصدمات وماعرفات مادير كاتشوف فجاسمين وشيماء لي كانو تايضحكو عليها. تا خرجات
خلاتها ومشات تتجري طلعات لغرفتها جبدات. سورفيط لبساتها بعدما حيدات تكشيطة وزادت عليها كاب حيت الجو بارد ونزلااات لقات ليو راكب فطوموبيل تايتسناها طلعات وسدات لباب عاد شافت فيه
ليو مبتاسم : مشينا
جاسمين : مشيناااا
مكاليها على الحيط فمو ففمها مابغاش يتفرق عليه وريقها كل ماهو تايجدبو ليها .. غمض عينيه وتنهد تنهيدة طويلة عاد حيد شفايفو شافها كيف مغمضة عينيها ابتاسم وباسليها راسها ..
صقر شدها من يديداتها ومشا كلسها فوق السرير : ولكن حنا ضاربين لاكط واخا
سمية : اممم وي بصح
صقر : يالله بوسيني. باش نعرفك مابقيتيش تحشمي دابا انا راجلك ولحشمة اتحيديها ومن غدا ..
سمية تصدمات : هااا
صقر باسها من فمها بقوة : قلتلك بوسينا كيما هكا. فهمتيها يالله بوسيني
سمية. طلعاتلها السخونية من صبع رجليها الصغير وقادت فمها لفمو باش تبوسو ماعندها لاش تمانع دابا هي مرتو وحلالو قدام ربي ورسولو يعني من واجبها طاعتو .. غمضات عينيها وقبل ماتوصلو كان بادر هو وباسها ورجع تايضحك وتاهي كذلك ههههه
صقر دار يدو فراسو زعما تايفكر : انتزوج وحداخرا هههههه
سمية خنزرات فيه: كيفاش اتزوج وخداخراا من نيتك لا واش تتفلا عليا
صقر جبدها لعندو حط راسها على صدرو : غير تنضحك الهبيلة ههههه موااح علك ..
-----------
عند شيماء
كالسة ماعليها مابيها طالها هابطة فالانسطا تتشوف جيمات ولي كومنت لي كانت كلها زوينة وتايشكرو فيها .. طفات التيلي وشداتو وبقات تتدور بعينيها على المكان جاها الملال خصوصا فاش مشات جاسمين مع ليو و سمية مع صقر بقات بوحدها كي لحنش لمقطع راسو ..
ناضت من بلاصتها. وطالعا فالدروج فاتجاه بيت جاسمين ترتاح فيه تابدا كيصوني تيليفونها جبداتو شافت المتصل تا خرجااات عينيها ومشات تتطير لبيت جاسمين سداتو بالساقطة عاد دوزات الخط دارتو على ودنيها وحطات يديها على قلبها لي كايضرب بجهد
شيماء : الوو. وي عماد
عماد جايب لكاو هضر مغزز على سنانو : ماكاين لا الو عماد لا الو نمييي هادخلي دابا هاتحيدي داك القلا** دتصويرا لي حاطاليا فالاسطااا ولا لي يسوا ولي مايسواش تيكومونطي فيها ويشكر فزينك. سيري حيدي النم ليا ولا نجي نطحن مك دابا
شيماء خرجات عينيها وعوجات فمها : ونتا مالك اخويا نحيدها ماهنحيدهاش وماشي سوقك هادشي. لاش مصوني عليا شوف دخل سوق راسك هاد المرا واخا واخير مرا تصوني عليا ..
شيماء ميقات : لي فجهدك ديرو وهاد المرة ضرب على نمرتي مفاهمين ..
قطعات عليه بقا مصدوم مع راسو مسكين. ماعرف باش تبلا وبلاما يشعر دغيا دخل للانسطا بقا تايخربق فيه تا بلوكاهلليها عاد ابتاسم بشر وتنهد بارتياح ورجع باللور متكي على الكنباي
حبسات الطوموبيل حدا البحر لي كانت مواجو عاليا وريحو قوية ومنعشة...... بالنسبة لليو كان جو عادي حيت مولف علي الرطوبة اما بالنسبة لجاسمين فبدات تقفقف من البرد
دارت الكاب عليها عاد تنهدات بارتياح بدات تتحس بداتها تتسخنليها شوية دار يدو على كتيفاتها وجرها لعندو ضامها حاس بواحد الراحة كبيرة وخصوصا فاش تايكون معاها وتتكون جنبو ..
بدات تتبتاسم تاهي متنكرش عاجبها الحال وبدات تتميل لليو شوية واخا عارفاه غير الوحم ولكن ليو. بعيدا عن الوحم ديالها عندو مكانة خاصة فقلبها
مشاو كلسو جيهت كرسي كان مقابل مع البحر فرشليها كويرتو السوداء فوق الكراسي وكلسات وكس جنبها
حطات راسها على كتغو وسهااات فاش سهات وفين اكيد هادشي عندو جواب واحد هو سب يوري لي من نهر عرفاات صديقها دطفولة وهو معشش ليها فعقلها ..
خرجات بحالها وخلات بركان موراها يوري صافي مابقاش كيقشع قدامو ناض شتت لوراق ليكانو فالمكتب ودار كيهرس لي جا قدامو
.....وصل لباب الشركة هبط من طوموبيل وهو عاقدهوم منين كايفكر وكيكول انه معندو زهر لبنت لي كيبغيها كطير من بين يديه وهو غير كايشوف ولكن الاهم طير لمها داك لكونط دالانسطا وماهايتهنا تا هاتكون ليه
وصل لسانسور يلاه غيضغط على الزر وهو يتفتح خرجات منو بنت اليوسفي بتاسملها وبتاسماتلو وطلع ديريكت لبيرو عند يوري
وصل لطابق ليفيه لبيرو ديالو وهو يسمع التشخشيخ عندو شاف فالكاتبة زعمة شنو واقع وماتلو براسها معرفتش دخل كيجري لعندو لبيرو يالاه غيحلو وعاود سد الباب حيت كان غيجي فيه واحد الفاز دخل لقا يوري صاااعر
عماد كيشوف فيوري ولحالة ليفيها؛ تهدن أصاحبي مالك
يوري عروقو بارزين وعينيه دم دم ؛ أنا خسرتها صافي مشاتلي من بين يدي صافي انا خسرتها اععععع
عماد؛ ألا أصاحبي راه طلاقيتهوم كيتقضاو فالمول للعرس....
يوري عاود جمع معاه بكروشي أخور وتلاقيتيهوم كيتقضاو من لفوق وانا مافخباريش
عماد دفعو؛ واسمع أصاحبي راه فاش قالتهالي جاسمين راه مصحابليش هي العروسة
يوري عاود شنق عليه؛ ياك الزامل كلتلك حاجتي بعد عليها لاش كدوي معاها لاش
عماد؛ تهدن أصاحبي راه غير بالصدفة وأنا صحابلي لعرس ديال شيماء
يوري رخا منو وهو صاعر وخلاه كيعاودلو وخرج. صاعر لي جا قدامو كيدفعو
خرج على برا ركب فطونوبيلتو وكسيرا مخلي لعجاج موراه فين غادي هو براسو معارفش ليعارف هو أن جاسمين كضيع من يدو دابا. وهو ناعندو مايدير اكيد خاصو شي حل اكيد
يوري : اعععععععع والله لا خليتك ليه نتي. ديالي. ديالي
سليمة كانو قادولها شعرها ودارت مكياج خفيف مع عكار حمر مشات لبيتها لبسات فراشة منبتة من جيهت الصدر والكمام....... هبطات بدات كتستقبل فضياف لقات سي بوجناح وليو واقفين مع بابات سمية كيستقبلو فالناس
دخلات لصالون سلمات على. لعيالات لي وصلو رحبات بيهوم وجرات معاها مامات سمية داتها لكوزينة كتوريها شنو وجدو باش يبداو يرصيو داكشي كانو موجدين جميع انواع المملحات والبقلاوا والكاطو لي ممكن يطيحلك على البال ودايرين السفة بجميع أنواعها بحكم ان من لعادات ديال العائلة عندهم اول أكلة تتحط هي السفة
سليمة ابتاسمات :تاحاجة متغلا على ولدي ومرتو وتا حاجة منكبرها فوجههوم عائلة بوجناح هادي واجركم على الله
صفية:لهلا يخطيك عليهوم احبيبتي
سليمة:ودابا كوليلي هادشي واش هو هاداك
صفية : لا لا هدشي غزال تبار الله يكبر بيك كيف كبرتي ببنتي
سليمة:سمية راها بحال بنتي متقوليش هاكا
دخلات لخداما كتعيطلهوم يتكلمو لحاج وسي بوجناح
داخلين. على الزغاريت وصلاة وسلام ديال الناس لي تلقاولهم فالباب سي بوجناح والحاج حسن واقفين بعيد تايشوفو فيهم .. هبطو لبنات من الطموبيل دايرين سمية وسطهم وغاديين ناشطات وفرحانات .. طلعو ديريكت للبيت كانت تما تتسناهم النكافة لي هاتوجدهم هاد اليلة ب 3 وهادشي بطلب من سليمة ...
نمشيو عند صقر لي كان فبيتو لابس جبدور تحتاني وسروال فالبيض والفوقاني لبس بلغا فرجليه وقف قدام لمرايا كيمشط شعرو وهو كيتفكر كاع اللحضات لي دوز مع سمية كيتفكر أنها داب مرتو حلالو وكيضحك دار الريحا ولبس مكانتو وخرج من البيت نيشان لبيت جاسمين باغي غيفوقاش يشوفها وصل لبيت ودق حلاتليه جاسمين شافت. فيه اما هو فطلعها وهبطها
يالله غيدخل سبقاتو جاسمين وشيماء دفعوه قبل ميدخل
صقر طلع حاجبو ؛ شهاد التبرهيش نتي وياها حيدو من الطريق
شيماء وهي كتمسح دموعها؛ وفين أنا فهادشي كولو وصبار وتجرجر معاهوم من مول لمول ويطيبو رجليك فالخر تاكليما زوينا منسمعهاش واقيلا غينمشي بحالي
ناض كلشي كيضحك على هبالها وهي ضارت منفخة تاناضت سمية وعنقاتها وتبعاتها جاسمين
سمية ؛نتي هي كلشي
جاسمين؛ نتي هي الشكلاط لي فوق الكيكة.... هااحححح تشهيتها
سمية عضات شنوفتها ؛تاأنا ياختي
شيماء بنفخا؛ إوا كلا وهمو
صفية؛ الله يرضي عليكوم
وهوما يسمعو الدقان فالباب
صفية؛ يالاه راه كلشي كيساين لعروسة تبان
ناضو نكافات وقفو سمية كايكادولها خرجات لالة صفية عند الحاج باش يدخل
دخل الحاج وخرجو النكافات علمو بلي لعروسا غتهبط دابا
دخل الحاج باستلو سمية يدو وهو باسلها راسها
حاج؛ الله يرضي عليك أبنتي
دخلات النكافة؛ يالاه راه كلشي كايساين
ومالها الحاج براسو ومد يدو لبنتو شدات فيه ونكافات سابقينهوم وجاسمين وشيماء موراهوم خرجو من البيت على الزغاريت ديال النكافات
صقر غير سمع الزغاريت عرفها هابطة قاد ديال الكوستيم وركز الشوفة فدروج وعينيه كلها لهفة عاشق متعطش لمعشوقتو
سمية هابطة و شادة فيد باها وسر ديال الدنيا والدين طايح عليها زينها كيبان من تحت لغطا ليدايرينلها لابسة تكشيطة فالباج مفصلة عليها ومع هي مفورمية جات بحال الحورية ودايرا تاج ديال البلاتين مرسع بالياقوت ودايرة حويلقات وسنسلة خفاف ولاكين لبريق ديالهوم كتشوفيه منين
صقر بقا حال فمو فهاد الجوهرة لي عطاه الله وهي هابطا فالدروج وسط داك الورد ليمكيبانش قدام زينها الدرجة لي وصلاتلها كيشعل فيها الضو صقر سها فداك المنضر وضحكة واصلالو من الودن تالودن تاوصلات لحداه بقا حال فيها فمو تاضربلو ليو على كتفو
ليو قرب لودنين صقر؛ توكض معانا ألعشير
صقر وعى على راسو شاف فيه وضحك
ليو غير شاف جاسمين وتشوكا كانت لابسة قفطان فالكرونا كروازي فيه الفتحة تالفخض وكول V واصل تال لفتحا ديال سدر لي غي مزاد برز معا لحمالة محس براسو تادوزات جاسمين يدها قدام وجهو
جاسمين؛ هييييهو فين مشيتي
ليو؛ واااااو جيتي واعرا أجاسمين فهاد الباس
جاسمين؛ شكرا تانتا جيتي غزال فلكوستيم 😉
شيماء معرف منين بعتات عليهوم؛ وأنا كيجيتكوم
ليو بتاسملها وقرصها من حنكها؛ تانتي جيتي فنة
كانت لابسة تكشيطة فالكحل والدهبي تاهي إفازي جات تاهي قرطاسة
جرها من يديها وسط داك الحشد مشاو كلسو على الطابلة تقابل معاها وهو مثوثر باغي ليوم يفرتك الرمانا ويتهنا
جاسمين : مالك اشبغيتي اليو. خلينا نمشيو راه هنتعطلو
ليو : صبري شوية بغيت ندوي معاك
جايمين : يالله دوي انا كلي آذان صاغية
ليو تايفرك يديه : انا احم انا
سليمة من وراهم : ولدي ليو عافاك جي تسخرليا ناقصانا شي حاجا
ليو شاف فيها. : واخا تسنايني غير واحد 10 دقايق ..
سليمة جراتو : ماشي دابا من بعد ودوي معاها دابا ياجي عافاك راه محتاجاك
ليو دار عند جاسمين وابتاسمليها : بلاتي شوية وندويو واخا
اوماتلو جاسمين براسها واخا وناضت يالله كانت غادا لجيهت العرسان تا تفكرات تيليفونها ودارت للفيلا داخلا
حطات. قدامها على باب الفيلا لي كانت خاوية حيت كولشي كان برا يالله جات تخطي خطوة وهي تحس بشي واحد دار يدو على فمها وهزها على كتفو وكعط كعطة وحدااااا
بقات تتجابد وتعافر ماقدراتش هي قوتها متسوى والو مقارنة مع هذاك لي هازها ماجات تستوعب راسها تا لقات راسها مزدوحة فالطموبيل علاة عينيها فالشخص لي كان قدامها واذا بها تتصدم .. خرجات عينيها ونطقات بصوة شبه مسموع
زقاقة السادية الجزء 11
محتوى القصة
التنقل بين الأجزاء