سد عليها الباب بجهد تا رجعات بلور مخرجة عينيها وتولول فخاطرها دار من جيهت الشيفور وركب وديريكت كسيرااا بسرعة كبيرة
غادي وسط الشوارع وتايضوبل فالطموبيلات لي غير ماتايزمرو عليه وهو فين ماكاينش فهاد العالم تا شوفة لي هايشوف فهادي لي قدامو ماشافها اما هي مسكينة فربي لي عالم بيها قلبها طايح فسليبها ... وتاتقول فبالها صافي ياعتها قرباات. دارت شافت فيه
جاسمين شافتو هاكاك سقلات ورجعات بلور دابا ماباغا ترجع لالدارهم لا لوالو. اهم حاجة عندها الان هو تنفد بروحها
ضرب أحسن فران فور وصولو لواحد لمنطقة خالية فيها غير الفيلة ديالو لي تما هبط عاوتاني زدح الباب ودار. من جيهتها حليها الباب. تيتسناها هبطاات والو حلفات لا تزحزحات. ... ضافها حاكاك ضدها من يديها مزير عليها هبطها وعاوتاني زدح لباب. عندو كولشي بزديح الله يستر
حل لباب ومزال شادها فيديها .. سبق ليمنيا دخل عاد دفعها تا ولات قدامو .. شعل ضو. تا بانتليك بهيئتها التي تشبه العروس تحلفي عليها تا عروسة وهاربة من دار لعرس بقا تايطلع فيها ويهبط تايشوف فتكشيطتها لي كانت كلها بالحجر المرصع
بقا زايد وهي تتكحز باللور زايد وهي تتكحز باللور تا تكالات مع الحيط ومابقالها فين تزيد باقي .. تسنداتت على الحيط وهو مزال جاي عندها. تا وصل ليها تلاصق هو وياها تا ولاو انفاسهم. تايضربو ببعض
شمات فيه ريخت الشراب لي جابليها الترويعة عرفاتو ساكر تا لبلان .... حطات يديها على صدرو وهو قدامها تايحس بالهر فكاع قنات جسدووو ...
كالاها بيديه من القنات وبقا تايقرب بفمو لعند فمها تا تلاقاو...
جاسمين شداتها الترويعا من مداق الشراب لي فمو .... زيد الخنقة ديال لموقف ومن زهر ليعند يوري ماجا فبالها غير لقطة فاش كانو مشابكين يديه هو سلمى وبقات كتعاود هدرتو فودنيها(هاديك خطبتي و ضروري غادي نحضر ليها)هبطات دمعة حارة من عينها .....دفعاتو بداك شوية ديال الجهد لي بقا عندها ومع هو كان شارب قدرات تبعدو عليها. بسهوولة
شدات فمها طلعات كتجري فدروج كتقلب على أقرب بيت باش تدخل لطواليط
يوري. بقا واقف لمدة عاد رجع لوعيو وبدا تايسترجع اش واقع صحابلو هاربة منو وتبعها كيجري
جاسمين أول بيت جا قدام عينيها دخلاتلو وديريكت لطواليط دخلات سدات على راسها وكلسات تقيات تا ولات تترد غير المرار. خسرات سيفتها يالله جات تعلي راسها وهي تحس بالدوخة ورجعات للور طايحة
يوري وصل لطابق الثاني تبع الصوت تا وصل للغرفة لي فيه مشا للحمام. عرفها تما دار ودنو على الباب كيسمع ... وغير ردانها لي جا على ودنو وقف شوية عاد سمع الطيحة لي طاحت قرب يحماق
جاسمين مسكينة كاتسمعو ولكن مابقالهاش جهد باش ترد عليه تابدات كاتسمع غي شهقات ديالو
يوري شافها قطعات الحس صافي. فشلو ركابيه تا جهد لي عندو باش يهرس الباب والو مابقاش بدات عينو تتدمع ؛جاسمين حياتي. عافاك سمحيلي.... سمحيلي..... سمحيلي كنت أناني معاك كنت ديما كنشوف غير راسي..... (كيتقطع صوتو مع البكا)..أنا بغيتك بغيتك من قلبي دق ليك قلبي منين كنتي صغير منين هزيتك أول مرا.... كنتي كتشبطي في وكتكوليلي حبيبي يوري بغيتك...... بغيتك من قلبي اجاسمين
جاسمين بدات تتسترجع وعيها شوية وكلامو كلو داز علي ودنيها. ناضت بالشوية عليها مشات تكات على الباب وراسها راداه لور وكالسة على الضس .. بدات كترتاح شوي وترض نفس ولاكين قلبها اه قلبها كايضرها و كينزف و مع كل كلمة كيكولها دموعها دايزنين شلال من عينها
يوري؛ واش فخبارك نتي أول وحدة والوحيدة ليخرجات من ديك لغرفة حية(كيبكي ويضحك بحال شي حمق)...... فاش شفت ديك لوشمة قلبي تهز ولكن العافية لي كانت شاعلة فقلبي ولي شعلاتها عاىلتك بيدها غلبات كان كيبالي غير الانتيقام بين عيني (ضحااااك) أولا كان كايسحابلي كنجري مور الانتيقام. ...ولكن من بعد لقيت راسي كانقلب فيك على ديك طفولة ليمشات كنشوف فيك حياتي لي ضاعت كنتي نتي هي الروح لي طارت من يدي فواحد الوقت وردك ليا الله
سكااااااات واحد شويا كان باغي غير يسمع صوتها تعاتبو تغوت أي حاجا ولكن والو كيتسمعو غير شهقاتها حنا راسو وكمل بغا يخوي داكشي لي فقلبو وصاف
يوري؛ كنتي نتي هي قارب النجات بالنسبة ليا كنتي نتي هي الأكسجين بالنسبة ليا نتي روحي لي مانقدرش نعيش بلا بيها وهادشي أكيد مكتاشفتو تاخليتيني المرة اللولة..... (ضغط على سنانو أو ضغط على كل حرف نطقو) فاش سمحتي فية حسيت بحال شي خنجر مخشي فقلبي وكايعصر فيه مابقيتش عارف معنى الراحة فحياتي واش فخبارك من نهار مشيتي وأنا فين ماكاضور بي الدنيا وكانتوحشك كانمشي لبيتك وليت كانعس غير فيه من داك نهار مادخلت لبيتي تاحوايجي ديتهوم لداك لبيت باش نبقا فيه باش نشم ريحتك ونعس على مخدتك ونتخيلك جمبي
جاسمين بقات ساهية وكل كلمة تيقولها تتحفرليها فداكرتها حسات بالصدق فكلامو وعرفاتو كل على صواب يعني تاهو تايحس باش تتحس يك
حركات يديها كاتمسح فدموعها لي مابغاوش يحبسو 😢 وبدات تتهضر بصوة مقطع ؛ منين نتا كاتبغيني لهاد الدرجة لاش خنتيني أيوري علاش ختاريتي تخلا عليا وتزوج بوحدا خرا ....ختاريتي تخلا على ولدك طرف منك باش تكون مع وحداخرا علاش علاش ... اهئ اهئ .. نتا أيوري سخيتي بينا أنا أو ولدك هادا راه ماشي حب.... هادا ماشي حب أيوري نتا كتبغي راسك مكتبغينيش مكتبغينيش 😭😭
يوري؛ (تنفس بعمق و خرج تنهيدة قوية كتلخص داك جبل ديال الهم لي هاز فوق قلبو هاد المدة كاملة) أنا من لول ماكنتش باغي داك الزواج أصلا داك الزواج من اللول رتبو الواليد كان مجرد صفقة عمل والله مابغيتها. انا كانبغيك نتي والله تانتي لي فقلبي .. عافاكي فهميني نتي ديك المرا حاولتي تنتاحري وماخليتيليش فرصة فين نشرحلك
جاسمين. وسعات عينيها وهي تتفكر داك النهار وكمية الالم لي حسات بيها وراها جاتها. اللقطة لي فالمطار لي كانو شاديين فاليدين ....زادت فواتيرت بكاها ناضت كاتغوت وتهرس فداكشي لي فالحمام دموعها مبغاوش يحبسو كاتحس بالحكرة كتغوت بهستيرية بغا تخوي داكشي لي فقلبها داك الجرح لي سببلها فاش قرر يخطب وهو معاها كان قوا منها؛ وانا.... وانا شنو دنبي أيوري... 😭😭😭😭 شنو دنبي غير كول أنا مدرتليك والو ونتا دبحتيني... دبحتييييني😭😭😭 لااا ماشي غير دبحتيني نتا راه راسي عيفتيني فيه 😭😭😭 خطفتيني وغتاصبتيني. حكرتي عليا حيت انا بنت من بعدها حرقتيني و
جاسمين طاحت على ركابيها كاتبكي مهدودا هادشي بزاف عليها مقاداش على هادشي كامل عيات صافي عيات وتهدات باغا ترجع وتعيش تاهي بيخير وسافا. كيما كانت قبل
شافها مكتجاوبش صافي جهل والقوة لي ولات فيه ديال 100 واحد ...رجع لور وضرب لباب برجلو تاتفرع ودخل عندها كيجري كايشوفها نازلة على ركابيها وكتبكي ودم دايز من يديها وهي وتكول واش حاسة جرح لي فقلبها مخلاهاش تحس بيدها ... هبط تاهو طايح على ركابيه وكيشوفيها ودموعو طاحو حاااارين على خدو
يوري؛ لهاد الدرجة أجاسمين...... هممم لهاد الدرجة إلا كنت جرحتك مرة أنا راه تجرحت 200 مرة فاش خليتك..... أنا نهار خليتك فالطبيب داك النهار مت قتلت راسي باش مانشوفكش فهاد الحالة بغيتك تكوني معاي بقلبك ماشي بزز عليك
جاسمين حانية راسها كتبكي حطات صبعها على قلبها؛ أنا بغيتك من قلبي كنت مستاعدة نكون معاك وخا كاع داكشي لي درتي فيا...... ولكن فاللخر شنو فالخر تبدلني على ود الفلوس وكون غييير مكانش عندك نقولو ماعليش ولكن عندك لي يتحرق ما يتم ....... لفلوس أيوري لفلوس غلى من ولدك كبدتك أيوري هاااااه دوي أيوري دوييييييي
يوري قرب عندها كايحبو على رجليه وشد ليها يديها؛ ماشي هاكاك والله مهكاك الواليد الوحيد لي بقالي فالدنيا لي قتلت على ودو ودخلت لحبس على ودو ماكنتش مستاعد نخسرو....... الواليد راه كالي غنسخط عليك إلا متزوجتيش بنت اليوسفي
عنق يديها كي لحمق وقرب كايهز ليها راسها باش تشوف فيه
يوري؛ سمحيلي مقديتش نطيح بيه قدام الناس هو عطا لكلمة
جاسمين؛ منين نتا ماتقدش طيح كلمت باك لارض لاش جاي عندي دابا..... لاش جايبني هنا شنو بغيتي مني بعد علي مبغيتش نشوفك. بعددد منيييي اععععععع
دورها عندو حط جبهتو على جبهتها وغمض عينيه تتقطراتلو الدمعة لي كان حابسها من قبيلة وبدا تايحرك راسو بلا ؛ عفاك ماتمشيش.... عافاك متخلينيش بوحدي راه مانقدش نشوفك مع واحد آخر
جاسمين حلات عينيها بالجهد ؛ أنا ماشي بحالك أنا ماشي دغيا كانسا وزيدون أنا باراكا عليا غي ولدي ولا بنتي مبغيت تواحد فحياتي من غيرو وحتى نتا مابقيتش باغاك مبقيتش حاملاك من هنا لقدام نساااني صافييي
يوري عقدهوم وشاف فيها صاعر بحالا ماشي هو لي كان كايرغبها تسمحلو عاد دابا
غوتلها فوجها وهو كارز على يديها قرب يهرسهالها؛ وشهادشي ليلابسا وشهاد لحالا وهاداك الزامل ديال ديك النهار. لي كنتي شادا فيه شكوووون هذاك هاااه دوي واش باغا تصطييني علاه ماشي ليوم عرسك نتي وياه ... وتتقوليلي ماباغا حد فحياتي واش تتضحكي عليا ولا شنو تانبالك انا مسطي هنا هاااه تنبالك كيدار
جاسمين دفعاتو؛ طلق مني واش نتا حمق شكاتخربق واش من نيتك راه لعرس ديال خويا واقيلا باش بغيتيني نحضر... أصلا شكون خلاك... وزايدون علامن كاتهدر اشمن كنت شادا فيه شكون هذا
يوري ؛ دابا لعرس لي فداركوم ديال خوك ماشي ديالك.... ووو وهادشي لابسااه غير باش تحضري فالعرس ديال خوك. ياكي. قولي اه قولي اه نسمعك
جاسمين جاها بحال شي حمق مرا يطلب السماحة مرة يعرعر مرة يرغب ؛ أويلي مال كاتقلب كي الزمان طلق مني واش حماقيتي..... خليني عليك واش مكاتفهامش بعد مني مابقيتش حاملاك. عطيني بالتيقار
يوري رجع زير عليها معنقها بسيف عليها وهي كاتنتر؛ وصافي عافاك سمحيلي راه ماشي لخاطري حطي راسك بلاصتي واش نتي تقدي على سخط باك.
جاسمين تنهدات تفكرات باها وخشات راسها فصدرو بدون وعيها وماتلو لا براسها
يوري بتاسم حيت بدات ترطابلو؛واحطي راسك بلاصتي
جاسمين الهرمونات بدات تتلعبليها على المشاعر هزات فيه عينيها دامعين؛ دابا شنو غتزوج وتخليني ياك
يوري هز يدو كيمسح ليها دموعها وحرك راصو بلا وابتاسم ؛ لا غنفسخ خطبتي
جاسمين شهقات؛ وباك غيسخط عليك
يوري عقدهوم وحطلها راسها على صدرو وتنهد تنهيدة طويلة حسات بيها خارجة من قلبو
يوري؛ مابقاش كيهمني أنا درت بزاف ديال لحوايج على قبلو ومطلبت منو والو فالمقابل ديالها وهو باش جزاني..... بالسخط
جاسمين ؛ ولاكن نتا مغاتقدش تعيش بلا بيه باك بالنسبة ليك هو كولشي وهو لي بقالك
يوري شاف فيها وبتاسم؛ دبا نتي هي كلشي فحياتي (حط يدو على كرشها) نتي أو ولدنا..... ولدنا أنا وياك
جاسمييين بتاسمات لييه وسهات فيه محسات براسها تكانت حاطا شفافها على شفافو وداخلا معاه فقبلة حميمية كتعبر على الشوق والحب لي كيحسو بيه بجوج بيهوم 🌺
فصل القبلة بعد مدة طويلة. وصلو فيها لبعضياتهم مشاعرهم. جاسمين ابتاسمات وحنيكاتها توردو ورجعات خشات راسها فصدرو حشمانة
اما هو فتنهد مطولا وبارتيااح واخيرا محبوبت قلبو. هاتكون ليه اخيرا اتكون معاه وفجنبو هو ولدهوم اه هو ولدهم عمرو فحياتو متخيل ان حياتو اتبدل. واتولي بحال هاكا
عمرو فكر انه شي نهار ايتلاقا بحب طفولتو محبوبتو الصغيرة لي هزها بين يدو وحلم بيها تكون محبوبتو وام ولادو شي نهار اتعاود ترجعلو بعدنا فقدها
جرها معاه ومشاو كلسو فالسرير كلسها مقابلا معاه وهي مزالا حانية راسها لي شافها هاكا يحلف عليها ماشي هي لي كانت تغوت وتعرعر وتهرس قبيلة .
يوري شاف فيها مطولا وحط يدو على وجنتها وهي هزات فيه العين : كنبغييك .. وعمرني بغيت غيرك .. ( حط يدو على قلبو )... عمر هاد القلب نبض ولا غاينبض لغيرك .. نتي ملكتو بوحدك ... ( شد يديها وباسهومليها ) نتمنى نقدر نسيك فلي فات وكنواعدك منهنا لفوق مهاتشوفي غير الخير معايا ... انعيشك مرتاحة هذا وعد مني واخا ..
جاسمين بقات تتشوف فيه وعينيها تغرغرو مالقات مادير غير تكحز لعندو ضمو وتخشا فصدرو العريض لي تايبعث على الراحة والطنأنينة بدات تتخنصص وهو كايدوزليها يدو على ضهرها : عافاك ماتخلينيش عافاك ... متعاودش تخليني منتحملهاش .. منقدرش نعيش بوحدي .. منقدش نواجه العالم بوحدي مع ولدنا مانقدرش
ليو مع هدرات معاه بالدارجة مقشبن والو من غير راها معصبة؛ هاااه.... سمحيلي.... كنت باغي غير نسولك على جاسمين فين هي عيييت نقلب عليها
سليمة فنفسها ؛ أويلي مال هاد سميت المشة كيقيل لاصق فبنتييي لا لا هادو بيناتهوم شيحاجة وديك لمسخوطة مخبعة علية
ليو مقشبن والو شافها سهات وهو يحط يدو على كتفها
ليو؛ خالتي واش واقعة شيحاجة فين جاسمين
سليمة؛ شنو بغيتيها أولدي
ليو بارتباك؛ اااا.... لا غير كانت موصياني على شيحاجا نديرهالها وبغيت نكولها راه قاديتها وفاش قلبت عليها ملقيتهاش
سليمة شافت فيه بتشكيك يالاه غتسولو شنو هاد لحاجة وهو يطيح واحد السرباي طبسيل
سليمة قفزات؛ أويلي غدايدي هادو غيطرطقولي لمرارة
يلاه غتزيد وهو يشد فيها ليو
ليو؛ جاسمين أخالتي فين نلقاها
سليمة بنفاد صبر؛ شوفها فبيتها وبعد مني
مشات طايرة تشوف شواقع اما هو فقلب الدورة طالع كيقلب عليها لقا وحدا من النكافات خارجا يلاه غيسولها هي حنات راسها وهبطات مع الدروج عرفات راسها مغتفهمو اللهما متحششمش معاه 😂.
دق فالباب ديال لبيت مجاوبو تواحد دخل يتأكد واش مكايناش ضور وجهو فالغرفة مبانتلوش مشا كيقلب فالحمام والو خرج وهو يسمع الحس فالدريسينك فرح تبانتلو ضرسا ديال لعقل
مبقاش عاقل على راسو تامشا ديريكت للدريسينغ وحل لباب بلامايق
ليو؛ جاسميين😍
سرعات ماتلاشاش فرحتو فاش بداو المساعدات ديال النكالفة بالغوات. حيت دخل عليهوم وهوما كيبدلو باش يخرجو مع العروسة فالبسة التانية ليو. سد الباب بجهد وخرج. من الغرفة
خرج حال عينو على وسعهوم و داك لمنضر لي شاف ودوك الترهلات والشحومات بحالا جابوليه الردة (راكوم عارفين نكافات والطيابات ديال الحمام😉 مع كامل حترامات للبنات ليهوما ولا مواتهوم خدامين فهاد الميدان)
جاسمين ضحكاتلو؛ أنا من ديما ديالك وعمري نكون لشيواحد آخر (انساجمات مع الدور هههههه)
ابتاسمليها هو الاخر و قبل يديها مرة اخرى عاد رجع عينيها للقدام حاضي الطريق
.... ما هي الى مدة من الزمن وكانو قدام الفيلة باركا الطوموبيل فالقنت. ودار شافيها ابتاسملتليه وتهزات من بلاصتها تحركات تا لعندو وباستو من حنكو الهرمونات ولاد. لحرام وما يديرو ليها ... رجعات باللور والابتسامة مزال تكسو وجهها. تحركات وحلات الباب ويالله جات تعتب وهو يشدها من يديها تا دارت عندو
جاسمين : مالك خليني نهبط ايوري
يوري رجع راسو باللور وبقا تايشوف فيها لمدة بعويناتو المعسلين بالسكرة: ماسخيتش بحبيبتي
جاسمين زادت تمخششات فيه : مسخيتش والله ماسخيت ولكن راك عارف لي كاين اكيد ايكونو تايقلبو عليا ضروري خاصني نمشي والى غادي يزيدو يتشوشو على والو
يوري هز ليها راسها تا ولا وجهها مقابل مع وجهو ابتاسم :كنبغييييييك .... ممن بعد هاد الكلمة دخل معاها فقبلة طويلة لي دوباتها وخلاتها تا هي متبخلش عليه بتحركات شفاهها ... بقاو على ذلك الحال لمذة شي 5 دقايق عاد بعدو من بعضياتهم تاينهجو وعينيهم فعينين بعض
يوري مغزز : اححح مكرهتش ناكلك. ناكلك ههههه
جاسيمن ابتاسمات ليه وهدرات بدون ادراك : تانا مكرهتش هههه
يوري جرها لعندو وعاود دخل معاها فقبلة وحداخرا بعدها طلع بشنايفو لجبهتها وباسها مطولا تايعبر ليها من خلالها على اعتذارو على كاع داكشي لي دارلها وكذا شكرو على مسامحتها ليه واعطائو فرصة اخرى: يالله سيري هاه ماكاين شطيح واخا ... وكولي مزيان. باش متبقايش صفرا وضعيفة اوكي
جاسمين خرجات فيه عينيها : دابا انا ضعيفة .. على واش تايعجبك لغلض زعما انا كنضن طايتي هاكا زوينة اممم
يوري : لا ولكن. بالنسبة للبيبي لا خاصكي تبقاي تاكلي مزيان وحضي راسك احبيبتي واخا
جاسمين ابتاسمات لكلامو وشافت فيه مدة عاد طارتليه على فمو بقبلة استخلصات فيها كاع مشاعرها عاد رجعات شافت فيه لقاتو مسكين مصدوووم ضحكات وحلات الباب وهبطااات
جاسمين : باي باي تصبح على خير ههههه
سدات الباب وعطاتو بالضهر غاذا وعلامات الفرح باينة على وجهها كيف لا وهي اخيرا تجمعات مع اول واحد تاينبضليها قلبها من جيهتو وتتحس بالادريالين طلع لاعلى مستوياتو وهي معاه ... اه واخا عذبها وجرحها وحرقها ولكن ماعرفاتش كيفاش تكون حبها ليه مافهمات والو وماحاولاتش حتا انها تفهم لانها فقط مستمتعة بهاد الحب
بدات كتقاد حالت تكشيطتها لي تخسراتلها وتتا شعرها لي تخبل وكل تفكيرها فطاسيلتها وتتدعي. لربي مايكون تا حد لاحض اختفاءها هبطات عينيها تتقاد لمضمة تا كذخل فشي حد
ليو كان هابط فدروج وكايدور فعينيه لاتبالو عاود جبد تيليفونو ومشا وسط ناس والو مابانتلوش. ضرب الضورة. وغادي خارج من الباب اللوراني ماعرت علاش احساسو قادو لتما ... حل لباب لوراني دلفيلا وخرج تايقلب. تا كيهز راسو كاتجي عينو نيشان فيهوم كيتباوسو كرز على يدو تاعروقو بانو وعينيه ولاو حومر جمرة عروق راسو برزوووو وماقدش يتحمل ... بقا مسمر. تما تا شاف جاسمين هبطات وضاحكااا ماقدرش ماقدرش يتخيل راسو انه هايتحط فهاد الموقف ماقدرش يتحمل
حس بيها تضربات معاه .. اما جاسمين فقلبها كان كايشطح السامبا وتتدعي فخاطرها. مايكونش غير صقر ولا باها ويكون لي بغا يكون .. هزات راسها بالعرض البطيء تا شافتو قدامها كان ليو بشحمه ولحمه .. تنهدات بارتياح وابتاسمات فوجهو
جاسمين ؛ ليو شكادير هنا مخلي لعرس لداخل
جراتو من يدو؛ يالاه... يلاه ندخلو
ليو نتر يدو؛ نتي ليشكاديري هنا.... وشكون هداك 😡
جاسمين عقداتهوم؛ ونتا مالك من هادشي كامل.... شكون نتا باش تحاسب معايا امممم
ليو شدها من يدها وجرها تاتزدحات. مع صدرو كارز على سنانو؛ آآآآه شغلي.... شغلي أجاسمين
ليو يالله جا يكمل كلامو تسمع صوت شي حد من اللور من لور؛ شواقع هنايا
ليو شاف فيه وخنزر؛ ونتا مالك شكون نتا
الشخص جر جاسمين وخشاها موراه لي غير شافتو تصدمات مسكينة وبقات تتقول بينها وبين نفسها شكايدير هادا هنا
الشخص (بالانجليزية) : بعد منها ومن الاحسن سير فحاك خلي هاد العرس يكمل على خير والى ماهايعجبك حال
الشخص مخنزر وعلامة 111 مرسومة بين حجبانو ؛ مكنحملش نعاود هضرتي جوج مرات لمرا لولا تندوي لمرة تانية تانمد يدي ونتا نا بنتيلي غير كيليميني خايف على لحمك حسنليك غبر من قدامي
ليو مارضاش وكيليميني لي قالهاليه مزال تتاكل فيه ناض تاهو على سعدو وعدو شنق عليه من كول تريكو يالله لاخر بغا يطير عليه بشي. دقة وهو يتسمع صوت من وراه خلاه يحبس يدو
بوجناح؛ تايفوس
تايفوس بقا على نفس وضعيتو لكن ابتاسم فوجه ليو ؛عندك الزهر
تنفض منو ودار جيهت جاسمين وبتاسملها وتاهي بلا شعور رداتلو الابتساما وسولاتو بعفوية؛ شكادير هنا
عاود بتاسملها وبلا رد تقدم جيهت بوجناح وهو مبتاسم تعانقو تحت أنضار الكل لي مستغربين شكون هاد الشخص لي تجرأ ينوض الصداع فعرس بوجناح ومعنقو بحالا مواقع والو
صقر ليكان غادي هو ومرتو يبدلو لبسة تالتة تكايشوفوه مشانق هو وليو وبعد ومشا عنق باه بحالا مواقع والو
صقر خنزر فيهوم وزاد معا الدروج جار معاه سمية حيت عارفو مزيان خدام مع يوري من يامات كان يحقق فضكون هو .... تايفوس كرز على يديه تاكاتنطق جاسمين
جاسمين وهي شادا فوصال؛ دابا نتا تزوجتي بوصال ياك
كولشي شاف فيها بحالا مكيناش فوسط هاد المعماعة همها غير وصال.... سليمة بتاسمات لوصال ومشات جراتها عنقاتها
سليمة شافت فبوجناح؛ تزادو عندنا بنت أو ولد(زلقاتلها دمعا من عينيها) عائلتنا كبرات
بوجناح جرها عنقها وباسلها على راسها
بوجناح؛ زيدو أولدي مرحبا بيكوم
تايفوس جر وصال لي متوترا مسكينة وباسها على راسها كايطمنها بتاسماتلو ودخلو فين كاين الناس لي كانو بعاد شوية على لمدابزا
دخلو كايكملو عرسهم ليو لي غبرليه الاثر مابقاش بان. وتايفوس وسليمة وبوجناح مشاو لقنيتة بوحدهم. اما البنات كلسو كل من جاسمين وشيماء او وصال كايتعاو وكل وحدا. فيهم تاتخوي كل ما في جعبتها جاسمين عودات لوصال داكشي لي وقع ليها او وصال كدالك عوداتلها كلشي...... تا كايسمعو صوت شيماء لي نساوها راها حداهم لكن هي متبعا الهدرة معاهم. بالتدقيق
طلعو تاجات تدخل لبيتها وتفكرات بلي لعروسة كتلبس تما ضربات على راسها ودارت عندو
جاسمين؛ نسييت راه سمية كتلبس هنا
ليو؛ آآآآه صاف يلاه نمشيو لبيتي
جاسمين وماتلو براسها ومشاو دخلو وسد لباب هي بقات كتشوف فيه مشا شدلها فيدها وداها لبالكو
جاسمين لاحضات ارتباكو حطات يدها على كتفو
جاسمين؛ ليو ياك لباس واش واقعة شي حاجة ومفخبارش
ليو شد يديها بجوج بين يديه تايترعد ؛ج..جاس.. جاسمين أنا كنبغيك.... ومتأكد تانتي كتحسي بشي حاجة من جيهتي
جاسمين سحبات يدها من يدو وبتاسمات؛ ليو نتا فهمتي غالاط
ليو على فيها عينيه ؛ كيفاش ياك نتي ليكلتيلي كاتكوني مرتاحا ونتي معايا
جاسمين؛ فعلا أنا كلت هاد الهدرة ولكن هادشي مكيعنيش أنني كنبغيك.... أنا كانرتاحلك كصديق فقط وهادشي شحال من مرا تنقولها ونعاودها باش تفهم ومتجرأش تفكر فيا كحبيبة
ليو ؛دبا بغيتي تكولي هادشي كولو غير من الحمل..... (دوز يدو على شعرو كان غيقرعو)... طلعت حمار ملاحضتش
جاسمين حطات يدها على كتفو؛ ليو سمحلي ولكن عمري فكرت نكون مع شي واحد من غير بات ولدي
ليو بتاسملها بياس وحط يدو على كرشها
جاسمين عنقاتو؛ سمحلي أليو
حنات رلسها وخرجات وخلاتو كيفكر هز نفس قوية وناض كيجمع حوايجو قرر يطوي هاد الصفحة صافي عرف راها ماشي ديالو وخا يدير لي يدير راها ماشي ديالو. هي فعلا كانت غير تتوحم عليه ماشي تتبغيه. واخا تجرح ولكن يكفيه تكون هي فرحانة وخصوصا سيناريو ديالها هي ويوري فطونوبيل. تايتعاود قدام عينو واخا مكانش عارفو مي دابا عرفو بلي هو هذاك الاب ديال الولد لي حاملا بيه جاس
نرجعو عند عماد وشيماء خرجات بدات دور عينيها كتقلب عليه تكاتحس بشي واحد وراها يالله غاضور عندو تكان عنقها من لور وهمس ليها تا بورشها
عماد؛ جيتي غزالة
شيماء شداتها تبوريشا من لبحة ديالو لي هضر معاها بيها بدات كترجف..... هو حس بالرجفة ديالها بتاسم ضورها عندو وحط راسو على راسها هي ولات حمرااا
عماد ضغط على عينيه وشدها من يدها تازدحها مع صدرو شدها من راسها من لور غارس ضفارو ودخل معاها فقبلة طويييلة خلاتها ترخا بين يديه...... بعد مدة بعد منها خلاها تنفس وحط جبهتو على جبهتها
عماد؛ شنو درتي فيا غير كوليلي
شيماء هزات عينها فيه كترمش ببراءة مفاهماهش علياش كيهضر... شبك يدو معا يديها وجرها موراه وهي باقا مخدرا معارفاش شنو هادشي ليكاتحس بيه وشنو هادشي ليكاتعيش هادشي جديد عليها عمرها عاشتو ولاحسات بيه
ركبها فطونوبيل وسد عليها وضار ركب بلاصت شيفور شاف فيها وبتاسم
عماد. شاف فيها وضحك على غباءها : اولا انا ماخاطفكش الالة نتي راك ركبتي معايا بارادتك وراه الكاميرات. شدو كولشي
شيماء خرجات عينيها وبداو تايتغرغرو : عافاك ردني هاني مزاوكا والله مانعاود راه. غوت عليك حيت طيرتيلي الانسطا والله مانعاودها
عماد شاف فيها بشر : فكرتيييييني بعدا فالانسطااا. واخا تاهادي نزيدوها باش نتفاهم معاك على كولشي راني جامعلك الالة جامعلك
شيماء شافت فيه يالله غاتهضر وهي تزمهم سكتات باش بلاما تزيد. تقول شي حاجة اخرى وتخرج من فمها شي كارثة ..
بقاو هاكاك لمدة تا عماد حبس الطوموبيل قدام موبل كبير. يعمه السكووون مافيه حس تاحد .. هبط ودار عندها حليها الباب هبطات تتدور فعينيها خايفة شافها هاكاك وهو يدفعها ناحيتو ودوا بواحد الرقة : تيقي فيا واخا
زيدها معاه على خطواتو الموزونة وهي وراه. تابعاه فينما حط رجليه تاهي تحطهم .. دخلو لاحدا العمارات. مشاو جيهت السانسور. ركبو بجوج ..عماد مد يدو للازرار دار رقم الطابق اباخير ديال السطح استغربات وبقات غير تتشوف تاتحل الباب
سبق رجلو ليمنة وهي تابعاه مشاو للباب ديال السطح حلو وتقدم عاد تبعاتو هي مع دخلات مع توسعو عينيها وحلات فمها تتشوف. فالسطح لي كانو كلو مزوق بالبالونات لي عبارة عن قلوبة وكذلك الورد لي راسم طريق تبعاتو بعينيها لقاتو دايهم للطبيلة لي كانت وسط السطيحة
علاة عينيها فعماد لي كان مبتاسم وتايشوف فيهازمستني ردة فعلها كي هتكون ... غرغرو عينيها وقلبها بدا كايضب فالمية
جرها عماد باتجاه الطبيلة. تمشات تاهي بلا هواها غير تابعاه وصلو للطبلة مشا داها للكرسي وجرو ليها بكل جنتلمانية ورقي هي بقات غير متبعا حركاتو لي هبلوها
جرليها كرسيها وضار تاهو جيهت كرسيوو كلس ومزالا الابتسامة تعلو وجهه .. شيماء شافت فالاطباق لي كانو فوق الطبلة عبارة عن سالاد دالخضرة ولحم لي تشهاتو من النضرة الاولى .. واخا عارفا داكشي ماهايشبعهاش مي ماعليش ليوما لا ماكلاتش
شافت فيه هو لي مد يدو. تايحطليها فالطبق ديالها من كل الاطباق .. بداو فالاكل بلا كلام تا سالاو .. ناض عماد جاب قرعة دالشامبانيا مخضها وحلها كب ليه وكب تا لشيماء .. مدليها الكاس وهي بقات غير تتشوف
شيماء بتسائل : واش هذا شراب ؟؟
عماد مدو ليها : اه
شيماء : لا مكنضربش
عماد ابتاسم ليها وحط الكيسان بجوج ونوضها .. غير ناضو سبحان الله تطلقات موسيقى كلاسيكية علي اثررها تضامو واستاعدو للرق دار يدو على خصرها وهي يديها على كتافو وبداو فالرقص لي اندامجو فيه وسهاو تا سالات الموسيقى
غير سالات كاع عماد تايتنهد صافي مابقاش قاد يصبر صافي هنا وصل حدو فالصبر غمض عينيه وعاود حلهم شاف فيها لقاها هايما فيه .. هادي هي اللحضة المناسية
عماد مد يدو لوجهها : شيماء ... ليوم غانعبر علي كاع لي فداخلي ماعرفتوش واش حب واش اعجاب واش ولف مازال ممتاكدش ... ولكن لي متاكد منو هو انه باغيك فحياتي باغيك جنبي ديما .. شيماء باغي ندخلو انا وياك فعلاقة جدية تقبلي ...
عماد فور ما سمع جوابها حرك شفايفو باتجاه شفاهها ودخل معاها فقبلة عميقة طويلة عريضة استخلص فيها شكرو ليها وكذلك جل مشاعرو تجاهها
هابطة بكسوتها البيضة لي كاتمنا اي بنت تلبسها وتكون هي الاميرة فليلة زفافها جنبها ضقر لي عينيه تايشعشعو بالفرح لانه واخيرا ليوم محبوبة قلبو اتكون جنبو وحداه وففراشو ..
هبطو على اخر درجة وهي تسمع صفقيات جنيع الحاضرين لي وقفوليهم تمشاو على الممر لي كان مرسوم بالشمع ليهم تما ومشاو باتجاه الكيك لي كانت قدها قد الخلا
وقفو قدامها وصقر محاملش راسو فينما دار يصورو فيه قرب يطج وباغي غير يسالي ويبقا مع محبوبتو بوحدها .. شدو موس وقطعو الكيك لي بعدها تبادلو اللقمات .. سالاو منها ومشاو لنص حلبة الرقص لي كانة مليئة بالعشاق .. رقصو رقصتهم الاخيرة لهذه الليلة قدام العائلة ...
تباعدو علي اثر تصفيقات الحضور لي كانو متبعين رقصتهم من الاول تا للاخير من بعدها جات جاسمين جرات سمية من جنب صقر وداتها. قدام لبنات .. عطاتهم بالضهر .. وهاهيااا لاحت البوكي دفلووغ لي جا بين يدين جاسمين
قرجات عينيها مبهوضة مكانتش تا كاتخيلها هههه فرحات وبدات تتنقز وكولشي تايشوف فيها بفرح تا من صقر بدا غير كايضحك عليها
سالات العراسيا وكولشي تفرق وبقات العروسة والعريس لي تايودعو عائلاتهم باش بعدها يمشيو لشهر العسل
سمية مسكينة ماتفارقات مع طاسيلتها غير بلبكا والنواح تقول غاديين يعدموها ولا غاديين يغبروها وعمرها تشوف عائلتها .... تبعوهم كذلك تايفوس ووصال لي واعدوهوم غدا ايجيو عندهم عاوتاني ... وبقاو غير العائلة البعيدة
تهدات وعيات وهاد النهار داز عندها طويل ولكن الاهم هو انها رجعات مع حبيب قلبها وحياتها لي ماحسات تا ولات تتبغيه بجنون
تلاحت فناموسيتها بعدما حيدات حوايجها ولبسات بيجامتها هزات تيليفونها لقاتو مسيفطليها ميساج. * تصبحي. على خير* .. ابتاسمات وغطاات في نوم عميييق
-------------
2دنهار الشميشة ديال الضهر داخلا من السرجم ... حلات عينيها بثثاقل علي اثر التيليفون لي تايصونيلها
افافات بخمول وناضت تتكسل .. ماداتهاش فتيليفون ولا لي يجي منو .. دخلات لحمامها دارت دودشا خفيفة حيدات منها العيا ديال البارح لي ضل مراف3ها طيلت نعاسها وجالها على شكل كوابيس لي مخلاتهاش تنعس تا لصباح
خرجات ملوية فوطة عليها بالغوز البارد مشات باتجاه الدريسينغ دخلات جبدات سروال دجين فزرق مفتوح مع بيل بالكمام فالغوز بارد مع دوبياس وتيشرط سماطي خرجات. حطاتهم فوق السرير جبدات كريماتها وبدات تتدوز على لحيمتها بكريم بالفريز لي ماتايفارقهاش .. سالات ناضت لبسات حوايجها .. دارت كلوز وشوية دماسكارا .. ومشات باتجاه الباب. يالله جات تحلو وهي تسمع تيليفونها تايصوني .. لعنات المتصل فخاطرها ومشات بالزربة لتيليفونها يالله شافت المتصل شداتها الترعيدة
بقات تتشوف لمدة سرطات ريقها ودوزات الخطرة دايرة تيلي علي ودنيها ..
يوري : والله ينعل.طييييط طيييييييط .. مال طاسيلت مك متتجاوبيش مليون مرة صونيت نالكي متتجاوبيش اش واقعلك .. واش نتي لاباس .... لاش متتجاوبيش ..
جاسمين سرطات ريقها وبدات تتدور فعينيها : سلام ..
يوري رجع بلور متكي على كورسي طموبيل : واش نتي سافا واش لاباس عليك مالكي متتجاوبيش واقعالك شي حاجة
جاسمين : اه..لا.لا.. ماواقع والو غير كنت ناعسة وصافي مع كنت عيانة محسيتش والله ماحسيت
يوري افاف بعصبية : راه كان مابقالي والو وندخل لداركم نشوف اش واقلك واش بيك شي حاجة شطنتيني عليك
جاسمين ابتاسمات بمرح : تخلعتي عليا
يوري مسح على وجهو ومجاوبهاش : سربي راسك وهبطي خاصنا نمشيو عند الطبيبة راني خديتلك موعد
جاسمين: صافي انا شوية ونجي
يوري : وعاوتاني تعطلي كنحلفلك بالله تا ندخل لداركم ..
جاسمين : لا لا مهانتعطلش دابا تلقاني عندك يالله باي باي ..
قطعات عليه ودارت وعلي وجهها ابتسامة فرح وقلبها تايشطح الشعبي ... دارت تيليفونها فجيبها لور .. حلات الباب وهبطات مع الدروج نزلات لقات الكل مجموع علي الطابلة ويالله فايقين شافت فيهم كلهم وابتاسمات كانت تا وصال وتايفوس حاضرين .. كان جو عائلي بامتياز
كلسات حدا شيماء لي كانت لابسة غير بيجامة تدار وبدات تهمسليها فودنيها
جاسمين : فين مشيتي لبارح همممم
شيماء شافت فيها طلعاتها ونزلاتها : وانتي لي فين غادياا دابا خارجا بلا بيا
تمات غاديا جاسمين دازت على الطبلة فين مجموعبن مشات سلمات على وصال وتايفوس وخرجات فحالها ...
سدات باب الفيلة البراني شافت فجوايه قشعات طموبيلتو ابتاسمات وتمات غاديا تتقاد فشعرها لي طلقاتو على راحتو .. حلات الباب وطلعات شافت فيه كي مخنزر استغربات ومع ذلك ما داتهاش فيه تا دوا ببرود
يوري دار عندها شاف فيها ببرود : كون غير زدتي تعطلتي شوية راك سربيتي راسك ... واش هاد اللباس لابسا مزال ماباغا تحشمي وهادشي لي ففمك شنو همم دوي شنو هادشي
زقاقة السادية الجزء 12
محتوى القصة
التنقل بين الأجزاء