فراقك كحُزن لهيب الشمس يُبَخر الذكريات من القلب ليسمو بها إلى عليائها، فتُجيبه العيون بنثر مائها لتطفىء لهيب الذكريات
ذكريات قد تمزج بين ابتسامة ودمعة أو أن تضيف دمعة إلى دموع الفراق. هكدا انا في هدا الوقت... فلن تفرق بين حزني لفراقك... وفرحتي لابتسامتك...
اعلم واعلم واعلم.. انك قررتي الفراق والابتعاد لكي لا تعاني من جديد وانتي معي
_________________
دمعة نزلات على خدو وبين يديه الورقة لي قدرات تحطم قلبو وكيانو. فلحضة واحدة... كلس فالارض ومسند على حافة السرير.. مرجع راصو للور.. ومرة اخرى شقت دموعه خدوده
من يقول ان الرجل لا يبكي.. الرجل كائن مثله مثل اي شخص.. فرغم شهامته وقوته وحتى مكانته يمكن.. ان يبكي
فسيد الخلق بكى. كيف لانسان عادي.. تتخلله شعرة الشيطان الا يبكي
مجرد ماتايفكر انها مشات وخلاتو تا يبغي يهبل ويتسطى.. ولكن هكدا شاءت الاقدار.. وقف وبين يديه الورقة.. كمشها وحشاها فجيب لافيست.. وخرج متوجه بكل هدوء.
الهدوء الدي يكسوه هو هدوء ما قبل العاصفة.. فلو رايته من داخله لوجدته بركانا هائجا واما من الخارج فهو يصطنع الهدوء.. ويئجل العاصفة ليوم اخر
دخل لغرفة الكاميرات زادح الباب.. كان تما حارس.. هاز كاس قهوة تايشرب غير قشع يوري وهو يجمع الوقفة
الحارس : سيدي..
يوري مخنزر فيه :.. الكاميرات لي فالطاح الثاني بغيت نشوفهم كاملين..
الحارس : واخا اسيدي.. مشا تايقلب ويبحث فيهم ويعاود يبحث.. تا شوية بدا تايتصبب منو العرق ودار شاف فيوري مخلوع
الحارس : سيدي.. الكاميرات كانو معطلين..
يوري تغشاوليه العينين وبداو الاعصاب يلعبو عليه : اشنو قلتي..
الحارس : ماعر.. ماعرفش كيدارو ولكن ماكاينينش.. انا براصي مافهمتش..
يوري بلاما يزيد يعطيه وقت يشرحليه.. جبد فردي من ورا ضهرو وجهوليه.. وبلا سابق اندار تيرا فيه جاتو فنص راصو ورجع طايح للور
الاعصاب لي فيوري هاد اللحضة مايقد يتخيلها حد.. حيت صعيب صعيب بزاف انك تكوني باني امال على شي واحد ..وتحس بلي راه غايبقا معاك.. لا بل ومحتاجو انه يكون من لفوق ... وفلخر يخليك
حاطا راسها على الزاجة وماراهاش هنا كسدتها حاضرة وعقلها غايب.. تفكرات فاش سمعات...
هبطات دمعة من عينيها مسحاتهالها يد... دارت شافت فيه كان صقر لي صايك.. ومرة مرة تايشوف فيها.. تا حس بدمعتها نزلات.. ومشا بيدو لحنكها مسحهالها باش متكملش على طريقها وتزيد تحرق قلبها
شافتو وهي تكا عليه.. حطات راسها على صدرو وهو تايمسدولها.. بدا تايقبلها فراسها وتايحس بجسدها تيتهز مرة مرة..ماعارفش مالها ولا اش بيها.. وكل لي جا فبالو ان هادو دموع الفرحة
صقر من يوم يومو حنين على جاسمين بزاف ومايبغي تا شي سوء يصيبها.. حتا انه لجأ لهاد الطريقة باش يخرجها ومالجأاش للعنف والبوليس باش ماتاداش
عارف بلي الى جاب لبوليس ليوري تقدر ختو تتقاس ولا شي حاجة.. ويقدر يوري يخرج منها كي الشعرة من العجين.. ويرجع لجاسمين.. يدير فيها شي سوء..... لهدا كل ما جا على بالو هاد الساعة هو انه يغبر جاسمين ومايبقالهاش الاثر ولكن قبل كولشي... خاصو يدوز لعند واليديهم
تحلات الباب دالفيلا اوطوماتكيا دخل صقر الطموبيل ديالو وعينيه فالارجاء تايشوف فكل قنت.. فرانا قدام الباب ونزل.. داز لعندها ونزلها هي الاخرى..
جاسمين غادا بشوية.. خطوة للقدام و20 للور.. اول مرة يطرا معاها هادشي انه تكون خائفة من ملاقات والديها.... دخلات علاة عينيها وماتجي غير على باها لي كان هاز كاس دالما فيديه..
بوجناح دار فاش سمع الحس .. و من الصدمة مسكين بقا غير واقف مسمر.. طاحليه الكاس دالما فالارض.. على اثرو خرجات سليمة تتغووت كانت كي عادتها ملوية عليها شال.. وتحت عينيها زورق من قلة النعاس..
يالله جات تخرج تشوف بوجناح وهي تهز عينيها. فجاسمين لي كانت جنب صقر.. سليمة بقات تتشوف وهي الاخرى كانت اكثر صدمة من بوجناح.. وسخفاتليهم تما
بوجناح مافطن براصو غير على صوة جاسمين لي جات تتجري جيهتو وتتقول ماما ماما وتخطاتو.. جا صقر هز سليمة.. وتم طالع بيها وجنبو جاسمين وبوجناح من وراهم ممتيقش
طلعها صقر لغرفتها حلاتها جاسمين ودخلات وزاد صقر قدامها حط سليمة على السرير ومشا مسرع للحمام جاب شوية دلما وبدا كايرشو على وجه سىمية وجاسمين غير شادالها يديها تتمسدليها عليها
بوجناح لي واقف حدا الباب وعينيه غير على جاسمين... لي ابتاسمات فاش سليمة حلات عينيها.... مزال ممتيقش انه تايشوف جاسمين بصح قدامو
سليمة غير حلات عينيها جات قدامها جاسمين طارت عليها عنقاتها تا قربات تخنقها... تتعنقها وتبوس فيها وتقول مابست .. فينما جات البوسة تتبوس فيها وممسوقاش بدات سليمة دمع..
قابلات وجه جاسمين مع وجهها ودموعها دايزين : .... دارت عند صقر... واش بصح. واش بصح. جاسمين.. ياك ذاسمين.. ياك متنحلمش.. جاسمين ياك اولدي.. هادي جاسمين. بنتي....
صقر مسح على راص مو وجرها لعندو وهي مزالا شادا جاسمين عندها : اه اماما.. جاسمين هادي.. هادي هي بنتك.. وحبيبتك جاسمين..
جاسمين بقات هاكاك معنقا مها لمدة.. عاد رخات منها مساخياش. ودورات راسها جيهة باها لي مزال على حالو ومن بلاصتو متحرك.. مشات ببطئ عندو وصلات حداه.. وبلاما تحس عنقاتو بكاع القوة لي عندها.. بوجناح شافها قاستو صافي تاكد هي اه هي بنتو حبيبتو.. .. لوا يديه عليه معنقها وتايبوسها فراسها
رخات منو بعد مدة من الزمن... ومن يسخى بحضن الاب الدافئ...... للصراحة كان قلبها مرتاح نوعا ما.. انها وسط عائلتها وحبابها.. وقادرة تنعس وتكلس مرتاحة.. بدون اي ادى هادشي لي مفرحها ومطمانها نوعا ما..
ناضت سليمة من بلاصتها جرات جاسمين معاها مشاو لغرفتها وبقا بوجناح وولدو.. لي جرو هو الاخر.. هبطو بجوج بيهم جيهت البار لي لتحت. دخلو وكلس واحد مقابل مع لاخر
بوجناح : من نهار بديتي وانا تنعرف كولشي.. على هادشي..
صقر: وعلاش ماخرجتيهاش من تما.. اممم.. علاش خليتيها تما.. تا لهاد الوقت
بوجناح : كون صبت نخرجها كون خرجتها.. ولكن كان بزاف دلي كارد وماعندك كي دير دخل.. ولكن عاونتك... راه انا لي بعدتليك لي كارد من لبابا اللوراني
صقر رشف من كاسو وضحك :.. ههههه وهل يخفى الخبر.. عرفتها اول ماشفت لي كارد ماكاينينش
بوجناخ : وشنو المعمول دابا
صقر : المعمول هو هتهز بنت ابوجناح وغاتغبر لامريكا.. حيت راه يوري هداك.. هايقلب عليها الدنيا.. ويلقاها.. ماشي باش يخليها عندو وانما باش يقتلها.. حيت هداك الانسان متيرحم حد... وتانا مغنرحموش
بوجناح : واش هادير معاه من بعد
صقر : بعدما ادي بنت من هنا انا غانحاول انه. مايعرفهاش سافرات... اممم اجي اش بالك الواليد تستاقر تما..
بوجناح : تؤ تؤ هادي ماشي فكرة مزيانة.. حيت سليمة اتشك.. خلي هاددشي عليا لمهم غدا انسافرو حجزلينا لتما.. ونتا اتبقا هنا بالي بيه.. وانعطيك تا لي كارد ديالو يكون تحت امرك
صقر حركليه راسو بواخا وكملو كيسانهم
_____________
لفوق عند. جاسمين وسليمة لي كالسة حداها.. ومن الصباح وهي تسول فيها.. طابت جاسمين بالاسئلة ومابغاتش تقوليها الحقيقة حيت.. تا انسان ماهايقدر يتخيل ولو شوبة من داكشي لي عاشتو . ابتاسماتلها فاللخر ودوات بتعب
جاسمين بقات كالسة مدة هاكاك وعقل يدي فيها ولاخر يجيب تا قرب يتفركع عليها جمعات لوقفة ومشات لحمامها.. حلاتو. ودخلات..
بقات تتشوف فكولشي كيما خلاتو كيما بقا.. شامبوانها جيل دوشها كريماتها وفوطتها هادشي كلو دوزات عليهم يديها وهي تتبتاسم وتتقول فبالها تاحاجة ماتبدلات
مشات للبانيو بدات تتعمر فيه وتخوي لي برودوي على ماقدات كاع لي برودوي لي فحمامها كلهم بنكهة الفريز المنعشة... شافت الما عمر وبدات تتحيد فحوايجها وهي مغمضة على عينيها ماباغياش تشوف الجروح باش ماتفكرهاش فالباصي ابدا...
دخلات وكلسات وراسها مرفووع وتفكيرها متلاشي.. متتفكرش فتحاجة معينة... فلحضة هبطات عينيها.. بدات تتقيص فجروحها وهي تسمع صوت من وراها
سدات على عينيها مزيرة عليهم.. وتتغوت فخاطرها من صدى لي مجهد.. شوية مابقا تايتسمع والو خلات عينيها مالقات حد حداها بدات تتضور راسها.. من جيهة لجيهة.. ماكاين حد
تنفسات من اعماق قلبها.. ووقفات مشات تحت الما وبدا تايتكب عليها.. شللات من التعب وخرجات ملوية على راسها فوطتها الغوز وشعرها مزال يقطر.. مشات للبلاكار ديالها حلاتو.. ومكاين غير الحوايج الغوز فالغوز.. ابتاسمات وهي تتلمس فحوايجها تنهدات براحة.. وجبدات بيجامة فالغوز بيبي.. لبساتها ومشات تكات بلاصتها وملويا على شعرها فوطة تتنشفوليها.... غير حطات راسها على المخدة... غطت في نوم عميق..
______________
صبح الصباح.. فاقت لالة البنات.. حلات عينيها فغرفتها المتلئلئة.. دارت وهي تلقا مها فوق راسها تتمسحليها على راسها.. ناضت وباست مها صبحات عليها ودخلات لحمامها قضات حاجتها.. خرجات مالقاتش مها كان غير صقر تايتسنى فيها.. ابتاسمات ومشات باستو
حركاتليه راسها بصافي وناض هو خرج وهي بقات ساهية لمدة.. ناضت وعينيها مزالا تتدمع دخلات للدريسينغ.. لبسات سروال جينز.. مع بيل بلكمام.. فنواغ.. زادت عليها فيست.. لبسات سبرديلو فالنواغ وخرجات.. شافت راسها فالمرايا كي شاحبة ووجهها مافيهش نقطة تدم.. مشات هزات كلوز دارتو. لفمها . مشطات شفرانها.. حمرات حنيكاتها وطلقات شعرها على راحتو.. وخرجات
_______________
عند يوري لي نوم مزاروش ولو دقيقة طيلة هاد اليلة وهو خدام فبيسيه تيحاول يشوف لالقا شي حاجا فالكاميرات ديال برا والو مكاينش.. تحل عليه الباب ودخل القباش منفخ لعندو وبلا مقدمات دخل نيشان فالموضوع
القباش : فينها
يوري شاف فيه بتسائل : شكوناهيا
القباش : جاسمين القباش.. لي كادبين عليا فيها ومدخلينها تا لقلب داري
يورسي وقف وتايشوف فيه بشك وقف عليه : ياك ما نتا لي ديتيها ولا هربتيها
القباش خرج فيه عينيه : اش هاد الهدرة الخاوية
يوري بداو القرودة تينقزو فوق راصو.. شد باه وكالاه مع الحيط وخرج فيه عينيه وهدر مغزز على سنانو :.. فينها
كلساتها مها فالطموبيل وكلسات حداها.. جا بوجناح.. دخل كلس حدا الشيفور وزادو بعدما طلعو لي كارد لي فاليز فالكوفر
بقا صقر وراهم تايشوف فيهم تا تسدات البوابة عاد رجع دخل مبتاسم.. ارتاح داخليا فاش ختو غادي تمشي ومتاكد انه يوري مغايعرفش فينها ابدا.. دوز لابيل لكايلا
صقر : مابغيت حد يعرف هوية تا حد فيهم.... تكلفي
كاسلا : اوكي شاف
قطع معاها ومشا للبار كلس مدة وهو تيتنشوى مع كاس الويسكي تا جات فبالو سمية.. ناض جمع الوقفة جا خارج تا كيشوف البوابة تحلات.. وتا عينو تخلات مع هداك لي داخل
صقر : يوري
يوري نزل من طموبيلتو مخلي الباب محلول.. مشا تايجري عند صقر مع وصل عندو مع نزل عليه بلكمة للوجه. صقر مسكين مع الصدمة دغيا طاح.. يوري خلاه هاكاك ودخل للداخل تايقلب عليها ضار الدار كلها بيت ببيت والو مكاينش حسها.... نزل عاوتاني للتحت لقا صقر ناض من مكانو.. شافو جاي وهو يبتاسم وقبل مايهدر يوري نطق صقر
صقر بابتسامة مكر : مشات.. ههههه وعمرها هاترجعلك غير نساها عليك.. وحسابك من هنا لفوق ايكون معايا
يوري شنق عليه : وتانتا من هنا لفوق هايكون حسابي معاك غير نتا.... قول فينها...
صقر بابتسامة : مشات 😋😋
______
فالمطار
المضيفة : النداء الاخير للمسافرين المتوجهون الى الولايات المتدجة الامريكية.. نرجو منكم الالتحاق. باماكنكم..
جاسمين كانت هاتعبر البوابة.. يالله جات تدخل وهي تحس بشي حاجة تزيرات عليها.. دارت بدون استوعاب وبقات تتشوف وراها.. وشي حاجة فداخلها تتقولها ماتمشيش. للحضة تتمنات لو بقات مع يوري ومهرباتش تمنات لو يجي ويرجعها معاه خابت امالها فاش تسدات البوابة وجات سليمة جرات جاسمين : يالله اجاسمين اتمشي علينا الطيارة ...
صقر بابتسامة مكر : مشات.. ههههه وعمرها هاترجعلك غير نساها عليك.. وحسابك من هنا لفوق ايكون معايا
يوري شنق عليه : وتانتا من هنا لفوق هايكون حسابي معاك غير نتا.... قول فينها...
صقر بابتسامة : مشات 😋😋
يوري نزل عليه بالكروشي طيحو فالارض وبدا يضرب ويقول ما ضربت صقر مخليه يضرب على خاطرو ومرا مرا تا يبتاسم فوجهو كايزيد يصعرو ويخليه يضرب فيه كثر ...
يوري : ودابا مزال ماغاتقول فينها
صقر : ههههههههه مقايلش يلله
يوري تعما.. مشا بيدو لورا ضهرو جبد فردي.. وحطو على فم. صقر لي خرج عينيه: ودابا غاتقول فينها ولا...
صقر زاد خرج عينيه فاش شافو بدا كايوجد باش يتيري وهو يحركليه راصو بواخا
يوري ابتاسم وحيد الفردي من فم صقر ورجعو ورا ضهرو
وقف ووقف معاه صقر وقفو .. بقا تايمسحليه. على حوايجو.. هز راصو تايضحك.. : يالله قولي فينها انسيبي لعزيز
صقر تايدور فعينو : احمم راها ف......
بعد مدة خارج يوري من فيلة بوجناح مبتاسم.. راكب فسيارتو ومديماري باقصى جهدو.. واخيرا واخيرا غادي يضمها ليه واخيرا غادي تكون معاه.. يوم واحد غابت عليه حس براصو عام مشافهاش
ضحك وهو تايتخيل انه تايقولها. راكي حاملا.. وهي تفرح وتبدا تنقز بطفولية كي عادتهت ومن بعد تكبرليها الكريشة وتبدا تعوج فالمشية.. ضحك عاوتاني فاش جات صورة انه هاز ولدو بين يدو وتايبوس راس جاسمين لي سخفانة
يوري مسح على راصو وضحك : احححححح برهوشة اتولدلي برهوش ههههه اهم حاجة هو تبقاي معايا هدا وكان شي حاجة اخرى ما مهماش.. وزاد زاد فالسرعة سايق..
____________
كالسة فالمقعد ديالها تتطل على السرجم تا جات مها حداها هي وباها لي كلس اونفاص معاها ومها جنبها
سليمة : باش طلعي للطيارة راه تيبقاو وراها ربع ساعة تال 20 دقيقة عاد باش تحرك..
جاسمين : امممم صافي..
ناضت من على صدر ماماها وحطات راسها على الزاجة تتشوف لبرا .. وتتسنط لمشاعرها الداخلية لي كانت متضاربة نوعا ما.. مرا تتقول يا ربي لاش هربت ومرا اخرى تتقول امتا غير تقلع الطيارة ونهرب فحالي من داك الوحش.. لي متاكدة لاشدها والله لا رحمها..
تهزات من بلاصتها على اثر صداع فالطائرة كان الضجيج وكولشي تايطل يشوف اش واقع لفجاة تخيليها انه يكون يوري...
ناضت من بلاصتها مخليا سميرة ومحمد تايعيطوليها... ماداتهاش فيهم ومشات باتجاه الصوة.. غير وصلات طلات وهي تصدم..
خرجات عينيها فالشخص لي كان تما....
جاسمين : شيماااااء
شيماء علاة راسها ووسعات عينيها : جاسمين..
جاسمين : اويلي مالك ... اش هاد الروينة منوضا
شيماء وقفات من بلاصتها وطارت على جاسمين بتعنيقة : ويلي بعدا يا صاحبتي غبرتي.. ومابقيتي تباني.. تف تف تف عليك نسيتيني
جاسيمن ابتاسمات ليها ودارت شافت وراها.. لقات دري تايخنزر فيها وهي دور شيماء
شيماء : وزيد خرج فعينيك تفو على بشر كيداير هدر غير بالاداب وهانوضو من بلاصتك تفو على زفت
الشخص : ونتي لي ديتيلي بلاصتي.. وفاش قلتهاليك نضتي تتعرعري.. على بنادم كيداير مامربيش
شيماء رخات من جاسيمن ودارت يديها على خصرها: اوا يا سيدي على اساس نتا ديك التربية تاتشعشع منك تفو على زفت كيداير ماعرفناك منا ولا منهم.. ماعرفناك لا واش نثى ولا دكر ترجل شوية معانا عاد جي دوي معايا على التربية
الشخص خرج فيها عينيه وناض بدا كيشالي بيديه كي لعيالات : اوا بزاف عليك ولهلا يحيك بيطاني متوصليهم
شيماء ميقات فيه ودارت عند جاسمين لي كانت مخرجة عينيها فيه يالله تلاقاو عينيهم وهوما يتراشقو وتزلعو بالضحك بجوجات...
شيماء : ويلي ويلي ويلي على شوهة شتي فاش عرفتك نتا منهم والله كلمتي ماتبع كلمتك تف تف تف على بشر..
شافت فيها شيماء وهي الاخرى حطات راسها على راس جاسمين وغنمضو عينيهم وهاهي الطائرة تقلععععع مغادرة الاراضي المغريبة. التي شهدت عدة احداث لابطالنا. ومتوجهة. الى الاراضي الامريكية والتي لن تسلم ابدا من شر يوري مستقبلا
_____________
خرج من طموبيلتو مبتاسم.. تايحس بقلبو فرحان واخيرا واخيرا هايلقاها واخيرا اتكون معاه.. مشا طلع فالسانسور دالموبل لي جاي فحي راقي بزاف
وصل للطابق لي طلبو وخرج. بقا تايقلب على رقم الباب لي قاليه صقر.. مشا ليه وهو مبتاسم.. وقف وبدا كايرجع النفس. وجه يدو ببطء لجيهة الباب وبدا كايدق.. ماجاوبو حد.. عاود الكرة مرة وجوج وثلاثة تا بدا كايلعبولو الاعصاب على عقلو....
وقف وهو صاعر.. للحضة حس انها ماتقدش تكون هنا وان صقر شمتو.. دفع الباب برجلو مرة وحدا تاتحلات على وسعها كان السقيل وصوة دبانة مايزنزنش دخل لديك الابارطمون بدا كايدور فاي بيت جا قدامو.. فاللخر مشا جيهت الصالون مالقاهاش العرق بدا كاينزل منو وتايتنهد بسرعة... سمع تيليفونو تايصوني جبدو وشافو كانت نمرة غريبة.. حطها على ودنو بدون مقدمات وهو يسمع
تقطع الخط و يوري مسكين مزال داير التيليفون على ودنو بقا هاكاك للحضات تا بدات تسري معاه اش وقع ليه... زير على التيليفون وضربو مع الحيط تا تشخشخ
يوري : اعععععععععععععععععععععععععهع
حس بالشمتة... اول مرة يتخدع فحياتو... اول مرة يطرا معاه هادشي.. عينيه ضلامو وولا تايبانلو لي جا قدامو يتيري فيه عل وعسى يطفي نار الحقد لي بدا كايتربى فخاطرو
__________-___
عند صقر
حيد تيليفونو من يديه مبتاسم.. واخيرا خلا يوري يحس بشوية من داكشي لي حس فاش تخطفات ختو وكانت بين يديه... لا بالشرع ولا بالقانون ودخل عليها وخلاها تولي مرا فسنها الصغير هدا.... فاش تايتفكر بلي داك الوحش.. دخل بختو تايبغي يحماق صعيبة وصعيبة بزاف
ناض من مكانو.. توجه لسيارتو وبين عينو غير سمية حاليا.. حيت حاس بالخنقة.. وحاس بلي سمية هي لي غادي.. تفوج عليه وتخلي هاد الغمة ماليها وجود
خرج ركب فسيارتو مكسيري غادي متوجه لعندها. بعد لحضات وصل نزل من سيارتو وعينو فالارض داز من حدا السيكيريتي. لقا عليه السلام وهو يحركليه راصو ببطا
طلع فالسانسور.. دار رقم الطابق ديالو.. وطالع مبتاسم اولا تايحاول يبتاسم ويصطانع الابتسامة.. تحل الباب وجا خارج غادي باتجاه الباب.. تا كيتصدم بلالة لبنات سمية واقف معاها واحد الراجل.. هنا بانت غوباشت صقر ومشا ووقف عليهم كي ملك الموت
صقر بتسائل شاف فعينين سمية وبلا سلام دخل نيشان فالموضوع : اش واقع هنا
سمية لي شافتو جاي سرطات ريقها وطلعات فيه العين مبتاسمة : اممم صقر هدا الجار ديالنا لي فوق منا...
صقر شاف فيه : اهاه
سمية : اممممم انا كنت طالعة وتقسحت فرجليا وهو عاوني طلعني
الشخص بقا تايشوف فيهم وابتاسمليها فاللخر وباين فعينو الاعجاب بيها : لا شكرا على واجب.. ماغاتعرفيناش واش هدا خوك
صقر مدليه يديه تاتسالمو وزير عليها : انا راجلها.. صقر بوجناح.. وهي.. المدام سمية بوجناح
الشخص وسع عينيه فسمية مستغرب تدارك راصو فاللخر وبتاسمليهم : اه متشرفين متشرفين انا جاركم لي ساكن فوق منكم. اشرف .. طبيب نسائي يالله انتاقلت مؤخرا لهنا .. كان ليا الشرف انني نتعرف عليكم ( شاف فسمية ) وردي البال ماتبقايش طلعي فالدروج تاتجري راه كاين السانسور
صقر ابتاسمليه بجفاء و بلاما يجاوبو لاخر شاف ديك الابتسامة وهو يعبر خطواتو غادي فحالو.... غير غبر وهو يدور صقر عند سمية لي كانت تتشوف فيه باستغراب دفعها للداخل ودخل تاهو... جات غاديا تتمشى عوجا وهو يجرها
صقر : كيفاش... واش هزك بصح ولا شنو 😡😡
سمية. خنزرات فيه : اه هزني ونتا مالك اخويا.. تتسول اويلي شوهتيني قدام الراجل. بفففففف.. وباش زايدها مكملها ومجملها تتقولو هادي المدام واش حزقلك ولا اش
صقر شاف فيها وبدا تايغزز على سنانو شدلها من يديها وبدا تايزير عليه.. : جاوبيني واش هزك
سمية بدون مبالات : اه وي هزني.. اش فيها شافني طحت ماقاداش نطلع هزني وعاوني
صقر عينيه بداو يتحقنو بالدم .. طلق من يديها ودار يدو على راصو قرب ينتفو.. حاس بنار الغيرة تتححرق فيه من الاعماق.... دار عندها وهي تخلع من وجهو لي فوقما تايتعصب تايولي يبان فيه غير شي وحش
صقر بدا غادي لعندها وهي راجعا بلور وتتعكل.. وصلات للحيط وتلاصقات معاه ومابقالها فين تزيد سرطات ريقها فاش شافتو متوجه لعندها لصق عليها.. وبدا كايقرب ليها.. لتاصق صدرو لي تايطلع وينزل بعنف مع صدرها الانثوي المدفق..
وبلا مقدمات مشا باتجاه فمها بدا كايقبلو بوحشية كبيرة.. شد شنوفتها التحتية وعضها وبدا كايغززها بسنانو وهي تتغوت قدامو لربي لي خلقها فلخر طلق منها وخلاها دايزا بدم.. كالا يجو على الخيط..
صقر بتعصب : اخر مرة.. هادي اخر مرة.. تخلي شي واخد يقيسك.. فاش ما كان ( هبط بيدو لطرمتها.. وشحطها وبدات تتغوت ) هنا فين حط يدو ياك (عاود شحطها )
بقات تتعاودلو ديك طارت فودنيه تا حل عينو على وسعهم... ونطق ببطئ قبل مايهبط كايجري
*المطار *
حل باب سيارتو.. وكسيرا مسرع باتجاه المطار اختارق كاع حواجز الشرطة والضو لحمر ماوقفش فيه عاد زيد ما مرا ماجوج كان غادي يدير اكسيدون غير حفضو ربي
ماهي الى 15 دقيفة وصل للمطار نزل مخلي الباب دطوموبيل محلول ماتايهمو والو دابا وبين عينو غير جاسمين
تفتحات البوابة ودخل تايشوف فالرحلات المعلقة.. بقا تايشوف فداك الطابلو. تشتت ليه الدهن تايبانو قدامو غير دولة تنطح دولة وماعارفهاش هي انا وجهة خدات
مشا لشباك التداكر تايجري وقف على واحد الموضفة لي غير شافتو عينيها ولاو كي لقلوبة بتاسماتليه باثارة ووقفات
الموضفة : وي موسيو فاش ممكن نعاونك
يوري : بغيت. نشوف واحد البنت اينا وجهة مشاتليها
الموضفة لي غير سمعات البنت غوبشات : نو اسيدي مايمكنش نعاونك فهادي حيت مامنحق تا واحد يعرف معلومات على المسافرين ديالنا
يوري تايسرط ريقو ومزير على يديه والاعصاب ايطرطقليه شي عرق غير مصبر راصو على هادي مايفوتش فيها شي. ضربة
يوري : لا ماتفهمينيش هاكاك غير انا عاونتها ووصلتها للمطار ونسات عندي بزطامها وتيليفونها وباينين فيهم فلوس كثار عليها بغيت نشوف اينا وجهة مشات ليها حيت على حد علمي اتكون مشات دابا ممكن تعاونيني 😉
الموضفة غير شافت ديك الغمزة وهي دوب بلاصتها مسكينة حلات فيه فمها وحركاتليه راسها بواخا : اممم ممكن الاسم
يوري ابتاسم فخاطرو : جاسمين بوجناح
دارت الموضفة تتطابي فحاسوبها شوية ودارت عندو : للاسف هاد الاسم مكاينش هنا يعني ماسافراتش فتا شي رحلة دهاد النهار
يوري خرج عينو فيها وبقا تايفكر مدة يالله كان قاليه طارت دونك راه مشات للمطار وسافرات.. مسح على راصو تايفكر ويعاود يفكر فين تكون مشات زعما.. ادا لا ماسافراتش فتا شي رحلة يعني راه اتكون مازالا فالمغرب
خرج من المطار مخلي المضيفة وراه غير ساهيا ركب فسيارتو.. ومشا ديريكت للشركة.. تصادف مع باه فدخولو.. تخطاه وهو يشدو القباش من كتافو
يوري دار عندو ببطا : اشكاين...
القباش غوبش : اشكاين نتا لي شتك وليتي تتهز وتتحط عليا هنا واش صافي كبرتي قلتي شديت لورث صافي انا لي هانولي نحكم
يوري مسح على راصو ماباغيش يسمع هاد الهدرة حيت بالو كلو مشغول بجاسمين وجا هاد الزمر ايزيدو هم فوق هم.. غمض و على عينيه وحلهم فباه حومر : بعد مني الواليد كراشقاليش على هاد الهدرة
القباش شاف فولدو غادي وهو يتدارك الهدرة : وجد راسك سلمى اليوشفي دابا وهي جات عندك تيخاصكم تخرجو باش تفاهمو على الخطبة الرسمية
يوري سمعو ومع دلك نخلو .. مشا للسانسور وطلع لبيروه طلاقا مع السكرتيرة لي ابتاسماتليه بقا تايشوف فيها لمدة وعيطليها
يوري : تبعيني
السكرتيرة هزات الملفات لي كانو حداها ودخلات تبعاتو وسدات الباب وراه
يوري مشا كلس مكانو وهز فيها العين : بغيتك من ليوم لفوق اي حاجة تتعلق بالشركة ماتوصلش للواليد
السكيرتيرة استغربات : ولكن اموسي..
يوري قاطعها : ماكاين ما ولكن بغيتك اي حاحة نكون غير انا لي عارف بيها والى صقت لخبار وصلات للواليد هاتكون عندي معاك هدرا اخرى.. يالله سيري
يوري. شافها سدات الباب وهو يديير يدو مكالي راصو وعينيه حومررر واصل للطوب دالاعصاب : هانتا هاتشوف السخط لي سخطتي عليا فين هايوصلك القباش
بقا هاكاك لمدة تا حس بالباب تحلات بدون مايدق عليها حد خسر سيفتو تايتسنى شكون ايدخل. شافها دخلات ببطئ وشافت فيه وهي مبتاسم.. اما هو فغوبش
يوري : اش تتديري هنا
داخلا بكل تعجرف وغرور للشركة ولي داز من حداها تميق فيه.. تقول الشركة ملكها ويوري غير خدام عندها.. كانت لابسة كسوة نصها معري.. والنص لاخر مشبك.. ابتاسمات فاش شافت القباش. جاي عندها. مداتليه يديه بلباقة وسلمات عليه فوق خاطرها
الموضفين استغربو منها.. مالقاو مايقولولها غير انهم يخليوها. حيت عارفينها هي بنت الشريك الجديد ومرت المدير يوري مستقبلا و لي هو وعمرو عاملهم هااكا
تسد الباب فوجههم وطلعات وتتققاد فراسها فلمرايا لي اونفاص معاها تحل الباب وبدات تعنكر فالمجية عاوتاني لمحات السكرتيرة لي تتشوف فيها.. ماداتهاش فيها ومشات جيهت بيرو يوري.. وقفات حدا الباب تترد النفس. ابتاسمات ببراءة وكون تشوفوها ماتقولولش هادي لي تكبرات على الموضفين من دابا شوية..
حلات الباب بلامل دق دخلات هزات عينيها فيه لقاتو تايشوف فيها بواحد النضراة فشكل تبسماتليه ومشات باتجاهو..
يوري خسر سيفتو ودور وجهو لجيهة اخرى تايسوط وتايطلب يتكالما.. كلسات قدامو عاد دار عندها ابتاسماتليه ومدات يديها ليه
.
سلمى : اهلا يوري سافا
يوري ابتاسمليها فوق خاطرو. مدليها يدو هو الاخر.. : الحمد لله ونتي
سلمى : الحمد لله سافا بابا تايسلم عليك
يوري : امممممم مزيان
سلمى بقات تتدور فعينيها بثوثر وتتشوف فكل قنت. ساد صمت قاتل بيناتهم. يوري محامل يدوي معاها وهي متشوقة تدوي معاه مي مع هاد الحاجز لي دار يوري ماخلاهاش فين تفنفن
يوري خسر ملامحو : جوبونص هادي انا لي خاص نقولها ماشي نتي
سلمى سرطات ريقها باحراج : ماشي مشكل... لمهم هو نخرجو ونتغداو نتعرفو على بعضياتنا زعما هادشي لي قلت وبطبيعت الحال لا بغيتي
يوري شاف فيها مطولا باغي يقوليها راني ماباغيش هاد الزواج ولكن مارضاش يقوليها مبزز عليا.. شاف فيها.. : واخا سبقيني للتحت انا جاي
خرجات سلمى وبقا هو كالس لمدة هز. تيليفونو ودخل لبلاصة التصاور وماجات غير فالتصويرة ديال جاسمين. كان التاقطهاليها بلاما تعرف فاحد الايام.. بدا كايدوز يدو. على شاشة الهاتف.. ومشا دارليها ترونسيفير وسيفطها لواحد النمر..
ديك النمرة مكاملاشش تا نص دقيقة صونات ليه جاوب
يوري : قلب عليها....... راها هاتكون مزالا فالمغرب.. ولاكن مع دلك قلبو تا برا.. اوكي..
قطع عليه وناض دار تيلي فجيبو.. لبس فيست ديالو وهز كونطاكطو وهبط... قشع سلمى مع باه زاد كره بفففف محاملش يخرج معاها ولكن خارح فوق خاطرو.. علاش مانعرف
شافتو جاي مشات جيهتو مبتاسمة.. يوري بلاما يسلم على باه تخطاه وجا خارج.. غير خطاو على الباب برا سلمى خشات يديها. فدراعو... والتاقطاتهم عدسات الكامييرا الكاميرا
هز راصو.. شاف لي كام دايرين بيه وتا الصحافة دايرا بيهم من كل جيهة ساط بغضب وشاف جيهت سلمى لي كانت مبتاسمة وعاجبها الحال ففهاد الوضع رخا من يديها وتمشا مبعد عليها مشا للسيارة وهي تبعاتو بالجرا طلعات فالسيارة جنبو وبقا ساكت لمدة
سلمى شافت فيه بصدمة لقاتو صاعر غير مع راصو وهي تلبدها
_________
دازو سوايع وهوما على مثن الطائرة قبل متحط بيهم على الاراضي الامريكية فاقت لالة جاسمين على يد صديقتها شيماء... هبطو بجوجهم مشادات فاليدين ووراهم بوجناح وسليمة لي تايشوفو فبنتهم تتضحك وناشطة وهي جنب صاحبتها.. وقفو بعدما دارو الاجراءات الازمة...
جاسمين : اوا الالة قلتي جايا تكملي قرايتك هنا
شيماء : وايييه اختي عرفتي راه مصيبة ومزالا مالقيت دار نكلس فيها قالي بابا سيري وكلسي فلوطيل تايهضر مع شي صحابو يلقاولي دار هنايا
جاسمين : هي ماغاديش ترجعي تقراي فالمغرب
شيماء خسرات سيفنها : لا يا ختي بابا قال نوووون كحل عيونو منبقا فداك المغرب مع راك عارفا حصلني مع صاحبي القديم وقاليي خرجو رجليك للشواري عليها مسيفطني لهنا
جاسمين : هههه وايلي وماضربكش
شيماء بتمياق: علاه هو يقدر يالله يحط يدو عليا مي طاحتلو قالتلو. والله وتقيسها تانمشي ونخليك.. ومع راك عارفا لواليد تيموت على مولات الدار اوا وماقاسنيش
جاسمين : سعداتك يالالة ولكن ههه مايمكنش نخليك تمشي للوطيل تكلسي فيه وانا كاينة هنا
جات من وراهم سليمة : زيدو تحركو البنات شتكم كلستو تهاودو هنا
جاسمين : يالالة قالتلك هاد الانسة هاتمشي تكلس فاللوطيل حيت مزال مدبرات على الدار قلتلها هاتجي تكلسي معانا..
سليمة : وي بصح عندها. الحق هاتكلسي معانا
شيماء : بصح
جاسمين زيداتها معاها : ومالنا تانضحكو هنا تفووو على بنادمة كيدايرا... قلنالك اتكلسي صافي اتكلسي يالله نهزو لي فاليز تاوعنا
تشادولك فاليدين ومشاو تايجريو جيهت لي فاليز جبدوهم وبقاو تايتمشاو قدام سليمة ومحمد.. خرحو لقاو واحد الكارد هاز لوحة فيها اسم *بوجناح*
كانت لالة جاسمين غادة دازت من حداها عاد فطنات ورجعات بقات تتشوف فاللوحة والكارد.. رجعات تا شيماء عندها وبقاو تايشوفو فالكارد لي تنوى مسكين من شوفاتهم...
خنزرات جاسمين فالكارد وحيداتليه اللوحة يالله جا يهدر وهو يوقف عليهم بوجناح.. شاف فجاسمين كي تتصرف وبدا يضحك
بوجناح : ناري يا بنيتي من يوم يومك ونتي دايرا هاكا
جاسمين غوبشات فيه : ولكن ابابا راه تايغلطو ديما فالاسم راه تتكتب *Boujnah*. ماشي *Bojnah *
شيماء ميقات فيها : ويلي تانتي شحال فيك راه بحال بحال
طلعو فالطموبيل والكارد لي بعدما عرفهم هوما عائلة بوجناح قادهم للسيارة وتم سايق بيهم .
وصلو بعد لحضات لحي يعمه الهدوء وفيه غير الفيلات.. ابتاسمات جاسمين بعدما نزلو من السيارة وغمضات عينيها تنفسات بعمق وزفرات والبسمة تعلو وجهها.. سمحات فالفاليز ومشات تتجري جرات شيماء وبقاو تايجريو. غير بوحدهم.فالجردة دالفيلة لي كانت كبيرة بزاف.. مشاو وقفو حدا الباب وتنفسهم ممنتاضمش... صونات جاسمين غالباب وهو يتحل وققبل ما يتحل.. نقزات جاسميييين
جاسيمن : واااااااااااااااع
تحل الباب وجاسمين نقزات على الشخص لي حل تا كان ايرجع باللور طايح كون ماشدش توازنوووووو
جاسمين : واااااااااااااااع. عمو احمد عمو احمد توحشتك هههههه
عمو احمد : هههههههه جيتي الفنيكيشة.. نتي هي نتي منين تتجي ديما تتديري هاد التنقيزة وحاولي عليا راني شرفت مابقيتش صغير
جاسمين خرجات فيه عينيها : ويلي ويلي على شرفتي شوف شوف والله تا راك مزال صغير والف وحدا تتمناك.. شوف زين شوف الحنيكات والعوينات اودي كولشي فيك زوين
عمو احمد : هاي هاي هاي تتصبغيني دابا
جاسمين حركات عينيها : امممممممم ربما تنصبغك باش تمشي تقادلي دوك لي كيك لي تيطلعو بنان من يديداتك
سليمة من وراها قاطعاتهم :ويلي ويلي ويلي. اوا لاكنتو ساليتو كلامكم. تحركو من الباب خليونا غير ندخلو بعدا
عمو احمد نزل جاسمين من يديه : وراه هي لي جايا تتنقز عليا
جاسمين عبسات فيه : ياك ياك وانستاهل...
ضربات فيه وتمات داخلا وتبعاتها كل من سليمة وشيماء ومحمد و عمو احمد تبعوهم.. كانت فيلا اقل ما يقال عنها رائعة حديقة كبيرة بزاف وكلها خضورية.. ومفتوحة على الشارع.. وماكاينش شي صور فارق بيناتهم.. كانت مبنية على الطراز الامريكي اما من الداخل ديالها ف ممزوج بين الثراث الامريكي القديم وكدا المغربي الاصيل..
صالون على الطريقة المغربية مفتوح على صالة امريكية. بلي فوتوي تتوسطها طبيلة من الزجاج وتلفزة كبيرة فالحيط.. كاين مطبخ كبير عندو باب على الحديقة زائد جوح بيوتا لتحت
كلسو العائلة كلها وبقاو يتعاودو مع عمو احمد لي كان خدام عندهم منين كانو صغار وفاش جا صقر لهنا فضل يجيب معاه عمو احمد يقابل معاه الدار خصوصا انه ماعندو لا ولاد لا وتاد علاياش يرجع
بعد حديث وكلام ودي وجيب فالهدرة ناضت لالة جاسمين جرات معاها شيماء وطلعو تيحنقزو فالدروج كي بنات 10 سنين.. مشاو مع واحد الكولوار كلو غرف.. وحخبقاو غاديين تا وصلو للغرفة الاخيرة لي كانت فيه..
حلات وهوما يتحلو معاها عينيها اه كيما خلاتها باقا ههه كانت اخر مرة جات ليها زوقاتها وخلاتها. ومشاو بسرعة ودابا هاهيا كيما هي تقول عاد لبارح زوقاتها عرفاتو عمو احمد لي كان كل نهار يجي يرتب غرفتها وكانه كل يوم ينتضر عودتها
طلقات من يدين شيماء ودخلات استلقت على السرير وتنهدات تبعاتها شيماء واستلقات عليه تا هي بقاو تايشوفو فالسقف لمدة.. تا جا قدام عينين جاسمين يوري.. ناضت مفزوعة.. شافت فيها شيماء تخلعات
شيماء : اويلي مالك..
.جاسمين بقات تتشوف فيها لمدة وتتسترجع تصويرة يوري لي جاتها على البال.. كان حالتو حالا وعامر دمايات وشاد على قلبو : لا لا والو..
شيماء بشك : مالكي اصاحبتي قوليلي اش واقعلك
جاسمين : بفففف لا والو بغيت غير ندوش ونجيو نتكاو.. اجي شحال فالساعة..
شيماء هزات عينيها للحيط : اممممم هادي 22h00 الالة
جاسيمن : بففففف والله اندوشو ونعسو باش غدا نفيقو ونخرجو
شيماء : وي بصح نوضي دوشي ونتبعك ونجيو نعسو راه غدا عندي مقابلة على حساب الجامعة...
جاسمين : دونك نمشي معاك
شيماء : الى بغييتي... اجي نتي قلتيلي تانكونو بوحدنا ونقولك شي حاجة اش هتقوليلي
جاسمين علاة فيها العين مترددة : احم احم.. واخا كلسي ونعاودلك
شيماء كلسات وكلسات قدامها جاسمين بقات مدة تتشوف فيها تا قفزاتها شيماء : وا دوي اصاحبتي.. تاديريلي سيسبانس
جاسمين شافت فيها بجدية : هادشي لي هنقولك.. راه بصح.. مافيهش ضحك وشوية صعيب
شيماء سرطات ريقها : اويلي واقعا شي حاجة دوي اصاحبتي خلعتيني اش واقع
جاسمين يالله جات تحل فمها وهو يتحل عليهم الباب ودخلات سليمة ببيجاما تدار شافت فيهم
سليمة : بنات شتكم غير كالسين.. مالكم اش واقع
جاسمين بارتباك : والو اماما كونا تنرتاحو عاد انوض ندوش
سليمة : هاهوما مطلعينليك الفاليز .. هزي حوايجك عاد دخلي
ابتاسماتليها جاسمين وتسناتهم تا طلعولها الفاليز ودخلات لاحمام.... دوشات وخرجات.. دخلات تا شيماء دوشات وخرجات تاهي ومشات تجبدات هي وياها فسرير واحد بقاو مدة تايشوفو فالسقف..
شيماء : ماغاديش تدوي..
جاسمين ساهية : لا.... خلي تالغدا ونعاودليك
شيماء مابغاتش ضغط عليها واخا واكلها لفضول : واخا على خاطرك يالله تصبحي على خير...
وهنا غطو في نوم عميق... مشاو فيه لعالم الاحلام
________
ناضت من جنبو بقات تتشوف فيه لمدة.. شكلو الجداب وحروفو الرائعين... تيبان زوين وهو مرتاح ولكن اينفوا تايغضب تايتحول لوحش مليه مثيل..
تنهدات فخاطرها وهي تتشوف فيه ومبتاسمة.. تيراودوها احاسيس مختلطة ومتضاربة تتحس بالامان وهي معاه وفاش مكيكونش تيكتاسحها واحد الخوف رهيب وفشكل تتولي خايفة غير من خيالها..
شافتو بدا كيحرك فعينيه استعدادا للاستيقاض وهي تجمع عينيها عندها وجمعات تا لوقفة غادية للكوزينة هاربة من مشاعرها لي تتضارب فاش تيكون معاها
مشات للكوزينة وبقات واقفة تتفكر غير وحدها هههه تفكرات فاش قبلها وغزز شفتيها وبدون ادراك اتاجهات بيديها صوب شفتيها. تتلمس فيهم بحنية وتتسترجع الاحاسيس لي حسات بيهم وهو معاها فاقت من سهوتها على صوتو
صقر : هيهووووو فين ساهية اممممم
سمية بارتباك : لا لا ماساهياش ههههه
صقر هز تفاحة بيدو وتاجه لعندها كالاها مع الطبلة لي هي فيها ومشا بفمو لودنيها : ساهية فبوستي امممممم
سمية ربكها ومالقات ماتقول.. اكل القط لسانها وبدات تتدور فعينيها.. كحزاتو عليها بالشوية ومشات تتجري لغرفتها هو بقا متبعها وتايضحك..
مشا للصالون هز التيليكومونط وبدا تايقلب فالقنوات تا وقفات عليه.. لابسة سروال دجين. وشوميز وطالقا شعرها على راحتو مع كلوز ففمها.. وهازا شكارتها فضهرها.. طلعها من رجليها لراسها غير وصل لفمها ووقف عندو مخنزر
صقر : وهداك لاش
سمية : شنو هو هداك
صقر: هداك الزبل لي دايرا ففمك
سمية : اه هههههه كلوز راه شفاف غير ملمعليا شوية فمي ستتت
صقر : حيديه..
سمية شافت فيه وميقات وقالت بالسلامة وجات تخرج
صقر : اجي فين غادية اممممم
سمية شقلبات عينيها : وراه غادية غير لليسي راه قاريا مع 3
صقر هز ساعتو شافيها : وشحال دابا..
سمية : جوبوونص جوج وربع
صقر غوبش فيها : وشحال تتديري فطريق
سمية ابتاسمات بطفولية : ههههههه راه ليسي قريب للموبل 10 دقايق ربع ساعا كتلقاني وصلت ههههههه
صقر خنزر فيها : ونص ساعة فين هتكلسيها
سمية سرطات ريقها : راه تانكلس غير حدا ليسي...
صقر : دوزي تكلسي قدامي تا تقرب وانا لي هنوصلك
سمية بصدمة : هتوصلنييييييي
صقر : اه انا لي هنوصلك دوزييييي 😡😡
مشات كلسات سمية مقابلاه نص عين فيه مخنزرة وتتغودد من الداخل ونص عين فالتلفازة.. ضربات لوقيتة وهو يضرب على طبلة
صقر : تبعيني... مشا هز الكونطاكط. لبس سبرديلتو وخرج قدامها وهي وراه.. هبطو ركبو فالسيارة وديييييييييريكت لليسي..... وصلات ودعاتو وهبطات.. اما صقر فقلب الضورة ومشا براكا فواحد القنت.. حاضيها
..... بقا هاكاك مدة شي 5 دقايق.. صونا الجرس شافها دخلات وتسد الباب وهو يكسيري الى اين الله واعلم
_______________
تعاشات لعشية عند كل من ابطالنا لي فالمغرب.. يوري فغرفة الضيوف لي كانت فيها جاسمين كالس منغم فوق سريرها داير يد على راصو ووتايشوف فالسقف لمدة.. سد عينيه وهي تجي قدامو. بقا تايبتاسم فالخيال ديالو وهو تيشوفها قدامو.. كيف الملاك...
حل علينيه وكلس متنهد .. وتايفكر فين هاتكون مشات وخلاتو فين هاتكون غبرات .. بعدما اجرا الاتصال بداك الشخص لي قاليه قلبلي عليها دوز نهار كلو فالبحث وصونا عليه قاليه ماكاين ليها اثر.. كاع املاك بوجناح ضار عليهم.. سوا فيرمات ولا فيلات ولا اي شيء اخر ماكايناش البنت كان الارض. تشقات وبلعاتها بلع
تفكر عماد.. اه عماد هو حلو فهاد الوقيتة حل تيليفونو ومدوز لابيل ليه بسرعة..
يوري : الو.. عماد.. بغيتك فاقرب وقت تكون فالمغرب.. لا شي حاجة ايغجون.. بغيتك هي بغيتك بلاما نبقا نشرحلك هبط عندي ودغيا عاد تفهم
قطع عليه وبقا مدة كالس فبلاصتو تايفكر انه عماد هو المنقد الوحيد ليه يقدر يكون عارف فين مشات ولا يقجر يقلب عليها حيت عنجو معارف كثر.. واخا تا يوري عندو معارف الى انه مابغاش يبين راصو انه تايقلب على بنت.. حيت عالم البرجوازييين الخبار تاتنتاشر بسرعة واخا تكون مافيوزي وعندك كلمتك... تنهد واستلقى على السرير
يورييييي : غادي نلقاك غادي نلقاك
صبح الصباح على الاراضي الامريكية ولي الجو فيها بدا يتغير من الصيفي وداخل للخريف الدي سيكسو الارض من اوراق اشجارها البنية.
حلات عينيها بثقالة.. شافت فصاحبتها كي ناعسة كي الملاك.. جاسمين ناعسة وماهيش فهاد العالم حالا فمها شويش وباينة فوجهها ناعسة مرتاحة.
حركات شيماء يديها على شعر جاسمين.. بدات كدوزوليها بثقالة ... تا بدات جاسمين تتحل عينيها.. حلاتها وجات عينيها فعينين شيماء لي ابتاسماتليها
شيماء : صباح الخير
جاسمين : صباح نور كبيدتي...
شيماء : انا سبقتك نغسل وتبعيني اوكي
اوماتليها جاسمين بواخا وهي تتكسل دخلات شيناء غسلات وجهها وقضات روتينها الصباحي وخرجات كانت جاسمين مزالا مسطحة... نوضاتها بالسيف دخلات وغسلات وجهها وخرجات عندها لقاتها تتلبس فحوايجها. عبارة عن جينز و طريكو فالنواغ وكويرة... ومشات جاسمين تاهي جبدات جينز مع تريكو قهوي بالكول ولبسات عليهم مونطو مع صباط طالع... دارو شافو فبعضياتهم وتبسمو....
مشات شيماء. عند جاسمين وبدات تقادليها فكمارتها دارتلها فوندايشن مع بودر + مشطاتليها حجبانها ورموشها مع شوية. دفاراجو فالحنيكات... وماننساتش عكار قهوي ماط لي خلا شنيفاتها يبانو منفوخين ومثيرين
شدات جاسمين هي الاخرى لعدة وبقات تزوق فوجه شيماءء تا ماقدات.. ولاو فاتنات بمعنى الكلمة.. هزو سيكانهم وهبطو للتحت
دخلات حاسمين هي اللولة مبتاسمة ومغمضة عينيها وتتستنشق ديك الرائخة لي حايا من الكوزينة.. حلات الباب دالكوزينة ودخلات نيشان باتجاه الطابلة.. مالقات لا سلام لا سباح لخير.. واول مدارت فور وصولها للطبلة هزات كيك وبدات تتاكل فيه وتتصدر اصوات غريبة.
كلات وسالات تمدقات وتبننات مع راسها عاد حلات عينيها وماتجي غير عليهم وهوما تايشوفو فيها باستغراب على حركتها لي دارت.. شافت فيهم بغباء وابتاسمات
جاسمين : ها. صباح لخير
سليمة مستغربة : صباح النور ابنيتي
محمد : صباح نور احبيبتي
جاسمين : فين هو عمو احمد
سليمة : راه خرج مشا يجيب شي سخرة قالك... وانتي اشيماء كي صبحتي ابنتي سافا
شيماء ببررائة : الحمد لله اخالتي بيخير..
سليمة : يالله كولو دغيا باش يوصلكم الكارد فالوقت
محمد بتسائل : على فين غاتمشيو
جاسمين تتهدر وفمها عامر بالكيك : رراه شيماء اتقرا هنا فواحد الجامعة.. انمشي ليومة معاها حيت عندها مقابلة معاهم
محمد : امم مزيان احم. واش بالك نتي اجاسمين تكملي تانتي قرايتك هنا اممم
شيماء : عينيها عمرو بالقلوبة : اه اه والله تا فكرة زوينة اجاسمين نقراو هنا بجوج اصاحبتي
جاسمين شداتها اللقوة وفور ماقال باها هاكاك حسات بشي حاجة ثقلاث على قلبها وجا فبالها غير يوري لي عمرها هاتعاود تشوفو لا بقات هنا... ولكن فلحضة اخرى جات فبالها ديك الجملة ديال باه لي مزالا للان تتعاود بحدافيرها فودنها
* والخبر الثاني هو اليوم اعلان خطوبة ولدي يوري القباش بسلمى القباش *
علاة راسها وديك الجملة تتعاود وتتعاود فخاطرها تا ولاو عينيها حومر هي فاهما هاد الاحساس وعارفاه هو احساس بالغيرة وشي واحد اياخد منك شي حاجة تتبغيها.. ولكن عقلها مزال مابغاش يستوعب هادشي..
جاسمين : موافقة ابابا
جاسمين : موافقة اباب انقرا هنا حسن ونبقا مع شيماء
محمد ابتتاسم بانتصار : مزيان ابنتي الله يرضي عليك.. هنا اتقراي حسن من المغرب..
زادت جاسمين مع شيماء ووصلو للجامعة لي هدوز فيا المقابلة باش يقبلوها واخا هي مقبولة مي هاد النوع من الجامعات تايدير مقابلات مع الطلابب باش تايربيو فيهم ديك عدم الخوف من لي اونتخوتيان مستقبلا.. دخلات شيماء وكلسات جاسمين قدام الباب تتسنا فيها.. هازا عصير الليمون معلب تتشربو وتتمدق فيه ومستمتعة.. ماداياهاش فاليي تايحيط بيها.. كانت مغمضة عينيها تاكيوقف عليها ضل تايحجب الرؤية حلات عينيها وهي تجي على عينين زورق كزرقة السماء وجه بيبض وشعر اشقر.. عضلات مفتولين والطول اخخخخخخخ... ابتاسم الشخص لجاسيمن لي خسرات ملامحها فيه
الشخص :(بالانجليزية ) ممكن نكلس حداك
جاسمين جاوباتو : لا مامكنش.. اخويا سير بعد من جيهتي
الشخص : سمحيلي انا بغيت غير نكلس معاك حيت شتك كالسة وحدك وانا كنت مع صحابي لهيه قلت نجي نتعرف عليك كاصدقاء وصافي .. وكنعتادر مرة اخرى.. (جا غادي تا وقفاتو جاسمين )
ليو : اه انا امريكي ( جبد وردة من جيبو ) وهادي ليك يا اجمل عربية نتمنى تقبليها مني وتكون بداية صداقتنا
جاسمين ابتاسماتلو : اكيد... يالله جات تشدها وهو يترش عليها الماء من ديك الوردة تا رجعات قافزة باللور وليو تايموت عليها بالضحك
مسحات جاسمن على وجهها وشافت فيه معصبة وطالعليها دم قريبة تنفاجر يالله جات تمد يديها عليه وهو يهرب من قدامها طاير وتايموت بالضحك
ليو تايضحك وهارب :It's just a prank, just a prank with my friends I'm sorry hhhhhhhhhh
جاسمين شافتو غادي تاوصل لصحابو وبداو يتراشقو وتايشوفو فيها وتايضحكو حسات بالحكرة فهاد الوقيتة وبدات تدمع... شافها ليو هاكاك ورجع عندها تايتمشى ببطا... اما جاسمين فحلفات لا حبسات من لبكا.. وقف عليها وبدا تايربثليها على ضهرها....
ليو : Sorry, sorry, I didn't mean that, I'm sorry
جاسمين علات فيه العين وشداتو : اوا هانتا جيتي برجليك انا انوريك. اشناهي prank
ليو خرج فيها عينيه ياك عاد كانت تبكي ودابا ولات تضحكديك الضحكة الشريرة.. تعجب فيها وبلا مقدمات بدا كايضحك وهي تتضرب فيه وتقول ما ضربات تا سخفات عاد كلسات اما هو. فكان كايحس بيها كانها تاتهرو شافها كلسات ومشا. كلس حداها تايشوف فيها مدة وفحروفها. الزوينين وجمالها الرباني ابتاسمليها ومد يدو
ليو : friends
جاسيمن علاة فيه العين وابتاسمات هي من الناس لي كيامنو بالصداقة خصوصا انها عندها شيماء صديقتها لي التقو فضروف كفس وتشادو بيناتهم عاد باش ولاو صحابات... ومامنة بلي تا ليو هايكون ليها افضل صديق.. مداتليه يديها هي الاخرى مبتاسمة : friends
بعد لحضات تمات جايا شيماء لي لمحات ليو كان كالس حدا جاسمين.. وناض وجاسمين بقات متبعالو العين ابتاسمات فخاطرها ومشات كلسات قدامها
شيماء :اممممممم الناس مزال مكملو النهار وبداو يديرولي فالعلاقات
جاسيمن ميقات فيها : راه غير صديق
شيماء خرجات فيها عينيها : اشنو عاودي عاودي ماسمعتش
جاسيمن ببلاهة : راه غغير صديق..
شيماء : ياك الحمارة وانا الكلبة البغلة لي ماتسوايش. فيني الحمارة فين درتيني لي دايرا عليا صديق خنتيني ياك كون قلتيلي راني دخلت فعلاقة غرامية معاه وماتقوليش بحال هاد الهدرة
جاسيمن شافت فيها عرفاتها غارت : صافي صافي نوضي تحركي نمشيو لشي قنت اخر
شيماء : لا لا كلسي رجعي لهنا.. تانتفاهمو..
جاسمين : بففف واخا الالة غير هو لاكلست راه والله لا عاودتلك شي وزا
شيماء خرجات فيها عينيها وناضت بالقفازي : لا لا لا.. نوضي تجمعي هاها.. قالك ماتعاوديليش زيدي قدامي انمشيو لواحد الكافي نكلسو فيها ..
جراتها من دراعها جاراها وتتنكر غير بوحدها وجاسمين تتضحك عليها وصلو قدام كافي زوينة.. دخلو وشدو بلاصتهم بعدما دومونداو وجاهم الطلب..
شيماء : يالله انا كلي ادان صاغية..
جاسمين : احمم ولكن الى عاودتليك مابغيتك ضحكيي ما بغيتك تسخري من هادشي لي انقولوليك حيت انقوليك غير الحقيقة ومافيهمش الكدوب
جاسمين ضربات عل. راسها : بففففففف ويليك على مرض واسمعيني اصاحبتي ناري شحال فيك متتسكتيش.. سكتي وسمعيني تالخر وهدري
شيماء هازا قنانفها للسما : يالله دوي دوي خلاص
جاسيمن : انا الالة نهار مشينا رحلة للسعيدية راه تختاطفت.. ( خرجات شيماء عينيها وبغات تهدر وهي تسكتها جاسمين مخرجا فيها العين ) اللقوة ياختي والله ودويتي لا زدت كملت.. (شافت شيماء لبداتها وهي تكمل )... تختاطفت فداك النهار.. ومالين الدار بداو كايقلبو عليا مدة........ بقات تتعاودليها كولشي من طقطق تا لسلام عليكم مانساتلها تا نبشا.. عاوداتليها بلي ديطاي دديطاي من تايفوس والمزاد لالياس ويوري للااغتصاب والضرب ديالو. تالنهار هربات لمهم عاوداتلها كولشي.. سالات وهي تهز داك الكاس دليمون لي كان حداها وهبطات عليه دقة وحدا عاد هزات عينيها ف شيماء لي مخرجا عينيها
جاسمين : اواهادشي لي طرا
شيماء سقلات
جاشمين : اوا دابا دوي مالها شداتك اللقوة
شيماء : اويلي واش تفرجتي فشي فيلم وجايا تعاوديهلي..
جاسمين افافات بغضب : وادفاك انا لي حمارة وكلبة وبغلة سايرا نعاودليك.. والله تا راني هبيلة وخاصني عقل
شيماء بقات تتشوف فيها لمدة عرفات اي كلمة خرجات من فم جاسمين بصح ولكن عقلها الباطني مابغاش يستوعب : شنو قلتيلي شسميتو
جاسمين تنهدات : بففففف يوري القباش..
شيماء هزات تيليفونها.. وبدات تتقلب فانسطا ماكاينش حسو.. مشات للفايس ماكاينش حسو. عاد مشات باتحاه عمي كوكل ههه طابات سميتو وهي طلع اخر صورة عليه ومكتوب فوقها
* رئيس شركات القباش مع زوجته المستقبلية سلمى اليوسفي وريثة عائلة اليوسفي فهل علاقة زواجهما حب ام ركض وراء المصالح *
خرجات عينيها شيماء وهي تتشوف فيوري مع سلمى لي شاداليه فيديه وباينين كوبل زوين.. بقات تتشوف فالصورة وتتشوف فجاسمين.. وفاللخر وهي دور لجاسمين التيلي ..
شيماء : واش هدا هو 🙄🙄🙄
خرجات شيماء عينيها وهي تتشوف فيوري مع سلمى لي شاداليه فيديه وباينين كوبل زوين.. بقات تتشوف فالصورة وتتشوف فجاسمين.. وفاللخر وهي دور لجاسمين التيليفون مبينالها الصورة ..
شيماء : واش هدا هو 🙄🙄🙄
جاسمين مسكينة الله يرحمها قلبها حبس ومابقاتش تيتسمع نبضو فهاد اللحضة ماسخاتش كون تعمات وماتشوفش تصوييرتو مع وحداخرا حسات بالنار شاعلة فقلبها.. طاحتلها دمعة خفيفة لي لمحاتها. شيماء.. وجاسمين مدات يديها ومسحاتها بسرعة خاطفة وهبطات عينيها
جاسيمن: وي هو
شيماء :وهادي هي لبنت لي خطبها
جاسمين : بفففففف اه هي
شيماء : ماعرفت مانقولك اجاسيمن والله هادشي لي عاودتيلي صعيب بزاف ولكن احبيبتي ماتخافيش ماغاديش يعاود يديك صقر ماغاديش يخليه
جاسيمن. دارت يديها على راسها ومزالا تتششوف ديك الصورة قدام عينيها : وي وي راني جيت لهنا باش مايقدش يلقاني هادشي لي قالي صقر
شيماء ناضت من بلاصتها ومشات كلسات حداها بقاو معانقين هاكاك لمدة وكالسين حدا بعضياتهم
هادو هوما الصحابات فاش وحدا تتطيح لوخرا تتساندها وتوقف جنبها وتواسيها.. الصحابات تايكونو فالقرح قبل الفرح وفالكنازة قبل العرس
________________
اليل كلو مانعسش وهادي يوماين مازار النوم عينو ومع دلك واقف كي الجبل.. تيدور ويدور.. هز فيست ديالو وخرج من الفيلة لي مابقاش تايعمرها وفاش تايجي تايدخل غير لبيت جاسمين. ويبقا فيه ويعاود يخرج
ركب فسيارتو وكسيرا للشركة.. غير وصل نزل ودخل.. طلع فالسانسور وجبد تيليفونو من جيبو..
يوري : بغيت كاع المعلومات على صقر. بوجناح ويكونو عندي ليوم قبل من غدا اي حاجة صغيرة ولا كبيرة كيفما كانت جيبها
قطع عليه وتحل باب السانسور ولقا كيما العادة السكرتيرة واقفة على الباب تتسنى شافتو جا وهي تمشي تتطير عندو
السكرتيرة : موسيو يوري
يوري : وي اش كاين
السكرتيرة : موسيو.. لداخل تيتسناك موسيو عماد..
يوري : صافي سيري لشغلك..
مشات السكرتيرة وخلات يوري غادي بخطوات ثابثة باتجاه البيرو غير فتحو وهو ينوض عماد.. تم جاي عندو ماد يدو
عماد : افين الساط
يوري صافحو ومشا كلس بلاصتو : عماد دابا ماكاين لا ساط لا صاحبيي لا تاوزا
عماد : وعلاش واش على داكشي لي درت
يوري افاف : بغيتي تكفر على داكشي لي درت اتديرلي واحد البلان
عماد : اهاه انا معاك فاشما كان اش واقع
يوري : بففففففف جاسمين
عماد بخوف : مالها شواقعلها
يوري خنزر فيه وعاود هبط عينيه ويدو ضامهم لبعض : هربات
عماد خرج فيه عسنو : وايليييي لا متقولها واش تتضحك معايا
يوري : واش وقت الضحك هدا اعماد توكض معايا.. نتا لي غاتلقاها ليا نتا لي انعول عليك فهادي.. منقدش ندير شي حركة انا حيت هاد الايام الاعين كلها عليا
زقاقة السادية الجزء الثامن
محتوى القصة
التنقل بين الأجزاء