حور العين الجزء الخامس

2020

محتوى القصة

رواية حور العين

هارون؛؛( قرب شفايفو لعينيها باسهوم وتكلم بشوية) نزعف انا ماتزعفيش نتي مانقدتش نتحمل نشوف هاد عينين يدمعو ابنتي 

جيهان؛؛( ضحكت وقلبها غيطير بالفرحة قابلات عينيها مع عينيه بدون ماتنطق بكلمة 

هارون؛؛؛( دوز يديه على شعرها ونطق) شنو درتي فيا امم 

جيهان؛؛( كتشتت عينها من عينيه وحنيكاتها توردو ) ن نمشيو 

هارون؛؛(تبسم ونزل فمو لودنها غمض عينو وشم على شعرها ونطق بشوية ) مانسخاش بعمري 

جيهان؛؛( ترفعات وحسات بداتها تغزل من صوتو ) حتى انا ماسخيتش بيك حبيبي 

هارون؛؛( بعد عليها و جبد سوارت من جيبو) زيدي نتحركو قبل مانصدق داير فيك شي حاجة ماهياش

جيهان؛؛( ماتت بضحك عليه وكيفاش بعد منها) هههه شنو زعمة 

هارون؛؛( هز لكاصك ركبو ليها ) شتت طلعي ابنتي تمشي لداركوم

جيهان؛؛ ( طلعات كضحك) هاهي طلعات 

هارون؛؛( سد جاكيط و لبس ليكات وطلع) شدي مزيان 

جيهان؛؛؛( عنقاتو وزيرت عليه) غتمشي بديك سرعة نيت 

هارون؛؛( تبسم) تبغي نزيد شوية 

جيهان؛؛( كضور في عينيها) ماكرهتش ولكن خفت ،،اجي واش تانتا كدير دير دوك لحركات في صوگان

هارون؛؛؛( ضحك ) ايه منهوم تبغي تجربي 

جيهان؛؛؛ لا االا نموت فيها غير بشووووية علينا 

هارون؛؛( ضحك و كسيرا ) على راحتك ادكتور

زادو وطريق كاملة وهي كارزة عليه ومخشية فيه وصلو لواحد دورة وجاو مع واحد زوج على موطور نيشان هما غادين ولاخرين موراهوم

هارون؛؛ (لي غير لمحهوم و حبس جنب طريق ودور راسو ليهوم لقاهوم وقفو تاهوما) بقاي هنا انا جاي 

جيهان؛؛؛ هارون يلا نمشيو براهش غدير راسك فيهوم 

هارون؛؛(نزل بدون ماجاوبها حيد لكاصك شدو في يديه وقرب ليهوم وغمز ليه) اش كاين امعلم 

شخص1؛؛ شي سباق 

شخص2؛ ولي ربح ( نعت بعينه) يدي ديك لقوقة لي معاك 

هارون؛؛( تبسم وشاف جيهان وعاود شاف فيه) زعاامة هده اعمي 

جيهان؛؛( شافت عينه تبدلو وهي تحيد لكاصك ونزلات عندو وقفات جنبو) هارون يلا نمشيو 

شخص2؛؛(حيد لكاصك و نزل غادي مقرب ليها) احح على عوينات 

هارون؛؛( يلا غيقرب ليها وجرها من خصرها و دارها مور ضهرو) تحركي من هنا 

جيهان؛؛ (شدات في دراعو) عفاك يلا نمشيو في حالنا 

هارون؛؛(غوت وعينه غير على عينين تاني لي حاضينها) حق رب وماتكمشي حتى نتفاهم معاك غبرييي

شخص1؛؛ ( مخاطب صاحبو)يلاا اصحبي عيقتي 

شخص2؛؛( كيطل عليها)سلاو مع مي هاد عوينات

هارون؛؛( قرب ليه مزيان حتى مابقات كتبان ليه تاحاجة وعينه تحمرو فيه نطق كارز على فكو) ماعرفتي فين تشوف از***

يلا غيهضر حتى كان نزل عليه براس حتى تلاح في ارض مشا هزو من كول 

هارون؛؛( قرب ليه مزيان وعطاه بكروشي لعين وزادو لعين لاخرى ) هادو لي يشوفو فيها نعمي والدين مهوم 

جيهان؛؛( باغا تقرب وماقدراش) عفاااك هارون 

شخص1؛؛ ( غيبول في سروالو من منضر صاحبو) خويا طلقو الله يحفظك غيموت ليك 

هارون؛؛( مزال كروشي تابع كروشي حتى ماخلا ليه فين يتحرك عينه تعماو مابقى كيشوف والو قدامو حاجة وحدة لي كيسمع هو غزل على عينيها) كيصحبليك كلون هدا لي معاها الق**** 

جيهان؛؛( شافت دري لاخور لقاتو كسيرا و مشا وقربات ليه شداتو كتبكي) هئ عفااااك براكة غيموت فيي يديك 

هارون؛؛( سمع تنخصيصها وحبس ناض من حداه وهز رجليه تالفوق وعطاه لمعلم ديركت) الله يلعن ز******* اولد ق**** ميكيات حنا قدامك ولااااا 

جيهان؛؛( جراتو ) عفااك نمشي 

هارون؛؛(دار عندها مابقاش عاقل على روحو) سكتي و قودي طلعي بحالك

جيهان؛؛( قفزات من غواتو دموعها نزلو وفمها كيتمتم) ي يلا هئ تا نتا 

هارون؛؛( شدها من دراعها كارز عليها وتم جارها لاح ليها لكاصك) لبسي 

جيهان؛؛( شداتو من عندو كتبكي ) هئ صافي هئ غير يلا 

هارون؛ ركب وتسناها ركبات وزاد بلاما ينطقو بكلمة حدو كيسمع تنهيدتها وتنخصيصها لي دبحوه عرف راسو قصح معاها ولكن هو براسو ماوعاش اش كيدير ولا اش يقول وقت قصير حتى كانو في بلاصة لي هزها منها وقف ونزلات هي اولى عاد ونزل هو تكى على موطور وعينيه عليها كتحيد كاصك وكترعد وعينها مزال مدمعين 



نزل هو تكى على موطور عاض على شنوفتو وعينه عليها كتحيد كاصك وكترعد وعينها مزال مدمعين

جيهان؛؛( حطات لكاصك وضارت غادية) بسلامة 

هارون؛؛( شدها من يديها وجرها قابلها معاه) تي كيدرتي ليها 

جيهان؛؛( دموعها نزلو وشلاقمها كيترعدو) بعد مني اهارون عفاك 

هارون؛؛( زاد جرها ليه ونزل راسو لعندها) مانقدرش ادكتور 

جيهان؛؛( مقدراتش تهز عينيه فيه) طلق مني الله يرحم باك 

هارون؛؛(كيحاول يبرد) هزي عينك شوفي فيا بعدا 

جيهان؛؛( مسحت على عينها) طلق خاصني نمشي 

هارون؛؛( زاد قربها عندو) مايمكنش تمشي مقلقة مني 

جيهان؛؛( هزات عينها فيه وخرجتهوم فيه) واش حماقيتي نتا على شوية كنتي غتقتلو ماشفتيش عينيه كيف ولاو و 

هارون؛؛(قاطعها عاقد حجبانو) حيث شافو فيك

جيهان؛؛( حلات فمها وتنهدت) صافي غير شافو فيا تنوض دير داك لحالة 

هارون؛؛( عينه محمرين فيها) شنوااا 

جيهان؛؛( خلعها تنهدت وساطت) ولكن راك 

هارون؛؛( قاطعها تاني بالغوات) اختي انا راني ماشي جاي من كلومبيا نبقى ساكت على حاجتي 

جيهان؛؛( كتهدنو بيديها )صافي غير بشوية علاش راك تغوت دابة 

هارون؛؛(حط يديه في رقباتها وجرها تالوجهو)شي حاجة ديالي غير شوفة فيها مايقرقبو عليها سمعتي دابة 

جيهان؛؛( دلات شفايفها) غوتي عليا اهارون

هارون؛؛( تبسم وقرب ليها وباس قريب لفمها ونطق) سمحيليا الاله غير هاد مرة باش من نكون معصب ماتقربيش ليا 

جيهان؛؛( عجبها لحال من اعتدارو حابسة الابتسامة) مسامحة غير ماتبقاش تخصر لهضرة قدامي احتارمني 

هارون؛؛( ضحك وقرص على نيفها لحميمر) نحاول 

جيهان؛؛( هزات حاجبها) لا خاصك 

هارون؛؛( قاطعها) وصاافي سيري دخلي طلعي ليا في راسي تاني 

جيهان؛؛( بقات كتشوف فيه) نطلع في راسك 

هارون؛؛( تبسم وحرك راسو يمين وشمال) يلا دخلي فحالك ابنتي 

جيهان؛؛( ضارت غادية) ها هي غاديية 

هارون؛؛( هز لكاصك وعينه عليها كيعبر فيها عيط ليها) جيهاان 

جيهان؛؛( ضارت عندو هازة قنوفتها) مالك 

هارون؛؛( غمز ليها ونعت لعينها ونطق بشوية) نقتل على ودهوم

جيهان؛؛( ضحكت وعضت على شفايفها) راك هبلتي ابليكو 

هارون؛؛( حرك راسو بتقالة) سبابي نتي 

جيهان؛؛( ضارت غاديه وشيرت عليه) يلا بسلامة 

هارون؛ حرك ليها راسو و لبس لكاصك وركب وعينه عليها حتى شافها دخلات ويلا غيكسيري وهو يصوني تلفونو جبدو حيد لكاصك وجاوب 

هارون؛؛ فين از*** وصلتي مزيان

عبدالرحمان؛؛( كان في واحد ديبو قديم جالس على كرسي ورامي رجليه على كرسي تاني وكيلعب بموس في يديه) مت مزيان اصحبي 

هارون؛؛( ضحك ) هي لقيتي ليا مرية 

عبدالرحمان؛؛( عينه عليه ونتر من شيشة لي محطوطة قدامو تبسم وعينه حمرين) هاهي قدامي مرتي 

هارون؛؛(ضحك وحدر راسو ) اش درتي 

عبدالرحمان؛؛ فين راك نتا يحيي معاك

هارون؛؛ عاد راجع لدار كنت خارج

عبدالرحمان؛؛(عاود نتر من شيشة) حتى توصل هادشي خاصو ابيل فيديو از** 

هارون؛؛؛يلا تهلا نوصل ونعيط ليك 

قطع معاه وكسيرا ديريكت لدرب نيشان دخل مع زنقة بان ليه يحيي قدام لباب فرانا حدا رجليه 

يحيي؛؛ ( كان متكي على الحيط وتيكمي وشاد اتاي في يد لاخرا)فين صديتي نتا كنعيط ليك نلقى مشقوفك طافي

هارون؛؛(نزل وحيد لكاصك) مشيت نفضي معاها ساعة 

يحيي؛؛ ( حرك راسو)ساعة شنو 

هارون؛؛ ( غمز ليه)خلي من بعد نطلعو كاين شي حاجة باغيك تشوفها 

يحيي؛؛( تبسم) ماتقوليش خوونا 

هارون؛؛( ضحك ونزل راسو) هو هو 

دفع لباب وطلع ديريكت لسطح دخل يحيي حط كاس في لكوزينة و تبعو وصل لسطح لقاه جالس و تيشعل جوان

يحيي؛؛ (جر صندوق وريح حداه) حق الرب حتى جلاخة هاد عبدو 

هارون؛؛( نتر ) عيط ليه عيط فيديو 

يحيي؛؛(جبد تلفونو كيضحك) غادي يطلب لموت ومايلقاهاش بو*** 

دوز نمرة وفي لحين جاوب ودخاخن مغطية وجهو 

يحيي؛؛ امالك الق*** على هاد دخاخن 

عبدالرحمان؛؛( تبسم) فين 

هارون؛؛( جا حدا يحيي) اش تم اصحيبي 

عبد الرحمان؛؛( وقف هز راسو وبخ دخان وتم ماشي شوية تحنى وضور شاشة وهضر بصوت مدعدع وتقيل) بغيتكم تشوفي شي لعيبة 

وضاحت ليهوم صورة بان ليهوم واحد متكي على كرشو وجهو مخشي في ارض ولكن راسو عامر دم 

يحيي؛؛ ماتيبان والو از*** 

عبد الرحمان؛؛( هز رجليه و دورو بيها وركلو في كرشو ) تگعدي ازا**** 

القط؛؛ ( كينطق بزز) عفاك قتلني وهنييني 

عبدالرحمان؛؛( تحنى عليه) عبد الرحمان لا مشا تا دار شي حاجة في ك*** ماكيرجعش فيها 

هارون؛؛( ضحك ) فين القط 

يحيي؛؛ كنشوف قطيطة ماشي قط 

عبد الرحمان؛؛( جبد موس من جيبو ) دابة بروجولة وقدام صحابك اش بيغتي من لي قلت ليك 

القط؛؛( تيبكي بحال مراة) عفااك اخاي عبدو ندير ليبغيتي غير بعد ليا منو 

هارون؛؛( كيفتل جوان اخر وكيضحك) اش قلتي ليه المسخوط 

يحيي؛؛ ههه ياكما غتنقصلو منها 

القط؛؛( كيغوت) الله يرحم ليكم الواليدين ابليكو رحمني عفاك 

عبد الرحمان؛؛( عفط بركبتو على عنقو) يلا قول قرارك مابغيتش نزيد نتعطل 

هارون؛؛ قول الاختيارات نسمع 

عبدالرحمان؛؛ ( هضر بتقالة وعينه ناعسين) غتخليه حي ولكن بغيت يااما ودن يااما لسان ولا يد ولا رجل ولا القل***** 

هارون؛؛؛(تبسم وبخ دخان من فمو) صعبتي عليه انا نسهل عليك 

يحيي؛؛ انا كون جات عليا كون نقصتي ليه شوية من داك ت**** منافس ليا مع لعايلات 

عبدالرحمان؛؛(تبسم وعينه محلولين بزز) تاهادي مزيانة 

هارون؛نعطيك زوج وختار نتا 

القط؛؛ الله يحن عليك اخويا طلقوني نمشي في حالي انا غنعتازل من هاد لحرفة 

عبد الرحمان؛؛ (زاد برك ليه على عنقو وعينه تعماو عليه) شتتتت ماكنبغيش نسمع صوتك كيدير ليا صداع في راسي 

يحيي؛؛ )عبدو خود لسان لي نطق ابليكو ويد لي سنات على اسم صحبنا 

هارون؛؛قال لي غانقول قدي لغرض 

عبدالرحمان؛؛( ناض من عليه وشاف فيهم وشير بيده) غدا نتقاشعو دابة شوية نخرج من مدينة

قال كلامو وقطع عليهوم قبل مايهضرو 

يحيي؛؛ قطع علينا لمسخوط

هارون؛؛ ( ناض غادي )احسن خليه على راحتو 

يحيي؛؛ فين غادي ماعودتي ليا تاق**** 

هارون؛؛ ( حل لباب سطح )من بعد ونعاود ليك 

نزل لتحت وتبعو يحيي لقاو خديجة وصالح داخلين 

هارون؛؛ على سلامة 

مشاو جلسو يحيي تكى على لحيط وهارون جلس على طبلة 

خديجة؛؛ الله يسلمك اوليدي 

صالح؛؛ اه اه راسي غيتفرگع عليا بصداع 

يحيي؛؛ جيتو بكري 

خديجة؛؛ صافي براكة علينا مشينا ادينا لواجب واحنا جينا 

تمات خارجة حنان هازة صينية تاع اتاي 

حنان؛؛ على سلامتكم 

هارون؛؛( غمز ليحيي) فين غالي 

غالي ؛؛( سمعو كان نازل من دروج وهاز روبوت ) هانا اخالو توحستك 

هارون؛؛( تحنى ليه وخربق ليه على شعرو) نمشيو لواحد بلاصة اصحبي 

غالي؛؛( نقز )اييي نمسيو نمسيو 

يحيي؛؛ فين بسلامة ليل وصل اش بقى من خروج 

هارون؛؛( هز عينه فيه) لبسو ولبس نتا نتحركو 

يحيي؛؛( شد غالي ) واخة 

حنان؛؛ ( قربت ليه قاستو من دراعو )جلسو ديرو كاسكروط 

هارون؛؛ ( خنزر فيها وكحز عليها ) ماخاصنيش 

خديجة؛؛ جلسو غانشبعو منكم شوية ياوليدي 

هارون؛؛ نخرجو غالي شوية ونجيو 

نزل غالي و يحيي لي غير لمحهم هارون وزاد سبقهوم لباب خرجو سدو لباب وشدو غالي كل واحد من يد 

يحيي؛؛ لفين اصحبي 

هارون؛؛( شاف في غالي) خالو اش كان قالي بغا 

غالي؛؛ بغيت تمومبيل ديال بوليس بتيليكومند

يحيي؛؛؛باش تشد والدينا نيت 

هارون؛؛ ( ضحك ) نتمناو مايخرجش بحال باه وخوالو ،، يلا زيد شوية نشدو طاكسي باش مانتعطلوش 

يحيي؛؛ اتا غير بشوية از*** كنزرب كنحس بكرشي كتمزگ 


✅في مكان اخر

لي غير دخلات مع لباب سمعات لهضرة جاية من لكوزينة و صداع قربت دخلات مع لباب 

جيهان؛؛ ياااهلااااا بلي جا وجاب 

مليكة؛؛ اهلااا بنتي كيف دايرة 

جيهان ؛؛ (جات سلمت عليها وشافت في فدوى ) الحمد فدوى اش خبارك 

فدوى؛؛ ( تبسمت) اهلااا اختي جيهان

جيهان؛؛ شنو مغتسلميش عليا ولااا 

فدوى؛؛( حشمت ) لا ماشي هاكاك غير

مليكة؛؛( تبسمت) ماتديش عليها ابنتي 

جيهان؛؛( قربت باستها ) عارفة اش في بالها انا مولات دار وكدا وكدا اش خبارك كيف بقيتي 

فدوى؛؛ لاباس اختي شوية ربي يخليك 

جيهان؛؛ لميمة سعد جا ياقوت مزال هنا 

مليكة؛؛ سعد رجع لخدمة قالك نسا شي حاجة وياقوت خرجات قالت ليك غتجيب شي حاجة ماعرفتش اش بغات 

جيهان؛؛ صافي انا نطلع نرتاح شوية 

مليكة؛؛ واخة ابنتي سيري 

طلعات هي لبيت لقات ياقوت لبيت گاع مرون بحوايجها 

جيهان؛؛ الله الله قاعيدتك هي قاعيدتك ابنتي 

جيهان؛؛ (دوزت نمرة تاعها) فينك المعزة 

ياقوت؛؛ انا شوية غنجي مشيت نجيب شي حاجة من سوبر مارشي ونجي 

جيهان؛؛ كتكوني جالسة مابيك ماعليك تاكيشدك لحماق تاني 

ياقوت؛؛ صافي هاني وصلت بلاتي ونهضرو 
قطعات عليها و نزلات من لوطو من بعد مابلاصاتها برا دخلات كتجري كيف لحمقة دخلات مشات ديريكت بلاصة شكلاط حطت يديها على لي جاية على قبلو حتى حسات بيد اخرى تحطات عليها

ياقوت؛؛ سمحوليا ولكن هده بدات جاية من قرطة حنة باش ناخدها 

شخص؛؛ وانا مالي عجبتني وبغيتها هي 

ياقوت؛؛ (ضارت بزربة من سمعات صوت حلات فمها جهدو) يحيي 

يحيي؛؛( تبسم ويديه مزال عليها) فين مامشيتي نلقاك منوضة روينة 

ياقوت؛؛ ( تبسمت وعينيها كيضورو على ملامحو كتنطق بشوية) لا ماشي هكاك ولكن شكلاطي و عزيز عليا و زوين و شفارو مشوكين و عينيه عينه كيحمقوني ماكيبغيوش يمشيو من بالي 

يحيي؛؛( حابس ضحكة بزز دوز يديه على لحيته باش مايضحكش قرب شوية ونطق بشوية) مال عينيه 

ياقوت؛؛( كتسرط ريقها ) عينه زوينين ماعمري شفت بحالهوم في حياتي 

يحيي؛؛( عينه عليها) شحال شفتي من واحد 

ياقوت؛؛؛( كتهضر بلا فرانات) بزاااااف

يحيي؛؛ (خرج عينه) شحال 

ياقوت؛؛ 2 لا 6 لا 8 لا 18 ماعرفتش ولكن 

يحيي؛؛ ( زاد قرب وهضر مخفض صوتو ) ولكن شنو الاله ياقوتة 

ياقوت؛ تلفت وعينها غير كيضورو على عينه بزوج ولسانها تصرط

يحيي؛؛( حيد يديه من عليها قرب لجهة ودنيها ونطق بشوية) هاد شكلاط لي كتهضري عليه خصارة ماشي كيما لي كتعرفي 

قال كلامو وهز باكية شكلاط اخرى من حداها وزاد وهي عينيها غيخرجو من بلاصتهوم وعات على راسها هزات شكلاط وتبعاتو كتجري 

ياقوت؛؛ هييي تسنى بلاتي 

يحيي؛؛( وقف وضار عندها وحرك راسو ) اش كاين 

ياقوت؛؛( مداتها ليه ) لاكنتي بغيتها لغالي ديها ليه انا ناخد وحدة اخرى 

يحيي؛؛( شاف في يديها وهز عينه فيها) غير خوديها غالي ماعندوش مع شكلاط 

ياقوت؛؛( حسات بالاحراج من كلامها ليه) سمحليا على قبيلة فهم،، 

يحيي؛؛( قاطعها) ماتيهمش وكلامك مابقيتش عاقل عليه 

ياقوت؛؛( حسات براسها بحالا تخوا عليها سطل ماء بارد عينها تغرغرو) انا،،

قاطعهوم هارون وغالي لي وقفو عليه 

هارون؛( شاف ياقوت) سلام ختي مزيانة 

ياقوت؛؛( تبسمت )لاباس خويا ونتا 

شافت في غالي وتحنات على ركابيها تبسمت

ياقوت؛؛( باستو وقرصات على حنيكاتو) غالي صافا 

غالي؛؛ صافا ونتي 

ياقوت؛؛( غمزات ليه) لااباس اش خبار صاحبك شنو سميتيه 

غالي؛؛( ضحك) هه مزال ماسميتوش 

ياقوت؛؛(ناضت وقفات شافت في يحيي عينها مغرغرين) بسلامة واسمحليا على قبيلة 

زاد وخلات يحيي تابعها بعينه عض على فمو 

هارون؛؛ اش كاين نتا قلتي ليها شي لعبة 

يحيي؛؛(خبط على كتفو زاد) زيد نمشيو فحالنا

هارون؛؛( هز غالي في كتافو وخرجو) عجباتك امم

غالي ؛؛ بزاف ضريفة 

هارون؛؛( ضحك) شكون هده 

غالي؛؛ دكتورة 

هارون؛؛( زاد ضحك وقرسو في رجليه) كنهضر ليك على لوطو البعلوك ماشي لبنت 

يحيي كان ماشي قدامهوم ولمح ليها راكبة في لوطو و دازت من حداه من غير ماتهز عينها فيه بحالا ماكتعرفوش 

يحيي؛؛ ( وقف شعل لگارو ونتر منو) ماقدرش نزيد شي خطوة 

هارون؛؛( وقف حداه) بقى واقف في بلاصتك 

يحيي؛؛( هز راسو فوق وبخ من فمو دار شاف فيه وتبسم) عرفتيني لاش كنهضر 

هارون؛؛( زاد) حتى تكون مكتوبة في جبهتي حمار 

يحيي؛؛ ( تابعو) شوف غاحريرتك نتا بعدا 

هارون؛؛( شير لطاكسي ونزل غالي) هانتا قلتيها يعني انا فايتك بدرجاااات اولدي 

طلعو في طاكسي بلاما ينطقو مزال مشاو في اتجاه دارهوم اما ياقوت مشات نيشان عند جيهان دخلت وطلعات نيشان لبيت حلات لباب لقاتها متكية في بلاصتها 

ياقوت؛؛( لاحت سوارت و تلفون فوق ناموسية وجلسات حداها) جيتي 

جيهان؛( تگعدت) ياقوت مالكي 

ياقوت؛؛( حدرات راسها) خديت اكبر تخويرة على وجه لارض ليوم 

جيهان؛؛ اش كاين الخرية

ياقوت؛؛( عينها دمعو عاودات ليها كل ماداز ) هئ شفتي 

جيهان؛؛( قربت ليها وشدات في يديها) ماتقوليش هاد لهضرة وزيد راكي عارفاه منتر من اول نهار معاك هو كيهضر هاكاك

ياقوت؛؛( كتبكي)هئ ولكن لاش يهضر معايا محسسني بحالا كنترمىً عليه 

جيهان؛؛ وراكي تحليتي من جلستي تسرسري ليه بحال ماكينة 

ياقوت؛؛؛( شدت من راسها) اوووف ماتفكرينيش اصحبتي والله حتى هاد الفم خاص والديه يتهرس 

جيهان؛؛( حابسة ضحكة) عمركي شفتي شي شكلاط عندو لعينيه 

ياقوت؛؛(عصرت على جبهتها) ماتفكرينيش شوهة لي تشوهت هاد نهار عمرها تنسى ليا 

جيهان؛؛( طبطبات على ضهرها) كولشي غيكون مزيان ماتنسايش بلي لي داز عليه ماشي ساهل 

ياقوت؛؛( تنهدت وهزات يديها) شفت في زين تاعييت وهداااا اختي حدهوم ليا اويلي وليت نهتر غابوحدي ماخليت 4 ماخليت 6 وصلت تال18 لواحد 

جيهان؛؛( كتموت بالضحك عليها) واش ماقلتش ليك بلي غتلقاي شي حد لي غيحدهوم ليك هاهو علامن هضرت

ياقوت؛؛ بصح والله تصوري هده 3في مرات لي شفتو فيها وليت نهتر مال طاسيلت والدين مي على هاد طيحة مالي

جيهان؛؛ ( عضت على فمها) احح انا بعدا دوزت نهار عمرني ننساه 

ياقوت؛؛ ( تبسمت) عاودي ليا اصحيبتي نفوج على قلبي 

جيهان؛( شافت فيها وبدات تعاود ليها من خرجت من هنا تا رجعت) ياختي غيصطيني مافيهاش 

ياقوت؛؛( شدت على فمها) يقتل على ودك گاع ناري سعداتك بيه مالقايا تاموشكيل في علاقتك 

جيهان؛؛ كنبغيه بكولشي ليه واخة حياتو مكرفسة وماشي مزيانة ولكن مابقاش كيبان ليا اش كيدير 

ياقوت؛؛ طيحة هي ازغبية 

جيهان؛؛ بسيف مانطيح وهو كولشي فيه متول ( هزات يديها تحسب ليها) من زين من رجلة من شخصية من غيرتو حرشة و لكلام اويلي كيفشلني 

ياقوت؛؛( هزات يديها ) ياااربي ياربي عطيني غااااشوية من هادشي لي قالت ننجربو انا زهري متعوس جا في واحد كاره يتزوج 

جيهان؛؛( ناضت رمات عليها كاب)نوضي نهبطو نتعشاو ونطلعو نكملو حديثنا 
مزال ماكملات حديتها حتى وصلها مساج فتحاتو وتبسمت

{ولفت على عمري }

جيهان؛؛ ( قراتو وشدات من قلبها)الله ياربي غيقتلني هدا 

ياقوت؛؛( سمعاها وخطفات تلفون وقراتو عينيها خرجو) الله ياربي اش هاد رومنسية لحرشة ولفت على عمري ناااري على كلام اصحبتي 

جيهان؛؛ شي نهار يسكت ليا لقلب 

ياقوت؛؛ اويلي وانا لاش كنترعد تقولي قالها ليا انا 

جيهان؛؛( ضحكت وجرتها شاداها من يديها وتمو نازلين) هاد لهضرة ديالو كتفشلني 

هاكة دازت ليلة نزلو تعشاو و طلعو بقاو مجمعين شوية وكل وحدة تلاحت في قنت اما بالنسبة الابطالنا لاخرين لي غير تعشاو جلسو شوية مع واليدين وكل واحد مشا لييتو كولشي كان عيان الا يحيي لي طلع لسطح طار عليه نعاس وفي عينه غير دموع لي كانو محبوسين في جفونها جبد جوان فتلو وبدا يبوخ كيحاول يحيدها من بالو ماقدرش بقى هكاك جوان مور جوان حتى عينيه ولا بحال شي جمرة نزل تلاح حدا ولدو اما هارون من دخل لبيت فرش في ارض مابقى قادر يقرب ليها وفي بالو غير هي دوخاتو بجمالها بحنانتها كيفكر كيفاش غادي يقول ليها بقات فكرة تديه وفكرة تجيبو اما حنان من شافتو هاكاك مادوات ما تكلمت ماحملتش راسها وعينيها كيشوفو فيه بشر تكات في بلاصتها وعينيها عليه حتى نعسات 

✅صبح الحال 

على صوت منبه ناضت جيهان هي اولى ناضت قدات حاجتها ولبست حوايجها و مشات فيقات ياقوت ونزلات مشات في اتجاه لكوزينة 

جيهان؛؛ ( مشات هرات عمر) باااا عمر 

عمر؛؛( قفز من بلاصتو ) اهياااا لهاشمية هاااا 

مليكة؛؛ ( كانت كطيب حرشة)شكون هاد لهاشمية تاني

عمر؛؛( شاف في جيهان) صافي هادشي لي بغيتي 

جيهان؛؛( ضحكت ومشات جلست حداه) امي مليكة سمية لي جات فمو كيطلقها 

مليكة؛؛ كيجيوه غير سميات ديال لعيالات زعمة 

عمر؛؛ غرتي امرتي ولا شنو راك نتي لي كاينة 

ياقوت؛؛ ( دخلت وباستو من راسو)ومكاين ما احسن

عمر؛؛ الله يرضي عليك 

جيهان؛؛ فين فدوش 

عمر؛؛ قالت ليك غاتمشي تجيب لخبز من برا 

فدوى؛؛ (دخلت كتنهج حطاتو فوق طبلة وشربات كاس لماء) هانا بغيتوني 

جيهان؛؛ بشوية عليك لاش خارجة 

فدوى؛؛ ماتخميش انا مولفة 

دخل سعد عليهوم داير القب و خاشي يديه في جيبو في شورط و جاكيط مخليها محلولةو شعرو كيقطر وعينه منفوخين 

سعد؛؛( هضر بصوت مدعدع) صباح الخير 

فدوى؛؛( دارت بزربة عندو حلات فيه فمها) نتا اش كدير هنا 

مليكة؛؛ بسم لله عليك ابنتي 

فدوى؛؛ ( هزات يدها كتنعت) ولكن 

سعد؛؛( تبسم و شاف فيها وهضر ) ايه امولات لگرعة 

كولهوم شافو فيهم مستغربين مافهمو والو 

جيهان؛؛ ياقوت يلا نفطرو باش نمشيو غنتعطلو 

مشاو خرجو لفطور لجريدة و جلسو مجموعين لبنات غير كملو و ناضو خرجو لخدمة عمر مشا كيقطع شي شجر و مليكة ناضت لكوزينة بقات فدوى كانت نايضة تجمع طبلة حتى وقفها بكلامو

سعد؛؛( لي كان حاضيها من جلست غير بغات تنوض وشد يديها وجرها عندو شدات من صدرو لعاري) شنو زعمة ماغدياش طلبي مني سماحة 

فدوى؛؛( بقات كضور في عينها ناضت بزربة وغوتت) ماتقربش ليا ابنادم اش كيصحب ليك راسك 

سعد؛؛( متبعها بعينه هي وجهها تزنك) لا راك قبيحة مع راسك 

فدوى؛؛ ( هزات صينية ومشات) كيليميني 

سعد سمعها اش قالت وبقى كيضحك وعينه مانزلوش منها حاضيها حتى غبرات عليه ناض من تم طلع لبس حوايجو وخرج 

في الحي✅

جالسين مجموعين كيفطرو الا هارون لي عاد نازل لابس حوايجو وكيلعب بالساروت 

خديجة؛؛ اجي تفطر اولدي فين غادي 

هارون؛؛( قرب وباس على راسها) غير هنا الواليدة نمشي نطل على محل ونجي 

يحيي؛؛ تسنى نمشي معاك 

هارون؛؛ ( غمز ليه)انا على برا 

صالح؛؛ ولدك حالو ماعجبنيش ياهاد لمرا شفتو من لبارح وهو مبدل 

حنان؛؛ اش غيكون اعمي غير مع لخدمة وصافي 

يحيي؛؛( شاف في حنان وحدر راسو وناض ) مكاين والو الواليد بلاما تشطن راك عارف الخدمة وصداعها

خديجة؛؛ الله يسهل عليكم اوليداتي

يحيي؛؛( باس على راسها) امين الواليدة 

ناض لبس لگاط و ليس جاكيط ديالو و خرج لقاه متكي على موطور وكيكمي 

يحيي؛؛ مالك از*** صبحتي مزعتر

هارون؛؛( عينيه مكيرمشوش) خاصني نعاود ليها اش كاين نهار على نهار قلبي كيزيد يتزير 

يحيي؛؛ راني قلتها ليك داك نهار 

هارون؛؛ ( تنهد ورمى لگارو هز لكاصك رماه ليه ) طلع طلع 

يحيي؛؛ فين غتصد اصحبي 

هارون؛؛ليوم هادشي خاصو يتحد 

يحيي؛؛ وانا لاش غنمشي معاك 

هارون؛؛ ديك جرحة ماغاديش طل عليها

يحيي؛؛ نمشي من بعد سير نتا قدي الغراض ودوز لدار عند عبد الرحمان 

هارون؛؛ وصل 

يحيي؛؛ اه لقيت مساج من عندو هاد صباح قالي ندوزو عندو 

هارون؛ سمعو اش قال وزاد بسرعة في اتجاه لوبيطال 

✅في مكان الاخر

دخلات لغرفة ديالها وهي مرفوعة حسات بشي حاجة في قلبها سدات لباب ومشات حيدت جاكيط ديالها لبسات حوايجها يلا غتهز طابلية غتلبسها تاحسات بيد ضارت على كرشها وجرها عندو زدحها معاه

جيهان؛؛( شمات ريحتو وغمضات عينها نطقات بشوية) هارون 

هارون؛؛( دور يديه بزوج عليها خاشي وجهو في عنقها مغمض عينه يشم ريحتها وشفايفو محطوطين في عنقها ونطق بشوية) نبغيك 

جيهان؛؛؛( قلبها يطلع وينزل بجهد دارت عندو وشدات في وجهو ) حتى انا كنبغيك بزاف 

هارون؛؛ ( حط جبهتو على جبهتها ونطق بصوت مترعد)وغادي نبقى نبغيك حتى تخرج روحي 

جيهان؛؛(عينها كيضورو على وجهو جاتها لغمة من لكنة صوتو) هارون مالك 

هارون؛؛( عينه دمعو هضر وقلبو معصور) خاصك تعرفي بلي انا عمري درت في بالي غادي نعشق حتى نحس بروحي غتخرج مني بلي غادي نعشق ودير فيا هاد الحالة لي وصلت ليها في بالي ليل ونهار 

جيهان؛؛؛( عينها بداو يجريو بالدموع ) هئ مالك اهارون علاش كتقول لي هاد لهضرة 

هارون؛؛( باس على جبهتها ونزلات دمعة من عينه) نتي احسن حاجة وقعات لي في حياتي نتي كيف شميعة ضوات حياتي لي كنحسبها ظلمة في ظلمة نشوفك مانبقاش واعي نشوفك ماتبقاش تبان لي تا شي حاجة من غير عينيك لي كيدبحوني 

جيهان؛؛(ماقدراتش تمسك شهقاتها تلاحت في حضنو بحال شي بنيتة صغيرة ) هئ حتى انا هارون بغيتك وماهمنيش ماضيك ولا هئ حاضرك بغيتك من قلبي بغيت نكمل حياتي معاك هئ 

هارون؛؛( بعد وشد وجهها بين يديه وعينه على عينيها نطق وهو مرتابك و لي اول مرة يشدو ) خاصكي تعرفي شي حاجة 

جيهان؛؛( حركت راسها وتبسمت وسط دموعها) كنسمعك اهارون 

هارون؛؛( نزلات دمعة بلاما يحس ونطق ) انا (تنهد بضيق كيحس بقلب تاعو كينبض ) جيهان 

جيهان؛؛؛ ( حسات بقلبها غيسكت) شنو كاين هضر خلاص 

هارون؛؛( عض على فكو من داخل) انا بغيت نصارحك بشي حاجة(تنهد وصدرو كيطلع وينزل ) جيهاان انا مزوج 

جيهان؛؛(تبسمت ودموعها على خدها ) ها هارون ك كضحك عليا 

هارون؛؛( هز راسو في فراغ ماقدرش يهز عينو فيها و فمو كيترعد عض على شنوفتو وحرك راسو بنفي بدون ماينطق 

جيهان؛؛( بعدت عليه كتحرك راسها وفمها حلاتو بالصدمة) هاد لهضرة ماشي تاع ضحك اهارون

هارون؛؛(شاف فيها وهز يديه كترعد حك بيها على لحيته بارتباك و عينه كيبريو بدموع) جيهااان اسمعني بعدا

جيهان؛؛( قاطعاتو كضحك بلا صوت غير كتحرك ودموع نازليين نطقات بشوية) دابة نتا مزووج 

هارون؛؛؛( قرب ليها ونزل وجهو ليها هز يديه تقولو ماشي ديالو كولها كترعد) خليني نكمل الله يخلي ماعز عليك

جيهان؛؛(كتبكي وتضحك جاتها حالة هيستيرية هزات يديها كترعد دارتها على فمها وكتحرك راسها بزربة) مزوج و ضحكتي عليا 

هارون؛؛(هز يديه كيحاول يقرب ليها وعينه بحال شي جمرة شاعلة) نقسم ليك بالله بلي نتي لي ( كيخبط لقلبو) لي كاينة هنا و

جيهان؛؛( قاطعاتو كتسد ودنيها بيديها وكتحرك راسها بنفي) هئ سكت نتا كداااب هئ هئ حرام عليييييك اش درت ليييك 
شنو دنبي انا هئ من غير بغيتك هئ 

هارون؛؛( قرب بغا يشد يديها ونترتها هز يديه تيكالميها من بعيد) واخة غااسمعيني بعدا ماتحكميش عليا بلاما تفهمي 

جيهان؛؛ ( قربت ليه و هزات عينها لحمرين فيه) شنو مانحكمش عليك اش غتقولي بلي راك مزوج من سنين وعندك ولاد گااع ( خبطت على حناكها ) وانا كيييف لحمارة دايرة في بالي بلي راك تبغيني وجالسة نحلم غنتزوجو ونديرو ولادنا ولكن نتا هئ هئ في حقيقة نتا اصلا دايرهوم مع وحدة اخرى ( طاحت الارض)حرام عليك هئ هئ اش درت ليك 

هارون؛؛( تحنى على ركابيه عندها ودموعو مابغاوش يحبسو فمو وشفايفو يترعدو بحال لوليد صغير) جيهان والله ضروفي اصعب من لي قلتي خليني نشرح ليك الله يرحم الواليدين ماتزيديش تصعبيها عليا 

جيهان؛؛( سدات ودنيها بيديها ) هئ هئ مابغيتش نسمعك مزال لي سمعتو كافي وموفي هئ علاش كاع اعتارفتي ليا كون غير خليتيني هاكاك نحلم من بعيييد ولكن انا لي حمارة اصلاا علاااااش جيت عندك نهار الاول علاااش علااااش هئ علاش خليتني نبغيك كون قلتيها ليا في اول مانطمعش فيك هئ هئ ماتخلينيش حتى لدابة عاد تقول هئ هئ راك مزوج وانا شنو شنو رديتيني عشيقتك بنت الحرام خطافة ترجال

هارون:؛؛؛( عاض على شنوفتو ودموعو نازلين على خدو كيحس براسو تغلق مشا ليه لكلام ماتحملش بشوفتها فديك الحالة لهضرة تلفات ليه من منضرها ) جيهاان خليني نعاود ليك لي كاين وغتفهميني غتفهمي بلي ماشي لخاطري 

جيهان؛؛؛( هزات عينيها فيه) سير فحالك اهارون 

هارون؛؛( كيشوف في ملامحها بعين بحال جمر دوز يديه على خدو مسح دموعو و نطق وشفايفو يتررعدو) اقسم بالله بلي راني نبغيك وهي عمرني قصتها من نهار 

جيهان؛؛؛(قاطعاتو وكتشوف فيه شوفة لي خلاتو يسكت بلا هواه ) خررررج اهاااارووون 

هارون؛؛( سكت ومسح على دموعو قرب باس على جبهتها مغمض عينه وكلامو يترعد) كنت عارف بلي دنيا تضحك ليا يومين وتعاود تخطبني 

ناض من حدها كيترعد وعينيه عليها حس بقلبو كيتقطع كان متوقع ماغاديش تسمع اي وحدة في بلاصتها غادية دير نفس شيئ 

هارون؛؛(ناض تم غادي وعينه مبغاوش يقفو من دموع وصل لباب حلو ونطق) مايمكنش نسمح في روحي 

خرج وسد لباب وهي حطات وجهاا على الارض وطاحت تخبطو معاه

جيهان؛؛ هئ هئ ااااه ياااربي اش هاد زهر عندي تاقلت فرحت هئ تاقلت لقيت لي يفهمني تاقلت لقيت لي يخاف عليا هئ يااربي اشمن دنب درت حتى نتعاقب هاكة 
سمعات لباب تحل هزات عينها لمورمين 

جيهان؛؛( كتشهق) ياااقوت 

ياقوت؛؛(لي غير لمحت هارون خارج بداك الحالة ودخلات كتجري مشات جلسات حداها في ارض ) جيهان مالكم 

جيهان؛؛ ( ماقدارتش تخرجها من فمها) كذب عليا اياقوت كدب عليا 

ياقوت؛؛( دموعها نزلو وشاداها من وجهها) شنو كاين فاش كدب عليك 

جيهان؛؛ ( تبكي و تضرب في حكانها)هئ هئ مزوج اياقوت صدق مزوج 

ياقوت؛؛( حلات فمها على جهدو) شنووو مزوج اويلي ( وقفت و ناوضاتها) 

جيهان؛؛( جلسات وعينها مكيرمشوش) كنت نخاصم عليك نقولك حاگة راه مزوج ماضوريش بيه وانااااا صدقت هي لحمارة لكبيرة صدقت مع راجل مزوج ووخاين لمرتو 

ياقوت؛؛( جابت ليها كاس لماء كتشرب فيها) تهدني الله يخليك نوضي نخرجو من هنا يضربك لبرد 

جيهان؛؛ انا بغيت يضربني تران لي يجمعني ماعندي زهر تافحاجة عمرني حبيت ونهار حبيت طحت في بير غااااااااارق 


✅مكان اخر

من بعد ماخرج ن عندها حس بروحو غتخرج منو سنين دازت عمر دمعة نزلت من عينو عمرو خاف حتى خاف هاد المرة عمرو تغلق حتى تغلق هاد مرة عمرو كان عاجز يدافع على راسو ولكن عجز هاد لمرة غادي نازل مرفوع غير كيتمشى وفي بالو غير عينها وشهقاتها لي دبحوه كيحس بيهم بحال شي موس كيدخل في قلبو يتجبد و يعاود يدخل من جديد وصل لموطور وركب وزايد بسرعة فائقة مخلي غير لعجاج وراه مشا في اتجاه دار عبدالرحمان ديريكت 


وصل لموطور وركب وزايد بسرعة فائقة مخلي غير لعجاج وراه مشا في اتجاه دار عبدالرحمان ديريكت 

اما جيهان نوضتها ياقوت داتها غسلات ليها وجها وشدتها وخرجو من لوبيطال حلت ليها لباب لوطو ركبت ومشات هي تصوك 

ياقوت؛؛( ديمارات خارجة)فين تبغي نمشيو 

جيهان؛؛ نمشيو لدار اياقوت مابغيتش نمشي لحتى شي قنت

ياقوت؛؛( شدت في يديها) انا مانقدرش نحكم و نقولك شي حاجة ولكن داك العضمة كولو نشوفو يبكي انا راني ماندافعش عليه ولكن مانكدبش عليك شفت في عينه القهر 

جيهان؛؛ ( ضورت راسها لزاج) ياقوت عفاك ماتبقايش تجبديه جرحني بزااف 

ياقوت؛؛( طبطبات على يديها) واخة نمشيو لبحر هو اول 

سكتات ماعاودتش هضرات معاها حتى كانو في لبحر نزلو شدات ياقوت من راع جيهان و زادو حتى وصلو ليه وجلسو 

ياقوت؛؛ ( تكات على جيهان) ماشي سساهلة عليك حبيبتي 

جيهان؛؛( دموعها نازلين وعينه مع لماج لي كيضربو قدامها) هئ كنبغيه هئ كنبغيه اياقوت 

ياقوت؛؛( ناضت من عليها وجرتها عندها معنقاها)شتت عفاااك ماتبكيش قطعتي ليا قلبي 

جيهان؛؛( زادت في وتيرة وشفايفها يترعدو) هئ قالي تيبيع لحشيش قلت لو مايهمش هئ قالي بزناس قلت لو مايهمش هئ هئ قالي روشيرشي قلت لو مايهمش هئ قالي مقاريش قلت لو مايهمش 
ولكن باش يكون ( كترعد مقدرات تخرجها من فما) باش يكون هئ مزوج اياقوت مزوج هده لي ماكنت ضاربة ليها حساب 

ياقوت؛؛( باست على راسها ودموعها نازلين) مقالش ليك علاش خبى عليك يعني لاش 

جيهان؛؛ مابغيتش نعرف و يمشي عند مراتو حتى هي مادنبها والو حتى هي ضحية ديالو ضحية تاع كذوبو 

ياقوت؛؛ ( زادت زيرت عليها) تهدني شوية ماشي ساهلة عليك ولكن لازمك تقبليها 

جيهان؛؛( شدات من راسها وتشهق) هئ كنت نشوف الحب في عينه من هئ هئ كلامو من لمساتو من شوفاتو من غيرتو اياقوت فرشخ واحد على قبلي كان غيقتلوً من هادشي صدق كولشي كذبة اياقوت هئ هئ كولشي كذبة شنو درت ليه حرام عليه والله هئ تاحرام عليه

ياقوت؛؛( دموعها يهبطو تنهدت وكتحس براسها عاجزة ) سمحيليا احبيبة ماعرفت ماندير باش نخفف عليك ماشي ساهل عليك 

جيهان؛؛ يلعن بو هاد الحب لي قطع روحي 


عند هارون لي بعد وقت قصير حتى كان قدام باب دار عبد الرحمان وقف لموطور ونزل مرفوع دق زوج دقات وحدر راسو كيتسنى لباب يتحل وبالفعل تحل لباب كان عبدالرحمان خرج عندو غير بشورط قصير نازل عليه تيبان تحتو بوكسور وكاسكيط قالبها وعينه حمرين ومعسلين هاز كاس شراب في يد وجوان في يد 

عبدالرحمان؛؛( حل لباب وبان ليه حادر راسو شافو وحل ليه يديه وتبسم نطق بصوت تقيل) عطاتك تا نتا اولدي

هارون؛؛( هز عينه فيه وسلم عليه سلام رجولي) عطات لوالديا 

بعد عليه ودفع لباب بكتافو دخل لقا يحيي جالس كيفتل جوان لي غير شافو هز عينه فيه 

يحيي؛؛ ( خبط في كرسي لي جنبو وهضر بصوت تقيل) ريح ريح از*** 

هارون؛؛( وقف حداه حيد جاكيط وكاسكيط وريح في كرسي ورما رجليه على كرسي اخر 

عبدالرحمان؛؛( جاي كيتمال جلس في جنبهوم وشاف في هارون) زواتك اصحيبي 

هارون؛؛؛( قرب يديه لقرعة لي قدامو وهزها دارها في فمو شرب منها حتى تخنق وحطها) كيف ديما والفت لخسارة 

يحيي؛؛( دور عينه لعندو وهضر متقل) دنيا لغدارة ههه كتلعب بينا حتى كنكونو مت مزيان في رمشة عين كتصرفقك 

عبدالرحمان؛؛( سمعو اش قال تبسم وناض كيتمايل) فكرتيني اصحبي في واحد ديسك كيعجبنيييي 
مشا كيرمي خطوات لجيهة بيفان 

هارون؛؛( تنهد وعينه عليه عرفو ماشي تالتم شاف في يحيي وغمز ليه) مالو هاد ز** 

يحيي؛؛(عينيه تقال هز صبعو ودارو في فمو ) ششت خليه خليه 

عبدالرحمان؛؛( كيقلب في جيبو ) فين هو تلفون 

هارون؛؛(عينيه غير عليه كان حداه تلفون دفعو ليه) هاهو مشقوفك 

عبدالرحمان؛ (دار عندو وضحك صغر عينيه في هارون وهضر بصوت تقيل هز تلفون ) شفتي حنا غنبقاو هاكة اصحيبي غير نشوفو من بعيد ونتحصرو كيما قال يحيي دنيا لعباتها علينا عاقلة 

مشا ركب تلفون وخدم اغنية لي ناض على ودها ومشا خدا قرعة اخرى حطها فوق طبلة و كب ليه كاس بدات الاغنية وهو يضحك

عبدالرحمان؛؛( شاف في صحابو ) هده اغنية كتمتلني بجهد 

يحيي؛؛نقص من صوت از** 

هارون؛؛( شاف في يحيي و هضر بيديه) خليه خليه ماعمري شفتو هاكة 

عبدالرحمان؛؛( شرب كاسو في دقة وهز عينيه شاف فيهوم وتبسم وراجع بلور وكيتمايل بشوية مع اغنية شاب جليل و شاد على راسو ) ماعليش اقلبي خليفتها على ربي راني موالف بالخصارة ماشي غيهاد الخطرة اااه ماعليش اقلبي راني موالف بالخسارة ماشي غي هاد الخطرة ( بقا كيشطح عليها بشوية وكيتمايل معاها حط يديه بزوج على وجهو غطاه و بقى كيغني معاها شاف في دراري وتكلم بصوت تقييل ومخنوق )) من بعد عامين تاع لفراق شفتها اليوم ومعاها وليد صغير 

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.