حور العين الجزء السابع

2020

محتوى القصة

رواية حور العين

هارون؛؛ مدة وهوما غاطسين في بعض حتى حس براسو تزير بعد شويةوهي مزال مخشية في جسمو ضخم نطق بشوية وشفايفو على شفايفها) عشقك مرضني وليت عليك هبيل
( رجع طلعها عندو شوية حاكمها بيديه و نزل شفايفو لعنقها طبع فيه بوسات خفاف حل عينه في صدرها نيشان قرب نيفو لشقة وشم ريحتها مغمض عينه وطلع وجهو يحك ليحيته بشوية مع عنقها رطيطب حتى ترفعات و شهقات شهقة لي غير سمعها ترفع خدراتو خرج كلامو وسخونية تضرب فيها) زهري هو نجيبك لداري وتكوني بين يدي

جيهان؛؛( معمضة عينيها لي نازلين بدموع ويديها نازلين على صدرو بشوية كتهضر وفمها كيترعد ) هاروون 

هارون؛؛( شاف فيها وهز يديه ودوز بيها على شعرها وعينه كيتساراو على ملامحها لي محمقينو نطق بشوية) ششششت ماتهضريش قلتي كلام كتير 

جيهان؛؛( حلات عينها فيه وبقات تشوف فيه ماتنكرش توحشاتو توحشات ريحتو توحشت تدخل في حضنو توحشت ابتسامتو قليلة توحشت كلامو لي يخليها تغزل بالحشمة ) هادشي ماشي زين اهارون لي

هارون؛؛( مقاطعها حاط صبعو على شفايفها) غتخليني نهضر نقول لي عندي ولا مقتعكش كلامي نمشي في حالي ماتبقايش تشوفي هاد الوجه 

جيهان؛؛(حدرات راسها كتمسح دموعها و عاضة على فمها ) ولكن ماشي وقت لهضرة عندي خدمة 

هارون؛؛( هز ليها وجها بيديه قابل عينيها ) صافي سيري تخدمي 

جيهان؛؛( دغيا زربات في لهضرة) ونتاا 

هارون؛؛( تبسم من ردة فعلها وعينه كيدورو عليها) نتسناك 

جيهان؛؛ ( كتشتت تفكيرها دوخها بشوفاتو ليها ) تسناني! 

هارون؛؛( حرك راسو بشوية هز شعرها وقربو لنيفو وغمض عينه) نتسنا عمري كامل 

جيهان؛؛( شوية تسخف ليه كتحس برجليها مابقاوش ديالها) و و واخة 
(كحزات شوية من حداه شادة على طابلية مغطية على صدرها نطقات وهي حادرة راسها ووجها غيطرطق بالحشمة) دور لهيه 

هارون؛؛( دوز يديه على لحيته مبتسم ودار عاطيها بضهر نطق بصوت شبه مسموع) غابلاتي ابنتي 



جيهان دارت تاهي عاضة على فمها ومغمضة عينها بريحتو لي مغطية نيفها حلات عينها بشوية رمات عليها تريكو و ولبسات طابلية جمعات شعرها و دارت عندو لقاتو مزال واقف قربت ليه وحنحنت 
دار عندها بشوية وعينه على صدرها لي كيبان شوية 

هارون؛؛( هز صبعو ودوزو عليه) هدا مالو مايتغطاش 

جيهان؛؛(بورشها) ن نتا مالك انا عاجبني هكاك

هارون؛؛( طلع عينه فيها بشوية وعاقدهوم وهضر قاسح) انا معاجبنيش ادكتور 

جيهان؛؛( تخلعات بصوتو ساطت ) اووف خليني نمشي نخدم 
(تمات دايرة غاتزيد وشدها بزربة من دراعاها جرها عندو ) 

هارون؛؛ ( منزل وجهو لصدرها وباسها منو وطلع عينه فيها) مزيانة دابة 

جيهان؛( عبست وجها)واش حماقيتي 

هارون؛؛( خنزر فيها ومشا جلس ودار رجل على رجل) هي لاغطيتيه 

جيهان؛؛( تنهدت ومشات هزات واحد زيف خفيف ودارتو عليه قربت حداه) باز ليك 

هارون؛؛( دار يديه على فمو وعينه كيتساراو عليها من فوق لتحت) شفتي سترة شحال زوينة

جيهان؛؛ ( ربعات يديها وشافت فيه) يااك ونتا اش كنتي كدير قبيلة 

هارون؛؛( تبسم وهز يد كيعيط ليها) قربي قربي 

جيهان؛؛( عقدات حاجبها) علاش بسلامة غنزيد عندك عندي خدمة نمشي نقديها نبقى ،، 

هارون؛؛( مقاطعها بجرة من خصرها حتى جات جالسة قدامو وعينه عليها غمز ليها) بغيت نوريك اش كنت ندير قبيلة

جيهان؛؛( حسات بسخونية طلعات معاها وجها ولا حمر) ه هارون واش نتا حمق شنو باغي دير

هارون؛؛( هز يديه ودارها على خدها ونازل بيها تالصدرها وقرصها منو تاتوهات )هدا باقي نشوفو معري غنقودها معاك 

جيهان؛؛( شهقات ونزلات عينها لجهة قرصة) ايي قصحتيني حشومة عليك ولحمي حساس غتبقى مصورة ليا 

هارون؛؛( تگعد شوية حاكمها بيديه بزوج قرب شفايفو وباسها جنب فمها ونطق بشوية ومزال فمو عليها) نبقى نقرصك ديما على هاد لحساب باش يبقى يتغطى 

جيهان؛؛( حابسة ابتسامة حيث سالاهوم ليها) هارون طلق نمشي لخدمتي

هارون؛؛( بعد فمو وعينه راگدين كيضورو على ملامحها متبسم) قولي راني نبغيك اهارون ونطلقك 

جيهان؛؛( فلتات ليها ابتسامة) طلق ماتكونش باسل 

هارون؛؛( زاد زير عليها) واخة غنطلقك ولكن تختاري بين هاد زوج كنبغيك ولا بوسة 

جيهان؛؛( شهقات) شنووو انا اصلا مزال ماسمحتك باش نبوسك ولا نقولك كنبغيك 

هارون؛؛( تبسم وقربها لوجهو باسها من نيفها) تاانا مطالقكش 

جيهان؛؛( عرفاتو مغاديش يطلقها ) واخة غمض عينك 

هارون؛؛ مايمكنش خاصني نشوفك 

جيهان؛؛( ساطت )اووووف 

هارون؛؛( شد شفايفها بين صباعو) يلا راكي خاصك تمشي تخدمي 

جيهان؛ بقات غاكتشوف وهي متأكدة لا مادارت هادشي لي قال ليها ماغاديش يطلقها تمشي كتقرب بشوية وهي كترعد يلا غتحط شفايفها على خدو وهو يدور وجات لبوسة في شفايفو نيشان وعضها من شفاه تحتنية 

جيهان؛؛( دفعاتو وبغات تنوض) صافي حيد باراكة من لبسالة 

هارون؛؛( كيتبسم وكيدور عينه عليها حيد يديه وطلق منها وهي مزال جالسة كتشوف فيه) شنو درتي بناقص ادكتور 

جيهان؛( ناضت دغيا كتقاد طابلية) ا انا نمشي 

هارون؛؛( هز رجليه على طبلة مربع يديه وعينه متبعين ليها) ماتعطليش ولا نجي نجبد مك فين ماكنتي

جيهان؛؛( عاطياه بضهر و حابسة ضحكة) غنمشي نخدم ماشي نلعب 

هارون؛؛( تفوه و وتكا راسو على كرسي مغمض عينيه) واخة ادكتور واخة 

خرجات هي وهو بقى متكي اما ياقوت خرجات مرفوعة كتمشى غير بزز وقفات كتسنى طاكسي حتى وقف عليها واحد 

شخص؛؛ ياقوت صافا 

ياقوت؛؛ شكون نتا 

شخص؛؛ ماتقوليش ليا نسيتيني كنت تلاقيت معاك في بواط هده شي اسابيع 

ياقوت؛؛ ( كتشير على طاكسي ومكتشوفش فيه) ماعقلتش 

شخص؛؛( قرب ومد يديه )انا نسيم 

ياقوت؛( كتشوف في يديه وتشوف فيه حتى كتحس بيد تحطت عليها على خصرها ولصقها جنبو ويد تمدت ليديه 

يحيي؛؛( عاقدها في وجهو ومد يديه كارز عليه) كاين شي مانقديو اخونا 

////؛؛( وجهو تزنك من كرزة لي كرز ليه على يديه ) اسمحليا ماعرفتش واش مرتبطة 

ياقوت؛؛( حالة فمها فيه و عينها كيخرجو منو لقلوبة من منضر تاعو وكيفاش كيهضر وكيفاش كيشوف فيه تبسمت وخشات يديها وسط يديه ) هانتا عرفتي دابة سير في حالك 

يحيي؛؛( زاد كرز عليه وقرب وجهو لعندو وهضر كارز على سنانو) حق رب الجليل و وديرها في بالك تاني ن******* ز*** 

طلق منو ومشا لاخر كيزرب ويحيي شاف يديه لي مخشية فيها يديها صغيورين ورطيطبين جرها منها وجابها قدامو 

يحيي؛؛( كيهضر و مكيشوفش فيها) شكون هاد الق**** 

ياقوت؛؛( كتسرط ريقها وحشمت من كلامو) هدا م 

يحيي؛؛( مزال عينه هارين عليها) واش كتعرفيه 

ياقوت؛؛( حاضية ملامحو بكل حب وديك نرفزة لي فيه) لا مكنعرفوش 

يحيي؛؛ ( حنحن وطلق من يديها دور وجهو وحك حاجبو ) واخة نمشيو لشي قنت خاصني نقولك شي كلام 

ياقوت؛؛( كتبسم واخة مدگدگة ولكن حمقها بهاد ملامح ماعرفتها واش حشمة ولا شنو مقادرش يطول فيها شوفة) ح حيث باقية مانعست مانبغيش نتعطل 

يحيي؛؛ (شير لطاكسي) طلعي ماتعطليش 

طلعو في طاكسي وزادو في اتجاه كافي حدا مقابلة مع لبحر بعيدة على صداع وكالم دخلو وشدو طبلة في واحد القنت وجلسو 

ياقوت؛؛( كتفوه)انا نمشي لحمام نغسل وجهي ونجي

يحيي؛؛( حرك ليها راسو وجبد من جيبو تلفون حطو على طبلة) واخة شنو تشربي بعدا 

ياقوت؛؛( تبسمت ) على دوقك نشوفو 

حدر راسو ومتبع ليها لعين وكيتبسم طلب اش بغا وهز تلفون كيلعب بيه حتى وقفات عليه مبتسمة 

شيماء؛؛ صافا خويا 

يحيي؛؛ (ناض متبسم ومد يديه سلم عليها) اهلا ختي شيماء اش خبارك 

شيماء؛؛ (مدات يديها) لاباس ونتا اش خبار غالي 

يحيي؛؛ ( نعت يديه لكرسي) لاباس عليه جلسي 

شيماء؛؛ لقيتيني خارجة عندي خدمة خليها مرة اخرى 

يحيي؛؛ان شاء الله مهم انا نصيفط ليك لي قلت ليك لبارح 

شيماء؛؛( تبسمت وشدات ليه في دراعو ) شكرا بزااااف 

ياقوت؛؛( وقفات عليهوم عاقدة حجبانها في شيماء ومربعة يديها) من اسيدي معاك ضياف لاش مضيع ليا نعاسي 

يحيي؛( هز عينه فيها وحاضي ملامحها كيف ولاو جابت ليه الضحكة) شيماء من بعد ونصيفط لك العنوان 

شيماء؛؛ ( حابسة ضحكة وشافت في ياقوت) ان شاء الله انا غنتسناك ايحيي 

ياقوت؛؛( قلبها كيغلي بالغيرة وكانت تبان ليها غير تضربها ليها بشي نتفة هزات صاكها وبغات تمشي) واخة انا لي حمارة جاية 

يحيي؛؛(شدها بيد ويد على فمو و شاف في شيماء وحرك راسو مشات هي كضحك وجرها بشوية جلسها جنبو وعينه كيضورو على ملامحها) شوفي فيا 

ياقوت؛؛( مضورة وجهها) طلق مني ايحيي الله يرحم باك 

يحيي؛؛( سرح رجليه و جر بيها كرسي ديالها لاصقو مع كرسي ديالو ويديه مزال كارزها عليها) ششت 

ياقوت؛؛( غلباتها لبكية حادرة عينها على طبلة و صدرها كيطلع وينزل 

يحيي؛؛( تكى بيديه على طبلة وقرب وجهو ليها) هزي عينك فيا اممم 

ياقوت؛؛( نزلات دميعة على خدها بزربة مسحاتها وهي مقادراش دور عندو )

يحيي؛؛( زاد قرب ليها وهز يديه وحطها على دقنها ودور ليها وجهها بشوية قابلها معاه) هزي عينك فيا 

ياقوت؛؛( قلبها دقاتو زادو في تسارع كتحس براسها غتخنق ماعرفتتش مناش واش غارت و لا من قربو ليها ولا من لمستو ليها هزات عينها فيه بشوية بدون ماتنطق كلمة) 

يحيي؛؛(شابك صباعو مع صباعها وكرز عليها ويد لاخرى مزال على دقنها وهضر بشوية)قلت ليك يمكن غنخرجو بحاجة اخرى من غير لي تافقنا عليه 

ياقوت؛؛(كتحس بقلبها غيسكت صدرها كيطلع وينزل بجهد و كترمش بالزربة و كل شوية تنزل عينها ليديها كيفاش قابط فيها ومزير عليها ماقدراتش تهضر ولبكية محبوسة في طرف)

يحيي؛؛(سكت مدة وبقى غير كيشوف فيها بشوفات مامفهومينش هو براسو ماعرفهاش حيد يديه من على دقنها وليد لاخرى مزال شابكها مع يديها مابغى يطلقها تبسم الابتاسمة خفيفة ونطق بشوييية) ياقوت 

ياقوت؛؛( هزات عينها فيه وهي قريب تسخف ليه تم ماقدرات تعرف باش كتحس مهم غير لبكية لي محبوسة هضرات غير بحاجبها بشوية بمعنى شنو 

يحيي؛؛( عينه على وجهها دوز يديه على لحيته مع غمزة ) شنو نفهم من هادشي غرتي

ياقوت؛؛( عينها زادو تغرغرو بدموع وكتحس براسها تخنقات نطقات وشفايفها كيترعدو ) ش شنو علاش غنغير زعمة

يحيي؛؛( تبسم حدر راسو وعاود طلعو داير يديه على فمو ويديه لاخرى كارز عليها وكيلعب بيها وزاد قرب منها وعينه كيدورو على وجها ) هزي عينك فيا وقولي بلي راكي ماغرتيش 

ياقوت؛؛( نزلات عينها كترعد وكتحاول تحيد يديها من يديه ولكن هو كيزيد يكرز طاحت دمعة من عينيها ونطقات بصوت ترعد) طلق ايحيي نتا كضحك عليا ولا كيفاش 

يحيي؛؛( ماينكرش بلي حمقاتو من منضرها حمقاتو بغيرتها حمقاتو باارتباكها هاكة رخف يديه شوية) مابغيتش اختي

ياقوت؛؛( مع نطقها وزادت في وتيرة شهقاتها لي كيتسمعو في قلبو ماقدراتش تحبسها غتموت بالغيرة وزاد عليها بالهاد تصرفات شافتو رخف على يديها شوية وهي تنترها وناضت هزات صاكها وخرجات كتبكي)

يحيي؛؛( تبسم وعض على فمو بقى متبع ليها العين حتى بانت ليه خرجات وناض هز تلفونو وحط لخلاص في طبلة لبس جاكيط تاعو وزاد تابعها )

ياقوت؛ ( خرجات كتجري من كافي وزادت في اتجاه لبحر وشادة على فمها كاتمة شهقاتها وعينها يجريو بدموع احساس لي كتحسو دابة عمرها جرباتو من قبل عمرها ارتابكات من قبل عمرها حسات بالغيرة تتاكلها حتى جربتها عمرها بغات شي حد و تقول تخبيه على لبنات تاوحدة ماتشوف فيه وصلو بيها رجليها قدام بحر حيدات يديها من على فمها وبدات كتنفس بزربة تبكي بصوت 
حتى حسات بيدين زوج دارو على كرشها ولصقها معاه خاشي وجهو في عنقها غير شمات ريحتو غمضات عينيها بلهلا يطريه ليها 

يحيي؛؛( مزير عليها بحال غتهرب من يديه وشفايفو محطوطين على عنقها وكيشم ريحتها ونطق بصوت شبه مسموع وسخونية تخرج من فمو) شتتتت عينيك ماشي ديال لبكاء 

ياقوت؛؛( مع نطقها زادت في وتيرة شهقاتها وصدرها كيطلع وينزل بجهد ماعرفات ماتخرج من على فمها كولها كترعد وكلامها اكتر ) هئ ا انا هئ 

يحيي؛؛( يديه مزال على كرشها دورها عندو بشوية قابلها معاه وحاكمها بيديه بزوج حط جبهتو على جبهتها مغمض عينيه وكينطق بصوت قليل ونفسو تضرب في وجهها) منين خرجتي ليا اممم تاكنت قفلت على راسي بزربة دخلتي حياتي بزربة خليتيني نبدل رأي 
( قابل عينه مع عينها وهز يد حاكمها من خصرها ويد طلعها لخدها وكيدوزها بشوية وتم منزلها لشفايفها كيقيس فيهوم بشوية حتى بدا كيقرب 
شوية بشوية وقلوبهوم يعزفو على صوت امواج حط شفايفو على شفايفها مغمضين عيونهم لحضة نساو راسهم فين ولا شكون هما كيقبلها بكل حب يبعد شوية ويعاود يحط شفايفو عليها مستمتع برحيقها لي حمقو نطق ومزال شفايفو على شفايفها) قلبي ب نارك تغرم 


من بعد ماخرجات من كافي ركبات في لوطو دغيا ومشات في اتجاه معهد وقفات في سطوب هزات تلفون شعلاتو وبانت ليها صورتو هو وياها تنهدت ودوزات يديها على وجهو هزات عينها غتزيد وهو يبان ليها دايز من حداها عينوها خرجو وقلبها كتحس بيه غيخرج يلا غتحل لباب تنزل عندو و تحرك زاد ركبات في لوطو وكسيرات تابعاه هو كيزيد في سرعة وهي تزيد هو من اول لمح ليها موراه كيزيد في سرعة بالعاني بحكم عارفها تموت من سرعة ولكن هي عاد ماكتزيد فيه دار مع زنقة ديالو وهي تابعاه وصل لقدام دار ووقف وهي وقفات موراه كترعد خلاتو تانزل ونزل كلبو كيلعب معاه حلات لباب و نزلات كتمشى ورجل تديها ورجل ترجعها وفي عينيها غير نهار مشات و خلاتو وصلت حداه كيحل لباب وتحنات على الكلب كتلعب معاه لي هو بدورو غير شافها تلاح عليها 
دور راسو ليها بشوية وكيشوف فيها بملامح ممحية 

شيماء؛؛( وقفات وتقابلات معاه كتشوف فيه وعينيها مغرغرين)عبدالرحمان 

عبدالرحمان؛؛(لي هو بدورو واقف بحال تمتال بجسمو ضخم داير يديه في جيابو ولابس كاسكيط ورامي القب على راسو كيبان وجهو غير شوية و عينه كيدورو على ملامحها بشووية ووجهو خالي من اي تعبير نطق بصوت خشن) مدام شيماء شنو كديري هنا 

شيماء؛؛( زادت قربت ليه ودموعها نازلين كتشوف فيه و كلامها وشفايفها يترعدو بحال وليدات صغار ) ب بغي ت نشوفك توحشتك

عبدالرحمان؛؛( تبسم وحدر راسو تنهد تنهيدة من اعماق وعاود طلعو فيها ونطق كلامو بنوع من بالاستهزاء) توحشتيني 

شيماء؛؛( زادت قربت ليه كتهز في يديها كترعد كولها بغات تشد يديه ولكن هو كان مكبزز عليها داخل جيبو و عينه غياكلوها ماينكرش بلي توحشها بكولشي ليها بتكبرها بضحكتها ببكاها بعجرفة لي فيها ولكن داك نهار لي خلاتو فيه مايتنساش ليه) دارك ماشي هي هده راكي غلطتي في العنوان يمكن 

شيماء؛؛( دموع مزال ينزلو بغزارة حركت يديها وكتافها وفمها بأسف كترعد) انا عارفة راسي مانستاهلكش عارفة راسي حمارة عارفة راسي مكنسواش عارفة راسي خسرت حب عمرني نلقى كيفو خسرت قلب عمرني نلقى كيفو خسرت راجل عمرني نلقى كيفو عرفت بلي تكبر و عجرفة و مضاهر تقتل اكتر من موت وتاحاجة مانافعة على حساب الحب ولاهتمام لي ماعمرني جربتو تا تلاقيتك تا كنتي معايا في حلوة ومرة صبرتي عليا كيف ما انا ( خبطات على صدرها وضحكت) انا شنو تخليت عليك بسبب ضربة في وجهك بسبب حاجة وقعات ليك بسبابي ، بسبابي انا حتى وقعات لحادتة بسبب تهور ديالي خسر ليه وجه ونضت انا زدت وخليتك بحالا ماوقع والو، خليت راجل يبغيني ويقدرني و يحكمني و يربيني و يعلمني شنو لخايبة وشنو زوينة رباني على يديه كبرني على يديه مامخصصني من والو كنتي تعطيني الحنان اكتر من واليديا وانا بتكبر ديالي خسرتك في رمشة عين ( خبطات يديها مع بعض وهزات كتافها) في رمشة عين قلبت عليك من داك نهار وانا في العداب وانا ندم على نهار وخوه هئ ماخليت فين قلبت عليك ماخليت فين سولت عليه ماخليت تامدينة ماسولت هئ فيها حتى بلاد قلت يمكن راه سافر على برا صحابك يحيي وهارون حتى هما هئ سولتهوم ماقالو لي والو ( بدات تهضر بهستيرية)داز عليا بزاف في غيابك هئ جداتي لي كانت عندي مشات وخلاتني هئ مالقيت علامن نحط راسي هئ مالقيت علامن نبكي نشكي لمن لبابا ولا ماما تفاااارقو وكل واحد شايف حياتو تخيل هئ هئ ( ولات تضحك) ولا عندي زوج خوتي صغااار ههه تخيل انا في هاد لعمر وعندي خوتي ترييبية عامرني شفتهوم حتى عمرهوم هزو تلفون وعييطو ليا وقالو ليا شيماء اجي ابنتي راني توحشتك 
عبدالرحمان انا عمرني تزوجت عمرني ولدت وهداك ماشي ولدي تاهو 
وعمرني غنتزوج ولا غنشوف فشي واحد خساااارتك ولي عطالله عطاه انا مابغيت والو بغيتك غير تسامحني باش حتى لا مت نموت مرتاحة من جيهتك ( ضحكت) واخة راني اصلا ميتة 
(حسات بداتها كتقال حدرات راسها وعاودات هزاتو فيه ) سامحني عفااك مكرهتش نرجع لحضنك مرة اخرى نرجع لعبدالرحمان لي عمرني شفت بحالو في حياتي وعمرني نلقى ( ضربات على قلبو) بحال هاد القلب حنين فيا ( عضات على فمها لي كيترعد) انا غنمشي في حالي لارجعتي ليا غنكون اسعد وحدة في دنيا مارجعتيش ليا غنكون خديت لي نستحق غادية نتسناك تجاوبني واي قرار خديتيه غنكون راضية بيه 
(رمات خطوات لور وعينها عليه كتحس براسها نهارت جسديا ماقدراش تزيد ولا تشوف دارت ومشات في اتجاه لوطو وقفات قدام لباب تاعها وتكات راسها عليه بتعب هزات عينها فيه وتبسمت ودموعها شلال نزلات عينها في لباب غتحلو ولكن ليدين لي غيحلو لباب فين هوما بقات كتكابر باش تهز يديها حتى طاحت على طولتها ) 


شيماء؛؛ (تبسمت ودموعها شلال نزلات عينيها في لباب غتحلو ولكن ليدين لي غيحلو فين هوما بقات كتكابر باش تهز يديها حتى طاحت على طولتها 

عبدالرحمان؛( كان متبع هضرتها من اول حرف بحرف كيدخل لقلبو بحال شي قوس عزت عليه ولكن ماقدرش ينطق ولا يقول شي كلمة عمرو شافها كيما هاد لحالة منهارة كليا تبدلات عليه بزااااف هده ماشي شيماء لي كان تيعرف متكبرة متعجرفة عزيز عليها راسها عزيز عليها تخرج وتسافر تحتاقر ناس تضحك على ناس عينه مانزلوش عليها كل كلامها يدخل لقلبو ديريكت كيشوفها غاتمشي وهو مكرهش يشدها من يديها ويقول ليها مسامحك حتى انا غيابك ضمرني حتى انا تعدبت ووليت نتعطى جميع مخدرات باش ننساك كنشوف بنات اخرين باش ننساك ولكن ماقدرتش مكرهش يشدها من يديها ويجرها عندو يخشيها وسط ضلوعو ويقول ليها انا باك انا مك انا خوك انا صاحبك انا حبيبك ولكن لسانو تقال بقى متبع ليها لعين حتى وصلات لوطو وهو حس بيها هاازة بزااف بحالا حس بيها غتنهار من ابتسامة لي تبسمت في وجهو لي غير شافها كترخى ومشا كيجري عندها طاحت وطاح معاها على ركابيه كيخبط ليها في حناكها ولكن لمن هزها بين يديه وهي مرخية وشعرها مغطي وجهها هازها كيتمشى وبحالا واقف في بلاصتو ارض ضارت بيه دفع لباب برجليه حتى تحل ودخلها لبيت حطها على سرير وتحنى عليها كيضرب على وجهها بشوية 

عبدالرحمان؛؛( كيدوز يديه على وجها وشعرها وكنطق بصوت مخلوع ماقدرش يخبي خوفو ليها) شيماء شيماء واش راكي مزيان حلي عينيه

ناض مشا جاب ليها كاس ماء رش عليها والو مافاقت داخت بيه دنيا مشا جلس جنبها وشد على يديها وليد لاخرى كيدوزها ليها على شعرها ماعرفش اش يدير اول مرة كيحير اول مرة كيدوخ ماتيعرف مايقدم ولا يأخر هز ماء تاني كيرش بيه على وجهها تاحس بشفيراتها بداو يتحركو ناض من حداها وقف وحط لكاس حلات عينيها ووضاحت ليها صورة وجات غير في وجهو نيشان بقات كتشوف فيه بدون ماتنطق تبسمت ليه وعاودات سدات عينها 
قرب ليها شاف شفارها كيتحركو ولكن ماقدراش تحل عينيها هو يجر ليها الغطاء غطاها ومشا جلس فوق فوطوي قبالتها ربع يديه وعاض على فمو وبقى كيتأمل فيها بدون مايرمش لاح راسو لور بتعب مغمض عينيه 

شيماء داز وقت ماعرفاتش شحال وبدات تحل عينها بشوية دورات راسها وبان ليها متكي راسو لور وجالس بكل رجولة تبسمت و ناضت حطات صباعها على ارض بشوية وقفات كتمشى بشوية حتى وصلات ليه قربت وهزت يديها لي كترعد بغات تحطها على خدو وبعدتها دغيا وعينها مدمعين حطات يديها بزوج على فوطوي عاضة على فمها ماعرفاش اش كدير غادية وكتقرب لشفايفو وقلبها دقاتو يتسمعو من بعيد حطت شفايفها كيترعدو على شفايفو غمضات عينها حسات بداتها خوات 
عبدالرحمان؛؛( حس بشفايفها لباردين على شفايفو حل عينه بشوية وعاود غمضهوم كانت غاتنوض وماحس غير بيد على خصرها خشاها فيه ويد لاخرى على رقبتها خاشي وجهو تحت ودنها ونطق بشوية تابورشها) فين باغا تمشي امم


جيهان لي كانت خارجة من غرفة عمليات كولها عرقانة باين تعب من عينيها تمات ماشية اتجاه الغرفة غير تفكراتو راه كاين تما وهي تبسم لاراديا وصلات حلات لباب وشافت بلاصتو مالقاتوش 

جيهان؛؛( عبست وجهها ودموع في عينها نطقات وهي كتنخصص) ماقدرتيش تسناني هادي هي غنتسنى عمري كامل 

هارون؛؛( كان واقف موراها خاشي يديه في جيابو ومبتاسم قرب ليها بشوية وهزها من خصرها و حطها فوق بيرو وحط يد من هنا ويد من هنا وخاشي وجهو في عنقها)عمري كانت كتسول عليا 

جيهان؛؛( شادة على قلبها مغمضة عينها) خلعتيني حشومة عليك 

هارون؛؛؛( حط شفايفو تحت ودنيها طبع بوسة ونطق بشوية ) انا عند كلمتي نتسناك عمري كامل 

جيهان؛؛( غمضات عينها و تبورشت من لمساتو ) هاروون 

هارون؛؛( بعد وجهو عليها ومزل محاصرها بيديه قابل عينه مع ملامحها عاض على فمو وكيشوف فيها ) مزال نعشق فيك ونزيد 

جيهان؛؛ ( تبسمت وحدرات راسها بالحشمة)

هارون؛؛(كيشوف فيها بعينين معسلين وحمرين) ممكن نخطف دكتورتي شوية ولا مزال ماسالات

جيهان؛؛( هزات عينها فيه ونزلتهم وجها غيطرطق بالحمورية) ضروري يعني 

هارون؛؛( زاد قرب ليها باسها نيفها) مابغيتش تمشي معايا نمشي في حالي 

جيهان؛؛( دغيا جاوبات) لا لا ( تبسمت وهزات يديها كتقيس على لحيته) بغيت نقول زعمة 

هارون؛؛( غير حطات يديها صغيورين عليه وغمض عينه يستنشق ريحتها هز يديه وحاوطها من خصرها دور راسو وباس يديها من داخل) نهنى ونفرح من نشوفك قدامي 

جيهان؛؛( كتشوف فيه بكل حب ونطقات بشوية ) هارون 

هارون؛؛( حنى راسو ليها وحط شفايفو على شفاه لفوقانية ومصها مصيصة صغيرة ونطق فمو مزال عليها) نحبك

جيهان؛؛( غمضات عينيها من بوستو ترفعات دورات يديها على رقبتو) حتى انا كنبغيك بزاف

هارون؛؛( شد على يديها زير عليها وحطها على قلبو وجهو على عنقها نطق بصوت شبه مسموع) كون تشوفي هاد القلب شنو هاز من جيهتك 

جيهان؛؛( مغمضة عينها حاسة بتبوريشة من لحيته لي كتهرها ولا من صوتو ولا من شفايفو لي محطوطين عليها كرزات عليه بوجهها وتوهات) ااه 

هارون؛؛(غير سمع ديك اه وهو يبعد عليها وجرها من خصرها لصقها معاه عض على شنوفتو وبقات غير عينه كادور على وجها كامل ونطق بشوية حابس ضحكة) هادي لي قلتي مزال عليها الحال 

جيهان؛حلات عينها فيه وجها زاد حمار كلام هرب ليها بغات دفعو ولكن هو كان قوى منها هزها بين بيديه وحطها على كرسي هي حطات يديها بزوج على كرسي وحاضيه وشفايفها كيترعدو تكى يديه من جنابها بزوج وتم نازل عندها حط شفايفو على عنقها وطبع بوسة ودار لجهة لاخرى باسها تاهي وطلع لتحت ودنها حط شفايفو عليها وهي تاوه جعراتو طلع بنيفو وعينه مغمضة شم ريحتها وتنهد ونطق بشويييية في ودنها) نموت فيك عمري 


عبدالرحمان؛؛( ماحس غير بيد على خصرها خشاها فيه ويد لاخرى على رقبتها خاشي وجهو تحت ودنها ونطق بشوية تابورشها) فين باغا تمشي امم 

شيماء؛؛( كانت مغمضة عينها وخاشية وجهاا في صدرو وكتشم في ريحتو بحال عطشانة ويديها مكبزين على عنقو هزات عينها فيه بشوية لقات وجها في وجهو تكوانسات في عينه كيفاش كيشوف فيها والقرب لي بيناتهوم توحشاتو بكل تفاصيلو )

عبدالرحمان؛؛ ( يديه بزوج على خصرها وعينه كيدورو على ملامحها باللهفة وشفايفها لي كيترعدو ماكرهش يغطس فيهوم في لحضة وحدة كان وقف وقفها معاه حك راسو و هضر مكيشوفش فيها ) لا كنتي مزال عيانة يمكن ليك تجلسي حتى ترتاحي

شيماء؛؛( تبسمت ابتسامة باهتة وحدرات راسها) فهمت انا اصلا كنت غنمشي 

عبدالرحمان؛؛(طول فيها شوفة ) لا ماكنتيش تقدري تصوگي نوصلك ولا نعيط ليك على طاكسي

شيماء؛؛ ( نزلات دميعة من عينيها وحركت راسها بالنفي وقربت حداه هازة عينها فيه) لا لا قادرة نصوگ وشكرا حيث مخلتينش طايحة في زنقة 

عبدالرحمان؛؛( تبسم وحك جنب فمو) ماتقوليش هاكة اي حد في بلاصتي كان غيدير نفس الحاجة

شيماء؛؛( بقات كتشوف فيه وفي عينه لي غير كيخطفو شوفة فيها ويدورو ماقدرينش يشوفو فيها) سمحليا مرة اخرى عدبتك 

عبدالرحمان؛؛( حدر راسو بتقالة وتبسم وخوا ليها الطريق) الله يشافيك 

شيماء؛؛( تبسمت على جنب وزادت ماشية وصلت حتى لهداه قربت وجهو ونطقت بشوية) جرحتك اه قصحتك اه ولكن راني نموت فيك نهار على نهار وفراقك علمني وقسحني

عبدالرحمان؛؛( محافض على ابتسامة وهز عينها فيها) فات لفوت اشيماء لكاس لاتهرس معمرو يرجع كيف كان

شيماء؛؛( تبسمت و كتشوف في عينيه ديريكت عاقدا حجبانها ) الا كان باقي فيه شوية ماتهرسش كامل غادي نلبقو واخة نعرف نلصقو بسكوتش و لكولة غادية نرجعو كيف كان وغنتهلى فيه ونرد ليه لبال باش مايطيحش تاني 

عبدالرحمان؛؛( كان كيشوف فيها ومتبعها بكل تفاصيلها) ممكن ، قلتي الا كان باقي فيه شوية اما نتي ( ضرب يديه مع بعض وخنزر فيها) ماخليتي تاشوية ودابة غتمشي في حالك اشيماء ماتبقايش تجي عندي 

شيماء؛؛ ( تعلات شوية وقربت حتى لوجهو شوية ) ندير كل مافجهدي 

عبدالرحمان؛؛( عينه كيضورو على ملامح وجهاا بلهفة) سيري فحالك 

شيماء؛؛ ( تبسمت وحطت يديها على قلبو) هدا مريض ومجروح بسبابي انا بوحدي ، ورجعت دابة باش نداويه لالقيت كندير واخة عارفة راسي تكرفست عليه بزااااايد مرمدتو ولكن ماتخافش حتى انا خديت جزائي ومزااال كنخلص بضوبل

قالت كلامها هزات صباطها في يديها وخرجات وخلات بركان تاع احاسيس موراها غير سمع لباب تسد وخرج من بيت مشا ريح وجبد جوان كيفتل فيه وساهي والاف افكار تتخبط في راسو شعل جوان وبذا يدخن ويديه كترعد وعينه غيطرقطو بالاعصاب ماعرفش كيبغيها اه يعشقها اه ولكن جرح لي تسببات ليه مرضو بزاف تكرفس بزاف و صعيب يتنسى ليه صعيب تجي بين ليلة ونهار يتداوا او ويسامحها بسهولة 


يحيي؛؛( يبعد شوية ويعاود يحط شفايفو عليها مستمتع برحيقها لي حمقو نطق ومزال شفايفو على شفايفها) قلبي بنارك تغرم 

ياقوت؛؛( كانت مغمضة عينها ومزيرة ليه على تجاكيط ونطقات وسط شفايفو) يحيي 

يحيي؛؛( نزل شفايفو لعنقها مغمض عينه ) دازو شهورة واعوام ماقدرات تاوحدة تحرك فيا شي لعبة حتى جيتي نتي 

ياقوت؛؛( بحالات تبنجت حاسة بقلبها غيطير بالفرحة من كلامو من لمساتو هزات عينها فيه بدون ماتنطق

يحيي؛؛؛( هز يد وكيدوز بيها على خدودها ومسح اتار دموعها ويد لاخرى على خصرها زاد كارز عليها وتبسم حط لحيته على وجها وفمو قريب لودنها ونطق) منين خرجي ليا نتي مافهمت فيا تالعبة

ياقوت؛؛( تبسمت من هضرتو وهزات عويناتها فيه ونطقات بشوية) تا لعبة هاكة ناس يعبرو امم

يحيي؛؛ (تبسم وزاد جرها عندو) هادشي لي عطاالله قبلي عليا

ياقوت؛؛( حدرات راسها وتبسمت) يعني 

يحيي؛؛( طلق منها وكيضور راسو في ارجاء) يعني نمشيو نتمشاو

ياقوت؛؛( كتشوف فيه باستغراب ) كيفاش 

يحيي؛؛( حك على حاجبو وشد يديها شابكها مع يديه مزير عليها) قلت نتمشاو باش نهضرو 

ياقوت؛؛( خلاها مصدومة حابسة ضحكة) 

يحيي؛؛( دور راسو لعندها وشافها هاكاك) غير ضحكي طلقيها ماتبقايش حابساها 

ياقوت؛؛( بحالا عطاها ضو لخضر بقات كضحك ) هههه حتى لهاد درجة ماعندي زهر طحت في واخد مايعرف يهضر مايعرف يعتارف

يحيي؛؛( حاضيها عاض على فمو طلق يديها وحطها على خصرها جابها قدامو ونطق بشوية) عندي مع تطبيق ماشي الهضرة 

ياقوت؛؛( حلات فمها فيه وجهها غيطرطق بالحمورية) ش شنو كيفاش 

يحيي؛؛( تبسم عرف عقلها مشا بعيد ضرب على راسها) داكشي لي في بالك حتى هو عجبني ماكرهتوش

ياقوت؛؛( زادت وسعات عينها) شنوو 

يحيي؛؛؛( تبسم وزاد وجرها كيتمشاو رامي يديه على كتفها خاشيها فيه ) مزال تزيدي تصدمي فيا موحال نتفهم ليك مانعرفش نهضر كيف ناس ،يعني نعبر راكي قلتيها انا جيت نيشان بستك بلا موجب شرع 

ياقوت؛؛(تبسمت وعضت على فمها ونطقات بشويية) هادشي لي فيك هو لي حمقني 

يحيي؛؛( سمعها اش قالت تبسم) اش قلتي اياقوتة

ياقوت؛؛( دورات راسها فيه) علاش كتقولي ياقوتة 

يحيي؛؛معرفتش واقيلة كندلعك

ياقوت؛؛( بدات تضحك تاني) ههه واااقيلة 

يحيي؛؛( ضحك وهز حجبانو ) ماعرفتش اختي 

ياقوت؛؛ ( بزربة تاكان جلسات في رملة) عوتاني ختي بدلها بشي حاجة اربي كتخنقني

يحيي؛؛( وقف قبالتها خشا يد في جيبو متبع ليها العين وحابس ضحكة مد يد لاخرى ليها) واخة نوضي بعدا و علميني نهضر الاله 

ياقوت؛؛( معبسة وجها) انا لي غنعلمك تعلم من صحابك 

يحيي؛؛ ( دوز يديه على لحيته وعاود مدها ليها مبتاسم) واخة يلا نوضي نوضي دابة راه لبرد بدا يتحرك غتمرضي 

ياقوت؛؛( هزات عينها فيه وحركت راسها يالنفي ) لا تتحيدها من قاموسك ونوض 

يحيي؛؛(مازال ماد يديه) نوضي تگعدي بعدا بغيت نقولك شي حاجة

ياقوت؛؛( مدات يديها ليه ناضت معبسة بغات طلق منو وهو زاد كرز عليها

يحيي؛؛( هضر عاقد حجبانو ) خلي يديك ولا نگرضهوم لمك 

ياقوت؛؛ قول اش بغيتي 

يحيي؛؛( قابط على يديها وهو كيضور في عينه في ارجاء مكيشوفش فيها عاض على شنوفتو حك على حاجبو ونطق بارتباك نطق بشوية ) نحبك

ياقوت؛؛( قلبها غيسكت اشهاد الجمود لي هو فيه حمقها وسطاها وارتباك لي فيه زادو حلاوة نقزت بفرحة ) شنو كتحب لماج مثلا شوف فيا عفاك وقولها 

يحيي؛؛( دور عينه ليها دوز صبعو على نيفو ) قلتي قول كلام زين انا كندير جهدي 

ياقوت؛؛( تبسمت وحركت راسها بالايحاب بزربة) ااه مجهود زوين عفاك عاودها 

يحيي؛؛( زاد ارتابك هو معندو مع كلام لحلو مامولفش بيه هز يديه وحطها على خصرها وجرها شوية عندو كيشوف في عينها بارتباك) نحبك وبغيتك حلالي 


هارون؛؛(طلع لتحت ودنها وحط شفايفو عليها وهي تاوه جعراتو طلع بنيفو وعينه مغمضة شم ريحتها وتنهد ونطق بشوييية في ودنها ) نموت فيك عمري 

جيهان؛؛( كانت مرفوعة ماهياش هنا دوخها بكلامو دوخها بلمساتو دوخها بريحتو و بشفايفو سخان لي كيقبلوها بكل حب حسات بيه بدا كيزيد في وتيرة وهي تفيق حطات يديها على وجهو كتحاول تفيقو نطقات بشوية) هارووون 

هارون؛؛( كان مستمتع بقبلاتو ليها وماهوش في هاد العالم مرفوع حس بيها حطات يديها صغيورين على لحيته وهو يحبس ووجهو مزال في عنقها نطق) واش باغا تسطي ديل مي ولا شنو 

جيهان؛؛( دفعاتو كتبسم وكتشوف فيه ويديها كتلعب على لحيته) مالي اش درت 

هارون؛؛( داير يد من هنا ويد من هنا وجهو قبالت وجها نيشان و كيشوف فيها بعينين معسلين عاض على فمو ) ريحتك( تحنى على عنقها باسو بشوية تاتبورشات) كتخدرني 

جيهان؛؛( تبسمت ) وصافي ماغادينش نخرجو ياك باغي تهضر معايا 

هارون؛؛( بعد عليها وعروقو خارجين مشا جلس في كرسي وشاد على راسو وعينه مغمضة ) لبسي حوايجك لبسي 

جيهان؛؛( ناضت حابسة ضحكة) واخة 

مشات كتلبس حوايجها وهو دار بالكرسي بشوية جالس بكل اريحية و حاط يديه على دقنو وعينه مفيكسين عليها كتطلع وتنزل فيها كيف بغى وهي كترعد مرتبكة بزايد من شوفاتو طلقات شعرها و ولبسات جاكيط وهزات صاكها وقربت وقفات عليه و حنيكاتها محمرين

جيهان؛؛ ( شادة صاك بيد و يد لاخرى كترجع شعرها ورا ودينها بارتباك وعينها في الارض) مشينا 

هارون؛؛؛( مطلع عينه معسلين فيها ومكيرمش حك جنب فمو وناض قرب ليها وهز يديه حطها على حنيكاتها برفق وقرب بشوية وحط شفايفو باس على جبينها وقبلها بكل حب) نعشق فيك 

جيهان؛؛( غمضات عينيها ب حر شفايفو لي تحطو على جبينها ونطقات بشوية) حتى انا 

هارون؛؛( نزل يديه بشوية شابكها مع يديها مزير عليها وخرجو مع الباب وكل انضار عليهوم خرجو وصلو لبرا 

جيهان؛؛( كانو غادين في اتجاه موطور )فين غنمشيو راهي لوطو تاعي 

هارون؛؛ ( نزل عينه فيها وهضر ) ابليكو كامل ونصوك بيك ولية 

جيهان؛؛ (واقفة وعقدات حجبانها) كيفاش ولية تاني اش فيها لاصكت انا 

هارون؛؛( تبسم) ماجاتنيش وصافي دابة زيدي 

جيهان؛؛( حدرات راسها ماعجبها الحال) زوينة تاني هاد لولية 

هارون؛؛( جرها بزربة وقفات قبالتو وحط يديه على دقنها وطلع وجهها وتكلم بشوية) اللاله نتي الولية لي خدات عقلي غازيدي قدامي 

جيهان؛؛( فلتات ليها ابتسامة صغيرة) واخة 

هارون؛؛( تبسم و زاد كرز على يديها ومشاو جهة موطور عطاها كاصك لبساتو ولبس وزادو وصلو لواحد لخلى خاوي بحال جبل كيطل على البحر نيشان و قف نزلو بزوج 

جيهان؛؛( كتشوف في ارجاء دنيا كولها خضرة كتحل نفس) زوينة هاد البلاصة 

هارون؛؛( تكا على موطور وجبد لكارو شعلو وعينه على بحر) كنجي ليها مرة مرة 
جيهان؛؛( قربت وقفات حداه) ملي كتكون مقلق زعمة 

هارون؛؛(دور عينه فيها وتبسم) اصلا ديما مقلق ماشي غير مرة مرة 

جيهان؛؛ ( تنهدت) يلا عاود ليا انا كنسمع 

هارون؛؛(تيتنر وكيترعد عينه تحمرو) منين بغيتي نبدا ليك 

جيهان؛؛( طبطات على دراعو ) من مابغيتي مهم ماتخبي عليا تاحاجة

هارون؛؛( دور عينه ليها ونطق بصوت مخنوق) خبيت عليك باش مانخصركش 

جيهان؛؛( حركت راسها) واخة انا مابغيتش نهضر دابة حتى تكمل نتا 

هارون؛؛( نتر منو ولاحو وجبد واحد اخر شعلو ) نقولك من وسط اما صغري ماعشت فيه والو ماعرفتو كيداير ( نتر تاني ونطق) هادي خمس سنين وزيادة كنت خدام في لمرسى مع واحد سيد وكنا خارجين بليل كانت ديك ساعة شي 5 صباح هكاك راجع الدار كنقرب لباب دار كنلمح لجيران داخلين خارجين ماعرفت ماحسيت تاكنت عند رجليها ( تنهد) طايحة وجهها صفر كانت مريضة وزاد عليها الحال بزاف هزيناها في ديك ساعة لسبيطار قلبوها وقالو لينا خاصها عملية ضروري غتحتاج شي 5 مليون ( تبسم) كانت في جيبي شي 200 درهم دور معايا سيد لي خدام معاه خرجت مرفوع من عندو رجعت لدرب وبغيت زعمة نسول جيران ودراري باش نتسلف من عندهوم وااالو لي سولتو يقولي ماعنديش كان حدانا واخد سيد ايطالي مغريبي كنت كنعرفو من كنت صغير كنت عزيز عليه مشيت عندو وعاودت ليك اشكاين جاني نيشان قالي دخل معايا ونعطيها ليك دابة انا مافكرتش زوج مرات ديك ساعة قبلت واخة كنت عارف خدمتو ماشي مزيانة وبصح عطاها ليا ولغد دارت العملية ونجحات فرحت وفرحت الواليدة ولكن انا كانت طريق عندي بدات تعواج وليت نخدم معاه شديت داك لحومات لي حداانا وليت نبيع ليهوم لحشيش بلا مايعيق بيا تااحد كنت قبيح وقاصح وتاشي حد مايدوزها عليا سيد عجباتو خدمتي و عطاني كلشي وليت انا هو ابليكو ماشي هارون وليت نهار على نهار كنزيد نتعمق فيها الواليدة حالتها مابقات مزيانة كنخاف عليها بزااف كنحاول عليها بحال شي بيضة خايفها تهرس لي قالتها نقول ليها اه مرة طلع ليها سكر و تعصبت بزايد كان شي موشكيل مع خوتهاا مرضت وديك ساعة مشا ليها نص في داتها ( جبد كارو تاني شعلو ويديه يزيدو يترعدو) تما باش جات بنت خوها لي هي ( ماقدرش ينطقها) هي ديك لي تزوجت بيها

هارون؛؛( ماقدرش ينطقها) هي ديك لي تزوجت بيها و واليدة مابقات كاتبان ليها تاشي حاجة من غيرها كلات مخها اي حاجة دخل فيها ديك سيدة وانا ساكت باش ماتوقع ليها شي حاجة حتى نهار قالت ليا تزوجها كنبغي نهضر ماكتبغيش تسمعني مخلات ليا مانقول قبلت ديك ساعة باش ماتوقع ليها والو كتقولي اولدي غتبغيها مع المدة مخلانيش نهضر ولا نقول شي كلمة بين ليلة ونهار حتى كان تكتب لكتاب بيناتنا ولات مرتي بالوراق دازو اعوام ماعمرني قربت ليها ولا قستها ديما غير صداع و مشاكيل تقدري تقولي نتا راجل وتقدر تحرك فيك شي حاجة تخليك تقرب منها ولكن انا كنت جامد زواجي منها غير وراق وصافي ( دور راسو ليها لقاها دموعها نازلين) حتى شفت عينك ، عينك فيقو فيا بزاف اجيهان وليت نفكر فيك نهار وليل وليت نقول كلام بلا مانحس وليت نضحك بلامانحس وليت نبغي ديما نشوفك قدامي تجيني لغيرة من شوف شي حد يشوف فيك مانكرهش نخبيك على كولشي ونقول ليهوم هادي ديالي بوحدي وتاحد مايهز عينه فيك ولكن مالقيت جهد جناحي مهرسين بداك لوراق لي رابطيني بيها 

جيهان؛؛( كانت مراقباه بعينها وبقلبها ماتنكرش اتر فيها بزايد دخل طريق مايستهلاش وزواجو واخة ماشي حقيقي بالنسبة ليه ولكن ) هئ فكرة ديال انك مزوج كتقطعني اهارون 

هارون؛؛( لاح لكارو وقرب شدها من دراعها بزوج) اقسم بالله ماكنت باغي نخبي عليك شي حاجة نتي لي دخلتي لقلبي بلاما تعلمي عشقتك بلاما نحس دوزت بزاااف من صغري وانا معدب لا قراية بحال ناس لاخدمة بحال ناس ولكن ماهمنيش قد نضرتك ليا داك نهار قطعتني قصحتني بزايد

جيهان؛؛( كتبكي بصوت ) هئ هئ هئ صعيييبة بزااف اهارون نشوفك مع وحدة اخرى والله 

هارون؛؛(جرها عندو خاشيها فيه وفمو على راسها يبوس فيه وينطق) عارف عارف ماشي ساهلة عليك وحتى عليا اسمحليا بزاف 

جيهان؛؛( طلعات عينها مدمعين فيه كتنخصص) ماعمرك قستيها بصح 

هارون؛؛( تبسم وسط تقليقة) اقسم بالله ماعمرني قرب ليها ولا حطيت عليها يد 

جيهان؛( عاودات تخشات فيه بحال بنيتة صغيرة) مسامحاك واخة صعيبة عليا اهارون 

هارون؛؛( باس على راسها) عارف وزيد مابقاش بزاف ونطلق 

جيهان؛؛( دموعها نزلو ) ولكن مابغيتش نتسمى خطافة رجال 

هارون؛؛( طلع وجها بييده ونطق عينه في عينها) طال زمان ولا قصار كنت غنتفارق معاها ونتي ماشي سبب فيه كولشي دابة غادي كيف ماخصوً يكون 

جيهان؛؛ وخدمتك

هارون؛؛؛( مسح على خدها) تاهي جات لي على طريق ولات في خبار الواليدة والواليد وبسبب موضوع راني خارج من دار دابة

جيهان؛؛ ( قوست حجبانها) كيفاش وعلاش خارج

هارون؛؛ سيدة موصونة من طلبت طلاق ولات تهددني حيت هي عارفة بلي انا ابليكو وسبقتها وقلت لواليدة اش كاين غضبت عليا وخرجت من دار 

جيهان؛؛ هادشي بسببي ياك 

هارون؛؛( باس جبينها) لا هادشي كان غيرقع كان غيوقع نتي ماعليك والو ( مسح على خدودها بزوج) انا ماتيهمني والو بغيتك غير تسامحيني و ترجعي ليا كيف كنتي والواليدة غترضي عليا من بعد هادشي لي يهمني دابة


هارون؛؛(مسح على خدودها بزوج)انا ماتيهمني والو بغيتك غير تاسمحيني وترجعي ليا كيف كنتي والواليدة غترضي عليا من بعد هادشي لي تيهمني 

جيهان؛؛( حطات راسها على صدرو) مسمحاك حبيبي وديك سيدة كنتمى ليها ربي يسهل عليها مع واحد اخر تاوحدة ماتبغي تحط في هاد الموقف

هارون؛؛( تنهد بالارتياح) نتمناو 

جيهان؛؛( هزات راسها فيه وتبسمت) نتا بطلي 

هارون؛؛( قوس حجبانو فيها) علاش 

جيهان؛؛( وجها تزنك) حيث حيث وقفتي في وجه كلشي باش نكون ليك 

هارون؛؛( جرها من خصرها لعندو) نحاول ونعاود نحاول حتى تكوني مرتي ومولات داري 

جيهان؛؛(عضت على فمها بالارتباك) زعمة غنتزوجو 

هارون؛؛( حمقاتو بمنضرها) لا غانبقاو غير مصاحبين هاكة اش غنديرو بشي زواج 

جيهان؛؛( عقدات حجبنها فيه) اشنو 

هارون؛؛( نزل راسو لعندها وباس حجبانها بزوج) فكيها ابنتي 

جيهان؛؛( مزال عاقداهوم) مكنضحكش انا 

هارون؛؛( تبسم وعينيه كيفحصو وجهاا ونطق بشوية) حالف حتى تكوني ديالي 

جيهان؛؛( تبسمات) نقولك حاجة

هارون؛؛( قرس على نيفها) كنسمع 

جيهان؛؛( كضور في عينها) قرب شوية لهنا 

هارون؛؛( شاف فيها باستغراب ونزل عندها شوية) ها انا نزلت 

جيهان؛؛( تعلات شويك و شدات على خدو وباستو من راسو ونزلات باستو من خدودو بزوج ومن عينه بزوج و نيفو ورجعت بلاصتها) صافي

هارون؛؛( لي كان غير حاضيها اش كدير وكيتبسم سطاتو صافي ) كديري لخشونة نتي 

جيهان؛؛( عرفاتو لاش كيهضر) علاش 

هارون؛؛نسيتي شي حاجة اخرى مابستيهاش

جيهان؛؛( حابسة ضحكة) لا مابغيتش 

هارون؛؛( هز يديه ودوزها على شعرها) ندوزها الاله مرة اخرى 

جيهان؛؛ ( تبسمت وشافت في ساعة) هارون خاصني نرجع لخدمتي مابغيت نزيد نتعطل

هارون؛؛( بقى ساكت شحال عاض على شنوفتو وعينه كيدورو عليها )واخة يلا زيدي 

✅ مكان اخر 

يحيي؛؛ نحبك وبغيتك حلالي 

ياقوت؛؛( حلات فمها فيه صدمها لسانها تربط مابقاش قادة تهضر) ش شنو 

يحيي؛؛( عينه عليها كيتسنى ردة فعلها) تتزوجيني اياقوت

ياقوت؛؛( قلبها غيسكت بدات تهضر تاني بلا فرانات) تاعت ربي واش هدا سؤال انا شكلاط رديت عندو العينين بسبابك وتقولي واش قابلة نتزوج بيك 

يحيي؛؛( تبسم بمنضر هاد لهبيلة لي بلاه بيه الله) يعني نتوكلو على الله اياقوتة

ياقوت؛؛(عاد وعات على راسها بدات كتنقز بالفرحة) واااي قابلة قابلة 

يحيي؛؛( حابس ضحكة شدها من قرفادتها محبسها) اش كديري تبتي شوية ولا نفلعص مك 

ياقوت؛؛( حابسة مكتحركش كدور عينها فيه) يحيي قصحتيني طلقني بغيت نقولك واحد الحااجة 

يحيي؛؛( جرها شوية ونطق) قولي نشوف 

ياقوت؛؛(نزلات يديها وشابكات يديهها مع يديه كارزة عليك) عارفة بلي نتا متخوف من فكرة زواج من فكرة تربط راسك بشي بنت اخرى من غير مامات غالي وفيا حتى انا داكشي لي داز عليك ماشي ساهل غادي يخليك تفكر في بزااف لحوايج ولكن هده هي الدنيا ايحيي متوقفش في واحد لحد وتنسى حياتك وانا مستعدة نصبر معاك مستعدة نربي غالي كيما ولدي وراني بغيتك بكل مافيك 

يحيي؛؛( متبع ليها ويسمع ليها بكل جوارح فرح بهضرتها من اول عرفها واخة هبيلة ولكن قدرات تدخل قلبو بسهولة يلا غيهضر وقاطعاتو )

ياقوت؛؛( حطات يديها على فمو) عاارفاك غتقولي خدمة وماعنديش دار وداكشي تاعك غنقولك داكشي والله ماتيهمني قد راحة لبال مايهمنيش نعيش في الكرا شوية بشوية غنقادو امورنا مهم عندي هو نرتاح نفسيا بصح انا تقريبا عندي كولشي و لكن الحنان و عطف واليديا ماعنديش ماعمري حسيت بيه ايحيي حتى حطيت راسي على صدرك حسيت براسي مالكة دنيا ومافيها 

يحيي؛؛( جرها عندو محاوطها بيديه بزوج وشفايفو على راسها تنهد) الله يقدرني حتى نخليك مرتاحة 


✅بعد مرور اسبوع 

جالسة في جردة هي و ياقوت وعمر و مليكة كيشربو اتاي 

جيهان؛؛ فين مشات فدوى 

مليكة؛؛ مشات تسخر ابنتي 

ياقوت؛؛با عمر حاگرني راه والله حتى غنتزوج 

عمر؛؛ ( كيتصنت لراديو وكيرشف من كاسو ) هاد لهضرة مابغاتش تدخل لراسي انا بعدا 

مليكة؛؛( حاطة يديها على حنكها) اوييلي على راجل علاش غتكدب عليك وزيد راه وراتني لعريس شهوة منو زيين وحرش 

جيهان؛؛ ( متكية راسها على مليكة وشادة تلفون شادة مساجات مع هارون) والله تابصح ابا عمر 

عمر؛؛( كيشوف في ياقوت بنص عين ) دابة نتي غتزوجي وديري دراري

ياقوت؛؛( حابسة ضحكة) اه مالي ماعجبتكش زعمة

مليكة؛؛( كدوز يديها على شعر ياقوت) واخة تشوفها حميمقة ولكن قلبها حلوة 

عمر؛؛ ( شاف في جيهان)ونتي 

جيهان؛؛( وجهها تزنك بقات كضور في عينيها) م مالي انا 

مليكة؛؛(يلاغتهضر ولمحت لسعد داخل )هاسعد جا

سعد؛؛( لي شافهوم جالسين ورمى خطوات لعندهم وقف عليهم ورمى سلام) السلام عليكم

كل؛؛ وعليكم السلام 

سعد؛؛ ( جر كرسي وريح حداهوم) كبي شي دكة اميمتي 

مليكة؛؛ هي لي متعاود اولدي

جيهان؛؛ ( شافت ساعة)شفتك جيتي بكري يلا 2 هده

سعد؛؛( هز كاسو كيرشف منو وعينه عليها ) جيت نهضر معاكم في واحد موضوع 

جيهان؛؛ ياك لاباس مالك شنو عندك

سعد؛؛( شد يديها باسها) ماتخلعيش الحب غير الخير 

عمر؛؛ ياك لاباس اولدي

سعد؛؛ غنسافر لبلجيكا

جيهان؛؛ شنو وعلاش

سعد؛؛ غتخليني نكمل ولا لا 

ياقوت؛؛ سكتي نتي علاش اخويا غادي تمشي 

سعد؛؛ هاد ليامات زدت تمردت شوية غانمشي نشوف شي طبيب 

جيهان؛؛(تبسمات) بصح يعني قررتي غتعالج 

سعد؛؛( تبسم وطبطب عل يديها) اييه غنمشي نغبر عليك واحد شوية 

ميلكة؛؛ الله ياوليدي فرحتيني 

عمر؛؛ الله يرضي عليك اولدي هاد لبنت تحملات بزاف وجا لوقت لي ترجع ليها هادشي 

سعد؛؛( حرك راسو بالايجاب ) عارف عارف راسي تكرفست عليها بزايد لدالك قررت نبدل حياتي لاحسن ونخدم باش تباهى بيا ( قرب يديه شد وجها بين يديه) كيما كانت تقولي وراجل لي تحط كتفها عليه وتقول هدا خويا لي بغيت اممم 

جيهان؛؛( دموعها نزلو واخيرا قدرت تحس بخوها ناوي على لخير) هئ الله يسر ليك اخويا وانا معاك كيف ماكنتي كتبقى خويا لي عندي 

سعد؛؛( ناض قرب ليها شد يديها نوضها وضمها لعندو) دعي مع خوك باش نقدر نتحمل 

جيهان؛؛( خاشية وجها في صدرو ودموعها مابغاو يحبسو) الله معاااك احبيبي 

سعد؛؛( بعد وشد من خدودها وباس على جبينها) غادي نتحمل على قبل ختي لعزيزة

ياقوت؛؛( حابسة لبكية) ضروري تبكيونا زعمة 

سعد؛؛( خربق ليها شعرها وجرها عندو باس على راسها) حتى نتي ياقوت راكي بحال ختي ردي بالك معاها وماتخليهاش تقنط 

ياقوت؛؛( تتبلز في لهضرة) هههه كاين لي ونسها كتر مني 

جيهان؛؛( خرجت عينيها فيها ونطق) ههه بغات تقول بلي راني ماشي بوحدي مليكة وعمر وياقوت معايا غير سير ورجع لينا بالسلامة 

سعد؛؛( تنهد ) انشالله انشالله مهم انا خاصني نمشي نجمع حوايجي عندي طيارة مع 4

جيهان؛؛( قربت ليه باستو وعنقاتو ) واخة اخويا صبر الله يرضي عليك هادشي كولو غيفوت وغيبقى غير تعاويد 

سعد؛؛( باس على راسها) ان شاءالله يكون كولشي مزيان

مشا سعد في اتجاه بيتو دخل حيد جاكيط وتيشورط و بدا يجمع حوايجو وهو مرفوع كيحس براسو تزير كيجمع غير بزز وجد كولشي ودخل لدوش شاف في مرايا عينه تحمرو جبد جوان وشعلو بدا كيتكيف وكيشوف في راسو و حالتو كيف ولات فين هو سعد لي كان شحال هده معدب ومعدب ختو مصهرها ليل كامل تقلب عليه وسط لبيران حتى كولشي ولا يعرفها مرمدها مامخليهاش تعيش حياتها مامخليها تسافر مامخليها تفرح مامخليها تنشط مع صحابتها كيف لبنات قرر يمشي يتعالج باش تصفى روحو من هاد لبلية لي من نهار داقها وهو يزيد يشعل وزادو صحاب لي تلفو ليه مخ كل مرة غادين لقنت يقلبو على لجديد وزادها بالاعتداء لي كان وقع مع ابليكو اخر مرة ماحس غير بلحديد في يديه ونزل عليه هو ماواعيش ولكن كان ممكن يموت ويصدق ميتم والديه فيه و يخرج على ختو من ناحية نفسية ولا هي لي بوحدها ماعندها غيرو تكرفس عليها من صغرها ، وزيد هزات مسؤولية من سن صغير منها باه منها مو منها اخ منها اخت منها كولشي وجا لوقت لي يرد ليها شوية واخة ماعمرو يوصل لصبر لي صبرات ليه معاه 


بقى يفكر فكرة تديه وفكرة تجيبو حتى حس بالباب لبيت تحل نتر نترة من جوان وحطو شلل فمو وزاد حل لباب لقاها عاطياه بضهر تبسم وقرب شوية ليها

سعد؛؛( عينه معسلين وحاضي جسمها صغير) احمم 

فدوى؛؛( دارت بزربة وشافت معري وحالتو كولها وشام عينها خرجو) ويلي ويلي اش هاد لخريطة لي في لحمك 

سعد؛؛( تبسم ومشا كيحل في لمجر كيجبد لوراق ) نحيدو!!

فدوى؛؛( قلبها ضرها من شافت لوراق دورات عينها لقات لفاليز مجموعين نطقات بلاما تحس) فين غتمشي 

سعد؛؛( هز ساعة حطها غير سمعها وتبسم دار عندها بشوية وقرب ليها وتنهد) غنسافر 

فدوى؛؛( عينها على عينه) وانا 

سعد؛؛(عض على فمو ) خاصني نتعالج

فدوى؛؛( عينها مغرغرين) وانا 

سعد؛؛( هز يديه حيد خصلة على عينيها) خاصني نولي مزيان 

فدوى؛؛؛( نزلات دميعة صغيرة) وانا 

سعد؛؛( مسح على خدها) خاصني نرجع طبيعي 

فدوى؛؛( شفايفها بداو يترعدو) وانا 

سعد؛؛( شد وجها بين يديه وباس جبينها) نتي بنت مزيانة وضريفة مانلقيش ليك 

فدوى؛؛( حدرات عينها كتمسح على وجهها) فهمت انا لي مانصلحش ليك 

سعد؛؛( هز وجها بين يديه) انا لي مانصلحش ليك نتي بنت ضريفة وبنت ناس تستاهلي واحد احسن مني مربي جيتي وعشتي هاد ليامات هنا عرفتيني كيف داير حاضي غير بلية و سهير 

فدوى؛؛( هزات عينها فيه وكتكلم بصوت مترعد) لبلية ماشي عيب ربي قادر يعفو عليك واحد ساعة مبلي اه ولكن ضروفك لي خلاتك تبدل تيتم من صغرك ماشي ساهلة وزيد صحاب سوء موجودين 

سعد؛؛( بعد عليها وعاود قرب ليها باس على جبينها كيهضر بصوت مخنوق) اسمحيليا بزاف 

مشا هز فوطة و دخل لدوش سد عليه وخلاها 
واقفة مصدومة ودموعها نازلين 
فدوى؛؛( قربت بشوية لباب دوش حطات يديها عليه ونطقات) لا نتا بوحدك لي تستاهلني اسعد وانا غنتسناك تاترجع على خاطرك ، بصح ماعرفتش امتى ولا كيفاش حتى والفتك في حياتي ولفت تقمعني ونقمعك كل نهار ولفت من تبقى تشوف فيا حتى نهبط عيني بزز عليا ولفتك بزااف غتخلي بلاصتك كبيرة في عيني اسعد الله يسر ليك وتمشي وتجي بالسلامة ان شاء الله 

قالت كلامها وبعدات حلات لباب وخرجات كتبكي لي هو بدور غير سمع لباب تسد خرج شاد من راسو وتيفكر في كلامها بصح هو براسو من نهار حطات رجيليها في دار وهو مراقبها بكل تفاصيلها كيبغي يهضر ولكن ديك فكرة لبلية وحالتو ماتشرفوش يهضر معاها 
دخل لدوش دوش وخرج لبس حوايجو و هز لفاليز ونزل لقاهوم كولشي مجموع كيساينوه جيهان غير شافتو جات قربت ليه تخشات فيه كتبكي

جيهان؛؛( كارزة عليه) الله معاك اخويا صبر عفااك 

سعد؛؛( محاوطها بيديه بزوج وصوتو منغنغ) غنصبر اختي تهلاي بزاف في راسك

مليكة؛؛( حلات يديها) اجي اوليدي 

سعد؛؛( قرب ليها عنقها ودموعو ماحس بيهوم تانزلو) سامحيني اميمتي ودعي معايا ماعندي واليدين لي يرضيو عليا من غيرك 

مليكة؛؛( كتنخصص وتبوس فيه ) الله يرضي عليك اوليدي انا ماعنديش ولاد ونتوما راكم مومو عيني باش كنشوف انا ميمتك الله يرضي عليك ويسر ليك 

سعد؛؛( بعد عليها وشد على وجهها وباس على راسها) واقف بدعاويك اميمتي 

عمر؛؛( قرب ليه عنقو) الله يعاونك اولدي صبر الله يرضي عليك 

سعد؛؛( بادلو العناق) اميييين االواليد اميين دعي معايا 

ياقوت؛؛(قربت ليه باستو من كتفو) خويا 

سعد؛؛( دار عندها وخشاها في حضنو) تهلاي في راسك وفي ختي امم 

ياقوت؛؛( مخشية فيه حابسة دموع) الله يرزقك الصبر اخويا ان شاء الله ترجع لينا هو هداك 

سعد؛؛( عينه على فدوى لي كانت حادرة راسها كتمسح على خدها) فدوى 

فدوى؛؛( قربت شوية منزلة عنيها لي ولا حمرين) الله يصبرك 

سعد؛؛( شد من درعها وجرها شوية عندو باس على راسها ونطق بشوية) سمحيليا 

مع قال كلامو هز لفاليز ورمى السلام عليهوم و خرج ماعاود دار جيهتهوم حتى وصل لوطو لاح فاليز و ركب وزاد خلى فدوى غتحماق بالبكا ماحارت لا في خالتها لا في راجلها عينيها فضحوها حسات بروحها مشات معاه كتفكر في نهارات كيف غيدوزو بلا ماتشوفو ماعرفتش شحال ولاامتى غيرجع خايفة يمشي ومايرجعش 


ناعس على ضهرو لابس غير شورط وشاد واحد كورة صغيرة في يديه كيلعب بيها وحداه قرعة تاع شراب وجوانات واجدين

هارون؛؛( كيهضر يصوت تقيل وعينه على لكورة ) اش تم اعبدالرحمان مزال معطل داك الق*** 

عبدالرحمان؛؛(جالس في كرسي ورامي راسو عليه ومغمض عينه) ماغديش يتعطل بما انها وافقات تطلق (هز عينه فيه) اجي بعدا كيفاش جاتها حتى بدلت كلامها دغيا 

هارون؛؛( حك على وجهو بتعب) تافقت معاها على واحد قدر تاع فلوس 

يحيي؛؛( خارج من حمام كيمسح على وجهو) بنادم شحال صعيب ياخويا هده هي كتبغيك ( ريح حداهوم) اجي ياكما ناوية على شي ق***

هارون؛؛( تگعد و نزل مرافقو على ركابيه وعينه معسلين كيهضر بصوت تقيل) اش غدير گااع 
خرج خرج جيب لينا مانكلو راه من فطوري مادقتو 

يحيي؛؛( غمز ليه على عبدو) عبدالرحمان يمشي يجيب لينا بثلاثة والله حتى عيان 

عبدالرحمان؛؛( سمع صوتو و طلع عينه معسلين بزايد زادتو وسامة على وسامة هضر بصوت مدعدع وتقيل) خدامتك انا الق**** 

يحيي؛؛( تبسم دار جوان في فمو شعلو ونتر منو ) حق الرب حتى عيان سير جيب لينا من عند واحد سيد نعت ليك كيصرع شي حاجة سميتها شوارما 

عبدالرحمان؛؛؛( مخنزر فيه) براكة من هضرة تاع الق*** سير جيب ليك ماتحنجر 

هارون؛؛( شاف في يحيي لي غمز ليه باش يقوليه يمشي) سير اخاي الله يحن عليك 

عبدالرحمان؛؛( عصر على جبهتو وناض هز جاكيط لبسها) صحاب تاع الز*** 

هارون؛؛( تبسم بتقالة ورجع تكى) عشيري نتا 

عبدالرحمان؛؛( رمى القب ودار عندهوم عينه شبه مسدودين) تقودو عليا بزوج بيكم من نهار حطيتو رجليكم هنا مابغيتو تخرجو 

يحيي؛؛( حابس ضحكة) شوف از*** داك صناك لي حدا معهد الله يحفظك 

خرج عبالرحمان وخلى يحيي كيموت بضحك

هارون؛؛( حط دراعو على عينه ) اش عندك في راسك 

يحيي؛؛( تبسم) اش غيكون اصحيبي غير يرطب قلبو شوية من جيهتها 

هارون؛؛( تبسم) يعرفك جبدتي ليه نتا لبلان والله مانفكك منو 

يحيي؛؛( ضحك حتى عينه تسدو) نخرج نقود قبل مايهضر 

خرج عبدالرحمان ركب في موطور وزاد بسرعة حتى كان قدام صناك دخل قالهم يوجدو ليه و خرج هو لبرا كيتسنى جبد لكارو شعلو حتى حس بيد شدات فيه 

عبدالرحمان؛؛( دور عينيه معسلين بلونهم مخلطة مع حمورية كيشوف في يديها كيفاش قابطة فيه) اش كاين 

شيماء؛؛( تبسمت كرزت على يديه) والو 

عبدالرحمان؛؛( نتر يديه حتى كانت غتنصل وغوت) ماتحطيش يديك عليا مرة اخرى فهمتي 

شيماء؛؛( حسات بقلبها تهز بقات كدور في عويناتها في لي غادي ولي جاي من قمعة لي دار ليها تبسمت وشافيفها كيترعدو) انا ا انا كنت بغيت 

عبدالرحمان؛؛( قرب ليها وهضر كارز على سنانو) هاد لمرة تشوفيني قلبي طريق ولا غنتفاهم معاك

شيماء؛؛( دموعها نازلين وشفايفها كيترعدو حدرات راسها كتنخصص بحال لبنيتة صغيرة) لا لا راني بعاااادت سيمااانة ( قربت تالحداه و عينها في عينه ونطقات بشوية) و كانت كتيرة عليا بزااف 

عبدالرحمان؛؛( دوخاتو بطريقة باش هضرات وعينيها كيفاش تكوانساو فيه هز يديه باغي يحطها عليه ونزلها بزربة ورجع باللور) سيري لاعندك شي شغل قديه قابليني انا 

شيماء؛؛( بقات غير كتشوف فيه راجعة بالور وكتحرك راسها بالايجاب تبسمات وسط ذموعها هزات يديها بزوج وهضرات رافعة صوتها ) انا غنمشي ولكن غنرجع ماميمكنش نخلي مول عوينات تاخدو شي قمقومة اقسم بالله ااه شوف ( هزات صباعها نعت ليه ورجعت نعتت لعينيها هي بمعنى عيني عليك)

عبدالرحمان؛؛(دار يد في جيبو و يد على فمو مراقبها حابس ضحكة بزز من منضرها نطق بشوية) فضيحة هده تاني 

شيماء؛؛( كانت راجعة بالور مشافتش واحد دريجة موراها وهي تعكل تلوات ليها رجليها جات جالسة) ااايي رجلي مشات ( هزات عينيها فيه وكتعوج في شفايفها) تهرست تهرست رجلي مشات هئ 

عبدالرحمان؛؛(بقى واقف كيضحك في خاطرو ماينكرش بالي سطاتو باهاد لحركات حتى لمح دري تحنى عليها بغى يقيس رجليها عقد حجبانو و قرب ليه وقف عليه بحال صاعقة عينيه) مكاين لاش تعدب راسك اشريف 

شيماء؛؛( كضور في عينها بحال لبوية مدت يديها لدري) عاوني عفاك نوض 

عبدالرحمان؛؛(كيشوف في يديها ويشوف في دري عاقد حجبانو فيه) تمدها نگردها لز*** بوك 

شيماء؛؛( بدات تسرط ريقها ولكن عجبتها ردة فعله) اي اي رجلي واقيلة مشات ليا رجلي 

عبدالرحمان؛؛( تحنى عليها زول ليها صباط هز عينه فيها حط يديه على رجليها كيشوف فيها وتيهضر بشوية) شتتت مافيها والو 

شيماء؛؛( نسات راسها تاهت في عينيه معسلين كتبسم حتى فاقت من سهوتها حست بضوء ضربها بسبب الم لي حسات بيه توهات مغمضة عينيها وعاضة على شفايفها بطريقة مغرية ) ااااه 

عبدالرحمان؛؛( عينه على شفايفها نزل رجليها للارض وهضر بشوية) الله يلعن حسك نتي وياه 

شيماء؛؛(حلات عين بشوية وعين مزال مغمضاها لقاتو غادي ينوض وهي تشدو من يديه بزربة ) بلاتي بلاتي في غتمشي وانا شوف رجلي مهرسة تشللت واقيلة گااع مانقدرتش نتمشى بيها 

عبدالرحمان؛؛( حرك راسو يمين وشمال و ضار عندها )نوضي لا باغة تنوضي من ضحك

شيماء؛؛( حدرات راسها شادة من رجليها معبسة) والله حتى مقصحة انا غير ضالمني 

عبدالرحمان؛؛(شاف تاعيا و تحنى عليها شوية قفازي وكيشوف في رجليها) فين مزال، ياك ضربة لي كانت فيك مابقاتش 

شيماء؛( مدات يديها شدات على يديه وحطتها على قلبها نطقات بشوية عاضة على شفايفها) مقصحة هنا بجهد

عبدالرحمان؛؛( هاز حاجبو فيها وكيشوف ديك شوفة تاع من نيتك ) واش كتسطاي عليا ولاشنو 

شيماء؛؛( تبسمت وغمزات ليه وهضرات بصوت قليل) اقسم بالله حتى كنتسطى عليك 

عبدالرحمان؛؛(جابت ليه ضحكة) واخة يلا نوضي بعدا من هنا 

شيماء؛؛( طلقات منو ومالت لور حاطة يديها بزوج على ارض ) لا مرتاحة هاكة ماشي موشكيل واخة نبقى هنا تالصباح كولشي يهون على مول لعيون 

عبدالرحمان؛؛( حاط يديه على فمو حابس ضحكة عارفها ديرها وتفوتها لهيه) شنو بغيتي دابة 

شيماء؛؛( هزات عينها فيه وتبسمات) عارفني اش كنبغي 

عبدالرحمان؛؛( عينه على ابتسامتها عض على فكو من داخل تنهد) داك لوقت فاتت اشيماء 

شيماء؛؛( عوجت فمها وحدرات راسها) نرجع والديها غاتخلعني !

عبدالرحمان؛؛( بقى غير كيشوف كي مهبول ) ماتخلعكش 

شيماء؛؛( مدات يديها بالارتباك كتهضر وندم في عينها) عطيني فرصة والله تاتبدلت مابقيتش متكبرة مابقيتش حاسة براسي مابقيتش هازة زنافري مابقيتش منفخة ضربو والديا لحيوط حتى وليت نجري موراك كيف لحمقة تصور صورتك دايراها وسط عينيا لي شفتو نشوف صورتك نتا 

عبدالرحمان؛؛(نزل عندها قفازي وعينه كيضورو على ملامحها سمرة نطق بصوت خافت) كتمحنيني ابنت الناس 

شيماء؛؛( زادت قربت ليه حتى لوجهو) كون تشوف انا شحال كنتمحن كندم دقيقة على دقيقة احبيبي 

عبدالرحمان؛؛( سالات معاه بهاد تحلوين عينه غير على شفايفها) مزيان تجربي واخة تندمي تاتعياي وتقصحي تاتعاي ماتوصليش لألم لي حاس بيه انا 

شيماء؛؛( مزال مادة يديها ليه ) غتخلي يدي ممدودة هاكة 

عبدالرحمان؛؛( ناض وشد يديها جرها تاكانت قدام وجهو ) منين خرجتي ليا تاني منين 

شيماء؛؛( تبسمت وقربت باستو من خدو بوسة خفيفة وقربت لودنيه و نطقات بشوية) عينك فاضحينك واخة تعيا ماتخبي 

بعدت عليه وتحنات هازات صباطها في يديها و تمات غادية كتبسم وهو مراقبها وشحال من سؤال كيطيح في بالو تفاجئ بشيماء جديدة بقى مراقبها حتى شافها تحنات لبست صباطها وهزات عينها فيه وغمزات ليه هزات يديها نعتت ليه هو و ضربت في قلبها ودخلات كتجري لمعهد هو عيا حابس ضحكة غير دخلت و هو يحدر راسو وبقى كيضحك غير بوحدو حتى سمع دري كيعيط ليه دخل خدا طلبية و خرج ركب وزاد لدار حل لباب ودخل لقا غير يحيي جالس كيتكيف ودخاخن دايرة بيه

يحيي؛؛( كيشوف فيه غير بنص عين مراقب ملامحه) صحيبي جيتي 

عبدالرحمان؛؛( لاح سوارت في طبلة وعينه عليه ودفع ليه صاشية حتى لقدامو ودار قرب ليه شدو من قرفادتو) ياك الق****** 

يحيي؛؛( حابس ضحكة ) لي حن يتمحن هي ليا انا دابة ياك 

هارون؛؛( جاي شعرو كيتقطر وفوطة على كتافو ضرب على كتف عبدو وضحك) عارفك ماتقدتش تحقد من تشوفها از*** 

عبدالرحمان؛؛( حيد يديه من عليه ومشا جلس قبالتهوم و شعل لگارو) وراه نجح ق** سالاتهوم لز**** بويا ليوم 

يحيي؛؛( تبسم وحك على راسو) هو صراحة ولات وحدة اخرى ندم باين في وجها

عبدالرحمان؛؛( نتر من كارو وخنزر فيه) لازمها تجرجر شوية 

هارون؛؛( حك على وجهو بتعب) العشق قتال ولد الق***** 

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.