حور العين الجزء الثامن

2020

محتوى القصة

رواية حور العين

هارون؛؛ (حك على وجهو بتعب) العشق قتال ولد الق***

يحيي؛؛؛( تكى على كرسي وهز يديه دايرها على راسو) زعمة واليديها يقبلو يعطوها ليا

عبدالرحمان؛؛( كيشوف فيه مستغرب شعل لكارو) علاش مايقبلوش

يحيي؛؛( تكى يديه على طبلة) بانو ليك عندي شاريكات غير مصافين 

هارون؛؛ (طلع عينه فيه) زهر لكحل 

عبد الرحمان؛؛ علاش مصعبينها عندي الحل 

يحيي؛؛ ( شاف فيه مستغرب) شنو هو هاد الحل 

عبدالرحمان؛؛ تعقلو كنت قلت ليكم على واحد ريسطو حدا لبحر 

هارون؛؛ (حرك راسو)ااه مالها 

عبدالرحمان؛؛ كان قالي بغى يبيعها مولاها 

يحيي؛؛ كون راهوم طارو بيها في داك موقع غيفلتها تاواحد 

عبدالرحمان؛؛ وايه راه مافلتهاش هاد لق*** لي جالس حداك 

هارون؛؛ وايلي وماقلتي لينا تاحاجة 

عبدالرحمان؛؛ كان وقع داكشي مع القط وتمشكلت مشات لي من بالي 

يحيي؛؛اهاا ومن بعد 

عبدالرحمان؛؛ ( خنزر فيه) كيفاش من بعد غادي نبيعها ليك 

يحيي؛؛ ( شاف فيه شوفة ديال من نيتك) كضحك عليا الق***

عبدالرحمان؛؛ خليني نكمل هضرتي نتا كتنقز بحال حزاق

يحيي؛؛ ايه انا ساكت 

عبدالرحمان؛؛ غنتعاونو عليها بثلاثة يعني غتكتب علينا حنا نصلحوها ونقادوها على دوقنا 

هارون؛؛ داكشي لي عندنا ماغيوصل تالنص باش شاريها

يحيي؛؛ قاليك صح 

عبدالرحمان؛؛(تكى درعانو على طبلة وكيشوف فيهم) نتوما عارفين هاد صحبة لي بيناتنا ماتقدر تزعزعها تاق**** يطيح واحد فينا يجيو ينوضوه لاخرين ولا يطيحو معاه 

هارون؛؛(مقاطعو)ولكن اصحبي راك حاط فيها فلوس صحيحة 

يحيي؛؛ عندو لحق هداك رزقك نتا 

عبدالرحمان؛؛ ( شرب كاس في دقة وزدحو مع طبلة وخنزر فيهوم زوج) قولو رزقنا رزقنا الدحوش حنا شاركين دم حفرة نطيحو فيها بثلاثة ونطلعو منهاا بثلاثة غيزيد يهضر فيكم شي قمقوم غنخسر معاه سلات لهضرة



هارون؛؛ ( شاف في يحيي وبقاو غير كيهضرو غير بالعينين) شنو معمول 

عبدالرحمان؛؛ ( شاف فيه وهضر) غدا نمشيو نشوفوها ويكون خير ( شاف في يحيي) ونتا لامقبلوش بيك نحر مهوم 

هارون؛؛ ( ضحك و حك جنب فمو) زيد مع هدا تاني 

يحيي؛؛ (تبسم كيلعب بالتلفون )بعد مرات كيبقى غير يفرتت في لهضرة اجي بغيت نسولكم 

هارون؛؛ اش كاين 

يحيي؛؛ دابة مثلا لا بغيت نت صافي نساو 

عبدالرحمان؛؛( خنز فيه) هالي ماتحمل فيك تهضر كملها ولا ماتهضرش

هارون؛؛ ( تبسم ) تغزل بغيتي تقول 

يحيي؛؛ ( كيضور في عينه) شكوون انا نتغزل، مانعرف والدين مها منين نبداها 

عبدالرحمان؛؛ (لاح راسو متكيه على كرسي ) داكشي تايخرج بوحدو ماكيخليكش تخمم 

هارون؛؛ هي لا رطبتي من جهتها وعطيتيها فرصة اصحبي

عبدالرحمان؛؛( شعل جوان وبخ) دايخ عقلي يقول لا وقلبي يقول لعكس

يحيي؛؛ عارف بلي تطعنتي بجهد و حتى هي ندمت بزايد اصحبي 

عبدالرحمان؛؛ ( عاود نتر وناض دخل لكوزينة) من شفتها لقيت راسي ماقادرش نزيد نحقد 

هارون؛؛ ( يلا غيهضر و سمع تلفون كيصوني هزو شاف شكون وناض) انا جاي

عبدالرحمان؛؛ ( كان خارج من لكوزينة شافو فتح لخط وهو يقرب ليه و هضر بصوت رقيق) هااارون ماتعطلش احبيبي

يحيي؛؛؛(حابس ضحكة ) لا لا ماشي هكاااك 

هارون؛؛ (دار عندهوم وخنزر فيهوم وخرج لبرا وسد لباب وجاوب) لعمر 

جيهان؛؛ ( كانو دموعها على سبة) شكون لي معاك فين نتا 

هارون؛؛ ( عض على فكو من داخل) واش كتبكي 

جيهان؛؛ ( زادت في وتيرة) هئ هئ صونيت في شي وقت ماهواش ياك هئ كنتي منساجم وقاطعتك 

هارون؛؛ (دوز يديه على وجهو ) واخة يجيبو ليا نسا كاملين ماتحلالي من غير عمري 

جيهان؛؛ ( كتنخصص وكلامها تقطع) 

هارون؛؛ ( كيسمع تنخصيصها وكيحس بقلبو كيتعصر خفض صوتو) جيهان والله ماكاينة شي وحدة راه غير هاد لق**** تاع عبدالرحمان 

جيهان؛؛ ( حبست من لبكا وهضرت بصوت منغنغ) سعد مشا اهارون 

هارون؛؛( عرفها ماهياش تالهيه) بلاتي فينك نتي 

جيهان؛؛ ( كتمسح دموعها) انا غير في دار ليوم

هارون؛؛ ( حك جنب حاجبو) واخة وجدي راسك واحد قسمين نكون عندك 

جيهان؛؛ ( لقاتها سبة تاهي) واخة 

قطع معاها ودخل عند دراري لي كل واحد كيشوف من تحت عينيه 

هارون؛؛ ( كيلبس حوايجو وكيخنزر في عبدالرحمان ) فعايل تاع الق**** ماحشمتيش 

عبدالرحمان؛؛ ( حابس ضحكة) سير فك جرتك معاها 

هارون؛؛ (لبس جاكيط ودار قبو هز ساروت) لهضرة من بعد ابلاتي 

نطق كلامو وخرج ركب و زاد بسرعة وقت قليل حتى كان قدام دارهوم نزل تكا على موطور و جبد تلفون دوز نمرتها كيتسناها تجاوب حتى شاف لباب تحل خرجات لابسة قبية ولايحة القب على راسها ودايرها كويرة فوق منها حادرة راسها معبسة زدحات لباب وقربت ليه بلاما تهضر 

هارون؛؛ ( حاضيها بكل تفاصيلها صغيورة وكيشوف في شفايفها كيفاش جامعاهوم بحال وليدات صغار دار تلفون في جيبو و مد يديه شد على يديها جرها شوية عندو) مقلقة مني 

جيهان؛؛ ( كانت حابسة لبكية في طرف عينها) لا مامقلقاش 

هارون؛؛ ( جرها عندو بسرعة خشاها فيه محاوطها بيديه بزوج وفمو على راسها) مال عمري اش مقلقها 

جيهان؛؛؛( تخشات فيه بحال بنيتة صغيورة وطلقات لعنان لدموعها ) خويا سافر اهارون خويا عندو امتحان صعييييييب بزاف 

هارون؛؛ ( كيدوز يديه على جسمها) شنو واقع 

جيهان؛؛ ( زادت كتنخصص) مشا يتعالج على ادمان اهارون 

هارون؛؛ ( عبس وجهو وباس على راسها) شتت بما انه اقتانع بالعلاج غادي يتعالج ان شاء الله وخاصك تكوني فرحانة غتهناي على خوك وتعيشي هانية من جيهتو اولا 

جيهان؛؛ ( هزات عينها فيه) انا فرحانة بزاف ولكن غيتعدب بزاف 

هارون ؛؛ ( عينه كيضورو على ملامحها بحب دوز يديه على وجهها كيمسح على خدها) غيتعدب ولكن من بعد غيرتاح مزيان 

جيهان؛؛ ( تكات راسها على صدرو و تبسمت معنقاه كارزة عليه) كنحمد الله حيت تلاقيتك احبيبي 

هارون؛؛ ( تبسم عض على شنوفتو) علاش زعمة امم 

جيهان؛؛ ( هزات عينها فيه تاني وحطات يديها على لحيته) حيث من كنحط راسي على صدرك ننسى جروحي 

هارون؛؛ ( باس على جبينها وشاف في عينيها نيشان وتكلم بشوية) الله يقدرني ونخليك ديما مرتاحة عمري 

جيهان ؛؛؛( تبسمت خدودها تحمرو) ف فين غنمشيو

هارون؛؛ ( قرص على نيفها وتبسم) طلعي بعدا 

جيهان؛ ( شدات كاصك ولبساتو بوحدها) هاني لبستو بديت نتعلم 

هارون؛؛ (عينه عليها و كيتبسم) من بعد و تعلمي نتي تصوگي مزيانة هده 

جيهان؛ ( حلات عينها فيه ) ماكرهتش 

هارون؛طلع ومد يديه عاونها طلعات وعنقاتو حاطة راسها على ضهرو وكسيرا بسرعة وهي مخشية فيه وقلبها تحس بيه غيطير بالفرحة وصلو لواحد شاريع و وقف نزل 

هارون؛؛ ( كيحيد لكاصك وكيهضر) تسناي هنا نجيب شي حاجة ونجي

جيهان؛؛ ( حركت راسها بالايجاب ) واخة ماتعطلش 
بقات حاضيها حتى دخل من واحد زنقة شوية حتى بان ليها جاي ومافيديه والو استغربات بقات مراقباه حتى قرب ليها وهي توقفو واحد لبنت كتهضر معاه و كتشوف فيه باعجاب 

جيهان؛؛؛(دغيا حيدات لكاصك ونزلات حتى صدقات في جنبو) شي حاجة الاخت 

لبنت؛؛( كتشوف فيها) ونتي مالك هضرت معاك 

هارون؛؛ ( عض على شفايفو ومراقب تصرفها ماينكرش بلي قلبو كيدق بالفرحة من ملامحها الغيورة بقا ساكت وكيشوف اش غتصنع)

جيهان؛؛ ( عينها حمارو بالاعصاب ونار الغيرة تاكل فيها اكتر) شوفي نتي بان ليك غاهو توقفيه ( كتهز يديها كتنعت) شوفي قوم قدو قد الخلا دايز من حداك 

هارون؛؛ ( حابس ضحكة وعينه كيتساراو على ملاميحها باللهفة) 

لبنت؛؛ كنسولو غير لاكان شي حانوت قريب 

جيهان؛؛ (قربت ليها حدا عينها) بان ليك مكتوبة في جبهتو مقدم عارفاك علاش كتقلبي ( شدات في يديه) هدا اختي راه راجلي ولي تشوف فيه نعمهوم لمها 

هارون؛؛(هز يديه ودورها على خصرها وزادو اتجاه لموطور وعينيه غياكلوها نزل فمو لودنها ) عشقكً في قلبي جمرة صعيب تطفى

جيهان؛؛(مزال معصبة نفخت وربعات يديها) نتا عاجبك لحال لي جات تهضر معااها 

هارون؛؛( حابس ضحكة نطق ) واشنو بغيتي ندير 

جيهان؛؛( تكات على موطور و خنزرت فيه وجها غيطرطق بااعصاب) ماتهضرش معاها اسيدي وماتشوفش فيها انا لي تهضر معايا وتشوف فيا 

هارون؛؛ (تبسم و حط يد من هنا ويد منها محاصرها) شوفي فيا ادكتور

جيهان؛؛( مدورة وجها ) مكاين لا دكتور لا زمرة هاد ساعة 

هارون؛؛( حمقاتو ومخلات ليه عقل بهاد شراسة لي خرجت منها عينه كيدورو على ملامحها ) وشحال نعشق في مغيارة ديالي 

جيهان؛( فلتات ليها ابتسامة صغيرة) زمر انا 

هارون؛؛( حابس ضحكة وعض على فمو) قلت ليك واخة يجيبو ليا نسا كاملين مايحلاوش ليا ، نتي لي كاينة ابنتي 

جيهان؛؛( شافت فيه وعينها حمارو) هاد لمرة ماتوقفش واخة يعيطو ليك 

هارون؛؛ ( تبسم وحرك راسو بالايجاب وعينيه على عينها) واخة

جيهان؛؛ ( كتشوف في عينه) انا بوحدي لي تهضر معايا 

هارون؛؛( عض على شفايفو محرك راسو بالايجاب) بوحدك

جيهان؛؛وانا بوحدي لي نوقفك 

هارون؛؛( تبسم وحرك راسو بالايجاب ) بوحدك 

جيهان؛؛وانا بوحدي

هارون؛؛(مقاطعها ببوسة على جبينها خلاتها تغمض عينها وتبرد بلهلا يطريه ليها نطق بشوية وشفايفو مزال محطوطة عليها) هواك حلال عليا وحرام من غيرك يدخل لقلب اعمري 

جيهان؛؛( مغمضة عينها وكلماتو خلاوها كل حرف يدخل لقلبها بحال لقوس قلبها كتحس بيه غيسكت )

هارون؛؛( طبع بوسة وبعد عليها قرص على نيفها) نتحركو من هنا 

جيهان؛( حركت راسها بالايجاب ونطقات بشوية) واخة 

هارون؛؛ تبسم وهز كاصك لبسو ولبسات هي ديالها و زادو خرجو على مدينة مشاو لجهة لبحر ونزلو 

جيهان؛؛( كتسد جاكيط) فين مشيتي قبيلة 

هارون؛؛(مد يديه ليها ونطق) زيدي بعدا ونقوليك

جيهان؛؛(مد يديها ليه شدات فيه وزادو) واخة هانا زايدة

هارون؛؛( مشابك يديه مع يديها صغيورين) عندي ليك شي حاجة 

جيهان؛؛(شافت فيه و تبسمت) شي مفاجئة ياك 

هارون؛؛( شاف فيها وضحك) لا 

جيهان؛؛( عوجات شفايفها وحدرات راسها ) واخة 

زادو كيتمشاو ويهضرو جبدو شلا مواضيع عودات ليه على طفولتها و على موت واليديها وهو كدالك عاود ليها كيف كيدوز نهاراتو لا من قبل ولا دابة بقاو تما تا بدا يطيح ضلام 

جيهان؛؛( كانو جالسين في رملة هزات عينيها كتشوف في الارجاء) داز لوقت وماحسيناش بيه 

هارون؛؛( حاضيها بكل تفاصيلها نطق بشوية) جيهان 

جيهان؛؛( دارت عندو مبتسمة) نعام 

هارون؛؛( عقد حجبانو فيها) خاصني نقولك شي حاجة عليا 

جيهان؛؛( قلبها بدا يضرب بجهد ونضرتو كانت كفيلة طيح منها نص) شنو كاين اهارون 

هارون؛؛( حدر عينه وعاود طلعهوم فيها حط يديه على خصرها وجرها تاصدقات جالسة قدامو قرب شفايفو لعنقها ونطق) نعشق فيك 

جيهان؛( شادة على قلبها) ناري خلعتيتي حشومة عليك 

هارون؛؛( يديه محطوطة على خصرها ويد خشاها في جيبو جبد سنسلة حلها وبدا يلبس ليها 

جيهان؛؛( حلات عينها مابغاو يرمشو من منضر بدات تحرك)واااااو هارون شحال زوينة 

هارون؛؛( لبسها ليها وحط شفايفها على رقبتها تاتهزت) بصحتك عمري 

جيهان؛؛( دارت عندو كتبسم عنقاتو حتى رجع بلور كان غيطيح وكالا بيد وليد لاخرى دايرة على خصرها) شكرا حبيبي عجباتني بزااف 

هارون؛؛( يديه كتسارا على جسمها نطق بشوية) قبلي عليا هادشي لي قديت عليه 

جيهان؛؛( بعدت وشدات وجهو بين يديه) ماتقولش هاكة كنحمد لله حيث لقاني بشخص بحالك يغنيني على فلوس دنيا 

هارون؛؛(باس يديها بزوج من داخل) عشقي ليك مزال يزيد 

جيهان؛؛( تبسمت وحدرات راسها بالحشمة)

هارون؛؛( تبسم ورد شعرها ورا ودنيها) نمشيو امم 

جيهان؛؛( حركت راسها بالايجاب) واخة 

ناضتو مدت يديها ليها ناض جرها محاوطها بيده 

هارون؛؛( دور راسو منزلو كيحك لحيته على عنقها ويستنشق ريحتها بحال عطشان) تتجهلي ديلمي 

جيهان؛؛( تبسمت ودورات عينها ليه ودورات يديها بزوج على كرشو ) كيفاش زعمة 

هارون؛؛( تبسم و قرص على نيفها) زيدي وسكتي 

وصلو جهة موطور ركبو وزادو داز وقت حتى كان كانو قدام دار نزلت هي وحيدات لكاصك وقفات قبالتو وهو متبع ليها لعين من نزلت 

جيهان؛؛( قربت ليه وعينها كيضورو) م مغتحيدتش لكاصك زعمة 

هارون؛؛( تبسم وحرك راسو بالنفي) لا علاش غنحيدو 

جيهان؛؛( حركت راسها بالايجاب ونزلات عينها للارض ) اووك مهم بسلامة 

هارون؛؛( حابس ضحكة من منضرها) بسلامة 

جيهان؛؛( هزات عينها فيه) بسلامة

هارون ؛؛( عينه كيضورو على ملامحها شافها دارت وماحس غير بيديه على خصرها وجرها عندو حيد لكاصك) اجي اجي فين غادية 

جيهان؛؛( مقلقة زعمة) والو 

هارون؛؛( رد شعرها ورا ودنيها) كتفششي عليا اممم 

جيهان؛؛( فلتات ليها ابتسامة) زعمة راك تفششني وتوحل معايا !

هارون؛؛( ضحك وقرصها من شفايفها) تفشي الاله وعطي لمي لي عطاالله عطاه 

جيهان؛؛( غضت على شفايفها بالخجل وقلبها اتسمع دقاتو من بعيد) 

هارون؛؛( حط يديه على رقبتها وجرها قربها لعندو حط شفايفو جنب فمها طبع قبلة ونفسو سخونة تضرب عليها) نموت في عمري 

جيهان؛؛( تبسمات ابتسامة خجولة وشفايفها يترعدو عينها في ارض) 

هارون؛؛( تبسم وحاضي ملامحها وجهها لي غيطرطق بالحمورية) يلا دخلي 

جيهان؛؛( رجعات بللور وعينيها عليه) كنبغيك اهارون 

هارون؛؛( مراقبها عاض على شنوفتو هضر بصوت شبه مسموع) علاش كتقلب هده تاني 

بقى مراقبها حتى دخلات وزاد ديك ساعة مشا لدار عبدالرحمان داز ليل كل واحد يفكر في معشوقتو ولبنات كدالك سوى شيماء وعبدالرحمان لي قصتهم مزال معكلة 

صبح الحال عند دراري لي كل واحد فين ملاوح عبدالرحمان في جيه وهارون في جيه يحيي فاق هو اول خرج جاب فطور ودخل لقاهوم مزال ملاوحين مشا ديريكت عند عبدالرحمان ركلو برجليه 

يحيي؛؛( تيحرك فيه) واالبشار نوض جيب اتاي راه تسالى 

عبدالرحمان؛؛( كان ناعس غير بشورط هاز رجل ورجل منزلها ودراعو على عينه ) تغبر تقود ولا لا 

يحيي؛؛( مزال كيحرك فيه) مالك از*** مكتسمعش نوض جيب زمر باش تخشي في وجهك

عبدالرحمان؛؛( حيد يديه وشاف فيه مخنزر) غنوض غ***** ياك كنتي خارج 

يحيي؛؛دابة غتنوض ولالا 

عبدالرحمان؛؛( ناض و ركل مخدة تاتلاحت ) صحبة تاع الق*** اخ على صباح 

يحيي؛؛( مشا جلس ورمى رجليه على كرسي تلفون لقى ميساج من عند ياقوت تبسم ) صباح زين هدا 

📩{ صباح لخير نتمنى تكون بيخير}

يحيي ؛؛(قراه وزاد وسع ابتسامة ) اش غنقوليها انا ( شاف عبدو خارج وهو يهضر ) بلاتي اصحبي نسولك قالت لي صباح الخير باش نجاوبها 

عبدالرحمان؛( كان خارج من لبيت لابس توني وداير قب على راسو عينه منفوخين دور راسو يمين وشمال وزاد)

يحيي؛؛(بقى غير كيشوف في مساج يقراه ويعاود يقراه) تفو مجمك ديل مك 

{ صباح النور اشكيليطة }

يحيي؛؛( حتى صيفطو وبغى يمسحوً حتى كانت قراتو شد من راسو ) يلعن حسي اش هاد شكيليطة تاني منين جبتيها 

هارون؛؛( كان ناعس على كرشو وجهو مقابل مع يحيي نطق بصوت خشن ناعس) مال ز****** بوك نتا مصدعنا 

يحيي؛؛( هز عينه فيه وحك جنب حاجبو ) والو والو 

عند عبدالرحمان لي خرج مبوق غالب عليه نعاس بزايد كيتمشى وراسو في ارض جبد كارو شعلو كيتكيف وصل لحانوت خدا سخرة و تم راجع لمح واحد لوطو قبالتو مصدعة دنيا بالكلاكصون كيقرب و كيزيد شك يدخل ليه لراس وصل حداها وكانت بصح هي راسها مكتحركش راسها حس بالقلب ديالو غادي يسكت حط يديه على لباب كيحاول يحلو ولكن مسدود ضار لباب لاخر من حسن الحظ لقاه محلول طلع وخدا وجها بين يديه كيضرب فيه بشوية

عبدالرحمان؛؛( وجها صفر وعينها مقلوبين قربها ليه كيضرب في وجها بشوية وكلامو كيترعد) شيماء عفاك فيقي مالك شنو واقع ليك

شيماء؛؛( حلت عينيها بشوية تگعدت وابتسامة مافرقات شفايفها كتهضر بصوت عيان) ياااربي اش بغيت بغيت غير ديما نبقى نسخف ونحل عيني على حب قلبي 

عبدالرحمان؛؛( كيشوف فيها ويديه على دقنه جابت ليه ضحكة ) درتيها بالعاني ياك 

شيماء؛؛(هزات يديه وحطتها على قلبها وكتهضر بغنج) اقسم بالله ماتلقى بحال هاد لقلب لوكان تجيب گاع لبنات ومايوصلوش لحبي ليك

عبدالرحمان؛؛( بقى غير كيشوف فيها باللهفة و لسانو تسرط بهاد تحلوين ديالها كمل ليه لي دارتو لو لبارح )

شيماء؛؛(نزلات يديه من عليها و حكت جنب ودنيها) ماعمرك شفتي عنيبة بنت هي هده لي قدامك اولدي ( هزات عينها فيه وغمزت ليه) مزيناتك نبغيك لربك 

عبدالرحمان؛؛( عيا حابس ضحكة دابة قداتهوم ليه حط يديه على دقنه بانت ضحكة على شفايفو) ههه واش عندك شي مخ نتي ولا لا

شيماء؛؛(تبسمت حتى تغمضو عينها) وشحال توحشت ضحكتك 

عبدالرحمان؛؛( وعى على راسو حدر راسو و دوز يديه على نيفو حل لباب وهبط) الله يهنيك 

شيماء؛؛( نزلات كتجري ودارت حتى جات قدامو كتبسم) دابة غتخليني تابعاك ونتعنب 

عبدالرحمان؛؛( منزل عينه فيها) اش باغا اشيماء 

شيماء؛؛( هزات يديها حطاتهوم على صدرو كتلعب في سنسلة تاع جاكيط) بغيت واحد سيد يحن فيا شوية راني طبت 

عبدالرحمان؛؛( عض على شنوفتو وعينه كيضورو على ملامحها) حيدي من طريق خليني نمشي اشيماء راسي مصدع عليا 

شيماء؛؛( هزات يديها على وجهو ) احح و شحال زيانيتي العفريت لا ماخديتينش نتسطى انا 

عبدالرحمان؛؛( حابس ضحكة بزز فعلا سالتهوم ليه بقى غير كيشوف 

شيماء؛؛( غمزت ليه ونطقات بشوية) لابغيتي انا نجي نخطبك ابو عوينات 

عبدالرحمان؛؛(طلع حجبانو فيها و دوز يديه على لحيته ) وصلنا تالزواج دابة 

شيماء؛؛( تعلات شوية على صباعها خشات يديها تحت قب وحطاتهم على رقبتو و حطات شفايفها خدو وختمتها ببوسة خفيفة بعدت وعينها على عينه تبسمت) ياااويلي ونشوفك مع وحدة اخرى( هزات يديها ودوزتها على عنقها) نقتلك ونقتلها معاك 

رجعات للوطو طلعات وديمارات وزادت خلاتو حال فمو فيها كيسارات زادت بعدت شوية وخرجات يديها من زاج وشيرت ليه حدر راسو كيضحك من قلبو ياااه على ليام وكيفاش غيرت منها ماينكرش بلي شيماء جديدة ماخلات لبوه عقل سطاتو ماكرهش يشدها بين يديه ويخشيها فيه وقلبو بدا يبرد من جهتها داك لحقد لي كان بدا يتلاشى شوية بشوية 


عبدالرحمان؛ ماكرهش يشدها بين يديه ويخشيها فيه وقلبو بدا يبرد من جهتها داك الحقد لي كان بدا يتلشى شوية بشوية بقى متبع ليها العين وزاد لدارو دخل 

عبدالرحمان؛؛( شاف في يحيي لي كان واقف حدا باب لكوزينة وشاد تلفون رمى ليه باكية تاع اتاي) قواد كنتي عارف كاينة برا 

يحيي؛؛( شدها من عندو كيتبسم ) عزيز عليا ندير لخير واخة سولتك قبيلة ضربتي فيا وزدتي

عبدالرحمان؛؛(مشا جلس وتكى راسو الحيط كيشوف فيه) من نيتك كتهضر از** تالهاد درجة مقودها من كلام 

يحيي؛؛( طلع حاجبو فيه و تبسم) والله كيهرب ليا لكلام مانقدش نجمع لحروف بحالي بحال ناس 

هارون؛؛( خاشي وجهو تحت لمخدة) يلعن حسكم بزوج ماتخليو تاواحد ينعس فهاد لخربة 

عبدالرحمان؛؛( دار عندو بشوية) نوض تگعد ياك قلتي غتمشي 

هارون؛؛( تكعد و جلس وحك على عينه) غاتبغي تسمعني زعمة سيمانة وزيادة ماشافت وجهي 

يحيي؛؛(كيهضر من لكوزينة) غير توكل على الله از*** غتكون بردت شوية

هارون؛؛(ناض كيحك في راسو عينه منفخين) على الله تسمعني مزال فرحتي ماكملت وهي غضبانة عليا 

عبدالرحمان؛؛ كتبقى مك ونتا ولدها غتسامحك غتسامحك لي سمعات ماشي ساهل عليها 

هارون؛؛( غادي اتجاه لحمام) يحيي واجد شي فطور 

يحيي؛؛( تيشحر اتاي ) خدامتك انا الكلب ! 

عبدالرحمان؛ ناض خوا طبلة من قراعي وطفايات مسحها وجاب يحيي صينية وخبز خرج هارون جلسو يفطرو و يتحدتو ويتعايرو كيف ديما سالاو كل لبس عليه 

هارون ؛؛( كان جالس على كرسي و محني على صباطو كيصاييب سيور) يحيي غتمشي معايا 

يحيي؛؛( كان مزال جالس كيتكيف طلع عينه فيه ونطق وفمو يبوخ بدخان) لا غير سير نتا عندي شي شغيل نقديه ونجي 

هارون؛؛( قرب لعبدالرحمان وخبط ليه على كتفو) تهلى اصحبي نتشاوفو من بعد 

عبدالرحمان؛؛( حرك راسو لگارو في فمو ) الله معاك اصحيبي 

يحيي؛؛( عينه تحمرو بالجوانات ليضرب) عنداك تبدا ترعرع غير بالعقل تقول لي قالت نتا هدن 

هارون؛( حرك راسو بلاما ينطق حرف لبس جاكيط و هز سوارت في يديه و خرج 

يحيي؛؛( بقى متبع ليه تاخرج ودار عند عبدالرحمان ونطق) هاد ز**** خفتو غير يتهور على ديك بنت خالو 

عبدالرحمان؛؛( نتر من لكارو هز راسو لفوق وساط وعينه مغمضة) ماتخافش متهور ايه ولكن في وقت صعيب كيحضر عقلو 


هارون لي غير خرج ركب في موطور وزاد نيشان لدارهم وفي بالو هضرة كتير واحتمالات كثيرة وصل قدام دار نزل لقى لباب دار محلول دفعو ودخل لقى صالح جالس كيشرب اتاي 

هارون؛؛( حط سوارت وقرب ليه باس على راسو ) الواليد كولشي مزيان

صالح؛؛( حرك راسو وتبسم) اهلا نحمدو الله اولدي و نتا 

هارون؛؛( جلس جنبو وعينه في الارض) هانا الواليد كيف غنكون مزيان من جهة ومن جهة اخرى مقصح

صالح؛؛( خبط ليه على ركبتو وهز لبراد كيخوي ليه اتاي) كولشي غيكون مزيان 

هارون؛؛( طلع عينه في لكوزينة) واليدة ماكيناش 

صالح؛؛( مد ليه كاس اتاي ) غير في سطح طلعت شي حوايج تنشرهوم 

هارون؛؛( يلا غيهضر وسمع خطاوي نازلين دور راسو بانت ليه مهبطة شبكة ديال تصبين حط كاسو ومشا عندها شدها من يديها وباس على راسها) اري لواليدة

خديجة؛؛( دورت راسها وزادت لمرح جلسات وباين فيها من وجهها هازة من جيهتو 

هارون؛؛( شاف ملامحها وعض على فكو من داخل مشا حط شبكة في لبيت و جا جلس حداهوم وعينه ماقدرتش يهزهوم فيهوم )

صالح؛؛( شاف فيها ونطق) اشنو تاإمتى هادشي اخديجة

هارون؛؛( ناض قبالتها تحنى على ركابيه وشد يديها بزوج باسها ونطق) الواليدة تاشوفة مابغيتش تشوفي فيا ولا شنو 

خديجة؛؛( غير كتشوف ماقدرتش تهضر ولا تقول كلمة) 

هارون؛؛( عينه غرغرو من شوفتها) ميمتي عارف راسي درت هادشي ماشي مزيان ولكن حق الرب ماكان عندي شي حل اخر ولكن شوفتك في ديك الحالة مخلات ليا عقل لحت راسي فيها غير باش تولي بيخير ملي دخلت بغيت نخرج و تلفت على طريق اميمتي سامحيني الله يحن عليك 

خديجة؛؛( دموعها نزلو وعينها مكيشوفوش فيه

هارون؛؛( قلبو ضرو بمنضرها هاكاك حدر راسو ونزلات دمعة على خدو) ياك كتقولي ليا الواليدين ماتيقدروش يحقدو على ولادهم اميمتي امم 
غير سامحيني بغيتيني نخرج نهز صنادق من جديد نهزهوم غير شوفي فيا وماتدوريش عينك عليا 

صالح؛؛ماتقصحيش قلبك اخديجة 

خديجة؛؛( تنهدت خطفات يديها من يديه وناضت من حداه

هارون؛؛( بقى جالس في بلاصتو مدور عينيه عليها وحاضيها حتى شافها دخلات وسدات عليها 

صالح؛؛( ناض ومد يديه لهارون وقفو ) زيد عطيها وقيت الله يرضي عليك 

هارون؛؛( زاد حتى لقدام لباب بيتها مسح على خدو وهضر بصوت مرتفع غالباه لبكية) الواليدة باركة عليا غير دنيا لي عاطياني بضهرها ماتزيدينش حتى نتي 

صالح؛؛(وصل حداه وخبط على كتفو) ماتقولش هاكة اولدي غير مقلقة شوية من تبرد غترجع كيف كانت 

هارون؛؛( دار عندو باس على راسو ويديه وعينه في ارض ) انا مشيت الواليد 

زاد وصل تالباب خشى يديه في جيبه جبد قدر ديال فلوس حطها فوق لبلاكار و خرج وزدح لباب ركب في موطور وزاد بسرعة 

✅ في مكان اخر 

نزل من طاكسي وقف قدام لباب وعينه على تلفون كيتاصل بيها ولكن مشغول شاف تاعيا ودخل مشا جهة استقبال 

يحيي؛؛ختي دكتورة ياقوت 

لبنت؛؛ وي كاينة غتكون غرفة ديالها او في كافي 

يحيي؛؛( حك على حاجبو كيهضر وهو مكيشوفش فيها) فين كاين هاد لبرو تاعها ولا لكافي 

لبنت؛؛لكافي لتحت وبيرو تاعها في طبقة تانية 

يحيي؛ حرك راسو ومشا طالع كل درجة يدير فيها زوج درجات وصل لغرفة دق زوج دقات فتح لباب ومالقاهاش ونزل اتجاه لكافي وصل ليها دور عينه هنا وهنا وبانت ليه جالسة مع شي واحد وفي يديها شي وراق عض على فكو من داخل و زاد لاتجاهها 

يحيي؛؛( وقف عليها بحال صاعقة حط يد هنا ويد هنا على طبلة ونزل راسو ليها ونطق بصوت متقطع) يمكن ناس دايرين تلفون باش يجاوبو لاصونا ليهوم شي حد ماشي يلوحوه 

ياقوت؛؛( كدور عينها فيه بشوية وريقها بصعوبة كيتسرط ليها من نبرة صوتو) ي يحيي

يحيي؛؛( عينه على تاني لي جالس معاها) مال عدو ربك نتا كتشوف فيا جمع وقفة و قود من قدامي 

ياقوت؛؛( ناضت قربت ليه شدت يديه وجراتو خرجو على برا) يحيي راه ما 

يحيي؛؛( دار يديه في جيبو معوج راسو ليها وعينه مكيرمشوش ) داك تلفون لاش ماكتجاوبيش فيه 

ياقوت؛؛( حسات برجفة من عصبيتو) هو ك كنت درتو يتسارجا و و 

يحيي؛؛( دور راسو في ارجاء وعاود شاف فيها) وداك ميخي لي جالسة تكركري معاه اشنو هو

ياقوت؛؛ نن خدام معايا وصافي وكنا كنهضرو على لعملية لي درنا وصافي 

يحيي؛؛( حيد يديه من جيبو وطلعها لخدودها ومسح تحت عينها وخفض صوتو) لعملية هي لي غديري لا باقي شفتك جالسة مع شي قواد 

ياقوت؛؛( خرجات عينها فيه حنيكاتها تحمرو) ش شنو راه غير خدام معايا

يحيي؛؛( مهبط ضهر صباعو من خدودها لعنقها بشوية وعينه في عينها) خدام معاك غتلقايه داخل ماشي في القهوة 

ياقوت؛؛( قلبها غيسكت من لمساتو ) ولكن راه 

يحيي؛؛( دور راسو في ارجاء ونطق) لا مسالية بغيت نهضر معاك 

ياقوت؛؛( عينها كيخرجو منهوم لقلوبة كتزيد تطيح فيه بهاد لحركات) واخة نمشي نلبس عليا ونجي 

يحيي؛؛( كيطلع فيها وينزل) ماغادينش نبعدو لبسي غير جاكيط من لبرد 

ياقوت؛؛( تبسمت ليه ودارت غادية) واخة 

يحيي؛؛( جبد لكارو شعلو و بقى مراقبها كيعبر فيها من لفوق لتحت على راحتو )

✅مكان اخر

واقف بعيد على لبشر متكي على موطور و عينه على لي غادي ولي جاي 
وقدامو غير شوفة تاع ميمتو ليه ماقدرش يتحملها بصح غالط وبزاف گااع ولكن ماكانش ليه حل قلب وحتى واحد ماعقل عليه بقى هكاك مدة حتى جبد كارو شعلو وهو يسمع تلفون كيصوني 

هارون؛؛( جبد تلفون و لمح صورتها تنهد تنهيدة طويلة و فتح لخط بصوت خشن) عمري 

جيهان؛؛( كانت جالسة في بيرو كتشرب قهوتها تبسمت وهضرات بغنج) هارون اش خبارك 

هارون؛؛( تنهد وعبس وجهو) نحمدوه نتي لاباس 

جيهان؛؛(حسات بيه ماشي تالهيه) مالك صوتك ماعاجبنيش اهارون

هارون؛؛( بانت ابتسامة صغيرة) راكي تحسي بيا امم 

جيهان؛؛( تبسمت فورا حنيكاتها تزنكو) لاماحسيتش بيك بيمن نحس انا 

هارون؛؛(حك على لحيته وابتسامة على شفايفو) يخلي ليا لي تيحس بحبيبو

جيهان؛؛( وجهها غيطرطق كتنش بيديها بالصهدة سكتات لسانها تسرط غير كضور في عينها

هارون؛؛( عرفها حشمت نزل راسو لارض كيتبسم لايح لكارو كيعفس عليه برجليه) شنو راكي تحشمي من حبيبك ولا 

جيهان؛؛( قريبة تسخف صدرها كيطلع وينزل بزربة عضات على شنوفتها) لا غير 

هارون؛؛( مقاطعها ) نعشق فعمري 

جيهان؛؛( ناضت لسرجم حلاتو كتحس بداتها سخنت وجهاا غيطرطق ) حتى انا ك

هارون؛؛( مقاطعها تاني بصوت قليل) بعادك عليا يزدني محنة على محنة 

جيهان؛؛( ريقها كيتسرط بصعوبة قلبها يرفرف بكلامو كيخليها تلف) 

هارون؛؛( خشا يديه في جيبو ورجع تكى على لموطور) اش قالو ادكتور 

جيهان؛؛( عاضة على شفايفها وحاطة يديها على حنوكها) ااش راه 

هارون؛؛( وساعت ابتسامتو ) مابقاش بزاف وتولي بين يدي وتطير حشمتك مني 

جيهان؛؛( دارت صبعها في فمها عاضة عليه وعينها يبريو بالفرحة نطقات بشوية) ان شاء الله

هارون؛؛ ( دار تلفون جهة ودنو و مكاليه بكتفو وشعل كارو تاني) كنتي بغيتي تقولي شي حاجة 

جيهان؛؛( قوست حاجبها كتفكر) ماعرفتش 

هارون؛؛( بخ من فمو وتبسم) نسيتي شنو راكي باغية 

جيهان؛؛( ضحكت) ههه تصور بصح نسيت والله 

هارون؛؛( تبسم ابتسامة كبيرة و نطق) ديري بحاسبك ليلة غتقديها معايا

جيهان؛؛( خرجت عينها ونطقات بتعلثم) ش ششنو كيفاش 

هارون؛؛( نتر من كارو هز راسو فوق ونطق بصوت خشن ) خفتي مني ولا 

جيهان؛؛( جاوبات دغيا) لا لا راني تايقة فيك اكتر من راسي 

هارون؛؛( تبسم عض على شنوفتو ) يكفيني كلمة هده بما اني مازال ماعاقد عليك ماغاديش نقرب ليك راحتك وتيقتك تكفيني عمري 

جيهان؛؛( تبسمت وقلبها يضرب بجهد معجبة به وبكلامو) كنبغيك 

هارون؛؛(نتر من كارو مصغر عينيه) هذه بدات تخليني نزيد نعشق في طاسيلتك 

جيهان؛؛( ضحكت )ههه ولينا في لمعيور ولا شنو 

هارون؛؛( تبسم وحك جنب فمو) لعشرة تكوني موجودة مزيانة هده!!

جيهان؛؛ ( نطقات بشوية)مزيانة ولكن في غنمشيو 

هارون؛؛كي نشوف عينيك ننسى همومي راني محتاجك عمري 

جيهان؛؛( عجبها كلامو وفي نفس وقت تقسحت من حسات بيه مخنوق) انا معاك حبيبي ماعرفتش شنو ندير باش نخفف عليك 

هارون؛؛( تنهد و تبسم من كلامها ) نشوفك وقولك اش ديري باش تخففي عليا 

جيهان؛؛( تبسمت وحلات لباب خارجة) يلا حبيبي غنخليك حتى نطلقاو 

هارون؛؛( تگعد من على موطور) الله يسر ليك 

جيهان؛؛ اللهم اميين ونتا رخف على روحك كولشي غيكون مزيان من بعد 

هارون؛؛( حط يديه على موطور كيضرب فيه ضربات بشوية) نعشق فيك امم 

جيهان؛؛( تبسمات وردات شعرها لور) حتى انا راني نعشق فيك هههه 

هارون؛؛( تبسم وقطع اتصال خشا تلفون في جيبو ونطق) غتبقاي تتحمقيني ابنتي 

مكان اخر✅

متكي على لوطو تيكمي و تيلعب بحجرة برجليه هز عينه بانت ليه جاية كتجري لابسة جاكيط و رامية القب على راسها وشعرها مطلوق 

ياقوت؛؛( وقفات قدامو كتنهج) تعطلت عليك 

يحييي؛؛( لاح لكارو و هز يديه بعد شعرها على عينها وعينه كيضورو على ملامحها) كون زدتي تعطلتي شوية كون دخلت على مك تالتما 

ياقوت؛؛( طلعات كتافها وعلات حجبانها) استسمح 

يحيي؛؛؛( نزل يديه وشابكها مع يديها وزاد) نفوتوها هاد لمرة الاله 

ياقوت؛؛( كارزة على يديه كتنطق و عينها في الارض ) يحيي ممكن نقولك حاجة

يحيي؛؛( دار عندها شاف عنقها تيبان طلع ليها سنسلة جاكيط نطق بشوية) خليها تانحيدو من هنا 

ياقوت؛؛( حركت راسها ) واخة ولكن فين غنمشيو ماخصنيش نبعد 

يحيي؛؛( حنى راسو عندها ونطق) مكنبغيش نهضر و ناس غادية جاية عليا 

ياقوت مهضرتش مزال غير غادية تنزل عينها على يديه مرة طلع عينها على ملامحو لي كيحمقوها وكتبسم 

يحيي؛؛( رد ليها لبال كيفاش كتشوف فيه بتاسم ودور راسو ليها غمز ليها ) اش تم 

ياقوت؛؛( هضرات راسها بالحشمة حنيكاتها توردو) 

يحيي؛؛( هز يديه و قرص على نيفها) اجي نريحو فديك لقهوة كتبان ليا خاوية

بالفعل دخلو ليها وشدو طبلة في بلاصة خاوية كيف العادة يحيي في عادتو ماتيحملش لبلاصة لعامرة خداو اش غيشربو 

ياقوت؛؛( وقفات حلات جاكيط و جلست) الله يسمعنا خبار الخير 

يحيي؛؛( متكي لور وتيحك يديه على وجهو وتيشوف فيها بدون ماينطق)

ياقوت؛؛( حسات بارتباك من نضراتو كطلع عينها فيه وتنزلهوم دغيا ) احمم 

يحيي؛؛( بتاسم و عينه كيضورو عليها هبط يديه مقرب ليها) باغي نجي لداركم هاد ليامات 

ياقوت؛؛( حدرات راسها وابتسامة على شفايفها) مرحبا بيك 

يحيي؛؛( عجباتو ردة فعلها تبسم بغى يشد فيها) من طبيعة الحال لا كنتي قابلة عليا 

ياقوت؛؛( هزات عينها فيه دغية معوجة وجهاا وبقات تهضر بلا فرانات تاني) اشنو كيفاش لاكنتي قابلة علاش مانقبلش زعمة ياك داك نهار طلبتيني وجاوبتك ديك ساعة گاع ماعطلتكش راني كنبغيك وبغيت نتزوج بيك ونعيش معاك 

يحيي؛؛( حط يديه على فمو وحاضيها حابس ضحكة) قلت لا تكوني بدلتي رأيك زعمة 

ياقوت؛؛( خبطات على حنكها بشوية) اوييييلي على مالي تسطيت نبدل رأيي 

يحيي؛؛؛( مد يديه شد على يديها وكيضحك) ههه صافي صافي وجدي راسك باش تقوليها لداركم نهار سبت باليل نكونو عندكم 

ياقوت؛؛؛( حلات عينها) اشنو زربتي زعمة ليوم لخميس ومامشيت لصالون و ماعرفت اش نلبس و زيد 

يحيي؛؛( حط كفوف يديها على شفايفو وباسها بوسة خلاتها تضرب طم بلا هواها نطق وعينه في عينها) راني عشقت داخلك قبل مضهرك 


عبدالرحمان لابس غير شورط قصير فوق مالبس والو جالس على كرسي ورامي رجليه على طبلة كيبروم في جوان وطالق اغنية راي و عينه حمرين شعل جوان وتكى راسو على كرسي بخ من فمو ويدندن مع لاغنية وفي بالو غير صورتها يقول باغي ينسى ولكن عشقو ليها مخلاهش توحشها بكل تفاصيلها وهاد يومين سلاتهوم ليه 
هز تلفون قبالت عينه لي محلولين بزز بكترة جوانات لي ضرب كيشوف صورتو هو وياها مبتسمة وكتشوف فيه

عبدالرحمان؛؛( دوز يديه على وجهها ) نقول نسكر باش ننساك نلقى روحي معاك 

حط تلفون ودور راسو لجهة لاخرى حتى اسمع تلفون كيصوني دور عينه فيه شاف نمرة مامقيداش عندو حيد صوت وخلاه يصوني تاقطع وعاود صونا 

عبدالرحمان؛( هزو وجاوب ) اش كاين

شيماء؛؛ عبدالرحمان عتقني عفاك 

عبدالرحمان؛؛( بعد تلفون عليك تأكد من نمرة وعاود ورجعو) اشنو كاين تاني 

شيماء؛؛حل لباب حل ولا غندير ليك شوهة هنا 

عبدالرحمان؛؛( ناض كيرمي خطوات انجاه لباب حلو وبانت ليه واقفة وهازة بوكي ورد احمر و شكلاط و كتبسم) اش كاين مالنا 

شيماء؛؛( مدت ليه لي في يديها ودفعت لباب داخلة) ندخل بعدا 

عبدالرحمان؛؛ كيشوف في داكشي لي في يديه دخل وسد لباب حط داكشي في طبلة) اش هادشي جايبة ولاش جاية اصلا 

شيماء؛؛(كانت كتشوف في دار غير سمعات صوتوو دارت رمات خطوات لعندو قربات ليه حتى وقفت قدامو وحطات يديها على وجهو وغادية منزلاها على صدرو عاري وحبسات) ناس علاش كيجيبو لورد وشكلاط 

عبدالرحمان؛؛( لمستها كانت كفيلة تسكتو و طريقة باش كتهضر كملت ليه نطق بلاما هواه) علاش 

شيماء؛؛( زادت قربت ليه وعينها على عينه زورق وصدرها كيطلع وينزل حطت يديها بزوج على صدرو وتعلات على صباعها و عينها على ندبة زادت قربت وحطات شفايفها عليها تبوس فيها بحنية من فوق لتحت ودموعها نازلين رجعت قدامو حادرة راسها كتنخصص ) راني تعدبت بزاف على فراقك احبيبي حن عليا 


شيماء؛؛( رجعت قدامو حادرة راسها كتنخصص) راني تعدبت بزاف على فراقكا احبيبي حن عليا

عبدالرحمان؛؛( متبع ليها بكل لمسة لمستها فيه وبكل حرف نطقاتو حمقاتو وسطاتو وعجبو لحال بهاد لجرأة لي كتخرج منها فور ماتشوفو مايقدرش يزيد ينكر بلي قدرات تصفي خاطرو من جيهتها قدرات تخلي حقدو يتلاشى شوي شوي بقى غير كيشوف بعينين معسلين شبه مسدودين بدون مايرمش و داير يديه في جيب شورط )

شيماء؛( نزلات راسها و مسحت على خدها كتنخصص ) غتبقى ساكت دابة 

عبدالرحمان؛؛( جر كرسي وريح عليه شعل كارو وتكى مرافقو على ركابيه و طلع عينه فيها ونطق بصوت مدعدع)عارفة اش درتي ولا لا 

شيماء؛؛( مشات جلسات على كرسي قبالتو وشدت من راسها وتنهدت تنهيدة غالباها تنخصيصة) واش قلبك مات لهاد درجة ماقدرش يحن فيا والله حتى ندمت بزاف 

عبدالرحمان؛؛( مزال على وضعو وعينه عليها) بعض لمرات ندم ماكيقديش ليك كتندم ولكن كتلقى فاااات لفوت 

شيماء؛؛( ناضت جلست قدامو على ركابيها ودموعها نازلين) غير قول ليا واش مابقيتش فيك ولا راك مابقيتيش تبغيني عطيني تلميح فقط نعرف راسي من رجليا 

عبدالرحمان؛؛( عينه كيتساراو في ملامحها بحب بخ كارو على وجهها) اش بغيتي نقول

شيماء؛؛( عينها تورمو دغيا ولاو حمرين نشت بيديها على دخان )كح كح عارفة ماشي قليل لي شفتي مني ونستاهل هادشي لي وقع ليا ولكن راني ندمت ندمت بزاف 

عبدالرحمان؛؛(زاد حنى وجهو لوجها كيهضر و دخان يخرج من فمو نطق بصوت خشن) شنو بان ليك نتي 

شيماء؛؛( دوخها كتشوف فيه ببلاهة كتنطق بلاما تحس) بلي راني نبغيك 

عبدالرحمان؛؛(عينه زادو تعسلو وحاضي شفايفها نطق بصوت شبه مسموع ) وشنو اخر 

شيماء؛؛( عينها على ملامحو حرشة كتنطق بشوية) وكنحماق عليك 

عبدالحمان؛؛( عينيه غير على لشفايفها كرزين) وشنو اخر 

شيماء؛؛( زادت شوية قربت بركابيها تخشات وسط رجليه ودموعها نزلو) كنموت فيك 

عبدالرحمان؛؛(مابقاش حاس بروحو اش تيدير نزل يديه لي شاد بيها لگارو حطها على رقبتها وجرها عندو شوية منزل شفايفو لعنقها مغمض عينه يشم ريحتها نطق بشوية ) مزال غادي تشوفي ومع ليام تعرفي 


يحيي؛؛( حط كفوف يديها على شفايفو وباسها بوسة خلاتها تضرب طم بلا هواها نطق وعينه في عينيها) راني عشقت داخلك قبل مضهرك 

ياقوت؛؛( عضت على شفايفها ونزلت عينيها بارتباك وحشمة نطقات بشوية) ولكن خاصني ن 

يحيي؛؛( حاضي ملامحها كيف توردو هز يديه و حطها على دقنها قابل عينيها معاه وتبسم) غير مالقيت كي ندير اما راني نقولك غدا نجي ولعقد سبت 

ياقوت؛؛( خرجت عينها فيه) اشنو مالك على هاد زربة

يحيي؛؛(ضحك وغمز ليها) مزروب بزايد 

ياقوت؛؛( كضور في عينها حكت تحت ودنيها بارتباك) شنو كضحك عليا ياك

يحيي؛؛( ضحك و تكى يديه بزوج على طبلة هز يد على كيدوزها على لحيته وعينه كيتسارو على وجهها بكل اريحية)والله ماراني نضحك ماعنديش مع داك خطبة و عاد لعقد وعااد لعرس لاهوما نجمعوهًم فدقة 

ياقوت؛؛( جاب ليها ضحكة) ولكن راه ضروري من داكشي 

يحيي؛؛( تبسم) عارف غير كنضحك معاك من حقك تفرحي براسك حتى يقبلو بيا داركم بعدا 

ياقوت؛؛( عبست ملامحها مع اخر جملة قال) علاش كتقول هاد لهضرة 

يحيي؛؛( تنهد) ماعرفتش ولكن اي وحدين خاصهوم يعرفو لمن يعطيو بنتهوم وانا كنت مزوج وزيد مزال ماعنديش دار اولا 

ياقوت؛؛( حطت يديها على يديه وتبسمت) علاش مالك نتا اش ناقصك وبالنسبة لدار اسيدي غنكريو حتى نديرو دارنا ماتخممش في هادشي 

يحيي؛؛( تنهد وكرز على يديها) مهم راكي عارفة ماعندي والدين لي عندي هوما والدين هارون هوما لي غيجو معايا خاصك تعاودي لواليديك كولشي وحتى على غالي 

ياقوت؛؛( حطات يديها بزوج على يديه وطبطات عليها ) اكيد غنقولهوم وشوف واخة ماما غتجيك منترة وتقدر تقول شي كلام ولا اسئلة لي تقدر تنرفيك ولكن نتا عفاك تبت 

يحيي؛؛( جر يديها لعندو ونطق) اي ام او اب خاصو يعرف لمن يعطي بنتو من حقها تسول لي بغات وانا مستعد الاله 

ياقوت؛؛( تبسمت وردات شعرها ورا ودنيها) واخة وبابا خلاص راه ضريف ماغنلقاش معاه مشكيل بابا عزيز عليه المعقول 

يحيي؛؛( حرك راسو بالايجاب) داكشي لي دايم من غير معقول ماكاينش، وبالنسبة لخدمة دخلت في شراكة مع عبدالرحمان وهارون في واحد ريسطو 

ياقوت؛؛( تبسمت وكتشوف فيه باعجاب حركت راسها ) واخة يكون خير ان شاء الله ومرحبا بيك مرة اخرى 

يحيي؛؛( بقى كيشوف فيها مدة و قرب لعندها وهضر بشوية) ربي يجمع بينا في الحلال في القريب ان شاء الله 

ياقوت؛؛( حدرات عينها وخدودها غيطرطقو بالحشمة) اميين ياربي 

يحيي؛؛( ناض حط لخلاص ) مشينا 

ياقوت؛؛( ناضت)واخة يلا 

يحيي؛؛( شد يديها خرجو على برا وقفو في لباب سد ليها جاكيط ودار ليها القب كيهضر وعينه عليها) غطي روحك قبل ماتمرضي ونديرو بالناقص 

ياقوت؛؛( ضحكت ) ههه واخة تكون فيا الموت مانفلتكش

يحيي؛؛( تبسم على هبالها طلع يديه لرقبتها وجرها شوية عندو ونزل شفايفو لجبينها وطبع قبلة عليها) هاد لهبال تاعك هو لي مخلى لجد بويا عقل نعشق فديل مك 


عبدالرحمان؛؛( نزل شفايفو لعنقها مغمض عينه ويشم ريحتها نطق بشوية) مزال تشوفي ومع ليام تعرفي 

شيماء؛؛( قلبها غيسكت من قربو ولامن كلامو مافهمتش شنو بغى يقصد بعدت شوية حتى قابلات وجها مع وجهو ونطقات بصوت شبه مسموع) عبدُالرحمان 

عبدالرحمان؛؛ ( عينه حالهوم غير بزز زادو في احمرار وكيشوفو غير في شفايفها ماكرهش يتلاح عليهوم ويقبل شفاه على شفاه ويغرق فيهوم نطق بشوية) عيت نكابر و ماقديتش ننساك ابنت الناس 

شيماء؛؛( بانت ابتسامة خفيفة على شفايفها واش بصح عطاها تلميح كيما قالت ليه ولا غير جاب ليها الله) عطيني فرصة

عبدالرحمان؛؛(ناض مشا جهة سرجم وشعل كارو ويديه كيترعدو خايف يقول اه ويتحطم مرة اخرى وخايف يقول لا ويخسرها في لمرة)

شيماء؛؛( شافت ردة فعلو و حدرات راسها وعينها زادو تورمو ناضت من الارض و دارت عندو قربت ليه ونطقات بصوت رجفة غالباها بزايد) ممكن نطلب منك طلب اخير 

عبدالرحمان؛؛( ضرو قبلو بجهد على صوتها دار عندها وشاف فيها) شنو مزال 

شيماء؛؛( كتهضر و فمها كيزيد يترعد وتنخصيصة قتلتها) م هئ ممكن نعنقك هئ 

عبدالرحمان؛؛( ماقدرش يتحمل كلامها خاطرو تغير وقلبو تهز من منضرها حل يديه بلاما يفكر تلاحت في حضنو بحال بنيتة صغيرة وبقات تبكي بصوت لي ماقدرش يتحمل يسمعو مزال دور يديه بزوج على جسمها صغير وخاشي وجهو في عنقها يشم عبيرها لي سكن فيه) شششت خلاص من لبكى 

شيماء؛؛( بحالا قال ليها زيدي بكي ) هئ هئ كون غير مت داك نهار ولاهاد العداب هئ هئ تعدبت بيما فيه لكفاية اعبدالرحمان 

عبدالرحمان؛؛( كيطبع بوسات خفاف على عنقها ) شتت هاد لهضرة ك والو دابة 

شيماء؛؛( بقات معنقاه خاشية وجهها في صدرو العاري ترفعت من لمساتو هزات عينها فيه ونطقات بشوية) كي شفتي دابة انا جبت شكلاط ولورد واش تتزوج بيا يالمدوخني 

عبدالرحمان؛؛(فلتات ليه ابتسامة من منضرها كانت تبكي صدقات تطلب زواج ) واش عندك شي عقل نتي 

شيماء؛؛( تبسمت تاتغمضو عينها لمورمين) لا دييتيه خليتي ليا شي عقل باش نفكر 

عبدالحمان؛؛( وسع ابتسامتو و مزال محاوطها بيديه هز يد مسح على خدها ) مابقيتيش تتفهمي ليا نتي 

شيماء؛؛( عوجت شنوتفها) حتى انا مابقيتش كنفهمني 

عبدالرحمان؛؛( دور يديه بزوج على خصرها جرها عندو لصقها معاه بقى غير كيشوف فيها شحااال وعينه مركزين على شفايفاها بقى نازل تاوصل لجنب فمها حط شفايفو عليها ونطق وسخونية تخرج منو ) نعيى نحاول نخبي عشقي ليك كي نشوفك نذوب شيوم 


عبدالرحمان؛؛( حط شفايفو جنب فمها نطق وسخونية تخرج منوو ) نعيى نحاول نخبي عشقي ليك كي نشوفك نذوب شيوم 

شيماء؛؛(مغمضة عينها شادة على صدرو لعاري قلبها غيسكت ماعرفتش شنو احساس لي متالكها فديك لحضة دورت وجها بشوية حتى جابت شفايفو على شفايفها فتحات شفايفها شوية حتى كانت شنوفتها تحتية وسط شفايفو يقبلها بكل حب واشتياق غادي بيديه طلعها بشوية من خصرها جابها لرقبتها و زاد جرها عندو مزيان وطاح يبوس فيها على راحتو عاطي كل شفاه حقها نزل بشفايفو لعنقها باسو بوسات خفاف وهز عينه فيها ونطق بشوية) باغا تحمقيني ولا شنو امم

شيماء؛؛( تبسمت وتخشات فيه معنقاه وحاطة راسها على صدرو) مانحماقش بوحدي 

عبدالرحمان؛؛( تبسم وباس على راسها) يلا سيري فحالك 

شيماء؛؛( هزات راسها فيه وضحكت) ماتخافش مني ماندير ليك والو 

عبدالرحمان؛؛( عض على شنوفتو حابس ضحكة بقى غير كيشوف فيها) اشنو زعمة 

شيماء؛؛( غمزت ليه وعضت على فمها) مانقدرش نقرب ليك وحنى مطيحناش لعقد 

عبدالرحمان؛؛( دار يديه على وجهو عيا حابس ضحكة ولكن هده كملات ليه) هههههه لا نتي واقيلة واكلة شي حاجة 

شيماء؛؛( تلاحت عليه عنقاتو وباست على صدرو ) دابة لابغات تجي لموت غير تجي 

عبدالرحمان؛؛( حاوطها بيده وباس على راسها) راكي تلعبي بيا امم 

شيماء؛؛( هزات عينها فيه وتبسمت) من كترة حبي ليك ابو عوينات 

عبدالرحمان؛؛( تبسم و قرص على خدها بشوية) دابة نتي جيتي تخطبي فيا ولا كيفاش 

شيماء؛؛( هزات يديها بزوج كتلعب ليه في صدرو وكتهضر بغنج) جيت نطلب سماحة منك احبيبي وجيت نداوي جروحك لي تسببت فيهوم شيوم جيت نقولك بلي انا ديالك بوحدك ونتا ديالي بوحدي 

عبدالرحمان؛؛( بقى غير كيشوف فيها ببلاهة دوخاتو بكترة هاد تلحوين لي كيدير فيه وزادتها بتلماس في صدرو بديك طريقة خلات يتحركو فيه شي حوايج اخرى نزل يديه بزوج لتحت خصرها وطلعها عندو نزل شفافو لشفايفها و عض على شنوفتها حتى حس بطعم دم ) مال مك علاش كتقلبي نتي 


كانت ساعة 00؛22 واقف حدا باب دارهوم متكي على لوطو لابس كولشي كحل رامي القب على راسو وفي يديه كارو يدخن فيه وعينه كيدورو على ارجاء شوية وقت حتى تحل لباب وبانت ليه جاية لابسة كسوة طويلة دايرا كاب سخون ولابسة سبادري بيضة ودايرا شوية مكياج لي زادها وسامة على وسامة وصلت قدامو 

جيهان؛؛( عاضة على فمها وعوجت وجها) تعطلت ياك 

هارون؛؛( نتر من كارو وعينه عليها من عينها وينزلو لشفايفها رمى لكارو وتگعد من على لوطو حتى جا قدامها نزل راسو لعندها وشد على يديها باس على كف يديها ونطق بشوية) نستاهل هاد زين انا اممم

جيهان؛؛( بقات غير ساكتة حسات بتبوريشة بلمساتو لي كيساليو معاها وبكلامو اكتر )

هارون؛؛( تبسم و بعد عليها حل لباب تاع لوطو طلعات وسد لباب و مشا طلع تاهو و كسيرا شد على يديها باسها) شنو هاد لحلاوة تاني 

جيهان؛؛( حدرات راسها بالحشمة وخدودها غيطرطقو كتلعب بصاكها بارتباك) 

هارون؛؛( حمقاتو بهاد لحشمة لي فيها كيتعمد ديما يحشمها باش يشوفها هاكاك نطق ويديها على فمو ) شوفي فيا عمري 

جيهان؛؛( دورات راسها بشوية شافت فيه ونزلات عينها بزربة حسات بصهدة) 

هارون؛؛(مابغاش يزيد يحرجها صايك مرة يشوف فيها ومرة في طريق مخلات لبوه عقل بقى ساكت حتى وصلو لبحر حبس لوطو ونزل حل ليها لباب وتبسم ونطق) ياكما تخافي نرجعو بحالنا 

جيهان؛؛( تبسمت و حركت راسها بالنفي) لا لا مانخافش وانا معاك 

هارون؛؛( تبسم و مشا كيجبد صاشيات من كوفر جبد تلفون كيضوي بيه) تقدري تهبطي بوحدك 

جيهان؛؛( عوجت فمها) كنخاف نطيح وكملات ضلمة 

هارون؛؛( مد ليها صاشيات شداتهوم وتلفون شداتهوم وتحنى رفعها بين يديه منزلها من بين صخر وحدة وحدة ) خوافة مع راسك 

جيهان؛؛( دورات يد على عنقو ويد مضوية بيها طريق و حاضية ملامحو بحب ) هارون 

هارون؛؛( عض على فمو ونطق) شتتتت ماتقولي والو نصدقك مكركب انا وياك

جيهان؛( ضحكت وباستو على خدو ) ههههه هانا ساكتة

هارون؛؛( نزل من اخر صخرة و نزلها سبقها غيحل لباب وهو يخرج صابر) صحبي كولشي مزيان 

صابر؛؛( حل لباب مزيان) على سلامتك اخويا ماتخافش كولشي هو هداك وحتى ضو راه هو هداك ( شاف في جيهان وحدر راسو ليها) مرات خويا لاباس 

جيهان؛؛( تبسمت ليه) لاباس اخويا ونتا 

صابر؛؛( حط يديه على صدرو حادر راسو ) يحفظك ختي يلا هانا مشيت اخويا ليلة سعيدة 

هارون؛؛( خبط على كتفو) الله يحن عليك ابا صابر 

مشا هو وهارون دخل هو اول و مد يديه شد من عند جيهان صاشيات 

هارون؛؛( منزل عينيه ليها نطق كلمتو وزاد) دخلي ادكتور 

جيهان؛؛( دخلات موراه وكتبسم وحاضياه باعجاب كيفاش كيتعامل وكيفاش كيهضر مشات وقفات حداه ) 

هارون؛؛( حط داكشي فوق طبلة ودار عندها حيد جاكيط و مشا جلس هز عينه فيها وغمز ليها وخبط على بلاصة حداه) اجي اجي ابنتي 

جيهان؛؛( تبسمت حدرت راسها وكتقرب ليه كترعد بغات تجلس جنبو حتى كان اسرع منها جابها قدامو جلسات فوق ركابيه ويديه بزوج على خصرها) 

هارون؛؛( عينه عليها كيتساراو بالهفة هز يديه شد على الكاب وتم منزلو شوية بشوية كيبانو كتيفاتها عريانين حتى حيدو كامل وكيدور عينه عليها قرب شفايفو على صدرها حطهوم عليها وطبع بوسة عليه ونطق بشوية)راكي تمشي في دم جامي نندم على عمري 


هارون؛؛( قرب شفايفو على صدرها حطهوم عليها ونطق بشوية) راكي تمشي في دم جامي نندم على عمري 

جيهان؛؛ ( حاسة بسخفة من لمساتو ليها هزات يديها حطاتهوم على لحيته) هارون 

هارون؛؛( هز عينه فيها وبعد شعر من على عنقها) اش كاين

جيهان؛؛( تبسمت ليه) كنبغيك بزاف 

هارون؛؛( قوس حجبانو فيها) اوااه 

جيهان؛؛( وسعت ابتسامتها كتلعب في لحيته) والله واللله 

هارون؛؛(كيطلع عينه فيها وينزلها على راحتو ويديه كتلعب في شعرها) انا مكنبغيكش غير كنتفلى عليك 

جيهان؛؛( عبست وجها ) دابة اش هاد لهضرة

هارون؛؛( طلع يديه لرقبتها و جرها عندو حاط رااسها على صدرو) هادشي لي كاين مكنبغيكش غير راني نعشق في مك 

جيهان؛؛( يديها على وجهو كتلمس فيه) في خبارك ياقوت و يحيي غيتخطبو 

هارون؛؛( حرك راسو بالايجاب) ايه في خباري سبقنا ولد لدينة 

جيهان؛؛( ضحكت ) حرام عليك اش بغيتي عندهوم

هارون؛؛( تبسم كيتلمس في شعرها ونطق بشوية) مالقيت ليك جهد ابنتي اما كون راكي في داري 

جيهان؛؛( تخشات فيه معنقاه) كولشي غيفوت ان شاء الله ونتزوجو 

هارون؛؛؛( شد يديها باسها من كف) ان شاء الله عمري 

جيهان؛؛(هزات عينه فيه) شنو درتي مع ماماك 

هارون؛؛(قوس حاجبو) ماماك بنت ليك عندي 11لعام ولا 

جيهان؛؛( ضحكت) ههههه علااش اش بغيتي نقول ماماك!!

هارون؛؛( قرص على نيفها) مانقولش ليها هكاك كنقوليها لواليدة ولا لميمة 

جيهان؛(كتعيبو ) مانقولش ليها هكاك 

هارون؛؛( تبسم وتكى راسو على لحيط) مزال هازة من جهتي مابغاتش تهضر معايا 

جيهان؛؛( متكية على صدرو معنقاه) غير صبر عفاك حتى هي ماكانتش ساهلة عليها تسمعها 

هارون؛؛( حك على وجهو وتنهد) هاني صابر نتمنى غير مطولش حيث راني عيييت بزايد والله

جيهان؛؛( كتدوز يديها على دراعو ) زيدك في صبر احبيبي

هارون؛؛؛( كينطق و من نبرة صوتو باين حزن ) من صغري تعلمت صبر شنو هو نزطمها في قلبي على ودتيها مابغيتش نجي دابة ونقودها معاها 

جيهان؛؛( باست على صدرو) حاسة بيك والله و لي داز عليك ماشي ساهل وهي كتبقى واليدة لازم تعطيها وقت غتسامحك ان شاء الله 

هارون؛؛( هز راسو فيها شاد على خصرها ومنزل راسو لعنقها) نتي هي محنة العمر وراني نكابر حتى تكوني حلالي 

جيهان؛؛( عضت على شنوفتها بالارتباك نطقات بصوت مترعد) انا نتسناك حبيبي 

هارون؛؛( هزها بيديه وجلسها جنبو ) جلسي هنا احسن ابنتي 

جيهان؛؛( حدرات راسها حابسة ضحكة) مالك 

هارون؛؛(حيد يديها وتكى راسو على فخادها وكيشوف فيها عاض على شنوفتو) اول مرة يطلع ليا زهر في حياتي 

جيهان؛؛( كتلعب في شعرو مبتسمة) علاش 

هارون؛؛( شد يد حطها على قلبو ) نبغيك 

جيهان؛؛( مبتسمة ووجها تزنك ) حتى انا كنبغيك

هارون؛؛( طلع يديه باسها ونطق بشوية) نعشق فيك 

جيهان؛؛( حطات يديها على وجهها بالحشمة) حشومة عليك باراكة والله راني نحشم 

هارون؛؛( تبسم دوز لسانو على شفايفو وعينه على ملامحها حمقاتو بحشمتها) شوفي فيا ابنتي 

جيهان؛؛( نزلات يديها من على وجها بشوية وشافت فيه وحنيكاتها غيطرطقو) براكة ما تبقى تحشم فيا حشومة عليك 

هارون؛؛( بقى غير كيشوف فيها بدون مايرمش وابتسامة صغيرة على شفايفو نطق بشوية) شوفي فيا شوفي فيا 

جيهان؛؛( زادو حنيكاتها توردو وشفايفها كيترعدو بالحشمة حطت يديها على وجها ) لا راك زدتي فيه 

هارون؛؛(وسع ابتسامتو وحط يديه على رقبتها جرها عندو باس جنب فمها) راه ديك لحشمة لي كتسالي مع ديل مي 

جيهان؛؛( كعدت راسها كضحك) صافي بعد مني الله يرحم باك 

هارون؛؛( شد من شعرها كيشم فيه وعينه مغمضين) مانقدرش نبعد وانا يلا لقيت راحتي مع عمري 

جيهان؛؛( قلبها غيسكت صافي ماقدراتش تحمل) ب بلاتي نوض نوجد ماناكلو 

هارون؛؛( طلع حجبانو فيها ونطق حابس ضحكة ) انا فيا جوع ولكن ماشي تاع ماكلة شي حاجة اخرى 

جيهان؛؛( هزات راسو وناضت ) لا بصح زدتي فيه بزاف 

هارون؛؛( تكعد حط مرافقو على ركابيه وهاز عينه على جسمها مع ديك لكسوة جاتها لاصقة عليها عابرة جسمها عض على شنوفتو ونطق بشوية) لاش لابسة داكشي هاكاك مزير عليك اش بغيتي عندي ابنتي 

جيهان؛؛(كانت عاطياه بضهر مع كمل هضرتو وهي تدور بزربة وصدقات جالسة مربعة يديها وكتشوف فيه) واش نتا حماقيتي ولا كامي شي حاجة 

هارون؛؛( ضحك وحك على لحيته) واااالو من غير واحد جوان قبل مانجيك 

جيهان؛؛( عبست وجها) كتفلى عليا نتا ولا شنو 

هارون؛؛( هز يديه بقيلة حيلة) حق رب ماراني نضحك عليك ولكن ساليتي معايا بداكشي لي لابسة

جيهان؛؛؛(تبسمت وحدرات راسها)اويلي 

هارون؛؛( عينه على فتحة لي لي طالعة تالفخدها) ودوك لفخاد تاهوما لا كيطلو 

جيهان؛؛( كتغطي فيهوم ولحشمة غتاكلها) ناري 

هارون؛؛( جمع حاجبو فيها) كنتي تخرجي بهاد لبس تاع لق**** 

جيهان؛؛( غرقت في حوايجها وبدات تمتم ). ل الا لا اول مرة 

هارون؛؛( ناض وقرب ليها شد على يديها وقفها وجرها عندو ملصقها معاه ويديه كتسارا على جسمها منزل وجهو لتحت ودنها يطبع فيه بوسات خفاف وينطق بشوية ) هاد لبس مانبغيش نشوفو عليك مزال انا بوحدي لي عندي لحق نشوفو عليك 

جيهان؛؛( ترفعات بلماستو وهمساتو لي خلوها تنسى اشنو تدير ولا تنطق حركت راسها بالايجاب بشوية)

هارون؛؛( نزل يديه لتحت فخاضها وتم مطلعها بشوية على جسمها حتى توهات) خلاص راكي كتجهلني بكولشي ليك بلاما تحتاجي تزيني ليا 

جيهان؛؛( دورات يديها بزوج عليه مخشية فيه ) 

هارون؛؛( كيحك وجهو عليها ونيفو مخشي في شعرها مستمتع بريحتو ويديه على ضهرها كتنزل سنسلة تاع لكسوة خشى يديه تحت منها قايس لحمها رطيطب) من غيري انا مايقيسو حد ( نزل شفايفو لعنقها مصو مصيصة صغيرة ونطق نفسو سخونة تضرب فيها) مشتاق نشمك وبروحي نضمك 

جيهان؛؛(كرزات عليه بيديها وعينها تعسلو نطقات برجفة) هارووون 

هارون؛؛( وعى على راسو طلع ليها سنسلة وطبع قبلة على كتفها ودورها بشوية و زدح ضهرها مع صدرو ويديه على كرشها بعد شعرها من على رقبتها وحط شفايفو عليها) اسمحيلي عمري ماقديتش نتحكم في روحي 

جيهان؛؛( مغمضة عينها مستمتعة بهمساتو صدرها يطلع وينزل على جهد)

هارون؛؛( يديه كتسارا على كريشتها وتطلع مع درعانها وشفايفو على كتافها) ريحتك تخليني ماواعيش تحمقيني بكل مافيك 

جيهان؛؛( شدت على يديه ودارت عندو قابلات وجها مع وجهو بدون ماتنطق)

هارون؛؛( يديه على خصرها جرها عندو و عينه تعسلو بزايد ومحكم في راسو بزز خشى وجهو في عنقها تايه في ريحتها نطق بشوية) ماتخافيش عمري 

جيهان؛؛( معنقاه كارزة عليه ) كنبغيك 

هارون؛؛( باس على راسها وبعد عليها مشا هز جاكيط لبسها وجبد كارو ) انا نبدل ساعة باخرى بيما وجدتي داكشي 

جيهان؛؛( حابسة ضحكة عرفاتو تزير) وانا 

هارون؛؛(شاف فيها بعينين معسلين تبسم ودار لكارو في فمو حرك راسو ) كون زدت شوية نصدقو مسبقينها قبل زواج ابنتي 

جيهان؛؛( حدرات راسها بالحشمة عاضة على شفايفها) 

هارون؛؛( لاح القب على راسو وخرج على برا مخليها كتنش على راسها بسخونية لي حسات بيها تلفها حمقها بهاد شهامة وهاد رجولة هادشي لي مخليها تموت عليه مشات هزات داكشي لي جاب قاداتو في طبيسلات وقادات طبلة و جلسات تسناه لي هو بدورو غير حس براسو برد ودخل لقاها جالسة كتبقشش في تلفون مشا ريح حداها وباشرو يتعشاو و يهضرو و مرة مرة يحشمها ويتغزل فيها سالاو لعشاء جمعات كولشي قاداتو وجلسو يتحتو ويهضرو على شلا مواضيع 

جيهان؛؛( شافت ساعة كانت 3 ديال صباح) ايي مشا الحال 

هارون؛؛( كان جالس بكل رجولة متكي و حط يديه على وجهو) بغيتي تنعسي 

جيهان؛؛( كتهضر ونعاس غالبها تكات راسها دراعو ) بغيت نعس عيت 

هارون؛؛( ناض قاد ليها بلاصة وجاب ليها باش تغطى جلس في جنب وخلى ليها بلاصة فين تجبد) يلا نعسي 

جيهان؛؛( بقات كتشوف ) ونتا 

هارون؛؛(عينه غياكلوها) انا مت مرتاح ( خبط على فخدو) اجي 

جيهان؛؛( مكانتش من لعاگزين تبسمت وتكات عليه هز يديه يلعب في شعرها ويحك ليها) تصبح على خير حبيبي 

هارون؛؛( كيدوز يديه على خدودها) تباتي في راحة الله عمري 

بقى شحال متبع ليها لعين وحاضيها كيف ناعسة ومكمشة فيه ماسخاش يغمض عينه من عليها مكرهش تبقى هكاك لعمر كامل بقى هكاك مدة حتى ماوعاش رجع راسو لور ويديه على شعرها غمض عينه وغفى 

صبح الحال على صوت امواج تضرب قريب ليهوم حلات جيهان عويناتها تبسمت لما لا وهي وسط احضان حبيبها تهزت شوية دورت راسها ليه شافتو ناعس معدب بقات كتشوف في ملامحو سوداء ناضت بشوية وقربت ليه كتزيد تقرب و قلبها كيبغي يسكت يلا غتحط شفايفها على شفايفو حتى كان قبطها من مؤخرتها جابها قدامو ويده نزلت لفخدها لي تيبان كولو

هارون؛؛( عينه على عينيها وينزلو لصدرها لي نصو تيبان و يديه كتملس في فخدها بكل حنية قرب شفايفو لشقة صدرها وطبع بوسة عليها ونطق بشوية) اش هاد صباح تاني بغيتي تجهلي ديلمي ولا شنو اممم 


هارون؛؛( نزل شفايفو لشقة صدرها وطبع بوسة عليها ونطق بشوية) اش هاد صباح تاني بغيتي تجهلي ديلمي ولا شنو امم 

جيهان؛؛( خرجات عينها من كلامو بدات كتحاول تنوض و هو كارز عليها) لا ما شي 

هارون؛؛( مزال حاكمها كيهضر حابس ضحكة ) اش بغا بغيتي نديرو شي فشي ونصدقو مخرجين معنا ولدنا ولا بنتا ولا كيفاش

جيهان؛؛؛( خرجات عينها ليه وجها غيطرطق من كلامو) طلق طلق مني خاصني نمشي نخدم تعطلتش وراك عارف خاصني نكون مع ياقوت و 

هارون؛؛؛( تبسم عاض على فمو) شش صافي فهمت فهمت 

طلقها ناضت كتزرب وجها ولا كيف ماطيشة مشات وهو حاضيها ويعبر فيها من فوق لتحت هيجاتو بالمعقول 

هارون؛؛( ناض قرب ليها هز يديها وباسها) يلا لبسي عليك نمشيو نفطرو ونوصلك لدار 

جيهان؛؛( كضور في عينها ماقدرات تشوف فيه) و واخة 

هارون؛؛( ماقدرش يزيد يحرجها اكتر ) يلا وجدي انا جاي 

مكان اخر ✅

جالسين كيفطرو الا وغالي لي معبس ومربع يديه

يحيي؛؛ مالك اغالي 

غالي؛؛ فين خالو ماشفتوش توحشتو 

صالح؛؛ غير عندو شي خدمة اولدي ليوم يجي لعندك 

يحيي؛؛ سير اولدي تلعب نسالي ونخرجو انا وياك 

غالي؛؛ ( ناض راخي يديه) عيييت انا 

يحيي؛؛( بقى متبعو ومتبسم من ردة فعلو دار عندهوم) الواليد الواليدة نتمنى ماتفهموش غلط وتوق

خديجة؛؛( مقاطعاه بحدة) يحيي راك ولدي ماشي غير راجل بنتي وحنا معاك في اي قراار وزيد راني كنت نقولك بلي خاصك تزوج اولا 

صالح؛؛( كيرشف من كاسو) راك في متابة ولدي تربيتي مع هارون ومدرناش فرق بينك وبينو 

يحيي؛؛( باس على راسو ) عارف لهلا يخطيكم عليا 

خديجة؛؛( طبطبات ليه على ركبتو) الله يكمل عليك بالخير اولدي 

يحيي؛؛( حك على حاجبو بالارتباك) اميين الواليدة 

صالح؛؛( خبط على كتفو) الله يرضي عليك اولدي ويكمل كولشي مبارك ومسعود

يحيي؛؛( حرك راسو حشمان يلا غيجاوب وسمع دقان) انا نمشي نحل 

ناض بخطوات تقيلة حل لباب وتبسم 

يحيي؛؛( فتح طريق) زيدي اختي مرحبا 

شيماء؛؛( دخلات كتقلب بعينها) السلام عليكم 

خديجة؛؛( لي غير سمعات صوتها وناضت) شيماء 

شيماء؛؛( قربات ليها عنقتها) خالتي اش خبارك توحشتك 

خديجة؛؛( مبادلها لعناق) حتى انا يابنتي واش هاد لغبرة كاملة 

شيماء؛؛( بعد وباست على راسها) غير في دنيا
(دارت عند صالح وباست على يديه) عمي صالح اش خبارك 

صالح؛؛( تبسم) لاباس ابنتي ونتي اش خبارك 

شيماء؛؛( حركت راسها وتبسمت) لاباس اعمي يسول فيك لخير 

يحيي؛؛( كان واقف حداهوم خاشي يديه في جيبو) الواليدة مهم شيماء جات باش تخرج معاك تاخدو داكشي لي يخص لغدا 

شيماء؛؛غير رتاح انا دابة غنخرج انا وياها نقديو شغلنا حنا شحال عندنا من يحيي 

صالح؛؛( هز لعكاز تاعو ) انا نخرج لمحل نشوف شي جلابة جديدة 

خديجة؛؛( تنهدت) وهارون اولدي 

يحيي؛؛( قرب باس على جبينها) هارون راه خويا غادي يمشي معانا ونتي الله يحفظك كيما هضرنا لبارح رطبي شوية والله راه مقصح 

خديجة؛؛راني ماحاقداش عليه ولكن 

شيماء؛؛( باست على راسها) الله يرحم المرحومة يلاما حني فيه وبداو صفحة جديدة 


داز نهار كل يجري من جهة لعروسة ماخلات فين جرات ولعريس لي ارتباك شادو من صبعو صغير ودراري لوقت كولو وهوما يضحكو عليه خديجة وشيماء تاني ماخلاو ماشراو اشمن گاطو واشمن حلاوة واشمن شكلاط 

وصل نهار معهود كان خارج من بيتو لابس قميجة بيضة وسروال وكيقاد في لكمام وارتباك باين على وجهو وغالي جالس فوق لكرسي مفركس تاهو و كيلعب في روبوت تاعو وخديجة كتقاد في شالها و صالح جالس حدا غالي 

صالح؛؛يلا يهاد لمرا مالك تقيلة فين شيماء 

يحيي؛؛( كيلبس صباط) مشات مع هارون يجيبو شي حاجة 

خديجة؛؛( رمات عليها الكاب) خرج اولدي هادشي لعبدالرحمان خليتو واحل كيقاد داكشي 

يحيي؛؛( هز بلاطو حلوة وخرج ورجع دخل راسو كيهضر من لباب ) يلا الواليدة لاساليتي نتيسرو هارون جا

خرجو تبعوه وسدو لباب 

عبدالرحمان؛؛( قرب لهارون لي متكي على لوطو وشاد تلفون) فين خليتيها شفتك جيتي بوحدك

هارون؛؛( شعل لگارو كينتر منو) قالت غتلبس حوايجها وتبعنا

عبدالرحمان؛؛( هضر منيرفي عروقو برزو) علاش زعمة مغتمشيش معانا 

هارون؛؛( عصر جبهتو) مالك صدعتيلي كر**** راه قريب توصل 

يحيي؛؛( تبسم و غمز ليه) هاهي جات اصحيبي غير بشوية عليك نتا كتقفقف علينا 

عبدالرحمان؛؛( دور عينه ليها كانت رمات رجل نازلة من لوطو حل عينه فيها مابقى كيسمع والو حل فمو فيها شحال واتاها لبس لبلدي جاية في اتجاهوم يد كترد بيها شعرها لور و يد شادة بيها لقفيطين لحريري لي جا لاصق على جسمها جاية اتجاهوم كتمايل وتمختر وابتسامة في شفايفها وعينها عليه عرفت راسها دوخاتو وصلت حداه ضربت فيه وزادت مشات وقفات مع خديجة كتهضر معاها

عبدالرحمان؛؛( دوز يديه على لحيته كيطلع فيها وينزل ببلاهة تكى على لوطو) ترررر ابا تررر 

هارون؛؛( تبسم كينتر من كارو ) اجمع اولدي 

شيماء؛؛( قربت ليهوم شادة في يدين خديجة) ركبو نتوما مع بعض انا غندي معايا عمي صالح ومي خديجة 

يحيي؛؛( شاد في يد غالي) ضرب بكتفو على عبدالرحمان وحرك راسو ) ابنادم زيد نتحركو 

عبدالرحمان؛؛( عينه معسلين على شيماء عاض على شفايفو ) با صالح غادين غادين ماتزيدوش تخطبو ليا تاانا

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.