جا نهار جديد و صباح جديد مليء بالأحداث بالزوينة على أبطالنا .. كانو كلهم مجموعين على طبلة الفطور كيف تعودو مع النظام الجديد هاد المرة تزاد عليهم پاولو قرر يفطر معاهم ..
فريال الوحيدة لي ماكانتش و كلشي لاحظ غيابها من عينين أوس من وقت لي جلس و هو كيشوف فمقعدها الخالي .. مع أنه مكيفطرش كيجلس غير حيت تعود على نظامهم و كيشرب قهوتو و كينسحب لكن هاد المرة بقا جالس كيتسناها فوقاش تنزل ..
پاولو : ( كان مراقبو طول الوقت و كيبتسم عرفو ماراضيش يسول قرر يسول هو فبلاصتو ) بنتي فريال فيناهي ؟! شفتها مابانتش اليوم ..
فيروز : ( ابتسمت ليه و نطقت بلطافة ) فريال طبعها صعيب شوية أ عمي پاولو فاش كتكون مقلقة من شي حاجة كتبقا غير ناعسة عيينا معاها و مابغاتش تفيق ..
فيروز : كيسول على فريال قالك مالها مانزلتش اليوم ..
نورة : ( شافت فأوس بنظرات ديال الله و الحق ) العالم الله اش دار ليها هاد مقوس العينين البارح الى كان قاسها اقسم بالله حتى نقتلو ..
أوس : ( كثرة التوشويش خربق ليها أفكارو و عاد صورة فريال و هي كتبكي لي مكتمشيش ليه من عينيه .. خبط الكاس بجهد ) سكتووونااا ..
پاولو : خليييي عليييك البنااات فراحتهم .. فوقاش غتمشيو فحالكم و تخليوهم على راحتهم ..
كلهم هزو فيه عينيهم فدقة من غير حنان و نورة لي مافاهمين والو من داكشي لي قال .. پاولو هز عينيه كيشوفيهم و نظراتهم غيختارقوه بلا شعور جاتو الضحكة عجبو الحال فاش استفزهم هو راه فاهم كلشي غير من عينيهم ..
هارون : ( خنزر فيه و حدر عينيه بسرعة ) ماغيبقاوش هنا ..
پاولو : ( هز سيغفييت مسح فمو ووقف و مزال الابتسامة على وجهو) يالاه ها انا مشيت خليتكم على خير ..
هارون : ( ابتسم بلا ماتشوفو و وجه كلامو لأوس ) نسيت ماقلتش ليك اليوم غيجيو الأتراك تافقت معاهم الصفقة تكون هنا ..
فرانسيسكو : ( وسع فيه عينيه و خبط الطبلة حتى قفزو البنات ) واااش نتا حمق ولا مالك ؟! كيفاش تتافق معاهم بلا ما تقول لينا حتا حاجة ؟! ..
هارون :( نطق بعصبية مزير على يديه ) البارح رجعت معطل بزاف كيفاش بغيتي نقولها ليك و زايدون داك الأوطيل ماعندك فيه تا حاجة انا لي غنحل الموضوع ..
بنيامين : ( هز فيه عينيه و نطق ببرود ) واش بنا ليك حنا دابا كنطيرو فالتركية كيفاش غتتواصل مع الناس ماكيعرفوش لونجلي ماكيعرفوش الايطالية ؟! ..
هارون : على فيناهو المترجم ديالنا ؟! غنعيطو ليه يجي هنا ..
بنيامين : كتهدر على هداك لي مات واقيلا ؟! اه صافي واخا نعيطو لو من القبر يجي عندنا ..
فيروز : ( حبستها الضحكة و هي ترش العصير على حنان .. خنزرو فيها كلهم و هزت يديها طالبة العفو ) سمحو ليا ههخخ ..
أوس : ( شاف ففرانسيسكو و نطق بصرامة ) قوليهم يقلبو على شي مترجم من هنا لساعة يكون عندي ..
هارون : حنا عايشين فالفضاء من هنا لساعة يكون عندك غيطير ( شاف فالبنات و بقا كيفكر تبسم و نطق بسخرية ) كتهضر فيكم شي وحدة بالتركية ..
نطقو بثلاثة فدقة وحدة : فريال !! ..
بنيامين : ( عقد حجبانو بتساؤل ) فريااال ؟! ..
فيروز : اه فريال كتهدر بيها مزيان تقدر تعاونكم الى بغيتي ..
هارون : (طرطق صباعو و ووقف ) مزييااان !! صافي قولولها توجد راسها على ما يوصلو ..
أوس : ( خبط عليهم الطبلة و نطق مورك على كلامو ) فرانسيسكو قوليهم يحضرو ليا مترجم دابا ( شاف فالبنات و نظراتو لو كانو سهام كانو اخترقوهم ) حتا وحدة ماغتقوليها شي حاجة غطلعو لبيتكم و ماغتبانوش حتى يمشيو ..
وقف و دخل حافر الأرض برجليه و هما غير متبعينو و مافاهمين والو خلعهم ديال بصح .. من نهار جاو البنات و تصرفاتو كيتبدلو شوية بشوية كأنو كينتاقل من السيء للأسوء ..
كان غادي للمكتب و ما حسش على راسو حتى لقا راسو قدام الجناح ديال البنات حل الباب بشوية و دخل بهدوء لقا باب بيتها مبسم دخل و جلس فجنب السرير ديالها زول خصلات من شعرها و دارهم ورا وذنيها ..
هي غير حست بيه حلت عينيها و شافتو و هي تعطيه بالظهر و غمات راسها .. هو فديك اللحظة فاق على راسو ووعى شنو كيدير مافهم والو .. خرج من تما بسرعة و مشا للمكتب ديالو ..
دخلو البنات لقاو فريال مزال ناعسة هزو الكتب و كل وحدة شدات قنت تلاهاو فيهم و عقلهم غايب عند عائلاتهم و شنو غيكونو كيفكرو سيغتو ان نورة كانت عزيزة على كلشي ..
دازو ساعات و فاقت فريال دخلت دوشات و لبست تريكو د الصوف اصفر و سروال جينز ازرق دارت طاقية فراسها بيضة و الكاشكول فنفس اللون لبست مونطو و لي بوط ديالها نواغ ..
هبطت لتحت كتسمع الهدرة بالتركية ماقشعها حتى واحد و هي خارجة ..
دخلت للجليسة لي فالجردة بان ليها پاولو جالس بوحدو ابتسمت و توجهت لعندو هو غير شافها وقف عنقها عاد جلسو ..
فريال : ( خشات يديها فجيبها و هزت راسها بايجاب ) اه الصراحة هاد الأيام كنفكر بزاف ماعرفتش شنو غندير .. واش حياتنا غتبقى ديما هاكا مصيرنا غيبقى مرتبط بهاد المعلومات لي عارفين غنبقاو محبوسين هنا ..
پاولو : ( عقد فيها حجبانو و نطق بتساؤل ) ماغنكونش متطفل الى سولتك كيفاش جيتو لهنا ..
فريال : ( زفرت زفرة طويلة حاملة فكياتها بزاف الحكايا ) ماعرفتش منين نبدا ليك .. انا و حنان جينا هنا باش نكملو قرايتنا و نخدمو ..
پاولو : ( حرك صبعو لي كيرجف يمين و شمال ) حنان شكون هي فيهم ؟! البنت ذات الشعر الكستنائي ..
فريال : ( ابتسمت و هزت راسها بايماء بمعنى اه ) هي هاديك بنت خالتي و فيروز البنت لي عينيها خوضر ختي ..
پاولو : كاينين زوج انا وحدة فيهم ؟! الطايشة و لا المهدنة ..
فريال : هههه الطايشة أعمو پاولو .. هي لي عاوناتنا باش جينا حنا ماكنا عارفين والو فاش وصلنا كنكتاشفو ان بنيامين لي قاد لينا كلشي و فاش اكتشف انها حاملة قتلو و جابنا لهنا و بنت خالتي لخرى خطفوها من المغرب حيت هضرت معاها فتيليفون ..
فريال : ماعرفتش شنو غندير ا عمي پاولو انا مابغيتش نضيع حياتي و انا محبوسة هنا ماقريتش باش تسالي قصتي هنا انا عاد بغيت نكتبها ..
پاولو : قصتك ماسالاتش قصتك عاد غتبدى ابنتي .. سمعيني مزيان هاد الهدرة مابغيت حتا واحد يعرفها ماشي حيت خايف انا ابنتي كبرت مابقا ليا قد ما فات و لكن لمصلحتك خليها عندك ..
فريال : استغفر الله .. الله يطول فعمرك ..
پاولو : أوس و بنيامين و هارون و حتا فرانسيسكو ماتخافيش منهم ابنتي راهم ولاد مزيانين واخا خطيرين ولكن مايآذيوكمش لي خاصك تخافي منو هو الكاپو ..
فريال : ( حركت راسها بفضول ) شنو هو الكاپو ؟! ..
پاولو : ( ابتسم و شد يديها بحنان مستعد انه يشرح ليها ) أولا كلمة مافيا واش عرفتي منين جات ؟! ( حركت ليه راسها بلا ) كلمة مافيا كيرجع تاريخها للقرن الثالث عشر مع الغزو الفرنسي لأراضي صقلية عام 1282م تكونت فهاد الجزيرة منظمة سرية لمكافحة الغزاة الفرنسيين كان شعارها :MORTE ALLA FRANCIA ITALIA ANELA (موت الفرنسيين هو صرخة إيطاليا) منها جات كلمة (مافيا MAFIA) أول أحرف من كلمات الشعار ..
فريال : ( تحمست باش تسمع أكثر و ركزت معاه ) و شنو سميت هاد المافيا لي خدامين معاها هادو ؟! ..
پاولو : هههه ماخدامينش معاها المافيا كيعتابرو راسهم عائلة و أغلبهم كيكون فعلا مرتبطين ببعضهم سواء زواج او بالقرابة اولا الصداقة الوثيقة ولا شيء من هاد القبيل .. هاد المافيا سميتها " Maestri oscuri "(أسياد الظلام ) لحد الآن قدرو يواجهو گاع العقبات لي وقفت فطريقهم حيت هاد 4 لي كتشوفي هما الرؤوس المدبرة ..
فريال : ( سرطت ريقها و حست بشعر جسمها وقف ) كيفاش زعما واش هادو هما الرؤساء ديالها ..
پاولو : لا ولكن يمكن ليك تقولي بحال هكاك .. المافيا كيكون عندها واحد التسلسل هرمي يعني من الفوق و نتي هابطة الكاپو هو الرئيس هو رأس السلطة و لي بيدو كلشي شفتو زوج مرات فحياتي و كانو كافيين باش نعرفو ..
فريال : واش شي حاجة أكفس من هادو ؟! ..
پاولو : ماكنظنش ان هادشي غيوقع ولكن كنتمنى كنتمنى ماتعرفيهش بالمرة .. (شرب من كاسو شوية و رجع كمل ليها ) الكاپو كيكون عندو زوج مستشارين كيختارهم هو ..
پاولو : لا بنيامين و خوه !! الكاپو ماكيشارك فحتى عملية كيكون بعيد على كلشي غير كيصدر الحكم و كيتلقى الأرباح أما بنيامين و هارون فخدمتهم انهم يعطيوه النصائح و يدخلو فالحالات الطارئة و يهتمو بالجانب الاقتصادي يعني الشركة و لي زوطيل و الاعمال كلهم عليهم و ماعندهمش الحق يتدخلو فحتى قرار ..
فريال : ( زادت لمعلوماتها ان بنيامين و هارون اخوة ) يعني حتا واحد ماعارف انهم مافيا ..
پاولو : مستحيل يعرفو لأن المافيا الايطالية عامة كيكونو منظمين بزااااف و عندهم قواعد من أهمها " الصمت " مستحيل ينطق شي واحد بشي معلومة و لو كان واقف عند حبل المشنقة و قليل فين كتلقاي شي خائن يقدر يبيع بيهم ..
فريال : أوس و فرانسيسكو شنو محلهم من الاعراب ؟! ..
پاولو : أوس هو مساعد الرئيس يعني هو المسؤول عليهم كاملين و الى مات الكاپو هو لي كيترأس فبلاصتو و فرانسيسكو هو الكابتن المسؤول على رؤساء العصابات و التسلسل الهرمي كل ما نزل زاد كبر فهمتي ؟! ..
فريال : ( هزت راسها بايجاب و زفرت انفاسها النارية من شدة ثقل الكلام لي سمعاتو ) احم فهمت فهمت ..
پاولو : الكاپو ابنتي شخص خطيير بزاف و حمق الى بغيتي تفلتي منو خاصك ديري الثقة فدراري و حتا هما خاص يثيقو فيك ..
فريال : كيفاش غنتيق فيهم و هما لي جابونا لهنا ؟! حتا هما بحالو ..
پاولو : الغلط لي دارت اختك هي حملات هو مانع شي حد يدير خلف قبل منو يعني تولد تموت و الهدرة دغيا توصلو كون ما قتلوش كنتو غتموتو كاملين و هو معاكم هو بهادشي لي دار نقذ حياتكم ..
فريال : هما مغاربة بحالنا مافهمتش كيفاش دخلو لهادشي ..
پاولو : الظروف ابنتي هي لي خلاتهم يدخلو لهادشي .. بنيامين ولد غير شرعي باه كان عايش هنا فاش تزاد مو ايطالية خلاتو لباه و تحولت لمدينة اخرى ماعرفهاش فين مشات مع الوقت سمعو بلي كان عندها سرطان و ماتت و داه باه للمغرب رباتو جداه و فاش قرا و كبر جا هنا ..
هارون ولد المرا الثانية عندو ختو اصغر منو يمكن كان دائما كيغير من خوه على المعاملة لي كيعاملوه ماكانوش كيتفاهمو مزيان كانو فقراء بزاف ديما المشاكل و الصداع و مو ماقنوعاش بزاف ماكتحمدش الله ديما باغا اكثر حتا جا هنا عند بنيامين بعد ما عانى بزاف باش يقنعو و بشوية بشوية تحسنت علاقتهم ..
فرانسيسكو ولد يتيم الاب مات وهو صغير مو تغتاصبت و تقتلت قدامو على يد واحد من العصابات الروسية و اقسم انو يلقاه و يقتلو مشا مع عمو لكولومبيا و تعلم بزاف الحوايج الخايبين فاش جا هنا دخلوه شي صحابو للمافيا كان رئيس عصابة صغيرة و بذكائو قدر يترقى و يولي الكابتن ديال رؤساء العصابات الكبيرة هو المفضل عند الكاپو من بعد أوس بزوج بيهم ماهرين ..
فريال : ( كانت كتسناه غير فوقاش يوصل لأوس وجاها طول فسكوتو ) و أوس ؟! ..
پاولو : ههه أوس حكايتو مختالفة .. أوس حل عينيه فالميتم كان باقي صغير بزاف فعمرو أيام قليلة حتى واحد ماعارف شكون والديه قالو بلي خلاوه قدام الباب بلا حتا ورقة و لا معلومة كتثبت هويتو كيعاود انه تكرفص بزاف فداك الميتم و مع ذلك صبر بزااف و قرى مزيان فاش وصل لعمر 18 جراو عليه بسباب شي مدابزة و خرج للزنقة خدم و دمر و اظطر انه يبات فالزنقة شي ايام ولكن مايأسش كمل ..
داك الوقت كان ساهل انه يسافر ولكن الپاس كان صعيب باش يديرو ترجى الناس و تحدى جميع الصعاب و دارو وسافر لتركيا و داز على بلغاريا و صربيا و بوسنا و كرواتيا و سلوفينيا عاد وصل لطاليان .. شهور طويلة ديال البرد و الثلج و الجوع داز ببزاف المحن باش وصل و لكن تشد فالحدود و تما فين عرف الكاپو ..
فريال : ( تحجرو عينيها بالدموع حبساتهم غير بزز و نطقت بصوت فيه بحة غريبة ) شنو وقع ؟! ..
پاولو : شي ولاد تشدو معاه كانو رجال الكاپو فداك الوقت كان أوس عندو شي 20 عام و الكاپو كانت مزال عندو غير عصابة هربوهم كاملين و اضطر أوس يبقى معاهم فالاول ماشكوش فيه ولكن فاش خدم الذكاء ديالو اكثر من اللازم الكاپو قدر يميزو و باش مايعاقبوش على داكشي لي دار شرط عليه يبقى معاهم و عاونو باش كمل قرايتو و بفضلو هاد المافيا قدرات تكبر و توسعات فبزاف المناطق فالعالم كامل ..
فريال : و كيفاش دخل هارون و بنيامين ؟! ..
پاولو : بنيامين كان كيقرى مع أوس فنفس الجامعة تصاحبو و هما كانو محتاجين لشي واحد بحال بنيامين ماعندوش نقط ضعف ذكي و مثقف و شخصيتو قوية و حتا هو ماترددش يدخل كان باغي يبدل حياتو و يدير حد لديك العيشة لي عايشاها عائلتو و المشاكل لي ماكيتسالاوش و هارون ماشي بزاف باش انضم شي 4 سنين بحال هاكاك حيت عرف بزاف المعلومات و كون مادخلش "للعائلة" كان غيموت على يد خوه اي واحد فبلاصتو غيختار نفس الخيار و هو ممنون منو دابا ماندمش عليه (ابتسم بلطف) هارون هو الشخص البشوش فيهم غير تولفوه غيولي عزيز عليكم ..
فريال : ( حطت كفها على خدها و شافت فيه بفضول ) عمي پاولو نتا كيفاش عرفتي هادشي كامل ؟! ..
پاولو ( مسح على شعرها و ضحك ) انا أ بنتي هو علبة أسرارهم لي عندو شي هم كان كيجي يعاودو ليا .. الحاجة الوحيدة لي عمري سمعتها منهم هي الحب ..
فريال : ( ضحكت و نطقت بسخرية ) هههه بقا ليهم غير الحب .. (وقفت على استعداد باش تمشي ) شكرا بزاف على هادشي لي قلتي ليا على الأقل ماغنبقاش نفكر كيف كنت كنواعدك ماغنقول هادشي لحتا واحد ( طبعت قبلة على خدو ) شكرا ..
پاولو : ما تنسايش حتى نتي غاتعاودي ليا ..
تبسمت ليه و كملت طريقها خاشية يديها فجيوبها و منزعجة من الريح الباردة لي كتصفع فخذوذها حدرت راسها سهات فالأرض و هي كتفكر فهادشي لي قال ليها پاولو حتا خرج فيها شي حد علات فيه عينيها كان شخص أنيق لابس كوستيم زوين حروفو كحلين و ملامحو كيشبهو للأتراك و زادت تأكد فاش لمحت حجبانو مقادين ..
هو : [ Pardon !! sizi fark edemedim ] ( عفوا ! ماشفتكش ) ..
فريال : (ابتسمت ليه و حركت راسها بلا ) [ Hayır, sorun yok önemli değil ] (لا ماكاين مشكل ، ماشي مهم ) ..
هو : [ Türkiyeden geliyormusun ] ( واش نتي من تركيا ؟! ) ..
فريال : [ Hayır, ben Fas'ım, ama Türkçeyi çok iyi tanıyorum ] ( لا انا مغربية ولكن كنفهم التركية مزيان ) ..
هو : [ ?! Çok Güzel , adın ne senin ] (مزيان بزاف ، شنو سميتك ؟! ) ..
فريال : [ ?! ben feryal .. sen ] ( انا فريال و انت ؟! ] ..
هو : [ bende balkan , memnun oldum ] ( انا بالكان تشرفت بمعرفتك ) ..
فريال : [ bende memnun oldum ] ( حتا انا ) ..
فهاد الأثناء كانو خارجين باقي الفريق مرافقهم بنيامين و أوس لي كانو عينيه على تيلي مع الهزة لي هزهم بانت ليه واقفة مع الشخص لي خرج قبل و كضحك معاه فديك اللحظة ماعرفش علاش جاه واحد الشعور غريب بحال الى شي حاجة الداخل ديالو تقبطت عليه زير على يديه و مشا قاصدهم ..
فريال : ( غير شافتو جاي بدات تشهد ماحستش على راسها حتا عطات رجليها للريح و عفطت .. حتا حست براسها مهزوزة فالسما ) نزلنيييييي نزلنييي للارض ..
أوس : ( نزلها و هي تعاود تهرب و مشات عند پاولو تخبات وراه ) اجي لهنا !! بلاما تخليني نعاودها زوج مرات ..
فريال : ( خبات راسها ورا پاولو و نطقت بصوت متلعثم ) بعد منيي ..
پاولو : هي من دون گاع البنات مانع عليها الراحة شنو دارت ليك ..
أوس : كانت كتهضر مع واحد من الأتراك و انا قلت مايخرجوش ..
پاولو : فنظرك فريال بنت غبية لدرجة تقول شي حاجة و هي عارفة شنو يقدر يوقع ليها ؟! .. أوس واش وليتي كتخبي عليا ..
أوس : (وقف متهرب من الموضوع ) انا ماعندي ما نخبي عليك راك غير كتتوهم ..
پاولو : ماتنساش إيزابيل أ أوس بعد من البنت ..
أوس وقف شحال و هاد الجملة كتكرر فمسامعو .. كمل طريقو باش يدخل و تراجع قرر يجلس على برا حتا يرتب أفكارو جبد گارو شعلو و حطو كيسحب و يسوط مشكل غيمات من الدخان التهى بمشاهدتها ..
فريال خرجت للبالكو بان ليها جالس و كيخمم جا فبالها داكشي لي عاود ليها پاولو و بدات كترسم دوك الأحداث كصورة فمخيلتها .. تشجعت و نزلت لقات القهوة ديجا واجدة كباتها فزوج أكواب و لوات عليها شال لقاتو معلق تما من الفوق و خرجت ..
تقدمت بخطوات بطيئة تجاهو و دقات قلبها كيتسارعو كعقارب الساعة جلست حداه بهدوء و مدت ليه الكاس هو ماهزش فيها راسو عرفها غير من ريحتها شدو من عندها و بقا ساكت و هي الاخرى نفس الشيء دازو دقائق كثيرة و هما على نفس الحال حتى قرر يبدا هو ..
أوس : غنبقاو ساكتين بحال هاكا ؟! ..
فريال : ( هزت راسها بايجاب ) هاكا أحسن ..
أوس : ( سكت شوية و رجع دار عندها بخفة ) واش كتخافي مني ؟! ..
فريال : (هاد الكلمات صعقوها جاها كأن شخص آخر لي جالس حداه خصوصا ديك البحة كانت مختلفة على صوتو لي كيركب فيها الرعب .. دارت شافت فيه باش تتأكد و حركت راسها بلا ) لا .. لا فالصراحة شوية ..
أوس : علاش جيتو هنا ؟! ..
فريال : جينا باش نقراو ...
أوس : ( قاطعها قبل ما تكمل ) عارف ..
فريال : كيفاش ؟! شنو عارف ؟! ..
أوس : عارف كلشي عليك !! عليكم ..
فريال : ( بقات على نفس موضعها مندهشة و كتهز راسها بالعرض البطيء) أاا اوكي ايوا صافي راك كتعرف كلشي ..
أوس : ماجاوبتيش على سؤالي ؟! ..
فريال : ماعرفتش شنو بغيتي نجاوبك را قلت ليك جيت باش نكمل قرايتي و نخدم ..
أوس : ( شاف فالسجارة ديالو و كمل كيكمي فيها ) شي نهار غنقول ليك علاش ..
فريال : ( علات شنوفتها الفوقانية و نطقت بعدم فهم ) علاه انا بسلامة غنبقى نشوفك مزال ..
أوس : (شاف فيها بنظرات سكرانة و زاد قرب حداها حتا حس بيها توترت و ابتسم ) اه ..
فريال : ( حست بشعور غريب فاش ابتسم كانت أول مرة ليه قلبها كون لقا كيفاش يخرج كون دارها .. هربت منو عينيها و بقات ساكتة ) الصمت ..
أوس : ( وقف و دار نص دورة علا حاجبو فيها و رجع لطبيعتو عاود ) ماديريش ماتخافيش ..
خلاها و زاد بقات غير حالة فمها و كتستوعب شنو وقع دابا للتو مافهمت والو .. هزات راسها و دخلت عند البنات لقاتهم جالسين فالصالة مضاربين على التيليكوموند و هارون مقابلهم بملل ..
فريال : (دخلت عندهم و نطقت بتساؤل ) شنو واقع مالكم ؟! ..
فريال : (قربت و خطفت ليهم الكوموند .. دخلت و اختارت ليهم فلم ) تفرجو فجومانجي [jumanji : Welcome to the jungle ] زوين غيعجبكم ..
حنان : ( علات فيها عينيها ) و نتي مغتفرجيش ؟! ..
قبل ما تجاوب قاطعها دخول مفاجئ لفرانسيسكو و معاه بنت يمكن صاحبتو هادشي لي اعتقدو هما كانت طويلة و رقيقة بزاف فحال شي مانكان لابسة جيپ قصيرة و بودي ميني ڤونتخ كلو عريان من الصدر و فوقو مونطو وجهها كلو بوتوكس و صابغة شعرها زعر مايل للبيوضة ..
فريال : ( كملت كلامها و عينيها عليها ) كنت غادة و مابقيتش ..
إيما : ( دخلت جلست قبالهم و قلزت ليهم بصباعها ) هاي گيرلز ..
البنات : ( عيبو طريقة نطقها للهضرة و قالوها فنفس الوقت) هاااي ..
فيروز : ايييه و حگا ما حگا المغربيات مسخات ( سكتت شوية و قالت مافيها باس تزيد فيخرات ) قالت ليه هاديك لي عينيها كبار و خوضر كتشوف فيك بزاف غدي نرتكب فيها شي جريمة هههه ..
نورة : ( شافت فيها مدهوشة و حطت صبعها على صدرها ) انا ؟! ..
فيروز : ايبه نتي كاينة شي وحدة من غيرك قالت ليه القحبة كطلوط عليك عاين باين ..
نورة : (غير سمعت هاد الهدرة احيدوز ولاو كيشطحو فوق راسها .. ناضت قصداتها بلا كلمة بلا زوج جمعاتها معاها بصلية و هي تسخف فالبلاصة .. ) هادي مالها ؟! قالت ليك ترتكب فيا جريمة ايواااا لي ضربتو يدو ما يبكيش ..
فرانسيسكو : ( شاف فهارون ببرود و نطق ) الى فاقت قوليها راه خرج قول للشوفور يوصلها انا غنطلع نعس ( وقف و لأول مرة غيشوف فنورة رمقها بنظرات عاديين و مشا فحالو ) ..
رجعو تجمعو و بداو الفيلم فريال واخا مفرجة فيه بقات جالسة عاوداتو معاهم كيعجبها سيغتو ديك اللقطة لي غتكون بيثاني كتعلم مارثا كيفاش تحلون على الرجال كلهم ماتو بالضحك ..
أوس كان هابط سمع الضحك و قرب حدا الصالون عقد يديه عند صدرو و تكا كتفو على الحيط بقا كيشوف فيهم كيفاش مجمعين و كيتفرجو عجبو الحال هو براسو ماعرفش علاش حس بيهم بحال العائلة ملي كيتجمعو و تفاصيل فريال لي كانت كتموت بالضحك و عينيها كيتغمضو و كيدمعو كأن كل واحد فيهم نسا شكون هو و شنو كدير تما عايشين اللحظة و صافي ..
جا من وراه بنيامين و بانت ليه اللقطة لي كيشلقمو فيها مارثا و سپينسر بديك الطريقة المقرفة وسع عينيه ففيروز لي مخرجة عينيها فالتلفازة هي و هارون من غير البنات لي حدرو راسهم .. فريال وقفت بغات تمشي فحالها و هي تصدم فاش لقاتهم واقفين ..
بنيامين : ( صرخ بصوت زعزع كل لي تحت داك السقف ) القحااااااب نوضو تهزو عليا من هنا لي عندو شي بيت يطلع ليه ..
هارون : ( شاف البنات تفرتكو و رجع شاف فيه ) اش وااقع خلينا كنتفرجو ..
بنيامين : (دار ليه اشارة بصبعو ) نتا تفرج .. ( و حبس فيروز بيديه قبل ما تزهق ) نتيي طلعي لبيتي ..
نورة : ( رجعت حداه و شدتها من يديها ) كيفاش لبيتك ؟! لاااا زيدي قدامي نتي تحركي ..
فيروز : ( جاتها من الجنة و الناس نترت يديها منو مشات كتجري ) بغل كيف داير ..
بنيامين : ( شد نورة من يديها و زير عليها ) نتي لي غتقولي ليا اش غندير ؟! ..
فيروز : (وخا كان شوية الخوف فعينيها تشجعت و نطقت موركة على كلامها ) انا نتا ماكتهمنيش بالمرة و لكن ملي كيوصل الموضوع لخواتاتي اه انا لي غنقول ليك شنو غدير .. نسيتي شنو السباب فأننا محبوسين هنا ؟! ( سكتت لبرهة ) الى نسيتي انا نفكرك نتا السباب حيت تفليتي عليها خليتيها ثيق فيك و فاش حملت قتلتيه انا مابغيتوش يموت والله شاهد حيت عارفة مزيان ان فيروز واخا تسمح فيها غديرو فعينيها و تربيه ولكن كون كانت وحدة اخرى فين غيسالي بيه المطاف حدا طارو د الزبل ..
بنيامين : ( زاد زير عليه و عينيه ولاو نقطة دم حمراء ) سكتييي !! ..
نورة : ( واخا كتحس بيديها غتقسم دارت ليه ابتسامة جانبية ) علاش غنسكت استصعبتيها ولا شنو ؟! هادي هي الحقيقة أغلاطكم ماشي نتوما لي كدفعو ثمنها كيدفعها طفل صغير ماعندو حتا ذنب من غير ان والديه ...
أوس : ( سرط ريقو و قاطع كلامها قبل ما تكمل ) طلق منها !! ..
بنيامين شاف فيه و طلق منها طلعت .. عم الصمت لفترة قصيرة كانو كيشوفو فبعضياتهم و هضرتها كتعاود فدماغهم .. دخل أوس حدا هارون و تبعو بنيامين جلس قبالتهم ..
أوس : كيفاش قدرتي تقتلو ؟! ..
بنيامين : ( حس بغصة كتمشي و تجي فحلقو و نطق بصوت مبحوح ) شنو بغيتي ندير نخليه يقتلها ..
هارون : كنا نقدرو نقنعوه بشي حاجة فالنهاية راه حنا لي خدامين عندو حنا لي مسيرين لو كلشي الى قررنا شي نهار نخالفو القانون على شي حاجة يدير عين ميكة ..
بنيامين : ( هز يديه و حرك راسو بنفاذ صبر ) اااه اااه كنبغيها و كنكره راسي فاش كنعترف بهادشي .. ماكنتش عارف انني غنوصل لهادشي مكانش يحساب لي شي نهار غنبغي شي وحدة و غيولي عندي ولد مضربتش حساب لهادشي !! ..
هارون : انا دوزت بزاااف البنات و حبست بزاف و قتلت بزاف و عرفت أنواعهم وليت كنقراهم من وجوههم و نفرتهم كاملين و لكن عمري ضرني خاطري على شي وحدة ، عمري ما حدرت عيني على شي وحدة ، عمري ما خفت نقيسها و تتوسخ حتا شفت هادو مايستاهلوش بنات الناس ..
هارون : والو كنا كنهدرو على المنتجع لي فالمغرب خاصنا نزوروه شي مرة ..
فرانسيسكو : ( شاف فبنيامين و فهم الموضوع هز راسو بتفهم بحال الى تيق ) اه خاصنا نزوروه شي نهار (جمع الوقفة بغا يخليهم بوحدهم ) انا غنمشي نجري شي ساعة و نرجع ..
الفوق كانو البنات جالسين حتا دخلت عليهم نورة مقزاهم شافت فيهم بنظرات جدية خلعاتهم و خرجت يديها من تحت تريكو جبدت سلاح كلهم شهقو و ناضو من بلايصهم خايفين ..
نورة : سمعوني مزييااان هاد التقفقيف ديالكم خليوه من بعد خدمو معايا عقلكم ..
نورة : سكتيي نتي القحبة ماتدويييش و مانسمعش حسك ( وجهت كلامها لحنان و فريال ) وحدة فيكم غتهبط لحمام لي كاين لتحت گاع كاين تما شرجم صغير غطلع و غتضرب بالقرطاس فالسما و غتفزع السلاح بعيد على السرجم و غطلع بزربة لهنا ..
نورة : ( ابتسمت ليها و حطاتو فيديها ) عنداك ضربي راسك و لا شي حاجة ديري بحال داكشي لي كنشوفو فالتلفازة و جربي واش غتطلق على الله ..
فريال : ( بغات تمشي و هي تحبسها نورة ) شنو !! ..
نورة : فين غادة ؟! بلاتي !! باقي ماكملتش .. انا غنهبط بلا ما يشوفوني غنتخبا ورا الباب ديال الجردة لي القدام قلبت دابا لقيت واحد صغير ( دارت إشارة لحنان و فيروز ) نتي و نتي غتهبطو لتحت قبل ما تمشي فريال غتمثلو بحال الى ماكاين والو و الى سولوكم علينا انا كنقرا و فريال كتدوش ..
حنان : نتي اش غديري ؟! ..
نورة : (نطقتها بجدية و توتر فنفس الوقت ) انا غنهرب !! غنمشي نجيب البوليس و لا شي واحد يعتقكم ..
فريال : ( ضرها خاطرها و قربت ببطىء كتشوف فيها و عينيها كيقولو بزاف الحوايج ) الى جاو البوليس غيشدوهم ؟! ..
نورة : و ايلا شدوهم حنا داكشي لي باغين واش هادا سؤال ؟! .. ( شافت فحنان و فيروز ) يالاه نتوما سيرو و فريال غتبعكم مباشرة ..
هزو ليها راسهم كاملين و خرجو و هما غيسخفو بالخلعة كيتسارعو بخطواتهم و يديهم كيغزلو .. فريال من قوة الخلعة شدها مغص فكرشها و نورة غير كتقرى فالقرآن و كتطلب ربي يعاونها أما حنان فمكتعرفش تمثل إطلاقا غير مخبعة مورا فيروز و تابعاها ..
هبطو لتحت لقاوهم جالسين كيهدرو فاللحظة لي غتنطق فيها فيروز شي حاجة تسمع صوت الرصاص قلبها تهز من بلاصتو شدت فحنان و عنقو بعضياتهم حنان فديك اللحظة جاتها البكية بالخلعة كتسمع دقات قلب فيروز فوذنها بحال قرع الطبول ..
بنيامين ماشعرش على راسو حتا جرها لحضنو فلمحة بصر هبطها و تحدر لتحت .. حنان بقات غير كتشوف فيه و مضدومة و فيروز سهات فملامحو كيفاش خاف عليها و حست بحال الى تنادم معاها الحال ..
أوس : ( جات فبالو فريال فديك اللحظة .. غوت بكل ما اوتي من قوة ) فيناااهي فرياااال ؟! .. هارون خرج شوف شنو واقع ..
حنان : ( لسانها ثقال عليها ماقدرتش تنطق هزت صبعها لفوق و دارت ليه اشارة بلي فبيتها ) ..
أوس طلع كيجري بحال شي حمق كيعفط فدرجة و ينقز الاخرى مع الدورة لي غيدور فالكولوار هي دخلت قبل منو جاب الله كاين الله طارت للحمام و طلقت على شعرها الما فزگاتو و خرجت دايرة براسها بحال الى مخلوعة ..
أوس : ( خبط الباب و دخل كينهج موسع فيها عينيه ) فريال ..
فريال : شنو واقع ؟! اش هاد الصوت ؟! ..
أوس : ( قرب حداها و جرها من يديها خارج بيها ) اجي بقاي حدايا .. ( عقد حواجبو بشك ) فيناهي ؟! ..
فريال : ماعرفتش انا كنت داخلة للحمام البنات كلهم هبطو يمكن .. شنو واقع ؟! (شافت فيديه لي شابكة فيديها و طلقات منو ) بعد مني بعدا ..
أوس : (جرها من دراها و نطق تحت من سنانو ) زيدي قدامي ..
نورة كانت مخبعة لتحت غير سمعت صوت الرصاص و بانو ليها الرجال لي كانو تما كلهم مشاو كيجريو طلقت رجليها للريح و عفطت مرة وحدة حتا الباب الصغير بداو كينبحو عليها الكلاب و لكن تشجعت و كملت طريقها باتجاه الغابة بغات غير تغبر ..
سخفت و ما وقفتش بقات كتجري حتا كتحس بكلاويها ضروها عاد وقفت تستريح شوية بان ليها بحال الضو بعيد كيبان شاعل و كملت الجري من حدها كتقرب ليه وهو كيبان ليها بحال العافية .. حتا وصلت لقاتهم 3 الرجال مجمعين على العافية و كيشويو فغزالة صغيرة و فيديهم بندقيات كانو بحال الصيادة كيبانو ..
الرجال كاملين ضارو كيشوفو فيها باستغراب ناض واحد فيهم و تقدم لعندها عطاها الما تشرب و قربها لحداهم شوية و عطاها بلاصتو تجلس فيها و هي غير كتشوف فيهم ..
نورة : واش كتهضرو بالانجليزية ؟! عافاكم عاونوني كانو خاطفيني و هربت ليهم باقين خواتاتي تما الله يخليكم ..
•~• : ( تبسم ليها بمكر و هز راسو بايماء ) اكيد غنعاونوك ماتخافيش دابا غتمشي معانا للكوخ و غنرجعو نقلبو على اخواتك ..
•~• : ماتخافيش حنا غنعيطو على البوليس اجي معانا ..
نورة على نياتها ناضت معاهم و بقاو كيتمشاو مسافة ربع ساعة تقريبا وصلو لواحد الكوخ مساحتو صغيرة بزاف خشبي ..لف و دار اشارة لصحابو و دخلها سد موراه الباب و بدا كيزول فحوايجو ..
•~• : غنعاونك ازويينة ( و دار ضحكة شريرة نابعة من القلب ) ههههههه انا فهمتك مزيان هادشي كامل غير تمثيل ياك نتي ولا بنت زوينة بحالك اش غتكون كدير فالغابة فهاد الوقت ..
نورة : (رجعت لور و جمعت رجليها لعندها كتستوعب اش قال دابا فهاد الجملة المخربقة .. بدا قاصدها و هي تمد يديها ) بعد عليا ماتقربش .. عافاك ماتقيسنيش .. را والله ماكنكدب عليك كانو حابسيني فالفيلا لي لفوق ..
•~• : ماكانش عليك تخرجي من الفيلا ديالك احبيبة ماقالوش ليك بلي الغابة فيها الذياب ..
حط يديه على الاريكة و بدا كيزحف باتجاهها و هي كتحرك راسها يمين و شمالها و كتغوت ربي لي خلقها بدا كيقطع ليها فحوايجها و هي كضربو لصدرو شدها من شعرها مزيان حكمها و بدا كينهش فعنقها بكل قوتو و هي كتقاوم بكل ما اوتيت من قوة و لكن كيبقى راجل قوى منها ..
تسمع صوت غريب برا و هو يوقف هي غير سمعاتو زادت فالڤوليم و بدات كتغوت هو يصرفقها باش تسكت .. حل الباب و خرج على برا ما بان ليه حتا واحد .. وراه كان مخبي فرانسيسكو لاصق ورا الباب و كيتسناه غير يخرج جبد سلك مفتول مزيان من جيبو و قرب وراه بلا حس حطو على عنقو و زيرو مزيان حتا دخل فحنجرتو و ذبحو بيه ..
دخل لقا نورة مكمشة فبلاصتها و كتبكي عينيها حمرين و عنقها كلو دم بالعضان صدرها معري حالتها حالة .. هي غير شافتو ناضت كتجري تلاحت عليه عنقاتو بلا ما تشعر شنو كدير فديك اللحظة شافت فيه الأمان ..
فرانسيسكو : ( هز يديه بشوية و بعدها عليه ) شنو كديري هنا ؟! ( حايد الجاكيت ديالو و عطاها ليها تلبسها و سدها حتا قربات السلسلة حدا ذقنها .. شدها من يديها) زيدي قدامي !!
نورة : (حدرت راسها و تبعاتو و هي كتبكي ) ماغاديرو ليا والو ياك ..
فرانسيسكو : ماشي انا لي كنقرر هادشي ..
نورة بقات غادة و كتعكل عينيها عمرو بالدموع و راسها عاطيها الحريق حلقها جف بالغوات و دقات قلبها كيتباطئو شيئا فشيئا هو جارها و كل مرة كتعكل عصباتو شوية خطواتها بداو كيتباطئو دار بغا يصعر عليها و هي تبان ليه غتسخف شدها بالخف و هزها بين يديه ..
فرانسيسكو : ( زفر بعصبية ) هادشي لي بقا ليا !! ( صرف على وجهها بشوية ) هييي فيقي .. ( جبد تيليفون من جيبو و دوز نمرة أوس ) ألو أوس كتقلبو على شي حاجة ؟! هاهي معايا ..
أوس قطع التيليفون و رجع كيشوف ففريال و عينيه فحال الذيب كيرمقو فيها بنظرات غريبة .. هي مكمشة حدا البنات و مرة مرة كتعلي فيه عينيها حست بشي حاجة ماشي هي هاديك بحال الى عاق بيهم ..
أوس : فيناهي بنت خالتكم ؟! ..
فيروز : واش نبقاو نعاودو ليك فالهدرة ماعرفت ماعرفت ماعرفت راااه شفتو كلشي على عينيكم فريال كانت فدوش و حنا خليناها لفوق و هبطنا ..
هارون : ( جمع الوقفة و بدا غادي ) حنا مالنا على هاد القرع نمشطو ليه راسو غنمشيو نشوفو الكاميرات و نعرفوها فين مخشية ..
فريال : ( سرطت ريقها و همست فوذن حنان ) مشينا فيها ..
بقاو جالسين على أعصابهم و التوتر باين عليهم بشكل ملحوظ .. دازت من قدامهم الخدامة و حلت الباب و هو يدخل فرانسيسكو و فيديه نورة سخفانة و راسها متكي على صدرو ..
فيروز : ( ناضت بالزربة تابعاه حتا حاطها و دفعاتو بكل قوتها ) شنوو درتيي ليها الحمااار ؟! علاش قستي فيها ( شافت جاكيتو لابساها وهي تحلها بقات تحايدها و حبسها بيدو ) زول يديك عليا الكلب حايد جاكيتك الموسخ ..
فرانسيسكو : ( رجع حبسها و طلع السلسلة من جديد ) من الأحسن تبعدي منها ..
بنيامين : ( وقف قاصدو و دار فيه شي تخنزيرات كيخوفو ) اش واقع ؟! ..
فرانسيسكو : ( طلعو ليه الدم و هو يهزها غادي مطلعها ) سيرو تقودو كاملييين !! ..
أوس : ( كيحاول يستنتج شي حاجة فراسو مافهم والو من غير انه عارف حاجة وحدة فرانسيسكو مستحيل يغتاصبها ) صافي خليوه ..
هارون : ( دار ليها ابتسامة جانبية ) وا راه البنت حتا هي ضمن دوك المسؤوليات و لكن الحب ماكاينش ..
حنان : ( استوعبت كلامو مزيان و فهمت قصدو ) و نتا ؟! ..
هارون : انا كنفضل بنات الليل تكوا و تنوض بحالها .. الحب و عذابو ماعندي ما ندير بيهم ..
حنان : ( هزت راسها بتفهم عاضة على شنايفها ) كل واحد و وجهة نظرو ..
هارون : و نتي وجهة نظرك شنو هي ؟! ..
حنان : ( تبسمت و حطت كفها على خدها كتدوي بطريقة زوينة ) انا الصراحة دوزت حياتي كاملة بين المدرسة الدار و الكتوبة ماكنعرفش معنى الحب عمري ما بغيت شي حد ولكن ماكرهتش نجربو حتا انا كنشوف بزاف لي كوپل و كنقول فوقاش حتا انا غنبغي شي واحد و يبغيني بحالهم و لكن مزال ماكتابش ..
هارون : (سهى فملامحها و طريقتها فالهدرة و نطق بلاما يشعر ) جربيني انا ..
حنان : (وسعت فيه عينيها و خدودها بسرعة خداو لون الوردي ) هممم ؟! ..
هارون : (وعى على راسو و بغا يبدل الموضوع ) عمرك مشيتي لشي حفلة و لا شي ديسكو ولا سهرتي بالمرة ؟!..
بعد ما دخل حطها فوق الكامة ديالو و دخل للدوش دوش و دخل للدريسينغ لبس غير لتحت و بقا عريان من لفوق هز تريكو ديالو و خرج وقف قدام المراية هز عطر من عطورو و رشو على لحمو ..
نورة بدات كتصحصح شوية بشوية و ديك الضبابة كتنزاح على عينيها بان ليها واقف حدا المراية و كيلبس فتريكو ديالو بقات فبلاصتها بلا حراك كتستوعب شنو واقع .. دار شاف فيها لقاها فايقة قرب حداها و حل الجاكيت و هي تغطي صدرها ..
فرانسيسكو : ( هز تيليفون و عيط للخدم ) جيبو ليا علبة اسعافات أولية دابا و شي حاجة تكال .. ( قطع و شاف فيها ) مدار ليك والو ..
نورة : ( شداتها البكية و حركات راسها بلا ) كون ماجيتيش هئ هئ كان غيدير ..
فرانسيسكو : (عنقها و مسح على شعرها بحنان ) صافي دابا ماوقع والو ماغيقدر حتا واحد يآذيك هنا ..
نورة : ( بادلاتو العناق و بكات بحرقة ) هئ شكرا ..
فرانسيسكو : ( سمع الدقان فالباب و بعد عليها مشا حل خدا داكشي و سدو ) غنداوي ليك دابا الجروح ..
قرب حداها و جبد قطن و معقم بدا كيمسح ليها بشوية و هي شدت على يديها و زيرت بقوة حيت حرقها داكشي .. بقا مسايس معاها حتا كمل دار ليها دوا الاحمر و لوا الفاصمة على عنقها ..
فرانسيسكو : (رجع ليها شعرها لور و جر بودي كان حاطو ليها و مشافتوش ) لبسي هادا و كولي عاد سيري الى بغيتي انا ماقلت ليهم والو على هادشي .. (ناض باغي يمشي فحالو و حس بيديها شداتو ) ..
حدر راسو و خرج بقات هي جالسة و كتفكر عجبها الحال و عجبها تعاملو معاها مكانش كيحساب ليها هو هاكا من نهار جات و هو ساكت ماكيهزش عينيه فيها كان كيبان غامض بزاف كانت كتقول هادا شي مغتصب و قتال ماكيسواش و لكن دابا تغيرت نظرتها اتجاهو و تفكرت واحد الفقرة قراتها فواحد الكتاب بعنوان " الفيزياء البشرية : .. عالم كبير تحركه تفاصيل دقيقة "
بقاو دوك الجمل مترسخين فدماغها كان كيقول " كما قيل بأن كل منا له قمره الذي يدور في فلكه و أقمارنا هذه تطل علينا عبر أطوار متسلسلة فتكون في ليال بدور تسرج لنا الحياة فتضيئها بعد ظلمتها ، بيد أنها لا تبقى دائما بدورا ، فسيأتي عليها وقت تصير أهلة ، جانب منها مضيء و الآخر قد أقل ، و سرعان ما تعود من جديد لتمامها ... "
تبسمت هزت البلاطو قدامها كلات منو حتا شبعت حطت راسها على الوسادة و غفات بلا ما تحس براسها .. رجع هو بعد نصف ساعة تقريبا ماتوقعش انه غيشوفها مزال تما حل الباب لقاها ناعسة فوق فراشو تصدم قرب حداها بهدوء و طل عليها كانو حنيكاتها مزينگين و كتشخر قاد ليها الوسادة و طفا الضو ..
فرانسيسكو بقات فيه بزاف سيغتو هو شاف مو تغتاصبت قدام عينيه عزفات ليه على الوتر الحساس .. حس براسو مسؤول اتجاهها بحال الى داكشي لي ماقدرش يديرو مع مو بغا يديرو معاها يرعاها و يحميها و ما يخلي حتا واحد يآذيها ..
نورة تقلب على جنبها و بان ليها ضو خافت حداها زعجها و هي كتبغي تنعس فالظلام الحالك لقاتو هو جالس كيقرى فشي كتاب و مركز معاه لدرجة ما لاحظهاش بقات ساهية كتشوف فيه و كتقول كيفاش هادو كيقراو و مثقفين و مافيوزيين مادخلتش ليها لراسها ماعارفاش أن أغلب رجال المافيا الكبار كانو ناس مثقفين و عندهم شواهد ..
نورة : (همست بصوت خافت ) غنمشي لبيتي ..
فرانسيسكو : (هز راسو بسرعة و سد الكتاب ) الى كنتي مرتاحة بقاي ..
نورة : لا لا مابغيتش نديرونجيك انا غنمشي و شكرا بزاف على كلشي ..
فريال : ( هزت راسها بايجاب ) اه انا و لحتو لور فالجردة سير خودو من تما ..
أوس : ( خبط البيرو حتا قفزت و صعر فوجهها بعصبية ) واش كيحساب ليك هاداك لعبة ديال دراري صغار ولا شنو ؟! كون ضربتي راسك ولا وقعت ليك شي حاجة !! ..
فريال : ( علات حاجبها و هزات كتافها دارت ليه اشارة بيديها بأعصاب باردة ) ببساطة كنت غنموت !! ..
أوس : ( بقا ساكت كيشوف الطريقة لي تكلمت بيها و نطق بتساؤل ) ببساطة غتموتي ياك !! عاااادي ..
فريال : أه عادي كلنا غنموتو واحد النهار .. كنفضل نموت و لا نبقى محبوسة حياتي كاملة معاكم ..
أوس : (رجع تكا ظهرو على الكرسي و بقا ساكت كيشوف فيها بنظرات غريبة خلاوها تحماق ) ..
فريال : ( صعرت بعصبية ) علاش كتشوف فيا بحال هاكا !! انا بغيت نمشي فحالي من هنا .. بغيت نكمل قرايتي و نخدم و نعيش حياتي نتلاقى مع شي ولد الناس و نتزوج بغيت نعيش حياة نورمال بحال گاع ناس ..
أوس : (قرب حداها ببطئ و عينيه مزال عليها بنفس النظرات ) گوست !! ( طار جا حداه قاليها شي كلمة مافهماتهاش و قرب حداها مكشر على نيابو ) اش قلتي ؟! (صرخ بصوت عالي ) اش قلتي ؟! ..
فريال : ( الدموع تحجرو فعينيها وولات كترجف غير نبح عليها و هي تدير وجهها بين يديها و بدات كتبكي بصوت مرفوع ) هئهئ هئ هئ ..
گوست بقا كيشوف فيها شحال قرب و شم ريحتها و بدا كيحرك فيديها فنيفو باش تهز راسها و لكن مابغاتش بقات غير كتبكي .. أوس دار و جلس قبالتها خلاها حتا تهدنت و مسحت دموعها ..
أوس : هادشي عمرك تحلمي بيه نسايه ماكاين لا خدمة لا قراية لا ولد الناس .. غتعيشو معانا ماغدي تخصكم حتا حاجة لي احتاجيتوها غتلقاوها طلبو اي حاجة الا هادشي ..
فريال : ولكن علااااش ؟! هادشي كامل علاااش شنو درنا ليكم حنا ؟! ( ناضت باغا تخرج و نطقت مستفزاه ) ضد فيك انا غنلقا طريقة كيفاش نعيط للبوليس غيجمعو القحبة مكم كاملين اولاد الحرام (وركت على الكلمة الاخيرة ) ..
أوس : (ناض بزربة جرها و زدحها على الباب ) شنو قلتي ؟! ..
فريال : (استجمعت قوتها و تنترت ليه من يدو ) طلق مني !! ماتقيسش فيا ..
أوس قرب ليها كيتختل بحال الثعلب شدها من شعرها و سطح ليها راسها مع الحيط عاود هزها و عطاها صلية لوجه و عاوها لخرا حتى طوش الدم من فمها ..
أوس : ( زير على فكها مزيان و رفع وجهها لمستواه ) ااااشش قلتييييي ؟! ..
فريال : ( بدات كضحك و كل شوية كتزيد ترفع صوت قهقهاتها .. جمعت الدفلة حتى جمعتها و بصقتها عليه) سييير تقود ..
أوس ماشعرش على راسو حتى هزها من عنقها كيخنق فيها بيديه و رجليها كيلعبو فالأرض .. صافي بداو كيطلعو ليها هادوك لي ماكيتذكروش و داز قدامها شريط ديال العذاب لي عاناتو فحياتها و العصا لي كالت .. هزت رجليها مزيان و عطاتو لبلاصة المعلم .. طلق منها و ناضت كتسعل بهستيرية ..
گوست كان غير جالس و كيتفرج فيهم .. فريال جاوها الأعصاب عاود ملي كتجيها الحالة عينيها كيعماو ماكيبقاو يشوفو حتا حاجة قدامهم ماكتعقل لا على كبير لا على صغير حسات براسها وصلات بيها للعظم و هي تنوض لديك المكتبة ريتلاتها گاع الكتوبة لاحتهم كتغوت ربي لي خلقها جرت داك الرف كامل ..
بعدت لور حتا طاح بكلشي ليه و مشات للبيرو اي حاجة لقاتها قدامها كتخبطها و كتشخشها ماخلات حتا حاجة صحيحة و صوتها بح بكثرة الصراخ .. أوس بقا غير ساكت و كيشوف فيها .. قصدت المراية و بقات كتخبط فيها تخبط فيها حتا تهرس و الڤيترين خشات فيها يديها كاملة داك الزاج دخل ليها فيديها و بداو سايلين بالدم ..
أوس : (قرب عندها بالزربة و شد ليها يديها حابسها و جبد ديك الزاجة بسرعة ) هدااااي !! ..
فريال : ( دفعاتو بكل قوتها حتا رجع خطوات لور) قلتتت ماتقررربش ليااا كتسمع !! ..( هزت الكرسي لي كان حداها و لاحتو عليه كون ما خوا عليه كون قرقبو ) مااااتقررربش ليييييياااااا !! ..
تحل الباب و دخل بنيامين لي وسع عينيه فالمكتب كيف رجعات حالتو و معاها فيروز لي طلت و ما استغربتش بزاف كانت هاماها غير ختها طارت لعندها و عنقاتها طاحو بزوج بيهم للأرض فريال كتنتر و كتركل باغا تفلت منها و فيروز حكماتها مزيان و جات حنان بدون سابق إنذار حطت يديها على عينيها و بدات كتقرى عليها فالقرآن باش ترخى و تهدى ..
هارون : (شاف فأوس و فالخراب لي ولى عليه المكتب ) اش واقع هنا ؟! ..
أوس :( باقي كيشوف فيها و مامتيقش هادشي لي شاف ) داز واحد الطوفان من هنا ..
فيروز : نتا ماتقربش لختي !! كتسمع بقا بعيد نهار غنلقاك قريب ليها غنخوي فديلمك هاداك الفردي كامل .. باركة عليها غير داكشي لي دازت منو !! ..
أوس : ( شاف فبنيامين باغي يمشي ليها و هو يحبسو بعينيه .. و مشا هزها بلا ما ينطق بحتا كلمة و بدا خارج ) قولو ليهم يرجعو هاد البيرو كيف كان ..
هارون : ( غمز حنان و دار ليها اشارة باش تمشي لبيتها ) احم واخا غنقولها ليهم ..
مشا أوس دخلها للبيتها حطها و جاب علبة الاسعافات داوى ليها الجرح و ضمدو مزيان .. دخلت موراه حنان باش يخرج فحالو و لكن خلاها واقفة و ما تزعزعش من تما ..
طلع ليها الدم و هي تخرج دخلت لبيتها جبدت لافاليز كتقلب شنو غتلبس ما بانت ليها حتا حاجة ديال السهرات لبست جيپ عادية فنواغ و ليبا موس فنفس اللون و تريكو لفوق فلگرونة و طلقات شعرها و دارت ميكاپ خفيف .. طلت من الباب مابان ليها حتا حد و هي تحيد طالون و ضربتها بجرية وحدة حتال برا عاد لبساتو ..
حنان : ( كانت غادة حتا حبسها واحد فلي گارد خنزرت فيه و نطقت بتوتر ) اش باغي الخرا !! ..
هارون : ( خدم لوطو و حرك راسو بمعنى والو ) مزيان !! ..
تحركو من تما بشوية عير بعدو وهو يعفط على الكسيراتور و انطلق بأقصى سرعتو طلق أغنية [ soolking - meleğim ] و زاد فالصوت كيغني معاها و هي غير حشمانة و كتشوف فحركاتو و تصرفاتو العفوية ماكانتش عارفة هاد الجانب المفروح ديالو ..
وصلو لوسط مدينة ناپولي كانت عامرة بزاف و ناس خارجين داخلين كانو أجواء زوينة بزاف تما وقف قدام واحد البار عامر قدامو صف ديال البشر و الصوت ديال الموسيقى صاخب خارج حتال برا ..
حنان توترت حست بحال الى تسرعت فهاد الفكرة و بدا كيدخلها شوية ديال الندم .. نزل هو و تسناها تنزل كلشي البنات لي واقفين تشتت انتباههم كيشوفو فيه و عينيهم كياكلو فتفاصيل جسمو شعرو و حركاتو الرجولية ..
نزلت حنان و قربت ليه ماكانتش لابسة مزيان ولكن اللبسة جاتها خطيرة مع لاطاي لي عندها اي حاجة كتلبسها كتجي معاها فعلا ، عندها مقولة شهيرة كتقول " اللبسة انا لي كنلبسها ماشي هي لي كتلبسني " .. و عندها الحق ، ضرب فيها الضو بيض و بانو عويناتها العسليين لونهم مايل الاخضر لكن ماشي بحال نورة و فيروز و شعرها رطيطب هابط عليهم كتبان كيوت ..
كلشي كان كيشوف فيها حست براسها فديك اللحظة سيغتو انها عارفة كلشي غيظن بان هارون صاحبها هي ماشي مكلخة لهاد الدرجة و تمنات فديك الاحظة يكون هاد الاحساس حقيقي ولكن مايتلاقاوش فبحال هاد الظروف ..
دخل داير يديه فجيبو و هي تابعاه ماكاين لا صف لا مولاي بيه تنحاو و خواو لهم الطريق دخلو لداخل كانت الدنيا عامرة كلشي بنادم كيجدب .. لمحت عينيهم واحد الجماعة كيشيرو ليهم و هارون هز يدو حتا كيلوح بيها و مشا باتجاههم و هي غير تابعاه من لور و كتحس بالعينين غياكلوها ..
هارون : ( وقف حداهم و سلم على الولاد بكفو و البنات بلابيز ) سلام ..
هارون : ( وقف و جر البنات من خصرهم مقربهم لحضنو .. شاف فيها و ابتسم ) هادي حنان صديقتي الجديدة من المغرب و هادا فابيان صاحبي من اسبانيا ..
فابيان شدها من يديها و دورها حتا لفت لفة و رجعت شدت فالطبلة باش ماطيحش كتشوف فهارون و كترمش فعينيها حنيكاتها غيطرطقو بالدم و التوتر باين عليها يديها بداو كيرجفو هزت كاس شافت فيه شي حاجة تغونسپاغو كتصحابها ماء نزلت عليه دقة وحدة ..
فابيان : ( شاف فهارون و رجع شاف فيها بشهوة ) اوووه المغربيات شحال مثيرات يا صاحبي و طبعهم صعيييب كنحماق عليهم انا ..
هارون : (زعجوه نظراتو ليها دار ليه ابتسامة صفرة و شاف فيها بتحذير ) ماتعاوديش تشربي هاداك راه ماشي ماء ..
حنان : ( فاش سمعت اش قال بحال الى صرفقها .. عاد بدات كطلع ليها المرورة مع حلقها و فهمت اش قصد .. غمضت عينيها و جاتها البكية ) استغفر الله العظيم الذي لا إله إلا هو و أتوب إليه يا ربي تسمح يا ربي تسمح ليا والله مانعاود نعتب هاد البلاصة ( علات عينيها فهارون و بغات تنطق ) هارو ..
لقات وحدة شادة راسو بين يديها و كتفلورطي معاه شوية جراتو و طلعاتو لفوق لي كان مظلم كاينين فيه جليسات و كيطلعو ليه غير صحاب اللعاقة الصحيحة .. جميع الأحاسيس تخلطو عليها ماقدرتش حتا تهضر بقات غير متبعة ليه العين حتا غبر ضرها خاطرها و حست بغصة كتمشي و تجي فحلقها شعرت براسها بحال المقموعة ندمت حتا جات ..
حنان : ( تحجرو عينيها بدموع و نشت على راسها بيديها ) ديها فراسك أحنان ياكما تيقتي راسك ..
فابيان : آنسة حنان مالك واش لاباس ؟! (بقات كتشوف فيه مافاهمة والو ) تبغي نشطحو شوية ( جرها من يديها و قربها لعندو ) اجي نشطحو ..
حنان : ( كتجر فيديها باغا تنتر منو ) لا لا لا ..
جرها لوسط حلبة الرقص شدها من خصرها النحيف و قربها لعندو اكثر بدا كيتمايل على نغمات الموسيقى الصاخبة و يديه كتحركو على ظهرها و عينيه كيتساراو فتفاصيلها بشهوة ..
فابيان : ( قرب حدا ودنها و همس بصوت ثقيل ) تشهيتك ..
حنان : (حست بأنفاسو سخان كيضربو حدا ودنها و بعدت عليه راسها ) هممم ..
هارون كان لفوق كيتمعشق هو و لي معاه حتا مشات عينو للطاولة فين كانو واقفين مابانتش ليه هبط بسرعة لتحت لقا صاكها مزال محطوط بقا كيقلب بحال شي حمق ..
ميليسا : ( اشارت ليه لمكانهم و ابتسمت بخبث ) ماتخافش عليها راها كتستمتع مع فابيان ..
هارون علا راسو وهو يبان ليه محاوطها بيديه و كتشطح معاه حس بالسخونية طلعت معاه هز كاس من حداه وشربو دقة وحدة و عينيه مزال عليهم بغات تقرب ليه ميليسا و هو يدفعها بعصبية و زاد كاس اخرى ..
حل صدفة اللولة من الشوميز و حدر عينيه مابغاش مزال يشوف فيهم ماقدرش يفهم السبب لي خلاه يتعصب و لكن مابغاهاش تكون مع فابيان مابغاش يشوفو شادها و كيشوف فيها بديك الطريقة ..
حنان علات عينيها فيه لقاتو حادر عينيه و كيشرب مامسوقش طفح الكيل عندها و هزت يديها حتال لسما صفعات فابيان بكل ما اوتيت من قوة .. فابيان مارضاش كلشي لي حداهم كانو كيشوفو فيه و هو يعاودها ..
ماجا فين يستوعب اش دار حتى انهال عليه هارون بالكروشيات واحد مورا لاخر ماخلاش ليه حتا ثانية يتنفس فيها رجع ليه وجهو كلو دمايات و قرب عند حنان بغا يشدها و هي تهرب ليه و خرجات على برا استندت بلوطو و بقات كتبكي ..
هارون : ( قرب حداها و حط يدو على ظهرها ) حنان ..
حنان : ( دفعات يدو بعيد عليها و تكلمت وسط شهقاتها لي كتقطع القلب ) بعد منييي ماتقيييسش فيا !! علاش جبتيني معاك ؟! مشيتي مع ديك القحبة و خليتني بوحدي ..
هارون : (حس بدقات قلبو كيتسارعو بغا غير يشدها ماخلاتوش ) حنان غير ..
حنان : بعد منييي ا بنادم !! هئ هئ خليتيني مع داك المسخ من قبايلة و هو يقيس فيا كان باغي ... !! هئ هئ ..
هارون : ( زير على يدو بقوة و نطق مزير على سنانو ) انا غنمشي نقتل القحبة مو !! ..
حنان : ( شداتو من يدو بزربة و رجعت طلقات منو ) ماتمشيش و تخليني عاود !! .. (دارت كتجري و ركبت فلوطو غطات وجهها بيدها و عطات عنانها للبكا ) حمارة ا حنان هئ هئ علاش قلتيها ليه و نتي مالك فيه هئ ..
هارون بقا واقف على برا عاقد حجبانو و غير كيسوط مافاهمش اش واقع ليه كيحس بدقات قلبو بحال الخيول كيجريو فقفصو الصدري مسح على شعرو ووجهو و ركب حداها سد الباب و بقا كيشوف فيها ..
هارون : ( هز راسها بيديه من ذقنها ) حنان !! اييه شوفي فيا !! ( هزت فيه عينيها لي كيلمعو بالدموع ) سمحي ليا !!
حنان : ( ترددت ديك الكلمة فوذنيها بحال الصاعقة و علات فيه عينيها ) هاااا ؟! ..
هارون : ( عاود هز راسو بتأكييد ) سمحي ليا !! ..
حنان بقات غير كتشوف فيه مصدومة و دموعها مزال هوادين شنايفها كيرجفو نيفها حميمر و خصلات من شعرها لصقو إثر الدموع على خدودها الورديين ..
هارون سهى كيتسارى فملامحها و نزل عينيه لشفايفها قرب ليها شوية بشوية و حط شفايفو على شفايفها طبع قبلة دافية و حنينة شافها مادارت حتا ردت فعل و عاود دخل معاها فقبلة تانية و هاد المرة كان أطول من لي سبقاتها .. حنان بقات غير ثابتة فبلاصتها بدون حراك ماتجاوبت معاه ما بعدت عليه ..
هارون ماشبعش من شنايفها الحلوين أول مرة يحس براسو كيستمتع وهو كيقبّل شي وحدة بحال هاكا و لكن كان خاصو يحبس راسو و إلا غيوصلو لشي مواصل مقادينش عليها ..
خدم لوطو و كسيرا بأقصى سرعتو حنان دارت بالعرض البطيء و تقادت فبلاصتها مارمشتش عينيها من قوة الصدمة .. دخل لدرايڤ ديال ماكدو ماسولها ما والو خدا زوج ديال لي " فيلي-أو-فيش" و ليمواناد و الفريت و زاد حط ليها داكشي قدامها ..
ماقاستوش بقات طريق كاملة و هي ساكتة حتى وصلو حايدت طالونها قدامو و لي بغا يشوف يشوف دخلت كتجري و طلعت بزربة حلت الباب و سداتو ..
حنان : (دارت متكية على الباب مغمضة عينيها كتنهج و صدرها كيطلع و ينزل .. غير حلت عينيها و هي طلقها بغوتة) واااااااا مييي !! ..
لقاتهم واقفين قبالتها بحال قباطين الارواح كيطلعو و ينزلو فيها هي قلبها علاين يسكت بالخلعة حطت يديها على بلاصتو و شدت الارض كتسترجع أنفاسها ..
نورة : فييييين كنتي بالسلامة ألالة حناااان ؟! ..
فيروز : حنا محبوسين هنا بحال الكلاب و نتي خارجة كتساراي ليا ..
حنان :( دازت من قدامهم و جلست فالكرسي ) "أحاااح آاااح على غذا أما اليوم عدا " فيناهي فريال ناعسة ؟! ..
فيروز : فريال معتكفة فالبيت !! خلينا من فريال باغا دوخينا كيفاش احاح على غذا اما اليوم عدا اش وقع اليوم ؟! ..
حنان : (سكتت كتستجمع شجاعتها زيرت على عينيها و سرسبت ليهم كلشي على التوالي دقة وحدة ) خرجت مع هارون داني لواحد البار خلاني بوحدي و طلع يشلقم واحد ختنا انا بقيت مع صاحبو تبسل عليا و جرني نشطح معاه بزز بدا كيتلمس فيا و صرفقتو عاود صرفقني و شدو هارون قتلو عصا و خرجنا هارون قاليا سمحي ليا و باسني ..
حلات عين وحدة لقات فيروز حالة فيها فمها و كترمش فعينيها و حلت العين الاخرى لقات نورة شادة راسها و كتحرك فيه يمين و شمال ..
فيروز : ( تفرشخات بالضحك و ضرباتها لكتفها ) قحببببة !! ههههخخخ والله الى تيقتها يحساب لي هاضرة بصح هارون يقوليك سمحي ليا و يبوسك هههه منين كيطيحو عليك هاد الافكار ( شافت فنورة و هي تجمع الضحكة و رجعت كتشوف فحنان ) تي واش بصح باسك !! ( عطاتها تصرفيقة و بغات تعاودها و حنان مدرقة وجهها و كتهربو من جهة لجهة ) اننن دوي ؟! اننن ( عاودتها وحدة اخرى ) بصح باسك ؟! ..
حنان : ( ضربتها ليديها و دفعتها بعيد عليها ) واااا ااااه باسني باسني الثلاوي !! ماكتفوهموش ..
فيروز : ( سمعت ابتسامة عريضة و بدات كتشطح قدامهم بلا موسيقى ) [ hayırlı olan olsun kizzz !! ] ( مبروووك عليك كزز !! ) ..
نورة : تي اش كتخوري حتا نتي اش كتخوري كيفاش هايرلي اولان اولسون واش مرضتي فكرك را ختي هادي !! ..
فيروز : سيري تقودي الى كانت ختك را ختي تا انا نسيتي واقيلا !! الى ولى هارون كيبغيها را غتعتق راسها تخليه حتا يولفها و تبدا تخرج معاه بزاف تلقى فرصة و تهرب للمغرب و تقوليهم شنو واقع معانا على الأقل والدينا مايبقاوش معلقين ساعتها نلقاو شي حل ..
حنان :(جمعت شنايفها و نطقت بسذاجة ) ماشي حشومة نخليه يبغيني و نمشي و نخليه ؟! ..
فيروز : شنو باغا تبقاي حياتك كاملة مع واحد بحال هاداك ؟! ماباغاش تكملي قرايتك و تعيشي نوغمال حتا نتي و ديري دار ووليدات .. باغاه يقتلو ليك قبل ما يتزاد بحال هادي ..
نورة : ( شدت ليها فيديها كتحاول تقنعها ) شوفي احنان راه غير غيستغلك المحبة الزربانة مفرقة فنهار اللهم نتي لي تستغليه الأولى فهمتي اختي ..
حنان : (حركت راسها بمعنى اه و سرطت ريقها ) صافي غنديرها واخا !! ..
فيروز : صافي مشات انا غنتكلف ببنيامين و نتي هارون .. مني و منك يتطبع و من كل واحد وحدو يتقطع ..
من بعد هاد الليلة المليئة بالأحداث نعسو بطلاتنا و كل وحدة بالها فين سرح بيها منهن لي نعسو فرحانات و منهن لي قلوبهم كتآكل ..
دازو يومين حسو بيهم بحال شهور مع تسارع الزمن لي كان بطيء بالنسبة ليهم كانو جالسين كيفطرو مجموعين من غير فريال لي مابانتش و ماخرجتش من غرفتها من مورا ديك الليلة غير ناعسة بنهار و بالليل كتنوض توضا و تصلي و ترجع حتا الماكلة قليلة بزز باش عطاوها البنات تاكل ..
فيروز كانت خايفة عليها بزاف سيغتو انها هي اكثر وحدة عارفاها كيفاش دايرا و شحال حساسة دائما من مورا حالاتها لعصبية كدخل فدوامة مظلمة كتشبه للإكتئاب حاولت تنتحر مرات عديدة و لكن الله كان كيحفظها فكل مرة ..
فيروز : ( كان خاطرها ضارها حست بحال الى شي حاجة غتوقع هاد الهدوء دفريال ديما كتبعو عاصفة .. تنهدت بصوت مسموع و نطقت بخوف ) اوووف يا ربي السلامة ..
بنيامين :(هز فيها عينيه كما الكل ) مالك ياك لاباس ..
فيروز : ( حطت الفوغشيط من يديها ماعندها نفس للماكلة و نطقت كتشوف فيه ) فريال خفتها ...
قبل ما يكمل كلامو جاو الحرس مهلوعين و نطقو فدقة " مادموزيل فريال واقفة فالسطح عند الحافة باغا تلوح راسها " .. فيروز ماعرفت باش تبلات قلبات الطبسيل و الكرسي و مشات كتجري و أوس داز من حداها بحال البرق سابقها تابعينهم الدراري و پاولو .. حنان و نورة مافهمو والو من غير فريال ناضو مخلوعين تابعينهم حتا كتبان ليهم فريال لفوق باغا تلاح ..
حنان : ( غوتت على حر جهدها و هزت يديها لي كيرجفو كدير ليها لا ) لااااااا فريال وياااااك ديريها !! فريااااال ..( طلعت كتجري تابعة نورة ) ..
هارون : ( كيقرب حداها أكثر و هي كتزيد تقرب للحافة كتخلعو حتا كيوقف ) فريال !! راك زعما كتصلي تهدني و عطيني يديك ماغتحلي والو بهادشي ..
فيروز : ( رجليها مابقاوش قادرين يهزوها فشلت و جلست فالأرض كتبكي ) فريال عافاك نزلي اختي عافاك حنا غنخرجو من هنا غنرجعو لدارنا كنواعد غير قربي غنمشيو عند ماما و فردوس صافي ؟! غير نزلي ..
فريال كانت غائبة و مرفوعة عن داك العالم البرد كيضرب فيها و شعرها كيطير كتفكر طفولتها و حياتها كيفاش دازت كان كيبان ليها غير الظلام بحال الى شي مغناطيس كيجدبها للتحت كيبان ليها شريط حياتها و كتفرج فيه صوتا و صورة ..
تخيلت صورة باها كيعيط بسميتها كان غير صوتو لي كيتردد بذون سابق إنذار رمات راسها من تما غمضت عينيها كتسنى تخبط مع الأرض ولكن ماوقعش لي كانت كتتمناه نهايتها أو بالأحرى أجلها مكانش هو هاد النهار يمكن حالفها الحظ مرة أخرى و لا صلاتها وقفت معاها المهم ربي عاود حفظها ..
حيت بشي حد شدها من رجليها فآخر لحظة و تخبطت مع السور بقوة .. بدا كيطلع فيها بشوية عاونو بنيامين هزت عينيها فيه كان هارون عنقاتو و بدات كتبكي بحرقة و هو كيطبطب عليها حلت عينيها فأوس لقاتو حاط يديه على جبينو و حادر راسو للأرض مغمض عينيه ..
فيروز : ( شافتها كتشوف فيه و هي تنوض ليه دفعاتو بكامل قوتها و بقات كضربو لصدرو ) كلشييي بسبااابك نتا الحماااار !! نتا لي وصلتيها لهاد الحالة !! قلت ليك بعد منها حدرتكم فرياااال بعدو منهااااا هئ هئ ماكتسومعونيييش ..
بنيامين : ( قرب و شدها من يديها ) فيروز صافي حبسي هاد الخرا ..
فيروز : ما تقييييسنيييش نتااا الكلب !! حتا نتا بحالو كلكم بحال بحال كلاااااب مجااحييم ولاد الزنقة كون كنتو ولاد الناس ماتحبسوناش هنا ماتديروش لينا هاد الحالة (قربت لبنيامين و شافت فعينيه بنظرات كون كانو قرطاس كون اخترقوه ) هادشي كاااامل من تحت راسك نتا لي درتي هادشي و نتا لي غتصلحو كتسمع نتا لي غتصلحو ..
بنيامين : ( هضرتها كانت قاصحة بزاف عليهم كاملين .. ماشعرش براسو حتا هز يديه و صرفقها ) صافي براكة !! ..
هارون : ( شد فريال بشوية و بدا خارج بيها ) صافي براكة بعد منها شوفو كيف ولات حالة البنت انا غنهبطها و نتوما ساليو هاد المسرحية عيقتو ..
فيروز : انا غادة مع ختي المسرحية سالات شحال هادا .. يالاه البنات ..
بنيامين شاف فأوس لي متبع فريال بعينيه حس بشي حاجة ماشي هي هاديك و هاد التصرفات لي ولى كيتصرف مؤخرا خلاوه يزيد يشك السيد تبدل 180 درجة فهاد الفترة ملي كتكون الحملة ديال التفتيش ماكيكونش جالس معاهم هنا نهائيا كيجي ينعس و يمشي ..
بنيامين : ( حط يدو على كتفو ) أوس اش واقع مابقيتيش عاجبني ؟! ..
أوس : (نطق و عينيه مزال على الباب لي خرجت منو ) شنو درنا حنا ؟! ..
بنيامين : ( عقد حجبانو و نطق بعدم فهم ) كيفاش ؟! ..
أوس : (بدل ملامح وجهو بسرعة و نظراتو كانو كيولعو فالجو ) شوف ليا هداك المخبر دابا يمشي عند الكاپو ..
بنيامين : علاش ؟! اش غيقول للكاپو ؟! ..
أوس : ( خنزر فيه و نطقها بصرامة و جدية فوق اللزوم ) يجي !! ..
خرج و خبط الباب من وراه و هبط لتحت خرج باتجاه البوابات الأمامية و گوست تابعو دخلو للغابة بزوج شعل گارو و بدا كيكمي فيه و عينيه ثابتين فنقطة بعيدة حتا كملو و لاحو فالأرض عفط عليه و بقا كيتمشى هو و الذيب دازت شي ساعتين عاد رجعو بحلول الظهر هاكاك ..
طلع لبيتو دوش و بدل عليه بقا غير بالبوكسور و سروال سيرڤيت هبط لتحت لصالون حط قدامو الپيسي و كاس د الويسكي كيشرب و خدام كيقرى فشي ملفات كان كلشي غابر و هو ماعندو الگانة يسول على حد سالا و عطا للخدامة طلعو للمكتب ديالو ..
حنان جاها الملل فالبيت بغات تتفرج ولا دير شي حاجة خلات البنات ناعسين و هبطت بوحدها لقاتو جالس فالصالة و هي تقلب الدورة و خرجت على برا .. أوس استغل الفرصة و طلع مالقى راسو غير قدام بيتها حل الباب بشوية و دخل كانت ناعسة على كرشها و معنقة الوسادة ..
جر كرسي و جلس كيشوف فيها شحال مد يدو زول شعيرات كانو على وجهها و هي تحل عينيها بالخف ماتفاجأتش بقات غير ساكتة و كتشوف فيه ..
فريال : شنو بغيتي ؟! ..
أوس طول فيها الشوفة بلا مايقول حتا حاجة .. ناضت هي و تقادت فالجلسة مقابلة معاها و كتسنى يجاوبها وقع الصمت من جديد و بقاو على ديك الحال كيتبادلو غير النظرات و كل واحد كيتكلم مع ضميرو ..
فريال : علاش كتجي عندي ؟! شنو باغي ؟! الى كنت كنبقى فيك غير بعد مني مابغيت حتى شفقة من عند شي حد ..
أوس : (حدر راسو شوية و قرب عند وجهها ) انا ماكنشفقش عليك .. واش مزال مافهمتي والو ؟! ..
فريال : ( سرطت ريقها و هربت عينيها من عينيه ) اش غنفهم ؟! ..
أوس : (زاد قرب أكثر كيتنفس من أنفاسها و غمض عينيه فاش شم ريحتها لي كتحمقو حط شفايفو على شفايفها و طبع قبلة طويلة و حنينة عليهم ) و دابا؟! ..
فريال غمضت هي الاخرى عينيها بلا حتا تجاوب سمعت صوت دقات قلبها كيشطحو فوذنيها و الفراشات كيلعبو فكرشها رجع قرب عندها بحال الى غيعاود خلاها حتا استعدت و رجع راسو لور مبعد عليها ..
أوس : ( رسم ابتسامة ماكرة على محياه و وقف كيستعد باش يخرج ) حتا تفهمي ؟! ..
فريال فديك اللحظة ماكرهتش الأرض تنشق و تبلعها حست بالاحراج طلعت معاها السخونية ديال بصح و بقات متبعاه و حابسة اعصابها غير بزز حتا خرج و سد الباب .. ناضت و خبطت الوسادة على الباب بقوة ..
فريال : ( زيرت على فكها و صرخت بعصبية بحال شي مجنونة ) حمااااار !! ( بقات كتمشي و تجي فبلاصتها كتفكر انها كانت غتستسلم ليه و خلاتو دار ما بغا .. وقفت كتفكر لمدة حتا تهدنت و علات حاجبها ) واخا بغيتي غير اللعب نلعبوه أسي أوس ..
دخلت للدوش دوشت غسلات شعرها و طرفت حالتها مزيان .. خرجت دهنت كريم لجسمها هو بلق و زاد ولى كيبري و شعرها دارتلو نفس الكريم لي كدير ديما مكتشاركو مع حتا وحدة ديالها بوحدها مشات كتقلب بين حوايجها لقات واحد التيشورت كحل واسع و هابط حد الفخاض ..
لبساتو بوحدو و لبست تقاشر طوال شوية و خلات شعرها مطلوق و فازگ كانت كتبان سيكسي و كيوت .. حلات باب بيتها مالقاتش البنات عرفاتهم غيكونو هبطو حيت قرب وقت العشا هي عمرها تعشات معاهم و لكن اليوم بدلت رأيها ..
هبطت بشوية فالدروج تساطحت مع الخدامة علات فيها عينيها و هي تصفن فبلاصتها كان كتبان زويينة بزاف سيغتو من لي كتخرج من الدوش كيكونو حنيكاتها حومر و وجهها كيشعل و مع شعرها كحل زايدها نغزة و ريحتها كانت كتحمق ..
الخدامة حدرت عينيها و طلعت و كملت هي طريقها لتحت كتسمع هارون و فرانسيسكو كيهضرو بالايطالية و البنات كيضحكو مع بعضياتهم غير طلت عليهم كلشي سكت ..
بقاو كيشوفو فيها و فشنو لابسة هارون سرط ريقو و هو كيلطعها و يهبطها أما فرانسيسكو شاف فيها و حدر عينيه بسرعة كذلك الامر بالنسبة لبنيامين .. أوس هو الوحيد لي كان حادر عينيه فتيلي و جالس بعيد عليهم ..
سمعهم سكتو و سكون غريب طغى على المكان فجأة هز عينيه و حدرهم فاش استوعب مزيان شنو شاف هز راسو بسرعة موسعهم فيها زير على يديه حتى بانو عروقهم عاض على فكو بعصبية و عينيه مقوسين بشكل كيخوف ..
فريال : [hi everyone] ( هاي جميعا !! ) ..
فيروز : ( بقات متبعها بعينيها حتى جلست حداها و جمعت لحمها بين صباعها حتا قفزت ) اويلي اش هادشي لابسة ؟! ..
فريال : ( علات عينيها فيه بتحدي و نطقت بصوت خافت بينها و بين البنات ) واحد الزامل بغا يلعب معايا و قبلت التحدي ..
حنان : (رمقت هارون بنظرات غريبة ساهية فحركاتو و طريقتو فالتعبير حتا سالا و دار شاف فيها .. و هي تلف بقات غير كدور فعينيها ) هادو مالهم تعطلو جانا الجوع هنا ..
فيروز : نورة نسهرو اليوم شوية عافاك ماكاين ما يدار كنبقاو غير ناعسين بنهار و بالليل اللهم نبقاو مقصرين ..
نورة : اش غنديرو ها حنا بقينا مقصرين ؟! ..
فريال : غني لينا شوية !! عافاااك من شحال هادا ما تجمعنا و غنيتي لينا على الأقل نستغلو هاد المحنة ههه ..
حنان : اه اه عافاك أنورة غني لينا ..
نورة : ( تبسمت ليهم و هزت راسها بقبول ) واخا فكرو فشي حاجة على ما تعشينا ..
بقاو جالسين حتا جا پاولو و حطو العشا تعشاو مجموعين حنان و نورة كيهدرو بالتركية ضد فيهم باش ما يفهموش و نورة و فيروز كيوشوشو اما الكل فغير مقابلينهم و ساكتين و پاولو عاجبينو غير كيتبسم سالاو الماكلة و ناضت فريال سابقاهم تلبس حيت مارتاحتش فداكشي لي لابسة ..
أوس : ( غير ناضت و هو يتبعها تفاوتو شوية عليهم شدها من يديها و خبطها مع الحيط ) اشنو قالك راسك زعما حتا لبستي هادشي ؟! ..
فريال : (تبسمت و قربت ليه كيف كيدير ليها هو ) علاش ماعجبتكش ؟! ..
أوس :( شدها من شعرها بقوة و نطق مغتاصب مخارج الحروف ) هاد تقحبين ديريه مع شي زامل اخر ماشي معايا انا التحلوين ماخدامش ليك معايا ..
فريال : ( حطت يديها على يديه و غمضت عين وحدة بألم ) اي صافي صافي طلق مني ..
أوس : ( طلقها و دفعها لجهة الدروج ) طلعي تقودي لبسي شي حاجة مستورة ..
فريال : ( بدلت ملامحها كتعيب فيه ) بلا بلا بلا .. ( شافتو جاي ليها و هي تهرب ) ..
أوس رسم ابتسامة خفيفة بزربة اختفت و رجع يهز تيليفونو .. دراري خرجو برا يكميو هادي هي وقيتتهم و البنات حتا هما لبسو عليهم و مشاو تجمعو فواحد الجليسة زوينة على برا شعلو ليهم لي گارد العافية و بقاو كيتسناو ففريال ..
لحقت عليهم و جابت معاها قرعة د الشراب خاوية لقاتها تما لتحت حطتها حدا رجليها و بقاو جالسين شوية حتا جابو ليهم القهوة .. بان ليهم پاولو جاي يددش من بعيد و هاز فيدو شي صاك كبير بحال ديال الغيتار ..
دراري كانو كيتفرجو من بعيد مافاهمين والو خرج عندهم أوس حتا هو هاز فيدو قهوة كحلة و گارو و گوست مشا كيجري عند فريال لعبت ليه شوية فراسو و خدات الغيتار من عند پاولو ..
فريال : انا لي غنختار الاولى غني ليا bana bırak بالييز ..
حنحنت نورة باستعداد هزت ليها راسها و عطاتها اشارة باش تبدا .. تقادت فريال و دوزت أناملها على الأوتار كتجرب و كتفكر فنفس الوقت عاد بدات العزف و بدات معاها نورة بصوتها الشجي طاربة الكل ..
Bana bırak sevdayı giderken sadece
عندما ترحل فقط اترك لى هذا الحب ..
Bana bırak acısını hallederim içimde
اترك لى ألمه سوف احله بداخلى ..
Ben senden önce de yaşıyordum
لقد عشت قبل وجودك ..
Senden sonra da yaşarım
و سأعيش بعد ذهابك ايضا ..
Hiç düşünme tüm dünyayı
لا تهتم فأنا كل الدنيا ..
Tek başıma savaşırım
سأحاربها لوحدي ..
Ben zaten hep savaşıyorum
انا أصلا دائما أحارب ..
Senden sonra da savaşırım
بعد ذهابك سأحارب أيضا ..
Hiç düşünme hayatımla Elbet bir gün uzlaşırım
لا تفكر بوضعى أبدا ، حتما سأتصالح مع حياتي يوما ..
Bana bırak söndürürüm içimdeki yangınımı
أتركني سأطفئ النار التي بداخلي وحدي ..
Bana bırak ben hallederim
أتركني ، انا سأحل الأمر ..
Aşkımın acısını
سأطفئ ألم عشقي ..
حبست نورة فاش حست بفيروز كتنخصص ليهم و تمسح فخناينها ، فريال كانت انسجمت مع الأغنية كتعجبها بزاف حتا هي عينيها تحجرو بالدموع .. پاولو بان ليه الجو تكهرب و هو يبدا يصفق ليهم حرارة ..
نورة : ( استعدت مع فريال و بدات كتغني و صورة دالعافية معكوسة فعينيها ) تقبلني !! ليش إنت مُصِر تغَيّرني ؟! ..
تخليني إبقى حدا أبداً ما بيشبهني ..
أنا لو إبقى متل ما بدك ..
صدق وقتا رح تخسرني ..
إنت عندك حب السيطرة ..
بدك قلب عالمسطرة ..
تلغي روحو تغيرا ..
مش قلبي ..
فريال فهاد الأثناء كانت هازة عينيها و كتشوف فيهم بربعة كيفاش واقفين و مركزين معاهم وقفتهم و نظراتهم لي كتشابه فديك اللحظة ماشافت والو من غير ربعة د القتالة واقفين حدا بعضهم هادشي لي جاب ليها الله ..
أما هو فكل واحد و فين سرح فأحلامو حتا واحد ما كان راضي على راسو و على الحياة لي عايشها كانو متبعين فريال و هي كتلعب بأناملها على اوتار الغيتار كانو كيشوفوها كانها كتحارب باش ماتبقاش هاكا محبوسة معاهم أما هما فباش يحاربو حياة اضطرو انهم يعيشو فوحدة خرا أبشع حتا واحد فيهم ما مهنيه تأنيب الضمير عياو ما يقاومو فذاتهم ..
فاش جاو البنات عمرو عليهم دار غيرو ليهم نظام كانت الدار فهاد الوقت مكتخواش من العاهرات و السهرات و لا كل واحد فيهم و فين كيخرج لأول مرة كيتجمعو تحت سقف واحد و كيدوز أيامهم نورمال بحال الناس العاديين ..
حتا وحدة فيهم ماعرفة ان ليها الفضل فهاد شي خلقو جو عائلي و هادشي لي لطالما كانو كيحلمو بيه هو عائلة تحرموا منها و هما أطفال صغار حتا هما ماعندهم ذنب بل عندهم أسرار هما براسهم ماعارفينهاش هي السبب حتا تقلبت حياتهم رأس على عقب و هي لي وصلتهم لهاد المواصل لي هما فيها ..
السهرة كانت طويلة شطحو و غناو و عادو النكت پاولو حمقوه و قتلوه بالضحك ولاو عزازين عليه بزاف ولفهم .. هزت فريال قرعة الشراب و انتقلت بنظراتها بيناتهم معلنة على التحدي ..
فريال : لا اعمي پاولو هادي غنلعبو بيها واحد اللعبة بحال كرسي الاعتراف غنقسمو بالله حتا نقولو الحق غندورو القرعة و لي جا فيه القاع غيسول لي جا فيه الراس ..
كلهم عجباتهم و طمعو يلعبو جاهم فضول يعرفو بزاف الحوايج نساو انهم حتا هما غيتسولو و قسمو بالله .. هز هارون القرعة حطها الوسط و دورها باحتراف بقات كدور شي دقيقة عاد وقفت جا القاع فحنان و الراس ففريال ..
حنان : ( تبسمت و علات عينيها ساهية فالنجوم و كتفكر ) اممم بلاتي نفكر .. ( شافت فيها و بغات تسولها هاد السؤال واخا هي عارفة جوابو ) عمرك بغيتي شي واحد فحياتك ؟! ..
فريال : ( قبل ما تكمل السؤال حركت راسها باه ) اه فاش كنت فسن المراهقة كنت كنبغي ادريس البزناز ..
تفرشخو كلهم بالضحك من غير الولاد لي مافاهمينش علاش كيضحكو ..
نورة : (مسحت عينيها لي دمعو بالضحك ) دربالة !! ولكن كان بوگوص فداك الوقت مالك كانت عندو واحد الهبة ..
حنان : هي من ناحية الهبة مانقووولش ليك هههخخخ !! ( شافت ففريال ) و فاش فتي سن المراهقة ؟! ..
فريال : ( جرت القرعة و رمشت عينيها ) عندك الحق تسولي سؤال واحد .. ( دورت القرعة و هو يجي القاع فيها و الراس فبنيامين .. كانت حالفاها فيه نيت ) احم !! كيفاش جاك إحساس تقتل ولدك بيديك ؟! ..
بنيامين : ( تبسم و جاوبها ببرود عكس الداخل لي شاعلة فيه العافية ) عادي !! ماشي أول مرة ..
فيروز : ( علات فيه راسها و بقات مصدومة كتشوف فيه ) فريال دوري ديك القرعة !! ..
فيروز : ( طلقتها بضحكة قهقاتها ارتفعو فالوسط و هي فالحقيقة كتعبر غير على مرارة الالم لي كتحس بيه ) من نيتك ؟! بيان سيغ لا كيفما كان هو كيتفلى حتا انا كنت غير مدوزة بيه الوقت ..
فريال : (ضحكت هي و البنات باغين يساندوها هما را فاهمين كلشي ) هادي را ماكتبغي حتا واحد انا نقوليك .. كانو الدراري فالدرب كيحماقو عليها عمرها تصاحبت مع شي واحد حتا مشات و بلاصيتها انا ..
هارون : (شاف فحنان و حدر عينيه ) حنا دربنا كانو فيه غير الخطيات يا ربي السلامة عقلتي ا بنيامين ..
بنيامين : ( عيبو و خنزر فيه ) كون غير خريتي و ما دويتيش ..
فريال : ( تبسمت و شافت فيه ما مسوقاش لبنيامين ) شي نهار نديوك لدربنا غيعجبك بزاف ( سكتت فاش تفكرت انهم محبوسين هنا ) زعما ماكرهناش نديوك ..
پاولو : قلت ليك هارون غيعجبكم راه غير فاش كطلع ليه النقشة كيتعصب اما هو حنين بزاف ..
هارون : وا صافي ا پاولو معاك نتا ضاع البريستيج ..
حنان : فاش كضحك ولا كتطلق مع الناس ماكيعنيش ان احترام الناس ليك غينقص ولا بريستيج غيضيع بالعكس نتا عزيز علينا كاملين ..
بنيامين : ( طلعو ليه الدم و هو يصعر عليهم ) يالاه دورو هاد القرعة و لا خليونا نوضو نعسو ..
جرت فيروز القرعة و دوراتها هاد المرة جات فحنان غتسول نورة ..
حنان : ( تبسمت بمكر ) كيعجبك شي واحد هنا ؟! ماتنسايش راك حلفتي ..
نورة : ( غطست راسها لتحت كتحلف فيها فخاطرها و هزت
عينيها لقات پاولو كيتبسم ليها ) اه ..
حنان : ايوا قولي شكووون الخرا ؟! ..
نورة : قلتي واش كيعجبك ماشي شكون ؟! ..
غفلهم هارون هز القرعة دورها و بلعاني جابها فأوس يسول نورة و دار ليه اشارة باش يسولها شكون ..
أوس : ( كان الوقت كامل و هو مراقب فريال هضوراتها و تصرفاتها ضحيكتها حتا فيقو هارون بيدو و دار ليه اشارة يسولها شكون هو مافهموش حتا علاش هاضر ) ماعنديش مع هاد التبرهيش انا ..
هارون : (هز يديه لسما و ضحك .. رجع نزلهم و دفعو من كتفو كيترجم ليه ) وهااا نتااا التيتيز كيكراشي عليك ..
فرانسيسكو : ( نتر يدو و رمقو بنظرات حادة مافاهموش اش كيقصد ) حايد من التبرهيش .. اش كتخور ..
هارون : ( همس ليه فوذنو و رجع شد القرعة ) صافي كملو حتا انا باغي نعترف !! ..
دور القرعة عاود جات ففريال تسول أوس بقاو غير كيشوفو فبعضياتهم و بنيامين بوحدو لي كان شاك فشي حاجة بقا مراقبهم كيستنتج من تصرفاتهم الوضع ..
فريال : لنفترض عندك عائلة مرا و وليدات عايشين نورمال فرحانين شي نهار مالقيتيش ولادك و مراتك ماكاينينش خطفهم شي واحد اش غدير ؟! ..
أوس : ( اندمج مع الافتراض ديالها كانو حقيقي و عض على فكو بعصبية ) غنقلب عليهم قنت بقنت حتا نلقاهم ..
فريال : و لي خطفوهم اش غدير ليهم ؟! ..
أوس : ( زير على يديه و نطق مغتصب مخارج الحروف ) غنحايدهم من الوجود ..
فريال : ( رسمت ابتسامة جانبية و هزت كتافها بقلة حيلة ) انا ماعنديش با لي غيحايدك من الوجود ..
كلهم هزو فيها راسهم كيشوفو فيها و هي كتشوف ديك اللحظة كلشي سكت بقا غير صوت العافية كتاكل فالخشب و صوت انفجار الشرارات لي طالعين منها .. فريال عينيها تحجرو بالدموع و مازولاتش عينيها عليه ناضت بسرعة كتجري أوس بغا يتبعها و هو يحبسو بنيامين و ناض هو ..
شاف فيه غادي تابعها و ماقدرش يبقى مازال جالس تما دخل هز الكونطاكط ركب فلوطو ديالو و كسيرا باقصى سرعتو سمعو صوت احتكاك الروايض و بقاو متبعين ليه العين ..
هارون : ( شاف ففيروز لقاها كتبكي بقات فيه ) الله يرحمو ..
أضاعك عني الهوس الجزء الثالث
محتوى القصة
التنقل بين الأجزاء