أضاعك عني الهوس الجزء الخامس

من تأليف Yassmine Farmi
2020

محتوى القصة

رواية أضاعك عني الهوس

هبطو البنات من لوطو قدام ساحة ديك الڤيلا الكبيرة كتتوسطها نافورة فالمنتصف و الرجال منتشرين فكل نقطة تما عقلك يهرب من داك الكم الهائل و انتظامهم لي كيشتت التفكير من دقتو المفرطة كأنهم جيش عسكري دُرّبوا بطريقة رائعة ..

بنيامين جر فيروز حداه حس بيها كترجف و زير على يديها بقوة باش تعرف انه معاها و فعلا كان منظر داكشي كيخوف أنك تكوني عايشة الحدث صوتا و صورة ماشي نفس داكشي لي كتشوفي فالتلفازة .. فكرة انك غتدخلي برجليك لقلب مقر كاپو ديال المافيا و غتشوفيه مباشرة و يقدر بحركة من صبعو يحكم عليك بالموت حتما مجرد التفكير كيخلي عقل المرء يخرج من بلاصتو..

و هادشي كانت فاهماه فريال أكثر منهم كاملين و كتدورو فمخها بينما عينيها مراقبين الڤولون بتوتر و مرة مرة كتهز عينيها فأوس ماكرهاتوش يطير و يوصل عندهم بزربة..

فريال : طلق راسك خلاص امتى غنوصلو؟! ..

أوس :(شاف بنظرات باردة و نطق بهدوء) وصلنا..

فريال شاف قدامها و هي تلمح باب حديدي كبير كيتحل و لاحت عينيها على طول ديك الڤيلا الضخمة حبست لوطو و نزلت بزربة خايفة على اخواتها شقت طريقها وسط داك الممر كتسرع فخطواتها و أوس تابعها .. تحل الباب قبل وصولهم للدرجة و سبقها هو معرض على كتافو و حاشي يديه فجيبو..

أوس : فين هم ؟! ..

الخدامة : فالجردة الخلفية ا سيدي مرحبا بيكم..

فريال :(سمعت صوت السلاح و هي تقفز شدت فأوس و نطقت بخوف ) قتلهم !!..

أوس تمشى بخطوات سريعة قدامها و هي تابعاه بحال الحمقة يديها كيغزلو خرجو من الباب و هما يبانو ليها جالسين فلي فوطوي بربعة و واحد عاطيها بالظهر هاز بندقية فيديها و كيصيد الحمام ترجلت عند البنات و عينيها مزال على ظهرو العريض كيفاش كيتحرك و مهارتو فالصيد عن بعد قادرة تبين انه يستحيل يخطأ التصويب عن قرب ..

حط بندقيتو و دار كيشوف فيهم خطف نظرة منها كانت كتعنق فالبنات و رجع شاف فأوس كان طويل بزاف تقريبا بنفس طول هارون بشرتو سمرة و ملامحو قاسية وجهو كيفشي حدة طبعو و عندو نذبة كتجذب العين فخدو حروفو سوداء كسواد الليل و نظرتو من بعيد كتخلي الجسد يرتعش ..

تقدم بخطوات ثابتة و ملامح جدية باتجاه أوس لي كان واقف جامع يديه عند حجرو و كيشوف فيه ..

أوس :(تعانقو و بعد عليه شوية ) غبرة هادي ..

الكاپو : ( سلم عليه و رسم ابتسامة جانبية بسرعة اختفت و نطق بصوت ثقيل و موزون ) غبرت عليكم ناضت الروينة ..

أوس : ( حط يديه على ظهرو و بادلو نفس الابتسامة الباردة ) ندخلو و نهضرو احسن .. 

دخلو بزوج بيهم لداخل و لي گارد حادرين راسهم احتراما بزوج بيهم نفس الشيء بالنسبة للناس لي كيعرفوهم كيتشابهو فبزاف الحوايج عندهم واحد الهبة غريبة حتا لي مكيعرفهمش كيضطر انو يحتارمهم من تلقاء نفسو حتا الحوايج لي كيعجبو الكاپو كيلقاهم نفس الاشياء لي كيعجبو أوس كيتقاسمو أشياء لا تعد و لا تحصى ..

أوس : ( جلس و حط ليه الخادم كاس د البلودي ماري شرابو المفضل ) بلا ما تتسرع.. 

الكاپو : ( خدا هو الآخر كاسو و رشف منو ) فاش غنتسرع؟! .. 

أوس : من طريقة كلامك نفهم ان عندك خطة اخرى.. 

الكاپو : لي كيعجبني فيك هو دائما كتفهمني قبل ما نكمل.. 

أوس : ( رسم ابتسامة جانبية كيرمقو بنظرات واثقة ) شنو فعقلك؟!.. 

الكاپو : الخطة هي كالتالي البنات غيبقاو هنا قدام عيني احتمال انهم يهربوا من هنا 0% .. 

أوس : بنيامين مستحيل يقبل بهادشي نتا عارف.. 

الكاپو : ( هز فيه عينيه و نطق بصرامة ) الى بغا يبقى حداها يتفضل حاجة اخرى ماغتكونش .. 

أوس : انا غنهضر معاه .. 

الكاپو : حاجة أخرى غدي يعطيك ميمو تيليفونات غتفرقهم عليهم مراقبين كليا اي غلط و لو صغيير غادي تكون العواقب وخيمة بإمكانهم يهدروا مع عائلاتهم .. 

أوس : مافهمتش شنو باغي دير بالضبط .. 

الكاپو : ( تبسم و نطق ببرود ) بغيت نبدل الجو شوية .. 

أوس : ( قرب عندو و شبك يديه مع بعض ) اشمن نوع من تبدال الجو هذا... 

الكاپو : ( جمع ابتسامتو و نطق بجدية ) بغيت ختي تعيش مرتاحة ماعاشتش حياتها فحال الناس كان أبسط احلامها حياة عادية فكرت انه علاش لا ما يكونش عندها صحابات و لا لا؟!.. 

أوس : ( سرط ريقو و رجع لور كيرمش فعينيه كان نسى أمرها ) علاش هي غتخرج؟! .. 

الكاپو : مزال ما هدرتش مع الدكتور و لكن احتمال كبير انها تخرج آخر مرة قالو بلي كاين تحسن فحالتها و ما بقاتش كتتعاطى بالتخبية الى خرجت الموافقة غنصيفط طيارة للمكسيك تجيبها.. 

أوس : ( حرك راسو ببطئ ) احم مزيان .. 

الكاپو : غنطلع ندوش عندي شي بلانات خاص نساليهم الى احتاجوا شي حاجة يسولو ميمو و الخدامة غتوريهم غرفهم .. 

طبطب على كتف أوس و طلع مخليه فحيرة من أمرو غارق فتفكيرو قاطعو صوت أقدام كتقرب حداه هز راسو لقاه بنيامين مشا كب ليه كاس و جلس حاقد.. 

أوس : كنقوليك شحال من مرة ما تبقاش تسمع لينا كون جيتي جلستي و صافي راه جرا معاك .. 

بنيامين : ماتهدرش معايا الله يحفظك ماراشقاش لديلمي فهاد الساعة ياك جرا معايا و صافي سالينا..



فيروز : مال لحمك كلو زرق اش دار ليك؟!..

فريال : ( هرّبت نظرها و نطقت بتوتر ) ضربني اش غيكون دار ليا فنظرك؟! و لكن انا العصى مابقاتش كتگر فيا صافي متنا عليها..

فيروز : بانت ليا العصى ديالو هو ماشيي ديال علال الطويل..

حنان : ( حاطة يديها على خدها و ساهية كتخمم ) دابا نورة فين غتكون؟! شنو غيوقع لينا غنبقاو هنا !!..

فيروز : المهم ما متناش القحبة الحمد لله انا حية أُرزق تصوري وسط مافيا قد السخط جريتيهم وراك و مزال عايشة شي حاجة اكثر من هادشي ماكيناش ..

فريال : ( ذبلت ملامحها بحزن و بسرعة تحجروا الدموع فعينيها ) و لكن ماتوا ناس آخرين بسبابنا .. 

فيروز : من نيتك؟! شكون مات؟! .. 

فريال : زينب و عبدو !!( قالتها و انفجرت باكية بطريقة كتقطع القلب ) 

فيروز : ( خبطت فخضها و وسعت عينيها ) اااا؟! اويلي واش كتهدري بصح ؟!.. 

حنان : كيفاش ماتوواا ؟! شنو وقع؟!.. 

فريال : قتلهم الكاپو منين خرجوا من عندنا تفرگعت لوطو ديالهم هئ.. 

حنان : واش هما لييي( سكتت فاش حبستها البكية و حدرت عينيها للارض ثم نزلت دموعها فصمت ) 

فيروز : ( سكتت مصدومة و الهزة لي غتهز عينيها بان ليها فران شاد فنورة و جاي كيعكز معاها بشوية ) اوييليي نووورة!!.. 

كلهم هزو عينيهم كيشوفوا فيها و ناظوا كيجريو عندها عنقوها بقوة حتا تأوهت و تدخل فران دفعهم بعيد عليها و نظراتو غيقرطسوهم.. 

فران : ( هدر مع فيروز حيت كتفهم الايطالية ) بشوية البنت مريضة!! .. 

فيروز : كيفاش مرييضة باش مريضة؟! .. 

نورة :(عنقت فريال لي كانت قريبة ليها و باشرت البكاء) بغيت نرتاح عافاك .. 

فريال : ( عنقاتها مصدومة كما الكل و نطقت خوفانة ) مالك ا نورة؟! .. 

فيروز : ( قربت و حطت عليها يديها ) نورة مالك؟! .. 

نورة :( صرخت فوجهها بصوت مرتفع ) بعدييي منيييي ماتقيسيييينيش ؟!!( تلاحت عليها نتفتها و صرفقتها.. شدها فران و بقات كتفركل باغا تفلت منو ) طلللق خليني نقتلها القحبة المثقوووبة المسخة بغيتيني نكون فحالك يااك نتي لي حرشتيهم علياااا !! بغيتيني حتا انا نولي قحبة فحالك( هزت رجليها و خبطاتها ) طلللاق مني خليني نفرسهااا الموووسخة الاخرى نتي السباااب هئ هئ نتي لي قلتي ليهم يغتاصبوني بلعاني درتيها ياااك!! .. 

فيروز بقات جامدة فبلاصتها مصدومة و كتشوف فيها غير دموعها لي دايزين و البنات كذلك و مثال مامتيقينش داكشي لي اخترق مسامعهم .. جا أوس و بنيامين بسرعة يشوفو شنو واقع و سخفت نورة بالألم، مقاومتها و المجهود لي دارت خلاها تنزف من جديد عيط فران لطبيب ديالهم و هزها باش يطلعها لبيت... 

فيروز طاحت على ركابيها فالأرض و بقات كتبكي عنقتها فريال و هزاتها جلساتها و عطاتها تشرب بقا حداها بنيامين و حنان تبعت ختها كتجري فريال بغات تلحق عليها و لكن حبسها أوس و جرها وراه حتا بعدو عليهم .. 

أوس : هدرت معاه غتبقاو هنا .. 

فريال : ( بدلت تعابير وجهها و نطقت بتساؤل ) و نتا ؟! .. 

أوس : غنمشي فحالي !! .. 

فريال : ( شدت ليه فيدو و حركت راسها بلا ) ماتخليوناش بوحدنا معاه .. 

أوس : ( شد يديها لي قابطة فيه وبعدها بسرعة ) ماتخافيش غيبقاو معاكم الدراري .. 

فريال : ( استغربت من الطريقة لي زول بيها يديها و حركت راسها بعدم فهم ) مالك؟! .. 

أوس : ( قرب عند مسامعها و همس بصوت خلا قلبها يرتعش ) حضي راسك مزيان هنا و ماديري حتا غلط الى بغيتي تبقاي حية .. 

فريال : واش ماغنبقاش نشوفك ؟! .. 

أوس : ( سكت شحال كيتأمل فوجهها الطفولي و صوتها الحنين كيحرك فيه شي حاجة لداخل قرب ليها كتر و جرها من خصرها خشاها فحضنو ) غتبقاي تشوفيني دايماً .. 

فريال خداو حنيكاتها اللون الأحمر و بادلاتو العناق مع ابتسامة ساحرة كتحس بقلبها غيفرفر كأنها ماكلاتش قتلة العصى من عندو و لا شافها معرية، أكبر متقلبة مزاج مايمكنش الواحد يتوقع تصرفاتها أبدا .. 

فريال : ( بعدت عليه و حدرت عينيها بخجل ) غنمشي نشوف البنات .. 

أوس : ما تعطلوش على العشا الكاپو ماكيبغيش هادشي .. 


فريال : ( هزت راسها بايجاب ) واخا ..


وصل وقع العشا و طلعو الخدم كيعلموهم كلشي نزل باستثناء نورة لي كانت مزال مافاقت .. كانو جالسين كيتبادلو نظرات غير من لتحت للتحت فصمت كيساينو فالكاپو ينزل، جات الخدامة حطت طبق فبلاصتو ملي لمحاتو جاي و تنحات جانبا بسرعة ..

الكاپو :(هز يديه و عطاهم إشارة باش يبداو ) تفضلوا ..

فريال : ( هزت عينيها فيه و رجعت حدرتهم بسرعة ) بسم الله..

فيروز و حنان : ( ماهزوش راسهم نهائيا الخوف لي فيهم مافحتا حد ) بسم الله..

بداو الأكل فصمت هز الكاپو عينيه ما غتجي غير ففريال وحلت ليه الدغمة هز كاس الويسكي شرب منو و بقا مراقبها كيفاش كتاكل و كتحاول ماتشوفش فيه و كا شوية كتقلب شعرها لجهة حس بيها متوترة، توقف عن الأكل و ركز فيها كل حواسو شي حاجة فيها مميزة كتخليها تبان مختلفة على باقي البنات جذبو جمالها و البراءة لي كتبان على محياها خلاصة القول تعشى و شبع ..

أوس : ( هز عينيه و حدرهم رجع هز راسو فاش استوعب الأمر و شاف فين كيشوف ) كاين شي مشكل؟! .. 

( هزو كلهم عينيهم كيشوفو فيه و وعى هو على راسو كينتقل بنظرو بيناتهم).. 

الكاپو : ( شاف ففريال و نطق بصرامة مخشن صوتو ) شنو سميتك ؟! .. 

أوس : ( سبقها بدون شعور و جاوبو فبلاصتها ) فريال .. 

الكاپو : ( شاف فيه ببرود و نطق ) خليها هي تجاوب .. 

فريال : ( هزت راسها بتأكيد ) سميتي فريال .. 

الكاپو : مزيان بقاي ديما تجاوبي على راسك .. 

أوس : ( هز عينيه فبنيامين لي كيشوف فيه و حول نظرو لفريال حط الفوغشيت و بغا ينوض ) انا شبع... 

الكاپو : ( قاطعو فاش شاف نورة نازلة و ناض من بلاصتو باش يعاونها ) نوره مزيان ملي جيتي دابا عندي ليك مفاجأة زوينة .. 

نورة : ( نسات و شافت ففيروز ناطقة بعدم فهم )شنو كيقول هذا؟! .. 

فيروز : ( حدرت عينيها و سكتت ) لا رد .. 

الكاپو : ( جرها باتجاه الحديقة الخلفية ) اجي تشوفي..

ناضو كلهم تابعينو من غير فيروز خرجو لقاو ثلاثة د الرجال جالسين على ركابيهم رابطين ليهم يديهم و رجليهم و مغمضين عينيهم .. 

الكاپو : ( طرطق صباعو فجأة خدمت الموسيقى طلق منها و قرب حداهم هز راس واحد فيهم و زير عليه بقوة زول ليه الشريط الأسود و قادو قبالتها ) كتعرفي هذا .. 

نورة : ( كانت غطيح شدت ففران و خبات راسها فصدرو ) هما هادو جاو عاود !! باغين يتعداو عليا .. ماتخليهمش يقربو عافاك قوليهم يمشيو فحالهم .. 

داز عليهم بثلاتة زول ليهم الشريط على عينيهم غير شافوها زادت كملت الباهية واحد بدا يغوت فاش عرف السبب علاش خاطفينو و لي حداه بال فسروالو، الثالث فيهم ما دار حتا ردت فعل كان كاتم صوتو و حابس خوفو لداخل ..

هادشي لي جذب لكاپو مشا شدها من يديها و قربها عندو و بالظبط وراه وقّفها و جبد موس من جيبو حلو و حطو فيديها و عاود شد يديها و قربها لعنقو .. 

الكاپو : شنو كتفضلي يموت هاكا و لا نتستمتعو بيه فحال خوتو ..( نورة كلها كترجف مغمضة عينيها و كتحرك راسها بلا) نوووره قرري بالزربة العرض ما بقا والو و يبدى .. 

فريال : ( شدت فهارون حاطة يديها على فمها ) اش كيدير هاد الحمق .. 

قرب ليها الكاپو يديها حدا عنقو و ضغط مزيان حتا اخترق الموس جلدو و دوز ببطئ شديد مزير على يد نورة لي غتغوت اكتر من لي كيتذبح لاحت الموس من يديها و مشات كتجري تلقى ليها فرانسيسكو و شدت فيه كتمسح فيديها بحال شي حمقة .. جات فيروز كتجري و شدتها كتقلب فيها و هي عنقتها و زيرت عليها غتهبل بالبكا .. 

الكاپو صفر عليهم و جابو ليه واحد ثلاثة الكلاب من نوع "پيتبول" ريوقهم دايزين شافو الدم و بداو ينبحوا مجوّعهم من نهار عرفها تغتاصبات.. قرب حدا دوك الزوج لي بقاو و فك قيودهم ثم نطق بصوت مرتفع " جريو" .. 

بقاو كيشوفو فيه بعدم فهم و انطلقوا بسرعة فاش لمحو الرجال طلقوا الكلاب ماكملوش خطوات قليلة حتا وصلوا عليهم و هرشوهم و هما حيين غير صوت صراخهم لي كان كيتردد فديك الليلة..

الكاپو : ( شاف فالبنات لي مغمضين عينيهم و ضحك ) سالا الشوو البنات ، نوره كنتمنى تكون عجباتك المفاجئة ..

حنان : ( حبسات راسها حتا عيات و مشات كتجري رجعت داكشي لي كلات ) .. 

هارون : ( قرب حداها و ضحك بسخرية ) هههههه باقا ما شفتي والو .. 

حنان : ( مسحت فمها و نطقت بعصبية ) سير تقوود بعد مني تفوو من نهار شفت وجهك ما شفت النهار البيض .. 

هارون : ( شدها من عنقها و خبطها مع الحيط بقوة ) ملي تهضري معايا ولي تعرفي اش كتخرجي من فممك..

حنان : كح كح كح صافي طلق مني خنقتيني ..

هارون : ( رخف عليها شوية و قربها لعندو اكثر طبع قبلة على غمازتها و بعد عليها) آخر مرة تعاودي تهربي .. 

حنان : ( سرطت ريقها و عضت على شنايفها بخجل ) احم واخا ..


دازت ديك الليلة كحلة على البنات لي ماجاهمش النعاس من مورا داكشي لي شافو إحساس صعيب بزاف انك تشوف انسان كيتقتل قدامك و ينهشوه الكلاب و هو حي ، العقل ما يقدرش يتقبل داكشي..

صبح صباح جديد و ناضت فريال بعد ليلة طويلة من التفكير و هي جالسة فداك الكرسي بوحديتها فالظلام حتا طلع النهار .. دخلت للحمام قدات حاجتها و مشطت شعرها غسلت سنيناتها و خرجت كتقلب على حوايجها بان ليها باب آخر مسدود حلاتو لقات دريسينغ من أولو لآخرو عامر حوايج بكل أنواعهم لي ما طيحش على البال كاينة تما ..

دخلت كتختار شنو غتلبس حتا دخلت عليها حنان لابسة توني أديداس نواغ و صپادري بيضة جامعة شعرها كوپ شوڤال و منزلة الغرة على جبينها، شعرها الكستنائي كيلمع و وجهها شاحب ..

فريال : ( طلعتها و هبطتها بإعجاب ) اووه جاك التوني زوييين حتا نتي لقيتي لحوايج فبيتك؟! ..

حنان : ( نطقت بصوت باح بوجه ذبلان ) اه ..

فريال : ( شافتها ماشي هي هاديك و بغات تنسيها شوية ) شعرك بدات كتمشي منو الصباغة خلي لونو الطبيعي هاكا احسن الناس كرهو يكون شعرهم اوغونج؟! ..

حنان : ما بقا كيهمني والو ا فريال مانكدبش عليك النعاس مابغاش يجيني داكشي مامشاش من بالي .. 

فريال : شوفي ماعندنا ما نديرو غنسايرو داك المختل احسن ما نوليو حنا طعام للكلاب .. 

حنان : انا مباغاش نبقا هنا حياتي كاملة!! مابغيتش نتصاحب مع القحبة ديال ختو غنريش ديلمها انا.. 

فريال : ( سدت ليها فمها و شافت فجنابها ) شششششتتت غيسمعك شي واحد حضي راسك مزيان لا يكونو دايرين شي كاميرا فبيوتنا.. 

حنان : بغيت نمشي لدارنا توحشت بابا و ماما و خواتاتي .. 

فريال : عرفتي شنو ديري سيري كلمي دوك القحبات نعيطو ليهم اليوم الجمعة كيكونو مجموعين .. 

حنان : انا غنكلمهم و نتي بدلي هاد الحوايج شوفي كيولاو .. 

خرجت حنان و دخلت فريال تبدل حتا جاو و تجمعو كيستعدو متحمسين و فنفس الوقت متوترين جميع الأحاسيس مخلطين و لكن أهم شيء انهم ما يبينوش .. 

دخل هارون عندهم ناسي راسو لقاهم مجمعين شافو فيه كاملين و وقف هو هاز يديه باعتذار و رجع خارج فحالو .. 

فريال : ( وقفاتو بفضول و نطقت كتعلي راسها فيه ) شنو بغيتي؟! .. 

هارون : هاد البيت كان ديالي نسيييت و جيت هنا ديزولي .. 

حنان : ايوا سبحان لي ما يسهى اوليدي .. 

هارون : ( رجع دخل عندهم و سد الباب ) اجي نتوما اش كديرو هنا مجموعين ياكما ناويين على خزيت ما ننصحكمش تفكرو .. 

فيروز : ( نطقت تحت من لسانها ) حنا باقين غي نعاودو .. 

فريال : بغينا نهضرو مع الدار شوية .. 

هارون : الفطور مع 10 ماتعطلوش .. 

حنان : مالنا جالسين فمدرسة عسكرية اش هاد الخرا .. 

هارون : نقصي منك هاد البسالة الى سمعك را مايرحمكش .. 

حنان : ( هزت فيه راسها و نطقت بجدية ) و نتا غتخليه ؟! .. 

هارون : ( سكت كيشوف فيها شحال تايه فبحر عينيها عرف انها كتهضر بجدية و حول نظرو لمكان آخر ) ماتعطلووش .. 

حدر راسو و خرج سد الباب و شهق مطلع النفس كأنهم كانو قابطين على عنقو و حل صدفة الاولى كيحاول يتنفس براحة، مسح على وجهو و دار كيشوف فالباب فالتالي زاد خلفة مع الطريق و حالتو مكانتش كتعجب .. 

حنان كذالك و مثال عينيها بقاو على الباب لي خرج منو و حاسة بشي حاجة فيه ماشي هي هاديك بقا فيها الحال علاش مجاوبهاش و مشا و حدرت عينيها للأرض.. 

فيروز : ااا سبحان الله ابنيتي!! تي مالك ؟! .. 

فريال : ( هزت ليها راسها بشوية ) شوفي فيا!! هههه كتبغيه ا بنيتي مافيهاش الشك .. 

حنان : ( حيدت ليها يديها و جمعت شنايفها ) بعدي مني عافاك !!.. 

فيروز : و صافي ضحكي ضحكي!! راك غتهدري مع بِّيشْرا .. 

حنان : يالاه عيطو عيطو خلاص!! طلقونا .. 

شدت تيلي و حلاتو حست بقلبها فرفش فاش كتهزي أيفون 11 برو راه تفرحي بز من جد بوك محبوسة و عاطينك ايفون اخر ما غنات آپل جديدة هادي 😂.. 

دخلت لواتساپ لقات نوامر العائلة كاملة داخلين كتشوف و عينيها خارجين فداكشي فمهم تحل عرفو ان هادو كيلعبو فالأعالي و يديهم صحيحة ديال بصح القضية حامضة و ما معاهمش اللعب جمعو الضحكة و وحلت فرحتهم فحلقهم دوزت فريال لاپيل و دارت الهوت پاغ لوغ ..


فدار ولد الحاج عمر كانو مجموعين فالصالة و الصمت كان سيد المكان كل واحد منطوي فزاوية و كيخمم فالموصيبة لي تسلطت عليهم ساهيين فالفراغ و كؤوس الشاي بردو بين يديهم ..

فجأة بدا كيصوني تيليفونها جابو ليها بدر و مانتابهتش ليه حتا قفزوها كاملين ناطقيين بصوت مرتفع " واا سنااا" .. فاقت من سهوتها و خدات تيليفون شافت نمرة غريبة و كتصوني عليها أپيل فيديو ..

سناء : ماعرفتش ديال من هاد النمرة ..

بدر : ( رجع خدا التيلي و لقا النمرة أجنبية ) هاد النمرة ماشي ديال هنا !! انا غنجاوب ..( حل الكاميرا و هي تبان ليه فريال ) الشييخ زريقة !!..

فريال : ( تبسمت و نطقت بفرحة ) الشاب بدر!!..

غير سمعو " الشيخ زريقة" و " الشاب بدر" ناضو قافزين هادو ألقاب بين بدر و فريال منين كانو صغار .. سناء خطفت تيلي و جات تخشات فيها بشرى ..

بشرى : فيناهي بنتي؟! ..

فريال : و عليييكم السلام لاباس الحمد الله و نتي !! ..

بشرى : ( صعرت بعصبية ) واا فيناااهي بنتييي ؟! ..

فريال : ( جرت حنان حداها ) هاهي بنتك عنداك تاكليني؟! .. 

بشرى : حنااان!! فينك ابنيتي ؟! رجعي عندي ما تشوينيش فيك حتا نتي!! رجعي ليا الكبيدة ما نخلي حتا واحد يقرب ليك .. 

حنان : ( حبست بكيتها بصعوبة و ابتسمت ليها ) ماتخافيش اماما صافي كلشي مزيان حلينا داك المشكل رجعنا لطاليان .. 

سناء : اويليي على رجعتو!! فريال ها العار ابنتي الى ما جي لداركم خدمي هنا و قراي هنا بناقص من شي طاليان الله يستر عليكم .. 

بدر : وا غييير بشوية نفهمو اش واقع !! من لغيط .. 

فريال : وا صافي ما بقا والو حنا كنا خايفين من والو مكاين لا عصابة لا مافيا .. 

بشرى : واش كضحكوو علينا ولا شنو؟! كيفاش ماكاين والو مشيتو تسكتو لينا القلب النعاس مابقيناش كنشوفوه .. 

بدر : فينكم دابا؟! فيناهي فيروز !! .. 

فيروز : واا أخيي !! ها أناا( لوحت ليه مبتسمة فاش قلبو الكاميرا فجهتها ) راك عارفني ما عنديش مع اللغيط سبّقتهم هما الاولين .. 

سناء : فيروووز!! واش بصح ابنتي هادشي لي قالو؟! .. 

فيروز : بصح الواليدة واش غنكدبو عليك ها نتي كتشوفينا حنا فالدار جالسين بيخير ما واقع والو مبرزطين شوية حيت حابسين القراية و الخدمة على ود كورونا و صافي.. 

بدر : يا بنت الهم ضبري لخوك على شي كونطرا نجي نونسكم !! 

فيروز : ماعندك ما تجي دير هنا أ خاااي!! ماقادة على مشاكل مع فوزية غنقلبوها صباط .. 

بدر : خوك غيولي عريس !! غتجيو ياك .. 

فيروز : هادي غير بغيتي تقولها أكيييد غنجيو ضروري و مؤكد، سلم عليها معاك .. 

بدر : مبلغ اختي الله يحفظك ليا .. 

خدوج : و ارو لينا حتا حنا نهضرو معاهم شوية !! ..( عطاوها التيليفون ) وا الكبيدات لاباس عليكم ؟! .. 

البنات : لاباس امي الحمد لله و نتي؟! .. 

خدوج : ما بقاوش تابعينكم دوك البانضية؟! .. 

البنات : ( ضحكو كاملين و حركت فريال راسها بلا ) لا امي غير سوء تفاهم و تحل .. 

خدوج : ( عقدت حواجبها فاش لمحت شي حد رابع حداهم ) شكون هاداك لي حداكم ؟! .. 

فريال : ( ارتبكت و حاولت ما تبينش ) حتا واحد!! ..

خدوج : لا را حداكم شي واحد ابنيتي راني مناش عمية !! .. 

فيروز : ( خطفت ليها تيليفون بسرعة ) اري الخرا لهنا !! تجمعوا كلكم تجمعوا .. 

خدوج : هاااه !! 

فيرووز : وا تجمعوااا كلكم بانو عندي هنا !! ..

شافتهم تجمعو و هزات راسها بمعنى مزيان و دورت الكاميرا لنورة لي غير ساكتة و كتخمم مزال الصدمة مأثرة عليها و فمها كلو مجروح و عنقها كيبان مغطي بالفاصمات .. كلهم بداو كيهدروا و كيغوتوا فدقة وحدة مابقاو كيفهموا والو و نورة بدات كتبكي... 

فيروز : سكااااات!! ( كلهم سكتو كيشوفو فيها ) مالنا اش كاين؟! عيقتو گاع سمعو هاد زوج كلمات لي عندي ليكم و لي بغا يتقلق موراه يتقلق لي بغا يسطح راسو مع الحيط يسطحو الله ينعل لي داها فيكم .. 

فريال : ( عرفاتها جعرت بالمعقول بغات تاخد ليها التيلي ) صافي اري ليا .. 

فيروز : طلقييي لهنا !! سمعوني مزيان حنا هبطنا للمغرب على قبل نورة تعداو عليها دوك الكلاب لي جاو عندكم و مابغينا نقولو ليكم والو دابا لي عطا الله عطاه بلا ما نقويو الهدرة و ماغنشرحوش بالتفاصيل نورة انا كنت مصايبة ليها وراقها و جات الفرصة مع هاد المشكل جبتها عندي دابا انا غنقطع هاد التيليفون و نتوما غتجلسوا و غتهضروا بيناتكم المرة جاية فاش نعاود نعيط بغيت نلقا وجوه بشوشة و هدرة زوينة و لا غنعاود نقطع، السلام عليكم!! ..( قطعت و ساطت بصوت مسموع فحال الى زولت عبئ ثقيل على كتفها ) .. 

حنان : ( رمشت عينيها بصدمة و نطقت و الدهشة باينة على وجهها ) منين طاح عليك هادشي !! .. 

فيروز : ( هزت كتافها و نطقت ببرود ) ماعرفتش جا بوحدو !! .. 

فريال : هاكا أحسن والله بعدا توضحت بعض الأمور..

فيروز : توضح ليهم و لا ما توضحش المرة جاية غنسمع كلمة وحدة خايبة تقالت ليها غنتسيف عليهم ..


قاطعهم الدقان فالباب كانت الخدامة جات تعلمهم بلي وقت الفطور و خاصهم يهبطو داروا ليها إشارة باش تمشي و مسحوا لنورة دموعها ،. تعانقوا كاملين كيحاولوا يضحكوها باش تهدر شوية و تطلق ..

فريال : يالاه نتوما هبطو انا غنصلي و نجي بالزربة ..

خرجو هما و مشات فريال توضأت و فرشت كسيوة طويلة تصلي فوقها ، بعد ما كملت خرجت تابعاهم غير دارت مع الكولوار خبطت فصدرو حتا رجعت خطوات بلور و هزت عينيها فيه شافت وجهو و هي تخلع شهقت و بغات تهرب .. شدها من يديها و جرها لعندو بقوة ..

الكاپو : ( نطق بصوت خلا شعر جسمها يوقف ) اش كديري نتي هنا ؟! ..

فريال : ( نطقت بثلعتم مهربة نظرها لبعيد ) غادة نفطر ..

الكاپو : ( هز يديه و شاف فساعتو الذهبية الرفيعة ) هاد الوقت خاصك تكوني فالطبلة ..

فريال : ( تفكرات صاحبتها و غمضت عينيها كتحاول تصبر راسها ) طلق منييي !! ..

الكاپو : ( رسم ابتسامة جانبية فاش حس بنوع من التهديد من خلال نبرة صوتها و الطريقة باش نطقتها ) و الى مطلقتش ؟! ..

فريال : طلللق مني محاملاكش تقيسني !! ..

الكاپو : ( ميل راسو كيتأمل تعابير وجهها بإعجاب ) منين جاتك هاد الشجاعة كاملة؟! في من كتيقي ؟! .. 

فريال : ما كنتيق فحتا واحد !! و بالخصوص هادو لي ضايرين بيك نتا غير بشر بحالي بحالك علاش غنخاف منك؟! انا كنخاف من الله وحده لا شريك له .. 

الكاپو : ( هز راسو بحال الى تفكر شي حاجة ) ااااا نسيت حتا نتي مسلمة بحالهم نتونا كتخافو غير من ربكم ! مزيان نعرف هادشي ( بدل تعابير وجهو و زير على يديها بقوة ) و لكن عطيني سبب واحد يخليني ما نقتلكش دابا .. 

فريال : ( لاحت على شفتيها ابتسامة ساخرة و نطقت باستفزاز ) ماعرفتش علاش ما استغربتش بزاف !! واقيلا حيت قتلتي صاحبتي و صديقها بلا ما يرف ليك جفن .. 

الكاپو : ( عقد حواجبو باستغراب ) صاحبتك؟! هاديك لي انفجرت لوطو بها هي و صاحبها، شكون قاليك انا لي قتلتها ؟! .. 

فريال : أوس لي قالها ليا فاش كيهم هادشي قتلتيها و ما بقاتش غترجع ( حبستها البكية و مابغاتش تضعف قدامو ) ..

الكاپو : ( من وجهها حس بيها باغا تبكي و ماقادراش ) ماغنقدرش نرجع ليك صاحبها و لكن صاحبتك مزال حية !! .. 

فريال : ( هزت راسها بزربة و نطقت بعدم تصديق ) شنو قلتي !!.. 

الكاپو : كيفما سمعتي و لكن الى بغيتي تشوفيها الحديث لي بيناتنا مايعرفو حتا واحد و كنظن نتي ذكية بزاف على ديري غلط بحال هذا .. 

فريال : ( شدت يديه بترجي و تخربقت ليها لونجلي مع الدارجة ) و الله ما نقولها سوري ماغنقولها لحتا واحد صافي امتى غنشوفها؟! .. 

الكاپو : ( غمزها و نطق مكمل طريقو ) ملي غنبغي انا .. 

فريال كملت فرحتها و ارتاحت من الداخل تبعاتو و عينيها ضاحكين هبطو بزوج و كلشي دار مصدوم كيشوف فيهم جلست هي و شافت فيه هو ابتسم ليها و حتا هي بادلاتو الابتسامة و بدات كتفطر ما مسوقاش لهادوك لي غيموتو حداها بالفضول وواحد غيموت غير بالفقصة .. 

هما بقاو كيتسناو حتا قسح تعابير وجهو و رجع مخنزر عطاهم الاذن باش يبداو و بداو يفطرو كيتبادلو النظرات بيناتهم غير من التحت مستغربين من التغير لي طرأ على الكاپو كيبان راشقة ليه و مستمتع، أما أوس فبقى غير كينتقل بنظرو بناتهم و كيحس بالعافية شاعلة فيه من الداخل حيت الوضع لا يبشر بخير و هو عارف صاحبو مزيان .. 

هارون : ( وحلات ليها فجأة و بدا كيسعل بهيستيرية ) كح كح كح ( مدت بيها حنان الما و ماشدوش من عندها ) مابغييتش !!( دفع الكرسي و خرج مخلي كلشي كيشوف فيه ) 

الكاپو : ( عرفهم كيتسناوه يدير ردة فعل كبيرة .. ) هارون ماجاش معاه لاموغ .. 

حنان : ( وسعت عينيها وحلت ليها حتا هي و غطست راسها فالطبسيل حشمانة ) كح كح كح .. 

فيروز : ها هي وحلت ليييها حتا هي !! كيوقع هادشي فالاول عادي ا حبيبة .. 

بنيامين : ( خنزر فيها باش تسكت و نطق بهمس ) قطعي حسك .. 

الكاپو : ( وجه الفوغشيط باتجاه فيروز و هز راسو كيشوف ففريال ) عندك الحق فالاول كتكون جاذبية مكتوصفش !! .. 

فريال : ( كانت كتفكر غير فزينب و فرحانة مانتابهاتش ليه حتا شنو قال غير مسايراه و كتبتسم ابتسامتها الساحرة حيت عارفاها كتذوب الجنس الخشن كيفما كان نوعو ) بصح .. 

بنيامين : ( بقا غير كيشوف فالكاپو مصدوم و نطق بينو و بين نفسو ) هادا مالو سكران على الصباح و لا شنو ؟! .. 

أوس : ( ما زولش عينو عليها ماكرهش ينوض يخنقها بيديه ) شنو كتعرف نتا على الحب !! .. 

الكاپو : والو !! ولكن بديت كنتعرف عليه ..( حرك راسو و هز فيه عينيه كيهدر بجدية ) حضرته شخص محترم بكل صراحة نتا فايت تعرفتي عليه؟! لا!! .. 

فيروز : ( سرطت لقمتها بصعوبة كتشوف فيه و دارت كتشوف فالبنات و نطقت بالدارجة ) تف تف تف هادا مسكون مافيهاش .. 

حنان : حمق ا صاطا هارب ليه !! .. 

فريال : ( ابتسمت ليه و نطقت فنفس الوقت ) هههه الله ينعل طبنمكم الى ما ضحكو راه قاليا زينب باقا حية .. 


شهقو كلهم كيشوفوا فيها و بداو كيضحكوا فاش حسو براسهم عيقو و هزت حنان التيليفون صورت سطوري "بومرانغ" مع فيروز و لاحتو، ثم كملوا فطورهم عادي بحال الى ما واقع والو ..

دخل واحد من لي گارد قال شي حاجة لفرانسيسكو فوذنيه و ناض بزربة خرج تبعو أوس و من وراهم الكاپو خرجو على برا و دارو لواحد لگراج خاوي ورك فران على زر و طلع ريدو حتا دخلو و عاود نزلوه ..

كانو خمسة الولاد مكتفين و واحد واقف بعيد عليهم و كيرجف غير بوحدو باغي يبكي حارسينهم الرجال و كلهم خايفين ..

فران : ( خدا تيليفون ديال هداك لي موقفينو فالجنب و حطو على وذنيه )..

.... : ألو سيلڤيو واش وصلات السلعة تلاقيتي بالبوس !!

فران : تلاقا معايا و لكن السلعة مكايناش اسي طارت بححح ..

.... : كيفاش لا ميمكنش شكون يقدر يدير شي حاجة بحال هادي؟! حتا واحد ما يتجرأ يديرها ..

فران : ماعرفتش نقدر نكون انا و لا نتا السلعة بغيتها تكون عندي و إلا راك عارف شنو غيوقع .. ( عطا التيليفون لسيلڤيو ) ..

سيلڤيو : الو خويا...( اخترقت الرصاصة مخو قبل ما يكمل هدرتو )

أوس : ( قتل هادوك الخمسة لي قدامو كاملين و رجع سلاحو) الى مجاتش السلعة قتل القحبة مو ..( خرج و خلاهم )

الكاپو : ( ابتسم عاجبو الحال) قوليه يرجع هنا بغيتو هاد الايام يبقى ..

فران : واخا غنقولها ليه ..

أوس رجع دخل باش يهز شي وراق تساطح معاها غادة طالعة جرها معاه و بقا غادي بيها حتال بيتو دخل و سد الباب سورتو عاد دار ليها هي لي لصقت فالحيط عرفت القضية حامضة ..

أوس : واش كياكلك لحمك و لا شنو؟! ..

فريال : مادرت والو انا ..

أوس : ( جمع قبضة يدو و خبطها فالحيط حدا راسها ) مادرتي والو ياك ؟! و شنو دوك التصرفات لي قلونتي فالفطور و هابطة معاه جنبك فجنبو و الابتسامة واصلة لوذنيك ..

فريال : ( تفكرت الهدرة لي قال ليها كاپو و هزت كتافها ) ما لاحظتش انا كنت كنتصرف عادي هو لي بقا كيضحك معايا ..

أوس : فريال الصبر عندو حدود ماتخلينيش نفوتهم و إلا داكشي لي غتشوفي ما غيعجبكش ..

فريال : ( خلعتها طريقة كلامو و جديتو الواضحة حدرت عينيها كتشوف يديه كيرجفو ) و نتا مالك كترعد هاكا ؟!..

أوس : ( شاف فيديه و زير عليهم بقوة باش مايبقاوش يترعدو ) مانبغيش نشوفك حداه و ويااااك تهضري معاه ..

فريال : ( عقدت حواجبها بشك ) و علاااش؟! ..

أوس : ( غمض عينيه كيحاول ينسى دوك النظرات لي كانو كيتبادلو قدام عينيه و نطق مزير على فكو ) بفرياااااال !!..

فريال : ( رسمت ابتسامة ماكرة و جلست حاطة رجل على رجل ) ياكما كتغييير عليا ..

أوس غير سمع هاد الجملة تعابير وجهو تبدلو حسات بيه تغير قرب حداها ببطئ شديد كأنو كيتأهب لشي حاجة ما كتبشرش بالخير قبطها من يديها و رجع فاق على راسو و جرها بزربة خرجها من تما و سد الباب ..

فريال بقات واقفة فبلاصتها مصدومة ما بقاتش فاهمة تصرفاتو فالآونة الأخيرة عاود دخلات و مشات قاصداه يالاه غتنطق باغا تسبو لقات عينيه حومر و يدو كيقطر منها الدم و المراية مشخشخة ..

فريال :( خدات يديه كتتفحصها ) اويلي مالك؟! ..

أوس : ( هز فيها عينيه حومر كيخلعو و صعر بعصبيه ) خرجييييي تقودييي ..

فريال : ( عضت على شنايفها و بقات واقفة كتفكر، تشجعت و جلست حداه شدت يدو ) عاود ليا مالك؟! .. 

أوس : ( جر يديه لعندو و دفعها بعيد عليه ) قلت ليك خرجي مابغيتش نشوفك قدامي .. 

فريال : سيير فحالك الله ينعل لي جا دوا معاك !!( خرجت و خبطت الباب بقوة عمدا ) 

دخلت لبيتها و سدت الباب و هو يتبعها دخل و سورتو قصد دريسينغ جبد صاك و بدا يخشي فالحوايج لي جات فيديه دارها جرها بقوة و خرج بلا ما يتكلم مع حد .. 

فران : ( تعرض ليه فران فالطريق) أوس فين غادي ا صحبي؟! الكاپو بغاك تبقى .. 

أوس : غنغبر شي أيام فريال غتبقى معايا الى مكانتش شي حاجة طارئة ماتعيطوش ليا .. 

فران : و لكن الكاپو قال .. 

أوس : ملي غنرجع غنهدر معاه و بلا ما يقلب عليا حيت ماغيلقانيش .. ( بدا غادي و رجع خدا ليها تيليفون عطاه لفران) هادا حطو لداخل ماغتحتاجوش .. 

فران : غدي غير تتخاصمو خليها و سير ا أوس .. 

أوس : فريال غتمشششي معايا و الى كانت شي مشكل مانكونوش رجال الى ما واجهناهاش ( غمزو و مشى ) .. 

فران : الله معاك ا صحبي ..


ركب بنيامين فلوطو ديالو و توجه للشركة طلع للبيرو ديالو و سد عليه زول لاڤيست و جلس فبلاصتو بدا الخدمة كانت مجموعة عليه بزاف شرع فالسباحة وسط داك الكم الهائل من الاوراق ..

فجأة تسمع الدقان فالباب دخلت بنت زوينة تكون بالعشرينات من عمرها شعرها أسود و عينيها كلوزتين كبيرتين تتوسطهم جوهرة خضراء كأوراق الزيتون حروفها كحلين و بشرتها حنطية أخدت من الجمال كل شئ ..

تقدمت بخطى ثابتة و شعرها يرقص على إيقاع قوامها الممشوق تبسمت و حطت الملفات قدامو ..

لبنى{ تيمنا بالجميلة Loùbna Loulou}: موسيو بنيامين هادو حسابات و مداخيل الشهر لي فات كاملين تأكدت ما كاين حتا شي مشكل بإمكانك تتأكد حتى نتا ..

بنيامين : ماكاين لاش نتي تأكدي هادشي كافي!! بغيتك غذا تنوبي علينا فالاجتماع اعتذري منهم هاد الأيام عندنا ظروف خاصة ..

لبنى : واخا كون هاني ..

بنيامين : اي جديد و لا مشكل وقع صيفطي لهارون پاغ ايميل هو غيتكلف عارف راسي نقدر نعول عليك يمكن ليك تمشي .. 

لبنى : ( تبسمت و نطقت بلطافة ) شكرا .. 

بعد ما خرجت أنهى داكشي لي كان باقي ليه و خرج راجع للڤيلا باغي غير فوقاش يشوفها ، وصل و حلت ليه الخدامة الباب مع داخلة لقاهم جالسين كل وحدة شادة تيليفونها و غاطسة فيه .. هي ما انتابهتش ليه حتا وقف عليها و خطف التيليفون من يديها .. 

ناضت قافزة باغا تخطفو ليه و هو معلي يديه لفوق و كيخنزر فيها دفعها حتا طاحت جالسة و بدا كيقلب شنو كانت كدير لقاها كتقاد فتصويرة ديالهم بزوج تبسم فاش رجعت بيه الذاكرة لدوك الأيام... 

بنيامين : منين جبتي هادي ؟! .. 

فيروز : ( جمعت شنايفها و قلبت وجهها ) ماشي سوقك !! .. 

بنيامين : ( شاف فجنابو بانو ليه ناقصين) فين فريال؟! .. 

فيروز : داها داك الصفريط ديال أوس ،( هزت صبعها بتحذير ) والله و وقعت ليها شي حاجة حتا نصفيها ليه .. 

بنيامين : ( عقد حواجبو و طلع ديريكت لبيرو ديال الكاپو حل الباب و دخل) شنو واقع ؟! .. 

الكاپو : غتقلبو ليا عليه فين ما كان جيبو ليا البنت و خليوه حتا يبرد و يجي .. 

فران : قال بلاما تقلبو عليا حيت مغاتلقاونيييش .. 

الكاپو : ( خبط البيرو بقوة و نطق مكشر على نيابو ) أناااا لي كنقوووول هنا !! .. 

بنيامين : واش فريال دارت شي حاجة خطأ ؟!.. 

الكاپو : ( هز عينيه بنظرات مرعبة و نطق كلماتو اللاذعة فحال شي حنش ) هاديك البنت نهار شفتها ولات ديالي انا لي غنقرر فين غتمشي و معامن!! حنا اتفقنا شحال هذا على واحد القرار الى مدارش بيه غنسى انه صاحبي و ماغنحنش فيه.. 

بنيامين : تهدن الأمور ما كتحلش هاكا الى تخاصمتوا كلشي غيتدمر ماتنساش زيادة على انكم عشرة طوييلة .. 

الكاپو : ( سهى شحال كيفكر و رجع تنهد مدوز يديه على شعرو ) صافي خرجو دابا من بعد و نهدرو.. 

خرجو و خلاوه بوحدو فران و بنيامين مشاو لبيتوتهم و هارون هبط للبار جلس كب ليه كاس و جبد گارو كيكمي مركز فنقطة بعيدة .. حرك نظرو فاش سمع صوتها و هز عينيه فيها لقاها دايزة هي و فيروز كيضحكو كمل كاسو بزربة و تبعهم بلا ما يحسوا خلاها حتا دخلت للبيت و تبعها .. 

حنان : ( شهقت حاطة يديها على فمها و رجعت خطوات للوراء) شنو بغيتي ؟! .. 

هارون : ( كيزيد يقرب كلما كتبعد ) علاش هربتي ؟! .. 

حنان : ( حبسها الحيط و مابقات لاقية فين تعطي الراس) بعد مني .. 

هارون : عمري تصرفت مع شي بنت القحبة كيف ما تصرفت معاك ، كنا غاديين مزيان علاش مشيتي؟! .. 

حنان : كان خاصني نمشي معاهم !! .. 

هارون : ( صعر فوجهها بكل ما اوتي من قوه) ماكاااااانش خاصك تمشششششي معاهم !! .. 

حنان : ( غمضت عينيها و هزت يديها مطاكية لا تجيها شي دقة) صافي ياك رجعت دابا .. 

هارون : هادشي ماعندو باش يفيد دابا عمري غنرجع نتيق فيك كيف الأول .. 

حنان : ( نزلت يديها و بقات كتشوف فعينيه ماكانش فيهم نقطة كره و لا غضب و لا حتا عتاب كان كيشوف بطريقة كتعكس كلامو ).. 

سهى فعينيها و قرب أكثر كيستنشق ريحتها .. مرر إبهامو على خدها بطريقة خلات جسدها يرتعش و حط جبينو على جبينها مغمض عينيه و استغل داك الهدوء الخارجي باش ينظم أنفاسو و يرتب أفكار و عقلو لي تخربق .. بقا مده ليست بطويلة و هو على ديك الحال كيستمع لرقصات دقات قلبها و كيحس بيها كترجف بين يديه عارف انها لا تختلف عنه بشيء كيفما هو كيحس بشي حاجة هي ايضا ليست فارغة تجاهو.. 

هارون : ( هز يديها بشوية و حطها على صدرو ) [here is burning](هنا يحترق ).. 

حنان : ( حست انه ماعناهاش هي و عقدت حواجبها بشك) علاش؟! .. 

هارون : ( قربها ليه و عنقها خاشيها بين ضلوعو و طلق تنهيدة من اعماقو) ماتبقايش تسولي بزاف .. 

حنان : ( حست بصدرها ضاق عليها و لوات يديها عليه هي الاخرى مبادلاه العناق) لا قول ليا !! .. 

بنيامين خبط الباب عليهم بقوة عينيه حومر و حاط تيليفون على وذنيه تعابير وجهو لا تبشر بالخير قصد هارون نيشان بعد ما قطع و وجه ليه لكمة ثلاثية الأبعاد حتا طاح دايخ فالأرض خائر القوى..


بنيامين : كيفاااش تخبي علينا شي حاجة بحال هادي الزااامل !! ..

هارون : ( شاف فحنان و وسع فيه عينيه ) سكككتتت!! ..

بنيامين : و ماكتمشيييش تتعالج الدكتور كيعيط ليك مكتجاوبش باغي تودع ولا شنو ما فهمتش ؟! ..

هارون : قلللتتت ليييك سد فمك!! ..

فيروز : ( دخلت عليهم مفاهمة والو) المسلسلات ديالكم ما كيساليوش ..

حنان : ( رمشت فيه عينيها و نطقت بعدم فهم) لا بلاتي بلاتي؟! اش كتقول نتا.. علاش غيمشي يتعالج ؟! ..

هارون : ( شاف فيها محرك راسو بلا) ماشي شي حاجة مهمة ..

بنيامين : ماشي شي حاجة مهمة!! الطبيييب كيييقوليا سرطان الرئة و نتا كتقول ماشي شي حاجة مهمة ، واش باغي تحمق ديلمي و لا شنو؟! ..

فيروز صفنت فبلاصتها مصدومة و حنان حداها فحال شي جماد غير كتشوف فيه و ساكتة داك الخبر نزل عليها بحال الصاعقة و إحساس خايب جاها كأنو هي لي مريضة حست برجليها خواو بيها و طاحت جالسة كتشوف فيه حتا الهدرة مابغات تخرج ليها .. 

هارون : ( غمض عينيه و نطق بعصبية) ما بغيت حتا واحد يشفق عل..

حنان : غتنوض تقود دابا تمشي عند داك الطبيب و لا غتشوف واحد الوجه لي مغايعجبكش .. 

هارون : مابغيييتش!! واش بزز ..( وقف و بدا غادي خارج) انا لي غنقرر واش غنمشي ولا لا؟! .. 

فيروز : ( شداتو من يديه و نطقت بلطافة ) هارون عارفة ماشي سوقي و لكن هادشي را مافيه لا كبرياء لا غرور حنا ماشافقينش عليك و لكن بغيناك تتشافى حيت عزيز علينا .. 

هارون : ( حط يديه على يديها و بعدها عليه) فيروز النصائح ديالك خليهم لراسك .. 

خرج و خلاهم تابعينو بعينيهم مافهموش فاش كيفكر و شنو باغي يدير ، حنان بقات جالسة فبلاصتها دون حراك عاد فهمت علاش كيتصرف معاها هكاك ، خلاتهم و خرجت تابعاه كتجري ركب فلوطو و ركبت حداه..

هارون : ( شاف فيها و عقد حواجبو ) اش كديري؟! نزلي!! .. 

حنان : سوق هاد لوطو لا باغي تسوق !! .. 

هارون : ( تنهد و خدم لوطو) الى فرعتي ليا مخي غنزلك فالطريق .. 

حنان : احم علاش ماقلتيش ليا راك مريض .. 

هارون : انا ما مريضش اوكي!! الى زدتي كلمة وحدة غنحطك هنا .. 

بقات الطريق كامل و هي ساكتة و مرة مرة كتشوف فيه وصلو لواحد التل عالييي كيطل على البحر و الجبال وقف اللوطو و نزل تكا عليها و بقا كيشوف لبعيد نزلت حتا هي ووقفت حداه .. ماحساتش على راسها حتا بدات كتبكي جرها لحضنو و استنشق ريحتها العطرة و باس على راسها .. 

حنان : ( نطقت وسط شهقاتها بتلعثم ) مابغيتكش تمووت ا هارون عافاك سير تعالج كنواعدك عمري باقا غنهرب .. 

هارون : ( ابتسم و بقا ساكت شحال ساهي فداك المنظر لي قدامو و رجع نطق ) وعد !! .. 

حنان : ( هزت راسها بسرعة و شافت ) بصح!! غتعالج .. 

هارون : ( هز راسو بايجاب و ابتسم ليها هز ابهامو كيتحسس بيه خدودها الوردية و غمازتها لي عاطياها رونق خاص نساتو فجميع الزبايل لي دارت ) غنتعالج على قبلك .. 

حنان : ( نقزت فرحانة و عنقاتو بقوة ) كنبغيييك .. 

هارون :( ترددت ديك الكلمة فوذنيه و دقات قلبو شرعو فالرقص) اش قلتي؟! .. 

حنان : ( ماقدراتش حتا تبعد عليه بقات مخبعة راسها فعنقو و حنيكاتها غيطرطقو بالحمورة ) والو .. 

هارون : ( زاد خشاها فعنقو و بدا يضحك حتا قلبها كحبة ) كح كح كح.. 

حنان بعدت عليه بسرعة مخلوعة و بدات كتقلب فوجهو بان ليها وجهو حمار و تخنق مابقاش قادر يتنفس و ماباغيش يخلعها هي كتبان ليه غتحماق بالبكا شد يديها و بقا كيقاوم حتا رجعت فيه النفس شوية بشوية .. 

هارون : كح كح كح صافي ماتخافيش !! .. 

حنان : هارون هئ خاصك تهضر هئهئ مع الطبيب ضروري .. 

هارون : صافي شششتتت تهدني غهضر معاه ..


وصل قدام الپتي ڤيلا ديالو كان فأعلى الجبل كلها مغطية بالثلوج حتا واحد ماعارف ان عندو ڤيلا تما كان كيجي ليها غير فاش كيبغي يرتاح من صداع العالم كامل ..

دار شاف فيها لقاها ناعسة و كتشخر زول عليها لاسانتيغ و نزل هزها بين يديه لاحظها بدات كتفيق شوية بشوية فاش ضرب فيها الريح .. حل الباب و دخل بعدت عليه هي و نزلت دخلت بوحديتها كتدور عينيها فالڤيلا كيفاش دايرة و الديزاين الداخلي ..

فريال : هذا الذوق ديالك؟! ..

أوس : ( خشا يديه فجيبو و هز راسو بمعنى اه ) عجبك؟! ..

فريال : ( قلبات عينيها و حركت راسها بلا ) لا كيعجبني التصميم التقليدي أكثر..

أوس : ( مد ليها لي ساشي و طلعها و هبطها ) سيري بدلي و لبسي شي حاجة سخونة كاين البرد هنا بزاف غتمرضي ..

خدات من عندو الساشيات و طلعات لفوق لقات بيت واحد بقا كترمش فعينيها عاد دخلت ليه كان كبير بزاف فيه دريسينغ و حمام و عاد الكامة و جليسة بلي فوطوي بدلت حوايجها و لبست حوايج سخان ثم هبطات لتحت لقاتو واقف فالكوزينة مگفض على يديه و كيطيب ..

فريال : ( جلست حداه فصال-أ-مونجي و حطت خدها على كفها) شفت كاين غير بيت واحد لفوق ..

أوس : مدام شفتي علاش كتسولي فيا ..

فريال : فيين غنعس أنا بالسلامة؟!..

أوس : ( قلب لاسالاد باش تدخل فيها الصوص مزيان و شاف فيها ببرود ) فينما بغيتي ..

فريال : ماكنتش عارفة انك كتعرف طيب مزيان ..

أوس : ها نتي عرفتيها ..

حط ليها الطبق قدامها و بدات كتاكل ماعقلاتش عليه ساطت فيه عمية و بدا كيجيها النعاس خلاتو و ناضت جلست فالصالة ماعقلتش على راسها حتا غفات و نعسات .. داز الوقت و قفزت من بلاصتها على صوت الرعد فالسماء كان الضو طافي و ماعرفتش راسها بقات غادة كتقلب على ضو عفطت على شي حاجة برجليها و شعل لقاتو جهاز التحكم عن بعد هزاتو و هي تشهق عاود ملي انعكس البرق فعينيها.. 

طلعت كتجري دخلت لبيتو لقاتو ناعس فوق الكامة و ماتكرمش يهزها يحطها فيها و ينعس هو لتحت مشات بزربة و تخشات حداه ديك اللحظة العقل لي يفكر ماكاينش لأن البرق و الرعد من الأشياء لي كتخااف منهم بزااف.. 

طلع الصباح لي مبانش وسط ديك الثلوج الكثيفة الشيء لي خلاهم يبقاو ناعسين حتال عز الظهر بدا كيحل عينيه شوية بشوية كتبان ليه ناعسة على مَقرُبَة منو عاطياه بالظهر و شعرها المدلهّم منسدل فوق الوسادة و لاصقة فطرف الكامة بقا ليها شبر و طيح .. 

هز راسو بشوية و حطو فوق شعرها كيستنشق تلك الرائحة لي كتهبلو و كتطير ليه العقل و غمض عينيه عاود بلا ما يحس ..

فحين هي صَعُبَت حركتها و انزعجت من الثقل لي محطوط فوق شعرها الشيء لي خلاها تصحى مستوعبة فين هي بغات تدور و جرت شعرها تحت من راسو بلا ما يحس.. 

دارت كتتأمل فتعابير وجهو البريئة كيبان هادئ و ساكن عكس فاش كيكون فايق ديك التخنزيرة مكتفارقش عينيه كتتساءل واش حواجبو ماكيتعبوش معقودين طول النهار ههه.. 

هزت يديها بشوية و حطتها على خدو حست بواحد الإحساس غريب أول مرة تعيش شي علاقة فحال هاكا كانت كتتفرج فالمسلسلات و كتقول مستحيل نعيش فحال هادشي شي نهار و هاهي دابا كتحس بمشاعرها هاجو تجاه خاطفها لي فالأصل هو مساعد كاپو مافيا قد السخط ، هادشي اذا لم يكن ما خفي أعظم .. 

عارفة انه حتا هو كيحس اتجاهها بشي حاجة و الاّ علاش غيدير هادشي كامل على قبلها؟! هاد التصرفات؟! و ردود الفعل ؟! اكييد ماجاوش من فراغ شي حاجة كتجذبها ليه و ليست مدركة بعد ماهيتها و هو كذلك نفس الشيء حتا العقل تخربق فاش كتلقاي راسك وسط عالم مافيا و فنفس الوقت كتبغي واحد منهم ماكتبقايش عارفة فاش غتفكري ..

داكشي علاش خدات مع نفسها قرار انها غتعيش النهار كأنو آخر يوم فحياتها و غتمشي فهاد الطريق حتا تشوف نهايتها فين غتوصل 


حل عينيه من جديد و هاد المرة جات فعينيها لونهم كيخليك تسبح للخالق من شدة جمالهم ترددت و بغات تهز يديها تبعدهم عليه و لكن سبقها و خدا يديها حط راحة كفها على شفايفو و طبع قبلة حنينة خلات شعر جسمها يوقف ..

فريال : احم البارح خفت من الرعد و...

أوس : ( غمض عينيه و هز راسو بتفهم ) مزيان!! ..

فريال : غنرجعو اليوم؟! ..

أوس : لا ..( جرها لعندو أكثر و عنقها) حاليا غنبقاو هنا ..

فريال : أوس!! بغيت نقوليك شي حاجة ..( حرك ليها راسو و فركت صبيعات رجليها بتوتر ) بغيت نخدم ..

أوس : ( قاطعها قبل ما تكمل كلامها ) لا ..

فريال : غير سمعني بعدا !! انا مابغيتش نبقى جالسة فالدار و بالخصوص عند داك الكاپو بغيت نعمر وقتي والله ما نهرب ..

أوس : قلت لااااا هي لاااا الخدمة ما غتخدمييييش غير حايديها من بالك ..

فريال : علاش كدير هاكا ؟! مالك معكس ماباغيش حتا تسمع ليا ..

أوس : واش ضروري تخسري النهار من الاول؟! ( بعد عليها و ناض قاصد دوش ) حايدي فحالك ..

فريال : (هزت الوسادة و لاحتها بعصبية ) تفوووو على معكس تفووو..

هبطت تقلب على ما تفطر و هي تبان ليها شي وحدة كطيب فالكوزينة كانت لابسة لباس موحد ديال الخادمات و جامعة شعرها الأشقر لفوق دايرا ماكياج خفيف و نقية .. 

فريال : ( هزت كاشيرا كتاكل فيها و فنفس الوقت كطلع و تهبط فيها دارت يديها على خصرها ) شكون نتي ؟! .. 

روزا : مافهمتكش؟!.. 

فريال : ( هزت يديها بنفاذ صبر و دارت ليها اشارة ) دو يو سپيك إنگليش .. 

ورزا : نووو .. 

فريال شدتها البولة و هي تلوح ليها تخنزيرة و قصدت الحمام قضات حاجتها و غسلت وجهها و سنيناتها عاد خرجت لقات أوس هابط و هي تدرق مورا الباب و بقات كتشوف عبر الفتحة .. 

تقدم أوس للكوزينة و هي تلاح عليه روزا عنقاتو و باستو فخدو و رجعت حطت ليه طبق و هو جلس كيفطر و كيقلب بعينيه عليها ، خرجت هي كتجر فرجليها و جلست حداه جرت طبسيلها و بدات كتاكل كتبان مبردااااا و ممسوقاش و هي باغا تاكل جنابها بالفقصة.. 

فريال : شكون هادي ؟! .. 

أوس : روزا كتجي طيب و تقاد الدار ملي كنكون بوحدي .. 

فريال : و لكن نتا ماشي بوحدك دابا .. علاش عيطتي ليها ؟! 

أوس : ماعيطتش ليها جات بوحدها .. 

فريال : ( استفزها برودو و هي تصعر فوجهو مقفزة روزا) وا قوليها تمشي تقوود..

أوس : ( علا فيها حاجبو و هز فوغشيط كيشير لدروج) الى ماعجبكش الحال طلعي سدي عليك فالبيت .. 

فريال : علاش بالسلامة انا لي نطلع نسد عليا؟! ( ناضت جلست فالفوطوي و شعلت التلفازة) انا جالسة هنا بتتتت نبتتت ..( شافت فروزا ) هييييه جيبي ليا نفطر هنا يالاااه .. 

روزا : ( فهمتها و جابت ليها داكشي قدامها) تفضلي .. 

فريال : يالاه قودي .. 

أوس كان غير كياكل و يبتسم عرفها غايرة منها و تقلب ليها الريزو عاود حيت هي أكبر متقلبة مزاج شافها فحياتو و اكثر حاجة كتعجبو فتصرفاتها هو هاد الجانب الطفولي و العصبي .. 

كمل الطبق لي فيدو و مشى جلس حداها و قربها عندو تخشات فيه اكثر و بقات كتشوف فروزا و ابتسامة انتصار على وجهها هزت يديه و بقات كتلعب فكفو بسبابتها و هو كيمسح على شعرها.. 

طلعت روزا للبيت لقات الكامة مخربقة و الفوطويات مقادين ماحملاتش راسها موالفة كتجي كتلقاه بوحدو كتعيش معاه الحياة واكلة شاربة مكوية و مخلصة من لفوق فاش شافت فريال حاولت ماتبينش و لكن فالداخل ديالها حتا هي ماحملتهاش .. 

روزا : هاد القحبة ماعرفت منين ضبر عليها خاصني بأي طريقة نصيفطها تقود فحالها .. 

مشات قادت السرير و جمعت الحمام و هبطت لتحت لقااهم مزال فبلاصتهم كيتفرجو ف " Lucifer " جلست حداهم حتا هي .. فريال كانت مندمجة مع المسلسل و سخنات بين يديه ما داتهاش فيها .. 

أوس : غنمشي نسالي شي خدمة لفوق فالبيرو الى بغيتيني جي عندي .. 

فريال : ( شافت فروزا و قلبت وجهها) تسنى غنمشيي معااك ماحاملاش نبقى نشوف فهاد الخرية عطيني پيسي باغا نتعلم الايطالية .. 

مد ليها يديه و شبكها مع يديها طلعو قدام عينين روزا لي غياكلوهم و بقات بوحدها كتاكل ظفارها بالفقصة .. طلعو للبيرو مشا جلس و عطاها پيسي حتا هي شدت واحد القنت و بقات منغمسة فالڤيديوات و الكتوبة ماحسش بيها نهائيا ماديرونجاتوش بالمرة حتا سالا و بغا يخرج.. 

أوس : ساليت غتبقاي هنا و لا تخرجي معايا .. 

فريال : ( هزت راسها و نطقت بفضول ) فييين؟! غنخرجو؟!! .. 

أوس : بغيتي نخرجو ؟! نوضي لبسي شي حاجة و يالاه .. 


فريال سدات الپيسي و فرحت فحال شي بنت صغيرة قربت حداه و طبعت قبلة على خدو عاد طارت لبيتها كتقلب شنو غتلبس تفكرات بلي هو لي جمع ليها الحوايج ماعرفت شنو جاب خوات داك الصاك بانت ليها كسيوة فالنواغ لي كتحماق عليه لبستها و لبست معاها بوتس طويل حتال الركبة واصل ..

لاحت عليها مونطو من لفوق و هزات صاك سانتيغ دارتو فخصرها دارت ماكياج خفيف و خرجت لقاتو حتا هو فكامل أناقتو لابس تريكو كول غولي و مونطو طويل من الفوق طلعها و هبطها باعجاب مد ليها دراعو و شدات فيه ..

أوس : روزا !! ..

روزا : وي اسيدي !! ..

أوس : حنا خارجين نقدرو نتعطلو بلا ما تسناينا غير نعسي ..

روزا : ماشي مشكل انا غنتسناك ..

فريال : ( جراتو و بدات خارجة ) يالاه خلاص واش غنوحلو هنا .. 

خرجو ركبو فلوطو و انطلقوا من تما راجعين للمدينة وقف قدام واحد الكلوب خرج شد فيديها و دخلو بزوج بيهم ماكانش عامر لفوق كان كلاس بزاف و فيه ناس قلال و لتحت بنادم كيجدب مايعقل .. 

فريال :( بانو ليها الناس دايرين كمامات و هي تخلع ) ويلي أوس هاذو دايرين كمامات وسط النايت كلوب ياكما كاين كورونا رجعني الله يحفظك .. 

أوس : زيدي و سكتي!! .. 

فريال : ( عجباتها الموسيقى و بدات كتڤيبري فبلاصتها ) باغا نشطح .. 

أوس : جلسي للأرض و لا غنرجع مك نييت و الله لا بقيتي خرجتي .. 

فريال : صافي واخا واخا .. 

جاب ليهم سيغڤوغ زوج كيسان ديال الويسكي و هزاتو غادة بيه للفمها حتا خطفو ليها .. 

أوس : اش كديري؟! ( وجه كلامو للسيغڤوغ ) جيب ليها شي كوكتيل بلا كحول .. 

السيغڤوغ : واخا ا سيدي .. 

فريال : استغفر الله العظيم و أتوب إليه .. 

وقفت عليهم بنت شقراء و زوينة عينيها زورق بوجه بشوش كتشوف فأوس كأنها كتعرفو و لكن الغريب فالأمر كلشي كيشوف فيها و گاع الناس لي كانو حداهم كيهضرو عليها لكونها فنانة و مشهورة فمواقع التواصل الاجتماعي .. 

كاترين : أوس !! .. 

أوس : كاترين شنو كديري هنا ؟! .. 

كاترين : ( عنقاتو و عينيها على فريال ) نتا لي اش كدير هنا و شكون هاد *La bambina* "الفاتنة" لي معاك سلاام گواپا.. 

فريال : ( ابتسمت ليها ملي فهمتها اش قالت ) سلام..

كاترين : ياكما اخيييراا شي وحدة سدات عليك فالقفص .. 

أوس : ههههه بحال داكشي .. 

كاترين : ( عنقت فريال بحب و قرصت حنيكاتها جاتها كيوت بزاف حمقاتها ماقدراتش تحيد عينيها عليها ) تهلا فيها و دير عقلك .. 

فريال : ( هزت راسها و جاوباتها بالايطالية ) ماتخافيش الى مدارش عقلو انا غنديرو ليه .. 

كاترين : ( ضحكت بعفوية ) هكا نبغيك .. 

أوس تصدم بقا غير كيشوف فيها جلست 3 سوايع بالحساب قدام الپيسي كيفاش تعلمت داكشي الله و اعلم و مادارت حتا غلط ولو صغير ناهيك عن طريقة النطق بقا غير كيشوف فيها.. فريال عقلها خفيف دغيا كتعلم داكشي لي كتقراه و لا كتسمعو كيلصق ليها فالراس .. 

كاترين : صورني انا و ياها عافاك .. 

فريال : ( شافتو ساهي فيها و هي تهز يديها كتشير ليه ) واا أوس؟! قالت ليك صورنا .. 

أوس : اه واخااا .. 

صورهم و لاحها لكاترين بقاو جالسين شوية من بعد ناضت و خلاتهم غير خرجت اختفت ديك الابتسامة من على وجهها و جبدت تيليفونها صيفطت الصورة لرقم مكتوب عليه " إيزابيل" مع رسالة قصيرة ** الامور جدية أوس غيطير من بين يديك ** .. 


فالڤيلا ديال الكاپو كانت جالسة فيروز الداخل كتخربق فالتيلي و عينيها على نورة لي كانت جالسة على برا ساهية فنجوم السما اللامعة و الريح كتلعب بخصلات شعرها ..

~ { بلســـــــان نــــــــورة } ~

" كنجلس مع راسي كنحاول ندير حد لهاد الإعصار لي نايض فالداخل ديالي مكنقدرش كنبغي ننسى كنلقى راسي كنزيد نغوص أكثر و أكثر فديك الذكرى .. حتا حاجة ماكتمشي لي من بين عيني كنحس بلي الحياة ما بقى عندها حتى طعم دابا.. حتا الناس لي حولي مابقاوش مخليني نتنفس تقهرت بالشفقة ديالهم كرهت ديك النظرة لي كيشوفو فيا بها ..

فرانسيسكو من داك النهار مابقى هدر معايا كنحس بيه كيتجنبني فاش كتجي عينيا فعينيه كيهربهم لبعيد كنت كنحسو هو أقرب واحد هو لي كيفهمني شوية ماعرفتش علاش ولكن كنت متأكدة انه مختلف واخا غامض و ديما ساكت و لكن مشاعرو صادقة .. اااه شفت الصدق فعينيه!! شفت فعينيه واحد الخوف و واحد الاهتمام لدرجة ديك اللحظة ماكرهتش الوقت يوقف نبقى غير انا وياه .. "

فداك النهار كنت جالسة عقلي مرفوع ماكنتش حاسة حتا بيدي لي تجمدو بالبرد فاش جا هو راجع بالليل داز من حدايا كيف العادة بلا ما يقول حتا حرف و حتا انا ماديتهاش فيه بزاف كنت كنقول مع راسي" صافي ا نورة جمعي راسك شنو كنتي متوقعة؟! غيبغيك هههه بعد ماشافك فديك الحالة!! حتا الشمكار مايقبلش عليك هاكا " و لكن مافهمتش شنو وقع فديك اللحظة لي كنت كنوجه فيها هاد الإهانة لراسي كأن الله بغا يوصل ليا شي رسالة ..

جا فران و جلس حدايا حط يدو على يدي و نطق بجدية كبيييييرة " فاش كتفكري ؟! " تخلطوا عليا الأحاسيس لواحد الدرجة ماقدرتش نجاوب الكلمات مابغاوش يتجمعو سكتت و ماهزيتش راسي لاحظت ان يديه كتقرب ليا هز راسي و جات عيني فعينيه بقا كيشوف فيا شحال لدرجة خلاني نرتبك ثم نطق " الى كنتي كتفكري فداك النهار فغنقوليك نسايه لأنك مغتستافدي والو انا عارف انك تحطمتي بزاف و عارف صعيب تتقبلي هادشي و لكن انا غنكون معاك متخافيش و غنعاونك حتا تنساي كلشي" ..

قلت ليكم قبل انني كنت عارفة انو شخص مختلف بزاف و زدت تأكدت مانكدبش حسيت بواحد الراحة ماعرفتش علاش و بغيت نوض نصلي فعلا ابتسمت ليه و نضت جريتو معايا دخلت توضيت و خرجت لبست لباس مستور و بديت نصلي جلس هو كيشوف فيا و بجنبو فيروز .. كنت متخشعة بزاف و بكيت بلا ما نحس ماشي حزنا و ماشي حتى فرحا عاود ماعرفتش علاش ..

فاش ساليت و شفت لقيت عينيه تحجرو بالدموع ماكنتش عارفة علاش و ظنيت انني خاصني نصحو يدخل للاسلام و لكن فالوقت المناسب قاطعتني من التفكير فيروز لي حسيت انني غلطت فحقها بزاف لمتها و ضرت فيها جرحتها و هي ماعندها حتا ذنب انني نمشي معاهم كان قراري انا .. ابتسمت و نطقت بلطافة " الله يقبل" ماشعرتش على راسي حتا مشيت عنقتها كانت أبسط حاجة نقدر نديرها و حتا هي فهمت انه اعتذار و قبل ما ننطق سبقاتني " ماكاين لاش تعتاذري مني انا مانقدرش نتقلق عليك المهم هو تكوني نتي بيخير" ..


نزل بنيامين لقاهم مجموعين لتحت و دار إشارة لفران باش يخرجو و انسحبوا من تما بلا ما يحسوا عليهم البنات انطلقوا فسيارة وحدة و على بعد شي 3 كيلوميتر كانو سيارات واقفين فجنب الطريق .. 

سيناو ليهم و ديماراو السيارات حتا دازو عاد تبعوهم وجهتهم كان مستودع غيتم فيه تسليم البضائع المهربة للمافيا الروسية مقابل ملايين الدولارات و فحالة خاصة بحال هادي و خصوصا ان الرئيس شخص كيعرفوه و كيعرفهم ماكاين ما يتخبى لكن ضروري يديرو لي ماسك باش الى وقع شي مشكل غير متوقع ما يتعرفوش..

وصلو للمستودع لي كانو ديجا رجال الطرفين منتشرين فأرجاءه ، ترجلو من السيارة و دخلو للمستودع اذا بيهم كيشوفو فتاة شقراء عاطياهم بالظهر لابسة كومبين بالكوير فالنواغ لاصقة على جسمها المثير و راسمة معالم انوثتها ..

فاش لاحظت كلشي كيشوف فالباب دارت كتشوف فيهم و بداو قاصدينها وقفو قبالتها و بقات هي كتشوف فيهم .. 

( هاهي الجنية ديالكم بانت 👌😂)

إيلايدا : تعطلتو !! نص نهار و انا كنتسنى هنا ..

بنيامين : واش بنا ليك حنا بنات هنا شكون مصيفطك؟! .. 

إيلايدا : بنيامين هو نتا ياك حايد داك الماسك راك كتبان فحال المرا نييت ( حطت يديها على وذنها و غمضت عينيها ) اووف صافي صمكتي ليا وذني اديلارا .. فيناهي السلعة ؟! .. 

فران : كيحملوها فلي كاميون فين الفلوس ؟! .. 

إيلايدا : ( طرطقت أصابعها و جابو لي ڤاليز حطوهم قدامهم و جاو رجال بنيامين هزوهم ) الفولك كيبلغكم سلاماتو تهلاو .. 

بنيامين : ماغنخليوكش تمشي بوحدك فهاد الليل تفضلي جلسي فشي اوطيل من ديالنا حتال غدا .. 

إيلايدا : واش بنت ليك انا جاية نتسارى انا جيت على الخدمة و غادا فحالي باقي ماساليناش هاد السلعة ماغطيرش لروسيا بوحدها .. 

فران : لي بغيتي ديريه.. بلغي سلامنا للفولك معاك .. 

ركبو كاملين فلي لوطو و انطلقوا من تما خاويين الدنيا كل واحد رجع منين جا دخلو مع وقت العشا لقاو الكاپو مزال ما نزل جلس بنيامين حدا فيروز و هي تهز راسها خنزرت فيه .. 

فيروز : ( قربت و بدات كتشمشم فيه ) فين كنتي؟! .. 

بنيامين : ( شاف فيها باستغراب ) علاش كتسولي ؟! .. 

فيروز : ديالمن هاد الريحة ؟! هادي{ Clive Christian No 1 Imperial Majesty} ( زادت شمشمت ) والله حتا هي!! .. 

حنان : ( هزت فيه عينيها و نطقت بسخرية ) پشااااخ .. 

نورة : ( نغزت حنان و همست فوذنها) ماكرهتش نشمشمو حتا انا هههه .. 

حنان : وا حتا هي القحبة شمشامة كلبة هههه عرفت ريحة من أغلى العطور فالعالم موحال حتا واش بقات فهاد الوقت .. 

نورة : باينة هادي لي كان معاها شايطين عليها الفلوس ههخخخ .. ( ضحكت و رجعت لبلاصتها بدات كتشم الريحة حتا هي قربت لفران لقاتها فيه و صرخت مقفزاهم ) اويلي حتا نتا فيك .. 

فيروز : ياكما كنتو ناعسين معاها بزوج .. 

بنيامين :( يالاه بغا يجاوبها و هو يقاطعو الكاپو).. 

الكاپو : ايلايدا كريستوڤا بنت رئيس واحدة من أكبر المافيات فروسيا و فالعالم تلاقاو معاها اليوم حيت كانت عندهم صفقة .. الى ما بقى عندكم حتا سؤال بداو تاكلو .. 

بنيامين : اش واقع من امتى كتقول اسرار الخدمة للبنات .. 

الكاپو : حنا ولينا عائلة أو لا لا ؟! كيفما كنشوف علاقاتكم غادين فتحسن ( خبط الطبلة حتا قفزو البنات ) شفتك وليتي كتحقق معايا نقول و لا مانقولش نتا مالك كووول و سكتتت .. 

بنيامين : ( هز كاس ديال الما مدو ليه ) هاكا برد ليك شوية الى كنتي معصب حيت أوس دا فريال متبردش فيا انا اعصابك و غير باش يكون فعلمك فريال كتبغيه حتا كون بقات هنا ماغتكونش ليك .. 

الكاپو : ( فلمحة بصر جبد سلاحو و تيرا فيه نيشان ) تعلم المرة الجاية ماتبقاش تهز صوتك عليا .. 

فيروز صرخت بأعلى صوتها و غمضت عينيها مابغاش تحلهم و ماباغاش تشوف داك المنظر ولات كلها كتترعد و كتبكي و كتغوت و تخبط فراسها بحال شي حمقة مابقاو عارفين واش يشوفو فيها ولا فيه .. 


بنيامين : ( تخلع عليها و لاح يديه عليها و هي تغوت و هربات ) فيروز اح كح ما تخافيش احم شوفي ششش شوفي فيا ..

فيروز : ( هزات عينيها كتشوف فيه بان ليها شاد كتفو و يدو عامرة بالدم) هئ هئ عيطو للأومبيلونص ..

هارون : ماتخافيش الطبيب غيجي حتال هنا حنا غنطلعوه للبيت صافي؟! تهدني ..

حنان : (شدتها من يديها لي كيترعدو باغا تخفف عليها و هي براسها خايفة ) شتتت صافي تهدني .. 

فيروز : غيموت غيموت غيموت غيموت غيييمووووووت!! .. 

نورة : ( عنقاتها و بدات كتمسح على شعرها ) بسم الله عليك اختي صافي تهدني ماغيموتش .. 

فيروز : ضربو بالقرطاس انورة ضربو مارحموش واش غيرحمنا حنا ختييي غيقتلها ليا انوورة ماغيرحمهاش .. 

نورة : ( شدت وجهها بين يديها و نطقت موركة على حروفها ) هو باغيييييها مغيقتلهاش متخااافييييش .. 

فيروز : ماغيقتلهاش ماغيقتلهاش ياك .. 

حنان : لا لا مغيقتلهاش!! .. 

بان ليها الطبيب طالع و تبعاتو تجري دخلو عندو قطع ليه الشوميز بزربة خرج الرصاصة و خيط الجرح و داواه، زير ليه الفاصمة على كتفو خفا زربا مولف .. 

الطبيب : ماقاستش العظم ماعندك مناش تخاف .. 

بنيامين : (تقاد فبلاصتو و غمض عينيه فاش حس بالألم) شكون قاليك انا خايف .. 

هارون : انا غنمشي ننعس ماكاينة حتا حاجة كتثير الحماس .. 

نورة : مايكون عندك باس .. 

حنان : الله يشافيك .. 

فيروز : يالاه سيرو تنعسو !! .. 

حنان : و نتي ؟! ماغاداش بالسلامة !! .. 

فيروز : فييين غنمشي ؟! و هو فهاد الحالة؟!! لا غنبقى معاه غير سيرو .. 

بنيامين بقا غير مراقب حركاتها و ساكت جرات عليهم كاملين و مشات قادت ليه الوسايد ورا ظهرو و غطاتو عاد جلست فجنبو و كبت ليه الما مدت ليه الكاس و بقات كترمش فعينيها .. 

بنيامين : ( خدا الكاس و حطو فوق الكوافوز و حط يدو فالبلاصة لي حداه) اجي هنا .. 

فيروز : لا لا غير خليني هنا احسن.. 

بنيامين : غير اجي متخافيش ماغندير ليك والو .. 

فيروز : ( ناضت حداه و تخشات فحضنو مابقاش كيسمع حسها حتا بدات تبكي) كون قتلك... 

بنيامين : وا ماتبدايش تاني صافي ها انا ما واقع ليا والو .. 

فيروز : هدا احمق خاصو سبيطار الحماق .. 

بنيامين : كون يحساب ليا هاد القرطاسة غترجعك كيف كنتي كون قلت ليه يتيري فيا شي زوج اخرين .. 

فيروز : حمااار( ضرباتو حتا تأوه و هي تقفز مخلوعة كتقلب فيه) مالك؟! قسحتك بزااف؟! سمح ليا عافاك .. 

بنيامين تبسم ابتسامة ساحرة و حرك راسو بلا طبع قبلة على شفايفها و عنقها بقوة مزير عليها فحال الى باغي يدخلها فيه لداخل مقاداه فرحة هاد الرصاصة دخلت عليه مباركة مسعودة .. غمضو عينيهم بزوج حتا غفاو بلا ما يحسو..


خرج أوس و فريال من داك الكلوب و رجعو للڤيلا لقاو الضو طافي طلعو نيشان للبيت فريال كانت عيانة لاحت المونطو و نعست بحوايجها و ماكياجها ماقدراتش مع داك البرد لي كان عگزها ..

أوس عارفها نعااااسة غطاها و دخل دوش باش يرتاح و لبس غير سروال سيغڤيت، نزل لتحت باش يخليها ترتاح حتا هي جلس فوق الفوطوي و حط الپيسي قدامو لمح شي واحد فالظلام جاي باتجاهو و حط يديه على السلاح كيستعد حتا بانت ليه روزا ..

روزا :( جلست فجنبو و لوات يديها على عنقو ) تعطلتي عليا ..

أوس : ( ركز فالپيسي و ماعطاهاش اهتمام ) انا ماقلتش ليك تسنايني ..

روزا : علاش جبتيها معاك تاني واش مابقيتش معمرة ليك العين؟! ..

أوس : ديها فراسك ..

زولت الپيسي و حطاتو فوق الطبلة و جلست هي على حجرو لوات يديها على عنقو و حطت شفايفها على شفايفو داخلة معاه فقبلة طويلة فالأول خافت فاش حست بيه مكيتجاوبش معاها و بدات كتحك مؤخرتها على حجرو بطريقة خلات الموطور يسخن هزها بالزربة قلبها و جا فوق منها بلا كلمة بلا زوج حايد ليها سروال و قطع السليپ فوق لحمها و هي كتلوى فبلاصتها كل ما لمست يدو جسمها ..

لفوق كانت فريال ناعسة حست بالحرارة بزاف فالبيت و ضرباتها الفيقة كان نسى ماطفاش الكليما .. مالقاتوش حداها و بدات كتقلب عليه شعلت الضو مابانش ليها و هي تهبط لتحت كل ما قربت كتسمع أصوات الأهات و التوحويح لحمها بورش عليها دخلت لصالون و هي تصدم بداك المنظر قدام عينيها كيمارس مع روزا بطريقة مرعبة بحال شي وحش كينهش ففريستو جاتها الردة و مشات كتجري لطواليط باش ترجع .. 

أوس غير شافها بحال الى تصرفق ناض بزربة جمع قشاوشو و تبعها كيجري سدت الباب فوجهو و بقا كيسمع غير صوتها و هي كترجع داكشي لي فكرشها شوية بدات كتبكي و هو كيخبط فالباب باش تحل عليه مابغاتش تجاوبو و فرع ديلمو.. 

( البنات لي كيصححو ليا ديلمو انا راه ماشي مكلخة عارفاها دين مو و لكن عمدا كنقولها هكاك غير باش تعرفو 😑✌ )

فصل الباب و دخل لقاها جالسة كتبكي و عينيها حمرين كتشهق بحال شي بنت صغيرة و تنخصيصها كيقطع فالقلب ضرو خاطرو فاش شافها هاكاك ماتوقعش غتكون تعلقت بيه بهاد السرعة و الأهم انه ماتوقعهاش تفيق و تشوف داك المنظر .. 

بغا يقرب ليها و هي تدفعو بقوة و خرجت على برا كتقلب على روزا مالقاتهاش، مشات للبيت لي كتنعس فيه فرعات الباب حتا تخبط بقوة لقاتها كتلبس فحوايجها و هي تدخل شداتها من شعرها و لوات شعرها مزيان بين يديها هبطت ليها راسها و دارتو تحت من رجليها زيرات عليه مزيان و شدات يديها جمعاتهم بزوج لفوق حتا كانو غيتگرضو و لواتهم حتا ولات روزا كتغوت و تبكي.. 

جا أوس بالزربة باغي يفكها منها و هي تضربو للوجه مابقاتش حاسة على راسها اش كدير فالبلاصة عاودها حتا رعفات و تلاحت على قنت الطبلة كرمها فجنبها و لكن الاستسلام ماكاينش ناضت بزربة و رجعت شدتها .. 

فريال. : اجييي يا بنت القحببة فين غادة ؟! نتي معامن؟ جيتي حتال عندي انا و بغيتي تقحبني اليوم نقتل ديلمك .. 

روزا. : ااااع طلقييي طلقيييي منييي سيي أووووس قوليها تبعد منيييي ..

فريال : وا واخااا يجي سيمو مايفككش مني هاد النهار .. 

فركلت بغات تهرب و هي تضربها فريال بكابال جات مفرشخة فالأرض و جلست عليها بديك الطرمة لي عندها معستها و بقات تصرفق فيها گاع شعرها نتفاتو ليها ماغتبان ليها غير واحد لاسانتيغ شدتها و بقات تعطي فيها فين ما جات ردات ليها ظهرها رطب من كرشها .. 

فريال : ( شداتها من فكها السفلي و زيرت عليها ) باغا تخرجي؟! دويي باغا تخرجي .. 

روزا : اه عافاك خليني نمشي فحالي .. 

فريال : قولي عافاك خليني نمشي أ لاااااالة فريال .. 

روزا : عافاك هئ هئ هئ خليني هئ نمشي هئهئ ا لااالة فريال .. 

فريال : ( هزتها من شعرها و جرتها حتال الباب ديال الدار لاحت عليها حوايجها و دفعتها برجليها ) يالاااه سيرييي تقودي النهار لي باقا تجي عندو ندبح ديلمك .. 

سدت الباب و تكات عليه كتنهج و شاداها البكية حابساها غير بزز كتحاول تقاوم و تقنع راسها انها ما طاحتش فيه و لكن قلبها غلب عقلها .. 

أوس : ( دار يديه فجيبو و شاف فيها) شنو هادشي درتي دابا ؟! .. 

فريال : سييير تقود الزااامل تفووو علييييك الى عاودتي قربتي ليا غنوريك واحد الوجه اااخر .. هادشي لي شفتي اليوم غير شوية غدا غترجعني من هنا!! .. 

أوس : ( قرب عندها بخطوات بطيئة شدها من يديها ) سمعي نقوليك ... 

فريال : ( جرت يديها لعندها و صعرت فوجهو بعصبية ) وااا متقولش ليااا اسسسيييه بعد مني عطيني التيساع ماتبقااااش تدوي معايا و بلا ما تحلم تكون بيناتنا شي حاجة من اليوم .. 

أوس : ( تبعها بعينه حتا اختفت من قدامو و تنهد ) عندك الحق حيت عمر غتكون بيناتنا..


صباح صباح جديد فاقت فريال كتحك فعويناتها مالقاتوش حداها عرفات انه ماطلعش و مشات للحمام قضات حاجتها و دوشت دهنت شعرها و غسلت سنيناتها و لبست حوايجها عاد هبطت لقات الفطور اونپوغطي جاي من برا محطوط فوق الطبلة و هو ماكاينش ..

جلست كتفطر بشوية عليها دقة دقة حتا كتسمع صوت گوست على برا ناضت بسرعة حلت الباب و دخل كيجري كيدور فالوسط و جا كيلف حدا رجليها نزلت لمستواه و عنقاتو هز قوائمو باغي يلعب معاها و خبشها فيديها شوية ..

دخل أوس بسرعة و ضربو باش يبعد عليها هي ماعجبهاش الحال و مشات تبعاتو كتمسح على الفرو ديالو بلطافة .. 

أوس : ( قرب عندها بغا يشوف الجرح و بعدات يديها مخنزرة ) ملي تكوني كتلعبي معاه هزي صبعك ديما باش مايجرحكش هو غيفهم را مدرب .. 

فريال : ( هزت راسها بتعفار بلا ماتشوف فيه) مزيان .. 

أوس : ( شاف فالطبلة و رجع شاف فيها ) فطرتي؟! .. 

فريال : ( حركت راسها بايجاب بلاما تجاوبو ) .. 

أوس شاف حتا عيا و طلع للبيت دخل لدوش زول حوايجو ووقف تحت الرشاشة كيفكر و الما كينزل عليه بارد وهو ماحاسش بيه كيحس بالعافية شاعلة فيه و بصدرو مقبوط و عقلو مخربق ماعارفش شنو يدير.. 

مكانش متوقع انه شي نهار غيرجع يحس بشي حاجة اتجاه وحدة اخرى من بعدها كان راضي انه يكمل حياتو مع إيزابيل لي مكتحركش فيه الشعرة و لكن كلشي تبدل دابا فاش جات فريال تخربقو الموازين تبدلو تصرفاتو تبدل كلامو حس براسو كلو تبدل نسى حتا كونو جزء مهم من داك العالم المظلم لي سنين و هو عايش فيه تفكر الماضي و خصوصا " أوس الانسان ".. 

فاق على راسو و خرج بالزربة دخل لدريسينغ لبس بوكسور فوق منو توني نايك اونسومبل و خرج كينشف فشعرو بالفوطة .. دخلت فريال على غفلة ووقفت مذهولة فيه نسات انه هنا كان حتا هو واقف كيشوف فيها و شعرو الذهبي هابط على عينيه بشكل مثير و القبية دتوني مزيرة على جسمو و مبينة تضاريسو البارزة .. 

فريال : ( سرطت ريقها و نزلت عينيها للأرض ) احم بغيت غير المونطو ديالي .. 

أوس : ( أشار ليها بعينيه و كمل كيمسح فشعرو ) خوديه علاش كتقوليها ليا .. 

فريال عقدت فيه حواجبها و لاحت على شفتيها ابتسامة ساخرة غرضها تستفزو بيها و تخليه يبقى حاير علاش دارتها و مشات هزت المونطو لبساتو و خرجت شعرها ، شافت فيه بنص عين و بدات خارجة حتا شدها من يديها و رجعها بقوة لاحها فوق الكامة و طلع فوقها .. 

فريال : ( تلبكت و هي كتشوف فيه فوق منها و بدات كترجع لور ) ااا شششش اش كدير سيرر بعد مني لهيه !! .. 

أوس : ( رسم ابتسامة جانبية و زحف اتجاهها كيرمقها بنظرات مافهماتهمش) فيناهو داك التعفار ديالك ؟! شفتو طاار!! .. 

فريال : ( دفعاتو من عليها و بغات تهرب ) سير فحالك عطيني تيساع الخرا واش مكتحشمش !! .. 

أوس: ( شدها بقوة مزيرها بين يديه و همس حدا وذنيها ) ماتبقايش تعفري عليا راك غتجيبيها فراسك .. 

فريال : آش غديير گاع اعلى ما فخيلك ركبو .. 

أوس : كتتحدايني ؟! .. 

فريال : ( فركلت باغا تفلت منو و نطقت بتأكييد) اه كنتحداااك اسيدي يالاه.. 

أوس : ( طلق منها و ناض كيقاد فهندامو ) واخا .. 


فڤيلا الكابو كانت فيروز غاطة فنوم عميق و بنيامين حداها كيتأمل فتفاصيل أديمها و يديه على خصلات شعرها كيلعب بيهم بلطافة بدات كتفتح عينيها بشوية و كتتوضح صورتو قدامها لقات راسها فأحضانو و لايحة رجليها عليه كانو قراب لدرجة أنفاسو الساخنة كتضرب فوجهها ..

بنيامين : ( تبسم و طبع قبلة على خدها ) صباح النور ..

فيروز : ( رمشت فيه عينيها و ناضت بزربة نقزت من فوق منو و صدقت فالجهة الاخرى ) صباح الخير صباح الخير انا غنمشي نكمل النعاس فبيتي ..

بنيامين : ( جرها بزربة قبل ما تبعد عليه و رجعها جلست حداه غمض عينو و تأوه عاد نطق ) ماتخافيش ..

فيروز : ( شافت فيه بنص عين و نطقت ماباغاش تبين ) هههخخخ وعلاش غنخاف بالسلامة ..

بنيامين : ( حرك راسو و نطق بجدية ) انا مغنقربش ليك بلا موافقتك و ماغنبززش عليك شي حاجة نتي ماباغاهاش و لكن مابغيتش نبقاو هاكا ..

فيروز : ( سكتت شحال كتشوف و فالطريقة لي هضر بيها فكرها فالماضي و حن قلبها ، قربت ليه أكثر و عنقاتو ) صافي واخا ..

بنيامين : ( تقسح و لكن صبر و حتا حط يديه مبادلها العناق و دفن راسو وسط شعرها ) Ti amo ..

فيروز : ( غمضت عينيها مبتسمة )[ Anch'io] | حتا أنا | ..

بعدت عليه و مشات دخلت للحمام غسلت وجهها و قضات حاجتها خرجت بدلت ليه الفاصمة و عاوناتو يلبس التريكو هبطو مجموعين لقاو حنان و نورة جالسين و قبالتهم فرانسيسكو كلهم هزو راسهم كيشوفو فيهم اليد فاليد تبسموا لبعض و جلسوا ..

حنان مرة مرة كتهز عينيها فالدروج تشوف واش هارون جاي و لكن داك الصباح كان حسو مقطوع حتا من الكاپو تعطل على الطبلة بزاف فجأة بان ليهم جاي و تعابير وجههو كتبين على انه معصب لأقصى درجة ..

الكاپو : ( خبط الطبلة بقوة و صرخ بصوت تردد صداه فأرجاء الڤيلا ) اش كديرروو هنا ؟! ..

فرانسيسكو : ( هز فيه عينيه ببرود ) اش واقع؟! ..

الكاپو : انا لي خاصني نقوليكم اش واقع؟! بنت الفولك تخطفات اسيدي و نتوما جالسين هنا ولا على بالكم..

بنيامين : ( وقف بسرعة موسع عينيه ) كيفاش تخطفات ؟! شكون خطفها؟! ..

الكاپو : كون عرفت شكون هاد ولاد القحاب لي قدرو يديروها مكان غيكون حتا واحد فيهم عايش دابا .. 

فرانسيسكو : كيفاش وقع هادشي ؟! شكون غيقدر يخطفها وسط دوك الرجال كاملين .. 

الكاپو : هذا لي دارها ماشي ساهل هاد الموصيبة مايقدرش يديرها أيا كان .. 

بنيامين : دابا فيناهو هارون ؟! .. 

الكاپو : ( زير على قبضتو و نطق مورك على كلامو ) هارون ماكيسمعش مني مشا كيقلب عليها و هادي خددددمممتك نتااااا !!( ضغط عليها و أشااار بصبعو لفرانسيسكو ) نتااا شنو جالس كدير هنا نتا ماشي رئيييس العصابااات نتا لي خاص توصلك الخبار الاول كيفاش حاجة بحال هاذي تغفل عليها مافهمتش .. 

فرانسيسكو : ( شاف فنورة و رجع شاف فيه ) هادشي ماخاصناش نهضرو فيه هنا !! .. 

الكاپو : سمعني نقولييييك عندك 24 ساعة غتلقاها يعني غتلقاها كانت فالسما تنزل كانت فالارض تجبدها وااش كلامييي مفهووم ؟! .. 

بنيامين : خاصنا نوصلو لأوس بأي طريقة القضية دابا غتعقد و ماغتبقاش كتتعلق بالفولك بوحدو ماتنساش إيلايدا راه مراة أدهم و الى ناضو الأمريكيين حتا هما راه كلشي غيتعقد .. 

الكاپو : متهضرش ليا على أوس حاليا خليني متحكم فأعصابي .. غتنوض الروينة و لكن هما عارفين و متأكدين اننا مستحيل نديروها يعني حنا ماعندهمش معانا مشكل و هادشي كافي .. 

بنيامين : أوس عندو علاقة قوية مع كريستوڤا و پاولو ليمان كاملين اذن نقدرو نعرفو معلومات.. 

الكاپو : ( شاف ففران و خنزر فيه ) مابغييتش معلوماات بغيت تلقاوها سييير دابا تكلف و صيفط هارون بغيتو هنا عندي هاداك خدمتو الشركة و من لفوق خاصو يمشي يتعالج .. 

فران : واخا .. 


حنان عير كتسمع و حاسة بشي حاجة ماشي هي هاديك كل ما كتسمع سميتو كتقفز من بلاصتها خلاتهم حتا سالاو بان ليها فرانسيسكو خرج و الكاپو طلع بقا غير بنيامين ناضت عندو.. 

حنان : شنو واقع؟! مال هارون؟! .. 

بنيامين : ( شاف فيها و حاول يبان عادي ) مامالو والو شوية غيجي ماتخافيش.. 

حنان : ( ماقنعهاش كلامو ولكن هزت ليه راسها بمعنى فهمت ) واخا شكرا .. 

فيروز : ( كانت فاهمة كلشي حيت كتجيد اللغة الايطالية خلاتو حتا خرج و تبعاتو بزربة شداتو من دراعو ) فين غادي؟! .. 

بنيامين : حتا بلاصة ماعرفتش اش غندير راك سمعتي كلشي خاصنا نوصلو لأوس فأقرب وقت راك سمعتي شنو واقع .. و هارون حتا هو ماكيعرفش يفكر مدخل راسو فهادشي مع انه عارف البنت مهمة بزاف .. 

فيروز : ( عقدت حواجبها ) علاش هاد البنت مهمة بزاف .. 

بنيامين : الى وقعات ليها شي حاجة غتنوض حرب بين المافيات و حتا واحد ماغيقد على باها حيت هي بنت رئيس مافيا خطيرة و قديمة عندها ضواسا ديال كلشي و فنفس الوقت مزوجة بعضو فمافيا أمريكية مقودة گاع ( زفر ساخط و دوز يدو على شعرو ) مشكلة هادي .. 

فيروز : ( سكتت كتفكر لبرهة و نطقت بتردد ) بنيامين .. 

بنيامين : ( هز راسو و نطق بتساؤل ) وي ؟! .. 

فيروز : بغيت نقوليك واحد الحاجة و لكن ماعرفتش !! .. 

بنيامين : وي قولي مالك ؟! .. 

فيروز : فرانسيسكو ماعجبنيش اليوم حاني فشكل حتا فاش كان كيهضر مع الكاپو ماموالفش يكون هاكا .. 

بنيامين : فرانسيسكو هو هكاك ماتركزيش فيه بزاف مابغيتكش تولفيهم حيت غنديك من هنا !! سيري دخلي عند البنات و طلعو للبيت ماتخرجوش حتا نجي .. 

فيروز : ( زرب عليها تبعاتو بعينيها و بغات تنطق دار ليها باي باي بيديه ) بلاتي ااا ( عقدت حواجبها و فركت يديها مع بعض و هضرت بينها و بين نفسها) فين غتديني تاني؟! ..

رجعت دخلت مالقاتهمش فبلايصهم طلعت للبيوت كتقلب لقاتهم جالسين فبيتها كيساينوها دخلت و سدت الباب شافت فيهم لقتهم كيمقلوها بطريقة غريبة .. 

فيروز : مالكم ؟! .. 

نورة : غتعلمينا الايطالية دابا .. 

فيروز : ههه علاش منين طاحت عليكم هادي تاني ؟! .. 

حنان : اختي عيينا كيقيلو النهار و ما طال يبلبلو قدامنا و حنا كيف الأطرش في الزفة بغينا نتعلمو حتا حنا... 

فيروز : ( ضحكت و جرت ستيلو وورقة من قدامها ) واخا اجي نعلمكم شوية!! ها نتوما شوفو ... 

و بدات كتشرح ليهم شوية بشوية و كتعلمهم الحروف كيفاش كيتنطقو و الأرقام و التعارف و غير ذلك من الأشياء السهلة لي هما ماباغينهاش باغين يدخلو فالصحيح مي حلو معاها عقلهم و دخلو داكشي للحافظة ..

انسجموا و ماحسوش بالوقت نهائيا فجأة نورة حبست و بدات كتحس براسها ماشي هي هاديك ناضت كتجري للحمام رجعت داكشي لي فكرشها كتحس بأمعاءها تعصرو غسلت وجهها و علات كتشوف فالمراية و سهات حتا دقو عليها .. 

فيروز : نورة مالك؟! ياك لاباس !! .. 

نورة : ( حلت الباب و تبسمت محركة راسها بمعنى والو ) لا ماكاين والو غير شربت داك العصير ديالهم على معدة خاوية فيه لي گاز بزاف يمكن هو لي ضرني .. 

حنان : ( بقات حاطة يديها على خدها و كتشوف فيهم من بعيد جاها هاد المشهد بحال الى فايت داز قدام عينيها و تعاود .. رجعت نفضت أفكارها و نطقت بملل ) واا طلقونا زيدو نكملو خلاص عييت .. 

فيروز : واخا .. 

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.