كان هارون شاد الطريق الرئيسية فاش عيط ليه واحد فرجالو و عطاه الموقع لي يحتمل تكون فيه قلب الڤولون و دخل من طريق خاصة متجه للمكان المعلوم في حين عيط بنيامين لنفس الرجل باش يسولو على هارون و عطاه هو الآخر الموقع..
زاد فالسرعة باش يلحق عليه و دخل اللوكايشن فجوجل ماپس بقا تابع الإشارة حتا وصل الثلج كان كيطيح كثيف لقا السيارات مستفين تما واقفين حداهم بزاف الرجال و فالمقدمة كان أدهم بجنبو آدم و ديلارا انتقل بعينيه بيناتهم و جفل مصدوم فاش شاف خوه رابطينو و طايح فالأرض كيسعل بهيستيرية ..
نزل بنيامين من لوطو بسرعة و مشا كيجري باتجاهو قبل ما يوصل ليه تطلقو رصاصات راسمين حدود عشوائية على مقربة من المكان لي كان غيخطي فيه خطوتو التالية..
بنيامين : ( شاف فيهم و رجع شاف فخوه موقف لا يحسد عليه فديك اللحظة ماعرف شنو يدير ) هو مريض خليوه يمشي ..
تقدم آدم بخطواتو المعتادة و جاذبيتو الساحقة لي ماكتخلي حتا حد يبان قدامو و هز هارون من شعرو قابلو مع بنيامين تحدر لمستواه و هز عينيه فهاد الأخير مبتسم و فلمحة بصر جمع ديك الابتسامة و ضربو لصدرو حتا سعل الدم فالبلاصة..
بنيامين : ( كيشوف فخوه و كيحاول يهدن راسو باش مايجبدش سلاح و يتيري فآدم هز يديه 👐 كيحذرو و نطق ) هارون جا يقلب عليها ماشي حنا لي خطفناها هو مريض عندو عملية غذا خليوه و يمشي و الى كان شي حساب خودوه مني ..
أدهم : ( جبد سلاحو و مشى قاصدو بعصبية مفرطة حط سلاح على جبينو و جهزو ) فيناهي مراتي؟! ..
بنيامين : ( حتا هو صعر فوجهو بكل قوتو ) ماااعرررفتتتتششششش ماااعرفتتتششش قلت ليك ماشي حنا لي خطفناها ماعندنا حتا علاقة من مورا ماسالات الصفقة عرضناها تجلس فاوطيلنا مابغاتش تفارقنا قدااام المستودع ..
أدهم : ( زاد ورك عليه بالسلاح و نطق مغتصب الكلمات ) فالتسجيل كانت استهزأت منك و مادرتي حتا ردة فعل !! علاش؟! شكون عندو مصلحة يخطفها من غيرك؟! شكووون يقدر يخطفها؟! شكووون تجررررأ؟! ..
بنيامين : ماجاوبتهاش حيت بنت و اصغر مني انا كنت تما على ود الخدمة ماغنديرش راسي فيها علاوة على ذلك أوس كيعرفكم ..
بنيامين : اه أوس صاحبي !! و هو "El Capo Assistente"( مساعد الرئيس ) ..
آدم : آش كتخور نتا ؟! واش متأكد من هادشي لي كتقول ؟! ..
بنيامين : صرب و لجين پاولو ليمان عارفين هادشي الى ماتيقتينيش سولهم براسك ..
*************
و غتطبق مقولتي الشهيرة " قلبك هشيش" عليا دابا و ها انا حطيت آية في الجمال Khadija Amj ..
كلما فقدتك في غيابٍ، وجدتك في كتابْ صديقٌ مثلك لا أحدَ مثله يكتبني حين يمحوني الآخرون 🌹❤
انتابني أن أهديكما إياه تصبحن على ألف خير
ديلارا كانت واقفة لور لابسة سروال طاي اوت و من الفوق جاكيت بالگري اليكتخيك و بوتس طالع فرجليها عاقدة يديها عند صدرها و كتسمع من بعيد تبدلو تعابير وجهها فاش التقطو مسامعها هاد الخبر و تشتت انتباهها فاش ارتطم وجه هارون بالارض على غفلة من أمرهم ..
ديلارا : ( قربت ليه بسرعة و هزت راسو لقاتو بدا كيغيب عن الوعي و الدم هابط من فمو تخلعت و صرخت على راجلها بصوت مرتفع ) آدم ..
بنيامين : ( شاف فيها و فخوه وسع عينيه و طار عندو كيقلب فيه ) هارووون !! هااارون حل عينيك اخويا!! حل عينيك ماتستسلمش ..
هارون : ( حل عينيه شوية و نطق بصوت مامفهومش ) ح.. حن.. نان ..
بنيامين : هارون حل عينيك !! غنعيطو ليها غير حل عينيك ..
ديلارا : ( شافت فيه بملامحها الجدية لي تعودناهم بيها من ديما يعني ماتعاودهاش معاها كلمة وحدة كتقال ) هزو معايا للوطو..
هزوه بزوج و داروه فلوطو ديال ديلارا ركبت و حلت الزاج شافت فآدم لي كيفهمها من نظراتها و كسيرات بأقصى سرعة مشا بنيامين كيجري ركب فلوطو ديالو حتا هو و تبعها بأقصى سرعتو ..
أدهم : ( رجع السلاح لخصرو و نطق موجه كلامو لآدم وعينيه مزال على لوطو ) شنو هادشي دابا؟! ..
آدم : ماعرفتش !! و لكن تيق بيا هادو الى كانو خدامين مع مَالِك مستحيل يكونو داروها ..
آدم : هما كيخبيو حيت قوانينهم صارمة و لكن السؤال هنا هو علاش صرب خبا علينا؟! ( بدا تيليفونو كيصوني و جبدو لقاه الفولك ) الو ..
الفولك : أوس مالك غيعاونكم تلقاوها هضر معاه ..
آدم : ماعندناش الوقت لي نضيعوه فالبحث عليه حنا غنلقاوها راسنا ..
الفولك : إيلايدا بنت مايتخافش عليها ماداخلاش ليا لراسي مسألة خطفها هي بغات تخطف بغاتنا نعرفو شي حاجة حيت مايمكنش يخطفها غير هاكاك بلا حتا سبب ..
آدم : و شنو علاقة مالِك بهاد الشي؟! ..
الفولك : انا متأكد غيلقاهم بزوج ديك البلاد هو لي عارف خباياها سمع كلامي و تواصل مع الذيب ..
آدم : واخا ( قطع ) ..
أدهم : الفولك!! شنو قاليك؟! ..
آدم : بغانا نلقاو الذيب قالك هو غيلقاهم بزوج بلا أكشن !!
أدهم : عيط لأوس مــــالِـك دابا نيت !!..
آدم : ( دوز النمرة ديال أوس و حط تيلي على ودنو ماشدش ليه رجع كرر العملية بدون جدوى ) ماكيشدش الخط مافهمتش !! ..
أدهم : انا عارف طريقة غتخليه يخرج فينما كان !! ..
آدم : شنو هي ؟! ..
أدهم : ( تبسم بخبث و نطق مكشر على نيابو ) صيفط الصحافة لسبيطار ..
آدم : ( هز راسو و تبسم بمكر هو الآخر ) هي نلحقو على ديلارا ..
ضحكو و ضربو يدين بعضياتهم راجعين لحماقهم القاتل عاود و ركبو فلي لوطو مباشرة لمستشفى غير معلوم..
نزلت لجين لتحت جاها الملل حتا گوست لي مفوج عليها مشا تكوانا و نعس و سي أوس من صبحة ربي قالب عليها خليقتو و ماكيدويهاش مالقات ما دير شعلت التلفازة و جلست قدامها كتقلب فالقنوات حتا لمحت عينيها شي واحد منزلينو من لومبيلونص دازت على الإذاعة و عاود رجعت ليها ..
كيبانو الصحافة مگجگجين و لي گارد كيحبسو فيهم باش مايدخلوش شوية دارت الكاميرا للوطو لي وقفت على غفلة و خرج منها بنيامين دخل كيجري .. فريال حلت فمها مابقات سداتو حتا الكلمات باش تنطق مابقاوش يخرجو ليها و نظرها ماتحركش على التلفاز ..
هبط أوس كيبحث عليها شافها من بعيد جالسة كتفرج و دخل للكوزينة كيكب ليه كاس القهوة و مرة مرة كيهز فيها عينيه و هي على نفس الپوزيسيو ماكتحركش ..
سمع سميتو و رشف من كاسو ببرود ماعاطيها حتا اهتمام بدا راجع فحالو و يالاه غيحط رجلو فالدرجة الأولى جفل على صوت صرختها المدوية " أووووووس" ..
أوس : ( حس بقلبو تهز يحسابلو واقعة لي شي حاجة رجع عندها بسرعة ) مالك؟! ..
فريال : ( هزت صبعها و أشارت باتجاه التلفاز ) ها ههه هارون !!
أوس هز عينيه كيشوف كان العرض مباشر و كيبانو غير الصحافة كيتساطحو و لي گارد حابسينهم و صورة صغيرة فالجنب ديال هارون و بنيامين مع عنوان الشركة القابضة تهجى العنوان لي مكتوب بخط واضح على شريط لتحت " خبر عاجل : هارون العلوي في حالة حرجة و الأطباء يقولون ان الوضع خارج عن السيطرة ".
فريال : ( حطت يديها على فمها و بالخف نزلو دموعها ) يا ربي تحفظو ..
أوس : ( مسح على راسو بحنان كيستوعب الأمر ) كيفاش؟! ..
حتا هو طلع جاب داكشي لي غيهز و عيط لگوست تبعوها بزوج و حل ليه يطلع لور عاد طلع هو ديمارا لوطو و كسيرا بأقصى سرعتو شعل تيليفونو و عيط لبنيامين ماكيجاوبوش ..
زاد فالسرعة و فريال مغمضة عينيها و مزيرة على صاكها مدازش بزاف الوقت حتا لقاهم تما داز من الباب الخلفي باش مايتساطحوش مع الصحافة دخل فحال الريح ضارب كل من جا فطريقو ..
أوس : ( وقف فالريسيپشن و نطق بصوت زعزع البنت لي قبالتو ) هارون العلوي فين كاين؟! ...
البنت : ( تمتمت بصوت خافت كتنتقل بعينيها بيناتهم ) فغرفة العمليات الطابق الثاني على اليمين مباشرة ..
طلع أوس بزربة فالدرج و فريال غير تابعاه و دايخة كتلهث شاداها السخفة و خصلات من شعرها لاصقين على وجهها لي تجلخ بالماسكارا و الدموع دارت مع الكولوار بانو ليها البنات و معاهم فران و بنيامين ..
بنيامين : ( هز راسو على وقع أقدامهم المتجهة ناحيتو و ناض قاصدو بلا كلمة بلا زوج عطاه كروشي للوجه ) فيييين كنتييييي اولد القحبة !! ..
أوس : ( غمض عينيه كيصبر راسو غير بزز و حط يدو على جنب فمو لي طوش بالدم ) شنو قالو ليكم ؟! ..
فران : العملية غتستغرق 6 سوايع على الأقل حالتو صعيبة بزاف كيقولو محال يعيش ..
حنان : ( سدت وذنيها ماباغاش تسمع هادشي و نطقت بعد ما تذوقت طعم الدموع المالح لي هابطين على خذوذها ) فيروز ..
فيروز : ( قربت حداها و حطت يديها على ظهرها ) نعم ا حبيبة ..
حنان : ماغيموتش ياك !! ..
فيروز : لا لا ماغيموتش !! نتي عارفة هارون شحال قوي غادي يتغلب على هادشي ..
فيروز : ( تملأو عويناتها بالدموع و زفرت حاسة بثقل حاط على قلبها ) ببففففف ..
هزت ديلارا زوج كيسان د القوة من الكافيتيريا ظنا منها ان بنيامين بوحدو لي كاين و ضغطت على الزر د لاسانسوغ و طلعت وقف حداها واحد داير كمامة و كيسعل و بدات كتسب فخاطرها حتا تحل باب المصعد و خرجت إذ بيها كتتفاجئ ببنادم كثر..
فريال كانت واقفة متكية على الحيط و ساهية كتفكر حتا استنشقت عطر نسائي بامتياز من شدة جمال ريحتو غمضت عينيها و رجعت حلتهم لمحت الكل كيشوف وراها و دارت لقات ديلارا واقفة بكامل أناقتها طويلة عليها و زايداها بطالو لابسة ميني ڤونتخ فالأبيض و مزولة الجاكيت ملامحها ماكيوحيوش انها مغربية بتاتا و مستحيل طيح على البال ..
قبل ما تكمل كلامها طاح فكها السفلي بعد ما مقلت عينيها زوج لي كيتقدمو باتجاهمم بطبيعة الحال آدم و أدهم شكون من غيرهم واحد ينسيك فالثاني داخو مابقاو عارفين فين يشوفو حتا الممرضات قواو خيطي بيطي من داك الكولوار ..
آدم : الذيب !! واش خاصنا ندخلو الصحافة عاد تبان ..
أوس : ( تصافحو و عنقو بعضياتهم كيتسالمو بحرارة ) هي قول فعلتك هادي ..
أدهم : ( حتا هو بادلو العناق ) لا فعلتي انا ..
أوس : ( اكتفى بابتسامة خفيفة و هز عينيه ففريال لي غتاكلو بنظراتها ) قدرتو تلقاو شي حاجة ..
أدهم : ( ذبل ملامحو و حرك راسو بلا ) للأسف !! ..
آدم : ( حرك نظرو فالأرجاء و شد فيد ديلارا ) و نتوما قالو لؤكم شي حاجة ..
أوس : لا مزال كنتسناو ..
آدم : سموحات ا خاي ماكنتش عارف انهم معاك !! حتا فكرة انك مع الايطاليين مكانتش على البال ..
فريال غير قشعت آدم شد فيدين ديلارا الداخل ديالها ارتاح تنهدت و ديك الصهدة طارت عليها شافت راسها فالزاج لي قبالتها و بدات كتقاد فشعرها عاد بان ليها راسها ولات بحال علال القادوس رجعت نفضت أفكارها و نطقت بينها و بين نفسها " نتي ماشي إنسانة كتقارن راسها بالاخريات .. نتي زوينة كيف ما كنتي و كَيْفما كانت عيوبك انتي گواپا" ..
فال "Waiting room" كان الانتظار لا يطاق كلشي جالس على أعصابو كيتسناو دازت 3 السوايع و حتا واحد ماخرج عندهم .. حنان منعزلة بوحدها فواحد القنت و كتبكي و نورة من جهة حاسة بذاتها مروعة عليها و باغا غير فوقاش يسالي هاد الكابوس و أدهم من جهة أخرى عقلو مع إيلايدا و مضطر يبقى معاهم ..
خرجت وحدة فالممرضات كتجري ناضو عندها فران و بنيامين و رفضت تهدر معاهم و لا تعطيهم شي معلومة أوس طلع ليه الدم و ناض شدها من يديها نفضها حتا ولات كترجف حتا واحد ماعجباتو الطريقة لي دار ليها و لكن كان معذور ..
أوس : ( نطق بنفاذ صبر كيتعدى على كل حرف خرجو ) شنووو وااااقع ؟! علاش حتا واحد ما باغي يقول لينا شي حاجة ..
الممرضة : ( عصرت عينيها بألم و عواجت مع يديها لي كتحس بيها غتهرس ) المريض حالتو خطيرة قلبو توقف زوج مرات و رجعناه ذكتورة آية هي أملو الوحيد مابغاتش تدخل للعملية قالت ماكاينش أمل فحالتو تعطلتو بزاف ..
فريال : ( بقات فيها البنت و قربت حطت يديها على يديه و زولاتها ) صافي طلق من البنت !! ..
أدهم : ( هز عينيه فاش سمع الدارجة و دار بسرعة كيشوف فالبنات ) هادو مغربيات؟! ..
ديلارا : ( طلعت فريال و هبطاتها ) كاينة شي إن فالموضوع ولكن ماشي شغلنا غنقضيو الغرض لي جينا على قبلو و نمشيو ..
أوس : ( دوز يديه على شعرو بنرفزة و رجع شدها من يديها و بدا غادي بيها ) زييييددددي ورييييني هاد آية فيين كاينة !! ..
آية : ( قبل ما يزيد خطوتو التالية وقفت عليه ) شنوو واقع هنا ؟! اش هاد الصداع ؟! را كاينين مرضى كتزعجوهم !! ..
الممرضة : ( فلتت من يدو و نطقت بصوت رجفان ) ذكتوغ المرنيسي هاد سيد كيسول عليك ..
أوس : ( شاف فيها و رجع شاف فآية ) هي هادييي؟! ..
آية : علاش كتسول شنو بغيتي ؟! ..
أوس : ( جرها هي الأخرى من يديها و حل باب الانعاش دخل و دخلها حتا هي ) دخلي كملي لوپيغاسيو !! ..
آية : اش كدييير نتا ؟! واش حماقيييتيييي؟!! ..
أوس : ( جبد سلاح من ورا خصرو وجهو صوبها و نطق بنبرة تهديد ) الى ما دخلتيييش غنوريييك الحماق ديال بصحح!! ..
آية غير شافت السلاح ماعوداتهاش معاه دخلت بزربة غسلت يديها و لبست و انضمت للطاقم الطبي تكلفت هي بالعملية .. أوس خرج على برا دايخ كلشي تخلط عليه دمو كيغلي و عروقو خارجين ماباغيش يفكر فأن هارون غتوقع ليه شي حاجة و ماباغيش يلوم صحابو بلي هما السباب و من جهة بنيامين لي رافض يهدر معاه و واحد العقل كيقوليه كون ماغبرتيش ماكانش غيوقع هادشي ..
ماغتجي عينيه غير على فريال جالسة فكرسي بوحدها وواحد كيتحرش بيها غمض عينيه كيحاول يقنع راسو بلي غير كيتخيل و رجع هز راسو لقاه باقي ، شق طريقو وسط منهم حافر الأرض برجليه هزو من الكول و خبطو مع الحيط شانق عليه ..
فريال ما عرفت راسها باش تبلات صدمها و داكشي داز بالزربة و الأحداث تراكمو فوق بعض ناضت بسرعة كتشوف فيه تحول لشخص آخر عروقو خرجو و حالتو ولات كتخوف كأنو داك الضغط كامل باغي يخرجو من ذاك لي فيدو حاولت تفكو منو و دفعها أوس حتا تلاحت جات نورة و فيروز هزوها من الأرض ..
و تدخل آدم فكهم و جر أوس خرجو على برا .. فريال جلست كتشوف فكلشي كيشوف فيها ماحملتش راسها و جاتها البكية جلست حداها ديلارا و مسحت على شعرها قربتها ليها يالاه غتحط فريال راسها و هي تدفعها مافهمت والو ..
ديلارا : باينة فيك مزال صغيرة و لكن وجدي راسك لداكشي لي غتشوفي ..
خرج أوس على برا و معاه آدم لحق عليهم من بعد أدهم مد ليه گارو يكميه باش يبرد شوية و أوس بلا محنة عليه خداه من عندو شعلو نتر و ساط فالهوى حدر عينيه فيدو لقاها كترعد مافهمش اش واقع ليه زير عليها و خشا يد فجيبو باش مايبقاش يشوفها ..
أدهم : ( جر من سيجارتو و غمض عينو على شكل غمزة ) كيوقع هادشي فالأول ..
آدم : ( جمع قبضتو و ضربو لكتفو ) ضرب الحديد ما حدو سخوون ..
أوس : ( سف ما تبقى من ديك السيجارة بتوتر و عفط عليها ) اشمن حديد حتا نتا ..
أدهم : ههههه هادي مغربية فين تلاقيتي بيها ؟! ..
أوس : خطفناهم و بفففف قصة طوييلة كلشي وقع بالزربة ..
آدم : حتا قصصنا مكانوش ساهلين !! ( نطق بينو و بين نفسو " صبرنا على القحبة ديال ياسمين صبر عليها حتا نتا" 😂)..
رن الهاتف مقاطع حديثهم بداو كيشوفو فبعضياتهم حيت رنة الأيفون نفسها عندهم كاملين استشعر أوس ان الصوت جاي من جيبو و جبدو لقاه واحد من رجالو ..
أوس : وي شنو كاين ؟! ..
¬¬¬ : سيدي الكاپو بغاك ضروري ..
أوس : فخباري كلشي انا غنتكلف ..
¬¬¬ : سيدي كاينة حاجة أخرى ..
أوس : طلقنا خلاص ..
¬¬¬ : سي فرانسيسكو دار شي عملية بلا خبار حتا حد دا معاه بزاف الرجال سقت الخبار من مصدر موثوق..
أوس : فرانسيسكو ؟!! و علاش غيدير عملية بلا خبار...( سكت كيفكر فاش استوعب الامر و دار شاف فأدهم و آدم ) ..
أدهم طار من حداهم بحال شي ريح قوية و تبعوه كيجريو .. بنيامين بان ليه جاي كيجري و عينو ففران تصدى ليه و هو ينقز عليه أدهم بمرفقو عطاه ضربة لمناخرو و شد فرانسيسكو شنق عليه ، رجع قجو بنيامين من لور غافل على ديلارا لي ماعطلاوتش لوات ليه يدو و جابتو مكربع فالأرض ..
أوس : ( جا بسرعة حبس بنيامين بيديه ) ماتدخلش نتا ..
آدم : ديلارا هاذا هو لي خطفها ..
ديلارا : ( تقدمت بخطوات ثابتة و فسح ليها أدهم المجال جبدت موس و حطاتو على عنقو ) علاش؟! ..
أدهم : حتا حنا غنمشيو !! أوس نتا بقا مع صاحبك حنا غنجيو نعتاذرو بشكل مناسب ..
آدم : (عنق أوس و انتابوا الندم ) سمووحااات بروو الله يخرجو على خير ..
أوس : أمين ..
من مورا ما خرجو بدقائق قليلة تحل باب غرفة العمليات و خرجت آية زولت الكمامة على فمها و تجمعو عليها هما فحال شي عداد و انفجر ..
حنان : شنو وقع كيف بقا؟! ..
بنيامين : كيدازت العملية؟! خويا بيخير ؟! ..
فيروز : جاوبي شنو واقع ؟! ..
آية : العملية نجحت و قدرنا نستأصلوه و لكن الخطر مزال على حياتو غدي نحولوه للانعاش 48 ساعة الجاية هي لي غتحدد مصيرو غنتسناو ..
حنان طاحت فالأرض كتبكي ليهم و كتحس بالنفس ما بقاتش قادرة تطلع ليها عينيها تقلبو و كلهم تجمعو عليها .. آية رجعت بسرعة كتقلب فيها و عيطت على الممرضين يجيبو الباياص هزوها فاقدة الوعي و دارو ليها الأوكسجين فطريقهم لغرفة الاسعافات الأولية ..
فيروز : (شدت راسها دايخة كتشوف فمصايب الدنيا و الدين تجمعوا عليهم و هادشي كلو بسبابها ) الله يا ربي الله انا اش درت .. خرجت عليكم كامليين ..
فريال : (هي الأخرى داخت مابقات عارفة شكون تتبع و لا معامن تبقى بان ليها البلان غير فختها ) قوليها لراسك نتي لي وصلتينا لهادشي كنا هانيين عايشين حياتنا على قد الحال بحال گاع الناس و لكن انا لي قحبة تبعتك فرأيك كون جلست حدا مي و هنيييت كري راني بشهادتي أحسن شركة ندخل ليها الله ينعل جد بو شي طاليان ولينا مجرجرين وسط القتالة و المافيات و المختليين عقليا كون بقيت فدارنا و لا تزوجت غير داك أمين كون ..
أوس : (جرها بسرعة و جمعها معاها بتمرميقة ) حبسي هاد القلاوي ..
فيروز قفزت موسعة عينيها كتشوف فيه و ترجع تشوف فيها و فريال شدت حنكها و الدموع محجرين فعينيها حابساهم و رافضة تبكي قدامو ..
خرجو هارون من قدامهم غاديين بيه و كلهم تبعوه إلا هي بقات بوحدها حتا غبرو و انفجرت باكية كتحس بقلبها كيتقطع من الداخل فينما كيقيسها شي راجل و لا كيمد عليها يديه كتتفكر باها نقطة مظلمة كتكره راسها فاش كترجع ليها كل مرة و كتحس بها كتزيد تكبر فينما كيجرحها شي حد ..
طاحو دموعها دافئين على خدها و حطت يديها على عنقها بكات من أعماق قلبها غير مبالية للناس لي كيشوفو فيها بدات كتضرب فراسها بحال شي مجنونة عيات من هادشي كامل عيات من هاد الحياة لي ناض يمسح فيها رجليه حتا فاش قررت تبعد و تدير حياة نقية بعيدة على الحگرة و المشاكل لقات راسها وسط حياة أكفس من الأولى ..
فريال : ( حست بشي يد قبطتها من يديها و حبستها هزت عينيها فيه و جرتهم بقوة قالبة وجهها ) ماتقيسنيش ..
أوس : ماكنتش باغي ن ..
فريال : ( قاطعاتو و ضحكت بمرارة و حركت راسها ) شنو قلتي؟! ياكما يحساب ليك كنبكي حيت ضربتيني ههههه لا وا ما تيقش راسك لهاد الدرجة انا العصاااا مابقاااااتش كتگر فيا غير تهنى بإمكانك تسكت ضميرك انا حياتي اصلا عذاااااابببب انا مابقيييتش كنستغرب ولى كيجيني هادشي عادييي شفتيي ملي ماكيكونش عندك باك سيغتو لا كنتي بنت استعد لأي حاجة غتواجهها ..
قالتها و ضحكت لعبت بيديها بتوتر و دموعها نازلين فنفس الوقت مسحتهم و حدرت راسها ماباغاش تشوف فيه ، ناض هو من حداها بلاما ينطق بحتا حرف و عطاها بظهرو بعد عليها شوية و طاحت دمعتو لي هو براسو تصدم فاش هبطت وقف فبلاصتو بدون حراك و هز يديه كيتحسس فيها بحال الى ماباغيش يتيق انه كيبكي ..
بورش لحمو و دار شاف فيها هي وقفت و بقات كتشوف من بعيد ماعرفتش مالو و علاش بقا واقف فديك البلاصة و لكن جاها شعور فشكل .. دار عندها و اتجه نحوها بخطوات سريعة ضمها لحضنو و زييييررررر عليها بقووووة..
فريال شهقت مصدومة كتحس بجسمها كيتعصر بين يديه مافهمتش مالو و ماقدرتش تبعدو عليها رجعت حافظة عقلها للكلام لي قال ليها پاولو عرفت انه تحسس بكلامها لانه كابر بلا والديه زيرت على عينيها بندم و بعداتو عليها شوية ..
فريال : أنا ما محتاجة شفقة ديال حتا شي واحد ..
قالتها و مشات من حداه خلاتو بوحدو كيفكر و كيسترجع عقلو و شنو دار كيكره ان زوج عديمي المسؤولية تخلاو عليه وهو مزال رضيع هما لي مشكلين ليه نقطة ضعف مزال ماقدرش يتغلب عليها ..
مشات فريال كتقلب على نورة و حنان لقاتهم خارجين من واحد الغرفة و حنان كتبان بيخير شوية عاونتها حتا هي و تمشاو حتال قدام " Recovery room" فين كان واقف بنيامين و فيروز كيطلو على هارون من الزاج ..
آية :( دخلت عندو كتراقب حالتو و الآلات و خرجت عندهم ) حالتو مزال مامستقراش واحد لي يقدر يدخل يشوفو ..
حنان : ( قربت عندها بسرعة و شدات ليها فيديه كترمقها بنظرات ترجي ) أنا عافاك خليني ندخل ..
آية : ( تبسمت ليها و نطقت بلطافة ) واخا سيري عند الممرضة توجدك باش تدخلي ..
مشات حنان وجدوها باش تدخل و حلت ليها الممرضة الباب هما بقاو مراقبينها من الخارج .. جلست حداه و شدت فيديه الباردين ماقدرتش تشوفو فديك الحالة كيبان وجهو شاحب و تحت عينيه زورق و فمو بيض ديك الابتسامة الساحرة اختفت و داك المرح لي فيه و روح الدعابة كلشي تبخر كيبان بحال شي جثة هامدة ..
حنان : ( تبسمت وسط دموعها و طبعت قبلة دافئة على يديه ) صافي بقيتي حتا درتيها الحمق !! ياك قلتي ليا ماغنخليكش،( هزت عينيها فيه و سولاتو بجدية ) ماغتخلينيش ياك ؟! يالاه نووض خلاص صافي مليت مابقيتش قادرة نتحمل هاد الأنانيين لي كيفكرو غير فراسهم .. نوض خلينا نمشيو انا و ياك من هنا ياك واعدتك ماغديش نهرب علاش دابا نتا لي غتهرب و تخليني!! ..
حبستها البكية و حطت راسها على الكامة كتبكي حتا قفزت على صوت الآلة كتسينيالي و داك الصوت المتواصل كيصم الآذان هزت عينيها كتشوف فداك الخط الأحمر كيتكرر منعكس فبؤبؤ عينيها ولات كلها كترجف ..
جاو الأطباء كيجريو ضربو فيها و دارو بيه جبدو آلة الصدمات الكهربائية و بداو كيجهزو دخلت آية كتغوت و بنيامين على برا كيغوت و هي كأن العالم وقف فديك اللحظة بقات راجعة بلور حتا تحبست مع السور و طاحت فالأرض..
آية كررت محاولاتها مرارا و تكرارا بلا جدوى واخا كان خاصها تحبس حيت صافي فارق الحياة و لكن بقات فيها حنان و بغات تكمل على الله توقع شي معجزة لكن للأسف قلبو مارجعش ..
آية : ( شافت فيهم و اليأس اعتلى ملامحها ) تسجيل حالة وفاة هارون العلوي يوم الاثنين 08...
حنان : ( ناضت بسرعة قاصداها شدتها من يديها و انتحبت باكية ) هارووون ماماتش كملي !! قللتتت ليكم كملووو مايمكنش يموت مايمكنش يمشي و يخليني!! كمليييييي..
آية خدات جهاز الصدمات و عاودت كتحاول من جديد مع كل صدمة كيهتزو قلوبهم كاملين و شهقات حنان كيقطعو فالقلب شادة ليه فيديه و كتطلب الله الى دارت شي حاجة زوينة فحياتها يكافئها و يرجعو ليها دعات من كل قلبها ..
آية كثر عليها الضغط من كل بلاصة و هي تلوح آلة الصدمات و هزت يديها حتال سما على شكل قبضة و نزلت عليه لمكان القلب بالضبط رجعت الآلة كتعطي نبضات القلب و كلشي بقا مصدوم حتا من آية طاحت فالأرض مامتيقاش شنو وقع عمرها تعاطفت مع شي حد و عمرها دازت من شي تجربة بحال هادي كان هاد النهار مختلف كأنها عايشة حياة وحدة أخرى..
خرجو حنان على برا و دوز الستار على الزاج باش مايبقى يبان والو جا أوس مافاهمش شنو واقع لقاهم كلهم كيبكيو يحساب ليه غير مات ..
بنيامين : ( عنق فيروز بقوة و انتحب بصوت مرتفع ) خويا ماماتش ..
فيروز : ( حتا هي بادلاتو العناق كتبكي و كتحس بيه كيرجف ) الحمد لله ربي كبير ..
آية : ( خرجت عندهم و تعابير وجهها مغيرة مزال متأثرة بداكشي لي وقع ) الحمد لله على سلامتو حالتو مستقرة حاليا ماعندكم مناش تخافو ..
حنان : ( شدت ليها فيديها و ابتسمت ) شكرا بزاف ..
آية : لا شكر على واجب كندير خدمتي و حتا نتي خاصك تمشي ترتاحي ماكاين لاش تبقاو هنا حتال غدا و رجعو ..
بنيامين : عندها الحق من الأحسن تمشيو انا غنبقى هنا...
حنان : لا انا مابغيتش نمشي غير خليني ..
فيروز : باركة عليك راه عيتي نمشيو اليوم حتال غدا و نرجعو ..
فريال : بصح شوفي حالتك كيف ولات بدلي عليك و رتاحي كولي شي حاجة و غذا نجيو عاود ..
حنان : ( هزت راسها بايجاب ) صافي واخا ..
خرجو من تما مجموعين ركبو فلوطو مع الشيفور و بقاو بنيامين و أوس تما تحسبا لوقوع شي مشكل ..
وصلو البنات و نزلو كيفكرو فحاجة وحدة هي النعاس حيت عياو ديال بصح دخلو كيسمعو الهدرة لقاو الكاپو جالس و معاه فرانسيسكو و أدهم و آدم و ديلارا و حتا إيلايدا حتا واحد مافهم شنو واقع ياك عاد خرجو من لوپيطال ..
الكاپو شاف فريال بحال الى شاف شي جنن ماكرهش ينوض يخوي فيها شي سلاح صبر غير بزز قدامهم حتا هي ماتسوقاتوش كملت طريقها كأنها ماشافتهمش و لكن بقا ضارها راسها هادوك علاش كاينين تما و كيفاش جاو ..
دخلت نيشان وقفت تحت الرشاش و طلقت عليها الما سخون كترتاح و هو نازل عليها و كل ما غمضت عينيها كتتفكر شنو وقع ليها من نهار حطت رجليها فهاد البلاد دوشت بسرعة و خرجت نشفت ذاتها و لبست پيجامة خفيفة تلاحت فوق الناموسية داتها عينيها و نعست ..
ديلارا : شنو استفدتوا دابا من هاد المسرحية لي درتو؟! ..
الكاپو : ( رسم ابتسامة خبيثة ) كل واحد و شنو استفد ماكاين لاش نكرو هادشي ..
آدم : ( رمقو بنظرات قاتلة ماحملوش من الأول و نطق بنبرة عصبية ) هادشي لي درتو ديال الجبناء و حنا ماعندناش مع هادشي و بالخصوص أوس مستحيل نخبي عليه حاجة بحال هادي ..
أدهم : دابا نتا وافقتي على هادشي باش تخرج أوس من بلاصتو هادا راه التبرهيش كيتسمى ..
ديلارا : من لخر الى عندكم شي حساب ماتاخدوهش على ظهرنا و كنقسم ليك كون مكانش أوس داخل فالموضوع غتكون هضرة اخرى عندكم الزهر ..
فران : حسابي معاكم اصلا مسالاش ديروها فبالكم هداك عمك غيبان سواء بالخاطر و لا بزز ..
أدهم : ( قرب ليه و عقد يديه مع بعض ) نعتابر هذا تهديد ..
فران : اعتبرو كيف ما بغيتي و لكن ما موجهش ليك ..
ديلارا : و نقولو هاد عمي باقي حي؟! شنو غدير گاع غتقتلو ..
فران : ( ضحك بخفة و حك ارنبة انفو ) بدون أدنى شك ..
ديلارا : ( قلبت عينيها مع ابتسامة ساخرة ) وعد مني ليك انا غنحقق فهاد الموضوع بنفسي و الى طلعت هضرتك ماشي بصح انا لي غنقتلك اوكي !! و هادشي ماشي على قبلك..
فران : هادشي علاش اتفقت مع اختك من البداية و الى كان باك عندو يد فهادشي غير يحضي مني ..
الكاپو : الو .. ( سكت شحال و هو كيسمع و كيشوف فيهم حتا قطع عليه و رجعو لآدم ) ..
ناض هاد الأخير وقف و خرج تبعاتو ديلارا و أدهم شد إيلايدا من يديها و مشاو للوطو ديالهم انطلقوا من تما بسياراتهم الرياضية الفاخرة خصوصا ان هادوك الزوج عزيز عليهم البدخ أما إيلايدا فأكبر مبدرة أموال شافوها طاح الكاس و صاب غطاه مانحتاجش نقول ليكم أغلبكم عارفين ..
إيلايدا : حتا انا ا بب اش بان ليك فشي ليلة حمراء؟! ..
أدهم : اش غنديرو مع البرهوشة !! ..
إيلايدا : جمع فمك البرهوش هو نتا!! طلقني خلاص توحشتك بنتي بغيت نشوفها ..
أدهم : و الليلة الحمراء؟! ..
إيلايدا : ( قلزت ليه و عقدت يديها عند صدرها ) ها الليلة الحمراء شفتيها؟! غندير ليك ليلة سوداء الى ماسكتتيش دابا ..
أدهم : (ضحك و شد يديها باسها ) صافي ماتقلقيش احبيبة .. قولي ليا شنو بلان هاد الخطف و هاد فرانسيسكو و عمك تاني ..
إيلايدا : اصلا ما استغربتش فاش قال عمي مزال حي انا الوالد نتوقع منو اي حاجة و لكن حتا هاد فرانسيسكو ماساهلش داكشي علاش خاصنا نتوقعو منو اي حاجة غير هو نتوما الرجال كتكلخو قدام المراة مافهمتش!! ..
إيلايدا : وا لااا انا ماتافقتش معاه المكلخ من الأول غير ضحكت عليه باش نفدر ندخل ديك الڤيلا و حطيت أجهزة التنسط فكل بلاصة ..
أدهم : ( شتف فيها بصدمة و جاتو فوغيغ ديال الضحك ) ههههههههههههههههه بنت الهم قوليها من الأول وراك كلاون نيت من درجة جوكر 😂😂 ..
إيلايدا : هههخخخخخ لا لا هارلي كويين !! ولكن بقا فيا داك هارون مسكين الصراحة تعديتو عليه ..
أدهم : وي هارون باينة فيه عزيز على أوس خاصنا نرجعو باش نعتاذرو منو بطريقة لائقة ..
إيلايدا : اوكي يالاه سبق هاد الخراي ديال آدم جبتو ليا الملل البوغاتي و الفيراري بلا فايدة وا طلقنا للفراجة راني توحشت بنتي و عندي بلانات باغا نقضيهم مع عذراء ..
أدهم : ( دور الڤولون و كسيرا بسرعة عالية مضوبل آدم ) واخا ا مراتي العزيزة طلبتي غير الموجووود ..
خرج من سبيطار خلا بنيامين مع خوه و ركب فلوطو راجع للڤيلا شعل گارو كيكمي فيه و كيتفكر الهدرة لي قال ليه آدم فتيليفون كان حاقد حس براسو بحال البليد ردوهم دراري صغار و ضحكو عليهم عرضو واحد منهم و فيهم للخطر واجه الموت بسبابهم ماحملش راسو دوز عليه بحال هاكا ..
أوس : رديتونا براهش اولاد القحاب و لكن حسابي فراسي بغيتو غير هاد اللعب واخا ..
زاد فسرعة لوطو و انطلق كيتخطى فالسيارات باغي غير فوقاش يوصل ماحملهاش تكون حدا الكاپو دقيقة وحدة فرانا لوطو قدام بابا الڤيلا و نزل بلا ما يسد الباب لاح الساروت لواحد فلي گارد و دخل تساطح مع فران ما هدرش معاه طلع بسرعة لغرفتها ..
حل الباب بشوية لمح الكاپو جالس حداها رد الباب بشوية و بقا كيشوف فيهم من وراه كانت هي ناعسة و لابسة پيجامة خفيفة كتجي على شكل كسيوة واسعة واصلة عند الركبة مع ناعسة كانت طالعة ليها على فخاضها و شعرها بين يديه كيلعب بيه..
أوس زير يديه على الباب بقوة و مشى لبيتو ماقدرش يبقى دقيقة مزال كيحس براسو غيرتكب شي جريمة دخل و خبط الباب جمع يدو على شكل قبضة و بقا كيضرب فالحيط و يعاود حتا مابقاش كيحس بأصابعو جلس فوق الكامة و هز يديه لي كيرجفو جبد گارو حطو ففمو و شعلو بالولاعة هز راسو فالمراية كيشوف فعينيه حمارو كلو عرقان ..
دخل لدوش زول حوايجو و دوش خرج لوى فاصمة على يديه و دخل لدريسينغ لبس بوكسور و سروال سيغڤيط لتحت و عطى رجليه للريح مالقى راسو غير قدام بيتها حل مابان ليه حد و هي باقا على حالتها دخل و سورت الباب من وراه ..
قرب عندها و هي غاطة فسابع نومة جلس جنبها و زول الشعر من على وجهها و بدات كتفيق فاش حست بقطرات ديال الما كينزلو عليها حلت عينيها بشوية كتشوف فيه شعرو فازگ و نازل على عينيه كيحمقها فاش كيكون مخربق و طويل هكاك نازل على عينيه كيخليه يبان مختلف ..
فريال : ( رجعت غمضت عينيها و نطقت بصوت مامفهومش ) ال ما .. الما ..
أوس : ( استغرب من نبرة صوتها و لاحظ حنيكاتها غيطرطقو بالدم حط يديه على جبينها لقاها شاعلة فيها العافية ) فرياااال!! شنو واقع ليك ؟! ..
فريال : ( نزلت دمعة حارة على خدها ) كي ضرني راسي بزاف ..
أوس : ( فهم قصدها و رخى حواجبو متفاجئ بسؤالها ) علاش كتسولي ..
فريال : فخبارك ؟! أول مرة نغير من ختي و بنت خالتي حيت بالرغم من كلشي على الأقل لقاو لي يبغيهم و يخاف عليهم واخا هاد المشاكل لي كيوقعو و العوائق لي كيجيو فطريقهم و لكن حبهم حسييت بيه صادق ولكن نتا ماتفهمتيش ليا و عمرك غتفهم ليا ..
أوس : هاكا احسن ..
فريال : خرج بغيت ننعس !! .. ( هز يديه و لمحت الفاصمة ملوية عليها) مالك فيديك ؟! ..
أوس : والو ماشي شي حاجة ..
فريال : ( هزت يديه بشوية و حلت الفاصمة تخلعت ) ويلييي اش درتي ليديك حمق نتا و لا مالك؟! كتوعتك؟!! ..
أوس بغا يجر يدو مابغاتش تطلقها بدات كتنفخ عليها بشوية و هو غير كيتأمل فتعابير وجهها مستلطف أنفاسها على يدو فحال النسيم ناضت للحمام و جابت علبة الاسعافات الاولية داواتها ليه مزيان و دارت ليه الفاصمة بشكل صحيح سداتها ليه و طلقات يدو ..
رجعت حطت راسها على المخدة و بقات كتشوف فيه بعدت شوية باش تخلي ليه بلاصة و حط راسو حتا هو حداها بقاو غير كيتبادلو النظرات لمدة من ثم هز يديه باش تقرب و تخشات فيه فحال شي طفلة صغيرة غمضت عينيها كتحس بدقات قلبها كيتسارعو و استنشقت ريحتو العطرة بقات على ديك الحال حتى غفات بين يديه ..
أوس طل عليها لقاها ناعسة كانت فحال شي ملاك إلى ان شخرت 😂 ، تبسم ابتسامة خفيفة ماغيرتش من ملامح وجهو و جر يديه من تحت راسها بشوية غطاها و خرج ..
🌞صبح صباح جديد على أبطالنا جايب معاه أحداث جديدة🌞..
كانو كلهم مجموعين على ديك الطبلة كيفطرو باستثناء فريال و أوس و لي بغا يموت يموت أوس كان جالس فبيتو كيشرب قهوتو و خدام من الپيسي و فريال مزال ناعسة ..
لتحت كان الكاپو جالس على أعصابو ماسبقش و تخالفت لي زوغدغ ديالو من طرف شي حد بهاد الفعلة لي دارو بينو ليه ان ماعندهم فيه سوق ..
كملو أكلهم على وجه السرعة و تفرتكو كل واحد ناض فين غادي فرانسيسكو مشى يراقب الحركة و البقية مشاو للوپيطال عند هارون ..
ساعتها كشف على الساعد ديالو و طلع قاصد بيتها حل الباب لقاه مطرق بالساروت بعد عليه شوية و ضربو بكتفو مرة زوج و ثلاثة حتا هرس القفل و دخل..
فاقت فريال مفزوعة كتشوف فيه موسعة عينيها و تراجعت قليلا للوراء فاش بدا جاي قاصدها بخطواتو السريعة و تعابير وجهو لا تبشر بالخير جرها من يديها و نفضها مزير على معصم يديها بقوة..
الكاپو : شنووووو وقع بينك و بينو؟! ..
فريال : ( حركت راسها بلا بسرعة و تمتمت مرعوبة ) ما وقع والو والله ما وقعت شي حاجة !! ..
الكاپو :( صعر فوجهها بعصبية و زاد زير عليها ) ماااتكذبييييييش!! علاش داك من هنا؟! شنو وقع بيناتكم !! ..
فريال : (غمضت عينيها كتحس بمعصمها غيتقسم وواصلت تحريك راسها بهيستيرية ) لا لا لا والله ماوقعت بيناتنا شي حاجة كانت معاه وحدة اخرى اصلا هئ هئ ررخيييي مني !! ..
الكاپو :( رخى منها شوية و حط يدو خلف رقبتها جبدها لعندو بقوة و خشاها فأحضانو كيشم ريحتها بطريقة كتخوف ) اممممم مزياااان ..
فريال : ( حطت راسها على صدرو كتشقلب فعينيها و كتسمع دقات قلبو المتسارعة ) الصمت ..
الكاپو : ماتبقاي تمشي حتال لبلاصة معاه ..
فريال : ( حركت راسها مسايسة معاه ) صافي واخا ..
طبع قبلة على شنايفها و رسم ابتسامة ماكرة استوطنت محياه ثم انساحب بهدوء مخليها فحيرة من أمرها كتفكر فهاد الموصيبة لي لقاتها غير هي من دون البنات زوج الحماق واحد ينسيك فالثاني بانت ليهم غير هي شنو لي شافو فيها مميز الله أعلم ..
فريال : الله يا ربي الله اش هاد المكتوب طحت فيه اش غندير مع هاد زوج انا كي غندير ليها !! ..
دخلت للحمام قضات حاجتها و دوشت باش تهبط ليها السخانة شوية نشفت شعرها، ذهنت كريم لي كانت كتصايب ليها ماماها و دخلت للدريسينغ بانت ليها واحد اللبيسة زوينة شورط قصير فالكحل و ميني ڤونتخ ديالو تشهات تلبسهم جبداتهم و بدلت حوايجها بسرعة حيت تحرك معاها الجوع ..
هبطت لتحت ما بان ليها حتال لتحت و كملت للسفلي فين كاينة الكوزينة دخلت لقات الخدم كيدورو و الصداع ديال الآواني و كثرة الكلام حنحنت عالنة على دخولها كلهم سكتو و بقاو كيشوفو فيها تقدمت عندها وحدة من الخدامات بسرعة " آش حب الخاطر أ مادموزيل!؟! نحط ليك الفطور!! " ..
فريال : نو مشا الحال على الفطور بغيت ( تنسات ليها الكلمة بالايطالية ووقفت كتتفكر) ااه بغيت نطيب شي حاجة راسي !! ..
يامنة : ( قربت عندها كطلعها و تهبطها على داكشي لي لابسة ) شنو بغيتي طيبي؟! ..
يامنة : واخا قولي ليا شنو غيخصك فيه و انا نوجد ليك( لمحت واحد كيشوف فيها ) شوف قدامك نتا !! ..
فريال : بغيت بطاطا و صدر الدجاج يكون مذبوح على الطريقة الاسلامية كاين؟! ..
يامنة : اه اه كاين ضروري ..
فريال : Good (مزيان ) ألوغ جيبيهم ليا و جيبي ليا العطرية كاملة[ تحميرة - ليبزار-سكنجبير-خرقوم-ملحة] و خمسة فصوص ثوم متوسطة الحجم و البصلة و صوص طوماط ..
مشات جابت ليها يامنة داكشي لي بغات جاها الفضول تشوفها اش باغا تخترع شدت البصلة قطعتها و دارتها مع شوية الزيت تتشحر خلاتها حتا بدات تاخد لون شوية و زادت عليها ثوم مهروس و صدر الدجاج مقطع قطع صغيرة خلاتو شوية و زادت عليهم زوج معالق كبار ديال صوص طوماط و العطرية دارت كيف كتبغي حيت مكتحملش دير داكشي بالقياس عينها ميزانها ..
خلطت داكشي مزيان و خلاتو و انتقلت لبطاطا قطعتها قطع صغيرة و دارتها تقلى فالزيت و مشات صايبت صوص بيشاميل عقدتها مزيان و زادتها على الدجاج خلطت داكشي مزيان و جبدت وعاء زجاجي دارت فيه بطاطا مقلية ستفتها لتحت و فوقها ديك الخلطة د الدجاج و البيشاميل و المودزاريلا لاحتها من الفوق عاد دخلاتها للفران باش يتحمر شوية ..
يامنة : ( حبتها جاتها كيوت و متواضعة عكس إليزابيث "إيزابيل" ) ها حنا غنشوفو هادشي كيغادي يجي الحادگة ..
فريال : غيعجبك ههه ماشي أول مرة نديرها ..
التهتا فالحديث حتا كان داكشي غيتحرق جبداتو يامنة بسرعة و حطاتو سخون فوق الرخام حرقها فيديها فريال عجبها المنظر ديالو خرج مختلف على كيف كيطيب فالفران النايح ديال المغرب..
فريال : ( تحمست و قسمت داكشي بسرعة حطات فطبق و بدات غادة ) ذوقيهم من هادشي لي بقا ..
يامنة: ( ضحكت على تصرفاتها الطفولية و نطقت بفضول ) ا فييين غادة ا هاديك الزغبية ..
يامنة : ( جمعت ضحكتها و نطقت بينها و بين نفسها ) الله ابنيتي الزوينة فرحتك ماغتكملش غتجي ديك الجنية تحرمها عليكم ..
طلعت فريال كتعفط فدرجة و تنقز الاخرى حتا وصلت لبيتو كانت كتتمنى تلقاه دقت و حلت الباب بشوية مابانش ليها حطت الطبق فوق الطبلة و رجعت حتا حبسها صوتو لي زعزها و طيح منها النص ..
أوس : آاااش هادشي لاااابسة ؟! ..
دارت كتمقل فيه و كترمش فعويناتها الزورق كان عاد خارج من الدوش لاوي عليه غير فوطة لتحت و الفوق عريان شعرو هابط على عينيه فاش كيفزگ كيولي طويل و مخربق كيهبلها بلعت ريقها بصعوبة و حدرت عينيها بخجل ..
أوس : ( قرب ليها أكثر كيطلع فيها و يهبط هز الپيل بصبعو على لحمها و رجع طلقو عليها ) آخرررر مرة نشوفك لابسة شي لبس فحال هادا هناااااا .. ( مشا لدريسينغ جبد ليها تيشورت و سروال ديالو خرج لاحهم عليها ) دخلي لبسسسسسي هادو هنا ..
خوفوها نظراتو و ماعوداتهاش معاه دخلت لبست بزربة و خرجت عندو لقاتو لبس حتا هو سروال لتحت و جالس كيطحن فداك الگراتان بقات مراقباه من لور ظنا منها انه ملاحظهاش حتا فاجئها و نطق موجه كلامو ليها بلا حتا مايشوفها ..
أوس : غتبقاي واقفة تما جلسي !! ..
فريال : ( جلست قبالتو كتشوفو كيفاش كياكل بشوية و ماباغيش يبين انه عجبو تبسمت بلطف ) عجبك؟! ..
أوس : ( حرك حواجبو بعدم اهتمام ) مابيهش !! ..
خلاتو حتا كمل و بغات تهزو و تمشي فحالها حبسها و جرها من يديها لعندو زول خصلات من شعرها دارهم ورا وذنيها و هي غير كتبحلق فيه و شنايفها كيترعدو مع وجعة خفيفة كتمشي و تجي فكرشها بالخوف دوز إبهامو على خدها كيتأمل فملامحها و كيحفرهم فعقلو تحدر لمستواها و دخل معاها فقبلة طوييييلة كيسقي حلقو من ريقها و هي واقفة فحال الجماد لا تحرك ساكنا ..
حاوط خصرها بيديه و زاد جبدها لعندو أكثر .. حطت هي يديها على صدرو المكشوف و ارتعش جسمها فاش لمساتو عض على الجزء السفلي من شنايفها و تأوهت فاتحة فمها استغل الفرصة و زاد تعمق فتقبيلها كيعبر على شحال هايم فغرامها و كيفاش قدرت تأثر فواحد بشخصيتو فمدة صغيرة هي براسها مافاهماش ..
ماقدرتش تبعد عليه و ماقدرتش تبقى ارتبكت لأن أول واحد قاسها كان هو و أول واحد شاف جسمها كان هو و أول قبلة ليها كانت منو هو اختلطوا أحاسيسها و مابقاتش عارفة شنو دير ماكانتش حاسة بداكشي لي كيحس بيه هو و بداو كيطيحو عليها أفكار خايبة و معدل دقات قلبها ارتفع بشكل لاحظو هو حيت ولات كترجف بين يديها ..
فريال : ( بعدت عليه و دخلت للحمام سدت عليها ) اووووف اش كديري افريال ؟! اششش كديري؟! ..
أوس : لبسي حيت غنخرجو نمشيو نشوفو هارون( بغا يقيسها و هي تبعد عليه ) مالك؟! ..
فريال : ( نطقت بعصبية غير بوحدها ) والو !! مابغيتكش تبقى تقيييسنييي صافي هادشي لي درتي دابا غنساااه و لكن مرة أخرى ماغيتعاووودشششش انا وياك ماغيكون بيناتنا والو من الأحسن نوليو نخليو مسافة بيناتنا ..
فريال : ( قفزت هازة فيه عينيها مصدومة و حست بغصة مشات و جات فحلقها ) اه عندك الحق انا لي جيت عندك لبيتك!! سممحح ليا مرة اخرى ماغتبقاش تعاود .. ( حلت الباب بغات تخرج شدو و رجع جرها )...
فريال : ( عرفات راسها غتفرشها لي زادت كذبت اكثر ) احم اه عارفة ..
دار بسرعة شاف فيها متفاجئ كان معول انها غتنكر و كان متمني ماتكون عارفة والو بل ماكانش متوقع تكون هازة حمل ثقيل فحال هذا و مزال كتتصرف عادي ماينكرش انه تصدم و هادشي ظهر من خلال تعابير وجهو ..
أوس : ( دوز يدو على شعرو بنرفزة ) پاولو !! كان خاصني نعرفها من الأول ( رجع رمقها بنظرات لو كانو سلاح ماكنتش غتكون على قيد الحياة ) لمن قلتيها؟! ..
فريال : والله ماقلتها لشي واحد غير انا لي عارفة صافي !! پاولو ملي قال ليا كتعاودو ليه أسراركم ماقدرتش نقول اصلا الى قلت داكشي لي عرفت للبنات غدي يخافو اكثر ..
أوس : كنعاودو ليه أسرارنا !! و نتيي ثقتي بيييه و بكلامو حنا ماعودنا ليه والو پاولو كيشوف 👀.. كيفما عارف علينا داكشي حتا نتي ديك الجلسة لي جلستي معاه قدر يشوف الماضي ديالك كامل ..
فريال : ( هربت بسرعة لايحة رجليها لجهة الباب ) واخا ..
طارت لبيتها و تنفست بعمق ندمانة على هاد التسرع لي دارت و قلة العقل لي كتجيها بعض المرات ماكتخليهاش تفكر و لا تعرف تهضر دخلت لبسات بزربة سروال جينز و تريكو فوقو مونطو و هزت صاكها خلات وجهها هكاك و خرجت كتتسنى فيه حتا بان ليها جاي مخنزر و باين طالعة ليه القردة ..
داز من حداها فحال شي ريح قوية داير يديه فجيابو و ملامح وجهو جامدة تبعاتو بسرعة كتتمشى بخطوات سريعة بل كتجري باش تلحق عليه ركبو فلوطو و انطلقوا لسبيطار ..
*****************
فلوپيطال كانو كلهم مجموعين قدام الغرفة لي ناعس فيها هارون كيتسناو فآية تسالي المرضى لي عندها و تجي تعطيهم التطورات لي وقعو فحالتو .. حنان جالسة على أعصابها و باغا غيؤ فوقاش تشوفو .. جات آية دخلت عندو وقفو كاملين كيطلو عليها تفحصاتو و خرجت لعندهم ..
آية : كلشي مزيان حاليا ماعندكم مناش تخافو احتمال كبير انه يفيق فهاد الآيام ..
حنان : بغيت ندخل نشوفو عافاك ..
آية : وي تفضلي ..
حلت ليها الباب و دخلت عندو لاحظت ان لونو بدا يرجع ليه شوية و حالتو كتتحسن شدت يديه و حطتها على خذها و غمضت عينيها فاش حست بيهم دفاو مابقاوش جامدين كيف كانو ..
هارون بدا كيحل عينيه شوية بشوية كيستوعب راسو فين استشعر شي حاجة محطوطة على يدو و حول نظرو كيشوف فيها بدات كتتوضح ليه الصورة و عرفها هي حرك يديه و هي تقفز شافت فيها و صرخت بالفرحة و فلمحة بصر شقو الدموع طريقهم وسط خدودها ..
حنان : هااااروووووون !! ..
هارون : ( غمزها و هز يدو شوية باش تعنقو ) الج.. نية د.. يا.. لي ..
نورة تبسمت بفرح و هي كتشوف فيهم فجأة تقلبت معدتها و مشات كتجري للحمام تحت أنظارهم كلشي بقا كيشوف فيها و البنات تبعوها بسرعة ..
فرانسيسكو استغرب بزاف من حالتها حس براسو هملها فالأيام الأخيرة مع انه واعدها باش يوقف معاها و يخرجها من داكشي لي كتمر منو و مع الأحداث لي وقعو مؤخرا نساها .. جبد تيليفونو و صونا على الطبيبة لي ففرنسا لقا خطها خارج التغطية دخلو الشك عاود عيط للعيادة بقا كيصوني حتا جاوبو صوت آخر ..
المساعد : وي قريت شوية منهم كي بقات البنت لي معاك اللقاح غيأثر عليها ..
فرانسيسكو : ( عقد حجبانو و بعد على الموجودين شوية ) بلاتي بلاتي اشمن لقاح؟! نوره تغتاصبات على يد أكثر من شخص هادشي لي كيقول التقرير الطبي ..
المساعد : تغتاصبات ؟! كيفاش؟! لا مايمكنش انا خطفت نظرة على التقرير البنت حقنو فيها اللقاح ووقع ليها إيموغاجي تأثرت البكرة ديالها شوية مي ماكين حتا شي أثر ديال السائل المنوي ..
فرانسيسكو : ( دوز يدو على راسو بسرعة مافاهم حتا لعبة ) كيفاش زعما ما تغتاصباتش ؟! ..
المساعد : حتا هداكشي لي وقع ليها يعتبر اغتصاب مي لحسن الحظ ماكاين حتا شي تأثير ديال ممارسة انا متأكد يمكن تخيل ليها هكاك تحت تأثير الصدمة ..
فرانسيسكو : دابا شنو واقع ليها ؟! ..
المساعد : ذاك اللقاح خطير شوية ماعرفتش منين قدرو يجيبوه مي نادر بزاف يعني لي بغاه يتحقن فيها صنعو خصيصا لهادشي و ماشي اي واحد يقدر ياخدو غادي تواجه صعوبات فأمعاءها و أوجاع فبطنها لمدة من الزمن مي من بعد كلشي غيتحسن ديها عند شي دكتور مختص ..
فرانسيسكو : اوكي غتلقى كادو صغير فالكونط ديالك من هنا للعشية اعتابرو مكافئة بسيطة و الى عرفتي شي حاجة على الاخرى عيط ليا ..
المساعد : كون هاني ..
فرانسيسكو : ( قطع و عقد حواجبو بعصبية ) شكون من مصلاحتو يدير شي حاجة بحال هادي؟! و علاش !! ..
#فـــــلاش________بـــــاك..
#معتقدات_نورة..
🔞🔞🔞🔞🔞🔞
فرق ليها رجلها مزيان و خشا صباعو بزوج داخل فتحة فرجها دقة وحدة، شهقت الزغبية موسعة عينيها كأن الروح غتخرج منها ملي حست بيه خشا المعلم 🍆بكل قوتو و الألم الفظيع لي حست بيه كان سيئ لدرجة يفقدها الوعي فالبلاصة..
تقلبو عينيها و رخات راسها مستسلمة و غابت عن داك العالم تاركة جسدها كفريسة للذئاب دارو فيه ما بغاو تناوبو عليها طول الليل حتا فرغوا كُبت الشهور لي ضيعوها فالطريق و خرجو مخلينها تما وحيدة، غارقة فدماياتها، نَايْكِد، منظرها صعب وصفو..
#تأكيد_الطبيبة_للمعتقدات..
الطبيبة : شنو واقع ماغتشرحش ليا شكون لي وصلوها لهاد الحالة؟!..
فران : ( عقد حجبانو و نطق بعدم فهم ) شنو كتقصدي..
الطبيبة : التقرير ديالها كيقول بلي البنت تعرضت للإغتصاب من طرف شخصين أو أكثر تكرفصو عليها بزاف سيغتو انها كانت عذراء..
#الحقيقة..
بينما كانت نورة كتقاوم الشخص لي فوق منها استغل الثاني الفرصة و ضرب اللقاح فالداخل ديالها و بالتالي ماقدرتش تشوف شنو وقع و مانساوش ان الألم لي حسات بيه و تأثير اللقاح خلاوها تفقد الوعي و ماتعرفش شنو طرا بعد داكشي..
فاش فتحت عينيها كانت فالعيادة عند الطبيبة استغلت هي الاخرى غياب فرانسيسكو فديك الوقيتة و قدرت تعبأ ليها راسها بداكشي لي بغات و تأكد ليها شكوكها و تقنعها بلي فعلا تعرضت للاغتصاب وهمتها بأدق التفاصيل و زرعتهم فالعقل الباطن ديالها باش تتصرف على أساسهم ..
دخلت نورة للحمام كترد بطريقة صعيبة و كتحس بأمعاءها كيتقطعو حست بشي حاجة سخونة هابطة مع رجليها دخلو عندها البنات مخلوعين .. غسلت وجهها بالزربة و دخلت للحمام الداخلي سدت عليها ..
لقات الدم نازلة ليها و نفس الوقت لي كتجيها فيه ديما جبدت الپاپيي جينيك لواتو فبديها مزيان و دارتو تحت منها باش يحبس ليها شوية و خرجت عندهم ..
نورة : البنات ماتسولونيش حتا انا كيحساب ليا داكشي لي فبالكم مي جاتني الدم ..
خرجو للحمام و رجعو عند هارون لي بعد ما سالاو ليه الفحوصات نقلوه لغرفة عادية باش يرتاح تطمنو عليه و رجعو للڤيلا من غير حنان لي بقات معاه ..
طلع بنيامين لبيتو و مباشرة بعدما دوش و لبس حوايجو مشا عند فيروز لبيتها لقاها كتنشف فشعرها سد الباب و مشا جلس كيتسناها تسالي وقفت السوشوار و مشات عندو انتابها الفضول من ديك الدخلة لي دار ..
فيروز : ( حركت راسها و نطقت ببرود ) هادي غير بغيتي تقولها أكيد باغا شنو كيحساب ليك عاجلا أو آجلا كنا غنتزوجو ..
بنيامين ضحكاتو طريقة ردها بهاد الشكل دار مقارنة مابين عروض الزواج لي كيشوف و عرض الزواج ديالهم هو سألها بطريقة فظة و هي جاوباتو بطريقة ساخرة .. صدق من قال " الطبول تقرع على أشكالها لكن في الحب لا يجد الإنسان من يشبهه يصدم دائما من هو ضده " و هكذا هما هذان الإثنان ..
بنيامين : نفهم من كلامذ انك قابلة ..
فيروز : واااا اااه اااه قاااابلة ..
بنيامين : ( جرها بقوة و جلست فوق حجرو ) باغي نعرفك على مّا ..
فيروز : ( استغربت فاش نطق مّا و هي عارفة مو ميتة ) شكون ؟! ..
بنيامين : جدتي لي رباتني غدي تعجبك بزااف ..
فيروز : ( تبسمت و عضت شنايفها بحماس ) حتا انا بغيت نتعرف عليها ..
بنيامين : حاجة وحدة لي نوصيك عليها ماين هارون و ختو ماتكلميهم ما تقربي ليهم حاولي ما أمكن تخليهم عليك فالتيقار ..
فيروز : ( طبعت قبلة على خدو و ضحكت فاش ابتسم ليها ) ماتخافش عليا ..
بعد_مرور_يومين
وقفت لوطو قدام بابا الڤيلا نزل منها بنيامين و أوس وراه حل الباب الخلفي دلوطو و عاونو هارون يخرج تمشاو معاه ببطئ و دخلو للدار كانو مقادين ليه بلاصتو فالصالون جلسوه فيها
هبطو البنات كيجريو من الفوق سلمو عليه و جلسو محاوطينو من كل بلاصة..
فريال : الحمد لله على سلامتك ..
هارون : الله يسلمك ازين .. ( شاف فأوس و رجع حدر عينيه ) أسحب كلامي ..
حنان : ( كانت ساهية كتشوف شد ليها يديها و باسها .. حدرت عينيها محرجة ) احم ..
هارون : ماقلتش ليكم شنو شفت !! ..
نورة : شنو شفتي؟! ..
هارون : ( هضر بجدية كيطنز عليهم ) شفت عزرائيل سلم عليكم واحد بواحد ( غمزهم ) "غنستفكم كاملين من فوق الشواية" ..
تكرشخو البنات بالضحك و الرجال غير كيشوفو فيه عارفينو باسل و داكشي ديالو مكيضحكش بقاو مقشبين كيضحكو حتا جا الكاپو كلشي قطع الحس ..
هارون : اه عندك الحق من الأحسن تبقى مخبي ديما هنا و حنا نعرضو حياتنا للخطر ..
حنان : طلعتو غير متافقين اصلا ..( سكتت فاش شافت كلشي وسعو فيها عينيهم ) ..
هارون : ( انتقل بمقلتيه بيناتهم ) كيفاش ؟! شنو واقع ؟! شنو مخبعين ..
بنيامين : والو حنان فاهمة الأمور غلط كيحساب ليها الكاپو و الروسيين كانو متافقين من ديپاغ شرحنا ليها و مع ذلك مصرة تتهم الكاپو ( شاف فيه و نطق باستفزاز ) ياك !! ..
هارون : ( اقتنع نوعا ما و وجه كلامو لحنان ) نتي بقاي بعيدة ..
بنيامين و هارون : ( نطقو فدقة وحدة ) بغيت نهدر معاكم فشي حاجة !! ..
هارون : ( شاف فيه و ضحك ) سيير نتا الأول ..
بنيامين : لا غير دوي نتا فاش بغيتي تهدر ..
هارون : لا والله انا الموضوع لي بغيت نهضر فيه خاصنا نتكلمو فيه مطولا حاول تقول داكشي لي باغي بالزربة ..
فيروز : وا قولو بزوج و هنيونا ..
شافو فبعضهم و نطقو بزوج بيهم فدقة " قررت نتزوج" قالوها دارو كيشوفو فبعضياتهم بصدمة ، حنان وحلات ليها و بدات تكحكح فريال جات تعطيها الما خواتو عليها و فيروز ماكرهتش تنشق الأرض و تبلعها، أوس ابتسم بخفة و نورة ماقدرتش تحبس الضحكة، فران ماكانش متواجد معاهم فاتتو الفراجة أما الكاپو فكانت ردة فعلو مغااايرة تماما على الكل ..
الكاپو برزو عروق عيونو الحومر و جمع قبضة يدو خبط الطبلة لي قدامهم حتا تشتت الزاج فكل مكان قفزو البنات مخبعين فبعضياتهم و تجمعو لي گارد بسرعة وقفو حداه علا راسو و نطق مزير على فكو كيتعدى على منافذ الحروف ..
الكاپو : زملتوووو لا !! جبتو بنااات و خليتوهم يعرفو معلومات حتا اضطرينا نحبسووهم و ما قلنا والو .. جلستو تحابو عليا و تقحبنو نتوما و ياااهم و غمضت عيني .. عطيتوها غير للعب و الأخطاء و ما بقيتوش مقابلين مسؤوليتاكم واحد جر وحدة و غبر و لاخر داير ليا فيها طبيب نفسي و زوج طاحو على زنافرهم هاد القلاوي كاااااااامل و سكتنا و لكن قوانييييني ماغتتخالفش أبدا و ديجا نتوما عارفينهم الزواج و الأولاد خط أحمر و اي خطأ مقابلو غيكون موتكم كاااملييين كنظن كلامي واااااضح ..
سكت كينهج و نظراتو القاتلة كيتساراو بين عيونهم باغي يقرا ردود فعلهم من خلال ملامحهم كلهم بقاو ساكتين كيشوفو فيه و البنات خايفين منو كيشوفوه كيفاش تقلب 180 درجة فلمحة بصر من غير فريال لي مقردة جنب أوس و كل شوية كتزيد تحشي جنب طرمتها فيه باش ماتبقاش تبان للكاپو ..
أوس : ( شاف فيها بنص عين و نطق مخلي كل الأنظار عليها ) اش كديري؟! ..
فريال : ( هزت عينيها فيهم باحراج و خذوذها بسرعة تلونو ) والو !! ..
بنيامين : ( حبس أعصابو حتا حبسهم و ناض جرها من يديها و وجه كلامو لأوس بالدارجة ) هاد الزابوور قوليه يعاودو لمو ..
أوس : ( تبعو بعينيه ببرود و نطق بينو و بين نفسو ) الى ما تزوجتيش راك ماشي راجل ..
الكاپو : ( شاف فلي گارد و نطق بصرامة ) فاش يرجع صيفطوه عندي ..
هارون : ( ضحك و نطق بصبيانية ) راه غير بغيت نضحك معاكم أ شرفا و لكن ڤغيمون صدمني بنيامين ..
فريال تحدرت باغا تجمع داكشي لي طاح فالأرض هبط التيشورت و نقز صدرها كيطل عليه، قوس عينيه الحادين فيها و جبدها من السروال رجعها جلست حداه ..
أوس : ( همس فوذنها بعصبية و يديه كيضغطو على فخضها بقوة ) واش غنبقى ديما نعاود ليك نفس الهضرة؟! ..
فريال : ( عضت على شنايفها بألم و بعدت عليه ) اي اي اي صافي صافي طلق طلق طلق ..
أوس : يالاه نوضي تقودي طلعي بدلي هاد الشراوط ..
ناضت بسرعة هربات من حداه و طلعت الفوق وصلت للدرجة الأخيرة غطاها خيال بنية الكاپو الضخمة سرطت ريقها و دردبت مع الدروج زالقة شقمها بيديه و نفضها وراه بحال الجرثومة ..
الكاپو : اجييي يا القحبة نوريك اللعب معايا باش كيتقام ..
كان جالس وسط لوطو حادر راسو و مراقب الحركة قدام دارها من صباح حتا بدات جاية من لور و انعكاسها بان فالمرآة الامامية للسيارة خلاها حتا طلعت للعمارة و تبعها كيشوف فجنابو بحيطة و حدر منزل الكاسكيط على عينيه..
حلت الباب بالساروت و غفلها حاط موشوار فيه مخدر على مناخرها حاولت تقاوم لكن بلا جدوى بسرعة تقلبو عينيها و ترخات بين يديه دخلها للأپاغطومو و سد الباب حطها فوق الكرسي ربط ليها رجليها و يديها بسماطي..
جلس قبالتها كيلعب بالموس لي فيديه و بقا كيعاين فيها حتا بدات تصحصح شافتو جمد ليها الما فالركابي بدات كتبكي غير بوحديتها بلاما يقيسها ..
ماري : والله ما درت شي حاجة ا فران كنحلف ليك ..
فران : ( حرك راسو ببرود و عينيه على السكين كيلعب بيه من يد للاخرى ) شكون لي قاليك ديري هادشي ؟! ..
ماري : ما نقدرش نقوليك هئ هئ غيقتلني ا فرانسيسكو غيقتل ليا ولادي ..
فران : ( صعر بعصبية و غرز الموس بين فخاضها ) الى ماقتلكش هو غنقتلككككك انااااا على اشمن ولاااد كتهضري شكووون هو باهم اصلا؟! هذا لي جاية تشوفيه هنا و لا هذاااك ..
ماري : ( شهقت مغمضة عينيها و تنفست بعمق فاش ماغرزوش فيها ) هئ هئ عافاك خليني نمشي فحالي ..
فران : ( شدها من شعرها بقوة و جرها قبالة وجهو ) شكووون لي عطاك لي زوغدغ ديري هادشي للبنت؟! و علاااااش !! ، ياكما نتي لي عطيتيهم التلقييح حتا هو ..
ماري : ( حركت راسها بهيستيرية كتعصر فعويناتها ) لا لا لا والله ما انا هو جا عندي هددني بولادي و قاليا بلي غتجي عندي و شرح كلشي عطاني التلقيح و قالي الى ما زورتش الوراق كلنا غنموتو ..
فران : شكووووون ؟! وصفيييه ليا كيفاش داير ؟! ..
ماري : مااشفتش وجهووو و الله ما شفتو هئ هئ ثق بيا كلشي داز بالزربة ..
فران : ( لف حولها لفة حتا حسسها بلي راه ثاق بيها و جبدها معاها بصلية على غفلة من أمرها ) و لكن علاااااااش انا حاس بلي مخبية عليا شي حاجة!! علاااش كتكذبي !! ..
شد صبعها صغير و زير عليها كأنه غيقطعو ليها بدات كتصرخ بصوت مرتفع و كتفركل حتا طاحت بالكرسي لي جالسة فوقو رجع هزها بنفاذ صبر و جبد سلاحو وجهو صوبها ..
فران : غنعاود نسولك لآااخر مرة.. شكون لي عطاك لي زوغدغ باش ديري هادشي ؟! ..
ماري : ( جفلت كتشوف فيه لونها تخطف ولات شاحبة موسعة عنيها ) فرااااااان عندااااك ..
قبل ما تكملها اخترقت الرصاصة صدرها و خرساتتها ما جا فين يستوعب شنو وقع حتا ميلت راسها مستسلمة للموت دار وراه لقا غير الريح خرج كيجري ماعرف يطلع الفوق و لا يهبط لتحت سمع الناس كيغوتو هابطين حدر عليه القب و اختلط معاهم باش ما يشك فيه حتا واحد ركب فلوطو و انطلق مبعد من تما ..
هز طابليط من حداه و مسح جميع أشرطة الڤيديو لي سجلت كاميرات المراقبة فذاك اليوم بالذات باش ما يطلعوش للبوليس لاحو و ضرب الڤولون بعصبية عفط على الكسيراتور و انطلق بأقصى سرعتو راجع لإيطاليا ..
حشاها فالبيت و تكركبت بحال الببوشة من فوق الكامة بغات تخشى فالحمام جرها من شعرها و رجع لاحها فالأرض سد الباب و مشى كيجري سد الباب لاخر ولات لاعبة معاه قاشقاش خطفها من يديها و هز يدو حتا هزها جمعها معاها بصفعة باش تحشم ..
جلست فالقنت حاطة يديها على خذها كتبرد فيها ووذنها كتزنزن بعدت شوية فاش شافتو جاي باتجاهها و خبعت راسها بيديها خايفاه يضربها .. ضرب ليها يديها بقوة و شدها من فكها مزير عليها و هي بالألم ماقادراش حتا تبكي ..
فريال : ( حركت راسها بلا بصعوبة و الدموع نازلين بوحديتهم ) نننننن ..
رخى منها و شدها من شعرها قربها ليه و التهم شنايفها بتملك لدرجة طرطقو و حست بالدم هابط سخون تذوقت طعمو المالح على لسانها و شيئا فشيئا حست بالعافية شعلت فيها بدات كتبكي بصوت مسموع و ماقادراش تسمع شي حد و لا حتا تصرخ ..
فريال : ( هزت راسها بسرعة موسعة فيه عينيها و رجعت لور جامعة رجليها عند صدرها ) لا لا لا ..
قرب ليها أكثر باغي يركب فيها الرعب و زول شعرها على عنقها ثم طبع قبلة ساخنة خلات جسمها يرتعش زيرت على عينيها كترجف و دفعاتو بقوة من عليها .. دردكت باتجاه الباب حلاتو و هربت كتجري لبيتها سدت عليها و دخلت للحمام كتغسل فوجها و داك الدم لي كرهت تشوفو عليها ..
سمعت الدقان فالباب د البيت و حطت يديها على فمها كاتمة شهقاتها و كتمسح فعينيها لي تحولت زرقتهم لواحة دموية حمراء تسللت على رؤوس أصابعها بلا حس و حطت وذنها على الباب باش تعرف شكون كيدق عليها ..
كانت كتسمع غير دقات قلبها كيعزفو على أوتار الخوف قبل ما يتخبط الباب بقوة و تسمع صوتو لي بعث الطمأنينة على قلبها حلت الباب بسرعة و تلاحت عليه عنقاتو بقوة و خشات راسها فعنقو ..
فديك الأثناء كان كيسمع غير صوت شهقاتها و انتحابها ما فهم والو من كلامها عرف انه ما غيدي منها لا حق لا باطل هاكا حتا تتهدن و تبرد دخل باش مايبقاوش تحت أنظار الحراس و سد الباب جلس و جرها فحضنو كيمسح على شعرها بحال شي طفلة صغيرة ..
تهدنت شوية بشوية غير تنخصيصها لي كيتسمع وسط ديك الغرفة كتشوف فنقطة بعيدة و ساهية فيها أفكار كتديها و أفكار كتجيبها و هو صبرو نفذ من هاد الهدوء و مامولفش يصبر على شي حد فحال هاكا يالاه غينطق و هي تسبقو ..
فريال : بغا يتعدى عليا ..
أوس سكت كيستوعب جملتها مزيان ووقف بحال شي ذيب مسعور لاحها حتا تشقلبت و تخبطت فالأرض شادة ظهرها و كتحس بعمودها الفقري تقسم خبط الباب بقوة و خرج فحال شي عاصفة ثلجية مخرب اي حاجة جات فطريقو..
أضاعك عني الهوس الجزء السادس
محتوى القصة
التنقل بين الأجزاء