بعد مرور تلاثة ايام و رابط الوحيد بين العائلات فقط الهاتف ، و بين العرايسات الواتساب من غير زاينة لي تتلاقى خديجة فالاكريش ، البرد مع الليالي اقسى و مخلي الناس تلتزم بيوتها ، جالسة مغطية بكاشة تتقرا كتاب فالتربية الاطفال من بعد ماتغداو و جالسبت فصالون ، صداع ولدها مرضها و هبلها و اباه لي يهضر معاه راه فالبيت اكثر منو طالق الماسق للفرقة و تيلبس حوايجو تا رن هاتفها و هزو جايبو لها
نوصير : آشدي راه صونا
فتحت تتقرا مساج من اسماء مسكرينية اسطوري ليالي حاطة فيه خاتم الهدية كاتبة عليه بالفرنسية "هدية زوجي " و تحت من سكرين كاتبة لها شنو تتعني ؟
زاينة: ( دخلت سطوري ليالي تتشوف و جاوبت اسماء كتبت بها بداريجة : تتعني سيري تموتي انا معاك ) الله الله
نوصير : اخبارات ! اش شفتي تاني ؟
زاينة : شفت لي عجبني ! حياة زمر معاك لا فلوس لا مسارية لا كاضوات
نوصير : نتي بغيتي طيري! واكلة شاربة و ها المشروع تيوجد ! حقا و الواد بغيت كاضو ؟ فشوش النم
زاينة : هادشي وااااجب عليك ! لا فاش تنطيب و نسيق و نصبن و نقابل الولد و خدامة تاتجيك ساهلة؟ وفليل قرب ليا و تشوف
نوصير : ولاااا ازاينة حنا ماتنخلطوش ليل مع نهار ! واش وقت كاضو دبا ؟
زاينة : مرات خوووك شدات خاااتم ديامنذ ! انا عيت نفكر و نرجع سينتا للور ربعيمة ماعطتيهاش ليا ؟
...لبسو سبرديلتو و جاكيط و طربوش ! ماهضر ماتكلم لان عارف راسو خارج ، هز سورات و نزلو خارجين غير فتح الباب بدا يتقز و يضحك بوحدو ! مشاو حانوت خدا ليه السقاطة هو تم مرجعو هو يبدا يتنتر ليه و يجذب ! بصعوبو وصلو حتى طموبيل و ركبو وديمارا بيه ! هو عاجبو الحال ، ضرب دورة ماحس براسو تلقى راسو جهة دار نبيل! وصل و نزلو هو وياه دقو وفتح ليهم نبيل
نبيل : السلام عليكم
نوصير : السلام ( ضرب زياد راسو ) يلاه زيد ادخل ها المييمة
...دخلو هو زياد فرحان ! اسلمو على الوازنة وجلس حداها معنقها بضحك ديالو و المعاودة ديالو ! و زياد فرحان بتواسع و الميمة ديالو تيلقى راحتو عندهم
نوصير : ( عنقها مقبل راسها ) اقتليني مانجلسش فالدار ، ( شافا ساعة ) على مايوذن المغرب انا معاكم
...زياد تيلعب ماداها كاع فيه خارج ! خرج ركب فالسيارتو متجه القهوة يجلس مع دراري شوية ، طريق خاوية و فازكة و الهواء نقى ، وصل الحومة ونزل غادي عند دراري القهوى
...السيد لي رابطين معاه موعد على حسب المشروع لي الاكل خفيف لي ياغين يبداوه ! اتصل بيه ابراهيم و فعلا اكد ليهم انه من هنا ربع ساعة يتصل بيهم ، اطلبو القهوة و جلسو تيتناكرو و نوصير عينيه فتلفزة و كل مرة يسمع كلمة من خليفة تيشبط معاه القرفدة ، حتى اتصل بيهم السيد و جمعو الوقفت الا نوصير
خليفة : ( تيشوف فيه ) تكعد اصاحبي !
نوصير : ( تيزير بيديه على كرسي تستعد يوقف و حانى راسى تيشوف فخليفة ) صمت
_نفس الحركة تيكررها تيحاول يوقف لكن رجل تيحس بيها خشبة ! فتح فمو ببطى تيتنفس و الحمورية تتطلمع معاه! ماتكلم ماهضر ما غوت ! تا دراري نتبهو ليه و شدو فيديه و تيهضرو معاه بتوتر
خليفة: الكابو مالك اصاحبي ؟
نوصير: رجلي ماتت
ابراهيم : ( جر طبلة و بدا يقيس فيها و يحركها هو ماتيحسش ) نوض اخاي نوصير ، هادي تتحس بيها ؟
نوصير : ( تيعض فشفايفو مغزف ) تنحس ..
...تعافرو معاه و قفوه و متكي عليه و تلف لا فالمشيو ولا الوقفة ! خوف كثير تسلل قلبو ، الركبة لي يركبوه فسيارة هز عينيه للدارهم و ركب بدا رحلة الوجع مع رجل
خليفة: ( تيتنهد بصعوبة ) صافي هنينا ! زيد للصبيطار
ابراهيم: ( وقف تيشوف يمين وشمال ) شمن طبيب و اليوم الاحد ؟ نديوه كلينيك ؟
خليفة : عففففط ..
....قلبو تيضرب ! الخوف لي حس بيه كان كبير ، تيتفكر كن هاد منظر وقع ليه فدارو مع زاينة وزياد و يخلعهم ! ولا كن وقع ليه مع زياد هو صايك بيه، مجرد افكر فيها شعر راسو وقف ! وصلو كلينيك و نزلو تيجريو علموهم فالاستقبال عاد خرجو فرملية بالكرسي متقاتلين معاه هزوه مدخلينو و دراري معاه تاودخلوه ليغجونس و تينتظرو دكتور لي فيه بيغمانونس !
نوصير: ( تهز راسو فوق تيسووط ) صمت
خليفة: انشاء الله مايكون والو ! تتحس بيه ؟
نوصير : ( دموع تجمعو فعينيه ) والو ..
بعد انتظار وصل طبيب ! خرجو دراري الخارج وبقى معاه طبيب تيفحصو ، وتيطرح عليه اسئلة
طبيب : أخبروه ان عندنا حالة حرجة فليغجونس ! ( شاف نوصير ) طبيب مختص بحالتك دقايق و يوصل ، الغلط كبير اولدي اي درتي ، انك عوض تتجه للفحص طبي تتجهو الصيدلية ! هادي راها رجلك لي تتوقف عليها و تمشى بيها ماشي حرارة و لا اوجاع الراس ولا سنة تتضرك اتاخد لها كالمون !
...سمعهم ليه و خرج معصب ! حلات فالطب تشخصات غلط كفاش تنتظرو من صيدلي يشخص لك مرضك ! عاض على صبعو من شدة ا الألم، تادخل طبيب مختص و كشف عليه و نزلوه مباشرة للسكانير و دراري الفوق غادين جايين تا نادو عليهم من الاستقبال انهم يخلصو
خليفة : اااه اختي ! السيد راه خدام بعائلتو مايكاكلكمش
المسؤولة: مرحبا اسيدي ! لكن قانون فالكلينيك تيطبق ! ممكن يكون شيك ضمان او اتصلو بعائلتو
ابراهيم شاف خليفة بالشوفة تفاهمو ! جبدو الفلوس لي عندهم مليون ، و حطوها فالاستقبال و مضاو على وراق و رجعو لبلاصتهم ! ترردو يتصلو بالعائلتو و يخرج يدور فيهم ،قررو يخلصو و يحلها الله
خليفة: ماتيسمعش اصاحبي ! من زمان ماتيشد ارض و يشرب دوا حتى تيجيب الكاو
ابراهيم: ماتيحملش طبيب ! هو كينة تيدكها و يشربها غبرة !
خليفة: را العلام اصاحبي ما تيحملش طبيب و الطبة ! ياربي مادير الخير ، كان يجري دنور ( ملعب ) كلها و يجي نقصرو كرة بحال العاود
ابراهيم :' راه بقات لنا سبع سنين نكملز أربعين عام ! جهد عشرين هو أربعين
خليفة : اجي نعيطو داك مية و حداش ؟
ابراهيم : تخاف لا يرقدك و يوقف عليك لاجودان
خليفة: مالنا مهربين الحشيش؟ خوه مرض عاوناه
ابراهيم : يلاه الزعيم عفط !
خليفة: انا اخا غير قاصير اش دانا صاحب شعار مشهور (تيقلدو عاقدهم ) اولااد القحاب جْمْلة ...
...مرت ساعتين ! هما تينتظرو حتى خرجت عندهم الفرملية رشداتهم لغرفة نوصير ! طلعو تيتجراو دخلو عندو لقاوه بلباس طبي و مغطي و شاد فراسو ..
خليفة : خاااي نوصير ! بخير ؟
نوصير: ( حرك راسو ) عيطتو مالين الدار ؟
ابراهيم : لا مزال ! اش قال لك طبيب ؟
نوصير : ( حنى راسو ) تيتسنى شي تحاليل و يشوف! قالك عندي مرض الشرايين ، عروقة تبوشاو و الدم ماتيوصلش عليها الرجل تتبغي تنعس ليا
خليفة: الله يشافي ! قضية فيها عملية ؟
نوصير : والله ماعرفت ! ولدي خليتو مع الواليدة مراتي بوحدها
ابراهيم : عيط خوك اصاحبي!
نوصير: مافيا لي يخلعهم ! داك الشكام نبيل ماتيسكتش !
أولاد الوازنة الجزء 61
محتوى القصة
التنقل بين الأجزاء