دخلاتها للسخون والسخون كامل مضبب كانها وسط السحاب. جلساتها فوق جلسة فواحد القنت وحطات ليها السطل ووقفات قدامها بحال المارد ملوية على نصها طرف ديال توب كحل فازك وقالت
- فين قشاوشك ؟
هزات فيها جميلة راسها مربعة رجليها وقالت
- نسيتهم برا
دارت الكسالة يديها على جنابها : وجايا طويلة ... نهااار معاك ... جلسي انا غادا نجيبهم ليك
خرجات الكسالة وبقات جميلة كدوز يديها على كتافها وتشوف فجنابها ... اييه شحال بينها وبين الحمام الشعبي ... سنين ومنين حتى نسات كاع على تفاصيلو . خلعاتها الكسالة وسط داك الضباب وقالت
- هادي الشبكة ديالك
جراتها جميلة كتحقق وقالت : اه هي
جلسات الكسالة على كرسي قدامها : اري الصابون بلدي ... جبتيه ولا تاهوا ماجتيهش
جقالت جميلة كتجبد ومدات ليها طاسة وقالت
- جبتو
حلات الطيابة العلبة ديال الزاج حفنات منها وبدات دوز عليها وقالت
ابتسمت جميلة وقلبات عينيها مفقوصة على النص اللي تكال منو .. جات ليها الكسالة مرة اخرى هزات السطل خواتو عليها كامل فيقاتها من السهوة وقالت
- اري لكيس
مدات ليها جميلة طاسة اخرى : باقي مادرت لحنة
بنفاد الصبر طلات ليها الكسالة الحنة بسرعة وقالت
- باقي شي حاجة اخرى طليها دابا ؟ راه مشا لحال غنباتو هنا
جميلة: لاصافي غير هادشي
ردت السيدة اللي حداها : باقي ليك شوية دلحنة
جميلة: شوية ماشي بزاف
السيدة: اريها اختي الله يرحم لوالدين
خداتها من عندها طلاتها وبدات تسول شنو فيها ومع كل سؤال كترد عليها بعشوب صحراوية ولخرى كطلب منها تجيب ليها وجلسات تجمع وتبحت فيها وجميلة سخفانة بالصهد مرة تجاوب مرة تسكت .. رجعات ليها الكسالة خوات عليها الماء ونشراتها فالارض بدات تحك ليها وتفرك وجميلة كتنقز وكتقطر بالعرق
ردت: واعيييااطت ليهم قبل قالو ليا الدنيا عااامرة ... كان عليا نقولها ليهم بسيمانة قبل ...(هزات يدها ) هااادي والتوبة كن غسلت فداري حسن ليا ولا نجيب الكسالة للدار ونتهنا
ردت مولات الصالون: نتي غتصايبي لبناتك صغار الشعر ... السيدة راه شادة رونديفو وانا مكنصايبش الشعر غتسناي حتى توصلك نوبتك فلكراسا بلا صدع بلا دباز
ردت بصوت عالي: تشد النوبة بحالنا بحالها ماتجيش من ورانا ودخل حنا من الجوج دنهار جالسين شادين النوبة
ردت جميلة: الشريفة راه مغاديش نصايب شعري دابا واصلا هي جالسة جالسة علاش النوبة فالشعر وانا عندي حاجة اخرى
مولات الصالون : اجي دخلي .. دخلي (شافت فالمرى) راني شرحت ليك شنو كاين غير باغا ديري الصدع وصافي... بنتك راه غيصايب ليها سيمو الشعر ماشي انا تشد نوبتها عند سيمو والبنات لخرين راه كل وحدة شادة صف . بلا منبقاو نزيدو فلهضرة .
دخلات لشومبر ديال ليستيتيك بدات لجميلة لخدمة وعينيها كيدمعو بالحريق ... نتفات ليها الشعر كامل وناضت جلسات حبدات زيت ديالها من لاتروسة كدهن سخفانة وقالت
- ناري العذاب ياختي .. العذاب الاليم عمرني نجي من لحمام لاسيغ نبقا نديرها قبل (رن الهاتف) ناري بسم الله رحمان الرحيم تقولي عالم عليا ... الو مهدي ... لا ويلي باقي يالاه غنبدا ... واخا دازت نص ساعة راه الصالون عامر ... صبر شوية ... واصبر شوية انا قريبة .. يالاه بسلامة
ردت مولات الصالون كضحك : راه مغتسالي نتي حتى للربعة دصباح ... عرفتي شحال دوالوقت باقي ياخد لينا جيل
جميلة: واغير كنتبتو راه عارفة ههه .. الى مادرتش ليه هاكا مايرصاش والله مكان يخليني ندخل للصالون .
خرجات كضحك جلسات قوق كرسي البيديكير طالقة رجليها باش تبدا وكطالوك الوان الادافر اللي تختار فيدها كتشوف .. دخلات اثنائها ماريا لابسة عباية كحلة كتجر بانطوفة فرجلها والشال على راسها مافيها حتى نقطة مكياج وجهها شاحف وعرقانة من صهد الحمام وبدات تشوف فالازدحام اللي تما وقالت بصوت مرتفع
- حنااان ... نوووبتي
جروها حتى هي قبل ماتبدا تخسر فالهضرة قدام الناس ودابز ودخلوها دير لاسيغ .. غواتها كيتسمع حتى لبرا . خرجات عرقانة وسخفانة هازة قرعة دالماء فيدها والعباية فيدها لابسة شورط وديباردور ديالو مزيرين ماعلى بالهاش بالبشر .. وقفات حدا السيمو بصوت منخفض وقالت
- دوزني صايب ليا شعري نخرج الله يحفضك تزمت هنا
رد سيمور وهوا خدام : راه قدامك جوج اخرين تسناي شوية...
- وي .... راني قلت ليك الصالون عامر عيقتي كاع ... وشنو نخرج مصايبة النص والنصو لا ....لا مينكنش نخرج دابا بديت ...
قطع عليها غضبان فوجهها وحطات تيليفون ببرودة كتكمل شغلها وماريا حداها مابغاتش تسكت من الهضرة مع البنت اللي كتصبغ ليعا
- وانا عااارفااه بو بناوت سلكوووط يخرج مع هادي ومع هادي توريني فيه !! ولفت اصاخبتي راه بيني وبينو عشرة ... ماااشي مشكل ... (تنهدات) بلية ودابا تحيد منو الله يهديه وهاد العواشر(شافت فجميلة بنص عين ) مضروب على ل****.
مهدي: جاتك السخفة خرجي من تما وانا لا جيت غندخل على مك لوسط الصالون
جميلة: جيب ليا شي حاجة باردة واجي هنا تسناني مابقا ليا والو
مهدي: شحال باقي؟
جميلة: ماشي بزااف غير اجي تسناني هنا
وقف فباب الصالون فيدو ماك فلوري واحد ... الصالون خوا من الناس بقات غير هي جالسة وشي جوج بنات اخرين كيصايبو دفارهم فكراسا اخرين والدنيا مقلوبة وكلشي سخف وعيا .. شي باقي خدام شي تكا على لفوطوي يرتاح .. طل عليهم السيمو حل ليه الباب لقاه واقف وقال مخاطب جميلة لداخل
- جميلة : ش حد جا عندك
هزات حنان راسها : الى كان مهدي قول ليه دخل
حل ليه الباب دخل بكاسيكتو وسروالو كحل سبور وتيشورط كالعادة لقاها باقا جالس وبلا ميشعر قال بعصبية
- بااااقا مساليتي !!
حلات فيه عينيها مصدومة كترمش وقالت كدور فعينيها
- صافي راه وصلت للخر
مد ليها لكلاص: انا اللي وصلت معاك للخر
ردت حنان بابتسامة : غير جلس صافي سالينا
طلع على لكرسي جلس حداها كيسرح عينيه فالصالون وقال هاز حاجبو
هز حاجبو كيشوف فيها وقال بهدوء: هانتي كتقلبي عليا ... والله ماكنت مع شي وحدة ... عشية كلها وانا جالس كنتسنا فيك ... وفاش ساليتي على خاااطرك جايا باغا طبقيها عليا
مشات جلسات فوق فوطوي دايرة رجل على رجل وقالت
- اممم ... يعلم الله شحال من وحدة كدخل لهاد من غيري انا ... كوراك كتفلا عليهم كما كتفلا عليا
لاح السوارت كيسوف فيها مخزر وجلس حداها
- مكنتفلاش عليك ابنادمة .. بلعاني باغا تعصبيني ولا !
جرها بشوية كيشوف فيها بحزن وقال : والله تا كنموت عليك تيقي بيا ... مالكي معايا كديري ليا هاد لفعايل كتعصبيني
دورات وجهها بعجرفة وهوا كيكحز ويطل عليها من هنا ومن هنا ويشد فيدها ويبوس كتفها على الله وعسا ترضا حتى بدات تلين وتجاوب بشوية وضارت عندو بدلع كتشوف فيه وقالت كتجر فالسنسلة اللي فعنقو وتلعب فيها
- وشكون هاديك اللي كتجلس عندك فالقهوى ؟
هز حاجبو كيرمش في حيرة: اينا وحدة ! انا كنبغيك نتي بلا ماتقولي ليا لاهادي لا هادي
هزات كتفها : اممم .. وعلاش ديك خيتي كتجي عندك
دور يديه على خصرها : كتجي تشيش فلقهوى الزين ديالي نجري عليها ؟ نجري على لكليان ؟ ... انا حبي هي نتي مكاينش من غيرك ... كتشكي فيا ؟
- لا والو مكاين لا سطح لا تا وزة دابا ... (دخل يدو كيقلب ) ااااححح شحفتيني ولاكن هانيا
دفعاتو : سير طفي الضو
رجع لسق حداها : غنبقاو حنا ديما فالضلام !
دفعاتو : وسييير طفيه
مهدية : ومنشوف والو ! .. نشوف غا مرة وحدة
تقلبات للجنب: طفي الضو ولا بلااااش
ناض كيسب ويسوط ويتجبد جهة الضو طفاه ورجع ليها فرحان كيوشوش ليها فدونها وهي كضحك
حميلة: بحال ديك ديك المرة صافي
رد كيرغب: ولااا علاااش غنبقاو هاكا صافي خليني ندخل
ردت وسط الضلام : فييين غدخل حمد الله اللي وصلت معاك لهاد السطاج ... واخليني على خاطري امهدي متعصبنييييش هننهنن
[
صبح الحال صبحات ناعسة معيدة هي وياه ففراش واحد والغطا جامعهم ... شعرها مدلي وعنقها مطراسي من واحد الجهة والبيت مرون ... فيقو التيليفون مع طناش وحل عينيه بزز عاقد حجبانو وهي ناعسة على يدو عاطياه بالضهر .. تلفت شاف فيها بعفوية وجر تيليفون طل لقاها الطناش .. تفكر الغدا وصونا على مالين الدار بصوت مبحوح
دخلات مينة للكوزينة لقات خولة واقفة يدها على جنبها كتسوط وتنفخ وتورية كطل على الفران .. مشات تهز الطبسيل دالحلوى دخلو وهي توقف قدامها خولة بانزعاج وقالت
- شكون هادي اللي جاب !!! ...
هزات تورية راسها مافرخبارها والو : شكون اللي جا
ردت مينة كدور راسها : اودي ماعرفت اش نقول... مهدي عرض على واحد البنت للغدا هادشي اللي كاين
خولة: وهاد البنت ماعندها عائلة تغدا عندهم ! لعيد هادا زعما كل واحد معيد مع عائلتو .. وباشمن صفة جايا عند الناس ! (دورات عينيها بغضب) السيبة الله يستر مافهمتش انا هادو اللي كيمشيو مع الرجال لديور عائلتهم واش ماعندهمش علاش يحشمو .. ولا مالقاو اللي يربيهم
[23/5 19:31] 🌸حسبي الله عليه توكلت ...: بااااز والله حتى بااااز انا منقدرش نمشي مع شي واحد لدار واليديه بلا خطبة بلا والو وندخل على الناس غير هاكاك ... الله يعطيني شوية من قصوحية وجههم .
مينة سكتات بقات غير كتشوف فيها وتسوط وخرجات الطبسيل دالحلوى خلاتها كتنفخ وتنكر بوحدها ومها واقفة مصدومة كدور راسها
- اممم توريني فيها ... راه كانت عارفاه جايبها للغدا ... خي غا حات وبدات تجري وتجاري وتوجد فالبسطيلة والشلايض من لبارح .. غا مبغات تقول والو
خولة بقلق : ودابا كي جاتك دبا هادي يالاه ! ... انا مابقيت فاهمة والو تقولي عايشين فلخاريج ! كن كانت بنت الناس ماتمشيش تغدا فشي دار ولا دخل لشي دار ... هاد واليديهم واش مكيسولوش فيت مشاو وفين جاو ! واش ماعندهاش باها يسول فيها ! اويييلي وحدي انا منقدرش نمشي نتغدا عند شي واحد فدارهم ونهار لعيد من لفوق ! بحال الى ماعندي دار ماعندي عاىلة
ناضت تورية كتمسح يديها بسرعة وقالت
- زيدي زيدي نشوفو هاد خيتي كي دايرة زيدي ... وحتى مينة راه خطيرررة هانتي نكرات كاع واش عارفة غيجيب شي وحدة ! وازيدك معاها .. ماتعرفيها علاش مطوية .. ولادها كيقطرو ليها من عينيها والله ماتعقل على شي واحد .. كتبغي غير راسها
خرجو متابعين بابتسامة خفيفة وجميلة جالسة فيدها كاس داتاي .. دخلو سلمو عليها وجلسو فوق السدادر خواو اتاي ليهم وبداو يتسنطو للحوار ويحسبو اغلاط جميلة والحاجة الخايبة فيها بلا ميعتارفو بالميزات او يشوفهم
مينة : مرحبا بيك ابنتي ... كي دايرة ماماك .. كي دايرين خوتك ... كولشي مزيان
تكا مهدي للور وجميلة كضحك بخجل وبدا يشير لمو تسكت وتنقص من الهضرة لا تخرج شي كلمة ماشي هي هاديك لاكن مينة الفضول قتلها بغات تعرف كولشي وفضولها كيدفعها لاسئلة محرجة وكتخرج هضرة محرجة بلا متحس او تنتابه
مينة : تبارك الله (شافت مهدي) ايوا هادو هما بنات الناس
هزات خولة حاجبها بميوعة فيها وقلبات عينيها ومها حتى هي كتنهد وضحك بزز
مينة: قال ليا المهدي ... عام وهوا كيعرفك تبارك الله ياك
ردت بالايجاب: اه ... ولاكن ... انا ماكنتش هنا .. تعرفت عليه فدار الضريبة ومشيت بحالي
حطات مينة صبعها على فمها وقالت : فيين!
جميلة: مشيت للسويد حيت ماكنتش عايشة هنا
زفرات خولة من نيفها حتى تسمعات اما مينة حلات عينيها فيها وقالت
- هاااكااااك ... تبارك الله ... مزياااان مزيااان ... كنتي خدامة تما ولا كنتي كتقراي
قالت جميلة بارتباك والكاس عرق ليها فيدها كتفتف
- ككنت خدامة فف..فف. مسؤولة على بروجيات ديال واحد العائلة
ردت خولة : كونطابل زعما!!!
ابتسمت جميلة: ااه بحال داكشي
خولة: كونطابل وخدامة غيير مع عائلة وحدة!! .. الكونطابل كيخدم مع بزاف ديال الناس
جميلة: لا تما ماشي بحال هنا .. تما كيخدم مع عائلة وحدة صافي
رمشات جميلة معارفة اش تقول لاكن بما ان خولة ماعمرها شافت الخاريج فأي كلمة قالتها ليها غتسكتها بيها .. اما مينة حطات يدها على كتفها بابتسامة وسعادة وقالت
- مرحبااا مرحبااا ببنتي ... تبارك الله والصلاة على النبي ... نهار كبير هادا
دخل مهدي هاز الموناضة وناضت مينة بسرعة خشات الصندالة ديالها فرجلها دخلات عليه كتهز وتحط فمؤخرتها وقالت بصوت خافت
- ايوا دابا عاااد ... عاد عرفتي تختار بنت الناس ماشي دوك لهيوووش اللي حصلتك معاهم
تجمع الكل فالطبلة حطات ليهم مينة طبسيل ديال الشلايض مشكل الوسط مربع كبير وفرقات الطباسل بالتاويل وجلسات حدا جميلة كيتغداو .. بناصر وياسين قاطعين الحس كل واحد حاني راسو كياكل ومينة حاصياهم تغمز وتعض شنايفها وتكمش فمها .. هادا طيح السربيتة هادا قطر على سروالو .. ركبات فيه الخلعة تا رجعو كيتفتفو وحاضيينها حتى هي .. اما مهدي جالس ويعمر لجميلة فرحان ويضحك وخولة ومها كيشوفو بنص عين ويأفأفو .
مينة: كولي ابنتي مرحباا بيك ماتحشميش الدار داركم ... راكي وسط عائلتك
ردت جميلة بخجل: ربي يخليك اخالتي شكرا
مهدي: تشربي موناضة
مينة : نعطيك العصير ؟؟ هاكي عصير لافوكا حسن ليك
مد ياسين الكاس: زيديني تانا
خزرات فيه كتخوي لجميلة: بلاتي
حط الكاس عمراتو ليه وخولة كتشوف فكاسها وتسنا شي حد يرحب بيها ولا يقول ليها غير كولي والو حتى واحد مشاف جهتها فاللخر خوات راسها وقطعات الخبز راسها . نزلات ليهم البسطيلة الوسط بفواكه البحر غليضة ومطبزة ومحمرة .. باقا ماهزاتش يدها مد ياسين اللي خداها على لكرسي بغا يقرس ويبدت وهي تزطم عليه كتخزر فيه وقالت بخفوت
- تسنا الهيش نقطع تسحاب راسك بوحدك
رد بنرفزة وخفوت: عيقتي امينوش ماكليناش فخاطرنا
ردت قاىلة: قول ماهيشتيش فخاطرك اما الماكلة بزاف عليك
غمض عينو وقلب وجهه كيسوط كيتسنا تحط ليه .. قطعات وسبقات من جميلة هي اللولة وحطات ليها وحطات لبناصر وياسين كيتسنا غيطرطق كل مرة يمد الطبسيل وهي تنخزو .. خلاتو هوا اللخر عاد هزات الطرف وتمات غادة بيه لقاتو مسبق لطبسل وقالت
- حط طبسيل بلاصتو مالك فالحبس !
حط طبسيل كيسوط حتى تقرقب ونزلات فيه وقالت
- ياالاه عنداك تموت
هزات عينها لقات بناصر لوا القشرة كيغمس بيها ويعطي لفمو وبدات تخزر فيه ماداهاش فيها فاللخر جلسات كتسوط وتنهد على التحشيمة اللي دارو ليها
سالا الغدا وسالات الجلسة وكلاو الديسير اللي صايبات مينة فلكيسان حا وقت المغادرة .. هزات جميلة صاكها بابتسامة خارجة مع الباب ومينة نازلة تابعاها فالدروج هازة كندورتها كضحك ومهدي موراهم حتى للباب ديال الزنقة ووقفو كيتسالمو
شعلات مينة تيليفونها بسرعة وقالت: عطيني نمرتك ابنتي
مهدي : انا نعطيها ليك من بعد من بعد
حيدات ليه يدو : لا حيد .. شحال نمرتك؟
ملات عليها جميلة النمرة وكان عندها تيليفون كبير اخر مكاين فالسوق حتى هي وصونات عليها فالبلاصة ومهدي كيسوط ويشوف فمو بنص عين .. رن الهاتف فصاك جميلة وقالت
- صافي دابا نقيد النمرة ديالك
مينة : كتبي فيها مينة
جميلة: نشاء الله شكرا .. خليت ليك الراحة
.ردت مينة وهما غاديين :تهلاو فبعضيااتكم ... الله يحجبكم ... قول اعوذ برب الفلق .
جميلة: الله يخليها ليك ... ااه نسيت .. راه سولاتني على شنو كندير فحياتي ... قلت ليها عندي بروجي على المحل و كنت عايشة فالسويد خدامة .. ماقلت ليها والو على داكشي لاخر
رد بهدوء: حسن اصلا داكشي لاخر نسايه ماسوق حتى واحد فيه .. انا اللي غنتزوج بيك وانا اللي شغلي فداكشي
ردت بتردد: ولاكن انا مابغيتش نتزوج دابا امهدي
شاف فيها عاقد حجبانو : علاش مابغيتيش تزوجي ؟؟ واش مابغيتيش تزوجي فخطرة ولا مابغيتيش تزوجي بيا انا
ردت بأسف : مهدي انا مكنفكرش دابا فالزواج ... بلاتي شوية باقي الحال ... وباقي عندي مشاكيلي نحلهم بعدا ويكون خير ... انا كنشوف الزواج بحال شي حاجة كبيرة كتخلعني
دور وجهه كيسوط معصب مابغاش يجاوبها .. زاد شوية وقال
- فين غنحطك؟
ردت بحدر : ديني للدار غنمشي نشوف عائلتي
كسيرا للدار نيشان ساكت وشد الفران حتى تزعزعات وقلب وجهه كيتسناها تنزل .. حلات الباب كتشوف فيه بنص عين نزلات وسداتو بشوية... حدها سدات الباب كسيرا نيشان قدامها كيطير خلاها وواقفة كتشوف فيه ودخلات للعمارة كتنهد .. سدات عليها باب دارها لداخل وجلسات حيدات الصباط من رجليها كترتاح .. رن تيليفون وجبداتو ردت
- جميلة: الو .. شكون؟
مينة : خالتك مينة مزال ماقيدتيش نمرتي .
ردت حميلة بابتسامة : اااه لالا لقتيني غنقيدها
مينة: وصافي بغيت غير نفكرك باش تقديها .. مهدي باقي معاك ؟
جميلة الجزء 13
محتوى القصة
التنقل بين الأجزاء