كانت محتاجة دوش ومخدة وباب مسدود ولكن شكون خلاك ...قبل متدخل لقات باها واقف قدام لباب مقاد ومصايب وضحكة لي كيبينها لمن بغا ممفارقاش وجهوو ...فجنبو كان راجل بعقلو وهاز فيدو تسبيح ....ستقبلو كمال بالاحضان وترحيب وكانت مضطرة تجامل وتضحك
كمال شاد ليه فيديه وكيرحب ~. نهار كبير هادا ملي شرفتيناا
سي عدنان كيهز فراسو بامتنان وحاضي مريام~. الله يكبر بيك ، هادي لبنية
كمال عنق بنتو وقال بفرحة ~. وي لبُنَيْتَة المسرانة اللولة واللخرة "دوا مخاطبها " سلمي ابنتي على سي عدنان ، راه من تجار لكبار
مدات ليه ايدها فوق الخاطر وقال بصوت شبه مسموع ~. احم متشرفين
عدنان عاض على فمو ويكعبر فيها بعينيه ~. تبارك الله ما شااء الله
نترات ايدها منو وقالت ~. احم بابا انا غندخل عاد وصلت عيانة شوية
كمال ~. واخا ابنتي رتاحي ونزلي " دور وجهو لضيفو " دخل اسي عدنان الشلة گاع مجموعة وكيستناو فيك ...
.غادين وراها ومتبع ليها العين
عدنان راجل بعقلو وبشيبو لي محاشمش عليه من التجار لكبار ..كل مدينة عندو فيها محلات يموت على لبيع والشرا ولفيس تاع لفلوس مدگوك فيه بحال كمال ...زهواني وعزيز عليه لعيالات ولقصاير ولي شافها خاصو منها واخا بولادو وعيالاتو يشووف في الكبيرة و يعشق الصغيرة ولي حط العين عليها الله يجعلو يحط عليها رزقوو وتكون لييه ...
هربات دغيا من قدامهم قصدات نيشان الكوزينة لقات ماماها مكفظةة على كمايمها وجهها مزنگ بالفران وفتيحة حداها كتقاد وتستف ...سلمات عليهم وجلسات فوق الكرسي مرة مرة تنقب من شنو محطوط قدامها
مريام ~. الله يا ماما الله عيانة ومافياش ودنيا عامرة وقاليك بابا سلمي على ضياف وظيري صواب اش غندير وسط منهم غا قولي ليا
مريام هزات صاكها وجمعات الوقفة ~. الله ينجيني من راجل خدام بحال خدمتو يكرهني في حياتي ،انا طاالعة نبدل ونزل نشوف فاش نعاونكم بنتو ليا غا كتجاراو...
عطاتهم بظهرها وطلعات لبيتها اول حاجة دارت طلقات رشاشة يسخن الحمام ومشات خدات ليها ملابس وحيت كاينين ناس ودنيا عامرة رجال جبدات گندورة على قدها غزالة كتحمق...غسلات خفافو عليها عظامها ونشفات شعرها بالخف ،لبسات شنو ختارت ونزلات لعندهم كانو كيدفعو اتاي ودوازو ... هزات معاهم وسربات فوق طبلة ونيت باها لقاها حجة وجلسها حداه بعد مسلمات... اغلب لي تما كتعرفهم وكيعرفوها لغريب ولي جديد وسطهم هو سيهم عدنان كي كيعيطو ليه ...سيد ملي دخلات عينو منزلهاش عليها ..نظراتو كانو في شكل محشم مستحيا مدار بحساب باها لي جالس قدامو
شبع شوف وتقاد في الجلسة وتسبيح مزال بيدو كيلعب بيه نطق وقال
عدنان بصوت غليظ ~. سي كمال بنتك تبارك الله كبيرة وبعقلها علاش لي مخرجتيهاش معاك لسوق تشرب لحرفة غيجي نهار وتبغيها تنوب عليك
كمال هز يدي مستسلم ~. وشكون سمعك ، عييت فيها راسها قاصح تبعات شي تخربيق راه يمكن مزال تقرا عليه
نطق راجل اخر ~. شنو كتقرا
كمال ~. نكذب عليك الا عارف "شاف فبنتو "...شنو داك لعحب دايرة
دوات من فوق الخاطر ربي لي كان عالم بيها فديك اللحظة ~ ديسان باتيمو
عدنان هز ليها راسو بمدح ~. صلاة على النبي عليك هي المركز لي ناوي نحل ان شاء الله يكون من يديك
قالها وعينيه زايغة فيها وفزينها عجباتو فصالتها لي واتاها التقليدي .جوباتو بي يكون خير وناضت متهربة من شوفاتو ...ستئذنت منهم بحجة تعاون مها ومشات لكوزينة كتصوط مقالت حتى حاجة حدها قضات معاهم لي جا قدامها واخا عيانة ومهدودة.... تدفع لعشا وقنعات باها صحة متدخلش وسط الرجال كانت في كوزينة هازة تليفون حتى وصلها مساج من عند نادية فيه
"باقا حية ولا قتلك ؟؟"
خرجات على برا مدوزة ليها ابيل فيديو...لقاتها مخشية في فراشها شعرها مطلوق ووجها مديماكيي مخدمة موسيقى خفيفة وضواو ناقصين جلست في طبيلة بكراساها وقالت
مريام بغمزة~. شفتك عايشة رومانسية مع راسك
نادية تقادت في الجلسة وشعلات لامبا فجنبها باش تبان مزيان~. شكون قاليك بوحدي
بقات مجمعة معاها منسية الوقت حتى شافت الباب تحل وضياف بداو يمشيو قطعات وتمات داخلة بان ليها باها في الباب لي على برا سلتات هربانة منو ومدارتش بحساب واحد لي لقاتو عاد خارج هاد المرة تطاول ووقفها گاع
عدنان كيحك على لحيتو ويدوي ~. لالة ، ليا شرف نتلاقا ببنت سي بلحاج
هزات راسها من فوق لتحت كشكر بلاما تدوي بغات تدخل وهو يوقفها من جديد ومد يدو لجيبو واخد كارت فيزيت ~. هادي نمرتي عيطي ليا فأي وقت ومتعطليش خاصنا نهضرو فشي حوايج
مريام علات حاجبها ~. فاش اسي عدنان
عدنان ~ فكل خييير ، نستناك
خلاتو مشى منها وودخلات كتقطع فيها لايحاها فاول بوبيل دازت عليها...طلعات لبيتها هاربة من كلام باها حيت عارفاه غيعلق كيف ديما ورا كل جماعة كيف جاك هادا اش بان ليك في كلام داك ...ختارت الوحدة وزادها لعيا ،قبل متخشى في الفراش وصلها ميساج هزات تليفون لقات مفادو
" مع تمنية كوني واجدة غندوز وراك ...زيدان "
كان هذا كلامو لا اقل لا اكثر ضحكات باستهزاء ومسحات المساج ونمرة ولكن مقدراتش تمسح هضرتو من دماغها
كتقلب وتفكر فشنو وقع وفلي غيوقع من بعد فحياتها لي تقلبات على يديه ..مداها نعاس حتى قرب يأذن لفجر
"وتبقي ساعات ما قبل النوم هي أسوء وقت تمضيه بمفردك أنت وأفكارك فقط"
من ورا محطها مشى نيشان لعند مراد لبار دماغو كان مصدع وكيحس براسو مهواش ...خدا ليه كويسات اما تال گارو فين وفين لي كيجي في فمو ...جلس نشط ليه ومن وراها غادر وصل لدار معطل لقى صقيل كلشي ناعس طل على عمتو لقاها مكايناش هنا مغيبة ومو كذلك مشى لبيتو بلا حس دوش وتخشى في بلاصتو وقبل مينعس خلا ليها مساج حرفي بلا اعتذار...
"غندوز وراك " عند بالو من ورا هاد الكلمة غيلقاها تسناه كان غالط نفسها حارة كثر منو اول محلات عينيها لبسات وتقادات على خاطرهاا هاد المرة جمعات شعرها لفوق غطات عينيها بنظاظر حيت كيبانو عيانين بحال نفسيتها المتدمرة ....عارفة هاد الخطوة لي غدير غترجعها عام اللور ولكن مكاينش بديل ..خرجات شدات طاكسي الوجهة كانت المدرسة لي منها بدا كلشي ووفيها غيسالي ...
ازيد من نص ساعة وهو منشور كيستنى قدام دارهم مبانش ليها الاثر بدا يتعصب وحواجبو تشكلو هز تليفونو شحال وهو يصووني ويسكت محلات الخك حتى كان كيهرسو
زيدان ~. اش هاد لفعايل ديال النم !! فينك ؟؟
مريام ببرود ~. في طاكسي غادا لمدرسة عندي شي غرض
زيدان ~. خليك تما انا جاي ..
قطع وضرب تليفون مع الكوسان غادي مكسيري معاقلش على طريق ومرة مرة يحك على جبهتو مصدع..
مريام باغا تفك منو ولكن كان مزير عليها ~. اش كدييييير !! طلق مني
زيدان مطلقهاش بالعكس زاد زير عليها ~. واش متاكدة في عمرك خمسة وعشرين عام حيت بنت عشر سنين عندها لعقل عليك
الا كنتي على سبة ومقادة على كلمة معندك مديري بشي خدمة سيري جلسي فدار حسن ليك ، دجاج الرومي هادا حالو مكيطولش
مريام شدات ليه فيديه كتبعدها~. نخرج ولا نجلس نگد على لخدمة ولا لا نتا مالك ، ياك وصلتي لشنو بغيتي ايوا صافي خرج سووقي خليني نضبر لمحايني
طلق منها كيماصي في عنقو لي تشد منو بكثرة متعصب صاط باعلى صووت وقال ~. يوقع لي وقع متخلي تا حد يخليك تستسلمي وتهزي ايديك ، رجعي تتعلمي وتبثي لراسك قبل مني بلي نتي قادة الفرصة كتجي مرة وحدة في العمر
مريام ~. ربعات يدها كتسمع ليه ومدورة وجهاا
زيدان قرب منها وقال ~. انا غادي نركب في طوموبيل قدامك قل من دقيقة فكري فيها الا جيتي غديري الخير في راسك والا رفضتي غتضريه غا راسك ..اما عندي زايد ناقص
ماشي ساهل عليها تتخلى على حلم الصبى لي كبرات كتمناه ، فواحد الوقت تصادفت بمشاكل عرقلو مسارها وتلفوها على طريقها مبقات عندها لگانة لحتى حاجة سغرقت منها العودة كثر من عامين عاد رجعات فكرات فشنو باغا وتجي دابا تخلى عليه من جديد صعيبة عليها ..مفكرتش بزاف حدرات راسها وطلعات حدااه
باغا تحداه وتوريه شكون هي وعلاش لا تنافسو في المستقبل وتخليه يدير ليها اعتبار...
غادي مركز على طريق وكيدوي
زيدان ~. مشرووع قنيطرة غنخليه ليك وريني اش فجهدك
حلات فمها كتشوف فيه مسؤولية صعيبة تحطات على عاتقها ~. واش بصح ولكن ؟؟
زيدان مقاطعها~. اي حاجة رسمتيها غناقشووها غنرافقك خطوة بخطوة تا حاجة مكتخلع
مريام تحمسات ~. كنتمنى نكون عند خسن ظنك ...
وصلو لشركة دخلو بزوج غادا فجنبو كيعرفها على كل ركن فيها والا حتاجت شي حاجة فين غتلقاها.....
متفرقو حتال لفوق كلها قصد شغلو ...رجعات جمعات شعرها وشربات كاس الماا باش يتفتح ذهنها خدات ورقة وقلم ورسمات اول خط لمشروع كبير بحجم. "ايكول المدينة"
مرو يومين بالحساب لي صادفو عطلة نهاية الاسبوع.. زيدان مدوزها قصاير وزهو عكسها هي كانت دافنة راسها وسط لوراق لَوْلَ نادية لي جات عندها متخرجش من بيتها ....كانو جالسين مجمعين في جردة وكيضحكو حتى صونا تليفون نادية هزاتو وقفات مبعدة كتسمع
_ بغيت نقول ليك راه صاحبنا جابوه دابا كاو، ضارب مع شي حد وحالتو خطيرة
نادية بتساؤل ~ غير سمح لياوكان راسي فيه شلا مطارق شكون صاحبنا فيهم _صاحب دعوتك لخرج فيك بطوموبيل وهورب
_ مكحلها وداير روينة في المديرية العامة هنا وعرفتي تلقات مع ويكاند مغيتقدم حتال تنين ،قلت نعيط ليك باش يجمعو ليك حتي قضيتك معاه .
نادية ~ قول ليا شكون محامي لي تكلف بيه
_ مكاين حد هاد ساعة باقي مأثر فيه شراب غاا كيغوت
نادية بقرف ~ گنس مستهثر وزايديها بتفرعين ولكن باينة فيه غا سامع بالحبس عمرو ذخل ليه ، معليش نخليوه يجرب....احم سي ضابط شكرا ليك احتراماتي شوية انا عندك
قطعات معاه الخط ودورات وجهها لعند مريام لي واكلها لفضوول وقالت ~ طااح بيين يدييي
مريام ~. ياك لاباس اش كاين
نادية زربانة ~ تال من بعد ونقوليك انا مشيت دابا
دخلات خدات صاكها وخرجات كتجري مبغاش تلفت الفرصة
مدة وجيزة وكانت قدام المديرية نرلت كتمختر من طوموبيل، دائما انيقة في لباسها هاد المرة كانت لابسة ميني جيب قصيرة في لون باج مع شوميز بيضة مخشية لداخل وفوقها لافيست في نفس لون بيج مع طالون قصير.. نظاظر طيبية في عينها و شعر مطلوق علي راحتو ..
تقدمت الذاخل ..متوجهة لمكتب عند الضابط حتى كتلاقى معاهم مخرجينو غادين بيه لتحت ... جات العين في عين بتاسمات باستهزااء ..وهي متقدمة لعندو بخطوات ثابتة..
نادية ~امممممم نهار كبير هذا كيف جاك اوطيل ديالنا ، زوين ياك "سبلات عينيها " اودي غير سمح لينا معدناش خدمة سانك ايطوال اما نتهلاو فيك
مراد حد لمح طيفها وهو يعوج راسو بحركة معناها طخت بين يدك وحصلت
مراد بصياعة ~ كون غير جيتي ونستيني كانت غتكون سايكونت سانك ايطوال
ناديةجمعت ايدها قدام صدرها في تحدي ~ مزال غادي تشرفناااا ان شاء الله مدى الحياة كاع
مراد عض على فمو ~ ملي نغتاصبك اسعادة القاضية
ضربت فيه وزادت باسل وهضرتو بحالو متنكرش عجبها الحال وتشفات فيه مزيااان رجعات لدارها ناشطة وراشقة ليه كيف حطات راسها وهي تسنع تليفون كيصوني هزاتو وبان ليها اسم "زيدان لخليفي "
جوبات فالحال لقاتو صااعر
زيدان ~. استاذة غدا لقاك مع صباح قدام المحكمة ووجدي راسك القصية فيها الضرب والمخدرات والسكر
نادية ~. ياك لاباس شكون هادا
زيدان كيمسح على وجهو ~. مراد بن زين صاحبي وخويا وخاصو يخرج بأي طريقة
بقات مسمرة وتليفون في وذنيها ممتيقاش شنو كتسمع
أجمل ما في امرأة شديدة الآنوثة، هو نفحة من الذكورة.
جالسة داخل الطوموبيل كتسنى فيه، خدات فنيدة راس من صاك لاحتها في فمها وشربات عليها الما.. ليل كلو وهي تفكر ملي سمعات اسمو ودماغها خدام ، موسيو زيدان صديقها قبل متجمعهم الخدمة ولكن القانون بنسبة ليها فوق كلشي ...قشعاتو جاي مكسيري هزات صاكها والوراق وترجلات من سيارة واقفة حداها باستقامة ...تسناتو تا نزل ومن ردخة لباب باينة معصب جا لعندها وبلا سلام قال
زيدان بصوت خشن ونرفزة عالية هز صبعو وقال بحدة ~. استاااذة كثر من لي فجهدك ديريه مهم يخرج !!
معندهاش مع لي يقوليها شنو خاصك ديري وهادي اه وعلى لوخرا لا.. بقات مربعة يديها محافظة على برودها خلاتو تا سالا وقالت
نادية ~. ايلا تنازل السيد لمضرووب اناا مغنتنازلش
زيدان هز ايدو متساؤل ~. كيفااااش؟؟
حاطات ايدها على نصها وخنزت~. واش نتا عارف اموسيو شكون هاد مراد بن زين ولا لا ؟؟
زيدان ~. شكون غيكون فملك الله ،بنادم بحالي بحالك ما قتال ولا ارهابي
نادية بحدة ~. صاحبك لي بغيتني نترافع عليه ، انا براسي رافعة عليه دعوة قضائية ،هو لي ذخل فيا بطوموبيلتو ومن لفوق هررب وخلاتي ...وبلاما ندويو على الحالة لكان فيها ها شراب لمخدرات فساد نزيد ولا بلاش
زيدان شد راسو عرفو مقودها مزيان ومع نادية لي يستحيل تتنازل ليه ، حك نيفو وقال بصوت سامعاه غا هي ~ سكرة والكارو ولبنات حالو حال الشباب ،دابا انا عطيني شي حل لاكاين
نادية بثقة ~ طبعا كاين
زيدان راخي وذنو ليها ومرجع يديه وراه ~ اما هو الاستاذة ؟؟
نادية ~ احم نهضر مع القاضي مباشرة نقول ليه زيدو واحد العامين اخرى باش يتربى .حيث صاحبك اسي زيدان مكثر ، وايلي بزاف على الاستهتار وعدم المبالات الا روحو رخيصة عندو بنادم كيكساب غير صحتو ميرزيهش فيها.... "سكتات لوهلة وقالت ". فنظري عوض متوكل ليه محامي خليه يدخل يتواطى شوية مع الضس وخير من عندك دي ليه القفة !!
هضرتها كانت على صح وهاظشي هو عارف مزيان... مراد شخصية مستهترة وبلا قياس فكل مرة كيخرجو من مصيبة كيدخل فوحدة كبر منها ولكن كيبقى صاحبوو وخوه وعزيز عندو معندو ما يدير ليه ..زائد شافعة ليه الظروف العائلية لي كبر فيها ...الاب فقنت والام فقت وبزوج بيهم بناو وأسسو حياتهم وهو تلاح لتوش كيتعافر بوحدو
زيدان متسايس معاها لأقصى درجة ~ انسة نادية كنظن انتي محامية وخدمتك دافعي على المجرم وحتى على الضحية .
نادية تكات على طوموبيل وقالت~انا حاليا ماشي محامية انا هنا بصفتي ضحية وباغا ناخد حقي ماشي نتنازل عليه
زيدان ضرب على كتافها كيفكرها~كنظن نهار طلبتني على بنت خالتك مرجعتهاش في وجهك رغم انني هضرتي سيييف
ضحكها كلامو ءوحوبت مستهزئة~ ماشي بهاد الطريقة باش تلوي ليا ذراعي ،بنت خالتي ماشي مجرمة ولا داعي دير مقارنة بينهم بزوج "علات صوتها " وايلا جينا نشوفو ماشي من حقك اموسيو زيدان تحرمها تتعلم غير هكاك وحيت رشقات ليك ...كنظن كاين مساطر قانونية وكنتابعوها لهذا مكاينش لاش نوصلو لهذا تخربيق دابا حنا فغنى عليه
زيدان طفح عندو الكيل جوبها بغضب مماثل~ لحد ساعة كنتكلم معاك كونك نادية الصدييييقة ، راك عارفاني مكيهمنيييش لقانون لي جايا دوي عليه " ضغط على كلامو حتى تأفأفت "
نادية ~راه صاحبك ستفزني بزاف ،واش انا صعيبة حتى لهذا درجة باش منوصلش معاك لحل وسط ولا انا قلبي قاصح نصيفط ناس الحبس
زيدان تكلم بحدة ~. دابا شنو اخر هضرة عندك
نادية حسات باديها تربطو خصوصا انو زيدان كتعرفو مدة طويلة وعاد جامعاهم شلا خدمة مغتجيش دابا وتخسرو ، تنهدت بقلة حيلة يكون خير
عارفها كرابة ومغتنازلش واخا معرت شنو يوقع ..خدا تليفونو وبعد عليها كيدوي فيه شحاال عاد رجع لعندها جاي وكيدوي ~. وباش نبقاو زوينين انا وياك عيطت ليه محامي الله يهنيك ااستاذة
وصل وقت المحكمة تمات داخلة هازة بين ايدها لبسة خاصة بالمحاماة ...داخلة كتمختر في المشية كيف العادة ...توجهت للقاعة لي كانت عامرة بنادم أزيد من عشر قضايا كيدوزو فنهار واحد...لبست لبستها وتوجهات للمكان المخصص للمحامين المتواجد في المقاعد الامامية.... وقت قليل وعرفت شكون المحامي لغادي يترافع ضدو وحتى المحامي لغادي يترافع ليه ..كثر توشويش وتساؤلات وعرفات بلي سيد دار ليه تنازل من فوق وغادي يعطي الفلوس ويخرج
نادية كتبرگم بينها وبين نفسها ~ ومني هادشي كامل علاش معيط ليا زيدان نترافع عليه "باستهزاء " هااء نوكلو ليه حنا گاع نقابة محامين كاملين يدافعو عليه تقول هو لي كتاشف لينا الجادبية استغفرو الله العظيم ..
" مرو القضايا لكانو قدامو جات نوبتو قدموه هو والبنات لمعاه ..
لمحها بين صفووف المحامين جالسة رجل فوق رجل ونظرة تحدي مرسومة بين عينها كذلك حتى هو رمقها بنظارات تحدي لي قرات من خلاله معنى "غادي نخرج وقدامك" ...
بدات المحاكمة وتم الحكم عليه في القضية الاولى فقط بغرامة مالية كبيرة .وعاد دازو لقضية ثانية لرافعاها نادية .
قاضي ~ مراد بن زين عندك قضية اخرى الا وهي ... حادث سير مع السيدة نادية مروك وهربتي من مكان الحادث وكنتي تحت تاثير الخمر اش غتقول !!
مراد كيشوف فيها مخنزر ~. مكنتش سكران ...انا كنت زربان حيث كان عندي اجتماع ... زائد انني هضرت مع السيدة لدرت معاها الحادث وبفمها قالت ليا غير سير
نادية قاطعاتو ~ سيدي القاضي.. " وقفت رافعة ايدها باش تخد الكلمة"
قاضي ~تفضلي
نادية ~ المتهم كيكذب على سيادتكم ..اولا كان في حالة سكر وتانيا متوصلنا لحتى شي اتفاق حيث هرب قبل ما يجيو البوليس وراه المحضر عندك زيادة على هادا هددني بالاغتصاب علنيا وثلاثة مرات
نقز مراد ~ غير كذبتها اسي القاضي، شاف فيها ياك غير جوج؟؟
قاضي بدا يخبط باس يعم الصمت بعدما تهزت القاعة بالضحك على كلامو
نادية ~هاهو كيعترف امامكم بالمنسوب ليه
قاضي ~ كاين هادشي ولا لا؟؟
مراد كيسوك ~ غير كنضحك معاها ماشي هددتها "بمقت " ونيتي كانت صافية !!
قاضي ~ عندك شي شهود على صحة كلامك !!
نادية ~ للاسف معنديش ولكن راه عتارف انني فعلا درت معاه كسيدة وهرب اما فيما يخص الاتفاق مكانش ولمحكمتكم واسع النظر
كثرو المشاورات وترافع المحامي لي وكل ليه زيدان وبعد مدة قليلة تم النطق بالحكم وهو
عكسو هو لي رشقات ليه ووصل لشنو بغى ..تم غادي خارج وكيصيفك ليها بوسات في الهواا ويسبل ليها بعينيه ...ماشي غا هو لي فرح حتى زيدان كذلك ... وصلاتو لخبار كان سالا حصتو وغادي فاتجاه الشركة ، رشقات ليه وبالمعقول دخل ومشى نيشان في اتجاه بيرو ديالها ...كانت حانية راسها ويد حاطاها على عنقها ولوخرا كترسم بيها مركزة ومنعازلة على العالم الخارجي
محسات بيه امتى وقف وراها ، بقى حاضي تصرفاتها وكيفاش كتدوي مع الرسمة وتدور معاها كانت جامعة شعرها لفوق بشكل مهمل ومخلية المجال لعنقهاا طويل والرفيع ولي مزيناه سنسلة رقيقة باين بوضووح ...فجأة قفزات من ملمس ايدو لي تحطات على عنقها كان كيجمع في شعرها الطايح ...دورات وجهها بزربة مخرجة عينيها فيه. .قرب منها وبالضبط لحدا وذنها وقال
زيدان ~. هكا حسن باش ميديرونجيكش
خربقها وتلفها خلاها دخل وتخرج في الهضرة معرفات متقوليه سيغتو كان مكاليها بيديه لي كانت على الكرسي
لاح عليها كلامو ومشى مخليها وراه تايهة فيه وفتصرفاتو ، كتجمع الوراق وتدوي بينها وبين راسها وتقيس شعرها ...ريحتو لصقت عند نيفها وممشاتش ..
داير كي لمد والجزر مفهمت فيه والو ،خدات نفس عميق وتبعاتو ..غادا لعندو كيف ديما مشيتها منخوية لي شافهة من بعيد يقول كتعمد تعوج وتلحون فيها ولكن هي هاكداك شيء لي مخليها محط انتباه والانظار...خدات الاذن ودخلات كان عاطيها بظهرو ومكسل فوق الكرسي واخد راحتو مرخي وعينيه مغمضين قربات حداه بقات واقفة عيات تحنحن ملتافتش حتى دوات
مريام بصوت انثوي رقيق ~. موسيو زيدان الا كنتي مشغول نمشي تنرجع وقت تاني !!
ضار لعندها حاط يديه بزوج على ذقنو ومضيق عينيه كيشوف فيها براحة مد يدو للكرسي وقال
زيدان ~. متبقايش واقفة جلسي
كان الرد من عندها ~ شكرا وجلسات مادة ليه لوراق بعيون متفحصة لعينيه باغا تقرا ردة فعلو ~ حم مهم مبدئيا هذا شكل اولي مزال مكملتو ؟؟ ...كتدوي وتوقف تسنى جوابو ...كتفى يهز غير راسو الشيء لي زاد حمسها وخلاها تغوص في شرح كثر...
فكرت وقلت علاش لا تكون المدرسة كل جهة فشكل مغاير مرة شكل هندسي مرة احرف مرة رقم ...باش هاكدا يكون مضمون والرسم موااتين مع بعض ...سكتات مرة اخرة كتسنى تعليق من عندو لي كان عبارة عن ابتسامة رسمها جنب فمو وشاف فيها شوفة مختلفة على شنو تعودات من عندو ~ بحالك بحال بنت خالتك ، راسكم قاصح وتايقين فراسكم ولكن الثقة لي فمحلها ...رجع ظهرو اللور وكمل " وانا هاد نوع كيلفت انتباهي وكيعجبني ...منين جبتي هاد الشخصية ااستاذة ؟؟؟
مريام بلعات ريقها وجوباتو على قد السؤال ~. كنشبه لراسي
شابك يديه في انتظار المزيد فهمات من حركتو بلي باغيها تكمل ~. بوون موسيو زيدان خاصك تعرف حاجة انا هاد الدومين مدخلتش ليه مساطحة ولا ملقيت مندير وقلت نديرو ...بالعكس حلمت بيه وكانت امنية بغيت نحققها وحمد لله درتها داكشي علاش اي حاجة رسمتها كنتفنن فيها خيت كتكون خارجة من الداخل
قاطعها قايل ~. وعلاش قريتيه معطلة
مريام ~. كانو شي ظروف لي كركبوني وخلاوني معندي رغبة لحتى حاجة فداك الوقى
زيدان باهتمام ~. ودابة مزيانة ؟؟
مريام جوبتو وهي مبتاسمة ~. اكيد والدليل صبرت عليك اما كون جيتيني فديك الاعوام كونتي متشوفش وجهي ابدا
حركات ليه راسها بالايجاب وهو يقول ~. معليش يالله معايا نعودو نتغداو ونكملو خدمة تما ، راشقة ليا ليوم وباغي شي حاجة زوينة نكمل بيها نهاري
كتحلم ولا فعلم مبقات فاهمة فيه والو اهتمامو زائد بيها دخلها شك ممولفاش على معاملة بحال هاد شكل من عند الجنس الخنش...ممولفاش لي كيسولها ويسمع ليها ويقول ليها كلام زوين ويهتم بأدق تفاصيلها بيما فيهم شعرها
كانو جالسين في مطعم راقي وإطلالتو زوينة كتشوف في البحر خدا من عندهم سيرفور الطلبات وخلاهم بزوج
زيدان ~ اري دوك الوراق نشووف هنا ؟؟
مداتهم ليه بقى شحال كيدقق فيهم من جديد ...
مهم هادشي حاليا مقبول واخا متاكد تقدري تعطي شي حاجة مكثر من هاكدا مثلا " مد يدو " عطيني قلم ؟؟ مداتو ليه جا حداها و بدا يزيد خط من هنا وينقص من هنا ، وكيشرح وهي شي شداتو وشي تلفاتو وشي مسمعاتوش مع صوت لمواج ...وملي سالا قال وهو نايض بلاصتو " هكا غيكونو حسن ..
مريام بإعجاب ~. اممم صراحة زوين عاد بان
زيدان ~ شنو ناوية ديري بعد متاخدي ديبلوم ؟ تخدمي هناا ولا برا ولا تديري مشروع راسك
مريام دلات شنايفها ~ يااك ، تستافد مني انا سلعة ، كنظن خاصك تقول محتاجين وحدة بموهبة ديالك فشركة عكس لكلام لي قلتي
بان ليه الغدا جاي وهو يقول ~ بحال بحال ااستاذة مهم معنى واحد ... جمعي هادشي حتى تكمليه ونتناقشو فيه من جديد
تحط لغدا وباشرو في الاكل ، كان كياكل برزانة ، مرة مرة تهز عينيها تشوف فيه كلامو مسخااتش بيه ، اهتمامو عجبها ، حضورو كان طاغي ، شخصيتو زوينة ،كيعرف كيفاش يجبد من فمك الهضرة ... كان قريب منها بزاف وقدرات ترجع تسرق شوفات منو وتكمل في فحص ملامحو من جديد ، جنب عينيه كان مكمش وتحت منهم منفوخ باينة من نوع لي كيسهر ،لحيتو مرشووشة بشيب من اول شوفة تقلع سنو ، ردات لبال ليديه لي كانو عروقتهم بارزين ولي اثار انتباهها كثر خاتم لي داير بلا ما تحس نطقات وقالت
مريام ~. واش مزوج ااستاذ
شاف في الخاتم لي في ايدو حيت كان راد ليها لبال حاضياه بلاما يبين ، جاوبها وهو كيشوف فعينيها
زيدان ~. ماشي گاع لي داير خاتم مزوج ؟؟
مريام تجرئات كثر ~. وعلاش ، راجل بحالك يعني عمر ماشي صغير لي يبقى بلا زواج لدابا
زيدان مرر صبعو على فمو وقال بثقة ~. حيث انا صعييب وقااصح وجلاخا وتا وحدة مغتصبر معايا ، وزيادة مكنعرفش نتعامل وعزيز عليا نتملك لواحد ،
اش بان ليك نتي يجيك شخص بهاد مواصفات تقبلي عليه
ندمات لي سولاتو من اصلو كون ما اتصال لي جاه متعرف باش تجاوب حمد لله لي تعتقات سمعاتو كيدوي كان باينة صفقة عمل
زيدان ~. وي هو هذا ، اهاه وي متشرفين ، امتى ، دابا اوك انا كاين في **** نتلاقاو
مريام ~ نقدر نمشي الا كان عندك شي موعد
زيدان شافيها بحدة ~. موعد عمل !! وكنظن نتي وليتي جزء منو ،. كملي ماكلتك دابا ابعضرة مغتهربش الوقت مبقاش عندنا !!
نقبات شوية وبقاو كيدويو وهي اكثر في مواضيع مختلفة ، بعد الغدا جابو ليهم تحلية لي تزامن وصوولها مع وصول الشخص المنتظر ....وقف عليهم لابس كوسيتم كحل مع مونطو طويل في المارين شعرو مرتب وريحتو مجهدة كتخنق ..التسبيح بطبع في ايدو ممفارقوش.. توجه لعند زيدان لي وقف اول مشافو جاي
عدنان مد ايديه وقال ~. الا مخفت نكذب نتا هو موسيو زيدان لخليفي
زيدان هز راسو بالايجاب ~. ونتا هو سي عدنان
عدنان ~. هو هادا ، فرصة سعيدة اسي زيدان متشرف بيك سمعت علىيك وعلى خدمتك بزااف
زيدان ~ مرحبااا
دور وجهو وهو يحل فمو ملي شافها.. مد ليها يدو فرحان ...سلم عليها زبقى مزير وكيقول ~. صدفة خير من الف ميعااد ، كيف دايرة الالة مريام ، سبحان الله عاد سولت سي كمال عليك وواعدني نتعشاو مجموعين
عض على فكو من لداخل كيشووفيه كيفاش شاد يدها وكيف كيدوي معاها قرا عينيه مزيان وهو راجل اكيد غيكون عارف شوفات رجال ...جر ليه يديه بنثرة وقال ~. جلس جلس اسي "طولها " عدناااااان متبقاش واقف
مشى لحداها وجلس فرحان بقربها منو لكن كان غالط حيت واحد اخور كان سرع منو ...
كتفى يأمرها فقط بعينيه تجي لحداه وداكشي لي كان ،ناضت من كرسيها لحدا زيدان لي تحنى لعند وذنها وقال بهمس ~.منين كتعرفي هاد ميخي ؟؟
الاعجاب هو التوأم الوسيم للحب.
مشى حداها وجلس فرحان بقربها منو لكن كان غالط حيت واحد اخور كان سرع ....كتفى يأمرها بعينيه تجي لحداه وداكشي لي كان ، ناضت من كرسيها لعند زيدان لي تحنى عند وذنيها وقال بهمس ~. منين كتعرفي هاد ميخي ؟؟
كانت جالسة فجنبو ليسر كتفها على كتفو قراب بزااف ..حطات ايدها على فمها وقالت وهي كتشوف في عينيه نيشان ~. صاحب بابا اول مرة نشوفو في حفلة لي دار ..
عض على فكو من لداخل ودور وجهو كيشوف فيه وكيخبط بصباعو فوق الطبلة محاملش شوفاتو الخضرة فيها بالمرة ~. بنتي ليا بحالا تالفة ليك شي حاحة وكتقلب عليها بعينيك " غير دار شافيه وهو يخنزر فيه ".. زيررررر معااياا ودخل في الموضوع نيشاااان
عدنان بدا يلعب بتسبيح وكيدوز لسانو على فمو ~ .حم اه مرحبا لكن قبل شنو تشربو على حسابي ...تكى على طبلة وقال ليها~. لالة مريام شنو مشهية
بدا يحرك رجليه بعصبية باقي شاد فراسو ومبغاش يدير شي تصرف ماهواش ~. عندي قل من نص ساعة ياا تگول شنو عندك يااا نسكتك بمرة
عدنان مفهموش شنو قصد بدا يدوي زايد ناغزة حاس براسو وبلي عندو ~. مقلتي عيب ، احم ناوي ان شاء الله نحل واحد مركز تجااري هناا وطمعان فيك تشرف على هندستو نتا ومريام " كان كيشوف فيها وكيدوي " ...حيت واثق في ذووقها بغيت نقول ذوقكم
زيدان حك لحيتو كيهز فراسو من فوق لتحت ~. اولاااا دوي مقاد وشوف لعندي متشووفش ليا فيها ...تانيا من باب الاحترام كنسبقو انسة قبل السمية وثالتا "قالها وجمع الوقفة "....وقتي عامر شادين شي خدمة ثقيييييلة ووازنة نيت شوف شكون يخدم ليك
هز ليها راسو باش تنوض معودتهاش معاه هزات صاكها ووقفات ووقف تا عدنان
عدنان همو غير هي حيت كان باغي يشوفها~. لالة مريام ممكن نتي تبقاي باغي ندوي معاك فشي حاجة...
هنا زيدان تزير وعرق فراسو بدا يضرب ضيق عينيه وقرب لعندو ~. كلامك معايا انا وقلت ليك شنو عندي من لخر شبغيتيها هي ؟؟
عدنان ~. باغيها فشي حاجة شخصية معندها علاقة بالخدمة
زيدان ~. معندك فاش تدوي معاها
عدنان بالغوات ~. كنضن هي لي خاصها تجاوب ماشي نتا ، على حد علمي نتا مديرها ماشي شي حاجة كثر
مريام قلبها بدا يضرب وغير كضور راسها بينهم تدخلات وقالت ~ موسيو عدنان سمح ليا ولكن بوز تاع لغدا تقادا وكيخصني نرجع لخدمتي
بغات تمشي وهو يوقفها ~. مغناخدش من وقتك بزاف ، تسنيتك بزاف تعيطي ليا ودابا جابتها الفرصة ،غنوصلك حتى لباب الخدمة متعكسيش
مشى لعندو بثقالة وحط ايدو بزوج على لافيست كيجر فيه من لكول ~ سمعتيها يااك ، دونك محد حوايجك باقين مقاد سير حسن ليك
مريام جات لعندو من لور ~. موسيو زيدان صاافي موقع والو يالله نمشيو
عدنان ~. الا ممشيتش شنو غيوقع ؟؟ شنو غدير
زيدان هز راسو ونزل عليه بروسية مخليه راعف ..شدات على فمها بشهقة وكتجرو بيديه ~ اش درتي
قاد لافيست من لكمام ومسح على وجهو ~. غير وريتو شنوو غادي ندير " سبقها " يالله مشيينااا
غادي بزربة وهي وراه تابعاه وكتلفت لسيد لي منشور شاد نيفو متوقعاتش نهارها يدوز هاكدا ومتسناتش منو هاد رد الفعل ..طلعو في طوموبيل طريق كلها وهو ساكت ، كدور وجها ليه ملامح ديالو باردين بحالا ماشي هو لي هرس لسيد نيفو من شوية قبل ميوصلو لخدمة صونا تليفونها ..هزاتو لقاتو باها عرفات لخبار غتكون وصلات ليه
حطات ايدها على جبهتها بخوف رد ليها لبال ومدواش ...فتحات الخط وسمعات من وراه خل وذنيييها
اش هادشي سمعت امريام ؟؟ شكون هادا لي ضرب سي عدنان ؟ وعلاش مشيتي وخليتيه
مع نطق الكلمة اللخرة وهي تقول بااااابااااا موركة عليها ~. شنوو كتقول واش سمعتي منو شنو طرااا بعداا؟؟ داك صااحبك قليييل الادااب
خطف من أيدها تليفون زدار سبايكر سمعو وهو كيقول ~. ايه تعتاذري منو حيت نتي سباب , سيد مكبر بيك وبغاك تخدمي ليه مشروع وهادا جزائو
زيدان خلاه حتى سالا وجاوبو ~. هادااك شماتة وقليل العفة والا كنتي نتا ترضى لي يطاول على بنتك ويتبسل عليها ، انا منقبلهاش على وحدة غادا في زنقة فما بالك وحدة خدامة عندي وخارجة وهي تحت مسؤوليتي وحمايتي يمكن انا هكا داير ، نفسي حارة والرجلة شاربها من صغري ، كيف داير متاا معرفتش اسي بلحاج لي عارف هو الا تجرأ يعودها مرة اخرة وهي معايا غنهرس ليه فمووووو تاهو
قطع عليه ولاح عليها التليفون معرفات مدير دورات لعندو وجهها وقالت ~. سمح ليا بزااف حطيتك فهاد الموقف انا حشمانة منك عمرها وقعات ليا
تسنات جوابو بلا فايدة معبرهاش....وصلو لخدمة كلها تخشى في بيروه بلا تا كلمة
تصرف زيدان ماشي بسباب الغيرة ابدا هو هاكدا داير ميقدرش يسكت على الحق ولا يشوف شي حاجة معجبتوش ويصرطها ، فما بالك عدنان لي عينين مرة لايحهم لفمها مرة لصدرها وكيدوي معاها مرخوي جنس خضر وامثالو حافظهم ، قرا فعينيه شنو باغي منها بلاما يدوي داكشي علاش وقع لي وقع
كمل خدمتو وهز سوارتو ومشى اما هي كلشي تلف عليها حطات قدامها لوراق كتشوف فيهم ويشوفو فيها حتى وصل لوقت ، ركب في طوموبيل نيشان لدار لقات باها فباب صالون كيتسنى فيها تدخل ، غير حلات لباب وقف قاصدها
كمال ~ واااش عارفة شكون هاداك ولا لا ، واش عارفة بلي عندو لي يتحرگ ميتم
مريام ~.معارفاهش هو لي عارفة بلي نتا بابا وانااااا بنتتك ، بنتتتتك من لحمك ودمك ولي من لمفروض تجي منها ماشي عليها
داك سيد من نهار لي دخل من هاد الباب وهو حاط عليا العين وكيشوف فيا شي شوفات ناقصين ودوزتها وليوم كمل گاع وزاد تمادى بقى ليه يشدني صحة واش قاليك هادشي ولا خباه
دار راسو صمك مكيسمعش ولا بالأحرى كلامها معندو ميدير بيه ~. وشكون هاداك لي تجرأ يحط عليه ايديه اش بينك وبينو
مريام عينيها دمعو ~. ياك ابابا هادشي لي قدرتي عليه خليتي لي تهجم عليا وشديتي فلي دافع ولي من لمفروض تشكرو
كمال شاف في نزهة وقال~. هضرة خاوية سمعيني الالة وجدي راسك نتي وبنتك من هنا لساعة غنمشيو لعند السيد نشوفووه ،داخلين انا وياه فشلا خدامي ومغاديش نجي نضيعهم
رمى عليها كلامو وخرج ...ضربت صاكها مع لباب كردة فعل مزيرة على سنانها...قصدتها نزهة لي كانت واقفة وكتسمع من بعيد ومقادراش تتدخل ...جات لعندها طايرة كتطبطب عليها
نزهة دموعها دازو بلا شوار ~. صافي ابنتي الله يرضي عليك ، متديش عليه ، راك بنتو وكيموت عليك وعزيزة عندو غير معصب
شافت فيها بنظرة حزينة ~. لا سمحي ليا اماما تال هنا وصافي ، ناس كيبقاو فيهم ولادهم ماشي لبراني
سيد لي دافع عليا على قبلي خسر معاه مشروع بزبابل لفلوس وبا لي باا كيفكر فيهم
تنهدات وتحنات هازة صاكها" انا غنمشي عند نادية حسن ليا نبدل ساعة بختها ومغاداش نمشي معاكم واخا منعرف شنو يوقع
سايقة وعقلها ممعاهاش مزال تطلع فيها وتنزل شنو قاليها...بكات وتنخصات وشهقات ،من ديما تصرفاتو بحال السلاح كينهشو خاطرها ويكيغيروه،غادا وتقارن بين باها وبينو ، الاول لي من المفروض يموت معاها سبق لفلوس ومشاريع عليها ...والمدير لي خاص تهمو غا خدمتو والكليان دياولو ، سبقها هي كانسانة على مصلحتو
زادت في السرعة باغا توصل دغيا حاسة براسها غتفرگع ومكاينش لي غيخفف عليها من غير نادية ...
هاد الاخيرة كانت جالسة في القهوة كتسنى في زيدان عندهم خدمة ومنها تعتذر على شنو بدر منها ....
حطات لكتاب لي كان بين يديها فور مبان ليها داخل ..كيف ديما اناقتو حاضرة وهيبتو سابقاه ، رمى السلام وجلس كيحل صدايف لافيست
زيدان مخسر سيفتو ~. مافيك متأجليها حتال صباح ، ليل ماشي تاع الخدمة تاع شي حاجة اخرة ااستاذة
نادية ضحكات على كلامو ~. نتوما جنس الرجال همكم حاجة وحدة
قاطعها كيحرك راسو بنفي ~. لا لا لا خاطيني داكشي لي مشى بالك ليه ، ليل عندي انا كنبغي نديفولا فيه نخوي دماغي باش نلقى فين نعمر ،دابا حيدي عليا من هادشي وقولي ليا اش عندك
نادية ~. قبل مندويو في الخدمة نتا مدين ليا بتفسير على شنو طراا متقلقش مني
زيدان ~. لاا عارف لقانون عندك فوق كلشي داكشي علاش كلفت سي رياض باش منحرجكش ، " بتساؤل " هادشي علاش جايباني؟ صافي نقدر نمشي
نادية ميقت فيه ~. يا سيدي مالك زربان باش تشرب كاس ، نطلبوه ليك هناا وهنينا
سادة عليها وخايفة ظلام طاح حيت كثر من تمتية دليل ..غير ضو طوموبيلات لي مرة يبان مرة يغبر ...كتقز غير راسها ودور تشوف في جنابها ، قلبها كيضرب وجها صفار وفمها كيترعد ...وكمل عليها الشخص لي جاي لعندها قرب لزاج وبدا يدق عليها منو
مريام كطلع نفس وتنزلها بزربة ~. نادية واحد راجل كيدق عليا اشنو ندير
نادية كتغوت ~ متحليي على حتى واحد
زيدان مركز مع طريق ويدوي ~ كبري صوووت نسمع
دارت مكبر صوت سمع شهيقها وبكاها وهو ينطق ~. مااااشي وقت لبكاااا دابا ، ترجلي شوية وسمعيني !! غادي تهبطي شوية من زاج جهد لي ميقدر يدخل ايدو ودوي معاه هانا كتسمع
الخلعة كانت مسيطرة عليها ولكن صوتو ، كلامو ، واهتمامو شكلو عندها فرق كبير عندها ... بقات شحال كتشوف في تليفون وقلبها كيضرب ، كتأكد من صوتو واش بصح هو ولا جاب ليها الله حتى رجع نطق عاد تيقنات
_زيداان بنبرة صوت قوية ~. واااش معاااااايا ولا لا ؟؟
مريام فاقت من الگلبة ورجعات شافت في الشرجم وتليفون حدا فمها ~. وي هانا معاك ، "مدات ايدها كتحل زاج بشوية " انا درت لي قلتي ليا ، حليت الشرجم
نادية كتحيد في الصمطة مشيرة بصبعها ~. شد ليمن راه فين واقفة ..
لمحاتو من زاجة تلقدام كيسني رجعات ركبتها الخلعة ، حضور ديالو كيخربقها مكتبقى تعرف كيفاش تصرف حداه ومعاه ، بان ليها نزل كان لابس لبسة عكس لي شافتو بيها صباح كلما كيقرب كل مكتزيد توثر ، نسات شنو وقع ليها واش خرجهاا ،فاقت من شرودها على يدو لي كتخبط على زاج حلات ونزلات متجنبة تشوف فيه
مريام كتلعب في شعرها ومدورة وجهاا لنادية ~. ندمت لي شديت طريق لعندك عمر هاظشي وقع ليا ...عينيها كانو حمرين ونيفها حتى هو شفارها سااردين وحناكها مزنگين كل هادشي رد ليه الباب ، كان خاشي يدو وواقف قدامها الا بغات تحرك غتزدح معاه ،منزلش عينو منها نظراتو فارغة وعادية خلاها حتى سالات تلفيق لكلام لي خداتو حجة باش تبعد عينيها عليه وهو ينطق بصوت خشن ثقيل خاتر رجولي
لكلام باش غتجاوبو هرب من فمها ،ملقات متقول ، ممولفاش على هادشي ، قدر يأثر فيها ويوثرها ...حطات ايدها على عنقها ودوات بصوت شبه مسموع ~. حم حمد لله مزيان...
خرجتها نادية من اللحظة لي كانت عايشة فيهاا مقربة منها كتساؤل ~. اش مخرجك فهاد الوقت واش واقع شي مشكيل مع دار
شافت فيه لقاتو مضيق عينيه كيتسنى فيها تدوي وهي تشد فيدها كتنغز فيها بلاما يعيق ~
_مريام~. ويااك دايرة معاك اصحبتي باش نبات عندك ، وعاد توحشت خالتي وشحال مشفتها. قلت نجي ليوم
مقدراتش تكذب عليها حيت كتعرفها من شوفة ولكن قدرات تفهمها بلي مبغاتش تدوي قدامو
نادية ~. اه اه مشى من بالي اما كون جيت ديتك من دار كون موقعش هاظشي ، ماشي مشكيل مكتاب "دارت لعند زيدان تدوي معاه لقاتو كيخربق في تليفون "...دابا شنو نعيطو يجيو يهز طوموبيل ولا اش نديرو
حط تليفون على وذنو وعمل ليها حركة بمعنى غيتكلف ...بعد عليهم كيدوي مع راجل لي بقى حاضيها تشكرو ومشى وكمل هضرة فتليفون وهي لقاتها سبة قربات منها باغة ترتاح عليها
نادية ~. واش تخاصمتي مع عمي
مريام بلاما تحس نزلو دموعها بلا صوت ~. تال هنا وصافي مبقيتش قدرت ، فين عَمَّر قلبي ساعفني وخرجت مخلية ماما ورايا ياك كنصبر ،بالحق ليوم كَثَّر
دوزات ايدها على ظهرها معنقاها حسات بيها وصلت بيها لعظم ومبقى عندها فين تزيد
زيدان عينيه على المرايا حاضيها وهي كذلك وغير شافتو طول فيها الشوفة بعدات عينيها
كتشوف في الطريق ~
زيدان ~ باقي الحال ، ليل عاد بداا عندي
زاد في سرعتو قاصد بيت نادية لي كتنعت ليه ..عينيه كانو عندها وهي عينها كانو في تليفون لي كيشعل فكل مرة مسكتش ، كانت مها نزهة الام لخايفة على بنتها ومن خرجتها في ليل ، قلبها قرب وحتى من لبكى بكاتو على حالتهم بزوج مرتاح قلبها حتى سمعات صوتها
مريام كتدوي بشوية ~. الو ماما !!
نزهة قفزات من فوق فوطوي ~. بنتي قلبي بغى يخرج بتعياط ، كان عليك تكوني وصلتي كثر من ساعة كنعيط ليك مكتجوبي خالتك قالت ليا مزال موصلت ، ونادية تاهيا ، فيينك دابا ياك نتي بخير !!
مريام كطمئن فيها ~. معندك مناش تخافي راه غير " كتمعك فشفايفها وتدوي ". عيطت لنادية ومشينا لقهوى قبل مندخلو لدار وحنا فطريق لعند خالتي غير نعسي على جنب الراحة
حطات ايدها على قلبها مرتاحة ~. واخا الله يرضي عليك ..وهانتي مديريش فبالك راه رجع لدار ودويت معاه غير بقا فيه سيد صاحبو وصافي
وجهها رجع حمر وحسات بالحرارة سرات معاها ، وذنيها كيصفرو وقلبها كيضرب ، كطلع نفس وتنزلها بصعوبة كتحس باحساس زوين وغريب عليها ...رجليها كانو صايگينها ولكن عقلها مكاينش هنا ...بقا عندو بقى هايم في اهتمامو لي كتفتاقد بحالو وفتصرفاتو لي بداو يخليو اثر زوين عندها....
كيدويو معاها ولا مجيب غا حالة فمها وكتشوف، قربت منها نادية شادة فيدها جاراها تجلس ، ضنات بلي مزال معصبة من موضوع باها
نادية ~. صافي اصحبتي نسااي مغيكونش قصد ؟؟
مريام ~. هاا كيفاش مقصدش ، شكوون ؟؟
نادية خرجات عينيها ~. باك شكون غيكون ؟؟ مريام مالك اصحبتي بنتي ليا ماشي هي هاديك
رجعات شعرها اللور حاطا يديها بزوج على عنقها كتنهد ~. بسيف منكونش هي هاديك ، كون تشووفي سي كمال فاشنو حطني
سمع صووت وراهم قال
- اش دار تاني باك !!
عائشة أم نادية ، على قولتها قتلات راجلها وزوجات ولادها وبقات لاصقة فيها غير نادية ، عكس ختها تماما هادي قلبها ما بيض مكحل مخلط ، كتقطعها هبرة تبرا مع اي حد يجيها منو صداع ولي عطاها كلمة ترجع ليه ختها ...
نادية خدات مخدة حطاتها على ركابيها ~. على هي خرجات بخاطرها فهاد الوقت ، العلم الله شنو غيكون دار ليها عمي
عنقتها عائشة وجلسات هي وياها ~. يدير لي دير كيبقى باك والا جيت نلوم غنلوم ختي ، حيت هو هاكداك داير من اللول ، قبل ميتزوج مك ، كان اناني وباغي غير راسو ، غير هي الله يهديها اثر عليها الحب ومشافتش قدامها كانت ظل تحلم بيه ، وملي تافقو با وباه يزوجوهم بغات طير بالفرحة وغمضات عينيها على شحال من حاجة ..
نادية معات شعرها وزولت نظاراتها ~ اودي اماما خلينا من هاد سيرة تاع حب من طرف واحد لي ضحية فيه خالتي راه حفظناها وخلينا نسمعو من البنت اش وقع ...
تكات مريم على الفوطوي حاطة يديها على خدها مرجعة سينتة لور وبالضبط لشنو وقع من صباح لدابا كتعاود ودموعها مرافقينها
~~
على انغام " امر الحب صعيب" عليك كان جالس لايح يديه على فوتوي ولكاس محطوط على رجلو مرة مرة يجغم منو مغايبش ومساحيش
صعيب تعرف واش مقلق ولا فرحان معصب ولا كيفكر ، ملامحو من عند الله معقدين يقدر يكون مرتاح وحجبانو مخنزرين ويقدر يكون معصب ووجهو مطلوق ، تلاح حداه مراد طالع ليه الخز ومزال مهضمش لبلان نهائياا انو لي بغات تظخلو لحبس خدامة عند زيدان
مراد ~. مكتحشمش اخويا وجهها صندالة وكتزيدها بتخراج لعينين ، منين ضبرتي عليها ناس يخدمو معاهم بنات مطلوقين ونتا جايب وحدة مصورة ليها ثمنية في جبتها صعيب تفكها
زيدان لاح قطعة في فمو وجوبو ~ فحال هاديك هي لي تليق ليك تجمع ليك رجليك وتربيك
مراد ~ معقدة وعاجبها راسهاا
زيدان خنز فيه ~. قول معقوولة وماشي بحال لماركات لي كتعرف ، زيررر اولدي وديها فخدمتك
مراد عض على فمو وهو كيشوف واحد لخير كيشطح قدامو ~. وشكون يديها فهاد النعمة اصحبي شووف شوف
ناض من حداه ومشى لعندها كيشير بيديه ويشطح ،مخليه وراه كيضحك وكيحرك فراسو محسبن...تحنى يهز لقرعة يعمر كاسو وهي تخطفها من ايدو وحدة لابسة وملابساش
ميل راسو حاضيها اش كتصنع بانت ليه عمرات ليه كاسو وخوات ليها تاهيا ، جات كتزكك عليه جالسة حداه وكملتها بيد لي حطاتها على فخضو ..
-"بتلحوين قالت " نونسك ازين ؟؟
زيدان بعد ايدهاا من على فخضو قرفان وكمل كاسو منغم مع الاغنية وكيدنن شربات الكاس وزادتها بحركات ماهياش عند بالها غتأثر عليه وهو مكاينش هنا خلاها ترطى بوحدها ، سخنات وزادت قربات منو بدات لوح يدها هنا وليه ،وهنا مغيقدش يسكت حيت بسالة معندوش معاه خدا يدها مزير عليها وقال من تحت سنانو وعينيه حمرين وثقال معسلين بسكرة ~ غا هني بالك بحالك مكينوضوهش ليا حتى من بلاصتو
صباح يوم جديد فاقت مريام قبل الوقت اولا نقولو منعساتش موالفة بلاصتها ومخدتها ودارهم ...صونا ليها تليفون كانت مزال في الفراش هزاتو لقات ماماها لي كتصوني
مريام بصوت عيان ~. ا ماما ، صباح الخير
نزهة نوم مزارش جفونها وبنتها بعيدة عليها ~. كي صبحتي اكبيدتي ، فقتي ولا مزال
قطعات دغيا متهربة من ردها حيت غتضغط عليها وتقدر ترجع وهي ممستعداش لشي نقاش حاليا مع باها زيادة انو نادية عيد ميلادها ليوم وبغات تفاجئها ...لاحت عليها الغطا لقات نادية حطات ليها لبسة فوق ناموسية وخرجات ، غسلات وتقادات واطلالتها كانت كلاس...جيب حد الركبة كلوش من لتحت بنواغ مع قويميجة بالبيض وكويرة قصيرة بنواغ كذلك وصبيبيط عالي
لبستهم ونزلات لفطور لي كان موجد على حقو وطريقو ، عايشة مراة مغربية بامتياز عزيز عليها الطبلة تكون متولة بقواعدها ...فطرو بضحك وشد فيا نشد فيك وخرجات مع نادية توصلها لخدمتها
غادا وكلما كتقرب قلبها كيضرب ، من ورا هضرتو دالبارح معندهاش لوجه لي تشوف فيه ولا تدوي معاه من جديد....
وصلات لشركة والاعين كيف ديما عليها ، شعرها ذهبي كيطير مع ريح ولي تلاقاها يلقي عليها سلامو ، مشات نيشان البيرو كتطلب فخاطرها ميجيش...مزال مكملتها بان ليها داخل كيصفق ويردد معصب
زيدان ~ كلشي يسمع ليا "شاف في سكرتيرتو " من هنا نص ساعة كلشي يكون عندي فقاعة الاجتماعات
"شاف في مريام " تانتي جي معاهم...شافت في لبنت مستغربة ~. ديالاش هاد الاجتماع
زهور ~ عادي كيف ديما خاصو مرة فسيمانة يجمعنا كاين لي كيصبنو وكاين لي كيشجعو مهم هانتي غتشوفي بعويناتك ...
بقات تعد دقايق حتى وصل لوقت بان ليها كلشي وغادي لعندو وهي تهز وراقها وتبعتها .....دخلو لقاو كلشي جالس الا هو واقف محني على بيسي والوراق مشتين حداه غير جلسو هز راسو فيهم بادي كلامو
قاطعو صوت الباب لي تحل كانت موظفة عندو جايا معطلة...شافيها مخنزر وقال ~. انفوا يتسد الباب منبغيش يعاود يتحل من ورايا ودابا غير خرجي، بدينا قبل متجي تال اجتماع جاي ورجعي
خشى يدو في جيبو وتم غادي جاي عليهم كيدوي معصب شي حادر راسو وشي هازو ~. وليتو كتجمعو كثر متخدمو ، شغلكم نااقص ، كثرت اللغى بلا فايدة ، واس هادا هو تيم بلخليفي لي باغي انااا
مكاينش لي تجرأ يدوي كمل على كلامو بنفس الحدة ~. الا مكنتش انا فشركةة راه عيني كنخليهم هنااا ، لي باغي يقشب ليا ويضحك مع لبنات على برا فوت لعتبة ولي باغي يخدم ويعرق معايا مرحبا ، حنا هنا كنبنيو عمارات ، مدارس ولقرينة لكحلة مكنلعبوش...خطأ واحد منبغيش نشووفو ، كلامي غنختمو هنا هادا انذار شفوي ، لمرة جايا غنخدم لوراق
بداو كيخرجو واحد مور تاني جمعات نوضة تغبر من قدامو حيت شوفاتو كيزعزعو وهو يوقفها
شير ليها على وجهها بضبط فمها ~. واش مكتعيايش ضروري تبقاي تاكلي فيهم
تحرجات بدات تكحكح ليه تم ~. لا عن غير قصد والله
زيدان قاد ليها لافيست ديالها مغطي صدرها لي كتبان شقتو ~. ايوا تبثي وحيدي منك هاد القاعدة "كمل بشوية " حيت كاين لي على سبة وغيمشي بالو بعيد
بدات تنش على وجها حاسة بصهد والاحراج ..بدات تدخل وتخرج في الهضرة من جديد ~. اه نسيت ااستاذ كنت بغيت نستاذن منك ليوم بغيت نخرج بكري
زيدان علا حواجبو بتساؤل ~. علااش ؟؟
مريام ~. نادية عندها عيد ميلاد وبغيت نفاجئها ويالله نوجد
حرك راسو وناض ~. امم وحنا معروضين
مريان ~. مرحبا الا قبلتي عليناا غتكون غا شي حاجة خفيفة
زيدان ~ وَعَلَيْه وقت مبغيتي تمشي سيري ولكن " بتحذير " كملي خدمتك والله يهنيك ، وبنسبة لشنو غتوجدي لنادية خليه ليا كاين لي يتكلف ، جوايه تمنية نجي نهزكم مزياانة
مريام مقاطعاه ~. ولكن انا مبغيتش نبرزطك مغاديش ندير شي حاجة كبيرة
زيدان هز تليفونو كيدوز الرقم ~. مكنديرش هادشي على قبلك ، على قبل نادية تانا باغي نفاحئها يمكن ليك تخرجي دابا
قمعها خلاها خارجة تعير تحت من فمها ...مفهمت فيه والو كيضور كي زماان ...
دوز نمرة لمراد لي كان شابع نعاس مكاينش هنا كل رجل لايحها فقنت بزز باش جاوبو
زيدان كيلعب بستيلو ~. افينك اداك الكيداار ؟؟
مراد ~. ناعس مالك
زيدان ~ وجد ليا شي كوان عندك فداك البار بعيد على البشار وشي حلوة وتخربيق تاع عيد الميلاد، المحامية لي كتموت عليها بغينا نحتافلو بيها وهادي هي لفرصة فين تحل مشكيلتك معاها...توكض وفاق من نعاس كيمسح فشعرو هي فرصة وجات تال عندو
مراد ~ احسن حلوة فيك يا كازة غناكلو ليوم غا نعس على جنب الراحة
مع تمنية واقفة سمعو لكلاصون وتليفون نادية كيصوني كان زيدان لي جا وراهم بحجة انو عارضهم لعشى ،
خرجات عندو نادية هي لولة شعرها مطلوق والكسوة قصيرة غتاكل منها النص مكانتش دايرة نظاظر مبغاتش تغطي ماكياجها الثقيل طلعات حداه وسلمات عليه
بدات تضحك على كلامو ~ بعد من البنت راه خليتها كتدوي مع مها فتليفون ...سمعو لباب تسد وهي تنطق ~ هاهيا جايا
ضيق عينو فيها حاط يدو على ذقنو ، حاضيها من گاع لقنات كانت فتانة ولي قال لعكس كذاب ..لابسة جينز مع شوميزة نواغ كول ڤي وفوق منهم فيست كحلة ، شعرها سارد وراداه اللور ، ماكياج ممخلياش شهوتها فيها ، جايا وتقرقب بصباطها تا وصلات لعندو رمات ليه سلام وطلعات ...طول طريق وهو عين مع صوگان وعين عندها تا وصلو
براكا قدام البار دنيا عامرة ومخلطة شي على برا كيبلاصي شي الداخل زاهي ....شي مفوت ناسي ....شافيها من لمرايا كانت على صينگة عشرة غير خطفها وهرب بيها ...ندم لي عفط لهنا من اصلو عشا زوين في ريسطو اهون بكثير ....صاط بضيق وحل الباب طوموبيل نازل هو اللول قاد حواايجو عاد طل عليهم وقال بصوتو الرنان لي كيدير ليها الرعشة
زيدان ~. استاذات نزلو !!
هزات نادية راسها فيه وقالت مخرجة عينيها ~. واش من نيتك !! جايبناا لديسكوو صداع ولخوا لخاوي ...وذني تصمكو وانا هنا
مريام توسعو عينيها ولمعو بالفرحة باغا تنشط وربي كبير ، حلات الباب وقالت وهي نازلة
زيدان خشى يديه في جيبو ونفت مخرج الريح من فمو ~. كنت بعقلي ،وبسبابك شنو جبتي ليا رجعت بلاش "غوت في وجهها ملي شاف الزين صافي واقفة نص وقفة متكية على طوموبيل وكتصور " ..قصري ونزلي راه هنا بحالو بحال العرس غير هو مكيناش العمارية ، يالله اماما قبل منكملوها في سبيطار راه بان ليا غنعنگر شي حد
حلات الباب نازلة زاعفة ~. اففف ، واش دبا محامية كبيرة بحالي داخلة لبار اش بغيتهم يقولو عليا ؟؟
زيدان طلع ليه الدم جرها من يدها غادي موقفها قدامو ~. تي زيدي قدامي
مراد جا قدامها ~. ياكما ناوية تقيمي الصلاة ، لقبلة من هاد الجهةة "بدا ينعت "
تسمعات صوت ضحكة انثوية رقيقة كانت مريام لي مقدراتش تصبر ...حطات ايدها على فمها كاتماها فور مشافت تخنزيرات قاصحة موجهين ليها ....بدات تلعب بطالونها كتشوف في الارض ملي شافتو جاي لعندها گاع، قرب منها وشدها من خصرها لايحها عليه حتى خرجو عينيها وزير عليها قايل
كلامو سمعاتو غا هي حيت تكلم بنبرة صوت خافتة ...علات عينيها الزرقين فيه كتشوفيه بنظرات حادة وهادي شوفتها... توضر للحظة فيهم قبل ميتهند مبعد عليها كيمسح على شعرو وكيقول بصوت قوييي
زيدان ~. دخلو دخلو اسيااادناااا !!
زيدان عندها عزيز ولكن تلاقى هي والمستهتر كيف مسمياه فبلاصة وحدة مستحيل ... هرضتو مستفزة وكيلعب ليها على اعصابها بتصرفاتو ..ضربت في زيدان وزادت غادية توقف طاكسي قبل متقتلو هاد ليلة ...كيف رمات خطوتها الاولى للقدام وهي تعتر، الطالون والاعصاب مكيتلقوش سيغتو فاش كينرفزك الواحد وكيركز معاك لمشية كتلف ليك وداكشي لوقع ليها ،جات طايحة قدامهم مراد تنشر بضحك عليها جاتو على للگانة اول من طار عليها مريام ، هبطات لمستواها بخوف شادة فيها
مريام كتحاول تهزها جات تلتافت حسات بيد حرشة تحطات على يدها معوناها من صوت انفاسو عرفاتو هو ....تبعو مراد كيضحك تحنى لعندها حاط مرافقو على ركابيه
مراد ~في اطار القانون كيقوليك متقربش للكسيدة حتى يحضرو صحاب لحال يعبرو لكوسطا... وبليزير من عندي نعيط ليهم هما و ديبانج تجي تجرك
طبعها صعيب ونفيسة والطيحة كملت ليها الباهية حسات بكرامتها عند رجليه ..مقدتش تهز راسها فيه وغير كتخيل تكربيعة و كيف دارت ليها كتبغي تموت وعاد هضرتو لمزبلة خلاص مرضتها ....
شافت فيه مريام مخنزرة وهو ويقول ليها " اش هاد زين ثاني !!
قفزو صوت زيداان لقوي ~ مراااااد
بداو يعونو فيها توقف ولكن لعقتها في رجلها لي تخوات بيها وتلوات
نادية بنبرة مألمة والبكية مجموعة على طرف عينها ~. رجلللي امريام رجلي !!
مريام ~ اححح اختي يكمى مهرسة
زيدان مد ليها دراعو كاره الوضع ~. شدي فياا نهزك
نادية حاسة بصداع وغير كتكابر~. لا لا مقدييتش مقدييتش غخليني
وقف عليهم واحد دري قد مراد متدخل بطريقة لبقة
_انا طبيب العظام ممكن نشوف ليك رجلك عفاك !! والا كان غير مفكوكة نرجعها ليك ولكن الا كنتي مهرسة خاصنا نسربيو متخاليهاش حتي تنفخ ..
تجمعت ضحكة واحد الشخص لي كانت مترعة ...جوباتو بابتسامة خفيفة من طريقتو المحترمة ..
كنحس بالحريق بزااف وخصوصا هنا حطات ايدها جهة الكوع ...
حرك ليها راسو بالايجاب ونزل لمستواها خدا رجلها بين ايده وحطها على فخدو .زول ليها صباط لكانت مزال لابساه معري على رجيلتها البيضين والمصبوغين بطريقة انيقة وهادشي كامل .تحت انظار كل من مراد وزيدان لي بدا يعقدهم ..اما مريام همها غير بنت خالتها وتكون بخير
الطريقة لي حط بيها رجلها فوق فخدو خلات الكسوة تتهز لفوق ويبانو فخاضهاا.. بدات كتجر وتهبط مغطية وهو ينقز مراد
مراد ~. قدييتيهاا زعمة وغطيتي ومشفنا والو ...
صدمها مرة اخرة بجرأتو الزايدة نغزة خلاها تحس بالاحراج قدامهم ومعرفت باش تجوبو حدها خنزرت فيه وهو يقاطعها السيد بكلامو
_اختي راك ممهرساش غير مفكوكة ودبا غادي نرجعها ليك ولكن راه غادي تقصحي ..
نادية كتبن انها قوية ~ ماشي مشكل اخويا غير رجعها بغيت نوض قبل ما نرتكب شي جريمة ..
مريام زيرات عليها عاضة على فمها ~. شدي فيا
ناض زيدان راجع بلور كيشوف من بعيد لاعن راسو حيت جابهم اصلا لهنا وفرع مخو ..
مراد كيشوف فسيد كيف حاط يدو وهو يدوي مبين صوتو ~ انا لغادي نرتكب هاد الجريمة ودبا بان ليا ..
نصل تريكوه ولاحو ليها علي فخدها وبقى عريان ...الولد شم ريحة التوثر بيناتهم وعرف ان قضية ماشي حتى لهيه ورجليها ل فوق فخدو ماشي فمحلها وهو يتصرف بعقلو موجه كلامو لمريام
-شدي ليها رجليها وتبتيها مزيان متحركش ..
خدات ايدها حطاتهم على رجلها وضورات وجها مغمضة عينيها لي شافها يقول هي لي مقصحة...اما نادية مكانتش من العاگزين هزات تريكوه لاحتو ليه على وجهو
وحيت الضد هو سيدو، رجع حطو فوقها وهاد المرة قادو باديه على رجليها وهمس في وذنها ~ الا حيدته نعرف راسي عجبتك ..
تغوت ولا تنذب بزاف معاه.. معرفتش كيفاش تصرف ..غمضات عينيها هاد المرة وقالت التجاهل هو لغادي يفكها حيث كل ما جوباتو كيضسر اكثر وكيزيد يتمادى اكثر واكثر ..لذلك مجوبتوش كتفات توجه كلامها لشاب لقدامها ..
نادية ~ خويا بدا عفاك
عطاتو الانطلاقة بدا يسولها فين كيضرك هنا ولا هنا متلفها حتى رجعها ليها... تسمع صوت غوات مريام أعلى من صوتها وقال بابتسامة
-على سلامتك !!
دمووعها وصلو لعنقها قصحها بزااف ..ومقدرتش تحبسهم اكثر كانت شانقة عليه من حوايجو هي تبكي ومريام تبكي وزيدان كيحسبن ~. هادشي لي كان خاصني !
مراد كانو عينيه على ايدها لمحطوطين على طبيب محس براسو حتى حيدها ليها لي شافو يحلف بلي عاقد عليها ~. طلقي من سيد وشدي فيا وباراكا من لبكا
طبيب غير كمل عتذر ليهم شكراتو نادية ومريام وحتي زيدان لكان متبع الاحداث بصمت وعينيه على البنت للخلعة باينة في وجها على بنت خالتها... وغضب بين عينها على تصرفات مراد ....
نادية ~مريام عونيني نوقف..!!
مريام ~ واخا ..
جمعت الوقفة هي لولة عاد شدتها من كتفها باش تقدر تعونها ولكن ضروري من تصرف مراد يقلب المعادلة ..تحدر لمستوها وهزها بين ايده تحت شهقاتها اما مريام حلات فمها مفاهمة والو وزيدان كيحك على راسو حيت عارف شي قنبلة غادي تفرقع
نادية هنا جابت اخرها معاه كلشي حتى يقرب ليها ولا يحط عليها ايدو ..نقزت من بين ايده ولكن حكمها ،فورمتو الجسدية والطولة معوناه واخا تعيي ترطى بين ايده
نادية كضرب فيه ~ حطننننني حطننيي !! زيدددااان هضرر مع هاد المتخلف شوية
زيدان دوا بجدية ~ واا مراد حطهاا ،خلينا ندوزو سويعة ولا نرجعو بحالنا حيت باينة ليلة متختخة من لولها
مراد راسو قاصح كثر منها ~ لا محطهااش حتى تعلم تهضر معايا باحترام واداب وتنطق اسمي بين شفيفها
مريام شافت فيه وقالت ~.زيدان هضر مع صاحبك زاد فيه
خنزر فيها وقال ~مبقاتش مسيو ولات هاكة زيدان حرفية
مريام عضت على فمها قالبة عليه عينيها ~ حم سمح ليا
قرب حداها مراضيش على لبسهاا ولكن معندو ميدير قال مقصح وهوكيدوز ايديه على فمو ~. على شنو غنسمح ليك ها !! درتي بزااف
معرفت تبعد ولا تهرب كان مكاليها معندها مدير رتابكت من نبرة صوتو و قربو لمتلفها بيه ...حطات ايدها واخدة شعرها بين صباعها كتلعب بيه
اما نادية كانت مزال معافرة مع مراد يحطها وهو حالف عليها ولي فراسو فراسو وعاجباه بين يديه معصبة...غادي هازها سابقهم لذاخل ونظرات الكل عليهم سيغتو لبنات لخدامين في البار...ولي كان مصدومين من لعرا والهزة واكثر من ذلك من البنت لغريبة لبين يديه...لي لا لبسها ولا شكلها كيوحيو بلي مولفة على هاد لبلايص..كثر توشيش والغميز بيناتهم وكلشي باغي رابور يكون عندو .. ذخل وحطها فوق فوتاي قاد ليها ظهرها بمخاد صغار ..كانت كتسوط وتنفخ وكتمسح في عينها وتقد في حالتها لي غتكون ترونات مع لبكا.....
اما لالة مريام مزال حاصلة على برا شوية ويلبسها قاميجتو ويغطي صدرها
على طرف فمها تقوليه ونتا مالك وشكون تكون لي تحكم فيا ولايني مقداتش ، كان عاجبها الحال وميتة على حكامو لي غريب عليها ، حسات بالغيرة فعينيه لي جامي عرفتها وزاد كمل ملي مد يدو ليها وقال ~. شدي شدي فيا لتلفي لداخل ولا ترفعي بسباب دوك زوج مترو ل فرجليك
خبات ابتسامتها وشدات فيديه لي حتاضنات ايدها ، الفرحة مع الخلعة مع تقفقيفة شداتها ...دارها قدامو مزير على ايدها كانو محطوطين فوق سرتها ...والايد لوخرا حاطها على جنبها..غادين ملاصقين الظهر على الكرش هي راسمة ضحكة على وجهاا وهو مخنزر حاقد خاسر على مشربن
~~~
الإعجاب المحطة الأساسية لانطلاق قطار الحب ..ففيها تحرق أكوام الفحم والحجارة لتستعر العواطف ..."سيما ويز"
العافية كانت شاعلة فيها وتصرفات مراد كتزيد تمرضها في راسها محملتوش... وغير سيفتو كتعصبها ...وخلاص الا هضر كتبغي تقجو ولكن فاش هزها وتلمس لحمها روحها بغات تخرج ..
مراد مقرب منها هاز بين ايده كاس و فواكه جافة كيكل ويشرب .. ~ عنداك طرطقي تكايسي ليا على راسك
حسات بشي حد جلس حداها كان زيدان لي جلس مجلس مريام فجنبو هاد الاخيرة الموسيقى وشطيح وقفو قطار الخب لي ركبو خيالها وبدات تمايل مع كل نغمة ....طرطق صباعو مكرهش يهرسها من شي جنب ولكن مساعف ... وباش يختاصر غمز مراد يتحذر عندو وقاليه
زيدان ~. جيب داكشي لي قلت ليك ، حيث الگانة مشات
ناض كيتمختر من قدامها عريان غاب للحظات لي تخطف من وراهم الضوء... تسمعت غوتة نادية في الارجاء قالت
نادية ~. اش هاد النحس هادا ؟؟...وشهقة مريام لي تأبطت ذراع زيدان خايفة ~. هء اش واقع ؟؟
جرها لعندو يهديها وهي تلتافت جهتو بغفلة جات حاطة فمها على لحيتوو ...بقى شحال كيتحسس دفئ شفايفها ...هربات وجهها قلبها كيضرب ورعدة شاداها من كرشهاا فور مسمعات انفاسو لكتطلع وتنزل بزربة ..تسمعت في الارجاء اغنية ...اليوم ذا عيد ميلاد ندى ...عقبلة كده لمليون كل سنة ....
نادية حطات ايدها على فمها مصدومة لمحات من بعيد ضو شميعات باين وراهم مراد لي كان هاز الحلوة ...ناضت مريام متناسية الموضوع كتصفق بيديها وكتغني مع الاغنية ...رجع ضوء واغنية مزالة خدامة ومراد كان كيشطح بيدو وكيعب فيها ويقول
لا لا
حطها قدامها واخا مزالة دايرة فيها مغوبشة ومحملاهش وغير كتخنز ...جات لحداها مريام كتنغز فيها وتهمس في وذنها باش تطلقها ..قل صوت الموسيقى وقال مراد ~ يالله تمناي شي امنية باش طفي شمع !! وعنداك تتمنايني
نادية دورت وجها لزيدان باحترام حيت فهمت بلي هو مول الفكرة وقمعتو هو ~ مكانش عليك تعذب راسك "طبطبت على يديه بشكر "
كتفى يهز ليها راسو وفخاطرو كيقول
زيدان ~. لعذاب هو لي معذب دابا
قطعو الحلوة بيناتهم وجا دور الكادوات ..سبقت مريام نايضة كتنقز لحدا زيدان تاخد صاكها مع هزات عينيها لقاتو كيخنزر فيها فيها عاض على فمو هربت من حداه وجبدات لنادية تيكي لطياران الحر حيث عارفاها من نوع ل كيموت على المغامرات اما زيدان عتذر منها وقال ~ عندي مع الكاش اما هاد تواشا خاطيني .. مراد شير لدري بيديه ل مد ليه قرعة شامبانيا مغلفة عطاها ليها وقال
مراد ~ بلما تشكريني عارف ذوقي هارب
رجعو لجو الموسيقى وصخب البار... مراد ناض يشطح ويحيح كيف موالف اما زيدان هز كاسو وتكوانا في القنت لفوطوي مخلي مريام هي ونادية على راحتهم....
نادية ~ ياله نمشيو عيث بزاف ، من خمسة وانا فايقة ودابا جوايه نص ليل عينيا تسدو اختي راكي عارفة ..
نادية من فوق جهدها نطقات مبغاش تخسر ليها الخاطر ~ واخا ولكن نص ساعة بالحساب
غمزتها نايضة كتضحك بلاما تشوف فزيدان ...تمات غادا كتحرك ايديها لفوق وتلوي في خصرها ...شافها مراد وجرها من يديها الوسط حتي غبرت من قدام انظار الشخص لي شوفاتو كانو نارية ، حط لكاس زاعف ودار شاف في نادية مقاد في الجلسة
حرك ليها راسو بواخا كيبرگم ..بغات غتشطح ، واخا نشطحو ، زادو كاس وكاس تاوصل لربعة . تقل في شراب مزياان ...حيد لافيست لاحها فوق الفوطوي وتم غادي كيتمشى بثقالة كتم مقوس حواجبو وعينيه مضيقهم كيقلب بيهم عليها وسط بنادم ...جات قدام انظارو بضحكتها ل واصلة لفين كتدور من قنت لقنت ومراد كيصفق ليها ..محس براسو غير وزيدان شانق عليه جارو من قرفادتو مدورو لعندو ..شدو من الكول وقاليه بحدة ~ غبررر من قدامي !!
معودهاش معاه رجع لعند نادية من جديد يعصبها مكمل على مبداه شافها ناعسة و راسها فوق كتاف شخص مريح حدها ..قلب عينيه بسخط مكتعجبوش ومعندوش معا نوعها ...باغي غير يعصبها ولكن تهضر مع شي واحد بادب ولا تقيسو مكيعجبوش الحال ومخاصوش يشوفها مبتاسمة عاجباه معصبة ..تمشى جهتها وقف عند وجهها بالحق مكايناش هنا . نغز سيد لحاطة كتافها عليه بلما يهضر مكتفى بالاشارة..بعد عليها وهي تميل كالاها بإيدو وكلس حداها حاط راسها على صدرو العاري مرتاح فوق فوطاي وماخاصو خير..ايد كتلعب في شعرها.. بابتسامة نصر فوق شفايفو قال ~رتاحي رتاحي قاليك ناس تاع القانون ..
جبد تلفون من جيبو وبدا كيصور فيها..اول صورة خداها ليها كان بايسها من شعرها وصورة ثانية هاز شعرها فوق وجهو .. خدا البوم هو وياها عاد رجع تلفون لجيبو .. مكانت حاسة بوالو صدقو لقالو نعاس خو الموت واخا صداع والحيحة ولكن هي في خبر كان .. تململت في حضنو حادر عينو فيها....تقادات في النعسة حاطة راسها في ثناية عنقو وايد الاخرى على كتفو باينة معنقاه..
انفسها المنتظمة كضرب فيه خلاتو على اثرها مبورش....بلاما يشعر براسو بعد الشعر على وجهها وتلمس اطرفو نازل لعنقها ..غمض عينيه ورجع نازل شويا لمستوى وجها وطبع قبلة فجبهتها لي حلات عينيها فيهااا
على انغام اغنية سفاري كانت كتشطح ناشطة .. نسات اش هازة من هم وهربات من تفكير فشنو كيستناها باغا تضحك وربي كبير...كتهز في ايدها حتال الفوق وتلوي فخصرها ...عند بالها مزال عاطية مراد بظهرها ...دارت لعندو مادة ايدها ليه كتردد مع الاغنية كومان بوي موڤ دا بودي
وهي تلاقا بعينين هربات من شوفاتهم....كان واااقف مسرح يديه على الكونطوار ومتكي عليه ... عينيه حاضينها كيفاش كتحرك ...وتلوى عليه تم .. دغيا جمعت الضحكة قالبة عينيها بغاات تهرب من حداه تشطح بعيد ...كيف خطات وهي تجر لعندو مزدوحة فوق صدرو القاصح حطات ايدها على عنقو حالة فمها بشهقة خايفة لطيح مع العالي...زاد جرها كثر وكثر من خصرها وزير عليهاا وايدو تانية مزال مسرحة فين كانت...
زيدان عويناتو معسلين وناعسين ،ريحة الشراب عاطية من فمو ، دوا عند شفايفها كيتسارا بعينيه على وجهها ~. شكديييري !!
مريام بعدات ايدها من على عنقو حطاتها على صدرو باغا تهرب من حضنو ومن شنو كتحس ~. حم ، كنشطح مكتشوفش ، "بصوت رقيق "...ممكن تخليني نمشي
حرك راسو بلا ، ورجع شد فيها بجهد غادي للوسط وقال بفحيح~. شطحي ونتي بين يدي !! وعينيك فعيني
كان كيتمشى بيها بالعكس ،خافت تطيح وزادت تعلقات فيه كتقول ~. عنداك غنطييح
زيدان ستقر في البلاصة لي حط عليها عينيه وهمس عند وذنها ~. حتى حاجة خايبة متوقع ليك ونتي معاايا ، مد صبعو لعند وجهاا كيدوز على حنيكاتها لطلعهم صهد وتزنگو ...يالله بداي !!
سكرة لعبات عليه ....وزينهاا وَضّْرو وخلاه مبرهش معاها ومواعيش اش كيدير اما هي جملة تاحاجة متوقع ليك خايبة ونتي معايا ااااه شحال عجباتها وخلاتها تحس بالفراشات طايرين في كرشهاا ...تلفات ليها الهضرة وباش تجاوبو .....اما يدو لي كانت على ظهرهاا مسخاتش بيها ...شدها بيديه بزوج من كتافهااا وهز ايدها ليمنى حاطها على صدرو وميل راسو ليها بمعنى بداي..مقدراتش متبقاش تشوف فيه، احساسها فديك اللحظة لي كان خدام رفعها مزيان وعرف يتحكم فيها ....حس بيها بدات تمايل بين يديه عض على فكوو واقف بثبات ،وكيشوف فيها منشوي.. بدات تحرك في شعرهاا ورجعات شدات فيه مزياان ...شعلاتو بفتيلة وخلات يديه تلقائيا تمشي لشعرها كيلعب بيه
راجل بخبرتو عرف كيفاش يسطر بكلامو مع ووحدة بحالها جاهلة في الحب ...مكان كيشوف فيها بتملك عكسها لي مرة مرة تهرب وجهها من قدامي ويرجع يقابلو معاه
رجع قلبها كيضرب وتوثرات حس بيهاا وكمل عاجبااه وجاتو على گانتو وهي تالفة طلع يديه لجهة عنقها كيدوز عليه ..تبورشت وقفزت وموقفش هنا حد يدو على ذقنها كيشوف في شنايفها لمعذبينو ...عضات عليهم كيف عادتها وهو يقول ~. شنو قلت ليك هااا ؟؟....طول فيهم شوفة وغادي بفمو لعندهاا كيقول ....شنو مبغاش ترااعي ليا ، جهد تقادا وصبر صافي نفذذذذ ..وقبل ميحتلهم سمعو صوت الغوات خلاها تنثر من بين يدييه مخرجة عينيها بخوف ~. هاء ، ناديةة ؟؟
حسات بلمسات خفاااف على عنقها ، ظنات غتكون مريام ولكن ريحة الرجال كانت قوية وختارقت نيفها ..حلت عينيها على شفايفو فوق جبهتها ومن كثرت القضايا لدازو على راسها للحظة جا في بالها مشهد اغتصاب وهي الضحية ...قفزت من حضنو بدون شعور خلعها معرفت راسها باش تبلات ..شدات في قلبها كتنهج وكدور في راسها في الباار كامل مدة قليلة وستدركت الوضع وتفكرت فين هي وشنو جات دير هنا..
كان كيشووف فيها وكيحك على راسو بحال الولد الصغير لي داير شي زبلة وحصلووه ..عرف راسو باسل معاها ولكن معجبوش الموقف لي تحط فيه ومحملش كيفاش دفعاتو....حالو حال اي رجل حس بالنقص ولعن راسو فسرو على هاد التهور لفيه ..
بقات مدة قليلة غير كتستوعب وتاخد انفاسها ويرتاحو دقات قلبها عاد وعات وسرات معاها بلي كان معنقها وكيبوس فيها ..شافت فيه مشربنة وقربت لعندو بنرفزة متناسية الم رجلها ...تلاحت شانقة عليه من عنقو وكتغوت ~ نتا ماشي غير مستهتر ومتهور....لا وحيواااان من الفوق ...واش عارف شكون انا لي تحط عليا ايدك المسخ....واش شفتي راسك في مريا ولا لا ...باشمن حق كتحط قنانفك فوق من جبهتي .."هزات صبعها بتحذير وهو كان غا كيشوف مزبلها وعارف وتا كلمة مغتفكو "...
اخر مرة نخليك تتمادى ودير معايا بحال هاد تصرفات الحيوانية ، انا غنعرفك مقامك و غنصيفطك فين تربى باش تنقص شوية منك هاد الضسارة ..ولا عند بالك بغيتي ديري ليا فيها طيااح لبنات نبغي نقوليك نهار نقرر نكون مع شي حد اكيد مغنكونش مع شمكار حياتو كاملة في البيران والدريات ..كلامها كان قاصح وبزاف وخصوصا عليه هو حياتو مدازتش في البيران والشراب وزهو كيفما مفكرة حياتو كانت كلها عذاب في عذاب ..
حيد ايدها من عنقو بنثرة وقال وهو كيشوفيها بحدة والغضب باين فعينيه حجبانو معقودين وعروقو باينين ~ .هاد ولد البيران وعد حر من عندو غادي تولي تموتي عليه
دفعهااا بجهد جات مريحة فوق الفوتاي ..الحركة لزادت شعلتها اكثر واكثر وحيت لكل فعل ردة فعل تعماو ليها العينين ومبقى كيبان ليها والو قدامها من غير القرعة لجاب ليها كادو خداتها وشيرات بيها عليه
تعماو ليها العينين وحسات بالشمتة...ستفزها بما يكفي هاد ليلة ومبقات قادا تصبر مبانت ليها غا قرعة شامبانيا لي جاب هزتها وشيرات بيها عليه ناسية راسها وشكون هي واش غيوقع ليها ..... لحسن حظها مجاتش فيه كانت اسرع وطاكاها بيدو مبعدها على ناس لي كانو فجنبو ...لعقها فيدو ودماياتو زادو ....البار ترون وصداع علا مريام جات كتجري ملي سمعات صوت نادية بان ليها الزاج مشتت في الارض بقات كتشوف وكتقرا في ملامح بنت خالتها تفهم منها ...حسات بيد زيدان على ظهرها وهو كيقول ~. عنداااااك ردي البال فين كتحطي رجليك ...
بنت البار كانت مقصرة وخدامة ومفوتة حبة طار عليها الزاج وهي تجي كتغوت جايا قاصدة نادية لي عرفتها مولات الفعلة من شوفات الناس ليها هاد الاخيرة هزات صااكها بغات تخرج هربانة من كلشي وهي تجرها لبنت من ايدها نازلة عليها بتصرفيقة لايحاها على الفوطوي باغا تنتفها...مقطعة ومعيطة على الاص اش غنتسناو منها ..تجرت من شعرهاا بجهد كان مراد لي مدازتوش نفسو يخليها تحت من يد بنت الكباري لي عارفهم مزيان
حطات مريام ايدها على فمها بشهقة مبقات فاهمة اش وقع مشات كتجري لعند نادية كتطمىن عليها وكتلعن راسها مية مرة لي فكرت فشي عيد ميلاد
مريام كتشوف ليها فوجهاا لي كان حمر ~. واش نتي بخير
زيدان نتابه لايد مراد لي كتنزف ..غمض عينه بغضب جاي يهرس روتين سيمانة ساعة هرس راسو .. تحدر عندو شاد ليه في ايدو ..
زيدان ~. مالك معامن ضربتي وشنو واقع هناااا ، عاد خليتك مزياان
مجاوبوش كتفى يحرك راسو لجهة نادية لكانت حالتها تبقى في العدو شعر مخربق وكتمسح دم على نيفها لي رعف دموع كانو هابطين حاسة بالحرقة كانت معنقاها مريام كتسكت فيها ~. مالك اختي ، قزلي ليا اشواقع
ناديةكتنخصص وتهضر ~ قلت ليك نمشيييو قلتهاااااا
مريام بدات تلوم فراسها من جديد هزات صيكانهم وعونتها توقف ~. نوضي يالله نمشيو فحالنا ...
شللهم صوت مراد لقوي على الحركة ...كان كيغوت ودم كيقطر من يدو ~ بربي لا تحرك شي حد من هنا حتى يحضر البوليس .
كلمة البوليس نزلت عليها بحال الصاعقة زعزعت من الداخل ...قلبها بدا يضرب ...داز شريط مر قدام عينيها شافت فيه خدمتها غادا للهاوية ، قدر يقلب ليه الموازين ويولي المظلوم بعد مكان ظالم ...رفعت عينها بدموع فيه وهو يشوف بالتحدي ونطق بغل ~كاع كنعرفو لقانون المحامية ديالنا
زيدان ضرب يد بختها مزال كيلعن لعن راسو على هاد ليلة لي مسالات حتى غتصيفط شي لحبس شي لسبيطار ، عرق فراسو بدا يضرب ..مسح على وجهوو ومرر ايدو على عنقو مطلعها لراسو كيماصي فيه وكيفكر فحل يسالي بيه هاد روينة...قربت منو مريام بترجي ~ زيداان دوي معاه اشمن بوليس واش بغى يخرج عليها ،مالها شدارت
امر الخدامة يتكلفو بناس ومراد دور وجهو للبنت لي تلاحت على نادية كيغوت عليها ~ قوديي بحالك ليوم عتابريه لخر عندك هناااا ....ماشي هاكظا كنتعاملو مع الكليان ...بغات تطلب وهو يزعف عليها ~ قلت ليك غبري ...
مشات والمجمع تفرتك بقاو غير بيناتهم ..
زيدان حاط يدو على جنبو وقال بتساؤل ~ يالله طلقونا اس وقع هناا ؟؟ نقز مراد
مراد ~ والو السيدة فوتات في الشراب وبدات تشير علينا في القراعي عند بالها الورد
زيدان غوت عليه حتى ترد صوت ~ مرااااد هضر بلا تفليا
مراد ~ واصحبي لقيتها ناعسة على كتف واحد السيد وملي عرفني معاها ناض وخلاها وحيت انا جنتلماان وعزيز عليا لخير هزيت راسها على كتفي ونعستها هادشي ل وقع سيدة فاقت معرت اش كتسحابني غادي ندير ليها بحالا انا محروم
تدخلت بعنف كشاكشها خارجين ~ مالك كذاب ،قوليهم لقيتك كتبوس فيا ،ستغل نعاسي موعيتش على راسي دار مبغى
مراد بتحذير ~ هذا راه الاتهام خطير ...عندك شي دليل الالة ولا غير كتحطي الباطل
نادية كتشوف في زيدان مبقلتش قادة تتحمل ~ عفاااك عفاااك على وجه لمعرفة لي بيناتنا دينا فحالنا من هنا
نقز مراااد مخرج عينيه وكيوريها يدو ~ فين غيديك هااه...وهاد الايد لي فارعة والمحل لي نوضتي فيه الحيحة ..
قاطعو بامر ~ ..تگعد نخيطو ليك ايدك بعدا هي لولة قبل منصدقو نقلبو ليك على الدم .."بدا يسب تحت منو " ليلة كانت بااينة من بديتها....ساط بسخط وهز جاكيتو .. مريام عونات نادية توقف وتستجمع نفسها واخا رجلها كتصدع فيها كابرت محاساش بحر صداع باغا غير تخرج من هنا ...
حل طوموبيل من بعيد مشى ليها مراد هو اللول ركب لقدام ...حل زيدان الباب اللوراني طلعات نادية بغات تبعها مريام وهو يدورها عندو ...وجها كان باين عليه لعيا مسح على شعرها وقال ~. مزال مفلتي مني الغزالة
الحب أقوى من أي إتفاق الجزء الثاني
محتوى القصة
التنقل بين الأجزاء