لا هو عيط ولا صيفط مسااج مخليها مهمومة وكتشوى يومين وهي كتمشي لشركة باش تلاقا بيه ويشرح ليها مكتلقاهمش ،عيات تخلق ليه اعذار حتى متلات لقات ... مبقات تنعس كيف ناس ولا تاكل بحالهم ..راسها كيتبخ ويألف ويفصل ويخيط.
الحزن طغى على عينيهاا وبان فيهم ....تكون جالسة مع نادية حتى تسهى وتخليها بوحدها داوية ...مرة تنهد مرة تبكي وفكل مرة فيهم كتحس بقلبها كيضرهاا بزاف ونفس كطلع وتنزل صحة شهية هربات والخاطر عالم بيه غا الله والخايبة فهادشي كاملة مقاداش تعاود لحتى واحد وتقوليه شنو عندها ولا اش كيعگرها ...ناضت من فوق لمخدة لي شحال منعسات مرتاحة عليها ديريكت لحمام غسلت ورجعت لبست بلا خاطر دارت ايكخون وخرجاات جهد معندهاش ولگانة كثر
بصوت شبه مسموع صبحات على مها وباها وجلسات تشوف في طبسيلها ويشوف فيها ومرة مرة تلوح دغمة ففمها وبزز تسرطها
مريام تنهدات بصوت مسموووع وطلعات آآآآه معگورة من لداخل ~. هاا لا لا صافي شبعت انا غنمشي بسلامة عليكم..
مشات وخلات قلب مها مشوش على حالتها لي كتبكي ..ضنات بلي سبابها هو زواج لي فارض. عليها باها من عدنان داكشي علاش خلاتها تا خرجات وقررات تفضي معااه المشكيل حيت تقيسها فعينيها ومتقيسها فيها
نزهة ~. كمال قبل متخرج لخدمتك بغيت ندوي معاك ؟؟
كمال كمل كاسو تاع اتاي ووقف ~. خدام خلي تا نزرجع في لعشية !!
نزهة وقفات تاهيا مصممة ~. مكاينش لعشية دابا هي دابا
كمال مخنزر~. من امتى كتعارضي هضرتي ؟
نزهة بحرقة ~. من ولات بنتي قدامي ذابلة ، ممحسوبة على ميتين ولا لحيين ، مبقات تدوي ولا تضحك كيف كانت واش هادي ماشي بنتك تانتا ، شنو مترضش ليها لبال
كمال مشى قدام لمرايا كيقاد حوايجو ~. مالها اش غيكون عندها ، واكلة شاربة مكسية بطوموبيلتها بغات لفلوس نعطيهم ليها ، لعيشة لي تحلم بيها اي وحدة بحالها عايشاها اش بغات كثر ؟؟
نزهة ~. بغات تزوج لي كتبغي ويبغيها ماشي لي تبززو عليها ، راك باغي تدفن بنتك حية بيديك وهادشي لي مغنخليكش ديرو
دار شاف فيها مخنز ~ اش عندك مديري ،"بتحذير " شوفي .. لكلمة عطيتها لسيد ونبينا عليه السلام
نزهة بغات تشد ليه فيدو وتنثر منها ~. زواج لمعرفة والمصلحة ممنوش اكمال يهديك الله
كمال غوت بانفعال غوجهها ~ وعلاااش نتي قبلتي بيه لمرة اللولة وتزوجتي بيا وعارفاني مكنبغيكش غير با وباك لي تافقو ؟؟
نزهة بأسى وعينين مدمعين ~. قبلت حيت كنت كنبغيك وكنقول شي نهار غتقرب مني وتبغيني ولكن كنت غالطة نهار على خوه كتبعد وتبرد من جهتي ..ندمتتت بزاااف لي قبلت بيك ...حيت ضيعت حياتي وانا كنتسناك من شراجم ترجع لدار
كون كانت لمخدة كتدوي كانت تقوليك شحال بكيت عليك حتى مشى شبابي وشبت ونتا بقيتي على نفس الحال وما تبدلتي..
هي كتبكي من برا ومن لداخل وهو قلبو قصاح وولا حجر متاثرش شافيها ودوا قاصح ~. وعمرك تسنايني نبغيك حيت قلبي مات نهار تزوجتك ،ودابا فضينا من هاد سيرة لملاوطة وحيدييي من قدامي نمشي نشوف صوالحي ...
دفعها وخرج لخدمتو لي خدات وقتو وكرس ليها حياتو نهار تخلى على حب حياتو
وصلات لشركة لي ولات كتبان فعينيها خايبة ومضلمة ومافيها ميتشاف بلا بيه ، بزز كتضحك مع لي ضحك ليها ،ولي ميك كتكون طالبة عليها
من برا كتبان هي هي مريام لبنت زوينة لي باغا تخدم وتتحدى .. ومن لداخل بقات فيها غا سمية وشي لاخور بدا يتلاشى وروحها طفات..
غدا لبلاصتها وعينيها عند بيروه بان ليها مطرق كيف هادي يومين ..جلسات كتجمع شعرها وهي توقف عليها زهور وفيديها ورقة
زهور ~. زين لغزالة لفنون على سلامتك وسعداتك تهنيتي من لفياق بكري
مريام هزات فيها عينيها بتساؤل ~. علاش شنو وقع ؟؟
زهور مدات ليها الورقة ~ تقدري تعتابري راسك من دابا ساليتي سطاج ، وهادي اتيسطاسيون من عند سي زيدان وراه كاتب ليك تما شي توصيات لي تخلي اي شركة تشدك بعينيها مغمضين ،تمات غادا وهي ترجع قالت ليها ~ وقبل مننسى قاليك الا ساليتي تصميم المشروع حطيه في مدرسة لي كنتي فيها بحالك بحال تلامذ باش يصحو وينقط ليك و...
مخلاتهاش تكمل قطعات الورقة لي عطاتها قدامها وهزات صاكها غادا ايديها على فمها كتبكي
عشرة دمعات من لعين وتشهق بصوت مسموع ....كلشي كان كيشوف فيها عطاتهم بظهرها ووقفات كتسنى باب لاساسنور يتحل ،ايدها كترعد وذاتها كتغزل غير تحل لباب دخلات بجرا تخبات من عينيهم وتخبطات مع شخص كان راكب فيه
مريام بصوت متقطع ~. سم سمحليا عفاك
وقف المصعد باغي يعاونها ~. مدموزيل واش نتي بخير ، شدها من ظهرها تنفسي تنفسي
وقفاتو بيديها وكليكات على رمز الطابق الارضي باغا تخرج فاسرع وقت
مريام كتمسح في دموع وكيزيد. يتكبو ~. انا مزيان عفاك خاصني نخرج من هنااا
مد ليها قرعة لما تشرب ومرة مرة يسول فيها واش ازماتيك ولا عندها شي مشكل
مكانت قادة تجاوبو ، صدرها كيطلع وينزل تنخقات بالمعقول ووجها عام بدموعها كتحرك غير راسها ليه ...غير تحل المصعد خرجات كتجري ركبات طوموبيلتها وتحركات من تم
لأقرب بلاصة خاوية تبكي على خاطرها
~
دازت يومين على اخر لقاء بينها وبين مراد اما عماد قرا المساج وجوبها ب "غادي نرجعك ليا غادي نرجعك " خالاتو مساجو معلق وارشيفات نمرتو ،تنسات الامر بين القضايا وجري من هنا لهنا شريك زيدان كان جا وخصها توجد الوراق وتسالي ليه حيت علاقتها بيه مزيانة ، كترافقو گاع ايام لي كيجلسهم في المغرب يخرجو بزوج تعرض عليه وهو كذلك ..كانت غادية شادة الطريق كيف عادتها راجعة من المحكمة طالع ليها دم حيث خسرت قضية ، رابطة غوبشتها ومعصبة باغة طرطق غير بوحدها ..هذا حالها فاش كتخسر شي قضية كتبغي تموت من القهر ..صونا ليها تلفون بلما تشوف
نادية ~الووو .....صوت مغريبش عليها وغير نطق عرفاتو من داريجتو لمعكلة....
جيمس ~. نادياااااا لاباس عليك توحشتك !!
نادية لكيت فوذنيها وتركيزها مع طريق ~ اووه موسيو جيمس مرحباا توحشناك صافا امتى جيتي لمغرب
جيمس ~ نهار ونص دابا، ونتي مزيان مهم بغيت نقوليك انا عارض عليك ليوما لعشى منها نشووفك
طلعات لبيتها وسدات عليها كانت كتحيد حوايجها بزعف وتلوح فيهم فين ما والا مضاربة مع ايديها ومعصبينها رجليها والا تعكسات ليها الصدفة تبكي عليها ...دخلات غسلات وجهها ورجعات معنقة مخدتها وكتفكرر وتحلل لكلام لي وصلها منوو
ويبقى أسوء إبتلاء هو إبتلاء التفكير، كأن تكون شخصً مدمنًا للتفاصيل وتحليل الكلام
جالس في طوموبيل محيد لافيست حاكها في الكرسي لي حداه ومرجع لكرسي اللور راخي راسو عليك ، لگارو كان بين صباعو يسف وينفخ ..معندوش مع نيكوتين بزاف ولكن من كتكون واصلة بيه لعظم كيمشي ليه نيشاان ، كمى كثر من زوج گوارو عاد حبس ، طلع زاج وهز لافيست ونزل من طوموبيل... كان واقف قدام عيادة دكتور معلاوي اختصاصي أمرااض النفسية والعقلية قاد حوايجو غادي بارم حجبانو كان رافض هاد الخطوة لي غيدير ولكن معندوش لحل، دخل بلاما يستنى ديجا واخد موعد تبادلو تحية وجلس حاط يدو على ذقنو وقال بصوت عياان
تنهد بصوت مسمووع وقال ~. مبقاتش بغى تشرب دوا والخطر تزاد عليها فدار وحالتها كتسوء نهار على خوه ..
- رأيي كاختصاصي قلتو ليك داك نهار هاد الخطوة لي باغي دير نتا دابا كان خاصها دار قبل اعوام ..كانت غتكون دابا اقل خطر على راسهاا
زيدان كيحك على ذقنو وكيشوف في الفراغ ويدوي ~. صعيب تخلى على شي حد فهاد لبلاصة جربنا ما مرة ما زوج ومقدرناش
-بتساؤل ~. وداابا ؟؟
زيدااان جمع الوقفة ~. فأقرب وقت غنجيبها عندك لمصحةة وجد ليها شاامبر ومنحتاجش نوصيك ...
فوق من خاطرو قال كلامو وخرج ، حالة صباح كتزفت وهو كيشوف دوا مكتشربوش والماكلة قطعتها وكل مرة وشنو كدير فراسهااا ، عارف حالتها ولات صعيب تشافا حيت فات لفوت ولكن كتبقى المصحة اكثر امان من الدار،حيت كاين لي يقابلها ويرد بالو ليها وغادي تعامل مع ناس مختصين وقارين على هاد المجال قرار صعيب يتخاد ولكن ما بيد حيلة...رجع ركب طوموبيلتو وكسيرة لعند مراد باغي يتناسااا
~~~
مشى نهار وجا بلاصتو ليل ل كلها وكيف مدوزو
نزهة ضاق بيها الحال وملقات قدامها غا نادية لي تعرف شنو عند بنتها عيطات ليها وهاد الاخيرة دغيا جاات ولحات عليها حتى تعرف شنو بيها
نادية بإصرار ~. مغاداش منها حتى نعرف مالك ، تي شنو عندك من امتى كتخبي عليا ؟؟
مريام تقادات في الجلسة ودارت مخدة قدامها وتنهدات ~. نادية انا. كنبغي زيدان " قالتها واجهشت بالبكا خلات لوخرا حالة فمها ممتيقاش ~. اشنوووو ؟؟ ومن امتى هادشي ، تي سكتي باراكا من لبكى وفهميني
مريام كتنخصص ~. اش غنفهمك واش هادشي صعيب لهاد درجة راه باينة انا طحت على زنافري فواحد اناني هامو غا راسو
نادية تقادات في الجلسة ~. دابا غا بالعقل ، واش كتبغيه من بعيد لبعيد ولا هو عارف
مريام قاطعتها ~. شوفي علاقتنا فشكل انا معارفة فداك سيد والو كل مرة كيكون فحال
نادية مخنزرة فيها ~. ايوا واش لاحك اختي وملي معارفة فيه والو اش داك تبغيه
مريام عينيها طابو بالبكى ~. بزااااااااااااااف ديال لحوايج خلاوني نبغييه ، صعيب تحسي بيا ولكن الا قلت ليك داك سيد عوضني فبزاف ثيقي ،عمرني مجربت شعور شي حد يحامي عليييا ويجي مني حتى جربتو معاه ، عمر شي حد هتم لادق تفاصيل ديالي وسمع ليا بلاما يمل ونصحني وهتم بيا حتا ليه هوخرجني وبرعني ودلعني وحسيت بين يديه براسي بنت زوينة وانثى كاملة مكمولة ، تصرفاتو وهضرتو خلاتني نطيح فيه كيف لعمية ونبغيييه
نادية شدات ليها فيديها مزيرة عليها ~. اجييي يااكما طرات بيناتكم شي حاجة
مريام بنفي ناكرة شنو وقع فمراكش ~ لا لا موقع والو وعمرو غيوقع
نادية بعدم فهم ~. ايوا ومالك كتبكي ودايرة جنازة شنو وقع
مريام شادة راسها بين يديها ~. زيدان كيبعد عليا ومعرفتش علاش ، كنحس بيه غا كيسايرني ومكيبغينيش تصوري يومين مشفتو ولا سمعت صوتو كنعيط ليه يا اما مكيجاوبش ولا تليفون طافي وهاد صباح مخلي ليا اتيسطاسيون مع زهور بحالي بحال اي وحدة
نادية تعصبات ~. يمشي يتنبگ اش بغيتي بيه ولاش تعيطي ليه الا قلب قلبي والا رجع يتملحس سمعيه خل وذنيه واش نتي باقا صغيرة لي غنقريك ...راه رجال هما هادو غير يشوفو درية تابعاهم يتكبرو اما الا نخلتيهم يجريو وراك ..."بتنبيه". شوفي نقوليك اللهم تبكي دابا دموع ولا تبكي من بعد دم ، داك سيد ميصلاحش ليك عمرو جاي لربعين عام متزوج متعرفي اش تحت راسو غيجي تال لعندك ويتقاد عطيه تيسااع كتسمعيي بعدي منو !!
اول ليلة دازت عليه في الدار لا سهير لا شطيح لا شراب غير قهوة كحلة و الگارو ... يكمي و يبخ الليل كولو وهو عين وحدة وراس يديه وواحد خر يجيبو ... حس براسو العافية شاعلة فيييه وداتو سخنت و زندت مزيان ...حيد حوايجووو كلهم بقى غير بالكالسو و قصد البالكوون لي كان على برا كيف حط عليه يديه بغى يحلو لقاو مسدود و حتى الساقطة محلاتو ... بقى يسب و يتعافر معاه حتى طرطقو و دخل ليه مخلي لهوى يضرب فيه معصب مزيان وجيبو خوا وخوه معتقوش قال كلامو ووفى بيه ... هز الكاس لي فيديه حتى السما و خبطو مع الارض و تم خارج قاصد بيتو ... غير دخل ليه لقى هناء تتنعس في بنتها وهو يعقدهم
نصر ~الشريفة هزي بنتك حطيها في بلاصتها ...
هناء بلا تا كلمة وكيف ديما حادرة الراس هزت بنتها و حطتها في فراشها يا لاه غتغطيها ما حسيت غير بالجلدة ديال راسها غطير ... كان نصر لي ما لقى فين يبرد جنونو ما لقاها غير هي قدامو يبرد فيها جنونو وكبتو .. لاحها على ناموسية هلكها ضرب وممارسة اما هي كانت كتنين مغمضة عينيها وعاطياه الگسدة يسلخ فيها وكتبكي حتى دمووعها عمرو لمخدةة وماااشي بووحدها فديك ليلة وفديك دار لي كانت كتبكي
فغرفة صباح لي كانت حاطا راسها على لمخدة مغمضة عينيها وكل مرة كتميل راسها وتحركو لجيه.. لي يشوفها ناعسة يقول معندها والو والله نعم عليها بالصحة و العافية ... غرقت في نومها وعاشت في احلامهاا ورجع بيها عقلها لنهار فرحهاا وبضبط لنهار ل كانت غتكون فيه أميرة وسط عائلتها وناسها ... الضحكة كانت مرسومة على وجها و غير تتشير في البوسات فرحانة و مقاداها فرحة علاش لا وهادا نهار الحنة ديالها ... كانت مادة يديها ورجليها لنقاشة تفنن ليها فيهم ... عقلها فيه غير هي و محبوبها و لي اخيرا غتجمع معاه وسط دار وحدة و مكاينش لي يحيدو ليها طغى عليها العشق و لعب ليها على حياتهاا ولات رابطة راسها بيه و كأنو الماء لي كتروي عطشها بيه ... تتشوف يديها تزينو ليه ورجليها حناتهم لييه ... شطحات وردحات ولفرحها زغرتات ... بعد ما طوال عليها الوقت شافتو تعطل و خبارو ما وصلت يا الله غتهز تليفونها تعيط ليه و تعرف خبارو وفين هو حتى كيسبقها ويعيط ليها غير شافت سميتو طارت و نزلت بالفرحة
صباح ..." جوباتو و متلهفة لصوتو وصورتو تشوفو قدامها " ... حبيبي توحشتك راني كملت الحنة و كرمات ليا ولكن غنتسناك حتى تجي عاد نحيدها بغيتك تشوفها فيا وهي هكا
- تنهد ، صباااح سيري لبلاصة خاوية بغيت ندوي معاك
صباح بدا تحرك فمومو عينيها بزربة ~. علاش شنو واقع انا ؟؟
- ديري لي قلت ليك
عفسات على رجليها وتسللات مبعدة من ضرب اللعابات ~. هانا ماالك واش وقعات ليكم شي حاجة خايبة فطريق " حطات يديها على قلبها بخوف " واااااش نتا بخير يااك مكرات ليك والو ؟؟
حتى وحدة متبغي ذوق من نفس الكاس لي شربت منو صباح ....صعيبة وبزاف تكوني تخطي وتسناي نهار فرحك ويتحول فرمشة عين لقرحك ...كل وحدة وكيف كتقدر تقبل صدمتها كاين لي كتبكي وكاين لي كتصبر كاين لي كتنتاحر وكاين لي كتسطى ، وهي جمعتهم كاملين ماعادة صبر لي مقداتش عليه حيت لي حلماتو معاه عمرها ضناتو يتبخر ، عمرها فكرت بلي كمال بالحاج دري لي كان كيحماق عليها من اول نهار دخلات فيها لكلية شحال تبعها وحفى سباطو عليها ، وملي شافت فيه وحلات ليه قلبها وبغاتو كيف بغاها جابهاا لنهاار عرسها ومشى وخلاها ، اعذار دنيا ودين ميبرروش لي دار بنسبة ليها ،
كانت كيف لوردة وسط الجنان زين وطولة وشعر مسبسب لي شافها يحماق عليها كان لكبير وصغير يفهى فيها ..والديها دايرين ليها كيف لما لقليل ونهار كتاب لي تقدر عليها مصبروش على حالتها وداو كيتهها فقلبهم وماتو وتما كملات لباهية ولات مرة تعقل وعشرة لا حتى مشى لعقل فخطرة ...
فاقت كتبكي وكتحير بشعرها حاطا يديها على وذنيها وكتنين
خرجات من بيتها كانت لابسة بيجامة وشعرها مطلوق كحل ورا ظهرها وجها صفر وعينين حمرين ومنفوخين بالبكى ، ضرب فيها برد جاي من لبالكون لي بقى محلول وتنهدات براحة كطلع في صدرها وتنزل تمات غادا كتجر ليه رجليهااا
وتمسح فدموعها كلشي كان ناعس ولا من داها فيها وبسباب نصر لباب لي عمرو تحل على ودها هاهو مشرع قدام عينيها
~~.
جاي سايق وحاس بدنيا سايگاه معاها ، طريق خاوية وهو عافط منير مخرج يديه من شرجم ولوخرا على لفولون باغي امتى يوصل لدار ويحط راس
هاد لمرة مثقلش فشراب حيت معندو ليه گانة ...دخل من باب لفيلا براكا طوموبيل وتم نازل لايح لافيست على كتافو حتى تصدم من لي كيشوف قدامو ضيق عينيه كيتأكد كانت هي كتشير ليه وتضحك
صباح طلعات فوق لحديدات باغا تنزل لعندو ~. زيدان وقف وقف ديني معااااك نضوور انا هابطةةة بغيتك تشري ليا
تصعق مبقى عارف ميدير واش يطلع ولا يوقف حاول يدوي معاها ومسمعاتوش
زيدان بالغوات ~. صبااااااح عمتيييي لاااااااااا
وداعا ايتها الحياة
بيبان لفيلا محلولين ، ريحة لعود والبخورة معطرة لمكان وصوت القران كان مسموع من بعيد وناس داخلة خارجة كتعزي ، فقلب الصالون كانت جالسة نادية ومريام بجلالب ولايحين عليهم شيلان فجنبهم كانت مينة وهناء وشي بنات من شركة
كلشي ساكت حيت بحال هاد لوقات مكيبقى ميتقال
تحطو صواني على حقهم وطريقهم ودوازهم مرافق ليهم دايزو لكلام...مينة متأثرة بموت صباح سوا كانت بعقلها ولا بلاش كتبقى كانت معمرة عليهم وبلاصتها كاينة فدار وحسها مسمووع ..
نغزات مريام نادية باش ينوضو وقبل ميخرجو رجعو سلمو عليها
نادية بايد كطبطب على يديها ~ خالتي الله يجعلها من حوريات الجنة ربي يصبركم
صباح تقدَّر عليها من نهار تولدات تعيش وتشوف ما داز عليها وتموت بحال هاد الموتة عياو يردو معاها لبال حيت ما مرة ما زوج حاولات ديرها وتعتقات حتال هاد المرة ماتت بين يدين زيدان اكثر شخص كيبغيها..
لوقت لي تعلات فيه صباح ونقزات بيه عينيه تعرض ليها باغي يعتقها ويحميها بالحق مقدرش ،جات طايحة عليه كلاها في كتفو وماتت ليه ، فراقها جااه صعييب وصورتها وهي جامدة ودمها دايز مبغاش تمشي من بالو اثرت فيه بزاف ، لدرجة دفنها وغبر ليه الاثر هااارب من كلشي
خارجة مسندة على نادية وكتقلب عليه بعينيها على وعسى تشوفو باغا تهضر معاه وتواسيه وتوقف فجنبو فهاد الوقت
مريام بحزن ~ فين غيكون مشى ؟؟
نادية عينيها على مراد لي واقف مع شي رجال ~. وشكون عرف علم الله بحالو مسكين ...تنهدات على اثر هاد الكلمة قلبها ضارهاا، تمنات غا تشوفو فهاد اللحظة ولي بغى يوقع يوقع
تشكراتو وهربات من هضرة نادية دغيا ركبات في طوموبيل وحتى لوخرا محكراتش حيت ماشي وقتو بتاتا
القلب ملي كيبغي لعقل كيغيب وكيخلي مولاه يدير المستحيل على ود محبوبو ،مريام نسات بلي زيدان خلاها فمراكش ونزل وتغضات على موضوع الشركة بينها وبين راسها ختالقت ليه اعذار وبررت تصرفاتو لنادية ،كانت باغا تشوفو وربي كبير حاسة راسها كتالم كثر منو بغى توقف معاه تعنقو مستعدة دير اي حاجة وتخفف من همو
نادية مكان عندها تا شي حل من غير انها تمشي معاها.. خلاو تادازو شي ايام وخواطر بردات عاد جا ليهم مراد بطوموبيل هزهم وداهم ،
مرة تقول لمها غادا على خدمة مرة انا مع نادية مهتماتش مهم تشوفو قدامها
شدو طريق وقصدو فيرمة في الخرجة تاع كازا ، كانت طول بعرض خضورة ومنظر زين ،بلاصة الخيل بوحدها ولي تشهاتو نفس تلقاه مزروع فيها ، كان جالس برا كتفو مجموع بسمطة ناشر رجليه فوق كرسي وجالس على واحد اخور ، فوق طبلة كانت لبريكة ولگارو فقط يسالي واحد يشعل لاخور
فمو زراگ وتحت عينيه ولا كحل ، لحيتوو تخربقات وشعرو تغووفل ....خاطرو كان ضارو بزااف وكتافو طايحين عليه حاس بدنيا شمتاتو ودات منو عز معندو ،عيا يعاتب راسو علاش خرج سهر ومرجعش قبل نسى بلي هذا قضااء وقدر
دور راسو جهة الباب بانت ليه طوموبيل مراد داخلة رجع شاف قدامو ضن بلي غا هو حتى لمح ناس اخرين معاه من بعيد مفرزش مزيان ، عقد غوباشتو وسخط على الوضع كيسب فيه فسرو وزاد طلعت ليه شاربونة مزيان ملي بانت ليه مريام نزلات
وقف زاعف قالب طبلة وتم داخل بغات تبعو وهي تحس بيد جرتها بجهد
نادية مغددة~ شفتي على عينيك ياك جاني غا حشم اما يصيفطها ليناا لوجه
معندهاش ليه الجهد والگانة باش تشاد معاه بقات ساكتة وهو مجمع مع مريام ...وقت قصير وسمعو صوت تحنين رجالي جاي من بعيد كان هو مبدل وجاي شعرو مزال سارد ..مراد نغز نادية من يديها باش تنوض وقال ~. تعالي تعالي نوريك بنتي !!
نادية ضيقت عينيها ~ بنتك !!
جرها من يديها صحةة حتى وقفت دارت وحات عينيها في زيدان لي هز ليها راسو بمعنى سلام وهي تقول
نادية مدت ليه ايدها ~. موسيو زيداان لبركة فراسك
كتفى يجاوب بعينيه فقط وقال ~. امور الخدمة بخير مكاين حتى مشكيل
مراد جرها من يدها ~. ماشي وقت الخدمة دابا اصحبي هاحنا راجعين
ملي شافتو رجعت فيها الروح ونسات شنو دار معاها تماما كانت موحشاه بزااف ومحتاجاه تلاحت عليه عنقاتو بلاما تحس وغير حطت يديها على ضهرو مكرهاتش تبقى هاكداك غير هي وياه الراس فراس... طلبات الله و هزات راسها ليه باش حزنو يولي ليها وهادشي كولو سببو العشق لي كيجي ورا الحب وهو صعب منو بزااف ...
اما هو ردة فعلو كانت ناقصة ودقتها صعيبة على قلبها بعدها عليه بلباقة بوجه خالي من اي تعبير و ببرود في الحركة تقول جماد ماشي انسان شافيها بعيون غايبة بحالا كيشوف فبنت عادية ماشي فبنت عطاتو قلبها وتاقت فيه وبغاتو بلا شوار راسها ... خلاها واقفة و مشا كحز الكرسي وجلس حاط مرفقو عليه و يديه على فمو كيشوفيها..
وقفات تتشوف قدامها و يديها ترخاو من الحركة معرفاتش هذا لي قدامها ماشي زيدان لي كان كيقربها منو ويبوسها ويعنقهاا سرحات شوية في تصرفاتو السابقة معاها ما فيقها من سهوتها غير الريح لي ضرب فيها ... مسحت على وجها وتنهدات بقلة حيلة دايرة لعندو ودارت مدار جرت كرسيها و جلست قدامو مشابكة يديها ...
مريام بأسى ~ حم لبركة في راسك و الله يعوض محبتها بالصبر ، بقات فيا بزاف واخا مكنعرفهاش الله يرحمها ويوسع عليهاا
زيدان بدا يحك على راسو لي تزير عليه ~ ...من بعد امريم ماشي دابا وماشي وقتو
"جمع الوقفة " ...عزاك وصلني نرضها ليك فلقريب
عكاها بظهرو وتم داخل وخلاها واقفة وراه مصدومة كتبكي وكتحس براسها كيدور ودنيا كتمشي وتجي بيها رجليها فشلو عليها جات تشد في الكرسي تستند عليه طاحت فاقدة لوعي قبل متقرب منو سمع صوت الخبطة وهو يدور غير بانت ليه طايحة فالارض محس براسو تاا جرا لعندهاا
زيدان كيتعافر يهز فيها مهاموش كتفو لموعت فيه دخلها لداخل صحة علض على فمو من صداع لي عطاتو يدو حكها على فوطوي ومشى جاب شوية لما بدا يمسح على وجها وعنقها كيفيق فيها~. مرياام ،مريااام كتسمعيني !!
مريام بإصرار ناضت ~. لا غير خليني نوض معندي منبقى جالسة ندير هناا كنحس براسي تخنقت هء هء
بدا يمسح على راسو معصب معندوش مع هادشي تاع لعيالات ولا تبدا تبكيه عليه شي وحدة
زيدان بعصبية ~. واش سلختك هاا؟؟ علاش كتبكي ودايرة هاد الحالة كاملة على والو
مريام عينيها سردو وحمارو ونيفها حتى هو مسحت جناب عينيها وقالت~ هادشي لي درتي عندك والو يااك ،مرة تعنق فيا مرة تقمع ،مرة تبوس مرة تنخل ..لعبة انا بين يديك كتعامل معايا على حساب گانتك
زيدان شد فيدها ~. شووفي اي حاجة كنديرها الا وعندي ليها سبب
زيدان بدا يحرك في كتفو موعت وقال ~ واخا انا نستناك هنا كلشي عندك تم فوق طبلة
~~
فبلاصة تانية فنفس الفيرمة وحدين مكاين غا شد ليا نقطع ليك يقوليها كلمة تعطيه عشرة يجي يضحك معاها تهجرو ليه وهو عاجبو الحال وحتى هي بدا تطلق شوية بشوية حيت ولفات على طباعو ...كانو واقفين في اسطبل الخيل كيوريها كل واحد ويشرح ليها حتى وقفها حدا وحدة بالابيض نوع البرگي سبحان الخالق عالية وغزالة شافتها نادية وحلات فمها
مراد جلس ليها تما فواحد العتبة ~. خلي ناس طرونكيل ،محرماها على راسك وتحرميها تا عليهم
نادية رمقاتو بتخنزيرة ~ مالهم شكيديرو ؟؟
" بغات تمشي وهو يتجبد جرها جلسها صحة حداه " واش باغا تمشي تشوفي شي لقطة ونصدق شايفها معاك وتنوضي ليا الساكت على خزيت ونصدق مممم "عض على شفايفو وهي تبدا تهز فيدها وتعطيها ليه فينما جات طيباتو عصى وهو كيكركرر~. راه انا ل منسواش دايرة راسي فيك وجايا معاك ناس عندهم فم ونتا عندك بلاصتو قادوس مفرگع
شاد كاس القهوة بالعسرية وكيجغم مرة مرة ،كانت قدامو جالسة على لمجامر كتحرگ باغاه امتى ينطق خلاص ويطفي نار لي شاعلة فقلبها بعدا تعرف راسها من رجليها وشنو شقلب حالو بعدما كانو سمينة على عسيلة
تا كملها على خاطرو وهو يضيق فيها عينيه حاط يديه بزوج على ذقنو ~ شنو باغا تعرفي الالة ؟؟
مريام ~ علاش نزلتي وخليتيني فمراكش بلاما تحاشيها ليا تقول مكنسوى عندك حتى زفتة
زيدان عض على فكو ~. عيطو ليا كان خاصني نزل ضروري على قبل لمرحومة "قال سميتها وتنهد "
مريام بحنية دغيا قلبها لان مرتاحة نوعا ما ~. علاش ماالها شنو وقع ليها ؟؟
زيدان وقف شاد على يدو ~ مكانت لا كتشرب دوا لا كتنعس وكان خاصني ندخل ضروري ونجي داكشي علاش نزلت بلاما نتلفت " هزو بتساؤل "شنو تاني مزال باغا تعرفيه
مريام عضات على فمها ~. ايوا وداكشي لي وقع في شركة وديك اليومين لي معيطيش ليا فيهم ولا عبرتيني
زيدان خنزر فيها ودوا بحدة ~. هنا انا لي خاصني نتعصب عليك وغنكون عندي لحق
قربات منو حاطة يديها على صدرو ". يا نتزوج بيك ياا مبغيتش
زيدان بثقة~. يبغي باك يزوج بيا
مريام على نيتها ~. كل اب غيبغي يشوف بنتو فرحانة ،ايوا والا عاودتليه عليك وقلت ليه نتا لمنو نخلاق غيبغي ويتمنى غير لخير
جرها من خصرهاا بيد وحدا ودفن راسو فعنقهاا ~. واخا الالة ملي نوي نعلمك تقوليها ليه
بغات طير بالفرحة ديك الغمة لي كانت في قلبها تلاشات وهي معنقاه وهو خاشيها فيه جلسو على فوطوي متكية على كتفو وشادا ليه فيدو كتلعب ليه فصباعو كتحس براسها طايرة اما هو كان تابت تا تعبير ممرسوم على وجهو جرحو جديد وخاطرو مزال مهنى
مريام تگعدات شوية حتى شافت فيه ~. مزال مغترجع غتبقى هنا
هز ليها راسو بمعنى اه ورجعات قالت ~ ولكن يدك ضاراك شكون غيطيب ليك ويجمع روينة من احسن رجع متبقاش راسك هنا
رجعو لغد ليه ،بزز قدرات تقنع نادية حيت كانت رافضة بتاتا وعيات تخاصم عليها وتوريها بالعقل مسمعاتش ليها ، هنا مقدراتش تمشي وتخليها تضبر لمحاينها لا رافقتها حيت معندها مدير بزز منها هي لي لاقاتهم المرة اللولة وحاسة بمريام ماشي لخاطرها كدير هاكداك لحب كلا ليها دماغ ، شافت فيها راسها قبل اعوام جاتها غا هي حيت كانت بحالهاتابعة عماد من قنت لقنت ودايرة ليه كي لما لقليل خاصو غا يطلب وتحضر ليه..والا غبر عليها تبكي عليه ...
جمعو حويجات قلال غيجلسو جهد يوماين جاتهم مع الويكاند ضمسو دارهم بلي مسافرين ف ڤواياج وداكشي لي كان جا لعندهم مراد هزهم وتاهو جاي معول على لبركة كان هاز ومحمل وقريعاتو مناسيهمش ناوي يبلبلها
فطريقو تقداا اش غيخص ودا معاه شي حوايج لصاحبو عاد تيسرو لعندو ...مع دخلة لباب قشعوه جالس يكمي شافهم طفى لگارو كان لابس شورط حد الركبة وتي شيرط نص كم صندالة رياضية وداير على راسو كاسكيط ، وقف وتم جاي لعند مريام حط يدو على اسفل ظهرها وقربها منو هزات ليه كاسكيطة وهي كضحك عاد سلمات عليه
مريام حاطا يديها بشوية على كتفو ~. كيف بقيتي شوية
غمزها وحرك ليها راسو بمعنى مزيان
اما نادية كانت مزال مخشية في طوموبيل متبعة ليهم لعين نزلات كتنتر وهو يشقمها نراد
مراد ميق فيها وشير جهة زيدان ومريام لي غادين مشادين ~. شوفي وتعلمي اباردة القلب
خلاتو ودخلات لعندهم ناض زيدان تلقى ليها مسلم عليها بلابيز كان كيبان حسن من اخر مرة سولات فيه وطمنها بعينيه وجلسو يدويو في الخدمة
نادية ~. موسيو جيمس مشى مسافر شي يوومين وغيرجع
زيدان كان متكي ومريام حداه حاط يدو على فخضها ~. وجدتي لوكالة ؟؟
نادية حركات راسها ~. خاص غا سينياتور ديالكم بزوج وتوثق
شافت فين حاك يديه وهي تنطق ~. شنو نقولو مبرووك اسي زيدان ،وناكر عليا ومخبي من لفوق
زيدان شاف فمريام ورجع شافيها~ علاش الا عجبتني وبغيتها خاصني نتشاور معاك غديري ليا فيها دور الاخت لكبيرة زعمة !!
نادية باستهزاء كضحك~. بغيتي ولا كرهتي انا ختها لكبيرة
زيدان حط يديه على ركبتو وقال ~. ايوا الالة انا طالب راغب فيها من عندك شنوو قلتي ؟؟
مريام فلتات ليها ضحكة وشافت فنادية لي مضيقة عينيها كتشوف فيه واش داوي من نيتو ولا بجد ~. زعمة بقيتي عازف على زواج كتسناها غا هي شنو سميتو هادا الحب من اول قمعة
جاها صوت مراد من لور صاح عند وذنها ~. والا سرعناها نديرو بحالهم ويتسمى حبنا
"كسيدة حب "
الجو كالم و مبرد وسما بدات كتلمع منظرها كيشرح القلب تحت من نجومها كانو جالسين هو وهي ...مريام مخشية فيه راسها حاطاه على صدرو اما زيدان يدو كانت على جنبها ميلها لعندو ومتكي راسو على راسهاا كيتسمع غا صووت انفاسهم
هي مرتااحة بجهد وشنو غتمنى كثر من هاكدا ، حاسة براسها غطير بالفرحة وكرشها كترفرف وقلبها كيشطح اما هو عادي كيف ديما ملامح ديالو مكتبين حتى حاجة متقدرش تعرف شنو تحت راسو ...هزات راسها بشوية شافت فيه وقالت بهمس ~. ياكما ضريتك فكتفك
زيدان حرك راسو بنفي ~. غا خليك مرتاح هاكدا
مريام شدات فيديه ~. زيدان خاصك تنسى هادي هي سنة الحياة الموت علينا حق ،مزال كاينة ماماك وخوك
زيدان زول يديه جامعهم قدامو وتقاد في الجلسة كان كيشووف نيشاان مهموم وجرحو جديد صعيب يتداوا...بقى فيها بزااف ، وعارفة دقة غتكون صعيبة عليه ينتاحر شخص عزيز عليك قدام عينيك صعيبة ~. متقلقش مكان بيديك مدير ليهاا كون كان فستطاعتك كنتي غتعتقهاا
زيدان باستهزاء ~. سبابها راجل خلاها نهار عرسها على ود لفلوس حيت باه قاليه ها سخط ها رضى معندك مدير بيهاا وخلاها وزاد عاش حياتو ومتسوقش ليها هو كيضحك وهي كتبكي هو تزوج وهي تسطات هو ولد وعايش مرتاح وهي عايشة بدوايات وشادا لمونيكاات
مريام حلات فمها مصدومة ~. اويييلي واش بالمعقول كتدوي، لا لا هذا باينة مكانش كيبغيها من اللول
زيدان وقف خاشي يدو في جيب شورط ~ بالعكس كان كيموت عليها ولكن الحب ب المرات مكيكونش كافي
وقفات قدامو مفاهماش كلامو ~. كيفاش الحب ماشي كافي ، انا كنعرف واحد كيبغي وحدة وهي كتبغيه ميفضل عليها حتى حاجة وكيتخلاش عليها لاي سبب
زيدان رفع حاجبو بتساؤل ~. علاش غتخافي مني بوعو انا
مريام عوجات فمها ~. شوف كلامك !!
زيدان حط يدو على حنكها كيطبطب عليه ~. انا الا بغيت شي حد مكنتخلاش عليه ومكنئاديهش واخا تنطابق سما مع الارض
مريام فرحات ~. وهادي حاجة زوينة فيك
زيدان باس خدها حتى تبورشت وكمل كلامو ~. اما الا كرهت شي حد ودرتو بين عينيا مكنزگلوش واخا نعرف نموت فيهااا
مريام ~. الله ينجيك من الموت
بتاسم ليها وخشاها تحت باطو غادين محركين رجليهم والبرد كيضرب فيهم مرة يبوسها مرة تبوسو وعايشين اللحظة
واقفة هي وياه في الكوزينة باغين يوجدو العشا حيث ماكلة زنقة لي جابو فلغدا ضرتها في المعدة وقررت توجد شي حاجة ديال دار وقترح عليها مراد يعونها قال ايه كنفهم في كوزينة وخاشي زنفارتو فأي حاجة ..قررت دير طويجين ديال لحم مع زبيب والبصلة وتعسلهم ماكلتها المفضلة..وقف حداها كيحك في راسو ما عرف باش يبدا غا كيضور في عينيه ...جبدت لخضرة من تلاجة هي وللحم وبدات كتوجد وهو كلس كيلعب في تليفون ويغوت وينقز غا راسو ..صدعها بغوات وهي تجي ليه ووقفت قدامو حيت كان عطيها بظهر ..كتغوات عليه والموس في ايدها
ناديةربطة غوبشتها ~ مالك نتا على هاد لغوات بغيتي تلعب خرج برا راك صدعتي ليا راسي
مراد عينيه في تلفون وكيهضر معاها~ راه جيت نعونك زعمة ؟ ..
طيرت ليه تلفون من ايدو .وهي تهرب ليه تبعها كيجري معصب كيهضر منرفز باغي يكمل لماتش ~ نادية اري غير نكمل لماتش ونعطيه ليك امراتي لعزيزة قلبيه علي خاطرك راه مكنخونكش غا كوني هانية..
حلفت ما تعطيه ليه كيف كيعصبها ويمرضها حتى هي كتلعب معاه بخو لعبووو...شدت تلفون بين ايدها وخرجت من العبة وخسر لماتش وهو كيسب وهي فرحانة حيث عصباتوو ..
نادية لاحت عليه تليفون ~هاك ها تليفونك وخليني مقابلة شغلي الا قابلتك انت نبقاو بلا غذا ..مشات جهة بوطاجي كتنقي في الخضرة عاطياه بظهر اما هو خشا التليفون في جيبو وضمها لصدرو من لور حاكم ايدها باش متفلتش منو وباسها في عنقها ..الرعشة ركباتها ولكن مبيناتش لاحت لموس طالع ليها الدم بشنو كيدير وواخا تعيا تهضر معاه ولا معرت شنو دير ليه خاصو يدير لي فراسو وربي كبير ..بدات ترطى ليه بين ايده وكتغوت ..
مراد هاد الاسطونة ديما كيسمعها حتى ولف وولا لي قاليه راسو هو ل كيدير..هي كتعير وهو كيبوس في شعرها ويشم في ريحتها خلاها حتى سكتت عاد هضر ~دبا شنو فيها الا عشتي اللحظة بحال الناس وخليتيني نقول ليك اش كنتخيل ؟؟
مرضها ببرودة اعصابو كتحس بيه كيبغي غير يعصبها وصاف تكلمت وهي كتغلي من الداخل~ حيد علياا قاليك نعيش اللحظة يكمى الاخ كاتب عليا بخط زناتي وانا مفخباريش ..
مراد ضحكاتو وهو يجوبها ~.نكتب عليك حتى بخط افغاني وعثماني غا تهدني ليا
نادية بالهمس ~ الا وصلتي لوذنك عضهاا
مراد عض على فمو وقال بصياعة ~. هاد ساعة مشهي نعض غا وذنك وشي حاجة خراا "بغمزة " اش بان ليك
وغير ما زاد عصبها مني خسر لهضرة ، هاد قلة الاحترام ل فيه كتمرضها ..مقدراتش تصبر تفرگعت عليه وبدات تغوت ~ .مرااد راك كتعيق اش هاد تخسارة الهضرة واش عند بالك لي قدامك صاحبك .... تنهد عند ودنها وهضر بصوت خافت ~ ونتي مبغيتيش تعيقي خلاص راكي عيقتي عليا مزال داك الراس عندك مبغاش يتنازل شويا ويفهم مخو راه صبري تقادا ....صدمها بهضرتو وفهمت قصدو حسات بتبوريشة من كلاموو وبدا قلبها كضرب بجهد حسات بعضلات جسمها ترخاو مبقازش مشنجين حس بيها وهو يضمها ليه حاط يديه اسفل ظهرها وبدا يوزع بوسات خفاف في عنقها الطويل بحنان كبير حسات برعشة خفيفة وخوف فداخل ديالها احساس جديد عليها خلاها مبقاتش قادرة تعطي حتى ردة فعل بغاتو يبعد منها وفي نفس الوقت مبقاتش قادرة تبعدو عليها ..كيعصبها وكيمرضها ولكن في نفس وقت ضريف وحنين واخا تعصب عليه مكياخدش في قلبو حسات بالدوخة شدتها من قوة الاحاسيس لمخلطة عليها اما هو مزال كيبوس في عنقها وانفاسو سخونة كضرب في بشرتها الناعمة مخليها مترددة وعقلها رافض الفكرة وقلبها حاير ولكن كلمة وحدة نطقها بخفوت وباحساس قوي خلاتها فاشلة كلها ..مراد~ كنبغييك اناادية
عند مريام لي كانت متكية على السياج كتشوف في الخيل وتمتع عينيها بشوفتهم اما هو كان كيدوي مع مو فتليفون بعيد عليها كمل وجا لعندها
عنقها من اللور وكالاها بيديه بزوج كرشو على ظهرها وخشى وجهو في عنقهاا
مريام عاجبها الحال وهي قريبة منو ~ زوينين بزاااف
زيدان ضورها لعندو وباسها جنب فمها حتى تكمشت فيه كتقرصها لحيتو ~. حتى نتي زوينة !! عمرك ركبتي فوق لعود
مريام حركات راسها بنفي وهي كتشوف فيه بعينين كيلمعو ~. لا عمرني
على اثر كلامو عنقاتو معلقة فيه وقالت وهي مزيرة عليه ~. زيدااان كنبغييييك
حلت عينيها بقوة هاد الكلمة بضبط عندها جرح كبير في قلبها واثار ديالو مزال متمحاو حس بيها قفزت بين ايدو ...وهو يقادها معاه وشد وجها بين يديه وتكلم بالمهل مرطب.. ~نادية شوووفي فياا !! تجاوبت معاه وشافت فيه ونطق..
مراد~نادية انا باغيك من قلبي شفت فيك شي حوايج خلاوني نبدل نظرتي لبزاف ، خلاوني نعرف انو الحياة زوينة وعندها طعم خلاوني نحلم بشحال من حاجة فكرت في الزواج والولاد ...تخايلت راسي كنقري ولادي وكنديهم المدرسة تخيلتهم كيف غيكونو مشاغبين بحالي وكيفاش غيعيطو ليا ..وعاد تشهيتك تغيري عليا وتهريني بكلمة معمن كتهضر وشنو هاد الوقت ل داخل فيه، معامن كنتي واش كنتي كدير
...هو كيدوي وهي مصدومة ايديها جمدو مبقاتش قادة تقول حرف جامي توقعاتها منو جاها زرب عليها بزااف
نادية حطات ايدها على عنقها كتحك فيه بتوثر ~ بهاد سرعة ماشي بزاف باش تعرفنا هاد سلم عليه زرب عليه انا كتخلعني
مراد تنهد ~ شنو لي بزربة واش الا بغيت نبغيك خاصني ناخد وقت ولا نضرب حسبة خاصك تعرفي الحب والموت كيغفلو بنادم ،شفتك عجبتيني واكثر حاجة شداتني ليك طريقتك كيفاش كتخلي بنادم يحترمك بزز عليه سوا في الخدمة سوا على برا ،راه واخا تبيني قدامي راسك قبيحة وقاصحة انا عارف بلي نتي اكثر وحدة حنينة شفتها في حياتي ...بعد عليها وبدا يتغزل فيها بعينيه بلا ميحشم ، وعاد كلك أنوثة هضرتك مشيتك كلك ابنت ناس في خبارك انا ليا شرف وحدة بحالك تحمل اسمي ..
زاد صدمها كثر ما هي مصدومة مقدرتش تجوبو بقات غير كتشوف فيه ..زعم وقرب منها وحط شفايفو على فمها وباسها بوسة جامعة شلا احاسيس زوينة..حس بيها مدارت تا ردة فعل هز عينو لقاها مغمضة عينيها وفمها محلول ورجع كمل على شنو بدا وهاد المرة تجوبت معاه جرها لعندو ممخليش لهوا يدخل بيناتهم وبدا يبوس ويجر بزربة كيطلع لولة يتفنن فيها وينزل تانية يعطيها تاهي حقها ،مبقاش واعي خدم تا ايدو وبدا طالع نازل على سلسول ظهرها رفعها ملمس يديه لي كان كافي يبنجها ، تجوبت معاه ومحرماتش راسها هاد المرة كل مكتبغي تدفعو كتراجع ، زاد جعر وعض فمهاا وايديه كيزيرو على جنابهاا وهي لاصقة فيه كتقفقف حتى سمع حسها تاوهت وقالت بصوت مرخوي ..
نادية ~ مراد بشوية قصحتني..
مراد وجهو حمر وصدرو كيطلع وينزل كلو كينهج فصل القبلة وا فوق من فمها ~ وانا لخااطري راه عسل كيتقطر احبي واش عارفة هاد اللحظة شحال حلمت بيها وخليني نعيشها بخاطري
تغلبات على شهوتها وبعدت عليه كتمسح في وجهها ~ مبقيتش كنتيق فبنادم بساهل يعني واخا ظل تخبر عليا تال صباح
مراد تبعها جرها من يديه ~. باش تبغيني نتبث ليك زواج انا مستعد
معرفات متقوليه جات تدوي رجع سكتها حاط يدو على فمها ~. عطيني وعطي لراسك وقت وعمرك تندمي انا ناوي نيشان لمعقول مباغيش نتفلى ومغاديش نضغط عليه غنخليك على خاطرك فكري مزيان
نادية حركات راسها بمعنى يكون خير ورجعات تكمل شغالها
مصدموش كلامها بتاتا حيت تصرفاتها كانو كيوحيو بهادشي عارفها كتبغيه وتعلقات فحبالو زاد عنقها عندو بيد وحدة من خصرها وباسها فعنقهاا بلاما يتكلم
تسللات من حضنو وقالت بجرأة ~ عمرني عرفت شي ولد ولا بغيتو ولا جربت شنو معنى لحب ، كنت كنسمع بنات كيعاودو كنبقى نضحك جامي تخيلت راسي نكون بحالهم فيوم حتى شفتك
زيدان انا منقدرش نتخيل راسي مع شي واحد غيرك حيت نتا وليتي بنسبة ليا كلشي وصعيب ننساك الا تفرقتي عليا ولا بعدتي كنتأزم وكلشي كيولي يبان ليا ظلام دوك ليام لي معبرتينيش فيهم دازو عليا كحلة زحلة
مبقيت عارفة راسي من رجليا ، حسيت براسي مخنوقة ومحاملة تا حاجة عكس دابا وانا معاك كلشي كيبان ليا زوين وكامل مكمول مافيه ميتعاب
زيدان زير على يديها ~. صافي نساي دوك ليام مهم هو دابا ها انا معاك
يالله ندخلو لبرد تحرك وبنتي ليا ملابساش مزيان
بتاسمت ليه ودورات ايديها على خصرو وحتى هو كذلك وتمو داخلين في طريقهم سولاتو ~. مقلتيش ليا امتى عيط ليك عدنان وشنو قاليك بالضبط
زيدان وقف مخنزر فيها ودوا معصب ~ عاد كنا زوينين وهانين لاش جبدتي ليا داك ميخي
مريام بدات تدور في عينيها ~. غير ستغربت لاش معيط وقاليك ديك الهضرة
زان حمر فيها ~. الا ضرك راسك سيري سوليه !!
مريام بدات تلبد فهضرتها ~. ولا انا مقصدتش شنو فكرتي فيه شعندي منظير بيه غا سولت وصافي
دخلو لقلب دار لقاو نادية ومراد جالسين قدام تلفازة هي مبعدة وهو لاصق فيها كي لعلكة جلسو حداهم بقاو كلمة من هنا ولوخرا من لهيه حتى طاب لعشى وتجمعو عليه
مريام تقطع لخبز وتحط قدام زيدان دايرة بالها معاه عارفة يدو ممساعداهش مغرقاه حب واهتمام ، اما مراد كيشوفيها محصر وينغز نادية من تحت طبلة بمعنى شوفي وتعلمي ..هاد الاخيرة كانت ساهية ودماغها كيعاود فشنو خبر عليها فالكوزينة معرفت تيقو ولا لا ، باش تغامر وتدخل فعلاقة جديدة صعييبة عليها بزااف حاسة براسها مواجداش نهائيا
حسات بيه كينغز فيها وكيعاود فسميتها بجهد صدعها وهي تلفت ليه معصبة
نادية ~. غير بشوية اعماد راه سمعتك
زيدان مدا مجاب عكس مريام لي شافت فيها مخرجة عينيها اما مراد جمع يديه على شكل بونية ودفع الكرسي تا طاح وخرج معصب هنا هي سرا معاها شنو قالت ....
اخيب موقف يمكن يتعرض ليه اي دري طايح فشي وحدة لي ميحملش راسو فيه بالمرة هو انك تعيطي ليه بسمية دري اخور كنتي كتبغييه
واقفة ورا شرجم حاضية طريق مقابلاه واش غيجي ملي خرج متلاش ولا ليل هذا وخرج بلاتا كلمة لعنات لسانها وما قال ، بقات غادا جايا فداك البيت كتلوم راسها علاش يغلط ويزبلها حتى كلشي ا كيبان ليها تقاد سمعات لباب تحل وهي دور بلهفة لي فورا تلاشات ملي شافت مريام
مريام كيتجد في بيجامتها وكتبدل ~. عند بالي نعستي !!
نادية تنهدات ومشات جلسات فوق الناموسية ~. عيني مبغاوش يتغمضو ، "بلاما تبين قالت " مراد فين مشى !!
مريام هزات حواجبها ~. والله منكذب عليك ، قبيلة بقى يصوني ليه زيدان ولكن تليفونو طافي
تخشات فالفراش مغمية راسها تحت من المانكة وعينيها محلولين اما مريام رشات على عنقها سبراي زوين وريحتو هفيفة مشطان شعرها وقاداتو شافت راسها فالمرايا وعجبها كانت زوينة واخا لابسة بيجامة ، لحمر جا معاها وتا فصالتها تعزلات وبانت كثر
تمات نازلة لتحت تشوفو شنو هاصو قبل متنعس سيغتو مراد لي يقدر يعاونو مكاينش لقاتو مكاينش فين خلاتو ستغربات ورجعات وفطريقها بان ليها باب بيتو محلول وهو عاطي بظهرو ليه كان كيجبد يدير بلش يوصلها لصمطة ويحلها
محسات على راسها غير وهي داخلة لعندو
مريام ~. انا نعونك
دار لعندها وشافيها مضيق عينيه ،عجباتو وهي بلا ماكياج وبلباس دار جاتو طبيعية وهادشي لي كتبغي ليه گانتو قوة زواق معندوش معاه ، قربات منو ومدات ايديها الرقاق كتفك ليه فيها ومكايسة وهو ينطق وقال بابتسامة جانبية ~ بشوية على يديك دابا تصدقي مهرسة !!
مريام دلات قنانفها وهزات كتافها ~ ومالي من الكارطون
زيدان كيسد ليها في صدفة اللخرة تاع البيجامة ويدوي ~. كتجيني هشيشة وصحتك على قدك
ضحكات بلهلا يتبثو ليها وقالت ~ هانا ساليت تبغي نعونك فشي حاجة قبل منعس
زيدان كيحرك عنقو يمين وشمال ~ بغيت ندوش قبل منعس اش بان ليك تقدري تعونيني !!
"بغيت ندوش قبل منعس اش بان ليك تقدري تعاونيني "
لي ففمو على لسانو ،يقدر ينويها عادي وهي تفهمها فشكل ..حناكها تزنگو وطلعتها الصهدة ولات غا تبرق في عينيها وحتى من العضرة تلفات ليها
بقات حاضياه حالة فمها مسداتو تا سد باب لحمام بدات تحك في جبهتها وتنگرز ~ ويلي اش درت انا دابا غيسحابلو غير نويتها فجهة اخرا "ضرب رجلها مع الارض منفخة " اووووف...
جلست فوق الناموسية لاش الله واعلم ...تا تم خارج لابس بينوار وشعرو سارد ، الما هواد على وجهو وعينيه زرقين ولات دايرة بيهم لحمورية رفع فيها حاجبو وقال بتساؤل ~. نتي مزال هنااا؟؟
مريام وقفات مطمرة ملقات متقول ~. هااا اه اه نسيت كنت بغيتك على شي حاجة
قصد الماريو يجبد حوايحو وقال ~. شنو هي هاد الحاجة..غير كمل كلامو وعض على فكو موعت حيت خدم ليد ضاراه ، حط راسو على الباب كيضرب فيه بخفة مستني الالم يفوتو محس بيها تا وقفات حداه وايدها على جنبو كتطمن عليه
غبرت قبل ميدوي ، لبس بشوية عليه لحوايج لي عطاتو هز لفوطة صغيرة يمسح شعرو ورجع حطها بمكر تاوكان ترجع.... غير شوية تاع الوقت وبانت ليه جايا على صباع رجليها كتمشى بحذر وعينيها على الكاس
المشية عندها هي هاديك كترفع بنادم وتخليه متبع ليها العين رجليلات مصبوغين وكيبانو متولين وبيضين والفورمة هي هاديك ممشحمة ممعظمة عندها حقها من كلشي وبزايد
اي حاجة ك ثير راجل متوفرة عندها..وقفات قدامو ومدات ليه لكاس بابتسامة ~هاك بصحة والراحة شرب محدها سخونة ؟؟
خداه من عندها واشار ليها لناموسية وقال ~ طلعي فوقها طلعي !!
مريام قلبها بدا يضرب بزربة ~. شنوو ؟؟ وعلاش غنطلع
زيدان ~. وتي طلعي نشفي ليا شعري ونتي تفتفي عليا كون بغيت ندير ليك شي حاجة نديرها نهار كنتي تحت مني مسرحة ومكايناش هنا
رتاحت نسبيا ،ونصلات سندالتها وطلعات وراه جالسة على ركابيها هزات الفوطة وبدات تمسح ليه شعرو وتضحك بلا حس عمرها توقعات يوصلو تال هنا تا هو ستاحلاها حط الكاس ورخى يديه مغمض عينيه ..ايديها كانو رطبين وحنان جاوه على لگانة وجابو ليه نعاس
طلع فوق ناموسية وتقاد حط ظهرو على الكادر واشار ليها بيدو باش تكمل ...حتى هي مكانتش من العاگزين تقادات حداه و بقات تمسح ليه تا نشف ليه شعرو وعياو ايديها وهي تنزلهم كتنهد~. هانا ساليت !!
عربون شكرو كان بالفعل ،خدا يدها وباسها من برا ومن لداخل وجابها متكية على صدرو كيلعب في شعرها ...تنهدات براحة ومرتاحة وبقات على داك الحال حتى نطق بصوت حرش
زيدان ~ مقلتيش ليا فاش كنتي باغياني !!
مريام بقات تدور فعينيها كتقلب على حجة ~ اه بغيت غير نوريك الشكل اللخر لتصميم ممقنعنيش واخا حطيتو في المدرسة ....
ملقاتش من غيرها سبة اما مشرووعها خدمات عليه مزيان وعاجبها بجهد ، جبدات تليفونها من جيب ودخلات لفيشيي كتوريه ، بعد يدو عليها وجلس مقاد خدا تليفون وبقى كيشووف ويحقق تال الخدمة وكيبغي يركز فيها ~ مزياان مالو ؟؟
مريام بتلحوين ~. شحال تعطيني عليه من نقطة
زيدان حك ذقنو وقال ~. مكنقش على القرايا فوق لفراش ، كنعطي نقطة على شي حاجة اخرا تبغي تعرفي شنو ؟؟
مريام باقا مولفتش على وجهو لمقزدر ~. صافي بلاش
ضربت الطم وهو يجرها عنقها وخشاها فيه عطاها تليفون بقات تبقشس فيه عاد حلات بلاصة الكاميرا وخدات ليهم تصاور وفيديوات مرة مخشية فيه مرة بايساه مرة معنقاه حتى تزاد معاه زايد وقال عرقتم~ يالله ابنتي بيتك راه بديتي كتشعليني وموصيبتي مكنطفاش !!
ناضت كتلبس صندللتها وكتضحك قبل متخرج قاليها ~. وجدي راسك صباح بكري نخرجوو نضربو دويرة بالخيل
مريام متكية على باب ~. نادية ومراد تاهما غيمشيو
زيدان دار مخدة ورا ظهرو ~. وي على ما اظن علميها وفيقو بكري بروفيتيو فلوقت قبل منرجعو
مريام بفرحة ~ واخا يالله تصبح على خير
صيفطات ليه بوسة في الهوا وخرجات من البيت كتغني وتتتمايل وتلعب بشعرها وهدو هما مخلفات الحب كيخليوك حاضي راسك في لمرايا وتشوفيه وعاجبك، تضحك ومقابل ضحكتك كيف دايرة مهتم لتفاصيل ولحوايجك وكلشي كيبان ليك زوين تقدر بلاصة كنتي تجي ليها بوحدك كانت كتبان ليك عادية ولكن ملي وليتي تجي ليها مع لي كتبغي ولات تجيك فنة ومكاينش بحالها
دخلات لبيت لقات نادية مزال فايقة تتقلب على نعاس علمتها بشنو كاين وتخشات في الفراش كتشوف في تصاورها هي وياه والفرحة شاداها من كرشها صيفطتهم ليك كاملين وكتبت ليه مساج فيه ~ كنبغيك بزااااف
ليل مشا وجا بلاصتو صباح ونادية مرة مرة تنوض تطل من الشرجم حتى خانتها عينيها وغفات مفاقت غير على شعا الشمس لي نوضها قافزة ..ناضت عيانة ذاتها كلها كتعطيها صداع اما عنقها مقدرتش تحركو ..رمات عينيها في لبيت مبانتش ليها مريام ....تكسلات وبقات شحال تا توگضات عاد دخلات لحمام دوشت بزربة وخرجت خدات حوايجها يليقو بالخرجة لي عندهم.. لبست شورط دجين قصير وفوقو تيشورط نص كوم في لون بيض وفرجلها صندال بحال تي شيرط بنفس اللون..دارات مكياج خفيف ماشي رسمي كيف موالفة اما شعرها فضلت تبوكليه وتغير على داكشي لموالفة دير ..رشات ريحتها وسبراي لجسمها عاد خرجت اول حاجة مشات لغرفة مراد بغات تشرح ليه انها مقصداتها وتفهمو بالحق لقاتها خاوية افافأت وعوجت سيفتها باستياء ولكن سرعان ما رجعت ليها ضحكة فاش سمعت صوتو لتحت ..قادات شعرها وتأكدت من اطلالتها مزيان عاد هبطت لقاتهم مجموعين على طبلة كيضحكو كيف ديما خصوصا مراد لكان صوتو مسموع ..رسمت ابتسامة على وجها ووقفت عليهم ~ صباح الخير
جوبها زيدان ومريام اما مراد مشافش فيها كاع .. حسات بالاحراج وعرفاتو مزال مقلق وشاد في قلبو من جهتها تقبلت القمعة و جلست حدااه كتفطر وحتى هو سكت وكمل فطورو عادي .. كانت كتسنى فيه غير ينطق باش تجوبو وتجبد معاه الهضرة ساعة والو كمل فطور وناض من حداها ونطق موجه كلامو لمريام
- مراد بحدة ~ مريام غادية غير انتي وزيدان ياك حيث الا كان غادي شي حد اخر انا مغاديش !! ..مريام فهمت قصدو وعند بالها غير كيضحك وهي تجاوبو كتقول ..
مريام ~ لا لا ضروري تمشي معايا نادية منقدرش نمشي بوحدي وتا نتا ضروري تمشي مع صاحبك راك عارف
زيدان رفع فيها حاجبو ~. اش بغيناهم انا باغي نبقى معاك راس فراس
خرجات عينيها كتغمز فيه حشمانة من لوخرين وهو ممسوقش اما مراد عوج سيفتووو وهو ينطق ..
مراد مزال كيشوف في مريام ~ ايوا لبسي شي حاجة تليق لخرجة راه مغادينش لبحر هنا !!
خرج بلما يتلفت من وراه اما نادية مجوباتوش واخا عرفااتو كيمعني عليها، متسوقتش ليه كملت ماكلتها وناضت جمعت الوقفة وخرجت ..لقاتو كيكمي وقفت عليه ربعت ايدها وهي تنطق بجدية..~ مراد ممكن نهضرو انا وياك..!!
مجوبهاش تجاهلها وزاد شوية.....غمضت عينها متحكمة في ردة فعلها حيث بدا كيطلع ليها الدم ..رجعات تبعاتو وعودات مرة اخرى نفس الجملة وهاد المرة بصوت عالي ~ .مراااد واش ممكن نهضروو انا ويااك ..؟؟
هز عينو فيها بغضب ومعصب نطق وهو كيشوف في عينها ~اخر مرة تهزي عليا صوتك هادي لولة ...وثانية معندنا انا وياك فاش نهضرو و اصلا انا مبغيش نهضر معاك ..
الحب أقوى من أي إتفاق الجزء الرابع
محتوى القصة
التنقل بين الأجزاء