لأنك سماح الجزء العاشر

2020

محتوى القصة

رواية لأنك سماح

دوزات يديها على عنقو وخشات وجهها فيه حشمانة..ديما تتقوليه تنبغيك واخا مكيردش عليها..لكن فهاد اللحظة جاها احساس زوين انها تقولها ليه..

بتعنيقتها ليه قلبها تا جات فوق منو معنقها هو لاخر..تيمسح على كتافها بحب..مرتااح وكاع همومو مشاو
كون يلقى اسدو عليه مع سماح فشي مدينة ومعاه مو هاديك هي الحياة عندو

بعد لحظات بعدها عليه بشدة من ذقنها بابتسامة خفيفة باسها فشايفها وقال:نزلو
سماح:ممم

ناضت من فوقو خجلانة..هزات حوايجها ودخلات للدوش بدلات عليها وهي كتشوف بضع البقع فعنقها وتبتاسم

لبسات حوايجها داخليين ودارت فوق منهم كندورة فالموف مغلوق خفيفة صيفية..خرجات لعندو لقاتو تيقلب فتيليفونو..سوشوارات شعرها تا نشف 

منصور:(حاضيها)كيعذب داك شعر؟؟
سماح:بزااف ففف(حطات سوشوار)تنفكر نقص منو
منصور:لا..وياك هي خليه زوين هاكاك..
سماح:كيبرزطني فالغسبل
منصور:انا نبقا نغسلو ليك
بتاسمات ليه بحنية وقالت:منصور باقي غنسافرو
منصور:سي غدا 
سماح:نعيط لماما تجيب ليا الفطور
منصور:(بامتناع)خلي تانرجعو وديري ليهم عراضة عرضي عليهم..باقي راسي تيزدح من صداع العرس
سماح:واخا..ياله نزلو

نزلو بجوج ليهم للصالة فين كانت راضية جالسة متولة كي ديما..سبقها هو لول باس راسها وقال:لالة راحتي رتاحيتي شوي
بتاسمات ليه بفرحة وعينيها على سماح لي قربات باستها فحنكها وقال:نشطتي شوي فالعرس؟؟
راضية:مممم
سماح:اربي اخالتي كي جيت؟؟طلعت زوينة يااك؟؟ههههه
منصور:الله يستر
راضية:زوييييييييي هء نة
بتاسمات سماح بفرحة وقالت:تا يصيفتو ليا تصاور ونشوفوهم ههه
منصور:(نخاطب لطيفة)فين الفطور
لطيفة:دروك اجيبوه(شافت الخدامات مدخلين الفطور)هاهو..

حطو فطور تقليدي مئة بالمئة بكل ما للكلمة من معنى.. خدات سماح قهوة كحلة هي لولة شرباتها عاد فطرات تا شبعات فحين منصور هي كينقب..هز شوي تالمسمن كلاا منو صافي والباقي راه اومليط بالفرماج
هزات سماح غريبة وكاس تاتاي فيديها وتتهضر مع راضية:شتي اخالتي كنت بيتك تجي تحني معانا فدار وتحضري لحنة المزوارة وتشووفي 
راضية:بببصصصصصصصصح
سماح:ايييه ولايني راه شي ناس مباوش 
ضحك بجنب وقال:اتشريها ليا مع مي؟؟
سماح:فنواار متخافش ههه
راضية:(تتبتاسم)
منصور:(وقف)انا جاي..

مشا يكمي مخليهم مجمعين مع بعضهم وكيشاركو تا راضية فالحوار..تا تاصلات مها وخبراتها بلي غيسافرو..هي براسها عياانة باقي..من العرس للنعاس واعر عليها..

اجموع طوال وحديث النسا مكيساايش..وراتهم سماح تصاور الحنة تالمزاورة وشي فيديوات 
دخل منصور بعد وقت طويل جلس معاهم مفاليدي هي الحضور فقط مكيدويش حدو كيجغم من اتاي وكيسمع لحديثهم تاع نسا. 

تحط الغدا وتغداو بينهم بجو عائلي خالقاه سماح ولطيفة لراضية اما لاخر هي تينقب..ناض قبل مايكمل لغدا طلع لبيتو..وهي بقات تا شربات راضية دواها وغفات عاد طلعات تبعاتو..

دخلات للبيت وتتشوف حسو مقطوع..توقعات وجودو فالحمام..تسنات لحظات كثار تا سمعاتو كيتقيا وهي تنوض بزربة مخلوعة حلات عليه الحمام لقاتو محني على لفابو كيتقيا لي فكرشو..

شدات فيه تتشوفو تيتيقيا معدتو كاملة
منصور:(بتعب)خرجيييي خرجيي
سماح:مالك؟؟اش ضارك!!..اش كلتي

بقا مكمل على تقية ديالو وهي شادا فيه مخلوعة..تا كمل وغسل وجهوو مزيان وشلل فمو مقدرش اوقف..شدات فيه من خصرو هزات فوطة تتسمح ليه وجهو بلطف وعلى وجهها ملامح الخوف:اش تيضرك؟؟
منصور:ففف معرت(خرج من الحمام)ضراتني معدتي.. 

تلااح على السرير بتعب كيرجع نفس وهي واقفة عليه تدوز يديها على راسو بحنية:انا نطبخ ليك شوي تزعتر ايفوتك الحال(تتفكر)ياكما المسمن لي ضرك؟؟
منصور:واقلة

تحنات باستو فجبهتو وقالت بحنان:انا نمشي نصايب ليك شوي تزعتر تفوتك تقيا.. 

دار يديه على عينيه باغي انعس كيحس براسو مهلوووك فحين هي نزلات بسرعة للمطبخ لقات الخدامات يجوج جالسين..
سماح:سلام
وقفو بجوج ونطقات وحدة منهم:لالة شنو حب الخاطر
سماح:عفاك كاين الزعتر؟؟
الخادمة:ااه كاين
سماح:عطيه ليا عفااك..

هزات غلاي الما تضو دارت فيه الما ولوخرا مدات ليها الزعتر وهي تيشوفو فبعضهم..

تبخات ليه زعتر مزيان وحلاتو ليه بالعسل وخرجات مطلعاه للفوق..دخلات لقاتو ماشي فبلاصتو..بسرعة خطات داكشي فاقرب رف لقاتو ومشات للحمام بغات تحلو لقاتو مسدود
دقات دقات متتالية مخلوعة:منصور واش مزياان؟؟حل لباب عفااك
منصور:سيري انا جاااي
سماح:ياكما كتقيا؟؟
منصور:لاا هي سيري

مشات جلسات على نار تتمشي وتجي دازت خمسة دقايق عاد خارج مهدود.. شافت فيه وناضت عندو تتقلب فيه:صافا شوي؟؟
منصور:ممممم جاني سهاال ففف(تيقلب فحوايجو)ايخصني دوا نشربو
سماح:ويلي اتخرج..جلس انا نجيبو ليييك
منصور:(بتعب)هي خلييك..



شداتو من يديه وجراتو لبلاصتو سنداتو وعطاتو الزعتر وقالت:خليك هنا انا نجييو ليك..متنوضش شرب زعتر احيد ليك هي ترويعة(بخوف)متخلعنيش عليك نمشيو حنا لطبيب كاع!
منصور:لا مكاين لاش(وجهو مقطع منو لون)اتلقاي فارماسي فالخرجة ديال الرومبوان عرفتيها
سماح:سي سي هي رتاح

تتجبد حوايجها وبسرعتها قلعات ديك الكندورة وبقات بدوبياس قدامو لاحت عليها جلابة وصندالة..ونطق هو:حاار هادشي
سماح:زعتر هذااك شربو ازييين(جات باستو فحنكو)شوي وهاني جايا واخا
منصور:(رد ليها القبلة ففمها)سيري..راه الفلوس فطونوبيل..

حركات راسها وخرجات بزربة ..هي طلعات لطونوبيل وهي تنفس بهدوء:اووف اسماح هي بشوي عليك باش توصلي ففف(ديمارات)ياا ستار ياربي. 

حركات طونوبيل ومشات بيها مرعدة..تتشوف فجنابها لتصادف مع شي فرماسي..هي شافتو بحالا شافت الجنة وهي توقف طونوبيل بدون ماتباركي..دخلات بزربة خدات ليه دوا الاسهال وتمات راجعة.. 

فحين هو ملي خرجات ناض بسرعة جاتو تاني صريصرة دخل لطواليط وسد عليه..ماخرج تا بغا يموت. 

عاود رجع جلس تاني تيشرب فداك الزعتر وهي تجيه صريصرة عاود ورجع كاره راسو.. ملي خرجات وهو داخل خارج لطواليط الصريصرة دارت فيه حالة..دخلات عليه لقاتو جالس شاد راسو من شدة التعب..وجبهتو تتقطر بالعرق..

سماح:هاهو(هزات كاس تالما من فوق الطابل )شرب.. 
خداه من عندها شربو بارهاق..وترخا فوق الناموسية
سماح:(قاست جبهتو)سخون شوي؟؟
منصور:(شاف فيها )دعيتي فيا؟؟
سماح:اويلي لااا(جلسات حداه وهزات راسو دارتو على رجلها)لاش ندعي فيك.. 
منصور:جاتني صريصرة هه
سماح:اويلي..مكلتي والو 
منصور:ماعرفت..من صباح وانا داخل خارج لطواليط
سماح:(على نيتها)والله مادعييت فيك
منصور(بتاسم وتخشا وسط حجرها)هي تنضحك معاك..

هز ليها يديها حطها ليها فشعرو زعما حكي ليا..تبسمات وبدات تتحك بحنية ليه شعرو بدون ملل وهو كيقلب على النعاس لكن شكون خلاك..الصريصرة تنادي
ناض عاود من حداها تيجري للطواليط دخل وسد الباب وجلس تاني تما سكن فيه..وسماح شادا حنكها تتسناه اخرج..

ماخرج تا دازت ربع ساعة عاود رجع تكا وخدا حبة خرا من الدوا عالله تقسح ليه كرشوو..

سماح:نجيب ليك شكلاط كول منو عالله تقساح ليك كرشك
منصور:فففف جيبي.. 

ناضت لشانطتها هزات قطعة شوكولاته من الشكلاط لي جايبا معاها عطاتو ليه كلاه ورجع تكا..وهي هي تتشوف..تاعاود ناض لطواليط من جديد..

هاكا دوز ديك العشية خيطي بيطي لطواليط سريسرة دارت فيه حالة..ولا تيبقا فطواليط نييييت حيت عياتو خارج دخل..

اذن المغرب عاد ولا شوي وتخشا بلاصتو عياان وهي واقفة عليه. نزلات لتحت جابت ليه مياكل وعلمات لطيفة بلي عياان باش متشوش راضية..

طلعات ليه بلاطو تالماكلة وفيقاتو ..بدا تياكل بشوي وعينيه مدوخين بنعاس..بحرا مفاتو الحال. شرباتو دوا وقربات باستو فراسو وقالت:بشفاا
منصور:امين

تكا عاود وحيدات هي لبلاطو..وهو يجرها عندو وقال:خليك
سماح:نستف حوايجي
منصور:من بعد

جرها تا تكاها حداه ..دارت يديها حضناتو عندها بحنان وبدات تدوز على شعرو وقالت:خليلي وليدي ااانااا ههه
منصور:ناقصني حنان
سماح:وينووو انااا(بصوت طفولي)حنوووني اناا ناقصو حناان نعس اماما نعس .
منصور:(قرصها)تكودي فهضرتك ولا نوض نكويك بصريصرة
سماح:الله يمسخك هههه نعس احبيبي نعس..

طلع راسو تا باسها فعنقها وتكا على صدرها برااحة ..حاس براسو تياخد جرعة من الحنان في حضنها وهي تدوز على راسو برفق..

عارفاه بالفعل ناقصو حنان وماعاشوش داكشي علاش حضناتو عندها وبقات معاه مفششاه كي تيقولو..فمرضو ديما تيلقا راسو بوحدو الى بغا شي حاجة كيعيط للخدامات لا من يعطف عليه لا من يقول ليه دابا تبرا ولا يلوح ليه كلمة زوينة..


خلاتو حتا غفا عاد زكات يديها وهو يتحرك تصايب بعفوية فبلاصتو ناعس على كرشو..بتاسمات ليه بحب وناضت خرجات لتحت مسات على راضية وطلعات من جديد..

هزات حوايجها عبارة عن شوميز دونوي خفيف فالابيض مع بينوار ديالو طويل..دخلات لحمام لبساتو ودهنات فمها بمرطب بنكهة الفرير دارت ديدوغون وخرجات هازا تيليفونها تتفلي فيه..

تكات حداه ونقصات ضواو..وبقات تتشوف فتصاور العرس لي صيفتات ليها ضحى..فيهم بعض صورها معاه.. شافت كلشي وكلشي عجبها تتفرنس حمقها راسها ومرة مرة تشوف فيه كتلقاه مرتاح.. 

مرت ساعات وهي باقي تتهضر مع ضحى وتكركر معاها ومع مها فالواتساب برسائل كتابية فقط
تا حل عينيه بدون ماتحس..حلهم فيها هازا رجل وطالقا رجل طالع داك الشوميز تال نص فالفخض والدرعان عريانين..أجمل منظر احل عليه الواحد عينيه وشعرها قالباه للجنب تتكتب وتفرنس.. 

هي وكد شوي من نعاس فلحظات مد يدو حطها على فخضها تاقفزات وقال: معامن كضحكي
سماح:هييه خلعتيني هه(حطات يديها على راسو)شويا الكريشة؟؟
منصور:(ناض صايب مخدة بعياء من نعاس وتقاد فالجلسة)شوياا..
سماح:(حطات تيليفون فوق طابل لي حداها)مزيان؟؟فيك جوع.. 
شاف فيها وبتاسم ليها: شبان ليك ناكلك نتي
سماح:تاكل جنابك هههعهه خصك تمشي تدوز على معدتك
منصور:(تيحك عينيه)مكاين والو..هي لكلت داكشي مدسم تيوقع لي هاكاا
سماح:لي بان ليك
بتاسم ليها وجرها دارها فحضنو وقال:خليتيني تانعست ونضتي تتقزبي ولا؟؟
سماح:(تتضور فعينيها حشمانة)
منصور:جاني جووع
سماح:(هزات فيه راسها)نصايب ليك شي حاجة
منصور:(هبط راسو قبلها ففمها)ناكلك نتي
ضحكات ليه بدلع وقالت:والى كلتيني شكون ابقا ليك؟؟.. 

مجاوبهاش نزل على فمها بوابل من القبل الفرنسية..ويديه كداعب ذراعها بحب..خاشيها فيه ويدو تنزل من ذراعها لفخضها كيتلمس فيها كلها وشفايفو تيقبلو فشافيفها بلهفة
حبس وشاف فيها منيم عينيه:انا نزل ناكل وطالع ليك نكمل بييك.. 
سماح:(حشمانة)حمم خلييك انا نزل نصايب ليك.. 

ناضت من حداه حشمانة زادت عليها البينوار وخشات رجليها فكلاكيطة بيتية جميلة انثوية..تبعها تاهو تيتعز متبع ليها العين.. 

انسانة رشيقة..حقها فكلشي كاين بدون مبالغة كتحس براسك ناعس مع كاورية ..ناعمة فتصرفاتها وحركاتها مشيتها بقدر ماهيا محلونة بقدر ماهيا طبيعية.. 

ماحسات بيه تا لقاتو وراها حاط يدو على خصرها وقال:ياله نزلو بجوج بيت نكمي.. 
سماح:بلاش عليك عاد نايض من المرض
منصور:ممم

نزلو بجوح للتحت فين كانو ضواو شبه مطفين..مشا معاها للكوزينة لي كبيرة وعصرية..شعلات ضو وتلفتات ليه:اش تبي تاكل؟؟
منصور:فوتي ليا هي الدسم
سماح:معدة ديال كليميني هه ممولفش الطواجن.. 
جلس فوق كرسي:ماعنديش مع داكشي كنبغي الخفيف
سماح:(حطات صبعها على حنكها تتفكر)مممم ندير ليك ليباط فالفران بصوص بيشاميل والفرماج
منصور:ديريهم
سماح:(توجهات للبلاكارات)فين نلقا شي حاجة فاش نصلق ممم.. 

حلات بلاكار هزات منو كصرولة دارت فيها الما ودارتها فالبوطة..قلبات على ليباط تا جبداتهم ودارتهم اتصلقو..هزات طابلية تالكوزينة لبساتها وهو حاضيها جابد كارو وواقف حدا شرجم تيدخل غربي خفيف تيكمي..وعينيه عليها.. 

تتحرك كي النحيلة ويدياتها الناعمين تيحكو ماطيشة وتيشوف ملامحها فاش تتحل لبلاكارات تقلب على لماعن.. 

حكات ماطيشة ودارت عطرية ديالها خفيفة ماكثراتش باش مضروش..ودارتها تشحر 
جا موراها هز ليها شعرها ورا وذنيها وقال:اناكلو شعرك ازين
سماح:هه متخافش مكيطيحش 
منصور:مممم(حط يدو على يديها لي تتحرك بيها)
سماح:عالله مضركش
منصور:جيسبييغ
سماح:(كتعيبو)جيسبييغ لاش تتدوي معايا بالفروونسي عرب معايا
منصور:ولفت وصافي هه خدمتي 
سماح:ممممم سعدااتك.. 

حط يدو على خصرها وحصرها ببوسة فخدها وقال:نهضر معاك عروبي راني رحماني
سماح:هههه شايلاه ارحامنة ههه انجيب الحليب نصايب صوص بيشاميل(بلطف)حرك هادي شويي
منصور:(بقا تيشوف فيها)فراسك عمر شي بنت المرا مازعمات علي هاكا..اول مرة ندخل للكوزينة.. 
سماح:ههه اوا هاني زعمت(حلات ثلاجة)انا راني مرااتك نتا براسك تتقوليا طلعتي فوق راسي و هههههه
منصور:وخريتي هههه..

جابت لي غتحتاج وقفات حداه ..دوبات زبدة ولاحت فيها مليحة زادتها معلقة تدقيق حركات دغيا تا تجمع وخوات حليب وبدات تتحرك باش تعقاد ليها
منصور:(بفضول)باش عرفتي بلاصة دگيگ؟؟
سماح:ههه الكوزينة راه واحد..النسا كاملين عندهم حوايج مشتركة ..مثلا ماطيشة فين تيديروها الناس؟؟فثلاجة دونك راه تا دقيق باين تيكون فبلاكارات تحتانيني(شيرات ليه بصبعها وضار شاف)لهيه ازين
منصور:(قرب منها باسها فصبعها باش تتشير)راه نتي لي زين.. 
سماح:(ضرباتو لوجهو بصبعها لي باس بدلع)ههه منوصلكش فالزين اولد راضية..


دارت ليه ديك ضحيكة لي تتخليه بلا عقل تيتكمشو ملامحها وخلاتو غارق فيها من جديد..يد تتحرك الصوص وعقل غايب معاها.. 

عقدات ليها وتحنات شماتها وقالت:مممم الله ..دابا نشوفو الفرمااج..طابت الصوص
منصور:هاا واقيلة
سماح:(شدات من عندو المغرف)انا بيت هي نعرف كي درتي عشتي زوفري.. 
منصور:(تيبوسها فعنقها مديرونجيها)ماكلة زنقة ههممممم فيك واحد ريحة(هز يديها باسها )يديك زوينين وهوما مزغبيين
ضحكات بدلع وتلفتات ليه:واشنو قضيتك مع الزغب؟؟
منصور:هاكاك هه(باسها فشفايفها)جربت شكال ونواع تالعيالات ولكن المزغبة بحلاوتها
عوجات فيه فمها وقالت:اوا بصحتك
قرصها فيديها باش تتحرك.. وقال:طابت؟؟
سماح:ممم(طفات)هاهيا ناضية دابا خصني فاش ندخلها للفران والفرماج 
منصور:انشوف ليك فالثلاجة.. 

مشا تيقلب ليها وهي تتقلب على مول تا لقاتو من زجاج....حكات الفرماج وهو حداها تتجبدو بالهضرة وتتجمع معاه..

تصلقات ليباط صفاتها وجر كرسي جلس عليه وجرها جلسها فوق رجليه ويديه مزاكيينش تيلعب بيهم ففخاضها..نطق بجرأة:ماشي حشومة هاد الرجلين ابقاو هاكا بلا زغب؟؟
سماح:هههه راني بنولي قردة ماتحمل تشوف فيا.. 
منصور:بالعكس(عضها فوذنها)حلاوتك تتزيد فاش تكوني مزغبة نيييت ديك ساعة منطلقكش 
سماح:ههههه وازكاا براكاا.. 

ضور ليها وجهها عندو وشدها من ذقنها باسها ففمها بحرارة ققبلة سطيحة لتتحول لقبلة فرنسية جامحة شرك ليها فيها بيدو فخاض وظهر..

كيقبلها وتيسمع صوت البوسة وتاهيا ولات دغيا تتحل ليه فمها وتتحاول تبوسو تاهياا..ودوك شنيفات ديالها فاش تيبوسوه تيخليوه جاهل عليها بكثرة..خشا يدو من تحت شوميز تيلعب فمؤخرتها وهي تنين ففمو..

تخالطو بجوج بيهم فالقبلات واللمسات..هي حدها عنقو وهو واصل فين وفين على شوي احيد ليها الحوايج تاوعات على راسها ملي بدا كيطلع ليها الشوميز
سماح:(تتنهج)منصوووور لاا
منصور:(تيقبل فمها)خلينا نجربو واحد خفيف هنا.. 
سماح:(صدماتها جرأتو)عفااك احبيبي لا..الكوزينة(غمقات عليه عنقاتو)عفاااك
منصور:(تيدوز يدو على ظهرها وفمو تيقبل فكتفها)فلتي عليك بزااف
سماح:(بهمس فوذنيه)مرة خراا..حممم نوض نديرها تطيب
ناضت من فوقو حشمانة ولات كلها حمرة تتصايب شعرها وتسرحو حيت جندخو..وحوايجها راه طلعو فين باو..

دارت ليباط فمول وخوات عليهم صوص تا خلطو مزيان وحناكها حمريين بجرأتو لي مظناتهاش فيه بتاتا.. محاولة تعطيه بظهر هربانة من عينيه الجريئة لي كيعريوها..

دارت فوق ليباط صوص طوماط وخوات عليهم بيشاميل ودارت فرماج ودخلاتها للفران تطيب..هزات الما تتشرب فيه حيت حلقها نشف..وهو ينطق من بعيد:شحفتك ولا؟؟
سماح:هاا حممم الله يمسخك..

شافت ديسير محطوك فانية ديالو..غسلات تفيفيحات وخوخات وتلفتات ليه:نصايب ليك عصير
مجاوبهاش صيفت ليها قبلة هوائية وعض على شفايفو بشهوة خلاتها تدخل فجواها وتمرك لاش دواتو..
طاب الطبق وجبداتو محمر وهي تنطق:ممممم
منصور:(جا وقف حداها)باين زوين
سماح:تا ذوق وتحكم..

حطات ليه فطبسيل وليها تاهيا ودارتهم لصال امونجي..سيد كي بدا ياكل مهضرش بتاتا فيه جوع وعجباتو الماكلة دخل طول وعرض..فحين هي تتاكل على اقل من مهلها وتبنن ..كتافات بطبق واحد وهو زاد من جديد..ستاغلات وجقتو فالاكل وبدات تتقشر ليه تفاحة..بتاسمات وهي ساهية ونطق:مالك؟؟
سماح:عرفتي شنو تفكرت بهاد تفاحة؟؟
منصور:(تيمسح فمو بمنديل)شنو؟؟
سماح:بابا تيحماق على تفاح تتيجيبو بالكثرة وماتيعجبو ياكلو هي من يد ماما خهه(مدات ليه طريف)تتنقيه ليه بحال هاكا وتعطيه وياكلو... 
منصور:مك وباك مزوجين عن حب ولا تقليدي؟؟
سماح:(بحماس)عن حب اسيدي..كانو دار عمها ساكنين عندو..وهو شاد الفوق وتما شافها وتصاحب معاها شي شهر وتزوج بيها
منصور:(بفضول)مماتش الحب بيناتهم؟؟
سماح:ماما تتقوليا الحب مكيموتش هي تيتخبا..على ماكبرت وشفت بابا ديما محتارم ماما وداير بحسابها..تيتشاور معاها ديما وتيعاود ليها صغيرة والكبيرة..وتا المعاملة راه تيعاملها بحال الما القليل.. 
منصور:باينة!!ماماك زوينة ودرويشة ديال العشرة .. 
سماح:(بابتسامة عريضة)ماما احن وحدة فالعالم ههه تعرف تدير شي حركات راه افهى فيها..شتي بابا ديما تيقول منهار جات عندي جات برزقها حيت قبل كان بابا عندو هي محل تسبابط.. 
منصور:تيبغيها لهاد درجة زعما؟؟
سماح:ماشتي والو ههه سول الياس اقوليك ...نعاود ليك واحد البلان تموت بضحك واحد نهار ماما كانت تتبكي حيت توحشات باها مع كبرات يتيمة مسكينة وكانت متأثرة والياس كيطنز حداها تاقاليها واعيقتي اماما..ناض سمعو بابا شدو ملخو عصاا وتغاوت معاه كاليه متزادش لي يقول ليها هاكاك..
منصور:وايلي ضربو كاع!!
سماح:ايييه سلخو ههه(جاتها ضحكة عالية)ههههههههههخخخخههههههه ناري اش تفكرت.. 
منصور:شنو؟؟
سماح:نعاودها ليك ولكن تبقا بيناتنا ههه(حطات راسها على كتفو تتشوف فيه)ديك نهار كنت بيت نمشي لكوزينة ولقيت بابا وماما حممم تيتباااوسوو عههههه.. 
منصور:(دار ابتسامة)شتيهم..راهم شرفو وعاطينها للبوسان فالكوزينة بحالك نتي العيانة.. 
عوجات فيه فمها وقالت:تا نشرفووو هههه(خشات ليه تفاحة ففمو)كووول
منصور:(كلى الطرف)الله يعميها ليك...نوضي تنعسي
سماح:بلاتي نجمع هادشي 
منصور:(جارها من يديها)زيدي تا للصباح واجمعوه.. 

جرها بلا هضرة بلا جوج للبيت معنقها هي دخلو دخل للحمام غسل سنانو وخرج ليها..ماعرفاتو منين تسلط عليها باغي حقو شرعي..
دوزات معاه ليلة ولا في الاحلام ..
بحركات منصور الجريئة عليها وصوتها لمحلون هي عاشو ليلة من داكشي .. تكتبات فتاريخ حبهم الحمق..
*****
فاقت من تلقاء نفسها رغم انهم مانعسوش بكري..مرة حميمية مرة هضرة..عرفات منصور كشخصية وأن منصور كيبوح كلشي فالفراش... 

ماخلاو ماتعاودو كأي زوجين..ولكن هي لي كلات العصا حيت تحتها راه طاايب مزكلهاااش.. ناضت بشوي عليها عريانة لاحت عليها بينوارها ودخلات للدوش بعدما هزات حوايجها لي غتحتاج والسعادة كتغمرها..

دوشات بزربة خوفا منو ادخل عليها..وخرجات لبسات حوايجها عبارة عن كندورة عصرية مع دجين لاصق وصنيديلة..نشفات شعرها لداخل وخرجات ناضية لقات عليه نظرة وبتاسمات بخجل وهي تتفكر ليلتهم الحميمية كي دازت
خرجات من البيت وتمات نازلة والفرحة مرسومة على وجهها..قصدات بيت راضية ديركت ودخلات بلا ماتدق لقات لطيفة تتصايب ليها شالها.. 

سماح:(بصوت عذب)صباح الخير
تلفتات لطيفة وبتاسمات تاا راضية كذالك..
لطيفة:صباح النور
سماح:(باست لطيفة وراضية)كي صبحتو؟؟(شافت فعجوزتها)لباس اخالتي؟؟
راضية:(بصعوبة)للاااابااااااس
سماح: الله يدومها..(بنشاط)نفطرووو
لطيفة:نفطروو هه

خرجو راضية ونطقات سماح:خالتي نفطرو فجريدة تشمي الهوا
حركات راسها وداوها للجريدة الخضراء لي حارص منصور انها تكون مفججة بالمغروسات. .

جلسو فجليسة وسرباو ليهم الفطور وسماح مجمعة معاهم ..كلامها حلو وفاشما دويتيها تدوي..عجباات راضية بزااف مكرهاتش تنوض تزغرت.. 

دازت ساعة عاد تم واقف عليهم منصور باينا عليه مدوش من عينيه الحمرين..توجه لمو ديركت..قبل راسها وقال:لالة راحتي لباس؟؟
بتاسمات ليه وقالت:بخييييير
منصور:(داعب شعر سماح)علاش مفيقتينيش . . 
سماح:(تتخوي ليه قهيوة)قلت نخليك ترتاح.. 
مداتها ليه بحب وبتاسم ليها..وقال:جمعتي حوايجك 
سماح:مجموعين 
تلفت لمو:ميمتي تمشي معانا تفوجي شوي.. 

حركات راسها بالسلب وهي تنطق سماح:ياله اخالتي معانا الصحرا زوينة..والله تاتعجبك ونديك لمرزوكة ندفنك فرملة تحيد ليك البرودة وتوقفي على رجليك ان شاء الله
بتاسمات راضية نييت والفرحة فعينيها باينة بهاد السكر المتنقل لي عطاها الله.. تتعلي فيديها لي تتحركها شوي ناحية سماح لي بتاسمات وقربات ليها شدات يديها باستها وقالت:ياله معانا
حركات راسها بنفي وهي تنطق لطيفة:سيرو هي نتوما باقي عرساان هادشي لي بغات تقول واقلة..
حركات راضية راسها وهو ينطق منصور:ايبقا بالي مشوش
لطيفة:كون هاني انا معاها..متخاف من والو
منصور:(باس يد مو)مأكدة؟؟
حركات راسها بالايجاب ونطق:على راحتك
سماح:المرة جايا نمشيو كااملين ازين(غمزاتها).. 
شاف فسماح وضحك وقال:تتعنبي ليا على مي لا؟؟
سماح:ومالها رااه زينة اربي شوف شوف..العوينات والفيم ايهاي والاناقة نعاودو نخطبو فيك.. 

بتاسمات راضية لحلاوتها مكرهاتش كون تتحرك تعنقها وماتخلي مادير ليها
منصور بفرحة.. بتسامة مو وقال:علاه هي زين
سماح:اواا نيييت..انا نوض نوجد ماندي
منصور:ياك مجموعين!؟
سماح:مالي غندي رحيلي كولو هه لاهيلا.. 
مشات تجمع حوايجها فحين لطيفة قالت:سبحان من خلقها هاكا فروحية ومبسمة..ملي جلسات وهي منشطة مك.. 
بتاسم لمو وقال:بصح اميمتي
حركات راسها بالايجاب ونزل كمل فطورو وللمرة الالف مكيندمش حيت اختار سماح..

منصور ولد موو..بهاد المعنى تضحك مو يضحك تبكي مو يبكي العالام..معزتها عندو كببيرة بزااف ولي فرح مو اعجبو تاهو..و سماح بعفويتها ولطافتها ختارت الطريق ساهلة وهي موو..تضحك معاها وتنشطها وتا حيت راضية انسانة مسالمة تتبغي هي الونيس لاغير
فطر وناض خلط على سماح للبيت لقاها تتجمع شي كريمات...بتاسمات ليه وقالت:شويا كرشك؟؟
منصور:(حضنها من لور وباسها فعنقها)صافا..نتي مزياانة؟؟
سماح:(تتحط كريماتها)مزيانة ههه(باسها فوذنها تا بورشها)واامنصوور تأ خليني نجمع
منصور:اش داير ليك؟؟(طلع يدو لصدرها)
سماح:هههههه وازمر هههه(تفكات منو)جمع تانتا حوايجك وزيد نساافروو
منصور: (هز حاجبو)نجمع ازين..هاني تنجمع للحساب. 
ضحكات و كملات جميعها وتاهو كيجمع لي غيخصو..سالات قبل منو وهزات جوج كسيوات صيفين وقالت:منصور اينا وحدة لي نلبس؟؟

سماح: منصور اينا وحدة لي نلبس؟؟ 
منصور:( تلفت شاف فيها)لي عجبااتك
سماح:والاا ختار معايا
منصور:(تيجمع حوايجو)وانا باش غنعرف بجوج زوينين.. 
سماح:(عوجات فمها)ماتنفع ماضر.. 

ختارت وحدة صيفية كلها وريدات قصيرة حد الركبة ميلونج بين الاصفر والبرتقالي الخفيف..دخلات للدوش لبساتها وخرجات وقالت:كي جات؟؟
منصور:زويينة ..ماشي باردة
سماح:لا درووك سخن للحال..ديك نهار هي حيت بارد الحال.. 
منصور:مممم

كان مركز كيجمع وهي بدات تتماكي ميكاب خفيف مع بعض الاكسسوارات الخفيفة لي منحاصرة فساعتها وخاتم زواجها وبراسلي سنسلة رقيقة مزينة عنقها وخلخال 
سماح:(دايرا يديها فجنابها)وانا لي مرا وساليت ونتا باقي؟؟
زف عليها بسروال:عاونيني ونقصي من نكير.. 
سماح:اعععع خصرتي ليا شعري..

مشات تتعاون فيه ودخل البس عليه..ياله بغا يرش الريحة تفكرها ودار بناقص..خرج متيك ومشيك انيق بحالها وقال:مشينا
بتاسمات وهي تتشوف فيه وطلعو وتهبطو وقالت:ماشاء الله جيتي زوين هه.. 


بتاسم ليها ودرعها بيدو وقال:ياله ازوينة.. 
سماح:والفاليز؟؟
منصور:انصيفط شي حد انزلهم.. 

دوزات يديها على كرشو بحب ونزلو مجموعين لتحت ودعو راضية تحت توصياتو للطيفة ليها:دوا فالوقت..وتاكل فالوقت
لطيفة:كون هاني
سماح:(باستها فحنكها بنعومة)تهلاي فراسك اخالتي..

بتاسمات ليهم ومشاو وهي مترقباهم بعيون كلها حب وفقلبها تتطلب الله احفظهم من كل شر..

اما هوما خرجو برا لقاو سيد لي مكلف بالفيرما تيحط ليهم الشوانط ديالهم فطونوبيلتو..مد ليها سوارت وقال كيتعگز:نتي لي تصوگي؟؟
سماح:لالا اويلي منهنا لداخلة
منصور:نتي لي مابيتيش نقطعو فالطيارة ونهينو الوقت ههه اللهم صوگي ونيت تطلقي يديك .. 
سماح:واش نتا هي فينما ترشق ليك تلوح ليا سوارت وتقول ليا طلقي يديك(شافتو غادي من جهة لوخرا)واهيا وراه معاك تندوي(طلعات لمكان المقود)عاطيني مشي.. 
منصور:ههه وامنانة الله يهديك راني مريض
سماح:(عوجات فمها)حراام عليك.. 
قبل حنكها بلطف وقال:صوگي هي شوي وانا نشد عليك الصوگان ههه هي تنبغي نعصبك. 
سماح: وا فهمني انا راه تنخاف..هي تنشوف شي خرشاشة خرجات ليا من جنب تنبدا نفافي.. 
منصور:(دار سمطة)داكشي لاش بغيتك تطلقي يديك..كون نيت بفيت نرتاح راه السيد اصوگ بينا تانوصلو ولاكن بغيتك تحركي يديك
سماح:(بتوتر)ان شاء الله..يا بسم الله..(ديمارات)اللهم عليك توكلت
منصور:(شاد الضحكة)زيدي دعاء دخول المرحاض تاهو.. 
سماح:اوا باااز

تحركات بشوي عليها غادية مزيانة..مدات ليه تيليفونها وقالت:طلق لينا موسيقى نتونسو بيها.. 
شد تيليفونها شاف الشاشة دايرا فيها تصويرتو هو وياها فالعرس وبتاسم وقال: وصلوك تصاور
سماح:ممم

دخل يوتوب برونشا تيلي ودار ليها شاب نصرو "عطاك ربي بلاصة في قلبي" وهي تنطق:شحال زوينة هاد الاغنية.. 
منصور:سييي

بقاو غاديين فالطريق وصوت نصرو تيغني عطاك ربي بلاصة في قلبي والحب منتاشر بيناتهم.. 

ماكيهضروش هي مركزة فالصوگان وهو تايقلب فتيليفونها..دخل لتصاور تيشووف فيهم قليل لي فيه هو معاها..تلفتات ليه وقالت:شكدير
منصور:(مركز فالتصاور)انصيفت هادو عندي (بتاسم )جيتي زوينة. . 
سماح:(بابتسامة)اخليلي الزين لي عينيه زوينين وتيشوفني زينة هه.. 
منصور:كثرتي عليا فتعناب؟
سماح:هنههههههههه نفششك شوي..تحيد سبعيام تالباكور نرجع للنكير.. هههههه تعرف واحد النكتة قاليك هذا واحد سيد نگار بزااف ومرتو تتعاني معاه.. 
قاطعها:بحالي انا معاك.. 
سماح:ههههه تماما..اوا واحد نهار طلباتو قالت ليه عفااك هي اليوم متنكرش غدا ونگر قاليها واخا..بقا سيد منكرش ولايني كل ساعة تيقوليها غدا النكير..غداا النكير هههههههه تينگر عليها بغدا النگير
منصور:هههه هذا هو حالي معاك..مور سات جوغ .. نگير
سماح:(شافت فيه ورجعات بسرعة شافت فطريق)ايييه مكاين هي نگير ههه.. 

كملو طريقهم مرة اجمعو مرة اسمعو موسيقى..بقا عليها براي الراي تا طابت بيه وبدلات لنانسي عجرم بقا هي تيشووف.. 

تنص النهار وسماح ثلاثة تسوايع وهي صايگة ولاخر حداها مشجعها تا تطلقات مزيان..
منصور:تلقاي واحد الستاسيون دخلي معاها نكمي وكولي شي حاجة
سماح:واخا.. 

دخلات معاها ووقفات..تتحرك راسها يمين وشمال بتعب..مد يدو لعنقها كيماصيه وقال:عييتي!!
سماح:ههه(مستحلية لمستو)شويا هه
منصور:انا نكمل علييك..نزلي ناكلو شي حاجة.. 
سماح:اوك

نزلو بجوج شد فيديها وتمو داخلين للمطعم..طلب ليهم غذاء وستأذن منها باش امشي اكمي وبقات هي تتهضر مع مها فالواتساب وتتضحك.. تا تحط الغدا عاد تم جاي كيعطعط بريحة الكارو..هي جلس وهي تبعد وجهها وقالت:اواااه
منصور:دوختك هه جلسي لهيه
جلسات فكرسي بعيد عليه وقالت:نقص منو شوي
منصور:(الصمت).. 

بداو كياكلو وهي تتبنن.. و هو حاضيها..محمقاه فكامل اناقتها الزين والتباتة والضحك والرزانة ولكن لسان لي يقول جيتي زوينة مكاينش بتاتا.. 

كيكتافي اخلي داكشي فداخلو
وهوما كياكلو ماحس تاوقف عليه شي ظل..هز راسو اشوف فيه وكمش عينيه باستفهام فحين الاخر لي كان راجل اربعيني على مزيناتو زينو يفتن..بشيبات خفاف على لحيتو وفورمة جميلة..

..:افين اسي منصور
منصور:(باستفهام)on se connait??
..:اباااز حقق شوي هاا هههه
منصور: (بقا كيحقق تا بتاسم بشوي)اهلا اهلاا مجيد
مجيد:(تعانق هو وياه بحرارة)صافا خوياا؟؟شخبارك؟؟
متصور:تخي بيان ونتا؟؟مزيان؟؟
مجيد:هاحنا هي تدونيت..والضرائب!! كنت جالس لهيه تا شفتك وتنقول واش هو ولا ماشي هو..اكبرتي اخويا.. 
منصور:هههه شويا..نتا مزياان؟؟
مجيد:بخير ماخصني خير. واكل شارب ضاحك.. 
منصور:(ضحك)لهلا يبدل ليك الطبيعة ديما ضااحك
مجيد:ضحك ومولاها ربي...واحد هشام كيراه؟؟. . 
منصور:لباس عليه ولى فبلجيكا درووك
مجيد:ولد الحرام رونها هنا ومشا لبلجييكاا..(شاف فسماح)شكون زين؟؟
منصور:(ضربو لوجهو كيضحك)هه واش باقي مبغاش اعفو عليك الله..سماح مافاام.. 
مجيد:اخويا تبت والله ههه راه تزووجت(نعت ليه بيديه)راه تاجديكت ديالي.. 
منصور:هه مبروك عليك
مجيد:اشمن مبروك راه قرن وزمارة(تمات بنية جايا تتجري)وهادي حشااك بنتي.. 
امنية:(بطفولية)عزك الله ازين
هزها عندو وقال تيضحك:بوسي عمو
امنية:(تلقات باستو)زوين هاد صاحبك ابابا.. 
ضحك منصور وقال:زهواني اش غيولد؟؟هههه تانتي زوينة ابنتي.. 
مجيد:تيعجبها زين والزهو بحال بااها
امنية:(تتشوف فشعرها)تا هاد طاطا زويينة.. 
سماح:اجي بوسيني ازوينة.. 
نزلات من عند باها باستها وقالت:نتي لي فنة اش سميتك؟؟
امنية:سميتي امنية
سماح:مشرفين انا سمااح
امنية:مشرفين(شيرات لمنصور لي تيشوف فيها)هذا راجلك؟؟
سماح:هههه اه راجلي
امنية:زوييين
مجيد:(ضرب جبهتو)زيدي زيدي العرق لي بقا فيا تاع تاشياخت هزيته نتي
منصور:بنتك اش نتسنا منها هههه
مجيد:اوا الحنش كيولد هي ماطول منو(جر امنية)ياله نخليكم دابا انمشي خليت مراتي بوحدها.. 
منصور:(تسالم معاه)تهلا فراسك..ساعا سعيدة.. 
مجيد:(جبد كارت فيزيت ديالو)هادي كارت فيزيت ديالي وقتما جيتي لاكادير مرحباا
منصور:احفظك(باس امنية)تهلاي فباباك وحضي ليه عينيه
امنية:(بعفوية)ماما حاضياه وديما تتقوليه تابع ليا العيالات .. 

ضحك منصور وتا سماح اما مجيد قال:تريكة نااقصة الله يعاون.. 
مشا مخليه منصور مبتاسم وتا سماح..رجع لبلاصتو وقال:بنتو زوينة
سماح:هههههههخ ضحكوووني واش صاحبك؟؟
منصور:الا صاحب ولد خالي..لي كنت قلت ليك عليه كنت ساكن معاه
سماح:اااه حيت تيبان ليا كبير على يكون صاحبك
منصور:انا معنديش صحاب
سماح:زهواني هو هههه
منصور:بزااااف..عرفتي راه تيموت على العيالات وعلى الزهو والقصاير فينما جيتيه كاين.. 
سماح:حسن عوان مرااتو هههه
منصور:سي هه 
سماح:زوينة مراتو
منصور:مارديتش البال..

بتاسمات وكملات اكلها مجمعة معاه شوي..ناضو خلصو وشدو قهوة ومشاو شادين طريق تاني وهو لي صايگ اما هي عاطياها للماسق وتتسيلفى معاه..شاد ليها الخاطر ومخليها تصور وتعيش اللحظة والطريق مزال طويلة.. 

الطريق للجنوب فيها سوايع هوما..نهار وليل وزيد وزيد.. 


مرت ساعات قليلة بعد اخدهم للطريق..تكلف منصور بالسياقة وهي الراحة..

كانت هدنة بيناتهم خطييرة..هو شاد الخاطر وهي هايمة فيه على هاد الخاطر.. 

الطريق للجنوب طويلة وتتبغي صبر..ومن اقتراح سماح بغات طونوبيل باش تستمتع بمناظر الطريق.. 
مع مغادرتهم للعاصمة السوسية الطريق داتهم لكلميم..كلميم بداية الصحراء الجميلة

وقفو فدخلة وسماح كستنشق الهوا الزوين وقالت باريحية:كنحماق على الجنوب
منصور:زوين فيه هي شي بلايص سيتو
سماج:كنحماق عليها ههه 
منصور:شنو دابا اش نديرو؟؟نكملو طريق ولا نرتاحو
سماح:(دبلات عويناتها)نتساراحو هاد ليلة وغدا نشدو طريق
منصور:مرحباا
هز تيليفونو تيقلب على شي اوطيل مزيان.. 
سماح:واخا

بدا تيقلب فالتيليفون ويحك لحيتو تا لقى اوطيل مزيان وقال:ياله 
سماح:مشينا
تبع لوكالزاسيون للاوطيل..نزلو حوايجهم ومشا ريزيرفا مخليها وراه..هي حجز جا شد يديها وطلعو للبيت..

كي دخلو وحطو ليهم ليفاليز وهو يقنتها مع الحيط تا تخلعات..يديه طالعا مع فخضها من تحت الكسوة ونطق بحميمة وعينيه فعينيها:من قبيل وانا حابس عليك راسي
سماح:ههه حرام عليك ردختيني
منصور:(بصم قبلة على عنقها)مممم نردخك ومانخلي لي يردخك(باسها ففمها)
سماح:(بدلع)اوا هي ندوش بعدا ونرتاح
منصور:(قبلة فجنب فمها)ندير ليك علاش تدوشي
سماح:(بترجي)واعفااااااك
منصور:(قرصها ففخضها)نقصي هه
سماح:متندير والو انا هه طلب لينا ناكلو وندوشو نرتحااو
منصور:واخا ازوينة
قبلها فجبهتها وقال:دوشي ترتاحي
بتاسمات ليه وهزات من شانطتها حوايجها ومسائلها ودخلات خدات دوش فحين هو دوز خط للطيفة تيسول على مو..

دخلات دوشات بلا ماتقيس شعرها عارفة تابعها العمل الشاق بلا متغسلو..
وبرائحة الفانيلا دهنات لحمها..ولبسات عليها بيجامة حريرة فالازرق كتسد بصديفات..خرجات لقاتو عاد قطع مع مو باخر كلمة سمعاتها:تهلاي فراسك امي
سماح:كون هي عطيتيني ندوي معاها
منصور:(شدها من يديها وجلس وجلسها حداه مدرعها بذراعو)لقيتها عيانة فيها نعااس
سماح:(تكات راسها على كتفو ويديها تتلعب فزغب يديه بحب)كي راها؟؟
منصور:مزيانة(باسها فراسها)تاكلي شوي؟؟(شير ليها لماكلة)
سماح:عاد جابوها!
منصور:سيي..كولي وشربي وهزي سوفل..ليلة مكاين نعاس.. 

غمزها وناض مخليها واحلة ليها حيت مكيعيااش وتيبقا شادها تا كتولي تطلب شرع

ناض هز مسائلو ودخل دوش صحصح شوي لقاها باقي تتاكل داز للبالكون تاكما ورجع غسل سنانو عاد بادر بيها.. مدوزين ليلة اخرى من ليالي الاحلام ديالهم فالصحرا


الصحراء المغربية..ارض شاسعة..ارض المغاربة ابا عن جد...اي مغربي كيحس بانتمائو للصحرا..

بمدنها الكثار وبتقاليدها العريقة بقات الصحرا هي المنطقة الاجمل فالمغرب ..

كلميم..الداخلة..بوجدور..الكويرة..
العيون ..السمارة.. وماغيرها من مدن تمثل الصحراء المغربية 

#الصحراء_في_مغربها_والمغرب_في_صحرائه_الى_أن_يرث_الله_الأرض_ومن_عليها🤍🇲🇦
***

فالطريق غاديين هو لي صايگ بعد ليلة باتوها فگلميم..لابسة سروال جينز وتيشورت هازا شعرها كوت شوفال ونظارات شمسية وهو بدجين ايضا وتيشورت داير كاسكيط ونظارات وتيضحك معاها.. 

سماح:ههههه الله يمسخك 
منصور:امييين..امسخك هي نتي العيانة لي نعستي وخليتيني واحل
سماح:واش مكتعيااش؟؟(مدورة وجهها)الله يمسخك
منصور:عياي هي نتي هههه

دخلو للعيون..بوابة الصحراء الجميلة..ضارو فيها تا مقدو ..الأهم عندهم ماشي المآثر ولا الأماكن السياحية..كانو بغاو فقط اضورو فيها واشوفو ازقتها وحياة الناس فيها..

كاين جوج انواع تناس لي كيعشقو السفر..الأول كيبغي اشوف مآثر المدينة ومنتجعاتها السياحية ..ونوع اخر كيبغي اسافر واشوف ثقافة ديك المدينة..عاداتها ونمط عيشها..

دخلو لأوطيل عيانين وتينشو بالصهد..خداو دووش من جديد ورجعو خارجين كيضورو ..كيشوفو نساء بالملاحف والصحراويات مكاين هي طرف ينسيك فالاخر
سماح:(شادا فيديه كتسنابي)انا لي مرا وتلفني هادشي(شيرات ليه بعينيها لوحدة دايزا مطرفة)
منصور:مكتحشميش هه خصك تعرفي راه ثقافة موروثة عندهم..الصحراوية الحرة هي لي تتكون عامرة وفورمتها زوينة راه ملي تيكونو صغارات تيبنيو ليهم ريوسهم. .
سماح:ايييه ولاهيلا ههه حنا بعدا لا
منصور:ماعندك ماديري بشي غلض..حطي داك التيليفون ودوزي ناكلو.. العشية نشدو الطريق.. 
سماح :هه عرفتي مكنسخااش انا بهاد الجو ..كيعجبني نبدل مدينتي ونشوف جو مدينة خراا..

درعها بيديه ودخلو لمطعم زوين من داكشي..تغداو فيه والأوضاع زوينة بيناتهم..هو مكالمي وهي سعيدة فرحانة وتتكول هادي هي الحياة.. 
****

دام سفرهم للجنوب ايام تقدر بسبعة ايام وهوما كي الحميمات..ليلهم راه كولو حميمية ونهارهم ضوران وتصاور..عطاها الخااطر تالخاطر وحيت بعيد على أي صداع واي توتر كان مكالمي..

اليوم شادين الطريق للعودة لمراكش..من الجنوب لسبعة رجال..كانت الساعة تتشير للسادسة فاش دخلو لفيرما..
النسيم تيضرب فوجه سماح لي سمار وجهها شوي..

سماح:(مع دخلو لفيرما بتاسمات)توحشت خالتي هه
شاف فيها وبتاسم:عزيزة عليك؟؟
سماح:ااه حيت ضريفة وهي تتبسم ليا..
منصور:تانتي عزيزة عليها حيت تتجمعي معاها واخا متتهضرش مزيان. . 
سماح:بحالك نتا تتبيع الهضرة
قرصها فحنكها وقال:واخا الالة منانة..نزلي ازين..

نزلات تتعجز ودارت جيهتو تعلقات فيه كي القردة فيديه ..بعد صونيت خفيف تحل لباب من طرف لطيفة تبسماات وعنقات سماح مرحبة بيها اما منصور كتافا بإلقاء السلام حيت مزاعماش عليه بزاف..

توجه ديركت لعند مو معنقهاا مزير عليها وتيقبل راسها ويدها وعلى وجهو ابتسامة متيسعة.. 

منصور:زين توحشتك(قبل يديها)كي راك مزيانة؟؟..

تتبتاسم ليه وتجاوبو بحروف صعاب اما هو ماقداتو فرحة..جات سماح عنقاتها وباستها ناشطة.. وراضية بشوفتهم رتاحت وفرحاات..

طال الجموع بيناتهم وجلسو معاها مزياان تا أذن العشا وتعشاو عاد طلعو فحالهم لقاو لي فاليز ديالهم كاينين..

حلات سماح لفاليز هزات منها خمسة تالملاحف وبلاغي وقالت:انا نزل ندي هادو لخالتي.. 
منصور:واخا وطلعي دغياا
سماح:هاا حمم واخا

نزلات لتحت لقاتها ياله تتشرب دواها.. دخلات راسها كي المشة
وقالت:لالة راحتي فايقة باقي
لطيفة:دخلي ابنتي.. 
دخلات مبتاسمة وحطات على حجر راضية شنو جابت وقالت:هاكي الباروك اخالتي
راضية:(بابتسامة)الللللللللللله
سماح:بصحتك اخالتي..(مدات للطيفة)هادو ديالك
لطيفة:يعطيك ستر ابنتي الله يدير بحسابك..
سماح:اميين..بصحتكم ياله تصبحو على خير.. 

تبسمو ليها وخرجات طالعا للفوق تتحك شعر راسها بتعب بغات هي تنعس..كي دخلات لقاتو تينشف شعرو..شاف فيها وقال:عجبوها؟؟
سماح:بزااف فففف(جلسات حداه لاحت راسها على كتفو)عييييت بيت هي نعس. . 
منصور:دوشي ونعسيي
سماح:داكشي لي قلت(باستو فحنكو)

ناضت هزات اغراضها خدات دوش وخرجات معطرة ناضية لابسة بيجامة حريرية تنعاس تلاحت حداه لقاتو شد فيه النعاس...وتاهيا دغيا غفات بتعب السفر. .


فصباح اليوم الموالي..جالسة سماح كتشرب قهوتها مع منصور فسيجور فقط حيت راضية باقي مفاقتش..

صونا تيليفونها كانت مها بتاسمات بفرحة وردات: اهلا معيسلة.. 
زينب:الالة بنتي كيدايرا؟؟كي وصلتي.. 
سماح:مزيان اماما ونتي بخير؟؟بابا والياس يسرا وكريمة.. 
زينب:كلشي بخييير ابنتي نتي مزيانة؟؟كيداير منصور وميمتو لباس عليهم 
سماح:كلشي بيخير اماما تيسلم عليكم.. 

شاف فيها منصور هاز حاجبو ورجع تيشرب قهوتو بدون مايدوي..
زينب:اسلم عليه الخير والربح
سماح:ماما جيو عندي اليووم عفاااك
زينب:داكشي لاش عيطت ليك الى كان مناسب نجييو
سماح:جيو اماما مرحبا بيكم..توحشتكم اماما
زينب:تاحنا ابنتي..صافي الغدا عندك.. 
سماح:(بحماس)مرحبااا بيكم انا نتسناكم.. 

قطعات معاها وشافت فمنصور وقالت:ايجيو دارنا
منصور:مرحبا بيهم..هضري مع لي فالكوزينة اتكلفو.. 
سماح:لالا انا نطيب
منصور:اتعيي راسك وصافي..عطيهم شنو بغيتي اوجدو واوجدووه
سماح:(بحماس)لالا بيت نوجد انا(بدلع )وياك داري
منصور:لي عجبك ديريه انا خارج.. 
سماح:فين؟؟
شاف فيها هاز حاجبو وقال:منانة
سماح:فف صافي سير ههه تاتفيق خالتي نشوفها شنو بات للغدا تاهيا
باس جبينها وقال:ردي لبال لراسك
سماح:تانتا

خرج هو لأشغالو لي معرفاتهمش وهي ناضت للكوزينة علمات الخدامات بلي جايين ضياف وهي لي غتكلف..تفاهمو معاها وبداو كيعطيوها شنو تحتاج وباشرات فالتجهيز..تا فاقت راضية فطرات وجابتها حداها تونسها..تطيب وتجمع معاها وتبقا مرة مرة تسولها خالتي الخرقوم مزيان لهادي مزيان هادي لديك. . 

كتحرك ليها لسانها بالهضرة ولوخرا عاجبها الحال. . 

وجدات غذاء من داكشي بانواع كثيرة من الاطباق..ماحسات تا داز الوقت طلعات بدلات عليها ونزلات كتشوف واش كلشي هو هذااك..الماكلة واجدة صواني تأتاي واجدين دوازو واجدين والعيون الحلوين لي مترقبينها واجدين كذلك..

تسمع صونيت ومشات تتجري تحل ظنا منها انهم عائلتها لكنو منصور
قالت باسف:حسابني دارنا
قرصها فشفايفها:وانا مابغيتينيش نجي.. 
سماح:(دورات يديها على خصرو)لا جي مرحبا بييك هه فين كنتي؟؟.. 
منصور:فين مي؟
سماح:راهيا فالصالة تتشرب اتاي ياسيدي
منصور:انمشي نشوفها..داركم باقي معطليين؟؟
سماح:انعيط ليهم..فيك جوع!!
منصور:لا..

مشا اشوف مو و هيا هزات تيليفونها تتسول فين وصلو..صيفتات ليهم لوكاليزاسيون ورجعات جلسات معاهم كيدردشو تا صونا الباب وحلات الخادمة..

ناضت سماح تطييير كي شافت مهاا طاارت علييها بتعنيقة تالغدايد مزيرة عليها..

الياس:اطلقي من سيدة بحرا تهنات من فشوشك.. 

دازت ليه هو نيت عنقاااتو و باستو وتلاحت على يسرا وكريمة فرحاانة بحالا شحال ما شافتهم...
سماح:فين بابا؟؟
زينب:راهو هاز شي حوايج
شافتو جااي وتلاحت عليه بتعنيييقة مزيرة عليه وقالت:توحشتك
عثمان:هههه اصبري نحط هادشي

حط شنو هاز وعنقها تاهو تيبوس فراسها دايرها تحت باطو.. 

تقدم منصور جيهتهم سلم عليهم كاملين ورحب بيهم عاطييهم صوابهم فقط.. 

دخلو كاملين للصالون سلمو على راضية..الحال والاحوال وتسوال وماغيرهم 

منصور عاطيهم صوابهم فتسوال عن الاحوال لاغير..وسماح منساجمة مع عائلتها مخشية فباها ومها بحب
الياس:شو كي تخشات تاني كي اللفعة فيه؟؟
سماح:(تتقلي ليه سم)بصحتييي ففففف
الياس:خويا منصور كي داير مع هاد ختنا بدات تتسلخك ولا مزال؟؟
منصور:شويا
سماح:باااباااا هضر معاه
كريمة:هذاك راه سالا راسو مبقاش لقى معامن اتناكر..
زينب:زعما راك نتي وياه ممناكريينش..شتي الالة راضية ههههه قلبي جبدووه لياا بنكيرهم
راضية:هههه
سماح:اربي واش نتا مزوج نتا؟؟داير عقلك فيها.. 
الياس:(ضرب كريمة لكتفها)هادي راه متحلاش ليا بلا بيها
نزلات عليه لكتفو:شد يديك ولا نهرسهم ليك

ضحكات راضية تا تسمع صوت خفيف..ولتافت ليها منصور مبتاسم عارفها ناشطة.. 

عثمان:اش دير اولدي طحتي فعائلة حمقة ماعندك مادير. . 
منصور:مرحبا الله اودي..دار داركم.. 

كملو جموعهم مع بعضهم وعلى نسمات الاكل لي وجدات سماح كلاو..


تشاركو طعام كيف كيقولو وكلاو من يد سماح..كلشي تايهضر و اضحك الا منصور مشاركهم فقط الحديث..

عاطيهم صوابهم حيت مشاف منهم هي الخير.. 

معزول عليهم فالماكلة حيت ماعندوش مع التقليدي..مكتافي بطبق عصري بالدجاج مسوطي بلاصوص.. 

بعد الغذاء مباشرة ستأذنو بغاو يمشيو عيات تشد فيهم لكن مابغاوش. .

عطاتهم لي كادو ديالهم وتودعات معاهم بدميعات على خدها..
تا مشااو وهي ترجع تدمع لحدا راضية حطات راسها على كتفها وقالت:انتوحشهم
راضية:الللللللله يرضييييييييي
سماح:اميين(شافت فيها)تونستي شويا؟

حركات راسها بالايجاب ونطقات لطيفة:وقت الدوا هادا .. 
سماح:عطيه ليها الله يشافيك..انا نشوف منصور..

ناضت من حداهم وطلعت لبيتها لقاتو متكي على السرير وهاز تيليفونو تيقلب فيه..

دخلات شاف فيها وقال:مشاو؟؟
سمااح:ممم(جلسات حداه)مالك؟؟
منصور:والو(حط يدو على خدودها)مزيانة؟
سماح:حمد لله(تتشوف فيه بترقب)فين كنتي؟ 
منصور:عند صاحبتي
عوجات فمها وقالت:اوا ديك ساعة سلم عليها.. 
منصور:(تبسم وصبعو فشفايفها)سلمت عليها وملي وريتها هادي(وراها عنقو فيه مصة)غارت كااع. . 

طلقات ضحكة عالية رقيقة وغطات وجهها بيديها حشمانة من بوستها لي خلات ليه فعنقو..جرها من يديها جابها على صدرو وشقمها ببوسة خفيفة على شفايفها وقال:محشمتيش هاا
سماح:(بدلع مخشية فيه)شوف نتا كي تتخليني. . 
منصور:عربون المحبة
سماح:هه ياك(بملل)جاني القنط
منصور:تخدمي؟؟
سماح:فاش؟؟
منصور:ابدا الموسم الدراسي وخدمي فليكول. . 
سماح:(تجعدات حاطا حنكها على يديها لي موقفاها من مرفقها على صدرو)اش ندير تما؟؟. . 
منصور:(كيطنز)كوني ميتخييز!!
عوجات فمها وقالت:من نيتك(جاتها ضحكة)هههههههه تعقل فاش قلتها ليك وقلتي ليا شهاد لافاصوون تلهضرة ههههههه
منصور:ههه ما كنتش مطلوق عليك..شنو داابا ؟؟. . 
سماح:معرفتش والله..اشمن بوسط تعطيني؟؟
منصور:خدمي فالإدارة..تكلفي بالكوطي كونطابل!!
سماح:واخا(بابتسامة)شحال تعطيني فالصالير
منصور:نكويك كوية زويينة حلوة(شقمها ببوسة بجغ ليها فمها)فاحسن بووز واحسن بلاصة 
سماح:(ضرباتو لصدرو وقرصاتو فيه)الله يمسخك الماسخ انزل نشكي لخالتي. . 
منصور:(يديه فخصرها تطلع وتنزل)خلي خالتك ترتاح واجي نريحك نتي. . 

شافتو بغا يشدها وقالت:والله وماطلقتي مني تانقجك(دارت يديداتها على عنقو)انقتلك. . 
منصور:(مع ذلك كيبوس فيها)تقتليني نتي هااا. . 

تلاح عليها ماباقي ناض تا شد اش بغا ومتعها معاه عاد ناضو دوشو بجوج ورجعو خرجو لبرا مرحين مع راضية

***
فالمساء خرج هو بدون مايعلمها فين زاد وهي بقات مع راضية ولطيفة تانطقات:خالتي نديرو شي طاجين بالجلبانة والقوق. . 

حركات راسها مأيداه ونطقات لطيفة:انوصيهم اوجدوه
سماح:لالا نطيبو انا نييت..
راضية:(بابتسامة)مممم

شافت فساعة لقاتها ستة ونص وقالت:ياله نردووه..خالتي تمشي معايا. . 

حركات راسها وداتها معاها للكوزينة طلبات من الخدامات انساحبو واصلا مكانو كيديرو والو هي جالسين
جبدات اللحم والقوق والجلبانة وحطاتهم فوق طبيلة لي تم وجلسات حدا راضية تتهضر و تتصايب القوق فحين مو هي جالسة ومع كتحرك يديها وصبيعاتها جرات جلبانة وتتضارب معاها تحل بيد وحدة وتصايبها
سماح:(شافتها وفرنسات ليها)حركي ازين صبيعاتك مزياان..نقيها. . 

تبسمات ليها راضية وبقات تتحل فديك الجلبانة تا حلاتها وحطات ليها فاش ديرها..صايبات شوي على قدها ومع ناضت سماح تجيب طاجين مع دخل منصور..هي قشع البلان وهو يغوبش:مي

شافت فيه راضية وبتاسمات لكنو مكانش بتاتا كيضحك..مخنزر..
منصور:مي اش تديري؟؟اش وصلك للكوزينة؟؟(شاف فسماح)شكون دخلها. . 
سماح:(تمات جايا هازا طاجين)انا جبتها تونسني .

هز صوتو وقال معصب:واش صافا با نتي ولا؟؟شكون عطاك الحق تدخلي مي للكوزينة؟؟(شافها باقي شادا جلبانة)وزايداها عاطياها تصايب ليك زمر. . 
سماح:(صدمها)اش فيها؟؟راه هي مونساني
منصور:كيفاش اش فيها؟؟واش واعية اش تديري ولا هي تتهضري؟؟(حيد لمو داكشي وجرها)من بعد ونتفاهموو(ضربها ليها بتخنزيرة)
سماح:منصور راه هي..

مجاوبهاش ومعطاهاش فرصة تهضر خرج موو لعند لطيفة لي جالسة تتقرا كتاب..هي وصل مو لي كانت مغوبشة مبغاتوش ادوي معاها هاكاك..

وقغ على لطيفة كي قباض الرواح ونطق:الى كنتي مابقيتيش قادرة تگابليها قوليها نعطيك حسابك ونشوفو وحدة خرا.. 
لطيفة:(وقفات تتفافا)أ...كيفاش؟؟
هز صبعو فوجها مخنزر وقال:أخر مرة تبقا مي بوحدها ولا نشوفها فالكوزينة ولا تدير شي حاجة تعييها
لطيفة:ولكن
قاطعها:هاني هضرت
نزل لمستوى مو مختارع هدوء فملامح وجهو ونطق:مي ريحي راسك
راضية:(مغوبشة مبغاتش تشوف فيه)مننننن..
منصور:(باس راسها محملش تغضب عليه) مالك امي؟؟عطي راحة لراسك راك مريضة
راضية:ننننن سييييييير

زفر وباس راسها وناض متاجه للكوزينة عاقد سبعة فربعة..قلب عليها مالقاهاش وطلع للبيت عرفها تكون تما..

كي دخل زدح الباب تا قفزات حيت كانت جالسة شادا راسها تتفكر ونطق بغضب:اش دوك الفعايل؟؟اش قاليك راسك ملي دخلتي مي للكوزينة.. 
سماح:(شافت فيه ببرود)نتا لي اش قاليك راسك تا داخل وتتغوت؟؟لقيتيني تنحرث عليها ولا!!؟؟

منصور:(بنبرة حادة )عرفي اش تديري..مي خط حمر ماشي انا جايب ليها مرا تقابلها ونتي مدخلاها للكوزينة وعاطياها مزال تصايب ليك جلبانة ولا زمر. . 

سماح:(وقفات وبدات تتعصب)مالك لقيتيني تنسلخ فيها ولا عاطياها لي مايتعطا..بيت نصايب طاجين وديتها معايا نتوانسوو فين المشكل؟؟واش نتا شوية لبااس؟؟

منصور:نتي لي راك ملاباسش..بيتي تطيبي ولا تخراي دخلي بوحدك ميي مريضة . . 
سماح:(صاحت فوجهو)مكاينش لي مرييض قدك ابنادم..وخصك تشوف شي طبيب ..
منصور (رفع صوتو عليها وتيهز فيديه)نكون مريض ولا مخري فوتي عليك مي..متبقايش تدخليها للكوزينة..كون مانت عندها الصحة تدخل ليها منجيبش ليها مراا.. 

سماح:(خرجات فيه عينيها وصاحت فوجهو)هي دابا انا لي وليت خايبة يااك؟؟(بنرفزة)سير فوت ساحتي امنصور الهضرة معاك مسدودة انا تنشرق ونتا تتغرب؟؟منوض حيحة من تا حاجة..الى كنتي نييت فاهم وعارف غتعرف بلي مك مخصهاش داك الفشوش لي معيشها فيه..داكشي تيرزم ..جايب مرا تدير ليها كلشي وهي فين فهادشي..
حادگ هي تديها لطبيب ترويض وهي نهار كامل جالسة..حياتها خاوية نتا تضل خارج وهي فدار فنظرك مايجيهاش القنط؟؟راه المرض لي يجيها من دار وهي جالسة لا شغل لا مشغلة

قاطعها بدون اهتمام لشنو تتقول:خرجي سوق مي حسن ليك ولا غتشوفي لي ما يعجبك
سماح:(تغرغرو عينيها من نبرة هضرتو)باقي مزال كاين شي حاجة متعجبش!؟عطيني كلشي دقة وحدة. . 
منصور:(بصوت مرتافع)براكا متخراي فالهضرة وترديني انا لي منسواش..مي خط حمرر

غوتات فوجهوو معصبها من ديك كلمة مي خط حمر:واااش تنبان ليك انا تنسلخها دروووك؟؟واش منوض صدااع على شوي تجلبانة نقاتها مك؟؟(طاحو دموعها)ولا خصك هي معامن؟؟.. 
منصزر:تعاودي تهزي صوتك اسماح نتفاهم معاااك..(دخل لدوش)خراااا.. 

بقات واقفة بلااصتها ودموعها تيطيحو..منوض حريرة من لشيء.. 

الشخصية المزاجية هي اقود شخصية فالتاريح تيكون ضاحك ناشط تا كيتقلب ليه المود..

تيعطيك وجه تقولي هذا هو بنادم واتقلب واعطيك وجاه خرين..

منصور من هاد نوع..ومريض بشي حاجة سميتها مو..مخصص ليها جميع انواع الراحة لي ممكن تبغيها..وفكرة انه يدخل القاها فالكوزنية ماتقبلهاش بتات..

كيحس بحالا غتعيا واعييها ومغتبراش ليه بمعنى اخر مريض فراسوو..

نزلو قطرات دموع من عينيها خفاف ومسحاتهم ونزلات محاملاش تشوف فيه بتاتا..هضرو تاتضر ودخلات ليها الشك لدرجة شكات واش بالمعقول تصرفها فغير محلو...

نزلات للجردة فجليسة بعيدة على دار وجلسات مربعة رجليها وتتبكي بصمت وشعرها تيضرب فيه الريح السخون ديال مراكش.. 

اما هو غسل وجهو بالما بارد وخرج مالقاهاش..معارش الأمر اي اهتمام حيت معصب منها..

خرج لبالكون اكمي وقشعها من بعيد عاطياه بجنب..كما على خاطرو مقابلها بتعب..مكيبغيش اتناقش معاها حيت غي كيبرد كياكلو ضميرو وفنفس الوقت مكيبغيش كلمتو تطيح الارض

كيبغيها وكيموت عليها لكن مو خط احمر لا يمكن ان يتعداه احد.. 

نزل لتحت عند مو طلب قهوة كحلة وجلس مع مو لي متتشوفش فيه..مقلقة عليه من غواتو لي تسمع تال عندها.. 
منصور:(تيهضر معاها)مالك امي؟؟

مجاوباتوش محركاتش راسها كاع ليه ..وعمرها كانت ليها معاه لكنها ماعحبهاش كيفاش هضر معاها وغوت عليها..

تزير وماحملش راسو..اغضب العالام ومتغضبش مو منو..ومن عدم ردها عليه

بقا شاد التيليفون تيقلب فيه تايجاوب على بعض الإيميلات ديال الخدمة.. وحركات وجهو جامدين جامعين بين الغضب وعدم الرضى..

بدون مايسول مع راسو هاديك سيدة كي بقات خاطرها.. تا أذنات العشا عاد دخلات سماح من برا..طلات على راضية وقالت:خالتي
راضية:(تبسمات ليها)ممم
منصور:(مراقب الفلاش)
سماح:نجيبو العشا؟؟

حركات ليها راسها وناضت وصات الخدامة تحط العشا بغير نفس ومكتشوفش فمنصور..

عينيها حمرين باينة باكية ..تسنات منو اجي اهضر معاها احزرها اجي هي اتناقش معاها لكن والو.. السيد ماشافش تا فيها.. 

تحط العشا وجلسو تياكلو وهي بغير نفس هي تتنقب فحين هو تياكل ممسوقش..

وكيف العادة متتجرا هي فالمرا فقط
صبرات تاكملو داك العشا ومسات عليهم وطلعات لبيتها وقطرات دموع كيطيحو على خدها..

سرعان مامسحاتهم فاش دخلات لبييت..غيرات عليها حوايجها وتخشات ففراشها هازا تيليفون مجمعة مع عادل وضحى تتلف الوقت بدون ماتعاود لشي واحد فيهم.. 

تا دخل هو شافت فيه لقاتو مشافش جيهتها وزاد ضرها خاطرها من اهمالو حسسها انها قتلات روح بدون ماتشعر.. 

هي انسانة كبرات فوضع النقاش..اي مشكل تتشوف مها وباها تيجلسو فبيتهم واتناقشوه تيسالي ببكاء مها وبتحزار باها..

فهكذا تربات عقليتها ان الزواج مبني على هاكا..لكن الواقع شيء اخر. . 

على اختلاف انواع الرجال والنسا تتختالف طرق تفكيرهم..وطرق تفهمهم للمواقف.. 

تنهدات بتعب وعينيها مضببين بدموع..دارت الكيت وجبدات فيلم تركي تتفرج فيه تلاهي بيه راسها قبل ماتبدا حاضياه وتفقص من تجاهلو ليها..

اما هو كي خرج بدل عليه هز كاروه وخرج للبالكو كما على خاطرو.. 

عينيها مرة فالفيلم مرة عليه تا دخل وتخشا بلاصتو بدون مايدويها..داير يديه على عينيه تيقلب على نعاس..

الصمت سيد الموقف والتجاهل هو سلطان اللحظة. . 
لا صوت ولا حديث..والليالي لي كانت تتنعسها فحضنو وتيجمعو تا كيطلع النهار..مكركرين ضاحكين ناشطين هجرهم ليها دغيا.. 

تنهدات وكملات فيلمها ودموع فعينيها وخاصة الفيلم درامي زاد على مابيها تا زادت تتبكي فصمت وتيسمعها .. 

ناضت لبالكون تشم الهوا وهو يتقلب عطاها بالظهر وغط فنوم عميق جدا مخليها تتبكي على زهر ايامها. 

وهذا فقط لانها سماح..كون كانت وحدة خرا كون تزايدات معاه فالهضرة وتهز قشها وتزيد. .


ضرباتها الفيقة فالصباح مناعساش مزيان راسها تيزدح على جهد من سهير ومن البكا لي بكات شافت حداها مالقاتوش..بمجرد ماتفكرات خصامهم غوبشات كثر..

دخلات للحمام غسلات وجهها وحكات سنانها..ومشطات شعرها وعقلها تيفكر فين غيكون مشا..الخدمة باقي مباديين تقريبا حيت باقي الموسم الدراسي ليه شهر..

خرجات لبسات عليها ملابس زوينة كوميم مو متشوفهاش مقلقة..

نزلات لتحت بغير خاطر تتقلب عليه بعينيها مبانش ليها..تصادفات مع احدى الخادمات وزرعات ابتسامة خفيفة وقالت:صباح الخير
خ:صباح نور مدام..تبغي تفطري
سماح:الى جات على خاطرك ازين..فين خالتي؟؟
خ:عندها حصة ديال الترويض اليوم
سماح:حم منصور لي داها؟
خ:اه امدام..الموسيو داها..خرج صباح بكري.. 
حركات راسها وقالت:جيبي ليا هي قهوة كحلة للجردة

مشات فاتجاه جريدة فين كانت جالسة لبارح نييت و شميسة خفيفة تتشوف فيها..ملامحها جامدين عاشت ليلة تجاهل خطيرة تعاودها لحفار قبرها..

تحطات القهوة حداها مع بعض الحلويات المنزلية شكراتها بلباقة ورجعات لتخمامها..دايرا يديها على راسها مسنداه بحالا بيطيح..وتتجغم من قهوتها..تاصونا تيليفونها..للحظة ظناتو منصور ولكن خاب ظنها فاش قرات اسم ضحى.. 

جمعات نفسها وشدات الخط وقالت متصنعة الارتياح:صباح الخير
ضحى:افين الالة العروسة؟؟
سماح:توحشتك الخوينزة
ضحى:انا كثر منك الكلبة ههه
سماح:علاش مجيتوش معاهم لبارح للغدا.. 
ضحى:كنا عند عمتي شاد فيها الحال فحربيل
سماح:مسكينة اش عندها؟؟
ضحى:الكبر وصافي..عاد البارح فليل جينا
سماح:الله يشافيها ياربي
ضحى:متجيش نشوفوك؟؟
سماح:جي عندي لدار
ضحى:اويلي اختي انا ربعة تالحيوط طلعو ليا فصحتي بيت نخرج
سماح:نخرجو..فين؟؟
ضحى:نجعدو فشي قهوة وصافي..متقوليش ليا بديري ليا فيها زوجي قرة عيني مخلانييش

سماح:(دارت ضحكة سخرية)هه لالا مكاينش داكشي..نتلاقاو فكافي لي تيعمر الياس
ضحى:اوكاي..منعيطوش ليسرا
سماح:عيانة شويا هي لبارح مسكينة بزز باش بقات.. 
ضحى:اوك ياله انا نوض نلبس حوايجي
سماح:اوك

قطعات معاها وزفرات ..للحظات قليلة تتفكر واش تعلمو ولا تمشي بلا خبارو..عيات تضورها فمخها وشيطانها غلب وناضت دارت بناقص كيما تجاهلها تجاهلو..

طلعات للفوق لبسات عليها كسيوة سوداء حد الركبة شافت الخلخال حيداتو ضد فيه ..هزات شعرها للفوق بميكاب خفيف تغطي بيه حزن ملامحها..

وصنيديلة خفيفة مع صويك وبعض اللمسات الخفاف خرجات..شدات الطريق بطونوبيلتها حيت تطلقات ليها يدها بحكم فسفرهم تيعطيها تسوگ بزااف ..قدرات تحيد الرهبة لي عندها من الصوگان..

سايقة وعقلها خدام فالتفكير فيه..كتحاول ما أمكن انها متديرش شي حاجة تندم عليها ومصبرة راسها انه كيما فيه عيوب فيه مزايا..لكن التصرفات دائما ماتتغطي على المزايا ..

وصلات حدا الكافي..نزلات ودخلات تتقلب عليها مالقاتهاش عرفات راها معطلة كي ديما..

خدات طبلة وطلبات فطور واخا كان مشا الحال عليه..بوحدها وملامح وجها تتوحي بالجمود..تاجات ضحى تعانقووو بجهد موحشين بعضهم...

بعد الحديث والقيل والقال على الاحوال وشنو صرا والهضرة على العرس والخدمة تضحى لاغير..

صونا تيليفونها بنمرتو..هزاتو شدات الخط وقالت:الو
منصور:فينك؟؟
سماح:(ببرود)مع ضحى
منصور:متعطلييش...

قطع عليها وبقات تتشوف فاص ليها تا شوي عاد حطات تيليفون فين كان ورجعات للهضرة معاها على نحو عادي..

بعد ساعتين ستأذنات منها سماح حيت تعطلات شوي..توادعو وشدات الطريق لدارها تتسوگ ببرود تا هبطات دمعة من خدها بدون متحس..

كانت متوقعة منو هي يقوليها رجعي ولا يحاسبها لاش معلماتوش..يمكن فاش خرجات بلا متخبرو كانت قاصدة تثير انتباهو وتدخل كاع معاه فنقاش باش اتصالحو يمكن..لكن العكس..كان فقط باغي يعرفها فين كاينا وصافي بمعنى اطمن عليها لاغير حيت تتبقا مراتو.. 

دموع كثار تبعو ديك دمعة وصامتيين مافيهم لاصراخ لا شهقة ولا تنخصيصة..دموع التعب هوما هادو
مع دخلات للفيرما مسحاتهم وشافت فالمرايا تتأكد ان كلشي هو هذاك..عاد نزلات داخلة سولات على راضية مشات سلمات عليها وجلسات معاها شوي تتسول عليها تتحاول تتحسسها انه كلشي على خير ولوخرا حاسة بيها.. 

راضية تاهيا راه لعبات بحال هاد دور سنين قدام نااس..تتعرف الوحدة لكانت عيانة ولكانت مجروحة..

بتاسمات ليها وهزات يديها بشوي حطاتها على خدها مواسياها..تاتغرغرو عينين سماح وباش متبينش عنقاتها بشدة وحطات راسها على كتفها كتواسي بيها.. 

قدرات تحكم فدموعها وتخرج راسها من عنقها وباستها فحنكها وقالت:نبدل علي ونجي.. 

حركات ليها راسها ومشات منكاسرة..طالعا لبيتها مسولاتش عليه ظنات غيكون تما لكن لا..مالقاتوش فالبيت..لاحت الصاك بنطرة وبدلات عليها شادا راسها لي كيزدح.. 

مشافتوش من لبارح..بغات تعيط لكن كرامتها تتحبسها بغات تميك لكن قلبها مهولها.. 


فهاد اللحظة بضبط بدات تتلعن فالكرامة وفالقلب وفكلشي..

بدلات عليها ونزلات للتحت عند راضية تتلف معاها ساعا لقاتها نعسات بسباب الدوا..عاودات من جديد رجعات لبيتها تتفرج فالبيسي ديالها مدوزة وقت..وبال فالفيلم وبال عندو.. 

تعاشات العشية وتلاها المغرب ولا حس ولا خبر مكاينش سيد تا دخل ليها شك..وبداو الافكار تيدخلو لبالها..ماشي افكار خيانة انما خوف لتكون وقعات ليه شي حاجة.. 

على طبيلة تقليدية باتاي والحلاوي جالسين هي وراضية ولطيفة وعقلها مرفوع تانطقات لطيفة:بنتي منصور تعطل .. 
سماح:حممم(مبقاتش قدرات تصبر)انا نعيط ليه بقا تيليفون لفوق.. 

ياله ناضت تجيب تيليفون خارجة من صالة شافتو جاي جيهتهم..بمشيتو ثقيلة كي ديما..توترات وعينيها عليه تاوقف عليها كيعطعط بريحة الكارو..شاف فيها بنظرة عادية وقال:صافا؟؟
سماح:(مبعدة وجهها من الريحة)فففف الكارو..مدخلش هاكا عند خالتي.. 
منصور:واخا

ضرب ضورة وطلع لبيتو ادوش مبرد بحالا مواقع والو اما هي راه الفقصة تتاكا فيها..رجعات جلسات وعلماتهم انه جاا..

جالسة وتتفيبري برجليها وعينيها على الباب تصالة تتسناه انزل...وحلف هو لنزل

لطيفة:لالة راضية جاك جوع؟؟
حركات راسها ونطقات سماح:انا نشوف منصور..هي حطووه.. 

ناضت على نيتها تشوفو فين بقا غاطس دايرا سبة بالعشا ولايني هي دخلات لبيتها لقاتو نااعس بحوايجو ونص رجليه مدليين على الارض..

بقات واقفة تتشوف بغيض بغات تحماق..زفرات وخلاتو على حالتو نزلات لتحت علماتهم بلباقة بلي نعس وجلسات تتعشا السم على حد تفكيرها حيت مدازش ليها..وماعندها خاطر . . 

تعشات ومسات عليهم وطلعات للفوق مهدودة بتفكير الى بقيتي حاضية منصور دين ران راه تحماقي..

كي دخلات لقاتو مبدل عليه وناعس فبلاصتو عادي..بمعنى راه ناض بدل وتصايب فبلاصتو..

اوا هنا ركبوها جنون كون كانو ساكنين بوحدهم كون نوضاتها معاه حيت عصبها على الاخير واستافزها بفعايلو..

اخطر انواع الرجال هو المتقن لتقنية التجاهل لي مايقتلك ما يحييك يعطيك النخال وموتي نتي.. 

مالقات مادير من غير تمشي تبدل عليها وتخرج للبالكون جلسات فيه تا طابت تتشم الهوا وهو ناعس..

مادخلات تال الحداش ونعسات فوراا وعينيها تتشوف فيه هو لي منشور حداها والارتياح باين على وجهو
تتساءل فداخلها علاش تيتصرف هاكا وتيقتل فيها بالبارد..مسول عليها مانعل الشيطان ماوالو.. 


"كيما تيقولو سيادنا لوالا.. يصبح ويفتح.."

فاقت تاني من جديد وكيف البارح مالقاتوش حداها وهي تعصب على صباح..

شافت تيليفونها لقات التسعود ومكاين تا ميساج منو.. قضات روتينها الصباحي ولبسات ونزلات لتحت متوقعة مغتلقاهش لكنها لقاتو مع مو كيشرب قهوتو..مشافتش جيهتو وقالت:صباج الخير. .

تاهو مجاوبهاش حدو شاف فيها فاش سلمات على مو وجلسات..خوات لراسها قهوة والحزن مخيم على ملامحها..

كيف العادة تتستنشق القهوة عاد تتجغم منها..مهضر تاحد ماتكلم مشاف حد فحد.. 

شربات القهوة بصمت على غير العادة متكلماتش تا نينات راضية لي حاضياها ملي جلسات..وتتشير بصبعها..

سماح:مالك اخالتي؟؟
راضية:نننيييبييييففففك
منصور:(كان تيشوف فمو وقلب شوفة لسماح)نيييفك اسماح. . 

ناض لحداها بزربة هز ليها راسها للفوق كانو قطرات دم تينزلو من نيفها فلول خفاف تاولا شلال ناازل
منصور:(مخلوع)مالك؟؟
سماح:(بحالا ورك ليها على الضبرة بدات تتبكي)هءهءهء معرفتش..(تتقيس دم)اويلي دم منصووور. . 

منصور:(نوضها)اجي معايا غسليييه(خاطب لطيفة لي داخلة)بقاي مع مي.. 

داها لأقرب حمام حنا ليها راسها تتغسل دم وتبكي..عمرها رعفات فحياتها..حاط يدو على ظهرها والدم محبسش واخا تتسوس مناخرها.. 

منصور:ياله لطبيب
سماح:(تتبكي)مباااش احبس ههءهء هءهءهءهء 
منصور:(هز ليها راسها للفوق وتيمسح ليها بكلينكس)ياله لطبيب داباا.. 

درعها بيديه وخرجها لبرا ركبها وزاد طاير بيها لأقرب كلينيك وهي الدموع لي جمعاتهم فهاد اليوماين طلقاتهم ليه فطونوبيل ..

تتبكي وتنوح كي البنية الصغيرة وتشهق وهو تيتحرق..حيت كون كان رعيف غيحبس دغيا ولكن هي نيفها محبسش بتاتا.. 

تادخلو لكلينيك داوها من عندوو دخلوها للفحص وبقا جالس تيتسنا هو..مارتاح تا عطاها لطبيبة عاد تنهد بارتياح وجلس تيتسنا.. 

بعد ربع ساعة خرجات طبيبة من عندها وتوجه لعندها متسائل..وهي تنطق:ماشي شي حاجة كغاف..تا فام فايت دايرا اوبيراسيون لنيوفها هادو مخلفات العملية..

منصور:ولكن وقت طويل باش دارتها؟؟علاش زعما هادشي مبان تال دابا.. 
طبيبة:عادي..راها ماكلملاش عام باش دارتها..هاد العملية من بين مخلفاتها الرعيف بعض المرات ورائحة كريهة فالانف ديالها .. 

منصور:(باستغراب)على حد علمي عمرها ماتشكات من هادشي.. 
طبيبة:ميمكنش!! سولتها قالت لي ديجا كانت كتشم ريحة خايبة فينوفها
منصور:ممم ممكن..مي بون كيبقات دابا؟؟. 
طبيبة:تخي بيان..حبسنا نزيف وعطيتها بعض الادوية تبعهم تخفف حدة هاد الحالات.. 
منصور:داكوغ مغسي..نقدر نديها دابا
طبيبة:وي وي تي پو..بون غيتابليسمون.. 

حرك ليها راسو وتم داخل عندها هي لي كانت جالسة تتسواني ليها الفرملية نيوفها هي شافتو وهي تقلب عينيها معفرة زعما..

كملات ليها وخرجات وهو يقرب منها حاط يدو على شعرها بلطف:صافا دابا؟؟
سماح:(بنفخة )حمد لله

ناضت بمعنى نمشيو..شدها من يديها رجعها حداه وقال:مالنا؟؟
سماح:(مغوبشة)بيت نمشي فحالي
منصور:توحشتي دارك ولا؟؟(داعب خدها)
سماح:(حيدات ليه يديه)بيت نمشي لدارنا انا..دار واليديا.. 

زادت وخلاتو تيشوف فيها ببرود وتبعها تال حدا طونوبيل..حل ليها طونوبيل طلعات وخبطات الباب وهو هي تيشوف..طلع حداها ونطقات ببرود:ديني لدارنا
منصور:(صايگ)اش اتمشي ديري فيها؟؟
سماح:ماشي شغلك
منصور:سماح..ردي لبال لهضرتك شوي.. 

عطاها ضو الاخضر تهضر وهي تبدا تبلبل بعصبية:علاش نتا رديتي البال لهضرتك ولا لفعايلك امولاي؟؟خالق ليا مشكل من والو..لي عاودت ليه دابزت انا وراجلي على قبل الجلباانة غيضحك علي.. اللهم نعاودها لحفااار قبري..وزايدها مزال عاطيني مشي بحالا معرت اش درت..وتتخرج ماتتقولش ليا فين مشيتي ولا منين جيتي..ناعس حدايا وعاطيني بظهر بحالا قاتلا ليك انا مك!!! مالك على هاد طبيعة تزمر..هي بوحدك لي دخلتي ولقيتي مك فالكوزينة وكون هي لقيتيتي عاطياها معرت اش؟؟لا وزايدها مكملها ومجملها تتخرج تتخليني ناعسة وتجي وتنعس زعما موتي نتي وطرطقي اسماح..طلعي لسما ونزلي ..اش كيحساب ليك راسك؟؟

منصور:(ببرود داير بتسامة وصايگ)ياله امنانة كملي ..
سماح:(بالغوات)واش بيتي تحمقني ؟؟واش مرييض فراسك الى مريض نديك تزوور...ولايني دوماج سدو بويا عمر اما نديك نبيتك فيه عالله افوتك الحال
منصور:هه الله يعفووو.. 

عصبها بجوابو البارد زعما تفركعي نتي وموتي..غوتات باحر جهدها:دوزنيييي لداارنا ولا اقسم يالله تا نخربها انا وياك 
منصور:(شاف فيها مغوبش وجرها لعندو معنقها)سكتي شوي فرعتي ليا راسي بصوتك..
سماح:(تتنطر منو وتبكي)سير الله ياخد فيك الحق..مرضتيني فصحتي نتا داخل خارج كي بيتي وممسوقش ليا وانا كالسة تنتشوا..بنادم مريييض فعقلووو.. 
منصور:(وقف جنب الطريق)نزلي ازوينة نزلي نهضرو ونتي ماتتعرفيش تاوقت الهضرة..هي تتطلقي داك الفم.. 
سماح:(ربعات يديها معصبة) منازلاش وبيتي تدوزني لدارنا دابا..

نزل وحل عليها الباب ونزلها بلهلا يطريه ليها وقال:زيدي نهضرو وديك ساعا نديك لداركم.. . 
سماح:(مكمشة عينيها الباكيين)جاتك على لگانة بيتي نيت تسرسبني


منصور:(مسح على وجهو)لاحول ولا قوة الا بالله..واش نتي كيما درت معاك وحلة..سمااح الله يهديك..خلي الغضب بعيد ودوزي نهضرو.. 
سماح:وصلتي معايا للحد امنصوور كلشييي الا (هزات صبعها فوجهو)تعطيني مشيي
منصور:(شد صبعها باسو )نهضرو ونوضحو الامور 
سماح:(بنرفزة)مابيييتش
منصور:(دور يدو عليها وجابها معنقها)عفا زوينة ديالي..نهضر انا ويااك(تم غادي بيها للقهوة)بالعقل
سماح:(طاحو دموعها شلال)ديما تتحگرني وتدير فيا لي بيتي .. 
منصور:ياك لخايبة..(كيمسح ليها وجهها).. 

جلسو فطبلة معزولة ودوز ليها يدو على دموعها ودارها فحضنو تيحزر فيها تحزار المعطل..لي كيجرح واداوي معطل.. 
منصور:مالك دابا؟؟
سماح:(شافت فيه غالبينها دموع)واش تتهضر من نيتك؟؟واش مواعيش شنو درتي؟؟.. 
منصور:عارف اش درت..ولكن فهميني نشرح ليك مون بوان دو ڤي وهضري ديك ساعة.. 
سماح:(غضبانة)مابقا مانفهم منك..ضالمني
منصور:مظلمتكش اسماح..من نهار لول تنقوليك مي خط حمر
سماح:(بنرفزة)واش انا تعديت عليها..سير سولها والى قالت ليك تعديت عليها نتفرقو
منصور:(غوبش)واش انا قلت ليك تعديتي عليها...واش مملاحظاش راه مي مريضة ماخصهاش تعذب راسها بزاف.. 
سماح:وعلاه انا بسلامة عذبتها..وا على جوج حبات تجلبانة اتردني خايبة ولا؟؟(تغرغرو عينيها وعطاتها للبكا بشوي)انا تنبي هي نخلق ليها جو وتحس بلي ديك الدار دارها وتدير فيها لي بات..ونتا جاي تتهم فيا بلي تنعذبها؟؟كون عيات نيت هي براسها تقولها ليا ونديها ترتاح..سيدة تتضحك وعاجبها الحال وجيتي نتا نگدتيها عليها وعلي عاد بردتي.. 

منصور:(مالقا ميقول)الصمت
سماح:(تسرح ليها اللسان بالبكا)هءهءهءهء عمري تصورتك تظن فيا هاكا..قاري ومقاري تا زفتة..حسن منك هي انا لي مشادا تالباك..مك مريضة نفسيا قبل ماتكون مريضة فصحتها..واش لي داز عليها قليل؟؟مرا تعذبات فحياتها وعاشت القهرة اش غتبي فخر حياتها..غتبي ولدها يتزوج وادير دارو وتمرح السيدة فدارها وتعيش بحالا هي مولات الدار(مسحات دموعها وهي تتشوفو تيسمع ليها بحالا قنعاتو)مك عاشت فالقهرة مع بااك معمرها حسات بلي راها مولات دار..غيجيك نتا هادشي عادي وغتگوليا تتخربقي ولايني مك ماشي بحالك..نتا مكتسوقش وماعندكش غرض فهادشي ولايني هي هادو هوما تفاصيل حياتها..راها بنت العروبية كابرا وعقلها فيه تدير دارها وولادها وتكون عندها دارها تجمعها وتتولها و تتحس براسها راها فمملكة..بعض العيالات امنصور هذا هو حلمهم لي تيجي للبعض تافه ولكن البيئة فاش تزاد الواحد هي لي تتحكم.. 
انا الى دخلت مك للكوزيمة ماشي خافي علي لي ينقي ليا جلبانة ولا لي يجلس معايا راه جوج خدامات هوما فدار.. ولايني انا تنبيها تجلس معايا توانس معايا تحس بلي ديك دار دارها ..اش معنى الى جبتي ليها خدامات هوما يديرو كلشي فينها هي فهادشي؟؟
منصور:(بهدوء)معرفتش اسماح..انا تنحاول زعما نخلق ليها ظروف الراحة باش متعذبش.. 
سماح:راك داير معاها كثر من جهدك ولايني نفسيتها محتاجة كثر من هادشيي..علاش انا كنت قلت ليك خلي مك تجي تحضر معايا لحنة المزوارة والحمام عارفاها مرا بلدية بات جموع والنااس واش نتا الدار دايرها ليها فالثلث الخالي ومعاها لطيفة بوحدها وبيتي نفسيتها تحسن.. 
منصور (باهتمام)شنو المعمول؟؟
سماح:المعمول هو ترخف على هاد مك ..راك حابسها بلا متحس
منصور:(زفر)فففففف
سماح:(كملات حديثها وتفكرات تعفار)فففف.. 

شاف فيها وجرها درعها بيدو وباسها فجنب راسها وقال:متديش علياا
سماح:(ببرود)نتا حمق؟؟
منصور:حمق بيك(دار بتسامة)توحشتك الخايبة
سماح:(باقي معفرة)نتا عاطيني مشي يوماين قول قتلااك وتقوليا توحشتك..بااااز
منصور:(عوج راسو معاها)شنو دابا اتديري ليت فيها معفرة ومنفخة..

شافت فيه ببرود مكمشة عينيها:لي شفتو منك امنصور هاد ليام خلاني نتصدم فيك..ظاهر لي مفاهمش زواج مزيان.. 
منصور:نساااي درووك هادشي.. اي زوج مزوجين تيضاربو بيناتهم وتيوقعو المشاكل
سماح:(بتحذير)ولكن تجاهلني امنصور راه تتقلب علي نبدل تعاملي .. 
منصور:تتخوفيني دروك ولا؟؟(قرصها فشفايفها)مالكي على هاد الهضور؟؟
سماح: تصرفاتك لي تيحكمو على هضوري..تكنقول سيد تگاد وترجع من لول تاني..نضاربو نتخاصمو صواتنا اسمعوهم من الصحرا ولكن نهضروو اما باش تعطيني مشي ونعطيه ليك مغنوصلو فين...(كمشات فيه عينيها)كون مرعفتش يمكن محال كنتي اتهضر معايا ياك؟؟
منصور:ديجا دويت لبارح فاش دخلت
سماح:(بفقصة)گايل ليا صافا؟؟من نيتك
منصور:(باسها فحنكها)ماتديش علي راني واعر.. 
سماح:نهار تزوجتك عرفتك واعر وعرفت كراكرتيرك صعيب ولكن مع كلشي الا أنا(شيرات لراسها)انا سماح. 
منصور:حيت نتي سماح تنحني ليك الراس وتنميك كون شي وحدى خرا كون انا وياها منوصلوش لهنا.. 
سماح:(بتشكيك)كون كانت ندى؟؟
شاف فيها بنص عين وشير لسرباي:صباح الله امنانة.. 

مجاوبهاش خلاها منشورة حيت ايبقاو اتشادو فالهضرة على موضوع بعيد..طلب فطور ليهم والسكات سيد الموقف وهي تتاكل بنيتها حيت البارح مكلاتش مزيان..

منصور:(شاف فيها)گاع هذا جوع فيك؟؟.. 
سماح:لي عندو بحالك خصو يصوووم
منصور:ياكما حاملة!!
شاف فيه وفمها عامر وحلها ليها ضحكو منظرها وقال:هي ضاحك..ميمكنش تحملي درووك.. 
سماح:(سرطات)اويلي مشات من بالي..متناخد والو
منصور:ماعلييش داير الاحتياط
سماح:اشمن احتياط؟؟
منصور:مكنخويش فيك..مرة وحدة لي خويت صافي.. 
سماح:(ولات حمرة )حممم ولكن خصني ضروري كينة
منصور:(شاف فيها وبتاسم بجرأة)هي بيتي نخويه فيك باش افوتك الحال؟؟
سماح:(ضرباتو لكتفو)سير الله يمسخك..


كمل فطورو هو وياها..ظنو انها نسات شنو دار وهي باقي شادا فخاطرها منو. 

عقل كيقوليها مكانش خاصك تهضري معاه وعقل تيقوليها عادي المشاكل بين جوج.. 

فطرات مزيان وتسوخرات لور تتسناه اكمل ومرة مرة تتشوف فيه..تيبان عقلو مشوش.. 

شاف فيها وبتاسم:تاخدي حاجة خرا؟؟
سماح:لا..ديني لدارنا.. 

ماجاوبهاش .. طلب الحساب وناضو خارجين طلعات للأوطو وعاودات قالت:ديني لدارنا
منصور:(بهدوء)عاد شفتيهم
سماح:بيت نريح راسي
منصور:(مركز فالسياقة)تريحي راسك مني.. 
سماح:(تتشوف فاص ليها)لي درتيه بيخصني وقت نهضمو
منصور:راه دوينا
سماح:دوينا على خالتي ..انا وياك لا
منصور:(شد يديها وباسها وبقا شاد فيها)انا وياك موضوعنا باين..انا واعر ونتي هشيشة..

سماح:وشنو نديرو ؟؟تبقا تفقص فيا هاكا تا تطرطق ليا شي عرق
منصور:(بهدوء)خلينا نساو اش وقع..الانسان ممعصومش من الخطأ(باس يديها)سمحي لياااا.. 

سماح:(تنهدات بتعب)عيييييت
منصور:نعيا انا وترتاحي نتي(جرها دارها فحضنو مقبل فوق راسها). 

سكتات مالقات باقي متقول..تتشفع ليه ضرافتو معاها وتصرفاتو فقط ..

هي انسانة ساذجة وصباارة بمعنى الكلمة عكس ماكنشوفو حاليا.. 

البعض من النساء تيكونو صبارات تيصبرو على شحال من حاجة لسببين اما على قبل ولادهم وعلى قبل الطرف الاخر..

سماح كتصبر ليه حيت تتأمن بمبدأ شي كيغطي على شي..كيما فيه فعايل خايبين فيه زوينين..متقدرش بمجرد مايدير تصرف خايب تجي تغضب وتزيد تفرق عليه وتضرب سما بليگا.. 

الانسان بطبعو خطاء..فيه زين وفيه الخايب..والانسان ايضا كيأمن بمبدأ لعام كامل نتا زوين نهار تخياب كنضربو ليك كلشي فزيرو وهذا عكس ماغادية بيه سماح. 

سماح شخصية محبة وطيبة و بصريح العبارة تتموت على منصور وكتشفع ليه تصرفاتو حيت هبيلة ودغيا تترجع.. 

وصلو قدام الدار ونزلو..درعها بيدو ودخلو لعند راضية ديركت لي كانت جالسة على شوك..هي شافتها طلقات تنهيدة. . 

سماح:(مشات سلمات عليها)اخالتي والو هي واحد العملية كنت درتها شحال هذا لنيفي وبديت تنرعف صافي.. 
راضية:(باين الخوف فعينيها)نننن طبببييييييييب .. 
سماح:ممم قاليا عادي هادشي وعطاني دوا..هي تهناي(كبات ليها اتاي)هاكي ازين
منصور:ميمتي شتك نسيتيني هاا(باسها فيديها).. 
راضية:الللللله يررررررضيييي
منصور:(باس راسها)اميين.. 

بقاو جالسين معاها وسماح هي تتخمم وتفكر..تتشوف فيه دابا كي جالس وتيهضر مع مو عكس كي كان هاد اليوماين ...انسان داير كي زمان اليوم ليك وغدا عليك..

ستأذنات منهم وناضت لبيتها عيانة بغات هي تكا تتنفارد براسها..لكن سرعان ماتكات تا دخل هو لعندها..

جلس عند راسها ومد يدو تيلعب فشعرها:مزيانة؟؟
سماح:ممم
منصور:(تحنا قبلها ففمها)ومالك عازلة راسك هنا؟؟
سماح:والو هي عيانة شوي..اتجيني لغيكيل(بحمرة عتالات حنوكها). . 
منصور:عندك شي ميديكامون؟؟
سماح:لا..(حطات يدها على كرشها)مزال مجاتنيش
منصور:هي لي دايرا ليك هاكا لمورالك
سماح:لا..نتا لي داير ليا هاكا
وقف من حداها وقال:ندير ليك شي مساج باش افوتك الحال
سماح:لا ..بيت هي نتكا
منصور:واخا ..انا نخرج نجيب ليك شي كالمون.. 
سماح:(مغمضة عينيها)مممم. 

كي خرج نزلات دمعة من عينيها رافضة تحلهم مبغاتش تواجه ضعفها ضدو..

تكات لدقائق وصونا تيليفونها كان عادل..شدات الخط معاه وجمعات معاه شويا وكان كل مرة تيسولها مالكي..تاتقوليه والو.. 

الجموع طوال جهد نص ساعة تا دخل منصور لقاها تتهضر ونطق:معامن؟؟
سماح:عادل
عادل:سيري تانعاودو نهضرو
سماح:لا هي خليك..
عادل:سيري اختي خليني داخل سوق راسي هه بسلامة تهلاي فراسك.. 
سماح:تهلا فراسك..ورد لبال واخا
عادل:بسلامة.. 

حطات تيليفون وناضت هزات ساشي تدوا لي جاب..خدات كالمون وقالت:شنو هادشي لاخر
منصور:دوا لنيوفك..بقاي تستعمليه(شافها ساكتة)عادل مزيان؟؟
سماح:ممم مزياان(ساطت)ففف بداني الوجع
منصور:تكاي بلاصتك انا نوصيهم اجيبو ليك شي حاجة سخونة..

رجعات تكات وشافتو تيبدل عليه وقالت:خارج؟؟
منصور:لا..
بدل وتكا حداها ماحسات بيه تا جرها عندو فحضنو وقال فوذنها:شي مساج ازوينة؟؟
سماح:مضارينيش كتافي!!
منصور:(حط يدو على كرشها)على هنا
سماح:(حمحمات)بلاتي نبدل.. 

ناضت من حداه بدلات ودارت فوطة صحية ورجعات حداه خشاها فيه وهز زيت الخزامة لي جابدها من بلاكارو محتافظ بيها.. 

كيماصي بيها رجليه فاش كيتشنجو..حكها فيديه مزيان وبدا تيمسد ليها كرشها بلطف مراقب ملامح وجهها لي ملاصقين مع وجهو
قبلها فشايفها بلطف وقال وهو باقي قريب ليها:باقي مقلقة علي؟؟
سماح:(بصوت خافت)جرحتيني
منصور:(كيطنز)جرحيني تانتي.. 
سماح:(بلطف)انا منقدرش نشوفك مجروح ولا ضاراك شي حاجة..نهز الدقة انا ومتهزهاش نتا. . 


منصور:(صدماتو بجوابها وقبلها فعويناتها تاغمضاتهم)كاع هذا حب لياا؟؟اش درت تا بغيتيني لهاد الدرجة.. 

تخشات فيه وحول يديه لضهرها مكمل على ماساجو ..مجاوبااتوش معندهاش الكلام لي يجاوبو على سؤالو..

يمكن كون سولها قبل تجاوبو لكن دابا هي براسها معارفاش.. داير بحال البلية عارفاها كضرها ولكن متقدرش تبعد عليها..

ورجل كمنصور خصو وقت كبييير باش تخلص من طيفو فقلبها
****

مع ربعة نزلات من دروج مغوبشة ياله فايقة وبحرا ماهمد عليها الوجع..مالقاتوش حداها ..

طلبات قهوة وتوجهات للبيت جلسات فيه عارفا راضية ناعسة ولطيفة معاها فالبيت..مسولات عليه موالو عرفاتو ايكون خرج..وشكون غتسول؟؟الخدم؟؟الى هي مراتو ومكيعلمهاش فمابالك الخدم
شربات قهوتها مع بعض الحلويات تاشافتو داخل من الباب جيهتها.. 

منصور:زين(باسها فحنكها)شويا دابا؟؟
سماح:شوياا(حكات عينيها وتفوهات)كنتي خارج
منصور:ممم..نزلات ليغكيل؟؟
سماح:حممم(حكات عنقها بحرج)وي
منصور:لفغونس تاني..كيفاش نتي زعما قاريا فبريفي وقريتي كونطا ومكتهضريش بالفرنسية
سماح:عادي مدرتش فيها عقلي.. 

لاح يديه على جناب الفوتوي ومكسل حداها ونطق:كتفهميني شنو تنقول؟؟
سماح:ممم
منصزر:مشكل عندك فكومينيكاسيون؟؟
سماح:ممم
منصور:(كيعيبها)ممم مممم(دور ليها وجهها عندو بجغ ليها فمها ببوسة)مليتي فدار
سماح:(بملل)بزاااف
منصور:تبداي غدا الخدمة
سماح:ياك قلتي ليا باقي مبداش الموسم.. 
منصور:سي مي الكونطابل كاين..مكنتش بغيتك تبداي باش متمليش بوحدك..مي بون بداي غدا
سماح:(بتاسمات)الكونطابل مرة ولا راجل؟؟
منصور:راجل!!
سماح:وشحال تخلصني؟؟
جرها من راسها بجق ليها فمها بلبوسااان وقال:نتي لي خلصيني وكلشي ديالك
سماح:(تتصايب ليه كول القميجة جايبا عليه فشوشها)وزعما تعطيني لي بيت
منصور:عمري حبست عليك شي حاجة؟؟
سماح:(بدلع)لاااا هههه (شدات فيديه)نطلبك طليبة وصافي الى قبلتي ليا هاديك هي دنياا
منصور:(حاضي ليها ملامح وجهها وهي تتعوج عليه وترمش بدوك شفار)طلبي نشووف.. 

سماح:(بترجي)متبقاش تعطيني مشي..عفاك امنصور راني يوماين وانا تنتشوا.. انا هشيشة كي قلتي دغيا كنتهرس ..تنرد لخاطري بزاف تكنجيبها فصحتي..تبيني نمرض؟؟

بقا كيشوف فيها كي قالتها وكي طلباتها..كان منتاظر انها تطلب منو شي حاجة شي فلوس شي حاجة ماشي هاد الطلب.. 

مجاوبهاش..هو انسان مكيواعدش..كيسمع وتيقول فخاطرو ان شاء الله.. 

حدو جرها عنقها خشاها فيه بمعنى واخا..دوزات يديها ورا ظهرو مزيرة عليه بحب..كل ماتتمناه انه اتصصلح وتكمل معاه حياتها بهدوء وكي راسماها هي.. 


أذن المغرب وجالسة برفقة راضية على كاس تاتاي ومنصور خارج بدون مايعلم..
تا جات الخادمة وقالت:لالة سماح جا واحد سيد سميتو عبد الغني
سماح:(تتفكر)ماشي خو منصور؟؟
لطيفة:واقلة هو..دخلييه

مشات وبقاو تايشوفو فبعض تا تم داخل عبد الغني..اخر عنقود ران..بأناقتو ولباقتو..بتاسم وهو كيدخل
سلم على راضية وقال:ميمتي لبااس؟؟
تبسمات ليه وجاوباتو وداز لسماح سلم عليها وعلى لطيفة وجلس
سماح:(بترحيب)مرحبا بيك اخويا..كيداير لباس عليك؟؟الدار لباس عليهم
عبد العني:(بحياء)الله يكبر بيك اختي..لباس الحمد لله..نتوما مزياانين؟؟
سماح:حمد لله(تتخوي ليه اتاي)هاك جيتي مع الكاسكرووط
عبد الغني:(شد الكاس بادب)الله يكبر بيك..حمم فين خويا؟؟
سماح:خارج
عبد العني:معطل؟؟
سماح:حم والله معرفت..علاش بغيتيه لشي حاجة
عبد الغني:تنعيط ليه متيجاوبنييش..الحاج مريض طايح فسبيطار وبغا يشوفو
راضية:ننننن
سماح:اويلي مالو مسكييين(باسف)
عبد الغني:كان مابيه ماعليه تا طاح لينا فقاع دار ملي ديناه لقاو عندو سكر وغيب
سماح:الله ياربي الله..وكيبقا دابا؟؟
عبد الغني:حالتو مستقرة..حمد لله وبغا يشوف منصور(حمحمم)حم ولكن ملي عيط ليه عبد المالك مبغاش اجي..قطع عليه
سماح:(تحرجات)اش غنگوليك اعبد الغني..راك عارف منصور وباه ممگادينش
عبد الغني:(شير لراسو بصبعو)انا براسي ممگادش معاه ولكن تيبقا باا..انا متافق معاه ميبغيش اشوفو ولكن المرض راه حالة خاصة(شاف فراضية)ولا لا اميمتي؟؟

حركات راضية راسها بايجاب وكمل كلامو:سيد بين الحياة والموت كلشي جا اشوفو الا ولدو..ولدو الكبير راه واخا ينضغو راه مايسرطوش
سماح:(باسف)انا نهضر معاه واكون خير
عبد الغني:ماعرفنا شكون لي غيسبق..انا عارف وشايف الحاج ومنصور كي عاشو وكي دوزو ايامهم ولكن تيبقا باه
سماح:(حركات راسها)مدازش عليه قليل ولايني كي گلتي كيبقا بااه..انا نهضر معاه ونشوف الى با يجي..نتوما عزاز عليه ولكن هو راه محسوس منو
عبد الغمي:(بهدوء)باين اختي واش عزاز عليه؟؟مجري على خوتو نهار عرسوو
سماح:(باستغراب)كيفاش
عبد الغني:(حرك راسو باستهزاء)مگاليك والو ياك!!!راه ناضت برا القاعة
سماح:(بفضول )اش وقع؟؟
عبد الغني:خليه اختي هو يعاود ليك اش وقع..
سماح:(بترجي)لا عاود ليا نتا..نسمع منك
عبد الغني:هي عذريني نخاف انوض مشكل بيني وبينو
سماح:متخاف والو..بيناتنا والله
عبد الغني:اختي كنا جايين كلنا انا وخوتي وختي وهو عندو شي مشاكل مع زهيرة وعبد الفتاح وجرا عليهم من العرس حلف لا خلاهم ادخلو
سماح:(ضربات حنوكها بشوي)اويلييي على جرا عليهم اويلي
عبد الغني:والله حتى جرا عليهم وطلباتو مي تاعياات ووالو..هي مبغيناش نكونو معاه خايبيين اما مندخلوش معاه 
سماح:(مسحات على وجههل محرجة)لاحول ولا قوة الا بالله..انا هادشي مفراسيش اخويا والله مفرااسي
عبد الغني:عارف مفراسكش..حنا دروك مطالبين والو بغيناه هي يجي اشوف باه راه بين الحياة والموت..عارفين مدازش عليه قليل وكنا تنشوفو كلشي على عينينا ..تقهر ودوز العذااب ولكن الموت هادي
سماح:واخا اخوياا(بحالا مخوي عليها سطل تالما)انا نهضر معاه واكون خير
عبد الغني:(حط الكاس)بان ليا مغيجيش..(باس راس راضية)الله يعاونك اميميتي

حركات راسها ليه وتتمتمت بشي كلمات ..مشاا وخلاهم مصدومين
سماح:(شافت فراضية)خالتي اشنديرو
راضية:(تنهدات)فففف اااااامممممشيييييي اااااااشوووووووووووف ببببببااااااه
سماح:انا نهضر معاه
لطيفة:(تدخلات)سماح ابنيتي سمحي ليا نتدخل واخا مالياش الحق ..الى غتهضري معاه هضري معاه بالهداوة راه واعر اتفاهم..هضري معاه بالتاويل وحاولي معاه وصافي..بغا يمشي يمشي مبغاش هذا جهدك..ماديريش ابنتي لي يضرك نتي فحياتك معاه وتصدقي خارجة على حياتك على حساب باه لي مكانش مسوق ليه تا ربى الريش

سماح:(تنهدات)فففف مابقيت عرفت ماندير والله...مظنيتوش توصل بيه لدرجة اجري على خوتو من العرس..وماشي عرسوو عرسييي انا ففف(ضربات راسها)وتانا مجلجة مع التلفة مسولتش فين خوتك لوخرين
مدات راضية يديها بشوي تاقاستها وحركات شفارها زعما تهدني

ونطقات لطيفة:كي قلت ليك ابنتي سايسي معاه وصافي..
سماح:ادير الله الخير ففف

جلسو من بعد مجمعين وموضوع الساعة مرض الحاج المفاجئ تادخل منصور مع العشا..سلم وجلس برفقتهم وهوما تيتصرفو عادي..تحط العشا تعشاو عادي وسماح تتهضر عادي مبغات تنويه فوالو.. 

مساو على راضية وطلعو بجوج..معنقها من خصرها مع قربو للبيت مع قبلها فعنقها ووذنها تا قفزات مبورشة.. 

منصور:هاد ليغيكل ديالك دارت ليا الخدمة
سماح:هه مالك مضروب على داكشي
منصور:(حل باب البيت)مضروب عليك نتي(شدها مقربها ليه تيبوس فيها)ممم تتعجبيني ونتي تتهضري ونتي مغوبشة ونتي ضاحكة..

سماح:(تتلعب فشعرو من لور واقفة على قرون صباعها)وعزيزة عليك يااك؟؟
منصور:(شا ف فيها)شاكا فيها؟
سماح:ههههه لالا احبيبي عارفاك(منزلة صبعها مع عنقو تضحك)نطلبك طليبة احبيبي ومتردهاش فوجهي

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.