لأنك سماح الجزء الثاني

2020

محتوى القصة

رواية لأنك سماح

تنفساات بصعوبة وقالت تتخرج حروف بزز:ششش نو تدير هنا
منصور:تيبان ليا مزيانة
سماح:(هزات يديها)ششنوو

منصور:كنت دايز وقلت نسول فيك..صافا دابا؟؟
بقات ساكتة تتشوف فيه بنظرة عادية بحالا تتقوليه شنو تدير هنا حيت مفهماتش تصرفو..وتاهو ستاغل الفرصة وبقا تيشوف فيها ويقرا ملامحها..
تبادلو النظرات بيناتهم فلحظات خفيفة مواجهة بين عينيهم ..وتا حد فيهم مفاهم لاخر بتاتا..نطقات فلحظة تشتت بصعوبة:الحمد لله(دورات عينيها للسقف)
منصور:مزيان..بونغيتابليسمون
رجعات راسها لجبهتو وحركاتو بشوي زعما شوي..رجع ادراجو لور وريحتو بقات فالبيت جاب الله مسدودين نيوفها..كي عطاها بظهر ظهرات علامات الراحة على وجهو..توجه للباب بخطوات عادية هي حلو وكيتصادف بزينب هازا قهوة ومعاها عثمان معنقها من كتفها..بقا مشوكي قدامهم وهوما كذلك ستغربو شكون هو لي داخل على بتتهم..عقد عثمان غوباشتو ونطق بصوت رجولي:شكون نتا؟؟
منصور:(رد بهدوء وبالفرنسية )غلطت فلاشومبغ..سمحو ليا حسابني ديال واحد سيد
تطلقو ملامح عثمان حيت شاف الجدية فوجهو وقاا :ماشي مشكل..
دارو ليه طريق وزاد مخليهم مداو مجابو وهو الاخر متسوقش..كمل طريقو عادي فاتجاه سيارتو..كي طلع تنفس الصعداء بحالا كان تيجاهد..ديمارا وهو كيهز كارواشعل فيه وعين فالطريق وعين فالكارو وهو تيتفكر صورتها وهي ممددة فوق سرير وباين فيها تعبانة..تفكر ادق تفاصيلها..العيون السوداء لي مجيدين من جنب شويا..وتوحيمة الحمرا لي فوق عينيها وكذلك شعرها ..مكانش عندو الوقت فين احقق ففمها حيت نيفها ثار نتباهوو كان باين عليها معذبة..
اما والديها دخلو عليها مسولوش كاع عليه حيت الغلط كيوقع بقاو معاها نهار كامل مخلاوهاش باش متحسش بالقنط ولكن بالفعل حاسا بالقنط حيت جو السبيطارات كئيب جدا وبقا عالق فبالها شنو جاي ادير هنا؟؟وشكون هو لي تتصادف معاه بزاف؟؟
زينب وعثمان تيهضرو وهي عقلها مرفوع وبالها تشغل بيه تا غمضات عينيها غفات مودعة ليلة اخرى من ليالي المشفى فانتظار الفرج الغد ليه
****
من يدري
قد يكون النور الذي تبحث عنه يسطع مع بزوغ فجر جديد
****
بفجر جديد ونهار جديد فتحات سماح عينيها على صوت حداها كان صوت الممرضة والطبيبة لي تيهضرو مع والديها وتتشرح ليهم كيفاش اتعاملو معاها..شافو ها فاقت وتلفتو ليها ونطقو كلهم صباح الخير..عطاتهم بتسامة خفيفة ونطقات طبيبة؛واجدة نحيدو ليك السدادات
سماح:اه
باشرات الطبيبة هي وممرضتها تيحيدو السدادات بشوي ومحدهم تيحيدهم وهي تتنفس الهوا وتيدخل لنيوفها بشكل طببعي..نيطواياوه ليها مزيان ونطقات:مزيانة درووك..طلعي نفس
طلعات سماح نفس وعينيها تيبريو بالفرحة وقالت:احححح الله الهواا
ضحك باها وجا عنقها من جنب وقال:على سلامتك ابنتي
سماح:الله يسلمك ابابا
زينب:(عينيها دمعو)على سلامتك احبيبتي..
سماح:هههه بكاية لوخرا(ستنشقات الهوا)اححح الله الهوا زوين ملي تيكون كثير 
ضحكو كاملين وهوما يتمو هجيجهم داخلين عمتها وقببلتها وعادل وكريمة والياس كلشي تيبوسها فرحانين حيت قدرات تنفس بطريقة طبيعية
اصعب حاجة هي اضيق ليك نفسك..تتولي تتقول كل نهار انتنخق ونموت...وعاد التنفس الفموي كيمرضك صعيب تولف عليه ووحدة بحال سماح لي تتنفس من فمها بزاف فاش رجع ليها تنفسها ولات تتحس بطعم الحياة
***
ان اصحاب امراض الربو والاختناق يموتون كل يوم فرفقا بالهواء يا ملوثيين
***
دوزو معاها صباح زوين فرحانين بيها ومكاين هي هز سماح حط سماح شي يوكل منهنا وشي يعنق من هنا كلشي فرحان بيها حيت كانو تيشوفو معاناتها
فاطمة زهرا:لعقبا لوئام تاهياا
الياس:عمتي معندهاش مشكل عضوي داكشي تاع الله
زينب:مسكينة تتبقا فيا تتجيف كلها
عثمان:اوا اشدير..مكتابة عليها
كريمة:شحال مامشينا عندها توحشتها
فاتي:انا العطلة انمشي نشوف ختي هي لي بقات ليا من ريحة مي
عقمان:(تيضحك)وحنا زبل خلاتو ليك مك
ضحكات وضربات فكتفو:نتا راك الكل الحاج ههههههه
انس:اختي بااز فمك باري منك هههه
فاتي:ها تنضحك انا عارفا بعد.مي بقاو ليا هي خوتي ومرات خوياا
زينب:كلنا عائلة وحدة..ياله سماح ابنتي انخرجوك درووك
سماح:فين حوايجي
نطق عثمان لي وقع:ياله دردربو خليو بنتي تلبس عليها
الياس:انا هي خوووهاا 
جرو باه من قرفادتوو وقال:تحرك الحيمااري
خرجو رجال كاملين بقاو العيالات..ناضت فاتي وزينب وكريمة كلهم تيلبسو فيها..لبسوها سورفيت رمادية سخونة وجمعو ليها شعرها كوتشوفال اسود لامع..دارو ليها سبرديلة فرجليها عاد عيطو لرجال..عنقها باها ودارها تحت باطو وتاهي دوزات يديها من كرشو وتمشاو سابقينهم وكلشي مرتاح ومطمان حيت اتقدر تنفس عادي..للحظة طلعات لسيارة تاع باها لور حدا مها وتفكرات منصور ودغيا تناسات
نطالقو بيها لدارهم فين كانو خوالاتها تيتسناوها رقية وولادها بربعة لانها ولدات مع نوردين بنت اسمها جميلة..وخالتها فاطمة لي عندها جوج وليدات مليكة وعمر لي كبرو تتزوجو ودارو ولادهم تاهوما..اما حسن فراه توفا ثلث سنين هادي ممات تا هد فاطمة معاه



تلقاو ليها بتعناق وترحيب الكبير وممخلين مموجدين ليها من اكل صحي ودار مسيقة بمنتوجات لاصحاب الحساسية مافيهمش ريحة كيميائية..تجمعات معاهم على طبيلة تياكلو واضحكو تاعياات وستأذنات منهم مخلياهم مجمعين وتيضحكو بجهد واكركرو..
العائلة الحقيقية هي لي تتبغي هي وقتاش تجمع وتنشط..مرض سماح جا صدفة باش انشطو شوي واضحكو حيت ماشي شي مرض لي يخليهم احزنو
دخلات لبيتها لي توحشااتو وستنشقات هواء بنيوفها براحة وقالت:الله
تحل باب بيتها بعد دقائق كانت تتقلب فتيلي وتجاوب على ميساجات ناس من معارفها تا دخلات ضحى بنت فاتي..شابة فمقتبل العمر زوينة شابها مها وبيضة وطايتها زوينة وتتلبس وباغا تعيش تلحياة خرجات للاخت فاتي من جنب
وقفات بزربة ومشاو تعانقو بجوج بجهد فرحانين 
سماح:الخايبة على سلامتك توحشتك 
ضحى:تانا الحب هه كي بقيتي(قاست نيفها)
سماح:مزيان الحمد لله نتي مزيانة؟؟
ضحى:الحمد لله ..اختي هي الخدمة وصافي اما تنقول ندوز ندووز تا تمسخت
جلسو بجوج فوق سرير تيهضرو كأي بنات فعمرهم واتعاودو كأي بنات عائلة..واكثرية ضحى لي تتعاود ليها على مغامراتها وسفرياتها وضحكها وسهرها وسماح هي تضحك وتتسمع ليها..
تكاو بجوج على ضهرهم فوق ناموسية ورجليهم مدليين ونطقات ضحى ذات الشعر القهوي بارد:امتا غير نتجمع انا وياه فسقف واحد
سماح:باينا تتبغيه بزااف...شحال بقا ليه؟؟
ضحى:عام ونص ان شاء الله وندفعو طلب(شافت فيها)نتي تتصلي دعي معاياا
ضحكات سماح تا تغمضو عينيها وقالت:وعلاش لي متصليش نتي وتدعي مع راسك ههه الله يسر ليك ابنت عمتي بلي فيه الخير
ضحى:كل الخير منو ههههه(ناضت)انمشس انا درووك هي سالتة من الخدمة قلت ليهم مريضة
سماح:اجيك الخير احبيبتي.
ضحى:نهضرو واتساب سلمي على عاديل
سماح:مبلغ
خرجات ضحى المتهورة كيما مسمينها وهي هي باغا تعيش باغا تضور وتلبس وتفركس وتعيش الحياة لا غير..مرتابطة بشاب من نهار شدات لباك وهي معاه دار الافاك تالقانون وشد دوك ودفع بوليس وخدم ودابا خصو اضرب سنين باش تتزوجو..سماح ديما تتفهمها وتتعذرها حيت عارفا قلبها مافيه والو من غير النشاط والضحك
رتاحت ليها شويا بيدما تخوا الدار من كثرة بنادم..تتحس براسها ضارها شوي ومشهيا قهوة كحلة..حيدات حوايجها ولبسات لوخرين نقيين وتخشات ففراشها لي كان خالي من اي ريحة ممكن تضرها..فردات شعرها تتحطو وعينيها ملصقين بغات هي ترتاح..تا طاح منصور فبالها..بقات مفيكسية عينيها فسقف تتفكر فيه..شنو بغا منها..منهارو معجبهاش حيت فظ بمعنى الكلمة..اي نعم مكانش فظ معاها لكنو بين على مستواه مع الصيدلانية
غمضات عينيها وقالت:استغفر الله
بقات تقلب وتقلب بلاصتها جهد شي ساعة تا غفاات براحة وانفها منفس وفمها مسدود..دخلات مها طللت عليها وخرجات عند ضيافها وكانت فرصة ومناسبة انهم اتجمعو واحيو صلة الرحم
****
مرت يوماين بالحساب دازت عادية عند الكل الا منصور لي كان مريض مسخسخ ومكاينش لي يديها فيه..جاتو سخانة من خفة الحوايج لي تيخفف تا ضربو لبرد وشد الفراش..كل مرة تيطيح مريض تيرجع ليه احساس الوحدة..لو ان مو كانت صحيحة متخليهش هاكا..تتقلب فيه سخانة وتعاود يوماين اكابر وانوض وامشي لعند مو اطل عليها وارجع انعس والخدامات لي يديو ليه يااكل..
كان متكي واحد العشية فبيتو تيبقشش فتيليفونو من بعد يوماين وهو معتاكف الفراش..باقي عيان لابس لباس بيتي ونيوفو دايزين بالما هي هاز كلينكس..حدا راسو عرام تدوايات تيشرب فيهم باش اتوكض ساعا لعقها..كان حمر ومع سميمر تيبان كي شي فاخرة زاندة..وهو تيبقشش صونا تيليفونو وطلعات اسم زهيرة..بقا ببرود تيشوف فالاسم تا قال ايقطع وشد الخط وقال:الو
زهيرة:حبيبي لبااس؟؟
بعد تيلي على وذنيه وشاف فيه مستغرب وقال:ياكما تغالطت ليك مع نمرة راجلك..راه خوك هذاا
ضحكات بخفة وقالت:واعارفاك خويا ههه شنو منقولش ليك حبيبي
منصور :لباس؟؟
زهيرة:حمد لله ونتا؟؟غبرتي
منصور:هي مشاغل وصافي
زهيرة:اوا خرج نشوفوك..انا غدا انمشي فحالي جي نتقهواو شوي عفاك
منصور:معنديش الوقت ا زهيرة
زهيرة:عفااك..اجل كلشي راني ختك بيت هي نشوفك
منصور:(ساط)داكووغ نتشاوفو ف****
زهيرة:واخا من هنا ساعة
منصور:واخا
لاح تيلي وساط معندوش مع كثرة اللقاءات..مي جاتو من الجنة والناس وناض من بلاصتو باش اصحصح خدا دوش حيد بيه العجز ولبس عليه حوايجوو سخان..هز سوارت وباكي تالكارو وتيليفون وخرج باقي مضعضع..داز على مو سول فيها وجلس معاها شوي عاد خرج قاصد قهوة راقية فمراكش اتلاقا بيها
طلع لطوموبيلتو وطلق اغنية لشاب نصرو ديال عطاك ربي بلاصة في قلبي وشعل كارو وبقا شاد طريق بشوي مزربان فين وتيتموسق وفمو تيتمتم بعض الكلمات تالاغنية بشوي تاوصل للقهوة ونزل بكارووه..اخر رشفة ولاحو فالارض ودخل للقهوة تيتعنكر وشوي تالكريشة سابقاه..دور عينيه لقاها شبه عامرة وقشع تريكتو من بعيد زهيرة وعبد المالك وفاتح وعبد الغني وولاد زهيرة ..توجه عندهم ببرود ماحسو بيه تاوقف عليهم..

نطق بصوت مبحوح :بونسواغ
شافو فيه وبتاسمو وقفات زهيرة عنقاتو وقالت:بونسواغ ..صافا
منصور :الحمد لله ونتي؟؟(مد يدو سلم على خوتو بيدو)
زهيرة:(موجهة كلامها لبنتها ذات التسع سنوات)نوضي سلمي على خالك
وقفات لبنية لي هازا تيلي تاع ماماها تتلعب فيه وقالت:اهلان خالو
تحنا تسالم معاها بوجهو وقال:صافا بنتي؟؟
ميساء:وي صافا اي طوا؟؟
جلس ودار رجل فوق رجل:تغي بياان..
مالك:اسيدي منموتوش ههه 
منصور:علاش زعما؟؟
فاتح:حيت جيتي هههه كنا محاطين واش تجي ههه
زهيرة :ميقدرش اخصر ليا خاطري(شافت فيه )ياك اخويا؟؟
منصور:الله اودي..(شير لسرباي تم جاي)كافي نواغ
مالك:مشتكش فسبوع؟؟
منصور:مساليتش نجي وصافي..كيراها البنية؟؟
مالك:سميناها غيثة على سمية الميمة
حرك راسو وقال:مزيان..الله يبارك
عم صمت بيناتهم معرفوه حترام ليه ولا تقادا الكلام..تانطقات زهيرة:اوا خويا كي غادي مع الاعمال؟؟كاينا شي بلاصة نخدم معاك
منصور:مرحباا(حط يدو على الطبلة وهضربالفرنسية)مشكل مكايناش بلاصة لناس تدوركتورا..عندي ناس هي ليصونص 
زهيرة:اسيدي انا نخدم فابور هه عياني تعليم الدولة
منصور:مكاين ماحسن منو..التعليم الحر صعييب
زهيرة:واييييه كلها كي لقاها..
مالك:كنتي مريض؟؟نيوفك حمرين
منصور:نوو هي رواح وصافي..كي داز سبوع؟؟
مالك:زوين داكشي زوين..وذبحت للبنية
زهيرة:ناس لي نظمو واعريين
دارت ليه طاق سماح فبالو وهو يشوف فيها ونطق:تتعرفيهم؟؟
زهيرة:نوو جامي مالك لي تيعرفهم؟
لفت نظرو لخوه وقال:تتعرفهم؟؟
'مالك:نو ماشي شي معرفة..امل شافت خدمتهم فشي بلاصة واصرات اخدمو فالعرس وجبناهم تا فالسبوع
منصور:عندك كارت فيزيت تاعهم؟؟(شاف خوه هز حاجبو)اتكون حفلة نهاية دورة الاولى فالمدارس وبغيت لي ينظم ليا حفلة تكريم الاساتذة
عبد الغني:سعدااتهم اساتذك ههه 
مالك:سي جوبونص عندي مي فطونوبيل 
منصور:فكرني فيها لخرجناا بغيتها ضروري..فين جالمحل تاعهم
مالك:المسيرة

غلق الهضرة وكمل معاهم الهضرة القليلة من باب صواب..تا سالات عشيتهم ستأذن منهم وقال:نتسنا لاكارت فيزيت تاع تريتور
مالك:انصيفت ليك لي نيميغو فواتساب
منصور:داكوغ..بون سواغي
وقف وهي توقف زهيرة سلمات عليه بالوجه وقالت:متغبرش اخوياا
دار ليها بتسامة خفيفة وقال:تهلاي فراسك
بتاسمات ليه تا باانو ضروسها وبانت تتشبه ليه شويا وهي تنطق:رميساء سلمي على خالك
حطات لبنت تيليفون وتحنا تاهو تا سلم عليها من حناكها وقال:بسلامة
حرك راسو وزاد مخليهم تيشوفو فيه..مزال مخرجش من ريسطو وهو ينطق فاتح:الحمد لله ولى تيجلس معانا
عبد الغني:الحمد لله..ياله نمشيو تاحنااا
تبعوه تاهوما فحالهم فحين هو راكب فسيارتو وتيدندن بشوي يدوب تسمعها طالق عقييل وتيتسنط للراي مع كارو تيتنغم بيه..حس براسو صحصح شويا خصو هي ياكل وينعس
توجه ديركت للدار خصص الليلة ادوز مع مو الوقت..
وقف قدام الباب الكبير تا كمل كااروه ناقص كثر للموسيقى والضلام هي ضواو الجردة لي مضويين..كملو وعسف عليه عاد دخل للدار لي تحل بابها من طرف الخادمة لي بتاسمات ليه كتفى حرك راسو ونطق:فين الواليدة؟؟
الخادمة:فالصالون الكبير
توجه ليها كيحيد جاكيطو وبالفعل لقاها جالسة كي الامانة فكرسيها ومشعولة ليها تلفازة ففيلم مغربي وتتشوف بعويناتها لابسة لباس زوين وراقي من احسن مايكون ومناسب سنها..وحداها لطيفة مساعدتها لي كانت مسندة هي شافتو تجعدات وقال وعينيه على مو:هي خليك
توجه لراضية باسها فراسها ويديها وتاهيا دارت بتسامة خفيفة تتكابر ونطق:العمر..(شاف فتلفازة)تتفرجي فعبد الجبار الوزير
حركات عينيها وباينا فيها مرتاحة وقال:مزيان..تعشيتي؟؟
حركات شفارها بنفي وقال:نتعشا انا وميمتي اليوم ياك..شي طاجين(دار بتسامة مبين على سنانو)اش بان ليك؟؟
بانت علامة سرور على وجهها وقال بدون ميزيح نظرو عليها:لالة لطيفة وصبهم اطيبو شي طاجين للواليدة.
لطيفة:(بابتسامة)واخا اسيدي ..على راس والعين
ناضت مبتاسمة تتفرح فاش تتشوف منصور كيضحك مع مو...
جلس حداها فتليق وطلع رجليه مسرحهم ويديه فيديها وقال:تمشي ديري عمرة الواليدة؟؟
نطقات بصعوبة:انااااا
منصور:نسالي شي شغال ونمشي انا ويااك تعمري والى كانت صحتك مزيانة نديك تحجي
بالفرحة بتاسمات ليه وتتحرك راسها مأيدة الفكرة وشحال فرحااتو ناض تيبوس فراسها واعاود
قضى معاها وقت طويل فجموع واسول فيها وتاهيا تجاوبو براسها واخا مكرهتتش تشد معاه الحديث وتسول فيه اش ضارك وشنو ..لكن خانتها الصحة..الصحة لي حرماتها متكونش مع ولدها..وتحس بيه..تتشوا فداخلها وتعاود وتبغي هي تعيش معاه هانية
وجدو ليهم طاجين تالغنمي من المزيان معاه شلايض وتجمع فيه هو وياها ولالة لطيفة تياكلو واوكل مو ودغمة ليه..معندووش مع البلدي بتاتا هي تيدير الخاطر باش تاهيا تاكل حيت عارفها تتموت على طواجن..تتاخد وقت باش تنضغ حيت فكها عيان شوي ..وشاد معاها الخاطر تاهو باغي هي رضاها
عشاها وسهر معاها شويا تا حس بيها عيات طلعها لبيتها وخلى لالة لطيفة تبدل ليها ..عطاها قبلة فراسها ويديها من برا ومن لداخل وقال:تصبحي على خير اميمتي
خرح لبيتو اتساراح..بدل عليه وهز دواه شربوو وتخشا ففراشو تيقلب على نعااس تا دارت ليه فبالو طريييين سماح يا سماح..بقا عاقد ملامحو تيخمم فيها واعاود تاعياا وغفاا

يوم جديد فيه شوي تضبابة لا غير مرة مرة تشرق شميسة..ناضت سماح تتعجز من فراشها بعدما دوزات يوماين مكتخرحش بتاتا..تعجزاات وتفوهات تتمسح فعينيها لمعمشيين تا تحل لباب كانت زينب لبشوشة داخلة ببتسامة عريضة وقالت:تاتبيرت اينوو كي صبحتي
بادلاتها الابتسامة بحنان وقالت:حمد لله(قاست حنوكها)سخاان ههه
قربات ليها وباستها وقالت:نتي مزيانة تساراحيتي
زينب:الحمد لله
سماح:عذبتك معايا فمرضي تاني(عنقاتها )سمحي ليااا
زبنب(ضحكات)مسطية نتي ههه واش كاين شي واحد تيعذبوه ولادوو. انا بغيتك هي تبراي وتولي مزيان ونشوفك عرووسة كيف متمنية
سماح:(عوجات فمها حشمانة)قولي نشوفك فشي خدمة مبرعة نشوفك بدارك وطوموبيلتك..فكرتيني هي فجدة الله يرحمها
ضحكات زينب وقالت:ههههه هادشي كولو عندك..بيتي دار؟؟باك اشريها ليك بيتي طونوبيل انا نشريها لبنتي..الحب لي مكيتشراش
دارت ضحيكة خفيفة وقالت:مكيتباع مكيتشرا كيتعطا فابور
زينب:خصك هي تعرفي لمن تعطيه وصافي..الحب احساس زوين الله يجيب ليك لي يبغيك ويصونك ويقدرك ويحتارمك ويعيشك مزيان
سماح:نخاف نتجرح..عارفا راسي وزهري ههه ايطيحني فشي واحد امرمردني هه
زينب:ههه متقوليش هاكا..نيتك زوينة وغيطيحك الله فماحسن ان شاء الله
سماح:(مندامجة معاها وعينيها تيبريو)مكرهتش اكون بحال بابا هه
زينب:ههه الله ينجيك باباك صعيب كاراكتيرو وعصبي
سماح:ههه لا حنيين وضرييف وقليل فاش تيغوت
زينب:(حركات راسها بحركة دائرية)حيت نتي بنتو هه انا لي مرااتو وتنشوف فيه كاع الحوايح ولاكن فقلبوو مكاينش بحالو..
سماح:هههه اوا زوجيني بابا
ضحكات لوخرا وقرصاتها وقالت:نوضي الله يمسخك..وها لي مابيناش انا حووبينوو متنشاركو مع حد ديالي بوحدي ولداتو مباركة بوحدو لياا انا
ضحكات سماح تا تسدو عينيها وقالت:يالالة ويالالة على الحب هههه سعدااتكم 
زينب:(حيدات الستار)الله يجيب ليك ابنتي..نوضي غسلي وجهك نجيب ليك تفطري
سماح:مكرهتش نوض نفطر معاكم 
زينب:(بتحذير)لا ..تاتبراي وارا متفطري..
سماح:امري لله
ناضت من بلاصتها غسلات وجهها وسنانها وتوضات لقات مها حطات ليها فطورها فطرات وشربات دواها ورجعات نعسات حيت كيكوخ دواا
اما منصور فراه كان فاحدى مدارسو كيطالع على امور تلمحاسبة ومعاه المحاسب لي تيشرح ليه واوريه كل حاجة شنو فيها..لابس قبية بيضة ودجين وسبرديلة بحالا مشا اسافر ماشي لخدمتو..وصباعو كينقرو على الطبلة وتيسمع مزيان واحرك هي شفارو وعلى عينيه دليلا على موافقتوو لشنو تيقول تا تسمع طراان ميساج متحركش من بلاصتو ولا داها فيه..شويا عاود طران طران تا خرجو من المود ديالو..دار بيديه للمحاسب وقال:باغدوون
هز تيلي عاقد حجباانو لقاه من مالك دخل لقاه كاتب ليه:ها نميغو تاع التريتور لي قلتي لياا..عنداك متعرضنااش
صيفت ليه جيم زعما شفت الميساج وحط تيلي تاني وعطا وجهو للمحاسب لكن عقلو طار صافي..بقا مع النمرة لي صيفت ليه..
تاكمل وهو ينطق باللغو الفرنسية :مزيان..هادشي لي قلتيه بغيتو فتقرير ويكون عندي قبل نهاية الاسدس الاول
المحاسب:معلوم اموسيو ران
منصور:تقدر تمشي
وقف وستأذن منهم وهو يوجه كلامو للمدير لي معاه وقال:شحال بقا على نهاية الاسدس..
المدير:جوح سيمانات..كلها امتحانات 
منصور:مزيان..بالنسبة للحفلة ديال الاساتذ وتلامذ انا نتكلف
المدير:(تحرج)علاش اموسيو ..قصرنا فشي حاجة
منصور:(حرك راسو)نونو با دي توو..لقيت تريتور حسن لي ينظم داكشي..الاساتذ ديالنا كفوئين وبغيت باش نموتيفيهم للدورة الثانية نديرو شي خاجة خااصة
المدير:داكوغ..قولي هي فين هوما وانا نتكلف 
حرك راسو بلا وقال:هي خليك..تقدر تمشي
ناض المدير هو الاخر مستأذن مخلي لاخر تيضور بكرسيه واخمم ..علاش هي بضبط لي بغاها تنظم..لصقات فبالو كي العلقة مبقات اتحيد
هز تيلي كوبا نمرة ودوزها ورجع لور باريحية وتيلي فوذنو تيتسنا شي حد اجاوب تا جا صوت امراة ظنو انه صوتها وقال:بونجوغ
نورة:بونجووغ..افراح زينب مرحباا
منصور:بغيت غونديفو مع المنظمين على حساب حفل مدرسي
نورة:وي سيدي...مرحبا تقدر تجي اليوم فالعشية سينو دابا 
منصور:(بالفرنسية)نتوما ليبغ دابا
نورة:وي ديما اسيدي 
منصور:(وقف)داكوغ..انا نجي
نورة:مرحبا
قطع عليها وناض تيجمع قشوو وشدها ديركت للمكان لي عطاه..مصعيبش عليه القاه حيت جا فشاارع ..باركا الاوطو ونزل تيتمختر على مالا وشوو..ويسف اخر رشفة من سيجارتو..تا كملها ولاحو وعسف عليه..وقف تيشوف فالمحل لي كبييير بزاف جهد ربعة تالمحالات وباينا فيه راقي..دخل ليه وبدا تيضور راسو عالله ابان ليه شي حد تا وقفات عليه نورة وقالت:السلام وعليكم
منصور:وعليكم السلام..بغيت المنظمين
نورة:نتا لي عاد دويتي معايا فتليفون؟؟
عقد حجبانو باستفهام تيتفكر عاد عاق وقال:اه بون نتي
نورة:(فرنسات)وي سي موا..تفضل اسيدي معاياا
تقدمات قدامو تتمشا وتعوج فمشيتها بدون قصد حيتوهي اصلان كلها تتفيبري..دخلاتو للبيرو لي هو ديال سماح....

جلسات وجلس تاهو ناشر رجليه تيشوف فاص ليه فشكل البيرو لي انثوي نوعا ما ..حمحمات وهو ينطق بالفرنسية:بون انا عندي مجموعة مدارس وحنا على مشارف نهاية الدورة الاولى وغيكون عندنا حفل وبغيتكم تنظموه لياا
نورة:على راس والعين واخا صراحة عمرنا نظمنا هاد نوع تالمناسبات ولكن كون اكيد انديرو لي فجهدنا باش انجح
شاف فيها وهز حجبانو:لا متقوليش ليا نديرو لي فجهدنا..قولي ليا ايكون مزيان وصافي..
نورة:(ماعجباتهاش طريقة هضرتو)كون هاني اسيدي..امتا هاد الافنمون
منصور:من هنا جوج سيمانات(كمش عينيه بتساؤل)سيدة لي كتنظم مكايناش؟؟
نورة:عيانة شويا داكشي باش خوها لي مكلف
منصور:ياكما مريضة بزااف؟؟حيت انا باغيها هي لي تكلف
نورة:صراحة منظنش واش هي لي تكلف حيت سيدة عاد دايرا عملية على نيفها وخصها راحة تامة
منصور:(قدر يجبد ليها لسانها)وايلي..ديالاش العملية؟؟
نورة:هي عندها حساسية من البرد ومن روايح وعندها مشكل فنيفها عظمة مغطيا ليها منين تتنفس
حرك راسو وقال:ممكن تذكريني باسمها؟؟
نورة:سماح..
منصور:بون الى كان ممكن مادموزيل سماح لي تكلف ليا حيت شفت خدمتها فعرس وسبوع مؤخرا وعجبااتني فكنفضل هي لي تكلف
نورة:حم منواعدكش ولكن نسولها ونشوف واش غتكون مزياانة؟؟
منصور:تقدري تعطيني نمرتها انا نتواصل معاها ونشووف
نورة:اهاه مرحباا(هزات ورقة كتبات ليه نمرتها لي نقلاتها من تيليفونها)هاهياا اسيدي
شدها بجوج صباع وقراها تيمصص فلسانو وقال:مغسيي بوكو لالة. 
نورة:اه اسيدي مرحباا..تقدر تخلي ليا نمرتك باش ملي يجي موسيو الياس اتواصل معاك
منصور:واخا..(هز ورقة صغيرة من قدامها)فوالا مون نميغو دو تخافاي وبيرسونيل
حط ستيلو وممدش ليها الورقة خلاها هي هزاتها راسها..ناض وقف وقال:بونجوغني..نتمنا الرد اكون عندي فاقرب وقت
نورة:كون هاني اموسيو..الى كثرنا غدا فصباح نعيطو ليك
حرك ليها راسو وزاد خارج بنفس الملامح باش دخل..حاس براسو روا شويا تفضولو عليها..كي طلع للاوطو حرك راسو كينفي كاع الافكار لي فبالو..علاش جا وعلاش سول..بزاف تالمنظمين يقدر اتعامل معاهم ومعمرو اصلاا محن راسو فهادشي مكيجي تال لخر كيعطي الكلمة وكيخرج لي عليه انه احط الفلوس وصافي
شد طريق لاشغالو ودماغو فيه مية مطرقة..بين المدارس ومو وهي لي تطيح فبالو
اما نورة هي خرج دوزات نمرة سماح تضحك وتتحل فمسكة..هي شد الخط وقالت:باقي ممتيش
سماح:هه لا باقي..تنتسناك نتوادع معاك عاد نمووت
نورة:اوا ياختشي انا مسامحاك ههه هاد العشية نجي نتسامح معاك ههه كاين شي دانون شي دانااب
سماح:(تضحك)هههه كاين كلشي هي جي ههه توحشت نجمع معاك
نورة :هي لي متعاودش ههه
قطعات معاها ومشات تكمل خدمتها عادي..وهاكا حال كلشي كيكمل خدمتو تاتعاشات العشية ..خرجات نورة من الخدمة تتمضغ فالمسكة وتعكيرة يالالة والمزير وقاصدا دار سماح.
هاد الاخيرة لي قنطات من البيت والجلاس وحفضات ركان بيتها..تاتحل الباب ودخلات نورة بعجاجتها وقالت:هااانييي يا ختشيي
سماح:هههههه زيدي زيدي جابك الله تونسيني
نورة:(سلمات عليها وعنقاتها)على سلامتك المصيبة ههه نقزتيها(قاست نيفها)اوا بعداا تصايب
سماح:وايييه..كيدايرا لباس..داركم وداك القرد ديالك هههه
نورة:(تكسلات على جنبها طالقا خيرها)جمعي كولشي وقولي لبااس نتي فاتك الحال..وليتي شويا؟؟
سماح:الحمد لله..كيغادا الخدمة
نورة:تساراحي اختي شويا ونتي عاشقا تمارا..مزيانة الخدمة تيسولو عليك الكلياان
سماح:ههه بصح..شكون سول؟؟
نورة:جات واحد سيدة قالت ليك يالالة بنتها(تتعوج ففمها وشفارها)اتدير عشرين سنة وبغات تدير ليها شي عيد ميلاد مطرطق وقالت ليك نتي تكلفي هههه قاليها اليااس افلانة انا نتكلف وهي تقمعو قالت ليه نتا سميتك سماح 
ضحكووو بجهد تيضربو فيديهم وعاودات نطقات:نههههههخههههههه شحال ضحكت عليه ههههه
سماح:هبييلة وباش كملتوها معاها
نورة:اوا بقيت تنسايس انا والياس تا قتانعاات وصافي ههههخ
سماح:ههههههه عطيوه
نورة:وجا واحد المفعفع هاد صباح تاهو سول عليك هههه وليت دايرا كي مدير اعمالك
سماح:ههههخ شكون تاني
نورة:وشكون اعرف..هي تيخنزر وساكت متعرفيه علاش ساكت قاليك يالالة عندو حفلة نهاية السنة الدراسية وبغا لي يتكلف ليه وجا سول عليك نتي
سماح:ههههه شي روض؟؟
نورة:تأ محال باينا فيه ملعق شوي..حيت لابس مزياان 
سماح:اوا وشنو درتو معاه
نورة:قاليك يالالة ميعادنا من هنا خمسطاش ليوم
سماح:قلتي ليه راه مرييضة منقدرش
نورة:علمتو مي قاليا تاتبراا..اش بان ليك وخلا ليا نمااريه بجوج باش نعلمووه
سماح:معرفتش هاد ساعة باقي ممسموحش ليا نخرج من دار راكي عارفا..شوفي مع الياس ولا شديها نتي نييت
نورة:الله اختي الله هههه الله ينجيني هي خليني فبلاناتي حسن لياا..اش داني لشي تنظييم ههه
سماح:ومالك هههه راك بنت الحرفة ههه
نورة:اختي مقادا على مسؤولية هههه 
كملو هضرتهم على نحو اخر تيضحكو واكركرو حيت نورة تتقشب بزااف تا وصل وقت مغادرتها..

ودعاتها ومشات مخلياها تاني بوحدها تتسنط لعظامها
قضات سماح سيمانة اخرى فدارهم وبدات تتحسن تدريجيا وسمحات ليها طبيبة انها تخرج من بيتها وتا من دار..كونترولات عند.طبيبة لي متبعا معاها ولقاتها مزيان ونيوفها بحال اي انسان عادي..
كانت جالسة على طبلة العشا مع عائلتها مجموعين على طاجين تالخضرة ولحيمة وتيهضرو كلها تيعاود على نهارو كي داز الا هي لي قضاتو فدار..
سماح:(بهدوء)الياس كي غاديا الخدمة؟؟
الياس:بخخير(تيخشي فوجهو)مزيانة خصيتيها هي نتي
عثمان:فرق عليك ختك تاتبراا
الياس:مالها ميتة؟؟هاهيا برات تتنوض وتتمشي وتضحك اللهم ترجع لخدمتها(شاف فسماح)او لا؟؟
سماح:اه
زينب:ابنتي راك عيانة باقي متزربييش
الياس:ديها فيهم والله تانقص ليك من صالير ديالك هههه
عثمان:(بمزح)مالها تتسناك تعطيها انا نعطي لبنتي ضووبل هههه
سماح:هههه خليك ليلي اعتعت ههه
الياس(تيضحك)بربي تا خسرتوها انا نخرج لكرفي وهي هههه
سماح:اوا كون تزاديتي بنت حسن ليك هههه
الياس:,كلشيي منك ازينب لاش مولدتينش بنت
ضحكو كامليين عليه مولفين هبالو من صغرو وهو طالقها تسرح وفينما دازت غزاات..
الياس:بالمعقول دابا خصك ترجعي اختي اتكوني مليتي
سماح:واييه والله..بغيت نرجع من غدا(شافت فواليديها بشوفة المشة)مليييت
زينب:والى مرضتي تاني
ااياس:اشمن تمرض الله يهديك..المحل دافي واتبقا هي فالمكتب مغنخليهاش تشد شي عرس درووك
عثمان:من جهة اتملي اللهم سيري ولايني(هز صبعو بتحذير)دواك ابنتي فالوقت وكولي مزياان وبعدي من البرد ولبسي مزيان
ضحكات ليه وقالت:علم وينفذ نههه
الياس:ياله دردبي تنعسي ههههه خدمتك تتسنااك
سماح:(بعفوية)اصلان تيسولو فيا لكلياان هههه
زينب:ههههه ياك الالة تانتي وليتي بكليانك 
سماح:وشنوو هههه 
ناضت تتجمع مع مها لماعن مخليين جوج ريوس فاابيت كل واحد تسرج فقنت..
عثمان:عنداك تكون تتقسح مع ختك..نسيق لمك الخبار مقجر عليا نحرق ليك الحزاق كامل
الياس:هي نتا وجران فالواد لي والدين ههههههه متخافش تنسلخها مزيان وتنضل نغوت عليها تكدمع تاني هههههه
عثمام:هههه الكلب لاخووور
جاو هازين صينية فيها اتاي بالويزة للبرد كل واحد خدا كاسو وجمعو على نحو عادي كيف اي عائلة مغربية
عثمان وزينب تزرعات فيهم اصول الجمعة واللمة تالعائلة ورسخوها فولادهم..كبرو على انهم فليل ايتجمعو للعشا واضحكو وانشطو وانه اسولو فبعضهم وترباو على لحنانة بيناتهم
كل واحد تلاح انعس وزبنب وعثمان باقي منسعوش عايشين العسل فبيتهم تل اشمن وقت 
****
لو تزهر الشمس 
وتشرق الزهور
ستظل عيونك هي السماء التي لا اتمنى ان تمطر
****
فاقت سماح ناشطة وفرحانة انها اترجع لخدمتها..ختارت سروال جينز وتريكو مقطن فالابيض وتجاكيط فالقهوي غامق قصيرة مفايتاش المؤخرة مع ليبوط طالون كيف ديما..طلقات شعرها ودارت ماسكارا فقط..باقي ملامحها فيهم تعب لانها دازت عليها لكن تتكابر
خرجات فطرات مع عائلتها الصغيرة ورافقات الياس للمحل..لقات كلشي فرحان برجوعها وتيضحكو معاها واسولو على حالها من جديد..
ماجلسات تا دازت شي ساعة عاد ريحات فكرسيها وفاص ليها نورة تتمضغ مسكة وطرطقها
سماح:(تتحل لاكيص)اديك شيخة
نورة:مممم ياختيي بييت هي لي يونسني ههه
سماح:اوا هاني جيت(تتحسب فلوس فلاكيص)نورة ميمتك شحال من عرس شديتو فهاد المدة
نورة:عشرة..شوفي لكتاب لي قدامك فيه كلشييي قيدتهم ليك هزيهم
يماح:خليك ليلي ازينينو ههه
ناضت لوخرا تشوف خدمتها فحين سماح خشات راسها وسط الحسابات حيت مخليهم ليها الياس وقيدات شنو فاتها على حسب شنو حاطا نورة فالكتاب..تانضات كلشي ..بغفلة صونا تيليفونها كان المتصل باسم"حبقلبي"جاوبات مبتاسمة وقالت:شدوك ناس تشمال ولا؟؟
عادل:لحياة بات مك اشمن شمال راني فمراكش
وسعات عينيها بفرحة:امتا جيتي الحمار؟؟
عادل:لبارح تال اشمن وقيتة..فينكي فداركم
سماح:لا فالخدمة..دوز دوز عندي نشوفك توحشتك
عادل:ولايني مشطبة معاك..متوحشينيش اختي ههههه شوفي انجي نهزك ونمشيو نتغدااو
سماح:اوك..على حسابك
عادل:ولله لخلصت عليك..نتي مولات شي
وقطع خلاها تضحك عليه حيت ديما تيطنز...مدازش بزاف تاتم داخل تيضور سوارت طونوبيل فيدو وتيتمشى بتمختير دازت من حداه نورة وهو يحك صدرو وقال:بسلامتك انورة اش تتاكلي عطيه لديك الاخت تاكلوو تبان شوي بنادم
نزرة:(عوحات عينيها)والعما حضيتيني تا طيحت
ضحك وتم غادي عند سماح لي تتشوف فيه بشوق ناضت تسالمات معاه باللوجه وتاهو عنقها ولعب فشعرها وقال:تصايبو ليك دوك المناخر
سماح:هههه اه..نقولو بصحة لححديد ولا بلاش 
عادل:هي كاريها هههه هزي ميكتك وتبعيني فيا جوع
هزات صاكها وتبعاتو تضحك معاه وتاهو داير راسها تحت باطو تا يبربق فيها..من ديما مولفها الضرب الخفيف وتضربو تاهيا واتراامكة واضحكو..طلعات وطلع هو الاخر وقالت وهي تتركب السمطة:فين شادينها
عادل:فبنما بيتي هههه انا عارض عليك الالة
سماح:على اساس كنت انا لي بنخلص هههه

تحركو لواحد المطعم عائلي وخاوي نوعا ما وجلشو حدا بعضهم لي شافهم يقول راهم كوبل
خداو طبلة وكراسيهم حدا بعضهم..رخفات عليها كاشكول وبداو كياكلو واضحكو
غير بعيد عليهم كان منصور واخد طبلة ليه كيتغدا بعد صباح متعب..كان غداه عبارة عن سلطات متنوعة..وخضار مفورة ومسلوقة..مع عصير المانك بالليمون..شاد بيد الكاس تيشرب ويد اخرى هاز بيها التيليفون تيقلب فصفحتو الفيسبوكية..تغدا وحط تيليفون ..هز منديل بشوي مسح فمو وياله غيشير للحساب تا قشعها من بعيد..شك واش هي لكن سرعان ما خقق فيها الشوفة عرفها..نزل يدو دار بناقص من لحساب وحقق فيها شوفة بدون مايثير الانتباه..حاضيها كيفاش تتاكل مع عادل لي ممخليهاش تاكل..بان عندها جانب ضحوكي ..مص شفايفو باهتمام وهز يديه للسرباي طلب قهوة كحلة وبقا جالس ممشاش..تا شرب قهوتو المنغمة بمراقبتها..كان مسمتمع وهو مراقبها..معندهاش شي حركات لي واو ولا شي حاجة تلفت من غير انها هي سماح..هاكاك لفتات انتباهو حيت هي هاكاك
كمل قهوتو وحس براسو زاد فيه وهو يطلب الحساب وخرج فحالو متحاشي نظرو ليها كأنما ماشي هو لي عاد كان حاضيها..هاد الاخيرة كانت مستمتعة بجلستها مع صديقها الانتيم واجمعو واطلعها عليها تا كتغضب وارجع احزر..مزاحهم حاار شي مرات تكيبكيها
سالاو وناض خلص ورجعها للخدمة..كانت محتاجة خرجة تفوج..

دخل منصور لدارو لمضلمة غالب عليها طابع الوحدة والكاابة لي غارق فيهاا حيد تجااكيط ودخل لبيتوو حل لمجر جبد صاشي بيضة معامرااش ومشاا كلس من بعد ما خدم لاشيين وتطلق الرااي والفنان المفضل عندوو فوضييل *mon dieu*
كلس فلكليسة ديالوو قدام طبلة تاع الزااج ..الدار مضلمة جبد ككارط ديالوو وحط لغبرة سطرهاا مزيان ويدو فنييفو..شمها وترخا بحال الى شرب لبنج ترخا وتغمضو عينو ..كيربت فصبعانو بجناب لفوطوي اسود اللون او فمو كيتحرك مع كلمات الاغنية ....تطاحت ليه سمااح فبالوو ملي كانت كتضحك مع عادل وبقا كيرمش ...تقاد فلكلسة كيحك نيفوو او هز تيليفونوو ...دوز لنمرتها ومجاوباتش وحطو ورجع تكونصونطراا مع سطر ليضرب ورخااه ...
اما سماح فكملات خدمتها عادي ورجعات لدارهم تعشاات ودخلات لبيتها مشطات شعرهاا وهزات تيليفونها لقات ابييل ماجاوباتش عليهاا حركات شفايفها بعد اهتمام ودخلات جمعات مع عادل او نورة لوقت وجييز ونعساات مرتاحة من نيووفها لي كانو هالكينها فلبرد ديما مخنوقين ...

يوم جديد كانت سماح غارقة فلخدمة تطلات عليها نورة وقالت: سمااح داك خينا لي قلت ليك لباارح 
سمااح:ومالكي كترعدي 
نورة: ههه اختي مخنزر ناوي على خزيت(غمزاتها)صافي صافي سكتي هاهوا دخل 
سماح هبطات راسها بدوون انتباه مكملة خدمتها حتى سمعات دقان فلباب هزات عينيهاا ..وبدون شعور هزات واحد الحاجب كتشوفييه تدخل 
منصور:بونجووغ مادموزيل (مد ايدو ليهاا )
سماح(وقفات ومدات ايدها ليه بابتساامة) بونجووغ...حم تفضل ا سيدي
منصور:(كلس فوق لكرسي منخوي ودار رجل فوق رجل وحل لعقدة تاع لمونطوو شافف فساعتوو وشاف فيها وهياا حاضياه وكتقول فرااسها مال هاد الكاائن كل على بعضوو تقييل على القلب 
سماح:شنو حب الخاطر اسيدي 
منصور(بعجرفة) منصور راان جوبونص معقلتيش علي 
سماح:لا عقلت اسي منصوور 
منصور:اتاصلت بييك لبارح بليل ميي مجاوبتينييش 
سمااح:ااه منتااهبتش 
منصور: جوكخوا خاصك تجاوبي على تيليفوونك ...لي كليوون خاص تكون عندهم واحد لمكانة ومصداقية ولا لا امادموزييل 
سماح:(عضاات على فمها من لداخل وكتربت برجلها تحت لبيرو )اوا سمح لينا اسيدي حيت مجاوبتش ...الووغ باش ما نعطلكش كتر مسيوو راان ...فاش نقدر نعاونك 
منصور:ممم الووغ باش منطولش علييك امادمووزيل بغييتك تكلفي ليا بواحد الحفل بغيت نديروو للاساتدة كتحفييز ليهم وشكر على الدورة لاولى وبغيتك تكلفيي بيييه 
سمااح : اييه وخا امتا بتيه 
منصور:من هنا سيمانة بغييتك نتي لي تكلفيي 
سماح:كون هاني اسيدي غيكون كلشي كي بغيتييه 
منصور:(حرك راسو بتقالة كيشوفيها كتونفيرمي نهار والتاريخ بالضبط ...كيحك فلحيتوو ومتبعهاا وقال ببرود كيف عادتوو كيستافز بنادم باسلوبوو)سمعت بلي درتي اوبغاصيون على نيووفك .....صافاا داباا 
سماح: سيي درتها ايسول فييك لخيير ...صافا الحمد لله (تبسمات ليه نص ابتساامة ورجعات لدفتارها )صافي اسيدي ان شاء الله نكونو عند خسن ضنك
منصور(عوج راسوو ) بياانسييغ داكشي لي مطلووب منكم ...خليت بزااف ديال المنظمين كفووئين مي ديجا شفت تنظيمك وعجبنيي ....متخيبينيش امادموزيل 
سماح:(تبسمات بديك الضحكة الصفرا)ان شاء الله 
وقف كيقاد فلمونطوو ومد ايدو ليها تلمس يدها البيضاء وسط ايديه السمراء الدافئة وقال : لمرة جااية بقاي تجاوبي على تيليفوونك ...داكووغ....بونجوغني مادموزيل 
بتاسم ليها وخرج وكلسات كتعيب فييه تدخلات نورة لقاتها كتدوي بوحدها 
نورة:اسبحان الله اشريفة 
سماح:هاد بنادم معرفتش مالو حاسب رااسو شي حااجة عوو الاوامر بحال الى خدامة عندوو وزايدها بلفرونسي بنت ليه عيني خضريين ولا سميتي جاكلييين 
نورة: هههههه هههههه اختي دوك لي مرفحيين مكيهبطوش خنافرهم الارض قلتها ليك قلت ليك راه واحد لمفعفع ميشبعك تهدرة 
سماح: كنس نااقص يخخ

نورة:اسبحان الله اشريفة 
سماح:جوج من هذا فنهار نعلق راسي فباب دكالة ههههه
نورة:(جلسات تتصايب شي دعوات)شتي اش قلت ليك؟؟راه منفخ واخا زويين
سماح:(تتحسب لفلوس)نوو ماشي شي زين عادي..هو هي مهيب ههه(دارت فلوس فلاكيص)مهم من هنا سيمانة عندو لفينمون(كتكتب فبيسي)علمي دراري 
نورة:نتي لي تكلفي؟؟
سماح:(حركات راسها)لا مالي حماقيت..انصيفت اليااس
نورة:لي بان ليك 
*****
مرت ايام قليلة تعد وتحصى فاسبوع..واليوم السبت الويكاند لي كيدوزوه ناس تيضحكو وانشطو الا البعض من المهن كعامل النظافة والبوليسي وصحاب العراس..
كانت سماح فالمحل واقفة على دراري تيهزو لماطريال لي يخدمو بيه فاحد الاعراس وتيلي فيديها تيصوني بنمرة غير معروفة..شدات الخط وبدون متجاوب خاطبات ولد بصوت رقيق:عندااك اسمحمد..الوو
جت صوتو الغليض بنوع من الغضب:مدموزيل سماح؟؟
سماح:ممم وي(جلسات فمكتبها تتقلب فكتاب)
منصور:شنو تافقت معاك؟؟الافينمون نتي لي غتشديه ماشي تصيفتي ليا دراري خرين
سماح:(دغيا عرفاتو)ممم هذا نتا اسي منصور
منصور:شنو نفهم من هاد قلة الاهتمام ديالك؟؟
عقدات حجبانها وقالت:كيفاش قلة اهتمام اسيدي..بغيتي تنظيم زوين وناضي ايكون هاكاك شكون مكلف مداخلش فخدمتك..المشكل ايكون الى ملقيتيش داكشي كيما بغيتي .. وو
قاطعها بسخرية:سمعيني امادموزيل..انا انسان تنبغي الوضوح والشفافية..تافقنا نتي لي تحضري هي نتي لي تحضري حاجة خرا نوو..سينو انأنيلي هادشي كولوو
ياله بغات تجاوبو وهو يقطع عليها تيليفون خلا فوهة تفمها سارطا لكلام لي بغات تقوليه..شافت فتيلي باقي مصدومة وقالت بكلام مقطوع:ولد الحرام والله تا قطع علياا فففف تفووووو(عقدات حجبانها وحماارت بجهد مرضاتش)حيوااان
دوزات الخط لدري لي صيفتات جاوبها فلحين وقال: ختي راه سيد مخلاناش نخدمو قاليك نتي لي تكلفي
سماح:(تتسرط فريقها)صافي صافي واخا انا جاية
قطعات عليه ومسحات وجهها معصبة تتفكر كيفاش قطع عليها ونشرها تتشدها البكية والفقصة..هزات صاكها واغراضها وخرجات معصبة تتضور فعينيها والوجه حمر كون ابان قدامها تكددو مزيان..شيرات لطاكسي بعصبية وطلعات ونطالق بيها بعدما بلغاتو بالعنوان..
طريق كلها وهي تتعض فظفارها بعصبية وتحرك رجليها بنرفزة معصبة من هضرتو..رن هاتفها وجاوبات:نعام
الياس:فين كاينا؟؟
سماح:فطريق للمدرسة فين كاين الحفل..تقلب كلشي سير نتا للعرس وانا للحفل
الياس:(تيقاد فساعتو شاد تيلي فوذنو بكتفو)ممم واخا ماشي مشكل متجهديش راسك
سماح:اوك بسلامة
قطع معاها وحط تيلي وقال موجه كلامو ليسرا لي جالسة فطرف سرير بكسوة حد الفخض والشعر مجموع كوت شوفال وجهها باين مزنك..
يسرا:كي بقات؟؟
الياس:سولي هي على رااسك هه 
يسرا:(حشمات)واصااافيي
الياس: (باسها فحنكها)شوياا صافا بعدا هه
يسرا:(شابكات يديهم وياذوب تهز فيه العين)الله يشافيها
قرصها ففخضها وقال:ويشافيك تانتي هههه يااه نوضي انا غنمشي
وقفات معاه بخجل وصلاتو تالباب وزاد خلفة
اما سماح كانت وصلات قدام مدرستو ..خلصات طاكسي وطلعات راسها تتشوف فبناء طويل نوافدو كلهم زاج مكيبنيش وقدامو بزاف ترونسبور تالمدرسة..مكتوب عليهم "محموعة مدارس ران لتعليم"وبعض السيارات لي قشعات سيارتو البيضة من وسطهم بسهولة..زفرات بغيض وداخلها تيغلي..تقدمات تتطلع فدروج لي تيأديو للباب الرئيسي لي واقف قدامو سكيرتي ..هاد الأخير فتح ليها لباب بلباقة ودخلات تضور فعينيها فالمؤسسة لي كانت شبه خالية على غير عادتها فاش تيكونو التلامذ..متقدرش تنكر انها مؤسسة زوينة بزااف ومجهزة لانها مرات على بعض الاقسام وشافت تجهيز فيهم كيداير..اضافة للنقا لي فالمدرسة..بحكم خدمات شي ايام مع مها فمدرستها كان عندها فعقلها شي لعيبات على دومين..تلاقات فاخر الممر مع سيد كبير شوي لي قابلها بابتسامة وقال:بونجوغ
سماح:(حاولات ترسم بتسامة)بونجوغ 
ااسيد:اش حب الخاطر الالة؟؟
سماح:انا لي مكلفة بالحفل..بغيت نشوف منصور
ستغرب سيد ونطق:سي منصور ران؟؟
سماح:(عضات على شفتها)اه هو
السيد:اتمشي مع هاد الكولوار وتدوري على يدك ليمن اتلقاي لبيرو ديالو
سماح:(بامتنان)شكراا
تجاوزاتو ولغات بتسامتها وتوجهات من طريق لي نعت ليها ومع كل خطوة تيتسمع قلبها تيزدح كيف دقات طالونها على الارض..
وقفات قدام مكتب مكتوبة فيه سميتو بخط عريض:منصور ران
دقات جوج دقات متتالية ومسمعاتش الاذن ففتحات الباب وهي تجي عينيها فعينيه..جالس منخوي فبيرو مضخم كي تيقولو الشماليين..لابس كيف ديما الوان غامقين..وعينيه من تحتهم منفوخ اما نيوفو راه بكثرة مامبوق بكثرة نعاس تيبانو مفرشين..كان جالس وقدامو سيد فالاربعين تيوريه شي حساب..هي شافها وهو يعتادل فجلستو وقال:مدموزيل سماح
سماح:(عاقدا حجبانها)سلام
تقدمات بلا متسد الباب وباين من خطوايها انها لابسة هدوء ماقبل العاصفة..بمجرد ماشافتو لمحات فنظراتو الاستفزاز..نطق موجه ليها الكلام:معلموكش تدقي الباب(بالفرنسية)
فهمات منها سماح هي كلمة الباب وكملات المغزى فراسها

مبغاتش تبين ليه انها متتعرفش ليها..نطقات بجرأة:ونتا معلموكش متقطعش على ناس تيليفون؟؟
رمقها بنظرات باردة متحرك ماوالو حدو حول نظرو لسيد وقال:نكملو من بعد(بالفرنسية)
ناض سيد جامع وراقو خارج مخلي نار والليصانص..هي تسد الباب وهو يتسرح على الكرسي وقال:عاجبك تبقاي واقفة؟؟
شافت فيه بنظرات من نيتك ونطقات:سمعني اسي ران..الى كنت جيت هنا هي باش نقوليك جوج كلمات..
منصور:(ببرود)جلسي بعدا..شنو تشربي؟؟
تذوقات طعم الاستهزاء فهضرتو زعما هضرتك زايد ناقص ..وهي تنتافض بسرعة وقال:بلا زمر كاع نتا اش حاسب راسك..تقطع عليا تيليفون مالك تتخلصو ليا؟؟شكون نتا لي تبقا تفلسف عليا وتعطيني درووس..(هزات صبعها فوجهو)جيت باش ندير خدمتي لاغير..وكون مكنتش مؤونكاجيا معاك قسما بالله منزيد ضربة هنا..(زيرات على صاكها)خدمة تالزمر
خرجات وزدحات عليه الباب خلاتو داير شبح بتسامة ومتبع العين للباب لي خرجات منو وقال وهو تيشعل كارو:واعرة مع راسك هه
خدا جرعة من الدخان ونفثو وقال؛تاهذا نظر..
فحين سماح خرجات مبردة شوي حيت مخلاتش ليه فين..
خرجات زادحة عليه الباب مخلية على فمو علامة استهزاء ..تتنهج وصدرها تيطلع وانزل والدمعة واقفة ليها على العين..بعدات بخطوات قليلة من حدا باب مكتبو ويديها تتنش على عينيها مبغاتش تبكي
بقدر ماهي ضعيفة بقد ماهيا قاسحة..متتسكتش على حقها وتقدر تنفاجر على لواحد لكن تيغلبوها دموعها وتبكي واخا يكون موقف بسيط
تمشات فلكلوار تتمسح دمعة لي نزلات بالخف وتترعد..ياله غدور على كولوار اخر و هي تصادف مع ولد من لي خدامين معاها..
مصطفى:ختي سماح اش فلبلان
سماح:(جمعات شجاعتها)كملو خدمتكم انا لي غنوقف عليها
مصطفى:واخا اختي..اجي معايا نوريك واحد لعيبة
تمشات معاه فنفس الخط وطالون بوطها تيتسمع قاف حيت المدرسة شبه خاوية فيها فقط بعض الاطر
دخلو لقاعة كبيييرة فيها خشبة بحال ديال المسرح..كيديرو فيها الانشطة التربوية لتلامذ..لكن على مكان باين انه بانت بحال شي قاعة تالحفلات بزينة لي بداوها ليكيب تاع سماح
زرابي مفرشيين من دخلة وعلى يديك بجوج كاينين طبالي كثار بليناب تاعهم وبزينتهم كأنه عرس..
باختصار بداية خدمتهم قلبات القاعة تالمسرح لقاعة تالعرس..كان فجهة الديدجي تيأنسطالي ماتريالو حيت قررات تدير جو شعبي بحكم ان الاساتذ اصلا ماشي اطر اجنبية..وحرصات على انه يكون ديدجي من الطراز الرفيع والراقي
سماح:(تضور عينيها)فينو لبوفي
مصطفى:ياله كنا بنبداو فيه وقفنا مول شي..(شير ليها لبلاصة بعيدة)انديروه لهيه..وغنعزلو لمملحات على الحلو
سماح:(مركزة معاه واخا كثرة الحركة تالعمال)والماكلة؟؟(شاف ساعتها)امتا توصل
مصطفى:واهنا هداي علي هههه نتي لي مكلفة
دارت ليه نصف بتسامة وقالت:هه نسييت صافي هي سير انا نتكلف
هي مشا تنفسات الصعداء وربطات إتصالها بمكلف بالاكل وتتحرص على كل كبيرة وصغيرة
قرابة ساعة وهي تما ..جامعة شعرها بقلم وتاكل ففقاصا ومتبعة مع البنت المكلفة بزينة الخشبة لي غيتكرمو فيها الاساتذ..
فنفس الوقت دخل هو من الباب داير يديه فجيبو تالكوير تيضور عينيه..مينكرش ان تنظيمهم نال اعجابو هو فقط بغاها هي لي تكلف..
بعد دورة شرفية بعينيه توقفو هاد الاخيرين عندها هي لي تتشرح ليها شنو دير تاهزات عينيها صدفة لقاتو واقف قبالتها..خزرات فيه و هو يشير ليها ببرود بيديه باش تجي عندو..زفرات وتوجهات لعندو مكرهة خاصة انه مبقاش مفيكسي عينيه عليها انما تيضور عينيه بحالا تيقلب ليها على شي ديفو
وقفات قدامو وقالت مربعة يديها:نعام؟؟
شاف فيها وقال:شنو معناها يكون بيفي وطبالي
سماح:(كمشات فيه عينيها)معمرك شفتيها؟؟ المالح والحلو فبيفي كمقلبات(باستهزاء)والطبالي راه للماكلة..معادا لكنتي سقرام نعرفوها.. جمع غوباشتو وقال:مدموزيل..متنسايش راسك..راه هي خدامة هنا ديك هضرة سوق مكاين لاش تديريها عليا هنا
ياله بغات تجاوبو زاد وخلاها بلاكة..جمعات تغوبيشتها وقالت:الله يعطيك شي مصيبة تفووو على بنادم شحال خاسر
رجعات لعملها لي كان قرب اسالي.. خرجات لبرا تلقا لمكلف بالاكل لي جا فترونسبور كبير ..تسالمات معاه وشكراتو وبداو ناس تيدخلو الماكلة لانواعها واشكالها..ولي لداخل كيقاد لبوفي..
الاشغال على قدم وساق متتوقفاش باش يكون الحفل نااضي..
ساعتين بالحساب مع ربعة بداو الاطر كيدخلو وانباهرو بتنظيم لي دارو وبالحفل..الاساتذ والاستاذات تمختلف المواد واكيد الاطر الادارية..كلشي كان حاضر ومستمع
بحرص من مديرة المدرسة طلبات انه فلبادئ تكون موسيقى خافتة حتى تدوز الكلمة ديال مول الشي وديك ساعة الحيحة..
الحضور بزاف حيت ربعة تالمدارس هي لي مجموعين تما وكثرة الهضرة وغالا غالا..
وفلحظة دخل منصور دين ران لابس سروال توب فالرمادي مع صباط كلاص كيبري وقميجة بيضة بدون كرافاط ومونطو اسود من لتحت..تتفوح منو رائحة خفيفة
بقدر ماهو عندو هيبة خلات وجهو يكون زوين..زينو عادي ماشي لي يخليك تسهاي فيه..

لكن حركاتو رجولية تخلي لي متحبو تحبو..كلشي الاستاذات كيتغامزو عليه واضحكو وهو جالس فطبلة مع مدراء مدارسو مراقب الجو..
فحين سماح من بعيد كانت حدا واحد شرجم واقفا وتتشوف واش كلشي هو هذاك والهوا تيدخل من شرجم حيت خنقاتها ريحة البارفان لي اغلب الحضور مدوش بيها..
شافتو من بعيد نايض للمنصة برفقة مرا كبيرة شوي فالعمر..صقلو الحضور وبدا هو بتحنحينة وكيف عادتو كيلقي كلمة شكر للاطر وعلى مجهوداتهم..بالفرنسيى طبعا وكلشي كيسمع ليه..وسماح هي تتشوف مفهمات تا زفتة فهضرتو..
عطا كلمة ديالو ووجهو مكتاسيه لبرود كانه تيهضر مع الحيط..دازو لتكريم الاساتذة بشواهد تقديرية هو لي تيعطيهم ليهم وتيحرك هي راسو.. 
جلس داير رجل على رجل يد فوق الطبلة ويد شاد بيها تيلي..حما طرح وناضو الاطر تيديرو الصواب فشطيح واكيد مع النشاط تاع ديدجي كلشي ناض..جاه صداع ودار بناقص وتوجه لبيرو ديالو مكونسونطري..شاعل كارو وتيتنغم فيه مع راساتو..لوقت طويل هو بوحدو مرة يكمي مرة اشرب من قهوتو لي عصرها فلماشين....طفا الكارو ديالو وجبد دفتر شيكات كتب شيك بقيمة لي بقى ليه من واجب الحفلة وناض هاز مسائلو ونزل لتحت فين كانت الحفلة..
كيشوف عرس ماشي حفل بنادم محيح وشطيح ورديح..جر واحد من سربايا وطلبو اعيط ليه لسماح..
وخرج برا تيتسنا تا خرجات عندو بشوي عليها كأنها كتستافزو..باقي منطقش قالت:شي حاجة تاني معجباتكش؟؟
جبد شيك مدو ليها وعينيه تيتفحصو وجهها:لا كلشي هو هذاك..فوالا لباقي
شدات شيك باستغراب وقالت:ولكن مكنتخلصوش بالشيك؟؟
كمش عينيه وقال:علاش زعما
سماح:هاكاك..(شافت تاريخ)ومن هنا سيمانة
منصور:شوفي امادموزيل بلا منبقاو نتزايدو فالهضرى انا وياك خلاصك باغ شيك وفيه هي سيمانة وغتصرفيه ..
سماح:(مغددة)فففف باااااززز
جمع حجبانو فيها وقال:نقصي نقصي من هاد قلة الادب 
خزرات فيه هي الاخرى وقالت:مكاينش شي قليل ادب بحالك تفووووو(دازت فيه ورجعات)حيوان
بقا واقف تيعاود هضرتها فوذنيه والصورة لي كان راسم عليها فلول تبدلات...هزيتيها من عينيه وبالو وخرجتيها
زاد خلفة مع الباب مشمائز من تبرهيشها كيف سماه فحين هي بقات فداخل ديالها تتسب فيه وتعاير..مكمل داك الحفل تاغفر ليها الله الذنوب..خرجو الاطر وبقاو هوما تيجمعو ماتريالهم..طلع ليها الخرا لراسها منو ولتعاملو وندمات لاش تلاقاتو اصلا
خلاتهم كيجمعو وخرجات برا شدات طاكسي ديركت للمحل لانه كانت ديك ساعة الثمنية تليل..لقات الياس..لقات سلام بتعب وقال:كيداز داكشي
سماح:كي زبل..اخر مرة نخدمو مع دااك خيناا تفووو
الياس:(تيضحك)علاش ههه
سماح:(بعصبية)عصببببنيييي تفوووو...مرييض فراسو وهي مغوبش وتاحاجة معاجباه ومنفخ(دمعو عينيها)وكيكريتيكي بزاااف
الياس:(بجدية)سمااح بشوي علييك..مالك(ناض جلس قدامها)واش تبسل عليك ولا شنو
سماح:(حكات عينيها تتكبح فدموع)لالا متبسلش كون تبسل كون سلختو هي عصبني..حسسني بلي خدمتي ممزياناش..فلول صيفت ليه دراري وكنتي نتا لي غتشدو ساعا عيط ليا وجلس كيتبعصص علي فالهضرة ومشيت تخاصمت معاه فلبيرو(طاحو دموعها)ومع ذلك وقفت على لخدمة وجا وبدا تيعلق مال هادي..هنا وكدا وفلخر باش. كملها كمالة الخلاص بشيييك
الياس:(بجدية)راك فلبيريود ديالك؟؟
هزات فيه عينيها مدمعين وقالت:مممم قرباات
الياس دار بتسامة خفيفة وجرها خشاها فحضنو وقال:عليها تحسستي من هادشي اما فنورمال راه عادشي تيكون فخدمتنا ومامرة ماجوج وقع لييك هه
سماح:هذاا زاد فيه(تتشخر بمناخرها)وزاديها تيدوي معايا بالفرونسي شي شديتو وشي لا
ضحك الياس عليها وخرجها من حضنو تيمسح دموعها:ههه قضا عليك فهادي ههه ماعليييش ياله نوصلك لدار ..دوشي توجد ليك كريمة شي حاجة كوليها ونعسي حسن ماتبقاي حالا عينيك وتعصبي
حركات راسها بالايجاب وجبدات شيك مداتو ليه وقالت:هاهو
شدو دارو فمجر وسدو وناض تيلبس تجاكيط ديالو وقال:سمير سد معاك الله يعاون
خرج هو ويالها معنقها ركبو وتوجهو لدار بصمت على غير عادتهم..
هي مع العادة الشهرية تتولي ابسط الحوايج اجييو ليها البكية والحكرة وبلا هادشي شبهات مها صدقات بكااية..متتسكتش على حقها لكن تيغلبوها دموع
وصلها وقال:ياله سيري رتاحي
سماح:نتا مطالعش؟؟
حرك راسو بلا وقال:لا مغنباتش هاد ليلة هنا
هزات حاجبها وقالت:وفين بسلامة؟
الياس:(ضحك)سوق مك ديها فهمك وسيري ههه ولاهيلا..يسرا ومتتسولنييش
سماح:هههههه سلم عليها
نزلات مسخسخة دخلات لدار عاد تحرك هو..لقات مها وباها فسيجور فحضن بعض تيلعب فشعرها..بتاسمات من منظرهم وقالت:مساء الخير
بتاسمو ليها وجات باستهم ونطق عثمان:مزيانة؟؟
سماح:(بتعب)عياانة هه نتوما لبااس؟؟(ضحكات)لا باينا لباس عليكم
زينب:هههه اوا وشنو
سماح:بصحتكم الالة ههه فين كريمة(تضور عينها فدار)مشات قبيل قالت ليك جايا عجوزتها
سماح:مم مزيان..انا ندوش وندخل ننعش
عثمان:تاتعشاي ونعسي
سماح:مقاداش(تتحيد كاشكول)ففف

زينب:موقع والو؟؟شتك ماشي هي هاديك
حركات راسهل بنفي وقالت:لا لا والو هي عيانة (بتاسمات)تصبحو علي خير
زينب وعثمان:تباتي فراحة الله
دخلات لبيتها عيانة وكتافها طايحين..بدات تتخلص من حوايجها وهزات فوطتها ودخلات لحمام سدات عليها وبدات تتفرد شعرها وتفركو بيديها تحيد تعب مغمضة عينيها وبالها كولو مع تصرفات منصور ..قدام مرايتها لي تتبينها عريانة هي بديباردور مبين صدرها الصغير وسليب..طلقات رشاشة وحيدات حواسجها ودخلات جسدها وسط الما تتدوش..لدقائق خلات الما اتفرد على جسدها تا دفات عاد هزات شامبوان وبدات تتغسل شعرها هي بيديها مافيها مايمشط..خدات فيه وقت وفالاخسر شللات بمستحضر بنكهة الرمان ولوات علسها فوطة وخرجات...لبسات حوايجها وجلسات قدام مراية تتنشف شعرها وتخمم هي بوحدها..معندها خاطر لوالو
تخشات ففراشها تتحاول تنعس تا الكانة لي تهضر مع شي حد معندهاش..
فدارو كان جالس فبيتو على لفوتوي وقدامو البيسي ديالو فسيت تاع الحجر..ضرب بوطون وتريزيرفا ليه رحلة لسويسرا لمدة سيمانة..حرك راسو بتعب وناض جار بانطوفة رجالية خارج من بيتو وجهتو بيت مو..دخل ورسم بتسامة خفيفة شابفها فكرسيها شادا القبلة عرفها تتصلي جالسة ..جلس فطرف ناموسية تيتسناها تسالي..هي شافها تتحرك راسها عرفها تتسلم..ناض منوراها باسها فحنكها وقال:الله يقبل
وقف قدامها وجلس على ركابيه راسم بتسامة حنينة وقال:كيدايرا؟؟مزيانة؟؟
حركات رموشها راسمة بتسامة وقال:مرتاحة؟؟
حركات عاود راسها وهو يقول:انسافر الواليدة سيمانة ونرجع..غادي لسويسرا..بغيت نديك معايا تبغي تمشي
حركات راسها بنفي وقال:ياله تفوجي شوي
حركات راسها بنفي وقال:نرجع ونديك لعمرة ان شاء الله
بانت علامة الفرحة فملامحها وقال:شربتي دوا اميمتي؟؟
راضية:مممم
باس يديها من برا ومن لداخل وقال:ياله تنعسي 
هزها من كرسيها وحطها فبلاضتها غطاها وجلس عند راسها شاد يديها وتيتعاود معاها كيف ديما تاغفاات..باس راسها وخرج من البيت نازل تيقلب على لطيفة..هي بانت ليه وقال:لالة لطيفة انسافر واحد سيمانة بلا منوصيك على الواليدة
لطيفة:كون هاني اوليدي
منصور:والى جا الحاج لهنا وسول عليها قوليه مشات معايا
لطيفة: واخا اوليدي
معاودش معاها الهضرى زاد لبيتو تا تصبحي على خير مقالهاش
****

***
كيف يكون المطر اذا لم يكن الدمع الذي يسقط من عينيك
***
بعد اسبوع...كان خارج مم المطار جار لفاليز ديالو بجوج لابس مزيان بحكم البرد وكيف العادة انيق..وداير نظاران شمسية كتخفي الهالات لي عندو تحت عينيه
خرج تيضور عينيه تالقا السيد لي من طرفو مد ليه شوارت طونوبيل ودار ليه ليفاليز لور..شد من عندو سوارت وتحؤك شاد طريق لدارو بعد غياب اسبوع..دوزو اجازة فسويسرا..
كان تيبان مرتاح نوعا ما وهادئ..شعل كارو وغادي سايق بللعقل تا خرج للمجال القروي فين عندو دارو موحش مو بجهد
كي دخل تلقات ليه احدى الخادمات وقالت:على سلامتك اسي منصور
ننصور:فين الواليدة؟؟
هدى:فسيجور صغير
مشا موجه ليها بانت ليه جالسة مع لطيفة مرتاحة هي شافها تبسم وحيد نظاراتو وقال:ميمتي
زرب لعندها محني على يديها كيبوسهم وابوش ؤاشها وهي مكرهاتش تعنقو لكن عجزها الجسدي منعها..فرحات وتاهو على عير شكلو مع ناس..تيبوس فراسها واعاود..حرك راسو للطيفة ورجع لمو تيدوي معاها لساعتين وهي مرة تضحك مرة تحرك راسها
لطيفة؛حركات اولدي داك نهار رجلها ليسر
فرح وبانت الفرحة فوجهو مد يديه لرجليها لقاها تتحرك شوي رجليها ذغذغها وقال:ههه شوي بشوي ان شاذ الله(باس راسها)نمشي اميمتي نبدل علي ونرجع
ناض ناشط كيف لا ومو بدات تتحرك رجليها دحل لبيتو لاح تجاكيط وبدا تيتخلص من ملابسو..وابدل لوخرين..وهو خارج راجع لعند مو اكتيفا نمرتو وبداو الانصالات تيدخلو من خوتو من باه من شي ناس ولي ل فت نتباهو من سماح..اتصالات كثيرة والبارح
بالاخص
ستغرب وعاود الاتصال ليها من جديد وهو نازل من دروج بعض رنات خفيفة جا صوتها رقيق بغضب:على سلامتك ملي تكرمتي وشعلتي تيلفون؟؟
منصور:باغدون؟؟
سماح:(بعصبية)شنو كيحساب بيك راسك تا طافي علي تيليفون؟؟شنوو؟؟
منصور:(مفاهم والو)نتي صافايا لا؟؟
سماح:كنت صافا تاتسلطي علي اشفاار..النصااب
منصور:واش نتي شويا لباس؟؟عرفي راسك اش تتقولي
سماح:بااز اخويا لوجهك..وجهك هذاك ولا قفاك..عاطيني شيك وملي مشيت نصرفو ارجع impayé
منصور:كيفاش؟؟شووو صبري صبري..انا مضحكتش عليك
سماح:ننا مرييض والله تا مريض دابا غتجي وتجيب ليا فلوسي ولا اقسم بالله تاندعييك
منصور:واش نتي صافابا؟؟اشمن تدعيني ولا خراا..حتارمي راسك شوي وشرحس لسا شنو كااين
سماح:(بغل)سير الله ياخد فيك الحق..(تنفسات)فين كاين؟؟
منصور:(ضهشراتو)ونتي سوقك؟؟واش غتشرحي ليا شنو كاين ولا نقطع ؟؟
سماح:حربوووش تقطع اقسمم بال...طييييط
مخلاهاش تكمل قطع ليها فوجهها خلاها حالة فمها وتتشوف فتيلي وتعاود تأكد واش قطع عليها..

بعدما اسبوع داز مشا الياس اصرف شيك لكنو رجع ليها لانه الفلوس مكاينيش فالبنك ببساطة دوز فلوسو كاملين لكونت اخر ديالو حيت سافر ونساا انه عاكيها شيك ماخلا ليها والو...تصدمات وتجننات ملي خبرخا الياس وحسات بيه شمتها وستغباها...عيات تتاصل بيه تتلقاه طافي حساتو نصب عليها..وتعصبات حيت المبلغ شوية كبير..عيات تعيط ليه ومكيجاوبش تا عيط ليها وبردات فيه غداديها لكنه صدمها ملي قطع عليها وخلاها بللكة ...
تعصبات وجذبات وسبات فيه تاعيات..فقصها وغددها
فالاخير جلسات فبيروها شادا راسهة ايطرطق عليها بشقيقة فحين هو قطع عاقد حجبانو..مبغاش اخسر دماغو بيها..دار مود افيون لنمرتو ومشا جلس مع مو تيلكلو طاجين كيف كتبغيه هي اما هو معندووش مع الطياب البلدي بتاتا
هو ياكل وانشط وهي تتفقص وتعيط ليه وتعاود وبلا فائدة تا صافي قررات تدعيه..
فلعشية وهي حالسة فبيتها تتمشط شعرها رن هاتفها وكانت نمرتو لي بكثرة ماتتعيط ليه حفضاتها..حطات المشط بزربة وجاوبات بسىعة وقالت بعصبية:الله ينعل لي مايحشم
منصور:(أفأف)دابا غتشرحي لسا شنو وقع ولا نقطع عاود..فين تعلمتي هاد قلة الادب
سماح:مكاينش شي قليل الادب قدك..(كتهضر وتشالي بيديها)النصااب..حشاك امدير مدرشة بزااف عليك تكون مدير
منصور:(بعصبيو)ردي لبال لهضرتك نو تتقولي..شرحي ليا شنو كاين نحلو الموضوع 
سماح:(تنفسات صعداء)واش نتا شويا لبااس؟؟عاطيني شيك ومعندك تا درهم فالكونت
منصور:صافابا؟؟كيفاش معندي تا درهم
سماح:كي تتسمع السي الفاهم
منصور:متأكدة؟؟
سماح:(باستفزاز)لا تنتطنز...خخخزيييت شوف دابا بيناتنا المحاكم
رفع فصوتو وقال:الالة اش وصلنا حنا لشي محاكم..فلوسك غدا تشديهم مضوبلين كاع هي حيدي علي هاد الفريع ترااس..خدمة تزمر
سماح:(تتنهج)ضربني وبكا وسبقنس وشكا..
منصور:(حاول بتهدن)نجيبهم ليك غدا؟؟
سماح:(بنفخة)واخا..دوز للمحل
منصور:لا ...ممساليش وماشي طريقي..انتلاقاو فكافي****
سماح بغات هي تشظ القلوس لانه خسارة ليهم فقررات تسايرو وقالت:واخا واخا..معاياش؟؟
منصور:الوقت لي مناسبك؟؟
سماح:العشرة 
منصور:داكووغ..تصبحي على خير
سماح:(صاحت فوجهو)منين غيجي هاد الخير وانا مسية عليك
قطعات عليه خللت الهضرة واحلة فحلقو وردات ليه بلان القطيع تقبيل
حيد تيليفون مغدد وقال:تفوووو تقحبييين توالو...
*****
جالس فقهوة راقية لابس ملابس جميلة وانيقة من ديما تيتهلا فراسو بالحوايج وميحرمش راسو من شي حاجة..سخي تا وصل لدرجة البذخ
جغم جغمة من قهوتو الكحلة وعينيه فتيليفون..تا صونا فيديه بنمرتها ..جاوب وقال:وي
سماح:(ببرود)فين كاين؟؟
منصور:فلكافي..ونتي؟؟
سماح:هاني قدامها..
قطعات عليه ودهلات بخطوات هادئة تيتسمع صوت طالونها الرقيق..رفع حاجبو فور ما شافها داخلة للقهوة..تضور بعينيها باينا فيها ماشي على بعضها..طلعها ونزلها بلباسها زوين لي غالب عليه الكرونة..وكذلك احمر شفاهها لي فالكرونة فاتح..للحظة تنهد وبقا مفيكسي راسو عليها قبل مايلمحها شافتو..عاد دور وجهو لجهة لوخرا..
تقدمات لعندو ومحاملاهش بتاتا مقدراتش تا تحقق فيه..وقفات عليه وهو يحقق فيها داير يظيه على ذقنو ومكمش عبنيه:بونجوغ
جرات كرسي وجلسات وقالت:عفاك الامانة؟؟
شاف فيها للحظات قليلة بزاف وقال:نوغمالمون الى الواحد قال صباح الخير كنجاوبوه و
قاطعاتو بنرفزة:شوف الله يرحم ليك باك مكاين لا صباح الخير لا زعتر..عطيني فلوسي وخلي صوابك عندك
عقد حجبانو من فظاظتها وخشا يديه فجيب تجاكيط جبد ظرف ابيض حطو فوق طبلة ودفعو بادب جيهتها..هزاتو وتحسياتو وقالت:المبلع كامل؟؟
منصور:(كيطنز)لا ناقصا واحد 500 درهم قيديهت علي فففف
ياله بغات تجاوبو وهو يوقف سرباي وقال:بونجوغ..شنو تشربي امدموزيل؟؟
ياله بغات تهضر وقال:المادموزيل باقي مفاطراش جيب ليها فطور
خزرات فيه ونطقات:نوو عفاك بغيت جوج قهوة قاسحيين اومبورتي
السرباي: داكوغ الالة
مشا وهي تشوف فيه وقالت:مغنحسبهمش ماشي حيت تايقة فيك ولاكن
قاطعها:لا هي حسبيهم راني شفاار من داكشي..(دار بتسامة سخريى)ونصااب
سماح:ومالي كذبت فففف(وقفات)لتبقاش تعيط تعامل معانا عفاك
جبد كارو تيشعل فيه وقال:تما كاينا واحد تروا ميل زيادة
كانت وقفات وبغات تمشي ملي سمعاتو ستغربات وقالت:ديالاش؟؟
نفث نفثة من الكارو وقال:اعتذار على المشكل لي وقع
هزات حاجبها ومصات حنكها من داخل..فتحات جوا وحسبات المبلغ لي قال ليها زايد وحطاتو ليه فوق طبلة:زيدها فراسك
وزادت مخلاتوش تا يقول اي ههه بقا هي تيشوف مكمش عينيه وتينفث الكارو..خدات قهوتها وخلصات ومشات بلا متعيرو اي انتباه او اهتمام وهادشي بضبط لي خلاها تلصق فرااسوو 
****
خرجات تتسوط لقات عادل تيتسناها فسيارة طلعات عطاتو فهوة وقال:صافي قضيتي الغرض؟؟
سماح:(حطات قهوتها بين رجليها)ممم اه واخيرا تفووو تتلقا المشكل هي مع ولاد الحرام
عادل:(تحرك)ابردي ابب ههه ولا اخا سماح
سماح:(دارت ضحيكة)واخا الالة عادل هههه طير بيا لامحل نعطي لالياس الفلوس..

عادل:شيفور تاع باك انا..بنفهم هي انا داك البيرمي لاش درتيه؟؟
سماح:(تتشرب قهوتها)ديكووور ههه
كملو طريقهم وصلها للمحل ونزلات تلاقات الياس عطاتو الفلوس دونك المشكل تحل وستأنفات عملها من جديد
وقت الغدا..كانت تتغدا مع الدراري تالخدمة بطاجين تا رن هاتفها برنة ميساج..جبداتو ولقاتو منو:ماخليتينش قبيل نشرح ليك موقفي..مكنتش فالمغرب كنت برا..حولت فلوسي كامليين للكونت بيرسونيل ومشيتي من بالي
قراتو وعضات شفايفها بهدوء وجاوبات برسالة هي الاخرى:ماشي مشكل اسي منصور
كانت بردات نوعا ما وتراجعات على كلامها لي عن عن تأثير غضب..حطات تيليفون ورجعات لغداها..
*****
ستكونين انت الزهرة للتي ستنير عمري
****
رجع لدارو على غير عادة بكري شوي..جوايه الخمسة..داز لعند مو هي لولة عطاها قبلة فيديها وراسها وتحدث معاها شوي عاد طلع لبيتو دوش وتنشر انعس لمدة ساعتين وفاق مدهشر ومغوبش وجهو مكعص بنعاس..هز تيليفونو وقاد المخدة ودخل تيقلب فصفحتو على الفيسبوك كيقرا الاخبار تا طاح فبالو الواتساب ديالها..مشا لنمرتها دخلها عندو وقلب عليها 
رسل رسالة وهو مغوبش:بونسواغ
بعد بضع دقائق جاوبات رغم انها كانت اونلين:السلام..شكون معايا؟؟
كتب ليها:سي منصور
بمجرد ماقراتو هزات حاجيها وقالت:شكون منصور؟؟
دار بتسامة خفيفة وقال:منصور ران مادموزيل..الشفار
قراتها وزادت تضحك بشوي وكتبات:ااه الشفار..عرفتك 
منصور:صافا الالة سماح؟؟
سماح:حمد الله
مسولاتوش باقي ونتا..حطات تيليفون ورجعات لفيلمها..ناعسة على ظهرها ولبيسي فوق كرشها تتفرج فمسلسل تركي..
فحين هو طلع ليها في وزاد لايح تيلي محرك راسو ..
***
وصل الويكاند لي عند البعض ملئ بالمشاوير والبعض الاخر بالملل..سماح قضات نهاية الاسبوع مع عائلتها مجموعين على لغدا فدار عمتها فاتي..كلشي مجموع ناشطين ضاحكين وتيقشبو...فليل رجعات فحالها مع والديها وخوها..تخشات ففراشها بعد روتينها الليلي لي فيه مشيط شعر لاغير هه
دارت صورة ليها هي وباها فستوري كتضحك هي وياه جالسة فحجرو وتتفرنس..وكتبات عليه: "عيناك هي السماء التي لا اودها ان تمطر يوما"
تفوهات دارت ريفي وتخشات بلاصتها تطيب نعاسها..اما عندو هو كان ملل فملل..لا عائلة لا صحاب لا من يدق عليك لا من يسول فيك..بالنسبة ليه هاديك هي الراحة النفسية حيت باختصار معندوش مع البشر..كيجيه كلشي صاحب حاجتو..كيدوز الويكاند فشي بار تيتنغم راسو بصوت شي حد.تيغني ولا فدارو ولا مع مو..باختصار ملل فملل تا عائلتو قاطعومعاهم ديك مشي وجي
غطا مو وباس راسها وتوجه لبيتو لابس سروال بيتي فالازرق مع قبية فنفس اللون وبانطوفة رجالية..حك تحت عينيه لي طايبين بسهير ودخل لبيتو..ظلمو وجلس فطرف فوتوي جبد خنيشات من صنيديقة حداه وصايب سطر لراسو ستنشقو بلذة ورجع راسو للور تيحك نيفو باستمتاع..برم جوان ليه وشعلو وهز تيليفون تيبقشش فيه مع موسيقى هادئة ديال الشاب نصرو
بصدفة دوز ستوري تاعها وعاود رجعو وقرا شنو كاتبا على باها..ظغط على الشاشة تاوقفات تصويرة وبقا محقق غيها..للحظة غار من لحظتها مع باها..تتبان فعينن عثمان انه عزيزة عندو..من شدة لي شادها فحجرو وتاهيا معنقاه..رسم بتسامة خفيفة ونطر من كارو وكتب ليها:"trop belle mashalah"
لاح تيلي ملي شاف شرطى وحدة عرف انها غتكون نعسات..حسدها للمرة الثانية على نومها فهاد الوقت وعلى راحتها..بغا يشري الراحة النفسية بالفلوس ومالقاش كيفاش..عيا والتعب بان فيه..عندو نقص كبير فحياتو وملل واهم الشيء الوحدة..
كما ليه تا ضرب باكية ولان ريحة الكارو تتعطعط..جمع روينة ليلقاو شي حاجة وخبا كلشي ومشا مسكت الموسيقى وتخشا ففراشو..كانت قرابة الفجر
****
قد يكون هذا الفجر..هو فجر بزوغ احلامك
***
كما عادتها نشيطة فخدمتها..تتقاد هنا ولهيه وتكونفيرمي هادي وديك وتستقبل الكليان بصدر رحب..تادخل الياس بتاسم ليها وقال:راك حاضرة هاا ههه نعول عليك فاش نتزوج
سماح:(باستو فحنكو)علاش منعولش تخدم مور زواج
الياس:اختي يسرا واعداتني تخدم علي انا عيييت ههه
سماح:اوا ها اتيروكزا(ها رجلة)ههههه
الياس:اختي انا مراجلش هي خليني هههههه شوفي ليا نهار 28 فشهر جوج واش عندنا شي حاجة
تحققات وقالت:لا..مكابيش 
الياس:مزيانة..اندير فيه عرسي ان شاء الله
سماح:نتا شويا لبااس؟؟كي غدير ليها اليوم 3 فالشهر..معندناش الوقت 
الياس:نتي لي واش لبااس هههه اما انا بخيير هههه واش جزار ومعشي بلفت..هي ديالي تريتور ومنظمش عرسي
سماح:هههه حيت صدمتيني ههه امتا قررتو؟؟
الياس:البارح انا وياها وفراس الواليد وزنوبة ههه
سماح:(غوبشات بطفولية)وانا اخر من يعلم؟؟
الياس:اختي نتي دغيا تكركبتي تنعسيي.. 

سماح:هههههه اوا اش بنقوليك..الله يسر ليك احبيبي مع يسرا تاهيا بنت نااس وتستاهلك 
الياس:وانا ماشي ولد النااس هههه مهم غنخرج شهر مسافر(شافها حلات فمها)ونتي لي غتكلفي بهادشي كامل..وعلى كل عرس نظمتيه اتاخدي عشرة فالمية ديالك
سماح:(بتوتر)ماشي قضية عشرة فالمية ولكن قاسحة علي..راك عارفني دغيا تنستريساا
الياس:(بجدية)متزيديش فيه..مكاينش لي مخليك تكوني مستريسيا قد الخوف لي كبرو فيك الوليد والواليدة..راكي كبيرة وبعقلك وشحال من مرة نظمتي راسك دونك علاش انا نبقا على راسك متعرفي تانتي تجمعي فلوسك وتديري بروجي ديالك راسك واش انا دايم ليك اختي؟؟ديما عولي على راسك حيت بوحدو لي دايم ليك
سماح:(مقتانعاتش)صافي واخا(دارت بتسامة)نتا لي تكلف بعرسك وانا خلي عليا لوخرين
حرك راسو وقال: هههه حمري ليا وجهي واخا ههه
سماح:ههه انزرقو ليك..
وقف الياس ونطق:ياله هاني مشيت خصني ندوز على يسرا نتقداو شي حاجة للدار
حركات راسها بالايجاب ومشا مخليها حيرانة كيفاش تنظم.كلشي راسها هي عرس واحد وكتزطط بستة وستين كشيفة عساك بزاف وواحد تابع لاخر
شافت تاعيات ووكلات امرها لله..ترخات على كرسي هزات تيليفونها اكتيفات الويفي وبداو الميساحات تايدخلو تا طلع ليها تاع منصور..دخلات قراتو وهي تهز حاجبها باستغراب وقالت مع راسها:مال هذا تاني(كتبات ليه)شكراا😊😊
رسلاتو وحطاتو معجبة منو ومن تصرفو..هاد الاخير لي جاوبها فالبلاصة وكتب:الله يخليه ليك 
تسمعات رنة هاتفها بميساج وهزاتو قراتو ودارت ليه ايموجي بعدم هتمام ..ماهيا الا لحظات صونا تيليفون بنمرتو..ستغربات كثر ومفهماتش هاد الاهتمام..تنفسات الصعداء وشدات الخط..رسلات صوتها الرقيق لوذنيه وقالت:الو
منصور:(جالس فبيروه مطلع رجليه على طلبة مكروازيهم وكارو فيدو )لالة سماح لباس
سماح:(حكات وذنها بحرج)حمد لله..ونتا مزيان؟؟
منصور:(بالفرنسية)مزياااان..
سماح:ياك لبااس؟؟
منصور:بغيت هي واحد لفينمون تنظميه ليا سي الي بوسيبل
سماح:(ردت بسرعة)لا سمح ليا 
تسمعات ضحيكة غليضة ديالو بصوت قليل:هه وعلاش؟؟خايفاني نشفرك تاني
سماح:(فخاطرها)بحالا علمك الله..لالا حاشا هي عندنا بزاف تالخدمة هاد شهر
منصور:(نفث الكارو)وشنو نتسنا تال شهر جاي؟؟
سماح:عطا الله لي ينظم ليك..انا نصيفتك عندك واحد السيد وو
قاطعها تيطفي الكارو فطفاية:مابغيت حد انظم ليا..كون بغيتهم عارف فين نلقاهم..هي تنضحك معاك مكاين لا ايفينمون لا والو
عقدات حجبانها حيت قطع ليها هضرتها حساتو بحالا قمعها وقالت:اوا ولاش معيط ليا مع هاد الصباح
منصور:قلة مايدار هه..مالكي تتهضري معايا بحالا واكل ليك رزقك
سماح:(ساطت)وراك كنت بتاكلو نييت؟؟
منصور:(بجدية)الله يهديك..اشمن ناكلو؟؟فهمي الموقف كي جرا وحكمي
سماح:كي جرا؟
منصور:(دار بتسامة)مديالش نشرحو فتيليفون..(بالفرنسية)انا عارض عليك للغدا اليوم ونشرح ليك(تسمع نفسها بحالا عاد بتهضر وزرب عليها)وبلا مترفضي..(لين صوتو)عتابريه عتذار على الموقف لي وقع
سماح بكثرة مادوا بالفرنسية شي شداتو شي لا..فهمات كلمة وعشرة اوهو..نطقات :نوو ماشي مشكل اصلا انا نسيت المشكل
منصور:كون نسيتيه مترفضيش تخدمي معايا مرة خراا
هزات حاجبها من طنز لي فيه ونطقات:سي منصوور بلا منبقاو نطولو فالهضرة..عتاذرتي وقبلتو صافي موقع بااس
منصور:راه نتي لي طولتي الهضرة..مع الوحدة ندوز عليك للمحل نمشيو نتغداو(بلطف)خلينا زوينين
ساطت بنرفزة كأنها وحلات وحشمات ترفض من نبرتو اللطيفة لي ستعمل ونطقات:ففف واخا
منصور:(دار بتسامة نصر)داكوغ..اون سوفوغا
قطعات عليه مخربقة وهزات الما شرباتو وسهات قدامها..صوتو خلاها تقبل بزز منها..هي بطبعها انسانة الى تعصبات تتخرج من فمها هي الكلام المزفت لكن سرعان ماتبرد وكتندم..
وقفات عليها نورة وقالت:افين سارحة؟؟
سماح:(شافت فيها بانزعاج)جابك الله جلسي نقوليك
جلسات نورة فوق البيرو ناشرة خيرها ولوخرا منشورة فوق الكرسي وقالا:ياك لباس؟؟
سماح:تعقلي على المعقد لي كنا خدمنا معاه فمدرستو؟؟
نورة:(تتشوف فيها وتستعقل)ممم داك طويل المخنزر.. هههه مالو ياكما مات؟؟
ضرباتها لفخضها وقالت:لاا ياتا هه..عيط ليا وعرض علي للغدا
بانو القلوبا فعينين نورة وقالت:لعاااار..حلفييي بالله(بعات تنقز)امتا امتا ديني معاااك لعااااار
ضحكات سماح على سذاجتها وقالت:هههههو هبيلة نتي..اليوم ازين!!وحشمت نمشيي
نورة:ويلي على حشمت نمشي هههه اجي(هزات حاجبها)ياكما تتعجبيه؟؟
سماح:(ببرود)نتي شويا لبااس؟؟هذاك متيعجبو حد من غير راسو هه..دابا معرفتش واش نمشي ولا؟
نورة:مافيها والو..ماشي اول مرة شي كليان اعرضكم للغدا..نتي والياس موالفين كاين كاع لي يعرضكم لدارو
سماح:(دازت ذكرى فبالها)مممم يعني نمشي عادي
نورة:(بابتسامة عريضة)واهي سيري(شدات وجهها من الذقن)ولايني صبري نصايب ليك هاد الوجه بشوي تالماكياج
سماح:(بصوت عالي عيطات)زكرياااا عيط لهاد خيتييي
قفزات نورة مخلوعة وقالت:سري يا صفريطة ...

مشات تتجري ليجي زكريا مع من تتخدم بزاف واتعصب عليها خلات سماح تضحك عليها..حركات راسها بلا حول وستأنفات عملها..طلقاتها فيد الله..وعتابراتو كأي كليان
وصلات الساعة لي دار معاها..وصونا تيليفونها بعدنا نهامكات فالخدمة وتناسات الموعد..تا ذكرها الرنين تهاتفها..جبداتو من جيبها وشافت رقمو وهي دير ابتسامة صفرة لسيدة لي واقفا معاها ..جاوبات ونطقات قبل مايهضر:انا نكمل مع واحد سيدة ونخرج
قطعات مخلاتش ليه فين يجاوب...فحين هي كملات مع كليانتها جيهة نص ساعة والعروسة تتختار على اقل من مهلها..تفاهمات معاهم على كلشي وودعاتهم بابتسامة عاد ناضت تتهز مسائلها..
خرجات تتسد تجاكيط ديالها وقشعات رونج بعيدة فالابيض وهو جالس فيها داير نظارتو سوداء..قصداتها متوترة وقلبها قرب اطيح..معرفاتش علاش متوترة منو ..هو بصدفة ضور وجهو وشافها جايا وهو يحرك السيارة..كان معصب نوعا ما من تأخيرها حيت عدوه التأخير..نشراتو تا نشف تما وكرم..
طلعات وهي تشم ريحتو الغامقة كي جلسات طلعات ليها الكحة وقالت:سلام
شاف فيها وقال:تعطلتي؟؟ماشي جيست هذاا
هزات حاجبها وقالت:كانت عندي عروسة(من شوفتو فيها ومع مهبط نظاظر تال نيفو)
منصور:او موان كنعتاذرو اولا؟؟
سماح:(نزاعجات)تادابا مانزيدو فيه(بنرفزة)بسلامة 
جات بغات تحل لباب تهبط وهو يشدها من مرفقها وقال بهدوء:صافي حسبيني ماقلت والو..(كسيرا)ديري لا سانتييغ
ساطت تاهيا وهي تديرها وعينيها فاص ليها..حكات نيفها منزعجة من ريحتو..هو لي حس بيها رغم تركيزو فالسياقة..نزل الزاج باش ادخل شوي تالهوا..
كان كيسوق بالعقل..كان لي كيسوق بالجهالة ولي كيسوق عادي لكن هذا تيسوق بالعقل كيعرف اخرج راسو من زحمة طونوبيلات..
سكات عم بيناتهم تا كسرو هو بيديه لي تحطات على باف طونوبيل طالق موسيقى بصوت معتدل..وجا الصوت ديال فوضيل:
يانا وراني، ياللي نعيشك في لاجوا ڤريمون طا ڤي، راه تكون احسن أڤيك موا

يانا وراني، نعيشك الغرام والهوى ڤريمون طا ڤي، راه تكون احسن أڤيك موا

سي فاسيل وياه، تلقاي من غيري أنا مي ديفيسيل وياه، يبغيك كيف نبغيك أنا

وانا على ودك وياه، ما نبقاش سيليباطير نموت عليك وياه، ألا فولي سون كومونطير

حسبي لي زامورو، ياللي دازو فليسطوار وياه غتحسي اللي حسوه، من أول ليلة ونهار

حسبي لي زامورو، ياللي دازو فليسطوار وياه غتحسي اللي حسوه، من أول ليلة ونهار

ادا قلتي واه، احلامك تولي رياليتي غنخليك و الله، أسطار تباني في إي تي

على ودك وياه، راني نقد نخسر عمري، وما نخسرك و ياه، راكي فدمي تجري

حسبي لي زامورو، ياللي دازو فليسطوار وياه غتحسي اللي حسوه، من أول ليلة ونهار

يانا وراني، ياللي نعيشك في لاجوا ڤريمون طا ڤي، راه تكون احسن أڤيك موا

يانا وراني، نعيشك الغرام والهوى ڤريمون طا ڤي، راه تكون احسن أڤيك موا.
**

وسط شوارع مراكش كانت الاغنية بصوت معتدل تتسمع..اول مرة تسمعها سماح اما هو مولف ..بقاو ساكتين مدواوش بحالا ماشي حدا لعضهم حتا كسر هو هاد صمت وقال:مالك؟؟
سماح:والو..
منصور:(مركز قدامو)تقلقتي؟؟
سماح:(شافت فيه بنظرة من نيتك)شنو بان ليك؟؟
سكت مجاوبهاش حيت كان كيوقف طونوبيل..سطاسيونا قدام مطعم على الشارع زوين وهادئ ومعامرش بزاف..حيد لسانتيغ ونطق:متدييش عليا
مجاوباتوش تاهيا نزلات وطلعات عينيها فالمطعم..دارت حركة براسها وهو ينطق هو لي وقف حداها حاضي ملامحها:عجبك؟؟
سماح:(شافت فيه كان قريب ليها وهي ترمش ثلاثة تالمرات)ممم زوين
دار يدو زعما تفضلي معطلاتوش سبقاتو بخطوات صغيرة وصوت طالونها تيتسمع..كي دخلو تسقبلهم واحد من سربايا لطبلتهم
كان مطعم طاغي عليه البوردو والعصرنة..جلسات وجلس فاص ليها..مد ايهم لي موني وزاد ..
رجع لور هو تيشوف فيها بعدما حيد نظاظر وقال:صافا؟؟
سماح:(ببرود)صافا
منصور:(هز حاجبو)مكانش كيحسابني تقليقتك خايبة لهاد درجة
سماح:(حركات راسهابنفي)لالا ممقلقاش(حطات صباعها على جبهتها تتدعكها)هي شقيقة
كمش عينيه:فيك شقيقة؟؟(بالفرنسية)
حركات راسها بانزعاج وقال:هي لي دايرا لينا هاد التغوبيشة ..تبغي نمشييو(شافها مجاوباتش)
سماح:لالا نتغداو ماشي مشكل..(حلات لموني)
هو بدورو شاف فيها شوي ونزل راسو تيختار شنو بغا..مهزش راسو تا هزاتو ني ونطقات:صافي 
منصور:ممم صافي..(شير لسرباي)
خدا طلبهم ومشا مخليهم راس فراس ..نطقات هي مربعة يديها فوق طبلة حيت حسات بالوضع تأزم:اوا شنو السبب لي خلاك تهرب ليا بفلوسي
حك نيفو بلباقة وقال:مهربتش..هي ظروف وصافي..فعادتي فاش تنبغي نسافر تندي كلشي.. فلوسي فكونت واحد ونسيت بلي عاطيك شيك
سماح:ميمكنش هاد القضية..نتا عاطيني الشيك فسمية شكون؟؟
منصور :فسميتي انا..وانا حولت فلوسي كاملين لكونت اخر
هزات كاس تالما رشفات شوية وقالا:ممم موقع باس
منصور:(محقق فيها شوفة تيطلع عينيه فوجهها وادرسهم)مممم وقع الالة سماح!!مابغيتيش باقي تخدمي معايا
سماح:(باحراج)هه لا حاشا(حطات يديها على فمها غلباتها ضحكة)هههه..

دار بتسامة جانبية خفيفة وقال:شتي هه..كرهتك فالخدمة معايا
تجبدو عينيها بالضحيكة وحيديات يديها لي مدرقة بيها فمها وبانت ضحيكتها وقالت:اوا شنو راك نويتينني بلي نتا شفار
منصور:(بهدوء مسمتع بضحكيتها)الغلط كيوقع..هاحنا حلينا الموضوع وغنخدمو مع بعضياتنا تاني
سماح:مرحبا هه..اشمن ايفينمون؟؟
منصور:مكاين دابا والو ولكن فاخر السنة تيكونو..يعني نتي لي غتكلفي
حركات راسها بالايجاب:ان شاء الله(سكتات)تعطلو لا
منصور:يمكن تيوجدووو
عم سكات تاني بينهم والتوتر تاحد مالقا مايقول..هو ستاغل الفرصة وكيحنزز فيها مزيان واحفظها تا نطقات:علاش حاضيني؟؟
منصور:وباش عرفتيني حاضيك كون مكنتيش حاضياني
سماح:واش نتا مستفز ولا هي جاب ليا الله
دار ضحيكة خفيفة وحرك راسو وقال:هي جاب ليك الله هه نتي لي دغيا لواحد كيستافزك
سماح:(بانكار)لاا لا بالعكس..هي نتا تتدير شي فعايل يالاطيف
هز حاجبو وقال:مثلا؟؟
سماح:وابزااف ارا منحسب ليك هههه
حرك راسو ممحكرش وقال:شويا نيفك؟؟
حطات يديها على نيفها وقالت:حمد لله مزيان دابا!!
منصور:شنو كان المشكل فيه؟؟
سماح:تزاديت بعظم طايح ليا على نيفي مخلي التنفس يكون قليل ..فكنت تنتنفس من فمي وعاد عندي الحساسية تالبرد تنمرض بزااف فيه وتنبقا نكح ونيفي ممساعديننيش..شي مرات تنكون ناعسة وتنسا وتنسد فمي تاكنفيق مقطوع فيا نفس
منصور:(باهتمام)من ايمتا تيمرضك هاكا؟؟
سماح:(غمضات نص عينيها تتفكر)شي عشر سنين..قبل كنت عادي مي من بعد ولات حساسية مفرطة للبرد وليباخفان واي ريحة بحال مواد تنظيف
حرك راسو بفهم:ممم صعيبة يعني ماشي اي بلاصة تتجلسي فيها
سماح:وماشي اي شخص نجلس معاه حيت الناس تيديرو روايح بزاف كانو تيمرضووني وتنتخنق(بتذكير)راك كنتي شفتي شنو وقع لي فالسبوع
منصور :وي وي جوموغابيل بيان ..كنتي فشكل تتكحبي 
سماح:داكشي هي شوي هه..(بتساءل)شنوو كنتي كدير فالسبوع؟؟
هنا تبدلو ملامحو الهادئة لجمود..وقاطع حوارهم سرباي لي حط لي بلا تاعهم..شكراتو سماح بوحدها اما هو كان كيقاد سربيتة ..كي مشا نطق هو مبدل الموضوع:بصحة
سماح:شكرا
باشرو فالاكل ومع اول دغمة تبننات وقالت:مم(بعفوية)بنينة
هز فيها راسو ودار بتسامو على عفويتها وقال:بصحتك
سماح:(سايح ليها شوي حدا فمها)شكرا
خلاها تاهو مقال ليها والو
كملو اكلهم فصمت معاودوش دواو تا تسوخر هو لور تيمسح فمو بادب ونطق:تاخدي شي حاجة تحلي بيها
سماح:(مستمرة فالاكل)ممم لا معنديش مع الحلاوة اناخد قهوة كحلة قاسحة
هز حاجبو ونطق:بنت وتتشرب قهوة فشكل
سماح:(مسحات فمها)ممم تنشرب قهوة وكحلة والى مكانتش مكنفطرش هه ونزيدك تنتقطع فرمضان على قبلها هه
بانت بتسامة خفيفة فمو وقال:بيزاغ هه زيدي شنو؟؟
سماح:(عينيها ضاحكين)وصافي ههه نتا مكتعجبعش القهوة؟؟
منصور:سي مي انا نوغمال..كاغ جوسوي ان اووم
حركات راسها بتفهم وقالت:واش كنبان ليك جاكلين؟؟علاش كتدوي معايا بالفرونسي وتتعيق علي
منصور:(بهدوء مراقب دوك الحجبان الكثاف والعينين لي تيتحركو كلما تبدلات نظرتها)مم لا ماشي عياقة هي مولف ندوي بيها وصافي
سماح:اوا مولف فالخدمة علاش انا تدوي معايا بيها(تزنكات)معنديش معاها ومتنفهماش هي جوج
دار بتسامة تابانو سنييه على صراحتها وقال:واخا الالة منبقاوش ندويو بيها..نعربوو حنا
شافت فديك تستيفة سنان لي بانت عجباتها خاصة انه مكمش فيها عينيه..وترها وباينين نظرات الاعجاب مخفية ورا بؤبؤ عينيه
سماح:اوا هاكاك..
شير لسرباي وطلب جوج قهوة قاسحين وقال:on bouge
ساطت وقالت بعناد:دوي بالعربية
حك راسو مم لور وقال:تنساا..ياله الالة نشربو فهوة
سماح:(باستفهام)فين؟؟
منصور:(نعت ليها)لفوق دايرين جلسة تما للقهوة
حركات راسها وهزات شالها ومونطوها وهو حاضيها وشعرها يبرزطها يطيح وتردو..سابقاه بخطوات قليلة متعمد احضيها هو فيهم..تيشوف مشيتها الطفولية ..شابها مها مكتعوج مكتصطانع الانوثة..تقدر ديك المشية هي لي تمشي بيها فدار ببيجامة
طلعو لفوف وخداو بلاصة وكان شبه خاوي جلسو فليفوتوي وطلب ليهم قهيوة..

تنشر نوعا ما على لفوتوي اما هي جلستها عادية..نطقات بفضول:مقلتيش ليا شنو تيجيك عبد المالك ران؟؟
كان ملتافت ليها تا يتسنا يسمع شنو تانطقاتها ونطق ببرود:شنو باليك؟؟
هزات حواجبها بجوج وقالت:خوك؟؟
حرك راسو وشاف قدامو وهي تنطق بعفوية:مكتشابهووش!!!
حرك راسو عاود ورجع شافيها وقال:ماشي بضرورة..نتي وخوك مكتشابهوش نيت
سماح:هه داك جن تيشبه لبابا(ببراءة)وانا لماما
منصور:(سلباتو بهضرتها)ماماك زوينة بحالك؟؟
دارت بتسامة خفيفة وقالت:ماما حسن مني ههه زوينة علي 
منصور:هه بصح؟؟
سماح:والله ..تاهيا فنفس دومين ديالك
تقاد فالجلسة ونطق مكمش عينيه:التعليم؟؟كتقري فشي etablissement
سماح:لا..عندها مدرسة ابتدائي
منصور:بصح..شنو سمتها؟؟
زينب:بو زينب..مدرسة بو زينب للتعليم
منصور:(حرك فمو لجنب)لا معرفتهاش..معمري سمعت بيها
سماح:منظنكش تسمعها حيت ماشي معروفة بزااف بحال مدارسك
منصور:لا ماشي هاكاك، تقدري تعطيني سمية شي مدرسة كاع معروفة هنا ومنعرفهااش..
سماح:ميمكنش..زعما مكتسوقش للمنافسيين؟؟
حط ليهم سرباي القهوة بتاسمات ليه سماح تحت نظراتو هو ونطق:ماشي شغلي فلمنافسيين..لي بغا يدير مدرسة يديرها..انا لي عندي هو نافونصي اما نحضي الناس مغنزيد فين
حركات راسها بايجاب وقالت:ممكن
هزات قهوتها داتها لنيفها تا شماتها مغمضة عينيها ونطقات:اجححح الله
كان كيجغم من كاسو تا شاف فيها وبتاسم خفيف وقال:ظاهر ليا تتعجبك القهوة؟؟
سماح:مممم بزااف ممم زوينة قهوتهم
منصور:بصحة..
شربات بضع رشفات من كاسها بلا متضيف سكر وهو ينطق:كتشربيها قاسحة بلا سكر اتضرك
سماح:ولفتها هه تعرف فرمضان هي باش تنكسر نهاري..
استغرب وبانت على وجهو علامة التعجب وقال:صافابا نتي هه ممزيانش ليك
سماح:تبليت بيها هه ممم(عاودت جغمات)وااو(دارت ضخيكة)
جابت ليه الضحك حرك راسو كيخفي بتسامتو وقال:اوا الالة سماح نحسبوو تصالحناا
سماح:مم مكناش مخاصميين هي مناقشيين
منصور:داك سبان كامل وهي مناقشين.. هه الى تخاصمنا شنو نديرو
سماح:علاش معول نتخاصمو ههه ناوي تنصب علي
ضحك تا بانو سنانو ونطق:صافابا نو هههه راه شرحت ليك كي وقع
سماح:(بود)ماشي مشكل اسيدي ههه تاتوقع..تانتا سمح لي دخلت فيك طول وعرض
منصور:ممقبولش اعتذارك ..اتدوزيه ليا بارد ولا
دارت تقادات فجلستها وقالت بذكاء دايرى بتسامة خفيفة:شنوو؟؟
منصور:(شاف فعينيها ديركت)انتسالك قهوة شي عشية باش نكونو صافيين
سماح:رشايوي مع راسك هه
منصور:هه هادشي لي عطا الله
شافت فساعتها كتبتاسم وقالت:خصني نمشي
منصور:(شاف فساعتو)باقي لوقت
سماح:عندي خدمة كثيرة!!خويا ايتزوج وغيخلي علي كلشي بيدما يرجع غنكون مبرزطة
منصور:(شير لسرباي)لاديسيون ..واخا الالة نمشييو
بتاسمات ليه وتسنات تاجا..
الحساب..تلهات بهاتفها تا خلص هو وقال:نمشييو
هزات راسها مبتسمة ووقفات غادية معاه فنفس الخط وهو تيشوف فاص ليه..خرجو وكلها تلاح من جهة..
سماح:وصلني للمحل عفاك
حرك السيارة وقال:مرحبا
بقاو ساكتين بجوج مستمتعين للاغاني تراي لي كيدوزو بصوت هادئ..خشات صباع يديها ففروة راسها تتفركها ونطقات بعفوية:تتسنط للراي بزاف
منصور:ممم وي..زوين
سماح:نصرو..الشاب حسني
منصور: سيي..وفوضيل
سماح:مزيان هه انا معنديش معاه
منصور :تمعني فيه مزياان ويعجبك..(وقف قدام المحل وتلفت عندها)هانتي الالة وصلتي..
سماح:(حيدات السمطة)شكرا على لعراضة
منصور:(مد ليها يدو)مرحبا
بتاسمات ولامسات يديه الكبيرة بيديها صغار وقالت:بسلامة
نزلات تتغزل من حداه..فترة كبيرة مرت معمرها حتاكات بشي راجل..سي تتخدم معاهم ولكن ماشي لدرجة قريبة..حسات باحساس مع منصور فشكل..ساكت وغامض ويخليك تنجادبي ليه بزز..زينو ماشي شي حاجة لي تخليك تخلي فيه فمك..زينو عادي ولكن مهيب..تابعات خطواتها تا دخلات للمحل هو الاخر هي شافها دخلات قلع داير شبح بتسامة مرجع نظاراتو لعينيه..اول ما كسيرا جبد كارو شعلو 
اما هي دخلات سرحانة وساهية..تتفكر فهاد الخرجة العجيبة..جلسات فبيروها تتحط اغراضها مرفوعة تا نزلات عليها نورة كي سخط بداك الطرف عندها حطاتو فوق لبيرو ونطقات بلهفة:ناري كي كنتو تتباانو اعععع(جمعات يديها بحماس)وااعريين..كولي ليا كي دازت الخرجة..فين داك..واش كلتي وشنو هضرتو..عاودي عاودي(بحماس)واعاودي
ضحكات سماح وحكات عينيها ونطقات:واش مباش اعفو عليك الله من تافضوليت
نورة:(جمعات فمها )مم واعقلي فيها انا كاع سراري انا وداك ولد الحرام تنعاودهم ليك ونتي عزيتي فيا هذاا
سماح:هههه هذاك ولد الحرام هانتي قلتيها هههه سيري لخدمتك 
نورة:والله.. واخا تعيطي لالياس منمشي ههه عاودي ليا
سماح:عادي..تغدينا عتاذر و جينا صافي
حركات راسها نورة وقالت غامزاها:مقالكش عجبتيني ولا شي حاجة
سماح:(تتكتب)مقال والو..واصلا معجبتوش راه هي با يعتاذر
نورة:مممم اوا صافي ..هاني مشييت ههه
مشات مخلياها تتخطط فالمذكرة وشاردة..تتذكر ادق تفاصيل الخرجة..
وفي التفاصيل يكمن العشق

غامض..وتيبتاسم لكن لضرورة..صوتو غليض وبااح وعينيه منفوخين وتحت اسود بكثرة السهير..راقي فتعاملو ومصواب غير ماشافت منو قبل
قفزها من شرودها صوت تيليفون..قرات سمية ضحى جاوبات بابتسامة:سعداتي شكون مفكرني
ضحى:ههههه عارفا راسي مقودة سوايع معاك ههه كي راك صافا؟؟
سماح:مناوياش تصلحي فمك ههههه لبااس ونتي؟؟
ضحى:بيخير..توحشتك الكلبة شحال ماتجمعنا
سماح:اوا قوليها لراسك ونتي حاضية ليا هي داك منير ديالك هه
ضحى:ههه اختي الحب هذااك..دابا منشوفوكش
سماح:نتشاوفو ازين..جي باتي معاياا
ضحى:لالا مبلانش..مابغيتش نتلاقا مع خالي
سماح:يااك اختي ههه مالو ايجري عليك
ضحى:كون هير ايجري علي وصافي ههه راه ايبقا اعطيني القاسح
سماح:هههههه صافي الالة نجي انا نباات 
ضحى:اوا دابا هضرتي ههه ياله خرجي من الخدمة ودوزي لدار بتلقايني تما
سماح:ان شاء الله ياله بسلامة
قطعات معاها ورجعات لخدمتها وكل مرة تهز تيلي تشوف ياكما عيط ليها ولا صيفت ليها..
دخل الياس وحلات فيه الخدمة وزادت لدار عمتها لي بقات فسيدي يوسف بن علي..خدات طاكسي تال تما وفطريق علمات باها
نزلات فراس درب حيت مضيق خلصات طاكسي..تيبان ليها لجلاتي تالما والغيس لكن ديور مبنيين على حقهم وطريقهم
دقات فدار عمتها دقات متتالية وصونا تيليفونها ياله جبدات تشوف شكون وهي تحل عمتها..فاطمة زهرا لي مبدل فيها زمان والو من غير رطابت شوي وتربات..باقي الزين والقفة والبيوضية والتهلية فالراس..لابسة بيجامة بيتية باينا جديدة والوجه منور متقوليش والدة كاع داكشي..فرنسات ليها وفنفس الوقت التيلي تيصوني..
فاتي:على سلامة اختي ههه كانو ساحرين لييك على داري
ضحكات وعنقااتها بحب وقالت:حاشا اعميتو هه هي الشغال..توحشتك(باستها)كي دايرا؟؟
فاتي:دخلي دخلي من البرد..(سدات لباب)لبااس ابنتي ونتي بخير؟كي بقيتي
سماح:حمد لله نسلكوو(عنقاتها )والله تاتوحشتك ههه
فاتي:احيانا عليك داكشي باش تتجي تشوفينا(نتابهات لصوت)تيليفونك تيصوني؟
سماح:هي واحد لكليانة مافيا لي يبرزط راسي معاها(جبدات تيلي ودارت ليه فيبرور)اوا شكتعاودي كي دايرا وكي راه عمي حميد وانس مراتو وضحى(باهتمام تضور عينيها فدار)فين ديك نص بلاصة تنهيلة
فاتي:دخلي دخلي بعدا تدفاي
حيدات البوط حدا الباب فين محطوط بلاكار صبابط وعطاتها عمتها بانطوفة تضحى وتوجهات معاها للبيت فين جالسة فاتي على صينية اتاي وطبيسيل تالتقاوت
فاتي:كلشي بخيير..انا هاني غادية ونزياان ههه وعمك غادي وانكر ودوك تريكة لي ولدت غاديين وتيحماقو هههه
ضحكات سماح وقالت:وتقول واش تطيح ليك ثقة فراسك هه
فاتي:(هزاتوحاجب)وشنوو؟؟انا اختي عارفا راسي زوينة ههه
سماح:ههههه معرفتش علاش مشبهتكش نهه
فاتي:كي شتي نيت ديك لي ختي شبهاتني ههه راهيا زينة غزالة بلارة وتزوجات ليا بداك المهندس تجوج دريال ومشات تغربات 
سماح:ههههه اوا بغاتو اش ديري ليها
فاتي:(عوجات فمها)نهار توحل تقوليا بغاتو..معرفتها علاش بغاتو..على زينو ولا ضرافتو ولا معاملتو ولا صوابو(ميقات)واقلة على خرااه ههههههه
ضحكات سماح بجهد مستمتعة بهضور عمتها لي حاضية هي لالة ومالي وتقرقيب الصواني وتضرب المعنى وتعيب ونطقات:فينها فينها ضحى وكاان ههه
فاتي:راهيا فبيتها(تتكب اتاي)ضحى ضحى(مدات ليها كاس)بتكون تتهضر ليا تاني مع داك خانز البيطان تمنير
سماح:هههههه واعمتي
ضحكات فاتي وقالت:كثرة الهم تضحك خهههه
تمات جايا ضحى تتعوج فبيحامتها وتضحك فتيلي هي وصلاتهم قطعات ..ناضت عنقات سماح وقالت:توحشتك
سماح:تانا المصيبة ههه كي دايراا شهاد زين هاا زيانيتي
ضحى:هههه خليك ليلي قولي شي حاجة معارفاهاش ههه
سماح:ابعدا الثقة فنفس نتي ومك عندكم بحال بحال ههههههه
فاتي:بزاف عليها انا بعدا ثقت فراسي وديتو على مزيناتو كيتها هيا 
عوجات ضحى فمها وقالت:كون مكان بابا نقوليك بااز ههه
فاتي:ومالو مزوينش..ضريف غزال مصواب تيتهلى فيا تيحن فيا ..خاطني فوق رموشو..الى لقيتي بحالو هي هضري
ضحى:(تتعاند مع مها)ومالي معنديش بحالو..منير تاهو زوين وضريف ومصواب
جغمات فاتي من اتاي وقالت بسخرية:اييه ثيقتك..واحق الصواب تاعو بالمزلوط لاخر معرت اش عاجبك فيه
ضحى:(بانزعاج)ماما عيقتييي ففف
فاتي:نوضي اختي لبيتك وديمعاك بنت خالك عطيوني تيساع نتفرج فمسلسلي بيدما يجي زمااني
ناضت سماح تضحك عليهم حيت هذا هو حالهم ديما..النكير كي ضريرات..وفاتي شادا العكس مع ضحى وتتقوليها منير هو لي متديييش ولوخرا مصرة عليه
دخلو لبيتها لي مفرش بالكري والابيض كيفوح بالانوثة..جلسو فوق السرير ونطقات ضحى:هاد فاطمة نعراا تاهيا ههه
سماح:ههههه متديش عليها..
ضحى:كي شتي انا هي فايقة ليها من نعااس..تمشي تعاود لمخها داك منير لي مباتش هو لي غيكون نسييها
سماح :ههههههههههههه مسطية نتي والله..لاش عاودتي ليها عليه اصلا
ضحى:كلاتني يااختي..جاتني دودة مو جوج وذنين هههه وقلت كي ناس نعاود ليها ساعا شوهاتني وليت تنغدا بيه ونتعشا بيه

سماح:ههههههه علاه فاطمة زهرة تيعاودو ليها نااس هههه
ضحى:واللهيلا..تانتي خلينا منها هههه نتي شكتعاودي..لباس؟؟(قاست نيوفها)شويا هاد نيوف رضاعة
سماح:ههه شويا واخا عذبوني هاد الايام..نشف ليا دم فنيفي ولا زفر وليت تنشم هي زفورية وتتجيني تقية ففف
ضحى:(عافت)ععععع واش درتي؟؟
سماح:والو ..درت بومادا نقات ليا نيوفي نزلو طروفة صغار تدم ولاو شوياا
ضحى:اوا على سلامتك ههه
سماح:ونتي شي جديد؟؟لقيتي خدمة؟؟
ضحى:مالقيتش وماقلبتش صراحة ههه عاجباني الراحة وصافي
سماح:تالين ازين ههه خدمي خدمي تلهي هي الوقت
ضحى:منير ملهي ليا حياتي هههه
سماح:(ضربات يديها مع بعض)يا دي نيلة منير على سيرة منيير ههه
ضحى:اختي منير العمر ههههه(بحب)تنحبوو ساختي
سماح:ههههه باااز هههه وامدرا بعدا قرب شي عرس
ضحى:بغا يجي لدار هاد الايام هههه(بفرحة)والله
سماح:(دشات ليها فيديها فرحانة)حلفي ههه هنية عليك واخيراا
ضحى:(عينيها تيبريو)والله هههه اختي كون تشوفي شحال فرحت فاش قالها ليا خه
سماح:الله يكمل عليكم بالخير ياربي والعرس على حسابي هه
ضحى:وشنو يادلي نتي لي بتكلفي ههه
ضحكات سماح:ههههه اييه علاش لا
ضحى:الله يجيب ليك تانتي..(غمزاتها)مكاين شي جديد؟؟
سماح:(غمزاتها)اشمن جديد فالجديد
ضحى:(بذكاء)شي حب..شي راجل شي عناب ههه
سماح:هههه لالا انا خويت راسي من داكشي
ضحى:(جمعات الابتسامة)تانتي دشحال تتشدي فالهضرة..نساي شنو وقع..راه رجال طوب وحجر
سماح:(لغات تاهيا بتسامتها)تانتي ماخاصني بو راجل دروك بغيت هي نخدم ونتهنا ههه
ضحى:اوا بااز هههه شوفي نتزوج ونزوجك بشي حد مم عائلة منيرر ههه
سماح:الله ينجيني خليني عليك ههه(صونا تيلفونها وجبداتو قرات سميتو)
ضحى:مممم منصووور شكون هذاا
سماح:(سكتاتو ورداتو لجيبها)كليان ههه وصافي..نوضي عطيني بيجامة واجي نتخشاو فمانطة ونجمعو
ناضت بالفعل عطاتها بيجامة وطرفات حوايحها..تخشاو فمانطة وبداو مجمعين فاي خاجة..شوفي ها شنو خرج شوفي شنو دارت هاد المغنية وديك وكدا..بمعنى جموع البنات وصافي خاصة ضحى خرجات مبلية بالحوايج بحال مها
واحد الوقت جبدات بيسي ديالها وطلقات موسيقى وبدات تتكتب لمنير ميساج تاولات شاظا معاه جموع نااسية سماح لي ضحكات وجبدات هي الاخرى تيليفونها..لقاتو تاصل جوج مرات..عضات على طرف شفايفها بتوتر..ومشات جيها الميساجات وكتبات ليه:سمح ليا كنت مع شي نااس
صيفتاتو وهي تسمع نفس الاغنية لي طلقةليها قبيل بصوت فوضيل:
ياناا وراني يالي نعيشك فلاجواا
ضحكات ضحى وغنات معاها وتتكتب الميساج باينا فيها شابعا حب ومقاظاها فرحة..ونطقات سماح:شنو سمية الاغنية؟؟
ضحى :يانا وراني ديال فوضيل وعسااف
سماح:زوينة هه (تتسنط وتفكرو تابتاسمات تلقائيا)
فورا صونا تيليفونها فيبرور..شافت نمرتو وهي تنوض وقاات:انمشي لطواليط
خرجات تتفتف بالبرد حيت دارهم باردة..دخلات لبيت نهيلة عرفاتها مكايناش..تنفسات وتا كان غيقكع شدات الخط ورسلات صوتها:الوو
منصور:مخاصمة معايا عاود؟؟
سماح:خه لا..هي كنت مع العائلة
منصور:ممم شكون هاد العائلة؟؟
سماح:جيت عند عمتي نبات عندها خه نتا لبااس؟؟
منصور:ترونكيل..ونتي كي وصلتي
سماح:مزيانة هه
تكات على ناموسية وتتشوف فصقف وهو ينطق:شحال فعمرك اسماح
سماح:25 عام هه و نتا
منصور:باقي صغييورة هه
سماح:على فم الضبع ههه(رسلات ضحيكة خفيفة)
منصور:لا باقي صغيرة..انا 32 
سماح:بطولة العمر..(بغات تطول الهضرة)خدمتي اليوم؟؟
منصور:نو ضربت هي تال واحد ليكول شفت شي حوايج ودخلت فحالي
سماح:مزيان ..ساكن فمراكش نيت؟؟
منصور:هه لا فجديدة هه
حساتو قمعها بنبرتو وهي تسكت وعاود نطق:فبرا مراكش بشوي
سماح:مزياان
تحل لباب وبانت ضحى وقالت بعفوية:مشيتي تخراي ولا تكفتي هههه تعطلتي...
خرجات سماح عينيها مصدومة من هضرتها..وتزنكات فلبلاصة فحين منصور دار تحنيحنة ونطق بهدوء:تالمنبعد ونهضرو بسلامة
وقطع مخلاش ليها تا فين وهضر..شافت بحزن فضحى لي تضحك وقالت:مالك على هاد لفعايل ازمر تفووو..راه كلياان
ضحى:ههههه كليان وتدوي معاه فبيت نهيلة هههه نوضي الله يغصبك ههه
سماح:(ضربات ففخاضها)ناري ايقول علي نيت درتها (شداتها البكية)
ضحى:ههههههههههههههه ومالو الخرا كلشي تيخرا وتكفاات(غلبها ضحك)كلشي تيديرو 
زفات غليها بمخدة وحمارت دغيا وقالت بغضب:سري انا لي جايا عندك(بغات تبكي)اش غيقول علي دروك
ضحى:نوضي الخرا تاكلي ههههه نوضي(جراتها تتجدب)
دخلو لبيت فين خلاو فاتي لقاوو حميد معاها..سيد لي مبدل فيه زمان والو باقي ضريف ودريويش..سلمات عليه وجلسات تتشارك مهاه الهضرة ..على وقع طبيلة فيها الشهيوات لي تيعجبو حميد..
فاتي:(تتقرب لحميد المسمن)كول احميد..كول المسمن
ضحى:(حركات راسها)هيييه ..حميد ياكل وحنا لا هههه
حميد:(بضحيكة)سوقك اختي..(درع فاتي بيديها)مراتي وتتهلا فياا
سماح:(بابتسامة خفيفة)بحال ماما وبابا
فاتب:هههه باك تاني بزااف ههه تيموت فيها شتي كون ماكنتش تنعرفها نقول حركات ليه مجمر

حميد:ههههههه تانتي راه محركة ليا شلا مجامر هي خليني ساكت هههه
فاتي:(شافت فيه وغمزاتو)احيانا عليك اولد جميعة هههه
ضحكو مجموعين وبقاو تياكلو واهضرو تا دخل انس ومراتو مروى..ستقبلوهم وسلمو وجلسو معاهم مشاركين الهضرة
فاتي:اوا امروى ابنيتي كي غادا مع شي ثقل؟؟
مروى:(فوق خاطرها)الحمد لله اخالتي
ضحى:(بلطف)مروى اتسميها جمانة
مروة:(بابتسامة خفيفة)تا نولد واحن الله ههه ربي اسماح اختي اري ليا داك لكويس تالما نشرب(شدات فكرشها)ففف 
مداتو ليها بعفوية وقالت:الله يفكك على خير
مروة:امين والعقبة ليك
انس:خص هي خالي اطلق لينا ضو الخضر انا نضبر ليها فراجل هههه
ضحكات سماح تا تسدو عينيها وقالت:هي خليني حداه نربي مشيشات ههه
فاتي:اوا لواه..بنت خويا وحدة لي عندي ومنفرحوش بيك..شوفي الى بقيتي هادشي كولو هي صبري تا يجيب ليك الله شي خبزة عاامرة نييت تبرعيي فيها الى غتدي شي هركاوي بنااقص
سماح:الله يدير لي فيها الخير..(بغات تبدل الموضوع)وجدو بعدا ريوسكم لعرس الياس شهر جااي
حميد:وايلي ههه داك نص بلاصة ههه
فاتي:(دارت يديها على صدرها ضرباتو)هيييه وعاد تتقوليهاا ياختيي..باااز(كمشات عينيها)
سماح:تانا هاد صباح عاد فراسي ههههه
فاتي:(تتهضر بزربة)ويلي ويلي شهر مايقدني فوالو ياختي
ضحكو كاملين وهي تنطق نروى جاوباتها كي الحزقة:اوا اخالتي اش بتوجدي..لبسي تكشيطتك وجلسي حدا العيالات..مانقولوها حنا لي صغار
هزات فاتي حجبانها والكل كيترقب القنابل لي بتحط ليها:اوا يا الكبيدة لي داها ولدي..راكي معارفانييش هه(ضربات لحميد فكتفو)قوليها قوليها..انا اختي عمة العريييس(جبداتها)خصني نكون انا المسرارة فلعرس ونكبر بولد خويا(دارت يديها فجنابها)راني واخا والدة تبارك الله وصلاة على النبي علي باقي يخطبو فياا(تسمع الاذان)على قولة الله واكبر..ربي شاهد علي(صحكات)والى تلف ليك عمري سولي عائلتك لي شكو فيا واش خت العريس ولا مو فعرسكم ههههه
انس:(ضحك)لالا من ناحية الشباب راك شاابة خههههه شي مرات تتكوني معايا كيحساب سناس ختي
فاتي:معلووم..زبن وغزالة الفصالة وكاينا..وسيد رجال واخدة علاش لي منبانش صغيرة
ضحى:وييه ويييه تحية اناما (غموات باها)تتحرش بيك احميد
حميد:(ضحك)خخهههههه واش كذباات.
مروة:(تحرجات)اوا هي قلت لبس قدك اواتيك..مجاتش اشوفوك ناس مزوقة ومقادا ونتي كبيرة فالعمر
فاتي:هههه اختي تاتوصلي لداك العمر ولبسي لكاشمير وصابو وديري توانك تاع لوزة وخرجي ههه اما انا باقي جووون
مروة سكتات حبت عارفا عجوزتها تتخشي فيها المعنى عليها حيت هي لي تتخرج هاكاك..فحين سماح راه تحرجات متتحملش تحط فبحال هاد المواقف..واخا معندها بيهم دخل
ضحى:ماما سخني ليا كاسي 
كبات ليها قهيوة وخرجو الرجال لجامع..ناضت سماح تتوضا لقاتها ليغيكل جاتها..خرجات عند ضحى وقالت:ضحى اجي ازين
مروى:اوا قولي ليها اش بغيتي قداامناا ولا سرر ولا؟؟
سماح:(بابتسامة)لا حااشا
مدواتش حيت حشمات تعرفها غيكلي..ناضت ضحى دخلو للبيت وهي تقول:عطيني شي كيلوط لعندك وشي كينة جاتني ديك زمرة
ضحى:واخا
حلات بلاكارها جبدات ليها منو كيلوط جديد باقي بتيكيت وفوطة صحية وكذلك الكينة وقالت:مزيان دروك
سماح:صافي شكراا
مشات لطواليط بدلات عليها دغياا وصبنات سليبها ونشراتو عاد.رجعات حداهم لقات فاتي عاد جات تاهيا من البيت تتصلي..كي حلسات صونا تيليفونها بميساج من منصور:سماح
كتبات ليه:وي لباس؟؟
منصور:(بسرعة)الحمد لله ونتي
سماح:الحمد لله
صونا عليها على غفلة تاقفزات وهي تنطق فاتي:ياويلي مالك
سماح:عااا(متوترة)حمحم والو ولوو اعمتي..(سكتاتو)
شربات لما وجرات مانطة تغطات بيها تتهدن فراسها وعينيها على تيليفون..
عم السكوت تاعاود صونا تيليفون وهي تقرا اسمو وتفافات..مجاتش تنوض من حداهم ايعيقو بشي خاجة ومتقدرش تجاوب..
مروة:اجاوبي اصاحبتي(دارت ضحيكة)جاوبي سيد راه هي بيناتنا
سماح:هاا لالا هي نورا صاحبتي(بتسانة صفرة)
فاتي:علاه مالها حمقة تاتهضر ههه بنت خويا وعارفاها بنت دارهم ماشي تتضل ناشرة رجليها فالقهاوي(شافت فبنتها وفعروستها)بحالكم هه
شدات سماح الخط وقالت بسرعة:نورة شوي ونعيط ليك
قطعات عليه بلا ميقول والو..خلاتو مذهول..وقف فنص دروج تيشوف فتيليفون مكمش عينيه تاخنزر..رجعو لجيبو ببرود وكمل طريقو نازل لتحت فين كانت مو فاص مع تلفازة فكرسيها تتفرج بهدوء..وقدامها طبيلة مشكلة ومنوعة مسمنات بغريرات صغار ومملحات تيوصبهم اوجدو ليها هادشي حيت عارف مو تقليدية..عكسو هو لي معندووش مع الماكلة البلدية..باس راسها ويديها وقال:ناشطة اميمتي؟؟
بتاسمات ليه بشوي تابتاسم تاهو وقال:هادشي لي بغيت..
جلس خداها خدا قهوة كحلة هي لي ممكن ياخد من الطبيلة لي عامرة..شاف فلالة لطيفة وقال:غدا عندها كونترول..صباح وجديها ليا مع صبااح
لطيفة:واخااوليدي..الله يجيب العفو من عندو
جغم من قهوتو وقال:اميين
سماح عتاذرات منهم ودخلات لبيت ضحى بعدما غادرات مروى وانس ..
تكمشات فالمانطة تتحاول تكمد الوجع..هزات تيلي تلها بيه تالقات ميساج من عندو فيه:انا نورة؟؟

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.