وصى وحدة منهم توجد ليه اكل متنوع فسليلة ..كي بدل عليه خدا السليلة وهز زربية صغيرة معاه دار كلشي فطونوبيل..مدوز ليها الابيل..عذبتتو شوي لكن عارفها مولات القلب البيض
اما هي عوجات فمها فتيليفون وقالت:تفو على معقد عععع
مشات لماريوها ختارت كسيوة صيفية حيت بدا الحال تيسخن شوي لكن ماشي لدرجة تخفف الحوايج هاكاك
ختارتها فالاصفر..بدات بوجهها هو لول دارت ماكياج خفيف يختصر فواقي شمسي دوزات خط رقيق من فوق عينيها حيت العوينات واخدة راحتها قاصدة تنشرو شوي..دارت فاغاجو شوي فقط وعكر خفيف
لبسات الكسوة ودارت صندالة طالون شوي فرجليها حيت هي قصيرة كتبغي تطوال شوي..هزات مسائلها وخرجات من البيت مبتاسمة وقفات على كريمة فالكوزنية تتغسل الماعن وتغني:وامي يامي واناري عييت وراني ملليت يا مي يامي
سماح:نشوف شي بنات ازين..مهم الى جاو دار قوليهم انتعطل..محال كاع نتغدا فدار
كريمة: اهياا راه خففتي حوايجك..باقي الحال على هاد الكسوة
سماح:بصح؟؟مافياش البرد
كريمة:جاتك زوينة ولايني باردة عنداك تمرضي
سماح:لا ازينينو مزيانة ياله بااي
خرجات مبتاسمة شوي كوميم حزرها..كتحماق على لي يحزرها..كتمختر بمشيتها العادية تاوقفات طاكسي صغير عطاتو العنوان وفورا تحرك
فطريق تاصل بيها من نفس النمرة وقال:فينك؟؟
سماح:كيفاش فينك؟؟
منصور:مجاياش؟؟راني كنتسنا
سماح:اوا هي تسنا البرد على قلبك تما
منصور:(بحدة رافع صوتو)كوااا؟؟
سماح:لا هاني جاياا
قطعات عليه دغيا قبل مايسمعها القطران..مسافة الطريق وصلات لعندو..خلصات طاكسي ونزلات تضور فعينيها عالاه تلمحو لكن والو..تاتصال بيها وقال:الرانج الكحلة
دورات عينيها كثر و مع كاين شوي تريح خربق ليها شعرها..تاقشعات الطونوبيل توجهات ليها كتحاول تجمع تغوبيشتها..هي وصلات حل ليها الباب وطلعات معفرة..باقي مدواش دارت عندو مدات ليه يديها وقالت:ارا ليا الحاجة لي بغيتي تعطيني.
محسات بيه غير هو جار يديها لي مدات ليه تا قربات ليه كثر..وطبع بالخف قبلة على حنكها..ستنشق فيها لجزء من الثانية رائحتها الفطرية..خالية من الكحول ..رائحة من روح سماح..تنهد وهو قريب لوجهها هاد الاخير لي ولى حمر بزااف..صدمها ومتوقعتهاش منو..بقا قريب منها ويديه تهزات تا دار شعرها ورا وذنيها وقال وعينيه فعينيها:هي ديال السليخ
سماح:(سرطات ريقها وبعدات تتقاد بلاصتها)الصمت
تاهو سكت رجع لوضعيتو وحرك سيارة بدون ميدوي..حيت سكتها..وهي راه هر لي تتحس بيها فحنوكها بزااف..لامسات حناكو وغفلها بشفايفو على حنكها..وكان اول لقاء للشفاه مع الخد ربكها..غير فيها الالوان وعرقها..تامبقاتش فيها تبوريشة البرد
سخنات ذاتها لدرجة مقدراتش باقي تهضر بقات هي ساكتة وتتحك فيديها لي تيتعرقو..اما هو عرف كودها وحشمها وخلاها صاقلة متبرزطوش فسوقان..مد يدو طلق اغنيتو المفضلة ديالها هي وياه..ديال فوضيل
كيتمتم معاها بشوي من بين شفايفو ووذنيها معاه كتسمع صوتو فلحن اخر..لحن غير ماسمعات منو..
نطقات وهي كتشوف الطريق خارجين على مراكش:فين غاديين؟؟
سماح:(عضات حنوكها من داخل)انا هاكا دايرا..يمكن كون كنت تندوي معاك بالفرونسي وتنتعوج فالهضرة وشيكي كون عجبتك
منصور:نو با دي تو..حيت بطبيعتك وعفوية عجبتيني..جيست هاد الهضور بحال من نيتك وكدا كيجيوني ديال السوق
سماح:(بنفخة)انا بنت السوق
منصور:(حرك راسو بلا حول)واخا
بعد ثلث ساعة وصل لجريدة خارج مراكش..زوينة وفيها شجر والورد..فيها بعض الناس محددين فلي كوبل مزوجين مع العلم تتكون عامرة فأيام الصيف
نزل ونزلات تاهيا تضور عينيها فالمكان ماحسات هي بابتسامة خرجات ليها حيت تتريحها طبيعة..فحين هو حل لكوفر كيهز منو الزربية لي جايب..هز راسو لقاها مبتاسمة لطبيعة ونطق:هزي ازين واحد السلة من لور
حلات لور وهزات سلة كبيرة شوي..وسدات جا وقف حداها وقال كيضور عينيه على البلاصة:عجباتك؟؟
سماح:غزاالة فنة منين طحتي عليها
منصور:(شاف فيها)كلشي عارفها
سماح:(بعفوية)انا كاع معرفتها
بتاسم ليها ومد يدو لي مهازش بيها الزربية شدها من يدها مشابكين وقال:ياله نقلبو على شي بلاصة نجلسو فيها
رحبات بالفكرة وتمشات معاه تيقلبو على فين اجلسو واهضرو
سماح:جبتي الفطور؟؟
منصور:نوو هي قهوة وشي كاطو
سماح:(بحزن صغير)ممم وانا كاع مفطرت
منصور:ممم علاش؟؟كان عندك الوقت تصايبي داك الخط تشانطي فوق عينيك وتفطري لا
سماح:(عاود قمعها)علاه معاودتش ليك(باستهزاء)فقت ناشطة فيا الموت تجوع ولايني هضرت مع واحد سيد عايرني وطير ليا الشهية
ضحك عليها بشوي ووقف حدا واحد الشجرة وقال:هنا مزيان؟
سماح:ممم
حطات السلة وشدات معاه الزربية تافرشها وجلس طاوي رجل ورجل موقفها وهي تجلس فاص ليه ربعات رجليها وغطاتهم بالكسيوة لتهز ليها و يبانو فخاضها..حلات السلة ولقاتها فيها طرموس تالقهوة والكيسان واكيد الفطور..هزات فيه راسها دايرا بتسامة خطيرة وقالت:علاش كذبتي علي؟؟
منصور:بغيت نشوف عيبك
سماح:ههه وشفتيه؟؟
منصور:علاه بحرا
خوات ليه قهيوة وخوات ليها وبدات تتحط كلشي لي جاب فيه لي توست والمربى تالفريز مع بعض لعيبات تدواز تالفطور..حس بيها ستشعرات الراحة معاه..مع اول جغمة ديال القهوة تنهدات وقالت:الله
منصور:ههه شويا داباا
سماح:مفطرتيشش؟؟
منصور:كناخد قهوة تنكمي ونرد المجاج عاد نفطر
سماح:(عوجات عنقها)ممم وفطر معايا عفاك
شاف فيها هاز حاجبو زعما عايق بيك ومد يدو صايب توست فيه الفريز مدو ليها هي لولة وقال:دوقي هذا راه ديال الدار
سماح:(كلات منو)ممم حلو..نتا لي مصايبو؟؟
منصور:لاا..اش عرفني انا فهادشي..دراري تالفيرما
سماح:(تتاكل بشهية)ممم بنين..علاه عندك فيرما(مجاوبهاش تيشرب قهوتو)اه ولى ديك لي دارو فيها سبوع..ديال خوك ولا باك؟؟
منصور:(جغم قهوتو بهدوء)لا مدياليش انا داري وحدة خرا
سماح:عايش بوحدك؟؟سعدااتك(بعفوية)
منصور:(بتاسم)مكرهتيش تانتي تعيشي بوحدك
سماح:(تتاكل)ممم نعيييش بوحدي
منصور:(هز كاطو كلا منو)اجي عيشي معايا
سماح:ههههه فنهار لول نقتلك حيت تتفقص
منصور:ههه شنو داير ليك؟؟
سماح:(هزات سربيتة تتمسح فمها)ممم قول شنو مدرتيش بلاتي نحسب ليك..ياسيدي لولة فيهم طفيتي علي تيليفون وانا تنعيط ليك كي الحمقة والثانية مصبح علي (غلضات صوتها)متفرعيش ليا مخي
منصور:(ضحك تابانو سنانو)هههههههه خطيرة
سماح:ههههههههه حرام عليك تتغوت علي
منصور:تاقاي شري..
سماح:مممم الله ينجيني منك
منصور:امين..فطري
سماح:هاني تناكل..نتا لي مكلتييش والو
منصور:هي بصحة
فطرات على خاطرها وهو عين فاص ليه وعين عليها هي..تتاكل براحة والجو زوين شميسة مرا ومرة تتجي بريدة زوينة..مهتاماتش بتاتا المهم معاه
كملات وجمعات كلشي للسلة وحطاتها جنب وقالت:يعطي الصحة لي وجداتو..الواليدة ديالك لي وجداتو؟؟
قاست ليه الوتر الحساس..مو ..مو لي مكرهاش كون جابها معاه لهنا تاهيا..مكرهش ادخل لدار القاها تلقى ليه ..ترضي عليه وتبتاسم ليه..اعمر بيها وقتو كي ناس..فاش سولاتو سماح على واش مك لي وجداتو معرف ميقوليها..مكرهش يقوليها ماكرهتش ولاكن دارتها الصحة..
منصور:(ختاصر الجواب)نو
حركات راسها فحين هو قرب حداها معجز وقال:سرحي رجليييك
سرحاتهم بغرابة ومحسات بيه هي حاط راسو على رجليها ..صدمها فيه..وتا الحركة دارت ليها الشلل..حك شعرو باريحية وتنهد وقال :مالك؟؟
سماح:حمم والو..(شافتو تنهد)منصور نسولك؟؟
منصور:(جر خصلة من شعرها الطويل تيلعب فيه وعينيه فعينيها حيت الفوق:سولي
سماح:دابا نتا راه ولد نااس وضريف ياك..ولاكن غامض..شي مرات تنقول لا هذا راه كتاب محلول ولكن مرات بزاف تتبان ليا غامض(لقاتو تيشوف فيها باريحية وتيسمع ليها)زعما كتبان غامض وقاااسح
منصور :اوا وشنو اخر؟؟
سماح:غامض وقاسح هه صافي ولكن ضرييييف
منصوى:هه هبيلة معمري قلتها ليك..
سماح:(دارت بتسامة خجولة)لا هه واجاوبني
منصور:هي تيبان ليك..مغامضش مي ماشي اجتماعي
سماح:لا نتا جتماعي حيت هانتا مجمع معاياا
منصور:لالا هي كييبان ليك..ماعنديش مع بنادم بزاف ومنقدرش نبقا ندي ونجيب مع بنادم فالهضرة تيدير ليا استفزاز بهضرتو
منصور:نتي هي حيت كنجمع معاك شوي سيتو..اما معنديش مع جموع
سماح:(تزنكات)شنو دابا خصني نفرح؟؟
منصور:شوي ههه
شد يديها وحطهم على راسو وقال:شي مساج عفاك راسي ايطرطق
حشمات فلول حيت قاست راسو لكنها كابرات وبتاسمات بلا متبين..حطات يديها الصغيورين على راسو وبدات تتحركهم فجبهتو بلطف وتمسدها بحنان تاغمض عينيه براحة وهي تنطق وعينيها تيضورو على ملامح وجهو:شنو قلقك قبييل
منصور:الصمت
سماح:وادوي
منصور:(بهدوء)رصاي خليني نتكونسونطرا
سكتات حيت حسات بيه عيان..تتمسد جبهتو بكل رفق لدرجة رتاح بزااف تاقرب انعس..وهي فرحتها لاتقدر بشيء بتتاتا..مريحة معاه وعاطييها وقت ودابا بين يديها هادئ عاطيها خيوطو كاملين..تتشوف وجهو التعبان..هالات سوداء كبيرة بكثرة سهير..ولحية طويلة نوعا ما..ماحسات غير هي مفرنسة مستاغلة وضع انه مغمض عينيه ويديها زلقو من جبهتو لللحيتو..تا ضربو ضو وهو يحل عينيه بزربة تا حيدات يديها..وبسرعة شدهم ورجعهم لفين كانو وقال:كملي
غمض عينيه بحالا عاطيها ضو الاخضر زعما كملي على راحتك
وبالفعل حطات يديها عاضا على شفايفها بخجل..تتدوز يدو وسط لحيتو براحة وتلعب ليه فيها تا جاتها تبوريشة..ولحمها شوك عليها من كثرة التبوريشة..
حس براحة لا متناهية من لمسة يديها الحنينة..لعبات فلحيتو مزيان كتخلي صباعها اتخللو وسط اللحية الكثيفة ديالو حاسا براسها ديالو وهو ديالها..مغمض عينيه مسلم ليها راسو وهي كداعب لحيتو وبكثرة ماغمض عينيه خدات وقتها فتأملو
دازت دقائق قليلة وهي مستمتعة وحطات صباعها على تحت عينيه لي منفوخ بسهير ونطقات بهمس:كتسهر بزااف(الصمت من طرفو مغمض عينيه)بقا دير الخيار اتفشو ليك عينيك
حل عينيه على هضرتها محافظ على هدوئو..جر خصلة من شعرها بهدوء وقال: ديريهم ليا ازين
بتاسمات ليه وهزات راسها تتشوف فاص ليها وقالت بابتسامة خجولة:هه علاش لا ونحيد ليك ليبوان نواغ من نيفك (شداتها ضحكة)وندير ليك شي ماسك من داكشي
نتفها من خصلة شعرها وجمع النوضة جالس وقال:وسميني ندى ديك ساعة
سماح:ههههه هي بيت نردك زوييين وصافي..مابيتيش بلاش
تقاد فالجلسة متكي على يديه وكيشوف فيها: هي خليني خايب هه
سماح:(بدلع)وشكون قاليك نتا خايب؟؟
منصور :ياك الالة؟؟(حك نيوفو بلباقة)
سماح:مممم..(صونا تيليفوتها)ممم الياس
منصور:هضري على راحتك انا نكمي ونجي
سماح:واخا
ناض متوجه لطونوبيلتو اجيب باكي تالكارو فحين هي وقفات تتمشا جنب البليصة فين جالسين وجاوبات خوها لي كيسولها على شي حسابات حيت كان غابر وتتجاوبو باهتمام والبرد كيسطح فيها..حيت ملابساش مزيان اما هو كيكمي من بعيد وكيشوف فيها كي كتهضر..كيعبرها كي واقفا ودوك رجيلات البيضين حيت حفيانة بحكم حيدات صندالتها حيت جلسو فزربية وعاد الربيع فالارض
كينفث من الكارو مكمش عينيه فيها كماه بزربة ودارو تحت رجليه..وتوجه لعندها عاطياه بظهر كتنهي المكالمة مجاتش فين تضور تاكانو يديه محاوطين خصرها باهتمام خلاوها تقفز من بلاصتها..ونطق على اثرها بصوت مخلط بحبالو الصوتية وريحة الكارو: ششش هي انا
سماح سرطات ريقها من شدة التوتر وتعرقات..كتحس بجسدو محطوط على ظهرها تحرجات تاولات كترعد اطلقها طيح..دور يدو على كرشها وحطات يديها بدون وعي عليهم وقالت:منصوور عفااك
منصور:شش شوفي فاص ليك(حط راسو عند عنقها)متخافي والو..معمري نفكر نأديك
سماح:ماشي هاكاك(توترات)
منصور:عارف
سكتات مخلياه قريب منها كتشم ريحة الكارو من فمو ويديه لي محطوطين على بطنها وتروها بزااف..لدرجة ولات حمرة والعرق نازل منها..شاف فرجليها وقال:رجليك زوينين
سماح:(جاب ليها ضحكة)من هادشي كولو بان ليك هي رجليك هه
منصور:(شد يديها قدام كرشها)شنو نشوف ههه
سماح:(بدلع )معرت
منصور: (بعد برهة صمت)واش صوتك رقيق هاكاك ولا هي كتكذبي علي؟؟
سماح:(غلضات صوتها)حححممم لا اخويا غليض
دار بتسامة خفيفة ودوز شعرها ورا وذنيها شايف ضحكتها من جنب..وشحال عجباتو حيت قريب من خط تجاعيد لي حدا عينيها بكثرة الضحكة..وخدودها لي تهزو تا وصلو عند العنينين..اما الوذنين لي دايرا ليهم حلقات زوينين حمقوه..لكن ماشي كثر من الخلفة لي حدا وذنيها خلاتو بلا عقل..كيموت فشيحاجة سميتها زغب..حس براسو محتاج اطبع قبلة على داك الخد زوين..ممنعش راسو وقبلها فخدها بووسة عميقة وقال: احسن حاجة اني جيت معاك لهنا
هنا سماح ضربها ضو وهزها الما ..تصدمات من بوستو وطاحت عليها كي سلك تضو..زعزعاتها بجهد علاين تطيح البولة..معرفات تفرنس ولا تحشم ولا تدفعو ولا شنو..حدها نتافضات بسرعة تا طلقها من يديه وحكات حاطا يديها على صدرها ونطقلت حانية عينيها لارض من الخجل: حمم ريحة الكارو ضراتني
منصور:ممم ماعليش(جرها من يديها)ياله نجلسو
مشات معاه للبلاصة فين جالسين وهي متوترة حاضية معاه ليقرب ليها ساعا سيد جالس ترونكيل ونطق: مخففة الحوايج؟؟
سماح:هاا لا مزيانة مافياش البرد
منصور:ممم هي كونجي؟؟
سماح:واخيرا نرتاح شوي..عيط ليا نيت على قبل شي حسابات
منصور:وشنو ادوزيه هي فدار
سماح:(براحة)صراحة مكرهتش نمشي لاسبانيا مع عمتي نفوج شوي
منصور (هز حاجبو)اهاه تاهذا نظر..عمتك ساكنة تما؟؟
سماح:ممم عمتي صغيرة..غنمشي معاها هي شي شهر ونرجع
منصور:اوا لا تاني..شهر كااع
سماح:ههههه وشنو؟؟نمشي لسيمانة ونرجع هي نجلس نيت
منصور:فايت مشيتي؟؟
سماح:سي جوج مراات..ونتا؟؟
منصور:وي..ولايني شهر اسماح بزاف تاني..وممساليش باش نتبعك كااع
سماح ضحكات بجهد تا ضربات ففخضو بلا متحس وقالت:اويلي على تبعني مالني الاميرة ديانا الله يرحمها
منصور:(بنظرة اعجاب)نتي حسن منها..سيري سيمانة ورجعي
سماح:دابا نشوف(بتبتسامة خجولة)نقدر منمشيش كاع
منصور:نو هي سيري بدلي الجو مي ماشي شهر تاني
سماح:خهههخ واخا..(تكمشات من البرد)الريح
منصور:قلت ليك ملابساش مزيان تا تجاكيط مجبتهاش نوضي نتحركو
سماح:لا هي خلينا شوي
منصور:ايسوطك البرد وملابساش مزيان
ناضت بهدوء وراحة وجمع هو الزربية هزها وكي تمو داخلين راهم خارجين..طلعو للاوطو وشدو طريق الرجعة مزكين
سماح:تحولتي لدارك؟؟
منصور:نو باقي عاد انتحول اليوم..
سماح:مزيان..واش ياله بنيتيها تا تحولتي ليها؟؟
منصور:لا عندي شحال هادي!!هي والفيرما
سماح:ماشاء الله ..جوج ديور عطيني وحدة ههه
منصور:(شافيها وغمزها )خودي مولاهم حسن ليك(رجع لسياقتو)
خلاها حمرة من الخجل وقالت:لالا عطيني غير داار انا معندي تاوحدة ههههه
شاف فيها مطول وفهمات راسها وزادت..بقا هو وتقف تا جات نوبتو دوز كلشي وخلص ولحق عليها لقاها فطونوبيل جالسة ماشي على برجها..عطاها شنو خدات وهي تنطق بادب:شكرا
والصمت كان جوابو ليها..خلاها تنهد بحسرة و سكتات تاهيا..ندمات لاش قالت ليه غنتقدا من اصلو..وصلها لحدا المحل ونزلات بلا متقول بسلامة وتاهو محكرش حيت باقي شاد فخاطرو
اما هي خدات طاكسي بغير خاطر..دموع فعينيها تتغبن هي بينها وبين راسها والكحة شداتها..دخلات للدار مغبنة واخا مزينة ولكن ملامحها حزينين..هي دخلات تلاقات الياس فالدار كيترامك هو و كريمة
كريمة:سير الله يعطيك المسخ الحماار..انا نسيق ونتا تجي تزعلك
خرح الياس ولوخرا دخلات لبيتها وزدحات للباب معصبة كان خصها هي لي يشعلها وجا الياس فطريق دازت فيه
تتحيد فحوايجها معصبة وتتسب:تفووو انا لي خصني العقل مشييت تنتزوق ونتصاايب ففف وفلخر (كتعيبو)رجلييك زوينين الله يعطيك شي مصييبة يااربي (تتبدا عليها بقات هي بدوبياس وتحل الباب كانت كريمة تلفتات وهي مغوبشة وغوتات)كرييييييمة
كريمة:حجارك اشدوووك
هزات بسرعة الكسوة سترات بيها راسها بدون متلبسها كأن لي دخل عليها راجل والشعر مزلع على وجهها وكشاكشها خارجين
سماح:خرجييي الله يحفظظك فففف
كريمة:ويلي مالك؟؟شكون معصبك
سماح:(بنرفزة)كريييمة برااا طالع لي الدم سيري لندوز فيك
كريمة:دوزي فيا انا سكة..حجارك اشدووك
خرجاات كريمة مخلياها باغا طرطق وهي تطلقهم نيت تتبكي وتنخصص..رجعات لبسات بيجامتها وتخشات وسط سريرها تتدمع وتنخصص بوحدها وترعد..تاتحل الباب ودخلات كريمة هازا بلاطو فيه كاس تالويزة سخون فيه الحليب..شافتها تتبكي وهي تقول:تبكي على عمرك المسخووطة(عطاتها الكاس ولوخرا شداتو تتنخصص ولاات حمرة)هءهءهءهءهءهء
كريمة:(جلسات حداها)انا كنت عارفا فيها شي حاجة؟..كاع هاد ليام خاطرك ماهوااش
سماح:(تتبكي)
كريمة:شربي شربي..وعاودي لياا
شرباتو حانية راسها تتنخصص وتعاود..تاكملاتو وهي تنطق:شكراا
كريمة:اش كاين؟؟شكون عصبك؟؟
سماح:(طيحات دميعات صغار)هسهءههء
كريمة:دابا سكتي وعاودي لياا
سكتات شوية و بدات تتعاود ليها وتنخصص الفيلم من لول تال اخر لحظة ولوخرا تتسمع وتويل..تا كملات وهي تكملها بكحة
كريمة:الله يا سماح الله اش هاد التبهديلة اختي؟؟ويلي تيقمعك بالفور يا شيفور ومنقص منك وتتمشي تشوفيه
خرجات وخلاتها تترتاح هي متكية اما النعاس والله لزارها بتاتا..تنهداات وهي هازا تيليفون تتسنا شي اتصال او ميساج او شي حاجة لكن والو..
حطات تيليفون وبقات تتفكر وتخمم ولكحة شاداها خفيفة ومع مرور الوقت تتجهاد عليها..كلاتها فصدرها بزااف..هي من ناس لي كيعانيو حساسية تالبرد يعني اي تخفاف الحوايج مفرط او تعرض للبرد كيخلف كحة خطيرة كدوم لبضع ايام الى متضرباتش برا ديال البرد..
سماح تتكحب تا كتبغي تخرج ريتها وتساراح:اححح اربيي..سيري سيري دغيا
مشات سخنات ليها شوي تسكنجبير مع زيت وجات تتمسد ليها صدرها اسخن شوي..صوتها تبحبح ..عياتها الكحبة تا دخل عثمان وزينب للغدا سمعو الكحة من الباب وزربو لعندها لقاوها تتكحب بجهد
عثمان:مالك؟؟(تيقلب فيها)
سماح:كح كح كح معرت
زينب:(مخلوعة)اويلي بحرا ماتهنينا من هادشيي كي وقع ليك؟؟
سماح:خحححح(كتسرح حلقها)عادي اماما
زينب:اويلي على عادي؟؟(شافت فعثمان)نوضي لسبيطار
سماح:كح كح لا اماما راه هي البرد
عثمان:واش نتي مريضة فراسك شو كي كتكحبي؟؟(شاف فكريمة)كي وقع ليها؟؟
كريمة:(تلفات)هاا معرت اعزيزي كانت تتكحب
عثمان:نوضي ياله لطبيب خصك تضربي البرا
سماح:(تافافت)لالا ابابا ففف لبرا لا دابا يفوتني الحال
زينب:ديريها هي زينة توصل توصل..علاش ابنتي هادشي؟؟ممولفاش ليك
سماح:كح كح كح مرديتش البال اماما وصافي
زينب:ديري ليا خاطري وياله تضربي البرا
سماح:عفااك اماما لا هءهء (تتبكي)دابا نولي شوي
زينب:لي بان ليك
جلسات معاها تا دخلات يسرا تاهيا عندها بقاو حداها تتكحب وتهضر تكحب وتهضر تا تجيفات ولات حمرة..
نعسات شوي متناسية منصور حيت هلكهاتها الكحبة بجهد..هي اكثر وحدة عارفا الحساسية تالبرد وشنو كدير فيها..تتخليها بلا نعاس وتبقا تكح الى متضرباتش ديك البرا تتولي مجيفة
داز داك نهار كولو وهي فالكحبة تاوذن المغرب وتزاد عليها الحال..تسدو ليها نيوفها تا تخنقاات وتجيفات
دخل عثمان معصب وقال:لبسيها نمشيو تضرب لبرا
سماح:(بترجي )لالا ابابا عفااك هءهءهء
عثمان:(بالغوات)تجعدي بلا تزكاك..
خلعها تا نقزو الدموع من عينيها وخافت وناضت تتكحب وتبكي تلبس حوايح سخان بزااف..ركبات مع والديها وخوها ومشاو للكلينيك وهي الكحبة مفرقاتهاش بتاتا..ندمات اشد الندم انها خففات حوايحها وكون هي قاليها جيتي زوينة مخسر عليها تاكلمة بالعكس عاد مزادت تعصبات
****
دخلو لاكلينيك تتبكي وتكحب..اكيد عرفاتها الطبيبة حيت هي عندمن تتدوز فعيادتها كيف لا ماتجيش لاكلينيك ديالها..دخلاتها لغرفة الفحص فحصاتها وضربات ليها البرا بالبكا ومخلاتهاش تمشي.. اصرات تبات على حساب الكونترول حيت تسدو ليها نيوفها..نقلوها لغرفة خاصة بعدما تكلف باها بالمصاريف..عطاوها بدلة المشفى لبساتها مكرهة وتتبكي والكحة باقي نفسها..دور الابرة هو بحال تسخني الذات كيضربوها صحاب حساسية تالبرد ضد البرد..كيضربوها الناس مرة فالعام وهاد العام سماح مضرباتهاش حيت كانت عوالة على العملية
***
فالدار تيليفونها فوق كوافوز بيتها ايصوني مرارا وتكرارا بنمرة منصور تادخلات كريمة تهز الكيسان تالعشوب لي شربات منهم وقشعات التيلفون فيه منصور..سرعان ماتذكرات اسمو..عوجات فمها وبدات المناقشة مع شيطانها تجاوب اه ولا لا..مجاتش فين تتاخد قرار تاقطع وقالت: الحمد لله مغلبش الشيطاان
تمات خارجة وياله بتحل الباب وهو يعاود يصوني وهي ترجع هزاتو بزربة وشدات الخط
منصور:(بصوت غليض)الو
كريمة:حم الوو
بعد عليه تيليفون تيتأكد من نمرة..وردو وقال: سماح؟؟
كريمة:لا اخويا هادي كريمة؟؟
منصور:ماشي تيليفون سماح هذاا؟؟
كريمة:تيليفونها اخوياا انا ختها
ستغرب منصور وقال:فين سماح؟؟
كريمة:مشات لصبيطار مرييضة
منصور:اش وقع؟؟(بريب)مالها
كريمة:جاتها الكحة على غفلة ففف واش نتا هو منصور؟؟
منصور:سي..اشمن كلينيك كاينا؟؟
كريمة:علاش بسلامة؟؟
منصور:(بعصبية)دابا لاش تتبعصصي علي..قولي اشمن كلينيك ولا بلاش
كريمة: ولايني راه فيه تبعصيص كي خلاتها هي..والله كون ماحشمت تانسبك..
منصور:ففففف
قطع عليها مخليها تدعي فيه فحين هو جمع الوقفة مخلي الكارو كينفث فيه..هز سوارتوو وخرج واخا معارف فين..اول مافكر فيه هو انها ممكن تكون فكلينيك فين لقاها تدير الكنترول..توجه ليه ديركت طااير وعقلو كيفكر واخمم..معصب كان كيتسنا هي يبرد ويرجع اهضر
نزل من طونوبيلتو ودخل ديركت للاستقبال وقال: بونسواغ..سيلفوبلي سماح ****
:واحد دقيقة
بقات تتقلب لثواني وهو تيتعصر بحالا فيه خرية وغتنزل..تانطقات:وي سيدي كاينا راها فشومبر 56 ايطاج دو
خدا سانسور للطابق وعقلو مخربق موعا على راسو تاوقف قدام بيتها..56..عاد فكر اش غيقول الى لقا شي حد عندها..تراجع فاخر لحظة وبقا فراس الكولوار تيتمشى واتسنا عالله اخرج شي حد..لكن بعد نصف ساعة خرج عثمان مغوبش هو والياس ..دار راسو كيقلب فتيليفون مداهاش فيهم هي تفاوتو مشاا بغا يدخل حل لباب بشوي وسمع هضرة زينب معاها ورجع تاني لوور..عيا امشي واجي ونزل للاستقبال ستفسر على حالتها لكن رفضو يعطيوه اي معلومة..سترشد لطبيبة لي شاداها ومشا لبيروها لقاها تتستعد تشوف المرضى..وقفها دغيا ونطق بالفرنسية:ممكن نسولك
خرج فحالو مخلي لاخر عاقد سبعة فربعة ومغوبش موصلش المرحلة اتعصب مي متحملش لاخر اهضر معاها هاكاك
سماح:منصور صافي ..راه موالفة معاه داك المزااح
دار شاف فيها مخنزر وقال:اتقطع داك المزاح الحامض ولا نقطع ليك رجليك
سماح:لتزيدش فيه..راه عشيري هذاك موالفين داك لمزاح
منصور:(بغضب )عشيرك؟؟عشيرك يااك؟؟وانا شنوو؟؟انا مونيكة هنا
سماح:واش نتا حمق؟؟اش جاب لجاب؟؟مالك تعصبتي من هادشي..الله يهديك
منصور:(بنرفزة)انا لي خاصني العقل..جاي لعندك ..(زاد خارح)الله يشافيك
ناداتو جوج مرات ماقاداش تاتنوض ياله بغا يخرج كانت زينب فاص ليه هازا قهوة فيديها..شافتو هزات حاجبها وهو تصدم وبقا واقف متوقعش اتلاقاها..بغا ينطق وهي تقول بابتسامة:منصور ياك؟؟
دارت ليه طريق وخرج كيغلي مخليها تتفرنس..كي دخلات عند سماح لقاتها مقلقة وقالت:جا يشوفك
سماح:كون هي مجاش..تضارب مع عادل؟؟
زينب:كان عادل هنا؟؟
يماح:ممم وتناقش هو ومنصور
زينب:كي وقع ليهم؟؟
سماح:(بملل)عارفا كح كح كح عادل مزاحو فشكل ولاخر سمع هاكاك معجبوش الحال
زينب:غار مثلا؟؟
سماح:(حركات راسها بنفي)لالا محال..كون غار كون قاليا بعدي عليه قاليا تبقاي تمازحي معاه نقطع ليك رجلييك
زينب:(بضحكة)ههه يقطع رجليك كاع هههه
سماح:(ضحكات)كيعجبني فاش كيتعصب كنحس براسي تنرد ليه صرف هه
زينب:(جلسات)هي حضي حضي ههه(غمزاتها)قلدة بعدا
سماح:هههههخخ كح كح كح كح كح شويا
زينب:لا قلدة نييت فههههه نعسي تساراحي شوي
سماح:والله الى عييت
زينب: رتاحي ابنتي
سماح:ونتي؟؟
زينب:انا نعس هنا فهاد لفوتوي نعسي غير نتي بعدا
بتاسمات ليها وغمضات عينيها كتقلب على نعاس ومرة مرة تتسمع الكحة ديالها تاغفات وراحت فسبات
***
فاقت مرتاحة بعد ما دوزات ليلة كاملة فسبيطار..لقات باها عند راسها مغوبش باقي..لبسات حوايجها وخرجو بثلاثة بيهم وهي تعلق فباها من يديه وقالت:واعتعت براكا من تعفاار
عثمان:كبرتي على لعصا اما نسلخك على فعلتك
سماخ:ههه واهي عجباتني الكسوة وصافي
عثمان:(ركب فطونوبيل وركبات هي لور وزينب حداه)معمري حبستك على شي حاجة فلبااس واخا لباسك مكيعجبنييش شي مرات تنسكت حيت تنقول بنتي بعقلها..بنتي مرزنة واخا معرت اشنو يوقع مديرش الخايب ولايني باش تديري هاكاك على حساب صحتك انخسر معااك(شاف فيها من زاجة)هاد المرة دازت المرة جايا تكون هضرة خراا
سماح: (سرطات ريقها)واخا ابابا
شدو طريق لدار فسكوت تام تاوصلو لقاوهم فانتظارهم فطرو مجموعين ضاحكين ناشطين تاتفرق كلشي من غير زينب لي دخلات تنعس ترتاح
اما سماح دخلات لبيتها هزات تيليفونها لقات بعض اتصالاتو دخلات ديركت لتسجيل المكالمات لقات اتصال منو فساعة لي هي مكانتش فدار..سمعات التسجيل وبدات تضحك عرفات كريمة جاوبااتوو..دوزات النمرة ديالو..صونا عدة مراات تا كانت غتقطع وهو يجي صوتو الغليض :ألو
سماح:(بغات تمازح معاه ورققات صوتها)ايوا يا حب عمري
منصور:(بصوت باح)ها تقحبين عاوتاني
خرجات عينيها وقطعات فالبلاصة تتفتفت اما هو حط تيلي ورجع يكمل نعاسو حيت مداه نعاس تا قرب الفجر..بقات تضور فعينيها من هضرتو هي بغات تمازح معاه ساعا حشمها ومركها..شافت فيديو فيه وحدة كتشد فصاحبها وتتقوليه ايوا ياحب عمري ازيك يا حب عمري وقالت نتمازح معاه ساعا لقاتو واجد تاهو..
*****
الساعة الحادية عشر فاق سي سيد مبجق بالنعاس وعينيه منفوخين..دخل دوش تاصحصح هو لول عاد لبس عليه حوايجو وخرج اصبح على مو..بتاسم ليها حيت لقاها جالسة تتشرب اتاي ودوزو بكعب غزال..باس راسها وقال:ها صباح الخير اميمتي
راضية:ببببب
منصور:بلا متعذبي راسك امي..ناشطة؟؟
حركات راسها باه وخوا لراسو قهوة شربها معاها عاد خرج لعملو ..شغل كارو اتنغم بيه وخالد كيتصنت ليه اقاد بيه المزاج مدوز خطها...بضع رنات عاد نطقات برعدة:الوو
قطعات معاه تتعض على شفايفها بخجل ..وكريمة فاص ليها مقابلة الطاجين وقالت:ضحكونا معاكم راه حنا هاجريينو
سماح:ههه مالك(جات حداها)توحشت نصايب شي حاجة حلوة
كريمة:هي لكفضتي على ذراعك وصايبتيها الحلاوة
سماح:(بمزح)ارا شي حليوة
كريمة:تالكوكو ههههههههه
****
مرت ثلاثة ايام دازت على مايراام..بين دوك جوج هي الهضرة فتيليفون مرة مناكرين مرة مصالحين..اليوم فلعشية كانت جالسة فصالة وهازا تيليفونها تتدور فالفيسبوك تاصونا تيليفون برنة جميلة وطلع اسمو "منصور"..بتاسمات وناضت لبيتها كي سدات بابو شدات الخط وقالت:الو
منصور:صافا الخايبة؟؟
سماح:حمد لله ننتا؟؟غبرتي نهار كامل
منصور: غاارق لرااسي والله..نتي مزيانة؟؟
سماح:حمد لله
منصوى:شنو منشوفكش؟؟
سماح:غدا نتشاووفوو
منصور:نشوفك هاد لعشية ناخدو قهوة بجوج
سماح:ممم واخا انا نشوف ونرد عليك
منصور:نوو قولي ليا وي أو نو..ماشي نشووف
سماح:فف صافي واخا نتشاوفوو
منصور:نتي راه واحد المسمومة منك مكاين..انا توحشتك ونتي منفخة علي
سماح:(حابسا ضحكة)هههه انا منفخة؟؟
منصور:منفخة وحاسبا راسك شي حاجة ولكن ديك النفخة انحيدها ليك انا
سماح:(بمزح)الى وصلتي ظهرك بووسوو
منصور:هي بلاتي تانتشاوفو..ياله سيري انا نتسناك هي توجدي عيطي لي
سماح:لا هي قوليا فين تتلاقاو انا نجي
منصور:فكافي***
سماح:واخا انا نوجد ونجي
منصور:داكوغ
قطع معاها وناضت حالا بلاكارها تتشوف اش تلبس..تجبد هادي وديك بحالا غتشوف الامير..مالبسات تا شحفات..كانت غدير ميكاب وهي تقول بناقص حيت لاح ليها بطريقة غير مباشرة انه معندوش معاه
وجدات وهزات صاكها وخرجات باست كريمة وخبراتها انها غتشوف عادل..
شدات طاكسي وتوجهات للقهوة لي دارت معاه فيها..داخلة كتقرقب بطالونها كضور عينيها عليه مالقاتوش تا صونا تيليفونها كان هو شدات الخط وقالت:فينك؟؟
منصور:دوري على ليمين
هي تلفتات وبان ليها من بعيد مشيك على الاخر وعاطي العين..دار رجل على رجل هاز كارو تيكمي فيه..شافها وطفاه..توجهات عندو دايرا بتسامة خجولة متوترة..وقف كيتسناها توصل لعندو..مدات يديها بابتسامة عذبة لكنو جرها بشوي سلم عليها بالحنك وقال:صافا؟؟
سماح:(حشمانة)حمد لله..ونتا؟؟(حكات نيفها)
منصور:جلسي
دار ليها طريق تا دخلات حشرها فالفوتوي لداخل عاد جلس هو وقال باريحية:ديما معطلة؟؟
منصور:(جغم هز لاخر من قهوتو ولاح عينيه لخوه لي كيشوف فيه)نمشيو ؟؟
سماح:ياله جلسنا
منصور:نتحركو شوي
سماح:واخا(جغمات من قهوتها)مم
منصور:ناخدو وحدة اومبورطي
سماح:لا براكا هه
ناضو بجوج بعدما طلب الحساب..شد فيديها وخرجو قدام عينين عبد الغني لي جالس مع صحابو تيحرك فراسو..
كي ركبو تنفس بعمق وقال :نحل ليك شرجم!!ضروري نكمي
سماح:(بتفهم)انا نزل وكمي نتاا
منصوى:لالا صافي هي خليك انوقف فشي بلاصة هنا نكمي ونطلع
سماح:الله يعفو هه
منصور:امين..
تحرك ساكت تقلب ليه المود خصو يكمي باش ابرد..بعد مسافة طريق قليلة نزل فالجنب وقال:خليك هنا
حركات راسها ونزل هو كيكمي كاارو عاطيها بظهر وهي تتشوف فيه وتتحلل..عارفا وعاقلة ان عبد الغني خوه..اولا من شبه الخفيف بينهم وعاد متنساش راها شايفاه فالسبوع ومزياان كاع
سماح:(بدات تتبكي)هءهءهءهء انا مسخوطة لي جايا نشوفك هءهءهء
منصور :(ضاير كولو لعندها)هي بشوي عليك ازمر
سماح:زمر هو نتاا هوو نتااا اععععع نااري طوموبيل حدايا نااري ويلي ويلي(مكنززة على الفولون)اعععع
منصور:زيري عليه كثر واش نتي شويا لبااس؟؟
سماح:(تتغوت)دخل سوق رااسك اعععع
غادية وتنكر وهو تيضحك فوجات عليه بتوترها..مع جات تضور من واحد رومبوان حط يدو على فخضها بدون قصد وقال:بشوي راكي ماشاداش الفولون مزيان
هي قاسها ففخضها بحالا خويتي عليها سطل تتوتر..محسات تا دخلات فطونوبيل من لور وقاستها وهي تغوت حبسات الفران بجهد..
منصور:اش درتي؟؟
شافت فيه وعينيها فيهم دمووع:وكلت فيك الله علاش عاطيني هاد الزمر ديالك
منصور:(شاف سيد هبط من الاوطو لي ضربو)متنزلييش انا نتكلف
سماح:(شدات فيديه)غنمشي للحبس
منصور:هه مسطية لا..انا نزل نتي تحولي لبلاصتي ..انا لي كنت سايق
سماح:اويلي والى دااوك للحبس
منصور:كالم اسمااح..ديري اش قلت ليك انا نحلها
نزل هو وهي تحول لبلاصتو بزربة تتعض على ظفارها وتشوف فيه كيهضر مع صاحب السيارة وتدمع..وتنعل فراسها تاتم جااي منصور حل الباب من جيهتها وقالت مخلوعة: شنو قاليك؟؟
منصور:غياان(حل بواط اكون لي حداها هز فلوس)خليك هنا
سد عليها عاود ومشا مد للسيد فلوس بلا صداع بلا مشاكل ورجع لعندها لقاها صفرة وتترعد وتبكي..
سماح:(بابتسامة عذبة)علاش تتقول هاكا؟؟نتا اه غامض وواعر..ولكن لي معرفكش خسرك..تانا فلول كنت تنقول هذا فشكل ومنفخ ومحاسبش الناس واش كاينين ولكن فاش عرفتك(بهدوء هزات عينيها فيه ونزلاتهم)عرفت بلي نتا انسان عادي هي كيخصك وقت باش تندامج مع نااس
منصور:تبارك الله على المحللة ديالي هه
ضحكات بشوي فحين هو سمح لراسو اقرب كثر والغي بعض المسافات بينها وبينو
الشيء لي خلا دقات قلبها تنبض بسرعة وعينيها ارمشو بزربة خاصة فاش رفع ليها ذقنها بيدو وجاو عينيهم فعينين بعض..
رجل الحزن شخصيا..رغم انه مرتاح معاها لكن لمعة حزن كاينا فعينيه..اما هو ففعينيها هام ومقدرش انوض عاود..بحال شي واحد غرق فشي بحر ومكيعرفش اعوم..نظرات متبادلة بيناتهم..حاضي ليها ديك الوحمة الحمرا فوق عينيها وبعض الخطوط الرقيقة تحت عينيها بالضبظ بلاصة الهالات..والشفار الكحلين الخفاف اما داك نويف لي مقاد وممقاد مكرهش اطبع عليه قبلة دافئة
فحين هي تتشوف فملامح وجهو المجبدة معندوش التجاعيد من غير النفخات لي تحت عينيه والهالات السوداء لي مميزاه
""الا تخبرك الحدائق السوداء حول عيني انني على وشك الانهياار""
تنهد حدا وجهها مقرب طامع فدوك الشنايف ياخدهم بين شفايفو..لكنها سرطات ريقها ونطقات بهدوء:منصوور لا
بقا على نفس ملامح وجهو متبدلووش وبعد شوي..كيمسح على وجهو وتاهي حمحمات ورجعات لبلاصتها تترجع شعرها ورا وذنها ولات حمرة..كان على وشك انه يبوسها كتحمد الله فداخلها انه مدارهاش..كتزير على العلبة وتسرط ريقها من شدة التوتر..
اما هو مركز فسياقتو بملامح مكتاسييهم البرود..محكرش ومدوااش بتاتا..حدو مكمل فالطريق..وباش احيد التوتر شعل موسيقى ومتجي هي فالراديو دايرين اغنية شيرين وزوجها حسام..ياله بغا يقلب وهي تنطق مجربة تسولو على الوضع:خليها
خلاها ليها محيدهااش وكمل الطريق والأغنية مطلوقة بينهم
***
.ياااه… يا حبيبي …. كل حاجة بحبها حبيتها بيك
ياااه … يا حبيبي … روحي ليل و نهار بتطمن عليك
كل ما بصحى كل ما اغني … كل ما يوم يعدي جديد
حبك ليا بيطمني …. مهما تكون حبيبي بعيد
اه ياللي طلعت بيك م الدنيا … دنيتي اني اكون وياك
حتى العمر لو فيه ثانية … تبقى الثانية عمري معاك
تمتمات بصوت خفيف بدون متحس بالاغنية: انا كل مابصحى كل ماغني كل مايوم يعدي جديد..
شاف فيها بنص عين ودار بتسامة خفيفة وكمل السياقة..واخا حبساتو عن لحظة مشتاق ليها لكنو طمر مبغاش اخصر الخرجة
حطها فبلاصة طاكسيات صغار وهي تحمحم تنطقات باحراج:بسلامة
شاف فيها بنظرة عادية وقال:بسلامة..تهلاي فراسك
بتاسمات ليه عرفاتو ممقلقش منها..نزلات وبقا هو واقف تا خدات طاكسي وشيرات ليه عاد جبد كارو كماه وتحرك فحالو..
الياس:كون كنت تقلقت كون جيت سلختك ملي كنتي تتكركري معاه
سماح:(خرجات عينيها)سكتت ششش
الياس:منيمتا وليتي تتخبي علي؟؟
سماح:معرفتش فففف
الياس:عاودي
جلسات تتعاود ليه بصوت منخافض من لول وهو كيسمع تالخر وهي تقول بترجي:مغتقولهاش لبابا يااك؟؟
الياس:(بهدوء)شوفي اسماح اي واحد فينا تيوصل لواحد المرحلة من حياتو تيولي محتاج للحب..انا مغنلومكش كاع..حيت تانا مدوز مع يسرا وبيت ولا كرهت راني كنت مصاحب معاها ..ودوزت معاها تانا وماشي غير هي راه تانا دوزت حقي ولكن لي نوصييك متيقيش..
سماح:تانتا بتقوليا لا ممزيانش ليك
الياس:علاش شكون قاليك شيحاجة؟؟
سماح:(تنهدات)ماما وعادل
الياس:كي فاش ؟؟
سماح:منصور اخويا طبعو فشكل..ماشي لواحد لي يجلس واجمع وكدا..
الياس:وشنو عجبك فيه؟؟
سماح:(بابتسامة)معرفتش..كمعاملة تيعاملني مزياان والله..غير هو ماشي بحال كاع رجال
الياس:ماقلنا والو هي ردي البال..وصافي
عنقااتو وتخشات فحضنو وقالت:مكاينش بحالو والله
الياس:ههه
تحل لباب دخلات زينب وعثمان شافوهم معانقين وستغربو
عثمان:فين مات شي يهودي
زينب:هههه الالة على ولادي معانقين..ديرو ليا بلاصة
جرها عثمان وقال:اجي كالاك تعنقيهم ههه
طلقات منو ومشات حدا الياس معنق وحدة من قنت وتيقلي ليه سم:حريم السلطاام هه
عثمان:الله امسخك
*****
دخلات لبيتها بعدما تعشات مزيان مع عائلتها الصغيرة واول مادارت بدلات عليها باريحية وتخشات ففراشها..هازا فيديها العلبة تالكادو لي عطاها..عضات على شفايفها بحب..وحلاتها بشوي للتفاجأ بخلخالين للرجل..ضحكات بخجل وهزاتهم فيديها تتفحصهم لقاتهم من نوع لي رقيق كيتلبس فرجل..لبساتهم بسرعة فرجليها وكتشوف فيهم باعجااب..هزات تيليفونها دوزات ليه ابيل عاضة على شفايفها..بعد بضع رنات جا صوتو مبحوح:الو
سماح:شكراا على الكادو عجبني ههه
منصور:عاد شفتيه
سماح:ممم زويين والله شكراا
منصور:بصحتك ازين..صوري ليا نشوفو كي جاك؟؟.
سماح:واخا ههه قطع
قطع فالبلاصة وصورات رجليها ليه وصيفتاتهم ليه فالواتس..كانت كتسنا منو ايجاوبها لكنو طلع في ومجاوبهاش.. عقدات الحضاش تاني تتقول مال هذا..دازت قسم قسمين ساعة ساعتين وسيد مجااوبش..فحين هو كان نااعس مجايبش لدنيا خباار بكثرة تاتعب نعس ونسا وماجاوبش ولاول مرة انعس بكري
******
واقفة كتسنا شي طاكسي ادوز لابسة جينز وتريكو دافي مع سبرديلة والخلاخل بجوج فرجليها..طبيعية بدون ماكياج شعرها دايرا ليه كوت شوفال..ركبات فاول طاكسي شدات ليها وعطاتها عنوان الكافي لي غتلاقا فيها بعادل..هاد الاخير لي لبارح دارت معاه اتلاقاو بغات تهضر معاه وتطيب بخاطرو..
عادل:براكا لقيتي هي نتي لي قبل عليك(غمزها)فين وصلتي مع خونا رماان؟؟
سماح:هه تافين..مال جدبوك داك نهار ركلاتك الصعرة؟؟
عادل:(منزاعج)نساي المووضوع صافي..
سماح:لا مغنساش..مخليتش ليا تافرصة فين نعرفك عليه
عادل:شاناهو؟؟تعرفيني عليه..لا اختي داك نوع ميصلاحش نعرفو
سماح:(بحزن)حراام عليك..نتا راك خوياا
عادل:حيت خوك تنقوليك داك خونا ميصلاحش ليك اسماح
سماح:شنو لي معجبكش فيه؟؟
عادل:كوولو على بعضوو..نتي هشيشة ودغيا تتدمعي وهذاك خونا قااسح ثيقيني مغيجيكش منو هي صداع الرااس والمرض
سماح:(شافت فجنب)نتا كتشوف فيه هي شخصية لي كتبان فلول(رجعات شافت فيه)والله اعادل الى مزيان..انا نيت فلول كانت عندي عليه ديك نظرة ديال منفخ وحاس براسو لكن مع الوقت عرفتو بلي ضريف عكس لي كيبين
عادل:اقدر اكون ضريف معاك لكن مع ناس راه ميسوا بصلة..
شكروه وبقاو واقفين ساكتين الا فاتي لي تتبكي وتنخصص على بنتها..علموهم بلي تحولات لبيتها ومشاو عندها كلهم..لقاوها ناعسة كي الامانة..طمنو عليها وخرجو برا اخليوها ترتاح
جر عثمان انس لبعيد وقاا:كي وقع ليها؟؟
انس:بحالي بحالك..كنت خدام تا عيطو لياا
عثمان:ميكونش بسباب داك خينا
انس:وراه يادلي بسبابو اخالي..(مغدد)خصني هي نعرفو اش داار
عثمان:متسرعش اولدي..خلينا تانفهمو اش كاين..انا نوصي سماح تهضر معاها هي قريبة ليها تقدر تعاود ليها
انس:اكون خير
عثمان:(عيط لسماح لي تمات جاية وتتبكي)مالك ابابا
تلاحت فحضنو تتبكي وتشهق وتاهو مسح على راسها وحتاضناها وقال:شووو ابابا سكتي صافي..محتاجاك هي درووك
سماح:ولد الحرااام الله يلكيها ليه ياربي..وتنوضي نتي تنتاحري
ضحى:معارفاش باش كنحس اسمااح..راه قلبي تشوا هءهءهء خاطب وحدة خرا وغتعيش داكشي لي خططت ليه انا ولي ترجيتو انا هءههءهءء ضيعت حياتي ووقتي وقرايتي وخدمتي على قبلو فلخر اجازيني بهاكا هءهءهذ
سناح:صافي سكتي دااباا(مسحات ليها دموعها)عسى ان تكرهو شيئا وهو خير لكم..الحمد لله ربي بينو ليك على حقيقتو..الله يطليه بهاديك لي دا ولهلا يردوو ..هو اصلا شيااطة وميسوا بصلة ملي مفرط فبنت بمية رااجل واقفات معاه وقفة الرجال ..خلي ايمانك بالله قوي كنتي معاه بنيتك ديك النية اتخرج فيه ياربي(باستها فحنوكها)ستغفري مولاك وطلبي يسمح ليك حيت كنتي اتمشي لا دنيا لا دين
ضحى:ندمت اسماح ندمت هءهءهء(نهارت بالبكا)ديت سخط ماما على قبلو كلشي تيقوليا عليه ميسوا بصلة وانا تابعاه كي البهلة هءهءهءهءهءهءهء
سماح:كلشي كيغلط عادي اختي(باست ليها يديها)خليه منو لمولاه ربي اينتاقم ليك منو اشد انتقام ياربي..غيعطيه ربي على قد فعلوو
غمضات عينهيا ودموع كينهارو من جنابهم..بحرا منعسات عاد خرجات سماح لبرا لعندهم لقات الاوضاع عادية...
انس:امدرا؟؟
سماح:نعساات اخوياا
انس:شنو السبب؟؟
تغرغرو عينيها وقالت:ولد الحرام خطب هءهءهء خطب بنت عمو ولا معرت شنوو
انس:(مغدد)ولد الكلب فففففف
جا عثمان حداهم وقال بشوي:شششش خليوها تاتبرا واكون خير
سماح:اه
مشات جلسات حدا عمتها كتواسي فيها هي وزينب شحال عاد تفقدات تيليفونها لقات قرابة خمسة وعشرين اتصال منو ..حمحمات وناضت مستأذنة منهم وتيليفون فيديها تتدورو هي تفاوتات دوزات ليه الخط شدها دغيا وصاح فوذنيها: فييين كنتيييي؟؟
سماح:(تتبكي)فكلينيك
منصور:(تهدن)علاش مالك؟؟
سماح:بنت عمتي حاولات تنتاحر
تنهد براحة وقال بهدوء:نجي عندك؟
سماح:لا كاينين دار هنايا هءهءهءهء
منصور:وعلاش كتبكي دابا؟؟كيبقات؟؟
سماح:(بصوت مغنغن)بقات فيا هءهءهء نتاحرات على قبل واحد ولد الحراام هءهءهء
سماح:فكلينيك*****..بلا متجي الله يعطيك ستر كلشي كاين هنا
منصور:متعصبيش راسك!!ولات مزيانة دابا؟؟
سماح:شويا وصافي..الله يشافيها وصافي
منصور:الله يشافي ..انا نعاود نعيط ليك من بعد..لخصاتك شي حاجة عيطي ليا
سماح:واخا
قطع معاها ومشات جابت قهوة ليها شرباتها ترد بيها مجاجها عاد رجعات حداهم تيتسناوها تفيق..تافاقت دخلو شافوها حالتها زاكية متتهضرش بزاف تتحرك هي راسها تاهوما محكروش عليها بقاو هي حداها فالاخير باتت معاها مها ومشاو هوما فحالهم..
انكسرت ضحى وولات جثة متحركة الى مهضرتيهاش ماتهضرش..متوقعاتهاش منو بتاتا..كان كلشي فحياتها وحاطاه محور حياتها..لي بغاها منير هي لي تكون لي قالها منير هي لي تكون..مخلاهاش منير تمشي لشي بلاصة مغتمشيش..معجبوهش صحاباتها كيحرمها منهم وتقول معليش كيخاف علي وكيبغيني لكنو فقط كان حالو من حال الشباب ..كيبغي علامن افرض رجولتو فمن احكم وفمن اتحكم..فمن ابرز اوامرو وملي كيشوف الوحدة كتسمع ليه كيلبس عليها العشرة
مرت اربع ايام خرجات منها ضحى غير كيما مولف ليها..لاحراك وهي ساهية..قلبها مكسور ونفسيتها مزفتة..معاها سماح خطوة بخطوة..ترباو بجوج وعزاز على بعضهم كتعتابرها اختها لي معندهاش..أصرات تبقا معاها فالدار تاتبرا
جات وئام من طنجة مسقط رأس راجلها لي مشات تدوز عند ناسها شي ايام تا كتفاجأ بخبر كهذاا..عابرات وسبات فمنير تاهيا تاعيات لكن الحقيقة المرة هي ان لي تدارت بيها كانت فكامل قواها العقلية بمعنى مابزز عليها ما فرض عليها هي لي خلات راسها تنصاع تحت مايسمى بالحب الوهمي
****
فجلسة نسائية جالسة فاتي ووئام وزينب وسماح كيحاولو اقنعو ضحى تمشي مع وئام لطنجة اكملو لفاكونص تفوج شوي لكنها رافضة
وئام:ياله ازمر تضوري وتشبعي ضوران شوي والا كاع بيتي ندفعو ليك تمشي معانا دوزي وقت فاسبانيا تاتولي شوي ورجعي
ضحى:(دابلة)لا اخالتي مابيتش بيت هي نعس وصافي
فاتي:ياهاد المزغوبة سيري دوزي الوقت زوين شوفي وتشوفي ونتي من نهارك سادا عليك فهاد البيت هازا ليا المشقوف..ها حالة لي يتبع المشقوف
زينب:(بعتاب)فاتي صافي براكة..(بهدوء)ضحى بنتي الله يرضي عليك الى بدلتي المدينة والجو اتولي مزيان..سيري فوجي ضوري شمال وبدلي الجو ترتاح نفسيتك
سماح:الحياة معمرها كتوقف..كتوقف فحالة ما وقف القلب..غتنساي مع الوقت..الوقت كينسي كلشي (بابتسامة)ربي كيبغيك لي بينو ليك من اللول تصوري كون تزوجتي بيه وتعيشي فالعذاب اختي..ربي مكيبعد عليك شي حد الا وفيه الخير
ضحى:(تنهدات)تاحد فيكم مغيفهمني
وئام:شوفي حرقة اديرها بيك شي واحد والات عادية فالمغرب ..حيت ولاد الحرام ولكن الحياة مغتوقفش هنا..باقي قدامك الحياة مالو جد بووه علي داير كي الخرا
فاتي:بالحرام واش زوين...حالتو متنعرفو غادي ولا جاي محوزق هادي لي داتو اتبقا دير مظاهرة على فلوس الحمام هههه حالتو مدخليهش من شتا الى كتصب..اما الى كان صهد هي ديال تخليه اتقلا..هادي لي غتزوج بيه خص دينمها شي تورنوفيس تزيرو شوي
ضحكو كاملين اما ضحى دارت بتسامة خفيفة ونطقات سماح:شوفي تبارك الله زين وتبوكيصة ومتمشيش لشمال..سيري راه تيقوليم الى بغيتي الزين طلع شمال
مدات ليها مها كاس تاتاي:وكدي ابنتي الله يرضي عليك..ميستاهلش الراجل خليه هو يتبعك وادير ليك الخاطر
شداتو بصمت وقلبو الهضرة بعدما قنعوها بالشمال..فوسط حوارهم صونا تيليفون سماح شافت لقات اسمو ناضت بشوي بلا متعيق دخلت لبيت ضحى وشدات الخط :الو
منصور:سماح
سماح:صافا؟
منصور:تخي بيا ونتي؟؟
سماح:حمدلله
منصور:باقي مشغولة؟؟
سماح:نوو راني دروك بوحدي
منصور:متخرجيش نشوفك؟؟
سماح:حمم معرفتش(حكات عنقها)واخا نشوف كي ندير.
منصور:راك ماشي صغيرة باش تقولي ليا نشوف كيندير؟؟
سماح:ماشي هاكاك غير مبغيتش نخلي ضحى بوحدها
منصور:ممم واخا..باشما كان ردي علي..نتشاوفو نتغداو اونسوبل
سماح:حم واخا..انا نلبس ونخرج
منصور:نجي نديك؟؟
سماح:لا بلاش نعت ليا هي فين
منصور:انا نصيفت ليك لوكاليزاسيون
سماح:واخا
قطع عليها وتنهدات هي الاخرى..قضية ضحى نوضات عليها الماجع بشكل كبير..خرجات عندهم وقالت:ماما انمشي لدار نقضي شي اغراض لالياس ونجي(شافت فضحى)دودو هي شي ساعتين ونجي
ضحى:هي سيري
هزات مسائلها وبدلات عليها وخرجات شداتها ديريكت للدار عندهم..لقات هي كريمة ويسرا بدلات عليها بسرعة وخرجات شادا طاكسي للعنوان لي صيفت ليها..كي وصلات دارت بتسامة خفيفة مغتنكرش تاهيا توحشات تشوفو..دخلات كتقرقب بطالونها كتقلب عليه تا لمحاتو من بعيد عاطيها بالظهر جالس رجل على رجل كيطفي فكارو..توجهات لعندو راسمة بتسامة حلوة وخدودها مهزوزين للفوق من البسمة..كي وصلات حداه قالت:منصور
وقف دغيا وتلفت ليها حط الكارو طافيه داير بتسامة خفيفة على محياه..محسش غير وهو جارها عندو مدوز يدو على كتفها محتاضنها بذراعو بتعنيقة خفيفة وقال:الخايبة
سماح: (حمرا)ههه لباس؟؟
منصور:(بعدها على حضنو شوي وشاف فيها)عاد وليت لبااس(جر ليها كرسي)جلسيي
حكات نيفها من ريحة الكارو وجلسات بهدوء والابتسامة فالتا ليها..لاحظات ان ملامحو تفكو شير للسرباي وطلب منو اهز طفاية..وهو يتلفت ليها وقال:مالكي دافعة علي زينك غالي هاا(طرشها بشوي لحنكها)
سماح:قلت هي توحشني شوي ههه(كتعوج فراسها)
منصور:لا هي طولي هه صافا؟؟(شد يديها حطها عندو)كتباني عيانة؟؟
سماح:هي مع ضحى وصافي؟؟
منصور:ضحى سي تاكوزين؟؟
حركات راسها باه ونطق:كي بقات؟؟
تنهدات سماح كأنها المعنية بالامر: مهرسة كااملة
منصور:نوغمال..راه ثاقت بزااف
سماح:ديما كنبقا نوصي فيها متيقيش فكحل الراس راهم ولاد الحراام وهي والو
منصور:(هز حاجبو)كامليين؟؟جمعتينا جملة
تنهدات وشافت فيه:غدرها الكلب مع بنت عمو ولا معرت(غرغرو عينيها)تصور معايا كان محكم فيها بزااف ولي قالها تديرها وفاخر ازمتها هاكا
منصور:(مركز معاها)ماشي راجل وتاهيا ماشي مرا نييت..واش مكاين شي واحد فهاد زمان كيثيق باقي..
سماح:(شافت فيه بنظرة غريبة)كااين..انا تنتيق فيك
منصور:ثيقي بالحوايج لي كنقول بفمي حيت مكنخرجها من فمي تاكنكون كنعينها غير هادشي متيقيش..
طالقين اغنية ديال الشابة ديال خالد و تاضحك معاه ناسيين العالم تتاهو عاطيها الخاطر طايح عليه واحد الهدوء خطير حمقها..وصلو للبلاصة وباركا الطونوبيل وقال:انا خصني نكمي(هز قهوتو)هاني راجع
سماح:هه سير الله يعفو عليك
منصور:(نزل)الله يبليك
بعد شوي وشعل كارو عاطيها بظهر وهي تتشوف فيه من الشرجم..مفورمي عامر بزاف من الفوق واخا الكريشة الخفيفة ولكن عاطي العين..بتاسمات قبل مايقاطع ابتسامتها رنة ميساج من عادل..حلاتها لقاتو كاتب ليها:افين ابزي
سماح:هانيا الحمار؟؟
عادل:حسن منك..فين هادشي؟؟
سماح:فسوق تالفين ههه توحشتك
عادل:من نيتك هه كي بقات ضحى؟؟
سماح:شويا وصافي
طلع حداها وماحساتش بيه كان تتفرنس وتكتب تت نطق:اش مضحك؟
دخل لفيديو ديالها بصدفة فيه يا سيادي الاخت سماح هي بالفوطة تتبوزا بوجهها ونص فصدرها بااين هي شافتو بكل قوتها طارت عليه مخرجة عينيها وصاحت :منصوور لا
ضحك وبعد تيليفون بغا يتتفرج تحس بيهاا تجبدات عندو قريب تولي فوقوو ..هي حس بثقلها عليه شوي على فخضوو وايدها تحطات علييه تبنج ..هز ايد حاوطها من خصرها في حين شدات تيليفون بغات ترجع لبلاصتها تلقات راسها مزيرة..
..سرطات الريق مرعودة وقالت:طلق امنصوور طلق تت
منصور:شوفي فيا (برك على خصرها تاهزات راسها فيه )سمااح
سماح:هانا ش..
بدون مقدمات زيرها عندوو تشهقات ف فموو ...وبقبلة جامحة كتاسح شفايفها رجعها بيها لحضنو.. شاد ايدها لي بغات دفعو بيها مزيرها عندو ...كيبووس بوتيرة سريعة وكيشلقم فدوك شفايف لي احلى من العسل..مشدات فيه والوو مصدوومة ومشووكية كتحس بفمو مختارقو بشفايفوو وليد لخرا فعنقها كيداعبو..
كيمص ويجر فشفايفها ويتنهد وايديه سارحة فخصرها المكنزز...للحضة مشات معاه اسستحلات تبوريشة لي هزاتها عن ارض الواقع شوي وقلبها لي غيسكت حسات بايدو على كتاافها وخصرها كتمشي كثر وصووت لبووسة كيتسمع فوذنيها...للحضة غاب لعقل والشهوة غلبات حط ايدوو على صدرها وبعزو بايدوو كان طلق من ايدها ...ضربها الضوو وجمعاتها معاه بطرشة دافعاه وقالت:حمااار
وعا على راسو وشاف فيها شاد حنكو لي قدر استوعبو فديك اللحظة لي فيها هو صوت بكاها المتصاعد وهي تتحل لباب..موكد نييت تاكانت نازلة تتبكي وتتزرب فمشيتها ..تبعها بزربة جرها من يديها تا وقفات مخنزر وقال:سمااح
دفعاتو بقوتها كااملة وقالت:سييييبر بعد منيييي(وجهها حمر بزااف ودموعها شلال)بعد مني الحيواان الحماار الله يحرق طاسيلتك الكلب(تجننات)اعععع
بالجنون لي فيها غوتات فوجهو مخرجة فيه عينيها: هضر بالعقل نتا لي معندكش اصلا..معقد ومريض فمخك..سايرتك هادشي كولو حيت كيحسابني راك بنادم سااعا والو يما تنقول اليوم اولي شوي اليوم اتكاد ساعا نتا اكبر ولد الحرام شفتو فحيااتييي...باغي تامل الحلوة وتنضغ المسكة هااااا(صاحت فوجهو)سير الله ياخد فيك الحق الله ياخد فيك الحق (جمعات دفلة وحطاتها ليه عند رجلييه)تفووووو على نهار لي عرفتك فيييه
صدماتو وخرج عينيه فيها..ديك القطيطة والانوثة كاملة خرج منها هادشي..لكن هضرتها دخلات ليه لاعماق قلبوو..حس براسو حيوان وبحالا غتاصبها كان كيظن عقلها شوي منفاتح وهادي ماشي اول تجربة لكنو تأكد منها انها بنت نقرة صافية..مسح على وجهو وشدها من يديها بترجي:سماااح صاافي برااكا متخلطييش فالهضرة
غوتات فوجهو:عمرررك تعاود تحط علي يديك ولا تعيط ليا ولا تبان فطرييقييي..
دازت فيه ومشات تتجري وتبكي كأنها تغتاصبات..مكرهاتش تنهش لحمها واي بلاصة قاسها هو بيديه لي مكانوش كيعرفو الحباسات اما هو بقا مصمر واقف وكيغلي من الغضب معرف اتبعها معرف اش يدير..وهضرتها كدور فعقلوو..حس بغلطو وركب طونوبيلتو تتم تابعها وهي تتبكي وتجري وتقول ماجريت تا مشا فيها النفس
وجهها كولو حمر وفازك بدموع وقلب منكسر..نجارفات وراء احاسيسها وخلاتو اقرب ليها..عافت راسها وعاغتو هو..تقدر كاع تقول الشعلة لي من جيهتو طفات..والفضول من جيهتو برد..وباختصار كرهاتو قبل ماتحبو
اما هو بقا تابعها وكيكلاكصوني عليها ساعا والو تتمشي وتوقف وتبكي..طريق شبه خاوية..تتقلب فساكها لقات تيلي نساتو عندو..تخنقات وعياات بالمشي..مبان ليها هي دير اوطو سطووب وهو كيشوف..
نزل من السيارة لعندها واقف قدامها كيحاول اهضر معاها:سماح الله يهديك والله ماقصدت..هي زلقت..سماااح(عزات عليه تتبكي بحرقة)سمااح
شافت فيه بانمسار وصدرها تيطلع واهبط ونطقات بجملتها:عمري نسمح ليك ..درتك الفوق ونتا حاسبني التحت..قلت مع راسي هذا ماشي بحال لوخرين هذا عجبتو انا ماشي اتبع شهوتو هءهءهء(تنخصاات وشهقات)الى حسابك انا منهم فراك غالط.
منصور:الله يرحم ليك الوالدين الى ماسمعيني..انا معمري ظنييت فيك شي حاجة الله يهديك..جات بصدفة وصاافي مقصدت فيها والو
سماح:الصمت
زفر هو الاخر كيشوف راسو مغيجيبش معاها نتيجة وتتتبان منكاسرة بزاااف..قرب منها وجرها لعندو زير عليها بتعنيقة وهي تترطا ليييه بغات تفك منو وتتغوت لكنو مزير عليها وقال :سمحي ليااا..صافي هي ياله نوصلك
تتنطر وتغوت:طلق منييي وكلت عليييك الله هءهءهءهء عيفتينيي راااسي
منصور:(بحزن)صافي عفاااك..ياله نوصلك
سماح:بعد منيييي(بانهيااار)حرااام علييييك كي ندير نشوف فبابا وماما هااا كينديرر؟
منصزر:(شد يديها محتاضنهم والندم مكتسحو)وحق لي شانو عظيم..ومعزة مي عندي ماحسبتك بنت زنقة..ياله نوصلك راك عياانة ومن بعد ونهضروو
شافت فيه ببرود ومشات طلعات حداه..زفر تاهو وركب حدااها محرك بسرعة مداتهاش فيها يتاتا..تتبكي وساهية..دموعها مزكااوش وتنخصيصها كذلك هي دخلو لمرااكش نطقات بجمود:حطني هنا
وقف وبغات تنزل وهو بشدها وقال:الله يهديك
سماح (بدون متشوف فيه)متبقاش تبان فحيااتي
لاحت يديه بانكسار ونزلات تاهياا تتمشى وتبكي..خدات طاكسي ومشات لدارهم تتنخصص وتندب..ندمات اشد الندم عليه وندمات اكثر انها عطاتو فرصة..حسسها فلحظة انها مجرد امرأة..عابرة بكلام عابر..بجسد عابر والاهم باحساس عابر
من طريقتو فالتقبيل كان ملهووف وتيقبل بشهوة ويديه لي مرصاوش من خصرها..خلاوها تنخصص وسط الطاكسي وتكبح شهقتها..
فبيرو ديالها فمحل تنظيم الاعراس جالسة تتدير تصالات بخصوص بعض الألبسة اوصلوها..باهتة من دون ولا نقطة ماكياج..شعر مجموع باهمال ربطة مهملة..لابسا سبور تكتحس بشي خيال واقف عند راسها..مع هزات راسها بان ليها هو..بشحمو ولحمو..منصور دين ران بعد غياب شهر ونصف بلا خبر..
هاز كيف ديما سوارت وباكي تالكارو وتيليفوناتو بجوج..كيشوف فيها بجمود وبرود كثر من لول..كأنه مكيعرفهاش..اما هي تصدمات وصدمة اخر موقف رجعات معاها
#فلاش باك
كي وصلات لدارهم طلعات تتجري مالقات حد من غير كريمة لي كانت تتسيق طواليط..ديركت لبيتها تتبكي وتنخصص..سدات عليها وطاحت على ركابيها تتبكي وتشهق وتضرب فراسها بجنون وهستيرية..عايفا راسها وكارهاه..دموعها عمرو وجهها والسبب قبلة بدون سابق انذار..
دخلات الحمام مهدودة بحالا عرجة تتبكي وتعاود وتنخصص..شافت راسها فالمرايا وشفايفها لي منفوخين تفكرات كيفاش باسها وفطونوبيل..تأنيب ضمير واشمئزاز من النفس وكراهية لا متناهية لراسها..نفاجرات بالبكا وغطات وجهها بيديها حشمانة من راسها..
حيدات حوايجها بهستيرية ودخلات تحت الرشاشة ديالها تتغسل وتفرك لحمها بقرف وتبكي..عايفة راسها وكل ماتفكرات بلاصة قاسها فيها تتفركها مزياان..كرهااااتووو وكل اعجابها بيه تبخر..
مخرجات تادازت ساعة عاد خرجات مهدودة لبسات عليها بزز وتوجهات للقبلة صلات العديد من الركعات طامعة فالتوبة لي تخلصها من هاد دنس كيما تتسميه هي
منصور:(باستهزاء)وعاريتي هااا؟!!!تعلمي بيا علمي..سيري جري طوالك الى تتعرفي مول البلاد سيري عندوو
سماح:(بنرفزة)اشباقي بيتي عندييي؟؟
منصور:(بتحدي)نتي لي باغي..وغتركبي دروك وتسمعيني وبزز عليك
سماح :اش كيحساب ليك راسك؟؟انحني ليك الراس بحال اللول..تتعصب من اي حاجة وتقرص من اي حاجة ونسكت ونقول حشومة اسماح متكونيش لالة منانة ونكاارة انفر منك ..ديك سمااح اسي منصور بااااح ودابا هز قجقالتك وسير فحالك الا عندك شوي تنفس سير فحالك
زير على يديها بعنف ونطق بين سنانو:معاك ماعندي نفس وماعندي عقل وفينما بغات توصل توصل..مكاينش لي محمقني فيك قد هاد الراس القاسح ديالك(بهدوء مخفف شدة اليد)
سماح:(بغضب تتشوف فعينيه فاص)وانا مكاينش لي مكرهني فيك قد فعايلك الخايبيين..معمري نسمح ليييك على شنو درتي فيااا
منصور:(حل باب الاوطو ديالو)طلعي هير نتحركو من هنا
سماح:مطالعاااش سيير فحالك
زفر وطلق منها وعروق راسو ايطرطقو معاها عصباتو علاين اطيح ولا كينهج وهي عيني عينيك تتشوف فيه ببرود:الله يهديك طلعي راه عصبتيني..
سماح:سير فحالك
جرها بجهد طلعها وحصرها بجسمو وقال:ومعزة ماماك وباباك عندك الى مارصاي هي ندويو..(زير على يدها)
سماح:(سرطات ريقها)واخا تخطب تال الصباح والله منتيق بهضرتك
سد عليها الباب ودار بجهد لجيهتو كيطلع تنهد برااحة..وهز الما جغم منو كيرد النفس وهي مربعة يديها تترعد وهو يتحرك منيرفي ..عصباتو ولعبات ليه على الاعصاب ديالو كون مكانش عارف انه غالط كان ممكن اسمح فيها وازيد..كيجرح وكيداوي هذا هو حالو وهي من نوع لي بكااية ولكن متسمحش فحقها..اتسبك وتعايرك وتبكي..ولي مخليه باغيها كثر انها دغيا تتفش..
الصمت سيد الموقف بينهم..هو تيزفر خاصو كاارو معاها وهي كثر منوو..كتغلي وقلبها من جيهتو باارد..شافتو خارج برا مراكش وهي تنطق كي سم:فين غادي بياا؟؟
منصور:(مركز فطريق)الله يهديك اسماح..واش انا وياك باقي ديال نتناقشو فالقهاوي
سماح:(نقزات )صراحة ياله نمشيو للخلا حسن(باستهزاء)
منصور:(زفر)صبر يااربيي..مالك وااعرة
سماح:انا اسيدي واعرة ومنسوا بصلة وقليلة الادب وتافهة ومملة هي بعد مني
منصور:(دار بتسامة وشاف فيها)واخا هاكاك نتي راك سماح..القلب الكبير
عوجات فمها وضورات راسها لجيهة خرا متجاهلاه وماعندهاش ليه الخاطر..هزيتي وحدة وحطيتي لوخرا من جيهتو
خرج على مراكش ووقف فطريق فبلاصة بحال الغابة وقال:نزلي
سماح:جايبني للخلا هاا
نزل وخلاها تانزلات تاتقلى وترطا هي بوحدها..كون لقات تجبد ليه وجهو..وقف فاص ليها وشاف شحال كتبان عيانة..تنهد وقال: متفهمينيش غلط اسماح داك نهار..اقسم بالله الى هي لحظة وصافي..مشعرتش تا بستك(شافها عوجات ملامحها بقرف معجبوش الحال)
سماح:دابا نتا ضارب بيا هاد طريق كاملة باش تقوليا هاد جوج كلمات لي واخا تحلف ليا بمعرت اش مغنتيقش بيهم
منصور:(مسح على وجهو وقرب منها)الله يهديك اسماح..عارف راسي غالط والغلط راكبني من ساسي لراسي..مكانش علي نقرب ليك بديك طريقة ولايني راه شهوتي غلبات
منصور:(مسح على وجهو من جديد)دابا الله يسامح..انا غالط وجاي طالب السماحة..كوني نتي مولات العقل
سماح:(بهدوء)ديما انا مولات العقل وديما انا لي خصني ندير لما منين ادوز حيت شنووو؟؟شنو رابحة منك ؟؟
منصور:(بهدوء اكثر)حيت نتي سماح..(شد يديها زير عليها وركز عينيه فعينيها)نتي لي ديما تتسمحي ليا واخا تندير شي فعايل ديال تقتلييني
جرات يديها ببرود: تادابا سمحت ليك(لمحات شبح بتسامة على وجهو )ولكن متبقاش تبان فحياتي مرة خراا..مابقيتش بغيت نشوفك
منصور:(لغى الابتسامة)شهاد الهضرة؟؟
سماح:(دورات وجهها)كي تتسمع..مجاني منك هي صداع الراس وصافي..كتضحكني شوي وتهجرو ليا ..كون كنت عزيزة عليك غير قد هاكا(رجعات شافت فيه بانكسار)مكنتيش تجلس شهر ونص عاد تجي تعتاذر
سماح:(جرات يديها)شد يديك عندك وردني منين جيت حسن ليك..انا منصلاحش ليك ونتا متصلاحش لياا اللهم تيقار حسن..نتا باغي لي تزبلها وتبقا تسمح ليك وانا قلبي من جيهتك عمر
دور ليها ذقنها عندو ونطق بحنية: اقسم يالله مكنت قاصد..ومعمري حسبتك بنت الزنقة ولا شي حاجة..داك لوسخ لي تهمتي راسك بيه راه تنعرف فين لقاه..ملي بستك ..بستك حيت تحركات شي حاجة فيا من جيهتك..حيت عجبتيني وحيت دخلتي لقلبي..مقصدت فيها لا نقلل منك ولا نجرحك.
سماح:(سرطات ريقها وعينيها ضببو فاش تفكرات اللقطة)قللتي مني وبزااف..شنو معنيتها؟؟كنتي من لول داخل لهاد العلاقة هي باش ترضي فضولك وصافي..مهاماكش امنصور..تا تفصيل علي معاقل عليه..تنعاود ليك شي حاجة ونلقاك ناسيها..تنصيفت ليك وتطلع لي في وتنساني الى مرشقاتش ليك مكتعيطش ليا..كنعيط ليك وتقول ليا متفرعيش ليا مخي..شنو مزال؟؟عطيني ولو لحظة وحدة تخليني نبقا معااك
منصور:(تقاداو ليه)شنو دابا كتحسبي ليا ففعايلي الخايبين؟؟انا نحسب معاك ونحسب ليك تا فعايلك نني..نتي مولات القلب الكبير لي تنجننها بفعايلي وتسمح ليا..نتي لي كنعصبها بهضرتي وتتميك وتصالح معايا..نتي لي متعزيش فيا الهضرة زوينة..ونتي لي تتشكريني وتقولي ليا نتا زوين وضريف والله يعمرها داار ولي ماعرفك خسرك(هز يديها باسها من القاع)منقدرش نتفارق على وحدة شايفاني زوين واخا ناس الكاملة شايفاني منسوا بصلة(عاود قبل يديها بحنان)ديري فيا لي بغيتي..باشما حكمتي علي انا قابلوو
شداتو مترددة وفعلا كانت صورتو لابس المحرم كايبان طايح عليه النور والهداية تحلفي عليه مايكمي مايشرب ما يشم..تحلفي عليه جبهتو مكتحيدش من الارض...بقات تتشوف فيها وكتزومي بحالا كتأكد واش لي وراه الكعبة..وهو حاضيها كي ولات..طبييعية بدون ماكياج كي كيحبها..الشعير والخلفة والتوحيمة..داير شبح بتسامة شويا هاهيا دوزات تصويرة لقات تصويرتو هو ومو وقالت متسائلة :شكون هاد المرا؟؟
منصور:الواليدة
هزات فيه راسها كتأكد لقاتو عادي بنظرة عادية وقالت :مريضة؟؟
منصور:ماحجيتش درت هي عمرة (حرك طونوبيل)قولي ليا عمري
شافت فيه وقالت:باااز ياله جاي من العمرة وجاي تتقلب علي..غاسل ذنوبك وجاي تتقلب على لوخرين
منصور:هه باش تعرفي معزتك..(مد ليها تيليفون)هذا تيليفونك نسيتيه داك نهار
سماح:مابقيتش بغييتوو ربح بيه
منصور:(حطو ليها فيديها)شدي..(بهدوء)مقلبتووش
سماح:الصمت
تم راجع بيها لمراكش ونطق بهدوء:نشربو كافي
سماح:ممسالياش عندي مايداار
منصور:(مركز فطريق)ساعة مدات مجابت
سماح:(ببرود)دات وجابت..خليني عليك هاد ساعة امنصوور..فعلتك نموت ومنساهاش..مغنجيش ونسرطها
خلاها على راحتها حيت بهاد المعنى دخلاتو فجواه وعطاتو علاش تيقلب..قال اللهم العمش ولا العما..حطها قدام المحل بعد مسافة الطريق الهادئة بينهم..مدواتوش باقي حدها شادا راسها من شعرها وساهية..خربق ليها الافكار من جديد..نسبة كبيرة فيها كارهاه ومقدراتش تشفع ليه..رغم ان غضبها من جيهتو طفا حيت الوقت تتبردك من جيهة الشخص..
نزلات بدون ماتقوليه شي حاجة..تاهو سكت وزفر مخليها على رااحتها..مدواهاش باقي المهم دوا معاها
جبد كارو كيشعلو تا شافها دخلات عاد تحرك والوجهة المدارس ديالو..دوز فيها يومو كاامل بسبب غيابوو من مدرسة للوخرا
اما هي غادرات خدمتها مع الوحدة هاكاك حيت تابعها عرس فليل..كي دخلات لدار توجهات لبيتها ديركت..تكات بحوايجها تتفرك شعرها وتتفكر فيه..رجع اشغل تفكيرها من جديد..محسات براسها تاغفات مفاقت تال العصر مغوبشة وراسها تيزدح..دخلات خدات دوش تصحصح بيه لبسات عليها وخرجات تتجمع شعرها لبرا لقات كريمة مقصرة على اتاي والحلوة هي ويسرا
سماح:سلام
يسرا:فقتي هه عيينا فيك تفيقي للغدا
كريمة:هاديك راه تتموت على نعاس هه (خوات ليها اتاي)هاكي كااس
سماح:هذااك المسخوط بغا يدخل اللعاقة صحا..جاوه عراسات بزاف تاولينا تنخدمو كل نهار..انا وسعيد وهو
كريمة:خصو يزيد لي يخدم معاكم..شوفي الى با انا نشد ليه العراساات حق الله تانفرحكم
سماح:هههه اهاه مرحبا ازين..شدي لينا هي الغرامة خاصانا شيخة
كريمة:هههههه والله تانعجبكم اصلا تنعرف هي نلوز ونحزم هههه
يسرا:وتنقي القزبوور هههه
سماح:ههههههه نوض نمشي نوجد معاهم ياله نوصلو للعرس
كريمة:الله يسر ليك ردي البال لراسك
سماح:(رسلات قبلات هوائية)باي باي
خرجات هازا صاكها فيدها وخدات طاكسي لخدمتها..فطريق جبدات تيلي القديم حلاتو لقاتو مديشارجي..تنهدات تاوصلات الخدمة لقاتهم كيوجدو فالماتريال وتا الياس تما..فرقو الخدامي بينهم وكلها قصد شغلو..هزات باور بانك دارت مشقوفها يتشارجا القديم وكملات خدمتها من تجهيزات
****
منتصف الليل واقفة بعيد مع دري خدام معاها كيسكانيو ليشوفو شي مشكل لكن والو كلشي هو هذاك
عماد:تتفوهي فيك النعاس؟؟
سماح:خصاتني قهوة
عماد:انا نجيبها ونجي
مشا عماد مخليها وسط صخب العرس وكلشي كيشطح نايضة على المزيان..جبدات تيلي لي تشارجا ولقات فيه اتصالات من منصوور كثيرة شي شافتو شي مشافتووش ومبغاتش تجاوب حيت هازا من جيهتو
حسات بشي حد حداها وبدون متهز العين مدات يديها وقالت:ارا
حسابها عماد لي جاب ليها القهوة لكن خاب ظنها فاش شافت يد رجولية تحطات على يديها وهزات راسها بسرعة باش تفاجأ به..الماضي شخصيا قدامها
شاب قدها فللعمر لابس لباس زويين وانيق بلحية كثيفة كيجذب من بعيد داير بتسامة ووقفتو ممقاداش
عطاتو النخال ودازت تتقلب على عماد شدات القهوة وعينيها كيضورو وقلبها كيضرب على جهد..ماشي اول مرة تشوفو بعد سنين الفراق
اسامة..الحب القديم لي كانت سماح تتوفى عليه وتتموت عليه..دوزات معاه عامين طويلة بحلوها ومرها وفلخر زاد وخلاها ملي شدو ديبلووم بدلاتو الايام ومبقاش مفاهم معاها وتفارقو
متسوقاتش ليه حيت قلبها برد من جيهتو..لو جاها فوقت اخر كان ممكن تكون احاسيسها فشكل لكن دابا مجرد وهم داز من حداها..على قولة محمود درويش:عابرون بكلام عابر
العرس على مشارف الانتهاء..وكلشي في امان الله وعينين ثاقبة كتشوف فسماح من بعيد..عيون ماموكداش بسبب الخمر..شارب شوي حيت العرس ديال ولد خالو..العريس براسو ونااشط نييت من الشراب
البسة الأخيرة وتودعات العروسة مع اهلها وبقاو ليكيب تسماح كيجمعو ماتريالهم..تخلصات فالباقي وهي فرحانة حيت العرس تكلل بنجاح..
خرجات واقفة عليهم تيجمعو كلشي مكمشة من الريح لي ضارب فصباح..تا جمعو كلشي وتيسرو بقات هي وجوج دراري لي باقي تيعاونو النكافة تهبط شغلها..
للحظات حسات بيد تحطات على خصرها تلفتات بسرعة مخلوعة لقاتو اسامة بوقفة غير طبيعية تيشوف فيها بعينين معسلين:الزيونات
سماح:شد يديك شهاد قلة الاحترااام هاا
اسامة:هههه والله تاتوحشتك..توحشت فاش تاتقمعيني
سماح:(سرطات ريقها)سير فحالك من هنا حسن ليك(افافت)بنادم مريييض
عطاتو بظهر متجاهلاه ووهو يتلاح عليها من لور مزيرها من خصرها كيضحك وقال:ههههه انا مريييض أنااا هاني قصتك هاااني قصتك
تصدمات وتزيرات حيت مزير عليها ممتخيلاش شي حد اشدها هاكاك وبداك القرب بقات كتنتر وتغووووت وهو مزير عليها حيت مواعيييش بالشراب
غوتات غوتة صمكات ليه وذنيييه تاطلق منها تيضحك وهي تتنهج بعدات علييه خايفة وصرخات فوجهو: الله ينعل الحمار تاع بوووك الكلللللب
اسامة:ياك المرضية ههه الحمار تاع بووياا كااع طوال ليك اللسااان(كيقرب منها وهي تترجع لور)
سماح:(تتترعد)اقسم بالله تاندمك وتقرب مزاال(تتعيط على دراري)جمااااااال(بصوت مرتافع)عمااااااااد
اسامة:ههههه هادا صحيبك جديد ههههههه(مشيتو مزاكياااش شدها من شعرها)
هز يديه تالشما ونزل عليها بتصرفيقة تا تقلبات للارض وطاحت مصورة يدو فحنكها حمرة
اسامة:هههه باش تعلمي تسبيي طوال ليك اللسان هااا
ديك اللحظة نزلو دراري لي سمعو الغوات ديالها مصدومين واحد شد اسامة ولاخر نوض سماح لي تتبكي وتنخصص..عمر شي حد ضربها وحكرها هاكا..حسات براسها بوحدها ولي يدافع عليها مكاينش..بقا كايسب بأبشع الالفاظ مواعيش على راسوو ..خرجات النكافة وعويناتها وتا بعض من اصحاب العرس لي باقي ممشاوش تيتسناو طونوبيلات اديوهم..كلشي شاف المنظر وفهمو حيت تتبكي وتنخصص وهو تيعاير بحالا معرت اشدارت ليه..
صونا تيليفونها جبداتو لقاتو منصور وهي تشد الخط وشهجات فالبكا:منصوووور هءهءهءهءهء
منصور:(قفز من بلاصتو فين كان جالس داير جلسة بسطورة والحشيش)مالكييي
سماح:عتقنييي عفاااك هءهءهءهءهءهءم
منصور:مالكي اش واقع ليك ؟؟فين كاينا
سماح:هءهءهء انا ف ف هءهءهءهء ******
منصور:واخا هاني جاااي
قطعات معاه ودخلوها دراري لداخل تيعطيوها فالما تشربو اما ام اسامة فراه دخلاتو لداخل بعيد تيعطيوه فقهوى بالحامض باش اوكد واعرف اشنو دار..
تتبكي عشرة للعين وكلشي اسولها مالكي شنو وقع ليك معاه..واهل العرس كيعتاذرو منها تا وقفات طونوبيلتو وتحكو روايضها مع الارض..قاعة تالافراح معروفة مخداش وقت بتاتا باش اعرفها..
دخل تيتساءل عليها كينهج لابس فقط سورفيت بيتية..نعتو ليه فين كاينا ومشا كيجري..شافها جالسة وعاطينها الما شادا راسها وتتبكي والحنك مصورة فيه دقة يد اسامة
وقف عند راسها مخلوع وقال:سماح
هزات راسها فيه تتبكي ووجهها حمر..هي شافتو وهي تنهار بالبكا..قرب ليها معنقها وكيتساءل :مالكي؟؟شنو وقع؟؟(شاف فدري)اش وقع؟؟
لأنك سماح الجزء الخامس
محتوى القصة
التنقل بين الأجزاء