من بعد تعشات وهي كتبكي غي سالات جمعات روينة ومشات جالست كتفرج زايدة في تلفازة على حدهاا هزها في يدها تفاحة كاتكل فيها ماسوقاش ليه كاع واش كاين ولا ماكاينش
عمران خدام في لبيسي نطق ببرودة : نقصي
ليلى ماتسوقاتش ليه
عمران بحدة: واقلة هضرت
خنزرت فيه دارت تكمل فراجتهاا
عصباتوو مابان ليه غي موس فوق طابلة هزوو وشير عليهاا بييها داز ليها من فوق راسهااا
ليلى بالخلعة طاحت ليها تفاحة من يدهااا كطلع نفس بزز وكتبلع في ريقهاا بخووف هزات يدهاا كتقلب في راسهاا واش لموس ضرباتها ولا شي حاجة
ليلى كتهضر بزز شويا وتموت من الخلعة: و واش نت مريض شويا كانت غاتجي فياا
عمران:مرة خراا فاش نهضر ديري راسك ماسمعتنيش
ليلى بالخلعة بدات كتبكي كتعير تحت منهاا: الله يعطيك موصيبة كنتي غاتسكت ليا القلب تفوو على حيوات
عمران شاد على راسو مفقوص:واش انا قلت لك نقصي صداع تلفازة باش تنوضي تعرعري عليا نتي وسكتينا
ليلى غي مازدت فيه: ماشي سوقك فيا
عمران بهدوء:واخاا
عاود هزززز واحد الفاز ناوي يشير عليها بيه
غي شافتو ناضت واقفا: ش شنو كادير نت شنو
عمران حرك رلسو باه وعاود شير عليه بيه كون مخاوات ليه كون فرشخو على راسهاا : واش نت مريض ابنادم
شافتو كيقلب على شي حاجة اخراا بلعات ريقهاا ومشات كتجري لكوزينة سدات عليهاا تماا
في سبيطار
سليم :شنو عندها
نزار تنهد متردد واش يقول ولا يسكت : ﻷسف نور حالتهاا كانت حارجة شوية ولكن دابا الحمد الله راهاا بخير
غيثة شهقات نزار شدهاا لاتمشي طيح ليه: كان غي تسمم اغيثة من شي حاجة كلاتهاا درنا ليها غسيل المعيدة وصافي
غيثة: بغيت نشوفها اولدي
نزار شاف في سليم : الدراري في خبارهم
سليم: لا ماكنوش في القصر
نزار: بلاش ماتقولهاا ليهم دابا راها بخير
هز ليه راسو باه
نزار جر غيثة معنقها :اجي معاياا اغيثة تشوفي نوور
مشات معاه وخلات احمد وسليم جالسين كيتسنوهاا عاد رتاحوو نسبياا
دازووو ايااام طايرة
جالسا ساهية دابلة شفايفها بيض وجهاا صفر مافيهش حس دم حطات يدها على كرشها ونطقات: من ﻷول ماكنتش باغاك لموت حسن لك
و رجعات حولات نظرها كتشوف في الباب كتسناه يتفتح عليهاا بحال ديما
ماكملاش حتى ربع ساعة كان تفتح لباب دخل عندهاا هز بلاطوو فيه الفطور
نزار مبتااسم: صبااح الخير
نور بملامح جامدة:صباح النور
نزار: ليووم غاتخرجي
نور: اصلا مليت هنا
نزار: هانتي غاتهناي
نور:اممم
نزار حطا ليها لبلاطوو قدامها:يالاه فطري باش نعاونك تلبسي حوايجك شي ساعة وغاتجي غيثة ودراري
نور:واخا
بدات كاتكل بصمت وهدوء مدة قصيرة كانت ساالات حطات لبلاطوو فوق طابلة لي حداها عاد دارت عندوو لقاتوو ساهي كيشوف في ﻷرض
نور: شكرا
نزار فاق من شوردو عقد حواجبوو : بصحتك
ناض هز لبلاطو و مشاا قاصد الباب حتى سمعها نطقات
نور: شكرا ماشي على لفطور
نزار هز حاجبو: وعلاش
نور ناضت عندو حيدات ليه لبلاطوو من يدوو ومشات جلسات وجراتو حداها
نور بصوت مخنوق:شكرا على كولشي انزار شكرا حيت ماقلتي لعائلتي حتى حاجة كنشكرك بزاف انا مدينة لك بحياتي والله كون عرف عمران كان غايقتلني بلا ميتردد
نزار بقا ساكت مدة عاد نطق : هادشي علاش مابغيتش نكونو بجوج
نور بدات كتبكي: اه انزار سمحليا عافاك خيبت ضنكم فيا انا مانستهلش واحد بحالك اناا مسخة ورخيصة
نزار تنهد وجرهاا عندو معنقها : شووو صافي كولشي فات مهم هو تكوني مزيان كولشي عندو حل وهادشي مغايخرجش من هنا حتى واحد ماغادي يعرف اوك
هزات راسها باه
مدة وهو معنقها عندو حتى حس بعائلتها قربو يجيو عاد نطق: يالاه نوضي لبسي حوايجك غايكونو قربو يجيوو
نور بعدات عليه :واخا
ناضت هزات واحد سيرفيط كان جابها ليها خداتها ومشات لحمام لبساتها بالخف وخرجات لقاتو مازال جالس كيتسناها
نور :مازال مامشيتي
نزاربتاسم ليها: لا
جلسات كتقاد سيور سبادري مابغاوش يتعقدو ليها...
حتى كتحس بيه تحنى كيقادهم ليها
نور باتسمت بلا شعور يالاه غاتنطق حتى كتشوف لباب تفرع دخلين منو عائلتها كاملة
غيثة: بنتي كيبقيتي
نور:بخير اماما
عصمان ضرب نزار لكرش: سي جنتلماان
سليم: نو سي عنيبة
غيثة: شفتوو ﻹهتمام كيف داير ....الله يرضي عليك اولدي نزار
جالساا كتخربق في تيليفونها على الله وعسى تلقاا شي ميسااج من ختهاا ...تنهدات بحزن فاش مالقات والووو دوزات ابيل لملاك بقاو داوين حتى شبعو من بعضهم عاد قطعوو ....
هزات عينها فاش بانت ليهاا داخلة عندها كتعوج في طرمتهاا
شمس هزات حاجبها: بغيتي شي حاجة
البنت (نسيت شنو سميتها وعكزت نعاود نقلب هخخ): لا خالتي بغاتك تشطبي سطح
شمس غمضات عينيها بعصبية من جات عطوها صوباها نهار ﻷول من تماا رجعوهاا بحال الخدمة
البنت: كوكو فين مشيتي
شمس:اووف هانا غانمشي غي خرجي
بقات حاضيها حتى مشات عاد ناضت مفقوصة شدات شعرها لفوق على شكل كعكة مهملة دارت كيت في ودنهاا و خرجات هزات شطابة وطلعات لسطح تشطبو على سعدها و وعداها الخدامة وماكديرش هاد تمارة لي كيعطيوهاا
دازت شي ربع ساعة هكاك وهي كتشطب وكتدندن مع لموسيقى ....شويا حتى كتحس بشيد جراتها من يدهاا لوحد لقنيتة في سطح
شمس هزات عينها فيه غي شافتو يالاه اتغاوت حط ليها يدو على فمها: امممم همم
الولد ريحتو كتقلب بشراب: شوو بغيت نهضر معاك اشمس
شمس حركات راسها باه ريحتو خانقتهاا غي خيد يدوو دفاعتو عليها: مالك شنو بغيتي واش مغاتبعدش مني ابنادم
الولد: بغيتك نتي
شمس: نعام
الولد: هضري بشويا اشمس شوفي نجيك من لاخر انا بغيت ندير معاك علاقة من نهار جيتي وانا حاط عليك العين
شمس ضحكات مفقوصة: شوف اولد عمتي غاندير راسي ماسمعت والوو يااك وحتى نت غاتنساا وتمشي تقابل مرتك وانا فوتني عليك ولا ماغيعجبك حال
الولد ساف فيها بحقد شدها من فكها: كنعيف واخاا على ديلمك والله ماتبقا فيك
دفعهاا حتى طاحت ومشا رجع منين جااا
شمس شداتها البكية من جات وهي مصدعا معاه ومع باه لي كل مرة كيدخل عليها لبيت كتحصلو كيدير راسو غي تلف ولا شي حاجة هو كل مرة مقنتها في بلاصة كيطلب فيهاا تكون معاه ولات عايشة في الرعب
شمس كتبكي: ياربي تصبرني ياربي
في القصر
جالسين دايرين بيه كل واحد كيسولهاا من جيهة واش خاصها شي حاجة ولا كضرها
رجال كانو جالسين في جردة كيشربوو قهوة
نزار رشف من كاسو : معجبتنيش نسمة ليوم
عصمان تنهد: من نهار قالها ليها عمران وهي هكاك
نزار: ماكانش عليكم تقولوها ليهااا
عمران مانطق بحتى كلمة غي كيشووف بعيد مضارب مع عقلوووو وافكارو لي مشتين
سمع تيليفونو كيصوني هزو غي شاف رقم عقد حواجبوو عاد جاوب مع كل كلمة كيبتاسم بخبت قريب يحقق هدفوو غي قطع ﻵبيل ناض وقف بزربة
عمران : هانا مشيت
عصمان هز حاجبو:شكون
عمران :من بعد وتعرفو
خلاهم غي كيشوفو في بعضهم مافاهمين والوو
مشا ركب في طومبيلتو وكسيراا حتى تحكو روايض
نزار: وقعاا شي حاجة
عصمان: هادشي لي بالي
نزار: بفف مهم خاصني نمشي
عصمان : جلس حتى تغداا
نزار وقف: لا لا من هنا 4 د لعشية عندي عملية
عصمان: امم واخاا
سلم عليه ومشااا رجع عصمان تقاد في بلاصتوو متكي كيشوف في سمااا
كانت حاضياهم من لداخل غي شافت نزار مشاا خرجات عندو كتزرب ماحس بيهاا حتى وقفات عليه
عصمان :نسمة
نسمة دموع محجرين في عينيها: بغيت نمشي عندو اعصمان بغيت نخد اوس ونمشي عندو
عصمان هز يدو جلسها حداه: متأكدة
نسمة زيرت على يديه: اه متأكدة
عصمان طول فيها شوفة جهدو حرك راسو باه
بلاصة اخرااا
و يالاه هابطين من طيارة كيبتسم بخبت ....كان شدهاا من يدها كرز عليهم
سهام بتوتر: علاش رجعتني هنا
كمال: من بعد وتعرفي
سهام: الله يخد فيك الحق
كمال زير ليها غلى يدهاا حتى تآوهات بآلم: اي يدي رخف علياا
كمال: ديري عقلك
سهاام: كمال علاش رجعنا هناا
كمال طول فيهاا شوفة غاد نطق: مابغيتيش تشوفي حبيب القلب
سهام تصدمت: كك كفاش حبيب القلب
كمال: زيدي من بعد وتعرفي
جرهاا من يدهاا مرفووعة مامتيقاش شنو كتسمع واش حتى هادي لعبة من العابوو الخبيثة .....حل باب طومبيل لاحها تم و طلع حداهاا وتحرك بيهم شيفور
فين غاتمشي نسمة؟ وشكون هاد سهام ؟😳
هاد ﻷيام كاملة مارجعش عندهاا من نهار كبتووها ماعودت شافتو كتطل غي من شرجم كتلقا رجالو دايرين بدار من كاع جوايه
كانت جالسا كتفرج حتى كطيح عليها واحد الفكرة بتاسمت بمكر و ناضت قافزة كتقاد في شعرها وحوايجها بزربة طلات من شرجم بان ليهاا غادي جاي هزات حاجبها ة مشات قصدا لباب غي وصلات بداات كدق
ليلى: عافاك ممكن تفتح ليا الباب
جون من مور لباب دوا باﻹنجليش: شنو بغيتي
ليلى كدور في عينها: اناري هذا كيهضر باﻹنجليش ماكنعرف منين نجيهاا فين املاك نتي لي كتعتقيني
شدات في راسهاا كتحاول ترتب جملة مفيدة تعتق فيها الموقف
ليلى كتهضر مور الباب: هااي ايام ليلى
جون : كنعرفك ....شنو بغيتي
ليلى: فتح ليا لباب بغيت نهضر معاك
جون :هضري من هناا
ليلى: لا منقدرش في حل ليا عافاك
جون: منقدرش نخالف اوامر سي عمران
ليلى: عافاك ﻷمر مهم
جون تنهد بستسلام: اوك عندك دقيقة
ليلى بتاسمت بنصر: واخاا
شاف مراه مزيان لايخرج ليه عمران من شي قنت مابان ليه والوو تنهد براحة عاد حل عليهاا الباب
جون دفعهاا عليه مخلوع : بعدي مني غااجبدي ليا صداع بغيتي سي عمران يدير ليا بحال داك خونا لي كان غايتعدا عليك داك نهار
ليلى هزات حاجبها: شنو دار ليه
جون :سيمانة هو مرمي مع سبع في نفس البلاصة مات غي بالخلعة
ليلى حطات يدها على فمها: هو دابا مات
جون:اه بسكتة قلبية
ليلى شافت في الغابة ورجعات جراتو عندو كاتكمل في خدمتهااا بغا تهرب باي طريقة
ليلى دارت داك ﻹبتاسمة ساحرة ديالها :عافاك ازين
جون سها في ابتسامتهاا حتى كيقفزهم صوت رصاص خلاها كترعد تخبات مور جون اتموت بالخلعة
عمران بحدة: شنوووو واقع هناا
كان جالس في طومبيلتوو كيحك ليحتوو كيفكر في ملاك كان ناوي يتغداا معاهاا ليووم حتى خرج ليه بلان نسمة غمض عينه مبتاسم كيتفكر داك ليلة لي دوزوو بجووج زادت وسعات ابتاسمتوو كتر ......
يالاه ايهز تيليفون يصوني ليهاا ...حتى كيلمحهاا جاياا مقاتلة مع اوس شداا ليه في يدووو غي شافوو جا كيجري عندوو طلع ركب حداه ونقز عليه معنقووو
اوس بفرحة: بابا فين غانمسيووو
عصمان هزو جلسو قدامو: هادي هي بوستي همم
اوس حاط يدو على فمو:هاء نسيت سوري بابي ازي نبوسك
بتاسم وتحنى عندوو باسوو
اوس: فين غانمسيوو ابابا
عصمان باسو: لواحد لبلاصة اولدي
هز راسو يشوف علاش مازال ماطلعاات لقاها واقفا مسمرة بحالا خايفة كانت لابساا لبيسة محترمة عباية كحلة ودايرا فولار على راسهااا شعرهاا خارج منوو جات كيوووت
عصمان خرج راسو من شرجم: نسمة الى مابغيتيش بلاش
نسمة حركات راسها بالا وطلعات حداه : اوس ولدي رجع لور خلي باباك يسوق
اوس :لا بغيت نبقا حدا بابا
عصمان قدا مجلسو قدامو: ولدي غايسوق معاياا ليووم
اوس:ياي احسن بابا
باسوو وكسيرااا
مسافة طريق كانوو وصلوو
نسمة بلعاات ريقهاا دموعهاا هابطوو بلا شعور
عصمان تنهد وهبط هز اوس في يدوو داز لجهة لخراا حل ليهاا الباب جرها معنقها عندو كيطمآنها بعينه
نسمة كولهاا كترعد: يالاه اعصمان
اوس:ماما علاس كتبكي( دار شاف في عصمان)بابا علاس لبغينسيس كتبكي
نسمة دوزات يدها على شعروو بحب: لا احبيبي ماكنبكيش
عصمان شد في يدهاا:اجي معاياا
بقاو كيتمشاو اوس فرع ليهم راسهم باﻷسئلة مدة قصيرة كانوو وصلوو
عصمان: هاهوو
نسمة طلقات منوو ومشات كتقرب بشوية حتى طاحت على وقفتها دموعها شلال: اووس
اوس:نعام اماما
عصمان باسو من خدو: شووو اولدي
نسمة كتبكي بصمت :عصمان خود اوس من هناا بغيت نهضر معااه
عصمان: الى حسيتي براسك مقدراش نرجعو فحالنا انسمة
نسمة حركات راسهاا بلا: لا اعصمان غي بعاد اوس من هناا
اوس: ماما علاس بغبت نبقا معاك
نسمة: ولدي ماتزيدنيش سير مع بااباك
عصمان هزو كيلعب بيه كيحاول يلاهيه حتى بعدووو عليهاا عاد جلسوو كيتسناوهااا وعينهم غليهااا
جون سها في ابتسامتهاا حتى كيقفزهم صوت رصاص تطلق في سماا خلاها كترعد كتخباا موراه اتموت من الخلعة
مشات لبسات حوايجها بالخف وخرجات عندوو لقاتو متكي على طومبيل وقفات عليه ماكتشوفش جيهتو
عمران شاف في ساعتو: تعطلتي بدقيقة
ليلى خنزرات فيه
عمران بحدة :طلعي
مازدتش معاه الهضرة طلعات كتخبط في رجليها مع ﻷرض زدحات الباب بجهد حتى قفزاتو
عمران طرطق عنقو: ماكتوبش تخاف ماتحشم
تنهد ومشاا ركب بلاصتو وتحرك مخلي العجاج موراه
فين غايديها؟؟؟😕
مدة وهي جالسة في ﻷرض عبايتهاا كحلة رجعاات بيضة بالوسخ زيف رجع ليها لور خلا شعرهاا كامل يبان حنيكاتهاا حمر بالبكا .....
تكات على جنب القبر كتهز تراب في يدهاا دمووعهاا هابطين شلال صدرها كيطلع ويهبط بزز باش قدرات تخرج ليهاا الهضرة
نسمة: اووس حبيبي هانا جيت عندك عرفتي توحشتك بزاف بزاف ربي لي عالم سمحليا شحال ماجيت عندك ا اوس ماقدرتش نجي عندك وانا مازال ماوفيت بوعدي لك ...ليوم جيت عندك حيت عرفت شكون لمجرم لي فرقناا عرفتي سعد صاحبكم أ أوس هو هو لمجرم لي ضربك ولكن كنحلف لك حتى غانخد لك حقك (سكتات كتبكي بحرقة) عرفتي ولدناا كبر كيشبه لك بزاف ....(بتاسمت)
نسمة ماتت نهار مات اوس .....ماما غيثة كتقوليا نحاول نساك ونشوف حياتي ....اه عرفت هي بغات مصلاحتي ولكن .....انا عمري نساا راجلي حبيبي عمري نحيدك من بالي ولا قلبي
راك اول رجل نحل عيني فيه كيفاش كيقولو ليا نسااك وانا عايشاا غي على ذكرى ديالك .....
اه بلا ماتخاف عليا احبيبي خويا عصمان وخويا عمران وحتى لحمق د سليم مامخلينيش نحس بالنقص عمرهم حسوني بغيابك كيحاولو ما امكن يخليوني فرحانة ولكن انا فرحتي معااك أ أوس معاك نت هو فرحتي أ أوس نت هو حياتي
عقلتي نهار خرجوني من الخيرية حيت كنت كملت 18 مالقيت حتى حد من غيرك .....شديتي ليا في يدي وديتني لدارك بلا ماتسولني ولا تعرف اصلي تقتي فيا وحليتي ليا بابك ....ماشي غي باب دارك وانما حتى باب قلبك آه آه
طاحت على القبر منهارة على ﻷخير مدة عاد هزات راسها مكملة على هضرتها
نسمة مبتاسمة بحزن: بقيتي معايا وعاونتني حتى وقفت على رجلي وطلبتي يدي لزواج عرفتي هاد نهار عمرو يتنساا ليا
كنا فرحانين غانكونو عائلة صغيرة فيها انا وانت اهئ اهئ اه وفاش حملت شحال كنتي فرحان ماكتابش تهزو بين يديك ماكتابش
طاحت معنقا القبر كاتبكي وفي فمها كلمة وحدة: قتلوك ليا قتلوك ليا يتمو ولدك فيك
هبطات كتبوس في القبر عاد خدات من عندو اوس ومشات غاتسطا بالبكاا
عصمان باقا حاضيها حتى مشات عاد دار شاف في القبر وجلس جنبو مدة عاد نطق...
عصمان تنهد: خوويا وصاحبي..... عارف راسي قصرت من جيهتك هاد سيمانة ماجيتش عندك كنت مشغول شويا ماكنتش باغي نجيبهم ولكن نسمة اصررت عليا وماقدرتش نخسر ليهاا راك عارف من شحال هادي وانا ماكنقدرش نخسر ليها عندي عزيزة بحال نور هي امانتك وانا خاصني نحافظ عليهاا (سكت فاش تفكر لحظة لي عمرو ينساها )
《اوس غوت بآعلى صوتو:عصمااااااان عنداااك اخووووياا
عصمان يالاه غايضور حتى كيحس بآوس تلاح عليه وصوت رصاص تسمع جوج طلقات متبعين 》
عصمان خانتو دمعة مسحهاا بزربة: انا لي كان خاصني نكون هناا ونت لي بلاصتك مع نسمة و اوس ....
تفكر فاش كان كبوصيه عليهم
《آوس في فراش لموت شد لعصمان يدووو : تزوج نسمة وحميها نسمة آمانة عندك هي ولدي نسمة آمانتك اخوياا 》
كمل كلاموو : ولكن ماتخفش اخويا درت بكلامك نسمة ختي و اوس ولدي غي رتاح في قبرك آمانتك غانبقا محافظ عليها حتى ﻵخير نهار في حياتي ......بلاصتك بقاات كبيرة بين صحابك نزار عمران عصمان أوس .....راك عايش في قلوبنااا
مسح دمعة خانتو وناض بزربة قرااا عليه آيات من القرآن الكريم ودعووو ومشاا ركب في طومبيلتو لقاهاا معنقة اوس وكتبكي بحرقة تنهد وكسيراا
مسافة طريق كانوو في واحد السااحة كبيرة داير بيهاا الغابة جات خارج المدينة غي الخلا والقيفار
كسيرا بطوموبيلتوو بجهد حتى طارت الغبرة
ليلى شدا على قلبها: ياربي سلامة بشوياا
عمران خنزر فيها بدلاتو نفس تخنزيرة ورجعات نطقات ليلى: علاش جيني لهناا
شافتو ماجوبهاش رجعات نطقات: راه سولناك ابنادم
عمران دار فيها واحد شوفة خلاتها تجمد في بلاصتهاا: قطعي حسك مانسعووش هانا علمتك مازدتش معاه الهضرة قطعات في البلاصة داز الوقت
حتى كسيراو جوج طومو بيلات بعاد عليهم مقابلين معاهم كان فيهم زاج فيمي كيشوف بزاف د رجال هبطوو منهاا ....حتى هو هبط مقابل معاهم كيشوفهم من بعيد داير يديه في جيابو
مشا حل عليها بالباب وخرجها وقفهاا حداه مافهماا والووو
ليلى كتشوف في دوك طومبيلات : شكون هدوك وعلاش جينا هنا
عمران سدي فمك :جرهاا من يدهاا وقف لوسط حتى كيلمح واحد من رجال كمال تا هو جاي عندو ومعاه شي بنت
عمران هضر في تيلي مستغرب: شكون هادي شمن لعبة عوتاني
كمال: طلق ليلى وتعرف
عمران يالاه غاينطق حتى كيشوف داك لبنت غفلات لكارد وضربتوو لمعلم خلاتو طايح في بلاصتو ومشات كتجري عند عمران ...
عمران لي بدوروو غي شافها بداا كيدوور راسوو بنفي مامتيقش شنو كيشوف قداموو واش بصح هي ولا غي كيحلم كيفاش باقا عايشة وهو قتلهاا بيدوو
غي وصلات طارت عليه معنقااه بجهد وكتبكي غمض عينيه بحيرة يالاه ايتلفت حتى كيشوف دنياا عمرات برجال كمال جاين كيقربو ليهم جبد سلاحوو بالخف موجهوو ليهم من بعيد كمال من بعيد غايموت بالفقصة كيشوف في ليلى بقات لوسط ماعندو كيفاش يدير ليهااا مالقا حتى حل من غير يعطي اشارة لرجلوو يطلقو رصاص بحذر باش ماتقصش كانت لوسط كاتشوف في جيهة لقدامها لبنت كيفاش معنقا عمران وكتبكي كدور لجهة لخراا كتشوف رجال هزين سلاحهم و كيقربو ليهم ....يالاه اتمشي عندو تفهم منو شنو وقع حتى بداا كيتسمع صوت رصاص من جهة لخراا كانوو رجال عمران تبعووه بلا مايحس...
بداو كيهجموو في رجال كمال دنياا تخلطت
بداو كيهجموو في رجال كمال دنياا تخلطات ولا كيتسمع غي صوت رصاص شدات على راسهاا بخوف وطاحت ﻷرض كترجف ....
....دارت تشوف في عمران لقاتو كيركب لبنت في طومبيل واحد من رجالوو دغيا قلع بيهاا من تمااااااا
حسات بغصة في قلبهاا فاش شافتو كيفاش خايف عليهاا دايرها قدامو باش ماتآداش وهي نساهاا حتى واش كاينا معاه هبطت دمعاا حارة من عينهاا مسحاتها بالخف وشافت فيهم لقاتهم ملهين كاملين كيتبدلو رصاص فيما بينهم ماكيشوفوش قدامهم غي صوت رصاص لي كيتسمع تمااا كيخلي طيوور يحلقوو بعيد خوفاا على حياتهم
ليلى بتاسمت بسخرية: حياتي ولات فيلم
مسحات دموعها بعجرفة وجمعات لوقفة حيدات صباطهاا وبدات كتجري وتقول ماجريت حتى دخلات وسط الغابة وبعدات عاد رتاحت وقفات من جري وبدات كتمشي بشوياا على راحتهاا حتى وصلات لطريق رائيسية عاد رتاحت نسبيااا
مازال مشبكينهاا بيناتهم حتى كيتلفت عمران كيقلب عليها بعينيه مالقا ليها اثر حس بالخوف يالاه غايعطي اشارة لرجالو حتى كتبان ليه هيليكوبتير هابطاا طلع فيها كمال وتبعوه رجالوو بالخف واحد مور واحد .....
ضرب رجلو مع ﻷرض بعصبية ومشا كيقلب في رجال كمال لي مضروبين لقاهم كملين ميتين غي مازاد صعر كتر غوت بجهد
عمران بالغوات: بغيت دابا تكون عندي تحت ﻷرض تطلع فوق سماا تهبط
سمح فيهم وركب لوطوو وكسيرااا مخلي لعجاج موراه
داز الوقت
في القصر بالضبط في الجناح ديالووو جالس مقابل معاهااا كيحك في ليحتوو مصغر عينيه فيهاا
شدات وجها بين يدهاا وكتبكي: ماشي ساهلة اخوياا يمشي لك نور لي كان مضوي حياتك راه اوس قطعة من قلبي عايشا غي على ذكراااه اخويااا ولدي وهملتوو حياتي وخليتها مستقبلي وهدمتوو شبابي وفنيتو ولكن انتقامي اعصمان هو لي عمرو يمشي من بالي حتى نخد حق راجلي وبيدي
ناضت عندوو كولها كترجف شدات ليه في يديه بترجي: خويا غاتخد ليا حق اوس ياااك انا تايقة فيك وبزاف
عصمان غمض عينيه بحزن : وعدتك وغانوفي بوعدي انسمة
هزات عينهاا فيه وتلاحت معنقااه تاهو جرهاا عندوو كتبكي في صدرووو حتى تفتح لباب ودخل سليم هز اوس فوق راسوو عاد بعدات عليه مسحات دموعها بالخف باش مايشوفها اوس كاتبكي
سليم حطوو ومشا عندهاا شد ليها في يدها كيضور بيهاا: هاي هاي على تيتيز ديال لقصر
نسمة ضحكات وسط دموعها: سليم غاندوخ
اوس كيضحك: ياي ماما لبغينسيس زوينة
سليم : اجي اجي بغيت نعاود لك واحد الحاجة اساطة
نسمة ببتاسمة شاحبة : شي بنت جديدة تاني
سليم :بحال داك شي
نسمة:ءء
جرهاا قبل ماتنطق مشاو لاطيغاس وجلس كيعاود ليهاا ...خلاو عصمان كيشوف في اوس بآسى هزوو عندو كيخربق ليه في شعرو
اوس :بابا مازال غاتخدنيس معاك نسوفك في سي مبارة
عصمات بتاسم: لا غانخدك معايا فاش يوصل وقتها
اوس: بغيت نكون بحالك ابابا فاش نكبر
عصمان يالان اينطق حتى حس بشي يد تحطات فوق كتفوو دار لقهاا غيثة مبتاسمة وسط دموعهاا
غيثة: جات معاك ﻷبوة
عصمان : زعما
اوس: احسن بابا نت
غيثة شداتو من عندو : ونت احسن حفيد
شافت عصمان غادي خارج معصب هي تشدو من يدو
غيثة بحزن حاسا بولدها: مكتاب اولدي مكتاب
عصمان بتاسم بسخرية: انا لي كان خاصني نكون تحت التراب اغيثة ماشي صاحبي انا ماشي هوو
غي قال هاد الكلماات لي كيدخلو لقلب بحال لموس وخرج ركب في طوموبيلتو دوز ابيل لملاك وكسيرا بجهد
واقف معصب كيعرعر عليهم ساخط ديال بصح
عمران: واش مخدم معايا شمايت كيفاش مالقيتوهاش
جون: سي عمران ماخلينا فين قلبناا عليهااا
عمران : واش صرطاتهاا ﻷرض ولا شنوو
جون: معرفتش فين مشات اسيدي كطير داك لبنت كطير
عمران خنزر فيه :عاود نسمع
جون بلع ريقو: سمحليا اسيدي
عمران بالغوات: ضورووو تقااودو عليااا ماترجعوش والا وهي معاكم
انصرفوو غايموتو في حوايجهم ....هوضرب داك الكرسي لي كان قداموو خشا صبعو صغير في فموو كيفكر مدة وهوو هكاك شويا هز حاجبوو وبتاسم بمكر عااد مشاا طلع لبيتو بدل حوايجوو بالخف وهبط كيزرب في مشيتوووو
ركب في طومبيلتوو كسيرااا زاعف
مسااافة طريق كان وصل هبط بكل هيبة وشمووخ ...حيد نظظروو و تمشااا هاز راسوو لسماا شكوو كان في محلوو ....وصل عندهااا وقف عليهاا
كانت متكية على قبر مهاا شعر مغطي وجهاااا هضرات بلا ماتشوف فيه عرفاتو غي من ريحتووو
ليلى: شنو بغيتي عندي علاش جيتي
عمران ببرودة: تهزي قدامي
ليلى بسخرية: عاد عرفت علاش مابغيتيش تطلقني
عمران ببرودة : علاش
ليلى: راك عارف
عمران : نوضي قدامي
ليلى :ياك خديتي داك شي لي بغيتي انا شنو غادير بيا
عمران حرك راسو يامين وشمال وتحنى عندهاا جرها من يدهاا موقفهاا غادي بيهاا حتى كتنتر منوو
ليلى بهمس: ياك داك لبنت رجعات لك وانا خديت عقابي حرامتني من ختي من صاحبتي من داري من كولشي حتى من شرافي كان غايمشي بسببك ....صافي هنا وبارك عيت و الله حتى عيت
عمران مصغر عينيه فيهاا: ساليتي ودابا اجي معاياا
شدهاا من يدهاا مجرجرهاا حتى وصل لطوموبيل لاحهااا تماا وكسيراا مسافة طريق كانو في الفيلا ديالو هبك وهبطها سخفانا روح مافيهش طلعها لبيت وامر الخدامة طلع عندهاا عاد هبط وصاا رجالو يردو معاها البال و زاد ركب في طومبيلتو هز تيلي ودوز ﻵبيل لجون دغيا تفتح لخط
عمران: بغيت ملف على حياتها من نهار خرجات من كرش مهاا وبتفصيل
جون: واخا سيدي
قطع معاه
عمران: علاش ماخليتهاش تمشي فهم تسطاا
ضخك على راسوو وتحرك مكسيري
وافقا في راس درب كتسناه من بعد ماكان صونا ليها وداروو يخرجوو يتغداو بجوج واخا الوقت فات داز شويا د الوقت حتى كتلمح الهامر ديالو وقفات مشات مبتاسمة عندو سلمات عليه وتحرك مكسيري
مسافة طريق كانو وصلو لواحد المطعم من احدى المطاعم الراقية كانت مقابلة مع البحر منظر زوين تشهاا تبقا غي تشوف فيه
ملاك حمقها مشات جلسات ليه تماا حلفات لانضت مدة هما جالسين غي برة كيشووفوو في داك المنضر ﻷكتر من رائع ...سهات كتفكر في علاقتهاا معاه خايفة من لي جاي
فيقهاا عصمان من تفكيرها
ضرب بصبعوو قدم عينيها حتى قفزات
ملاك : هاء شنو ماسمعتكش قلتي شي حاجة
عصمان : قلت ليك نوضي نمشيو نقصيووو
ملاك : اه جاني جووع
ناضوو مشاو داخلين الذاخل ......ختاروو طابلة كتشوف في البحر والمنظر زوين ..... طلبو شنو بغااو و جلسوو كيكلوو او بﻻحرا غي ملاك لي كتكل و عصمان غي كيتفرج فيهاا حتى ناض واقف
عصمان : كملي ماكلتك هانا جاي
ملاك هزات راسها فيه باستفهام: فين غادي
عصمان:غي هناا
ملاك: اممم واخاا
خربق ليها في شعرها و مشا هي كملات ماكلتها شافت تيلي ديالو فوق طابلة شدها لفضول بان ليها مازال ماجاي هزاتو و لقات لكود طلبات يكون مابدلوش حيت كانت شايفاه من قبل دارتو وخدم ليها فرحات دخلات الواتساب لقات الكود طلع ليها دم و هي دخل بلاصة تصاور بقات كتشوف تصورهاا عندوو ضحكات
بزاف د تصاور غفلها فيهم شويا ووهي تشوف ملف بوحدو فيه شي 10 تصاور بحال هكاك فضولهاا خلاهاا دخل تشوف شنو تما..... دخلات ليهم و ياليتها مادخلات كانو تصاوروو مع اروى تصاور جريئة غي البوسان و تعناق و نهار خطبتهم كيركبو الخواتهم ....
ملاك تصدمات صدمة عمرهاا بدات كتبلع في ريقهاا حتى حساتوو نشف عارفاه زير نساء ولكن دابا كتشوف تصاور د الخطبة
خطيبتو كانت لابساا قفيطين بلونكاصي وهو كوستار كحل كيبانو كيووت ومواتين بعضهم
دمووع تحجرووو ليها عينها حتى كتشوفوو واقف عليهاا كيشوف جهة لاخرا
عصمان يالاه غاينطق حتى كيحس بيهاا تلاحت في حضنو معنقاه كرزااا عليه شوياا تسخف كولها كترعد كتعنق فيه وتبوس بهيستيرية هو غي مسمر في بلاصتو مازال كيستوعب شنو واقع
ملاك غي كتشووف لحظة حسات بدوخة و ركابيهاا فشلوو عليهاا قلبهاا تزيز ولات كدخل نفس بزز.... واخا هكاك شدات في راسهاا ونطقات
ملاك كتصفق بيدهاا: اووووه تبارك الله على سي عصمان
اروى هزات راسها كتشوف فيهاا: شكون نتي
ملاك بصوت مخنوق:سولي خاطبيك
اروى شافت في عصمان لي غي سااهي:حبيبي شكون هادي (كتحرك فيه )حبييي سولتك شكون هادي
شافتوو ماجوبهااش وهي ترجع تنطق كلام بحال لموس دخل لقلب ملاك
اروى: اه صافي فهمت نتي اكيد وحدة من دوك لي كيدوز معاهم عصمان لوقت سمحليا ماعرفتتكش
ملاك بصدمة: كك كفاش
اروى كتحل ساكها جبدات من فلوس مداتهم ليها: اه عصمان من بعد مابعدت عليه ماقدرش ينساني شي لي كيخليه كل مرو مع وحدة خهه ولكن صافي انا رجعت وحتى واحد مغايفرقناا .....هاك هادو وسيري فحالك اختي
ملاك ضحكات مفقوصة:واش نتي مريضة لا وااا
قبل ماتكمل كلامهااا طاحت على وقفتهاا مغمة عليهاا ماكتسمع والووو
عصمان فاق من شوردوو على اتر طيحة لي طاحت هز عينوو كتبان ليه طايحة في ﻷرض .....دفع اروى بجهد ومشا هزهاا عندو كيقلب فيه
مسافة طرق كان قدام واحد ﻷبغطووموون كبيرة وزوينة كتبان راقية
تنهد تنهيدة طويلة خارجاا من القلب كدل على شحال ديال الهم والغم بي هززز في قلبوو
جبد ساروت فتح لباب دخل حتى كيحس بيهاا تلاحت عليه معنقااه بجهد
سهاام:عمران اهئ اهئ توحشتك
عمران حيدها عليه ودخل حط ساورت وهضر بحدة
عمران: دابا غاتعاودي ليا كولشي وكنقسم لك وتنقصي حرف واحد بربي حتى ندفنك حية اسهاام جلسي وعاودي ليا شنو وقع في داك ليلة بضبط
سهام بدات كتبكي بجهد خلعهااا : واخاا ولكن خاص تيقيني بعدا انا مادرت والووو
عمران بجدية: هضري
سهام بلعات ريقهاا: 3 سنين قبل و باﻷحراا نهار المشوؤم نهار خطبتناا (بتاسمت بحزن) كنت فرحانة بزاف حيت حلمي تحقق وغانتزوج بحب حياتي وبابات ولدي لي هزاا في كرشي كنت غانطير بالفرحة داك نهار واخا كنت مقلقة شوياا على موت لبنى لي جا فجآءة مي فرحتي كانت كبر ....مهم كنت جالسا في بيتي زعما لي كان بيتناا شويا سمعت تيلي كيصوني هزيتو لقيتو واحد صديق عزيز على قلبي نت ماكتعرفوش مابغيتش نقولك عليه باش ماينووضش صداع عارفا غيرتك خايبة مهم هضرت معاه لقيتو كيبكي وكيقولي محتاجك تعاونيني بقاا فيا قلت مازال الخال على الخطبة غانمشي عندو بتخبية و نرجع دغياااا
بدات كتبكي بحرقة
عمران: كملي
سهام: مهم وصلت عندوو لدار دقيت حل ليا الباب بديت كنسول فيه علاش كان كيبكي وفاش محتاجني ضحك بخبت وقال خرجي انا داك ساعة مافهمت والوو غي هزيت عيني كنلقهاا اختي ....اه اعصمان اختي توأم لي كنت قلت لك شحال ماشفتهاا حيت مخاصمين كانت كتعيش في المانياا عرفتي تصدمت ﻷرض دارت بياا سولتها شنو كدير هناا ماجوبتنيش حتى نطق كمال صديق ديالي لي قلت لك عليه .....فهمت من كلاموو انه كيبغيني وختي كتبغيك اه ختي كانت مقاطعة كلامي على قبلك هادشي ماكنتش عارفاه اناا حتى لداك نهار عاد عرفتووو (بدات كتبكي وكتهضر بصوت مخنوق) عرفتي اعمران دوك تصاور لي وصلوك ماشي اناا ختي هاديك توأم ديالي تصورو في داك الحالة وصيفطهم ليك في نفس نهار لي كنت انا عندهم .....
عمران بدا كيفهم: يعني نت
سهام: اه هاديك لي ماتت ختي الهام ماشي اناا ....فاش حسوو بيك قربتي تجي كمال قنعاهاا تبقا في الفراش على اساس هي اناااا وانك نت مغاديش تآديهاا بحكم كتبغيني ولكن نت كانوو عينك معمين قتلتيهاا بلا ماتردد .....واناا خداني كمال معاه ﻵلمانياا بدل ليا الجنسية قتل ليا ولدناا اعمران ولدنا اهئ اهل قتلو في كرشي وغتصبني بكل وحشية اعمران كون تعرف شنو داز عليااا معاه
عمران بكل كلمة نطقاتها كيزير على قبضة يدوو : كيعرف سعد يااك
سهام مسحات دموعها: اه من بعد عرفت سعد حتى هوو معاهم بغا يطيحك على قبل شركات وختى لبنى لي نتاحرت بسبب حبها لك
عمران: وكمال
سهام :اه هو كيبغيني دار هادشي كامل حيت رفضتوو. لكن كاين شي حاجة اخراا هي لي مخليااه يكرهك حتى لهاد ذراجة
عمران هز راسو باه و ناض جمع الوقفة: مممم نخاليك ترتاحي دابا
دار خارج فحالو حتى سمعها نطقات
سهام:عمراان واش ماتيقتنيش عمري غدرت بيك كنقسم لك
عمران ماجوبهاش وخرج فحالو ركب طومبيلتو وكسيرا
في سبيطار
كانو على بارا كيتسناوها تفيق حتى جات عندهم لممرضة كتعلمهم بلي فاقت
عصمان بخوف :علاش سخفان شنو عندها
الممرضة: لبنت عندهاا مرض مزمن لي هو القلب
عصمان بصدمة: نعام؟؟؟
الممرضة بحزن: اه اسيدي لبنت عندها القلب ماخصهاش تعصب والظاهر انهااا تعصبات ليوم داك شي علاش فقدات لوعي وعاد زيد سولتهاا على دوا قالن قطعاتوو
عصمان بجدية: كتبي ليا دوا لي خاصهاا
ممرضة:واخا دخل شوفها بيما جبت لك ورقة دواء
حرك راسو باه ومشاا قاصد الغرفة دخل عندها لقاها كتشوف في نطقة وحدة غي حسات بيه كيقرب ليها بدات كتغاوت
ملاك:خرج عليا شنو جاي كدير عندي هماا خرج الكذاب
عصمان مشا بزربة شد ليها يدها خاف لاتنتر سيرووم: شوو رصاي رصاي راه غانضربك املاك
اروى بتاسمت بخبت وطبطبت على كتفهااا: غي نساي عصمان عمرو يكون لك
ملاك بصوت مخنوق:الله يخد فيه الحق
نترات سيرووم من يدهاا بجهد وخرجات كتجري من سبيطار حفياانة ماعرفا فين غادا مهم تهرب من حداهم
في بلاصة اخراا
جالسا جمعاا رجليهاا عندها كتبكي في صمت من بعد ماكانت عونتها الخدامة دوشات ولبسات حوايجهاا .....
جالسا في لاطيغاس كتشوف في نقطة وحدة مركزة عليها نظرهاا دموعها كيهبطو لغزارة كلما كتفكر لحظة فاش سمح فيهاا ومشا عند سهام كتبغي تحماق بالبكا مرضاتش يدير ليهاا هكاااك هادشي لي كتقول مع راسهااا
الشخص: لا اسيدي من خرجات معاك مازال مارجعاتش عصمان :ككفاش
الشخص:تبغي نمشيو نقلبو عليها اسيدي
عصمان حك ليحيتوو ونطق: الا لا صافي سير حتى نعيط لك
قطع معاه ودار غادي خارج حتى كيسمعها نطقات
اروى: عصمان
عصمان :نعام
اروى: فين غادي غاتخليني بوحدي
عصمان بحدة:اروى سيري من هنا ومازال غانتفهمو على الهضرة لي قلتي ليهاا
اروى شدات في يدو: علاش مالي كدبت عليهاا
عصمان نتر منهاا: سيري من هنااا
يالاه غاتهضر حتى كتشوفو دار خارج طلع في طوموبيلتو وكسيرااااا مخلي العجاج موراه......
بلاصة اخرااا
ملصقها مع الحيط وكيشوف موراه واش جاي شي واحد
شمس كتنتر منو: كنقسم لك ومابعدتي مني حتى نجمع لك عباد الله ولد عمتها: عطيني فرصة ازين والله حتى غانعجبك
شمس :واش نت مريض سير عند مرتك وبعد مني
يالاه غاينطق حتى كيحس بشي واحد جاي طلقهاا بزربة كيحك في راسووو بتوتر
العمة خديجة:شكوون تماأ
شمس بلعات ريقها: اء عمتي
خديجة وصلات كتشوف فيهم بشك:شنو كديرو هناا
الولد:والو الوليدة غي شمس ؤء
خديجة بشك:شمس شنو.....(شافت في شمس ) هضري نتي شنو كاين
شمس صفرات وخضرات يالاه غاتنطق حتى صونا تيليفونها :ء والو اعمتي غي تيليفوني خسر وصيبو ليا خوياا كريم هادشي لي كاين مهم انا ندخل لبيتي نجاوب
كريم :تل انا غانخرج الوليدة
خرج خلا شمس حاصلة
خديجة قربات منها: هاودني منك الفعة الولد بمرتو
شمس:ءءء
قطعتها بحدة:ماقلت والو غي حذرتك
مشات وخلاتها اتموت بالفقصة شافت في تيليفونها غاتقطع غي شافت شكوت لمتصل بتاسمت وسط دموعها ودخلات لبيت كتهضر بصوت مخنووق
شمس:اولوو
سليم معصب:على سلامة عاد كتجوبي
شمس:صافا سليم: ماصافا ماتق**
شمس:اويلي مالك تسطيتي علاش كتخسر الهضرة
سليم:فين مشيتي وعلاش ماقلتي والو
شمس تنهدات كتبكي في صمت: سفرت عند عمتي
سليم:شنو بلان هاد تسفيرة
شمس:قصة طويلة
سليم:واش وقعا شي حاجة
شمس:لا لا ماكين والوو
سليم:همم توحشتك
شمس قلبها تهز: بصاح سليم: لا كنكدب عليك
شمس بتاسمت :تا انا توحشتك
سليم:همم قداش
شمس : بزاف
سليم يالاه غايجوبها حتى كيتفرع عليه الباب وكدخل كتعوج في مشيتها: سليم لاموووغ توحشتك
سليم تفرش غمض عينيه بمعنى كحلات عليه
شمس مفقوصة سمعت صوتها وعرفاتها: الو سليم
سليم:ها شمس
شمس:شكون هادي
قمر جالسا موراه:معامن كتهضر ابيبي
شمس:قمر ياك اوك خاليك معاها
سليم:الوو شمس شمس
شاف في تيلي لقاها قطعات عرف راسو قودهاا معاها عيا يصوني ليها كتقطع عليه شويا طفات تيلي كاع
....ضار شاف في قمر مخنزر شويا ويتلاح عليها
مسافة طريق وهي غي كتمشى ماعرفاش راسهاا فين غاداا مهم هو تهرب منهم ماحسات حتى لقاات رجليهاا جبوها البحر وبالضبط البلاصة فين تلقات معاه نهار تبعهاا الكلب ديالوو مشات نفس المكان وجلسات جامعا رجليهاا عندها كلما كتفكر هضرة اروى كتبغي تسطا بالبكاا حتى كتحس بقلبها تزير عليهاا بقات على داك الحال حتى كتحس بشي يد تحطات عليهاا دارت تشوف شكون حتى كتفاجئ بقات كتشوف فيه بصدمة وعصبية في نفس الوقت ......
في سبيطار
متكي مدد على الفراش حل عينيه لقاهم واقفين على راسوو غي شافوه مشا عماد كيجري عيط لطبيب ديالووو جابو وجاا قلبو عرفو ولا مزيان ضرب ليه ابرا في سيرووم تمنى ليه شيفاء وخرج خلاهم معاه قربو عندو كيسولو في حالتوو
كمال:على سلامتك
عماد : باش كتحس دابا
سعد بزز باش حرك ليهم راسو بآه
دار شاف في عماد لي فهموو طاير
عماد تنهد: عمي ماعارف والو قلت ليه غي خرج ليك شي بلان وسفرتي على غفلة
سعد : م مزيااان
عماد كيشوف في حالة صاحبو كيف ولات هضر معصب : كون خليتني قتلتهاا اسعد
كمال بحدة: سهام ماكتعرف والو و ماعندي ماندير بيها ﻷهم هي ليلى و عمران يموت
عماد : مابقيتيش كتبغي سهام
كمال : نزوة ديال 3 سنين و فاتت
عماد طول فيه شوفة :شنو بين وبين عائلة ﻹبراهيمي
كمال سكت مدة عاد جاوبوو : فاش يجي لوقت غاتعرف
خلاه واقف ومشا ركب في طوموبيلتوو وكسيراا معصب في بالوو الف فكرة
كتشوف بصدمة بلعات ريقها وناضت واقفا بزربة كتنفض حوايجها من رملة هبطات راسها ودارت من جهة لخرا غادا فحالها حتى كيشدها من درعها كرز عليها
شمكار 1: من زين كيبكي
شمكار2 كولو كيميل: يبكي عدوه
ملاك كولها كترعد:طلق مني
شمكار1:مال زين مزروب ولا شنو
ملاك نترات منو غادا فحالها كتزرب حتى كتحس بيه جرها عندو هزها فوق كتافو كيضحك بمكر ريحتو كتقلب بشراب صاحبو موراه تاهو كيضحك بخبت تبعو وهي كتغاوت حتى واحد ماسمعها حيت داك البلاصة كاتكون خاويا داك شي علاش كتجي ليها فاش كتبغي تفرغ قلبها
تما غادي بيها ولاخر معونو و هي كتبكي و طلب فيهم عيات تغاوت و والو صوتها بح من الغوت حتى فقدات ﻷمل و سلمات امرها الله
من بعد ماخرج من سبيطار كسيرا نيشان البحر عارفها ماعندها فين تمشي من غيرو
مسافة طريق كان وصل زدح باب لوطو وهبط في دروج د البحر كيقلب عليها بعينيه
عيا يقلب وكيصوني ليها في نفس كيلقا تيليفونها طافي كان راجع فحالو حتى كيسمع صوت شي بنت كتغوت و طلب لمساعدة وصوت مألوف عليه حس بقلبو تهز
بقا تابع مصدر صوت حتى لقاها في واحد القنيتة وسط جوج حلالف كينهشو في جسمها كل واحد كيقيسها من جيهة وهي وسطهم كتغاوت باعلى صوتها
غي شافها وقف مبلوكي عينبه ولاو جغمة من دم طرطق عنقو بعصبية ومشا ليهم
يالاه جر ليها لكسوة قطعها ليها من جيهة صدر حتى ماعرف ضربة من جتو طايحو غايب و شد لاخر تاني ردو شرويطة عاد رجع لاخر لي غايب بقا كيضرب فيه واخا فاقد الوعي حتى حس بيهم صافي ماتو عاد بعد منهم و مشا عندها هزها بين يديه وهي كتغاوت بهستيرية باقا مصدومة حطها ﻷرض
عصمان:واش ديلمك مريضة نتي
ملاك شدات راسها كتغاوت: طلقو مني طلقو ماتقيسونيش
عرفها مازال مصدومة هز يدو وعطاها لحنك حتى سكتات ورجعات لوعيها عاد نطق كينهج
محطم كياني الجزء العاشر
محتوى القصة
التنقل بين الأجزاء