ملاك هزات راسها فيها لقاتو مدار حتى ردىدة فعل هزات ليها راسها بآه دارت غاتمشي حتى سمعاتو نطق
عصمان:ملاك
ملاك كتشوف فيه بخيبة امل: بسلامة
عصمان طلق من اروى غايمشي عندها
اروى شدات فيه : حبيبي اي راسي دوخة غانطيح شدني اعصمان
عصمان شدهاا من خسرهاا : مالك باش كتحسي
ملاك غي شافتهم مقربين مسحات دموعها و مشات كتجري مخليااه كيسول في اروى على باش كتحس .....
عمران:شووو كولشي غايتصلح
ليلى صوتهاا مخنوق بالبكاا: تاحاجة مغاترجع كيف كانت تاحاجة
عمران مسح على راسهاا:اجي معاياا اجي
ليلى :فين
عمران: نوضي غسلي وهبطي عندي لتحت
حركات راسها باه ومشات حتى هو هبط لتحت
بعد مدة زمنية هبطات عندوو عينيهاا منفوخين لقاتو جالس في صالون كيشوف في نقطة وحدة غي حس بيها موراه دار عندها شاف فيهاا مطول عاد زاد قاصد الباب حتى هي هبطات رسهاا وتبعااتوو طلعوو في طوموبيل وكسيراا مخلي الغبرة موراه ....
مسافة طريق كانوو في دار ديال البحر وصلووو مع الحال مظلم ....دخلوو جلس كيخربق في تيليفونو لقاها كتشوف فيه
عمران غمزها: شتمااا
ليلى :علاش جبتني هناا
عمران: بغيت
شافهاا مازال واقفا : غاتبقاي واقفا
تنهدات ودازت جلساات مقابلة معاه
ليلى كدور عينيها على دار: ديالك
عمران كان مركز في تيليفونو : شكون
ليلى: قريب .....مالك صمك
عمران هز راسو فيها جاو عينيه في عينيهاا نطق بهمس: لسانك غامكيزيد يطوال همم
ليلى كدور في عينيهاا : مالي شنو قلت
عمران هبط عينو كيشوف في تيليفونو: الله يعميهاا لك
ليلى سكتات مدة عاد نطقات : عمران
عمران:شكااااين
ليلى: بغيت نهضر في تيليفون
عمران ببرودة: تهضري ختك لي هربتي ولا صاحبتك لي نكرتي ولا شي واحد اخر
ليلى بلعاات ريقها: ب باش عرفتي
دار فيها داك شوفة د منيتك ابنتي وعاود هبط راسوو حتى كترجع تنطق فاش شفتو سكن ماعودش جاوبهاا
ليلى: عمران عطيني عافاك
عمران ببرودة :لا
ليلى بحزن:علاش
عمران:ماشي دابا
ليلى قلبات عينيها:تفوو
عمران : غانوض غانهرس لمك داك لفم
ميقات فيه وضربات طم مدة عاد قربات منو نطقات بهمس
ليلى بهمس:عمران
عمران غمض عينيه بعصبية وشدها من يدهاا قربها عندو وزرب عليها شقلبهاا تحتوو
عمران بهمس: مالناا من صباح عمران عمران ماكتعرفيش تسكتي
ليلى غاكدور في عينيها ماعرفات راسهاا باش تبلات
بلعات ريقها ونطقات بزز: غانسكت غ غي حيد علياا
عمران ببرودة: لا
ليلى : علاش ازمر
عمران غانهرس لك فمك الى ماسكتيش
ليلى: هانا ساكتة غي حيد عليا
عمران: واخاا هانا غانشوف
بقا كيشوف فيهاا كيفاش كدور في عينيهاا وتبلع في ريقهاا عرفهاا متوتترة من قربوو منهااا .....بتاسم بشر وهبط على شفايفهاا في غفلة منهاا كيقبل فيهم بكل حب وشغف عاطي لكل وحدة حقهاا متلدد بمداقهم .....كان متوقع في اي لحظة تدفعو بحال لمرة لي قبل .....ولكن هاد المرة غير بلا ماتحس حطات يديها على عنقوو مداوراهاا عليه مدة وهو كيدي فيهم ويجيب ويديه كتسراا فوق كرشهاا ......شويا حس بلعلم وقف ومغايقدرش يتخكم في راسوو طلقها وناض عليه خلاهاا حمرة ماعرفا راسها باش تبلات بغات تموت بالحشمة
شافها ماتحركاتش من بلاصتهاا غي كدور في عينهاا رجع تخشا في بلاصتوو وجرهاا حداه جر هليهم لغطاا وطفا ضوو
ليلى بغات تنوض:شنو كدير نت
عمران خشا راسو في عنقهاا:شوو نعسي باش نعطيك تهضري مع ختك غداا
نور بتاسمت ليهم بزز وطلعات لبيتهاا خايفة والتوتر غايقتلها في نفس الوقت بقات غادا جايا في داك لبيت كتفكر في كلام سعد
سعد : عمرك تحلمي نبعد عليك ختاريتي تكوني عاهرة دونك غاتبقاي عاهرتي حياتك كاملة عندك يقولك داك راس تفكري في غيري شي نهار ماتنسايش تصاورك كاملين عندي ابنت عمي صغيرة
بلاصة اخراا
فاقت على اشعة الشمس لي ضربات في وجهاا هزات يديها كتكسل وتحك في شعرهاا جلسات كتسترجع في داكرتهاا حتى كتنوض قافزة فاش تفكرات شنو وقع لبارح بلعات ريقهاا وناضت كدور غينيها لايخرج ليها من شي قنت مالقاتوش عاد تنهدات براحة
ليلى: هفف فين مشا هذا ياك قالك غايعطيني نهضر مع ختي ولا كيعرف غي يبوس
تنهدات بغيض مشات قاصدا الحمام قضات حاجتهاا وخرجات لكوزينة لقاات لفطور موجود جلسات كتفطر وتفكر في شي حل يخرحها من هاد الحريرة لي طاحت فيها
في الحي
كانت رجعاا من لافاك وجهاا شاحب شفايفهاا بيض معنقاا صاكهاا عندهاا كتشوف في ﻷرض كتفكر قي شنو وقع البارح كيهبطوو دموعها بلا ماتحس......
وقفات فاش وصلات حدا دار ليلى وشمس
جلسات في واحد القنيتة مقابلة معاها كتشوف فيها بحزن حسات بقلبها تزير عليها دموعهاا هبطو كتر وكتر خصوصا على ليلى لي ماعرفا عليها والوو اما شمس كل مرة كتهضر معاهاا مسحات دموعهاا فاش حسات بقلبها تزمت وعطاهااا الحريق ناضت كتزرب في مشبتها ودموعها كيهبطو بغزارة ......
مسافة طريق
كانت وصلات قدام دارهم دقات ماحل ليها حتى واحد غمضات عينيها بعصبية وهزات صاكها فتحاتو كتقلب على ساروت لقاتوو وهزاتو كتدخل فيه حلف لابغا يدخل ليهاا حتى تعصبات وبدات كتضرب في الباب
ملاك بعصبية ولغوات: كريمة حلي الباب واش فينما تشرق لك تبدلي ساروت حلي ولا غانهرس ديلمو هاد الباب حلي قلت لك
الجارة طلات عليها من الفوق :بنتي ملاك ماكين حتى واحد بلا ماتعدبي راسك
ملاك بستفهام: ك كفاش
الجارة: صبري هانا هابطا عندك
ملاك عقدات حواجبهاا وتسناتها حتى خرجات
غي شافتها شنو مخرجا معاها وسعات عينيها من صدمة مشات عندها طايرا حيدات ليها داك شي من يديهااا
بعد مدة عاد ستوعبت شنو طاري رجعو. دموعها هبطو لكن هاد المرة مساحتهم بالخف وناضت جامعا الوقفة جمعات داك شي لي خلات ليها كريمة فاليز و صورة باها ومهاا هزاتهم ومشات خدات طاكسي وصلهاا لاكار ...
جلسات في كورسي مدة وهي كتبكي حتى شافت تران قربات عاد ناضت كتشوف في المدينة بخزن
ملاك بصوت مخنوق: اصلا هاد المدينة ماعطاتني والوو من غير ﻵلم والحزن
ودارت عطايهاا بضهر مشات طلعت في تران مدة وكان كيصفر كيعلن على وقت رحيلوووو
دمووع جامدين في عينيها وشعرها مخربق البكية واحلا ليهاا مامتيقاش كانت شويا وتخسر شرافهاا كون ما ضرباتو بداك لعصا لي كانت مخبية حداهاا غي لبحال هاد المواقف...
غمضات عينيهاا كتسترجع انفاسها ليل كامل مانعساتش مع الخلعة بقاات حتى لصباااح حالا عينيها كل مرة كتقول هاهو غايعاود يدخل علياا....
لقاتهم كيفطرو جلسات فطرات معاهم وفي بالهاا الف فكرة كضرب في راسهاا
من بعد ماسالات فطورها ناضت غسلات لماعن وخملات دار طبعا تحت اوامر خديجة بقات هكاك نهار كامل غي تمارة وشقة حتى وصل وقت القيلولة شافتهم نعسو كاملين
رمات داك شي من يدهاا ومشات كتزرب دخلات لبيتهاا لبسات حوايجها وجمعات شنطتها بالخف وخرجات كتسلت لا يشوفها شي واحد بقات كتزرب في مشيتها حتى بعدات على الدار عاد تنفسات صعداء وكملات طريقهاا عادي
دازووو ساعات
كانت جالساا وسطهم فرحانين بيهاا شحال هذا ما شافوهاااا عندهم عزيزة خصوصا عند خالد بنت اعز صاحبوو
العم خالد: نهار كبير هذا ابنت صاحبي
العمة حكيمة: بنتي ملاك و اخيرا شرفت وجات عندنا
ملاك كتبتاسم بزز: غي ظروف اعمي باش ماكتتش كنجي عندكم
العم خالد عنقهاا: نتي راه ماشي بنت صاحبي راك في متابتة بنت خويا هاد دار ومفتوحة لك ديماا
العمة حكيمة وقفات :اجي نوريك بيتك ابنتي رتاحي لك شويااا
العم: سيري ابنتي
بتاسمت ليه وناضت تابعاا حكيمة طلعو في دروج حتى وصلاتهاا لواحد الغرفة واعرا زوينة بمعنى الكلمة بقات غي حلا فمهاا تبهرات في تصميمهاا فيقها غي صوت حكيمة من شرودها فاش نطقات
حكيمة: دخلي دوشي ابنتي حيدي لعيا د سفر ونعسي شويا
ملاك بتاسمت حتى تسدو عويناتها:واخاا اخالتي شكرا
حكيمة حتى كانت غادا ورجعات عنقتهاااا: سبحان الله غي رحمة فاش كانت صغيرة
ملاك: كنشبه ليهاا بزاف ياك
حكيمة: نتي وماماك صورة وحدة سبحان الله ....ياربي ترحمهم ياريي
ملاك:امين يارب
حكيمة: نخاليك دابا ابنتي
ملاك: واخاا اخالتي
خرحات حكيمة وسدات عليها الباب خلاتهاا قدات حوايجها في البلاكار و من بعد دخلات الحمام ضربتها بتدويشة حيدت بيها العياا ومشات لبسات بيحامة خفيفة ...شعلات تيليفونهاا وحطاتو يتشارجا يالاه غاتحط راسها على المخدة حتى كتسمعو كيصوني هزاتوو شافت شكون قطعات حتى صدعها عاد جوبات معصبة
قطعات عليه سهاقتها كيخرجو مقطعين كتعض في المخدة باش مايتسمعش صوت بكاها بقات هكاك حتى غفات وسط دموعهاا
جالساا كاتكل في ديسير ودمووعهاا هابطين بغزارة هرمونتهاا مخربقين حسات بالخوف غي بوحدها في هاد دار ونهار كامل مااجا عندهاا ولا شافهاا واخاا كان وعدها يعطيهاا تهضر مع ختهاا
ليلى شيرات بتفاحة معصبة البكية واحلا ليهاا: تفوو على كداب الله يعطيك موصيبة الكلب الكداب
غطات وجها بيدهاا كتبكي بجهد حتى حسات بشي حريق في كرشها تجهلاتو في ﻷول شويا بدا يتجهد مشات كتوجع دخلات الحمام لقاتها غي ليغيكل زادو دموعها هبطوو عارفا هاد ليلة ماغتشوفش نعاس من الوجع الى ماخدات مهدئ وحتى اولويز مالقاتهااش زادت تجنات كتر مشات قاصدا الباب كتوجع كدق على جون
ليلى باﻹنجليش:فتح ليا الباب بغيتك
جون :سيري بحالك
ليلى كتوجع:عافاك راني مريضة بغيت دوااا
جون بسخرية :كدبة زوينة عندك وقديمة غي سيري ماغانفتح لك حتى يجي سي عمران
تعصبات كتر عرفات مغايفتحش ليها الباب على داك نهار فاش ضحكات عليه ضربات رجلها مع ﻷرض ومشات تكمشات فوق الفراش متكية و الوجع شويا شويا كيزيد يكتار حتى مابقاتش قادرا بدات كتبكي بصوت مسموع شدا على كرشها بﻵلم العرق هابط منهاا...
بلاصة اخراا
تلاح فوق ناموسية خاشي راسوو في المخدة حتى بدا يشد فيه نعاس حتى كيفيقو صوت تيلي جاوب بصوت غالب عليه نعاس
عصمان ببحة روجولية: وي غيثة
غيثة: فينك علاش تعطلتي ناس قربو يوصلووو واش باغي تحمقني حتى من خوك جااا ونت مازال شوف اه عص
عصمان قطعها: شوف اعصمان الى ماجيتيش عمرك كلامي يجي على كلامك
شافها سكتات بخال ديما رحع نطق: ياكما نسيت شي حاجة
غيثة بعصبية: واش باغي تحمقني من صباح ونت غابر حتى من ولدك صيفطتيه مع شيفور فين كنتي
عصمان :ناري الوليدة ولات فيك الهضرة بزاف كان عندي تدريب عندي مسابقة غداا
غيثة بشك:متأكد
عصمان: مالنا كنلعبو
غيثة: مهم دابا تكون في القصر ناس شويا ويوصلوو
عصمان: حتى نزار يسميووه ناس مهم هانا جاي غي رتاحي
قطع معاها قبل ماتكمل هضرتهاا ومشا قاصد الخمام كيتمختر في مشيتوو دوش عليه بالخف ومشا لدريسينج لبس جنيز كحل مقطع مع تيشورت بيض وكويرة كحلة مع كاط وكاسكيط في نفس لون هز تيليفونو و كونطاك وهبط لتحت خارج يالاه فتح لباب حتى لقاها في وجهوو
عصمان بصدمة: اروى
اروى تلاخت عليه معنقااه بجهد :توحشتك وجيت نشوفك
عصمان: في هاد ليل
اروى: غي كنت دايزا من هناا وجيت عندك ندوز معاك هاد ليلة
عصمان حك ليحيتوو: مشغول ليووم اروى
اروى بحزن: اجلوو احبيبي خاصنا نهضرو
عصمان:حتى لمن بعد آ اروى
اروى : واخااا
عصمان سد الباب وتوجهوو لطوموبيلتوو : نوصلك
اروى: لا معايا شيفور راه باراا
عصمان: مم مزيان مهم تصبحي على خير
يالاه ايفتح باب لوطو كيحس بيها شداتو من يدو
عصمان هز حاجبوو: شنو كلين أ اروى
اروى بتاسمت: حبيبي ليوم مشغول ولكن غداا اتخدني معاك المسابقة اخر مرة مشيت معاك دازت عليها 3 سنين
اروى تلاحت عليه بستوو حدا فموو ومشات كتنقز ركبات مع شيفور و وقلع بيهاا
عصمان بقا حاضيهاا حتى مشات دور راسوو يمين وشمال مابقا فاهم حتى وزة بتاسم بسخرية وطلع في طوموبيلتو وكسيرا مخلي العجاج موراه
دازووو ساعات وصل ليل
في قصر ﻹبراهيمي
كانو الخدمات كيوجدوو في طبلة العشاا ماخاص حتى حاجة تكون ناقصة ليووم غايجي نزار يطلب يد بنتهم الوحيدة ....
كاملين جالسين في صالون كيتسناو ضيافهم يشرفووو
عصمان شد اوس قدامو: هادشي لي كلين
عمران همس لعصمان: هي باش عرفت بلي غدا عندك مسابقة
عصمان تنهد: راك عارف صحافة ماكتسكتش
عمران: حصلة وشمن حصلة
نور جالسا بآبهى حلتهاا كتضحك ليهم بزز وتوتر ايقتلهااا كلما كتفكر هضرة سعد قلبهاا كيتقبط وكتبقا تنفس بصعووبة بلعات ريقهاا فاش سمعات صونيت في الباب عرفتهم غي هما غايكونو وصلوو دقات قلبها تسرعوو فاش نوضاتها غيثة هي لي تفتخ لباب وتستقبلهم
ناضت بزز كل خطوة كدير فيها عام بزز باش حلات داك الباب غي شافتو جمدات في بلاصتها كان في كامل اناقتوو لابس كوستار كحل واتااه سهات فيه عجبهاا بجهد واخا ماكتحس من جيهتوو بوالوو
فيقها من شوردها غي صوت لي تنطق موراه
الشخص ببرودة: مغاديش تخليناا ندخلوو
نور هبطات عينها حشمانة لكن سرعان ماعودات رجعاتهم بزربة فاش جاها صوت مألوف عليهاا قلبهاا تهز ودقاتو تسرعات
نور بدهشة وصدمة في نفس الوقت : نت كك كفاش اشنو جابك لهنااا
بلاصة اخراااا
هبطات من طاكسي فاش وصلات لدربهم خلصاتو و مشات نزلات شنطتهاا و قفات كتأمل في دربهم مغابتش عليه بزاف واخا هكاك توحشتو هبطت دمعاا حارة من عينها فاش تفكرات ختهاا لي الله واعلم فين هي واش صاري فيهاا
هزات راسها لسماا ونطقات صوتها مخنوق بالبكا: ياربي تحفظها ليا ياربي تخليها ليا هي لي بقات عندي اسيدي ربي حفظها وبعاد عليها اي حاجة غاتآديهاااا
مسحات دموعها وتحركات فاش شافت شارع خاوي وحتى الوقت معطل بحكم خدات تران د العشرة وصلات معطلة
مشات كتزرب في مشيتها حتى وصلات لدارهم حلات لباب ودخلات لقاتها مازال كيف ما هي تنهدات براحة نوعا مااا ومشات رجعات حوايجها لبلاكار ولبسات بيجامة عبارة من شورط وديباردوو ومشات كتخربق في تيليفونها ناويا تعيط لملاك حتى كتسمع دقات في الباب ستغربات شكون غايجي عندهم في هاد ليل هزات كتافها بالامبالاة ومشات حلاتوو غي شافت شكون تبلوكات كتشوف بصدمة لهضرة مابغاتش تخرج ليهاااا بقات غي مصدومة
نور بدهشة وصدمة في نفس الوقت: نت كك كفاش اشنو جابك الهناا
دارت غادا فحالهاا : واقلة نرجع فحالي ياااك
نور طارت عليها معنقهاا بفرحة: خالتي بشرى مرحباا بيك وفرحت والله احسن مادرتي ماتصوريش فرحتي
بشرى: رحبي بناسك بعدااا
دارت شافت في نزار كان مبتاسم بحب: نزار شكراا بزاف احسن مادرتي فاش جبتي خالتي بشرى
نزار بتاسم : خاصك تشكريها هي لي وفقات تجي
نور عاودات عنقتهاا: فرحت والله
شافت مور نزار كان عموو ومرت عموو جاو معاه بحكم واليديه ميتين ليه مشات سلمات عليهم : تفضلوو مرحبا بيكم
بتاسموو ودخلوو لصالوون ستقبلاتهم غيثة واحمد بفرحة دخلو لصالوون جلسوو كيرحبو بيهم وكيسولو في اخوال بعضهم .....
نور جرات بشرى حداهاا: خالتي كيفاش حتى وفقتي تجي ناري صدمتوووني
غي سمع صوتهاا وقف بلا شعور هز تيلي ديالو وخرج كيجري ركب في لوطو وكسيرا طاير
في القصر
مجموووعين على في صالووون كيشربووو كاافي من بعد ما كانوو تعشاااو في جوو من ضحك والفرحة
حط كاسوو ونطق :سي احمد بلا شك عرفتونا علاش جيناا عندكم
احمد: مرحبا ولا الف مرحبا
عم نزار: جينا اسيدي طالبين رغبين في يد بنتكم صغيرة نوور لولدناا نزار على سنة الله ورسوله اشنو قلتي اسي احمد
احمد بتاسم: نزار راه واحد من ولادي ترباا معاهم من صغروو من عندي اناا مانزيدهم غي الله يكمل بخير
العم شاف في دراري: ونتوما ولادي شنو قلتوو
عمران: يديرهاا غي في عينه والله يكمل عليهم
نزار:عندك فيها شك العشير
عصمان شاف في نور: ونتي المشة شنو قلتي
نور حمارت صفرات مالقات ماتقوول مدة وهي ساكتة حتى نغزتهاا بشرى وهضرات بهمس: وافقي ابنتي
غيثة : نوور حبيبة شنو قلتي
نور كتفرك في صبعانهاا: لي بان ليكم اماما نتوما لي عارفين مصلاحتي
عم نزار:اواا مبروك اسيدنا نقراو الفاتيحة
هزووو يديه كاملين من صغيرهم حتى لكبيرهم كيقراو الفاتيحة غي سالاو طلقاتهاا الباتول (الخدامة ) بتزغريتة حارة
نزار مبتاسم حتى صغرو عويناتو سهاا في نوور حتى نغزاتو مرت عمووو فاش نطقات
مرت عم نزار :نوض اولدي لبس لخطيبتك لخاتم
نزار :هااشمن خاتم ااء لا زعما عطيه لياا عطاتو ليه ناض لبسو ليهاا وحتى هي لباستو خاتموو سلموو على العائلة كيباركوو ليهم ورجعو جلسوو نزار قرب لعصمان وهضر بهمس نزار: وبنادم بغيت نهضر مع مراتي
عصمان خنزر فيه : انشوف العقد الى كان مكن
نزار: تعامل معانا بروجولة
عصمان : واخا واخاا
شاف في نور ونطق: نور سيري نتي ونزار لصالون تفقوو على داك شي دالعرس
غيثة:اه سيري ابنتي نور بلعات ريقها: هاا اه واخا ناضت وتبعهاا نزار حتى وصلو لصالون لخر سدات لباب ومشات جلسات مهبطا راسها ﻷرض شويا سمع شهقاتهاا قرب حداهاا بخوف نزار: نور واش كتبكي نور شوفي فيا بزز باش هزات راسها وجهها عامر دمووع شهقاتها كيخرجو مقطعين نزار جلس حداها: علاش كتبكي نور: صمت
بتاسم باستهزاء وناض خارج: ماشي مشكل الى ندمتي نقدرو نساليو كولشي داباا شافتو خارج ماضت عندو كطير شداتو من يدو وعنقاتوو خاشية راسها في صدرو كتبكي نور: لا ماندمتش انزار ماندمتش ولكن نت ماتستهلش وحدة مسخة بحالي ماتسهلش تكون معايا انا وحدة رخيصة
نزار تنهد براحة فاش عرف هادي هي مشكلتهاا: شوو اخير مرة نسمع هاد الهضرة منك انا باغيك كيفما نتي وغاتبقاي في عيني ديما داك الجوهرة لغالية فهمتي وداك المجرم حسابو معايا من بعد شو نساي دابا وخلينا نفرحو بخطبتناا
نور بعدات عليه :شكرا بزاف انزار اه وشكرا حيت جبتي خالتي بشرى
نزار مسح ليها دمووعها: كنت خليتها لك مفاجاءة عرفتك غاتفرحي نور كتشوف فيه بفرحة: فرحت بزاف
سهااا فيها لحظة هبط على شفايفهاا كيقبل فيهم بكل حب وهياام يديهاا كيدوزهاا مور ضهرهاا مستمع بمداق شفايفهاا مدة عاد بعاد عليهاا مبتاسم
شافهاا مصدومة وجهاا حمر نزار باس على راسها بحب وجرهاا جلس وجلسها حداه اجي نتفقو على شنو غانديرو في العس وامتى اجي المشة
مسافة طريق
كان وصل لحي بانت ليه دنيا كتفصر كان الوقت معطل نزل من طوموبيل وكمل طريقو على رجلو بحكم طريق صغيرة مايمكنش دوز لوطوو مشا كيزرب غي وصل قدام دار بانو ليه جوح شماكريا كيضربو في الباب حتى تحل
زهير يالاه ايحط رجلوو في العتبة د الباب حتى كيحس بشي واحد جروو من تريكوه وزدحو مع الحيط ورجع جمع معاه بكورشي حتى رعف طلق منوو داز لاخر لي كان ايغفلو ويضربو بقرعة راس شدو. من يدوو لواها ليه وداك القرعة تهرسات على راسوو طاح ﻷرض حدا زهير غارق في دموو
سليم بدا عليهم بركالي حتى رجعهم شرويطة هزهم من حوايجهم ورماهم في الطريق خلاهم غارقين في دمهم كل واحد فاش مضرووب عاد رجع طلع عندها دفع الباب ودخل كيقلب علبها ويعيط بسميتهاا كيقلب بيت بيت حتى لقاها جالسا في بيت مها في واحد القنيتة جامعا رجليها عندها وخاشيا راسهاا فيهم كاتمشي وتجي وكتهضر بوحدها
سليم ضروو قلبو عليها قرب ليها ونطق بهمس: شمس ....شمس هانا معاك
غي هزات راسها فيه بدات كتغاوت بجهد وتبكي: خرج علياا خرج تانت بحالهم باغي تعدا عليا ياك خرج ولا غانقتلك
يليم شدهاا من كتفها كيحرك فيهاا بجهد وكيضرب في وجها ضربات خفاف: شمس شوفي فيا انا سليم شمس
شمس وعات على راسها: ها
سليم:شوو ماكين والو
شمس بصوت مخنوق :سليم جيتي
سليم حرك راسو باه: هانا معاك
جرها عندو خاشيهاا فيه كاتبكي : سليم خفت انا خفت بزاف كانو كيضربو لباب بجهد
باس على راسها: شووو مشاو ماتخافيش هانا معاك ومن بعد نتفاهمو على كرام ابنتي
في القصر
خارجين من صالون
نزار: متأكدة مابغاش عرس
نور بتاسمت ليه: اه متأكدة غي حفلة فيها خطبة وعرس صافي حسن من دوك تخربيق
نزار باس ليها يدها: واخاا على خاطرك
خرجو لقاوهم وقفين كاملين قدام الباب كيتسنوهم باش يمشيو
نور: صافي غاتمشيو
مرت عم نزار: لوقت تعطل ابنتي
خرجو معاهم لبارا يوصلوهم لباب لقصر
عمران كان وقف كيهضر مع عصمان على المسابقة ديال غدا حتى صونا ليه تيلي غي عرف شكاين خرج طاير ركب لوطو وكسيراا
مسافة طريق
كان فراناا حتى تحكو روايض قدام دار هبط كيزرب في مشيتووو تلقاا ليه جون قدام باب دار
عمران: شواقع
جون: من قبيلة وهي كتبكي اسيدي قالت لك مريضة
حرك ليه راسو باه ودخل عندهااا لقااهاا مكمشة فوق ناموسية كتبكي وكتوجع في نفس الوقت قرب عندهااا
عمران بهمس: ليلى شواقع
ليلى كتبكي: حتى لدابا عاد جاي
عمران: مالناا علاش كتبكي
ليلى: ماشي سوقك
عمران غمض عينيه بعصبية: هضري بلا مانفرشخ مك هناااا
ليلى : كضرني كرشي ابنادم ماكتشوفش
عمران: واش كليتي شي حاجة ضراتك ولا شنوو
ليلى: لا هادشي مكتعرفش ليه نت غي بعاد عليا
زادت في بكاها فاش شدهاا لوجع كتر
عمران شدها من سعرها مقربها عندو: هضري قولي شكاين باش نعرف شنو ندير بلا مانهز يدي عليك
ليلى بصوت مخنوق بالبكاا خلعها: ليغيكل ابنادم ليغيكل مالك ماكتفهمش
عمران طلقها: قوليها صباح دابا شنو كيديرو لهاد زمر
ليلى كتبكي بجهد : معرفتش
حك ليحيتوو وتحنى هزهاا عندوو
ليلى كترعد: ف فين غادي بياا حطني ازمر متقيصنيش
عمران عاض على سنانو: سدي داك الفم ولا غانهرسو لمك
قطعات الحس وتخشات فيه حتى كتحس بيه حطها في لوطو وكسيرااا بجهد وهي حدااه كاتموت بالجوع كتحس بالماااس كيتغرسووو فيهاا (اناا شخصياا الله ينجيكم من هاد الوجع)
مسافة طريق
كان قدام سبيطار هزهاا ودخل بيهاا تلقاو ليه الممرضين حطوها في البياص مشاا معاهاا حتى وصلو لغرفة يالاه ايدخلوهاا حتى كيشوف طبيب غادي دخل معاه مشا طاير وقف على راسوو
عمران:فين غادي الحاج
دكتور:عند المريضة اسي ﻹبراهيمي
عمران دار فيه داك شوف د منيتك:اضور تقاود عليا وتصيفط طبيبة في بلاصتك
دكتورة: سي ﻹبراهيمي ﻷنسة بخير كان عندها غي وجع د ليغ
عمران قطع كلامهاا: عارف كيف بقات دابا
دكتورة : مزيان دابا ( مدات ليه الورقة ) هذا مهدئ تشربو فاش تفيق وهذا برودوي فاش تمشي لدار غي توصل دوش بيه حرك ليها راسو باه ودخل عندهاا لقاهاا ناعساا تحتى هزهاا وخرج حطاهاا في لوطو وداز لي صيدلية في تماا خدا دوا وفوطات صحية ورجع ركب وكسيراا
داز الوقت
كان وقف ليها على راسهاا كبحيد عليها لغطا وهي كترجعوو عليهاا
عمران: تهزي
ليلى: وخليني مابغيتش حتى لصباح خليني نعس
عمران: دابا ماغاتنوضبش ياك
ليلى: لا طفي معاك ضووو
عمران: واخاا
تحنى هزهااا كتفركل ليه بين يده بغا تنعس ماحد الوجع بدا يسكر عليهاا ماتسوقش لغواتها بقا هزها حتى وصلهاا لحمام حطهاا في الجاكوزي كان موجدوو ليهاا حطهاا وبدا كيخيد ليها في حوايجهاا حتى خلتها غي بي سياان من للفوق
ليلى كتغطي في صدرها: ش شنو كدير نت
عمران ببرودة مع غميزة :غاندوش لك
وسعات عينيهاا بصدمة: مريض نت واقلة
عمران هز يدو كيكمل تقطاع الحوايج
ليلى بالغوات كدفع فيه : وزمر بعاااد عليااا
عمران : غانفرشخ مك لامرصيتيش
ليلى بعصبية :خرج غاندوش راسي خرج دغياا ولا
عمران قرب عندها:ولا شنوو همم؟؟
ليلى بلعات ريقهااا من قربوو ليهاا: والو غي خرج قلت لك
بتاسم بخبث وناض جمع الوقفة لاح عليها داك البرودوي وخرج بحالووو بدل حوايجووو وتلاح فوق الناموسية مغمض عينيه افكاروو مخربقين بقاا هكاك فكرة تديه وفكرة تجيبوو حتى حس بيهاا خرجات من الحمام لابسا بيجامة غوز سخوونة عليها و هزاا فوطة في يدهاا كتنشف شعرهاا بقا ساهي كيشوف فيهاا
ليلى عطياه بظهر شافتو من المرايا كيشوف فيهاا نطقات بسخرية: غاتبقا تشوف فياا ونشوف فيك نهار كامل
عمران تقاد في الجلسة ونطق ببرودة: هبطي يدك قبل مانهرسها لك
ليلى لاحت الفوطة بجهد وبدات كتشالي بيديهاا بجوج :والى ماهبطتهاش شنو غادير كااع شنوو سحاب لك نسيت داك شي لي دوزتي علياا راه واخل يقتلووك قدامي مانحنش فيك فهمتي
عمران عصباتوو هضرتهاا لعبت ليه على لمموار ناض وقف زرب عليها شدهاا من يدهاا لواهاا ليهاا شوياا وتهرس : توحشتي لعصاا ياااك
ليلى عطياه بضهر كتوجع:طلق مني قصحتني في يدي راه غاتهرسهاا ابنادم
عمران يالاه غاينطق حس بقطرات لما على صدرووو هبطين كان شعرعاا كيقطر بالماا طلعات معاه ربحتوو تغلغلات في اعمااقووو بلا شعور هبط راسوو كيشم في ريحة شعرها كيحس براسوو تخدر غمض عينيه كيستنشق ويعاود ماساخيش يبعد
فيقاتو من شوردو فاش بدات كتحرك كتحاول تنتر منوو بلا قصد منها حكات طرمتها مع لمعلم شي لي خلاه يهبط عينو لشورطو لقا خونا بدا يشد علامو غمض عينيه مفقوص ودفعها حتى طاحت على الفراش
ليلى شدا يدها: تفوو على حيوان
عمران قاصد الكوزينة نطق بتحدير :عاوديها مرة خراا وتشوفي لي عمرك شفتيه
جرات عليها الغطا وضربات طم بقات هكاك كدور في عينيها حتى غفاتت
جالساا كتعاود ليه شنوو وقع وكيفاش حتى هجمووو عليهاا ودموووعهاا هابطين كولهاا كترعد بزز باش كتنطق طبعا ماعوداتش ليه كولشي
سليم دوز يدو على شعرهاا: وعلاش جيتي نتي في هاد لوقت لمعطل عيطي ليا نجي عندك
شمس عينيها تنفخوو بالبكاا: صافي اسليم لي وقع وقع
سليم: وفين ختك بعدا
شمس مالقات ماتقول ليه مدة عاد نطقات: ختي مسافرة خدامة في مدينة خرااا سليم بغيت نعس عافاك
سليم: واخاا اجي تنعسي اجي رتاحي شوياا
جرهاا عندوو حطاها فوق الفراش وغطاهاا مزيان تنهد ودار قاصد الباب حتى كيحس بيها شداتو من يدوو كرزاا عليه
طلقاتوو مشا سد الباب ورجع جلس فوق لفوتاي مقابل معاهاا بقا كيشووف فيهااا حتى غفاااات
بلاصة اخرااا
وقف في لاطيغاس مقابل مع البحر مركز نظرووو في نقطة وحدة مرة مرة كينتر من سيكارووو شاف حسهاا تقطع عرفهاا غاتكوون نعساات تنهد تنهيدة طويلة ونتر اخير نترة من سيكاروو ورمااه و دخل لبيت قرب عندهاا كيطل عليهاا بانت ليهاا غارقة في نعاسهاا شعرهاا هابط على وجههاا كتبان هادئة وبارئة بلا شعوور منوو هز يدوو كيدوزهاا على شعرهاا ومرة مرة كيدوز صبعانوو على خدهاا حتى حس بيها بدات كتحرك عاد حيد يدوو
عمران حك في ليحتو ونطق بهمس: مابقيت فاهم والوو
تنهد بغيض وداز الجهة لخرااا تلاح حداهاا طفا ضوو وحرهاا عندوو خاشي راسووو في عنقهااا ويديه كتلعب في كرشهاا مدة وهو هكاك حتى غفاااا حداهاااا مستسلم كلياا مخلي كولشي يوضاخ مع الوقت
نهاار جدبد وصبااااح جديد
بآحداث جديدة
فاقت على شي يد حنينة كدووز على شعرهاا بحنان بتاسمت فاش عرفات شكون ناضت كتكسل وتحك في شعرهااا
حساات بدموعها ايخونوهاا هزات رايهاا لسماا كتحبسهم : شوو نسايه عليك اول حاجة غانديرووها هي نمسح اي حاجة كتعلق بيه اه
شدات تيلي بلوكات الفايس و ﻵنسطااا و مسحات الواتساب وختماتها بنمرة قسماتها على جوووج عاد تنفسات براحة وحطات تيلي وتوجهاات الحمام كتحس بشوية د راحة نوعاا ماا
بلاصة اخرااا
فاقت بكري لقاتوو ماكاينش بحال ديماا هزات كتفاهاا باالامبالاة مشات لحمام دوشات نقات داتهاا مزيان وخرجات نشفاات شعرهاا ومن بعد قصدات الكوزينة قدات لفطور ليهاا وجلسات كتفطر في هدووء كتفكر في حياتها لي مابقاات فاهما فيهاا والوو بين ليلة وضحاهاا تقلبات رأسا على عاقب اسبووع فقدات فيه كولشي
بلا شعور منها لقات راسها كتهضر بوحدها بصوت عالي : تطردت من الخدمة ؛ موت ماما ؛ بابا سرق ليا فلوس العملية ؛ تخطفت ؛ تفرقت على ختي وصاحبتي ؛ شفت لموت؛ شفت الجنون شويا كنت غانحماق محاولة اغتصاب ؛ التشرد
وباقي العاطي يعطي ماعرفات دنياا والقدر شنو مخبين ليهااا مازال هادشي كامل داز في مدة قصيرة علم الله المستقبل شنو
غطات وجهاا بيدهاا : الله ياربي هادشي كامل دوزتو وباقا عايشة ياربي امتى نرجع لحياتي طبيعية ياربي مابقاش عندي جهد لشي مصيبة اخراا
مسحات دموعهاا لي هبطوو بلا شعوور منهاا وهزات راسهاا حتى كتصدم فيه مقابل معاها مربع يديه كيشوف فيهاا واحد شوفات في شكل
فاقت على اشعة شمس تسلات من شرجم ضربات ليها نيشان في وجهها عنكشاتهاا ناضت جالسا كتحك في عينها كتسترجع احداث البارح غي تفكرات شنو وقع قلبها تهز دورات عبنها في البيت كتقلب عليه حيدات لغطاا عليها ومشات الحمام غسلات حالتهاا وخرحات كتقلب عليه في دار بين بيت وتعيط بسميتوو والوو حسوو ماكينش شمس بسخرية: اكيد مغايبقاش معاك غايكون مشا عندهاا
سليم من وراها: عند من غانمشي اساطة
قفزهاا دارت عندو بزربة كان هز صشياات في يدوو : س سليم فين كنتي
سليم لاح عليها دوك صشيات ومشا قاصد الكوزينة: كنت عندهاا
شمس ضربات راسها بالخف:ديما كتسبقي ﻷحداث ازمرة
هزات داك شي وتبعاتو لقاتوو كيسخن في القهوة
سليم جبد طباسل : حطي داك شي هنا واجي تفطري
شمس : اءءواخاا
دارت شنو قال ليها وجلسوو بحوج على طابلة لفطور هي كتفطر هو حاضيها كيرشف من قهوتو مرة مرة شافها سالات عاد نطق
سليم ببرودة: شنو بينك بين كرام
شمس هزات راسها فيه باستغراب: هااا
سليم: سولتك جاوبي
شمس: مافهمتش
سليم ضرب في طابلة حتى قفزهاا: واش كتسطاي عليا ولا شنو البارح بلاصة ماتصوني ليا انا مصونيا ليه هوو يجي عندك بوكيمون انا هاا
شمس هبطات راسها ﻷرض كتعض في شفايفهاا
سليم بالغوات :هضري ماتبقايش ساكتة قولي لي عندك نسمع
شمس عوجات شفايفها: ماشي سوقك
سليم وقف:واخاا
شافتوو خارج فحالو معصب عضات على شفايفها كتلعن راسها وناضت عندو كتجري لقاتوو ايحل الباب يخرج
شمس :اه انا حرام عليا ونت حلال عليك اسي وديك صفريطة لي جات عندك حتى لدار لا عفوا حتى لبيت دخلات عليك مدرمة معرفاتك عريان ولا لابس لا لاو زوينة قالت لك توحشتك تماا كان عجبك الحال يااك
سليم لصقها مع الحيط شاد فكهاا بيدوو: ونتي عاجبك الحال كاتب ليك القطيطة ديالي همم شنو ندير فيك داباا
شمس كتنتر منو:طلق مني سير عند قمر ديالك وانا ماشي سوقك فياا فهمتي
سليم حتى طلقها غادي خارج ولا رجع شدها من سعرهاا : سوقي الكلبة سوقي ونعاود نشوف مك كتهضري معاه ولا مع غيروو نصفيهاا ليه ونتبعك بيه فهمتي من ليووم كاين غي سليم وبس
ضرب بصباعو على راسها: دخليها راسك مزياان فهمتي دابا
شمس خلعهاا ولات غي كدور في عينيهاا : اه اه فهمت
سليم هبط راسو عندها: شنوو فهمتي
شمس :من ليوم كاين غي سليم وبس
سليم : هكا نبغيك اساطة
هبط راسوو كيطلع ويهبط في لباسهاا حس بالسخونية طالعا معاه هز يدوو وشحطهاا لطرمة:طري بدلي هاد الحوايج قبل مانصدقوو في شي حاجة اخراا غبري من قدامي
شمس هبطات عينهاا كتشوف في لباسهاا كانت مازال بحوايج البارح شورط وديباردو ديالو غي شافتهم مشات كطير من حداه خلاتوو هز تيليفونهاا كيبلوووكي كاع دراري لي عندهاا لقاهاا مقاوداها شافت حتى عياا وهرس ليها الكارطة عاد رتاااح
ليلى: مع لي خلقني وخلقك كنت كنطلبوو نتهنى منك ومنعاودش نشوفك في حياتي
عمران ببرودة: علاش كتبكي
ليلى بتكبر: شنو قالك كنت كنبكي الحااج يبكي عدويا لي مايحملني انشاء الله ونت سوقك نبكي ولا نزمر دخل سوق راسك شوياا دخووول صحة هذاا لاهيلا قالك كنت كنبكي ولواااه كنزمر بنادم مريض في راسووو
عمران مطول فيها شوفة مانطق بوالوو حدو كيشوف في هاد العيشورية كتهز وتحط غي بوحدهاا مدة عاد نطق ببرودة : فاش تسالي علميني
سمح فيها كتهلل وخرج خلاهاا اتكل ريتهاا بهاد البرود لي ولا فيه ضربات رجلهاا مع ﻷرض وجلسات كتكمل فطورهاا مفقووصة
دازووو ساعااات
جالسين ديرينهاا وسطهم كيعاودوو ليها على زبايلهم مع واليديهاا فاش كانوو صغااار
ملاك شدا كرشهاا بالضحك:اوووخ اعمي هادشي كامل خرح من بابا
ملاك حيدات لبنطوفة من رجلهاا وهزاتهم عندها مربعااا فوق لفوتاي كتبقشش في تيلي من بعد ماكانت شرات كارط جديدة مخليا حكيمة وخالد كيتهتفوو بالمسابقة لحظة تبلوووكات ماقدرات حتى تهز راسهاا تشوووف
المديع في تيفي : عشاق سباقات الذرجات النارية اليووم وﻵن حيت تفصلناا دقائق معدودة على اكبر سباق في بطولة العالم للدرجات النارية حيت سيقام التسباق مع افضل الذرجين في الكووون كبطل العالم الحاالي عصمان ﻹبراهيمي الذي نال على العديد من الجوائز الثامنة
بقا المديع كيهضر ويمدح فيه غمضات عينيها بعصبية اي حاجة كتفكرهاا فيه يالاه غاتنوض فحالهاا حتى كتسمع المديع علن على بداية المسابقة
هزات عينيهاا بثقالة شافت لكاميرة موجها ليه كان كيدير كاسك على راسو
شويا وبداو كيتحركوو بقات مركزة معاهم وقلبها ايسكت من خوفها فاش كتشوف لموطوور شويا ويطيح بيه شدات يدها كتطلب الله يحفظو مارتاحت حتى تعلن على فوزو بحال ديماا دموع تحجرو في عينهاا بقات كتشوف فيه كان هاز راية بلادوو🇲🇦
مارتاحت حتى تعلن على فوزوو بحال ديماا دمووع تحجرووو في عينيهاا بقات كتشوف فيه كان هااز علم بلادووو🇲🇦
وصحافة ديرين كيصوروو كيسولوو فيه....
لحظة تسمرات في بلاصتها مابقاتش قادراا ترمش فاش شفتهاا حداه شدا في دراعو كضحك من عينيهاا باينة ماقداهاا فرحة مامتيقااش عينيها شنو كتشوف وتاهو كيبان فرحان وبجهد كاااع مرة مرة كتهضر ليه في ودنوو وهو عاطيهاا وقت بدات كرمش بزربة فاش سمعات حكيمة كتهضر مع خالد رجلهاا
الصحافية من بعد ماكانت سولاتوو كاع ﻷسئلة شافت في اروى بدهشة ورجعات نطقات بالغوات: اووووه كنظن هاد ليلة مليئة بالمفاجآت منهم فوز عصمان بي لقب بطل العالم ﻷول و ﻷخير ورجووع ﻵنسة اروى الباهي المفاجئ لي حااضرة مع خاطيبها السابق هم هل هي عودة العشاق لي احضان بعضهاا امم مشاهدناا نخليوو ﻷنسة اروى هي لي تجاوب على هاد سؤال الظاهر سي عصمان مشغوول ......
وجهات لميكرو ليها : اروى الباهي شهاد المفاجئة زوينة شرفتينا بحضورك ليووم واش نقدر نفهم منك عودة العشاق من جديد بعد فراق دام اكتر من 3 سنوات
اروى شافت في عصمان لقاتو ملاهي مع صحافة اخرين
عاد رجعات وجهات نظرهاا لكاميرة
نطقات بغرور وتكبر: اكزكطوومون احبيبة انا وعصمان رجعنا لبعضنا مدة 3 سنين كانت كافيا تخلينا نعرفوو قيمة بعضنا فاش سافرت تأكدت بلي بلاصتي حدا عصمان داك شي علاش رجعت وعصمان فضل نعلنو على رجوعنا هنا قدام الكاميرة باش كاع لمتتبعين ديالوو يشركونا هاد الفرحة والفرحة ولات فرحتين فوز حبيبي و خطبتنا
هزات يدها كتوريها الخاتم دارت باي الكاميرة ومشات كتعوج شداا ليه في يدوو مبتاسمة بنتصاار كتقاد ليه في حوايجوو
ملاك غي سمعات اخر كلماتهاا بلعات ريقها بجهد هبطوو دموعها بلا ماتحس حسات بقلبها تزير عليها ولات كولهاا كترعد شافت في خالد وكريمة لقاتهم ملاهين كيهضرو
ناضت بزربة غادا طالعا لبيتها كاملة كترعد باغا غا امتى تنفرد بوحدها وتبكي في رحتها
حتى كتوقفها حكيمة : بنتي ملاك ياك لاباس
ملاك : هاء والو
زدت خطوة القدام حتى كتحس بضبابة على عينيه ورجليها فاشلين عليهاا شي لي خلاها طيح على وقفتها مغمة عليها
محطم كياني الجزء 11
محتوى القصة
التنقل بين الأجزاء