ثوبة هزات في يدها ضربات في يد اوس : هوووباا سالينال
خرجوو لصالون .....هز كل واحد جلسوو في كورسيه وجلس مقابل معاهم حاضيهم كيشوف فيهم كفاش منساجمين في الحديث كيفطروو ويهضروو كل واحد كيعاود لاخر شنو اخير احداث وقعاات ليه حتى كملوو فطورهم بتاسم راضي علاقتو ولادوو وعلى تفاهم لي بينهم ....
بعد مدة شافهم سلاو عاد نطق كيشوف في ساعة
عصمان : اوس ولدي وصل وقت ليكول
اوس : واخا ابابا
مشا جاب كغاطبل ديالو ورجع باس ثوبة من خدودهااا
عصمان شد في يدووو وخرجووو لقا شيفور كيتسناه طلع معاه وكسيرااا
طرطق عنقوو ورجع داخل لقاها مازال كتنقب من طبسيلهاا بشوية كاتكل بلاباقة ومرا مرا كتهز يدها تحيد شعر على وجهها بتاسم بحب كيشوف صورة طبق ﻷصل ديالهااا قداموو..
قرب خاشا راسو في عنقهاا : ونتي ماغاتمشيش ليكول ولا شنو الكسولة
عصمان سهاااا نطق بلا شعور: حتى ملاك ماكانتش كتكلوو
ثوبة دارت عندو بزربة : شكون ملاك ابابي
عصمان وعاا على راسوو شنو قال يالاه غاينطق حتى كيقطعو صوت تيلي كيصوني فوق طبلة غي شاف رقم هزوو جاوب بزربة....
عصمان : نزار واقعة شي حاجة .....(عقد حواجبو) لا مايمكنش صافي صافي هانااا جاي شوية غانكون تماااا
قطع معاه بزربة ومشااا قاصد دروج لبس حوايجوو بالخف ورجع هابط قاصد الباب حتى كيقطعو صوتها ﻷنثوي رقيق
ثوبة كترمش بعويناتها : بابي شكون ملاك
عصمان كرز على يدوو وتحنى هزها خارج بيهاا : ماتوحشتيش غيثة
ثووبة بفرحة : واو غاتديني عندهاا
عصمان باس يدها : اه ابابا
حل لوطو طلع ومجلسهاا قدموو وكسيراا طاير مخلي العجاج موراااه ماوقف حتى لقصر تلاقا سليم في جردة عطاه ثوبة ورجع كسيرااا متاجه لوجهة ديالووو....
بلاصة اخراا
جالس في لاطبغاس كيكمي بعصبية حس براسو تقمع فاش ماجاتش العشاا وحتى لصباح عاد عيطات كتعتءر بحجة انهاا مريضة
عماد : شكاين واقعة شي حاجة
كمال : العشاا تلغى اعماد
عماد : شنو سبب
كمال بعصبية : قالت لك مريضة ولا منعرف عرفتي كيبان ليا غانمشي حتى لدار نرمي ليها داك الووراق قدمها و نجرها من يدها بزز ولا بالخاطر عيت صابر
عماد ببرودة : لا خاصك تقرب من اولا تكسب تيقتها عاد دوز لداكشي اه ورد بالك لاتمشي تعرفك شكون اكمال
كمال : هي عمرها تعرفني وحتى داك عمران هددتو مايجبدش سميتي على ﻹختطاف و كاع تهم مشاو لسعد الله يرحمووو يعني ماعندها منين تعرفني
عماد بهدوء: كنتمنى ....
كانت في شركة كتشرب في قهوتهاا بهدووء مركزاا نظرهاا على صورة ثانية فوق البيروو ابار صورة ليث.... حسات بغصة في قلبهاا دموووع تحجروو في عينهااا نطقات بحرقة
ليلى بصوت مخنوق بالبكاا وحرقة كبيرة : كانت غاتكون عندك 5 سنين دابااا وشي شهورة الحبيب ديالي ( تنهدات) الله يخد فيهم الحق حرموني منك ان شاء الله تكون طير من طيور الجنة احبيبي ....
عمران اشار ليه بيدوو لور ....امين غادار تصعق كيشوف جود مع سهاام كيضحكوو باين عليهم ﻹنسجام
امين : سهام علاش اصاحبي علاش
عمران تنهد : ماشي مهم قوليا بعدا فين هي
امين : غالبا في القصر عندكم مشات باتجاهوو هادشي لي وصلني دابا من الكارد
جوود كيغوت : عموو امين
امين تحنى هزوو كيبوس فيه : البطل ديالي صافا
جود : علاش مابقيتش كتجي عندنا
امين : مانعاودش اعموو
عمران شاف في سهام : خودي جود وسيري هانا جاي
حركات راسها باه وخدات جوج ومشاو طلعو مع شيفور والكارد تكلفوو بس لي فاليزز
امين طول فيه شوفة عاد نطق : باش غاتجوبها فاش غاتسولك
عمران ببرودة: معرفتش مهم يالاه نتحركوو غاتمشي معاياا لداار
امين تنهد بعمق: ليلى غاتكرهني الى عرفتني صاحبك وداك شي كامل كان مخطط ليه يعني داك ﻷكسيدون كانت غاخطة ماشي صدفة هي كتيق فياا اعمران مابغيتهاش تصدم فياا خليني حتى نقولها بطريقتي
عمران طبطب على كتفو : ماكانتش عندي حل اخر من غير هاداك عمري نسا خيرك
امين : حناا خووت اصاحبي مهم سير نت من بعد نلقى كفاش نشرح ليهاا
عمران : يالاه نخاليك
عاود سلموو على بعض وكل واحد تجاه لوجهة ديالووو
مقابلين معاها كيشوفوو فيهاا من زاااج جسمها عامر خيووطة مغطينها غي ليزار بيض .....
عصمان بفرحة: واش بصح صافي انزار بدات كتستجب العلاج
نزار بتاسم : تيق بيا ملاك بدات كتستجب العلاج ليووم حركات صبعهااا ﻷول مرة من بعد خمس سنين د الكومااا
عصمان ضحك من عينيه : يعني تقدر تفيق في اي لحظة يااك
نزار : تماما كولشي عندها مزيان و الكمال على الله
عصمان حك ليحيوو: الحمد الله يارب
نزار بتاسم : دخل عندهاا انا نمشي نشوف شي حاجة في لبيرووو
ليلى شافت في شمس لقاتها مصغرة عينهاا نطقات بثلعتم: اءء حبيبة ديالي
شمس بصدمة : واش بصح كتديهاا عند ملاك اليلى
ليلى هبطات راسها بحزن: اه كنخدها معايا على الله تحس بيهاا وتفيق اشمس
شمس بحزم: توحشتهااا بزاف
ليلى : قلبي محروق عليهاا اختي
شمس شافت في ثوبة مافهماا والوو : ليلى البنت كتسمع
شافت فيها وهبطات كارزاا عليهاا كتبوس فيهاا عندها عزيزة كتحسبهاا بحال بنتهاا كتحاول تعوضهاا حنان ﻷم واخاا غي شوية وديما كتخدها عند ملاك بتخبية من عصماان كانو معرضين فكرة انه يخبي عليها الحقيقة ولكن فاش عرفو سببب ايدوه على الفكرة حيت لقاو عندو الحق مابغاوش يعطيووها بصيص امل وفي لاخر ماتكون حتى نتيجة.....
رجعات الواقع على صوتها رقيق: طاطا واش ماغنمشيوش عند ﻷميرة النائمة
غاسمعات سميتوو ختل توزونهاا وديك مرتوو وولدوو كتردد في وذنهااا حسات بغصة في قلبهاا لكن مابيناااش
ليلى: اه مزياان صافي غاسيري
غي مشات الخدامة ماحسات براسهاا الا وهي كتقرب لصالون بغاا تاكد وتشوف بعينهاا ....
قربات بشوية باش ميشوفها حد غي طللات جات عينهااا نيشان عليهم ....
كانت جالسة سهام و جود واحمد وغيثة ضايرين بيهم ماقداهم فرحة
دمووع تحجروو في عينهاا معرفاتش علاش بالضبط لكن حسات براسها خاصها تبكي قلبهاا تزير .....
طلقات من ثوبة ومشات كتجري قبل مايشوفها شي واحد غي وصلات لطوموبيلتهاا يالاه غاتفتح الباب حتى كتحس بشي يد حكماتهاا من يدهااا بلعات ريقهاا فاش سمعات صوت لي عمرهاا تنساااه حسات بقلبها ايخرج من بلاصتووو
.......فين غااااادا
ليلى بلعات ريقهاا وغمضات عينهاا كتخاول تسترجع قوتها من جديد
(هبطات عينها ليدو كان مازال شادهاا ) اولا غاتحيد يدك عليااا ثانية غاتبعد من طريقي
عمرااان بهدووء: بغيت نهضر معاك
ليلى بسخرية : تهضر معايا كتعرفني باش تهضر معايا وبعاااد من طريقي خليني نمشي بحالي انا غا مسالية لك
عمران طول فيهاا شوفة ساهي بحالا كيقارن شوفاتهاا د دابا مع ديال شحال هادي......
فاق من سهوتوو فاش حس بيهاا نترات يدهاا من يدووو بجهد وطلعااات في طوموبيلتهاا يالاه غاتكسيري حتى كيوقف في طريقهااا ....
عمران : تسناااي
ليلى بالغوات : فين كنعرفك حيد من طريقي حسن لك ولا كنقسم لك حتى ندوووز
عمران ببرودة : يالاه شكاتسناي
ليلى بعصبية حركات راسهاا باه وديمارت مامسوقاش ليه راه وسط طريق يعني الى خدمات طوموبيل تقدر دووزز فيه كان كل هامهاا تخرج من هاد القصر لي ندمات حتى علاش جاات ليه......
عمران تنهد بعاد على طريق فاش شافهاا كتغووت وتبكي طول شوفة فيهااا حقاا تبدلات بزاااف كتبان بحال شي مشة شرسة بتااسم بلا هواه ومشاا قرب ليهاا ونطق......
عمران بهدوء وبحة في شكل: مازال غانتلقااو اليلى وديري في بالك عمرك غاتهناااي مني
ليلى ببرودة: في احلامك
بتاسمت بسخرية وركاات مكسيرياااا بجهد مخلياااه غاساهي كيشوف في هاد شخصية لي عمرهاا تبدل
.....
اماا هي غي فاتت القصر وقفااات جنب طريق كتنش عليه الهوااا ودمووع محجرين في عينهااا كتحاول تحبسهم ...
ليلى بصوت مخنووق : علاش كنبكي اناا علاش اصلا ماكنبكيش على قبلوو اناا كنبكي على قبل ولدي حرموو من حنان ﻷب وعطاه لولدوو الله يخد فيه الحق
هزات قرعة د لماااا شربات منهاا ورجعات مرجعة راسهااا لووور حتى حسااات براسهاا رتاااحت مزياان عاد كسيرااااات بتجاااه البلاصة لي كترتاح فيها وفاش كتبغي تخوي قلبهاا كتمشي ليهاا.......
مسافة طريق كانت قدام البحر بلاصتهاا ديال ديمااا من نهاار مشاا وخلاهاا ولات هادي هي بلاصتها البلاصة لي تخطف منهاا ولدهاا علي...
ليلى بصوت مخنوق بالبكاا وبحرقة كبيرة : علاش جااااي علاش رجعتي الله يخد فيك الحق حطمتني شنو باغي عندي دابااا الله يعطيك لموووت
غطات وجهها بيدهااا كتبكي بجهد وبحرقة كبيرة حسات بداك العافية رجعات شعلات فيهاا من جديد .....
لحظة مسحات دموعهاا بعجرفة : ماشي ليلى لي تبكي ليلى هي لي كتبكي
وقفات كتمشاا بي تيقة كبيرة طلعات في طوموبيلتهااا طلقات موسيقى هادئة كتريح وقدات مكياجهاا عاد كسييرات كدندن مع الموسيقى متجهاا لدارهاا لي قليل فاش كتمشي ليها......
دازووو يومين
في شركة
كتلعب بي ستيلوو في فمها مركزهااا نظرهاا على شي وراق كتقراا فيهم وتعاااود حتى سمعات دقان في الباب عاد هزات راسهااا ونطقاات بي تقة
ليلى بتاسمت ونطقات ببرودة : لا بلعكس ماكين حتى مشكل مرحباا بيك معانا اسي ﻹبراهيمي
بتاسم بمكر وهزهز راسووو
ليلى جلسات : سووو نبداااو داباا
هزات حاجبها كتشرح وتعبر بي يدهاا مامسوقاش لوجودوو كاااع بحالا ماكينش تقريبا جوج سوايع وسالا ﻹجتماااع وكل واحد مشاا البيروو ديالوو من غير هو لي بقاا جالس كيلعب بستيلو في يدووو ساهي في نقطة وحدة حتى تحل الباب ودخل امين كيعرعر
امين شاد راسو: عمران شنو درتي اصاحبي
عمران بسخرية: الله يبارك فيك
امين كيمشي ويجي مفقوووص: كفاش الله يبارك فيك ناري وتعرف ليلى عمرها تسمح ليا علاش دخلتي شريك علاش
عمران ببرودة : كون مادخلتش انا كان غايدخل كمااال
امين بصدمة :ك كفاش
عمران : الناجي شريكم كان باغي يبيع ليه ﻷسهم
امين : ونت باش عرفتي
عمران وقف بهدوء: بطريقيتي مهم عشية دوز عندي لدار كاين شي حاجة مهمة خاصك تعرفهاا
ضرب ليه على كتفوو وخرج عاقد حواجبووووو.....
كانت بداات كتديه عينو .....
كان متكي على يدهااا من بعد مادوز معاها الليلة كاملة في سبيطاااار فاق على شي حاجة كتحرك حداا راسوووو ....
ناض طافج كيشوف فيهااا باللهفة وكيطلب الله مايكونش كيتخيل ولا كيتوهم حتى بدا كيفقد ﻷمل وعاود حي من جديد فاش شاف يدهاا تحركااات مرة اخرااا وهاد المرة تحركات بزاف ....
قرب ليهاا بصدمة وفرحة في نفس الوقت كيدوز يدوو على شعرهاا ببطئ : ملاكي ملاك واش كتسمعيني باركة املاك فيقي الله يخاليك احبيبتي....
هبطات دمعة حاارا من عينووو مسحهاا بزربة فاش شافهاا كتحاول تفتح عينهاا وتعود تسدهم بسبب ضوو لي ضارب فيهاا....
ماعرف مايدير دمووع كيهبطوو ليه مازال ماتيقش شنوو كيشوف قدامووو واش صافي حبيبت قلبو رجعات وفاقت من بعد خمس سنين د نعاااس .....
هز راسوو لفوق كيحمد الله ويشكروو وقرب ليهاا برك على زر ﻹنذار بالخف....
عصمان كيبوس راسها: ملاك حبيبتي حلي عينك
دخلوو طاقم د ﻵطباء لي مكلفين بحالتهاا كيجريوو معاهم حتى نزار ...
نزار قرب ليه: شنو كاين
عصمان : فاقت انزار حركات يدهااا وحتى عينها كانت كتحاول تحلهم اصاحبي
نزار بتاسم : اجي معايا باراا
عصمان بستفهام: علاش
نزار: خلي ﻵطباء يديروو خدمتهم
جروو دفعو قداموو وخرجوو بارا مخلين طبيب الخاص جاي على ودهاا من امريكاا باش يشرف على حالتها.....
عصمان : زعماا تقدر تفيق
نزار : خلي املك في الله قوي
عصمان : الحمد الله
بقااو جالسين شي ساعة ونص تقريباا حتى خرج عندهم طبيب وعلامة الفرح على وجهوو ....غي شافووه وقفوو بجوج
عصمان باﻹنجليش : شنو كاين
طبيب ضرب على كتفوو : على سلامتك مراتك فاقت من الغيبوبة
عصمان بصدمة: و واش صافي يعني...
نزار بفرحة : صافي اصاحبي ملاك رجعاات
عصمان دموع تحجروو في عينيه : الحمد الله ....واش نقدر نشوفهاا
طبيب: اكيد نديروو ليها شي فوحوصات وداك ساعة دخل عندهااا
عصمان : واخاا شكراااا
شاف في نزار وعنقوو : عمري نسا خيرك اصااحبي
نزار طبطب على كتفوو : حناا خوت وكولشي بفضل الله
عصمان : الحمد الله يارب
في المكتب ديالهاا واقفة كولهاا كترعد اخير حاجة توقعاتها وهو يولي شريك معاهم زفات بواحد الفاز حتى تشتت وقفات عاطية بالضهر كتنهج ....
كان غادي خارج فحالو حتى ضربات ليه في راسوو وقلب دورة المكتب ديالهاا راسم على وجهوو ابتاسمة مكر ....
وصل حل الباب بشوية كيشوفهاا واقفة عاطية بالضهر كتحك في عنقهاا بعصبية والفاز مشتت في ﻷرض بتاااسم بخبث ودخل بشوية سد الباب وقرب ليهااا....
مجرد ماشماات ريحيتوو لي عمرهاا تنساهاا جات غاتضور حتى كتحس براسهاا مزدوحة مع صدروو ....
عصمان قرب ليهاا قاد ليهاا المخااد وتكاهاا بحالا جالسة ....
بتااسم ليهاا وباس راسهاا مطووول : واخيراا املاك
بعاد عليهاا شد وجهها بين يدووو: باش كتحسي احبيبتي
غاكتشوف فيه ببرودة كتشوف فيه بنظرة انكسار وخدلان دمووع تحجرووو في عينيهاا ...هبطات راسهاا كتشوف في كرشهاا خاوية وملامح الحزن كترسم على وجهها شوية بشوية .....
شافت في نزار كأنهاا كتسولو شحال وهي هناا ....
نزار بتاسم ليه : خمس سنين ماديري في بالك والو. كولشي ديال الله املاك
هبطات دمعة حارة على خدهاا بلعاات ريقهاا وهزات راسهاا فيه بهدووء بنظرة اللوم وعتااااب ....
عصمان مسح ليها دموعهاا : ملاك شووو علاش كتبكي
هز يدهاا كيبووس فيهاا بحب وحنااان ....
بغاات تجر يدهاا ومقدراتش كولشي باقي فاش عليهاا حتى من لسانهااا ماكتقدرش تحركوو من غير دمووعهاا لي كيهبطو شلال من كل عين ....كاع دكريات رجعوو ليهاا باقا عاقلة على حذث بي حذث لقطة بلقطة كل ماتفكرت كيهبطو دموعهاا ...
عصمان تلف ماعرف راسوو باش تبلا دار عند نزار كيسولو بخوف
عصمان:نزار مالهاا علاش كاتبكي
نزار تنهد : غالبا تفكرات شنو وقع
عصمان بلع ريقوو ودار عندنا شد زجهها بي يدوو :ملاك حبيبتي شوفي انا غانشرح لك كولشي نتي غا ولي بخير
ملاك سدات عينها بسخرية و جمعات قوتهاا ونطقاات بزز : س سيرررر فح فحا ل ك
عصمان : ملاك تهدني
ملاك شافت في نزار : خ خر ررجووو ع عليااا
هبطوو دموعهاا صدرهاا ولا كيطلع ويهبط كاملة كترعد وفي فمها كلمة وحدة : خرج.....خرج
ليلى بثلعثم : كان ولدي بوحدي ومات بسببك وبسبب اعدائك
عمران ضحك بسخرية : كضحكي عليا ولا على راسك
الهضرة وحلات ليهاا مابان ليهاا غاصاكهاا هزاتوو وخرجات كتجري من داك شريكة هاربة من كولشي وكلمة ولدنا كتردد في ودنهاا زعما يكون عرف انه عندو ولد منهاا ومنين غايعرف وهي مخبياه على العالم كتبينو على اساس ولد امين واكرام ....
طلعات في طوموبيلتها مرفوعة كسيراات حتى طار العجاج ....
عند عمراان
غي خرجات خرج حتى هوو متجاه لدارووو مسافة طريق كان وصل ....
اكرام : ماجاتش ا امين راه غاتصدم الى عرفاتنا من طرف عمران وداك ﻷكسيدون ماكنتش صدفة بل كان مخطط ليه وحنا بناا في طريقهاا بسبب عمران وهاد لخمس سنين كاملة كان مرقبهاا وحتى ليث عرفوو ولدوو بففف صعيبة ا امين والله ليلى غاتكرهنااا حتى حناا
امين شد راسو بين يدووو : ماكانش شي حل اخر من غير هذااا
واقفة في الباب كتشوف فيهم بصدمة حطات ليث من يدهاا وقربات حداهم دمووع محجرين في عينهاا مامتيقاش شنو كتسمع ....
ليلى بصدمة : ا امين و وا واش هادشي لي سمعت بصح
امين هز راسوو بزربة واقف ماعرف راسو باش تبلا : ل ليلى شوفي
اكرام كتقرب منهاا : حبيبة سمعيني
ليلى نترات منهاا : واش هادشي بصح (بالغوات) هضروو
امين : اليلى خليني نشرح ليك
ليلى ببرودة : سولتك جاوب أ امين
امين مسح على راسو: اه بصح ولكن ماشي كيف كيسحاب ليك اليلى
جرات ولدهاا وطلعات كتجري في دروج وهماا موراهااا كيحاولوو يشرحو ليهاا شنو واقع بالضبط ....سدات عليهم الباب ومشات كتجمع في حوايجها وحوايج ولدهاااا حالتها حالة كولهاا كترعد كتحس براسهاا تشمتت شمتة عمرهاا عاودات تحطمات من جديد
بجوج جالسين قدام الباب كيحولو معاها تفتخ الباب و والوو لا رد
اكرام كتبكي : شفتي قلتها لك
امين : موصيبة
شوية شافو الباب تحل وخارجة جاراا فاليز في وليث في يد
ثوبة بعدات كتشوف فيها شوية شدات وجه ملاك بين يدها: نتي اه نتي هي ﻷميرة النائمة
ملاك ضحكات في عز دمووعهاا حركات راسها باه : اه صافي دابا رجعت وغانبقا معاك ديمااا
شافت في عصمان باتسؤول: علاش ماكتقولش ليا ماماااا
عصمان تنهد : هي ماعرفاش
خنزرات فيه يالاه غاتنطق كان جر ثوبة عندوو نطق بجدية : ثوبة نتي كبيرة يااك
ثوبة ببرائة: اه ابابي انا كبيرة
عصمان : سوربرايز ابنتي لي قلت لك هي ان ماماك هي ملاك هي هاد ﻷميرة النائمة ماماك عايشة ابنتي غاكانت مريضة شوية داك شي علاش ماكانتش معانا هاد المدة فهمتي ياك ابابا
ثوبة ضارت شافت في ملاك لقاتها كتحرك ليها راسها باه ورجعات شافت في عصمان نطقات ببراءة: وماما نسمة ؟؟؟
عصمان بهدوء: اه حتى نسمة كتبقا ماماك لي رباتك ولكن ماماك لي ولداتك هي ملاك غاكانت مريضة ماكنتش تقدر تكون معاك داك شي باش خلاتك معا ماماك نسمة فهمتي ابنتي
ثوبة بفرحة : دابا انا عندي جوج ماماتي
عصمان ضربها لي نفها: ايكزاكطموون
ثوبة ضارت عند ملاك لي كانت خايفة من ردة فعلها : مامااااا.
ملاك تنفسات صعداء: بنتي
جرتهاا لحضنهاا معنقهاا من جديد كتبكي بحرقة : لحبيبة د ماماهااا
ثووبة مخشية فيهاا فرحانة واخا شي فهماتو وشي لا لي عرفات هو اناا ملاك حتى هي ماماهاا فرحات بزاف حيت غاترجع تقول كلمة ماما من جديد .....
في قصر ﻹبراهيمي
شي غادي شي جااي الفرحة خارجاا من عينيهم كولشي كيقاد و يوجد غيثة واقفة على كولشي بيديها فرحانة برجووع مرات ولدهااا من خمس سنين د الغيااب .....
كانوو جالسين بثلاثة بيهم في جردة ماقاداهم فرحة
نوور شدا ولدها بين يدهاا: شحال شوقتني نتعرف عليهاا
شمس: انا متأكدة غاتولي تحماقي عليهاا
نوور: غي غاتجي غانتعرف عليهات دغيااا....
شمس بتاسمت ومدات ليها يدها:عطيه لياااا
نور مداتوو ليها : سير عند خالتوو سير
شمس كتبوس : ادم لحبيب دخالتوو
سليم عنقهاا من اللور : حاطيه راه كنغير
شمس ضحكات ببراءة : اويلي تسطيتي
نوور : بعااد من ولدي
سليم ضربهاا راس: برهوشة والداا برهووش
شمس باستو في عويناتوو : ياربي تعطيني شي وليد ولا بنيتة فحالووو يارب
نوور بحزن: امين يارب
سليم باس يدهاا : خديت لك موعد مع طبيبة من غدا غاتبداي العلاج
شمش تنهدات: زعمااا كاين امل
نور : كاين بزاف احبيبتي خلي ايمانك بالله قوي
شمس: ونعم بالله
سليم : يالاه ندخلوو غايكون قريب يوصلووو
خدا ادم من شمس وتمشاا هازوو كيلعب بيه وهماا تابعينو من لور كيحتوو ولاو صحابات مقربين بزاف .....
في سبيطااار
معنقة بنتهاا كتخنزر فيه
عصمان تنهد : ملاك راه رجلي على رجلك بلا ماتخربقي راسك
خنزرات فيه يالاه غاتحلس حتى كتحس بيه تحنى هزهااا بالخف غادي بيهاا
عصمان : لاموووغ.....تبعيناااا
ثوبة كضحك ببراءة: اوكي..... ماي هيرووو
هزات الورد وتبعاتهم كتنقز فرحانة واخيراا غاترجع تقول ماما من جديد
وصلوو لوطووو حلهاا وحط ملاك القداام وسد الباب ودار لجهة طلع وجلس ثوبة قداموو يالاه غايكسيري حتى كيسمعها كتعرعر صاعرة
ملاك : واش نتاا مسطي مجلس لبنت قدامك
عصمان شاف في ثوبة ورجع شاف فيهاا : علاش مالهاا
ملاك : كفاش علاش دراري صغار بلاصتهم اللور
ثوبة ضحكات ببراءة: مامي انا من كان عندي عام وبابا كيجلسني حداه
ملاك بخوف: واش نت مسطي
عصمان كسيراا وغمزها: اودي بنتك شابهك راه حتى نتي كنتي كتجلسي هناا
ملاك وسعات عينهاا ودورات وجها لزاج كتسوووط
هبط باس ثوبة وغمزهاا طلقات موسيقى كيدندنو معاها بجوج مخلين ملاك كتشوف فيهم بنص عين جاتها الغيرة من علاقتهم تنهد بحزن ودارت لزاج حتى وصلوو القصر لقاو كولشي في الباب غي وقفات طوموبيل هجموو عليهم بلحليب وثمر فرحانين بملاك ....نهار كامل وهما يديو ويجيبو ليها في الماكلة مقاداتهم فرحة برجوعهااا.....
واقفة في لاطيغااس بي ديباردوو مع سروال مفضفض سبوور شادا شعرهاا لفوق كعكة مهملة هازاا داك تيشورت في يدهاا ودموعهاا نازلين شلال كلما تفكرات طريقة باش مات ولدهاا قلبها كينزف دم .....
سمعاات صونيت في الباب مسحات دموووعهاا ومشات باست على راسوو وغطاتو عاد خرجااات تفتح الباب ...
عمران قرب حداهاا شد وجهها بين يدووو : وقعتي على شي وراق ياك اليلى
ليلى بهدوء دموع دايزين على خدودوهاا : اه وقعتت على شي وراق وبصمت ومن بعد وقع داك ﻹنفجار و و
قبل ماتكمل كلامهاا انفجرت كتبكي بحرقة ...
امين انسحاب مخليهم بوحدهم
عمران تنهد جرهااا لحضنووخلااهاا حتى تفشاات عاد نطق بهمس حدا ودنهاا: ليلى اناا عمري خليتك كولشي كان بسب داك الوراق عرفتي علاش شنو وقعتي
ليلى بصوت مخنوق البكاا: معرفتش
عمران : وقعتي على موتك اليلى (تنهد ) فاش وقعتي على داك الوراق راك انضميتي لواحد الخلية ارهاابية خطيرة العالم كامل كيقلب عليها مجرد ماكانو يطيحو في يد لبوليس كان غايتحكم موتك اليلى ........
هزات راسهاا فيه بصدمة مامصدقاش داك شي لي سمعات
ليلى بصدمة: ك كفااش خ خلية
عمران بجدية: اه خلية ارهابية
ليلى بصدمة خوف: داب دابا اما مع ﻹرهااب يااك انا مجرمة ياك
انهرت كتبكي بهستيرية تنهد جرهاا عندوو خاشيها في صدروو من جديد
عمران : شوو ماتخاافيش هو كل هموو انا نبعد عليك
ليلى كتبكي: ولكن علاش
عمران سكت ماجوبهااش حدوو مسح دموعهاا وقابل وجهوو مع وجههاا كيهضر بهدووء : ليلى تدهني ماحدي معااك ماغيوقع لك والوووو
ليلى : ولكن
قبل ماتكمل كلامهااا كان دخل كيحك في عينووو مقلووب بنعااس
ليث: مامااا
ليلى بعدات على عمران : ءء ليث فقتي
ليث : اه اماما
ليلى : اجي عندي
شاف في عمران ومشا عندها همس ليها : ماما سكون هذاا
ليلى بثلعثم : هاا هذاا واحد راجل
عمران هز حاجبوو فيهاا : ياك المرضية
ليلى خنزرات فيه
ليث ببراءة: كيسبه لبابا اماما
ليلى : اءء
قبل ماتكمل كلامهاا كان جروو عمران من عندهاا حاطووو قداموو باسوو من خدوودو بحنية عاد نطق : البطل صافا
ليث بتاسم : يااي انا بطل
عمران قرب همس في ودنوو : نقولك واحد سر
ليث : واخااا
عمران : انا هو باباك اولدي
ليث شاف في ليلى بفرحة: ياي ماما واس بابا رزع (رجع) من سفر
ليلى : بحال داك شي عندك يسحاب لك راه سمحت لك وخليتك تعرف ولدك راه غي حيت انا ماشي انانية غاتحل معايا هاد المشكلة لي وحلت فيها بسببك وترجع منين جيتي ولدك جي الويكاند شوفوو وسير مفهووم
عمران طول فيهاا شوفة : ساليتي
ليلى طلعاتو وهبطاتوو عاد ضارت طالعا لفوق حتى كتحس بيه جرهاا من خسرهاا غاطس راسوو في عنقهااا كينطق بهمس حتى بورشهااا : حتى حاجة من هادشي مااغاتكون اليلى غارتاحي حنا يالاه غانبداو .....
طبع بوسة في عنقهاا وخرج فحالوو مخلي جوج كارد واقفين في الباب
دازوووو ثلاث ايااااام
فاق صباااح بكري خداا اوس المطار مع المذرب ديالوو عندو كومبة في هلندااا مشااا معاه المطر حتى قلعاات طيارة عاد رجع لدار لقاهم مازال ناعسين باسهم بجوج وخرج لكوزينة قاد الفطور من ﻷول حتى لاخر عاد مشااا كيفييق فيهم .....
كانوو غارقين في نعااسهم معنقين وحدة مخشية في لاخراااا
عصمان كيحل ريدوو باش دخل شميشة : يالاه فيقوووو ثووبة ....ملاك
ملاك خسرات ملامح وجههاا: هنن
ثوبة : باابي هنن
عصمان وقف كيشوف فيهم بجوج مخسرين ملامح وجههم مازال باغين ينعسوو
بتااسم بمكر دار كسكيطتو في راسوو مهبطهاا على وجهوو وهز سلاحوو وخرج ركب طوموبيلتوو وكسيراااا مخلي العجااااج موووراه
بلاصة اخرااا
ضربات الفران بطوموبيلتهاا في العنوان لي وصلهاا...
هبطاات كدووور في عينها ريح كيطير في شعرهاا عنكشها...
وقفاات كتشوف مابان ليهاا حتى واحد بدا كيركبهاا لخوف البلاصة كانت خاوية بلعات ريقهااا وضارت غاتركب في طوموبيلتهاا حتى كتسمع صووووت من موراهااا نطق سميتهاا
سهام : انا عمري كرهتك اليلى بلعكس حقااا انا كنبغي عمران اه كنبغيه كمال هو سبب فراقناا حتى هووكان كيبغيني عرفتي نهار خطبتناا نهار لي كنا كنتسناوه وهم عمران اني كنخوونوو خلاه يكرهني و يقلب دنيا عليا ولكن في لاخير بانت الحقيقة وبانت برائتي وكولشي رجع كيف كان اليلى من غير عمران لي مابقاش كيبغيني داك الحب قتلوو كمال هو حطمني وضمرني واش عرفتي علاش عونتك
ليلى بقات فيهاا ضارها خاطرها عليهاا : علاش
سهام :ببساطة مابغيتش يوقع لك داك شي لي وقع لياا مابغيتكش تحربي داك العذاب او الجحيم لي عشت فيه( سكتات مدة) كون خليت لكمال لوراق عمر عمران ماكان غايتجمع بيك وبي وبالولدك هوو كيبغيك بزاف اليلى لواحد ذراجة كبيرة
ليلى ماعرفات ماتقول بقات فيها بزاف دموعهاا هابطووو نطقات بصوت مخنوق : ولكن هو نساني وبانا حياتو من جديد
سهاام : لا هو عمرو بناا حياتو من جديد بالعكس بقا وفي لك
ليلى بصوت مخنوق؛ كان على ﻷقل يشرح لياا
سهااام بهدوء دموعها دايزين :كان مظطر على قبل علي
ليلى هزات فيها راسهاا بصدمة :ك كفاااش علي
سهااام بتاسمت بلا شعوور: جوود ولدي هو علي ولدك اليلى
سهاام بحرقة: جووود هو علي هاداك الولد لي مات ماكانش علي كان ولد اخر ميت من قبل فاش دخل عمران لداك ديبوو لقا لبيبي مين وحداه جوج ريسلات وحدة فيها انه ايلقا ولدوومات وثاانية كان فيها الى بغاا ولدوو حي يطلقك ومايقولك والوو ويوهمك انه ميت والى قرر يغدر بيه ايصيفط لوراق لي وقعتي لبوليس وغايقتل علي بصح (تنهدات بحزن )عمران ماكانش عندو اختيار اخر اليلى اي واحد في بلاصتو كان غايدير نفس شيء
ليلى غاكتسمع مع كل كلمة كتشهق بجهد ودموعهاا هابطين شلال صدمة مور صدمة حسات براسها في حلم ....
ليلى تلاحت على رجل سهام بترجي غاتسطا بالبكااا : الله يخاليك اسهام الله يخاليك قولياا واش بصح ولدي مازال عايش اختي واش بصح جود ولدي الله يحاليك قولي ليا الحقيقة ضربات ( في صدرها) راه قلبي محروق على ولدي
سهااام كتبكي بجهد هبطات جالسا حداها : كنحلف لك حتى جووود هو هلي ولدك اليلى ولدك ماماتش
ليلى زدت في وثيرة بكاهاا هزات راسهاا لسمااا بامتناان : الحمد الله ياربي الحمد الله
شافت في سهام : عرفتي حرقتو مابغاتش تبرااا كلماا كنتفكروو كنموت الف مرة
سهااام بتاسمت : ربيتو بحال ولدي حسبتو طرف مني
ليلى بتاسمت في عز دموعهاا لكن سرعاان ماختافت فاش شافت سهام ناضت بازربة كتهضر بهستيرية : ل ليلى نووضي نوضي دغياااا
سهاام كتبكي : كمال وعمران غايقتلو بعضهم عطيت لعمران عنوان كمااال غايكون في طريق خودي عمي احمد وسيري
ليلى : ك كفاش
سهاام كترجف: كمال وعمران خوت اليلى خووت
انفجرت بالبكااا : عمران غايقتل خووه
ليلى بصدمة كتحرك فيها وتهضر: كفاش خووه شكاتخربقي نتي
سهاااام طاحت ﻷرض : هوو خوهم كمال خووهم من بااهم من امراءة اخرااا كان غلط معاها عمي احمد سميتها زهرة هادشي وقع قديم اليلى داك شي علاش كينتقم منهم الحقد الكره عماا عينيه حتى مابقا كيشوف والوو على بالو عمي احمد تخلا عليهم
ليلى حطات يدهاا على فمهاا تفكرات هضرة عمران
✔✔عمران : نهار يطيح بين يدي ماغانرحمووش ✔✔
ليلى : مصيبة غاتوقع مصيبة
شدات سهام بزربة من يدهاا موقفاهاا : نوضي نمشيووو
سهاام بخوف؛ لا هوو غايقتلني الى لقاني
ليلى : اناا معاك مغاتوقع لك حتى حاااجة
سهااام بخوف كتحرك راسهاا بلا
ليلى ؛ تيقي فيااا
جرات لطوموبيل طلعوو وكسيرااات بجهد لقصر ﻹبراهيمي مسافة طريق كانو وصلوو هبطات بزربة كتقلب على احمد غي شافتو مشات عندو كطير جاراه الجردة
محطم كياني الجزء 18
محتوى القصة
التنقل بين الأجزاء