ليلى شدات راسها بين يديها: لا لا متقولش ليا غانغاود نمشي عندو مستحيل نديرها
هشام: حنا في خطار اليلى
ليلى بلعات ريقها: كي كفاش زعما
هشام شد في كتفها: الى عرف عمران لملف تسرق غايقلب عليك فينما كنتي وغايجبدك من تحت ﻷرض .... انا بغيت نقولك الى وصلو لك ماتنطقي بوالوو عندك يقولك راسك تجبدي سعد
ليلى نترات منو : لا غانقول كولشي
هشام: الى ماخيفاش على راسك خافي على ختك
ليلى طارت عليه قجاه: الا ختي اهشام الا ختي راه نقتلك الى عاودتي جبدتيها على فمك
هشام: اذن سكتي
يالاه غاتجوبو حتى كتحس بمجموعة ديال رجال لبسين لحكل ديرين بيهم محصرين عليهم طريق ..
هشام رجع لوور بغا يهرب هو يهز واحد من دوك رجال سلاح تيرا ليه في رجلو طاح على وقفتو
ليلى كتشوف بصدمة ﻷرض كدور بيها ...جاب ليها الله بحالا في شي فيلم ديال رعب شهقات فاش شافت هشام غارق في دمو وهزينه كيغوت طلعوه لطومبيل بقات كدور في راسها بلا حتى كتحس بشي منديل تحط فوق نيفها خلاها ترخا عينيه كيتسدو شويا بشويا كتحس بشي واحد هزها لاحوها حدا هشام وكسيراو
جالسين في رملة مقابلين مع البحر صمت سيد المكااان ....
دار شاف فيهاا تنهد بعمق ونطق
سليم: شمس
شمس شافت فيه ببرودة: علاش جبتني هناا
سليم مسح على راسوو: مابغيتيش تجي معايا بخاطر واللهم نجيبك بزز
شمس كتشوف في البحر: شنو بغيتي
سليم بترجي: بغيت نهضر معاك
شمس دارت كتشوف فيه : كنسمعك اخوياا
سليم تنهد: شمس سمحليا على داك نهار ماكنتش قاصد والله
شمس ببرودة : علاش كطلب سماحة مادرتي والو نت عادي دافع على صديقتك
سليم: لا راه عارفك هزاا من جيهتي وصافي اساطة اجي نتصالحوو
جرها عندو كيهر فيهاا عرف نقطة ضعفها هو يهرها شي واحد.....
شمس شدات ضحكة حتى عيات في لاخر طالقاتها كتضحك من قلبهاا
شمس بالغوات: طلق مني سليم غانمووووت عافاااااك
سليم كيزيد يهر فيها: سمحتي ليا ولا مازال
شمس كتموت بالضحك: صافي صافي سمحت لك واااع غانموت بالضحك
سليم طلقاهاا كيضحك عليهاا كان غايخرج ليها عقلهاا
شمس: اووف سخفتني ابنادم
سليم : باش تعلمي
شمس خنزرات فيه : شوف هاد المرة سمحت لك و مرة خراا تشوفني كنتف شي وحدة من داك جوجات وتجي تفكني غانخلطك معاهم اساط وهانا علمتك مازال مابردات ليا كان خاصني نشبع فيهم نتيف مزياان
سليم : اووه خلعتني
شمس : اييييه وراه خاصك تخاف
سليم: مصاحب مع شمكار انا ماشي مع بنت
شافهاا جمعات ضخكتهااووخنزرات فيه: لا صافي صافي بنت بنت
شمس: اوا الله يرضي على ولدي
سليم سهاا في ضحيكتهاا هز يدو كيرجع ليها شعر على عينيه مع ريح كان هبط ليها على وجهاا.....
سليم : فين غبرتي هاد لمدة كاملة واجي علاش كنتي كتبكي داك نهاار
سليم تخلع شد وجها بين يديها: شمس مالك علاش كتبكي واش ادااك شي واحد
شمس بصعوبة باش نطقات: مم ماماا اسليم
سليم عقد حواجبو: مالهاا ماماك
شمس خشات راسها بين يدها وبدات تبكي بحرقة بصغوبة باش كتخرج لهضرة: ماما مشات وخلاتني اسليم بقيت بوحدي انا ماتت ماما حبيبتي وليت يتيمة بين ليلى وضحاها اسليم..
زادو شهقاتها كيخرج من اعمااق قلبهاا مقطعين حتى كتبغي تخنق بالبكا
سليم غمض عينيه بحزن ضرو قلبو عليهاا مالقا حتى حل من غير يجرهاا يخشيها في حضنو يخاليها تبكي وتفرغ قلبها على رحتها...
في الحي
من بعد ماخرجاااات ليلى مشات هي جمعات روينة و خملات لدار مزيان وقدات لغداا....من بعد مشات لبسات حوايجهاا وخرجات متاجهاا لدارهم مسافة طريق كانت قدام دار جبدات سروت كتفتح لباب حتى كتفاجئ بيه مبدل مدة وهي مقاتلة معااه ....
حتى تفتح الباب في وجهاا على غفلة خرجات منو كريمة وقفا قدام لباب سدا عليها طريق
كريمة طلعاتها وهابطاتها: شنوو بغيتي ازين
ملاك: خالتي شكون بدل ساروت
كريمة: انااا
ملاك هزات حاجبها: وعلاش
كريمة: بغيت
ملاك هزات كتافها بلاموبالاة ....جاات دخلا حتى كتوقفهاا كريمة بيدهااا
ملاك: بغيت ندخل
كريمة: توو توو
ملاك: نعااام؟
كريمة: رجعي منين جيتي فين كنتي هاد المدة كاملة
ملاك ضحكات مفقوصة: راكي عارفا فين كنت حيد خليني ندخل
كريمة كتغوت كتسمع لجيران: صافي سمح فيك ولاحك
ملاك وسعات عينيها من صدمة: لا لا واش نتي مريضة
كريمة :تقادو لكتاف الق* سيري رجعي منين جيتي ماعنديش دار لق** هناا باش ترجعي وقتما قالها لك كر**
ملاك غمضات غينيها بعصبية وطارت عليها شداها من عنقها كتهضر كارزا على سنانها: نتي راه سكت لك بزاف صبرت وصبرت خليتك درتي فيا مابغيتي ولكن باش تهميني في شرافي حتى لهناا وباركاا شنو كيحساب لك راسك شنووو هااا
كريمة شداتها: جلسي ﻷرض وسكتي ......خاصني نفد لخطة في اسرع وقت قبل ماتزيد تحل عينيها مزياان.....
في بلاصة اخرااا
وقف في شرفة ساهي في نقطة وحدة حطا حداه قهوتو كيرشف منها مرة مرة .....بتاسم باستهزاء فاش تفكر شنو وقع البارح .....
×فلاش باك×
فاش دخلات عرفها هي نفس لبنت لي كانت خدامة عندهم في ريسطو لاحظ مني دخلات وتوتر غالب عليهاا كترعد غابوحدها ...حتى سمية كدبات عليه فيها وهو ديجا عرفها.....زاد تأكد كتر فاش وصلو لدار.... كيشوف فيهاا كيفاش كتأكد عليه يشرب كاسوو .....هناا دخلوو شك ديال بصح ....هو من نوع لي مكيشدش فيه شراي ......حط لكاس و غطس راسو في عنقهاا كيبووس فيهاا وفي نفس لوقت كيرتب افكاروو الجهنمية ....فاش دورات وجها لجهة لمعاكسة كطلب فيه بغا تمشي لحمام.... تما فين .....شاف لكيت في ودنهاا كطفا وتشعل بضوو خفيف ...بتاااسم بخبت و بعد عليهاا خلاها غي دخلات لحمام ناض بعصبية طرطق عنقو بجهد ومشاا هز تيليفونوو كيطلع لكاميرة ديال لحمام.....غمض غينو بعصبية تأكد دابا مزيان لقا شكوو في محلو فاش شافهاا حاطا يديها على ودنها وكتهضر بهمس...
هز داك لكااس شموو مزيان
عمران ببرودة: وصلناا حتى لمنوم همم
مشا بزربة خوا داك لكااس وهز كااس اخر عمرو بنبيدو لمفضل كيشرب فيه
عمران: بغيتو غالعب نلعبو شويااا
حاط داك لكاس من يدوو فاش سمعها خرجات من الحمام تمشا جيهتهاا جرهاا عندوو (الباقي راكم عارفينو)
بعد مدة دار سو غفاا وخلاهاا دير مابغااات كولشي دااز على عينيهاا ميمكنش توقع شي حاجة قي دار ولا القصر ومدوزش على عينو بقا حظيها حتى شافها رجعا لبيت.... سابقها ورجع لوضعيتو حتى حس بيهاا خرجات عاد مشا هو لشرفة هضر مع الكارد من لفوق غي بعينيه دغيا فهمو ....
×نهاية فلاش باك×
هز قهوتو رشف منهاا بتاسم بخبت ونطق
عمران: خسارة لعبتي مع شخص لغلاط
شويا سمع دقان في الباب عرف غايكون غي هو نطق ﻹنجلش بلا مايدوووور
عمران: درتي شنو قلت لك
جون: اه اسيدي
عمران: ديبو واجد بداك شي لي قلت لك
جون: اه اسيدي تقريبا في كولشي بحال ديبو لي في رووسياا
عمران : داك شي لي بغيت ....وهما
جون: خديناهم تماا مازال ماغيبين
عمران حط لكاس ودار غادي لدريسينج: سبقني لتحت
جون: واخا اسيدي
مشاا جوون خرج ....وعمران قصد دريسينج لبس حوايجووو وخرج ركب في الهامر ديالو وكسيراا حتى تحكو روايض ....جوون هو تالي ركب هو شي رجال وتبعوووووه
كانت يالاه خارجا من الحمام كتنشف شعرها تفكرات سمس هزات تيليفونها عيات تصوني ليها وماكتجوبش لاهي لا ليلى ....لبساات حوايجها بالخف وخرجات غادا عندهم لدار
مدة قصيرة كانت وصلات بحكم دار مابعيداش عليهم بزاف قراب لبعضهم
وصلاات فتحات لباب ودخلات على اساس تلقاا لبنات جاااوو ....حتى كتفاجئ ماكين حتى وحدة فيهم
ملاك : اوووف مالهم تعطلو زعما تكون واقعا شي حاجة
هزات تيليفونها من جديظ كتصوني ليهم بجووج واالو حتى وحدة ماكتجوب حطات تيلي بزعفة ...كتمشي وتجي وسط دار بداا يدخلها لخوف وشك ....
شويا سمعااات تيليفون كيصوني مشات بزربة هزاتو سحاب ليها ليلى والا شمس .....
ملاك موسعاا عينيها: ع عصماان
ترسمات على وجها ابتساامة بالا شعور : الوو عصمان
عصمان : ملاك صافا
ملاك: الحمد الله ونت
عصمان: بخير ...مقرياش ليوم
ملاك: تو تو مامشيتيش
عصمان: احسن مادرتي
ملاك بضحيكة: يااااك
عصمان: فاش نصوني ليك خرجي
ملاك زرب عليها: اءء واخاا
قطعات معااه كتبتسم غي بوحدهاا بحال لحمقة ...
ملاك ضربات راسها بالخف : ناري حماقيت مافيهااش شك
مشات كتعاود تصوني لبنات مازال حتى وحدة ماكتجوب ...في لاخر ستسلمات وصيفطات ليهم ميساج كتعلمهم بلي غاتخرج.....
مشات قدات مكايجهاا حوايجها كانت لباسهم ....سلات شغالهاا وجلسات كتسنااه
عند كريمة
راضية: هاد ملاك حسات براسها هاد ﻷيام شفتي هاهي مشات عندهم واخا مابقات لا جنازة لا والوو
كريمة حطا يدهاا على راسهاا كتفكر وتخطط غي بوحدهاا
راضية كتشير قدام عينيها: وماما فين مشيتي من صباح وانا جالسا كنهضر غي بوحدي
كريمة :سكتي ضريتني في راسي
راضية: صافي خاليها دير مابغات ليوم قالت ليك دار باا وغدا تكركبنا مع الباب
كريمة بخبث: غاتسناي وغاتفرجي فيها غي صبري
راضية هزات حاجبها : علاش ناويا اماما
كريمة طرطقات لمسكة بجهد: هانتي غاتفرجي نفوتو غي عرسك نتي وداك نص رجل ديالك
راضية بعصبية: وماما بديتي تاني
كريمة: منعرف شنو عجبك فيه
راضية: مااامااا
كريمة : صافي صافي هانا ساكتاا
الله يستر
شنو بغا دير هادي اناري مشات فيها ملاك مسكينة😳😳 ومالحظتو والوو شي حاجة تبدلات 😑
سليم تنهد: الله يرحمها غاتكون من اهل الجنة انشااء الله ....وفوقاش ماحسيتي براسك توحشتيهاا سيري عندها زوريها غاتحسي براسك مزيان
شمس : اممم اه
سليم : وصافي بارك من البكا اشمس
شمس كتمسح دموعها: زاخا
سليم وقف : يالاه اجي معايا
شمس:فين
سليم : غانديك عند غيثة
شمس: هاء غيثة اه ماماك علاش غانمشي عندها
سليم : غي زيدي نعرفك عليها غايعجبك الحال معاها ديريهاا فحال ماماك اصلا هي عزاز عليها لبنوتات بحالك
شمس: ولكن
جرها من يدها منوضها كينقض ليها حوايجها من رملة : غي زيدي متقولي والو.....
بلاصة اخرا
كانت جالساا على احر من الجمر كتسناه يصوني .....شويا سمعات تيلي كيصوني شافت سميتو ضحكات بلا شعور وجابت
عصمان : خرجي كنتسناك
ملاك بابتسامة : واخاا
ناضت كتقاد في حالتها تشوف شنو ناقص فيها من بعد هزا ساكها وخرجات ....
وصلات لراس درب لقاتوو متكي على لوطو وداير قب د القبية مهبطو على عينيه نهار على نهار كتزيد طيح فيه ...مشات عندو سلمات عليه حتى كتحس بيه جرها عندو معنقها كيشم في ريحتها... بقا مدة معنقها عندو شويا بعد عليها و نطق
عصمان غمزها : فين بغيتي تمشي
ملاك ببتسامة ساحرة: اممم معرفتش هم ليبغيتي نت
عصمان سهاا فيهاا عاد نطق: يالاه طلعي
ملاك حركات راسها بﻹيجاب : واخا
طلعو و كسير مخلي العجاج موراه .....
مسافة طريق كانو جالسين في واحد ريسطو زوينة كيتغداو في جو من ضحك
ملاك بعفوية : عندهم ماكلة زوينة
عصمان باتسم ليها : بصحة
ملاك بتاسمت ليه حتى تسدو عويناتها : شكرا
هز يدو كيبعد شعر من وجها كيمسح ليها شويا لماكلة جيهة فمها ...كضحك ليه بعفويةة
من بعيد
كانت ركبا في طاكسي كشوف فيهم من زاج هزا واحد الجريدة فيها عصمان وملاك مشدين من ليدين خارجين من الملاكمة.... نار الغيرة كتكل فيها دموع تحجرو في عينيها كتحس بقلبها ايخرج من بلاصتو ماقدراتش تشوف فيه مع وحدة
لبنت شافت في جريدة ورجعات شافت فيهم: نفس لبنت...عافاك سير من هنا سير
تكات على زاج كتبكي: هانا رجعت لك اعصمان حتى واحد مغاتخدك مني احبييبي
في بلاصة اخرا
وسط الغااابة
بدات كتفيق شويا بشويا كتحس بيدبها مربووطين بسناسل وشي حاجة مغطيا عينيها بدات كتسترجع ﻷحداث لي وقعو قبل....مجرد ماتفكرات شنو وقع او بﻷحرا تفكرات اخير حدث وقع ليها بدات كتبكي وتغاوت كتخاول تفك يديها
هشاام حتى هو كان مربوط حداها سمعها بدا تا هو كيغوت :ليلى شكون نتوما
ليلى كتحاول تفك يديها: هشام اهئ فين حنا
شويا سمعو صوت لباب تفتح بجهد قطعو لحس ....ولاكيتسمع غي صوت رجلين كيقربو ليهم
ليلى شويا وتبول في سروالها بالخلعة بدات كتبلع ريقها حتى حسات بيه نشف ....
عمران شاف في جون غمزوو ....مشا حيد ليهم دوك زيوفاا على عينيهم ..
هشام وليلى غي شافوه.... لما برد ليهم في ركابي خصوصا هشام لي عرف هادي هي نيهايتو...
عمران قرب ليهم كيصفق بيديه: تبارك الله على الجواسيس (كيتمشا كيدور بيهم ) كدخلو حتى لقلب داري وتسرقوني لالا زعمتو بزاف ولعبتو مع شخص لغلاط .....مغانعدبش راسي معاكم غانعطيكم سؤال واحد غاتوجبوني عليه ونساليو هادشي كامل (شاف في ساعتو ) باغسكو ماعنديش الوقت (رجع شاف فيهم) شكون يبدا فيكم نت ولا نتي همم
هشام تفكر كلام سعد
سعد: هشام الى مشا شي نهار قالك راسك تفكر تغدر بيا غي ترحم على ولادك ومرتك ...
فيقو من تفكيرو صوت عمران لي غوت بجهد: معامن كتخدموو
هشام بلع ريقو: ماعرفتش
عمران ضحك مفقوص : متأكد
هشام دار شاف في ليلى كينبها بعينيه باش ماتنطق بحتى كلمة ...عاد نطق: اه
عمران حك ليحيتو :جون تكلف
جون واما ليه باه ومشا هو شي رجال علقو
و هشام من رجليه دلاو ليه راسوو ﻷرض وبداو عليه بالضرب بخيط ديال ضو حتى طيبو ليه جنابو ....ليلى غي كتشوف بصدمة وكتبكي ..
عمران : وقفو...معامن خدام
هشام كيتألم : معرفتش
عمران: دوزو لمرحلة ثانية
مشا واحد من رجالو هز موس وبدا يشرط ليه في لحمو مع كل ضربة كيحط عليه لملح ....هشام كيغاوت باعلى صوتو لملحة كتحرقوو كيحس بروحو غاتخرج
عمران : وقفو ...ﻷخير مرة معامن خدام
هشام كينطق بزز من قوة ﻷلم: م معرفتش
عمران :اوك سلم على عزرائيل
جبد سلاحو وتيرا فيه راس خلاه غارق في دمو
ليلى كدور راسها بلا :ن نت مستحيل واش تكون بنادم لا لا
ليلى بصدمة كتشوف في نقطة وحدة : لا مدرت والو انا ومعارفا والو عافاك خليني نمشي بحالي عافاك
عمران : لي كيدخل منها كيخرج الا وهو ميت
ليلى : عافاك خليني نمشي
عمران : شكون مصيفطك
ليلى: طلقني بعدا
عمران طول فيها شوفة ودار شاف في جوج باش يطلقها
عمران: كنسمعك
ليلى بان ليها لباب مفتوح وقريب ليها ولكارد بعاد عليه بلعات ريقها في غفلة منهم عطات رجليها ريح ...عمران شاف رجلو غايتيريو فيها
عمران: وقفو ماديرة والو
تسنا شويا د لوقت ...طرطق عنقو بعصبية وخرج قصد جيهة لمعاكسة لي هربات منها هي
خرجات بان ليها غي شجر ماكتبان حتى طريق ظاهر انها وسط لغابة بقات غادا تجري معرفاش راسها فين غادا مهم هو تهرب كتجري وكتشوف موراها واش تبعها شي واحد مع داورة مع كتحس براسها تزدحات مع شي حاجة خلاتها طيح ﻷرض هزت عينيها وهي تبلوكا
سد لهاا فمها ودخل جرهاا من يدهاا حتى وقفهاا في صالوون ...
حلات فمها مابغاات تسدوو هادشي موالفا تشوفو غي في ﻷفلام .....فيقهاا سليم فاش طلق حلوقو بدا يعيط لموو
سليم: غيثة وغيثة
شمس: كتقوليها غيثة حرفية
سليم : شنو بغيتي نقولها
شمس بميوعة: ماما
سليم: هادشي لي بقاا......جلسي هنا هانا جاي نمشي نشوف فين غاطسة
شمس شداتو من يدوو: سبحان الله الحاج فين مخليني بوحدي
سليم جلسها : تي ريحي هانا راجع ....
زرب عليهاا قبل ماتنطق ومشاا طالع كيعيط لغيثة .....
سليم : غيثة والوليدة فينك
غيثة: هانا مع ختك مالنا شكاين
سليم دخل عندهم: اجي معايا جبت لك ضياف
غيثة صغرات عينيها فيه: شكون
سليم جرها من يدها :غي زيدي وغاتعرفي
نور: تا نا غانمشي معاكم
سليم: ضروري دخلي راسك في كولشي الفارة
نوور: مااامااا
غيثة سابقاهم : بديتوو
نور خنزرات فيه وتبعاتهاا ....هبطوو لصالوون ...كتبان ليهم جالسا مهبطاا راسهاا ﻷرض بحشمة هزات عينها على صوت سليم ...
سليم: هاهي ضيفتك اغيثة
غيثة بابتسامة بشوشة قربات ليها: مرحبا بالغزالة
شمس وقفات مبدلاها ﻹبتاسمة: الله يبارك فيك اخالتي
غيثة سلمات عليها هي ونوور
غيثة : شافت في سليم سليم معرفتيناش على هاد زوينة
سليم : اه هادي شمس وهادي الوليدة (دار شاف في نور وخنزر) وهادي الخوادرية
غيثة : فنة مشاء الله اسم على مسمى
شمس: شكرا حتى نتي فنة
نور قربات لسليم : ناري و تعرف قمر اتنوض الحرب
سليم : سري بحالك راك غاضبري عليها اساطة
نور ميقات فيه ومشات جلسات حدا شمس: شمس مرحبا بيك عندناا احبيبة
غيثة: اول مرو اولدي دير شي حاجة زوينة في حياتك
سليم: اوا شفتي دابا اتحشمونا مع سااطة
كولهم ضحكو على هضرتوو ..دارو شمس بيناتهم كيحولو يطلقوها معاهم عجبتهم وحتى هماا عجبوها جوها ناس ظريفين كتر من القياس
بلاصة اخراا
سعد كيعض في ضفاروو ويبلع في ريقووو مازال في حالة صدمة كيفاش ليلى هي لبنت لي كيقلب عليها كماال لبنت لي خطفت قلبو من اول نظرة ......
في جنبو جالس عماد شاد راسوو بين يديه حتى هو مازال ماستوعب ان الخطة فشلات وهشام صافي مشاااا عمرو يرجع مازال....شويا سمعو كمال كيهضر بالغوااات
كمال شد تيليفون كيترعد : كنقسم لك بالله اعمران وتقيس شعرة من ليلى كنقسم حتى غاندمك ...الو اولو معاااك كنهضر طلق ليلى مشكلتك معااااياا اناا ويااااك تآديه غاندمك اعمران
طاح ليه تيليفون من يدوووو على اثر صوت سلاح لي خترق مساميعو من تيليفون.......خرجو منوو جوج طلقات متابعين ....خلاو يطيح على وقفتو راكع في ﻷرض ...شدر راسو بين يديه كيهضر بهستيرية.....
كمال: صافي هو قتلهاا صافي قتلهااا ....هي ماعندها حتى دنب ماشي هي لي كان خاصهاا تموت لا هوو لي كان خاصوو يموت هوو ......(طلق واحد الغوتة تنووض لميت من للقبر)
عمراااااااااااااان غانضمرررررررك
سعد وعماد ناضوو مخلوووعين كيحولوو يهدنووه ...
سعد: تهدن اصاحبي وشرح لينا شنو وقع (شاف في عماد) وقفو معاياا
شدوه بجوج موقفينو بزز....جلسوه فوق واحد الفوتااي ....مازال ماستوعب شنو سمع ....مازال دوك جوج طلقات كيترددووو في ودنووو ....صوتهاا وهي كتبكي وطلب فيه يخاليها .....شي لي خلاه ينوص صاعر كيزف باي حاجة جات قداموو
سعد : كمال رجع لوعيك اصاحبي مشات وحدة تجي وحدة
كمال بتاسم مفقوص ودار عندو عطاه بكروشي طيح ﻻرض دايخ هبط لمستواه موقفو وقاجو من عنقو كيهضر كرز على سنانو: نت سبب اسعد نت لي خاصك تموت ماشي هي .....هي ماشي بحالهم هي بريئة ماعندها حتى ذنب
سعد نتر منو بجهد: طلق مني راه ماشي بوحدي لي كنخطط متنساوش راه بجوج بيكم داخلين معاياا
غمض عينيه بعصبية وجه صبعو لباب: خرجوووو عليا تحركووو بجوج
سعد زدح طبلة برجلو وخرج تابعو عماد من لوور ...
ركبو في طوموبيلاتهم وكسيراووو كل واحد والوجهة ديالووو
خلاو كمال كيغلي وكيتوعد لعمران بالعذاب ﻷليم
في بلاصة اخرااااا
بالضبط وسط الغاااابة
كيتسمع غي صووت طيووور كيطيروو محلقين لبعيد على اثر طلقات رصاص لي سمعووو
كانت طايحة في ﻷرض راكعة على ركابيهاا كتلهت وتقيس في راسها كتأكد واش رصاصات خترقوو جسمهاااا .....شي لي خلاهاا تهضر بهستيرية
ليلى كتقيس في قلبها وداتها كاملة : اناا ...حية اه مازال حية اه هو ماقتلنيش هههه اناا مازاال حية.....كنت غاكنحلم اه غاكنحلم ياربي شهاد لكابوس يار....
مازال مكملات جملتها حتى كتحس بشي يد وقفتهاا بجهد .........
عمران باستهزاء: العشاق خايفين على بعضهم هممم
ليلى كتبلع ريقهاا حتى حسات بيه نشف: ان اناا مكنعرف حتى واحد تيقني
عمران طول فيها شوفة كيطلعها ويهبطها مدة عاد قرب ليها ونطق : هاد المرة فلتي (حطا يدو جهة عنقهاا) رصاصات دازو من هناا ولكن لمرة جايا غايكونو هنا (حط يدو على جبينها )
ليلى كتفتف بالخلعة هبطات على رجلو: عافاك خلينين نمشي والله ماعرفاا شي حاجة اناا الله يخاليك خليني نمشي اخوياا
عمران عاود وقفها بجهد :راه قلت لك لي كيدخل هنا ماكيخرج الا وهو ميت
زاد خرج من الغابة مجرجها كطيح وتعاود توقف شجر كيقمش فيهاا......كانت غاتهبل بالبكااا مازال ماقدرا تيق انها كانت على حافة الموت رصاصات داز من حدا عنقها شيء لي خلاها طيح على وقفتهاا ضنا منها انهاا صافي ماتت .....كون زاد غي شويا كانو دوك رصاصات غايكونو في راسهااا داباا
عمران جرها من يدهاا كينطق عاض على سنانو: لعب ماشي معاياا ابنتي لعبتو مع شخص الغلاط خسارة نتي بوحدك لي غاتخلصي خسارة
في القصر
بعد ما كانو مجموعين في صالون فرحانين بشمس حطين ليهاا ضيافة كيرحبو بيها ويعاودو
ليلى كل كلمة عرفتو كيعنيهاا: الله يخاليك والله ماعرفا شي حاجة اناا
عمران باستهزاء: واخاا هاحنا غانشوفوو
امر شي وحدين من رجالو يدخلوها..
ودخل هو لداخل سابقهم
عمران مع جون: تكلفو بيها
جوون : تبغي نقتلوها اسيدي
عمران طول شوفة فيها مزيان بعد مدة عاد نطق: لا
جون: ولكن محال تعترف
عمران حك ليحيتو: عندي جوج احتملات
جون بعدم فهم : كيفاش اسيدي
عمران كيفكر : همم حتى نتأكد
جون: واخا سيدي
عمران: لا ماكلة لا شراب
جون : كون هاني اسيدي
عمران : قبل مانسا دير داك شي لي قلت لك....واجي معايا
مشا شويا تبعو جون جلسو في واحد لبيرو تما كيخططو ويحلو
داز شوية د لوقت
كانت مربوطة من يديها كتبكي في صمت ...كتحس بيديها غاتقطع من حر ﻷلم طيحة لي طاحت خايبة وعاد ربطينها منها...
هزات عينيها فيه فاش حسات بيه واقف عليها ....داير يديه مور ضهرو كيبتسم بخبت
ليلى كتشوف فيه بعيون مكسورة: كنترجاك خليني نمشي بحالي الله يخاليك
عمران : ماكيعجبنيش نعاود لهضرة ولكن هانية نعاودها لك نتي ...هاد البلاصة بذات غاتخرجي منها الا ونتي ميتة دخليها لراسك
ليلى دفلات عليه: اخبث انسان شفتو في حياتي واش بصح نت عندك قلبك لا لا محال واش عندك اصلا نت راك مريض خاصك تعالج سير الله يخد فيك الحق .....انفجرت بالبكا شدا يدها عندها وكتبكي بحرقة
شافتو جاي كيقرب ليها بدات كتحاول ترجع لور وكتغوت
ليلى: بعااد ماتقربش ليا القتال بعاد
عمران كيشوف فيها ببرودة مامسوقش لهضرتها قرب ليها وتحنى لمستواها شد ليها ليد لي طاحت عليهاا طرطقها ليها حتى غوتات اقصى صوتها حسات بحلقها تجرح ...
ليلى عاد ولات كتحس بيدها مزيان: الله يخد فيك الحق القتال ماعمري نسمح لك
كيشوف فيهاا ببرودة : ماشفتي والو
خرج خلاها منهارة كتحس بروحها غاتخرج
داوززز ساعاات
مازال جالسين في بلاصتهم كيشربوو كافي....
ملاك تنهدات: هادي هي حياتي ...شفتي شحال مملة
عصمان : عاادي
ملاك حطات يديها على خدها: اودي سلاك وصافي
عصمان ضحكاتو هضرتها: علاش نتي دايرا هاكا
ملاك: هاء كيفاش دايرا
عصمان : هاكاا
ملاك كتقيس في راسها : مالي
عصمان ضحك: والو والوو
ملاك شافت في ساعتها: نمشيوو
عصمان وقف: واخاا....
حط لفلوس ودار شد ليها في يدهاا وخرجوو فحالهم ركبو في طومبيل ...كسيرا مخلي لعجاج.....
مسافة طريق كانو في الحي
ملاك : وقف وقف غي هنا
عصمان هز حاجبو: علاش ياك داركم من جيهة لخراا
ملاك: لا غانمشي عند صاحبتي
عصمان دار فيها داك شوفة د منيتك : علاش بالسلامة
ملاك: راه هي لي ماماها ماتت وخاصني نكون معاهم في هاد الوقيتة
عصمان ببرودة: عندهم رجال في دار
ملاك عقدات حوجبهاا: علاش
عصمان بنبرة هادئة : سولتك جاوبي
ملاك : لا غي لبنات
عصمان : همم مزياان
ملاك : يالاه هانا مشيت
عصمان: مانسيتي والووو
ملاك عقدات حواجبها : هممم شنوو
عصمان صغر عينيه فيها
ملاك ضحكات ضحيكة من لقلب وقربات عندوو بستوو بوسة طويلة في خدوووو
ملاك: صافي نمشي دابا
عصمان: وديالي مانخدهاش
ملاك : هممم
عصمان جرهاا عندووو بسهاا بوسة حنينة بين عنقها وخدهاا خلاتها تبورش وتغمض عويناتها كتستنشق عطروو.......ماحسات براسها حتى حطات يديها على المعلم بلا ماتقصد
ملاك بلعات ريقهااا كدوز يديها عليه كطلب في نفسها ماكينوش داك شي لي في بالهاا ......جات تحيد يدهاا بزربة فاش تأكدت راه هوو هخخخ حتى كتحس بيدو تحطات عليها ....ممخليهاش تهز يديهاا.....بلعات ريقهااا كتر خشات راسها في عنقو باش ماتشوفش في وجهوو ولا غادي تزيد تزنك كتر ماهي مزنكة
ملاك بصعوبة باش كتنطق: ع عصمان حيد يدك
عصمان عويناتو معسلين: لا خليهاا
ملاك: عصمان عاافاك همم
عصمان طلقها كيموت عليها بالضحك كانت شويا وتموت ليه : نوضي عليا قبل مانوليو في حاجة اخرااا
ملاك بعدات عليه شدا ضاحكة: سافل سافل
عصمان غمزها: تعيش سفالة تعيش
ملاك : الله يستر
فتحات الباب وخرجات حتى كانت غدا ورجعات عندو من شرجم
ملاك : عصمان كيعجبني الحال فاش كانكون معاك
بتاسمت ليه ومشات قبل مايجوبهاا
عصمان : غاتكوني معايا ديمااا
كسيرا فحالووو متجه لدارووو
غادا كتجري وهو تابعهاا كيحاول يراضيهاا
سليم : وشمس وناري اجي غي نشرح لك
شمس: بعد مني كون وصلتني غي لدارنا كون راه خنا مزيان
سليم مشا كيجري شدها من يدهاا مضورها عندوو: ناري سخفتني اساطة
شمس كتخاول تنتر منو: بعد مني اسليم خليني نمشي بحالي
طايحة في ﻷرض كتبكي على زهرها لي جابها لهاد الجحيم.... كتحس بعظامها مدكدكين عليها حسات بالعطش حلقهاا نشف ....بدات كتغاوت وتبكي
ليلى: بغيت لمااا بغيت لماا غانمووت
شويا حسات بشي رجلين كيقربو ليها هزات راسهاا بصعووبة كتشوف شكوون حتى كتبلوكا من صدمة.....
كان وحش ماشي بنادم ...طويل وغليض كامل عامر ضرابي معفنين مازال جداد دم كيهبط منو .....عندو عين اه وعين لا جسموو مغطيه بالوشام .....صوتو كيخلع .....شافتو كيقرب ليهاا....بدات كتكحز بالوور حتى حبسهاا لحيط
غمضات عينيهاا مقدراتش تكمل فيه شووفة خلعها بمعنى لكلمة : ب بعااد ماتقربش ليا بعاد عليا متقربش شكوون نت عتقوووني
كان جالس في لبيرو ديالو حتى سمع غواتهاا عرفها جاتها الحالة عوتاااني....طلع عندهاا كيجري وصل لبيتها فتخ لباب كيلقها طايحة ﻷرض كتضرب في راسهااا
قادر تحنى عليها: بنتي اروى تهدني ابنتي
اروى نترات منووو: نت سبب نت اباباا ها هوو دابا مع وحدة اخراااا نت سبب كون مامشيتبش طلبتيه ماكانش غايبعد عليااا هوو كيبغيني اباباااا كيبغيني انا هو مايقدرش يشوف في غيري اناا
قادر دموعو هبطوو ...عارف الحب لي كان كيجمع عصمان واروى وشحال كبير : اجي عندي ابنتي اجي قلبي كيتحرق فاش كنشوفك هاكا
اروى بلا سابق اندار تلاخت في حضنو كتبكي وتسهق: ابابا كنبغيه ابابا صبرت 3 سنين صبرت بزاف دابا صافي هانا رجعت وحتى وحدة كتتخد بلاصتي ابابا واخا نعرف نقتلهاا
طاح ظلام بزاف وصل ليل ..... فجاءة بدات كطيح شتا خيط من سمااء.....عاصفة قوية مخيمة على لمدينة كيتسمع غي صوت شتااء ورعد ومرة مرة كيضرب لبرق بجهد ......شتا غي ماكتزيد تهبط وخوفها كيزيد معاها كتر وكتر
وقفا مقابلة مع شرجم كتطل عليها واش جايا ولا مازال ...شويا حسات بقلبها تقبط عليها فاش تفكرات هضرتها في ديك ليلة لي خرجات تنفد لخدمة لي طلبو ليهاا...
×فلاش باك ×
ليلى بترجي : شوفي املاك نقدر نرجع نقدر لا هادشي لي غاندير صعيب صعيب بزاف ولكن ماعندي حتى حل اختي عارفا راسي غانلعب بالعافية ولكن هادشي لي عطا الله مكتاب ليا نعاني اختي
ملاك: خلعتني اليلى بزاف
ليلى شدات على راسها بتوتر: مخلوعة كتر منك اناا مهم سمعيني غانوصيك على حاجة وحدة هي شمس ماتخليها تحس بوالو الى مارجعتش ولا وقعات ليا شي حاجة...كدبي عليها شي كدبة.... مهم متعرفش مابغيتهاش تأزم كتر ماهي مأزمة غي موت ماما كافيها الى زادت غي صدمة اخرا غاتمشي فيها ...
ملاك كتحاول تلفها: يالاه اجي نكلو ونديرو شي فيلم زوين
شمس: واخا اجي
داز شوية د لوقت كانو تعشاو وحاطين حداهم لفوشار كيكلو ويتفرجو .....ملاك قلبها مامهنيهاش من جهة ليلى هادشي ماكيدخل لعقل فضلات تسكت على قبل شمس نفسيتها مازال مأزمة دوز هاد ليلة بعدا ...
مسافة طريق كان وصل عندها
مشاا كيجري قدام داك ﻷبغطوموون بلا سابق اندار دخل كيغاوت مخلووع....
عصمان: اووس نسمة نسمة
خرجات عندو الخدامة كتبكي : في بيتها اسيدي
عصمان سمح فيها بلا مايجوبهاا ومشا قصد لغرفة ديالهاا دخل لقاهاا جالساا في ﻷرض معنقااه عندها كرزاا عليه وكاتبكي بحرقة و حاطا شي تصاور قدامهاا .....
عصمان كيقرب عندهاا نطق بحزن: نسمة
غي سمعات صوتو حيدات اوس من قدامهاا ومشاات كتجري تلاحت في حضنوو كتبكي بهستيرية صوت بكاهاا كيهرس لقلب ....حتى باش تنطق وتخرج شنو هزا في قلبهاا ماكتقدرش صدمتها كانت قوية بزااف شحال من مرة حولات تنساا وتبدا من جديد وكترجع تفكر كولشي من ﻷول لذرجة حتى ولد هملاتو غي باباه عصمان لي ربااه بمساعدة الخدم .....
حتى من لخدامة عانقات اووس وبدات تبكي معاهاا كتبقا فيهاا بزاااف بنت بحالهاا ماتستهلش هادشي لي وقع ليهاا....... ماشفت منها غي لخير بنت من اطيب خلق الله ماتستهلش هادشي كامل لي كيوقع ليهااا ملاك فوق ﻷرض بريئة لواحد ذراجة كبيرة ....
عصمان تنهد بعمق وخشاهاا فيه كتر كيدوز يديه على شعرهاا كيحاول يكالميهاا وجه كلامو لخدامة : خودي اوس لبيتوو
اوس كيبكي: بابا علاس ماما كتبكي
عصمان : ولدي سير لبيتك شويا غانجي عندك
اوس قرب عندها عنقها من خسرها: ماتبكيس ﻷميرة ديالنا ....هانا غانمسي ابابا عافاك قول لماما ماتبقاس تبكي
عصمان بتاسم ليه هز راسو باه....
تسنااهم حتى خرجو عاد دار عندهاا هز ليها راسهاا كيمسح ليهاا دمووعهاا لي هابطين شلال
عصمان بنبرة هادئة: نسمة شوووو انسمة كولشي غايتصلح وغاترجع ﻵمور كيف ﻷول وحسن كنوعدك
هزات عويناتها فيه وزدت في بكاهااا كتر وكتر كترحك راسهااا بالا لا باغا تنطق ومقدراش ....
لحظة طاحت بين يديه مغيبة وكشكوشة كتخرج ليهاا من فمهاا كتنفس بصعوووبة .....
عصمان عرفهاا ماخداتش دواها تصدم ماضنش ان ﻷمور غاتوصل حتى لهاد ذراجة هزهااا بالخف وخرج بيهااا في داك شتاااء.... ركب في طوموبيلتوو وكسيراااا متااجه لسبيطاااار
عصمان كيقيس جهة قلبها: لا لا انسمة خاصك تصبري كتر صبري قربناا نوصلووو
في ديبووو
ليلة سوداء ، سمااء ممطرة في جبل معزول غابة مهجورة في غرفة كثيفة ظلام ومخيفة ....
كانت طايحة في ﻷرض مغيبة مشات العالم اخر
حتى كتحس بشي سطل د لمااا تكب عليهااا مثلج بقا كيتكب عليها واحد موور واحد حتى بدات كتحل عيوونهاا بثقالة حسات بيه جرهاا من شعرهاا حطاها فوق واحد الكرطونة تماا ....عاد خرج زدح عليها الباب حتى قفزات....
تقدات في نعسة على شكل وضعية جنين.... يديهاا مرخين .....شبه مغيبة كانت مغضمة عينيها وكتنطق بشي هضرة مافهوماااش رجعات كتبان ليها غي صورة ماماهاا واقفا قدامهاا بلباسهاا ﻷبيض
بدات كتفتح عينيها على قطرات شتاء لي تسلات من سقف ......مجرد ماسمعات صوت رعد و ضوو لبرق نانضت طافجة كترعد كتخاف من رعد .......شافت داك الجثة مقابلة معاهاا.... جرت رجليها عندها معنقاهم كترعد........حطات يديها على ودنيهاا كتمشي وتجي مع كل رعدة كضرب قلبهاا كيتهز معاهااا.....
لحظة صور ليها عقلهاا لجثة جايا قصدهااا كتقرب ليهااا ....صافي هناا بغات تهبل ناضت كتجري لباب كضرب فيه بكل جهد عطاه ليها الله......
عيااات بالغوووات هبطات ﻷرض مغمضة عينيهاا وكتهضر بصوت مقطع : لا هشاام عافاك متقلنيش عافاك سير من هناااا اخويا مدرت لك والو هو لي قتلك ماشي انا اهئ اهئ
بقات هكاك....شويا حساات بشي يد تحطات فوق كتفهاا ضحكات بهسترية مقدراتش تهز عيوونهاا فيه تشوف شكوت جهدهاا طلقاتهااا بغووووتة كتدل على مدى خوفهاا وﻷلم لي كتحس بيه ......من بعدهاا سلمات امرهاا الله وطاحت مغيبة في بلاصتهاا طاحت جثة هامدة ماكتحركش....
في بلاصة اخراا
في سبيطار غادي جاي كيتسنا خبار من دكتوور ديالهااا لي هو نزار نفسو صاحبهم
غي شافو خارج مشا قصدوو كيزرب كيهضر بهستيرية
عصمان معصب وخايف في نفس لوقت: نزار قوليا شنو عندهاا اصاحبي
نزار بحزن حط يدو على كتف عصمان: ﻷسف اعصمان نسمة حالتها غادا وكترجع لور اصاحبي وهادشي ماكيطمأنش حتى دواهاا مكتخدوش
عصمان شد راسوو بين يديه دايخ ماعرف شنو يدير..... يدير لمستحيل ومايخسرهااش .....
تنهد بعمق فاش سمع تيلي كيصوني كان غايقطع حتى شاف رقموو عاد جاوب ....
قطع معاه وتنهد تنهيدة طويلة عاد شاف في نزار لي كيشوف فيه آسى وحزن ....
بقا ساكت مدة عاد نطق : واخاا ندخل عندهاا
نزار تنهد و فتح ليه طريق: اهااه دخل اخويا
حرك ليه عصمان براسوو باه وفتح لباب دخل عندهاا لقاهاا جالساا كتشوف في شرجم بهدووء وكل عين كتهبط منها عشرة لدمعات .....
جلس حداهاا بلا حتى كلمة غي كيشوف فيهاا بعد مدة عاد نطق بنبرة هادئة وفي نفس لوقت حزينة :حتى ﻹمتى انسمة حتى ﻹمتى مابقاش بزاف وتكمل 4 سنين ونتي في هاد الحالة رحمينااا انسمة ولدك محتاج لك اوس باغي ماماه ماشي غي باباه بوحدو هو باغينا بجوج نكونو معاه .....لولد بدا كيهضر وعمرو سمع صوتك حتى هو من حقو يسمع كلمة ولدي من عند ماماه اولا.......
سكت شويا كيشوف فيهاا غي كتبكي في صمت وكتشوف في نقطة وحدة
شوياا عاد عاود نطق مابغاش يضغط عليها كتر : رحمينا انسمة
تنهد من القلب هز ليهاا يديهاا بجوج بسهم ليهاا مطوول عاد بعاد ونطق : يسالي سيروم نمشيووو
دار فحالو غادي خارج حتى كيحس بيها شداتو من يدووو
نسمة كتشوف فيه بعيوون مدمعين نطقات بصعوبة: ع عص عصمااان
دار عندها بالخف رجع جلس حداهاا كيقيس في وجهاا: عوديها نسمع عوديهاا انسمة توحشنا نسمعو هاد صويت
نسمة : عصمان عصمان ...
تلاحت في صدروو كتبكي حتى غفات باس راسها وخرج هضر مع نزار حيد ليها سيرووم من بعد هزهاا ناعسا وركب في طومبيلتو وكسيراا
نهاار جديد وصباح جديد
في القصر
فاقت كتكسل وتحك في عويناتها فايقة ناشطة ليووم ....كتحاول ترجع نفسهاا القديمة وتبدا حياتهاا من جديد وتنسا داك شي لي وقع وتبدا تفكر في خطتها قررت اول حاجة ديرها هي ترجع لحالتها طبعية ومن بعد تبدا في خططها ....
ناضت من بلاصتها ببتاسمة بشوشة مرسومة على وجهها .....يالاه وقفات حتى كتحس باﻷرض مشات وجات بيهاا ....رجعات جلسات بالخف حطاا يدهاا على راسها كتسنا ﻷرض توقف من دوران ...شويا ناضت كتجري مشات لحماام رجعاات كاع داك شي لي كان في كرشهاا حتى حسات مصرنهاا غايتحطو قدامهاا عاد ناضت كتلهت وكتمسح على وجهها كتحس بالفشلة ....بقات مدة جالسا حتى حسات براسها بخير عاد ناضت لبسات حوايجها وهبطات لتحت تفطر معاهم ......
بلاصة اخراا
جالس مقابل معاه كيوكلوو بشوية عليه ومرة مرة كيمسح ليه داك شي لي كيهبط حدا فموو .... بقا كيوكلو حتى كمل زلفة د صوبة حطهاا فوق طابلة ونطق ببتسامة كتدل على مدى فرحتوو بيه
محطم كياني الجزء السابع
محتوى القصة
التنقل بين الأجزاء