محطم كياني الجزء الثامن

2020

محتوى القصة

رواية محطم كياني

فاقت كتحس براسهاا مربووطة من رجلهاا حلات عينيهاا كتشوف راسهاا في بيت اخر من غير هذاك لي كانت فيه ودوزت اكفس ليلة في حياتها .....

كانت في بيت فيه سرير صغير ونقي وفيه شرجم صغير لفوق عالي بزاف حطين حداها صينية د.لماكلة وكانو دايرين ليها فاصمة على راسهاا وباندة في يدها لي طاحت عليها

ستغربات شكون غايكون جابهاا لهنا غمضات عينيها كتفكر شنو وقع من بعد ماخداها الوحش لداك لبيت لمظلم..... مجرد ماتفكرات لجثة وكيف كانت طايحة فوقهاا و الفيران والحشرات كانو كيطلعو في شعرها 

ناضت مفزوعة كتعرق غي بوحدها وترعد وتغاوت على احر من جهدهاا غي كتفكر كيفاش عدبو هشام قدامها كتبغي تمووت بدات كتضرب في لباب بجهد باش يسمعوها وديك سنسلة باش مربوطة ممخليهاش في رحتهاا كتضرب وتعاود

شويا تحل الباب على غفلة بان شي واحد داخل عندهاا بلا ماتشوف شكون تلاحت عليه منعقاه كتهضر بهيستيرية

ليلى : عتقني لا لا غايقتلني انا مادايرا والوو عافاك قولهم يمشيوو بحالهم هو راه رجع حية وغادي يقتلني عافاك اهئ اهئ اهئ ولكن هوو زوين ماشي فحال داك الوحش ههه اه زوين اهئ اهئ لا لا هو خايب كانو فيه لحشرات ....عافاك قولهم انا ظريفة.....مغاديش نبقا نتكبر ومغاديش نبقل مغرورة والله غي قولهم ميآدونيش هههه انا صافي وليت ضريفة اهئ اهئ بعدو مني سيروو فحالكم سيرو باعدوو مني سير فحالك اهشام راه ماشي انا لي قتلتك اهئ 

عمران عقد حواجبو بلا ماينطق ....غي كيشوف فيها وفي حالتها كيف ولات كتقطع في القلب ...

كتهضر بهستيرية معارفاش شنو كتقوول مرة كتضحك مرة كتبكي ....مدة وهو كيشوف فيها كيفاش معنقااه وكرزا عليه كولها كترعد...... بحالا ماشي هو لي دار ليها هاد شي كامل 

دور راسو شاف رجالو موراه هضر معاهم غي بﻹشارة ....حركو راسهم باه ومشاو جابو ليه برا ضربها ليها في عنقها 

ليلى تآوهات بجهد : اي عنقي نت خايب

بعدات منو شادا في عنقها ...هزات عينيها فيه غي شافتو بدات كتجع لور كترعد : لا لا نت هو القتال باغي تقتلني ياااك اععع بعااد مني 

شفتو كيقرب ليها بدات راجعا بلور دخلا في لخيط كتبكي بجهد هزات داك صينية شيرات عليه بيها كون ماخوا كانت غاتجي فيه... شدات راسها فاش حسات بدوخة ورجليها فشلو عليها ..شافها غاتطيح ....زرب عليه جرهاا عندوو كيشوف فيها ...شويا حطها في بلاصتها ورجع خرج بحالو.



في الحي

جالسين بجوج مجوعين على طبلة لفطور 
شمش: بفف هاد الغبرة لي غبرات ختي ماعجبتنيش
ملاك تنهدات: حتى اناا 
شمس: معاوداتش صونات لك
ملاك: لا البلاصة فاش خدامة ماعندهمش ريزوو 
شمس: كيفاش ضبرات على هاد الخدمة
ملاك: معرفتش خليها حتى تجي وتعاود لينا هي 
شمس:اممم واخا 
ملاك : مهم فطري انا غانمشي لدار نخد شي حوايج ونرجع 
شمس:ديك كريمة ماكتقولك والو حيت جالسا معانا
ملاك: راكي عارفاا ضروري ماتحل فمهاا
شمس: الله يعطيهاا العداب 
ملاك : هخخ امين ....مهم هانا مشيت نرجع نلقاك وجدة نمشيو نضربو طليلة على داك لافاك
شمس: اه بصح شحال مامشينا
ملاك وهي خارجاا: وييه

خرجات قصدا دارهم

بعد ربع ساعة وصلات لقاتهم مجمعين ومعاهم شي جارات كيقدوو الحلوة
ملاك: سلام 
كريمة:على سلامة ابنتي
ملاك بستغرااب: همم شواقع
طلات عليها راضية من لبيت كانت دايرا ماسك لوجها : العرس هاد سيمانة اختي العزيزة
ملاك علات حجبها: بهاد سرعة
كريمة كتفقصها زعما: اوا ابنتي رجلهاا مزرووب
ملاك بتاسمت باستهزاء: امم الله يكمل مهم الله يعونكم
الجارة:اوا بنتي مغاديش تعاوني ختك زعما راها عروسة
ملاك قلبات عينيها: قاريا دابا حتى لعشية ونجي انا وشمس نعاونوها
كريمة : ضروري تكون معاك داك لفعة
ملاك بميوووعة: نخليهاا بوحدهاا اخالتي مجاتش

كريمة كتبركم تحت منها حشمات من الجرات مقدرتش تهضر قدامهم 

ملاك دخلات لبسات حوايجها وهزات كتوبتها وخرجات لقاتهم مازال خدامين في داك شي د الحلوة : مهم هانا مشيت الله يعاونكم
راضية بمكر: عنداك تعطلو عليا اختي لعزيزة بغيت نطلع اجمل عروسة نهار لعرس 
ملاك بتاسمت ليها فوق نفس: هممم كوني هانياا

خرجات كتسوط كتحس بالخنقة فاش كاتكون معاهم ....وصلات لدار لقات شمس وجدة عودات ليهاا شنو كاين بجوج ماتسوقش ليهم ضحكو عليهم .....وسدو دار وخرجوو خداو طوبيس ديريكت لافااااك


جالسين بجوج بيهم كيختارو ليها شنو تلبس وهي كتشوف فيهم بابتسامة بشوشة

اوس: نونو ابابا هادي اتزيها(اتجيها) زوينة
عصمان حط صبعو على راسو كيفكر: همم لا لا اولدي هادي حسن
اوس: لا ابابا هادي 
عصمان: لا انا قلت هادي
اوس شاف فيها: ماما فين لي عزباتك (عجباتك) نتي
عصمان تاهو شاف فيها: اه يالاه قولي فين لي عجباتك البرنسيسة ديالنا همم 

قربات عندهم مع ابتسامتها لبشووشة مشات هزات لبساا اخراا من غير لي هزين هما

نسمة: غاختار هادي باش حتى واحد فيكم مايتقلق صافي

عصمان : كولشي كيجي معاك
اوس: اه اماما بابا عندو لحق
نسمة خربقات ليه في شعرووو
عصمان جر اوس من يدوو غادي مخرجوو: يالاه اولدي نخليوو ﻷميرة تبدل واجي معايا انا لي غادي نلبس ولدي ليووم
اوس كينقز: يااااي 
مشاا سابقوو كيجري .....

عصمان دار شاف فيه بتاسمت ليه كتطمنوو بعينيهاا وباتسماتهاا الجدابة ....حتى هو بدلهاا نفس ﻹبتاسمة ومشاا تبع اوس لبيتووو

لقااه جبد كاع حوايجوو كيقلب فيهم 
عصمان: امالنا على هاد روينا
اوس: ختار معايا ابابا سنو نلبس بحال ماما
عصمان ضحك ليه ومشا ختار ليه شنو يلبس ومن بعد لبسو وقاد ليه شعروو
عصمان : هووبا هاحنا سالينا
اوس خسر وجهو ومشا قصد لمرايا كيقاد في شعرو 
عصمان بستفهام: شنو كدير
اوس : كنقاد سعري باش نبان زوين ابابا 
عصمان هز حاجبو: عنيبة نت 
اوس: هاء سنو هاد عنيبة ابابا
عصمان خربق ليه شعرو: تكبر وتعرف اولدي 
حيد ليه داك لمشطة من يدوو : خاليه هاكا حسن واجي نشوفو ماماك غاتكون سالات

خرجوو لقاوها جالسا في صالون لبسا لبيسا في ﻷزرق المالكي ومخليا شعرها على رحتو كتبات كيوووت 
عصمان كيصفر شاف في اوس: عندو زين
اوس : عندو لحمام دايلو في دالو
عصمان كيهر فيه: قلت لك اتخرج عنيبة نت هاا
اوس كيموت بالضحك: صافي ابابا مانكونس عنيبة صافي 

نسمة تاهي كضحك: صافي اعصمان غي هاد المرة سمح ليه

بقاو كيضحكو على اوس حتى سمعو صونيت في الباب ....مشا عصمان فتحوو كان عرفو غايكون غي هوو

عصمان: دخل دخل
عمران: وجدين
اوس سمع صوتو جا كيجري: عمو عمو عمران
عمران تحنا هزو :البطل ديالي 
اووس: مخاصمك انا اعموو
عمران بحزن: علاش شنو درت انا
اوس: مابقيتيس تزي (تجي) عندي تخرزني(تخرجني)
عمران: اووه صافي نعوضها لك نخرجك جوج مرات صافي مشات
اوس: صافي مسات

قطعوهم صوتهاا رقيق لحنين: خويا

عمران غي سمعها هز راسو بزربة: نسمة 
نسمة عيونها كيلمعو: خوووياااا عمران

عمران حط اوس ومشاا قرب ليهاا باس على راسهاا وهز يديها بجوج باسهم ليها: على سلامتك
نسمة: الله يسلمك اخويا
عصمان تنهد : يالاه انسمة اجي لبسي مونطوك لبرد باراا
عيط لخدمة امرها تجمع ليهم حوايجهم وتصبفطهم مع شيفور

نسمة بستغراب: فين غانمشيو اعصمان
عصمان: غاتعيشي معانا انسمة
نسمة بخوف يديها كيترعدو: لا لا منقدرش اعصمان شنو غادي نقولو ليهم لا خلينا غي هناا عافاك 
عمران هز اوس وبتاسم ليها : نسمة بلاصتك في القصر معاناا (دار شاف في عصمان )اوس غايمشي معايا حتى تبعونا نتوما

عصمان: واخاا اجي معايا انسمة 

نسمة هبطات راسها ﻷرض دموع محجرين في عينيهاا
عصمان هز ليها راسها: نسمة دموعك غالين شوفي فياا نسمة
هزات راسها دموعها هابطين
عصمان مسحهم ليها: محدي عايش عمر شي حاجة غاتآديك ومعاندك مناش تخافي تيقي فيا
نسمة كترجف: ولكن اعصمان

عصمان مخلاهش تكمل كلامها قطعها فاش جرها من يدهاا لباسها مونطوهاا وجرها معاه لبارا لقاو عمران يالاه كسيرا ركب تاهو طوميلتو وكسبراا

مسافة طريق كان وصل لدار لقاهم جالسين مجموووعين الكوووتي في صالوون 
دخل شدو من يدووو كينقز عاجبو لحال 

عمران حتى وقف عليهم : بصحتكم 
احمد :ولدي 
غيثة عينيها لمعوو: وينوو شكون هاد الغزال لي معاك
نور ناضت عندو كتبوس فيه : وينوو اماما كيحمق احح قلبي على تبوكيصة انا غانكلوو ....

كان هابط من درووج غي قشعوو وسع عينه ونطق: سااااط 
اوس دار شفوو طلق من نور مشا كيجري عندوو:عموو سليم عموو
هزز كيلعب بيه في سمااا بحال ديماا: نت هنا اصاحبي ومقلتيهاش لياا
اوس:ماكنتس عارف اساط

غيثة هزات حاجبها: عمران ولدي شكون هاد الولد

عمران يالاه اينطق حتى سمع صوت من موراه جاي من لباب

عصمان : ولدي اوووس ولدي 

كولهم دارو كيشوفو فيه مصدوومين حتى واحد ماقدر ينطق من هووول صدمة

كان واقف في الباب شد ليهاا في يديهاا كرز عليهم حاس بيهاا كترعد شويا وطيح من قوة توتر 

غيثة بصدمة: كك كيفااش ولدك
عصمان قرب عندهم: اووس ولدي اغيثة

غيثة شافت في نسمة حطات يديهاا على فمهاا: نن نسمة 
نسمة مهبطا راسهاا ﻷرض 

احمد : بنتي نسمة 
غيثة: ووواش نسمة هاادي يا
عمران : اه نسمة هادي
غيثة: ولكن كك كيفاش اوس مافهمتش 
عصمان: اوس ولدي انا اغيثة كولشي مفهوم و واضح 
غيثة قربات لعصمان كتهضر بعصبية: كك كيفاش عطاك خطرك اعصمان كيفاش تزوج بلا خبارنا كيفاش 
بدات كتغاوت واحمد كيحاول يسكتها
عمران بحدة: نوور خودي اوس من هنا دغيا

نوور خداتو من سليم : اجي احبيبي نمشيوو نلعبوو اجي معايا
اوس : علاس هاديك خالتو كتغاوت على بابا 
نور بتاسمت ليه: لا لا غي كيهضرو

عصمان: سير ابابا تلعب
بقا حاضيهم حتى مشا عاد دار عند غيثة لي بدات كتبكي: علاش كاتبكي اغيثة علاش

غيثة: تمشي تزوج وبلا خبارنا وحتى ترشق ليك عاد تجي باش تقولها ليناا هادشي لي كنسواو عندك اعصمان ...

شويا تفكرات حتى سليم وعمران كانو عارفين دارت عندهم مقندشة: ونتوما كنتو عارفين وساكتين 
عصمان : وصافي اغيثة هانتي عرفتي
عمران غمز باه : الوليد هضر مع مرتك ماتزيدش فيه
احمد فهمو:صافي اغيثة

غيثة شافت في نسمة معنقها سليم عندو شويا وتسطا بالبكا ضرها قلبها عليها

غيثة مسحات دموعها وهضرات مع عصمان: سير فحالك من هنا سير عليا
عصمان يالاه اينطق كيحس بعمران جرو من يدو وحتى نسمة ناضت معاهم 

غيثة: نتي شكون قالك سيري انا جريت على ولدي ماشي على مرت ولدي وحفيدي سمعتي 

نسمة تخلطات عليها بكية وضحكة : مامااا
غيثة قربات عندها : بنتي 
نسمة تلاحت في حضنها كتبكي: ماماا غيثة اهاااه اماما 
غيثة: شوو سكتي باركا من لبكا واش غاتبقاي ديما تبكي ...توحشتك ابنتي 
نسمة: حتى اناا امااما 
عصمان قرب جلس حدا غيثة: وانا اغيثة يهون عليك تخرجني من دار 
غيثة دورات وجها ماجوباتوش
عصمان هز يديها باسها ليها: وغيثة عطينا وقت
غيثة هزات صباعها كتشير قدام عينه:الى بغيتي نسمح لك بشرط 
عصمان: مواقف نبقاو معاك في القصر 
غيثة: همم اوا الله يسامح دابا

شويا دخل اوس مع نوور 
اوس: بابا بصاح هادي عميتوو
عصمان: اه اولدي وهادي جداتك وهذا جدك ودوك جوج راك كتعرفهم 
اوس : يااي بصاح 

عمران خرج مع باه خلاهم كيهضرو مع نسمة
احمد :شنو وقع
عمران تنهد:قصة طويلة وبزاف الوليد مهم من بعد ونهضرو دخل ماتخليهم يحسو بوالو


دازو ثلاث اياام طايراا

كانت متكية كتشوف في الفرااغ صينية د الماكلة محطووطة قدامها ماكلات منها والوو غي ساهية وكتشوف

شويا تحل عليهاا الباب 
دخل عندهاا كيتمختر في مشيو قرب ليها كيشوف لماكلة ماكلات منهاا والوو كولشي باقي في بلاصتوو

عمرن هز حاجبو : علاش ماكليتيش

ليلى ماكتشوفش فيه كاع كترمش بثقالة 

عمران كيشير قدام عينيها : معاك كنهضر نتي

عصباتوو ماكتشوفش فيه بحالا ماكينش ...خرج لبارا عاود رجع دغيا ضرب ليهاا براا هاد المرة في يدهاا 
بعد مدة بداات كتستعقل شويا وترجع لحالتهاا طبيعية 

عمران بحدة: كولي 

هزات غينيها فيه حمرين دغيا تحجرو فيهم دمووع: خليني نمشي بحالي مدايرا والو اناا اخويا

عمران تحنى عندها: معامن خداما
ليلى كتبكي: ماعرفاش كنقسم لك بلي معرفاش معرفاش علاش مابغيتيش تيقني معرفااش

يالاه غايجوبهاا.. سمع صوت تيليفون كيصووني شاف شكون بتاسم بمكر عاد خرج بارا يجاوب....

كان كيهضر مبرد وعلى وجهوو ابتاسمة نصر بحالا حقق شي انجاازز

بعد مدة دخل عندهاا هز حاجبو فيهااا كانت ساهية بحالا كتفكر .....
تنهد ودار خارج بحالو حتى سمعها نطقات


ليلى كتحاول توقف تقدات في الوقفة : تسنااا

عمران عقد حواجبو: نعاام

ليلى: عطيني تيلفون 

عمران دار فيها داك شوفة د منيتك
ليلى: بغيت نهضر ابيل
عمران حط يدو على راسوو: اهااه شي طلب اخر
ليلى ببرودة: عطيني نهضر ابيل ونقولك معامن خدامة

عمران بتاسم بستهزاء: يااك

ليلى بتحدي: اه الى معطيتنيش مغادي نقولك حتى حاجة وخا نعرف تقتلني اسي ﻹبراهيمي

عمران جننتو طار عليها من شعرها مقرب وجهو من وجهاا كيهضر عاض على سنانو: غاتهضري بزز منك فهمتي بزز من ديلمك غاتهضري وغاتقولي معامن خدامة

ليلى ضرها في شعرها كتشوف فيه بتحدي واخا هكاك دافعاا جبهة: شنو غادير ليا مثلا هاااه راك دوزتي عليا العذاب ديال بصح خليتني نتمنى لموت ومنلقاهاش همم شنو غادير كتر من هادشي تمنيت كون قتلتني داك نهار وماديرش ليا هاكا نت حرام واش تكون انسان حيوان وبزاف عليك ...ودابا طلق مني ...اه و كنقسم لك مانقول شي كلمة واخا نعرف نموت 

عمران طرطق عنقو وضحك مفقوص .جبد سلاحو حطو على راسها ونطق عاض على سنانو: عاودي شنو كنتي كتقولي عاودي نسمع

ليلى بنبرة هادئة: تانا ماكيعجبنيش نعاود هضرتي وكنظن راك سمعتني اه ولا ياكما ﻷخ صمك


في القصر...

وقفين في جردة بعاد عليهم حاضينهم من بعيد معاهم نور كيلعبووو غميضة 

تنهد ودار شاف فيهاا كتبكي

عصمان: علاش كتبكي دابا واش غاتندميني حيت عاودت لك اغيثة
غيثة مسحات دموعها: هادشي كامل داز على بنتي نسمة ومانبكيش
عصمان جرهاا عندو: كولشي فات داباا
غيثة : صعيبة بزاف .....ياربي تشوف من حالهاا 

عصمان : فهمتي كولشي ياك 
غيثة: اه عاد رتاحيت دابا

عصمان بتاسم فاش شاف اوس جاي كيجري عندهم 

اوووس: بابا بابا خبيني من خالتو نور
عصمان هز كيلعب بيه في سماااا : هووووبااا 
غيثة: عطيني حفيدي عطيني
اوس: زداتي خبيني قبل مايزيو ليا

عصمان باسوو عطاه ليها : مهم اغيثة هانا مشيت ونسمة عينكم عليها مانبغي حتى حاجة تآديها ولا تخسر ليها خاطرها راك عارفا

غيثة: كتوصيني على بنتي سير اولدي الله يعاونك

باس على راسهاا ومشاااا خلاها جالسا مع اوس 

في جيهة لخراا من جردة جالسين في ﻷرض بجوج كيتعودوو تفاهمو مع بعضياتهم

نور: قولي ليا انسمة كيفاش تعرفتي على خويا

نسمة تلفات معرفات باش تجوبهاا حتى كتوقف عليهم غيثة كتنقد لموقف

غيثة: نسمة بنتي مال هاد الفضولية
نسمة: ماما غيثة اجي جلسي معانا
غيثة جلسات حداهم مجلسا اوس قدامهاا كتلعب ليه في شعروو
غيثة كتعاود ﻷوس: بحال هاكا كنت كندير لباباك اولدي 
اوس كيضحك: زوينة نتي ازدة
نور كتعيبو: ازدة وقول جدة 

نسمة كضحك معاهم: عصمان من ديما كيعلمو ينطق حرف شين ولجيم حلف لابغا ينطقهم 

غيثة: خليوه عليكم ولدي هضرتو زوينة 
بقاوو هكاك كيضحكوو ويلعبو مع اووس 
حتى كاتنووض نوور شادا على فمهاا .....مشات كتجري دخلات لداخل قصدا لحماام....
غيثة : نوور نور 
نسمة: غي جلسي اماما انا غانشوفهااا 
تبعاتهاا تشوف مالهااا

دخلات لقاتها يالاه خارجا من الحمام 
نسمة: نور حبيبة ياك لاباس
نور: معدتي مقلوبة عليا
نسمة: غاتكون ضراتك شي حاجة
نور شدا على راسها: اه فيا دوخة غانطلع لبيتي 
نسمة: تبغي نعاونك
نور: لا احبيبة غي سيري رتاحي 
نسمة بتاسم ليها :واخاا 
مشات نور طالعا لببتها ودوخة مامفرقهاش ....ونسمة رجعات جلسات مع غيثة و اوس يكملو جمعاتهم


كتشوووف فيه بتحدي 

عمران بلا تردد هز سلاحو لفوق خرج كاع رصاصات في سقف ......حتى قفزات ...حيد يديه من شعرهاا ودفعهاا بجهد جات طايحة ....

خرج كيزفر شوياا ماكان غايقتلهاا كون مالقاا راسوو مازال غايحتاجهاا في بزاف د الحوايج .....

ليلى تقدات في بلاصتها : الله يعطيك الهرس ليدين 

داز شويا د لوقت ....دخل عندها واحد من الكارد عطاها تيليفوون وخرج
ناضت بفرحة هزاتوو سجلات نمرة ودوزات ابيل

في الحي 

جالسين كيفطروو مجمووعين في دار ملاك حتى نططقات كريمة 
كريمة: يالله البنات نوضو مازال تابعنا بزاف د لحوايج ليوم لحنة خاص كولشي يكون هو هداك اوك....

ملاك شافت في شمس زعما غي صبري معانا

ملاك: شنو باقين غانديروو مازال
كريمة: نخملو دار مزيان ونشوفو شنو ناقص وصافي ....مهم انا خرجا نتقدا شي حوايج ديرو شنو قلت نجي نلقا كولشي واجد

ملاك : اوك اوك
خرجات كريمة وتبعاتها بنتهاا كتوصي فيها شنو تجيب ليها ....خلاو شمس وملاك كيوشوشوو

شمس: اوف املاك كون غي خليتني نمشي لدارنا 
ملاك: واش نتي حمقة نخاليك بوحدك 
شمس: هاد زمرة قتلتنا بتمارة بحالا غي هي لي اتزوج بنتهاا
ملاك: صبر صبر
شمس:اجي ماهضرتيش مع ختي 
ملاك بلعات ريقهاا مازال ماعندها حتى خبار عليها يالاه اتخترع شي كدبة حتى سمعو تيليفون كيصوني هزاتو ملاك كتشوف نمرة غريبة 
شمس: جوبي
ملاك: ديالمن هاد نمرة
شمس:غي جاوبي

ملاك : اولوو
ليلى كتبكي: ملاك 
ملاك وقفات: ليلى فينك اصاحبتي و اشخبارك 

ليلى : انا بخير
شمس: عطيني نهضر معاها املاك عطيني 
ملاك خافت لا تفرش: واخا صبري....ليلى امتى غاتسالي لخدمة لي مشيتي على قبلها اصاحبتي توحشناك

ليلى بتاسمت في عز دموعها عرفتها كدبا على شمس: قريب نرجع اختي مابقاش ليا بزاف ...دوزي ليا شمس عافاك
ملاك عطات تيليفون لشمس: ختي ليلى فين مشيتي بلا ماتعلمينا خلعتني عليك
ليلى: حبيبتي غي لخدمة وصافي نتي بخير
شمس : بخير اختي 
ليلى: حبيبة دوزي ليا ملاك 
شمس : واخا
ملاك: ليلى هانا معاك
ليلى : ملاك ماتبيني لشمس والوو....شوفي انا غادي نصيفط لك ميساج نشرح لك كولشي اوك ونتي ديري شنو غانقولك وانا بلا ماتخافو عليا صافب
شمس كتشوف في ملاك كتسولها بعينيها شنو كتقول ليها 
ملاك بلعات ربقها: اه صافي احبيبة كوني هانايا
ليلى : يالاه خاصني نقطع دابا تهلاو في راسكم
ملاك: حتى نتي ردي لبال راسك اختي

قطعات معاها ودارت شافت في شمس: شفتي هاليلى بخير
شمي تلاحت فوق الفوتاي: عاد رتاحيت دابا
ملاك: تا انا
شمس : شنو كانت كتقولك
ملاك: والوو غي كتسول علينا وصافي 
شمس: اممم اوك
ملاك :نوضي نوضي نشوفو شنو نديرووو غي الله يدوز هاد ليلة د الحنة بخير ...


دازووو ساعات 
وصلات العشية 

فاقت كتكسل كتحس براسهاا مهلوكة خاصها غي تنعس بزز باش ناضت دوشت عليهاا بالخف ولبسات حوايجها وخرجات لقاتهم مجموعين في جردة كيلعبو مع اوووس 

نور: ماما هانا خارجا
غيثة: فين ابنتي
نور: غي عند صاحبتي دايرين نخرجو شحال ماتجمعناا
غيثة: صافي سيري ورجعي بكري 
نور : واخاا

مشات ركبات في طوموبيلتهاا كسيرات بجهد
مسافة طريق كانت قدام واحد المحل تجاري خدات شي حوايج عاد خرجات مكملة طريقهاا.........

حتى وصلات الغاابة ....بلاصات طوموبيلتهاا في بلاصة مآمنة ....وفتحات لكوفر هزات منوو داك شي لي تقدات عاد رجعات سداتوو ومشات دخلا وسط الغابة حتى وصلات لداك جبل لي كانت غاتلاح منو.....حطات داك صشيات فوق الحجر وبدات كتدور في عينيهاا على الله تشوفهااا.....شوياا بدات كتغاوت عليها بجهد

نوور بالغوات: فينك واش كتسمعيني ....عافاك خرجي عندي بغيتك وفينك اصاحبتي انا جيت نشوفك زعماا خرجي عافاااك

سكات مخسرة ملامح وجها بحزن شويا مشات قاصداا لجهة لي دخلات منها داك نهار .....تمشات كتقلب عليها بين شجر وﻷغصان عياات تعيط ليهاا والو كايتسمع غي صوت الحيوانات فقدات ﻷمل وحسات بالخوف يالاه درات غادا راجعا فحالها حتى كتحس بشي يد تحطات عليهاا درت مفزوعة 

نور حطا يديها على قلبها: هاااء خلعتني 
المرأة ببرودة : شنو كديري هنا 
نوور ببتسامة : جيت عندك 
المرأة: علاش
نور : هاء بغيت 
جراتها من يديهاا: اجي معايا تشوفي شنو جبت لك اجي

مشات جراها من يدها حتى وصلو لداك جبل هزات صشيات كتوريهاا شنو خدات ليها كان شكلاط و خلوة وحوايج وشي تخربيق اخر

المرأة بعصبية: هزي هادشي وسيري فحالك 
نوور: كتجري علياا ياك
المرأة: حسبيها كيف بغيتي
نور: شنو سميتك 
المرأة: ماشي سوقك سيري بحالك قلت لك
نور باصرار جلسات فوق واحد الحجرة: لا مغانمشيش
المرأة تنهدات ونطقات ببرودة: بشرى سميتي بشرى 
نور: سميتك زوينة بحالك علاش ساكنة بوحدك هناا
بشرى: سيري بحالك ماتندمينيش حيت نقدت حياتك 
نور :شكراا حيت نقدتني اخالتي ابشرى والله انا ممتنى لك 
بشرى : ساليتي
نور شدات ليها في يديها : عافاك اخالتي بشرى عونيني بغيت نطبق داك ﻵية
《ان كيدهن عظيم》معرفتش كفاش غاندير ونتي لوحيدة لي طحتي ليا في بالي

بشرى سهات فيهااا وفي برائتهااا مدة وهي ساكتة كتشوف فيهاا.....شويا هزات يديها وحطاتها على كرش نور
بشرى: صغير بزاف
نور بستفهام : ش شكون
بشرى مازال كدوز يديها على كرش نور: هوو .....ولدك
نور بلعات رقيها: هاا كك كفاش 
بشرى: خاصك تهلاي في راسك دابا
نور دفعات ليها يدها من فوق كرشها بجهد: شنو كتخربقي نتي شمن ولد.... لا نتي مريضة

بشرى وقفات ودارت غادا فحالها : سيري بحالك شويا غايطح ليل

نور بلعات ريقها هزات صشيات ومشات كتجري تبعاتها : ككفاش 
بشرى:والو
نور : خودي هادو بعدا عافاك
خداتهم من عندها ومشات ....خلاات نور تاهي غادا فحالها ورجليها ماهزينهااش ........


في ديبوو

من بعد ما قطعات معاهم تنهدات برتيااح طمآنت على ختهاا وصاحبتهاا شوياا عاد رتاحت من جيهتهم .....

عاودات هزات داك تيليفون صيفطت ميساجةطويل لملاك كتشرح ليها شنو غادير ....شافتو وصل مسحاتوو بزربة وحطاتو حداهاا فاش شافت لكارد داخل عندها

الكارد: اري داك تيليفون فاتت 5 لدقايق
ليلى: برافو موصيك
الكارد دار فيها شوفات في شكل عاد نطق : اري بلا هضرة

ليلى مداتو ليه بلا حتى كلمة ....خداه من عندهاا
دار فيها واحد شوفات في شكل عاد خرج فحالوو 

هزات رجليها عندهاا وحطات راسها على لمخدة مدة و داتهاا عينيهااا مستسلما لنووم

دازووو ساعات 

كانت ناعساا وغرقا في نعاسها حتى كتحس بشي يد كدوووز على فخدهااا ناضت قافزة جامعا رجليهاا عندهاا كتقفززز وترعد

ليلى كتحيد شعر على عينبها : ش شنو كدير نت هنا ...شنو بغيتي 

كان داك الكارد نفسو لي جاب ليها تيليفون 

ليلى : راه سولتك شنوو بغيتي عندي خرج باراا

الكارد بتاسم بخبت وبدا يقرب ليهااا 

ليلى كتكحز بلوور حتى لصقات مع الحيط 
قرب ليهاا هز شعرهاا كيشم فيه وهي اتموت بالخلعة بدا كيقرب ليهاا كتر كيتلمس ليهاا في فخاضهاا 
ليلى بدات كتغاوت بهستيرية: ببعااااد ماتقربش لياااااا اععهع عتقووني .....هو لي صيفطك ليااا هوووو يااك متقيصنيش المجرم بعاااد علياااا

ماتسوقش مكمل في خدمتو ليهاا قطع ليهاا حوايجهاا وهي كتركل ....خلاهاا بدووبياس وتلاخ فوقهاا عينيه معسلين ظاهر انه شارب حتى مفووووت بجهد .....

تلاح كيبوس ليها في عنقهاا وهي كتغوت ربي لي خلقهااااا غاتهبل تحت منووو ....شويا هبط لصدرهااا كيعبز فيه يالاه مهبط فمو غايبوس فيهم..... ماحس حتى جااه كروشي لوجه حتى طاااح في جنبهاااا مغمة عليه...


في القصر 

غادا جاياا كتعض في ضفراهااا بخوف وتوتر في نفس الوقت كتفكر في كلام بشرى كتبغي تحماااق ولي زاد خلعهاا كتر هو دوخة و الردة لي مابقاوش يفرقووهااا ....كتحط يديهاا على كرشهاا وكترجع تحيدهاا بخوف كتنفي داك شي لي كيجي في بالهااا بسرعة....

نووور: لا لا ياربي مايمكنش انا غي كنخربق اكيد 

شدات راسهاا كتبكي بحرقة الى كان شكها في محلوو غاتكون هادي هي نهايتهاا تعرف تموت وماتهزش ولد داك المجرم في كرشهااا 


مشات غسلات وجهها بزربة وهبطات عندهم لتحت لقاتهم جالسين مجمعين كيهضرووو بينهم ويضحكو مع اوس كيحاولو يطلقوه معاهم ...حتى نسمة كان عجبهاا الحال معاهم .....
جلسات حداهم وجهاا مخطوف منو لون

غيثة شدا اوس قدامها : باين غايكون حفيدي عدبك في الوحم والتربية
نسمة: شويا في الوحم جاني صعيب دوخة و ردة مابعداتش عليا و التربية ركي عارفا اماما رباه عصمان بوحدوو 

نور غي سمعات دوخة والردة قلبها تهز ولاات كتحس بﻷرض كدور بيهاا هضرتهم ولات كتجيها بحال شي صداع

ناضت بلا مايحسو بيها طلعات لبيتهاا غاتموت من خوفها....

في جناح اخر

كان مقصر بالبلاي غي بوحدو ....شويا تفكرها شحال هادي ماشفهاا ....هز تيليفونو دوز نمرتهاا كيصوني ليها بعد مدة تفتح الخط.....

سليم: البكااياا
شمس بالغوات: سليم 
سليم : حداك صداع فينك اساطة وليتي تسهري بلا خباري
شمس كضحك: ولا راني مع صاحبتي ختها عندها الحنة ليلة
سليم بستفهام: شنو هي هاد الحنة عوتاني
شمس: مغاتفهمش اساط
سليم: امم صافا بعدا
شمس: بخير ونت
سليم : الحمد الله 
شمس: غبرتي 
سليم: هي توحشتني
شمس بميوعة: كتر ماكتصور
سليم: سعداتي 
شمس كطنز: نوض على سلامتك 
سليم:ياك القردة...

بقاو داوين مدة ......مرة مصالحين مرة منوضينها حتى قطعوو ....
مشاا هو تلاح في فراشووو وهي مشات تكمل سهرتها مع بنات جيران


دازوووو ساعات

كان الوقت معطل والجوقة تفرقااات كل واحد مشا فحالوو بقاو غي هما جمعو روينة وداك شي حتى كرطو دنياا مزياان عاد كل واحد فيهم دخل ينعس............

شمس كتفووه: اي ضهري تقسم
ملاك: تشوفي انا
شمس تلاحت فوق ناموسيا مهدودة دغياا غفات كانت مهلووكة ديال بصح

بقات غي ملاك مشات خدات دواها تاهي كتحس بضهرها تقسم نهار كامل دوزوه في تمارة عاد مشات لكوزينة شربات لماااء مع دوهاا....... 

رجعات دخلا لبيت سمعت شيخر كريمة وبنتها مسموع لعند جيران ....

خنزرات فيهم وكملات طريقها لبيتها تبدل حوايجها و تنعس لبسات سروال بيجامة غوز بيبي و تيشورط بيض هابط من الكتاف و طلقات شعرها و تلاحت في بلاصتهااا حدا شمس .....

شدات تيلي كتخربق فيه نهار كامل ماشداتوش.......

شوياا حتى كيوصلها ميساج من عندو في واتساب
ضحكات حتى عويناتها تسدوو

Osmane : malak fin knty nehar kaml
Malak : kent mcheghola lyom 
Osmane: emm mhm chewiya ghankon fi ras derb khrji andi 

ملاك خرجات عينهاا كيغادير تخرج في هاد ليل و صعصع ديال خالتها كاينة

Malak : nary man9drch wlh khlty atchofni wla chi haja.
Osmane: nesawni lik kherjy ...

ملاك: اويلي هذا واش تسطاا كيغاندير نخرج اناا واش من نيتو ليووم تقتلني خالتي تفووو ....

ناضت على سعدها وعدها كتسلت لبسات بنطوفتها و هزات واحد الكاب سخون درتوو على كتافها طلات على شمس لقااها غارقا في نعاسهاا.... خدات تيلي ديالهاا و خرجات كتسلت اتبول بالخلعة يالاه اتفتح لبااب حتى سمعااااات ........


يالاه اتفتح لبااب حتى سمعااات صووووت برد ليها لمااا في ركاابي بلعات ريقهاا ودارت مجننة بغاا طير عليهااا..... سمعات شخير دخالتهااا جاي من البيت ......تنفسات صعداااء 

تخلطات عليها فقصة و خلعة بلاصة ماتخرج رجعات دخلات عند الغولة دخالتها لبيتها كانت اتخنقهاا

ملاك كتهضر مع راسها : طلقوني على قحبة مها ليوم نقتلهاا ليووم ....اوف املاك صافي احبيبة متوسخيش يدك فيها مكتسواش ..دفلات عليها سدات عليها لباب وخرجات كدعي في نفسهاا حلات باب دار بشوية و خرجات كتسلت كتتسناه يصوني ليها دزت 5 دقايق شافتو كيصوني قالها فين كيتسناها ومشات عندووو كتزرب خايفة يشوفها شي واحد كتجري تاني مرة وهي كتخاطر وتخرج عندو في ليل غي الخلعة سالات معاها ...بقات غادا حتى شافت لهامر ديالوو و مشات عندووو

كان جالس في لوطوو كيتسناها حتى كتبان ليه جايا كتجري كل مرة كدور تشوف موراها واش حاضيها شي واحد ......لحظة سهااا فيهاا كيحاول يشوف صورتهااا قداموو والووو كتبان ليه غاملاك في دخلوو كيقول مايمكنش نساهاا ولكن والو غي ملاكوو لي في عقلوو حاليا بقا ساهي حتى فيقتوو ملاك من تفكيروو زدحات لباب د لوطو حتى قفز .
عصمان :على سلامة فين تعطلتي 
ملاك : ماتعطلش .....قوليا مالك علاش بغيتني 
عصمان : شنو في يدك 
ملاك شافت في يدها : هاء اه حنة 
عصمان خسر ملامح وجهو: علاش درتيها علاش
ملاك : هاء كتعجبني
هزات يديها كتوريه مبتاسمة : شوف شحال زوينة
عصمان : اه بحالك
ملاك :اجي بعدل قوليا شنو بغيتي خاليني نمشي 
عصمان بتاسم باستهزاء :تمشي قالك تمشي ...
ديمارااا لوطوووو و كسيراا 
ملاك نقزات عليه : اويلي اعصمان شكادير راه غانتعطل اويلي وقف لوطوو 
عصمان كاع ماتسوق ليها عيات تخبط و تغاوت في لاخر ستسلمات عرفات راسها غي كتخوي لما في رملة تكات على زاج ....بدات كديها عينها من قوة العياا......شويا حسات بلوطو وقفات قدام البحر و عصمان خرج منها......ناضت مبوقة بنعاس حيدت الكاب و تبعاتووو 
ملاك : عصمان علاش جيني هنااا 
عصمان سهاا في عويناتهاا : بغيت 
ملاك هزات كتافها : همم اوك لي بغيتي 
تكات على لوطو كتشوف فيه من لور......حتى نطق
عصمان : ملاك اجي قربي ..

قربات عندو بلا عكز حتى كتحس بيه خشاهاا فيه معنقهاا و مزير عليهاا حتى هي عنقاتوو بقاو هكاك حتى مشا جلس فوق لوطو و جلسها قدامووو 
بقاو ساكتين حتى نطقات ملاك 
ملاك : عصمان ااىى
عصمان قطعهاا : شوو شوفي في البحر ونتي ساكتا 
مدة وهما ساكتين ....حتى حس بملاك جاها البرد عاد دوااا
عصمان طلعي انا انكمي و نجي ....

هزات راسهاا باه و مشات 
كماا كارووه و مشا تبعهااا 

ملاك : خالينا نمشيووو 
عصمان : نوو نوو انباتو هنا 
ملاك : اويلي وو
قطعهاا فاش جرهاا جلسهاا قداموو ضورهااا عندوو و غطس راسوو في عنقهاا 
عصمان تنهد : توحشتك 
ملاك الصمت 
هززز الكاب ديالها ووغطاها 
عصمان : يالاه نعسي حتى لصباح انوصلك قبل مايفيقوو 

تخشات فيه و نعسات معاه كتحس براحة باﻷمان ....هز يدوو كيدوزها على شعرهاا حتى نعسات....


قطع ليهاا حوايجهاا خلاهاا بدووبياس وتلاح فوقهاا عينيه معسلين ظاهر انه شارب حتى مفووووت بجهد .....

تلاح كيبوس ليها في عنقهاا وهي كتغوت ربي لي خلقهااااا غاتهبل تحت منووو ....شويا هبط لصدرهااا كيعبز فيه ماحس حتى جااه كروشي حتى طاااح في جنبهاااا مغمة عليه...

ليلى كتبكي بهستيرية غي شافتو طايح حداه ناضت كترعد رجعات بلووور كتغطي في صدرهاا بيديها وكتبكي تشهق بحرقة 

هزات عينيها تشوف شكون ضربو لقاتوو كيشوف فيهاا ببرودة عينيه جمرة حمرين حيد شوميزتو قرب غايلبسها ليهاا ....

دفعاتو بجهد كتغاوت ربي لي خلقهااا مازال في حالة صدمة
ليلى؛ اععععع بعاااد مني بعااااد متقربش ليااا لا علاش كتحيد لياا حوايجي لاااااا عااااافااك بعدد مني
زادت في غواتهااا فاش شافت الكارد دخلو كيجريوو موراه دايخين 

ليلى بهستيرية معرفاش شنو كتقول كتشير بصبعها ليهم : كولكم بغيتووو تعداو علياا ياااك اناا مدرت ليكم والو شوفوو قطع ليا حوايجي

عمران دور وجهوو بانو ليه الكارد كيشوفوو غووت بجهد حتى قفزهم
عمران بعصبية: خرجوووو تقاودوووو شنو كتشوفو ومازال غانتحسب معااااااكم واحد واحد 
وجه كلامو لجون: نت جيب ليا لبراا 

مازدووووش معاه الهضرة خرجوو بزربة غايموتو في حوايجهم ....

دار عندها كيشوف فيهاا كتهضر غي بوحدهاا وكتمسح في لبلايص فين قاسهاا داك الكارد ..خلاهاا على خاطرهاا حتى جاب ليه جون لبرااا عاد مشا كيقرب منهاا بلا ماتحس ضرب ليها لبرا في عنقهاا مدة قصيرة ورجعات لحالتهاا طبعية كتفكر شنو وقع لبهاا شويا بدات تبكي بحرقة وصوتها مخنووق بالبكااا .....
.
هزات عينها فيها حمرين كتشوف فيه مازال طايح حداهاا: هوو هوو كان غادي يتعدا علياا يااك ماقصنيش يااك ماقربش لياا ياااك 

عمران قرب لبسهاا شوميز عاد نطق بنبرة هادئة: لا مقربش لك 
ليلى كتشوف فيها: اناا غانوض نقتلو هو خاصو يموت 
بدات كتبكي مغطيا وجهاا بيديها 

عمران بهمس: اه خاصو يموت غي سكتي

خلاها كتبكي على خاطرها حتى سرا فيها مفعول لبرا عاد غفات ناض هزها حطهاا في طومبيل ورجع عندهم لقا جون غادي جاي بتوتر

جون: شنو نديرو معاه اسيدي
عمران: حتى نجي خليوه تماا لا ماكلة لا شراب
جون: واخا سيدي
عمران: مازال غانتفاهم مع لخرين
جون: راه حط ليهم مخدر في الماكلة اسيدي داك شي علاش نعسوة
عمران ماجوبوش مشا ركب طوموبيلتو وكسيرا


في واحد لبووواط كبيرة

الموسيقى قوية وضواو كيشعلو في ﻷلوان البنات غي بجوج شريوطات ريحة الكارو و الشراب مالياا المكاااان 

كانو جالسين بثلاثة بيهم مدورين بيهم مجموعة ديال لبنااات نسين دنياا مامسوقينش بقاو كيشربو حتى مابقاا فين يزيدووو

سعد هز كاسو ضربو مع كاس كمال: بصحتك 
كمال: علاش
سعد: حيت عمران ماقتلش لك ليلى
كمال تنهد : خاص ترجع ليا بعدا
سعد: كنت كنقول غي نزوة صدقتي طايح بصاح
عماد شافو كيشرب كاس مور كاس : واش لهاد ذرجة الحب صعيب
كمال: حب اول نظرة اسعد ماكنتش كنآمن بيه ولكن فاش شفت ليلى آمنت اسعد آمنت
عماااد : اه ممكن

سعد حط كاسوو جنب.....تنهد وجبد تيليفون دخل لبلاصة تصاور كيشوف في تصاورهاا سهاا في ضحيكتهاا تفكر فاش كانت كتقولوو نت احسن حاجة وقعاات ليا في حياتي وتفكر فاش قالت ليه كنكرهك وندمت على نهار لي عرفتك فيه..... حس بغصة في قلبوو ماكنش عليه يدخلها في هاد شي كامل هي بريئة وماعندها حتى ذنب 

دوز ابيل كيصوني ليهاا حس براسو باغي يسمع صوتهاااا

كانت جالسا في بيتهاا شداا على راسهاا كتفكر في كلام بشرى و نسمة بغات تحمااق شويا بدات كتبكي بحرقة على زهرها وايامهاا الكحلة ....

مسحات دموعها فاش سمعات تيليفونها كيصوني هزاتو غي شافت نمرتوو شيرت بداك تيلي حتى تشتت في ﻷرض

نور كتبكي: كنكرهك الله يخد فيك الحق 
طاخت في بلاصتها كتبكي بحرقة كتحس بقلبها كيضرهاا بجهد

سعد شاف لخط تقطع سحاب ليه قطعات بحال ديماا......

زفر بعصبية ...هز داك الكاس هبط عليه كامل وخرج فحالوو خلاهم كيعطوو ليه.....ركب في طومبيلتو متااجه لداروووو


بلاصة اخراا 

مسافة طريق كان وصل لفيلا ديالووو هزهاا في يدوو وطلع بيها في دروووج .....دخل بيها ﻷول غرفة بانت ليه...

حطاها فوق الفراش قادها في بلاصتهاا .... بقا كيشوف فيهاا مدة كانت غارقا في نعااسهاا .....تنهد وهبط قاد عليها الغطاا وخرج بحالوو قاصد بيتووو

هاكا دازت ليلة عليهم شي دازت عندو طويلة وشي دازت عندوو طايرااا


نهار جديد وصباح جديد 


عند عصمان وملاك

كانوو بجوج غرقين في نعاسهم ضربات فيهم شميشة صباحية مع نسيم البحر ....

ملاك عنكشتها شمس في عينيها بدات كتكسل و تحك عويناتها بحال شي مشة و كتزيد تخشاا فيه ......

عصمان حس بيها كتخبش في صدرو..... فاق لقاها فوق منووو معنكشاه بتاسم حتى تسدو عويناتو هز يدوو وبدا يلعب ليها في شعرهاا وكيبوس فوق راسها..... حتى فاقت كترمش بعويناتها لقاتو كيشوف فيها مبتاسم .....

ملاك عقدات حواجبها كتهضر بهمس: ويلي شنو كيدير هناا اعصمان 

عصمان دار فيها داك شوفة ديال منيتك 

شويا بدات كتسترجع ﻷحدات فين هي و شكدير معاه لحظة قفزات وقفزتو معاها ....

عصمان خنزر فيها : مال ديلمك صباح هذا 
ملاك بلعات ريقها : ناري خلات علياا ليوم تقتلني
عصمان : رجعي بلاصتك و هنينا ....(شاف في ساعة )....راه يالاه 6 د صباح هادي
ملاك بخوف : عافاك يالاه نرجعوو 
عصمان تنهد : واخا غاسكيتنا 
حركات ليه راسها باه 
عطاها كابها تلبسوو ....عاد كسيراا مخلي العجاج موراه 

مسافة طريق 

كانو وصلوو يالاه بغات تزل حتى شدها من يدهاا و قربها ليه و طبع بوسة حنينة مابين خدها و عنقها بورشهاا بقاات مغمضها عينيهاا كتستمع بانفاسوو الحارة لي كضرب في عنقهاا ....

شد وجها بيدو وحط جبينو على جبينها : مازال مابغيتي تولفيهاا همم
ملاك نطقات بدون شعور: لا ولفتهاا 
عصمان: همم نعاودوها
ملاك خلات عينيها بزربة: هااا 
عصمان بتاسم وبعد عليها : سيري ...

ملاك : ااءء ....تلفات ليها الهضرة حلات الباب و عطات رجليها ريح وصلات لقات سقيل في دار عرفاتهم غايكونو مازال ناعسين رتاحت شويا....

دارت كتسد لباب بشوية حتى كتوقف مبلوكيا في بلاصتها من اليد لي تحطات فوق كتفهاا خلاتها تجمد ماتحركش ماقدرت حتى دور تشوف شكون ....


بلعات ريقهاا بجهد ودرات تشوف شويا ماكان يسكت ليها القلب ....

شمس مصغرة غينيها: فين كنتي ازين
ملاك شدا على قلبها: تفو عليك ابنت الحرام
شمس: تخفي ماتحشمي
ملاك تنفسات صعداء: مافايق حد يااك
شمس: لا فين كنتي نتي

ملاك جرتها من يدهاا لبيت سداتو وتلاحت في فراشهاا كضحك بصمت
شمس: همم شتمااا يالاه سربي قولي شنو كاين
ملاك : بفف اجي نعاود لك عارفاك مغاتفاكيش معايا ليووم احبي
شمس تخشات حداها: يالاه كنسمع ابب
ملاك تقدات في نعسة وبدات تعاود ليهاا من اول مرة تلقاو حتى ﻷخير مرة ....خلاتها غي حالة فمهاا 
شمس حطا يديها على فمها: هاتنتي على بنت الحرام هادشي كامل واقع وانا مافي خباريش
ملاك جرات عليها لغطا: يالاه بعدي مني خليني نكمل نعاسي 
شمس تاهي رجعات لبلاصتها : نعسي نعسي مازال الحال

دازوو ساعات 

في القصر 
هبطات لتحت لقاتهم كيفطروو لقات تحية 
نور: صباح الخير عليكم
غيثة واحمد: صباح النور
نور: بصحتكم
غيثة: جلسي تفطري
نور: لا ماما حتى نفطر في لافاك
غيثة: واخا ابنتي
نور: يالااه هانا مشيت
بتاسموو ليهاا وخرجات ركبات في طوموبيلتها وقلعات لوجهتهاا....

مسافة طريق 

كانت جالسة كتفرك في يديها بتوتر بغا دخل ومتردة خايفة تسمع داك شي لي مابغااش وتصدم بقات هكاك حتى قتنعات وهبطات دارت شال على راسها باش مايعرفهاا حد عاد دخلات قصدا لبيرو ديال واحد طبيبة .....مشات عندها نيشان دقات ودخلات 

نور ببتسامة: كاين شي حد هناا
ذكتورة وقفات: اوووه شكون جا عندي نوور مرحبا
نوور سلمات عليها: اشخبارك 
ذكتورة: الحمد الله ونتي 
نور: بخير 
جلسو كيهضرو ...ديجا كيتعرفو حين دكتورة من العائلة
دكتورة: اوا شنو سبب هاد زيارة
نور بلعات ريقها: ءء دابا ممتأكدش حيت اصلا ماكين والو ولكن بغيت نحيد سك
ذكتورة : مافهمتش انور
نورغمضات عينيها : بغيت ندير تحليل الحمل 
دكتورة بتسغراب: اووه امتى تزوجتي 
نور تنهدات : قصة طويلة...
عافاك الى كان ممكن بغيت نديرو دابا....
دكتورة وقفات : اجي معايا
ناضو بجوج داتها لواحد لبياص خلاتها تمدد فيه عاد دهنات ليهاا واحد برودوي على كرشهاا...وبدات كتشوف في تيفي 
نور كتشوف معاها: ماكين والوو ياك
دكتورة حيدات داكشي من يديها بتاسمت ليها عاد نطقات: مبرووك عليك عندو جوج اسابيع تقريبا
نور وسعات عينيها من صدمة: كك كيفاش لا مايمكنش اكيد كين شي خطاء
دكتورة كتوريها: شوفي داك نقطة لبيضة راه هي لبيبي
نور دموع تحجرو في عينيها ناضت كتزرب كتمسح على كرشهاا كتخس بﻷرض كدور بيهاا.....خرجات من عندها رجليها ماهزينهاش جلسات فوق واحد الكورسي غاتحمق بالبكاااا كاع لي كيدوز كيبقا يشوف فيهاا بكاها كيقطع في القلب .....لحظة تحطات عليهاا شي يد غي شافتو تبلووكات .....

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.