تاج راسي الجزء 12

من تأليف Soukaina Ahnani
2020

محتوى القصة

رواية تاج راسي

نعسات عاليا بسبب المهدئ اللي تحط ليها فالسيروم غطاتها هيام وطلعات عينيها فالسرجم، الحال بدا يضلام والعشية تتعاشا..
ضارت هزات الساك ديالها و شافت فيها آخر مرة عاد خرجات من الشومبر غادا تنزل لتحت وفالطريق صونا ليها الطيلي..جبداتو و لقات سميت أميمة هي تقوص حجبانها وجاوبات كاتتأسف: سمحي ليا احبيبتي نسيتك والله

اميمة: عررررفتي من ايمتا وأنا كنتسنااك وحتا باش تجاوبيني فالطيلي مقدرتيش؟؟

هيام: مشفتوش ازين ديالي كنت مشغوولة هاد النهار معرفتو كيف داز

أميمة: وعلاش بالسلامة ؟

هيام: ماما فالسبيطار "تنهدات مكملة كلامها" طاح ليها الطونسيو

شهقاات وقالت: اويلي بصح؟؟ والله ماافخباري كيبقات دابا

هيام: خليتها ناعسة وانا راجعة للدار دابا..تبغي ندوز عندك ؟

أميمة: لا صافي غاتكوني عيانة..ولكن غدا فالصبااح منتفاكش معاك

هيام: ههه واخا الالة..اجي واش الموضوع متعلق بجمال؟

جمدات بلاصتها وقلبها ضرب ضربة وحدة لبرا: باش عرفتيها؟

هيام: هههه حدس وصافي..غدا وعاودي ليا كلشي، متأكدة هاد المرة الموضوع أكبر

حكات رقبتها كاتشتت النظر: ش شوية و و صافي بففف غير تفكرت وأنا نتوتر تااني صافي باي عافاك خليني ننزل راماما تتعيط ليا

هيام: ههه اوك ماشيغي باي ..قطعات وركبات فسيارتها.. ركبات رقم آخر دارت اوط پاغلوغ وديمارات اللوطو بينما جاوبها هو بصوت مدعدع ناعس

جمال: الو

هيام: كنتي ناعس ههه

جمال: علاش مفيقاني اختي

هيام:توحشتك داكشي علاش هههه

جمال: هههه " فاق من الفراش و گلس كايحك وجهو" صاڤا كلشي مزيان

هيام: انا بيخير الحمدلله نتا اللي شنو خبارك

جمال: الحمد لله بيخير..نتي امورك هانية ياك

هيام: واگلت ليك مزيان هههه..كيف دايرة مراكش 

جمال: حاارة بنت الحرام بقاليا شووية ونبدا 
نتگرمل 

هيام: ههههه عادي دابا تولف..بعدا شحال عوال تبقا تما؟

جمال: لا راه غانتيق بصح باللي توحشتيني

هيام: وهي الصراحة توحشتك ههه وخليتي الناس وراك مشوشين وحالهم حااال هههه اشدرتي غير گول

تنهد بضيق وحيد الغطا، ناض للبالكو اللي كايطل على المدينة وقال بجدية: گالت ليك شي حاجة؟

بابتسامة: عاد ناوية..واش اعتارفتي ليها ولا كيفاش؟

جمال: لا ماشي هاكاك "بقا ساكت شوية من بعد قال" بستها

وسعات عينيها وبلاصات اللوطو قدام العمارة..حيدات السمطة وقالت بعدم تصديق: بستيهااا؟ واش بستيهاا؟

جمال: مممم

هيام: اوف اجماال وعلاش ديير هااكاا علااش

ببرود رد: حيت هاكاك..بعد المرات كنديرو تصرفات حنا براسنا مكنعرفوش علاش درناهم..الحب ماكنفكروش فيه جوج مرات اهيام ونتي عارفة كلشي

تنهدات وهي كتعض شفتها بتفكير: بلاتي غدا غانهضر معاها ونشوف شن ردة فعلها..واخا بداك التصرف غير مكتزيد تصعبها

زفر وضار للحمام: تصبحي على خير..وتهلاي فراسك

هيام: حتا نتا



قطعات عليه ونزلات من اللوطو مدخلاتش للعمارة وفاتتها متوجهة للسوپر مارشي قدام الشارع الكبير.. دخلات هزات سلة صغير وبدات تشري هالخضرة والديسيغ ولحوم بيضاء منوعة هالي پاط شيپس والدرا هالمشروبات وزيد وزييد..كاتمد ايدها تاخد هنا ولهيه دور بين الصفوفة وكلما شافت فديك السلة كاتتبسم

..دابا رجعات عندها دار مع الراجل اللي كاتبغي..دار واستقرار لطالما حلمات بيه ولطالما تمنات حتا هي تخرج وتشري لدارها داكشي اللي خاص وتتصرف كاوحدة مسؤولة على بيت..وحدة عندها مكان دافئ بالحب يأويها، قدما كان عرضو مكيهمهاش على قدما هامها الشخص اللي جنبها..بسمات على هاد الفكرة وهي غادة للاكيسط مصغرة عينيها بسهوة وكاتتبسم من راسها
..كيف كانت وكيف ولات..
لا افكارها بقاو هوما هوما والا طريقة عيش حياتها والا داك المستقبل المشرق بالسلطة والفلوس والجاه.. تغيرو الاولويات وتبدلو التانويات ومعاهم تغسلات هيام من لداخل وبدات تحس باللي الحب الطاهر ديال تاج الدين كايصلح تغرات شخصيتها شيئا فشيئا..وكاينعش روحها ويحببها فالحياة الزوجية المستقرة شيئا فشيئا..

حطات مشترايها و جمعات ليها البنت داكشي فساشيات خلصات ورجعات ادراجها للموبل..حركات راسها للعساس اللي غاحال عينيه ويطلع فيها ويهبط معرفها مرتو ولا صحيبتو ولا ختو شقيقتو والراس الفضولي اللي عندو بقا دارو من حيت هاد الموضوع..

نزلات من الاسنسور ودخلات للدار مبتاسمة براحة ولمعة عيونها اللي مبقاتش كتفارقها:
تاج الدين..تااج واش جيتي 

دات التقدية للكوزينة وخرجات غادة للصالون

هيام: تاج الدين..تاا.. حلات عينيها على مصرعهم متفااجأة منو گالس كايكمي قدامو كاس وقرعة ديال الشراب ومن وجهو باينة مضارب وطاالع ليه الخز.. 
تجرو رجليها بسرعة عندو گلسات فوق الطبيلة دالزاج وشادة وجهو تدور عليه عينيها بتشوش وقاالت: اويلي ماالك شكون دارفيك هاد الحالة

قلب وجهو بغير نفس وبعد الگارو من وجهها: گلبي ساعة بخرا اهيام مافيا اللي يهضر

تاج الدين: كيفاش گلبي ساعة بخرا واش شفتي حالت وجهك؟ شنو واقع معاامن داربتي 

بنرڤسة قصح صوتو: هياام عافاك..سيري طلعي الفوق ولا وجدي شي حاجة وحيدي من ريحة الگارو غاتخنقك..انا غير نبرد شوية وغانخرج عندك

هيام: ونتا بالسلاامة ماغاتخنقش..تااج عاود ليا عافاك رانا مشوشة ومافهمت واالو ماالك على هااد الحاالة

تاج الدين: هيام

بعناد خرجات فيه عينيها: ماغانتحركش من هنا قبل ماتگول ليا مالك، ونتا تعرف


شربات داك كاس تالما والسكر على قبل الطونسيو اللي طاح ليها عاد تمات طالعة مع الدروج لبيت نجاة ووقفات قدامو تتخبط يدها على جنبها وصوتها عيان مابقاش ليها الجهد فين تغوت مازاال

عيشة: نجاة.. حليي الباب نتفااهم معااك السلگووطة حلي..نجااة

حلات الباب كاتمسح وجهها بالنترة وشهقة البكا باقا لاسقة ليها فالحلق: شنو بغيتي

شيرات ليها للناموسية: زيدي گلسي تعااودي شكان كايگول خووك، وبشووية باش نفهم راراسي كايتشقق

نجاة: ماااعندي مانعااااود البررركة فدااكشي الللي دااار وللدك

عيشة: ناااعلة الله وعليكم بجووج غادااكشي اللي بداا هو فالغواات كملييه نتيي لااا قتلووني نييت وتهنااو

نجاة: دابا شنو بغيتي أماماا لااش جاية

عيشة: دخخخلي الحماارة ددخلي 
...دفعاتها حتا دخلات كاتخبط للناموسية گلسات وعيشة قدامها گالسة

نجاة: بلاا ماتشوفي فيا راه ماعندي مانعااود ليك

بشك طلعات حاجب: واخا ونتي زعما حسام عمرو لمح ليك فشي حاجة..هاد الوقت كاامل زعما عمرو صاارحك والاواه؟

نجاة: راه كاتشوفي كللشي على عينييك واش عمرو بين شي حاجة؟ يااك ديما داخل خارج من عندنا عمرك شفتيه كايتصرف معايا فشكل ولا تيزيد فيه؟ انا راه بحاالي بحاالكم ماكنتش عارفة باللي كيبغيني وتصدمت بزاف فاش گالها ليا الباارح واخا لدابا باقي مستوبعتها

نفخاات : هادشي كايضر فالراس يالااطييف.. صاافي انا هزييت ايدي معاكم ياهاد الجيل والله مابقيت فاهمة شي حاجة

نجاة: نفهم اناا بعدااا

عيشة: وادابا غير بيناتنا بلا تاج الدين ولا حسام..واش نتي كتفكري فيه ولا تكوني زعما شي نهار لمحتي ليه ؟

نجاة: خررجي عافاك امااما سيري شوفي شنو ديري راه اللي فيا كاافيني

عيشة: هااد السااعة شغغلي هو نتي وهاداك خيينا اللي بين ليبة ونعار طاح حبك على قلبو ونوض هاد المعمااعة كااملة.. واش سهلتي شنوو وققع ؟؟؟

نجاة: وأنااا مااالي رااه والله مابيناتنا شي حاااجة والله العظيم وااش ماكتعرفينيش

ضوراات عيشة وجهها ضامة ايديها وتتفكر بصوت مرتافع: وشكون وصلهاا لخوك.. خبار بحال هادي شكون هاد ولد الحرام اللي بغا الخصام بيناتكم؟

نجاة: وبااش غاانعرف باااش ماشي بعيد ااصلا يكون هو گاالها لييه مابقاات حتا حاجة كتفاجأني " حطات راسها على ايديها مخنزرة بعينين حمرين وقالت بغل" وهو بلا حشمة جاي كايتحاسب معايا ناسي رااسو شدااير

فيساع تقوصو غينين عيشة وضارت ليها ضورة ديال الطوبيس: اجي ابنت الحرام عاد تفكرت ديك الهضرة اللي گلتي.. وااش بصح تاج الدين مسكن معاه شي بنت فالدار

زفرات قالبة وجهها: ماما خليني بوحدي عافاك الناس فالناس والقرعة فمشيط الراس

عيشة: تي جااوبي مگاد..يااكما ديك قليلة التراابي اللي مسكن معاااه؟؟

نجاة: واماسووقيش انا سوليه هو دابا خليني عافاك باا غير ننعس

......................

بعصبية طفا داك الگوارو فالطفاية وهي قدامو موسعة عينيها فالخوا تترمش والهضرة اللي عاود ليها كاتفككها من الداخل وتتفكر غير فحالة نجاة كيف غاتكون هي وحسام اللي بقا فيها..ردات شعرها ورا ودنيها شافت فيه بنص عين وبهدوء وحنية شدات ايديه اللي تترعد فورما تفكر الموضوع تاني وبدات دوي معاه برقة

هيام: نگولك الصراحة اللي استنتجت من هادشي؟ بلا كدوب وللصراحة اتاج الدين نتا غلطتي..غلطتي بزاف خصوصا فاش سمحتي لعصبيتك تتدخل وماحاولتيش حتا تسمع منهم

تحت سناانو نطق بغضب: واش سمعتي شنو گلت لك ولا لا.. كان خاصك تشوفي الهضرة اللي كتب ليها ولد الق*** ، عرفتي شنااهية تقرا على ختك هضرة بحال هاديك من واحد ماهو راجلها ولاا حتا خطييبهااا..ومن الفووق صااحبي..عررفتي الضرربة دياال جووج جيهاات هي اللي تضرباات فكماارتي نيشاان..

هيام: آه اتاج واخا حتال هنا عندك الحق..ولكن يمكن يكون كيبغيها بصح وكلامو صادق من قلبو

شرب من الكاس وخبطو عاد شاف فيها: اللي كاايبغي بصح كاايقصد البااب..وااش بووعو انا غاناكلو ..المرة اللولة اجي افلان راني كنبغيي ختك وناويها للحلااال ديك السااعة العييب والعاار عليا لاااوقفت فطرييقهم..شنوو غايمنعووو من غيير لاكان دمااغو مسسخ وناوي على الغضضر ءء؟؟؟ انا عارفني مزياان شحاال كنت كاانعزو وكنت غاانعطيه ختي بعنيا مغمضيين كون جا گلس معايا وطلبهااا مني بالحلاااال..حتاا حااجة مامانعااه رااه بخدمتو وداارو ومستااقر مزياان يعني قااد على الزوااج وخاصو غير يختار بنت الحلاال.. يالله فهميني نتي علاااش يمشي يلوح الورااق بكلاام مسخ من تحت البااب بلااصت مايقصدو نيشاان هااز راسو الفووق..الى ماكانش فراسو الدغغغل وناوي على شي حااجة علاااش غاييتصررف هاكداااك علااااااش؟؟؟


هيام: ايوا فكر من جيهة نظرو حتى هو راك صااحبو اتاج وكون ماكانش كيبغيها بصح ماغايخاطرش بصداقتكم اللي دامت سنين طويلة..وواقلة مكانش متأكد باللي حتا هي كاتبغيه داكشي علاش

تاج الدين: هياام باراكة الله يستتر عليك ماتبايقش تحطي ليا فاحتماالات ديال القل***.. مكانش عارف يبقا يتعرض ليها من لتحت للتحت من نييتك تااني..دااك الزمر دياال التصااحيب هو فين كاان بغاا يوصل وكوون معرفتش الموضوع علم الله فين كان غايوصل وشنوو كاان غاي...تفووو


بقات مهلة كتشوف فيه وهو بدون شعور كيدوي ويعبر بايديه: انااا بعدااا غايضرب على دييلمي مابقااا يعرفني منعرفوو وديك الهدمة اللي بينااتنا نفرقوها يحمد الله ماادخلتش عليه للحبس "تحنا هز كاس تاني كب ليه وفاش بغا يشرب سولاتو ببرود"

هيام: شنو زعما نتا مكتبغينيش؟

شاف فيها مقوصهم: وشنو جابنا حنا للهضرة

رمشات شوية وكملات شنو بغات تگولل: اه بصح.. جاوبني نتا انا علاش ساكنة معاك بلا ورقة بلا والو..حنا اصلا بحال المصاحبين وكتر منهم گاع يااك؟ ولا انا واقلة اللي مدلولة معندي قيمة بحاال المنضور اللي عندك فتفكيرك؟

تصدم لتفكيرها فين مشا وزير حواجبو: كيفاااش؟؟؟

هيام: الواحد إلى كان كايبغي كايقصد الباب ياك هااكدا گلتي..والتصاحيب غير تخربيق عندك ادن اللي تصاحب راه كيتفلا..حتا نتااا كاتفلا دابة اتاااج؟؟ هادشي اللي بيناتنا تفلية؟

تاج الدين: ماااتخلطيش اهياام انا ونتي حالة خاصة

رققو عينيها وضرباتوو لصدرو: و علاش ختك لا، حتاا حساام يقدر يكون كيبغيهاا..علاش حتا هي متتصاحبش مع واحد كتبغيه مادام..

قااطعها بغضب: هياااام الى بقييتي كتفكري بهااد الزمر نووضي غبري من قداامي حسسسن

هيام: الانسان فاش كيكون معصب كايگول اللي مخبي لداخل واللي كيفكر فيه بصراحة ..نتااا شنوو كتفكر اتااج؟ وااش متأكد نييت كتبغيني

ضور وجهو كايضحك وعاض على شفتو بالفقصة بقا ليه شوية ويجن ديال بصح..فحين هي نزلات الدموع وقالت برجفة: مكتبغينيش يااك؟ لا منظنش

تاج الدين: حاااسة برااسك شنو كاتخررجي مع فممك..عاارفة بين شنو وشنو كتقاارني.. انااااا رااه تسنييتك سنييين اهياام سنييين 

هيام: وحتا هو تسنااا نجااة سنيين

نزل حواجبو باستغراب: كيفاش تسناها؟

هيام: نتا أصلا ماغاتفهمش وماغاتعرف تستوعب حتا حااجة حيت باينة تفكيرك كي دااير..ومزيان اللي عرفتك كيفاش كتفكر مزياان بزاف
ناضت كاتمسح عينيها طالعة الفوق وهو خبط بايدو ديك الطبلة وتم تابعها عروقو منفووخين بالاعصاب وكاينفخ: هيااام..وقفي ندوييو هياام.. ووقفي


دخلات لبيت النعاس سدات الباب بالساروت ووجهها مشوش من جيهة نجاة دوزات رقمها وبعد شوية جاوباتها كتبكي

نجاة: الو

بهمس وصوتو ورا الباب تيعيط"هيام حلي هااد الزمر خلينا ندوييو..هياا" : نجاة صاڤا كيف بقيتي

نجاة: عرفتي شنو وقع ياك هءهء

هيام: نوضي غسلي وجهك وسيري شوفي حسام شنو واقع ليه..حاولي تعرفي ديك الرسالة شنو كان كاتب فيها وانا فالعشية غانقنع تاج الدين باش يجي يسمع ليكم بجوج

مسحات دموعها: اشمن رسالة؟

هيام: غير سيري هو غايفهمك كلشي وزربي دغياا

نجاة: بلاااش لهلا يتيق ااصلا 

هيام: نجااة متقصحيش راسك "سمعاتو خبط الباب ورفع الڤولوم ديال الغوات..هيااام هادا راه سمييتو التبرهييش حليي ندوييو بالعقل رااه راسي اصلا مفرووق"

نجاة: واش هو اللي كايغوت؟؟

تنهدات: آه هو عاد دوينا فهادشي وتناقشنا شوية..الموضوع داخلة فيه صحبة سنين انجاة جاتك ساهلة تتهدم بسهولة وبسبب سوء فهم؟ شوفي نتي غاتعرفي خوك كتر مني وعارفاه تفكيرو كيف داير وشنو غايفهم ماللي غايقرا ديك الهضرة.. ادن راه الغلط جامعكم بتلاتة لا مننو هو اللي. تسرع والا منكم بجوج حيت ماگلتو ليه والو"شافتها سكتات هي ضيف بأمر" انا غاندير اللي عليا وفالعشية غايجي باش يسمع شنو عندك..فكري وديري اللي خاصو يدار

قطعات وبالزربة مشات للبلاكار الفوقاني تعلات على صباعها وجبدات منو ڤاليس كحلة حلاتها فوق الناموسية وهو باقي كايدق ويعيط ليها..
حلات الپلاكار جبدات منو الكساوي ديالها دخلاتهم ليه ومشات للباب ووقفات شوية بجمود كاتزير عينيها حتا ضروها عاد حلات عليه بوجه حزين مألم وقالت: شنو باغي

رما عينيه لداهل شاف الڤاليز هو يقندش وتم دااخل: شهاادشي غاادة لشي بلاااصة؟؟


بنبرة باكية مرعدة جاوباتو: غادة ندير العز لراسي..داك العز اللي ملقيتش خويا يديرو ليا "تحبسات فيها الهضرة بالدموع وهو حداها واقف صنم الهضرة كاتتعتر ليه فالحلق وزائد على قلبو اللي حرقو عليها رجع كلشي مخربق عندو و كلامها اللي بينو بصورة خايبة زاد الطينة بلا وخلاه مابقا عرف كيفاش يوضح والا يفسر قدام دموعها اللي كاطيحهم حجر ومالقا غير يبدا يشير لراسو باستنكاار

تاج الدين: د دابة انا كندْلك..انا ماعازش بيك يااك

هيام: اه علاش مالي كانكدب هءهءهء

تاج الدين: واش م...تأ "طلع راسو كازفر بحدة" الصبرر اربي الصبر ..واش بااغين تحمقووني هااد النهاار ..شنو دخلك نتي فهادشي فهمييني لاااش كااتخلطي بين جووج مواضع مختاالفين من كل جييهة

هيام: لاااا دخلني..حتا حنا لينا علاقة اتاج شوف غير راسك والعلاقة اللي كاتمنع منها ختك راك عايشها بنفسك

غووت فوجههها كايضبر بصبعو صدرو: انااا ماشي حساام..وأقسم بالله العاالي وحياااة ميمتي كون كان وضعك بحال ديال نجاة من أول نهاااار رجعنااا كنت غانجيب مي ونجي نخطبك قسمت بما عز عندي اهياام "لين فيها شوفتو بحصرة فيساع ضورات وجهها ماباغاش ضعف قدامو وهو قال بنبرة خافتة مألمة" ماكانش يسحابلي غانوصلو لهاد المااصل ولا غانظطر شي نهار نحلف ليك.. كاانت واضحة للگااع الناس اللي دايرين بيا باللي كنبغييك هادشي خااصك تكوني متأكدة منوو نتي أول وحدة

هيام: الواحد فاش كايكون عاميه الغضب ماكايشوفش شنو داير بيه..يمكن كون صبرتي وتهدنتي شوية حتا نتا غاتشوف شحال حسام كايبغي نجاة

تاج الدين: نففس السوووجي تاااني دررتي ورجعتي لنفس النققققطة .. حنااا..مااشي هووما حساام ونجاااة دخليهااا لدمااغك نتي ضروفك ماشي بحاال نجاااة

زادو رققو عينيها ووساعو: وكاتگوولها ليا فووجهي ياك اتاج الدين ؟؟ يعني انا حيت معندي عائلة من غير ماما يجوز فيا كلشي ياك

تاج الدين: هياااااااااااااااام "حط ايدو على وجهو كايبرد وهي ضاارت للپلاكاار كاتهز منو وتلوووح للڤاليز عين عليه وعين فشغلها تتسناه شنو غايدير
..زفر وحيد ايدو من وجهو شافها عمرات الفاليز وبغات تسدها تما طار عندها وبدا يخرجهم بالنترة ويتمتم بفمو: بناادم ماكاايحلش المشااكيل هااكااا نتي ماغادة لحتاا بلاصة

باصراار كاتجر من عندو الحوايج: غاادة اتاج الى مطلقتيش ليا حوايجي غانمشي بلااش

تاج الدين: لفييين؟؟؟ لدييك الداار لي الله اعلم شنو خلاك تنفري منها ولا تلاوطي بين الاوطيلات

هيام: اللهم هااكا ولا نبدا نسمع حشيااان الهضرة من النااس

خرج فيها عينيه : شكوون گال لك شي حاااجة ولااا خشاا ليك الهضررة ؟؟ انا هضررتي كاانت غاادة فجييهة ونتي بووحدك شديتيييها وربطتيها بيييك

هيام: نتاا اللي ربطتيها وفهاد الموقف نتا وحسام بحال بحال

تاج الدين: مااكايبغيهااااش اهيااام هاااداك مااشي حب عكسي انا ونتي عاارفة

هيام: واش عالم عليها؟ كنتي معااه فحيااتو وهو بوحدووو ..طليتي على قلبو شنو كايدور فيه

ضار غادي جاي كايبررد من التفوييرة اللي شعلات فيه: الصبر يااربي الصبر

لاحت الحوايج فالڤاليز: بااراكة ماضيع وقتي ووقتك صاافي كللشي مفهووم وواضح بلا ماتحاول تبرر

ضار عندها منخزر جرها وراه للحمام كاتجر ايدها غيير بالشوية ماباغاش أصلا يطلقها سد الباب وهوووپ هزها مگلسها فوق البوطاجي جات معاه قد قد فالطول مخنزرة بايديها على كتافو وهو لاوي ايديه على خصرها


تاج الدين: غااتسكتي وتخليني نهضر ولا غانخرج فحالي ونسد عليك هنا مع الجنوون ومكنضحكش..

قرمات فمها وجمعات ايديها مربعاهم وعاطياه القرطاس من دوك العينين .. قلب وجهو وزفر للمرة الألف باش يبرد معاها السوق ورجع شاف فيها كايتكلم مهدن مع شوية الحنية مسايس معاها الكلام: انا شنو كان خاصني ندير؟ ديري راسك حتا نتي بلاصتي وشوفي موقفي كيفاش خاص يكون..و راه گلت ليك كون كانو ضروفك بحال ديال نجاة كانقسم ليك باللي من اول يوم رجعنا فيه غانجيب مي ونخطبك وداك النهار انا كنتسناه كتر منك نتي بألف درجة..ولكن بلا زواق ونكونو واقعين شوفي شحال ديال المشاكيل دايرة بينا..اللولة مي وبكل صراحة تتفضل تسخط عليا والا تقبل بيك مراتي ونتي وأنا عارفين علاش..هي ماغاتفهمش باللي كدبو عليك ولا ماعرفت شنو هي عارفة غير ولدها شنو وقع ليه قبل..
خلي مي وشوفي حياتنا بجوج..باقا شحال من حاجة مخبياها عليا لدابا هاز الهم كيف غاندير نحلهم حيت متأكد الموضوع كبر من داكشي اللي كانتخيل ..وعاد باش ماماك وعلاقتك معاها وداك راجل مك حتا هو "رد شعرها ورا ودنيها وهي قلبات وجهها مقلقة..تنهد على وجهها وخفظ صوتو كتر" انا كنبغيك..غانسكنك معايا وحدايا ومنخليكش ترجعي لديك الدار حيت واخا كتخبي عليا قلبي حاس بيك كاتعدبي تما..كنبغيك اهيام.. ومن نهار نطقت بهاد الكلمة وأنا هاز مسؤوليتك على عاتقي..الحب عندي ماشي أقوال إنما افعال..وانا بالنسبة ليك خاصني نطون خوك و باباك وحبيبك وصاحبك وكلشي ..كون تعرفي شحال جرحتيني بديك " معندكش اللي يعز بيك"..وأنا فين لحتيني؟ شنو زعما مالياش عندك حتا قيمة؟ "زيرات فمها كتر وكتلملمو مقوصة حجبانها" واخا متجاوبيش..ولكن بغيتك تعرفي باللي انا فعلا كنبغيك، وهادشي عارفاه متأكد من كلامي..مغتگولي والو؟

شافت فيه ببرود ونطقات: زوين الشخص تسمع منو تبرير لكلامو..فاش تيگول هضرة تفهمها بجهة خرا خاصك تعطيه فرصة يشرح، ماربما يكون هو وصلها بشي طريقة عكس اللي قصد

خرج من فمو تنهيدة حارة تضر فخاطرو من هاد الشوفات اللي تدير فيه ..قرب عمدها وجهو وباسها فعينيها بجوج وبحنية قال: واخا اعويناتي هضري انا كنسمعك..گولي شنو ضارك مازال

هيام: ماشي انا.. "بتردد "حسام هو الي خاصك تسمع ليه

بنرڤسة رجع اللور: هيااام بدلي هااد الزمر واش كلا مرة خاصك تررجعي لييه

هيام: اااه اسيدي مرة وجوج وتلاتة .. حشوومة دااكشي اللي درتي معاهم حشوومة وعييب تفكر فيهم هاكداك

تاج الدين: شفتك كااتهضري بحالا فااهمة الموضووع وعارفاه من الاول ..كنتي عارفة؟

هيام: ماتگلبش الموضووع اتااج ..نتاا باغي تسلك راسك وكاتعطي تبرير للهضرة للي گلتي اييواا وهو؟ مابااغي حتا تسمع شنو عندو لا هو لاختك ونيشان خدمتي ايديك زعما برااڤو عليك هادا هو التصرف الصح ؟ متاأكد راك كاتخدم الطريقة الصحيحة ولا نسيتي باللي هاداك راه صاحبك.. صااحبك اتاج صالحبك اللي كاتعرفو كار من أي وااحد

خرجات قبل مايهضر وبقا هو واقف بجموع كاينفخ من نيفو بحال التور الهايج فداك الحمام غادي جاي ، وهي نزلات للكوزينة بدات تلف الوقت بتستاف التقدية بلاصتها ولايحة عينيها مرة مرة فالدروج حاضية معاه ومخلية ليه فين يدورها فدماغو شوية


ابغض و اسوأ شعور ممكن يتملكنا ويقضي علينا الى معرفناش نتحكمو فيه.. هو الغضب..
الغضب العامي اللي كايمحي المنطق والحقيقة من عينيك..
الغضب اللي كايخليك تتحرك بحال دمية الكراكيز هو المتحكم الاول ونتا معارفش راسك شنو كادير وبدون ووعي كاتهضر وكتتصرف..
الغضب اللي فاش كيفوت وتبرد وتبدا تخدم عقلك ماكتلقا قدامك سوى الندم
..الندم الموجع .. 

الغضب قالو فيه أنو هو الشكل المطور والجبان عن الحزن، فمن السهل أن تظهر بشكل الغاضب بدلاً من الظهور بمظهر الحزين.
واللي قالو كدلك ان من أطاع غضبه، أضاع أدبه..
وأيضا أول الغضب جنون، وآخره ندم..يستمر الغضب فقط مع الجهلة.. الغضب هو حمض يؤذي الوعاء الذي يحويه أكثر من أي شيء أخر يتم سكبه عليه .. والعديييد العديييد من العبارات واصفة لهاد الشعور الخبيت..اللي للأسف كايصيب أكتريتنا..واكتريتنا مكيعرفوش يتحكمو فيه .. ومجيعرفوش طريقت التصرف فاش كيجتاحهم


...خرج من البيت ساد الباب موراه و تم نازل لتحت كايشوف فالارض بسهوة والتخمام شاغل بالو اللي بدا يعطيه الحريق كتر..
گلس على الفوطوي بجمود عينيه قدامو كايشوفو ودماغو ليه كايسول
..واش يكون زرب .. غلط فاش مسمعش ليهم وفاش معرفش السبب .. علاش أصلا يكتب ليها رسالة ..
.... بين اللحظة والتاانية حس براسو مكيعرفش حسام .. وجاتو صعقة صدمة فاش عرف باللي نجاة كتعجبو..
نجاة اللي عرفو عليها بنفسو فاش كان كايشكي عليه باللي معندو عائلة فهاد الدنيا ..تاج الدين عطاه جملة فرحاتو فديك اللحظة..وهجراتو ليه مزياان من بعد، واللي هي "مي هي مك..وختي ختك" 
علاش مدارهاش ختو اللي مشات ليه..علاش يبغيها أصلا وهو من نهار عقل عليهم ديما منوضينها صباط بحالا راهم خوت ديال بصح .. هو شرب من كاس العشق وحافظ مزيان المصابين بهاد الداء .. كيفاش حتا غفل على حسام ومحسش بيه ولا بحبو لختو.. ولش هو اللي كايعرف مزيان يمتل ولا تاج اللي كان أعمى كتر من القياس؟

سمع صوت باب الدار تحل والطالون ديالها هو يهز تيليكومونض حداه شعل بيها التلفازة مخنزر وهي كاتشوف فيه من اللور هازة ساشية 
..تفهمات موقفو وعارفة باللي من الطبيعي يتصرف هاكداك.. كايبقا تاج الدين اكتر شخص شهامة عرفاتو، ميسكتش على الظلم ومكيضلمش .. مكيحملش الكدوب ومكيكدب والاكره عندو هو الخيانة حيت عمرو خان..
تفارقو سنين وسنيين لكن حبها كان مقدس فقلبو عمرو خانها وعمرو شاف فبنت المرا من غيرها فگاع هاد العشر سنين اللي فاتو .. وهاد النوع ديال الناس كاتجيهم ضربة الغدر قاصحة وقاتلة صعيب تتسرط ليهم ولا دوز
..تنهدات بأسف على الموقف اللي تحط فيه وبدات غادة عندو محدها كاتقرب. وههو كايزير فإيدو غراام فين يزيد مابقاش عندو
.. گلسات حداه بلا ميشوف فيها وداير راسو مركز مع الاخبار .. حلات ساشية ديال الفارماصي جبدات منها سپارادرة و پوماضة وبدات تحلها مخنزرة 

هيام: ضور عندي

شاف فيها بهدوء ونزل عينيه لدااكشي اللي جابت فحين هي قربات عندو وبدات دهن ليه الضرابي اللي فوجهو وملامحها جدية بزاف ، عكسو اللي مهدن وملينهم قدام وجهها وكيلعب ليها على الوتر الحساس فاش كايبدا يتفشش فالهضرة

تاج الدين: بصح كنتي غاتمشي؟

بلا متضوف فيه: وباقا غانمشي سحابك كنضحك

حرك راسي بالنفي ودوا هاامس: لا مكنتيش غاديريها "باسها فخدها ودوا تما" مغتخلينيش بوحدي وتمشي..متقدريش

بهمس: علاش

زادها بوسة خرا: حيت نتي بحالي اعمري..مغاتنفسيش بعيد عليا

هيام: ايوا دير ليا خاطري "بعداتو شوية حتا تقابل معاها وشدات وجهو بحنان" انا مكنطلبش بزاف اتاج الا هاد المرة..عافاك دير ليا خاطري ويالله تهضر مع صاحبك ونجاة باش تفهم شنو واقع .. هاديك ختك وكون تعرف حالتها مسكينة كيف دايرة راه مكتسكتش من البكا وفمها فيه كلمة وحدة هي خويا مكيتيقش فيا

باستغراب طلع حاجب: لهاد الدرجة عزيزة عليك نجاة؟

حركات راسها بالنفي وقربات عندو وجهها: عزيز عليا خوها.. وعلى قبلو ندير أي حاجة حيت عارفة من بعد غايندم على شنو دار..وأنا منقدرش نشوفك نادم قدامي..عارفة داك الشعور شحال خايب حيت حسيت بيه شحال من مرة..ومغنخليكش تحس بيه اتاج الدين..منقدرش نشوفك كاتعدب بيه قدامي


وقفات سيارة نجاة قدام پتي ڤيلا خارج المدينة..داير بيها قوة الشجر أغلبها دابلة وطايحين ليها الاوراق والواجهة ديال المنزل كتبان على شكل البيوت الأوروبية
..فايت ليها جات مرة وحدة فقط نهار عرض عليهم يتغداو عندو من تما عمرها عتبات باب دارو .. 
اجتاحها شوية الارتباك وبزاااف ديال التوتر ودازها قلبها اللي كيتزعزع من بلاصتو بقا شوية ويطير من بلاصتو والسبب..الله أعلم..

نجاة: هففف صافي ازمر نزلي خلاااص مالو غاياكلك

بلا متفكر جوج مراات حلات الباب ونزلات كاتقاد الكويرة فوق الشوميز البيضة وتاتسرح شعرها بيدها..
مبغونة ومضيوومة ومقلقة ولكن الفسورية كاينة موجودة وواضحة فوجهها واخا فأي حالة كانت وكل موقف كايترسم على وجهها كايعطيها سحر جميل خاص..

صونات وبقات منزلة عينيها تتسنا يحل وتزير على يديها .. سمعات خطوات نازلين من الدروج و
وبعد قليل تفتح الباب مع طلعات عينيها لقات قدامها بنت عشرينة شعر زعر قصير بوكلي عيون زرقاء ولابسة فوق جسمها الأبيض كسوة صفرة قصيرة وپانطووفة ديال الدار..

بقات تطلع فيها نجاة وتنزل حالة شوية فمها والحجبان مقوصين مابقاوش هاكاك بزاف حتا طلع واحد فيهم قرب يفوت الجبهة و بنبرة آمرة نطقات 

نجاة: شكون نتتي

قرنات البنت حجبانها: پاغدون ؟؟

نجاة: نتي..شككوون

البنت: هه نتي اللي شكون اماشيغي

نجاة: جو سوي پا طون شيغي واخا.. شنو كديري بالسالمة فدار حسام

البنت: ااه ههه نتي كتسولي على حاسو ..

نجاة: شناهية؟؟

البنت: هو لداخل كايرتاح دخلي انا غانطلع نكلمو ليك

دخلات وخلاتها مبلوكية كاتردد: حاسو؟ كيفاش حااسو؟؟؟ 

... قندشات كتر وتبعاتها بالقرطاس والبنادق من اللور البنت طلعات مع الدروج المدورين باش تكلمو وهي گلسات على أول فوطوي أبيض منفوخ قدامها ماشافت حتا الدار شنو تزاد فيها وشنو نقص..فقط مخنزرة قدامها وايديها ربعاتهم كاتسنا حاسو ينزل


دقايق وسمعات خطواتهم وراها خلاها دور مطلعة حاجب، لكن فورما شافت حالتو المزرية متكي على كتف ديك البنت ووجهو الزرگ وسعات عينيها وناضت مبهوضة كاطلع فيه عاااد طلعات معاها باللي غايكون ضارب مع تاج الدين حيت حتا هو جا مزرگ فوجهو..

گلس قدامها بصعوبة والبنت طلعات الفوق .. بقات شحال كاتشوف فيه وببلاهة گالت: واش تاج الدين هو اللي دار فك هاكا

بسخرية: هه تماما..مللي نتي جاية حتال هنا ادن الموضوع على ديك المدابزة..و الى كنتي غاتبداي تغوتي وتعاتبيني حتا نتي غير بداي باقي عندي فين نزيد

گلسات وكلها توتر باغا دير شحال من حاجة ونفسها مانعاها..رمشات وطلعات فيه نص شوفة لقاتو مركز معاها وكايتسنا شنو غاتگول ساعا فاجآتو بسؤالها

نجاة: نتا شنو..شنو كتبتي ليا

حسام: كتقصدي الرسالة "قلب وجهو" ماگالهاش ليك خوك

نجاة: جا سب وغوت وخرج مرة خرا

بتفاجأ قال: ناض الصداع بيناتكم ولا كيفاش 
"حركات راسها هو يقوصهم" ولكن الموضوع كيتعلق بيا انا نتي شنو دخلك

تنهدات: گالك باللي حتا انا.. يعني ممكن نكون كنبغيك

حسام: اجي ياكما ضربك؟

نجاة: لا لا غير تغاوتنا شوية وخرج فحالو .. ولكن مفهمتش شنو كتبتي فديك الرسالة حتا تعصب هاكاك 

حسام: الحقيقة ..ولكن مابقاش مهم .. بسبابها خسرت بزاف ومابقا ليا فين نزيد

نجاة: وشنو ناوي دير

تنهد: معرفتش

نجاة: مكانش خاصك تتصرف بديك الحماقة احسام، كون غير خدمتي عقلك

رد عليها بعفوية: عقلي كان معاك ديك الساعة..حنا فاش كنبغيو مكنبقاوش نحسبو حساب لشنو كنديرو انجاة..طبعا ماغاتفهميش شنو كنگول حيت اصلا مكتبغي حد نتي هه ياك؟

نجاة: خ خلينا فالأهم دابا .. خاصك تدوي مع تاج الدين وتفهمو كلشي هو خاصو يعرف باللي معندي حتا علاقة بالموضوع وتحاول تشرح ليه علاش درتي هاكداك..متعرف يسمح ليك ويتفهمك

حسام: ناوي اصلا نهضر معاه خاصو غير يبرد..منقدرش نخسر شخص آخر من حياتي .. خصوصاً تاج الدين

نجاة: احم داكشي اللي گلت حتا انا "ناضت وقفات" انا غانمشي دابا..فالعشية اجي عندنا للدار غايكون تاج الدين ودويو مع بعضكم
"حرك راسو " ميكون عندك باس "ماجاوبهاش ومالقات متگول تمتمات بحرج ونطقات" حسام انا كان...

البنت: وصل وقت الدوا احسام نجيبو ليك

ضارت ليها نجاة لقاتها هازة حبات ديال الدوا فيدها وكاس ديال الما..
حرك راسو وجابتو ليه كاتشربو بالشوية والطرف التالت بيناتهم كاينفخ وحاس بالخنقة فصدرو

نجاة: انا غ غانمشي..بسلامة

البنت: عاوديها مرة خرا

نجاة: ميغسي 

ضارت فحالها تمشي وفمها كاتاكلو بالاعصاب اللي فجأة اجتاحوها هي وقلبها المتسارع دقاتو خلاوها بلا متحس وبدون تفكير تهز ايدها ونصلات سلسلة فعنقها لاحتها حدا واحد الڤاز كبير عاد خرجات من الفيلا لسيارتها
..طلعات وديمارات بالزربة كاتسرط ريقها من الشي اللي دارت وكتحاول تلقا الاسباب لفعلتها لكن لا شيء من غير انها باغا تشوفو مرة خرا


الليل يالليل وانا غمري الليل وانا و حبيبي ماجاني رگااد..

الليل ليل ..الحال ضلام والجو غيم وسقل فدار عيشة اللي گالسة فالصالون، حداها نجاة وتاج الدين قبالتها حاط قبضة ايدو على فمو كايشوف بتخنزيرة فالأرض وهي كتهضر هازة خنافرها ومها يدها على حنكها وكتويل ويلي ويلي بصااح..وهاانتي لك على الدري هادشي كاامل طلع منووو..لا لا نتوما هاد الجيل والله متتحشمو 
بقات تگول ودوي بوحدها ونص عينها على تاح الدين باقي مزعمات تفتح معاه الموضوع ديال هيام عارفا ولدها فاش كاطير ليه المقشة كايخرج فكلشي طول وعرض واخا راها متتهضوش ولكن ممسوقش وماعارف والو

...سمع كلامها كامل من الاول حتال الآخر وبليديطاي عاودات ليه شنو جرا ديك النهار وشنو گال حسام بالحرف
..هاد الأخير اللي دق الباب ناضت عيضة حلات عليه مصغرة فيه عينيها اللي ماقدرش يشوف فيهم لا هي لاتاج الدين فجأة بداو يحسسوه باللي داكشي اللي دار خطيئة وحبو لنجاة خط أحمر فااتو ولا يجوز لايجوزز

گلس قدام تاج اللي ماهزش عينيه من الارض وبلا مايتسناه بدا يهضر ويحكي ليه على أول مرة اعتارف ليها شنو وقع فيه وشنو دارت هي والسبب اللي خلاه يكتب ليها ديك الرسالة هو التجاهل اللي تلقا منها..
..جوج جمل قالهم وسكت، تاج هز فيه راسو مقصح فيه الشوفة وناض غادي يخرج لكن قبل وجه ليه الكلام

تاج الدين: اجي نتا تبعني

ناض من وراه كايتنهد ايديه فجيبو وتابعو لبرا.. خرجو وفاتو الباب بشوية وعلى غفلة ضار ليه تاج الدين و جمعها معاه للوجه حتا ضار وغووت

حسام: وااالخرااا وجهي نفختيه الزممر ماالك تاني جهلتي

تخلعات هيام وهي داخل سيارة تاج كاتشوف فيهم بغات تنزل ولكن بان ليها مهدن حاط ايديه فجيابو وكايدوي بفمو عادي

تاج الدين: نتا علاش مگلتيهاش ليا.. النهار الول علاش متصارحنيش بحال بنادم ءء؟

بدا كايمسح فمو من الدم: واش من نيتك..نتا قبل ماتكون صاحبي راه كنحتارمك اتاج

قاطعو بحدة: لا بااين الاحترام ماخليتي للبراني مايدير اخوويا

حسام: بلا متزيد عليا عافاك اقسم بالله تا اللي فيا كافيني..اكتر واحد ممكن يحس بيا هو نتا..راك عارف وحاس بالواحد فاش كيبغي كيفاش كيكون ..واش انا لخاطري وبوحدي جيت وبغيتها

تاج الدين: وعلاش ماقصدتيش الباب النهار اللول..علاش ماتجيش تخطبها من عندي مادام كتبغيها لهاد الدرجة

بسم بانكسار: حيت مكتبغينيش..باينة فعينيها وتصرفاتها باللي مكتحس بوالو من جيهتي كدبت راسي وحاولت نتيق العكس ولكن الحقيقة مكتغيرش "تنهد بألم وزيد سنانو قبل مايقول فوق من نفسو" 

حسام: هاد الموضوع اعتابرو تسد..كانقسم ليك بمي اللي ماتت عمري ندور مازال بساحتها ولا حتا ندوز من جيهتها..عارف بزاف ديال الحوايج تهرسو فينا كاملين صعيب يرجعو بحال الاول..ولكن صداقتنا لا .. انا منقدرش نخسرك اتاج الدين..منقدرش

تنهد وعينيهم على بعضياتهم قرب عندو تاج وهز ايديه خلاه موسع عينيه بتفاجأ گال بالي الدقة غاتجيني من شي جيهة تاني ساعة فاجؤو ماللي عنقو عناق رجولي وخلا هيام تبسم على التصرف اللي دار

تاج الدين: نتا خويا..وهي ختي..ماتعاود تحطني فصف الاختيار "حيد وشاف فيه بجدية" غانعاود نتيق فيك احسام

حسام: سمح ليا اخويا.. طيش وصافي

تاج الدين: الطيش طحنا فيه حنا كاملين..كون كانت حتا هي كتبغيك راك عارف شنو كنت غاندير، ولكن منقدرش نبزز عليها شي حاجة..نجاة بنتي قبل متكون ختي ومحبتها عندي تخليني نخسر أي واحد على قبلها..رد بالك احسام

حرك راسو وهو كايتنهد.. فحين تاج الدين ضار غادي لسيارتو

حسام: اجي ياكما جريتي من الخدمة؟؟

تاج الدين: غدا الى تعطلتي دقيقة وحدة اعتابر راسك شومور

طلع حدا هيام وديمارا من تما وهي حداه كتبسم..ضار شاف فيها صدفة ولقا فوجهها ديك الضحيكة هو يتعجب وقال مطلع حاجبو: ياكما مزعوطة فيا الاخت؟


باستو ورجعات اللور كاضحك هو شاف فيها بطرف عينو وكسيرا لجنب الواد فين مشاو آخر مرة دغيا وصل سكت اللوطو عاد ضار ليها كايتحلف وحل ليها ايديه

تاج الدين: وادابا تعالي نتفاهمو

هيام: هههه فاش

تاج الدين: على هاد البوسة راه مابقيتيش كتحشمث السافلة گلتها لييك

هيام: ههه حيت فرحتيني بالتصرف اللي درتي..زدتي كبرتي فعيني كتر

جرها لحضنو حدر عليها راسو و مصغر عينيه : علاش كنت صغير فعينيه

هيام: لا ماشي هاكداك..غير هو زدتي على اللي كنتي قبل 

بسم بهِيام وبين شفايفو نطق الست حروف اللي كايخليو قلبها كل مرة يرفرف فالسما: كنبغيك، فخبارك؟

هيام: لا مكنتش عارفة ههه

تاج الدين: كنبغيك وحياتي بلا بيك مظلمة وماعندها طعم..مقامك فحياتي عالي بزاف اهيام، والى محيدتيش ايدك من يدي انا عمري نديرها

هيام: حتا انا كنبغيك..من ديما..ولديما

باسها بحنية وابتاسم براحة: نمشيو لدارنا؟

هيام: ممم فيا النعاس

تاج الدين: واخا احبيبتي 
....بقا متكيها على كتفو وديمارا غادي فالطريق للدار..دارهم اللي آواتهم ورجعات سقف الراحة والاستقرار ليهم بجوج..الدار اللي جامعة مافرق القدر شحال هادي ومن بينهم قلوبهم المنقسمة..ديك الدار اللي شاهدة على اليوم اللي تصالحو فيه أخيرا.. وغاتشهد على اشياء أخرى قريبا

وصلو للعمارة ونزلو مشادين فيد بعضياتهم داخلين مع الباب هو يتم جاي العساس كايعيط

العساس: سي تااج وااسي تااج تسنا تسنااا

باستغراب وقف وهيام حداه: ياك لاباس

العساس: لا والو باس غاهو واحد الراجل سول فيك

تاج الدين: سول فيا أنا؟

العساس: آه اسيدي گاليا واش هنا فين تيسكن تاج الدين العورابي غير گلت ليه آه هو يمشي

شاف فهيام مستغرب ورجع شاف فيه: وكيف داير هاد السيد اللي سول فيا

العساس: واا اش غانگول لك هو كبير فالعمر وحوايجو بحالا شوية قدام ورقيق واحد الشيوية

تاج الدين: صافي شكرا

العساس: العفو اسي تاج الدين الله اودي
....دخل طالع فالاسنسور حتال للپارطمة ونزلو..تلاقاو مع سي نجيب خارج من الدار سلم عليهم وكمل طريقو فحين هوما دخلو للدار وقالت هيام كاتحط ساكها على الطبلة: كانت واحد البنت هي اللي ساكنة حداك ياك..شكون هادا راجلها

بدون مبالاة: لا مول الدار..البنت تشدات فالحبس

هيام: ويلي بصح وعلاش

تم داخل للكوزينة كايصيب قهوة: لقاوها البوليس كتفسد فالدار..تاكلي شي حاجة؟

هيام: نو ميغسي "دخلات عندو مربعة ايديها وبحاجب طالع قالت: نتا كتعرفها مزيان ياك

بعفوية: شوية وصافي

هيام: هاد الشوية وصافي كانت كادخل بيها للدار ولا لا

حبس وشاف فيها: ومالنا على هاد الاسئلة

هزات كتافها ببرود: فضول وصافي

تاج الدين: ههه فيا الجوع اجي وجدي ليا ماناكل

هيام: تاااج راه كنهضر بصح وااش كتعرفها دييك المعرفة ولا غيير جيران

تاج الدين: واعلى حسب ديك المعرفة شنو قصدتي بيها؟

هيام: تاااج

تاج الدين: هههه "لوا يديه ورا ضهرها وسرق من شفايفها قبلتو المسائية وبهمس قال بين شفايفها" الموطور احبيبتي باقي موجود ومستاعد غير ليك..كوني هانية الوحيدة اللي غانفدي فيها صبر هاد السنين كاملة هي نتي، جات حشومة تتعاقب شي وحدة بلاصتك 

غمزها بجدية هي تبعد متوترة كاتمتم وتحرك شعرها: م متبقاش دوي معايا هاكاا وااش متأ.. اوووف

تاج الدين: عاادي عاادي اجي نكمل ليك باقي عندي مانگول

هيام: سير فحاالك 

تمات طالعة وهو وراها كايضحك ويعيط: وافياا الجووع فين طاالعة المعگازة ههه اجي غيير وجدي ليا ماناكل بعداا واخا غير البيض..بس بس ..دابا كون كانت جارتي مازال هنا كون مشيت طلبت منها شي شهيوة حشوومة نبقا بالجوع

نزلات هزات الطالون وشيراات بيه على بوونت كان غايفلقو كونما حيد من الطريق كايطرطق بالضحك وهي معصبة

هيام: لا الى كنتي رااجل نييت سير عتب الباب وشووف لاما نقطعكم بجووج

تاج الدين: اححح على قطيطتي المفششة كاتعرف تخبش 

هيام: وكانعرف نگرد ونقطع وااجربني جررب

تاج الدين: تسناااي راه غير كنضحك ههههه هيااام هههه

خبطاتو على وجهو وخلاتو كايدق حتا عيا ونزل لتحت كايضحك ويغوت ليها تنزل


أصبحنا وأصبح الملك لله

صبحات بطلتنا بحلتها الفاتنة كالعادة كتسد المونطو باج فوق بودي قطن ابيض طالع للعنق ودجين نفس اللون محكوك من الركبة وطالون عالي باج متلت من القدام..
جمعات شعرها اللور وخلات خصلة فكل جيهة ملوية هزات الساك والطيلي كاتخشيه فيه وتمات نازلة لتحت بريحتها السابقة وراسها كايدور ، حتا قشعاتو على الفوطوي ناعس مغطي نصو التحتاني يد على عنقو ويد فوق كرشو حال شوية فمو وانفاسو مهدنة كايبان مرتاح فنومو 
..تبسمات وضازت للكوزينة حطات الساك فوق الطبيلة وحيدات المونطو حتا هو بقات بالبوديمخشي فالدجين وخصرها النحيل مرسوم باتقان.. گفضات الكمام لبسات الطابلية وجبدات الطيلي كاتقلب على شي كيك خفيف فاليوتوب تصببو للفطور .. 
حطاتو قدامها بعدما قرات المكونات وضارت للبلاكار كاتجبد هالطحين ها المايزينة الليمون السكر دانون خمارات سانيدة والزيت حطاتهم قدامها وبدات كاتاخد بالعبار كيفما هو موصوف فالڤيديو مطلعة حاجب ومركزة بزاف بحكم أول مرة طيب شي حاجة فحياتها..
خلطات جميع المكونات وحكات قشرة الليمون فوقهم خلطات مزيان وخلات الخمارة لحمرة حتال الاخير ودارتها.. جبدات مول الكيك مستطيل طويل غلفاتو بالورق ديال الزبدة وكبات الكيك بحال اتاي كيفما كايبان ليها فالطيلي ودارتو فالفرن على درجة حرارة متوسطة..

ضارت بحماس كاتصيب القهوة وتقاد الطبيسلات فرحانة فراسها وكلا مرة دور وطل عليها من الزاجة كتنفخ وتعاود ترجع لشغلها


. نهار فريش بدا عند شي ناس ومضيم عند ناس خرين اللي باتو فالتخمام وهادي تدي لهادي الليل كامل حتا صبح عليهم الصباح..
وحدة فاقت لبسات حوايجها دغيا ودردبات مع الدروج للبيسري باش تلف الوقت فالخدمة وتصفي دهنها من شي افكار صبحو كايجيوها الله يحفظ منهم وصافي.. 

..ووحدة تانية فاقت حتا هي لبسات حوايجها بينما جات عندها هيام باش تخوي عليها شوية..ونزلات لتحت لقات واليديها كايفطرو، باست باباها ومها وگلسات بهدوء كاتفطر وودنيها معاهم كايضحكو حتا شاف فيها أدهم باها

أدهم: قارية دابة 

أميمة: لا حتال العشية ولكن غانخرج مع هيام

مرجان: شحال هادي مشفتها عيطي ليها تجي هنا للدار

أميمة: غير خلينا اماما بغينا نخرجو بجوج

أدهم: ههه خليها تخرج مع صاحبتها تبدل الجو وأنا نمشي مع حبيبتي الى بغات تخرج

هزات عينيها بطنز: نتاا تخررجني هه فيين مات شي يهوودي بغيت غير نعرف

حط الكاس وطلع فيها حاجبو: ياك امدام انا مكنخرجكش

مرجان: صافي صافي بلا ماتبدا تاني اسيدي كااتخرجني غير بقا على خااطرك ههه

أدهم: فمك امرجان فمك

مرجان: حلوو بشهادة زوجي "طلق ضحكا فالسما واميمة تسمات" اجي واحد جمال اتاصل بيك

أميمة: كحكح كح كح كح كح

مرجان: اماالكي شربي شربي الماا

أميمة: وحل ليا الخبز "شربات الما"

أدهم: بشوية عليك راه باقي الحال

أميمة: احم واخا ابابا " كملات فطورها وأدم شاف فمرجان بجدية"

أدهم: من الاحسن بلا متتاصلي بيه فهاد الايام غايكون مشغول شوية

مرجان: تگول گالس لك على قلبك الاطيف ..اش فيها الى بقا معانا شنوو

أدهم: انا عارف شنو كندير امرجان سمعي الهضرة ومتحاوليش تتكلمي معاه فهاد الموضوع ولا تأتري فيه..خلي الولد يرجع لخدمتو

أميمة: واش غايرجع؟؟؟

أدهم: مممم انا غانمشي "مسح فمو وناض وجه هضرتو لمرجان" وجدي راسك نسالي الاجتماع وندوز عليك

بابتسامة: واخا اعمري

باسها مبسم: كانبغيك المسمومة 

ردات عليه بغنج: حتا أنا اخفااشي هههه

خرج كايضحك وهي دارت كتكمل فطورها ،من غير أميمة الي بقات جامدة بلاصتها كاترمش..شافت بتردد فماماها وسولاتتها خايفة من الجواب

أميمة: وا واش جمال غايرجع لإيطاليا


شربات من كاسها: وي حبيبة علاش 

أميمة: و غايرجع تاني..ايمتا غايرجع؟

تنهدات بتأسف: بحال ديما تلت سنين ربعة، حتا يمل عاد يجي يطل علينا شهر ويمشي ..الصراحة هاد باك راس البلا من كترت الضغط اللي كيضغط بيه على الدري شي نهار غايطج فخطرة

أميمة: وماگالش لك علاش غايمشي

مرجان: هه شفتك بحالا غاتوحشيه هههه

هربات عينيها بانزعاج: شمن شمن ..بالعكس هناني

مرجان: ايوا مااانعرف ههه

أميمة: غانطلع شوية لبيتي "ناضت تمشي"

مرجان: واكملي بعدا فطوك

أميمة: شبعت. .. طلعات لبيتها سدات الباب وبقات غادة جاية خيط فصل والبكية لاسقة ليها فالحلق واخا هاكداك حاالفة متبكي والا تنزل شي دمعة


....ريحت الكيك سرات فالدار حتا تبخرات بيها ووصلات لجيوب انفو وهو ناعس .. بتتاقل بدا يحل عينيه استعدادا باش يفيق وناض مخسر هاز حاجب ومطضور راسو لجيهت الكوزينة منين جاية الريحة 

بدا يعيط بصوت مدعدع بالنعاس: هياام..هياام

حيد ليزار لبس كلاكيط ديال الدار فرجلو وتم جارها كايتكل ويتفوه للكوزينة، مع الدخلة رمش بتفاجأ فطبلة الفطور اللي محطوط عليها كيك الليمون من صنع ايدها جا هو عاداك منفوخ رطب وريحتوو اأخادة..
حداه صينية عصرية صغيرة فيها جوج فناجين القهوة والفواكه مقطعة فطبيسلات مع خبز سخون كدلك وطبيسلات من الجبن والمربى والزيتون وزيت الزيتون .. 
ظهرات على شفايفو ابتسامة متيرة طيح اللي مايطيح وقرب بشوية من الآنسة اللي طيحاتو على زنيفرات عاطياه بالظهر سااهية وكاتعصر الليمون بيديها باش يشربو فريش..

حسات بيدين على خصرها هي تقفز مخلوعة: خلعتييني اووف ماكتعرفش دير الحس

مع بوسة فعنقها: فاش سااهية، ممم

هيام: صباح النور

تاج الدين: صباح الحب الليموني ههه اشهاد النشاط على الصباح اااش 

كلاها بوسان فخدها هي تعض شفايفها حابسة الضحكة وقالت بهدوء كاتكمل شغلها: بغيت ناكل ماكلة الدار شوية عييت من داكشي ديال برا

تاج الدين: بغيتي تاكلي ولا باغاني ناكل ههه كان يسحابلي على قلبي موجدة گاع هادشي ساعة خصارة

بغنج قالت: وعلاش بالسلامة غانوجدو ليك سير عند جارتك تعطيك

ضحك خاشي راسو فعنقها ورد: العفوو زعما نتوما البق مايزهق

هيام: حييد عليا تسحاابك نسييت هضرتك البارح 

باسها مرة خرا: ممحييد يالله..احح على ريحة فيه، كيكة الليمون هادي ياك؟

هيام: مممم ..اول مرة نصيب كيكة معرفتش كيفاش غاتكون

صغر عينيه ووقف حداها : وديك المرا فاش جيتي تعتادري زعما وجبتي معاك كيكة؟؟ باركة عليا انا اللي صايبتها باش نعتادر منك انا اللي بقيت واقفة عليها سواييع باش تعجبك؟ كنتي كتكدبي

قلبات عينيها عاضة فمها وهو جرو ليها بقرصة حتا توعتات وقال: هاادا شي نهاار ناكلو لييك على هااد الكدووب غانااكلو

هيام: واصافي غيير كدبة بيضة..حيد عليا خليني نكمل شغالي


تاج الدين: على هاد الكدوب اللي وليتي تلووني غانخرهم فيك بالزقلي، صبري غير نحصل عليك شي حاجة مازال
..ضار للطبلة كايتحلف براسو خلا عينيها كايبررققو فالخوا واش دوا من نيتو ولا غير كايطنز معرفاتش بالضبط ..گلس على الطبلة وبدا يقطع لراسو مورسو كبات جوج كيسان عامرين ديال العصير وگلسات قدامو حطات كاس حداه وكاس ليها 

وباش تلف توتر الجو سولاتو بشبه ابتسامة حاطة يدها فوق ايدو: دوقو وگول ليا كيف جاك؟

هز طرف كبير بدا كايندغ بجمود شوية خسر ملامحو وبدا يكح: كح كح كح كح كح

هيام: اويلي ..هزات العاصير وبركات حداه كاتشبو ليه بهلع وهو مقوص حجبانو وكايشرب

هيام: علاش ماتاكلش بشوية غايهررب ..شوية دابة؟ وااش خاايب لهاد الدرجة كترت الحلاوة ولا مر؟

حيد الكاس وعلى غفلة جر شفايفها لعندو كايبوس والضحكة شاداه عاقت بيه هي دفعو من صدرو مخنزرة

هيام: مخلووض لااخر خلعتيني

تاج الدين: هههه "شد يدها و بااسها بالجهد فحنكها" اللي جات من عند سلطانتي سمن وكوفيتير

هيام: هههه بااز
"هزات طرف ليها كاتاكلو وتوكلو بيدها مرة يسرط ليها صبع وتحلف لا عاود داقو وهو طالقها ضحك ويحلف حتا من غير ايدها ماياكل وشوية يبدا يتفشش عليها فالهضرة بصوتو الخفيف الهامس كايحمقها فاش كايبدا يتصرف بحال الولد الصغير اللي باغي من ماماه شي حاجة وكاتهبلو بحنيتها الكبيرة تجاهو وجانبو الطفولي اللي خسر سنين هادي ردو معاها وليها فقط بكل شفافية وبلا حجاب كايتصرف على سجيتو يگول اللي بغا ويدير اللي بغا


...قدام البيسري وقفات سيارة سوداء ..تحل الباب ونزل منها عادل بتوني بيض ودجين كحل مع نضاضر .. دخل محيدهم ومشا للكونطوار وقف على السيرفور بتساؤل وقال

عادل: الله يخليك نجاة كاينة

السيرڤور: آه اسي عادل راها الفوق مع الجيروم

عادل: اوك ميغسي
..خلاه وطلع مبسم مع الدروج وصل للمكتب دق البااب حتى سمعها ودخل..
ضارت شافت فيه بجمود ورجعات راسها للجيروم: صافي خلي ليا هادشي حتا ندرسو مزيان

الجيروم: واخا امدام

نجاة: مدمو.."زيرات فمها معصبة" سيير غبر من قدامي الله يعطيك السترر 

مشا وخلا عادل سد الباب وگلس قدامها بابتسامة مرحة: ماالك مقلقة على الصباح شنو واقع 

نجاة: غير مع الخدمة وصافي.. علاش جيتي بغيتي شي حاجة

عادل: توحشتك وجيت نشوفك.. ممنوع؟

تنهدات مضورة راسها وقالت: عادل عافاك هاد الهضرة مكتعجبنيش وفايت لي گلتها لك

بنفس طريقتها رد: عارف ولكن ماشي بيدي.. صافي صافي بلا متعصبي تاني واجي عندي ليك واحد المفاجأة

نجاة: شنو هي؟

عادل: المفاجآت عادة ماكايتگالوش هههه نوضي يالله


بقلة حيل ناضت معاه نزل لتحت وهي تابعاه حتال برا وقف مبتاسم وهي قدامو مربعة ايديها 

نجاة؛ ايوا شنو

عادل: شوفي حداك

ضورات وجهها ليمينها ولقات سيارة مركونة جنب الپيسري بيضاء لامعة من نوع ميرسيديس .. عادل كايشوف فيها ببريق عيونو وابتسامة فشفايفو

عادل: عيد ميلاد سعيد وعقبة لمية سنة ههه نجاة..نجااة

..سهات قدامها ودماغها سافر لدكرى زارتها فهاد اللحظة

🎬🎬🎬🎬 فلاش باك 🎬🎬🎬🎬

كانت نازلة مع الدروج بحوايج النعاس كاتجمع شعرها وتنگر، خرجات مع الباب دارت ايديها على خصرها وقارنة حجبانها فوجه حسام اللي ضاحك 

نجاة: شكااين هاهي نزلااات

بحماس شد ايدها: اجي اجي عندي ليك مفاجأة

نجاة: وغااحيد مافيا اللي يزييد
...وقفها قدام سيارة بيضة ميرسيديس جديدة كاتبري..وساعو عينيها وضارت ليه بصدمة

نجاة: شنو هاادي !!!

حسام: بواطة السردين هههه وااعرة يااك 

حلات فمها بدهشة: اوااااه ..سكتات شوية هي تنقز عليه كاضحك وتغوت بفرحة وهو باستغرااب لوا عليها ايديه

نجاة: واااعععع نااري هادا احسن عيد ميلااد والله

بعدم فهم قال: عيد ميلاد؟ ونتي باش عرفتيه عيد ميلادي

حيدات من حظنو ومشات ليها كاتجري: ارا ارا السواارت نجربها عههه

حسام: اش غاتجربي ااش نتي بالداات الكارتة عمر رجلك غاتحط فيها

خنزرات: شنااهية دياالي ومانقربهااش كي درتي ليها

ضحك باستهزاء: دياالك..ومنين جااتك اختي

نجاة: يااك عيد ميلادي اليوم وجبتيها ليا كادو

حسام: اليوم عيد ميلادك؟؟؟ والله مافخبااري هههه

نجاة: حسااام بلا طننز

حسام: طوموبيل ساوية الملاين كايطنزو فيها النااس؟ حيدي حيدي 
...جرها مبعدها على اللوطو وحل الباب مبسم

حسام: هاد الحلوة ديالي سبع شهور وأنا كانجمع باش نشريها وكملتها فنهاد عيد ميلادي هههه اللي هو اليوم

خرجات عينيها فييه وقالت: من نييتك اليوم راه عيد ميلادي اانااا

حسام: واايلي على صدفة هههه هادي ماكانتش فالبال

جااتها البكية وهو كايضحك قدامها..بدات كاترعد معصبة ونطقات بعتاب: و و..وماللي هي دياالك لاااش مفييقني فهاااد النبووري

حسام: بااش تفرحي معاايا هههه واتااج.. تاااااج الدين وانزل اصااحبي خلاااااص آاااو

نجاة: نااري على مسموووم..دابا ماجبتي ليا واالو؟

حيام: العشية ونجيب لك شكيليطة ديال عشرة واخا هههه

نجاة: طلعها معاااك

قندش فاش سمعها وگال مقرب عندها: شناهية شنااهية "شدها من شعرها كايضرب بصبعو فراسها وهي كاتجر" هاايهاي على البريهيشة كاتسب 

نجاة: واعععع طلللق مني بزاف عليك اكبير البرااهش والله وماطلقتي حتا نملخك

حسام: نتي تملخيني بهاد النص ميترو نييت

..نزل تاج الدين كايلبس تيشورت بيض عاد فايق حتا هو.. 
شافهم قالبيتها سباط هو يضحك بجنب فمو وحرك راسو بلا حول عاادتهم هي عادتهم.. بانت ليه اللوطو مرسيديس آخر ماخرج صفر وبدا يدور عليها .. شافها محلولة والساروت طايح تحنا هزو وضحك


حسام: غاانقسموو على ربعة تولي تمشااي بالعكااز

نجاة: بااااش بالسلامة بدوك ايدين بلاارج 
هههه سييير غاربي رااسك بعدا اگنس بيغلون

حسام: دابا غانن .. سمع صوت الموطور ديال اللوطو والدورة اللي غايدورو بجوج كان هو قلع كايضحك ومشا يتسركل بيها خلاوهم حالين فمهم فييه .. نجاة طلقااتها بضحكة خرجات فيها الغدايد وحسام هجرو ورجع مصدوم 

نجاة: واايااربي بغيتها دخل فشي شجرة عريييضة وقااصحة تخلط ليها القدام مع اللور ماتعرفها پاپي جينيك مكمش ولا طوموبيل يااربي ههه

ضار ليها مخنزر غير شافت وجهو هي تمحي الضحكة وطاارت داخلة 

نجاة: واعييشة عتتقي

حسام: وااقوودتيهااا دااباا .. نجااااة

🎬🎬🎬🎬باك🎬🎬🎬🎬

عادل: نجااة..نجاة

ضارت عندو مبهوضة وهو قارن حواجبو مشوش: واش صاڤا فين سهيتي

نجاة: ء ء لا والو غير تفكرت شي حاجة..احم

عادل: واش معجباتكش؟

نجاة: لا لا بالعكس زوينة..ولكن ماغانخدهاش سمح ليا

عادل: الهدية ماكاترجعش ههه ادن ملزومة عليك 

حط فيدها الساروت وديك الساعة رداتو ليه وقالت بتبات: هادي غلا من أنها تكون هدية عادية..سمح ليا ماغانقلهاش ..ودابا عندي بزاف ديال الخدمة نتشاوفو من بعد

خلاتو واقف فحيرة من امرو ودخلات هي كاتسووط وتنفخ منزاعجة


... قدام المستشفى وقفات سيارة تاج الدين حيدات السمطة ودارت عندو بابتسامة: ماتعطلش بزاف واخا

باسها فراحت يدها وبابتسامة عريضة قال: وجدي ليا اليوم شي شهيوة للغدا وكانواعدك غانجي

هيام: اهاا

تاج الدين: آاوي ههه خاصك تعطيني البديل على طياب عيشة

هيام: ايوا بلاش غير تغدا عندها حسن

جات تنزل وجرها كايضحك: ههه لااء بغييت من ايديك نتي

هيام: غير الى بغيتي تبقا بلاش ههه

تاج الدين: هههه لا لا باينة مكلتك بنينة غير من اول محاولة.. زايدون كيفما كان غاناكلو 

شافت فيه بنص عين: دابا لنفترض مكنعرف نطيب، غايخلق لينا شي مشكيل من هنا القدام

تاج الدين: مشكيل عويييص

هيام: يااك اسيدي ....ضرباتو لصدرو ونزلات خبطات عليه الباب وهو كايغوت شوهها 

تاج الدين: وارااه أقرب طريق لقلب الرجل معدته المكلخة هااني كانحدرك هههه

دخلات كاضحك تما فين ديمارا هو.. دازت نيشان للمقهى ديال المستشفى ديال ولقات أميمة گالسة قدامها كاس ديال القهوة و كلا مرة تشوف فالساعة حتا وقفات عليها مبتاسمة بمرح: ساالووو

عيباتها: تعطلتييييي

هيام: هههه سمحي ليا احبيبة "باستها وگلسات قدامها" ايوا صاڤا

أميمة: ممم الحمد لله..نتي بيخير..وجهك منور وعينيك فشكل هههه شنو السر

هيام: ببساطة..الحب هههه ..يالله خوي فاش كنتي باغاني

تنهدات من اعماقها وقالت كاتخرك القهوة: ااودي منيين غانبدا لييك منيين

هيام: منينما بغيتي غير طلقيتي خلاص راه الكبيب كايتسناني

أميمة: علاش مالكي؟؟

هيام: غير شي تحاليل كنت طلبتهم منو بخصوص ماما وصافي .. خليك مني دابا وگولي ليا مالك؟



....قدام دربهم حبس ونزل داخل للدار ..حل الباب مبسم وريحت مو اللي توحش فالاجواء

تاج الدين: عوييشة ..عييشة..وااامي فينك

دخل للصالة لقاها قدام التلفازة زاامة فمها بصرامة وشوفة قاصحة فعينيها ..خلاتو مستغرب واقف بلاصتو وكايطلع فيها: مكتسمعيش ولا مالك هههه وامعااك كنهضر 

سكتات ماهضراتوش ودارتو بحالا ماكاينش..جاتو الضحكة وحبسها بزز، مشا حداها وگلس مدرعها وقبل مايدوي نهضاات فيها حتا خلعاتو

عيشة: تعاااااود تعتب عندي هناااا نوفاااهم معاااك

قوص حجبانو كتر وتكلم بهدوء: مي مالكي مقلقاك شي حاجة

عيشة: لا عااد باانت لك مك وااش مقلقاها شي حاجة عاااد تفكرتيها..نتااا اصلا فيين كايهممك شي حد فيين

تاج الدين: شهااد التخربيق تااني.. الموضوع حلينااه صافي بلا ماتنقزي ليا حتا نتي من جيييه

عيشة: نتا عاارفني على اااشنو كااندوي وعلااامن..خساارة فييك اولد كرررشي خصااارة العداب اللي تعددبت علييك ولاا تماارة اللي ضررربت 

تاج الدين: ميييي دوي مگاااد بلا هااد حشياان الهضرة شكااين


عيشة: اللي كااين هو تاحيمااريت تركباات فييك اوولدي..وااش لهااد الدرجة عينك معميية..عووور مااكاتعقل ماكاتشووف

وقف مغوبش حيد صدفة الشوميز كاينفخ ويسمع ليها: للي دااااز عليك وعلينااا سهلتييه لهاد الدرجة..نسييتي نهاار مشاات وخلاتك بحاال الهبيل ماكاتنعس مكتشوفوو ءء؟؟؟ نسييتي شنوو داارت فيييك بنت الحرااام.. ودابا شنووو، غيير رجعاات نسيييتي گاااع اللي دوزات عليك بحالا عمرو كاان وسمحتي ليهااا!! هادا هو المضموون فيييك اوولدي هاادا هووو المضموون فيك اوولد كررشي

سكتاات كتنهج بالفقصة وقريبة تعواج وهو قدامها ساكت وكايشوف فيها بوجهو الحمر وبحدة قال: ادن عرفتي ؟

عيشة: علاش كاينة شي حاجة كاتخباااا .. حتاال ايمتا كنتي نااوي تسكت وتخبيها تاال ايمااا

حك رقبتو بتوتر وگلس على ركابيه شاد ايديها بزز وهي قالبة وجهها .. 

حنحن وبهدوء نطق وقال: مزيان اللي عرفتي، كنت كانفكر فكيفاش غانفتح معاك الموضوع ولكن مادام وصلاتك الخبار حسن نيت

شاافت فيه بصدمة: وااش عاارف شكاتگووول، اعبااد الله واش عندك شي عقل ولا متكساابووووش..كيفاش مزيان اللي عرفتي وباغي تفاتح معايا الموضوع محشمتييش من رااسك

سد عينيه بعصبية ورد عليها: سمعي امي ..نتي كلامك على عيني وراسي وعمري نعصاك على قبل شكون ماكان يكون ..
هي المرا اللي كنبغي ونتي ميمتي اللي سهرات عليا وكبراتتي وروحي نفديها ليك..ولكن حتا نتي فهميني شوية..ديك البنت...

قاطعااتو بغضب حابساا كلاامو: دييك البنت لفعة وسااااحرة لييييك.. فييق ولدي وشوووف بعينيك ماشي بقلبك رااه ماجااب ليك غيير الغمة والهم..وااا الهم الهم للي دقتو معاااك نهاار بنهااار واش نسيتي

تاج الدين: مي الله يررحم بااك خليني نهضر..نتي ماعارفاش شحال من حاجة، ولا بلاتي راك عارفة وساكتة عليها..ديك خيتي اللي كنتي باغاها ليا مرا هي السبب الاول فهادشي اللي طحت فيه..هي اللي كدبات على هيام حتا مشات وخلاتني فديك الحالة..مي انا كنبغيها "بنظرات مألمة شاف فيها" ولدك كيبغيها امي، منقدرش نبدل هادشي وماعندي كيندير نتحكم فيه ، هادا لله كلشي داز على عينيك..راه ماشي شهر ولا عام ولا جوج راه عمر داز ومقدرتش ننساها فيه..كنبغيها امي وملي لقيتها مرة خرا ميمكنش نخليها واخا تنطابق السما على الارض

تنفسات بحصرة ساادة عينيها بألم كيعتاصرها وجرات ايديها عندها: نهاار شفتك طاايح فدماياتك وسط الطريق فاش كنتي تابعها..ونهار خرج عندنا الطبيب وگالينا باللي حالتك خطيرة موحال تعيش..ونهار جبناك للدار ماكادوي ماكاتحرك ايديك .. ونهار كنت نسمع دموعك بالليل وانا كنتشوا كتر مننك .. هادشي عممرو يتنسااا ليا وبااقي بين عينيا لدابا...هي مشات فحاالها وخلااتنا حنا عايشين فالعداااب .. الى نتا تعمات ليك البصيرة ونسيتي، انا عممممري ننسا

بسرعة قال محاول يقنعها: وحتا هي تعدبات، يمكن كتر مني .. الغلط الي درنا هو جريناكم معانا فهادشي.. حسي بيا عافاك وفهميني شوية..عارفك ماغاتتقبليهاش وماباغاش حتا تسمعي سميتها ولكن على قبلي أنا..واش ماكتشوفيش الفرحة اللي وليت عايش فيها..عمري ضحكت بحال الناس ولا نعست مرتاح بحال الناس ولا دقت النعمة مرتاح بحال التاس حتا رجعات لحياتي..وحتا فموضوع نجاة هي اللي حلات عينيا وخلاتني نشوف شحال من حاجة.. وعلى قبل راحتي كادير بزاف ديال الحوايج وحتا كتبغيني كيفما كنبغيها

عيشة: انا اللي عندي گلتو .. اعصابي مابقيتش غانحرقهم عليك هاادا لله تهديييت وكتاافي طااحو...

قاطعها كايبوس ايديها: مي لا امي لا..ماتلويش ليا دراعي هاكا ومتحرقينيش علييك حتا نتي

عيشة: سير اولدي انا مانبغي ليك غالخير..ولكن مك عاارفة هاد الدنيا شنو فيها، وعارفة الخبيت من الطيب وعارفة اللفاعي من بنات الناس.. نهار تجي عندي محروق مرة خرا غانسد فوجك الباب .. والى..الى رجعتي ليها مرة خرا، عرف راه مك ساخطة علك دنيا وآخرة


بصدمة قاال: كيفااش

خرجات عينيها فييه: كييف كاااتسمع.. ووالله القسم ومشيتي حتااا رجعتي ليها مانا مممك مانتااا ولدي، ونتا تعرف شنوو يصلااح لك

ضورات وجهها منفخة وهو ناض كااعي وبلا مايحس غوت فوجهها وعلى اتر غواتو دخلات نجاة: اااش هااد الزمر تااني امي واش السخط عندك شرييبة الما ولا شنوو 


عيشة: انااا هضرتي گللتها ضررب رااسك مع الحيييط ميهمنيييش المهم عطييني بالتيسااع.. ونهااار تفشوو ليك الرواايض واتجيش تبكي عندي

دخلات عندهم نجاة مهولة حطات سااكها وقال كاتشوف فيهم بجوج: اويلي مالكم تااني
مي شنو وااقع

عيشة: اللي وااقع هو خوووك رجع كع دييك اللفعة..ديك بنت الحراام اللي شرباتنا المراار خرجاات راسها بحال الشعرة من العجيينة وهو نسااا گاع داكشي اللي دوزات عليه

بعصبية قاطعها: واااش كاتعرفيهااا ..عمررك گلستي معاها ولا دويتو غير جوج كلمات مقاادين؟؟؟ عااشريها وشوفي لاما تبدلات ديك النظرة اللي واخدة عليهااا وعررفي علااااش ختاريتها هي اامي عرفي علاااش مشااات وشنوو وقع ليها حتاا هي

خرجات عينيها كيف الشاطان وقاالت بسم: الله ينجبني حتا اااخر يامي نگلس مع الموسخااات السحاراات هاادشي اللي بقااا

ضغط على فمو وضار معصب طلع للطبقة الفوق كايفتل بالاعصاب حتا مابقا عندو فين يزيد وخايف لاينطق شي حاجة ماهياش يقلل بيها الاحترام على مو
.. دخل نيشان للحمام حل الروبيني وخشا راسو تحتو كايبرد ..

فحين نجاة ضارت ليها بانزعاج وقالت:صاافي ارتاحيتي.. تهنيتي دابا مزياان..ايوا سخطي.. سخطي وسيفطيه للبلا بيديك

ضارت ليها: دييك بنت الحرااام مااحدهاا باقا لاسقة فيه عممرو يعرف الربااح انااا اللي عارفة انااا

نجاة يااااتي اش عاارفة ااااش يهديك الله امي .. خوك عاد دفنتيه تحت التراب وباغا تزيدي تاج الدين حتاا هو و ااخيرتك غاتبقاي بووحدك

بغضب ردات عليها: نعلة الله واعليييك تهزي من حداايا ابنت الحرااام الله يمسخك 

نجاة: وعلااه اختي كدبت..نسيتي خووك شنو دوز مع ديك جمييلة؟؟؟ نسيتي ولا نفكرك؟؟..شوفي ولدك داابا..شوفي فيه مزيااان ماجااكش مايشبه لييه

تهز قلب عيشة بخوف فاش تفكرات الماضي ديال الباشير وقالت بارتبااك كاتبت هضرتها: انا اللي عااارفة الصح، هو داابا معميين ليه العينين وماكايشوفش داكشي اللي كانشوف انا..علااش رجعاات هاد السنيين كلها كون مااشي طمع فييه ءء؟؟ آخرتوو تسوسو تاني وتهرب وديك الساعة ماشي غير كايتحرق غايحمااق فيها ولدي وانا عارفاه

باستهزاات خسرات وجهها وقالت: ااشمن تسوسو من نييتك تاعت الله نتي مافاهمة والو فهاد التخرميز كاااامل وجاية كادوي..
البنت راه عندها اللي يتحرق مايتم كون تشوفي الفيلا فين ساكنة ولا الطوموبيل الرااانج اللخرة فيييين تبان ديك الخرشاشة الي عند ولدك..شفتي حتا من ساكها ساوي مصروفك ديال عام وجي گولي ليا طامعة فيه وغاااتسوسو..رااه نتي اللي بديتي ترگعي وبيدييك غاتلوحيه ليهاا وتخليه تحت جنااحها..سحاابك غاتقلق ولا غايبقاا فيها الحاال حيت ماراضيااش بيها بالعكس احنينتي..عااد هنيتيها نيييت

قووصات حجباانها كاتبخ الدم وبنبرة قااصحة گاالت: وماالو غااايمشي عندهااا؟؟ غايخلي موو اللي ماخلات مادارت على قبلو تعدباات رباات كبرااات ويمشي عند وحدة عرفها غيير الباارح وماخلات مادوزات عليه


نجاة: ايييه الالة يخلييك ويدير ماااكتر..مالكي ماكاتشوفيش صحاباتك ياك شحال من وااحد على قبل مررتو جرا على موو ؟؟ شحاال من واحد باش يرضي المرا اللي كايبغي سمح فواليديه فدار العجزة وخلاهم مرميين فيها؟؟ علاه ماعارفاش الرجاال فاش كايبغيو شي مرا شنو ممكن يديرو على قبلها.. شوفي غير خوك بعدا وشنو كان مدوز على جدي وجدا، باقا تعقلي شنو كنتي كتعاودي لينااا..وجيتي لتاج الدين اللي شابه ليه فكلشي وبغيتي تحكميه

بالنفي وارتبااك حركات راسها وردات غليها كاترعد: لا لا انا ولدي كااانعرفو..لا ماايديرهااش لا

نجاة: يااتي نوووضي الله يجييبك على خييير الدري بقا يتسناها سنين وعمرو تلفت لبنت المرا باش فاش يلقاها يگوليها باي باي مي مابغااتش هههه تاعت الله واش بعقلك

بقات نجاة كتوسوس كيف الشيطان هازة حواجبها ومحظرة التخلويض اللي عندها فالراس..
خلات عيشة تقلب قلبة وحدة من التيقة والصرامة للخوف والترعيدة بادياها من الركاابي، بقات غير كتشوف قدامها عقل غادي هوك ولاخر غاادي هوك ماحسات برااسها حتا شهقاات بخوف و ضارت عندها كتفتف وريقها ناشف 

عيشة: و وشنو المعموول اويلي ولدي غايضيع مني بحاال خويااا

بهدوء نزلات راسها كاتشوف فصباعها: الحل واااضح وباين قدام عينيك..غالامبغيتيش تشوفيه

عيشة: وشنو هو ابنتي عتقيني بيه..واش متتشوفيش حاالت خووك كيف ولاات رااه هو اللي بقا لينا وإلى مشاا صاافي غانضيعو

نجاة: ايوا هي الى خدمتي عقلك شوية وحركتي داك المخيخ

عيشة: و واخا وشنو ندير

نجاة: خليهم يتزوجو "قبل ماتبدا تغوت قاطعاتها شاادة ايديها باصرار" خليييه الاالة يتطلا بيها وتطلا بيه.. خلييه يحيد منها شوقو على خااطر خااطرو وبعد الزواج..غايبدا يطيح ليها الماسك وتبدا تبان ليه على حقيقتها ..تماا بوحدو غايبرد من جيهتها ويطلقها

ندباات حناكها : هااااويلي على خليييه يتزوجها واااش ساايرة دوي من نيتك باغاني نعوااج ليكم

نجاة: التعوييحة هي اللي غاتوقع ليك فاش غايضرب عليها العقد ونتي فداار غفلوون.. سحاابلك كايتسناك توافقي ليه هاايهاااي رااه سوا بغيتي ولا كرهتي بالشرع والقانون غااتولي مرتووو من غدا گااع،ونتي احنينتي هززك الماا وضربك الضو.. وحتا باش تعرفي شنو تحت رااسها وشنو كتنوعر لييه واالو ماغاتقدريش حيت ديك الساعة غايكونو دردبووك من حيااتهم باي بااي

رجعات نجاة اللور كاتنفخ وعيشة حاالة عينيها كاتخاايل وجميع سيناريوهات الحبيبة مي وفعايل العريسات دازو فدماغها
..غير عشرة الدقايق دابا كانت دايرة فبالها تنوضها معاه مزياان ويقربلوها وغير دكر ليه السخط غايرجع بين ايديها فحال المش ..عارفة ترابيها وعارفة تاج الدين شنو كايسوا وعاارفة المرتبة اللي حاطها فيه..
كان كلشي واضح فدماغها ولاعبااه مزيان كونما بنتها اللي طلعات شابهاها فالتنوعير و بدات توسوس ليها وتوشوش حتا عكسات ليها الفيزيبلات ..خلاتها تنسا باللي الحنش..مايولد غاااماطول منو


اللحظة اللي كانو هوما لتحت كايداكرو ..
خرج هو من الحمام ودخل لبيت نجاة مشوش التفكير ومكسور الجناح.. گلس على السري مهبط راسو على يديه كيف عاداتو فاش كادور بيه الدنيا وماكايبقا عارف شنو يدير..أمو تم أمو تم أمو وعمرو يكسر كلمتها ولا ينقص منها وانها تسخط عليه شي حاجة قصحاتو فقلبو وحس براصو تزير من اليد اللي كاضرو..من جيهة مرا متربعة على راسو مالقا ليها حيل ومن جيهة مرا ساكنة فقلبو ميمكنش يخليها

بقا جالس مدة قداها غير فالتخمام شنو غايدير وكيفاش غايتصرف 
..ماعارفش باللي حرب النسا ماكايدخلو ليه غير النسا وماتقضي على المرا غير مرا بحالها..ماعارفش باللي وهو تايفكر ويعاود لتحت فكات ليه ختو المشكيل وناضت طالعة لبيتها مخلية عيشة كادور عينيها وتفتل فالخيااطة تالفة ولسانها ملجوم

حلات الباب وتفاجآت من جلوسو على سريرها، طلع فيها عينو ونزلها كايتنهد..حتا هي مشا گلسات حداه ايديها قدامها وكاتشوف لتحت وفيه مرة مرة..
حالتو كاتقطع القلب وعارفة قلبو كايتقطع.. تاج الدين يحيد لراسو ويعطي لبنادم وديما مضحي على قبلهم وماخلا مادار باش مايخليهم يحسو بحتا نقص..
حتا نهار گالت ليه باللي بغات دير مشروع ديالها لراسها مابخلش عليها لا معنويا والا ماديا وتسلف وتكلف باش يشري ليها داك الماحال وفبحال داك الموقع عرفاتو حط فيه دم جوفو وعادباش الترميم من الاول بالديكور اللي هي بغات وتشهات نفسها
..تنهدات وبعد صمت قالت كاتفرك ايديها

نجاة: ماشي انا اللي گلتها ليها
"شاف فيها بعدم فهم هي تكمل" زعما على هيام..انا ماگلت ليها والو

تاج الدين: شكون گالك شاك فيك اصلا

هزات كتافها: ايوا منعرف لاتگول مع راسك بغات ترد ليا الصرف وبرگگات بيا

ضحك واخا مافيه اللي يضحك وجرها براعو حاط راسها على كتفو وباسها فجبهتها بحنية..بقا ساكت ساهي وهي كدلك كاتشوف قدامها حتا نطقات كتحنحن

نجاة: شنو ناوي دير

تنهد: دخت والله

نجاة: بصح هادشي كايدوخ 

تاج الدين: غانلقا شي حل ضروري

نجاة: دابا غاتكون بردات سير هضر معاها...متعرف يمكن دوراتها فدماغها وبدات كاتقبلها

تاج الدين: على الله واخا مكنضنش " شاف فيها وشافت فيه وقال مصغر عينيه" اجي طلبت منك السماحة

نفخات قالبة وجهها: غااخليها عنندك 

تاج الدين: ههه سمووحات ليا اعبد المولى نتي عافة خوك فاش كايتعصب كيفاش كايولي.. ساعة لله

نزلات راسها مقلقة وقالت: وواخا هاكاك تشك فيااا؟؟ راني تربية ايديك زعما ولا لا

تاج الدين: ولكن ماگلتيش ليا فاش جا وگالك ديك الهضرة.. خبيتي عليا حاجة مهمة بحال هادي كيفاش بغيتيني نفكر؟

نجاة: مقدرتش راك عارف

تنهد ودوز ايدو على كتفها: ماتعاوديش تخبي عليا انجاة..انا باك وخوك وكلشي والى ماعاودتيش ليا انا لمن غاتعاودي؟ عمري تصاحبت ولا ضرت بشي بنت باش عمر ولد المرا مايدور ليا بختي..هيام راك عارفاها استتناء وعارفة شنو دوزنا وواخا هاكاك عمري خليتها وعمري نخليها..هاكدا بغيت هاد الراجل اللي غايديك..يكون كايستاحق ديال بصح وكايبغيك من قلبو

تنهدات متوترة وحكات رقبتها: إن شاء الله

باس جبهتها وناض واقف: انا غاننزل لتحت ..

نجاة: الله معاك

تاج الدين: امين ..خرج وهي من وراه ناضت تبدل حوايجها وكتتبسم..


حطات كاسها وأميمة تنهدات بقلق وقالت: فهمتيني داابا

هيام: شوية وصافي هههه هاادشي عندك كايضحك

تغبناات والفقصة باينة فعينينا: اصاحبتي قريبة ننتف شعري على بوونت نديرها ونتي كاتگولي ليا كاايضحك

هيام: هههه بردي بردي شوية شربي الما..انا اللي مفهمتش هو علاش يبوسك؟ نتوما مربيين بحال الخوت وهو كانضن دايرك بحال ختو

أميمة: تماا فااش بقاات..ومنعرف تاني اووف اصاحبتي المشكيلة العويصة هي البوسة مكتحيدش من بالي فينما مشييت وانا فايقة كانتفكرها ناعسة كانتفكها فلومڤي والبروف كايشرح كاتبان ليا مصورة قدامي

هيام: هههه اوااااه لا ماشي لهاد الدرجة

أميمة: لهااد الدرجة حيت جاتني من وااحد منتوقعهاش منو..جمال راه ..راه ماشي..فهمتيتي راه هو...

شدات ايدها اللي كاترعد وبنبرة مهدنة قالت: تهدني ااميمة بشووية عليك ..الموضوع راه ماشي بيدك نتي مااعندك حتا دخل السبب منو هو

أميمة: واخا هااكاك..تصرفو جاني فشكل بزااف ولدابا كانگول وااش بصح دااكشي وقع ولا غير كنت كانتخاايل

هيام: نتي علاش تصدمتي لهاد الدرجة؟ هو عمرو گااع لمح ليك ولا بانت فيه شي حاجة ماشي هي هاديك

أميمة: لاا..وانا اصلا واخدة عليه ديك النظرة ديال الاخ المتسلط وكونما بالصدفة عرفت باللي غير متبني غانبقا عايشة على اساس خويا نييت..من تصرفاتو معايا كايبين بحالا ماحاملش فيا الشعرة وكترت ديك ماديريش ماتفعليش ماتركبيش ككانحسو باغي يخنقني..لا اللبس كانبس بحال البنات والا الهضرة مع الناس خاصني مانقربش جيهة الدرااري والقصير والمزير ممنووع وبزاااف ديال الحوايج..من بعد شنو دار؟ بااسني ..باااسني عرفتي شنااهية باااااسني وابااااسني

تحرجات هيام وهي كاتشوف بعض الشباب كايضحكو عليهم والبعض كايطلع ويهبط بنظرة ناقصة 

هيام: فهمت فهمت غير نقصي شوية الڤولوم واخا

شدات شعرها: اووف غانتسطا والله حتا نحمااق

هيام: أميمة شوفي فيا احبيبة..بالمهل خدمي شوية عقلك وحاولي تربطي الاحدات..واش نتي متأكدة باللي ماكايبغيكش سييغ

أميمة: اااه

هيام: ادن يمكن ..ماتعرفي يكون ماشي فوعيو

بممل قالت: كنا بجوج فاش دخل وماشرب والو

هيام: ادن غايكون كايبغي شي وحدة

جمدات فيها الشوفة وبدات تجمع حجبانها: كيفاش كايبغي شي وحدة؟ وعلاش غايبوسني الى هاكا

هيام: ممكن توحشها وبنتي ليه فصورتها ..يمكن هاكا، وكانت كاتوقع لتاج على ماعاود ليا

أميمة: لا لا هه كايبغي شي بنت وفاش تفكرها باسني كادوي من نيتك ههه

هيام: شووفي انا دابة كانحط ليك احتمالات واخا..مادام نتي مستبعدة باللي كيبغيك ادا نشوفو شيحااجة خرا "قوصات حجبانها وقالت بتهكم" اجي وعلاش زعما مايكونش كايبغيك

أميمة: من تصرفااتو ومن عرف تاني..زايدون راا ميمكنش جمال مرربيني على اساس ختو 

هيام: ممم مشكيلة هادي.. دوا معاك هاد الايام ؟

بحزن نزلات راسها: لا ماللي مشا..هو موالف ديما كايصوني ولكن هاد المرة لا..منعرف مالو

وقفات عليهم ممرضة ووجهات هضرتها لهيام: مدموزيل العلالي تكلمي للدكتور گالك باللي دوك الاحاليل واجدين 

هيام: واخا ميغسي ..

أميمة: انا غانمشي تعطلت على الدار..سلمي ليا على خالتو عاليا مايكون عندها باس

ناضو بجوج تسالمات معاها: مبلغ احبيبة ونكملو هضرتنا ف .. آااي " تكب ليها على المونطو الكاس اللي كانت شاادة هي تنفخ بسخط 

هيام: اوووف شهاااد الزهر

أميمة: يااكما تحرقتي ؟؟


هيام: لا لا اووف على حاالة عمرت كلي

أميمة: سيري غسليه دغيا حسن

هيام: غايكون خاصني نحيدو تاني اووف

امميمة: وحيديه راه اصلا الجو دافي

هيام: مادايراهش على البرد راه تاج اللي بززو عليا..شوفي البودي مزير وحتا الدجين فاش بغبت نخرج حلف عليا لاعتبت الباب

أميمة: وعلاش حتاا هو شدخلو 

هيام: كيفاش شدخلو ههه هاديك الغيرة وما دير احبيبة وگاع الرجال هاكا.. الصبر وصافي ههه "باسها مرة خرا" بيزو وسلمي ليا على طاتي

مشات كاضحك وخلاتها كاترمش قبالتها..هزات ساكها ساهية ماعرفتا كيف دارت حتا خرجات وطلعات فالسيارة.. ساق بيها الشيفور للدار وهي غير ساهية مبهووضة وعقلها غادي جااي بالاسئلة

..شنو زعما داك الحكام كامل وقوة لا لا..داك الغضب اللي كانت كاتشوف فعينيه فاش كاتكون واقفة مع شي واحد من جنس آدم ولا كاضحك معاه فالطيلي..داكشي غيرة منو؟؟ ..كايغير !..جمال كاايغيير عليها؟؟ لا اش كاتخرلي ااميمة حمااقيتي كاين شي واحد يغير على ختو؟؟ وعلاه كاين شي واحد يبوس ختووو

الشيفور: لالة أميمة..لالة أميمة

أميمة: ه هاا؟.

الشيفور: وصلنا الالة

ضارت ولقات راسها وصلات للڤيلا..حكات رقبتها متوترة ونزلات طالعة لبيتها نيشاان مصمكين ليها الودنين ومكتسمعش لمرجان اللي كاتعيط عليها من اللور


دقات وحلات الباب وقف الدكتور بابتسامة وسلم عليها: مدموزيل العلالي

كلسات مبتاسمة: دوكتوغ ..سمح ليا تعطلت عليه

الدكتور: ماكاين باس..هاهوما التحاليل واجدين .. تتاطلعي عليهم دابا؟

هيام: وي عافاك بغيت نعرف الحالة ديالها ونرتاح من جيهتها

الدكتور: واخا الالة "حلهم قدامها وشاف فيهم بتمعن ..ابتاسم بعدها وشاف فيها" ماعندك مناش تخافي امدموزيل كلهم مزيانين والوضع عندها مستاقر 

قرنات حجبانها وقالت باهتمام: ولكن حالتها؟؟.. ماما تبدلات مية وتمانين درجة ميمكنش يكون غير هاكداك

الدكتور: المشكل عندها ماشي مشكل جسدي،بالعكس..المشكل نفسي والمشاكل النفسية كايكون ليها تأتير كبير على البنية الفيزيائية ديال الانسان

تنهدات وحركات راسها بتفهم: فهمت ادكتور..انا غانشوف شي حل وإلى اقتاضا الحال ناخد ليها موعد عند شي طبيب نفسي.. 

الدكتور: من الاحسن ليها 

هيام:: ء عافاك بغيتك فداك الموضوع اللي كنا دوينا فيه

تدكر وقال: ااه كاتقصدي داك المريض 

هيام: وي دكتور.. اخر مرة جيت على قبل ماما مالقيتوش بلاصتو والدكتورة اللي كانت متكلفة بيه تأزمات حالتها بسباب وفاة واحد من المرضى ديالها وسافرات من هنا..حتا الاسم مابقيتش عاقلة شنو كان وبصراحة هاد المريض كايعني ليا بزااف وهازة هم كبير من جيهتو

الدكتور: مدموزيل العلالي..عندي بعد الاخبار باقي متأكدت من صحتها وسيفطت المساعدة ديالي تقلب فبايانات المستشفى.. دقائق وغاتجي وديك الساعة نتأكد

هيام: آه واخا..غانمشي نطل على مانا ونرجع عندك

الدكتور: واخا الالة مايكون عندها باس

هيام: شكرا ليك 
...خرجات متوجهة لغرفتها وحاسة بحرارة خايبة كاتجتاحها..سمات بالله وسرطات ريقها لكن قلبها اللي بدا يضرب رعبها من مصير مجهول غادة ليه باقدامها وماعرفاتش ماالها..
تنهدات وتمات داخلة ببسمة لكن سرعانما محااتها فاش لقاتها حالتها بالدموع وشعرها ناتفاه كلو بحال الحمقة..صدماتها حالتها حتا طاح من يدها السااك ومشات ليها كاتجري وتحيد يدها

هيام: اويلي رصاااي شنو كااديري اماامااا..دكتووور ..دكتووور عاونوني ..دكتوووووووور

بهستييرية كاتغووت وضرب براسها؛ انااا مانستاااهلش هاادشي مانستاااهلوووش اععععهءعءعههءهءؤ

كاتحااول تبقا شاادة ايديها وتخلعاات غليها بزاف: مااماااك تهدني عافااك تتتهدني

عاليا: مااشي ماامااك هءهءهء اناا ماشي ماماااك ماشي ماماااااااااااك هءهءهءهؤعء

هيام: واخا غيير تهدندي عافاااك..فهميني ماالك واش زاارك شي حد ولا شنووو

عاليا: وامااشي ماماك ماااشي ماماك



.....حطات ليه نفس الخدامة صينية ديال اتاي وهزات راسها فيه بابتسامة حنونة: لالة مينة هاهية غاتنزل

جمال: واخا شكرا

الخدامة: ء ء مرحبا بيك اولدي الدار دارك..ايلا بغيتي شي حاجة گولها ليا متحشمش

حرك راسو وهي تمشي .. حط سوارتو فوق الطبلة وجبد تيليفونو شاف فيه الساعة ولقا ميساج من عند هيام 
"واياك يغرك الشيطان وتصوني ليها..خليك غادي على الخطة والى بغيتي نعاونك دير داكشي اللي كانگول وخليني نسالي هاد المهزلة فين لحتي راسك وماعرفتيش كيفاش تلوحها معاك"

بسم وحطو جنب السوارت ..سمع خطوات جايين وهز راسو فمينة داخلة بقميس خضر وشال على شعرها..كاتبسم بعينيها اللي عامرين دموع وكايبرقو ..الخطوة عندها طوييلة و غير كاتفرك صباعها وتقنع رااسها باللي هادا ماشي حلم

وقف مرتابك ايديه مسرحين على رجليه وزاد من ارتباكو عناقها بحرارة وبكاءها على كتفو


ماعرف راسو باش تبلا شنو خاصو يگول ولا شنو يدير حتا من ايديه خلاهم مسرحين مقدرش يهزهم

مينة: الله يااربي حمدتك وشكرتك.. الحمدلله اللي استاجب لدعائي الحمدلله هءعءهءهء

حيدات كادوز يدها على وجهو وضحك: كاااتشبه لباك فكلشي هءهءهؤهءعؤ مااشااء الله الحمد لله كيفماا تخيلتك تماما هءهء

جمال: ايلا.. احم ..ايلا كان عندك شوية الوقت بغيت نعرف منك بزاف ديال الحوايح

بسرعة حركات راسها وقالت: اه آه معلووم.. عارفاك شنو غاتگول وعلى شنو غاتسول وأنا غاانعاود لك كللشي وغانخوي عليك قلبي اولدي هءهءعؤ غاانعاود لك كللشي ونشكي عليييك

گلس وهي حداه جبد من جيبو كلينيكس مدو لبها بلا مايكمل الشوفة فوجهها، خداتو بابتسامة وبدات كاتمسح وجهها وتگول بابتسامة: واخا البارح قضيتو بكا وگلت اليوم غانخليه غير للهضرة هههه بداو الدموع كاينزلو تاني ههه

تنهد بعمق وهو كايشوف فصباعو ..دخل نيشان فالموضوع وبحدة قال: أنا ماجيتش غير باش تتعرفي عليا..جيت باش نعرف راسي شكون ولدني..شنو كنيتي وعلاش خليتوني؟ و...

قاطعاتو بسرعة: ماخليتكش لااا..اناا عمري تخليت عليكم وعممري حتا فكرت ندييرها.. ولكن الزماان والناس اللي ممزيانينش هوما اللي فارقو بيناتنا بتلاتة..هووما السباب اولدي وعمري نسمح ليهم

قوص حواجبو وشاف فيها: بتلاتة؟

بابتسانة لامعة: آه تلاتة..انا ..نتا ..وختك التويمية


.....
عاليا: وااااماادرت واالو انااا ماااشي لخااطري هءهءهؤ ماااشي لخاااطري

غوتاات هياام بهستيرية: دكتووور وفييينكم..ماما عاافاااك حيدي من وجهك عاافاك اي حاجة كاتحل بالعقل

كاتجر ايدها وضرب رااسها ولاو فيها عضرة وهياام مابفا ليها حييل توقفها: انااا مامزيااناش لاااا مانزيااناااش هءهءهءهؤ علااااش عاكا علاااااش علااااش

هيام: ماغنا عاافاااك تهدني عاافاك هءهءهء عاافااك بااراكة فهميتي ماالكي

حبساات و شافت فيها بهستيرية كاتحرك راسها ودوي بصوت خافت: انا والله ماكنت باغا نخطفك ولكن ماشي لخاااطري هءهء مااماات باباك هي اللي بززات عليا وطمعااتني باللي غايخليني الى مادرتهااااش هءهءعءهء انااا ربيييتك بحاال بنتي واخااا هاكااك ودرتك فبلااستهاا هءهءهءعؤ والله عمري قصدت نخطفففك ماااقصدتش ماااقصدتش


......

مسحات مينة عينيها وكملات بتنهيدة حارة: ديك الساعة فاش مات رجعت لدارنا هازاك نتا وختك..كنتو عزاز على بعضياتكم واخا باقي ماوصلتو حتا لعام ههه..كنتو ضو عينيا اللي نكساب..ولكن با الله يرحمو ماكانش متقبلكم حيت العريس اللي جا كايگوليه بغيتها بلا ولاد..وانا كانرفض حيت منقدرش نخليكم هءهءهء حتال النهار اللي غاياخدكم مني وأنا ناعسة وغايديكم لجداك ..مامات باباك..لاحكم ليها ورجع بحالا ماوقع والو هءهءهؤهء كنت غاانخمااق كانبكي بالليل وبالنهار وهو قلبو حجرة مابغاش يحن فيا ووليت كانبان ليه وصمة عار خاصو يتهنا منها..وفأول فرصة زوجني لواحد الراجل هءهء هادا اللي مزوجة بيه دابا .. طلبتو وترجيتو باش نجيب ولادي يسكنو معايا ولكن مابغاش هءهءهؤ بست الرجلين وليدين وبزو باش سمح ليا نجي نشوفكم..ولكن كان فات الفوت هءهءهؤ لقيت ختك داوها شي ناس رباوها وحتا نتا داوك ناس خلين هءهءهءهؤ قلبت وعيين منسول ولكن جداك كانت حاقدة عليا وحلفات متوريني بلاصتكم 

.....

تلجم لسانها وعاليا كاتشوف فيها كيف الحمقة وتحرك راسها: اه ماشي ماماك..ولكن اختااريتك نتي .. انا حسبتك بنتي اول مرة شفتك وخدييتك نتي مااشي الولد هءهءهءعء عاااافاك سمحي ليا راغااانحماااق هءهءهؤ سمحوو ليا سمحوووووو ليا هءهءهءهءعءهءهء

تخرب ليها كلشي والصوت بدا كايخرك لينا متمتم: كي..كيفاش ..شششش نتي دابة متوترة وغير..غير ماعارفاش شنو كاتگولي "بدات كاترعد ونفسها محروقة ضيقة" ن نعسي رتاحي ...ت تكاي واخا رتاحي 

عاليا: هءهءهء ماماااااااك الحقيقية هي اللي خلاتكم بوحدكم ومشات هءهء انا بغيت ندير خيير والله اهياام حتا كنت باغة غير ندير الخييييير والله ماااقصدت شي حاجة خرااااا

بخوووف ولات كاترجف كلها وقالت مرعدة: ش شمن خييير!!!!! شكاتگووولي وااااش حمااقيتي كيفاااش مااااااااشي مامااااااا

بنفس صراخها جاوبات: انا ماكنولدش ماااكانووولدش وكرررشي السباااب عءهءعء خفت يخليني بااباك ويتزوووج بوحدة خرااا وجدااااك هي اللي طمعااتني باش نااخدك هياااااا هءهءهؤهؤ اصلا مامااااك سمحات فيييك لماماااات راجلها سمحات فيك نتي وخوك وانا بغيت غيييير ندير ااااجر .. اه والله حتا بغييت ندير اااجر هءهءهءعؤ سمحي ليا عاافاك سمحي ليااا

...دخلو جوج ديال الممرضات شدو عاليا و تبتوها على السرير وهي كاتغووت وتشووف جيهت فهيام المصدومة، الخائرة الحواس والصاامتة

عاليا: سمحي ليااا سمحي ليا راغااانحماااق هءهءهؤ سمحوو ليا سمحووو لياااا

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.