حتا تلقا ليها الدكتور ووقفها مكمل على ماابيها وكان هو النقطة اللي فيضات الكاس
الدكتور: كنت كانقلب عليك امدموزيل العلالي..مع كامل الاسف وكيف توقعت.. الدكتورة جميلة كانت متكلفة بحالة وحدة فالمشفى..وهاد الحالة توفات فنفس اليوم اللي سافرات فيه..البركة فراسك
بريق ناشف وعينين مضببين شافت فيه و قالت: م م مات ؟؟؟؟؟
الدكتور: الله يرحمو.. توفا تقريبا جوج الاسابيع دابا وعلى حسب التحاليل كان عندو مرض فل..
فاتتو بلا ماتسمع تتمة كلامتو وجروها رجليها لبرا..
الناس كايضورو يشوفو فيها وهي بحال السكرانة كاتتلاوح بين الحيوط يهزوها بينما رجليها قراب يتشللو ..كاتشهق مرة مرة بلا ماتنزل الدموع وكاتشوف قدامها فقط
عاشت القسوة اللي مايتعااشش وتحملت للي ماتقد عليه شحال من مراا والدنياا غير ماكاتزيد تلووح ليها التقل وبعد كل ضحكة كاتهجرو ليها مزياااان..
وقفات قدام العمارة حلات الباب ونزلات جاامدة ووجها عامر دموع..خلاتو محلول وراها وتمات داخلة كاترعد بحالا فيها البرد والعساس حاضيها بفمو المحلول بصدمة حتا طلعات للأسنسور عاد طار للطاموبيل حيد منها الساروت وسدها عاد رجع لبلاصتو دارو راسو تاني وكايفكر: ماال هادي بحالا شفت عزرائيل؟؟؟ الله يستر وصاافي
..حلات باب الدار بصعوبة ودخلات.. خبطاتو وراها ومشات للكوزينة مزروبة حلات التلاجة وقلبات فين كانت حاطة قرعة الشراب اللي كان كايشرب منها تاج الدين..
حلاتها دغيا وبدات تشرب منها بجنون وموعها سيالين من الجناب حتا زلغاتو على حوايجها وتنخماتو من نيفها عااد طاحت على ركابيها كاتغووت وتبكيهم حجر وسط الضلاام اللي ولات كاتصوف
عياات تغووت وتعاااود لكن صوت عاليا فقط هو اللي بقا كايضرب ليها فالدماغ وبداو كلماتها كايتعاودو وحدة ورا الخرا وهي كتبكي وتحااول تسكتها بالغواات وبالشراب: نتي ماشي بنتي.. خطفتك فاش كنتي صغيرة..انا ماشي ماماك..خليت خوك وخديتك نتي..ماماك هي اللي خلاتك وأنا درت أجر..ماشي لخااطري، باباك كان غايطلقني..انا مكنولدش..ماشي بنتي..ماماك اللي لاحتك..لاحتك ..ماشي بنتي
هيام: آاااااااااااااااااااااااه هءهءهءهء
...فالصالة ديال دار عيشة گالس تاج الدين كايخمم ونجاة بوحدها اللي حداه.. التلفازة خدامة قدامهم وبجوج ساهين فيها كلها يلغي بلغاه
دخلو نسمات ديال الهوا من الشرجع موراه دازو على ضهرو وعنقو وخلاوه بقلق يدور كايشوف فيه وماجاو عينيه غير على شباك بينها فالدار الي قدامهم..تلفتات ليه نجاة فاش شافتو ضار بديك الطريقة وكيفاش مقطب عينيه فالشرجم سااهي وقالت بقلق
نجاة: مالك؟
ضار قدامو: والو "تنهد بنفس حار وتم نايض كايتمتم ب استغفر الله"
لبس فرجليه وتم طلع فالدروج مشوش وحاس بشي حاجة ماشي هي هاديك ..طلع الفوق فين كاين بيت مو بدا يدق
تاج الدين: مي..مي حلي نهضر معاك قبل مانمشي..حلي الله يستر عليك واش عاجباك هاد الحالة
ناضت من ناموسيتها بتردد حلات الباب وجمعات ايديها كاتشوف فيه قارنة حجبانها وتترمش
تنهد وهو حاط ايديه على جناب الباب وقال: يهديك الله واش غاتقطعي عليا حتا الهضرة..حشوومة هادشي اللي كاديري بالله حتا حشومة
بنبرة مترددة قالت: و ونتا ماشي حشومة عليك..زعما تسمح فمك اوليدي وتبع بنت المرا
مسح وجهو وزفر بقلة صبر: هاحنا تاني رجعنا لنفس الهضرة..واش كاتسمعي شنو كاتخرجي مع فمك ولا لا؟ يهديك الله اعيشة واش بنت ليك دري صغير دابا " قرب مدرعها بيدو ودور ليد لخرا على مرفقها، باسها على راسها وكمل كلامو" نتي راك نور عينيا وأول مرا حليت عليها عيني،و عمر شي وحدة ماغاتاخد بلاصتك..حتا دابا الى بغيتي نتفرق عليها غانتفارق ولكن فكري فيا..راوالله ومشيت درتها حتا نمرض فصحتي وهاديك غاتكون هي اللخرة ليا..تبغيها لولدك؟ تبغي تشوفيه كايتعدب؟
سكتات مزيرة فمها وهو مرة مرة كايدوز على يدها ويدوي بهدوء: حتا نتي غاتبغيها بحالي..وغاتولي بحال بنتك وكتر، هيام قلبها بيض ماكاينش اللي كايعرفو قدي وهانتي غاتشوفي عطيها غير فرصة
تاج الدين: الله يخليك ليا اتاج راسي .. باسها على راسها وتم خارج مخليها كادور داك الراس مصغرة عينيها وتتقول: احياانا اولدي..المرا تشيب اللي مايشيب وتخرج العقل لكبير العلما..الله ياولدي وضعتي من ايدي ضعتي غالله يشوف من حالك
زفرات بضيق ودارت لفراشها كاتخمم للموصيبة فين طاحت هي وولدها وعاودات حساباتها من الاول كاتخمم وتعاود
...وقف بعدما سمع كلاامها الأليم.. مسح وجهو ودور راسو كايتلف الشوفة ويتنهد.. تجمعات عليه العصبية مع الالم مع الصدمة مع الانكسار ورجع غير كايزفر قدام مينة اللي كاتبكي وتشهق من حرقة الماضي اللي فيقات من جديد..حتا فاجأها وقال على غفلة
لااوطيل كيف وصل نزل دخل لجناحو وتلاح على السرير كايشوف فالسقف وينهج .. جداتو اللي غايحملها المسؤولية ماتت وشبعات موت وباه حتا هو الله يرحمو واخا كان متأمل بزاف يلقاه..بقات ليه دابا مو..مو اللي باقي ماتقبلها فعليا وباقي ماعتارف بيها كليا
زفر بضيق و جبد تيليفونو كيف حلو عاود قرا المساج ديال هيام محدراه مايصونيش لأميمة..
و لكن القلب مايشاور والحب ولد الحرام لعب عليه وخلاه بااغي ومدمن يسمع صوتها خصوصا دابا.. هي الوحيدة اللي غاتريحو تگول اللي بغات وتفهمها كيفما بغات الأهم يسمع صوتها
...دقائق ووصل قدام العمارة نزل كايزرب ملتاهف يشوفها وعلى غفلة شاف العساس جاي قدامو كايلهت
تخطاه كايجري وانفاسو متسارعة طلع فالدروج للدار ودخل مع الباب كاينهج: هياام..هياااام
طلع للبيت الفوق مالقاها لا تما لا فالحمام نزل للصالون واالو عاود دخل للكوزينة هو يحبس مشوكي وعينيه خاارجين من حالتها: ه ه..هيام!!؟؟؟؟؟؟
ففترة من فترات الحياة .. بمشهد من المشاهد المتعددة و الصعبة اللي كنصادفو ، كانطيحو فموقف معقد مربك لأفكارنا، شيء غير متوقع ماضاربين ليه حساب كايوقع فجأة
.. تما بالفطرة وبعفوية كانتصرفو و بالطريقة اللي كانعتاقدو حنا ولينا يقين باللي هي اللي غاتنفعنا..
وكلها وطريقتو
..منا اللي كايتعصب ويخرج اللي فيه ديك اللحظة سوا فراسو ولا فالناس اللي ضايرين بيه..
منا اللي كايخبي الداخل ويبقى يجمع ويدكس فقلبو بحالا ممتأترش والامر عااادي، من برا الضحكة مرسومة ولداخل النار خاامدة..
حل الباب بالجهد ودخلها للحمام حطها كاتلوا بالطالون ومشا للدوش شعلو بكا بارد..ضار ليها و جرها باش يدخلها هي طيح على وجها نيشان.. سب بفمو ونزل يهزها ساعة لقا دموعها سياالين على الخدود، بدات تشهق شوية بشوية حتا رجعات كلها كاتتهز وتتحط والغواات والدموع دايزين خلعااتو وهترااتو من الحالة اللي صبحات فيها ماحس بيديه عير وهوما كايبعدو الشعر من وجهها وكايقول بلهفة تاالف وماقدش يسكت عقلو اللي كايسوول
تاج الدين: ماالك شنوو وقع شنوووو ياااك خليييتك مزيااان..شنووو وقع اهيااام شنووو طراااا تاااقررربتي للشرااااب
مدمنة..كاتشرب وتكمي وتتحشش والعلم لله شنو غايسمع مازال هاد الليلة، وهي حالة فمها كاضحك بحرقة
..حيد ايديه ووقف عرقان سخوون ..ضور وجهو حاط ايديه على عنقو كايحك تما وراسو كايطبخ..هاد الكلمة ديال مدمنة دخلات ليه بين الضلوع بحال البرد مابقا عرف فين يفكر وشمن احتمال مازال يدير فراسو
.. وهي من وراه بدات تبوع وزحفات على ركابيها للكرسي ديال الطواليط حلاتو وخشات راسها كاترد كاترد المراار تابغاو مصارنها يخرجو
..كاترد على الشراب اللي كترات وعلى البكا اللي بكات..كاترد على السم اللي سرا فداتها والكدوب اللي هلكوها..كاترد على الناس اللي بداو يتمحاو من حياتها وتاج الدين بفعايلها غايولي واحد منهم..كاترد للداء اللي وصل لقلبها شعل فيه عافية وبقا تم لاسق
هزها دايخة غسل ليها وجهها بما باارد ..مسح ليها بفوطة نقية وهي جامدة مرة تبكي مرة تحبس مرة تسها قدامها..هزها بين ايديه للسرير حطها وغطاها هي تشد فيه بالزربة وحلات عينيها معسلين بالدموع: ماتخلينيش..الى درتيها نمووت اتاج غانموووت
تلجم لسانو مرة خرا وتسرط وسطو الكلام ماعرف شنو يزيد فين يزيد وكيفاش يتعامل، سوا مع الخبر اللي زفات ليه ولا مع حالتها اللي خالعاه
..نظراتها كانو بحال ديال مرا شاافرة تهدات بالهم وكلاها حتا رشات وصبحو فيها غير العضام ..
يكدب على راسو لاگال مابقاتش فيه..ماقطعاتش قلبو وماقاستش روحو بالألم..
ويكدب على راسو لاگال منفرش منها..ماطاحتش قيمتها من عينو وماخابش ظنو فيها
تنهد مغوبش جار ايدو وقبل مايخرج الكلام من فمو صونا تيليفونها فوق الكوافوز
ضارت والبكية فيها تقيلة هزاتو ماشافت شكون وطفاتو گاع عاد ضارت لقاتو غادي خارج هي ضحك باستهزاء
هيام: صافي هربتي؟ "بغصة ألم" باقي عاد عرفتي النص هربتي وخليتيني
سد الباب دايخ وقلبو عالمو باللي مخبية ماكتر..شنو دارو فيها حتا مشات للحشيش..يكون هو السباب؟
حتا هي خلاتو ضايع بوحدو تالف والمخدرات كانو الدوا الوحيد اللي رحبو بيه..تكون دارت بحالو حتا هي؟
دازت من الطريق الساهلة باش تنساه كيف دار هو تماما؟
تاج الدين: اوووووووووف
طلعااات من قلبو و خرجات من فمو قاااصحة وهو نازل لتحت غادي للكوزينة
..دار ليها قهوة تعصر وگلس مسند المرفقين ديالو على الطبلة ومكور ايديه حاطهم على فمو وكايفكر
..كايفكر ويعاود وجل مامختالج تفكيرو السبب اللي خلاها تمشي للادمان
.. ولوكان يطلع عندو يد فهاد المصيبة اللي تلاحت فيها عمرو يسامح راسو
..عمرو ..حيت حاس بيها وحاس بالعداب اللي غاتكون شافت..حاس بيها و حتا هو عاش نفس المرحلة
..عارف مزيان المستنقع اللي لاحت فيه راسها شحال غارق وإلى هو اللي راجل خسر بزاااف وتقااتل، زير وربط حتا يطلع منو.. هي شنو مصيرها..
عْمر الكاس وهزو طالع بيه مرا خرا دخل ولقاها مكورة على الفراش تبكي وتگول مابكيت
..نوضها وگلس حط يد ورا ضهرها والكاس على فمها وقال بنبرة آمرة مافيهاش حس الضحك ولا الخاطر
تاج الدين: شربي هادي..شربي بااش تفيقي
داقت وكشرات وجهها: قاااصحة بزاف يععع
تاج الدين: شرررررررررربي
تخلعات من نبرة صوتو ورجعات الكاس لفمها.. مرة تشرب مرة تحبس وتسوط عليه يبرد وتعاود ديرو ففمها وتشرب حتا قادات الكاس وعطاتو ليه يحطو فوق الكوافوز حداه
بداو عينيها كايتسدو ونيفها حرار بالبكا دارت راسها فوق المخدة مكرهاتش طيح ماتفيق، تافيقها بنخضة وحدة وصوتو مزعزع الحيوط
تاج الدين: تهزي داابا قدااامي زيدي
هيام: اااي هءهءطلق منييي
زمجر بقوة وهزها من يدها: زييييدي
جرها كاطيح وتنوض ترخااات كلها ومابقا عندها جهد لواالو وهو كاينزل يوقفها كل مرة حتا خرجها للبالكوو غير فاتت العتبة سمطها البرد ووگضها ديك التوگيضة اللي مابغاتش حتا جاوها تاني الدموع وولات طلب فيه
لاحها على ضهرها فوق الكرسي حتا توجعاات بالمعقول وگلس قدامها الدخاان كايخرج من فمو ونيفو من كترت الاعصاب اللي تركبو فيه، جامع ايديه وحجبانو وسنانو مزيرهم وكايخرج منهم الكلمة قاصحة وبلا غوات
هيام: هءهء مااشي معجوون كانت ملوي فگارو ولكن والله مامعجون
سكت شوية وقرن حواجبو كايتهز صدرو ويتحط؛ هي كاتعرفي المعجووون كيدااير؟؟ واااكلاه شي مرة ؟؟؟ معاااك كندوي ضاااربة المعجون شي مرة
حركات راسها بآه كاترعد تماا فيين جعععر وهز ديك الطبلة شير بيها من البالكو جات مشتتة قداام مدخل العمااارة و قدام عينيين العساس نيشان مااعرف راسو بااش تبلااا
العساس: بسم الله الرحمن الرحيم ااش هاادشي
ناض من بلاصتو كايتفتف قرب ليها كايشوف شنااهية هادي لقاها غير تفرتيت تحلفي عليها عمرها كانت طبلة..هز راسو يشوف منين طااحت وكايلقا كلشي طافي الضواو الا دار تاج الدين باقي شاعل هو يصغر عينيه وزاد طلع راسو يبرگگ
ألا تأتيك لحظات يقطر قلبك ألماً لشيء صغير تذكرته كان بيننا؟
وكيف أتوقع ذلك منك وأنت قد اصبحت قطعة من الجحود،
فامرح كثيراً الآن، القدر يخفي لك الكثير من الألم، ومع دالك لا لن أكن أتوقع منك أن تتخلى عني..
لا لن يحدت صحيح؟ هل يتفعلها؟ هل أنت حقاً ذلك الحضن الذي ألقيت قلبي به دون ارتياب في أي ألم قد يلحق بي منه؟
هل أنت حقاً ملجأ روحي الذي كنت أحتمي به من ألمي؟
احتملت آلاماً قاسية كثيرة وانتصرت، أتأتيني أنت بطعنة غدر لتهزمني! عندما نظرت إليك اليوم لم أرَ الطِيبة النائمة على أهدابك، بل رأيت جموداً في عينيك، لم أشعر بحنان لمستك، بل كنت أخفي يدي عن عنف يديك، و تحدثتُ كثيراً لتصمت أنت، هروباً من صرامة كلماتك و قسوة صوتك..لا لن تتخلى عني..لن تفعلها صحيح؟
بقا مسند ايديه على حاافة البالكو معري من الفوق والتيشورت ديالو طايح حداه بعشوائية، منزل رااسو وفمو كايتحرك بتمتمات سااقلة مكيتسمع منهم ولو بنس..
بقات هي كدلك ساقلة كاتعض فمها وتشوف فيه بنص عين ماعرفاتو كايسب ولا تسطا وبدا يهضر مع راسو ولا كايتحلف عليها
..شدات ديك الركنة مابقات طلقاتها والجو غادي وكايبرد هي اللي لابسة تريكو صوفي وصامطها عاساك هو اللي زبط من الفوق
بقاو على ديك الحال حتا سمعات الدقان والصونيط فباب الدار وصوت العساس كايعيط "سي تاج الدين.. سي تاج الدين يااك لاباس..سي تاج الدين"
بعد تردد قربات راسها وگالت بهدوء: تاج..تاج شي حد كايدق
ماجاوبهاش وبقا على حالو والعساس كدلك، حتا عيا وتم نازل فحالو ضارو راسو وكلا مرة يشوف فالباب بفضول..
سرطات ريقها وبعد تفكير ناضت كاتقرب ليه خطوة لقدام ووحدة اللور..حتا حطات ايدها على كتفو لقااتو جاااامد مگلااصي غير حس بيها دفعها بضهر ايدو تابغات طيح وغووت
تاج الدين: مااتقيسييينيش.. گلللسي لااااارض
غوتاات فوجهو حتا هي: نتااا مااعارف واالو..مااكنتيش بلااصتي باش تفهم فشمن حاالة كنت وااخا
بغات دخل للبيت وجرها بديك الرعدة اللي شااعلة فييه كااينخضها ويگول: فيييين كنتي عاايشة فييييين؟؟؟ تكووووني كتررر مني يي؟؟؟ عششتي الموووت والحگرررة وقلة الشييي اللي عشششت اناااا "ضربها تاني بضهر يدو شداتها كادمع مرة خرا وتشوف فيه وهو مكمل" انااا وعممري حطييت حس المعجوون ففمي.. ولكن نتييي حماااااارة ماكتفكرييش الكااانبوووة وداااك التنوووعير كااتعرفي تخدمييه غير فالخواا الخاااوي..عاارفة فااآآآااش تلاحيتييي؟؟؟ عااارفة فييين مغررقة راسك ولا غييير حاالة فمك وكااتخشي فيييه
بتردد بدات تفصل ايديه حتا حيداتهم..وبهدوء ضار شاف حالتها مبهوض حال شوية فمو وكايلهت بحالا كان كايجري وصوت قلبو وصل عندها وبدات تسمعو..هز ايديه اللي كايترررعدو باااردين مسح بيهم وجهها كايسرط رييقو وقال كايهدنها: دابا بشوية عليك واخا..عاودي ليا شنو وقع..كيفاش عمر و وشنو دار ليك
ترعداات كلها فاش تفكرات اللي وقع وقالت قدام وجهو كلمات خلاوه يصفااار: ت تعدا عليا اتاج م ماشي بوعيي هو غ غتاصبني هءعءهءهؤ ااه غتاصبني هءهء غتاااصبني والله
تدفع الباب بخبطة وحدة حتا طاحت مكالية بيديها وضارت بوجه مصدوم كاتشوف فعمر اللي داخل كايلهت، مقطعين ليه صدايف القاميجة وبضحكة مستفزة على شفايفو كايطلع فيها وينزل بنظرات شهوة زادو من خوفها وجمدو الدم فعروقها حتا رجعات كاتترعد والموت كاتبان قدامها
هيام: بع بعد مني اعمر دير عقلك عافاك واش حمااقيتي
عمر: ااه حمق..حمق بيه احبيبة ههههه
هيام: عمر لا عافاك..تاقا فيا وجه الله حشوومة عليك انا راااه بحال بناك هءهءهء عاافاك خلينا نتساو هادشي وانا عمري غانجبدو لشي حد والله العظيم هءهءهء
عمر: تؤ تؤ تؤ ..متحلميش..اليوم نتي ديالي..ديالي
هيام: ع عمرعععمر لااا عافاك عاافاك لاااا..
مد ايدو سد بيها الباب ومن ورا صرخات مقاومة تسمعات صرخة مجرووحة بعدها سرا صمت رهييب
هيام:لااااااااااااااااااا
...قفز من من الفرااش كايقطر بالعرق وصدرو تايتهز ويتحط بسرعة مخرج عينيه وحال شوية فمو..كابوس كان كايبان قدامو بحال الحقيقة خنقو وخلاه بلا اكسجين بلا حيل والا قوة
.. شاف حداه ولقاها غارقة فنعاسها ودايدة جيهتو ..طل شحال الساعة وناض من السرير غطاها وباسها فخدها..بقا حاط جبهتو على تما انفاسها كايضربو فوجهو وهو كايتنفس ويهدن من روعو..
باسها مرة خرا وناض هز تيليفونو غادي خاارج، فات العتبة هو يجمع تخنزيرة وحدة و بلا مايغسل وجهو ولا يبدل حوايج البارح خرج من الدار مطول الخطوة الشراار من عينيه خاارجين وغادي ناازل لتحت من الدروج..
وصل لسيارتو وتبعو العساس كايعيط ماداهاش فيه وماداها فحد ركب وعفط عفطة وحدة..الوقت ماحدو كايدوز وهو كايعض فمو والدخاخن خارجين من نيفو
حطات عيشة الصينية فوق الطبلة وگلسات بالها مشغول وغير تتنهد..كبات اتاي وحطات لنجاة كاسها ساعة لقاتها سااهية قدامها بسهوة مافطرات ماوالو غير تتخمم وكلا مرة تنفخ وتفش
عيشة: نجاة..نجااة..ااويلي نجااة..اديكااااه
قفزات وشافت فيها: ها؟.. ماالكي شنو
عيشة: تي فين مشاا عقلك شكاين
نجاة؛ ماكاين والو يااء "خدات الكاس شربات منو"
عبشة: ايوا الله يستر مابقا مايعجب ابنتي
نجاة: ممم..دوا معاك تاج الدين
عيسة: خوك فين بقا عندو شي عقل باش يدوي معايا.. الله ياخد الحق فالحيلة والسباب
ميقات وقالت: اامين بغيت ليها الجرربة يااربي
عيشة: ااميين..نتي دوا معاك
نجاة: لا من لبارح ماصونا ..فكرتي مزيان فشنو گلت ليك ياك؟
عيسة: الليل كامل وانا نخمم..ولكن هاادشي مااابانش ليا فيه..خووك غاادي وكايضيع من يدينا وخاصني نشوف شي فقييه صحيح هو اللي غايحيد ليه التقااف اللي لصقات ليه ديك خيتي
حطات الكاس وخرجات عينيها: عيييشة راابديتي تخرربقي تااني يهديك الله
نجاة: تي وااش من نييتك تااج الدين مسحوور الله يستر رااك فتي التخربيق لهيه آاااو
عيشة: نتي اللي وااش ماكاتشوفيش حاالتو كيولاات..مابقا يفكر كي الناس مايتصرف كيف النااس كون ماكانت موكلاه شي حاجة گااعما يوقع فيه هادشي
طلعات راسها الفووق بقلة صبر: يااربي الصبر الصبر ااربي الصبر "شافت فيها بتحدير قبل ماتنوض وقالت" شووفي راوالله وسقت ليك الخباار مشيتي عند شي حد ولا درتي شي حااجة تانوصلها لتااج والله تاانديرهاا
عيشة: ايييااااه ضرربيني ابنتي لاصوووطيني حسسسن
نجاة: انا دوييت
جمعات ساكها ونزلات مع الباب كاتنفخ وتبرگم..طلعات لسيارتها وفالطريق دوزات رقم الپيسري تسنات حتا جاوبها الجيروم وقالت: صباح الخير سي عتمان..بغيت نگولك عافاك اليوم غانتعطل على الپيسري تكلف نتا واخا
الجيروم: كوني هانية امدموزيل نجاة
نجاة: نهارك مبروك ..
قطعات وكملات طريقها
........
قدام شركة هندسة مرموقة فرانات اللوطو ديال تاج الدين..نزل خابط الباب وتم دااخل ..هو غادي قاصد الريسيبسيو والسكر كايطلع والعاصاب لاعب خدمتو مزياان من بعيد تقشعو ماشي هو هاداك وناوي على خزيت..
وقف على السكرتيرة اللي شاف آخر مرة وقال بصرامة: عمر كااين؟؟
السكرتيرة: لا امسيو سي عمر ماكاينش هاد الساعة
تاج الدين: هااحنا غانشوفو
تخطاها وتم داخل كايزرب وهي تابعاه كاتعيط..فتح الباب بحاال التور وتم داخل كايدور عينيه فالبيرو
السكرتيرة: گلت ليك امسيو باللي سي عمر ماكاينش حاليا..ممكن تتفضل برا ولا راه غانعيط ليك للسوكيغيتي
خنزر وتم جاي ليها: فيين هواا..فييين هوااااااا
السكرتيرة: م ماشي هنا حاليا ..هو فالحبس امسيو..خرج عافاك راه غاتجبد ليا الصداع
زااد كفر وتعصب فاش سمعها: كييفاش الحببس..ايمتتااا دخل وعلاااش
السكريتيرة: اسيدي انا راه غير سكريتيرة ظاعندي ختا علم بهاادشي ماعندي باش نفيدك
وهو خارج ضرب الباب حتا قفزات بالخلعة وكمل هو طريقو كايدوز ابيل لحسام..تواني وجاوبو بصوت نايم مدعدع
ماخلات طبلة والديكورات اللي فوقها ولا الزربية اللي هزات كاطل تحتها ولا الڤيتخين اللي محطوطة عليه التلفازة فاالاتها كلها..كاتقلب ونص عينها على الدروج واش غاتنزل ديك البنت اللي شافت عندو آخر مرة ولا لا..
هو مربع ايديه مقوص حجبانو وحاضيها..كايعرفها كتر من أي واحد..عارف هاد المجية ماغاتكونش على طانگة كيف گالت وانما شي حاجة وراها ، شناهية هاد الحاجة؟ هنا تحبس دماغو ومعرفش شنو باغا بالضبط
..ناضت تاني من هنا لهنا كاتهز وتحط بالصوت مقربلة الدنيا حتا تأكدات باللي ماكاين حد وبدات شوية بشوية تتقرب لجيهة الڤاز حتا وصلات ليه ..هزاتو وبسمات فاش شافت نفس السلسة..خداتها وشيرات بيها قدام وجهو
نجاة: گلت ليك خليتها عندك
حسام: گلتي طنگة..هادي سلسة
خرجات عينيها: انا گلت طنگة؟؟ نتاا شنو مشكيلتك معايا؟؟ ماالك خااصك غير منين دوز ليا و شاد معايا الزكاير ،تقلبتي قلبة وحدة شكااين
سمع شهقة خفيفة هو يزفر بعصبية مخفية وبعدها شوية كايدوز صبعو على خدها: مال الحبيبة دياالي كتبكي ممم " باسها فعينها" شكون هاد الحمار اللي بكاك ليا نعفس ليه على كمارتو
بنبرة باكية منخافظة قالت: تخلعت
تاج الدين: مناش؟؟
شافت فيه برجفة: خفتك تخليني اتاج..فاش فقت وملقيتكش حدايا سحابلي غير مشيتي وخليتيني
جمع حجبانو فخطرة وزير على كتافها مقصح فيها الشوفة: شهااد الهضرة تااني ؟؟ هادشي هو اللي عمرو يكون..نتي وأنا واحد حتا حاجة ماغاتفرقني عليك وراك كاتعرفيني مزيان اهيام..عاارفاني وعارفة شحال كنبغيك ديريها فبالك وحيدي منك الوسواس..وهاد السؤال آخر مرة نسمعو منك هادشي الى كنتي كاتيقي فيا
بسرعة ردات: كنتيق فيك كتر من راسي
بتاسم وباسها فجبهتها: وأنا كنموت على طاسيلتك ههه..يالله دابا طلقي راسك وسيري غسلي داك الوجه باش تفطري
..فحين هو رجع للكوزينة مغير حالو ..حط ايديه على الپوطاجي منزل راسو وكيفكر كيفاش غايمسح ديك الفترة من دماغها..دازت كتر من خمس سنين على الواقعة والواضح باقي منساتها وعلى كل مرة غاتبقا مفكراها غايبدا دمو هو يفور ويغلي فداتو ومعرفش من هنا للقدام واش غايقدر يتحكم فراسو ....
صونا ليه تيليفونو هزو هو والسوارت وتم خارج عاد جاوب
جمال: الو وي
-سي العوماري..السيد راه فالدار دابا
جمال: بقاو تما والى بغا يخرج متخليوهش حتا نجي
-واخا اسيدي كون هاني
قطع وركب سيارتو متاجه للرياض، وفالطريق دوز اپيل وحطو فودنو..
مرجان: الو ولدي
جمال: صباح الخير حبيبتي ياكما فيقتك
مرجان: ههه فقت كبييلة ودابا كانفطر تسحاب گاع الناس فحالك..اش فكرك فيا على الصباح ياك لاباس
جمال: كل الخير..داكشي اللي كنت داير فبالي تضرب فالزيرو وغانبدل شي حوايج
مرجان: لقيتي ديك المرا
تنهد بضيق وقال: لقيتها..ولكن داكشي اللي عاودات ليا معكس على الفكرة اللي كانت عندي
مرجان: واشتي راه گلت ليك مظلمش تقدر تكون ماشي لخاطرها
جمال: حتا نتأكد بعدا.. هي دابا مزوجة وعلى مفهمت عندها شي مشاكل مع راجلها..داكشي علاش ممكن هاد العشية نجيبها للڤيلا، تما غانتهنا عليها كتر بينما تأكدت من هضرتها
مرجان: مرحبا ياولدي درتي مزية هههه هي مابقيتيش مسافر "تمات اميمة نازلة من الدروج لابسة حوايج الخروج"
جمال: هاد الساعة لا..نحل بعدا هاد المشاكيل ويحن الله
مرجان: ايوا مزيان مزية نيت هههه
أميمة: صباح الخير "گلسات قدام مرجان وجمال ابتاسم"
جمال: صباح النور
مرجان: هههه گالك جمال صباح النور
نزلات راسها ساقلة وعينيها كايدورو
جمال: يالله تهلاي ازين فاش نكون جاي غانعيط ليك
مرجان: طريق السلامة احبيبي رد البال لراسك
جمال: الله يعاون
قطع ونزل من سيارتو غادي لجيهت الرياض ورجالو كايحركو راسهم بمعنى كلشي تحت السيطرة.. طلع ايدو دق ورجع شوية اللور كايتساه يتحل
...........
على طبلة الفطور جالس هو فوق الكرسي ومگلسها عندو لابسة تيشورت بيض قصير وسروال پيجامة خفيف لونو شيبي ..شعرها كان مجموع ساعة طلقو ليها وخشا فيه نيفو وحتا يديه مضورين على خصرها مرة مرة يبوسها ويعنكشها ممخليش ليها الدغمة دوز حتا ضارت ليه معمرة فمها وكاضحك
هيام: ماكاترصااش نتا
ضحك وبااسها بالجهد فخدها: مانفطرش انا
هيام: فطر وجمع فمك راك وليتي تتعض هههههه
ضار مقلق: ايه شكرا الالة " بعد وجهو ومد ايدو خدا كاس القهوة شرب منو وهي كاضحك وتاكل
هيام: معندك خدمة اليوم
تاج الدين: شوية وغانمشي..نتي غاتبقاي فالدار ياك
هيام: غالبا واخا مشهية ندوز للاصال ..مدة هادي مامشيت ليه
بسرعة قالت: لا لا بلاش راه گلت ليك فرحانة فلاصال دالي ماكنفكرش نبدلو
رد بابتسامة: انا مفرحانش
...تم طالع وناضت بانزعاج تبعاتو من اللور وكاتحك راسها
هيام: تاج انا مابغيتش هاد النوع تاع لي صال كايخنقني..ماغانرتاحش لاتسجلت فيه وأنا السپور عندي شي حاجة اللي مهمة
ضار ليها وخنزر: هاد النوع؟؟..باغا اللي فيه الرجال نتي كاتعوجي وهوما كايعوجو عينيهم معاك هاادشي اللي باغة
نفخاات: مقصدتش هاكا
تاج الدين: وشنو قصدتي الالة الفهيمة..بغيتي صال مرحبا غاتسجلي فهادا اللي گلت ليك أما اللول غير نسايه
هيام: صاافي بلاش مابغيت واالو
تاج الدين: گعلا
..ضار طالعع للبيت وهي زفرات ونزلات تجمع الطبلة بحجبانها المقرونين ..كلا مرة تسها قدامها وتنفض راسها..اللي طرا طرا والهضرة الى خرجات مابقات فايدة فكل مرة تلوم فمها..هدنات من روعها وتسناتو يجبد حس الموضوع ساعة والو تصرف براحة كأنو تاحاجة ماطرات..سكوتو خالعها ومطمنها فنفس الوقت ..ولتاني مرة كاتحس باللي دارت الشيء الصواب فاش سيفطات عمر للحبس اما كون فاقت على فاجعة هاد الصباح
..زفرات وهي داخلة لاكوزينة حاسة براسها وسط نارين وليام الجاية توريها
دخل لوسط الرياض والخدامة قدامو كاترحب وتعاود..دلاتو لنفس الصالون فين كايبرك ومع الدخلة بان ليه راجل گالس لابس فوقية بيضة وهاز تسبيح فيدو..كبير شوية فالعمر سمر البشرة عامر وشديد فوجهو شاف فجمال طلعو ونزلو مستغرب وناض عندو
جمال: السلام عليكم
مد يدو سلم معاه: وعليكم السلام اولدي ..شكون سيادتكم
بجدية قال: گلس بعدا الحاج عندي معاك هضرة مهمة
-الله يسمعنا خبار الخير
گلس الراجل كايحرك التسبيح ويطلع فيه بنظرات مستغربة وقال بعد مدة من الصمت ومن شوفات جمال المبادلة ليه: احم ماگلتتتيش ليا اولدي شكون نتا؟ فايت كاتعرفني
جمال: لا الشريف انا ونتاا عمرنا تلاقيها..انا هضرتي عندها علاقة بمرتك
خنزر فيه بعينيه التاقبة وقبل مايزمجر بعصبية كمل جمال بهدوء: بلا شك مرتك غاتكون دوات لك شي مرة على ولادها من راجلها اللول..الله يرحمو..انا ولدها الشريف..ولدها الكبير جمال
حل فمو بصدمة وقال: و ولدها..شكاااااتخربق نتاااايا شمن ولد ولا خزيييت انا المراااا عندي مكتووولدش
جمال: كاتولد الشريف وأكبر دليل هاهو قدامك.. والله يخلييك حنا دابو كندويو بالتي هي أحسن بلا غوات
-دااخل لدااري وتطيييح الباااطل على مررتي ومن الفوق بيتوريني كيفاش ندوووي "وقف وهز صبعو جيهة الباب" تهززز عليا رالبااب خرج متورينيش وجهك مازال برااا
دخلاات مينة لابسة جلابتها وعاقدة زيفها ..نطقات بوجه ممحي ونبرة باردة: هادا ولدي الحاج..هو هادا ولدي اللي كنت دويت ليك عليه واللي طرقتي عليا فالدار غير حيت بغيت نقلب عليه
جمال وقف حداها بهدوء وقال: هي غاتمشي معايا هاد الساعة حيت كاينة بنتها مازال مكتعرفهاش..ومن الاحسن تتعرف عليها بنفسها بلا مايوصلها ليها حد
...هز يددو بغضب يجمعها معاها تما شدها جمال وقرب عندو راسو بغضب قااتل ونطق بين سناانو
جمال: غاندير راسي ماشفت واالو وغانتاقي فيه وجه على دوك الشيبات اللي فراسك..ولكن تعاودها..غانجد ليك الضواصا ديال گااع هاد السنين
حاول يبعد يدو المعصوورة وسط يد جمال: ططلللق منيي طللللق
مينة: طلق منو اولدي خليه مايستاهلش..انااا صبرت وكابرت على الدل هااد السنين كلها وكانگول دابة يتبدل ..ساعا خصاارة
دفع ليه جمال يدو تا رجع خطوات الللور وتبعها خارج..لقا باليزتها قدام الباب حل الكوفر حطها تما وطلع هو اللول كايشوف فيها من الزاجة تتسالم مع الخدامة ويتباكاو بجوج وفماهم كاتهضرو فنفس الوقت مميزش شنو تايگولو.. عاد تمات جاية جيهت الطوموبيل وطلعات كاتمسح الدموع من عينيها
قبل مايديماري شاف فيها: ديري السمطة
دارت وقالت بهدوء: حنا فين غادين واش لدارك؟
جمال: لا طالعين لكازا "شاف فيها" عند الناس اللي رباوني
بهدوء هزات هيام كاسها كاتشرب وتشوف فيها تتهز وتحط مرة مطلعة ايديها مرة كاتعوجهم مرة مربعاهم وكاتشوف فالبحر مغوبشة حتا تفكر شي كلمة وضور ليها تاني معصبة وتتعربط فالكلام وهي غاادة
..قدام نفس الكافي حبسات سيارة أميمة ..حلات الباب نزلات ومشا الشيفور حتا يرجع ليها الوقت اللي تتاصل بيه ..تمات داخلة كاضور راسها وتقلب على هيام حتا قشعاتها من بعيد وتوجهات عندها بابتسامة
أميمة: ساالو هههه
سكتات نجاة كاتنفخ وتتنفس محاولة باش تتهدن فحين هيام بسمات وسلمات على اوما بلاپيز وضارت الاخيرة عند نجاة حتا هي سلمات عليها كاضحك
أميمة: ياك لاباس غواتك كايتسع من برا الكافي ههه
نجاة: الرجاال ولاد الحرام يااخاي
ضحكات هيام وردات عليها: متأكدة فهادشي اللي واقع نتي هي المظلومة
نجاة: علاه شنو دررت بالسلاامة؟؟ واالو!! عمري جبدت شي حد ولا بززت عليه يبغييني كنا بيخير مزياانين حتا خربق كللشي بييدو
على اتر آخر جملة كشرات ملامح اميمة وردات عليها: فهاد آخر جملة حاسة بيك والله..كايكون كلشي غادي مزيان وعادي غير ماكايگوليهم راسهم اجي نگلب الاجوااء
نجاة: هااا الله يجيب اللي يگول كلمة الحق
هيام: وشكوون گاليكم راهم عايشين مزياان؟؟ شعرفكم نتوما بداكشي اللي كايدوزو منو كلا نهار؟ الحب ماكايجيش بين ليلة ونهار ادن من سنين وهوما مخبيين وكايبينو باللي الوضع عادي..وفاش عياو وجاو باش يرتاحو ويگولو اللي فقلبهم رديتوهم ممزيانينش؟؟ اييوا لا البناات لا وسمحو ليا هنا نتوووما الللي ماتسواو ماتصلاحو
بغضب دوات نجاة: هيااام
أميمة: المفرووض تجي منا حنااا الشريفة مااشي ضدنا
هيام: ننززلي داك الصوت بعدا راه قرربو يجريو علينا ..زايدون انا جاية من جيهة الحق..غدا ولا بعدو فاش يديرو لBf ديك الساعة بداو تندبو وگولو علاش هاادشي علاش
الكوميسير: وااااااااااهنيييونا ولا غاانسيفطكم فين تترباو بجووج..گلس نتااا.. الوااحد الى بغاا يشكي كاايتصرف بطريقة حضارية شامي بحال الهامااج
نفض حسام حواايجو وگلس مخنزر فتاج الدين اللي بدورو عاطيه القرطااس ..نوضو روبالة فالكونيسارية وبزز باش فارقوهم..شرب الكوميسير كاس ديال الما يروي حلقو اللي نشفوه ليه على الصبااح..شاف فيهم كل واحد كاينفخ هو يهضر قبل ماينوضو تاني واأجا مافكهم
حسام: هاادا اسيدي جيت عندو شي عام دابا..شفتو زعما مهندس مزيان كيف كايعاودو عليه ولد الناس وكدا وبغيت يكون هو المهندس اللي يبني ليا دااري ..جيت عندو وعطيتو البلان تافقنا على التمن وفاش سالا و طلع الموبل.. لقيت كللشي مغشووش ..ضااربني فالنص و طللع شاافر ليا فلووسي
شاف الكوميسير مخنزر فتاج الدين وقال: هضر اسي المهندس كاين هاادشي
قوصهم فيه وبدا يشوف فيهم بجوج: مااكاينة تااحاجة منوو كللشي كدوووب وسمعتي معرووفة فالسووق ..هااد بناادم ااصلا مااكنعرفووش عممري شفتوو
حسام: هاتنتا اسيدي كلشي موتق وبالدليل الوااضح وفيه سميت شركتو وحتا توقيعو..هانتا شووف شووف كللشي على عيينيييك
تاج ضور رااسو بالنترة كاينفخ ويتفش ويحك سناانو بعصبية ..والكوميسير حدو شاف فيه وقااال بحدة: قلبوه مزياان وهبطوه عليااا لتحت يتبرررد مع راسااتو .. اشكاال المهندسين بحاالك المخلللوض خااصاهم الدبييحة ماخفتيش على حيااة الناس ؟؟؟ دييييوه عليااا من هناااا
بدا يغوت تاج الدين وبتنتر منهم: انااا مدرررت واالو وااالباااطل هاادا ..طلقووو مني الله ينعل ا***** طللقو از*****
خرجوه بالنتير لبراا..فالاوه من الفوق للتحت وهو كي التور ناافخ صدرو وماعاجبو حال كلا مرة يتهز حتا يتبتوه تاني
..قلبوه كلو و حيدو ليه الطيلي واي اداة هازها معاه ..كانو غايديوه هو يبان ليه حسام خارج كايضحك باستفزاز شافو هو يطير من ايديهم وتلاح عليه شدو من الكول وعطاه بروسية تاداخ وقبل مايطيح مد ليه شي حاجة ليدو، شدها بالريييط وتسنا تا تاجاو يعاونوه ينوض وتلاهاو معاه عاد خشاها ففمو مخنزر فييهم
..نوضو حسام كايسب ويرعرع فيه وهو شدوه دااوه كايزربو قبل مايعاود يتلاح عليه..هبطوه لتحت فين متواجدين زنزانات مفرقين وفنص الطريق جا بوليسي اخر خداه منهم وقال: انا غانديه سيرو لشغالكم نتوما
-وحظي معاه را مكيرصاش
تاج الدين: غااتقوود من قداامي ولا ندوور نخرجهم فيك
البوليسي: عندك من لغدا ..غدا غاتكون المحاكمة ديالو وغايديوه من هنا..الى فلتتي هاد الفرصة ماعندي كي ندير ليك مازال
..حل ليه المينوط والباب وعاود سدو من وراه..خلاه واقف كايشوف فاللي تما..زنزانة مربعة صغيرة حيوطها خانزين مشا ليهم اللون ومعامراش بالسجناء بزاف تقريبا سبعة شي واقف شي بارك شي متكي شي كايشوف فيه ويطلع.. دوز عليهم كااملين بعينيه تالواحد الجنب وقشع عمر ..
تغير ككل على اللي كان .. الايام اللي دوز فالحبس قلبات ليه الفيزيك والشيميك و فقداتو الوزن واللون والهبة حتا رجع وجهو داخل غير بقوة التفكير وصداع الراس الدائم..
حتا من الحوايج اللي لابس توسخو وفيهم تقاطع واتار كدمات فوجهو نتيجة احتكاكو مع باقي السجناء..شمن بنيفو الدم اللي نازل معاه مخلط بالوسخ ورجع سها فرجليه تاني..حتا حس بشي حد وقف حداه، قوص حجبانو وطلعهم ببطء شديد من البنية ديال تاج حتال وجهو وحبس موسع عينيه
...لقاه كايشوف فيه بنظرات غريبة ماعرف كيفاش يفسرهم ومابدا يتعمق حتا كان تاج ماد ايديه نحيتو وجروو عنندو
.......
...نزلات هيام من سيارتها قدام العمارة والطيلي فودنها كاتعيط ليه وعاوتاني طافي..زفرات محيدة النظاظر على عينيها وبالها مشغول ناحيتو مموالفش يطفيه واخا يكون فإجتماع والاحتمالات الخايبة بدات تجمع عندها..تمات داخلة من باب العمارة وتتبقشش فالطيلي حتا وقفها صوت العساس من اللور وضارت عندو مستغربة
هيام: وي ياك لاباس
وقف قدامها بضحكة متوترة كايحك ايديه مع بعضهم: ه ههه والو باس الالة غ غير هو البارح بالليل..شفت شي حاجة طاحت من البالكو ديالكم وبغيت نسول ياكما واقع شي مشكيل
طلعات حاجب وبحدة قالت: ونتا سووقك..عساس ولا حاظي شبوقات الناس مفهمتش
العساس: ل لا ا الالة فهمتيني غلط انا بغيت غير نسول وصافي
هيام: ديها فخدمتك حسن ليك وغاتعاود تدخل فمالا يعنيك غانگولها لتاج
العساس: لا لا الالة شوصلنا لهاد الماصل گاع حنا
بغات تمشي ورجع قاطعها: ب بلاتي الالة راه واحد الراجل كايتسنا سي تاج الدين من الصباح
هيام: راجل؟؟ شكون هادا
العساس: والله اعلم مابغاش يگول ليا ولكن بقا مصر باش يشوفو..راه گالس فبلاصتي وكايتسناه حتا يجي
ردات نظاظرها وتمات طالعة بلا ماتجاوبو..فحين هو رجع عند السيد يهضر معاه
.........
تجمعو السجناء عاجباهم الفراجة اللي خالق تاج الدين وهو مهبطو تحتو كايخشيهم ليه فوجهو بالعراارم ضربة ورا ضربة، واخا عمر سخف ولجع شيفون بين ايديه ولكن ماحبسش وبقا عليه هاك بالاك هاك بالاك وصورت هيام بين عينيه ..حتا كايبغي يحبس ويعااود يتلاح عليه تاني وصوت العضام كايتهرسو على اتر تسديداتو القوية
..ناض البوليسي بالزربة من بلاصتو حل الباب وهو كايشوف وراه وقال موجه كلامو لتاج الدين: سررربي رااهم نازليين طلللق رااسك دغياا
وقف كايلهت و الشوميز اللي لابس تفرعو ليها الصدايف بقوة العصبية اللي شعلات فيه..مد ايدي لفمو وتحديدا تحت شفتو الفوقانية، جبد منها كاغيط ملوي على شي حاجة حلو وجبد منها زيزوار كايبري شكلو طويل رقييق وحااد بزاف ..شاف فعمر ونزل عينيه للعضو ديالو وقال بشرار خاارجين منهم
تاج الدين: باقا حاجة وحدة ونسدو الحساب اسي عمر..حاجة غاتبقا تفكرني عليها حياتك كاملة
وقاميجتو حالتها بالدمايات تحط المينوط فيدو بعدما مد الزيزوار لواحد من السجناء بسم ليه هاد الاخير وحرك راسو بمعنى كون هاني
..خرجو البوليسي من تما غادي وكايزرب دخلو لزنزانة خرا وكيف سد عليه نزلو جوج كياضر كايجريو وهو گلس مهبط راسو خافي الدم اللي لاسق فصدرو وكاينضم انفاسو ايديه المجروحين مزيرهم والدم كايقطر منهم..سمع الحس مرة خرا طلع شوية راسو وشافهم منزلين باياص دخلوه للزنزانة فين كان بقاو دقائق معدودة حتا تمو خارجين وهازين عمر غايب على الوجود وحالتو تبكي..
قلب تاج الدين وجهو عايف من المنظر دفل حداه ونزل مرة خرا راسو كايحرك رجلو ومن عينيه باينة مهدن .. اخيرا طفا شوية من العافية اللي شعلات فيه وشوية السكينة تربعات فقلبو مرة خرا وباش تكمل مية فالمية خاصو شيء واحد..هيام
...خرجات من البيت مبدلة حوايج برا ببپيجامة قصيرة خفيفة ووردية ديال الدار..لابسة پانطوفة و هازة اللطيلي اللي مافارقش يدها كاتصوني وتعاود..ماكاينش فالخدمة وممشاش للدار ادن فين هو وعلاش مكيجاوبهاش؟..جا فبالها عمر ولكن تفكرات باللي دخل للحبس..الضواصا باش غرقاتو كفيلة تعفنو فيه سنيين طويلة ويموت تما گاع مستحيل يكون خرج
تنهدات تاني وگلسات شادة راسها ممرتاحاش لهادشي بتاتا وممولفاش منو هاكا..طاح فبالها حسام ووسعات عينيها هو الوحيد اللي غايعرفو فين غابر ولكن رقمو معندهاش
..سيفطات ميساج لنجاة طلباتها منها بهدف الخدمة وناضت بينما جاوباتها تصيب لراسها قهوة تحيد بيها الشقيقة..
هيام: بصراحة لا..مشوشة على تاج الدين ماعرفتش فين هو وحتا تيليفونو طافي
حسام: اختي معرفتش شنو نگوليك بالضبط..ولكن تاج ميمكنش يجي اليوم للدار ولا حتا يهضر معاك
قوصات حواجبها بهلع وقالت: علاش وااقعة ليه شي حاجة ؟؟
حسام: لا لا ماااواقع ليه والو غير هو "سكت شوية ورجع كمل" گاليا باللي دماغو شوية عامر ومابقاش قاد يفكر..داكشي علاش بغا يبعد باش يتاخد شي قرارات وباش حتا حاجة ماتأتر فيه خاصو يكون بوحدو.. واش فهمتيني؟؟
هيام: ق قرارات..م متعلقين بيا انا؟؟؟
تنهد بلاا مايرد عليها ولكن عرفات شنو المقصود..حركات راسها والدمعة فعينها: فهمتك..سمحليا صدعتك تصبح على خير
حسام: ختي هيام بلا ماتقلقي عافاك.. غدا غايرجع وغادويو فكلشي
هيام: تصبح على خير
...قطعاات بحزن مغيم على ملامحها..كانت ظانة باللي الى دوات معاه غايريحها بعدا ويگول شي حاجة طمنها ساعة ركب فيها الشقايق وبين بين عينيها حقيقة تناساتها.. الموضوع ماغايطمسش بهاد السهولة ويستحيل يتنسا غير هاكاك القضية داخلة فيها الاغتصاب وماغايدوزهاش مرور الكرام..تخنق قلبها وتعصر بيد حديدية وهي كاتفكر .. عاشت العداب بما يكفي وماغاتزيدش تغرق معاها شي حد وتسحبو للدوامة فين تلاحت ..ماغاتزيدش عليه فالضغط حتا تخليه يطج منها ومن عائلتو ومن حياتو..ماغاتخليهش
وقفات سيارتو مع مغرب الشمس قدام الڤيلا..نزل ونزلات مينة كاتوزع عينيها فالارجاء وتشوف نوع آخر من البيوت عمرو داز على عينيها من غير فشاشات التلفاز
شاف فيها جمال وبنبرة هادئة قال: يالله ندخلو
مينة: واخا وباليزتي
جمال: غايجيبوها ليك غير تبعيني
..مشا قدامها وهي وراه تالفة فهاد الجو..شادة ايديها عند كرشها وعينيها كايدورو..تحل الباب من طرف الخدامة رحبات بجمال وبيها كدلك حيت ضيفتو وهو كمل غادي للصالون وبعفوية كايعيط
جمال: الواليدة..مرجاان
خرجات بفراشة شيبية هازة شعرها ونضيضرات كاضر كحل على عينيها بسم وجهها فاش شافتو وحلات يديها باش يعنقها بالجهد كايضحك: تووحشتيني تاني ولا واالو
يوم شديد البرودة والشمس مختافية بين الغيوم..يوم صبح فيه تاج الدين مدگدك وهو گالس فالزنزالة اللي تسجن فيها بالامس مطلع راسو ساهي والدم نشف فحوايجو واايديه..ساهي فأفكار تديه وتجيبو ومافيقو غير البوليسي جاي يحل عليه وفمو محلول بالضحك
-على سلامتك جاك الافراج خهخخخ
ناض كايتنهد ويلوي عنقو بتعب ..خرج وقبل مايمشيو ربت على كتف البوليسي وقال: حسابك غايوصلك تال عندك..ومعاه شي زيادة راك عارف لمن غاتوصلها
ضحك من الودن للودن كايحك ايدو: الله يرحم الواليدين مرحبا لمرة خرا هخخخهههه
كملو طريقهم حتال مكتب الكوميسير، البوليسي دخل وبقا تاج واقف حتا عيطو ليه
..دخل ولقا المحامي ديالو تما هاز اوراق وشاف فيه
المحامي: سي العورابي الكفالة ديالك تدفعات و جبت الاوراق اللازمة اللي كاتبت براءتك ..بغا غير توقع على المحضر باش تخرج
تاج الدين: هاد عقل الاجرام كاين عند كل واحد فينا..وكلنا عندنا نقطة شر احسام كانبينوها فاش شي واحد قريب منا كايتآدا..وانا الاّ الناس اللي كانبغي اللي قرب جيهتهم بنوايا خايبة غايلقاني قدامو
سكت حسام وحس بمييساج قاصح ليه داز من وسط الهضرة مابقا زاد والو من غير يزير على يدو..طبطب تاج على كتفو وقال: وحتا نتا واحد من عاائلتي
...قطع وخلاه كايضحك..حط الطيلي فاش شعل الضوء الأخضر بغا يديماري وبالصدفة ضور راسو للزاج جا على سيارة عادل ونجاة اللي جالسة حداه منزلة راسها على الطيلي وكتجاوبو مرة مرة..جمع حواجبو، شوية قوصهم، شوية كشر من بعد سالاها بتخزيرة حمرات ليه العينين وبرزات عروق عنقو
..تحركات السيارة من حداه وخلاتو فقمة عصبيتو ، بداو الناس اللي وراه كايكلاصونيو بغضب ماحس حتا كسيراا تابعهم بدون شعور وماضاربش الحباس لشنو كايدير سوى قلبو وشنو كايملي عليه
تاج راسي الجزء 13
محتوى القصة
التنقل بين الأجزاء