نجاة: تأ.. شتي داك بوصمة اللي عندي..فياماتو احبيبة كان واااحد الزهواني منو مااكان..عاطيها غالزهو والنشاط وحتا فاش تلاقاه تاج الدين اول مرة كان سكراان وعلى بونت يدير اكسيدو
هيام: داوية على حسام؟
نجاة: اايييه هو..ايوا اصلا تاج الدين كان مبلي بالشراب بكترة ديك الوقت خصوصا فاش عاد بدا كايأسس المقاولة ديالو ودخل معاه حتا حسام
..انا كنت فلافاك ديك الوقت مهم غير كانحتاج شي حاجة ديال الفلوس خاصني نمشي عندو حتال الدار حيت كان قلييل فاش كايجي هو
هيام: ايوا
نجاة: هههه ايوا كايزغبني الله وكاندير ليه زيارة مع الصباح بكرريي وكلا مرة شكون كاتحل ليا غالتيتيزة على بنتها ههههه كنت غااكنبان ليهم كايبداو بالتنخزير سحابهم صحيبتو ولا معرفت وكانلقاه هو مكرره طاالع ليه الخز والسبان ففمو بحال صباح الخير ههههه حتا تغبر من حداه طاجة بحالها..وشحال من مرة دار فيا باش منجيش ديك الوقت حيت كايكون عاد فايق من الشراب ومكايبغينيش نشوف شي منظر ماهواش
بغصة بحلقها قالت: وشحال كانو هوما
نجاة: هههه ااويلي غررتي؟
هيام: واغير سوولتك داباا جاوبي بحال الناس
نجاة: هههه بااز..اختي داك راجلك كلا مرة ووحدة فشكل يدوز هادي ومايردهاش الغد ليه، زايدون كايجيبهم من البار فين كايسهر مع داك الكوسطة عندي يعني سكراان تال البلان، وفاش كايفيق الصباح ويلقا شي وحدة حداه كايبدا يتكرره ويخرج فيهم سمو وشحال من مرة جمعني معاهم سبان حيت الشراب كايمسح ليه الداكرة مكايبقا عاقل لاشنو دار ولا شنو گال هههه ناري على دوك الايام
تنهدات: بصح..نااري على دوك الايام
نجاة: ولكن راه مابقاش غير تبت فخدمتو بدا يقلل حتا عمر شي وحدة مازاال عتبات عندو
هيام: ممم وباشعرفتي
نجاة: كنت كانمشي عندو على غفلة وشحال من مرة بت عندو تما هههه يالاطيف عينيك كي ولاو
سرح ايديه على المخاد:لا لا غانبات فالصالون كالعادة
تاج الدين: كالعادة قبل ماتكون ختي خطيبتك الكيدار واقلة باغي نوضوها فهاد الليل
حسام: سيير اصاحبي تنعس سيير بقالك غير تجري عليا
زفر وبتحدير قال: حساام هاأنا كنگولها لسق بلاصتك حسن لك، ها ولا ها هضرة خرا
حسام: واصاافي ابنادم مالنا دراري
تاج الدين: الله يعميها لك
مشا وخلاه بارك كيف سمع باب البيت تسد ناض كايتبسم قاصد الكوزينة
قدامو غادة جاية وفمها من النگير مسكتش .
الغيرة اللي فعينيها كاتجننو وكاتهيج احاسيسو هو اللي بارك على السرير بتركيز عليها من ساسها لراسها.. يد على المخدة ويد على فخدو مطلع فيها حواجبو وعلى شفايفو بسمة خفيفة ولهانة..
گالسة على الفوطوي مقابلة مع التلفاز فين مخدمين فلم رومنسي كوميدي، على رجليها حاط الراس ومتكي بأريحية وهي يد مسندة بيها خدها ويد فشعرو كاتتخلل أصابعها فيه ببطء والإبتسامة على افواههم باينة
هز يدها باش كاتلعب فشعرو باسها من راحتها وحطها فوق قلبو المجنون بحبها حتا حس بقبلة حلوة تحطات فوق جبهتو
..طلع فيها عينيه وهي كاضحك
جمال: جدك انا تبوسيني فراسي
بنفس نبرتو ردت: وحناك انا تبوسني فيدي
طلع حاجب: گولي هاكاااك
ناض وهي ضحك راجعة اللور: ااويلي غير ضحكت معااك هههه جماال
جرها من رجلها وغمر يدو فشعرها جارها لشفايفو وباسها بلهفة حارقة، خلاها دوب بين ايديه ونبضات قلبها يوصلو لمسامعو..حط جبهتو على جبهتها وقال بخفوت كايشوف فيها
تنهيدة حارة خرجات منو فاش حس شفايفها نازلين مع صدرو كاتبوسو بحرفية درجة سد عينيه وبفمو كايلهت..تقلب ورجع متكي وهي فوقو رجل هنا ولخرا لهيه مشنشنة عليه بعصبية وشهوة وقبلاتها ملتاهبة من صدرو الفولادي لبطنو المتدرجة حتا وصلات للسرة، حسات بلحمو تبورش وشفايفو عضهم بشهوة كايترعد وكايزيد يشعل بقبلاتها اللي نازلين وكايقربو للباشا تحتها وكايتمحكك مع التريمة ببطء، حدها كاتتململ وهو كايتزير ويتنفخ ويتهبر كتر وتاج كاينهج ودقات قلبو كايتسارعو حاسو غايخرج من بلاصتو
..بدون سابق اندار ناضت ببرود واقفة، حل عينيه معسليين وجبهتو عرقانة طلع شوية راسو مقوص فيها حجبانو وغير شاف ديك الضحكة فوجهها فهم البلان ووسعهم بتفاجأ وهي غادة تخرج
تاج الدين: هياام وااياك وااياااك والله تااتكبتيهاااا معاااياا
حلات الباب كاضحك: حبل الكدوب قصيير ودغيا كايتقطع احبيبو
شار للمعلم مغدد: وهاادا اللي شعلتي شنو ندير فيه
رمشات ببراءة: سير عند الزعيعرة ديالك تبردو لييك
خرجات بسرعة فاش شافتو ناض طلعات كاتجري عند نجاة ودخلات مسورتة الباب وراها وبقات متكية عليه كاتنهج
.. شافت فنجاة اللي متكية على السرير وكاتشوف حالت حوايجها وشفايفها اللي باقي ريقو عليهم ..طيراتها فالسما وطرطقات بالضحك كاتلوا فبلاصتها
نجاة: مسخوووطة بالله ههههه
صباح جديد بشمس متوسطة السما وسحاب بيضاء حواليها
صباح مشرق منور ماشي بحال كل الصباحات..صباح الامل، الحب الوئاب وفتح صفحة بيضاء جديد..
صباح مودع للأوجاع ومستقبل حياة وردية مغايرة على اللي كانت.. فيها السلبي والإيجابي ولكن فاش كايكون معاك شريك تقة..فاش كايكون معاك روحك ونصفك التاني..مالك قلبك وسبب سعادتك..كلشي يهون ويتمحا فرمشة عين والحمل كايخفاف خفة ريشة ..
تحت دار لالة عيشة فراناو جوج حافلات بيضاء لبيع الأفرشة من موقع مشهور
كلاكصوناو وتمات نازلة عندهم نجاة عاد فايقة وكاتجر پانطوفتها ،تلاقات حسام عاد طالع مأنق على الحالة وهاز قوة الپلاستيكات فيهم تقدية موصياه عليها عيشة ..شافها وقال باستفسار
حسام: فين نازلة؟
كاتفوه وغادة خارجة: مكاتشوفش هادوك اللي جاو
تبعها تاخرجات وحلات باب دار هيام عاد ضارت للدري اللي نزل: دخلوهم اخويا بينما جات مولات الدار وهي تگوليكم فين تحطوهم
وهو كاينهج ويبوس خدودها قال: سورتت الباب "طلع عينيه النايمين لعيونها" مابغيتيش؟؟
رمشو عيونها العسلية قدام مقلتيه هزات يديها ودوراتهم على عنقو وهو كايبوس رقبتها
هيام: ماتبقاش تعصبني ..مكنبغيش نتخاسمو انا وياك
باس خدها ووجهو على وجهها بنظرة جدابة: عرسنا اليوم ..اليوم حياة جديدة قدامنا انا وياك..غاننساو فيها الماضي وغانفتحو صفحة جديدة فيها غير حنا وأسرتنا اللي غانكبرو من بعد ..فهاد الحياة احبيبتي كوني أكيدة باللي غانتخاسمو..غانكعاو على بعضياتنا بالجهد، غانطلع ليك فراسك وغاتعصبيني لدرجة غانكره كلشي..ولكن معدك مني لاين..وغيرك اعمري ماتحلالي..الحبل اللي بيننا متين ولو تعيا الدنيا ماتجرو منا عمرو يتقطع..عمر حبي ليك ينقص وعمري نخلي حبك ليا يتزعزع من بلاصتو
قاطعاتو بابتسامة: غانبقا كنبغيك عمري كلو
بنفس البسمة رد: وانا العمر اللي مغانبغيكش فيه..غانكون مت
سدات فمو بصبعها، باسو بشوية وباس راحت يدها وهو نازل ومنهال عليها بالقبلات الحارة وايديه على جسمها كادوز حتا فرمشة عين عراها وصبحو حوايجها الداخلية فالجنب مرميين، حيد الدجين و بالبوكسر وهز وجهو كايشوف فيها وضو الشمس ضارب فلحمها موضح الصورة كتر و حشمها حتا قلبات وجهها مبسمة بعيون عاشقة
..باسها فالفرقة ديال صدرها ومتبت الحنش مع الغار عضات شفايفها ووركات على كتافو مزيرة عينيها
تاج الدين والكدوب خطان متوازيان واخا يبغي يكدب عينيه تايصورو وكايتلف ..دورها فدماغو ودورها وعاود دورها مالقا مايگول ولا باش يبرر فالاخير فتح فمو وقال: ورااها مررتي اعيشةمالني مدخلها من الزنقة ااااي
...شيرات عليه بالسنظالة لخرا للوجه وهزات عصات الشطابة غاادة ليه وهو خرج عينيه شاداه الضحكة
بدات تعطيه للجناب وهو بيدو كايطاگي ويضحك وعلى فمو غير: ولا عييشة هههه نعلي الشيطان وااامي حشوومة هاادشي ححح ااايدي والااااا ههههه وانااارري انا طول منك وضربيني شغاتگوول علينا المرااا هههه اااآاااي هههه..واغابلاتي نشرح لك
مع عضمو قاصح وهي كاضرب بالجهد هرساتها عليها وهزات داك النص كاتكمل عليه فينما جات، راكباها الفقصة وولاو فيها عشرة من جيهة الزربية وعشرة من جيهة سربيتتها اللي طرزات بالعشااقة وعشرة من جيهة دارها اللي كانت حرمتها محفوظة جا ولدها خربق ليها كلشي هي تلاتين
گفضات حتا گال عيات وبدات عليه تاني وحدة ورا وحدة: هاااللي مسخنيينو بيضااتو ..هاالي مايسمع الهضررة.. هاالي ماايبعد ليا من فرااااشي .. يااولد الحرااام فقصتيييني
شاف فيها شاداه الضحكة: واحد النهار ههه كنت داخل من لاصال فيا الجوع وهي مكانتش هههه گلت ندير اومليط بما وجدو الغدا..ايوا مبانت ليا غير مقلة الطيفال هزيتها طيبت فيها البيض كليت ودخلت نعست، شوية كانسمع الغوات من الكوزينةالخرجة اللي غانخرج لقيتها محيدة التيو ديال البوطة وجاية ليا ههههخه
شهقات هيام وجااتها الضحكة وهو كتيتفكر ديك الواقعة كايزيد يغرق فالضحك: العصا اللي كليت سيمانة وأنا كانتفكرو عرفتي الواليدة الاااا فراشها معزتو عندها من معزتنا حنا اللي ولادها ههه
ضرباتو لصدرو: مللي هاكة علاش دخل ااصلا ماشي حشوومة عليك
قبل ماترد قطعات عليها وبقات كاترمش فالطيلي فالاخير ضحكات ونزلات داخلة مع الدار تزامنا مع مرور اسماعيل من تما..حرك ليها راسو بابتسامة وعينيه كايتساراو على جسمها .. قلبات عينيها وطلعات للدار كاتشوف داكشي اللي شرات
الافرشة عشوائيا تحطو وسط الدار والبعض دخلوهم للغرف
...كلشي عصري والوان متناسقة جميلة وعاطية للعين..حتا الديكورات القليلة خداتهم بالعشاقة باش يزيدو لمسة خاصة على البيت
دخلات مع الباب لقاتو خارج من الصالون كايهندس بعينيه وحجبانو مجموعين ربعات ايديها وقالت: ايوا كيف جاك
حرك راسو كايشوف ويديه فخصرو: زوين, واخا زربتي شوية..الدار خاصاها السباغة وتتبل فيها شحال من حاجة حتال لاخر شوفي الفراش
قربات ليه كاتشوف فالارجاء: هو يعني ممكن نكون زربت، ولكن الشي لاخر شوية بشوية غانقادوه بجوج..ونهار على نهار غانبداو نولفو عليها ههه
قوص حجبانو كتر: نولفو؟
شدات ايديه بابتسامة متحمسة وعيون لامعة وقالت: بغيت نعيشو هنا اتاج ..تكون هادي هي دارنا من ورا العرس
معن الشوفة فعينيها ساكت بعدها حل فمو ونطق: تسكني فحي شعبي؟ متأكدة
ردت بسرعة: مليون فالمية..هاد الدار هي داري..الدار اللي كاتنتاني ليا وكاننتاني ليها بصح..اللي فيها مرتاحة وبغيت نعيش هنا معاك ..دكرياتي هنا واخا فيهم المرير ولكن فيهم حتا الزوين..وبغيت ولادي يكبرو فيها حتا هوما
عنقها من مبتاسم وباس فروة راسها: ولادنا احبيبتي.. باسها فخدها وكمل. ..الى نتي بغيتي معنديش مشكيل، بالعكس ..انا هاد الحومة رباتني كتر من دارنا..فيها تعلمت طحت ونضت وقاومت..مع ولاد الشعب ..المغاربة ديال الصح اهيام..وكنت ديما باغي ولادي ينبتو فهاد البلاصة حتا هوما ويعرفو بحر اللقمة قبل ماتتحط ففمهم
زيرات عليه: وإن شاء الله يكونو بحالك
تاج الدين: غانقاد فيها شي حوايج وغانزيد نبني الفوق..عاد باش الفينيسيو والسباغة ونثاد الحمامات
بابتسامة دوزات يدها على حنكو: شوية بشوية نقادو كلشي.. انا خاصني نمشي دابا تعطلت على مرجان
باسها ففمها: ميعادنا العشية هههه ..غاتقاد شي بلانات هنا مهم بيت النعاس بعدا والشي التاني حتال غدا
هيام: اووك بااي
خرجات كاتزرب جبدات الكونطاكط من جيبها خدمات اللوطو وديمارات مكسيرية
قشعاتها من الزاج البنت اللي فلاكيسط هي ضحك وهيام نزلات هازة الكونطاكط مع الطيلي .. دفعات الباب الزجاجي ومع الدخلة رطق من فوقها البريو وشرائط ملونة حتا تخلعات ورجعات اللور كاضحك وتشوف فيهم وفالديكور باش رجع الصالون كلو مزوق وكلا طبلة فوقها حلويات مشكلة وعليها مكتوب أحر التهاني وكانو واقفين أميمة ونجاة مع الميكاپ ارتست والكوافورات لخرين زيد عليها بعض البنات من الأصدقاء مستقبلينها
هيام: هههه حمقات والله، واش كريتو الصالون؟
سلمات عليها اميمة مبتاسمة: مايغلاش عليك احبيبة
نجاة: طللقي راسك راه واحد المرا من الصباح ومي كاتغوت تشدك تقجك
هيام: مرجاان هههه
أميمة: تهيجات ماما
گلسات كاضحك وردت عليها: متكونش بحال واحد الهائجة شفتها اليوم
نجاة: شكوون هادي؟؟
هيام: واالو هههه
شدات كلا وحدة كرسيها وكلا وحدة وشكون تكلفات بيها..بداو بالبيديكوغ والمنيكوغ وفمهم ماسكتش من الهضرة كلا وحدة تدوي من جيهة وتزين الجو بضحكها وكلامها
...فڤيلا العوماري
نازلة مع الدروج كاتزرب لابسة دجين وتيشورت بيض ببوليرو على شكل فيسط سوداء..قلبات ساكها مرة خرا ودارت كاتعيط بنرفسة
مرجان: الاالة ميينة يالله راحنا معطلين
جاية نازلة: هانا هانااا
...وقفات عليها هازة جوج ساشيات كبار لابسة جلابتهتا ولاوية على راسها فولار كحل
مرجان: عاد كنت غادة "دوزات عينيها على ملامحو" واقع شي مشكيل؟؟
تنهد مدور راسو لفين كان ساهي وكل تنهيدة منو كاتحرقها من لداخل ..اسوء حاجة هي تشوفو حاير تالف ومعارف مايدير ..كايزير قلبها بيدو ويتلفها معاه كتر: حبيبة عاود ليا مالك؟
ادهم: مرجان "شاف فيها مصغر عينيه" واش أنا غالط بصح؟؟
مرجان: فآش
ادهم: فموضوع بنتي..واش غلط الى بغيت نحميها ونبغي ليها حاجة حسن
نزلات عينيها متنهدة حتا هي وشدات ايديه بحنية: أميمة باقا صغيرة احبيبة..ولكن عقلها كبير وكتعرف شنو باغا وشنو كدير.. زائد نتا من شكون غاتحميها؟؟ من جمال..هاداك راه باباها التاني اادهم وبحال ولدك
زير يدها وبتأكيد قال: جمال ولدي امرجان ..اول نهار شفتو شفت فيه خويا اللي مات صغير.. وبعد مدة وهو معايا رجع ولدي.. جمال معاه عرفت إحساس الابوة أول مرة.. إحساس المسؤولية وانه عندك شخص كايتعلم منك كلشي وخاصك تكون مزياان باش يتخد منك المزيان ..ولكن بنتي أميمة
قاطعاتو: حااسة بيك وعارفة عقلك فاش كايفكر..نتا النهار اللول فاش دخلتيه للدار درتيه ولدك، ونهار ولدت أميمة حطيتيها بين ايديه وگلتي ليه هادي ختك..عارفة باللي العلاقة الوحيدة اللي مرسومة فدماغك هي علاقة أخ مع ختو وماقادرش تتقبل حاجة خرا.. ولكن الأمور مكتمشيش كيفما حنا باغين اادهم..الحب مكانتحكموش فيه..ولوكان كنا نقدرو نحكموه كنتي نتا اول واحد غاديرها وعمرك تسمح لنفسك وتبغيني "شاف فيها بعيون مبسمة" مالي كدبت؟ الصراااحة فاش حسيتي راسك طايح فيا هربتي لايطاليا بلاما دور
قرب ليها وجهو: وجبتك عندي ..كنتي احلى حاجة فحياتي ..أغلى حبيبة وزوجة واروع أم
...قرب باسها ويدو ببطء كادوز على رقبتها حتا نقزات
مرجان: ههههه ويلي حيد عليا خاصني نمشي وييلي تعطلت
ادهم: هههه عادتك هي عاادتك
ناصت كاضحك وقبل ماتمشي ضارت شافت فيه بحب وقالت: بنتك كاتبغيه..عليه حلات عينيها وواخا تبغي راه مغاتقدرش تنساه..فكر فيها اادهم..وفكر حتا فولدك
نفخ مزير عينيه وهي كاتتنهد وخارجة..هاد الموضوع بقدر ماهو سهل بقدر ماهو حساس وصعب بالنسبة ليه
..خرجات من الجردة ولقات جمال نازل من اللوطو حالو مغير وباينين ملامح الاسى على وجهو شافت حالتو حتا هو وقالت
مرجان: الله اكبر ماقدني وااحد زدتيني حتا نتا..ماالك اخويا مقلق شكون طيرها لك
زفر كايضور فراسو: الواليد لداخل
مرجان: آآه صافي فهمت، راه گالس فالجردة..ارا ارا طموبيلتك نوصل بيها للأوطيل ونردها مع الشيفور
عطاها السوارت ركبات وهو توجه عندو كايحك رقبتو ويدور الكلام ففمو
مدة وهو وراه كايشوف فيه والآخر حاس بيه وراه وساكت ..مدة عاد قدر يحرك رجليه جيهتو كايتهد..
گلس بهدوء راسو محني وعينيه فالارض باهتين
شاف فيه أدهم بنص عين وطلع حاجب: جاي تسكت؟
بقا على حالو ساكت وهو كايهضر ويتسنى جوابو: يالله هضر سمعنا صوتك اسي جمال ..ولا هاد المرة غاتخدم ايدك..مزيان ضرب باك.. براڤو
...كلشي هو هاداك واجد ومنضي واخا مازال الحال الا انو متقون وعلى أكمل وجه، وكيف مايكون متقون ومرجان العوماري براسها واقفة عليه.. مينة مكاتفهمش فهادشي ديال الاعراس وعيشة كون خلات ليها زمام الامور دير ليها عرس فالگيطون عندهم فالدرب بالشيخات الليل كامل وديدجي فارع الوقت بغواتو وعيالات الدرب والبجاغط فكل بلاصة .. اللهم تتولا كلشي ماتصدع حد حسن ماتتحاشم من بعد
.. مرة دور من هنا ومرة تمشي للهيه حدها كتشوف شي حاجة ناقصة ولا معاجباهاش فقط كاتشير بصبعها وهوما عليهم بالتنفيد والطيلي فيدها مكايسكتش من التعياط كلا مرة ومع من كاتدوي
ضار داخل للبيت: باقي معطل، خاصني نركب هاد بيت النعاس بعدا عاد نلبس ونجي
حسام: وكنتي تسبق غرفة العمليات الاحتوائية هو اللول عااد تشوف الشي لاخر
شافو هز واحد الڤاز حداه هو يفرتح مع الدروج كايضخك وخلاه حتا هو ضاحك..حط الكوستيم فوق واحد الكوافوز وهز الطيلي ديالو دوزرقم جمال..تواني وجاوبو بصوت متعب
تاج الدين: غير كاترگع وغاتندم من بعد عقل فين گلتها ليك..جربنا الفراق وجربنا البعد ولكن سحاابلك غاترتاح..بالعكس غاتزيد تتحرق كتر وتزيد تمرض راسك كتر..تفكر يامات كنتي كاتعيط ليا وكاتغوت باللي توحشتيها.. باغي ترجع لدييك الفتررة ولديك الحاالة تاني
جمع النفس وقال بنبرة قاطعة: تاج تهلا فراسك..نتمنى تعيش الحياة اللي كنتي متمنيها
تنهد ورد: واخا اسيدي اللي بغيتي..توصل عيط ليا
قطع وزير الطيلي كايضور راسو بانزعاج
..عارفو غالط وبغلطو غايخسر بزاف ولكن مابقا عندو كيدير.. حتا هو واحد الوقت فاش قرر يبعد، حتا واحد ماقدر يرجعو عن قرارو..ديك اللحظة بالدات كاتكون زاطم على قلبك ومخدم العقل اللي كنتي مسكت..ديك اللحظة خيارك الأخير باش ترتاح شوية هو البعد..غير كاتفطن على راسك..كاتلقاه أكبر غلط ارتاكبتيه فحق نفسك
....................
خدا الپاسبور واوراقو من عند رجل الامن واتاجه لمحط الطائرة..
غادي ودقات قلبو كايتبطاؤو ، حاسو غايسكت فأي لحظة
..نفس الاحساس عاشو سنين هادي فاش كان غايسافر لإيطاليا..الفرق هو أنو ديك المرة كان مجبر..وهاد المرة بإرادتو..مع دلك الالم هو هو..وروحو اللي غادة وكاتجرح باقا هي هي
طلع لجة الدرجة الاولى من الطائرة وگلس مكانو جنب الشباك راد راسو اللور متمني يموت ويرتاح
حل عينيه وضار بسرعة جنبو لقاها باركة بكسيوة وردية خفيفة فوقها مونطو بيج وكاتسد حزام الامان ..وسع عينيه ممصدقش وقلبو غايخرج من بلاصتو ماعارف راسو كايتخايل ولا بصح گالسة حداه
جمال: ا اميمة ؟؟؟؟!!!!
شافت فيه ببسمة حلوة وقالت بمرح: بون سواااغ
جمال: ك كيفاش؟ نتي شنو كاديري هنا؟؟
ضحكات وهزات الطيلي ديالو صونات لباباها ومدات ليه الطيلي..حطو على ودنو وكيف تفتح الخط قال أدهم مباشرة: هاد المرة مديتها لك بايدي..غاندير فك تيقتي لتاني مرة اجمال وغانعطيك الجوهرة اللي نكساب..ماضيعهاش ومتندمنيش..كون قد هاد المسؤولية.. وفاش غاترجعو غايتكتب كتابكم ..الله يعاون
قطع وخلاه حال فمو مبهوظ شاف فيها كايرمش وقال: هادا شارب شي حاجة؟؟؟
............
ركب داك بيت النعاس بيدو قاد هادي وجر هاديك حط هادي هنا وجبد هاداك لهنا..بقا مقاتل معاه وكايزرب باش ميتعطلش
..تحت الدار كايتسمع حس الجران حيت الشراجم محلولين والضو اللي شاعل فبيت النعاس كايضرب فالزنقة وعلى وجه اسماعيل بالتحديد اللي حاضيه بابتسامة عريضة..تحولات بسرعة و رجعات خبيتة فاش لمح واحد من صحابو جاي قاصدو كايفرنس
سلم عليه وقال بالاسپانية: Hola
الولد: اولااا هههه هانا ابا سماعيل هالأمانة
مد ليه قريعة صغيرة فيها سائل شفاف بحال الما..جبد خلصو وقال هاز حاجب: ياك دقة بطلة
رد وهو كايحسب الفلوس: اتنعس دوودة ماتفيق حتا تقضي الغاراض هههه
اسماعيل: يالله سير فحالك
دار القريعة فجيبو وبقا واقف واحد الشوية حتا تأكد باللي حد مكايشوف فيه عاد توجه للباب كايضور عينيه بتوتر
..جبد الضوبل ديال السوارت لحسن حظو القفل متبلش بقا هو هو ..ضحك ضحكة جانبية ودخل كايشوف غير الضلام فالدروج ..سد الباب وتم طالع بشويااا درجة درجة وكايحاول مايصدر حتا صوت ..
تاج شاف فداكشي مزيان ببسمة راحة من بعد هز الكوستيم ديالو و خرج غادي للحمام وكايزفر بتعب..
بغايشعل الضو ساعة لقا البولة محروگة زفر وقال: العكس تفوو
حط الكوستيم حدا لاڤابو وحل الروبيني كايغسل، شوية سمع الساقطة ديال الباب كادور..طفا الما وقوص حجبانو شاف فالمراية اللي مقابلة مع باب الدار لقا الباب فعلا كايتحل ببطء وروية ..زاد قوصهم كايتساأل علاش جات هاد الوقت ولا ياكما وقعات شي حاجة؟
تحل الباب ودخل اسماعيل بحدر شديد وتاج حاضيه وهاز حواجبو بنظرة مفاجأة وكايهمس: اياااه هادا نتا ..زيد اولدي زيد
شافو سد الباب بالحس وسورتو جوج مرات عاض شفايفو..جبدالقرعة من جيبو وجبد زيف مربع صغير شاف جيهة بيت النعاس وتم غادي كايتسلت بالحس وفنفس اللحظة خرج تاج من الحمام حتا هو بالحس، مشا للباب زاد سورتو وحيدالسوارت خشاهم فجيبو وتم غادي تابعو من اللور اسماعيل غادي خطوة خطوة بالحس والمهاال وتاج من وراه غادي بنفس طريقتو والضحكة ديال الفقصة غاتفلت ليه
.. حل بيت النعاس وطل مالقاهاش تما قوصهم باستغراب وبغا يضور هو يتصدم بيه واقف مبسم بحال قباض روحو وقال ببشاشة: مساء الخير اسي اسماعيل
صفار وخضار وريقو ناشف فحلقو مالقا كيدير ولا كييگول وبقا غير كايتمتم: H.. hola
تاج راسي الجزء 21
محتوى القصة
التنقل بين الأجزاء